==n Коми Республика. Официальнӧй портал
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Регыдъя медицина отсӧг сетысьяслӧн лунӧн @ выльтор @ https://rkomi.ru/news/801 @ 2021-04-28 @ }
Коми Республикаса Юралысь чолӧмалӧ Регыдъя медицина отсӧг сетысьяслӧн лунӧн.
Регыдъя медицина отсӧг сетан службаын пыдди пуктана уджалысьяс!
Дона ёртъяс!
Став сьӧлӧмсянь чолӧмала уджсикас гажӧн!
Официальнӧя Регыдъя медицина отсӧг сетысьяслысь лунсӧ тӧдчана лунъяслӧн календарӧ вӧлі пыртӧма сӧмын колян во, коронавирус пандемия дырйи, кыдз пыдди пуктӧм да COVІD–19 висьӧмкӧд тышкасьӧмысь аттьӧалӧм.
Ті — пыр водзынӧсь: уджалан и праздник лунъясӧ, лун и вой.
Тіян кужӧм-сямлунныд, стӧч решениеяс ӧдйӧ примитӧмыс отсалӧ видзны мортлысь дзоньвидзалун да олӧм.
Бригадаяслы ковмылӧ уджавны зэв сьӧкыд условиеясын, ті тшӧкыда он жалитӧй ассьыныд дзоньвидзалун, кор колӧ видзны мукӧд йӧзлысь дзоньвидзалун да олӧм.
Мукӧддырйи ковмылӧ отсавны и бур кывйӧн.
И таын — торъя профессионализм, асьнытӧ жалиттӧм да йӧз вӧсна тӧждысьӧм налӧн, кодъяс лунысь-лунӧ пуксьӧны гӧрд креста да сиренаа машинаӧ да тэрмасьӧны отсӧг вылӧ.
Пыдди пуктана врачьяс, фельдшеръяс, медсестраяс да медбратъяс, диспетчеръяс, санитарочкаяс, водительяс, став сьӧлӧмсянь сиа тіянлы крепыд дзоньвидзалун, вермӧмъяс, шуд да тыр-бура олӧм да унджык лӧнь дежурство!»
[Коми Республикаса Юралысь В. В. Уйба ]
{Kodko (комиӧдіс Обрезкова Н. А.) @ Пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ @ выльтор @ https://rkomi.ru/news/803 @ 2021-04-28 @ }
Пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ.
65 арӧса да арлыдаджык олысьяслы, а сідзжӧ налы, кодъяслӧн эмӧсь хроническӧй висьӧмъяс (сьӧлӧм да вир сӧн висьӧмъяс, лолалан органъяслӧн висьӧмъяс, диабет), вӧзйӧны 2021 вося косму тӧлысь 30 лунӧдз не петавны оланінъясысь (овланінъясысь).
2021 вося косму тӧлысь 30 лунӧдз нюжӧдӧма мынтысяна больничнӧй 65 арӧса да арлыдаджык уджалысь гражданалы, кодъяс дзоньвидзалун вӧсна тӧждысьӧмӧн шуисны водзӧ кутчысьны самоизоляция режимӧ.
Лӧсялана вежсьӧмъяссӧ пыртӧма Коми Республикаса Юралысьлӧн Индӧдӧ, сы вӧсна мый 2021 вося ода-кора тӧлысь 1 лунӧ воштӧ вынсӧ «Карантин дырйи 65 арӧса да арлыдаджык страхуйтӧм йӧзлы уджавны вермытӧмлун йылысь листокъяс оформитан, недыр кад уджавны вермытӧмлун серти пособиеяс индан да мынтан недыр кадся правилӧяс вынсьӧдӧм йылысь» Россия Федерация Веськӧдлан котырлӧн 2020 во косму тӧлысь 1 лунся 402 №-а шуӧм, кутшӧмӧн урчитӧма Россия Федерация субъектъяслӧн вылыс тшупӧда чина йӧзлы инӧд примитны дзескӧдан мераяслысь, кутшӧмъясӧс веськӧдӧма йӧзлысь санитарно-эпидемиологическӧй боксянь тыр-бур олӧм могмӧдӧм вылӧ, сійӧ юкӧнас, кӧні сёрниыс мунӧ 65 арӧса да арлыдаджык олысьясӧн самоизоляция режимӧ кутчысьӧм йылысь, вына кадколастсӧ нюжӧдӧм йылысь помшуӧм.
* * *
Вакцинация отсӧгӧн позьӧ кокньыда да дон босьттӧг видзны асьтӧ да матыссаястӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Республикаса Йӧзлысь дзоньвидзалун видзан министерстволӧн йитӧд-шӧрин пыр 8–800–550–0000 номер серти дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Обрезкова Н. А.) @ Владимир Уйба чолӧмаліс Коми Республикаса регыдъя медицина отсӧг сетан службаса уджалысьясӧс уджсикас гажӧн @ выльтор @ https://rkomi.ru/news/804 @ 2021-04-28 @ }
Владимир Уйба чолӧмаліс Коми Республикаса регыдъя медицина отсӧг сетан службаса уджалысьясӧс уджсикас гажӧн.
Талун, косму тӧлысь 28 лунӧ, Коми Республикаса Юралысь воліс Сыктывкарса регыдъя отсӧг сетан станцияӧ да видеосвязь отсӧгӧн чолӧмаліс Неминучаӧ веськалӧмалы медицина отсӧг сетан Коми Республикаса мутас шӧринын уджалысьясӧс.
«Регыдъя медицина отсӧг сетан службаын удж — абу ма.
Тайӧ сьӧкыд да ӧпаснӧй удж. Вермас лоны, мый тэ висьысь дорын ӧтнад, и тэнад шуӧм сайын мортлӧн дзоньвидзалун да олӧм.
Дона уджъёртъяс, став сьӧлӧмсянь чолӧмала тіянӧс праздникӧн.
Сиа уджын мойвиӧм, став бурсӧ олӧманыд, терпенньӧ рӧдвужныдлы. Медым найӧ гӧгӧрвоисны, мый ті вӧчанныд колана да тӧдчана удж.
И кыдз шуӧны, «эн вись, бурдӧдысь, ми тэ вӧсна висям».
Аттьӧ тіянлы!» — аттьӧаліс регыдъя медицина отсӧг сетысьясӧс Коми Республикаса Юралысь Владимир Уйба.
Официальнӧя праздникыс вӧлі лӧсьӧдӧма 2020 воын, коронавирус пандемия дырйи, COVID–19 висьӧмкӧд тышкасьӧмын регыдъя медицина отсӧг сетысьясӧс аттьӧалӧм пыдди.
Сӧмын 2020 воын Неминучаӧ веськалӧмалы медицина отсӧг сетан Коми Республикаса мутас шӧринӧн нуӧдӧма ковиднӧй госпитальясӧ коронавирусӧн 1592 висьысьӧс.
На лыдысь 806 морт ковмис нуӧдны сынӧдті.
Кольӧм во Сыктывкарын, Ухтаын, Сыктывдін районын регыдъя медицина отсӧг сетысь бригадаяс петалісны висьысьяс дорӧ 150 сюрсысь.
Регыдъя медицина отсӧг сетысьяслысь ковидкӧд тышын торъя пайсӧ пасйис быд вося посланиеын Россияса Президент Владимир Путин.
Канмуӧн веськӧдлысь шуис, мый зэв тӧдчанаӧн лоӧ регыдъя медицина отсӧг сетысь службаӧс могмӧдны ставнас, мый колӧ йӧзлысь дзоньвидзалун да олӧм видзӧм вылӧ.
Республикаын татшӧм уджыс вӧчсьӧ.
2020 воын регионӧ воис регыдъя медицина отсӧг сетысь службалы 40 выль автомашина.
На пиын — «С» класса 12 автомашина — Неминучаӧ веськалӧмалы медицина отсӧг сетан мутас шӧринлы.
Таво автопарк выльмӧдӧм серти уджсӧ лоӧ нуӧдӧма водзӧ.
Регыдъя медицина отсӧгсӧ нӧшта на ӧдаӧн да позянаӧн вӧчӧм могысь республикаын лӧсьӧдсьӧ ӧтувъя диспетчерскӧй служба.
{Kodko (комиӧдіс Обрезкова Н. А.) @ Нӧшта 14 менеджер помаліс Веськӧдлан кадръяс дасьтан президентскӧй уджтас @ выльтор @ https://rkomi.ru/news/805 @ 2021-04-28 @ }
Нӧшта 14 менеджер помаліс Веськӧдлан кадръяс дасьтан президентскӧй уджтас.
«Стратегическӧй менеджмент да инновационнӧя сӧвмӧдӧмӧн веськӧдлӧм» выль уджсикасын тӧдӧмлунъяс босьтан уджтасӧ, мый збыльмӧдӧны веськӧдлан кадръяс дасьтан президентскӧй уджтас серти, пырӧдчысьяс дорйисны ассьыныс проектъяс.
2020 вося вӧльгым тӧлыссянь Питирим Сорокин нима Сыктывкарса канму университет подув вылын уджтасӧ пырӧдчысьяс велӧдісны стратегическӧй, финансӧвӧй, орччӧдан да инновационнӧй менеджмент, видлалісны бизнес-процессъяслысь реинжиниринг, морт ресурсъясӧн веськӧдлӧм да бизнеслысь цифрӧвӧй трансформация, а сідзжӧ велӧдчисны проекта уджӧ да удж кузя вензьӧмӧн веськӧдлӧмӧ.
Велӧдчысьяс стажируйтчисны Россияса да регионса медбур предприятиеяс вылын.
Тӧдмалісны «гӧгрӧс пызан» сайын, кыдзи позьӧ веськавны суйӧрсайса стажировка вылӧ.
Уджтас серти велӧдчӧм бӧрас велӧдчысьяс дорйисны проектъяс аттестационнӧй комиссия водзын. Комиссияӧ пырисны Коми Республикаса олӧмӧ пӧртысь власьтӧс, Коми Республикаса предприятиеясӧс да Питирим Сорокин нима Сыктывкарса канму университетӧс петкӧдлысьяс.
Быд велӧдчысьлысь уджсӧ донъялісны «вит» вылӧ, да Президентскӧй уджтаслӧн традиция серти ӧткымын проект аттестационнӧй комиссия торйӧдіс татшӧм номинацияяс серти:
· медбур инновация проектъясӧн, кодъяслӧн эм бур позянлун пырӧдчыны уджӧ Коми Республика мутасын, лоины Валентин Пшеницынлӧн «Медвежка» дизеля электричество сетысь станция вылын электричество энергия чӧжан системаяс уджӧ пыртӧм» да Андрей Маруськинлӧн «Кулӧмдін сиктын ва шонтан автоматизируйтӧм котельнӧй стрӧитӧм» проектъяс;
· Елена Гольцманлысь «Кӧджпомса психоневрологическӧй интернат» Коми Республикаса канму сьӧмкуд учреждение подув вылын дзескӧдӧм позянлуна том йӧзлы велӧдана-тренируйтчана патера восьтӧм» проектсӧ шуисны социальнӧй нырвизя медбур проектӧн;
· инновационнӧй подходысь да инфраструктура вылӧ веськӧдӧм проектысь пасйисны Степан Кубиклысь «Коми Республикаса искусство колледж» Коми Республикаса уджсикасӧ велӧдан канму учреждение подув вылын «Промышленнӧй дизайн» нырвизь серти велӧдӧм» удж;
· котыртан процессъяс цифровизируйтан юкӧнын медбур инновация проектӧн лои Дмитрий Матвеевлӧн ««Сыктывкарса ЛВЗ» ичӧт кывкутана котырын «Вежӧра склад» система пыртӧм» проект;
· вӧр-ваӧн вӧдитчан юкӧнын социальнӧй да экономика боксянь мытшӧдъяс разьӧмын комплекснӧй подходысь пасйисны Алексей Терентьевлысь «Му шар дистанционнӧя зондируйтан мыччӧдъяс подув вылын вӧр-ваӧн вӧдитчӧм бӧрся мониторинг нуӧдан регионса система лӧсьӧдӧм» проект.
Питирим Сорокин нима Сыктывкарса канму университетса ректор Ольга Сотникова чолӧмаліс велӧдчысьясӧс уджтас помалӧмӧн да сетіс дипломъяс.
Уджтасӧ пырӧдчысьяс пӧся аттьӧалісны велӧдысьясӧс да уджтасӧн веськӧдлысьясӧс Президентскӧй уджтас серти кужанлун да тӧдӧмлунъяс сетӧмысь.
Президентскӧй уджтасын выль велӧдчан воӧ участвуйтӧм вылӧ документъяссӧ примитӧны 2021 вося ода-кора тӧлысь 18 лунӧдз.
Уджтасӧ пырӧдчан условиеяс йылысь позьӧ лыддьыны http://pprk.rkomі.ru/ сайт вылысь.
Юӧрсӧ сетіс П. Сорокин нима СКУ пресс-служба да П. Сорокин нима СКУ-са ИНО-ын веськӧдлӧм, экономика да юӧртан технологияяс юкӧнын кадръяс дасьтан ресурс шӧринӧн юрнуӧдысь Лариса Казакова.
Фотоыс Диана Чилфапурлӧн.
* * *
Веськӧдлан кадръяс дасьтан президентскӧй уджтассӧ збыльмӧдӧны регионын 1998 восянь.
Тайӧ каднас сэні участвуйтіс сюрс куимсёысь унджык специалист, на пиысь куимсё кымын веськавліс россияса да суйӧрсайса стажировка вылӧ.
Паськыдджыка уджтас да сэтчӧ пырӧдчӧм йылысь позьӧ тӧдмавны Президентскӧй уджтаслӧн сайт вылын: http://pprk.rkomі.ru/
Президентскӧй уджтасын выль велӧдчан воӧ участвуйтӧм вылӧ документъясӧ колӧ вайны 2021 вося ода-кора тӧлысь 18 лунӧдз.
Вайны документъяс да паськыдджыка тӧдмавны конкурслӧн мунан ног да условиеяс йылысь позьӧ Коми Республикаса Юралысьлӧн Администрацияын Канму гражданскӧй службаӧн веськӧдланінын: Сыктывкар, Интернациональнӧй ул., 157 к., 5–32 каб.
Телефон: (8212) 304–872, e-maіl: і.y.tokmakova@adm.rkomі.ru
Токмакова Ирина Юрьевна — Коми регионса комиссияын кывкутана секретар.
{Kodko (комиӧдіс Обрезкова Н. А.) @ Коми Республикаса Веськӧдлан котыр да «Газпром» публичнӧй акционер котыр лӧсьӧдісны Регион биаруӧн могмӧдан да газифицируйтан уджтас олӧмӧ пӧртӧм серти уджалан группа @ выльтор @ https://rkomi.ru/news/806 @ 2021-04-28 @ }
Коми Республикаса Веськӧдлан котыр да «Газпром» публичнӧй акционер котыр лӧсьӧдісны Регион биаруӧн могмӧдан да газифицируйтан уджтас олӧмӧ пӧртӧм серти уджалан группа.
Уджалан группасӧ вӧлі лӧсьӧдӧма, медым ас кадӧ разьны 2021–2025 воясӧ регион биаруӧн могмӧдан да газифицируйтан уджтас олӧмӧ пӧртігӧн артмӧм мытшӧдъяссӧ. Коми Республика биаруӧн могмӧдӧм да газифицируйтӧм серти уджалан группалӧн вӧлі медводдза заседание.
Заседание вылын вӧліны Коми Республикаса Веськӧдлан котырӧс, «Газпром» публичнӧй акционер котырӧс да «Газпром межрегионгаз» компанияясӧс петкӧдлысьяс.
Видео-конференц-связь отсӧгӧн сёрнитісны 2021 воын Уджтасса мероприятиеяс олӧмӧ пӧртӧм йылысь.
Коми Республикаса Веськӧдлан котырӧн Юрнуӧдысьӧс Медводдза вежысь да уджалан группаӧн юрнуӧдысь Игорь Булатов пасйис, мый Россияса Президент Владимир Владимирович Путин Федеральнӧй Собрание дорӧ косму тӧлысь 21 лунся посланиеын тшӧктіс Россияса Веськӧдлан котырлы регионъяскӧд ӧтвылысь лӧсьӧдны регионъяс газифицируйтан стӧч план: «Президент сувтӧдіс мог вайӧдны биарусӧ овмӧдчӧминъясын веськыда му участок мудорӧдз.
Татшӧм ногӧн, ми отсалам сійӧ йӧзыслы, кодъяс кӧсйӧны вайӧдны биару асланыс овмӧсӧ, да отсалам чинтыны биаруӧн вӧдитчысьлысь сьӧма сьӧктасӧ».
Удж серти чукӧртчылігӧн сёрнитісны биарупроводъяс проектируйтӧм да стрӧитӧм йылысь, муӧн вӧдитчан арт йылысь, планӧвӧй петкӧдласъяс шедӧдӧм вылӧ веськӧдӧм мераяс йылысь, а сідзжӧ видлалісны регионӧс газифицируйтӧм йылысь юӧртан ног.
«Муниципалитетса муяс серти тайӧ юалӧмъяссӧ колӧ регыдъя кадӧ решитны муниципальнӧй юкӧнъясса администрацияяс тшупӧдын, — пасйис Игорь Булатов.
— Республикаса, федеральнӧй, юридическӧй кывкутысьяслӧн да торъя мортлӧн муяс серти юалӧмъяс решитӧм вӧсна кывкутӧ Коми Республикаса Веськӧдлан котыр».
Мероприятиеяс ас кадӧ збыльмӧдӧм да Газификация уджтас олӧмӧ пӧртӧм бӧрся видзӧдӧм могысь уджалан группа пыр кутас нуӧдны сӧвещаниеяс.
Регион биаруӧн могмӧдан да газифицируйтан уджтас серти, кутшӧмӧс кырымалӧма Коми Республикаса Юралысь Владимир Уйбаӧн да «Газпром» публичнӧй акционер котырлӧн Правлениеӧн Веськӧдлысь Алексей Миллерӧн выль вит во кежлӧ, 2025 воӧдз регион газифицируйтӧмӧ урчитӧма 17,5 миллиардысь унджык шайт — тайӧ 2,3 пӧв унджык 2016–2020 воясся сьӧм пуктӧмысь.
Регионса Веськӧдлан котыр босьтӧ ас вылас посёлокъяс пытшса 393 км кузьта биарупровод стрӧитӧм, 8 сюрс овмӧс, 25 ломтысянін да предприятие биару примитӧм кежлӧ дасьтӧм.
«Газпром» веськӧдас сьӧм регионын посёлокъяскостса 323,5 километр кузьта 18 биарупровод стрӧитӧм вылӧ, 113 километр кузьта биарупровод-отвод, биару юклан сизим станция, а сідзжӧ Сыктывкарса промышленнӧй узелса биаруӧн могмӧдан объектъяс кыпӧдӧмӧ да выльмӧдӧмӧ.
Тайӧ уджсӧ вӧчӧм бӧрын лоӧ позянлун могмӧдны биаруӧн 27 олан пункт Кӧрткерӧс, Сыктывдін, Сыктыв, Емдін районъясын да Печора, Сосногорск, Сыктывкар, Усинск муниципальнӧй юкӧнъясын.
{Kodko (комиӧдіс Обрезкова Н. А.) @ Коми Республикаса Веськӧдлан котырын сёрнитісны йӧзлысь дзоньвидзалун видзан юкӧн уджалысьясӧн могмӧдӧм да медицинаын уджалысьяслы отсӧг сетан мераяс йылысь @ выльтор @ https://rkomi.ru/news/808 @ 2021-04-28 @ }
Коми Республикаса Веськӧдлан котырын сёрнитісны йӧзлысь дзоньвидзалун видзан юкӧн уджалысьясӧн могмӧдӧм да медицинаын уджалысьяслы отсӧг сетан мераяс йылысь.
Косму тӧлысь 27 лунӧ Коми Республикаса Юралысь Владимир Уйба нуӧдіс регионса кабминлысь заседание, кӧні профильнӧй министерствоясӧн юрнуӧдысьяс висьталісны, кыдзи пӧртӧны олӧмӧ Россияса Президентлысь тшӧктӧмсӧ.
Тайӧ тшӧктӧмыс йӧзлысь дзоньвидзалун видзан медводдза звеноса организацияясын да регыдъя медицина отсӧг сетан службаын уджалысьяслы социальнӧя отсалан содтӧд мераяс йылысь.
Медводз тайӧ медицинаын уджалысьясӧс оланінӧн могмӧдӧм — служебнӧйӧн, кодӧс сэсся уджалысь босьтас ас эмбурӧ, кокньӧда ипотека кредитъяс да асшӧр стрӧитчӧм вылӧ участокъяс кокньӧда условиеяс вылын босьтӧм.
Коми Республикаса эмбур да му йитӧдъяс комитетӧн веськӧдлысь Александр Сажин юӧртіс Коми Республикаса оланпастэчасӧ вежсьӧмъяс пыртӧм серти, медым сетны медицинаын уджалысьяслы, кодъяс сетӧны медводдза медико-санитарнӧй отсӧг, 10 во медицина организацияясын уджалӧм бӧрын служебнӧй оланін приватизируйтӧм вылӧ инӧд да социальнӧя кӧртымалан сёрнитчӧмъяс серти Коми Республикаса канму оланін фондысь олан жыръяс босьтӧм вылӧ инӧд.
Таысь кындзи, кольӧм во пыртӧма нин вежсьӧмъяс оланпастэчасӧ сійӧ юкӧнас, кӧні сёрниыс мунӧ Коми Республикаса йӧзлысь дзоньвидзалун видзан канму учреждениеясын медицина уджалысьясӧс льготнӧй категория граждана лыдӧ пыртӧм йылысь, кодъяслӧн эм инӧд коланлун вылӧ видзӧдіг босьтны му участокъяс мынтысьтӧг.
Коми Республикаса Юралысь Владимир Уйба тшӧктіс вӧчны верктуяӧн медицина уджалысьяслы социальнӧй кӧртымалӧм серти оланін босьтны инӧд да видзӧдлыны, ёна-ӧ эффективнӧйӧн лоӧны отсалан мераясыс, сетны кӧ ас оланін стрӧитӧм вылӧ му участок дон босьттӧг.
Республикаса Веськӧдлан котырлы, профильнӧй министерствояслы колӧ быд боксянь видлавны тайӧ юалӧмсӧ да пыртны колана вежсьӧмъяс регионса оланпастэчасӧ.
Заседание вылын сёрнитісны и шӧр тшупӧда медицина уджалысьясӧн йӧзлысь дзоньвидзалун видзан юкӧн могмӧдӧм йылысь.
Торйӧн сёрнитісны аскиа специалистъясӧс контракт серти дасьтӧм да целевӧя велӧдчӧм серти сёрнитчӧмъяс йылысь.
Шуӧма вынсьӧдны тайӧ нырвизьын уджсӧ да зільджыка отсавны студентъяслы аддзыны удж, медым медицина колледжъясса унджык студент кольччисны республикаӧ да мунісны уджавны йӧзлысь дзоньвидзалун видзан канму учреждениеясӧ, на лыдын и сиктса бурдӧдчанінъясӧ.
{Kodko (комиӧдіс Обрезкова Н. А.) @ Коми Республикаса Юралысь Владимир Уйбалысь Коми Республикаса Каналан Сӧветлы докладсӧ веськыд эфирын петкӧдлас «Юрган» телеканал @ выльтор @ https://rkomi.ru/news/809 @ 2021-04-29 @ }
Коми Республикаса Юралысь Владимир Уйбалысь Коми Республикаса Каналан Сӧветлы докладсӧ веськыд эфирын петкӧдлас «Юрган» телеканал.
Веськыд транслируйтӧм заводитчас талун, 2021 вося косму тӧлысь 29 лунӧ, 11 часын.
Ӧтуввезйын видзӧдны позьӧ «Юрган» телеканаллӧн официальнӧй сайтын.
{Kodko (комиӧдіс Обрезкова Н. А.) @ Ода-кора тӧлысь 7 лунӧдз Коми Республикаса олысьяс вермасны сетны «Бессмертнӧй полк онлайн» казьтылан акцияӧ пырӧдчӧм вылӧ заявка @ выльтор @ https://rkomi.ru/news/810 @ 2021-04-29 @ }
Ода-кора тӧлысь 7 лунӧдз Коми Республикаса олысьяс вермасны сетны «Бессмертнӧй полк онлайн» казьтылан акцияӧ пырӧдчӧм вылӧ заявка.
2021 воын эпидемиологическӧй обстановка вӧсна шуӧма нуӧдны «Бессмертнӧй полк» акциясӧ онлайн.
Герой-вермысьяслӧн онлайн-шествиеыс заводитчас ода-кора тӧлысь 9 лунӧ 15 часын.
Бессмертнӧй полклысь трансляциясӧ лоӧ юкӧма регионъяс вылӧ, медым быд республикаса, обласьтса, крайса олысьяс вермисны аддзывны экран вылын ассьыныс геройяссӧ — Чужан му дорйысьясӧс да тылса уджалысьясӧс.
Видзӧдны онлайн-парадсӧ позьӧ и социальнӧй везъясын.
Мӧдӧдны Вермӧмсӧ матыстысь рӧдвуж йылысь юӧрсӧ позьӧ ода-кора тӧлысь 7 лунӧдз «Бессмертнӧй полк онлайн» официальнӧй сайтса личнӧй кабинет пыр.
Заявка гижӧм бӧрын тіянлы воас юӧр, кутшӧм кадӧ кутас мунны тіян герой онлайн-шествиеын.
Казьтыштам, кыдзи колӧ регистрируйтчыны Бессмертнӧй полк онлайн сайт вылын:
1. Пырӧй https://2021.polkrf.ru/ ссылка серти сайт вылӧ
2. Личкӧй «Принять участие» кнопка вылӧ
3. Бӧрйӧй регион
4. Регистрируйтчӧй проектын e-maіl либӧ телефон номер пыр — воас личнӧй кабинетӧ пыран код
5. Гижӧй асланыд герой да ас йылысь юӧр
6. Личнӧй кабинетын гижӧй:
· геройлысь ов, ним да вич,
· сылысь олан вояс,
· содтӧй фотография,
· содтӧй ассьыныд фотография.
Фотографияясыс — 5 мегабайтысь абу ыджыдджык.
Таысь кындзи, личнӧй кабинетын фотосӧ позьӧ редактируйтны.
Личкӧй заявка ыстан кнопка вылӧ да видзӧдӧй личнӧй кабинетын сылӧн статус бӧрся.
Личнӧй кабинетын позьӧ йӧзӧдны 15 геройӧдз.
Проектӧ позьӧ пырӧдчыны и «Банк Памяти» ресурс пыр.
Сідзжӧ позьӧ авторизуйтчыны социальнӧй везъясса аккаунт пыр, на лыдын «Бессмертнӧй полк» мини-приложение пыр.
{Kodko (комиӧдіс Обрезкова Н. А.) @ Владимир Уйба корис Коми Республикаса Веськӧдлан котырӧ пырысьясӧс да став тшупӧда власьт органъясӧс петкӧдлысьясӧс ӧдйӧ вочавидзны йӧзлӧн шыӧдчӧмъяс вылӧ @ выльтор @ https://rkomi.ru/news/812 @ 2021-04-29 @ }
Владимир Уйба корис Коми Республикаса Веськӧдлан котырӧ пырысьясӧс да став тшупӧда власьт органъясӧс петкӧдлысьясӧс ӧдйӧ вочавидзны йӧзлӧн шыӧдчӧмъяс вылӧ.
Косму тӧлысь 27 лунӧ Коми Республикаса Веськӧдлан котырлӧн заседание вылын сёрнитісны республикаса власьт органъяс да регионын олысьяс костын йитӧд йылысь.
Владимир Уйба шуис, мый быд лун заводитӧ Коми Республикаын регионӧн веськӧдлан шӧринлысь (РВШ) «теплӧвӧй карта» видзӧдлӧмсянь.
Картаыс петкӧдлӧ быд муниципалитетлӧн мытшӧдъяс йылысь мыччӧдъяссӧ збыль кадын.
«Тайӧ абу прӧстӧ «теплӧвӧй карта», а сійӧ, мый вӧчӧма йӧзлӧн шыӧдчӧмъяс серти, кӧні найӧ корӧны бурмӧдны, дзоньтавны мыйкӧ дзик пыр.
Регионӧн веськӧдлан шӧринлӧн удж — власьт да йӧз костын йитӧд лӧсьӧдӧм.
Миян ӧтувъя мог — бурмӧдны йӧзлысь олӧм, та йылысь аслас Посланиеын шуис и Президент», — пасйис республикаса Юралысь.
Тайӧ кадӧ социальнӧй везъясын Комиын олысьяс медуна норасьӧны туй да ЖКХ вылӧ.
Владимир Уйба индіс сы вылӧ, мый чинісны норасьӧмъяс йӧзлысь дзоньвидзалун видзан юкӧнын: 2020 воӧ олысьяс медся ёна норасисны буретш тайӧ юкӧн вылӧ, а 2021 воӧ татшӧм юалӧмъясыс сӧмын квайтӧд местаын.
Коми Республикаса Юралысь уськӧдіс тӧд вылӧ, мый РВШ-лӧн удж — Россия Федерацияса Президентлӧн веськыд тшӧктӧм, да корис став тшупӧда власьт органъясӧс петкӧдлысьясӧс тырвыйӧ вӧдитчыны став позянлуннас йӧзлӧн шыӧдчӧмъяс серти уджын да лоны йӧзлы восьсаӧн.
{Kodko (комиӧдіс Обрезкова Н. А.) @ Коми Республикаса Юралысь Владимир Уйба пырӧдчис «Вермӧмлы сиӧм диктант» войтыркостса патриотическӧй акцияӧ @ выльтор @ https://rkomi.ru/news/813 @ 2021-04-29 @ }
Коми Республикаса Юралысь Владимир Уйба пырӧдчис «Вермӧмлы сиӧм диктант» войтыркостса патриотическӧй акцияӧ.
Проектлӧн могыс — тӧдмӧдны йӧзӧс Айму вӧсна Ыджыд тышлӧн тӧдчана лоӧмторъясӧн, сылӧн геройяскӧд да Ыджыд Вермӧмкӧд.
Таво Коми Республикаын диктант гижӧм вылӧ вӧлі дасьтӧма 157 площадка.
Владимир Уйба гижис диктантсӧ Канму службаӧ да веськӧдлыны велӧдан Коми Республикаса академияын.
«Вермӧмлы сиӧм диктантлӧн» медшӧр мог — нӧшта ӧтчыдысь казьтыштны сы йылысь, кыдзи вермис сӧветскӧй войтыр тайӧ вир кисьтана да нем жалитысь войнаас.
Зэв тӧдчана, мый акцияыс ӧтувтӧ став арлыда войтырӧс — тадз ми вермам видзны война вылын усьӧмаяс йылысь паметьсӧ, висьтавны сы йылысь челядьлы, а, сідзкӧ, ми ог уськӧдӧй Вермӧмлысь донсӧ», — пасйис Владимир Уйба диктант гижысьясӧс чолӧмалігӧн.
Медводдзаысь акцияыс муніс 2019 воӧ, сэтчӧ пырӧдчис 150 сюрс морт.
2020 воӧ диктантсӧ гижисны Россияын да суйӧрсайса 75 странаын миллионысь унджык морт.
Таво войтыркостса патриотическӧй акцияӧ пырӧдчис 80 страна, на лыдын 31 канмуын гижӧны очнӧя.
Таво Айму вӧсна Ыджыд тыш заводитчӧмсянь тырӧ 80 во. Та вӧсна «Вермӧмлы сиӧм диктантлысь» ӧткымын юалӧмсӧ сиӧма Айму вӧсна Ыджыд тышлӧн медводдза волӧн шог лоӧмторъяслы, а сідзжӧ нималана сӧветскӧй полководечьяс Георгий Жуков да Константин Рокоссовскийлӧн тшупӧда паслы. 2021 воӧ налы тырӧ 125 во.
«Быттьӧ ставсӧ нин тӧдан Айму вӧсна Ыджыд тыш йылысь, но збыльвылас кутшӧмсюрӧ юалӧм вылӧ вочавидзны вӧлі сьӧкыд.
Кӧсъя шуны, мый «Вермӧмлы сиӧм диктант» — абу сӧмын тӧдӧмлунъяс петкӧдлан удж, тайӧ миян страналӧн историяӧ, ыджыд войналӧн историяӧ пырӧдчӧм.
Юалӧмъяс вылӧ вочавидзиг, тэ быттьӧ аддзан кыдзи ставыс вӧлі», — висьталіс диктант гижӧм бӧрын Коми Республикаса Юралысь Владимир Уйба.
Акция серти кывкӧртӧдъяссӧ вӧчасны лӧддза-номъя тӧлысь 24 лун кежлӧ. Вермысьяссӧ корасны Гӧрд изэрд вылӧ Вермӧмлы сиӧм Парад вылӧ, коді лоас мӧд во.
Школа помалысьяслы, кодъяс стӧча вочавидзисны став 25 юалӧм вылас офлайн-форматын, сетасны содтӧд баллъяс вузӧ пыригӧн.
Акциясӧ котыртӧны «Единая Россия» ставроссияса политическӧй партия, Россияса историческӧй котыр, Россияса военно-историческӧй котыр да «Волонтеры Победы» ӧтмунӧм.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Пӧжарнӧй охрана лунӧн @ выльтор @ https://rkomi.ru/news/814 @ 2021-04-30 @ }
Коми Республикаса Юралысь чолӧмалӧ Пӧжарнӧй охрана лунӧн.
Пӧжарнӧй охранаын пыдди пуктана уджалысьяс да ветеранъяс!
Чолӧмала тіянӧс уджсикас гажӧн!
Пӧжарнӧй уджсикас — тайӧ ӧпаснӧй, но ёна колана удж ӧнія олӧмын.
Йӧзлӧн олӧм да дзоньвидзалун, эмбур да объектъяс тшӧкыда тіян кужанлун да тэрыблун сайын.
Йӧз шог гӧгӧрвоӧм, вын, дисциплина — тайӧ ставыс эм пӧжарнӧй охранаса быд сотрудниклӧн.
Ті медводдзаӧн локтанныд отсӧг вылӧ да сьӧкыд условиеясын нинӧмысь повтӧг мезданныд биысь, а корсюрӧ сетанныд и медицина отсӧг.
Ті видзанныд асланыд гырысьджык ёртъяслысь нэмъясӧн тэчӧм традицияяссӧ да пыртанныд асланыд уджӧ ӧнія кадлы лӧсялана йӧзӧс мездан технологияяс, бурмӧданныд неминучаысь ӧлӧдан система.
Аттьӧ тіянлы асьнытӧ жалиттӧм уджысь, могъяс бура збыльмӧдӧмысь, кывкутӧмысь да веськыдлунысь.
Сьӧлӧмсянь аттьӧала пӧжарнӧй охранаса ветеранъясӧс, кодъяс пуктісны ыджыд пай служба сӧвмӧдӧмӧ, том йӧзӧс велӧдӧмӧ.
Сиа вермӧмъяс сьӧкыд, но йӧзлы ёна колана уджын.
Крепыд дзоньвидзалун, шуд, тыр-бур олӧм, кос рукавъяс!
[Коми Республикаса Юралысь В. В. Уйба ]
{Kodko (комиӧдіс Обрезкова Н. А.) @ Чолӧмавны ветеранъясӧс, казьтыштны ас семьяысь геройясӧс: кыдзи пасйыны Комиын Вермӧм лун @ выльтор @ https://rkomi.ru/news/817 @ 2021-04-30 @ }
Чолӧмавны ветеранъясӧс, казьтыштны ас семьяысь геройясӧс: кыдзи пасйыны Комиын Вермӧм лун.
Вермӧм лун вӧлі и кольӧ праздникӧн и быд семьялы, и быд войтырлы.
Эпидемиологическӧй обстановка вӧсна оз позь нуӧдны ӧткымын мероприятие, но век жӧ республикаса олысьяслӧн эм позянлун пырӧдчыны Ыджыд Вермӧмлы 76 во тырӧмлы сиӧм ставроссияса акцияясӧ да проектъясӧ.
Сідз, Коми Республикаса поискӧвӧй котыръяс мунісны нин полевӧй экспедицияясӧ ставроссияса «Вахта памяти–2021» вылӧ. Найӧ уджалӧны Айму вӧсна Ыджыд тыш местаясын.
Сыктывкарса сервис да связь колледжса «Связь времён» вит морта отряд муніс Смоленск обласьтса Вяземскӧй районӧ.
«Комиэнерго» котырлӧн «Луч» отряд уджалӧ Новгородскӧй районын.
Сыктывкарса политехническӧй техникумса «Бойцы» военно-патриотическӧй клуб муніс Смоленск обласьтӧ.
Республикаын заводитчис «Георгиевскӧй ленточка» быд вося ставроссияса акция.
Волонтёръяс йӧзаинъясын разӧдӧны георгиевскӧй ленточкаяс.
Акцияыс мунӧ республикаса кар-районъясын 2021 вося ода-кора тӧлысь 9 лунӧдз.
Вермӧм лун водзвылын волонтёръяс кутасны вузавны «Гӧрд гвоздика» значокъяс.
Ставроссияса бурвӧчан акция дырйи значокъяс вузалӧм помысь чукӧртӧм сьӧм мунас тышъясын доймалӧм ветеранъяслы отсалӧм вылӧ.
Ода-кора тӧлысь 7 лунӧдз быдӧн вермӧ пырӧдчыны Бессмертнӧй полклӧн онлайн-шествиеӧ.
Анкета-заявкасӧ сетісны нин Комиын 1700 олысь.
Заявкаяссӧ примитӧны 2021.polkrf.ru сайтын, «Банк Памяти» ресурсын, а сідзжӧ ВКонтакте да Одноклассники социальнӧй везъясса мини-приложениеясын.
Бессмертнӧй полклысь онлайн-шествиесӧ позьӧ видзӧдны ода-кора тӧлысь 9 лунӧ Юрган телеканал вылын, а сідзжӧ социальнӧй везъясын.
Ода-кора тӧлысь 8 лунӧ лоӧ Казьтылан инъяс мичмӧдан-бурмӧдан войтыркостса субӧтник.
Победалӧн волонтёръяс да мукӧд организацияса доброволечьяс локтасны Вермӧм мемориалъяс дорӧ, медым весавны мутас, дзоньтавны памятникъяс.
Ода-кора тӧлысь 9 лунӧ ветеранъясӧс чолӧмаласны Вермӧмлӧн волонтёръяс, мукӧд организацияса доброволечьяс. Найӧ кутасны звӧнитны ветеранъяслы либӧ воласны гортас, эпидемиологическӧй нормаясӧ кутчысьӧмӧн.
Ветеранъясӧс позьӧ чолӧмавны, пырӧдчыны кӧ «Вермӧмлӧн письмӧ» акцияӧ.
Колӧ босьтны письмӧлысь бланок волонтёрыпобеды.рф сайтысь, гижны коранасӧ да ыстыны pismo@vsezapobedu.com электроннӧй пошта вылӧ.
Сідзжӧ позьӧ гижны социальнӧй везъясын #ПисьмоПобеды хештегӧн.
Вермӧмлӧн волонтёръяс вермасны печатайтны кабала вылӧ да вайны ветеранъяслы пошта ящикъясӧ Вермӧм лун кежлӧ.
Аттьӧавны вермысьясӧс позьӧ и «Вермӧмлӧн ӧшиньяс» акцияын участвуйтӧмӧн.
Тайӧ семьяпытшса акция.
Челядькӧд тшӧтш позьӧ серпасавны аслад керка ӧшиньӧ Вермӧм йылысь серпас да гижны аттьӧалан кывъяс.
Ӧшиньсӧ мичмӧдӧм бӧрын сылысь фотосӧ позьӧ пуктыны социальнӧй везйӧ #Окна_Победы хештегӧн.
Социальнӧй везъясын жӧ мунас «Помнит» акция.
Аслад лист бок вылын позьӧ гижны Ыджыд тышын Вермӧмӧ Коми Республикалӧн пай йылысь: висьтавны геройяс йылысь, тылын уджалысьяс йылысь, тышъяс да война кадся лоӧмторъяс да олӧм йылысь.
Позьӧ пырӧдчыны «Вермӧмлӧн история» акцияӧ. Та могысь колӧ социальнӧй везъясӧ пуктыны ветеранъяслысь, олӧма йӧзлысь 1945 вося Вермӧм лун йылысь казьтылана видео.
Историясӧ вермасны висьтавны асьныс ветеранъяс, налӧн челядь либӧ велӧдчысьяс ветеранъяслӧн казьтылӧмъяс серти.
Мунас и «Историялӧн рӧмпӧштан» ставроссияса онлайн-акция.
Могыс — йитны кольӧмасӧ да ӧніясӧ война да ӧнія кадся фотояс отсӧгӧн: вӧчны фотоколлаж — пуктыны войнавывса фотосӧ ӧнія вылас, да медым ӧнія фотоыс вӧлі вӧчӧма дзик жӧ сэтшӧм ракурссянь.
Флешмобӧ пырӧдчыны вермас дзик быд морт.
Та могысь колӧ вӧчны фотоколлаж да пуктыны социальнӧй везъясын (ВКонтакте, Инстаграм) аслад лист бок вылӧ #Зеркалоистории хештегӧн.
{Kodko (комиӧдіс Обрезкова Н. А.) @ Коми Республикаса юркарын помасис «Сыктывкарса тулыс» @ выльтор @ https://rkomi.ru/news/818 @ 2021-04-30 @ }
Коми Республикаса юркарын помасис «Сыктывкарса тулыс».
Талун, косму тӧлысь 30 лунӧ, Опера да балет театрын вӧлі Россияса нимйӧза артистка Ия Бобракова нима «Сыктывкарса тулыс» опера да балет искусствоын войтыркостса ХХХІ фестивальлӧн гала-концерт.
Фестивальын участвуйтысьясӧс да гӧсьтъясӧс чолӧмаліс Коми Республикаса Юралысь Владимир Уйба.
«Тайӧ югыд да мича фестивальсӧ позьӧ шуны сыктывкарса тулыслӧн да республикаса культурнӧй олӧмлӧн медся мича лоӧмторйӧн.
Комын воысь дырджык фестиваль видзӧ театрлысь медся бур традицияяссӧ да паськӧдӧ искусстволысь жанра сикасъяссӧ.
Таво фестиваль вылӧ воисны солистъяс Россияса медбур театръясысь.
Тайӧ зэв бур козин Коми Республикалы 100 во тыригкежлӧ.
Татшӧм ыджыд мероприятие лӧсьӧдӧм, ӧти сцена вылӧ та мыйта ыджыд таланта мэтр чукӧртӧм — тайӧ ыджыд кужанлун да зэв ыджыд удж.
Аттьӧала фестиваль котыртысьясӧс, участвуйтысьясӧс да гӧсьтъясӧс», — пасйис Владимир Уйба.
«Сыктывкарса тулыс» опера да балет искусство серти фестиваль — Коми Республикалӧн социальнӧй да культурнӧй олӧмын кыпыд лоӧмтор.
Таво сійӧ муніс косму тӧлысь 10 лунсянь 30 лунӧдз.
Фестивальыс воссис косму тӧлысь 10–11 лунъясӧ «Монмартрса фиалка» опереттаӧн.
Косму тӧлысь 14 лунӧ XІX нэмся композитор-романтик Ф. Мендельсонлысь нималана произведениеяссӧ ворсіс театрса симфоническӧй оркестр.
Косму тӧлысь 17–18 лунъясӧ позьӧ вӧлі видзӧдны «Яг морт» национальнӧй балет, кодӧс пуктіс Александр Рюнтю (Москва).
Косму тӧлысь 21 лунӧ «Сэтшӧм ыджыд муслун» концертнӧй программа петкӧдліс «XXІ нэмся теноръяс» творческӧй проект котыр, кодӧн веськӧдлӧ Дмитрий Сибирцев (Москва).
Косму тӧлысь 24 лунӧ петкӧдлісны «Гофманлӧн мойдъяс» фантастическӧй опера.
25-ӧд лунӧ вӧлі Михаил Фокинлӧн Балет рыт.
Косму тӧлысь 28 лунӧ петкӧдлісны «Тоска» опера.
Гала-концертын выступайтісны Коми Республикаса опера да балет театрса нималана солистъяс, а сідзжӧ мукӧд театрса артистъяс: Алексей Лавров (Метрополитен операса солист), Олег Долгов (Большой театрса солист), Евгений Поликанин (Россия Федерацияса Нимйӧза артист, К. С. Станиславский да Вл. И. Немирович-Данченко нима Москваса академическӧй шылада театрса солист), Марина Ефанова (Новая операса солистка), Алексей Михайлов (Царицынскӧй операса солист, Волгоград), Юлия Почкалова (Царицынскӧй операса солистка, Волгоград), Иван Сорокин (2020 вося балет да хореография артистъяслӧн ставроссияса конкурсын лауреат), Большой да Мариинскӧй театръясын балетса солистъяс.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Тулыслы да Уджлы сиӧм гажӧн @ выльтор @ https://rkomi.ru/news/819 @ 2021-05-01 @ }
Владимир Уйба чолӧмалӧ Коми Республикаса олысьясӧс Тулыслы да Уджлы сиӧм гажӧн.
Коми Республикаса пыдди пуктана олысьяс!
Дона ёртъяс!
Чолӧмала тіянӧс Тулыслы да Уджлы сиӧм гажӧн!
Кӧть эськӧ Первомайлӧн нимыс да гажӧдчанногыс унаысь нин вежсьыліс, но тайӧ луныс пыр вӧлі йитчӧма вӧр-валӧн ловзьӧмкӧд да бур ваян уджкӧд.
Войвылын олӧны вына, винёв, зіль, уджач да ыджыд терпенньӧа йӧз.
Тайӧ отсалӧ Коми Республикаса олысьяслы вӧчны олӧмсӧ лӧсьыдджыкӧн, сӧвмӧдны биару, мусир да изшом перйӧм, заптыны да переработайтны древесина, бурмӧдны видз-му овмӧс — регионӧс социальнӧй да экономика боксянь сӧвмӧдан юкӧнъяс.
Республикаса Веськӧдлан котырлӧн могыс — лӧсьӧдны колана условиеяс, медым йӧзыс вермисны уджавны аслас семьялы, карлы, сиктлы, республикалы да страналы бур вылӧ.
Ми корсям инвесторъясӧс, медым восьтыны выль производствояс да выль предприятиеяс, уджалам Арктика зонаса резидентъяслысь лыд кыпӧдӧм, экономикалысь абу сырьевӧй сектор сӧвмӧдӧм вылын.
Эска, мый тайӧ отсалас кыпӧдны ӧнія кадся уджалан местаяслысь лыдсӧ, удждонсӧ, медым том йӧз окотитісны сэні уджавны.
Сиа республикаса быд олысьлы аддзыны сьӧлӧм серти удж да сӧвмыны сійӧ уджсикасын.
Сиа быд уджын ыджыд вермӧмъяс, дзоньвидзалун, шуд да тыр-бур олӧм!
Чолӧмала Первомайӧн!
[Коми Республикаса Юралысь В. В. Уйба]
{Kodko (комиӧдіс Обрезкова Н. А.) @ Владимир Уйба нуӧдіс Коми Республикаын адгум паськалӧмкӧд вочаасьӧмлы сиӧм сӧвещание @ выльтор @ https://rkomi.ru/news/821 @ 2021-05-01 @ }
Владимир Уйба нуӧдіс Коми Республикаын адгум паськалӧмкӧд вочаасьӧмлы сиӧм сӧвещание.
Докладъясӧн сёрнитісны Коми Республикаса видз-му овмӧс да потребительскӧй рынок министерствоӧс, Россияса наукаяс академиялӧн Урал юкӧнса Коми наука шӧринлӧн Биология институтӧс, Коми Республикаса мутаскӧд йитчӧм юӧр фондӧс, республикаса муниципалитетъяслӧн администрацияясӧс петкӧдлысьяс.
Адгум (Heracleum sosnowskyi Manden.) — ыджыд (джудждаыс кымынкӧ метрӧдз) зонтичнӧй котырса (Apiaceae) туруна быдмӧг.
Ас быдманіныс — Кавказса гӧраяслӧн вӧраин.
Нимтӧмны Кавказса быдмӧгъяс туялысь Дмитрий Иванович Сосновский (1885—1952) ним серти.
20 нэм шӧрын вердан культура пыдди паськӧдісны СССР-лӧн европейскӧй юкӧнса да Асыввыв Европаса муяс вылын.
20 нэм помлань кутіс ёна паськавны ачыс, вуджис и сійӧ муяс вылас, кӧні адгумсӧ эз быдтыны.
Кольӧм нэмся 60-ӧд воясын странаса уна юкӧнын адгумсӧ вӧдитісны аскиа бур вердан культура пыдди.
Но 2012 восянь сійӧс киритісны Вӧдитчыны позяна селекция вермӧмъяслӧн канму лыддьӧгысь, шуисны овмӧсын туйтӧмӧн.
Коми Республикаын адгум паськалӧма 10 муниципалитетын (5 626 гектар площадь вылын).
Быдмӧгыс ядӧвитӧй — вермас сотны.
Став юкӧнас эм фурокумарин. Кучик вылӧ веськаліг сійӧ пыр жӧ содтӧ кучиклысь ультрафиолет дорӧ чувствительносьтсӧ.
Мӧд-коймӧд луннас артмӧ I да II тшупӧда сотчӧмин.
Сӧвещание вылын сёрнитісны Коми Республикаын адгум паськалӧм, сійӧс бырӧдан ногъяс да наӧн вӧдитчигӧн артмысь шӧр мытшӧдъяс йылысь.
«Тайӧ вывті винёв да ӧдйӧ паськалысь быдмӧг. Сійӧс ёна сьӧкыд бырӧдны.
Медым сыысь мынтӧдчыны, ковмас уна во чӧж пыр уджавны.
И заводитны миянлы колӧ талун нин, сы вӧсна мый адгумыс воысь-воӧ паськалӧ, и вермӧ лёкмӧдны йӧзлысь дзоньвидзалун», — пасйис Коми Республикаса Юралысь Владимир Уйба.
Эм адгум бырӧдан кымынкӧ ног, но ни ӧти оз лӧсяв тырвыйӧ.
Сӧвещание дырйи сёрнитысьяс медбурӧн шуисны комплекснӧя бырӧдӧм — ыбъяс да муяс позьӧ гӧрны да кӧдзны вежан быдмӧгъяс, йӧзтӧм мутасъясын (кӧні оз позь мукӧд ног бырӧдны) — глифосат подув вылын гербицидъяс, а кӧні гӧрны оз позь либӧ он вермы, неыджыд мутасъясын да асшӧр овмӧсъясын позьӧ вевттьыны материалъясӧн, кутшӧмъяс оз лэдзны шонді югӧрсӧ.
Сӧвещание вылын вӧлі вӧзйӧма Коми Республикаса видз-му овмӧс министерстволӧн веськӧдлӧм улын вӧчны адгум паськалӧмлы паныд удж нуӧдысь республикаса оперативнӧй штаб, кытчӧ пырасны профильнӧй министерствоясӧс, службаясӧс да муниципалитетъясса администрацияясӧс петкӧдлысьяс.
Штабыс кутас дугдывтӧг ладмӧдны зільӧмъяс да видзӧдны лёк быдмӧг бырӧдан удж бӧрся.
Вӧлі вӧзйӧма вӧчны йӧзлы тӧдмасьӧм вылӧ памяткаяс адгумлӧн ӧпаснӧйтор йылысь, сійӧс бырӧдан ногъяс йылысь, асшӧр овмӧс кутысьяслы адгум бырӧдӧм серти мераяс примиттӧмысь административнӧй кывкутӧм йылысь.
Сідзжӧ шуӧма пыртны вежсьӧмъяс лӧсялана нормативно-правӧвӧй базаӧ.
{Kodko (комиӧдіс Обрезкова Н. А.) @ Владимир Уйба чолӧмалӧ республикаса олысьясӧс Ыджыд лунӧн @ выльтор @ https://rkomi.ru/news/822 @ 2021-05-02 @ }
Владимир Уйба чолӧмалӧ республикаса олысьясӧс Ыджыд лунӧн.
Коми Республикаса Юралысь воліс Вежа Стефанлӧн кафедральнӧй соборын Ыджыд лунся служба вылӧ.
Войнас Ыджыд лунся службасӧ нуӧдіс Сыктывкарса да Коми-Зырянаса архиепископ Питирим.
«Дона вокъяс да чойяс, дона Владыка!
Талун ыджыд лун, кор Енмыс ловзьӧ, сӧстӧммӧдӧ миянӧс да вештӧ миянлысь грекъяснымӧс, сетӧ лача сы вылӧ, мый олӧмыс мунӧ водзӧ.
Слава тэныд, Енмӧй, слава тэныд!
Кристос ловзис!», — чолӧмаліс республикаса олысьясӧс Ыджыд лунӧн Коми Республикаса Юралысь Владимир Уйба.
{Kodko (комиӧдіс Обрезкова Н. А.) @ Коми Республикалы 100 во тыран воӧ йӧзӧдасны Иван Павлович Морозов йылысь выль небӧг @ выльтор @ https://rkomi.ru/news/826 @ 2021-05-04 @ }
Коми Республикалы 100 во тыран воӧ йӧзӧдасны Иван Павлович Морозов йылысь выль небӧг.
Ода-кора тӧлысь 4 лунӧ Коми Республикаса Юралысь Владимир Уйба паныдасьліс Коми АССР-са тӧдчана канму да политика уджалысьлӧн, КПСС Коми обкомса медводдза секретарлӧн уджъёртъяскӧд. Иван Морозов 20 воысь дырджык веськӧдліс регионӧн да колис ас йывсьыс бур паметь.
Аддзысьлӧм йылысь сёрниыс вӧлі косму тӧлысь 26 лунӧ И. П. Морозов гу дорӧ дзоридзьяс вайигӧн.
КПСС Коми обкомлӧн ӧтувъя юкӧнӧн веськӧдлысь Алексей Батманов, Иван Морозовлӧн отсасьысь Иван Свистельник, обкомса секретар Юрий Семуков висьталісны небӧгӧ дасьтӧм материалъяс да казьтылӧмъяс йылысь.
Кыдз пасйисны уджъёртъясыс, налы медся коланаыс — петкӧдлыны И. П. Морозовлысь ыдждалунсӧ сылӧн уджын да аддзысьлӧмъясын.
История наукаса доктор, Россияса наукаяс академиялӧн Урал юкӧнса Коми наука шӧринлӧн Кыв, литература да история институтса медвылыс тшупӧда наука туялысь Александр Попов тӧдчӧдіс, мый небӧг сюрӧсыс бура тӧдчӧ нимсьыс — «Иван Павлович Морозов. Республика помнитӧ».
Коми Республикаса Веськӧдлан котырӧн Юрнуӧдысьӧс вежысь, небӧг дасьтан уджын сопредседатель Галина Габушева уськӧдіс тӧд вылӧ, мый небӧг подулӧ пуктӧма 2019 вося «Морозовскӧй лыддьысьӧмъяс» материал. Лыддьысьӧмъяссӧ вӧлі сиӧма Иван Морозов чужӧмсянь 95 во тырӧмлы.
Коми Республикаса Юралысь Владимир Уйба висьталіс, мый юбилейсӧ да республика лун, моз тӧлысь 22 лун, пасъясны республикалӧн вӧвлӧм веськӧдлысьлы памятник восьтӧмӧн.
Казьтыштам, Владимир Уйбалӧн водзмӧстчӧм серти 2020 вося моз тӧлысьын Сыктывкарса Киров нима паркын памятник местаас пуктӧма из.
Владимир Уйба чолӧмаліс уджъёртъясӧс да ветеранъясӧс Айму вӧсна ыджыд тышын Вермӧмӧн да сиис налы крепыд дзоньвидзалун да тыр-бур олӧм.
{Kodko (комиӧдіс Обрезкова Н. А.) @ Владимир Уйба нуӧдіс неминучаысь ӧлӧдӧм, найӧс бырӧдӧм да пӧжарысь видзчысьӧм серти республикаса комиссиялысь тшӧктӧмъяс олӧмӧ пӧртӧм серти сӧвещание @ выльтор @ https://rkomi.ru/news/828 @ 2021-05-05 @ }
Владимир Уйба нуӧдіс неминучаысь ӧлӧдӧм, найӧс бырӧдӧм да пӧжарысь видзчысьӧм серти республикаса комиссиялысь тшӧктӧмъяс олӧмӧ пӧртӧм серти сӧвещание.
Сӧвещаниеыс вӧлі талун, ода-кора тӧлысь 5 лунӧ. Сэні вӧліны республикаса меставывса асвеськӧдлан органъясӧн юрнуӧдысьяс, Россияса МЧС-лӧн Коми Республикаын медшӧр веськӧдланінса уджалысьяс.
Неминучаысь ӧлӧдӧм, найӧс бырӧдӧм да пӧжарысь видзчысьӧм серти республикаса комиссиялӧн заседание дырйи, мый вӧлі косму тӧлысь 26 лунӧ, республикаса Юралысь сувтӧдіс мог — дженьыд кадколастӧн примитны дзескӧдана мераяс ода-кора тӧлысся гажӧдчан да шойччан лунъясӧ йӧзӧс вӧръясӧ лэдзӧм серти, сувтӧдны вӧръясӧ пыранінъясын патрульяс.
Ӧткымын муниципалитетса веськӧдлысьяслы колӧ вӧлі бырӧдны аддзӧм нелючкияссӧ да гӧгӧрвоӧдны, мыйла лои торкалӧма индӧм кадколастъяссӧ, кор колӧ вӧлі вӧчны паспортъяс сійӧ овмӧдчӧминъяслы, кӧні вермас лоны вӧрса пӧжар, а сідзжӧ чинтыны йӧзлысь ва дорын шойччан места лыд.
Муниципалитетса веськӧдлысьяс висьталісны Комиссиялысь помшуӧмъяс олӧмӧ пӧртӧм йылысь.
Сідзжӧ сӧвещание дырйи сёрнитісны выль коронавирус инфекцияысь вакцинация нуӧдӧм йылысь.
Россияса МЧС-лӧн Коми Республикаын медшӧр веськӧдланінса начальник Алексей Пархомович юӧртіс ытвакӧд да вӧр пӧжаръяскӧд йитчӧм обстановка йылысь.
Коми Республикаса Юралысь торйӧн видзӧдӧ, кыдзи помалӧны дзоньтавны Сыктывдін районын Придаш сикт — Ипать грезд — Шыладор грезд автомашина туй юкӧн.
2021 вося косму тӧлысь 17–18 лунъясӧ ваыс кырӧдӧма насып, туй бокъяс, подув, асфальтобетоннӧй эжӧс.
Таӧдз Владимир Уйба ветліс виччысьтӧмтор лоанінас, паныдасьліс сэтчӧс олысьяскӧд.
Талун туй участок кузя машинаӧн ветлӧмсӧ бӧр лӧсьӧдӧма.
{Kodko (комиӧдіс Обрезкова Н. А.) @ Владимир Уйба чолӧмаліс локтан Вермӧм лунӧн республикаса ветеранъясӧс, кодъяс бурдӧдчӧны да реабилитируйтчӧны Сыктывкарын @ выльтор @ https://rkomi.ru/news/830 @ 2021-05-06 @ }
Владимир Уйба чолӧмаліс локтан Вермӧм лунӧн республикаса ветеранъясӧс, кодъяс бурдӧдчӧны да реабилитируйтчӧны Сыктывкарын.
Талун, ода-кора тӧлысь 6 лунӧ, Коми Республикаса Юралысь ветліс «Максаковка» социальнӧй да дзоньвидзалун бурмӧдан республиканскӧй шӧринӧ.
Владимир Уйба тӧдмасис учреждениелӧн уджӧн да чолӧмаліс локтан гажӧн Айму вӧсна Ыджыд тышса ветеранъясӧс, тылса уджалысьясӧс, война кадся челядьӧс, кодъяс ӧні бурдӧдчӧны шӧринын.
«Медся вир кисьтана, жаль тӧдтӧм тышыс инмис миян странаын быд семьялы.
Фашистскӧй Германия Европаса странаясӧс ас кипод улӧ босьтӧм да техника да йӧзӧс дасьтӧмсӧ лад вылӧ пуктӧм бӧрын эз вермы чайтны, мый сылысь юрсӧ поткӧдасны роч солдат да роч ань, коді уджаліс тылын.
Найӧ, кодъяс планируйтісны блицкриг, эз виччысьны, мый Россияын найӧ зурасясны роч войтырлӧн повтӧмлунӧ.
Муӧдз копыр миян ветеранъяслы, война кадся челядьлы, йӧзлы, кодъяс прӧйдитісны Ленинградын блокада, тылса уджалысьяслы — ставлы, кодъяс ӧтвылысь шедӧдісны Ыджыд Вермӧм.
Локтан гажӧн.
Дзоньвидзалун тіянлы!
Дыр олӧй, нимкодьмӧдӧй миянӧс, нимкодьмӧдӧй ассьыныд семьяяснытӧ да лоӧй шудаӧн!
Став бурсӧ тіянлы!», — чолӧмаліс Владимир Уйба.
Творчество котыръяс петкӧдлісны ветеранъяслы концерт, сьылісны фронтса сьыланкывъяс да йӧктісны.
Коми Республикаса Юралысь Владимир Уйба аттьӧаліс сідзжӧ «Максаковка» шӧринса уджалысьясӧс пандемиялы паныд тышын отсӧгысь, уджсӧ бура тӧдӧмысь да уна во чӧж сьӧлӧмсянь уджалӧмысь.
2020 вося косму тӧлысь 3 лунсянь «Максаковка» шӧринын уджаліс обсерватор. Сійӧс лӧсьӧдісны сы могысь, медым изолируйтны да медицина боксянь видзӧдны йӧз бӧрся, кодъяс ветлісны мутасъясӧ, кӧні ёна висьӧны выль коронавирус инфекцияӧн (COVID–2019), а сідзжӧ йӧз бӧрся, кодъяс контактируйтісны выль коронавирус инфекцияӧн висьысьяскӧд.
Обсерваторыс уджаліс 2021 вося урасьӧм тӧлысь 19 лунӧдз.
Тайӧ кадӧ сэтчӧ воліс 668 морт.
Обсерваторлысь уджсӧ дугӧдӧм бӧрын «Максаковка» шӧринсӧ дезинфицируйтісны Роспотребнадзорлӧн вӧзйӧмъяс серти, а сідзжӧ косметическӧя дзоньталісны жыръяссӧ.
2021 вося косму тӧлысь 1 лунсянь Коми Республикаса Юралысьлӧн тшӧктӧм серти «Максаковка» шӧринлысь шӧр уджсӧ панісны выль пӧв.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Радио лунӧн да связьын уджалысьяслы сиӧм гажӧн @ выльтор @ https://rkomi.ru/news/831 @ 2021-05-07 @ }
Коми Республикаса Юралысь чолӧмалӧ Радио лунӧн да связьын уджалысьяслы сиӧм гажӧн.
Связьын, телевидениеын да радиовещаниеын пыдди пуктана уджалысьяс!
Чолӧмала тіянӧс уджсикас гажӧн — Радио лунӧн да связьын уджалысьяслы сиӧм гажӧн!
Талун радио да телевидение, мобильнӧй связь, Ӧтуввез, ӧнія цифрӧвӧй технологияяс топыда йитчӧмаӧсь йӧз олӧмкӧд.
Найӧ отсалӧны лоны матынджык рӧдвужлы да ёртъяслы, быдласянь йитчыны уджъёртъяскӧд, видзӧдны бур качествоын фильмъяс, передачаяс да тӧдмавны лоӧмторъяс йылысь новосьтъяс пыр.
Ӧнія кадӧ юӧртан коммуникацияяс отсӧгӧн позьӧ социальнӧй да экономика боксянь сӧвмӧдны канму, кыпӧдны гражданалысь олан тшупӧдсӧ.
Тайӧ ставсӧ пӧртӧны олӧмӧ йӧз, кодъяс медбур традицияяс вылӧ подуласьӧмӧн уна пӧв содтӧны тӧдӧмлунъяс, пуктӧны тӧдчана пай юӧртан технологияяс сӧвмӧдӧмӧ, паськӧдӧны да бурмӧдӧны услугаяс.
Миян ӧтувъя мог — сетны позянлун Коми Республикаса став олысьлы вӧдитчыны йӧзӧс юӧртан ӧнія средствоясӧн.
Дона ёртъяс, аттьӧала тіянӧс бур уджысь, уджсикасын ыджыд кужӧмъясысь, творческӧя мӧвпалӧмысь да кывкутӧмысь.
Сиа выль вермӧмъяс, мед тіян ставыс артмас, крепыд дзоньвидзалун, шуд да мойвиӧм!
[Коми Республикаса Юралысь В. В. Уйба]
{Kodko (комиӧдіс Обрезкова Н. А.) @ Владимир Уйба сёрнитіс Эмиль Алиевкӧд Коми Республикаын мини-футбол сӧвмӧдӧм йылысь @ выльтор @ https://rkomi.ru/news/833 @ 2021-05-07 @ }
Владимир Уйба сёрнитіс Эмиль Алиевкӧд Коми Республикаын мини-футбол сӧвмӧдӧм йылысь.
Талун, ода-кора тӧлысь 7 лунӧ, Коми Республикаса Юралысь Владимир Уйба аддзысьліс Россияса мини-футбол серти ассоциацияса президент Эмиль Алиевкӧд.
Сёрнитісны республикаын мини-футбол, тшӧтш и кыдзи уна йӧза спорт сикас, сӧвмӧдӧм йылысь, Коми Республикаын футбол серти федерациялӧн да футбол клубъяслӧн Ассоциациякӧд ёртасьӧм йылысь, спорт юкӧнын социальнӧй проектъяс олӧмӧ пӧртӧм йылысь.
«Пыдди пуктана Эмиль Гуметович, нимкодь чолӧмавны Тіянӧс Коми Республикаын.
Миян регион нималӧ спортсменъясӧн — олимпийскӧй чемпионъясӧн, олимпийскӧй ворсӧмъясын призёръясӧн, мирса чемпионъясӧн.
Ми ёна сӧвмӧдам спорт.
Мини-футболысь, кыдзи и мача хоккейысь, баскетболысь да спортлӧн мукӧд сикасысь, на лыдын лызьӧн котралӧм, варччӧм, окотапырысь ворсӧны челядь да том войтыр.
Ми ёна отсалам сылы сӧвмыны, тшӧтш корам тайӧс вӧчны и социальнӧй уджъёртъясӧс.
Колӧ уличвывса челядьӧс вайӧдны спортӧ, кӧні найӧ вермасны петкӧдлыны асьнысӧ.
А мини-футбол буретш татшӧм спорт сикас, — и ӧтувъя, и быдӧнлӧн эм позянлун петкӧдлыны асьсӧ», — шуис Владимир Уйба.
«Коми Республика — торъялана регион: ӧтпырйӧ кык профессиональнӧй клуб ворсӧны национальнӧй чемпионатын.
Сӧвмӧ челядьлы да том войтырлы мини-футбол, пӧртӧны олӧмӧ «Мини-футбол — школаӧ» да «Мини-футбол — вузъясӧ» уна йӧза проектъяс.
Артмӧ аслыссяма пирамида, коді сетӧ позянлун быдтыны том войтырӧс, медым найӧ ичӧтсянь радейтісны мини-футбол.
И «Новая генерация» командалӧн тайӧ сезонын 16 арӧсӧдз том йӧз пӧвстын Россияса первенствоын вермӧм ясыда петкӧдлӧ, мый регионын бӧрйӧма колана визь», — шуис Эмиль Алиев.
Регионъясын мини-футбол сӧвмӧм серти Россияса мини-футбол серти ассоциациялӧн выльмӧдӧм рейтингын Коми Республика босьтӧ 7 места, неуна кольччӧ Москва, Тюмень, Нижегородскӧй обласьтъясса командаясысь.
Республикаын нуӧдӧны мини-футболысь челядьлы да верстьӧяслы уна турнир.
Сыктывкарын да Ухтаын ворсӧ 40–70 любительскӧй команда.
Коми Республикаын футбол сӧвмӧдӧмын медыджыд учреждение — «Футбол серти спорт школа» Коми Республикаса канму сьӧмкуд учреждение.
Школасӧ восьтӧма 2004 воын.
Талун сылӧн 601 быдтас.
Регионса 7 муниципалитетын учреждение восьтӧма 7 юкӧн.
Школаса медбур спортсменъяс вуджӧны ворсны «Новая генерация» да «Ухта» командаяслӧн шӧр составӧ. Тайӧ командаясыс ворсӧны «Париматч — Суперлига» мини-футболысь Россияса Чемпионатъясын.
«Новая генерация» сыктывкарса команда кыкысь вӧлі полуфиналистӧн Россияса мини-футболлӧн Суперлигаын (ворсӧ сэні 12 во нин), а сідзжӧ вӧлі странаса Кубокын полуфиналистӧн.
Таво «Новая генерация» лоис вермысьӧн 16 арӧсӧдз том йӧз пӧвстын Суперлигаын.
Удж серти аддзысьлӧм бӧрын Владимир Уйба да Эмиль Алиев волісны 2020–2021 воясся сезонын «Спортмастер-Юниорлига» 18 арӧсӧдз зонъяс пӧвстын мини-футболысь ставроссияса ордйысьӧмъяс тупкан да вермысьяслы да призёръяслы наградаяс сетан церемония вылӧ, коді вӧлі Сыктывкарса «Орбита» спорт комплексын.
Ордйысьӧмлысь Кубок босьтіс Нижегородскӧй обласьтса «Норман» команда, мӧд местаын лои Тюмень карысь «Тюмень» команда, коймӧдын — Сыктывкарса «Новая генерация».
«Коми Республикалы зэв нимкодь нуӧдны том йӧз пӧвстын татшӧм ыджыд турнир.
Кодлыкӧ тайӧ вит луныс лои кодзула, кодлыкӧ эзджык мойвиис.
Вермысьясӧс чолӧмала, а мӧдъяслы кӧсъя шуны, мый спортын тадзи овлӧ.
Колӧ аддзыны тырмытӧмторъяс да выльысь и выльысь «босьтны» пьедестал. Сы вӧсна мый сӧмын удж да тренировкаяс отсӧгӧн позьӧ вермыны.
Но став вылас видзӧдтӧг, кута лача, мый Коми Республикаын недыр олӧм йылысь тіян колясны сӧмын бур казьтылӧмъяс!», — чолӧмаліс ворсысьясӧс, призёръясӧс да вермысьясӧс Владимир Уйба.
Республикаса Юралысь сетіс «Новая генерация» командаса тренер Ярослав Поповлы аттьӧалана гижӧд да командалы козинъяс Суперлигаӧ пырысь командаясын 16 арӧсӧдз том йӧз пӧвстын мини-футболысь Россияса первенствоын вермӧмысь, коді вӧлі тавося урасьӧм тӧлысьӧ.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Победа лунӧн @ выльтор @ https://rkomi.ru/news/836 @ 2021-05-09 @ }
Владимир Уйба чолӧмалӧ Коми Республикаса олысьясӧс Победа лунӧн.
Коми Республикаса пыдди пуктана олысьяс!
Айму вӧсна Ыджыд тышса ветеранъяс, тылын уджалысьяс, войнаса челядь!
Ода-кора 9 лунӧ ми пасъям миян историяын медтӧдчана да медыджыд лун — Айму вӧсна Ыджыд тышын Победа лун!
abu
Ми пыдди пуктам найӧс, кодъяс олісны сьӧкыд война кадӧ.
Муӧдз копыр фронтовикъяслы, концлагеръясын пукалысьяслы, кытшовтӧм Ленинградса олысьяслы, налы, кодъяс повтӧг вермасисны вӧрӧгкӧд.
Ми пыдди пуктам найӧс, кодъяс усисны тышъясын, кувсисны доймалӧмысь да тшыгысь, пӧгибнитісны пленын.
Ми сьӧлӧмсянь аттьӧалам тіянӧс — победаысь, мирысь.
Ыджыд аттьӧ тылын уджалысьяслы да войнаса челядьлы, налы, кодъяс шедӧдісны вермӧмсӧ уджӧн да эскӧмӧн, мый пасьвартасны вӧрӧгсӧ.
Быдӧнлӧн миян пиысь аслас победа: фронтсянь вижмӧм фото, бархат кӧрӧбын «За отвагу» медаль, письмӧ «Виччысь, локта победаӧн» кывъясӧн.
Быдӧнлӧн аслас казьтылӧмъяс, аслас шог, ӧд войнаыс жалиттӧг колис бурдлытӧм дойяс миян страналӧн пӧшти быд семьяӧ.
Ми некор огӧ вунӧдӧй, кутшӧм дон вӧлі сетӧма победа вӧсна, да кутам висьтавны та йылысь челядьлы, внукъяслы, правнукъяслы.
Тайӧ югыд да ыджыд лунӧ сиа ставныдлы мир да тыр-бур олӧм!
Дона ветеранъяс!
Крепыд дзоньвидзалун тіянлы, кузь нэм да бур шуд!
Аттьӧ победаысь!
[Коми Республикаса Юралысь В. В. Уйба]
{Kodko (комиӧдіс Обрезкова Н. А.) @ Владимир Уйба пуктіс дзоридзьяс «Куслытӧм слава» да «Шогсьыс воин» мемориалъяс дорӧ @ выльтор @ https://rkomi.ru/news/839 @ 2021-05-09 @ }
Владимир Уйба пуктіс дзоридзьяс «Куслытӧм слава» да «Шогсьысь воин» мемориалъяс дорӧ.
Талун, Победа лунӧ, Коми Республикаса Юралысь казьтіс Айму вӧсна Ыджыд тышын усьӧмаясӧс.
Мероприятие вылын вӧлісны Коми Республикаса Веськӧдлан котырӧ пырысьяс, Каналан Сӧветса депутатъяс, федеральнӧй ведомствояслӧн тэчас юкӧдувъясӧн юрнуӧдысьяс, ветеранъяс. Та дырйи кутчысисны санитарно-эпидемиологическӧй корӧмъясӧ.
Церемония бӧрын Владимир Уйба воліс Сыктывкарын олысь Айму вӧсна Ыджыд тышын участвуйтысьяс Николай Афанасьевич Князев, Лилия Ивановна Чукилева да Николай Николаевич Гайворонский дорӧ.
Николай Афанасьевич Князевӧс босьтісны Гӧрд Армияӧ 1943 воӧ.
Вӧлі Балтикабердса да Байкалсайса фронтъясвывса пехотаса войскаын радӧвӧйӧн.
Демобилизация бӧрас велӧдчис водительӧ да уджаліс Сыктывкарса быдсикас организацияын.
Наградитӧма Айму вӧсна тышлӧн І тшупӧда орденӧн, «Боевӧй заслугаясысь», «Японияӧс вермӧмысь», «1941–1945 воясся Айму вӧсна Ыджыд тышын Германияӧс вермӧмысь», Жуков медальясӧн да юбилейнӧй медальясӧн.
Лилия Ивановна Чукилева призывайтчис 1943 воӧ.
Служитіс Москваувса зенитнӧй артиллерийскӧй полкын, АБВП (артиллерия биӧн веськӧдлан прибор) батареяын номернӧй чинын.
Наградитӧма «Германияӧс вермӧмысь» да юбилейнӧй медальясӧн.
Война бӧрын уджаліс Сыктывкарса ремесленнӧй училищеын медсестраӧн.
Помаліс Коми канму педагогика институтса химико-биологическӧй факультет.
Уджаліс химия да биология велӧдысьӧн Луздор районлӧн Абъячой сиктса школаын, сэсся Сыктывкарын да Интаын.
Пенсия вылӧ петӧм бӧрын нуӧдіс ӧтйӧза удж, вӧлі профсоюзлӧн меставывса комитетӧн да йӧзлӧн контроль комитетӧн веськӧдлысьӧн.
Николай Николаевич Гайворонский призывайтчис Саратов обласьтын 1944 воӧ.
Младшӧй сержант, РТО слесар, наводчик, пулемётнӧй отделениеса командир.
Служитіс Ленинградскӧй да Балтикабердса 1-дза фронтъяс вылын.
Наградитӧма «Смеллунысь», «Германияӧс вермӧмысь» медальясӧн, Айму вӧсна тышлӧн І тшупӧда орденӧн, юбилейнӧй медальясӧн.
Война бӧрын воис Саратов обласьтӧ, Фёдоровскӧй районса Мокроус уджалысьяслӧн посёлокӧ, уджаліс водительӧн.
2013 воӧ воис Сыктывкарӧ.
Коми Республикаса Юралысь Владимир Уйба чолӧмаліс Айму вӧсна Ыджыд тышын участвуйтысьясӧс Победа лунӧн, сиис налы крепыд дзоньвидзалун да кузь нэм.
{Kodko (комиӧдіс Обрезкова Н. А.) @ Владимир Уйба тшӧктіс бурджыка видзӧдны безопасносьт бӧрся Коми Республикаса став велӧдан учреждениеын @ выльтор @ https://rkomi.ru/news/842 @ 2021-05-11 @ }
Владимир Уйба тшӧктіс бурджыка видзӧдны безопасносьт бӧрся Коми Республикаса став велӧдан учреждениеын.
Талун, ода-кора тӧлысь 11 лунӧ, Казань карса ӧти школаын вӧлі восьтӧма лыйсьӧм.
Вооружённӧй уськӧдчӧм дырйи куліс 8 морт, на лыдын сизим кага да ӧти велӧдысь.
Нӧшта 21 мортӧс нуисны больничаӧ.
Коми Республикаса Юралысь Владимир Уйба ыстіс Татарстан Республикаса президент Рустам Миннихановлы пӧгибнитӧмаяслӧн рӧдвужкӧд да матыссаяскӧд шог юкӧм йылысь телеграмма.
«Коми Республикаса олысьяс да ме ачым юкам шогсӧ Казань карса 175 №-а Гимназияын лыйсьӧм дырйи кувсьӧмаяслӧн семьяяскӧд.
Сиа рӧдвужыслы унджык вын, медым ас вывті нуны матыссаясӧс воштӧм понда дойсӧ.
Доймӧмаяслы — ӧдйӧджык бурдны», — гижӧма телеграммаын.
Казаньын неминучакӧд йитӧдын Владимир Уйба тшӧктіс Коми Республикаса велӧдан министерстволы бурджыка видзӧдны безопасносьт бӧрся республикаса став велӧдан учреждениеын.
Ода-кора тӧлысь 13 лунӧ Коми Республикаын терроризмлы паныд удж нуӧдысь комиссиялӧн заседание дырйи кутасны сёрнитны велӧдан да мукӧд социальнӧй юкӧнӧ пырысь объектъяс терроризмысь дорйӧм йылысь.
{Kodko (комиӧдіс Обрезкова Н. А.) @ Ода-кора тӧлысь 12 лунсянь Комиын позьӧ нуӧдны быдсяма спорт мероприятиеяс эпидемиялы паныд корӧмъясӧ кутчысьӧмӧн @ выльтор @ https://rkomi.ru/news/843 @ 2021-05-11 @ }
Ода-кора тӧлысь 12 лунсянь Комиын позьӧ нуӧдны быдсяма спорт мероприятиеяс эпидемиялы паныд корӧмъясӧ кутчысьӧмӧн.
Талун, ода-кора 11 лунӧ, Коми Республикаса Юралысь Владимир Уйба пыртіс вежсьӧмъяс «Содтӧд дасьлун режим пыртӧм йылысь» Индӧдӧ.
COVID–19 паськалӧмлы паныд удж нуӧдӧм серти республиканскӧй ведомствокостса оперативнӧй штаблысь помшуӧм да артмысь санитарно-эпидемиологическӧй ситуация тӧд вылын кутӧмӧн сетӧма позянлун Коми Республикаын нуӧдны *спорт мероприятиеяс татшӧм сёрнитчӧм серти:
· татшӧм спорт мероприятиеяс котыртысьяслы колӧ кутчысьны оланпастэчас серти корӧмъясӧ, тшӧтш и нуӧдны Индӧд дорӧ 3 №-а содтӧдын индӧм эпидемиялы паныд мероприятиеяс;
· колӧ, медым спорт ордйысьӧмъясын участвуйтысьяслӧн да тренируйтчысьяслӧн, а сідзжӧ найӧс колльӧдысьяслӧн вӧлі ПЦР-тестъяс серти отрицательнӧй результатъяс. ПЦР-тестсӧ колӧ вӧчны республикаӧ воан лунӧдз 3 лунысь абу водзджык (Коми Республикаын олысьяслы — ордйысьӧмъяс нуӧданінӧ да тренируйтчанінӧ воан лунӧдз 3 лунысь абу водзджык).
Сідзжӧ пыртӧма вежсьӧмъяс Индӧдлӧн торъя положениеясӧ федеральнӧй нормативнӧй актъяс серти.
*«Россия Федерацияын вынйӧр сӧвмӧдӧм да спорт йылысь» Федеральнӧй оланпас серти спорт мероприятиеяс — тайӧ спорт ордйысьӧмъяс, а сідзжӧ тренировочнӧй мероприятиеяс, кытчӧ пырӧны теория да котыртан юкӧнъяс, да спортсменъяслӧн участвуйтӧмӧн спорт ордйысьӧмъяс кежлӧ дасьтысян мукӧд мероприятие; спортсмен — торъя морт, коді занимайтчӧ бӧрйӧм спорт сикасӧн либӧ сикасъясӧн да участвуйтӧ спорт ордйысьӧмъясын.
*Вакцинация отсӧгӧн позьӧ кокньыда да дон босьттӧг видзны асьтӧ да матыссаястӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Республикаса Йӧзлысь дзоньвидзалун видзан министерстволӧн йитӧд-шӧрин пыр 8–800–550–0000 номер серти дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Обрезкова Н. А.) @ Владимир Уйба видзӧдӧ Ненеч асвеськӧдлан кытшын мусир киссьӧмкӧд йитчӧм ситуация бӧрся @ выльтор @ https://rkomi.ru/news/844 @ 2021-05-11 @ }
Владимир Уйба видзӧдӧ Ненеч асвеськӧдлан кытшын мусир киссьӧмкӧд йитчӧм ситуация бӧрся.
«Усинск» кар кытшлӧн муниципальнӧй юкӧнса администрациялӧн юӧр серти, ода-кора тӧлысь 11 лунӧ воӧма юӧр, мый «Усинск» кар кытшса муниципальнӧй юкӧнын Колва ю вылын 4 пос гӧгӧрын артмӧма уна рӧма плёнка.
Места вылӧ юӧр стӧчмӧдӧм да лоӧмторсӧ донъялӧм могысь муніс оперативнӧй группа.
Юӧрыс вӧлӧма збыль.
Ӧні «Вӧр-ва» СПАСФ ичӧт кывкутана котыр мусир киссьӧмкӧд йитчӧм неминуча бырӧдан сӧгласуйтӧм план серти 1 да 4 посъяс дорын нуӧдӧ локализуйтан мероприятиеяс.
Мусир петанінсӧ Ненеч асвеськӧдлан кытшын, «Усинск» кар кытшса муниципальнӧй юкӧнкӧд орччӧн, аддзӧма да петӧмсӧ дугӧдӧма.
Усинскса мэр Николай Такаев кырымаліс муниципалитетын 23 чассянь «Неминуча» режим пыртӧм йылысь шуӧм.
Лоӧмтор йылысь юӧртӧма Коми Республикаса Юралысь Владимир Уйбалы.
Сы йылысь, кутшӧм мераяс примитӧма да кыдзи вежсьӧ ситуацияыс, позьӧ лыддьыны «Усинск» кар кытшлӧн муниципальнӧй юкӧнса Администрациялӧн официальнӧй ӧтуввез-ресурсъясысь.
{Kodko (комиӧдіс Обрезкова Н. А.) @ Казаньын пӧгибнитӧмаясӧс позьӧ казьтыштны Сыктывкарын Олег Кошевой нима 12 №-а школа дорын @ выльтор @ https://rkomi.ru/news/846 @ 2021-05-12 @ }
Казаньын пӧгибнитӧмаясӧс позьӧ казьтыштны Сыктывкарын Олег Кошевой нима 12 №-а школа дорын.
Коми юркарса олысьяс лӧсьӧдісны мемориал велӧдысьлы школадорса памятник дорын.
Татчӧ карса войтыр вайӧны дзоридзьяс, медым лоны ӧтвыв Татарстанса бать-мамкӧд, юкны накӧд шог.
Коми Республикаса Юралысь Владимир Уйба тайӧ лунъясӧ Мурманскӧй обласьтын удж серти. Сы нимсянь дзоридзьяс вайис Коми Республикаса Веськӧдлан котырӧн Юрнуӧдысьӧс вежысь Дмитрий Самоваров.
Водзынджык Владимир Уйба ыстіс Татарстан Республикаса Президент Рустам Миннихановлы телеграмма, кӧні юкӧ шог Татарстанын олысьяскӧд, сиӧ вынъяс пӧгибнитӧмаяслӧн рӧдвужлы, а доймӧмаяслы — ӧдйӧджык бурдны.
{Kodko (комиӧдіс Обрезкова Н. А.) @ Коми Республикаса Юралысьлӧн да Регионӧн веськӧдлан шӧринлӧн ӧтувъя удж сетіс позянлун бӧр восьтыны Шудаягын амбулатория @ выльтор @ https://rkomi.ru/news/848 @ 2021-05-13 @ }
Коми Республикаса Юралысьлӧн да Регионӧн веськӧдлан шӧринлӧн ӧтувъя удж сетіс позянлун бӧр восьтыны Шудаягын амбулатория.
Шӧринса специалистъяс быдлунъя мониторинг дырйи пасйисны социальнӧй везъясын Шудаягын олысь аньлысь норасьӧм сы серти, мый посёлокын оз колананог сетны медицина услугаяс.
Сідз, Шудаягын абу тыр-бур амбулатория: 3000 олыся посёлокын уджалӧ сӧмын ӧти врач-терапевт.
Посёлокса войтыр ыстісны Ухта карса поликлиникаӧ Шудаягын медицина боксянь тыр-бура могмӧдӧм йылысь корӧм, мый кырымаліс посёлокса 800 олысь.
Шӧринса уджалысьяс быдлунъя аналитическӧй отчётын сетісны Шудаягын олысьяслысь корӧмсӧ Владимир Уйбалы, медым бырӧдны посёлокын медицина отсӧг сетӧмын мытшӧдъяссӧ.
Республикаса Юралысь тшӧктіс Коми Республикаса Веськӧдлан котырлы «Ухта» кар кытшса муниципальнӧй юкӧнлӧн администрациякӧд ӧтув пырысьтӧм-пыр сетны вочакыв олысьяслӧн корӧм вылӧ.
Сідз, ода-кора тӧлысь 17 лунӧ нин Шудаягса амбулаторияын лоас фельдшер, таӧдз недыр кад кутас уджавны нӧшта ӧти врач-терапевт.
Таысь кындзи, регыдъя кадӧ лоӧ дзоньталӧма Павлов уличаса 9 номера керкаын процедурнӧй да смотрӧвӧй кабинетъяс да котыртӧма налысь удж.
Ӧні Коми Республикаса йӧзлысь дзоньвидзалун видзан министерство «Ухта» кар кытшса муниципальнӧй юкӧнлӧн администрациякӧд ӧтув корсьӧны позянлун стрӧитны посёлокын выль амбулатория.
Мунӧ удж выль стрӧйба улӧ му участок сетӧм йылысь.
Чайтсьӧ, мый выль амбулаторияын кутас уджавны ӧтувъя практикаа врач.
{Kodko (комиӧдіс Обрезкова Н. А.) @ Владимир Уйба удж серти ветліс Усинскӧ, кӧні водзӧ бырӧдӧны Колва юӧ мусир киссьӧм бӧрын колясъяссӧ @ выльтор @ https://rkomi.ru/news/849 @ 2021-05-13 @ }
Владимир Уйба удж серти ветліс Усинскӧ, кӧні водзӧ бырӧдӧны Колва юӧ мусир киссьӧм бӧрын колясъяссӧ.
Талун, ода-кора тӧлысь 13 лунӧ, Коми Республикаса Юралысь муніс неминуча лоӧминӧ.
Усинскын Владимир Уйба Россияса МЧС-лӧн Коми Республикаын медшӧр веськӧдланінса начальниклысь могъяс недыр кадколастӧ збыльмӧдысь Олег Нецкийкӧд, «ЛУКОЙЛ-Коми» ичӧт кывкутана котырса медыджыд директор Александр Голованевкӧд, Усинскса мэр Николай Такаевкӧд ӧтув нуӧдіс неминуча колясъяс бырӧдӧм серти оперативнӧй штаблысь заседание. Неминучаыс лоис Ошса куйлӧдын.
Ода-кора тӧлысь 11 лунӧ 23 чассянь «Усинск» кар кытшса муниципальнӧй юкӧнын пыртӧма «Неминуча» режим.
Колясъяссӧ бырӧдӧны «ЛУКОЙЛ-Коми» ичӧт кывкутана котырса уджалысьяс, «ВӦР-ВА» СПАСФ ичӧт кывкутана котырса специалистъяс, аварияысь мездан торъя отрядъяс да спецтехника.
Мусир провод торксьӧминысь мусира валысь петӧмсӧ дугӧдӧма.
Ненеч асвеськӧдлан кытшын нуӧдӧма мусир провод йиджтӧмлун торксьӧминлысь обвалование да Колва юӧ водзӧ вылӧ мусир петӧмысь ӧлӧдӧм могысь лӧсьӧдӧма ва затвор.
Ӧні мунӧ мусирӧн няйтӧсьтӧм му да ва вылысь мусир прӧдукта чукӧртӧм серти удж. Уджсӧ вӧчӧны оз векся моз, а баржаяс, катеръяс да сваяяс отсӧгӧн.
Мусирсӧ бырӧдӧны квайтлаын.
Аттестуйтӧм вынъяс да средствояс отсӧгӧн сувтӧдӧны бонаяс, чукӧртӧны уна рӧма плёнкасӧ сорбент отсӧгӧн.
Медводдза бонаа йӧрсӧ сувтӧдӧма медводдза пос дорас.
Мусир киссьӧм колясъяс бырӧдӧм понда содтӧд йӧръяс сувтӧдӧма Колва сикт дорын да Колва ю вомын.
Ставнас Коми Республика мутасын лоӧ сувтӧдӧма 2500 метр кузьта бонаа йӧр.
Уджалӧны 165 морт да 32 техника.
Ковмас кӧ, эм позянлун содтыны йӧзлысь да техникалысь лыд.
Коми Республикаса Юралысьлӧн тшӧктӧм серти котыртӧма оперативнӧя реагируйтан республикаса штаб.
«Мусир киссьӧм колясъяс бырӧдӧм серти уджыс зэв сьӧкыд, сы вӧсна мый кылалӧ йи.
Став позянлуннас, мыйӧн позьӧ вӧдитчыны восьса ва вылын, ӧні йи кылалӧм вӧсна тырвыйӧ вӧдитчыны он вермы.
Но та вылӧ видзӧдтӧг мусира ва чукӧртӧм мунӧ водзӧ.
Медся шӧр мог — йӧзлӧн безопасносьт.
Ми, дерт, экология дор, но неминуча бырӧдны оз позь морт олӧм донӧн.
Шыӧдча ставыс дорӧ: кодыр стӧча онӧ гӧгӧрвоӧй, мый колана уджъясыс абу ӧпаснӧйӧсь, уджсӧ вӧчны оз позь!», — пасйис Коми Республикаса Юралысь Владимир Уйба.
Няйтӧсьтӧм мутас весалӧм серти уджъясыс мунӧны лун и вой.
Дугдывтӧг нуӧдӧны лоӧмтор местаас да ю ньылыдыс Колва юын ва серти мониторинг.
Овмӧдчӧминъяслы, экономика объектъяслы да ва стрӧйбаяслы грӧз абу.
Владимир Уйба Олег Нецкийкӧд, Александр Голованевкӧд да Николай Такаевкӧд волісны неминуча колясъяс бырӧданінын медводдза пос дорӧ. Сідзжӧ паныдасьлісны Колва сиктса олысьяскӧд.
Юралысь вочавидзис сиктса олысьяслӧн юалӧмъяс вылӧ.
Аддзысьлӧм дырйи сёрнитчисны дасьтыны «ЛУКОЙЛ-Коми» ичӧт кывкутана котыр да Колва сикт костын социальнӧй уджъёртасян план да видлавны сійӧс мӧдысь аддзысьлігӧн, мый вермас лоны тавося лӧддза-номъя тӧлысь помын.
{Kodko (комиӧдіс Обрезкова Н. А.) @ Комиын лӧсьӧдӧны Арктика мутасын кӧртымӧ мынтысьтӧг босьтны позяна му участокъяслысь лыддьӧг @ выльтор @ https://rkomi.ru/news/851 @ 2021-05-15 @ }
Комиын лӧсьӧдӧны Арктика мутасын кӧртымӧ мынтысьтӧг босьтны позяна му участокъяслысь лыддьӧг.
Тайӧс вӧчӧ уджалан группа, коді корсьӧ позянлун паськӧдны Арктика зонаын му участокъяс кокньыдджыка босьтан зона.
Уджалан группалысь ӧчереднӧй заседание нуӧдіс Коми Республикаса Веськӧдлан котырӧн Юрнуӧдысьӧс вежысь Ирина Бахтина.
Заседаниеӧ пырӧдчисны ӧтувъя сӧвмӧдан институтӧн — Ылі Асыввыв да Арктика сӧвмӧдан корпорацияӧн, республикаса Эмбур да му йитӧдъяс комитетӧн, Коми Республикаса Каналан Сӧветӧн веськӧдлысьяс.
Сёрнитісны мутасъяс, муяс, зонаяс, кӧні му участокъяссӧ вермасны сетны «Гражданалы му участокъяс, кутшӧмъяс пырӧны канму либӧ муниципальнӧй эмбурӧ да меститчӧны Ылі Асыввыв федеральнӧй кытшӧ пырысь Россия Федерацияса субъектъяслӧн мутасъясын, сетӧмын аслыспӧлӧслун йылысь да Россия Федерацияса торъя оланпастэчас актъясӧ вежсьӧмъяс пыртӧм йылысь» 119-ФЗ №-а федеральнӧй оланпасӧ вежсьӧмъяс пыртӧм бӧрын.
Ылі Асыввыв да Арктика сӧвмӧдан корпорацияын социальнӧя сӧвмӧм серти медыджыд директорӧс медводдза вежысь Эльвира Нургалиева пасйис, мый му участокъяс кӧртымалӧмыс сетас йӧзлы содтӧд позянлун кыпӧдны керкаяс, пӧртны олӧмӧ выль предпринимательскӧй водзмӧстчӧмъяс.
«Муниципалитетъяскӧд ӧтвылысь ми лӧсьӧдам «колана картаяс».
Тайӧ йӧзкӧд ӧтув нуӧдан удж.
Ми гӧгӧрвоам, мый Арктика зонаын уджтассӧ паськӧдігӧн медводз колӧ мыджсьыны йӧзлӧн кӧсйӧмъяс да вӧзйӧмъяс вылӧ», — тӧдчӧдіс Эльвира Нургалиева.
Матысса кадӧ республикаын быд меставывса асвеськӧдлан орган дасьтас помшуӧм сійӧ мутасъяс серти, кутшӧмъясӧс пыртасны мутасъяс лыддьӧг йылысь республикаса оланпас балаӧ. 119-ФЗ №-а федеральнӧй оланпас серти тайӧ мутасъясын му участокъяссӧ вермасны сетны кӧртымӧ дон босьттӧг.
Коми Республикаса Юралысьӧн вынсьӧдӧм бӧрын оланпас баласӧ кутас видлавны Коми Республикаса Каналан Сӧвет.
ФЗ–119 оланпас вынсьӧдӧм бӧрын медводдза 6 тӧлысьӧ му участокъяссӧ вермасны босьтны граждана, кодъяслӧн эм лӧсялана субъектъясын (миянлы — Коми Республикаын) регистрация.
А тайӧ кадколаст бӧрас татшӧм позянлуныс лоӧ Россияса быд гражданинлӧн, а сідзжӧ суйӧр сайын олысь соотечественникъяслы Россия Федерацияӧ асвӧляысь овмӧдчыны отсалӧм серти канму уджтасын участвуйтысьяслӧн.
1 гектарӧдз му участок позьӧ босьтны мынтысьтӧг кӧртымӧ 5 во кежӧ, а сэсся бура вӧдитчигӧн да освоитӧм бӧрын позьӧ босьтны ас эмбурӧ («видзан вӧр» да сы кодь муяс кындзи) либӧ дыр кадся кӧртымӧ.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Семьялы сиӧм войтыркостса лунӧн @ выльтор @ https://rkomi.ru/news/852 @ 2021-05-15 @ }
Владимир Уйба чолӧмалӧ Коми Республикаса олысьясӧс Семьялы сиӧм войтыркостса лунӧн.
Коми Республикаса пыдди пуктана олысьяс!
Чолӧмала тіянӧс Семьялы сиӧм войтыркостса лунӧн!
Семья да семьяын кӧленаысь кӧленаӧ обычайяс да традицияяс водзӧ нуӧдӧм — быд морт олӧмын медколана подув.
Кӧть и мирыс ӧдйӧ вежсьӧ, но семья, муслун да веськыдлун век лоӧны меддонаторйӧн.
Крепыд да ӧтувъя семья век вӧлі и лоӧ россияса йӧзкотырлы подулӧн.
Бӧръя воясӧ канму ёна отсасьӧ семьяяслы, мамъяслы да челядьлы, торйӧн нин пикӧ воӧм семьяяслы.
Та йылысь висьталіс Россияса Президент Владимир Владимирович Путин Россия Федерацияса Федеральнӧй Собраниелы посланиеын.
Канмуӧн веськӧдлысь тӧдчӧдіс ӧткымын зэв колана мера, кодъяс лоӧны содтӧд отсӧгӧн нӧбасьысь аньяслы да челядя семьяяслы.
Ставыс тайӧ отсалӧ пӧртны олӧмӧ демография могъяс, отсалӧ семьялы кыдз тӧдчана институтлы крепаммыны да сӧвмыны, лӧсьӧдны колана условиеяс челядь чужтӧм да быдтӧм вылӧ.
Став сьӧлӧмсянь сиа республикаса олысьяслы видзны ассьыныд семья, сьӧлӧм шонтысь сьӧлӧмкылӧмъяс.
Ыджыд шуд, крепыд дзоньвидзалун да тыр-бур олӧм!
[Коми Республикаса Юралысь В. В. Уйба]
{Kodko (комиӧдіс Обрезкова Н. А.) @ Владимир Уйба сетіс Коми Республикаса Веськӧдлан котырлысь премияяс да Россияса канму наградаяс республикаса уна челядя медбур семьяяслы @ выльтор @ https://rkomi.ru/news/853 @ 2021-05-15 @ }
Владимир Уйба сетіс Коми Республикаса Веськӧдлан котырлысь премияяс да Россияса канму наградаяс республикаса уна челядя медбур семьяяслы.
Ода-кора тӧлысь 14 лунӧ, Семьялы сиӧм войтыркостса лун водзвылын, Коми Республикаса Юралысь чолӧмаліс Веськӧдлан котырлӧн премияа лауреатъясӧс.
Лауреатӧн лои 10 семья — 2020 да 2021 воясся вермысьяс.
Владимир Уйба сідзжӧ сетіс Россия Федерацияса канму наградаяс: «Бать-мам слава» орден — Ухтаысь Андреевъяслӧн семьялы, «Бать-мам слава» орденлысь медаль — Луздор районса Костылевъяслӧн семьялы.
«Лоны уна челядя бать-мамӧн — ыджыд кывкутӧм и челядь водзын, и йӧзкотыр водзын, — пасйис юралысь.
— Сы вӧсна мый татшӧм семьяын колӧ кужны сідзи тэчны йитӧдъяссӧ, мед и челядь, и бать-мам радейтісны да пыдди пуктісны ӧта-мӧдсӧ, эскисны ӧта-мӧдлы.
Тайӧ зэв ыджыд удж.
Быдлунъя, шойччывтӧм удж.
Аттьӧ тіянлы тайӧ уджсьыс да муӧдз копыр».
Аслас вочакывйын Сергей Андреев, 8 челядя бать, шуис, мый «Бать-мам слава» орден — ыджыд чесьт да ыджыд пыдди пуктӧм.
«Ыджыд аттьӧ странаса да республикаса веськӧдлысьяслы пандемия дырйи отсӧгысь, кор ми веськавлім сьӧкыд ситуацияӧ, — шуис Сергей Андреев.
— Чайта, мый выль мераясыс, кодъяс йылысь висьталіс миян Президент Федеральнӧй Собраниелы посланиеын, лоасны миянлы бур отсӧгӧн».
Таво Веськӧдлан котырлӧн премия вылӧ кутісны лача республикаса кар-районъясысь 15 семья.
Помшуӧмыс вӧлі конкурсса комиссия сайын.
Воӧм материалъяс серти вӧлі бӧрйӧма 5 семья: Сыктывдін районысь Шуктомовъяс, Сыктыв районысь Лапшинъяс, Кӧрткерӧс районысь Казаковъяс, Ухтаысь Фроловъяс да Сыктывкарысь Рочевъяс.
Ыб сиктысь Константин да Юлия Шуктомовъяс быдтӧны квайт челядьӧс. Велӧдӧны пыдди пуктыны удж да православнӧй оласног.
Семья тӧждысьӧ вӧр-ва вӧсна да тӧлкӧн нуӧдӧ овмӧс.
Шуктомовъяс зэв зільӧсь, бать-мамыс да челядьыс окотапырысь пырӧдчӧны сиктса мероприятиеясӧ.
Визин сиктысь Михаил да Виктория Лапшинъяслӧн куим челядь.
Ставныс радейтӧны тӧдмавны мыйкӧ выльӧс чужан му йылысь.
Бать-мам да челядь велӧдӧны асланыс ичӧт чужанінлысь история, чукӧртӧны легендаяс да преданньӧяс, фотографируйтӧны нималана местаяс да юксьӧны сиктса мичнас став мирыскӧд социальнӧй везъяс пыр.
Лапшинъяслӧн асланыс краеведческӧй музей, 14 кӧленаӧдз тӧдӧны ассьыныс рӧдвужсӧ, вӧчисны семьялысь генеалогическӧй пу.
Генеалогическӧй пу «быдтӧны» и кӧрткерӧсса Казаковъяс.
Налӧн эм асланыс герб, девиз да весиг семьяса орнамент.
Александр да Елена Казаковъяс кӧсйӧны, медым налӧн куимнан челядьыс вӧліны культурнӧй йӧзӧн, велӧдӧны найӧс радейтны удж да вӧр-ва. Челядьыс зільӧны велӧдчыны да вайӧдны помӧдз став заводитӧмторсӧ.
Ухтаысь Фроловъяс радейтӧны путешествуйтны.
Максим, Наталья да налӧн куим челядь пыр ветлӧны выль, интереснӧй инъясӧ.
Гортас воигӧн пасъялӧны волӧминъяссӧ семейнӧй атласӧ.
Тайӧ зэв активнӧй да ёрта семья.
Найӧ «Уна челядь» Ухтаса уна челядя семьяяслӧн ӧтйӧза котырын волонтёръяс.
Андрей да Ирина Рочевъяс олӧны Сыктывкарса Эжва районын. Налӧн куим челядь.
Семьялӧн девиз — «Рочевъяс пыр дасьӧсь».
Шӧр нырвизьыс налӧн — спорт.
Ставныслӧн эм ГТО зарни значок.
2019 воӧ Рочевъяс вермисны ГТО серти республикаса семейнӧй фестивальын да ветлісны ГТО серти ставроссияса семейнӧй фестиваль вылӧ Сочиӧ.
Церемония вылын вӧлісны и 2020 воын Веськӧдлан котырлӧн премияа лауреатъяс.
Пандемия вӧсна кольӧм во найӧс эз вермыны чолӧмавны и вуджӧдісны таво вылӧ.
2020 воӧ Веськӧдлан котырлӧн премия вылӧ сетлісны документъяс 11 семья.
Вермысьясӧн лоисны Луздор районысь Андреевъяс, Емдін районысь Тыринъяс, Интаысь Шаверинъяс — ставыс найӧ быдтӧны куим челядь, а сідзжӧ Кӧрткерӧс районысь Раковъяс да Сыктыв районысь Анисимовъяс — налӧн нёль челядьӧн.
Андреевъяс чайтӧны, мый колӧ овны оз сӧмын аслыд, но и йӧзлы, асланыс Абъячой сиктлы буртор вӧчӧмӧн, та вӧсна налӧн олӧмын тӧдчана пай босьтӧ йӧзкостса удж.
Ёна радейтӧны ӧтувъя шойччӧм: лыжи, велосипед, чери кыйӧм да Луза ю кузя кылӧдчӧм.
Тыринъяслӧн семьяын видзӧны Айму вӧсна Ыджыд тыш йылысь паметь.
Быдмысь войтыр тӧдӧны асланыс пӧльяслӧн подвигъяс йылысь да пыдди пуктӧны найӧс.
Победалы 70 во тыригӧн ветлісны уна герой-карӧ. 2019 воӧ семья вӧлі Санкт-Петербургын Победа парад вылын.
Радейтны удж велӧдӧны и Раковъяслӧн семьяын.
Бать-мам велӧдӧны пыдди пуктыны рӧдвужлысь история: налы мойвиис «быдтыны» 7 вужгӧрӧдӧдз генеалогическӧй пу мам боксянь да 6 вужгӧрӧдӧдз — бать боксянь.
Анисимовъяслӧн семьяын медшӧрыс — ёртасьӧм да семья пытшкын лад.
Ӧтувъя радейтана ворсӧм — волейбол: ворсӧны командаясын да весиг ветлӧны ворсны мукӧд каръясӧ.
Радейтӧны пызанвывса ворсӧмъяс.
Окотапырысь накӧд ворсӧны и пӧль-пӧчьяс.
Шаверин гозъя велӧдӧны челядьсӧ кывкутӧмӧн да бура велӧдчыны.
И челядьыс шедӧдісны ыджыд вермӧмъяс велӧдчӧмын.
Медшӧр традиция: рытъя лыддьысьӧмъяс.
Налӧн гортаныс ыджыд библиотека, кӧні ставлӧн эмӧсь радейтана небӧгъяс.
«Дона ёртъяс!
Став сьӧлӧмсянь чолӧмала республикаса став семьяӧс локтысь гажӧн.
Сиа тыр-бур олӧм тіянлы, тіян матыссаяслы уна-уна во вылӧ.
Мед быд лун козьналас радлун да олан вын», — шуис Владимир Уйба.
{Kodko (комиӧдіс Обрезкова Н. А.) @ Владимир Уйба сёрнитіс Россияса нимйӧза артист Валерий Гергиевкӧд Коми Республикаын культура сӧвмӧдӧм йылысь @ выльтор @ https://rkomi.ru/news/854 @ 2021-05-15 @ }
Владимир Уйба сёрнитіс Россияса нимйӧза артист Валерий Гергиевкӧд Коми Республикаын культура сӧвмӧдӧм йылысь.
Ода-кора тӧлысь 14 лунӧ Коми Республикаса Юралысь аддзысьліс канму академическӧй Мариинскӧй театрса директоркӧд — художествоа веськӧдлыськӧд.
Сійӧ рытнас маэстро веськӧдлӧм улын Мариинскӧй театрса симфоническӧй оркестр сетіс концерт Республикаса опера да балет театрлӧн сцена вылын Ыджыд лунлы сиӧм москваса фестиваль дырйи.
«Тайӧ воыс миянлы аслыспӧлӧс — республикалы тырӧ сё во.
И мый Ті тані, Мариинка тані — миянлы зэв тӧдчанатор, — пасйис Коми Республикаса Юралысь Владимир Уйба.
— Сыктывкар ӧнісянь пырӧ Россияса сё да джын кар пиӧ, кытчӧ воис Ыджыд лунлы сиӧм фестиваль.
Чайта, мый тайӧ лоас бур традицияӧн».
Ыджыд лунлы сиӧм москваса фестивальсӧ вӧлі котыртӧма 2002 воӧ.
Во мысти Россияса Президент Владимир Путин отсӧгӧн сійӧ лои ставроссияса фестивальӧн.
Сэтчӧ пырӧ нёль уджтас: симфоническӧй, камернӧй, хорӧвӧй да звонильнӧй.
«Фестиваль мунӧ нин странаса 60-ысь унджык регионын.
Ме пукті ас водзын мог — дженьыд кадӧн лӧсьӧдны нима фестивальяс сійӧ местаясын, кӧні чужисны нималана композиторъяс.
Медым сэні пыр выступайтісны, — висьталіс Валерий Гергиев.
— Ӧд ёна тӧдчана копыртчыны сійӧ муыслы, коді чужтіс генийӧс.
Ми вӧлім Тихвинын — Римскӧй-Корсаковлӧн чужанінын.
Тайӧ вӧлі зэв тӧдчанатор.
Он вермы висьтавны, кыдзи сэні олысьяс гордитчӧны асланыс землякӧн».
Ыджыд лунлы сиӧм москваса фестиваль котыртӧмсянь сэні участвуйтіс став мирысь эз ӧти сюрс музыкант, на пиын и мир тшупӧда артистъяс, и том енбияс — П. И. Чайковский нима Войтыркостса конкурсын лауреатъяс.
Фестивальлӧн географияыс воысь воӧ пыр паськалӧ.
Талун сэтчӧ пырӧны Россияса 150 кар да вит страна.
Фестивальлӧн бурвӧчан концертъяс мунӧны челядьлы шылада школаясын, ветеранъяслы керкаясын, карса больничаясын, кага керкаясын — сэні, кытысь йӧз оз вермыны волыны концерт залъясӧ.
2014 восянь Ыджыд лунлы сиӧм москваса фестиваль котыртысьяс Россия Федерацияса оборона министерствокӧд ӧтув нуӧдӧны бурвӧчан концертъяс военнослужащӧйяслы да налӧн семьяяслы.
Ыджыд лунлы сиӧм москваса фестивальлӧн Бурвӧчан уджтасын медвылыс тшупӧд — Валерий Гергиев веськӧдлӧм улын Мариинскӧй театрса симфоническӧй оркестрлӧн Москваын Поклоннӧй гӧра вылын Победа лунӧ мунысь концерт. Быд во сійӧ чукӧртӧ 300 сюрс гӧгӧр кывзысьӧс.
{Kodko (комиӧдіс Обрезкова Н. А.) @ Коми Республикаса предприятиеяс да организацияяс ошкисны республикаын мир тшупӧда наука да велӧдан шӧрин лӧсьӧдӧм серти Владимир Уйбалысь водзмӧстчӧмсӧ @ выльтор @ https://rkomi.ru/news/855 @ 2021-05-15 @ }
Коми Республикаса предприятиеяс да организацияяс ошкисны республикаын мир тшупӧда наука да велӧдан шӧрин лӧсьӧдӧм серти Владимир Уйбалысь водзмӧстчӧмсӧ.
Та серти Коми Республикаса Юралысь сёрнитіс регионса предприятиеясӧс да организацияясӧс петкӧдлысьяскӧд, наука котыркӧд.
Россияса Президент Владимир Путин 204 №-а Индӧд серти пуктіс Россия Федерацияса Веськӧдлан котыр водзын мог — лӧсьӧдны мир тшупӧда наука да велӧдан 15 шӧрин (НВШ).
Талун эм нин 10 татшӧм шӧрин.
Таво лӧсьӧдасны нӧшта витӧс.
«Ми сувтӧдам ас водзӧ амбициознӧй мог — лӧсьӧдны «Войвылын олысьяслысь дзоньвидзалун видзан технологияяс» мир тшупӧда дінму наука да велӧдан шӧрин, — шуис Владимир Уйба.
— Талун ми аддзам, мый республикаысь йӧзыс мунӧны да кольӧны пӧрысьджык войтыр, войвылын оландырыс этша.
Татшӧм ситуациясӧ вежӧм могысь колӧ вӧчны колана условиеяс, медым видзны да кыскыны том туялысьясӧс, ыджыд квалификацияа специалистъясӧс, а сідзжӧ пӧртны олӧмӧ инвестиция проектъяс».
Коми Республикаын уджалӧ нин асшӧр уджалысьясӧс кыскан ӧткымын инструмент:
Арктика зоналы да монокаръяслы преференцияяс, Промышленносьт сӧвмӧдан фондлӧн кокньӧда заёмъяс.
«Такӧд тшӧтш колӧ лӧсьӧдны выль условиеяс ыджыд технология производствояс сӧвмӧдӧм могысь, артмӧдны республикаын инновационнӧя сӧвмӧдан экосистема да технологическӧй предпринимательство.
И та могысь колӧ примитны мир тшупӧда наука да велӧдан шӧрин восьтӧм йылысь помшуӧм», — тӧдчӧдіс Владимир Уйба.
Шӧрин восьтӧмыс сетас позянлун корны регионӧ инвестиция проектъяс олӧмӧ пӧртӧм могысь федеральнӧй сьӧмкудйысь содтӧд сьӧм быд во 100 млн гӧгӧр шайт мындаын. Татшӧм проектъясыс сетасны позянлун пыртны наука да техника уджлысь бӧртасъяссӧ промышленнӧй организацияяслӧн производство процессъясӧ.
«Уна уджъёрт дась нин пырӧдчыны шӧринлӧн уджӧ. На пиын ЛУКОЙЛ, Газпром, Росатом Россияса ыджыд компанияяс, МГУ, МФТИ медыджыд наука да велӧдан шӧринъяс да мукӧд, — пасйис Коми Республикаса Юралысь Владимир Уйба.
— Та вӧсна ме кора тіянӧс талун нин пырӧдчыны наука да велӧдан шӧринӧ. Тайӧ сетас позянлун вӧдитчыны наука организацияясӧн лӧсьӧдан технологияясӧн, вӧчны заказ наука туялӧмъяс да разработкаяс вылӧ, медым содтыны лэдзан продукциялысь конкурентоспособносьт да лэптыны сійӧс мир тшупӧдӧдз. Лоас позянлун пырӧдчыны и Россияса ыджыд канму корпорацияяслӧн производство визьясӧ».
Талун кежлӧ эм НВШ лӧсьӧдӧм серти туй карта.
Ӧні республикаын ставыс на сӧмын заводитчӧ — лӧсьӧдсьӧ шӧрин да веськӧдлан система.
Эм колана уджтас, бӧрйӧма шӧр нырвизьяс.
Мӧд вежоннас кӧсйӧны нуӧдны Наука да велӧдан шӧринлӧн видзӧдысь сӧветлысь заседание. Сӧветас пырасны уджъёртъяс — организацияяс, корпорацияяс, наука институтъяс да республикаса ыджыд предприятиеяс.
Комиын мир тшупӧда НВШ лӧсьӧдӧм йылысь заявкасӧ кӧсйӧны сетны Россияса велӧдан да наука министерствоӧ ода-кора тӧлысь 27 лунӧдз.
{Kodko (комиӧдіс Обрезкова Н. А.) @ Владимир Уйба пырӧдчис Россия Федерацияса оборона министр, армияса генерал Сергей Шойгукӧд селекторнӧй сӧвещаниеӧ @ выльтор @ https://rkomi.ru/news/857 @ 2021-05-15 @ }
Владимир Уйба пырӧдчис Россия Федерацияса оборона министр, армияса генерал Сергей Шойгукӧд селекторнӧй сӧвещаниеӧ.
Сёрнитісны «Авангард» том йӧзӧс военно-патриотическӧя быдтан-сӧвмӧдан шӧринъяс котыртӧм йылысь.
Россияса Президентлӧн тшӧктӧм серти татшӧм шӧринъяссӧ колӧ восьтыны странаса быд карын, кӧні олысь лыдыс 100 сюрс да унджык.
2020 воын Коми Республикаын «Гренада» челядьлысь дзоньвидзалун бурмӧдан да найӧс велӧдан шӧринын лӧсьӧдӧма «Авангард» том йӧзӧс военно-патриотическӧя быдтан-сӧвмӧдан учебно-методическӧй шӧрин.
Тані лӧсьӧдӧма колана условиеяс, эм лӧсялана инфраструктура.
Дасьтӧма профильнӧй сменаяслысь военно-патриотическӧй нырвизя уджтасъяс, на лыдын и «ЮНАРМИЯ» ӧтйӧза ӧтмунӧмӧ пырысьяслы.
2021 воӧ кӧсйӧны нуӧдны военнӧй службаӧн тӧдмасян 5 луна велӧдчан сборъяс, «Том спасатель» республикаса слёт, «Зарница» да «Орлёнок» военно-спортивнӧй ворсӧмъяс, «ЮНАРМИЯ КОМИ — 2021» кадет классъяслысь, военно-патриотическӧй клубъяслысь да ӧтувъяслысь республиканскӧй слёт, военно-патриотическӧй клубъясӧн да ӧтувъясӧн веськӧдлысьяслы семинар.
Владимир Уйба шыӧдчис Сергей Шойгу дорӧ Коми Республикаын «Авангард» шӧринлы демилитаризуйтӧм эмбур да техника сетӧм йылысь корӧмӧн.
Тайӧ сетас позянлун котыртны военно-патриотическӧй уджсӧ бурджык ногӧн.
Россияса оборона министр кӧсйысис отсавны республикалы.
Фотоыс Россия Федерацияса оборона министерствоса Юӧр сетан да уна йӧза коммуникацияяс департаментлӧн
{Kodko (комиӧдіс Обрезкова Н. А.) @ Владимир Уйба чолӧмаліс Юрий Широковлӧн призъяс вылӧ вӧльнӧй борьбаысь регионкостса вермасьӧмъясӧ пырӧдчысьясӧс @ выльтор @ https://rkomi.ru/news/858 @ 2021-05-15 @ }
Владимир Уйба чолӧмаліс Юрий Широковлӧн призъяс вылӧ вӧльнӧй борьбаысь регионкостса вермасьӧмъясӧ пырӧдчысьясӧс.
18 арӧсӧдз нывъяс да зонъяс пӧвстын Коми Республикалы 100 вося юбилей тырӧмлы сиӧм вермасьӧмъясыс вӧліны талун, ода-кора тӧлысь 15 лунӧ, Сыктывдін районса Выльгорт сиктын «Ошпи» спорт шӧринын.
Вермасисны 80 кымын спортсмен Коми Республикаысь, Чувашия, Марий Эл республикаясысь да Архангельск обласьтысь.
Коми Республикаса Юралысь чолӧмаліс котыртысьясӧс, спортсменъясӧс да гӧсьтъясӧс вермасьӧм воссьӧмӧн.
«Ме кӧсъя сины спортсменъяслы лоны тшапыдӧн да сетчытӧмӧн, донъялысьяслы — веськыд донъялӧм, а «висьысьяслы» — сьӧлӧмӧ мӧрччан вермасьӧмъяс, — пасйис Владимир Уйба.
— Медбур кывъяс талун кӧсъя шуны мортлы, коді лӧсьӧдіс и тайӧ залсӧ, и тайӧ вермасьӧмъяссӧ — Юрий Иванович Широковлы.
Вӧчис сьӧлӧмсянь, медым зонкаяслӧн вӧлі позянлун тренируйтчыны да быдмыны мужичӧйясӧн, медым нывкаяс вермисны сӧвмӧдны спорт мастерство, медым ставлӧн вӧлі позянлун кывны ас пытшкын олан вын.
Аттьӧ зэв ыджыд Тіянлы, Юрий Иванович, бур вӧчӧмысь!»
Владимир Уйба сетіс Юрий Широковлы Коми Республикаса Юралыссянь аттьӧалана гижӧд.
{Kodko (комиӧдіс Обрезкова Н. А.) @ Коми Республика — уна войтыра ӧтсӧгласӧн олысь котыр @ выльтор @ https://rkomi.ru/news/859 @ 2021-05-15 @ }
Коми Республика — уна войтыра ӧтсӧгласӧн олысь котыр.
Талун, ода-кора тӧлысь 15 лунӧ, Коми Республикаса войтырлӧн ёртасян керкаын вӧлі «Видза корам гортӧ» национально-культурнӧй автономияясӧс петкӧдлысьяслӧн аддзысьлӧм.
Гаж вылын вӧлі Коми Республикаса Юралысь Владимир Уйба.
Аддзысьлӧмсӧ вӧлі котыртӧма Семьялы сиӧм войтыркостса лункӧд йитӧдын.
Быд автономияӧс да землячествоӧс петкӧдлысьяс висьталісны семьяпытшса традицияяс йылысь, юргисны сьыланкывъяс да чолӧмалӧмъяс.
Залын чукӧртчисны найӧ, кодъяс чужисны Комиын, да найӧ, кодлы коми му лоис мӧд гортӧн.
«Коми Республика — тайӧ места, кӧні олӧны ладӧн да радейтӧмӧн уна войтыр, — пасйис Владимир Уйба.
— Миян уна сикас войтыра ыджыд семьяын олӧны ӧта-мӧдӧс пыдди пуктӧмӧн да ӧта-мӧд вӧсна тӧждысьӧмӧн.
Таысь зэв ыджыд аттьӧ.
Тайӧ гажлунӧ кӧсъя сины ставлы семьяын тыр-бур олӧм.
Мед тіян челядь быдмӧны шуда семьяясын».
Коми Республикаса Юралысь аттьӧаліс национально-культурнӧй автономияясӧс петкӧдлысьясӧс ассьыныс кыв да традицияяс видзӧмысь, челядьӧс да том йӧзӧс чужан му радейтны велӧдӧмысь.
{Kodko (комиӧдіс Обрезкова Н. А.) @ Сыктывкарын казьтыштісны Вежа Перымса Степанӧс @ выльтор @ https://rkomi.ru/news/861 @ 2021-05-15 @ }
Сыктывкарын казьтыштісны Вежа Перымса Степанӧс.
Ода-кора тӧлысь 15 лунӧ Коми республикаса филармонияын вӧлі Ыджыд Перымса Епископ кулӧмсянь 625 во тырӧмлы сиӧм концерт.
Концерт вылын юргис духовнӧй да йӧзкостса шылад, а сідзжӧ патриотическӧй сьыланкывъяс.
Мероприятие вылӧ воліс Коми Республикаса Юралысь Владимир Уйба.
«Перымса Степан ӧнія видзӧдлас серти вӧчис коми муын зэв ыджыд удж, — пасйис чолӧмалана кывйын Владимир Уйба.
— Сійӧ лӧсьӧдіс медводдза коми анбур, комиӧдіс вичкоын служитан шӧр гижӧдъяс, восьтіс медводдза манастыръяс.
Сылӧн вӧчӧмторйыс тӧдчана ӧні и лоас тӧдчанаӧн уна нэм чӧж».
Перымса Степан паськӧдіс коми муын кристослы эскӧм.
1383 воӧ сійӧс вӧлі пуктӧма медводдза епископӧн Перымса епархияӧ, кодӧс лӧсьӧдіс аслас миссионерскӧй уджӧн.
Перымса Степанлӧн удж сетіс позянлун пыртны Москваса Великӧй княжествоӧ перымса муяс. Сэсся татысь лои Ыджыд Россия.
Перымса Степанӧс олігӧныс нин шуисны вежаӧн.
Сылысь олӧм гижӧдсӧ тэчӧма Епифаний Премудрӧй, коді тӧдлӧма Степанӧс.
Вежа Степанӧс казьтылан лун — ода-кора тӧлысь 9 лунӧ.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Коми гижӧд лунӧн @ выльтор @ https://rkomi.ru/news/862 @ 2021-05-16 @ }
Владимир Уйба чолӧмалӧ Коми Республикаса олысьясӧс Коми гижӧд лунӧн.
Пыдди пуктана войтыр!
Дона ёртъяс
Ода-кора тӧлысьын уна гаж, и на лыдын миян республикаын тӧдчана лун — Коми гижӧд лун, кодӧс пасъям ода-кора тӧлысьлӧн коймӧд вежалунӧ.
Тайӧ гажсӧ сиӧма Перымса Степанӧн медводдза коми анбур тэчӧмлы.
Степан да сылысь уджсӧ водзӧ вӧчысьяс комиӧдісны вичкоын служитан шӧр гижӧдъяс, котыртісны коми кывъя службаяс, восьтісны медводдза православнӧй манастыръяс.
Торъя тӧдчанлун тайӧ гажыслӧн таво — Коми Республикалысь сё вося юбилей нимӧдігӧн.
Ода-кора тӧлысьӧ быд кар-районын нуӧдӧны Коми гижӧд лунлы сиӧм быдсикас мероприятие — небӧг выставкаяс, творческӧй конкурсъяс, интерактивнӧй викторинаяс да уна мукӧдтор.
Ставыс тайӧ сетӧ позянлун паськӧдны йӧз костын коми войтырлысь озыр традицияяс да видзны сылысь гижӧда кыв.
Тайӧ гажсӧ пасйӧны и чужан муысь ылын олысь войтыр. Найӧ помнитӧны асланыс вужъяс йылысь, вӧчӧны проектъяс, мый отсӧгӧн тӧдмӧдӧны мукӧд регионса войтырӧс коми культураӧн.
Дона ёртъяс!
Аттьӧала водзмӧстчӧмысь, ассьыныд наследдьӧ видзӧмысь, томъясӧс сыӧн тӧдмӧдӧмысь!
Сиа вермӧмъяс, дзоньвидзалун, шуд да тыр-бур олӧм!
Кузь нэм да бур шуд!
[Коми Республикаса Юралысь В. В. Уйба]
{Kodko (комиӧдіс Обрезкова Н. А.) @ Владимир Уйба нуӧдіс Коми Республикаын терроризмлы паныд удж нуӧдысь комиссиякӧд да Коми Республикаын оперативнӧй штабкӧд ӧтувъя заседание @ выльтор @ https://rkomi.ru/news/864 @ 2021-05-16 @ }
Владимир Уйба нуӧдіс Коми Республикаын терроризмлы паныд удж нуӧдысь комиссиякӧд да Коми Республикаын оперативнӧй штабкӧд ӧтувъя заседание.
Сёрнитісны Коми Республикаын велӧдан, йӧзлысь дзоньвидзалун видзан да социальнӧй юкӧнса мукӧд объект терроризмысь дорйӧм йылысь, транспорт инфраструктура объектъяслысь да транспортлысь безопасносьт могмӧдӧм йылысь.
«Казаньын ода-кора тӧлысь 11 лунӧ лоӧм лёктор тӧд вылын кутӧмӧн, кор гимназияын лыйсигӧн пӧгибнитіс ӧкмыс морт, сизимыс на пиысь челядь, ме тшӧкті вынсьӧдны республикаса став велӧдчанінъясын видзчысян мераяс.
Ёртъяс, татшӧм уджсӧ колӧ вӧчны пыр, медым эз вӧвны татшӧм лёк лоӧмторъясыс.
Видзны колӧ оз сӧмын велӧдчан, но и став уна йӧза объектсӧ.
Тайӧ и транспорт инфраструктура, и йӧзлысь дзоньвидзалун видзан, и культура объектъяс», — тӧдчӧдіс Коми Республикаса Юралысь Владимир Уйба.
Сідзжӧ кывзӧма терроризмысь ӧлӧдӧм да сылӧн идеологиялы вочаасьӧм йылысь «Кулӧмдін» да «Койгорт» муниципальнӧй районъясса муниципальнӧй юкӧнъясын терроризмлы паныд удж нуӧдысь комиссияяслысь докладъяс.
Коми Республикаса национальнӧй политика министр Роман Носков сёрнитіс Коми Республикаын 2019–2023 вояс вылӧ терроризм идеологиялы паныд удж нӧдан комплекснӧй план серти мероприятиеяс олӧмӧ пӧртӧм йылысь докладӧн.
Коми Республикаын терроризмлы паныд удж нуӧдысь комиссиялӧн аппаратӧн юрнуӧдысь Александр Бурцев висьталіс Политика, социально-экономическӧй да мукӧд процесс серти мониторинг нуӧдан уджаланартӧ вежсьӧмъяс пыртны коланлун йылысь. Сёрниыс мунӧ процессъяс йылысь, кодъяс тӧдчӧны Коми Республикаын терроризмлы паныд нуӧдан удж вылӧ.
Сёрни помас Коми Республикаса Юралысь Владимир Уйба тшӧктіс лӧсьӧдны заседаниелысь сёрнигижӧд вӧзйӧмъяссӧ тӧд вылын кутӧмӧн да сетны кырымавны 2021 вося ода-кора тӧлысь 17 лунӧдз.
{Kodko (комиӧдіс Обрезкова Н. А.) @ Вӧркутаын нуӧдісны Россияса менеджеръяслӧн Ассоциацияса Комиссиялысь Арктика серти выезднӧй заседание @ выльтор @ https://rkomi.ru/news/865 @ 2021-05-17 @ }
Вӧркутаын нуӧдісны Россияса менеджеръяслӧн Ассоциацияса Комиссиялысь Арктика серти выезднӧй заседание.
Ода-кора тӧлысь 14 лунӧ Воркутаын Россияса менеджеръяслӧн Ассоциацияӧ пырысь корпорацияяс юксисны опытӧн Арктика социальнӧй да экономика боксянь сӧвмӧдӧм могысь канму-аспом уджъёртасьӧмъяс котыртӧм серти.
Ассоциацияса олӧмӧ пӧртысь директорӧс медводдза вежысь Вадим Ковалев веськӧдлӧм улын Комиссиялӧн заседаниеӧ пырӧдчисны Коми Республикаса Веськӧдлан котырӧн Юрнуӧдысьӧс вежысь Ирина Бахтина, ВЦИОМ-са медыджыд директор Валерий Федоров, карса юралысь Ярослав Шапошников.
Сёрнитісны, тшӧтш и онлайн-форматын, «Интеррос», «Северсталь», «Норникель», «Лукойл-Коми», «Газпром Трансгаз Ухта», «Русатом Карго», «ВЭБ.РФ» компанияясӧс, Ылі Асыввыв да Арктика сӧвмӧдан корпорацияӧс да Канму-аспом уджъёртасян национальнӧй шӧринӧс петкӧдлысьяс.
Канму-аспом уджъёртасьӧм Россияын сӧвмӧ 15 во нин. Сійӧ лои россияса регионъяс, тшӧтш и Ылі Асыввыв да Арктика регионъяс, сӧвмӧдан шӧр механизмӧн. Татшӧм уджъёртасьӧмыс медъёна колӧ выль промышленнӧй предприятиеяс кыпӧдігӧн колана выль инженернӧй, транспорт, энергетика либӧ коммунальнӧй инфраструктура объектъяс лӧсьӧдӧм могысь либӧ сэні уджалысьяслы, налӧн семьяяслы, войвывса монокаръясын олысьяслы колана социальнӧй инфраструктура сӧвмӧдӧм могысь.
Корпорацияясӧс петкӧдлысьяс юксисны асланыс опытӧн Красноярскӧй крайын, Мурманск да Архангельск обласьтъясын, Коми да Саха (Якутия) республикаясын, Ямало-Ненеч да Ненеч асвеськӧдлан кытшъясын канму-аспом уджъёртасьӧмӧн вӧдитчӧм серти. И воисны ӧти кывйӧ, мый медшӧр условиеясысь ӧтиӧн, мый отсӧгӧн бура сӧвмӧдӧны предприятие да водзмӧстчӧны инвестиция боксянь, лоӧ ӧтувъя да пыр вына («константнӧй»), быд боксянь бура лӧсьӧдӧм правилӧяс, кутшӧмъяс вылӧ вермис мыджсьыны бизнес, кор заводитӧ збыльмӧдны ыджыд инфраструктура проектъяс и индустриальнӧй, и социальнӧй юкӧнын.
Ӧні Россияса Ылі Асыввыв сӧвмӧдан министерство вӧзйӧ пӧртны олӧмӧ «арктическӧй» либӧ «ылі асыввывса концессия» формата канму-аспом уджъёртасьӧм. Татшӧм форматыс ӧтувтӧ и «ӧтувъя ӧшинь» функция, мый сетӧ позянлун йитны инвесторъясӧс, кодъяслы колӧны промышленнӧй инфраструктура объектъяс, федеральнӧй да регионса власьт органъяскӧд, и сідз шусяна «инвестиционнӧй акселератор» — Веськӧдлан котырлӧн комиссияӧн видлалӧм вылӧ вӧзъян концессионнӧй артмӧдчӧмъяслысь балаяс бура да ӧдйӧ дасьтігӧн лоны вермана инвесторъяслы да регионъяслы отсӧг.
Монокаръяс сӧвмӧдан фонд дась сетны бергӧдтӧм субсидияяс (проект донысь 95%) инженернӧй инфраструктура объектъяс лӧсьӧдӧм вылӧ, кутшӧмъясӧс кыпӧдӧм бӧрын позьӧ вуджӧдны Федерацияса субъектлӧн либӧ карлӧн баланс вылӧ.
Тайӧ могъяс вылӧ эмӧсь и 15 воӧдз кадколаст вылӧ водзӧса кокньӧда заёмъяс (проект донысь 80% абу унджык) — ичӧт бизнеслы (проектъяслӧн доныс 5–250 млн. шайт) нуль прӧчента ставкаӧн, шӧр бизнеслы (проектъяслӧн доныс 1 млрд. шайтӧдз) — ставкаыс — 5%.
ВЭБ.РФ-ын каръяс сӧвмӧдӧм серти медшӧр веськӧдлысь уджъёрт, Монокаръяс сӧвмӧдан фондса медыджыд директор Ирина Макиева пасйис, мый ӧнӧдз Воркута, Зӧвсьӧрт да Емва монокаръяссянь отсалан мераяс босьтӧм вылӧ заявкаяс эз волыны.
Эм 2 заявка Инта монокарсянь, найӧс видлалӧны.
Сӧвещаниеӧ пырӧдчысьяс висьталісны, мый шӧр мытшӧд, коді сьӧктӧдӧ выль инвестиция проектъяс йылысь помшуӧм примитӧмсӧ да найӧс збыльмӧдӧмсӧ, — йӧзлӧн мӧдлаӧ овны мунӧм, та вӧсна местаяс вылын оз тырмыны вылыс тшупӧда специалистъяс.
Тайӧс мытшӧдсӧ, сӧвещаниеӧ пырӧдчысьяс серти, колӧ разьны канмулы. Петан туйыс — регионъясын профильнӧй университетъяслысь филиалъяс восьтӧм.
Тайӧ отсалас компанияяслы босьтны удж вылӧ бур уджалысьясӧс. И том йӧз озджык кутны мунны Арктика мутас сайӧ вылыс тшупӧда тӧдӧмлунъяс босьтӧм могысь, кутасны велӧдчыны и аддзыны асьнысӧ чужан каръясын.
— Талунъя темаыс торйӧн нин инмӧ Воркуталы, — пасйис Ярослав Шапошников.
— Ӧнія кадӧ вына оланпастэчас серти эм Арктика сӧвмӧдан уна позянлун.
Наӧн колӧ вӧдитчыны миян карын, кӧні ставыс та вылӧ эм — кывкутысь йӧз, энергоресурсъяс, куш мутасъяс да команда, коді дасьтӧ муниципалитет быдсяма инвестиция проектъяс олӧмӧ пӧртӧм вылӧ.
Эска, мый ӧтвыв ми пӧртам олӧмӧ миян водзын сулалысь могъяс, на лыдын, дерт, и Воркутаын.
Ирина Бахтина пасйис, мый арктикаса быд регион бӧрйӧ сӧмын сылы лӧсялана социальнӧй экономика боксянь сӧвман модель — кӧнкӧ шуӧны, мый «Войвылын колӧ овны», кӧнкӧ — вахта метод, коді сетӧ позянлун опорнӧй промышленнӧй предприяттьӧяслы пӧртны олӧмӧ ассьыс могъяс.
Коми Республикаын ӧтувъя сӧвманног оз вермы лоны, сы вӧсна мый социальнӧй да экономика боксянь серпасыс весиг арктика муниципалитетъясын аслыспӧлӧс.
Ирина Бахтина корис татшӧм муниципалитетъясӧн юрнуӧдысьясӧс Коми Республикаса экономика сӧвмӧдан министерствокӧд ӧтув зільджыка уджавны Ылі Асыввыв да Арктика сӧвмӧдан корпорациякӧд да «ВЭБ.РФ» корпорациякӧд инфраструктура инвестицияяслы отсалан мераяс вылӧ заявкаяс дасьтігӧн.
Эм проект, коді ӧтувтӧ и «сервиснӧй», и наука да велӧдан, и инновация могъяс. Тайӧ Арктикаса медицина кластер, кодлӧн концепцияыс пырис «Войвылын олысьяслысь дзоньвидзалун видзан технологияяс» войтыркостса тшупӧда наука да велӧдан шӧрин лӧсьӧдӧм вылӧ заявкаӧ. Федеральнӧй тшупӧдын сійӧс донъяласны 2021 вося ода-кора тӧлысь 27 лун бӧрын.
Кластер лоӧ разалӧм учреждениеяслӧн мыджсяна шӧринъясысь ӧтиӧн, кутас сетны специализируйтӧм медицина отсӧг Войвыв саридз туйӧд ветлысь судноясса экипажъяслы, нуӧдны наука-туялан удж, та лыдын и циркумполярнӧй медицина, экстремальнӧй климат условиеясын мортлӧн физиология, фармацевтика юкӧнын, а сідзжӧ сӧвмӧдны профессияын кужанлун.
Нӧшта ӧти проект — инновационнӧй кластер — кӧсйӧны петкӧдлыны лӧддза-номъя тӧлысь заводитчигӧн Войтыркостса экономика форум дырйи Санкт-Петербургын.
Объектлӧн мутасыс абу на стӧчмӧдӧма, но вермас лоны и Воркута.
Кыкнан кластерыс — «небыд инфраструктура» сӧвмӧдан пример — кутасны отсавны кыскыны войвыв мутасъясӧ выль компанияяс да бизнес, кодъяс водзын эз на уджавлыны тані.
Гӧгӧрвоана, мый найӧ оз вермыны лоны кар артмӧдысьясӧн, та вӧсна муниципалитетлысь сырьё база выльмӧдан мытшӧдыс водзӧ на кольӧ ёсьӧн.
Коми Республикаса экономика сӧвмӧдан министерство тайӧ вежоннас ыстіс экономика диверсифицируйтан план, кытчӧ пырӧ Воркута да Инта монокаръяс экономика боксянь сӧвмӧдан выль подувлы сиӧм юкӧд, колана ведомствояслы, муниципальнӧй юкӧнъяслы да республикаса Каналан Сӧветлӧн комиссияяслы.
{Kodko (комиӧдіс Обрезкова Н. А.) @ Коми Республикаса Юралысь Владимир Уйба федеральнӧй проект серти бурмӧдан-мичмӧдан объектъяс вӧсна ставроссияса онлайн-гӧлӧсуйтӧм йылысь @ выльтор @ https://rkomi.ru/news/866 @ 2021-05-17 @ }
Коми Республикаса Юралысь Владимир Уйба федеральнӧй проект серти бурмӧдан-мичмӧдан объектъяс вӧсна ставроссияса онлайн-гӧлӧсуйтӧм йылысь.
Гӧлӧсуйтан лунъясыс страна пасьтала ӧткодьӧсь — заводитчис косму тӧлысь 26 лунӧ да помасяс ода-кора тӧлысь 30 лунӧ.
Гӧлӧсуйтны вермӧ Россияса быд гражданин, кодлы тырис 14 арӧс.
Медым пырӧдчыны гӧлӧсуйтӧмӧ, колӧ регистрируйтчыны 11.gorodsreda.ru портал вылын.
{Kodko (комиӧдіс Обрезкова Н. А.) @ Коми Республикаын пыртӧма «Неминуча» муниципалитеткостса реагируйтан режим @ выльтор @ https://rkomi.ru/news/868 @ 2021-05-17 @ }
Коми Республикаын пыртӧма «Неминуча» муниципалитеткостса реагируйтан режим.
Сёрниыс мунӧ Усинск, Изьва да Чилимдін районъяс йылысь.
Талун, ода-кора тӧлысь 17 лунӧ, Коми Республикаса Юралысь Владимир Уйба кырымаліс лӧсялана Индӧд.
«Неминуча» режим пыртӧма Ошса куйлӧд дорын Колва юӧ мусира ва веськалӧм вӧсна.
Режимсӧ пыртӧма Неминучаысь ӧлӧдан да сійӧс бырӧдан ӧтувъя канму системаса Коми республиканскӧй системаувлӧн Усинскса, Изьваса да Чилимдінса муниципальнӧй звенояслӧн веськӧдлан органъяслы да вынъяслы 2021 вося ода-кора тӧлысь 17 лунсянь торъя тшӧктӧмӧдз.
{Kodko (комиӧдіс Обрезкова Н. А.) @ #КОМИ100: Москваын лоӧны Коми Республикалӧн лунъяс @ выльтор @ https://rkomi.ru/news/870 @ 2021-05-18 @ }
#КОМИ100: Москваын лоӧны Коми Республикалӧн лунъяс.
Ода-кора тӧлысь 23 лунсянь 31 лунӧдз Россияса юркарын лоӧ «Москваын Коми Республикалӧн лунъяс» ыджыд проект, кодӧс сиӧма войвыв регионлӧн 100 вося юбилейлы.
Ӧкмыс лун страналӧн юркарса олысьяс да гӧсьтъяс искусство пыр вермасны тӧдмасьны коми йӧзлӧн культураӧн да традицияясӧн.
Тӧдчана лоӧмторйӧн лоӧ брендируйтӧм метро вагонъяс лэдзӧм.
«Коми Республикалӧн 100 волы сиӧм культурнӧй да имиджевӧй карта вӧчигӧн ми кӧсйим, мед миян творческӧй коллективъяс петкӧдчисны Россияса медбур сценаяс вылын.
Ода-кора тӧлысь 23 лунӧ ми восьтам Республикалысь лунъяс Чайковский нима Концерт залын, кӧні кутас петкӧдлыны ассьыс уджтассӧ «Асъя кыа» сьылан да йӧктан канму ансамбль.
Регионса театрально-зрелищнӧй учреждениеяслӧн гастрольяс дырйи ми петкӧдлам Коми культура быд боксянь.
Культура лунъяс помасясны ода-кора тӧлысь 31 лунӧ Большой театрлӧн выль сцена вылын ыджыд гала-концертӧн, коді восьтас войвыв мулысь этническӧй традицияяссӧ», — шуис Коми Республикаса Юралысь Владимир Уйба.
Ода-кора тӧлысь 24 лунсянь лӧддза-номъя тӧлысь 6 лунӧдз Никитскӧй бульвар вылын кутас уджавны «Вӧр-ва. Традицияяс. Йӧз» фотовыставка, коді восьтас видзӧдысьяслы Войвывлысь мичсӧ, висьталас нэмӧвӧйся традицияяс да аслыспӧлӧс культура йылысь.
Пасъям, мый республикалӧн 100 волы сиӧм фотопроектыс заводитчис 2020 воын нин да 10 тӧлысьӧн петкӧдліс выставкасӧ странаса 65 регионын.
Коми Республикалӧн юбилей водзвылын ода-кора тӧлысь 23 лунсянь 31 лунӧдз Останкинскӧй башня лоас Коми дӧрапас рӧма.
Канму символика петкӧдчылас башня вылын вит сюрсысь унджыкысь.
«Останкинскӧй башнясӧ ми бӧрйим эг прӧста.
Сійӧ юркарса шӧр нималантор, и тыдалӧ сійӧ Москваса быд пельӧссянь.
Стӧча тӧда, мый акция лоас тӧдчана лоӧмторйӧн, да унджык йӧз окотитас тӧдмавны республика йылысь», — содтіс Коми Республикаса культура, туризм да архив удж министрлысь могъяс олӧмӧ пӧртысь Константин Баранов.
Коми Республикалӧн юбилейлы сиӧм культурно-имиджевӧй проектъяс лыдын медшӧрӧн лоӧ москваса метроын брендируйтӧм вагонъяс лэдзӧм.
Ода-кора тӧлысь 30 лунӧ петас туйӧ «Комилы — 100» нима поезд.
Во джын чӧж уна миллион пассажир — юркарса олысьяс да гӧсьтъяс вермасны тӧдмавны уна интереснӧйтор Коми Республика йылысь.
Лоӧ лэдзӧма «Тройка» брендируйтӧм транспорт карта.
Ода-кора тӧлысь 24 лунӧ «Коми. Москва» туристско-инвестиционнӧй форум дырйи лоӧ презентация, кӧні лоӧ петкӧдлӧма Коми Республикалысь инвестиция позянлунъяссӧ, а сідзжӧ регионса верктуя инвестиция проектъяс — «Комиын вӧрзьӧдлытӧм вӧръяс» туристско-рекреационнӧй кластер» да «Финн-угор этнокультурнӧй парк» уна мога туристскӧй комплекс».
Проектлӧн медтӧдчана кывкӧртӧдӧн лоӧ Москваса Веськӧдлан котыр да Коми Республикаса Веськӧдлан котыр костын ӧтув уджалӧм йылысь артмӧдчӧм кырымалӧм.
{Kodko (комиӧдіс Обрезкова Н. А.) @ Ненеч асвеськӧдлан кытшын да Коми Республикаын мусир киссьӧм бӧрын артмӧм колясъяс бырӧдан удж локтӧ помлань @ выльтор @ https://rkomi.ru/news/871 @ 2021-05-18 @ }
Ненеч асвеськӧдлан кытшын да Коми Республикаын мусир киссьӧм бӧрын артмӧм колясъяс бырӧдан удж локтӧ помлань.
Ода-кора тӧлысь 17 лунӧ Коми Республикаса Юралысь Владимир Уйба воліс удж серти Усинск районӧ, кӧні Россияса МЧС-лӧн Коми Республикаын медшӧр веськӧдланінса начальник Олег Нецкийкӧд, «ЛУКОЙЛ-Коми» ичӧт кывкутана котырса медыджыд директор Александр Голованевкӧд да Усинска мэр Николай Такаевкӧд нуӧдіс Ошса куйлӧд дорын Колва юӧ мусир сора ва веськалӧмкӧд йитчӧм неминуча бӧрын артмӧм колясъяс бырӧдӧм серти оперативнӧй сӧвещание.
Мусир петӧмсӧ казялісны предприятиеса уджалысьяс 2021 вося ода-кора тӧлысь 11 лунӧ, кор лэбалісны вертолётӧн мутас весьтын.
Помкаыс — Колва юсянь 300 метра ылнаын трубопровод торксьӧм.
Лоӧмтор йывсьыс вына оланпастэчас серти да нормативъясӧ кутчысьӧмӧн вӧлі дзик пыр юӧртӧма Ростехнадзорлӧн, Росприроднадзорлӧн дінму органъяслы, НАО-лӧн ӧтувъя дежурно-диспетчерскӧй службалы.
Мусир сора валысь ыджыд пайсӧ персонал дзик пыр чукӧртіс 1,3 гектар пасьта му вылысь.
Ӧні мунӧ мутас весалӧм, чукӧртӧма 130 куб. м няйтӧсьтӧм грунт.
Матысса кадӧ лоӧ нуӧдӧма техническӧй, а сэсся биологическӧй рекультивация.
Колва юлӧн ва веркӧсӧ веськаліс 9 куб. метрысь абу унджык мусир сора ва. Пырысьтӧм-пыр заводитісны кутны да чукӧртны мусир сора васӧ.
Лоӧмтор вӧсна биоресурсъяс эз пӧгибнитны.
Ненеч асвеськӧдлан кытшын да Коми Республикаын мусир киссьӧм бӧрын артмӧм колясъяс бырӧдан уджыс помасьӧ.
Овмӧдчӧминъяслы да экономика объектъяслы, на лыдын и Россия Федерацияса Арктика зонаын, грӧз абу.
Колва ю вылын колясъясӧ бырӧдӧны 209 морт, 22 пыж, 2 катер да 7 баржа.
Ва веркӧсысь мусир сора ва чукӧртӧмыс мунӧ лун и вой сорбентъяс да бонаа йӧръяс отсӧгӧн сизим реагируйтан рубежын.
Сувтӧдӧма 2500 метр кузьта потшӧс да сорбента йӧр.
Видзӧма 30 тонна сорбент, коді йитӧ мусир прӧдуктаяслысь торъяссӧ да таӧн кокньӧдӧ найӧс чукӧртӧмсӧ.
Йӧзӧс ваӧн могмӧданінъяслы грӧз абу.
Усинскса ва босьтанінъясыс Уса ю вылын, Колва юсянь катчӧс.
Сиктса йӧзӧс ваӧн могмӧдӧны сиктса ва босьтан юкмӧсъясысь.
Коми Республикаса Юралысь сёрнитіс Неминуча серти комиссияӧ пырысьяскӧд сы йылысь, кутшӧм мераяс примитӧма мусир сора ва петӧмлы воча.
Коми ЦГМС серти, юясын ваыс оз сод, водзӧ виччыссьӧ чинӧм.
Владимир Уйба Олег Нецкийкӧд, Александр Голованевкӧд да Николай Такаевкӧд лэбалісны Колва ю весьтӧд, видзӧдлісны берегъяс.
Сідзжӧ юралысь аддзысьліс Сем Ӧндрей сиктын олысьяскӧд.
Талун тані лоӧ сувтӧдӧма бонаа йӧръяс.
Республикаса Юралысь вочавидзис сиктса войтырлӧн юалӧмъяс вылӧ.
Сёрнитчисны лӧсьӧдны «ЛУКОЙЛ-Коми» ичӧт кывкутана котыр да «Сем Ӧндрей» сикт овмӧдчӧминса администрация костын социальнӧй уджъёртасьӧмлысь план.
Фотоыс «ЛУКОЙЛ-Коми» ичӧт кывкутана котырса пресс-службалӧн
{Kodko (комиӧдіс Обрезкова Н. А.) @ Комиын олысьяслы кутасны юӧртны, кыдзи мунӧ уджыс наӧн бӧрйӧм бурмӧдан-мичмӧдан объектъяс вылын @ выльтор @ https://rkomi.ru/news/873 @ 2021-05-18 @ }
Комиын олысьяслы кутасны юӧртны, кыдзи мунӧ уджыс наӧн бӧрйӧм бурмӧдан-мичмӧдан объектъяс вылын.
Республикаын водзӧ мунӧ «Карын бур гӧгӧртас лӧсьӧдӧм» проект серти бурмӧдан-мичмӧдан объектъяс вӧсна ставроссияса онлайн-гӧлӧсуйтӧм.
Тайӧ вежонсянь, медым гӧлӧсуйтны 11.gorodsreda.ru сайт вылын, быть колӧ индыны электроннӧй пошта.
«Зэв тӧдчана нуӧдны абу сӧмын гӧлӧсуйтӧм, но и юӧртны сэсся йӧзлы, кыдзи мунӧ наӧн бӧрйӧм объектъяс бурмӧдӧм-мичмӧдӧм серти уджыс.
Гӧлӧсуйтӧм бӧрын юӧртны кутасны электроннӧй пошта пыр, кодӧс олысьяс индісны 11.gorodsreda.ru сайт вылын регистрируйтчигӧн.
Колӧ, медым республикаса олысьяс аддзисны, мый бурмӧдсьӧны буретш наӧн бӧрйӧм мутасъяс.
Тайӧ сетас позянлун пыртны олысьясӧс карса бур гӧгӧртас лӧсьӧдӧмӧ и водзӧ вылӧ», — тӧдчӧдісны регионса Веськӧдлан котырын.
Уськӧдам тӧд вылӧ, мый карса йӧзаинъяс бурмӧдӧм-мичмӧдӧм вӧсна гӧлӧсуйтны вермӧны Комиын олысьяс 14 арӧссянь 11.gorodsreda.ru сайт вылын.
Медым пырӧдчыны гӧлӧсуйтӧмӧ, пырӧй индӧм сайт вылас, бӧрйӧй ассьыныд муниципалитет да объект, код вӧсна ті кӧсъянныд сетны гӧлӧс.
Водзӧ система вӧзъяс регистрируйтчыны.
Колӧ индыны ассьыныд ов, ним да вич, телефон номер да бӧрйыны авторизуйтчан ног: телефон номер либӧ Канму услугаяс порталса учётнӧй гижӧд пыр.
Бӧрйинныд кӧ ті телефон номер пыр гӧлӧсуйтӧм, ӧти минутӧн воас звӧнок.
Номерлӧн 4 бӧръя лыдпасыс — код. Сійӧс колӧ гижны торъя полеӧ.
Бӧрйинныд кӧ ті Канму услугаяс порталса учётнӧй гижӧд отсӧгӧн гӧлӧсуйтӧм, колӧ пыртны тіян учётнӧй гижӧдлысь логин да пароль.
Комиын мутасъяс бурмӧдӧм-мичмӧдӧм вӧсна позьӧ гӧлӧсуйтны и Канму услугаяслӧн воча йитӧд пыр (pos.gosuslugi.ru/lkp).
Платформа вылын ЕСИА отсӧгӧн личнӧй кабинет пыр гӧлӧсуйтӧм могысь ковмас вынсьӧдӧм учётнӧй гижӧд.
Авторизуйтчӧм да аспас обработайтӧм вылӧ сӧгласлун бӧрын мортлӧн регистрация да оланін йылысь тӧдмӧгъясыс пырасны автоматическӧя.
«Объектъяс бурмӧдӧм-мичмӧдӧм» юкӧдын личнӧй кабинетын петас гӧлӧсуйтӧм вылӧ объектъяслӧн список.
Колӧ сӧмын бӧрйыны колана объект, личкыны сы вылӧ да гӧлӧсуйтны.
* * *
Гӧлӧсуйтӧм вылӧ ӧтувъя федеральнӧй платформасӧ лӧсьӧдӧма «Оланін да карса гӧгӧртас» национальнӧй проектлӧн «Карын бур гӧгӧртас лӧсьӧдӧм» федеральнӧй проект да «Вежӧра кар» Россияса стрӧитчан министерстволӧн ведомствоса проект серти.
Техническӧй оператор — «Диалог Регионы» асшӧрлуна абу коммерческӧй организация.
«Карын бур гӧгӧртас лӧсьӧдӧм» федеральнӧй проектлӧн шӧр мог — вежны бурланьӧ россияса каръяс, вӧчны найӧс олысьяслы лӧсьыдджыкӧн да татшӧм ногӧн ышӧдны сӧвмӧм вылӧ став странаса муниципалитетъяссӧ.
4 во чӧжӧн бурмӧдӧма 81 сюрсысь унджык йӧзаин да керка йӧр, збыльмӧдӧма Карын бур гӧгӧртас лӧсьӧдан медбур проектъяслӧн ставроссияса конкурсын вермысь 160 унджык проект.
2019 воын карса гӧгӧртасыс бурмис Россияса 816 карын.
{Kodko (комиӧдіс Обрезкова Н. А.) @ Мария Балмастоваӧс индӧма Коми Республикаса культура, туризм да архив удж министрлысь могъяс олӧмӧ пӧртысьӧн @ выльтор @ https://rkomi.ru/news/874 @ 2021-05-18 @ }
Мария Балмастоваӧс индӧма Коми Республикаса культура, туризм да архив удж министрлысь могъяс олӧмӧ пӧртысьӧн.
Лӧсялана тшӧктӧм кырымаліс Коми Республикаса Юралысь Владимир Уйба.
Водзджык, 2012 восянь, Мария Балмастова уджаліс Коми республиканскӧй филармонияса директорӧн.
Коми Республикаса Юралысьлӧн 2021 во ода-кора тӧлысь 18 лунся 130-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Мария Алексеевна Балмастоваӧс Коми Республикаса культура, туризм да архив удж министрлысь могъяс олӧмӧ пӧртысьӧн.
2. Тайӧ тшӧктӧмыс вынсялӧ сійӧс кырымалан лунсянь.
* * *
Мария Алексеевна Балмастова чужӧма Воркутаын.
2006 воӧ помалӧма Санкт-Петербургса культура да искусство университетын «Культурология» специальносьт серти «Мирса культура» факультет.
Уна во уджалӧ культура юкӧнын.
1999 воӧ заводитіс уджалан туйсӧ Воркутаса администрацияын культураӧн веськӧдланінсянь.
2008 восянь вӧлі Коми Республикаса аканьяслӧн канму театрса директорӧн.
2012 восянь юрнуӧдіс Коми Республикаса филармонияӧн.
Сылӧн веськӧдлӧм улын вӧлі дасьтӧма татшӧм ыджыд проектъяс, кыдз «В гостях у Мойдыся» акань театръяслӧн войтыркостса фестиваль, «Танцуй и пой, Великая Россия!» регионкостса фестиваль, «Священная война. Великая Победа» театрализуйтӧм уджтас (пасйӧма «Победа» Россияса котыртан комитетлӧн, кодӧн веськӧдлӧ Владимир Путин, «Победалы 75 во» памятнӧй медальӧн), а сідзжӧ республикалӧн сё вося юбилей кежлӧ дасьтӧм «Легенды Коми края» театрализуйтӧм мультимедийнӧй шоу.
Коми республиканскӧй филармонияын «Культура» национальнӧй проект серти пӧртісны олӧмӧ Россияса культура министерстволысь тӧдчана проект — Ставроссияса виртуальнӧй концерт зал (2018).
Тайӧ воясӧ филармонияса коллективъяс да артистъяс ёна паськӧдісны ассьыныс гастрольнӧй география да петкӧдлісны Коми Республикалысь аслыспӧлӧс культурасӧ эз сӧмын Россия Федерацияса уна регионын, но и суйӧр сайын.
Сідз, «Зарни ёль» ансамбль 2014 воын выступайтіс Сочиын Тӧвся Олимпийскӧй ворсӧмъяслӧн культура уджтасын.
Видзӧдны филармонияса артистъяслысь петкӧдчылӧмъяс вермисны и Венгрияын (2015), Италияын (2018), Австрияын (2018), Азербайджанын (2019), Сербияын (2020). 2020 воын вӧліны Парижын «Роч йӧввыв» традиционнӧй праздникса гӧсьтъясӧн.
Мария Балмастовалысь зільӧмсӧ пасйӧма уна наградаӧн, на лыдын Юралысьлӧн, Каналан Сӧветӧн Веськӧдлысьлӧн, Коми Республикаса да Россия Федерацияса культура министерствояслӧн почёт грамотаясӧн да аттьӧалан гижӧдъясӧн.
2019 воӧ Мария Балмастовалы сетӧма «Коми Республикаса нимӧдана уджалысь» ним.
{Kodko (комиӧдіс Обрезкова Н. А.) @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/876 @ 2021-05-19 @}
Владимир Уйба примитіс гражданаӧс ас сёрниӧн.
Регионса олысьяс шыӧдчисны Коми Республикаса Юралысь дорӧ олан условиеяс бурмӧдӧм, Ылі Войвыв районъясысь вуджӧм вылӧ сертификат сетӧм, ас керка лэптӧм вылӧ му участок сетӧм, уджӧн могмӧдӧм, чорыд коммунальнӧй шыбласъясӧн вӧдитчӧм серти юалӧмъясӧн.
Йӧзӧс ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяс решитӧм могысь, кутшӧмъясӧн регионса олысьяс шыӧдчисны Коми Республикаса Юралысь дорӧ.
{Kodko (комиӧдіс Обрезкова Н. А.) @ Комиын выль коронавирус инфекцияысь вакцинируйтӧма 86 980 мортӧс @ выльтор @ https://rkomi.ru/news/878 @ 2021-05-19 @}
Комиын выль коронавирус инфекцияысь вакцинируйтӧма 86 980 мортӧс.
Вайӧм вакцина йӧрышысь тайӧ 75,4%.
Тырвыйӧ вакцинируйтчисны (сюйӧма І да ІІ компонентъяссӧ) 63 585 морт.
60 арӧса да арлыдаджык йӧз пӧвстын вакцинируйтӧма 36 174 мортӧс (став вакцинируйтӧма пӧвстысь 42%).
Вакцинируйтӧмлысь мунанногсӧ видлалісны COVІD–19 выль коронавирус инфекция паськалӧмлы паныд удж нуӧдӧм серти республиканскӧй ведомствокостса оперативнӧй штаблӧн заседание дырйи.
Ода-кора тӧлысь 19 лунӧ сійӧс нуӧдіс Коми Республикаса Юралысь Владимир Уйба.
Республикаӧ вайисны 106 942 доза «ГАМ-КОВИД-ВАК» вакцина да 16 700 доза «ЭпиВакКорона» вакцина.
Тайӧ тырмас 115 сюрс мортӧс вакцинируйтӧм вылӧ.
«Коми Республикаса канму аптекаяс» канму предприятиелӧн мыччӧдъяс серти, медицина организацияясӧ ыстӧма 109 сюрс доза.
Кольӧм йӧрышсӧ разӧдасны матысса кадӧ.
Выль коронавирус инфекцияысь ӧні позьӧ вакцинируйтчыны Коми Республикаса 23 медицина организацияын.
Вакцинируйтчӧм вылӧ позьӧ водзвыв гижӧдчыны Канму услугаяс пыр, 8 800 550 0000 телефон да медицина организацияяслӧн сайтъяс пыр.
Став муниципалитетын котыртӧма сьӧкыда воӧдчан да ылі олан пунктъясын олысь йӧзӧс вакцина сюян инъясӧ вайӧдӧм серти удж. Сідзжӧ вакцинациясӧ нуӧдӧны медицина организацияысь бокын. Та могысь котыртӧма 143 бригада да 25 мобильнӧй пункт.
Сьӧкыда ветлысь гражданаӧс коронавирусысь вермӧны вакцинируйтны и налӧн оланінъясын.
Риск группаӧ пырысь йӧзӧс стационарын нековиднӧй висьӧмысь бурдӧм бӧрын выль коронавирусысь вакцинируйтӧны стационарысь петігӧн.
Медицина колледжъясса да университетъясса волонтёръяс нуӧдӧны юӧртана удж да вочавидзӧны олысьяслӧн юалӧмъяс вылӧ.
«Колӧ гӧгӧрвоӧдны быд мортлы, мыйла колӧ вӧчны прививка.
Ковид — зэв сьӧкыд висьӧм, сійӧс абу кокни венны.
Медым артмӧдны ӧтувъя иммунитет да зумыдмӧдны COVID–19 инфекция паськалӧмкӧд ситуация, колӧ вакцинируйтны 60 прӧчентысь унджык верстьӧ йӧзӧс.
Тайӧс кӧ ми огӧ вӧчӧй, висьӧмыс вермас нӧшта на кыпавлыны, и миянлы ковмас бара пыртны дзескӧдан мераяс.
Ичӧт да шӧр бизнеслы бара лоӧ лёк.
Тайӧс оз позь лэдзны», — тӧдчӧдіс Владимир Уйба.
{Kodko (комиӧдіс Обрезкова Н. А.) @ Коми Республика социальнӧй да экономика боксянь сӧвмӧдӧм вылӧ 2021 воӧ Mondі сетас миллиардысь унджык шайт @ выльтор @ https://rkomi.ru/news/879 @ 2021-05-19 @}
Коми Республика социальнӧй да экономика боксянь сӧвмӧдӧм вылӧ 2021 воӧ Mondі сетас миллиардысь унджык шайт.
Коми Республикаса Юралысь Владимир Уйба да «Монди Сыктывкарса ЛПК» акционер котырса медыджыд директор Клаус Пеллер кырымалісны Коми Республикаса Веськӧдлан котыр да предприятие костын ӧтув уджалӧм да ӧта-мӧдкӧд йитӧдъяс котыртӧм йылысь кырымалӧм артмӧдчӧм дорӧ 2 №-а содтӧд артмӧдчӧм, кӧні стӧчмӧдсьӧны 2021–2022 вояс вылӧ социальнӧя отсалан уджтаслӧн медшӧр нырвизьяс.
Документ серти, 500 миллионысь кындзи, кодӧс пыр сетӧны предприятиеяслы ӧні да вӧвлӧм уджалысьяслы, налӧн семьяяслы да меставывса олысьяслы социальнӧй отсӧг вылӧ, содтӧд 550 миллион шайт сетасны таво туй стрӧитан, дзоньвидзалун видзан, культура да спорт юкӧнъясын тӧдчана могъяс збыльмӧдӧм вылӧ.
Сідз, 2021 воӧ «Монди СЛПК» акционер котыр сетас сьӧм Сыктывкар — Кудымкар — Перым (Веселовка — Перым край мудор) автомашина туй юкӧнъяс стрӧитӧм да капитальнӧя дзоньталӧм вылӧ да шӧр туй дорӧ петысь туйяс лӧсьӧдӧм вылӧ; индӧм автомашина туйсянь Заозерье скп. дорӧ воигӧн (Сыктыв ю вомӧн вуджанінӧдз) НМ–13 вавывса пос дӧзьӧритӧм вылӧ;
Кулӧмдін — Керчомъя — Дзоль автомашинаӧн ветлан туй дӧзьӧритӧм вылӧ да с.в.
Культура да спорт юкӧнъяслы отсалӧм могысь предприятие сетас сьӧм Коми Республикалӧн 100 вося юбилей дырйи ыджыд мероприятиеяс котыртӧм вылӧ, «Новая генерация» футболысь ворсан да «Строитель» хоккейысь ворсан клубъяслысь уджсӧ могмӧдӧм вылӧ, помалас выльмӧдны «Бумажник» стадион да дасьтас Эжваса парк мичмӧдан-бурмӧдан проект (уджыс та серти урчитӧма 2022 вылӧ).
Таысь кындзи, Артмӧдчӧм серти «Монди СЛПК» акционер котыр отсалас республикаса районъяслы, кӧні нуӧдӧ вӧр лэдзан удж.
Тайӧ Кулӧмдін, Кӧрткерӧс, Сыктывдін, Луздор, Сыктыв, Удора да Койгорт районъяс, а сідзжӧ Сыктывкарса Эжва район.
«Монди СЛПК — Коми Республикаса Веськӧдлан котырлӧн важся стратегическӧй уджъёрт.
Зэв тӧдчана, мый компания пырӧдчӧ регионӧс социальнӧй да экономика боксянь сӧвмӧдӧмӧ.
Ми пыдди пуктам татшӧм уджсӧ.
Миян уджъёртасьӧмлӧн шӧр мог — республикаын олысь да уджалысь йӧзлысь олӧм бурмӧдӧм.
Тайӧ миян верктуй и таын артмӧдчӧмлӧн сьӧмӧсыс», — пасйис Коми Республикаса Юралысь Владимир Уйба.
{Kodko (комиӧдіс Обрезкова Н. А.) @ Кӧні позьӧ аддзыны волонтёръясӧс, кодъяс отсаласны гӧлӧсуйтны мичмӧдан-бурмӧдан объектъяс вӧсна @ выльтор @ https://rkomi.ru/news/880 @ 2021-05-19 @}
Кӧні позьӧ аддзыны волонтёръясӧс, кодъяс отсаласны гӧлӧсуйтны мичмӧдан-бурмӧдан объектъяс вӧсна.
Комиын волонтёръяс отсасьӧны йӧзлы гӧлӧсуйтны карса бурмӧдан-мичмӧдан объектъяс вӧсна.
Уджалӧны найӧ быд лун ода-кора тӧлысь 30 лунӧдз республикаса 7 карын.
Сідз, Сыктывкарын волонтёръясӧс позьӧ аддзыны выльлунӧ да середаӧ 12 чассянь 16 часӧдз карса мэрия дорын; четвергӧ 15 чассянь 19 часӧдз «Войвыв Олимпия» спорт комплекс дорын; пекничаӧ 15 чассянь 19 часӧдз Шӧр бассейн дорын (Первомай ул., 74); воторникӧ 15 чассянь 19 часӧдз да субӧтаӧ 12 чассянь 16 часӧдз — «Парма» вузасян шӧрин дорын; вежалунӧ 12 чассянь 16 часӧдз — «Макси» вузасян шӧрин дорын.
Интаын волонтёръяс уджалӧны выльлунсянь пекничаӧдз 12 чассянь 16 часӧдз да шойччан лунъясӧ 10 чассянь 18 часӧдз куимлаын: Ленин нима изэрд, Юбилейнӧй лавка (Горький улича, 17), Уна сикас войтырлӧн культура шӧринса площадка (Дзержинский улича, 19).
Печораын волонтёръяс уджалӧны выльлунсянь пекничаӧдз 17 чассянь 21 часӧдз да шойччан лунъясӧ 15 чассянь 19 часӧдз Победа изэрд вылын Речникъяслӧн культура керка дорын, Юбилейнӧй да Энергетикъяслӧн изэрдъяс вылын, а сідзжӧ Горький изэрд вылын УМШ-ын.
Усинскын волонтёръяс быд лун уджалӧны 12 чассянь 18 часӧдз «Норд Хаус» да «Вой кыа» вузасян шӧринъяс дорын, а сідзжӧ Томуловлӧн Аллея вылын.
Ухтаын уджалан лунъясӧ 18 часӧдз, а шойччан лунъясӧ 20 часӧдз волонтёръяс отсасьӧны «Юпитер» вузасян шӧрин дорын да Биару перйысьяслӧн набережнӧй вылын.
Воркутаын волонтёръяс сулалӧны «МИР» вузасян шӧрин да Челядьлы да том йӧзлы творчество двореч дорын уджалан лунъясӧ 14 час 30 минутсянь 18 час 30 минутӧдз, шойччан лунъясӧ — 13 чассянь да 17 часӧдз.
Сосногорскын волонтёръяс уджалӧны быд лун 12 чассянь 18 часӧдз татшӧм инпасъяс серти: Комсомольскӧй ул., 7 к., УМШ; Вокзал ул., 7 к., «Магнит» вузасянін дорын; Гагарин изэрд да 6 мкр, 35 к., Вынйӧр сӧвмӧдан да дзоньвидзалун бурмӧдан комплекс.
Уськӧдам тӧд вылӧ, мый йӧзаинъяс бурмӧдӧм-мичмӧдӧм вӧсна гӧлӧсуйтны вермӧны Комиын олысьяс 14 арӧссянь 11.gorodsreda.ru сайт вылын либӧ волонтёръяс дорӧ шыӧдчӧмӧн.
Медым гӧлӧсуйтны, пырӧй индӧм сайт вылӧ, бӧрйӧй ассьыныд муниципалитет да объект, код вӧсна ті кӧсъянныд сетны гӧлӧс.
Водзӧ система вӧзъяс регистрируйтчыны.
Колӧ индыны ассьыныд ов, ним да вич, телефон номер да бӧрйыны авторизуйтчан ног: телефон номер либӧ Канму услугаяс порталса учётнӧй гижӧд пыр.
Бӧрйинныд кӧ ті телефон номер пыр гӧлӧсуйтӧм, ӧти минутӧн воас звӧнок.
Номерлӧн 4 бӧръя лыдпасыс — код. Сійӧс колӧ гижны торъя полеӧ.
Бӧрйинныд кӧ ті Канму услугаяс порталса учётнӧй гижӧд отсӧгӧн гӧлӧсуйтӧм, колӧ пыртны тіян учётнӧй гижӧдлысь логин да пароль.
Комиын мутасъяс бурмӧдӧм-мичмӧдӧм вӧсна позьӧ гӧлӧсуйтны и Канму услугаяслӧн воча йитӧд пыр (pos.gosuslugi.ru/lkp).
Платформа вылын ЕСИА отсӧгӧн личнӧй кабинет пыр гӧлӧсуйтӧм могысь ковмас вынсьӧдӧм учётнӧй гижӧд.
Авторизуйтчӧм да аспас обработайтӧм вылӧ сӧгласлун бӧрын мортлӧн регистрация да оланін йылысь тӧдмӧгъясыс пырасны автоматическӧя.
«Объектъяс бурмӧдӧм-мичмӧдӧм» юкӧдын личнӧй кабинетын петас гӧлӧсуйтӧм вылӧ объектъяслӧн список.
Колӧ сӧмын бӧрйыны колана объект, личкыны сы вылӧ да гӧлӧсуйтны.
*Гӧлӧсуйтӧм вылӧ ӧтувъя федеральнӧй платформасӧ лӧсьӧдӧма «Оланін да карса гӧгӧртас» национальнӧй проектлӧн «Карын бур гӧгӧртас лӧсьӧдӧм» федеральнӧй проект да «Вежӧра кар» Россияса стрӧитчан министерстволӧн ведомствоса проект серти.
Проектса техническӧй оператор — «Диалог Регионы» асшӧрлуна абу коммерческӧй организация.
«Карын бур гӧгӧртас лӧсьӧдӧм» федеральнӧй проектлӧн шӧр мог — вежны бурланьӧ россияса каръяс, вӧчны найӧс олысьяслы лӧсьыдджыкӧн да татшӧм ногӧн ышӧдны сӧвмӧм вылӧ став странаса муниципалитетъяссӧ.
4 во чӧжӧн бурмӧдӧма 81 сюрсысь унджык йӧзаин да керка йӧр, збыльмӧдӧма Карын бур гӧгӧртас лӧсьӧдан медбур проектъяслӧн ставроссияса конкурсын вермысь 160 унджык проект.
2019 воын карса гӧгӧртасыс бурмис россияса 816 карын.
{Kodko (комиӧдіс Обрезкова Н. А.) @ Комиын канму итогӧвӧй аттестация мунас эпидемиялы паныд корӧмъясӧ стрӧга кутчысьӧмӧн @ выльтор @ https://rkomi.ru/news/881 @ 2021-05-19 @}
Комиын канму итогӧвӧй аттестация мунас эпидемиялы паныд корӧмъясӧ стрӧга кутчысьӧмӧн.
Аттестация заводитчас ода-кора тӧлысь 25 лунӧ.
Экзаменъяс кутасны сдайтны ӧкмыс сюрсысь унджык ӧкмысӧд класс помалысь да пӧшти вит сюрс (та лыдын — кольӧм вося выпускникъяс) дас ӧтикӧд класс помалысьяс.
Ӧтувъя канму экзамен нуӧдӧм серти котыртан юалӧмъяссӧ видлалісны COVІD–19 выль коронавирус инфекция паськалӧмлы паныд удж нуӧдӧм серти республиканскӧй ведомствокостса оперативнӧй штаблӧн заседание дырйи.
Сійӧс нуӧдіс ода-кора тӧлысь 18 лунӧ Коми Республикаса Юралысь Владимир Уйба.
Регионса Велӧдан, наука да том йӧз политика министерстволӧн юӧр серти, республикаын урчитӧма экзаменъяс нуӧдан инъяс.
Найӧ лоӧны школаясын: 9 класса велӧдчысьяслы — 147 школаын, 11 класса велӧдчысьяслы — 77 школаын.
Кутасны уджавны 5 сюрс кымын велӧдысь.
Налы колӧ вӧчны коронавирусысь прививка — тадзи шуисны Республикаса оперативнӧй штаблӧн заседание дырйи.
Ӧкмысӧд класса велӧдчысьяс кутасны сдайтны кык быть колана предмет: роч кыв да математика.
Бӧръяна экзамен оз ло.
Дас ӧтикӧд класса велӧдчысьяслы, кодъяс оз кӧсйыны пырны ВУЗ-ӧ, шӧр тшупӧда ӧтувъя велӧдчӧм йылысь аттестат босьтӧм могысь тырмымӧн лоӧ сдайтны роч кыв да математика.
Налы, кодъяс кӧсйӧны велӧдчыны вылыс тшупӧда велӧдан учреждениеясын, колӧ сдайтны быть экзамен роч кывйысь да ВУЗ-ӧ пырӧм могысь колана предметъяс серти.
Найӧс выпускникъяс бӧрйӧны асьныс.
Аттестация кутас мунны Роспотребнадзорлӧн корӧмъясӧ стрӧга кутчысьӧмӧн.
Торйӧн видзан средствояссӧ да антисептикъяссӧ ньӧбӧма нин.
{Kodko (комиӧдіс Обрезкова Н. А.) @ Владимир Уйба: «Миян республикалӧн аскиа луныс енбиа да велӧдчӧм том йӧз сайын» @ выльтор @ https://rkomi.ru/news/882 @ 2021-05-19 @}
Владимир Уйба: «Миян республикалӧн аскиа луныс енбиа да велӧдчӧм том йӧз сайын».
Талун, ода-кора тӧлысь 19 лунӧ, Звёзднӧй городокын (Москваувса обласьт) Ю. А. Гагарин нима Космонавтъяс дасьтан шӧринӧ волісны Коми Республикаысь велӧдчысьяс да студентъяс.
Тайӧ лоис налы козинӧн «Тяга в небо» творческӧй конкурсын вермӧмысь, мый вӧлі сиӧма Юрий Гагаринлӧн космосӧ лэбӧмсянь 60 во тырӧмлы.
Вермысьяс дорӧ шыӧдчис Коми Республикаса Юралысь Владимир Уйба.
Конкурссӧ котыртісны «РУСТИТАН» компанияяслӧн группа, РОССИЯСА АВИАСОЮЗ да БНК юӧртан агентство.
Конкурссӧ вӧлі думыштӧма Коми Республикаын 9–11 класса велӧдчысьяслы да сузъясса да вузъясса студентъяслы.
2021 вося тӧвшӧр тӧлыссянь рака тӧлысьӧдз примитісны уджъяс вит номинацияын: серпасъяс, фотосерпасъяс, кывбуръяс, висьтъяс да эссе.
Конкурсӧ пырӧдчисны том йӧз республикаса быд пельӧсысь.
Медшӧр тема — 60 во сайын мортлӧн космосӧ медводдзаысь лэбӧм.
Жюри бӧрйис дас вермысьӧс — ӧтикӧн быд номинацияын.
Вермысьясыс 15 22 арӧсаӧсь: Амина Мусина (Воркута), Мария Абидова (Инта), Никанор Толстых (Воркута), Павел Истомин (Сосногорск), Владислав Медвецкий (Ухта), Алина Бабенко (Сыктыв район), Алексей Павлов (Сыктывкар), Екатерина Букловская (Княжпогост район), Диана Торлопова (Сыктывкар) да Кирилл Ширяев (Сыктывкар).
Том йӧзкӧд тшӧтш ветліс велӧдан, наука да том йӧз политика министр Наталья Якимова.
Сылӧн кывъяс серти, республикаса юралысь Владимир Уйба видзӧдіс конкурсын зільысьяслӧн вермӧмъяс бӧрся.
«Миян республикалӧн аскиа луныс енбиа да велӧдчӧм том йӧз сайын — тіян сайын, кыпыда олысьяс, водзмӧстчысьяс, асланыд вынъясӧ эскысьяс, могъяс збыльмӧдысьяс сайын.
Ми гордитчам тіянӧн талун, да эска, мый кутам гордитчыны и аски.
Ті гижанныд уна бур лист бок миян республикалӧн историяӧ, коді пасйӧ таво ассьыс 100 вося юбилей», — лыддис юралысьлысь чолӧмалан кывъяссӧ Наталья Якимова.
Тайӧ ветлӧмыс лои велӧдчысьяслы да студентъяслы наградаӧн. Звёзднӧй городокын налы вӧлі котыртӧма Юрий Гагарин нима Космонавтъясӧс дасьтан шӧринӧд экскурсия.
Сійӧ заводитчис Юрий Гагаринлы памятник дорӧ дзоридзьяс пуктӧмсянь: космосысь воӧм бӧрын космонавтъяс пыр петкӧдлӧны пыдди пуктӧмсӧ космосӧ туй восьтысьлы.
«Тяга в небо» конкурсын вермысьяс аддзылісны планетарийын кодзула енэжлысь карта, мый серти космонавтъяс велӧдчӧны туйдӧдчыны космосын,
видлісны асьнысӧ «Боинг» пилотъясӧн торъя тренажёр вылын.
Нывъяслы да зонъяслы ёна кажитчисны «Мир» станцияса да МКС модульяс, кодъясӧс вӧчӧмаӧсь збыль станцияяс кодьӧн, да Россияса медыджыд гидролаборатория, кӧні пилотъяс тренируйтчӧны ва улын.
«Ветлӧм йылысь казьтылӧмъясыс зэв кыпыдӧсь.
Медся ёна шемӧсмӧдіс гидролаборатория: джудждаыс 12 метр, сэні космонавтъясӧс велӧдӧны овны да уджавны невесомосьтын.
Тайӧс ме некор ог вунӧд», — висьталіс Екатерина Букловская.
Экскурсия помасис космонавт Салижан Шариповкӧд аддзысьлӧмӧн.
Лётчик-космонавт — Россияса герой, кыкысь лэбаліс космосӧ орбитальнӧй станция вылӧ, кыкысь петаліс восьса космосӧ.
«Татшӧм экскурсияясыс, кӧні том йӧз вермасны паныдасьны космонавтъяскӧд, видлыны тренажёръяс, зэв тӧдчанаӧсь космослӧн аски лунлы да том йӧзлы.
Ме видзӧді Комиысь том йӧз вылӧ да аддзи, мый налы кажитчӧ тайӧ ставыс.
Тайӧ буръясысь медбуръяс.
Чайта, мый найӧ пуктасны пай россияса да мирса космонавтикаӧ.
Ме эска наӧ да кӧсъя, медым татшӧм ныв-зонмыс вӧлі унджык», — висьталіс Салижан Шарипов.
«Тяга в небо» конкурсын вермысьяслы конкурс котыртысьяс сетісны дипломъяс да Звёзднӧй городокса сувениръяс.
{Kodko (комиӧдіс Обрезкова Н. А.) @ Владимир Уйба вочавидзис Коми Республикаса муниципальнӧй СМИ журналистъяслӧн юалӧмъяс вылӧ @ выльтор @ https://rkomi.ru/news/883 @ 2021-05-20 @}
Владимир Уйба вочавидзис Коми Республикаса муниципальнӧй СМИ журналистъяслӧн юалӧмъяс вылӧ.
Коми Республикаса Юралысьлӧн ыджыд пресс-конференция вӧлі Льӧмъюын Официальнӧй делегацияясса керкаын.
Сэні участвуйтісны муниципальнӧй газетъяслӧн да телеканалъяслӧн шӧр редакторъяс.
Чукӧртчӧмаясӧс чолӧмаліг, Владимир Уйба пасйис, мый республикаса да юркарса журналистъяскӧд сійӧ паныдасьлӧ тшӧкыда и быдсяма помка вӧсна.
Муниципальнӧй журналистъяскӧд мойвиӧ аддзысьлыны сӧмын республикаӧд удж серти ветлігӧн.
«Зэв колана, медым республикаса олысьяс тӧдмалісны юӧръяссӧ чина йӧзсянь, — тӧдчӧдіс В. Уйба.
— Налы колӧ тӧдны да гӧгӧрвоны, кутшӧм помшуӧмъяс да мый вылӧ мыджсьӧмӧн Коми Республикаса Юралысь примитӧ сійӧ либӧ мӧд юалӧм серти.
Кыдзи разсьӧны мытшӧдъясыс местаяс вылын, мый та могысь вӧчӧ власьт.
Зэв тӧдчана, медым юӧрыс вӧлі веськыд, да медым йӧзыс эскисны сылы.
Тӧда, тіян чӧжсис ме дорӧ уна юалӧм, и ме окотапырысь на вылӧ вочавидза.
Ме збыльысь важӧн нин кӧсйи аддзысьлыны тіянкӧд татшӧм ногӧн да вӧзъя нуӧдны татшӧм аддзысьлӧмъяссӧ и водзӧ».
Кык час чӧж пызан сайын чай юигмоз Коми Республикаса Юралысь вочавидзис кар-районъясын туйяс стрӧитӧм да дзоньталӧм, дзоньвидзалун, спорт юкӧнъяс, видз-му овмӧс сӧвмӧдӧм, мичмӧдӧм-бурмӧдӧм, том йӧзӧс чужан му радейтны велӧдӧм, ваӧн могмӧдӧм йылысь да уна мукӧд юалӧм вылӧ.
{Kodko (комиӧдіс Обрезкова Н. А.) @ Комиын олысьяс пиысь 24 сюрсысь унджык морт бӧрйисны нин мутасъяс, кутшӧмъясӧс колӧ мичмӧдны-бурмӧдны локтан воӧ @ выльтор @ https://rkomi.ru/news/886 @ 2021-05-20 @}
Комиын олысьяс пиысь 24 сюрсысь унджык морт бӧрйисны нин мутасъяс, кутшӧмъясӧс колӧ мичмӧдны-бурмӧдны локтан воӧ.
Республикаын водзӧ мунӧ «Карын бур гӧгӧртас лӧсьӧдӧм» проект серти бурмӧдан-мичмӧдан объектъяс вӧсна ставроссияса онлайн-гӧлӧсуйтӧм.
Ӧні нин гӧлӧсуйтӧмӧ пырӧдчысь сизимнан карын петкӧдчӧны медуна гӧлӧс чукӧртысь объектъяс.
Юркарын медся уна гӧлӧс сетӧма Вежа Степанлӧн собор водзын Ленин-Мездлун уличаяс вылын Собор изэрд, СГУ ӧтуволанін сайын (Коммунистическӧй ул., 72) карса сквер да Димитров уличаті 48 №-а керка гӧгӧрын сквер вӧсна.
Эжва районын — Слава уличаті пода туй да Комаров уличалӧн кыкнан бокті пода туй вӧсна.
Воркутаын водзынӧсь Пищевикъяс бульвар вылын сквер да Шахтёрскӧй районса Шӧр изэрд.
Интаын унджык йӧзыс бӧрйисны Ленин изэрд, Куратов уличаті тротуар да Мир уличаті тротуаръяс (кыкнан боксянь) бурмӧдӧм.
Сосногорскын олысьяс серти, медводз колӧ мичмӧдны-бурмӧдны 3 №-а школа да 6 микрорайонса 26А керка костын йӧзаин, Первомай уличаті тротуар (Кадетъяслӧн школаӧдз).
Печора гӧлӧсуйтӧ Геологъяслӧн парк вӧсна, Усинск корӧ бурмӧдны Валентина Ефремова нима сквер.
Ухтаын олысьяс бӧрйӧны нёльнан объект серти кык дизайн-проектысь ӧтикӧс.
* Уськӧдам тӧд вылӧ, мый Комиын олысьяслӧн эм на позянлун вежны гӧлӧсуйтӧмлысь кывкӧртӧдъяссӧ — гӧлӧсуйтны позьӧ ода-кор тӧлысь 30 лунӧдз (тайӧ луныс тшӧтш пырӧ индӧм кадколастас).
Медым пырӧдчыны гӧлӧсуйтӧмӧ, пырӧй 11.gorodsreda.ru сайт вылӧ, бӧрйӧй ассьыныд муниципалитет да объект, код вӧсна ті кӧсъянныд сетны гӧлӧс.
Водзӧ система вӧзъяс регистрируйтчыны.
Колӧ индыны ассьыныд ов, ним да вич, телефон номер да бӧрйыны авторизуйтчан ног: телефон номер либӧ Канму услугаяс порталса учётнӧй гижӧд пыр.
Бӧрйинныд кӧ ті телефон номер пыр гӧлӧсуйтӧм, ӧти минутӧн воас звӧнок.
Номерлӧн 4 бӧръя лыдпасыс — код. Сійӧс колӧ гижны торъя полеӧ.
Бӧрйинныд кӧ ті Канму услугаяс порталса учётнӧй гижӧд отсӧгӧн гӧлӧсуйтӧм, колӧ пыртны тіян учётнӧй гижӧдлысь логин да пароль.
Комиын мутасъяс бурмӧдӧм-мичмӧдӧм вӧсна позьӧ гӧлӧсуйтны и Канму услугаяслӧн воча йитӧд пыр (pos.gosuslugi.ru/lkp).
Платформа вылын ЕСИА отсӧгӧн личнӧй кабинет пыр гӧлӧсуйтӧм могысь ковмас вынсьӧдӧм учётнӧй гижӧд.
Авторизуйтчӧм да аспас обработайтӧм вылӧ сӧгласлун бӧрын мортлӧн регистрация да оланін йылысь тӧдмӧгъясыс пырасны автоматическӧя.
Личнӧй кабинетын «Объектъяс бурмӧдӧм-мичмӧдӧм» юкӧдын петас гӧлӧсуйтӧм вылӧ объектъяслӧн список.
Колӧ сӧмын бӧрйыны колана объект, личкыны сы вылӧ да гӧлӧсуйтны.
Гӧлӧсуйтӧм вылӧ ӧтувъя федеральнӧй платформасӧ лӧсьӧдӧма «Оланін да карса гӧгӧртас» национальнӧй проектлӧн «Карын бур гӧгӧртас лӧсьӧдӧм» федеральнӧй проект да «Вежӧра кар» Россияса стрӧитчан министерстволӧн ведомствоса проект серти.
Проектса техническӧй оператор — «Диалог Регионы» асшӧрлуна абу коммерческӧй организация.
«Карын бур гӧгӧртас лӧсьӧдӧм» федеральнӧй проектлӧн шӧр мог — вежны бурланьӧ россияса каръяс, вӧчны найӧс олысьяслы лӧсьыдджыкӧн да татшӧм ногӧн ышӧдны сӧвмӧм вылӧ став странаса муниципалитетъяссӧ.
4 во чӧжӧн бурмӧдӧма 81 сюрсысь унджык йӧзаин да керка йӧр, збыльмӧдӧма Карын бур гӧгӧртас лӧсьӧдан медбур проектъяслӧн ставроссияса конкурсын вермысь 160 унджык проект.
2019 воын карса гӧгӧртасыс бурмис Россияса 816 карын.
{Kodko (комиӧдіс Обрезкова Н. А.) @ Комиын кутасны электроннӧя вузавны вертолёт вылӧ билетъяс @ выльтор @ https://rkomi.ru/news/887 @ 2021-05-20 @}
Комиын кутасны электроннӧя вузавны вертолёт вылӧ билетъяс.
Коми Республикаын Регионӧн веськӧдлан шӧринса (РВШ) уджалысьяс быдлунся мониторинг дырйи казялісны социальнӧй везъясын Чилимдін районын олысьяслысь норасьӧмъяс сы вылӧ, мый сьӧкыд ньӧбны «Комиавиатранс» акционер котырлысь билет вертолёт вылӧ юрсиктсянь сьӧкыда воӧдчан овмӧдчӧминъясӧ.
Сідз, медым ньӧбны билет, ковмӧ сувтны ӧчередьӧ рытсяньыс да виччысьны асылӧдз.
Таысь кындзи, абу позянлун бронируйтны билетъяс либӧ ньӧбны найӧс онлайн.
Сьӧкыда воӧдчан овмӧдчӧминъяслӧн нӧшта на и абу йитӧдыс Чилимдінкӧд ытва дырйи.
Коми Республикаса РВШ ыстіс чилимдінсаяслысь шыӧдчӧмсӧ Владимир Уйбалы, медым разьны районса овмӧдчӧминъясӧдз вертолёт вылӧ билетъяс ньӧбӧмын мытшӧдъяссӧ.
Регионса Юралысь тшӧктіс Коми Республикаса Веськӧдлан котырлы районса администрациякӧд да «Комиавиатранс» акционер котыркӧд ӧттшӧтш лӧсьӧдны билетъяс вузалан да бронируйтан механизм, мый бырӧдіс эськӧ ӧчередьын дыр сулалӧм.
Ӧні «Комиавиатранс» акционер котыр корсьӧ вертолёт вылӧ билетъяс электроннӧя вузалан медбур позянлун, авиапредприятиелысь да ылі овмӧдчӧминъяслысь позянлунъяссӧ тӧд вылын кутӧмӧн.
Мӧд рӧспута кежлӧ билетъяс вузалӧмкӧд йитчӧм мытшӧдсӧ лоӧ разьӧма.
{Kodko (комиӧдіс Обрезкова Н. А.) @ Коми Республикаса Веськӧдлан котырлӧн заседание дырйи сёрнитісны 2021–2022 воясся ломтысян кадколаст кежлӧ дасьтысьӧм йылысь @ выльтор @ https://rkomi.ru/news/888 @ 2021-05-21 @}
Коми Республикаса Веськӧдлан котырлӧн заседание дырйи сёрнитісны 2021–2022 воясся ломтысян кадколаст кежлӧ дасьтысьӧм йылысь.
Заседаниесӧ нуӧдіс Коми Республикаса Юралысь Владимир Уйба.
«Миян республикаын ломтысян кадколаст кежлӧ дасьтӧм да сійӧс прӧйдитӧм век вӧлі и лоӧ медшӧр юалӧмӧн.
Ылі Войвывлӧн поводдя ногыс корӧ коммунальнӧй службаяслысь да ресурсъясӧн могмӧдан организацияяслысь вылі тшупӧда кывкутӧм, ас кадӧ вӧчан да ӧтсӧгласа удж», — тӧдчӧдіс В. Уйба.
Комиын ломтысян кадколастъяс костын кадыс зэв этша — войвыв районъясын квартираясӧ шоныдсӧ колӧ сетны кӧч тӧлысь медводдза лунсянь нин.
Ӧнӧдз на ломтысьӧны вит кар кытшын да районын — Воркутаын, Интаын, Печораын, Усинскын да Чилимдін районын.
Коми Республикаса стрӧитчан, оланін да коммунальнӧй овмӧс министерстволӧн мыччӧдъяс серти, республикаын 2020–2021 воясся ломтысян кадколастыс вӧлі заводитӧма мытшӧдъястӧг да урчитӧм кадколастъясӧ.
2020 вося кӧч тӧлысь 1 лунсянь 2021 вося ода-кора тӧлысь 6 лунӧдз коммунальнӧй инфраструктураса системалӧн уджын вӧлі 876 технологическӧй торксьӧм да нелючки.
Тайӧ 6% вылӧ этшаджык колян кадколаст серти.
Кӧдзыд тӧлыс тшӧтш прӧверитіс регионса коммунальнӧй системасӧ.
Сӧмын Вуктылса шоныд сетан объектъяс вылын вӧлі 35 технологическӧй нелючки, мый шызьӧдіс СМИ да олысьясӧс.
Шоныдӧн могмӧдӧм серти оланін да коммунальнӧй услугаяс шогмытӧма сетӧм вылӧ 2020 вося кӧч тӧлыссянь 2021 вося косму тӧлысьӧдз «Инцидент Менеджмент» системаӧ «Вуктыл» кар кытшысь воис 281 норасян пас.
Владимир Уйба корис муниципальнӧй власьтъясӧс оперативнӧя вочавидзны татшӧм шыӧдчӧмъяс вылӧ.
«Меставывса пыдди пуктана веськӧдлысьяс!
Тіянлы, мутасса кӧзяевалы, колӧ бырӧдны тайӧ мытшӧдъяссӧ зэв дженьыд кадколастӧн, — тӧдчӧдіс Владимир Уйба.
— Он кӧ вермӧй асьныд, шыӧдчӧй республикаса Веськӧдлан котырӧ.
Оз кӧ артмы регион тшупӧдын бырӧдны нелючкисӧ, ме кута шыӧдчыны отсӧгла федеральнӧй Веськӧдлан котырӧ.
Дерт, эмӧсь мытшӧдъяс, кутшӧмъяс чӧжсисны дас воясӧн, но сы вылӧ ми и власьт, медым найӧс бырӧдны».
Республикаын выль ломтысян кадколаст кежлӧ дасьтысьӧм заводитчис нин.
Видлавсьӧны ломтысян везъяс да котельнӧйяс дзоньталан планъяс, лӧсьӧдсьӧ ломтас видзас.
Таысь кындзи, медым республикаса олысьясӧс бура могмӧдны шоныдӧн да пӧсь ваӧн, регионса Стрӧитчан, оланін да коммунальнӧй овмӧс министерство дасьтӧ котельнӧйяс выльмӧдан уджтас. Выльмӧдны кутасны и асшӧр, и канму котельнӧйяс.
Владимир Уйба тшӧктіс Коми Веськӧдлан котырлы могмӧдны выль ломтысян кадколаст кежлӧ оланін да коммунальнӧй овмӧсса став организациялысь колана ногӧн дасьтысьӧмсӧ, тшӧтш видзӧдны и ресурсъясӧн могмӧдан неыджыд предприятиеяс бӧрся.
Татшӧмыс республикаын 29.
Муниципальнӧй юкӧнъяслы колӧ бура видзӧдны уна патераа керкаяс, кӧні абу бӧрйӧма веськӧдлан ногсӧ, шоныдӧн могмӧдӧм бӧрся.
Сідзжӧ республикаса Юралысь торйӧн ёна вӧзйис муниципалитетъясӧн веськӧдлысьяслы ладмӧдны ресурсъясӧн могмӧдан организацияяскӧд инженернӧй везъяс техническӧя дӧзьӧритан да туйяс дзоньталан график.
«Оз позь важ трубаяс вежигӧн восьтыны сӧмын на асфальтируйтӧм улич юкӧнъяс», — пасйис Владимир Уйба.
{Kodko (комиӧдіс Обрезкова Н. А.) @ Сыктывкарын сёрнитісны Коми Республикаын пӧжаръяс лоны верман кад кежлӧ дасьлун йылысь @ выльтор @ https://rkomi.ru/news/890 @ 2021-05-21 @}
Сыктывкарын сёрнитісны Коми Республикаын пӧжаръяс лоны верман кад кежлӧ дасьлун йылысь.
Ода-кора тӧлысь 21 лунӧ сӧвещаниесӧ нуӧдіс Россияса МЧС министрӧс вежысь — пӧжарысь видзан дӧзьӧр серти Россия Федерацияса медыджыд канму инспектор Анатолий Супруновский.
Сӧвещаниеын участвуйтісны Коми Республикаса Веськӧдлан котырӧн Юрнуӧдысьӧс вежысь Дмитрий Самоваров, Россияса МЧС-лӧн Коми Республикаын медшӧр веськӧдланінса начальник Алексей Пархомович, республикаса профильнӧй министерствоясӧн да ведомствоясӧн юрнуӧдысьяс.
«Субъектъясӧ быд волігӧн ми нуӧдам татшӧмсяма сӧвещаниеяс, кывзам докладъяс сы серти, кутшӧм ногӧн котыртӧма уджсӧ пӧжаръяс лоны вермана кад дырйи быд субъектын, — тӧдчӧдіс Анатолий Супруновский.
— Коми Республикаын 8-ысь нин сотчыліс вӧр, 30-ысь сотчывлісны кос быдмӧгъяс.
Медъёна колӧ видзӧдны 190 олан пункт бӧрся.
Кора юӧртны пӧжаръяс лоны вермана кад кежлӧ дасьтысьӧм серти нуӧдан мероприятиеяс йылысь».
Сӧвещаниеын участвуйтысьяс сёрнитісны сы йылысь, кыдзи уджалӧ Вӧрса пӧжаръясысь видзчысьӧм да найӧс бырӧдӧм серти РСЧС са Коми республиканскӧй системаув, ӧтув уджалӧны пӧжарысь видзан структураяс.
Республикаса Веськӧдлан котырӧн Юрнуӧдысьӧс вежысь Дмитрий Самоваров тӧдчӧдіс, мый регионса Веськӧдлан котырлӧн медшӧр мог — пӧжаръяс лоны верман кад бура прӧйдитӧм.
«Миян мог — ас кадӧ аддзыны да кусӧдны сотчанінъяссӧ, медым биыс эз вудж олан пунктъясӧ да экономика объектъясӧ, — тӧдчӧдіс Дмитрий Самоваров.
— Тайӧ уджсӧ колӧ нуӧдны Коми Республикаса олӧмӧ пӧртысь власьт органъяскӧд, вӧр сотчӧмысь видзан дінму шӧринкӧд, муниципальнӧй власьт органъяскӧд, Россияса МЧС-лӧн Коми Республикаын медшӧр веськӧдланінкӧд, республикаса орчча субъектъяскӧд ӧттшӧтш».
Бӧръя куим восӧ вӧрыс республикаын эз уна сотчы.
Прогнозъяс серти таво пӧжарыс вермас лоны унджык.
Коми Республикаса Веськӧдлан котырлӧн шуӧмӧн 2021 вося косму тӧлысь 30 лунсянь регионын урчитӧма пӧжаръяс лоны верман кад заводитчӧм.
Коми Республикаса вӧр-ва озырлун да гӧгӧртас видзан министерство лӧсьӧдіс вӧръяссӧ сотчӧмысь видзан оперативнӧй штаб, примитӧма вӧрса пӧжаръяс кусӧдан план.
Пӧжаръяс дырйи дасьӧсь уджавны 977 морт да 509 единица техника.
Регионын вӧръяссӧ видзӧ «Вӧр сотчӧмысь видзан Коми дінму шӧрин» республикаса специализируйтӧм учреждение.
Сэні уджалӧ 138 специалист — тайӧ лётчик-наблюдательяс, парашютист-кусӧдчысьяс, десантник-кусӧдчысьяс, водительяс да мувывса службаясын уджалысьяс.
Шӧринсӧ могмӧдӧма 125 единица техникаӧн.
Вӧрса пӧжаръяс аддзӧм могысь шӧринса специалистъяс дугдывтӧг мониторитӧны квайт авиация маршрут серти.
Таысь кындзи, вӧръяс бӧрся видзӧдӧны вӧр овмӧс серти федеральнӧй агентстволӧн дистанционнӧя мониторитан юӧртан система, «Вӧрса пӧжаръяс» юӧр чукӧртан-донъялан система отсӧгӧн.
Сикт-грездъяс бердын вӧр участокъяс бӧрся видзӧдӧны «Лесохранитель» видеонаблюдение системалӧн 27 камера отсӧгӧн.
Медым видзны вӧръяссӧ пӧжаръясысь, видлалӧны, эмӧсь-ӧ вӧр участокъяс кӧртымалысьяслӧн би кусӧдан средствояс, нуӧдӧны вӧръясын пӧжарысь видзчысьӧм серти уджъяс.
Кӧсйӧны дӧзьӧритны олан пунктъяс пӧлӧн минерализуйтӧм визьяс бӧрся, сувтӧдавны юӧртан аншлагъяс да лӧсьӧдны олысьяслы шойччанінъяс.
{Kodko (комиӧдіс Обрезкова Н. А.) @ Москваын воссисны Коми Республикалӧн лунъяс, кутшӧмъясӧс сиӧма регион артмӧдӧмсянь 100 во тырӧмлы @ выльтор @ https://rkomi.ru/news/893 @ 2021-05-24 @}
Москваын воссисны Коми Республикалӧн лунъяс, кутшӧмъясӧс сиӧма регион артмӧдӧмсянь 100 во тырӧмлы.
Коми Республикаса Юралысь Владимир Уйба восьтіс Россияса юркарын гажӧдан мероприятиеяс.
Кыпыд церемонияыс вӧлі ода-кора тӧлысь 23 лунӧ Москваса канму академическӧй филармониялӧн П. И. Чайковский нима концерт залын. Сэтчӧ волісны Коми Республикаса Веськӧдлан котырӧ пырысьяс, Коми Республикалӧн Каналан Сӧветса депутатъяс, Каналан Думаса депутатъяс, кодъясӧс бӧрйӧма Коми Республикасянь, сенаторъяс, коми землячествоясӧс да Москваса Веськӧдлан котырӧс петкӧдлысьяс.
Коми Республикаса Юралысь Владимир Уйба сиис Москваса олысьяслы да гӧсьтъяслы тӧдмасьны да сьӧлӧмсянь нимкодясьны коми войтырлӧн традицияясӧн да культура озырлунӧн.
«Ставыс, мый ті аддзыланныд тайӧ лунъясӧ, отсалас кодлыкӧ восьтыны аслыс вӧръяса, юяса, озыр историяа да бур йӧза мунымӧс, — пасйис Владимир Уйба.
— Найӧ, кодъяс мунісны республикаысь мукӧд карӧ, вермасны казьтыштны чужан мусӧ.
Москваын Коми Республикалысь лунъяссӧ восьтӧ «Асъя кыа» Виктор Морозов нима сьылан да йӧктан канму ансамбльлӧн концерт.
Эска, мый шыладыс, йӧктӧмъясыс, да медводз, кыпыд ловруыс, мыйӧн юксясны миян артистъяс, отсаласны тіянлы кывны миян республиканымлысь олӧмсӧ».
Москва карын национальнӧй политика да дінмукостса йитӧдъяс департаментӧн юрнуӧдысь Виталий Сучков лыддис Москваса мэр Сергей Собянинлысь чолӧмалан кывъяс.
«Уна во чӧж Москва да Коми Республика лоӧны зумыд стратегическӧй уджъёртъясӧн.
Миян регионъяс вайӧны ӧта-мӧдлы вузӧс, ӧтув уджалӧны йӧзлысь дзоньвидзалун видзан, велӧдан да культура юкӧнъясын, юксьӧны ӧта-мӧдкӧд уджалан опытӧн.
Москваын Коми Республикалысь лунъяс нуӧдӧмыс нӧшта ӧтчыдысь петкӧдлӧ миянлысь ёртасьӧмнымӧс.
Тайӧ лунъясыс лоасны озырӧн делӧвӧй да культурнӧй мероприятиеясӧн, кутшӧмъяс бӧрын чужасны выль ӧтувъя проектъяс, а йӧзыс нимкодясясны искусствоӧн», — пасйӧма Москваса мэр Сергей Собянинлӧн чолӧмалан кывъясын.
«Москваын Коми Республикалӧн лунъяс» проектыс, мый сиӧма войвывса регион артмӧдӧмсянь 100 во тырӧмлы, кутас мунны Россияса юркарын ода-кора тӧлысь 23–31 лунъясӧ.
Ӧкмыс лун чӧж юркарса олысьяс да гӧсьтъяс кутасны тӧдмасьны коми войтырлӧн культураӧн да традицияясӧн.
Ода-кора тӧлысь 24 лунсянь лӧддза-номъя тӧлысь 6 лунӧдз Никитскӧй бульвар вылын кутас уджавны «Вӧр-ва. Традицияяс. Йӧз» фотовыставка, коді восьтас видзӧдысьяслы Войвывлысь мичсӧ, висьталас нэмӧвӧйся традицияяс да аслыспӧлӧс культура йылысь.
Пасъям, мый республикалӧн 100 волы сиӧм фотопроектыс заводитчис 2020 воын нин да 10 тӧлысьӧн петкӧдліс выставкасӧ странаса 65 регионын.
Коми Республикалӧн юбилей дырйи ода-кора тӧлысь 23 лунсянь 31 лунӧдз Останкинскӧй башня лоас Коми дӧрапас рӧма.
Канму символика петкӧдчылас башня вылын вит сюрсысь унджыкысь.
Коми Республикалӧн юбилейлы сиӧм культурно-имиджевӧй проектъяс лыдын медшӧрӧн лоӧ москваса метроын брендируйтӧм вагонъяс лэдзӧм.
Ода-кора тӧлысь 30 лунӧ петас туйӧ «Коми — 100» нима поезд.
Во джын чӧж уна миллион пассажир — юркарса олысьяс да гӧсьтъяс — вермасны тӧдмавны уна интереснӧйтор Коми Республика йылысь.
Ода-кора тӧлысь 24 лунӧ «Коми.
Москва» туристско-инвестиционнӧй форум дырйи лоӧ презентация, кӧні петкӧдласны Коми Республикалысь инвестиция позянлунъяссӧ, а сідзжӧ регионса верктуя инвестиция проектъяс — «Комиын вӧрзьӧдлытӧм вӧръяс» туристско-рекреационнӧй кластер» да «Финн-угор этнокультурнӧй парк» уна мога туристскӧй комплекс».
Проектлӧн медтӧдчана кывкӧртӧдӧн лоӧ Москваса Веськӧдлан котыр да Коми Республикаса Веськӧдлан котыр костын ӧтув уджалӧм йылысь артмӧдчӧм кырымалӧм.
Ода-кора тӧлысь 31 лунӧ Москваын Коми Республикалысь лунъяссӧ сигӧртасны Большой театрлӧн выль сцена вылын ыджыд гала-концертӧн, коді восьтас войвыв мулысь этническӧй традицияяссӧ.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Славяна гижӧдлы да культуралы сиӧм лунӧн @ выльтор @ https://rkomi.ru/news/894 @ 2021-05-24 @}
Владимир Уйба чолӧмалӧ Коми Республикаса олысьясӧс Славяна гижӧдлы да культуралы сиӧм лунӧн.
«Коми Республикаса пыдди пуктана олысьяс!
Чолӧмала тіянӧс Славяна гижӧдлы да культуралы сиӧм лунӧн!
Тайӧ гажыс топыда йитчӧма вежа Кириллӧн да Мефодийлӧн нимъяскӧд, кодъяс лӧсьӧдісны славяна анбур, вуджӧдісны вичкоса небӧгъяс греческӧй кывсянь славяна кыв вылӧ.
Миянлы сійӧ лоӧ зэв тӧдчанаӧн да донаӧн, сы вӧсна мый велӧдӧ туявны мирсӧ традицияяс пыр, тӧдмӧдӧ миянӧс чужан кывйӧн да культураӧн, славяна войтырлӧн гижӧда памятникъясӧн.
Славяна гижӧдлы да культуралы сиӧм кыпыд да вежӧр югдӧдан мероприятиеяссӧ нуӧдӧны республика пасьтала.
Челядьлы, школьникъяслы, том да верстьӧ йӧзлы котыртӧма праздничнӧй концертъяс, конкурсъяс, небӧг выставкаяс, юрпесан ворсӧмъяс, викторинаяс, наука-практическӧй конференцияяс, петкӧдлӧны фильмъяс.
Дона ёртъяс, эска, мый ми и водзӧ кутам пыдди пуктыны быд войтырлысь кывъяссӧ да традицияяссӧ, мыджсьыны важ тӧдӧмлунъяс вылӧ да бура да колана ногӧн вӧдитчыны наӧн.
Мед Кириллӧн да Мефодийлӧн подвигыс лоӧ примерӧн, кыдзи тӧждысьны ас войтыр, чужан кыв да культура вӧсна.
Сиа ставыслы шуд, дзоньвидзалун да тыр-бур олӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Коми Республикаса Веськӧдлан котыр да Россия Федерацияса Веськӧдлан котыр бердын Аналитика нуӧдан шӧрин кырымалісны ёртасьӧм йылысь артмӧдчӧм @ выльтор @ https://rkomi.ru/news/896 @ 2021-05-24 @}
Коми Республикаса Веськӧдлан котыр да Россия Федерацияса Веськӧдлан котыр бердын Аналитика нуӧдан шӧрин кырымалісны ёртасьӧм йылысь артмӧдчӧм.
Сійӧс веськӧдӧма сы вылӧ, медым ӧтвылысь разьны гӧгӧртас видзан да вӧр-ваӧн колана ногӧн вӧдитчан юалӧмъяс.
Талун, ода-кора тӧлысь 24 лунӧ, Москваын Коми Республикаса Юралысь Владимир Уйба да Россия Федерацияса Веськӧдлан котыр бердын Аналитика нуӧдан шӧринса юрнуӧдысь Константин Калинин кырымалісны артмӧдчӧмсӧ.
«Артмӧдчӧмыс вынсьӧдӧ миянлысь дыр кадколаста ӧтув уджалан условиеяссӧ. Сылӧн подувнас лоас комплекснӧй экология уджтас лӧсьӧдӧм, кытчӧ пырас озырлун видзан технологияяс пыртӧм, регионнымӧс экономика боксянь сӧвмӧдан да миян олысьяслысь олӧмсӧ бурмӧдан интересъяслысь баланссӧ могмӧдӧмӧн вӧр-ваӧн вӧдитчӧмлысь окталунсӧ донъялӧм», — пасйис Владимир Уйба.
«Россияса Президент Владимир Владимирович Путин пуктіс миянлы медшӧр мог — бурмӧдны миян йӧзлысь олӧмсӧ.
Тайӧ мог серти колӧ бурмӧдны гӧгӧртас. Та дырйи медводз колӧ ас кадӧ мониторитны, донъявны вӧр-ваӧн вӧдитчан юкӧнын лёктор лоны верманлунсӧ, ӧлӧдны неминучаясысь, мӧд кывйӧн кӧ — вуджны лоӧмторъяс вылӧ реагируйтӧмсянь найӧс водзвыв ӧлӧдӧмӧ», — пасйис Константин Калинин.
Талунъя кырымалӧм артмӧдчӧм серти медшӧр мероприятиеяссӧ веськӧдӧма гӧгӧртас видзӧм серти комплекснӧй уджтас лӧсьӧдӧм вылӧ. Уджтассӧ лӧсьӧдӧма овмӧс нуӧдігӧн, медводз, озырлун перъян да вӧр переработайтан предприятиеяслӧн удж вӧсна, экологиялы вайӧм лёктор бырӧдӧм вылӧ. Мероприятиеяссӧ сідзжӧ веськӧдӧма юӧртан ресурсъяс лӧсьӧдӧм вылӧ, кутшӧмъяс отсалӧны бура мониторитны, донъявны рискъяссӧ да ӧлӧдны неминучаясысь водзӧ вылӧ.
{Kodko (комиӧдіс Обрезкова Н. А.) @ Комиын олысьяслӧн колис вежон, медым гӧлӧсуйтны объектъяс вӧсна, кутшӧмъясӧс колӧ бурмӧдны 2022 воӧ @ выльтор @ https://rkomi.ru/news/897 @ 2021-05-24 @}
Комиын олысьяслӧн колис вежон, медым гӧлӧсуйтны объектъяс вӧсна, кутшӧмъясӧс колӧ бурмӧдны 2022 воӧ.
Республикаын водзӧ мунӧ «Карын бур гӧгӧртас лӧсьӧдӧм» проект серти бурмӧдан-мичмӧдан объектъяс вӧсна ставроссияса онлайн-гӧлӧсуйтӧм.
Ӧні нин гӧлӧсуйтӧмӧ пырӧдчысь сизимнан карын петкӧдчӧны медуна гӧлӧс чукӧртысь объектъяс.
Комилӧн юркарын медся уна гӧлӧс сетӧма Вежа Степанлӧн собор водзын Ленин-Мездлун уличаяс вылын Собор изэрд, СГУ ӧтуволанін сайын (Коммунистическӧй ул., 72) карса сквер да Димитров уличаті 48 №-а керка гӧгӧрын сквер вӧсна.
Эжва районын — Слава уличаті пода туй да Комаров уличалӧн кыкнан бокті пода туй вӧсна.
Воркутаын водзынӧсь Пищевикъяс бульвар вылын сквер да Шахтёрскӧй районлӧн Шӧр изэрд.
Интаын унджык йӧзыс бӧрйисны Куратов уличаті тротуар да Ленин изэрд, Мир уличаті тротуаръяс (кыкнан боксянь).
Сосногорскын олысьяс серти, медводз колӧ мичмӧдны-бурмӧдны Первомай уличаті Кадетъяслӧн школаӧдз тротуар да 3 №-а школа да 6 микрорайонлӧн 26А керка костын йӧзаин.
Печора гӧлӧсуйтӧ Геологъяслӧн парк вӧсна. Усинск корӧ бурмӧдны Валентина Ефремова нима сквер да «Номлы» памятник гӧгӧр.
Ухтаын олысьяс бӧрйӧны нёльнан объект серти кык дизайн-проектысь ӧтикӧс.
Уськӧдам тӧд вылӧ, мый Комиын олысьяслӧн эм на позянлун вежны гӧлӧсуйтӧмлысь кывкӧртӧдъяссӧ — гӧлӧсуйтны позьӧ ода-кор тӧлысь 30 лунӧдз (тайӧ луныс тшӧтш пырӧ индӧм кадколастас).
Медым пырӧдчыны гӧлӧсуйтӧмӧ, пырӧй 11.gorodsreda.ru сайт вылӧ, бӧрйӧй ассьыныд муниципалитет да объект, код вӧсна ті кӧсъянныд сетны гӧлӧс.
Водзӧ система вӧзъяс регистрируйтчыны.
Колӧ индыны ассьыныд ов, ним да вич, телефон номер да бӧрйыны авторизуйтчан ног: телефон номер либӧ Канму услугаяс порталса учётнӧй гижӧд пыр.
Бӧрйинныд кӧ ті телефон номер пыр гӧлӧсуйтӧм, ӧти минутӧн воас звӧнок.
Номерлӧн 4 бӧръя лыдпасыс — код.
Сійӧс колӧ гижны торъя полеӧ.
Бӧрйинныд кӧ ті Канму услугаяс порталса учётнӧй гижӧд отсӧгӧн гӧлӧсуйтӧм, колӧ пыртны тіян учётнӧй гижӧдлысь логин да пароль.
Комиын мутасъяс бурмӧдӧм-мичмӧдӧм вӧсна позьӧ гӧлӧсуйтны и Канму услугаяслӧн воча йитӧд пыр (pos.gosuslugi.ru/lkp).
Платформа вылын ЕСИА отсӧгӧн личнӧй кабинет пыр гӧлӧсуйтӧм могысь ковмас вынсьӧдӧм учётнӧй гижӧд.
Авторизуйтчӧм да аспас обработайтӧм вылӧ сӧгласлун бӧрын мортлӧн регистрация да оланін йылысь тӧдмӧгъясыс пырасны автоматическӧя.
Личнӧй кабинетын «Объектъяс бурмӧдӧм-мичмӧдӧм» юкӧдын петас гӧлӧсуйтӧм вылӧ объектъяслӧн список.
Колӧ сӧмын бӧрйыны колана объект, личкыны сы вылӧ да гӧлӧсуйтны.
Гӧлӧсуйтӧм вылӧ ӧтувъя федеральнӧй платформасӧ лӧсьӧдӧма «Оланін да карса гӧгӧртас» национальнӧй проектлӧн «Карын бур гӧгӧртас лӧсьӧдӧм» федеральнӧй проект да «Вежӧра кар» Россияса стрӧитчан министерстволӧн ведомствоса проект серти.
Проектса техническӧй оператор — «Диалог Регионы» асшӧрлуна абу коммерческӧй организация.
«Карын бур гӧгӧртас лӧсьӧдӧм» федеральнӧй проектлӧн шӧр мог — вежны бурланьӧ россияса каръяс, вӧчны найӧс олысьяслы лӧсьыдджыкӧн да татшӧм ногӧн ышӧдны сӧвмӧм вылӧ став странаса муниципалитетъяссӧ.
4 во чӧжӧн бурмӧдӧма 81 сюрсысь унджык йӧзаин да керка йӧр, збыльмӧдӧма Карын бур гӧгӧртас лӧсьӧдан медбур проектъяслӧн ставроссияса конкурсын вермысь 160 унджык проект.
2019 воын карса гӧгӧртасыс бурмис Россияса 816 карын.
{Kodko (комиӧдіс Обрезкова Н. А.) @ Комиын 2021 восӧ шуӧма Карын бур оласноглы сиӧм воӧн @ выльтор @ https://rkomi.ru/news/898 @ 2021-05-24 @}
Комиын 2021 восӧ шуӧма Карын бур оласноглы сиӧм воӧн.
Татшӧм Индӧд кырымаліс Коми Республикаса Юралысь Владимир Уйба.
Сы могысь, медым канму политика бурджыка уджаліс Коми Республикаӧс бурмӧдан-мичмӧдан юкӧнын, регионса Веськӧдлан котырлы тшӧктӧма 2021 вося лӧддза-номъя тӧлысь 1 лунӧдз лӧсьӧдны да вынсьӧдны мероприятиеяслысь план, кутшӧмъясӧс нуӧдасны Карын бур оласноглы сиӧм воӧ. Республикаса министерствоясӧн да ведомствоясӧн юрнуӧдысьяслы колӧ планируйтны да збыльмӧдны лӧсялана мероприятиеяссӧ.
Коми Республикаын меставывса асвеськӧдлан органъяслы, Коми Республикаын мукӧд органлы да организациялы сідзжӧ вӧзйӧма планируйтны да нуӧдны мероприятиеяс Карын бур оласноглы сиӧм воӧ.
{Kodko (комиӧдіс Обрезкова Н. А.) @ Больничаӧ — «Кайманӧн»: Печораса шӧр районнӧй больничалӧн ӧні эм выль сикас транспорт @ выльтор @ https://rkomi.ru/news/899 @ 2021-05-25 @}
Больничаӧ — «Кайманӧн»: Печораса шӧр районнӧй больничалӧн ӧні эм выль сикас транспорт.
Коми Республикаса Юралысь Владимир Уйбалӧн тшӧктӧм серти Печора карын Шӧр районнӧй больничалы ньӧбӧма сынӧда пӧдушка вылын судно.
Ӧні Печора районса шуйга берег пӧлӧн олысь пациентъясӧс больничаӧ нуӧдны позянлуныс лоӧ во гӧгӧр чӧж.
«Кайман–10»-сӧ ньӧбӧма «ГАЗПРОМ» публичнӧй акционер котыркӧд социальнӧй уджъёртасьӧм серти.
Ода-кора тӧлысь 24 лунӧ «Коми шоныд сетан компания» акционер котырса директоръяслӧн сӧветӧн веськӧдлысь Павел Назаров, коді удж серти локтіс Печораӧ, сетіс Печораса ШРБ-лы сынӧда пӧдушка вылын судносӧ.
Судноӧн позьӧ нуӧдны дас пассажирӧс.
Сэтчӧ тӧрӧ 1 тоннаӧдз груз.
Эмӧсь нӧсилкаяс, сумка домаланъяс, маякъяс, трап.
Казьтыштам: водзынджык Печора районын вӧлі мытшӧд, кыдзи нуӧдны Печора юлӧн шуйга берег пӧлӧн олысьяссӧ шӧр районнӧй больничаӧ.
Ӧні «Кайман» отсалас ӧдйӧ нуӧдны пациентъясӧс, медым сетны медицина отсӧг, тшӧтш и рӧспута дырйи.
«Ми аттьӧалам Коми Республикаса Юралысьӧс да «Газпром» публичнӧй акционер котырӧс сыысь, мый найӧ отсалісны разьны ыджыд мытшӧдсӧ.
Сынӧда пӧдушка вылын выль катер отсалас воӧдчыны шуйга берегӧдз.
Тайӧ сетас позянлун зэв ӧдйӧ медицинскӧя эвакуируйтны, дугдывтӧг новлӧдлыны шуйга берегсянь пациентъясӧс, медым ас кадӧ сетны квалифицированнӧй медицина отсӧг», — пасйис Печораса ШРБ-лӧн юралысь врач Сергей Хорев.
{Kodko (комиӧдіс Обрезкова Н. А.) @ Владимир Уйбалӧн веськӧдлӧм улын Комиысь делегация Москваын казьтыштіс Айму вӧсна Ыджыд тыш воясӧ усьӧмаясӧс @ выльтор @ https://rkomi.ru/news/901 @ 2021-05-25 @}
Владимир Уйбалӧн веськӧдлӧм улын Комиысь делегация Москваын казьтыштіс Айму вӧсна Ыджыд тыш воясӧ усьӧмаясӧс.
Республикалӧн лунъяс дырйи, мый мунӧны тайӧ лунъясӧ Россияса юркарын, ода-кора тӧлысь 25 лунӧ вӧлі Александровскӧй садйын Тӧдтӧм Салдатлӧн гу дорӧ дзоридзьяс пуктан церемония.
Церемонияӧ пырӧдчисны Коми Республикаса Юралысь Владимир Уйба, Коми Республикаса Каналан Сӧветӧн Веськӧдлысь Сергей Усачёв, Москва карса Думаӧн веськӧдлысь Алексей Шапошников, Москва карын национальнӧй политика да дінмукостса йитӧдъяс департаментӧн юрнуӧдысь Виталий Сучков, Коми Республикаса Веськӧдлан котырӧ пырысьяс, Каналан Думаса депутатъяс, Россия Федерацияса сенаторъяс, коми землячествоясӧ пырысьяс, Коми Республикаса нимӧдана уджалысьяс.
{Kodko (комиӧдіс Обрезкова Н. А.) @ Коми Республикаса Веськӧдлан котыр да Москваса Веськӧдлан котыр кырымалісны ёртасьӧм йылысь артмӧдчӧм @ выльтор @ https://rkomi.ru/news/903 @ 2021-05-25 @}
Коми Республикаса Веськӧдлан котыр да Москваса Веськӧдлан котыр кырымалісны ёртасьӧм йылысь артмӧдчӧм.
Сылӧн мог — бурмӧдны регионъяскостса ёртасьӧм, ӧтув разьны мытшӧдъяс торгово-экономическӧй, научно-техническӧй да культура юкӧнъясын.
Документсӧ кырымалісны талун, ода-кора тӧлысь 25 лунӧ, республикаса Юралысь Владимир Уйба да москваса мэр Сергей Собянин.
«Миянлы лоӧ зэв тӧдчанаӧн сӧвмӧдны регионъяс костын йитӧдъяссӧ, — шуис Владимир Уйба.
— Коми Республикалы 100 во тыран воӧ ми кырымалам документ, кутшӧм эскӧдӧ сійӧс, мый ми кӧсъям сӧвмӧдны артмӧм нин ёртасян йитӧдъяссӧ торгово-экономическӧй, научно-техническӧй да культура юкӧнъясын.
Регионъяслӧн ӧттшӧтш уджалӧмыс, ӧта-мӧдлы отсасьӧмыс — зэв тӧдчанатор, торйӧн нин сьӧкыд кадӧ.
Ме кӧсъя аттьӧавны Тіянӧс, Сергей Семенович, сыысь, мый Москваса Веськӧдлан котыр быд боксянь отсасис Коми Республикалы пандемия дырйи.
Коронавирус дырйи сетӧм отсӧгыс вӧлі зэв колана».
Москваса мэр чолӧмаліс Комиын олысьясӧс республикалы 100 во тырӧмӧн.
«Миянлы зэв тӧдчана ӧтув уджавны тіян ичӧтик, но москваса олысьяслы интереснӧй республикакӧд, — пасйис Сергей Собянин.
— Кута лача, мый Москва да москваса олысьяс ӧтув уджалігӧн вермасны отсавны сӧвмӧдны Коми Республикаӧс.
Ми пыр дасьӧсь отсавны сьӧкыд кадӧ, юксьыны опытӧн.
Аттьӧ, мый ті век йитчанныд миянкӧд да отсасянныд миянлы».
Артмӧдчӧмсӧ кырымалісны Коми Республикалы сиӧм лунъяс дырйи, кутшӧмъясӧс нуӧдӧны россияса юркарын ода-кора тӧлысь 23 лунсянь 31 лунӧдз.
Владимир Уйба аттьӧаліс москваса мэр Сергей Собянинӧс лунъяссӧ котыртны отсалӧмысь.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Россияса предпринимательство лунӧн @ выльтор @ https://rkomi.ru/news/902 @ 2021-05-26 @}
Коми Республикаса Юралысь чолӧмалӧ Россияса предпринимательство лунӧн.
«Коми Республикаса пыдди пуктана асшӧр уджалысьяс!
Чолӧмала тіянӧс Россияса предпринимательство лунӧн!
Тайӧ гажыс йитӧ ставнысӧ, коді сӧвмӧдӧ ассьыс делӧ, сетӧ сылы ассьыс сьӧлӧмсӧ, тӧдӧмлунъяссӧ да опытсӧ.
Асшӧр уджалысьяс торъялӧны писькӧс вежӧрӧн, юрнуӧдны да котыртны кужанлунӧн, повтӧмлунӧн, мукӧд вӧсна кывкутӧмӧн, вермӧмӧ эскӧмӧн.
Буретш тайӧ отсалӧ налы шедӧдны вермӧмъяс бизнесын да кутчысьны сьӧкыд кадӧ.
Ми гӧгӧрвоам, мый тіянлы абу кокни. Та вӧсна колян во ми примитім экономикаын торъя юкӧнъяслы да предпринимательство субъектъяслы отсалан мераяс.
Чинтӧма вот ставкаяс, нюжӧдӧма кӧртым, вот, кредит мынтӧмъяс серти кадсӧ.
Асшӧр уджалысьяслы, кодъяслы вӧлі медся сьӧкыд, уджнысӧ водзӧ нуӧдӧм могысь сетӧма прӧченттӧм кредитъяс.
Тайӧ отсаліс миян предприятиеяслы уджавны водзӧ.
Талун ми веськӧдам вынъяснымӧс выль инвестиция проектъяс лӧсьӧдӧм вылӧ, медводз, Арктикаын уджалысь ичӧт да шӧр предпринимательство субъектъяслы.
Сьӧлӧмсянь сиа, медым воысь воӧ содіс асшӧр уджалысьяслӧн лыдыс, кодъяс артмӧдӧны республикалысь экономика.
Сиа збыльмӧдны планъяснытӧ, крепыд дзоньвидзалун да тыр-бура олӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Комиын ӧткӧн олысь «война кадся челядьлысь» оланін дзоньталӧм вылӧ веськӧдӧма 26 миллион шайт @ выльтор @ https://rkomi.ru/news/905 @ 2021-05-27 @}
Комиын ӧткӧн олысь «война кадся челядьлысь» оланін дзоньталӧм вылӧ веськӧдӧма 26 миллион шайт.
Коми Республикаса Юралысьлӧн тшӧктӧм серти тайӧ могъяс вылӧ сьӧмсӧ сетӧма дінму сьӧмкудйысь.
Таысь кындзи, тайӧ уджсӧ водзӧ кӧсйӧны нуӧдны 2022 воӧ, ӧні видлалӧны олан жыръяссӧ.
Та йылысь Владимир Уйба юӧртіс Ветеранъяслӧн Коми республиканскӧй организациялӧн отчётнӧй да бӧрйысян конференция дырйи.
Мероприятиеыс вӧлі ода-кора тӧлысь 26 лунӧ Сыктывкарын.
В. Уйба вылӧ донъяліс Ветеранъяслӧн республиканскӧй организациялысь водзмӧстчӧмъяссӧ, олӧма йӧзлысь олӧмсӧ бурмӧдӧмын сылысь пайсӧ.
«Тіян зільӧмӧн республикаын бурмӧдӧны ветеранъяслысь да пенсионеръяслысь олӧмсӧ, найӧс медицинскӧя, социальнӧя могмӧдӧмсӧ, — пасйис Владимир Уйба.
— А сідзжӧ примитӧны да пыртӧны содтӧд отсалан мераяс.
Ті вӧчанныд ыджыд удж, медым отсавны войнаса да уджвывса ветеранъяслы, олӧма гражданалы, разянныд налысь социальнӧй да бытын мытшӧдъяссӧ».
2020 воӧ Ветеранъяслӧн республиканскӧй организация котыртіс ветеранъяслысь, тшӧт и блокаднӧй Ленинградса олысьяслысь, тылса уджалысьяслысь, войнаса участникъяслӧн дӧваяслысь, концлагеръясса узникъяслысь оланінъяс дзоньталӧм серти ыджыд удж.
Республикаса сьӧмкудйысь вичмӧдӧма 53 млн шайт, на вылӧ дзоньталӧма 642 олан жыр.
2020 воӧ 814 ветеран бурдӧдчис Киров обласьтса «Колос» санаторийын.
Таво кӧсйӧны бурдӧдны 845 ветеранӧс.
Ставнас кык воӧн тайӧ могъяс вылӧ республикаса сьӧмкудйысь вичмӧдӧма 43,5 млн шайт.
«Максаковка» республиканскӧй шӧринын быд во Айму вӧсна Ыджыд тышса ветеранъяслы да ветеранъяслӧн ӧтйӧза организацияясын зільысьяслы нуӧдӧны бурдӧдан заездъяс.
Колян во эпидемия вӧсна вӧлі сӧмын кык заезд, таво — куим.
Война кадся челядьлы нӧшта ӧти заезд нуӧдасны моз тӧлысь 30 лунсянь кӧч тӧлысь 16 лунӧдз.
Регионын ветеранъяслӧн республиканскӧй организация отсӧгӧн примитӧма «война кадся челядь» йылысь оланпас.
Республикаын татшӧмыс 28 сюрс сайӧ морт.
Оланпасӧн вынсьӧдӧма воддза социальнӧя отсалан мераяссӧ, а сідзжӧ пыртӧма выльясӧс — сэтшӧмъясӧс, кыдзи социальнӧя могмӧдан организацияясӧ ӧчередьтӧг примитӧм, гортын ӧчередьтӧг могмӧдӧм, оланін да коммунальнӧй услугаяс вылӧ рӧскодсӧ компенсируйтӧм.
Ветеранъяс вӧчӧны ыджыд удж, медым сӧвмӧдны военно-патриотическӧя том йӧзӧс, нэммӧдны усьӧм воинъяслысь паметьсӧ да видзны Айму вӧсна Ыджыд тыш йылысь историческӧй збыльлунсӧ.
Конференцияӧ пырӧдчысьяс вӧчисны нёль вося удж серти кывкӧртӧдъяс, вынсьӧдісны организациялысь Устав да бӧрйисны сӧветлысь да ревизионнӧй комиссиялысь выль состав.
Ветеранъяслӧн Коми республиканскӧй организацияӧн веськӧдлысьӧн выль пӧв бӧрйӧма Людмила Жуковаӧс.
Владимир Уйба сетіс канму награда ветеранъяслӧн Луздор районса организацияӧн веськӧдлысь Надежда Беляевалы.
Коми Республикаса Юралысьлӧн Индӧдӧн Коми Республика водзын заслугаясысь сылы сетӧма «Коми Республикаса нимӧдана уджалысь» почёт ним.
{Kodko (комиӧдіс Обрезкова Н. А.) @ Коми Республикаын индӧма пӧжарысь видзчысян торъя режим @ выльтор @ https://rkomi.ru/news/908 @ 2021-05-27 @}
Коми Республикаын индӧма пӧжарысь видзчысян торъя режим.
Коми Республикаса Веськӧдлан котырлысь 2021 во ода-кора тӧлысь 27 лунся 260 №-а шуӧмсӧ кырымалӧма регионын шондӧдӧм водзын да пӧжарысь видзчысьӧм могысь.
Сыктывкарын, Ухтаын, Вуктылын, Печораын, Изьва, Княжпогост, Койгорт, Кӧрткерӧс, Луздор, Сосногорск, Сыктывдін, Сыктыв, Мылдін, Удора, Емдін, Кулӧмдін да Чилимдін районъясын пӧжарысь видзчысян торъя режим вынсялӧ ода-кора тӧлысь 27 лунсянь; Усинскын, Интаын да Воркутаын — лӧддза-номъя тӧлысь 7 лунсянь.
Пӧжарысь видзчысян торъя режим дырйи овмӧдчӧминъясын, кар кытшъясын, гражданаӧн асланыс могъяс вылӧ садъяс да градъяс вӧдитанінъясын, му-видз вылын, запасын муяс вылын оз позь уджавны биӧн, но позьӧ нуӧдны аварийнӧй да дзоньтасян уджъяс.
Пӧжарысь видзчысян торъя режим дырйи пӧжарысь видзчысян корӧмъяссӧ торкалӧмысь вермасны кыскыны административнӧй кывкутӧмӧ да штрапуйтны Административнӧй инӧд торкалӧмъяс йылысь Россия Федерацияса кодекслӧн 20.4 статья серти.
Пӧжарысь видзчысян режимыс лоас вынаӧн сэтчӧдз, кытчӧдз Коми Республикаса Веськӧдлан котыр оз примит олан пунктъясын сійӧс дугӧдӧм йылысь помшуӧмсӧ.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Пограничник лунӧн @ выльтор @ https://rkomi.ru/news/909 @ 2021-05-28 @}
Владимир Уйба чолӧмалӧ Коми Республикаса олысьясӧс Пограничник лунӧн.
«Пыдди пуктана пограничнӧй войскаясса ветеранъяс да военнослужащӧйяс!
Чолӧмала тіянӧс Пограничник лунӧн!
Пограничнӧй войскаяс дорйӧны Чужан мулысь мудоръяссӧ.
Сэні служитӧны Аймусӧ радейтысь, пыдди пуктысь, йӧз вӧсна тӧждысьӧны, кывкутысь войтыр.
Сӧмын найӧ вермӧны ветлӧдлыны Чужан мулӧн мудорті.
Пограничникъяс и водзӧ, и ӧні пуктӧны ыджыд пай миян странаса войтырлысь безопасносьтсӧ могмӧдӧмӧ.
Талун пограничнӧй войскаяс водзын пуктӧма ыджыд мог — нуӧдны паныд удж войтыркостса терроризмлы, котыртӧм преступносьтлы, наркотикъяслы да нелегальнӧй миграциялы, видзны Россияса экономикалысь безопасносьтсӧ.
Тӧда, мый пограничникъяс отсалӧны бура видзны канмулысь мудоръяссӧ, гражданалысь чӧв-лӧнь олӧмсӧ.
Ыджыд аттьӧ погранвойскаясса ветеранъяслы боевӧй ёртасьӧмсӧ пыдди пуктӧмысь, том йӧзӧс Чужан му радейтны туйдӧдӧм-велӧдӧмысь.
Сиа тіянлы ыджыд вермӧмъяс, крепыд дзоньвидзалун, шуд да тыр-бур олӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Владимир Уйба нуӧдіс Естественнӧй монополия субъектъяслӧн уджалӧм серти Коми Республикаса Юралысь бердын Ньӧбасьысьяслӧн отраслькостса сӧветлысь заседание @ выльтор @ https://rkomi.ru/news/911 @ 2021-05-28 @}
Владимир Уйба нуӧдіс Естественнӧй монополия субъектъяслӧн уджалӧм серти Коми Республикаса Юралысь бердын Ньӧбасьысьяслӧн отраслькостса сӧветлысь заседание.
Заседание дырйи сёрнитісны электричествоӧн, биаруӧн, шоныдӧн, ваӧн могмӧдан да ва бокӧ нуӧдан юкӧнын инвестицияяс йылысь,
кывзісны естественнӧй монополия субъектъясӧс петкӧдлысьяслысь докладъяс.
Отраслькостса сӧветлӧн уджын медшӧр могыс — тӧдмӧдны республикаса олӧмӧ пӧртысь власьт оранъяссӧ да естественнӧй монополия субъектъяссӧ налысь услугаяс босьтысьяслӧн видзӧдласӧн.
Сӧветӧ пырысьяслӧн могъяс — лӧсьӧдны республикаын сэтшӧм система, мый отсӧгӧн лоӧ позянлун йӧзкӧд ӧтлаын видлавны естественнӧй монополияяслысь инвестиция уджтасъяссӧ, котыртны вылыс тӧдӧмлуна экспертъяслысь котыр, а сідзжӧ вӧзйыны естественнӧй монополия юкӧнын ладмӧдан методъяс бурмӧдан мераяс.
Владимир Уйба тӧдчӧдіс, мый Отраслькостса сӧветлӧн уджыс веськӧдӧма республикаӧс социальнӧй да экономика боксянь сӧвмӧдӧм да татчӧс олысьяслысь олӧмсӧ бурмӧдӧм вылӧ.
«Та вӧсна ми кутам восьсӧн да стрӧга видзӧдны естественнӧй монополия предприятиеяслӧн удж бӧрся.
Сӧветыс кутас быд боксянь видзӧдны естественнӧй монополия субъектъяслӧн удж бӧрся. Тайӧ уджӧ сідзжӧ пырӧдчасны налысь вузӧс да услугаяс босьтысьяс.
Медводз тайӧ йитчӧ донъяс артмӧдӧмкӧд да гырысь инвестиция проектъяс збыльмӧдӧмкӧд», — тӧдчӧдіс В.Уйба.
Заседание бӧрын естественнӧй монополия субъектъясӧн сетӧм мукӧд инвестиция баласӧ тшӧктісны бурмӧдны да та дырйи босьтны тӧд вылӧ Коми Республикаса Юралысьлысь да Коми Республикаса тариф комитетлысь пасйӧдъяссӧ.
{Kodko (комиӧдіс Обрезкова Н. А.) @ 450-ысь унджык морт пырӧдчис Памятникъяслӧн да историческӧй местаяслӧн войтыркостса лунлы сиӧм «Обелиск» акцияӧ @ выльтор @ https://rkomi.ru/news/913 @ 2021-05-28 @}
450-ысь унджык морт пырӧдчис Памятникъяслӧн да историческӧй местаяслӧн войтыркостса лунлы сиӧм «Обелиск» акцияӧ.
Коми Республикаын акциясӧ нуӧдісны косму тӧлысь 18 лунсянь ода-кора тӧлысь 18 лунӧдз «Экскурсиясянь субӧтникӧдз» девиз улын.
Акцияӧ пырӧдчысьяс мичмӧдісны-пелькӧдісны историческӧй объектъясдорса йӧръяссӧ да памятникъяссӧ.
2021 вося косму тӧлысьӧ Коми Республикаса культура озырлун объектъяс видзӧмӧн веськӧдланін корис регионса олысьясӧс пырӧдчыны асланыс каръясын, сикт-грездъясын историческӧй местаяссӧ бурмӧдӧм-лӧсьӧдӧмӧ.
— Акция бӧрын вӧчӧма кывкӧртӧдъяс. Зэв нимкодь, мый участвуйтіс республикаса 16 муниципалитет.
Найӧ ставныс ыстісны субӧтникъяс, экскурсияяс, ветеранъяскӧд, памятникъяслӧн авторъяскӧд аддзысьлӧмъяс вылысь фотоотчётъяс, — тӧдчӧдіс Коми Республикаса культура озырлун объектъяс видзӧмӧн веськӧдланінса начальник Марина Андреева.
450-ысь унджык водзмӧстчысь морт мичмӧдісны-пелькӧдісны историческӧй объектъяссӧ да на гӧгӧрсӧ. Тайӧ йӧз лыдысь коймӧд пайыс — сыктывкарсаяс.
Май 9 лун водзын тайӧ уджас ыджыд пай пуктісны Победаса Волонтёръяс.
Коми Республикаса олысьяс бурмӧдісны-пелькӧдісны и ыджыд объектъяс (Коми республиканскӧй драма театр, Сыктывдін районса история да культура музей), и пӧгибнитӧмаяслы сикт-грездъясын неыджыд памятникъяс.
— Коми Республикаса культура озырлун объектъяс видзӧмӧн веськӧдланінсянь аттьӧала акцияӧ став пырӧдчысьсӧ да кута лача, мый локтан воӧ унджык водзмӧстчысь войтыр босьтчасны пелькӧдны-мичмӧдны памятникъяссӧ, историческӧй местаяссӧ да на гӧгӧрсӧ, — кывкӧрталіс Марина Андреева.
{Kodko (комиӧдіс Обрезкова Н. А.) @ Владимир Уйба гӧлӧсуйтіс «Единая Россиялӧн» водзвыв гӧлӧсуйтӧм дырйи @ выльтор @ https://rkomi.ru/news/914 @ 2021-05-28 @}
Владимир Уйба гӧлӧсуйтіс «Единая Россиялӧн» водзвыв гӧлӧсуйтӧм дырйи.
Талун, ода-кора тӧлысь 28 лунӧ, Усинскӧ удж серти ветлігӧн Коми Республикаса Юралысь пырӧдчис «Единая Россиялӧн» водзвыв электроннӧя гӧлӧсуйтӧмӧ. Сійӧ сетіс ассьыс гӧлӧссӧ гӧлӧсуйтӧмӧ пырӧдчысьяс вӧсна pg.er.ru сайт пыр.
В. Уйба тӧдчӧдіс сійӧс, мый ӧні эм позянлун водзвыв бӧрйыны кандидатъяссӧ да гӧлӧсуйтны электроннӧя. Татшӧм ногӧн быд бӧрйысьысь вермас кокньыда бӧрйысьны.
Тайӧ нырвизьын Коми Республика вӧдитчӧ выль форматъясӧн.
«Татшӧмторйыс Россиялӧн бӧрйысян процессын эз на вӧвлы.
Весиг Шӧр бӧрйысян комиссиялысь системасӧ тестируйтӧмын участвуйтіс матӧ 1 миллион морт.
А «Единая Россиялӧн» водзвыв электроннӧя гӧлӧсуйтӧмӧ 4 лунӧн пырӧдчис нин 5 миллионысь унджык бӧрйысьысь.
Ме ӧдйӧ пасйыси да дзик пыр гӧлӧсуйті», — пасйис Владимир Уйба.
Уськӧдам тӧд вылӧ, талун бӧръя лун, кор бӧрйысьысьяс pg.er.ru сайт пыр вермасны пасйысьны электроннӧя водзвыв гӧлӧсуйтӧм вылӧ.
Гӧлӧсуйтны позьӧ ода-кора тӧлысь 30 лунӧдз.
Медводдза нёль луннас гӧлӧсуйтіс нин странаысь 5 миллионысь унджык бӧрйысьысь.
Сідзжӧ, ода-кора тӧлысь 30 лунӧ лоӧ очнӧя гӧлӧсуйтан этап. Сэки республикаса олысьяс вермасны локны артасян участокъясӧ да сетны гӧлӧснысӧ асланыс кандидат вӧсна.
Гӧлӧсуйтанінъяс йылысь юӧрӧн позьӧ тӧдмасьны ссылка серти: https://komi.er.ru/activity/news/spiski-adresov-schyotnyh-uchastkov-dlya-ochnogo-predvaritelnogo-golosovaniya
{Kodko (комиӧдіс Обрезкова Н. А.) @ Владимир Уйба удж серти аддзысьліс Усинскса мэр Николай Такаевкӧд да «ЛУКОЙЛ-Коми» ичӧт кывкутана котырса медыджыд директор Александр Голованевкӧд @ выльтор @ https://rkomi.ru/news/915 @ 2021-05-28 @}
Владимир Уйба удж серти аддзысьліс Усинскса мэр Николай Такаевкӧд да «ЛУКОЙЛ-Коми» ичӧт кывкутана котырса медыджыд директор Александр Голованевкӧд.
Владимир Уйба, Николай Такаев да Александр Голованев удж серти аддзысьлісны ода-кора тӧлысь 28 лунӧ Коми Республикаса Юралысьлӧн Усинскӧ удж серти ветлігӧн.
Александр Голованев юӧртіс Владимира Уйбалы сы йылысь, кыдзи бырӧдӧны Ошса куйлӧд дорын Колва юӧ мусир сора ва веськалӧмкӧд йитчӧм неминуча бӧрын артмӧм колясъяссӧ. Неминучаыс артмис трубопроводлӧн йиджтӧмлун торксьӧм вӧсна.
Ӧні мупытшкӧсса озырлунӧн вӧдитчысь компания водзӧ весалӧ Колва юлысь берегъяссӧ.
Сэні уджалӧ предприятиеысь да торъя пӧдрада организацияысь 200-ысь унджык морт, 80-ысь унджык техника.
Помалӧны весавны 1,3 гектар ыджда мусӧ, мый няйтчис проводлӧн йиджтӧмлун торксьӧм вӧсна.
Мусир сора васӧ да няйтчӧдӧм мусӧ чукӧртӧм да нуӧм бӧрын муяссӧ бурмӧдасны.
Ва веркӧс вылысь мусирсӧ чукӧртӧны сорбент отсӧгӧн да юлӧн ва сулаланінъясысь.
Водзӧ весалӧны берегъяссӧ, кӧні ытва бӧрын эмӧсь мусир колясъясыс, сідзжӧ весалӧны да мыськӧны берег визьсӧ, берегдорса быдмӧгъяссӧ, кералӧны няйтчӧм кустъяссӧ.
Бонаяссӧ сувтӧдӧма Колва ю вылын, сідзжӧ содтӧд найӧс сувтӧдӧма Уса да Печора юяс вылын, медым ӧлӧдны няйтлысь паськалӧмсӧ («Усинск» кар кытшса Сем Ӧндрей, Шеллябӧж Закар Вань сиктъяс да Изьва районса Щельяюр посёлок дорын).
Вӧр-васӧ мониторитӧны сы серти, эмӧсь-ӧ мусир колясъясыс.
Коми Республикаса Юралысь Владимира Уйба торйӧн ёна видзӧдӧ колясъяссӧ бырӧдӧм бӧрся.
{Kodko (комиӧдіс Обрезкова Н. А.) @ Усинскын котыртасны муниципальнӧй веськӧдлан шӧрин @ выльтор @ https://rkomi.ru/news/916 @ 2021-05-28 @}
Усинскын котыртасны муниципальнӧй веськӧдлан шӧрин.
Выль тэчасыс кутас кывкутны гражданасянь шыӧдчӧмъяс да юӧръяс вылӧ ӧдйӧ вочавидзӧмысь, муниципалитетын ӧнія серпассӧ анализируйтӧмысь да мониторитӧмысь.
Та йылысь Коми Республикаса Юралысь Владимир Уйбалы юӧртіс «Усинск» кар кытшлӧн муниципальнӧй юкӧнса юралысь — кар кытшса администрацияӧн юрнуӧдысь Николай Такаев.
Муниципальнӧй веськӧдлан шӧринсӧ котыртӧма сы вӧсна, мый колӧ ӧдйӧ вочавидзны йӧзкӧд йитӧд кутан платформаяс, социальнӧй везъяс да Ӧтуввезйын мукӧд восьса ӧшмӧс пыр гражданасянь воӧм шыӧдчӧмъяс да юӧръяс вылӧ.
Ода-кора тӧлысь 28 лунӧ удж серти аддзысьлігӧн Коми Республикаса Юралысь да Усинскса мэр сідзжӧ сёрнитісны, мый колӧ торйӧн уджавны пикӧ воӧм томуловкӧд, сы йылысь, кутшӧм эмӧсь позянлунъяс, медым «сьӧкыд» томулов пырӧдчины спортӧ Усинскса спорт школаяслӧн секцияясын, да та отсӧгӧн заводитісны нуӧдны дзоньвидза оласног.
Николай Такаевлӧн кывъяс серти, Усинскын оз тырмыны спорт сооружениеяс.
Олысьяс радейтӧны спортсӧ. Спортобъектъясӧн кызвыннас вӧдитчӧны рытъя кадӧ, кор найӧ торйӧн нин колӧны верстьӧ йӧзлы, и карса школаяс оз нин уджавны.
Владимир Уйба тӧдчӧдіс, мый юалӧмсӧ колӧ решитны системнӧя, да талун нин колӧ планируйтны карын ӧнія став корӧмлы лӧсялысь выль спорт объектъяс стрӧитӧмсӧ.
{Kodko (комиӧдіс Обрезкова Н. А.) @ Коми Республикалы федеральнӧй сьӧмкудйысь сетісны 56,8 миллион шайт, медым отсавны обрабатывайтан промышленносьтлы @ выльтор @ https://rkomi.ru/news/917 @ 2021-05-28 @}
Коми Республикалы федеральнӧй сьӧмкудйысь сетісны 56,8 миллион шайт, медым отсавны обрабатывайтан промышленносьтлы.
Коми Республика лоис Россия Федерация субъектъяс пиысь медводдза регионӧн, кодъясӧс бӧрйӧма конкурс серти. Республикакӧд кырымалӧма соглашение. Сы серти федеральнӧй сьӧмкудйысь сетасны сьӧм сы вылӧ, медым ӧтув могмӧдны сьӧмӧн промышленносьт сӧвмӧдан дінму уджтассӧ.
2021 вося ода-кора тӧлысь 26 лунӧ Коми Республикаса Веськӧдлан котыр да Россияса промышленносьт да вузасян министерство кырымалісны соглашениесӧ.
Казьтыштам, 2020 вося ӧшым тӧлысьӧ Коми Республика пырӧдчис промышленносьт сӧвмӧдан дінму уджтасъяс бӧръян конкурсӧ. Кывкӧртӧдъяс серти сійӧ пырис 25 вермысь регион лыдӧ.
1 миллиард шайт вӧсна вермасис Россия Федерацияса 52 субъект, кодъяс сетісны конкурс вылӧ заявкасӧ.
Республиканскӧй сьӧмкудйысь тайӧ могъяс вылӧ урчитӧм 100 миллион шайт дорӧ федеральнӧй сьӧмкудйысь Коми Республикалы вичмӧдӧма 56,8 миллион шайт (страна пасьта тайӧ витӧд места).
Босьтӧм сьӧмсӧ вуджӧдасны Коми Республикаса промышленносьт сӧвмӧдан дінму фондӧ, медым сетны промышленнӧй предприятиеяслы инвестиция проектъяс збыльмӧдӧм вылӧ льготнӧй заёмъяс.
Талун кежлӧ 3 компания дась вӧдитчыны наӧн.
Промышленнӧй предприятиеяслы льготнӧй заёмъяс йылысь юӧрӧн позьӧ тӧдмасьны Коми Республикаса промышленносьт сӧвмӧдан дінму фондлӧн Консультируйтан шӧринын татшӧм телефон пыр: +7 (912) 869–13–33.
Таво Коми Республика сідзжӧ кӧсйӧ пырӧдчыны 2022 воын сьӧмкудкостса трансферт сетӧм вылӧ конкурсӧ.
{Kodko (комиӧдіс Обрезкова Н. А.) @ Комиысь куим боксёр лоисны Рытыв-Войвылын чемпионъясӧн @ выльтор @ https://rkomi.ru/news/920 @ 2021-05-29 @}
Комиысь куим боксёр лоисны Рытыв-Войвылын чемпионъясӧн.
Усинскын помасис Бокс серти Рытыв-Войвыв федеральнӧй кытшса чемпионат.
Чемпионатсӧ сиӧма Коми Республикалӧн 100 волы. Сэні участвуйтісны Россия Федерацияса дас регионысь 62 спортсмен.
Боксёръясӧс, ёрдысьясӧс, тренеръясӧс да турнирса гӧсьтъясӧс чолӧмаліс Коми Республикаса Юралысь Владимир Уйба да Россиялӧн бокс федерацияса медыджыд секретар Кирилл Щекутьев.
«Зэв нимкодь, мый Коми Республикалы 100 во тыран воӧ миян войвыв муын нуӧдсьӧны татшӧм тӧдчана вермасьӧмъяс, кӧні петкӧдчӧны нималана спортсменъяс, мирса, Европаса чемпионъяс, Олимпийскӧй ворсӧмъяслӧн призёръяс.
Татшӧм вылыс тшупӧда ордйысьӧмъяссӧ Усинскын нуӧдӧны медводдзаысь, — тӧдчӧдіс Владимир Уйба.
— Ыджыд аттьӧ зэв мича спортивнӧй праздникысь, бура вермасьӧмъясысь!»
«Коми — боксёръяслӧн му, кӧні вылӧ донъялӧны тайӧ спорт сикассӧ.
Меным нимкодь, мый сыӧн веськӧдлӧ морт, коді кужӧ оз сӧмын юрнуӧдны, но и кужӧ венласьны.
Аттьӧ Коми Республикаса Юралысь Владимир Уйбалы да «Усинск» муниципальнӧй юкӧнса юралысь Николай Такаевлы мужичӧйяс да аньяс пӧвстын бокс серти Рытыв-Войвыв федеральнӧй кытшса чемпионатсӧ бура котыртӧмысь», — аттьӧаліс Кирилл Щекутьев.
Усинскын Бокс серти Рытыв-Войвыв федеральнӧй кытшса чемпионатлӧн финалса тышъясын участвуйтісны аньяслӧн 4 да мужичӧйяслӧн 8 пара.
Куим боксёр, кодъяс петкӧдлісны Коми Республикаӧс финалын, вермисны асланыс весӧвӧӥ категорияын.
Чемпионъясӧн лоисны Дауд Алаев (Сыктывкар), Аркадий Племениченко (Ухта) да Ринат Сафиуллин (Усинск).
Мукӧд медбур боксёркӧд ӧтвылысь найӧ таво мунасны моз тӧлысьын Кемерово карӧ, кӧні лоӧ Россияса чемпионатлӧн финал.
Турнирса пыдди пуктана гӧсьтъяс — россияса боксын мирса чемпионъяс Егор Мехонцев, Раимкуль Малахбеков, Султан-Ахмед Ибрагимов да Владимир Никитин нуӧдісны усинскса том йӧзлы да детдомса быдтасъяслы мастер-классъяс да юксисны асланыс опытӧн том спортсменъяскӧд.
Том йӧз босьтісны асланыс кумиръяслысь автографъяс да паметь вылӧ кепысьяс.
Пасйыштам, мый Россияса бокс федерация 2023 воын кӧсйӧ нуӧдны Коми Республикаын Аньяс пӧвстын бокс серти Россияса чемпионат.
Таысь кындзи, регионса Веськӧдлан котыркӧд ӧні дасьтӧны заявка, медым нуӧдны 2022 воын 17–18 арӧса юниоръяс пӧвстын Европаса первенство.
Фотоыс «Усинск» КК МЮ администрацияса пресс-службалӧн да Александр Кавиевлӧн
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Челядьӧс доръян войтыркостса лунӧн @ выльтор @ https://rkomi.ru/news/926 @ 2021-06-01 @}
Владимир Уйба чолӧмалӧ Коми Республикаса олысьясӧс Челядьӧс доръян войтыркостса лунӧн.
«Коми Республикаса пыдди пуктана олысьяс!
Дона ёртъяс!
Чолӧмала республикаса ичӧт войтырӧс, налысь бать-мамсӧ, пӧль-пӧчсӧ Челядьӧс доръян войтыркостса лунӧн!
Челядьдыр — тайӧ медбур кад, кор пуясыс джуджыдджыкӧсь, туруныс вежджык, шондіыс яръюгыдджык, а мирыс тыр шензьӧданторйӧн.
Челядьдыркӧд йитчӧмаӧсь медся кыпыд казьтылӧмъясыс. Тайӧ кадӧ ичӧт войтырыс быдмӧны, налӧн сӧвмӧ олӧм вылӧ видзӧдласыс.
Талун ми гӧгӧрвоам: кутшӧм челядьдырыс миян челядьлӧн, сэтшӧм и лоӧ миян аскиа лунным.
Миян, верстьӧ йӧзлӧн, медшӧр могным сыын, медым кагаыс вӧлі шуда, лоис велӧдчӧм мортӧн, аддзис асьсӧ олӧмас да сыын, медым дорйыны сылысь инӧдъяссӧ да велӧдны вӧчны йӧзлы буртор.
Челядьлы сиӧм гажыс веськалӧ гожся каникулъяс заводитчан лунӧ.
Таво республикаса да Сьӧд саридздорса лагеръясын шойччасны да бурмӧдасны дзоньвидзалунсӧ 37 сюрс гӧгӧр ныв-зон.
Ми вӧчим ставсӧ, медым видзны челядьнымӧс лёк суӧмысь, медым найӧ гожӧмнас бура шойччисны.
Сиа республикаса став олысьлы крепыд дзоньвидзалун, шуд да тыр-бур олӧм!
Челядьлы — гажа, сьӧлӧм вылӧ воана, кыпыд гожӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Москваын Коми Республикалӧн лунъясыс помасисны зэв ыджыд гала-концертӧн @ выльтор @ https://rkomi.ru/news/927 @ 2021-06-01 @}
Москваын Коми Республикалӧн лунъясыс помасисны зэв ыджыд гала-концертӧн.
Кыпыд мероприятиеыс вӧлі Большой театрлӧн выль сцена вылын.
Концерт дырйи петкӧдчисны республика да Россия пасьтала тӧдса «Асъя кыа» сьылан да йӧктан канму ансамбль, «Зарни ёль» ансамбль, Коми Республикаса опера да балет канму театрысь, Виктор Савин нима академическӧй драма театрысь да Коми Республикаса вужвойтырлӧн шылада-драмаа театрысь артистъяс, республикаын чужлӧм йӧз — Метрополитен-операса солист Алексей Лавров да Большой театрса солистка Ольга Селиверстова, а сідзжӧ Россияса Армиялӧн Александров нима академическӧй кыкысь Краснознамённӧй сьылан да йӧктан ансамбль.
Коми Республикаса Юралысь Владимир Уйба чолӧмаліс пырӧдчысьясӧс да видзӧдысьясӧс.
Сійӧ аттьӧаліс Россия Федерацияса культура министерствоӧс, Москваса юрнуӧдысьясӧс Коми Республикалысь лунъяс котыртны да нуӧдны отсалӧмысь, а Москваын олысьясӧс — бура вочаалӧмысь.
«Миян регионлы тырӧ 100 во — тайӧ тӧдчанатор, мыйӧн ми юксям странаса быд олыськӧд, — пасйис республикаса Юралысь.
— Ме кӧсъя аттьӧавны Россияса Президент Владимир Владимирович Путинӧс, Россия Федерацияса Веськӧдлан котырӧн юрнуӧдысь Михаил Владимирович Мишустинӧс, партнёръяснымӧс, уджъёртъяснымӧс, ёртъяснымӧс — федеральнӧй олӧмӧ пӧртысь власьт органъясӧн юрнуӧдысьясӧс.
Вежон чӧж республикаысь коллективъяс Чужан мусӧ радейтӧмӧн да пыдди пуктӧмӧн гажӧдісны асланыс искусствоӧн, енбиӧн юркарса олысьясӧс да гӧсьтъясӧс.
Шуӧны, мый миян республиканым озыр.
Да, миян уна мупытшкӧсса озырлун, но меддонаторйыс — тайӧ йӧз.
Стрӧгӧсь, вежавидзысьӧсь да бур сьӧлӧмаӧсь, кыдзи и республиканым — нянь-сола му, кӧні век радӧсь гӧсьтъяслы».
Россияса Веськӧдлан котырлӧн аппаратӧн юрнуӧдысьӧс медводдза вежысь, Коми Республика артмӧдӧмсянь сё во тырӧм пасйӧмсӧ дасьтӧм да нуӧдӧм серти оргкомитетӧн веськӧдлысь Валерий Сидоренко сиис регионлы сӧвмыны да лыддис Россияса Веськӧдлан котырӧн веськӧдлысь Михаил Мишустинлысь чолӧмалӧмсӧ:
«Республика ӧдйӧ сӧвмӧ, збыльмӧдӧ топливно-энергетическӧй да горноруднӧй комплексъясын ыджыд проектъяс.
Вӧр ресурсъясыс лоӧны аслыспӧлӧс вӧр-ва озырлунӧн, найӧ зэв тӧдчанаӧсь экология, сырьё, экономика да социальнӧй боксянь, босьтӧны ыджыд ин регион сӧвмӧдӧмын.
Зэв бур, мый ӧні тані лӧсьӧдӧны бур условиеяс инвесторъяслы, лӧсьӧдӧны ӧнія инфраструктура, видзӧны культура, традицияяс да кыв».
Россияса Федеральнӧй Собраниелӧн Федерация Сӧветӧн веськӧдлысь Валентина Матвиенко нимсянь республикаса олысьясӧс чолӧмаліс Федерация Сӧветын Уджаланарт да парламентскӧй удж котыртӧм серти комитетӧн веськӧдлысь Вячеслав Тимченко да лыддис гала-концертӧ пырӧдчысьяслы шыӧдчӧмсӧ.
«Таво республика пасйӧ сё вося юбилей. Та вӧсна позьӧ нӧшта ӧтчыдысь уськӧдны тӧд вылӧ сылысь историясӧ, пасйыны сылысь культура озырлунсӧ да сины выль вермӧмъяс.
Шемӧсмӧдана выставкаяс, республикаса театръясысь коллективъяслӧн тӧдчана площадкаясын петкӧдчӧм, водзӧ вылӧ тӧдчана туристско-инвестиционнӧй форум да талунъя концерт бура петкӧдлӧны регионлысь позянлунъяссӧ, сылысь вермӧмъяссӧ да уна сикас нырвизьын водзӧ сӧвман туйяссӧ», — гижӧма шыӧдчӧмын.
Республикаӧс чолӧмаліс Рытыв-Войвыв федеральнӧй кытшын Россияса Президентӧс полномочнӧй петкӧдлысь Александр Гуцан.
Гала-концерт дырйи чолӧмалӧмсӧ лыддис сійӧс вежысь Ольга Атюкова.
«Коми Республика — тайӧ регионын, кодлӧн аслыспӧлӧс культураыс, озыр историяыс да вӧр-ваыс, регион, кодлӧн эм уна позянлун сӧвмыны экономика да социальнӧй боксянь.
Аслас вермӧмъясӧн Коми петкӧдлӧ, мый збыльвывса озырлуныс абу му пытшкын, а йӧзын, республикаса олысьясын, кодъяс асланыс уджӧн вӧчӧны кӧдзыд арктическӧй муысь Россия Федерацияса сӧвмӧм регион», — гижӧма чолӧмалӧмын.
Шоу артмӧ куим тематическӧй эпизодысь, прологысь да финалысь.
Зэв тӧдчанаӧсь видеопроекционнӧй инсталляцияяс, кӧні петкӧдлӧма республикалысь вӧр-ва да культура озырлунсӧ, а сідзжӧ Комиысь художникъяслысь уджъяссӧ.
Ода-кора тӧлысь 23–31 лунъясӧ Москваын нуӧдісны войвывса регион артмӧдӧмсянь 100 во тырӧмлы сиӧм «Коми Республикалӧн лунъяс» ыджыд проект.
Ӧкмыс лун чӧж юркарса олысьяс, гӧсьтъяс тӧдмасисны коми войтырлӧн культураӧн да традицияясӧн.
Лӧддза-номъя тӧлысь 1 лунӧ Коми Республикалысь лунъяссӧ восьтасны Санкт-Петербургса медбур творческӧй площадкаясын.
Санкт-Петербургын Коми Республикалӧн лунъясыс кутасны мунны лӧддза-номъя тӧлысь 7 лунӧдз.
{Kodko (комиӧдіс Обрезкова Н. А.) @ 2021 вося лӧддза-номъя номъя тӧлысь 1 лунсянь примитӧны Коми Республикаса олӧмӧ пӧртысь власьт системаса органъясын стажируйтчӧм вылӧ конкурсӧ пырӧдчӧм могысь документъяс, кутшӧмӧс котыртіс Коми Республикаса Юралысьлӧн Администрация @ выльтор @ https://rkomi.ru/news/930 @ 2021-06-01 @}
2021 вося лӧддза-номъя номъя тӧлысь 1 лунсянь примитӧны Коми Республикаса олӧмӧ пӧртысь власьт системаса органъясын стажируйтчӧм вылӧ конкурсӧ пырӧдчӧм могысь документъяс, кутшӧмӧс котыртіс Коми Республикаса Юралысьлӧн Администрация.
Конкурсын вит вермысь, кодъяс став донъялан процедура бӧрын босьтасны медуна балл, 2021 вося моз тӧлысь 2 лунсянь пырасны удж вылӧ да 1 во чӧж кутасны уджавны асланыс уджсикас серти Коми Республикаса нёль олӧмӧ пӧртысь власьт органын срочнӧй уджалан сёрнитчӧм серти. Удждоныс — 27000 шайт.
Том специалистъяслы стажировкаыс — тайӧ позянлун видлыны уджавны олӧмӧ пӧртысь власьт органын, донъявны вынъяссӧ канмуӧн веськӧдлан нырвизьясын, тӧдмасьны власьт органъясын уджлӧн аслыспӧлӧслунъясӧн да бӧрйыны уджалан нырвизьсӧ, а сідзжӧ аддзыны канмуӧн веськӧдлан системаын удж.
Коми Республикаса олӧмӧ пӧртысь власьт системаса органъясын том специалистъясӧн стажируйтчӧм серти проектсӧ збыльмӧдӧны сизимӧд во нин. Тайӧ проектыс колана: проектын 40 участвуйтысьысь 31-ыс аддзис удж канму да муниципальнӧй веськӧдлан системаын.
Конкурсӧ вермӧны пырӧдчыны Россия Федерацияса граждана, кодъяслы тырӧма 18 арӧс да кодъяс 27 арӧсысь абу ыджыдджыкӧсь, да кодъяслӧн эм «канму да муниципальнӧй веськӧдлӧм», «экономика», «юриспруденция» дасьтан нырвизьяс серти вылыс тшупӧда тӧдӧмлун, кодъяс тӧдӧны Россия Федерацияса канму кыв.
Конкурсӧ пырӧдчӧм вылӧ колӧ сетны татшӧм документъяс:
· урчитӧм форма серти конкурсӧ пырӧдчӧм вылӧ заявление (йӧзӧдӧма Веськӧдланінлӧн uggs.rkomi.ru сайтын);
· урчитӧм форма серти фотографияа анкета (йӧзӧдӧма Веськӧдланінлӧн сайтын);
· паспортлысь либӧ сійӧс вежысь документлысь копия;
· вылыс тшупӧда тӧдӧмлун йылысь диплом копия (сэк, кор документъяс примитан кадколаст помасян кадпас кежлӧ сійӧ абу, претендент сетӧ справка сы йылысь, мый сійӧ лоӧ вылыс тшупӧда велӧдан учреждениеын бӧръя курсса студентӧн.
Та дырйи вылыс тшупӧда тӧдӧмлун йылысь диплом копиясӧ колӧ сетны конкурснӧй процедураяс помассьытӧдз);
· ӧтйӧза, наука туялан, творчество либӧ мукӧд мероприятиеын участвуйтӧмсӧ эскӧдысь мукӧд документ (кӧсйӧм серти).
Документъяссӧ примитӧны 2021 вося лӧддза-номъя тӧлысь 1 лунсянь сора тӧлысь 8 лунӧдз татшӧм инпас серти: 167010, Сыктывкар, Интернациональнӧй ул., 157 к., Коми Республикаса Юралысьлӧн Администрацияса Канму гражданскӧй службаӧн веськӧдланін.
Содтӧд юӧрсӧ позьӧ тӧдмавны (8212) 304–870, 304–871 телефонъяс пыр да http://uggs.rkomi.ru/page/18130/ сайтысь.
Конкурснӧй испытаниеяссӧ кӧсйӧны нуӧдны:
2021 вося сора тӧлысь 13–23 лунъясӧ.
Кандидатъясӧс донъялан методъяс:
· «КонсультантПЛЮС» СПС-ӧн да «MicrosoftOffice» программа пакетъясӧн уджалан кужанлунъяс тӧдмалӧм вылӧ практическӧй задание;
· роч кыв, канму тэчас, Россия Федерацияса да Коми Республикаса Оланподув тӧдӧм вылӧ тестируйтӧм;
· уджсикасын колана качествояс да личностнӧй аслыспӧлӧслунъяс эрдӧдӧм вылӧ тестируйтӧм;
· быдӧнкӧд торйӧн собеседование.
{Kodko (комиӧдіс Обрезкова Н. А.) @ Владимир Уйба чолӧмаліс Челядьлы сиӧм войтыркостса лунӧн Коми Республикаса семьяясӧс, кодъяс олӧны Москваын @ выльтор @ https://rkomi.ru/news/931 @ 2021-06-01 @}
Владимир Уйба чолӧмаліс Челядьлы сиӧм войтыркостса лунӧн Коми Республикаса семьяясӧс, кодъяс олӧны Москваын.
Коми Республикаса Юралысь аддзысьліс челядькӧд да налӧн бать-мамкӧд лӧддза-номъя тӧлысь 1 лунӧ Россия Федерацияса Президент бердын Коми Республикаӧс пыр петкӧдланінын.
Владимир Уйба чолӧмаліс челядьӧс гожӧм да каникулъяс заводитчӧмӧн, сиис налы бура шойччыны.
«Челядьдыр — тайӧ аслыспӧлӧс кад, но сійӧ вывті ӧдйӧ кольӧ.
Быд во ті верстямманыд, — пасйис республикаса Юралысь.
— Ме сиа тіянлы пыр тӧдмавны мыйкӧ выльтор, босьтны унджык тӧдӧмлун.
Олӧмын тайӧ зэв ёна ковмас.
Талун ми тіянкӧд локтім Россияса Президент бердын Коми Республикаӧс пыр петкӧдланінӧ.
Тайӧ миян войвыв республикалӧн неыджыд пельӧс.
Энӧ вунӧдӧй, мый Коми муын тіян вужъясныд.
Тшӧкыдджыка волӧй татчӧ.
Тӧдӧй, мый тіянӧс тані пыр виччысьӧны!»
Челядьлы нуӧдісны экскурсияяс, ворсӧмъяс, вӧчисны аквагрим.
Аддзысьлӧм помын юисны тшай да сетісны козинъяс — Коми Республика йылысь небӧгъяс.
{Kodko (комиӧдіс Обрезкова Н. А.) @ Владимир Уйба аддзысьліс Россияса скейтбординг федерацияса Президент Илья Вдовинкӧд @ выльтор @ https://rkomi.ru/news/932 @ 2021-06-01 @}
Владимир Уйба аддзысьліс Россияса скейтбординг федерацияса Президент Илья Вдовинкӧд.
Москваын аддзысьлӧм дырйи Владимир Уйба да Илья Вдовин сёрнитісны Коми Республикаын скейтбординг сӧвмӧдӧм йылысь.
Илья Вдовин висьталіс Владимир Уйбалы сы йылысь, мый скейтбординг паськалӧ Россияын, сійӧс сӧвмӧдӧны кыдзи олимпийскӧй спорт сикас да сы йылысь, мый Россияса скейтбордистъяслӧн команда петкӧдчас Олимпийскӧй ворсӧмъяс дырйи Токиоын (Япония).
Регионса Юралысь тӧдчӧдіс, мый Комиын унаӧн скейтбордингасьӧны.
Миян спортсменъяс бура петкӧдлӧны регионнымӧс федеральнӧй да мирса ордйысьӧмъясын.
«Тайӧ абу сӧмын экстремальнӧй спорт, а унджык том йӧзлы — тайӧ оланног, — тӧдчӧдіс Владимир Уйба.
— Дерт жӧ, колӧ сӧвмӧдны скейтбордингсӧ.
Колӧ оз сӧмын «ветлыны скейтӧн» ывлаті да паркъясын, но и колӧ пуктыны ас водзаныд мог — шедӧдны ыджыд вермӧмъяс.
А медым наӧдз воӧдчыны, колӧ уджавны профессионалъяскӧд».
Владимир Уйба да Илья Вдовин сёрнитчисны, мый республикаса Веськӧдлан котыр да Россияса скейтбординг федерация кырымаласны ёртасьӧм йылысь артмӧдчӧм сы могысь, медым сӧвмӧдны регионын профессиональнӧй да массӧвӧй скейтбординг.
Федерация отсалас Коми Республикаса спорт министерстволы ывлавывса да вевта скейт-паркъяс стрӧитӧмын да выльмӧдӧмын.
Колӧ, медым занятиеяс нуӧданінъясыс лӧсялісны безопасносьт нормаяслы да профессиональнӧй корӧмъяслы.
{Kodko (комиӧдіс Обрезкова Н. А.) @ Игорь Булатов петкӧдліс Федеральнӧй туй агентствоын республикалӧн опорнӧй туйяс серти уджъяс нуӧдан план @ выльтор @ https://rkomi.ru/news/933 @ 2021-06-02 @}
Игорь Булатов петкӧдліс Федеральнӧй туй агентствоын республикалӧн опорнӧй туйяс серти уджъяс нуӧдан план.
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов сёрнитіс сӧвещание дырйи автомашина туйяслысь опорнӧй вез сӧвмӧдӧм серти куим вося уджтас дасьтӧм да збыльмӧдӧм йылысь докладӧн.
Сӧвещаниесӧ нуӧдіс Федеральнӧй туй агентствоӧн юрнуӧдысь Роман Новиков.
Сы могысь, медым воӧдчыны опорнӧй везйӧ пырысь дінму да муниципальнӧй тӧдчанлуна туйяслӧн нормативносьт серти 85 прӧчента петкӧдласӧдз, Игорь Булатов юӧртіс, мый колӧ вичмӧдны содтӧд сьӧм. Тайӧ сьӧм тшӧт весьтӧ капитальнӧя дзоньталасны да дзоньталасны 473,2 км кузьта автомашина туй, автозимник пыдди стрӧитасны 34,6 км кузьта да выльмӧдасны 49,2 км кузьта автомашина туйяс.
«Республикалӧн опорнӧй туйяс серти уджъяс нуӧдан план дорйӧм могысь ми петкӧдлім лӧсялана проектнӧй документациясӧ. Сьӧмӧн могмӧдӧм йылысь помшуӧмъяс примиттӧдз федеральнӧй орган сійӧс видлалас», — сӧвещание бӧрын юӧртіс Игорь Булатов.
2021 во заводитчӧм кежлӧ Коми Республикалӧн опорнӧй везйыс лоӧ 2 772,2 км кузьта, сы лыдын 283,6 км — федеральнӧй тӧдчанлуна автомашина туй, 2 488,6 км — дінму либӧ муниципалитеткостса тӧдчанлуна автомашина туй.
{Kodko (комиӧдіс Обрезкова Н. А.) @ Коми Республикаса гарантийнӧй фонд да Промышленносьт сӧвмӧдан фонд кырымалісны ёртасьӧм йылысь артмӧдчӧм @ выльтор @ https://rkomi.ru/news/935 @ 2021-06-02 @}
Коми Республикаса гарантийнӧй фонд да Промышленносьт сӧвмӧдан фонд кырымалісны ёртасьӧм йылысь артмӧдчӧм.
Воторникӧ Войвывса юркарын восис Петербургса войтыркостса экономическӧй форум. Форум дырйи Коми Республикаса гарантийнӧй фонд (Коми РГФ) да Промышленносьт сӧвмӧдан фонд (ПСФ, ВЭБ.РФ группа) кырымалісны ёртасьӧм йылысь артмӧдчӧм, мый серти регионса ичӧт да шӧр промышленнӧй предприятиеяслы сьӧмсӧ кутасны сетны кокньӧдъясӧн.
Документсӧ кырымалісны ПСФ-са директор Роман Петруца да Коми РГФ-са медыджыд директор Максим Рочев, та дырйи вӧлі Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов.
Артмӧдчӧм серти, Комиса гарантийнӧй фонд дась сетны ПСФ-лӧн заём джын вылӧ поручительствосӧ предприятиеяслы, кодъяс кӧсйӧны босьтны Фондысь кокньӧдъясӧн сьӧм.
«Кырымалӧм артмӧдчӧмыс отсалас пӧртны олӧмӧ республикаын проектъяс сы вылӧ, медым восьтыны выль предприятиеяс, выльмӧдны производство, пыртны выль технологияяс да прӧдукция. Та вылӧ Гарантийнӧй фонд дінмуса гарантийнӧй организациялӧн субсидиарнӧя кывкутан условиеяс вылын сетӧ ичӧт да шӧр предпринимательство субъектъяслӧн кӧсйысьӧмъяс серти поручительствояс сэк, кор Промышленносьт сӧвмӧдан фонд могмӧдӧ сьӧмӧн», — пасйис Игорь Булатов.
Татшӧм ногӧн Коми Республикаса гарантийнӧй фондлӧн лоӧ унджык организация-уджъёрт. Регионса предпринимательяслӧн лоӧ унджык позянлун уджавны сыкӧд.
«Тӧдчӧда, мый Коми Республикаса Веськӧдлан котыр дась ӧтлаын уджавны Промышленносьт сӧвмӧдан фондкӧд, Внешэкономбанккӧд, мукӧд федеральнӧй институткӧд, медым регионын да Россияын сӧвмӧдны ичӧт да шӧр бизнессӧ», — содтіс зампред.
«Ичӧт да шӧр бизнесса промышленнӧй предприятиеяслӧн тшӧкыда оз овлыны сьӧктӧдъястӧм залога объектъяс.
Та дырйи шӧр бизнес лоӧ ПСФ-лӧн медшӧр клиентӧн.
Сійӧ мобильнӧй, сылӧн эм выль производствояс восьтӧм либӧ выльмӧдӧм вылӧ колана баланс, дась выльторъяс вылӧ, а сідзжӧ пыртӧ выль мӧвпъяс да бура уджалысь технологическӧй решениеяс.
Коми Республикаса гарантийнӧй фондкӧд ёртасьӧм отсӧгӧн ми кӧсъям тайӧ регионын пӧртны олӧмӧ унджык бур проект», — тӧдчӧдіс Промышленносьт сӧвмӧдан фондса директор Роман Петруца.
Промышленносьт сӧвмӧдан фонд сетӧ 5 миллион шайтсянь 2 миллиард шайтӧдз 1 прӧчент да 3 прӧчент улӧ торъя мога заёмъяс 7 во кежлӧ, медым збыльмӧдны выль технологияяс пыртан, выль прӧдуктъяс лӧсьӧдан либӧ импортнӧй прӧдукция вежысь производствояс котыртан проектъяс.
Кокньӧдъясӧн заём босьтан условиеясысь ӧтиӧн лоӧ заёмлӧн ӧтувъя мында вылӧ банклысь гарантия, поручительство, му, эмбур либӧ оборудование вылӧ залог сетӧм.
Комиысь фонд кутас сетны гарантия, поручительство ичӧт да шӧр предпринимательство субъектъяслы, медым предпринимательяс вермисны вӧдитчыны унджык кредитнӧй ресурсӧн.
{Kodko (комиӧдіс Обрезкова Н. А.) @ Владимир Уйбалӧн тшӧктӧм серти социальнӧй везъясын гражданалӧн шыӧдчӧмъяскӧд уджсӧ пыртасны Коми Республикалӧн кар-районъясса юралысьяслысь уджсӧ донъялӧмӧ @ выльтор @ https://rkomi.ru/news/936 @ 2021-06-02 @}
Владимир Уйбалӧн тшӧктӧм серти социальнӧй везъясын гражданалӧн шыӧдчӧмъяскӧд уджсӧ пыртасны Коми Республикалӧн кар-районъясса юралысьяслысь уджсӧ донъялӧмӧ.
Коми Республикаса Веськӧдлан котырлӧн ода-кора тӧлысь 19 лунся заседание бӧрын регионса Юралысь Владимир Уйба тшӧктіс пыртны петкӧдласъяслӧн лыддьӧгӧ, кутшӧмъяс петкӧдлӧны Коми Республикаын кар кытшъясса муниципальнӧй юкӧнъяслӧн да муниципальнӧй районъясса муниципальнӧй юкӧнъяслӧн администрацияясса юралысьяслӧн (юрнуӧдысьяслӧн) уджлысь окталунсӧ да бӧртаслунсӧ, социальнӧй везъясын уджлысь, сы лыдын ас кадӧ да бура йӧзкӧд йитӧд кутӧмлысь, окталунсӧ донъялысь петкӧдлас.
Владимир Уйба корис кар-районъясса юралысьясӧс бурджыка уджавны социальнӧй везъясын норасьӧмъяс серти, мыджсьыны Регионӧн веськӧдлан шӧринлӧн мыччӧдъяс вылӧ да ӧдйӧ разьны республикаса олысьяслысь мытшӧдъяссӧ.
«Муниципалитетъясӧн веськӧдлысьяс дыр вочавидзӧны гражданалӧн юалӧмъяс вылӧ...
Нӧшта ӧтчыд кора видзӧдлыны Регионӧн веськӧдлан шӧринлысь мыччӧдъяссӧ да ӧдйӧ разьны мытшӧдъяссӧ», — тӧдчӧдіс Владимир Уйба.
Татшӧм ногӧн, Коми Республикаын муниципальнӧй юкӧнъясса администрацияясӧн юрнуӧдысьяслӧн уджлысь окталунсӧ донъялӧмӧ пыртасны «Инцидент Менеджмент» системаын уджсӧ, сы лыдын — социальнӧй везъясын олысьяслӧн запросъяс да сигналъяс вылӧ меставывса асвеськӧдлан органъясӧн вочавидзан качествосӧ да ӧдсӧ.
Баллъяссӧ рейтингын кутасны чинтыны сэк, кор оз вочавидзны сигнал вылӧ, кор вочавидзӧмыс бюрократическӧй нога, абу стӧч да сюрӧс серти вочавидзӧм пыдди цитируйтӧны нормативнӧй-инӧда актъяссӧ.
Таысь кындзи, тӧд вылӧ босьтасны быд воӧм сигнал вылӧ вочавидзан ӧдсӧ.
Збыльмӧдысьлы 8 час чӧжӧн колӧ вочавидзны, юӧртны помшуӧмсӧ, сетны гӧгӧрвоӧдӧм либӧ медводз гижны вочакывсӧ вӧдитчысьлӧн норасьӧм вылӧ сійӧ площадка вылын, кӧні и вӧлі сетӧма юалӧмсӧ: вочавидзны ас вежӧсын либӧ каръяслӧн, районъяслӧн либӧ регионлӧн официальнӧй группаяслӧн комментарийясын.
Уськӧдам тӧд вылӧ, Коми Республикаса регионӧн веськӧдлан шӧрин уджалӧ социальнӧй везъяс ӧнія кадын сутки чӧж мониторитан «Инцидент Менеджмент» юӧр чукӧртан донъялан системаын.
Сійӧ автоматическӧя чукӧртӧ да анализируйтӧ гражданалысь торъя аспектъяс серти шыӧдчӧмъяссӧ да норасьӧмъяссӧ: йӧзлысь дзоньвидзалун видзӧм, оланін да коммунальнӧй овмӧс, мутасъяс бурмӧдӧм, чорыд коммунальнӧй шыбласъясӧн вӧдитчӧм да мукӧдтор.
Содтӧд кӧсйӧны босьтны тӧд вылӧ Йӧзкӧд йитӧд кутан платформаӧ кар-районъяслӧн сайтъясын йӧзӧдӧм баннеръяс, а сідзжӧ канму услугаяслӧн порталысь да «Канму услугаяс. Решитам ӧтлаӧн» мобильнӧй содтӧдысь воӧм сообщениеяс серти муниципалитетъяслысь уджсӧ.
Йӧзкӧд йитӧд кутан платформа серти урчитӧма гражданалысь сообщениеяссӧ кокньӧдӧмӧн видлалан пӧрадоксӧ (30 лунысь этшаджык), а сідзжӧ торъя категория сообщениеяссӧ — 8 лунысь оз дырджык. Та дырйи «Россия Федерацияса гражданалысь шыӧдчӧмъяс видлалан пӧрадок йылысь» 59-ФЗ №-а федеральнӧй оланпас серти шыӧдчысьлы вочакывсӧ сетӧны 30 лун чӧжӧн.
{Kodko (комиӧдіс Обрезкова Н. А.) @ Петропавловскӧй крепосьтын артиллерийскӧй ӧрудиеысь лыйӧмӧн Владимир Уйба восьтіс Санкт-Петербургын Коми Республикалы сиӧм лунъяс @ выльтор @ https://rkomi.ru/news/937 @ 2021-06-02 @}
Петропавловскӧй крепосьтын артиллерийскӧй ӧрудиеысь лыйӧмӧн Владимир Уйба восьтіс Санкт-Петербургын Коми Республикалы сиӧм лунъяс.
Талун, лӧддза-номъя тӧлысь 2 лунӧ, Cанкт-Петербургса Петропавловскӧй соборын сьылісны Коми Республикалӧн сё волы сиӧм молебен. Сы бӧрын лун шӧр кадӧ Петропавловскӧй крепосьтса Нарышкин Бастионын лыйисны артиллерийскӧй ӧрудиеысь.
Артиллерийскӧй ӧрудиеысь лыйисны республикаса Юралысь Владимир Уйба да регионын Канму Сӧветӧн веськӧдлысь Сергей Усачёв.
Тӧдчана лыйӧм бӧрын Комиысь делегациялы козьналісны гильза.
«Сӧмын на помасисны Москваын Коми Республикалы сиӧм лунъяс, а талун восьтам тайӧ проектсӧ Санкт-Петербургын, — тӧдчӧдіс Владимир Уйба.
— Миянлы зэв тӧдчана петкӧдлыны республикаӧс Россия тшупӧдын, юркаръясын.
Комиын йӧзыс зэв бурӧсь, традицияясыс аслыспӧлӧсӧсь.
Ми зілям петкӧдлыны Санкт-Петербургын да Москваын медся интереснӧйторъяссӧ да окотапырысь юксям наӧн.
Чайта, найӧ, кодъяс кӧть неуна тӧдісны Коми Республика йылысь, кутасны радейтны сійӧс!»
Кыпыд мероприятиеяс дырйи сідзжӧ вӧліны Санкт-Петербургса ортсыса йитӧдъяс серти комитетӧн веськӧдлысь Евгений Григорьев, Санкт-Петербургса войтырсикаслӧн керкаса директор Валерий Николаев, Россияса Рытыв-Войвыв регионын Коми Республикаӧс петкӧдлысь Валерий Козлов, Коми Республикаса Веськӧдлан котырӧ пырысьяс, Каналан Думаса депутатъяс, Россия Федерацияса сенаторъяс, коми землячествоясӧс да Россияса регионъясӧс петкӧдлысьяс.
«Коми Республикалы сиӧм лунъяс» ыджыд проектсӧ, мый йитчӧма войвыв регионлы 100 во пасйӧмкӧд, нуӧдӧны Санкт-Петербургын лӧддза-номъя тӧлысь 1–7 лунъясӧ.
Санкт-Петербургса история канму музейын лӧддза-номъя тӧлысь 1 лунӧ воссис «Сверхзадача — выжить» выставка. Сійӧс сиӧма мирын медся войвыв театр — Б. А. Мордвинов нима Воркутаса шылада-драма театр лӧсьӧдӧмлы.
Тайӧ жӧ лунӧ Ичӧт Садовӧй улич вылын воссис «Природа. Традиции. Люди» фотовыставка.
2020 воын фотопроект серти медводдзаысь панісны Коми Республикалӧн юбилейлы сиӧм ыджыд мероприятиеяссӧ.
10 тӧлысь чӧжӧн выставкаыс петкӧдлісны страналӧн 65 регионын.
Лӧддза-номъя тӧлысь 2 лунсянь 6 лунӧдз Санкт-Петербургса медбур сценаяс вылын сьыласны-йӧктасны республикаса профессиональнӧй творческӧй котыръяс.
Санкт-Петербургын Коми Республикалы сиӧм лунъясыс помасясны лӧддза-номъя тӧлысь 7 лунӧ Михайловскӧй театрлӧн сцена вылын гала-концертӧн.
100 вося юбилейлы сиӧм культурно-имиджевӧй проектӧн лоӧ «Печкан» («Прялка») арт-объект петкӧдлӧм да брендируйтӧм автобус лэдзӧм, мый кутас ветлӧдлыны Санкт-Петербургса шӧр маршрут кузя.
Куим тӧлысь чӧж пассажиръяс — Санкт-Петербургын олысьяс да гӧсьтъяс — вермасны тӧдмавны Коми Республика йылысь медся интереснӧйторъяссӧ.
Республикаын 100 вося юбилейсӧ кутасны пасйыны моз тӧлысь 20 лунсянь 23 лунӧдз. Регион пасьтала лоӧны ыджыд мероприятиеяс.
Коми Республикаса культура министерство лӧсьӧдіс озыр программа. 2019 воын сійӧс восьтісны «Сыктывкарын муниципалитетъяслӧн культура лунъяс» ыджыд проектӧн.
Фестиваль дырйи кар-районъяс петкӧдласны культураын да туризмын позянлунъяснысӧ.
Тайӧ каднас Сыктывкарса медшӧр творческӧй площадкаяс вылын петкӧдчис 14 район.
Во помӧдз культураын унапӧлӧслунсӧ да традицияяссӧ петкӧдлас нӧшта квайт муниципалитет.
Медматысса мероприятиеыс лоӧ лӧддза-номъя тӧлысь 11–12 лунъясӧ, кӧні участвуйтасны сыктывкарсаяс.
{Kodko (комиӧдіс Обрезкова Н. А.) @ Губернаторъяс Владимир Уйба да Александр Беглов Петербургын Пискарёвскӧй кладбище вылын пуктісны дзоридзьяс да венокъяс @ выльтор @ https://rkomi.ru/news/938 @ 2021-06-02 @}
Губернаторъяс Владимир Уйба да Александр Беглов Петербургын Пискарёвскӧй кладбище вылын пуктісны дзоридзьяс да венокъяс.
Лӧддза-номъя тӧлысь 2 лунӧ казьтылан церемонияын участвуйтісны Санкт-Петербургса да Коми Республикаса олӧмӧ пӧртысь канму власьт органъясӧс петкӧдлысьяс.
Мероприятиесӧ нуӧдісны Санкт-Петербургын Коми Республикалы сиӧм лунъяс дырйи. Культура лунъясыс воссисны талун.
Официальнӧй делегацияӧ пырысьяс пуктісны «Родина-Мать» монумент, Воркутаса шахтёръяслы да Коми Республикаысь олысьяслы, кодъяс усисны Ленинград вӧсна тышын, казьтылан плитаяс дорӧ венокъяс да дзоридзьяс.
Александр Беглов тӧдчӧдіс, мый петербуржечьяс пыдди пуктӧны да казьтылӧны солдатъясӧс, кодъяс усисны блокаднӧй кар дорйигӧн, да аттьӧалӧны Коми Республикаса войтырӧс, кодъяс примитісны Ленинградысь эвакуируйтӧм йӧзсӧ.
«2000 да 2001 воясын Коми Республикаӧс петкӧдлысьяс медводдзаяс лыдын Пискарёвскӧй кладбище вылын восьтісны войвывса юркар дорйигӧн пӧгибнитӧм землякъяссӧ, а сідзжӧ Интаысь да Воркутаысь блокаднӧй карлы изшом перйысь шахтёръясӧс казьтылан плитаяс,», — тӧдчӧдіс Александр Беглов.
Сійӧ пасйис, мый Ленинградысь Комиӧ эвакуируйтісны кык сюрсысь унджык мортӧс.
«Комиын йӧзыс лэдзисны найӧс ас керкааныс да юксисны няньӧн.
Найӧ ӧтвылысь шедӧдісны Победа», — шуис Санкт-Петербургса губернатор.
«Владимир Уйбалӧн чайтӧм серти, зэв тӧдчана, мый Санкт-Петербургын Коми Республикалы сиӧм лунъяссӧ регионса делегация восьтіс казьтылан мероприятиеясӧн.
«Ми казьтылам шог лунъяссӧ, кор Ленинградыс вӧлі блокадаын.
Комиысь 10 сюрсысь унджык морт пӧгибнитіс карсӧ дорйигӧн.
Югыд паметь налы, кодъяс дорйисны Ленинград, муӧдз копыр блокаднӧй карса олысьяслы, ставлы, кодъясӧс гуалӧма тані, Пискарёвскӧй кладбищеын.
Коми Республика да Санкт-Петербург важысянь нин ёртасьӧны, вӧлі и сьӧкыд кад, и война», — шуис Владимир Уйба.
{Kodko (комиӧдіс Обрезкова Н. А.) @ ПМЭФ–2021 дырйи Владимир Уйба юрнуӧдӧ Коми Республикалӧн делегацияӧн @ выльтор @ https://rkomi.ru/news/939 @ 2021-06-02 @}
ПМЭФ–2021 дырйи Владимир Уйба юрнуӧдӧ Коми Республикалӧн делегацияӧн.
Тайӧ лунъясӧ «Экспофорум» конгрессно-выставочнӧй шӧринын мунӧ Петербургса войтыркостса экономическӧй XXIV форум.
Таво форум дырйи медшӧр темаыс: «Бара ӧтлаынӧсь.
Выль олӧмын экономика».
Форум дырйи сёрниыс мунас нёль тема серти: «Сӧвмӧм вылӧ вынъяс ӧтувтӧмӧн», «Сӧвмӧдӧмын медшӧр национальнӧй могъяс: могъяссянь бӧртасъясӧдз», «Позянлунъяс паськӧдысь технологияяс», «Выль олӧмын морт, глобальнӧй мытшӧдъяс венӧмӧн». Сідзжӧ лоӧ 130 экспертнӧй дискуссия, кӧні сёрнитасны сы йылысь, кыдзи сӧвмӧдны экономикаын уна сикас нырвизь.
Сідзжӧ ПМЭФ–2021 дырйи нуӧдасны Том йӧзлысь войтыркостса экономическӧй форум.
Владимир Уйба пырӧдчас форумлӧн пленарнӧй заседаниеӧ, кӧні сёрнитасны Россия Федерацияса Президент Владимир Путин да суйӧрсайса ӧткымын канмуысь юрнуӧдысьяс.
Сідзжӧ регионса Юралысь удж серти аддзысьлас уджъёртъясыскӧд да кырымалас ӧткымын артмӧдчӧм.
{Kodko (комиӧдіс Обрезкова Н. А.) @ Коми Республикаса Веськӧдлан котыр да «Лузалес» компания кырымалісны инвестпроект олӧмӧ пӧртны кӧсйӧм йылысь артмӧдчӧм @ выльтор @ https://rkomi.ru/news/940 @ 2021-06-02 @}
Коми Республикаса Веськӧдлан котыр да «Лузалес» компания кырымалісны инвестпроект олӧмӧ пӧртны кӧсйӧм йылысь артмӧдчӧм.
Лӧддза-номъя тӧлысь 2 лунӧ Петербургса войтыркостса экономическӧй форум дырйи регионса Юралысь Владимир Уйба да «Лузалес» ичӧт кывкутана котырса Директоръяслӧн сӧветӧн Веськӧдлысь Руслан Семенюк кырымалісны документсӧ.
Артмӧдчӧм серти компания кӧсйӧ стрӧитны Сыктывдін районын МДФ плитаяс вӧчан завод.
Сэні во чӧжӧн кутасны вӧчны 1 миллион кубометр мында дась прӧдукция.
Капитальнӧй вложениеяслӧн ыдждаыс — 32 миллиард шайт, кӧсйӧны восьтыны 1200 сайӧ уджалан места.
Проектсӧ артмас збыльмӧдны сӧмын сэк, кор Россия Федерацияса Веськӧдлан котыр примитас Сыктывдін районын торъя экономика зона лӧсьӧдӧм йылысь помшуӧм.
Сійӧс лӧсьӧдӧм серти медводдза воськовъяссӧ вӧчӧма нин: бӧрйӧма площадка, индӧма медшӧр резидентъяссӧ.
Коми Республикаса Веськӧдлан котыр нуӧдӧ «Север» торъя экономика зона» акционер котыр лӧсьӧдӧм серти удж.
Владимир Уйба пасйис, мый артмӧдчӧмсӧ кырымалӧны Петербургса войтыркостса экономическӧй форум дырйи.
Тайӧ медшӧр мирӧвӧй площадка, медым лӧсьӧдны делӧвӧй йитӧдъяс, видлавны экономикаын Россия да став мир водзын сулалысь медтӧдчана юалӧмъяссӧ.
«Лузалес» компания — Коми Республикаса вӧр лэдзан да пу обработайтан медыджыд предприятиеяс лыдысь ӧти, — пасйис регионса Юралысь.
— Буретш «Лузалес» лоас торъя экономика зонаын медшӧр резидентӧн.
Эска, Россияса Веськӧдлан котыр кӧ примитас сійӧс лӧсьӧдӧм йылысь помшуӧмсӧ, компания збыльмӧдас кӧсйысьӧмъяссӧ.
Тайӧ проектсӧ бура олӧмӧ пӧртӧмыс сетас позянлун лӧсьӧдны республикаын пу обработайтӧм серти выль производствояс, кӧні кутасны пыдісянь переработайтны сырьёсӧ да вӧчны дона прӧдукция».
«МДФ плитаяс вӧчан завод стрӧитӧмыс лоӧ миян предприятиелы тӧдчана стратегическӧй шагӧн.
Ми бӧръям инвестиция боксянь водзӧ сӧвмӧдан нырвизьяс.
«Лузалес» кӧсйӧ дасьтыны да пыртны производствоӧ сэтшӧм технологияяс, кутшӧмъясӧн вӧдитчигӧн шыбласъясыс оз кольны.
Заводсӧ стрӧитӧмыс сетас позянлун переработайтны омӧль сикас пу да лэдзны бур прӧдукция.
Тайӧ медыджыд инвестиция проектъяс лыдысь ӧти. Сійӧс ми дасьӧсь збыльмӧдны Коми Республика отсӧгӧн», — пасйис Руслан Семенюк.
{Kodko (комиӧдіс Обрезкова Н. А.) @ КОМИ100: Коми Республикалы 100 во тырӧм кежлӧ республикаса 14 район петкӧдлісны ассьыныс культурасӧ да традицияяссӧ @ выльтор @ https://rkomi.ru/news/941 @ 2021-06-03 @}
КОМИ100: Коми Республикалы 100 во тырӧм кежлӧ республикаса 14 район петкӧдлісны ассьыныс культурасӧ да традицияяссӧ
2019 воын Коми Республикаса культура министерство отсӧгӧн Йӧзкост творчество да квалификация кыпӧдан шӧрин котыртіс «Сыктывкарын муниципалитетъяслысь культура лунъяс» ыджыд фестиваль. Сійӧс сиӧма Коми Республика артмӧдӧмсянь 100 волы.
Тайӧ кад чӧжӧн регионса юркарлӧн медшӧр творческӧй площадкаяс вылын петкӧдчис 14 район.
2021 во помӧдз петкӧдчас нӧшта квайт муниципалитет.
Медматысса гажыс лоас лӧддза-номъя тӧлысь 11–12 лунъясӧ, кор петкӧдчасны сыктывкарсаяс.
«Муниципалитетъяслӧн культура лунъяс — республикалӧн тайӧ зэв тӧдчана культурнӧй лоӧмтор, социально-художественнӧй феномен.
Фестивальыс петкӧдлӧ войвыв регионлысь озыр культурасӧ да искусствосӧ, сетӧ позянлун петкӧдчыны быд муниципалитетлы», — пасйис Коми Республикаса культура министрлысь могъяс олӧмӧ пӧртысь Мария Балмастова.
Сідз, шуам, Интаса культура лунъясыс йитчӧмаӧсь войвывса карлӧн чужӧм-сӧвмӧмкӧд.
Гала-концерт дырйи вӧлі некымын тематическӧй юкӧн, кӧні петкӧдчис уна том артист.
Сыктывкарса олысьясӧс да гӧсьтъясӧс гажӧдісны мича концертӧн.
Быдӧнлы козьналісны ичӧт кӧрпиӧс – войвывса карлысь символ.
Луздор районлысь культура лунъяссӧ восьтісны Абъячойын Г. Д. Горчаков нима нимйӧза театрлӧн спектакльӧн. Коми Республикаын сійӧ медваж народнӧй самодеятельнӧй театр, коді уджалӧ 1938 восянь.
Гала-концерт дырйи вӧлі йӧзкост творчестволӧн «Лузадорса гаж» республиканскӧй тшупӧда праздник.
Культура лунъясӧ Изьва район петкӧдліс «Луд» гаж.
Воысь воӧ сы йылысь тӧдмалӧны унджыкӧн.
Чилимдін районлӧн мероприятиеясыс воссисны поэзиялы да прозалы сиӧм гажӧн. Сійӧс сиӧма поэт, прозаик да публицист Василий Степанович Журавлёв-Печорскийлӧн чужӧмсянь 90 во тырӧмлы.
Гала-концерт дырйи видзӧдысьяс тӧдмасисны Чилимдінлӧн уна нэмся историяӧн.
Театральнӧй сюжетъясын петкӧдлісны нэмӧвӧйся оласногсӧ, традицияяссӧ да обрядъяссӧ, юргисны «старинаяс», былинаяс да ӧнія эстраднӧй сьыланкывъяс.
Мероприятие чӧж медшӧр образнас вӧлі ыджыд Печора ю.
Кӧрткерӧс районса культура лунъяс дырйи Н. М. Клермон нима нимйӧза театр петкӧдліс «Калевала» спектакль.
Видзӧдысьяс пырӧдчисны нэмӧвӧйся эпическӧй материалӧ, тӧдмасисны легендаса геройяскӧд.
Фестиваль дырйи Княжпогост район петкӧдліс, мый сэтчӧ туристъясӧн локтӧны республикаса олысьяс да гӧсьтъяс.
Самодеятельнӧй артистъяс ёна кажитчисны юркарса видзӧдысьяслы. Артистъяс чуймӧдісны найӧс асланыс енбиӧн.
Сыктыв район петкӧдліс нёль юкӧна концерт. Медводдзаӧн вӧліны «Сыктывса гажъяс» юкӧн.
Быдӧнлы тӧдса, мый Сыктыв ёна йитчӧма литературакӧд.
Тані чужліс Иван Алексеевич Куратов, та вӧсна водзӧ нуӧдісны «Менам муза» поэзиялы да йӧзкостса творчестволы сиӧм гаж.
Тулыс локтӧмнас чолӧмаліс «Гажа валяй» – коми Йӧввыв, кыдзи шуӧны йӧзыс.
Медся яръюгыд юкӧныс — петкӧдлісны «Кӧлысь» обряд.
Сосногорск районын олӧ уна сикас войтыр, та вӧсна гажыс артмис куим юкӧнысь: «Ола — Сосногорск», «Радейта — Республика», «Пыдди пукта — Россия».
Воркута карлысь культура лунъяссӧ восьтісны Сергей Гагаузовлӧн да сылӧн велӧдчысьяслӧн выставкаӧн.
Выставкасӧ сиӧма мастер да велӧдчысьяс костын диалоглы.
Тайӧ жӧ лунӧ «Югӧр» культура водзмӧстчӧмъяс шӧринын воссис выставка, кӧні архитектура сӧвмӧм пыр петкӧдлісны Воркуталысь историясӧ.
Сыктывкарын Воркута кар кытшлӧн лунъяс дырйи вӧлі «Му пасьтала медбур кар» гала-концерт.
Воркутаысь творческӧй котыръяс – кар кытшлӧн да став республикалӧн озырлун.
Концерт дырйи гажӧдісны «Нимйӧза» да «Образцӧвӧй» нима любительскӧй коллективъяс.
Усинсклӧн культура лунъясыс воссисны усинскса художникъяслӧн, дизайнеръяслӧн, фотографъяслӧн да киподтуя йӧзлӧн «Усинск – тэ менам олӧм, тэ менам ловби» выставкаӧн.
Культура лунъяс дырйи вӧлі «Усинск – еджыд войяса да сьӧд зарниа кар» гала-концерт, кӧні петкӧдлісны муниципалитетлысь культураын позянлунъяссӧ, тӧдмӧдісны сылӧн историяӧн.
Печоралӧн культура лунъяс дырйи петкӧдлісны татчӧс национальнӧй культураяссӧ да диаспораяссӧ, налысь аслыспӧлӧслунсӧ.
Ёртасян керкаын петкӧдлісны национальнӧй подворьеяс — украинскӧй, татарскӧй, чилимдінса, коми, немеч.
Нуӧдісны «Печораса черинянь» выставка-экскурсия. Сійӧс сиӧма республикаса медшӧр гастрономическӧй гажлы.
Тані жӧ печораса киподтуя йӧз нуӧдісны декоративно-прикладнӧй творчество серти мастер-классъяс.
Сыктывдін районлӧн культура лунъяс дырйи зэв тӧдчанаторйӧн лоис Зарань йылысь легенда подув вылын мюзикл.
Коми войтырлӧн легендаяс, традицияяс да обрядъяс серти шылада петкӧдчӧмсӧ дасьтісны Зеленечысь, Паджгаысь, Выльгортысь, Сёськаысь да Нювчимысь художествоа самодеятельносьтын зільысьяс.
Театрлӧн фойеын нуӧдасны интерактивнӧй площадкаяс: «Сердце Сыктывдина» виртуальнӧй тур, небӧг выставка да «Радуга ремесел» мастеръяслысь выставка, районса челядьлы искусство школаясын велӧдчысьяслысь концерт.
Сыктывкарын Вуктыллӧн культура лунъясыс воссисны Коми республиканскӧй филармонияын.
Программа петкӧдліс мортлысь да вӧр-валысь, вӧр-валысь да культуралысь йитӧдъяссӧ.
Медшӧрторйыс — «Ыджыд из йылысь легенда» спектакль.
Спектакльлӧн действиеыс мунӧ «Югыд ва» национальнӧй паркын.
Сюрӧсыс йитчӧма Калистрат Жаковлӧн «Бегство Богов» мойдкӧд да Приполярнӧй Урал йылысь мифъяскӧд.
Фестивальсӧ сигӧртіс гала-концерт.
Сэні петкӧдчисны национальнӧй творческӧй коллективъяс.
Кулӧмдін районлысь культура лунъяссӧ восьтіс «Горадзуль» эжвайывса мастеръяслӧн выставка.
Экспозиция вылын петкӧдлӧм 80 сайӧ экспонат: кыӧмторъяс, ас кыӧм джодждӧра, текстильнӧй да интерьернӧй аканьяс, пуысь вӧчасъяс.
Культура лунъясыс помасины «Эжвайывлӧн лов» концертӧн.
Гала-концертӧ пырӧдчисны муниципалитетса медбур сьылысь-йӧктысьяс.
«Василей» ӧнія коми сьыланкывлы сиӧм республиканскӧй фестивальса кодзувъяс Ксения Мишарина, Диана Сенькина, Вера Булышева тшӧтш жӧ петкӧдчисны асланыс номеръясӧн.
Кулӧмдін районса нималана авторъяс да том гижысьяс, поэтъяс висьталісны сы йылысь, кыдзи Чужан му сетӧ налы творческӧй вын да ловби, кыдзи кывбуръясысь артмӧны сьыланкывъяс.
{Kodko (комиӧдіс Обрезкова Н. А.) @ Коми Республикаса Веськӧдлан котыр да Тула обласьтса Веськӧдлан котыр кырымалісны ёртасьӧм йылысь артмӧдчӧм @ выльтор @ https://rkomi.ru/news/943 @ 2021-06-03 @}
Коми Республикаса Веськӧдлан котыр да Тула обласьтса Веськӧдлан котыр кырымалісны ёртасьӧм йылысь артмӧдчӧм.
Артмӧдчӧмсӧ кырымалӧма сы могысь, медым регионъяс ёртасисны вузасян-экономическӧй, научно-техническӧй, инновационнӧй, социальнӧй, культурнӧй да мукӧд юкӧнын, сыӧн урчитӧма ёртасян принципъяссӧ да нырвизьяссӧ.
Талун, лӧддза-номъя тӧлысь 3 лунӧ, документсӧ кырымалісны республикаса Юралысь Владимир Уйба да Тула обласьтса губернатор Алексей Дюмин.
«Ми окотапырысь тӧдмасям Тула обласьтлӧн ыджыд проектъяс збыльмӧдан опытӧн.
Шуам, татшӧм проектъясӧн, кыдзи «Узловая» торъя экономическӧй зона лӧсьӧдӧм, — пасйис Владимир Уйба.
— Ми дасьӧсь паськӧдны промышленнӧй предприятиеяслысь, вузъяслысь да наука организацияяслысь кооперационнӧй йитӧдъяссӧ, сӧвмӧдны регионъяс костын ӧтувъя уджсӧ.
Нимкодь, мый тайӧ артмӧдчӧмсӧ ми кырымалам Коми Республикалы 100 во тыран воӧ».
«Уна во чӧж Тула обласьт ёртасьӧ Коми Республикакӧд торъя нырвизьяс серти.
Эска, мый талунъя артмӧдчӧмсӧ кырымалӧм бӧрын ми кутам збыльмӧдны ӧтувъя проектъяс.
Промышленносьтын — тайӧ композитнӧй материалъяс серти, наукаын — вузъяслӧн да наука организацияяслӧн «Композитная долина» проект серти ӧтувъя удж, туризмын — ӧтувъя туристическӧй уджтасъяс, регионъяслӧн брендӧвӧй прӧдукцияӧн вузасьӧм.
Тайӧ ёнмӧдас миянлысь уджъёртасьӧмсӧ», — тӧдчӧдіс Алексей Дюмин.
Артмӧдчӧм серти Коми Республика да Тула обласьт «Композитная долина» инновационнӧй научно-технологическӧй шӧрин лӧсьӧдӧм серти Тула обласьтса Веськӧдлан котырӧн проект збыльмӧдігӧн сёрнитчисны ёртасьны научно-техническӧй юкӧнын («Композиты без границ» регионкостса промышленнӧй кластер серти).
Артмӧдчӧмсӧ кырымалісны Петербургса войтыркостса экономическӧй форум дырйи.
{Kodko (комиӧдіс Обрезкова Н. А.) @ Коми Республикаса Веськӧдлан котыр да Россия Федерацияса Веськӧдлан котыр бердын Аналитика нуӧдан шӧрин кырымалісны ёртасьӧм йылысь артмӧдчӧм @ выльтор @ https://rkomi.ru/news/944 @ 2021-06-03 @}
Коми Республикаса Веськӧдлан котыр да Россия Федерацияса Веськӧдлан котыр бердын Аналитика нуӧдан шӧрин кырымалісны ёртасьӧм йылысь артмӧдчӧм.
Талун, лӧддза-номъя тӧлысь 3 лунӧ, республикаса Юралысь Владимир Уйба да Россия Федерацияса Веськӧдлан котыр бердын Аналитика нуӧдан шӧринӧн юрнуӧдысь Константин Калинин кырымалісны документсӧ.
Найӧ сёрнитчисны ӧтув уджавны юӧр чукӧртан-донъялан да экспертно-аналитическӧй юкӧнъясын, медым комплекснӧя сӧвмӧдны Коми Республикаӧс социальнӧй да экономика боксянь.
«Странаӧс сӧвмӧдан национальнӧй могъяслы лӧсялӧмӧн Россияса Президент Владимир Владимирович Путинӧн пуктӧм могъяссӧ тӧд вылӧ босьтӧмӧн колӧ синхронизируйтны тайӧ могъяссӧ решитан инструментъяс лӧсьӧдӧм да наӧн веськӧдлӧм серти федеральнӧй да дінму уджъяссӧ, — тӧдчӧдіс Владимир Уйба.
— Тӧда, Аналитика нуӧдан шӧрин экспертнӧй боксянь Коми Республикаын стратегическӧй да программно-целевӧя планируйтан документъяссӧ дасьтӧмын отсалігӧн сетас позянлун колана ногӧн донъявны регионӧс сӧвмӧдан позянлунъяссӧ, выль нырвизьяссӧ да бурмӧдны этша окталуна процессъяссӧ».
«Таво Аналитика нуӧдан шӧрин оз сӧмын водзӧ могмӧд Веськӧдлан котырӧс странаӧс социально-экономическӧя сӧвмӧдан юалӧмъяс серти оперативнӧй юӧрӧн.
Миян водзын пуктӧма мог — котыртны да техническӧя нуӧдны Россия Федерацияса Веськӧдлан котыр бердын координационнӧй шӧринлысь уджсӧ, кӧні дугдывтӧг мониторитӧны социально-экономическӧй да общественно-политическӧй серпассӧ, сы лыдын артмысь рискъяссӧ да вызовъяссӧ.
Аналитика нуӧдан шӧринлӧн экспертиза бурмӧдас веськӧдлан помшуӧмъяс примитӧм серти дінмуса специалистъяслысь уджсӧ», — гӧгӧрвоӧдіс Константин Калинин.
Казьтыштам, ода-кора тӧлысь 24 лунӧ, Москваын Коми Республикаса Веськӧдлан котыр да Россия Федерацияса Веськӧдлан котыр бердын Аналитика нуӧдан шӧрин кырымалісны гӧгӧртас видзан да вӧр-ваӧн колана ногӧн вӧдитчан юкӧнын артмӧдчӧм.
{Kodko (комиӧдіс Обрезкова Н. А.) @ ПМЭФ-2021 дырйи Владимир Уйба удж серти аддзысьліс Газпромбанкӧс петкӧдлысьяскӧд @ выльтор @ https://rkomi.ru/news/945 @ 2021-06-04 @}
ПМЭФ-2021 дырйи Владимир Уйба удж серти аддзысьліс Газпромбанкӧс петкӧдлысьяскӧд
Петербургса войтыркостса экономическӧй форум дырйи Коми Республикаса Юралысь Владимир Уйба, Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов да республиканскӧй Веськӧдлан котырлӧн экономическӧй юкӧн нуӧдісны «Газпромбанк» акционер котырӧн да «К1» группа» инвестиционно-стрӧитчан холдингӧн юрнуӧдысьяскӧд сёрнитчӧмъяс [пырӧ «ФракДжет–Волга» («ФДВ») компанияяслӧн группа тэчасӧ, — прим.].
Ёнджыкасӧ сёрнитісны Воркутаын Арктикаса медицина кластер кыдзи «Войвылын олысьяслысь дзоньвидзалун видзан технологияяс» наука да велӧдан шӧринлысь опорнӧй практическӧй платформа («Экотех» наука да велӧдан шӧрин) лӧсьӧдӧм серти проект йылысь, а сідзжӧ регионын школаяс, детсадъяс, поликлиникаяс, физкультура да дзоньвидзалун бурмӧдан комплексъяс стрӧитӧмкӧд да выльмӧдӧмкӧд йитчӧм мытшӧдъяс йылысь.
Казьтыштам, ода-кора тӧлысь 27 лунӧ Россия Федерацияса велӧдан на наука министерствоӧ сетӧма Коми Республикаын наука да велӧдан шӧрин лӧсьӧдӧм вылӧ заявка.
Медводдза этапын заявкасӧ видлалӧма, водзӧ сы серти нуӧдасны Наука да велӧдан шӧринъяс коймӧд ӧчередьын конкурс серти бӧрйӧм могысь экспертиза (2019–2020 воясын вӧлі медводдза 2 ӧчередьыс).
«ФДВ» компанияяслӧн группа важӧн нин уджалӧ Коми Республикакӧд. «ФДВ» компанияяслӧн группаӧ пырысь «Нефтегазстандарт» компаниялӧн торъя юкӧдувъясыс уна во нин уджалӧны Усинскын да Ухтаын мусир да биару перъян юкӧнын.
Компаниялӧн медшӧр могыс — мусир да биару юкӧнын куйлӧдъяслысь инфраструктура лӧсьӧдӧм, зданиеяс, сооружениеяс капитальнӧя стрӧитӧм да выльмӧдӧм, социальнӧй тӧдчанлуна объектъяс стрӧитӧм.
2020 восянь «К1» группа зіля участвуйтӧ социальнӧй да транспорт инфраструктура лӧсьӧдан проектъясын, а сідзжӧ оланін да коммунальнӧй овмӧс юкӧнын канму-аспом уджъёртасьӧм серти.
Казьтыштам, 2021 вося урасьӧм тӧлысьын Коми Республикаса Веськӧдлан котыр да Газпромбанк кырымалісны дыр кад чӧж ёртасьӧм йылысь артмӧдчӧм, мый веськӧдӧма Коми Республикалысь социально-экономическӧй позянлунъяссӧ сӧвмӧдӧм, Коми Республикаса олысьяслысь социальнӧй зумыдлунсӧ могмӧдӧм да оласног бурмӧдӧм вылӧ окталуна источникъяс лӧсьӧдӧм вылӧ.
{Kodko (комиӧдіс Обрезкова Н. А.) @ Коми Республика да «Рытыв-Войвыв Россетьяс» компания кырымалісны регионса электросетевӧй комплекс ӧтувтӧм йылысь артмӧдчӧм @ выльтор @ https://rkomi.ru/news/953 @ 2021-06-04 @}
Коми Республика да «Рытыв-Войвыв Россетьяс» компания кырымалісны регионса электросетевӧй комплекс ӧтувтӧм йылысь артмӧдчӧм
Талун, лӧддза-номъя тӧлысь 4 лунӧ, Петербургса экономическӧй форум дырйи Коми Республикаса Юралысь Владимир Уйба да «Рытыв-Войвыв Россетьяс» компанияса медыджыд директор Артем Пидник кырымалісны Коми Республикаын электричествоӧн бура могмӧдан да электросетевӧй комплекс ӧтувтан мероприятиеяс збыльмӧдан юкӧнын ӧтувъя удж йылысь артмӧдчӧм.
Сёрнитчисны лӧсьӧдны регионын электроэнергия сетӧм да юклӧм серти услугаяслӧн ногтуй вӧсна кывкутысь ӧтувъя шӧрин.
«Коми Республикаын электросетьясӧн веськӧдлан ӧтувъя шӧрин лӧсьӧдӧм бӧрын лоӧ позянлун могмӧдны олысьяслы да регионса предприятиеяслы электричество сетан ӧтувъя ногтуйсӧ.
Сідзжӧ та отсӧгӧн этшаджык видзасны сьӧмсӧ, а сідзкӧ, лоӧны содтӧд инвестицияяс электросетевӧй комплекс сӧвмӧдӧмӧ», — пасйис Артем Пидник.
Артмӧдчӧмыс лӧсялӧ Россия Федерацияса электросетевӧй комплекс сӧвмӧдан стратегиялы, кӧні шуӧма чинтыны мутасса сетевӧй организацияяслысь лыдсӧ.
«Рытыв-Войвыв Россетьяс» компаниякӧд ми важӧн нин ёртасям да сы могысь, медым водзӧ нуӧдны панӧм уджсӧ талун кырымалім артмӧдчӧмсӧ.
Ми кӧсъям, медым республикаса олысьясӧс вӧлі бура могмӧдӧма электричествоӧн», — тӧдчӧдіс Владимир Уйба.
{Kodko (комиӧдіс Обрезкова Н. А.) @ Коми Республикаса Веськӧдлан котыр да «Росгеология» холдинг сёрнитчисны ёртасьӧм йылысь @ выльтор @ https://rkomi.ru/news/954 @ 2021-06-04 @}
Коми Республикаса Веськӧдлан котыр да «Росгеология» холдинг сёрнитчисны ёртасьӧм йылысь.
Талун, лӧддза-номъя тӧлысь 4 лунӧ, Петербургса экономическӧй форум дырйи Коми Республикаса Юралысь Владимир Уйба да «Росгеология» холдингса медыджыд директор — Правлениеӧн Веськӧдлысь Сергей Горьков кырымалісны артмӧдчӧм.
Артмӧдчӧмӧн урчитӧма Коми Республикаын му пытшкӧс комплекснӧя геология боксянь туялӧм да му пытшкӧсса озырлун куйлӧдъяс тӧдмалӧм серти ӧтувъя уджсӧ лӧсьӧдӧм. Артмӧдчӧмыс колӧ, медым кыпӧдны республикалысь экономика позянлунъяссӧ сылысь минерально-сырьевӧй база сӧвмӧдӧм отсӧгӧн.
{Kodko (комиӧдіс Обрезкова Н. А.) @ Коми Республика да «Рытыв-Войвыв Россетьяс» кырымалісны Арктика зона сӧвмӧдӧм йылысь артмӧдчӧм @ выльтор @ https://rkomi.ru/news/952 @ 2021-06-04 @}
Коми Республика да «Рытыв-Войвыв Россетьяс» кырымалісны Арктика зона сӧвмӧдӧм йылысь артмӧдчӧм.
Талун, лӧддза-номъя тӧлысь 4 лунӧ, Петербургса войтыркостса экономическӧй форум дырйи Коми Республикаса Юралысь Владимир Уйба да «Рытыв-Войвыв Россетьяс» компанияса медыджыд директор Артем Пидник кырымалісны Россия Федерацияса Арктика зонаын инвестиция проектъяс олӧмӧ пӧртӧм йылысь артмӧдчӧм.
Сёрнитчисны Арктика зонаын электросетьяс дорӧ резидентъясӧн йитчӧмын административнӧӥ да технологическӧӥ мытшӧдъяс бырӧдӧм йылысь. Арктика зонаӧ Коми Республикаысь пырӧны Воркута, Инта, Усинск, Чилимдін район.
Коми Республикалысь могъяссӧ индӧма 2035 воӧдз Россия Федерацияса Арктика зона сӧвмӧдан да национальнӧй безопасносьт могмӧдан стратегияын. Стратегиясӧ вынсьӧдӧма Президентӧн.
Могъясыс:
· сӧвмӧдны изшом, мусир, биару, титан, железомарганцевӧй кӧрт шом перъян да переработайтан минерально-сырьевӧй шӧринъяс;
· стрӧитны да выльмӧдны автомашина да кӧрт туйяс, аэропортъяс;
· арктикаын туризм сӧвмӧдӧм.
«Арктика сӧвмӧдӧм — верктуя национальнӧй проектъясысь ӧти, а сідзжӧ нырвизьяс пиысь ӧти, мый отсӧгӧн Комиӧ локтасны инвесторъяс.
Та вӧсна колӧ лӧсьӧдны ставлы гӧгӧрвоана условиеяс, медым йитны электросетьяс дорӧ резидентъяссӧ», — шуис Артём Пидник.
«Миян регионлы зэв тӧдчана, медым инвесторъясыс локтісны Арктика зонаӧ.
Тайӧ отсалас зумыда сӧвмӧдны республикалысь экономикасӧ, лӧсьӧдны выль уджалан местаяс.
Колӧ лӧсьӧдны арктикаса миян резидентъяслы бур уджалан условиеяс.
Таын и эм «Рытыв-Войвыв Россетьяс» компаниякӧд ӧтувъя уджын медшӧр могыс, — тӧдчӧдіс Владимир Уйба.
{Kodko (комиӧдіс Обрезкова Н. А.) @ Коми Республикаса Веськӧдлан котыр да «Сбербанк» публичнӧй акционер котыр кутасны ӧтвыв пыртны цифра боксянь вежсьӧмъяссӧ республикаса йӧзлысь дзоньвидзалун видзан юкӧнӧ @ выльтор @ https://rkomi.ru/news/951 @ 2021-06-04 @}
Коми Республикаса Веськӧдлан котыр да «Сбербанк» публичнӧй акционер котыр кутасны ӧтвыв пыртны цифра боксянь вежсьӧмъяссӧ республикаса йӧзлысь дзоньвидзалун видзан юкӧнӧ.
Лӧддза-номъя тӧлысь 4 лунӧ Петербургса войтыркостса экономическӧй форум дырйи Коми Республикаса Юралысь Владимир Уйба да «Сбербанк» публичнӧй акционер котырлӧн Правлениеӧн Веськӧдлысьӧс вежысь Ольга Голодец кырымалісны Коми Республикаса Веськӧдлан котыр да «Сбербанк» публичнӧй акционер котыр костын ёртасьӧм йылысь артмӧдчӧм.
Владимир Уйба пасйис, мый талун миян странаын цифраа технологияяссӧ пыртӧны быд юкӧнӧ, та лыдын и медицинаӧ.
Комиын ӧнія кадлы лӧсялана технологияяссӧ пыртӧны «Йӧзлысь дзоньвидзалун видзан юкӧнын ӧтувъя канму юӧртан система подув вылын йӧзлысь дзоньвидзалун видзӧмын ӧтувъя цифрӧвӧй контур лӧсьӧдӧм» регионса Йӧзлысь дзоньвидзалун видзан министерствоӧн збыльмӧдан проект серти.
«Ӧнія кадлы лӧсялана технологияяс отсалӧны пыртны йӧзӧс диагностируйтӧмӧ да бурдӧдӧмӧ выль методъяс. Тайӧ торйӧн зэв тӧдчана ылі сикт-грездъясын олысь йӧзлы.
Талун «Россия Сбербанк» ПАО-кӧд кырымалӧм артмӧдчӧм отсӧгӧн кутам пыртны цифра сервисъяс и пациентъяслы, и йӧзлысь дзоньвидзалун видзан юкӧнын веськӧдлан органъяслы, и медицина организацияяслы.
Тайӧ сетас позянлун врачьяслы да медицина экспертъяслы вӧдитчыны быдсикас нозология серти висьӧмъяс диагностируйтӧмын, бурдӧдӧмын да мониторитӧмын выль позянлунъясӧн. Тайӧ лоӧ позянаӧн ыджыд мыччӧдъяс да искусственнӧй интеллект серти технологияяс пыртӧм отсӧгӧн», — шуис Владимир Уйба.
Сбербанклӧн Правлениеӧн Веськӧдлысьӧс вежысь Ольга Голодец пасйис, мый талун уна регион кӧсйӧ вӧдитчыны банкӧн олӧмӧ пыртан выль технологияясӧн.
«Тайӧ кӧсйӧмыс гӧгӧрвоана, сійӧ сетӧ позянлун пыртны Сберлысь технологияяссӧ асланыс уна сикас уджӧ, медводз йӧзлысь дзоньвидзалун видзан системаӧ, — тӧдчӧдіс Ольга Голодец.
— Цифра отсӧгӧн ми вӧзъям вӧчны ыджыд да тӧдчана воськов тайӧ юкӧнас, отсалам йӧзлы да кокньӧдам врачьяслысь уджсӧ.
Коми Республикакӧд сёрнитчӧм — тайӧ нӧшта ӧти воськов регионъясын йӧзлысь олӧм бурмӧдӧмлань. И Сбер, дерт жӧ, кутас отсавны збыльмӧдны и тайӧс, и мукӧд проектсӧ».
2021 вося косму тӧлыссянь Сыктывкарса карса 3 №-а поликлиникаын СберЗдоровье телемедицинскӧй платформа отсӧгӧн пыртӧны COVІD–19-ӧн висьысьясӧс дистанционнӧя мониторитан сервис.
Тавося нёльӧд кварталын кӧсйӧны восьтыны аптечнӧй хабл.
Коми Республикаса Веськӧдлан котыр да «Сбербанк» публичнӧй акционер котыр костын артмӧдчӧм сетӧ позянлун нуӧдны ӧтувъя удж цифра экосистема сӧвмӧдӧмын. Сёрниыс мунӧ телемедицина, врачлы помшуӧм примитны отсалан интеллектуальнӧй системаяс, сёрни технологияяс да электроннӧй рецептъяс йылысь.
Артмӧдчӧм серти дасьтасны Сберлысь разработкаяс, сервисъяс да технологияяс регионӧ пыртан позянлунъяссӧ.
Казьтыштам, водзджык Сбербанк кӧсйыссис отсавны пӧртны олӧмӧ Владимир Уйбалысь «Войвылын олысь йӧзяслысь дзоньвидзалун видзан технологияяс» мирӧвӧй тшупӧда наука да велӧдан шӧрин котыртан проект («Экотех» наука да велӧдан шӧрин).
«Сбербанк» публичнӧй акционер котырлӧн Президент да котырлӧн Правлениеӧн Веськӧдлысь Герман Греф пырис наука да велӧдан шӧринлӧн Наблюдательнӧй сӧветӧ.
{Kodko (комиӧдіс Обрезкова Н. А.) @ Коми Республикаса спорт школаяслы сетісны куим выль автобус @ выльтор @ https://rkomi.ru/news/949 @ 2021-06-04 @}
Коми Республикаса спорт школаяслы сетісны куим выль автобус.
Лӧддза-номъя тӧлысь 3 лунӧ Коми Республикаса Юралысь Владимир Уйба нимсянь транспортсӧ сетіс Коми Республикаса Веськӧдлан котырӧн Юрнуӧдысьӧс вежысь Дмитрий Самоваров.
«Транспортӧн могмӧдӧм йылысь юасисны и тренеръяс, и войтыр, — пасйис Дмитрий Самоваров.
— Нимкодь, мый татшӧм тӧдчанаторйыс артмис гожӧм заводитчигӧн — каникулъяслӧн медводдза лунъясӧ.
Ӧні челядьлӧн лоас унджык позянлун ветлыны ордйысьӧмъяс да мукӧд мероприятие вылӧ.
Автобусъяс сетісны Владимир Уйбалӧн тшӧктӧм серти «Коми войтыр» дінмукостса ӧтйӧза ӧтмунӧмлӧн олӧмӧ пӧртан комитетлӧн заседание бӧрын.
«Исполком дырйи сёрниыс муніс сы йылысь, мый школаяслы автобусъяссӧ сетӧны, мыйла оз сетны автобусъяссӧ спорт школаяслы. Найӧ ӧд тшӧтш велӧданінъяс. Артмӧ, спорт школаясыс кольӧны бокӧ, —
висьталіс «Коми войтыр» дінмукостса ӧтйӧза ӧтмунӧмлӧн Емдін петкӧдланінӧн веськӧдлысь Василий Лютоев.
«Челядьыс важӧн нин виччысьны автобуссӧ, — гӧгӧрвоӧдіс «Коми войтыр» дінмукостса ӧтйӧза ӧтмунӧмлӧн Кӧрткерӧс петкӧдланінӧн веськӧдлысь Иван Вишератин.
— Кивыв, а медшӧрыс абу ӧпаснӧ».
Выль транспортсӧ ньӧбӧма «Газпром» компаниякӧд социальнӧя уджъёртасьӧм серти.
Автобусъясын 26 пукалан места, лёк суӧмысь видзан нёльлаын кутӧда ременьяс, часнас 60 километрӧдз ӧд серти ограничитель. Автобус оз вермы мунны восьса ӧдзӧсӧн, эм блокировка, эм лэдзыштӧм автоматизированнӧй подножка, мый петӧ ӧдзӧс восьтігӧн.
«Спортсменъяслы ордйысьӧмъяс вылӧ мунан транспортыс абу — тайӧ сиктса муниципалитетъяслӧн медшӧр мытшӧдъяс пиысь ӧти. Талун зэв тӧдчана, мый татшӧм мытшӧдыс бырӧ.
Тайӧ нырвизьын республикалы социальнӧя уджъёртасьӧм серти отсасьӧ «Газпром» компания», — пасйис регионса вынйӧр сӧвмӧдан да спорт министр Виталий Савилов.
Выль автобусъясысь ключьяссӧ сетісны Изьва районса администрацияын спорт юкӧнӧн веськӧдлысь Роман Назаренколы, Емдін районса администрацияӧн юрнуӧдысь Галина Плетцерлы да Кӧрткерӧс районса администрацияӧн юрнуӧдысь Константин Сажинлы.
Транспортсӧ сетасны муниципалитетса спорт учреждениеяслӧн могъяс вылӧ.
Кыдзи пасйис Емдін районса юралысь-администрацияӧн юрнуӧдысь Галина Плетцер, муниципалитетын воысь-во содӧ спортсменъяслӧн лыдыс, кодъяс бура петкӧдлӧны асьнысӧ быдсикас тшупӧда ордйысьӧмъяс вылын да босьтӧны призӧвӧй местаяс.
«Ми найӧс пыдди пуктам.
Найӧ ыджыд молодечьяс.
Но пыр вӧлі мытшӧд — кыдзи мунны ордйысьӧмъяс вылӧ.
И со миян районын спорт учреждениеяслӧн лоис выль, ӧнія кадлы лӧсялана, бур автобус — тайӧ ыджыд и тӧдчана лоӧмтор.
Таын мытшӧдсӧ зэв ӧдйӧ отсаліс разьны Коми Республикаса Юралысь Владимир Уйба», — шуис Галина Плетцер.
{Kodko (комиӧдіс Обрезкова Н. А.) @ Коми Республикаса Веськӧдлан котыр да Крымса министръяслӧн Сӧвет кырымалісны ёртасьӧм йылысь артмӧдчӧм @ выльтор @ https://rkomi.ru/news/948 @ 2021-06-04 @}
Коми Республикаса Веськӧдлан котыр да Крымса министръяслӧн Сӧвет кырымалісны ёртасьӧм йылысь артмӧдчӧм.
Талун, лӧддза-номъя тӧлысь 4 лунӧ, республикаса Юралысь Владимир Уйба да Крымса Юралысь Сергей Аксёнов Петербургса войтыркостса экономическӧй форум дырйи кырымалісны артмӧдчӧм сы могысь, медым регионъяс ёртасисны вузасян, экономика, наука, техника, социальнӧй, культура юкӧнъясын.
«Ӧтувъя уджын медшӧр могъяс пиысь ӧтиыс — котыртны Сьӧд саридз дорын Коми Республикаса войтырлысь шойччӧмсӧ, — шуис Владимир Уйба.
— Крымын войвывса олысьяс шойччӧны важысянь нин.
Сэні, Саки карын, эм Коми Республикалӧн «Вой кыа» санаторий.
Но сэтчӧ мунны окотитысьыс унджык сы мындаысь, мыйта мортӧс санаторийыс вермӧ примитны.
Ми дасьӧсь сӧвмӧдны кыдзи тайӧ нырвизьсӧ, сідз и мукӧдсӧ.
Тӧда, мый Крымлӧн да Коми Республикалӧн эм уна позянлун да водзӧ вылӧ мог, медым ёртасьны регионъясын олысь йӧзлы бур вылӧ».
«Крым да Коми Республика важысянь ёртасьӧны, ӧтув уджалӧны.
Важӧн нин тӧда Владимир Викторовичӧс, ыджыд аттьӧ сылы сыысь, мый вӧчис Крымлы Федеральнӧӥ медико-биологическӧй агентствоын уджалігӧн на.
И талун миян эм, мый вылын уджавны.
Колӧ, медым регионъяс костын пыр лэбалісны самолётъяс, сӧвмӧдны республикаясын туризм, промышленносьт да уна мукӧд нырвизь.
Аттьӧ Владимир Викторовичлы ӧтувъя уджысь да гӧгӧрвоӧмысь», — пасйис Сергей Аксёнов.
Артмӧдчӧм серти Коми да Крым кутасны ёртасьны уна нырвизьын, на лыдын экономика, вузасян, инвестиция да аспом удж, наука да вылыс тшупӧда технологияяс, велӧдӧм, йӧзлысь дзоньвидзалун видзӧм, йӧзӧс социальнӧя дорйӧм, вӧр-ва видзӧм, культура да национальнӧй йитӧдъяс, история памятникъяс видзӧм, искусство, архив удж, спорт, туризм, том йӧз политика, юӧр.
{Kodko (комиӧдіс Обрезкова Н. А.) @ Коми Республика да «Росатом» канму корпорация вынсьӧдісны ёртасьӧм йылысь артмӧдчӧм серти туй карта @ выльтор @ https://rkomi.ru/news/947 @ 2021-06-04 @}
Коми Республика да «Росатом» канму корпорация вынсьӧдісны ёртасьӧм йылысь артмӧдчӧм серти туй карта.
Лӧддза-номъя тӧлысь 4 лунӧ Петербургын войтыркостса экономическӧй форум дырйи удж серти аддзысьлігӧн Коми Республикаса Юралысь Владимир Уйба да «Росатом» канму корпорацияса медыджыд директорӧс медводдза вежысь Кирилл Комаров кырымалісны документсӧ.
Туй карта серти нуӧдасны инновация да инвестиция удж, кутасны наукаын да техникаын ёртасьӧм, медицина, цифрӧвӧй технологияяс, аддитивнӧй технологияяс да выль материалъяс, экология да вӧр-ваӧн вӧдитчӧм серти мероприятиеяс.
Коми Республикаса власьт органъяскӧд ӧтвылысь туй картасӧ кутасны збыльмӧдны наукаын, велӧдӧмын да медицинаын нуӧдысь организацияяс, а сідзжӧ регионса производственнӧй предприятиеяс.
Кыдзи пасйис Владимир Уйба, «Росатом» канму корпорациякӧд ӧтув уджалӧмыс отсалас сӧвмӧдны регионлы наука да производственнӧй вынйӧрсӧ, лӧсьӧдны вылыс технология производствояс да уджалан местаяс.
«Коми Республика кӧсйӧ медводдзаяс лыдын пыртны уджсӧ «Росатом» канму корпорациялысь прӧдуктъяссӧ, сервисъяссӧ да медся выль технологияяссӧ.
Тайӧ торйӧн нин тӧдчана, тӧд вылӧ кӧ босьтны сійӧс, мый лӧсьӧдасны «Войвывса олысьяслысь дзоньвидзалун видзан технологияяс» мирӧвӧй тшупӧда наука да велӧдан шӧрин», — шуис Коми Республикаса Юралысь.
«Кутам лача, мый миян цифрӧвӧй да медицина технологияясӧн кутасны вӧдитчыны регионсӧ социальнӧй да экономика боксянь сӧвмӧдӧмын.
«Росатом» канму корпорациялӧн технологияясыс да компетенцияыс отсаласны бура нуӧдны туялан уджъяссӧ Коми Республикаын наука да велӧдан шӧрин лӧсьӧдӧм серти», — тӧдчӧдіс Кирилл Комаров.
{Kodko (комиӧдіс Обрезкова Н. А.) @ Коми Республикаса Веськӧдлан котыр да Санкт-Петербургса Веськӧдлан котыр кырымалісны ёртасьӧм йылысь артмӧдчӧм олӧмӧ пӧртан «Туй карта» @ выльтор @ https://rkomi.ru/news/955 @ 2021-06-05 @}
Коми Республикаса Веськӧдлан котыр да Санкт-Петербургса Веськӧдлан котыр кырымалісны ёртасьӧм йылысь артмӧдчӧм олӧмӧ пӧртан «Туй карта».
Лӧддза-номъя тӧлысь 4 лунӧ Коми Республикаса Юралысь Владимир Уйба да Санкт-Петербургса губернатор Александр Беглов кырымалісны мероприятиеяслысь стӧч план.
Регионъяс костын 2008 во кӧч тӧлысь 3 лунся артмӧдчӧм серти «туй картаӧн» урчитӧма вузасян, экономика, научно-техническӧй, социальнӧй да культура мероприятиеяс.
Найӧс колӧ пӧртны олӧмӧ 2021–2024 воясӧ.
Коми Республикаса Юралысь аттьӧаліс Санкт-Петербургса власьтъясӧс войвывса регионкӧд ӧтув уджалӧмысь да Коми Республикалы сиӧм лунъяс котыртны отсалӧмысь. Буретш ӧні найӧ мунӧны Санкт-Петербургын.
«Санкт-Петербург да Коми Республика важысянь бура ёртасьӧны.
И тайӧ зэв тӧдчана, — пасйис Владимир Уйба.
— Кырымалӧм туй картаӧн ми водзӧ вылӧ урчитам ӧтув уджалан нырвизьяссӧ — культураын, медицинаын, ІT-технологияяс сӧвмӧдӧмын.
Тайӧ и мукӧд юкӧнын Санкт-Петербург мунӧ водзын. Сыкӧд ёртасьӧм отсӧгӧн республикаын лоӧ уна выль да коланатор».
«Миян топыд йитӧдъяс Коми Республикакӧд, коді пырӧ Россияса мусир да биару перъян медыджыд регионъяс лыдӧ.
Петербургса заводъяс, вузъяс да НИИ нуӧдӧны туялан удж, лӧсьӧдӧны оборудование да дасьтӧны тайӧ отрасльлы кадръяс.
Водзӧ вылӧ эм позянлун ӧтвыв уджавны металлургия да машина стрӧитан отрасльясын.
Петербургса предприятиеяс дасьӧсь вӧзйыны Коми Республикаса уджъёртъяслы вылыс тшупӧда технология прӧдукция», — шуис Александр Беглов.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Гӧгӧртас видзан ставмирса лунӧн да Россияса эколог лунӧн @ выльтор @ https://rkomi.ru/news/958 @ 2021-06-05 @}
Владимир Уйба чолӧмалӧ Коми Республикаса олысьясӧс Гӧгӧртас видзан ставмирса лунӧн да Россияса эколог лунӧн.
«Коми Республикаса пыдди пуктана олысьяс!
Дона ёртъяс!
Лӧддза-номъя тӧлысь 5 лунӧ — Гӧгӧртас видзан ставмирса лунӧ — Россияын пасйӧны Эколог лун.
Тайӧ гажыс налӧн, кодъяс туялӧны, видзӧдӧны вӧр-ва бӧрся да дӧзьӧритӧны сійӧс — вӧр-ва видзан канму учреждениеясын уджалысьяслӧн, ӧтйӧза экология организацияясӧс петкӧдлысьяслӧн да ставлӧн, кодъяс отсалӧны видзны вӧр-васӧ.
Видзны вӧр-васӧ — тайӧ Коми Республикалӧн медтӧдчана мог.
Торйӧн нин сійӧ колана сы вӧсна, мый республика зэв аслыспӧлӧс, озыр важ вӧръясӧн, сӧстӧм юясӧн да мупытшкӧсса быдсяма озырлунӧн.
Регионлысь экономика сӧвмӧдігӧн оз позь жугӧдны тайӧ мичсӧ да торкны войвыв вӧр-валысь нэмӧвӧйся оласногсӧ.
Тайӧ нырвизьын ыджыд удж нуӧдӧны экология учреждениеяс да организацияяс, гӧгӧртас видзысь специалистъяс.
Дона ёртъяс, чолӧмала тіянӧс уджсикас гажӧн!
Аттьӧла вӧр-ва видзан уджысь да сы вӧсна тӧждысьӧмысь, республикаын экология боксянь безопасносьт серти зіля уджалӧмысь.
Сиа тіянлы дзоньвидзалун, вермӧмъяс, шуд да тыр-бур олӧм!»
Коми Республикаса Юралысь В. В. Уйба.
{Kodko (комиӧдіс Обрезкова Н. А.) @ Владимир Уйба удж серти аддзысьліс Санкт-Петербургын Финляндияса Генеральнӧй консул госпожа Саннамаариа Ванамокӧд @ выльтор @ https://rkomi.ru/news/964 @ 2021-06-07 @}
Владимир Уйба удж серти аддзысьліс Санкт-Петербургын Финляндияса Генеральнӧй консул госпожа Саннамаариа Ванамокӧд.
Владимир Уйба да Саннамаариа Ванамо удж серти аддзысьлісны лӧддза-номъя тӧлысь 5 лунӧ Рытыв-Войвыв дінмуын Коми Республикаӧс петкӧдланінын.
Республикаса Юралысь да Санкт-Петербургын Финляндияса Генеральнӧй консул сёрнитісны ӧтувъя удж нуӧдӧм йылысь.
Аддзысьлӧм дырйи вӧлісны регионса Веськӧдлан котырӧн Веськӧдлысьӧс вежысь Галина Габушева да Рытыв-Войвыв дінмуын Коми Республикаӧс петкӧдлысь Валерий Козлов.
Владимир Уйба пасйис, мый Коми Республика да Финляндия важӧн нин ӧтвылысь уджалӧны уна нырвизьын.
Регионъяслӧн ӧткодь климатыс, культураыс, найӧ пырӧны финн-угор войтыр лыдӧ.
Войвывса канмуыс лоӧ ортсы экономика серти республикалӧн медшӧр стратегическӧй уджъёрт лыдысь ӧтиӧн.
«Ми кӧсъям видзӧдлыны, кыдзи Финляндияын котыртӧма экология боксянь безопасносьт серти уджсӧ, кыдзи переработайтӧны да бырӧдӧны колясъяссӧ, босьтны тайӧ нырвизьяс серти налысь опытсӧ, — пасйис Владимир Уйба.
— Республикаын районъясыс ӧта-мӧдысь зэв ылынӧсь.
Петкӧдны ёгсӧ, шуам, Воркутаысь, зэв дона.
Ёгсӧ колӧ переработайтны места вылын да вӧдитчыны сыӧн кыдзи активӧн, медым сійӧ вайис чӧжӧс.
Финляндиялӧн эм колана разработкаяс да ӧнія технологияяс.
Ми кутам лача тайӧ нырвизьын тіян отсӧг вылӧ».
Коми Республикаса Юралысь тӧдчӧдіс, мый регионса Веськӧдлан котыр сідзжӧ кӧсйӧ ӧтув уджавны Финляндиякӧд вӧр ресурсъясӧн окталуна вӧдитчан, пуысь керка стрӧитан, энергетика, ӧнія кадся биотопливо вӧчан юкӧнъясын, пусӧ ӧнія кадлы лӧсялана обработайтан технологияяс, стрӧитчӧмын энергия боксянь окталуна технологияяс серти. Тӧдчана и войвыв мутасъясӧн веськӧдлӧм да Арктикаын мортлӧн овны велалӧм йылысь наука туялӧмъяс серти опытыс.
Владимир Уйба висьталіс Коми Республикаын «Войвылын олысьяслысь дзоньвидзалун видзан технологияяс» мирӧвӧй тшупӧда наука да велӧдан шӧрин котыртӧм йылысь. Шӧриныс кутас уджавны Войвылын олысьяслысь дзоньвидзалун видзӧм серти.
Шӧр офисыс лоӧ Воркутаын.
Регионса Юралысь пасйис, мый Наука да велӧдан шӧринса специалистъясӧн нуӧдан туялӧмъясыс да вӧчан разработкаясыс колӧны оз сӧмын Россияса войвыв регионъяслы, но и суйӧрсайса канмуяслы.
Владимир Уйба вӧзйис Финляндиялы пырӧдчыны тайӧ проектӧ.
Госпожа Ванамо аттьӧаліс ӧтувъя уджӧ корӧмысь.
Сылӧн видзӧдлас серти, татшӧм шӧриныс отсалас разьны войвыв мутасъяслысь уна мытшӧд.
На лыдын нэмӧвӧйся кынйир сылӧм, климат боксянь вежсьӧмъяс да экология.
«Ёна майшӧдлӧ йи сылӧм, — пасйис Саннамаарияа Ванамо.
— Арктикаса районъясын шондӧдӧ мукӧд регион дорысь ӧдйӧджык.
Нэмӧвӧйся кынйир сылӧм — зэв тӧдчана тема.
И меным нимкодь, мый ті кӧсъянныд пырӧдчыны тайӧ уджӧ.
Сідзжӧ ті кӧсъянныд лӧсьӧдны зумыд экономика да бырӧдны колясъяс.
Ӧтув уджалігӧн ми вермам юксьыны асланым технологияясӧн, а сідзжӧ корсьны ӧтувъя выль туйяс».
Аддзысьлігӧн Генеральнӧй консул Саннамаария Ваннамо чолӧмаліс Коми Республикаӧс петкӧдлысьясӧс регионлӧн сё вося юбилейӧн.
Владимир Уйба корис Саннамаариа Ванамоӧс Сыктывкарӧ тавося моз тӧлысьын Коми Республикалысь юбилей пасъян гаж вылӧ.
{Kodko (комиӧдіс Обрезкова Н. А.) @ Комиын «Безопаснӧй да бур туйяс» нацпроект серти 2021 воын дзоньталасны 33 километрысь унджык туй @ выльтор @ https://rkomi.ru/news/965 @ 2021-06-08 @}
Комиын «Безопаснӧй да бур туйяс» нацпроект серти 2021 воын дзоньталасны 33 километрысь унджык туй.
Сідзжӧ урчитӧма 6 километр кузьта туй участокъяс югзьӧдан удж.
Уджъяссӧ кутасны нуӧдны республика тӧдчанлуна 8 туй вылын да меставывса тӧдчанлуна 14 туй вылын.
Туйяссӧ нормативъяс серти лӧсьӧдӧм вылӧ ставнас видзасны 736, 69 млн. шайт, на лыдын 441 млн. шайт федеральнӧй сьӧмкудйысь.
Дзоньталасны регионса тӧдчанлуна татшӧм туй участокъяс:
· «Язьёль» кӧрт туй станция — Позялӧм — Кӧжмудор — Тыдор Сыктывкар — Ухта — Печора — Усинск — Наръян-Мар автомашина туйсянь Ванвисдін — Яренск автомашина туйӧдз 27+630 км — 29+190 км да 29+300 км — 30+790 км участокъяс вылын (Придаш грезд дорын);
· Занулльӧ — Матвеевскӧй — Гар — Коржинскӧй «Вятка» автомашина туйсянь 20+000 км — 25+000 км (Спаспоруб сикт дорын);
· Абъячой — Читаёв 6+000 км — 11+000 км участок вылын (Тарачов грезд дорын);
· Паль сиктлань пыран туй Сыктывкар — Ухта — Печора — Усинск — Наръян-Мар автомашина туйсянь 6+503 км — 12+103 км участок вылын (Гаждор грезд дорын);
· Сыктывкар — Ухта — Печора — Усинск — Наръян-Мар Сыктывкар — Ухта 85+000 км — 88+000 км участок вылын (Ляй грезд дорын).
Ӧні югзьӧдӧны регионса тӧдчанлуна ӧти объект Краснозатонскӧй — Нювчим — Яснӧг автомашина туйлысь 1–6 км участоксӧ.
Сідзжӧ таво югзьӧдасны Сыктывкар — Ухта автомашина туйлысь 35–36 км, Максаковка кар кодь посёлок дорын.
Сыктывкарын дзоньталан уджъяссӧ нуӧдасны автомашина туйлӧн 14 объект вылын, 7 на лыдысь дзоньталӧны нин.
Тайӧ Сӧветскӧй, Интернациональнӧй, Горький уличаяс, Школадор уличкост, Бумажник шӧртуй да Калинин улича кузя кык участок — Ухта туйӧдз да Калинин КБМ-ӧдз.
Водзӧ кутасны дзоньтавны 7 объект: Краснозатонскӧй кар кодь посёлокын Пушкин улича, Сыктыв туй, Ичӧт кытшола туй, Томлун, Тувсовъя, Корабельнӧй уличаяс да Вылыс Максаковка кар кодь посёлокын Вӧр улича.
Видзӧдлыны, кӧні республикаын мунӧ уджыс, а кӧні урчитӧма на сӧмын, а кӧні вӧчӧма нин, позьӧ «Безопаснӧй да бур туйяс» национальнӧй проектлӧн сайтын интерактивнӧй карта вылын. Ссылкаыс — https://bkdrf.ru/map/syktyvkar?dіsplayYear=2021.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Социальнӧй уджалысь лунӧн @ выльтор @ https://rkomi.ru/news/967 @ 2021-06-08 @}
Коми Республикаса Юралысь чолӧмалӧ Социальнӧй уджалысь лунӧн.
«Коми Республикаын йӧзӧс социальнӧя доръян юкӧнса пыдди пуктана уджалысьяс да ветеранъяс!
Чолӧмала тіянӧс уджсикас гажӧн — Социальнӧй уджалысьлӧн лунӧн!
Тайӧ юкӧнын вермӧны уджавны сӧмын бур сьӧлӧма йӧз.
320 во сайын Петр І йӧзӧдіс Индӧд, мый серти кутісны лӧсьӧдны йӧзӧс социальнӧя доръян канму система. 20 во сайын Россияын медводдзаысь пасйисны Социальнӧй уджалысьлысь лунсӧ.
Талун социальнӧй службаса уджалысьяслӧн зэв кывкутана мог — тӧдмӧдны йӧзсӧ канму политикаӧн, мый отсӧгӧн бурмӧдӧны гражданалысь олӧмсӧ, кыпӧдны чӧжӧссӧ, отсалӧны йӧзлы тыр-бура да дыр овны.
Республикаын нёль сюрсысь унджык морт уджалӧ социальнӧй юкӧнын.
Ті отсаланныд ветеранъяслы да олӧма йӧзлы, вермытӧмъяслы да гӧля олысьяслы, пикӧ воӧм челядя семьяяслы — ставнас 250 сюрсысь унджык морт, регионса быд коймӧд морт.
Отрасльлӧн тӧдчанлуныс торйӧн ёна тыдовтчис пандемия дырйи.
Ті ӧдйӧ пӧртінныд олӧмӧ сувтӧдӧм могъяссӧ — сетінныд социальнӧй отсӧг, ваинныд сёян-юан, лекарствояс да быд лун коланаторъяс, асьнытӧ жалиттӧг уджалінныд да ӧні уджаланныд вахтаясӧн керка-интернатъясын.
Дона ёртъяс, ыджыд аттьӧ йӧз вӧсна тӧждысьӧмысь.
Сиа крепыд дзоньвидзалун и тыр-бур олӧм!
Мед став бурыс, мый ті вӧчанныд йӧзлы, ваяс тіянлы нӧшта унджык бур!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Республикалӧн сё вося юбилей кежлӧ Санкт-Петербургын Коми Республикалы сиӧм лунъясыс помасисны ыджыд гала-концертӧн @ выльтор @ https://rkomi.ru/news/966 @ 2021-06-08 @}
Республикалӧн сё вося юбилей кежлӧ Санкт-Петербургын Коми Республикалы сиӧм лунъясыс помасисны ыджыд гала-концертӧн.
М. П. Мусоргский нима канму академическӧй опера да балет театрын петкӧдчисны Россияын да республикаын нималана «Асъя кыа» Виктор Морозов нима Коми Республикаса сьылан да йӧктан канму ансамбль, «Зарни ёль» ансамбль, Коми Республикаса опера да балет канму театрысь, Виктор Савин нима академическӧй драма театрысь, Коми Республикаса вужвойтырлӧн шылада-драмаа театрысь артистъяс, республикаысь петӧм войтыр — Метрополитен-операса солист Алексей Лавров да Большой театрса солистка Ольга Селиверстова.
Концертса гӧсьтъясӧс да сэні участвуйтысьясӧс чолӧмаліс Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысь Александр Гуцан, Коми Республикаса Юралысь Владимир Уйба, Санкт-Петербургса ортсыса йитӧдъяс серти комитетӧн веськӧдлысь Евгений Григорьев.
«Коми Республика нималӧ киподтуя да чужанін радейтысь йӧзӧн.
Татӧг он вермы овны войвылын, он вермы лӧсьӧдны промышленнӧй производствояс.
Чолӧмала гажӧн регионса олысьясӧс. Найӧс, кодъяс олӧны, уджалӧны и радейтӧны ассьыныс Чужан мунысӧ», — пасйис Александр Гуцан.
«Аттьӧала Россияса Президент Владимир Владимирович Путинӧс, Россия Федерацияса Веськӧдлан котырӧс, Санкт-Петербургса Веськӧдлан котырӧс и Александр Дмитриевич Бегловӧс сыысь, мый ми талун восьтам Коми Республикалӧн историяын выль лист бок.
Ми смела видзӧдам водзӧ и кӧсъям сӧвмӧдны регионнымӧс дзик выль нырвизьясын.
Кӧсъям пырӧдчыны изшом, мусир да биару переработайтан ыджыд проектъясӧ, лӧсьӧдны мирӧвӧй тшупӧда наука да велӧдана шӧрин.
Ставыс тайӧ вӧчсьӧ сы могысь, медым миян томулов, том йӧз кольччисны овны республикаӧ да тӧдісны, мый сылӧн — бур аскиа лун», — тӧдчӧдіс Владимир Уйба.
«Александр Дмитриевич Беглов нимсянь чолӧмала тіянӧс талунъя гала-концерт вылын.
Петербургса экономическӧй форум дырйи регионъяскостса сёрнитчӧм серти Санкт-Петербургса губернатор тшӧктіс дасьтыны артмӧдчӧмлысь мероприятиеяс олӧмӧ пӧртан план.
Сідз, котыртасны мероприятиеяссӧ республикаын.
Миян планӧ пыртӧма нуӧдны Коми Республикаын Санкт-Петербурглысь лунъяс. Миян артистъяс петкӧдчасны регионса медбур площадкаяс вылын», — пасйис Евгений Григорьев.
Войвыв регионлы сё во тырӧм кежлӧ «Коми Республикалы сиӧм лунъяс» ыджыд проектыс Санкт-Петербургын муніс лӧддза-номъя тӧлысь 1–7 лунъясӧ.
Республикаын 100 вося юбилейсӧ кутасны пасйыны моз тӧлысь 20 лунсянь 23 лунӧдз. Регион пасьтала лоӧны ыджыд мероприятиеяс.
Пасъям, Коми Республикаса культура министерство лӧсьӧдіс озыр программа. 2019 воын сійӧс восьтісны «Сыктывкарын муниципалитетъяслӧн культура лунъяс» ыджыд проектӧн.
Фестиваль дырйи кар-районъяс петкӧдласны культураын да туризмын позянлунъяснысӧ.
Тайӧ каднас Сыктывкарса медшӧр творческӧй площадкаяс вылын петкӧдчис 14 район.
Во помӧдз культураын унапӧлӧслунсӧ да традицияяссӧ петкӧдлас нӧшта квайт муниципалитет.
Медматысса мероприятиеыс лоӧ лӧддза-номъя тӧлысь 11–12 лунъясӧ, кӧні участвуйтасны сыктывкарсаяс.
{Kodko (комиӧдіс Обрезкова Н. А.) @ Владимир Уйба удж серти аддзысьліс Вагит Алекперовкӧд @ выльтор @ https://rkomi.ru/news/969 @ 2021-06-08 @}
Владимир Уйба удж серти аддзысьліс Вагит Алекперовкӧд.
Талун, лӧддза-номъя тӧлысь 8 лунӧ, Ухтаын Коми Республикаса Юралысь да «ЛУКОЙЛ» публичнӧй акционер котырса Президент сёрнитісны регионӧс социальнӧй да экономика боксянь сӧвмӧмын ӧтув уджалан шӧр нырвизьяс да экология йылысь.
«ЛУКОЙЛ» публичнӧй акционер котыр таво пасйӧ 30 вося юбилей, «ЛУКОЙЛ-КОМИ» ичӧт кывкутана котыр пансьӧма 20 во сайын.
Республикаын уджалігӧн компания отсӧгӧн стрӧитӧма 150 велӧдан, культура, спорт, дзоньвидзалун видзан учреждение, ньӧбӧма да пыртӧма уджӧ челядьлы 40 ворсан площадка, нуӧдӧма экология серти уна мероприятие.
Таво Коми Республикаӧс социальнӧй да экономика боксянь сӧвмӧдӧм вылӧ ЛУКОЙЛ сетас 500 миллионысь унджык шайт.
Тайӧ сьӧм вылӧ республикаса сикт-посёлокъясын стрӧитасны велӧдчан да дзоньвидзалун видзан учреждениеяс, лӧсьӧдасны ва дасьтан везъяс да система.
Социальнӧй уджъёртасьӧм серти кутасны водзӧ стрӧитны Усинск карын да Ярега посёлокын уна патераа олан керкаяс, пӧртны олӧмӧ бурвӧчан акцияяс да проектъяс.
«Таво компания примитас локтан 10 во вылӧ выль уджтас.
Ми кӧсъям содтыны инвестицияяссӧ, производство ыдждасӧ.
Кутам водзӧ пӧртны олӧмӧ социальнӧй проектъяс.
Коми Республика миянлы — сӧвман стратегическӧй регион, производство серти медшӧр регионъясыс ӧти: тані и мусир переработайтӧм, и туялӧм, и перйӧм, тані миян медся ыджыд генерацияясысь ӧти.
Коми Республика бур уджъёрт, отсалӧ миянлы збыльмӧдны социальнӧй уджтасъяссӧ», — пасйис Вагит Алекперов.
«ЛУКОЙЛ» публичнӧй акционер котырса Президент пасйис, мый матысса воясӧ республикаын компаниялысь мусир-биару да мусир перъян овмӧс дзоньталӧм да выльмӧдӧм вылӧ видзасны матӧ 68 миллиард шайт.
«Миян уджъёртасян вояс чӧж регионӧ социальнӧй проектъяс збыльмӧдӧм вылӧ воис 8 миллиардысь унджык шайт.
Компанияыс уджсӧ вӧчӧ бура да дыр кад кежлӧ.
Тайӧ миянлы зэв тӧдчана.
Талун ми уджалам сы вылын, медым йӧзлӧн, том войтырлӧн лоис уна позянлун петкӧдлыны асьнысӧ, аддзыны олӧманыс туйсӧ.
Сідз, кӧсъям восьтыны республикаын мирӧвӧй тшупӧда туялан-велӧдан шӧрин.
Зэв тӧдчана, мый компания да Вагит Юсуфович отсалӧны миянлы пӧртны олӧмсӧ ыджыд проектъяс.
Сьӧлӧмсянь аттьӧала Тіянӧс, Вагит Юсуфович, таысь да чайта, «ЛУКОЙЛ» компания и водзӧ лоас республиканымӧс сӧвмӧдан концепцияын», — пасйис Владимир Уйба.
Коми Республикаса Юралысь тӧдчӧдіс, мый компанияӧн юрнуӧдысьяскӧд ӧттшӧтш лӧсьӧдӧма Сем Ӧндрей да Колва сиктъяс серти социальнӧй пакет.
Шуам, ЛУКОЙЛ дась отсавны разьны сӧстӧм ваӧн могмӧдан мытшӧдсӧ.
Сідзжӧ Коми Республикаса Юралысь чолӧмаліс компаниясӧ да уджалысьяссӧ «ЛУКОЙЛ» публичнӧй акционер котырлы 30 во тырӧмӧн.
Владимир Уйба да Вагит Алекперов сетісны уджалысьяслы канму, ведомственнӧй да корпоративнӧй наградаяс.
* * *
Почёт Орден сетӧма:
· Светлана Ивановна Костыркиналы — проектӧн веськӧдлысь — «ЛУКОЙЛ-КОМИ» ичӧт кывкутана котырлӧн «Ярегаса мусир куйлӧд сӧвмӧдӧм» проектнӧй офислысь мусир перъян шахтаяс выльмӧдӧмсӧ проектируйтан группаӧн веськӧдлысьлы;
«Отечество водзын заслугаясысь» орденлӧн ІІ тшупӧда медаль сетӧма:
· Александр Васильевич Щербаковлы — «ЛУКОЙЛ-УНП» ичӧт кывкутана котырлӧн «Производствосӧ оперативнӧя могмӧдӧм» 4 №-а цехса начальник.
«Россия Федерацияса мусир да биару промышленносьтын нимӧдана уджалысь» почёт ним сетӧма:
· Радик Завгалович Нагаевлы — «ЛУКОЙЛ-Коми» ичӧт кывкутана котырлӧн «ЛУКОЙЛ-Ухтанефтегаз» мутас производственнӧй предприятиеса директорлы;
· Вячеслав Иванович Казанцевлы — «Яреганефть» мусир перъян шахтаса производство серти предприятиелӧн мусир перъян 1 №-а шахтаын грымӧб вӧчан уджъяслӧн участокса 4 разряда взрывниклы.
Россия Федерацияса Президентлысь Почёт грамота сетӧма:
· Мухамедгали Рафаилович Тультибаевлы — «ЛУКОЙЛ-ЭНЕРГОСЕТЬЯС» ичӧт кывкутана котырлӧн Усинскса дінму веськӧдланінлӧн «Усинскэнергонефть» сервиснӧӥ шӧринса технологическӧй юкӧнса начальниклы.
Россия Федерацияса Президентлысь Аттьӧалӧм сетӧма:
· Ирина Владимировна Древетняклы — «ЛУКОЙЛ-Северо-Западнефтепродукт» ичӧт кывкутана котырлӧн «Вуктыл» 11336 №-а АЗС-лӧн заправитчанінса шӧр операторлы.
«Почёта нефтяник» почёта ним сетӧма:
· Владимир Энгельсович Гуляевлы — «ЛУКОЙЛ-Коми» ичӧт кывкутана котырлӧн «Ярегаса мусир куйлӧд сӧвмӧдӧм» проектнӧй офисын проектируйтан юкӧнса начальниклы.
Россия Федерацияса энергетика министерстволысь Почёт грамота сетӧма:
· Владимир Борисович Немцевлы — «ЛУКОЙЛ-Коми» ичӧт кывкутана котырса «Яреганефть» мусир перъян шахтаса производство серти предприятиелӧн мусир перъян 2 №-а шахтаын термошахтнӧй разработка нуӧдан да мусир перъян участокса мусир да биару перйысь 5 разряда операторлы;
· Александр Владимирович Уляшевлы — «ЛУКОЙЛ-Коми» ичӧт кывкутана котырса «Яреганефть» мусир перъян шахтаса производство серти предприятиелӧн мусир перъян 1 №-а шахтаын термошахтнӧй разработка нуӧдан да мусир перъян участокса горнӧй мастерлы.
Россия Федерация энергетика министерстволысь Аттьӧалӧм сетӧма:
· Александр Валерьевич Жуйковлы — Усинскса дінму веськӧдланінлӧн «Ухтаэнергонефть» сервиснӧй шӧринлӧн электрооборудование могмӧдан 1 №-а цехса (Улыс Одес посёлок) 7 №-а электрическӧй сетьяслӧн сетевӧй районса начальниклы.
{Kodko (комиӧдіс Обрезкова Н. А.) @ ЛУКОЙЛ-кӧд социальнӧй удж серти ёртасьӧм: Ухта дорын Ярега посёлокын кыпӧдісны «Шахтёр» вынйӧр сӧвмӧдан да дзоньвидзалун бурмӧдан комплекс @ выльтор @ https://rkomi.ru/news/970 @ 2021-06-08 @}
ЛУКОЙЛ-кӧд социальнӧй удж серти ёртасьӧм: Ухта дорын Ярега посёлокын кыпӧдісны «Шахтёр» вынйӧр сӧвмӧдан да дзоньвидзалун бурмӧдан комплекс.
Талун, лӧддза-номъя тӧлысь 8 лунӧ, кыпыда восьтісны вынйӧр сӧвмӧдан да дзоньвидзалун бурмӧдан комплекс.
Сійӧс восьтігӧн вӧліны Коми Республикаса Юралысь Владимир Уйба да «ЛУКОЙЛ» публичнӧй акционер котырса (ПАК) Президент Вагит Алекперов.
«Зэв нимкодь, мый Коми Республикалы 100 во тыран воӧ вӧчӧны татшӧм козинъяс, кыдз тайӧ спорт комплексыс.
Аскиа лун вылӧ лачаӧн козиныс, — пасйис Коми Республикаса Юралысь.
— Тайӧ спорткомплекс кыпӧдӧмыс — ыджыд пай мортӧс сӧвмӧдӧмӧ. Ӧд спортӧ пырӧдчӧмӧн мортыс сӧвмӧ.
«ЛУКОЙЛ» компания отсалӧ республикалы стрӧитны детсадъяс, школаяс да татшӧм бур спорт объектъяс.
Миян могыс сыын, медым йӧзыс татчӧ локтісны».
«Ме рад, мый комплексыс лоис татшӧм мичаӧн.
Сиа тренеръяслы да спортсменъяслы вермӧмъяс, а Ярегаса олысьяслы — тыр-бур олӧм.
«ЛУКОЙЛ» компания и водзӧ лоӧ Коми Республикалы социальнӧй проектъяс збыльмӧдӧмын бур ёртӧн да партнёрӧн.
Ме тӧда, мый Коми Республикаса Юралысьлӧн водзмӧстчӧм серти лоасны выль объектъяс и мукӧд олан пунктын.
Компания отсалас найӧс кыпӧдӧмын», — шуис Вагит Алекперов.
Владимир Уйба да Вагит Алекперов пуктісны конверт вылӧ торъя юбилейнӧй печатьяс, кытчӧ гижисны аскиа спортсменъяслы послание. Печат вылын Коми Республикалы сё во тыран да «ЛУКОЙЛ» котырлы комын во тыран символика.
Гижӧдсӧ лыддис спортса ветеран, ветеранъяс костын гира спорт кузя мирса нёльысь чемпион, шахтёр-мусир перйысь Юрий Минин.
«Шахтёр» вынйӧр сӧвмӧдан да дзоньвидзалун бурмӧдан комплекссӧ стрӧитӧма «ЛУКОЙЛ» да республикаса Веськӧдлан котыр костын ёртасьӧм йылысь артмӧдчӧм серти.
Комплекслӧн ыдждаыс — 4 сюрсысь унджык квадратнӧй метр, ӧтпырйӧ сэні вермӧны сӧвмӧдны вынйӧрсӧ да бурмӧдны дзоньвидзалунсӧ сё гӧгӧр морт.
Комплексын эм варччанін, единоборствояс вылӧ зал, фитнес-зал, тренеръяслы жыръяс, пӧрччысянінъяс, гардероб да буфет.
Мичмӧдӧма-бурмӧдӧма спорткомплекс дорсӧ.
Сыкӧд орччӧн «ЛУКОЙЛ» отсӧгӧн лӧсьӧдӧма «Пламя» стелаа сквер да «Нефтеград» челядьлы ворсанін.
Сідзжӧ Владимир Уйба да Вагит Алекперов Ярега посёлокӧ волігӧн видзӧдлісны выль керкаяс. Найӧс стрӧитӧма «ЛУКОЙЛ» да республикаса Веськӧдлан котыр костын артмӧдчӧм серти.
Выль патераясӧ вуджис 48 семья.
{Kodko (комиӧдіс Обрезкова Н. А.) @ Коми Республикаса власьт отсалӧ Мылдін района олысьяслы разьны капитальнӧя дзоньталӧмысь вештысьӧмын мытшӧдъяссӧ @ выльтор @ https://rkomi.ru/news/972 @ 2021-06-09 @}
Коми Республикаса власьт отсалӧ Мылдін района олысьяслы разьны капитальнӧя дзоньталӧмысь вештысьӧмын мытшӧдъяссӧ.
Мылдін районӧ удж серти ветлігӧн Коми Республикаса Веськӧдлан котырӧн Юрнуӧдысьӧс вежысь Лариса Карачева сёрнитіс уна патераа керкаясӧс петкӧдлысьяскӧд капитальнӧя дзоньталӧмысь вештысьӧмкӧд йитчӧм мытшӧдъяс йылысь.
Мылдін районӧ Лариса Карачева ветліс лӧддза-номъя тӧлысь 9 лунӧ. Буретш сэки и аддзысьліс водзмӧстчысь, общественница Светлана Секретаревакӧд.
Найӧ сёрнитісны сы йылысь, мыйла капитальнӧя дзоньталӧм йылысь некымын воысь тшӧтъясыс Мылдінса уна патераа керкаясын олысьяслы воисны ТСЖ тупкӧм бӧрын.
Лариса Карачева эскӧдіс шыӧдчысьясӧс, мый лоӧмтор бӧрся видзӧдӧ ачыс Коми Республикаса Юралысь Владимир Уйба.
Сылӧн тшӧктӧм серти Мылдінын олысьяскӧд аддзысьлісны Капитальнӧя дзоньталӧм серти регионса фондӧс да Стройжилтехнадзор республикаса службаӧс петкӧдлысьяс.
Йӧзыслы гӧгӧрвоӧдісны, кыдзи позьӧ оформитны капитальнӧя дзоньталӧмысь мынтысьӧм вылӧ рассрочкасӧ да тайӧ жӧ кадӧ эз вошны льготаяс серти ӧнія мынтӧмъясыс.
Ӧні Мылдін районса олысьясӧс социальнӧя доръян шӧринӧс петкӧдлысьяслы колӧ быдӧнлы, кодъяс эз на оформитны капитальнӧя дзоньталӧмысь рассрочкасӧ, юӧртны, мый колӧ вӧчны, медым колисны оланін да коммунальнӧй услугаясысь льготаясыс.
«Висьталӧй Владимир Викторовичлы ыджыд аттьӧ миянлы тайӧ мытшӧдсӧ венны отсалӧмысь», — корис Светлана Секретарева.
Таысь кындзи, районса администрацияӧн юрнуӧдысьӧс вежысь Михаил Мамбетов кӧсйысис отсавны общественницалы выльысь восьтыны уна патераа керкаын ТСЖ.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Коми печать лунӧн @ выльтор @ https://rkomi.ru/news/973 @ 2021-06-10 @}
Коми Республикаса Юралысь чолӧмалӧ Коми печать лунӧн.
«Йӧзӧс юӧртан республикаса средствоясын да полиграфия предприятиеясын пыдди пуктана уджалысьяс!
Чолӧмала тіянӧс уджсикас гажӧн — Коми печать лунӧн!
Тіян уджныд зэв аслыспӧлӧс.
Ті тӧдмӧданыд регионса олысьясӧс медтӧдчана лоӧмторъясӧн, артмӧданныд ӧтйӧза видзӧдлас да лӧсьӧданныд миян войвыв мулысь имиджсӧ.
Тіянлы эскӧны лыддьысьысьяс, торйӧн нин республикаса сикт-грездъясын, кӧні ёна виччысьӧны республикаса ли районса газетлысь быд выль номер.
Ті бура тӧданныд ассьыныд уджнытӧ. Тайӧ тыдовтчӧ сыын, мый ті кывкутӧмӧн, пыдісянь туяланныд лоӧмторсӧ да сы йылысь быд боксянь, подулалӧмӧн юӧртанныд йӧзлы.
abu
Буретш тайӧс и пыдди пуктӧны республикаын олысьяс.
Бур вылӧ критикуйтӧм отсалӧ аддзыны ёсь мытшӧдъяссӧ.
Аттьӧала тіянӧс уджысь, сыысь, мый ті веськыда висьталанныд мӧвпнытӧ, стӧча да ӧдйӧ юӧртанныд республикаӧс сӧвмӧдӧмын тӧдчана юалӧмъяс йылысь.
Сьӧлӧмсянь сиа тіянлы творческӧя босьтчыны уджаныд, видзӧдны олӧм вылӧ удж боксяньныд, яръюгыд да паметьӧ колян гижӧдъяс, мӧвпъяс да проектъяс збыльмӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Владимир Уйба чолӧмаліс Вермытӧм йӧз пӧвстын А. Лобановский нима регионкостса бардовскӧй сьыланкывъяс серти VІІІ конкурсын участвуйтысьясӧс @ выльтор @ https://rkomi.ru/news/974 @ 2021-06-10 @}
Владимир Уйба чолӧмаліс Вермытӧм йӧз пӧвстын А. Лобановский нима регионкостса бардовскӧй сьыланкывъяс серти VІІІ конкурсын участвуйтысьясӧс.
Коми Республикаса Юралысь лӧддза-номъя тӧлысь 9 лунӧ аддзысьліс «Струна, и кисть, и вечное перо...» конкурсӧ пырӧдчысьяскӧд да сійӧс котыртысьяскӧд.
Комиын конкурссӧ нуӧдӧны ӧкмысӧдысь нин.
Медводдзаысьсӧ, 2012 воын, сійӧ вӧлі республика тшупӧда, 2013 воын лои регионкостсаӧн, а 2016 восянь сылы сетісны нималана ленинградса бард Александр Лобановскийлысь ним.
Таво конкурсас пырӧдчис Россияса 23 регионысь 50 гӧгӧр автор да сьылысь.
Творческӧй вермасьӧмыс муніс нёль номинация серти: жюри бӧрйис медбур кывбур да шылад гижысьӧс, медбур сьылысьӧс, медбур шылад гижысьӧс да медбур кывбур гижысьӧс.
Сідзжӧ таво позьӧ вӧлі петкӧдлыны Коми Республика йылысь сьыланкыв сё вося юбилей кежӧ.
Гран-при босьтіс Москваысь Сергей Николаев.
Вермысь пасйис, мый Сыктывкарын конкурссӧ бура котыртӧма.
«Ставыс вӧлі зэв бур!
Маргарита Михайловна сёрнитіс войтыркостса ёртасьӧм йылысь.
Гашкӧ, позьӧ заводитны Белоруссиясянь?
Сэні эмӧсь жӧ енбиа бардъяс.
Ме ставнытӧ аттьӧала и кута лача водзӧ ёртасьӧм вылӧ», — шуис Сергей Николаев.
Автор да бардовскӧй сьыланкывъяс серти конкурс котыртысь, Вермытӧмъяслӧн ставроссияса котырлӧн Коми республиканскӧй организацияӧн веськӧдлысь Маргарита Колпащикова пасйис, мый мукӧд во серти таво конкурсӧ пырӧдчисны ёна унджыкӧн.
«Конкурс дырйи миян чужис Сыктывкарлы, Коми Республикалы сиӧм уна сьыланкыв, — шуис М. Колпащикова.
— Сьыланкывъясыс зэв бурӧсь.
Миянлы позьӧ нин дискъяс лэдзны, сьыланӧн республиканымӧс нимӧдны».
Владимир Уйба сиис конкурсӧ став пырӧдчысьлы, сійӧс котыртысьяслы да жюрилы творческӧй вермӧмъяс, планъяс да проектъяс збыльмӧм.
«9 во сайын Маргарита Михайловна котыртіс тайӧ конкурссӧ республикаын.
И таысь сылы зэв ыджыд аттьӧ.
Конкурс петіс регионкостса тшупӧд вылӧ.
А, сідзкӧ, конкурсыс колана.
Аттьӧ тіянлы миян войвылӧ локтӧмысь», — шуис республикаса Юралысь.
Конкурсӧ пырӧдчысьяс шыӧдчисны республикаса Юралысь дорӧ, медым конкурсыс Сыктывкарын муніс дырджык. Сэки лоас позянлун петкӧдлыны оз сӧмын творчествонысӧ, но и сёрнитыштны ёртъясыскӧд, бурджыка тӧдмасьны карӧн да республикаӧн.
Владимир Уйба тшӧктіс Коми Республикаса культура министерстволы видзӧдлыны, кыдзи позьӧ мӧд во збыльмӧдны конкурсӧ пырӧдчысьяслысь корӧмсӧ.
{Kodko (комиӧдіс Обрезкова Н. А.) @ Владимир Уйба пырӧдчис «Единая Россия» ставроссияса кансяма ютырлӧн Коми дінму юкӧнлӧн XXXІІІ конференцияӧ @ выльтор @ https://rkomi.ru/news/975 @ 2021-06-10 @}
Владимир Уйба пырӧдчис «Единая Россия» ставроссияса кансяма ютырлӧн Коми дінму юкӧнлӧн XXXІІІ конференцияӧ.
Лӧддза-номъя тӧлысь 9 лунӧ Войтырлӧн ёртасян керкаын вӧлі конференция, кӧні вӧчисны кывкӧртӧдъяс праймериз серти да бӧрйисны делегатъясӧс Москваын 20 съезд вылӧ.
Конференцияса делегатъясӧс чолӧмалігӧн Владимир Уйба пасйис, мый ода-кора тӧлысь 24–30 лунъясӧ Каналан Думаӧ кандидатъяс серти водзвыв гӧлӧсуйтӧмыс тӧдчана.
Сійӧ пасйис, мый «Единая Россия» ставроссияса кансяма ютыр став партия пӧвстысь ӧти, коді нуӧдӧ татшӧм паськыд да восьса гӧлӧсуйтӧмсӧ. И таӧн петкӧдлӧ, мый оз пов пытшкӧсса конкуренцияысь.
«Коми Республикаын позьӧ вӧлі водзвыв гӧлӧсуйтны очнӧя да онлайн.
Медводдзаысь йӧзыс гӧлӧсуйтісны электроннӧя дистанционнӧй технологияяс отсӧгӧн.
Татшӧм ногӧн уджалӧмыс зэв бур.
Ме ачым гӧлӧсуйті онлайн, кор вӧлі командировкаын.
Кык ногӧн гӧлӧсуйтӧмсӧ котыртӧм отсӧгӧн унджыкӧн вермисны бӧрйысьны. Комиын лыдпасыс став Россия пасьта шӧркодь лыдпасысь ыджыдджык», — шуис В.Уйба.
Сідзжӧ регионса Юралысь пасйис, мый тайӧ водзвыв гӧлӧсуйтӧмыс вӧлі зэв восьса.
Россияса быд олысь вермис гижӧдчыны праймериз вылӧ и кыдзи кандидат, и кыдзи бӧрйысьысь.
Владимир Уйбалӧн кывъяс серти, водзвыв гӧлӧсуйтӧмыс петкӧдліс, мый йӧзкотыр виччысьӧ партияӧ выль йӧзлысь локтӧмсӧ.
Джынсьыс унджык пырӧдчысьыс — выль йӧз.
Сідзкӧ, праймериз отсалӧ оз сӧмын бӧрйыны кандидатъясӧс, но и сӧвмӧдны партиясӧ, пырӧдчыны сэтчӧ зіль да водзӧ видзӧдысь унджык йӧзлы, кодъяс дасьӧсь уджавны страналӧн бур вылӧ», — тӧдчӧдіс республикаса Юралысь.
{Kodko (комиӧдіс Обрезкова Н. А.) @ «Колӧ вакцинируйтчыны. Сӧмын тадзи ми вермам бара овны важ ног, пандемия дырйи дзескӧдӧмъястӧг», — шуис Владимир Уйба @ выльтор @ https://rkomi.ru/news/976 @ 2021-06-10 @}
«Колӧ вакцинируйтчыны. Сӧмын тадзи ми вермам бара овны важ ног, пандемия дырйи дзескӧдӧмъястӧг», — шуис Владимир Уйба.
Коми Республикаса Юралысь Владимир Уйба нуӧдіс регионын эпидситуация серти сӧвещание.
Шӧр докладӧн сёрнитіс Коми Республикаын Роспотребнадзорлӧн веськӧдланінӧн юрнуӧдысь — Коми Республикаса юралысь канму санитарнӧй врач Людмила Глушкова.
«Ӧні республикаын бӧръя куим вежон чӧж эпидситуацияыс лёкмӧ да водзӧ вермас на нӧшта лёкмыны.
Эпидситуацияыс заводитіс вежсьыны лёклань ода-кора тӧлысьын кузь шойччан лунъяс бӧрын, кор йӧзыс шойччисны, ветлісны вӧр-ваӧ да уна мероприятие вылӧ.
Буретш сизим лун мысти, а тайӧ инкубационнӧй кадколаст джынйыс, висьысьяслӧн лыдыс кутісны содны вежоннас 20 прӧчентӧдз», — висьталіс Л. Глушкова.
Бӧръя куим вежоннас ёнджыкасӧ висьмисны 7–17 арлыда да 30–64 арлыда войтыр. Тайӧ верстьӧ да том йӧз. Инфекцияыс вуджӧ сэк, кор гортаныс эм нин висьысь морт, йӧзаинъясын, ӧтйӧза транспортын ветлӧм дырйи.
«Таысь кындзи, колян вежоннас бара кутісны висьны пневмонияӧн, а та серти лыдпасыс 20-ӧд вежонӧдз чиніс.
Кык вежон чӧж висьысьыс содіс, йӧзыс висьмалӧны пневмонияӧн.
Нӧшта вежон мысти кутас содны кувсьӧм йӧзлӧн лыдыс.
Пневмонияӧн висьӧм йӧзлӧн лыдыс тайӧ выльлунӧ вевтыртіс уна вося шӧр лыдпассӧ 1,2 пӧв», — юӧртіс Людмила Глушкова.
Эпидпроцесслӧн петкӧдласъяс серти, регионын регыд ковмас видлавны дзескӧдӧмъяс выльысь пыртӧм йылысь юалӧм.
Та лыдын — уна йӧза быдсикас мероприятиелысь лыдсӧ чинтӧм либӧ дзикӧдз дугӧдӧм, уна йӧза спорт мероприятиелысь лыдсӧ, сы лыдын и ывла вылын, чинтӧм, услугаяс сетан да вузасян юкӧнын предприятиеяслӧн уджын дзескӧдӧмъяс пыртӧм, оз ло позянлун волыны уна йӧза шойччанінъясӧ (пляжъясӧ, скверъясӧ, паркъясӧ да мукӧдлаӧ).
Нуӧдісны рейдъяс сы серти, новлӧны-ӧ йӧзыс маскаяс, кутӧны-ӧ социальнӧй костъяс. Та бӧрын тыдовтчис, мый республикаса унджык олысьыс оз видзчысьны висьӧмысь.
Та дырйи COVІD–19 выль коронавирус инфекцияӧн висьысьяслӧн лыдыс (юӧр серти) республикаын кутас содны, медуна висьысь лыдыс вермас лоны сора тӧлысьын.
«Стӧча позьӧ шуны, мый ковидӧн висьысьяслӧн лыдыс лӧддза-номъя тӧлысьын кутас содны. Сы могысь, медым этшаджыкӧн висьмисны колӧ новлыны маскаяс, кутны социальнӧй костъяс, кутчысьны ӧлӧдан мераясӧ. А медтӧдчанаыс артмӧдны ӧтувъя иммунитет. Тайӧ, дерт жӧ, медводз, вакцинация.
Инфекцияыс вермас кӧвъясьны выльысь, сы вылӧ видзӧдтӧг висин тэ либӧ эн, висьман рискыс пыр кольӧ.
Татшӧм миян талунъя луныс. И тадзи олӧ став мирыс.
Висьмыны вермас весиг вакцинируйтӧм морт, но сійӧ висяс кокниджыка.
Тайӧс колӧ ставлы гӧгӧрвоны.
Он кӧ мӧвпав аслад дзоньвидзалун йывсьыд, мӧвпышт матыссаясыдлӧн олӧм да дзоньвидзалун йывсьыс.
Колӧ вӧчны прививка, сӧмын тадзи ми вермам бара овны пандемия дырйи дзескӧдӧмъястӧг», — тӧдчӧдіс Владимир Уйба.
{Kodko (комиӧдіс Обрезкова Н. А.) @ Лариса Карачёва: «Мылдінса больничаын маммографӧн колӧ заводитны уджавны медся матысса кадӧ» @ выльтор @ https://rkomi.ru/news/979 @ 2021-06-11 @}
Лариса Карачёва: «Мылдінса больничаын маммографӧн колӧ заводитны уджавны медся матысса кадӧ».
Матысса кадӧ районнӧй больничаын колӧ помавны дзоньтавны сійӧс вежӧссӧ, кытчӧ сувтӧдӧма выль маммографсӧ, да заводитны обследуйтны йӧзсӧ — татшӧм мог сувтӧдіс Коми Республикаса Веськӧдлан котырӧн Юрнуӧдысьӧс вежысь Лариса Карачёва Мылдін районӧ удж серти ветлігӧн.
Лариса Карачёва Мылдін районӧ ветліс Коми Республикаса Юралысь Владимир Уйбалӧн тшӧктӧм серти.
Мылдін районса шӧр больничалӧн уджӧн тӧдмасигӧн тыдовтчис, мый пыр на оз уджавны маммография вӧчан стационарнӧй аппаратӧн. Сійӧс больничаӧ ньӧблісны 2020 воын.
Кыдзи висьталіс районлӧн шӧр больничаса юралысь врачлысь могъяс олӧмӧ пӧртысь Елена Девятерикова, дасьтӧма выль аппарат вылын уджалысь специалистъяссӧ, вежӧссӧ дзоньталӧма, но колӧ на мыйсюрӧ вӧчны.
Та вӧсна медицина организация оз вермы босьтны колана лицензиясӧ да оз вермы заводитны обследуйтны йӧзсӧ.
– Районса больничалы да Йӧзлысь дзоньвидзалун видзан министерстволы пуктӧма мог — медся матысса кадӧ помавны дзоньталан уджъяссӧ сійӧ вежӧсас, кӧні кутасны уджавны маммографӧн.
Тайӧ оборудованиесӧ ньӧбӧма «Дзоньвидзалун» национальнӧй проект серти, медым ылыс сикт-грездъясысь олысьяс вермисны обследуйтчыны районын.
Маммография отсалӧ водзвыв аддзыны онкология висьӧмъяссӧ. Та вӧсна колӧ вӧчны ставсӧ, медым выль стационарнӧй аппаратӧн заводитісны уджавны, — пасйис Лариса Карачёва.
Регионса Веськӧдлан котырӧн Юрнуӧдысьӧс вежысь сёрнитіс Мылдін районын шӧр больничаса юралысь врачлысь могъяс олӧмӧ пӧртыськӧд сы йылысь, тырмӧны-ӧ больничаын бурдӧдчысьясыс.
Елена Девятерикова шуис, мый медся бура комплектуйтӧма поликлиника юкӧн, мукӧд юкӧнын колана специалистъясыс оз тырмыны.
2021 воын больничаӧ виччысьӧны онкологӧс, акушер-гинекологӧс, педиатрӧс да эндокринологӧс.
Врач-терапевт босьтас содтӧд тӧдӧмлун «психиатр-нарколог» специальносьт серти.
Таысь кындзи, арӧдзыс кӧсйӧны велӧдны сьӧлӧмлысь УЗИ вӧчысь специалистӧс.
Лариса Карачёва видзӧдліс «Медицина организациялысь выль модель лӧсьӧдӧм» проект серти выльмӧдӧм поликлиникасӧ. Сідзжӧ видзӧдлісны лунся стационар да реанимация юкӧнъяс.
Сёрнитісны и «Йӧзлысь дзоньвидзалун видзӧмын медводдза звено выльмӧдӧм» уджтас серти фельдшер-акушер пунктъяс стрӧитӧм кежлӧ дасьтӧм йылысь. Республикаын тайӧ уджтасыс заводитіс уджавны 2021 воын.
{Kodko (комиӧдіс Обрезкова Н. А.) @ Владимир Уйба сетіс Россия Федерацияса том гражданалы паспортъяс @ выльтор @ https://rkomi.ru/news/980 @ 2021-06-11 @}
Владимир Уйба сетіс Россия Федерацияса том гражданалы паспортъяс.
Коми Республикаса Юралысьлӧн Администрацияын лӧддза-номъя тӧлысь 11 лунӧ, Россия лун водзын, Сыктывкар, Ухта каръясысь, Кулӧмдін, Изьва, Кӧрткерӧс, Сыктыв да Сыктывдін районъясысь 17 велӧдчысьлы кыпыда сетісны паспортъяс.
Владимир Уйба сетіс паспортъяс томуловлы, кодъяслӧн эмӧсь ыджыд вермӧмъяс велӧдчӧмын, спортын, творчествоын, ӧтйӧза уджын.
Коми Республикалы сё во тыран воӧ тіянлы сетӧны паспорт — олӧмын тайӧ медся тӧдчана документ.
Кольӧ некымын во, и буретш ті кутанныд сӧвмӧдны республиканымӧс да странанымӧс.
Радейтӧй, пыдди пуктӧй ичӧт да ыджыд Чужан мунытӧ, лоӧй Россияса бур гражданаӧн», — туйдӧдіс том йӧзӧс Коми Республикаса Юралысь Владимир Уйба.
«Паспорт босьтӧм бӧрын миянлы воссьӧны выль позянлунъяс, но такӧд тшӧтш лоӧны и выль могъяс да кывкутӧм.
Ми — страналӧн аскиа лун.
И ми вӧчам ставсӧ, медым странаным и республиканым сӧвмисны», — шуис Сыктывкарын Роч гимназияысь велӧдчысь София Доржинкевич.
«Дона том йӧз, талун тіян олӧмын ыджыд лоӧмтор.
Ті босьтінныд Россия Федерация гражданинлысь паспорт.
Бать-мам нимсянь кӧсъя сины тіянлы вылын нуны Россия Федерацияса гражданинлысь нимсӧ, пӧртны олӧмӧ гражданскӧй могъяссӧ, бура велӧдчыны, кывкутӧмӧн уджавны республиканымлы да миян ыджыд Россиялы бур вылӧ.
Ми, бать-мам, пыр кутам тіянлы отсасьны верстьӧ олӧмлань туй вылын.
Ті — миян лача да аскиа лун», — шуис Софиялӧн мамыс — Юлия Доржинкевич.
Коми Республикаса Юралысь сетіс Сыктывкарса 9 №-а шӧр школаын велӧдчысь Дмитрий Палкинлы диплом да «Пӧсь сьӧлӧм» морӧсвывса пас.
Наградасӧ зонлы шуис сетны «Пӧсь сьӧлӧм» ставроссияса ӧтйӧза-канму водзмӧстчӧм серти оргкомитетлӧн помшуӧм серти йӧзӧс пыдди пуктӧмысь, пикӧ воӧм йӧзлы отсалігӧн повтӧмлунысь, крепыдлунысь, героизмысь.
2020 вося гожӧмын 14 арӧса Дмитрий кыскис ваысь вӧйысь мортӧс.
Сідзжӧ наградасӧ сетісны Усинскысь Валерия Удотлы, коді эз шӧйӧвош лёк суӧм дырйи да кыскис сотчысь керкаысь ассьыс 4 арӧса воксӧ. Аслыс Валериялы 10 арӧс.
Нывка эз вӧв кыпыд церемония дырйи, сійӧ шойччӧ гожся лагерын.
«Дмитрий да Валерия — збыльысь геройяс.
Найӧ эз повзьыны сэк, кор весиг верстьӧ йӧз шӧйӧвошлӧны.
А тайӧ челядьыс эз шӧйӧвошны, отсалісны асланыс матыссаясыслы, кыдз Валерия, да пикӧ воӧм тӧдтӧм йӧзлы, кыдз Дмитрий.
Колӧ велӧдчыны овны на моз, босьтны на вылысь пример.
Ми туйӧ пуктам татшӧм челядьӧс!», — тӧдчӧдіс В.Уйба.
Россияса том гражданалы петкӧдлісны Коми Республикаса Юралысьлысь Администрациясӧ, висьталісны регионса канму символъяс да республикаса олӧмӧ пӧртан власьт органъяслӧн удж йылысь.
{Kodko (комиӧдіс Обрезкова Н. А.) @ Владимир Путин чолӧмалӧ Коми Республикаса олысьясӧс Россия лунӧн @ выльтор @ https://rkomi.ru/news/981 @ 2021-06-12 @}
Владимир Путин чолӧмалӧ Коми Республикаса олысьясӧс Россия лунӧн.
Канму праздник лунӧ Россия Федерацияса Президент ыстіс Коми Республика Юралысь Владимир Уйбалы чолӧмалан открытка.
«Тайӧ гажыс ӧтувтӧ челядьӧс, том войтырӧс, верстьӧ да олӧма йӧзӧс, кодъяслы медтӧдчанаӧн лоӧ чужанін, мездлун да веськыдлун.
Ми ставӧн пуктам ыджыд пай страна сӧвмӧдӧмӧ, миян ӧти ыджыд мог — вына Чужан мун, йӧзлӧн ӧтсӧгласа да бур олӧм.
Сиа вермӧмъяс да став бурсӧ», — гижӧма Владимир Путинлӧн чолӧмалӧмын.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Россия лунӧн @ выльтор @ https://rkomi.ru/news/982 @ 2021-06-12 @}
Владимир Уйба чолӧмалӧ Коми Республикаса олысьясӧс Россия лунӧн.
«Коми Республикаса пыдди пуктана олысьяс!
Дона ёртъяс!
Став сьӧлӧмсянь чолӧмала тіянӧс канму ыджыд гажӧн — Россия лунӧн!
Россия Федерация — вына страна, кӧні олӧ уна сикас войтыр, сылӧн нималана история, озыр традицияяс, наукаын да техникаын ыджыд позянлунъяс.
Россия — тайӧ страна, коді быдтіс тӧдчана учёнӧйясӧс, гижысьясӧс, композиторъясӧс, спортсменъясӧс, коді козьналіс мирлы радио да медводдзаӧн петіс космосӧ.
Россия — миян Чужан му, кӧні быдӧнлӧн эм сьӧлӧмыслы дона ичӧт чужанін — сикт ли посёлок, грезд ли кар, муса республика.
Ичӧт Чужан му вӧсна тӧждысьӧмыс да сійӧс пыдди пуктӧмыс, сылы бур вылӧ уджалӧмыс топыд йитчӧма страналӧн, миян талунъя да аскиа лункӧд.
«Республикаса пыдди пуктана олысьяс!
Кӧсъя сины миян страналы да республикалы дзордзалӧм да озырлун, а ставнымлы — ӧтсӧгласа, тыр-бур олӧм да дзоньвидзалун.
Праздникӧн, ёртъяс!
Россия лунӧн!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Канму отсӧгӧн ичӧт бизнесӧ воськов @ выльтор @ https://rkomi.ru/news/984 @ 2021-06-12 @}
Канму отсӧгӧн ичӧт бизнесӧ воськов
Удж корсьысь гражданалы канмусянь отсӧг сетан уджтасъяс отсӧгӧн Мылдін районса уджтӧмалысь том йӧз лоӧны предпринимательясӧн.
Та йылысь Коми Республикаса Веськӧдлан котырӧн Юрнуӧдысьӧс вежысь Лариса Карачёвалы юӧртісны Йӧзӧс уджӧн могмӧдан районнӧй шӧринын.
Мылдін районӧ удж серти ветлігӧн регионса Веськӧдлан котырӧн Юрнуӧдысьӧс вежысь Лариса Карачёва Олысьясӧс социальнӧя доръян да уджӧн могмӧдан службаяслӧн уджалан нырвизьяс йылысь сёрнитіс  профильнӧй учреждениеясса юрнуӧдысьяскӧд.
— Медым индыны медводз олӧмӧ пӧртны колана могъяссӧ, урчитны социальнӧй юкӧнлӧн уджын медтӧдчана могъяссӧ, колӧ тӧдны, кыдзи уджыс мунӧ местаяс вылын, кутны йитӧд каръясын да районъясын учреждениеясса веськӧдлысьяскӧд да специалистъяскӧд.
Та могӧн и ветлӧдлам муниципалитетъясӧ, — гӧгӧрвоӧдіс Лариса Карачёва.
Мылдін районса Йӧзӧс уджӧн могмӧдан шӧринын висьталісны удж корсьысь гражданалы да налы, кодъяс кӧсйӧны восьтыны ассьыныс делӧ, отсӧг сетан опыт йылысь.
Кыдзи пасйис учреждениеӧн юрнуӧдысь Ирина Самодурова, районын неважӧн на некымын мортлы канмусянь отсалісны босьтчыны предпринимательскӧй уджӧ.
Сідз, том йӧз, кодъяслы Йӧзӧс уджӧн могмӧдан шӧринын сетісны бизнес восьтӧм вылӧ сьӧм, бура пӧртӧны олӧмӧ ассьыныс проектъяссӧ. Шуам, лӧсьӧдӧны веб-сайтъяс, восьтӧны фастфуд кафе да дӧзьӧритӧны меставывса туйяс.
— Тайӧ том йӧз вылӧ видзӧдӧмӧн мукӧдыс, кодъяс сӧмын на корсьӧны олӧмас ассьыныс туйсӧ да мӧвпалӧны ассьыныс делӧ восьтӧм йылысь, смелмӧдчасны, кутчысясны асшӧр уджӧ.
Предпринимательствоӧ босьтчигӧн канмусянь сьӧмӧн отсӧгыс лоӧ зэв бур отсӧгӧн, — шуис Веськӧдлан котырӧн Юрнуӧдысьӧс вежысь.
Районӧ волігӧн Лариса Карачёва ветліс Олысьясӧс социальнӧя доръян районнӧй шӧринӧ, пасйис коллективлысь ӧтсӧгласа уджсӧ, а сідзжӧ сёрнитіс Мылдін районса администрацияӧн юрнуӧдысьӧс вежысь Ольга Чупровакӧд водзӧ вылӧ Шӧринлы бурджык стрӧйба сетӧм йылысь.
{Kodko (комиӧдіс Обрезкова Н. А.) @ Комиын лӧддза-номъя тӧлысь 19 лунӧ нуӧдасны шойнаяс весалан республиканскӧй субӧтник @ выльтор @ https://rkomi.ru/news/986 @ 2021-06-12 @}
Комиын лӧддза-номъя тӧлысь 19 лунӧ нуӧдасны шойнаяс весалан республиканскӧй субӧтник.
Регионса Веськӧдлан котырлӧн косму тӧлысся заседание дырйи сёрнитісны республикаса муниципалитетъясын ӧтйӧза шойнаяс дӧзьӧритӧм да видзӧм йылысь.
Лӧддза-номъя тӧлысь 11 лунӧ Владимир Уйба нуӧдіс субӧтник котыртӧм серти сӧвещание.
Коми Республикаса ӧтйӧза палатаысь эксперт, шойнаяс дӧзьӧритӧм бӧрся ӧтйӧза контроль нуӧдӧм серти удж котыртысь уджалан группаӧн юрнуӧдысь Галина Кравченко вӧзйис котыртны татшӧм субӧтниксӧ республикаын.
Регионса Веськӧдлан котырлӧн косму тӧлысся заседание дырйи сійӧ юӧртіс Коми Республикаын шойнаяс дӧзьӧритӧмын да видзӧмын мытшӧдъяс йылысь.
Регионса Юралысь Владимир Уйба ошкис кыпӧдӧм мытшӧдъяс бырӧдӧм серти общественницалысь вӧзйӧмъяссӧ.
Шуӧма лӧддза-номъя тӧлысь 19 лунӧ весавны шойнаяссӧ, нуӧдны республиканскӧй субӧтник. Тайӧ луныс буретш Православнӧй вичко гаж Трӧича водзвылын, Рӧдительясӧс казьтылан субӧтаӧ.
Сэки унаӧн волӧны шойнаяс вылӧ кодрасьны.
«Кӧсъя торйӧн пасйыны, мый субӧтник дырйи колӧ весавны пырзьӧм гуяс, кутшӧмъясӧс некод нин оз дӧзьӧрит, вермас лоны сы вӧсна, мый кулӧмаяслӧн абу нин рӧдвужыс, кодъяс эськӧ видзӧдісны гуяс бӧрся.
И, дерт жӧ, колӧ вайӧдны колана выйӧ Айму вӧсна Ыджыд тыш да мукӧд войнаясса ветеранъяслысь гуяссӧ.
Тайӧ миянлӧн мог», — шуис Владимир Уйба.
Субӧтник котыртігӧн да нуӧдігӧн колӧ кутчысьны эпидемияысь видзчысян корӧмъясӧ.
Таысь кындзи, муниципалитетъяслы колӧ юӧртны олысьяслы субӧтник йылысь,
колӧ дасьтыны ёг чукӧртанінъяс да котыртны сэтысь ёгсӧ торъя техникаӧн нуан уджсӧ.
Республикаса юркарын — Сыктывкарын — субӧтникӧ пырӧдчыны окотитысьяслы сетасны ёг улӧ мешӧкъяс да перчаткияс.
Инвентарсӧ позьӧ босьтны карса шойнаяс вылын сулалысь административнӧй зданиеясын.
{Kodko (комиӧдіс Обрезкова Н. А.) @ Владимир Уйба: «Йӧзыс пыр вӧліны да лоӧны Коми Республикалӧн медыджыд озырлунӧн»  @ выльтор @ https://rkomi.ru/news/987 @ 2021-06-13 @}
Владимир Уйба: «Йӧзыс пыр вӧліны да лоӧны Коми Республикалӧн медыджыд озырлунӧн».
Коми Республикаса Юралысь лӧддза-номъя тӧлысь 12 лунӧ воліс кыпыд гаж вылӧ, мый сиӧма Россия да Сыктывкар лунъяслы.
«Тӧдчана, мый Коми Республикаса юркарлысь чужан лунсӧ да странаса канму медся ыджыд праздниксӧ пасйӧны ӧти лунӧ», — чолӧмаліс чукӧртчӧмаясӧс Владимир Уйба.
— Сыктывкар, Коми Республика пыр вӧліны миян ыджыд, уна сикас войтыра страналӧн торйӧдны позьтӧм юкӧнӧн.
Сыктывкарсаяс пыр зільӧны лоны медбурӧн уджын, спортын, культураын да искусствоын.
Найӧ пуктісны да ӧні пуктӧны ыджыд пай Коми Республикаӧс да Россияӧс сӧвмӧдӧмӧ.
Ме аттьӧала ставнысӧ, кодъяс зіля пырӧдчӧны ӧтйӧза олӧмӧ, кодъяс лунысь-лун асланыс уджнас вежӧны бурлань карын, республикаын да странаын олӧмсӧ».
Кыпыд гаж дырйи Владимир Уйба сетіс Россия Федерацияса да Коми Республикаса канму наградаяс.
* * *
Россия Федерация Президентлӧн Индӧдӧн отечественнӧй культура да искусство сӧвмӧдӧмысь, уна во чӧж зіля уджалӧмысь «Россия Федерацияса культураын нимӧдана уджалысь» почёт ним сетӧма
· Виктор Михайлович Напалковлы — Ю. А. Спиридонов нима Коми Республикаса Юралысь бердын искусство гимназияса велӧдысьлы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма
· Михаил Арифович Мартыновлы — Олимпиада резервӧ дасьтан 2 №-а спорт школаын боксысь тренерлы.
Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма
· Лариса Васильевна Гилейлы — «Пригороднӧй» ичӧт кывкутана котырса градвыв пуктас вӧдитысьлы.
{Kodko (комиӧдіс Обрезкова Н. А.) @ Владимир Уйба аттьӧаліс Петр Великӧй нима Санкт-Петербургса политехническӧй университетӧн веськӧдлысьясӧс COVІD–19 инфекциякӧд тышын отсӧгысь @ выльтор @ https://rkomi.ru/news/991 @ 2021-06-15 @}
Владимир Уйба аттьӧаліс Петр Великӧй нима Санкт-Петербургса политехническӧй университетӧн веськӧдлысьясӧс COVІD–19 инфекциякӧд тышын отсӧгысь.
Санкт-Петербургӧ удж серти волігӧн да Коми Республикаса делегациялӧн Петербургса войтыркостса экономика форумын участвуйтігӧн Коми Республикаса Юралысь Владимир Уйба ветліс странаса медся важ инженернӧй научно-исследовательскӧй шӧринӧ — Петр Великӧй нима Санкт-Петербургса политехническӧй университетӧ (СПбПУ).
Владимир Уйба аддзысьліс СПбПУ-са ректоркӧд — Россияса наукаяс академияысь академик Андрей Рудскийкӧд, цифрӧвӧй трансформация серти СПбПУ-са проректор, «Медвыль цифрӧвӧй технологияяс» мирса тшупӧда наука шӧринӧн, «Выль производственнӧй технологияяс» СПбПУ-ын Национальнӧй технологическӧй водзмӧстчӧмлӧн (НТВ) компетенцияяс серти шӧринӧн да СПбПУ-са Инжинирингӧвӧй шӧринӧн (CompMechLab®) юрнуӧдысь Алексей Боровковкӧд, Санкт-Петербургса вице-губернатор Владимир Княгинкӧд, коді кывкутӧ наука, уджӧн могмӧдан да Арктика сӧвмӧдан нырвизь вӧсна, а сідзжӧ СПбПУ-са ректорлӧн административнӧй аппаратӧн юрнуӧдысь Владимир Глуховкӧд да СПбПУ-ын наука удж серти проректор Виталий Сергеевкӧд.
Аддзысьлӧм дырйи сёрнитчисны СПбПУ-ын Медвыль производственнӧй технологияяс институтса специалистъясӧн «Выль производственнӧй технологияяс» нырвизь серти тӧдӧмлунъяс кыпӧдан комплекснӧй уджтас дасьтӧм йылысь.
Уджтасыс кутас кутны тӧд вылын Коми Республикалысь экономика диверсифицируйтан стратегическӧй могъяс, тшӧтш и вылыс технологияа производствояс сӧвмӧдан юкӧнын.
Коми Республикаса организацияясын уджалысьяс вермасны кыпӧдны тӧдӧмлунъяснысӧ мынтысьтӧг.
СПбПУ-са НТВ шӧрин лоӧ Россияын компетенцияяс серти медтӧдчана шӧринӧн, коді уджалӧ «Выль производственнӧй технологияяс» (цифрӧвӧй проектируйтӧм да моделируйтӧм, цифрӧвӧй двӧйникъяс, выль материалъяс, аддитивнӧй технологияяс) нырвизь серти гырысь проектнӧй консорциумын.
Шӧрин лоӧ наука, велӧдан да промышленнӧй организацияяс костын топыд йитӧдъяс кутан инфраструктура подулӧн НТВ рынок вылын да промышленносьтлӧн вылыс технологияа юкӧнъясын аймуса компания-лидеръяслысь вермасьны верманлунсӧ могмӧдӧм могысь.
Казьтыштам, мый Петербургса Политех ошкис «Войвылын олысьяслысь дзоньвидзалун видзан технологияяс» наука да велӧдан шӧрин («ЭКОТЕХ» НВШ) лӧсьӧдӧмсӧ.
Университетӧс петкӧдлысьяс пырисны НВШ-лӧн Видзӧдысь сӧветӧ.
Коми Республикаса Юралысь аттьӧаліс СПбПУ веськӧдлысьясӧс да Алексей Боровковӧс Коми Республикаын COVІD–19 паськалӧмлысь математическӧй прогнознӧй модель лӧсьӧдӧмысь да 2020 вося косму тӧлыссянь ӧнія кадӧдз сійӧс пыр выльмӧдӧмысь.
«Ме шыӧдчи отсӧгла Алексей Иванович дорӧ, кор Коми Республика вӧлі Россия Федерацияса субъектъяс пиын COVІD–19 паськалӧм серти нёльӧдӧн, Москвакӧд пӧшти ӧтвесьтын.
Ме гӧгӧрвои, мый моделируйттӧг, прогнозтӧг ми тайӧс висьӧмсӧ венны огӧ вермӧй.
Алексей Иванович сӧгласитчис.
Став сьӧлӧмсянь аттьӧала Тіянӧс, Алексей Иванович, да Петр Великӧй нима Санкт-Петербургса политехническӧй университетын уджалысьясӧс татшӧм сьӧкыд кадӧ Коми Республикалы ыджыд отсӧгысь», — шуис Владимир Уйба.
Владимир Уйба сетіс Алексей Боровковлы Коми Республикаса Юралысьлысь Аттьӧалӧм регионын коронавирус инфекцияысь ӧлӧдӧм да сыкӧд вермасьӧм серти мероприятиеяс нуӧдӧмын котыртӧм да методика боксянь, наука боксянь отсалӧмысь.
Коми Республикаса Веськӧдлан котыр да СПбПУ сёрнитчисны нуӧдны паськӧдӧм сӧвещание, медым лӧсьӧдны ӧтувъя мероприятиеяслысь туй карта да таво нин пӧртны найӧс олӧмӧ Россияын наука да технология во нуӧдӧмкӧд йитчӧм могъяс серти.
{Kodko (комиӧдіс Обрезкова Н. А.) @ Коми Республикаса ӧткымын олысьлы сетӧма канму наградаяс @ выльтор @ https://rkomi.ru/news/993 @ 2021-06-15 @}
Коми Республикаса ӧткымын олысьлы сетӧма канму наградаяс.
«Коми Республикаса канму наградаяс сетӧм йылысь» Коми Республикаса Юралысьлӧн 2021 во лӧддза-номъя тӧлысь 10 лунся 75 №-а Индӧд
1. Театральнӧй искусство сӧвмӧдӧмӧ да видзӧмӧ ыджыд пай пуктӧмысь, уна вося бур уджысь «Коми Республикаса нимйӧза артист» Коми Республикаса почёт ним сетны
Елена Антоновна Чувьюровалы — драма артистлы, «Коми Республикаса вужвойтырлӧн шылада-драмаа театр» Коми Республикаса канму сьӧмкуд учреждениеын сценаса нуӧдысь мастерлы.
2. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
· Светлана Владимировна Васильевалы — Коми Республикаса йӧзлысь дзоньвидзалун видзан министерстволӧн Медицина отсӧг сетӧмсӧ котыртӧмӧн веськӧдланінын мамъяслы, челядьлы медицина отсӧг сетӧмсӧ да санитарно-курортнӧй бурдӧдӧмсӧ котыртан юкӧнса медыджыд специалист-экспертлы;
· Валентина Андреевна Васюченколы — «Гам» сикт овмӧдчӧминса юралысьлы, Емдін район;
· Зинаида Прокопьевна Доровиковалы — «Юӧр технология шӧрин» Коми Республикаса канму асшӧрлуна учреждениеын республикаса оланпастэчаслысь электроннӧй базаяс нуӧдан юкӧнса начальниклы;
· Надежда Николаевна Изюмскаялы — «В. Т. Чисталёв нима Коми республиканскӧй культура колледж» Коми Республикаса уджсикасӧ велӧдан канму учреждениеын преподавательлы;
· Нина Алексеевна Казаковалы — Коми Республикаса военнӧй комиссариатын (военно-врачебнӧй экспертиза) шӧринса врач-офтальмологлы;
· Лидия Александровна Некучаевалы — Канму удж инспекцияӧн юрнуӧдысьлы — Коми Республикаын удж серти медыджыд канму инспекторлы;
· Валентина Витальевна Пальшиналы — «Челядьлы да том йӧзлы республиканскӧй шӧрин» Коми Республикаса содтӧд тӧдӧмлун сетан канму асшӧрлуна учреждениеын ас му туялан юкӧнса методистлы;
· Борис Владимирович Петровлы — «Неминучаӧ веськалӧмалы медицина отсӧг сетан Коми Республикаса мутас шӧрин» Коми Республикаса канму сьӧмкуд учреждениеын регыдъя медицина отсӧг сетысь медыджыд врачлы;
· Любовь Егоровна Терентьевалы — «Луздор районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениеын поликлиникаса врач-инфекционистлы.
3. Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетны:
· Илона Альбертовна Аливанкиналы — «Консультативно-диагностическӧй шӧрин» Коми Республикаса йӧзлысь дзоньвидзалун видзан канму асшӧрлуна учреждениеын медыджыд медицинскӧй сестралы;
· Екатерина Африкановна Анчслы — «Сыктывкарса республиканскӧй психоневрологическӧй интернат» Коми Республикаса канму сьӧмкуд учреждениеын 1 №-а Милосердие юкӧнса шӧр медицинскӧй сестралы;
· Светлана Ивановна Бахтиналы — «Койгорт районса шӧр больнича» Коми Республикаса йӧзлысь дзоньвидзалун видзан канму учреждениеса рентгенолаборантлы;
· Андрей Владимирович Выборовлы — «АгроСпецМеханика» ичӧт кывкутана котырса медыджыд директорлы, Сыктывкар;
· Ольга Михайловна Голованьлы — «Сыктывкарса республиканскӧй психоневрологическӧй интернат» Коми Республикаса канму сьӧмкуд учреждениеын социальнӧй удж серти специалистлы;
· Оксана Димитриевна Гриценколы — «Ухта» кар кытшса муниципальнӧй юкӧнын «А. Я. Кремслӧн кабинет-музейӧн история да ас му туялан музей» муниципальнӧй учреждениеса директорлы;
· Эльвира Николаевна Губницыналы — «Сыктывкарса республиканскӧй психоневрологическӧй интернат» Коми Республикаса канму сьӧмкуд учреждениеын медицинскӧй сестралы;
· Татьяна Петровна Есевалы — «Сыктывкарса республиканскӧй психоневрологическӧй интернат» Коми Республикаса канму сьӧмкуд учреждениеын медицинскӧй сестралы;
· Раиса Питиримовна Калашниковалы — «Сыктывкарса республиканскӧй психоневрологическӧй интернат» Коми Республикаса канму сьӧмкуд учреждениеын медыджыд медицинскӧй сестралы;
· Елена Николаевна Котельниковалы — «Сыктывкар» кар кытшса муниципальнӧй юкӧнлӧн Эжва районса администрацияын муниципальнӧй эмбурӧн да муӧн вӧдитчӧмӧн веськӧдлӧм серти юкӧнӧн заведуйтысьлы;
· Валентина Анатольевна Лубянкиналы — «Сыктывкарса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениелӧн Олысьясӧс социальнӧя доръян мутас шӧринын адреснӧй отсӧг сетан юкӧнса начальниклы;
· Ирина Александровна Макагонюклы — Коми Республикаса Юралысьлӧн Администрацияын Канму гражданскӧй службаӧн веськӧдланінса начальникӧс вежысьлы;
· Ольга Анатольевна Медведевалы — «Коми Республикаса культура, туризм да архив удж министерстволысь удж могмӧдан шӧрин» Коми Республикаса канму казённӧй учреждениеса директорлы;
· Татьяна Алексеевна Милюковалы — «Неминучаӧ веськалӧмалы медицина отсӧг сетан Коми Республикаса мутас шӧрин» Коми Республикаса канму сьӧмкуд учреждениеын регыдъя медицина отсӧг сетысь медыджыд врачлы;
· Валентина Алексеевна Мишариналы — «Кӧрткерӧс районса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениеса директорӧс вежысьлы — мутас шӧринӧн заведуйтысьлы;
· Татьяна Николаевна Платолы — «Торйӧн ёна видзан вӧр-ва мутасъяслысь уджалӧм да вӧр-ваӧн вӧдитчӧм могмӧдан республиканскӧй шӧрин» Коми Республикаса канму сьӧмкуд учреждениеса директорӧс вежысьлы;
· Ольга Борисовна Покатовичлы — «Инта» кар кытшса муниципальнӧй юкӧнлӧн администрацияын ӧтувъя юкӧнӧн заведуйтысьлы;
· Светлана Борисовна Потоцкаялы — «Сыктывкарса республиканскӧй психоневрологическӧй интернат» Коми Республикаса канму сьӧмкуд учреждениеын удж серти инструкторлы;
· Аурика Андреевна Пунеговалы — «Луздор районса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениелӧн котыртан да консультация сетан отделениеын социальнӧй удж серти специалистлы;
· Евгения Николаевна Рогозиналы — Харъягаса фельдшер-акушер пунктӧн заведуйтысьлы — «Чилимдін районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениеса фельдшерлы;
· Ирина Владимировна Рыбиналы — «Сыктывкарса олысьясӧс уджӧн могмӧдан шӧрин» Коми Республикаса канму учреждениеса директорлы;
· Татьяна Павловна Трофимовалы — «Луздор районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениелӧн челядьлы отделениеын палатаса медицинскӧй сестралы;
· Наталья Витальевна Черниковалы — «Сыктывкарса республиканскӧй психоневрологическӧй интернат» Коми Республикаса канму сьӧмкуд учреждениеын врач-невропатологлы;
· Анатолий Васильевич Чиканчилы — Анатолий Чиканчилӧн Бурвӧчан Фондса президентлы;
· Артем Львович Чичкаревлы — «Республиканскӧй Творчество керка» Коми Республикаса канму сьӧмкуд учреждениелӧн прикладнӧй да художественнӧй удж нуӧдысь секторын творчество жанръяс серти 1 категорияа специалистлы;
· Галина Николаевна Ястребовалы — «Клиническӧй кардиологическӧй диспансер» Коми Республикаса канму учреждениелӧн функциональнӧй диагностика отделениеын функциональнӧй диагностикаса врачлы.
{Kodko (комиӧдіс Обрезкова Н. А.) @ Игорь Булатов сетіс Коми Республикаса медицина уджалысьяслы канму наградаяс @ выльтор @ https://rkomi.ru/news/996 @ 2021-06-17 @}
Игорь Булатов сетіс Коми Республикаса медицина уджалысьяслы канму наградаяс.
Кыпыд церемонияыс вӧлі талун, лӧддза-номъя тӧлысь 17 лунӧ, Коми Республикаса Юралысьлӧн Администрацияса Ыджыд залын.
Владимир Уйба нимсянь Коми Республикаса Веськӧдлан котырӧн Юрнуӧдысь Медводдза вежысь Игорь Булатов чолӧмаліс медицина уджалысьясӧс локтан уджсикас гажӧн, сетіс канму да республикаса наградаяс да отличие пасъяс.
Медводдза вице-премьер аттьӧаліс медицинаын уджалысьясӧс донъявны позьтӧм уджысь, пандемия дырйи героизмысь да республикаса олысьяслы бур вылӧ быдлунъя уджысь.
«Республикаса Юралысь Владимир Викторович Уйба корис висьтавны, мый ми кутам быд ног отсавны йӧзлысь дзоньвидзалун видзан юкӧнлы, бурмӧдны оборудование, уджалан условиеяс, сетны сьӧма отсӧг да вӧчны йӧзлысь, кодъяс тышкасьӧны республикаса йӧзлӧн дзоньвидзалун вӧсна, олӧмсӧ тыр-бурӧн», — юӧртіс Игорь Булатов.
* * *
Россия Федерацияса Президентлӧн Индӧдӧн коронавирус инфекциякӧд тышӧ ыджыд пай пуктӧмысь, йӧз вӧсна тӧждысьӧмысь да уджсӧ зэв бура тӧдӧмысь, мый тӧдчис врачлысь кывкутана мог олӧмӧ пӧртігӧн, Пирогов нима орден сетӧма:
· Оксана Васильевна Даниловалы — «Луздор районса шӧр больнича» канму учреждениелӧн Летка районса больничаын медицинскӧй сестралы (кувсьӧм бӧрас)
Орденсӧ сетісны Оксана Васильевналӧн бать-мамлы — Василий Прокопьевич да Галина Григорьевна Рубцовъяслы
· Татьяна Владимировна Коржавиналы — «Печора районса шӧр больнича» канму учреждениеса врач-инфекционистлы;
· Вероника Олеговна Орловалы — «Коми республиканскӧй клиническӧй больнича» канму сьӧмкуд учреждениеса врач-эпидемиологлы;
· Владислав Иванович Полежаевлы — «Усинск районса шӧр больнича» канму учреждениеса участковӧй врач-терапевтлы;
йӧзлысь дзоньвидзалун видзан юкӧнын заслугаясысь да уна вося бур уджысь «Айму водзын заслугаясысь» ІІ степеня орденлысь медаль сетӧма
· Леонид Андреевич Пиникерлы — «Сыктывкарлӧн 1 №-а карса больнича» канму учреждениеса врачлы;
«Россия Федерацияса нимӧдана врач» почёт ним сетӧма:
· Владимир Викторович Катковлы — «Вуджан висьӧмысь бурдӧдан республиканскӧй больнича» канму учреждениеса юралысь врачлы;
· Константин Петрович Логунколы — «Ухтаын мутаскостса кага чужтан керка» канму учреждениеса отделениеӧн заведуйтысьлы;
· Игорь Вадимович Новиковлы — «Ухта карса 1 №-а больнича» канму учреждениеса отделениеӧн заведуйтысьлы;
· Николай Васильевич Терентьевлы — «Ухтаын мутаскостса кага чужтан керка» канму учреждениеса отделениеӧн заведуйтысьлы;
йӧзлысь дзоньвидзалун видзан юкӧнын заслугаясысь да уна вося бур уджысь «Россия Федерацияса йӧзлысь дзоньвидзалун видзан юкӧнын нимӧдана уджалысь» почёт ним сетӧма
· Александра Алексеевна Штефанскаялы — «Койгорт районса шӧр больнича» канму учреждениелӧн Зимовка посёлокын фельдшер-акушер пунктӧн заведуйтысьлы.
Россия Федерацияса Президентлӧн тшӧктӧмӧн йӧз вӧсна тӧждысьӧмысь да уджсӧ бура тӧдӧмысь, мый тӧдчис коронавирус инфекциякӧд тышын, Россия Федерацияса Президентлысь Почёт грамота сетӧма:
· Юлия Михайловна Башлыковалы — «Сыктывкарлӧн 3 №-а карса поликлиника» канму учреждениеса врачлы;
· Валентина Васильевна Кожокарьлы — «Сыктывкарлӧн 3 №-а карса поликлиника» канму учреждениеса врачлы;
· Мария Александровна Синайскаялы — «Сыктывкарлӧн 3 №-а карса поликлиника» канму учреждениеса отделениеӧн заведуйтысьлы;
йӧзлысь дзоньвидзалун видзан юкӧнын заслугаясысь да уна вося бур уджысь Россия Федерацияса Президентлысь Почёт грамота сетӧма
· Магомедхабиб Рамазанович Рамазановлы — «Ухта карса 1 №-а больнича» канму учреждениеса юралысь врачлы;
йӧз вӧсна тӧждысьӧмысь да уджсӧ бура тӧдӧмысь, мый тӧдчис коронавирус инфекциякӧд тышын, Россия Федерация Президентсянь Аттьӧалӧм сетӧма:
· Елена Владимировна Анисимовалы — «Сыктывкарлӧн 3 №-а карса поликлиника» канму учреждениеса шӧр медицинскӧй сестралы;
· Артур Сергеевич Башиковлы — «Ухта карса 1 №-а больнича» канму учреждениеса врачлы;
· Татьяна Валентиновна Горбуновалы — «Сыктывкарлӧн 3 №-а карса поликлиника» канму учреждениеса врачлы;
· Елена Анатольевна Калимовалы — «Сыктывкарлӧн 3 №-а карса поликлиника» канму учреждениеса шӧр медицинскӧй сестралы;
· Евгения Всеволодовна Катаевалы — «Коми республиканскӧй клиническӧй больнича» канму учреждениеса шӧр медицинскӧй сестралы;
· Надежда Николаевна Литвиналы — «Сыктывкарлӧн 3 №-а карса поликлиника» канму учреждениеса врачлы;
· Анастасия Андреевна Лукашиклы — «Сыктывкарлӧн 3 №-а карса поликлиника» канму учреждениеса врачлы;
· Андрей Витальевич Мушинскийлы — «Сыктывкарлӧн 3 №-а карса поликлиника» канму учреждениеса врачлы;
· Наталья Николаевна Патраковалы — «Сыктывкарлӧн 3 №-а карса поликлиника» канму учреждениеса медицинскӧй сестралы;
· Александр Рюрикович Подгорнихлы — «Луздор районса шӧр больнича» канму учреждениелӧн Летка районса больничаын врачлы;
· Александр Валентинович Сученковлы — «Сыктывкарлӧн 3 №-а карса поликлиника» канму учреждениеса врачлы;
· Людмила Ивановна Телегиналы — «Сыктывкарлӧн 3 №-а карса поликлиника» канму учреждениеса шӧр медицинскӧй сестралы;
· Лидия Александровна Худяевалы — «Луздор районса шӧр больнича» канму учреждениеса юралысь врачӧс вежысьлы;
· Владимир Александрович Шамаховлы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениеса врачлы;
регыдъя медицина отсӧг сетігӧн уджсӧ бура вӧчӧмысь да уна вося бур уджысь Россия Федерация Президентсянь Аттьӧалана гижӧд сетӧма:
· Алексей Петрович Захаровлы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениеын автомашинаса водительлы;
· Николай Васильевич Шехонинлы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениеын автомашинаса водительлы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
· Светлана Владимировна Васильевалы — Коми Республикаса йӧзлысь дзоньвидзалун видзан министерстволӧн Медицина отсӧг сетӧмсӧ котыртӧмӧн веськӧдланінын юкӧнса медыджыд специалист-экспертлы;
· Любовь Егоровна Терентьевалы — «Луздор районса шӧр больнича» канму учреждениеса врач-инфекционистлы;
Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
· Татьяна Алексеевна Милюковалы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениеын регыдъя медицина отсӧг сетысь медыджыд врачлы;
· Татьяна Павловна Трофимовалы — «Луздор районса шӧр больнича» канму учреждениеын палатаса медицинскӧй сестралы;
· Галина Николаевна Ястребовалы — «Клиническӧй кардиологическӧй диспансер» канму учреждениеын функциональнӧй диагностикаса врачлы.
Коми Республикаса Юралысьлӧн тшӧктӧмӧн йӧзлысь дзоньвидзалун видзан юкӧнын заслугаясысь да уна вося бур уджысь «Коми Республикаса почёта врач» ним сетӧма:
· Фирдаус Камиловна Аминовалы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениеын регыдъя медицина отсӧг сетысь медыджыд врачлы, Ухта кар;
· Елизавета Ивановна Броваровалы — «Коми республиканскӧй психиатрическӧй больнича» канму учреждениеса врач-неврологлы;
· Людмила Михайловна Маменчиковалы — «Инта карса шӧр больнича» канму учреждениеса участковӧй врач-фтизиатрлы.
«Коми Республикаса йӧзлысь дзоньвидзалун видзан юкӧнын почёта уджалысь» ним сетӧма:
· Ольга Леонидовна Анохиналы — «Коми республиканскӧй психиатрическӧй больнича» канму учреждениеса логопедлы;
· Лидия Николаевна Беляковалы — «Сыктывдін районса шӧр больнича» канму учреждениелӧн Зеленечса врачебнӧй амбулаторияын акушеркалы;
· Гульгура Азанджановна Гарюшиналы — «Инта карса шӧр больнича» канму учреждениеын физиотерапия серти медицинскӧй сестралы;
· Галина Адамовна Макаровалы — «Коми республиканскӧй психиатрическӧй больнича» канму учреждениеын палатаса медицинскӧй сестралы;
· Зинаида Петровна Остапчуклы — «Инта карса шӧр больнича» канму учреждениеын операционнӧй медицинскӧй сестралы.
Коми Республикаса Юралысьлӧн тшӧктӧмӧн уджсикасын ыджыд кужанлунысь да Коми Республикалы бур вылӧ зіля уджалӧмысь «Уджсикасын медбур» Коми Республикаса почёт пӧв вылӧ портрет ӧшӧдӧм йылысь свидетельство сетӧма
· Венера Викторовна Бушеневалы — «Удора районса шӧр больнича» канму учреждениелӧн Пыисдінса врачебнӧй амбулаторияын акушеркалы;
йӧзлысь дзоньвидзалун видзан юкӧнын заслугаясысь да уна вося бур уджысь Коми Республикаса Юралыссянь дона козин сетӧма
· Светлана Алексеевна Двойнишниковалы — Абезь грездса фельдшер-акушер пунктӧн заведуйтысьлы — «Инта карса шӧр больнича» канму учреждениеса фельдшерлы.
Коми Республикаса Юралыссянь Аттьӧалӧм сетӧма:
· Валентина Николаевна Казаковалы — «Республиканскӧй врачебно-физкультурнӧй диспансер» канму учреждениелӧн бурдӧдан физкультура да медицинскӧя реабилитируйтан отделениеын бурдӧдан физкультура серти инструкторлы;
· Марина Алексеевна Латыповалы — «Туберкулёзысь бурдӧдан республиканскӧй диспансер» канму учреждениеса участковӧй врач-фтизиатрлы;
· Надежда Николаевна Пономаревалы — «Туберкулёзысь бурдӧдан республиканскӧй диспансер» канму учреждениеса отделениеӧн заведуйтысьлы, участковӧй врач-фтизиатрлы.
{Kodko (комиӧдіс Обрезкова Н. А.) @ Комиын 2021 вося сора тӧлысь 30 лунӧдз нюжӧдісны уна йӧза культурнӧй, зрелищнӧй да спортивнӧй мероприятиеяс нуӧдӧм серти дзескӧдан мераяс @ выльтор @ https://rkomi.ru/news/998 @ 2021-06-18 @}
Комиын 2021 вося сора тӧлысь 30 лунӧдз нюжӧдісны уна йӧза культурнӧй, зрелищнӧй да спортивнӧй мероприятиеяс нуӧдӧм серти дзескӧдан мераяс.
Оз на позь уджавны войын уджалысь клубъяслы (дискотекаяслы).
Лӧсялана вежсьӧмъяссӧ пыртӧма «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ.
Таысь кындзи, 2021 вося лӧддза-номъя тӧлысь 21 лунсянь шуӧма тыртны концертнӧй, театральнӧй да кинозалъяссӧ став местасьыс 50 прӧчентысь абу унджык.
Удж сетысьяслы вӧзйӧма вуджӧдны 30% уджалысьсӧ, а сідзжӧ 65 арӧса да арлыдаджык уджалысьяссӧ дистанционнӧя уджалан режим вылӧ.
* * *
Вакцинация отсӧгӧн позьӧ кокньыда да дон босьттӧг видзны асьнытӧ да матыссаяснытӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Коми Республикаса йӧзлысь дзоньвидзалун видзан министерстволӧн контакт-шӧрин пыр 8–800–550–0000 номер кузя дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Медицина уджалысьлӧн лунӧн @ выльтор @ https://rkomi.ru/news/1000 @ 2021-06-20 @}
Коми Республикаса Юралысь чолӧмалӧ Медицина уджалысьлӧн лунӧн.
«Йӧзлысь дзоньвидзалун видзан юкӧнын пыдди пуктана уджалысьяс да ветеранъяс!
Дона ёртъяс!
Чолӧмала тіянӧс уджсикас гажӧн — Медицина уджалысьлӧн лунӧн!
Медицина — тайӧ торъя туй, кӧні абу тырмымӧн сӧмын уна тӧдны да кужны.
Тайӧ служитӧм, мог, оланног.
Тайӧ ыджыд кывкутӧм, уджсикас бура тӧдӧм да йӧз дой кылӧм.
Коми Республикаын — 15 сюрсысь унджык медицина уджалысь.
Тайӧ йӧз, кодъяс сетісны асьнысӧ йӧзлысь дзоньвидзалун да олӧм видзӧмлы.
2020 да 2021 воясӧ тіян пельпомъяс вылӧ водіс сьӧкыдтор — выль коронавирус инфекциякӧд тыш.
Ті и талун ассьыныд олӧм да дзоньвидзалун жалиттӧг водзӧ уджаланныд, мезданныд йӧзӧс COVID–19 висьӧмысь.
Уджсикас гаж лунӧ аттьӧала тіянӧс сьӧкыд уджысь, йӧз вӧсна тӧждысьӧмысь да ассьыныд олӧм уджлы сиӧмысь.
Торъя ыджыд аттьӧ юкӧнса ветеранъяслы, ыджыд вермӧмъяс налы, кодъяс кӧсйӧны сетны асьнысӧ бурдӧдан уджлы — медицина вузъясын да колледжъясын велӧдчысьяслы.
Сиа йӧзлысь дзоньвидзалун видзан юкӧнса уджалысьяслы да ветеранъяслы крепыд дзоньвидзалун, вермӧмъяс, семьяпытшса да уджвывса лад, бырлытӧм вын да тыр-бур олӧм!»
Коми Республикаса Юралысь В. В. Уйба.
{Kodko (комиӧдіс Обрезкова Н. А.) @ Коми Республикаса власьт да «Руститан» холдинг ӧткодялісны ассьыныс видзӧдласъяснысӧ Пижмаса куйлӧдын горно-металлургическӧй комплекс лӧсьӧдӧм серти @ выльтор @ https://rkomi.ru/news/1004 @ 2021-06-21 @}
Коми Республикаса власьт да «Руститан» холдинг ӧткодялісны ассьыныс видзӧдласъяснысӧ Пижмаса куйлӧдын горно-металлургическӧй комплекс лӧсьӧдӧм серти.
Комиын удж серти аддзысьлісны Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов да «РУСТИТАН» компанияяслӧн группаӧн веськӧдлысьяс.
Сёрнитісны Россияса Арктика зона сӧвмӧдан стратегия збыльмӧдӧм могысь Пижмаса куйлӧдын титанӧвӧй рудаяс да кварца (стеклӧа) лыаяс переработайтан горно-металлургическӧй комплекс лӧсьӧдӧм йылысь.
Пижмаса куйлӧдысь титанӧвӧй рудаяс да стеклӧ лыаяс перъян проектсӧ да сылӧн подув вылын горно-металлургическӧй комплекс лӧсьӧдӧмсӧ пыртӧма 2035 воӧдз кадколаст вылӧ Россия Федерацияса Арктика зона сӧвмӧдан да национальнӧй безопасносьт могмӧдан стратегияӧ, мый вынсьӧдӧма Россияса Президентлӧн индӧдӧн, да 2035 воӧдз кадколаст вылӧ Коми Республикаӧс социальнӧй да экономика боксянь сӧвмӧдан стратегияӧ, мый вынсьӧдӧма Коми Республикаса Веськӧдлан котырлӧн шуӧмӧн.
«Проектыс водзӧ вылӧ лача сетысь, — тӧдчӧдіс Игорь Булатов.
— Коми Республикалы колӧны буретш татшӧм ыджыд, технологичнӧй, инновационнӧй проектъяс, кутшӧмъяс сетӧны позянлун содтыны промышленнӧй производстволысь сӧвман ӧдсӧ, медым социальнӧй да экономика боксянь сӧвмӧдны миянлысь регион да Россияса Арктика зона.
«РУСТИТАН» компанияяслӧн группаса президент Анатолий Ткачук юӧртіс инвестиция проект збыльмӧдӧмлӧн ӧнія тшупӧд йылысь.
«Ми нуӧдам ыджыд удж проект збыльмӧдан быд нырвизьын, дасьтам сёрнитчӧмъяс лоны вермана уджъёртъяскӧд да дасьӧсь бурмӧдны Коми Республикакӧд ӧтувъя удж став юалӧм серти, кутшӧмӧс колӧ видлавны быд боксянь», — шуис Анатолий Ткачук.
«РУСТИТАН» компанияяслӧн группаса медыджыд директор Алексей Новиков висьталіс, мый компания сӧвмӧдан стратегияӧ пырӧ и коризлӧн Бельгопса да из совлӧн Сереговса куйлӧдъяс подув вылын химическӧй комплекс кыпӧдӧм. Тайӧ сетас позянлун лӧсьӧдны солянӧй кислота, сода, хлор да кориз производство. Тайӧ вӧчӧмторъясыс ковмасны Пижмаса да Ярегаса титанӧвӧй рудаяс бурмӧдӧм да водзӧ вежӧм вылӧ.
«Комиын эмӧсь из совлӧн да коризлӧн ыджыд куйлӧдъяс. Найӧ вермасны могмӧдны миянӧс став колана реагентъяснас, кутшӧмъясӧн кутасны вӧдитчыны оз сӧмын миян технологическӧй циклын, но и кутшӧмъясӧс кутасны нуны аймуын да суйӧр сайын наӧн вӧдитчысьяслы. И Пижмаса куйлӧд перйигӧн лоӧ лӧсьӧдӧма экспорт вылӧ лӧсялысь асшӧр химическӧй производство», — висьталіс Алексей Новиков.
Тӧдчанаӧн лои Сосногорсксянь «Индига» саридзса джуджыд портӧдз кӧрт туй нюжӧдӧм йылысь сёрни.
Тайӧ магистральыс лоӧ медшӧр инфраструктура проектӧн Россия Федерацияса Арктика зонаын.
Коми Республикаын да Ненеч асвеськӧдлан кытшын кӧрт туй нюжӧдӧмыс сетас водзӧ вылӧ ыджыд лача выль инфраструктура стрӧитӧмӧ инвестицияяс вылӧ да му пытшкӧсӧн вӧдитчан да вӧр промышленносьт юкӧнын гырысь проектъяс збыльмӧдӧм вылӧ.
«Коми Республикаса Юралысь Владимир Викторович Уйбалӧн тшӧктӧм серти регионса Экономика сӧвмӧдан да промышленносьт министерство дасьтіс 2021–2025 вояс вылӧ Коми Республикалысь экономика диверсифицируйтан план, кытчӧ ми пыртім Сосногорск — Индига кӧрт туй стрӧитӧм.
Ӧні тайӧ плансӧ видлалӧ став федеральнӧй олӧмӧ пӧртысь власьт орган, а тайӧ дасысь унджык федеральнӧй ведомство.
Чайтам, мый Россия Федерацияса Веськӧдлан котыр вынсьӧдас сійӧс, да сійӧ лоӧ проект збыльмӧдӧмын содтӧдӧн», — юӧртіс Коми Республикаса экономика сӧвмӧдан да промышленносьт министр Эльмира Ахмеева.
Войтыркостса уджъёртасьӧм сӧвмӧдӧм боксянь веськӧдлан котыръясӧн юралысьяслысь пырся аддзысьлӧмъяс дасьтысь Российско-Китайскӧй комиссиялӧн удж серти, пасйӧма «РУСТИТАН» КГ да цветнӧй металлургия серти китайса войтыркостса инженерно-стрӧительнӧй котыр (NFC) костын проект збыльмӧдан да сылӧн подув вылын национальнӧй горнопромышленнӧй кластер (НГПК) лӧсьӧдан юалӧмъяс серти удж.
«Ми зэв бура гӧгӧрвоам ӧта-мӧдӧс войтыркостса инвестицияяс, технологическӧй уджъёртӧс кыскӧм да дась вӧчӧмторъяс войтыркостса рынокъяс вылын иналӧм серти», — шуис Анатолий Ткачук.
Кывкӧртӧд пыдди лои сёрнитчӧма матысса кадӧ нуӧдны сӧвещание выль инновация проектъяс збыльмӧдӧм могысь национальнӧй горнопромышленнӧй кластерлы инфраструктура лӧсьӧдӧм серти.
* * *
Титанлысь Пижмаса куйлӧдсӧ вӧлі аддзӧма колян нэмся 60-ӧд воясӧ да сувтӧдӧма канму баланс вылӧ Коми Республикалы 100 во тыригкежлӧ. Тайӧ лои РУСТИТАН-лӧн федеральнӧй наука-туялан институтъяскӧд да предприятиеяскӧд — «Аэрогеология» ФКӦНПП, «ВИМС» ФКСУ, «ВСЕГЕИ» ФКСУ, «ИМГРЭ» ФКСУ, РНА ИГЕМ да РНА ИМЕТ — 10 вося геологоразведочнӧй да туялана уджъяс серти кывкӧртӧдӧн.
Мупытшса озырлун видзас серти канму комиссия вынсьӧдіс видзассӧ 300,4 млн тонна титанӧвӧй руда да 345 млн тонна стеклӧа лыа чиръя из мындаын. А сідзжӧ вӧлі донъялӧма водзӧ вылӧ ресурсъяс лицензияа площадь серти. Найӧ артмӧдісны 1012,5 млн тонна титанӧвӧй руда либӧ 42,8 миллион тонна титан диоксид.
Коми Республикаын чукӧрмӧма титанлӧн да кварцлӧн мирын медыджыд ресурсъяс, мый урчитӧ регионлысь кыдз минеральнӧй сырьё перйӧм серти да промышленносьтлысь быдсяма отрасль могмӧдӧм могысь титан да кварц диоксидъяс подув вылын бур продукция сыысь вӧчысь мирса шӧринлысь аскиа лунсӧ.
Производство продукциялӧн шӧр сикасъяс — ёна пористӧй рутиллӧн да псевдорутиллӧн концентратъяс, циркон, титанлӧн пигментнӧй диоксид, титанӧвӧй губка, аддитивнӧй технологияяслы (3D печать) титан пызь, синтетическӧй игольчатӧй волластонит, керамика да полимеръяс, экология боксянь сӧстӧм стрӧитчан материалъяс вӧчӧм вылӧ калитӧм кварцевӧй лыаяс.
{Kodko (комиӧдіс Обрезкова Н. А.) @ Коми Республика став Россиякӧд ӧттшӧтш чӧв олыштас @ выльтор @ https://rkomi.ru/news/1003 @ 2021-06-21 @}
Коми Республика став Россиякӧд ӧттшӧтш чӧв олыштас.
Лӧддза-номъя тӧлысь 22 лунӧ Коми Республика, кыдз и став Россия, пасйӧ Казьтылан да шогалан лун — Айму вӧсна Ыджыд тыш пансян лун.
Тайӧ лунӧ Россияса войтыр шогалӧны ӧти аймуын чужӧм йӧз вӧсна, кодъяс усины 1941–1945 воясся Айму вӧсна Ыджыд тышын да ассьыныс олӧм сетӧмӧн дорйисны Чужан му.
12 час 15 минутӧ Россияса став регионын ӧти кадӧ лоӧ чӧв олан минут.
Буретш тайӧ кадас 80 во сайын эфирӧ петіс сӧвет муын олысьяс дорӧ Германиялӧн уськӧдчӧм йылысь шыӧдчӧм.
Казьтылан да шогалан лункӧд йитчӧм шӧр проектъясысь ӧтикӧн лоӧ «Свеча Памяти» ставроссияса акция.
2020 волысь — Казьтылан да слава волысь — традиция водзӧ нуӧдӧмӧн 2021 воӧ акцияыс тшӧтш мунас онлайн.
Ставӧн вермасны пырӧдчыны ставвойтырсикаса Казьтылан да шогалан лун пасйӧмӧ — ӧзтыны виртуальнӧй сисьяс деньпамяти.рф сайтын война вылын усьӧмаясӧс казьтыштӧм могысь.
Акциялӧн оператор «ПАМЯТЬ ПОКОЛЕНИЙ» бурвӧчан фонд вичмӧдас сы мында сьӧм, мыйта сись кутас ӧзйыны, да ыстас тайӧ сьӧмсӧ ветеранъяслы специализированнӧй медицина отсӧг сетӧм вылӧ.
{Kodko (комиӧдіс Обрезкова Н. А.) @ Казьтылан да шогалан лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1005 @ 2021-06-22 @}
Казьтылан да шогалан лункӧд йитӧдын Коми Республикаса Юралысьлӧн шыӧдчӧм.
«Коми Республикаса пыдди пуктана олысьяс!
Лӧддза-номъя тӧлысь 22 лун — жугыль да шог лун миян страналӧн историяын.
80 во сайын фашистскӧй Германия уськӧдчис СССР-са каръяс, военнӧй да стратегическӧй объектъяс вылӧ.
Тадзи заводитчис Айму вӧсна Ыджыд тыш, да муніс сійӧ 1418 лун да нуис 27 миллион соотечественниклысь олӧм.
Та мыйта мортӧс воштӧмыс колис йӧзлӧн паметьын бурдлытӧм дой, и ӧнӧдз на курыд йӧлӧгаӧн кылӧ дойыс быд сьӧлӧмын, быд семьяын.
Сӧветскӧй войтыр дорйис Аймунымӧс олӧм жалиттӧг.
Ӧтувтчӧм, смеллун да чужан му дорӧ муслун отсалісны венны вӧрӧгӧс тайӧ медся вир кисьтана да чорыд войнаас.
Казьтылан да шогалан лунӧ ми казьтылам тышын усьӧмаясӧс, фашистскӧй лагеръясын кувтӧдз мучитӧмъясӧс, тылын тшыгысь кулӧмаясӧс.
Ми шогалам став вӧснаыс, кодъяс ассьыныс олӧм сетӧмӧн пӧртісны олӧмӧ вежа мог.
Югыд паметь усьӧм геройяслы.
Муӧдз копыр миян дона ветеранъяслы, кодъяс эз сетны вӧрӧгъяслы странанымӧс, мездісны мир фашизмысь, козьналісны миянлы ӧтсӧгласа олӧм.
Ми пыр кутам нимкодясьны тіян повтӧмлунӧн, тіян пример вылын кутам быдтыны челядьӧс, кутам видзны историческӧй паметьсӧ да висьтавны сы йылысь челядьлы да внукъяслы».
Коми Республикаса Юралысь В. В. Уйба.
{Kodko (комиӧдіс Обрезкова Н. А.) @ Лариса Карачёва: «Талун ми казьтылам найӧс, кодъяс сувтісны дорйыны Чужан му» @ выльтор @ https://rkomi.ru/news/1007 @ 2021-06-22 @}
Лариса Карачёва: «Талун ми казьтылам найӧс, кодъяс сувтісны дорйыны Чужан му».
Коми Республикаса Веськӧдлан котырӧн Юрнуӧдысьӧс вежысьяс Лариса Карачёва да Дмитрий Самоваров, Коми Республикаса Юралысьлӧн Администрацияӧн юрнуӧдысь Игорь Божков пырӧдчисны Казьтылан да шогалан лунлы сиӧм мероприятиеясӧ.
Фашизмысь Айму дорйысьяслысь подвигсӧ да повтӧмлунсӧ, асьнысӧ жалиттӧмсӧ да лов вынсӧ казьтыштісны Сыктывкарын «Куслытӧм би» мемориал да «Шогсьысь воин» памятник дорӧ дзоридзьяс пуктӧмӧн.
Чукӧртчӧмаяс чӧв олыштӧмӧн казьтыштісны найӧс, кодъясӧс нуис война.
Лариса Карачёва восьтіс «Ми — страналӧн армия. Ми — войтырлӧн армия» тематическӧй поезд паныдалан кыпыд церемония. Поездыс воис Сыктывкарӧ лӧддза-номъя тӧлысь 22 лунӧ.
Составсӧ паныдалісны военнӧй оркестр, кадетскӧй да юнармейскӧй ӧтмунӧмӧс, республикалӧн юркарса национально-культурнӧй автономияясӧс петкӧдлысьяс.
· Тӧдчана, мый буретш талун ми паныдалам тайӧ поездсӧ, коді прӧйдитіс нин кузь туй Россияті.
Поездлӧн экспозицияясыс висьталӧны миян страналӧн героическӧй лист бокъяс йылысь, петкӧдлӧны Вооружённӧй Вынъяслысь выль вермӧмъяссӧ, юнармейскӧй ӧтмунӧмлысь сӧвмӧмсӧ да, дерт, пандемия кадӧ военнӧй медикъяслысь уджсӧ.
Тайӧ — миян гордосьт да миян вын.
Тайӧ миян страналӧн да миян челядьлӧн аскиа лун вӧсна кывкутӧм йылысь казьтыштӧм, — пасйис Лариса Карачёва.
Ветлӧдлан экспозициякӧд тайӧ лунӧ тӧдмасисны сыктывкарса школаясын велӧдчысьяс: юнармейскӧй ӧтмунӧмса водзмӧстчысьяс, кадетъяс.
Найӧ видзӧдлісны тематическӧй вагонъяс: «Паметь туй», кӧні сувтӧдӧма Айму вӧсна Ыджыд тышса ветеранъяс йылысь юӧртан терминалъяс, да «Тыдавтӧм вӧрӧгӧс вермӧм» — военнӧй медикъяслӧн ковидкӧд тышӧ пуктӧм пай йылысь.
Восьса платформаяс вылын позьӧ вӧлі тӧдмасьны медся выль военнӧй техникаӧн.
* * *
Патриотическӧй поездлӧн мунӧмыс пырӧ «Ми — страналӧн армия. Ми — войтырлӧн армия» акцияӧ. Сійӧ мунӧ 2021 вося косму тӧлысь 25 лунсянь лӧддза-номъя тӧлысь 27 лунӧдз Москва — Севастополь — Владивосток — Москва маршрутӧд.
{Kodko (комиӧдіс Обрезкова Н. А.) @ Коми Республикаса Веськӧдлан котыр да «Газпром межрегионгаз» сёрнитісны шоныдӧн могмӧдысь организацияяслӧн уджйӧз йылысь @ выльтор @ https://rkomi.ru/news/1008 @ 2021-06-23 @}
Коми Республикаса Веськӧдлан котыр да «Газпром межрегионгаз» сёрнитісны шоныдӧн могмӧдысь организацияяслӧн уджйӧз йылысь.
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов нуӧдіс регионса шоныдӧн могмӧдысь организацияяслӧн «Газпром межрегионгаз Ухта» ичӧт кывкутана котыр водзын биаруысь уджйӧз серти сӧвещание.
«Заводитчис выль ломтысян кадколаст кежлӧ дасьтысьӧм, — пасйис Игорь Булатов.
— Медым биарусӧ водзӧ сетны торкалӧмъястӧг, колӧ примитны олан фондса да социальнӧй юкӧнса объектъяс могмӧдан став мерасӧ».
«Газпром межрегионгаз» ичӧт кывкутана котырлӧн Социальнӧй вӧдитчысьяскӧд артасьӧм бӧрся видзӧдӧмӧн веськӧдланінса начальник Александр Фролов индіс, мый колӧ лӧсьӧдны артмӧм ситуацияысь петан план да уджйӧз бырӧдан график.
«Выль ӧдӧн мунӧ канмуӧн юралысьлӧн тшӧктӧмъяс серти странаӧс биаруӧн могмӧдан уджтасыс, та вӧсна колӧ эськӧ уджйӧзсӧ вештыны биаруӧн могмӧдан ӧнія тшупӧд вылын, а ӧні сійӧ 50 прӧчентысь унджык, — пасйис Александр Фролов.
— Мӧд ногӧн кӧ, уджйӧзыс кутас содны регион биаруӧн могмӧдан тшупӧдкӧд ӧттшӧтш.
Кора сӧвещаниеяслӧн кывкӧртӧдъяс серти пасйыны татшӧм петан туй: лӧсьӧдны нюжӧдӧм уджйӧз вештан график, кӧні лоӧ урчитӧма помланьыс уджйӧзсӧ ставнас вештӧм, дженьыд кадколастӧ, да мед вӧлі гӧгӧрвоана, кытысь кутас лоны та вылӧ сьӧм».
Коми Республикаса стрӧитчан, оланін да коммунальнӧй овмӧс министр Игорь Кузьмичев юӧртіс, мый петан туйсӧ корсьӧны «Газпром межрегионгаз Ухта» ичӧт кывкутана котырӧн веськӧдлысьяскӧд сёрнитчӧмӧн да регионса Веськӧдлан котыр отсӧгӧн.
«Веськӧдлан котыр отсалӧ миян ресурсникъяслы сьӧмӧн могмӧдан йӧрышъяс серти, — шуис Игорь Кузьмичев.
— Сійӧ жӧ «КТК» вылӧ волӧн мӧд джын кежлӧ миян урчитӧма миллиард шайтысь унджык субсидия.
Неважӧн нуӧдім удж серти сӧвещание «ТЭК-Печора» котыркӧд, кӧні вӧлі и «Газпром межрегионгаз Ухта» котырса медыджыд директор Павел Курлыгин.
Сёрнитім стӧч воськола алгоритм йылысь, мӧд вежоннас виччысям Печораысь лыдпасъяс, медым заводитны сёрни Коми Республикаса тариф комитеткӧд.
«КТК» бурмӧдан плансӧ ми вӧчам уджйӧз вештӧм тӧд вылын кутӧмӧн.
Матысса кадӧ лӧсьӧдам графикъяс, найӧ кутасны мыджсьыны лыдпасъяс вылӧ».
Шоныдӧн могмӧдысь организацияяслӧн биаруӧн вӧдитчӧмысь уджйӧзлӧн ӧтувъя мындаыс 2021 вося лӧддза-номъя тӧлысь 1 лун вылӧ — 552,6 миллион шайт, та лыдын и нюжӧдӧм уджйӧз — 503,1 миллион шайт.
Медся уна уджйӧзыс «Шоныд сетан Коми компания» акционер котырувса компанияяс группалӧн — 33,4% (нюжӧдӧм уджйӧзыс — 168,2 млн шайт);
«ТЭК-Печора» ичӧт кывкутана котырлӧн — 25,7% (нюжӧдӧм уджйӧзыс — 129 млн шайт);
«Аквасервис» ичӧт кывкутана котырлӧн — 20,6% (нюжӧдӧм уджйӧзыс — 103,6 млн шайт).
Кыдзи юӧртіс Игорь Булатов, Коми Республикаса Веськӧдлан котыр колис мераяссӧ, кутшӧмъясӧс веськӧдӧма нюжӧдӧм уджйӧзсӧ чинтӧм да ресурсъясӧн могмӧдысь организацияяс водзын коммунальнӧй услугаяс сетӧмысь ӧнія мынтӧмъяссӧ вештӧм вылӧ:
· урчитӧма субсидияяс муниципальнӧй учреждениеясӧн коммунальнӧй услугаясысь рӧскодъяс мынтӧм вылӧ (822 млн шайт);
· урчитӧма субсидияяс организацияяслы канмусянь донъяс (тарифъяс) ладмӧдӧм вӧсна воштӧм чӧжӧссӧ бергӧдӧм вылӧ (3 366,2 млн шайт).
2021 воӧ канму (муниципальнӧй) сьӧмкуд да асшӧрлуна учреждениеяслы содтӧд урчитӧма субсидияӧн грантъяс босьттӧм чӧжӧс бергӧдӧм вылӧ кокньӧда тарифъясӧн вӧдитчӧмӧн 9,1 млн шайт мындаын.
{Kodko (комиӧдіс Обрезкова Н. А.) @ Лариса Карачёва аттьӧаліс социальнӧя доръян юкӧнӧс петкӧдлысьясӧс сьӧлӧмсянь уджалӧмысь да сетіс канму наградаяс @ выльтор @ https://rkomi.ru/news/1010 @ 2021-06-23 @}
Лариса Карачёва аттьӧаліс социальнӧя доръян юкӧнӧс петкӧдлысьясӧс сьӧлӧмсянь уджалӧмысь да сетіс канму наградаяс.
Коми Республикаса социальнӧя доръян юкӧнын уджалысьяслы сетісны канму наградаяс.
Лӧддза-номъя тӧлысь 23 лунӧ кыпыд церемониясӧ нуӧдіс Коми Республикаса Веськӧдлан котырӧн Юрнуӧдысьӧс вежысь Лариса Карачёва.
Наградаяссӧ сетісны Коми Республикаса кар-районъясын Олысьясӧс социальнӧя доръян шӧринъясын, социальнӧя могмӧдан асшӧрлуна абу коммерческӧй организацияясын, керкаяс-интернатъясын, тыр арлыдтӧмъясӧс социальнӧя реабилитируйтан шӧринъясын, а сідзжӧ Олысьясӧс уджӧн могмӧдан шӧринын уджалысьяслы.
abu
Лариса Карачёва чолӧмаліс награда босьтысьясӧс налысь уджсӧ вылӧ донъялӧмӧн.
— Дона уджъёртъяс!
Быд награда сайын, кодӧс ті талун босьтінныд, сулалӧ кӧрпитана удж да миян муын уна олысьлӧн судьба. Ті сетінныд налы колана отсӧг.
Ті мукӧдысь бурджыка тӧданныд, мыйта колӧ мывкыдлун да тӧждлун, медым быд лун уна во чӧж сьӧлӧм сетны налы, кодъяс воштісны надея, отсавны налы, кодъяслы колӧ отсӧг.
Ті бӧрйинныд тайӧ туйсӧ да сетінныд сылы эн сӧмын тӧдӧмлун да кужанлун, но и ловныдлысь юкӧн.
Коми Республикаса Веськӧдлан котырӧн Юрнуӧдысьӧс вежысь аттьӧаліс социальнӧя доръян юкӧнӧс петкӧдлысьясӧс сьӧлӧмсянь уджалӧмысь да йӧзлы отсавны зільӧмысь.
{Kodko (комиӧдіс Обрезкова Н. А.) @ Комиын сора тӧлысь 1 лунӧ кутасны пасйыны Боевӧй тышъясса ветеранъяслысь лун @ выльтор @ https://rkomi.ru/news/1012 @ 2021-06-24 @}
Комиын сора тӧлысь 1 лунӧ кутасны пасйыны Боевӧй тышъясса ветеранъяслысь лун.
Выль гаж урчитӧм йылысь Индӧдсӧ Коми Республикаса Юралысь Владимир Уйба кырымаліс «Афганистанса ветеранъяслӧн Россияса Союз», «Десантникъяслӧн союз», «Россияса офицеръяс», «Боевӧй ёртасьӧм» ӧтйӧза организацияяслӧн республикаса активкӧд урасьӧм тӧлысьын паныдасьлӧм бӧрын.
Гаж лунсӧ урчитӧма Коми Республикаса олысьяслысь, кодъяс 1945 во бӧрын участвуйтісны СССР-ын, Россия Федерацияын да мукӧд канмуын боевӧй тышъясын, локальнӧй войнаясын да вооружённӧй конфликтъясын, заслугаяссӧ пыдди пуктӧм могысь.
Выль гажыс лоӧ уджалан лунӧн.
Боевӧй тышъясса ветеранъяслӧн лунлы сиӧм мероприятиеяссӧ котыртны да нуӧдны шуӧма Коми Республикаса культура, туризм да архив удж министерстволы.
{Kodko (комиӧдіс Обрезкова Н. А.) @ Коми Республикаын индӧма пӧжарысь видзчысян торъя режим @ выльтор @ https://rkomi.ru/news/1013 @ 2021-06-24 @}
Коми Республикаын индӧма пӧжарысь видзчысян торъя режим.
Лӧсялана шуӧмсӧ кырымаліс Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов.
Торъя режимсӧ урчитӧма 2021 вося лӧддза-номъя тӧлысь 24 лунсянь Коми Республикаын кос да жар поводдя пуксьӧм вӧсна да вӧръясын ӧзйӧмъясысь ӧлӧдӧм могысь.
Вӧръясын пӧжарнӧй опасносьтлы ІV да V классъяс сетӧм дырйи оз кӧ чин вӧръясын пӧжарыс, поводдя прогноз серти матысса 5 лунӧ дзескӧдӧма олысьяслысь вӧръясӧд ветлӧмсӧ да вӧръясӧ транспортӧн пырӧмсӧ, ӧтув вӧдитчан туйясті веськыда ветлӧм кындзи.
Вӧръясӧн вӧдитчысьяслы колӧ видзны содтӧд дасьлун режимын вӧрса пӧжаръясысь ӧлӧдан да найӧс кусӧдан средствояс, медым ӧдйӧ реагируйтны вӧрса пӧжаръяс лоӧм вылӧ, а сідзжӧ котыртны вӧдитчыны сетӧм вӧр участокъяс патрулируйтӧм.
Коми Республикаын меставывса асвеськӧдлан органъяслы вӧзйӧма:
· пӧжарысь видзан канму службалӧн юкӧдувъяскӧд ӧтув водзӧ гӧгӧрвоӧдны йӧзлы пӧжарысь видзчысян мераяс, лӧсьӧдны да примитны пӧжарысь видзчысян содтӧд мераяс;
· вынсьӧдны вӧр, зданиеяс, сооружениеяс, олан керкаяс дорысь (торйӧн нин уна йӧза объектъяс, социальнӧй юкӧнса объектъяс, пӧжарысь омӧля видзысь (пуысь) олан керкаяс дорысь) кос турун, ёг да мукӧд ӧдйӧ ӧзйысь материал весалӧм бӧрся контроль;
· вынсьӧдны ортсыса пӧжарысь видзчысян ваӧн могмӧдан ӧшмӧсъяс (ю ты, пирсъяс да пӧжарнӧй гидрантъяс), кутшӧмъяс меститчӧмаӧсь лӧсялана муниципалитетлӧн мутасын, шогмана выйӧдз вайӧдӧм бӧрся контроль.
Могмӧдны ва ӧшмӧсъясӧдз мытшӧдтӧм туй;
· олан пунктъясын, сад вӧдитан, град выв пуктас вӧдитан, абу коммерческӧй дачнӧй ӧтувъяслӧн мутасын дачнӧй да сад вӧдитан котыръяслӧн лӧсялана мутасъясын пуктыны (сэк, кор абуӧсь) пӧжар дырйи йӧзӧс шыӧн юӧртан средствояс, котыртны неминучаяс йылысь олысьясӧс юӧртан системаяс, пӧжаръяс дырйи йӧзӧс шыӧн юӧртан средствояс прӧверитӧм да найӧс шогмана выйӧдз вайӧдӧм, тӧждысьны пӧжар кусӧдан могъяс вылӧ ва запас вӧсна;
· вӧръясӧ пырӧмсӧ дзескӧдӧм дырйи Коми Республикаын вӧр овмӧсса канму учреждениеяскӧд (лесничествояскӧд) ӧтув котыртны вӧрӧ нуӧдысь туйяс вылын постъяс.
{Kodko (комиӧдіс Обрезкова Н. А.) @ Комиын кӧсйӧны дистанционнӧя велӧдны специалист-гериатръясӧс @ выльтор @ https://rkomi.ru/news/1014 @ 2021-06-24 @}
Комиын кӧсйӧны дистанционнӧя велӧдны специалист-гериатръясӧс.
Талун Коми Республикаса Юралысьлӧн Администрацияын Коми Республикаса Веськӧдлан котырӧн Юрнуӧдысьӧс вежысь Лариса Карачёва нуӧдіс заседание, кӧні «Вермӧм» республикаса котыртан комитетӧ пырысьяс сёрнитісны Айму вӧсна Ыджыд тышса ветеранъяслы да олӧма гражданалы гериатрическӧй да паллиативнӧй отсӧг сетӧм серти уджсӧ бурмӧдӧм йылысь.
Кыдзи юӧртіс Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Дягилев, ыджыд арлыда пациентъяслы отсӧгсӧ талун сетӧ специализируйтӧм Республиканскӧй гериатрическӧй шӧрин. Сійӧс восьтӧма Сыктывкарын Войнаса ветеранъяслы да боевӧй тышъясын участвуйтысьяслы республиканскӧй госпитальын.
Тані эм 25 стационарнӧй гериатрическӧй койка, нӧшта 20 — Печора районса шӧр больничаын.
Таысь кындзи, Коми Республикаын уджалӧ нӧшта 12 гериатрическӧй кабинет.
Пандемия вылӧ видзӧдтӧг, 2020 воӧ гериатрия серти специализируйтӧм стационарнӧй отсӧгсӧ сетӧма 192 пациентлы, 2021 вося нёль тӧлысьӧн — 76 пациентлы.
Но такӧд ӧттшӧтш ковидлы паныд дзескӧдӧмъясыс эз сетны тыртны уджавны верман арлыдысь олӧмаджык йӧзлы диспансеризация серти план.
Ветеранъяслӧн республиканскӧй Сӧветӧн веськӧдлысь Людмила Жукова кыпӧдіс гериатрия серти специалистъясӧн сиктса районъяс могмӧдӧм йылысь юалӧм.
Татшӧм медицина специалистъясыс ӧні оз тырмыны.
Регионса йӧзлысь дзоньвидзалун видзан министрлысь могъяс олӧмӧ пӧртысьлӧн кывъяс серти, мытшӧдсӧ позьӧ разьны сиктса врач-терапевтъясӧс велӧдӧм отсӧгӧн.
Велӧдчыны позьӧ дистанционнӧя, удж вылысь мунтӧг.
«Гериатрия серти юркарса ыджыд шӧринъяс дасьӧсь таын отсавны», — тӧдчӧдіс Игорь Дягилев.
Видлавсьӧ позянлун корны Москваысь медицина специалистъясӧс, медым велӧдны республикаса врачьясӧс Сыктывкарса канму университетын.
Медицина ведомствоӧн веськӧдлысь висьталіс нӧшта сы йылысь, мый тшӧктіс кар-районса больничаясын юралысь врачьяслы лӧсьӧдны лекарствояслысь торъя чӧжӧс, медым ас кадӧ могмӧдны ветеранъясӧс лекарствоясӧн.
Кывкӧртӧд пыдди Лариса Карачёва индіс медицина ведомствоӧн веськӧдлысьлы, мый колӧ дасьтыны ӧтув практикаа врачьясӧс да векни профиля специалистъясӧс, медым сетны отсӧг республикаса ыджыд арлыда олысьяслы.
· Дзик пыр колӧ вӧчны сідз, медым сьӧкыда ветлысь олӧма йӧз вермисны веськавны векни профиля специалистъяс дорӧ.
Сідз, медым йӧзыс вермисны босьтны специализируйтӧм медицинскӧй консультация гортаныс, больничаӧ ветлытӧг, — пасйис республикаса Веськӧдлан котырӧн Юрнуӧдысьӧс вежысь.
{Kodko (комиӧдіс Обрезкова Н. А.) @ Коми Республикаса олӧма йӧз кутісны зільджыка пырӧдчыны спортӧ @ выльтор @ https://rkomi.ru/news/1016 @ 2021-06-25 @}
Коми Республикаса олӧма йӧз кутісны зільджыка пырӧдчыны спортӧ.
Коми Республикаса Веськӧдлан котырӧн Юрнуӧдысьӧс вежысь Лариса Карачёва нуӧдіс республикаса котыртан комитетлысь заседание. Заседание дырйи сёрнитісны олӧма йӧзлӧн физкультура мероприятиеясӧ пырӧдчӧм да та вылӧ колана условиеяс лӧсьӧдӧм йылысь.
Тайӧ нырвизьын мунан удж йылысь висьталіс регионса вынйӧр сӧвмӧдан да спорт министр Виталий Савилов.
Статистика серти, 2020 воӧ 55 да 60–79 арӧса войтырысь физкультураӧн занимайтчис 20 сюрс морт, 2019 воӧ — 16 сюрс морт.
Физкультура да спорт мероприятиеясӧ пырӧдчысь йӧзлӧн лыдыс вевтыртӧ урчитӧм лыдпасъяссӧ.
Медым серпасыс и водзӧ вежсис бурлань, ветеранъяслы нуӧдӧны быдсяма спорт мероприятиеяс, на лыдын и «Дась уджавны да дорйысьны» комплекс серти.
Быд во республикаын мунӧ некымын вогӧгӧрся спартакиада: «Олӧма йӧз», «Кыпыда дыр олӧм», ГТО да спорт юкӧнса ветеранъяслӧн фестивальяс.
Ыджыд пай татчӧ пуктӧны и республикаса уна спорт федерация, кутшӧмъяс нуӧдӧны олӧма йӧзлы ордйысьӧмъяс», — висьталіс Виталий Савилов.
Олӧма йӧз окотапырысь участвуйтӧны ставроссияса проектъясын да акцияясын: Россияса лыжня, Россияса Азимут, Нацияяслӧн кросс, Котӧртан лун, Тӧвся спорт сикасъяслӧн лун, Лымлы сиӧм лун, Ветлӧдлӧмлы сиӧм лун, физкультурник лун да с. в.
Кыдзи пасйис Виталий Савилов, тӧдчанаӧн лоӧ сійӧ, мый олӧма йӧзлы урчитӧма кокньӧдъяс да торъя тарифъяс спортобъектъяс вылӧ волігӧн.
Водзӧ мунӧ акция «Восьса ӧдзӧс лун», кӧні республикаса олысьяс вермӧны мынтысьтӧг волыны спорт объектъяс вылӧ.
2019 да 2020 воясӧ акцияӧ пырӧдчис 367 сюрсысь унджык морт.
Таысь кындзи, муниципалитетса физкультурно-спортивнӧй учреждениеясын олӧма йӧзлы да ветеранъяслы уджалӧ 60 физкультурно-спортивнӧй группа.
Ёна кажитчӧ скандинавскӧй ветлӧдлӧм, уна пенсионер зіля пырӧдчӧ «Сыктывкарса лыжня» быд вося ордйысьӧмӧ.
«Сёрнитны кӧ ГТО комплекс йылысь, Коми Республикаса 50–70 арӧса да арлыдаджык 6800 олысь гижсисны да дасьӧсь сдайтны ГТО норма.
Вонас шӧркодя 750 морт пырӧдчӧ татчӧ, а отличие пас босьтысьлӧн лыдыс пыр содӧ», — пасйис Виталий Савилов.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Том йӧзлӧн лунӧн @ выльтор @ https://rkomi.ru/news/1018 @ 2021-06-27 @}
Владимир Уйба чолӧмалӧ Коми Республикаса олысьясӧс Том йӧзлӧн лунӧн.
«Коми Республикаса пыдди пуктана олысьяс!
Чолӧмала тіянӧс медся кыпыд да яръюгыд гажӧн — Том йӧзлӧн лунӧн!
Коми Республикаын олӧны бур вӧчны зільысь, енбиа да вын-эбӧса том йӧз.
Нывъяс да зонъяс восьлалӧны кадыскӧд ӧтлаын, велӧдӧны выль технологияяс да уджсикасъяс, видзӧны ассьыныс дзоньвидзалун, зільӧны спортын, пыдди пуктӧны олӧма йӧзлысь традицияяс, тӧждысьӧны чужан республика вӧсна.
Ми вылӧ донъялам канмулысь том йӧз политика збыльмӧдӧмӧ зіля пырӧдчӧмнытӧ. Ті уджаланныд волонтёръясӧн, сӧвмӧданныд том йӧзлысь асвеськӧдлӧм, котыртанныд патриотическӧй клубъяс, участвуйтанныд гранта конкурсъясын да водзмӧстчӧмъяс збыльмӧдӧмын.
2020 воӧ федеральнӧй сьӧмкудйысь том йӧзлӧн проектъяс вылӧ вӧлі сетӧма пӧшти 18 миллион шайт.
Республикаса конкуръясын да ордйысьӧмъясын 38 вермысь босьтісны Коми Республикаса Веськӧдлан котырсянь енбиа том йӧзлы премияяс.
Тӧда, мый водзмӧстчӧмӧн, велӧдчыны кӧсйӧмӧн, вермӧмъяс да сувтӧдӧм могъяс шедӧдны сямлун отсӧгӧн ті лоанныд колана специалистъясӧн да профессионалъясӧн.
И регыдъя кадӧ босьтанныд ас выланыд республика вӧсна, сылӧн водзӧ сӧвмӧм вӧсна кывкутӧм.
Сьӧлӧмсянь сиа тіянлы вермӧмъяс, помасьлытӧм вын, аслыныд эскӧм, крепыд дзоньвидзалун, кыпыда да тыр-бур олӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Владимир Уйба тшӧктіс вичмӧдны сьӧм Сосногорск районын Айюва ю вомӧн пос стрӧитӧм вылӧ @ выльтор @ https://rkomi.ru/news/1021 @ 2021-06-28 @}
Владимир Уйба тшӧктіс вичмӧдны сьӧм Сосногорск районын Айюва ю вомӧн пос стрӧитӧм вылӧ.
Та йылысь Коми Республикаса Юралысь юӧртіс туй вылын видзчысянлунсӧ могмӧдӧм серти республиканскӧй комиссиялӧн заседание дырйи. Заседаниеыс вӧлі лӧддза-номъя тӧлысь 28 лунӧ видеосвязь пыр.
Владимир Уйба висьталіс, мый тшӧктіс вичмӧдны республиканскӧй сьӧмкудйысь сьӧм Сосногорск районса Керки посёлок дорын Айюва ю вомӧн автомашина послысь проект лӧсьӧдӧм да сійӧс стрӧитӧм вылӧ.
Ӧні берегъяссӧ йитӧ пуысь вӧчӧм подӧн ветлан ӧшалысь пос.
Автомашина пос стрӧитӧмыс сетас позянлун ветлыны во гӧгӧр «Керки-Том» автомашина туйӧд. Туйыс мунӧ куим муниципалитет пыр — «Сосногорск» МР МЮ, «Изьва» МР МЮ, «Ухта» КК МЮ пыр.
Заседание дырйи сідзжӧ сёрнитісны подӧн ветлысьяслы ӧпастӧмлуна ветлӧм да пода туйяс бурмӧдӧм йылысь; улич-туйяс да школаса автобусъясӧн ветлан туй участокъяс йылысь, челядьӧс школаса автобусъясӧн новлӧдлігӧн видзчысянлунсӧ могмӧдӧм йылысь.
Туй вылын видзчысянлунсӧ могмӧдӧм серти республиканскӧй комиссиялӧн заседание бӧрын вӧлі лӧсьӧдӧма тшӧктӧмъяслысь сёрнигижӧд, кӧні индӧма кадколастъяссӧ да тшӧктӧмъяс олӧмӧ пӧртӧм вӧсна кывкутысьясӧс.
Коми Республикаса стрӧитчан министерстволы тшӧктӧма дасьтыны вӧзйӧмъяс республикаса став туйсӧ, кыті новлӧдлӧны челядьӧс велӧданінъясӧ, регионса тшупӧдӧ вуджӧдӧм йылысь.
Тайӧ сетас позянлун кыскыны содтӧд сьӧм школаса автобусъясӧн ветлӧдлан туйяс дзоньталӧм да видзӧм вылӧ.
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатовлы республикаса сьӧм овмӧс министрлысь могъяс олӧмӧ пӧртысь Александр Комлевкӧд да экономика сӧвмӧдан да промышленносьт министр Эльмира Ахмеевакӧд ӧтув тшӧктӧма сетны вӧзйӧмъяс, кыдзи кӧч тӧлысь 1 лунӧдз ньӧбны школаяслы 17 автобус, кутшӧмъяс 2021 воӧ оз тырмыны регионса велӧданінъяслы.
{Kodko (комиӧдіс Обрезкова Н. А.) @ Коми Республикаса Юралысь Владимир Уйба шыӧдчис дӧзьӧр органъясӧ, сы вӧсна мый сылы воӧны Эжва ю няйтӧсьтӧм йылысь юӧръяс @ выльтор @ https://rkomi.ru/news/1023 @ 2021-06-29 @}
Коми Республикаса Юралысь Владимир Уйба шыӧдчис дӧзьӧр органъясӧ, сы вӧсна мый сылы воӧны Эжва ю няйтӧсьтӧм йылысь юӧръяс.
Ӧтпырйӧ некымын муниципалитетса олысьяс гижисны Коми Республикаса Юралысьлы социальнӧй везъясын сы йылысь, мый Эжва ю ӧткымын местаын вевттьысьӧма виж нюйтӧн.
«Аттьӧала войвывса абу веськодь олысьясӧс ас кадӧ юӧртӧмысь.
Дзик пыр шыӧдчи Росприроднадзорлӧн веськӧдланінӧ да вӧр-ва видзан прокуратураӧ, кори ветлыны видзӧдлыны да аддзыны лоӧмторлысь помкасӧ», — юӧртіс Юралысь.
Олысьяс ыстісны Владимир Уйбалы снимокъяс, найӧс вӧчӧмны кымынкӧ местаын, торйӧн нин, Емдін районса Казлук посёлокын.
Регионӧн юрнуӧдысьлӧн кывъяс серти, колӧ кыдз позьӧ ӧдйӧджык гӧгӧрвоны, ю вылын артмӧм быгйыс — вӧр-ва лоӧмтор, либӧ сёрниыс мунӧ промышленнӧй предприятиеяс вылын артмӧм лёктор йылысь.
Прӧверкаяс нуӧдӧм йылысь тшӧктӧмъяс Юралысь сетіс и Коми Республикаса вӧр-ва министерстволы.
{Kodko (комиӧдіс Обрезкова Н. А.) @ Коми Республикаын Наука во: туялӧмъяс, конференцияяс, конкурсъяс @ выльтор @ https://rkomi.ru/news/1024 @ 2021-06-29 @}
Коми Республикаын Наука во: туялӧмъяс, конференцияяс, конкурсъяс.
2021 восӧ Россияын шуӧма Наука да технологияяс воӧн.
Наука медводдзаысь пырис медтӧдчана национальнӧй верктуйяс лыдӧ.
Сылы отсалӧм да сійӧс сӧвмӧдӧм могысь вӧлі лӧсьӧдӧма торъя национальнӧй проект, кодӧс урчитӧма 2019–2024 вояс вылӧ.
«Наука да вузъяс» нацпроект олӧмӧ пӧртӧмыс сетас позянлун Россиялы пырны мирса наукаын верктуя нырвизьяс серти вит нырччысь лыдӧ, чинтыны суйӧр сайӧ туялысьяслысь мунӧмсӧ да содтыны уджаланінъяслысь кысканлунсӧ мукӧд странаса учёнӧйяслы.
Волӧн мог — вайӧдны енбиа том йӧзӧс наука да технологияяс юкӧнӧ, содтыны Россия Федерацияӧс наука да технологияяс боксянь сӧвмӧдан стратегияӧ профессиональнӧй ӧткотыръяслысь пырӧдчӧмсӧ, а сідзжӧ вӧчны сідз, медым миян странаса граждана бура гӧгӧрвоисны, кутшӧм водзмӧстчӧмъяс наука да технология юкӧнын талун пӧртӧны олӧмӧ канму да бизнес.
2021 воӧ Коми Республикаын велӧдчысьяслы, студентъяслы да наука ӧткотырӧ пырысьяслы урчитӧма наука лоӧмторъяс да мероприятиеяс.
2020–2021 велӧдчан воӧ школаын велӧдчысьяс туясисны, пырӧдчисны конкурсъясӧ да научно-практическӧй конференцияясӧ.
Гожся каникул дырйи челядьлысь дзоньвидзалун бурмӧдан республикаса лагеръясын котыртӧма «Инженернӧй каникул» профильнӧй сменаяс, а кӧч тӧлыссянь челядьӧс виччысьӧны научно-познавательнӧй проектъяс, лекцияяс, туялысьяскӧд аддзысьлӧмъяс.
Уна мероприятие дасьтӧма и республикаса вузъясын.
Студентъяс вермасны петкӧдлыны асьнысӧ научно-практическӧй конференцияяс вылын.
Йирым тӧлысьӧ Комиын кӧсйӧны нуӧдны Наукалысь ставроссияса фестиваль, а сідзжӧ «СорокИНН» научно-инновационнӧй форум (Питирим Сорокин нима Сыктывкарса канму университетын).
Коми Республикаса туялысьяслысь вермӧмъяссӧ петкӧдласны ставроссияса конференцияяс да научно-практическӧй форумъяс вылын.
Матысса планъясын — Войвыв Урал вылӧ полевӧй экскурсия, Илыч ю вылын «Палеозойскӧй рифъяс»;
«Арктикаса олысьяс кольӧм, ӧнія да локтан кадӧ» историческӧй демография серти ставроссияса симпозиум;
«Россиялӧн Ылі Войвылын ыж видзӧмлӧн ӧнія тшупӧд, мытшӧдъяс да сійӧс сӧвмӧдӧмлӧн аскиа лун» ставроссияса научно-практическӧй сӧвещание.
Коми Республикаын Наука во помасяс ӧшым тӧлысьын Войвывса новаторъяслӧн слётӧн.
* * *
Волӧн могъяс лыдысь ӧти — висьтавны, наукаын кутшӧм нимъясӧн да вермӧмъясӧн гордитчӧ миян страна.
Во чӧж канму отсӧгӧн мунӧны гырысь учёнӧйяскӧд велӧдана мероприятиеяс, став окотитысьыс вермӧ пырӧдчыны велӧдан платформаясӧ да конкурсъясӧ.
Сы могысь, медым наука лоис матынджык быдӧн дорӧ, Россияын лӧсьӧдӧма официальнӧй сайт — годнауки.рф.
Ӧти личкӧмӧн позьӧ пырны тавося шӧр наука лоӧмторъяс да восьтӧмъяс йылысь юӧртанінӧ.
{Kodko (комиӧдіс Обрезкова Н. А.) @ Коми Республикаын вӧр промышленносьткӧд йитчӧм проектъяс босьтасны медводдза заёмъяс @ выльтор @ https://rkomi.ru/news/1025 @ 2021-06-30 @}
Коми Республикаын вӧр промышленносьткӧд йитчӧм проектъяс босьтасны медводдза заёмъяс.
«Вӧр промышленносьтлӧн проектъяс» сьӧмӧн могмӧдан уджтассӧ збыльмӧдӧ регионса Промышленносьт сӧвмӧдан фонд. Уджтаслӧн мог — отсавны регионса вӧр промышленносьтын уджалысь ичӧт да шӧр предпринимательстволы.
Уджтасыс заводитіс уджавны 2021 вося рака тӧлысьын.
Ӧні оформитӧма нин медводдза заёмъяс.
Уджтассӧ урчитӧма куим во вылӧ, пырӧдчыны сэтчӧ вермасны Коми Республикаса ичӧт бизнесӧс петкӧдлысьяс проектъясӧн, кутшӧмъяслӧн ӧтувъя доныс 3 миллион шайт да унджык. Та дырйи проектӧ пуктан ас сьӧмыс став дон сертиыс 20%-ысь абу этшаджык.
Регионса уджтас серти ставкаыс вежсьытӧм — вонас 2%. Медводдза вонас уджтасӧ пырӧдчысь предприятие мынтӧ заём босьтӧмысь сӧмын прӧчентъяс.
Залогӧ вермасны босьтны банкса гарантияяс, Коми Гарантийнӧй Фондлысь, Ичӧт да шӧр предпринимательство сӧвмӧдан корпорациялысь поручительство, а сідзжӧ предприятиеяслысь мукӧд эмбур.
Сідз, 15 миллион шайт вылӧ заём босьтіс «МК Лес» ичӧт кывкутана котыр Сыктывкарса Краснозатонскӧй посёлокын уджалысь вӧр пилитан производство выльмӧдӧм вылӧ.
Проектлӧн ӧтувъя доныс — 31,1 миллион шайт.
Предприятие лэдзӧ нин погонажнӧй вӧчӧмторъяс 450 куб. метр тӧлысьнас, а инвестиция проект сетас позянлун содтыны вӧр пилитан продукциялысь йӧрышсӧ пӧшти кык пӧв.
Заём сьӧм вылӧ инвестор ньӧбис пеллетъяс вӧчан оборудование, а сідзжӧ косьтан камераяс.
Проект серти лоӧ лӧсьӧдӧма 9 уджалан места.
Ӧнія кадӧ выль уджтасӧ пырӧдчӧм виччысьӧ некымын проект: мунӧ документъяс дасьтӧм да видлалӧм.
Заём босьтысьяс лыдын и Коми Республика сӧвмӧдан проектъяс.
Пиломатериал косьтан да термическӧя обработайтан проект вылӧ 5 млн. шайт босьтіс Сыктывкарысь асшӧр уджалысь.
Заёмсӧ сетӧма 5 во кежлӧ вӧр обработайтан юкӧнын выль производство вылӧ. Шӧр уджйӧзсӧ позьӧ заводитны вештыны 3 во мысти.
Заём босьтысь ас сьӧм вылӧ кыпӧдіс производство стрӧйба да ньӧбис техника.
Татшӧм жӧ заём, 18,1 млн. шайт мындаын, вӧлі сетӧма Кулӧмдінысь асшӧр уджалысьлы вӧр лэдзан да вӧр пилитан производство выльмӧдӧм вылӧ.
Заём сьӧм вылӧ лоӧ мынтысьӧма ӧтлаӧдан визьысь, ньӧбӧма котельнӧйӧ оборудование да косьтан камераяс.
Проект сетас позянлун лӧсьӧдны 5 выль уджалан места.
Ставнас «Коми Республика сӧвмӧдан проектъяс» уджтас серти обработайтан промышленносьт предприятиеяс вермасны босьтны 5–500 млн. шайт вылӧ заём.
· Медся тӧдчанаыс татшӧм заёмъяслӧн сыын, мый предприятие вермӧ заводитны вештысьны заём босьтӧмсянь коймӧд либӧ нёльӧд восянь.
Тайӧ сетӧ позянлун предприятиелы сӧвмыны, котыртны вӧчасӧн вузасьӧм, заводитны босьтны зумыд выручка, а сэсся нин мынтысьны заём серти, — висьталіс регионса Промышленносьт сӧвмӧдан фондӧн веськӧдлысь Ирина Миновская.
{Kodko (комиӧдіс Обрезкова Н. А.) @ Йӧзлӧн шыӧдчӧмъяс отсаласны Комиын лӧсьӧдны Изьва район да Сосногорск костын туй йитӧд @ выльтор @ https://rkomi.ru/news/1026 @ 2021-06-30 @}
Йӧзлӧн шыӧдчӧмъяс отсаласны Комиын лӧсьӧдны Изьва район да Сосногорск костын туй йитӧд.
Коми регионӧн веськӧдлан шӧрин «Инцидент Менеджмент» система отсӧгӧн пасйис социальнӧй везъясын республикаса олысьяслысь шыӧдчӧмъяс, кӧні найӧ корисны лӧсьӧдны Том — Сосногорск костын туй йитӧд.
Вогӧгӧрся туйыс колӧ Изьва районса да Ухтаса квайт олан пунктлы.
Шӧринса уджалысьяс быдлунся аналитическӧй отчёт дырйи мӧдӧдісны Коми Республикаса Юралысьлы олысьяслысь шыӧдчӧмъяссӧ.
Владимир Уйба тшӧктіс регионса Веськӧдлан котырлы разьны мытшӧдсӧ Ухтаса, Изьва да Сосногорск районъясса олысьяслы колана туй серти.
Коми Республикаса стрӧитчан, оланін да коммунальнӧй овмӧс министерство котыртіс Изьва районса администрацияясӧс петкӧдлысьяслысь, «Том» СО да регионса социальнӧй уджъёртъяс «Газпром трансгаз Ухта» ичӧт кывкутана котырлысь, «Транснефть–Север» акционер котырлысь аддзысьлӧм, кӧні сёрнитісны Пожня–Керки–Том костын транспорт йитӧд лӧсьӧдӧм йылысь.
Ӧні Койю, Том, Поромӧсь посёлокъясса, Кедвавом сиктса да Картаёль грездса олысьяс вермасны ветлӧдлыны компанияяслӧн ведомственнӧй туйяс вывті урчитӧм график серти.
Таысь кындзи, «Том» СО олысьяс вермасны вӧзйыны туйясӧн вӧдитчан графикӧ вежсьӧмъяс туйясӧд ветлан расписание бурмӧдӧм могысь.
Колӧ пасйыны, мый олысьяс да экстреннӧй службаяс вермасны вӧдитчыны туйясӧн мытшӧдтӧг, а коммерческӧй организацияяслы ыджыд груза машинаяс ветлӧм вылӧ колӧ кырымавны сёрнитчӧмъяс «Газпром трансгаз Ухта» да «Транснефть–Север» котыръяскӧд.
Владимир Уйба сідзжӧ тшӧктіс вичмӧдны республиканскӧй сьӧмкудйысь сьӧм Сосногорск районса Керки посёлок дорын Айюва ю вомӧн автомашина послысь проект лӧсьӧдӧм да сійӧс стрӧитӧм вылӧ.
Ӧні берегъяссӧ йитӧ пуысь вӧчӧм подӧн ветлан ӧшалысь пос.
Автомашина пос стрӧитӧмыс сетас позянлун ветлыны во гӧгӧр Керки–Том автомашина туйӧд. Туйыс мунӧ Сосногорск, Изьва районъяслӧн да Ухта карлӧн мутасті.
{Kodko (комиӧдіс Обрезкова Н. А.) @ Сыктывкарса аэропорт восьтӧ войтыркостса выльмӧдӧм терминал @ выльтор @ https://rkomi.ru/news/1028 @ 2021-07-01 @}
Сыктывкарса аэропорт восьтӧ войтыркостса выльмӧдӧм терминал.
Казьтыштам, мый сора тӧлысь 3 лунсянь бара заводитӧны лэбавны самолётъяс веськыда Турцияӧ, Тунисӧ, Египетӧ.
Аэропортлӧн войтыркостса выльмӧдӧм терминал виччысьӧ медводдза пассажиръясӧс.
Капитальнӧя дзоньталӧмыс сетас позянлун лӧсьӧдны бур условиеяс войтырлы авиарейсъяс виччысигӧн да ӧдйӧджык прӧйдитны контроль.
Та могысь виччысян залсӧ ыдждӧдӧма кык пӧв, стрӧйба пытшкӧссӧ косметическӧя дзоньталӧма, ньӧбӧма да сувтӧдӧма паспорт контроль вылӧ нёль кабина, лӧсьӧдӧма пыр тыдалана вежӧсъяс, ыджыд багаж сетан выль транспортёр, сувтӧдӧма лэбалӧмлысь ӧпастӧмлун могмӧдӧм вылӧ оборудование.
Вӧчӧма видзчысянлун бӧрся видзӧдысь система (видеокамераяс), ньӧбӧма выль мебель.
Содтӧма багаж юкӧн. Сійӧ меститчӧ лэдзан пункт сайын да сулалӧ терминалкӧд орччӧн.
Сора тӧлысь 1 лунӧ Коми Республикаса экономика сӧвмӧдан да промышленносьт министр Эльмира Ахмеева, коді сюся видзӧдіс объект выльмӧдӧм бӧрся, волас терминалӧ да видзӧдлас, дась-ӧ сійӧ примитны войтыркостса рейсъяс вылӧ пассажиръясӧс.
{Kodko (комиӧдіс Обрезкова Н. А.) @ Владимир Уйба казьтыштіс Комиын олысьясӧс, кодъяс усисны войнаясын да вооружённӧй конфликтъясын @ выльтор @ https://rkomi.ru/news/1030 @ 2021-07-01 @}
Владимир Уйба казьтыштіс Комиын олысьясӧс, кодъяс усисны войнаясын да вооружённӧй конфликтъясын.
Талун, сора тӧлысь 1 лунӧ, Коми Республикаын пасйӧны Боевӧй тышъясса ветеранъяслысь лун.
Коми Республикаса Юралысь пуктіс дзоридзьяс «Куслытӧм слава» да «Шогсьысь воин» мемориалъяс дорӧ.
Гаж лунсӧ урчитӧма Коми Республикаса Юралысьлӧн Индӧдӧн Коми Республикаса олысьяслысь, кодъяс 1945 во бӧрын участвуйтісны СССР-ын, Россия Федерацияын да мукӧд канмуын боевӧй тышъясын, локальнӧй войнаясын да вооружённӧй конфликтъясын, заслугаяссӧ пыдди пуктӧм могысь.
Татшӧм водзмӧстчӧмӧн петіс «Афганистанса ветеранъяслӧн Россияса Союз», «Десантникъяслӧн союз», «Россияса офицеръяс», «Боевӧй ёртасьӧм» ӧтйӧза организацияяслӧн республикаса актив, кодкӧд Владимир Уйба аддзысьліс тавося урасьӧм тӧлысьын.
Комиын олӧ боевӧй тышъясса 11 177 ветеран.
Республика лои коймӧд регионӧн (Ненеч асвеськӧдлан кытш да Удмурт Республика бӧрын), кӧні Боевӧй тышъясса ветеранъяслӧн лун пасйыссьӧ официальнӧя.
Выль гажыс лоӧ уджалан лунӧн.
{Kodko (комиӧдіс Обрезкова Н. А.) @ Россия Федерацияын Регионъяс сӧвмӧдӧм серти веськӧдлан котырса комиссиялӧн Президиум вынсьӧдіс 2021–2030 вояс вылӧ Коми Республикалысь экономика диверсифицируйтан мероприятиеяслысь план @ выльтор @ https://rkomi.ru/news/1031 @ 2021-07-01 @}
Россия Федерацияын Регионъяс сӧвмӧдӧм серти веськӧдлан котырса комиссиялӧн Президиум вынсьӧдіс 2021–2030 вояс вылӧ Коми Республикалысь экономика диверсифицируйтан мероприятиеяслысь план.
Коми Республикаса экономика сӧвмӧдан да промышленносьт министерствоӧн зэв регыдъя кадӧн лӧсьӧдӧм планлысь бала видлалісны талун, сора тӧлысь 1 лунӧ, Россия Федерацияса Веськӧдлан котырӧн Юрнуӧдысьӧс вежысь Марат Хуснуллинлӧн веськӧдлӧм улын нуӧдӧм заседание дырйи.
Федеральнӧй олӧмӧ пӧртысь власьт органъяслы да Коми Республикаса Веськӧдлан котырлы сетӧма план збыльмӧдан тшӧктӧмъяс.
Лӧсьӧдны татшӧм плансӧ Россия Федерацияса Веськӧдлан котырлы Коми Республикаса Веськӧдлан котыркӧд ӧтув тшӧктіс Россияса Президент Владимир Путин 2021 вося рака тӧлысьын из шом отрасль сӧвмӧдӧм серти сӧвещание бӧрын.
Планын индӧма торъя мога параметръяс из шом отрасльысь бокын уджалысьяслысь лыд содтӧм серти, а сідзжӧ планӧ пыртӧма Воркута да Инта каръяс серти торъя мероприятиеяс.
Коми Республикаса экономика диверсифицируйтан мероприятиеяс планлӧн сюрӧс да сійӧс дасьтӧм серти асланыс видзӧдласӧн заседание вылын юксисны Россияса экономика сӧвмӧдан министрӧс вежысь Сергей Галкин да Коми Республикаса Юралысь Владимир Уйба.
Диверсифицируйтан планын сӧмын урчитӧм проектъясыс 2026 воӧдз содтасны выль лӧсьӧдӧм уджалан местаяс (3 833 единица вылӧ) да шӧр капиталӧ инвестицияяслысь йӧрыш (89,7 млрд шайт вылӧ), а сідзжӧ лӧсьӧдасны подув из шом перйӧмкӧд абу йитчӧм отрасльяс экономика боксянь сӧвмӧдӧмлы, на лыдын вӧр комплекс, видз-му овмӧс, кӧрт шом да абу кӧрт мупытшса озырлунъяс (зарни, барит, кориз) перйӧм.
План серти урчитӧм проектъяссӧ кутасны збыльмӧдны Монокаръяс сӧвмӧдан фондлысь, регионса промышленносьт сӧвмӧдан фондлысь кокньӧда заёмъяс кыскӧмӧн, Россия Федерацияса Арктика зоналӧн резидентъяслы отсасян инструментъясӧн вӧдитчӧмӧн, «Войвыв» промышленнӧй торъя экономика зона лӧсьӧдӧмӧн, кӧні медшӧрыс лоӧ вӧр пыдіа переработайтӧм.
Такӧд тшӧтш республикаын демографическӧй ситуация тӧд вылын кутӧмӧн, ёна тӧдчанаӧн, экономика диверсифицируйтӧм кындзи, лоӧ йӧзлы бур олан условиеяс лӧсьӧдӧм, медым ньӧжмӧдны йӧзлысь мунӧм.
«Медым сӧвмӧдны социальнӧя доръян да йӧзлысь дзоньвидзалун видзан юкӧнъяс, бурмӧдны карса гӧгӧртас, оланін да коммунальнӧй инфраструктура, Коми Республикаса Веськӧдлан котырлы да федеральнӧй шӧринлы колӧ уджавны ӧтув», — пасйис В. Уйба.
Россия Федерацияын Регионъяс сӧвмӧдӧм серти веськӧдлан котырса комиссиялӧн заседание вылын вӧлі ошкӧма сідзжӧ Россияса экономика сӧвмӧдан министерстволысь вӧзйӧм Коми Республикаӧс социальнӧя да экономика боксянь сӧвмӧдан уджтас лӧсьӧдӧм серти. Уджтасӧ быть колӧ пыртны регионын инфраструктура дзескӧдӧмъяс бырӧдан да инвестиция серти бур условиеяс лӧсьӧдан мероприятиеяс.
{Kodko (комиӧдіс Обрезкова Н. А.) @ Владимир Уйба нуӧдіс Выль коронавирус инфекция паськалӧмлы паныд удж нуӧдан республиканскӧй оперативнӧй штаблысь заседание @ выльтор @ https://rkomi.ru/news/1035 @ 2021-07-02 @}
Владимир Уйба нуӧдіс Выль коронавирус инфекция паськалӧмлы паныд удж нуӧдан республиканскӧй оперативнӧй штаблысь заседание.
Кывзӧма докладъяс регионын санитарно-эпидемиологическӧй обстановка, COVID–19 паськалӧмлы паныд примитан мераяс йылысь, сёрни муніс и ӧткымын дзескӧдан мера нюжӧдӧм йылысь.
Коронавирусӧн висьысьяслӧн лыдыс водзӧ содӧ.
COVID–19-ӧн да пневмонияӧн висьысь пациентъяслы дасьтӧма 14 медицина организацияын 2 269 койка, на лыдысь 1 963 койка абу нин прӧст.
COVID–19-ӧн висьӧм бӧрын пациентъясӧс тырвыйӧ бурдӧдӧм вылӧ дасьтӧны «Лӧзым» санаторийын 150 койка, «Кедр» челядьлы санаторийын 150 койка.
Выль коронавирус инфекцияысь прививка вӧчӧма 139 613 морт.
Помалісны вакцинациясӧ (сюйӧма I да II компонентсӧ) 106 658 морт.
Вакцинируйтӧны Коми Республикаса 23 медицина организацияын.
Котыртӧма прививка вӧчысь 175 бригада да 30 мобильнӧй вакцинируйтан пункт.
Кырымалӧма прикрепитӧм олысьясӧс иммунизируйтӧм могысь вакцина вайӧм йылысь артмӧдчӧмъяс аспом медицина организацияяскӧд, а сідзжӧ МВД поликлиникакӧд.
Ӧні видлавсьӧ позянлун пыртны Коми Республикаын олысьяслысь декретируйтӧм группаяс COVID–19 выль коронавирус инфекцияысь быть вакцинируйтӧм. Декретируйтӧмаяс лыдын чина йӧз да организацияясын уджалысьяс, кодъяслӧн уджыс йитчӧма юан ва да сёян вӧчӧмкӧд, нуӧм-вайӧмкӧд, вузалӧмкӧд, челядьӧс быдтӧм-велӧдӧмкӧд, олысьясӧс коммунальнӧя, транспортнӧя да бытӧвӧя могмӧдӧмкӧд, медицина да финансӧвӧй организацияясын, уна мога шӧринъясын, поштаын, культура, прӧст кад коллялан да спорт учреждениеясын уджалысьяс, а сідзжӧ канму да муниципальнӧй служащӧйяс.
Республикаын татшӧм уджалысьыс 94 сюрс гӧгӧр морт.
Декретируйтӧмаясӧс быть вакцинируйтӧмсӧ пыртӧма нин Россия Федерацияса 24 субъектын.
«Татшӧм нормасӧ пыртӧмыс збыль колана, — гӧгӧрвоӧдіс Владимир Уйба.
— «Дельта» вируслӧн выль штаммыс ӧти мортсянь мӧд вылӧ кокниа вуджӧ, сійӧ зэв ӧдйӧ кӧвъясьӧ.
Ӧти висьмӧм морт вермӧ заразитны 5–6 мортӧс.
Выль штаммлӧн тӧдчытӧм кадколастыс дженьыдджык.
И ті аддзанныд, кутшӧм ӧдйӧ тырӧны висьысьясӧн больнича койкаяс.
Колӧ пасйыны, мый висьӧмыс мунӧ сьӧкыдджыка, весиг челядьлӧн.
Жаль, но висьмӧм челядьлӧн лыдыс содӧ.
Кольӧм кадколастӧ кӧ висьмис 30–40 кага, да висисны кокниа либӧ тӧдчытӧг, талун больничаӧ веськаліс нин 51 кага.
Та вӧсна миянлы быть ковмас пыртны тайӧ нормасӧ, кыдзи вӧчисны Россия Федерацияса 24 регионын, но сӧмын сы бӧрын, кор лоасны колана условиеяс да колана мында вакцина».
Уськӧдам тӧд вылӧ, мый Коми Республикаса Юралысь ыстіс письмӧяс Россияса Веськӧдлан котырӧн Юрнуӧдысьӧс вежысь Татьяна Голиковалы да Россияса йӧзлысь дзоньвидзалун видзан министр Михаил Мурашколы, кӧні корӧ кыдз позьӧ ӧдйӧджык мӧдӧдны Коми Республикаӧ содтӧд 70 сюрс доза вакцина.
Республикаын COVID–19-ӧн висьысьяслы медицина отсӧг сетӧ 1 862 медицина уджалысь (525 врач, 1236 шӧр медицина уджалысь, 101 ичӧт медицина персонал).
Такӧд ӧттшӧтш выль коронавирус инфекция паськалігӧн регионса йӧзлысь дзоньвидзалун видзан системаын оз тырмыны медицина уджалысьяс.
Дасьтӧма Россияса оборона министерствоӧ ходатайство, кӧні корӧма отсавны кыскыны Коми Республикаса медицина организацияясӧ специалистъясӧс.
Сідзжӧ Республиканскӧй оперативнӧй штаблӧн заседание дырйи видлалісны ичӧт да шӧр предпринимательство субъектъяслы отсалан мераяс серти вӧзйӧмъяс. Тайӧ субъектъяслы вермас лоны медся сьӧкыд, регионын санитарно-эпидемиологическӧй обстановка вӧсна пыртасны кӧ содтӧд дзескӧдӧмъяс.
{Kodko (комиӧдіс Обрезкова Н. А.) @ Стрӧитчан материалъяс вылӧ донъяс содӧм вӧсна Коми Республикаса Юралысь кутас видзӧдны капитальнӧя дзоньталан уджтас олӧмӧ пӧртӧм бӧрся @ выльтор @ https://rkomi.ru/news/1039 @ 2021-07-05 @}
Стрӧитчан материалъяс вылӧ донъяс содӧм вӧсна Коми Республикаса Юралысь кутас видзӧдны капитальнӧя дзоньталан уджтас олӧмӧ пӧртӧм бӧрся.
Кӧрт да стрӧитчан материалъяс вылӧ донъяслӧн содӧмыс оз торк регионын оланін фонд капитальнӧя дзоньталӧм нуӧдӧмсӧ.
Коми Республикаса Юралысь Владимир Уйба тшӧктіс стрӧитчан, оланін да коммунальнӧй овмӧс министр Игорь Кузьмичевлы выльысь вӧчны сметаяс кӧрт да мукӧд стрӧитчан материал вылӧ донъяс содӧм вӧсна, медым кыскыны пӧдрада организацияяс конкурсӧ, кутшӧмъясӧс нуӧдӧ дінму оператор, уна патераа ӧтувъя эмбур капитальнӧя дзоньталан регионса уджтас серти.
«Регионлӧн реестрӧ пырысь компанияяс, кутшӧмъяслӧн эм позянлун пырӧдчыны тайӧ бӧрйӧмъясас, юӧртісны меным, мый талун кежлӧ вӧзъян сёрнитчӧмъясыс налы оз лӧсявны.
Уджъяс вылӧ сметаса донъясыс оз петкӧдлыны стрӧитчан материалъяс вылӧ донъяс содӧмсӧ.
И артмӧ, мый кывкутӧмӧн уджалысь компанияяс оз кӧсйыны пырӧдчыны конкурсъясӧ, медым капитальнӧя дзоньталӧм бӧрын эз лоны рӧзӧритчан выйын», — пасйис регионса Юралысь.
Сылӧн кывъяс серти, быдсикас удж вылӧ шӧркодь рӧскодсӧ арталісны стрӧитчан материалъяс вылӧ донъяс содтӧдз.
Та вӧсна Владимир Уйба тшӧктіс республикаса Стрӧитчан министерстволы да ведомствоувса дінму операторлы («Уна патераа керкаяс капитальнӧя дзоньталан регионса фонд» Коми Республикаса абу коммерческӧй организациялы) тайӧ вежон чӧжӧн выльысь видлавны сметаяс, медым эз торксьы республикаса олысьяслы зэв тӧдчана уджтасыс.
«Миян йӧз воясӧн, а мукӧдыс и дасвоясӧн виччысисны, мый налысь керкаяссӧ вайӧдасны нормалы лӧсялана тшупӧдӧдз.
Кӧть ӧти конкурс кӧ лоӧ шуӧма нуӧдтӧмӧн сы понда, мый ыджыд рӧскод вӧсна бизнес оз кӧсйы пырӧдчыны конкурсӧ, фондса уджалысьяслы ковмас кывкутны таысь.
Ми найӧс асьнысӧ мӧдӧдам войтыр дорӧ, кодъяс олӧны 2021 вося планӧ пыртӧм керкаясын.
Вежасны делӧвӧй костюмъяссӧ уджалан комбинезонъяс вылӧ, а ручкаяссӧ да кабалаяссӧ — краска банкаяс да инструмента кудъяс вылӧ», — шуис регионӧн веськӧдлысь.
Сійӧ висьталіс сы йылысь, мый патераяс кутысь олысьяслысь виччысьӧмъяссӧ збыльмӧдтӧмыс вайӧдас сэтчӧдз, мый йӧзыс оз кутны, чӧжны взносъяс дінму оператор дорын да оз кутны восьтыны торъя тшӧт, весиг оз кутны мынтысьны.
«Тайӧ воыс аслыспӧлӧс.
Ми кутам пасйыны республикалы 100 во тырӧм.
Юбилейнӧй во водзвылын на ме сувтӧдлі мог, мый верктуйын — лӧсьӧдны карса да сиктса олысьяслы бур олӧм вылӧ условиеяс.
Капитальнӧя дзоньталӧм — окта инструмент, медым нюжӧдны бур олӧм сійӧ керкаясас, кутшӧмъясын колӧ вежны вевтъяс либӧ лифтъяс, шондӧдны да выльмӧдны керка бан, ӧнъяӧдны пытшкӧсса инженернӧй системаяс да коммуникацияяс.
И энӧ вунӧдӧй, мый ас кадӧ капитальнӧя дзоньталӧмыс оз сет вуджӧдны олан фондсӧ аварийнӧйӧ», — содтіс Владимир Уйба.
Юралысьлӧн тшӧктӧм серти, регионса Стрӧитчан министерстволы ковмас гожӧм помӧдз быд вежон юӧртны республикаса Юралысьлы дінму операторӧн нуӧдан конкурсъяслӧн бӧртасъяс йылысь.
«Ставыс, мый йитчӧ миян олысьяслӧн оланінкӧд, — менам контроль улын», — кывкӧрталіс Владимир Уйба.
{Kodko (комиӧдіс Обрезкова Н. А.) @ Коми Республикаса Юралысь Владимир Викторович Уйба примитіс Коми Республикаса Веськӧдлан котырӧн Юрнуӧдысьӧс вежысь Ирина Сергеевна Бахтиналысь удж вылысь мунӧм йылысь корӧм @ выльтор @ https://rkomi.ru/news/1040 @ 2021-07-05 @}
Коми Республикаса Юралысь Владимир Викторович Уйба примитіс Коми Республикаса Веськӧдлан котырӧн Юрнуӧдысьӧс вежысь Ирина Сергеевна Бахтиналысь удж вылысь мунӧм йылысь корӧм.
Удж вылысь мунӧмыс йитчӧма семьякӧд. Бахтинъяслӧн семья кӧсйӧ мунны овны Россияса мӧд регионӧ.
Коми Республикаса Веськӧдлан котырӧн Юрнуӧдысьӧс вежысь чинын бӧръя уджалан вежонсӧ (сора тӧлысь 7 лунсянь 14 лунӧдз) Ирина Сергеевна лоӧ отпускын.
{Kodko (комиӧдіс Обрезкова Н. А.) @ Коми Республикаса экономика сӧвмӧдан да промышленносьт министерствоӧс индӧма кывкутысьӧн «Войвыв» торъя экономическӧй зона лӧсьӧдӧм вылӧ заявка дасьтӧмысь @ выльтор @ https://rkomi.ru/news/1041 @ 2021-07-05 @}
Коми Республикаса экономика сӧвмӧдан да промышленносьт министерствоӧс индӧма кывкутысьӧн «Войвыв» торъя экономическӧй зона лӧсьӧдӧм вылӧ заявка дасьтӧмысь.
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов вынсьӧдіс «Сыктывдін» муниципальнӧй районын промышленно-производственнӧй сикаса торъя экономическӧй зона (ППС ТЭЗ) лӧсьӧдӧм вылӧ заявка дасьтан мероприятиеяслысь план.
ППС ТЭЗ-лӧн якорнӧй инвесторӧн лоӧ «Лузалес» ичӧт кывкутана котыр МДФ плитаяс вӧчан завод проектӧн.
Предприятие стрӧитӧм серти инвестиция проект збыльмӧдӧм серти кӧсйысьӧмъяс йылысь артмӧдчӧм кырымалісны Коми Республикаса Юралысь Владимир Уйба да «Лузалес» ичӧт кывкутана котырса директоръяслӧн сӧветӧн веськӧдлысь Роман Семенюк Санкт-Петербургса войтыркостса экономическӧй форум дырйи.
Заводлӧн вынйӧрыс — вонас 1 миллион кубометр дась прӧдукция.
Предприятие стрӧитӧм вылӧ вичмӧдӧма 32 миллиард шайт, план серти лоӧ 1200-ысь унджык уджалан места.
Проектсӧ позьӧ збыльмӧдны сӧмын сэк, кор Россия Федерацияса Веськӧдлан котыр примитас Сыктывдін районын торъя экономическӧй зона лӧсьӧдӧм йылысь помшуӧм.
Во помӧдз артыштӧм мероприятиеяслӧн планыс лоӧ пӧртӧма олӧмӧ ведомствокостса уджалан группаӧн, а Коми Республикаса экономика сӧвмӧдан да промышленносьт министерствоӧс индӧма заявка лӧсьӧдӧм серти уполномочитӧм олӧмӧ пӧртысь власьт органӧн.
«Эз нин ӧтчыд вӧлі шуӧма регионын вӧр пыдіа переработайтны да бӧръяпом прӧдукция вӧчан предприятиеяс сӧвмӧдны коланлун йылысь, — шуис медводдза вице-премьер.
— Мӧд ногӧн кӧ шуны, экономика боксянь дась прӧдукция вузалӧмыс ёна выгӧдаа сырьё вузалӧм дорысь.
Ыджыд отсӧгӧн тайӧ нырвизьын лоӧ Сыктывдін районын «Войвыв» промышленно-производственнӧй сикаса торъя экономическӧй зона, и ӧні миян водзын зэв кывкутана мог — медым миянлысь заявка ошкисны федеральнӧй власьт органъяс».
«Эска, мый Россияса Веськӧдлан котыр ошкас кӧ миянлысь заявка, компаниялӧн став кӧсйысьӧмыс лоӧ пӧртӧма олӧмӧ.
Тайӧ проектсӧ збыльмӧдӧмыс сетас позянлун лӧсьӧдны республикаын пу вӧчӧдан выль производствояс, кӧні лоӧ медвылыс тшупӧдын сырьё переработайтӧм да ыджыд содтан дона прӧдукция лэдзӧм», — пасйис «Лузалес» ичӧт кывкутана котыркӧд артмӧдчӧм кырымалӧм бӧрын Коми Республикаса Юралысь Владимир Уйба.
{Kodko (комиӧдіс Обрезкова Н. А.) @ Владимир Уйба нуӧдіс Коми Республикаса Веськӧдлан котырлысь быд вежонся оперативнӧй сӧвещание @ выльтор @ https://rkomi.ru/news/1043 @ 2021-07-05 @}
Владимир Уйба нуӧдіс Коми Республикаса Веськӧдлан котырлысь быд вежонся оперативнӧй сӧвещание.
Сёрнитісны Коми Республикаса Веськӧдлан котырлӧн заседание кежлӧ дасьтысьӧм йылысь, кутшӧмӧс шуӧма нуӧдны сора тӧлысь 8 лунӧ.
Коми Республикаса Юралысь тшупӧдын оперативнӧя разян мытшӧдъяс йылысь докладъясӧн сёрнитісны республикаса Стрӧитчан, Вӧр-ва видзан, Сьӧм овмӧс, Спорт министерствоясӧн да Коми Республикаса эмбур да му йитӧдъяс комитетӧн веськӧдлысьяс.
Коми Республикаса вӧр-ва озырлун да гӧгӧртас видзан министр Алексей Кузнецов юӧртіс регионын вӧр пӧжаръяскӧд йитчӧм обстановка йылысь.
«Сора тӧлысь 5 лун 9 час асыв вылӧ республикаын кык кусӧдтӧм вӧр пӧжар.
Ӧтикыс Мылдін районын, паськалӧмсӧ дугӧдӧма.
Мӧдыс — Немдінса лесничествоын, 14 час кежлӧ паськалӧмыс лоӧ дугӧдӧма.
Ставнас 581 гектар площадь вылын пасйӧма 59 вӧр пӧжар.
Кызвын помкаыс — йӧзлӧн вӧръясӧ ветлӧм да гымалӧмъяс.
Тайӧ вежон вылӧ прогнозыс температура содӧм вӧсна абу бур, та вӧсна ёнмӧдам муниципалитетъяскӧд ӧтув уджалӧмсӧ миян лесничествояс пыр, нуӧдам олысьяскӧд юӧртана-гӧгӧрвоӧдана удж», — юӧртіс А. Кузнецов.
Владимир Уйба тшӧктіс вынсьӧдны олысьяслысь вӧръясӧд ветлӧмсӧ да вӧръясӧ транспортӧн пырӧмсӧ дзескӧдан пӧрадокӧ кутчысьӧм бӧрся контроль.
Сідзжӧ Коми Республикаса Юралысь пу вылӧ дон содӧмкӧд йитӧдын торйӧн сувтліс регионын сиктса олысьясӧс пӧрӧдтӧм вӧрӧн могмӧдӧм серти юалӧм вылӧ.
«Талун, ӧти-кӧ, Коми Республикаын вӧр участокъяс сетӧм вылӧ джын аукционсӧ босьтӧны Вӧлӧгда, Архангельск, Киров обласьтъяс да мукӧд регион, мӧд-кӧ, пӧрӧдтӧм вӧрлӧн доныс содіс.
А тайӧ медводз инмӧ сиктса олысьяслы пес да стрӧитчан материалъяс судзӧдӧмын, — тӧдчӧдіс Владимир Уйба.
— Та вӧсна ме тшӧкті Игорь Борисович Булатовлы [Коми Республикаса Веськӧдлан котырӧн Юрнуӧдысьӧс Медводдза вежысь — прим.] да Тіянлы, Алексей Владимирович, лӧсьӧдны республикаса быд муниципалитетын канму казённӧй предприятие.
Сетны тайӧ предприятиеяслы колана ыджда вӧр участокъяс, медым найӧ вермисны могмӧдны меставывса олысьясӧс вӧрӧн ичӧтджык да ладмӧдны позяна донысь.
Кутам дотируйтны найӧс сьӧмкудйысь. Колӧ, медым вӧрыс вӧлі судзсянаӧн республикаса олысьяслы».
{Kodko (комиӧдіс Обрезкова Н. А.) @ Владимир Уйба вылӧ донъяліс «Сӧстӧм Арктика» ӧтйӧза-гражданскӧй водзмӧстчӧм @ выльтор @ https://rkomi.ru/news/1044 @ 2021-07-05 @}
Владимир Уйба вылӧ донъяліс «Сӧстӧм Арктика» ӧтйӧза-гражданскӧй водзмӧстчӧм.
Талун, сора тӧлысь 5 лунӧ, Россия Федерацияса ӧтйӧза палаталӧн площадка вылын Россия Федерацияса ӧтйӧза палаталӧн экология да гӧгӧртас видзан комиссия отсӧгӧн петкӧдлісны да видлалісны Арктика зона чӧжсьӧм няйтысь весалӧм вылӧ веськӧдӧм проект.
Коми Республикаса Юралысь Владимир Уйба пырӧдчис мероприятиеӧ видеосвязь пыр.
«Ыджыд арктическӧй пелькӧдчӧмсӧ» вӧзйис нуӧдны «Вермӧмлы 50 во» атомнӧй ледоколлӧн капитан Дмитрий Лобусов. Сылысь водзмӧстчӧмсӧ ошкис уджъёртыс, «Ылі Асыввывса саридз пароходство» публичнӧй акционер котырса филиаллӧн Видзчысянлун да ногтуй департаментын юкӧнса капитан-наставник, Россия Федерацияса Уджвывса Герой Геннадий Антохин.
Тайӧ проектыс торъя коланлуна ӧні, 2021–2023 воясӧ Арктика сӧветын Россиялӧн юрнуӧдігӧн.
Пыдди пуктана капитанъяс, кодъяс бура тӧдӧны арктика мутасъяслысь мытшӧдъяссӧ, корисны дорйыны регионса вӧр-ва антропогеннӧй да техногеннӧй тӧдчӧмысь, а сідзжӧ вӧзйисны волонтёръяс отсӧгӧн лӧсьӧдны да збыльмӧдны экология боксянь чӧжсьӧм лёкторсӧ бырӧдӧм серти ӧтувъя уджтас.
На серти, Арктика весалан проектыс вермас лоны страна ӧтувтан зэв ыджыд миссияӧн.
Капитанъясӧс кылісны.
Арктика паськыда весалӧм йылысь мӧвп дор сувтісны федеральнӧй власьтъясӧс, бизнес, экспертнӧй да научнӧй котыръясӧс петкӧдлысьяс.
Презентация вылын сёрнитісны меставывса ӧтувъясӧс, тшӧтш и вужвойтырӧс, мутасса экологическӧй мытшӧдъяс разьӧмӧ кыскыны позянлун йылысь.
Таысь кындзи, заседание дырйи вӧлі петкӧдлӧма Россияса вӧр-ва озырлун видзӧмын власьтлысь да йӧзкотырлысь ӧтув уджаланногъяссӧ.
Мероприятие дырйи Россияса ӧтйӧза палаталӧн площадка вылын Владимир Уйба висьталіс Коми Республикаса Арктика зонаын вӧр-ва видзӧмын шӧр мытшӧдъяс йылысь, кутшӧмъясӧс позьӧ разьны и «Сӧстӧм Арктика» проект збыльмӧдігӧн.
На лыдысь ӧти — историческӧя артмӧм да санкционируйттӧм ёг шыблаланінъяс бырӧдӧм.
Татшӧм ёг шыблаланінъяссӧ бырӧдан ногыс да сьӧмӧн могмӧдан ӧшмӧсъясыс талун абуӧсь.
«Экология» национальнӧй проектса «Сӧстӧм страна» федеральнӧй проектӧн урчитӧма сӧмын олан пунктъясын шыбласъяс меститан объектъяс да торъя ӧпаснӧй (химическӧй да радиоактивнӧй) шыбласъяс меститан объектъяс бырӧдан ног да бырӧдан мероприятиеяс сьӧмӧн могмӧдан ӧшмӧс.
Такӧд тшӧтш медся уна санкционируйттӧм ёг шыблаланіныс Коми Республикаын буретш олан пунктъясысь бокын.
Тайӧ мытшӧдсӧ позьӧ разьны «Экология» национальнӧй проектса «Сӧстӧм страна» федеральнӧй проект паськӧдӧмӧн, медым вӧлі позянлун сетны субсидияяс кар суйӧр сайын санкционируйттӧм ёг шыблаланінъяс бырӧдӧм вылӧ.
Сідзжӧ вӧр йитӧдъяс юкӧнын торъя уджмогъяс олӧмӧ пӧртӧм серти мероприятиеяс лыддьӧгӧ колӧ содтыны выль мероприятие — «производство да потребление шыбласъясӧн няйтчӧдӧмысь (ёгӧсьтӧмысь) вӧр весалӧм». Тайӧ сетас позянлун ӧдйӧ бырӧдны вӧр фондлӧн муяс вылысь санкционируйттӧм ёг шыблаланінъяссӧ субвенцияяс отсӧгӧн.
Нӧшта ӧти мытшӧд — уджавтӧм нин из шом перъянінъяс, кодъяс артмисны из шом перъян промышленносьтлӧн уджалігӧн.
Колӧ федеральнӧй тшупӧдын лӧсьӧдны проектнӧй помшуӧмъяс да технологияяс, медым чинтыны пӧпутнӧй пӧрӧдаа из шом ӧтвалъясӧн да из шом обработайтан вӧчӧмторъясӧн гӧгӧртаслы лёк вӧчӧмсӧ. И колӧ вичмӧдны тайӧ удж вылӧ федеральнӧй сьӧмкудйысь сьӧм.
Тайӧ да Арктика зонаын экология дорйӧм серти Коми Республикалысь мукӧд вӧзйӧмсӧ мӧдӧдасны Россия Федерацияса ӧтйӧза палатаӧ видлалӧм да «Сӧстӧм Арктика» проектӧ пыртӧм могысь.
{Kodko (комиӧдіс Обрезкова Н. А.) @ Коми Республикаын автомашинаӧн ветлан муйӧж туйяссӧ позьӧ видзны, кылӧдны кӧ вӧр лэдзысьясӧн пӧрӧдӧм вӧрсӧ юясті @ выльтор @ https://rkomi.ru/news/1045 @ 2021-07-06 @}
Коми Республикаын автомашинаӧн ветлан муйӧж туйяссӧ позьӧ видзны, кылӧдны кӧ вӧр лэдзысьясӧн пӧрӧдӧм вӧрсӧ юясті.
Тадзи регионӧн веськӧдлысь Владимир Уйба вочавидзис Кулӧмдін районса ӧтйӧза сӧветлӧн шыӧдчӧм вылӧ.
Олысьяс кыпӧдісны сёрни Улыс Воч — Кулӧмдін костын туйкӧд йитчӧм мытшӧдъяс йылысь.
Юрсикт да ичӧт олан пунктъяс костын дзик ӧти туйыс лоис судзсьытӧмӧн олысьяслы да экстреннӧй службаяслы (мый торйӧн тӧдчана коронавирусӧн висьысьяслы отсӧг сетігӧн).
Помкаыс — вӧр пӧрӧдан ыджыд бизнесӧн туйяс жуглӧм.
«Тшӧкта Коми Веськӧдлан котырлы дасьтыны республикаса оланпастэчасӧ вежсьӧмъяс сы могысь, медым 2022 восянь республикаын вӧр лэдзысьясӧн пӧрӧдӧм вӧрсӧ нуны юясӧд.
Сэсся тулыс-гожӧмын да арын сьӧкыд груз новлан машинаяс оз кутны новлыны вӧр», — шуис Владимир Уйба.
Сылӧн кывъяс серти, бӧръя вояс петкӧдлісны, мый водительяс сӧвтӧны керсӧ коланасьыс унджык.
Торкалӧны сьӧкыд груз новлан машинаяслы пыртӧм сезонса дзескӧдӧмъяссӧ.
А тшӧктыны торкалысьяслы наӧн жуглӧм туйяссӧ дзоньтавны оланпас серти он вермы.
«Меным гижӧны оз сӧмын Кулӧмдінса общественникъяс.
Юӧръяс воӧны вӧр лэдзан став мутасысь.
СССР кадӧ эз прӧста вӧрсӧ кылӧдны юясті.
Власьтъяс гӧгӧрвоисны, мый стрӧитны да дзоньтавны автомашина туйяссӧ вывті дона.
Талун вӧр лэдзӧмыс аспом уджалысьяс киын.
Миян эм позянлун да инӧд вуджӧдны бизнессӧ сырьё мӧд ног транспортируйтӧм вылӧ», — шуис регионӧн веськӧдлысь.
Сійӧ тшӧктіс республикаса Веськӧдлан котырлы лӧсьӧдны помшуӧм 2020 восянь вӧрсӧ автомашинаясӧн нуны дугӧдӧм йылысь.
И ӧттшӧтш вӧзйыны вӧр бизнеслы таво нин выльмӧдны ӧзынъяслысь инфраструктура.
Тайӧ лоӧ бур вылӧ и олан пунктъясса олысьяслы, сы вӧсна мый лоӧ видзӧма туйяс да лӧсьӧдӧма выль уджалан местаяс.
{Kodko (комиӧдіс Обрезкова Н. А.) @ Владимир Уйба: Коми Республикаын бать-мамтӧм да бать-мам дӧзьӧртӧг кольӧм челядьӧс патераясӧн могмӧдан ногсӧ колӧ вежны @ выльтор @ https://rkomi.ru/news/1049 @ 2021-07-07 @}
Владимир Уйба: Коми Республикаын бать-мамтӧм да бать-мам дӧзьӧртӧг кольӧм челядьӧс патераясӧн могмӧдан ногсӧ колӧ вежны.
Коми Республикаса Юралысь тшӧктіс регионса Веськӧдлан котырлы лӧсьӧдны выль механизмъяс, медым ӧддзӧдны патера сетӧмсӧ, кутшӧмъясӧс индӧм йӧзыс виччысьӧны воясӧн, а мукӧдыс — дасвоясӧн.
«Уна сюрс морт оз вермыны весиг ёрд пыр оперативнӧя босьтны оланінсӧ. Колӧ шуны: муниципальнӧй тшупӧдын патераяс ньӧбан ӧнія системаыс абу окта.
Ӧткымын регионын власьт кутіс сетавны оланін босьтӧм вылӧ сертификатъяс.
Миян татшӧм ногыс петкӧдліс ассьыс октасӧ олысьяслӧн мӧд категориякӧд уджалігӧн — Ылі Войвыв районъясысь мӧдлаӧ овны вуджысьяскӧд», — пасйис регионӧн веськӧдлысь.
Таысь кындзи регионӧн веськӧдлысь пуктіс министръяс кабинет водзын мог — лӧсьӧдны республика тшупӧдын нормативнӧй инӧда базаӧ пыртан вежсьӧмъяслысь бала сійӧ юкӧнас, кӧні сёрниыс мунӧ меставывса асвеськӧдлан органъяслӧн оланін стрӧитан рынокын участвуйтысьяскӧд ӧтув уджалӧм йылысь.
Сылӧн кывъяс серти, уна регионын чӧжӧма тайӧ ног серти бур опыт.
Сёрниыс мунӧ му участокъяс вичмӧдӧм серти меставывса власьтъяслӧн стрӧитчысьяскӧд артмӧдчӧмъяс йылысь, медым уна патераа выль керкаяс уджӧ пыртігӧн урчитӧм мында патера сетны администрацияяслы.
Тайӧ олан жыръяссӧ сэсся сетасны льготнӧй категория гражданалы, кодъяслӧн эм инӧд босьтны оланін канмусянь, на лыдын и бать-мамтӧм челядьлы.
«Комиын татшӧм выль нога уджалӧмыс сетас позянлун ӧддзӧдны оланін вылӧ ӧчередьлысь мунӧмсӧ, медым челядьлы керкаясысь петӧм том йӧзлы эз ковмы кӧртымавны йӧз оланін.
Шуа нӧштаысь: медся тӧдчанаыс — отсавны миян кар-районъясын олысьяслы оланін серти мытшӧдъяссӧ разьӧмын», — кывкӧрталіс Владимир Уйба.
{Kodko (комиӧдіс Обрезкова Н. А.) @ Владимир Уйба пырӧдчис «Экономика да сьӧм овмӧс» нырвизь серти Россия Федерациялӧн Каналан Сӧветса комиссиялӧн заседаниеӧ @ выльтор @ https://rkomi.ru/news/1050 @ 2021-07-07 @}
Владимир Уйба пырӧдчис «Экономика да сьӧм овмӧс» нырвизь серти Россия Федерациялӧн Каналан Сӧветса комиссиялӧн заседаниеӧ.
Заседаниеыс вӧлі талун, сора тӧлысь 7 лунӧ, Челябинск обласьтса Губернатор Алексей Текслерлӧн веськӧдлӧм улын видеосвязь пыр.
Сёрнитӧма Россия Федерацияса субъектъяслӧн да муниципальнӧй юкӧнъяслӧн сьӧмкудъяслысь асшӧрлун да дыр кадся сьӧма зумыдлун кыпӧдӧм йылысь, а сідзжӧ «Уджлӧн бӧртаслун» национальнӧй проект збыльмӧдӧм йылысь.
2020 волӧн бӧртасъяс серти, Коми Республикалӧн ӧтувъя сьӧмкудйыс тырӧма 12,2 млрд. шайт вылӧ этшаджык колана серти.
Таво сьӧмкудйӧ ас чӧжӧс воӧм серти серпасыс бурмӧ.
Но республикаса сьӧмкудйыс и 2021 воӧ оз ло тырвыйӧ, сы вӧсна мый Россия Федерацияса регионъяслӧн сьӧмкудъяс костын миян сьӧмкуд пырӧ на лыдӧ, кодъяслӧн артмис медуна мытшӧд пандемия вӧсна.
Россия Федерациялӧн Каналан Сӧветса комиссиялӧн заседание дырйи Владимир Уйба сетіс ӧткымын вӧзйӧм.
Сійӧ вӧзйис ӧддзӧдны федеральнӧй сьӧмкудйысь содтӧд дотацияяс вичмӧдӧмсӧ, медым вештыны тырмытӧм вот чӧжӧс да не содтыны канму водзын уджйӧз.
Россия Федерацияса сьӧмкудйысь инфраструктурнӧй сьӧмкуд кредитъяс сетӧмыс кутас отсавны содтыны республикалысь инвестиционнӧй кысканлунсӧ, транспортӧн ветлыны позянлунсӧ, сӧвмӧдны коммунальнӧй, социально-инженернӧй да туристическӧй инфраструктура.
Республикаӧн вӧзйӧм проектъяслӧн ӧтувъя доныс — 10,7 млрд. шайт.
Владимир Уйба вӧзйис уджавтӧм йӧз вӧсна медицинскӧя быть страхуйтӧм серти страхӧвӧй взносъяс мынтан уджмогсӧ пыртны Россия Федерациялӧн уджмогъяс лыдӧ.
Тайӧ сетас позянлун регионса сьӧмкудйысь прӧстмӧм сьӧмсӧ (4,7 млрд. шайт) веськӧдны йӧзлысь дзоньвидзалун видзан юкӧнын верктуя нырвизьясын мытшӧдъяс разьӧм вылӧ.
Регионъясын овны судзсяна сьӧм выль арталанног вылӧ вуджӧм вӧсна сідзжӧ эм вӧзйӧм могмӧдны пенсия дорӧ социальнӧй доплатаясӧн федеральнӧй сьӧмкудйысь сьӧмкудкостса трансферт тшӧт весьтӧ, мый сетӧны Россия Федерацияса Пенсия фондлӧн сьӧмкудйӧ.
Регионса сьӧмкудйысь прӧстмӧм сьӧмсӧ позьӧ веськӧдны социальнӧй политикаын верктуя мытшӧдъяс разьӧм вылӧ.
Сідзжӧ колӧ вичмӧдны федеральнӧй сьӧмкудйысь сьӧм регионъясын вынсьӧдӧм тшупӧдын национальнӧй проектъяс вылӧ, та лыдын и проектно-сметнӧй документация лӧсьӧдӧм вылӧ, збыль рӧскод тырвыйӧ могмӧдӧм могысь.
Коми Республикаса Юралысь Владимир Уйба вӧзйис видлавны овтӧм муниципальнӧй оланін фонд видзӧм вылӧ федеральнӧй сьӧмкудйысь содтӧд сьӧм вичмӧдӧм йылысь юалӧм, сы вӧсна мый тайӧ колӧ странаса войвыв мутасъяслы да Коми Республикалы, торйӧн нин Воркуталы.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Семьялы, радейтчӧмлы да веськыдлунлы сиӧм лунӧн @ выльтор @ https://rkomi.ru/news/1052 @ 2021-07-08 @}
Владимир Уйба чолӧмалӧ Коми Республикаса олысьясӧс Семьялы, радейтчӧмлы да веськыдлунлы сиӧм лунӧн.
«Коми Республикаса пыдди пуктана олысьяс!
Чолӧмала тіянӧс Семьялы, радейтчӧмлы да веськыдлунлы сиӧм лунӧн!
Тайӧ кыпыд да бур гажыс миян странаын пасйыссьӧ 2008 восянь, кодыр сійӧс вӧлі шуӧма Россияын Семьялӧн воӧн.
Лунсӧ бӧрйӧма тӧдӧмӧн — сора тӧлысь 8 лунӧ православнӧйяс казьтылӧны Муромса вежа Петырӧс да Февронияӧс, кодъяслы медся донаӧн лоӧ семья, веськыдлун да муслун.
Восьса сьӧлӧмӧн олӧм, веськыдлун, ӧта-мӧдсӧ гӧгӧрвоӧм да ӧта-мӧдлы отсалӧм — крепыд да ёрта семьялӧн подув.
Татшӧм семьяын челядь быдмӧны радлун пытшкын, пыдди пуктӧны арлыда йӧзӧс.
Семья сетӧ вын, сетӧ позянлун аддзыны асьтӧ.
Тайӧ донатор, кутшӧмӧс оз вермы вежны кад, да сійӧ гӧгӧрвоана быд культураа, кывъя, эскӧмлуна йӧзлы.
Республикаса пыдди пуктана олысьяс!
Видзӧй матыссаясныдтӧ, сьӧлӧмкылӧмъясныдтӧ, лоӧй шудаӧн дзик быд лун.
Сиа став семьялы тыр-бура олӧм, кузь нэм да крепыд дзоньвидзалун!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Коми Республикаса вӧръясын пӧжарнӧй опасносьтыс пыр на ыджыд @ выльтор @ https://rkomi.ru/news/1053 @ 2021-07-08 @}
Коми Республикаса вӧръясын пӧжарнӧй опасносьтыс пыр на ыджыд.
Коми Республикаса пыдди пуктана олысьяс!
Пӧжаръяс лоны вермана кад заводитчӧмсянь Коми Республикаын вӧлі 598,5 гектар вылын 65 вӧрса пӧжар.
Унджык пӧжарыс артмӧ меставывса олысьяс вӧсна.
Казьтыштам, лӧддза-номъя тӧлысь 24 лунсянь Коми Республикаын пыртӧма пӧжарысь видзчысян торъя режим.
Ӧткымын районса вӧръясын вермӧны лоны ыджыд пӧжаръяс.
abu
Вӧрса пӧжаръяс вермасны вуджны олан пунктъяс вылӧ, экономика объектъяс да сад вӧдитан участокъяс вылӧ.
Пӧжарысь видзчысян торъя режим пыртӧмсянь вӧръясын ветлігӧн гражданалы колӧ:
· кутчысьны вӧръясын пӧжарысь видзчысян, санитарнӧй боксянь видзчысян, вӧръяс бурмӧдан да вӧр бӧрся дӧзьӧритан правилӧясӧ;
· вӧрса пӧжар аддзӧм бӧрын дзик пыр юӧртны вӧр овмӧсын уджалысьяслы, пӧжарнӧй охраналы, полициялы, канму власьт органъяслы либӧ меставывса асвеськӧдлан органъяслы;
· заводитны кусӧдны вӧрса пӧжар ас вынъясӧн вӧрса пӧжаръясысь видзан юкӧдувъяслӧн вотӧдз;
· отсавны канму власьт органъяслы да меставывса асвеськӧдлан органъяслы вӧрса пӧжаръяс кусӧдігӧн.
Пӧжарысь видзчысян торъя режим дырйи республикаса став олан пунктын урчитӧма пӧжарысь видзчысян содтӧд корӧмъяс.
Оз позь ӧзтыны бипуръяс, сотны кос турун да мукӧд быдмӧг колясъяс, ёг, овмӧс да производственнӧй колясъяс, сотчысь тара да мукӧд сотчысь материал.
Сідзжӧ оз позь нуӧдны пӧжарӧ вайӧдысь уджъяс олан пунктъясын да кар кытшъясын, дачаясын да град йӧръясын, видз-му овмӧс муяс да запасӧ пырысь муяс вылын.
Оз позь вӧдитчыны ӧтувъя мутасъяс вылын мангалъясӧн да сёян дасьтӧм могысь мукӧд восьса биӧн.
Помнитӧй, мый бикӧд йитчӧм быд видзчысьтӧмтор — шыбитӧм чигаркапом, тырвыйӧ кусӧдтӧм либӧ видзӧдтӧг кольӧм бипур, а сідзжӧ кос турун ӧзталӧм — вермас вайӧдны ыджыд неминучаӧдз.
Таысь кындзи, Россия Федерацияса оланпастэчас серти вӧръясын пӧжарысь видзчысян правилӧяс торкалӧмысь эм административнӧй да уголовнӧй кывкутӧм.
90 прӧчентысь унджык вӧрса да трундаса пӧжарыс артмӧ биӧн видзчысьтӧг вӧдитчӧм вӧсна.
Вӧрса быд пӧжар — ускӧттьӧ, сійӧ вайӧ ыджыд экономика убытка, вийӧ зэв уна звер-пӧтка, вайӧ вӧр-валы бергӧдны позьтӧм лёктор.
Энӧ прӧйдитӧй кусӧдтӧм бипуръяс дорті веськодя, энӧ кольӧ найӧс видзӧдтӧг!
Вӧрса пӧжаръяс аддзигӧн гражданалы колӧ быть заводитны кусӧдны пӧжарсӧ, а оз кӧ артмы кусӧдны ас вынъясӧн, юӧртны сы йылысь.
Оз кӧ артмы кусӧдны пӧжарсӧ ас вынъясӧн, колӧ юӧртны сы йылысь вӧр видзанінкӧд веськыд йитӧд вылӧ — 8–800–100–94–00 (мынтысьтӧм ӧтувъя номер, уджалӧ сутки чӧж), либӧ мездан службалӧн ӧтувъя номер вылӧ (112), кытчӧ колӧ юӧртны аддзӧм ӧзъянін йылысь.
{Kodko (комиӧдіс Обрезкова Н. А.) @ Коми Республикаса ӧткымын олысьлы сетӧма канму наградаяс @ выльтор @ https://rkomi.ru/news/1055 @ 2021-07-08 @}
Коми Республикаса ӧткымын олысьлы сетӧма канму наградаяс.
«Коми Республикаса канму наградаяс сетӧм йылысь» Коми Республикаса Юралысьлӧн 2021 во сора тӧлысь 8 лунся 88 №-а Индӧд
1. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
Феофан Иванович Артеевлы — Коми Республикаын «Изьваса комияслӧн Изьватас землячество» дінмуса ӧтйӧза ӧтмунӧмлӧн Сӧветӧ пырысьлы, Сыктывкар;
Ольга Ивановна Бардаковалы — «Зеленечса чипан видзан фабрика» акционер котырын прӧдукция переработайтӧм серти медшӧр технологлы, Сыктывдін район;
Николай Михайлович Бачкислы — «Ухта» кар кытшса муниципальнӧй юкӧнлӧн администрацияын Мутасъяскӧд уджалӧмӧн веськӧдланінын Воднӧйса мутас юкӧнлӧн Борӧвӧй ккп мутаскӧд уджалысь юкӧдса начальниклы;
Алексей Леонидович Генлы — «Кӧрткерӧсса культура да прӧст кад коллялан шӧрин» муниципальнӧй сьӧмкуд учреждениеса хормейстерлы;
Вера Георгиевна Закациололы — «Сыктывкарса» сур пуан завод» акционер котырса корпоративнӧй секретарлы;
Светлана Александровна Макклы — «Зеленечса чипан видзан фабрика» акционер котырын анализ да дон артмӧдӧм серти экономистлы, Сыктывдін район;
Елена Идрисовна Раевскаялы — «Зеленечса чипан видзан фабрика» акционер котырын прӧдукция пыдіа переработайтан цехса начальниклы, Сыктывдін район;
Ирина Александровна Сергеевалы — «Сыктывкар» кар кытшса муниципальнӧй юкӧнлӧн администрацияӧн юрнуӧдысьӧс вежысьлы;
Анатолий Владимирович Старцевлы — «Коми республиканскӧй онкология диспансер» канму учреждениеын поликлиника юкӧнса врач-онкологлы, Сыктывкар;
Галина Васильевна Фащенколы — «Усинск» кар кытшса муниципальнӧй юкӧнлӧн администрацияын мутас сӧвмӧдӧм, экология да вӧр-ва озырлунӧн вӧдитчӧм серти веськӧдланінӧн юрнуӧдысьлы.
2. Коми Республикалы бур вылӧ уна во чӧж зіля уджалӧмысь, Коми Республикаса Почёт грамота сетны:
Надежда Васильевна Васильевалы — «Зеленечса чипан видзан фабрика» акционер котырын чукӧрӧн да торйӧн вузасьӧм серти юралысь бухгалтерӧс вежысьлы, Сыктывдін район;
Валерия Владимировна Заборовскаялы — «Ухтаса канму техническӧй университет» вылыс тшупӧда велӧдан федеральнӧй канму сьӧмкуд учреждениеын мупытшса озырлун куйлӧдъяс корсян да туялан кафедраса шӧр преподавательлы;
Анастасия Анатольевна Казаковалы — «Кӧрткерӧсса культура да прӧст кад коллялан шӧрин» муниципальнӧй сьӧмкуд учреждениеын любительскӧй театрса режиссёрлы;
Константин Константинович Каневлы — Коми Республикаса вӧр-ва озырлун да гӧгӧртас видзан министерстволӧн канму дӧзьӧрӧн веськӧдланінын гӧгӧртас видзӧм серти Изьва районын юкӧнса начальниклы;
Елена Григорьевна Клишиналы — «Смена» спорт школа» муниципальнӧй сьӧмкуд учреждениеын вынйӧр сӧвмӧдан да спорт организацияясса инструктор-методистлы, Воркута кар;
Наталья Владимировна Липиналы — «Коми туй овмӧс компания» акционер котырлӧн Кулӧмдінса туй дзоньталан-стрӧитан участок филиалын планово-производственнӧй отделса начальниклы;
Валентина Николаевна Незнамовалы — «Сыктывкарса» сур пуан завод» акционер котырса шӧр юрисконсультлы;
Александра Александровна Подоровалы — «Трударенда» ичӧт кывкутана котырын туй выв пасъяс вӧчӧм серти туй выв рабочӧйлы, Кӧрткерӧс район;
Игорь Викторович Труфановлы — Коми Республикаса Каналан Сӧветлӧн Аппаратӧн Юрнуӧдысьӧс медводдза вежысьлы;
Анастасия Ревокатовна Яровалы — «Коми Республикаса агропромышленнӧй комплекслы да чери овмӧслы канмусянь отсӧг сетан шӧрин» Коми Республикаса канму казённӧй учреждениелӧн Кулӧмдінса районкостса видз-му овмӧс юкӧнӧн заведуйтысьлы.
{Kodko (комиӧдіс Обрезкова Н. А.) @ Владимир Уйба: «Канму да муниципальнӧй эмбурӧн колӧ окталунӧн вӧдитчыны да сійӧс колӧ тырвыйӧ босьтны овмӧсса бергалӧмӧ» @ выльтор @ https://rkomi.ru/news/1057 @ 2021-07-08 @}
Владимир Уйба: «Канму да муниципальнӧй эмбурӧн колӧ окталунӧн вӧдитчыны да сійӧс колӧ тырвыйӧ босьтны овмӧсса бергалӧмӧ».
Та йылысь Коми Республикаса Юралысь шуис регионса Веськӧдлан котырлӧн заседание дырйи, коді вӧлі сора тӧлысь 8 лунӧ.
Заседание дырйи вӧчӧма кывкӧртӧдъяс канму да муниципальнӧй эмбур серти республикаын 2020 воӧ нуӧдӧм инвентаризация серти.
Коми Республикаса канму эмбур серти инвентаризациясӧ 2020 воӧ нуӧдіс 368 организация, на лыдын власьт органъяс, сьӧмкуд, казённӧй, асшӧрлуна учреждениеяс, канму ӧтувъя предприятиеяс.
Коми Республикаса муниципальнӧй эмбур серти инвентаризациясӧ 2020 воӧ нуӧдіс Коми Республикаса став муниципальнӧй юкӧн, тшӧтш и овмӧдчӧминъяс.
Чукӧрмӧм юӧр серти Коми Республикаса эмбур да му йитӧдъяс комитет лӧсьӧдіс Коми Республикаса вӧдитчытӧм канму эмбурлысь да вӧдитчытӧм муниципальнӧй эмбурлысь лыддьӧг.
Коми Республикаса вӧдитчытӧм канму эмбур лыдӧ пырис 332 вӧрзьӧдны позьтӧм эмбур объект (канму эмбурӧ став пырысь лыдсьыс 9%) 125,8 сюрс кв. метр вылын, на лыдын Коми Республикаса казналӧн 25 объект да Коми Республикаса олӧмӧ пӧртысь власьт органъяслӧн ведомствоувса канму учреждениеяслӧн балансвывса 307 объект.
Муниципальнӧй эмбур серти инвентаризация нуӧдӧм бӧрын муниципальнӧй юкӧнъясса администрацияяс сетісны юӧр, мый вӧдитчытӧм эмбур лыдӧ пырӧ 1 860 единица (муниципальнӧй эмбурӧ пырысьяс лыдысь 3,2%) 589,8 сюрс кв. метр вылын.
Коми Республикаса Юралысь Владимир Уйба тшӧктіс Коми Республикаса олӧмӧ пӧртысь власьт органъяслы да Коми Республикаса муниципальнӧй юкӧнъяслы Коми Республикаса эмбур да му йитӧдъяс комитеткӧд ӧтув кыпӧдны вӧдитчытӧм эмбур экономика оборотӧ пыртӧм серти удж, урчитны дзоньталӧм вылӧ медколана объектъяс да найӧс сьӧмӧн могмӧдан ӧшмӧсъяс.
Муниципалитетъяслы Коми Республикаса эмбур да му йитӧдъяс комитеткӧд ӧтув колӧ зільмӧдны удж муниципальнӧй эмбур объектъяс вылӧ, та лыдын и дӧзьӧртӧм объектъяс вылӧ, инӧдъяс регистрируйтӧм серти.
«Канму да муниципальнӧй эмбурӧн колӧ окталунӧн вӧдитчыны да сійӧс колӧ тырвыйӧ босьтны овмӧсса бергалӧмӧ.
Сылы колӧ лоны активӧн, мый вайӧ сьӧмкудйӧ чуктӧс, а оз ковтӧм рӧскод.
Такӧд йитӧдын кора профильнӧй олӧмӧ пӧртысь власьт органъясӧн юрнуӧдысьясӧс да муниципальнӧй юкӧнъясса юралысьясӧс видзӧдны тайӧ удж бӧрся, медым сійӧ муніс эз отчёт вӧсна», — тӧдчӧдіс Коми Республикаса Юралысь Владимир Уйба.
{Kodko (комиӧдіс Обрезкова Н. А.) @ Мария Балмастоваӧс индӧма Коми Республикаса культура, туризм да архив удж министр чинӧ @ выльтор @ https://rkomi.ru/news/1059 @ 2021-07-09 @}
Мария Балмастоваӧс индӧма Коми Республикаса культура, туризм да архив удж министр чинӧ.
Коми Республикаса Юралысьлӧн 2021 во сора тӧлысь 9 лунся 192-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Мария Алексеевна Балмастоваӧс Коми Республикаса культура, туризм да архив удж министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Обрезкова Н. А.) @ Россия Федерацияса экономика сӧвмӧдан министерство вынсьӧдіс 2021–2030 вояс вылӧ Коми Республикаса экономика диверсифицируйтан мероприятиеяслысь план @ выльтор @ https://rkomi.ru/news/1060 @ 2021-07-09 @}
Россия Федерацияса экономика сӧвмӧдан министерство вынсьӧдіс 2021–2030 вояс вылӧ Коми Республикаса экономика диверсифицируйтан мероприятиеяслысь план.
Мыйла тайӧ сэтшӧм тӧдчана республикалы, — регионса олысьяс дорӧ видео пыр шыӧдчӧмын висьталіс Коми Республикаса Юралысь Владимир Уйба.
{Kodko (комиӧдіс Обрезкова Н. А.) @ Коми Республикаын культурно-массӧвӧй, зрелищнӧй да мукӧд уна йӧза мероприятие серти дзескӧдӧмъяссӧ нюжӧдісны 2021 вося моз тӧлысь 16 лунӧдз @ выльтор @ https://rkomi.ru/news/1062 @ 2021-07-09 @}
Коми Республикаын культурно-массӧвӧй, зрелищнӧй да мукӧд уна йӧза мероприятие серти дзескӧдӧмъяссӧ нюжӧдісны 2021 вося моз тӧлысь 16 лунӧдз.
Сідзжӧ оз позь уджавны войын уджалысь клубъяслы (дискотекаяслы).
Лӧсялана вежсьӧмъяссӧ пыртӧма Содтӧд дасьлун режим пыртӧм йылысь Коми Республикаса Юралысьлӧн Индӧдӧ.
Таысь кындзи вежсьӧмъясӧн урчитӧма «Эпидемическӧй петкӧдласъяс серти гражданалӧн торъя группаяслы профилактическӧй прививкаяс вӧчӧм йылысь» Коми Республикаса юралысь канму санитарнӧй врачлысь 2021 во сора тӧлысь 6 лунся шуӧм Коми Республикаын олӧмӧ пӧртӧм серти положениеяс.
Шуӧмсӧ збыльмӧдӧм могысь Коми Республикаса йӧзлысь дзоньвидзалун видзан министерстволы колӧ гӧгӧрвоны, уна-ӧ колӧ вакцина, кӧдздӧдан оборудование, прививка вӧчысь бригада, прививка вӧчан пункт, содтӧд медицина уджалысь.
Сідзжӧ регионса Йӧзлысь дзоньвидзалун видзан министерстволы Коми Республикаса олӧмӧ пӧртысь власьт органъяскӧд ӧтув, кодъясӧс уполномочитӧма видзӧдны урчитӧм удж юкӧнын юридическӧй кывкутысьяс да асшӧр уджалысьяс бӧрся ас компетенцияын, тшӧктӧма видзӧдны, кыдзи тайӧ юридическӧй кывкутысьясыс да асшӧр уджалысьясыс кутчысьӧны 2, 3, 6 пунктъясса корӧмъясӧ.
* * *
Вакцинация отсӧгӧн позьӧ кокньыда да дон босьттӧг видзны асьнытӧ да матыссаяснытӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Коми Республикаса йӧзлысь дзоньвидзалун видзан министерстволӧн контакт-шӧрин пыр 8–800–550–0000 номер кузя дон босьттӧг.
3. «Канму услугаяс» портал пыр: http://www.gosuslugi.ru/.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Обрезкова Н. А.) @ Кулӧмдін районын дзоньталасны Виль ю вомӧн пос @ выльтор @ https://rkomi.ru/news/1066 @ 2021-07-12 @}
Кулӧмдін районын дзоньталасны Виль ю вомӧн пос.
Ӧні «УправтодорКоми» Коми Республикаса канму казённӧй учреждениеын уджалысьяс комиссионнӧя видлалӧны стрӧйбалысь техническӧй состояниесӧ.
Сы бӧрын урчитасны дзоньталан уджъяслысь донсӧ.
Та йылысь муніс сёрниыс талун, сора тӧлысь 12 лунӧ, регионса Веськӧдлан котырлӧн быдвежонся оперативнӧй сӧвещание вылын, кодӧс нуӧдіс Коми Республикаса Юралысь Владимир Уйба.
Лӧгинъяг — Керчомъя туйті Виль ю вомӧн поскыс аварийнӧй.
Та вӧсна тупкӧма Кулӧмдін — Керчомъя — Зимстан — Дзоль республика тшупӧда автомашина туйлысь 55–56 километр кузьта юкӧн.
Татчӧс олысьяслы ковмӧ вӧдитчыны «Монди СЛПК» акционер котырлӧн ведомствоса туйӧн, но сэті эз кут позьны ветлӧдлыны легкӧвӧй автотранспортӧн.
Медым бӧр восьтыны тупкӧм участок вылын ветлӧдлӧмсӧ, колӧ крепитны поссӧ.
Водзвыв артыштӧм серти, сметнӧй документацияыс лоӧ дась вежон мысти.
Ковмасны кӧ содтӧд инженернӧй видзӧдлӧмъяс, кадыс сы вылӧ вермас ковмыны неуна унджык.
Пос дзоньталӧм вылӧ сьӧмсӧ урчитӧма нин.
Коми Республикаса Веськӧдлан котырлӧн эм сёрнитчӧм «Монди СЛПК» акционер котыркӧд.
Компания дась отсавны тайӧ мытшӧдсӧ разигӧн.
Сідзжӧ сёрнитчӧма сы йылысь, мый предприятие кадколаст кежлӧ дугӧдлас тайӧ туйті вӧр кыскалан машинаяслысь ветлӧмсӧ.
Казьтыштам, мый Коми Республикаса Юралысь Владимир Уйба тшӧктіс Веськӧдлан котырлы видзӧдлыны, кыдзи позьӧ 2022 восянь тулыс-гожӧмын да арын дугӧдны вӧр нуӧм автомашина туйясӧд, медым видзны Коми Республикаса муйӧж автомашина туйяс.
Вӧр лэдзысьяслы лоӧ вӧзйӧма вӧдитчыны сырьё нуигӧн мукӧд ваян-нуан ногӧн, шуам, юясӧд.
{Kodko (комиӧдіс Обрезкова Н. А.) @ Игорь Булатов нуӧдіс Воркутаын оланін да коммунальнӧй овмӧсса объектъяс ломтысян кадколаст кежлӧ дасьтӧм серти сӧвещание @ выльтор @ https://rkomi.ru/news/1073 @ 2021-07-14 @}
Игорь Булатов нуӧдіс Воркутаын оланін да коммунальнӧй овмӧсса объектъяс ломтысян кадколаст кежлӧ дасьтӧм серти сӧвещание.
Коми Республикаса Юралысь Владимир Уйбалӧн тшӧктӧм серти Воркутаӧ удж серти ветлісны Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов да регионса стрӧитчан, оланін да коммунальнӧй овмӧс министр Игорь Кузьмичев.
Коми Республикаса прокурор Николай Егоровкӧд, Воркутасянь республикалӧн Каналан Сӧветса депутат Руслан Магомедовкӧд да Воркутаса мэр Ярослав Шапошниковкӧд ӧтвыв найӧ места вылын донъялісны ЖКХ объектъяс выль ломтысян кадколаст кежлӧ дасьтӧмсӧ, тшӧтш и Усинскса водоводсӧ.
Воркутаын Игорь Булатов нуӧдіс оланін да коммунальнӧй овмӧс юкӧнын удж, Усинскса водовод уджӧдан да карсӧ ресурсъясӧн дугдывтӧма могмӧдан шоныд сетан сетевӧй комплекслӧн административно-экономическӧй модельӧн вӧдитчӧм серти сӧвещание.
Сора тӧлысь заводитчигӧн Усинскса водоводын вежӧма сетысь да бӧра трубопроводлӧн куим участок вылын задвижкаяс, дзоньталӧны шонтан изоляция, помалӧма «Воркута» МЮ КК мутасын шоныд везъяс видлалан удж.
«Кымынкӧ помка вӧсна оз став дзоньталан уджыс мун план серти, и миян медводдза мог — республикаса да муниципалитетса власьтъяскӧд, а сідзжӧ кывкутысь ведомствояскӧд ӧтув вӧдитчыны став позянлуннас колана графикӧ пырӧм могысь», — кывкӧрталіс медводдза вице-премьер.
* * *
Усинскса водовод могмӧдӧ Воркутаӧс ваӧн.
Ва босьтан стрӧйбаыс артмӧ гидротехническӧй туннеля (потернаа) бетон поромысь, пыдӧсӧд ва кисьтанінысь да медводдза подъёма насоснӧй станцияысь.
{Kodko (комиӧдіс Обрезкова Н. А.) @ Коми Республикаын котыртӧма вакцинируйтӧм содтӧм серти удж @ выльтор @ https://rkomi.ru/news/1074 @ 2021-07-14 @}
Коми Республикаын котыртӧма вакцинируйтӧм содтӧм серти удж.
Республикаса Юралысь Владимир Уйба пырӧдчис COVID–19-ысь вакцинируйтӧм котыртӧм серти сӧвещаниеӧ. Сӧвещаниеӧн веськӧдліс Россия Федерацияса Веськӧдлан котырӧн Юрнуӧдысьӧс вежысь Татьяна Голикова.
Оперативнӧй юӧръяс серти, 2021 вося сора тӧлысь 14 лун вылӧ республикаын медводдза компонентӧн вакцинируйтӧма 160 997 мортӧс, та лыдын вакцинациясӧ помалӧма 117 050 морт.
Регионын примитӧма помшуӧм пыртны вакцинация нуӧдӧмӧ абу канму эмбур сикаса медицина организацияясӧс, кутшӧмъяс пырӧдчӧны канму гарантияяслӧн мутас уджтасӧ.
Татшӧм медицина организацияяскӧд кырымалӧма ӧтув уджалӧм йылысь артмӧдчӧмъяс.
Вакцинация нуӧдсьӧ республикаса став кар-районын, медицина организацияяслӧн 51 юкӧдулын.
Котыртӧма 173 выезднӧй бригада, прививка вӧчан 129 пункт да 84 мобильнӧй пункт.
Котыртӧма риск группаӧ пырысь йӧзӧс, кодъяс бурдӧдчӧны стационарын абу вуджан висьӧмысь, стационарысь петігӧн вакцинируйтӧм.
Сьӧкыда ветлысь гражданаӧс вермӧны вакцинируйтны и налӧн оланінъясын.
Ладмӧдӧма ведомствокостса йитӧд кар кытшъясса, муниципальнӧй районъясса, сикт овмӧдчӧминъясса администрацияяскӧд, районъясса «Йӧзӧс социальнӧя доръян шӧрин» Коми Республикаса канму сьӧмкуд учреждениеяскӧд сійӧ юкӧнын, медым сетны ёнджыкасӧ 60 арӧса да арлыдаджык йӧзӧс вакцинируйтан пунктъясӧ вайӧдӧм вылӧ автотранспорт.
Мунӧ удж предприятиеясса уджалысьясӧс уджалан места вылын вакцинируйтӧм серти.
Лӧсьӧдӧма вакцинация вӧчан содтӧд пунктъяс уджӧн могмӧдан шӧринъясын (Инта кар да Визин сикт), УМШ филиалъясын, Республикаса врачебно-физкультурнӧй диспансерын, «Коми Республикаса канму аптекаяс» учреждениеын, республикаса стадионлӧн зданиеын.
Котыртӧма вакцинируйтан мобильнӧй пункт Сыктывкарса кӧрт туй вокзалын.
Ставнас прививка вӧчан пунктъясын уджалӧ 126 врач да 341 шӧр медицина уджалысь, на лыдын 2021 вося сора тӧлысь 14 лун вылӧ прививка вӧчан пунктъясын уджалӧны Сыктывкарса канму университет помалысьяс — 6 специалист участковӧй врач-терапевт чинын, 21 студент шӧр медицина уджалысь чинын.
Сідзжӧ республикаса мукӧд поликлиникалӧн юкӧдулӧ да стационарӧ студентъяс пиысь удж вылӧ корӧма 5 врачӧс да 25 шӧр медицина уджалысьӧс.
{Kodko (комиӧдіс Обрезкова Н. А.) @ Комиын примитӧма мутасъяс урчитан оланпас, мый серти лоӧ позянаӧн мынтысьтӧг босьтны кӧртымӧ Арктика мутасын му участокъяс @ выльтор @ https://rkomi.ru/news/1078 @ 2021-07-15 @}
Комиын примитӧма мутасъяс урчитан оланпас, мый серти лоӧ позянаӧн мынтысьтӧг босьтны кӧртымӧ Арктика мутасын му участокъяс.
Коми Республикаса Каналан Сӧветлӧн водзвыв урчиттӧм заседание вылын видлалӧма оланпас балаяс*, кутшӧмъясӧс дасьтісны «Гражданалы му участокъяс, кутшӧмъяс пырӧны канму либӧ муниципальнӧй эмбурӧ да меститчӧны Россия Федерацияса Арктика зонаын да Россия Федерацияса Войвывлӧн, Сибырлӧн да Ылі Асыввывлӧн мукӧд мутасын, сетан аслыспӧлӧслунъяс йылысь» 119-ФЗ №-а Федеральнӧй оланпаслысь положениеяс олӧмӧ пӧртӧм могысь.
Заседаниеӧ пырӧдчис Коми Республикаса Юралысь Владимир Уйба.
2021 вося моз тӧлысь 1 лунсянь Арктика зонаын, кытчӧ Коми Республикаын пырӧны «Воркута», «Инта», «Усинск» кар кытшъяс, «Чилимдін» муниципальнӧй район, гражданалы кӧртымӧ дон босьттӧг кутасны сетны му участокъяс семьяӧ 1 пырысь вылӧ 1 гектар арталӧмӧн.
Медводдза 6 тӧлысьӧ му участокъяссӧ вермасны босьтны граждана, кодъяслӧн эм Арктика зоналы лӧсялана муниципальнӧй юкӧнъясын регистрация.
А тайӧ кадколаст бӧрас татшӧм позянлуныс лоӧ Россияса быд гражданинлӧн.
5 во кольӧм бӧрын бура вӧдитчигӧн му участоксӧ позьӧ босьтны ас эмбурӧ либӧ дыр кадся кӧртымӧ.
Ставнас Коми Республикаын кӧртымӧ дон босьттӧг сетӧм вылӧ бӧрйӧма 50 мутас, ӧтув площадьыс — 4 261,25 гектар, та лыдын:
Воркута — 562,98 гектар вылын 7 мутас;
Инта — 37,07 гектар вылын 22 мутас;
Усинск — 109,99 гектар вылын 12 мутас;
Чилимдін — 3 551,21 гектар вылын 9 мутас.
Содтӧд юӧр позьӧ аддзыны Коми Республикаса эмбур да му йитӧдъяс комитетлӧн сайт вылын (https://agui.rkomi.ru/deyatelnost/proekty-zakonov-respubliki-komi).
*«Коми Республикаын мутасъяс урчитӧм йылысь, кутшӧмъяслӧн мудоръясын му участокъяссӧ вермасны сетны кӧртымӧ дон босьттӧг «Гражданалы му участокъяс, кутшӧмъяс пырӧны канму либӧ муниципальнӧй эмбурӧ да меститчӧны Россия Федерацияса Арктика зонаын да Россия Федерацияса Войвывлӧн, Сибырлӧн да Ылі Асыввывлӧн мукӧд мутасын, сетан аслыспӧлӧслунъяс йылысь да Россия Федерацияса торъя оланпастэчас актъясӧ вежсьӧмъяс пыртӧм йылысь» Федеральнӧй оланпас серти»;
«Коми Республика мутасын му участокъяслысь, кутшӧмъясӧс сетӧма кӧртымӧ дон босьттӧг «Гражданалы му участокъяс, кутшӧмъяс пырӧны канму либӧ муниципальнӧй эмбурӧ да меститчӧны Россия Федерацияса Арктика зонаын да Россия Федерацияса Войвывлӧн, Сибырлӧн да Ылі Асыввывлӧн мукӧд мутасын, сетан аслыспӧлӧслунъяс йылысь да Россия Федерацияса торъя оланпастэчас актъясӧ вежсьӧмъяс пыртӧм йылысь» Федеральнӧй оланпас серти, мудоръяссӧ места вылын урчитан уджъяс вӧчӧм вылӧ медыджыд донъяс йылысь».
{Kodko (комиӧдіс Обрезкова Н. А.) @ Коми Республикаса оланін фондын ломтысян системаяс весалан графикъяссӧ босьтӧма торъя дӧзьӧр улӧ, медым уна патераа керкаясын олысьяслӧн эз лоны сьӧкыдлунъяс ломтысян кадколаст заводитчигӧн @ выльтор @ https://rkomi.ru/news/1079 @ 2021-07-15 @}
Коми Республикаса оланін фондын ломтысян системаяс весалан графикъяссӧ босьтӧма торъя дӧзьӧр улӧ, медым уна патераа керкаясын олысьяслӧн эз лоны сьӧкыдлунъяс ломтысян кадколаст заводитчигӧн.
Республикаса Юралысь Владимир Уйба тшӧктіс регионса Стрӧитчан, оланін да коммунальнӧй овмӧс министерстволы корны став кар-районса оланін фондӧн веськӧдлысьяслысь ломтысян система весалан графикъяс (весавны колӧ сора-моз тӧлысьясӧ уна патераа быд керкаын) да видзӧдны олан стрӧйбаяс ломтысян кадколаст кежлӧ дасьтігӧн системаяс весалан удж мунӧм бӧрся.
«Выль ломтысян кадколаст миян лоӧ восьтӧма некымын тӧлысь мысти.
Кадыс абу нин уна.
Ӧні нин меным воӧны юӧръяс кар-районъясса олысьяссянь, мый ӧнӧдз на налӧн керкаясын абу весалӧма радиаторъяс.
Кора профильнӧй министерствоӧс босьтны ситуациясӧ контроль улӧ.
Быд вежон колӧ видзӧдны, кыдзи веськӧдлысь организацияяс, ТСЖ да ЖСК нуӧдӧны тайӧ уджсӧ.
Уджалӧй ӧтув меставывса асвеськӧдлан органъяскӧд», — шуис регионӧн веськӧдлысь.
Сылӧн кывъяс серти, кольӧм гожӧмын абу быдлаын тайӧ уджыс вӧлі вӧчӧма колана ногӧн, бур ногтуя химреагентъясӧн вӧдитчӧмӧн, мый тыдовтчис арнас, кор ломтысян кадколаст заводитчӧм бӧрын ӧткымын керкаын батареяясыс вежонысь дырджык вӧліны кӧдзыдӧсь.
«Ломтысян кадколаст кежлӧ дасьлун йылысь паспортъяссӧ оз позь сетны формальнӧя.
Тайӧ официальнӧй документ, и сэтчӧ пасйӧм тӧдмӧгъясысь кывкутӧны чина йӧз», — пасйис регионӧн веськӧдлысь да тӧдчӧдіс, мый ачыс видзӧдӧ оланін фонд тӧв кежлӧ дасьтӧм бӧрся.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Коми Республикаса пытшкӧс делӧяс органъяс котыртӧмсянь 100 во тырӧмӧн @ выльтор @ https://rkomi.ru/news/1081 @ 2021-07-16 @}
Коми Республикаса Юралысь чолӧмалӧ Коми Республикаса пытшкӧс делӧяс органъяс котыртӧмсянь 100 во тырӧмӧн.
«Пытшкӧс делӧяс органъясса пыдди пуктана сотрудникъяс да ветеранъяс!
Сьӧлӧмсянь чолӧмала Коми Республикаса пытшкӧс делӧяс органъяс котыртӧмсянь 100 во тырӧмӧн!
Зэв тӧдчана, мый Коми Республикаса пытшкӧс делӧяс органъяс пасйӧны ассьыныс юбилейсӧ Коми Республикалы сё во тыран воӧ.
Тайӧ каднас инӧда пӧрадок кутысьяс повтӧг видзисны и водзӧ видзӧны регионса олысьяслысь лӧнь олӧм, дорйӧны оланпас да пӧрадок.
Ті йӧз дорын медся матын сулалысь инӧд видзан тэчас.
Сьӧкыд кадӧ олысьяс шыӧдчӧны медводз тіян дорӧ.
Тіянлы эскӧны, тіян вылӧ кутӧны лача, тіянсянь виччысьӧны отсӧг.
И тайӧ абу прӧста: республикаса пытшкӧс делӧяс органъясын служитӧны збыль профессионалъяс, смел, повтӧм да вына йӧз, асланыс уджлы сьӧлӧм сетысьяс.
Аттьӧала тіянӧс сыысь, мый босьтінныд ас выланыд йӧзкотыр да быд морт водзын кывкутӧм, сыысь, мый нуанныд сьӧкыд да ӧпаснӧй, но йӧзлы зэв колана служба.
Торъя аттьӧ инӧд видзан органъясса ветеранъяслы, кодъяс лоӧны том уджъёртъяслы примерӧн, кыдзи колӧ збыльмӧдны служебнӧй мог.
Сиа ставлы крепыд дзоньвидзалун, мир, шуд, семьяясын тыр-бур олӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Игорь Булатов лоис олан пунктъяс биаруӧн могмӧдӧм серти регионса штабӧн юрнуӧдысьӧн @ выльтор @ https://rkomi.ru/news/1083 @ 2021-07-16 @}
Игорь Булатов лоис олан пунктъяс биаруӧн могмӧдӧм серти регионса штабӧн юрнуӧдысьӧн.
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов кырымаліс Регионса олан пунктъяс биаруӧн могмӧдӧм серти регионса штаб котыртӧм йылысь тшӧктӧм.
Документсӧ лӧсьӧдӧма сы могысь, медым збыльмӧдны Россия Федерацияса Президент Владимир Путинлысь Федеральнӧй Собраниелы посланиесӧ РФ-са субъектъяс биаруӧн могмӧдӧмкӧд йитчӧм юалӧмъяс юкӧнын (Президентлӧн 2021 во 05.02 лунся Пр–753 №-а тшӧктӧмъяс лыддьӧгса 8 пункт).
Штабӧн веськӧдлысьӧн индӧма Игорь Булатовӧс, сійӧс вежысьясӧн — Коми Республикаса стрӧитчан, оланін да коммунальнӧй овмӧс министр Игорь Кузьмичевӧс, стрӧитчан, оланін да коммунальнӧй овмӧс министрӧс медводдза вежысь Андрей Якимовӧс.
· Уджалам биаруӧн могмӧдан йӧзлы тӧдчана да экономика боксянь окталуна система пыртан мероприятиеяслӧн план серти, кутшӧмӧс вынсьӧдӧма странаса Веськӧдлан котырӧн.
Олан пунктъяс биаруӧн могмӧдӧм серти регионса штаблӧн мог — помавны Россия Федерацияса субъектъяс биаруӧн могмӧдан уджтас, а сідзжӧ збыльмӧдны оланін да коммунальнӧй овмӧс, промышленнӧй да мукӧд организация биаруӧн могмӧдан регионса уджтасъяс, — шуис Игорь Булатов.
Косму тӧлысь 21 лунӧ Федеральнӧй Собрание дорӧ шыӧдчигӧн Владимир Путин шуис, мый Россияын олысьяслы оз ков мынтысьны олан пунктъясын асланыс участокъяс дорӧдз биару вайӧдӧмысь, да тшӧктіс 2023 воӧдз биаруӧн могмӧдӧм олан пунктъясын вайӧдны участокъяс дорӧдз биарусӧ дон босьттӧг.
{Kodko (комиӧдіс Обрезкова Н. А.) @ Владимир Уйба талун уджалӧ Вуктыл районын @ выльтор @ https://rkomi.ru/news/1084 @ 2021-07-16 @}
Владимир Уйба талун уджалӧ Вуктыл районын.
Коми Республикаса Юралысь Владимир Уйба удж серти волігӧн медводз ветліс Дутов сиктӧ, кӧні видзӧдліс 20 места вылӧ школаӧдзса группаясӧн 60 места вылӧ выль школа.
Стрӧитӧмсӧ помалісны 2021 во заводитчигӧн, велӧдан удж нуӧдӧм вылӧ лицензиясӧ босьтӧма 2021 вося урасьӧм тӧлысьын, а уджавны школаыс заводитіс рака тӧлысьӧ.
Водзті школаыс вӧлі 1957 воӧ стрӧитӧм аварийнӧйӧн шуӧм кык судтаа пу стрӧйбаын.
Детсадйыс вӧлі 1977 воын стрӧитӧм ӧти судтаа пу керкаын.
Выль стрӧйбалӧн стенъясыс югыд рӧмаӧсь.
Пыранінас эм пандус да турникет.
Лӧсьӧдӧма видео пыр видзӧдан система.
Эм техническӧя оборудуйтӧм спорт зал, компьютернӧй класс, медицина кабинет, сёянін да пусянін.
Кабинетъясыс лӧсялӧны ӧнія велӧдчанноглӧн стандартъяслы, быд кабинетын эм интерактивнӧй дӧска.
{Kodko (комиӧдіс Обрезкова Н. А.) @ Владимир Уйба видзӧдліс, кыдзи Вуктыл районын дасьтысьӧны ломтысян кадколаст кежлӧ @ выльтор @ https://rkomi.ru/news/1085 @ 2021-07-16 @}
Владимир Уйба видзӧдліс, кыдзи Вуктыл районын дасьтысьӧны ломтысян кадколаст кежлӧ.
Талун, сора тӧлысь 16 лунӧ, Вуктыл районӧ удж серти ветлігӧн Коми Республикаса Юралысь Владимир Уйба видзӧдліс Дутов сиктса да Вуктыл карса котельнӧйяс, Пӧдчерем да Вуктыл костын стрӧитчысь водовод, нуӧдіс муниципалитетын овмӧс да коммунальнӧй, биару да теплоэнергетическӧй комплексъяс 2021–2022 воясся ар-тӧв кадколастӧ торкавтӧг уджалӧм кежлӧ дасьтӧм серти сӧвещание.
Дутов сиктын биару вылын уджалысь котельнӧйын сувтӧдӧма биару сяма да кизьӧр ломтас вылын уджалысь горелкаа котёл, дасьтӧма аварийнӧй ломтас видзас вылӧ доз.
Неминуча лоӧм вылӧ котельнӧйын эм биӧн могмӧдан содтӧд ӧшмӧс (дизель-генератор), стационарнӧй ДЭС–100, вынйӧрыс сылӧн 100 кВТ.
Вуктыл карса ва шонтан шӧр котельнӧйын пӧсь валысь да шонтӧмлысь температурасӧ содтӧм могысь вуж выйӧдз вежӧма пластинаа кык теплообменник подув вылын ГВС система, ӧтувъя вынйӧрыс — 24 МВт.
Мунӧны уджъяс котёлъяс капитальнӧя дзоньталӧм серти, пӧсь ваӧн, шоныдӧн могмӧдан, карлӧн ортсыса инженернӧй сетьяслысь системаяс мыськалӧм да прессуйтӧм серти.
1, 2 №-а пластинаа теплообменникъяс серти нуӧдӧма кислотнӧй обработка (химия отсӧгӧн весалӧм).
Монтируйтӧма химическӧя ва дасьтан система, водзӧ кутасны нуӧдны пусконаладочнӧй уджъяс.
Водзӧ стрӧитчӧ Пӧдчерем да Вуктыл костын водовод.
Ӧнія 24 километра кузьта водоводсӧ пыртӧма уджӧ 1984 воӧ да сійӧ важмӧма нин 100% вылӧ.
Выльыслӧн кузьтаыс — пӧшти 22,5 километр.
Стрӧитан да монтируйтан уджыс дась 90% вылӧ.
Объектсӧ кӧсйӧны пыртны уджӧ 2021 воӧ арнас.
Муниципалитетын овмӧс да коммунальнӧй, биару да теплоэнергетическӧй комплексъясса объектъяс 2021–2022 воясся тӧв кежлӧ дасьтӧм серти сӧвещание дырйи шӧр докладъясӧн сёрнитісны «Вуктыл» КК МЮ юралысь — «Вуктыл» КК администрацияӧн юрнуӧдысь Гульнара Идрисова, Коми Республикаса стрӧитчан, оланін да коммунальнӧй овмӧс министр Игорь Кузьмичев, Коми Республикаса стрӧитчан, оланін да техническӧй дӧзьӧр (контроль) службаӧн юрнуӧдысьӧс медводдза вежысь Ольга Микушева.
Сӧвещание помшуӧмъяс серти Коми Республикаса Юралысь Владимир Уйба тшӧктіс регионса Стрӧитчан министерстволы да «Вуктыл» КК МЮ администрациялы ресурсъясӧн могмӧдан организацияяскӧд да муниципалитетлӧн веськӧдлан котыръяскӧд ӧтвыв котыртны карсӧ шоныдӧн да пӧсь ваӧн могмӧдӧм серти колана нога удж.
{Kodko (комиӧдіс Обрезкова Н. А.) @ Вуктыл карлӧн лоӧ сӧвмӧм вылӧ выль ыштӧдӧм @ выльтор @ https://rkomi.ru/news/1090 @ 2021-07-19 @}
Вуктыл карлӧн лоӧ сӧвмӧм вылӧ выль ыштӧдӧм.
Вуктылӧ удж серти ветлігӧн Коми Республикаса Юралысь Владимир Уйба аддзысьліс «Газпром добыча Краснодар» ичӧт кывкутана котырса медыджыд директор Андрей Захаровкӧд.
Видлалісны ӧтув уджалӧмын шӧр юалӧмъяс: Комиын предприятиелысь уджалӧмсӧ паськӧдӧм, социальнӧй уджъёртасьӧм, а сідзжӧ Вуктылса мусир-биару конденсат куйлӧдысь 402 №-а скважина писькӧдӧм серти уджъяс выльысь заводитӧм.
«Геологъяслӧн донъялӧм серти, миян регионын биару видзасыс ёна ыджыд.
Специалистъяс арталісны, мый сійӧ тырмас дасвояс вылӧ.
А сідзкӧ, Вуктыллӧн заводитчӧ выль олӧм, а миян республикалӧн экономика кыпӧдчас выль тшупӧд вылӧ», — шуис республикаса Юралысь Вуктылӧ удж серти ветлігӧн.
Биару перъян компанияӧн юрнуӧдыськӧд Владимир Уйба ветліс сэтчӧ, кӧні лоас выль бурӧвӧй.
2021 вося моз тӧлыссянь кӧсйӧны вайны писькӧдчан оборудование да заводитны вышкаяс сувтӧдан удж.
«Геологоразведочнӧй уджъяслысь йӧрыш да углеводороднӧй сырьёлысь видзас содтӧм серти геологическӧй мог» серти скважина писькӧдӧмсӧ да видлалӧмсӧ урчитӧма 2022–2024 вояс вылӧ.
Владимир Уйба да Андрей Захаров муниципалитетса юрнуӧдысьяскӧд да регионса Веськӧдлан котырӧ пырысьяскӧд сёрнитісны Вуктылса геолого-экономическӧй район сӧвмӧмлӧн аскиа лун йылысь.
Проект серти ньӧбӧма нин устьевӧй оборудование да индӧма пӧдрадчикӧс.
Скважина стрӧитӧм вылӧ 2021 воӧ вичмӧдӧма миллиард джын кымын шайт.
«Сора тӧлысь помлань ми дасьтам площадка, заводитам вайны оборудование.
Бурӧвӧй ӧні Ухтаса складын.
Заводитам монтаж, да во помӧдз установка лоӧ дась», — юӧртіс Андрей Захаров.
Республикаса Юралысь аттьӧаліс компанияӧн юрнуӧдысьясӧс Вуктыл социальнӧй да экономика боксянь сӧвмӧдӧмӧ ыджыд пай пуктӧмысь.
«Аттьӧала компанияӧс выль проектысь. Сійӧ сетас позянлун лӧсьӧдны выль уджалан местаяс, кыскыны профессиональнӧй кадръяс да вӧчны подув миянлысь экономика этша пыдди ветымын во вылӧ водзӧ сӧвмӧдӧмлы.
Тайӧ кыпӧдас Войвылын и олан тшупӧдсӧ, и сылысь кысканлунсӧ», — кывкӧрталіс Коми Республикаса Юралысь.
{Kodko (комиӧдіс Обрезкова Н. А.) @ Кулӧмдін районын бара восьтӧма Виль ю вомӧн пос вывті ветлӧдлӧм @ выльтор @ https://rkomi.ru/news/1091 @ 2021-07-19 @}
Кулӧмдін районын бара восьтӧма Виль ю вомӧн пос вывті ветлӧдлӧм.
Коми Республикаса Юралысь Владимир Уйбалысь тшӧктӧмсӧ пӧртӧма олӧмӧ — сора тӧлысь 18 лунсянь пос вывті позьӧ ветлыны 6 тоннаысь абу сьӧкыдджык автотранспортлы.
Медым восьтыны Керчомъя сикт да Лӧгинъяг посёлок костын ветлӧдлӧмсӧ, квайт киссьӧм пу труба вежӧма кӧрт трубаяс вылӧ.
Виль ю вомӧн поскыс меститчӧ Кулӧмдін — Керчомъя — Зимстан — Дзоль республика тӧдчанлуна автомашина туйлӧн 55–56 километрын.
Сы вывті позьӧ ветлӧдлыны 6 тоннаысь абу сьӧкыдджык машинаӧн.
Сьӧкталун серти урчитӧмсӧ вӧлі торкӧма 2021 вося сора тӧлысь 9 лунӧ, та вӧсна киссис берег пыкӧдыс, пос вывті ветлӧдлӧмсӧ вӧлі кадколаст кежлӧ дугӧдлӧма.
Коми Республикаса Юралысь Владимир Уйба тшӧктіс регионса Стрӧитчан министерстволы оперативнӧя примитны пос дзоньталӧм да пос вывті легкӧвӧй машинаясӧн ветлавны заводитӧм серти мераяс.
«УправтодорКоми» канму казённӧй учреждениеса уджалысьяс комиссионнӧя видлалісны стрӧйбасӧ, да та вылӧ подуласьӧмӧн пӧдрада организация «Лес-Сервис» ичӧт кывкутана котыр нуӧдіс колана дзоньтасян уджъяс.
Тайӧ уджсӧ колӧ вӧлі вӧчны медводзӧн, медым регыдъя кадӧ восьтыны транспортӧн ветлӧдлан туй Зимстан посёлокӧдз.
Коми Республикаса Юралысь Владимир Уйбалӧн тшӧктӧм серти пыртӧма планӧ Виль ю вомӧн выль пос стрӧитӧм.
Объектсӧ пыртӧма 2021–2023 вояс вылӧ Коми Республикаса адреснӧй инвестиция уджтасӧ.
Ӧтувъя доныс — 33,5 миллион шайт.
Аукционыс лоӧ матысса кадӧ.
Контрактсӧ кӧсйӧны кырымавны 2021 вося моз тӧлысь помын.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаын олысь мусульманаӧс Курбан-байрам гажӧн @ выльтор @ https://rkomi.ru/news/1093 @ 2021-07-20 @}
Владимир Уйба чолӧмалӧ Коми Республикаын олысь мусульманаӧс Курбан-байрам гажӧн.
Коми Республикаса Юралысь ыстіс Коми Республикаын Мусульманалӧн духовнӧй веськӧдланінӧн юрнуӧдысь Валиахмад хазрат Гаязовлы правительственнӧй телеграмма ӧтсӧгласа олӧм да радлун, духовнӧя ӧтувтчан уджын вермӧмъяс сиӧмӧн.
«Пыдди пуктана Валиахмад хазрат!
Сьӧлӧмсянь чолӧмала мусульманалӧн медся пыдди пуктана гажъяс лыдысь ӧтиӧн — Ид аль-Адха — Курбан-байрам гажӧн!
Тайӧ мусульманалӧн медся пыдди пуктана гажъяс лыдысь ӧти, Медвылысса Енлы вись ваян гаж.
Тайӧ благӧслӧвеннӧй кад, кор вынсялӧ эскӧм да сӧстӧммӧ лов.
Мусульманалы сійӧ Мухаммед велӧдӧмлысь збыльлун петкӧдлӧм, кутшӧмӧс сетӧма сылы син восьтӧм дырйи, а сідзжӧ Медвылысса Енлӧн помтӧм вынйӧр.
Аттьӧала Коми Республикаын Мусульманалысь духовнӧй веськӧдланінӧс да Тіянӧс Коми Республикаын войтыркостса мир да ӧтсӧгласа олӧм видзӧмӧ ыджыд пай пуктӧмысь.
Сьӧлӧмсянь сиа Тіянлы да Коми Республикаса став правовернӧй мусульманалы шуд, дзоньвидзалун, ӧтсӧгласа олӧм да радлун, духовнӧя ӧтувтчан уджын вермӧмъяс!»
Пыдди пуктӧмӧн, Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Комиын нуӧдасны мероприятиеяс 2021–2023 воясӧ Арктика сӧветын Россиялӧн веськӧдлігӧн @ выльтор @ https://rkomi.ru/news/1094 @ 2021-07-20 @}
Комиын нуӧдасны мероприятиеяс 2021–2023 воясӧ Арктика сӧветын Россиялӧн веськӧдлігӧн.
Коми Республикаса Юралысь Владимир Уйба пырӧдчис Россия Федерацияса Ылі Асыввыв да Арктика сӧвмӧдан министр Алексей Чекуновкӧд сӧвещаниеӧ. Сёрниыс муніс 2021–2023 воясӧ Арктика сӧветын* Россия Федерациялӧн веськӧдлігӧн шӧр мероприятиеяслысь план збыльмӧдӧм йылысь.
Владимир Уйба юӧртіс федеральнӧй министрлы Коми Республикаын индӧм План олӧмӧ пӧртӧм кежлӧ дасьтысьӧм йылысь.
Вынсьӧдӧма да мӧдӧдӧма Россияса Ылі Асыввыв сӧвмӧдан министерствоӧ федеральнӧй Планӧ пыртӧм мероприятиеяс кежлӧ Коми Республикалӧн дасьтысьӧм серти туй карта.
Регионса планын урчитӧма Веськӧдлӧм дырйи волонтёръяслысь корпус лӧсьӧдан мероприятие да «Арктика — диалог вылӧ мутас» войтыркостса арктика форумӧ 2022, 2023 воясӧ Коми Республикаса делегациялӧн пырӧдчӧм.
Лоӧ кӧ позянлун эпидемиологическӧй серпас серти, ӧткымын мероприятие нуӧдасны таво.
Кӧч тӧлысь 23 лунӧ Сыктывкарын заводитчӧ «Россия Федерацияса войтырлӧн электроннӧй гижӧд–2021» войтыркостса научно-практическӧй конференция, кытчӧ пасйысисны нин 9 странаӧс петкӧдлысьяс, на лыдын Норвегияысь, Швецияысь да Финляндияысь.
Воркута йирым тӧлысь 25 лунсянь вӧльгым тӧлысь 4 лунӧдз дась нуӧдны 16 спорт сикас серти «Заполярнӧй ворсӧмъяс» Войвывса войтыръяслысь ставроссияса спартакиада, кодӧс сиӧма Игорь Леонидович Шпекторлы.
Тайӧ мероприятиеыс зэв тӧдчана регионлы да Россиялы. Сійӧс нуӧдӧны 1999 восянь быд во 20 воысь дырджык нин.
Вӧльгым тӧлысь 23–25 лунъясӧ Сыктывкарын лоӧ Арктика регионъясса вузасян палатаяслӧн да бизнес-котыръяслӧн войтыркостса конференция.
Сійӧс котыртӧ Россияса вузасян-промышленнӧй палата Коми Республикаса вузасян-промышленнӧй палатакӧд ӧтвыв.
Ӧшым тӧлысь 2–4 лунъясӧ Сыктывкарын кӧсйӧны нуӧдны Войвывса 4-ӧд культура форум.
Ӧні дасьтӧны сылысь уджтас, лӧсьӧдӧны мероприятиелысь сайт.
«Арктика сӧветын Россиялӧн веськӧдлӧм дырйи нуӧдан мероприятиеяс кежлӧ Коми Республикаӧс дасьтӧм серти туй карта олӧмӧ пӧртӧм йылысь юӧрыс мӧдӧдсьӧ Россияса Ылі Асыввыв сӧвмӧдан министерствоӧ быд тӧлысь.
Веськӧдлӧм дырйи нуӧдан мероприятиеяс кежлӧ республикалӧн дасьтысьӧм бӧрся видзӧдӧ регионса Веськӧдлан котыр да ме ачым», — пасйис Владимир Уйба.
*Арктика сӧветӧ пырӧны арктикаса кӧкъямыс канму — Канада, Дания (тшӧтш Гренландия да Фарер діяс), Финляндия, Исландия, Норвегия, Россия, Швеция да Ӧтувтчӧм Штатъяс.
{Kodko (комиӧдіс Обрезкова Н. А.) @ Комиын школаяс зіля дасьтысьӧны выль велӧдчан во кежлӧ @ выльтор @ https://rkomi.ru/news/1096 @ 2021-07-20 @}
Комиын школаяс зіля дасьтысьӧны выль велӧдчан во кежлӧ.
Регионса велӧдан учреждениеясын дзоньтасян уджъяс нуӧдӧм да челядьлысь безопасносьтсӧ могмӧдӧм серти мероприятиеяс йылысь Коми Республикаса Юралысь Владимир Уйбалы юӧртіс Коми Республикаса велӧдан, наука да том йӧз политика министр Наталья Якимова.
Юалӧмсӧ видлалісны сора тӧлысь 19 лунӧ республикаса Веськӧдлан котырлӧн оперативнӧй сӧвещание дырйи.
Коми Республикаса Юралысь Владимир Уйбалӧн тшӧктӧм серти индӧм могъяс вылӧ республикаса сьӧмкудйысь таво вичмӧдӧма содтӧд сьӧм.
Велӧдан учреждениеяс дзоньталӧм вылӧ вичмӧдӧма 429 миллион шайт, велӧдчысьяслысь безопасносьтсӧ могмӧдан мероприятиеяс вылӧ — 255 миллион шайт.
«Дзоньтасян уджъяс мунӧны водзӧ.
Кызвыннас дзоньталӧны вевтъяс, кутысь конструкцияяс, инженернӧй везъяс, нуӧдӧны пытшкӧсса уджъяс, тэчӧны видео пыр видзӧдан системаяс.
Муниципалитетъяслы торйӧн вӧлі тшӧктӧма вынсьӧдны доступ бӧрся контроль нуӧдан да сыӧн веськӧдлан система, охрана да тревожнӧй сигнализация системаяс.
Могмӧдӧны оборудованиеӧн контрольно-пропускнӧй пунктъяс да охраналы вежӧсъяс, ӧнъяӧдӧны мутас югзьӧдан системаяс, сувтӧдӧны йӧр.
Сьӧм юкӧн мунас надзор органъясӧн индӧм нелючкияссӧ бырӧдӧм вылӧ», — висьталіс Наталья Якимова.
Кӧч тӧлысь 1 лунӧдз лоӧ дзоньталӧма 40 канму да 200-ысь унджык муниципальнӧй велӧдан учреждение.
{Kodko (комиӧдіс Обрезкова Н. А.) @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/1100 @ 2021-07-22 @}
Владимир Уйба примитіс гражданаӧс ас сёрниӧн.
Регионса олысьяс шыӧдчисны Коми Республикаса Юралысь дорӧ олан условиеяс бурмӧдӧм, медицина отсӧг сетӧм, республикаса тшупӧдын адгумлы паныд тыш серти уджтас примитӧм, республикалӧн сиктса районъясын потребкооперация сӧвмӧдӧм, ёрд помшуӧмъяс олӧмӧ пӧртӧм серти юалӧмъясӧн.
Ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяс решитӧм могысь, кутшӧмъясӧн регионса олысьяс шыӧдчисны Коми Республикаса Юралысь дорӧ.
Тшӧктӧмъяссӧ олӧмӧ пӧртӧм бӧрся видзӧдӧ Коми Республикаса Юралысь.
{Kodko (комиӧдіс Обрезкова Н. А.) @ Комиын водзӧ мунӧ регионса перевозчик «Комиавиатранс» акционер котырӧс бурмӧдан удж @ выльтор @ https://rkomi.ru/news/1101 @ 2021-07-22 @}
Комиын водзӧ мунӧ регионса перевозчик «Комиавиатранс» акционер котырӧс бурмӧдан удж.
Удж заводитӧмсяньыс Коми Республикаса экономика сӧвмӧдан да промышленносьт министр Эльмира Ахмеева видзӧдіс регионса перевозчик «Комиавиатранс» акционер котыр бӧрся.
Сулаліс мог не сӧмын отсавны меставывса авиакомпаниялы, но и чукӧртны став вын сійӧс бурмӧдӧм да сӧвмӧдӧм вылӧ.
Сідз, регионса Экономика сӧвмӧдан да промышленносьт министерствоӧн вӧлі дасьтӧма Коми Республикаса Юралысь Владимир Уйба нимсянь шыӧдчӧм Россия Федерацияса Веськӧдлан котырӧн Юрнуӧдысь Михаил Мишустин ним вылӧ, кутшӧмын вӧлі корӧма отсавны сьӧмӧн йӧзлы тӧдчана авиаперевозчиклы, та лыдын 5 выль вертолёт ньӧбӧмын.
Ода-кора тӧлысь 21 лунӧ Россия Федерацияса Веськӧдлан котырын вӧлі сӧвещание, кытчӧ пырӧдчисны Коми Республикаса Юралысь Владимир Уйба, регионса экономика сӧвмӧдан да промышленносьт министр Эльмира Ахмеева, Россияса транспорт министерствоӧс, Россияса промышленносьт да вузасян министерствоӧс, Россияса сьӧм овмӧс министерствоӧс, Росавиацияӧс да ««Комиавиатранс» акционер котырӧс петкӧдлысьяс. Сӧвещание помшуӧмъяс серти вӧлі дасьтӧма авиакомпаниялы сьӧмӧн отсалан план.
Ӧні сійӧс сӧгласуйтӧ став колана федеральнӧй олӧмӧ пӧртысь власьт орган.
Планын медводдзаӧн сулалӧны регионса авиаперевозчиклысь финансъяс да экономика зумыдмӧдӧм серти мероприятиеяс.
Талун «Комиавиатранс» авиакомпания быдлунъя режимын ӧтув уджалӧ власьт органъяскӧд — Коми Республикаса экономика сӧвмӧдан да промышленносьт министерствокӧд.
Воссьӧны выль рейсъяс.
Сідз, тавося сора тӧлысьын вӧлі восьтӧма содтӧд рейсъяс Мылдінӧ, та вылӧ субсидия вичмӧдӧма республикаса сьӧмкудйысь.
«Ми ёна зілям, медым видзны татшӧм социальнӧй нырвизя предприятиесӧ, кыдз «Комиавиатранс» акционер котыр», — шуис Коми Республикаса Юралысь Владимир Уйба.
«Комиавиатранс» акционер котырлӧн сезоннӧй расписание серти, талун самолётъяс лэбалӧны Сыктывкарысь Ухтаӧ, Печораӧ, Усинскӧ, Воркутаӧ, Интаӧ, Чилимдінӧ, Мылдінӧ.
Тайӧ рейсъяс вылӧ сьӧмсӧ тшӧтш вичмӧдӧма республикаса сьӧмкудйысь.
Казьтыштам, мый «Комиавиатранс» акционер котырлы отсӧг вылӧ 2021 воӧ Коми Республикаса сьӧмкудйын арталӧма 595,2 миллион шайт, на лыдын:
· Коми Республикаын аэропорт видзӧмысь сынӧд транспорт организацияясын воштӧм чӧжӧс мыйкӧ мында вештӧм — 382,2 миллион шайт;
· сынӧд транспортӧн пассажиръясӧс да багаж новлӧдлӧм вылӧ рӧскод — 173,8 миллион шайт;
· сынӧд транспорт организацияяслысь, кодъяс муниципалитетъяс пытшкын новлӧдлӧны пассажиръясӧс сьӧкыда воӧдчан олан пунктъясӧ сынӧд транспортӧн, воштӧм чӧжӧссӧ вештӧм вылӧ субсидияяс — 39,2 миллион шайт.
Таысь кындзи, талун Коми Республикаса олысьяс вермасны лэбны Сыктывкарысь Москваӧ, Санкт-Петербургӧ, Симферопольӧ, Анапаӧ да Сочиӧ.
Котыртӧма и войтыркостса рейсъяс.
Та вылӧ видзӧдтӧг, ӧні регионса олысьяссянь воӧ уна шыӧдчӧм, кӧні найӧ корӧны котыртны содтӧд маршрутъяс миян странаса и мукӧд карӧ.
Такӧд йитӧдын сора тӧлысьӧ Коми Республикаса экономика сӧвмӧдан да промышленносьт министр Эльмира Ахмеева нуӧдіс удж серти аддзысьлӧм «Руслайн» авиакомпанияӧс петкӧдлысьяскӧд.
Найӧ вӧзйисны Сыктывкарысь Санкт-Петербургӧ, Екатеринбургӧ, Калининградӧ, Казаньӧ маршрутъяс серти ёртасьӧм, а сідзжӧ Россияса лунвылӧ рейсъяс серти: Краснодарӧ, Геленджикӧ да Минеральные воды карӧ.
Министр корис уджыштны та вылын да сетны ёртасьӧм йылысь вӧзйӧм.
Бӧръя кадӧ буретш тайӧ маршрутъяссӧ медся ёна бӧрйӧны регионын.
«Руслайн» компанияӧс петкӧдлысьяс сідзжӧ пасйисны, мый налӧн ыджыд опыт республикаса мукӧд муниципальнӧй юкӧнын авиаперевозкаяс котыртӧмын да шуисны, мый дасьӧсь котыртны Воркутаысь Санкт-Петербургӧ да Усинскысь Москваӧ рейсъяс.
Коми Республикаса экономика сӧвмӧдан да промышленносьт министерствоын юӧртісны, мый регионын пытшкӧсса туйвизьяс вылын шӧр авиаперевозчикӧн вӧлі и лоӧ «Комиавиатранс» акционер котыр.
{Kodko (комиӧдіс Обрезкова Н. А.) @ Владимир Уйба пырӧдчис Коми Республикаса прокуратура коллегиялӧн заседаниеӧ @ выльтор @ https://rkomi.ru/news/1103 @ 2021-07-22 @}
Владимир Уйба пырӧдчис Коми Республикаса прокуратура коллегиялӧн заседаниеӧ.
Сора тӧлысь 22 лунся заседание дырйи видлалӧма 2021 вося медводдза во джынйысь дӧзьӧр нуӧдан ведомстволӧн удж серти кывкӧртӧдъяс.
Коми Республикаса Юралысь аттьӧаліс Коми Республикаын прокуратураса уджалысьясӧс ыджыд кужӧм-сямлунысь, йӧзкотырлысь да канмулысь интересъяс дорйигӧн лэдзчысьтӧмлунысь.
Мӧд во тырӧ 300 во Россияса Прокуратура органъяс котыртӧмсянь да 100 во (1922 вося кӧч тӧлысь 1 лун) Коми Республикаса Прокуратура котыртӧмсянь.
«Став тайӧ вояссӧ прокуратураса уджалысьяс кывкутӧмӧн пӧртӧны олӧмӧ оланпасӧ да инӧда пӧрадокӧ кутчысьӧм, гражданалысь торкалӧм инӧдъяс бӧр сетӧм, миян регионын канму интересъяс дорйӧм серти могъяс», — тӧдчӧдіс Коми Республикаса Юралысь.
Коми Республикаса Веськӧдлан котыркӧд ӧтувъя уджаын медтӧдчана нырвизьяс лыдысь Владимир Уйба пасйис коррупциялы паныд удж нуӧдӧм, гражданалысь инӧдъяс дорйӧм, национальнӧй проектъяс збыльмӧдӧм бӧрся видзӧдӧм.
«Кӧч тӧлысьын лоӧ тӧдчана лоӧмтор странаса да республикаса олӧмын — VІІІ бӧръян Россияса Каналан Думаӧ депутатъясӧс бӧрйӧм.
Миян тіянкӧд ӧтувъя мог — бӧрйысян кампания кадколастӧ да гӧлӧсуйтан лунъясӧ кутны оланпаслун да инӧда пӧрадок, оперативнӧя реагируйтны национализмлӧн петкӧдчӧмъяс да быдпӧлӧс торкалӧмъяс вылӧ.
Республикаса олысьяслы колӧ сетны позянлун збыльмӧдны ассьыныс оланпасӧн сетӧм инӧдсӧ тӧждысьтӧг», — пасйис Коми Республикаса Юралысь.
Ассьыс сёрнисӧ помалігӧн Владимир Уйба сиис прокуратураса уджалысьяслы Коми Республикалӧн да Россиялӧн тыр-бур олӧм вылӧ уджын вермӧмъяс.
{Kodko (комиӧдіс Обрезкова Н. А.) @ Сыктывкарын Иван Павлович Морозовлы памятниксӧ сувтӧдасны Коми Республикалӧн лун кежлӧ @ выльтор @ https://rkomi.ru/news/1104 @ 2021-07-22 @}
Сыктывкарын Иван Павлович Морозовлы памятниксӧ сувтӧдасны Коми Республикалӧн лун кежлӧ.
Скульптураыс дась нин, ӧні сійӧ Санкт-Петербургын.
Матысса лунъясӧ заводитчасны памятник сувтӧдӧм кежлӧ дасьтысян уджъяс.
Талун сійӧ места вылас, кытчӧ пуктӧма из, волісны Коми Республикаса Юралысь Владимир Уйба да Коми Республикаса Веськӧдлан котырӧн Юрнуӧдысьӧс вежысь Галина Габушева.
Коми АССР-са тӧдчана политик Иван Павлович Морозовлы, коді 22 во юрнуӧдіс республикаӧн, памятниксӧ сувтӧдасны Сыктывкарын, Киров улича вылын, орччӧн керкаыскӧд, кӧні сійӧ оліс, Киров нима парккӧд орччӧн, кӧні быд асыв котраліс, Сыктыв юкӧд орччӧн, кӧні колис сылӧн челядьдырыс да томлуныс.
Уськӧдам тӧд вылӧ, нэммӧдны Иван Павлович Морозов йылысь паметьсӧ скульптураын вӧзйисны сылӧн уджъёртъясыс да республикаса ветеранъяс.
Регионса Юралысь Владимир Уйба эз сӧмын ошкы вӧзйӧмсӧ, но и ачыс босьтчис веськӧдлыны проект збыльмӧдысь уджалан группаӧн, видзӧдіс проектлӧн быд тшупӧд бӧрся.
Изсӧ лоана памятник местаас пуктісны 2020 вося моз тӧлысь 22 лунӧ — республикалӧн 99-ӧд чужан лунӧ.
«Во чӧжӧн вӧлі нуӧдӧма зэв ыджыд удж, — висьталіс Владимир Уйба.
— Медся сьӧкыдыс и тӧдчанаыс вӧлі сыын, мед лои ловъя мортлӧн пертас, медым петкӧдлыны Иван Павловичӧс сэтшӧмӧн, кутшӧмӧн сійӧ вӧлі олӧмас да кутшӧмӧн коли йӧз паметьӧ.
Ми шыӧдчим отсӧгла Иван Павлович Морозовлӧн уджъёртъяс дорӧ, кодъяс дыр кад чӧж уджалісны сыкӧд да бура тӧдӧны сылысь ӧбичасӧ, жестъяссӧ, ловрусӧ, мимикасӧ.
Миянлы отсасис Иван внукыс.
Ӧтлаын миян артмис татшӧм пертасыс, во заводитчигӧн ми бӧрйим эскиз.
А водзӧ спонсоръяс отсӧгӧн пертассӧ вуджӧдісны скульптураӧ миян мастеръяс — Коми Республикаса нимйӧза художник Анатолий Иванович Нестеров да сылӧн ныв Анастасия.
Сідзжӧ бӧрйӧма нин плита, кӧні кутас сулавны памятникыс.
Тайӧ лоӧ гӧрд карельскӧй гранитысь плита.
2021 вося моз тӧлысь 22 лунӧ, миян республикалӧн чужан лунӧ, сё вося юбилей лунӧ ми тайӧ памятниксӧ кыпыда восьтам».
Водзджык, сора тӧлысь 20 лунӧ, Иван Павлович Морозовлы памятник сувтӧдӧм йылысь помшуӧмсӧ вӧлі вынсьӧдӧма Коми Республикалӧн юркарса культура да история озырлун серти комиссияӧн.
Мӧд луннас, сора тӧлысь 21 лунӧ, карса Сӧветлӧн водзвыв урчиттӧм заседание дырйи водзмӧстчӧмсӧ ошкисны Сыктывкарса депутатъяс.
* * *
Иван Павлович Морозов чужис 1924 вося кӧч тӧлысь 30 лунӧ Сыктыв районса Межадор сиктын.
Велӧдчис Сыктывкарын фельдшер-акушер школаын, кодӧс помаліс 1942 вося тӧвшӧр тӧлысьӧ.
9 тӧлысь мысти сійӧс босьтісны Краснӧй Армияӧ.
Вӧлі ротаса санинструкторӧн, а сэсся батальонса комсоргӧн.
1965 восянь 1986 воӧдз уджаліс КПСС-лӧн Коми обкомын медводдза секретарӧн.
Бӧрйылісны КПСС-лӧн Шӧр комитетӧ пырысьӧн, витысь бӧрйылісны СССР-лӧн Медвылыс Сӧветса депутатӧн.
Иван Морозов нимкӧд йитчӧма Коми му историялӧн дзонь эпоха. Сэки зэв бура сӧвмис экономика.
1965–1986 воясӧ республикаын промышленносьтлӧн валӧвӧй прӧдукцияыс содіс куим пӧв, мусир перйӧмыс — 9 пӧв.
Уна вын пуктіс сійӧ и биару отрасль лӧсьӧдӧмӧ, из шом перйӧм сӧвмӧдӧмӧ да лесохимическӧй отрасль котыртӧмӧ.
Ыджыд вежсьӧмъяс лоисны транспорт йитӧдын: нюжӧдісны кӧрт туй Косланӧдз, Мылдінӧдз, Усинскӧдз, вӧчисны бур автомашина туйяс Абъячойӧдз да Кулӧмдінӧдз.
60-ӧд – 70-ӧд воясӧ Коми АССР лоис страналӧн Европаса Войвылын гырысь промышленнӧй районъясысь ӧтиӧн.
Авторитетыс, эскӧдны кужӧмыс эз ӧтчыдысь отсавны Иван Павловичлы СССР-са Министръяс Сӧветӧн юрнуӧдысьяс водзын, сійӧ кужис воӧдчыны сэтшӧм решениеясӧдз, кутшӧмъяс колӧны республикалы.
Сылӧн наследиеыс — абу сӧмын выль каръяс, предприятиеяс, туйяс, электропередача линияяс да социальнӧй объектъяс, кутшӧмъяс ӧні лыддьыссьӧны республикаса озырлунӧн.
Иван Павлович Морозов чукӧртіс ас дорас зумыд команда.
Сы дырйи кадръяссӧ кутісны бӧрйыны восьсӧн, велӧдны том веськӧдлысьясӧс.
Иван Морозов кужис аддзыны тӧлка да енбиа йӧзӧс. Наысь лоисны нималана уджалысьяс, вылыс квалификацияа юрнуӧдысьяс, кодъяс пуктісны пай Коми Республика сӧвмӧдӧмӧ.
{Kodko (комиӧдіс Обрезкова Н. А.) @ Коми Республикаын 2021 вося моз тӧлысь 1 лунсянь заводитӧ уджавны «Россия Федерацияса Арктика зонаын олысьяслы гектар» уджтас @ выльтор @ https://rkomi.ru/news/1107 @ 2021-07-23 @}
Коми Республикаын 2021 вося моз тӧлысь 1 лунсянь заводитӧ уджавны «Россия Федерацияса Арктика зонаын олысьяслы гектар» уджтас.
2021 вося моз тӧлысь 1 лунсянь Арктика зонаын, кытчӧ Коми Республикаын пырӧны «Воркута», «Инта», «Усинск» кар кытшъяс, «Чилимдін» муниципальнӧй район, гражданалы дон босьттӧг кутасны сетны вӧдитчӧмӧ му участокъяс семьяӧ 1 пырысь вылӧ 1 га арталӧмӧн.
Медводдза 6 тӧлысьӧ му участокъяссӧ вермасны босьтны граждана, кодъяслӧн эм Арктика зонаӧ пырысь муниципальнӧй юкӧнъясын регистрация.
Тайӧ кадколаст бӧрас татшӧм позянлуныс лоӧ Россияса быд гражданинлӧн.
5 во кольӧм бӧрын бура вӧдитчигӧн му участоксӧ позьӧ босьтны ас эмбурӧ либӧ дыр кадся кӧртымӧ.
Ставнас 2021 во сора тӧлысь 19 лунся 72-РЗ №-а Коми Республикаса Оланпасӧн вӧдитчӧмӧ дон босьттӧг сетӧм вылӧ урчитӧма 50 мутас, ӧтув площадьыс — 4 261,25 га, та лыдын:
Воркута — 562,98 га вылын 7 мутас;
Инта — 37,07 га вылын 22 мутас;
Усинск — 109,99 га вылын 12 мутас;
Чилимдін — 3 551,21 га вылын 9 мутас.
Му вылас позьӧ лэптыны олан керка, видзны овмӧс, нуӧдны оланпастэчас торкавтӧг быдсяма удж, сетны йӧзӧс могмӧдан быдсяма услуга, та лыдын туристическӧй, 119-ФЗ №-а Федеральнӧй оланпасӧн урчитӧм условиеясӧ кутчысьӧмӧн.
2021 вося моз тӧлысь 1 лунсянь му участоксӧ вӧдитчӧмӧ дон босьттӧг сетӧм йылысь заявлениесӧ гражданин вермӧ сетны электроннӧй документӧн юӧртан система (ГектарвАрктике.рф) отсӧгӧн либӧ мӧдӧдны (ачыс либӧ пошта пыр) му участокӧн веськӧдлӧм серти уполномоченнӧй органӧ кабала вылын.
Индӧм заявлениесӧ гражданин сідзжӧ вермӧ сетны канму да муниципальнӧй услугаяс сетан уна мога шӧрин либӧ инӧдъяс пасъян орган пыр.
Содтӧд юӧр позьӧ аддзыны Коми Республикаса эмбур да му йитӧдъяс комитетлӧн сайт вылын «Удж» юкӧдын, «119-ФЗ №-а Федеральнӧй оланпас серти Арктика зонаын му участокъяс сетӧм» юкӧдулын татшӧм ссылка серти: https://aguі.rkomі.ru/deyatelnost/predostavlenіe-zemelnyh-uchastkov-v-arktіcheskoy-zone-v-sootvetstvіі-s-federalnym-zakonom-ot–01052016–119-fz.
Презентация.
Арктикаса олысьяслы гектар.
{Kodko (комиӧдіс Обрезкова Н. А.) @ Пыртӧма вежсьӧмъяс Коми Республикаса Веськӧдлан котырлӧн составӧ @ выльтор @ https://rkomi.ru/news/1108 @ 2021-07-23 @}
Пыртӧма вежсьӧмъяс Коми Республикаса Веськӧдлан котырлӧн составӧ.
Коми Республикаса Юралысьлӧн помшуӧмӧн Коми Республикаса Веськӧдлан котырлӧн составӧ пыртӧма вежсьӧмъяс, кутшӧмъяс серти Коми Республикаса экономика сӧвмӧдан да промышленносьт министр пыдди сылӧн составӧ пыртӧма Коми Республикаса Веськӧдлан котырӧн Юрнуӧдысьӧс вежысьӧс — Коми Республикаса экономика сӧвмӧдан да промышленносьт министрӧс.
Коми Республикаса Юралысьлӧн 2021 во сора тӧлысь 23 лунся 93 №-а Индӧд
Шуа:
1. Пыртны «Коми Республикаса Веськӧдлан котыр йылысь» Коми Республикаса Юралысьлӧн 2020 во йирым тӧлысь 20 лунся 116 №-а Индӧдӧ татшӧм вежсьӧм:
Коми Республикаса Веськӧдлан котырлӧн чинъяс серти составын (Индӧд дорӧ 1 №-а содтӧд):
10 пункт гижны тадзи:
«10. Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр.».
2. Тайӧ Индӧдыс вынсялӧ сійӧс кырымалан лунсянь.
{Kodko (комиӧдіс Обрезкова Н. А.) @ Эльмира Ахмееваӧс мездӧма Коми Республикаса экономика сӧвмӧдан да промышленносьт министр чинысь @ выльтор @ https://rkomi.ru/news/1109 @ 2021-07-23 @}
Эльмира Ахмееваӧс мездӧма Коми Республикаса экономика сӧвмӧдан да промышленносьт министр чинысь.
Коми Республикаса Юралысьлӧн 2021 во сора тӧлысь 23 лунся 205-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын мездыны Эльмира Ахтямовна Ахмееваӧс Коми Республикаса экономика сӧвмӧдан да промышленносьт министр чинысь.
2. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Обрезкова Н. А.) @ Сыктывкарын да Ухта районын эпидобстановка лёкмӧм вӧсна пыртӧны дзескӧдӧмъяс @ выльтор @ https://rkomi.ru/news/1110 @ 2021-07-23 @}
Сыктывкарын да Ухта районын эпидобстановка лёкмӧм вӧсна пыртӧны дзескӧдӧмъяс.
Выль коронавирус инфекция паськалӧмлы паныд удж нуӧдан республиканскӧй оперативнӧй штаблӧн помшуӧм подув вылын «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ пыртӧма вежсьӧмъяс.
2021 вося сора тӧлысь 26 лун 00 чассянь моз тӧлысь 16 лунӧдз «Сыктывкар» кар кытшса муниципальнӧй юкӧнын да «Ухта» кар кытшса муниципальнӧй юкӧнын кадколаст кежлӧ дугӧдсьӧ вузасян да вузасян-гажӧдчан шӧринъясын меститчысь йӧзӧс ӧтув вердан предприятиеяслӧн удж («петкӧдӧм» вылӧ дась прӧдукция вузалӧм серти услугаяс кындзи) (ОКВЭД 2 код 56) да челядьлы ворсан жыръяслӧн удж (ОКВЭД 2 код 93.2).
Индӧм мутасъясын 2021 вося сора тӧлысь 26 лун 00 чассянь кадколаст кежлӧ дугӧдсьӧ стационарнӧй вузасян объектъясысь бокын ярмаркаяс нуӧдӧм.
Сідзжӧ «Сыктывкар» кар кытшса муниципальнӧй юкӧнын да «Ухта» кар кытшса муниципальнӧй юкӧнын 2021 вося сора тӧлысь 26 лун 00 чассянь дзескӧдӧма ресторанъяслысь, кафеяслысь, столӧвӧйяслысь, буфетъяслысь, баръяслысь, закусочнӧйяслысь, гожся верандаяслысь (гожся кафеяслысь) да йӧзӧс ӧтув вердан мукӧд предприятиеяслысь удж («петкӧдӧм» вылӧ дась прӧдукция вузалӧм кындзи) 23 чассянь 10 часӧдз.
Коми Республикаса Веськӧдлан котырлы тшӧктӧма урчитны отсалан мераяс ичӧт да шӧр предпринимательство субъектъяслы, кодъяслӧн уджыс веськалӧ дзескӧдӧмъяс улӧ:
а) ичӧт да шӧр предпринимательство субъектъяслы уджалысьяслы, кодъяс вермӧны воштыны удж да могмӧдӧны тайӧ Субъектыслысь удж вӧчӧмсӧ, мый веськалӧ дзескӧдӧмъяс улӧ, уджысь мынтысьӧм вылӧ збыльвывса рӧскод юкӧн вештӧм, но уджысь медічӧт мынтан ыдждаысь абу унджык, кытчӧ содтысьӧ районса да войвыв коэффициентъяс, страхӧвӧй взносъяс тӧд вылын кутӧмӧн, татшӧм дзескӧдӧмъяслӧн вына кадколаст вылӧ;
б) ичӧт да шӧр предпринимательство субъектъяслы вӧрзьӧдны позьтӧм эмбур, кутшӧмӧн вӧдитчӧны дзескӧдӧмъяс улӧ веськалысь удж збыльмӧдӧм могысь, кӧртымалан сёрнитчӧмъяс серти кӧртымалӧмысь мынтысьӧм вылӧ збыльвывса рӧскод вештӧм татшӧм дзескӧдӧмъяслӧн вына кадколаст вылӧ.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Вузасян юкӧнын уджалысьяслӧн лунӧн @ выльтор @ https://rkomi.ru/news/1114 @ 2021-07-24 @}
Владимир Уйба чолӧмалӧ Коми Республикаса олысьясӧс Вузасян юкӧнын уджалысьяслӧн лунӧн.
«Пыдди пуктана ветеранъяс, вузасян юкӧнын уджалысьяс!
Чолӧмала тіянӧс уджсикас гажӧн!
Вузасян юкӧнын уджалысьяскӧд ми паныдасям быд лун — лавкаясын, вузасян шӧринъясын.
Продавечьяс, кассиръяс, вузасьӧм серти менеджеръяс да консультантъяс — мукӧддырйи тіян бур кывныд да нюмныд вайӧны бур кылӧм, козьналӧны кыпыд ловру.
Вузасьӧм — страналы зэв колана юкӧн.
Сійӧ котыртӧ экономика, ышӧдӧ ичӧт да шӧр бизнеслысь удж, решайтӧ олысьяслысь социальнӧй корӧмъяс, могмӧдӧ тӧварӧн да услугаясӧн.
Пандемия кадӧ, кор вынсялӧны санитарнӧй корӧмъяс, тіян пельпомъяс вылын торъя кывкутӧм.
Аттьӧала тіянӧс удж бура вӧчӧмысь, ӧдйӧ да кужӧмӧн уджаланног вежны кужӧмысь, выль техническӧй позянлунъясӧн вӧдитчӧмысь, сӧвмыны да бурлань зільны кӧсйӧмысь.
Став сьӧлӧмсянь сиа тіянлы крепыд дзоньвидзалун, бур сиысь ньӧбасьысьясӧс, тыр-бур олӧм да шуд!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Эльмира Ахмееваӧс индӧма Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр чинӧ @ выльтор @ https://rkomi.ru/news/1112 @ 2021-07-24 @}
Эльмира Ахмееваӧс индӧма Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр чинӧ.
Коми Республикаса Юралысьлӧн 2021 во сора тӧлысь 24 лунся 206-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Эльмира Ахтямовна Ахмееваӧс Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Саридзвыв Военнӧй Флотлы сиӧм лунӧн @ выльтор @ https://rkomi.ru/news/1115 @ 2021-07-25 @}
Владимир Уйба чолӧмалӧ Коми Республикаса олысьясӧс Саридзвыв Военнӧй Флотлы сиӧм лунӧн.
«Пыдди пуктана военнослужащӧйяс, Россиялӧн ВМФ-са ветеранъяс!
Чолӧмала тіянӧс Россияса Саридзвыв Военнӧй Флотлы сиӧм лунӧн!
Тайӧ гажыс налӧн, кодӧс олӧмыс йитіс военнӧй суднояс вылын службакӧд, налысь боевӧй дасьлун могмӧдӧм серти уджкӧд да суднояс стрӧитан отраслькӧд.
Республикаса олысьяс гижисны эз этша бур лист бок Россияса Саридзвыв Военнӧй Флотлӧн историяӧ.
Коми муын чужӧм кык морт Мӧд мирӧвӧй война дырйи нуисны служба флотын да лоисны Сӧветскӧй Союзса Геройясӧн — тайӧ разведчик Макар Бабиков да морскӧй пехотинеч Василий Кисляков.
Талун миян республикаса призывникъяс бура дорйӧны Чужан мулысь саридзса суйӧръяссӧ, могмӧдӧны канмулысь ӧпастӧмлун, петкӧдлӧны ыджыд смеллун, боевӧй дасьлун да воинскӧй кужанлун.
Коми Республикаса том зонъяс служитӧны Россияса Войвыв флотлӧн быдсикас юкӧдулын.
Сӧмын 2020 воӧ 900 кымын призывник сувтісны войвыв саридзвывса вынъяслӧн кывкутана да сьӧкыд вахта вылӧ.
Аттьӧала ВМФ-са ветеранъясӧс, кодъяс служба помасьӧм бӧрын воисны гортаныс да водзӧ видзӧны морякъяслысь традицияяссӧ, велӧдӧны том йӧзӧс радейтны чужан му, зіля пырӧдчӧны республикаса йӧзкотыр олӧмӧ.
Став сьӧлӧмсянь сиа крепыд дзоньвидзалун, мирнӧй енэж юр весьтаныд да лӧнь саридз, семьяын шуд да тыр-бур олӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Виталий Савиловӧс мездӧма Коми Республикаса вынйӧр сӧвмӧдан да спорт министр чинысь @ выльтор @ https://rkomi.ru/news/1118 @ 2021-07-27 @}
Виталий Савиловӧс мездӧма Коми Республикаса вынйӧр сӧвмӧдан да спорт министр чинысь.
Коми Республикаса Юралысьлӧн 2021 вося сора тӧлысь 28 лунся 208-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын мездыны Виталий Викторович Савиловӧс Коми Республикаса вынйӧр сӧвмӧдан да спорт министр чинысь.
2. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Обрезкова Н. А.) @ Наталья Каринаӧс индӧма Коми Республикаса вынйӧр сӧвмӧдан да спорт министр чинӧ @ выльтор @ https://rkomi.ru/news/1120 @ 2021-07-28 @}
Наталья Каринаӧс индӧма Коми Республикаса вынйӧр сӧвмӧдан да спорт министр чинӧ.
Коми Республикаса Юралысьлӧн 2021 вося сора тӧлысь 28 лунся 209-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Наталья Викторовна Каринаӧс Коми Республикаса вынйӧр сӧвмӧдан да спорт министр чинӧ
2. Тайӧ тшӧктӧмыс вынсялӧ сійӧс кырымалан лунсянь.
* * *
Наталья Викторовна Карина чужис 1978 вося урасьӧм тӧлысь 18 лунӧ Воркутаын.
2004 воын помаліс «Коми педагогика канму институт» уджсикасӧ велӧдан вылыс тшупӧда канму учреждение. 2008 воын помаліс «Коми Республикаса Юралысь бердын канму службаӧ да веськӧдлыны велӧдан Коми Республикаса академия» уджсикасӧ велӧдан вылыс тшупӧда канму учреждение.
Удж:
1997–2005 воясын — «37 №-а шӧр школа» Воркута карын муниципальнӧй велӧдан учреждениеын воспитатель, англия кыв велӧдысь, директорӧс вежысь.
2005–2015 воясын — «37 №-а шӧр школа» Воркута карын муниципальнӧй велӧдан учреждениеса, «42 №-а шӧр школа» Воркута карын муниципальнӧй велӧдан учреждениеса директор.
2015 восянь уджалӧ спорт юкӧнын: спорт школаса директорӧс вежысь, Коми Республикаса вынйӧр сӧвмӧдан да спорт министерствоын велӧдан да физкультурно-спортивнӧй удж нуӧдан юкӧнса начальник.
Верӧс сайын, быдтӧ кык нылӧс.
{Kodko (комиӧдіс Обрезкова Н. А.) @ Игорь Булатов сёрнитіс Якуньёль посёлокса олысьяскӧд школасӧ выль ног котыртӧм йылысь @ выльтор @ https://rkomi.ru/news/1121 @ 2021-07-28 @}
Игорь Булатов сёрнитіс Якуньёль посёлокса олысьяскӧд школасӧ выль ног котыртӧм йылысь.
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов Луздор районӧ удж серти ветлігӧн аддзысьліс Якуньёль посёлокса олысьяскӧд.
Сёрнитісны посёлокса школа выль ног котыртӧм серти муниципальнӧй комиссиялӧн помшуӧм йылысь. Школаын велӧдчысь этша да стрӧйбаыс киссьӧма.
Школасӧ ӧтувтӧны Гурьёвчи сиктса школакӧд.
Выль велӧдчан восянь Якуньёльысь 15 ныв-зон кутасны велӧдчыны выль школаын, найӧс кутасны новлӧдлыны школаас быд лун.
Гурьёвчиын найӧ вермасны босьтны бурджык тӧдӧмлун: 2020 воын Гурьёвчиса школаын восьтісны «Точка роста» цифрӧвӧй да гуманитарнӧй нырвизя велӧдан шӧрин, кӧні эм информатика, технология, ОБЖ велӧдӧм вылӧ ӧнія оборудование.
«Юалӧмъясыс вӧлі йитчӧмаӧсь эз школасӧ выль ног котыртӧмкӧд, а сыкӧд кыдзи тайӧ уджыс мунӧ.
И тайӧ гӧгӧрвоана, и олысьяслӧн эм татшӧм инӧд.
Бать-мамлы нуӧдасны экскурсия налӧн челядьлы выль школаті, петкӧдласны тані велӧдчӧмлысь верктуйсӧ, бать-мамсӧ вайӧдасны школаӧ сійӧ жӧ туйт кузя, кыті кӧсйӧны новлӧдлыны челядьсӧ.
Ог вунӧдӧй и социализация йылысь, ӧд выль школаын челядь кутасны велӧдчыны лыд сертиыс ыджыдджык классъясын», — шуис Игорь Булатов.
Посёлокса олысьяс окотитісны асьныс донъявны, кыдзи кутасны новлӧдлыны челядьсӧ Гурьёвчиса школаӧ, да дасьӧсь власьтъяскӧд ӧтув видзӧдны велӧдчӧмсӧ выль ног котыртан быд тшупӧд бӧрся.
Выль ногӧн котыртігӧн штат лыдыс чинас.
Штат чинтігӧн уджалысьяслы сетасны гарантияяс Удж кодекс серти, вӧзъясны выль уджсикасъясӧ велӧдчӧм, уджӧн могмӧдӧм серти вариантъяс.
Сідзжӧ удж серти ветлігӧн медводдза вице-премьер районса администрацияӧн юрнуӧдысь Елена Нестерюккӧд ӧтлаын видзӧдлісны Летка ю вомӧн пос. Сійӧ пырӧ велӧдчысьясӧс новлӧдлан маршрутӧ, но ӧні аварийнӧй состояние вӧсна сыӧн вӧдитчӧны оз тырвыйӧ.
Объектыс пырӧ Россияса посъяс да путепроводъяс серти 2022–2024 воясӧ збыльмӧдан уджтасӧ да Коми Республикаса адреснӧй инвестиция уджтас балаӧ тайӧ жӧ кадколастъяс кежлӧ.
Игорь Булатов тшӧктіс Коми Республикаса стрӧитчан, оланін да коммунальнӧй овмӧс министерстволы корсьны позянлун вичмӧдны сьӧм поссӧ кад кежлӧ крепитӧм вылӧ.
Матысса кадӧ объект вылӧ ветлас экспертнӧй комиссия, медым донъявны послысь состояниесӧ да артавны дзоньталан уджъяслысь йӧрышсӧ да пос дзоньталан кадсӧ.
Удж серти ветлігӧн Абъячой сиктын районса администрацияын Игорь Булатов нуӧдіс сӧвещание оланін, коммунальнӧй, биару да энергетическӧй комплексъяслысь тӧв кежлӧ дасьтысьӧм серти.
Сідзжӧ сӧвещаниеӧ пырӧдчысьяс сёрнитісны Луздор районын эпидемия серти серпас да вакцинируйтан ӧд йылысь.
{Kodko (комиӧдіс Обрезкова Н. А.) @ Чилимдін районса Хабариха сиктын стрӧитӧны 80 юр вылӧ гырысь скӧт видзан карта @ выльтор @ https://rkomi.ru/news/1124 @ 2021-07-28 @}
Чилимдін районса Хабариха сиктын стрӧитӧны 80 юр вылӧ гырысь скӧт видзан карта.
Крестьяна фермер овмӧсӧн веськӧдлысь Василий Захаров збыльмӧдӧ проектсӧ Коми Республикаса Веськӧдлан котыр отсӧгӧн.
Талун, сора тӧлысь 28 лунӧ, регионса Юралысь Владимир Уйба воліс стрӧитчысь объект вылӧ, фермеркӧд найӧ сёрнитісны Чилимдін районын видз-му овмӧс сӧвмӧдӧмын водзӧ вылӧ могъяс йылысь.
2020 воын Василий Захаровлы регионса Видз-му овмӧс министерство сетіс 19,8 миллион шайт ыджда грант, медым кыпӧдны скӧт видзан карта, кӧні кутасны видзны 80 мӧс, сэні лоӧ и кукъяс быдтанін.
Проектлӧн ӧтувъя доныс — 32 миллионысь унджык шайт.
Скӧт видзан картасӧ стрӧитӧны кирпичысь да пуысь.
Кӧсйӧны ортсысяньыс утеплитны стенъяссӧ да кышны кӧрт сайдингӧн.
Дзиръяыс лоӧ пуысь, ӧшиньясыс — пластикысь, югыд сетан ӧклупеньыс — поликарбонатысь.
Проект серти вӧчасны принудительнӧй вентиляция система.
Вайӧма нин став стрӧитчан материалсӧ: утеплитель, вевттьысян материал, сайдинг, поликарбонат, ӧшиньяс, ӧдзӧсъяс.
Сувтӧдӧмаӧсь стрӧпилӧяссӧ, тэчӧма стенъяс, юклӧма жыръяс вылӧ, дасьӧсь пуысь полкаяс.
Заводитӧма вевттьыны карталысь вевтсӧ.
Вӧчӧны куйӧд петкӧдан транспортёръяс, дасьтысьӧны пуктыны ӧшиньяс да ӧдзӧсъяс.
Уджыс мунӧ графикӧ кутчысьӧмӧн, уджъяссӧ кӧсйӧны помавны 2021 вося йирым тӧлысьын.
Проект збыльмӧдӧмӧ пырӧдчигӧн кӧсйӧны восьтыны содтӧд куим уджалан места.
Василий Захаровлӧн фермер овмӧсын 148 гырысь скӧт юр.
Районын тайӧ крестьянин фермер овмӧсыс медся ыджыдъяс лыдын, вонас вузалӧ йӧв-выйсӧ 300 тоннаӧдз, выйсӧ 8 тоннаысь унджык да яйсӧ 26 тонна.
Таысь кындзи, сӧмын Василий Захаровлӧн крестьянин фермер овмӧс рӧспута дырйи могмӧдӧ районса юрсиктсӧ йӧлӧн да яйӧн.
Сылысь прӧдукциясӧ вайӧны сьӧмкуд учреждениеясӧ, вузалӧны фирменнӧй да районса вузасянінъясын.
{Kodko (комиӧдіс Обрезкова Н. А.) @ Чилимдін районса Мӧскашор сиктын дзоньталӧны кадетскӧй школаса быдтасъяслы интернат @ выльтор @ https://rkomi.ru/news/1125 @ 2021-07-28 @}
Чилимдін районса Мӧскашор сиктын дзоньталӧны кадетскӧй школаса быдтасъяслы интернат.
Уджъяссӧ нуӧдӧны Коми Республикаса Веськӧдлан котыр да «ЛУКОЙЛ» публичнӧй акционер котыр костын Ёртасьӧм йылысь соглашение дорӧ 2020 во вылӧ 1 №-а содтӧд соглашение серти.
Талун, сора тӧлысь 28 лунӧ, объект вылӧ воліс Коми Республикаса Юралысь Владимир Уйба.
Интернатын олӧны Неридз сиктысь челядь, кор велӧдчӧны Мӧскашор сиктса Кадетскӧй шӧр школаын.
Учреждениеыс меститчӧ 60-ӧд воясын кыпӧдӧм стрӧйбаын, сійӧ вӧлі аварийнӧй.
Таысь кындзи, интернатын эз вӧвны душевӧй кабинкаяс да канализация.
Капитальнӧя дзоньталігӧн стрӧйбасӧ утеплитасны, вежасны джоджъяссӧ, косметическӧя дзоньталасны жыръяссӧ, сувтӧдасны душевӧй кабинкаяс, нюжӧдасны инженернӧй сетьяс.
Ӧні вежӧма нин вевтсӧ, обработайтӧма сійӧс пӧжарысь видзчысян составӧн, кышӧма стрӧйбасӧ ортсысяньыс, юклӧма жыръяс вылӧ, сувтӧдӧма шоныд сетан радиаторъяс (шоныдсӧ сетӧма).
Вӧчӧма стрӧйбалысь пытшкӧсса отделкасӧ, сувтӧдӧны ӧдзӧсъяс, пуктӧны плинтусъяс, розеткаяс, выключательяс, светильникъяс.
Лӧсьӧдӧма нин фундамент дизельсянь уджалысь кык электростанция вылӧ.
Вӧчӧны ортсыса заземление.
Дзоньталан уджъяссӧ кӧсйӧны помавны 2021 вося кӧч тӧлысь 1 лунӧдз.
{Kodko (комиӧдіс Обрезкова Н. А.) @ Владимир Уйбалӧн тшӧктӧм серти Чилимдін районын Карпушев грездын лӧсьӧдӧны ваӧн могмӧдан бур система @ выльтор @ https://rkomi.ru/news/1126 @ 2021-07-28 @}
Владимир Уйбалӧн тшӧктӧм серти Чилимдін районын Карпушев грездын лӧсьӧдӧны ваӧн могмӧдан бур система.
Мытшӧдсӧ уна во чӧж эз бырӧдны.
2020 воын грездсаяс шыӧдчисны Владимир Уйба дорӧ, кодӧс сійӧ кад кежлӧ Россияса Президентӧн индіс Коми Республикаса Юралысьлысь могъяс недыр кад чӧж збыльмӧдысь чинӧ.
Шыӧдчӧм серти заводитчис удж.
Талун, сора тӧлысь 28 лунӧ, Чилимдін районӧ удж серти ветлігӧн Владимир Уйба видзӧдліс, кыдзи збыльмӧдӧны сылысь тшӧктӧмсӧ.
2021 вося сора тӧлысьӧ Мӧскашор сиктын «Коми теплӧвӧй компания» акционер котырлӧн му участокын кодйисны скважина.
Буритӧм скважинаыс лоӧ Чукчин, Мӧскашор, Карпушев сикт-грезд ваӧн могмӧдан резервнӧй ӧшмӧсӧн, а сідзжӧ сетас позянлун могмӧдны ваӧн Карпушев грездлысь вылыс юкӧнсӧ.
Скважиналӧн джудждаыс 347 метра, ылӧсалан дебитыс суткинас 80 м3.
Валӧн пробаяс серти колӧ сувтӧдны ва весалан да сеть пытшкын давление кыпӧдан станцияяс.
Карпушевлысь вылыс юкӧнсӧ ваӧн могмӧдӧм вылӧ колӧ стрӧитны ва сетан шӧр проводсянь 700 метраысь кузьджык выль вож.
Та вылӧ колӧ йитны Мӧскашор сиктса уджалысь ва сетан проводсӧ да Карпушев грездса Авиация улича кузя 75 номера керка дорын уджалысь ва сетьяссӧ.
Нуӧдӧма инженернӧй корсьысьӧмъяс да дасьтӧма объект стрӧитан проект серти документациясӧ.
Ӧні нуӧдӧны ва сетан провод стрӧитӧм вылӧ контракт кырымалӧм серти уджъяс.
{Kodko (комиӧдіс Обрезкова Н. А.) @ Владимир Уйба ветліс Чилимдін районса ылыс олан пунктъясӧ @ выльтор @ https://rkomi.ru/news/1129 @ 2021-07-29 @ }
Владимир Уйба ветліс Чилимдін районса ылыс олан пунктъясӧ.
Коми Республикаса Юралысь кык лун чӧж уджаліс Чилимдін районын.
Талун, сора тӧлысь 29 лунӧ, Владимир Уйба воліс Йӧрмидз, Бугаев сиктъясӧ да Новый Бор посёлокӧ, кӧні аддзысьліс сэтчӧс олысьяскӧд да видзӧдліс, кыдзи сиктса школаяс дасьтысьӧны выль велӧдчан во кежлӧ.
Бугаев сиктын Коми Республикаса Юралысь видзӧдліс школасӧ. Сійӧс капитальнӧя дзоньталӧм вылӧ сьӧмсӧ вичмӧдіс «ЛУКОЙЛ» публичнӧй акционер котыр.
В. П. Кисляков нима Бугаевса шӧр школаӧ кӧч тӧлысь 1 лунӧ локтасны велӧдчыны Бугаев сиктысь да Вылыс Бугаев грездысь 18 челядь, детсадйӧ локтас 6 кага.
Учреждениеыс меститчӧ тайӧ стрӧйбаын 1974 восянь.
2015 воын детсадлысь уджсӧ выль ног котыртӧм бӧрын сійӧ вуджис татчӧ.
2020 воын школасӧ ойдліс тувсовъя ытва дырйи.
Ойдӧминӧ воліс Коми Республикаса Юралысь Владимир Уйба.
Стрӧйбасӧ видзӧдлӧм бӧрын сійӧ тшӧктіс Коми Республикаса Веськӧдлан котырлы корсьны позянлун стрӧитны выль школа да дзоньтавны ӧнія стрӧйбасӧ, медым челядь водзӧ велӧдчисны бур да безопаснӧй условиеясын.
2021 вося медводдза кварталын «ЛУКОЙЛ» публичнӧй акционер котырӧн вичмӧдӧм сьӧм вылӧ помалісны капитальнӧя дзоньталан уджъяссӧ.
Тайӧ гожӧмнас школасӧ дасьтан уджӧ пырӧдчис Коми Республикалӧн нӧшта ӧти социальнӧй уджъёрт — «Лузалес» ичӧт кывкутана котыр.
Тайӧ компания отсӧгӧн важ пу ӧшиньяссӧ вежӧны ПВХ-ысь ӧшиньяс вылӧ, мыйкӧ мында дзоньталӧны стенъяссӧ, мавтӧны джоджъяс да стенъяс.
Выль школасӧ кӧсйӧны кыпӧдны 2025 воӧдз Коми Республикаын велӧдан юкӧнын инфраструктура сӧвмӧдан (стрӧитан) стратегическӧй карта серти.
Владимир Уйба видзӧдліс, кыдзи выль велӧдчан во кежлӧ дасьтысьӧны Новый Бор посёлокын.
Кӧч тӧлысь 1 лунӧ Новый Бор посёлокын С. М. Черепанов нима шӧр школаын кутасны велӧдчыны Харъяга посёлокысь, Йӧрмидз сиктысь да Медвежка сикт кодь посёлокысь 62 велӧдчысь.
Школаын мыйкӧ мында косметическӧя дзоньталӧны велӧдчан жыръяссӧ да коридоръяссӧ, дзоньталӧны канализация системасӧ, бырӧдӧны Роспотребнадзорӧн индӧм нелючкиторъяссӧ, кырымалӧма тревожнӧй кнопка сувтӧдӧм вылӧ сёрнитчӧм.
Новый Бор посёлокын да Йӧрмидз сиктын Коми Республикаса Юралысь аддзысьліс олысьяскӧд, найӧ сёрнитісны Чилимдін районсӧ да
татчӧс олан пунктъяссӧ водзӧ сӧвмӧдӧмын могъяс йылысь, олысьясӧс майшӧдлысь мытшӧдъяс да найӧс бырӧдӧм серти вӧзйӧмъяс йылысь.
Чилимдін районса олысьяскӧд аддзысьлӧм бӧрын дасьтасны Коми Республикаса Юралысьлӧн тшӧктӧмъяслысь протокол.
Регионса Веськӧдлан котыр муниципалитетлӧн администрациякӧд ӧтвылысь нуӧдасны удж Владимир Уйбакӧд аддзысьлӧм дырйи олысьясӧн кыпӧдӧм быд юалӧм серти.
Республикаса Юралысь видзӧдӧ протоколса помшуӧмъяссӧ олӧмӧ пӧртӧм бӧрся.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Кӧрт туйвывса уджалысьлӧн лунӧн @ выльтор @ https://rkomi.ru/news/1134 @ 2021-08-01 @ }
Коми Республикаса Юралысь чолӧмалӧ Кӧрт туйвывса уджалысьлӧн лунӧн.
«Кӧрт туй транспортын пыдди пуктана уджалысьяс, ветеранъяс!
Чолӧмала тіянӧс уджсикас гажӧн — Кӧрт туйвывса уджалысьлӧн лунӧн!
Тіян уджныд отсалӧ странаса медылыс пельӧсъясӧ нуны грузъяс, безопаснӧя да комфортӧн ветлӧдлыны пассажиръяслы.
Миян ыджыд республикалы кӧрт туйясыс зэв тӧдчанаӧсь, а медся войвыв муяслы кӧрт туйыс — медшӧр транспорт.
Кӧрт туй юкӧныс пыр сӧвмӧ:
выльмӧдӧны кӧрт туй вылын колана транспортсӧ, бурмӧдӧны инфраструктурасӧ.
Таво тулысын Сыктывкарын помалісны дзоньтавны вокзалсӧ, сійӧ ӧні лӧсялӧ и сьӧкыда ветлысь йӧзлы.
Регыд юркарса Эжва микрорайонын лоӧ выль пассажирскӧй платформа да павильон.
Аттьӧ странаса кӧрт туй системаын став уджалысьлы кывкутӧмысь, ассьыныд уджнытӧ бурмӧдны кӧсйӧмысь.
Торйӧн кӧсъя аттьӧавны кӧрт туй вылын уджалысьясӧс выль коронавирус инфекция дырйи вакцинируйтан выезднӧй пунктъяс котыртӧмысь.
Став сьӧлӧмсянь сиа кӧрт туй вылын уджалысьяслы да ветеранъяслы крепыд дзоньвидзалун, семьякостса шуд да тыр-бур олӧм!»
Коми Республикаса Юралысь В. В. Уйба.
{Kodko (комиӧдіс Обрезкова Н. А.) @ Владимир Уйба чолӧмалӧ Коми Республикаса олысьясӧс Воздушно-десантнӧй войскалы сиӧм лунӧн @ выльтор @ https://rkomi.ru/news/1136 @ 2021-08-02 @ }
Владимир Уйба чолӧмалӧ Коми Республикаса олысьясӧс Воздушно-десантнӧй войскалы сиӧм лунӧн.
«Пыдди пуктана воин-десантникъяс, ВДВ-са ветеранъяс!
Чолӧмала тіянӧс Воздушно-десантнӧй войскалы сиӧм лунӧн!
Десантниклӧн кельыдлӧз беретыс — тайӧ повтӧмлун да Чужан мулы асьсӧ жалиттӧг служитан символ.
Войска котыртан кадӧ, Айму вӧсна Ыджыд тыш дырйи, мирнӧй кадӧ воздушно-десантнӧй войска пыр стӧча да профессиональнӧя пӧртісны олӧмӧ да пӧртӧны олӧмӧ медсьӧкыд боевӧй могъяс.
«Бордъя пехота» лыддьыссьӧ Россияса вынъяслӧн элитаӧн сы вӧсна, мый найӧс бура дасьтӧны, найӧ дасьӧсь отсавны ёрта-ёртыслы.
Десантникъяс вермӧны пӧртны олӧмӧ быдсикас могсӧ, медся тӧдчанаӧсь налы чесьт да Чужан му.
«Некод миянысь кындзи» — татшӧм мӧвпӧн служитӧны да олӧны десантникъяс.
Став сьӧлӧмсянь аттьӧала тіянӧс воинскӧй долгсӧ да боевӧй ёртасьӧмсӧ пыдди пуктӧмысь.
Аттьӧ ВДВ-са ветеранъяслы республикаса йӧзкотырлӧн олӧмӧ зіля пырӧдчӧмысь, том йӧзӧс Чужан му радейтны велӧдӧмысь.
Сиа ставлы, коді новлӧ кельыдлӧз берет, крепыд дзоньвидзалун, мирнӧй енэж, бур тыл, шуд да тыр-бур олӧм!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Владимир Уйба казьтыштіс тышъясын усьӧм воин-десантникъясӧс @ выльтор @ https://rkomi.ru/news/1138 @ 2021-08-02 @ }
Владимир Уйба казьтыштіс тышъясын усьӧм воин-десантникъясӧс.
Талун, моз тӧлысь 2 лунӧ, Россияын пасйӧны Воздушно-десантнӧй войска котыртӧмсянь 91 во.
Кыдзи и пыр, Сыктывкарын «Шогсьысь воин» памятник да «Куслытӧм слава» мемориал дорӧ пуктісны дзоридзьяс.
Церемония дырйи вӧлі Коми Республикаса Юралысь Владимир Уйба.
{Kodko (комиӧдіс Обрезкова Н. А.) @ Владимир Уйба: «Стажёр» проект — том специалистъяслы уджсикас серти бур школа» @ выльтор @ https://rkomi.ru/news/1140 @ 2021-08-02 @ }
Владимир Уйба: «Стажёр» проект — том специалистъяслы уджсикас серти бур школа».
Коми Республикаса Юралысь аддзысьліс олӧмӧ пӧртысь власьт органъясӧ том специалистъясӧс корӧм серти регионса проектӧ пырӧдчысьяскӧд.
«Бура пуктӧм кадрӧвӧй уджтӧг, смена дасьтытӧг быд власьтлӧн, быд администрируйтӧмлӧн аскиа луныс абу.
Та вӧсна Коми Республикаса Веськӧдлан котырлӧн канму тшупӧда могыс — босьтны вузъяссӧ енбиа помалысьяссӧ удж вылӧ, сы лыдын и канму власьт органъясӧ», — шуис Владимир Уйба.
Россияса Президент Владимир Путин 2021 вося косму тӧлысьӧ Федеральнӧй Собрание дорӧ аслас посланиеын пуктіс мог — лӧсьӧдны енбиа том йӧзлы колана условиеяс сы вылӧ, медым найӧ велӧдчисны да та бӧрын локтісны уджавны канму власьт органъясӧ да отечественнӧй предприятиеясӧ.
Канмуса Юралысь пасйис: «Вӧчам ставсӧ, медым Россияса том йӧзлӧн вӧлі унджык позянлун аддзыны асьнысӧ олӧмын».
2020 во помын примитісны «Россия Федерацияын том йӧз политика йылысь» Федеральнӧй оланпас.
Регионын дасьтӧма «Коми Республикаын том йӧз политика йылысь» оланпаслӧн бала.
Регионса Юралысь Владимир Уйба матысса кадӧ сетас сійӧс Коми Республикаса Каналан Сӧветӧ видлалӧм вылӧ.
Тайӧ оланпас бала отсӧгӧн лӧсьӧдӧны республиканскӧй оланпастэчассӧ федеральнӧй серти, пыртӧны том йӧз политика збыльмӧдан выль принципъяс. Сы отсӧгӧн дасьтасны выль уджтасъяс да вынсьӧдасны том йӧзкӧд уджалана нырвизьяссӧ.
«Стажёр» проект — татшӧм уджалысь да бур проектъяс пиысь ӧти.
Сэтчӧ вермасны пырӧдчыны вузъяс помалысьяс, кодъяслы эз на тыр 27 арӧс, кодъяс прӧйдитісны собеседование да тестируйтӧм.
Во быд куим тӧлысь чӧж том специалистъяс уджалӧны республикаса ведомствояс либӧ министерствояс лыдысь ӧтиын, пырӧдчӧны налӧн уджӧ, тӧдмалӧны, кыдзи котыртӧма сэні уджсӧ.
Быд стажёркӧд уджалӧ наставник.
Проектсӧ пӧртӧны олӧмӧ 7 во чӧж нин. Тайӧ каднас конкурсӧ пырӧдчис 235 морт, нелямынӧн лоисны вермысьясӧн да стажируйтчисны, на лыдысь комын кыкӧн уджалӧны канму да муниципальнӧй веськӧдлан системаын.
2020–2021 воясся сезонысь витнан выпускникыс кутасны уджавны регионӧн веськӧдлан канму да муниципальнӧй системаын.
«Стажёр» проект — тайӧ зэв бур позянлун заводитны уджавны олӧмӧ пӧртысь власьт системаын.
Во чӧжӧн миян лоӧны опыт, тӧдӧмлун,
кужанлунъяс да профессиональнӧй юкӧнын выль тӧдсаяс.
Проектӧ выль пырӧдчысьяслы сиа, медым найӧ эз повны сьӧкыдлунъясысь, вӧдитчисны асланыд тӧдӧмлунӧн да велӧдчисны наставникъяслысь, босьтісны налысь опытсӧ», — пасйис проектса выпускник Мария Ван.
Владимир Уйба сиис вермӧмъяс выль стажёръяслы, аттьӧаліс проектса координаторъясӧс да наставникъясӧс том специалистъясӧс уджсикас серти сӧвмӧдӧмӧ ыджыд пай пуктӧмысь да отсалӧмысь, выпускникъясӧс — водзмӧстчӧмысь, кывкутӧмысь да стажировка дырйи на водзын сувтӧдӧм могъяссӧ бура збыльмӧдӧмӧн петкӧдлӧм тӧдӧмлунъясысь.
«Овлӧ, сьӧкыд примитны сійӧ либӧ мӧд решениесӧ. Оз пыр оланпас да оланпасувса актъяс, удж серти инструкцияяс отсавны корсьны коланасӧ.
Сэки вӧчӧй сэтшӧм ногӧн, кыдзи эськӧ вӧчинныд медматысса мортлы.
Сы вӧсна, мый медтӧдчанаыс, и ме пасъя тайӧс нӧшта ӧтчыд, — служитны йӧзлы.
Таын и эм канму да муниципальнӧй службалӧн могыс — служитны йӧзлы, веськыда, восьсӧн, тшӧкыда оланпаслы лӧсялана выль решениеяс примитӧмӧн, кутшӧмъяс кутасны отсавны йӧзлы, кутасны бурмӧдны налысь олӧмсӧ.
Тайӧ медтӧдчана да, чайта, медыджыд бурсиӧм, кутшӧмӧс ме кӧсйи висьтавны тіянлы», — кывкӧртӧд пыдди шуис Владимир Уйба «Стажёр» проектса участвуйтысьяслы.
{Kodko (комиӧдіс Обрезкова Н. А.) @ Республика выль пӧв лоис сизимӧдӧн ГТО серти рейтингын @ выльтор @ https://rkomi.ru/news/1141 @ 2021-08-03 @ }
Республика выль пӧв лоис сизимӧдӧн ГТО серти рейтингын.
Странаса регионъяс костын 2021 вося II кварталын ГТО комплекс збыльмӧдан кывкӧртӧдъясӧн позьӧ тӧдмасьны Ставроссияса физкультурно-спортивнӧй комплекслӧн сайтын.
Медбуръясӧн ІІ кварталын «Дась уджавны да дорйысьны!» ставроссияса физкультурно-спортивнӧй комплекс серти лоисны: Воронеж обласьт — тайӧ регионыс 2019 восянь рейтингын вӧлі медводдзаӧн, но ӧні сійӧ сӧмын мӧд метаын, Калужскӧй обласьт выль пӧв лои коймӧдӧн.
ГТО серти медводдзаӧн лоис Белгородскӧй обласьт.
Коми Республика куим тӧлысь сайын вӧчис ыджыд воськов.
Ӧні регионным рейтингын босьтіс сизимӧд места.
«Ӧні, кор уна йӧза ордйысьӧмъяс нуӧдны оз позь, ми ог вермӧй нуӧдны планируйтӧм фестивальяс, а, сідзкӧ, Комиысь петкӧдчысьяс оз вермыны бӧрйысьны ставроссияса ордйысьӧмъяс вылӧ.
Но та вылӧ видзӧдтӧг, ГТО комплекс олӧмӧ пыртӧм серти уджыс мунӧ.
Республикаын пыр унджыкӧн пырӧдчӧны ГТО комплексӧ да босьтӧны отличие пасъяс.
И та отсӧгӧн ми босьтім национальнӧй рейтингын вылыс тшупӧд», — юӧртіс Коми Республикаса вынйӧр сӧвмӧдан да спорт министр Наталья Карина.
Коми Республикаын 2021 вося ІІ кварталын 7 сюрсысь унджык морт сдайтіс комплекслысь нормативъяссӧ, на лыдысь матӧ 1 400 морт босьтіс отличие пас.
Талунъя лун кежлӧ муниципалитетъясын уджалӧ 24 тестируйтан шӧрин.
«Зэв тӧдчана, мый некымын во чӧж нин Коми Республика Рытыв-Войвывса регионъяс костын медбуръяс лыдын.
Казьтышта, ГТО комплекс — тайӧ медшӧр нырвизь, мый отсӧгӧн сӧвмӧдӧны отрасльсӧ да велӧдӧны йӧзсӧ нуӧдны дзоньвидза оланног.
Сідзжӧ, сійӧ «Демография» федеральнӧй проектса «Спорт — олан норма» федеральнӧй проектлӧн юкӧнъяс пиысь ӧти», — тӧдчӧдіс Наталья Карина.
Пасъям, мый ГТО-лӧн регионъясса операторъяслысь да Тестируйтан шӧринъяслысь вӧзйӧмъяссӧ видлалӧм бӧрын 2021 во заводитчӧмсянь ГТО серти рейтингсӧ арталӧны мӧд ногӧн.
Сизим донъялан критерий пыдди лоис 9.
ГТО автоматизируйтӧм юӧртан системаын содӧ пасйысьӧм йӧзлӧн лыдыс, кодъяс босьтчисны нин вӧчны нормативъяссӧ. Накӧд ӧтлаын лыддьӧны сійӧ гражданасӧ, кодъяс донъялан кварталӧ пырӧдчӧны ГТО-ӧ.
Выльтор пыртӧмыс сетӧ позянлун: аддзыны оз сӧмын 7 во чӧж ГТО комплекссӧ пыртӧм да олӧмӧ пӧртӧм серти регионлысь уджсӧ, но и донъявны быд регионӧн календарнӧй кварталын вӧчӧм уджсӧ.
Кварталлӧн кывкӧртӧдъяс серти быд регион вермас босьтны ГТО рейтингын вылысджык тшупӧд.
Ӧні донъялӧны Тестируйтан шӧринъясӧн збыльысь нуӧдан уджсӧ да олысьяскӧд юӧртана удж нуӧдан качествосӧ.
7 во сайын Россияса Президент В. В. Путин выль пӧв паніс уджсӧ ГТО комплекс серти. Тайӧ кадӧ комплексас пырӧдчисны 15 миллионысь унджык морт.
На лыдысь 9 миллионысь унджыкӧн сдайтӧны комплекслысь нормативъяссӧ 2 655 тестируйтан шӧринын.
{Kodko (комиӧдіс Обрезкова Н. А.) @ Сыктывкарын водзӧ нуӧдӧны Иван Павлович Морозовлы памятник сувтӧдан уджъяссӧ @ выльтор @ https://rkomi.ru/news/1142 @ 2021-08-03 @ }
Сыктывкарын водзӧ нуӧдӧны Иван Павлович Морозовлы памятник сувтӧдан уджъяссӧ.
Вӧчӧма памятник улӧ фундамент,
лӧсьӧдӧны содъяс да кутан стенъяс.
Мӧд вежоннас кӧсйӧны кышны веркӧсъяссӧ, моз тӧлысь 18 лун кежлӧ пуктыны дзоридзьяс да пуяс.
Моз тӧлысь 2 лунӧ стрӧитчанінас воліс Коми Республикаса Юралысь Владимир Уйба.
Сійӧ ачыс видзӧдӧ проектса быд тшупӧд олӧмӧ пӧртӧм бӧрся.
Уськӧдам тӧд вылӧ, Коми АССР-ын политикаын тӧдчана уджалысь Иван Павлович Морозов йылысь паметьсӧ вӧзйисны нэммӧдны скульптураын сылӧн уджъёртъясыс да республикаса ветеранъяс.
Регионса Юралысь Владимир Уйба ошкис вӧзйӧмсӧ да ачыс босьтчис веськӧдлыны проект збыльмӧдысь уджалан группаӧн.
Памятниксӧ кӧсйӧны кыпыда восьтыны Коми Республика лунӧ — 2021 вося моз 22 лунӧ.
Памятникыс кутас сулавны Сыктывкарын Киров улича вылын, орччӧн керкаыскӧд, кӧні оліс Иван Павлович Морозов.
{Kodko (комиӧдіс Обрезкова Н. А.) @ Лариса Карачёва: «Республикаӧ медицина кадръяс кыскӧм могысь колӧ аддзысьлыны вузъяс помалысьяскӧд» @ выльтор @ https://rkomi.ru/news/1143 @ 2021-08-03 @ }
Лариса Карачёва: «Республикаӧ медицина кадръяс кыскӧм могысь колӧ аддзысьлыны вузъяс помалысьяскӧд».
Коми Республикаса Веськӧдлан котырӧн Юрнуӧдысьӧс вежысь Лариса Карачёва нуӧдіс Коми Республикаса йӧзлысь дзоньвидзалун видзан министерствокӧд регионын «Йӧзлӧн дзоньвидзалун» национальнӧй проектса мероприятиеяс олӧмӧ пӧртӧм серти сӧвещание.
Коми Республикаса Юралысь Владимир Уйбалӧн тшӧктӧм серти аддзысьлӧм дырйи ёнджыкасӧ сёрнитісны мераяс йылысь, кутшӧмъяс колӧны медицина специалистъясӧс регионӧ кыскӧм вылӧ.
— Колӧ талун нин, кор медицина вузъяс да колледжъяс помалысьяс эз на аддзыны уджаланінсӧ, юралысь врачьяскӧд ӧтлаын ветлыны каръясӧ да районъясӧ, медым аддзысьлыны накӧд.
Том врачьяслы, фельдшеръяслы, медсестраяслы колӧ юӧртны уджаланног, удждон, отсӧг сетан мераяс, уджын быдмӧм-сӧвмӧм йылысь.
Сэки выпускникъяслы кокниджык лоӧ бӧрйыны республикаын уджсӧ, — туйӧдіс Лариса Карачёва регионса Йӧзлысь дзоньвидзалун видзан министерствоса юрнуӧдысьясӧс.
Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Дягилевлӧн кывъяс серти, матысса кадӧ котыртасны йӧзлысь дзоньвидзалун системаын ситуационнӧй шӧрин. Сылӧн могъяс лыдын лоӧ и медицина кадръяс уджавны корӧм да удж вылӧ босьтӧм.
Сӧвещание дырйи шуисны: колӧ выльысь заводитны мониторитны медицина организацияяслысь штатнӧй расписаниесӧ, медым аддзыны, кутшӧм кадръяс колӧ быд больничаӧ да поликлиникаӧ.
Таысь кындзи, регионса Йӧзлысь дзоньвидзалун видзан министерстволы колӧ дасьтыны ышӧдан мераяс, медым ышӧдны медорганизацияясса сійӧ веськӧдлысьяссӧ, кодъяс аддзӧны да босьтӧны удж вылӧ колана специалистъяссӧ.
Кыдзи сӧвещание дырйи пасйис Коми Республикаса Веськӧдлан котырӧн Юрнуӧдысьӧс вежысь, колӧ оз сӧмын корны врачьясӧс, но и колӧ, медым найӧ кольччисны уджавны республикаӧ.
И тані ыджыд пайыс наставникъяслӧн, кодъяс отсалӧны том специалистъяслы пырӧдчыны татшӧм сьӧкыд профессияӧ.
Регионса Йӧзлысь дзоньвидзалун видзан министерстволӧн юӧр серти, 2021 воын республика пырис пилотнӧй регионъяс лыдӧ, кӧні йӧзлысь дзоньвидзалун видзан системаӧ пыртӧны наставничество.
Ӧткымын медицина организация босьтчис нин курируйтны аскиа уджъёртъяссӧ студенталан кадсянь да уджалан котыр дорӧ велалӧмӧдз.
Татшӧм уджаланногсӧ колӧ пыртны регионса став медорганизацияӧ.
Сӧвещание дырйи сідзжӧ сёрнитісны медицина кадръясӧн стрӧитчысь на ФАПъяс да врачебнӧй амбулаторияяс могмӧдӧм йылысь.
Лариса Карачёва ачыс кутас видзӧдны, кыдзи кутас мунны та серти уджыс.
{Kodko (комиӧдіс Обрезкова Н. А.) @ Комиын ветеранъяс вермасны бурдӧдчыны бурджык условиеясын @ выльтор @ https://rkomi.ru/news/1146 @ 2021-08-04 @ }
Комиын ветеранъяс вермасны бурдӧдчыны бурджык условиеясын.
Коми Республикаса Юралысь Владимир Уйба ошкис общественникъяслысь медицина отсӧг сетан качество кыпӧдӧм йылысь вӧзйӧмсӧ.
Та йылысь сёрнитісны моз тӧлысь 3 лунӧ Коми Республикаса Юралысь бердын ветеранъяслӧн могъяс серти координационнӧй сӧветлӧн заседание дырйи.
Заседаниесӧ нуӧдіс Коми Республикаса Юралысь Владимир Уйба.
Ёнджыкасӧ сёрнитісны Войнаса ветеранъяслы да боевӧй тышъясын участвуйтысьяслы республиканскӧй госпитальын ветеранъясӧс бурдӧдан условиеяс лӧсьӧдӧм да учреждениелысь материально-техническӧй база бурмӧдӧм йылысь.
Госпитальыс уджалӧ 1997 восянь да сетӧ специализируйтӧм стационарнӧй, консультативнӧй да амбулаторно-поликлиническӧй отсӧг Айму вӧсна Ыджыд тышса да боевӧй тышъясса ветеранъяслы, Чернобыльса АЭС вылын авария бырӧдысьяслы, пӧгибнитӧмаяслӧн семьяяслы.
Ветеранъясӧс бурдӧдӧны да реабилитируйтӧны кыдзи стационарын, сідзи и лун кежлӧ волан отделениеын.
Быд во госпитальлӧн стационаръясын бурдӧдчӧ 1700 пациентӧдз, кольӧм воясӧ бурдӧдчис 22 сюрсысь унджык граждана, на лыдын торъя категория ветеранъяс — 90 %.
Айму вӧсна Ыджыд тышын быд участвуйтысь да ветеран обследуйтчис да бурдӧдчис госпитальын.
Коронавирус инфекциякӧд йитчӧм дзескӧдан мероприятиеяс дырйи Войнаса ветеранъяслы да боевӧй тышъясын участвуйтысьяслы республиканскӧй госпитальын вӧлі 50 терапевтическӧй койка, сэні сетісны эновтны да нюжӧдны позьӧм отсӧг терапевтическӧй патологияа висьысьяслы.
2021 вося рака тӧлысьсянь госпитальын став юкӧныс восьса.
«Талунъя лун вылӧ госпитальлӧн уджын эм ӧткымын мытшӧд. На йылысь юӧртӧны миянлы ветеранъяслӧн организацияяс.
Медтӧдчанаяс лыдын: материально-техническӧй база бурмӧдӧм, вевт дзоньталӧм, медицина оборудование ньӧбӧм, креслӧ-кӧляскаясӧн ветлысь гражданалы условиеяс лӧсьӧдӧм, медым найӧ вермисны босьтны медицина отсӧгсӧ, стоматология отсӧг сетӧм.
Талун ми чукӧртчим, медым ӧтлаын дасьтыны вӧзйӧмъяс тайӧ мытшӧдъяссӧ разьӧм могысь», — восьтіс заседаниесӧ Владимир Уйба.
Шӧр докладӧн госпитальлӧн удж йылысь сёрнитіс Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Дягилев.
Координационнӧй сӧветӧ пырысьяс сетісны ӧткымын вӧзйӧм: бурмӧдны материально-техническӧй базасӧ, лӧсьӧдны Айму вӧсна Ыджыд тышса да боевӧй тышъясса ветеранъяслы бурдӧдчӧм вылӧ бур условиеяс.
Сідз, ветеранъяс шыӧдчисны Коми Республикаса Юралысь Владимир Уйба дорӧ да корисны ньӧбны автотранспорт, медым новлӧдлыны Войнаса ветеранъяслы да боевӧй тышъясын участвуйтысьяслы республиканскӧй госпитальса пациентъясӧс.
Заседание бӧрын лӧсьӧдӧма тшӧктӧмъяслысь протокол.
Коми Республикаса Веськӧдлан котырлы тшӧктӧма нуӧдны удж легкӧвӧй машина ньӧбӧм, 2022 во вылӧ госпитальын вевтсӧ дзоньталӧм вылӧ сьӧм вичмӧдӧм да содтӧд медицина оборудование ньӧбӧм серти, котыртны госпитальын бурдӧдчысь гражданалы стоматология отсӧг сетӧмсӧ.
{Kodko (комиӧдіс Обрезкова Н. А.) @ Коми Республикалӧн сё волы сиӧм ыджыд культурно-массӧвӧй мероприятиеяссӧ нуӧдасны 2022 воын @ выльтор @ https://rkomi.ru/news/1147 @ 2021-08-04 @ }
Коми Республикалӧн сё волы сиӧм ыджыд культурно-массӧвӧй мероприятиеяссӧ нуӧдасны 2022 воын.
Татшӧм помшуӧмсӧ ӧтсӧгласӧн примитіс COVІD–19 выль коронавирус инфекция паськалӧмлы паныд удж нуӧдан республиканскӧй оперативнӧй штаб.
Заседаниесӧ нуӧдіс моз тӧлысь 3 лунӧ Коми Республикаса Юралысь Владимир Уйба.
«Ыджыд концертъяссӧ, гажӧдчӧмъяссӧ, праздничнӧй салютъяссӧ «Содтӧд дасьлун режим пыртӧм йылысь» Коми Республикаса Юралысьлӧн Индӧд серти республикаын оз нуӧдны. Тӧд вылӧ босьтӧма Роспотребнадзорлысь рекомендацияяссӧ.
Эпидобстановка вӧсна талун ми ог вермӧй найӧс нуӧдны.
Та вӧсна став ыджыд юбилейнӧй мероприятиеяссӧ ми вуджӧдам мӧд во вылӧ да пасъям найӧс 2022 вося моз тӧлысь 22 лунӧ», — гӧгӧрвоӧдіс Владимир Уйба.
Оперштаблӧн заседание дырйи кывзісны Коми Республикаын санитарно-эпидемиологическӧӥ серпас йылысь, COVІD–19 выль коронавирус инфекциялы паныд прививка вӧчан кампания йылысь, 2021–2022 велӧдчан во кежлӧ велӧдан организацияяслӧн дасьтысьӧм йылысь, чукӧрӧн да торйӧн вузасян объектъяс, ӧтйӧза сёян-юан объектъяс да ӧтйӧза транспорт объектъяс вылын олысьясӧн санитарно-противоэпидемиологическӧй корӧмъясӧ кутчысьӧм серти рейдӧвӧй мероприятиеяс нуӧдӧм йылысь докладъяс.
{Kodko (комиӧдіс Обрезкова Н. А.) @ Владимир Уйба воліс Емдін районса социальнӧй инфраструктура объектъясӧ @ выльтор @ https://rkomi.ru/news/1149 @ 2021-08-04 @ }
Владимир Уйба воліс Емдін районса социальнӧй инфраструктура объектъясӧ.
Талун, моз тӧлысь 4 лунӧ, Емдін районӧ удж серти ветлігӧн Коми Республикаса Юралысь Владимир Уйба видзӧдліс Зӧвсьӧрт да Мадмас посёлокъясын школаяслысь выль велӧдчан во кежлӧ дасьлунсӧ, воліс Мадмас посёлокса детсадйӧ да фельдшер-акушер пунктӧ, аддзысьліс олысьяскӧд.
Зӧвсьӧрт посёлокын Владимир Уйба воліс 3 №-а шӧр школаӧ.
Кӧч тӧлысьӧ сэтчӧ локтас 420 велӧдчысь, на лыдысь 40 кага мунас медводдза классӧ.
Школаыс уджалӧ 1989 воын кыпӧдлӧм куим судтаа типӧвӧй стрӧйбаын. Зданиесӧ могмӧдӧма ваӧн, сетӧны шоныд, эм канализация.
Ӧні косметическӧя дзоньталӧны вежӧсъяссӧ.
Зӧвсьӧрт школаса велӧдысьяс дасьтӧны да опытнӧя прӧверитӧны велӧдӧмлысь выль сюрӧссӧ, пыртӧны выль федеральнӧй канму стандартъяс, апробируйтӧны выль велӧдан технологияяс, быдтан-велӧдан формаяс, методъяс, средствояс.
Учреждениеын уджалӧ «Олимп» школаса спорт клуб, «Юнармия» отряд, «Россияса велӧдчысьяслӧн ӧтмунӧм» челядьлӧн ӧтйӧза организация, «Clever» интеллектуальнӧй ворсӧмъяс лӧсьӧдысьяслӧн клуб.
2020 вося кӧч тӧлысь 1 лунсянь школа збыльмӧдӧ «Ӧнія школа» регионса проект, учреждениеын эм «Точка роста» гуманитарнӧй да цифрӧвӧй нырвизьясын велӧдан шӧрин.
Мадмас посёлокса школаӧ кӧч тӧлысь 1 лунӧ локтас 89 велӧдчысь, на лыдысь 16-ыс мунасны медводдза классӧ.
Велӧдчаніныс меститчӧ 1989 воын пуысь кыпӧдлӧм кык судтаа типӧвӧй стрӧйбаын.
Таво косметическӧя дзоньталӧма вежӧсъяссӧ.
Коми Республикаса Веськӧдлан котыр ӧні уджалӧ сы вылын, медым кыпӧдны 90 места вылӧ школа, кӧні лоӧ 40 места вылӧ детсад.
Матысса кадӧ кӧсйӧны стрӧитны посёлокса амбулатория.
Мадмас посёлокса ӧнія фельдшер-акушер пунктлысь зданиесӧ пыртӧмаӧсь уджӧ 1975 воын.
Тані уджалӧ 5 специалист: врач-терапевт, пинь бурдӧдысь врач, фельдшер, акушерка, медсестра.
Фельдшер-акушер пунктын эм нюжӧдны позьтӧм отсӧг сетан кабинет да нюжӧдны позьтӧм отсӧг сетан машина.
Олысьяскӧд аддзысьлӧмъяс дырйи сёрнитісны олан пунктъяс мичмӧдӧм-бурмӧдӧм, туяс дзоньталӧм, социальнӧй объектъяс выльмӧдӧм да стрӧитӧм, биаруӧн могмӧдӧм, чорыд коммунальнӧй шыбласъясӧн вӧдитчӧм, лекарствоӧн могмӧдӧм йылысь.
Быд юалӧм серти Владимир Уйба висьталіс найӧс збыльмӧдӧм серти ассьыс видзӧдлассӧ.
Став юалӧм кузя республикаса Веськӧдлан котыр да муниципалитетса администрация кутасны уджавны ӧтув.
Коми Республикаса Юралысь видзӧдӧ протоколса тшӧктӧмъяс збыльмӧдӧм бӧрся.
{Kodko (комиӧдіс Обрезкова Н. А.) @ Емдін районса Айкатыла сиктын кыпӧдӧны 42 патераа выль олан керка @ выльтор @ https://rkomi.ru/news/1150 @ 2021-08-04 @ }
Емдін районса Айкатыла сиктын кыпӧдӧны 42 патераа выль олан керка.
Талун, моз тӧлысь 4 лунӧ, муниципалитетӧ удж серти ветлігӧн объект вылӧ воліс Коми Республикаса Юралысь Владимир Уйба.
Сійӧ видзӧдліс уджъяслысь ӧдсӧ да ногтуйсӧ.
Кирпичысь да кӧрт бетонысь куим судтаа стрӧйбасӧ кыпӧдӧны 2019–2025 вояс вылӧ «Емдін» муниципальнӧй районса муниципальнӧй юкӧнын аварийнӧй оланін фондысь гражданаӧс мӧдлаӧ овмӧдӧм» уджтас серти.
Керкасӧ могмӧдасны электричествоӧн, шоныдӧн, ваӧн, ва бокӧ нуӧдан системаӧн.
Выль патераӧ овмӧдчасны Айкатыла сиктса аварийнӧй керкаясысь олысьяс.
Талунъя лун вылӧ вӧчӧмаӧсь нин ӧградитан конструкцияяссӧ да вевтсӧ, ӧні вӧчӧны ортсыса да пытшкӧсса инженернӧй сетьяс.
Объектсӧ кӧсйӧны пыртны уджӧ 2021 во помӧдз.
{Kodko (комиӧдіс Обрезкова Н. А.) @ Сиктлӧн эм аскиа лун: Мордінын стрӧитасны школа да врачебнӧй амбулатория @ выльтор @ https://rkomi.ru/news/1152 @ 2021-08-05 @ }
Сиктлӧн эм аскиа лун: Мордінын стрӧитасны школа да врачебнӧй амбулатория.
Школа да врачебнӧй амбулатория стрӧитан планъяслы вӧлі сиӧма Кӧрткерӧс районса Мордін сиктса олысьяскӧд аддзысьлӧм, кытчӧ пырӧдчис Коми Республикаса Веськӧдлан котырӧн Юрнуӧдысьӧс вежысь Лариса Карачёва.
Медицина отсӧг сетӧм, школаса стрӧйбалӧн состояние, сиктсӧ бурмӧдӧм-мичмӧдӧм да выль коронавирус инфекцияысь вакцинируйтӧм йылысь сиктсаяс сёрнитісны районса администрацияӧн юрнуӧдысь Константин Сажинкӧд, Коми Республикаса велӧдан, наука да том йӧз политика министрӧс вежысь Руслан Ибрагимовкӧд, Коми Республикаса стрӧитчан, оланін да коммунальнӧй овмӧс министрӧс вежысь Ирина Кругловакӧд, Коми Республикаса йӧзлысь дзоньвидзалун видзан министерствоын олысьяслы медицина отсӧг сетӧмсӧ котыртан веськӧдланінса начальник Ирина Кондратьевакӧд.
Аддзысьлӧмыс вӧлі регионса Юралысь Владимир Уйбалӧн водзмӧстчӧм серти.
Помканас лои Мордін сиктса олысьяслӧн йӧзӧс юӧртан средствоясӧ шыӧдчӧм, кӧні найӧ корисны босьтны тӧд вылӧ, мый Мордін сиктлы ёна колӧ выль школа да врачебнӧй амбулатория (сотчӧм пыдди).
Школаын кӧдзыд вылӧ норасьӧмсӧ кывзӧм бӧрын Лариса Карачёва тшӧктіс районӧн юрнуӧдысьяслы дзик пыр бырӧдны школасӧ шонтӧм серти мытшӧдсӧ. Медводз тайӧс колӧ вӧчны медводдза судтаас, кӧні медся кӧдзыд, а локтан вонас дзоньтавны шонтан системасӧ стрӧйбаас ставнас.
Константин Сажинлӧн кывъяс серти, медводз колӧ кыпӧдны школалысь выль стрӧйбаяс Кӧрткерӧс сиктын, медым эз вӧв кык сменаӧн велӧдчӧмыс.
Водзӧ кутасны стрӧитны школаяс Каляты посёлокын, Мордін да Пӧдтыбок сиктъясын.
Коми Республикаса велӧдан, наука да том йӧз политика министерстволӧн юӧртӧм серти, Мордінса школа серти проект дасьтан да стрӧитчан уджъяс заводитчасны 2024 воын.
Тайӧ лоӧ школа-сад, кӧні кутасны велӧдчыны 90 школьник, да детсадйӧ кутас ветлыны 40 кага.
Татшӧм жӧ проект серти ӧні кыпӧдӧны школасӧ Изьвавом грездын.
Врачебнӧй амбулатория стрӧитӧм вылӧ сиктын бӧрйӧма нин му участоксӧ.
Кыдз гӧгӧрвоӧдісны аддзысьлӧм дырйи профильнӧй специалистъяс, меставывса власьт вӧзйыліс амбулатория кыпӧдӧм вылӧ некымын места.
Но сӧмын ӧти — кыр вылын — лӧсялӧ нормаяслы да корӧмъяслы (ыджда серти, школасянь да детсадсянь ылыстчӧм серти да с.в.).
Коми Республикаса йӧзлысь дзоньвидзалун видзан министерство серти, Мордінын кӧсйӧны кыпӧдны амбулатория, кытчӧ суткинас вермас волыны 48 морт. Сэні лоӧ 4 койка вылӧ лун кежлӧ волан стационар.
2022 во кежлӧ планӧ пыртӧма — объектсӧ проектируйтӧм, 2023 во кежлӧ — объектсӧ стрӧитӧм.
Аддзысьлӧм помын Ирина Кондратьева висьталіс ковидысь вакцинируйтчыны коланлун йылысь да вочавидзис став юалӧм вылӧ.
Лариса Карачёва министерствоясӧс петкӧдлысьяскӧд видзӧдліс меставывса администрацияын уджалысь Мордінса врачебнӧй амбулаториясӧ.
Сиктсаясӧс могмӧдӧма медицина отсӧгӧн — тані эм и шӧр медперсонал, и врачьяс — терапевт да педиатр.
Веськӧдлан котырӧн Юрнуӧдысьӧс вежысь сёрнитіс накӧд удж серти, тшӧтш и аптечнӧй пункт уджалӧм йылысь, воліс выль амбулатория стрӧитанінӧ.
{Kodko (комиӧдіс Обрезкова Н. А.) @ Коми Республикаын вӧлі «Сӧстӧм Арктика» водзмӧстчӧм олӧмӧ пӧртӧм серти медводдза заседание @ выльтор @ https://rkomi.ru/news/1154 @ 2021-08-05 @ }
Коми Республикаын вӧлі «Сӧстӧм Арктика» водзмӧстчӧм олӧмӧ пӧртӧм серти медводдза заседание.
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов нуӧдіс регионын «Сӧстӧм Арктика» ӧтйӧза-гражданскӧй водзмӧстчӧм олӧмӧ пӧртӧм серти регионса штаблысь заседание.
Проектыс колӧ сы могысь, медым лӧсьӧдны уджтас, мый серти кутасны весавны Арктикасӧ сійӧс туялан кадӧ чӧжсьӧм няйтсьыс.
Водзмӧстчӧмсӧ ошкисны Россияса вӧр-ва министерство, Росприроднадзор, Роч географическӧй общество.
Республикаса Юралысь Владимир Уйба ошкис Комиын проект збыльмӧдӧмсӧ да босьтчис юрнуӧдны «Состӧм Арктика» регионса штабӧн.
Усинскын да Воркутаын индӧма ёг санкционируйттӧм шыблаланінъяссӧ, кутшӧмъясӧс колӧ бырӧдны.
«Коми Республика ошкӧ «Сӧстӧм Арктика» ӧтйӧза-гражданскӧй водзмӧстчан могъяссӧ.
Гӧгӧрвоам, мый татшӧм уджыс вӧр-ва видзӧмын да мутасъяслӧн экология юкӧнын зэв тӧдчана.
Тайӧ петкӧдлӧ, мый миян водзын сулалысь могыс колана», — шуис Игорь Булатов.
Заседаниелӧн уджӧ пырӧдчисны Росприроднадзорлӧн Коми Республикаын да Ненеч асвеськӧдлан кытшын регионкостса веськӧдланінӧн юрнуӧдысьлысь могъяс збыльмӧдысь Исламудин Астарханов, Коми Республикаса Веськӧдлан котырӧн Юрнуӧдысь — Коми Республикаса экономика сӧвмӧдан да промышленносьт министр Эльмира Ахмеева, Коми Республикаса вӧр-ва озырлун да гӧгӧртас видзан министр Алексей Кузнецов, Воркута да Усинск каръясса мэръяс — Ярослав Шапошников да Николай Такаев, ведомствоясӧс петкӧдлысьяс.
«Ыджыд арктическӧй пелькӧдчӧмсӧ» вӧзйис нуӧдны «Вермӧмлы 50 во» атомнӧй ледоколса капитан Дмитрий Лобусов. Сылысь водзмӧстчӧмсӧ ошкис уджъёртыс, «Ылі Асыввывса саридз паракодство» публичнӧй акционер котырса филиаллӧн Видзчысянлун да ногтуй департаментын юкӧнса капитан-наставник, Россия Федерацияса Уджвывса Герой Геннадий Антохин.
Налӧн видзӧдлас серти, Арктика весалан проектыс вермас лоны страна ӧтувтан зэв ыджыд могӧн.
Тайӧ проектыс торйӧн колӧ ӧні, кор 2021–2023 воясӧ Россия юрнуӧдӧ Арктика сӧветӧн.
Арктика паськыда весалӧм йылысь мӧвпсӧ ошкисны федеральнӧй власьтӧс, бизнесӧс, экспертнӧй да научнӧй котыръясӧс петкӧдлысьяс.
Презентация дырйи сёрнитісны сы йылысь, кыдзи меставывса ӧтувъяс, тшӧтш и вужвойтыр, вермасны пырӧдчыны мутасъясын экологическӧй мытшӧдъяс разьӧмӧ.
Таысь кындзи, заседание дырйи петкӧдлісны, кутшӧм ногӧн Россияса вӧр-ва озырлун видзӧмын власьт да йӧзкотырӧс петкӧдлысьяс вермасны уджавны ӧтув.
«Сӧстӧм Арктика» ыджыд экологическӧй проект заводитчис сора тӧлысь 11 лунӧ Мурманск обласьтын.
«Атомфлот» ӧзынсянь «Вермӧмлы 50 во» атомнӧй ледокол вылын Войвыв полюслань мӧдӧдчис торъя экспедиция.
Сэтчӧ пырисны нималана путешественник, «Сӧстӧм Арктика»-са амбассадор Федор Конюхов, россияса драматург да театрса режиссёр Евгений Гришковец, нималана биологъяс, геологъяс, гляциологъяс да историкъяс.
Экспедицияӧн веськӧдлӧ Николай Савельев — Poseіdon Expedіtіons полярнӧй путешествиеяслысь клуб котыртысь, Арктика туялысь, Му шарлӧн полярнӧй регионъясӧ путешествиеяс котыртӧмын эксперт.
{Kodko (комиӧдіс Обрезкова Н. А.) @ Сыктывдін районса Час сиктӧ воис биару @ выльтор @ https://rkomi.ru/news/1156 @ 2021-08-06 @ }
Сыктывдін районса Час сиктӧ воис биару.
Помалӧма стрӧитны посёлоккостса биарупровод. Сійӧ сетас позянлун могмӧдны биаруӧн Час сиктса керкаяс.
Моз тӧлысь 5 лунӧ вӧлі объектсӧ уджӧдны заводитӧмлы сиӧм кыпыд гаж.
Гаж дырйи вӧліны Коми Республикаса Юралысь Владимир Уйба да «Газпром межрегионгаз» ичӧт кывкутана котырса биару вузалӧм да транспортируйтӧм серти медыджыд директорӧс вежысь Юрий Пахомовский.
«2020 воын миян уджъёрт «Газпром» котыркӧд ӧтув вынсьӧдім 2021 восянь 2025 воясӧдз Коми Республикаӧс биаруӧн могмӧдан да газифицируйтан уджтас.
Сы серти биаруӧн вермасны вӧдитчыны республикаса 27 олан пункт, 25 котельнӧй да матӧ 8 сюрс олан керка.
И талун ми заводитам могмӧдны биаруӧн планӧ пырӧм медводдза олан пункт.
Сиа Час сиктса олысьяслы дзоньвидзалун, вермӧмъяс да эскӧм, мый тайӧ сӧмын медводдза воськовъяс.
Тайӧ биаруыс — медводдза бикинь, коді сетӧ позянлун кутны лача республикалӧн да сиктлӧн сӧвмӧм вылӧ», — пасйис Владимир Уйба.
«Выль объект сетас позянлун йитны биару сетьяс дорӧ республикаса медся важ сиктъяс лыдысь ӧтиын матӧ 180 керка.
Керкаясын лоӧ шоныд, а природнӧй биаруӧн вӧдитчӧм отсӧгӧн тӧдчымӧн чинтас ломтысьӧм вылӧ рӧскодыс.
Ми водзӧ нуӧдам социальнӧя газифицируйтан нырвизьсӧ.
Таво ми помалам стрӧитны биарупроводъяссӧ Воркутаын, Сыктывкарын, Печораын, Сосногорскын, Усинскын да Ухта районын, заводитам нюжӧдны нӧшта витӧс», — шуис Юрий Пахомовский.
Сыктывдін районса Час сиктлань посёлоккостса биарупроводсӧ заводитісны нюжӧдны 2020 вося йирым тӧлысьын.
Ставнас кузьтаыс — 5,7 километр.
Проект сетіс позянлун йитны биарупровод дорӧ матӧ 180 керка да 1 котельнӧй. Сійӧ кутас могмӧдны шоныдӧн некымын социальнӧй объект.
Уджтас серти 2021 воын кӧсйӧны помавны нюжӧдны нӧшта сизим биару провод: Воркута карса ГРС–2-сянь ТЭЦ–2-ӧдз посёлоккостса биарупроводсӧ посёлоккостса биарупроводкӧд кытшӧ йитӧмӧн Воркута карса ва шонтан шӧр котельнӧйӧдз, биарупровод-отвод да Воркутаса ГРС–2, посёлоккостса ыджыд давлениеа биарупровод Вылыс Чов посёлокӧдз, Улыс Чов посёлокӧдз, Човъю местаӧдз, Сыктывкарса Эжва посёлокӧдз, «Кебра» ГРС — Ухта районса Шудаяг посёлокса ГРП–1 посёлоккостса ыджыд давлениеа биарупровод, Усинск районса Парма посёлоксянь посёлоккостса биарупровод, Изъяю кар кодь посёлоксянь Печора районса Набережнӧй посёлокӧдз, Сосногорск районса Пожня грездсянь Поляна посёлокӧдз посёлоккостса биарупровод.
Таво республикаын кӧсйӧны заводитны нюжӧдны вит биарупровод, нуӧдӧны проектно-изыскательскӧй уджъяс биаруӧн могмӧдан кык объект серти.
Водзджык, тавося косму тӧлысьын, Россияса Президент Владимир Путин Федеральнӧй Собрание дорӧ послание дырйи ошкис му участокӧдз биару дон босьттӧг нюжӧдӧм йылысь «Единая Россиялысь» водзмӧстчӧмсӧ.
{Kodko (комиӧдіс Обрезкова Н. А.) @ Коми Республикаын сетісны наградаяс сё балл босьтысьяслы да школьникъяслӧн ставроссияса олимпиада кузя призёръяслы @ выльтор @ https://rkomi.ru/news/1158 @ 2021-08-06 @ }
Коми Республикаын сетісны наградаяс сё балл босьтысьяслы да школьникъяслӧн ставроссияса олимпиада кузя призёръяслы.
Моз тӧлысь 5 лунӧ кыпыд церемония дырйи вӧлі Владимир Уйба.
Коми Республикаса Юралысь сиис томуловлы велӧдчӧмын да уджсикас бӧрйӧмын вермӧмъяс.
«ЕГЭ-ысь ыджыд баллъясыс да Школьникъяслӧн ставроссияса олимпиада вылын призёръясӧн лоӧмыс петкӧдлӧ велӧдчӧмын вермӧмъясныдтӧ да сетӧ тіянлы позянлун пырны велӧдчыны сійӧ вузӧ, кутшӧмӧ ті ёна окотитанныд.
Тайӧ тіян зільлун да могъяс олӧмӧ пӧртны кӧсйӧм.
Пыдди пуктана том йӧз, ті зэв ыджыд молодечьяс!
Аттьӧ тіянлы ыджыд вермӧмъясысь.
Тіянӧс зэв ёна пыдди пуктӧны бать-мамныд, велӧдысьясныд, школаясныд, республиканым!
Ме сиа тіянлы водзӧ велӧдчӧмын да уджсикас бӧрйӧмын вермӧмъяс.
Эн полӧй мӧвпавны, пуктӧй ас водзаныд ыджыд могъяс да повтӧг босьтчӧ пӧртны найӧс олӧмӧ», — шыӧдчис томулов дорӧ Владимир Уйба.
Таво Коми Республикаын 29 выпускник гижисны информатика, математика, география, литература, роч кыв, химия, физика, история кузя экзаменъяссӧ сё балл вылӧ.
Кыкӧн на лыдысь босьтісны медвылыс балл кык предмет кузя — тайӧ Сыктывкарса 25 №-а шӧр школа да Воркутаса 40 №-а шӧр школа помалысьяс Татьяна Лыткина да Яна Демедюк.
Комиысь Школьникъяслӧн ставроссияса олимпиадалӧн медбӧръя этапса призёръясӧн лоины 5 велӧдчысь. Найӧ вайисны республикалы история, право, англия кыв, физическӧй культура да физика предметъяс серти 6 призӧвӧй места.
Владимир Уйба аттьӧаліс бать-мамӧс челядьсӧ бура быдтӧм-велӧдӧмысь, радейтӧмысь, терпенньӧысь да асланыс челядьӧ эскӧмысь, а велӧдысь-наставникъясӧс уджсӧ бура вӧчӧмысь да велӧдчысьяслы отсалӧмысь.
* * *
Аттьӧалан гижӧдъяс да сертификатъяс сетӧма Школьникъяслӧн ставроссияса олимпиадалӧн медбӧръя этапса призёръяслы да налӧн бать-мамлы:
история да право серти олимпиадаса призёр, Печораса 49 №-а шӧр школаын 10 класса велӧдчысь Евгений Глебович Зюзевлы;
физическӧй культура серти олимпиадаса призёр, Сыктывкарса 9 №-а шӧр школаын 10 класса велӧдчысь Карина Степановна Латышевалы да мамыслы Марина Владимировналы;
физика серти олимпиадаса призёр, Физика да математика лицей-интернатын 10 класса велӧдчысь Никита Эдуардович Степановлы да мамыслы Мария Александровналы.
Аттьӧалана гижӧд да сертификат сетӧма:
Физикаысь школьникъяслӧн ставроссияса олимпиадалӧн медбӧръя этапса призёр, Физика да математика лицей-интернат помалысьлы, физикаысь ӧтувъя канму экзаменысь 100 балл босьтысь Денис Николаевич Рубцовлы да мамыслы Светлана Николаевналы;
Сыктывкарса 25 №-а шӧр школа помалысь, роч кывйысь да физикаысь ӧтувъя канму экзаменысь 200 балл босьтысь Татьяна Дмитриевна Лыткиналы да батьыслы Дмитрий Михайловичлы.
Аттьӧалана гижӧдъяс да сертификатъяс сетӧма шӧр школа помалысьяслы, ӧтувъя канму экзаменысь 100 балл босьтысьяслы
роч кывйысь:
· Сыктывкарса канму университет бердын Коми республиканскӧй лицей помалысь Иван Васильевич Вороновлы да батьыслы Василий Петровичлы;
· Сыктывкарса 31 №-а шӧр школа помалысь Татьяна Владимировна Кимлы да мамыслы Диана Сергеевналы;
· Сыктывкарса канму университет бердын Коми республиканскӧй лицей помалысь Савелий Александрович Кардашинлы да мамыслы Лариса Авенировналы;
· Физика да математика лицей-интернат помалысь Софья Александровна Полтавскаялы да мамыслы Наталья Владимировналы;
литература серти:
· Сыктывкарса 12 №-а шӧр школа помалысь Алина Андреевна Андрончиклы да батьыслы Андрей Владимировичлы;
· Сосногорскса 3 №-а шӧр школа помалысь Александра Александровна Букреевалы да мамыслы Надежда Александровналы;
· Сыктывкарса 1 №-а гимназия помалысь Мария Сергеевна Вырланлы да мамыслы Ирина Леонидовналы;
· Сыктывкарса технологическӧй лицей помалысь Дарья Дмитриевна Краскиналы да мамыслы Инга Александровналы;
математика серти:
· Физика да математика лицей-интернат помалысь Владислав Петрович Васильевлы да мамыслы Вера Николаевналы;
· Физика да математика лицей-интернат помалысь Владислав Валерьевич Рыбаловкинлы;
информатика серти:
· Ухтаса техническӧй лицей помалысь Яков Андреевич Герасимовлы да батьыслы Андрей Витальевичлы;
· Сыктывкарса 21 №-а шӧр школа помалысь Александра Юрьевна Пономаревалы да мамыслы Лариса Владимировналы;
· Физика да математика лицей-интернат помалысь Дарья Юрьевна Черныхлы да батьыслы Юрий Петровичлы;
физика серти:
· Физика да математика лицей-интернат помалысь Егор Вадимовичлы Бунаковлы да мамыслы Светлана Валентиновналы;
· Физика да математика лицей-интернат помалысь Виталий Владимирович Цывунинлы да мамыслы Любовь Александровналы;
химия серти:
· Сыктывкарса 1 №-а гимназия помалысь Кристина Александровна Тыриналы да мамыслы Ольга Владимировналы;
история серти:
· Сыктывкарса канму университет бердын Коми республиканскӧй лицей помалысь Максим Иванович Золотиловлы да мамыслы Оксана Сергеевналы;
· Сыктывкарса 1 №-а лицей помалысь Екатерина Максимовна Котовалы да мамыслы Юлия Сергеевналы;
география серти:
· Ухтаса техническӧй лицей помалысь Евгений Вячеславович Смальковлы да мамыслы Ольга Станиславовналы.
{Kodko (комиӧдіс Обрезкова Н. А.) @ Вячеслав Худяевлы да Николай Черныйлы сетӧма «Почёта гражданин» Коми Республикаса медвылыс почёт ним @ выльтор @ https://rkomi.ru/news/1159 @ 2021-08-06 @ }
Вячеслав Худяевлы да Николай Черныйлы сетӧма «Почёта гражданин» Коми Республикаса медвылыс почёт ним.
«2021 воын «Почёта гражданин» Коми Республикаса медвылыс почёт ним сетӧм йылысь» Коми Республикаса Юралысьлӧн 2021 вося моз тӧлысь 6 лунся 99 №-а Индӧд
Коми Республикалӧн бура сӧвмӧм вылӧ уна во зіля уджалӧмысь, Россия Федерацияын да Россия Федерациялӧн суйӧр сайын сылысь авторитетсӧ кыпӧдӧмысь сетны 2021 воын «Почёта гражданин» Коми Республикаса медвылыс почёт ним:
· Вячеслав Иванович Худяевлы — Коми Республикаса канму уджалысьлы, туй да стрӧитчан юкӧнса ветеранлы, Сыктывкар;
· Николай Михайлович Черныйлы — «Зеленечса чипан видзан фабрика» акционер котырса медыджыд директорлы, Сыктывдін район.
{Kodko (комиӧдіс Обрезкова Н. А.) @ Коми Республикаса Юралысь Владимир Уйба сёрнитіс Кӧрткерӧс районса сикт-грездын олысьяскӧд тӧдчана мытшӧдъяс йылысь @ выльтор @ https://rkomi.ru/news/1161 @ 2021-08-07 @ }
Коми Республикаса Юралысь Владимир Уйба сёрнитіс Кӧрткерӧс районса сикт-грездын олысьяскӧд тӧдчана мытшӧдъяс йылысь.
Моз тӧлысь 6 лунӧ Коми Республикаса Юралысь региона Веськӧдлан котырӧс петкӧдлысьяскӧд воліс Визябӧж посёлокӧ, Важкуа грездӧ, Нёбдін, Шойнаты, Висер да Кӧрткерӧс сиктъясӧ.
Удж серти ветлӧмлӧн шӧр могыс — тӧдмавны ылыс сиктъясын олысьяслысь мытшӧдъяссӧ, сёрнитны олысьяскӧд олан пунктъяссӧ сӧвмӧдӧм йылысь, видзӧдлыны, кыдзи збыльмӧдӧны республикаса Юралысьлысь тшӧктӧмъяссӧ, канму, республикаса да муниципальнӧй уджтасъяссӧ.
Кӧрткерӧс сиктын Владимир Уйба видзӧдліс, кыдзи збыльмӧдӧны «2019–2024 вояс вылӧ аварийнӧй оланін фондысь мӧдлаӧ овмӧдӧм» муниципальнӧй адреснӧй уджтассӧ.
Тайӧ уджтас серти райцентрын ӧні кыпӧдӧны 29 патераа нёль судтаа благоустроитӧм олан керка.
Татчӧ овмӧдчасны 10 семья Кӧрткерӧс сиктысь, 8 семья Уръёль посёлокысь да 5 семья Нам посёлокысь.
Керкасӧ заводитісны стрӧитны 2021 вося косму тӧлысьын.
Помалӧма пуктыны нёльӧд судтаса стенъяссӧ, вӧчӧма вежӧсъяс, вӧчӧны ва сетан пытшкӧсса проводсӧ да канализациясӧ, вевтсӧ да керка бансӧ, отделочнӧй уджъяссӧ, пытшкӧстіыс нуӧдӧны электричество, сувтӧдӧны ӧшинь блокъяс.
Пӧдрадчик заводитіс мичмӧдны-бурмӧдны керка йӧрсӧ.
Объектсӧ кӧсйӧны пыртны уджӧ 2021 во помӧдз.
Важкуа грездын регионса Юралысь видзӧдліс стрӧитчысь фельдшер-акушер пунктсӧ.
Ӧні вӧчӧны пытшкӧсса отделкасӧ да мичмӧдӧны-бурмӧдӧны йӧрсӧ.
Объектыс кыпӧдсьӧ 2021 во вылӧ, 2022 да 2023 воясся планӧвӧй кадколаст вылӧ Коми Республикаса адреснӧй инвестиция уджтас серти.
Тайӧ уджтас серти ФАПъяссӧ кӧсйӧны стрӧитны сідзжӧ Визябӧж посёлокын, Вомын, Нёбдін да Висер сиктъясын.
Индӧм объектъяссӧ колӧ пыртны уджӧ таво.
Таысь кындзи, Коми Республикаса йӧзлысь дзоньвидзалун видзан юкӧнын медводдза звено ӧнъяӧдан уджтас серти 2025 воӧдз ФАПъяссӧ кӧсйӧны стрӧитны Додз сиктын, Типӧсикт грездын, Нам да Каляты посёлокъясын.
Таво кӧсйӧны капитальнӧя дзоньтавны Шойнаты сиктса участкӧвӧй больничасӧ.
Коми Республикаса Юралысь воліс «Нёбдінса» ичӧт кывкутана котыр видз-му овмӧс предприятиеӧ, коді пӧртӧ олӧмӧ «Комбикормъяс вӧчан цех, кӧні эм сырьё да дась сёян видзан склад» инвестиция уджтас.
Уджтас серти концентрируйтӧм кӧрымсӧ кӧсйӧны вӧчны куканьяслы, лысьтан да сулалысь мӧсъяслы. Суткинас кутасны вӧчны 5 тонна, вонас — 1200 тонна. Та отсӧгӧн содтас стадалӧн продуктивносьтыс, бурмӧдас сылӧн дзоньвидзалуныс, а сідзжӧ чинас концентрируйтӧм кӧрым вылӧ предприятиелӧн рӧскодыс.
Уджтас збыльмӧдан кадколастыс — 2021–2022 вояс.
Ӧні лэптӧма стрӧйбалысь каркассӧ.
Висер сиктын Владимир Уйба видзӧдліс локтан ломтысян кадколаст кежлӧ из шом вылын ломтысян котельнӧйлысь дасьлунсӧ.
Сійӧ сетӧ шоныдсӧ школаӧ, библиотекаӧ, спортзалӧ.
Кольӧм во «Коми шоныд сетан компания» акционер котырлӧн Кӧрткерӧсын филиаллӧн инвестиция уджтас серти вежисны кык котёл ӧнія модель вылӧ.
Таво вӧчӧма косметическӧй ремонт.
Котельнӧйлысь оборудованиесӧ да шоныд сетан сетьяссӧ видзӧдлӧма, котельнӧйыс тӧв кежлӧ дась.
2021 воын содтӧд кӧсйӧны стрӧитны ломтас видзан выль склад.
Кӧрткерӧс районса сикт-грездъясӧ волігӧн Коми Республикаса Юралысь некымынысь аддзысьліс олысьяскӧд, кӧні кыпӧдлісны сиктса мытшӧдъяскӧд да сиктъяслӧн аскиа лункӧд йитчӧм быдсикас юалӧмсӧ.
Аддзысьлӧмъяс бӧрын дасьтасны регионса Веськӧдлан котырлы тшӧктӧмъяслысь протокол, кӧні индасны, мый колӧ ӧтвылысь вӧчны районса администрациякӧд став юӧртӧм мытшӧд да гражданасянь воӧм вӧзйӧм серти.
{Kodko (комиӧдіс Обрезкова Н. А.) @ Сыктывкарын Вуджан висьӧмысь бурдӧдан республиканскӧй больничасӧ стрӧитӧны кык сменаӧн @ выльтор @ https://rkomi.ru/news/1163 @ 2021-08-07 @ }
Сыктывкарын Вуджан висьӧмысь бурдӧдан республиканскӧй больничасӧ стрӧитӧны кык сменаӧн.
Талун, моз тӧлысь 7 лунӧ, объект вылӧ воліс Коми Республикаса Юралысь Владимир Уйба.
Сійӧ видзӧдліс, кыдзи мунӧ стрӧитчан уджыс.
Проектсӧ пӧртӧны олӧмӧ федеральнӧй да республиканскӧй адреснӧй инвестиция уджтасъяс серти.
Сы серти кыпӧдасны Вуджан висьӧмысь бурдӧдан больничалы 100 койка вылӧ стационар, транспорт дезинфицируйтан пункт, контрольно-пропускнӧй пунктъяс, биаруӧн могмӧдан станция, аварияяс дырйи электричествоӧн могмӧдан источник.
Объектлӧн ӧтувъя ыдждаыс — 18 сюрс квадратнӧй метрысь унджык.
Пӧдрадчик — «ТехГазМонтаж» ичӧт кывкутана котыр.
Объект вылын уджалӧны кык сменаӧн 65 морт, техникаыс — 4 единица.
Матысса кадӧ кӧсйӧны содтыны техникалысь лыдсӧ да сувтӧдны башеннӧй кран. Тайӧ сетас позянлун ӧдйӧджык вӧчны уджсӧ.
Вӧчӧма ӧчередь серти медводдза перекрытие, сувтӧдӧма шпунтӧвӧй ограждениесӧ, котловансӧ, фундаментлысь плитасӧ.
Вӧчӧны на І, ІІ да ІІІ блокъясын техническӧй подпольеса стенъяссӧ да колоннаяссӧ, утеплитӧны да гидроизолируйтӧны стенъяссӧ.
Республикаын йӧзлысь дзоньвидзалун видзан юкӧнын татшӧм ыджыд проектыс уна во чӧжӧн медводдза.
Вуджан висьӧмысь бурдӧдан больничалы медицина отсӧг сетан ӧнія стандартъяслы лӧсялысь, выль стационар воссьӧмсӧ ёна виччысьӧны и пациентъяс, и медицина уджалысьяс.
«Тайӧ лоӧ ӧнія медицина учреждение, мый кутас меститчыны мича да уджалӧм вылӧ бур стрӧйбаын.
Сэні лоӧ 100 койка, торъя боксъясын палатаяс.
Вит судтасӧ йитасны галереяясӧн.
Стрӧйбалӧн быд юкӧнын лоны торъя лифтъяс, медым пациентъяс вермисны кайны асланыс палатаясӧ.
Таысь кындзи, лифтъясыс кӧ жугаласны, позьӧ лэччыны галерея пыр», — юӧртіс Владимир Уйба.
{Kodko (комиӧдіс Обрезкова Н. А.) @ Стрӧитчысьлӧн лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1165 @ 2021-08-08 @ }
Стрӧитчысьлӧн лункӧд йитӧдын Коми Республикаса Юралысьлӧн шыӧдчӧм.
«Республикаса пыдди пуктана олысьяс!
Моз тӧлысь мӧд вежалунӧ стрӧитчан юкӧнса уджалысьяс да ветеранъяс пасйӧны Стрӧитчысьлысь лун!
Стрӧитчан комплекс отсӧгӧн кыпалӧны промышленнӧй предприятиеяс да социальнӧй объектъяс, чужӧны да быдмӧны выль каръяс, лоӧны бурджыкӧн да мичаджыкӧн керка йӧръяс, уличьяс да скверъяс.
Миян республикаын тайӧ аслыспӧлӧс отрасль: колӧ стрӧитчыны кӧдзыд войвылын, сьӧкыда воӧдчанінъясын, дженьыд кадколастӧ.
Аттьӧ ставлы, коді проектируйтӧ, кыпӧдӧ олан керкаяс да школаяс, культура дворечьяс да заводъяс, нюжӧдӧ туйяс да посъяс, стрӧитӧ спортивнӧй да челядьлы площадкаяс.
Ті бурмӧданныд миянлысь олӧмнымӧс, мичмӧданныд сиктъяснымӧс да каръяснымӧс.
Аттьӧала Тіянӧс уджсӧ бура да сьӧлӧмсянь вӧчӧмысь.
Торъя аттьӧ ветеранъяслы республика сӧвмӧдӧмӧ зэв ыджыд пай пуктӧмысь.
Отрасльлы сиа кыпӧдны унджык выль стрӧйба, а уджалысьяслы — крепыд дзоньвидзалун, тыр-бур олӧм да семьякостса шуд!»
Коми Республикаса Юралысь В. В. Уйба
{Kodko (комиӧдіс Обрезкова Н. А.) @ Вужвойтырлӧн войтыркостса лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1167 @ 2021-08-09 @ }
Вужвойтырлӧн войтыркостса лункӧд йитӧдын Коми Республикаса Юралысьлӧн шыӧдчӧм.
«Коми Республикаса пыдди пуктана олысьяс!
Моз тӧлысь ӧкмысӧд лунӧ став мир пасьта пасйӧны Вужвойтырлысь войтыркостса лун.
Коми Республикаын ӧтсӧгласӧн олӧ сёысь унджык сикас войтыр. Найӧ пыдди пуктӧны традицияяссӧ да историясӧ.
Мирын Вужвойтырлӧн войтыркостса лун — зэв бур позянлун пыдісяньджык донъявны вужвойтырлысь традицияяссӧ, вӧчны нӧшта ӧти воськов ёрта-ёртлань.
Миян ӧтувъя мог — видзны аслыспӧлӧс история да культура озырлунсӧ, тӧдмӧдны сыӧн быдмысь войтырсӧ, медым найӧ водзӧ видзасны тайӧ озырлунсӧ.
Коми Республикаса Веськӧдлан котырлӧн уджын медшӧр могъяс пиысь ӧтиыс — бурмӧдны вужвойтырлысь оланногсӧ, отсавны видзны кывлысь, культуралысь да традицияяслысь аслыспӧлӧслунсӧ.
Ыджыд удж нуӧдӧны и сы могысь, медым видзны Войвывса этша лыда войтырлысь нэмӧвӧйся оланінсӧ да отсавны налы сӧвмыны социальнӧй да культурнӧй боксянь.
Аттьӧала Коми Республикаса став олысьсӧ уджысь, Чужан мусӧ пыдди пуктӧмысь да радейтӧмысь.
Сиа крепыд дзоньвидзалун, тыр-бур олӧм, семьяын ӧта-мӧднытӧ радейтӧм да пыдди пуктӧм, а республиканымлы — мир да водзӧ сӧвмыны!»
Коми Республикаса Юралысь Владимир Уйба
{Kodko (комиӧдіс Обрезкова Н. А.) @ Школа стрӧитӧм, интернат дзоньталӧм, керка йӧръяс бурмӧдӧм-мичмӧдӧм: Владимир Уйба удж серти ветліс Кулӧмдін районӧ @ выльтор @ https://rkomi.ru/news/1171 @ 2021-08-10 @ }
Школа стрӧитӧм, интернат дзоньталӧм, керка йӧръяс бурмӧдӧм-мичмӧдӧм: Владимир Уйба удж серти ветліс Кулӧмдін районӧ.
Коми Республикаса Юралысь удж серти водзӧ ветлӧ регионса ылі олан пунктъясӧ.
Моз тӧлысь 9 лунӧ Владимир Уйба воліс Кулӧмдін районса Пожӧг да Помӧсдін сиктъясӧ, аддзысьліс олысьяскӧд, донъяліс велӧданінъяслысь выль велӧдчан во кежлӧ дасьлунсӧ.
Удж серти ветлігӧн Юралыськӧд тшӧтш вӧлісны министръяс да районса администрацияӧн юрнуӧдысьяс.
Мероприятиеяс вылын вӧлі и Коми Республикалӧн Каналан Сӧветса депутат Руслан Магомедов.
Пожӧг сиктын республикаса Юралысь тӧдмасис Содтӧд тӧдӧмлун сетан республиканскӧй шӧринса филиаллӧн уджӧн.
Шӧринӧ волывлӧ 144 кага.
Филиаллӧн велӧдан уджтасын унджык нырвизьыс: чужан мулысь историясӧ да культурасӧ велӧдӧм, важ прӧмыселсӧ да ремеслӧсӧ ловзьӧдӧм, шуам, сюмӧдысь да вӧр-ва материалысь вӧчасьӧм, гындӧм, кысьӧм, вышивайтчӧм.
Пожӧгса филиалын велӧдчысьяс — войтыркостса, россияса, республикаса да районса конкурсъясын вермысьяс, мый петкӧдлӧ филиалса велӧдысьяслысь уджсикасын ыджыд кужӧм-сямлунсӧ.
Владимир Уйба видзӧдліс Пожӧг сиктса шӧр школалысь велӧдчан во заводитчӧм кежлӧ дасьлунсӧ.
Школаын велӧдчӧны Ярашъю посёлокысь, Вомынбӧж, Мальӧ, Кекур да Пожӧгдін грездъясысь 136 челядь.
Ставныс велӧдӧны коми кывсӧ кыдз чужан кыв.
2019 воын школаын воссис «Точка роста» цифрӧвӧй да гуманитарнӧй нырвизя шӧрин.
Кык кабинетын сулалӧ ӧнія оборудование.
Таво школа лоис вермысьӧн «<rus>Лучший проект школы года МО МР «Усть-Куломский</rus>» муниципальнӧй конкурсын.
Школаыс уджалӧ нёль стрӧйбаын, ставыс киссян выйынӧсь. Медся важсӧ кыпӧдлӧмаӧсь 1966 воын.
Выль школасӧ стрӧитӧм могысь медводз колӧ дасьтыны проектно-сметнӧй документация.
Кулӧмдін районса администрация вӧчас тайӧ уджсӧ 2023 во помӧдз.
Помӧсдін сиктын республикаса Юралысь видзӧдліс, кыдзи стрӧитӧны 400 места вылӧ школасӧ.
Объект вылын талун уджалӧ 76 морт да 7 единица техника.
Бурмӧдӧны-мичмӧдӧны мутасъяссӧ.
Сувтӧдӧма бордюр изсӧ, лӧсьӧдӧма футболысь ворсан поле да котраланін.
Лӧсьӧдӧны ортсыса канализация да весалан стрӧйбаяс.
Пытшкӧсса уджъясысь 80% вылӧ тэчӧма джоджъяс да стенъяс вылӧ плитка, мавтчан уджъяссӧ вӧчӧма 70% вылӧ.
Краситӧны стенъяс, вольсалӧны джоджъяс вылӧ вевттьӧд.
Владимир Уйба воліс «Патриот» челядьлы творчество керкаӧ.
Учреждениеыс збыльмӧдӧ содтӧд общеобразовательнӧй сӧвмӧдан уджтасъяс (художественнӧй, социально-педагогическӧй, физкультурно-спортивнӧй, туристско-краеведческӧй, техническӧй), велӧдӧ школьникъясӧс уна сикас уджсикасӧ, вӧзйӧ олысьяслы мынтысьӧм подув вылын велӧдчыны А1, В, С, D категорияа самоходнӧй транспорт средствоясса водитель вылӧ, сёян-юанӧн да абу сёян-юан тӧварӧн вузасьыс вылӧ.
Республикаса Юралысь видзӧдліс В. Т. Чисталёв нима шӧр школаын велӧдчысьяслы интернатсӧ.
Сэні олӧны Пузла грездса, Ягкӧдж, Діасёръя, Ярашъю посёлокъясса челядь.
Сёйӧны челядьыс школаса столӧвӧйын.
Водзджыксӧ школабердса интернатыс вӧлі 1938 воын кыпӧдлӧм стрӧйбаын.
Сійӧс вӧлі вежыштӧма интернат улӧ, да сійӧ эз дзик тырвыйӧ лӧсяв корӧмъясыслы.
2020 воын Помӧсдінса школалы сетісны «Монди СЛПК» акционер котырлысь офиснӧй стрӧйбасӧ.
Коми Республикаса Юралысьлӧн грант вылӧ корӧма вӧчны выльмӧдӧмлысь проектсӧ, дзоньталӧма жыръяссӧ, ньӧбӧма мебель, содтӧд сантехника.
Талун челядьыс олӧны школабердса выль интернатын.
Помӧсдінӧ удж серти ветлігӧн Владимир Уйба воліс шӧр паркӧ, кӧні «Оланін да карса гӧгӧртас» национальнӧй проектлӧн «Карын бур гӧгӧртас лӧсьӧдӧм» проект серти вӧчӧма спорт площадка, сувтӧдӧма лабичьяс да ёг дозъяс, югзьӧдӧма уличсӧ да лӧсьӧдӧма видеокамераяс.
Коми Республикаса Юралысь аддзысьліс Пожӧг да Помӧсдін сиктъясса олысьяскӧд, сёрнитісны Кулӧмдін районса сиктъяс сӧвмӧдӧмын медшӧр мытшӧдъяс йылысь.
Владимир Уйба висьталіс республикаса Веськӧдлан котырлӧн удж, водзӧ вылӧ планъяс йылысь, коронавирус инфекция паськалӧмкӧд серпас да сылы паныд тыш нуӧдӧм йылысь, юксис сиктса олысьясӧн висьталӧм мытшӧдъяссӧ разьӧм серти аслас видзӧдласӧн.
Республикаса Веськӧдлан котыр муниципалитетса администрациякӧд ӧтув кутасны видлавны олысьяслысь быд юалӧм да вӧзйӧм.
{Kodko (комиӧдіс Обрезкова Н. А.) @ Владимир Уйба воліс Мылдін районса сьӧкыда воӧдчан олан пунктъясӧ да сёрнитіс сэтчӧс олысьяскӧд сиктъяс сӧвмӧдӧм йылысь @ выльтор @ https://rkomi.ru/news/1172 @ 2021-08-11 @ }
Владимир Уйба воліс Мылдін районса сьӧкыда воӧдчан олан пунктъясӧ да сёрнитіс сэтчӧс олысьяскӧд сиктъяс сӧвмӧдӧм йылысь.
Коми Республикаса Юралысь удж серти водзӧ волывлӧ регионса ылі сикт-грездъясӧ.
Моз тӧлысь 10 лунӧ Владимир Уйба министръяскӧд ӧттшӧтш воліс Приуральскӧй посёлокӧ да Еремей грездӧ.
Тайӧ олан пунктъясӧдзыс найӧ ветлісны пыжӧн.
Приуральскӧй посёлокын республикаса Юралысь видзӧдліс школалысь велӧдчан во заводитчӧм кежлӧ дасьлунсӧ.
Кӧч тӧлысьын сійӧ босьтас велӧдчыны 75 мортӧс, на лыдын кыкӧн пырасны первой классӧ.
2009 вося лӧддза-номъя тӧлысьӧ школалӧн шӧр стрӧйбаыс сотчис, колис сӧмын кык судтаа содтӧд стрӧйбаыс.
2013 воын сійӧс шуисны аварийнӧйӧн.
2021 во да 2022–2023 воясся планӧвӧй кадколаст вылӧ Коми Республикаса адреснӧй инвестиция уджтасӧн урчитӧма кыпӧдны Приуральскӧйын школа, кӧні кутас велӧдчыны 80 ныв-зон, лоӧ 20 места вылӧ интернат да 20 места вылӧ детсад.
Ӧні вежӧны техническӧй заданиесӧ сы могысь, медым позис вӧчны школалы, детсадлы да интернатлы торъя скважина.
Техзаданиесӧ вежасны кык вежон чӧжӧн, сы бӧрын заводитчас проект лӧсьӧдӧм вылӧ конкурс.
Республиканскӧй сьӧмкудйын сьӧмыс та вылӧ урчитӧма нин.
Проектсӧ дасьтӧм да канму экспертизалӧн ошкана кывкӧртӧд бӧрын лоӧ нуӧдӧма пӧдрадчикӧс бӧрйӧм вылӧ конкурс.
Еремей грездын Владимир Уйба видзӧдліс фельдшер-акушер пункт.
ФАП-ыс уджалӧ 1984 воын кыпӧдлӧм сиктса культура керкалӧн пу стрӧйбаын.
Сэні кык жыр: пациентъясӧс примитан да процедурнӧй кабинетъяс.
Республикаса Веськӧдлан котыр видлалӧ выль стрӧйба кыпӧдӧм йылысь юалӧм.
Сиктса овмӧдчӧминлӧн администрациялы тшӧктӧма корсьны сиктын объектсӧ стрӧитанін.
{Kodko (комиӧдіс Обрезкова Н. А.) @ #КОМИ100: ШаньгаФест выль форматын тӧдмӧдас финн-угор войтырлӧн кухняӧн @ выльтор @ https://rkomi.ru/news/1174 @ 2021-08-11 @ }
#КОМИ100: ШаньгаФест выль форматын тӧдмӧдас финн-угор войтырлӧн кухняӧн.
Сыктывкарын моз тӧлысь 18 лунсянь 22 лунӧдз лоӧ «ШаньгаФест» финн-угор войтырлӧн сёян-юанлы сиӧм войтыркостса фестиваль.
Таво фестивальыс мунас выль форматын — гӧсьтъяслы вӧзъясны финн-угор войтырлӧн медбур шеф-пӧваръясӧн дасьтӧм мастер-ӧбедъяс да мастер-ужынъяс.
«Коми Республикалы сё во тыран воӧ «ШаньгаФест» вежӧ нуӧдан форматсӧ — вит лун чӧжӧн регионса юркарлӧн медбур ресторанъясын да Финн-угор этнопаркын петкӧдласны карелъяслысь, ижоралысь, удмуртъяслысь, марилысь, финнъяслысь да, дерт жӧ, комияслысь кухняяс.
Регионса олысьяслӧн да гӧсьтъяслӧн лоӧ бур позянлун тӧдмасьны финн-угор гастрономиялӧн ӧнія нырвизьясӧн», — висьталіс Коми Республикаса культура, туризм да архив удж министр Мария Балмастова.
Таво фестивальӧ пырӧдчасны Санкт-Петербургысь, Ленинград обласьтысь, Марий Элысь, Удмуртияысь да Карелияысь делегацияяс.
Почёта гӧсьтъясӧн лоӧны шеф-пӧвар, теле- да радиоведущӧй Илья Лазерсон да медийнӧй шеф-пӧвар Сергей Малаховский.
Мастер-ӧбедъяс да мастер-ужынъяс дырйи гӧсьтъяс вермасны вӧйтчыны чӧскыд сёяна мирӧ да тырвыйӧ видлыны финн-угор войтырлысь быдсикас сёян-юансӧ.
Фестивальлӧн шӧр площадкаясӧн лоӧны Ыб сиктын «Финноугория» кафе, Сыктывкарын «<rus>Царская охота</rus>», «<rus>Спасский</rus>», «<rus>Столица</rus>» да «Жаков» медбур ресторанъяс.
Национальнӧй сёян-юан петкӧдлӧм кындзи фестиваль дырйи кутас мунны участвуйтысь регионъяслӧн аслыспӧлӧс культураӧн да традицияясӧн тӧдмӧдан интерактивнӧй уджтас.
Фестивальсӧ шӧр котыртысьнас лоӧ Финн-угор этнокультурнӧй парк. Котыртӧмӧ пырӧдчисны и Коми республиканскӧй филармония, Россия Федерацияса финн-угор культура шӧрин, Коми Республикаса вузасян-промышленнӧй палата да «Югӧр» культура водзмӧстчӧмъяс шӧрин.
Мероприятиесӧ учредитысь — Коми Республикаса культура, туризм да архив удж министерство.
Медыджыд уджъёрт — Россельхозбанк.
{Kodko (комиӧдіс Обрезкова Н. А.) @ Владимир Уйба: «Ми быть пасъям республикалысь сё вося юбилейсӧ — ыджыда, паськыда, бура» @ выльтор @ https://rkomi.ru/news/1175 @ 2021-08-11 @ }
Владимир Уйба: «Ми быть пасъям республикалысь сё вося юбилейсӧ — ыджыда, паськыда, бура».
Республикаса Юралысь гӧгӧрвоӧдіс Коми Республикалӧн 100 во тырӧмлы сиӧм мероприятиеяссӧ быть вуджӧдӧм серти олысьяслысь сы дорӧ шыӧдчӧмъяссӧ.
Гаж вуджӧдӧм йылысь помшуӧмсӧ вӧлі примитӧма ӧтвылысь COVІD–19 паськалӧмлы паныд удж нуӧдан республиканскӧй оперативнӧй штаблӧн заседание дырйи Коми Республикаын Роспотребнадзорлӧн Веськӧдланінса мыччӧдъяс подув вылын.
Владимир Уйба тӧдчӧдіс, мый тайӧ помшуӧмыс штабӧ пырысьяслы сетчис эз кокниа, сійӧс примитігӧн вӧлі кутӧма тӧд вылын ӧнія эпидемиологическӧй серпассӧ да йӧзлӧн олӧм, дзоньвидзалун да видзчысянлун вӧсна тӧждысьӧм.
«Нэмӧвӧйся юбилей — тӧдчана лоӧмтор, ыджыд гаж республикалы да сылӧн быд олысьлы, — пасйис Владимир Уйба.
— Тайӧ ветеранъясӧс, республикаса войтырлысь нэмӧвӧйся традицияяссӧ да аслыспӧлӧслунсӧ пыдди пуктӧм.
И пасйыны тайӧ тшупӧда пассӧ колӧ мичаа да вунӧдлытӧма.
Ӧні, пандемия кадӧ, нуӧдны ыджыд, уна йӧза мероприятиеяс — тайӧ пудъясьӧм.
Сё во — абу ӧти лун.
Сійӧс оз позь киритны.
Гажсӧ позьӧ сӧмын вуджӧдны.
Найӧ быть лоасны — паськыдӧсь, ыджыдӧсь, миян республикалы да миян олысьяслы лӧсяланаӧсь!»
Та дырйи, пасйис Коми Республикаса Юралысь, республикаса каръясын да сиктъясын мунасны сё вося юбилейлы сиӧм неыджыд мероприятиеяс.
{Kodko (комиӧдіс Обрезкова Н. А.) @ Коми Республика пырӧдчис «Национальнӧй социальнӧй водзмӧстчӧм» проектӧ @ выльтор @ https://rkomi.ru/news/1177 @ 2021-08-11 @ }
Коми Республика пырӧдчис «Национальнӧй социальнӧй водзмӧстчӧм» проектӧ.
Проектыс заводитчис Россияын странаса Президентлӧн тшӧктӧм серти да збыльмӧдсьӧ Стратегическӧй водзмӧстчӧмъяслӧн агентствоӧн.
Национальнӧй социальнӧй водзмӧстчӧмлӧн мог — бурмӧдны гражданалысь олӧм.
Проектыс колӧ, медым бырӧдны социальнӧй юкӧнын услугаяс сетігӧн мытшӧдъяссӧ, татчӧ пырӧ йӧзлысь дзоньвидзалун видзӧмын, велӧдан юкӧнын да социальнӧя отсасьӧмын мытшӧдъяс разьӧм, содтыны социальнӧй юкӧнса организацияяслӧн уджлысь окталунсӧ.
Коми Республика пырӧдчӧ Национальнӧй социальнӧй водзмӧстчӧмӧ регионса Юралысь Владимир Уйбалӧн тшӧктӧм серти.
— Тайӧ проект збыльмӧдӧмын медводдза воськов — стӧчмӧдны, кутшӧм мытшӧдъяс мешайтӧны мортлы босьтны колана отсӧг.
Кор ми гӧгӧрвоам, кутшӧм мытшӧдъяс эмӧсь тайӧ туй вылас, ми вермам лӧсьӧдны да пыртны уджӧ тайӧ мытшӧдъяссӧ разян механизмъяс.
Тайӧ проектас пырӧдчӧмыс сетас позянлун содтыны социальнӧй услугаяс сетан ногтуйсӧ: вӧчны услуга босьтӧмсӧ кокниджыкӧн, судзсянаджыкӧн, матынджыкӧн сійӧ йӧз дорас, кодъяслы колӧ татшӧм услугаыс, — гӧгӧрвоӧдіс Коми Республикаса Веськӧдлан котырӧн Юрнуӧдысьӧс вежысь Лариса Карачёва.
Национальнӧй социальнӧй водзмӧстчӧмсӧ котыртысьяслӧн мӧвп серти, выль механизмъяс лӧсьӧдӧмыс кутас отсавны збыльмӧдны татшӧм стӧч юалӧмъяс: гижӧдны кагаӧс детсадйӧ, вуджӧдны ӧти школаысь мӧд школаӧ, гижӧдчыны колана врачьяс дорӧ — кардиологъяс, невропатологъяс, офтальмологъяс дорӧ да шыӧдчыны вылыс тшупӧда технологияа медицина отсӧгла да сідз водзӧ.
Коми Республикаын котыртӧма Национальнӧй социальнӧй водзмӧстчӧм серти регионса штаб да экспертнӧй группа.
Штабӧ пырысьяс республикаын проектсӧ пыртӧм вылӧ бӧрйисны олӧмысь нёль ситуация.
Сідз, колӧ вӧчны судзсянаджыкӧн да лӧсьыдджыкӧн Олысьясӧс уджӧн могмӧдан шӧринъяс отсӧгӧн удж корсьӧмсӧ (пилотнӧй проектын участвуйтӧны Кӧрткерӧс район да Ухта кар).
Мӧд ситуация пыдди, мый вылын колӧ уджалыштны, бӧрйӧма гражданаӧс социальнӧя могмӧдӧм серти судзсьытӧма олысьясӧн шуӧм (пилотнӧй учреждениеяс — Воркута карса да Сыктывдін районса Йӧзӧс социальнӧя доръян юкӧнын канму услугаяс сетан шӧринъяс).
Сідзжӧ проект серти кӧсйӧны вӧчны пациентъяслы кокниджыкӧн да ӧдйӧджыкӧн стационарӧ веськалан процедурасӧ (пилотнӧй учреждение — Сыктыв районса больнича).
Национальнӧй социальнӧй водзмӧстчӧмлӧн регионса штаблӧн да экспертнӧй группалӧн нӧшта ӧти мог — регыдъя медицина отсӧг сетысь бригадаяслысь пациентъяс дорӧ воан кадсӧ чинтӧм (пилотнӧй учреждение — Неминучаӧ веськалӧмалы медицина отсӧг сетан Коми Республикаса мутас шӧрин).
{Kodko (комиӧдіс Обрезкова Н. А.) @ Вынйӧр сӧвмӧдан да дзоньвидзалун бурмӧдан комплекс стрӧитӧм, посёлокса пекарня ӧнъяӧдӧм, депутатъяскӧд да ветеранъяскӧд аддзысьлӧм @ выльтор @ https://rkomi.ru/news/1178 @ 2021-08-11 @ }
Вынйӧр сӧвмӧдан да дзоньвидзалун бурмӧдан комплекс стрӧитӧм, посёлокса пекарня ӧнъяӧдӧм, депутатъяскӧд да ветеранъяскӧд аддзысьлӧм — Владимир Уйба талун уджаліс Мылдінын.
Коми Республикаса Юралысь удж серти водзӧ ветлӧдлӧ регионӧд.
Уджалан вежоныс заводитчис Кулӧмдін районӧ ветлӧмсянь.
Моз тӧлысь 10 лунӧ Владимир Уйба воліс Мылдін районса сьӧкыда воӧдчан олан пунктъясӧ.
Талун видзӧдліс, кыдзи стрӧитӧны Мылдінын вынйӧр сӧвмӧдан да дзоньвидзалун бурмӧдан комплекс, тӧдмасис сэтчӧс пекарнялӧн уджӧн, нуӧдіс аддзысьлӧмъяс да сӧвещаниеяс.
Мылдін посёлокын вынйӧр сӧвмӧдан да дзоньвидзалун бурмӧдан комплекссӧ стрӧитӧны «2016–2020 вояс вылӧ Россияса Федерацияын физическӧй культура да спорт сӧвмӧдӧм» федеральнӧй торъя мога уджтас серти.
Учреждениеын лоӧны ворсан спорт сикасъяс вылӧ, сьӧкыд атлетикаӧн да фитнесӧн занимайтчӧм вылӧ торъя ыджыд залъяс да тренажёръяса зал.
Талун объект вылын уджалӧны 23 морт да 3 единица техника.
Чукӧртӧны кӧрта конструкцияяс, видлалӧны стыкъяслысь ногтуйсӧ.
Шыльӧдӧны кӧрта конструкцияяссӧ.
Лӧсьӧдӧма подувсӧ.
Стрӧитчӧмлӧн мунанног, уджъяслӧн ногтуй бӧрся дугдывтӧг видзӧдӧ районса администрация.
Мылдінса пекарня район пасьтала нималӧ бур прӧдукцияӧн.
Сійӧ заводитіс уджавны 2007 воын, 2019 воын вуджис выль стрӧйбаӧ.
Талун сэні уджалӧ 4 пӧжасьысь, ӧнъяӧдӧны оборудование — пескӧн ломтысян пач пыдди сувтӧдӧма ротационнӧй пач.
Сійӧ сетас позянлун содтыны прӧдукциялысь сикассӧ да йӧрышсӧ, могмӧдны сӧмын на пӧжалӧм няньӧн да кондитерскӧй вӧчасӧн абу сӧмын Мылдін посёлокын, но и матысса пунктъясын олысьясӧс: Покчаын, Русановын, Мылваын, Белӧй Борын олысьясӧс.
Мылдінын Владимир Уйба аддзысьліс районса ветеранъяслӧн Сӧветса активкӧд, сикт овмӧдчӧминъясса юралысьяскӧд да меставывса депутатъяскӧд.
Аддзысьлӧмъяс вылын сёрниыс муніс районлӧн сӧвмӧм йылысь: торйӧн нин туйяс стрӧитӧм да дзоньталӧм, йӧзӧс транспортӧн могмӧдӧм, чорыд коммунальнӧй шыбласъясӧн вӧдитчӧм, йӧзлысь дзоньвидзалун видзан да велӧдан юкӧнъясын мытшӧдъяс йылысь.
Аддзысьлӧм дырйи кыпӧдӧм юалӧмъяссӧ пыртӧма протокольнӧй тшӧктӧмъясӧ, медым водзӧ видлавны республикаса Веськӧдлан котырлы муниципалитетса администрациякӧд ӧтув.
{Kodko (комиӧдіс Обрезкова Н. А.) @ Сыктывкарса канму университетын восьтасны врачьяслы ординатура @ выльтор @ https://rkomi.ru/news/1180 @ 2021-08-12 @ }
Сыктывкарса канму университетын восьтасны врачьяслы ординатура.
СКУ-са медицина институт помалысьяслӧн регыдъя кадӧ лоӧ позянлун водзӧ велӧдчыны ординатура программаяс серти асланыс университетын, республикалӧн суйӧр сайӧ мунтӧг.
Татшӧм бур юӧрӧн юксис Коми Республикаса Веськӧдлан котырӧн Юрнуӧдысьӧс вежысь Лариса Карачёва.
Рособрнадзорлӧн тшӧктӧд серти Сыктывкарса канму университетлы сетӧма «Кардиология» да «Терапия» ординатура специальносьтъяс серти велӧдан удж нуӧдӧм вылӧ инӧд.
Тайӧ удж сикассӧ лицензируйтӧмлы подувсӧ вӧлі пуктӧма Коми Республикаса Юралысь Владимир Уйбалӧн водзмӧстчӧм серти.
— Водзджыксӧ том специалистъяс мунлісны велӧдчыны ординатураын Кировса, Санкт-Петербургса да мукӧд карса медицина ВУЗ-ясӧ.
Велӧдчӧмсӧ помалӧм бӧрын тшӧкыда найӧ эз локны бӧр уджавны республикаӧ.
Республикаса Веськӧдлан котырлӧн да Сыктывкарса университетӧн веськӧдлысьяслӧн ӧтувъя уджӧн вӧчӧма воськов сылань, медым специализация босьтӧм бӧрын врачьяс кольччисны асланыс регионӧ.
Тайӧ тойӧн нин тӧдчана выль коронавирус инфекциялы паныд тыш нуӧдігӧн, — тӧдчӧдіс Лариса Карачёва.
Кыдзи пасйис Веськӧдлан котырӧн Юрнуӧдысьӧс вежысь, ординатура восьтӧмыс — мераяс комплекслӧн юкӧн, мый веськӧдӧма регионын медицина отсӧг сетӧмлысь судзсянлун да ногтуй кыпӧдӧм вылӧ, та лыдын и медицина уджалысьяслысь дугдывтӧг велӧдчан системалы республиканскӧй сьӧмкуд сьӧмӧн отсалӧм.
Республикаса медицина учреждениеясын ёна колӧны врач-кардиологъяс да врач-терапевтъяс.
Тайӧ специальносьтъяс серти ординатурасӧ восьтӧмыс отсалас могмӧдны учреждениеяссӧ татшӧм врачьясӧн.
2021 воын врачьяслысь дипломъяс босьтісны Питирим Сорокин нима Сыктывкарса канму университетсӧ 49 помалысь.
На лыдысь 26 морт заводитісны нин уджавны республикаса медицина организацияясын.
Выль коронавирус инфекциялы паныд тыш кадӧ унаӧн уджалӧны ковиднӧй стационаръясын.
{Kodko (комиӧдіс Обрезкова Н. А.) @ Сыктывкарын да Ухта районын моз тӧлысь 14 лун 00 чассянь позьӧ нуӧдны шойччан лунся ярмангаяс @ выльтор @ https://rkomi.ru/news/1183 @ 2021-08-12 @ }
Сыктывкарын да Ухта районын моз тӧлысь 14 лун 00 чассянь позьӧ нуӧдны шойччан лунся ярмангаяс.
«Содтӧд дасьлун режим пыртӧм йылысь» Коми Республикаса Юралысьлӧн Индӧдӧ пыртӧма вежсьӧмъяс.
2021 вося моз тӧлысь 31 лунӧдз Коми Республикаын оз на позь нуӧдны уна йӧза культурнӧй, зрелищнӧй да мукӧд уна йӧза мероприятие, а сідзжӧ дугӧдӧма войын уджалысь клубъяслысь (дискотекаяслысь) удж.
2021 вося моз тӧлысь 31 лунӧдз «Сыктывкар» кар кытшса муниципальнӧй юкӧнын да «Ухта» кар кытшса муниципальнӧй юкӧнын дугӧдӧма вузасян да вузасян-гажӧдчан шӧринъясын меститчысь организацияяслысь да асшӧр уджалысьяслысь, кодъяс сетӧны йӧзӧс ӧтув вердан услугаяс («петкӧдӧм» вылӧ дась прӧдукция вузалӧм серти услугаяс кындзи да йӧзӧс ӧтув вердан организацияясӧн, кутшӧмъяслӧн эм волысьясӧс могмӧдан ас зал, сетан услугаяс кындзи), да челядьлы ворсан жыръяслысь удж.
«Сыктывкар» кар кытшса муниципальнӧй юкӧнын да «Ухта» кар кытшса муниципальнӧй юкӧнын йӧзӧс ӧтув вердан предприятиеяслы, кодъяс збыльмӧдісны «Эпидемияысь видзчысьӧм могысь гражданалӧн торъя группаяслы ӧлӧдан прививкаяс вӧчӧм йылысь» Коми Республикаын Юралысь канму санитарнӧй врачлӧн 2021 во сора тӧлысь 6 лунся 2 №-а шуӧмлӧн 2 пунктса корӧмъяссӧ, волысьясӧс могмӧдан уджсӧ дзескӧдӧма 01 чассянь 10 часӧдз (налы, кодъяс эз збыльмӧдны индӧм корӧмъяссӧ, — 23 чассянь 10 часӧдз).
Йӧзӧс ӧтув вердан предприятиеяслы, кодъяс котыртӧны организацияясса уджалысьясӧс вердӧм либӧ туй морт керкаясын да мукӧдлаын, кӧні меститӧны уна йӧзӧс, санаторно-курортнӧя бурдӧдан да шойччан объектъясын волысьясӧс могмӧдан уджсӧ дзескӧдӧма 23 чассянь 08 часӧдз.
Вылынджык пасйӧм корӧмъяссӧ збыльмӧдігӧн — волысьясӧс могмӧдан уджсӧ дзескӧдӧма 01 чассянь 08 часӧдз.
Коми Республикаса экономика сӧвмӧдан да промышленносьт министерстволы тшӧктӧма лӧсьӧдны да вынсьӧдны документъяслысь формаяс, кутшӧмъяс эскӧдасны йӧзӧс ӧтув вердан предприятиеяслы «Эпидемияысь видзчысьӧм могысь гражданалӧн торъя группаяслы ӧлӧдан прививкаяс вӧчӧм йылысь» Коми Республикаын Юралысь канму санитарнӧй врачлӧн 2021 во сора тӧлысь 6 лунся 2 №-а шуӧмлӧн 2 пунктса корӧмъяс збыльмӧдӧмсӧ.
{Kodko (комиӧдіс Обрезкова Н. А.) @ Бизнеслы отсалӧм да войвывса каръяс сӧвмӧдӧм: Комиӧ удж серти воис Россияса экономика сӧвмӧдан министр Максим Решетников @ выльтор @ https://rkomi.ru/news/1185 @ 2021-08-13 @ }
Бизнеслы отсалӧм да войвывса каръяс сӧвмӧдӧм: Комиӧ удж серти воис Россияса экономика сӧвмӧдан министр Максим Решетников.
Талун, моз тӧлысь 13 лунӧ, Коми Республикаӧ удж серти воис Россияса экономика сӧвмӧдан министр Максим Решетников.
Сыктывкарын министр Коми Республикаса Юралыськӧд волісны Комиын «Менам бизнес» предпринимательство сӧвмӧдан шӧринӧ.
«Ичӧт да шӧр предпринимательство да асшӧр уджалысьлӧн водзмӧстчӧмлы отсалӧм» национальнӧй проект серти республикаын артмӧдӧм шӧрин подув вылын регионса асшӧр уджалысьяс вермасны волыны дон босьттӧг велӧдан уджтасъяс, семинаръяс да мастер-классъяс вылӧ, консультируйтчыны канмусянь отсӧг сетан став торъя уджтас серти да збыльмӧдны мукӧд мог.
Тавосянь «Менам бизнес» шӧрин лоис Арктикаын бизнеслы отсасьысь регионса операторӧн.
«2020 во вылӧ мыччӧдъяс серти «Менам бизнес» шӧринӧ шыӧдчис 1800 компания.
Налы отсалісны быдсикас тшупӧдын: стартӧвӧй тшупӧдын консультируйтӧмсянь инвестиция проектъяс збыльмӧдігӧн да производствоса вынйӧр вежигӧн отсалӧмӧдз.
Таво, коронавирус вылӧ видзӧдтӧг, ми тырвыйӧ пӧртам олӧмӧ национальнӧй проектлӧн петкӧдласъяскӧд йитчӧм став могсӧ», — висьталіс «Менам бизнес» регионса шӧринлӧн директор Сергей Жеребцов.
Шӧринса гӧсьтъяслы сідзжӧ петкӧдлісны таво восьтӧм коворкинг.
Сійӧс лӧсьӧдӧма заводитысь да уджалысь нин предпринимательяс вылӧ, фрилансеръяс да ас вылӧ уджалысь граждана вылӧ, кодъяслӧн абу асланыс офисыс.
Сэні эмӧсь уджалан зонаяс, шойччанінъяс, сёрнитан жыр да бизнес-библиотека.
Сідзжӧ делегацияӧс тӧдмӧдісны мукӧд организациякӧд, кутшӧмъяс пырӧны ичӧт да шӧр предпринимательстволы отсалан инфраструктураӧ Комиын «Менам бизнес» составын: «Коми Республикаса гарантийнӧй фонд» акционер котыр да «Коми Республикаса микрокредитнӧй компания».
Шӧринсӧ петкӧдлӧм бӧрын сылӧн подув вылын вӧлі республикаса асшӧр уджалысьяскӧд аддзысьлӧм, кӧні Максим Решетников вылӧ донъяліс регионын социальнӧй асшӧр уджалысьяслы отсалан тшупӧдсӧ.
Министр тӧдчӧдіс, мый выльӧн пасйӧм социальнӧй предприятиеяслӧн лыд серти Коми Республика матӧ 1,5 пӧв вевтыртіс «Ичӧт да шӧр предпринимательство да асшӧр уджалысьлӧн водзмӧстчӧмлы отсалӧм» национальнӧй проектлысь петкӧдлассӧ.
Кыдзи пасйис Коми Республикаса Юралысь Владимир Уйба, ичӧт да шӧр бизнес, на лыдын и социальнӧй предприятиеяс, талун пуктӧны ыджыд пай регионса экономика сӧвмӧдӧмӧ.
«Аспом бизнес юкӧнын лӧсьӧдсьӧны уджалан местаяс, чужӧны экономика диверсифицируйтӧм вылӧ веськӧдӧм выль проектъяс да мӧвпъяс», — шуис Владимир Уйба.
Сійӧ пасйис, мый регионын пыр лӧсьӧдсьӧны бизнес да власьт костын йитӧдъяс кутан площадкаяс, да татшӧм уджыслы колӧ федеральнӧй да регионса тшупӧдъясын ӧтвесьтасалӧм подув.
Максим Решетниковлӧн удж серти волігӧн мероприятиеясӧ пырӧдчӧны Россияса Федеральнӧй Собраниелӧн Каналан Думаса депутат Ольга Савастьянова, Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов, Коми Республикаса Веськӧдлан котырӧн Юрнуӧдысьӧс вежысь — республикаса экономика сӧвмӧдан да промышленносьт министр Эльмира Ахмеева, Коми Республикаса Каналан Сӧветӧн веськӧдлысь Сергей Усачев, Коми Республикалӧн Каналан Сӧветса депутат Руслан Магомедов да мукӧд.
{Kodko (комиӧдіс Обрезкова Н. А.) @ Россияса экономика сӧвмӧдан министерство кӧсйысис отсавны Коми Республикалы «Войвыв» торъя экономическӧй зона лӧсьӧдӧмын @ выльтор @ https://rkomi.ru/news/1187 @ 2021-08-13 @ }
Россияса экономика сӧвмӧдан министерство кӧсйысис отсавны Коми Республикалы «Войвыв» торъя экономическӧй зона лӧсьӧдӧмын.
Талун, моз тӧлысь 13 лунӧ, Коми Республикаӧ удж серти воліс Россияса экономика сӧвмӧдан министр Максим Решетников.
Коми Республикаса Юралысь Владимир Уйбакӧд да Веськӧдлан котырӧ пырысьяскӧд ӧттшӧтш сійӧ воліс «Лузалес» компаниялӧн производствоса площадкаяс вылӧ.
Предприятиеыс — лӧсьӧдана торъя экономическӧй зоналӧн медшӧр инвестор.
Арталана торъя экономическӧй зоналӧн ыдждаыс лоӧ 800 кымын гектар.
«Лузалес» кӧсйӧ восьтыны фанера, МДФ, пеллетъяс вӧчан завод.
Инвестицияяслӧн юӧртӧм йӧрышыс лоас 33 миллиард гӧгӧр шайт.
«Ми ошкам регионлысь водзмӧстчӧмсӧ, министерство дась регыдъя кадӧ видлавны торъя экономическӧй зона лӧсьӧдӧм вылӧ заявка да сетны колана документъяссӧ да материалъяссӧ дасьтігӧн методологическӧй, консультационнӧй да юӧртана отсӧг», — висьталіс экономика сӧвмӧдан министр Максим Решетников Коми Республикаӧ волігӧн.
Делегациялы петкӧдлісны объектъяссӧ, кутшӧмъясӧс ӧнъяӧдӧма да стрӧитӧма «Лузалес» ичӧт кывкутана котырлысь производствоса вынйӧр ӧнъяӧдӧм да паськӧдӧм» (2018–2025 вояс) коймӧд инвестиция проект збыльмӧдӧм серти.
А буретш — пуысь ломтысян гранулаяс вӧчан цех, пиломатериалъяс дугдывтӧг косьтан камераяс, вӧр пилитан колясъяс сотӧм вылӧ установка, пуысь колясъясӧн ломтысян ТЭЦ.
Водзджык нуӧдісны «Лузалес» да «Аскона» компанияяс костын сёрнитчӧмъяс.
Сёрнитчысьяс воисны ӧти кывйӧ «Войвыв» торъя экономическӧй зонаын мебельнӧй фабрика лӧсьӧдӧм серти.
«Тайӧ лоӧ Коми Республикаса Сыктывдін районын вӧр переработайтӧм серти ӧтувъя проект.
«Аскона» компаниякӧд ӧтув артавсьӧ стрӧитны мебель вӧчан завод.
Тайӧ миян Коми Республикалысь экономикасӧ инвестиционнӧя сӧвмӧдӧм серти, инвестицияяс кыскӧм серти уджлӧн сӧмын на заводитчӧм.
Ми тайӧс уджсӧ нуӧдам водзӧ», — висьталіс Коми Республикаса Юралысь Владимир Уйба.
«Лузалес» ичӧт кывкутана котырса директоръяслӧн сӧветӧн веськӧдлысь Руслан Семенюк пасйис, мый предприятиелӧн вермӧмъясыс йитчӧмаӧсь бизнес да регионса Веськӧдлан котыр костын бура лӧсьӧдӧм, ёрта йитӧдъяскӧд.
«Инвестиция проектъяссӧ збыльмӧдӧмыс, сувтӧдӧм могъяссӧ олӧмӧ пӧртӧмыс веськыда йитчӧма бизнес да власьт костын йитӧдлӧн выль стандарткӧд, кор федеральнӧй да регионса отсалан инструментъяс отсӧгӧн бизнес вӧчӧ бур прӧдукция, лӧсьӧдӧ выль уджалан местаяс, мынтӧ вот, вӧчӧ позянаӧн быдсӧн регионлысь сӧвмӧмсӧ, — тӧдчӧдіс Руслан Семенюк.
— Миян бура лӧсьӧдӧма Коми Республикаса веськӧдлысьяскӧд, Коми Республикаса экономика сӧвмӧдан да промышленносьт министерствокӧд удж серти йитӧдсӧ».
Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр Эльмира Ахмеева висьталіс, мый ӧні министерство дасьтӧ заявка да лӧсьӧдӧ планировкалысь бала, мый серти лоӧ арталӧма колана инфраструктуралӧн став объектлысь донсӧ.
Сэсся заявкасӧ ыстасны Россияса экономика сӧвмӧдан министерствоӧ видлалӧм вылӧ.
Коми Республикаса экономика сӧвмӧдан да промышленносьт министерствоӧс вӧлі индӧма Коми Республикалӧн «Сыктывдін» муниципальнӧй районын «Войвыв» промышленнӧй да производственнӧй сикаса торъя экономическӧй зона лӧсьӧдӧм вылӧ заявка дасьтӧм серти уполномочитӧм власьт органӧн.
Уськӧдам тӧд вылӧ, мый торъя экономическӧй зоналӧн форматыс Коми Республикаын збыльмӧдсьӧ медводдзаысь.
Владимир Уйбалӧн водзмӧстчӧм серти артмӧдӧм проектыс веськӧдӧма экономикалысь ӧнія нырвизьяс пыртӧм вылӧ да сетас позянлун выльмӧдны муниципальнӧй юкӧнъяслысь олӧм, содтыны налысь кысканлунсӧ кыдз сэтчӧс олысьяслы, сідз и регионӧ кыскӧм выль кадръяслы.
{Kodko (комиӧдіс Обрезкова Н. А.) @ Физкультурник лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1188 @ 2021-08-14 @ }
Физкультурник лункӧд йитӧдын Коми Республикаса Юралысьлӧн шыӧдчӧм.
«Коми Республикаса пыдди пуктана олысьяс, спортсменъяс да тренеръяс, спорт юкӧнын уджалысьяс да ветеранъяс!
Быд во моз тӧлысьлӧн мӧд субӧтаӧ миян страна пасйӧ Физкультурниклысь лун.
Миянлы спорт — тайӧ абу сӧмын крепыд дзоньвидзалун да ыджыд вермӧмъяс.
Тайӧ озыр культура да традицияяс. Сійӧ велӧдӧ лоны повтӧмӧн да кывкутысьӧн.
Коми Республика пыр нималіс вына да быд боксянь сӧвмӧм йӧзӧн.
Ӧні регионын уджалӧ уна дас быдсикас спорт федерация, миян атлетъяс шедӧдӧны вермӧмъяс россияса да войтыркостса ордйысьӧмъясын быд дисциплинаын.
Эска, мый миян тренеръяс отсӧгӧн Коми Республика лоӧ и водзӧ спорт регионӧн, кутас сӧвмӧдны уна йӧза спорт сикасъяс, быдтыны аскиа чемпионъясӧс, на лыдын и паралимпийскӧй спорт сикасъясын.
Аттьӧ ставлы, коді пуктӧ пай физическӧй культура сӧвмӧдӧмӧ, коді нимӧдӧ республиканымӧс спорт аренаяс вылын.
Сиа крепыд дзоньвидзалун да выль вермӧмъяс!»
Коми Республикаса Юралысь Владимир Уйба
{Kodko (комиӧдіс Обрезкова Н. А.) @ Интаын кӧрт бетона плитаяс вӧчан завод ӧнъяӧдӧм бӧрын лоас 150 выль уджалан места @ выльтор @ https://rkomi.ru/news/1190 @ 2021-08-14 @ }
Интаын кӧрт бетона плитаяс вӧчан завод ӧнъяӧдӧм бӧрын лоас 150 выль уджалан места.
Моз тӧлысь 13 лунӧ вой кытшдорса карӧ удж серти волігӧн Россия Федерацияса экономика сӧвмӧдан министр Максим Решетников да Коми Республикаса Юралысь Владимир Уйба волісны «Арктика» кӧрт бетонысь изделиеяс вӧчан заводлӧн производственнӧй площадка вылӧ.
Предприятиеыс пырӧ республикаса экономика диверсифицируйтан планӧ.
Заводын кӧсйӧны лӧсьӧдны кӧрт бетонысь быдсикас прӧдукция вӧчан линия республикаса да орчча регионъясса войвыв, арктика мутасъясын коланлун да рыноклысь конъюнктура тӧд вылын кутӧмӧн.
Артавсьӧ, мый прӧдукцияыс лоӧ колана «Бованенково-Ухта. ІІІ сунис» магистральнӧй биару провод стрӧитігӧн, мыйлысь збыльмӧдӧмсӧ урчитӧма 2024–2028 вояс вылӧ.
Проект збыльмӧдӧм могысь компанияӧн веськӧдлан котыр сетӧма заявка Россия Федерацияса Арктика зоналӧн резидент статус босьтӧм вылӧ да сетӧма заём босьтӧм вылӧ заявка Монокаръясӧс сӧвмӧдан фондӧ.
Вой кытш дорын тайӧ нӧшта ӧти производство, мый содтӧ муниципальнӧй юкӧнын уджалан местаяс, мый сетӧ позянлун олысьяслы йитны Интакӧд ассьыныс абу сӧмын талунъя лунсӧ, но и аскиасӧ.
* * *
Максим Решетниковлӧн удж серти волӧм дырйи мероприятиеясӧ пырӧдчӧны Федеральнӧй Собраниелӧн Каналан Думаса депутат Ольга Савастьянова, Коми Республикаын медыджыд федеральнӧй инспектор Михаил Тырин, Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов, Коми Республикаса Веськӧдлан котырӧн Юрнуӧдысьӧс вежысь — республикаса экономика сӧвмӧдан да промышленносьт министр Эльмира Ахмеева, республикаса видз-му овмӧс да потребительскӧй рынок министр Денис Шаронов, Коми Республикалӧн Каналан Сӧветса депутатъяс Руслан Магомедов да Александр Попов, «Менам бизнес» шӧринӧн юрнуӧдысь, Арктикаын Коми Республикалӧн Веськӧдлан компанияӧн юрнуӧдысь Сергей Жеребцов.
{Kodko (комиӧдіс Обрезкова Н. А.) @ Коми Республикаса велӧдан, наука да том йӧз политика министерство юӧртіс, мый Анапа карса «Черноморская зорька» санаторий подув вылын челядьлысь дзоньвидзалун бурмӧдан лагерын обстановкаыс вежласьтӧм @ выльтор @ https://rkomi.ru/news/1196 @ 2021-08-15 @ }
Коми Республикаса велӧдан, наука да том йӧз политика министерство юӧртіс, мый Анапа карса «<rus>Черноморская зорька</rus>» санаторий подув вылын челядьлысь дзоньвидзалун бурмӧдан лагерын обстановкаыс вежласьтӧм.
Санитарно-эпидемиологическӧй серпас да челядьлӧн ӧпастӧмлун бӧрся видзӧдӧны Коми Республикаса да Краснодар крайса контроль да дӧзьӧр органъяс.
Висьӧмъяслӧн ыпнитӧмъяс да карантинъяс абуӧсь.
Ситуация бӧрся видзӧдӧ Коми Республикаса Юралысь Владимир Уйба.
Коми Республикаса велӧдан, наука да том йӧз политика министр Наталья Якимова дугдывтӧг юӧртӧ ситуация йылысь.
Ӧнія кад вылӧ челядьӧс мӧд местаӧ нуӧдны оз ков.
Ӧні ваыс коли сӧмын кык узьлан корпус костын, лагерса мукӧд мутасысь ваыс муніс.
Тӧрыт лагерӧ вайисны электричествоӧн могмӧдан нӧшта ӧти содтӧд генератор, электричество серти мытшӧдъяс абуӧсь.
Клубӧ да сёянінӧ челядьӧс новлӧдлӧны автобусӧн.
Сменаса шойччысьясӧс тырвыйӧ могмӧдӧны сёян-юанӧн, менюсӧ быд лун йӧзӧдӧны Контактын лагерлӧн группаын.
Крымын (Саки кар) «<rus>Северное сияние</rus>» санаторийӧ вуджӧдісны 4 семьяӧс — 6 вермытӧм челядьӧс да налысь мамъяссӧ.
Найӧс босьтны дасьлун йылысь юӧртіс санаторийса администрация.
Краснодар регионса оперативнӧй штаблӧн юӧр серти, талун, моз тӧлысь 15 лунӧ, водзӧ мунӧны Пионерскӧй шӧртуй вылысь, кӧні сулалӧ лагерыс, васӧ нуӧдан уджъяс.
Карса курортлӧн шӧр туй вылӧ веськаліс ывлавывса лоӧмторлӧн медыджыд выныс.
Уськӧдам тӧд вылӧ, мый Кубань мутасӧ моз тӧлысь 13 лунӧ воис мезоциклон.
Ёна зэрӧмъяс вӧсна уна район сюри ойдӧминӧ.
Неминуча режим пыртісны 14 муниципалитетын.
Ӧні кежлӧ, синоптикъяслӧн прогноз серти, циклонлӧн выныс слабмӧ.
Но сутки помӧдз крайын кутас на зэрны.
Оперативнӧй йитӧд вылӧ лагерын бать-мамлы лӧсьӧдӧма веськыд телефон линия 89892412605.
Йитчыны позьӧ и Контактын лагерлӧн группаын  https://vk.com/lagerrk.
Коми Республикаын челядьлӧн шойччӧм серти оператор — Челядьлы да том йӧзлы республиканскӧй шӧрин. Телефон номерыс 89225996333, уджалӧ лун и вой.
{Kodko (комиӧдіс Обрезкова Н. А.) @ Комиын оланін да коммунальнӧй, биару да энергетическӧй комплексъясса объектъяссӧ водзӧ дасьтӧны ар-тӧвся кадколаст кежлӧ @ выльтор @ https://rkomi.ru/news/1200 @ 2021-08-17 @ }
Комиын оланін да коммунальнӧй, биару да энергетическӧй комплексъясса объектъяссӧ водзӧ дасьтӧны ар-тӧвся кадколаст кежлӧ.
Регионын лӧсьӧдӧма 2021–2022 воясся ар-тӧвся кадколаст кежлӧ Коми Республикалӧн дасьтысьӧм бӧрся видзӧдан штаб. Сылӧн заседаниеяс вылын нюжмасьтӧг видлавсьӧны медшӧр юалӧмъяс.
Коми Республикаса Веськӧдлан котырлӧн 2021 во лӧддза-номъя тӧлысь 18 лунся 309-р №-а тшӧктӧмӧн вынсьӧдӧма Коми Республикаса оланін да коммунальнӧй, биару да энергетическӧй комплексъясса объектъяс 2021–2022 воясся ар-тӧв кежлӧ дасьтӧм серти мероприятиеяслысь лыддьӧг, муниципальнӧй юкӧнъясса администрацияясӧн вынсьӧдӧма меставывса мероприятиеяслысь планъяс.
Вынсьӧдӧма ресурсъясӧн могмӧдан организацияясӧн локтан ар-тӧвся кадколаст кежлӧ ведомствоувса объектъяс дасьтӧм серти мероприятиеяслысь планъяс, кольӧм ломтысян кадколастын шоныдӧн, электричествоӧн, биаруӧн, ваӧн могмӧдан да ва нуан системаясын технологическӧй торксьӧмъяссӧ тӧд вылын кутӧмӧн.
Коми Республикаса стрӧитчан, оланін да коммунальнӧй овмӧс министерстволӧн юӧр серти, ӧнія кад вылӧ коммунальнӧй нырвизя 372 ломтысянінысь дась 277 (планысь 74%);
олан фондлӧн 18,1 млн м² объект лыдысь — 12,3 млн м² (планысь 68%);
шоныд сетан сетьяслӧн 2050,57 км-ысь — 1724,52 км (планысь 84%);
ва сетан сетъяслӧн 2658,92 км-ысь — 2279,4 км (планысь 86%).
Шоныд сетан важмӧм сетьяслӧн 34,99 км-ысь вежӧма 23,73 км (планысь 68%), ва сетан важмӧм сетьяслӧн 34,1 км-ысь — 19,03 км (планысь 56%).
Оланін да коммунальнӧй юкӧнса да энергетика объектъяс 2021–2022 воясса ар-тӧлын ломтысян кадколаст кежлӧ дасьтысигӧн лӧсьӧдӧма ломтас чӧжӧс: 70,5 сюрс тонна из шом, 44,33 сюрс тонна мазут (мусир), 9,8 сюрс куб. м. пес (чаг, брикетъяс, пеллетъяс).
Сідзжӧ кӧсйӧны вӧчны 179 млн шайт мындаын материально-техническӧй ресурсъяслысь видзас лоны вермана аварияяс бырӧдӧм вылӧ.
{Kodko (комиӧдіс Обрезкова Н. А.) @ Коми Республикаса Юралысь Изьва районын ошкис Кулим грездса велӧдысьяслысь чужан му радейтана мӧвпнысӧ @ выльтор @ https://rkomi.ru/news/1201 @ 2021-08-18 @ }
Коми Республикаса Юралысь Изьва районын ошкис Кулим грездса велӧдысьяслысь чужан му радейтана мӧвпнысӧ.
Коми Республикаса Юралысь кык лун уджалӧ Изьва районын.
Моз тӧлысь 17 лунӧ Владимир Уйба воліс Кулим грездӧ, кӧні видзӧдліс фельдшер-акушер пункт, школалысь велӧдчан во кежлӧ дасьлунсӧ да вочавидзис грездса олысьяслӧн юалӧмъяс вылӧ.
Изьва районӧ Коми Республикаса Юралысьлӧн удж серти ветлігӧн мероприятиеясӧ пырӧдчисны Коми Республикаса Веськӧдлан котырӧн Юрнуӧдысьӧс вежысь Галина Габушева, Коми Республикаса стрӧитчан, оланін да коммунальнӧй овмӧс министр Игорь Кузьмичев, Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Дягилев, Коми Республикаса велӧдан, наука да том йӧз политика министр Наталья Якимова, Коми Республикаса вӧр-ва озырлун да гӧгӧртас видзан министр Алексей Кузнецов, Коми Республикалӧн Каналан Сӧветса депутатъяс Руслан Магомедов да Николай Братенков.
Кулим грездса фельдшер-акушер пункт могмӧдӧ 336 мортӧс, на лыдын орчча Щель грездса олысьясӧс.
Регыдъя да нюжмасьны позьтӧм отсӧг лун и вой сетӧны медсестраяс.
Терапевт да педиатр примитӧны пациентъясӧс ӧтчыд тӧлысьнас.
ФАП меститчӧ пу стрӧйбаын, кодӧс кыпӧдлӧмаӧсь 30 во сайын.
Колӧ выль стрӧйба.
Стрӧитӧмсӧ арталӧма 2022–2023 вояс вылӧ медводдза звено ӧнъяӧдан уджтас серти.
Таво ФАП-лы сетасны автомашина.
Сідзжӧ Владимир Уйба тшӧктіс регионса Йӧзлысь дзоньвидзалун видзӧдан министерстволы могмӧдны ФАП-сӧ ковидысь вакцина видзӧм вылӧ кынтан камераӧн, медым грездса олысьяслӧн вӧлі позянлун вӧчны прививкасӧ места вылын.
Коми Республикаса Юралысь видзӧдліс школалысь велӧдчан во кежлӧ дасьлунсӧ.
Школаыс меститчӧ нёль стрӧйбаын, велӧдчӧмыс мунӧ ӧти сменаӧ, велӧдӧны ӧкмысӧд классӧдз.
Таво сійӧ босьтас 40 велӧдчысьӧс да детсадйӧ 9 ветлысьӧс Кулим, Ласта да Щель грездъясысь.
Школа бердын эм интернат, кӧні олӧ 16 челядь.
Таво капитальнӧя дзоньталӧмъяс нуӧдӧм вылӧ республиканскӧй сьӧмкудйысь субсидия сьӧмысь вичмӧдӧма сьӧм вевт дзоньталӧм вылӧ.
Кольӧм во школаын вежисны ӧшиньяс, дзоньталісны подув, утеплитісны стрӧйбасӧ да кышисны ортсысяньыс.
Школаса велӧдысьяс шыӧдчисны республикаса Юралысь дорӧ вӧзйӧмӧн — сетны велӧдан учреждениелы школаса вӧвлӧм директор, Айму вӧсна Ыджыд тышса участник Вениамин Пальшинлысь ним.
Сылӧн зільӧмӧн войнабӧрся сьӧкыд кадӧ грездын вӧлі стрӧитӧма кӧкъямыс класса школа да велӧдысьяслы олӧм вылӧ керка.
Владимир Уйба тшӧктіс республикаса Велӧдан, наука да том йӧз политика министерстволы котыртны тайӧ уджсӧ да вӧчны сійӧс во чӧжӧн.
Коми Республикаса Юралысьлӧн грездса олысьяскӧд аддзысьлӧмъяс вылын сёрнитісны туйяс, социальнӧй объектъяс видзӧм да дзоньталӧм йылысь, культура озырлун объектъяс выльмӧдӧм йылысь, ваӧн да мобильнӧй связьӧн могмӧдӧм йылысь.
Быд юалӧм кузя Владимир Уйба висьталіс юӧртӧм мытшӧдъяс разьӧм серти республикаса Веськӧдлан котырӧн примитан мераяс да регионӧс матысса кадколастӧ сӧвмӧдӧм серти планъяс йылысь тырвыйӧ юӧр.
{Kodko (комиӧдіс Обрезкова Н. А.) @ Федеральнӧй экспертъяс вылӧ донъялісны Коми Республикалысь опытсӧ олысьясӧс уджӧн могмӧдӧмын @ выльтор @ https://rkomі.ru/news/1203 @ 2021-08-18 @}
Федеральнӧй экспертъяс вылӧ донъялісны Коми Республикалысь опытсӧ олысьясӧс уджӧн могмӧдӧмын
Кутшӧм мераяс колӧ примитны республикаын олысьясӧс уджӧн могмӧдан тшупӧдсӧ кыпӧдӧм да уджалысьяслысь лыд содтӧм могысь — сёрнитісны федеральнӧй ведомствоясӧс петкӧдлысьяслӧн волігӧн.
Комиын уджаліс Россияса Удж министерствоӧс, Йӧзлысь дзоньвидзалун видзан министерствоӧс, Йӧзӧс велӧдан министерствоӧс, Россияса наука да вылыс тшупӧда велӧдан министерствоӧс, Россия Федерацияса Президент бердын Йӧзкостса овмӧс да канму службаӧ велӧдан Россияса академияӧс петкӧдлысьяслӧн делегация.
Найӧ волісны «Пригороднӧй» восьса акционер котырӧ, Сыктывкарын Уджӧн могмӧдан шӧринӧ, а сідзжӧ нуӧдісны аддзысьлӧмъяс республикаса Йӧзлысь дзоньвидзалун видзан министерствоын, Велӧдан, наука да том йӧз политика министерствоын, Удж, уджӧн могмӧдан да социальнӧя доръян министерствоын.
Удж серти кывкӧртӧдъяс вӧчисны сӧвещание дырйи, мый муніс Коми Республикаса Юралысьлӧн Администрацияын регионса Веськӧдлан котырӧн Юрнуӧдысьӧс вежысь Лариса Карачёвалӧн юрнуӧдӧм улын.
— Ми чукӧртчим, медым видлавны Россияса Президент Владимир Путинӧн пуктӧм мог — 2021 вося ІV кварталын бӧр вайӧдны республикаса олысьясӧс уджӧн могмӧдан тшупӧдсӧ 2019 вося петкӧдласъясӧдз, — пасйис сёрни визьсӧ Лариса Карачёва.
Кыдзи пасйис аслас сёрниын Веськӧдлан котырӧн Юрнуӧдысьӧс вежысь, 1990 вояссянь Коми Республикаса олысьяслӧн лыд чинӧмлӧн шӧр помкаыс — миграция.
Регионса Веськӧдлан котыр, уджӧн могмӧдан шӧринъяс примитӧны мераяс гражданаӧс уджӧн могмӧдӧм, велӧдӧм да выльысь велӧдӧм серти.
Таысь кындзи, уджалӧны федеральнӧй тшупӧдын урчитӧм отсалан мераяс.
Но йӧзлӧн мунӧм вӧсна 2019 во вылӧ уджӧн могмӧдан тшупӧдӧдз талун кежлӧ колӧ на воӧдчыны.
Школа помалысьясӧс вузъясӧ да шӧр специальнӧй велӧдчанінъясӧ кыскан, а сідзжӧ том специалистъясӧс регионӧ кольччӧм вылӧ туйдан мераяс йылысь висьталісны велӧдан да дзоньвидзалун видзан министерствоясӧс петкӧдлысьяс.
Такӧд йитӧдын интереснӧйӧн лоӧ Комиын лӧсьӧдӧм Вӧрса велӧдан кластерлӧн опыт.
Сійӧ сетӧ позянлун школасянь на туйдны том йӧзӧс босьтны экономикалӧн вӧр секторын уджалӧм вылӧ профильнӧй тӧдӧмлунъяс.
Производствоса ӧткымын предприятиеӧс петкӧдлысьяс висьталісны уджалысьясӧс велӧдӧм да выльысь велӧдӧм серти велӧдан организацияяскӧд ӧтув уджалӧм йылысь.
«Войвыв» торъя экономическӧй зонаын выль, ӧнія кадлы лӧсялана уджалан местаяс водзӧ вылӧ лӧсьӧдӧм йылысь висьталіс Сыктывдін районса администрацияӧн юрнуӧдысь Любовь Доронина.
Республикаса удж рынок вылын артмысь тенденцияяс йылысь, а сідзжӧ олысьясӧс уджӧн могмӧдӧмын канмусянь отсӧг сетан мераяс йылысь висьталіс Коми Республикаса удж, уджӧн могмӧдан да социальнӧя доръян министр Екатерина Грибкова.
— Ми аддзам, мый Комиын удж рынок вылын ситуацияыс абу прӧстӧй.
Такӧд тшӧтш ми аддзам став кывкутысь йӧзлысь зіль удж, ыджыд кужӧм-сямлун да регионын йӧзӧс уджӧн могмӧдӧмсӧ бурмӧдӧм серти мӧвпъяс, уджъёртъяслысь став тшупӧдын тайӧ нырвизь серти уджавны дасьлун, выль ситуацияын ассьыныс уджсӧ бурмӧдны да тӧлкӧн нуӧдны дасьлун, — тадзи донъяліс Коми Республикаын уджӧн могмӧдӧмкӧд йитчӧм ситуациясӧ Россияса удж да социальнӧя доръян министерствоын Йӧзӧс уджӧн могмӧдан да удж серти миграция департаментса директор Михаил Кирсанов.
Кыдзи вӧлі шуӧма сӧвещание дырйи, кадръяслысь мунан нырвизьсӧ отсалас венны 2021-2026 вояс вылӧ Коми Республикалысь экономика диверсифицируйтан план.
— Экономика диверсифицируйтӧм отсӧгӧн ми виччысям выль уджалан местаяс лӧсьӧдӧм, на лыдын Интаын да Воркутаын.
Таысь кындзи, федеральнӧй уджъёртъяс волӧмлӧн бӧртасъяс серти ми кутам лача федеральнӧй министерствояссянь методическӧй отсӧг вылӧ, мый отсалас ӧтвесьтавны республикаын уджӧн могмӧдӧмкӧд ситуациясӧ.
Ми дасьӧсь лоны пилотнӧй регионӧн, пыртны да пӧртны олӧмӧ гражданалы да удж сетысьяслы отсасян выль мераяс гражданалысь мӧдлаӧ овны мунӧмсӧ чинтӧм могысь, республикалысь социальнӧй да экономика боксянь положениесӧ веськӧдӧм могысь да уджалысь йӧзлысь лыдсӧ содтӧм могысь, — пасйис Лариса Карачёва.
{Kodko (комиӧдіс Обрезкова Н. А.) @ «Черноморская зорькаын» дезинфицируйтасны став жырсӧ @ выльтор @ https://rkomі.ru/news/1205 @ 2021-08-19 @}
«Черноморская зорькаын» дезинфицируйтасны став жырсӧ
Коми Республикаысь челядьлӧн мунӧм бӧрын став колана ӧлӧдан да дезинфекция мероприятиесӧ нуӧдӧм да «Черноморская зорька» санаторийлысь мутас косьтӧм могысь Краснодар крайын Роспотребнадзорлӧн веськӧдланінлӧн помшуӧм подув вылын нуӧдасны комплекснӧй дезинфекция.
Витӧд сменасӧ вӧлі арталӧма 2021 вося моз тӧлысь 22 лунсянь кӧч тӧлысь 11 лунӧдз.
Роспотребнадзорлӧн помшуӧмӧн, а сідзжӧ «Черноморская зорькаын» ассьыныс шойччӧм арталысь челядьлысь дзоньвидзалун бурмӧдӧм могысь, Коми Республикаса велӧдан, наука да том йӧз политика министерство да Челядьлы да том йӧзлы республиканскӧй шӧрин нюжмасьтӧг аддзисны позянлун вуджӧдны челядьӧс мӧд лагерӧ.
«Челядьлы шӧр шойччан базаӧн лоӧ Сукко курортнӧй посёлокын «Энергетик» дзоньвидзалун бурмӧдан лагер. Сылӧн эм аслас пляж, уличвывса бассейн да уна спорт площадка.
Ӧні бать-мамкӧд нуӧдсьӧ юӧртана-гӧгӧрвоӧдана удж», — висьталіс Коми Республикаса велӧдан министрӧс вежысь Максим Ганов.
«Черноморская зорька» лагерын дезинфицируйтасны став жырсӧ, стрӧйбасӧ, мутассӧ, а сідзжӧ ва сетан да канализация системасӧ.
Ва проводысь васӧ прӧверитасны лабораторияын санитарно-эпидемиологическӧй нормаяс вылӧ.
Лагерса став персонал прӧйдитас содтӧд обследуйтӧм.
Мутассӧ кутасны обрабатывайтны, кор Анапаын дугдасны зэръяс да косьмас муыс.
Кымынкӧ лун ковмас ӧлӧдан мероприятиеяс нуӧдӧм вылӧ. Татшӧм мероприятиеяс дырйи колӧ, медым сэні эз вӧвны ни челядь, ни персонал.
Татшӧм жӧ обстановка артмис Джемете пасьтала (Анапалӧн район), аварийнӧй да дзоньтасян уджъяс нуӧдӧмсӧ оз дугӧдлыны.
Ӧні лагерын уджалӧны Челядьлы да том йӧзлы республиканскӧй шӧринӧс петкӧдлысьяс да велӧдан министрӧс вежысь Максим Ганов.
Уськӧдам тӧд вылӧ, мый моз тӧлысь 15–17 лунъясӧ Коми Республикаса Юралысь Владимир Уйбалӧн тшӧктӧм серти «Черноморскӧй зорька» лагерӧ ситуациясӧ прӧверитӧм могысь воліс Коми Республикаын кага инӧдъяс торъя дорйысь Татьяна Козлова.
Моз тӧлысь 19 лун вылӧ ваыс муніс лагерса унджык мутасысь, но ойдӧминъяс эмӧсь на.
Узьлан корпусъяс, столӧвӧй да клуб эз торксьыны.
Корпусъясын эм электричество да пӧсь ва.
Челядьӧс пӧсь сёянӧн вердӧм эз дугдыв.
Бать-мамлы оперативнӧя йитчӧм вылӧ лагерын уджалӧ веськыд телефон йитӧд 89892412605.
Йитчыны сідзжӧ позьӧ лагерса группалӧн юӧртӧмъясын.
Бурдӧдӧм серти лагерса директорӧс вежысьлӧн телефон (+79910742764) уджалӧ сутки чӧж.
Коми Республикаын челядьлӧн шойччӧм серти операторлӧн — Челядьлы да том йӧзлы республиканскӧй шӧринлӧн телефон номер — 89225996333, уджалӧ сутки чӧж.
{Kodko (комиӧдіс Обрезкова Н. А.) @ Изьва сиктын выль школасӧ заводитасны стрӧитны 2022 воын @ выльтор @ https://rkomі.ru/news/1208 @ 2021-08-20 @}
Изьва сиктын выль школасӧ заводитасны стрӧитны 2022 воын
Та йылысь Коми Республикаса Юралысь Владимир Уйба юӧртіс Изьва районӧ удж серти ветлігӧн.
Выль школасӧ юрсиктын виччысьӧны дас воысь дырджык нин. 2010 восянь школалӧн стрӧйбаыс киссян выйын.
Выль школа стрӧитӧм йылысь юалӧмсӧ эз решайтны уна во.
Кольӧм во регионӧн юрнуӧдысьӧн индӧм бӧрын Владимир Уйба босьтіс юалӧмсӧ аслас контроль улӧ.
Во чӧж уджалігӧн Веськӧдлан котырлы мойвиис пыртны объектсӧ «Ӧнія школа» федеральнӧй уджтасӧ.
Выль стрӧйбасӧ заводитасны кыпӧдны 2022 воын Сыктывкарбердса Краснозатонскӧй посёлокын стрӧитӧм 600 места вылӧ школа кодь жӧ проект серти.
Изьва районӧ удж серти ветлігӧн Коми Республикаса Юралысь воліс Изьвавом грездӧ, кӧні видзӧдліс 90 велӧдчысь вылӧ да 40 места вылӧ детсадъя школа кыпӧдӧм.
Стрӧитчӧмыс заводитчис тавося косму тӧлысьын — тайӧ тшӧтш дыр виччысяна лоӧмтор.
Владимир Уйбалӧн тшӧктӧм серти объектсӧ вӧлі пыртӧма 2021–2022 вояс вылӧ республикалӧн Адреснӧй инвестиция уджтасӧ.
«Проект серти школалӧн выль стрӧйбаыс лоӧ кирпичысь, кык судтаа.
Сэні лоӧ столӧвӧй, спорт зал, ворсан жыръяс, ыджыд кабинетъяс.
Школабердса мутасын лоӧны гимнастикаӧн, волейболӧн, бадминтонӧн занимайтчӧм вылӧ площадкаяс, футболӧн ворсан поле, котраланін», — висьталіс Владимир Уйба.
Вӧчӧма ортсыса ва сетан везъяс.
Лӧсьӧдӧны школа-садлы, котельнӧйлы, гаражлы да мукӧд вежӧслы фундамент.
Сідзжӧ Владимир Уйба аддзысьліс Щельяюр посёлокса олысьяскӧд.
Сёрнитісны социальнӧй объектъяс да туйяс видзӧм да дзоньталӧм, биаруӧн могмӧдӧм да мукӧд мытшӧд йылысь.
Коми Республикаса Юралысь сетіс регионса Веськӧдлан котырлы ӧткымын тшӧктӧм мытшӧдъяс разьӧм да вӧзйӧмъяс видлалӧм серти, кутшӧмъясӧн олысьяс шыӧдчисны Владимир Уйба дорӧ.
Уджыс кутас мунны районса администрациякӧд ӧтвылысь.
Коми Республикаса Юралыськӧд ӧттшӧтш Изьва районын уджалӧны Коми Республикаса Веськӧдлан котырӧн Юрнуӧдысьӧс вежысь Галина Габушева, Коми Республикаса стрӧитчан, оланін да коммунальнӧй овмӧс министр Игорь Кузьмичев, Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Дягилев, Коми Республикаса велӧдан, наука да том йӧз политика министр Наталья Якимова, Коми Республикаса вӧр-ва озырлун да гӧгӧртас видзан министр Алексей Кузнецов, Коми Республикалӧн Каналан Сӧветса депутатъяс Руслан Магомедов да Николай Братенков.
{Kodko (комиӧдіс Обрезкова Н. А.) @ Сыктывкарын штемпелялісны Коми Республикалӧн 100 волы сиӧм марка @ выльтор @ https://rkomі.ru/news/1210 @ 2021-08-20 @}
Сыктывкарын штемпелялісны Коми Республикалӧн 100 волы сиӧм марка
Художествоа юбилейнӧй маркасӧ штемпелялісны талун, моз тӧлысь 20 лунӧ, Коми Республикаса Веськӧдлан котырлӧн заседаниеяс залын.
Кыпыд церемония вылас вӧлісны Коми Республикаса Юралысь Владимир Уйба да Пошта связьлӧн Коми Республикаын федеральнӧй веськӧдланінса директор Виталий Осипов, регионса Веськӧдлан котырӧ пырысьяс, министерствоясса да ведомствоясса юрнуӧдысьяс.
Коми Республикалӧн 100 волы сиӧм художествоа маркаа пошта блоксӧ вӧлі лэдзӧма Россияса Пошта отсӧгӧн регионса администрациялӧн водзмӧстчӧм серти.
Сы вылын эм «100 во.
Коми Республика» гижӧд, республикаса канпас, национальнӧй орнамент, кыйсян календар, регионса нимӧдан-ошйысянторъяс да вӧр-ва объектъяс.
«Талун Коми Республикалӧн сё вося тшупӧдлӧн лои нӧшта ӧти пас — тайӧ тӧдчанаторйыслы сиӧм аслыспӧлӧс пошта марка.
Тайӧ символыс кольӧ историяӧ.
Эска, мый юбилейнӧй маркаӧн мичмӧдӧм да торъя штемпельӧн пасалӧм конвертъясыс лоасны коллекцияса донаторйӧн, республикаса олысьяслы да гӧсьтъяслы козинӧн.
Ме аттьӧала «Россияса Поштаӧс» уджъёртасьӧмысь да миян дона республикалӧн нэмся юбилейлы сиӧм аслыспӧлӧс продукция лэдзӧмысь», — шуис Коми Республикаса Юралысь Владимир Уйба.
«100 вося юбилей — тӧдчана лоӧмтор абу сӧмын Коми Республикаса олысьяслы, но и миян став земляклы, кодъяс олӧны республикалӧн суйӧр сайын.
Матысса кадӧ юбилейнӧй маркаыс воас республикалӧн кар-районъясса пошта юкӧнъясӧ, да регыд лэбзяс страна да мир пасьтала.
Быд раз сійӧ кутас висьтавны миян регионлӧн мич да ыджыдлун йылысь», — висьталіс Виталий Осипов.
Пошта блок дорӧ содтӧд вӧчӧма да лэдзӧма медводдза лунся конверт да торъя штемпель.
Штемпель вылас республикалӧн канпас, пасйӧма тшупӧда лунсӧ да Сыктывкарса шӧр пошта юкӧнлысь пошта индекссӧ.
Торъя штемпельыс сӧмын ӧти лун вылӧ.
Паныдасьлытӧм пассӧ пошта пыр ыстӧмторъяс вылӧ, конвертъяс да открыткаяс вылӧ позьӧ пуктыны моз тӧлысь 20 лунӧ Сыктывкарса шӧр пошта юкӧнлӧн 9 №-а ӧшиньын татшӧм инпас серти: Ленин улича, 60.
Штемпелявны кутасны 167000 юкӧнлӧн уджалан кад серти: 8 чассянь 21 часӧдз, пажын вылӧ коставлытӧг.
* * *
Торъя штемпель пуктӧм — поштаын штемпелялӧм, кутшӧмӧс котыртӧны ыджыд лоӧмторкӧд либӧ паметь лункӧд йитӧдын.
Штемпелялӧны тайӧ лун кежлас лэдзӧм торъя пошта продукция (маркаяс, конвертъяс) сідз жӧ торйӧн вӧчӧм художествоа штемпельӧн.
Татшӧм ногӧн штемпелялӧм продукцияыс лоӧ филателистъяслӧн донаторйӧн.
{Kodko (комиӧдіс Обрезкова Н. А.) @ Владимир Уйба сёрнитіс Кулӧмдін районын Керчомъя, Улыс Воч сиктъясса да Зимстан посёлокса олысьяскӧд сиктъяс сӧвмӧдӧмын медтӧдчана юалӧмъяс йылысь @ выльтор @ https://rkomі.ru/news/1211 @ 2021-08-20 @}
Владимир Уйба сёрнитіс Кулӧмдін районын Керчомъя, Улыс Воч сиктъясса да Зимстан посёлокса олысьяскӧд сиктъяс сӧвмӧдӧмын медтӧдчана юалӧмъяс йылысь
Моз тӧлысь 19 лунӧ Коми Республикаса Юралысь воліс удж серти Кулӧмдін районӧ.
Керчомъя да Улыс Воч ылі сиктъясын Владимир Уйба аддзысьліс олысьяскӧд, тӧдмасис, кыдзи збыльмӧдӧны «Войтырлӧн сьӧмкуд» проектъяс, видзӧдліс Виль ю вомӧн пос.
Кулӧмдін — Керчомъя — Дзоль автомашина туй вылын меститчысь Виль ю вомӧн поскыс аварийнӧй.
2021 вося сора тӧлысь 9 лунӧ сьӧкталун серти урчитӧмсӧ торкӧм вӧсна киссис послӧн берег пыкӧдыс.
Та вӧсна ветлӧдлӧмсӧ вӧлі кадколаст кежлӧ дугӧдлӧма.
Сора тӧлысь 12–18 лунъясӧ вӧлі нуӧдӧма дзоньтасян уджъяс, пос вывті лои позянаӧн ветлыны 10 тоннаысь абу сьӧкыдджык автотранспортлы.
Таво заводитасны выльмӧдны поссӧ.
Уджъяс нуӧдӧм вылӧ канму контрактсӧ кӧсйӧны кырымавны 2021 вося коймӧд кварталын.
Керчомъя сиктын республикаса Юралысь видзӧдліс лоана пекарня, кутшӧмӧс во помӧдз кӧсйӧ восьтыны сэтчӧс асшӧр уджалысь Роман Катаев.
Производство восьтӧм вылӧ сійӧ босьтіс субсидия «Войтырлӧн сьӧмкуд» проект серти — миллионысь унджык шайт.
Нӧшта миллион да джын — ас сьӧм.
«Талун асшӧр уджалысь дзоньталӧ вӧвлӧм котельнӧй.
Нянь пӧжалан оборудованиесӧ ньӧбӧма.
Зэв тӧдчана, мый выль предприятиеыс сетас олысьяслы оз сӧмын выльӧн пӧжалӧм нянь, но и уджалан местаяс», — шуис Владимир Уйба.
Артавсьӧ, мый пекарня кутас лэдзны луннас 500-ысь унджык тупӧсь нянь да булкияс, та лыдын и коми пӧжас.
Тайӧ зэв тӧдчана Кадам ты вылын пытшкӧсса туризм сӧвмӧдӧм серти овмӧдчӧминлӧн планъяскӧд йитӧдын.
Кулӧмдін районса ылі сиктъясын олысьяскӧд аддзысьлӧмъяс дырйи сёрнитісны туйяс, социальнӧй объектъяс стрӧитӧм да дзоньталӧм, медицина учреждениеяс автотранспортӧн могмӧдӧм, ва весалан стрӧйбаяс сувтӧдӧм, зумыд мобильнӧй связьӧн могмӧдӧм йылысь.
Быд юалӧм серти лоӧ нуӧдӧма удж Коми Республикаса Веськӧдлан котырӧн муниципалитетса администрациякӧд ӧтув.
{Kodko (комиӧдіс Обрезкова Н. А.) @ Коми Республикалӧн 100 вося юбилей водзвылын Владимир Уйба сетіс канму наградаяс @ выльтор @ https://rkomі.ru/news/1213 @ 2021-08-20 @}
Коми Республикалӧн 100 вося юбилей водзвылын Владимир Уйба сетіс канму наградаяс
Кыпыд церемонияыс вӧлі талун, моз тӧлысь 20 лунӧ.
Россия Федерацияса да Коми Республикаса канму наградаяс босьтісны уджалысьяс да ветеранъяс, уна сикас отрасль да юкӧн петкӧдлысьяс.
Владимир Уйба аттьӧаліс найӧс асьнысӧ жалиттӧм уджысь, уджсикаслы сьӧлӧм сетӧмысь да республика сӧвмӧдӧмӧ ыджыд пай пуктӧмысь.
«Гажыс мунӧ кык ыджыд лоӧмтор — Коми Республикалӧн 100 вося юбилей да Россияса канму дӧрапас лун водзвылын.
Тайӧ кык лоӧмторйыс пасйыссьӧны ӧти лунӧ — моз тӧлысь 22 лунӧ.
Коми Республика аслас кузь туй чӧжӧн пыр вӧлі миян страналӧн торйӧдны позьтӧм юкӧнӧн.
Республикаса олысьяс асланыс уджӧн, енбиӧн да кужанлунӧн пуктӧны ыджыд пай Россияӧс сӧвмӧдӧмӧ.
Талун тайӧ залас уна уджсикас петкӧдлысь войтыр.
Ставнымӧс миянӧс ӧтувтӧ республика дорӧ муслун, кывкутӧмӧн да веськыда уджалӧм.
И тайӧ медбур пай республикалӧн да страналӧн талунъя да аскиа лунӧ», — шуис Владимир Уйба.
* * *
Россия Федерацияса Президентлӧн Индӧдӧн коронавирус инфекциякӧд тыш нуӧдӧмӧ ыджыд пай пуктӧмысь, йӧз вӧсна тӧждысьӧмысь да уджсӧ зэв бура тӧдӧмысь, мый тӧдчис врачлысь кывкутана мог олӧмӧ пӧртігӧн, Пироговлысь орден сетӧма:
· Виктория Михайловна Драгунлы — «Сыктывкарса Эжва районлӧн карса больнича» канму сьӧмкуд учреждениеса врач — анестезиолог-реаниматологлы;
· Юрий Иосифович Дудлалы — «Коми республиканскӧй клиническӧй больнича» канму сьӧмкуд учреждениеса врач-оториноларингологлы;
наука сӧвмӧдӧмын заслугаясысь да уна во зіля уджалӧмысь Дружба орден сетӧма
· Евгений Рафаилович Бойколы — Россияса наукаяс академиялӧн Урал юкӧнса Коми наука шӧринын Физиология институтса директорлы;
уна вося зэв бур канму службаысь «Зэв бура служитӧмысь» ХХХ во отличие пас сетӧма
· Татьяна Николаевна Печеницыналы — «Кулӧмдін» муниципальнӧй районса администрацияын сьӧм овмӧсӧн веськӧдланінса начальникӧс вежысьлы;
аймуса культура да искусство сӧвмӧдӧмын заслугаясысь, уна во зіля уджалӧмысь «Айму водзын заслугаясысь» І степеня орденлысь медаль сетӧма
· Надежда Александровна Мирошниченколы — кывбуралысьлы, Коми Республикаса гижысь котырӧ пырысьлы;
«Айму водзын заслугаясысь» ІІ степеня орденлысь медаль сетӧма
· Михаил Николаевич Матвеевлы — «Народъяслӧн дружба ордена В. Савин нима академическӧй канму драма театр» канму учреждениеса директорлы;
уджын вермӧмъясысь да уна вося бур уджысь «Айму водзын заслугаясысь» ІІ степеня орденлысь медаль сетӧма
· Иван Петрович Мухрыгинлы — «Вӧр сотчӧмысь видзан Коми дінму шӧрин» канму учреждениеын парашютно-десантнӧй пӧжарнӧй службаса шӧр инструкторлы;
зэв сьӧкыд условиеясын йӧзӧс мездігӧн петкӧдлӧм смеллунысь да повтӧмлунысь «Кулӧмысь мездӧмысь» медаль сетӧма:
· Роман Юрьевич Баштановлы — «Пӧжарысь видзчысян службаӧн да войтырӧс дорйӧмӧн веськӧдланін» канму учреждениеса пӧжарнӧй часьтын караулса начальниклы;
· Федор Анатольевич Костоломовлы — «Пӧжарысь видзчысян службаӧн да войтырӧс дорйӧмӧн веськӧдланін» канму учреждениеын пӧжарнӧй автомашинаса водительлы;
· Дмитрий Владимирович Логутовлы — «Пӧжарысь видзчысян службаӧн да войтырӧс дорйӧмӧн веськӧдланін» Коми Республикаса канму казённӧй учреждениеса пӧжарнӧйлы;
· Максим Михайлович Старцевлы — «Пӧжарысь видзчысян службаӧн да войтырӧс дорйӧмӧн веськӧдланін» канму учреждениеса пӧжарнӧйлы;
коронавирус инфекциякӧд тыш нуӧдӧмӧ ыджыд пай пуктӧмысь, йӧз вӧсна тӧждысьӧмысь да уджсӧ зэв бура тӧдӧмысь, мый тӧдчис врачлысь кывкутана мог олӧмӧ пӧртігӧн Крымса Лукалысь медаль сетӧма
· Татьяна Михайловна Зайцевалы — «Коми республиканскӧй клиническӧй больнича» канму сьӧмкуд учреждениеса шӧр операционнӧй сестралы;
йӧзлысь дзоньвидзалун видзан юкӧнын заслугаясысь да уна вося бур уджысь «Россия Федерацияса нимӧдана врач» почёт ним сетӧма
· Андрей Леонидович Кармановлы — «Челядьлы республиканскӧй клиническӧй больнича» канму учреждениеса юралысь врачӧс вежысьлы;
«Россия Федерацияса йӧзлысь дзоньвидзалун видзан юкӧнын нимӧдана уджалысь» почёт ним сетӧма:
· Мая Михайловна Можайкиналы — «Челядьлы республиканскӧй клиническӧй больнича» канму учреждениеса шӧр медицинскӧй сестралы;
· Наталия Викторовна Политовалы — «Туберкулёзысь бурдӧдан республиканскӧй диспансер» канму сьӧмкуд учреждениеса медыджыд медицинскӧй сестралы;
сёян-юан индустрия юкӧнын заслугаясысь да уна вося бур уджысь «Россия Федерацияса сёян-юан индустрияын нимӧдана уджалысь» почёт ним сетӧма:
· Нина Петровна Рабийчуклы — «Сыктывкарса ликёро-водочнӧй завод» акционер котырын кисьталан участокса мастерлы;
· Зоя Ивановна Шаньгиналы — «Сыктывкарса ликёро-водочнӧй завод» акционер котырын технологическӧй участокса купажистлы.
Россия Федерацияса Президентлӧн тшӧктӧмӧн велӧдан юкӧнын заслугаясысь да уна вося бур уджысь Россия Федерацияса Президентлысь Почёт грамота сетӧма
· Виталий Станиславович Комельчиклы — «Луза районса содтӧд велӧдан муниципальнӧй шӧрин» муниципальнӧй сьӧмкуд учреждениеса педагоглы;
физическӧй культура да спорт сӧвмӧдӧмын заслугаясысь, уна вося бур уджысь Россия Федерацияса Президентлысь Почёт грамота сетӧма
· Федор Альфредович Лайерлы — «Олимпиада резервӧ дасьтан 2 №-а спорт школа» Коми Республикаса канму сьӧмкуд учреждениеса тренерлы;
йӧзлысь дзоньвидзалун видзан юкӧнын заслугаясысь да уна вося бур уджысь Россия Федерацияса Президентлысь Почёт грамота сетӧма
· Валентина Гавриловна Пундиковалы — «Коми республиканскӧй клиническӧй больнича» канму сьӧмкуд учреждениеын ногтуйӧн веськӧдлан юкӧнса начальниклы;
йӧз вӧсна тӧждысьӧмысь да уджсӧ зэв бура тӧдӧмысь, мый тӧдчис коронавирус инфекциякӧд тыш нуӧдӧмын, Россия Федерацияса Президентсянь Аттьӧалӧм сетӧма:
· Роман Алексеевич Барановлы — «Неминучаӧ веськалӧмалы медицина отсӧг сетан Коми Республикаса мутас шӧрин» канму сьӧмкуд учреждениеын регыдъя медицина отсӧг сетысь фельдшерлы;
· Галина Николаевна Быковалы — «Сыктывдін районса шӧр больнича» канму сьӧмкуд учреждениеса медицинскӧй сестралы;
· Надежда Вениаминовна Лесниковалы — «Консультативно-диагностическӧй шӧрин» канму асшӧрлуна учреждениеса фельдшер-лаборантлы.
Коми Республикаса Юралысьлӧн Инӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
· Ольга Ивановна Бардаковалы — «Зеленечса чипан видзан фабрика» акционер котырын продукция переработайтӧм серти медшӧр технологлы;
· Надежда Николаевна Изюмскаялы — «Чисталёв нима Коми республиканскӧй культура колледж» уджсикасӧ велӧдан канму учреждениеын преподавательлы;
Коми Республикалӧн бур вылӧ уна во зіля уджалӧмысь Коми Республикаса Почёт грамота сетӧма:
· Александра Александровна Подоровалы — «Трударенда» ичӧт кывкутана котырын туй выв пасъяс вӧчӧм серти туй выв рабочӧйлы, Кӧрткерӧс район;
· Анастасия Анатольевна Казаковалы — «Кӧрткерӧсса культура да прӧст кад коллялан шӧрин» муниципальнӧй сьӧмкуд учреждениеын любительскӧй театрса режиссёрлы.
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» Коми Республикаса юбилейнӧй медаль сетӧма:
· Николай Серафимович Бажуковлы — СССР-са нимӧдана спорт мастерлы, Коми Республикаса вынйӧр сӧвмӧдан да спорт юкӧнса ветеранлы;
· Александр Павлович Боровинскихлы — Коми Республикаса геология юкӧнса ветеранлы;
· Галина Васильевна Бутыревалы — кывбуралысьлы, Коми Республикаса гижысьяс котырӧ пырысьлы;
· Людмила Александровна Жуковалы — Войнаса, уджвывса, Вооружённӧй Вынъясса да инӧд видзан органъясса ветеранъяслӧн (пенсионеръяслӧн) Коми республиканскӧй ӧтйӧза организацияӧн веськӧдлысьлы;
· Ярослав Степанович Зиняклы — Коми Республикаын меставывса асвеськӧдлан органъясса ветеранлы;
· Зинаида Анатольевна Косовалы — Коми Республикаса йӧзлысь дзоньвидзалун видзан юкӧнса ветеранлы;
· Юрий Иванович Куклинлы — Коми Республикаса стрӧитчан юкӧнса ветеранлы;
· Юрий Владимирович Лисинлы — Коми Республикаса вӧр-ва озырлун да гӧгӧртас видзан министерстволӧн Ӧтйӧза сӧветӧ пырысьлы;
· Сергей Иванович Лялинлы — Коми Республикаса юстиция органъясса ветеранлы;
· Людмила Тимофеевна Майоровалы — Коми Республикаса йӧзӧс социальнӧя доръян юкӧнса ветеранлы, Сыктывдін район;
· Эдуард Иванович Матюшинлы — Айму вӧсна Ыджыд тышса ветеранлы, Коми Республикаса вынйӧр сӧвмӧдан да спорт ветеранлы;
· Валентина Александровна Наговицыналы — Коми Республикаса велӧдан юкӧнса ветеранлы, Емдін район;
· Анатолий Иосифович Неверовлы — художник-скульпторлы, «Россияса серпасасьысьяслӧн котыр» Ставроссияса творческӧй ӧтйӧза организациялӧн Коми дінму юкӧнӧ пырысьлы;
· Аглаида Алексеевна Пасынковалы — «Диабет» Коми дінму ӧтйӧза организацияса Правлениеӧ пырысьлы, Коми Республикаса стрӧитчан юкӧнса ветеранлы;
· Александр Васильевич Плёнкинлы — Коми Республикаса стрӧитчан, оланін да техническӧй дӧзьӧр службаса ветеранлы;
· Александр Александрович Поповлы — Россияса наукаяс академиялӧн Урал юкӧнса Коми наука шӧринын Кыв, литература да история институтса медвылыс тшупӧда наука туялысьлы;
· Василий Павлович Рочевлы — СССР-са нимӧдана спорт мастерлы, «Сборнӧй командаяс спортивнӧя дасьтан шӧрин» канму асшӧрлуна учреждениеса экспертлы, Сыктывдін район;
· Николай Акимович Рочевлы — Айму вӧсна Ыджыд тышын участвуйтысьлы, «Россияса Сбербанк» восьса акционер котырса ветеранъяслӧн организацияӧн веськӧдлысьлы;
· Нина Петровна Рочевалы — Коми Республикаса вынйӧр сӧвмӧдан да спорт ветеранлы, Сыктывдін район;
· Надежда Николаевна Скориклы — Коми Республикаса велӧдан юкӧнса ветеранлы;
· Раиса Петровна Сметаниналы — СССР-са нимӧдана спорт мастерлы, «Сборнӧй командаяс спортивнӧя дасьтан шӧрин» канму учреждениеса экспертлы, Сыктывдін район;
· Николай Иванович Сурковлы — Айму вӧсна Ыджыд тышса ветеранлы, «Челядьдыр паметь» фашистъяслӧн концлагеръясын вӧвлӧм ичӧт арлыда узникъяслӧн клубӧн юрнуӧдысьлы.
{Kodko (комиӧдіс Обрезкова Н. А.) @ Владимир Уйба сетіс Вячеслав Худяевлы да Николай Чёрныйлы «Почёта гражданин» Коми Республикаса медвылыс почёт ним дорӧ морӧсвывса пасъяс @ выльтор @ https://rkomі.ru/news/1214 @ 2021-08-20 @}
Владимир Уйба сетіс Вячеслав Худяевлы да Николай Чёрныйлы «Почёта гражданин» Коми Республикаса медвылыс почёт ним дорӧ морӧсвывса пасъяс
Церемонияыс вӧлі моз тӧлысь 20 лунӧ Коми Республикаса опера да балет театрын Коми Республика артмӧдӧмсянь 100 во тырӧмлы сиӧм кыпыд чукӧртчылӧм дырйи.
Вячеслав Иванович Худяев — Коми Республикаса канму да партийнӧй уджалысь, туй да стрӧитчан юкӧнъясса ветеран.
Николай Михайлович Чёрный — овмӧсӧн кужӧмӧн веськӧдлысь, «Зеленечса» чипан видзан фабрика» акционер котырса медыджыд директор.
Медвылыс почёт нимъяс сетігӧн, Коми Республикаса Юралысь Владимир Уйба аттьӧаліс ставсӧ, кодлы абу веськодь ӧтйӧза удж да коді зіля пырӧдчӧ сэтчӧ, коді быд лун аслас ловзьӧдана уджӧн сетӧ позянлун республикалы петны сӧвмӧмлӧн выль тшупӧд вылӧ.
«Республикаса пыдди пуктана олысьяс!
Сё вося юбилей водзвылын став сьӧлӧмсянь кӧсъя сины миян республикалы тыр-бур олӧм, сӧвмӧм, дзордзалӧм, а став олысьыслы –дзоньвидзалун, шуд, мир да лад, вермӧмъяс став бур водзмӧстчӧмын!
Лоны бурлы!» — сиис Владимир Уйба.
{Kodko (комиӧдіс Обрезкова Н. А.) @ Владимир Уйба: «Коми Республикалы 100 во — тайӧ тӧдчана пас миян уна сикас войтыра Россиялӧн историяын» @ выльтор @ https://rkomі.ru/news/1215 @ 2021-08-20 @}
Владимир Уйба: «Коми Республикалы 100 во — тайӧ тӧдчана пас миян уна сикас войтыра Россиялӧн историяын»
Талун, моз тӧлысь 20 лунӧ, Сыктывкарын вӧлі регионлӧн юбилейлы сиӧм «Коми Республика — мир да сӧгласа олӧмлӧн мутас: история да ӧнія кад» научно-практическӧй конференция.
Конференцияӧ пырӧдчысьясӧс чолӧмаліс Коми Республикаса Юралысь Владимир Уйба.
«Талун Коми Республика — тайӧ Россиялӧн экономикаӧ, социальнӧй да культурнӧй пространствоӧ тӧдчана пай пуктысь регион.
Тайӧ страналӧн тӧдчана да водзӧ вылӧ топливно-энергетическӧй подув.
Сійӧ озыр уна сикас войтырлӧн традицияясӧн да культураӧн.
Тайӧ му вылас олӧны шемӧсмӧдана, ассьыныс чужан мусӧ радейтысь да асланыс вермӧмъясӧн нимӧдысь йӧз», — восьтіс конференциясӧ Коми Республикаса Юралысь.
Владимир Уйба пасйис, мый нэм чӧжӧн республикаын вӧлісны ыджыд вежсьӧмъяс.
Сӧвмӧдны Коми му заводитісны Дмитрий Яковлевич Попов, Дмитрий Александрович Батиев, Дмитрий Ильич Селиванов.
Медводдза дасвоясӧ, кольӧм нэмса 20-30 воясӧ, лоисны ыджыд вежсьӧмъяс культураын, вӧлі бырӧдӧма верстьӧ йӧзлысь грамота тӧдтӧмлун, паськаліс йӧзӧс велӧдан система.
Медводдзаысь коми войтырлӧн олӧмын вӧлі котыртӧма национальнӧй школа, печать, литература, профессиональнӧй искусство, наука.
Айму вӧсна Ыджыд тыш кадӧ республика вӧлі ломтысян, энергия да вӧр продукция фронтлы шӧр сетысьӧн.
Войнабӧрся кадӧ Коми му сӧвмис кыдз ыджыд промышленнӧй район.
Страналӧн быд пельӧсысь Коми Республикаӧ воисны туялысьяс, специалистъяс, рабочӧйяс.
Тӧдчана вермӧмъяс республика шедӧдіс Иван Павлович Морозовлӧн юрнуӧдӧм улын, коді уджаліс партиялӧн Коми обкомса медводдза секретар чинын кызь воысь унджык (1965-1987 вояс).
2021 вося моз тӧлысь 22 лунӧ Киров нима паркын восьтасны Иван Павловичлы памятник.
Вынсьӧдӧма Морозовлысь орден, регыд петас Иван Павлович йылысь небӧг, кытчӧ пырасны уджъёртъясыслӧн казьтылӧмъяс, материалъяс да странаын да республикаын лоӧмторъяссӧ донъялана аслас гижӧдъясыс.
Сӧвет кад бӧрын республикаын заводитчис выль олӧм.
1992 воын Коми АССР пыдди лои Коми Республика.
Республикаса медводдза Юралысьнас вӧлі бӧрйӧма Юрий Алексевич Спиридоновӧс.
Тайӧ кадӧ рыночнӧй экономика артмигӧн политикаын да экономикаын вӧліны вужвыйӧн вежсьӧмъяс.
«Талун Коми Республика — Россиялӧн аслыспӧлӧс духовнӧй да историко-культурнӧй наследиеа, вӧр-ва озырлуна да вежавидзысь войтыра торйӧдны позьтӧм юкӧн.
Тані радейтӧны ассьыныс ичӧт чужан мусӧ, пыдди пуктӧны да видзӧны пӧль-пӧчьяслысь традицияяссӧ.
Ми нимкодясям тані уджалысьяслӧн да олӧмсӧ бурлань вежысьяслӧн вермӧмъясӧн да шедӧдӧмъясӧн», — пасйис Владимир Уйба.
Республикаса Юралысь пасйис, мый Коми му пыр вӧлі озыр енбиа йӧзӧн.
Иван Куратов, Виктор Савин, Питирим Сорокин, Каллистрат Жаков, Прометей Чисталёв, Василий Лыткин, Семён Налимов — тайӧ нимъясыс тӧдсаӧсь абу сӧмын Россияын, но и став мир пасьтала.
Нималана туялысьяс Александр Чернов да Андрей Журавский, енбиа веськӧдлысьяс Зосима Панев, Павел Безносов, Иван Кулаков, Валентина Витязева, Александр Католиков — тайӧ вӧліны ыджыд сьӧлӧма, асланыс уджлы сьӧлӧм сетысь да Чужан мунысӧ радейтысь йӧз.
«Коми Республикаын ӧтсӧгласӧн олӧны 120-ысь унджык войтыр. Налӧн ӧткодь духовнӧй да нравственнӧй нырвизьяс.
Миян важысянь артмисны бур йитӧдъяс этносъяс да конфессияяс костын.
Вежласьтӧм да войтыркостса ӧтсӧгласӧн олӧмлы подулӧн миян войвыв муын лоӧны уна сикас войтырлысь культура да кыв пыдди пуктӧм, артмысь мытшӧдъяс лӧня да думыштӧмӧн разьны кужӧм», — пасйис аслас сёрниын Владимир Уйба.
Коми Республикаын котыртӧма уна сикас войтыра гражданскӧй йӧзкотырлысь ӧтйӧза институтъяс, кутшӧмъяслӧн ыджыд уджалан опыт.
Медтӧдчанаӧн лоӧ Коми войтырлӧн съезд. Медводдзаысь сійӧ муніс 30 во сайын.
Коми Республикаын уна национально-культурнӧй автономия да ӧтув, кутшӧмъяс петкӧдлӧны войтырӧс, кодъяслы республика лои мӧд чужан муӧн.
Войтыркостса йитӧдъяс юкӧнын верктуйяс индігӧн регионса Веськӧдлан котыр мыджсьӧ экспертнӧй да академическӧй ӧткотыр вылӧ, кӧні нырщикнас лоӧ Коми наука шӧринлӧн Кыв, литература да история институт. Кольӧм во сійӧ пасйис 50 вося юбилей.
Конфессиякостса йитӧдъясын зумыдлуныс артмӧ республикаса став религиознӧй организацияясса лидеръяскӧд ӧтув уджалӧмӧн, наука да йӧзӧс югдӧдана проектъяс ӧтвылысь збыльмӧдӧмӧн, кӧні верктуйнас лоӧ челядьӧс да том йӧзӧс духовно-нравственнӧя велӧдӧм.
Торйӧн тӧдчанаӧн лоӧ этша лыда войтыръясӧс социальнӧй да экономика боксянь, этнокультурнӧя сӧвмӧдӧм.
Комиын уна вӧчсьӧ олӧм да асьтӧ аддзӧм вылӧ лӧсьыд да бур условиеяс лӧсьӧдӧм вылӧ.
Талун ёна вежсьӧны культура учреждениеяс, вежсьӧ чужӧмыс сиктса культура керкаяслӧн да клубъяслӧн, стрӧитӧны выль социокультурнӧй объектъяс, выльмӧдӧны модельнӧй стандарт серти библиотекаяс.
Республикаын кыпӧдӧны выль школаяс, спорт объектъяс, мичмӧдӧны-бурмӧдӧны йӧзаинъяс.
Сӧвмӧ вӧр комплекс, вежсьӧ мусир да биару отрасль.
«Верктуйын — экономика бурмӧдӧм да зумыда быдмӧмсӧ могмӧдӧм, выль уджалан местаяс лӧсьӧдӧм, медводз, выль, абу сырьевӧй, вылыс технологияа да сервиснӧй юкӧнъясын, — пасйис Владимир Уйба.
— Колӧ, медым республика кажитчис быд арлыда йӧзлы да, дерт жӧ, том йӧзлы — на сайын миян аскиа лун.
Республикалы колӧ лоны регионӧн, кӧні быдӧн вермас аддзыны вылыс квалификацияа да ыджыд удждона уджаланін.
Могъяс миян водзын ыджыдӧсь, эска, ӧтув ми ставсӧ пӧртам олӧмӧ».
Конференция уджӧ пырӧдчисны 80 кымын морт.
Канму уджалысьяс, академическӧй да наука ӧткотыръясӧс, муниципальнӧй юкӧнъясӧс петкӧдлысьяс, регионын этноскостса да конфессиякостса йитӧдъяс ладмӧдӧм серти Сӧветӧ пырысь этноорганизацияясӧс петкӧдлысьяс.
Вермисны локны Москваса гӧсьтъяс.
Видеосвязь пыр сёрниӧ пырӧдчисны Крым Республикаысь, Ханты-Мансийскӧй асвеськӧдлан кытшысь, Мурманск обласьтса Ловозеро сиктысь коми диаспораясӧс петкӧдлысьяс.
Сёрнитӧма Коми автономия лӧсьӧдӧм да сӧвмӧдӧм йылысь, а сідзжӧ Коми Республикаын канму национальнӧй политикалӧн история да ӧнія кад, войтыркостса йитӧдъяслӧн практика йылысь.
Фотоыс «Комиинформ» ЮА, авторыс Владимир Шешкунас
{Kodko (комиӧдіс Обрезкова Н. А.) @ Владимир Путин чолӧмаліс Коми Республикаӧс сё вося юбилейӧн @ выльтор @ https://rkomі.ru/news/1216 @ 2021-08-20 @}
Владимир Путин чолӧмаліс Коми Республикаӧс сё вося юбилейӧн
Россия Федерацияса Президент Владимир Путинлысь чолӧмалӧмсӧ вӧлі лыддьӧма моз тӧлысь 20 лунӧ Коми Республикаса опера да балет театрса сцена вывсянь Коми Республика артмӧдӧмсянь 100 во тырӧмлы сиӧм кыпыд собрание вылын.
«Талун республикалӧн эмӧсь ыджыд позянлунъяс сӧвмӧм вылӧ.
Тані лӧсьӧдсьӧны условиеяс инвестицияяс кыскӧм вылӧ, збыльмӧдсьӧны промышленносьтын да видз-му овмӧсын колана водзмӧстчӧмъяс.
Регионын чукӧрмӧма вӧр обработайтан, горноруднӧй, топливно-энергетическӧй комплексъяслӧн гырысь предприятиеяс, бурмӧ социальнӧй да транспорт инфраструктура.
Торйӧн сӧвмӧ ӧнія кадлы лӧсялана этнография да экология туризм.
Эска, мый и водзӧ ті кутанныд шедӧдны ыджыд вермӧмъяс — асланыд республикалы да став Россиялы бур вылӧ, пуктыны пай гырысь ставвойтырсикаса могъяс олӧмӧ пӧртӧмӧ.
Сиа вермӧмъяс, тыр-бур олӧм да став бурсӧ», — пасйӧма Владимир Путинлӧн чолӧмалӧмын.
{Kodko (комиӧдіс Обрезкова Н. А.) @ Александр Гуцан чолӧмаліс Коми Республикаӧс артмӧмсяньыс 100 во тырӧмӧн @ выльтор @ https://rkomі.ru/news/1217 @ 2021-08-20 @}
Александр Гуцан чолӧмаліс Коми Республикаӧс артмӧмсяньыс 100 во тырӧмӧн
Рытыв-Войвыв федеральнӧй кытшын Россияса Президентӧс полномочнӧй петкӧдлысьлысь чолӧмалӧмсӧ вӧлі лыддьӧма моз тӧлысь 20 лунӧ Коми Республикаса опера да балет театрса сцена вывсянь Коми Республика артмӧдӧмсянь 100 во тырӧмлы сиӧм кыпыд собрание дырйи.
«Коми мулӧн медыджыд озырлуныс абу му пытшкын, а йӧзын — енбиа, кыпыд, чужан мусӧ сьӧлӧмсянь радейтысь, традицияяссӧ, культурасӧ да пӧль-пӧчлысь кывсӧ видзысь да республикалӧн талунъя да аскиа лун вӧсна ёна уджалысь войтырын.
Буретш йӧз, туялысьяс, геологъяс, стрӧитчысьяс медводдзаясӧн тӧдмалісны помтӧм-дортӧм парма да тундра, восьтісны куйлӧдъяс да кыпӧдісны каръяс, босьтісны кипод уланыс Войвыв, вӧчисны сійӧс миянлы судзсянаӧн.
Талун миянлӧн тіянкӧд ӧтувъя мог — налысь уджсӧ водзӧ нуӧдігӧн вӧчны Арктикасӧ йӧзлы судзсянаӧн, велӧдчыны вӧдитчыны сылӧн позянлунъясӧн.
Эска, ӧтув ми вӧчам ставсӧ, медым Коми Республика вӧлі да колис Россияын экономика боксянь медся сӧвмӧм регионъяс лыдын.
Сиа республикаса став олысьыслы дзоньвидзалун, шуд, сӧгласа да тыр-бур олӧм, ыджыд вермӧмъяс Коми Республикалӧн да Россиялӧн бур вылӧ», — гижӧма Александр Гуцанлӧн чолӧмалӧмын.
{Kodko (комиӧдіс Обрезкова Н. А.) @ Изьва районса Том посёлокӧдз лоӧ вогӧгӧрся машина туй @ выльтор @ https://rkomі.ru/news/1219 @ 2021-08-21 @}
Изьва районса Том посёлокӧдз лоӧ вогӧгӧрся машина туй
Моз тӧлысь 18 лунӧ Изьва районӧ удж серти ветлігӧн Владимир Уйба воліс Койю, Том посёлокъясӧ да Картаёль грездӧ.
Коми Республикаса Юралысь видзӧдліс ӧткымын социальнӧй объект да аддзысьліс сэтчӧс олысьяскӧд.
Том посёлокын Владимир Уйба видзӧдліс выль во кежлӧ школалысь дасьлунсӧ.
Велӧдан учреждениеын велӧдчӧны Том посёлокса да Картаёль грездса 94 школьник да детсадйӧ ветлысь 50 челядь.
Велӧдчӧны ӧти сменаӧ школалӧн нёль стрӧйбаын.
Нӧшта кык стрӧйбаын — детсадса группаяс.
Коми Республикаса Юралысь тшӧктіс республикаса Велӧдан, наука да том йӧз политика министерстволы корсьны позянлун 2022 воын дзоньтавны Томса школа.
Таысь кындзи, 2022 воын школаӧ лоӧ пыртӧма цифрӧвӧй велӧдчан гӧгӧртаслысь торъя мога модель.
Республикаса Юралысь тӧдмасис Картаёльса участкӧвӧй больничаын медводдза медицина отсӧг сетан условиеясӧн.
Медицина учреждение могмӧдӧ Том, Койю посёлокъясса да Картаёль грездса олысьясӧс — ставыс 1056 морт, на лыдын 224 кага.
Нюжмасьны позьтӧм отсӧг сетӧны участковӧй врач-терапевт, акушерка да медицина сестраяс сутки чӧж.
«Больничасӧ стрӧитӧма матӧ 50 во сайын, колӧ выль стрӧйба.
Коми Республикаса Веськӧдлан котыр видлалӧ позянлун пыртны объектсӧ дзоньвидзалун видзӧмлысь медводдза звено ӧнъяӧдан федеральнӧй уджтасӧ», — пасйис Владимир Уйба.
Том посёлокса олысьяскӧд аддзысьлӧм дырйи сёрнитісны туйяс видзӧм да дзоньталӧм, овмӧдчӧминсӧ зумыд мобильнӧй связьӧн могмӧдӧм, медицинаӧн да транспортӧн могмӧдӧм, чорыд бытӧвӧй шыбласъяс нуӧм йылысь.
Быд юалӧм серти Владимир Уйба висьталіс Коми Республикаса Веськӧдлан котырӧн мытшӧдъяссӧ разьӧм серти примитан мераяс йылысь да матысса кад вылӧ регионӧс сӧвмӧдан планъяс йылысь.
Том посёлокса олысьясӧс медъёна майшӧдлӧ сійӧ, мый абу вогӧгӧрся транспорт йитӧд.
Владимир Уйба висьталіс Коми Республикаса Веськӧдлан котырӧн да районса администрацияӧн ӧтвылысь примитӧм помшуӧм йылысь, мый вылӧ вичмӧдӧма нин сьӧм.
Кутасны вӧчны Пожня — Керки — Том 20 километра кузьта тӧвся автомашина туй.
«Во помӧдз артавсьӧ вӧчны уджъяс тайӧ участокын межевание нуӧдӧм серти, республикаса эмбурӧ сійӧс вуджӧдӧм да проектно-сметнӧй документация лӧсьӧдӧм серти.
ПСД вылӧ канму экспертизалысь ошкана кывкӧртӧд босьтӧм бӧрын лоӧ нуӧдӧма пӧдрадчикӧс бӧръян конкурс.
Мӧд во став туйвыв уджсӧ нуӧдӧм бӧрын тайӧ туйнырын ветлӧмсӧ колӧ восьтыны, медым Томса кустлӧн лои вогӧгӧрся транспорт йитӧд», — шуис Владимир Уйба.
Изьва районӧ Коми Республикаса Юралысьлӧн удж серти ветлігӧн мероприятиеясӧ пырӧдчисны Коми Республикаса Веськӧдлан котырӧн Юрнуӧдысьӧс вежысь Галина Габушева, Коми Республикаса стрӧитчан, оланін да коммунальнӧй овмӧс министр Игорь Кузьмичев, Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Дягилев, Коми Республикаса велӧдан, наука да том йӧз политика министр Наталья Якимова, Коми Республикаса вӧр-ва озырлун да гӧгӧртас видзан министр Алексей Кузнецов, Коми Республикалӧн Каналан Сӧветса депутатъяс Руслан Магомедов да Николай Братенков.
{Kodko (комиӧдіс Обрезкова Н. А.) @ Коми Республикалы 100 во тыригкежлӧ Сыктывкарса кӧрт туй вокзал дорын лӧсьӧдӧма сквер да дзоньталӧма Эжваын сувтлан пункт @ выльтор @ https://rkomі.ru/news/1223 @ 2021-08-21 @}
Коми Республикалы 100 во тыригкежлӧ Сыктывкарса кӧрт туй вокзал дорын лӧсьӧдӧма сквер да дзоньталӧма Эжваын сувтлан пункт
Талун, моз тӧлысь 21 лунӧ, Коми Республикаса Юралысь Владимир Уйба да Войвыв кӧрт туйса начальник Валерий Танаев видзӧдлісны дзоньталӧм «Эжва» сувтлан пункт да Сыктывкарын кӧрт туй вокзалдорса выль сквер.
Объектъяс вылын уджъяссӧ помалӧма республикалӧн сё вося юбилей кежлӧ.
«Эжва» сувтлан пунктын дзоньталӧма пассажиръяслы платформа, вежӧма ывлавывса бияс, потшӧсалӧма да лӧсьӧдӧма кык выль вевта павильон, вӧчӧма лэччанъяс да пандусъяс.
Сыктывкарса кӧрт туй вокзалдорса скверын ӧні эмӧсь фигурнӧй газонъяс, лабичьяс, лӧсьӧдӧма ывлавывса бияс.
Мутас вылас садитӧма век веж да коръя быдмӧгъяс, подӧн ветлаланінсӧ вольсалӧма тротуар плиткаӧн.
«Коми Республикаса олысьяссянь аттьӧала регионлӧн олӧмӧ зіля пырӧдчӧмысь, сыысь, мый ті вӧчанныд, медым пассажиръяслы вӧлі лӧсьыд да бур.
И сосногорскса вокзал, и сыктывкарса вокзал дзикӧдз вежсисны.
Ӧні выльмис и эжваса платформа.
Зэв тӧдчана, мый ставыс тайӧ вӧчсьӧ йӧзлы», — тӧдчӧдіс Владимир Уйба.
«Чолӧмала Коми Республикаса олысьясӧс 100 во тырӧмӧн, а сідзжӧ чолӧмала тіянӧс «РКТ»-са медыджыд директор Олег Валентинович Белозеров нимсянь.
Регионлӧн олӧмын кӧрт туй пыр вӧлі зэв тӧдчанаӧн, — шуис ВКТ-са начальник Валерий Танаев.
— Тані сылӧн шӧр объектъяс да Войвыв кӧрт туйлӧн шӧр линияяс, тані олӧ унджык уджалысьыс.
Ми радӧсь пырӧдчыны республикаса Веськӧдлан котыркӧд ӧтвылысь регионлӧн юбилей кежлӧ дасьтысян уджӧ».
Владимир Уйба сідзжӧ пасйис, мый талун Войвыв кӧрт туйкӧд ӧтувъя уджын воссьӧны выль туйяс, кутшӧмъяс йитчӧмаӧсь Республикалысь экономика диверсифицируйтан планкӧд да Войвыв широтнӧй туйлысь проект збыльмӧдӧмкӧд.
Выль кӧрт туй магистраль вӧчӧмлысь тӧдчанлунсӧ эз ӧтчыд пасйыв Россияса Президент Владимир Путин.
А Россияса экономика сӧвмӧдан министр Максим Решетниковлӧн республикаӧ неважӧн волігӧн лои сёрнитчӧма Войвыв широтнӧй туй проект збыльмӧдӧмӧ Комилӧн пырӧдчӧм йылысь.
Сідзжӧ странаса Экономика сӧвмӧдан министерствоӧн вынсьӧдӧма Коми Республикалысь экономика диверсифицируйтӧм серти мероприятиеяслӧн план.
«Проект збыльмӧдӧмыс сетас Коми Республикалысь экономика сӧвмӧдӧмын выль ыштӧдӧм.
Тайӧ 100 миллиард инвестиция, тайӧ сюрс да джын выль уджалан места, ёнджыкасӧ миян войвыв каръясын — Интаын да Воркутаын.
Таысь кындзи, тайӧ 20 миллион тоннаысь унджык груз, тайӧ пассажиръясӧс транзитнӧя новлӧдлӧм, мый талун оз вӧчсьы.
И тайӧ Войвыв кӧрт туй да Коми Республика костын уджъёртасьӧмлӧн выль лист бок.
Проект збыльмӧдан кадколастыс — 2027 воӧдз, и тайӧ абу кутшӧмкӧ ылысса кад, тайӧ пӧшти «аски» нин», — пасйис Владимир Уйба.
* * *
2016–2020 воясӧ Коми Республикаса кӧрт туй инфраструктура сӧвмӧдӧмӧ «РКТ» восьса акционер котыр инвестируйтіс 11,6 млрд шайт.
В 2021 воын кӧсйӧ вичмӧдны 3,9 млрд шайт.
Выльмӧдӧма кӧрт туй, кыпӧдӧма да дзоньталӧма производственнӧй объектъяс, выльмӧдӧма локомотивъяслысь парк да пригороднӧй сообщениелысь парк: став маршрутъяс вылын заводитісны ветлыны выль плацкартнӧй вагонъяс.
Сыктывкар-Москва 34/33 №-а поездын таво дзоньнас вежӧма купеа вагонъяс.
Межӧг да Сивӧй Маска станцияяс вылын стрӧитӧма нёль патераа олан керкаяс.
Елецкӧй станция вылын стрӧитсьӧ кӧрт туй вылын уджалысьяслы олан керка, Сосногорскын вужвыйӧн вежӧны кӧрт туйса больничалысь хирургия корпус.
Княжпогост станция вылын выль кӧрт туй вокзалсӧ восьтӧма 2016 воын, 2020 воын помалӧма стрӧитны Сосногорск станция вылын вокзал.
Таво Мылдін станция вылын помасисны уджъяс сьӧкыда ветлысь йӧзлы санитарнӧй узел да пандусъяс лӧсьӧдӧм серти.
Збыльмӧдӧма дзоньвидзалунын дзескӧдӧм позянлуна пассажиръяслы Сыктывкарса вокзал лӧсьыдджыкӧн вӧчан проект.
Вокзалсӧ дзоньталӧма, вежӧма перрон, вокзалдорса мутас.
{Kodko (комиӧдіс Обрезкова Н. А.) @ Коми Республика да Дагестан Республика кутасны ӧтув уджавны челядьлысь шойччӧмсӧ котыртӧм серти @ выльтор @ https://rkomі.ru/news/1224 @ 2021-08-22 @}
Коми Республика да Дагестан Республика кутасны ӧтув уджавны челядьлысь шойччӧмсӧ котыртӧм серти
Та йылысь сёрнитчисны Коми Республикаса Юралысь Владимир Уйба да Дагестан Республикаса национальнӧй политика да религияяслӧн делӧяс серти министр Энрик Муслимов.
Аддзысьлӧмыс вӧлі моз тӧлысь 21 лунӧ Сыктывкарын.
Аддзысьлӧм вылын сідзжӧ вӧліны Россияса Герой Загид Загидов да Коми Республикаса Веськӧдлан котырӧн Юрнуӧдысьӧс вежысь Галина Габушева.
Ёртасьӧмлӧн мукӧд нырвизь лыдын челядьлысь шойччӧмсӧ котыртӧм лоӧ содтӧдӧн республикаясса Веськӧдлан котыръяс костын сёрнитчӧм дорӧ.
1997 вося йирым тӧлысьӧ нин кырымалӧм ӧні уджалысь сёрнитчӧмсӧ колӧ ӧнъяӧдны социальнӧй да экономика юкӧнъясын, оланпастэчасын, а сідзжӧ регионса веськӧдлан тэчасын лоӧм вежсьӧмъяс вӧсна.
Тайӧ уджыс мунӧ.
Владимир Уйба пасйис, мый миян республикаяслӧн уна ӧткодьыс.
Дагестан таво тшӧтш пасйис сё вося юбилей.
«Миян республикалӧн сё вося юбилей кежлӧ ми лӧсьӧдім «Россияса регионъясын Коми Республикалӧн лунъяс» проект.
Тайӧ проект серти кольӧм вося вӧльгым тӧлысьын Дагестанын кымынкӧ лун петкӧдлісны Коми Республикаса туризмлысь позянлунъяссӧ, мунісны Виктор Савин нима Академическӧй театрлӧн гастрольяс», — висьталіс Владимир Уйба.
«Миянлы висьталісны, мый тіян республика — став сикас войтырлы ӧткодь позянлуна регион.
Ме тані медводдзаысь.
Тӧрыт ми ветлӧдлім карті, сёрнитім йӧзыскӧд.
Тіян зэв бур, восьса сьӧлӧма йӧз», — юксис вежӧрӧ мӧрччӧмторъясӧн Энрик Муслимов.
Владимир Уйба пасйис, мый Коми Республикаын 10 воысь дырджык нин эм «Дагестанса войтыр» аваречьяслӧн Сыктывкарса национально-культурнӧй автономия, коді оз сӧмын видз Дагестанса войтыръяслысь культура да традицияяс, но и зіля отсалӧ республикаын челядьлӧн керкаяслы.
2018 воын автономиялӧн водзмӧстчӧм серти Сыктывкарса ӧти уличлы сетӧма Расул Гамзатовлысь ним.
{Kodko (комиӧдіс Обрезкова Н. А.) @ Коми Республикалы сё во тырӧмкӧд йитӧдын Коми Республикаса Юралысьлӧн шыӧдчӧм @ выльтор @ https://rkomі.ru/news/1225 @ 2021-08-22 @}
Коми Республикалы сё во тырӧмкӧд йитӧдын Коми Республикаса Юралысьлӧн шыӧдчӧм
«Коми Республикаса пыдди пуктана олысьяс!
Коми Республикаса дона войтыр!
Таво миян республикалы тырӧ 100 во.
Коми Республика — тайӧ войвыв му, кодӧс нимтӧма тадзи нэмсӧ тані олысь коми войтыр серти.
Тайӧ озыр историяа да аслыспӧлӧс культураа му.
Тані видзӧны коми традицияяс, кыйсьысьяс ветлӧны вӧрӧ лямпаяс вылын, а кӧзяйкаяс пӧжалӧны медся чӧскыд шаньгаяс да черинянь.
Коми Республика — тайӧ му, кодлӧн олысьясыс босьтісны кипод уланыс вылын юра войвыв, нюръяс вылын да лым пиын кыпӧдісны каръяс, перйӧны мупытшса озырлун.
Тані россияса медводдза мусирлӧн чужанін.
Биару, из шом, бокситъяс, титанӧвӧй рудаяс — тайӧ абу на став озырлуныс, мый видзӧ аслас му пытшкын миян регион.
Коми Республика — тайӧ помтӧм-дортӧм тундра, вӧрзьӧдлытӧм вӧръяс, кыпыд гӧраяс, мичасьыс-мича юяс да тыяс.
«Югыд ва» национальнӧй парклӧн да Печоро-Илычса заповедниклӧн реликтӧвӧй парма, Маньпупунёрын сулалысь бӧлбан мыгӧра изъяс, европаса Арктикаын Мамонт Куръя нима мортлӧн медся важ сулаланін.
Талун тайӧ вӧр-ва памятникъясыс дорӧ содтысьӧны выль видзан мутасъяс.
Коми Республика — тайӧ шань керка быдӧнлы, тані ӧтсӧгласӧн олӧны сёысь унджык сикас войтыр.
Республикаса олысьяс радейтӧны ассьыныс мунысӧ, зільӧны вӧчны сійӧс бурджыкӧн, шедӧдӧны сылы Россияса да мирса слава.
Туялысьяс сиӧны сылы ассьыныс восьтӧмъяссӧ, кывбуралысьяс — гижӧдъяснысӧ, спортсменъяс — вермӧмъясныссӧ, а прӧстӧй йӧз — бур вӧчӧмъяс.
Дона ёртъяс!
Коми Республикалӧн нэмся юбилей лунӧ примитӧй аттьӧалана кывъяс чужан му радейтӧмысь, миянлысь войвывса му пыдди пуктӧмысь.
Сиа ставлы крепыд дзоньвидзалун, ӧтсӧгласа да тыр-бур олӧм!
Дзордзав да сӧвмы, радейтана республиканым!»
Коми Республикаса Юралысь Владимир Уйба
{Kodko (комиӧдіс Обрезкова Н. А.) @ Коми Республикалы сё во тыран лунӧ Сыктывкарын восьтісны Иван Павлович Морозовлы памятник @ выльтор @ https://rkomі.ru/news/1229 @ 2021-08-23 @}
Коми Республикалы сё во тыран лунӧ Сыктывкарын восьтісны Иван Павлович Морозовлы памятник
Кыпыд церемонияыс вӧлі моз тӧлысь 22 лунӧ.
Сэтчӧ пырӧдчисны Коми Республикаса Юралысь Владимир Уйба, И. П. Морозовлӧн гӧтырыс Мария Григорьевна, Иван Павловичлӧн рӧдвужыс да уджъёртъясыс.
«Иван Павлович Морозов — тайӧ морт, код кодьӧн колӧ лоны ӧнія став веськӧдлысьыслы.
Сійӧ мӧвпаліс ыджыдторъяс йылысь да вӧчліс смел воськовъяс, аслас уджъёртъясыскӧд стрӧитіс выль республика.
Сюрс километра туй, промышленнӧй объектъяс, кутшӧмъяс ставнас вежисны регионлысь экономикасӧ.
Аэропортъяс, детсадъяс, школаяс, больничаяс!
И став тайӧ ыджыдлун вылас видзӧдтӧг тайӧ вӧлі прӧстӧй, восьса, йӧз пӧвстысь петӧм веськӧдлысь, морт, коді отсаліс ставлы, коді шыӧдчыліс сы дорӧ отсӧгла», — шуис Коми Республикаса Юралысь.
Коми йӧзлӧн ыджыд пилы памятник сувтӧдӧм йылысь водзмӧстчӧмӧн регионса Юралысь дорӧ шыӧдчисны Иван Павловичлӧн уджъёртъясыс — найӧ, кодъяс уджалісны сыкӧд орччӧн республикалӧн бур вылӧ.
На отсӧгӧн памятникыс лоис зэв эскӧданаӧн, Иван Павловичлысь этшсӧ стӧча петкӧдлысьӧн.
«Меным зэв нимкодь аддзыны тіянӧс ставнытӧ тані, — шыӧдчис чукӧртчӧмаяс дорӧ КПСС-лӧн Коми обкомса медводдза секретар И. П. Морозовлӧн отсасьыс Иван Свистельник.
— Унакӧд ме уджалі дыр кад.
И талун миянӧс бара чукӧртіс Иван Павлович Морозов.
Тайӧ памятникыс — пыдди пуктӧм став йӧзыслы, кодъяс уджалісны республикалӧн бур вылӧ».
Иван Морозовлысь пертассӧ лӧсьӧдӧм вылын уджаліс скульпторъяслӧн быдса котыр Россияса нималана художник Анатолий Неверовлӧн юрнуӧдӧм улын.
Петкӧдлыны канму уджалысьӧс быттьӧ мунысьӧн вӧзйис скульпторлӧн нылыс Анастасия.
«Ми петкӧдлім Иван Павловичӧс йӧзлы, землякъяслы, аскиа лунлы воча мунысьӧн.
Уджалім ми зэв кыпыда, шемӧса да миянлы мусмис тайӧ чуймӧдана мортыс», — висьталіс Анатолий Неверов.
Регионса туй да стрӧитчан отрасльса ветеран, Коми Республикаса Почёта гражданин Вячеслав Иванович Худяев казьтыліс, кутшӧм интереснӧйӧн, лоӧмторъяс вылӧ озырӧн вӧлі кадыс, кор республикаӧн юрнуӧдіс Иван Морозов.
Ӧтлаын найӧ уджалісны 11 во.
«Ме бура тӧда Иван Павловичӧс.
Рад, мый ӧні лои сылы памятник.
Дыр бӧрйим памятниклы инсӧ.
Вӧлі вӧзйӧм сувтӧдны сійӧс Морозов улича вылын, бассейн дорын.
А ме вӧзйи Киров да Орджоникидзе туйвежын, Иван Павловичлӧн керкаыскӧд орччӧн.
И меным нимкодь, мый бӧрйисны буретш тайӧ инсӧ», — висьталіс Вячеслав Худяев да аттьӧаліс Владимир Уйбаӧс проектсӧ ошкӧмысь.
Памятниксӧ сувтӧдісны Киров улича вылын орччӧн керкаыскӧд, кӧні оліс Иван Павлович Морозов, Киров нима парккӧд орччӧн, кӧні сійӧ быд асыв котраліс, Сыктыв юкӧд орччӧн, кӧні колис сылӧн челядьдырыс да томлуныс.
Иван Павлович Морозов чужис Сыктыв районса Межадор сиктын.
Сылӧн землячка, сиктса школаын велӧдысь да библиотекар Антонина Меньшенина вайӧма Сыктывкарӧ содз тыр межадорса му.
«Иван Павлович вӧлі вермысьяслӧн да лӧсьӧдысьяслӧн легендарнӧй кӧленаысь, кодъяс мунісны война пыр, кыпӧдісны страна да пуктісны сійӧ подувсӧ, мый вылын ми ӧні на олам.
Ми гордитчам, мый миян сиктса школа новлӧ 1939 вося выпускник Иван Морозовлысь ним.
Межадорса уна ныв-зонлы сійӧ лоис геройӧн», — пасйис Антонина Меньшенина.
Морозов семья нимсянь чукӧртчӧм йӧзӧс чолӧмаліс Иван Павловичлӧн внукыс — Иван Морозов.
Сійӧ аттьӧаліс ставсӧ, коді уджаліс памятник сувтӧдӧм вылын.
«Пӧль сиис ассьыс олӧмсӧ республикалы, — пасйис Иван Морозов.
— Сійӧ мичаа оліс, мичаа веськӧдліс.
Сылӧн олӧмыс эз прӧстӧ кӧдзсьы тайӧ муас, миян йӧз пытшкӧ, миян республикаӧ.
Тайӧ кӧйдысыс дыр на кутас вайны озыр бӧртас».
«Дона ёртъяс!
Иван Павлович кодь йӧзлы колӧ лоны примерӧн миян том йӧзлы.
А сылӧн «Ми вӧчим ассьыным олӧм!
И эг лёка!
Ми ставнас сійӧс сиим йӧзлы служитӧмлы» кывъясыс лоасны бур ыштӧдӧн миянлы ставлы», — тӧдчӧдіс Владимир Уйба.
{Kodko (комиӧдіс Обрезкова Н. А.) @ Владимир Уйба: «Сыктывкарын быд прӧст пельӧслы колӧ лоны карса олысьяслы гажаӧн да лӧсьыдӧн шойччӧм да прӧст кад коллялӧм вылӧ» @ выльтор @ https://rkomі.ru/news/1230 @ 2021-08-23 @}
Владимир Уйба: «Сыктывкарын быд прӧст пельӧслы колӧ лоны карса олысьяслы гажаӧн да лӧсьыдӧн шойччӧм да прӧст кад коллялӧм вылӧ»
Республикалӧн сё вося юбилей лунӧ, моз тӧлысь 22 лунӧ, выльмӧдӧм йӧзаинъяссӧ видзӧдлісны Коми Республикаса Юралысь Владимир Уйба да Сыктывкарса мэр Наталья Хозяинова.
С. Киров нима паркын таво лӧсьӧдӧма скейт-площадка.
Сійӧс ньӧбӧм вылӧ сьӧмсӧ — 2,6 миллион шайт — вичмӧдіс «СКАТ» компания социальнӧй да экономика боксянь ёртасьӧм серти.
Парклӧн тренажёра да турника зонаын таво «Войтырлӧн сьӧмкуд» проект серти сувтӧдӧма инклюзивнӧй площадка, кутшӧмӧс лӧсьӧдӧма коляскаяс вылын ветлысь йӧзлы тренировкаяс вылӧ.
Резинаысь доймыны позьтӧм вевттьӧда площадка вылын сідзжӧ дасьтысьӧны да сдайтӧны ГТО нормативъяс.
Республикаса Юралысь да Сыктывкарса мэр видзӧдлісны баскетболысь ворсан площадка да гезъяса парк.
Баскетболысь ворсан площадкасӧ вӧлі ӧнъяӧдӧма 2020 воын меставывса сьӧмкуд сьӧм вылӧ.
Тані пуктісны асфальт, резинаысь наливнӧй вевттьӧд, вежисны баскетбольнӧй стойкаяс да щитъяс, монтируйтісны йӧр да ывлавывса бияс, лӧсьӧдісны вежсян да видзӧдысьяслы зона.
Семьяӧн шойччӧм вылӧ гезъяса комплекссӧ сувтӧдіс татчӧс асшӧр уджалысь.
Маршрутсӧ позьӧ прӧйдитны 110 сантиметрысь ыджыдджык тушаа да 90 килограммысь абу сьӧкыдджык мортлы.
Коммунистическӧй уличасӧ Киров уличасянь Ленин уличаӧдз мичмӧдісны-бурмӧдісны 2019 воын.
Асфальтируйтісны ветлалан юкӧн, вежисны содъяс.
Тротуарсӧ вевттисны гранитӧн, садитісны клёнъяс, нинпуяс да кыдзьяс, лӧсьӧдісны газонъяс, сувтӧдісны лабичьяс да выль пӧнаръяс, велосипедъяслы сулаланінъяс да пандусъяс.
Вужвыйӧн вежӧма гражданскӧй войнаса Геройяслы памятник.
Вӧчӧм уджъяслӧн ӧтувъя доныс — 176 млн. шайт.
Республикалӧн сё вося юбилей кежлӧ вужвыйӧн вежӧм бӧрын воссис часі улын изэрд.
Уджъясыс мунісны кык стрӧитчан сезон «Карын бур оласног лӧсьӧдӧм» проект серти.
Кольӧм во вевттисны гранитӧн тротуар, лӧсьӧдісны сувтса зэръяс вылӧ канализация.
Таво площадка вылын сувтӧдӧма коми национальнӧй серӧн мичмӧдӧм ичӧт архитектура формаяс, лабичьяс, качайяс, выль часі, пӧнаръяс, садитӧма содтӧд пуяс да кустъяс.
Уджъяслӧн ӧтувъя доныс — 112 млн. шайт.
«Вӧчӧма неыджыд площадка, но сійӧ пыр жӧ кыскис йӧзӧс, — пасйис Владимир Уйба.
— Видзӧдӧй, мыйта талун тані сыктывкарса олысьыс.
И тайӧ сӧмын ыджыд туйлӧн заводитчӧм.
Татшӧм местаыс карас колӧ нӧшта на унджык, медым став прӧст пельӧсыс лоис карса олысьяслы да гӧсьтъяслы радейтана шойччан местаясӧн.
Матысса воясӧ татшӧм жӧ местаӧн лоас и вадор улича.
Россияса Президентлӧн тшӧктӧм серти ми ӧні дасьтам проектно-сметнӧй документация.
Сідзкӧ, карса олысьясӧн дыр нин виччысяна проектсӧ лоӧ пӧртӧма олӧмӧ».
{Kodko (комиӧдіс Обрезкова Н. А.) @ Коми Республикаса стрӧитчан министерство сетас Печора карын 4 №-а школа капитальнӧя дзоньталӧм серти вӧзйӧмъяс @ выльтор @ https://rkomі.ru/news/1232 @ 2021-08-23 @}
Коми Республикаса стрӧитчан министерство сетас Печора карын 4 №-а школа капитальнӧя дзоньталӧм серти вӧзйӧмъяс
Талун, моз тӧлысь 23 лунӧ, удж серти Печора районӧ ветлігӧн Коми Республикаса Юралысь Владимир Уйба, регионса стрӧитчан, оланін да коммунальнӧй овмӧс министр Игорь Кузьмичев, республикаса велӧдан, наука да том йӧз политика министр Наталья Якимова видзӧдлісны школалысь стрӧйбасӧ.
Школалӧн стрӧйбалы 45-ысь унджык во.
2019 воын сійӧс шуӧма ӧпаснӧйӧн челядьлӧн да уджалысьяслӧн олӧмлы да дзоньвидзалунлы.
2019 вося тулыссянь сэні велӧдчӧмсӧ дугӧдӧма, школасӧ тупкӧма капитальнӧя дзоньталӧм вылӧ.
«Стрӧйбасӧ видлалӧма, республикаса Стрӧитчан министерство видзӧдлас сылысь бӧртасъяссӧ да сетас дзоньтасян уджъяслӧн йӧрыш да сикасъяс серти ассьыс вӧзйӧмъяс», — гӧгӧрвоӧдіс Владимир Уйба.
{Kodko (комиӧдіс Обрезкова Н. А.) @ Владимир Уйба видзӧдліс Печораса судно стрӧитан заводлысь вынйӧрсӧ @ выльтор @ https://rkomі.ru/news/1233 @ 2021-08-23 @}
Владимир Уйба видзӧдліс Печораса судно стрӧитан заводлысь вынйӧрсӧ
Предприятиеыс лоӧ «Печораса ювыв парокодство» судоходнӧй компаниялысь инӧдсӧ босьтысьӧн.
Сійӧ республикаын Печора ю вылын суднояс стрӧитан юкӧнӧс дзик ӧти петкӧдлысь да регионын суднояс дзоньталан медыджыд предприятие.
Талун заводлӧн уджын шӧр нырвизьыс — ювыв флотлысь инфраструктура дзоньталӧм.
Заводын уджалӧ 42 морт — унджыкыс ыджыд кужанлуна рабочӧйяс да инженеръяс, кодъяслӧн эм ыджыд да уна вося опыт суднояс дзоньталӧмын да стрӧитӧмын.
Предприятие вылын эм слип. Сійӧ сетӧ позянлун нуӧдны суднояс видзӧдан, тырмытӧмторъяс корсян да дзоньтасян уджъяссӧ берегын экология боксянь корӧмъясӧ кутчысьӧмӧн.
Станочнӧй парк отсӧгӧн завод вермӧ вӧчны стрӧитчан отрасльса, мусир да биару комплексса предприятиеяслы кӧртысь быдсикас конструкцияяс, пос конструкцияяс.
Владимир Уйба тӧдчӧдіс, мый Печораса судно стрӧитан заводсӧ колӧ сӧвмӧдны.
Коми Республикаын тайӧ дзик ӧти татшӧм предприятие.
«Войвывса саридз туйӧд груз новлӧдлӧмӧ регионлӧн пырӧдчӧм корас, медым Печора ю вылын вӧлісны дзоньталан базаяс да судно стрӧитан предприятиеяс», — шуис Коми Республикаса Юралысь Владимир Уйба.
Юралысьлӧн кывъяс серти, талун республикаӧн юрнуӧдысьяс кутӧны нырвизьсӧ экономика диверсифицируйтӧм вылӧ: «Войвывса саридз туй тӧдчымӧн ловзьӧдас миян юясті ветлӧмсӧ.
Миянлы ковмас флот, да ковмас сійӧс дзоньтавны.
И Печораса судно стрӧитан завод — аслас опыт серти да сулаланін серти — кутас пуктыны оз ичӧт пай тайӧ уджас».
{Kodko (комиӧдіс Обрезкова Н. А.) @ Коми Республикаса экономика сӧвмӧдан да промышленносьт министерство шыӧдчас Владимир Уйба дорӧ йӧзӧс ӧтув вердан предприятиеяслы отсӧгла @ выльтор @ https://rkomі.ru/news/1240 @ 2021-08-24 @}
Коми Республикаса экономика сӧвмӧдан да промышленносьт министерство шыӧдчас Владимир Уйба дорӧ йӧзӧс ӧтув вердан предприятиеяслы отсӧгла
Та йылысь юӧртіс Коми Республикаса Веськӧдлан котырӧн Юрнуӧдысьӧс вежысь — регионса экономика сӧвмӧдан да промышленносьт министр Эльмира Ахмеева йӧзӧс ӧтув вердан юкӧнын бизнес петкӧдлысьяскӧд аддзысьлӧм бӧрын.
Аддзысьлӧмыс вӧлі талун, моз тӧлысь 24 лунӧ, «Менам бизнес» шӧринлӧн водзмӧстчӧм серти.
Водзджык шӧрин юӧртіс Коми Республикаса экономика сӧвмӧдан да промышленносьт министерстволы Сыктывкарын да Ухтаын йӧзӧс ӧтув вердан юкӧнса асшӧр уджалысьяслӧн шыӧдчӧмъяс йылысь, кодъяс пыртӧм дзескӧдӧмъяс вӧсна оз вермыны тырвыйӧ уджавны.
Йӧзӧс ӧтув вердан предприятиеяслысь уджалан кадсӧ вӧлі чинтӧма Комиын Роспотребнадзорлӧн веськӧдланінлӧн вӧзйӧм серти коронавирус паськалӧмысь ӧлӧдӧм могысь.
Аддзысьлӧмӧ тшӧтш пырӧдчисны министерствоӧс петкӧдлысьяс, бизнеслы отсасян инфраструктура организацияясӧн юрнуӧдысьяс, Коми Республикалӧн Каналан Сӧветса депутатъяс.
Бизнесменъяс юӧртісны Эльмира Ахмеевалы йӧзӧс ӧтув вердан предприятиеяслӧн удж вылӧ дзескӧдӧмъяссӧ личӧдны либӧ тырвыйӧ дугӧдны коланлун йылысь.
А сідзжӧ висьталісны дзескӧдӧмъяс вӧсна асшӧр уджалысьясӧн воштӧмъяскӧд йитӧдын канмусянь отсӧг сетны коланлун йылысь.
Талун кежлӧ федеральнӧй сьӧмкудйысь вичмӧдӧма 8 миллиард шайт ичӧт да шӧр бизнес субъектъяслы да дзескӧдӧмъяс улӧ веськалӧм социальнӧй нырвизя абу коммерческӧй организацияяслы содтӧд отсӧг сетан мераяс вылӧ.
Субъектъяслы уджысь мынтысьӧм да уджӧн могмӧдӧм вылӧ вештысьтӧм грантлӧн ыдждаыс кутас артавсьыны дзескӧдӧмъяслӧн быд 2 вежонысь быд уджалысь вылӧ МРОТ джын вылӧ мыджсьӧмӧн, но ставнас 4 вежонысь абу унджык.
Ичӧт да шӧр предпринимательство субъектъяслы, кодъяслысь уджсӧ кад кежлӧ дугӧдӧма, федеральнӧй отсалан мераяс дорӧ кӧсйӧны содтӧд урчитны регионса отсалан мераяс.
Тайӧ збыльвывса рӧскод кык нырвизь серти вештӧм: уджалысьяслы уджысь мынтысьӧм да вӧрзьӧдны позьтӧм эмбур кӧртымалан сёрнитчӧмъяс серти кӧртымалан дон мынтӧм вылӧ.
«Коронавирус инфекция паськалӧмысь ӧлӧдӧм могысь пыртӧм дзескӧдӧмъяс вӧсна организацияяс воштӧны ассьыныс выручка.
Кыдз Коми Республикаса экономика сӧвмӧдан да промышленносьт министрлы, меным колӧ, медым ситуацияыс вежсис бурлань, а асшӧр уджалысьяслы сетісны отсӧг», — пасйис Эльмира Ахмеева.
Аддзысьлӧм кывкӧрталігӧн Коми Республикаса Веськӧдлан котырӧн Юрнуӧдысьӧс вежысь — регионса экономика сӧвмӧдан да промышленносьт министр юӧртіс, мый матысса кадӧ, асшӧр уджалысьяслысь вӧзйӧмъяссӧ тӧд вылын кутӧмӧн, юалӧм вылас уджалӧм бӧрын шыӧдчас Коми Республикаса Юралысь Владимир Уйба дорӧ дзескӧдӧмъяс улӧ веськалӧм бизнеслы отсавны корӧмӧн.
{Kodko (комиӧдіс Обрезкова Н. А.) @ Печора карын челядьлы 1 №-а поликлиника лоас тӧждысьысьӧн @ выльтор @ https://rkomі.ru/news/1237 @ 2021-08-24 @}
Печора карын челядьлы 1 №-а поликлиника лоас тӧждысьысьӧн
Владимир Уйба удж серти кык лун кежлӧ воліс Печора районӧ.
Моз тӧлысь 23 лунӧ Коми Республикаса Юралысь видзӧдліс Печораса шӧр районнӧй больничалысь вежӧсъяс, кутшӧмъясын тайӧ во помӧдз воссяс челядьлы «Тӧждысьысь поликлиника».
Челядьлы поликлиника меститчӧ уна патераа олан керкалӧн медводдза судтаса жыръясын.
«Тӧждысьысь поликлиника» федеральнӧй верктуя проект серти ӧні сэні мунӧны дзоньтасян уджъяс.
Сідзжӧ Владимир Уйба тӧдмасис Печораса ШРБ-ын медицина реабилитация юкӧнын отсӧг сетан условиеясӧн.
2021 вося урасьӧм тӧлысьын медицина юкӧн бара кутіс уджавны.
Сэні 35 койка, на лыдын 15 — гериатрическӧй.
Тані отсалӧны бырӧдны сьӧкыда висьӧмысь колясъяс шӧр вей системалӧн висьӧмъяса, лёка ветлысь пациентъяслы, а сідзжӧ боевӧй тышъясын участвуйтысьяслы да геронтологическӧй висьысьяслы.
Котыртӧма и ковидӧн висьӧм бӧрын реабилитация.
«Нимкодь, мый дзоньвидзалун бурмӧдӧм вылӧ эм ЛФК вылӧ оборудуйтӧм зал, массаж вӧчан да физиотерапия кабинетъяс.
Такӧд тшӧтш, тшӧкта Коми Республикаса йӧзлысь дзоньвидзалун видзан министерстволы могмӧдны ваӧн бурдӧдчан юкӧнсӧ бальнеология вылӧ оборудованиеӧн, сы вӧсна мый менӧ та йылысь корисны и пациентъяс, и медперсонал», — пасйис регионса Юралысь.
Йӧзлысь дзоньвидзалун видзӧм йылысь сёрнитісны и Коми Республикаса Юралысьлӧн Печораса общественносьткӧд аддзысьлӧм дырйи.
Владимир Уйба висьталіс, мый таво Печораса ШРБ-ӧ воас 28 единица медицина оборудование, та лыдын компьютернӧй томограф да маммограф.
2022 воын воас нӧшта 18 единица, а 2023 воын — 16 единица медицинскӧй техника.
«Тайӧ ыджыд воськов больничаӧс медицина диагностика оборудованиеӧн могмӧдӧмын, мый ёна ӧддзӧдас исследованиеяс нуӧдӧмсӧ да содтас налысь ногтуйсӧ.
Рентгенлӧн, маммографлӧн да компьютернӧй томографлӧн эмӧсь мыччӧдъяс ыстысь водзвыв пыртӧм блокъяс.
Сідзкӧ позьӧ ыстыны снимоксӧ консультация могӧн Сыктывкарӧ, Санкт-Петербургӧ либӧ Москваӧ.
Да дженьыд кадӧ босьтны вочакыв», — гӧгӧрвоӧдіс Владимир Уйба.
Коми Республикаса Юралысь содтіс, мый Коми юркарса да регион суйӧрсайса специалистъяскӧд телемедицина котыртӧмысь кывкутӧ республикаса Йӧзлысь дзоньвидзалун видзан министерство.
{Kodko (комиӧдіс Обрезкова Н. А.) @ Печора районса Озёрнӧй посёлокын стрӧитасны детсад @ выльтор @ https://rkomі.ru/news/1238 @ 2021-08-24 @}
Печора районса Озёрнӧй посёлокын стрӧитасны детсад
Индӧма объект стрӧитӧм улӧ площадка, дасьтӧма проектно-сметнӧй документация, сьӧмсӧ вичмӧдӧмын отсалӧ «ЛУКОЙЛ» йӧзлы восьса акционер котыр.
Талун, моз тӧлысь 24 лунӧ, Озёрнӧй посёлокӧ удж серти воліс Коми Республикаса Юралысь Владимир Уйба.
Озёрнӧй посёлокын детсадлысь стрӧйбасӧ кыпӧдӧма 1958 воын.
Кольӧм вося тулысын сійӧс вӧлі шуӧма водзӧ вылӧ уджӧдны позьтӧмӧн.
2020 вося сора тӧлысь 1 лунӧ детсадсӧ вӧлі тупкӧма, челядьсӧ вуджӧдісны Кожва посёлокса детсадйӧ.
Кольӧм во Печора районӧ удж серти волігӧн Владимир Уйба видзӧдліс детсадлысь стрӧйбасӧ.
Сэки вӧлі шуӧма стрӧитны Озёрнӧй посёлокын выль детсад, а выльсӧ стрӧиттӧдзыс капитальнӧя дзоньтавны ӧніясӧ, медым эз ков дугӧдны сылысь уджсӧ.
2021 вося тӧвшӧр тӧлысь 1 лунсянь, капитальнӧя дзоньталӧм бӧрын, детсад заводитіс уджавны.
Выль велӧдчан воын сэтчӧ кутас волыны 16 кага.
Сідзжӧ посёлокын эмӧсь челядь, кодъяслы эз на тыр детсадйӧ ветлан арлыдыс.
«Кольӧм во республикаса Веськӧдлан котыр уджаліс тайӧ мытшӧд вылас, кор нинӧм на эз вӧв.
Талун индӧма стрӧитанін, дасьтӧма проектно-сметнӧй документация.
Стрӧитчӧмыс заводитчас тайӧ во помын, — шуис республикаса Юралысь.
— Миянлы отсаліс ЛУКОЙЛ да ачыс Вагит Юсуфович Алекперов».
{Kodko (комиӧдіс Обрезкова Н. А.) @ Владимир Уйба примитіс Сыктывкарын да Ухтаын войын уджалысь клубъяс, йӧзӧс ӧтув вердан предприятиеяс серти ковидлы паныд дзескӧдӧмъяс киритӧм йылысь помшуӧм @ выльтор @ https://rkomі.ru/news/1241 @ 2021-08-25 @}
Владимир Уйба примитіс Сыктывкарын да Ухтаын войын уджалысь клубъяс, йӧзӧс ӧтув вердан предприятиеяс серти ковидлы паныд дзескӧдӧмъяс киритӧм йылысь помшуӧм
Тайӧ помшуӧмсӧ видлалӧма да вынсьӧдӧма выль коронавирус инфекция паськалӧмлы паныд удж нуӧдан республиканскӧй оперативнӧй штабӧн.
Моз тӧлысь 25 лунӧ «Содтӧд дасьлун режим пыртӧм йылысь» Индӧдӧ пыртӧма лӧсялана вежсьӧмъяс.
Вузасян да вузасян-гажӧдчан шӧринъясын меститчысь йӧзӧс ӧтув вердан организацияяслӧн уджын дзескӧдӧмъяс киритӧм да войын уджалысь клубъяслӧн (дискотекаяслӧн) удж вылӧ кутӧд дугӧдӧм йылысь вӧзйӧмӧн Коми Республикаса Юралысь Владимир Уйба дорӧ шыӧдчис Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева.
Вице-премьер юӧртіс республикаса Юралысьлы моз тӧлысь 24 лунӧ «Менам бизнес» шӧринлӧн водзмӧстчӧм серти йӧзӧс ӧтув вердан юкӧнын уджалысь бизнесменъяскӧд аддзысьлӧм йылысь.
Аддзысьлӧм вылын асшӧр уджалысьяс висьталісны, мый налӧн ыджыд убыткаяс ковидысь ӧлӧдан дзескӧдӧмъяс вӧсна, да корисны видзӧдлыны дзескӧдӧмъяс киритны позянлун условиеяс дырйи, кор кутчысьӧны ӧлӧдан мераясӧ да вакцинируйтӧны персоналӧс.
Дзескӧдӧмъяссӧ вӧлі пыртӧма Комиын Роспотребнадзорлӧн веськӧдланінлӧн вӧзйӧм серти коронавирус инфекция паськалӧмысь ӧлӧдӧм могысь.
Коми Республикаса Юралысь Владимир Уйба вочавидзис Сыктывкарса да Ухтаса асшӧр уджалысьяслӧн корӧм вылӧ, сувтіс водзджык пыртӧм дзескӧдӧмъяс киритӧм йылысь регионса экономика сӧвмӧдан да промышленносьт министерстволӧн вӧзйӧм дор.
{Kodko (комиӧдіс Обрезкова Н. А.) @ Владимир Уйба выступитіс медводдза быдвося инвестиция посланиеӧн @ выльтор @ https://rkomі.ru/news/1242 @ 2021-08-25 @}
Владимир Уйба выступитіс медводдза быдвося инвестиция посланиеӧн
Талун, моз тӧлысь 25 лунӧ, вӧлі Коми Республикаын инвестиция климат бурмӧдӧм серти Сӧветлӧн 2021 воын медводдза заседание.
Коми Республикаса Юралысь Владимир Уйба выступитіс асшӧр уджалысьяслӧн ӧткотыр да власьт органъяс дорӧ инвестиция посланиеӧн.
Сӧветлӧн уджӧ пырӧдчисны регионын система артмӧдан предприятиеясӧс, асшӧр уджалысьяслысь ӧткотыръясӧс, Коми Республикаса олӧмӧ пӧртысь власьт органъясӧс да меставывса асвеськӧдлан органъясӧс петкӧдлысьяс.
Эпидемиологическӧй серпас тӧд вылын кутӧмӧн Сӧветлӧн заседаниеыс муніс и очнӧя, и видеоконференцсвязь пыр.
Коми Республикаса Юралысь Владимир Уйба висьталіс инвестиция процесслӧн ресурсъяс йылысь, кутшӧмъяс эмӧсь нин да вермасны лоны, регионса Веськӧдлан котырлӧн тайӧ нырвизьын медшӧр могъяс йылысь, регионын инвестиция климат бурмӧдӧм серти примитӧм мераяс йылысь.
«Регионын инвестиция проектъяс уджӧдны заводитӧм да олӧмӧ пӧртӧм вылӧ эм став колана инӧда подулыс, збыльмӧдсьӧ 2026 воӧдз экономика диверсифицируйтан мероприятиеяслӧн план, вынсьӧдӧма бизнеслы инвестиция преференцияяс, регионса став субъектыслы колӧ, медым вӧлі лӧсьӧдӧма бур условиеяс Коми Республикаӧ инвестируйтӧм вылӧ», — пасйис Владимир Уйба.
Сӧветлӧн заседание вылын Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр Эльмира Ахмеева петкӧдліс Коми Республикаса Инвестиция декларациялысь проект, мый дасьтӧма Коми Республикаса Юралысьлӧн тшӧктӧм серти регионса Экономика сӧвмӧдан да промышленносьт министерствоӧн.
Документсӧ лӧсьӧдӧма Инвестиционнӧя сӧвмӧдан агентстволӧн корӧмъяс серти да дасьтӧма регионса стратегическӧй документъяс тӧд вылын кутӧмӧн, вермасян верктуйяс, медтӧдчана нырвизьяс да Коми Республикаӧс сӧвмӧдан зонаяс тӧдчӧдӧмӧн.
«Татшӧм вермасян верктуйяс, кыдзи минерально-сырьевӧй видзасъяслӧн тырмӧм, вӧр-ва ресурсъясӧн озыр мутасъяс, экономикалысь, организацияяслысь да олысьяслысь коланлунъяс могмӧдӧм вылӧ электрическӧй вынйӧрлӧн да ломтаслӧн тырмӧм лоисны Коми Республикалысь экономика позянлунъяссӧ, этнокультурнӧй туризмлысь кысканлунсӧ восьтӧм вылӧ, торъя экономическӧй зонаяс, кластеръяс да технопаркъяс лӧсьӧдӧм вылӧ подулӧн», — пасйис Эльмира Ахмеева.
Инвестиция декларацияыс кутас быд во выльмӧдсьыны да йӧзӧдсьыны Коми Республикаса Инвестиция порталлӧн платформаын.
Сӧветлӧн заседание бӧртасъяс серти Сӧветӧ пырысьяслысь, инвесторъяслысь да экспертъяслысь видзӧдлассӧ, инвестиция проектъяс збыльмӧдӧмын налысь опытсӧ тӧд вылӧ босьтӧмӧн вӧлі шуӧма бурмӧдны документсӧ.
Бурмӧдӧм документсӧ сетасны сӧгласуйтӧм вылӧ Сӧветӧн веськӧдлысьлы, Коми Республикаса Юралысь Владимир Уйбалы водзӧ вылӧ федеральнӧй тшупӧдын вынсьӧдӧм вылӧ.
{Kodko (комиӧдіс Обрезкова Н. А.) @ Печора районса Талый посёлокын водзӧ стрӧитӧны Рыбница ю вомӧн пос @ выльтор @ https://rkomі.ru/news/1245 @ 2021-08-25 @}
Печора районса Талый посёлокын водзӧ стрӧитӧны Рыбница ю вомӧн пос
Печора районӧ удж серти кык лун кежлӧ ветлігӧн моз тӧлысь 24 лунӧ уджлысь мунӧмсӧ видзӧдліс Коми Республикаса Юралысь Владимир Уйба.
2021 вося тулысын ыджыд ваыс кырӧдіс пуысь вӧчӧм ӧнія поскыслысь фермаяссӧ.
Сійӧ пӧлыньтчис.
Ветлӧдлыны сы вывті автотранспортлы да пода йӧзлы лои позьтӧмӧн.
Рыбница ю вомӧн поскыс йитӧ Талый посёлоклысь юкӧнъяссӧ.
Выль вуджанін стрӧитан уджъясыс заводитчисны моз тӧлысь 8 лунӧ.
Вӧчӧма берегсӧ крепитан уджъяс, сувтӧдӧма берегвывса пос пыкӧдъяс, лӧсьӧдӧма пос дорӧ муйӧж матыстчанінсӧ.
Колӧ на пуктыны кузяланог фермаяссӧ да туй плитаяссӧ, нуӧдны сваритчан да краситчан уджъяс.
Удж вылӧ сьӧмсӧ вичмӧдӧма Коми Республикаса Юралысь Владимир Уйбалӧн тшӧктӧм серти регионса Веськӧдлан котырлӧн резерв фондысь.
{Kodko (комиӧдіс Обрезкова Н. А.) @ Комиын киритӧма войын уджалысь клубъяслӧн да йӧзӧс ӧтув вердан организацияяслӧн удж вылӧ ковидлы паныд дзескӧдӧмъяс @ выльтор @ https://rkomі.ru/news/1246 @ 2021-08-25 @}
Комиын киритӧма войын уджалысь клубъяслӧн да йӧзӧс ӧтув вердан организацияяслӧн удж вылӧ ковидлы паныд дзескӧдӧмъяс
«Содтӧд дасьлун режим пыртӧм йылысь» Коми Республикаса Юралысьлӧн Индӧдӧ пыртӧма лӧсялана вежсьӧмъяс.
Коми Республикаын выльысь заводитчис войын уджалысь клубъяслӧн (дискотекаяслӧн) удж.
Сідзжӧ киритӧма Сыктывкарын да Ухта районын ресторанъяслӧн, кафеяслӧн, столӧвӧйяслӧн, буфетъяслӧн, баръяслӧн, закусочнӧйяслӧн, гожся верандаяслӧн (гожся кафеяслӧн) да йӧзӧс ӧтув вердан мукӧд предприятиеяслӧн удж вылӧ («петкӧдӧм» вылӧ дась прӧдукция вузалӧм кындзи) водзджык пыртӧм дзескӧдӧмъяссӧ 23 чассянь 10 часӧдз, сетӧма позянлун нуӧдны ярмангаяс стационарнӧй вузасян объектъясысь бокын.
Индӧм дзескӧдӧмъяссӧ вӧлі пыртӧма выль коронавирус инфекция паськалӧмлы паныд удж нуӧдан республиканскӧй оперативнӧй штаблӧн ӧтувъя помшуӧм подув вылын COVІD-19 паськалан ӧдъяс да прогнозъяс серти Роспотребнадзорлысь мыччӧдъяс тӧд вылын кутӧмӧн.
Такӧд тшӧтш кӧч тӧлысь 30 лунӧдз нюжӧдӧма дзескӧдӧмъяс культурно-массӧвӧй, зрелищнӧй да мукӧд уна йӧза мероприятие серти.
* * *
Вакцинация отсӧгӧн позьӧ кокньыда да дон босьттӧг видзны асьнытӧ да матыссаяснытӧ COVІD-19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Коми Республикаса йӧзлысь дзоньвидзалун видзан министерстволӧн контакт-шӧрин пыр 8-800-550-0000 номер кузя дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Обрезкова Н. А.) @ «Ладога» да Коми Республикаӧс йитіс видеомост @ выльтор @ https://rkomі.ru/news/1247 @ 2021-08-26 @}
«Ладога» да Коми Республикаӧс йитіс видеомост
Коми Республикаса Веськӧдлан котырӧн Юрнуӧдысьӧс вежысь Лариса Карачёва нуӧдіс видеоконференция «Ладога» том йӧзлӧн велӧдан форумса делегатъяскӧд.
Татшӧм сёрнитӧмыс лои «Регионъяслӧн лунлӧн» тематическӧй юкӧнӧн — форумлӧн уджалан нырвизьясысь ӧтиӧн.
Тайӧ лунӧ делегацияяс паныдасьлісны асланыс регионса веськӧдлысьяскӧд: юасисны том йӧзлы тӧдчанаторъяс йылысь, сетісны вӧзйӧмъяс том йӧз политика серти.
«Миянлы колӧ тӧдны, кутшӧмӧн аддзӧны республикалысь аскиа лунсӧ том йӧз, кутшӧм петан туйяс вӧзйӧны мытшӧдъяс разигӧн.
И миян талунъя сёрниыс петкӧдліс: том йӧзлы эм мый вӧзйыны.
Республиканымӧс петкӧдлысьяслӧн регионкостса мероприятиеясын участвуйтӧм сетӧ позянлун тӧдмасьны мукӧд обласьтлӧн да республикалӧн бур вӧчӧмторъясӧн, босьтны налысь опыт, медым сэсся медбуръяссӧ пыртны асланыс регионӧ», — пасйис Лариса Карачёва.
Сёрнитігӧн Комиысь форумса участвуйтысьяс юксисны форум йылысь вежӧрӧ мӧрччӧмторъясӧн, висьталісны, кутшӧм позянлунъяс асьнысӧ аддзӧм вылӧ колӧны том йӧзлы.
Республикаӧс форум вылын петкӧдліс вит морта делегация.
«Регионъяслӧн лунӧ» аддзысьлӧмын модераторнас вӧлі Сыктывкарын «Вермӧмлӧн волонтёръясӧс» петкӧдлысь Алексей Ефимов.
Елена Бакуменко — велӧдысь, сыктывкарса педагогъяслӧн профсоюзнӧй нырщик тӧдчӧдіс, мый том велӧдысьяслы колӧ наставникъяслӧн отсӧг.
А сідзкӧ, колӧны наставничество сьӧмӧн ышӧдӧм серти содтӧд мераяс.
СГУ-са студентка Софья Милюкова висьталіс карса гӧгӧртас вежӧм серти форум вылын кывлӧм мӧвпъяс йылысь.
Сосногорскын чужлӧм, а ӧні Санкт-Петербургын олысь Роман Гуркин петкӧдліс ассьыс думыштӧмторсӧ — доръян маскалысь модернизируйтӧм вариант — ӧнія эпидситуацияын коланатор.
«Вермӧмлӧн волонтёръяс» регионса штаблӧн олӧмӧ пӧртысь директор, Усинскысь педагог Галина Григорьева корис висьтавны, мый вӧчӧ Веськӧдлан котыр том йӧзлысь регионысь мунӧмсӧ чинтӧм могысь.
Кыдзи пасйис Лариса Карачёва, отсӧг сетан медтӧдчана нырвизьӧн лоӧ оланін серти мытшӧдъяс разьӧмын отсалӧм.
Республикаын том йӧз босьтӧны оланін бурмӧдӧм вылӧ канмусянь отсӧг.
Социальнӧй мынтӧмъяссӧ позьӧ видзны оланін ньӧбӧм либӧ стрӧитӧм вылӧ, оланін вылӧ босьтӧм кредитъяс тупкӧм вылӧ.
Татшӧм отсӧгсӧ 2011 восянь босьтіс 967 том семья.
2021 воын арталӧма сетны мынтӧмъяс 70 семьялы.
Веськӧдлан котырӧн Юрнуӧдысьӧс вежысь висьталіс сідзжӧ ӧтйӧза ӧтувъяслы, социальнӧй проектъясса авторъяслы да веськӧдлысьяслы сьӧма да материальнӧй отсӧг сетӧм йылысь, социальнӧй тӧдчанлуна организацияяслы грантъяс сетӧм йылысь.
* * *
«Ладога» Рытыв-Войвыв федеральнӧй кытшын том йӧзлӧн регионкостса велӧдан форумлӧн мог — сӧвмӧдны том йӧзлӧн ӧтувъясӧ пырӧдчысьяслысь кужанлунъяссӧ Рытыв-Войвыв регионъясса ичӧт мутасъяс зумыда сӧвмӧдӧм могысь.
Форумӧ пырӧ 10 темаа нырвизь: гражданаӧс сӧвмӧдӧм, сӧвмӧдан мутас, медиа сӧвмӧм, бизнес-сӧвмӧм, духовнӧя сӧвмӧм, том йӧзлысь ӧтувъяс сӧвмӧдӧм, креативнӧя сӧвмӧм, том йӧз политика сӧвмӧдӧм, профсоюз удж сӧвмӧдӧм, Вермӧмлӧн наследникъяс.
Форумӧ пырӧдчысьяс — 18–35 арӧса том йӧз — ӧтувъясӧн веськӧдлысьяс, бизнес кутысьяс либӧ аскиа асшӧр уджалысьяс, регионъясса зіль томулов.
{Kodko (комиӧдіс Обрезкова Н. А.) @ Владимир Уйба висьталіс республикаса педагогъяслы велӧдан юкӧн сӧвмӧдӧм серти планъяс йылысь @ выльтор @ https://rkomі.ru/news/1249 @ 2021-08-26 @}
Владимир Уйба висьталіс республикаса педагогъяслы велӧдан юкӧн сӧвмӧдӧм серти планъяс йылысь
Коми Республикаса Юралысь пырӧдчис Педагогъяслӧн республиканскӧй сӧвещаниеӧ, мый муніс талун, моз тӧлысь 26 лунӧ, Сыктывкарын А. С. Пушкин нима Гимназияын.
Республикаса велӧдан юкӧн талун — тайӧ 753 велӧдан организация, кӧні велӧдчӧны 180 сюрсысь унджык велӧдчысь.
Велӧдан да быдтан-сӧвмӧдан уджсӧ котыртӧны 18 сюрсысь унджык педагог — велӧдысьяс, содтӧд тӧдӧмлун сетысь педагогъяс, педагог-психологъяс, производствоӧ велӧдысь мастеръяс.
Сӧвещаниеӧ пырӧдчысьясӧс чолӧмалігӧн Коми Республикаса Юралысь пасйис, мый талун велӧдан юкӧнын медшӧрыс — быдтӧм-сӧвмӧдӧм.
«Оз ков ставсӧ ӧткодя быдтыны, а колӧ аддзыны быд кагаын Мортӧс, Личносьтӧс сылӧн кужанлунӧн да енбиӧн, — пасйис Владимир Уйба.
— Сы вӧсна и федеральнӧй, и республикаса тшупӧдъясын велӧдан юкӧн торъя син улын.
Тӧрыт (моз тӧлысь 25 лунӧ — пасйӧд) Россияса Президент Владимир Путинлӧн юрнуӧдӧм улын вӧлі Россия Федерацияса Каналан Сӧветлӧн заседание, кӧні сёрнитісны велӧдан юкӧн сӧвмӧдӧм йылысь, та лыдын и регионъясын «Велӧдӧм» национальнӧй проект збыльмӧдӧм йылысь.
Республикаын нацпроект серти воссьӧны ӧнія ног оборудуйтӧм велӧдан шӧринъяс.
Выль велӧдчан воын республикаса 80 школа могмӧдасны компьютера оборудованиеӧн, лоӧ лӧсьӧдӧма 21 «Точка роста» велӧдан шӧрин, Кулӧмдінын «ІT-куб» цифрӧвӧя велӧдан шӧрин.
Сідзжӧ Владимир Уйба сетіс республикаса педагогъяслы канму наградаяс.
Педагогъяслӧн республиканскӧй сӧвещаниеӧ пырӧдчисны сідзжӧ Россияса Федеральнӧй Собраниелӧн Каналан Думаса депутат Ольга Савастьянова, Коми Республикаса Каналан Сӧветӧн Веськӧдлысь Сергей Усачёв, Коми Республикаса велӧдан, наука да том йӧз политика министр Наталья Якимова да Сыктывкарса мэр Наталья Хозяинова.
*
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма
Валентина Витальевна Пальшиналы — Челядьлы да том йӧзлы республиканскӧй шӧринын ас му туялан юкӧнса методистлы.
Коми Республикаса Юралысьлӧн тшӧктӧмӧн велӧдан юкӧнын заслугаясысь да уна вося бур уджысь «Коми Республикаса велӧдан юкӧнын нимӧдана уджалысь» почёт ним сетӧма
Вероника Степановна Лихачёвалы — Абъячой сиктса 2 №-а детсадйын велӧдысь-логопедлы.
Коми Республикаӧс социальнӧя да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Галина Леонидовна Агафоновалы — велӧдан юкӧнса ветеранлы, Сыктывкар;
Раиса Константиновна Просвирниналы — велӧдан юкӧнса ветеранлы, Сыктывкар.
Велӧдан юкӧнын заслугаясысь да уна вося бур уджысь Коми Республикаса Юралыссянь Аттьӧалӧм сетӧма
Елена Ивановна Васильевалы — Сыктывкарса канму университет бердын Коми республиканскӧй лицейса юралысь бухгалтерлы.
{Kodko (комиӧдіс Обрезкова Н. А.) @ Выльгорт сиктын 270 места вылӧ выль детсад дась примитны дзолюкъясӧс @ выльтор @ https://rkomі.ru/news/1251 @ 2021-08-26 @}
Выльгорт сиктын 270 места вылӧ выль детсад дась примитны дзолюкъясӧс
Школаӧдз велӧдан учреждение заводитас уджавны матысса кадӧ.
Талун, моз тӧлысь 26 лунӧ, Сыктывдін районӧ удж серти ветлігӧн Владимир Уйба видзӧдліс объектлысь дасьлунсӧ.
Детсадсӧ стрӧитісны «Демография» национальнӧй проект серти.
Сьӧмсӧ — 260 миллионысь унджык шайт — вичмӧдӧма федеральнӧй, республиканскӧй да меставывса сьӧмкудъясысь.
Кирпичысь вӧчӧм выль стрӧйбаын овмӧдчас 12 группа: медводдза судтаын — 6 группа 1–3 арӧса челядьлы, мӧд судтаын — 3 арӧса да ыджыдджык челядьлы.
Детсадйын эмӧсь сьылан-йӧктан, спорт да кружокъяс нуӧдан залъяс, бассейн, медицина да процедура кабинетъяс, торъя санузела изоляторлӧн кык палата.
Медицина блоксянь позьӧ веськыда петны ывлаӧ.
Детсадйын эм колана оборудованньӧ да инвентар.
Мутассӧ мичмӧдӧма-бурмӧдӧма: стрӧйба гӧгӧрыс лӧсьӧдӧма гуляйтӧм вылӧ 12 площадка да физкультураӧн занимайтчӧм вылӧ площадка.
Велӧдан удж вылӧ лицензия босьтӧма, штат серти персоналыс тырмымӧн.
«Демография» национальнӧй проект отсӧгӧн Сыктывдін районын лоис зэв бур, ӧнія, ыджыд детсад, — шуис республикаса Юралысь.
— Сылысь воссьӧмсӧ виччысьӧны и челядь, и верстьӧ йӧз.
Тані эм ставыс челядьӧс бура быдтӧм-сӧвмӧдӧм да велӧдӧм вылӧ — бассейн, сьылан-йӧктан зал, колана оборудованньӧ».
Кӧдздӧдӧмкӧд йитӧдын республикаса Юралысь корис районса веськӧдлысьясӧс водзвыв сетны шоныдсӧ, медым челядь локтӧм кежлӧ стрӧйбаыс шоналіс.
Техническӧй позянлунъяс та вылӧ эмӧсь: учреждениелӧн аслас котельнӧй.
Выльгорт сиктын Владимир Уйба сідзжӧ аддзысьліс Сыктывдін районса олан пунктъясын олысьяскӧд.
Сёрниыс муніс нёль час.
Олысьяс юасисны тӧдчана темаяс серти Коми Республикаса Юралысьлысь видзӧдласъяссӧ да юксисны чужан му сӧвмӧдӧм йылысь асланыс мӧвпъясӧн.
Сёрнитӧма туйяс, социальнӧй объектъяс дзоньталӧм да стрӧитӧм; медицина отсӧг сетӧм; мобильнӧй связьлӧн да Ӧтуввезлӧн ногтуй; аскиа лунтӧм да, такӧд йитӧдын, сиптыны колана олан пунктъясысь йӧзсӧ мӧдлаӧ овмӧдӧм; культура да спорт юкӧнын том специалистъяслы отсӧг сетӧм да уна мукӧдтор йылысь.
Владимир Уйба сетіс регионса Веськӧдлан котырлы тшӧктӧмъяс мытшӧдъяс разьӧм да вӧзйӧмъяс видзӧдлӧм серти, кутшӧмъясӧн олысьяс шыӧдчисны республикаса Юралысь дорӧ аддзысьлігӧн.
Уджсӧ кутасны нуӧдны районса администрациякӧд ӧтув.
* * *
Сыктывдін районӧ удж серти ветлігӧн мероприятиеясӧ пырӧдчисны тшӧтш республикаса министерствоясӧн да ведомствоясӧн юрнуӧдысьяс, Коми Республикалӧн Каналан Сӧветса депутат Руслан Магомедов, «Сыктывдін» муниципальнӧй районса юралысь — районса администрацияӧн юрнуӧдысь Любовь Доронина.
{Kodko (комиӧдіс Обрезкова Н. А.) @ Сыктывкарын да Ухта районын киритӧма фудкортъяслӧн да челядьлы жыръяслӧн удж вылӧ дзескӧдӧмъяс @ выльтор @ https://rkomі.ru/news/1254 @ 2021-08-28 @}
Сыктывкарын да Ухта районын киритӧма фудкортъяслӧн да челядьлы жыръяслӧн удж вылӧ дзескӧдӧмъяс
Лӧсялана вежсьӧмъяс пыртӧма «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ.
Вузасян да вузасян-гажӧдчан шӧринъясын меститчысь организацияяслӧн да асшӧр уджалысьяслӧн, кодъяс сетӧны йӧзӧс ӧтув вердан услугаяс («петкӧдӧм» вылӧ дась прӧдукция вузалӧм серти услугаяс кындзи, а сідзжӧ йӧзӧс ӧтув вердан организацияясӧн, кутшӧмъяслӧн эм волысьясӧс могмӧдан ас зал, сетан услугаяс кындзи), да челядьлы ворсан жыръяслӧн уджыс заводитчӧ моз тӧлысь 27 лунсянь.
Уськӧдам тӧд вылӧ, Коми Республикаын уна йӧза культурнӧй, зрелищнӧй да мукӧд уна йӧза мероприятие вылӧ дзескӧдӧмсӧ нюжӧдӧма кӧч тӧлысь 30 лунӧдз.
* * *
Вакцинация отсӧгӧн позьӧ кокньыда да дон босьттӧг видзны асьнытӧ да матыссаяснытӧ COVІD-19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Коми Республикаса йӧзлысь дзоньвидзалун видзан министерстволӧн контакт-шӧрин пыр 8-800-550-0000 номер кузя дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Обрезкова Н. А.) @ Владимир Уйба нуӧдіс Терроризмлы паныд удж нуӧдан комиссиялысь да Коми Республикаын оперативнӧй штаблысь ӧтувъя заседание @ выльтор @ https://rkomі.ru/news/1256 @ 2021-08-28 @}
Владимир Уйба нуӧдіс Терроризмлы паныд удж нуӧдан комиссиялысь да Коми Республикаын оперативнӧй штаблысь ӧтувъя заседание
Заседание дырйи видлалісны регионса олысьяслысь ӧпастӧмлун могмӧдӧмкӧд йитчӧм юалӧмъяс.
Ӧтувъя гӧлӧсуйтан лун кежлӧ дасьтысигӧн да сійӧс нуӧдігӧн ӧпастӧмлун могмӧдӧм йылысь докладъясӧн сёрнитісны Коми Республикаса бӧрйысян комиссияӧн веськӧдлысь Дмитрий Митюшев, Коми Республикаын пытшкӧс делӧяс министр Андрей Сицский, Росгвардиялӧн Коми Республикаын веськӧдланінса начальникӧс вежысь Сергей Андрющенко, Россияса МЧС-лӧн Коми Республикаын медшӧр веськӧдланінса начальник Алексей Пархомович.
«2021 вося кӧч тӧлысь 19 лунӧ республикаса общественно-политическӧй олӧмын лоӧ зэв тӧдчана лоӧмтор — Россия Федерацияса кӧкъямысӧдысь бӧръян Каналан Думаӧ бӧрйысьӧмъяс.
Миян мог — вӧчны ставсӧ, медым граждана вермисны збыльмӧдны бӧрйысьӧмӧ пырӧдчӧм серти ассьыныс оланпас инӧдсӧ бӧрйысян оланпастэчаслӧн став нормаӧ кутчысьӧмӧн», — шуис республикаса Юралысь Владимир Уйба.
Уна йӧза местаяс да объектъяс (мутасъяс), кутшӧмъяс бӧрся быть колӧ видзӧдны Росгвардияса войскалы, терроризмысь дорйӧм серти нуӧдан удж йылысь юӧртіс Росгвардиялӧн Коми Республикаын веськӧдланінса начальникӧс вежысь Сергей Андрющенко.
«Сыктывкарын мужичӧй командаяс пӧвстын Мача хоккейысь мирса чемпионат кежлӧ дасьтысигӧн да сійӧс нуӧдігӧн терроризмлӧн лоны вермана петкӧдчӧмъяслы паныд мероприятиеяс нуӧдӧм йылысь» юалӧм серти докладӧн сёрнитісны Коми Республикаса вынйӧр сӧвмӧдан да спорт министр Наталья Карина, Коми Республикаын пытшкӧс делӧяс министр Андрей Сицский да Росгвардиялӧн Коми Республикаын веськӧдланінса начальникӧс вежысь Сергей Андрющенко.
Кывзӧма «Усинск» КК МЮ терроризмлы паныд удж нуӧдан комиссияӧн веськӧдлысьлысь доклад терроризмысь ӧлӧдӧмсӧ да сылӧн идеологиялы паныд удж нуӧдӧмсӧ котыртӧм йылысь.
Россияса мыж вештан федеральнӧй службалӧн Коми Республикаын веськӧдланінса начальникӧс вежысь Евгений Краснов сёрнитіс докладӧн Коми Республикаын уголовнӧй мыж вештан системалӧн учреждениеясын терроризм идеология паськалӧмысь видзан мероприятиеяслысь комплекс збыльмӧдӧм йылысь.
Коми Республикаын терроризмлы паныд удж нуӧдан комиссияса аппаратӧн юрнуӧдысь Александр Бурцев висьталіс Терроризмлы паныд национальнӧй комитетлысь тшӧктӧмъяс олӧмӧ пӧртӧм йылысь, а сідзжӧ Коми Республикаса канму власьт органъяслысь да (либӧ) Коми Республикаса мукӧд канму органлысь административнӧй стрӧйбаяс терроризмысь видзӧмсӧ могмӧдӧм серти мераяс примитӧм йылысь.
{Kodko (комиӧдіс Обрезкова Н. А.) @ Шахтёр лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomі.ru/news/1258 @ 2021-08-29 @}
Шахтёр лункӧд йитӧдын Коми Республикаса Юралысьлӧн шыӧдчӧм
«Коми Республикаса пыдди пуктана олысьяс!
Дона горнякъяс!
Отрасльса ветеранъяс!
Моз тӧлысьлӧн бӧръя шойччан лунӧ миян страна, кыдз и пыр, пасйӧ Шахтёр лун.
Коми Республикалы тайӧ уджсикас гажыс торйӧн тӧдчана.
Россияса шахтёръяс славалӧн историяӧ миян регионса горнякъясӧн гижӧма уна бур лист бок.
Республикалӧн юбилейнӧй воӧ 100 во тырӧ и Коми муын из шом куйлӧдъяс туявны да перйыны заводитӧмсянь.
1921 воын вӧлі котыртӧма Войвыв научно-промыслӧвӧй экспедиция.
Экспедицияӧн юрнуӧдіс геолог Александр Чернов. Сійӧ медводдзаӧн пасйис Печора из шом бассейнлысь визьӧбсӧ.
Айму вӧсна Ыджыд тыш воясӧ воркутаса да интаса из шом шонтіс кытшӧ веськалӧм Ленинград да лоис странаса войвывлӧн шӧр ломтасӧн.
Талун Коми Республикаын уджалӧ из шом перъян 4 шахта — «Воркутаса», «Комсомольскӧй», «Заполярнӧй», «Воргашорса» да ӧти из шом разрез — «Юньягаса».
Шахта ногӧн перйӧны мусир и Ярегаса аслыспӧлӧс куйлӧдысь.
Шахтёр лун — уджсикас гаж тайӧ предприятиеясса став уджалысьлӧн, а сідзжӧ республикаса горноруднӧй промышленносьтса уджалысьяслӧн.
Шахтёръяслӧн уджыс абу кокни, сійӧс бӧрйӧны сӧмын повтӧм да кывкутысь йӧз.
Став сьӧлӧмсянь аттьӧала найӧс, кодъяслӧн олӧмыс йитчӧма сьӧкыд горняцкӧй уджкӧд, асьнысӧ жалиттӧм уджысь, бӧрйӧм уджсикаслы веськыдлунысь.
Крепыд дзоньвидзалун, семьяын шуд, тыр-бур олӧм да аскиа лунӧ эскӧм!»
Коми Республикаса Юралысь Владимир Уйба
{Kodko (комиӧдіс Обрезкова Н. А.) @ «Велӧдӧм» нацпроект: Комиын восьтісны медводдза школьнӧй «Кванториум» @ выльтор @ https://rkomі.ru/news/1260 @ 2021-08-29 @}
«Велӧдӧм» нацпроект: Комиын восьтісны медводдза школьнӧй «Кванториум»
Кыпыд церемонияӧ, мый вӧлі моз тӧлысь 26 лунӧ, пырӧдчис Коми Республикаса Юралысь Владимир Уйба.
«Кванториум» котыртӧма Сыктывкарын Пушкин нима гимназия подув вылын «Велӧдӧм» национальнӧй проект серти.
Сэні вермасны занимайтчыны оз сӧмын гимназистъяс, но и содтӧд тӧдӧмлун босьтан нырвизьяс серти велӧдчысьяс.
Выль шӧрин сетас позянлун сӧвмӧдны челядьлысь тӧдӧмлунъяс да креативнӧй кужанлунъяс биология, химия, физика, робототехника да вылыс технологияяс юкӧнъясын.
Быд нырвизьлӧн удж вылӧ оборудуйтӧма ыджыд лабораторияяс.
«Кванториум» подув вылын кутасны нуӧдны гожся лагеръяс тематическӧй профильнӧй сменаяс, карса велӧдчысьяслы велӧдан мероприятиеяс, велӧдысьяслы мастер-классъяс.
Татшӧм мероприятиеяссӧ позьӧ нуӧдны и онлайн-форматын.
Ковидлы паныд дзескӧдӧмъяс киритӧм бӧрын артавсьӧ котыртны велӧдан удж «Орбита» сыктывкарса микрорайонын олысь челядьлы.
Жыръяслысь дизайн-проектсӧ лӧсьӧдісны И. А. Куратов нима Сыктывкарса гуманитарно-педагогическӧй колледжын уджалысьяс.
Уджсӧ вылӧ донъялісны федеральнӧй тшупӧдын да вӧзйисны вӧдитчыны сійӧн Россияса мукӧд карын модельнӧй стандарт пыдди.
«Кванториумлысь» лабораторияяс видзӧдлӧм бӧрын Владимир Уйба пасйис, мый школаса технопарк лои ӧнія кадлы лӧсяланаӧн да лӧсьыдӧн.
«Ми восьтам ӧнія кадлы лӧсялана оборудованиеӧн могмӧдӧм выль велӧдан шӧринъяс, медым миян челядь каръясын да сиктъясын велӧдчисны окотапырысь, — пасйис Коми Республикаса Юралысь.
— Эска, мый «Велӧдӧм» нацпроект серти котыртана став тайӧ объектыс отсаласны ныв-зонлы велӧдчыны нӧшта на ыджыдджык интересӧн, а велӧдысьяс ӧнія оборудование отсӧгӧн вермасны котыртны велӧдан да быдтан-сӧвмӧдан удж выль тшупӧдын».
Школьнӧй «Кванториум» восьтӧмӧ пырӧдчисны Федеральнӧй Собраниелӧн Каналан Думаса депутат Ольга Савастьянова, Коми Республикаса Каналан Сӧветӧн Веськӧдлысь Сергей Усачёв, Коми Республикаса велӧдан, наука да том йӧз политика министр Наталья Якимова, Сыктывкарса мэр Наталья Хозяинова.
{Kodko (комиӧдіс Обрезкова Н. А.) @ Владимир Уйба сёрнитіс Сосногорск районса олан пунктъясын олысьяскӧд тӧдчана мытшӧдъяс да район водзӧ сӧвмӧдӧм йылысь @ выльтор @ https://rkomі.ru/news/1261 @ 2021-08-29 @}
Владимир Уйба сёрнитіс Сосногорск районса олан пунктъясын олысьяскӧд тӧдчана мытшӧдъяс да район водзӧ сӧвмӧдӧм йылысь
Моз тӧлысь 27 лунӧ Коми Республикаса Юралысь уджаліс Сосногорск районын, кӧні воліс ӧткымын объект вылӧ да аддзысьліс посёлокса олысьяскӧд.
Сосногорскын Владимир Уйба тӧдмасис кар артмӧдан предприятиелӧн — биару переработайтан заводлӧн производствоӧн («Газпром переработка» ичӧт кывкутана котырлӧн филиал).
Таво предприятиелы тырӧ 80 во.
Сійӧ пуктӧ тӧдчана пай карлысь да республикалысь промышленносьт да социальнӧй юкӧн сӧвмӧдӧмӧ.
Заводын уджалӧ сюрсысь унджык морт.
Сосногорскса ГПЗ перерабатывайтӧ биару, мусир да биару конденсат сорас, вӧчӧ кос отбензиненнӧй биару, кизьӧртӧм углеводороднӧй биару, биаруа стабильнӧй, техническӧй углеродлысь конденсат.
Вӧчӧ 8 сикас продукция, та лыдын и суйӧр сайӧ нуӧм вылӧ.
Владимир Уйбалы висьталісны завод сӧвмӧдан планъяс да вужвыйӧн вежӧм кежлӧ дасьтысьӧм йылысь.
Республикаса Юралысь сетіс Сосногорскса биару переработайтан заводса медбур уджалысьяслы «Коми Республикалы 100 во» юбилейнӧй медальяс.
«Кӧч тӧлысь 5 лунӧ ми пасъям Мусир да биару промышленносьтлы сиӧм лун, — пасйис Владимир Уйба.
— Коми Республикалы мусир да биару — экономика боксянь бур олӧмлы подув.
Тайӧ медальясыс — регионса экономика сӧвмӧдӧмӧ тіянӧн пай пуктӧмысь, тіян уджысь неыджыд аттьӧалан кыв.
Дзоньвидзалун тіянлы да тіян семьяяслы, тыр-бур олӧм, а производстволы — дзоридзалӧм».
Улыс Одес посёлокын Владимир Уйба воліс ӧти котельнӧйӧ.
Посёлокса олысьясӧс, социальнӧй объектъяс да предприятиеяс шоныдӧн могмӧдӧ «Теплосервис» ичӧт кывкутана котыр.
Предприятиеыс уджӧдӧ кык котельнӧй, кутшӧмъяс шонтӧны да могмӧдӧны пӧсь ваӧн уна патераа керкаяс, социальнӧй объектъяс да предприятиеяс.
Сідзжӧ регионса Юралысь тӧдмасис посёлокса нянь пӧжаланінлӧн уджӧн.
Предприятиеыс быд во вӧчӧ 600 тоннаысь унджык продукция.
Выльӧн на пӧжалӧм няньӧн могмӧдӧ оз сӧмын Улыс Одес, но и Керки, Вис посёлокъяс, Сосногорск да Ухта каръяс.
Пекарняын уджалӧ 15 морт.
«Войтырлӧн сьӧмкуд» проект отсӧгӧн (регионса Юралысьлӧн тшӧктӧм серти уджтассӧ могмӧдан сьӧм мындаыс тӧдчымӧн содіс) 2020 воын пекарня босьтіс нянь новлан выль автотранспорт, а 2021 воын — расстоечнӧй шкаф.
Владимир Уйба воліс Улыс Одес посёлокса Культура керкаӧ, тӧдмасис сылӧн уджын нырвизьясӧн.
Учреждениеыс уджалӧ посёлокса став школакӧд да детсадкӧд, Челядьлы творчество керкакӧд, искусство школакӧд.
Сылӧн подув вылын уджалӧ 64 котыр, кытчӧ ветлӧ матӧ нёль сюрс морт — челядь да ныв-зонпосни, том йӧз да ветеранъяс.
«Променад» бальнӧй йӧктан да «Экзерсис» эстраднӧй йӧктан ансамбльяс участвуйтӧны республикаса каръясын, регион суйӧр сайын мунысь фестивальяс, гажъяс, конкурсъяс да войтыркостса конкурсъяс вылын.
Культура керкалысь вевтсӧ колӧ дзоньтавны.
Дзоньталӧмыс заводитчас матысса кадӧ.
Коми Республикаса Юралысь Владимир Уйба сёрнитчис «ЛУКОЙЛ» йӧзлы восьса акционер котырӧн веськӧдлысьяскӧд регионса Веськӧдлан котыркӧд социальнӧй уджъёртасьӧм серти дзоньтасьӧм вылӧ сьӧм вичмӧдӧм йылысь.
Улыс Одесса культура керкаын республикаса Юралысь аддзысьліс олысьяскӧд.
Сёрнитісны туйяс, социальнӧй объектъяс дзоньталӧм да стрӧитӧм, медицина отсӧг сетӧм да дзоньвидзалун видзан учреждениеяс медицина оборудованиеӧн могмӧдӧм, пӧдлавны колана олан пунктъясысь мӧдлаӧ овны вуджӧдӧм, культураын уджалысь том специалистъяслы отсӧг сетӧм, велӧдан учреждениеясын терроризмысь видзӧм серти мероприятиеяс нуӧдӧм вылӧ субсидияяс вичмӧдӧм да уна мукӧдтор йылысь.
Владимир Уйба сетіс ӧткымын тшӧктӧм регионса Веськӧдлан котырлы мытшӧдъяс разьӧм да вӧзйӧмъяс видлалӧм серти, кутшӧмъясӧн олысьяс шыӧдчисны республикаса Юралысь дорӧ аддзысьлігӧн.
Уджыс кутас мунны районса администрациякӧд ӧтув.
Сідзжӧ Владимир Уйба сетіс посёлокса олысьяслы уна вося бур уджысь да регионӧс социальнӧй да экономика боксянь сӧвмӧдӧмӧ ыджыд пай пуктӧмысь «Коми Республикалы 100 во» юбилейнӧй медальяс.
Коми Республикаса Юралысьлӧн Сосногорск районӧ удж серти ветлігӧн мероприятиеясӧ пырӧдчисны республикаса министерствоясӧн да ведомствоясӧн юрнуӧдысьяс, Коми Республикалӧн Каналан Сӧветса депутат Руслан Магомедов, «Сосногорск» муниципальнӧй районса юралысь — администрацияӧн юрнуӧдысь Сергей Дегтяренко.
* * *
Коми Республикаса Юралысьлӧн тшӧктӧмӧн велӧдан юкӧнын заслугаясысь да уна вося бур уджысь «Коми Республикаса велӧдан юкӧнын почёта уджалысь» ним сетӧма
Наталья Викторовна Курбановалы — Улыс Одес посёлокын 5 №-а детсадса кагульничалы;
Коми Республикаӧс социальнӧй экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Владимир Петрович Пестовлы — Сосногорскса ГПЗ-лӧн 3 №-а цехын сменаса начальниклы;
Игорь Борисович Серебряковлы — Сосногорскса ГПЗ-лӧн 3 №-а цехын техническӧй углерод пӧлучитысь 6 разряда шӧр аппаратчиклы;
Андрей Викторович Поплавскихлы — Сосногорскса ГПЗ-лӧн 8 №-а цехын технологическӧй установкаяс дзоньталӧм серти 5 разряда слесарлы;
Евгений Георгиевич Садколы — Сосногорскса ГПЗ-лӧн 8 №-а цехын сменаса начальниклы;
Пётр Васильевич Гудымалы — «Сосногорск» муниципальнӧй районса Улыс Одес посёлоклӧн меставывса асвеськӧдлан органъясса ветеранлы;
Лидия Алексеевна Демаковалы — «Сосногорск» муниципальнӧй районса Керки посёлоклӧн меставывса асвеськӧдлан органъясса ветеранлы;
Ольга Никифоровна Корякиналы — Сосногорск районса ветеранъяслӧн организацияӧн веськӧдлысьлы;
культура да искусство видзӧмӧ, сӧвмӧдӧмӧ да паськӧдӧмӧ пай пуктӧмысь, уна во бура уджалӧмысь Коми Республикаса Юралыссянь Аттьӧалӧм сетӧма
Галина Валентиновна Кириленколы — Улыс Одес посёлокын Челядьлы искусство школаса директорлы.
{Kodko (комиӧдіс Обрезкова Н. А.) @ Владимир Уйба аттьӧаліс Воркутаса шахтёръясӧс героическӧй уджысь да Коми Республикаӧс сӧвмӧдӧмӧ пай пуктӧмысь @ выльтор @ https://rkomі.ru/news/1263 @ 2021-08-29 @}
Владимир Уйба аттьӧаліс Воркутаса шахтёръясӧс героическӧй уджысь да Коми Республикаӧс сӧвмӧдӧмӧ пай пуктӧмысь
Талун, моз тӧлысь 29 лунӧ, Воркутаӧ удж серти ветлігӧн Коми Республикаса Юралысь пырӧдчис из шом перйысьяслӧн лунлы сиӧм кыпыд собраниеӧ.
Владимир Уйба пасйис, мый сылы зэв нимкодь Из шом перйысьяслӧн лунӧ лоны воркутасаяскӧд.
Зэв тӧдчана, мый 100 во сайын, Коми Республика чужан воӧ, вӧлі котыртӧма Войвыв научно-промыслӧвӧй экспедиция. Сылӧн туялӧмъясыс пуктісны подув Печораса из шом бассейнлысь из шом куйлӧдъяс перйӧмлы.
10 во мысти Войкытш сайын заводитісны перйыны из шом, вӧлі котыртӧма из шом отрасль.
«Миян республикалы из шом отрасльлӧн тӧдчанлуныс зэв ыджыд, — пасйис Коми Республикаса Юралысь.
— Тані и кӧленаяслӧн история, из шом перйысь династияяс артман история, и страналӧн история.
Воркутаса из шом перйысьяс пуктісны донъявны позьтӧм пай миянлысь регион сӧвмӧдӧмӧ.
Буретш воркутаса из шом вайис эз сӧмын слава, но и ыджыд ыштӧд миянлысь войвыв му промышленнӧя сӧвмӧдӧмын».
Бур уджысь да ыджыд петкӧдласъясысь, Коми Республикаӧс социальнӧй да экономика боксянь сӧвмӧдӧмӧ пай пуктӧмысь Владимир Уйба сетіс воркутаса из шом перйысьяслы канму наградаяс да «Коми Республикалы 100 во» юбилейнӧй медальяс.
Тайӧ тӧдчана лунӧ Воркуталы сетісны Коми Республикаса Веськӧдлан котырсянь 50 миллион шайт вылӧ сертификат. Тайӧ сьӧмсӧ видзасны муниципальнӧй юкӧн мичмӧдӧм-бурмӧдӧм вылӧ.
Воркутаса мэр Ярослав Шапошниковлы сертификатсӧ сетіс регионлӧн Веськӧдлан котырса вице-премьер Галина Габушева.
Тайӧ жӧ луннас Веськӧдлан котырса делегация Владимир Уйбалӧн юрнуӧдӧм улын пуктіс дзоридзьяс «Войвыв» шахтаса шахтёръяслӧн да горноспасательяслӧн паметьлы сиӧм мемориал дорӧ.
Коми Республикаса Юралысьлӧн Воркутаӧ удж серти ветлігӧн мероприятиеясӧ пырӧдчисны Федеральнӧй Собраниелӧн Каналан Думаса депутат Ольга Савастьянова, Коми Республикалӧн Каналан Сӧветса депутат Руслан Магомедов, республикаса министерствоясӧн да ведомствоясӧн веськӧдлысьяс.
Моз тӧлысь 30 лунӧ Веськӧдлан котырса делегация волас удж серти Инта карӧ.
* * *
Россия Федерацияса энергетика министерстволӧн тшӧктӧдӧн бур уджысь, ыджыд петкӧдласъясысь «Шахтёрлӧн слава» 3 степеня отличие пас сетӧма:
Сергей Петрович Бондарьлы — «Комсомольскӧй шахтаын» из шом перъян 9 №-а участокса начальниклы;
Валерий Викторович Вернигоралы — «Комсомольскӧй шахтаын» из шом перъян 6 №-а участокса весалан забойын горнорабочӧйлы;
Игорь Николаевич Шурыгинлы — «Воркутаса шахтаын» шахта пытшкӧсса транспорт участокса начальникӧс вежысьлы;
«Шахтёрлӧн слава» 2 степеня отличие пас сетӧма:
Василий Алексеевич Остапюклы — «Воркутаса шахтаын» из шом перъян 9 №-а участокын мупытшса электрослесарлы;
Геннадий Степанович Слободянлы — «Воргашорса шахта» аэрологическӧя видзчысян, тӧлӧдан да лёк суӧмысь видзчысян участокса электрослесарлы, дежурнӧй да оборудование дзоньталысь слесарлы;
«Уджвывса слава» 3 степеня медаль сетӧма
Наталья Ивановна Рудяклы — «Заполярнӧй шахтаын» стационарнӧй установкаяс участокын лэптан машинаса машинистлы.
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Рифкат Ахметович Абдрахимовлы — «Комсомольскӧй шахтаын» из шом перъян 6 №-а участокса горнӧй выемочнӧй машинаясса машинистлы;
Салих Вагизович Билаловлы — Воркута карса ветеранъяслӧн Ӧтйӧза организацияӧн веськӧдлысьӧс вежысьлы, «Шахтёрлӧн слава» пасъяслӧн кавалерлы — 2 да 3 степеньяса, боевӧй тышъясса ветеранлы;
Надежда Никифоровна Васенковалы — «Печораса из шом бурмӧдан шӧр фабрика» «Воркутаса шахтаын» из шом бурмӧдан фабрикаын конвейерса машинистлы;
Владимир Иванович Дубиналы — «Воркутаса шахтаын» связь автоматизируйтан да электрооборудование дзоньталан участокын мупытшса электрослесарлы;
Сергей Иванович Криворучколы — «Воркутаса шахтаын» связь автоматизируйтан да электрооборудование дзоньталан участокса электрослесарлы, дежурнӧй да оборудование дзоньталысь слесарлы.
{Kodko (комиӧдіс Обрезкова Н. А.) @ Владимир Уйба тшӧктіс мынтыны удждон да мынтӧмъяс серти уджйӧз «Интауголь» акционер котырса удж вылысь мездӧм уджалысьяслы @ выльтор @ https://rkomі.ru/news/1265 @ 2021-08-30 @}
Владимир Уйба тшӧктіс мынтыны удждон да мынтӧмъяс серти уджйӧз «Интауголь» акционер котырса удж вылысь мездӧм уджалысьяслы
37 миллионысь унджык шайт мынтісны талун, моз тӧлысь 30 лунӧ.
Тырвыйӧ рӧштшӧт босьтасны бӧръяӧн мездӧм 67 морт, кодъяс помалісны шахтасӧ консервируйтӧм да ӧпастӧмлун могмӧдӧм серти мупытшса уджъяс.
Уджйӧзсӧ тырвыйӧ мынтыны кыв Коми Республикаса Юралысь Владимир Уйба сетіс кольӧм во предприятиеса уджалан котыркӧд аддзысьлігӧн.
Республикаса веськӧдлысьястӧг вештыны уджйӧзсӧ эз эськӧ артмы, сы вӧсна мый «Интауголь» акционер котырлӧн конкурснӧй массаын абу сы мында сьӧм да эмбур.
Предприятиелы отсалан ӧтувъя мындаыс (удждон да уджалысьяслы мынтӧмъяс, шахта консервируйтӧм да сылысь ӧпастӧмлун могмӧдӧм) Владимир Уйбалӧн уджалан кадколастӧ — 192 миллионысь унджык шайт.
*
Предприятие тупкӧм йылысь помшуӧмсӧ вӧлі примитӧма «Интауголь» акционер котырса директоръяслӧн сӧветӧн 2018 воын.
Предприятиелысь уджсӧ донъялӧмыс петкӧдліс, мый убыткатӧм тшупӧд вылӧ петны оз артмы, а предприятиесӧ тупкӧм талунъя экономика условиеясын — бытьӧн примитӧм помшуӧм.
Перъян сырьёлӧн да вӧчан продукциялӧн аслыспӧлӧслун, производстволӧн вузасян шӧринъясысь ылыслун эз сетны позянлун вештыны производствоса рӧскодсӧ.
Артмӧм ситуациясӧ тӧд вылын кутӧмӧн, 2021 воын Владимир Уйбалӧн тшӧктӧм серти Коми Республикаса Веськӧдлан котыр пыртіс Инта карсӧ регионса экономика диверсифицируйтан планӧ, кутшӧмӧс моз тӧлысьын вынсьӧдіс Россияса экономика сӧвмӧдан министерство.
Плансӧ веськӧдӧма из шом перйӧмкӧд абу йитчӧм юкӧнъясын инвестиция проектъяс збыльмӧдӧм, торъя экономика зонаяс лӧсьӧдӧм да предпринимательстволы отсалӧм вылӧ.
Интаын кӧсйӧны лӧсьӧдны кальцийлысь карбидъяс да ферросплавъяс вӧчан завод, кутшӧмъяс ёна колӧны стрӧитчан, нефтехимическӧй да металлургическӧй юкӧнъясын.
А «ЗЖБИ Арктика» кӧрт бетона изделиеяс вӧчан заводын кӧсйӧны лэдзны кӧрт бетона продукция Комилӧн да орчча регионъяслӧн войвыв, арктика мутасъясын коланлун тӧд вылын кутӧмӧн.
Чайтсьӧ, мый уджалан местаяс карлы сетас вужвыйӧн вежӧм бӧрын «Инта Приполярная» агрохолдинг.
{Kodko (комиӧдіс Обрезкова Н. А.) @ Владимир Уйба висьталіс Интаса олысьяслы Арктика зонаса резидентъяслӧн инвестиция проектъяс йылысь @ выльтор @ https://rkomi.ru/news/1269 @ 2021-09-01 @}
Владимир Уйба висьталіс Интаса олысьяслы Арктика зонаса резидентъяслӧн инвестиция проектъяс йылысь
Юӧртӧм инвестицияяслӧн ӧтувъя йӧрышыс — 4,7 миллиард шайт, выль уджалан местаяслӧн арталана лыд — 793.
Та йылысь Коми Республикаса Юралысь висьталіс вой кытшдорса карын олысьяскӧд аддзысьлігӧн.
Моз тӧлысь 30 лунӧ аддзысьлӧм вылын вӧліны Федеральнӧй Собраниелӧн Каналан Думаса депутат Ольга Савастьянова, Коми Республикалӧн Каналан Сӧветса депутат Руслан Магомедов, республикаса министерствоясӧн да ведомствоясӧн юрнуӧдысьяс.
Интаӧ удж серти ветлӧмыс заводитчис «Шахтёрлӧн слава» скверын паметь из дорӧ дзоридзьяс пуктӧмсянь.
Веськӧдлан котырса делегация Владимир Уйбалӧн юрнуӧдӧм улын казьтыштіс пӧгибнитӧм из шом перйысьясӧс.
Сэсся Коми Республикаса Юралысь видзӧдліс автомашина туйлысь участок карсянь Вылыс Инта посёлокӧдз, кӧні сулалӧ кӧрт туй вокзал.
Участоксӧ, кыті ветлӧдлӧ школаса автобус, колӧ капитальнӧя дзоньтавны.
«Менам тшӧктӧм серти, 2022 восянь Коми Республикаса туй фондысь став сьӧмсӧ [5 миллион гӧгӧр шайт, — пасйӧд] лоӧ веськӧдӧма школьнӧй маршрутъяс нормативъясӧдз вайӧдӧм вылӧ.
Республикаса Юралысь тшӧктіс Коми Республикаса стрӧитчан министерстволы пыртны тайӧ туй участоксӧ лӧсялана планӧ», — пасйис Коми Республикаса Юралысь.
Удж серти ветлӧм помасигӧн Коми Республикаса Юралысь аддзысьліс Интаса олысьяскӧд, кӧні вочавидзис йӧзӧс майшӧдлан юалӧмъяс вылӧ.
На лыдын — медицина отсӧглӧн судзсянлун, Интаса ТЭЦ биару вылӧ вуджӧдӧм, ылі сикт-грездъяс мобильнӧй связьӧн да ӧтуввезйӧн могмӧдӧм, туйяс дзоньталӧм.
Владимир Уйба висьталіс Интаын выль производствояс да выль уджалан местаяс лӧсьӧдӧм серти регионса Веськӧдлан котырӧн примитан мераяс йылысь.
Вой кытшдорса карлысь водзӧ вылӧ зумыда социальнӧй да экономика боксянь сӧвмӧмсӧ Коми Республикаса Юралысь йитӧ медводз россияса Арктика сӧвмӧмкӧд.
«Кольӧм во республикаса Веськӧдлан котырлӧн артмис Воркутакӧд тшӧтш пыртны Россия Федерацияса сухопутнӧй Арктика зонаӧ Инта, Усинск каръяс да Чилимдін район.
Тайӧ зэв ыджыд вермӧм.
И тайӧ зэв тӧдчана, сы вӧсна мый ӧні тайӧ муниципалитетъясас инвесторъяслы эм федеральнӧй оланпастэчасӧн урчитӧм зэв ыджыд преференцияяс, вот кокньӧдъяс.
Дерт, татшӧм условиеясыс кутасны отсавны сӧвмӧдны Интаын ыджыд, шӧр да ичӧт бизнес», — пасйис Владимир Уйба.
Ӧні мунӧ удж Коми Республикаын Арктика зонаса лоны вермана резидентъяслысь да проектъяслысь реестр лӧсьӧдӧм серти водзӧ видлалӧм да уджавны заводитӧм могысь, сёрниыс мунӧ и Россия Федерацияса Арктика зоналӧн Инвестиция порталын йӧзӧдӧмаяс йылысь (www.arctіc-russіa.ru).
Интасянь регистрируйтӧма 12 проект.
Тайӧ уна сикас нырвизя проектъяс — мусир да биару корсьӧм да туялӧм, кориз да лыа-галя из сорас перйӧм да переработайтӧм, посньӧдлӧм из да стрӧитчан материалъяс вӧчӧм, техногеннӧй из шом колясъяс переработайтӧм да модифицируйтӧм из шом ломтас вӧчӧм, «Манарага» медитация шӧрин, автомашинаяс могмӧдан сервиса таксопарк лӧсьӧдӧм, чери кыян тӧвар вӧчӧм.
Интаын кӧсйӧны лӧсьӧдны кальцийлысь карбидъяс да ферросплавъяс вӧчан завод, кутшӧмъяс ёна колӧны стрӧитчан, нефтехимическӧй да металлургическӧй юкӧнъясын.
А карса «ЗЖБИ Арктика» кӧрт бетона изделиеяс вӧчан заводын кӧсйӧны лэдзны кӧрт бетона продукция Комилӧн да орчча регионъяслӧн войвыв, арктика мутасъясын коланлун тӧд вылын кутӧмӧн.
Чайтсьӧ, мый уджалан местаяс карлы сетас вужвыйӧн вежӧм бӧрын «Инта Приполярная» агрохолдинг.
Воркута да Инта монокаръяс сӧвмӧдӧм, тайӧ каръясас выль производствояс да предприятиеяс лӧсьӧдӧм серти Коми Республикаса Юралысь Владимир Уйбалысь водзмӧстчӧмсӧ ошкис Россия Федерацияса экономика сӧвмӧдан министр Максим Решетников.
Сійӧ удж серти воліс Коми Республикаӧ моз тӧлысь 13–14 лунъясӧ.
Водзджык Россияса экономика сӧвмӧдан министерство вынсьӧдіс 2026 воӧдз кадколаст кежлӧ Коми Республикаса экономика диверсифицируйтан мероприятиеяслысь план, кытчӧ пыртӧма и вылынджык индӧм проектъяссӧ.
«Ме эска, мый сухопутнӧй арктика зоналӧн выль статус сетас Инталы аскиа лун вылӧ бур лача. И ӧні нин ньӧжйӧник карыс петӧ сӧвмӧмлӧн выль тшупӧд вылӧ, тшӧтш и промышленносьтын», — кывкӧрталіс Коми Республикаса Юралысь.
Аддзысьлігӧн Владимир Уйба сетіс Инта районса олысьяслы канму наградаяс да «Коми Республикалы 100 во» юбилейнӧй медальяс.
* * *
Россия Федерацияса Президентлӧн Индӧдӧн коронавирус инфекциякӧд тыш нуӧдӧмӧ ыджыд пай пуктӧмысь, йӧз вӧсна тӧждысьӧмысь да уджсӧ зэв бура тӧдӧмысь, мый тӧдчис врачлысь кывкутана мог олӧмӧ пӧртігӧн, Пирогов орден сетӧма
Анна Станиславовна Соколовалы — «Инта карса шӧр больнича» канму учреждениеса терапия юкӧнӧн веськӧдлысьлы;
Йӧзлысь дзоньвидзалун видзан юкӧнын заслугаясысь да уна вося бур уджысь «Россия Федерацияса нимӧдана врач» почёт ним сетӧма
Галина Викторовна Савельевалы — «Инта карса шӧр больнича» канму учреждениеса врачлы.
Россия Федерацияса Президентлӧн тшӧктӧмӧн физическӧй культура да спорт сӧвмӧдӧмын заслугаясысь Россия Федерацияса Президентсянь Почёт грамота сетӧма
Сергей Николаевич Болтинскийлы — «Юность» спорт школа» муниципальнӧй сьӧмкуд учреждениеса тренерлы;
коронавирус инфекциякӧд тыш нуӧдӧмӧ ыджыд пай пуктӧмысь, йӧз вӧсна тӧждысьӧмысь, мый тӧдчис кывкутана мог олӧмӧ пӧртігӧн, Россия Федерацияса Президентсянь Аттьӧалӧм сетӧма
Ольга Серафимовна Соловьевалы — «Инта карса шӧр больнича» канму учреждениеса медыджыд медицина сестралы.
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Роман Ярославович Дудяклы — Коми Республикаса из шом перъян юкӧнса ветеранлы;
Валерий Викторович Кожеватовлы — Коми Республикаса из шом перъян юкӧнса ветеранлы;
Сергей Алексеевич Можаевлы — Коми Республикаса из шом перъян юкӧнса ветеранлы;
Григорий Дмитриевич Процивлы — Коми Республикаса из шом перъян юкӧнса ветеранлы.
{Kodko (комиӧдіс Обрезкова Н. А.) @ Тӧдӧмлунъяс лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1270 @ 2021-09-01 @}
Тӧдӧмлунъяс лункӧд йитӧдын Коми Республикаса Юралысьлӧн шыӧдчӧм
«Республикаса пыдди пуктана олысьяс!
Дона велӧдысьяс да бать-мам, детсадса челядь, школьникъяс да студентъяс!
Ар медводдза лунӧ ми пасъям Тӧдӧмлунъяс лун.
Кӧч тӧлысь ӧтиӧд лунӧ Коми Республикаын 53 сюрсысь унджык челядь мунасны детсадъясӧ, 102 сюрс школьник пуксясны партаяс сайӧ, а 40 сюрс студент кутасны велӧдчыны асланыс уджсикасӧ шӧр специальнӧй да вылыс тшупӧда велӧдчанінъясын.
Мунны тайӧ абу кокни, но интереснӧй туйӧд налы кутасны отсавны матӧ 18 сюрс велӧдысь.
Тӧдӧмлунъяс лун — миян ӧтувъя гаж.
Сійӧ дона быдӧнлы, коді велӧдчӧ, велӧдчыліс да велӧдӧ.
Велӧдысьяслы — тайӧ уджын выль тшупӧд, верстяммыштӧм быдтасъяскӧд аддзысьӧм.
Челядьлы — ёртъяскӧд аддзысьӧм, вермӧмъяс да выльтор тӧдмалӧм, тӧдӧмлунъяс босьтан сьӧкыд уджлӧн заводитчӧм.
Бать-мамлы — челядь вӧсна майшасьӧм, а сідзжӧ налӧн вермӧмъяс вӧсна радлун.
Пыдди пуктана верстьӧяс!
Вай вӧчамӧй ставсӧ, медым миян челядьлӧн тӧдӧмлунъяс мирӧ туйыс вӧлі интереснӧйӧн, кысканаӧн да бурӧн.
Кутам ӧтлаын — велӧдысьяс да бать-мам — отсавны налы сьӧкыд здукӧ, чуйдыны да индыны, радлыны вермӧмъяслы.
Дона велӧдчысьяс!
Тӧдӧмлунъяс — вермӧмъяс шедӧдӧмын да тыр-бур олӧмӧ ключ, мед кӧть тайӧ тӧдӧмлунъяссӧ босьтӧма детсадйын, школаын, техникумын либӧ вузын.
Лоӧй тӧдны кӧсйысьясӧн, зільӧй унджык тӧдны да гӧгӧрвоны!
Ми кутам лача тіян вылӧ.
Ті — миян талунъя да аскиа лун».
Коми Республикаса Юралысь Владимир Уйба
{Kodko (комиӧдіс Обрезкова Н. А.) @ Коми Республикаса власьтъяс урчитісны ылі мутасъясын олысьяслы специализируйтӧм консультативнӧй медицина отсӧг сетан ног @ выльтор @ https://rkomi.ru/news/1271 @ 2021-09-01 @}
Коми Республикаса власьтъяс урчитісны ылі мутасъясын олысьяслы специализируйтӧм консультативнӧй медицина отсӧг сетан ног
2022 восянь республикаын заводитас уджавны ветлан медицина бригада.
Сійӧ кутас ветлыны республикаса сьӧкыда воӧдчан да ылі мутасъясӧ олысьясӧс медицина боксянь обследуйтӧм могысь.
Та йылысь Княжпогост районса олысьяскӧд аддзысьлігӧн висьталіс Коми Республикаса Юралысь Владимир Уйба.
Аддзысьлӧмыс вӧлі моз тӧлысь 31 лунӧ Мещура посёлокын.
Аддзысьлӧм вылын вӧліны республикаса министерствоясӧн да ведомствоясӧн юрнуӧдысьяс.
Ветлан бригадаын лоас векни профиля 16 специалист, на лыдын и челядьӧс бурдӧдысьяс.
Регионса Йӧзлысь дзоньвидзалун видзан министерство юӧртіс врачьяс костын став Россияса конкурс.
Во помӧдз республикаӧ воас ветлан медицина бригадалӧн удж вылӧ специализируйтӧм транспорт.
Тайӧ прицепа полнӧй привода автомашина, кӧні эм маммограф, флюорограф да УЗИ аппарат.
«Кольӧм во, кор ме медводдзаысь ветлі республикаті, меным пӧшти быд районын висьталісны, мый оз тырмыны консультацияяс векни профиля специалистъяслӧн, — пасйис Владимир Уйба.
— Дерт, разьны тайӧс мытшӧдсӧ здукӧн да быд олан пунктын вӧлі эськӧ сьӧкыд.
Та вӧсна ми шуим котыртны врачьяслысь торъя бригада, коді кутас ветлыны сэтчӧ, кӧні найӧ торйӧн нин колӧны — сьӧкыда воӧдчан да ылі мутасъясӧ.
Ӧні ми Россия пасьтала корсям медикъясӧс, кодъяслӧн эм тырмымӧн опыт, уджсикасын тӧдӧмлунъяс, да кодъяс дасьӧсь уджавны татшӧм полевӧй условиеясын».
Мещураса олысьяс сідзжӧ юасисны республикаса Юралысьлысь Княжпогост районса шӧр больничаысь врачебнӧй бригадалӧн ветлан график йылысь.
Таво бригадаыс посёлокас абу на волӧма.
Йӧзлысь дзоньвидзалун видзан министрлысь могъяс олӧмӧ пӧртысь Игорь Дягилевлӧн кывъяс серти, 2021 воын Княжпогост РШБ-ысь специалистъяслы вӧлі арталӧма волыны Мещураӧ кыкысь — косму да ӧшым тӧлысьясӧ.
Мунны позьтӧм туй вӧсна тулыснас врачьяс эз вермыны волыны.
Тӧвнас найӧ быть воласны.
Ковмас кӧ, районса больнича кутас вайӧдны ылі пунктъясын олысьясӧс обследуйтӧм да приём вылӧ Емваӧ.
Помассьӧ посёлокса фельдшер-акушер пункт капитальнӧя дзоньталӧм.
Таво стрӧйба выльмӧдӧм вылӧ вӧлі вичмӧдӧма 1,6 миллион шайт.
Пӧдрадчик вежис вевтсӧ, кутас вежны ӧшиньяссӧ, дзоньтавны пыранінсӧ, вӧчас косметика ремонт, вежас пӧжарысь видзан автоматизируйтӧм сигнализация система да пӧжар йылысь юӧртан система.
Таысь кындзи, таво Княжпогост районса шӧр больничалы сетасны 2 выль автомашина.
Коми Республикаса Юралысьлӧн олысьяскӧд аддзысьлігӧн сёрнитісны социальнӧй объектъяс, туйяс стрӧитӧм да дзоньталӧм, биаруӧн могмӧдӧм, этша челядя школаяс могмӧдӧм, мобильнӧй связьӧн да ӧтуввезйӧн могмӧдӧм, медицина отсӧг да велӧдӧм йылысь.
Владимир Уйба сетіс регионса Веськӧдлан котырлы ӧткымын тшӧктӧм висьталӧм мытшӧдъяссӧ разьӧм да сетӧм вӧзйӧмъяссӧ видлалӧм серти.
Уджсӧ кутасны нуӧдны районса администрациякӧд ӧтув.
Мещура посёлокын Владимир Уйба видзӧдліс «Войтырлӧн сьӧмкуд» проект серти вӧчӧм да мичмӧдӧм-бурмӧдӧм объектъяс.
Посёлокса олысьяс зіля пырӧдчӧны тайӧ уджӧ.
2019 воын вӧлі дзоньталӧма ывлавывса бияс, 2020 воын — вӧчӧма спорт площадка, вужвыйӧн вежӧма Слава обелиск, бурмӧдӧма-мичмӧдӧма обелиск гӧгӧр мутассӧ.
2021 воын конкурс пыр прӧйдитіс 5 проект.
Помалӧма дзоньтавны сиктса культура керкаын ломтысян система да дзоньталӧма детсадса вевт, сувтӧдӧма контейнеръяслы площадка.
Дзоньталасны Легча шор вомӧн пос да стрӧитасны юкмӧс.
«Народнӧй сьӧмкуд» проект — республикаса кар-районъясын олысьяслысь водзмӧстчӧмъяс олӧмӧ пӧртан збыль уджалысь механизм, — тӧдчӧдіс Коми Республикаса Юралысь.
— Сійӧ зэв колана.
Мещураса олысьяс асланыс пример вылын петкӧдлісны, мый сикт овмӧдчӧминын позьӧ да колӧ вежны олӧмсӧ бурлань ас водзмӧстчӧмӧн».
{Kodko (комиӧдіс Обрезкова Н. А.) @ Коми Республикаын стрӧитӧны вонас 8 миллион быдтас вылӧ вӧр питомник @ выльтор @ https://rkomi.ru/news/1282 @ 2021-09-02 @}
Коми Республикаын стрӧитӧны вонас 8 миллион быдтас вылӧ вӧр питомник
Проектсӧ збыльмӧдӧ Луздор районса Занулльӧ сиктын регионса вӧр переработайтан гырысь предприятие — «Лузалес» ичӧт кывкутана котыр.
Кӧч тӧлысь 2 лунӧ Луздор районӧ удж серти ветлігӧн объект вылӧ воліс Коми Республикаса Юралысь Владимир Уйба.
Вӧр питомникын лоӧ 4 теплича, быдӧнлӧн ыдждаыс — 2500 квадратнӧй метра.
Тепличаясын лоӧ сувтӧдӧма автоматическӧя киськалысь да лӧсялана температура режим кутысь оборудование.
Вӧр питомникын кутасны быдтыны пожӧмлысь да козлысь тупкыса вуж системаа быдтасъяс, медым садитны найӧс вӧр лэдзан мутасъясын пӧрӧдӧм вӧр пыдди.
Артавсьӧ, мый вӧр питомник заводитас уджавны 2022 воын.
«Коми Республикаса Веськӧдлан котыр ошкӧ «Лузалес» котырлысь вӧр питомник стрӧитӧм йылысь водзмӧстчӧмсӧ.
Тайӧ бур, коланнога туй — абу сӧмын вӧдитчыны, но и бӧр рӧдмӧдны.
Вӧр — тайӧ озырлун, да сыкӧд колӧ вӧдитчыны кӧзяин моз», — пасйис Владимир Уйба.
Коми Республикаса Юралысь видзӧдліс 2014 восянь уджалысь «Лузалес» компаниялысь производственнӧй базасӧ.
Тані лӧсьӧдӧма уджалысьяслӧн удж да шойччӧм вылӧ став условиесӧ — олан керкаяс, столӧвӧй, пывсян да песласян комплекс, дзоньтасян база, заправитчанін, котельнӧй, токарнӧй да моторнӧй цехъяс, баланс пу недыр кад видзан склад.
Занулльӧса база вылын уджалӧ 568 морт.
Предприятиеыс пӧрӧдӧ вӧрсӧ Спаспорубса, Занулльӧса, Лоймаса да Абъячойса лесничествоясын.
Спаспоруб сиктын Владимир Уйба тӧдмасис потребительскӧй котырлӧн уджӧн.
Предприятиеыс вузасьӧ розничнӧя, пӧжалӧ нянь да пызьысь кондитерскӧй вӧчас.
Эм асланыс столӧвӧй да луннас 0,5 тонна продукция пӧжалысь пекарня.
Котырлӧн 13 вузасян места, а сідзжӧ сійӧ вузасьӧ выезднӧя.
Абъячой сиктын Коми Республикаса Юралысь видзӧдліс, кыдзи стрӧитӧны 600 места вылӧ школа.
Проект серти колӧ кыпӧдны кирпичысь куим судтаа стрӧйба.
Мутасас лоӧ кык машина вылӧ гараж да пӧжар кусӧдысь насоса станция.
Талун кежлӧ лӧсьӧдӧма пӧжарнӧй резервуаръяс вылӧ котлован, на вылӧ да насоса станция вылӧ фундаментъяс.
Мунӧны школа улӧ сваяяс тувъялӧм да монолитнӧй фундамент вӧчӧм серти уджъяс.
Юрсиктын Владимир Уйба видзӧдліс Культура да прӧст кад коллялан шӧрин, кӧні «Культура» национальнӧй проект серти нуӧдӧны капитальнӧя дзоньталӧм.
Стрӧйбаас вежӧма инженернӧй везъяссӧ, вевтсӧ да ӧшиньяссӧ.
Пытшкӧсса отделочнӧй уджъяссӧ вӧчӧма 50 % вылӧ, фасадас — 70 % вылӧ.
Колӧ на вӧчны тӧлӧдан система да бурмӧдны-мичмӧдны мутассӧ.
Луздор районӧ удж серти ветлігӧн республикаса Юралысь аддзысьліс олысьяскӧд, уна вося бур уджысь да регионӧс социальнӧй да экономика боксянь сӧвмӧдӧмӧ пай пуктӧмысь сетіс канму наградаяс да «Коми Республикалы 100 во» медальяс.
Аддзысьлӧмъяс вылын сёрнитісны туйяс да социальнӧй объектъяс стрӧитӧм да дзоньталӧм, олан пунктъяс биаруӧн могмӧдӧм, асшӧр уджалысьяслы отсӧг сетӧм, медицина отсӧг сетӧм, лекарствоӧн могмӧдӧм, сиктын том специалистъяслы отсӧг сетӧм, ылі олан пунктъяс зумыд мобильнӧй связьӧн могмӧдӧм да уна мукӧдтор йылысь.
Владимир Уйба сетіс регионса Веськӧдлан котырлы ӧткымын тшӧктӧм олысьясӧн висьталӧм мытшӧдъяс разьӧм да сетӧм вӧзйӧмъяс видлалӧм серти.
Уджсӧ кутасны нуӧдны районса администрациякӧд ӧтув.
* * *
Коми Республикаса Юралысьлӧн тшӧктӧмӧн вузасян юкӧнын заслугаясысь да уна вося бур уджысь «Коми Республикаса вузасян юкӧнын почёта уджалысь» ним сетӧма
Валентина Анатольевна Трофимовалы — «Нивушка» ичӧт кывкутана котырса медыджыд директорлы;
уна во сьӧлӧмсянь да бура уджалӧмысь «Уджын повтӧмлун» Коми Республикаса отличие пас сетӧма
Владимир Иванович Смолевлы — «Луздор» муниципальнӧй районлӧн администрацияса водительлы;
коронавирус инфекция паськалан кадӧ уджсӧ бура тӧдӧмысь да йӧз вӧсна тӧждысьӧмысь Коми Республикаса Юралыссянь Аттьӧалӧм сетӧма:
Галина Ивановна Косолаповалы — Луздор районса олысьясӧс социальнӧя доръян юкӧнын канму услугаяс сетан шӧринлӧн стационарнӧй юкӧнӧн заведуйтысьлы;
Наталия Николаевна Ридванлы — Луздор районса олысьясӧс социальнӧя доръян юкӧнын канму услугаяс сетан шӧринлӧн стационарнӧй отделениеын висьысьяс бӧрся видзӧдысь ичӧт медицина сестралы;
Валентина Викторовна Седричевалы — Луздор районса олысьясӧс социальнӧя доръян юкӧнын канму услугаяс сетан шӧринлӧн стационарнӧй отделениеын висьысьяс бӧрся видзӧдысь ичӧт медицина сестралы.
Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Василий Александрович Гуторовлы — Коми Республикаын меставывса асвеськӧдлан органъясса ветеранлы;
Иван Михайлович Ложкинлы — Коми Республикаын видз-му овмӧс юкӧнса ветеранлы, ӧтйӧза уджалысьлы.
{Kodko (комиӧдіс Обрезкова Н. А.) @ Коми Республикаса Веськӧдлан котыр примитӧ мераяс выезднӧй медицина служба сӧвмӧдӧм серти @ выльтор @ https://rkomi.ru/news/1278 @ 2021-09-03 @}
Коми Республикаса Веськӧдлан котыр примитӧ мераяс выезднӧй медицина служба сӧвмӧдӧм серти
Выезднӧй медицина отсӧг сетан удж бурмӧдӧм серти Коми Республикаса Юралысь Владимир Уйбалысь тшӧктӧмсӧ збыльмӧдӧмлы вӧлі сиӧма сӧвещание. Сӧвещаниесӧ нуӧдіс Коми Республикаса Веськӧдлан котырӧн Юрнуӧдысьӧс вежысь Лариса Карачёва.
Талун кежлӧ врачьяслӧн выезднӧй бригада уджалӧ Сыктывкарса Консультативно-диагностическӧй шӧрин подув вылын.
Сы йылысь, кыдзи мунӧ уджыс, висьталіс учреждениеса юралысь врач Ирина Ипатко.
Диагностическӧй шӧринса специалистъяс пӧшти быд вежон ветлӧны республикаса кар-районъясӧ олысьяслы медицина отсӧг сетӧм могысь.
Кыдз петкӧдлӧ практика, татшӧм отсӧгсӧ ёна виччысьӧны, торйӧн нин сиктъясын.
Сьӧкыда воӧдчан олан пунктъясын абуӧсь векни профиля специалистъяс, да татшӧм пунктъясса олысьяслӧн лоӧ позянлун прӧйдитны колана обследованиеяс да босьтны консультацияяс республикаса юркарӧ ветлытӧг.
Выезднӧй бригадаса специалистъяслӧн уджыс отсалӧ аддзыны висьӧмсӧ водз, да ас кадӧ заводитны бурдӧдны висьысьсӧ.
Медводдза во джыннас врачьяслӧн выезднӧй бригада видзӧдліс нёль сюрсысь унджык пациентӧс, кызвынас сиктса олысьясӧс (3800 морт).
Матысса кадӧ специалистъяс мӧдӧдчасны Изьваӧ да Сосногорскӧ.
— Республикаса Юралысь Владимир Викторович Уйбалӧн водзмӧстчӧм серти Веськӧдлан котыр лӧсьӧдіс врачьясӧс выезднӧй бригадалӧн уджӧ кыскӧм вылӧ торъя ыштӧдъяс.
Ёнакодь содтӧма выезднӧй медицина специалистъяслысь удждон, вичмӧдӧма выезднӧй бригадаӧ кыскан квалифицированнӧй врачьясӧс патераӧн могмӧдӧм вылӧ сьӧм.
Таысь кындзи, кӧсйӧны выльысь оборудуйтны Сыктывкарын Консультативно-диагностическӧй шӧринбердса туйвыв керкаысь жыръяс.
Выезднӧй уджлысь ногтуйсӧ кыпӧдӧмын нӧшта ӧти тӧдчана тшупӧдӧн лоӧ ӧнія оборудованиеа мобильнӧй диагностическӧй комплекс ньӧбӧм, мый воас миянӧ регыдъя кадӧ, — пасйис Лариса Карачёва.
Сӧвещаниеса помшуӧмъяс серти республикаса Йӧзлысь дзоньвидзалун видзан министерстволы сетӧма тшӧктӧм нюжмасьтӧг котыртны республикаса бурдӧдан учреждениеяскӧд удж республикаса врачьяслӧн бригада воигкежлӧ местаяс вылын бурджыка дасьтысьӧм серти.
Колӧ кыдз позьӧ ёнджыка нуӧдны кар-районъясса больничаясын пациентъясӧс водзвыв обследуйтӧм серти удж, мый отсалас выезднӧй бригадаса врачьяслы пуктыны стӧч диагноз да индыны бурдӧдчӧм.
— Миян мог — вӧчны сідзи, медым кыдз позьӧ унджык пациент, кодлы колӧ векни профиля специалистъяслӧн консультация, вермисны босьтны тайӧ отсӧгсӧ.
Та вӧсна врачьяслӧн бригада воигкежлӧ колӧ разьны став котыртан мытшӧдсӧ.
Колӧ стӧча дасьтыны специалистъясӧс корӧм вылӧ заявкаяс, лӧсьӧдны воӧм врачьяслы жыръяс, уджалан местаяс, приём вылӧ ыстӧм пациентъяслысь списокъяс.
Тайӧ уджыс оз кор содтӧд сьӧм, но отсалас октаджыка видзны выезднӧй бригадаса врачьяслысь уджалан кадсӧ, — сувтӧдіс мог Веськӧдлан котырӧн Юрнуӧдысьӧс вежысь.
Кыдзи юӧртісны сӧвещание вылын, ӧні дасьтыссьӧ механизм, мый серти быд пациент йылысь юӧрыс кутас воны Консультативно-диагностическӧй шӧринӧ бригадаӧн туйӧ петтӧдз.
Тайӧ тшӧтш отсалас водзвыв донъявны нуӧдӧм обследованиеяслысь тырлунсӧ, индыны содтӧд мероприятиеяс да бурдӧдӧмлысь план.
{Kodko (комиӧдіс Обрезкова Н. А.) @ Коми Республикаса ӧткымын олысьлы сетісны канму наградаяс @ выльтор @ https://rkomi.ru/news/1279 @ 2021-09-03 @}
Коми Республикаса ӧткымын олысьлы сетісны канму наградаяс
«Коми Республикаса канму наградаяс сетӧм йылысь» Коми Республикаса Юралысьлӧн 2021 во кӧч тӧлысь 2 лунся 106 №-а Индӧд
1. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
Олег Яковлевич Беззубовлы — Транспорт юкӧнын дӧзьӧр нуӧдысь федеральнӧй службалӧн Рытыв-Войвыв Федеральнӧй кытшын канму авиация дӧзьӧрӧн да транспорт вылын видзчысянлун бӧрся дӧзьӧрӧн веськӧдланінса начальникӧс вежысьлы — веськӧдланінын авиация бӧрся канму дӧзьӧр нуӧдысь Коми мутас юкӧнса начальниклы, Сыктывкар;
Валиахмад хазрат Гаязовлы (Винир Рифкатович Гаязовлы) — Коми Республикаса Муфтийлы — «Коми Республикаын мусульманалӧн духовнӧй веськӧдланін» шӧр религиознӧй организацияӧн веськӧдлысьлы, Усинск кар;
Анна Владимировна Долгиналы — «Удора» муниципальнӧй районлӧн администрацияса аппаратӧн юрнуӧдысьлы;
Михаил Борисович Ивановлы — Коми Республикаса Юралысьлӧн Администрацияын торъя связь юкӧнса начальниклы;
Валентина Павловна Майбуровалы — «Коми республиканскӧй типография» ичӧт кывкутана котырын финансъяс да экономика серти директорлы, Сыктывкар;
Леонид Владимирович Пищальниковлы — «Комиавиатранс» акционер котырса лётно-методическӧй юкӧнын аэронавигационнӧй юӧр серти штурманлы, Сыктывкар;
Людмила Вениаминовна Поповалы — «Бухгалтерия боксянь могмӧдан шӧрин» Коми Республикаса канму казённӧй учреждениеын Коми Республикаса сьӧм овмӧс министерстволысь удж могмӧдан юкӧнӧн заведуйтысьӧс вежысьлы, Сыктывкар;
Александр Иванович Рымарьлы — Ньӧбысьяслысь инӧдъяс да мортлысь бур олӧм доръян юкӧнын дӧзьӧр нуӧдысь федеральнӧй службалӧн Коми Республикаын веськӧдланінлӧн санитарнӧй дӧзьӧр юкӧнса начальниклы, Сыктывкар;
Сергей Борисович Сабуровлы — «Автохозяйство» Коми Республикаса канму сьӧмкуд учреждениеын медводдза класса водительлы, Сыктывкар;
Галина Николаевна Табаленковалы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса Федеральнӧй канму сьӧмкуд наука учреждениелӧн Россияса наукаяс академиялӧн Урал юкӧнса Коми наука шӧринлӧн Биология институтын быдмӧгъяслӧн экологическӧй физиология лабораторияса наука туялысьлы;
Надежда Никодимовна Халиналы — «Мылдінса лесничество» Коми Республикаса канму учреждениелӧн Улыс Омраса участковӧй лесничествоын участковӧй лесничӧйлы;
Иван Семенович Чухненколы — Коми Республикаса стрӧитчан, оланін да техническӧй дӧзьӧр (контроль) службалӧн Сыктывкарын, Кӧрткерӧс, Сыктывдін да Кулӧмдін районъясын стрӧитчӧм бӧрся видзӧдан канму инспекцияса начальниклы;
Игорь Рихардович Шиклы — «Ухтаса экспериментально-механическӧй завод» пӧдса акционер котырын ӧтувъя юалӧмъяс серти директорӧс вежысьлы.
2. Коми Республикалӧн бур вылӧ уна вося бур уджысь Коми Республикаса Почёт грамота сетӧма:
Наталья Александровна Бездетнаялы — «Ухтаса экспериментально-механическӧй завод» пӧдса акционер котырын персоналӧн веськӧдлан юкӧнса начальниклы;
Елена Юрьевна Валиклы — «Юность» олимпиада резервӧ дасьтан спорт школа» Коми Республикаса канму асшӧрлуна учреждениеын спортивнӧя дасьтысьӧм серти директорӧс вежысьлы, Сыктывкар;
Элеонора Ивановна Валовскаялы — Войнаса, уджвывса, Вооружённӧй вынъясса да инӧд видзан органъясса ветеранъяслӧн (пенсионеръяслӧн) Коми республиканскӧй ӧтйӧза организациялӧн Сыктыв районса ветеранъяслӧн организацияын ветеранъяслӧн первичнӧй пошта связь организацияӧн веськӧдлысьлы;
Виктор Владимирович Воробьевлы — «Кулӧмдін» муниципальнӧй районлӧн Сӧветса депутатлы;
Наталья Алексеевна Демичевалы — «Ухтаса канму техническӧй университетлӧн Мусир да биару наука боксянь туялан проектнӧй институт» ичӧт кывкутана котырын генпланъяс да автомашина туйяс юкӧнса начальниклы;
Иван Александрович Дымовлы — «Сыктывдінса лесничество» Коми Республикаса канму учреждениелӧн Паджгаса участковӧй лесничествоын участковӧй лесничӧйлы;
Нина Васильевна Ермолиналы — «Коми Республикаса вынйӧр сӧвмӧдан да спорт министерстволысь удж могмӧдан шӧрин» Коми Республикаса канму казённӧй учреждениеса аналитиклы;
Майя Владимировна Лочкаревалы — «Сыктывкарса сервис да связь колледж» уджсикасӧ велӧдан канму учреждениеса директорӧс вежысьлы;
Наталья Владимировна Мельниковалы — «Коми республиканскӧй типография» ичӧт кывкутана котырса проектъясӧн юрнуӧдысьлы, Сыктывкар;
Ольга Алексеевна Миклиналы — «Ухтаса канму техническӧй университет» вылыс тшупӧда велӧдан федеральнӧй канму сьӧмкуд учреждениеын мусир да биару куйлӧдъяс перъян да наӧн вӧдитчан да мупытшса гидромеханика кафедраса шӧр преподавательлы;
Анастасия Анатольевна Неверовалы — скульпторлы, «Серпасасьысьяслӧн Санкт-Петербургса Союз» регионса творческӧй ӧтйӧза организацияӧ пырысьлы;
Владимир Александрович Носковлы — «Ухтаса экспериментально-механическӧй завод» пӧдса акционер котырлӧн нестандартнӧй оборудование цехын вундӧм да кипом сварка вылын уджалысь 4 разряда электрогазосварщиклы;
Валентина Вениаминовна Рочевалы — «Визинга Сервис» ичӧт кывкутана котырса директорлы, Сыктыв район;
Инна Александровна Рыжковалы — «Коми Республикаса Юралысьлӧн Администрациялысь удж могмӧдан шӧрин» Коми Республикаса канму казённӧй учреждениеын кадръяс юкӧнӧн заведуйтысьӧс вежысьлы;
Василий Андреевич Симакинлы — «Вӧр сотчӧмысь видзан Коми дінму шӧрин» Коми Республикаса канму асшӧрлуна учреждениеын Мылдінса авиаотделениеса начальниклы;
Николай Николаевич Славгородскийлы — «Футбол серти спорт школа» Коми Республикаса канму сьӧмкуд учреждениеса тренерлы, Сыктывкар;
Владимир Иванович Сладкоштиевлы — «Ухтаса канму техническӧй университетлӧн Мусир да биару наука боксянь туялан проектнӧй институт» ичӧт кывкутана котырын буритчӧм кузя медыджыд инженерӧс вежысьлы;
Елена Валерьевна Стариковалы — «Ухта» кар кытшса муниципальнӧй юкӧнлӧн администрацияын финансово-экономическӧй удж да бухгалтерскӧй учёт юкӧнса начальниклы;
Ольга Леонидовна Турышевалы — Коми Республикаса экономика сӧвмӧдан да промышленносьт министрӧс вежысьлы;
Лариса Ивановна Шереметлы — районса Культура керкаын — «Сыктывса шӧр клубнӧй система» муниципальнӧй культура учреждениеса филиалын 1 категорияа менеджерлы;
Тамара Григорьевна Шубиналы — «Ухта» кар кытшса муниципальнӧй юкӧнлӧн администрацияын Тӧрасьӧмӧн, тӧждысьӧмӧн да социальнӧй уджӧн веськӧдланінлӧн социальнӧй юкӧнса начальниклы;
Татьяна Николаевна Щемелининалы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса Федеральнӧй канму сьӧмкуд наука учреждениелӧн Россияса наукаяс академиялӧн Урал юкӧнса Коми наука шӧринлӧн Биология институтын биохимия да биотехнология лабораторияса шӧр тшупӧда наука туялысьлы;
Григорий Александрович Юрасовлы — «Россия Федерацияын сынӧдті ветлӧмсӧ котыртан канму корпорация» федеральнӧй канму ӧтувъя предприятиелӧн «Войвыв Ураллӧн аэронавигация» филиалын Сынӧдті ветлӧмсӧ котыртан Печораса шӧринлӧн Чилимдін юкӧнын радиотехническӧй оборудование техническӧя уджӧдан группаса радионавигация, радиолокация да связь серти нуӧдысь инженерлы.
{Kodko (комиӧдіс Обрезкова Н. А.) @ Александр Гуцан видзӧдліс, кыдзи Комиын збыльмӧдӧны национальнӧй проектъяс @ выльтор @ https://rkomi.ru/news/1280 @ 2021-09-03 @}
Александр Гуцан видзӧдліс, кыдзи Комиын збыльмӧдӧны национальнӧй проектъяс
Кӧч тӧлысь 3 лунӧ Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысь Александр Гуцан воліс удж серти Коми Республикаӧ.
Волӧмлӧн мог — регионын нацпроектъяс олӧмӧ пӧртӧм да канмуса юралысьлысь тшӧктӧмъяс збыльмӧдӧм бӧрся мониторинг нуӧдӧм.
Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысь Александр Гуцан Коми Республикаса Юралысь Владимир Уйбакӧд ӧтлаын волісны социальнӧй да туй инфраструктура объектъяс вылӧ, кутшӧмъясӧс стрӧитӧны да капитальнӧя дзоньталӧны национальнӧй проектъяс збыльмӧдӧм серти.
Сыктывкарын Александр Гуцан да Владимир Уйба видзӧдлісны Пӧрысьяслы да вермытӧмъяслы республикаса Тентюковскӧй керка-интернатлысь корпус стрӧитӧм. Керкаыс 90 места вылӧ, куим судтаа.
Объектыс кыпӧдсьӧ «Демография» национальнӧй проект серти.
Ӧнія кадӧ тэчсьӧ нуан стенмыс да мунӧ коймӧд судтаса тупкан плитаяс монтируйтӧм, мӧд да коймӧд судтаясын — штукатуритчан уджъяс да шонтан система монтируйтӧм, медводдза да мӧд судтаас — тӧлӧдан система лӧсьӧдӧм да электромонтажнӧй уджъяс.
Мичмӧдӧны-бурмӧдӧны мутассӧ да вӧчӧны ортсыса инженернӧй везъяс.
Стрӧитчанінын уджалӧ 80 рабочӧй.
«Безопаснӧй да бур туйяс» национальнӧй проект серти 2021 воын Сыктывкарын капитальнӧя дзоньталӧны ичӧт гӧгӧртысь туйлысь 3,4 километр кузьта.
Объект вылын вӧлі разьӧма туй вевттьӧдсӧ, пуктӧма топӧдӧмӧн лыа вольӧс, георешётка да топӧдӧмӧн посньӧдлӧм из, лӧсьӧдӧма ва нуас канаваяс, ва лэдзан трубаяс, пуктӧма рӧвняйтан пӧвст да туй вевттьӧдлысь вылыс пӧвст.
Контракт серти уджъяслӧн доныс — 191,5 миллион шайт.
Россияса Президентӧс полномочнӧй петкӧдлысь да Коми Республикаса Юралысь волісны Сыктывдін районса Выльгорт сиктын Семён Иванович Налимов нима челядьлы музыкальнӧй школаӧ.
Локтан воӧ школаыслы тырас 60 во.
«Культура» национальнӧй проект серти учреждениесӧ капитальнӧя дзоньталӧны.
Тайӧ могъяс вылӧ вичмӧдӧма 30 миллион гӧгӧр шайт.
Дзоньталӧма вевтсӧ да сувтӧдӧма выль ӧшиньяс.
Вежӧны шонтан да электричествоӧн могмӧдан система, дзоньталӧны шӧр пыранінсӧ да фасадсӧ, вӧчӧны стрӧйба пытшкӧсса отделочнӧй уджъяс.
Удж серти аддзысьлігӧн Коми Республикаса Юралысь Владимир Уйба юӧртіс Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысь Александр Гуцанлы регионын социальнӧй да экономика боксянь серпас йылысь.
Владимир Уйба висьталіс делӧвӧй зільлун да регионлысь инвестиция кысканлун кыпӧдӧм серти республикаса Веськӧдлан котырӧн примитан мераяс йылысь.
Медшӧр мог — республикаса экономика диверсифицируйтӧм, мый серти колӧ чинтыны перъян секторкӧд йитчӧмсӧ да сӧвмӧдны перерабатывайтан юкӧнъяс.
Коми Республика зіля нуӧдӧ тайӧ уджсӧ федеральнӧй Экономика сӧвмӧдан министерствокӧд ӧтув.
Котыртӧма удж торъя экономика зона лӧсьӧдӧм серти.
Вынсьӧдӧма 2026 воӧдз кадколаст вылӧ экономика диверсифицируйтан мероприятиеяслысь план, кытчӧ пыртӧма 41 проект матӧ 90 миллиард шайт ӧтувъя инвестиция мындаын.
Тайӧ планас торъя ыджыд ин босьтӧ арктика монокаръяс — Воркута да Инта — сӧвмӧдӧм.
Александр Гуцан торйӧн сувтліс дзоньвидзалун видзан юкӧнын кадръяслӧн тырмытӧмлун вылӧ.
Владимир Уйба юӧртіс, мый регионын видлавсьӧны учреждениеясӧс медперсоналӧн тыртан туйяс.
Республикаса Юралысь вӧзйис видзӧдлыны позянлун котыртны медицина вузъясын содтӧд группаяс сійӧ студентъясысь, кодъяс эз вермыны босьтны колана мында балл велӧдчыны пырӧм вылӧ, медым сэсся мӧдӧдны найӧс уджавны йӧзлысь дзоньвидзалун видзан сиктса учреждениеясӧ.
Коми Республикаса Веськӧдлан котырын полномочнӧй петкӧдлысь нуӧдіс социальнӧй да экономика боксянь сӧвмӧм да регионын национальнӧй проектъяс збыльмӧдӧм серти сӧвещание.
Александр Гуцан тӧдчӧдіс, мый республикаса экономика да социальнӧй юкӧнъяс сӧвмӧдӧмын шӧр мыччӧдъяс видзӧдлӧм бӧрын лои гӧгӧрвоана, мый коронавирус вӧсна дзескӧдӧмъяс бӧрын ситуацияыс республикаын зумыдмӧма.
«Содӧма стрӧитчан удж йӧрышыс, содӧма оланін пыртан йӧрышыс.
Социальнӧй юкӧнын эм неыджыд содӧм.
Тӧдчана, мый удж рынок вылын тыдалӧны бурлань вежсьӧмъяс.
Уджалысь олысьяслысь лыд содтӧм могысь вӧчӧм воськовъяс сетісны позянлун воны пандемияӧдзса мыччӧдъясӧдз.
Сідз, 2021 во заводитчӧм вылӧ уджтӧмалӧмлӧн тшупӧдыс вӧлі 3,4 %, а кӧч тӧлысь заводитчӧм вылӧ тайӧ мыччӧдыс 1,7 %.
И мый нимкодьмӧдӧ, уджтӧмалысьяслӧн лыдыс чиніс пӧшти 2 пӧв», — пасйис Александр Гуцан.
Владимир Уйба висьталіс, мый федеральнӧй да регионса тшупӧдъясын примитӧм отсӧг мераяс вӧсна экономикаын ситуацияыс бурмӧ.
«Тавося сизим тӧлысьӧн Коми Республикаса сьӧмкудйӧ воис 52 миллиард шайт ӧтувъя мында вылӧ чӧжӧс, мый 4,1 % вылӧ унджык кольӧм вося тайӧ жӧ кадколаст серти.
Сідзжӧ ми гӧгӧрвоам, мый экономика бурмӧдӧм да кузь кадколаст вылӧ арталӧм могъяс збыльмӧдӧм могысь колӧ ӧтувтны регионын делӧвӧй зільлун кыпӧдӧм вылӧ став вынсӧ.
Талун регионса Веськӧдлан котыр медшӧрӧн лыддьӧ инвестицияяс кыскан окта политика», — тӧдчӧдіс республикаса Юралысь.
Выльгорт сиктын Семён Иванович Налимов нима челядьлы музыкальнӧй школаӧ волӧмлӧн фото — «Войвыв-Медиа» юӧртан агентство, авторыс — В. Бобырь
{Kodko (комиӧдіс Обрезкова Н. А.) @ Комиӧ воас регыдъя отсӧг сетан 30 выль машина да школаса 30 автобус @ выльтор @ https://rkomi.ru/news/1283 @ 2021-09-04 @}
Комиӧ воас регыдъя отсӧг сетан 30 выль машина да школаса 30 автобус
Россияса регионъясӧ 4 сюрсысь унджык школаса автобус да 1,6 сюрсысь унджык регыдъя отсӧг сетан машина мӧдӧдӧм йылысь висьталіс талун Россияса кабминӧн веськӧдлысь Михаил Мишустин Веськӧдлан котырлӧн заседание дырйи.
Регыдъя отсӧг сетан машинаяслысь парк выльмӧдӧм да школаса автобусъяс ньӧбӧм серти уджсӧ нуӧдӧны Россияса Президент Владимир Путинлӧн тшӧктӧм серти.
Тайӧ могъяс вылӧ 2021 во вылӧ резерв фондысь вӧлі вичмӧдӧма 15,3 миллиардысь унджык шайт.
Наысь школаса автобусъяс вылӧ урчитӧма матӧ 10 миллиард шайт.
Тайӧ сетас позянлун ньӧбны 4187 выль машина.
Мӧд юкӧныс — 5,5 миллиардысь унджык шайт — мунас регыдъя отсӧг сетан машинаяс ньӧбӧм вылӧ.
Тайӧ сьӧм вылас лоӧ ньӧбӧма 1624 машина сикт овмӧдчӧминъяслы, та лыдын странаса кар кодь посёлокъяслы да ичӧт каръяслы.
«Выль транспортыс торйӧн ёна колӧ сиктса да ылі районъясса олысьяслы.
На отсӧгӧн велӧдчысьяслы лоӧ кивыв воӧдчыны велӧдчанінӧдз, а врачьяс кутасны ӧдйӧджык воны пациентъяс дорӧ», — пасйис Михаил Мишустин.
Коми Республикаса велӧдан, наука да том йӧз политика министерстволӧн мыччӧдъяс серти, 2020 воын республика ньӧбис школаса 76 выль автобус.
Автопарк выльмӧдӧм вылӧ унджык сьӧмсӧ (113,5 миллион шайт) вичмӧдіс республиканскӧй сьӧмкуд Коми Республикаса Юралысь Владимир Уйбалӧн тшӧктӧм серти.
Тайӧ воськолыс сетіс позянлун кык пӧв чинтыны 10 воысь дырджык уджалысь автобусъяслысь лыдсӧ.
Уськӧдам тӧд вылӧ, выезднӧй медицина отсӧг сӧвмӧдӧм серти вӧзйӧмъяссӧ кольӧм вося арын Коми Республикаса Юралыськӧд аддзысьлігӧн висьталісны Коми Республикалӧн Каналан Сӧветса депутатъяс.
Депутат Андрей Климушев пасйис, мый бӧръя кадӧ республика вӧчис воськовъяс тайӧ нырвизяс.
«Зэв тӧдчана, мый мукӧд кар-районын олысьяс вермӧны татшӧм жӧ ногӧн босьтны консультацияяс да отсӧг квалификацияа врачьяслысь», — кывкӧрталіс парламентарий.
{Kodko (комиӧдіс Обрезкова Н. А.) @ Мусир да биару промышленносьтын уджалысьяслӧн лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1286 @ 2021-09-05 @}
Мусир да биару промышленносьтын уджалысьяслӧн лункӧд йитӧдын Коми Республикаса Юралысьлӧн шыӧдчӧм
«Мусир да биару комплексса пыдди пуктана уджалысьяс да ветеранъяс!
Кӧч тӧлысьлӧн медводдза вежалунӧ миян страна пасйӧ Мусир да биару промышленносьтын уджалысьяслысь лун.
Тайӧ республикаса да странаса экономикалӧн медшӧр отрасльясысь ӧти.
Уджсикас гажлунӧ аттьӧалан кывъяс медводз кӧсъя шуны ветеранъяслы, кодъяс сулалісны регионын отрасльлӧн тэчсигӧн.
Тіянӧн подув пуктана традицияяссӧ видзӧны республикаса ӧнія мусир да биару перйысьяс, биару да мусир перйӧм, дасьтӧм, переработайтӧм да нуӧм серти зумыд да коставлытӧм удж могмӧдӧмӧн.
Регионын уджалӧны странаса мусир да биару перйысь шӧр компанияяс.
Мусир да биару промышленносьтлӧн предприятиеяс оз сӧмын пуктыны ыджыд пай республикаса ломтас да энергетика комплекс сӧвмӧдӧмӧ, но и отсалӧны разьны гӧрӧдъяс социальнӧя сӧвмӧмын да лӧсьӧдны олӧм вылӧ бур гӧгӧртас.
Мусир да биару комплексса пыдди пуктана ветеранъяс, уджалысьяс, аттьӧ тіянлы кужӧм-сямлунысь, кывкутӧмӧн уджалӧмысь.
Крепыд дзоньвидзалун, уджын да ӧнія кадлы медся лӧсялысь да водзӧ видзӧдысь технологияяс пыртӧмын вермӧмъяс, шуд да тыр-бур олӧм!»
Коми Республикаса Юралысь Владимир Уйба
{Kodko (комиӧдіс Обрезкова Н. А.) @ Ухта увса тыяс лоасны туристъясӧс кыскан шӧринӧн @ выльтор @ https://rkomi.ru/news/1287 @ 2021-09-05 @}
Ухта увса тыяс лоасны туристъясӧс кыскан шӧринӧн
Комиын лӧсьӧдісны федеральнӧй тӧдчанлуна торйӧн ёна видзан нёльӧд вӧр-ва мутас — «Парась тыяс» канму вӧр-ва заказник.
Тайӧ аслыспӧлӧс карстӧвӧй ландшафт Ухта районса лунвылын.
Сылӧн ыдждаыс — 17 сюрсысь унджык гектар.
Заказникын вӧчӧма экологическӧй ордым.
Сійӧс восьтісны кӧч тӧлысь 4 лунӧ.
Заказникын лӧсьӧдӧм экомаршрут восьтӧмӧ пырӧдчисны Коми Республикаса Юралысь Владимир Уйба, Каналан Думаса депутат Ольга Савастьянова, «Газпром трансгаз Ухта» ичӧт кывкутана котырса медыджыд директор Александр Гайворонский, Коми Республикалӧн Каналан Сӧветса депутат Руслан Магомедов.
Заказник лӧсьӧдӧмыс лои республикалӧн пайӧн «Экология» национальнӧй проект збыльмӧдӧмӧ да экология туризм сӧвмӧдӧмӧ.
Официальнӧй статус отсӧгӧн вӧр-ва мутаслӧн лоӧ дирекция канму инспекторъяса штатӧн да колана техникалӧн паркӧн.
Тайӧ сетас позянлун окта аддзыны да бырӧдны заказниклысь режим торкалӧмъяс, мыйӧн позьӧ отсавны видзны вӧр-ва комплекссӧ, лӧсьӧдны бур условиеяс шойччӧм да олысьясӧс экология серти велӧдӧм вылӧ.
«Миянлы колӧ не сӧмын видзны тайӧ мичлунсӧ, но и петкӧдлыны сійӧс, — тӧдчӧдіс Владимир Уйба экомаршрут восьтігӧн.
— Парась тыяс матынӧсь.
Медым нимкодясьыштны наӧн, оз ков лэбны вертолётӧн либӧ уна лун мунны подӧн.
Тыясыс –паныдасьлывтӧмӧсь!
Налӧн ваыслӧн шензьӧдана структура.
Пӧшти став быдмӧгъясыс, тані олысь пемӧсъясыс да лэбачьясыс — гӧрд небӧгынӧсь.
Тайӧс колӧ петкӧдлыны миян челядьлы.
Татшӧм проектъясӧн ми отсалам йӧзлы пыдди пуктыны вӧр-ва, экология».
«Медся мича местаяс миян Коми Республикаын да и став Россияын тшӧкыда торйӧн ёна видзан вӧр-ва мутасъясын.
Ми аддзам, кыдзи сӧвмӧны заповедникъяс да заказникъяс, и кыдзи йӧзлӧн зільӧмӧн сэні вӧчсьӧны активнӧя шойччан пельӧсъяс.
Коми Республика озыр татшӧм мича да шемӧсмӧдана пельӧсъяснас.
Канму да асшӧр компанияяс дасьӧсь отсавны татшӧминъясас олысь йӧзлы мичмӧдны-бурмӧдны инъяссӧ, видзны да сӧвмӧдны найӧс.
Парась тыяс — чужан му дорӧ радейтӧмлӧн мича, бур пример.
Тайӧ мича вӧр-ваа местаыс, эска, кутас кыскыны ас дорас туристъясӧс оз сӧмын миян республикаысь», — пасйис Каналан Думаса депутат Ольга Савастьянова.
«Парась тыяс» заказниксӧ котыртӧма 2021 вося моз тӧлысьын Россия Федерацияса Веськӧдлан котырлӧн лӧсялана шуӧмлӧн вынсялӧм бӧрын.
Ухтаса заказник лоӧ Печоро-Илычса канму вӧр-ва биосфернӧй заповедниклӧн филиалӧн.
«Ми кӧсъям вӧчны республикаын вӧр-ва видзан мутасъясысь экология каркас, — юӧртіс Коми Республикаса вӧр-ва озырлун да гӧгӧртас видзан министр Алексей Кузнецов.
— Миян эмӧсь шемӧсмӧдана Печоро-Илычса заповедник да «Югыд ва» парк.
2019 воын лои «Койгортса» национальнӧй парк.
«Парась тыяс» — тайӧ каркасас нёльӧд, но абу бӧръя кирпич».
Заказниксӧ да экологическӧй ордымсӧ лӧсьӧдӧм — республикаса Вӧр-ва министерстволӧн, Россияса Вӧр-ва министерстволӧн да регионын медгырысь предприятиеясысь ӧтилӧн — «Газпром трансгаз Ухта» ичӧт кывкутана котырлӧн — ӧтувъя уджын шедӧдӧмтор.
«Мӧвпсӧ збыльмӧдны ми заводитім кольӧм воын, — пасйис котырса медыджыд директор Александр Гайворонский.
— Вӧчӧма ыджыд ӧтувъя удж.
А проектсӧ збыльмӧдӧмӧн ми петкӧдлім, мый мусир да биару предприятиеяскӧд орччӧн позьӧ видзны вӧр-ва, овны сыкӧд ӧтсӧгласын.
Миянлы колӧ кольны вӧрсӧ ныв-пинымлы вӧрзьӧдлытӧмӧн.
Медым найӧ, кодъяс волӧны республикаӧ, висьталісны сы йылысь кыдз экология нырвизя регион йылысь».
Парась тыяслӧн эм збыльвывса история.
Экологическӧй ордым восьтігӧн вӧлі сійӧ Парасьыслӧн, кодлӧн нимӧн шуӧма тыяссӧ, тьӧтӧн шуысь гӧганылыс.
Галина Дмитриевна Дегтярёва висьталіс, мый Парасьыс Педӧр верӧсыскӧд война водзас воӧма тайӧ местаясас Одыбысь.
Овмӧдчӧмаӧсь вӧрас да заводитӧмаӧсь уджавны заготконтораын.
Сэсся заводитчӧма война, Педӧрыс усьӧма фронт вылын.
Парась кольччӧма овны вӧрас, заимкаыс сылӧн вӧлӧма пыді пармаын.
Пӧрысьнас нин нывбаба овмӧдчӧма матӧджык Борӧвӧй посёлок дорӧ.
«Ми сылы отсасим, — висьталіс Галина Дмитриевна.
— Кӧть и тьӧтӧй оліс ӧтнас, некод сійӧс эз дӧзмӧд, йӧзыс пыдди пуктісны.
И сійӧ пыр ставлы отсасис.
Лэдзліс гортас вошӧм вӧралысьясӧс да чери кыйысьясӧс.
Талун ті збыльмӧдінныд менсьым кӧсйӧмӧс — нэммӧдны миян шензьӧдана рӧднялысь нимсӧ.
Аттьӧ тіянлы ставлы.
Чайта, ми ӧтлаын видзам тайӧ аслыспӧлӧс вӧр-ва мутассӧ».
«Газпром трансгаз Ухта» котыр отсӧгӧн экологическӧй ордым вылын сувтӧдӧма пуысь скульптураяс, пыран арка, качай, лабичьяс, ӧшалысь пос, волысьяслӧн шойччӧм вылӧ беседкаяс, лӧсьӧдӧма автомашинаяслы сулаланін.
Водзӧ кӧсйӧны нюжӧдны Тобысь ю вомӧн ӧшалысь пос, кӧръяс рӧдмӧдан йӧр, чери рӧдмӧдан овмӧс, карстӧвӧй вальдӧмъяс дорӧ эко-ордымъяс, Ыджыд Парась да Кауфман тыяс вылын шойччан зона, выльысь кыпӧдны Прасковья Михайловналысь керкасӧ.
{Kodko (комиӧдіс Обрезкова Н. А.) @ Коми Республикалы 100 во: Ухталы козьналісны выльмӧдӧм «Нефтяник» спорт комплекс @ выльтор @ https://rkomi.ru/news/1288 @ 2021-09-05 @}
Коми Республикалы 100 во: Ухталы козьналісны выльмӧдӧм «Нефтяник» спорт комплекс
Спорт комплекс кыпыда восьтӧмӧ пырӧдчисны Коми Республикаса Юралысь Владимир Уйба, Коми Республикалӧн Каналан Сӧветса депутатъяс Руслан Магомедов да Александр Гайворонский, «Транснефть-Север» акционер котырса медыджыд директор Рустэм Исламов, республикаса министерствоясӧн да ведомствоясӧн юрнуӧдысьяс.
Церемонияыс вӧлі кӧч тӧлысь 5 лунӧ — Мусир да биару промышленносьт лунӧ.
«Нефтяник» спорт комплекс — Коми Республикаын медводдза спорт комплекс. Сійӧс стрӧитӧма 1961 воын.
Сійӧ кадсяньыс капитальнӧя сійӧс эз дзоньтавлыны.
Спорт комплекс дзоньталӧм да ӧнія ногӧн оборудуйтӧм серти водзмӧстчис «Транснефть-Север» акционер котыр.
Проектируйтан-корсьысян уджъяс заводитчисны 2018 воын да помасисны 2020 вося ода-кора тӧлысьын.
Стрӧитан да монтажнӧй уджъяс мунісны 2020 вося йирым тӧлыссянь 2021 вося кӧч тӧлысьӧдз.
Проектлӧн ӧтувъя доныс — 314 миллион шайт.
Тайӧ бурвӧчан проектсӧ олӧмӧ пӧртӧмыс лоис козинӧн «Транснефть» йӧзлы восьса акционер котырсянь Коми Республикалы 100 во тырӧм кежлӧ.
«Медводз кӧсъя аттьӧавны «Транснефть» котырса президент Николай Петрович Токаревӧс Коми Республикалы тӧдчана проект збыльмӧдӧмын отсӧгысь.
Сідзжӧ аттьӧала миян предприятиелысь коллектив, «Ухта» ККМЮ администрацияӧн юрнуӧдысьӧс да пӧдрадчикнымӧс — «Нерудпром» ичӧт кывкутана котырӧс бур ногтуя уджысь, мый сетіс позянлун восьтыны талун «Нефтяник» спорт комплекссӧ», — пасйис «Транснефть-Север» акционер котырса медыджыд директор Рустэм Исламов.
«Тайӧ зэв бур козин республикалӧн сё во кежлӧ, — шуис Владимир Уйба.
— Миян уджъёртъяс збыльмӧдісны кӧсйысьӧмнысӧ.
Аттьӧала ставсӧ, коді уджаліс сы вылын, медым Ухталы вичмис выльмӧдӧм спорт комплексыс.
Уджыс вӧлі эз кокни, но ми сійӧс вӧчим.
Карыслӧн зэв бур спорт традицияяс.
Том йӧзлы эм кодлысь босьтны пример.
Эска, том спортсменъяс, кодъяс кутасны тані занимайтчыны, быть шедӧдасны медся ыджыд вермӧмъяс».
«Нефтяник» спорт комплексын мунӧны карса, республикаса да регионкостса вермасьӧмъяс баскетболысь, футболысь, мини-футболысь, волейболысь, греко-римскӧй борьбаысь, теннисысь, самбоысь, каратеысь, дзюдоысь, боксысь да кокни атлетикаысь, сдайтӧны ГТО ВФСК нормативъяс.
«Нефтяник» спорт комплекс подув вылын уджалӧны бокс, борьба, футбол, волейбол, баскетбол да хоккей кузя спорт школаяслӧн юкӧнъяс.
Сідзжӧ тані занимайтчӧны уна сикас секцияын карса олысьяс.
«Нефтяниклӧн» бур история.
Карса да регионса олысьяс гордитчӧны асланыс землякъясӧн — ухтаса спортсменъясӧн: нималана сӧветскӧй хоккеистъяс Сергей да Игорь Капустинъясӧн, боксёр, 1996 воӧ Атлантаын Олимпийскӧй ворсӧмъясын участвуйтысь, юниоръяс костын Европаса чемпион Эдуард Захаровӧн, варччысь, 2008 воӧ Пекинын Олимпийскӧй ворсӧмъясын эзысь призёр, 2008 вося мирса чемпион Александр Сухоруковӧн, фигурист, 2020 вося Европаса чемпион Дмитрий Алиевӧн.
{Kodko (комиӧдіс Обрезкова Н. А.) @ Коми Республикалы 100 во: Ухтаын вужвыйӧн вежӧм бӧрын заводитіс уджавны Карчевский нима творчество шӧрин @ выльтор @ https://rkomi.ru/news/1291 @ 2021-09-06 @}
Коми Республикалы 100 во: Ухтаын вужвыйӧн вежӧм бӧрын заводитіс уджавны Карчевский нима творчество шӧрин
Кӧч тӧлысь 5 лунӧ выльмӧдӧм учреждениеӧ волісны Коми Республикаса Юралысь Владимир Уйба, Коми Республикалӧн Каналан Сӧветса депутатъяс Александр Гайворонский да Руслан Магомедов, Ухтаса мэр Магомед Османов да республикаса министерствоясӧн юрнуӧдысьяс.
Коми Республикаса Веськӧдлан котыр да «Газпром» йӧзлы восьса акционер котыр костын уджъёртасьӧм йылысь Артмӧдчӧм серти вужвыйӧн вежӧма стрӧйбасӧ, видзӧдысьяслы да спорт залъяссӧ, мичмӧдӧма-бурмӧдӧма мутассӧ.
«Тайӧ шӧриныс — аскиа лунӧ пуктӧм пай.
Быд кагалы колӧ аддзыны асьсӧ, и миянлы колӧ отсавны сылы.
И таын татшӧм шӧринъяслӧн зэв ыджыд тӧдчанлун, — пасйис Владимир Уйба.
— Миян социальнӧй уджъёрт «Газпром» котырлӧн водзмӧстчӧм да уджӧ пырӧдчӧм сетіс позянлун вӧчны Г. А. Карчевскӧй нима шӧринсӧ коланаторйӧн могмӧдӧм да условиеяс серти Москваса да Санкт-Петербургса татшӧм сяма шӧринъясысь абу лёкджыкӧн.
Зэв бур, мый Ухтаса челядьлӧн лоис налысь енбисӧ восьтан татшӧм ыджыд да бур шӧрин».
«Ми ловзьӧдім творчестволысь да культуралысь страна.
Пионеръяслӧн керка — шемӧсмӧдана объект, и миян артмис сійӧс вужвыйӧн вежны.
Ӧні ми кутам лача, мый ухтаса олысьяс кутасны сійӧс видзны.
Уджъёртасьӧм йылысь артмӧдчӧм серти уджыс эз на помась, дзоньталӧны кага чужтан керка да няйтӧн бурдӧдчанін», — пасйис Александр Викторович Гайворонский.
Генрих Адольфович Карчевский нима творчество шӧрин — карын медся важ, уна нырвизя содтӧд велӧдан учреждение.
Сійӧс вӧлі восьтӧма 1951 воын.
Медводдза директорнас лоис Генрих Адольфович Карчевский, кодлӧн водзмӧстчӧм серти колян нэмса квайтымынӧд воясӧ Ухтаын заводитісны кыпӧдны Шӧринлысь ӧнія стрӧйбасӧ.
Стрӧитчӧмсӧ помалісны 1967 вося вӧльгым тӧлысьӧ.
Шӧринас вӧліны авиамодельнӧй да судомодельнӧй кружокъяс нуӧдӧм вылӧ жыръяс, кӧні вӧліны модельяс испытайтан торъя ваннаяс. Вӧлі ыджыд спорт зал, йӧктӧм вылӧ рӧмпӧштана класс, оборудуйтӧм сцена, библиотека, Ичӧт Третьяковскӧй галерея, Россияса Рытыв-Войвылын дзик ӧти планетарий.
Творчество шӧрин гӧгӧрын вӧлі лӧсьӧдӧма Челядьлы парк.
Талун Шӧринлӧн 33 ӧтувтчӧмын велӧдчӧны 5–18 арлыда 1200-ысь унджык челядь.
{Kodko (комиӧдіс Обрезкова Н. А.) @ Владимир Уйба сетіс наградаяс Усинскын олысьяслы, кодъяс пуктісны торъя пай Коми войвыв сӧвмӧдӧм @ выльтор @ https://rkomi.ru/news/1294 @ 2021-09-06 @}
Владимир Уйба сетіс наградаяс Усинскын олысьяслы, кодъяс пуктісны торъя пай Коми войвыв сӧвмӧдӧмӧ
Республикаса Юралысь Усинскын пырӧдчис Карлӧн лунлы, Мусир да биару промышленносьтын уджалысьяслӧн лунлы да Коми Республикалы сё во тырӧмлы сиӧм кыпыд рытӧ.
Владимир Уйба пасйис, мый Усинск лыддьыссьӧ Комиын мусир юркарӧн.
Тайӧ уджалысь карыс, кодлӧн олӧмыс топыда йитчӧма республикаса да странаса мусир промышленносьтлӧн сӧвмӧмкӧд, талун водзӧ сӧвмӧдӧ мусир перйӧмлысь бур традицияяс.
«Тӧда, мый усинсксаяс ёна радейтӧны ассьыныс карсӧ, — пасйис республикаса Юралысь.
— Сійӧ лои асӧн налы, коді воис татчӧ мусир куйлӧдъяс зіля перъян кадӧ Ставсоюзса ударнӧй комсомол стройка вылӧ.
Талун промышленнӧй предприятиеяс вылын да карлӧн уна сикас организацияын уджалӧны челядьыс да внукъясыс налӧн, кодъяслӧн син водзын чужис Усинск, коді сыкӧд верстяммис да лоис мывкыдӧн.
Но карыс пыр на том и ловнас, и сьӧлӧмнас».
Владимир Уйба сетіс федеральнӧй да республикаса канму наградаяс муниципалитетса олысьяслы.
Наградитӧмаяс пӧвстын — Усинскса том олысь, школаын велӧдчысь Валерия Удот.
Кольӧм во сійӧ мездіс сотчысь керкаысь ассьыс нёль арӧса воксӧ.
Томлун вылӧ видзӧдтӧг, Валерия эз падмы да петкӧдліс асьсӧ повтӧм мортӧн.
* * *
Россия Федерацияса Президентлӧн Индӧдӧн зэв сьӧкыд условиеясын йӧзӧс мездігӧн повтӧмлунысь, смеллунысь да падъявтӧмысь «Пӧсь сьӧлӧм» морӧсвыв пас да «Пӧжар дырйи повтӧмлунысь» медаль сетӧма
Валерия Юрьевна Удотлы — Усинск карын «1 №-а шӧр школа» муниципальнӧй сьӧмкуд общеобразовательнӧй учреждениеын велӧдчысьлы;
Россия Федерацияса Президентлӧн Индӧдӧн оланін да коммунальнӧй овмӧс юкӧнын заслугаясысь да уна вося бур уджысь «Россия Федерацияса оланін да коммунальнӧй овмӧсын нимӧдана уджалысь» почёт ним сетӧма
Светлана Петровна Шепелевалы — «Усинскса Шоныд сетан Компания» ичӧт кывкутана котырын ва шонтан шӧр котельнӧйса сменнӧй мастерлы;
физическӧй культура да спорт сӧвмӧдӧмын заслугаясысь Россия Федерацияса Президентсянь Почёт грамота сетӧма
Неля Зуфаровна Салимгараевалы — Усинск карын «1 №-а спорт школа» муниципальнӧй сьӧмкуд учреждениеса тренерлы;
ломтас да энергетика комплекс сӧвмӧдӧмӧ ыджыд пай пуктӧмысь да уна вося бур уджысь Россия Федерацияса энергетика министерствосянь Почёт грамота сетӧма
Дмитрий Александрович Обрезковлы — «ЛУКОЙЛ-Коми» ичӧт кывкутана котырын Веськӧдланінса шӧр аппаратлӧн Шӧр диспетчерскӧй веськӧдланінын сменаса начальниклы;
ломтас да энергетика комплекс сӧвмӧдӧмӧ ыджыд пай пуктӧмысь да уна вося бур уджысь Россия Федерацияса энергетика министерствосянь Аттьӧалӧм сетӧма:
Эдуард Константинович Новцевлы — «ЛУКОЙЛ-Коми» ичӧт кывкутана котырлӧн 5-ӧд №-а биару да мусир перъян комплекснӧй цехса медводдза категорияа инженер-энергетиклы;
Елена Валерьевна Терентьевалы — «ЛУКОЙЛ-Коми» ичӧт кывкутана котырын Социальнӧй уджтасъяслӧн веськӧдланінса нуӧдысь специалистлы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Татьяна Александровна Анисимовалы — «Усинск» кар кытшса муниципальнӧй юкӧнлӧн администрацияӧн юрнуӧдысьӧс медводдза вежысьлы;
Галина Васильевна Фащенколы — «Усинск» кар кытшса муниципальнӧй юкӧнлӧн администрацияын мутас сӧвмӧдан, экология да вӧр-ваӧн вӧдитчан юкӧнӧн юрнуӧдысьлы.
Коми Республикаса Юралысьлӧн Тшӧктӧмӧн вузасян юкӧнын заслугаясысь да уна вося бур уджысь «Коми Республикаса вузасян юкӧнын Почёта уджалысь» ним сетӧма
Галина Николаевна Демьяновалы — «Олимп» ичӧт кывкутана котырса медыджыд директорлы;
«Коми Республикалы зэв бура служитӧмысь» отличие пас сетӧма
Елена Иосифовна Мезенцевалы — «Усинскса шӧр библиотечнӧй система» муниципальнӧй сьӧмкуд культура учреждениеса Шӧр библиотекалӧн библиотека фондъяс юӧр да маркетинг боксянь могмӧдан да налӧн безопасносьт юкӧнын библиотека фондъяслӧн безопасносьт серти секторӧн заведуйтысьлы.
Коми Республикаса Юралысьлӧн тшӧктӧмӧн «Коми Республикалы 100 во» юбилейнӧй медаль сетӧма:
Анна Михайловна Белыхлы, Усвавом сикт;
Иван Савватьевич Мальковлы, Колва грезд;
Татьяна Аксентьевна Викторовалы — «Шӧр клубнӧй система» муниципальнӧй сьӧмкуд культура учреждениеса филиалӧн заведуйтысьлы, Нӧвикбӧж грезд.
{Kodko (комиӧдіс Обрезкова Н. А.) @ Коми Республикалы 100 во: Шеллябӧж сиктын воссис 45 места вылӧ выль детсад @ выльтор @ https://rkomi.ru/news/1295 @ 2021-09-07 @}
Коми Республикалы 100 во: Шеллябӧж сиктын воссис 45 места вылӧ выль детсад
Школаӧдзса арлыда челядьлы учреждениесӧ стрӧитӧма ЛУКОЙЛ котыр отсӧгӧн.
Кӧч тӧлысь 6 лунӧ выль детсадсӧ видзӧдлісны Коми Республикаса Юралысь Владимир Уйба, ЛУКОЙЛ-Коми котырса медыджыд директор Александр Голованев, Коми Республикалӧн Каналан Сӧветса депутатъяс Руслан Магомедов да Евгения Лясковская, «Усинск» кар кытшлӧн муниципальнӧй юкӧнса юралысь — кар кытшса администрацияӧн юрнуӧдысь Николай Такаев.
«Республикаса сё вося юбилей кежлӧ Шеллябӧжын олысьяслы лои зэв бур козин — ӧнія кадлы лӧсялана детсад, — пасйис Владимир Уйба.
— Сиам челядьлы быдмыны сямаӧн да ассьыныс чужан сиктсӧ да республикасӧ радейтысьясӧн.
Верстьӧяслы — содтыны демография, медым детсадйыс эз тыртӧмав.
А ми и водзӧ кутам отсавны Шеллябӧж сиктлы да Усинск кытшлы, медым олӧмыс тані лои гажаджыкӧн да шудаджыкӧн.
Ставлы став бурсӧ, а детсадлы — бур туй!»
Водзджык яслиса группаыс да школаӧдз арлыда челядьлӧн ӧтувъя группаыс вӧліны 1960 да 1963 воясӧ стрӧитлӧм разнӧй стрӧйбаясын.
Выль стрӧйбаын эмӧсь жыръяс куим группалы, кӧні эмӧсь ворсанінъяс да узьланінъяс.
«Нимкодь, мый Коми Республикалӧн да «ЛУКОЙЛ» котырлӧн юбилейнӧй воӧ ми восьтім нӧшта ӧти тӧдчана социальнӧй объект, и сійӧ сиктса объект.
Эска, мый миян войвыв муын ӧткодя тӧдчана сӧвмӧдны инфраструктурасӧ и каръясын, и сиктъясын.
Медым ылі сиктъясын олысьяслӧн вӧлі карсаяскӧд ӧткодь позянлун и уджын, и кужанлун да енби сӧвмӧдӧмын», — шуис Александр Голованев.
Школаӧдзса учреждениеӧ волӧны 30 челядь.
Накӧд уджалӧны 5 педагог: 4 кагульнича да 1 музыка велӧдысь.
«Талун — миянлы збыль кыпыд лоӧмтор.
Сад восьтӧмсӧ виччысисны и челядь, и бать-мам, и велӧдысьяс.
Ставсӧ вӧчӧма зэв бура: паськыда да колана ногӧн.
Талунъя кадӧдз учреждениеыс вӧлі 1963 воын кыпӧдлӧм стрӧйбаын. Сійӧ оз нин лӧсяв ӧнія нормаяслы: миян эз вӧв ни спорт зал, ни сьылан-йӧктан зал, узьланінъясыс вӧліны группаясын.
Ӧні лӧсьӧдӧма став условиеяссӧ челядьӧс велӧдӧм да быдтӧм-сӧвмӧдӧм вылӧ.
Чайта, быд асыв миян дзолюкъяс кутасны радпырысь тэрмасьны асланыс мӧд гортӧ!» — шуис детсадйӧн веськӧдлысь Елена Семяшкина.
2021 воын республикаын пыртӧма уджӧ школаӧдзса велӧдчӧм вылӧ 315 местаа кык объект, стрӧитӧны 1000 места вылӧ кык школа, 90/40 места вылӧ ӧти школа-сад да 80 места вылӧ ӧти детсад.
2020 воын пыртӧма уджӧ да восьтӧма 2301 места вылӧ куим школа, школаӧдзса группаяса кык школа (110/35 да 60/20 местаяс вылӧ) да 440 места вылӧ куим детсад.
Шеллябӧж да Сем Ӧндрей сиктъясын республикаса Юралысь нуӧдіс олысьяскӧд ӧткымын аддзысьлӧм.
Сёрнитісны туйяс дзоньталӧм да стрӧитӧм, ылі сиктъясын да посёлокъясын олысь йӧзӧс мобильнӧй связьӧн могмӧдӧм, медицина боксянь обслуживайтӧм, видз-му овмӧслы отсалӧм, йӧзӧс уджӧн могмӧдӧм, том специалистъясӧс оланінӧн могмӧдӧм, пӧжарысь видзан постъяс восьтӧм йылысь.
Владимир Уйба сетіс Веськӧдлан котырлы ӧткымын тшӧктӧм мытшӧдъяс разьӧм да вӧзйӧмъяс видлалӧм серти, кутшӧмъясӧн олысьяс шыӧдчисны сы дорӧ аддзысьлӧмъяс дырйи.
Уджсӧ кутасны нуӧдны районса администрациякӧд ӧтув.
{Kodko (комиӧдіс Обрезкова Н. А.) @ Борӧвӧйса олысьяслӧн лоӧ ӧнія кадлы лӧсялана культура керка @ выльтор @ https://rkomi.ru/news/1296 @ 2021-09-07 @}
Борӧвӧйса олысьяслӧн лоӧ ӧнія кадлы лӧсялана культура керка
Ухта районса Борӧвӧй посёлокын водзӧ выльмӧдӧны культура керка.
Сьӧмсӧ вичмӧдіс «Газпром трансгаз Ухта» ичӧт кывкутана котыр.
Кӧч тӧлысь 4 лунӧ дзоньтасян уджъяслӧн мунӧмӧн тӧдмасисны Коми Республикаса Юралысь Владимир Уйба да предприятиеса медыджыд директор, Коми Республикалӧн Каналан Сӧветса депутат Александр Гайворонский.
Культура керка — посёлокса олысьяслӧн прӧст кад коллявны радейтана ин.
Тані уджалӧ матӧ 20 клубса чукӧртчӧм, кӧні занимайтчӧны 180 гӧгӧр морт.
1973 воын кирпичысь кыпӧдлӧм стрӧйбасӧ колӧ вӧлі капитальнӧя дзоньтавны.
2019–2020 воясӧ «Газпром трансгаз Ухта» ичӧт кывкутана котырӧн сетӧм сьӧм вылӧ вӧлі дзоньталӧма вевтсӧ да лэбула пыранінсӧ.
Таво вичмӧдӧма сьӧм холл да йӧктан зал дзоньталӧм вылӧ, фасадсӧ кышӧм да кутан конструкцияяс вынсьӧдӧм вылӧ.
Кутасны монтируйтны шонтан да электричествоӧн могмӧдан системаяс.
Кольӧм во карса сьӧмкуд сьӧм вылӧ вӧлі дзоньталӧма йирк кутӧдъяс да видзӧдысьяслы зал.
«Ичӧт Чужан мулӧн культура» ставроссияса проект збыльмӧдӧм серти ньӧбӧма залӧ креслӧяс, сценалы «паськӧм» комплект, югзьӧдан да шыӧдан оборудование.
Таво уджъяс мунӧны водзӧ, муниципалитетса сьӧмкуд сьӧм тшӧт весьтӧ дзоньталӧны культура керкаын меститчысь библиотека.
Коми Республикаса Юралысь Владимир Уйба аттьӧаліс «Газпром трансгаз Ухта» ичӧт кывкутана котырӧн веськӧдлысьясӧс Ухталысь да ухтаса посёлокъяслысь социальнӧй инфраструктура сӧвмӧдӧмӧ зіля пырӧдчӧмысь.
«Зэв тӧдчана, мый ми вӧчам тайӧс ӧтлаын — республика, муниципалитет да миян уджъёртъяс.
Ӧтлаын ми вежам олан условиеяссӧ бурланьӧ, медым миян каръяс да сиктъяс лоисны олӧм да уджалӧм вылӧ лӧсьыдджыкӧн да бурджыкӧн.
Аттьӧала Александр Викторович Гайворонскийӧс сыысь, мый сійӧ оз прӧста пырӧдчы тайӧ уджас, но и ачыс водзмӧстчӧ, вӧзйӧ ассьыс отсӧг социальнӧй мытшӧдъяс разигӧн», — пасйис Владимир Уйба.
{Kodko (комиӧдіс Обрезкова Н. А.) @ Коми Республикалы вичмӧдасны федеральнӧй сьӧм вуджан висьӧмысь бурдӧдан больнича водзӧ стрӧитӧм вылӧ @ выльтор @ https://rkomi.ru/news/1298 @ 2021-09-07 @}
Коми Республикалы вичмӧдасны федеральнӧй сьӧм вуджан висьӧмысь бурдӧдан больнича водзӧ стрӧитӧм вылӧ
Россияса Веськӧдлан котыр веськӧдас 50,1 миллион шайт Коми Республикаса сьӧмкудйӧ Вуджан висьӧмысь бурдӧдан республиканскӧй больнича стрӧитӧм вылӧ.
Татшӧм тшӧктӧмсӧ кырымаліс премьер-министр Михаил Мишустин.
Россияса кабминлӧн помшуӧм серти, 300 миллионысь унджык шайт мындаын сьӧмсӧ урчитӧма куим регионын медицина объектъяс стрӧитӧм вылӧ.
Сьӧмӧн могмӧдасны Саратов обласьтын 200 койка вылӧ онкология диспансер стрӧитӧм.
Удмуртияын кыпӧдасны Туберкулёзысь бурдӧдан республиканскӧй клиническӧй больнича бердын поликлиникаа бурдӧдчан корпус.
Комиын сьӧмыс мунас Вуджан висьӧмысь бурдӧдан республиканскӧй больнича водзӧ стрӧитӧм вылӧ.
Кыдзи юӧртӧма Россияса Веськӧдлан котырлӧн сайтын, помшуӧмсӧ примитӧма Веськӧдлан котырлӧн удж бӧртасъяс йылысь отчётӧн 2021 вося ода-кора тӧлысьын Каналан Думаын Михаил Мишустинлӧн выступайтӧм бӧрын.
Сэки парламентарийяс висьталісны Веськӧдлан котырӧн юрнуӧдысьлы ӧткымын регионын медицина учреждениеяс стрӧитӧмсӧ водзӧ колана мында сьӧмӧн могмӧдны коланлун йылысь.
2020 воын ӧткымын объект стрӧитӧм вылӧ вичмӧдӧм сьӧмлысь мындасӧ вӧлі чинтӧма COVID–19-кӧд тыш вылӧ сьӧмкуд сьӧмсӧ вичмӧдӧм вӧсна.
Уськӧдам тӧд вылӧ: 2020 воын выль медицина учреждениеяс стрӧитӧм йылысь Коми Республикаса Юралысь Владимир Уйба сёрнитіс Россияса Президент Владимир Путинкӧд видеоконференция пыр аддзысьлігӧн да корис отсӧг федеральнӧй сьӧмкудйысь.
Сійӧ жӧ вонас Сыктывкарын заводитісны кыпӧдны Вуджан висьӧмысь бурдӧдан республиканскӧй больничалысь выль стрӧйба.
100 койкаа больничасӧ, транспорт дезинфицируйтан пунктсӧ, контроль да лэдзан пунктъяссӧ, биару станциясӧ, аварияяс дырйи электричествоӧн могмӧдан ӧшмӧссӧ вӧчӧ «ТехГазМонтаж» ичӧт кывкутана котыр, кодкӧд кырымалӧма контракт объект проектируйтан да стрӧитан уджъяс нуӧдӧм вылӧ.
Ӧні нуӧдсьӧны уджъяс стенъяс да I, II да III техническӧй джоджувса колоннаяс лӧсьӧдӧм серти, I, II да III блокъясса стенъяс шондӧдӧм да гидроизолируйтӧм серти, II блокса техническӧй джоджувса перекрытиеяс бетонируйтӧм, I да II блокса I судтаысь стенъяс да колоннаяс армируйтӧм серти.
Контракт серти, стрӧитчан да монтируйтан уджъяссӧ урчитӧма помавны 2022 вося рака тӧлысьӧ.
{Kodko (комиӧдіс Обрезкова Н. А.) @ Воркутаын мунӧны Россия Федерацияса Арктика зонаӧ пырысь мутасъяс дорйӧм серти опытно-исследовательскӧй велӧдчӧмъяс @ выльтор @ https://rkomi.ru/news/1299 @ 2021-09-07 @}
Воркутаын мунӧны Россия Федерацияса Арктика зонаӧ пырысь мутасъяс дорйӧм серти опытно-исследовательскӧй велӧдчӧмъяс
Велӧдчӧмъясыс нуӧдсьӧны Россия Федерацияса Президент Владимир Путинлӧн тшӧктӧм серти Россияса сизим арктика регионын — Коми Республикаын, Красноярск крайын, Архангельск да Мурманск обласьтъясын, Якутияын, Ненеч да Чукотскӧй асвеськӧдлан кытшъясын.
Велӧдчӧмъяссӧ восьтісны талун, кӧч тӧлысь 7 лунӧ, видеосвязь пыр.
Коми Республикаса Юралысь Владимир Уйба висьталіс регионлӧн дасьлун йылысь, кор вӧлі Усинскын удж серти.
«Ассянь, став Коми Республикасянь, коді пасйис таво сё во котыртӧмсяньыс, кӧсъя чолӧмавны миян странаса Арктика мутасъяс медводдзаысь шымыртӧм опытно-исследовательскӧй велӧдчӧмъясын участвуйтысьясӧс, — пасйис Владимир Уйба.
— Коми Республикаса РСЧС-лӧн мутас системаувса вынъяс да средствояс велӧдчӧмъясӧ пырӧдчыны дасьӧсь».
Россияса арктика регионъясын кутасны видлавны вводнӧйяс, кутшӧмъяс петкӧдлӧны торъя мутаслы инмысь лоны вермана неминучаяс.
Лоӧ пленарнӧй заседание, кӧні видлаласны Россияса Арктикаын ӧпастӧмлун могмӧдігӧн ведомствокостса йитӧдъяс серти юалӧмъяс.
Республикаын велӧдчӧмъяслӧн шӧр этапъясыс мунӧны Воркутаын — республикалы да став страналы колана да стратегическӧя тӧдчана карын.
Талун Войкытш сайын лоӧ нуӧдӧма велӧдчӧмъяслысь медводдза этап — вайӧдны РСЧС-лысь веськӧдлан органъяссӧ да вынъяссӧ лоны вермана неминучаяс кежлӧ дасьлун режимӧ.
Велӧдчӧмъяс дырйи лоӧ и делӧвӧй уджтас.
Россияса МЧС-лӧн Коми Республикаын медшӧр веськӧдланінлы сетӧма отсӧг Воркута карса велӧдчанінъясын, МЧС-лӧн пӧжарысь мездан юкӧдувъясын восьса ӧдзӧс лунъяс нуӧдӧмын, а сідзжӧ пӧжар дырйи аварияысь мездан техникалысь да оборудованиелысь выставка котыртӧмын.
Кӧч тӧлысь 6–10 лунъясӧ республикаын мунӧ Россияса Арктикалӧн ӧпастӧмлун вежон.
{Kodko (комиӧдіс Обрезкова Н. А.) @ 2022 во помӧдз усинскса Колва сиктын лоас бур юан ва @ выльтор @ https://rkomi.ru/news/1301 @ 2021-09-08 @}
2022 во помӧдз усинскса Колва сиктын лоас бур юан ва
Социальнӧй уджъёртъяс «Усинск» КК МЮ администрация отсӧгӧн котыртісны магистральнӧй ва провод проектируйтӧм серти удж.
Стрӧитчӧмын сьӧмӧн отсасьӧ «ЛУКОЙЛ» котыр.
Та йылысь кӧч тӧлысь 7 лунӧ юӧртіс Коми Республикаса Юралысь Владимир Уйба Колва сиктса олысьяскӧд аддзысьлігӧн.
Ваӧн могмӧдӧм серти мытшӧдӧн Колваын олысьяс шыӧдчисны республикаса Юралысь дорӧ тавося ода-кора тӧлысьӧ аддзысьлігӧн.
Найӧ висьталісны, мый сиктын эмӧсь скважинаяс, кутшӧмъяс кыскӧны васӧ муувса ӧшмӧсъясысь.
Но тайӧ ваыс кӧртлӧн, азотлӧн да аммиаклӧн вывті ыджыд петкӧдласъяс вӧсна оз лӧсяв нормаяслы.
Мытшӧд йылысь сёрниыс мунӧ 2013 восянь, но сӧмын ӧні урчитӧма сылысь разьӧмсӧ.
Колваса олысьяслы босьтчис отсасьны «ЛУКОЙЛ» котыр.
Бур юан ваӧн сиктсаясӧс могмӧдӧм серти уджъяссӧ кутасны нуӧдны кык тшупӧдӧн.
Медводдза тшупӧдыс — магистральнӧй ва провод стрӧитӧм, тшӧтш и Пелыся да Шорсай выль уличаясӧдз.
Мӧд тшупӧдыс — сиктын пытшкӧсса ва сетан везъяс вежӧм.
«Миян уджъёртъяс заводитісны нин проектируйтӧм серти уджъяс, кутшӧмъясӧс колӧ помавны тайӧ во помӧдзыс.
Сэсся заводитчасны стрӧитчан да монтажнӧй уджъяс, да 2022 воын сиктас лоӧ сӧстӧм бур ва.
Но пыртны сійӧс гортаныд, пыдди пуктана олысьяс, ті верманныд сӧмын сэк, кор сувтӧданныд ассьыныд олан стрӧйбаяснытӧ канму кадастр учёт вылӧ.
Колана документъяссӧ лӧсьӧдны тіянлы отсаласны районса власьтъяс», — шуис Владимир Уйба.
Аддзысьлӧм вылын сідзжӧ сёрнитісны социальнӧй объектъяс да туйяс стрӧитӧм да дзоньталӧм, ывлавывса бияс ӧнъяӧдӧм да олысьясӧс чорыд ломтасӧн могмӧдӧм йылысь.
Владимир Уйба сетіс регионса Веськӧдлан котырлы ӧткымын тшӧктӧм мытшӧдъяс разьӧм да вӧзйӧмъяс видлалӧм серти, кутшӧмъясӧн олысьяс шыӧдчисны сы дорӧ аддзысьлігӧн.
Уджыс кутас мунны районса администрациякӧд ӧтув.
Колва сиктӧ волігӧн республикаса Юралысь видзӧдліс челядьлы ворсан да уна мога спорт площадкаяс, кутшӧмъясӧс вӧлі стрӧитӧмаӧсь «ЛУКОЙЛ — челядьлы!» бурвӧчан проект серти.
Челядьлы площадкасӧ сувтӧдӧма сиктса администрация дорын.
Ворсан комплексъясыс, качайясыс да карусельясыс дзик пыр кажитчисны сиктса том олысьяслы.
Спорт комплексыс оз жӧ тыртӧмав: ӧпастӧмлуна вевттьӧда поле вылын зонкаяс ворсӧны футболысь да волейболысь.
Унаӧн окотитӧны занимайтчыны ывлавывса тренажёръяс вылын.
{Kodko (комиӧдіс Обрезкова Н. А.) @ 2022 вося «Войтырлӧн сьӧмкуд» проект серти войтырлысь проектъяс бӧрйӧмсӧ нуӧдӧм йылысь юӧртӧм @ выльтор @ https://rkomi.ru/news/1304 @ 2021-09-09 @}
2022 вося «Войтырлӧн сьӧмкуд» проект серти войтырлысь проектъяс бӧрйӧмсӧ нуӧдӧм йылысь юӧртӧм
Коми Республикаса Юралысьлӧн Администрация (водзӧ — Администрация) юӧртӧ «Войтырлӧн сьӧмкуд» проект серти войтырлысь проектъяс бӧрйӧмсӧ нуӧдӧм йылысь.
Бӧрйӧмыс нуӧдсьӧ «Войтырлӧн сьӧмкуд» проект дорӧ индӧм муртӧсъяслы войтырлӧн проектъяс лӧсялӧмсӧ урчитӧм серти удж котыртан пӧрадок серти, мый вынсьӧдсьӧма Коми Республикаса Веськӧдлан котырлӧн 2016 во ода-кора тӧлысь 20 лунся 252 №-а шуӧмӧн.
Войтырлысь проектъяс бӧрйӧмӧ пырӧдчӧм вылӧ Коми Республикаын меставывса асвеськӧдлан органъяссянь заявкаяс примитан кадколастсӧ урчитӧма 2021 вося кӧч тӧлысь 27 лунсянь 2021 вося йирым тӧлысь 8 лунӧдз (тайӧ луныс пырӧ жӧ) (Администрациялӧн 2021 во кӧч тӧлысь 7 лунся 70-д №-а тшӧктӧд).
Проектъяс бӧрйӧмӧ вермасны пырӧдчыны муниципальнӧй районъяслӧн да кар кытшъяслӧн меставывса асвеськӧдлан органъяс, а сідзжӧ овмӧдчӧминъяслӧн меставывса асвеськӧдлан органъяс сэк, кор налысь участвуйтӧмсӧ урчитӧма лӧсялана документъясӧн (водзӧ — Шыӧдчысьяс).
Бӧрйӧмӧ пырӧдчӧм могысь Шыӧдчысь сетӧ Администрацияӧ заявка юӧртӧмын индӧм кадколастӧ.
Заявкасӧ гижӧны электроннӧя.
Заявкалысь электроннӧй формасӧ позьӧ босьтны личнӧй кабинетын «Ӧтуввез» юӧртан да телекоммуникация везйын https://signal.rkomi.ru сайт вылын.
Гижӧм бӧрын заявкасӧ колӧ распечатайтны да сійӧс кырымалӧ лӧсялана муниципальнӧй юкӧнлӧн администрацияса юралысь (юрнуӧдысь) либӧ сыӧн уполномочитӧм морт.
Заявка дорӧ содтысьӧны татшӧм документъяс:
а) рӧскодлӧн детализируйтӧм смета да (либӧ) сметнӧй документация, кутшӧмӧс кырымалӧма лӧсялана муниципальнӧй юкӧнлӧн администрацияса юралысьӧн (юрнуӧдысьӧн) либӧ сыӧн уполномочитӧм мортӧн, да (либӧ) сьӧм овмӧс органӧн юрнуӧдысьӧн, овмӧдчӧминса юралысьӧн (водзӧ — смета).
Ичӧт да шӧр предпринимательство юкӧнын да агропромышленнӧй комплексын верктуя нырвизьяс серти сметасӧ содтӧд кырымалӧ овмӧс нуӧдысь субъект;
б) войтырлысь проект збыльмӧдӧм вылӧ рӧскод кӧсйысьӧм олӧмӧ пӧртӧм вылӧ мӧд финансӧвӧй во вылӧ муниципальнӧй юкӧнлӧн сьӧмкудйӧ сьӧмкуд ассигнованиеяс пыртӧм йылысь Шыӧдчысьлӧн гарантийнӧй кӧсйысьӧм, сэк, кор проектыс прӧйдитас бӧрйӧм «Войтырлӧн сьӧмкуд» проект серти, лӧсялана муниципальнӧй юкӧнлӧн администрацияса юралысьлӧн (юрнуӧдысьлӧн), либӧ сыӧн уполномочитӧм мортлӧн, либӧ сьӧм овмӧс органӧн юрнуӧдысьлӧн, овмӧдчӧминса юралысьлӧн кырымпасӧн;
в) лӧсялана муниципальнӧй уджтасӧ войтырлысь проект збыльмӧдӧм да (либӧ) войтырлӧн проектса могъяслы лӧсялысь мероприятиеяс пыртӧм йылысь Шыӧдчысьлӧн гарантийнӧй кӧсйысьӧм лӧсялана муниципальнӧй юкӧнлӧн администрацияса юралысьлӧн (юрнуӧдысьлӧн), либӧ сыӧн уполномочитӧм мортлӧн, овмӧдчӧминса юралысьлӧн кырымпасӧн.
Тайӧ пунктса «б» да «в» пунктувъясӧн урчитӧм кӧсйысьӧмъяссӧ колӧ пӧртны олӧмӧ субсидия, субвенция, мукӧд торъя мога сьӧмкудкостса трансферт сетӧм йылысь уведомление воан лунсянь 15 календарнӧй лун чӧжӧн.
Ичӧт да шӧр предпринимательство юкӧнын да агропромышленнӧй комплексын верктуя нырвизьяс серти заявка дорӧ колӧ содтыны «Войтырлӧн сьӧмкуд» проект серти бӧрйӧмсӧ прӧйдитӧм войтырлысь проектъяс збыльмӧдӧм вылӧ муниципальнӧй юкӧнлӧн сьӧмкудйысь сьӧм сетан пӧрадоклысь (правилӧяслысь), кутшӧмъясӧс вынсьӧдӧма лӧсялана муниципальнӧй уджтасъясӧн, Шыӧдчысьӧн эскӧдӧм копия;
г) лӧсялана муниципальнӧй юкӧнын нуӧдӧм гражданалӧн чукӧртчылӧм серти бӧртаса документлӧн да войтырлӧн проектлысь йӧзлы да социальнӧй тӧдчанлунсӧ эскӧдысь кырымпасъяс реестрлӧн Шыӧдчысьӧн эскӧдӧм копияяс, а сідзжӧ гражданалӧн ӧтувъя чукӧртчылӧм фото- да видеофиксируйтӧм (эм кӧ).
Кырымпасъяс реестрын колӧ индыны войтырлӧн проектлысь ним, чукӧртчылӧм нуӧдан кадпас, гражданинлысь О.Н.В., войтырлысь проект збыльмӧдӧмын сьӧмӧн отсалӧм вылӧ сӧгласлун (сӧгластӧмлун) татшӧм сьӧма отсӧг вылӧ ӧтувъя мындалӧн ыдждаын, мый вынсьӧдӧма гражданалӧн чукӧртчылӧм дырйи, кырымпас.
Сэк, кор меставывса асвеськӧдлан орган нуӧдӧ анкетируйтӧм, юасьӧм либӧ гражданалысь видзӧдлас мукӧд ногӧн тӧдмалӧм, кутшӧмъясӧс урчитӧма тайӧ Пӧрадоклӧн 1 пунктса нёльӧд абзацӧн, колӧ содтыны нуӧдӧм анкетируйтӧмлысь, юасьӧмлысь да гражданалысь мукӧд ногӧн видзӧдлассӧ тӧдмалӧмлысь бӧртасъяссӧ;
д) лӧсялана муниципальнӧй юкӧнын меставывса асвеськӧдлан органъясӧн войтырлысь проектъяс видлалӧмлӧн сёрнигижӧдлысь Шыӧдчысьӧн эскӧдӧм копия (либӧ войтырлысь проектъяс видлалӧм йылысь лӧсялана муниципальнӧй юкӧнын меставывса асвеськӧдлан органлӧн инӧда актлысь Шыӧдчысьӧн эскӧдӧм копия);
е) гарантийнӧй письмӧяс:
юридическӧй кывкутысьяссянь (сьӧмкуд учреждениеяс, канму да муниципальнӧй предприятиеяс кындзи) (водзӧ — юридическӧй кывкутысьяс), асшӧр уджалысьяссянь да мукӧд заинтересованнӧй йӧзсянь войтырлысь проектъяс содтӧд сьӧмӧн могмӧдны дасьлун йылысь войтырлӧн проектъяс збыльмӧдӧмӧ кыскан сьӧмлысь йӧрыш индӧмӧн сэк, кор найӧ пырӧдчӧны войтырлысь проектъяс збыльмӧдӧмӧ;
юридическӧй кывкутысьяссянь, асшӧр уджалысьяссянь, гражданасянь материально-техническӧй ногӧн пырӧдчыны дасьлун йылысь татшӧм сикас пырӧдчӧмсӧ индӧмӧн сэк, кор найӧ пырӧдчӧны войтырлысь проектъяс збыльмӧдӧмӧ.
Материально-техническӧй ногӧн пырӧдчӧм улын гӧгӧрвосьӧ войтырлысь проект збыльмӧдӧмӧ абу сьӧма пай материалъясӧн, оборудованиеӧн, техникаӧн, транспорт средствоясӧн пуктӧм;
ж) документъяслӧн, кутшӧмъяс эскӧдӧны объект(ъяс) вылӧ, кӧні кутасны мунны войтырлысь проект збыльмӧдӧм серти уджъяс, муниципальнӧй эмбур инӧд, лӧсялана муниципальнӧй юкӧнлӧн администрацияса юралысьӧн (юрнуӧдысьӧн) эскӧдӧм копияяс, либӧ документъяс, кутшӧмъяс эскӧдӧны, мый объектъяссӧ сувтӧдасны баланс учёт вылӧ (выль стрӧитчӧм дырйи), да найӧс видзӧмсӧ (дзоньталӧмсӧ) оз ковмы вӧчны ортсыса организацияяслы (керка йӧръясын збыльмӧдан проектъяс кындзи):
муниципальнӧй инӧда актлӧн, мый вынсьӧдӧ лӧсялана муниципальнӧй юкӧнлӧн меставывса тӧдчанлуна ӧтув вӧдитчан автомашина туйяслысь лыддьӧг, Шыӧдчысьӧн эскӧдӧм копия, либӧ лӧсялана муниципальнӧй юкӧнлӧн муниципальнӧй эмбур реестрысь выписка, кӧні эм заявкаӧ пыртӧм объектъяс йылысь тӧдмӧгъяс (Пӧрадоклӧн 2 пунктса «в» пунктулӧн урчитӧм верктуя нырвизь серти);
меставывса тӧдчанлуна ӧтув вӧдитчан автомашина туйяслӧн реестрысь Шыӧдчысьӧн эскӧдӧм выписка либӧ мӧд документ, мый эскӧдӧ, мый дзоньтавны, бӧр лӧсьӧдны, бурмӧдны вӧзъян участокыс лоӧ улич-туй везйӧн да оз пыр меставывса тӧдчанлуна ӧтув вӧдитчан автомашина туйяс лыдӧ, кутшӧмъясӧс сьӧмӧн могмӧдӧны туй фондлӧн сьӧм тшӧт весьтӧ (Пӧрадоклӧн 2 пунктса «е» пунктувлӧн нёльӧд абзацын индӧм проектъяс вылӧ);
з) войтырлӧн проектъяс вылӧ, кутшӧмъясӧс збыльмӧдӧны керка йӧръясын, заявка дорӧ колӧ содтыны быд уна патераа керкаын жыръяс кутысьяслӧн ӧтувъя чукӧртчылӧмъяслӧн сёрнигижӧдъяслысь Шыӧдчысьӧн эскӧдӧм копияяс гӧлӧсуйтан листъяслӧн, кутшӧмъясӧс оформитӧма оланін оланпастэчаслӧн корӧмъяс серти, керка йӧрын меститчысь быд стрӧйба да сооружение кутысьяслӧн помшуӧмъяслӧн Шыӧдчысьӧн эскӧдӧм копияясӧн, кӧні пасйӧма татшӧм юӧр:
1) уна патераа керкаын жыръяс, оборудование, мукӧд объект, кутшӧмъясӧс войтырлӧн проект збыльмӧдӧм серти сувтӧдӧма керка йӧрын, кутысьяслӧн ӧтувъя эмбурӧ пыртӧм йылысь помшуӧм (эмбурӧ — стрӧйбаяс да сооружениеяс кутысьяслы);
2) оборудование, мукӧд объект, кутшӧмъясӧс сувтӧдӧма керка йӧрын войтырлысь проект збыльмӧдігӧн, видзӧм йылысь кӧсйысьӧм.
Заявкаын да документъясын (водзӧ — заявка) индӧм юӧрлӧн збыльлун вӧсна кывкутӧ Шыӧдчысь.
Сэк, кор войтырлысь проект збыльмӧдӧны кар (сикт) овмӧдчӧминын, Заявка да сы дорӧ документъяс дасьтӧмын збыльлун вӧсна кывкутӧ муниципальнӧй районлӧн лӧсялана меставывса асвеськӧдлан орган.
Заявка да сы дорӧ документъяс дасьтӧмын отсӧг сетӧм могысь меставывса асвеськӧдлан органъяс вермӧны шыӧдчыны Сьӧмкуд сӧвмӧдӧмын водзмӧстчан проектнӧй шӧринӧ.
Проектнӧй шӧринлӧн контактъяс: Сизев Дмитрий Владимирович, телефон: +7908–717–75–13, электроннӧй пошта: dimasizev@gmail.com.
Шыӧдчысьӧн войтырлӧн быд проект вылӧ сетсьӧ торъя Заявка бумага вылын да электроннӧя (USB-флеш-накопитель вылын либӧ «Ӧтуввез» юӧртан да телекоммуникация везйын мыччӧдъяс облачнӧя видзӧм вылӧ ыстӧгӧн).
Бӧрйысьӧмӧ пырӧдчӧм вылӧ заявкасӧ запечатывайтӧны конвертӧ, кӧні гижсьӧны «Войтырлысь проектъяс бӧрйӧмӧ пырӧдчӧм вылӧ заявка» кывъяс, да ыстӧны веськыда Администрацияӧ либӧ пошта пыр, корреспонденция вайысь мукӧд организация пыр.
Бӧрйысьӧмӧ пырӧдчӧм вылӧ документъяссӧ примитӧ Коми Республикаса Юралысьлӧн Администрация: 167000, Сыктывкар, Коммунистическӧй улича, 9 к., 20, 36 кабинетъясын уджалан лунъясӧ:
выльлунӧ — четвергӧ 9 чассянь 13 часӧдз да 14 чассянь 17 час 30 минутӧдз;
пекничаӧ 9 чассянь 13 часӧдз да 14 чассянь 16 часӧдз.
Юасьны позьӧ татшӧм телефонъяс пыр:
Морозова Анастасия Сергеевна — (8212) 285–397;
Рожкина Светлана Евгеньевна — (8212) 285–295;
Падерин Владислав Александрович — (8212) 285–174.
Юӧртӧм дорӧ содтӧд:
1. «Войтырлӧн сьӧмкуд» проект збыльмӧдан III тшупӧд йылысь» Коми Республикаса Юралысьлӧн Администрациялӧн 2021 во кӧч тӧлысь 7 лунся 70-д №-а тшӧктӧд.
{Kodko (комиӧдіс Обрезкова Н. А.) @ Владимир Уйба сёрнитіс Удора районса ылі сикт-грездъясын олысьяскӧд талунъя мытшӧдъяс йылысь @ выльтор @ https://rkomi.ru/news/1308 @ 2021-09-10 @}
Владимир Уйба сёрнитіс Удора районса ылі сикт-грездъясын олысьяскӧд талунъя мытшӧдъяс йылысь
Кӧч тӧлысь 8 да 9 лунъясӧ Коми Республикаса Юралысь республикаса министерствоясӧн да ведомствоясӧн юрнуӧдысьяскӧд, Коми Республикалӧн Каналан Сӧветса депутат Руслан Магомедовкӧд уджаліс Удора районын.
Веськӧдлан котырса делегация воліс Благоев да Солнечнӧй посёлокъясӧ, Йӧртымдін, Ыджыд Пыисдін да Черныб сиктъясӧ, видзӧдліс производство да социальнӧй объектъяс, аддзысьліс олысьяскӧд.
Благоев посёлокын Владимир Уйба воліс районса 1 №-а участковӧй больничаӧ.
Сійӧ могмӧдӧ кык сюрсысь унджык мортӧс — тайӧ Солнечнӧй, Благоев да Чим посёлокын, Вачӧртыдін грездын, Веньдін станцияын да Йӧртымдін сиктын олысьяс.
Благоевса больничаын сетӧны сӧмын планӧвӧй стационарнӧй отсӧг, нюжмасьны позьтӧм госпитализируйтӧм дырйи пациентъяссӧ нуӧдӧны Усогорск посёлокын Удора районса шӧр больничаӧ.
Тадзи артмӧ медицина кадръяс тырмытӧмлун вӧсна — больничаас медперсонал штатыс тырӧма сӧмын 89 % вылӧ.
Та дырйи учреждениеыс пырӧдчӧ «Земскӧй доктор» да «Земскӧй фельдшер» уджтасъясӧ.
«Республикаса Йӧзлысь дзоньвидзалун видзан министерстволы колӧ вынсьӧдны кадръяс серти удж, а сідзжӧ могмӧдны больничасӧ 16-среза компьютернӧй томографӧн да магнитӧн бурдӧдысь оборудованиеӧн» — тшӧктіс Владимир Уйба.
Солнечнӧй посёлокын Коми Республикаса Юралысь видзӧдліс «Комиимпэкс» вӧр пӧрӧдан да вӧр переработайтан комплекслысь производство вынйӧрсӧ.
2020 воын производство база мутасын вӧлі пыртӧма уджӧ керъя вӧр сортируйтан системаа вӧр переработайтан выль цех.
Пиломатериал производстволӧн ӧтувъя йӧрышыс цехлӧн производственнӧй вынйӧр вылӧ петӧм бӧрын лоӧ вонас 20 400 кубометр.
Предприятиелӧн аслас вӧр сырьё база.
Удора районлы компанияыс лоӧ уджӧн ыджыд могмӧдысьӧн да вот мынтысьӧн, а сідзжӧ сетӧ районлы социальнӧй да экономика боксянь отсӧг.
«Коми Республикаса Веськӧдлан котыр дась сетны предприятиелы отсӧг ыджыдджык содтӧд дона продукциялысь производство лӧсьӧдӧмын.
Вӧр пӧрӧдӧм — кольӧм нэм.
Колӧ вешйыны таысь.
Нӧшта ӧти водзӧ вылӧ бур нырвизь — биоломтас вӧчӧм.
Кутны кӧ тӧд вылын, мый республикаса мазут да из шом вылын уджалысь котельнӧйяс кутам вуджӧдны матысса воясӧ пеллетъяс вылӧ, татшӧм вӧчасыс лоӧ коланаӧн пытшкӧсса рынокъяс вылын.
Тайӧ уджас позьӧ нин талун пырӧдчыны», — пасйис Владимир Уйба.
Ыджыд Пыисдін сиктын республикаса Юралысь воліс врачебнӧй амбулаторияӧ.
Медицина учреждениеыс могмӧдӧ 319 мортӧс, на лыдын 26 челядь.
Ыджыд Пыисдінын олысьяс кындзи, тайӧ нӧшта квайт грездса олысьяс.
Усогорск посёлокӧдз, кӧні уджалӧ районса больнича, — 115 километр.
Амбулаториялӧн эм 22 автомашина.
Приёмсӧ нуӧдӧ фельдшер.
Удора районын республикаса Юралысь аддзысьліс Благоев да Солнечнӧй посёлокъясын, Йӧртымдін, Ыджыд Пыисдін да Черныб сиктъясын олысьяскӧд.
Сёрнитісны туйяс да социальнӧй объектъяс дзоньталӧм да стрӧитӧм, сиктса олысьясӧс чорыд ломтасӧн, бур ваӧн, мобильнӧй связьӧн да Ӧтуввезйӧн могмӧдӧм, сиктса йӧзлысь дзоньвидзалун видзан учреждениеясӧ медицина кадръясӧс кыскӧм, видз-му овмӧсын вузӧс вӧчысьяслы отсӧг сетӧм, парома вуджанінъяслӧн удж да мукӧдтор йылысь.
Владимир Уйба сетіс регионса Веськӧдлан котырлы ӧткымын тшӧктӧм мытшӧдъяс разьӧм да вӧзйӧмъяс видлалӧм серти, кутшӧмъясӧн олысьяс шыӧдчисны республикаса Юралысь дорӧ аддзысьлігӧн.
Уджсӧ кутасны нуӧдны районса администрациякӧд ӧтув.
{Kodko (комиӧдіс Обрезкова Н. А.) @ Комиын власьтъяс вынсьӧдісны школаын велӧдчысьясӧс удж сикасъясӧн тӧдмӧдан удж @ выльтор @ https://rkomi.ru/news/1310 @ 2021-09-10 @}
Комиын власьтъяс вынсьӧдісны школаын велӧдчысьясӧс удж сикасъясӧн тӧдмӧдан удж
Кольӧм велӧдчан воын 9–11 классъясса 1417 велӧдчысь пырӧдчисны уджсикасӧ велӧдан уджтасъяс серти велӧдчӧмӧ.
Та йылысь висьталіс Владимир Уйба Сыктывкарса водоканалын уджалысь котыркӧд аддзысьлӧм вылын.
Кӧч тӧлысь 10 лунӧ Коми Республикаса Юралысь воліс Сыктывкарса водоканаллӧн ва весалан стрӧйбаяс вылӧ, видзӧдліс предприятиеса цехъяс да паныдасьліс уджалысьяскӧд.
Юркарса водоканал могмӧдӧ юан ваӧн да промышленнӧй коланлун вылӧ ваӧн оланін фонд, Сыктывкарса предприятиеяс да организацияяс, примитӧ, мӧдлаӧ качайтӧ да нуӧ ортсӧ лэдзан ваяс найӧс весаланінӧ, уджӧдӧ да дзоньталӧ ва сетан, канализация везъяс да стрӧйбаяс.
Котыр могмӧдӧ 100 сюрсысь унджык абонентӧс.
Производство вынйӧрыс — суткинас 300 сюрс кубометр.
Водоканал вӧдитчӧ ӧнія кадлы лӧсялана универсальнӧй технологияясӧн, мый сетӧ позянлун ваӧн вӧдитчысьяслы босьтны санитарнӧй нормаяслы лӧсялана, зэв бура весалӧм ва.
Предприятиеын уджалӧ 645 морт.
Республикаса Юралысьлӧн предприятиеса уджалысьяскӧд аддзысьлӧм вылын кыптіс сёрни ЖКХ юкӧнлы специалистъясӧс велӧдӧм йылысь.
Сыктывкарса ва сетанінлы, татшӧм ыджыд предприятиелы, юалӧмыс тӧдчана.
Владимир Уйба юӧртіс, мый регионса Веськӧдлан котыр нуӧдӧ комплекснӧй удж тайӧ нырвизь серти.
Кольӧм велӧдчан воын Коми Республикаса велӧдан, наука да том йӧз политика министерство збыльмӧдіс проект, мый серти 9–11 класса 1417 велӧдчысь пырӧдчисны уджсикасӧ велӧдан уджтасъяс серти велӧдчӧмӧ.
25 морт велӧдчисны «Сантехник» специальносьт серти.
«Зэв тӧдчана, медым миян челядь эз сӧмын велӧдчыны чужан республикаын, но и кольччисны татчӧ уджавны, — пасйис Владимир Уйба.
— Та вылӧ колӧ медводз туйдны челядьӧс босьтны кутшӧмкӧ уджсикас, велӧдны найӧс, а сэсся могмӧдны уджӧн.
Велӧдан уджӧ колӧ пыртны удж сетысьясӧс.
И ми тайӧ уджсӧ ӧні нуӧдам.
Шуа унджык, ми кырымалім нин гырысь предприятиеяскӧд куим боксянь контрактъяс, медым миянлысь челядьӧс велӧдчӧм бӧрын босьтісны удж вылӧ».
Аддзысьлӧм вылын сёрнитісны Эжва ю сёртасын пыдӧс джудждӧдан уджъяс нуӧдӧм, туйяс дзоньталӧм да стрӧитӧм, уна челядя семьяяслы отсӧг сетӧм, республикаын выль производствояс лӧсьӧдӧм да мукӧд коланатор йылысь.
Владимир Уйба сетіс Сыктывкарса водоканалын уджалысьяслы регион социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медальяс.
* * *
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медальяс сетӧма:
Евгений Иванович Жижевлы — Емвальса КНС «Ва петкӧдӧм» службаын насоса установкаяслӧн машинистлы;
Сергей Николаевич Климовлы — Диспетчерскӧй службаса диспетчерлы;
Игорь Владимирович Некучаевлы — Ва провод везъяс дзоньталан да уджӧдан службалӧн аварийнӧй да дзоньтасян уджъяс вӧчысь слесарлы;
Евгений Николаевич Панюковлы — Транспорт службаса водительлы.
{Kodko (комиӧдіс Обрезкова Н. А.) @ Коми Республикаса Юралысь ошкис Усинскса власьтъяслысь олысьяслӧн шыӧдчӧмъяс серти выль уджалан форматсӧ @ выльтор @ https://rkomi.ru/news/1311 @ 2021-09-11@}
Коми Республикаса Юралысь ошкис Усинскса власьтъяслысь олысьяслӧн шыӧдчӧмъяс серти выль уджалан форматсӧ
Владимир Уйба восьтіс Усинскын муниципальнӧй веськӧдлан шӧрин (МВШ).
Арктикаса кар лоис республикаын Сыктывкар бӧрын мӧдӧн, кӧні заводитіс уджавны МВШ.
Кӧч тӧлысь 7 лунӧ «Усинск» КК МЮ удж серти ветлігӧн Владимир Уйба тӧдмасис сылӧн уджӧн.
«Татшӧм шӧринъяссӧ колӧ восьтавны республикаса став муниципалитетын, — пасйис регионса Юралысь.
— Сэки мортлӧн шыӧдчӧмсянь, лоӧмторсянь муниципалитетса веськӧдлысьяслӧн вочавидзӧмӧдз туйыс лоӧ дженьыдджык.
Ме ачым заводита быд уджалан лун Регионӧн веськӧдлан шӧринлӧн юӧръясӧн тӧдмасьӧмсянь.
Тайӧ йӧзӧс майшӧдлана юалӧмъяс серти пырся мониторинг нуӧдан окта система».
Шӧринса специалистъяс кутасны тӧдмавны Усинск кар кытшса олысьясӧс майшӧдлан юалӧмъяс да нюжмасьтӧг уджавны на вылын кывкутысьяскӧд ӧтув.
Сідзжӧ МВШ кутас видзӧдны кадколастъяс, юӧртӧм серти уджалан ногтуй да донъявны сійӧс, кажитчӧ-ӧ гражданалы вочавидзӧмъясыс.
Муниципальнӧй веськӧдлан шӧринлӧн уджӧ кутасны босьтны юӧръяс ӧтуввезса восьса ӧшмӧсъясысь, мӧд ногӧн кӧ, социальнӧй везъясысь.
Сідз, Усинскса олысьяс медся тшӧкыда шыӧдчӧны оланін да коммунальнӧй овмӧслӧн удж, туйяслӧн ногтуй да районлӧн мичмӧдӧм-бурмӧдӧм серти юалӧмъясӧн.
Сідзжӧ сотрудникъяслӧн уджын инструментъяс пиын — «Лёк суӧмысь видзчысян кар» видео пыр видзӧдан система.
«Усинскса муниципальнӧй веськӧдлан шӧрин лоис республикаын мӧдӧн.
Татшӧм шӧринъяслысь тӧдчанлунсӧ эскӧдӧ и сійӧ, мый Коми Республикаса Юралысь Владимир Уйба ачыс воліс миянлысь шӧрин восьтӧм вылӧ.
Сідзкӧ, республикаын ставнас и муниципальнӧй юкӧнъясын мунӧ быд тшупӧда власьт органъяслӧн олысьяскӧд йитӧдъяс бурмӧдӧм серти водзвыв урчитӧм удж», — гӧгӧрвоӧдіс Усинскын МВШ восьтӧмсӧ кар кытшса юралысь Николай Такаев.
«Коми Республикаса регионӧн веськӧдлан шӧрин кутас сетны став колана отсӧгсӧ Усинскса МВШ-лы.
Миян эм нин опыт.
Кутам лача, мый Усинскса Шӧринлӧн уджыс сетас позянлун ӧдйӧджык вочавидзны олысьяслӧн шыӧдчӧмъяс вылӧ», — шуис Коми РВШ-ӧн юрнуӧдысь Евгений Зелинский.
Уськӧдам тӧд вылӧ, мый Регионъясӧн веськӧдлан шӧринъяссӧ восьтӧма страна пасьтала Россияса Президентӧн тшӧктӧм серти федеральнӧй проект збыльмӧдӧм могысь.
Муниципальнӧй веськӧдлан шӧринъяс топыда уджалӧны регионса РВШ-кӧд. Налӧн мог — петкӧдны власьт органъяслысь олысьяскӧд йитӧдсӧ вылыс тшупӧд вылӧ.
2021 во помӧдз Коми Республикаын МВШ-ъяс воссясны Ухтаын да Воркутаын.
Ассьыныс юӧръяссӧ Муниципальнӧй веськӧдлан шӧринӧ «Усинск» КК МЮ олысьяс вермасны кольны социальнӧй везъясын кар кытшса администрациялӧн официальнӧй сообществоясын, «Коми Республика» сообществоын виджет пыр да «Канму услугаяс.
Решайтам ӧтлаын» бӧр йитӧда платформа вылын.
{Kodko (комиӧдіс Обрезкова Н. А.) @ Владимир Уйба аддзысьліс «Придаш» да «Зеленеч» сикт овмӧдчӧминъясса олысьяскӧд @ выльтор @ https://rkomi.ru/news/1314 @ 2021-09-12 @}
Владимир Уйба аддзысьліс «Придаш» да «Зеленеч» сикт овмӧдчӧминъясса олысьяскӧд
Кӧч тӧлысь 11 лунӧ Коми Республикаса Юралысь республикаса министерствоясӧн юрнуӧдысьяскӧд, Коми Республикалӧн Каналан Сӧветса депутат Руслан Магомедовкӧд воліс удж серти Сыктывдін районӧ.
Олысьяскӧд аддзысьлӧмъяс вылын сёрнитісны олысьяслы тӧдчанаторъяс йылысь: туйяс дзоньталӧм, социальнӧй объектъяс стрӧитӧм да дзоньталӧм, олысьясӧс пескӧн, мобильнӧй связьӧн, ӧтуввезйӧн могмӧдӧм, видз-му овмӧс вузӧс вӧчысьяслы отсӧг йылысь.
Кыптіс юалӧм Тӧрӧяг посёлокса олысьясӧс мӧд оланінъясӧ вуджӧдӧм йылысь. Посёлоксӧ признайтӧма аскиа лунтӧмӧн да шуӧма тупкыны.
Колӧ вуджӧдны мӧдлаӧ овны 37 керкаса олысьясӧс.
Владимир Уйба висьталіс, мый тайӧ уджыс кутас мунны 2024 вося тӧвшӧр тӧлысь 1 лунсянь, колана сьӧмсӧ республиканскӧй сьӧмкудйын урчитӧма.
«Локтан воын республикаса сьӧмкуд лоас дефицитнӧйӧн.
Но ми корсям содтӧд позянлунъяс, медым ӧдйӧджык овмӧдны йӧзсӧ мӧдлаӧ.
Ӧні уджалам тайӧ могъяс вылӧ федеральнӧй сьӧм кыскӧм серти.
Сетасны кӧ сьӧмсӧ, колӧ лоны дасьӧн найӧс видзны.
Муниципалитетса юрнуӧдысьяслы колӧ нуӧдны ыджыд дасьтысян удж: посёлокса уна патераа керкаясса патераяссӧ вуджӧдны муниципальнӧй эмбурӧ, сувтӧдны найӧс да му участокъяс, мый вылын найӧ сулалӧны, кадастр учёт вылӧ», — пасйис Владимир Уйба.
Зеленечса олысьясӧс майшӧдлӧ Парчӧг грездӧ автомашина туйыс, кыті новлӧдлӧны челядьӧс «Гренада» шӧринӧ.
Коми Республикаса Юралысь уськӧдіс тӧд вылӧ, мый сылӧн тшӧктӧм серти 2022–2023 воясӧ школьнӧй маршрутъяслысь мунан туйяссӧ дзоньталӧм вылӧ лоӧ вичмӧдӧма республикаса Туй фондлысь сьӧм.
Водзвыв арталӧм серти, та вылӧ ковмас матӧ сизим да джын миллиард шайт.
Пӧшти коймӧд пайыс лоӧ веськӧдӧма Сыктывдін районӧ, кӧні школьнӧй маршрутъяслӧн ӧтувъя кузьтаыс 100 километрысь унджык.
Парчӧг грездлань матыстчан туйсӧ пыртӧма тайӧ лыддьӧгас.
Аддзысьлӧмъяс вылын сёрнитісны дзоньвидзалун видзан учреждениеясын, торйӧн нин сиктъясын, медицина кадръяс тырмытӧм йылысь.
Владимир Уйбалӧн кывъяс серти, тайӧ мытшӧдыс тӧдчана став муниципалитетлы — регионын оз тырмы 650 врач да 580 шӧр медицина персонал.
Коми Республикаса Юралысь сувтӧ регионса общественносьт да олысьяс дор, кодъяс вӧзйӧны ловзьӧдны медицина вузъяс помалысьясӧс ыстыны удж вылӧ канмусянь индӧмӧн.
Татшӧм помшуӧмсӧ колӧ примитны федеральнӧй тшупӧдын.
Сідзжӧ республикаса Веськӧдлан котыр видлалӧ позянлун котыртны сиктса мутасъясын ӧтувъя практикаа врачьяслысь удж.
Тадзи уджалӧны Белгород обласьтын.
Владимир Уйба сетіс Сыктывдін районса олысьяслы уна вося бур уджысь да регион сӧвмӧдӧмӧ пай пуктӧмысь «Коми Республикалы 100 во» юбилейнӧй медальяс.
Зеленеч сиктын Владимир Уйба воліс шӧр школаӧ, кӧні вылӧ донъяліс кадет ӧтмунӧмлысь чӧжӧм опытсӧ.
Ӧтмунӧмсӧ котыртӧма 2010 воын 5–9 класса велӧдчысьяслы.
Школаса кадетъяс — районса да республикаса военно-патриотическӧй смотръясӧ, конкурсъясӧ, акцияясӧ зіля пырӧдчысьяс, призёръяс да вермысьяс.
Кадет классъясса велӧдчысьяс петкӧдлісны гӧсьтъяслы стрӧевӧй дасьлун да йӧктісны кадетъяслысь вальс.
Коми Республикаса Юралысь шыӧдчис челядь дорӧ бурсиӧмӧн.
«Служитны Россиялы — зэв ыджыд чесьт, — пасйис Владимир Уйба.
— И сійӧ, мый ті школа парта сайын, кадет классын нин тайӧс гӧгӧрвоанныд, сетас тіянлы содтӧд вын водзӧ олӧмын.
Велӧдчӧй бура, лоӧ ӧта-мӧдыдкӧд, велӧдысьяскӧд ылӧдчытӧмӧн, и ставыс тіянлӧн артмас».
* * *
Коми Республикаса Юралысьлӧн тшӧктӧмӧн Коми Республика социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Сергей Николаевич Дедюкинлы — «Зеленечса чипан видзан фабрика» акционер котырын комбикорм вӧчан производствоса аппаратчиклы;
Константин Минович Профирлы — «Зеленечса чипан видзан фабрика» акционер котырса слесар-ремонтниклы;
Пантелеймон Изосимович Туркинлы — «Зеленечса чипан видзан фабрика» акционер котырлӧн автотракторнӧй паркын автомашинаса водительлы.
{Kodko (комиӧдіс Обрезкова Н. А.) @ Коми Республикаса ӧткымын олысьлы сетісны канму наградаяс @ выльтор @ https://rkomi.ru/news/1318 @ 2021-09-13 @}
Коми Республикаса ӧткымын олысьлы сетісны канму наградаяс
«Коми Республикаса канму наградаяс сетӧм йылысь» Коми Республикаса Юралысьлӧн 2021 во кӧч тӧлысь 10 лунся 108 №-а Индӧд
1. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
Елена Михайловна Дуркиналы — «Трусов» сикт овмӧдчӧминса юралысьлы, Чилимдін район;
Нина Анатольевна Журавскаялы — Югыдъягса Культура керкаӧн — «Кулӧмдінса шӧр клубнӧй система» муниципальнӧй сьӧмкуд культура учреждениеса филиалӧн заведуйтысьлы;
Андрей Александрович Захаренколы — Коми Республикаын Федеральнӧй вот службалӧн (Москва кар) «Налог-Сервис» Федеральнӧй казённӧй учреждениелӧн филиалса директорлы, Сыктывкар;
Игорь Михайлович Каневлы — «Россия Федерацияын сынӧдті ветлӧмсӧ котыртан канму корпорация» федеральнӧй канму ӧтувъя предприятиелӧн «Войвыв Ураллӧн аэронавигация» филиалын аэронавигационнӧя могмӧдӧмлӧн ногтуй бӧрся инспектируйтан да дӧзьӧр юкӧнса начальникӧс вежысьлы, Сыктывкар;
Иван Иванович Кущевлы — «Зӧвсьӧртса ЛПК» ичӧт кывкутана котырын план серти ӧлӧдан дзоньталӧм участокса 6 разряда слесар-дзоньталысьлы, Емдін район;
Игорь Иванович Ластуновлы — «Канму службаӧ да веськӧдлыны велӧдан Коми Республикаса академия» вылыс тшупӧда велӧдан канму учреждениеын вылыс тшупӧда велӧдан институтлӧн оланпастэчас да муниципальнӧй инӧд кафедраса доцентлы, Сыктывкар;
Татьяна Николаевна Медведевалы — «Сыктывкарса фанера вӧчан завод» ичӧт кывкутана котырса коммерческӧй директорлы;
Михаил Васильевич Мелиховлы — «Питирим Сорокин нима Сыктывкарса канму университет» вылыс тшупӧда велӧдан канму сьӧмкуд учреждениеын гуманитарнӧй наукаяс институтлӧн роч филология кафедраса профессорлы;
Татьяна Владимировна Мироновалы — «СевЛесПил» ичӧт кывкутана котырын финансъяс серти директорлы — медыджыд директорӧс вежысьлы, Сыктывкар;
Николай Алексеевич Морозовлы — «Канму службаӧ да веськӧдлыны велӧдан Коми Республикаса академия» вылыс тшупӧда велӧдан канму учреждениеын вылыс тшупӧда велӧдан институтлӧн канму да муниципальнӧй веськӧдлӧм серти кафедраса доцентлы, Сыктывкар;
Екатерина Евгеньевна Петраковалы — «Канму службаӧ да веськӧдлыны велӧдан Коми Республикаса академия» вылыс тшупӧда велӧдан канму учреждениеын вылыс тшупӧда велӧдан институтлӧн экономика да менеджмент кафедраса доцентлы, Сыктывкар;
Наталья Владимировна Поповалы — «Физико-математическӧй лицей-интернат» Коми Республикаса канму велӧдан учреждениеын биология велӧдысьлы, Сыктывкар;
Владимир Васильевич Просужихлы — «Айкатыласа лесничество» Коми Республикаса канму учреждениелӧн Мадмасса участковӧй лесничествоын участковӧй лесничӧйлы, Емдін район;
Галина Анатольевна Сергеевалы — Воркутаын «23 №-а шӧр школа» муниципальнӧй велӧдан учреждениеса директорлы;
Сергей Анатольевич Скоковлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиаллӧн — Магистральнӧй биару проводъяслӧн Микуньса линейнӧй производственнӧй веськӧдланінлӧн газокомпрессорнӧй службаса 3 №-а цехын технологическӧй компрессоръясса 6 разряда машинистлы, Емдін район;
Марина Николаевна Скопиналы — «Сыктывкарса сервис да связь колледж» уджсикасӧ велӧдан канму учреждениеын инклюзивнӧя велӧдан да методика удж нуӧдан шӧринӧн юрнуӧдысьлы;
Евгения Юрьевна Тутолминалы — «16 №-а шӧр школа» муниципальнӧй велӧдан учреждениеса директорлы, Ухта кар;
Ирина Александровна Тюкавиналы — «Канму службаӧ да веськӧдлыны велӧдан Коми Республикаса академия» вылыс тшупӧда велӧдан канму учреждениеын редакционно-издательскӧй юкӧнса начальниклы, Сыктывкар;
Владимир Михайлович Филатовлы — «Транснефть-Север» акционер котырлӧн дінму велӧдан шӧринса директорлы, Ухта кар;
Юрий Владимирович Фукаловлы — «Зӧвсьӧртса ЛПК» ичӧт кывкутана котырса электросилӧвӧй участокын релейнӧй защитаса да автоматикаса аппаратура дзоньталӧм да могмӧдӧм серти 6 разряда электромонтёрлы, Емдін район;
Виктор Александрович Ященколы — «Лузалес» ичӧт кывкутана котырса Удж йитӧдъяс, удж видзӧм да лёк суӧмысь видзчысьӧм серти департаментын удж йитӧдъяс, удж видзӧм да лёк суӧмысь видзчысьӧм серти медыджыд директорӧс вежысьлы, Сыктывкар.
2. Коми Республикалӧн бур вылӧ уна во зіля уджалӧмысь Коми Республикаса Почёт грамота сетны:
Любовь Ивановна Акуловалы — «Питирим Сорокин нима Сыктывкарса канму университет» вылыс тшупӧда велӧдан федеральнӧй канму сьӧмкуд учреждениеын естественнӧй наукаяс институтса естественно-научнӧй велӧдӧм серти кафедраӧн заведуйтысьлы;
Галина Григорьевна Ануфриевалы — «Печора» муниципальнӧй районса администрацияын экономика да инвестицияяс юкӧнса нуӧдысь экономистлы;
Елизавета Николаевна Бибиналы — Коми Республикаын «Росгосстрах» Страхӧвӧй Компания йӧзлы восьса акционер котырса филиаллӧн «Айкатыла» агентскӧй шӧринын страхӧвӧй агентлы, Емдін район;
Иван Минович Бобрецовлы — Чилим сиктса потребительскӧй котырлӧн правлениеӧн веськӧдлысьлы;
Александра Михайловна Дёминалы — «Коми республиканскӧй типография» ичӧт кывкутана котырса переплётчиклы, Сыктывкар;
Татьяна Владимировна Дринколы — Визин сиктын «Быдсяма челядьӧс 1 №-а видзанін» школаӧдз велӧдан муниципальнӧй учреждениеса шӧр кагульничалы, Сыктыв район;
Валентина Семеновна Дуркиналы — «Мӧскашор» сикт овмӧдчӧминса администрацияын нуӧдысь экспертлы, Чилимдін район;
Светлана Валерьевна Зайцевалы — «Зӧвсьӧртса ЛПК» ичӧт кывкутана котырын фанера вӧчан производствоса 4 разряда шпон косьтысьлы, Емдін район;
Наталия Николаевна Зоновалы — Воркута карын «23 №-а шӧр школа» муниципальнӧй велӧдан учреждениеын английскӧй кыв велӧдысьлы;
Елена Михайловна Калимовалы — «Айкатыла» сикт овмӧдчӧминса администрацияӧн юрнуӧдысьӧс вежысьлы, Емдін район;
Галина Николаевна Климушевалы — «Зӧвсьӧртса ЛПК» ичӧт кывкутана котырын ДВП СП заводса 4 разряда учётчиклы, Емдін район;
Андрей Игоревич Ковалевлы — «Опера да балет театр» Коми Республикаса канму асшӧрлуна учреждениеын артист-вокалистлы (солистлы), Сыктывкар;
Дмитрий Владимирович Максименколы — «Народъяслӧн дружба ордена В. Савин нима академическӧй канму драма театр» Коми Республикаса канму асшӧрлуна учреждениеын драма артистлы, сценавывса медшӧр мастерлы, Сыктывкар;
Светлана Евгеньевна Момотлы — «Сыктывкарса фанера вӧчан завод» ичӧт кывкутана котырын конструкторскӧй разработкаяс юкӧнса начальниклы;
Людмила Николаевна Пенкиналы — «10 №-а шӧр школа» муниципальнӧй велӧдан учреждениеса директорлы, Ухта кар;
Алексей Сергеевич Петрунёвлы — «Сыктывкарса фанера вӧчан завод» ичӧт кывкутана котырса финансӧвӧй директорлы;
Оксана Николаевна Пискаревалы — «Сыктывкарса фанера вӧчан завод» ичӧт кывкутана котырса шпон цехын шпон косьтан да дасьтан участокса шпон да фанера 5 разряда сортируйтысьлы;
Александр Алексеевич Поповлы — «Зӧвсьӧртса ЛПК» ичӧт кывкутана котырса ДВП СП заводын пу плитаяс 6 разряда прессуйтысьлы, Емдін район;
Валентина Борисовна Поповалы — Коми Республикаын «Росгосстрах» Страхӧвӧй Компания йӧзлы восьса акционер котырса филиаллӧн «Абъячой» агентскӧй шӧринса страхӧвӧй агентлы, Луздор район;
Людмила Алексеевна Ракиналы — «Пруптса лесничество» Коми Республикаса канму учреждениелӧн Климовскӧй участковӧй лесничествоын участковӧй лесничӧйлы, Кулӧмдін район;
Андрей Викторович Ревенколы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиаллӧн — магистральнӧй биарупроводъяслӧн Воркутаса линейнӧй производственнӧй веськӧдланінлӧн «Байдарацкӧй» компрессорнӧй станцияса начальниклы, Воркута кар;
Сергей Алексеевич Ткачевлы — «Канму службаӧ да веськӧдлыны велӧдан Коми Республикаса академия» вылыс тшупӧда велӧдан канму учреждениеса вылыс тшупӧда велӧдан институтса канму да муниципальнӧй веськӧдлӧм серти кафедраӧн заведуйтысьлы, Сыктывкар;
Людмила Дмитриевна Тюриналы — «Лузалес» ичӧт кывкутана котырлӧн Тӧвар иналӧм серти департаментын тӧвар иналан юкӧнса юралысь технологлы, Сыктывкар;
Мария Яковлевна Чупровалы — «Окунев Нос» сикт овмӧдчӧминлӧн Сӧветса нёльӧдысь бӧрйӧм депутатлы, Коми Республикаын меставывса асвеськӧдлан органъясса ветеранлы, Чилимдін район;
Раиса Алексеевна Шучалиналы — «СевЛесПил» ичӧт кывкутана котырын транспорт юкӧнса начальниклы, Сыктывкар;
Марина Абдуллаевна Юлдашевалы — «Б. А. Мордвинов нима Воркутаса драма театр» Коми Республикаса канму асшӧрлуна учреждениеын драма артистлы — сценавывса медшӧр мастерлы.
{Kodko (комиӧдіс Обрезкова Н. А.) @ Онкологияысь амбулаторнӧя бурдӧдан шӧринъяс: пациентъяс дорӧ матыстӧм отсӧг @ выльтор @ https://rkomi.ru/news/1320 @ 2021-09-13 @}
Онкологияысь амбулаторнӧя бурдӧдан шӧринъяс: пациентъяс дорӧ матыстӧм отсӧг
Пандемия вылӧ видзӧдтӧг, кор дзоньвидзалун видзан юкӧнын ыджыд вын да средствояс вӧлі веськӧдӧма ковидкӧд тыш вылӧ, Коми Республикаын водзӧ сӧвмӧ онкология служба.
Коми Республикаса Веськӧдлан котырӧн Юрнуӧдысьӧс вежысь Лариса Карачёва видзӧдліс Сыктывкарса 3 №-а поликлиника подув вылын во сайын лӧсьӧдӧм онкологияысь амбулаторнӧя бурдӧдан шӧринлысь удж.
«Йӧзлысь дзоньвидзалун видзӧм» национальнӧй проектӧ пырӧдчӧм отсаліс 2020 воын восьтыны Коми Республикаын онкологияысь амбулаторнӧя бурдӧдан нёль шӧрин: Сыктывкарын, Эжваын, Ухтаын да Воркутаын.
Тайӧ онкологияӧн висьысьяслы ӧтлаӧдӧм специализируйтӧм поликлиникаяс да лунся стационаръяс.
Онкологияысь амбулаторнӧя бурдӧдан шӧринъяслӧн шӧр могыс — местаяс вылын диагностируйтӧм да бурдӧдӧм.
«Ми ставӧн тӧдам, кутшӧма колӧ водз аддзыны онкология висьӧмсӧ да ас кадӧ заводитны бурдӧдӧмсӧ.
Ми лӧсьӧдам татшӧм шӧринъяссӧ сы вӧсна, медым пациентъясыс вермисны босьтны специализируйтӧм медицина отсӧг эз сӧмын онкодиспансерын, но и оланін дораныс матынджык.
Татшӧм шӧринъясын позьӧ пыдіа обследуйтчыны, пуктыны диагноз, гӧгӧрвоны висьӧмлысь тшупӧдсӧ.
Онкологияысь амбулаторнӧя бурдӧдан шӧринъясын нуӧдӧны химиотерапевтическӧй бурдӧдӧм лунся стационарын либӧ амбулаторнӧя.
Бурдӧдысь врач нюжмасьтӧг донъялӧ бурдӧдӧмлысь окталунсӧ да сійӧс, кыдзи пациентыс кылӧ асьсӧ бурдӧдігас.
Тані жӧ, шӧринас, нуӧдӧны пациентъяс бӧрся диспансернӧй дӧзьӧр», — пасйис Лариса Карачёва.
Шӧринӧ волігӧн Веськӧдлан котырӧн Юрнуӧдысьӧс вежысь тӧдмасис амбулаторнӧй онкошӧринлӧн позянлунъясӧн.
Эм УЗИ-диагностика комплекс, эндоскопия вӧчан оборудование (гастроскопическӧй, колоноскопическӧй да бронхоскопическӧй стойкаяс), компьютернӧй томография вӧчан аппарат.
Кӧсйӧны ньӧбны биопсия вӧчан оборудование.
Шӧринын приёмсӧ нуӧдӧны 6 врач, тані эм клинико-диагностическӧй лаборатория да лунся стационар.
Лунся стационарын онкологическӧй отсӧг сетӧны 4 врач-онколог.
Уджалӧны кык сменаӧн.
2020 вося йирым тӧлыссянь Шӧринлӧн лунся стационарын бурдӧдчисны 74 морт, диспансернӧй дӧзьӧр улын 3 701 пациент.
2021 воын тайӧ шӧринъяссӧ содтӧд лӧсьӧдӧм вылӧ республикаса Юралысь Владимир Уйбалӧн тшӧктӧм серти республиканскӧй сьӧмкудйысь содтӧд вичмӧдӧма 69 миллион шайт.
Тайӧ сьӧм вылас лоӧ ньӧбӧма оборудование: эндоскопъяс, УЗИ-аппаратъяс.
Ухта карса поликлиникаын лоӧ выль КТ аппарат.
{Kodko (комиӧдіс Обрезкова Н. А.) @ Владимир Уйба пырӧдчис «Видзам вӧр» Ставроссияса экология проектӧ @ выльтор @ https://rkomi.ru/news/1322 @ 2021-09-13 @}
Владимир Уйба пырӧдчис «Видзам вӧр» Ставроссияса экология проектӧ
Проект серти Сыктывдін районын Ыбса лесничествоын кӧч тӧлысь 13 лунӧ вӧлі пожӧм быдтасъяс садитӧм серти «Лес памяти» акция.
Сэтчӧ пырӧдчисны республикаса министерствоясӧн юрнуӧдысьяс, Коми Республикалӧн Каналан Сӧветса депутат Руслан Магомедов, Коми Республикаса Вӧр-ва министерствоӧс петкӧдлысьяс, лесничествоса, Коми вӧр пӧжарысь видзан шӧринса уджалысьяс да школаса лесничествоысь челядь.
«Коми Республикалы вӧрлӧн тӧдчанлуныс зэв ыджыд, — шыӧдчис акцияӧ пырӧдчысьяс дорӧ Коми Республикаса Юралысь.
— Вӧрыс миянӧс вердӧ, шонтӧ, сетӧ удж.
Вӧр ловзьӧдӧмӧн ми вештам водзӧс миян мича Пармалы».
«Видзам вӧр» — вӧръяс ловзьӧдӧм серти да вӧр пӧжаръяс бӧрын колясъяс бырӧдӧм серти Россияын медшӧр лесоклиматическӧй проект.
Сійӧ нуӧдсьӧ быд во «Экология» национальнӧй проект серти.
Ыбса лесничествоын 3 гектар вылын лои садитӧма пожӧмлысь матӧ 6 сюрс быдтас.
2020 воӧ вӧр ловзьӧдан кампаниялӧн куим тӧлысьӧн странаын проектӧ пырӧдчис 1,1 миллионысь унджык морт, вӧлі садитӧма 42 миллионысь унджык пу.
Таво Россияса став 85 регионын арталӧма садитны 70 миллион пу.
Проектлӧн медыджыд мог — 2030 во кежлӧ садитны 5 миллиард пу.
{Kodko (комиӧдіс Обрезкова Н. А.) @ «Емва» социальнӧй да экономика боксянь водзынджык сӧвмысь мутасын стрӧитасны лыска пуяс быдтанін @ выльтор @ https://rkomi.ru/news/1323 @ 2021-09-13 @}
«Емва» социальнӧй да экономика боксянь водзынджык сӧвмысь мутасын стрӧитасны лыска пуяс быдтанін
Кӧч тӧлысь 13 лунӧ монокаръясын торъя экономическӧй зона да социальнӧй да экономика боксянь водзынджык сӧвмысь мутас лӧсьӧдӧм серти ведомствокостса уджалан группалӧн заседание вылын, мый муніс Россия Федерацияса Веськӧдлан котырӧн Юрнуӧдысьӧс вежысь — Ылі Асыввыв федеральнӧй кытшын Россия Федерацияса Президентӧс полномочнӧй петкӧдлысь Ю. П. Трутневлӧн юрнуӧдӧм улын, вӧлі ошкӧма «Емва» социальнӧй да экономика боксянь водзынджык сӧвмысь мутас лӧсьӧдӧм йылысь» Россияса Веськӧдлан котырлӧн 2017 во рака тӧлысь 6 лунся 267 №-а шуӧмӧ вежсьӧмъяс пыртӧм йылысь помшуӧм.
Шуӧмлӧн балаӧ пыртӧм вежсьӧмъяс сетасны позянлун матысса кадӧ нин заводитны збыльмӧдны монокар мутасын «Пӧдса вужъяса системаа лыска пуяс быдтанін» инвестицияа проект, кутшӧмӧс веськӧдӧма вӧр компенсационнӧя ловзьӧдӧм да регионса да россияса вӧръяс видзӧм вылӧ, а сідзжӧ отсавны ичӧт да шӧр предпринимательство субъектъяслы да ышӧдны збыльмӧдны наӧн выль инвестиция проектъяс, проектъяс дорӧ водзын урчитӧм корӧмъяслысь тшупӧдсӧ чинтӧм тӧд вылын кутӧмӧн.
Пыртны федеральнӧй шуӧмӧ вежсьӧмъяссӧ вӧзйис Коми Республикаса экономика сӧвмӧдан министерство регионса Юралысь Владимир Уйбалӧн тшӧктӧм серти.
Инвесторъяслы регионын уджалан условиеяс лӧсьӧдӧм — Коми Республикаса Веськӧдлан котырлӧн уджын экономика блоклӧн верктуя нырвизьясысь ӧти, кутшӧмъясӧс индіс республикаса Юралысь.
«Емва» СЭВСМ лӧсьӧдӧм йылысь» шуӧмӧ пыртӧм вежсьӧмъясыс урчитӧны:
«Емва» СЭВСМ резидентъяслӧн инвестиция проект збыльмӧдӧмӧ капитальнӧй вложениеяслысь медічӧт йӧрышсӧ чинтӧм — 2,5 миллион шайтӧдз;
пыр уджалысь выль местаяслысь медэтша лыд чинтӧм — 10 единицаӧдз;
экономика уджлӧн позяна сикасъяслысь лыддьӧг паськӧдӧм.
{Kodko (комиӧдіс Обрезкова Н. А.) @ Владимир Уйба висьталіс Сыктыв районса олысьяслы муниципалитет сӧвмӧдан планъяс йылыс @ выльтор @ https://rkomi.ru/news/1326 @ 2021-09-14 @}
Владимир Уйба висьталіс Сыктыв районса олысьяслы муниципалитет сӧвмӧдан планъяс йылысь
Коми Республикаса Юралысь регионса министерствоясӧн юрнуӧдысьяскӧд, Коми Республикалӧн Каналан Сӧветса депутат Руслан Магомедовкӧд волісны удж серти Сыктыв районӧ, видзӧдлісны районса больничалысь выль корпус стрӧитӧм вылӧ местасӧ да аддзысьлісны олысьяскӧд.
Коми Республикаса Юралысьлӧн тшӧктӧм серти Визин сиктын кӧсйӧны кыпӧдны Сыктыв районса шӧр больничалысь бурдӧдан корпус.
Стрӧитчӧмсӧ пӧртӧны олӧмӧ 2021–2023 вояс кежлӧ Коми Республикаса йӧзлысь дзоньвидзалун видзан юкӧнын медводдза звено ӧнъяӧдан регионса уджтас серти.
Ӧні мунӧ проектно-сметнӧй документация дасьтӧм серти удж.
Стрӧитчӧмсӧ кӧсйӧны заводитны 2022 воын.
Выль корпусын лоӧ неврология койкаяса терапия юкӧн, нёль инфекция боксӧн висьысьясӧс примитан юкӧн, челядьлы юкӧн, регыдъя отсӧг сетан юкӧнлы жыр, реанимация юкӧн — ставыс сійӧ, мый корисны Юралысьлысь татчӧс олысьяс.
Сыктыв районса олысьяскӧд аддзысьлӧмъяс мунісны Первомайскӧй посёлокын да Визин сиктын.
Владимир Уйба да республикаса министерствоясӧн юрнуӧдысьяс вочавидзисны сиктса олысьяслӧн юалӧмъяс вылӧ социальнӧй объектъяс, оланін фонд, туйяс дзоньталӧм да стрӧитӧм, йӧзлысь дзоньвидзалун видзан учреждениеяс автотранспортӧн могмӧдӧм, мобильнӧй связьӧн да биаруӧн могмӧдӧм серти.
Первомайскӧй посёлокын Владимир Уйба дорӧ шыӧдчисны социокультурнӧй шӧрин стрӧитӧм йылысь юалӧмӧн.
Культура керкалӧн пуысь стрӧитӧм важ стрӧйбалы матӧ 60 во.
Керкаыс киссян выйын.
Республикаса Юралысь дась вӧчны ставсӧ, медым проектсӧ пыртісны адреснӧй инвестиция уджтасӧ.
Та вылӧ районса администрациялы колӧ дасьтыны проектно-сметнӧй документация, пасйыны проектсӧ стрӧитӧм вылӧ сетӧм участок дорӧ да босьтны канму экспертизалысь ошкана кывкӧртӧд.
Межадор сиктса олысьяс юалісны Сыктыв районса олан пунктъяс биаруӧн могмӧдан кадколастъяс йылысь.
Владимир Уйба висьталіс, мый «Газпром» ПАК сьӧм вылӧ 2023 во помӧдз кӧсйӧны помавны стрӧитны Визин сиктса биару юклан станцияӧдз биарупровод-отвод да Визин, Куниб, Межадор сиктъясӧдз, Первомайскӧй посёлокӧдз, Кольёль, Шорсай, Малешор грездъясӧдз посёлоккостса биарупровод.
Тайӧ сетас позянлун могмӧдны биаруӧн 6 котельнӧй да 1800 оланін (патера).
Юралысь сідзжӧ уськӧдіс тӧд вылӧ, мый ӧні му участок мудорӧдз биару трубасӧ вайӧдӧны олысьяслысь дон босьттӧг.
«Тіянӧдз биаруыс воас, — тӧдчӧдіс Владимир Уйба.
— Но республикаын эмӧсь олан пунктъяс, кытчӧ биару трубасӧ колӧ нюжӧдны 400–600 километр.
Тайӧ зэв дона.
Та вӧсна ми сёрнитчим «Газпром» котыркӧд биару производство заводъяс стрӧитӧм йылысь, медым могмӧдны татшӧм олан пунктъяссӧ ёмкосьта биаруӧн».
Визин сиктын аддзысьлігӧн Коми Республикаса велӧдан, наука да том йӧз политика министр Наталья Якимова сетіс Визин да Поёл сиктъясса школаяслы куим выль автобус вылӧ сертификатъяс.
Тайӧ школаса автопарк выльмӧдӧмлӧн водзӧ мунӧм, мый заводитчис кольӧм воын.
2020 воын республикаса велӧдан организацияясӧ воис школаяслы 76 единица автобус, на лыдын 49 автобус ньӧбӧма республиканскӧй сьӧмкуд сьӧм тшӧт весьтӧ, мый содтӧд корсьӧма Коми Республикаса Юралысь Владимир Уйбалӧн тшӧктӧм серти.
Школаяслы 27 автобус воис Коми Республикаӧ федеральнӧй уджтас серти.
Таво республикаӧ воас нӧшта 30 автобус.
{Kodko (комиӧдіс Обрезкова Н. А.) @ Владимир Уйба корис мэръясӧс аслыныс видзӧдны ломтысян кадколаст бӧрся @ выльтор @ https://rkomi.ru/news/1327 @ 2021-09-14 @}
Владимир Уйба корис мэръясӧс аслыныс видзӧдны ломтысян кадколаст бӧрся
Талун, кӧч тӧлысь 14 лунӧ, республикаса Юралысь нуӧдіс Веськӧдлан котырлысь заседание.
Заседание дырйи сёрнитісны республикаса оланін да коммунальнӧй, биару да энергетическӧй комплексъясса объектъяслӧн 2021–2022 воясся ар-тӧв кежлӧ дасьлун йылысь.
«Каръясса да районъясса пыдди пуктана юралысьяс!
Ӧні тіянлӧн мог — абу сӧмын кырымавны муниципалитетын ломтысян кадколаст заводитчӧм йылысь шуӧм, но и видзӧдны суткинас 24 час чӧж, кыдзи сійӧ збыльмӧдсьӧ, — тӧдчӧдіс Владимир Уйба.
— Да видзӧдны абу асланыд уджалысьяслӧн кывъяс серти, а вӧчны тайӧс аслыныд, олысьяслӧн шыӧдчӧмъяс да норасьӧмъяс вылӧ нюжмасьтӧг вочавидзӧмӧн».
Шӧр докладӧн сёрнитіс Коми Республикаса стрӧитчан, оланін да коммунальнӧй овмӧс министр Игорь Кузьмичев.
Сійӧ висьталіс, мый кӧч тӧлысь 14 лун вылӧ ломтысян кадколаст заводитчис регионса став муниципалитетын.
Регионса Юралысьлӧн тшӧктӧм серти олан керкаясӧ, социальнӧй да промышленнӧй объектъяс вылӧ шоныдсӧ сетӧма нормативнӧй кадколастъясысь водзджык, мый серти ывлавывлӧн суткиса шӧр температураыслы колӧ лоны 8°С улынджык вит лун чӧж.
Тайӧс вӧчӧма сы могысь, медым нуӧдны видзӧдлана ломтысьӧмъяс да бырӧдны шоныд сетӧмын мытшӧдъяссӧ «улын» температураяслӧн зумыда пуксьытӧдз.
Тӧв кежлӧ дась 99 % котельнӧй да шоныд вез, 97 % ва провод вез, 96 % оланін фонд.
План серти мунӧ энергетика да биару комплексса объектъяс дасьтӧм, ломтаслӧн чӧжӧсыс колана мындаын.
Талун кежлӧ тӧвся медыджыд нагрузкаяс прӧйдитӧм кежлӧ дасьтысян уджъясыс помассьӧны.
Ресурсъясӧн могмӧдан организацияяс, муниципальнӧй юкӧнъяс водзын сулалӧны могъяс 100 прӧчент вылӧ республикаса оланін да коммунальнӧй, биару да энергетика комплексса объектъяс тӧвся кадколаст кежлӧ дасьлунсӧ, шоныд сетан объектъяс вылын ломтаслысь норма серти колана видзас лӧсьӧдӧмсӧ да пыр содтӧмсӧ, лоны вермана авария бырӧдӧм вылӧ материально-техническӧй подув лӧсьӧдӧмсӧ могмӧдӧм, 2021–2022 воясся ар-тӧв кежлӧ дасьлун йылысь паспортъяс ас кадӧ босьтӧм серти.
Сӧвещаниелӧн бӧртасъяс серти Владимир Уйба тшӧктіс регионса Стрӧитчан министерстволы дасьтыны муниципальнӧй юкӧнъясӧн да ресурсъясӧн могмӧдан организацияясӧн ломтысян кадколаст прӧйдитӧм кежлӧ дасьлун йылысь паспортъяс босьтан статус йылысь доклад, ресурсъясӧн могмӧдан организацияяскӧд дасьтыны босьтӧм коммунальнӧй услугаясысь мынтысьӧмъяс чукӧртӧм серти да уджйӧз перйӧм серти уджъяс вынсьӧдӧм серти карта.
{Kodko (комиӧдіс Обрезкова Н. А.) @ «Велӧдӧм» национальнӧй проект: школаяс стрӧитӧм — Комиын власьтъяслы верктуй @ выльтор @ https://rkomi.ru/news/1328 @ 2021-09-14 @}
«Велӧдӧм» национальнӧй проект: школаяс стрӧитӧм — Комиын власьтъяслы верктуй
Сыктывкарса администрация нуӧдӧ удж школалӧн проект серти канму экспертизалысь ошкана кывкӧртӧд босьтӧм серти.
Та йылысь талун, кӧч тӧлысь 14 лунӧ, висьталіс Коми Республикаса Юралысь Владимир Уйба Сыктывкарса Эжва районын олысьяскӧд аддзысьлігӧн.
2025 воӧдз кадколаст вылӧ Коми Республикаын велӧдан юкӧнлысь инфраструктура сӧвмӧдан стратегическӧй карта серти Емваль микрорайонын кӧсйӧны стрӧитны школа «Велӧдӧм» национальнӧй проект серти.
Артавсьӧ, мый школаас лоӧ 825 места.
«Канму экспертизалысь ошкана кывкӧртӧд босьтӧм бӧрын проектсӧ лоӧ пыртӧма 2022 во да 2023–2024 воясся планӧвӧй период вылӧ Коми Республикаса адреснӧй инвестиция уджтасӧ.
Объектыслӧн ылӧсалан доныс — 892,95 миллион шайт», — висьталіс Владимир Уйба.
Регионса Веськӧдлан котыр Владимир Уйбалӧн юрнуӧдӧм улын бур нога да ас кадӧ дасьтіс документъяс, ыстіс найӧс Москваӧ, да та отсӧгӧн школа стрӧитӧм вылӧ Коми Республикаӧ воас федеральнӧй сьӧмкудйысь 458,8 миллион шайт мында субсидия.
Лӧсялана помшуӧмсӧ примитӧма Россия Федерацияса йӧзӧс велӧдан министерствоӧн.
Аддзысьлӧм вылын сёрнитісны туйяс дзоньталӧм, социальнӧй объектъяс стрӧитӧм, пассажиръясӧс новлӧдлан предприятиеяслысь автопарк выльмӧдӧм, олысьясӧс бур юан ваӧн могмӧдӧм, чорыд коммунальнӧй шыбласъяс торйӧн чукӧртӧм да вторичнӧй сырьё переработайтӧм, йӧзлысь дзоньвидзалун видзан учреждениеясӧ специалистъясӧс кыскӧм да мукӧд тӧдчанатор йылысь.
Коми Республикаса Юралысь сетіс регионса Веськӧдлан котырлы ӧткымын тшӧктӧм юӧртӧм мытшӧдъяссӧ разьӧм могысь.
Владимир Уйба сідзжӧ сетіс Эжва районса олысьяслы уна вося бур уджысь да регион сӧвмӧдӧмӧ пай пуктӧмысь республикаса канму наградаяс да «Коми Республикалы 100 во» юбилейнӧй медальяс.
* * *
Коми Республикаса Юралысьлӧн тшӧктӧмӧн оланін да коммунальнӧй овмӧс юкӧнын заслугаясысь да уна вося бур уджысь «Коми Республикаса оланін да коммунальнӧй овмӧсын почёта уджалысь» ним сетӧма
Дмитрий Борисович Шабалинлы — «Жилкомхоз» Эжваса муниципальнӧй предприятиеын шоныд сетан везъяс участокса начальниклы;
уна во сьӧлӧмсянь да бура уджалӧмысь «Уджын повтӧмлун» Коми Республикаса отличие пас сетӧма
Елена Анатольевна Зубаревалы — «Жилкомхоз» Эжваса муниципальнӧй предприятиеын ёг провод пелькӧдысьлы;
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» Коми Республикаса юбилейнӧй медаль сетӧма:
Владимир Петрович Высоцкийлы — Коми Республикаын меставывса асвеськӧдлан органъясса ветеранлы;
Валентина Владимировна Старцевалы — Коми Республикаын меставывса асвеськӧдлан органъясса ветеранлы;
Галина Геннадьевна Торопковалы — Коми Республикаын велӧдан юкӧнса ветеранлы;
Геннадий Николаевич Чурбановлы — Коми Республикаын вӧр юкӧнса ветеранлы.
{Kodko (комиӧдіс Обрезкова Н. А.) @ Коми Республика примитас Арктика серти Европаысь да США-ысь экспертъясӧс @ выльтор @ https://rkomi.ru/news/1329 @ 2021-09-14 @}
Коми Республика примитас Арктика серти Европаысь да США-ысь экспертъясӧс
Республикаын лоӧ Арктическӧй регионъясса вузасян палатаяслӧн да бизнес-ассоциацияяслӧн войтыркостса конференция.
Конференцияыс лоӧ Сыктывкарын 2021 вося йирым тӧлысь 23–25 лунъясӧ 2021–2023 воясӧ Арктика сӧветын Россиялӧн веськӧдлігӧн.
Кӧч тӧлысь 14 лунӧ Коми Республикаса Юралысь Владимир Уйба пырӧдчис уджалан группалӧн медводдза заседаниеӧ, кӧні сёрнитісны мероприятиеяс котыртӧм йылысь.
Уджалан группаӧ пырӧны регионса министерствоясӧс да ведомствоясӧс, Комиын меставывса асвеськӧдлан органъясӧс петкӧдлысьяс, республикалӧн Каналан Сӧветса депутатъяс, Коми Республикаса Вузасян-промышленнӧй палатаӧс, наука да велӧдан организацияясӧс петкӧдлысьяс.
Коми Республикаын войтыркостса конференциясӧ нуӧдны вӧзйис Россияса вузасян-промышленнӧй палата.
Республикаса Юралысь Владимир Уйба сувтӧдіс Коми Республикаса экономика сӧвмӧдан да промышленносьт министерство водзын могъяс став колана йӧзкӧд ӧтув мероприятиесӧ котыртӧм серти.
«Миянлы нимкодь, мый тайӧ Россия масштабын тӧдчана мероприятиеыс лоӧ миян республикаын.
Конференцияын участвуйтысьяслӧн лоӧ позянлун юксьыны бизнес да власьт костын удж котыртӧм серти войтыркостса опытӧн, сёрнитны уна сикас странаяслӧн арктика регионъяс костын экономика боксянь ёртасьӧм паськалӧмлӧн аскиа лун йылысь», — пасйис Владимир Уйба.
Виччыссьӧ, мый конференцияӧ пырӧдчасны Россияса, а сідзжӧ Норвегияса, Швецияса, Финляндияса, Исландияса, США-са да Канадаса арктика регионъясӧс 100-ысь унджык петкӧдлысь.
Конференция дырйи нуӧдасны пленарнӧй заседание, тӧдчана арктикаса сёрнитантор серти уджалан сессияяс, лоӧ Коми Республикаса вузӧс вӧчысьяслӧн выставка.
Уськӧдам тӧд вылӧ, Россияса Арктика зонаӧ Коми Республикаысь пыртӧма Воркута, Инта, Усинск да Чилимдін район.
Тайӧ муниципальнӧй юкӧнъясын арктика проектъяс сӧвмӧдӧм — Коми Республикаса Веськӧдлан котырлӧн уджын стратегическӧй верктуйяс лыдын.
{Kodko (комиӧдіс Обрезкова Н. А.) @ Комиын нуӧдасны атлантическӧй чими серти полевӧй туялӧмъяс @ выльтор @ https://rkomi.ru/news/1331 @ 2021-09-15 @}
Комиын нуӧдасны атлантическӧй чими серти полевӧй туялӧмъяс
Коми Республикаса видз-му овмӧс да потребительскӧй рынок министерство заводитіс пӧртны олӧмӧ Коми Республикаса Юралысь Владимир Уйбалысь тшӧктӧм сьӧмгалысь популяция видзӧм да сійӧс кыйӧм вылӧ квотаяс содтӧм серти.
Министерство видлаліс юалӧм «ВНИРО» ФКСНУ Войкытшса филиалӧн (Н. М. Книпович нима «ПИНРО») да «Югыд ва» Национальнӧй парк» ФКСУ юрнуӧдысьяскӧд республика мутасын атлантическӧй чими йылысь наука туялӧмъяс нуӧдӧм серти.
2021 вося кӧч тӧлысь 23–28 лунъясӧ туялысь группа нуӧдас нацпаркын Тшугӧр ю вылын сьӧмгалысь арсӧ контрольнӧй кыйӧмъяс.
«Сьӧмга арлысь кульманінсӧ наука боксянь туялӧмыс — миян медводдза да медтӧдчана воськов сійӧс видзӧмын.
Таысь кындзи, Видз-му овмӧс министерство кӧсйӧ кырымавны артмӧдчӧм Чери овмӧс да океанография серти ставроссияса наука-туялан институткӧд Печора ю наука боксянь комплекснӧя туялӧм вылӧ», — пасйис Коми Республикаса видз-му овмӧс да потребительскӧй рынок министр Денис Шаронов.
{Kodko (комиӧдіс Обрезкова Н. А.) @ Владимир Уйба аттьӧаліс «Новая генерацияӧс» спорт да дзоньвидза оласног сӧвмӧдӧмӧ пай пуктӧмысь @ выльтор @ https://rkomi.ru/news/1333 @ 2021-09-16 @}
Владимир Уйба аттьӧаліс «Новая генерацияӧс» спорт да дзоньвидза оласног сӧвмӧдӧмӧ пай пуктӧмысь
Кӧч тӧлысь 14 лунӧ мини-футбольнӧй клуб пасйис котыртӧмсянь 15 во.
Юбилей лунӧ спортсменъяскӧд паныдасис Коми Республикаса Юралысь.
«Спортын миян республика — тӧдмалана регион, тшӧтш и ті да тіян вермӧмъяс вӧсна.
И федеральнӧй тшупӧдын талун гӧгӧрвоӧны, мый позьӧ и колӧ вичмӧдны сьӧм республикаса спорт, да тшӧтш и республикаӧс сӧвмӧдӧм вылӧ.
Аттьӧала тіянӧс да сиа выль вермӧмъяс», — пасйис Владимир Уйба.
Республикаса Юралысь вылӧ донъяліс ворсысьяслысь спорт, мини-футбол да дзоньвидза оласног пропагандаӧ пуктӧм пайсӧ.
«Новая генерация» тшӧкыда ветлӧ республикаса регионъясӧ, кӧні нуӧдӧ мастер-классъяс, аддзысьлӧ том спортсменъяскӧд да нуӧдӧ ёрта ворсӧмъяс.
«Новая генерация» мини-футбольнӧй клубсӧ котыртӧма 2006 воын.
Талун командаыс лоӧ мини-футболысь Россияса Суперлигаын кыкысь полуфиналистӧн, странаса Кубоклӧн полуфиналистӧн.
Бӧръя воясӧ клуб кутӧ лача сӧмын республикаса Спорт школаса быдтасъяс вылӧ.
2018 воын лӧсьӧдӧма «Новая генерация» ФК-лысь мӧд состав, коді ворсӧ мини-футболысь Россия Первенстволӧн Вылыс лигаын.
Клубын ворсысьясӧс корӧны мини-футболысь Россияса сборнӧйясӧ — шӧр, студентъяслӧн, томуловлӧн, том йӧзлӧн составъясӧ.
«Новая генерациялӧн» томулов командаяс (быд сикас арлыда группаясын) лоӧны ставроссияса турниръясын лидеръясӧн: 16 арӧсӧдз зонъяслӧн команда таво лоис томуловлӧн Суперлигаын вермысьӧн, 18 арӧсӧдз зонъяслӧн команда босьтіс 3 места Юниорлига мини-футболысь Россияса Первенствоын.
{Kodko (комиӧдіс Обрезкова Н. А.) @ Коми Республикаса Юралысь пӧртіс олӧмӧ Койгорт районса олысьяслысь тшӧктӧмъяссӧ @ выльтор @ https://rkomi.ru/news/1334 @ 2021-09-16 @}
Коми Республикаса Юралысь пӧртіс олӧмӧ Койгорт районса олысьяслысь тшӧктӧмъяссӧ
Кӧч тӧлысь 15 лунӧ регионса Юралысь республикаса министерствоясӧн юрнуӧдысьяскӧд, Коми Республикалӧн Каналан Сӧветса депутат Руслан Магомедовкӧд волісны удж серти Койгорт районӧ.
Подз посёлокын Владимир Уйба видзӧдліс хоккей да спорт площадкаа стадион, кодӧс олысьяс вӧчисны ас вынъясӧн, тӧдмасис Культура керкалӧн да сэні уджалысь библиотекалӧн уджӧн.
2020 вося ӧшым тӧлысьӧ библиотека воссис вужвыйӧн вежӧм бӧрын, мый вӧчисны регионӧн юрнуӧдысьлӧн тшӧктӧм серти.
Сійӧ лоис модельнӧйӧн.
Библиотекасӧ дзоньталӧма, ньӧбӧма да сувтӧдӧма ӧнія кадлы лӧсялана мебель, компьютернӧй, офиснӧй да мультимедийнӧй оборудование, выльмӧдӧма небӧг фонд.
Койгорт сиктын республикаса Юралысь воліс «Койгорт» национальнӧй парклӧн стрӧитчысь визит-шӧринӧ.
Шӧринсӧ кӧсйӧны восьтыны 2021 во помын.
Сэні кутасны мунны выставкаяс, лекторийяс, районса олысьяслы да туристъяслы занятиеяс да мастер-классъяс.
Сідзжӧ визит-шӧринын туристъяс вермасны тӧдмавны национальнӧй парклӧн маршрутъяс да мероприятиеяс йылысь.
Подз посёлокын да Койгорт сиктын вӧлісны аддзысьлӧмъяс матысса олан пунктъясын олысьяскӧд.
Сёрнитӧма сиктса олысьяслы тӧдчана юалӧмъяс йылысь: туйяс дзоньталӧм, социальнӧй объектъяс стрӧитӧм да дзоньталӧм, лекарствоясӧн могмӧдӧм, ичӧт да шӧр бизнеслы отсалӧм, чорыд коммунальнӧй шыбласӧн вӧдитчӧм, йӧзлысь дзоньвидзалун видзан учреждениеясӧ специалистъясӧс кыскӧм, биаруӧн могмӧдӧм да мукӧд юалӧм йылысь.
Сідз, Подз сиктса олысьяс шыӧдчисны республикаса Юралысь дорӧ юалӧмӧн — кор стрӧитасны выль врачебнӧй амбулатория.
Важ стрӧйбаыслы 60 ысь унджык во.
Владимир Уйба юӧртіс, мый амбулатория стрӧитӧмсӧ арталӧма 2024 во вылӧ.
Коми Республикаса йӧзлысь дзоньвидзалун видзан министерствоӧн пӧртӧма олӧмӧ регионса Юралысьӧн пуктӧм мог: объектсӧ пыртӧма Коми Республикаса йӧзлысь дзоньвидзалун видзӧмын медводдза звено ӧнъяӧдан регионса уджтасӧ.
«Войтырлӧн сьӧмкуд» проект отсӧгӧн республикаса олан пунктъясын нуӧдӧны дзоньталӧмъяс, ньӧбӧны социальнӧй учреждениеяслы оборудование.
Койгорт районса олысьяс юалісны, позьӧ-ӧ тайӧ проектлӧн сьӧм вылӧ ньӧбны спорт инвентар.
Коми Республикаса Юралысь вочавидзис, мый «Войтырлӧн сьӧмкуд» — тайӧ регионса проект, да олысьяслӧн вӧзйӧмъяс серти сэтчӧ пыртӧны вежсьӧмъяс.
Бӧръяясысь ӧти — ӧткодь позянлуна гӧгӧртас да гӧгӧртас видзан юкӧнъясын кык выль нырвизь.
Койгорт районса олысьяслӧн корӧм да Владимир Уйбалӧн тшӧктӧм серти спорт инвентар ньӧбӧмсӧ пыртасны «Войтырлысь сьӧмкуд» збыльмӧдан мероприятиеяс лыдӧ.
Койгортын аддзысьлӧм вылын Коми Республикаса велӧдан, наука да том йӧз политика министр Наталья Якимова сетіс Вежъю посёлокса школалы выль автобус вылӧ сертификат.
Тайӧ школаса автопарк выльмӧдӧмлӧн водзӧ мунӧм, мый заводитісны кольӧм во Владимир Уйбалӧн тшӧктӧм серти.
Сідзжӧ Коми Республикаса Юралысь сетіс Койгорт районса олысьяслы уна вося бур уджысь да регион сӧвмӧдӧмӧ пай пуктӧмысь «Коми Республикалы 100 во» юбилейнӧй медальяс.
* * *
Коми Республикаса Юралысьлӧн тшӧктӧмӧн Коми Республика социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Антонида Ивановна Главинскаялы — Коми Республикаын меставывса асвеськӧдлан органъясса ветеранлы;
Юрий Степанович Майбуровлы — Коми Республикаын видз-му овмӧс юкӧнса ветеранлы;
Любовь Васильевна Матвеевалы — «Выль олӧм» газетса шӧр редакторӧс вежысьлы.
{Kodko (комиӧдіс Обрезкова Н. А.) @ Владимир Уйба аттьӧаліс вӧр комплексса ветеранъясӧс, уджалысьясӧс республика сӧвмӧдӧмӧ ыджыд пай пуктӧмысь @ выльтор @ https://rkomi.ru/news/1353 @ 2021-09-16 @}
Владимир Уйба аттьӧаліс вӧр комплексса ветеранъясӧс, уджалысьясӧс республика сӧвмӧдӧмӧ ыджыд пай пуктӧмысь
Кӧч тӧлысь 16 лунӧ Вӧрын уджалысьяслӧн лун водзвылын республикаса Юралысь сетіс лесничествоясса, вӧр пӧрӧдан да вӧр переработайтан предприятиеясса ветеранъяслы да уджалысьяслы Россия Федерацияса да Коми Республикаса канму наградаяс.
«2021 во — тайӧ зэв аслыспӧлӧс во, миян муса республикалы 100 во тыран во.
Вермӧмъясыс, кутшӧмъясӧн регион матыстчис нэмся юбилей кежлӧ, тайӧ медводз тані олысьясӧн вӧчӧм уджлӧн бӧртасъяс.
Буретш йӧз, ме бара на шуа тайӧс, республикалӧн медся ыджыд озырлун.
Меным нимкодь чолӧмавны талун тайӧ залас вӧр юкӧнса ветеранъясӧс, кодъяс уна во чӧж бура уджалісны республикалӧн бур вылӧ.
Нимкодь аддзыны найӧс, кодъяс талун уджалӧны вӧр пӧрӧдан да вӧр переработайтан предприятиеясын, да асланыс уджӧн пуктӧны тӧдчана пай миян регионлысь экономика сӧвмӧдӧмӧ», — чолӧмаліс кыпыд церемонияын участвуйтысьясӧс Владимир Уйба.
Коми Республикаӧс шуӧын Европаса тыясӧн.
Регионса вӧр фондлӧн му йӧрышыс — мутаслӧн 87 %.
Тайӧ республикаса олысьяслӧн, вӧр-ваӧн вӧдитчысьяслӧн содтӧд кывкутӧм.
Республикаын мунӧ ыджыд удж вӧр выльысь быдтӧм серти.
Талун выльысь быдтӧны вӧръяслысь матӧ 90 %.
2024 во кежлӧ «Экология» нацпроектлӧн «Вӧръяс видзӧм» дінму проект серти тайӧ лыдпасыслы колӧ воны 100 %-ӧдз.
Тайӧ могсӧ олӧмӧ пӧртӧм могысь ньӧбӧны вӧр выльысь садитан да вӧр пӧжаръяс кусӧдан специализированнӧй техника.
2021 воын национальнӧй проект серти Вӧр сотчӧмысь видзан Коми шӧринлӧн автопаркӧ воис вӧр пӧжаръяс кусӧдан 12 единица техника да вӧр овмӧс нуӧдан квайт единица техника.
Ньӧбӧма 145 единица оборудование вӧр выльысь быдтан уджъяс нуӧдӧм вылӧ.
Республикаын нуӧдсьӧ уна сикас экология акция, кутшӧмъяс серти вӧр ваӧн вӧдитчысьяс, ӧтйӧза организацияяс да абу веськодь войтыр садитӧны пуяс, весалӧны ёгысь мутасъяс да юяслысь берегъяс.
Мӧд ногӧн заводитӧны аддзыны вӧр-ва видзӧмсӧ и вӧр-ваӧн вӧдитчысьяс.
Талун вӧр пӧрӧдан предприятиеяс видзӧны да стрӧитӧны вӧр питомникъяс, садитӧны пуяс вӧр пӧрӧданінъясын.
Вӧр промышленносьт комплекс босьтӧ тӧдчана ин регионса экономикаын.
Медшӧрын пыдіа переработайтӧм сӧвмӧдӧм, верктуя инвестиция проектъяс збыльмӧдӧм, торъя экономика зонаяс лӧсьӧдӧм да кластер нога удж.
Таво республикаын лӧсьӧдӧма Вӧр обработайтан кластер.
«Дона ёртъяс, уджсикас гаж водзвылын кӧсъя аттьӧавны тіянӧс да тіянлысь матыссаясныдтӧ, тіянлысь уджалан котыръясӧс уджсикас радейтӧмысь, удж дорӧ, кодлы ті служитанныд олӧм чӧж, веськыдлунысь», — шуис Владимир Уйба.
* * *
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма Коми Республикаса вӧр юкӧнса ветеранъяслы:
Любовь Ивановна Архипенколы;
Валентин Михайлович Бровкинлы;
Владимир Иванович Гулицкийлы;
Леонид Юрьевич Литваклы;
Владимир Игнатьевич Сапелкинлы;
«Коми Республикалы 100 во» юбилейнӧй медаль сетӧма:
Ирина Федоровна Петровалы — «Монди Сыктывкарса вӧр промышленнӧй комплекс» акционер котырын Войнаса да уджвывса ветеранъяслӧн сӧветӧн веськӧдлысьлы;
Александр Григорьевич Постольниковлы — «Вӧр сотчӧмысь видзан Коми дінму шӧрин» канму учреждениелӧн дінму диспетчерскӧй службаса начальниклы;
Александр Иванович Слободчиковлы — «Сыктывкарса вӧр промышленнӧй комплекслӧн» первичнӧй профсоюзса организацияӧн веськӧдлысьлы;
Александр Геннадьевич Смирновлы — вӧр юкӧнъясын уджалысьяслӧн профсоюзса Коми республиканскӧй организацияӧн веськӧдлысьлы.
Вӧр овмӧсса федеральнӧй агентстволӧн тшӧктӧдӧн вӧр овмӧсын уна вося бур уджысь, Россияса вӧр озырлун видзӧмӧ да содтӧмӧ ыджыд пай пуктӧмысь «Россияса вӧр озырлун видзӧмысь да содтӧмысь» ведомствоса отличие пас сетӧма:
Роман Михайлович Бызовлы — «Айкатыласа лесничество» канму учреждениеса медыджыд лесничӧйлы (вӧр видзӧм серти медыджыд канму инспекторлы), Емдін район;
Наталья Николаевна Разумовалы — «Кажымса лесничество» канму учреждениеын вӧрӧн вӧдитчӧм серти инженерлы, Койгорт район;
Александр Валентинович Рыбинлы — «Койгортса лесничество» канму учреждениелӧн Ужгаса участкӧвӧй лесничествоын участкӧвӧй лесничӧйлы;
Вӧр овмӧсса федеральнӧй агентстволысь Почёт грамота сетӧма
Виталий Васильевич Новоселовлы — «Койгортса лесничество» канму учреждениелӧн Койгортса участкӧвӧй лесничествоын участкӧвӧй лесничӧйлы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Иван Иванович Кущевлы — «Зӧвсьӧртса ЛПК» ичӧт кывкутана котырса слесар-ремонтниклы, Емдін район;
Татьяна Владимировна Мироновалы — «СевЛесПил» ичӧт кывкутана котырын финансъяс серти директорлы — медыджыд директорӧс вежысьлы;
Владимир Васильевич Просужихлы — «Айкатыласа лесничество» канму учреждениелӧн Мадмасса участкӧвӧй лесничествоын участкӧвӧй лесничӧйлы, Емдін район;
Юрий Владимирович Фукаловлы — «Зӧвсьӧртса ЛПК» ичӧт кывкутана котырса релейнӧй защитаса да автоматикаса аппаратура дзоньталӧм да могмӧдӧм серти электромонтёрлы, Емдін район;
Коми Республикалӧн бур вылӧ уна во зіля уджалӧмысь Коми Республикаса Почёт грамота сетӧма:
Иван Александрович Дымовлы — «Сыктывдінса лесничество» канму учреждениелӧн Паджгаса участкӧвӧй лесничествоын участкӧвӧй лесничӧйлы;
Светлана Валерьевна Зайцевалы — «Зӧвсьӧртса ЛПК» ичӧт кывкутана котырын шпон косьтысьлы, Емдін район;
Галина Николаевна Климушевалы — «Зӧвсьӧртса ЛПК» ичӧт кывкутана котырса учётчиклы, Емдін район;
Светлана Евгеньевна Момотлы — «Сыктывкарса фанера вӧчан завод» ичӧт кывкутана котырын конструкторскӧй разработкаяс юкӧнса начальниклы;
Алексей Сергеевич Петрунёвлы — «Сыктывкарса фанера вӧчан завод» ичӧт кывкутана котырса финансӧвӧй директорлы;
Оксана Николаевна Пискаревалы — «Сыктывкарса фанера вӧчан завод» ичӧт кывкутана котырын шпон да фанера сортируйтысьлы;
Александр Алексеевич Поповлы — «Зӧвсьӧртса ЛПК» ичӧт кывкутана котырын пу плитаяс прессуйтысьлы, Емдін район;
Людмила Алексеевна Ракиналы — «Пруптса лесничество» канму учреждениелӧн Климовса участкӧвӧй лесничествоын участкӧвӧй лесничӧйлы, Кулӧмдін район;
Людмила Дмитриевна Тюриналы — «Лузалес» ичӧт кывкутана котырса медыджыд технологлы;
Раиса Алексеевна Шучалиналы — «СевЛесПил» ичӧт кывкутана котырын транспорт юкӧнса начальниклы.
Коми Республикаса Юралысьлӧн тшӧктӧмӧн вӧр юкӧн сӧвмӧдӧмын заслугаясысь да уна вося бур уджысь «Коми Республикаса почёта лесовод» почёт ним сетӧма:
Евгений Васильевич Кононовлы — «Луздорса лесничество» канму учреждениелӧн Лӧпъюса участкӧвӧй лесничествоын участкӧвӧй лесничӧйлы;
Михаил Феликсович Поповлы — «Койгортса лесничество» канму учреждениеын вӧрӧн вӧдитчӧм серти инженерлы;
вӧр промышленносьт юкӧнын заслугаясысь да уна вося бур уджысь «Коми Республикаса вӧр промышленносьтын почёта уджалысь» ним сетӧма:
Сергей Иванович Бессоновлы — «СевЛесПил» ичӧт кывкутана котырса технологическӧй процессъясӧн веськӧдланінын автоматизируйтӧм системаяс участокса начальниклы;
Александр Анатольевич Завьяловлы — «Лузалес» ичӧт кывкутана котырлӧн вахта участокын вӧр пӧрӧдан машинаса машинистлы;
Светлана Петровна Кармановалы — «Сыктывкарса фанера вӧчан завод» ичӧт кывкутана котырын фанера вӧчан цехса начальниклы;
Валентина Дмитриевна Муриналы — «Сыктывкарса фанера вӧчан завод» ичӧт кывкутана котырын древесно-стружечнӧй плитаяс вузалан юкӧнса начальниклы;
Иван Владимирович Наумовичлы — «Сыктывкарса фанера вӧчан завод» ичӧт кывкутана котырлӧн юралысь энергетиклӧн службаын теплотехническӧй юкӧнса начальниклы;
Сергей Николаевич Сарылы — «Сыктывкарса фанера вӧчан завод» ичӧт кывкутана котырса станочник-распиловщиклы;
Денис Валерьевич Херсонлы — «Сыктывкарса фанера вӧчан завод» ичӧт кывкутана котырын шпон лущильщиклы;
Дмитрий Владимирович Чекменёвлы — «СевЛесПил» ичӧт кывкутана котырын технологическӧй инструмент тӧчитан участокса мастерлы;
Ольга Аркадьевна Шаховалы — «Сыктывкарса фанера вӧчан завод» ичӧт кывкутана котырын вӧр обработайтан производствоса контролёрлы.
Коми Республикаса Юралысьлӧн тшӧктӧмӧн пӧжарысь видзчысьӧмсӧ могмӧдӧмын заслугаясысь да уна вося бур уджысь «Коми Республикаса пӧжарнӧй охранаын почёта уджалысь» ним сетӧма
Дмитрий Евгеньевич Куньжановлы — «Вӧр сотчӧмысь видзан Коми дінму шӧрин» канму учреждениелӧн Кулӧмдінса авиаотделениеын парашютист-пӧжарнӧйлы;
уна во сьӧлӧмсянь да бура уджалӧмысь «Уджын повтӧмлун» отличие пас сетӧма:
Алексей Анатольевич Бобровлы — «Лузалес» ичӧт кывкутана котырса трактористлы;
Николай Иванович Бондарлы — «Сыктывкарса фанера вӧчан завод» ичӧт кывкутана котырын пуысь да сювйысь вӧчӧм плитаяс прессуйтысьлы;
Анатолий Николаевич Ефремовлы — «Сыктывкарса фанера вӧчан завод» ичӧт кывкутана котырлӧн примитан да сырьё дасьтан цехын сменаса мастерлы;
Дмитрий Эвальдович Купэлы — «Лузалес» ичӧт кывкутана котырын вӧр пӧрӧдан машинаса машинистлы;
Анатолий Александрович Лайерлы — «Сыктывкарса фанера вӧчан завод» ичӧт кывкутана котырын шпон лущильщиклы;
Сергей Александрович Тупицынлы — «Лузалес» ичӧт кывкутана котырын вӧр пӧрӧдан оборудование дзоньталӧм серти шӧр механиклы;
Сергей Анатольевич Хотемовлы — «Лузалес» ичӧт кывкутана котырын кранса машинистлы (крановщиклы);
Сергей Анатольевич Чеусовлы — «СевЛесПил» ичӧт кывкутана котырын автотранспорт цехса шӧр механиклы.
Коми Республикаса Юралысьлӧн тшӧктӧмӧн уджын вермӧмъяс шедӧдӧмысь, ыджыд социальнӧй кывкутӧмысь Коми Республикаса Юралыссянь аттьӧалӧм сетӧма
Владислав Александрович Федькинлы — «Промтех-инвест» ичӧт кывкутана котырса директорлы, Сыктывкар.
{Kodko (комиӧдіс Обрезкова Н. А.) @ Коми Республикаса Юралысь аттьӧаліс энергетикъясӧс регионын сетевӧй овмӧс сӧвмӧдӧмысь @ выльтор @ https://rkomi.ru/news/1338 @ 2021-09-17 @}
Коми Республикаса Юралысь аттьӧаліс энергетикъясӧс регионын сетевӧй овмӧс сӧвмӧдӧмысь
«Россети Северо-Запад» 2021 воын вичмӧдісны Коми Республикаса электросетевӧй комплекс дзоньталӧм вылӧ 800 миллион шайт.
Компания дзоньталіс 176 километр электропередача линияяс, 149 трансформаторнӧй подстанция, весаліс ЛЭП-лысь 743 гектар прӧсека.
«Россети Северо-Запад» вужвыйӧн вежисны Сыктыв районса «Визин» 110 кВ подстанция.
Тані вежисны маслӧа выключательсӧ ӧнія элегазӧвӧй вылӧ, мый корӧ куим пӧв этшаджык видзӧдӧм.
Уджыс могмӧдіс регионлӧн лунвывса 243 олан пунктын 50 сюрс олысьӧс зумыд электричествоӧн.
Коми Республикаса Юралысь аттьӧаліс «Россети Северо-Запад» компанияӧс тӧв кежлӧ бура дасьтысьӧмысь да сетіс компанияса уджалысьяслы регионлӧн 100 во тырӧмлы сиӧм наградаяс.
«Республикаса кар-районъяс коммунальнӧй инфраструктураӧн могмӧдӧмын энергетикъяс медтӧдчанаяс лыдын.
Тіян кужӧм-сямлун да йӧз вӧсна тӧждысьӧм сетӧ позянлун сӧвмӧдны регион да бурмӧдны йӧзлысь олӧм.
Аттьӧала тіянӧс электричествоӧн бура могмӧдӧмысь, тшӧтш и республикаса ылі да сьӧкыда воӧдчан сикт-грездъяс», — пасйис Владимир Уйба.
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Николай Михайлович Истоминлы — «Лунвывса электрическӧй везъяс» производственнӧй юкӧнса подстанцияяслӧн службаын юклан устройствояслысь оборудование дзоньталӧм серти электрослесарлы;
Людмила Дмитриевна Оботуровалы — инӧда могмӧдӧмӧн веськӧдланінса да асэмбурӧн веськӧдланінса начальниклы;
Сергей Николаевич Олейниковлы — везъясӧн веськӧдлан шӧринын диспетчер службаса диспетчерлы;
Анатолий Яковлевич Ренцлы — «Лунвывса электрическӧй везъяс» производство юкӧнлӧн механизация да транспорт службаын вездеходса водительлы;
Раиса Фёдоровна Ульяновалы — «Лунвывса электрическӧй везъяс» производство юкӧнын электрическӧй везъяслӧн Сыктывкар районса электроэнергия учёт серти участокса электросчётчикъяс уджӧдӧм серти электромонтёрлы.
{Kodko (комиӧдіс Обрезкова Н. А.) @ Владимир Уйба сетіс наградаяс сур пуан заводын уджалысьяслы @ выльтор @ https://rkomi.ru/news/1339 @ 2021-09-17 @}
Владимир Уйба сетіс наградаяс сур пуан заводын уджалысьяслы
Кӧч тӧлысь 16 лунӧ Коми Республикаса Юралысь воліс регионын сёян-юан комплексса медыджыд предприятие вылӧ, тӧдмасис компаниялӧн уджӧн, сетіс медбур уджалысьяслы канму наградаяс да «Коми Республикалы 100 во» юбилейнӧй медальяс.
«Пыр нимкодьпырысь вӧча Коми Республикаса олысьяслы наградаяс сетан почёта уджсӧ. Тайӧ йӧзыс асланыс ыджыд кужӧм-сямлунӧн да бӧрйӧм уджсикаслы веськыдлунӧн оз кывъяс вылын, а уджӧн отсалӧны сӧвмыны чужан каръяслы да сиктъяслы, а сідзкӧ, и став миян республикалы.
Наградаяс сетӧмыс зэв тӧдчанатор, сы вӧсна мый тайӧ сетӧ Веськӧдлан котырлы позянлун аттьӧавны асмуын олысьясӧс», — пасйис Коми Республикаса Юралысь.
Талун предприятие вылын уджалӧ 402 морт.
Завод вӧчӧ оз сӧмын сур, но и алкогольтӧм газа юанторъяс, горчица, майонез, юан ва.
Вӧчасыс вузассьӧ Коми Республикаын, а сідзжӧ Архангельск, Вӧлӧгда обласьтъясын да Санкт-Петербургын.
Предприятие — тайӧ комплекс, кӧні эм производство, розничнӧй вез да йӧзӧс ӧтув вердан вез.
«Сыктывкарпиво» акционер котырлӧн вӧчасыс, сур пуан выль производство технологияясыс пырисны Коми Республикалӧн визитнӧй карточкаяс лыдӧ.
Предприятиеыс участвуйтӧ россияса да войтыркостса выставкаяс вылын, кӧні босьтӧ вылыс тшупӧда донъялӧм.
* * *
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма
Вера Георгиевна Закациололы — корпоративнӧй секретарлы.
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Сергей Дмитриевич Белкинлы — могмӧдан юкӧнса начальниклы;
Галина Михайловна Шариковалы — медшӧр технологлы;
Ирина Петровна Майлы — медыджыд директорлы.
{Kodko (комиӧдіс Обрезкова Н. А.) @ Денис Мантуров вылӧ донъяліс Коми Республикаса переработайтан предприятиеяс сӧвмӧдан позянлунъяссӧ @ выльтор @ https://rkomi.ru/news/1343 @ 2021-09-18 @}
Денис Мантуров вылӧ донъяліс Коми Республикаса переработайтан предприятиеяс сӧвмӧдан позянлунъяссӧ
Кӧч тӧлысь 17 лунӧ республикаӧ удж серти волігӧн Россия Федерацияса промышленносьт да вузасян министр Денис Мантуров Коми Республикаса Юралысь Владимир Уйбакӧд ӧтув тӧдмасисны регионса промышленнӧй предприятиеяслӧн производствоса проектъясӧн, видлалісны ышӧдан да канмусянь отсӧг сетан мераяс, кутшӧмъяс колӧны предприятиеяс водзӧ сӧвмӧдӧм вылӧ.
«Владимир Владимировичкӧд водзӧ ӧтув уджалам став сӧвмӧдан нырвизьын, медводз промышленносьт, вузасьӧм, ортсыса рынок вылӧ петан нырвизьясын.
Колӧ шуны, мый регионлӧн бур мыччӧдъяс и экспорт серти — матӧ 800 миллион доллар сӧмын кольӧм во серти, но ми аддзам содӧм и таво вылӧ.
Та вӧсна кутам ышӧдны сӧвмӧдны отрасльяс, отсавны кутны содан динамикалысь ӧдсӧ став нырвизь серти», — пасйис Денис Мантуров.
Аддзысьлӧмыс муніс выставка форматын, кытчӧ пырӧдчисны «Сыктывкар Тиссью Груп» ВАК, «Зӧвсьӧртса ЛПК» ИКК, «Сыктывкарса фанера вӧчан завод» ИКК, «Комитекс» АК, «Сыктывкарса кӧрт обработайтан завод» производственнӧй ӧтув ИКК, «Выльгортса сапӧг гындан фабрика» ИКК, «Ухтаса экспериментально-механическӧй завод» ПАК, «Промтех-инвест» ИКК, «Карбидъяс да ферросплавъяс вӧчан завод» ИКК.
«Республикаса быд предприятиелӧн эмӧсь асланыс мӧвпъяс да корӧмъяс.
Сідз, башеннӧй кранъяс вӧчан завод уськӧдіс тӧд вылӧ сылӧн продукция вылӧ утилизируйтан сбор пыртӧм.
Кытӧм да шум чинтысь материалъяс вӧчысьяс кӧсйӧны водзӧ сӧвмӧдны ассьыныс специализация.
Найӧ вермасны вӧдитчыны кокньӧда лизинг босьтан позянлунъясӧн.
Кутам зільны могмӧдны ӧтувъя удж, медым Коми Республикаса асшӧр уджалысьяслӧн котырлы вӧлі интереснӧ пырӧдчыны тайӧ уджтасъясас», — гӧгӧрвоӧдіс федеральнӧй министр.
Коми Республикаса Юралысь аттьӧаліс Денис Мантуровӧс да Россияса промышленносьт министерстволысь командасӧ системнӧй отсӧгысь, кутшӧмӧс сетӧ республикалы федеральнӧй министерство, та лыдын и инвестиция проектъяс збыльмӧдӧмын да мукӧд тӧдчана нырвизьын.
«Кӧсъя висьтавны Тіянлы, Денис Валентинович, да Россияса промышленносьт министерстволы аттьӧ выль коронавирус инфекциякӧд тышын республикалы отсӧгысь, — тӧдчӧдіс Владимир Уйба.
— Ми эг вӧчӧй и ог на вӧчӧй медицина кислород.
Но Тіян отсӧгӧн ми пырим регионъяс лыдӧ, кодъяслы вичмӧдӧма сьӧм кислородлысь концентрат ньӧбӧм вылӧ.
Тайӧ оборудованиеыс миянлы ёна колӧ, и сійӧ, эскӧда Тіянӧс, оз кут сулавны уджӧдтӧг».
[Фотоыс — В. Шешкунаслӧн, «Комиинформ» ЮА]
{Kodko (комиӧдіс Обрезкова Н. А.) @ Коми Республикаса Веськӧдлан котыр зіля пыртӧ уджӧ республика сӧвмӧдӧм вылӧ Россияса промышленносьт министерствоӧн лӧсьӧдӧм отсасян механизмъяс @ выльтор @ https://rkomi.ru/news/1344 @ 2021-09-18 @}
Коми Республикаса Веськӧдлан котыр зіля пыртӧ уджӧ республика сӧвмӧдӧм вылӧ Россияса промышленносьт министерствоӧн лӧсьӧдӧм отсасян механизмъяс
Та йылысь кӧч тӧлысь 17 лунӧ юӧртіс республикаса Юралысь Владимир Уйба Россия Федерацияса промышленносьт да вузасян министр Денис Мантуровлӧн республикаӧ удж серти волігӧн.
Вӧрӧн вӧдитчан юкӧнын верктуя инвестиция проектъяс лыддьӧгӧ, кутшӧмъясӧс збыльмӧдӧны Коми Республикаын, пыртӧма 10 инвестиция проект (инвестицияяслӧн ӧтувъя йӧрышыс — 34,1 миллиард шайт).
На лыдысь 8 проект помалӧма, кыксӧ (ӧтувъя йӧрышыс — 13,1 миллиард шайт) збыльмӧдӧны вӧрӧн вӧдитчан юкӧнын, найӧ тшӧтш вермасны вӧдитчыны вӧрӧн могмӧдан юкӧнын кокньӧдъяс вылӧ инӧдӧн.
2021 воын Россия Федерацияса субъектъяс костын, кодъяс прӧйдитісны конкурс серти бӧрйӧм, Коми Республика медводдзаӧн кырымаліс промышленносьт сӧвмӧдан регионса уджтас збыльмӧдӧм вылӧ федеральнӧй сьӧмкудйысь содтӧд сьӧм сетӧм йылысь артмӧдчӧм.
«Ми зэв зіля уджалам Промышленносьт сӧвмӧдан фондкӧд.
Чорыд конкурентнӧй вермасьӧмын босьтім 56,8 миллион шайт мындаын медводдза грант, — пасйис Владимир Уйба.
— Ми докапитализируйтім Фондлысь сьӧмкудсӧ 302 миллион шайтӧдз.
И ӧні вермам сетны тайӧ сьӧмсӧ ичӧт да шӧр бизнеслӧн предприятиеяслы, медым отсавны налы сӧвмыны, сетны сьӧма да нормативнӧй отсӧг, лӧсьӧдны выль производствояс да выль уджалан местаяс.
И таын Россияса промышленносьт министерство миянлы — тӧдчана да надёжнӧй уджъёрт.
Ми зілям вӧдитчыны сыӧн вӧзъяна став инструментарийнас, пыртны уджӧ да уджӧдны найӧс республика сӧвмӧдӧм могысь».
Регионса тшупӧдын примитӧма выль уджтасъяс: «Ӧнъяӧдӧм да паськӧдчӧм», «Вӧр промышленносьтын проектъяс» да «Тӧваръяс маркируйтӧм», кутшӧмъяс вылӧ республиканскӧй сьӧмкудйысь вичмӧдӧма 145 миллион шайт.
2021 во вылӧ Промышленносьт сӧвмӧдан регионса фондӧн арталӧма сетны заёмъяс 17 промышленнӧй предприятиелы да Промышленносьт сӧвмӧдан фондысь 600 миллионысь абу этшаджык шайт кыскыны предприятиеясӧн фондлӧн ӧтувъя да асшӧр уджтасъяс серти.
Инвестиция проектъяс уджӧ пыртӧм да олӧмӧ пӧртӧм могысь лӧсьӧдӧма став колана инӧда подувсӧ, вынсьӧдӧма бизнеслы инвестиция преференцияяс, регионса став субъектыслы колӧ, медым регионӧ инвестируйтӧм вылӧ вӧлі лӧсьӧдӧма бур условиеяс.
Фотоыс — В. Шешкунаслӧн, «Комиинформ» ЮА
{Kodko (комиӧдіс Обрезкова Н. А.) @ Россияса стрӧитчан, оланін да коммунальнӧй овмӧс министрӧс вежысь Никита Стасишин донъяліс Сыктывкарса стрӧитчан комплекс сӧвмӧдан позянлунъяссӧ @ выльтор @ https://rkomi.ru/news/1345 @ 2021-09-18 @}
Россияса стрӧитчан, оланін да коммунальнӧй овмӧс министрӧс вежысь Никита Стасишин донъяліс Сыктывкарса стрӧитчан комплекс сӧвмӧдан позянлунъяссӧ
Кӧч тӧлысь 17 лунӧ Коми юркарӧ удж серти воліс Россияса стрӧитчан, оланін да коммунальнӧй овмӧс министрӧс вежысь Никита Стасишин.
Волӧмлӧн медшӧр могыс — тӧдмасьны, кыдзи сӧвмӧ республикаын оланін стрӧитӧм.
Удж серти волігӧн сійӧ медводз тӧдмасис Сыктывкар сӧвмӧдан проектъясӧн.
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатовкӧд да Коми Республикаса стрӧитчан, оланін да коммунальнӧй овмӧс министр Игорь Кузьмичевкӧд аддзысьлігӧн Никита Стасишинлы вӧлі петкӧдлӧма мутасъяс комплекснӧя сӧвмӧдан ӧткымын проект.
Проектъяс петкӧдлӧм бӧрын Никита Стасишин воліс карсӧ перспективнӧя сӧвмӧдан площадкаяс вылӧ, тӧдмасис сійӧн, кыдзи збыльмӧдсьӧ «Оланін да карса гӧгӧртас» национальнӧй проект да аварийнӧй оланінысь йӧзӧс мӧд оланінӧ овмӧдӧм.
Россияса стрӧитчан, оланін да коммунальнӧй овмӧс министрӧс вежысь воліс кар шӧрӧ.
Оплеснин улича, Октябр шӧртуй да Катаев улича костын матӧ 8 гектар вылын кыпӧдасны оланін комплекс.
Уджтаслӧн мӧд пунктӧн лои «Югыд Чой» медико-социальнӧй кластер, кутшӧмӧс артавсьӧ лӧсьӧдны юркарса Човъю микрорайонын.
Проект серти 45 гектар вылын лоӧны йӧзлысь дзоньвидзалун видзан объектъяс, олан керкаяс, Национальнӧй театр, вузасян-гажӧдчан зона, пода набережнӧй, гӧстиничнӧй комплекс да инфраструктураса мукӧд объект.
Удж серти волӧмыс помасис регионса стрӧитчысьяскӧд да банкъяс петкӧдлысьяскӧд аддзысьлӧмӧн.
Сӧвещаниеӧ пырӧдчысьяс сёрнитісны инфраструктураса сьӧмкуд кредитъяс сетӧм йылысь.
Наӧн вӧдитчӧмыс сетас позянлун могмӧдны мутасъяс комплекснӧя сӧвмӧдан аскиа площадкаяссӧ инженернӧй, транспортнӧй да социальнӧй инфраструктураӧн.
«Регионлӧн ыджыд позянлунъяс.
Коми Республикаса Юралысьлӧн команда вӧдитчӧ отсӧг сетан став меранас, мый эм ӧні федеральнӧй тшупӧдын.
Мутасын колӧ ёнджыка сӧвмӧдны да пыртны уджӧ ипотека уджтасъяс, медводз 6 % ставка серти семейнӧй ипотека семьяяслы, кодъяслӧн кагаыс чужис 2018 вося тӧвшӧр тӧлысь 1 лун бӧрын», — пасйис стрӧитчысьяскӧд аддзысьлӧм дырйи Никита Стасишин.
«Тӧдчана, мый ми места вылын вермим ӧтлаын видзӧдлыны мутас комплекснӧя сӧвмӧдан площадкаяс, кыпӧдны сёрни стрӧитчан комплекслы отсалан да сійӧс сӧвмӧдан выль инструментъясӧн вӧдитчӧм йылысь, кутшӧмъяслӧн мог — оланін стрӧитӧмлысь да вӧдитчӧмӧ пыртӧмлысь йӧрышъяс содтӧм, мый арталӧма Россияса стрӧитчан министерствоӧн 2021–2022 вояс вылӧ, — пасйис Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов.
— И, дерт, пырся дӧзьӧр улын федеральнӧй уджтасъясӧ, кутшӧмъяс йитчӧмаӧсь оланін стрӧитӧмкӧд да аварийнӧй керкаясысь олысьясӧс мӧдлаӧ вуджӧдӧмкӧд, Коми Республикалӧн паськыдджыка пырӧдчӧм».
{Kodko (комиӧдіс Обрезкова Н. А.) @ Россияса промышленносьт да вузасян министерство дась отсавны лӧсьӧдны Комиын пу пыдіа переработайтан выль производствояс да паськӧдны уджалысьяссӧ @ выльтор @ https://rkomi.ru/news/1354 @ 2021-09-18 @}
Россияса промышленносьт да вузасян министерство дась отсавны лӧсьӧдны Комиын пу пыдіа переработайтан выль производствояс да паськӧдны уджалысьяссӧ
Та йылысь кӧч тӧлысь 17 лунӧ Россия Федерацияса промышленносьт да вузасян министр Денис Мантуров висьталіс Коми Республикаӧ удж серти волігӧн.
Регионса юралысь Владимир Уйбакӧд, Коми Республикалӧн Веськӧдлан котырса вице-премьер — экономика сӧвмӧдан да промышленносьт министр Эльмира Ахмеевакӧд Россияса промышленносьт да вузасян министерстволӧн делегация воліс регионса нуӧдысь вӧр промышленнӧй предприятиеясӧ.
Удж серти волӧмсӧ Денис Мантуров заводитіс «Монди Сыктывкарса ЛПК» акционер котырлӧн предприятиеӧ ветлӧмсянь. Тайӧ предприятиеыс пырӧ Россияын целлюлоза да бумага вӧчан промышленносьтын лидеръяс лыдӧ. Денис Мантуров тӧдмасис тыр цикллӧн производствоӧн.
Компания пӧртӧ олӧмӧ производствояс экологизируйтӧм да выль уджалан местаяс лӧсьӧдӧм вылӧ веськӧдӧм инвестиция проектъяс.
Компаниялӧн вӧчасыс тӧдса Россияса да СНГ-са потребительяслы.
Промышленносьт да вузасян министр сетіс «Монди Сыктывкарса ЛПК» акционер котырын уджалысьяслы ведомствоса наградаяс да пасйис производство сӧвмӧмӧ да ӧнъяӧдӧмӧ компанияса менеджментлысь пуктӧм пай.
Мӧд вӧр промышленнӧй предприятие, кытчӧ воліс министр, — тайӧ «Лузалес» ИКК. Сійӧ пырӧ Россияын вӧр пилитан медыджыд предприятиеяс лыдӧ.
2020 воын заптӧм вӧрлӧн ӧтувъя йӧрышыс лоис 1 млн кубическӧй метр.
Пиломатериалъяслӧн йӧрышыс 2020 воын лои 390 сюрс кубическӧй метр (15 % вылӧ унджык 2019 во серти).
Вӧр лэдзӧм кындзи, предприятиеыс быдтӧ вӧр, стрӧитӧ вӧрса туйяс, отсалӧ социальнӧй юкӧнлы.
2011 восянь збыльмӧдӧ вӧрӧн вӧдитчан юкӧнын верктуя 3 инвестиция проект.
Талун «Лузалес» ИКК нуӧдӧ «Фанера плитаяс вӧчан завод стрӧитӧм» нёльӧд инвестиция проект збыльмӧдӧм серти удж.
Бӧртаснас лоас ыджыд ногтуя ламинируйтӧм фанера вӧчӧм.
Предприятие кӧсйӧ збыльмӧдны Сыктывдін районын «МДФ плитаяс вӧчан завод» инвестиция проект.
Проект серти артавсьӧ «Войвыв» промышленно-производственнӧй сикаса торъя экономика зона лӧсьӧдан мутасын МДФ плитаяс вӧчан завод стрӧитӧм.
Вӧрын да вӧр промышленносьтын уджалысьяслӧн лун водзвылын Денис Мантуров, Владимир Уйба да Руслан Семенюк («Лузалес» ИКК директоръяслӧн сӧветӧн веськӧдлысь) садитісны сус пуяслысь быдтасъяс, кутшӧмъяс лоасны предприятие мутасын парклӧн подулӧн.
Бӧрасджык быд садитӧм пу дорын сувтӧдасны нима табличкаяс.
«Предприятиеяслы, кытчӧ ми талун волім, а сідзжӧ мукӧд потенциальнӧй инвесторлы колана лӧсьӧдны выль да ӧнъяӧдны ӧнія вынйӧръяссӧ, пу пыдіаджык переработайтӧм да ыджыд маржаа продукция вӧчӧм.
Сійӧ инструментъясыс, кутшӧмъяс эмӧсь федеральнӧй тшупӧдын — тайӧ и верктуя инвестиция проектъяс, и Промышленносьт сӧвмӧдан регионса да федеральнӧй фондъяслӧн кокньӧда заёмъяс, — сетӧны позянлун сӧвмӧдны тайӧ нырвизьяссӧ», — тӧдчӧдіс Денис Мантуров.
Удж серти волігӧн министр аддзысьліс Коми Республикаса Юралысь Владимир Уйбакӧд. Найӧ сёрнитісны промышленносьт сӧвмӧдӧм да регионлы отсалан мераяс йылысь.
«Коми Республикаса предприятиеяс пӧрӧдӧны уна вӧр, уджын медсясӧ вӧдитчӧны импортнӧй техникаӧн, — пасйис Владимир Уйба.
— Ми кӧсъям корны Россияса промышленносьт да вузасян министерстволысь отсӧг вайӧдны татчӧ техника медбур вӧчысьясӧс,
медым тані, места вылын, медводз дзоньтавны да могмӧдны, а сэсся и чукӧртны техникасӧ вӧр пӧрӧдӧм да вӧр заптӧм вылӧ».
Денис Мантуров пасйис, мый Россияса промышленносьт да вузасян министерство дась отсавны республикаса вӧр переработайтан предприятиеяслы лизингӧвӧй уджтасъяс серти техника босьтӧмын.
* * *
Россия Федерацияса промышленносьт да вузасян министрлӧн тшӧктӧдӧн промышленносьт сӧвмӧдӧмӧ ыджыд пай пуктӧмысь, уна вося бур уджысь да уджсикас гажкӧд — Вӧрын да вӧр переработайтан промышленносьтын уджалысьяслӧн лункӧд йитӧдын Россияса промышленносьт да вузасян министерстволысь Почёт грамота сетӧма «Лузалес» ичӧт кывкутана котырын уджалысьяслы:
Руслан Николаевич Семенюклы — «Лузалес» ичӧт кывкутана котырса коммерческӧй директорлы;
Анастасия Аркадьевна Рожковалы — «Лузалес» ичӧт кывкутана котырлӧн Удж йитӧдъяс, удж видзӧм да лёк суӧмысь видзчысьӧм серти департаментын кадръяс юкӧнса шӧр инспекторлы;
Ирина Александровна Харитоновалы — «Лузалес» ичӧт кывкутана котырлӧн Вӧрӧн вӧдитчӧм серти департаментын вӧр сырьё ресурсъяс серти шӧр инженерлы;
Вера Алексеевна Бусуеклы — «Лузалес» ичӧт кывкутана котырса Пу обработайтӧм серти департаментлӧн вӧр пилитан цехын установкаясса да пиломатериалъяс обработайтан линияясса операторлы;
Михаил Васильевич Зобнинлы — «Лузалес» ичӧт кывкутана котырса Вӧрӧн вӧдитчан департаментлӧн вахтаса участокын вӧр лэдзан машинаясса машинистлы.
Россия Федерацияса промышленносьт да вузасян министрлӧн тшӧктӧдӧн промышленносьт сӧвмӧдӧмӧ ыджыд пай пуктӧмысь, уна вося бур уджысь да уджсикас гажкӧд — Вӧрын да вӧр переработайтан промышленносьтын уджалысьяслӧн лункӧд йитӧдын Россияса промышленносьт да вузасян министерстволысь Почёт грамота сетӧма «Монди Сыктывкарса ЛПК» акционер котырын уджалысьяслы:
Наталья Глебовна Аникеевалы — технологическӧй контроль серти производственнӧй лабораторияын химическӧй анализ вӧчысь лаборантлы;
Юрий Михайлович Вахнинлы — автоматизация да метрология серти шӧр службаса контрольно-измерительнӧй приборъяс да автоматика серти слесарлы;
Максим Николаевич Дудинлы — шӧр электрическӧй службаса электрооборудование дзоньталӧм да могмӧдӧм серти электромонтёрлы;
Мария Евлогиевна Медведевалы — целлюлоза вӧчан древесно-подготовительнӧй цехын керъяс сортируйтан да переработайтан агрегатнӧй линияясса операторлы;
Елена Ивановна Чайкалы — бумага вӧчан 14 №-а машинаса цехын размольщиклы.
[Фотоыс — В. Шешкунаслӧн, «Комиинформ» ЮА]
{Kodko (комиӧдіс Обрезкова Н. А.) @ Вӧрын уджалысьяслӧн лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1346 @ 2021-09-19 @}
Вӧрын уджалысьяслӧн лункӧд йитӧдын Коми Республикаса Юралысьлӧн шыӧдчӧм
«Коми Республикаса вӧр комплексын пыдди пуктана уджалысьяс да ветеранъяс!
Кӧч тӧлысьлӧн коймӧд вежалунӧ Россияын пасйыссьӧ Вӧрын уджалысьяслӧн лун.
Коми Республикалы, кӧні 80 % унджык мутасын быдмӧ вӧр, парма пыр вӧлі торъя тӧдчанаӧн.
Коми йӧзлӧн олӧмыс нэмсӧ вӧлі йитчӧма вӧркӧд, сійӧ вӧлі вердысьӧн да шонтысьӧн, керка кыпӧданторйӧн, ӧти кывйӧн кӧ шуны, олӧмлӧн ӧшмӧсӧн.
Талун вӧр отрасль пыр на лидер тшупӧдын, а вӧр промышленнӧй комплекс босьтӧ республикаса экономикаын тӧдчана ин.
Сыкӧд ми йитам Коми Республикалысь ог сӧмын талунъя, но и аскиа лунсӧ.
Та дырйи зэв тӧдчана кужӧмӧн да тӧлкӧн вӧдитчыны вӧрлӧн озырлунӧн, та вӧсна талун ми нуӧдам нырвизь пу пыдіа переработайтӧм вылӧ, зіля да лунысь-лунӧ быдтам вӧр.
Вежсьӧ парма видзӧм дорӧ видзӧдласыс и вӧрӧн вӧдитчысьяслӧн, кодъяс талун стрӧитӧны да видзӧны пу быдтанінъяс, весалӧны да выльысь садитӧны пуяс сійӧ мутасъясас, кӧні пӧрӧдӧны вӧр.
Лесничествоясса, вӧр пӧрӧдан да вӧр обрабатывайтан предприятиеясса пыдди пуктана уджалысьяс!
Сӧмын ӧтлаын ми вермам видзны да тӧлкӧн вӧдитчыны вӧр-ва озырлунӧн, и сӧмын тадзи ми вермам кольны сійӧс миян челядьлы да внукъяслы.
И медым найӧ, кыдзи ми талун, вермасны гордитчыны сійӧн, мый Коми Республикаын кольӧмаӧсь вӧрзьӧдлытӧм вӧръяс, кутшӧмъясӧс шуӧны Европалӧн тыясӧн».
[Коми Республикаса Юралысь Владимир Уйба]
{Kodko (комиӧдіс Обрезкова Н. А.) @ Владимир Уйба сиис сосногорскса чемпион Егор Колосковлы воӧдчыны боксын олимпийскӧй тшупӧдӧдз @ выльтор @ https://rkomi.ru/news/1351 @ 2021-09-21 @}
Владимир Уйба сиис сосногорскса чемпион Егор Колосковлы воӧдчыны боксын олимпийскӧй тшупӧдӧдз
Талун, кӧч тӧлысь 21 лунӧ, Коми Республикаса Юралысь аддзысьліс 15 16 арӧса зонъяс пӧвстын боксысь 2021 вося Европаса чемпион Егор Колосковкӧд да Сосногорскса Спорт школаын бокс серти медводдза квалификационнӧй категорияа тренер Юлия Кравцовакӧд.
Егор Колосков — Сосногорскса спортсмен, занимайтчӧ боксӧн 6 арӧссянь.
Эз ӧтчыдысь вермыв республикаса, регионкостса вермӧмъясын, матчевӧй ордйысьӧмъясын вермысь.
Пырӧ 2021–2022 вояс вылӧ бокс серти Россия Федерацияса спортивнӧй сборнӧй командалӧн шӧр составӧ.
Тбилиси карын 2021 вося сора тӧлысь 1–12 лунъясӧ мунӧм Европаса Первенство вылын 52 килограммӧдз весӧвӧй категорияын Егор Колосков босьтіс 1 места (нуӧдіс 4 тыш, ӧтиас вермис нокаутӧн).
Казаньын 2021 вося кӧч тӧлысь 1–6 лунъясӧ мунӧм «СНГ странаяслӧн І Ворсӧмъяс» войтыркостса ордйысьӧмъяс вылын Егор босьтіс зарни медаль.
Егорлӧн наставник — Юлия Кравцова — уджалӧ тренерӧн 2008 восянь.
Сылӧн 15 быдтаслӧн эмӧсь юношескӧй разрядъяс, куим быдтаслӧн — спорт разрядъяс, нӧшта куимӧн вӧчисны спорт мастерӧ кандидатлысь нормативъяс.
«Егор, чолӧмала тэнӧ Европаса Первенство да СНГ странаяслӧн медводдза ворсӧмъяс вылын вермӧмӧн.
Европа тӧдмаліс Коми Республика да Сыктывкар йылысь.
Зэв ыджыд аттьӧ тэныд республикалӧн 100 во тырӧм кежлӧ татшӧм козинысь.
Но эн сувт тайӧ вермӧмъяс вылас, быть водзӧ содты ассьыд профессиональнӧй тшупӧдтӧ да кужанлунтӧ.
Тэнад эм ставыс, медым лоны мирса чемпионӧн да петны олимпийскӧй тшупӧд вылӧ.
Сиа тіянлы тренер Юлия Владимировнакӧд пыр уджавны спорт кужанлун содтӧм вылын, а сідзжӧ спортын мойвиӧм да ыджыд вермӧмъяс», — шуис Владимир Уйба.
Коми Республикаса Юралысь тӧдчӧдіс, мый ыджыд вермӧмъяс пуктӧны спортсмен вылӧ торъя мог: «Талун тэ абу сӧмын спортсмен, абу сӧмын чемпион.
Тэ кодьӧн кутасны окотитны лоны тэ кодь арлыдаяс, ичӧтджык челядь.
Найӧ аддзӧны тэнсьыд вермӧмъястӧ да кутӧны локны спортлань.
И тайӧ зэв тӧдчана, сы вӧсна мый спорт нуӧдӧ челядьсӧ ывла вылысь, вӧчӧ наысь настоящӧй войтырӧс.
Та вӧсна тіян водзын сулалӧ нӧшта и социальнӧй мог — пропагандируйтны бокс, спорт да дзоньвидза оласног».
Владимир Уйба тшӧктіс Коми Республикаса спорт министерстволы петкӧдлыны локтысь Олимпийскӧй ворсӧмъясын участвуйтӧм кежлӧ Егор Колосковӧс дасьтан туй карта.
{Kodko (комиӧдіс Обрезкова Н. А.) @ Комиын висьталісны социальнӧй везъясын гражданалӧн шыӧдчӧмъяскӧд уджалӧм серти медбур муниципалитетъяссӧ @ выльтор @ https://rkomi.ru/news/1352 @ 2021-09-21 @}
Комиын висьталісны социальнӧй везъясын гражданалӧн шыӧдчӧмъяскӧд уджалӧм серти медбур муниципалитетъяссӧ
Социальнӧй везъясын войтырлӧн шыӧдчӧм серти муниципальнӧй юкӧнъясса администрацияяслӧн 2021 во сора тӧлысся удж серти вӧчӧма тестӧвӧй рейтинглысь кывкӧртӧдъяс.
Бӧртасъяссӧ юӧртіс Коми Республикаса Юралысь Владимир Уйба регионса Веськӧдлан котырлӧн кӧч тӧлысь 14 лунся заседание дырйи.
Уськӧдам тӧд вылӧ, ода-кора тӧлысь 19 лунӧ Коми Республикаса Веськӧдлан котырлӧн заседание дырйи Владимир Уйба тшӧктіс пыртны петкӧдласъяслӧн лыддьӧгӧ, кутшӧмъяс тӧдчӧдӧны муниципалитетъясса юралысьяслӧн (юрнуӧдысьяслӧн) уджлысь окталунсӧ да бӧртаслунсӧ, нӧшта ӧти петкӧдлас, мый тӧдчӧдӧ социальнӧй везъясын уджлысь окталунсӧ, та лыдын и шыӧдчӧмъяс вылӧ ас кадӧ да бур ногтуя вочавидзӧм серти.
Коми Республикаса муниципальнӧй юкӧнъяслӧн администрацияясса юрнуӧдысьяслӧн уджлысь окталунсӧ донъялӧмӧ пыртісны «Инцидент Менеджмент» системаын удж, а буретш социальнӧй везъясын олысьяслӧн шыӧдчӧмъяс да корӧмъяс вылӧ меставывса асвеськӧдлан органъясӧн вочавидзӧмъяслӧн ногтуй да найӧс сетан кадколаст.
Рейтинг нуӧдан системасӧ лӧсьӧдіс Коми Республикаса регионӧн веськӧдлан шӧрин Владимир Уйбалӧн тшӧктӧм серти.
«Регионӧн веськӧдлан шӧрин петкӧдліс методикасӧ да параметръяссӧ, кутшӧмъяс серти донъялӧны муниципальнӧй юкӧнъяссӧ.
Документыс артмис объективнӧйӧн — сійӧ петкӧдлӧ шыӧдчӧмъяс вылӧ вочавидзӧмлысь кадколастсӧ да ногтуйтӧ, мый олысьяслы зэв тӧдчана.
Кора кутны сійӧс тӧд вылын, да веськалінныд кӧ ті гӧрд зонаӧ, колӧ вынсьӧдны уджсӧ тайӧ нырвизьын», — шыӧдчис Владимир Уйба кар-районъясса юралысьяс дорӧ.
Сора тӧлысся бӧртасъяс серти социальнӧй везъясын гражданалӧн шыӧдчӧмъяскӧд уджын медводдзаӧн лоис «Усинск» КК МЮ администрация, мӧд места босьтіс «Воркута» КК МЮ администрация, коймӧдсӧ — «Кулӧмдін» МР МЮ администрация.
«Владимир Уйбалӧн тшӧктӧм серти Регионӧн веськӧдлан шӧринӧн лӧсьӧдӧм рейтинглӧн могыс — удж йылысь абу кос висьталӧм, а республикаса олысьяскӧд власьт органъяслӧн уджлысь ногтуйсӧ кыпӧдӧм.
Быд донъялӧмын лоӧны стӧч вӧзйӧмъяс олысьяскӧд йитӧд лӧсьӧдӧмын», — шуис Коми РВШ-ӧн юрнуӧдысь Евгений Зелинский.
Республикаса муниципальнӧй юкӧнъяслӧн администрацияяслысь медводдза официальнӧй рейтинг Коми регионӧн веськӧдлан шӧрин нуӧдас 2021 вося нёльӧд кварталын «Инцидент Менеджмент» системаын уджлӧн бӧртасъяс серти.
{Kodko (комиӧдіс Обрезкова Н. А.) @ Коми Республикаса Юралысь вӧзйис йӧзӧс ӧтув новлӧдлан транспортса водительясӧс ышӧдан мераяс @ выльтор @ https://rkomi.ru/news/1361 @ 2021-09-24 @}
Коми Республикаса Юралысь вӧзйис йӧзӧс ӧтув новлӧдлан транспортса водительясӧс ышӧдан мераяс
Водительяслы, кодъяс кывкутӧны пассажиръясӧс новлӧдлӧм вӧсна, колӧ вештыны ыджыдджык удждон, сэки автобусӧн веськӧдлӧм вылӧ конкуренцияыс лоӧ ёнджык.
Пассажиръяслысь олӧмсӧ да дзоньвидзалунсӧ позьӧ дӧверитны сӧмын профессионалъяслы, лыддьӧ Владимир Уйба.
Кӧч тӧлысь 22 лунӧ Коми Республикаса Юралысь нуӧдіс Туй вылын видзчысянлунсӧ могмӧдӧм серти республиканскӧй комиссиялысь заседание.
Заседание вылын мукӧд юалӧмкӧд ӧттшӧтш вӧлі видлалӧма урчитӧм маршрутъяс вывті автобусӧн пассажиръясӧс новлӧдӧмлысь видзчысянлун могмӧдӧм йылысь юалӧм.
2021 волӧн 8 тӧлысся бӧртасъяс серти Коми Республикаса экономика сӧвмӧдан да промышленносьт министерство ГИБДД-кӧд да Канму автомашина туйяс бӧрся видзӧдӧмӧн веськӧдланінкӧд ӧтув нуӧдӧма 30 рейд.
Видзӧдлӧма транспорт средствояслысь состояниесӧ, туйвыв документациялысь лӧсялӧмсӧ, водительяслысь уджалан да шойччан режимсӧ, рейсӧ петтӧдз водительясӧн медицина осмотр прӧйдитӧмсӧ.
Эрдӧдӧма 38 торкалӧм.
ДТП-лӧн шӧр помкаясыс — туйвывті ветлысьясӧн ПДД пунктъяслысь корӧмъяссӧ нинӧмӧ пуктӧм да абу тырмана вниманньӧ, пассажирскӧй автопредприятиеясын водительяс бӧрся абу колана ногӧн видзӧдӧм.
«Автобус, кыдзи и быд транспорт средство, вермӧ вайны лёктор.
Водительлы колӧ гӧгӧрвоны, мый сійӧ оз сӧмын веськӧдлы автобусӧн, сійӧ кывкутӧ пассажиръяслӧн олӧм да дзоньвидзалун вӧсна.
Оз позь тайӧ удж вылас босьтны этша опыта водительясӧс, тані колӧны ыджыд стажа профессионалъяс.
Колӧ мӧд ногӧн бӧрйыны пассажиръясӧс новлӧдлан автобусъясӧн веськӧдлысь водительясӧс — бӧрйыны сӧмын медбуръясысь медбуръяссӧ, и удждоныслы колӧ лоны сэтшӧмӧн, медым локтісны татшӧм уджалысьясыс», — тӧдчӧдіс Владимир Уйба.
Коми Республикаса Юралысь тшӧктіс Коми Республикаса экономика сӧвмӧдан да промышленносьт министерстволы лӧсьӧдны муниципалитетъяслы отсалан механизмъяс, медым найӧ вермисны пыртны пассажиръясӧс новлӧдлан транспортса водительяслысь удждон содтӧм серти рӧскодсӧ муниципальнӧй контрактъясас: «Тайӧ рӧскодыс некыдзи оз вермы пырны тарифъясӧ, а сідз кӧ и билетъяслӧн доныс оз вермы содны. И пассажиръяс оз кутны мынтыны унджык».
* * *
2021 вося тӧвшӧр-моз тӧлысьясӧ пасйӧма пассажиръясӧс новлӧдлан автобусъяслӧн участвуйтӧмӧн 18 туйвыв лоӧмтор, наын доймалісны йӧз.
Индӧм ДТП вӧлісны Сыктывкарын, Ухтаын да Сыктывдін районын.
{Kodko (комиӧдіс Обрезкова Н. А.) @ Ковидысь прививка доръяс Комиын олысьясӧс ӧпаснӧй инфекцияысь @ выльтор @ https://rkomi.ru/news/1362 @ 2021-09-24 @}
Ковидысь прививка доръяс Комиын олысьясӧс ӧпаснӧй инфекцияысь
Коми Республикаса Юралысь сёрнитіс докладӧн Россияын олысьясӧс коронавирус инфекцияысь вакцинируйтӧм серти Россия Федерацияса Веськӧдлан котырӧн Юрнуӧдысьӧс вежысь Татьяна Голиковакӧд сӧвещание дырйи.
Владимир Уйба висьталіс республикаын ситуация йылысь.
Кӧч тӧлысь 24 лун вылӧ Коми Республикаын вакциналӧн медводдза компонентӧн прививка вӧчӧма 264 489 морт, та лыдын вакцинируйтчӧмсӧ помалісны 248 666 морт.
«Талун кежлӧ вакцинируйтӧны республикаса 23 канму медицина организацияын.
Менам тшӧктӧм серти лӧсьӧдӧма 191 вакцинируйтан пункт, та лыдын 39 мобильнӧй.
Став муниципальнӧй юкӧнас котыртӧма уджсӧ ылі да сьӧкыда воӧдчан олан пунктъясысь олысьясӧс вакцинируйтанінъясӧ вайӧдӧм», — висьталіс Владимир Уйба.
Кырымалӧма прикрепитӧм олысьясӧс иммунизируйтӧм могысь вакцина вайӧм йылысь артмӧдчӧмъяс аспом медицина организацияяскӧд, а сідзжӧ МВД поликлиникакӧд.
Риск группаысь олысьясӧс, кодъяс бурдӧдчӧны абу вуджан висьӧмъясысь бурдӧдан стационаръясын, вакцинируйтӧны стационарысь петан лунӧ.
Котыртӧма сьӧкыда ветлан олысьясӧс оланінаныс вакцинируйтӧм вылӧ выезднӧй бригадаяс.
Зіля мунӧ выезднӧй удж предприятиеясса сотрудникъясӧс уджалан местаяс вылас вакцинируйтӧм могысь.
Восьтӧма прививка вӧчан содтӧд пунктъяс уджӧн могмӧдан шӧринъясын, уна мога шӧринъяслӧн филиалъясын, Республиканскӧй врачебно-физкультурнӧй диспансерын, «Коми Республикаса канму аптекаяс» канму ӧтувъя предприятиеын, республиканскӧй стадионлӧн стрӧйбаын.
Вакцинируйтӧм вылӧ позьӧ гижӧдчыны Call-шӧринъяс, Канму услугаяслӧн ӧтувъя портал пыр.
Республикаын олысьяслы юӧртӧны вакцинация мунӧм йылысь, та лыдын вакциналӧн эмлун серти социальнӧй везъясын, республикаса да меставывса йӧзӧс юӧртан средствоясын материалъяс йӧзӧдӧмӧн.
Уджыс мунӧ быд лун.
Таысь кындзи, Коми Республикаса Юралысь республикаса олысьяс дорӧ видео пыр аслас быдлунся шыӧдчӧмъясын юӧртӧ висьмӧм йӧз да бурдӧмаяс йылысь.
Владимир Уйба гӧгӧрвоӧдӧ олысьяслы социальнӧй везъясын роликъяс пыр вакцинируйтчыны коланлун йылысь да, кыдз медицина наукаса доктор, гӧгӧрвоӧдӧ, мый вакцина абу ӧпаснӧй да абу вреднӧй.
{Kodko (комиӧдіс Обрезкова Н. А.) @ Владимир Уйба аттьӧаліс Москваын олысь Комиысь петӧм йӧзӧс чужан республика сӧвмӧдӧмӧ пай пуктӧмысь @ выльтор @ https://rkomi.ru/news/1363 @ 2021-09-24 @}
Владимир Уйба аттьӧаліс Москваын олысь Комиысь петӧм йӧзӧс чужан республика сӧвмӧдӧмӧ пай пуктӧмысь
Кӧч тӧлысь 24 лунӧ Россия Федерацияса Президент бердын Коми Республикаӧс пыр петкӧдланінын вӧлі Коми Республика артмӧдӧмсянь 100 во тырӧмлы сиӧм кыпыд собрание.
Сэні вӧліны медшӧр отрасльясса ветеранъяс, землячествоясӧс да ӧтйӧза организацияясӧс петкӧдлысьяс.
Владимир Уйба чолӧмаліс чукӧртчӧмаясӧс регионлӧн сё вося юбилейӧн, аттьӧаліс уна вося асьнысӧ жалиттӧм уджысь да республика сӧвмӧдӧмӧ ыджыд пай пуктӧмысь, сетіс канму наградаяс да «Коми Республикалы 100 во» медальяс.
«Сё вося юбилей кежлӧ регионӧн чӧжӧм вермӧмъясыс — олысьяслӧн заслуга.
Миян уджач землякъяс — Коми мулӧн медшӧр озырлун.
Талун тані чукӧртчисны йӧз, кодъяс сиисны асланыс олӧмысь уна во миян республикалы.
Вӧчисны зэв уна сійӧс социальнӧй да экономика боксянь сӧвмӧдӧм могысь.
Муӧдз копыр тіянлы да став сьӧлӧмсянь аттьӧала ичӧт чужанін дорӧ муслунысь, кужӧм-сямлунысь, енбиысь, тӧдӧмлунысь да опытысь, кутшӧмъясӧс ті сетінныд чужан республика сӧвмӧдӧмӧ», — пасйис Коми Республикаса Юралысь.
* * *
Коми Республикаса Юралысьлӧн тшӧктӧмӧн Коми Республика социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» Коми Республикаса юбилейнӧй медаль сетӧма:
Ефим Владимирович Басинлы — «Коми землячество» дінму ӧтйӧза организацияӧ пырысьлы;
Богдан Владимирович Будзуляклы — Коми Республикаса биару отрасльса ветеранлы;
Николай Иванович Вокуевлы — «Коми землячество» дінму ӧтйӧза организацияӧ пырысьлы;
Татьяна Дмитриевна Вокуевалы — «Коми землячество» дінму ӧтйӧза организациялӧн Правлениеӧ пырысьлы, «Русь Печорская» дінмукостса ӧтйӧза ӧтмунӧмлӧн Москваса представительствоӧн веськӧдлысьлы;
Иван Иванович Губаноклы — Коми Республикаса биару отрасльса ветеранлы;
Анатолий Степанович Гуменюклы — Коми Республикаса биару отрасльса ветеранлы (наградасӧ босьтіс Елена Анатольевна, Анатолий Степановичлӧн нылыс);
Нина Павловна Ефремовалы — «Коми землячество» дінму ӧтйӧза организацияӧ пырысьлы;
Анатолий Алексеевич Захаровлы — Коми Республикаса биару отрасльса ветеранлы;
Вера Александровна Ивановалы — «Административнӧя могмӧдан шӧрин» Коми Республикаса канму учреждениеын юкӧнса юралысь экспертлы;
Николай Николаевич Кочуринлы — «Коми землячество» дінму ӧтйӧза организацияӧ пырысьлы;
Валентин Иванович Медведевлы — «Коми землячество» дінму ӧтйӧза организациялӧн Правлениеӧ пырысьлы, «Удж видзӧм серти специалистъяслӧн ставроссияса ӧтув» ӧтувроссияса ӧтйӧза организациялӧн Президент, Россияса видзчысянлун да удж видзӧм серти ветеранъяслӧн Союзӧн веськӧдлысьлы;
Александр Михайлович Окатовлы — «Коми землячество» дінму ӧтйӧза организацияӧ пырысьлы;
Павел Васильевич Осиповлы — «Коми землячество» дінму ӧтйӧза организациялӧн Правлениеӧ пырысьлы;
Василий Григорьевич Подюклы — Коми Республикаса биару отрасльса ветеранлы;
Николай Николаевич Рулевлы — «Коми землячество» дінму ӧтйӧза организациялӧн Правлениеӧ пырысьлы;
Вера Игоревна Скоробогатовалы — Россия Федерацияса Президент бердын Йӧзкостса овмӧс да канму службаӧ велӧдан Россияса академияын вылыс тшупӧда наука туялысьлы, «Коми землячество» дінму ӧтйӧза организацияӧ пырысьлы;
Светлана Борисовна Терентьевалы — «Коми землячество» дінму ӧтйӧза организациялӧн Правлениеӧ пырысьлы;
Тамара Григорьевна Флоренскаялы — «Коми землячество» дінму ӧтйӧза организацияӧ пырысьлы;
Вера Алексеевна Чижовалы — «Коми землячество» дінму ӧтйӧза организацияӧ пырысьлы;
Анатолий Яковлевич Яковлевлы — Коми Республикаса биару отрасльса ветеранлы;
Коми Республикаса Юралысьлӧн тшӧктӧмӧн уна вося бур уджысь Коми Республикаса Юралыссянь Аттьӧалӧм сетӧма:
Алексей Васильевич Молчановлы — «Москваын Коми Республикаса культура удж нуӧдан шӧрин» Коми Республикаса канму асшӧрлуна учреждениелӧн административнӧй да овмӧс юкӧнын мутас весалысьлы;
Александр Леонидович Павловлы — «Москваын Коми Республикаса культура удж нуӧдан шӧрин» Коми Республикаса канму асшӧрлуна учреждениелӧн административнӧй да овмӧс юкӧнын мутас весалысьлы;
Николай Михайлович Фроловлы — «Москваын Коми Республикаса культура удж нуӧдан шӧрин» Коми Республикаса канму асшӧрлуна учреждениелӧн административнӧй да овмӧс юкӧнын стрӧйбаяс комплекснӧя могмӧдӧм да дзоньталӧм серти рабочӧйлы;
Константин Михайлович Чуковлы — «Москваын Коми Республикаса культура удж нуӧдан шӧрин» Коми Республикаса канму асшӧрлуна учреждениелӧн административнӧй да овмӧс юкӧнын автомашинаса водительлы.
Коми Республикаса Веськӧдлан котырӧн Юрнуӧдысьлӧн тшӧктӧмӧн кужӧм-сямлунысь да уна вося бур уджысь Коми Республикаса Веськӧдлан котырсянь Почёт грамота сетӧма:
Виктор Петрович Воробьевлы — «Москваын Коми Республикаса культура удж нуӧдан шӧрин» Коми Республикаса канму асшӧрлуна учреждениелӧн административнӧй да овмӧс юкӧнын автомашинаса водительлы;
Андрей Николаевич Пешковлы — «Москваын Коми Республикаса культура удж нуӧдан шӧрин» Коми Республикаса канму асшӧрлуна учреждениеын сантехническӧй да тӧлӧдан системаяс службалӧн контрольнӧй да мерайтан приборъясса да автоматикаса слесар-наладчиклы;
Андрей Вячеславович Смирновлы — «Москваын Коми Республикаса культура удж нуӧдан шӧрин» Коми Республикаса канму асшӧрлуна учреждениелӧн административнӧй да овмӧс юкӧнын автомашинаса водительлы.
{Kodko (комиӧдіс Обрезкова Н. А.) @ Коми Республикаса Юралысь чолӧмалӧ Кагульничалӧн да школаӧдз велӧдан юкӧнса став уджалысьлӧн лунӧн @ выльтор @ https://rkomi.ru/news/1368 @ 2021-09-27 @}
Коми Республикаса Юралысь чолӧмалӧ Кагульничалӧн да школаӧдз велӧдан юкӧнса став уджалысьлӧн лунӧн
«Коми Республикаса пыдди пуктана кагульничаяс да школаӧдз велӧдан системаын уджалысьяс!
Чолӧмала тіянӧс уджсикас гажӧн!
Челядьӧс велӧдігӧн колӧны оз сӧмын кужӧм-сямлун да тӧдӧмлунъяс, но и торъя дар, быд кага дорӧ муслун, сылысь видзӧдлассӧ пыдди пуктӧм — татӧг сьӧкыд велӧдны ичӧт мортӧс не вошны тайӧ ыджыд мирас, аддзыны да восьтыны сылысь кужанлунъяссӧ, отсавны быдмыны ыджыд мортӧдз.
Быдмысь войтырлы служитӧм бӧрйӧмкӧд тшӧтш ті босьтінныд ас выланыд ыджыд кывкутӧм йӧзкотыр водзын, ӧд тіян кужӧм-сямлун да мывкыдлун сайын республикалӧн да страналӧн аскиа луныс.
Тіянлы ми дӧверяйтам медся донасӧ — челядьнымӧс.
Талун республикаса челядьлы садъясын уджалӧны квайт сюрсысь унджык педагог, а сідзжӧ логопедъяс да дефектологъяс, музыкаӧ велӧдысьяс да мукӧд специалист.
Быдӧн тіян пиысь пуктӧ став вын бӧрйӧм уджсикасӧ. Тіян отсӧгӧн школаӧдзса учреждениеясын лӧсьӧдӧма став колана условиесӧ, медым челядьлы вӧлі лӧсьыд да интереснӧ.
Сьӧлӧмсянь аттьӧала бурлунысь да сьӧлӧмсянь уджалӧмысь, челядьӧс радейтӧмысь, тӧждысьӧмысь да ыджыд терпенньӧысь.
Став сьӧлӧмсянь сиа миян республикаын школаӧдзса учреждениеясын уджалысьяслы крепыд дзоньвидзалун, шуд, тыр-бур олӧм, уджсикасын выль вермӧмъяс!»
[Коми Республикаса Юралысь Владимир Уйба]
{Kodko (комиӧдіс Обрезкова Н. А.) @ Комиын нюжӧдӧма уна йӧза культурнӧй, зрелищнӧй да мукӧд уна йӧза мероприятие нуӧдӧм вылӧ дзескӧдӧмсӧ @ выльтор @ https://rkomi.ru/news/1372 @ 2021-09-28 @}
Комиын нюжӧдӧма уна йӧза культурнӧй, зрелищнӧй да мукӧд уна йӧза мероприятие нуӧдӧм вылӧ дзескӧдӧмсӧ
Лӧсялана вежсьӧмъяс пыртӧма талун, кӧч тӧлысь 28 лунӧ, «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ COVІD–19 выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штаблӧн помшуӧм серти.
Ӧнія кадӧ Коми Республикаын выль коронавирус инфекция серти абу тыр-бур эпидобстановка, содӧ висьысьяслӧн лыдыс.
Уна йӧза культурнӧй, зрелищнӧй да мукӧд уна йӧза мероприятиеяссӧ позяс нуӧдны сӧмын сэк, кор Коми Республикаын бурмас COVІD–19 выль коронавирус инфекция паськалӧм вӧсна эпидемиологическӧй серпасыс.
* * *
Вакцинация отсӧгӧн позьӧ кокньыда да дон босьттӧг видзны асьнытӧ да матыссаяснытӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Коми Республикаса йӧзлысь дзоньвидзалун видзан министерстволӧн контакт-шӧрин пыр 8–800–550–0000 номер кузя дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Обрезкова Н. А.) @ Коми Республикалы 100 во: сиктса больничаясӧ воисны регыдъя отсӧг сетан выль машинаяс @ выльтор @ https://rkomi.ru/news/1373 @ 2021-09-28 @}
Коми Республикалы 100 во: сиктса больничаясӧ воисны регыдъя отсӧг сетан выль машинаяс
Талун, кӧч тӧлысь 28 лунӧ, регионса Юралысь Владимир Уйба РУСАЛ компанияӧс петкӧдлысьяскӧд ӧттшӧтш сетіс Княжпогост, Койгорт да Кулӧмдін районъясса шӧр больничаяслы «Регыдъя отсӧг сетан» «В» класса выль машинаяс. Машинаясыс ыджыд позянлунаӧсь, найӧс могмӧдӧма ГЛОНАСС да GPS системаясӧн, радиосвязьӧн да видеорегистраторъясӧн.
«Зэв тӧдчана, мый выль автомашинаяссӧ миян больничаяс босьтӧны оз сӧмын федеральнӧй уджтасъяс серти да регионлӧн сьӧм вылӧ, но и миян надёжнӧй социальнӧй уджъёртъяс отсӧгӧн.
РУСАЛ компания — буретш татшӧм уджъёрт.
Республикаса Веськӧдлан котыр вӧчӧ ставсӧ, медым тырвыйӧ могмӧдны йӧзлысь дзоньвидзалун видзан учреждениеяссӧ спецтранспортӧн.
Тайӧ во заводитчигас ми босьтім «Йӧзлысь дзоньвидзалун видзӧм» национальнӧй проект серти регыдъя отсӧг сетан «В» класса 28 автомашина.
Во помӧдзыс виччысям нӧшта 30 машина», — пасйис Владимир Уйба.
«Газель» подув вылын «В» класса спецавтомашинаясын эм регыдъя да нюжмасьны позьтӧм отсӧг сетӧм вылӧ став техническӧй позянлуныс — тыяс искусственнӧя тӧлӧдан аппаратъяс, дефибрилляторъяс, электрокардиографъяс, реанимационнӧй да акушерскӧй наборъяс, кислорода баллонъяс.
«Автомашинаяссӧ зэв бура комплектуйтӧма.
Найӧ миянлы ёна отсаласны уджын, торйӧн нин пандемия дырйи, кор транспортыс уджалӧ сутки чӧж.
Зэв ыджыд аттьӧ татшӧм отсӧгысь», — аттьӧаліс «Княжпогост РШБ» КР КСЗУ-са юралысь врач Ирина Щербович.
Техникасӧ ньӧбӧма РУСАЛ компаниялӧн сьӧм вылӧ Коми Республикаса Веськӧдлан котыркӧд ёртасьӧм йылысь артмӧдчӧм серти.
Коронавирус пандемия заводитчӧмсянь РУСАЛ, компаниялы подув пуктысь Олег Дерипаскаӧн лӧсьӧдӧм традицияяс серти, кутіс отсасьны регионса медицина учреждениеяслы.
«Кутам лача, мый сьӧкыда воӧдчан районъясын нюжмасьны позьтӧм отсӧг сетӧм вылӧ став колана медицина оборудованиеа выль спецавтомашинаясыс лоасны бур отсӧгӧн йӧзлысь дзоньвидзалун видзан миян учреждениеяслӧн уджын да республикаын олысьяслысь дзоньвидзалун да олӧм видзӧмын», — тӧдчӧдіс РУСАЛ компаниялӧн «Тиманса боксит» предприятиеса финансӧвӧй директор Антон Дроздов.
РУСАЛ компания да Коми Республикаса Веськӧдлан котыр ӧтув уджалӧны 2016 восянь.
Артмӧдчӧм серти компания инвестируйтіс Вежаю-Вӧрыкваса куйлӧд помӧдз сӧвмӧдан да Вылыс Тшугӧрса выль куйлӧд перъян проектъясӧ матӧ 8 миллиард шайт.
РУСАЛ компаниялӧн сьӧм вылӧ 2020 воын вӧлі стрӧитӧма Княжпогост районса Чимиавӧрӧк посёлокын социокультурнӧй шӧрин, ньӧбӧма медикаментъяс Ухта карса больничалы да регыдъя медицина отсӧг сетан станциялы.
[Фотоыс Владимир Шешкунаслӧн, «Комиинформ» ЮА]
{Kodko (комиӧдіс Обрезкова Н. А.) @ Владимир Уйба сетіс канму наградаяс велӧдысьяслы да велӧдан юкӧнса ветеранъяслы @ выльтор @ https://rkomi.ru/news/1375 @ 2021-09-28 @}
Владимир Уйба сетіс канму наградаяс велӧдысьяслы да велӧдан юкӧнса ветеранъяслы
Кыпыд церемонияыс вӧлі Велӧдысьлӧн лун водзвылын, кӧч тӧлысь 28 лунӧ.
Коми Республикаса Юралысь тӧдчӧдіс велӧдысьяслысь торъя пайсӧ кыдз быд мортлӧн олӧмын да судьбаын, сідзи и йӧзкотыр сӧвмӧдӧмын.
«Мывкыдлуна велӧдысь-наставникъяс мунӧны ӧтлаын миян челядькӧд детсадсянь, сетӧны тӧдӧмлунъяс школаын, сӧвмӧдӧны челядьлысь енбисӧ содтӧд тӧдӧмлун сетан организацияясын, велӧдӧны аскиа специальносьтъяс серти уджсикасӧ велӧдан шӧр тшупӧда да вылыс тшупӧда велӧдчанінъясын.
Велӧдан да быдтан-сӧвмӧдан став тшупӧдын велӧдысьлӧн торъя миссия.
Велӧдысьлӧн, наставниклӧн кужӧм-сямлун да мортлун сайын сійӧ, кутшӧмӧн быдмасны миян челядь, а,сідзкӧ, и сійӧ, кутшӧмӧн лоӧ миян аскиа лунным», — пасйис В. Уйба.
Велӧдан тшупӧд кыпӧдӧм вылӧ веськӧдӧма «Велӧдӧм» национальнӧй проект.
Нацпроект серти тайӧ велӧдчан воын Сыктывкарын восьтӧма «Кванториум» школаын велӧдчысь челядьлы Россияын медводдза технопарк.
Сиктса 21 школаын восьтӧма «Точка роста» велӧдан шӧринъяс.
Сиктса школаясын дзоньталӧма 3 спорт зал.
Республикаса 80 велӧдан организацияӧ воис компьютернӧй оборудование.
Кулӧмдін сиктын восьтӧма IT-куб цифрӧвӧй велӧдан шӧрин.
Сыктывкарса сервис да связь колледжын ӧні эм 4 профессиональнӧй мастерскӧй, во помӧдзыс воссяс нӧшта 4 мастерскӧй Воркутаса политехническӧй техникумын.
Таво Коми Республикаса Юралысь Владимир Уйбалӧн тшӧктӧмӧн велӧдан учреждениеяс дзоньталӧм вылӧ да челядьлысь ӧпастӧмлун могмӧдӧм вылӧ вӧлі содтӧд вичмӧдӧма 777,3 млн шайт.
«Ми ог сӧмын дзоньталӧй уджалысь, но и стрӧитам выль школаяс да детсадъяс.
Сӧмын кык бӧръя вонас республикаын заводитіс уджавны вит детсад, куим школа да кык школа-сад.
Но, дерт, кӧть кутшӧм бур ногаӧсь эз вӧвны миян велӧдан учреждениеяс, кӧть кутшӧм сэні эз сулав ӧнія техника, медшӧрыс велӧдан процессын — Велӧдысь», — шуис Владимир Уйба.
Россияса Президентлӧн тшӧктӧм серти тайӧ велӧдчан восянь класснӧй руководствоысь кутасны босьтны удждон оз сӧмын школаясса велӧдысьяс, но и шӧр тшупӧда уджсикасӧ велӧдан организацияясын велӧдан группаяс курируйтысьяс.
«Коми Республикаын зэв уна енбиа велӧдысь.
Миян зэв вына педагогическӧй сообщество.
Том йӧз босьтӧ педагогическӧй уджса ветеранъяслӧн традицияясысь медбурсӧ.
Сьӧлӧмсянь аттьӧала ставсӧ, коді уджалӧ республикаса школаясын, детсадъясын, вузъясын да шӧр тшупӧда уджсикасӧ велӧданінъясын.
Аттьӧ тіянлы бур, сьӧкыд, но зэв колана уджысь.
Сыысь, мый ті бӧрйинныд, колӧкӧ, медся кывкутана уджсикассӧ да олӧмбыд служитанныд сылы.
Муӧдз копыр тіянлы да ыджыд аттьӧ», — шуис Коми Республикаса Юралысь Владимир Уйба.
* * *
Россия Федерацияса Президентлӧн Индӧдӧн уджын вермӧмъясысь да уна вося бур уджысь «Айму водзын заслугаясысь» II тшупӧда орденлысь медаль сетӧма
Зоя Алексеевна Вахниналы — «Бать-мамтӧм да бать-мам дӧзьӧртӧг кольӧм челядьлы 3 №-а керка» канму учреждениеса директорлы;
техническӧй уджсикасъясӧ велӧдан юкӧнын заслугаясысь да уна вося бур уджысь «Россия Федерацияса производствоӧ велӧдысь нимӧдана мастер» почёта ним сетӧма:
Алла Леонидовна Латушкалы — «Сыктывкарса вӧр промышленносьт техникум» канму учреждениеса преподавательлы;
Лидия Серафимовна Туркиналы — «Вузасьӧмӧ да технологияӧ велӧдан Сыктывкарса техникум» канму учреждениеын производствоӧ велӧдысь мастерлы;
научно-педагогическӧй уджын, квалифицируйтӧм специалистъясӧс дасьтӧмын заслугаясысь да уна вося бур уджысь «Россия Федерацияса медвылыс школаын нимӧдана уджалысь» почёта ним сетӧма
Фанур Фаритович Асадуллинлы — Киров нима Санкт-Петербургса канму лесотехническӧй университетлӧн Сыктывкарса вӧр институтын (филиалын) кафедраӧн заведуйтысьлы;
велӧдан юкӧнын заслугаясысь да уна вося бур уджысь «Россия Федерацияса нимӧдана велӧдысь» почёта ним сетӧма
Наталья Евгеньевна Бухтияровалы — «Ефремова нима 7 №-а ичӧт школа» муниципальнӧй учреждениеын ичӧт классъяс велӧдысьлы, Усинск кар.
Россия Федерацияса Президентлӧн тшӧктӧмӧн велӧдан юкӧнын заслугаясысь да уна вося бур уджысь Россия Федерацияса Президентлысь Почёт грамота сетӧма:
Галина Степановна Головизниналы — «Содтӧд тӧдӧмлун сетан Луздор районса муниципальнӧй шӧрин» муниципальнӧй учреждениеын тренер-преподавательлы;
Надежда Николаевна Ковальлы — «Челядьӧс сӧвмӧдан 53 №-а видзанін» муниципальнӧй учреждениеын педагог-психологлы, Сыктывкар.
Коми Республикаса Юралысьлӧн тшӧктӧмӧн Коми Республика социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медальяс сетӧма Коми Республикаса велӧдан юкӧнса ветеранъяслы:
Наталья Ивановна Агурьяновалы, Сыктывкар;
Мая Михайловна Бушеневалы, Удора район;
«Коми Республикалы 100 во» юбилейнӧй медальяс сетӧма:
Любовь Александровна Гурьевалы — Киров нима Санкт-Петербургса канму лесотехническӧй университетлӧн Сыктывкарса вӧр институтса (филиалса) директорлы;
Ирина Владиславовна Корзовалы — «Челядьӧс компенсируйтана 94 № а видзанін» муниципальнӧй учреждениеӧн заведуйтысьлы, Ухта кар;
Валентина Васильевна Кулимовалы — «Нывъясӧс велӧдан гимназия» муниципальнӧй учреждениеса директорлы, Сыктывкар;
Татьяна Валентиновна Париловалы — «9 №-а шӧр школа» муниципальнӧй учреждениеса директорлы, Ухта кар;
Светлана Владимировна Сбоевалы — «7 №-а шӧр школа» муниципальнӧй учреждениеса директорлы, Сыктывкар;
Наталья Александровна Чуркиналы — «Челядьӧс 116 №-а видзанін» Степановскӧй грездса муниципальнӧй учреждениеӧн заведуйтысьлы, Чилимдін район.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёта ним сетӧма:
Игорь Иванович Ластуновлы — Канму службаӧ да веськӧдлыны велӧдан Коми Республикаса академияын оланпастэчас да муниципальнӧй инӧд кафедраса доцентлы;
Михаил Васильевич Мелиховлы — Питирим Сорокин нима Сыктывкарса канму университетын роч филология кафедраса профессорлы;
Николай Алексеевич Морозовлы — Канму службаӧ да веськӧдлыны велӧдан Коми Республикаса академиялӧн канму да муниципальнӧй веськӧдлӧм серти кафедраса доцентлы;
Евгения Юрьевна Тутолминалы — «16 №-а шӧр школа» муниципальнӧй учреждениеса директорлы, Ухта кар;
Коми Республикалӧн бур вылӧ уна во зіля уджалӧмысь Коми Республикаса Почёт грамота сетӧма:
Любовь Ивановна Акуловалы — Питирим Сорокин нима Сыктывкарса канму университетлӧн естественно-научнӧй велӧдӧм серти кафедраӧн заведуйтысьлы;
Майя Владимировна Лочкаревалы — «Сыктывкарса сервис да связь колледж» канму учреждениеса директорӧс вежысьлы;
Ольга Алексеевна Миклиналы — Ухтаса канму техническӧй университетын мусир да биару куйлӧдъяс перъян да наӧн вӧдитчан да мупытшса гидромеханика кафедраса шӧр преподавательлы;
Людмила Николаевна Пенкиналы — «10 №-а школа» муниципальнӧй учреждениеса директорлы, Ухта кар;
Сергей Алексеевич Ткачевлы — Канму службаӧ да веськӧдлыны велӧдан Коми Республикаса академияын канму да муниципальнӧй веськӧдлӧм серти кафедраӧн заведуйтысьлы.
Коми Республикаса Юралысьлӧн тшӧктӧмӧн велӧдан юкӧнын заслугаясысь да уна вося бур уджысь «Коми Республикаса велӧдӧм юкӧнын почёта уджалысь» ним сетӧма:
Ирина Алексеевна Бессоновалы — «Шӧр школа» Синдор ккп.-ын муниципальнӧй учреждениеса велӧдысь-психологлы, Княжпогост район;
Вера Анатольевна Елагиналы — «22 №-а шӧр школа» Сыктывкарын муниципальнӧй учреждениеса директорлы;
Марина Владимировна Жилиналы — «Роч гимназия» муниципальнӧй учреждениеса директорлы, Сыктывкар;
Елена Деонисовна Каневалы — «Ухтаса медицина колледж» канму учреждениеса директорӧс вежысьлы;
Николай Васильевич Клепиковлы — Питирим Сорокин нима Сыктывкарса канму университетын финансӧвӧй менеджмент кафедраса доцентлы;
Юлия Николаевна Коваленколы — «Радуга» челядьӧс 54 №-а видзанін» муниципальнӧй учреждениеса шӧр кагульничалы, Воркута кар;
Марина Александровна Полецкаялы — «Сыктывкарса сервис да связь колледж» канму учреждениеса юкӧнӧн заведуйтысьлы;
Надежда Анатольевна Поповалы — «Сёськаса шӧр школа» муниципальнӧй учреждениеса директорлы, Сыктывдін район;
Галина Алексеевна Смолиналы — «Челядьӧс 1 №-а видзанін» муниципальнӧй учреждениеӧн заведуйтысьлы, Койгорт сикт;
Алена Казисовна Хлыбовалы — «Шӧр школа» муниципальнӧй учреждениеса кагульничалы, Войвож ккп., Сосногорск район.
Велӧдан юкӧнын заслугаясысь да уна вося бур уджысь «Коми Республикаса почёта велӧдысь» ним сетӧма:
Татьяна Петровна Веремеенколы — «1 №-а санаторнӧй школа-интернат» Воркута карса канму учреждениеын ичӧт классъяс велӧдысьлы;
Надежда Ростиславовна Ивановалы — «33 №-а шӧр школа» муниципальнӧй учреждениеын ичӧт классъяс велӧдысьлы, Сыктывкар;
Людмила Петровна Кузнецовалы — «Ӧткымын предмет пыдісянь велӧдан 20 №-а шӧр школа» Ухта карса муниципальнӧй учреждениеын история велӧдысьлы;
Галина Ивановна Лобановалы — «Ӧткымын предмет пыдісянь велӧдан Усогорскса шӧр школа» муниципальнӧй учреждениеын коми кыв да литература велӧдысьлы, Удора район;
Наталья Александровна Огневалы — «3 №-а шӧр школа» Зӧвсьӧрт ккп.-са муниципальнӧй учреждениеын ичӧт классъяс велӧдысьлы, Емдін район;
Зинаида Петровна Рогачевалы — Коми Республикаса велӧдан юкӧнса ветеранлы, Ухта кар;
Татьяна Ивановна Сизовалы — «Россияса Герой Алексеев нима 3 №-а шӧр школа» муниципальнӧй учреждениеын роч кыв да литература велӧдысьлы, Ухта кар;
Светлана Павловна Тороповалы — «Рассохин нима Ухтаса техническӧй лицей» муниципальнӧй учреждениеын математика велӧдысьлы;
Любовь Владимировна Цымбалюклы — «1 №-а гимназия» Воркута карса муниципальнӧй учреждениеын роч кыв да литература велӧдысьлы.
Уджын вермӧмъясысь да уна вося бур уджысь «Коми Республика водзын заслугаясысь» отличие пас сетӧма
Екатерина Васильевна Ивановалы — «Паджгаса шӧр школа» муниципальнӧй учреждениеса директорлы, Сыктывдін район.
Чина кывкутана могъяс сьӧлӧмсянь збыльмӧдӧмысь «Коми Республикалы зэв бура служитӧмысь» отличие пас сетӧма:
Ольга Ревокатовна Кравченколы — «Голубок» кулӧмдінса челядьӧс 7 №-а видзанін» муниципальнӧй учреждениеӧн заведуйтысьлы;
Ираида Генриховна Саталкиналы — «Озъягса шӧр школа» муниципальнӧй учреждениеса директорлы, Кулӧмдін район.
{Kodko (комиӧдіс Обрезкова Н. А.) @ Коми Республикалы 100 во: Сыктывкарын восьтісны выль туй @ выльтор @ https://rkomi.ru/news/1378 @ 2021-09-29 @}
Коми Республикалы 100 во: Сыктывкарын восьтісны выль туй
Талун, кӧч тӧлысь 29 лунӧ, Коми Республикаса Юралысь Владимир Уйба да Сыктывкарса мэр Наталья Хозяинова восьтісны выльмӧдӧм туй участокті машинаяслысь ветлӧм.
Ичӧт гӧгӧртана туй — Сыктывкарлы зэв тӧдчана да дыр виччысяна объект.
3,35 километр кузьта участок кокньӧдас ветлӧмсӧ Октябр шӧртуйті, республикаса юркарлӧн шӧр транспортӧн ветлан артериясӧ.
Гӧгӧртана туйсӧ дзоньталӧма «Безопаснӧй бур туйяс» национальнӧй проект серти.
Уджлӧн доныс — матӧ 191 миллион шайт.
Туйлысь ногтуйсӧ регионӧн веськӧдлысь Владимир Уйба видзӧдліс ачыс — автоколонна водзын КАМАЗ-лӧн руль сайын. Тадзи символичнӧя восьтісны выль маршрутсӧ.
«Зэв бур да лӧсьыд туй, кыті нимкодь мунны, — пасйис Владимир Уйба.
«Безопаснӧй бур туйяс» национальнӧй проект — тайӧ уджалысь инструмент, миянлы ыджыд отсӧг.
Сӧмын таво Сыктывкарын вайӧдӧма нормативнӧй тшупӧдӧдз 14 километрысь унджык туй.
Тайӧ федеральнӧй сьӧм. Сійӧ отсалӧ кокньӧдны республикаса да карса сьӧмкудъяс да ыстыны прӧстмӧм сьӧмсӧ сійӧ туйяс вылӧ, кутшӧмъяс оз мунны нацпроект серти».
Юркарса мэр Наталья Хозяинова пасйис, мый республикаӧн юрнуӧдысьяс отсӧгӧн Сыктывкар коймӧд во пырӧдчӧ нацпроектӧ.
«Водзджыксӧ ми эгӧ восьтылӧй национальнӧй проект серти дзоньталӧм объектъяссӧ татшӧм кыпыда.
Тайӧ висьталӧ карса олысьяслы Ичӧт гӧгӧртана туйлӧн тӧдчанлун йылысь.
Ыджыд аттьӧ ставлы, коді пырӧдчис сійӧс стрӧитӧмӧ.
Кута лача, мый сыктывкарса олысьяслы лоӧ лӧсьыд ветлыны тайӧ туйтіыс», — пасйис карӧн веськӧдлысь.
Туй дзоньталӧм бӧрся видзӧдіс Коми Республикаса стрӧитчан министерство. Дзоньталігас пуктӧма кык пӧвста асфальт, туй кузьтаыс пуктӧма 25 сантиметр кызта посньӧдлӧм из да вевттьӧма крепитан сеткаӧн.
Асфальтобетонлӧн улыс пӧвстыс — 7 см, вылыссаыс — 5 см.
Вежӧма ва лэдзан трубаяс, лӧсьӧдӧма ва нуӧдан канаваяс, дзоньталӧма муувса инженер везъяслысь видзӧдан струбаяс, сувтӧдӧма бортӧвӧй изъяс.
Капитальнӧя дзоньталӧмӧдз тайӧ туй участокыс вӧлі муйӧжа.
«Ми стрӧитім тайӧ туйсӧ Сыктывкарса горисполкомӧн вӧвлӧм веськӧдлысь Александр Окатовкӧд 30 во сайын, — висьталіс Россия Федерацияса нимӧдана стрӧитчысь Герман Николаев.
— Медводз сійӧн вӧдитчисны лым петкӧдӧм вылӧ да сійӧ ӧтлаасьліс Октябр шӧртуйкӧд, медым кокниджык вӧлі петны Эжваӧ да бӧр, сы вӧсна войтыр шуисны сійӧс коланаӧн карын олӧм бурмӧдӧм серти.
Аттьӧ стрӧитчысьяслы, кодъяс вӧчисны ыджыд удж, выльмӧдісны тайӧ туйсӧ.
Аттьӧ республикаӧн да карӧн юрнуӧдысьяслы сыысь, мый видзӧдісны туй дзоньталӧм бӧрся да вӧчисны автомобилистъяслы татшӧм бур козин.
Эскыссьӧ, мый тайӧ абу бӧръя татшӧм ыджыд лоӧмтор, ӧд Сыктывкарын эм уна на объект, кутшӧмъясӧс позьӧ вежны-бурмӧдны».
Дзоньталӧм бӧрын туй полосаыслӧн пасьтаыс — 3,5 метра, проезжӧй юкӧныслӧн пасьтаыс — 7 метра, проезжӧй юкӧныслӧн медыджыд пасьтаыс — 20 метра.
Автомобилистъяслӧн комфорт вылӧ паськӧдӧма Октябр шӧртуй вылӧ петанінсӧ, а пода ветлысьяслӧн лӧсьыдлун вылӧ вӧчӧма тротуар.
Ӧшым тӧлысь помӧдз пӧдрадчикъяс сувтӧдасны светодиоднӧй светильникъяса 112 югзьӧдан опора.
Удж вӧчысьяс сетӧны капитальнӧя дзоньталӧм серти 8 во гарантия.
* * *
«Безопаснӧй бур туйяс» нацпроект серти Коми Республикаын 2019 воын вӧлі вайӧдӧма нормативнӧй тшупӧдӧдз 92,76 километра туй, 2020 воын — 53,715 километра туй.
2021 воын лоӧ дзоньталӧма 33,16 километра туй.
Тайӧ республика да меставывса тӧдчанлуна туйяс, улич-туйяс.
Нацпроект серти нуӧдӧны туй участокъяс югзьӧдӧм серти уджъяс.
2022 воын кӧсйӧны дзоньтавны 28,9 километра кузьта туй.
Уджъясыс кутасны мунны Сыктывкарын, Луздор, Кӧрткерӧс да Кулӧмдін районъясын.
[Фотоыс «Комиинформ» ЮА, В. Шешкунаслӧн]
{Kodko (комиӧдіс Обрезкова Н. А.) @ Олӧма йӧзлы сиӧм лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1381 @ 2021-10-01 @}
Олӧма йӧзлы сиӧм лункӧд йитӧдын Коми Республикаса Юралысьлӧн шыӧдчӧм
«Коми Республикаса пыдди пуктана олысьяс!
Йирым тӧлысь 1 лунӧ — Олӧма йӧзлы сиӧм войтыркостса лун.
Тайӧ лун, кор ми висьталам аттьӧалан кывъяс ыджыд арлыда войтырлы налӧн мывкыдлунысь да олан вынысь.
Тайӧ лун, кор ми нимӧдам ветеранъяслысь заслугаяссӧ да Коми Республика да Россия сӧвмӧдӧмӧ ыджыд пай пуктӧм.
Миян регионын зэв уна зіль олӧма йӧз.
Найӧ пырӧдчӧны волонтёрскӧй ӧтмунӧмӧ, отсалӧны омӧля олысьяслы, занимайтчӧны спортӧн, сьылӧны да йӧктӧны, тӧдмасьӧны компьютерӧн, Ӧтуввезйӧн.
Окотапырысь юксьӧны асланыс опытӧн да мывкыдлунӧн том йӧзкӧд, быдтӧны-велӧдӧны челядьӧс.
Нюжӧдны ыджыд арлыда йӧзлысь кыпыда дыр олӧм, видзны налысь дзоньвидзалунсӧ, тӧждысьны на вӧсна — тайӧ могъясыс вӧліны и кольӧны канму социальнӧй политикаын верктуяӧн.
Быд во пыртӧны содтӧд мераяс да содӧ «зарни арлыда» йӧзлы отсасян мераяслӧн ыдждаыс, пыртсьӧны выль технологияяс да методъяс медицинаын, социальнӧй уджын.
Бурмӧ олӧма граждана бӧрся дӧзьӧритан да налы отсӧг сетан система, тшӧтш и налы, кодъяс оз вермыны тӧждысьны ас вӧснаныс.
«Демография» национальнӧй проект серти республикаын стрӧитчӧны выль ӧнія корпусъяс Тентюковса да Кунибса интернатъясын.
Войнаса да уджвывса пыдди пуктана ветеранъяс, война кадся челядь, пенсионеръяс!
Сиа тіянлы кузь нэм да кыпыд лов, бурӧ эскӧм да радлун, крепыд дзоньвидзалун, тӧжд да радейтӧм рӧдвужсянь да матыссаяссянь!»
[Коми Республикаса Юралысь Владимир Уйба]
{Владимир Уйба (комиӧдіс Kodko) @ Коми Республикаса Юралысь чолӧмалӧ Велӧдысьлӧн лунӧн @ выльтор @ https://rkomi.ru/news/1387 @ 2021-10-05 @}
Коми Республикаса Юралысь чолӧмалӧ Велӧдысьлӧн лунӧн
«Пыдди пуктана велӧдысьяс, велӧдан юкӧнса ветеранъяс!
Сьӧлӧмсянь чолӧмала тіянӧс Велӧдысьлӧн лунӧн!
Велӧдысьлӧн уджыс пыр вӧлі и кольӧ медся почётнӧяс да пыдди пуктанаяс лыдын.
Тайӧ абу сӧмын уджсикас, тайӧ — челядьлы, тӧдӧмлунъяслы, аскиа лунлы сьӧлӧм сетӧм.
Миян республикаса школаясын уджалӧны ассьыныс удж радейтысь, енбиа да уджсӧ тӧдысь велӧдысьяс.
Ті пыр велӧдчанныд асьныд, кыпӧданныд квалификациянытӧ, лоанныд вермысьясӧн профессиональнӧй кужанлун серти республиканскӧй да федеральнӧй конкурсъясын.
Ті лӧсьӧданныд да пыртанныд уджаныд интереснӧй да аслыспӧлӧс методикаяс, медся буръяссӧ на лыдысь босьтӧны уджӧ став странаса велӧдысьяс.
Пыдди пуктана велӧдысьяс, велӧдан юкӧнса ветеранъяс!
Ыджыд аттьӧ тіянлы да муӧдз копыр йӧзлы колана уджысь, челядь дорӧ муслунысь, сыысь, мый сетанныд ловтӧ да збыльысь кӧсъянныд, медым велӧдчысьяс шедӧдісны ыджыд вермӧмъяс.
Ті сетанныд велӧдчысьяслы он сӧмын тӧдӧмлунъяс, ті велӧданныд тайӧ тӧдӧмлунъяснас вӧдитчыны, отсаланныд челядьлы аддзыны асьнысӧ да эскыны аслыныс.
Сиа тіянлы ловби, творческӧй удж, бур велӧдчысьясӧс да надёжнӧй уджъёртъясӧс, уджын вермӧмъяс, крепыд дзоньвидзалун, вын, шуд да тыр-бур олӧм!»
[Коми Республикаса Юралысь Владимир Уйба]
{Kodko (комиӧдіс Kodko) @ Олӧма йӧзлы отсӧг: ветеранъяслы госпитальлӧн — выль транспорт @ выльтор @ https://rkomi.ru/news/1389 @ 2021-10-05 @}
Олӧма йӧзлы отсӧг: ветеранъяслы госпитальлӧн — выль транспорт
Коми Республикаса Юралысь Владимир Уйбалӧн тшӧкӧм серти Войнаса ветеранъяслы да боевӧй тышъясын участвуйтысьяслы республиканскӧй госпитальлы сетісны выль автомашина.
«Лада Ларгус» ньӧбӧм вылӧ сьӧмсӧ вичмӧдіс «Газпром» ПАК Коми Республикаса Веськӧдлан котыркӧд социальнӧя уджъёртасян уджтас серти.
Кыдзи пасйис госпитальса юралысь врач Андрей Налимов, выль транспортӧн кутам нуӧдны пациентъясӧс медицина организацияясӧ, кӧні ветеранъяслы сетасны консультацияяс да нуӧдасны содтӧд обследованиеяс.
— Автомашинасӧ зэв бура комплектуйтӧма: салонын климат-контроль, комфорта пуклӧсъяс — ставыс пассажиръяслы лӧсьыд вылӧ.
Миян госпитальын бурдӧдчӧны пациентъяс республика пасьталаысь.
Ылі районъяса ветеранъяслы колӧ обследуйтчыны кыдз позьӧ унджык бурдӧдчан нырвизь серти, и выль автомашинаыс та вылӧ, дерт, ёна гӧдитчас.
Тайӧ зэв колана козин, — пасйис Андрей Налимов.
Уськӧдам тӧд вылӧ: Ветеранъяслы республиканскӧй госпитальын ветеранъясӧс бурдӧдӧм вылӧ условиеяс лӧсьӧдӧм да учреждениелысь материально-техническӧй базасӧ зумыдмӧдӧм йылысь сёрнитісны 2021 вося моз тӧлысьын Коми Республикаса Юралысь бердын Ветеранъяслӧн могъяс серти координационнӧй сӧветлӧн заседание дырйи.
Ветеранскӧй организацияяс шыӧдчисны Коми Республикаса Юралысь Владимир Уйба дорӧ корӧмӧн ньӧбны автотранспорт Ветеранъяслы республиканскӧй госпитальӧ пациентъясӧс вайӧдӧм вылӧ.
— Координационнӧй сӧветлӧн бӧртасъяс серти республикаса Юралысь сувтӧдіс лӧсялана могъяс.
Ыджыд аттьӧ Владимир Викторовичлы боевӧй тышъясса ветеранъяссянь сыысь, мый сійӧ кутіс ассьыс кывсӧ.
Госпитальлӧн уджыс бурмӧ став нырвизьын: тайӧ и выль оборудование, и транспорт, и врачебнӧй кадръясӧн штат тыртӧм», — тӧдчӧдіс Коми Республикаын Уголовнӧй мыж вештан системаса ветеранъяслӧн ставроссияса организациялӧн дінму отделениеса ветеранъяслӧн сӧветӧн веськӧдлысь Андрей Канев.
Кӧч тӧлыссянь ветеранъяслы госпитальын уджӧ кутчысисны выль медицина специалистъяс: лор-врач, невролог, хирург, офтальмолог, ультразвукӧвӧй диагностика серти специалист.
Республикаса Юралысь отсӧгӧн госпиталь виччысьӧ выль ӧнія медицина техника: эксперт класса УЗИ аппарат, физиотерапевтическӧй оборудование.
Таысь кындзи, кӧсйӧны вайны стоматологическӧй оборудование.
Пациентъяслӧн лоӧ позянлун госпитальын бурдӧдны пинь висьӧмъяс.
{Kodko (комиӧдіс Kodko) @ Национальнӧй проектъяс: Коми Республикаса Веськӧдлан котырын вӧчӧны кывкӧртӧдъяс 2021 воын туйяс дзоньталӧм серти @ выльтор @ https://rkomi.ru/news/1392 @ 2021-10-06 @}
Национальнӧй проектъяс: Коми Республикаса Веськӧдлан котырын вӧчӧны кывкӧртӧдъяс 2021 воын туйяс дзоньталӧм серти
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов да республикаса стрӧитчан, оланін да коммунальнӧй овмӧс министр Игорь Кузьмичев удж серти аддзысьлігӧн сёрнитісны туйяс стрӧитӧм да туйяс стрӧитӧмын петкӧдласъясӧдз воӧдчӧм серти мероприятиеяс збыльмӧдӧм йылысь.
Игорь Кузьмичев висьталіс, мый 2021 воын сё прӧчент вылӧ воӧдчӧма регионса либӧ муниципалитеткостса, меставывса тӧдчанлуна автомашина туйяс стрӧитӧм да вужвыйӧн вежӧм серти торъя мога петкӧдласӧдз.
«Безопаснӧй бур туйяс» национальнӧй проект серти Коми Республикаын 2021 воын лоӧ вайӧдӧма нормативнӧй состояниеӧ 33,14 километр кузьта туй вевттьӧд, лоӧ югзьӧдӧма 5, 825 километр кузьта туй участокъяс.
Уджъяслӧн доныс — 801,81 миллион шайт.
«Ми вӧчим ылӧсалан кывкӧртӧдъяс «Безопаснӧй бур туйяс» федеральнӧй уджтас 2021 воын збыльмӧдӧм серти да видлалім планъяс локтан во вылӧ, — висьталіс Игорь Булатов.
— Торгъяс нуӧдӧм бӧрын артмис сьӧм видзтӧм.
Ми нуӧдам Веселовка — Перым крайлӧн мудор участокын Сыктывкар — Кудымкар — Перым 10 километр кузьта туй участок республиканскӧй сьӧмкуд сьӧм тшӧт весьтӧ капитальнӧя дзоньталӧм вылӧ аукцион.
Кырымалӧма нёль контракт Сыктывкарлӧн улич-туйясса 14 объект, сизим контракт регион тӧдчанлуна кӧкъямыс объект вылын дзоньтасян уджъяс нуӧдӧм вылӧ».
«Безопаснӧй бур туйяс» национальнӧй проектын Коми Республикалӧн петкӧдласъясӧдз воӧдчӧм могысь регионын збыльмӧдсьӧны «Регионса да меставывса туйяс», «Туй вылын неминучаысь видзчысьӧм», «Туй овмӧс сӧвмӧдан ӧтув системаа мераяс» регионса проектъяс.
Национальнӧй проект збыльмӧдӧмлӧн шӧр могъяс:
нормативнӧй корӧмъяслы лӧсялана автомашина туйяслысь пай содтӧм;
перегрузка режимын уджалысь автомашина туйяслысь пай чинтӧм;
местаяслысь, кӧні тшӧкыдджыка овлӧны ДТП, лыд чинтӧм;
ДТП вӧсна кулысьяслысь лыд чинтӧм.
{Kodko (комиӧдіс Kodko) @ Президент ошкис войвылын олысьясӧс мӧдлаӧ овмӧдан уджтас вежӧм серти Коми Республикаса Юралысьлысь вӧзйӧмсӧ @ выльтор @ https://rkomi.ru/news/1395 @ 2021-10-07 @}
Президент ошкис войвылын олысьясӧс мӧдлаӧ овмӧдан уджтас вежӧм серти Коми Республикаса Юралысьлысь вӧзйӧмсӧ
Йирым тӧлысь 6 лунӧ Россия Федерацияса Президент Владимир Путин нуӧдіс сӧвещание ломтас да энергетика комплекс, электроэнергетика сӧвмӧдӧм, из шом перъян регионъяслысь экономика диверсифицируйтӧм серти.
Сӧвещание дырйи Коми Республикаса Юралысь Владимир Уйба вӧзйис Воркута да Инта каръясса уджавны вермытӧм олысьясӧс вуджӧдны Коми Республикаса климат серти бурджык районъясӧ.
Ӧні Ылі Войвыв районъясысь мӧдлаӧ овмӧдӧм мунӧ федеральнӧй сьӧмкуд сьӧм тшӧт весьтӧ 125 Федеральнӧй оланпас * серти.
Республикалы урчитӧм сьӧм йӧрышыс оз сет позянлун тырвыйӧ збыльмӧдны тайӧ могсӧ.
Граждана виччысьӧны ӧчередьын 20 воысь дырджык.
* «Ылі Войвыв районъясысь да накӧд ӧткодялӧм местаясысь мунысь гражданалы оланін вылӧ субсидияяс йылысь» 2002 во йирым тӧлысь 25 лунся 125-ФЗ №-а Федеральнӧй оланпас.
Воркутаын да Интаын мӧдлаӧ овмӧдӧм виччысьӧны 11 185 морт.
На лыдын 10 209 пенсионер да 976 инвалид.
Нӧшта 23 458 морт тайӧ сикассьыс 125 Федеральнӧй оланпас серти оз сулавны мӧдлаӧ овмӧдӧм вылӧ учёт вылын.
Владимир Уйба шыӧдчис канмуса юралысь дорӧ корӧмӧн сетны тшӧктӧм Россияса Веськӧдлан котырлы войвыв регионъяскӧд ӧтув корсьны выль финансӧвӧй механизмъяс индӧм категория гражданаӧс мӧдлаӧ овмӧдӧм вылӧ.
«Талун эмӧсь сэтшӧм механизмъяс, кыдз «шайт шайтӧ» либӧ «Стимул» уджтас, кутшӧмъясӧн позьӧ вӧдитчыны Ылі Войвылын олысьясӧс климат серти бурджык районӧ овмӧдӧм могысь, но регион пытшкын.
Коми Республикаын тайӧ, шуам, Сыктывкар да Луздор район.
Сідзжӧ тайӧ сетас содтӧд ыштӧд стрӧитчан юкӧн сӧвмӧдӧмлы», — шуис Владимир Уйба.
Странаса Президент сувтіс Коми Республикаса Юралысьлӧн мӧвп дор.
Владимир Уйбалысь вӧзйӧмсӧ видлаласны Ылі Войвыв районъясысь гражданаӧс мӧдлаӧ овмӧдӧм серти уджалысь уджтас серти.
[Фотоыс kremlin.ru]
{Kodko (комиӧдіс Kodko) @ Диверсифицируйтан план серти Коми Республикаса экономикаӧ инвестируйтӧма матӧ 10 миллиард шайт @ выльтор @ https://rkomi.ru/news/1396 @ 2021-10-07 @}
Диверсифицируйтан план серти Коми Республикаса экономикаӧ инвестируйтӧма матӧ 10 миллиард шайт
Лӧсьӧдӧма 147 уджалан места.
Та йылысь Коми Республикаса Юралысь Владимир Уйба юӧртіс Россия Федерацияса Президент Владимир Путинлы энергетика сӧвмӧдӧм да из шом перъян регионъяслысь экономика диверсифицируйтӧм серти сӧвещание вылын.
«Колӧ диверсифицируйтны экономика, зіля инвестируйтны инфраструктураӧ да выль производствояс лӧсьӧдӧмӧ.
Торйӧн нин колӧ уджавны из шом перъян регионъяскӧд, колӧ лӧсьӧдны выль уджалан местаяс абу из шом перъян отрасльын.
Татшӧм тшӧктӧмъяссӧ ме сетлі нин», — шуис сӧвещание восьтігӧн канмуӧн веськӧдлысь.
Россия Федерацияса Президентлысь тшӧктӧмсӧ олӧмӧ пӧртӧм могысь Россия Федерацияса экономика сӧвмӧдан министерство Коми Республикаса Веськӧдлан котыркӧд ӧтув вынсьӧдісны 2021–2026 вояс вылӧ Коми Республикаса экономика диверсифицируйтан мероприятиеяслысь план.
Тайӧ Коми Республикаӧс социальнӧй да экономика боксянь сӧвмӧдӧм серти федеральнӧй тшупӧдын вынсьӧдӧм медводдза стратегическӧй документ.
Ӧні отсалӧны Планӧн арталӧм инвестиция проектъяслы.
Мунӧ Монокаръяс сӧвмӧдан фондлысь, Промышленносьт сӧвмӧдан дінму фондлысь кокньӧда заёмъяс кыскӧм серти удж, вӧдитчӧны Россия Федерациялӧн Арктика зонаса резидентъяслы отсалан инструментъясӧн.
«Коми Республикаса экономика диверсифицируйтан мероприятиеяслысь плансӧ вӧлі вынсьӧдӧма тавося сора тӧлысьӧ, а йирым тӧлысь 1 лун кежлӧ инвестицияяслӧн ӧтувъя йӧрышыс лои матӧ 10 миллиард шайт.
Тайӧ висьталӧ сы йылысь, мый абу из шом перъян отрасльяслӧн эмӧсь ыджыд позянлунъяс сӧвмыны.
Ми аттьӧалам Россияса Веськӧдлан котырӧс да Экономика сӧвмӧдан министерствоӧс отсӧгысь.
Тайӧ ӧтувъя уджсӧ ми нуӧдам водзӧ», — висьталіс Владимир Уйба.
Из шом перъян регионъяслысь экономика диверсифицируйтӧм йылысь шӧр докладӧн сёрнитіс Россия Федерацияса экономика сӧвмӧдан министр Максим Решетников.
Сійӧ юӧртіс странаса Президентлы тавося моз тӧлысь 13–14 лунъясӧ Коми Республикаӧ удж серти ветлӧм йылысь, регионса Веськӧдлан котыркӧд индӧм План збыльмӧдӧм серти ӧтувъя удж йылысь, План серти Инта да Воркута арктика монокаръяс сӧвмӧдӧм йылысь.
{Kodko (комиӧдіс Kodko) @ Владимир Уйба тшӧктіс Коми Республикаса Веськӧдлан котырлы Койгорт район вылӧ видзӧдӧмӧн лӧсьӧдны ичӧт бизнеслы вӧр участокъяс сетанногъяс @ выльтор @ https://rkomi.ru/news/1399 @ 2021-10-08 @}
Владимир Уйба тшӧктіс Коми Республикаса Веськӧдлан котырлы Койгорт район вылӧ видзӧдӧмӧн лӧсьӧдны ичӧт бизнеслы вӧр участокъяс сетанногъяс
Йирым тӧлысь 7 лунӧ Коми Республикаса Юралысь нуӧдіс сӧвещание Койгорт районса асшӧр уджалысьяскӧд, кодъяс лэдзӧны да перерабатывайтӧны вӧр.
Татшӧм аддзысьлӧмсӧ котыртӧм йылысь корӧмӧн Владимир Уйба дорӧ шыӧдчисны муниципалитетса олысьяс, кор сійӧ удж серти воліс Койгорт районӧ.
Аддзысьлӧмлӧн помкаӧн лои федеральнӧй тшупӧдын Россияса вӧр кодексӧ пыртӧм вежсьӧмъяс, кутшӧмъяс серти вӧр пуктасъяс ньӧбӧм-вузалӧм серти сёрнитчӧмъяс кырымалан инӧд вылӧ аукционъяссӧ позьӧ нуӧдны сӧмын электроннӧя.
Ӧні аукционъясӧ вермӧ пырӧдчыны став кӧсйысь странаса быд регионысь.
Электроннӧй торгъяс вылӧ кутісны петны вӧр пӧрӧдысь гырысь компанияяс, кутшӧмъяскӧд оз вермыны вермасьны меставывса асшӧр уджалысьяс.
Сырьёлӧн абутӧмлун вӧсна налы ковмӧ сувтӧдны производствояссӧ.
Татшӧм жӧ ситуацияыс республикаса мукӧд вӧра районъясын.
Та йылысь сёрнитісны Коми Республикаса Юралысь Владимир Уйбалӧн сиктъясын олысьяскӧд аддзысьлігӧн.
Сылӧн тшӧктӧм серти регионса Вӧр-ва министерство видлаліс петан туйяс.
Мӧд нырвизь пыдди вӧзйыссьӧ лӧсьӧдны ичӧт да шӧр предпринимательство субъектъяслы вӧр участокъяс 49 во вылӧ кӧртымӧ сетӧм серти конкурснӧй процедураяс.
«Конкурсъяс вылӧ миянлӧн эм позянлун вӧзйыны 5–10 сюрс гектар ыджда вӧр участокъяс, — пасйис Коми Республикаса Юралысь.
— Татшӧм абу ыджыд йӧрышъяс вылӧ оз ыштыны ыджыд предприятиеяс.
Но эм ӧти тӧдчана условие: делянкаяссӧ кутасны сетны сӧмын вӧр переработайтӧм вылӧ».
«Чӧлӧс вузалӧм — тайӧ тшӧтш бизнес, но сійӧ некытчӧ оз вайӧд, сійӧ абу чуктӧса.
Та вӧсна миянлӧн тіянкӧд талун медшӧр мог, кутшӧмӧс сувтӧдіс Коми Республикаса Юралысь Владимир Уйба, петны вӧр пыдіа переработайтан тшупӧд вылӧ.
Переработайтӧм продукция, кӧть нин пиломатериалъяс, столярнӧй вӧчасъяс лэдзӧм медводдза этапас нин сетас содтӧд чӧжӧс, содтӧд вот воӧмъяс да ыджыд удждона уджалан местаяс», — пасйис Коми Республикаса вӧр-ва озырлун да гӧгӧртас видзан министр Алексей Кузнецов.
Нӧшта ӧти петан туй — ӧтувтчыны: Коми Республикаын вӧр лэдзысьяс да вӧр переработайтысьяс вермасны вӧдитчыны отсалан инструментъясӧн, лоӧны кӧ найӧ мутасса да промышленнӧй кластеръясӧ пырысьясӧн.
Ӧти юридическӧй кывкутысьӧ ӧтувтчӧмӧн асшӧр уджалысьяслысь ас сьӧм консолидируйтӧм сетас позянлун вермасьны электроннӧй аукционъяс вылын мукӧд регионса гырысь «ворсысьяскӧд» да пырӧдчыны инвестиция проектъяс збыльмӧдӧмӧ да Промышленносьт сӧвмӧдан федеральнӧй фондлӧн уджтасъясӧ.
Паськыдджыка та йылысь сӧвещание вылын висьталісны Комиын «Менам бизнес» шӧринса директор Сергей Жеребцов да «Коми Республикаса промышленносьт сӧвмӧдан регионса фонд» КР АКО директорӧс вежысь Леонид Ложкин.
«Колӧ видзӧдлыны Койгорт район подув вылын меставывса асшӧр уджалысьясӧс вӧрӧн могмӧдан медся лӧсялана ног.
Тайӧ вермас лоны конкурс либӧ аукцион — налы, кодъяс думыштісны ӧтувтчыны вӧр кластерӧ.
Миян асшӧр уджалысьяслы колӧ эскыны аскиа лунӧ.
А ми лӧсьӧдам налы условиеяс бизнес водзӧ сӧвмӧдӧм вылӧ, мый йитчӧма сӧмын вӧр пыдіа переработайтӧмкӧд.
Мукӧд перспективаыс республикаын вӧр промышленносьтса предприятиеяслӧн абу и оз вермы лоны», — шуис Владимир Уйба.
Сэсся Койгорт районын апробируйтӧм практикаыс лоас «зарни стандартӧн» республикаса мукӧд муниципалитетлы, пасйис Коми Республикаса Юралысь.
Сідзжӧ Владимир Уйба тшӧктіс Коми Республикаса экономика сӧвмӧдан да промышленносьт министерстволы «Менам бизнес» шӧринкӧд ӧтув нуӧдны вӧр лэдзан республикаса муниципалитетъясын асшӧр уджалысьяслы канмусянь отсӧг сетан мераяс да инструментъяс, ЕГАИС-ын вӧр учёт серти велӧдан семинаръяс.
{Kodko (комиӧдіс Kodko) @ Игорь Божковӧс мездӧма Коми Республикаса Юралысьлӧн Администрацияӧн Юрнуӧдысь чинысь 2021 вося йирым тӧлысь 9 лунӧ @ выльтор @ https://rkomi.ru/news/1400 @ 2021-10-08 @}
Игорь Божковӧс мездӧма Коми Республикаса Юралысьлӧн Администрацияӧн Юрнуӧдысь чинысь 2021 вося йирым тӧлысь 9 лунӧ
Коми Республикаса Юралысьлӧн 2021 во йирым тӧлысь 8 лунся 314 р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын мездыны Игорь Анатольевич Божковӧс Коми Республикаса Юралысьлӧн Администрацияӧн Юрнуӧдысь чинысь 2021 вося йирым тӧлысь 9 лунӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Kodko) @ Владимир Уйба чолӧмаліс 5134 войскӧвӧй часьтлысь командованиесӧ да личнӧй составсӧ тшупӧда пасӧн @ выльтор @ https://rkomi.ru/news/1403 @ 2021-10-08 @}
Владимир Уйба чолӧмаліс 5134 войскӧвӧй часьтлысь командованиесӧ да личнӧй составсӧ тшупӧда пасӧн
Талун, йирым тӧлысь 8 лунӧ, Коми Республикаса Юралысь пырӧдчис 5134 войскӧвӧй часьт котыртӧмсянь 25 во тырӧмлы сиӧм кыпыд собраниеӧ.
25 во сайын Сыктывкарын вӧлі котыртӧма Россияса МВД-лӧн пытшкӧсса войскаын дзик ӧти учебнӧй инженерно-сапёрнӧй полк, коді сэсся вӧлі вежӧма Россия Федерацияса национальнӧй гвардиялӧн войскалысь личнӧй состав дасьтан 13-ӧд шӧринӧ.
Тайӧ каднас 5134 войскӧвӧй часьтын вӧлі дасьтӧма инженернӧй войскалы уна сюрс специалистӧс.
«Ті пуктанныд ыджыд пай Россияса инженернӧй войскалысь медбур традицияяс видзӧмӧ, он сӧмын сетӧй уджсикас серти тӧдӧмлунъяс да кужанлунъяс, но и сӧвмӧданныд странаса инженернӧй войскаяслӧн военнослужащӧйяслысь моральнӧй качествояс.
Уна во чӧж бура уджалӧм, Чужан мулы, присягалы да воинскӧй моглы веськыдлун — татшӧм качествоясыс солдатъяслӧн да часьтса командиръяслӧн.
Ті — Чужан му аскиа дорйысьяслы бур пример», — шуис Владимир Уйба.
Коми Республикаса Юралысь аттьӧаліс военнослужащӧйясӧс том йӧзӧс айму радейтысьясӧн быдтӧмысь, сиис войскӧвӧй часьтса став личнӧй составлы дзоньвидзалун, крепыдлун да воинскӧй службаын вермӧмъяс.
[Фотоыс Коми Республикалӧн Каналан Сӧветса пресс-службалӧн]
{Владимир Уйба (комиӧдіс Kodko) @ Коми Республикаса Юралысь чолӧмалӧ Видз-му овмӧсын да переработайтан промышленносьтын уджалысьяслӧн лунӧн @ выльтор @ https://rkomi.ru/news/1406 @ 2021-10-10 @}
Коми Республикаса Юралысь чолӧмалӧ Видз-му овмӧсын да переработайтан промышленносьтын уджалысьяслӧн лунӧн
«Агропромышленнӧй комплексса пыдди пуктана уджалысьяс, ветеранъяс!
Чолӧмала Видз-му овмӧсын да переработайтан промышленносьтын уджалысьяслӧн лунӧн!
Ті уджаланныд экономикаса зэв тӧдчана юкӧнын, мый сайын страналӧн сёян-юан безопасносьтыс, йӧз олӧмлӧн ногтуй, сиктса мутасъяслӧн сӧвмӧм.
Тіянлӧн зільлун, тӧдӧмлунъяс, опыт да ас гӧгӧр олӧмсӧ бурджыкӧн вӧчны ыджыд кӧсйӧм лоӧны подулӧн отрасльын вермӧмъяслы.
Чужан му радейтӧмӧн ті видзанныд да сӧвмӧданныд ӧнія видз-му овмӧс предприятиеяс, котыртанныд выльясӧс.
Республикаса Веськӧдлан котыр гӧгӧрвоӧ агропромышленнӧй комплекслысь тӧдчанлунсӧ, да та вӧсна отсасьӧ отрасльлы предприятиеяс ӧнъяӧдӧм вылӧ быд во грантъяс да субсидияяс вичмӧдӧмӧн, отсасьӧ сӧмын на уджӧ кутчысьысь фермеръяслы да семейнӧй овмӧсъяслы.
Агропромышленнӧй комплексса пыдди пуктана уджалысьяс!
Аттьӧ тіянлы войвыв условиеясын асьнытӧ жалиттӧм уджысь.
Мед пыр тіянкӧд вӧлі мойвиӧм, ыджыд ӧдӧн сӧвмисны предприятиеяс, нимкодьмӧдісны уджын вермӧмъяс.
Крепыд дзоньвидзалун да семьякостса шуд!»
[Коми Республикаса Юралысь Владимир Уйба]
{Kodko (комиӧдіс Kodko) @ Дмитрий Самоваровӧс индӧма Коми Республикаса Юралысьлӧн Администрацияӧн Юрнуӧдысь чинӧ @ выльтор @ https://rkomi.ru/news/1409 @ 2021-10-12 @}
Дмитрий Самоваровӧс индӧма Коми Республикаса Юралысьлӧн Администрацияӧн Юрнуӧдысь чинӧ
Та йылысь тшӧктӧм кырымаліс Коми Республикаса Юралысь Владимир Уйба.
Водзджык Дмитрий Самоваровӧс вӧлі индӧма Коми Республикаса Веськӧдлан котырӧн Юрнуӧдысьӧс вежысь чинӧ.
Коми Республикаса Юралысьлӧн 2021 во йирым тӧлысь 9 лунся 316 р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын мездыны Дмитрий Владимирович Самоваровӧс Коми Республикаса Веськӧдлан котырӧн Юрнуӧдысьӧс вежысь чинысь 2021 вося йирым тӧлысь 11 лунӧ.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2021 во йирым тӧлысь 12 лунся 318-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Дмитрий Владимирович Самоваровӧс Коми Республикаса Юралысьлӧн Администрацияӧн Юрнуӧдысь чинӧ 2021 вося йирым тӧлысь 12 лунӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Kodko) @ Комиын COVІD–19 паськалӧм вӧсна пыртӧны QR-код система @ выльтор @ https://rkomi.ru/news/1412 @ 2021-10-12 @}
Комиын COVІD–19 паськалӧм вӧсна пыртӧны QR-код система
Сійӧ заводитас уджавны йирым тӧлысь 21 лунсянь спорт да культура мероприятиеяс вылӧ волысьяслы.
Выль коронавирус инфекция паськалӧмлы паныд удж нуӧдан республиканскӧй оперативнӧй штаблӧн помшуӧм подув вылын «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ пыртӧма вежсьӧмъяс.
Тайӧ лои коланаӧн регионын абу бур эпидситуация вӧсна.
Коми Республикаын нюжӧдӧма дзескӧдӧмъяс уна йӧза культурнӧй, зрелищнӧй да мукӧд уна йӧза мероприятие нуӧдӧм вылӧ.
Сідзжӧ нюжӧдӧма дзескӧдӧмъяссӧ кинотеатръяслӧн (кинозалъяслӧн), театръяслӧн да концертнӧй организацияяслӧн, клуб сяма учреждениеяслӧн удж вылӧ условие дырйи, кор залсӧ тыртӧма 50% абу унджык вылӧ.
Йирым тӧлысь 21 лунсянь пыртӧны татшӧм жӧ дзескӧдӧмъяс спорт мероприятиеяс нуӧдысь организацияяслӧн удж вылӧ.
Налы колӧ могмӧдны, медым спорт стрӧйбаса зал (трибуна) вӧлі тыртӧма 50 прӧчентысь абу унджык.
Такӧд тшӧтш йирым тӧлысь 21 лунсянь вылынджык индӧм организацияясын позьӧ нуӧдны мероприятиеяс, кӧні залсӧ тыртӧма 100% вылӧ, содтӧд условиеӧ кутчысьӧмӧн — колӧ, медым став волысьыслӧн (видзӧдысьыслӧн) вӧлі:
• выль коронавирус инфекцияысь вакцинируйтчӧм йылысь сертификатлӧн QR-код;
• либӧ COVІD–19 выль коронавирус инфекцияӧн висьлӧм йылысь QR-код (бурдан лунсяньыс мед эз вӧв кольӧма календар серти 6 тӧлысь);
• либӧ COVІD–19 босьтчӧдысь аддзӧм вылӧ ПЦР-тест вылӧ отрицательнӧй результат, мый нуӧдӧма мероприятие заводитчӧмӧдз 72 часысь абу водзджык.
Колӧ, медым татшӧм жӧ документъясыс вӧліны спорт вермасьӧмъясын да тренируйтчан мероприятиеясын участвуйтысьяслӧн да найӧс колльӧдысь йӧзлӧн.
Индӧм корӧмъясыс оз инмыны 18 арӧсысь ичӧтджыкъяслы.
Найӧ вермӧны волыны культура да спорт мероприятиеяс вылӧ QR-код петкӧдлытӧг.
Коми Республика оз медводдзаӧн Россияын пырт QR-код система COVІD 19 паськалӧм вӧсна.
Кыдз юӧртіс Роспотребнадзорӧн юрнуӧдысь Анна Попова коронавирус паськалӧмлы паныд тыш серти координационнӧй сӧветса президиумлӧн заседание дырйи, странаса 26 регионын QR-кодӧн вӧдитчӧны культурнӧй да гажӧдчан мероприятиеяс нуӧдігӧн, 25 регионын — спорт мероприятиеяс нуӧдігӧн, 22 регионын — йӧзӧс ӧтув верданінъясын, 13 регионын — туй морт керкаясын.
* * *
Вакцинация отсӧгӧн позьӧ кокньыда да дон босьттӧг видзны асьнытӧ да матыссаяснытӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Коми Республикаса йӧзлысь дзоньвидзалун видзан министерстволӧн контакт-шӧрин пыр 8–800–550–0000 номер кузя дон босьттӧг.
3. «Канму услугаяс» портал пыр: http://www.gosuslugi.ru/.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Kodko) @ Владимир Уйба аттьӧаліс Коми Республикаса олысьясӧс @ выльтор @ https://rkomi.ru/news/1415 @ 2021-10-13 @}
Владимир Уйба аттьӧаліс Коми Республикаса олысьясӧс
Канму наградаяс сетан кыпыд церемонияыс вӧлі йирым тӧлысь 12 лунӧ.
Коми Республикаса Юралысь аттьӧаліс экономика, промышленносьт да социальнӧй юкӧнъясӧс медбур петкӧдлысьясӧс чужан регион сӧвмӧдӧмӧ пай пуктӧмысь, кужӧм-сямлунысь да бӧрйӧм уджлы веськыдлунысь.
«Дона ёртъяс, ті ставӧн, кӧть биару да мусир перйысь, кӧть стрӧитысь, тренер, кывбуралысь либӧ общественнӧй уджалысь, медся бурӧсь асланыд уджсикасын.
Быд лун ті сӧвманныд, пуктанныд тӧдӧмлунъяс, кужанлун да опыт радейтана уджӧ.
Аттьӧ тіянлы сыысь, мый сӧвмӧданныд йӧзкотырын удж пыдди пуктӧм, ышӧданныд йӧзсӧ уджын выль вермӧмъяс вылӧ.
Коми Республика озыр енбиа, уджач йӧзӧн.
И зэв тӧдчана, мый ассьыныд позянлунъяснытӧ ті збыльмӧданныд тані — чужан регионын.
Муӧдз копыр быдӧнлы миян республикалӧн талунъя да аскиа лунӧ пай пуктӧмысь», — аттьӧаліс чукӧртчӧмаясӧс Владимир Уйба.
Наградитӧмаяс пӧвстын — медицинаын уна уджалысь.
Владимир Уйба, ачыс Россия Федерацияса нимӧдана врач да медицина наукаса доктор, торйӧн аттьӧаліс уджъёртъяссӧ налӧн колана да сьӧкыд уджысь, мый торйӧн нин тӧдчана ӧні — ковидкӧд вермасян кадколастӧ.
«Кӧсъя нӧштаысь аттьӧавны тіян пыр медицина котырӧс, найӧс, кодъяс дорйӧны йӧзӧс гӧрд зонаын, кодъяс уджалӧны регыдъя медицина отсӧг сетан бригадаясын да волывлӧны корӧмъяс серти висьысьяс дорӧ гортаныс, асьныдтӧ жалиттӧм уджысь миян гражданалысь олӧм да дзоньвидзалун видзӧм вӧсна», — шуис Коми Республикаса Юралысь Владимир Уйба.
* * *
Россия Федерацияса Президентлӧн Индӧдӧн коронавирус инфекциякӧд тыш нуӧдӧмӧ ыджыд пай пуктӧмысь да йӧз вӧсна тӧждысьӧмысь, мый тӧдчис кывкутана мог олӧмӧ пӧртігӧн, Пирогов орден сетӧма:
Елена Сергеевна Ватлиналы — «Коми республиканскӧй клиническӧй больнича» канму учреждениеса лабораторияӧн заведуйтысьлы;
Валерия Валерьевна Вахниналы — «Сыктывкарса Эжва районлӧн карса больнича» канму учреждениелӧн юкӧнӧн заведуйтысьлы;
Ольга Владимировна Вшивцевалы — «Коми республиканскӧй клиническӧй больнича» канму учреждениелӧн юкӧнӧн заведуйтысьлы;
Елена Юрьевна Градовалы — «Эжвалӧн карса поликлиника» Коми Республикаса канму учреждениеса врачлы.
Зэв сьӧкыд условиеясын йӧзӧс мездігӧн петкӧдлӧм смеллунысь да повтӧмлунысь «Кулӧмысь мездӧмысь» медаль сетӧма:
Владимир Иванович Засухинлы — «Пӧжарысь видзчысян службаӧн да войтырӧс дорйӧмӧн веськӧдланін» канму учреждениеын пӧжарнӧй автомашинаса водительлы;
Александр Владимирович Проворовлы — «Пӧжарысь видзчысян службаӧн да войтырӧс дорйӧмӧн веськӧдланін» канму учреждениеса пӧжарнӧйлы.
Коронавирус инфекциякӧд тыш нуӧдӧмӧ ыджыд пай пуктӧмысь да йӧз вӧсна тӧждысьӧмысь, мый тӧдчис кывкутана мог олӧмӧ пӧртігӧн, Лука Крымскийлысь медаль сетӧма:
Татьяна Леонидовна Ганюковалы — «Эжвалӧн карса поликлиника» канму учреждениеса фельдшер-лаборантлы;
Татьяна Леонидовна Фотиевалы — «Коми республиканскӧй клиническӧй больнича» канму учреждениеса шӧр медицина сестралы.
Медицина отсӧг сетӧм, коронавирус инфекция паськалӧмысь ӧлӧдӧм да сыысь видзчысьӧм серти удж котыртӧмӧ ыджыд пай пуктӧмысь «Россия Федерацияса нимӧдана врач» почёт ним сетӧма
Ольга Олеговна Лашмановалы — «Коми республиканскӧй клиническӧй больнича» канму учреждениеса юралысь врачӧс вежысьлы.
Йӧзлысь дзоньвидзалун видзан юкӧнын заслугаясысь да уна вося бур уджысь «Россия Федерацияса нимӧдана врач» почёт ним сетӧма
Людмила Анатольевна Черныхлы — «Ухта карса поликлиника» канму учреждениеса юкӧнӧн заведуйтысьлы.
Сёян-юан индустрияын заслугаясысь да уна вося бур уджысь «Россия Федерацияса сёян-юан индустрияын нимӧдана уджалысь» почёт ним сетӧма
Геннадий Николаевич Соловьевлы — «Сыктывкарса ликёро-водочнӧй завод» акционер котырса токар-фрезеровщиклы.
Физическӧй культура да спорт сӧвмӧдӧмӧ ыджыд пай пуктӧмысь, уна вося бур уджысь «Россия Федерацияса физическӧй культураын нимӧдана уджалысь» почёт ним сетӧма:
Марина Викторовна Бондарьлы — «Фаворит» олимпиада резервӧ дасьтан спорт школа» муниципальнӧй учреждениеса инструктор-методистлы;
Владимир Владимирович Никишовлы — «Микунь карса спорт школа» муниципальнӧй учреждениеса тренерлы, Емдін район;
Михаил Васильевич Поповлы — «Олимпиада резервӧ дасьтан 4 №-а спорт школа» Коми Республикаса канму учреждениеса тренерлы.
Россия Федерацияса Президентлӧн тшӧктӧмӧн уджын вермӧмъясысь да уна вося бур уджысь Россия Федерацияса Президентлысь Почёт грамота сетӧма:
Валентина Васильевна Михайловалы — «Зеленечса чипан видзан фабрика» восьса акционер котырса юралысь бухгалтерлы, Сыктывдін район.
Коронавирус инфекциякӧд тыш нуӧдӧмӧ ыджыд пай пуктӧмысь, йӧз вӧсна тӧждысьӧмысь, мый тӧдчис кывкутана мог олӧмӧ пӧртігӧн, Россия Федерацияса Президентсянь аттьӧалӧм сетӧма:
Николай Игоревич Белоликовлы — «Вуджан висьӧмысь бурдӧдан республиканскӧй больнича» канму учреждениеса врачлы;
Наталья Феоктистовна Искендеровалы — «Консультативно-диагностическӧй шӧрин» канму учреждениеса шӧр медицина сестралы;
Мария Владимировна Кудряшовалы — «Вуджан висьӧмысь бурдӧдан республиканскӧй больнича» канму учреждениеса врачлы;
Елена Энгельсовна Поповцевалы — «Вуджан висьӧмысь бурдӧдан республиканскӧй больнича» канму учреждениеса шӧр медицина сестралы;
Светлана Витальевна Старцевалы — «Вуджан висьӧмысь бурдӧдан республиканскӧй больнича» канму учреждениеса медицина сестралы;
Елена Васильевна Чистяковалы — «Консультативно-диагностическӧй шӧрин» канму учреждениеса врачлы.
Уджын вермӧмъясысь да уна вося бур уджысь Россия Федерацияса Президентсянь аттьӧалӧм сетӧма:
Наталья Павловна Хафизовалы — «Сыктывкарса ликёро-водочнӧй завод» акционер котырын дась прӧдукция цехса начальниклы.
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Виталий Александрович Лютоевлы — Коми Республикаса стрӧитчан юкӧнса ветеранлы;
Герман Борисович Николаевлы — Коми Республикаса стрӧитчан юкӧнса ветеранлы;
Борис Сергеевич Павлусенколы — Коми Республикаса стрӧитчан юкӧнса ветеранлы;
Николай Михайлович Бережнойлы — «Олимпиада резервӧ дасьтан спорт школа» канму учреждениеса директорлысь могъяс олӧмӧ пӧртысьлы, Сыктывдін район;
Андрей Васильевич Ильинлы — «Комиавиатранс» акционер котырлӧн «Сыктывкарса аэропорт» тэчас юкӧдувса директорлы;
Светлана Александровна Куликовалы — «Клиническӧй кардиология диспансер» канму учреждениеса шӧр медицина сестралы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Валиахмад хазрат Гаязовлы — Коми Республикаса Муфтийлы — «Коми Республикаын мусульманалӧн духовнӧй веськӧдланін» шӧр религиознӧй организацияӧн веськӧдлысьлы;
Нина Александровна Обрезковалы — кывбуралысьлы, прозаиклы, драматурглы, Коми Республикаса гижысь котырӧ пырысьлы;
Леонид Владимирович Пищальниковлы — «Комиавиатранс» акционер котырса лётно-методическӧй юкӧнын аэронавигационнӧй юӧр серти штурманлы;
Сергей Анатольевич Скоковлы — «Газпром трансгаз Ухта» ичӧт кывкутана котырлӧн — Магистральнӧй биару проводъяслӧн Микуньса линейнӧй производственнӧй веськӧдланінлӧн технологическӧй компрессоръясса машинистлы, Емдін район;
Владимир Михайлович Филатовлы — «Транснефть-Север» акционер котырлӧн дінму велӧдан шӧринса директорлы, Ухта кар.
Коми Республикалӧн бур вылӧ уна во зіля уджалӧмысь Коми Республикаса Почёт грамота сетӧма:
Александра Михайловна Дёминалы — «Коми республиканскӧй типография» ичӧт кывкутана котырса переплётчиклы;
Юрий Владимирович Кузнецовлы — «ГорКомСтрой» «Специализируйтӧм стрӧитчысь» ичӧт кывкутана котырса директорлы;
Владимир Александрович Носковлы — «Ухтаса экспериментально-механическӧй завод» пӧдса акционер котырын вундӧм да кипом сварка вылын уджалысь электрогазосварщиклы;
Андрей Викторович Ревенколы — «Газпром трансгаз Ухта» ичӧт кывкутана котырса филиаллӧн — магистральнӧй биару проводъяслӧн Воркутаса линейнӧй производственнӧй веськӧдланінлӧн «Байдарацкӧй» компрессорнӧй станцияса начальниклы;
Анатолий Васильевич Чиканчилы — Бурвӧчан Фондса президентлы;
Артем Львович Чичкаревлы — «Республиканскӧй Творчество керка» канму учреждениеын прикладнӧй да художественнӧй удж секторса специалистлы.
Коми Республикаса Юралысьлӧн тшӧктӧмӧн мусир промышленносьт сӧвмӧдӧмӧ пай пуктӧмысь да уна вося бур уджысь «Коми Республикаса почёта шахтёр» ним сетӧма:
Василий Владимирович Перевозниковлы — «ЛУКОЙЛ-Коми» ичӧт кывкутана котырлӧн «Яреганефть» производственнӧй предприятиеын мусир термошахтнӧя разработайтан да перъян участокса механиклы, Ухта кар.
Уна во сьӧлӧмсянь да бура уджалӧмысь «Уджын повтӧмлун» отличие пас сетӧма:
Юрий Александрович Антюшинлы — «ЛУКОЙЛ-Коми» ичӧт кывкутана котырлӧн «Яреганефть» нефтешахтнӧй производственнӧй предприятиеын мусир да биару перйӧм серти операторлы, Ухта кар;
Виталий Иванович Борисовлы — «Газпром трансгаз Ухта» ичӧт кывкутана котырса автомашина филиаллӧн кранса машинистлы;
Николай Андреевич Везельлы — Коми Республикаса транспорт юкӧнса ветеранлы, Сыктывкар;
Василий Николаевич Веретенниковлы — «Стрӧитчан материалъяс вӧчан Ухтаса завод» ичӧт кывкутана котырын дробильно-сортировочнӧй участокса начальниклы;
Эдуард Иванович Уляшевлы — «ГорКомСтрой» «Специализируйтӧм стрӧитчысь» ичӧт кывкутана котырын уджъяс вӧчысьлы;
Павел Николаевич Филипповлы — «Лотос» ичӧт кывкутана котырын базальтысь зэв вӧсни сі вӧчысь операторлы;
Георгий Владимирович Шумахерлы — «Лотос» ичӧт кывкутана котырса инженер-технологлы.
{Kodko (комиӧдіс Kodko) @ Владимир Уйба шыӧдчис Татьяна Голикова дорӧ корӧмӧн федеральнӧй тшупӧдын сувтны Коми Республикаӧс социальнӧй да экономика боксянь сӧвмӧдан уджтас дор @ выльтор @ https://rkomi.ru/news/1417 @ 2021-10-14 @}
Владимир Уйба шыӧдчис Татьяна Голикова дорӧ корӧмӧн федеральнӧй тшупӧдын сувтны Коми Республикаӧс социальнӧй да экономика боксянь сӧвмӧдан уджтас дор
Коми Республикаса Юралысь пырӧдчис Россия Федерацияса Веськӧдлан котырӧн Юрнуӧдысьӧс вежысь Татьяна Голиковалӧн юрнуӧдӧм улын Рытыв-Войвыв федеральнӧй кытшӧ пырысь регионъяс социальнӧй да экономика боксянь сӧвмӧдӧм серти сӧвещаниеӧ.
Владимир Уйба висьталіс федеральнӧй Веськӧдлан котырса вице-премьерлы Коми Республикаса экономика диверсифицируйтан план олӧмӧ пӧртӧм йылысь, мый лӧсьӧдӧма 2021–2026 вояс вылӧ Россияса экономика сӧвмӧдан министерствокӧд ӧтув.
Диверсифицируйтан планӧ пыртӧм медся тӧдчана да ыджыд проектъясысь, кутшӧмъяс матысса воясӧ нин тӧдчасны регионлӧн социальнӧй да экономика боксянь сӧвмӧм вылӧ, колӧ пасйыны:
— «Инта» КК МЮ мутасын кальцийлысь карбид да ферросплавъяс вӧчан завод;
— «Сыктывкарса вӧр пилитан да пу вӧчӧдан комбинат» вӧр да вӧр переработайтан инфраструктураса объектъяс лӧсьӧдӧмӧн ӧнъяӧдӧм;
— «Лузалес» ичӧт кывкутана котырлысь уджалан вынйӧръяссӧ ӧнъяӧдӧм да паськӧдӧм;
— «Промтех-инвест» ичӧт кывкутана котырлӧн вӧр переработайтан уджалысь производство ӧнъяӧдӧм дырйи OSB-плитаяс вӧчан завод стрӧитӧм;
— «Сыктывдін» МР МЮ мутасын «Войвыв» промышленно-производственнӧй сикаса торъя экономика зона лӧсьӧдӧм.
«Сӧмын тайӧ вит проектсӧ збыльмӧдӧмыс сетас позянлун лӧсьӧдны Коми Республикаын 2 сюрсысь унджык уджалан места, кыскыны сьӧмкудйысь ӧтдор инвестицияяс 40 миллиардысь унджык шайт мындаын», — пасйис Коми Республикаса Юралысь.
Такӧд тшӧтш Владимир Уйба тӧдчӧдіс, мый Коми Республикалы колӧ социальнӧй да экономика боксянь сӧвмӧдӧм серти торъя федеральнӧй уджтас.
«Тайӧ уджтасӧ пырасны экономика диверсифицируйтан, социальнӧя доръян да йӧзлысь дзоньвидзалун видзан юкӧнъяс сӧвмӧдан, карса гӧгӧртас мичмӧдан-бурмӧдан, оланін да коммунальнӧй инфраструктура сӧвмӧдан мероприятиеяс.
Сійӧс збыльмӧдӧмыс сетас позянлун бурмӧдны войвылын олысьяслысь олӧмсӧ да окта пӧртны олӧмӧ Коми Республикаӧс социальнӧй да экономика боксянь сӧвмӧдан шӧр могъяс», — пасйис Владимир Уйба.
{Kodko (комиӧдіс Kodko) @ Коми Республикаын лӧсьӧдӧма Россияса историческӧй котырлысь юкӧн @ выльтор @ https://rkomi.ru/news/1418 @ 2021-10-14 @}
Коми Республикаын лӧсьӧдӧма Россияса историческӧй котырлысь юкӧн
Юкӧн лӧсьӧдӧм йылысь помшуӧмсӧ вӧлі примитӧма йирым тӧлысь 12 лунӧ Россияса историческӧй котырлӧн Коми Республикаын юкӧнлӧн учредительнӧй собрание вылын.
Собрание вылын вӧлісны Коми Республикаса Юралысь Владимир Уйба, Россияса историческӧй котырлӧн правлениеӧн веськӧдлысь Константин Могилевский, учёнӧйяс, религиознӧй деятельяс, велӧдан да культура юкӧнъясын уджалысьяс.
«Тӧдчана, мый Россияса историческӧй котырлысь регионса юкӧнсӧ лӧсьӧдӧмыс веськаліс республикалы сё во тыран кадӧ.
Тайӧ во, кор миян чужан мулӧн озыр историяыс интереснӧ уна пӧлӧс войтырлы», — пасйис В. Уйба.
Россияса историческӧй котыр отсалӧ нуӧдны наука туялӧмъяс, босьтны историяын тӧдӧмлунъяс, корсьны да йӧзӧдны россияса архивъясысь документъяс, зіля пырӧдчӧ научнӧй да просветительскӧй уджӧ, мунӧ паныд дилетантизмлы да история фактъяс торкалӧмлы, котыртӧ выль просветительскӧй ресурсъяс лӧсьӧдӧм, а медшӧрыс — котыртӧ, отсалӧ да веськӧдӧ йӧзлысь водзмӧстчӧмсӧ семьяса, регионса, айму да мирӧвӧй история быд боксянь велӧдӧм вылӧ.
«Эска, мый Россияса историческӧй котырлӧн Коми Республикаын юкӧн кутас бура уджавны да пуктас ыджыд пай регионлӧн сӧвмӧмӧ.
И матысса кадӧ нин Юкӧныс вермас нимкодьмӧдны республикаса олысьясӧс выль небӧгъясӧн, наукаын восьтӧмъясӧн да интереснӧй проектъясӧн.
Сиа тіянлы вермӧмъяс бур вӧчан уджын!»
Собрание вылын вынсьӧдӧма юкӧнлысь котыртан тэчассӧ Сӧветӧ пырысьясӧс, Сӧветӧн веськӧдлысьӧс (сыӧн лоис Россияса наукаяс академиялӧн Урал юкӧнса Коми наука шӧринын Кыв, литература да история институтса директор, история наукаса доктор Игорь Жеребцов), мӧд веськӧдлысьясӧс да кывкутана секретарӧс бӧрйӧмӧн.
* * *
Россияса историческӧй котырсӧ вӧлі выльысь лӧсьӧдӧма революцияӧдзса Императорскӧй Роч историческӧй котырлӧн (РИК) традицияяс вылӧ мыджсьӧмӧн 2012 вося лӧддза-номъя тӧлысь 20 лунӧ.
Сійӧс учредитысьясӧн лоисны велӧдан, наука да культура юкӧнын россияса 27 медбур учреждение, на лыдын Россияса наукаяс академия, М. В. Ломоносов нима МГУ, Санкт-Петербургса канму университет, Канму историческӧй музей, Канму Третьяковскӧй галерея, Эрмитаж, Россияса канму библиотека да уна мукӧд.
Талунъя лун кежлӧ РИК юкӧнъяс лӧсьӧдӧма странаса 50 унджык регионын.
Устав серти, РИК-лӧн мог — ӧтувтны йӧзкотырлысь, канмулысь, учёнӧйяслысь да история радейтысьяслысь вынъяс, медым лӧсьӧдны ставроссияса историческӧй культура айму да мирса история объективнӧя велӧдӧм, сыӧн паськыда тӧдмӧдӧм, национальнӧй паметь видзӧм подув вылын.
2012 воын выльысь котыртӧмсянь Россияса историческӧй котырӧн веськӧдлӧ Сергей Нарышкин.
{Kodko (комиӧдіс Kodko) @ Эльмира Ахмеева висьталіс «Экономика да промышленносьт сӧвмӧдӧм» канму уджтас Коми Республикаын збыльмӧдӧм йылысь @ выльтор @ https://rkomi.ru/news/1419 @ 2021-10-14 @}
Эльмира Ахмеева висьталіс «Экономика да промышленносьт сӧвмӧдӧм» канму уджтас Коми Республикаын збыльмӧдӧм йылысь
Регионса Каналан Сӧветын «2022 во да 2023–2024 воясся планӧвӧй кадколаст вылӧ Коми Республикаса республиканскӧй сьӧмкуд йылысь» Коми Республикаса оланпас бала видлалӧм серти уджалан сӧвещание дырйи Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева висьталіс «Экономика да промышленносьт сӧвмӧдӧм» канму уджтас збыльмӧдӧмын шӧр моментъяс да регионса проектъяс йылысь.
Кыдзи пасйис Эльмира Ахмеева, канму уджтаслӧн шӧр могӧн лоӧ «Кыскана инвестиция климата да сӧвмӧм промышленнӧй комплекса вына экономика».
Канму уджтаслӧн стратегия блокын шӧр нырвизьясысь ӧти — овмӧс нуӧдан торъя условиеа мутасъяс — регионса монокаръяс да Арктика зона сӧвмӧдӧм.
Арктика зонаса резидентъяслы лӧсьӧдӧма федеральнӧй, регионса да меставывса преференцияяслысь дзонь комплекс.
На серти уджыс мунӧ пыр.
Проектъяс збыльмӧдӧмӧ босьтчисны 3 резидент, на лыдын — Интаын кальций карбид да ферросплавъяс вӧчан завод, Воркутаын воссис кафе-кондитерскӧй, ӧнъяӧдӧны «Инта Приполярная» агрокомплекслысь производство.
Пыртӧма вежсьӧмъяс «Емва» социальнӧй да экономика боксянь водзынджык сӧвмысь мутас лӧсьӧдӧм йылысь» Россия Федерацияса Веськӧдлан котырлӧн шуӧмӧ, кутшӧмъяс тӧдчымӧн паськӧдӧны экономика уджлысь позяна сикасъяссӧ да чинтӧны капитальнӧй вложениеяслӧн йӧрыш да выль уджалан местаяслӧн лыд дорӧ корӧмъяссӧ.
2021 воын Министерство Россия Федерацияса экономика сӧвмӧдан министерствокӧд нуӧдісны 2021–2026 вояс вылӧ регионса экономика диверсифицируйтан плансӧ дасьтӧм да вынсьӧдӧм серти ӧтувъя удж.
Кыдзи пасйис Коми Республикаса Веськӧдлан котырӧн Юрнуӧдысьӧс вежысь — регионса экономика сӧвмӧдан да промышленносьт министр, республикалы — тайӧ федеральнӧй тшупӧдын вынсьӧдӧм медводдза стратегическӧй документ.
Планас пыртӧма 50 инвестиция проект, кутшӧмъясӧс могмӧдасны инвестициялысь 150 млрд шайт йӧрышын воӧмсӧ шӧр капиталӧ, да сетас позянлун могмӧдны уджӧн абу из шом перъян отрасльясын 6000 мортӧс.
Министерство нуӧдӧ Сыктывдін районын «Войвыв» промышленно-производственнӧй сикаса торъя экономика зона лӧсьӧдӧм серти удж.
Ӧнія кадӧ дасьтӧны «Войвыв» ТЭЗ лӧсьӧдӧм вылӧ заявка.
Кыдзи пасйис докладас Эльмира Ахмеева, республика сӧвмӧдӧм вылӧ федеральнӧй сьӧм кыскӧм — нӧшта ӧти зэв тӧдчана мог, мый вылын мунӧ удж.
Кольӧм во помын республика медводдзаысь пырӧдчис РФ-са Веськӧдлан котырӧн сетӧм ӧтувъя дінму субсидия босьтны позянлунӧ.
И босьтіс федеральнӧй сьӧмкудйысь 56,8 млн шайт мындаын сьӧмкудкостса трансферт, медым регионса Промышленносьт сӧвмӧдан фонд сетіс промышленнӧй предприятиеяслы кокньӧда заёмъяс инвестиция проектъяс збыльмӧдӧм вылӧ (регионса сьӧмкудйын индӧм могъяс вылӧ урчитӧма 100,0 млн шайт).
Пыртсьӧ инфраструктура объектъяс лӧсьӧдӧм вылӧ регионӧн сьӧмкуд инвестицияяс сетан механизм.
Россия Федерацияса экономика сӧвмӧдан министерстволӧн тшӧктӧдӧн выль инвестиция проектъяслӧн ӧтвывтӧм лыддьӧгӧ пыртӧма регионса 9 выль инвестиция проект.
Индӧм проектъяссӧ вӧзйысьяс вермасны вештыны инфраструктура лӧсьӧдӧм вылӧ ассьыныс рӧскодсӧ.
А регионлы тайӧ 1600 выль уджалан места лӧсьӧдӧм да 27,6 млрд шайт мындаын кыскӧм инвестицияяс.
Вӧр промышленносьт юкӧнын Комиын збыльмӧдӧны канмусянь отсӧг сетӧмӧн кык верктуя инвестиция проект.
Инвестицияяслӧн ӧтувъя йӧрышыс ӧні 12 млрд шайт.
Таво министерстволы республиканскӧй сьӧмкудйысь вичмӧдӧма 30 млн шайт асшӧр уджалысьяслы, медым вештыны пеллетъяс да ломтысян брикетъяс вӧчӧмсӧ лӧсьӧдӧм, ӧнъяӧдӧм да паськӧдӧм вылӧ веськӧдӧм рӧскод юкӧнсӧ.
Тайӧ отсӧгыс сетас позянлун лӧсьӧдны да паськӧдны производствояс — 6-ысь абу этшаджык предприятие, лӧсьӧдны 50 кымын выль уджалан места, содтыны биоэнергетика сӧвмӧдӧмӧ инвестицияяслысь йӧрыш (300 миллионысь абу этшаджык шайт).
2021 вося кӧч тӧлысь 28 лунӧ Россияса промышленносьт да вузасян министерстволӧн промышленнӧй кластеръяс реестрӧ пыртӧма Коми Республикаса пу вӧчӧдан кластер.
Тайӧ сетас позянлун кыскыны федеральнӧй сьӧмкудйысь субсидияяс ӧтувъя проектъяс збыльмӧдігӧн кластерын участвуйтысьяслысь 30% рӧскод вештӧм вылӧ.
Кластерӧ пырисны 13 производственнӧй предприятие, 2 инфраструктура площадка да 1 велӧдан организация — Сыктывкарса вӧр институт.
Регионса проектъясыс, кутшӧмъясӧс збыльмӧдӧны национальнӧй проектъяс серти, сідзжӧ лоӧны Коми Республикаын стратегическӧй веськӧдлӧмлы подулӧн.
2021 воын республикаын водзӧ збыльмӧдӧны «Ичӧт да шӧр предпринимательство да асшӧр уджалысьлӧн водзмӧстчӧмлы отсалӧм» нацпроект.
2021 восянь Комиын «Менам бизнес» шӧринӧн сетӧма ИШП субъектъяслы 766 услуга.
Тавося 9 тӧлысьӧн «Коми Республикаса гарантийнӧй фондлӧн» участвуйтӧмӧн кыскӧм заёма средствояслӧн йӧрышыс лои 1,1 млрд шайт.
Во заводитчӧмсянь «Коми Республикаса микрокредитнӧй компанияӧн» сетӧма 165 микрозаём 131 млн шайт вылӧ, на лыдысь сӧмын на уджӧ кутчысьысь асшӧр уджалысьяслы — 9 заём 1,9 млн шайт вылӧ.
Асшӧр уджалысьяслы, кодъяс дугӧдлісны уджсӧ дзескӧдан кадколастӧ, отсалӧм пыдди примитӧма 2021 воын субсидияяс сетан пӧрадок сы могысь, медым вештыны налы уджалысьяслы уджысь мынтысьӧм да кӧртымалӧмысь мынтысьӧм вылӧ рӧскод юкӧнсӧ.
2021 воын социальнӧй асшӧр уджалысьяслӧн реестрӧ пыртӧма 72 асшӧр уджалысьӧс, кодъяс вермасны шыӧдчыны грант босьтӧм вылӧ, медым сӧвмӧдны ассьыныс удж да збыльмӧдны социальнӧй проект.
Экспортлы отсалан шӧрин отсӧгӧн кырымалӧма 15 экспортнӧй контракт.
Отсӧг босьтысь ИШП субъектъяслӧн экспорт йӧрышыс лои 8,6 млн США доллар.
«Пасъя, мый талун Коми пырӧдчӧ регионса 40 проект збыльмӧдӧмӧ.
2022 восянь заводитчас уджалан ӧд серти нӧшта 2 проект збыльмӧдӧм.
Регионса проектъяс збыльмӧдӧм вылӧ урчитӧм сьӧмкуд сьӧмлӧн ӧтувъя йӧрышыс, став ӧшмӧсъяссӧ тӧд вылӧ босьтӧмӧн, лоӧ 8,6 млрд шайт», — висьталіс Эльмира Ахмеева.
Доклад помас Эльмира Ахмеева пасйис, мый 2021 воын регионӧ содтӧд ресурсъяс кыскӧм серти уджыс, тшӧтш и торъя мутасъяс сӧвмӧдӧм вылӧ, вӧчӧ бур панас республикаса экономикаын структурнӧй вежсьӧмъяс вылӧ матысса вит воӧ нин.
{Kodko (комиӧдіс Kodko) @ Коми Республикаса Веськӧдлан котыр да Россельхозбанк отсаласны сьӧмӧн оз сӧмын видз-му овмӧсын уджалысьяслы @ выльтор @ https://rkomi.ru/news/1420 @ 2021-10-14 @}
Коми Республикаса Веськӧдлан котыр да Россельхозбанк отсаласны сьӧмӧн оз сӧмын видз-му овмӧсын уджалысьяслы
Йирым тӧлысь 13 лунӧ Коми Республикаса Юралысь Владимир Уйба удж серти аддзысьліс Россельхозбанкса Правлениеӧн Веськӧдлысь Денис Константиновкӧд, аддзысьлӧмӧ пырӧдчисны и Россельхозбанклӧн Комиын филиалса директор Антон Фридман да Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева.
Аддзысьлӧм вылын сёрнитісны финансово-кредитнӧй организациялӧн удж да регион сӧвмӧдӧмын сылӧн пай йылысь.
«Россельхозбанк — Коми Республикалӧн надёжнӧй уджъёрт, — пасйис Владимир Уйба.
— Банк отсӧгӧн федеральнӧй уджтасъяс серти кокньӧда кредитъяс босьтӧны миян видз-му продукция вӧчысьяс да граждана, кодъяс кӧсйӧны ньӧбны либӧ стрӧитны керка сиктын.
2016 воын кырымалӧма артмӧдчӧм Коми Республикаса Веськӧдлан котыр да Россельхозбанк костын.
Вӧзъя содтыны сэтчӧ ӧтув уджалан выль нырвизьяс».
«Медводз кӧсъя чолӧмавны Коми Республикаса олысьясӧс сё во тырӧмӧн.
Россельхозбанк кутӧ нырвизь регионкӧд ӧтувъя дыр удж вылӧ да дась отсавны сӧвмӧдны сійӧс, — шуис Денис Константинов.
— Тырвыйӧ сӧглас Тіян вӧзйӧмкӧд, Владимир Викторович, артмӧдчӧмсӧ колӧ бурмӧдны.
Збыльвылас миян артмисны выль нырвизьяс, кутшӧмъяс серти ми кӧсъям уджавны.
Тайӧ органическӧй видз-му овмӧс сӧвмӧдӧм, сиктса агротуризм сӧвмӧдӧм да ESG-повестка [прим.: Envіronmental, Socіal and Corporate Governance — гӧгӧртас, социальнӧй кывкутӧм да корпоративнӧй веськӧдлӧм].
А медым артмӧдчӧмыс эз вӧв рамочнӧйӧн, вӧзъям сӧгласуйтны да сылӧн подув вылын примитны 2022 во вылӧ ӧтувъя мероприятиеяслысь план».
Ӧтувъя уджын верктуя нырвизьяс лыдын тшӧтш: сиктса ипотека уджтас сӧвмӧдӧм, АПК сфераын инвестиция проектъяс збыльмӧдӧм, агропаркъяс лӧсьӧдӧм, Коми Республикаса ылі мутасъясын финансӧвӧй услугаяслысь судзсянлунсӧ содтӧм, та лыдын и безналичнӧй операцияяслысь.
2022 воын Россельхозбанк кӧсйӧ паськӧдны вузасян офисъяслысь вез, медым республикаса быд муниципалитетын вӧліны банкӧс петкӧдлысьяс.
Шуам, тайӧ во помӧдзыс Сыктывдін районса Выльгорт сиктын кӧсйӧны восьтыны специалистлысь ылыс уджалан места, специалистыс кутас могмӧдны да консультируйтны торъя йӧзӧс.
* * *
«Россельхозбанк» акционер котыр — Россияса агропромышленнӧй комплекс могмӧдан национальнӧй кредитно-финансӧвӧй системалӧн подув.
Банксӧ лӧсьӧдӧма 2000 воын да талун сійӧ лоӧ странаса АПК-лӧн шӧр кредиторӧн, пырӧ медся гырысь да бур вермӧмъяса банкъяс лыдӧ активъяслӧн да капиталъяслӧн ыджда серти, а сідзжӧ россияса гырысь банкъяс пиын медся надёжнӧй банкъяс лыдӧ.
{Kodko (комиӧдіс Kodko) @ Комиын власьтъяс кыскисны инфраструктура сӧвмӧдан проектъяс вылӧ 2,4 миллиард шайт @ выльтор @ https://rkomi.ru/news/1423 @ 2021-10-14 @}
Комиын власьтъяс кыскисны инфраструктура сӧвмӧдан проектъяс вылӧ 2,4 миллиард шайт
Талун, йирым тӧлысь 14 лунӧ, Россия Федерацияса регионъяс сӧвмӧдӧм серти Веськӧдлан котырлӧн комиссия вице-премьер Марат Хуснуллинлӧн юрнуӧдӧм улын ошкис инфраструктурнӧй сьӧмкуд кредитъяс сетӧм вылӧ Коми Республикалысь заявкасӧ.
Заявкасӧ сетіс Коми Республикаса Юралысь Владимир Уйба.
Комилы инфраструктурнӧй сьӧмкуд кредитъяс вылӧ урчитӧм лимит серти регионса Веськӧдлан котыр дасьтӧма заявка 2 проект вылӧ.
Медводдза проектсӧ кутасны збыльмӧдны Сыктывкарын — «Социальнӧй инфраструктура объектъяса (школа, туй, техническӧя ӧтлаӧдӧм) олан квартал (микрорайон) стрӧитӧм».
Сійӧс пӧртасны олӧмӧ 15 гектар ыджда участок сӧвмӧдан концепция серти, проектас пырӧ инженернӧй да социальнӧй инфраструктураа ӧнія кадлы лӧсялана олан массив стрӧитӧм.
Инфраструктурнӧй сьӧмкуд кредитлӧн коланлуныс — 1 миллиард 621,277 миллион шайт.
Тайӧ сьӧмсӧ лоӧ веськӧдӧма кварталпытшса туйяс стрӧитӧм, ваӧн могмӧдан, ва нуӧдан, электричествоӧн, биӧн да шоныдӧн могмӧдан ортсыса везъяс вылӧ, а сідзжӧ 825 места вылӧ школа стрӧитӧм вылӧ.
Проектлӧн ӧтувъя доныс — 15 миллиардысь унджык шайт, та лыдын сьӧмкудйысь ӧтдор сьӧм — 13 миллиард 396,5 миллион шайт.
Мӧд проектсӧ тшӧтш кутасны збыльмӧдны Коми Республикалӧн юркарын — тайӧ «Фанера плитаяс вӧчан завод стрӧитӧм V–260 сюрс м3 вонас дась продукция (туй капитальнӧя дзоньталӧм)».
Инфраструктурнӧй сьӧмкуд кредитлӧн коланлуныс — 832,8 миллион шайт.
Тайӧ сьӧмсӧ веськӧдасны 13,4 километр кузьта ӧтув вӧдитчан автомашина туй капитальнӧя дзоньталӧм вылӧ.
Проектлӧн ӧтувъя сьӧмкудйыс — 13 миллиард 44,8 миллион шайт, та лыдын сьӧмкудйысь ӧтдор сьӧм — 12 миллиард 212 миллион шайт.
«Ми аттьӧалам Веськӧдлан котырса комиссияӧс миян республикалысь заявкасӧ сӧгласуйтӧмысь.
Марат Шакирзянович торйӧн тӧдчӧдіс Сыктывкарын оланін стрӧитӧм паськӧдӧм серти — аварийнӧй оланінъясысь олысьясӧс мӧд оланінӧ вуджӧдан уджтасын участвуйтысьяслы патера серти мытшӧдъяссӧ разьны коланлунсӧ тӧд вылын кутӧмӧн, бать-мамтӧм челядьлы да мукӧд льготнӧй категория гражданалы патераяс сетӧм серти миян планъяслысь коланлунсӧ», — кывкӧрталіс Владимир Уйба.
{Kodko (комиӧдіс Kodko) @ Владимир Уйба ошкис Комиын «Батьяслы сиӧм вежон» нуӧдӧм йылысь мӧвпсӧ @ выльтор @ https://rkomi.ru/news/1427 @ 2021-10-16 @}
Владимир Уйба ошкис Комиын «Батьяслы сиӧм вежон» нуӧдӧм йылысь мӧвпсӧ
Татшӧм водзмӧстчӧмӧн Коми Республикаса Юралысь Владимир Уйба дорӧ шыӧдчис Коми Республикаса батьяслӧн Сӧвет.
«Тайӧ бур, шань вӧзйӧм, мый веськӧдӧма семья институт крепитӧм да батьяслысь тӧдчанлунсӧ кыпӧдӧм вылӧ.
Ошка общественникъяслысь вӧзйӧмсӧ и кыдз регионса веськӧдлысь, и кыдз уна челядя бать», — пасйис В. Уйба.
Батьяслы сиӧм вежон заводитчас йирым тӧлысь 18 лунӧ.
Сійӧс пыртӧма Батьяслы сиӧм лункӧд йитӧдын, мый вынсьӧдӧма таво РФ Президентлӧн Индӧдӧн да пасйыссьӧ йирым тӧлысьлӧн коймӧд вежалунӧ.
Батьяслы сиӧм вежонӧ Коми Республикаса кар-районъясын нуӧдасны уна сикас мероприятие.
Координируйтысьнас лоӧ регионса Удж, уджӧн могмӧдӧм да социальнӧя доръян министерство Коми Республикаса батьяслӧн Сӧветкӧд ӧтув.
Сідз, тайӧ вежалунӧ, йирым тӧлысь 17 лунӧ, Сыктывкарса Эжва районын «Бумажникъяслӧн Эжваса культура керкаын» лоасны «Мужичӧйяслӧн ворсӧмъяс».
«Батькӧд интереснӧ» фотоакцияӧн Батьяслы сиӧм вежонсӧ нуӧдас Челядьлы да том йӧзлы республиканскӧй шӧрин.
«Октябр» прӧст кад коллян да кино петкӧдлан шӧринын мунас «Папа-КВИЗ» интеллектуальнӧй ворсӧм.
Батьяслы сиӧм вежонлы юӧра отсӧг сетасны йӧзӧс юӧртан средствояс асланыс проектъясын да тематическӧй рубрикаясын.
{Владимир Уйба (комиӧдіс Kodko) @ Коми Республикаса Юралысь чолӧмалӧ Туй овмӧсын уджалысьяслӧн лунӧн @ выльтор @ https://rkomi.ru/news/1428 @ 2021-10-17 @}
Коми Республикаса Юралысь чолӧмалӧ Туй овмӧсын уджалысьяслӧн лунӧн
«Коми Республикаса туй овмӧсын пыдди пуктана уджалысьяс да отрасльса ветеранъяс!
Чолӧмала тіянӧс уджсикас гажӧн!
Миян республикаса туй овмӧсын уджалӧ матӧ 3 сюрс морт.
Ті проектируйтанныд да стрӧитанныд посъяс, туйяс, туйвежъясын машинаяс юкланін, могмӧданныд сэті во гӧгӧрся ветлӧм.
Тіян уджныд колана да кывкутана, сійӧ век син улын.
Туй-транспорт инфраструктура сӧвмӧм ёна тӧдчӧ экономика содӧм, инвестиционнӧй зільӧм, социальнӧй юкӧн сӧвмӧдӧм, регионын олӧмлӧн тшупӧд да ногтуй вылӧ.
Талун туй отрасль водзын сулалӧны ыджыд могъяс — транспорт судзсянлун, автомашина туйяс бурмӧдӧм, туйяс стрӧитігӧн да дзоньталігӧн ӧнія кадся технологияяс пыртӧм, кутшӧмъяс сетасны позянлун содтыны туй мудӧдӧн вӧдитчан кадколастсӧ да могмӧдны ветлӧмлысь ӧпастӧмлун.
Республикаса Веськӧдлан котыр нуӧдӧ системнӧй удж выльмӧдан да стрӧитан туй объектъяслысь лыддьӧг паськӧдӧм серти.
Ми пырӧдчам федеральнӧй уджтасъясӧ да национальнӧй проектъясӧ, кыскам сьӧм социальнӧй уджъёртъяслысь.
Таво федеральнӧй Веськӧдлан котыр вӧлі вичмӧдӧма миян республикалы 583 миллион шайт мындаын содтӧд сьӧм.
Тайӧ сьӧмсӧ веськӧдӧма регионса сизим туй участок дзоньталӧм вылӧ, уджъяс сэні мунӧны нин да помасясны йирым тӧлысь помӧдз.
Туй отрасльса пыдди пуктана уджалысьяс да ветеранъяс!
Аттьӧала тіянӧс кужӧм-сямлунысь да уджлы веськыдлунысь, сувтӧдӧм могъяс войвывса сьӧкыд условиеясын олӧмӧ пӧртӧмысь.
Сиа бурлун, сӧгласа олӧм, крепыд дзоньвидзалун да шуд!»
[Коми Республикаса Юралысь Владимир Уйба]
{Владимир Уйба (комиӧдіс Kodko) @ Коми Республикаса Юралысь чолӧмалӧ Батьяслы сиӧм лунӧн @ выльтор @ https://rkomi.ru/news/1429 @ 2021-10-17 @}
Коми Республикаса Юралысь чолӧмалӧ Батьяслы сиӧм лунӧн
«Коми Республикаса пыдди пуктана олысьяс!
Таво Россияса гажлунъяс календарын лоис Батьяслы сиӧм лун.
Сійӧс лӧсьӧдӧма странаса Президент Владимир Владимирович Путинлӧн Индӧдӧн да веськӧдӧма семьялысь институт ёнмӧдӧм да челядьӧс быдтӧм-сӧвмӧдӧмын батьяслысь тӧдчанлунсӧ кыпӧдӧм вылӧ.
Официальнӧй гажсӧ лӧсьӧдӧмыс висьталӧ челядьӧс быдтӧм-сӧвмӧдӧмын мужичӧйяслӧн тӧдчанлун, кага быдмӧмын батьлӧн зэв ыджыд пай йылысь.
Сӧмын сэк, кор быдтӧм-сӧвмӧдӧмӧ пырӧдчӧны мужичӧйяс, семьяын артмӧны бур йитӧдъяс, челядьыс быдмӧны ӧта-мӧдсӧ радейтана, пыдди пуктана да гӧгӧрвоана семьяын.
Миян республикаын нуӧдсьӧ ыджыд удж йӧзкотырын батьлысь статуссӧ да кывкутана батьяслысь тӧдчанлунсӧ кыпӧдӧм серти.
Зэв ыджыд пай татчӧ пуктӧ Батьяслӧн регионса сӧвет: котыртӧ аддзысьлӧмъяс да мастер-классъяс, нуӧдӧ акцияяс да форумъяс.
Дона батьяс!
Лоны батьӧн — тайӧ зэв ыджыд шуд да зэв ыджыд кывкутӧм.
Тӧда тайӧс, кыдз уна челядя семьяса юралысь.
Кӧсъя став сьӧлӧмсянь сины ставлы батьлунлысь радлун, бурлун да ӧтсӧгласа олӧм, крепыд дзоньвидзалун да шуд!»
[Коми Республикаса Юралысь Владимир Уйба]
{Kodko (комиӧдіс Kodko) @ Комиын власьтъяс вежасны спортсменъяслы отсалан форматсӧ @ выльтор @ https://rkomi.ru/news/1433 @ 2021-10-19 @}
Комиын власьтъяс вежасны спортсменъяслы отсалан форматсӧ
Коми Республикаса Юралысь йирым тӧлысь 18 лунӧ аддзысьліс 15–23 арӧса юниоръяс да том йӧз костын сьӧкыд атлетикаысь Европаса Первенствоын вермысь Мария Андреевакӧд да Коми Республикаса Каналан Сӧветӧн Веськӧдлысь, Коми Республикаын Россияса сьӧкыд атлетика серти федерацияӧн веськӧдлысь Сергей Усачёвкӧд.
Мария Андреева заводитіс занимайтчыны сьӧкыд атлетикаӧн 2010 воын.
Нёль во мысти босьтіс спорт мастерӧ кандидатлысь спорт разряд, а 2016 воын лоис вермысьӧн 15 арӧсӧдз нывъяс костын Россия Первенствоын да тыртіс Россияса Спорт мастерлысь норматив.
Рованиеми карын (Финляндия) сьӧкыд атлетика серти Европаса первенствоын, мый вӧлі тавося кӧч тӧлысь 24 лунсянь йирым тӧлысь 3 лунӧдз, Мария Андреева петкӧдліс медбур результатъяс «рывокын» (106 кг) да босьтіс мӧд места «толчок» дисциплинаын (кыпӧдіс 123 кг).
Двоеборйӧлӧн сумма серти Коми Республикаса спортсменка лоис Европаса Первенствоын вермысьӧн.
Водзын — ӧшым тӧлысся мирса Первенство.
«Медводз лоӧны сборъяс, сэсся кутасны бӧрйыны спортсменъясӧс, кодъяс мунасны мирса Первенство вылӧ.
Таво бӧрйӧмыс чорыдджык, сы вӧсна мый национальнӧй сборнӧйӧ войтыркостса вермасьӧмъяс вылӧ позьӧ босьтны сӧмын вит мортӧс.
Водзын вӧлі дас.
Но позянлунъяс эмӧсь, результатъясыс менам, чайта, бурӧсь.
Колӧ сӧмын республикалӧн отсӧг», — висьталіс Мария Андреева Коми Республикаса Юралысьлы.
«Быть отсалам.
Ӧд Тіян ыджыд позянлунъяс.
Но медшӧрыс — Ті асланыд примерӧн, вермӧмъясӧн да спортын шедӧдӧмторъясӧн ышӧданныд быдмысь войтырӧс занимайтчыны спортӧн.
Тайӧ зэв колана — кыскыны челядьӧс спортӧ.
И тані ми Тіян вылӧ кутам ыджыд лача», — пасйис Владимир Уйба.
Европаса Первенствоын вермысь вӧзйис пыртны вежсьӧмъяс «Медвылыс вермӧмъяса спорт юкӧнын Коми Республикаса торъя стипендияяс йылысь» Коми Республикаса Веськӧдлан котырлӧн шуӧмӧ.
Документнас урчитӧма стипендияяс спортсменъяслы — Коми Республикаса сборнӧй командаясӧ пырысьяслы Олимпийскӧй, Паралимпийскӧй, Сурдлимпийскӧй ворсӧмъяс вылын, мирса Чемпионат да мирса Кубоклӧн этапъяс вылын ыджыд вермӧмъясысь.
Мария Андреева чайтӧ, мый тайӧ лыддьӧгас колӧ содтыны Европа тшупӧда ордйысьӧмъяс.
«Спортын вермӧмъяс серти Европа ёна вылын мирса Кубоклӧн этап серти.
Сы вӧсна мый этапыс Кубокын вермас лоны кӧть дас.
Таысь кындзи, миян спорт сикасын мирса Кубоклӧн этапъяс абуӧсь.
Миян бӧрйысьӧмыс мунӧ Россия пыр.
Россия ме верми, Европа верми, а тайӧ положение улас ог веськав.
Меным тайӧ стипендияыс вӧлі эськӧ зэв бур отсӧгӧн», — шуис Мария Андреева.
Владимир Уйба тшӧктіс Коми Республикаса спорт министерстволы видлавны позянлун пыртны вежсьӧмъяс лӧсялана Шуӧмӧ.
{Kodko (комиӧдіс Kodko) @ Экспертъяс бура донъялісны Коми Республикаса онкологическӧй службалысь сӧвмӧмсӧ @ выльтор @ https://rkomi.ru/news/1434 @ 2021-10-19 @}
Экспертъяс бура донъялісны Коми Республикаса онкологическӧй службалысь сӧвмӧмсӧ
Тадзи висьталісны Онкология медицина боксянь туялан Н. Н. Петров нима национальнӧй шӧринса специалистъяскӧд Коми Республикаса Веськӧдлан котырӧн Юрнуӧдысьӧс вежысь Лариса Карачёвалӧн юрнуӧдӧм улын сӧвещание дырйи.
Сёрнитанторнас лоисны Комиын онкология служба серти прӧверкалӧн бӧртасъяс, кутшӧмӧс нуӧдіс Н. Н. Петров нима онкология шӧринса специалистъяслӧн котыр (Санкт-Петербург).
Экспертъяс видзӧдлісны Республиканскӧй онкология диспансерлысь, а сідзжӧ неважӧн лӧсьӧдӧм Сыктывкарса 3 №-а поликлиника да Эжва карса поликлиника бердын амбулаторнӧй онкологическӧй отсӧг сетан шӧринъяслысь удж.
Видеоконференция пыр сӧвещание вылын Н. Н. Петров нима онкология шӧринса экспертъяс висьталісны Комиын онкологическӧй службалӧн ӧткымын уджалан нырвизь йылысь.
Сідз, найӧ пасйисны хирургическӧй онкология службалӧн удж ногтуйлысь содӧм.
Талы отсалӧ выль оборудование, мый воӧ Республиканскӧй онкология диспансерӧ.
Экспертъяслӧн кывъяс серти, вӧчӧма ыджыд удж лучевӧй диагностика юкӧн оборудуйтӧмын.
Пасйисны лучевӧй терапияын бурторъяс: воӧ ӧнія медтехника, коллективыс уджалӧ грамотнӧя, зэв бура.
Бурлань вежсьӧмъяс тӧдчӧны и химиотерапияын.
Комиын специалистъяс вӧдитчӧны терапиялӧн татшӧм ӧнія сикасъясӧн, кыдзи иммуннӧй да таргетнӧй.
Тӧдчымӧн бурмис и лекарственнӧй терапия: вӧдитчӧны лекарственнӧй препаратъяс назначитан ӧнія схемаясӧн.
— Медицина боксянь туялан национальнӧй шӧринъяссянь татшӧм кураторствоыс сетӧ позянлун видзӧдлыны мӧдарсянь да донъявны миян медицина службаяслысь уджсӧ.
Нимкодь вӧлі кывны бур кывъяс Республиканскӧй онкология диспансерын бурдӧдан тшупӧд серти, миян врачьясӧн уджсӧ бура тӧдӧм серти, — пасйис Лариса Карачёва.
— Аудитлӧн мыччӧдъяс подув вылын лоӧ лӧсьӧдӧма вӧзйӧмъяс онкология службаяслысь удж бурмӧдӧм серти.
Но талун нин Санкт-Петербургса экспертъяс гӧгӧрвоӧдісны, кутшӧм нырвизьын колӧ сӧвмыны.
Верктуя могъяс лыдын — Сыктывкарын, Эжваын, Ухтаын да Воркутаын восьтӧм амбулаторнӧй онкология шӧринъясын уджалысь кадръясӧс велӧдӧм да мӧд нога распределитӧм.
Сетӧма вӧзйӧмъяс Республиканскӧй онкология диспансерын МРТ аппарат отсӧгӧн видлалӧмъяслысь лыдсӧ содтӧм серти.
Эм мый вылын уджавны и онковисьӧмъяс водз диагностируйтӧм серти.
Кыдзи тӧдчӧдіс республикаса Веськӧдлан котырӧн Юрнуӧдысьӧс вежысь, Шӧринса специалистъяслӧн индӧдъясыс отсалӧны онкология службаын уджалысь миян врачьяслы сетны медицина отсӧг Коми Республикаса олысьяслы.
Сідзжӧ зэв тӧдчанаӧсь телемедицина консультацияяс, кутшӧмъясӧс нуӧдӧны сьӧкыд клиническӧй случайясын.
Удж серти ёртасьӧмын нӧшта ӧти тӧдчанаторйӧн лоӧ Н. Н. Петров нима онкология шӧринлӧн подув вылын Комиысь врачьяслысь уджсикасын тӧдӧмлунъяссӧ содтыны позянлун.
{Kodko (комиӧдіс Kodko) @ Коми Республикаса Юралысьлӧн Администрация нуӧдіс министерствоясӧс да ведомствоясӧс петкӧдлысьяслы квалификация кыпӧдан курсъяс @ выльтор @ https://rkomi.ru/news/1436 @ 2021-10-19 @}
Коми Республикаса Юралысьлӧн Администрация нуӧдіс министерствоясӧс да ведомствоясӧс петкӧдлысьяслы квалификация кыпӧдан курсъяс
Коми Республикаса Юралысьлӧн Администрация Регионӧн веськӧдлан шӧринкӧд ӧтув нуӧдіс олӧмӧ пӧртысь власьт органъясса да меставывса асвеськӧдлан органъясса уджалысьяслы квалификация кыпӧдан уджтас.
Канму службаӧ да веськӧдлыны велӧдан Коми Республикаса академияын прӧйдитісны «Общественносьткӧд да йӧзӧс юӧртан средствояскӧд канму органъяслӧн йитӧд кутӧмкӧд йитчӧм юалӧмъяс» тема серти квалификация кыпӧдан курсъяс.
Велӧдчӧмын участвуйтіс власьт органъясса 20 специалист.
Уджтаслӧн медводдза лунӧ кывзысьясыс велӧдысь, «Комиын PR ӧтмунӧм» велӧдан проектӧн веськӧдлысь Эльвира Илатовскаякӧд ӧтув тӧдмасисны канму PR-лӧн модельӧн, туялісны коммуникациялысь схема, классифицируйтісны олысьясӧс юӧртӧмлысь да йӧзкӧд воча йитӧд кутӧмлысь формаяс.
Материалсӧ туялӧмын медшӧрӧн лоӧ юӧртан поле моделируйтӧм власьт органлӧн тшупӧд серти — кар кытшса администрация, район, муниципальнӧй сӧвет да министерство.
Группаясын уджыс помасис проектъяс бура дорйӧмӧн.
Велӧдчӧмлӧн мӧд лунӧ курсъяс дырйи спикеръясӧн да экспертъясӧн вӧлісны Коми Республикаын Регионӧн веськӧдлан шӧринса юрнуӧдысьӧс вежысь Дмитрий Крупко да РВШ-са специалистъяс.
«Ӧтуввез-коммуникацияяс юкӧнын канму да муниципальнӧй служащӧйяслысь квалификация кыпӧдӧм — регионса РВШ-лӧн медшӧр могъясысь ӧти.
Квалификация кыпӧдан уджтасын ми участвуйтам медводдзаысь да водзӧ кӧсъям нуӧдны ӧтувъя удж регионса вузъяскӧд», — юксис велӧдӧм йылысь мӧвпъясӧн Дмитрий Крупко.
Регионӧн веськӧдлан шӧринса экспертъяс тӧдмӧдісны кывзысьясӧс став тшупӧда власьт органъяслӧн социальнӧй везъясын уджалан принципъясӧн, восьтісны текстӧн, гражданалӧн юӧръясӧн уджалӧм да ӧтуввезйын паськӧдӧм серти юалӧмъяс.
«Коми Республикаса регионӧн веськӧдлан шӧрин лӧсьӧдіс дженьыд да ставлы гӧгӧрвоана уджтас.
Татшӧм тренингъяссӧ позьӧ да колӧ нуӧдны накӧд, кодъяс уджалӧны нин, да накӧд, кодъяс сӧмын на кӧсйӧны уджавны социальнӧй везъясын», — пасйис квалификация кыпӧдан уджтас кывзысь, Сыктывкарса администрацияын юӧр да социальнӧй коммуникацияяс серти веськӧдланінса эксперт-аналитик Ольга Шашерина.
{Kodko (комиӧдіс Kodko) @ Владимир Уйба нуӧдіс Неминучаысь ӧлӧдӧм, найӧс бырӧдӧм да пӧжарысь видзчысьӧм серти Коми Республикаса комиссиялысь заседание @ выльтор @ https://rkomi.ru/news/1438 @ 2021-10-19 @}
Владимир Уйба нуӧдіс Неминучаысь ӧлӧдӧм, найӧс бырӧдӧм да пӧжарысь видзчысьӧм серти Коми Республикаса комиссиялысь заседание
Заседаниелӧн кывкӧртӧдъяс серти Коми Республикаса юралысь сетіс регионса Веськӧдлан котырлы ӧткымын тшӧктӧм республикаса олысьяслысь безопасносьт могмӧдӧм серти.
Коми Республикаса стрӧитчан, оланін да коммунальнӧй овмӧс министр Игорь Кузьмичев юӧртіс Коми Республикаса энергетика, оланін да коммунальнӧй овмӧс объектъяслӧн 2021–2022 воясся ар-тӧлын торкавтӧг уджавны дасьлун йылысь.
Россияса МЧС-лӧн Коми Республикаын медшӧр веськӧдланінлӧн дӧзьӧр да ӧлӧдӧм серти удж нуӧдан веськӧдланінса начальниклысь могъяс недыр кадколастӧ збыльмӧдысь Олеся Матвеева юӧртіс 2021 воын пӧжаръясысь ӧлӧдӧм да пӧжарын пӧгибнитӧмысь йӧзӧс (челядьӧс) видзӧм серти нуӧдӧм мероприятиеяс йылысь.
Коми Республикаын велӧдан организацияясса, социальнӧй юкӧнса да йӧзлысь дзоньвидзалун видзан объектъяс вылын пӧжарысь видзчысян мераяс збыльмӧдӧм йылысь докладъясӧн сёрнитісны Коми Республикаса велӧдан, наука да том йӧз политика министр Наталья Якимова, Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Елена Бударина, Коми Республикаса удж, уджӧн могмӧдан да социальнӧя доръян министр Екатерина Грибкова.
Коми Республикаса Юралысь сетіс тшӧктӧм регионса Сьӧм овмӧс министерстволы да Веськӧдлан котырлы видзӧдлыны дзоньвидзалун видзан учреждениеясын ӧпастӧмлуна условиеяс лӧсьӧдӧм серти мероприятиеяс сьӧмӧн могмӧдӧм йылысь республикаса Йӧзлысь дзоньвидзалун видзан министерстволысь заявкасӧ.
Тайӧ сьӧмсӧ веськӧдасны пӧжар йылысь юӧртан автоматическӧй системаяс, юӧртан да эвакуацияӧн веськӧдлан системаяс вежӧм, гора юӧртан автоматическӧй системаясӧн могмӧдӧм, петанінъяс оборудуйтӧм, пӧжарысь доръян системаяс вежӧм вылӧ.
Республикаса Велӧдан, наука да том йӧз политика министерстволы, Удж, уджӧн могмӧдан да социальнӧя доръян министерстволы да Йӧзлысь дзоньвидзалун видзан министерстволы тшӧктӧма водзӧ нуӧдны удж учреждениеяссӧ, кӧні йӧзыс олӧны сутки чӧж, кутшӧмъяс меститчӧны сотчытӧмлун серти улыс тшупӧда стрӧйбаясын, вуджӧдны сотчытӧмлун серти вылыс тшупӧда стрӧйбаясӧ, кутшӧмъяс лӧсялӧны урчитӧм корӧмъяслы.
«Медводз кӧсъя шыӧдчыны республикаса Веськӧдлан котыр да муниципальнӧй юкӧнъясӧн юрнуӧдысьяс дорӧ.
Эмӧсь юалӧмъяс, кутшӧмъясӧс оз позь кольны дыр кадколаст кежлӧ.
Татчӧ пырӧны миян олысьяслӧн — челядьлӧн, вермытӧм да висьысь йӧзлӧн, социальнӧй пациентъяслӧн безопасносьт серти юалӧмъяс.
Та вӧсна кора менам кывъяс дорӧ относитчыны кывкутӧмӧн.
Став мог серти, кутшӧмъясӧс ме сувтӧді Веськӧдлан котыр да Сьӧм овмӧс министерство водзын, примитны нюжмасьны позьтӧм помшуӧмъяс да юӧртны меным», — шуис заседаниелӧн кывкӧртӧдъяс серти Владимир Уйба.
{Kodko (комиӧдіс Kodko) @ Комиын олысьяс вермасны бӧрйыны, кытчӧ нюжӧдны 4G мобильнӧй связь @ выльтор @ https://rkomi.ru/news/1440 @ 2021-10-20 @}
Комиын олысьяс вермасны бӧрйыны, кытчӧ нюжӧдны 4G мобильнӧй связь
Канму услугаяс портал вылын заводитчис гӧлӧсуйтӧм олан пунктъяс вӧсна, кутшӧмъясӧс 2022 воын йитасны ыджыд ӧда ӧтуввез дорӧ.
Гӧлӧсуйтӧм вылӧ формаа https://www.gosuslugi.ru/inet торъя юкӧд восьса нин.
Медым Коми Республикаса грезд, посёлок либӧ сикт лоис йитӧма 4G (LTE) мобильнӧй связь дорӧ, колӧ гӧлӧсуйтны на вӧсна Канму услугаяс портал вылын 2021 вося вӧльгым тӧлысь 15 лунӧдз.
Пасъям, мый гӧлӧсуйтігӧн лыддьӧны сӧмын олан пунктъяс, кӧні олӧ 100 — 500 морт.
Участвуйтӧм вылӧ колӧ Канму услугаяс портал вылын вынсьӧдӧм учётнӧй гижӧд да Коми Республикаын пырся регистрация.
Сідзжӧ эм позянлун ыстыны письмӧ Россияса цифра отсӧгӧн сӧвмӧдан, йитӧд да юӧр сетан министерствоӧ татшӧм инпас серти: 123112, Москва к., Пресненскӧй наб., 10 к., 2 стр.
Письмӧын колӧ индыны ОНВ, регистрация инпас да олан пунктлысь ним, кытчӧ колӧ нюжӧдны связь.
Кык тӧлысь мысти Канму услугаяс портал вылын йӧзӧдасны лыддьӧг, кытчӧ пырасны Россия пасьтала 2000 олан пункт, кутшӧмъясӧс йитасны ӧтуввез дорӧ мӧд во.
Гӧлӧсуйтӧм вылӧ Канму услугаяс портал вылын уджалӧ воча йитӧда платформа.
Платформаыс сетӧ позянлун дженьыд кадколастъясӧ чукӧртны гражданасянь воча юӧр, оперативнӧя артавны гӧлӧсуйтӧм серти кывкӧртӧдъяссӧ.
Коми Республикаса олан пунктъяслысь, кӧні олӧ 100–500 морт, лыддьӧгсӧ содтӧма.
{Kodko (комиӧдіс Kodko) @ Владимир Уйба юӧртіс уджтӧмалысьяслы выль проект йылысь @ выльтор @ https://rkomi.ru/news/1442 @ 2021-10-20 @}
Владимир Уйба юӧртіс уджтӧмалысьяслы выль проект йылысь
Республикаса Юралысь вӧзйис кар-районъясын олысьяслы, кодъяс окотитӧны велӧдчыны выль уджсикасӧ, дон босьттӧг тӧлысь да джын велӧдчыны регионын торъя колана специальносьтъясӧ.
«Демография» национальнӧй проектлӧн «Йӧзӧс уджӧн могмӧдӧмын отсӧг» федеральнӧй уджтас серти Коми Республикаын збыльмӧдсьӧ выль велӧдан проект.
«Найӧ, кодъяс талунъя лун вылӧ оз уджавны, вермӧны гижӧдчыны выль специальносьтъясӧ дон босьттӧг велӧдчӧм вылӧ.
Велӧдчӧны очнӧя: Ухтаын.
Овнысӧ сэн лоас кӧні.
Котыртысь — УКТУ содтӧд уджсикасӧ велӧдан институт — сетас мӧдлаысь локтӧмаяслы оланін», — пасйис регионса олысьяс дорӧ видео пыр шыӧдчӧмын Владимир Уйба.
Ухтаӧ вермасны локны Комиын олысьяс.
Найӧ, кодъяслӧн абу удж; кодъяс уджалӧны, но кӧсйӧны вежны уджсӧ; велӧдчысьяс; пенсияӧдз арлыда йӧз да пенсионеръяс.
А сідзжӧ — кагаӧс 3 арӧс тыртӧдз дӧзьӧритысь аньяс да аньяс, кодъяс оз уджавны, быдтӧны школаӧдз арлыда челядьӧс.
Уджтасӧ пырӧ 17-ысь унджык уджсикас: бурильщиклӧн отсасьысь, мусир да биару перйӧм серти оператор, плитка тэчысь, плӧтник, пусьысь, парикмахер…
Нырвизьяссӧ бӧрйӧма регионса уджалан рынокын коланлунъяс серти.
Велӧдчӧм бӧрын выль проектын участвуйтысьяслӧн лоас унджык позянлун аддзыны удж.
А сідзжӧ — босьтны ас вылӧ уджалысьлысь статус, кор помалысьяс восьтасны ассьыныс удж.
* * *
Велӧдчӧмыс заводитчас йирым тӧлысь помын.
Колӧ водзвыв гижӧдчыны.
Юӧрӧн позьӧ тӧдмасьны Ухтаын татшӧм номеръяс серти: 8 (8216) 738–714; 8 (929) 205–15–02, а сідзжӧ https://idpo.ugtu.net/course/besplatnoe_obuchenie/ сайтын.
{Kodko (комиӧдіс Kodko) @ Лариса Карачёва видзӧдліс, кыдзи пӧртӧны олӧмӧ «Йӧзлысь дзоньвидзалун видзӧм» национальнӧй проект @ выльтор @ https://rkomi.ru/news/1444 @ 2021-10-20 @}
Лариса Карачёва видзӧдліс, кыдзи пӧртӧны олӧмӧ «Йӧзлысь дзоньвидзалун видзӧм» национальнӧй проект
Комиын национальнӧй проект збыльмӧдӧм йылысь республикаса Веськӧдлан котырӧн Юрнуӧдысьӧс вежысь Лариса Карачёвалы юӧртісны Стрӧитчан да Йӧзлысь дзоньвидзалун видзан министерствоясӧс петкӧдлысьяс.
Национальнӧй проект збыльмӧдӧм бӧрся видзӧдӧны регионса Юралысь Владимир Уйбалӧн тшӧктӧм серти.
«Йӧзлысь дзоньвидзалун видзӧм» нацпроектлӧн мог — вӧчны медицина отсӧгсӧ йӧзлы судзсянаджыкӧн да кыпӧдны сылысь ногтуйсӧ, 2021 воын федеральнӧй да республиканскӧй сьӧмкудъясысь та вылӧ вичмӧдӧма 1,2 миллиард шайт.
Уджсӧ нуӧдӧны регионса сизим проект серти: первичнӧй медико-санитарнӧй отсӧг сетӧмсӧ сӧвмӧдӧм, сьӧлӧм да вир сӧн висьӧмъясысь бурдӧдӧм, онкология висьӧмъясысь бурдӧдӧм, челядьлысь дзоньвидзалун видзӧмсӧ сӧвмӧдӧм, медицина организацияясӧс квалифицируйтӧм кадръясӧн могмӧдӧм, йӧзлысь дзоньвидзалун видзӧмын ӧтувъя цифрӧвӧй контур лӧсьӧдӧм, медицина услугаяс экспортируйтӧмсӧ сӧвмӧдӧм.
Сӧвещание дырйи Йӧзлысь дзоньвидзалун видзан министерство юӧртіс, мый нацпроект збыльмӧдӧм серти кырымалӧма 960 млн шайт мында вылӧ контрактъяс (урчитӧм сьӧмысь 80%) оборудование вайӧм, дзоньтасян уджъяс нуӧдӧм вылӧ да с.в.
Сӧвещание дырйи торйӧн видлалісны «Первичнӧй медико-санитарнӧй отсӧг сетӧмсӧ сӧвмӧдӧм» проект.
2021 воын кӧ санавиациялӧн лэбалӧм лыдыс вӧлі ёна унджык планын урчитӧм лыд сертиыс, то поликлиникаяслысь выль модельяс лӧсьӧдӧм серти вӧлісны юалӧмъяс.
Сизим поликлиника пӧвстысь кыкыс, кодъяс таво участвуйтӧны проектын, зіля выльмӧдчӧны (Емдінса да Сыктывса районнӧй больничаяс), а мӧд витыс сӧмын на пырӧдчӧны тайӧ уджас.
Веськӧдлан котырӧн Юрнуӧдысьӧс вежысь пуктіс мог зільджыка уджавны та серти сетӧм федеральнӧй сьӧмсӧ кыдз позьӧ унджык видзӧмӧн.
Эмӧсь юалӧмъяс и фельдшер-акушер пунктъяс стрӧитӧм серти.
2021 воын Комиын урчитӧма стрӧитны 19 ФАП.
Кыдзи юӧртіс сӧвещание дырйи Стрӧитчан министерство, уджъяссӧ нуӧдӧны став объект вылын, но налӧн дасьлуныс торъялӧ.
Некымын объект вылын пӧдрадчикъяс уна сикас помка вӧсна оз кутчысьны урчитӧм кадӧ.
Стрӧитчан уджъяссӧ колӧ ӧддзӧдны Кыдзкарын, Йираёльын да Ыджыдвиддзын.
Лӧсялана тшӧктӧмъяссӧ дасьтӧны Коми Республикаса Веськӧдлан котырын.
— Колӧ тӧдчӧдны «Сьӧлӧм да вир сӧн висьӧмъясысь бурдӧдӧм» регионса проект збыльмӧдӧм серти уджсӧ.
Проект серти 2021 воын ньӧбӧма 120 единица оборудование.
На отсӧгӧн позяс диагностируйтны сьӧлӧм да вир сӧн висьӧмъяссӧ да бурдӧдны наысь, а пациентъяс вермасны босьтны вылыс тшупӧда медицина отсӧг.
Видзтӧм сьӧм тшӧт весьтӧ позяс ньӧбны нӧшта 10 единица оборудование, — тӧдчӧдіс Лариса Карачёва.
— Бурмисны и «Онкология висьӧмъясысь бурдӧдӧм» проект серти петкӧдласъясыс.
Шуам, содіс медводдза да мӧд стадияясын эрдӧдан лёк пыкӧсъяслӧн пайыс.
Такӧд ӧтвылысь колӧ бура видзӧдны пациентъясӧс, кодъяс диспансернӧй дӧзьӧр улын, ас кадӧ видлалӧм да бурдӧдӧм бӧрся.
Сӧвещание дырйи пыдісянь видлалісны йӧзлысь дзоньвидзалун видзан системасӧ квалифицируйтӧм медицина кадръясӧн могмӧдӧм серти регионса проект серти уджсӧ.
Проектын «Земскӧй доктор» федеральнӧй уджтас дорӧ содтӧд урчитӧма специалистъяслы отсӧг.
Анализируйтӧмыс петкӧдліс, мый регионса отсӧг сетан мераясыс коланаӧсь.
Тайӧ, шуам, удж вылӧ босьтігӧн тырмытӧм специальносьта врачьяслы ӧтчыдысь мынтӧм (500 сюрс шайт), шӧр медицина специалистъяслы мынтӧмъяс (350 сюрс шайт), контракт подув вылын студентъясӧс велӧдӧм.
Та вылӧ видзӧдтӧг, республикаысь мунысь медицина кадръяслӧн лыдыс век на вевтыртӧ лыдсӧ налысь, кодъяс локтӧны уджавны Коми Республикаса канму медицина организацияясӧ.
— Миян мог — абу сӧмын велӧдны студентъяс-целевикъясӧс, ышӧдны уджавны врачьясӧс канму системаын.
Колӧ кутны сійӧ специалистъяссӧ, кодъяс уджалӧны нин дзоньвидзалун видзан юкӧнын.
Найӧ ёна колӧны миянлы.
Быд врачкӧд, быд медсестракӧд колӧ уджавны.
Кора, медым медицина организацияӧн став веськӧдлысьыс пуктісны мог кыдз позьӧ унджык видзны кадръясӧс, — тӧдчӧдіс Лариса Карачёва Коми Республикаса йӧзлысь дзоньвидзалун видзан министерствоӧс петкӧдлысьяс дорӧ шыӧдчигӧн.
{Kodko (комиӧдіс Kodko) @ Владимир Уйба висьталіс Владимир Путинлы Комиын авиация сӧвмӧдӧм серти вӧзйӧмъяс @ выльтор @ https://rkomi.ru/news/1445 @ 2021-10-21 @}
Владимир Уйба висьталіс Владимир Путинлы Комиын авиация сӧвмӧдӧм серти вӧзйӧмъяс
Йирым тӧлысь 19 лунӧ Коми Республикаса Юралысь Владимир Уйба ВКС пыр пырӧдчис Россиялӧн Каналан Сӧветса Президиумлӧн заседаниеӧ, кодӧн веськӧдліс Россияса Президент Владимир Путин.
Заседание дырйи видлалӧма 2030 воӧдз да 2035 воӧдз прогнозӧн страналысь транспортнӧй стратегия бала.
Сійӧс дасьтӧма Россияӧс сӧвмӧдан национальнӧй шӧр могъяс да стратегическӧй могъяс серти.
Документын лоас тӧд вылӧ босьтӧма транспорт услугаяс серти рынокӧ быд пырӧдчысьлысь, медводз Россияса гражданалысь, кодъяс олӧны каръясын да сиктъясын, странаса ылі да сьӧкыда воӧдчан районъясын, экономическӧй интересъяссӧ.
Стратегия балалӧн подулын кык концепт.
Медводдзаыс — подув транспорт вез, кутшӧмӧс 2035 воӧдз странаын артмӧдасны демография, экономика, социальнӧй да мукӧд условие тӧд вылӧ босьтӧмӧн.
Мӧдыс — сійӧ, кыдзи тайӧ везйӧд транспортыс кутас новлӧдлыны пассажиръясӧс да грузъяс.
Заседание восьтігӧн Россияса Президент Владимир Путин индіс ичӧт авиация сӧвмӧдан юалӧмъяс, кутшӧмъяс торйӧн нин тӧдчанаӧсь Коми Республикалы да арктикаса мукӧд регионлы.
«Колӧ паськӧдны регионпытшса авиация маршрутъяс, ӧнъяӧдны ичӧт аэропортъяс, выльмӧдны тайӧ рейсъяс вылысь самолётъяссӧ.
Гражданалы лоас кокньыдджык лэбавны ичӧт авиация отсӧгӧн», — пасйис Россияса Президент.
Коми Республикаса Юралысь Владимир Уйба, коді пырӧ Россия Федерацияса Каналан Сӧветлӧн Президиумӧ, сетіс некымын вӧзйӧм.
Регионса Юралысь вӧзйис выль пӧв видлавны транспорт безопасносьт ладмӧдан Россия Федерацияса оланпастэчас.
2019–2020 воясӧ сійӧ ёна вежсис, тшӧтш и сынӧдті ветлан транспорт вылын.
Кыдзи пасйис Владимир Уйба, талун кежлӧ Коми Республикаса сьӧкыда воӧдчан 184 сикт-грездӧ, кутшӧмъяс пырӧны Россияса Арктика зонаӧ, позьӧ воӧдчыны сӧмын сынӧдті.
А транспорт безопасносьт юкӧнын выль корӧмъяс вӧсна транспорт юкӧнса субъектъяс воштасны уна сьӧм.
«Босьтны кӧ тӧд вылӧ мувывса инфраструктуралысь серпассӧ да ичӧт аэропортъяслысь убыткаяссӧ, «Комиавиатранс» регионса авиаперевозчиклӧн талун абу позянлуныс, медым могмӧдны аэропортъяссӧ транспорт безопасносьт средствоясӧн.
Такӧд йитӧдын вӧзъя выльысь видлавны сынӧдті ветлан транспорт дорӧ корӧмъяссӧ, ӧттшӧтш ладмӧдны авиация да транспорт безопасносьт юкӧнын корӧмъяссӧ.
Тайӧ сетас позянлун водзӧ уджавны Россияса ичӧт, но йӧзлы зэв колана аэропортъяслы да чинтыны найӧс видзӧм вылӧ рӧскодсӧ», — пасйис Владимир Уйба.
Ставнас республикаын уджалӧ 7 аэропорт комплекс (Сыктывкар, Воркута, Усинск, Ухта, Печора, Инта каръясын да Чилимдін сиктын).
Воркутаын аэропорт комплекссӧ колӧ выльмӧдны.
Аэродромлысь лэбзян-пуксян полосасӧ пыртӧма уджӧ 1968 воӧ.
Бӧръяысьсӧ выльмӧдӧма 1975 воӧ.
«Воркута» аэровокзаллысь зданиесӧ, кӧні час чӧжӧн вермӧ мунны 100 морт, стрӧитӧма 1961 воӧ.
Республикалӧн да регионса авиаперевозчиклӧн, коді лоӧ аэропортса операторӧн, выльмӧдӧм вылӧ сьӧмыс абу.
Сы могысь, медым «Воркута» аэропортсӧ эз пӧдлавны да лӧсьӧдісны нормаяс серти, Владимир Уйба шыӧдчис канмуса юралысь дорӧ аэропортсӧ федеральнӧй эмбурӧ вуджӧдӧм йылысь вӧзйӧмӧн.
Таысь кындзи, Коми Республикаса Юралысь вӧзйис видлавны, эм-ӧ позянлун Россия Федерацияса Веськӧдлан котырлӧн Резервнӧй фондысь вичмӧдны сьӧм, медым отсавны «Комиавиатранс» регионса авиапредприятиелы, сійӧ оз сӧмын новлӧдлы сьӧкыда воӧдчан войвыв муниципалитетъясӧ да отсав Коми Республикаса сизим аэропортлӧн уджлы, но и збыльмӧдӧ санитарно-авиационнӧй эвакуация серти лэбалӧмъяс, сетӧ самолёт-вертолётъяс да экипаж, медым видзӧдны вӧрса пӧжаръяс бӧрся, да могмӧдӧ уджӧн 1700 мортӧс.
«Бур.
Зільмӧдчам босьтны тӧд вылӧ Тіянлысь вӧзйӧмъясныдтӧ», — вочавидзис Россияса Президент Владимир Путин.
{Kodko (комиӧдіс Kodko) @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/1446 @ 2021-10-21 @}
Владимир Уйба примитіс гражданаӧс ас сёрниӧн
Уськӧдам тӧд вылӧ, Коми Республикаса Юралысь пыр подув вылын примитӧ гражданаӧс ас сёрниӧн.
Ӧні регионса олысьяс шыӧдчисны сы дорӧ олан условиеяс бурмӧдӧм, «Демография» национальнӧй проект збыльмӧдӧм, школаӧдз велӧдан аспом учреждениеяс восьтыны отсалӧм серти юалӧмъясӧн.
Ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяс решитӧм могысь, кутшӧмъясӧс регионса олысьяс индісны Коми Республикаса Юралысьлы.
{Kodko (комиӧдіс Kodko) @ Коми Республика лоис Россияса эзысь сикӧтшлӧн юркарӧн @ выльтор @ https://rkomi.ru/news/1449 @ 2021-10-21 @}
Коми Республика лоис Россияса эзысь сикӧтшлӧн юркарӧн
Санкт-Петербургын йирым тӧлысь 21 лунӧ нуӧдісны «Россиялӧн эзысь сикӧтш» проект серти форум.
Мероприятиеын медшӧр лоӧмторйӧн лоис «Россиялӧн эзысь сикӧтшлысь» символ Ленинград обласьтсянь Коми Республикалы сетӧм.
«Тӧдчана да венласьны вермана туристическӧй маршрутъяс проектируйтӧм» форумлӧн пленарнӧй заседаниеын участвуйтісны Карелиялӧн туризм серти веськӧдланінса начальникӧс вежысь Мария Кушнир, Коми Республикаса культура, туризм да архив удж министрӧс медводдза вежысь Константин Баранов, Туристъяслы юӧртан организацияяслӧн национальнӧй ассоциацияса президент Михаил Ушаков, «Саридзса да ювывса юӧртан системаяс» ИКК-ӧн юрнуӧдысь Денис Новоселов, Россияса туроператоръяслӧн ассоциацияса олӧмӧ пӧртысь директор Майя Ломидзе.
Участвуйтысьяс висьталісны, кыдзи кыпӧдны регионъяслысь туризмын позянлунъяссӧ.
Мӧд юкӧнын «Россиялӧн эзысь сикӧтшын» участвуйтысь регионъяс петкӧдлісны регионкостса турмаршрутъяс дасьтӧм да кыпӧдӧм серти Рытыв-Войвыв федеральнӧй кытшса субъектъяслысь кейсъяс, сёрнитісны «Россиялӧн эзысь сикӧтш» серти маршрутъяс сӧвмӧдан мытшӧдъяс да водзӧ могъяс йылысь.
Ленинград обласьтсянь Коми Республикалы юркарлысь символ сетан кыпыд церемониясӧ сигӧртіс туристскӧй форум.
Мероприятие вылӧ волысьясӧс чолӧмаліс Ленинград обласьтын культура да туризм серти комитетӧн веськӧдлысь Евгений Чайковский да Коми Республикаса Веськӧдлан котырӧн Юрнуӧдысьӧс вежысь Галина Габушева.
Ленинград обласьтын культура да туризм серти комитетӧн веськӧдлысь Евгений Чайковский казьтыштіс волысьяслы, мый «Россиялӧн эзысь сикӧтш» проектлӧн юркарӧн быдса кык во вӧлі Старая Ладога сикт.
«Ми медводдзаясӧн лоим «Эзысь сикӧтшлӧн» юркарӧн.
Старая Ладога — тайӧ сикт.
Но сылӧн сэтшӧм важ историяыс, мый весиг унджык карыс вежалісны эськӧ, — тӧдчӧдіс Евгений Чайковский.
— Ми колана ногӧн коллялім тайӧ кык восӧ, кӧть и колӧ вӧлі символсӧ сетны во сайын нин, но вирусыс ставсӧ торкис.
Талун ми сетам «Эзысь сикӧтшлысь» символсӧ бур, мича киясӧ».
Ӧні фарфорысь жемчужина кодь символическӧй трофей мӧдӧдчас Чилимдін войвывса сиктӧ — важ роч культура да традицияяс видзан паныдасьлытӧм шӧринӧ.
Коми Республикаса Юралысь Владимир Уйбалӧн нимсянь проект котыртысьясӧс аттьӧаліс Коми Республикаса Веськӧдлан котырӧн Юрнуӧдысьӧс вежысь Галина Габушева.
«Ме кӧсъя аттьӧавны проект котыртысьясӧс сыысь, мый буретш Коми Республикалы 100 во тыран воӧ найӧ тӧдчӧдісны республиканымӧс да Чилимдін лоис «Россиялӧн эзысь сикӧтш» проектлӧн юркарӧн.
Тайӧ зэв аслыспӧлӧс район.
Республика таво пасйӧ сё во тырӧмсӧ, а Чилимдінлы локтан воӧ тырас 480 во.
Миян планируйтӧма зэв уна проект.
Гашкӧ, ӧти воӧн ставсӧ вӧчны огӧ удитӧй, — шмонитыштіс Галина Габушева.
— Мед нин пандемияыс помасяс да миян лоас ыджыд праздник.
Локтӧй миянӧ!
Ми ставныдтӧ окотапырысь примитам!»
«Россиялӧн эзысь сикӧтш» — регионкостса туристскӧй проект, мый артмӧ маршрутъясысь, кутшӧмъяс ӧтувтӧны Россиялысь Рытыв-Войвывса историческӧй каръяс, областнӧй шӧринъяс, гырысь олан пунктъяс, кӧні ӧнӧдз на видзӧны паныдасьлытӧм история да культура памятникъяс, а сідзжӧ ЮНЕСКО Ставмирса наследие лыддьӧгӧ пырысь вӧр-ва объектъяс.
«Россиялӧн эзысь сикӧтш» ӧтувтӧ 11 субъект, кутшӧмъяс пырӧны Россия Федерацияса Рытыв-Войвыв федеральнӧй кытшӧ: Санкт-Петербург кар, Ленинград, Архангельск, Вологда, Калининград, Мурманск, Псков, Новгород обласьтъяс, Карелия да Коми Республикаяс, а сідзжӧ Ненеч асвеськӧдлан кытш.
{Kodko (комиӧдіс Kodko) @ Владимир Уйба тшӧктіс паськӧдны война кадся йӧзлы Комиын социальнӧй отсӧг сетан мераяс @ выльтор @ https://rkomi.ru/news/1450 @ 2021-10-22 @}
Владимир Уйба тшӧктіс паськӧдны война кадся йӧзлы Комиын социальнӧй отсӧг сетан мераяс
Республикаса Юралысь юӧртіс та йылысь йирым тӧлысь 21 лунӧ «Вермӧм» республиканскӧй оргкомитетлӧн заседание дырйи.
«И министръяслы, и мэръяслы колӧ ёнджыка тӧждысьны олӧма йӧз вӧсна.
Миян пӧльяс да пӧчьяс — геройяс, найӧ дорйисны странаӧс фашизмысь.
Миянлы быть колӧ мӧвпавны сы йылысь, мый ми вермам вӧчны ветеранъяслы, медым налӧн олӧмыс вӧлі кокньыдджык да лӧсьыдджык», — пасйис Владимир Уйба.
Регионса Юралысь тшӧктіс республикаса Веськӧдлан котырлы 2022 восянь дон босьттӧг сетны социальнӧй отсӧг тылса уджалысьяслы, фашист лагеръясса узникъяслы да кытшовтӧм Ленинградса олысьяслы.
Татшӧм корӧмӧн Мылдін районса ветеранъяс шыӧдчисны Владимир Уйба дорӧ аддзысьлігӧн, кор тавося моз тӧлысьӧ республикаса Юралысь воліс удж серти.
Тайӧ жӧ аддзысьлӧм дырйи вӧлі вӧзйӧма водзӧ бурмӧдны ветеранъяслысь да олӧма йӧзлысь дзоньвидзалунсӧ Киров обласьтса «Колос» санаторийын.
Владимир Уйба тшӧктіс республикаса Веськӧдлан котырлы котыртны колана удж 2022 воӧ тайӧ проектсӧ збыльмӧдӧм серти.
Тылса уджалысьяслы быд во Вермӧмлӧн лун кежлӧ кутасны сетны 3 сюрс шайт мындаын республиканскӧй мынтӧм.
Казьтыштам, колян во сійӧс кыпӧдісны куим пӧв (1-сянь 3 сюрс шайтӧдз).
Водзӧ кутасны нуӧдны тылса уджалысьяслысь, Айму вӧсна Ыджыд тышса дӧваяслысь да фашист лагеръясса узникъяслысь оланінъяс дзоньталӧм серти удж.
Таво регионса Юралысьлӧн тшӧктӧм серти обследуйтӧма «война кадся челядьлысь» оланінъяссӧ.
Мониторинг бӧрын пасйӧма, мый колӧ дзоньтавны 1000-ысь унджык керка да патера.
Владимир Уйба тшӧктіс республикаса Веськӧдлан котырлы локтан во кежлӧ вичмӧдны сьӧм да котыртны удж тайӧ олан жыръяссӧ дзоньталӧм могысь.
«Ветеранъяс — абу сӧмын олӧма йӧз.
Найӧ — миян войтырлысь история видзысьяс.
Быд во найӧ кольӧны пыр этшаджыкӧн и этшаджыкӧн.
Такӧд йитӧдын миян ӧтувъя мог — тӧждысьны на вӧсна.
Колӧ вӧчны ставсӧ, медым миян пыдди пуктана ветеранъяслы сетісны бур медицина, социальнӧй отсӧг, медым найӧ олісны лӧсьыд условиеясын», — пасйис Владимир Уйба.
Сідзжӧ заседание дырйи сёрнитісны сы йылысь, кыдзи республикаын видзӧны Айму вӧсна Ыджыд тыш, миян землякъяс-геройяс йылысь историческӧй паметьсӧ.
Тайӧ юкӧнын Кӧрткерӧс районлӧн уджаланногыс шуӧма медбурӧн да мукӧд муниципалитетлы тшӧктӧма уджавны татшӧм жӧ ногӧн.
Примитӧма помшуӧм 2022 во помӧдз паспортизируйтны Айму вӧсна Ыджыд тышса ветеранъяслысь гу местаяс.
{Kodko (комиӧдіс Kodko) @ Коми Республикаса Юралысь лӧсьӧдіс социальнӧй везъясын выль аккаунтъяс @ выльтор @ https://rkomi.ru/news/1451 @ 2021-10-22 @}
Коми Республикаса Юралысь лӧсьӧдіс социальнӧй везъясын выль аккаунтъяс
Коми Республикаса Юралысь Владимир Уйба лӧсьӧдіс кык выль аккаунт, кӧні висьталӧ кар-районъясса олысьяслы аслас удж да ас йывсьыс.
Инстаграмын «glavakomiuyba» выль аккаунтӧ позьӧ пырны татшӧм ыстӧг пыр: https://www.instagram.com/glavakomiuyba/?utm_medium=copy_link
Таысь кындзи, регионса юрнуӧдысь восьтіс Телеграмм мессенджерын «Глава Коми Уйба» канал: https://t.me/glavakomiuyba
— Тайӧ аккаунтъясын висьтала сы йылысь, мый оз петкӧдлыны менам удж йылысь юӧртігӧн.
Сідз, колян шойччан лунӧ йӧзӧді пикӧд шойччыны ветлӧм йылысь видео, а вежон чӧжӧн — удж йылысь выльторъяс, — пасйис Коми Республикаса Юралысь.
— Уна губернатор вӧчӧ тадзи.
Ме тшӧтш лыддя, мый колӧ кутны йитӧд республикаса олысьяскӧд ӧтуввез пыр: официальнӧй да абу официальнӧй аккаунтъяс сетӧны позянлун йӧзлы, кодъяс кӧсйӧны унджык тӧдны регионӧн веськӧдлӧм йылысь, тӧдмавны, мый вӧчсьӧ талун.
Владимир Уйбалӧн выль аккаунтъясысь позьӧ тӧдмавны сы йылысь, мыйла абу став мэрыс дасьӧсь видзны школаӧ ветлан туйяс дзоньталӧм вылӧ сьӧмсӧ, кыдзи регионса Юралысьлӧн пырӧдчӧм бӧрын Усинскын ладмӧдӧма школаын вердӧмкӧд йитчӧм инцидентсӧ, кутшӧм выль пӧлӧс отсӧг дасьтӧма Вуктыллы, медым бырӧдны ломтысян кадколасткӧд йитчӧм мытшӧдъяссӧ да с.в.
Социальнӧй везъясын водзынджык лӧсьӧдӧм лист бокъясыс колясны.
Кыдзи и водзын, сэтчӧ кутасны йӧзӧдны выльторъяс — Коми Республикаса Юралысьлӧн уджкӧд йитчӧм пресс-релизъяс да видео пыр шыӧдчӧмъяс.
{Kodko (комиӧдіс Kodko) @ Санкт-Петербургса канму педиатрическӧй университетысь специалистъяс сетісны Комиын челядьлы медицина служба бурмӧдӧм да кага кулӧм чинтӧм серти вӧзйӧмъяс @ выльтор @ https://rkomi.ru/news/1453 @ 2021-10-22 @}
Санкт-Петербургса канму педиатрическӧй университетысь специалистъяс сетісны Комиын челядьлы медицина служба бурмӧдӧм да кага кулӧм чинтӧм серти вӧзйӧмъяс
Университетса экспертъяскӧд, кодъяс уджавлісны миян регионын, удж серти аддзысьлӧмсӧ нуӧдіс Коми Республикаса Веськӧдлан котырӧн Юрнуӧдысьӧс вежысь Лариса Карачёва.
Санкт-Петербургысь уджъёртъяскӧд сёрниӧ пырӧдчисны регионса Йӧзлысь дзоньвидзалун видзан министерствоӧс, Челядьлы республиканскӧй клиническӧй больничаӧс, Республиканскӧй перинатальнӧй шӧринӧс, Сыктывкарса челядьлы 3 №-а поликлиникаӧс петкӧдлысьяс.
Войвыв юркарса педиатрическӧй университетысь сизим специалист видлалісны Коми республиканскӧй клиническӧй больничалысь уджсӧ.
Санкт-Петербургысь экспертъяс тані абу нин медводдзаысь.
Найӧ пасйисны челядьлы медицина отсӧг сетӧмсӧ котыртӧмын бурланьӧ вежсьӧмъяс.
— Ми аддзам бурланьӧ вежсьӧмъяссӧ, кутшӧмъясӧс пыртісны миян вӧзйӧмъяс серти.
Комиысь уджъёртъяскӧд ми гӧгӧрвоам ёрта-ёртнымӧс да уджалам ӧти туйвизьын.
Ӧд миян ӧти мог — видзны кыдз позьӧ унджык челядьлысь олӧм, — тӧдчӧдіс Антон Соловьев, профессор И. М. Воронцов нима педиатрия кафедраса доцент, Ленинград обласьтса штатӧ индытӧм медыджыд специалист педиатр.
Санкт-Петербургысь экспертъяс нуӧдісны Комиын кага кулӧм серти анализ.
Тӧдчӧдісны, мый шӧр помкаясыс оз йитчыны медицинакӧд.
Вӧзйисны бурджыка уджавны бать-мамкӧд, торйӧн нин омӧль оласнога семьяяскӧд, лӧсьӧдны та вылӧ социальнӧй вежӧсъяс.
Сы могысь, медым чинтыны медицинакӧд йитчӧм помкаяс вӧсна кага кулӧмсӧ, колӧ бурмӧдны да вӧчны судзсянаӧн паллиативнӧй отсӧгсӧ: котыртны паллиативнӧй бригадаяс, велӧдны бать-мамӧс да челядьлы социальнӧй учреждениеясысь уджалысьясӧс дӧзьӧритны сьӧкыда висьысь челядьӧс.
Челядьлы республиканскӧй больничалы вӧзйӧмъяс — лӧсьӧдны паллиативнӧй юкӧн, пыртны штатӧ клиническӧй фармакологӧс да клиническӧй эпидемиологӧс.
Педиатрическӧй медуниверситетӧс петкӧдлысьяс шуисны, мый дасьӧсь велӧдны тайӧ специалистъяссӧ асланыс вузын.
— Экспертъяслӧн донъялӧмыс, челядьлысь дзоньвидзалун видзӧмын миян мытшӧдъяс вылӧ мукӧд йӧзлӧн видзӧдласыс миянлы зэв ёна колӧ.
Миянлы индісны сійӧ позянлунъяссӧ, кутшӧмъяс вермасны чинтыны республикаын кага кулӧм серти тшупӧдсӧ.
Ми неонатология, педиатрия да кага чужтігӧн отсасьысь службаса юрнуӧдысьяскӧд да специалистъяскӧд ӧтвылысь быть босьтам тӧд вылӧ Санкт-Петербургса кураторъяслысь вӧзйӧмъяссӧ.
Тайӧ вӧзйӧмъясыс лоасны котыртӧм да веськӧдлӧм серти помшуӧмъяслы подулӧн, отсаласны бурмӧдны челядьлы медицина отсӧг сетӧмсӧ, — кывкӧрталіс Лариса Карачёва.
{Kodko (комиӧдіс Kodko) @ Лариса Карачёва пырӧдчис Ставроссияса олысьяслӧн переписьӧ Канму услугаяс портал пыр @ выльтор @ https://rkomi.ru/news/1457 @ 2021-10-25 @}
Лариса Карачёва пырӧдчис Ставроссияса олысьяслӧн переписьӧ Канму услугаяс портал пыр
Коми Республикаса Веськӧдлан котырӧн Юрнуӧдысьӧс вежысь корис регионса олысьясӧс тшӧтш вочавидзны анкетаса юалӧмъяс вылӧ электроннӧя.
— Тайӧс ӧдйӧ да кокньыд вӧчны.
Сідзжӧ ӧтуввез пыр переписьыс отсалӧ бырӧдны контактъяс, мый зэв тӧдчана пандемия дырйи.
Перепись анкетасӧ позьӧ гижны кӧть кутшӧм кадӧ, гортысь петавтӧг.
Тайӧ оз босьт уна кад, но отсалас пуктыны пай ӧтувъя уджӧ.
Перепись дырйи босьтӧм юӧрыс сетас позянлун бурджыка тӧдмавны страналӧн олӧм йылысь, лоас подулӧн дас вояс вылӧ канму уджтасъяс примитӧмлы.
Тайӧ и сьӧмкуд, и социальнӧй отсӧг, и школаяс, челядьлы садъяс, больничаяс стрӧитӧм, — тӧдчӧдіс Лариса Карачёва.
Веськӧдлан котырӧн Юрнуӧдысьӧс вежысь туйдіс: колӧ оз сӧмын аслыныд прӧйдитны переписьсӧ, но и отсавны гижны электроннӧй анкетасӧ олӧма бать-мамныдлы, кодъяслӧн эм Канму услугаяс порталын учётнӧй гижӧд.
Казьтыштам: Переписьлӧн юалӧмъяс вылӧ позьӧ вочавидзны Канму услугаяс порталын, эм кӧ учётнӧй гижӧд.
Кыдзи и пыр, перепись нуӧдысьяс тшӧтш кутасны уджавны.
Сідзжӧ перепись прӧйдитӧм могысь позьӧ локны контролёрскӧй участокӧ либӧ уна мога шӧринӧ.
Ӧтуввез пыр пырӧдчыны Переписьӧ позьӧ вӧльгым тӧлысь 8 лунӧдз.
Перепись нуӧдысьяс уджалӧны вӧльгым тӧлысь 14 лунӧдз.
{Kodko (комиӧдіс Kodko) @ Комиын урчитісны эпидемия понда виччысьтӧм каникулъяслысь условиеяссӧ @ выльтор @ https://rkomi.ru/news/1460 @ 2021-10-25 @}
Комиын урчитісны эпидемия понда виччысьтӧм каникулъяслысь условиеяссӧ
Коми Республикаса Юралысь Владимир Уйба нуӧдіс Выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штаблысь заседание.
Эпидемия серти серпас йылысь докладӧн сёрнитіс Роспотребнадзорлӧн Коми Республикаын веськӧдланінӧн юрнуӧдысь — Коми Республикаын юралысь канму санитарнӧй врач Людмила Глушкова.
Колян вежоннас 1 арӧсӧдз челядь, школаӧдзса челядь, школаын велӧдчысьяс, томулов, 65 арӧса да арлыдаджык йӧз пӧвстын висьысьяслӧн лыдыс ёна содіс.
Висьмӧмаяс пӧвстысь 60%-ыс — тайӧ уджалысь граждана.
Медъёна висьӧны офисын уджалысьяс, велӧдан, канмуӧн веськӧдлан, промышленносьт, йӧзлысь дзоньвидзалун видзан, йӧзӧс ӧтув вердан да вузасян юкӧнын.
«Выль коронавирус инфекция паськалӧм серти эпидемиологическӧй серпасыс лёкмӧ — висьысьяслӧн лыдыс содӧ.
Миянлы ковмӧ COVID–19 висьмӧм пациентъяслы дасьтыны выль койкаяс, дзескӧдны медицина боксянь план серти могмӧдӧмсӧ.
Республикаса йӧзлысь дзоньвидзалун видзан системаын, медицина уджалысьяслӧн уджыс ёна содӧ.
Ёна висьмалӧны челядь.
Кувсьӧмаяслӧн лыдыс содӧ», — тӧдчӧдіс Владимир Уйба.
Сы могысь, медым чинтыны выль коронавирус инфекция паськалӧмсӧ, Россияса Президент Владимир Путинлӧн Индӧдӧн йирым тӧлысь 30 лунсянь вӧльгым тӧлысь 7 лунӧдз бӧръясӧ пыртӧмӧн странаын урчитӧма уджавтӧм лунъяс удждонъяс кольӧмӧн.
Оперштабӧ пырысьяс гӧлӧсуйтісны содтӧд дзескӧдан мераяс вӧсна, кутшӧмъяс лоасны вынаӧн Комиын уджавтӧм лунъяс дырйи да налӧн помасьӧм бӧрын.
Тайӧ помшуӧмъяс подув вылын регыдъя кадӧ «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ пыртасны вежсьӧмъяс.
«Тайӧ мераяслӧн коланлун йылысь юалӧмсӧ сувтӧдны оз ков.
Ми корсим позянлунъяс, медым и экономика уджаліс, и ковидысь кулӧмаяслӧн лыдыс эз сод, и медым эз вӧв сэтшӧмтор, мый миянлы оз кутны тырмыны койкаяс.
Но кодлы кутас ковны экономикаыс, кор йӧзыс татшӧма кувсялӧны?
Кулӧмаяслӧн лыдыс содӧ 2 сюрсӧдз да регыд вермас лоны нӧшта на унджык.
Миян кислородыс зарни кодь — быд лун литръясӧн арталам: кутшӧм карлы да районлы кымын сетны.
2–3 тӧлысьӧн сійӧс видзӧмыс странаын содіс уна пӧв.
Регыд миян странаын оз кутны тырмыны ни кислород, ни противовируснӧй препаратъяс», — тӧдчӧдіс Коми Республикаса Юралысь.
Коми Республикаса юстиция министр Алексей Осташов юӧртіс объектъяс вылын, кӧні кӧсйӧны уджавтӧм лунъяс кежлӧ дугӧдлыны уджсӧ, рейдӧвӧй мероприятиеяс нуӧдӧм серти планъяс йылысь: «Ӧнія кадӧ Пытшкӧс делӧяс министерство арталӧ вынъяс да средствояс.
Олӧмӧ пӧртысь став власьт органыс да муниципалитетыс юӧртісны рейдӧвӧй мероприятиеяс нуӧдны дасьлун йылысь».
Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Владимирович Дягилев вӧзйис недыр кад кежлӧ дугӧдлыны медицина организацияясын планӧвӧй ӧлӧдан мероприятиеяс (диспансеризация, ӧлӧдан медицина осмотръяс) нуӧдӧмсӧ эпидемиологическӧй серпас бурмытӧдз.
Вӧзйӧмсӧ ошкисны.
«Тайӧ сетас позянлун чинтыны амбулаторияясын медицина уджалысьяслысь содтӧд уджсӧ.
Талун тайӧ луннас 80–100 вызов, а вӧзйӧма медуна вӧчны 25–30 вызов.
Татшӧм жӧ нагрузкаыс регыдъя медицина отсӧг сетан бригадаяслӧн: Сыктывкарын суткинас бригадаыс петавлӧ 400 ысь, Ухтаын — 140-ысь, — подулаліс Игорь Дягилев.
— Та дырйи вӧзъям водзӧ нуӧдны пациентъяслы, кодъяс висьлісны коронавирусӧн, пыдісянь диспансеризация.
А сідзжӧ нуӧдны быть медицина осмотръяс, шуам, водительяслы рейсъяс водзын».
Республикаса Йӧзлысь дзоньвидзалун видзан министерствоӧн юрнуӧдысь юӧртіс, кыдзи кутасны уджавны медицина учреждениеяс уджавтӧм лунъясӧ.
Регыдъя медицина отсӧг сетан служба кутас уджавны сутки чӧж, поликлиникаяс бердын эновтны позьтӧм медицина отсӧг сетан юкӧнъяс уджаласны воддза график серти, вӧльгым тӧлысь 7 лун кындзи — тайӧ шойччан лун.
Медицина организацияяслӧн юкӧдувъяс, кодъяс сетӧны первичнӧй медико-санитарнӧй отсӧг ковидӧн висьысь пациентъяслы, колл-шӧринъяс да компьютернӧй томографияа шӧринъяс сідзжӧ уджалӧны воддза график серти, гаж лунъясӧ тшӧтш.
Лабораторияяс кутасны уджавны быд лун.
Стоматологическӧй, патологоанатомическӧй, судебно-медицинскӧй бюрояс сідзжӧ уджалӧны быд лун, а гаж лунъясӧ — дженьыд уджалан график серти.
{Kodko (комиӧдіс Kodko) @ Комиын пыртӧны ковидлы паныд содтӧд дзескӧдӧмъяс @ выльтор @ https://rkomi.ru/news/1462 @ 2021-10-26 @}
Комиын пыртӧны ковидлы паныд содтӧд дзескӧдӧмъяс
Россия Федерацияса Президентлысь тшӧктӧмъяссӧ збыльмӧдӧм могысь да помшуӧмъяс подув вылын, кутшӧмъясӧс примитӧма выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штабӧн, пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧдӧ.
2021 вося йирым тӧлысь 30 лунсянь эпидемиологическӧй серпас бурмытӧдз дугӧдӧма медицина организацияясӧн диспансеризация юкӧнын ӧлӧдан мероприятиеяс нуӧдӧм, тшӧтш и стационарнӧй организацияясын куйлысь бать-мамтӧм да пикӧ воӧм челядьлы, а сідзжӧ бать-мамтӧм да бать-мам дӧзьӧртӧг кольӧм челядьлы, на пиын пи (ныв) пыдди босьтӧм, тӧрасьӧм (тӧждысьӧм) улӧ приёмнӧй либӧ патронат семьяӧ босьтӧм челядьлы, да гражданалы, тшӧтш и тыр арлыдтӧмъяслы, ӧлӧдан медицина осмотръяс, йӧзлы, кодъяс висисны COVID–19 выль коронавирус инфекцияӧн, пыдісянь диспансеризация нуӧдӧм кындзи.
Россия Федерацияса Президентӧн урчитӧм уджавтӧм лунъяс дырйи (2021 вося йирым тӧлысь 30 лунсянь вӧльгым тӧлысь 7 лунӧдз) кинотеатръяслы (кинозалъяслы), театръяслы, театральнӧй да концертнӧй организацияяслы, клуб сяма учреждениеяслы, библиотекаяслы, музейяслы, а сідзжӧ спорт мероприятиеяс нуӧдысь организацияяслы позьӧ уджавны, найӧ кӧ кутчысьӧны быть колана условиеӧ, мый серти залсӧ (трибунаяссӧ) колӧ тыртны став местасьыс 50 прӧчентысь абу унджык да кор став волысьлӧн (видзӧдысьлӧн) эм COVID–19 выль коронавирус инфекцияысь вакцинируйтчӧм йылысь либӧ COVID–19 выль коронавирус инфекцияӧн висьлӧм йылысь сертификатлӧн QR код (бурдан лунсяньыс мед эз вӧв кольӧма 6 календарнӧй тӧлысь) либӧ COVID–19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат, мый нуӧдӧма мероприятие заводитчӧмӧдз 72 часысь абу водзджык (сэк, кор эм вакцинируйтчӧмлы медицина боксянь паныда помкаяслӧн эмлун йылысь медицинскӧй документ) (оз паськав йӧз вылӧ, кодъяслы абу тырӧма 18 арӧс, найӧ локтӧны мероприятиеяс вылӧ QR-код да ПЦР-тест вылӧ результат петкӧдлытӧг).
2021 вося вӧльгым тӧлысь 8 лунсянь Коми Республикаын эпидемиологическӧй серпас бурмытӧдз вылынджык индӧм дзескӧдӧмыс водзӧ кутас уджавны, но залсӧ (трибунаяссӧ) колӧ тыртны став местасьыс 70 прӧчентысь абу унджык.
Россия Федерацияса Президентӧн урчитӧм уджавтӧм лунъяс дырйи (2021 вося йирым тӧлысь 30 лунсянь вӧльгым тӧлысь 7 лунӧдз) оз лэдзны волысьясӧс да уджалысьясӧс зданиеясӧ, стрӧйбаясӧ, сооружениеясӧ (налӧн жыръясӧ), мутасъясӧ, кӧні вузасьӧны, вӧчӧны уджъяс, сетӧны услугаяс, сы лыдын:
1) ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие, татшӧм организацияяс кындзи:
организацияяс, кӧні граждана вермӧны ньӧбасьны индӧм предприятиеяслӧн жыръясӧ пыравтӧг, заказъяс ваян службаяс;
предприятиеяс, кутшӧмъяс сетӧны йӧзӧс ӧтув вердан услугаяс туй морт керкаясын, йӧзӧс овмӧдан мукӧд объектын, туй морт керкаын услугаяс сетан лун (сутки) лыд вылӧ видзӧдтӧг сэк, кор сэтчӧ оз лэдзны гражданаӧс, кодъяс сэні оз овны;
предприятиеяс, кӧні сетӧны йӧзӧс ӧтув вердан услугаяс, сы лыдын столӧвӧйяс, буфетъяс, кафеяс, организацияясын уджалысьяслы, асшӧр уджалысьяслы сэк, кор сэтчӧ оз лэдзны гражданаӧс, кодъяс оз уджавны индӧм организацияясын, асшӧр уджалысьяс дорын;
2) торйӧн вузасян объектъяс, татшӧм объектъяс кындзи:
— аптекаяс да аптека пунктъяс;
— торйӧн вузасян объектъяс сёян-юан да (либӧ) медводз колана абу сёян-юан тӧвар вузалан юкӧнын, кутшӧмъясӧс урчитӧма Россия Федерацияса Веськӧдлан котырлӧн 2020 во рака тӧлысь 27 лунся 762-р №-а тшӧктӧмӧн сэк, кор татшӧм тӧварлӧн пайыс вузӧс сикасъяс пӧвстын артмӧдӧ 30%-ысь оз этшаджык;
— торйӧн вузасян объектъяс тӧваръяс дистанционнӧя вузалан юкӧнын, сы лыдын вайӧмӧн;
3) организацияяс, асшӧр уджалысьяс, кодъяс сетӧны бытӧвӧй да торъя йӧзлы мукӧд колана услуга, на лыдын вурӧм, дзоньталӧм, мебель вӧчӧм, песласьӧм да химчистка, татшӧм организацияяслӧн, асшӧр уджалысьяслӧн жыръясӧ гражданалӧн пыравтӧг могмӧдӧм кындзи;
4) мичмӧдчан салонъяс, косметическӧй салонъяс, СПА-салонъяс, массажнӧй салонъяс, солярийяс, пывсянъяс, саунаяс да мукӧд объект, кӧні сетӧны косметическӧй услугаяс;
5) вынйӧр сӧвмӧдан да дзоньвидзалун бурмӧдан комплексъяс, фитнес-клубъяс, бассейнъяс;
6) стоматологическӧй организацияяс, сэтшӧм случайяс кындзи, кор татшӧм организацияяслӧн жыръясӧ граждана локтӧны висьӧмъясӧн да сэтшӧм аскылӧмӧн, кор колӧ сетны стоматологическӧй отсӧгсӧ экстреннӧй да эновтны позьтӧм формаын;
7) организацияяс, асшӧр уджалысьяс, кодъяс нуӧдӧны прӧст кад коллялан, гажӧдчан, зрелищнӧй, реклама да мукӧд уна йӧза мероприятие вузасян-гажӧдчан шӧринъясын, войын уджалысь клубъясын, баръясын, дискотекаясын, караокеын, боулинг-клубъясын;
8) челядьлы ворсан жыръяс, челядьӧс гажӧдан шӧринъяс, челядьлы лунся лагеръяс, тыр арлыдтӧмъяслы татшӧм сяма мероприятиеяс нуӧдан мукӧд ин, а сідзжӧ содтӧд тӧдӧмлун сетан аспом, республиканскӧй да муниципальнӧй учреждениеяс;
9) зоопаркъяс, сэтшӧмъяс кындзи, кутшӧмъяс меститчӧмаӧсь ывла вылын.
Тайӧ пунктӧн урчитӧм дзескӧдӧмъясыс оз паськавны организацияяс вылӧ, кутшӧмъяслӧн уджыс оз вермы лоны дзескӧдӧма «Выль коронавирус инфекция (COVID–19) паськалӧмкӧд йитӧдын Россия Федерацияса субъектъясын олысьяслысь санитарно-эпидемиологическӧй серпас боксянь бур олӧм могмӧдан мераяслысь вынсӧ нюжӧдан пӧрадок индӧм йылысь» Россия Федерацияса Президентлӧн 2020 во ода-кора тӧлысь 11 лунся 316 №-а индӧд серти.
Та дырйи организацияяс да асшӧр уджалысьяс вермӧны сетны позянлун уджавны лӧсялана инъясын, зданиеясын, стрӧйбаясын, сооружениеясын (налӧн жыръясын) йӧзлы, кодъяс дӧзьӧритӧны да видзӧны индӧм объектъяссӧ, а сідзжӧ могмӧдны процессъяс, кутшӧмъясӧс оз позь сувтӧдны технологическӧй аслыспӧлӧслунъяс вӧсна, йӧзлы, кодъяс арталӧны да мынтӧны удждон.
Дугӧдсьӧ Коми Республикаса власьт органъяслӧн да канму учреждениеяслӧн (сы лыдын канму услугаяс сетан уна мога шӧринъяслӧн) жыръясын канму да мукӧд услуга сетӧм, татшӧм канму услугаяс кындзи:
чужӧмсӧ канмусянь пасйӧм серти;
юксьӧмсӧ канмусянь пасйӧм серти, кор юксьӧмсӧ канмусянь пасйӧмлысь кадпассӧ индӧма 2021 вося йирым тӧлысь 30 лунсянь 2021 вося вӧльгым тӧлысь 7 лунӧдз;
кувсьӧмсӧ канмусянь пасйӧм серти.
Та дырйи канму да мукӧд услугасӧ, кутшӧмъясӧс позьӧ сетны электроннӧя, сетӧны сӧмын электроннӧя.
Канму услугаяс сетан уна мога шӧринъяслы могмӧдны уджалысьяслысь петӧмсӧ вынсьӧдӧм график серти, лыддьӧгын индӧм «Менам документъяс» шӧринын ӧти дежурнӧй ӧшиньлысь уджсӧ могмӧдны коланлун вылӧ мыджсьӧмӧн, гражданалы канму услугаяс серти кывкӧртӧдъяс сетӧмсӧ котыртӧм могысь сэк, кор шыӧдчысьлӧн олӧмын эм лоӧмтор, мый понда сылӧн олӧмыс либӧ бур олан условиеясыс веськалӧны грӧз улӧ да колӧ примитны эновтны позьтӧм помшуӧм.
Позьӧ нуӧдны официальнӧй мероприятиеяс, кутшӧмъясӧс котыртӧны Коми Республикаса олӧмӧ пӧртысь власьт торганъяс да меставывса асвеськӧдлан органъяс эпидемиялы паныд мероприятиеясӧ кутчысьӧмӧн да COVID–19 выль коронавирус инфекция артмӧмысь да паськалӧмысь ӧлӧдӧм серти санитарно-эпидемиологическӧй корӧмъяс збыльмӧдӧмӧн, сы лыдын татшӧм Индӧдӧн урчитӧм корӧмъясӧ кутчысьӧмӧн.
2021 вося вӧльгым тӧлысь 8 лунсянь Коми Республикаын эпидемиологическӧй серпас бурмытӧдз гражданалы позяс волывлыны организацияясӧ, кутшӧмъясӧс урчитӧма тайӧ пунктӧн, сэк, кор став волысьлӧн лоӧ выль коронавирус инфекцияысь вакцинируйтчӧм йылысь либӧ COVID–19 выль коронавирус инфекцияӧн висьлӧм йылысь сертификатлӧн QR код (бурдан лунсяньыс мед эз вӧв кольӧма 6 календарнӧй тӧлысь) либӧ COVID–19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат, мый нуӧдӧма мероприятие заводитчӧмӧдз 72 часысь абу водзджык (сэк, кор эм вакцинируйтчӧмлы медицина боксянь паныда помкаяслӧн эмлун йылысь медицинскӧй документ) (оз паськав йӧз вылӧ, кодъяслы абу тырӧма 18 арӧс, найӧ локтӧны мероприятиеяс вылӧ QR-код да ПЦР-тест вылӧ результат петкӧдлытӧг), а сідзжӧ сэк, кор ресторанъяс, кафеяс, столӧвӧйяс, буфетъяс, баръяс, закусочнӧйяс, гожся верандаяс (гожся кафеяс) да йӧзӧс ӧтув вердан мукӧд предприятие оз кутны уджавны 23 чассянь 6 часӧдз.
Уджавтӧм лунъяс дырйи (2021 вося йирым тӧлысь 30 лунсянь вӧльгым тӧлысь 7 лунӧдз) школаӧдз велӧдан организацияясын сэк, кор бать-мамлӧн либӧ оланпас серти мукӧд петкӧдлысьлӧн, кодъяс водзӧ уджалӧны индӧм кадколастӧ, кодъяслӧн уджыс оз пыр тайӧ Индӧдлӧн 222 пунктӧн урчитӧм лыддьӧгӧ, эм лӧсялана помшуӧм, вӧзйӧма котыртны дежурнӧй группаяслысь уджсӧ индӧм группаясын санитарнӧй режимӧ кутчысьӧмӧн.
Коми Республикаын уджсӧ нуӧдысь удж сетысьяслы 2021 вося вӧльгым тӧлысь 8 лунсянь колӧ вуджӧдны 60 арӧса да арлыдаджык уджалысьясӧс, а сідзжӧ найӧс, кодъяслӧн эмӧсь хроническӧй висьӧмъяс (сьӧлӧм да вир сӧн висьӧмъяс, лолалан органъяслӧн висьӧмъяс, диабет) дистанционнӧя (удалённӧя) уджалӧм вылӧ, кодъяслӧн абу выль коронавирус инфекцияысь вакцинируйтчӧм йылысь сертификат либӧ коді висьліс COVІD–19 выль коронавирус инфекцияӧн 6 тӧлысьысь унджык сайын, кор тайӧ оз торк организациялысь уджаланногсӧ, вакцинация нуӧдӧм могысь (сэк, кор абуӧсь медицина боксянь паныд помкаяс).
2021 вося вӧльгым тӧлысь 8 лунсянь 60 арӧса да арлыдаджык гражданалы, кодъяслӧн эмӧсь хроническӧй висьӧмъяс (сьӧлӧм да вир сӧн висьӧмъяс, лолалан органъяслӧн висьӧмъяс, диабет) да кодъяслӧн абу выль коронавирус инфекцияысь вакцинируйтчӧм йылысь сертификат либӧ кодъяс висьлісны COVІD–19 выль коронавирус инфекцияӧн 6 тӧлысьысь унджык сайын, оз позь петны оланінысь (овланінысь), татшӧм случайяс кындзи:
— сэк, кор колӧ мунны организацияын уджалан места вылӧ (либӧ уджалан местаысь), индӧм гражданаӧс кӧ абу вуджӧдӧма дистанционнӧя уджалан режим вылӧ, найӧ абу отпускынӧсь либӧ на серти абу оформитӧма уджавны вермытӧмлун йылысь листок;
— сэк, кор колӧ шыӧдчыны экстреннӧй (эновтны позьтӧм) медицина отсӧгла, да сэк, кор олӧмлы да дзоньвидзалунлы эм мӧд сикас веськыд грӧз;
— сэк, кор колӧ мунны сад либӧ град йӧр вӧдитан му участокъяс вылӧ (либӧ сэтысь) ас транспортӧн, ӧтув вӧдитчан автомашина транспортӧн либӧ таксиӧн;
— сэк, кор колӧ мунны вузӧс, уджъяс, услугаяс ньӧбан матысса инӧдз, кутшӧмъясӧс збыльмӧдӧмсӧ абу дзескӧдӧма тайӧ Индӧд серти;
— сэк, кор колӧ гуляйтӧдны гортса пемӧсъясӧс оланінсянь (овланінсянь) 100 метрысь абу ылынджык;
— сэк, кор колӧ петкӧдны шыбласъяс матысса чукӧртанінӧ.
Тайӧ пунктӧн урчитӧм дзескӧдӧмъясыс оз паськавны медицина отсӧг сетан случайяс вылӧ, инӧд видзан органъяслӧн, войтырӧс доръян да неминучаысь видзан органъяслӧн да налӧн ведомствоувса организацияяслӧн, адвокатъяслӧн, нотариусъяслӧн, ньӧбысьяслысь инӧдъяс да мортлысь тыр-бур олӧм доръян юкӧнын дӧзьӧр нуӧдысь органъяслӧн, мукӧд органлӧн удж вылӧ сэтшӧм удж юкӧнын, кӧні веськыд могыс — дорйыны гражданалысь олӧм, дзоньвидзалун да мукӧд инӧд да вӧля, сы лыдын сувтны мыж вӧчӧмлы паныд, видзны ӧтйӧза пӧрадок, эмбур да войтырлысь ӧпастӧмлун.
{Kodko (комиӧдіс Kodko) @ Лариса Карачёва видзӧдіс, кутшӧм ногӧн сеталӧны оланінъяс бать-мамтӧм челядьлы @ выльтор @ https://rkomi.ru/news/1464 @ 2021-10-27 @}
Лариса Карачёва видзӧдіс, кутшӧм ногӧн сеталӧны оланінъяс бать-мамтӧм челядьлы
Кымын олан жыр ньӧбисны нин муниципалитетъяс да кымын патера кӧсйӧны ньӧбны во помӧдзыс — юӧртісны республикаса кар-районъясса администрацияясӧн юрнуӧдысьяс.
Уджалан группалӧн заседаниеӧ пырӧдчисны республикаса Велӧдан, наука да том йӧз политика министерствоӧс, Коми Республикаса Следственнӧй комитетлысь Следственнӧй веськӧдланінӧс, Коми Республикаса прокуратураӧс, Коми Республикаса стрӧитчан да туй овмӧс министерствоӧс, Коми Республикаса сьӧм овмӧс министерствоӧс петкӧдлысьяс.
Кыдзи висьталіс Коми Республикаса велӧдан министр Наталья Якимова, бать-мамтӧм челядь лыдысь оланінсӧ колӧ сетны 1288 мортлы.
2021 воын Коми кар-районъясын налы ньӧбисны нин 200 патера.
Оланінӧн могмӧдӧма 206 мортӧс.
Таво бать-мамтӧм челядьлы оланін ньӧбӧм вылӧ вичмӧдӧма 375 миллион шайт, та лыдын федеральнӧй сьӧмкудйысь 66 миллион шайт.
Федеральнӧй сьӧмсӧ оланін вылӧ ставнас нин видзисны, республиканскӧй сьӧмсӧ сӧмын джынвыйӧ.
Та дырйи кадыс сы вылӧ, медым тырвыйӧ видзны во вылӧ вичмӧдӧм сьӧмсӧ, кольӧ зэв этша.
Пуктӧм могсӧ тырвыйӧ збыльмӧдісны Усинск да Печора, 80%-ысь унджык сьӧмсӧ оланін ньӧбӧм вылӧ видзисны нин Кӧрткерӧс, Мылдін, Емдін, Удора, Княжпогост районъяс, Сосногорск да Ухта каръяс.
— Могмӧдны бать-мамтӧм челядьлысь оланінкӧд йитчӧм инӧдъяс дорйӧм серти канму уджмогъяс бура олӧмӧ пӧртӧмсӧ — татшӧм мог пуктіс муниципальнӧй юкӧнъясӧн юрнуӧдысьяс водзын Лариса Карачёва.
Талун нуӧдӧны вичмӧдӧм сьӧмсӧ колана ногӧн видзӧм вылӧ веськӧдӧм мероприятиеяс, но та вылӧ видзӧдтӧг некымын тӧлысь нин меставывса асвеськӧдлан мукӧд органыс этша видзӧны тайӧ сьӧмсӧ.
Тайӧ Изьва, Чилимдін, Сыктыв, Луздор районъяс да Сыктывкар.
Заседание дырйи кывзісны республикаса индӧм муниципалитетъясӧн юрнуӧдысьяслысь докладъяс.
Найӧ эскӧдісны, мый во помӧдзыс став кӧсйысьӧмсӧ збыльмӧдасны.
Мыйтакӧ патера ньӧбӧма нин, регыд кырымаласны мыйтакӧ контракт найӧс ньӧбӧм вылӧ.
Некымын аукцион юӧртасны йирым тӧлысь помӧдз, медым удитны ньӧбны да колана ногӧн оформитны оланінсӧ.
Сӧвещание вылын юӧртӧма серти, патера ньӧбӧм могысь вӧдитчӧны уна ногӧн: видлалӧны вӧзйӧмъяссӧ, кутшӧмъяс эмӧсь сійӧ либӧ мӧд карын да районын.
Кызвыннас тайӧ вторичнӧй рынок вылын ньӧбӧм оланінъяс, но выль керкаясӧ вложениеяс эмӧсь жӧ: Сыктывкарын да Кулӧмдінын.
Изьваын вичмӧдӧма бать-мамтӧм челядьлы уна патераа керка стрӧитӧм улӧ участок.
Ведомствокостса уджалан группалӧн локтан заседание дырйи, мый лоас вӧльгым тӧлысьын, кӧсйӧны видлавны вося удж серти кывкӧртӧдъяс да 2022 воын бать-мамтӧм челядьлы оланінъяс содтӧд сетан ногъяс.
{Kodko (комиӧдіс Kodko) @ Комиын 4 сюрсысь унджык олысь бӧрйисны нин, кытчӧ нюжӧдны 4G мобильнӧй связь @ выльтор @ https://rkomi.ru/news/1466 @ 2021-10-27 @}
Комиын 4 сюрсысь унджык олысь бӧрйисны нин, кытчӧ нюжӧдны 4G мобильнӧй связь
Канму услугаяс порталын гӧлӧсуйтӧны олан пунктъяс вӧсна, кутшӧмъясӧс 2022 воын йитасны ыджыд ӧда ӧтуввез дорӧ.
Медуна гӧлӧс талун кежлӧ босьтісны нин Кедвавом сикт (Ухта кар) — 316, Петрунь сикт (Инта кар) — 294, Закарвань грезд (Усинск кар) — 201, Йӧртымдін сикт (Удора район) — 143, Койю посёлок (Изьва район) — 124.
Казьтыштам, медым Коми Республикаса грезд, посёлок либӧ сикт лоис йитӧма 4G (LTE) мобильнӧй связь дорӧ, колӧ гӧлӧсуйтны на вӧсна Канму услугаяс порталын гӧлӧсуйтан формаа юкӧдын 2021 вося вӧльгым тӧлысь 15 лунӧдз.
Пасъям, мый гӧлӧсуйтігӧн лыддьӧны сӧмын олан пунктъяс, кӧні олӧ 100–500 морт.
Участвуйтӧм вылӧ колӧ Канму услугаяс портал вылын вынсьӧдӧм учётнӧй гижӧд да Коми Республикаын пырся регистрация.
Сідзжӧ эм позянлун ыстыны письмӧ Россияса цифра отсӧгӧн сӧвмӧдан, йитӧд да юӧр сетан министерствоӧ татшӧм инпас серти: 123112, Москва к., Пресненскӧй наб., 10 к., 2 стр.
Письмӧын колӧ индыны ОНВ, регистрация инпас да олан пунктлысь ним, кытчӧ колӧ нюжӧдны связь.
Ӧшым тӧлысь помын Канму услугаяс портал вылын йӧзӧдасны лыддьӧг, кытчӧ пырасны Россия пасьтала 2000 олан пункт, кутшӧмъясӧс йитасны ӧтуввез дорӧ мӧд во.
Комиын ӧтуввезсӧ нюжӧдасны медуна гӧлӧс босьтысь 14 олан пунктын.
Гӧлӧсуйтӧм вылӧ Канму услугаяс порталын уджалӧ воча йитӧда платформа.
Платформаыс сетӧ позянлун дженьыд кадколастъясӧ чукӧртны гражданасянь воча юӧр, оперативнӧя артавны гӧлӧсуйтӧм серти кывкӧртӧдъяссӧ.
Сідзжӧ платформа вылын эм позянлун ыстыны канму органъясӧ да меставывса асвеськӧдлан органъясӧ мукӧд юалӧм серти шыӧдчӧм, пырӧдчыны опросъясӧ да йӧзкӧд видлалӧмъясӧ.
Платформалӧн медшӧр мог — ӧдйӧ разьны гражданалы тӧдчана мытшӧдъяссӧ.
{Kodko (комиӧдіс Kodko) @ Коми Республика мутасын вакцинируйтчӧм йылысь сертификатлӧн QR-кодӧн вӧдитчӧм йылысь @ выльтор @ https://rkomi.ru/news/1467 @ 2021-10-27 @}
Коми Республика мутасын вакцинируйтчӧм йылысь сертификатлӧн QR-кодӧн вӧдитчӧм йылысь
Выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штаблӧн гӧгӧрвоӧдӧм.
«Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧд серти коронавирус инфекция паськалӧмлы паныд удж нуӧдан оперативнӧй штаблӧн помшуӧм серти 2021 вося вӧльгым тӧлысь 8 лунсянь Коми Республикаын эпидемиологическӧй серпас бурмытӧдз волысьяс да уджалысьяс вермасны пырны зданиеясӧ, стрӧйбаясӧ (налӧн жыръясӧ), мутасъясӧ, кӧні вузалӧны тӧвар, вӧчӧны уджъяс, сетӧны услугаяс, эм кӧ став волысьыслӧн COVID–19 выль коронавирус инфекцияысь вакцинируйтчӧм либӧ COVID–19 выль коронавирус инфекцияӧн висьлӧм йылысь (бурдан лунсяньыс мед эз вӧв кольӧма 6 календарнӧй тӧлысь) сертификатлӧн QR-код (водзӧ — QR-код) либӧ COVID–19 выль коронавирус инфекция босьтчӧдысь аддзӧм вылӧ ПЦР-тестлӧн отрицательнӧй результат, мый нуӧдӧма мероприятие заводитчӧмӧдз 72 часысь абу водзджык (корӧмъясыс оз инмыны 18 арӧсысь ичӧтджыкъяслы, кодъяс вермӧны волыны культура да спорт мероприятиеяс вылӧ QR-код да ПЦР-тестлысь результат петкӧдлытӧг).
QR-кодлысь збыльлунсӧ прӧверитӧм могысь вӧзйӧма вӧдитчыны «Канму услугаяс СТОП Коронавирус» мобильнӧй приложениеӧн.
Мӧд мортлӧн QR-кодӧн вӧдитчӧмыс Административнӧй инӧд торкалӧмъяс йылысь Россия Федерацияса кодекс серти вермӧ войӧдны административнӧй кывкутӧмӧ.
QR-кодсӧ позьӧ босьтны Россия Федерацияса канму услугаяс портал («Канму услугаяс») пыр, «Канму услугаяс» либӧ «Канму услугаяс СТОП Коронавирус» приложение пыр, а сідзжӧ Коми Республикаса уна мога шӧринъясӧ либӧ медицина учреждениеӧ, кӧні вӧчӧма COVID–19 выль коронавирус инфекцияысь вакцинасӧ, шыӧдчӧмӧн.
Сы могысь, медым Канму услугаяс порталлӧн ас вежӧсын мыччысис сертификатлӧн QR-код:
Колӧ, медым пользовательлӧн вӧлі эскӧдӧм учётнӧй гижӧд.
Канму услугаяс порталӧн вӧдитчысьлы колӧ:
видзӧдлыны, абу-ӧ важӧсь паспорт мыччӧдъяс да СНИЛС;
шыӧдчыны медицина учреждениеӧ, кӧні вакцинируйтісны COVID 19 выль коронавирус инфекцияысь, медым стӧчмӧдны Вакцинируйтӧмаяслӧн федеральнӧй реестрӧ пыртӧм мыччӧдъяссӧ;
гижны Канму услугаяс сайтын вакцинацияын мытшӧд серти шыӧдчӧмъяс, гижны форма, бӧрйыны «QR-код да вакцинируйтчӧм йылысь сертификат» тема.
COVID–19 выль коронавирус инфекцияысь вакцинируйтчӧм йылысь сертификатлӧн QR-кодыс лоӧ вынаӧн вакциналысь мӧд компонент сюйӧм борын (препаратыс кӧ кык компонента) либӧ ӧти компонента вакцина («Спутник Лайт») вӧчӧм бӧрын 1 во чӧж.
COVID–19 выль коронавирус инфекцияӧн висьлӧм йылысь сертификатлӧн QR-кодыс лоӧ вынаӧн COVID–19 выль коронавирус инфекцияӧн висьмӧм бӧрын бурдӧм йылысь медицина заключение босьтан лунсянь 180 лун чӧж.
Суйӧр сайын вӧчӧм препаратӧн вакцинируйтчӧмыс оз ло подулӧн, медым босьтны QR-код.
{Kodko (комиӧдіс Kodko) @ Содтӧд урчитӧм уджавтӧм лунъясӧ асшӧр уджалысьяслӧн, кодъяс сетӧны Коми Республикаын йӧзӧс ӧтув вердан юкӧнын услугаяс, уджалӧм серти оперативнӧй штаблӧн гӧгӧрвоӧдӧмъяс @ выльтор @ https://rkomi.ru/news/1469 @ 2021-10-27 @}
Содтӧд урчитӧм уджавтӧм лунъясӧ асшӧр уджалысьяслӧн, кодъяс сетӧны Коми Республикаын йӧзӧс ӧтув вердан юкӧнын услугаяс, уджалӧм серти оперативнӧй штаблӧн гӧгӧрвоӧдӧмъяс
Казьтыштам, мый 2021 вося йирым тӧлысь 30 лунсянь вӧльгым тӧлысь 7 лунӧдз (бӧръясӧ пыртӧмӧн) лоасны уджавтӧм лунъяс, кор Коми Республикаын волысьясӧс да уджалысьясӧс оз кутны лэдзны зданиеясӧ, стрӧйбаясӧ, сооружениеясӧ (налӧн жыръясӧ), мутасъясӧ, кӧні вузасьӧны, нуӧдӧны уджъяс, сетӧны услугаяс, сы лыдын ресторанъясӧ, кафеясӧ, столӧвӧйясӧ, буфетъясӧ, баръясӧ, закусочнӧйясӧ да йӧзӧс мукӧд верданінӧ татшӧм организацияяс кындзи:
организацияяс, кӧні граждана вермӧны ньӧбны став коланаторсӧ индӧм предприятиеяслӧн жыръясӧ пыравтӧг, заказъяс ваян службаяс;
предприятиеяс, кутшӧмъяс сетӧны йӧзӧс ӧтув вердан услугаяс туй морт керкаясын, йӧзӧс овмӧдан мукӧд объектын, туй морт керкаын услугаяс сетан лун (сутки) лыд вылӧ видзӧдтӧг сэк, кор сэтчӧ оз лэдзны гражданаӧс, кодъяс сэні оз овны;
предприятиеяс, кӧні сетӧны йӧзӧс ӧтув вердан услугаяс, сы лыдын столӧвӧйяс, буфетъяс, кафеяс, организацияясын уджалысьяслы, асшӧр уджалысьяслы сэк, кор сэтчӧ оз лэдзны гражданаӧс, кодъяс оз уджавны индӧм организацияясын, асшӧр уджалысьяс дорын.
Тайӧ дзескӧдӧмъяссӧ веськӧдӧма сы вылӧ, медым недыр кад кежлӧ ӧлӧдны гражданаӧс йӧзӧс ӧтув верданінъясӧ да вузасянінъясӧ волӧмысь выль коронавирус инфекция паськалӧмсӧ дугӧдӧм могысь.
Вузасян да вузасян-гажӧдчан шӧринъясын меститчысь йӧзӧс ӧтув вердан предприятиеяс, кодъяс могмӧдӧны «коланаторъяс петкӧдӧмӧн» да кытчӧ вузасян шӧринӧ волысьяслӧн эм позянлун веськыда пырны, вермӧны уджавны сӧмын сэк, кор сэні лоӧ котыртӧма вузӧсъяс сеталан зона.
Татшӧмторсӧ котыртӧма сы могысь, медым торйӧдны йӧзӧс ӧтув вердан водзынджык индӧм предприятиеясӧ волысьясӧс вузасян-гажӧдчан шӧринӧ мукӧд волысьысь.
{Kodko (комиӧдіс Kodko) @ Оперативнӧй штабын босьтасны тӧд вылӧ содтӧд дасьлун режим пыртӧм йылысь индӧдлӧн сюрӧс серти асшӧр уджалысьяслысь вӧзйӧмъяссӧ @ выльтор @ https://rkomi.ru/news/1471 @ 2021-10-28 @}
Оперативнӧй штабын босьтасны тӧд вылӧ содтӧд дасьлун режим пыртӧм йылысь индӧдлӧн сюрӧс серти асшӧр уджалысьяслысь вӧзйӧмъяссӧ
Оперативнӧй штаб дасьтӧ «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ вежсьӧмъяс.
Вежсьӧмъяс пыртӧм йылысь помшуӧмсӧ примитӧма Коми Республикаса Веськӧдлан котырӧн Юрнуӧдысьӧс вежысь — регионса экономика сӧвмӧдан да промышленносьт министр Эльмира Ахмеевакӧд удж серти аддзысьлӧмъяс бӧрын.
Коми Республикаса Юралысь Владимир Уйба пуктіс Эльмира Ахмеева водзын мог йитчыны бизнес-ӧткотыркӧд пыртӧм дзескӧдӧмъяс серти, медым босьтны тӧд вылӧ асшӧр уджалысьяслысь видзӧдлассӧ.
Асшӧр уджалысьяс вӧзйисны лӧсьӧдны Коми Республикаын организацияяслысь лыддьӧгсӧ, кӧні колӧ QR-код либӧ ПЦР-тест серти отрицательнӧй результат, Россияса Веськӧдлан котырӧн урчитӧм лыддьӧг серти.
Коми Республикаын татшӧм организацияяслысь лыддьӧгсӧ урчитасны Коми Республикаса Веськӧдлан котырлӧн шуӧмӧн 2021 вося вӧльгым тӧлысь 8 лун бӧрын кадколаст кежлӧ Россияса Веськӧдлан котырӧн урчитӧм лыддьӧгсӧ тӧд вылӧ босьтӧмӧн.
Индӧдлӧн вына редакцияыс урчитӧ, мый 2021 вося вӧльгым тӧлысь 8 лун бӧрын волысьяс да уджалысьяс оз вермыны пырны QR-кодтӧг либӧ ПЦР-тест серти отрицательнӧй результаттӧг зданиеясӧ, стрӧйбаясӧ (налӧн жыръясӧ), мутасъяс вылӧ, кӧні вузалӧны тӧвар, вӧчӧны уджъяс, сетӧны услугаяс.
2021 вося вӧльгым тӧлысь 7 лунӧдз QR-кодыс колӧ сӧмын кинотеатръясӧ (кинозалъясӧ), театръясӧ, театр да концерт организацияясӧ, клуб сяма учреждениеясӧ, библиотекаясӧ, музейясӧ ветлігӧн.
{Kodko (комиӧдіс Kodko) @ Комиын торйӧн вузасянінъяслы позьӧ уджавны уджавтӧм лунъясӧ @ выльтор @ https://rkomi.ru/news/1474 @ 2021-10-29 @}
Комиын торйӧн вузасянінъяслы позьӧ уджавны уджавтӧм лунъясӧ
Ковидлы паныд удж нуӧдан республиканскӧй оперштаб босьтіс тӧд вылӧ да видлаліс асшӧр уджалысьяслысь эпидемиологическӧй серпас лёкмӧмкӧд йитӧдын содтӧд дзескӧдан мераяс пыртӧм йылысь вӧзйӧмъяссӧ.
Тайӧ да мукӧд вӧзйӧмсӧ пыртӧма «Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧдӧ.
Комиын асшӧр уджалысьяс лыддьӧдлісны вӧзйӧмъясныссӧ Коми Республикаса Веськӧдлан котырӧн Юрнуӧдысьӧс вежысь — регионса экономика сӧвмӧдан да промышленносьт министр Эльмира Ахмеевакӧд удж серти аддзысьлігӧн.
Аддзысьлӧмъяссӧ нуӧдісны Коми Республикаса Юралысь Владимир Уйбалӧн тшӧктӧм серти.
Аддзысьлӧм бӧрын торйӧн вузасян объектъяссӧ петкӧдісны организацияяс лыддьӧгысь, кутшӧмъяслӧн зданиеясӧ, стрӧйбаясӧ, жыръясӧ дугдісны лэдзны волысьясӧс да уджалысьясӧс Россия Федерацияса Президентӧн уджавтӧм лунъяс урчитан кад кежлӧ (2021 вося йирым тӧлысь 30 лунсянь вӧльгым тӧлысь 7 лунӧдз).
Та дырйи индӧм лыддьӧгӧ, мый урчитӧма тайӧ Индӧдлӧн 222 пунктӧн, пыртісны стӧчмӧдӧмъяс (вежсьӧмъяссӧ торйӧдӧма кызкодь шыпасъясӧн):
1) ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие (сы лыдын фуд-кортъяс котыртӧм (зонаяс, кӧні йӧзӧс ӧтув вердан предприятиеяс уджалӧны йӧзӧс ӧтлаын пуксьӧданінъясӧн, кӧні абуӧсь волысьясӧс пуксьӧдалӧм вылӧ торъя жыръяс)...
(водзӧ текст кузя).
4) мичмӧдчан салонъяс, косметическӧй, СПА-салонъяс, массажнӧй салонъяс, солярийяс, пывсянъяс, саунаяс да мукӧд объект, кӧні сетӧны косметическӧй, парикмахерскӧй да массажнӧй услугаяс;
5) вынйӧр сӧвмӧдан да дзоньвидзалун бурмӧдан комплексъяс, фитнес-клубъяс, бассейнъяс да мукӧд объектъяс, кӧні сетӧны вынйӧр сӧвмӧдан да дзоньвидзалун бурмӧдан услугаяс, спорт объектъяс кындзи, кӧні нуӧдӧны войтыркостса да россияса ордйысьӧмъясын участвуйтысь сборнӧй, профессиональнӧй командаяслы тренируйтчан да спорт мероприятиеяс;
8) челядьлы ворсан жыръяс, челядьлы гажӧдчан шӧринъяс, челядьлы лунся лагеръяс, тыр арлыдтӧмъяслы мероприятиеяс нуӧдан мукӧд ин, а сідзжӧ содтӧд тӧдӧмлун сетан аспом, республиканскӧй да муниципальнӧй организацияяс;
2021 вося вӧльгым тӧлысь 8 лунсянь Коми Республикаын эпидемиологическӧй серпас бурмытӧдз Россия Федерацияса Веськӧдлан котырӧн да Коми Республикаса Веськӧдлан котырӧн урчитӧм лыддьӧг серти организацияясса объектъясӧ граждана вермасны волыны сӧмын сэк, кор налӧн эм COVID–19 выль коронавирус инфекцияысь вакцина вӧчӧм йылысь либӧ COVID–19 выль коронавирус инфекцияӧн висьлӧм йылысь (кодъяслӧн бурдӧдчан лунсянь эз коль 6 календарнӧй тӧлысьысь унджык лун) сертификатлӧн QR-код либӧ COVID–19 выль коронавирус инфекция босьтчӧдысьӧс эрдӧдӧм вылӧ ПЦР-тест серти отрицательнӧй результат, мый нуӧдӧма мероприятие заводитчытӧдз 72 часысь абу водзджык (сэк, кор эмӧсь вакцинация вӧчӧмлы медицина боксянь паныда помкаяс йылысь медицинскӧй документъяс) (оз паськав 18 арлыдӧдз йӧз вылӧ, кодъяс вермӧны волыны мероприятиеяс вылӧ QR-код да ПЦР-тест серти результат петкӧдлытӧг).
Волысь мортӧн петкӧдлан QR-кодлысь збыльлунсӧ прӧверитӧны электроннӧй устройстволӧн камераӧн сканируйтӧмӧн, кутшӧмӧс йитӧма «Ӧтуввез» юӧртан да телекоммуникация вез дорӧ, сы лыдын Канму да муниципальнӧй услугаяслӧн ӧтувъя порталӧн, «Канму услугаяс. Стопкоронавирус» торъя приложениеӧн вӧдитчӧмӧн.
2021 вося вӧльгым тӧлысь 8 лунсянь Коми Республикаын эпидемиологическӧй серпас бурмытӧдз ресторанъясын, кафеясын, столӧвӧйясын, буфетъясын, баръясын, закусочнӧйясын да йӧзӧс ӧтув вердан мукӧд предприятиеын 23 чассянь до 6 часӧдз дзескӧдӧны волысьясӧс могмӧдан кадсӧ.
Пыртӧма вежсьӧмъяс эпидемиялы паныд нуӧдан мероприятиеяс лыддьӧгӧ, кутшӧмъяс колӧны COVID–19 выль коронавирус инфекция паськалӧм дырйи юридическӧй кывкутысьяслысь да асшӧр уджалысьяслысь уджсӧ котыртӧм вылӧ.
А буретш эпидемиялы паныд нуӧдан мероприятиеяс юкӧнын колӧ могмӧдны:
— уджалысьясӧн маскаяс да татшӧмсяма мукӧд средство новлӧмсӧ;
— зданиеӧ, стрӧйбаӧ, жырйӧ пыранінын волысьяслы «пыран фильтр» лӧсьӧдӧм, кӧні колӧ инмӧдчытӧг мерайтны волысьяслысь температура да видзӧдны, медым татшӧм организацияясӧ волысьяслӧн вӧліны маскаяс да перчаткияс.
— уджалысьясӧн социальнӧй дистанцияӧ кутчысьӧм (на костын ылнаыс 1,5 метрысь абу этшаджык).
{Kodko (комиӧдіс Kodko) @ Коми Республикаса Веськӧдлан котырын сёрнитісны COVID 19 ысь вакцинируйтӧм да Олысьяслысь ставроссияса перепись нуӧдӧм йылысь @ выльтор @ https://rkomi.ru/news/1476 @ 2021-10-29 @}
Коми Республикаса Веськӧдлан котырын сёрнитісны COVID 19 ысь вакцинируйтӧм да Олысьяслысь ставроссияса перепись нуӧдӧм йылысь
Коми Республикаса Веськӧдлан котырӧн Юрнуӧдысьӧс вежысь Лариса Карачёва нуӧдіс видеосвязь пыр кар-районъясӧн юрнуӧдысьяскӧд оперативнӧй сӧвещание.
Кыдзи тӧдчӧдіс аддзысьлӧм дырйи регионса Йӧзлысь дзоньвидзалун видзан министерствоӧн юрнуӧдысь Игорь Дягилев, выль коронавирус инфекцияысь зіля вакцинируйтчӧны Усинскын, Вуктылын, Изьва, Емдін да Чилимдін районъясын.
Этшаджык прививкасӧ кутісны вӧчны Воркутаын, Интаын, Ухтаын, Печораын, Сосногорскын да Кӧрткерӧс районын.
Коми Республикаын вакциналысь медводдза компонентсӧ вӧчис 290 сюрсысь унджык морт — 46 прӧчент верстьӧ морт.
Тайӧ жӧ кадӧ, медым артмӧдны ӧтувъя иммунитет колӧ вакцинируйтны республикаса 80 прӧчент олысьӧс.
Лариса Карачёва да Игорь Дягилев корисны муниципалитетъясӧн юрнуӧдысьясӧс отсавны больничаяслы да поликлиникаяслы котыртны уджавтӧм да гажӧдчан лунъясӧ вакцинируйтан выезднӧй пунктъяслысь уджсӧ.
Нӧшта ӧти тшӧктӧм йитчӧма ковидлы паныд дзескӧдан мераясӧ кутчысьӧм бӧрся видзӧдӧмкӧд.
Казьтыштам: тайӧ мераясыс отсаласны ӧлӧдны выль коронавирус инфекция паськалӧмысь да видзны йӧзлысь олӧмсӧ да дзоньвидзалунсӧ.
Сьӧкыд эпидемиологическӧй серпаскӧд йитӧдын Олысьяслӧн ставроссияса переписьын участвуйтны бурджык электроннӧя — гижны переписнӧй листъяс Канму услугаяс порталын.
Та йылысь сӧвещаниеын участвуйтысьяслы юӧртіс Канму статистика серти федеральнӧй службалӧн Коми Республикаын мутас органӧн юрнуӧдысь Марина Кудинова.
Сылӧн кывъяс серти, Переписьын участвуйтіс нин Комиын 40 прӧчент олысь.
Цифрӧвӧй переписьын позьӧ участвуйтны вӧльгым тӧлысь 8 лунӧдз, переписчикъяс кутасны уджавны вӧльгым тӧлысь 14 лунӧдз.
— Канму услугаяслӧн портал пыр анкетаяс гижӧмыс отсалас видзны переписчикъяслысь да республикаса олысьяслысь дзоньвидзалунсӧ.
Тӧдчӧдам, Переписьлӧн медшӧр мог — безопасносьт, сы лыдын юӧрлӧн.
Перепись дырйи чукӧртӧны сӧмын ӧтувъя мыччӧдъяс.
Колӧ гӧгӧрвоӧдны йӧзлы, мый Пенсия фонд, Вот служба да мукӧд организация оз вермыны босьтны торъя семья, торъя морт йылысь тӧдмӧгъяссӧ, — тӧдчӧдіс Лариса Карачёва.
{Kodko (комиӧдіс Kodko) @ Коми Республикаса Юралысь урчитіс регионса керкаясӧ биару нюжӧдан график @ выльтор @ https://rkomi.ru/news/1477 @ 2021-10-30 @}
Коми Республикаса Юралысь урчитіс регионса керкаясӧ биару нюжӧдан график
Владимир Уйба республикаса Веськӧдлан котырлӧн заседание дырйи министръяслӧн кабинеткӧд да дінму операторкӧд сёрнитісны сы йылысь, кыдзи сикт-грездъяссӧ дасьтӧны олысьясӧс биаруӧн могмӧдӧм кежлӧ.
Казьтыштам, мый Россия Федерацияса Президентлысь 2021 во ода-кора тӧлысь 2 лунся Пр–753 №-а тшӧктӧмъяс лыддьӧг олӧмӧ пӧртӧм серти Россия Федерацияса Веськӧдлан котырлы да субъектъяслы «Газпром» ПАК-кӧд ӧтвылысь тшӧктӧма биаруӧн могмӧдӧм олан пунктъясын олысьясысь сьӧм босьттӧг нюжӧдны биару биарутӧм керкаясӧдз, кутшӧмъяс сулалӧны посёлокпытшса биару проводъяскӧд орччӧн.
Биаруӧн могмӧдӧм сикт-грездъясын биару помӧдзыс нюжӧдан мероприятиеяссӧ колӧ нуӧдны 2023 воӧдз.
«Президентлысь тшӧктӧмсӧ олӧмӧ пӧртӧм — тайӧ абу сӧмын биару участокӧдз нюжӧдӧм, а кор биарусӧ пыртӧма нин керкаӧ да сійӧ вӧчӧ ассьыс уджсӧ — вайӧ шоныд.
Та понда олысьяскӧд нуӧдан уджыс зэв тӧдчана.
Колӧ гӧгӧрвоны, дасьӧсь-ӧ олысьяс та кежлӧ, сы лыдын и сьӧм серти, и налы, кодъяслӧн эм та вылӧ инӧдыс, колӧ сетны торъя отсӧг», — тӧдчӧдіс Владимир Уйба.
Биару помӧдзыс нюжӧдан своднӧй план-график серти, кутшӧмӧс вынсьӧдіс Коми Республикаса Юралысь, уджтас улӧ веськалӧ 41 сикт-грезд.
Водзвыв донъялӧм серти, биару помӧдзыс нюжӧдан мероприятиеяс нуӧдӧм вылӧ регионлы колӧ 556,7 млн шайт.
Комиын биаруӧн помӧдзыс могмӧдӧны 10 муниципальнӧй юкӧн: «Усинск» КК МЮ, «Печора» МР МЮ, «Вуктыл» КК МЮ, «Сосногорск» МР МЮ, «Ухта» КК МЮ, «Мылдін» МР МЮ, «Княжпогост» МР МЮ, «Емдін» МР МЮ, «Сыктывдін» МР МЮ, «Сыктывкар» КК МЮ.
Уджтасын участвуйтӧм могысь колӧ сетны заявка биару юклан организацияӧ, шуам, «Газпром газораспределение Сыктывкар» акционер котырӧ, либӧ шыӧдчыны биаруӧн могмӧдан ӧтувъя операторлӧн сайт пыр.
Участвуйтны уджтасын вермӧны торъя йӧз, кодъяс кӧсйӧны вӧдитчыны биаруӧн аслас, семьялӧн, керкаын да мукӧд коланлун вылӧ, мый абу йитчӧма предпринимательскӧй (уджсикас серти) уджкӧд.
«Кора Веськӧдлан котырӧс регыдъя кадӧ видлавны мукӧд регионлысь практикаяссӧ, кӧні пыртӧны содтӧд отсалан мераяс — торйӧн нин дорйытӧм категория олысьяслы: медым отсавны налы нюжӧдны биару асланыс керкаясӧ.
Миян республикаын уна йӧз, кодъяс асшӧра рӧскоднысӧ вештыны оз вермыны.
Та понда миянлы колӧ видлавны став позянлунсӧ кокньӧда категорияяс лыддьӧг паськӧдӧм серти», — кывкӧрталіс Владимир Уйба.
{Kodko (комиӧдіс Kodko) @ 2023 воӧ Комиын виччысьӧны 1,2% вылӧ экономическӧй содӧм @ выльтор @ https://rkomi.ru/news/1478 @ 2021-10-30 @}
2023 воӧ Комиын виччысьӧны 1,2% вылӧ экономическӧй содӧм
Коми Республикаса Юралысь Владимир Уйба нуӧдіс Коми Республикаса Веськӧдлан котырлысь заседание, кӧні регионса экономика сӧвмӧдан да промышленносьт министерство тӧдмӧдіс 2022 во да 2024 воӧдз планӧвӧй кадколаст вылӧ республикаӧс социальнӧй да экономика боксянь сӧвмӧдӧм серти прогнозӧн.
Прогноз лӧсьӧдан подулӧн лоисны федеральнӧй сценарнӧй условиеяс (прогнозлӧн параметръяс), кутшӧмъясӧн тавося косму да сора тӧлысьясӧ Россияса экономика сӧвмӧдан министерство тӧдмӧдіс регионъясӧс.
«Прогноз лӧсьӧдігӧн тӧд вылӧ босьтӧма 2019–2020 вояслысь экономическӧй кывкӧртӧдъяссӧ да тайӧ кадӧ артмӧм нырвизьяссӧ, 2021 волысь оперативнӧй статистическӧй мыччӧдъяссӧ», — та йылысь докладын юӧртіс Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева.
Сетӧм прогноз серти, 2021 воын экономикалӧн бурмӧмыс йитчӧма карантинлӧн тӧдчӧмкӧд, та понда валӧвӧй дінму прӧдуктаыс чинас 0,7% вылӧ 2020 волӧн виччысяна донъялӧм серти.
Эльмира Ахмеевалӧн кывъяс серти, содӧмсӧ колӧ виччысьны 2022 волӧн мӧд джынйын да 2023 воӧ экономическӧй содӧмыс артмӧдас 1,2%.
2024 во кежлӧ виччысьӧны неыджыд экономическӧй чинӧм (2% гӧгӧр) ОПЕК+-лӧн сделка серти мусир перйӧм вылӧ дзескӧдӧмъяс личӧдӧм помасьӧмкӧд да предприятиеяслӧн, перъян да переработайтан юкӧнъяслӧн, планӧвӧй вынйӧръяс вылӧ петӧмкӧд йитӧдын.
«Промышленносьтын шӧр кадся периодӧ виччысьӧны став юкӧнъяслысь сӧвмӧм.
Ыджыд пай пуктас мупытшса озырлун перйӧмлӧн, целлюлозно-бумажнӧй прӧдукциялӧн да пу вӧчӧдан изделиеяслӧн производстволысь йӧрышъяссӧ содӧмӧ, а сідзжӧ панйӧмӧн содас мусир переработайтӧм», — юӧртіс Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр.
Кыдзи пасйис аслас докладын Эльмира Ахмеева, 2021 воӧ виччысьӧны тӧлысся шӧркодь номинальнӧй урчитӧм удждонлысь 4,0% вылӧ содӧмсӧ 2020 во серти, мый йитчӧма Россия Федерацияса Президентлӧн 2012 вося «майся индӧдъясӧн» урчитӧм сьӧмкуд юкӧнса торъя категория уджалысьяслы удждон содӧмкӧд, удждон индексируйтӧмкӧд.
Прогнозлӧн периодӧ номинальнӧй удждон кутас содны 5% вылӧ быд во.
Ӧнія кадӧ Министерство федеральнӧй прогнозсӧ да экономикалысь да социальнӧй юкӧнлысь талунъя сӧвмӧмсӧ тӧд вылӧ босьтӧмӧн стӧчмӧдӧ 2022–2024 вояс вылӧ Коми Республикаса прогнозлысь торъя параметръяссӧ.
Тайӧ уджлӧн бӧртасъяс серти стӧчмӧдӧм прогнозсӧ вӧльгым тӧлысь 10 лунӧдз мӧдӧдасны Россияса экономика сӧвмӧдан министерствоӧ Россия Федерацияса Веськӧдлан котырлӧн 2015 во вӧльгым тӧлысь 14 лунся 1234 №-а шуӧм серти.
{Kodko (комиӧдіс Kodko) @ Коми Республикаса Веськӧдлан котыр да «Газпром межрегионгаз» сёрнитісны сы йылысь, кыдзи позьӧ чинтыны биаруысь уджйӧзсӧ @ выльтор @ https://rkomi.ru/news/1480 @ 2021-10-30 @}
Коми Республикаса Веськӧдлан котыр да «Газпром межрегионгаз» сёрнитісны сы йылысь, кыдзи позьӧ чинтыны биаруысь уджйӧзсӧ
Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов нуӧдіс «Газпром межрегионгаз» петкӧдлысьяскӧд сӧвещание.
Сёрнитчысьяс чукӧртчисны, медым вӧчны кывкӧртӧдъяс сы серти, кыдзи збыльмӧдӧны шоныдӧн могмӧдан организацияяслысь биаруысь нюжӧдӧм уджйӧз чинтӧм серти 2021 во лӧддза-номъя тӧлысь 17 лунся сёрнигижӧдлысь помшуӧмъяссӧ.
Регионса шоныдӧн могмӧдан организацияяслысь («ТЭК-Печора» ичӧт кывкутана котырлысь, «Энергия» муниципальнӧй ӧтувъя предприятиелысь, «Аквасервис» ичӧт кывкутана котырлысь) нюжӧдӧм дебиторскӧй уджйӧз бырӧдан графиксӧ вынсьӧдісны Коми Республикаса Юралысь Владимир Уйба да «Газпром межрегионгаз» ИКК медыджыд директор Сергей Густов.
Тайӧ жӧ кадӧ шоныдӧн могмӧдан став организациялӧн, кодъяс уджалӧны регионын, во заводитчӧм кежлӧ йирым тӧлысь 1 лун вылӧ нюжӧдӧм дебиторскӧй уджйӧзыс содіс 6 прӧчент либӧ 21,2 миллион шайт вылӧ.
Медшӧр уджйӧза организацияясӧн лоӧны «ТЭК-Печора» ИКК (108,7 миллион шайт, содіс 0,3 прӧчент вылӧ) да «Аквасервис» ИКК (96,4 миллион шайт, содіс 20,5 прӧчент вылӧ).
«Вуктыл» КК МЮ администрация «Аквасервис» ИКК-кӧд да «Печора» МР МЮ администрация «ТЭК-Печора» ИКК-кӧд сӧгласуйтісны «Газпром межрегионгаз» ИКК водзын биаруысь нюжӧдӧм уджйӧз бырӧдан график.
«Сы вылӧ видзӧдтӧг, мый регионса Веськӧдлан котыр збыльмӧдіс шоныдӧн могмӧдан организацияяслы субсидияяс сетӧм серти став кӧсйысьӧмсӧ, уджйӧз бырӧдӧм серти ситуацияыс век на сьӧкыд.
Такӧд йитӧдын Вуктылса администрациялы «Аквасервис» ИКК-кӧд ӧтвылысь 2022 вося тӧвшӧр тӧлысь 1 лунӧдз колӧ збыльмӧдны кӧсйысьӧмъясныссӧ кырымалӧм график серти, — шуис Игорь Булатов.
— Сыктывдін районса администрациялы да «Энергия» МӦП-лы уджйӧз бырӧдан график серти 2022 вося тӧвшӧр тӧлысь 1 лунӧдз тшӧтш колӧ примитны колана мераяс.
«ТЭК-Печора» серти виччысям Коми Республикаса тариф комитетлы колана эскӧдан став документсӧ экономика боксянь подулалӧм тариф урчитӧм могысь тариф компания прӧйдитӧм вылӧ».
{Kodko (комиӧдіс Kodko) @ Коми Республикаса Юралысь чолӧмалӧ Автомашина да карса пассажирскӧй транспортын уджалысьяслӧн лунӧн @ выльтор @ https://rkomi.ru/news/1481 @ 2021-10-31 @}
Коми Республикаса Юралысь чолӧмалӧ Автомашина да карса пассажирскӧй транспортын уджалысьяслӧн лунӧн
«Коми Республикаса автомашина да карса пассажирскӧй транспортын пыдди пуктана уджалысьяс!
Отрасльса дона ветеранъяс!
Чолӧмала уджсикас гажӧн!
Ӧнія мортлӧн олӧмыс топыда йитчӧма помся ветлӧмкӧд, туйкӧд, автотранспорткӧд.
Шоперъяслӧн стӧчлун, кондукторлӧн вежавидзӧм, механиклӧн бур удж сайын пассажиръяслӧн лючки-бура ветлӧмыс.
Автотранспорт отрасль пуктӧ ыджыд пай миян регионын экономика да промышленносьт сӧвмӧдӧмӧ, социальнӧй юкӧнын уджсӧ бурмӧдӧмӧ.
Каръясын, кар бердын да каръяс костын пассажиръясӧс новлӧдлӧмыс век сӧвмӧ.
Талун миян каръяслӧн да сиктъяслӧн уличьяс вылӧ петӧ пыр унджык выль автомашина.
Медым пассажиръяслы вӧлі лӧсьыдджык, автотранспорт предприятиеясын вӧдитчӧны ӧнія технологияясӧн, уджалысьяс кыпӧдӧны уджалан сямсӧ, бурмӧдӧны пассажиръясӧс могмӧдан качествосӧ.
Пыдди пуктана автомобилистъяс, найӧ, кодъяс йитісны олӧмныссӧ туйкӧд да автотранспорткӧд!
Аттьӧала тіянӧс сьӧлӧмсянь уджалӧмысь, туйяс вылын кывкутӧмысь да вежавидзӧмысь, ӧд буретш ті артмӧданныд шоперлысь кодекссӧ.
Сиа тіянлы безопаснӧй туйяс, ӧта-мӧдныдтӧ пыдди пуктӧм, крепыд дзоньвидзалун да ыджыд шуд!»
[Коми Республикаса Юралысь В. В. Уйба]
{Kodko (комиӧдіс Kodko) @ Юалӧмъяс да вочакывъяс: содтӧд дасьлун режим пыртӧм йылысь Индӧдӧн вӧдитчӧм @ выльтор @ https://rkomi.ru/news/1483 @ 2021-10-31 @}
Юалӧмъяс да вочакывъяс: содтӧд дасьлун режим пыртӧм йылысь Индӧдӧн вӧдитчӧм
Выль коронавирус инфекция паськалӧмлы паныд удж нуӧдӧм серти ведомствокостса оперативнӧй штаб водзӧ йӧзӧдӧ Коми Республикаын содтӧд дасьлун режим пыртӧм йылысь индӧдӧн вӧдитчӧм серти тшӧкыда сетан юалӧмъяс вылӧ вочакывъяс.
Кутасны-ӧ 2021 вося йирым тӧлысь 30 лунсянь вӧльгым тӧлысь 7 лунӧдз уджавны вузасян-гажӧдчан шӧринъяс?
2021 вося йирым тӧлысь 30 лунсянь вӧльгым тӧлысь 7 лунӧдз (бӧръясӧ пыртӧмӧн) урчитӧма уджавтӧм лунъяс. Сэки Коми Республикаын оз кутны лэдзны волысьясӧс да уджалысьясӧс зданиеясӧ, стрӧйбаясӧ, сооружениеясӧ (налӧн жыръясӧ), мутасъясӧ, кӧні вӧчӧны уджъяс, сетӧны услугаяс, сы лыдын: организацияяс, асшӧр уджалысьяс, кодъяс нуӧдӧны прӧст кад коллялан, гажӧдан, зрелищнӧй, рекламнӧй да уна йӧза мукӧд мероприятие, сы лыдын вузасян-гажӧдчан шӧринъясын, войын уджалысь клубъясын, баръясын, дискотекаяс вылын, караокеын, боулинг-клубъясын).
2021 вося вӧльгым тӧлысь 8 лунсянь Коми Республикаын эпидемия боксянь серпас бурмытӧдз граждана вермасны волыны организацияясӧ сэк, кор став волысьыслӧн эм COVІD–19 выль коронавирус инфекцияысь вакцинируйтчӧм либӧ COVІD–19 выль коронавирус инфекцияӧн висьлӧм йылысь (бурдан лунсяньыс мед эз вӧв кольӧма 6 календарнӧй тӧлысь) сертификатлӧн QR-код (водзӧ — QR-код) либӧ COVІD–19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат, мый нуӧдӧма мероприятие заводитчӧмӧдз 72 часысь абу водзджык.
Индӧм корӧмъясыс оз инмыны 18 арӧсысь ичӧтджыкъяслы.
Волысьӧн сетӧм QR-кодлысь збыльлунсӧ прӧверитӧны «Ӧтуввез» вез дорӧ йитӧм электроннӧй устройстволӧн камераӧн сканируйтӧмӧн, тшӧтш и «Канму услугаяс» портал либӧ «Канму услугаяс. Стопкоронавирус» торъя приложение отсӧгӧн.
Сідзжӧ 2021 вося вӧльгым тӧлысь 8 лунсянь ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие оз кутны уджавны 23 чассянь 6 часӧдз.
Организацияяс, кӧні вузалӧны тӧваръяс (сы лыдын вузасян шӧринъясын), уджалӧны дзескӧдӧмъястӧг сӧмын сэк, кор кутчысьӧны COVІD–19 паськалан кадколастӧ урчитӧм санитарно-эпидемиологическӧй корӧмъясӧ.
Кутасны-ӧ уджавны автошколаяс уджавтӧм лунъясӧ, йирым тӧлысь 30 лунсянь вӧльгым тӧлысь 7 лунӧдз?
Уджавтӧм лунъясӧ сідзжӧ оз кутны уджавны содтӧд тӧдӧмлун сетан аспом, республиканскӧй да муниципальнӧй организацияяс, тшӧтш и автошколаяс.
Кыдзи уджалӧны дінму власьт да меставывса асвеськӧдлан органъяс уджавтӧм лунъясӧ, 2021 вося йирым тӧлысь 30 лунсянь вӧльгым тӧлысь 7 лунӧдз?
Публичнӧй власьт органъяслы да мукӧд органлы да организациялы йирым да вӧльгым тӧлысьясӧ уджавтӧм лунъяс урчитӧм йылысь Россия Федерацияса Президентлӧн Индӧдӧн шуӧма урчитны служащӧйяслысь да уджалысьяслысь лыдсӧ, кодъяс уджавтӧм лунъясӧ кутасны могмӧдны тайӧ органъяслысь да организацияяслысь уджсӧ.
Библиотекаяс уджалӧны.
Сӧмын гӧгӧрвотӧм мероприятиеяс нуӧдігӧн залсӧ 50% вылӧ тыртӧм серти пункт.
Тайӧ кыдзи?
Библиотека — тайӧ абу театр да абу концерт зал.
Россия Федерацияса Президентӧн урчитӧм уджавтӧм лунъясӧ (2021 вося йирым тӧлысь 30 лунсянь 2021 вося вӧльгым тӧлысь 7 лунӧдз) библиотекаяс, музейяс уджалӧны залсӧ ӧтувъя тӧранлун серти 50 прӧчентысь абу унджык вылӧ тыртӧмӧн да сэк, кор став волысьлӧн (зрительлӧн) эм QR-код.
Кутасны-ӧ уджавны уджавтӧм лунъясӧ, 2021 вося йирым тӧлысь 30 лунсянь вӧльгым тӧлысь 7 лунӧдз, челядьлы паськӧм вузалан магазинъяс?
«Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧд серти (2021 во йирым тӧлысь 29 лунся редакцияын) сёян-юанӧн да абу сёян-юан тӧварӧн торйӧн вузасян объектъяслысь уджсӧ абу дзескӧдӧма кад да уджалан режим серти.
Та дырйи колӧ кутчысьны корӧмъясӧ, кутшӧмъясӧс урчитӧма COVІD–19 выль коронавирус инфекция паськалан периодӧ, сы лыдын, зданиеӧ, стрӧйбаӧ, жырйӧ пыранінын колӧ лӧсьӧдны волысьяслы «пыран фильтр», кӧні колӧ инмӧдчытӧг мерайтны температура да видзӧдны, медым волысьяслӧн вӧліны маскаяс да перчаткияс.
Кутасны-ӧ уджавны уджавтӧм лунъясӧ, 2021 вося йирым тӧлысь 30 лунсянь вӧльгым тӧлысь 7 лунӧдз, аспом ветеринария клиникаяс?
22 пунктӧн (2 пасйӧд) урчитӧм дзескӧдӧмъясыс оз паськавны организацияяс вылӧ, кодъяслысь уджсӧ оз позь дзескӧдны «Выль коронавирус инфекция (COVІD–19) паськалӧмкӧд йитӧдын Россия Федерацияса субъектъясын олысьяслысь санитарно-эпидемиологическӧй боксянь бур олӧм могмӧдан мераяслысь вынсӧ нюжӧдан пӧрадок индӧм йылысь» Россия Федерацияса Президентлӧн 2020 во ода-кора тӧлысь 11 лунся 316 №-а Индӧд серти, сы лыдын олысьясӧс сёян-юанӧн да мукӧд коланторйӧн (кытчӧ пырӧны пемӧсъяслы вузӧсъяс, тшӧтш и пемӧсъяслы сёян да ветеринарнӧй препаратъяс) могмӧдысь организацияяс вылӧ.
Кутасны-ӧ уджавны уджавтӧм лунъясӧ, 2021 вося йирым тӧлысь 30 лунсянь вӧльгым тӧлысь 7 лунӧдз, парикмахерскӧйяс?
«Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧд серти (2021 во йирым тӧлысь 29 лунся редакцияын) организацияяслы, кодъяс сетӧны парикмахерскӧй услугаяс, урчитӧма уджавтӧм лунъяс, кор волысьясӧс да уджалысьясӧс оз кутны лэдзны индӧм организацияяслӧн зданиеясӧ, стрӧйбаясӧ, сооружениеясӧ (налӧн жыръясӧ).
Менам эм стрӧитчан материалъясӧн торйӧн вузасян магазин, верма-ӧ ме 2021 вося йирым тӧлысь 30 лунсянь вӧльгым тӧлысь 7 лунӧдз вузасьны дистанционнӧя, ньӧбасьысьясӧс магазинӧ лэдзтӧг, примитны заказъяссӧ телефон пыр либӧ магазинӧ пыранінын.
Да босьтны вузӧсысь сьӧмсӧ магазинӧ пыранінын терминал пыр?
«Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧд серти (2021 во йирым тӧлысь 29 лунся редакцияын) сёян-юанӧн да абу сёян-юан тӧварӧн торйӧн вузасян объектъяслысь уджсӧ абу дзескӧдӧма кад да уджалан режим серти.
Та дырйи колӧ кутчысьны корӧмъясӧ, кутшӧмъясӧс урчитӧма COVІD–19 выль коронавирус инфекция паськалан периодӧ, сы лыдын, зданиеӧ, стрӧйбаӧ, жырйӧ пыранінын колӧ лӧсьӧдны волысьяслы «пыран фильтр», кӧні колӧ инмӧдчытӧг мерайтны температура да видзӧдны, медым волысьяслӧн вӧліны маскаяс да перчаткияс.
Кутшӧм Коми Республикаын эпидемия серти серпасыс?
Шуӧма, тшӧтш и федеральнӧй тшупӧдын, мый Комиын серпасыс лёк, но дзескӧдӧмъяссӧ пыртӧма йирым тӧлысь 30 лунсянь, а абу водзджык, кыдзи вӧчисны мукӧд регионын.
Коми Республикаын санитарно-эпидемиологическӧй серпас йылысь юӧрсӧ быд лун йӧзӧдӧны Коми Республикаса Веськӧдлан котырлӧн официальнӧй сайтын (https://www.rkomі.ru/), тшӧтш и «Коронавирус йылысь юӧр» юкӧдын.
Мыйла пӧдлалӧны ичӧт бизнес, кӧні водзынджык кывкутысь юрнуӧдысьяс вакцинируйтісны став персоналсӧ да пыр кутчысьӧны эпидемиякӧд йитчӧм став мераӧ?
2021 вося йирым тӧлысь кежлӧ Коми Республикаын эз на ло ӧтувъя иммунитетлӧн выль коронавирус инфекцияысь дорйӧм вылӧ колана тшупӧдыс.
Дзескӧдан мераяссӧ пыртӧны эпидемиякӧд йитчӧм серпаслӧн лёкмӧм вӧсна да колӧны, медым чинтыны выль коронавирус инфекцияӧн висьмӧмӧ вайӧдысь контактъяссӧ, да найӧс веськӧдӧма йӧзлысь олӧмсӧ да дзоньвидзалунсӧ видзӧм вылӧ.
Мыйла оз позь лэдзны пырны став организацияӧ QR-код серти сэк, кор вакцинируйтӧма уджалысьясысь 80%-сӧ?
2021 вося йирым тӧлысь кежлӧ Коми Республикаын эз на ло ӧтувъя иммунитетлӧн выль коронавирус инфекцияысь дорйӧм вылӧ колана тшупӧдыс.
Дзескӧдан мераяссӧ пыртӧны эпидемиякӧд йитчӧм серпаслӧн лёкмӧм вӧсна да колӧны, медым чинтыны выль коронавирус инфекцияӧн висьмӧмӧ вайӧдысь контактъяссӧ, да найӧс веськӧдӧма йӧзлысь олӧмсӧ да дзоньвидзалунсӧ видзӧм вылӧ.
Кутасны-ӧ нуӧдны шӧр тшупӧда уджсикасӧ велӧдан организацияясын содтӧд занятиеяс?
2021 вося йирым тӧлысь 30 лунсянь вӧльгым тӧлысь 7 лунӧдз (бӧръясӧ пыртӧмӧн) урчитӧма уджавтӧм лунъяс, кор Коми Республикаын волысьясӧс да уджалысьясӧс оз кутны лэдзны зданиеясӧ, стрӧйбаясӧ, сооружениеясӧ (налӧн жыръясӧ), мутасъясӧ, кӧні вӧчӧны уджъяс, сетӧны услугаяс, сы лыдын: содтӧд тӧдӧмлун сетан учреждениеяс.
2021 вося вӧльгым тӧлысь 8 лунсянь Коми Республикаын эпидемия боксянь серпас бурмытӧдз граждана вермасны волыны организацияясӧ сэк, кор став волысьыслӧн эм COVІD–19 выль коронавирус инфекцияысь вакцинируйтчӧм либӧ COVІD–19 выль коронавирус инфекцияӧн висьлӧм йылысь (бурдан лунсяньыс мед эз вӧв кольӧма 6 календарнӧй тӧлысь) сертификатлӧн QR-код либӧ COVІD–19 выль коронавирус инфекция босьтчӧдысьӧс аддзӧм вылӧ ПЦР-тестлӧн отрицательнӧй результат, мый нуӧдӧма мероприятие заводитчӧмӧдз 72 часысь абу водзджык (эм кӧ вакцинация вӧчӧмлы медицина боксянь паныда помкаяс йылысь медицинскӧй документ) (оз паськав 18 арӧсысь ичӧтджыкъяс вылӧ, кодъяс волӧны мероприятиеяс вылӧ QR-код либӧ ПЦР-тестлысь результат петкӧдлытӧг).
Мыйла ставсӧ пӧдлалісны, а кинотеатръяссӧ позьӧ ветлыны QR-код серти?
Кинотеатръяс — тайӧ учреждениеяс, кӧні позьӧ контролируйтны, кымын морт пырӧ-петӧ, да видзӧдны, кутчысьӧны-ӧ найӧ услугаяс сетігӧн видзчысян условиеясӧ (волысьяслӧн лыд да пукалан местаяс серти дзескӧдӧм урчитӧмӧн).
Кутасны-ӧ уджавны 2021 вося йирым тӧлысь 30 лунсянь вӧльгым тӧлысь 7 лунӧдз кафеяс да ресторанъяс?
Кутшӧм форматын?
«Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧд серти (2021 во йирым тӧлысь 29 лунся редакцияын) организацияяслы, кодъяс сетӧны олысьяслы сёян-юан котыртан услугаяс, урчитӧма уджавтӧм лунъяс, кор волысьясӧс да уджалысьясӧс оз кутны лэдзны индӧм организацияяслӧн зданиеясӧ, стрӧйбаясӧ, сооружениеясӧ (налӧн жыръясӧ).
Удж сетысьяс вӧчасны ставсӧ, медым не мынтысьны уджавтӧм лунъясысь.
Мый вӧчны?
Уджалысь да удж сетысь костын удж серти вензьӧм артмигӧн уджалысь вермӧ шыӧдчыны Коми Республикаын канму удж инспекцияӧ.
{Kodko (комиӧдіс Kodko) @ Комиын вӧльгым тӧлысь 1 лунӧ заводитчас 2021 вося арся призыв @ выльтор @ https://rkomi.ru/news/1484 @ 2021-10-31 @}
Комиын вӧльгым тӧлысь 1 лунӧ заводитчас 2021 вося арся призыв
Военнӧй комиссариатъяслӧн военнӧй служба вылӧ призыв кежлӧ дасьлун йылысь Коми Республикаса Юралысь Владимир Уйбалы юӧртіс Коми Республикаса военнӧй комиссар Дмитрий Федин.
«Миян республика дась локтан призывнӧй кампания кежлӧ.
Зэв бур, мый том йӧз окотитӧны мунны «мужичӧйлӧн школаӧ», армия велӧдӧ найӧс унаторйӧ, мый йылысь «гражданка» вылын он тӧдмав.
Такӧд ӧттшӧтш миянлы зэв тӧдчана, медым кампания дырйи видзчысьны ковид да ОРЗ висьӧмъясысь.
Та вӧсна ми бура кутчысям став безопасносьт мераӧ», — пасйис Владимир Уйба.
Военнӧй комиссар тӧдчӧдіс, мый 2020 вося призывлысь заданиесӧ, мый пуктӧма Коми Республикалы, збыльмӧдӧма ас кадӧ да тырвыйӧ.
Военнӧй служба вылӧ корӧма да босьтӧма 1800 гӧгӧр мортӧс.
Призыв прӧйдитіс коронавирус инфекциялӧн пандемиякӧд йитчӧм дзескӧдӧмъяс дырйи.
Республикаса военнӧй комиссариатъяслы водзвыв сетісны колана медицина эмбур.
Призывнӧй комиссияяс вылӧ корисны сідзи, медым локтысьяс эз чукӧрмыны.
Медводдзаясӧн корисны призывникъясӧс, кодъясӧс мӧдӧдӧны войскаясӧ (вынъясӧ).
Медым призывнӧй пунктъясӧ да чукӧртчан пунктъясӧ эз веськавны висьысьяс, пыранінас локтысьяслысь мерайтісны температура.
Быд призывниклы сетісны маска да перчатки.
Торйӧн чукӧртчан пунктын призывникъясӧс тестируйтісны выль коронавирус инфекция вылӧ.
Дезинфицируйтісны военнӧй комиссариатъяслысь, призывнӧй да чукӧртан пунктъяслысь жыръяссӧ, автомашина да кӧрт туй транспортсӧ мунігчӧж.
Воинскӧй командаяссӧ нуисны кӧрт туй транспортӧн, кутшӧмӧн военнослужащӧйясыс оз йитчыны олысьяскӧд.
Коми Республикаса олӧмӧ пӧртысь власьт да меставывса асвеськӧдлан органъяскӧд ӧтув нуӧдӧм мераяс отсӧгӧн, гражданаӧс военнӧй служба вылӧ коригӧн да нуигӧн виччысьтӧмторъяс эз вӧвны да коронавирус инфекцияӧн некод эз висьмы.
Чукӧртчан пунктын нуӧдісны воинскӧй командаясӧ мунысь гражданалысь контрольнӧй медицинскӧй видзӧдӧм да профессионально-психологическӧй бӧрйӧм, медым войскаясӧ эз веськавны призывникъяс, кодъяслӧн лёк дзоньвидзалуныс да кодъяс оз лӧсявны асьсӧ кутӧм да удж нуӧдӧм серти.
Таысь кындзи, призывникъяслы сетісны колана эмбур, сы лыдын пӧсь сёян, а Вооружённӧй Вынъясӧ мунысьяслы — банковскӧй да торъя электроннӧй картаяс.
Коми Республикаысь новобранечьясӧс мӧдӧдісны Войвывса флотлӧн, Рытыв военнӧй кытшлӧн, Воздушно-космическӧй вынъяслӧн да национальнӧй гвардиялӧн воинскӧй юкӧнъясӧ.
«2021 вося арся призыв ёнасӧ оз торъяв воддзаысь.
Войскаясӧ веськӧдігӧн новобранечьясӧс кутасны видзны выль коронавирус инфекцияысь да мукӧд сезоннӧй висьӧмысь», — пасйис Дмитрий Федин.
Та могысь военнӧй комиссариатъяссӧ, сборнӧй да призывнӧй пунктъяссӧ могмӧдӧма колана медицина эмбурӧн да коронавирус инфекция вылӧ тестъясӧн.
Дезинфицируйтӧма военнӧй комиссариатъяслысь да чукӧртчан пунктъяслысь жыръяссӧ.
Чукӧртчан пунктсӧ тырвыйӧ могмӧдӧма медицина, кӧлуй эмбурӧн да сёян-юанӧн, жыръясыс дасьӧсь примитны призывникъясӧс.
* * *
Вӧльгым тӧлысь 1 лунсянь Коми Республикаса военнӧй комиссариатын кутас уджавны гражданаӧс военнӧй служба вылӧ призывкӧд йитчӧм юалӧмъяс серти «веськыд линия».
Призывникъяс да налӧн быть-мамыс вермасны тӧдмавны вочакывъяс найӧс майшӧдлысь юалӧмъяс вылӧ воторникъясӧ да четвергъясӧ 10 чассянь 12 часӧдз.
Коми Республикаса военнӧй комиссариатлӧн веськыд линия телефон: 8 (8212) 32–11–92.
{Kodko (комиӧдіс Kodko) @ Владимир Уйба казьтыштіс Коми Республикаса медводдза юралысьлысь паметьсӧ @ выльтор @ https://rkomi.ru/news/1485 @ 2021-11-01 @}
Владимир Уйба казьтыштіс Коми Республикаса медводдза юралысьлысь паметьсӧ
Талун, 2021 вося вӧльгым тӧлысь 1 лунӧ, Юрий Алексеевич Спиридоновлы тырис эськӧ 83 арӧс.
Тӧдчана сӧветскӧй да россияса уджалысьӧс казьтылӧм могысь Владимир Уйба пуктіс дзоридзьяс Коми Республикаса Юралысьлӧн Администрация здание вылын мемориальнӧй пӧв дорӧ.
«Эмӧсь йӧз, кодъястӧг оз позь аддзыны Коми Республиканымӧс.
На пиын — тӧдчана нырщик, канму да политическӧй уджалысь, Коми Республикаса медводдза Юралысь Юрий Алексеевич Спиридонов.
Сійӧ вӧлі кывкутысь, зіль мортӧн, коді кужис веськӧдлыны, сьӧлӧмсянь тӧждысис Коми му да тані олысь йӧз вӧсна.
Республикаса олысьяслӧн сьӧлӧманыс век кежлӧ кольӧ Юрий Алексеевич йылысь бур паметьыс», — пасйис Владимир Уйба.
Нелямын сайӧ во чӧж Юрий Алексеевичлӧн олӧмыс да уджыс вӧлі йитчӧма Коми Республикакӧд.
Горнӧй мастерсянь сійӧ воис Коми Республикаса медводдза Юралысьӧдз да служитіс тайӧ чинын 1994 восянь 2001 воӧдз.
2003 воӧ сійӧс бӧрйисны Россия Федерациялӧн Каналан Думаса депутатӧн, кӧні уджаліс Вӧр-ва озырлун да вӧр-ваӧн вӧдитчӧм серти комитетын.
Юрий Спиридоновлӧн веськӧдлӧм улын Коми Республикаса Медвылыс Сӧвет примитіс Коми Республикалысь выль демократическӧй Оланподув, бӧрйӧма выль парламент — Коми Республикаса Каналан Сӧвет.
Буретш сы дырйи пуктӧма подув республикалӧн ӧнія тэчаслы.
Республикалӧн сійӧ кадся став вермӧмыс йитчӧма сылӧн нимкӧд.
Юрий Алексеевич Спиридоновлӧн веськӧдлігӧн Сыктывкарын кыпӧдісны Россиялӧн Рытыв-Войвылын дзик ӧти кардиология диспансер, восьтісны Коми Республикаса искусство гимназия да Коми Республикаса физико-математическӧй лицей-интернат, пыртӧма уджӧ Сыктывкарын академическӧй институталысь выль лаборатория корпус — ӧнія Россияса наукаяс академиялӧн историяын медводдза выльысь стрӧитӧм лаборатория.
{Kodko (комиӧдіс Kodko) @ Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр @ выльтор @ https://rkomi.ru/news/1486 @ 2021-11-01 @}
Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр
Коми Республикаын Роспотребнадзорлӧн веськӧдланін юӧртіс: талун кежлӧ (вӧльгым тӧлысь 1 лун вылӧ) бурдіс 69 392 морт.
ПЦР-тестъяс отсӧгӧн тӧдмалӧма, мый COVІD–19 висьмӧма 79 346 (+378) морт.
Медунаӧн висьмисны Сыктывкарын — 105, Ухтаын — 76, Воркутаын — 34, Усинскын — 30, Сосногорск районын — 20, Луздор районын — 18 морт.
Став висьмӧм йӧз бӧрся видзӧдӧны врачьяс, налы сетӧны отсӧг.
Ставнас медицина боксянь видзӧдӧны 13 393 морт бӧрся.
Бӧръя суткинас медицина боксянь обследуйтӧм да кык вежонся карантин помасьӧм бӧрын медицина учёт вылысь киритісны 186 мортӧс.
Найӧ коронавирусӧн оз висьны.
Официальнӧя эскӧдісны, мый коронавирусысь кувсис 1 965 (+4) пациент.
Коми Республикаса йӧзлысь дзоньвидзалун видзан министерстволӧн юӧр серти, 2021 вося вӧльгым тӧлысь 1 лун вылӧ республикаын COVІD 19 ысь прививка (медводдза компонент) вӧчӧма 299 939 морт.
* * *
Вакцинация отсӧгӧн позьӧ кокньыда да дон босьттӧг видзны асьтӧ да матыссаястӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Республикаса Йӧзлысь дзоньвидзалун видзан министерстволӧн йитӧд-шӧрин пыр 8–800–550–0000 номер серти дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Kodko) @ Владимир Путин чолӧмаліс Коми Республикаса олысьясӧс Йӧзкостса ӧтувъялунлы сиӧм лунӧн @ выльтор @ https://rkomi.ru/news/1493 @ 2021-11-04 @}
Владимир Путин чолӧмаліс Коми Республикаса олысьясӧс Йӧзкостса ӧтувъялунлы сиӧм лунӧн
Россия Федерацияса Президент ыстіс Коми Республика Юралысь Владимир Уйбалы чолӧмалан открытка.
«Россиялӧн историяын унаысь вӧлі сэтшӧмтор, кор йӧзыс ӧтувтчӧмӧн повтӧг венісны сьӧкыдлунъяс.
Мывкыд оласногӧ кутчысьӧм, Аймулы сьӧлӧмсянь служитӧм — пӧль-пӧчьясӧн кольӧм медшӧр озырлун» — пасйӧма Владимир Путинлӧн чолӧмалӧмын.
{Kodko (комиӧдіс Kodko) @ Коми Республикаса Юралысь чолӧмалӧ Йӧзкостса ӧтувъялунлы сиӧм лунӧн @ выльтор @ https://rkomi.ru/news/1494 @ 2021-11-04 @}
Коми Республикаса Юралысь чолӧмалӧ Йӧзкостса ӧтувъялунлы сиӧм лунӧн
«Коми Республикаса пыдди пуктана олысьяс!
Дона ёртъяс!
Чолӧмала тіянӧс Йӧзкостса ӧтувъялунлы сиӧм лунӧн!
Россиялӧн история озыр сэтшӧм лоӧмторъясӧн, кор войтырлӧн ӧтувъялуныс отсаліс венны страналӧн историяын сьӧкыдлунъяссӧ, видзис Аймулысь асшӧрлунсӧ.
Тышъяс бӧрын войтыръяс ӧтув уджалӧмӧн выльысь кыпӧдісны да сӧвмӧдісны страналысь экономика, отсалісны стрӧитны каръяс да аддзыны выльторъяс.
Йӧзкостса ӧтувъялунлы сиӧм канму гаж отсалӧ пыдди пуктыны миян Аймулысь историясӧ.
Тайӧ миян войтыръяслӧн ӧтувъялунлӧн, Россияса зумыд канлунлӧн пас.
Гажӧдчан лунӧ колӧ казьтыштны ассьыд вужъястӧ, рӧдлысь историясӧ да традицияяссӧ, ассьыд пӧль-пӧчтӧ.
Уна войтыра, ёртасьысь да радейтана Коми Республикаын пыдди пуктана олысьяс!
Сьӧлӧмсянь сиа тіянлы дзоньвидзалун да тыр-бур олӧм.
Мед шуд, озырлун овмӧдчасны тіян керкаясын, ӧта-мӧдӧс гӧгӧрвоӧм да бурлун — миян республикаын да странаын!»
[Коми Республикаса Юралысь В. В. Уйба]
{Kodko (комиӧдіс Kodko) @ Владимир Уйба ошкис Коми Республикаса Юралысь бердын предпринимательство серти координируйтан сӧвет выль пӧв артмӧдӧм йылысь бизнеслысь вӧзйӧмсӧ @ выльтор @ https://rkomi.ru/news/1500 @ 2021-11-05 @}
Владимир Уйба ошкис Коми Республикаса Юралысь бердын предпринимательство серти координируйтан сӧвет выль пӧв артмӧдӧм йылысь бизнеслысь вӧзйӧмсӧ
Коми Республикаса Юралысь нуӧдіс асшӧр уджалысьяскӧд ковидлы паныд дзескӧдӧмъяс серти сӧвещание.
Сӧвещаниеыс вӧлі вӧльгым тӧлысь 5 лунӧ «Менам бизнес» шӧринын; сэні участвуйтісны Коми Республикалӧн Каналан Сӧветса депутатъяс да Сыктывкарса делӧвӧй котырлысь ӧтувъясӧс петкӧдлысьяс.
Аддзысьӧмын участвуйтысьяс сёрнитісны куим час, веськыда да подулалӧмӧн.
Россия Федерацияса Президентлӧн Индӧд серти 2021 вося йирым тӧлысь 30 лунсянь вӧльгым тӧлысь 7 лунӧдз страна пасьтала шуӧма шойччан лунъяс, сэки Коми Республикаын вынсялӧны дзескӧдӧмъяс торъя предприятиеяс да организацияяс серти.
Та кындзи, 2021 вося вӧльгым тӧлысь 8 лунсянь федеральнӧй тшупӧдын примитӧм помшуӧмъяс тӧд вылӧ босьтӧмӧн лоӧ паськӧдӧма местаяслысь лыддьӧг, кытчӧ позьӧ веськавны сӧмын вакцинируйтчӧм йылысь сертификатлысь QR-код либӧ ПЦР-тест вылӧ отрицательнӧй результат петкӧдлӧм бӧрын.
Ӧні тадзи лэдзӧны сӧмын спорт да культура мероприятиеяс вылӧ.
Асшӧр уджалысьяс дасьӧсь пыртны асланыс организацияясӧ QR кодъяс система.
Аддзысьлӧм дырйи вӧзйисны сетны отсӧг ичӧт да шӧр бизнеслы ковидлы паныд мераяс пыртӧмкӧд йитӧдын.
Тайӧ вӧзйӧмъяссӧ видлаласны аски, вӧльгым тӧлысь 6 лунӧ, выль коронавирус инфекция паськалӧмлы паныд удж нуӧдӧм серти республиканскӧй оперативнӧй штаблӧн заседание дырйи.
Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева казьтыштіс Россия Федерацияын уджавтӧм лунъяс индӧмкӧд йитӧдын бизнеслы пыртӧм федеральнӧй отсӧг сетан мераяс йылысь:
1. 2021 вося вӧльгым тӧлысь 1 лунсянь заводитісны примитны уджавтӧм лунъяс вылӧ субсидия босьтӧм вылӧ заявкаяс.
Субсидиясӧ вермасны босьтны организацияяс да асшӧр уджалысьяс (сы лыдын кодъяслӧн абу медалӧм уджалысьыс), кодъясӧс 2021 вося сора тӧлысь 10 лун вылӧ пыртӧма ичӧт да шӧр предпринимательство субъектъяслӧн реестрӧ да кодъяс лӧсялӧны торъя условиеяслы, а сідзжӧ социальнӧй нырвизя абу коммерческӧй организацияяс.
Субсидия мындаыс кутас артавсьыны быд уджалысь вылӧ 1 МРОТ вылӧ мыджсьӧмӧн, да татшӧм ногӧн быд уджалысьлы мынтасны удждон.
Субсидия босьтӧм вылӧ заявлениесӧ примитӧ вот орган 2021 вося вӧльгым тӧлысь 1 лунсянь ӧшым тӧлысь 15 лунӧдз организациялӧн меститчанін серти либӧ асшӧр уджалысьлӧн оланін серти.
Заявкаяссӧ примитӧ да обработайтӧ ФНС, мынтыны кутасны 2021 вося вӧльгым тӧлысь 15 лунсянь.
2. 2021 вося вӧльгым тӧлысь 1 лунсянь банкъяс заводитісны кырымавны ФОТ 3.0 уджтас серти кредитнӧй артмӧдчӧмъяс.
Уджтасӧн вермӧны вӧдитчыны асшӧр уджалысьяс да юридическӧй кывкутысьяс, сы лыдын гырысь предприятиеяс, а сідзжӧ социальнӧй нырвизя абу коммерческӧй организацияяс, кодъяслӧн уджыс медъёна торксис.
Кредитъяссӧ сетӧны «ФОТ 3.0» уджтаслӧн мӧд этап серти кокньӧдӧм условиеяс вылын 18 тӧлысьӧдз кадколаст вылӧ вонас 3% ставкаӧн (кредитъяс серти, кутшӧмъясӧс сетӧма 2021 вося рака тӧлысь 9 лунсянь сора тӧлысь 1 лунӧдз).
Та дырйи медводдза 6 тӧлысьнас бизнессӧ мездӧма кредит да сы серти прӧчентъяс мынтӧмысь, а сы бӧрын мунысь 12 тӧлысь чӧжӧн найӧс позьӧ бергӧдны ӧткодь пайясӧн.
Отсӧг сетан мераяс да найӧс босьтӧм йылысь юӧрсӧ йӧзӧдӧма Коми Республикаса экономика сӧвмӧдан да промышленносьт министерстволӧн сайтын.
Сӧвещание дырйи вӧзйисны выль пӧв артмӧдны Коми Республикаса Юралысь бердын ичӧт да шӧр предпринимательство серти координируйтан сӧвет.
Владимир Уйба ошкис тайӧ водзмӧстчӧмсӧ.
«Координируйтан сӧветлӧн форматыс лӧсьыд сыӧн, мый позяс коставлытӧг аддзысьны да видлавны ёсь лоӧмторъяс, а сідзжӧ водзӧ вылӧ лӧсьӧдны да пӧртны олӧмӧ предпринимательство сӧвмӧдӧмкӧд йитчӧм вӧзйӧмъяс», — кывкӧрталіс Коми Республикаса Юралысь.
{Kodko (комиӧдіс Kodko) @ Оперативнӧй штаб киритіс бизнеслӧн удж вылӧ ӧткымын дзескӧдӧм @ выльтор @ https://rkomi.ru/news/1503 @ 2021-11-06 @}
Оперативнӧй штаб киритіс бизнеслӧн удж вылӧ ӧткымын дзескӧдӧм
Коми Республикаын эпидемиологическӧй серпас лёкмӧмкӧд йитӧдын Выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штабӧн примитӧм помшуӧмъяс подув вылын пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧдӧ.
Индӧдӧ вежсьӧмъяссӧ пыртӧма вӧзйӧмъяс тӧд вылӧ босьтӧмӧн, кутшӧмъясӧс асшӧр уджалысьяс сетісны Коми Республикаса Юралысь Владимир Уйбакӧд вӧльгым тӧлысь 5 лунӧ аддзысьлігӧн.
Россия Федерацияса Президентӧн урчитӧм уджавтӧм лунъяссӧ (2021 вося йирым тӧлысь 30 лунсянь вӧльгым тӧлысь 7 лунӧдз) оз нюжӧдны.
2021 вося вӧльгым тӧлысь 8 лунсянь позьӧ пырны ӧткымын объектӧ да организацияӧ сэк, кор волысьяслӧн (оз паськав йӧз вылӧ, кодъяслы абу тырӧма 18 арӧс) эм:
— COVID–19 выль коронавирус инфекцияысь вакцинируйтчӧм йылысь сертификатлӧн QR-код;
— либӧ COVID–19 выль коронавирус инфекцияӧн висьлӧм йылысь сертификатлӧн QR-код;
— либӧ COVID–19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат, мый нуӧдӧма мероприятие заводитчӧмӧдз 72 часысь абу водзджык (сэк, кор эм вакцинируйтчӧмлы медицина боксянь паныда помкаяслӧн эмлун йылысь медицинскӧй документ).
Та дырйи, индӧм условиеясӧ кутчысигӧн, позьӧ 100% вылӧ тыртны кинотеатръяслысь (кинозалъяслысь), театръяслысь, театр да концерт организацияяслысь, клуб сяма учреждениеяслысь, а сідзжӧ спорт мероприятиеяс нуӧдысь организацияяслысь залъяс да трибунаяс.
Тайӧс тшӧтш вӧзйисны республикаса юрнуӧдысьяслӧн асшӧр уджалысьяскӧд аддзысьлӧмъяс дырйи.
2021 вося вӧльгым тӧлысь 8 лунсянь Коми Республикаын эпидемиологическӧй серпас бурмытӧдз волысьяслы да уджалысьяслы оз позь пырны зданиеясӧ, стрӧйбаясӧ, сооружениеясӧ (налӧн жыръясӧ), мутасъясӧ, кӧні сетӧны услугаяс челядьлы ворсан жыръяс, челядьӧс гажӧдан шӧринъяс.
2021 вося вӧльгым тӧлысь 8–14 лунъясӧ волысьяслы да уджалысьяслы оз позь пырны зданиеясӧ, стрӧйбаясӧ, сооружениеясӧ (налӧн жыръясӧ), мутасъясӧ, кӧні сетӧны услугаяс содтӧд тӧдӧмлун сетан аспом, республиканскӧй да муниципальнӧй организацияяс (челядьлы да том йӧзлы спорт организацияясӧ да спорт секцияясын занимайтчӧм вылӧ зданиеясӧ, стрӧйбаясӧ, сооружениеясӧ (налӧн жыръясӧ) пырӧм кындзи).
Оперштаблӧн помшуӧмӧн вӧльгым тӧлысь 7 лунсянь социальнӧя могмӧдан организацияясын да велӧдан организацияясын позьӧ сетны дзоньвидзалунын дзескӧдӧм позянлуна челядьлы социальнӧй, социальнӧя реабилитируйтан, велӧдан услугаяс.
* * *
Объектъяслӧн лыддьӧг, кытчӧ граждана (оз паськав йӧз вылӧ, кодъяслы абу тырӧма 18 арӧс) 2021 вося вӧльгым тӧлысь 8 лун борын вермӧны пырны сэк, кор налӧн эм COVID–19 выль коронавирус инфекцияысь вакцинируйтчӧм йылысь сертификатлӧн QR-код либӧ COVID–19 выль коронавирус инфекцияӧн висьлӧм йылысь сертификатлӧн QR-код либӧ COVID–19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат:
1) ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие (тшӧтш и фуд-кортъяс (зонаяс, кӧні йӧзӧс ӧтув вердан предприятиеяс уджалӧны йӧзӧс ӧтлаын пуксьӧданінъясӧн, кӧні абуӧсь волысьясӧс пуксьӧдалӧм вылӧ торъя жыръяс), татшӧм объектъяс кындзи:
организацияяс, кӧні граждана вермӧны ньӧбасьны индӧм предприятиеяслӧн жыръясӧ пыравтӧг, заказъяс ваян службаяс;
предприятиеяс, кӧні сетӧны йӧзӧс ӧтув вердан услугаяс, сы лыдын столӧвӧйяс, буфетъяс, кафеяс, организацияясын уджалысьяслы, асшӧр уджалысьяслы сэк, кор сэтчӧ оз лэдзны гражданаӧс, кодъяс оз уджавны индӧм организацияясын, асшӧр уджалысьяс дорын;
Асшӧр уджалысьяслӧн вӧзйӧм серти дугӧдӧма йӧзӧс ӧтув вердан организацияясын волысьясӧс могмӧдан кад серти дзескӧдӧмъяссӧ.
2) вынйӧр сӧвмӧдан да дзоньвидзалун бурмӧдан комплексъяс, фитнес-клубъяс, бассейнъяс да мукӧд объект, кӧні сетӧны вынйӧр сӧвмӧдан да дзоньвидзалун бурмӧдан услугаяс, войтыркостса да россияса ордйысьӧмъясын участвуйтысь сборнӧй, профессиональнӧй командаяслы тренируйтчан да спорт мероприятиеяс нуӧдӧм могысь спорт объектъясӧ волӧм кындзи;
3) объектъяс, кутшӧмъясӧс босьтӧны организацияяс, асшӧр уджалысьяс, кодъяс нуӧдӧны прӧст кад коллялан, гажӧдчан, зрелищнӧй, реклама да мукӧд уна йӧза мероприятие, тшӧтш и вузасян-гажӧдчан шӧринъясын, войын уджалысь клубъясын, баръясын, дискотекаяс вылын, караокеын, боулинг-клубъясын;
4) зоопаркъяс, сэтшӧмъяс кындзи, кутшӧмъяс меститчӧмаӧсь ывла вылын;
5) объектъяс, кутшӧмъясӧс босьтӧны организацияяс, асшӧр уджалысьяс, кодъяс сетӧны туй морт керкаын услугаяс;
6) объектъяс, кутшӧмъясӧс босьтӧны Индӧдлӧн 19.11 пунктса кӧкъямысӧд абзацын да 19.15(3) пунктса квайтӧд абзацын индӧм организацияяс.
{Kodko (комиӧдіс Kodko) @ Оперштаб гӧгӧрвоӧдӧ @ выльтор @ https://rkomi.ru/news/1505 @ 2021-11-08 @}
Оперштаб гӧгӧрвоӧдӧ
QR-кодъясӧн вӧдитчӧм серти юалӧмъяс да вочакывъяс:
1. Колӧ-ӧ QR-код кындзи петкӧдлыны паспорт, медым пырны организацияясӧ, кӧні кодыс колӧ?
Оз, паспорт петкӧдлыны оз ков.
Объектъяслӧн лыддьӧг, кытчӧ граждана (оз паськав йӧз вылӧ, кодъяслы абу тырӧма 18 арӧс) 2021 вося вӧльгым тӧлысь 8 лун бӧрын вермӧны пырны сэк, кор налӧн эм COVІD–19 выль коронавирус инфекцияысь вакцинируйтчӧм йылысь либӧ COVІD–19 выль коронавирус инфекцияӧн висьлӧм йылысь сертификатлӧн QR-код либӧ COVІD–19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат:
1) ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие (тшӧтш и фуд-кортъяс (зонаяс, кӧні уджалӧны йӧзӧс ӧтув вердан предприятиеяс йӧзӧс ӧтлаын пуксьӧданінъясӧн, кӧні абуӧсь волысьясӧс пуксьӧдалӧм вылӧ торъя жыръяс), татшӧм объектъяс кындзи:
организацияяс, кӧні граждана вермӧны ньӧбасьны индӧм предприятиеяслӧн жыръясӧ пыравтӧг, заказъяс ваян службаяс;
предприятиеяс, кӧні сетӧны йӧзӧс ӧтув вердан услугаяс, сы лыдын столӧвӧйяс, буфетъяс, кафеяс, организацияясын уджалысьяслы, асшӧр уджалысьяслы сэк, кор сэтчӧ оз лэдзны гражданаӧс, кодъяс оз уджавны индӧм организацияясын, асшӧр уджалысьяс дорын.
Асшӧр уджалысьяслӧн вӧзйӧм серти дугӧдӧма йӧзӧс ӧтув вердан организацияясын волысьясӧс могмӧдан кад серти дзескӧдӧмъяссӧ.
2) вынйӧр сӧвмӧдан да дзоньвидзалун бурмӧдан комплексъяс, фитнес-клубъяс, бассейнъяс да мукӧд объект, кӧні сетӧны вынйӧр сӧвмӧдан да дзоньвидзалун бурмӧдан услугаяс, войтыркостса да россияса ордйысьӧмъясын участвуйтысь сборнӧй, профессиональнӧй командаяслы тренируйтчан да спорт мероприятиеяс нуӧдӧм могысь спорт объектъясӧ волӧм кындзи;
3) объектъяс, кутшӧмъясӧс босьтӧны организацияяс, асшӧр уджалысьяс, кодъяс нуӧдӧны прӧст кад коллялан, гажӧдчан, зрелищнӧй, реклама да мукӧд уна йӧза мероприятие, тшӧтш и вузасян-гажӧдчан шӧринъясын, войын уджалысь клубъясын, баръясын, дискотекаяс вылын, караокеын, боулинг-клубъясын;
4) зоопаркъяс, сэтшӧмъяс кындзи, кутшӧмъяс меститчӧмаӧсь ывла вылын;
5) объектъяс, кутшӧмъясӧс босьтӧны организацияяс, асшӧр уджалысьяс, кодъяс сетӧны туй морт керкаын услугаяс;
6) объектъяс, кутшӧмъясӧс босьтӧны Индӧдлӧн 19.11 пунктса кӧкъямысӧд абзацын да 19.15(3) пунктса квайтӧд абзацын индӧм организацияяс.
2. Коді вермӧ прӧверитны QR-кодъяссӧ?
QR-кодъяслысь збыльлунсӧ вермӧ прӧверитны организацияын уджалысь, кытчӧ пырнысӧ позьӧ QR-кодъяс система серти.
3. Канму услугаясӧ QR-кодыс эз во.
Вӧзйӧны шыӧдчыны уна мога шӧринӧ.
А УМШ-ӧ QR-кодтӧг оз лэдзны.
Мый вӧчны?
УМШ-ын талун кежлӧ абу урчитӧма, мый волысьяслы колӧ петкӧдлыны QR-код.
4. Коді вермӧ прӧверитны QR-кодъяссӧ?
Кӧні та йылысь гижӧма, йӧзыс кӧ кутасны юасьны?
QR-кодъяслысь збыльлунсӧ вермӧ прӧверитны организацияын уджалысь, кытчӧ пырнысӧ позьӧ QR-кодъяс система серти.
Объектъяслӧн лыддьӧг, кытчӧ граждана (оз паськав йӧз вылӧ, кодъяслы абу тырӧма 18 арӧс) 2021 вося вӧльгым тӧлысь 8 лун бӧрын вермӧны пырны сэк, кор налӧн эм COVІD–19 выль коронавирус инфекцияысь вакцинируйтчӧм йылысь либӧ COVІD–19 выль коронавирус инфекцияӧн висьлӧм йылысь сертификатлӧн QR-код либӧ COVІD–19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат
1) ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие (тшӧтш и фуд-кортъяс (зонаяс, кӧні уджалӧны йӧзӧс ӧтув вердан предприятиеяс йӧзӧс ӧтлаын пуксьӧданінъясӧн, кӧні абуӧсь волысьясӧс пуксьӧдалӧм вылӧ торъя жыръяс), татшӧм объектъяс кындзи:
организацияяс, кӧні граждана вермӧны ньӧбасьны индӧм предприятиеяслӧн жыръясӧ пыравтӧг, заказъяс ваян службаяс;
предприятиеяс, кӧні сетӧны йӧзӧс ӧтув вердан услугаяс, сы лыдын столӧвӧйяс, буфетъяс, кафеяс, организацияясын уджалысьяслы, асшӧр уджалысьяслы сэк, кор сэтчӧ оз лэдзны гражданаӧс, кодъяс оз уджавны индӧм организацияясын, асшӧр уджалысьяс дорын.
Асшӧр уджалысьяслӧн вӧзйӧм серти дугӧдӧма йӧзӧс ӧтув вердан организацияясын волысьясӧс могмӧдан кад серти дзескӧдӧмъяссӧ.
2) вынйӧр сӧвмӧдан да дзоньвидзалун бурмӧдан комплексъяс, фитнес-клубъяс, бассейнъяс да мукӧд объект, кӧні сетӧны вынйӧр сӧвмӧдан да дзоньвидзалун бурмӧдан услугаяс, войтыркостса да россияса ордйысьӧмъясын участвуйтысь сборнӧй, профессиональнӧй командаяслы тренируйтчан да спорт мероприятиеяс нуӧдӧм могысь спорт объектъясӧ волӧм кындзи;
3) объектъяс, кутшӧмъясӧс босьтӧны организацияяс, асшӧр уджалысьяс, кодъяс нуӧдӧны прӧст кад коллялан, гажӧдчан, зрелищнӧй, реклама да мукӧд уна йӧза мероприятие, тшӧтш и вузасян-гажӧдчан шӧринъясын, войын уджалысь клубъясын, баръясын, дискотекаяс вылын, караокеын, боулинг-клубъясын;
4) зоопаркъяс, сэтшӧмъяс кындзи, кутшӧмъяс меститчӧмаӧсь ывла вылын;
5) объектъяс, кутшӧмъясӧс босьтӧны организацияяс, асшӧр уджалысьяс, кодъяс сетӧны туй морт керкаын услугаяс;
6) объектъяс, кутшӧмъясӧс босьтӧны Индӧдлӧн 19.11 пунктса кӧкъямысӧд абзацын да 19.15(3) пунктса квайтӧд абзацын индӧм организацияяс.
5. Телефонын ӧтуввезйыс абу, та вӧсна телефонсянь Канму услугаясӧ пырны он вермы.
Кыдзи петкӧдлыны телефонсянь QR кодсӧ?
Позьӧ шыӧдчыны УМШ-ӧ, кӧні отсаласны босьтны QR-код.
Бумага вылын QR-кодыс тшӧтш вына.
УМШ-ӧ позьӧ локны QR-код петкӧдлытӧг.
6. Вермӧны-ӧ граждана петкӧдлыны печатайтӧм сертификат, коді и кыдзи та дырйи прӧверитӧ сылысь збыльлунсӧ да тайӧ мортлӧн-ӧ сертификатыс?
Да, вермӧны.
QR-кодъяслысь збыльлунсӧ вермӧ прӧверитны организацияын уджалысь, кытчӧ пырнысӧ позьӧ QR-кодъяс система серти.
Прӧверкаяс нуӧдігӧн инӧд видзан органъясса уджалысь вермӧ ӧткодявны вына QR-кодсӧ мортӧс эскӧдысь документкӧд.
Объектъяслӧн лыддьӧг, кытчӧ граждана (оз паськав йӧз вылӧ, кодъяслы абу тырӧма 18 арӧс) 2021 вося вӧльгым тӧлысь 8 лун бӧрын вермӧны пырны сэк, кор налӧн эм COVІD–19 выль коронавирус инфекцияысь вакцинируйтчӧм йылысь либӧ COVІD–19 выль коронавирус инфекцияӧн висьлӧм йылысь сертификатлӧн QR-код либӧ COVІD–19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат
1) ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие (тшӧтш и фуд-кортъяс (зонаяс, кӧні уджалӧны йӧзӧс ӧтув вердан предприятиеяс йӧзӧс ӧтлаын пуксьӧданінъясӧн, кӧні абуӧсь волысьясӧс пуксьӧдалӧм вылӧ торъя жыръяс), татшӧм объектъяс кындзи:
организацияяс, кӧні граждана вермӧны ньӧбасьны индӧм предприятиеяслӧн жыръясӧ пыравтӧг, заказъяс ваян службаяс;
предприятиеяс, кӧні сетӧны йӧзӧс ӧтув вердан услугаяс, сы лыдын столӧвӧйяс, буфетъяс, кафеяс, организацияясын уджалысьяслы, асшӧр уджалысьяслы сэк, кор сэтчӧ оз лэдзны гражданаӧс, кодъяс оз уджавны индӧм организацияясын, асшӧр уджалысьяс дорын.
Асшӧр уджалысьяслӧн вӧзйӧм серти дугӧдӧма йӧзӧс ӧтув вердан организацияясын волысьясӧс могмӧдан кад серти дзескӧдӧмъяссӧ.
2) вынйӧр сӧвмӧдан да дзоньвидзалун бурмӧдан комплексъяс, фитнес-клубъяс, бассейнъяс да мукӧд объект, кӧні сетӧны вынйӧр сӧвмӧдан да дзоньвидзалун бурмӧдан услугаяс, войтыркостса да россияса ордйысьӧмъясын участвуйтысь сборнӧй, профессиональнӧй командаяслы тренируйтчан да спорт мероприятиеяс нуӧдӧм могысь спорт объектъясӧ волӧм кындзи;
3) объектъяс, кутшӧмъясӧс босьтӧны организацияяс, асшӧр уджалысьяс, кодъяс нуӧдӧны прӧст кад коллялан, гажӧдчан, зрелищнӧй, реклама да мукӧд уна йӧза мероприятие, тшӧтш и вузасян-гажӧдчан шӧринъясын, войын уджалысь клубъясын, баръясын, дискотекаяс вылын, караокеын, боулинг-клубъясын;
4) зоопаркъяс, сэтшӧмъяс кындзи, кутшӧмъяс меститчӧмаӧсь ывла вылын;
5) объектъяс, кутшӧмъясӧс босьтӧны организацияяс, асшӧр уджалысьяс, кодъяс сетӧны туй морт керкаын услугаяс;
6) объектъяс, кутшӧмъясӧс босьтӧны Индӧдлӧн 19.11 пунктса кӧкъямысӧд абзацын да 19.15(3) пунктса квайтӧд абзацын индӧм организацияяс.
7. Позьӧ-ӧ пырны УМШ-ӧ QR-кодтӧг?
«Менам документъяс» шӧринъясӧ пыригӧн оз ков, медым быть вӧлі коронавирусысь вакцинируйтчӧм йылысь сертификатлӧн QR-код.
Татшӧм дзескӧдӧмсӧ вӧлі пыртӧма «ковикулъяс» водзвылын, но Коми Республикаса Юралысьлӧн 2021 во вӧльгым тӧлысь 6 лунся 125 № Индӧд сійӧс киритіс.
Сідзкӧ УМШ-ӧ позьӧ пырны сертификаттӧг, пыригӧн кодсӧ оз кутны корны.
Позьӧ виччысьны ловъя ӧчередь либӧ гижӧдчыны лӧсялана кад кежлӧ: 8 800–200–82–12.
Таысь кындзи, Россияса йӧзлысь дзоньвидзалун видзан министр Михаил Мурашко юӧртіс УМШ-лӧн выль уджмог йылысь: вӧльгым тӧлысь 12 лунсянь «Менам Документъяс» шӧринъясын позяс босьтны вакцинируйтӧм йылысь сертификатсӧ бумага вылын.
Тайӧ пӧрадоксӧ вынсьӧдӧма Россияса йӧзлысь дзоньвидзалун видзан министерстволӧн 2001 во йирым тӧлысь 22 лунся 1006н №-а тшӧктӧдӧн.
УМШ-лӧн удж серти юалӧмъясӧн колӧ шыӧдчыны Коми Республикаса УМШ-лӧн «веськыд йитӧд» пыр: 8–800–200–8212.
{Kodko (комиӧдіс Kodko) @ Коми Республикаса Юралысь чолӧмалӧ Россия Федерацияса пытшкӧс делӧяс органъясын уджалысьяслы сиӧм лунӧн @ выльтор @ https://rkomi.ru/news/1510 @ 2021-11-10 @}
Коми Республикаса Юралысь чолӧмалӧ Россия Федерацияса пытшкӧс делӧяс органъясын уджалысьяслы сиӧм лунӧн
«Пытшкӧс делӧяс органъясын пыдди пуктана уджалысьяс!
Дона ветеранъяс!
Сьӧлӧмсянь чолӧмала тіянӧс уджсикас гажӧн!
Ті бӧрйинныд аслыныд сьӧкыд да кывкутана удж — инӧд видзан органъясын служитӧм.
Ті отсаланныд пикӧ воӧм йӧзлы, доръянныд йӧзӧс да налысь инӧдъяс, нуӧданныд мыж вӧчӧмкӧд тыш, видзанныд инӧд торкалӧмъясысь.
Зэв бура, сьӧлӧмсянь, присягаӧ кутчысьӧмӧн пӧртанныд олӧмӧ тіян водзӧ пуктӧм могъяс.
Тіянлы колӧ лоны веськыд, вына, повтӧм йӧзӧн, став сьӧлӧмсянь вӧчны бӧрйӧм удж.
Тшӧкыда олӧмнытӧ жалиттӧг ті отсаланныд мукӧдлы.
Аттьӧала тіянӧс Россиялы да гражданалы служитӧмысь.
Торйӧн аттьӧала ветеранъясӧс, кодъяс пуктісны подув пытшкӧс делӧяс органъяслӧн уджлы, ас примерӧн велӧдӧны том уджалысьясӧс.
Пытшкӧс делӧяс органъясын пыдди пуктана уджалысьяс!
Сиа тіянлы крепыд дзоньвидзалун, шуд да тыр-бур олӧм, чӧв-лӧнь дежурствояс да быдлунъя удж!»
[Коми Республикаса Юралысь В. В. Уйба]
{Kodko (комиӧдіс Kodko) @ Комиын волонтёръяс Веськӧдлан котырлӧн отсӧгӧн лӧсьӧдӧны «арктикаса пӧрадок» @ выльтор @ https://rkomi.ru/news/1512 @ 2021-11-10 @}
Комиын волонтёръяс Веськӧдлан котырлӧн отсӧгӧн лӧсьӧдӧны «арктикаса пӧрадок»
Таво Коми Республикаын «Сӧстӧм Арктика» федеральнӧй проект збыльмӧдӧмын участвуйтіс 160 гӧгӧр морт. Найӧ чукӧртісны 250 тонна шыблас.
Талун Россия Федерацияса Ылі Асыввыв да Арктика сӧвмӧдан министр Алексей Чекуновкӧд сӧвещание дырйи вӧчисны кывкӧртӧдъяс «Сӧстӧм Арктикалӧн» медводдза сезон серти.
Сӧвещаниеӧ пырӧдчис и Коми Республикаса Юралысь Владимир Уйба.
Комиын проектыс заводитчис 2021 вося сора тӧлысьӧ.
Республикаса Юралысьлӧн тшӧктӧдӧн урчитӧма проектын участвуйтысь объектъяссӧ.
Тайӧ «Усинск» кар кытшын чорыд коммунальнӧй да промышленнӧй шыбласъяс санкционируйттӧм чукӧртанін да Воркуталӧн историческӧй юкӧнын важ керкаяс разьӧм бӧрын кольӧм стрӧитчан шыбласъяслӧн чукӧръяс.
Таво Усинсклӧн мутасын вӧлі лӧсьӧдӧма кык объект.
Медводдзаыс — коммунальнӧй шыбласъяс да автомашиналӧн важмӧм шынъяс санкционируйттӧм чукӧртанін, кӧні меститчӧ ключлӧн петанін.
Некымын во сайын сёрнитчытӧг тані лӧсьӧдісны мототрек.
Но олысьяс кутісны ваявны весалӧм инӧ важмӧм шынъяс, а сэсся и мукӧд лӧп-ёг.
Тайӧ местасӧ весалісны шыбласъясысь да лӧсьӧдісны сэні техническӧй спорт сикасъяс вылӧ площадка, кытчӧ пырӧны кроссъяслӧн трасса, паркуйтчан да шойччан инъяс.
Мӧд объект — Усинсксянь 100 км ылнаын «Войкытш» казьтылан пас.
Проектын участвуйтысьяс косметическӧя дзоньталісны стеласӧ, весалісны матігӧгӧрса муяссӧ шыбласъясысь да лӧсьӧдісны сэні шойччанін.
«Проект збыльмӧдӧмын участвуйтісны тані олысь волонтёръяс.
«Транснефть-Север» АК да «ЛУКОЙЛ-Коми» ИКК отсалісны транспортӧн да спецтехникаӧн.
Сідзжӧ кӧсъя аттьӧавны бур ӧтувъя уджысь проектлысь экспедиционнӧй да волонтёрскӧй группаяс», — тӧдчӧдіс Владимир Уйба.
Некымын уджалан тӧлысьӧн «Сӧстӧм Арктикаса» уна сюрс доброволеч утилизируйтӧм вылӧ чукӧртісны 1500 тоннаысь унджык шыблас.
Экспедицияяс да субботникъяс прӧйдитісны Красноярск крайын, Якутияын, Ямало-Ненеч да Ненеч асвеськӧдлан кытшъясын, Архангельск да Мурманск обласьтъясын, Комиын, Карелияын да Чукоткаын.
Участвуйтӧм вылӧ заявкаяс сетіс 3000-ысь унджык морт, кодъяс пырисны локтан во вылӧ ыджыд добровольческӧй резервӧ.
«Арктика выль пӧв сӧвмӧдӧм вермас лоны тӧдчанаджыкӧн сӧветскӧй арктикаса уджтасъясысь.
Та дырйи медшӧрӧн лоӧ экономическӧй сӧвмӧдӧмсӧ вӧр-валӧн законъяс серти синхронизируйтӧм, арктикалысь экосистема техногеннӧй тӧдчӧмысь видзӧм.
Арктикаса повесткалӧн шӧр мог — весавны сэтчӧс муяссӧ овмӧс нуӧдӧм бӧрын чукӧрмӧм лёк колясъясысь (колясъяслӧн йӧрышыс — уна миллион тонна).
«Сӧстӧм Арктика» федеральнӧй проект — тӧдчана да повтӧм воськов тайӧ нырвизьын.
Сылы подувсӧ пуктісны миян соотечественникъяс, кодъяс сиисны Арктикалы олӧмсӧ», — пасйис Алексей Чекунков.
«В 2022 — 2024 воясӧ Коми Республикаын водзӧ кутасны збыльмӧдны «Сӧстӧм Арктика» федеральнӧй проект.
Кутасны корсьны позянлун сы серти, медым проектӧ пырӧдчисны республикалӧн став нёль арктикаса муниципалитетын (Воркута, Инта, Усинск, Чилимдін район) меститчысь объектъяс.
2022 волӧн медводдза кварталын тайӧ лыддьӧгсӧ актуализируйтасны», — юӧртіс Коми Республикаса Юралысь.
Водзӧ вылӧ бур мероприятиеяс кутасны нуӧдсьыны санитарно-эпидемиологическӧй корӧмъяссӧ, волонтёръяслысь да экспедиционнӧй группаяслысь удж транспортӧн могмӧдӧмсӧ, объектъяс вылын мувывса уджъяс дырйи безопасносьт видзӧмсӧ тӧд вылӧ босьтӧмӧн.
Регионса юралысьлӧн кывъяс серти, проектсӧ веськӧдӧма арктикаса мутасъяс мортлӧн лёк тӧдчӧмысь весалӧм вылӧ, сы вӧсна сійӧ зэв тӧдчана да колана Коми Республикалы.
Экология — медтӧдчанатор.
{Kodko (комиӧдіс Kodko) @ Коми Республикаса Веськӧдлан котыр бердын Координационнӧй сӧвет дырйи сёрнитісны финансӧвӧя велӧдӧм йылысь @ выльтор @ https://rkomi.ru/news/1515 @ 2021-11-11 @}
Коми Республикаса Веськӧдлан котыр бердын Координационнӧй сӧвет дырйи сёрнитісны финансӧвӧя велӧдӧм йылысь
Федеральнӧй экспертъяс пасйисны, мый Коми Республикалӧн став велӧдан тшупӧдын бура збыльмӧдӧма финансӧвӧй тӧдӧмлун серти проектъяс: и детсадйӧ ветлысь челядьлы, и студентъяслы.
Таысь кындзи, республикаын уджалӧны и верстьӧ йӧзлысь финансӧвӧй тӧдӧмлун кыпӧдан проектъяс, эм СМИ пыр финансӧвӧй тӧдӧмлун серти проект.
Татшӧм юӧрсӧ сетӧма олысьяслысь финансӧвӧй тӧдӧмлунсӧ кыпӧдӧм серти координационнӧй сӧветлӧн заседание дырйи регионса Веськӧдлан котырӧн Юрнуӧдысьӧс вежысь Лариса Карачёва.
Аддзысьлісны Чӧжаслы сиӧм ставроссияса вежон кежлӧ да «Цифрӧвӧй экономика дырйи финансӧвӧй тӧдӧмлун» Россияын финансӧвӧя велӧдӧм серти ставроссияса VIII конференция дырйи.
Координационнӧй сӧветлӧн заседаниеӧн панісны Региональнӧй финансӧвӧй форумлысь мероприятиеяс.
Сёрниӧ пырӧдчисны Россияса сьӧм овмӧс министерстволӧн Наука туялан финансӧвӧй институтысь да Финансӧвӧй тӧдӧмлун сӧвмӧдан ассоциацияысь йӧз.
Коми Республикалысь опытсӧ петкӧдлісны Россияса шӧр банклӧн Коми Республикаын национальнӧй банк, сьӧм овмӧс да велӧдан министерствояс, Коми Республикаын вот службаӧн веськӧдланін, а сідзжӧ Канму службаӧ да веськӧдлыны велӧдан Коми Республикаса академия.
Кыдзи тӧдчӧдіс Лариса Карачёва, командаӧн ӧтувъя уджыс отсаліс пандемия дырйи водзӧ финансӧвӧя велӧдны да вевтыртны 2018 — 2023 вояс вылӧ финансӧвӧй тӧдӧмлун кыпӧдӧм серти регионса уджтаслысь индӧм петкӧдласъяссӧ.
— Миянлы эм мыйӧн юксьыны.
Республикаса матӧ 130 сюрс олысьлы нуӧдӧма финансӧвӧй тӧдӧмлун серти мероприятиеяс.
Нӧшта 31 сюрс олысьӧс консультируйтӧма финансӧвӧя.
Республикаын збыльмӧдӧны финансӧвӧй тӧдӧмлун серти 70 гӧгӧр велӧдан уджтас.
Мероприятиеяссӧ котыртӧмӧ да нуӧдӧмӧ пырӧдчис 524 специалист (педагогъяс, воспитательяс, волонтёръяс, тьюторъяс да мукӧд эксперт), — юӧртіс Коми Республикаса Веськӧдлан котырӧн Юрнуӧдысьӧс вежысь.
Россияса Банклӧн онлайн-урокъяс йылысь висьталіс Юкӧнӧн — Коми Республикаын национальнӧй банкӧн веськӧдлысьӧс вежысь Юрий Железняк.
«Ми зілям, медым финансӧвӧй тӧдӧмлунсӧ сетісны став велӧдан тшупӧдын, а республикаса быд олысь вермис велӧдчыны онлайн.
Республикаын финансӧвӧй тӧдӧмлун серти онлайн-урокъясыс колӧны, та йылысь висьталӧ сійӧ, мый кывзысьяслӧн да велӧдан учреждениеяслӧн, кодъяс йитчисны трансляцияӧ, лыдыс содӧ.
Сӧмын тулыснас занятиеяссӧ кывзіс 126 велӧдчанінысь 14 сюрс велӧдчысь», — пасйис Юрий Железняк.
Велӧдӧмын опытӧн сідзжӧ юксисны Коми Республикаса велӧдан министрӧс вежысь Олег Холопов да Наталья Ружанская — Коми Республикаса финансӧвӧй тӧдӧмлун кыпӧдӧм серти регионса шӧринӧн юрнуӧдысь; шӧриныс уджалӧ Канму службаӧ да веськӧдлыны велӧдан Коми Республикаса академия бердын.
Сигӧртігӧн Лариса Карачёва корис ставнысӧ пырӧдчыны финансӧвӧй форумӧ, сійӧ мунас республикаын вӧльгым тӧлысь 11 да 12 лунъясӧ.
А налы, кодъяслӧн оз артмы тӧдмасьны пыдди пуктана экспертъяслӧн видзӧдласӧн, петкӧдчӧмъяссӧ гижасны YouTube каналӧ.
Уджтассӧ да йитчӧм вылӧм ыстӧгъяссӧ йӧзӧдӧма Коми Республикаын финансӧвӧй тӧдӧмлун порталын https://fingram.rkomi.ru.
{Kodko (комиӧдіс Kodko) @ Комиын 7,5 сюрс сайӧ олысь бӧрйисны нин, кытчӧ нюжӧдны 4G мобильнӧй связь @ выльтор @ https://rkomi.ru/news/1518 @ 2021-11-12 @}
Комиын 7,5 сюрс сайӧ олысь бӧрйисны нин, кытчӧ нюжӧдны 4G мобильнӧй связь
Канму услугаяс порталын помасьӧ сикт-грездъяс вӧсна гӧлӧсуйтӧм, кутшӧмъясӧс 2022 воын йитасны ыджыд ӧда ӧтуввез дорӧ.
Казьтыштам, медым Коми Республикаса грезд, посёлок либӧ сикт лоис йитӧма 4G (LTE) мобильнӧй связь дорӧ, колӧ гӧлӧсуйтны на вӧсна Канму услугаяс портал вылын гӧлӧсуйтан формаӧн юкӧдын 2021 вося вӧльгым тӧлысь 15 лунӧдз.
Пасъям, мый гӧлӧсуйтігӧн лыддьӧны сӧмын олан пунктъяссӧ, кӧні олӧ 100–500 морт.
Талун медуна гӧлӧс босьтісны Петрунь сикт (Инта кар) — 523, Кедвавом сикт (Ухта кар) — 478, Йӧртымдін сикт (Удора район) — 310, Закар Вань грезд (Усинск кар) — 286, Неридз сикт (Чилимдін район) — 248.
Участвуйтӧм вылӧ колӧ Канму услугаяс портал вылын вынсьӧдӧм учётнӧй гижӧд да Коми Республикаын пырся регистрация.
Сідзжӧ эм позянлун ыстыны письмӧ Россияса цифра отсӧгӧн сӧвмӧдан, йитӧд да юӧр сетан министерствоӧ татшӧм инпас серти: 123112, Москва к., Пресненскӧй наб., 10 к., 2 стр.
Письмӧын колӧ индыны ОНВ, регистрация инпас да олан пунктлысь ним, кытчӧ колӧ нюжӧдны связь.
Ӧшым тӧлысь помын Канму услугаяс портал вылын йӧзӧдасны лыддьӧг, кытчӧ пырасны Россия пасьтала 2000 олан пункт, кутшӧмъясӧс йитасны ӧтуввез дорӧ мӧд во.
Комиын ӧтуввезсӧ нюжӧдасны медуна гӧлӧс босьтысь 14 олан пунктын.
Гӧлӧсуйтӧм вылӧ Канму услугаяс портал вылын уджалӧ воча йитӧда платформа.
Платформаыс сетӧ позянлун дженьыд кадколастъясӧ чукӧртны гражданасянь воча юӧр, оперативнӧя артавны гӧлӧсуйтӧм серти кывкӧртӧдъяссӧ.
{Kodko (комиӧдіс Kodko) @ Оперштаб гӧгӧрвоӧдӧ @ выльтор @ https://rkomi.ru/news/1519 @ 2021-11-12 @}
Оперштаб гӧгӧрвоӧдӧ
QR-кодъясӧн вӧдитчӧм серти юалӧмъяс да вочавидзӧмъяс:
1. Сетӧны-ӧ Коми Республикаын налы, кодъяс абу пасйысьӧмаӧсь Канму услугаяслӧн порталын, вакцинируйтчӧм йылысь бумага вылын QR-кода документ?
Кыдзи тайӧс вӧчны?
Налы, кодъяс вакцинируйтчисны COVID–19-ысь, но кодъяслӧн абу вакцинируйтчӧм йылысь QR-кода сертификат, колӧ шыӧдчыны УМШ-ӧ.
Специалистъяс отсаласны пырны Канму услугаяслӧн сайт вылӧ да босьтны QR кода сертификат бумага вылын.
Бумага вылын QR-кода документсӧ позьӧ петкӧдлыны колана инъясын.
2. Вермӧ-ӧ бать либӧ мам, кодлӧн абу QR-код либӧ ПЦР-тест серти результат, вайӧдны кагасӧ занятие вылӧ?
Бать либӧ мам, кодлӧн абу QR-код либӧ ПЦР-тест серти результат, вермӧ вайӧдны кагасӧ спорт секция вылӧ, но оз вермы пырны жырйӧ, кӧні мунӧ занятиеыс.
3. Кутшӧм могӧн корӧны QR-кодъяссӧ, торйӧн нин, фитнес-шӧринъясӧ да спорт залъясын занятиеяс вылӧ ветлігӧн?
Вакцинируйтчӧм либӧ выль коронавирус инфекцияӧн висьлӧм йылысь QR-кодъяссӧ сійӧ либӧ мӧд организацияӧ либӧ предприятиеӧ локтігӧн корӧны став мирын.
Татшӧм дзескӧдӧмъяссӧ пыртӧны сы могысь, медым дорйыны йӧзӧс, кодъяс эз висьны либӧ кодъяс эз вакцинируйтчыны выль коронавирус инфекцияысь.
Торйӧн ёна колӧ видзны йӧзлысь безопасносьтсӧ сэні, кӧні волысьяс овлӧны маскаястӧг.
Татчӧ пырӧны и жыръясын спорт занятиеяс.
Казьтыштам: Коми Республикаын позьӧ пырӧдчыны спортӧ, сы лыдын фитнес-шӧринъясын.
Налӧн, кодъяс кӧсйӧны нуӧдны дзоньвидза оласног, пырӧдчыны спортӧ, эм татшӧм позянлун пандемия вылӧ видзӧдтӧг.
Йӧзыс вермӧны бӧрйыны: вакцинируйтчыны либӧ прӧйдитны ПЦР-тест да водзӧ сӧвмӧдны вынйӧр да пырӧдчыны спортӧ, либӧ пандемия кадӧ видзны асьсӧ висьмӧмысь да видзчысьны йӧзаинъясӧ волӧмысь.
{Kodko (комиӧдіс Kodko) @ Комиын вӧльгым тӧлысь 15 лунсянь заводитӧны уджавны содтӧд тӧдӧмлун сетан аспом, республиканскӧй да муниципальнӧй организацияяс @ выльтор @ https://rkomi.ru/news/1520 @ 2021-11-12 @}
Комиын вӧльгым тӧлысь 15 лунсянь заводитӧны уджавны содтӧд тӧдӧмлун сетан аспом, республиканскӧй да муниципальнӧй организацияяс
2021 вося вӧльгым тӧлысь 15 лунсянь волысьяслы да уджалысьяслы позьӧ пырны зданиеясӧ, стрӧйбаясӧ, сооружениеясӧ (налӧн жыръясӧ), мутасъясӧ, кӧні сетӧны услугаяс содтӧд тӧдӧмлун сетан аспом, республиканскӧй да муниципальнӧй организацияяс.
Татшӧм помшуӧмсӧ примитӧма талун, вӧльгым тӧлысь 12 лунӧ, выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штаблӧн заочнӧй заседаниелӧн кывкӧртӧдъяс серти.
{Kodko (комиӧдіс Kodko) @ Комиын асшӧр уджалысьяслы вештасны россияса уджтасуловӧн вӧдитчӧм вылӧ рӧскодсӧ @ выльтор @ https://rkomi.ru/news/1526 @ 2021-11-15 @}
Комиын асшӧр уджалысьяслы вештасны россияса уджтасуловӧн вӧдитчӧм вылӧ рӧскодсӧ
Коми Республикаса экономика сӧвмӧдан да промышленносьт министерство юӧртӧ инӧд кутысьясӧс (уполномочитӧм организацияясӧс) бӧръян конкурс заводитчӧм йылысь сы могысь, медым вештыны ичӧт да шӧр предпринимательство субъектъяслы россияса облачнӧй уджтасуловӧн вӧдитчӧмысь рӧскод.
Бӧрйӧмсӧ нуӧдӧ Россияса юӧртан технологияяс сӧвмӧдан фонд (РФРИТ).
Уджтасулов да пырӧдчысьяс дорӧ шӧр корӧмъяс:
1. Уджтасуловсӧ пыртӧма электроннӧя артасян машинаяслы да мыччӧд базаяслы россияса уджтасъяслӧн ӧтувъя реестрӧ.
2. Уджтасуловсӧ збыльмӧдӧны облачнӧй инфраструктура отсӧгӧн.
3. Уджтасуловсӧ веськӧдӧма татшӧм могъяс збыльмӧдӧм вылӧ: технология процесслысь да бизнес-процесслысь уджалан ӧд, стӧчлун либӧ мукӧд тӧдчана характеристика кыпӧдӧм да мукӧдтор.
4. Уджтасувлӧн классъясысь ӧтилы лӧсялӧм.
2021 воӧ индӧм отсалан мера збыльмӧдӧм вылӧ федеральнӧй сьӧмкудйысь урчитӧма 965 млн шайт да веськӧдӧма сы вылӧ, медым вештыны инӧд кутысьяслысь (уполномочитӧм организацияяслысь) ичӧт да шӧр предпринимательство субъектъяслы 50% вылӧ дон чинтӧмӧн россияса облачнӧй уджтасулов вузалӧмысь босьттӧм чӧжӧссӧ.
2024 воӧдз та вылӧ вичмӧдӧма 7 миллиард гӧгӧр шайт.
Унджык юӧр позьӧ тӧдмавны РФРИТ-лӧн официальнӧй сайтын https://рфрит.рф либӧ 8 (495) 134–44–02 телефон номер пыр, Азовцев Михаил Викторович, РФРИТ-са медыджыд директорлӧн сӧветник m.azovtsev@digital.gov.ru.
{Kodko (комиӧдіс Kodko) @ Сьӧмкуд сьӧм видзигӧн колӧ босьтны тӧд вылӧ Комиын олысьяслысь вӧзйӧмъяссӧ @ выльтор @ https://rkomi.ru/news/1527 @ 2021-11-15 @}
Сьӧмкуд сьӧм видзигӧн колӧ босьтны тӧд вылӧ Комиын олысьяслысь вӧзйӧмъяссӧ
Каналан Сӧветса депутатъяс ошкисны «Войтырлӧн сьӧмкуд» проектъяс вылӧ сьӧм содтӧм йылысь Коми Республикаса Юралысь Владимир Уйбалысь вӧзйӧмсӧ.
Уджаланарт да депутатъяслӧн этика серти пыр уджалысь парламентскӧй комиссияӧн веськӧдлысь Владимир Жариков чайтӧ, мый гражданалӧн водзмӧстчӧмъяслы сьӧмӧн отсасигӧн колӧ тӧд вылӧ босьтны кар-районъясса олысьяслысь «тшӧктӧмторъяссӧ».
Водзджык нин В. Жариков вӧзйис В. Уйбалы паськӧдны муниципалитетъясын мичмӧдан-бурмӧдан объектъяслысь лыдсӧ, торйӧн нин, пуктавны челядьлы да спорт площадкаяс.
Сэсся регионса юрнуӧдыськӧд аддзысьлігӧн нин Каналан Сӧветса депутатъяс тшӧтш кыпӧдісны тайӧ юалӧмсӧ да шуисны, мый колӧ тӧд вылын кутны сійӧ водзмӧстчӧмъяссӧ, кутшӧмъясӧс олысьяс гижӧны депутатъяслы да власьт органъяслы шыӧдчӧмъясын.
Владимир Уйба вӧзйис 2022 во вылӧ ыдждӧдны «Войтырлӧн сьӧмкудлысь» проектъяс сьӧмӧн могмӧдан мындасӧ 400 миллион шайтӧдз.
«Воӧ зэв уна заявка.
Олысьяскӧд паныдасьлігӧн ме аддза, мый мунӧны вензьӧмъяс кутшӧмкӧ проектъяс костын.
Шуам, кӧсъям збыльмӧдны кык проект.
Найӧ збыль зэв коланаӧсь, тӧдчанаӧсь.
Та понда ми огӧ жалитӧй сьӧмсӧ сы вылӧ, медым ышӧдны тіянӧс да содтыны позянлунъяс татшӧм проектъяс збыльмӧдӧм вылӧ», — висьталіс В.
Уйба Комиын олысьяс дорӧ видео пыр шыӧдчӧмын.
Сьӧмкуд сӧвмӧдӧмын водзмӧстчан уджтасъяс унджык сьӧмӧн могмӧдӧм йылысь вӧзйӧмсӧ видлалас Коми Республикаса Каналан Сӧвет.
Кыдзи пасйис В.
Жариков, тадзи ӧтув уджалӧны оланпас пыртысь да олӧмӧ пӧртысь власьтъяс, кор ӧтувъя помшуӧмъяссӧ примитӧны кар-районъясса олысьяслысь коланлунъяссӧ тӧд вылӧ босьтӧмӧн.
«Миянлы нимкодь, мый республикаса Юралысь ошкис миянлысь вӧзйӧмсӧ.
Коми Республикаса Каналан Сӧветын ӧні дасьтӧны оланпас пыртан ногъяс, кутшӧмъяс сетасны позянлун регионса сьӧмкуд артмӧдігӧн босьтны тӧд вылӧ республикаса олысьяслысь кыдз позьӧ унджык вӧзйӧм да «тшӧктӧмтор».
Депутатъяс пырӧдчасны оз сӧмын вӧзйӧмъяс чукӧртан, но и урчитӧм мутасъясын сьӧм юклан уджӧ», — кывкӧрталіс В. Жариков.
{Kodko (комиӧдіс Kodko) @ Комиын збыльмӧдӧма «Войтырлӧн сьӧмкудлысь» сюрсӧд проект @ выльтор @ https://rkomi.ru/news/1529 @ 2021-11-15 @}
Комиын збыльмӧдӧма «Войтырлӧн сьӧмкудлысь» сюрсӧд проект
«Войтырлӧн сьӧмкуд» республикаса проект отсалӧ збыльмӧдны быдлунъя коланлунъяс: бурмӧдны, дзоньтавны, ньӧбны транспорт и оборудование.
Уджтас серти регионын пӧртӧма олӧмӧ войтырлысь сюрс проект.
«Кор ме аддзыся республикаса олысьяскӧд, пыр кыпалӧ тайӧ сёрниыс: сы йылысь, мый «Войтырлӧн сьӧмкуд» сьӧм збыльвылас уджалӧ йӧзлӧн кӧсйӧм серти, олысьяс асьныс бӧрйӧны, кутшӧм проектъяс колӧ збыльмӧдны», — пасйис В. Уйба Комиын олысьяс дорӧ видео пыр шыӧдчӧмын.
«Войтырлӧн сьӧмкуд» збыльмӧдсьӧ 2016 восянь.
Быд во гражданалӧн водзмӧстчӧм серти проектъяслӧн лыдыс содӧ.
2021 воӧ «Войтырлӧн сьӧмкуд» серти вермысьӧн лоис 400 проект.
Збыльмӧдӧма ывлавывса би ӧнъяӧдӧм серти 26 проект (пыкӧдъяс вежӧм, важ светильникъяс разьӧм, энергия видзтысь выль лампаяс пуктӧм, проводъяс вежӧм), ньӧбӧма да пуктӧма чорыд коммунальнӧй шыбласъяс чукӧртан 275 контейнер, дзоньталӧма да бурмӧдӧма 8 памятник (обелиск), бурмӧдӧма челядьлы 15 площадка, збыльмӧдӧма спорт площадкаяс да ывлавывса тренажёръяс лӧсьӧдӧм серти 35 проект, дзоньталӧма 10 детсад да 19 школа.
Агропромышленнӧй комплекс юкӧнын да ичӧт да шӧр предпринимательстволӧн проектъяс серти ньӧбӧма пассажиръясӧс да медколана вузӧс сьӧкыда воӧдчан олан пунктъясӧ новлӧдлан 5 автомашина.
Ньӧбӧма нянь да булки, йӧлысь сёян-юан вӧчан технологическӧй оборудование, ветеринарнӧй клиникаӧ ньӧбӧма новлӧдлан рентген, 15 мортӧс босьтӧма пыр кадся удж вылӧ.
Олысьясӧс уджӧн могмӧдан юкӧнын проектъяс збыльмӧдігӧн уджтӧмалысьяс лыдысь недыр кадся удж вылӧ босьтӧма 100-ысь унджык мортӧс.
Войтырлысь тшупӧда — сюрсӧд — проект пӧртіс олӧмӧ Луздор районса Лойма сиктысь фермер Александр Чарков.
«Войтырлӧн сьӧмкуд» отсӧгӧн ньӧбӧма вотӧс весалан оборудование.
Вӧльгым тӧлысь помын войтырлысь проектъяс бӧрйӧм серти ведомствокостса комиссиялӧн заседание бӧрын индасны 2022 во вылӧ вермысь проектъяссӧ.
{Kodko (комиӧдіс Kodko) @ Коми Республикаса Юралысь: «Ми отсалам томуловлы аддзыны асьнысӧ школа бӧрын» @ выльтор @ https://rkomi.ru/news/1531 @ 2021-11-16 @}
Коми Республикаса Юралысь: «Ми отсалам томуловлы аддзыны асьнысӧ школа бӧрын»
Регионса Юралысьлӧн вӧзйӧм серти вӧльгым тӧлысь 15 лунсянь Комиын уджсикасӧ велӧдан учреждениеясын гырысь классъясса велӧдчысьясӧс заводитасны велӧдны удж рынокын медколана уджсикасъясӧ.
Та йылысь Владимир Уйба висьталіс видео пыр шыӧдчигӧн.
Сійӧ тӧдчӧдіс, мый ачыс видзӧдӧ та бӧрся кыдзи регионса юрнуӧдысь да Россияса машина вӧчысьяс котырлӧн бюроӧ пырысь (юрнуӧдысьыс — Сергей Викторович Чемезов).
«Колян во, кор ме ветлӧдлі кар-районъясті, уна бать-мам шогсисны, мый регионын дугдісны велӧдны уджсикасӧ гырысь классъясын велӧдчысьясӧс.
Та бӧрын ме пукті Коми Республикаса велӧдан министерство водзын мог выль пӧв котыртны 9–11 классъясын велӧдчысьясӧс удж сикасъясӧн тӧдмӧдан система (тайӧ классъясас томулов мӧвпалӧны нин аскиа уджсикас йылысь)», — висьталіс Владимир Уйба.
Коми Республикаса велӧдан министерство лӧсьӧдіс уджтас, коді таво пансис вӧльгым тӧлысь 15 лунӧ.
2022 вося ода-кора тӧлысьӧдз 12 муниципалитетын гырысь класса 620 велӧдчысь вермас дон босьттӧг шедӧдны 12 специальносьт пиысь ӧтиӧс.
«Томуловлы татшӧм сяма отсӧгыс РосМашлӧн уджын, кодлӧн Бюроӧ ме пыра, медтӧдчана нырвизьяс лыдын.
Та вӧсна, кор ме босьтчи юрнуӧдны Коми Республикаӧн, ачым куті видзӧдны та бӧрся.
Менам тшӧктӧм серти ӧнія велӧдчан во вылӧ регионса сьӧмкудйысь вичмӧдӧма 10 миллион гӧгӧр шайт, медым велӧдны уджсикасӧ гырысь классъясса велӧдчысьясӧс, тшӧтш и дзоньвидзалунын дзескӧдӧм челядьӧс.
Миян мог — отсавны кар-районъясса томуловлы аддзыны асьнысӧ да аттестат босьтігкежлӧ гӧгӧрвоны, кутшӧм удж найӧ кӧсйӧны вӧчны, кӧні кӧсйӧны водзӧ велӧдчыны», — висьтасис Владимир Уйба.
Велӧдӧны Сыктывкарса, Ухтаса, Сосногорскса, Печораса, Интаса, Воркутаса да Усинскса, а сідзжӧ Сыктывдін, Сыктыв, Емдін, Изьва да Удора районъясса техникумъясын да колледжъясын.
Сідз, Воркутаын школьникъясӧс политехын велӧдасны пӧварӧ да автомашина дзоньталысь слесарӧ, горно-экономическӧй колледжын — секретар-администраторъясӧ, медколледжын — висьысьяс бӧрся видзӧдысь ичӧт медсестраясӧ.
Медицина курсъяссӧ сідзжӧ котыртӧма Ухтаса да Сыктывкарса медколледжъясын.
Сыктывдін да Сыктыв районъясса школьникъяс велӧдчӧны пусян уджӧ (тӧдӧмлунъясӧн да кужанлунъясӧн накӧд юксьӧны Н. В. Оплеснин нима республиканскӧй агропромышленнӧй техникумса мастеръяс).
Сэні эм и мукӧд нырвизь: «Автомашинаяс дзоньталысь слесар», «Секретар-администратор».
И. П. Морозов нима Сыктывкарса медколледжын школьникъяс вермасны босьтны тӧдӧмлунъяс косметологияын, фармацевтикаын да велӧдчыны медицина регистраторӧ.
Печораса промышленно-экономическӧй техникумын томуловлы вӧзйӧны велӧдчыны татшӧм нырвизьяс серти: «Абу сёян-юан тӧвар вузалысь», «Плӧтник», «Вурсьысь».
Медводдза нырвизь серти вермасны велӧдчыны и Интаса школьникъяс Приполярнӧй политехын.
Усинскын гырысь класса велӧдчысьяс вермасны бӧрйыны татшӧм нырвизьяс, кыдзи: «Электрооборудование дзоньталысь да могмӧдысь электромонтёр», «Автомашинаяс дзоньталысь слесар», «Секретар-администратор», «Скважинаяс туялӧм серти оператор».
Изьва районын том йӧзлы вӧзйӧма татшӧм уджсикасъяс: «Сёян-юан вузалысь» да «Мототранспорт средствоясса водитель».
Сосногорскса технологическӧй техникумын велӧдасны «Электроннӧя арталан да арталан машинаясын оператор» уджсикасӧ.
Микуньса кӧрт туй техникумын — татшӧм жӧ уджсикасӧ, а сідзжӧ — автомашинаяс дзоньталысь слесарӧ (Сыктывкарса политехническӧй техникумлӧн Удораса филиал подув вылын).
{Kodko (комиӧдіс Kodko) @ Владимир Уйба сдайтіс Сыктывкарын антиковиднӧй плазма @ выльтор @ https://rkomi.ru/news/1534 @ 2021-11-16 @}
Владимир Уйба сдайтіс Сыктывкарын антиковиднӧй плазма
Коми республиканскӧй вир шӧринӧ волігӧн республикаса Юралысь корис отсасьны донорстволы да сӧвмӧдны сійӧс.
Владимир Уйба чайтӧ, мый тані оз сӧмын ков ышӧдны доноръясӧс, но и колӧ отсасьны налы — кыдзи канмусянь, сідз и удж сетысьяссянь, профсоюзъяссянь да ӧткотыръяссянь.
Донорстволы отсасьысь организацияяс пӧвстысь ӧтиӧн лоӧ Россияса машинаяс вӧчысьяслӧн союз — гырысь ӧтйӧза организация, коді ӧтувтӧ странаса промышленносьтлӧн став юкӧнысь канму да бизнес-предприятиеяс.
Владимир Уйба пырӧ Союзса Бюролӧн пырысьяс лыдӧ, мыйӧн веськӧдлӧ «Рособоронэкспорт» предприятиеса медыджыд директор Сергей Чемезов.
Федеральнӧй медико-биологическӧй агентствоӧн юрнуӧдігӧн на Владимир Уйба вӧзйис выль ногӧн уджӧдны Вир служба — 2007 воын пыртіс канму тшупӧдын вир босьтан стандарт.
Тані сылы ёна отсаліс Россияса машинаяс вӧчысьяслӧн союз, кодлӧн уджын сійӧ кадсяньыс зэв тӧдчанаӧн лоӧ донорство сӧвмӧдӧм да йӧз костын паськӧдӧм.
«Союзӧ пырысьяс асланыс примерӧн пыр отсалӧны донорстволы, — гӧгӧрвоӧдіс Владимир Уйба.
— Тайӧс торйӧн нин колӧ вӧчны ӧні, пандемия кадӧ, медым йӧзӧс коронавирусысь бурдӧдігӧн миян медицина уджалысьяслы пыр тырмис вир да плазма.
Талун ме сдайті антиковиднӧй плазма, мый колӧ гамма-глобулин босьтӧм вылӧ.
Карантин бӧрын кӧ ставыс лоас бур, сійӧс позяс сюйны йӧзлы, кодъяс висьӧны ковидӧн».
2020 восянь Комиын вӧдитчӧны COVІD–19 висьлӧм доноръяссянь антиковиднӧй патогенредуцированнӧй плазма дасьтан технологияӧн.
Ставнас дасьтӧма 1 сюрс гӧгӧр литра антиковиднӧй плазма, клиническӧя вӧдитчӧм вылӧ медицина организацияясӧ сетӧма 200-ысь унджык литр.
Коронавирусӧн кокниа висьлӧм йӧз вермасны лоны донорӧн бурдӧдчӧм бӧрын 30 лун мысти, пневмонияӧн висьлӧмаяс — 120 лун мысти.
Вакцинация вӧчӧм бӧрын вирсӧ позьӧ сетны 30 лун мысти.
«Доноръяс — тайӧ геройяс, кодъяс мездісны эз ӧти олӧм.
Тайӧ торъя миссияыс йитӧ водзмӧстчысь йӧзӧс.
Муӧдз копыр таысь став донорлы!» — пасйис Коми Республикаса Юралысь.
Коми Республикаын Россияса 5 767 почёта донор.
Социальнӧя отсалан федеральнӧй мераяс кындзи (сьӧм быд во мынтӧм, мынтана отпуск быд во сетӧм, медицина отсӧг ӧчередьысь ӧтдор сетӧм, уджалан либӧ велӧдчан ин серти санаторно-курортнӧя бурдӧдчӧм вылӧ кокньӧда путёвкаяс медводдзаяс лыдын босьтӧм) налы содтӧд уджалӧны республикаса мераяс.
Медводз тайӧ кокньӧдӧн ветлӧм, сы лыдын и социальнӧй ветлан билетъяс серти.
Таысь кындзи, Коми Республикаын пыр олысьяс вермӧны босьтны дон босьттӧм юридическӧй отсӧг.
А 2021 воын Вир босьтан республиканскӧй станция таво котыртіс вир либӧ сылысь компонентъяссӧ сдайтӧм водзын доноръясӧс «кокниа» вердӧм.
* * *
Быд во Коми Республикаса вир служба дасьтӧ 18,2 тоннаысь унджык донорскӧй вир.
Коми Республикаын донация лыдыс вонас 27 сюрсысь унджык, сы лыдын вир донация — 16 сюрсысь унджык, плазма донация — 10 сюрсысь унджык, вир клеткаяс донация — 300-ысь унджык.
Коми Республикаса вир шӧринӧн заптӧм антиковиднӧй плазмаыс сетӧ позянлун тырвыйӧ могмӧдны республикаса медицина организацияясӧс.
{Kodko (комиӧдіс Kodko) @ Владимир Уйба: «Виктор Морозовлӧн шыладыс — Коми Республикаса культураын зэв ыджыд озырлун» @ выльтор @ https://rkomi.ru/news/1536 @ 2021-11-17 @}
Владимир Уйба: «Виктор Морозовлӧн шыладыс — Коми Республикаса культураын зэв ыджыд озырлун»
Коми республиканскӧй филармонияын вӧльгым тӧлысь 16 лунӧ вӧлі «Виктор Петрович Морозовлы сиӧма...» рыт, мый нуӧдісны Россияса искусствоын нималана уджалысьлы, енбиа композиторлы, музыкантлы да режиссёрлы, коді вӧлі «Асъя кыа» Коми Республикаса сьылан да йӧктан канму ансамбльӧн нималана художествоа юрнуӧдысьяс пӧвстысь ӧтиӧн, 80 во тырӧмкӧд йитӧдын.
Коми Республикаса Юралысь аттьӧаліс ансамбль котырӧс, Виктор Петрович Морозовлысь уджъёртъяссӧ да ёртъяссӧ сыысь, мый найӧ видзӧны сы йылысь паметьсӧ, традицияяссӧ да радейтӧны коми национальнӧй культурасӧ.
Торйӧн Владимир Уйба аттьӧаліс композиторлысь гӧтыр Нелли Морозоваӧс, коді пыр тӧждысис сы вӧсна, отсаліс пӧртны олӧмӧ сылысь творческӧй мӧвпъяссӧ.
«Виктор Петрович отсӧгӧн «Асъя кыа» ансамбль лоис тӧдсаӧн эз сӧмын республикаын, но и сылӧн суйӧр сайын.
Сылӧн шыладыс пырӧ Коми Республикаса культуралӧн зарни фондӧ.
Талун сылӧн радейтана котырыс нимкодьпырысь уджалӧ нималана юрнуӧдысьлӧн ним улын да водзӧ сӧвмӧдӧ сылысь творческӧй нырвизьсӧ.
Эска, мый Виктор Морозовлӧн енбиа уджъясыс уна во на кутасны шензьӧдны йӧзсӧ», — пасйис Владимир Уйба.
{Kodko (комиӧдіс Kodko) @ Коми Республика прӧверитіс 2022 воӧ Мача хоккейысь мирса чемпионатын участвуйтысьяслысь позицияяссӧ @ выльтор @ https://rkomi.ru/news/1537 @ 2021-11-17 @}
Коми Республика прӧверитіс 2022 воӧ Мача хоккейысь мирса чемпионатын участвуйтысьяслысь позицияяссӧ
Сыктывкарын прӧйдитіс Комилӧн юркарын мужичӧй командаяс пӧвстын Мача хоккейысь мирса чемпионат кежлӧ дасьтысьӧм серти сӧвещание.
Сӧвещаниесӧ нуӧдіс Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов.
Дасьтысьӧм йылысь сёрниӧ видеосвязь пыр пырӧдчисны Россияса спорт министерствоӧс да Россияса мача хоккейысь федерацияӧс петкӧдлысьяс.
«Миянлы колӧ ӧтув уджавны мирса чемпионат кежлӧ дасьтысигӧн артмӧм юалӧмъяс серти.
Регионса, Россияса спорт министерствоса да федерацияса кывкутысь йӧзлы колӧ топыдджыка уджавны ӧта-мӧдкӧд», — тӧдчӧдіс Игорь Булатов.
Коми Республикаса вынйӧр сӧвмӧдан да спорт министр Наталья Карина юӧртіс сы йылысь, кыдзи дасьтысьӧны мирса чемпионат кежлӧ.
Республиканскӧй стадион дась ордйысьӧмъяс кежлӧ.
Решитӧма безопасносьт, логистика да медицинаӧн могмӧдӧм серти юалӧмъяссӧ.
«Волонтёръяслы, техническӧй службаяслы индӧма уджсӧ.
Гӧсьтъяслы да участвуйтысьяслы бронируйтӧма оланін да сёянін, лӧсьӧдӧма медиаплан да мероприятиеӧн паськыда тӧдмӧдан план.
Мунӧ уджъяс вӧчӧм, услугаяс сетӧм, чемпионатса символикаӧн вузӧс вӧчӧм да вайӧм серти сёрнитчӧмъяс кырымалан удж», — юӧртіс министр.
«В» группаса матчьяс вылӧ видзӧдысьясӧс кутасны лэдзны дон босьттӧг, «А» группаса ворсӧмъяс вылӧ мыйкӧ мында билет вузаласны мирса чемпионатлӧн официальнӧй сайт пыр.
«Чемпионатӧдз коли зэв этша кад.
Ми уджалам быд здук.
Колӧ вӧчны унатор став нырвизь серти.
Ми вӧчам ставсӧ, медым нуӧдны мирса чемпионатсӧ вылыс тшупӧдын», — кывкӧрталіс Наталья Карина.
Оргкомитетлӧн бӧртасъяс серти лӧсьӧдӧма тшӧктӧмъяслысь сёрнигижӧд.
Игорь Булатовлӧн вӧзйӧм серти мӧд аддзысьлӧмыс лоӧ ӧшым тӧлысьлӧн медводдза декаданас.
«Ми корам Сыктывкарӧ федерация петкӧдлысьясӧс да Мача хоккейысь войтыркостса федерацияса президент Борис Иванович Скрынникӧс.
Медым найӧ вермисны аддзысьны миянкӧд очнӧя да асланыс синъясӧн донъявны мирса чемпионат кежлӧ дасьтысьӧмсӧ.
Гашкӧ, сетны сӧветъяс либӧ вӧзйӧмъяс», — шыӧдчис Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов.
Казьтыштам, Мача хоккейысь мирса чемпионатыс лоӧ 2022 вося тулыснас.
Медвына сборнӧйяс кутасны вермасьны Сыктывкарса медшӧр спорт арена вылын — выльмӧдӧм Республиканскӧй стадион вылын.
{Kodko (комиӧдіс Kodko) @ Владимир Уйба: «Регионӧн веськӧдлан шӧрин медводдза уджалан воӧн лоис коланаӧн йӧзкӧд йитӧдъяс кутӧмын» @ выльтор @ https://rkomi.ru/news/1538 @ 2021-11-17 @}
Владимир Уйба: «Регионӧн веськӧдлан шӧрин медводдза уджалан воӧн лоис коланаӧн йӧзкӧд йитӧдъяс кутӧмын»
Республикаса Юралысь удж серти аддзысьліс Коми Республикаса регионӧн веськӧдлан шӧринӧн (РВШ) юрнуӧдысь Евгений Зелинскийкӧд.
Аддзысьлӧмыс вӧлі вӧльгым тӧлысь 16 лунӧ — Коми Республикаса РВШ восьтӧм бӧрын во мысти.
Сёрниыс муніс РВШ-лӧн регионса Веськӧдлан котыркӧд ӧтув уджалӧм да гражданалӧн юӧръясӧн, кутшӧмъяс воисны ӧтуввезлӧн восьса ӧшмӧсъясысь, уджсӧ бурмӧдӧм йылысь.
2020 вося вӧльгым тӧлысьын Коми Республикаын, кыдзи и Россияса мукӧд субъектын, Россияса Президент Владимир Путинлӧн тшӧктӧм серти воссис Регионӧн веськӧдлан шӧрин.
Сылӧн мог — кокньӧдны олысьяс да власьтъяс костын йитӧдъяссӧ, стӧчджыка кӧ, бурмӧдны гражданалысь шыӧдчӧмъяссӧ видлалӧм серти став ведомстволысь уджсӧ.
РВШ медводдза уджалан воӧ обработайтіс да видлаліс республикаса олысьяссянь 82 сюрсысь унджык юӧр.
Юӧръяссӧ найӧ ыстісны «Госуслуги. Решаем вместе» воча йитӧд вылӧ платформа пыр да социальнӧй везъясын.
«РВШ отсӧгӧн йӧзкӧд уджалӧмыс зэв колана.
Зэв тӧдчана, мый олӧмӧ пӧртысь да муниципальнӧй власьт органъяс тайӧс гӧгӧрвоӧны.
Колян во РВШ зэв бура пырӧдчис власьт органъяслӧн уджӧ.
И талун воча йитӧдъяс кутан уджын республика бура петкӧдчӧ Россияса мукӧд регион серти», — пасйис Владимир Уйба.
Коми Республикаса Юралысь да РВШ-ӧн юрнуӧдысь сідзжӧ сёрнитісны регионса став гырысь карын Муниципальнӧй веськӧдлан шӧринъяс (МВШ) восьтӧм серти планъяс йылысь.
2021 воын МВШ-яс воссины Сыктывкарын да Усинскын.
Во помӧдзыс кӧсйӧны восьтыны татшӧм шӧринъяссӧ Воркута да Ухта каръясын.
«Миян мог — абу сӧмын восьтыны, а медводдза тшупӧдын ладмӧдны республикаса став гырысь карын МВШ-лысь уджсӧ.
Кора тіянӧс сетны налы методика боксянь отсӧг.
Колӧ дасьтыны бур уджалан план да бӧрйыны бур бӧртас вылӧ лӧсьӧдсьӧм командаӧс, а ми отсалам Тіянлы тайӧ уджас», — тӧдчӧдіс Коми Республикаса Юралысь.
Таысь кындзи, РВШ кӧсйӧ нуӧдны уджъяс сы серти, медым чинтыны власьт органъяссянь вочакывъяс виччысян кадсӧ да кыпӧдны гражданалысь тайӧ вочакывъяслӧн качество серти дӧвӧльлунсӧ.
«Бӧръя воӧ власьт органъяссянь вочакывъяс виччысян кадыс чиніс 3 час вылӧ да ӧні лоӧ 3 час 52 минут гӧгӧр.
Ми кутам водзӧ уджавны тайӧ нырвизьын.
Сідзжӧ ми уджалам сы вылын, медым кыпӧдны гражданалысь дӧвӧльлунсӧ воча йитӧдъяс серти.
Татчӧ пырӧ власьт органъясын уджалысьяслысь уджсӧ бурмӧдӧм, кодъяс кывкутӧны олысьяслӧн юӧръяс вылӧ вочакывъяс гижӧм вӧсна.
Та могысь ми нуӧдам велӧдан семинаръяс да спикеръяс пыдди участвуйтам регионса ведомствоясын уджалысьяслысь квалификация кыпӧдан курсъясын», — гӧгӧрвоӧдіс Регионӧн веськӧдлан шӧринлысь уджалан плансӧ Евгений Зелинский.
Казьтыштам, власьт органъяс дорӧ ассьыныс шыӧдчӧмъяссӧ Коми Республикаса олысьяс вермӧны гижны социальнӧй везъясын муниципалитетъяслӧн официальнӧй лист бокъясын, «Коми Республика» сообществоын виджет, «Госуслуги.
Решаем вместе» воча йитӧд вылӧ платформа пыр, Коми Республикаса РВШ-лӧн социальнӧй везъясын, а сідзжӧ Сыктывкар да Усинск каръясса МВШ-лӧн группаясын «Вконтакте»-ын.
{Kodko (комиӧдіс Kodko) @ Лариса Карачёва: «Выль инвестиция проектъяс сетӧны позянлун чинтыны йӧзлысь мӧдлаӧ овны мунӧмсӧ» @ выльтор @ https://rkomi.ru/news/1540 @ 2021-11-17 @}
Лариса Карачёва: «Выль инвестиция проектъяс сетӧны позянлун чинтыны йӧзлысь мӧдлаӧ овны мунӧмсӧ»
«Кадръясӧс Арктикаын уджалӧм вылӧ кыскӧм серти канму политика» войтыркостса конференция вылын Коми Республика юксис уджалысьясӧс видзӧм да кыскӧм серти планъясӧн.
Архангельскын М. В. Ломоносов нима Войвывса (Арктическӧй) федеральнӧй университет подув вылын котыртӧм конференцияӧ пырӧдчисны Россияса арктика регионъясӧс, Норвегияӧс да Швецияӧс петкӧдлысьяс.
Республикасянь петкӧдчис Коми Республикаса Веськӧдлан котырӧн Юрнуӧдысьӧс вежысь Лариса Карачёва.
Петкӧдчӧмъяс бӧрын тыдовтчис, мый россияса да скандинавияса войвыв регионъясын уджӧн могмӧдан юкӧнын канму политикалӧн могъясыс ӧткодьӧсь.
Видзны вужвойтыръяслысь нэмӧвӧйся уджъяс (медводз — кӧр видзӧм), ышӧдны локны арктика регионъясӧ уджавны, лӧсьӧдны Арктикаын выль вылыс технологияа уджалан местаяс, отсавны Войвылын ичӧт да шӧр бизнеслы.
Кадръяс видзӧм могысь Коми Республика кутӧ лача экономика диверсифицируйтӧм вылӧ: выль производствояс восьтӧм, выль уджалан местаяс лӧсьӧдӧм вылӧ.
Буретш та йылысь аслас Инвестиция посланиеын висьталіс регионса Юралысь Владимир Уйба.
— Россия тшупӧдын вынсьӧдӧма 2021–2026 вояс вылӧ Коми Республикалысь экономика диверсифицируйтан план, кодӧс лӧсьӧдіс регионса Экономика сӧвмӧдан да промышленносьт министерство.
Тайӧ планӧн урчитӧма 50 инвестиция проект збыльмӧдӧм, мый сетас позянлун лӧсьӧдны нёль сюрс гӧгӧр уджалан места.
Та лыдын Арктика зона районъясын — 700 уджалан места.
Унджык инвестиция проектсӧ веськӧдӧма пу пыдіа переработайтӧм, мусир, биару да мукӧд мупытшса озырлун перйӧм да переработайтӧм вылӧ, а сідзжӧ кориз, стрӧитчан из, посньӧдлӧм из, доломит да пу пызь лэдзан выль производствояс лӧсьӧдӧм вылӧ.
Тайӧ плансӧ збыльмӧдӧмыс отсалас чинтыны уджалысь йӧзлысь мӧдлаӧ овны мунӧмсӧ, ышӧдны том войтырӧс кольччыны чужан республикаӧ, — пасйис Лариса Карачёва.
Веськӧдлан котырӧн Юрнуӧдысьӧс вежысь пасйис, мый республикаын эм кыдзи наука да велӧдан база, сідзи и Воркутаын, Усинскын, Ярегаын торъя инвестиция проектъяс вылӧ специалистъясӧс дасьтан опыт.
Таысь кындзи, Комиын медколана уджсикасъясын уджалысьяслы медводдза уджалан лунсянь тырвыйӧ мынтӧны войвывса содтӧдъяс.
Тайӧ ышӧдӧ уджавны арктикаса каръясын врачьясӧс, медсестраясӧс, велӧдысьясӧс.
Республикаса Арктика зонаын уджӧн могмӧдан мераясыс 2021 воӧ отсалісны аддзыны удж 5 сюрс мортлы, ыстыны велӧдчыны 253 уджтӧмалысьӧс.
500 сайӧ морт социальнӧй контракт серти канму отсӧг босьтӧмӧн котыртіс асшӧр удж.
Водзӧ сӧвмӧдӧм вылӧ нырвизьӧн лоӧ «БУР ТРУД–2030» 2030 воӧдз Коми Республикаса удж рынок сӧвмӧдӧм серти мероприятиеяслӧн план, кодӧс дасьтіс Коми Республикаса удж министерство Федеральнӧй экспертъяс отсӧгӧн.
{Kodko (комиӧдіс Kodko) @ Сыктывкарын пасйисны культура юкӧнын нималана уджалысьясӧс @ выльтор @ https://rkomi.ru/news/1543 @ 2021-11-18 @}
Сыктывкарын пасйисны культура юкӧнын нималана уджалысьясӧс
Вӧльгым тӧлысь 18 лунӧ Коми Республикаса Юралысьлӧн Администрациялӧн Ыджыд залын вӧлі драматургия да сценическӧй искусство, литература да культура юкӧнын Коми Республикаса Веськӧдлан котырлысь премияяс сетан церемония.
Лауреатъясӧс чолӧмаліс Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов. Сійӧ тӧдчӧдіс культураын да искусствоын уджалысьясӧн республикалӧн олӧмӧ пыртӧм пайлысь коланлунсӧ.
«Тайӧ премияыс — абу сӧмын пыдди пуктӧмлӧн символ, сійӧ петкӧдлӧ пайсӧ, кутшӧмӧс лауреатъяс пуктісны Коми мулӧн олӧмӧ.
Ті озырмӧданныд республикалысь да Россиялысь культурасӧ.
Республика пыдди пуктӧ тіянӧс, талунъя наградаясыс петкӧдлӧны тіян уджлысь тӧдчанлунсӧ», — пасйис Игорь Булатов.
Драматургия да сценическӧй искусство юкӧнын Виктор Савин нима премияӧн пасйисны Виктор Савин нима Академическӧй драма театрысь да Коми Республикаса том войтырлӧн театрысь ӧтувъя творческӧй коллективӧс «СКТВКР» спектакль пуктӧмысь.
Литература юкӧнын Иван Куратов нима премия сетӧма автор Алексей Мишаринлы да роч вылӧ вуджӧдчысь Александр Суворовлы «Из вылӧ из» романысь да поэт Андрей Поповлы Иван Куратовлысь кывбуръяс роч вылӧ вуджӧдӧмысь да «Исповедь» кывбур чукӧр лӧсьӧдӧмысь.
* * *
Культура юкӧнын Премия лауреатъясӧн лоисны:
«Асъя кыа» Виктор Морозов нима Коми Республикалӧн сьылан да йӧктан канму ансамбльлӧн творчество котыр «Коми мулӧн легендаяс» театрализованнӧй мультимедиа шоу лӧсьӧдӧмысь;
«Коми Республикаса композиторъяслӧн котыр» Коми дінму ӧтйӧза организацияӧ пырысь Светлана Головина коми войтырлысь традициясӧ озырмӧдӧм могысь челядьлы да томуловлы ӧнія сьылан да инструментальнӧй шылад лӧсьӧдӧмӧ ыджыд пай пуктӧмысь;
Опера да балет театрса симфоническӧй оркестр шылада искусство сӧвмӧдӧмӧ да йӧз пӧвстын тӧдӧмлун паськӧдӧмӧ ыджыд пай пуктӧмысь.
Театр искусство юкӧнын СССР-са нимйӧза артист Иван Аврамов нима премия сетӧма Коми Республикаса вужвойтырлӧн шылада-драмаа театрса драма артист Елена Чувьюровалы театр искусство сӧвмӧдӧмӧ ыджыд пай пуктӧмысь.
Кипомысь йӧзкостса мичаторъяс вӧчан юкӧнын Семён Оверин нима премия сетӧма прӧшви кыӧм, нювчимса прӧшви важ ногӧн кыӧм, костюм серти мастер Мария Ивановалы да пу серӧдӧм-мичмӧдӧм серти мастер Александр Выборовлы кипомысь йӧзкостса мичаторъяс творческӧя вӧчӧмын тӧдчана вермӧмъясысь.
Серпасасян искусство юкӧнын Валентин Поляков нима премия сетӧма «Россияса серпасасьысьяслӧн котыр» ставроссияса творческӧй ӧтйӧза организациялӧн Коми дінму юкӧнӧ пырысь Павел Микушевлы Коми Республикаса серпасасян искусство сӧвмӧдӧмӧ ыджыд пай пуктӧмысь.
{Kodko (комиӧдіс Kodko) @ Коми муниципалитетъясӧс кутасны донъявны сы серти, кыдзи найӧ уджалӧны социальнӧй везъясын гражданалӧн шыӧдчӧмъяскӧд @ выльтор @ https://rkomi.ru/news/1545 @ 2021-11-19 @}
Коми муниципалитетъясӧс кутасны донъявны сы серти, кыдзи найӧ уджалӧны социальнӧй везъясын гражданалӧн шыӧдчӧмъяскӧд
Коми Республикаса Юралысьлӧн Администрация Регионӧн веськӧдлан шӧринкӧд ӧтув сетісны муниципалитетъяслы кар-районъясса администрацияяслысь ӧтуввезйын воча йитӧдкӧд уджсӧ донъялан методика.
Документсӧ дасьтӧма Владимир Уйбалӧн тшӧктӧм серти.
Власьт органъяслысь социальнӧй везъясын да ӧтуввезйын йӧзкӧд уджсӧ бурмӧдӧм — Коми Республикаса Веськӧдлан котырлӧн уджын медшӧр нырвизьяс пиысь ӧти.
Водзынджык, 2021 вося ода-кора тӧлысь 19 лунӧ, Коми Республикаса Веськӧдлан котырлӧн заседание дырйи Владимир Уйба тшӧктіс пыртны петкӧдласъяслӧн лыддьӧгӧ, кутшӧмъяс тӧдчӧдӧны муниципалитетъясса юралысьяслӧн (юрнуӧдысьяслӧн) уджлысь окталунсӧ да бӧртаслунсӧ, нӧшта ӧти петкӧдлас, мый тӧдчӧдӧ социальнӧй везъясын уджлысь окталунсӧ, та лыдын и шыӧдчӧмъяс вылӧ ас кадӧ да бура вочавидзӧм серти.
Донъялан методикасӧ дасьтіс Регионӧн веськӧдлан шӧрин Коми Республикаса Юралысьлӧн Администрациякӧд ӧтув.
Татшӧм практикасӧ пыртӧма да сійӧ бура уджалӧ страналӧн уна субъектын и федеральнӧй тшупӧдын.
Муниципалитетъяс костын воча йитӧд серти рейтинг нуӧдӧм — тайӧ выль инструмент, мый отсалас бурмӧдны регионын администрацияяслысь кар-районъясса олысьяскӧд уджсӧ.
Методикаӧ пырӧ «Инцидент Менеджмент» системаын муниципалитетъяслысь уджсӧ анализируйтӧм, а стӧчджыка кӧ, олысьяссянь социальнӧй везъясын запросъяс да сигналъяс вылӧ меставывса асвеськӧдлан органъяссянь вочакывъяслысь качествосӧ да ӧдсӧ.
Муниципальнӧй юкӧнъяслӧн администрацияяслысь медводдза официальнӧй рейтинг Коми регионӧн веськӧдлан шӧрин нуӧдас 2021 вося нёльӧд кварталын уджлӧн бӧртасъяс серти.
Рейтингъяслысь бӧртасъяссӧ петкӧдласны петкӧдласъяслӧн лыддьӧгын, кутшӧмъяс тӧдчӧдӧны муниципалитетъяслӧн администрацияясса юралысьяслӧн уджлысь окталунсӧ да бӧртаслунсӧ.
Казьтыштам, 2021 волӧн сора тӧлысся бӧртасъяс серти социальнӧй везъясын гражданалӧн шыӧдчӧмъяскӧд уджын медводдзаӧн лоис Усинскса администрация, мӧд места босьтіс Воркутаса администрация, коймӧдсӧ — Кулӧмдін районса администрация.
{Владимир Уйба (комиӧдіс Kodko) @ Коми Республикаса Юралысь чолӧмалӧ Транспортын уджалысьяслӧн лунӧн @ выльтор @ https://rkomi.ru/news/1548 @ 2021-11-20 @}
Коми Республикаса Юралысь чолӧмалӧ Транспортын уджалысьяслӧн лунӧн
«Став сикас транспортын пыдди пуктана уджалысьяс да ветеранъяс!
Сьӧлӧмсянь чолӧмала тіянӧс Транспортын уджалысьяслӧн лунӧн!
Календарын тӧдчана лунӧн сійӧ лоис неважӧн на, колян вося моз тӧлысьын.
Тайӧ гажыс тӧдчӧдӧ став сикас транспортлысь коланлунсӧ.
Россияным ыджыд, да мукӧддырйи медым кытчӧкӧ воӧдчыны либӧ вайны груз колана инӧ, колӧ вӧдитчыны и самолётӧн, и поездӧн, и автомашинаӧн, а мукӧддырйи весиг и ва транспортӧн.
Миян ыджыд да паськыд республикалӧн экономика да социальнӧй нырвизь сӧвмӧдӧмын транспорт юкӧн босьтӧ ыджыд пай.
Став сикас транспортлӧн коставлытӧм да бур уджкӧд йитчӧма унджык отрасльлӧн уджыс да йӧз олӧмлӧн ногтуйыс.
Республикаса Веськӧдлан котыр вӧчӧ ставсӧ, медым бурмӧдны да сӧвмӧдны транспорт инфраструктурасӧ, бурмӧдны пассажиръясӧс да груз новлӧдлӧмсӧ.
Дзоньталӧны туйяс, бурмӧдӧны вокзалъяс, ньӧбӧны выль техника, выльмӧдӧны подвижнӧй состав.
Республикаса автомашина, кӧрт туй, сынӧд да ювывса транспортын пыдди пуктана уджалысьяс!
Аттьӧала тіянӧс пассажиръяс вӧсна тӧждысьӧмысь, бура да кывкутӧмӧн уджалӧмысь.
Сиа тіянлы кокньыд рейсъяс, крепыд дзоньвидзалун, шуд да тыр-бур олӧм!»
[Коми Республикаса Юралысь Владимир Уйба]
{Kodko (комиӧдіс Kodko) @ Владимир Уйба аддзысьліс водзмӧстчысь йӧзкӧд, кодъяс паныдӧсь QR-кодъяс пыртӧмлы да мукӧд антиковиднӧй мералы @ выльтор @ https://rkomi.ru/news/1550 @ 2021-11-20 @}
Владимир Уйба аддзысьліс водзмӧстчысь йӧзкӧд, кодъяс паныдӧсь QR-кодъяс пыртӧмлы да мукӧд антиковиднӧй мералы
Аддзысьлісны вӧльгым тӧлысь 20 лунӧ Коми Республикаса Юралысьлӧн Администрацияын. Аддзысьлӧмыс муніс 3 час чӧж.
Сэтчӧ тшӧтш пырӧдчисны Коми Республикалӧн Каналан Сӧветса депутатъяс Владимир Косов, Валентина Жиделева да Сергей Гагаузов.
abu
Коми Республикаса Юралысь Владимир Уйба бура кывзіс быдӧнӧс да вочавидзис став юалӧм вылӧ, тшӧтш и регионса йӧзлысь дзоньвидзалун видзан юкӧнкӧд йитчӧм юалӧмъяс вылӧ.
Водзмӧстчысь йӧзлысь вӧзйӧмъяссӧ да корӧмъяссӧ пыртӧма аддзысьлӧмлӧн сёрнигижӧдӧ.
Найӧс видлаласны Выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штаблӧн медматысса заседание дырйи.
А сійӧ водзмӧстчӧмъяссӧ, кутшӧмъясӧс збыльмӧдӧмыс пырӧ оланпас дасьтысьяслӧн уджмогъясӧ, сетасны видлалӧм вылӧ Коми Республикаса Каналан Сӧветлӧн депутат корпуслы.
{Kodko (комиӧдіс Kodko) @ Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр @ выльтор @ https://rkomi.ru/news/1564 @ 2021-11-25 @}
Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр
Коми Республикаын Роспотребнадзорлӧн веськӧдланін юӧртіс: талун кежлӧ (вӧльгым тӧлысь 25 лун вылӧ) бурдіс 72 329 (+126) морт.
ПЦР-тестъяс отсӧгӧн тӧдмалӧма, мый COVІD-19 висьмӧма 88 415 (+335) морт.
Медунаӧн висьмисны Сыктывкарын — 88, Ухтаын — 67, Воркутаын — 27, Усинскын — 23, Сосногорск районын — 18 морт.
Став висьмӧм йӧз бӧрся видзӧдӧны врачьяс, налы сетӧны отсӧг.
Ставнас медицина боксянь видзӧдӧны 9 736 морт бӧрся.
Бӧръя суткинас медицина боксянь обследуйтӧм да кык вежонся карантин помасьӧм бӧрын медицина учёт вылысь киритісны 818 мортӧс.
Найӧ коронавирусӧн оз висьны.
Официальнӧя эскӧдісны, мый коронавирусысь кувсис 2 255 (+12) пациент.
Коми Республикаса йӧзлысь дзоньвидзалун видзан министерстволӧн юӧр серти, 2021 вося вӧльгым тӧлысь 25 лун вылӧ республикаын COVІD 19 ысь прививка (медводдза компонент) вӧчӧма 350 252 морт.
* * *
Вакцинация отсӧгӧн позьӧ кокньыда да дон босьттӧг видзны асьтӧ да матыссаястӧ COVІD-19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Республикаса Йӧзлысь дзоньвидзалун видзан министерстволӧн йитӧд-шӧрин пыр 8-800-550-0000 номер серти дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
Регионын ковидлы паныд пыртӧм дзескӧдӧмъяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Kodko) @ Владимир Уйба прӧверитіс Комиын коммунальнӧй предприятиеяслысь инвестиция уджтасъяссӧ @ выльтор @ https://rkomi.ru/news/1567 @ 2021-11-26 @}
Владимир Уйба прӧверитіс Комиын коммунальнӧй предприятиеяслысь инвестиция уджтасъяссӧ
Владимир Уйба нуӧдіс Естественнӧй монополияясса субъектъяслӧн уджалӧм серти Коми Республикаса Юралысь бердын Ньӧбысьяслӧн отраслькостса сӧветлысь заседание.
Видлалісны электроэнергетика юкӧнын республикаса медшӧр предприятиеяслысь (электрическӧй энергия генераторъяслысь, сетевӧй организацияяслысь да энергосбытӧвӧй компаниялысь) инвестиция уджтасъяс.
«Миянлы быть колӧ видзӧдны, кыдзи «ресурсникъяс» пӧртӧны олӧмӧ инвестиция уджтасъяссӧ, ӧд тайӧ тӧдчӧ кар-районъясын электричествоӧн могмӧдан зумыдлун да качество вылӧ.
2020-2021 воясӧ планируйтӧма збыльмӧдны 200 сайӧ мероприятие.
Тайӧ уджтасъяс серти инвестицияяслӧн ӧтувъя йӧрышыс 4 миллиард сайӧ шайт», — пасйис Владимир Уйба заседание восьтігӧн.
Организацияясса юрнуӧдысьяс сёрнитісны 2020 воӧ электроэнергетика юкӧнын инвестиция уджтасъяс олӧмӧ пӧртӧм йылысь, а сідзжӧ 2021 вося бӧртасъяс серти найӧс олӧмӧ пӧртан прогнозъяс йылысь докладъясӧн.
Кык во чӧжӧн «Россети Северо-Запад» Коми Республикаын пыртісны 267 км электропередача линияяс да 22 МВА вынйӧр.
Электричество везъяс дорӧ йитӧма 5,5 сюрс потребительӧс.
Сетевӧй компания выльмӧдіс Княжпогост, Койгорт, Усинск да Изьва районъясын 35-110 кВ нёль подстанциялысь оборудование.
Сыктыв районын «Визин» 110 кВ питание шӧринын мавтасӧн уджалысь выключательсӧ вежисны ӧнія элегазӧвӧй вылӧ. Сійӧс колӧ куим пӧв этшаджык уджӧдны.
Тайӧ бурмӧдіс регионса лунвылын 243 олан пунктса 50 сюрс олысьӧс электричествоӧн могмӧдӧмсӧ.
Удора районын компания дзоньталіс 40 км кузьта 10 кВ сынӧдса линия.
«Коми коммунальнӧй технологияяс» акционер котыр 2020 воӧ збыльмӧдіс электроэнергия сетан юкӧнын 45 проект. На серти стрӧитӧма матӧ 14 километр кузьта электропередача линияяс да 6,64 МВА вынйӧра трансформаторнӧй подстанцияяс.
2021 во заводитчӧмсянь 11 тӧлысь чӧжӧн «Коми коммунальнӧй технологияяс» збыльмӧдісны электроэнергия сетан юкӧнын 29 инвестиция проект.
Стрӧитӧма 13 гӧгӧр километр кузьта электропередача линия да 0,616 МВА вынйӧра трансформаторнӧй подстанцияяс.
Нӧшта куим проект кӧсйӧны сигӧртны во помӧдз.
«Т Плюс» публичнӧй акционер котырлӧн коми филиал збыльмӧдӧ электроэнергия артмӧдан юкӧнын «Воркутаса ТЭЦ» ичӧт кывкутана котырлысь инвестиция уджтас.
2020 во чӧжӧн сійӧс пӧртӧма олӧмӧ 92 % вылӧ.
Збыльмӧдӧма 429 млн шайт вылӧ 22 мероприятие.
Нӧшта кык мероприятие вуджӧдӧма 2021 во вылӧ.
Прогноз серти, 2021 вося инвестиция уджтассӧ лоӧ збыльмӧдӧма 100 % вылӧ.
«Воркуталӧн энергетикаӧ инвестицияясыс оз кыскыны сьӧмсӧ Коми Республикаса потребительяслысь.
Найӧс пыртӧма ладмӧдны позяна донъяс лыдӧ, кутшӧмъясӧн вӧдитчӧны оптӧвӧй рынок вылын электроэнергия вузалӧм вылӧ, налысь ыдждасӧ сӧгласуйтӧма Федеральнӧй антимонопольнӧй службаӧн.
Быдвося сьӧмӧн могмӧдан йӧрышсӧ урчитӧма федеральнӧй тшупӧдын 2018 воӧ да ӧні сійӧ оз сод», — тӧдчӧдіс Коми Республикаса Юралысь.
Ставнас 2017-2021 вояс чӧжӧн Воркутаса ТЭЦ-яслысь инвестиция уджтасъяс олӧмӧ пӧртӧм вылӧ тарифъясын арталӧма 2,2 миллиард шайт.
Збыльвылас инвестицияыс унджык.
Т Плюслӧн мыччӧдъяс серти, сійӧ лоӧ 2,32 миллиард шайт.
Естественнӧй монополияясса субъектъяслӧн уджалӧм серти Коми Республикаса Юралысь бердын Ньӧбысьяслӧн отраслькостса сӧветлӧн мӧд заседаниеыс лоас ӧшым тӧлысьлӧн мӧд джынйын.
Во помын видлаласны шоныд сетан, ваӧн могмӧдан да ва нуӧдан юкӧнын инвестиция уджтасъяс збыльмӧдан кывкӧртӧдъяссӧ.
{Kodko (комиӧдіс Kodko) @ Владимир Уйба юкӧ шог Кемерово обласьтса «Листвяжнӧй» шахтаын пӧгибнитӧм шахтёръяслӧн да горноспасательяслӧн семьяяскӧд @ выльтор @ https://rkomi.ru/news/1568 @ 2021-11-26 @}
Владимир Уйба юкӧ шог Кемерово обласьтса «Листвяжнӧй» шахтаын пӧгибнитӧм шахтёръяслӧн да горноспасательяслӧн семьяяскӧд
Веськӧдлан котырлысь телеграмма мӧдӧдӧма Кемерово обласьтса губернатор Сергей Цивилевлы.
«Йӧзлӧн кулӧм йылысь шог юӧрыс шымыртіс миянлысь сьӧлӧмъяснымӧс.
Пӧгибнитӧмаяслӧн рӧдвужлы сиа не усьны лолӧн да унджык вын, медым венны тайӧ ыджыд дойсӧ.
Доймалӧмаяслы ӧдйӧджык бурдны», — гижӧма Коми Республикаса Юралысьлӧн телеграммаын.
Ыджыд шогыс лои вӧльгым тӧлысь 25 лунӧ Кемерово обласьтса Беловскӧй кар кытшлӧн Грамотеино посёлокса «Листвяжнӧй» шахтаын.
Кузбасса Веськӧдлан котырлӧн Администрация юӧртіс, мый взрыв вӧсна шахтаын пӧгибнитіс 46 шахтёр, а сідзжӧ квайт горноспасатель, кодъяс мунісны налы отсӧг вылӧ.
{Kodko (комиӧдіс Kodko) @ Владимир Уйба веськыд йитӧдын вочавидзас Комиын олысьяслӧн юалӧмъяс вылӧ @ выльтор @ https://rkomi.ru/news/1566 @ 2021-11-26 @}
Владимир Уйба веськыд йитӧдын вочавидзас Комиын олысьяслӧн юалӧмъяс вылӧ
Веськыд эфир заводитчас вӧльгым тӧлысь 30 лунӧ 12 часын.
Веськыд эфирсӧ петкӧдласны «Юрган» да «Известия Сыктывкар» телеканалъяс.
Трансляцияыс мунас «ВКонтакте» социальнӧй везйын «Юрган» телеканаллӧн группаын да «Республика Коми» группаын.
Коми Республикаса Юралысь Владимир Уйба вочавидзас республикаса олысьяслӧн юалӧмъяс вылӧ.
Юалӧмъяссӧ позяс сетны веськыд эфирын «ВКонтакте» социальнӧй везйын трансляция дорӧ гӧгӧрвоӧдӧмъяс гижӧмӧн.
Сідзжӧ Коми Республикаса Юралысь вочавидзас юалӧмъяс вылӧ, кутшӧмъяс медтшӧкыда воӧны власьт органъясӧ социальнӧй везъяс пыр либӧ гражданалӧн шыӧдчӧмъясӧн.
Гражданасянь юӧръяс да шыӧдчӧмъяс серти статистикасӧ видлалӧм бӧрын эфирлы татшӧм юалӧмъяссӧ чукӧртіс да дасьтіс Коми Республикаса регионӧн веськӧдлан шӧрин.
«Ме ветлӧдла кар-районъясті, кӧні аддзысьла сэтчӧс олысьяскӧд.
Пыр ас сёрниӧн примита гражданаӧс.
Таысь кындзи, нуӧда социальнӧй везъясын аккаунтъяс, да сэні сідзжӧ сёрнита гижӧдчысьяскӧд.
Неважӧн заводиті сёрнитны веськыд сотӧвӧй телефон пыр гражданскӧй водзмӧстчысьяскӧд.
Та дырйи, веськыд йитӧд нуӧдӧмыс петкӧдліс, мый тайӧ медбур позянлун кутны йитӧдсӧ власьтъяс да йӧз костын.
Та понда тайӧ форматнас ме пыр кута вӧдитчыны.
И ме, и Веськӧдлан котырлӧн, министерствояслӧн командаяс — ми ставным уджалам йӧз вылӧ да йӧз ради.
Босьтны тӧд вылӧ йӧзлысь мытшӧдъяссӧ да пыдди пуктыны налысь вӧзйӧмъяссӧ — регионса медвылыс чина мортлӧн медшӧр мог», — тӧдчӧдіс Владимир Уйба.
{В. В. Уйба (комиӧдіс Kodko) @ Коми Республикаса Юралысь чолӧмалӧ Мам лунӧн @ выльтор @ https://rkomi.ru/news/1572 @ 2021-11-28 @}
Коми Республикаса Юралысь чолӧмалӧ Мам лунӧн
«Дона аньяс, мамъяс, ыджыд мамъяс да пӧчьяс!
Вӧльгым тӧлысьлӧн бӧръя вежалунӧ миян странаын пасйӧны шань да бур гаж, мый инмӧ быд мортлы, — Мам лун.
Мамлӧн тӧждысьӧм да отсӧг миянкӧд чужӧмсянь да став олӧм чӧж.
Мам — медводдза велӧдысь да медбур ёрт.
Мамлӧн помтӧм-дортӧм радейтӧмыс отсалӧ миянлы венны сьӧкыдлунъяс да шог, шедӧдны ыджыд вермӧмъяс да воӧдчыны пуктӧм могъясӧдз.
Муӧдз копыр став нывбабалы медтӧдчана мам удж вӧчӧмысь, челядьӧс бура быдтӧмысь да семьялӧн бур олӧм понда быд здук тӧждысьӧмысь.
Медъёна аттьӧала уна челядя да приёмнӧй мамъясӧс.
Мамлунлы, челядьдырлы, семьялӧн институтлы отсалӧм — тайӧ республикаса Веськӧдлан котырлӧн уджын медшӧр мог.
Аньяслы, кодъяс регыд лоасны мамъясӧн да кодъяс лоисны нин мамъясӧн, бур условиеяс лӧсьӧдӧм вылӧ веськӧдӧма демография бурмӧдӧм серти регионса, а сідзжӧ да федеральнӧй уджтасъяс збыльмӧдӧмсӧ.
Дона мамъяс, лоӧй дзоньвидзаӧсь, шудаӧсь, мед тіянӧс радейтӧны, тӧждысьӧны тіян вӧсна.
Мед челядь отсасьӧны да нимкодьмӧдӧны тіянӧс, мед олӧманыд лоӧ лад да ӧта-мӧдӧс гӧгӧрвоӧм!
Чолӧмала гажӧн!»
[Коми Республикаса Юралысь В. В. Уйба]
{Kodko (комиӧдіс Kodko) @ Владимир Уйба аттьӧаліс AMC Fіght Nіghts турнир котыртысьясӧс да сэні участвуйтысьясӧс Коми Республикалы сё во тыригкежлӧ дасьтӧм спортивнӧй гажысь @ выльтор @ https://rkomi.ru/news/1573 @ 2021-11-28 @}
Владимир Уйба аттьӧаліс AMC Fіght Nіghts турнир котыртысьясӧс да сэні участвуйтысьясӧс Коми Республикалы сё во тыригкежлӧ дасьтӧм спортивнӧй гажысь
Сыктывкарын вӧльгым тӧлысь 27 лунӧ вӧлі AMC Fіght Nіghts 106-ӧд номернӧй турнир.
Спорт мероприятиеын медшӧр лоӧмторйӧн лоис ММА россияса боеч Александр Емельяненко да Бразилияысь боеч Марсио Сантос костын абсолютнӧй весӧвӧй категорияын вермасьӧм.
Джиу-джитсу серти бразилияса школа петкӧдлысь Марсио Сантос кадысь водз вермис россияса боечӧс.
Бӧръя вермасьӧмсӧ петкӧдлісны Сыктывкарсянь веськыд эфирын «Матч ТВ» телеканал вылын.
«Аттьӧ котыртысьяслы — «Лузалес» компаниялы, AMC Fіght Nіghts да Матч ТВ телеканаллы татшӧм шензьӧдана гажысь, мый козьналісны миянлы Коми Республикалӧн сё вося юбилей кежлӧ.
Нинӧм вылӧ видзӧдтӧг, Александр, тэ — медбур!
Ми тэнӧ радейтам.
Вермӧмъяс, шуд да быд бурсӧ!», — сиис россияса боечлы Владимир Уйба.
«Кыдзи шуис менам Федор вокӧй: «Коді эз усьлы, сійӧ эз чеччыв», — тӧдчӧдіс тышкасьӧм бӧрын Емельяненко.
Турнирын участвуйтісны сэтшӧм нималана боечьяс кыдзи Артур Пронин, Олег Косинов, Шара Буллет, Максим Буторин, Ахмад Гасанов, Александр Гребнев, Алексей Ильенко да мукӧд спортсмен.
Рытъя уджтасын ставнас вӧлі 12 вермасьӧм.
{Kodko (комиӧдіс Kodko) @ Коми Республикаса Юралысь вынсьӧдіс эко-сӧветсӧ федеральнӧй тшупӧда экспертъясӧн @ выльтор @ https://rkomi.ru/news/1575 @ 2021-11-29 @}
Коми Республикаса Юралысь вынсьӧдіс эко-сӧветсӧ федеральнӧй тшупӧда экспертъясӧн
Владимир Уйба петкӧдіс выль — федеральнӧй — тшупӧд вылӧ Коми Республикаса Юралысь бердын экология серти ӧтйӧза сӧветсӧ.
Регионӧн юрнуӧдысь нуӧдіс Сӧветлысь план серти ротация да сэтчӧ пырысьяс лыдӧ содтіс федеральнӧй тшупӧда специалистъясӧс сы могысь, медым вӧр-ва видзан юкӧнын бурмӧдны уджсӧ да лӧсьӧдны регионса баласӧ ставроссияса нырвизьяс серти.
Выльмӧдӧм составӧ пырисны ӧтйӧза организацияясын водзмӧстчысьяс, экологъяс, наука да велӧдан юкӧнӧс петкӧдлысьяс.
«Ӧні, выль составын, Сӧвет лӧсялӧ аслас индӧм могъясыслы — тайӧ компетентнӧй профессионалъяслӧн команда, кодъяс оз сӧмын тӧдны регионса экологияын мытшӧдъяссӧ, но и аддзӧны петантуйяс тайӧ юкӧнын ставроссияса тшупӧдын», — тӧдчӧдіс Коми Республикаса Юралысь.
Юралысьлӧн кывъяс серти, сійӧ кӧсйӧ, медым Сӧветӧ пырысьясыс, кодъяслы индӧма тайӧ тӧдчана могъяссӧ, отсаласны бурмӧдны тайӧ сӧвещательно-консультативнӧй органлысь уджсӧ, а стӧчджыка кӧ, кутасны сетны регионса Веськӧдлан котырлы гӧгӧртас видзӧм вылӧ бур условиеяс лӧсьӧдӧм серти вӧзйӧмъяс, могмӧдасны регионын экология боксянь видзчысянлун да мупытшса озырлунӧн вӧдитчысьяс бӧрся видзӧдӧм.
«Ми пуктам Сӧвет водзын нӧшта ӧти тӧдчана мог — лӧсьӧдны ӧтувъя удж абу сӧмын бизнескӧд, но и водзмӧстчысьяскӧд, кодъяс дасьӧсь отсавны вӧр-ва видзан оланпастэчасын торкалӧмъяс аддзӧмын да дугӧдӧмын. Ӧд налӧн сьӧлӧмныс висьӧ сы вӧсна, медым видзны вӧр-валысь сӧстӧмлунсӧ», — гӧгӧрвоӧдіс Коми Республикаса Юралысь.
Коми Республикаса Юралысь бердын выльмӧдӧм Экологическӧй сӧветӧн юрнуӧдӧ Рашид Исмаилов — Россияса экологическӧй котырӧн веськӧдлысь, «Экология» национальнӧй проект серти Ӧтйӧза-экспертнӧй сӧветса юралысь.
«Ӧні ми чукӧртам уджъёртъяссянь, водзмӧстчысьяссянь да экспертъяссянь 2022 воын Сӧветлӧн удж серти вӧзйӧмъяс.
Миян медшӧр мог — отсавны регионса власьтъяслы артмӧдны бур ӧтувъя удж федеральнӧй шӧринкӧд, котыртны восьсӧн видлалӧмъяс вӧр-ва видзӧмын тӧдчана юалӧмъяс серти да дерт жӧ, могмӧдны топыд йитӧдъяс ӧтйӧза организацияяскӧд, йӧзӧс юӧртан средствояскӧд да гражданакӧд, кодъяс тӧждысьӧны чужан мулӧн вӧр-ва вӧсна.
Аттьӧала Юралысьӧс водзмӧстчӧмысь да восьсӧн сёрнитны дасьлунысь», — тӧдчӧдіс Рашид Исмаилов.
Коми Республикаса Юралысьлӧн Индӧд серти, Экологическӧй сӧветлысь заседаниеяссӧ кутасны нуӧдны Экологическӧй сӧветӧн веськӧдлысьлӧн помшуӧм серти во джыннас ӧтчыдысь оз гежӧдджыка да вермасны нуӧдны бокын.
Сӧветлысь медводдза заседаниесӧ нуӧдасны 2022 вося тӧвшӧр тӧлысьын.
* * *
Исмаилов Рашид Айдынович
Чужис 1970 воын Москваын.
Отличиеӧн помаліс Москваса экономика да инӧд академия.
Велӧдчис Россияса МИД-лӧн дипломатическӧй академияын.
2018 восянь ӧнія кадӧдз — «Россияса экологическӧй котыр» вӧр-ва озырлун видзӧм да дорйӧм серти ставроссияса ӧтйӧза организацияӧн веськӧдлысь.
Юрнуӧдӧ «Экология» национальнӧй проект серти Ӧтйӧза-экспертнӧй сӧветӧн, Аграрно-продовольственнӧй политика да вӧр-ваӧн вӧдитчӧм серти Федерацияса Сӧветлӧн комитет бердын Экспертнӧй сӧветын сопредседатель, «Экология да вӧр-ва озырлун» туйвизь серти Россия Федерацияса Каналан Сӧветлӧн Комиссияса Президиумӧ пырысь.
Рашид Исмаиловлӧн авторскӧй тг-канал: https://t.me/green2018 (Green GR).
{Kodko (комиӧдіс Kodko) @ Коми Республикаын карын бур оласног лӧсьӧдӧм вылӧ 2021 воӧ веськӧдасны 400 миллионысь унджык шайт @ выльтор @ https://rkomi.ru/news/1577 @ 2021-11-29 @}
Коми Республикаын карын бур оласног лӧсьӧдӧм вылӧ 2021 воӧ веськӧдасны 400 миллионысь унджык шайт
Коми Республикаса стрӧитчан, оланін да коммунальнӧй овмӧс министр Игорь Кузьмичев регионса Веськӧдлан котырлӧн заседание вылын висьталіс сы йылысь, кыдзи збыльмӧдӧны «Оланін да карса гӧгӧртас» национальнӧй проектлысь «Карын бур оласног лӧсьӧдӧм» регионса проект.
Заседаниесӧ нуӧдіс Коми Республикаса Юралысь Владимир Уйба.
2021 воын планируйтӧма мичмӧдны-бурмӧдны 78 йӧзаин да 76 йӧр, а сідзжӧ нуӧдны мутасъяс мичмӧдӧм-бурмӧдӧм серти 6 мукӧд мероприятие Печора карын Коми Республикаса сьӧмкуд сьӧм тшӧт весьтӧ.
2021 вося вӧльгым тӧлысь 1 лун кежлӧ помасисны уджъяс 75 йӧзаинын да 71 йӧрын, а сідзжӧ нуӧдӧма 6 мукӧд мероприятиесӧ (Печора карын УДС дзоньталӧм).
Та дырйи меставывса сьӧмкуд сьӧм тшӧт весьтӧ сьӧмӧн могмӧдан 5 йӧр колӧ киритны 2021 во вылӧ урчитӧм адреснӧй лыддьӧгысь. Найӧс кутасны бурмӧдны сёрӧнджык.
3 йӧзаин кӧсйӧны лӧсьӧдны-мичмӧдны во помӧдз (Путеец посёлокын, Улыс Одес посёлокын, Мылдін посёлокын).
2021 воын сьӧм могмӧдан мындаыс — 493,5 млн шайт, ӧтувъя сьӧмкудйысь видзӧма 438,2 млн шайт.
{Kodko (комиӧдіс Kodko) @ 2021 воӧ Коми Республикаын бурмӧдасны 30,65 км туй @ выльтор @ https://rkomi.ru/news/1578 @ 2021-11-29 @}
2021 воӧ Коми Республикаын бурмӧдасны 30,65 км туй
Талун, вӧльгым тӧлысь 29 лунӧ, регионса веськӧдлан котырлӧн заседание дырйи Коми Республикаса стрӧитчан, оланін да коммунальнӧй овмӧс министр Игорь Кузьмичев юӧртіс «Безопаснӧй бур туйяс» национальнӧй проект збыльмӧдӧм йылысь.
Заседаниесӧ нуӧдіс Коми Республикаса Юралысь Владимир Уйба.
«Безопаснӧй бур туйяс» национальнӧй проектлӧн петкӧдласъясӧдз воӧдчӧм могысь регионын збыльмӧдсьӧ 3 проект: «Регионса да меставывса туйяс», «Туй овмӧс сӧвмӧдан ӧтув системаа мераяс», «Туй вылын неминучаысь видзчысьӧм».
Национальнӧй проект збыльмӧдӧмлӧн шӧр могъясӧн лоӧны нормативнӧй корӧмъяслы лӧсялана автомашина туйяслысь пай содтӧм, перегрузка режимын уджалысь автомашина туйяслысь пай чинтӧм, местаяслысь, кӧні тшӧкыдджыка овлӧны ДТП, лыд чинтӧм, ДТП вӧсна кулысьяслысь лыд чинтӧм.
2021 во вылӧ проектъяслӧн сьӧмкуд план — 797,424 млн шайт, сы лыдын 441 млн шайт (55,3%) — федеральнӧй сьӧмкуд сьӧм.
2021 вося вӧльгым тӧлысь 1 лун вылӧ тайӧ могъяс вылӧ видзӧма 757,881 млн шайт либӧ 95,1 % планысь, сы лыдын федеральнӧй сьӧмкудлӧн сьӧм — 437,300 млн шайт, либӧ 99,2 %.
«Безопаснӧй бур туйяс» национальнӧй проект збыльмӧдӧм могысь 2021 воӧ Коми Республикаын лӧсьӧдасны-бурмӧдасны 30,65 км туй (дінму тӧдчанлуна 16,65 км туй да Сыктывкарса 14,00 км улич-туй), сідзжӧ югзьӧдӧма 5,825 км кузьта туй.
2021 вося вӧльгым тӧлысь 1 лун вылӧ 23 планируйтӧм регионса туйысь да Сыктывкарса улич-туйысь 22 вылын уджъяссӧ помалӧма, ӧнія кадӧ объектъяссӧ документальнӧя пыртӧны уджӧ, сы лыдын дінму тӧдчанлуна 8 объектын уджъяссӧ тырвыйӧ помалӧма, 2 объект пыртӧма уджӧ, 6 объект сдайтӧны документальнӧя, Сыктывкарса 14 улич-туй объект вылын уджъяссӧ тырвыйӧ помалӧма, 11 объект пыртӧма уджӧ, 3 объект сдайтӧны документъяс серти.
Сідзжӧ Коми Республикаса стрӧитчан министерство Коми Республикаын МВД УГИБДД-кӧд ӧтув лӧсьӧдіс да 2020 вося ӧшым тӧлысь 28 лунӧ вынсьӧдіс 2021 воын Россия Федерацияса туй вывті ветлан правилӧясӧ кутчысьӧмсӧ ышӧдӧм вылӧ веськӧдӧм мероприятиеяслысь план.
{Kodko (комиӧдіс Kodko) @ Коми Республика примитас Том войтырлысь медводдза Арктикаса Дельфийскӧй ворсӧмъяс @ выльтор @ https://rkomi.ru/news/1580 @ 2021-11-30 @}
Коми Республика примитас Том войтырлысь медводдза Арктикаса Дельфийскӧй ворсӧмъяс
Найӧ прӧйдитасны 2022 вося вӧльгым тӧлысьӧ Сыктывкарын да Воркутаын.
Мероприятие котыртан да нуӧдан юалӧмъяс йылысь сёрнитісны вӧльгым тӧлысь 29 лунӧ котыртан комитетлӧн заседание дырйи.
Сыӧн юрнуӧдісны Коми Республикаса Юралысь Владимир Уйба да Войтыркостса Дельфийскӧй комитетлӧн директор Владимир Понявин.
«Ми зіля дасьтысям миян республикалы да страналы зэв тӧдчана мероприятие кежлӧ.
Арктикаса ворсӧмъяслы сетӧма войтыркостса тшупӧд, тайӧ содтӧд кывкутӧм.
Виччысям, мый кутасны участвуйтны арктикаса став страна да Россияысь регион.
Мероприятиеяс прӧйдитасны 2022 вося вӧльгым тӧлысьӧ 5 лун чӧжӧн «Воркута» да «Сыктывкар» кар кытшъясын», — тӧдчӧдіс Владимир Уйба.
«Аттьӧалам Тіянӧс, Владимир Викторович, Коми Республикаын Том войтырлысь медводдза Арктикаса Дельфийскӧй ворсӧмъяс нуӧдны кӧсйысьӧмысь.
Эска, мый регионса олысьяслы тайӧ лоӧ тӧдчана лоӧмторйӧн да гажӧн. Сійӧс отсалас нуӧдны войтыркостса Дельфийскӧй комитет, а сійӧс нуӧдӧм бӧрся видзӧдас ЮНЕСКО-лӧн делӧяс серти Россия Федерацияса Комиссия.
Лӧсьӧдасны дас номинация да арлыд серти кык группа.
Ордйысьӧмъяссӧ нуӧдасны кык турӧн», — юӧртіс Владимир Понявин.
Артмӧдасны россияса 2 сборнӧй.
Ӧтиас лоӧны сӧмын Коми Республикаысь участвуйтысьяс.
Владимира Уйбалӧн вӧзйӧм серти, Том войтырлӧн медводдза Арктикаса Дельфийскӧй ворсӧмъяслӧн аслыспӧлӧслунӧн лоӧны этническӧй дисциплинаяс, сідзжӧ участвуйтысьясӧс тӧдмӧдасны коми войтырлӧн традицияясӧн да культураӧн.
2022 воӧ Том войтырлысь медводдза Арктикаса Дельфийскӧй ворсӧмъяс котыртӧмысь кывкутысь органъясӧн урчитӧма Коми Республикаса велӧдан, наука да том йӧз политика министерствоӧс Коми Республикаса культура, туризм да архив удж министерствокӧд ӧтув.
Нуӧдӧма Сыктывкарын да Воркутаын меститчысь площадкаяслысь мониторинг, кутшӧмъяс колӧны, медым нуӧдны конкурсъяс да фестивальяс.
Площадкаясыс лӧсялӧны Россияса Национальнӧй Дельфийскӧй сӧветлӧн медшӧр котыртан да техническӧй корӧмъяслы.
* * *
Дельфийскӧй ворсӧмъяс — искусство юкӧнын медыджыд форум, мый веськӧдӧма енбиа том йӧзӧс корсьӧм да налы отсӧг сетӧм вылӧ.
Ворсӧмъясӧ пырӧны искусство юкӧнын вылыс тшупӧда кужӧмлунъяса том енбиа уджалысьяслӧн конкурснӧй да фестивальнӧй ордйысьӧмъяс йӧзкостса, классическӧй да ӧнія искусстволӧн 50 номинация серти, а сідзжӧ мастер-классъяс, официальнӧй, научно-практическӧй да зрелищнӧй мероприятиеяс.
{Kodko (комиӧдіс Kodko) @ Владимир Уйба сетіс Коми Республикаса школаяслы 30 выль автобус @ выльтор @ https://rkomi.ru/news/1581 @ 2021-11-30 @}
Владимир Уйба сетіс Коми Республикаса школаяслы 30 выль автобус
16 ПАЗ автобус да 14 ГАЗ автобус воисны регионӧ федеральнӧй уджтас серти. Сійӧс збыльмӧдӧны Россия Федерацияса Президент Владимир Путинлӧн тшӧктӧм серти.
Вӧльгым тӧлысь 29 лунӧ вӧлі кыпыд церемония, кӧні автомашинаяссӧ сетісны Коми Республикаын карса да сиктса школаяслы.
Выль техникаыс сетас позянлун таво нин республикаын дугдыны вӧдитчыны 10 воысь важджык школьнӧй автобусъясӧн да киссьӧм автобусъясӧн.
Колян во республиканскӧй да федеральнӧй сьӧм вылӧ выльмӧдӧма 76 единица школьнӧй транспорт.
«Ми и водзӧ кутам выльмӧдны школьнӧй автопарк, медым ас кадӧ вежны важмӧм да жугалӧм транспортсӧ, медым видзны школьникъясӧс туй вылын лёк суӧмысь да медым налы лӧсьыд вӧлі ветлыны.
Но эм и мӧд мог, кутшӧмӧс республикаса Веськӧдлан котырлы колӧ разьны матысса кадӧ — тайӧ лӧсьӧдны нормаяс серти туйяссӧ, кыті челядьӧс новлӧдлӧны школаӧ.
Сьӧмсӧ та вылӧ вичмӧдасны Республикаса туй фондысь.
Ми быд боксянь видзам челядьнымӧс лёк суӧмысь», — юӧртіс Коми Республикаса Юралысь Владимир Уйба.
* * *
Коми Республикаса муниципальнӧй юкӧнъяслы школьнӧй автобусъяс юклӧм:
«Сыктывкар» КК МЮ — 1 ед.;
«Ухта» КК МЮ — 2 ед.;
«Изьва» МР МЮ — 1 ед.;
«Княжпогост» МР МЮ — 1 ед.;
«Койгорт» МР МЮ — 1 ед.;
«Луздор» МР МЮ — 4 ед.;
«Сыктывдін» МР МЮ — 3 ед.;
«Сыктыв» МР МЮ — 4 ед.;
«Емдін» МР МЮ — 4 ед.;
«Кулӧмдін» МР МЮ — 6 ед. (сы лыдын 1 — Кулӧмдін сиктса 2 №-а торъя (коррекционнӧй) школа-интернатлы);
«Чилимдін» МР МЮ — 3 ед.
{Kodko (комиӧдіс Kodko) @ Коми Республикаса Юралысь нуӧдӧ Веськыд йитӧд @ выльтор @ https://rkomi.ru/news/1582 @ 2021-11-30 @}
Коми Республикаса Юралысь нуӧдӧ Веськыд йитӧд
Трансляцияыс мунас «Юрган» да «Известия Сыктывкар» телеканалъяс вылын, а сідзжӧ «ВКонтакте» социальнӧй везйын «Республика Коми» группаын да «Юрган» телеканаллӧн группаын.
Юалӧмъяссӧ позьӧ сетны гӧгӧрвоӧдӧмъясын.
Коми Республикаса Юралысь вочавидзӧ юалӧмъяс вылӧ, кутшӧмъяс медтшӧкыда воӧны власьт органъясӧ социальнӧй везъяс пыр либӧ гражданалӧн шыӧдчӧмъясӧн.
Найӧс эфир кежлӧ дасьтіс Коми Республикаса регионӧн веськӧдлан шӧрин.
{Kodko (комиӧдіс Kodko) @ Владимир Уйба сетіс Коми Республикаса больничаяслы 28 выль автомашина @ выльтор @ https://rkomi.ru/news/1585 @ 2021-12-01 @}
Владимир Уйба сетіс Коми Республикаса больничаяслы 28 выль автомашина
Вӧльгым тӧлысь 30 лунӧ Коми Республикаса Юралысь сетіс медицина организацияясӧн веськӧдлысьяслы УАЗ-396295 автомашинаясысь ключьяс. Найӧс сетісны Йӧзлысь дзоньвидзалун видзан первичнӧй звено ӧнъяӧдӧм серти дінму уджтас збыльмӧдӧм могысь.
2021-2025 воясӧ Коми Республикаӧ тайӧ уджтас серти ваясны 275 единица автомашина, сы лыдын 2021 воӧ — 119 единица, 2022 воӧ — 72 единица, 2023 воӧ — 66 единица, 2024 воӧ — 7 единица, 2025 воӧ — 11 единица.
Россия Федерацияса Веськӧдлан котырлӧн 2020 во ӧшым тӧлысь 23 лунся 3498-р №-а тшӧктӧм серти республикаӧ вайисны 39 легкӧвӧй автомашина медицина организацияяслы, кодъяс сетӧны первичнӧй медико-санитарнӧй отсӧг, районса шӧр да сикт-грездын, кар кодь посёлокъясын да ичӧт каръясын меститчысь районса больничаяслы (кӧні олысьяслӧн лыдыс 50 сюрс мортӧдз), медым вайны пациентъяссӧ медицина организацияясӧ, медицина уджалысьясӧс пациентъяслӧн олан инъясӧдз, биологическӧй материалъяссӧ туялӧм вылӧ, лекарствояс ылі районъясын олысьяслы.
«Тӧда, мый муниципалитетъясын виччысьӧны тайӧ автотранспортсӧ.
Республикалӧн сиктса районъясын олысьяс корисны менӧ вежны важмӧм автомашинаяссӧ.
И тайӧ абу бӧръя партия.
Во помӧдз воас нӧшта 52 автомашина», — пасйис Коми Республикаса Юралысь Владимир Уйба.
* * *
Автомашинаяссӧ мӧдӧдісны Коми Республикаса шӧр районнӧй больничаясӧ:
Сыктывса ШРБ — 4 автомашина;
Койгортса ШРБ — 3 автомашина;
Луздорса ШРБ — 5 автомашина;
Княжпогостса ШРБ — 4 автомашина;
Кӧрткерӧсса ШРБ — 3 автомашина;
Сосногорскса ШРБ — 5 автомашина;
Сыктывдінса ШРБ — 4 автомашина.
{Kodko (комиӧдіс Kodko) @ Коми Республикаса ылі сикт-грездъясӧ вайӧдісны мобильнӧй связь @ выльтор @ https://rkomi.ru/news/1587 @ 2021-12-01 @}
Коми Республикаса ылі сикт-грездъясӧ вайӧдісны мобильнӧй связь
Талун, ӧшым тӧлысь 1 лунӧ, Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатов да «Ростелеком» публичнӧй акционер котырлӧн «Рытыв-Войвыв» макрорегиональнӧй филиалса директор — вице-президент Александр Логинов «Цифрӧвӧй торъялӧм бырӧдӧм» (ЦТБ 2.0) федеральнӧй проектлысь мӧд тшупӧд збыльмӧдігӧн Койгорт районса Зимовка посёлокын восьтісны сотӧвӧй связьлысь базӧвӧй станция.
Зимовкакӧд ӧти кадӧ сотӧвӧй связь вайӧдісны Койгорт районса Кузьёль посёлокӧ да Грива сиктӧ, Изьва районса Кулим грездӧ да Галпи грездӧ, Кӧрткерӧс районса Керӧс сиктӧ да Уръёль посёлокӧ.
ЦТБ 2.0 проектсӧ збыльмӧдӧны Коми Республикаса цифра отсӧгӧн сӧвмӧдан, йитӧд да юӧр сетан министерство да «Ростелеком».
Найӧ вайӧдасны ӧнія мобильнӧй связь, тэрыб ӧтуввез ичӧт сикт-грездӧ, кӧні олӧ 100-500 морт.
«ЦТБ 2.0 отсӧгӧн ичӧт сикт-грездъясын олысьяс вермасны вӧдитчыны ӧнія цифрӧвӧй сервисъясӧн, позяс сӧвмӧдны бизнес да социальнӧй инфраструктура.
Ӧнія кадӧ Коми Республикаса Веськӧдлан котыркӧд ми пасъялам сиктъяс, кӧні локтан воӧ пуктам базӧвӧй станцияяс да лӧсьӧдам бур связь», — тӧдчӧдіс Александр Логинов.
«Ми сьӧрсьӧн-бӧрсьӧн вӧчам ставсӧ, медым бырӧдны Коми Республикаын цифрӧвӧй торъялӧм, сӧвмӧдны связь да Ӧтуввез.
Бӧръя 2 вонас регионлӧн связь карта вылысь чиніс неыджыд, сьӧкыда воӧдчана олан пунктъяслӧн лыдыс, кӧні абу связь.
Сотовӧй связьлысь станция уджӧ пыртӧм йитас матысса йӧзӧс да рӧдвужӧс ӧта-мӧдыскӧд, сетас позянлун вӧдитчыны Ӧтуввезйӧн, электроннӧй услугаясӧн.
Аттьӧала уджъёртнымӧс — «Ростелеком» компанияӧс — тайӧ проектсӧ бура збыльмӧдӧмысь», — пасйис Игорь Булатов.
2022 воӧ да локтан воясӧ ЦТБ 2.0 уджтас збыльмӧдан план лӧсьӧдӧм могысь Россияса цифра отсӧгӧн сӧвмӧдан, йитӧд да юӧр сетан министерство Канму услугаяс портал да Россияса пошта отсӧгӧн нуӧдіс войтыр костын гӧлӧсуйтӧм.
Сылысь кывкӧртӧдъяссӧ юӧртасны 2021 вося ӧшым тӧлысь помын — республикаын индасны 14 олан пункт, кодъяс лӧсялӧны ЦТБ 2.0-лӧн корӧмъяслы да босьтісны медуна гӧлӧс.
{Kodko (комиӧдіс Kodko) @ Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр @ выльтор @ https://rkomi.ru/news/1589 @ 2021-12-02 @}
Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр
Коми Республикаын Роспотребнадзорлӧн веськӧдланін юӧртіс: талун кежлӧ (ӧшым тӧлысь 2 лун вылӧ) бурдіс 73 390 (+205) морт.
ПЦР-тестъяс отсӧгӧн тӧдмалӧма, мый COVІD-19 висьмӧма 90 556 (+285) морт.
Медунаӧн висьмисны Сыктывкарын — 78, Ухтаын — 56, Усинскын — 21, Воркутаын — 17, Сосногорск районын — 14 морт.
Став висьмӧм йӧз бӧрся видзӧдӧны врачьяс, налы сетӧны отсӧг.
Ставнас медицина боксянь видзӧдӧны 8 349 морт бӧрся.
Бӧръя суткинас медицина боксянь обследуйтӧм да кык вежонся карантин помасьӧм бӧрын медицина учёт вылысь киритісны 787 мортӧс.
Найӧ коронавирусӧн оз висьны.
Официальнӧя эскӧдісны, мый коронавирусысь кувсис 2 314 (+10) пациент.
Коми Республикаса йӧзлысь дзоньвидзалун видзан министерстволӧн юӧр серти, 2021 вося ӧшым тӧлысь 2 лун вылӧ республикаын COVІD 19 ысь прививка (медводдза компонент) вӧчӧма 363 327 морт.
* * *
Вакцинация отсӧгӧн позьӧ кокньыда да дон босьттӧг видзны асьтӧ да матыссаястӧ COVІD-19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Республикаса Йӧзлысь дзоньвидзалун видзан министерстволӧн йитӧд-шӧрин пыр 8-800-550-0000 номер серти дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Kodko) @ Комиын 2022 вося урасьӧм тӧлысь 1 лунӧдз нюжӧдісны гражданалысь декретируйтӧм группаяс быть вакцинируйтӧм йылысь корӧмъяссӧ @ выльтор @ https://rkomi.ru/news/1590 @ 2021-12-02 @}
Комиын 2022 вося урасьӧм тӧлысь 1 лунӧдз нюжӧдісны гражданалысь декретируйтӧм группаяс быть вакцинируйтӧм йылысь корӧмъяссӧ
Татшӧм помшуӧмсӧ примитіс COVID-19 выль коронавирус инфекция паськалӧмлы паныд удж нуӧдӧм серти республиканскӧй ведомствокостса оперативнӧй штабӧ унджык пырысьыс заседание дырйи, мый нуӧдісны 2021 вося вӧльгым тӧлысь 30 лунӧ.
Ньӧбысьяслысь инӧдъяс да мортлысь бур олӧм доръян юкӧнын дӧзьӧр нуӧдысь федеральнӧй службалӧн Коми Республикаын веськӧдланінӧн юрнуӧдысьлы — Коми Республикаын юралысь канму санитарнӧй врачлы вӧзйӧма пыртны вежсьӧмъяс Коми Республикаын юралысь канму санитарнӧй врачлӧн 2021 во сора тӧлысь 6 лунся 2 №-а шуӧмӧ гражданалӧн категорияяслы (группаяслы), кодъясӧс колӧ быть вакцинируйтны, эпидемическӧй петкӧдласъяс серти COVID-19 выль коронавирус инфекциялы паныд ӧлӧдан прививкаяс вӧчӧм дорӧ корӧмъяссӧ 60 сутки вылӧ (2021 вося урасьӧм тӧлысь 1 лунӧдз) нюжӧдан юкӧнын.
Коми Республикаын удж сетысьяслы вӧзйӧма, мый оз ков 2022 вося урасьӧм тӧлысь 1 лунӧдз мездыны уджысь уджалысьясӧс, кодъяслӧн абу COVID-19 выль коронавирус инфекцияысь вакцинируйтчӧм йылысь либӧ COVID-19 выль коронавирус инфекцияӧн висьлӧм йылысь сертификат, а сідзжӧ абу вакцинируйтчӧмлы медицина боксянь паныда помкаяслӧн эмлун йылысь медицина документ.
Дзик ставӧн ошкисны Ньӧбысьяслысь инӧдъяс да мортлысь бур олӧм доръян юкӧнын дӧзьӧр нуӧдысь федеральнӧй службалӧн Коми Республикаын веськӧдланінӧн юрнуӧдысьлысь — Коми Республикаын юралысь канму санитарнӧй врачлысь вӧзйӧмсӧ сы серти, мый 60 арӧсысь олӧмаджык йӧзӧс колӧ пыртны гражданалӧн декретируйтӧм группаӧ, кодъясӧс колӧ быть вакцинируйтны COVID-19 выль коронавирус инфекцияысь.
* * *
2021 вося вӧльгым тӧлысь 30 лунся заседание бӧрын COVID 19 выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штабӧ пырысьясӧн примитӧм сёрнигижӧд помшуӧмъяс
1. Нюжӧдны 60 сутки вылӧ (2022 вося урасьӧм тӧлысь 1 лунӧдз) гражданалӧн категорияяслы (группаяслы), кодъясӧс колӧ быть вакцинируйтны, эпидемическӧй петкӧдласъяс серти COVID-19 выль коронавирус инфекциялы паныд ӧлӧдан прививкаяс вӧчӧм дорӧ корӧмъяссӧ, кутшӧмъясӧс урчитӧма Коми Республикаын юралысь канму санитарнӧй врачлӧн 2021 во сора тӧлысь 6 лунся 2 №-а шуӧмӧн.
2. Ньӧбысьяслысь инӧдъяс да мортлысь бур олӧм доръян юкӧнын дӧзьӧр нуӧдысь федеральнӧй службалӧн Коми Республикаын веськӧдланінӧн юрнуӧдысьлы — Коми Республикаын юралысь канму санитарнӧй врачлы пыртны вежсьӧмъяс Коми Республикаын юралысь канму санитарнӧй врачлӧн 2021 во сора тӧлысь 6 лунся 2 №-а шуӧмӧ индӧм шуӧмын урчитӧм корӧмъяссӧ 60 сутки вылӧ (2022 вося урасьӧм тӧлысь 1 лунӧдз) нюжӧдан юкӧнын.
3. Овмӧс нуӧдысь субъектъясӧн юрнуӧдысьяслы (эмбур сикас вылӧ видзӧдтӧг), кодъяс уджалӧны Коми Республикаын, 2022 вося урасьӧм тӧлысь 1 лунӧдз вӧзйыны кольны уджавны уджалысьясӧс, кодъяслӧн абуӧсь COVID-19 выль коронавирус инфекцияысь вакцинируйтчӧм йылысь либӧ COVID-19 выль коронавирус инфекцияӧн висьлӧм йылысь сертификат, а сідзжӧ абу вакцинируйтчӧмлы медицина боксянь паныда помкаяслӧн эмлун йылысь медицина документ.
4. Коми Республикаса муниципальнӧй районъяслӧн (кар кытшъяслӧн) муниципальнӧй юкӧнъясӧн юрнуӧдысьяслы (юралысьяслы) юӧртны овмӧс нуӧдысь субъектъясӧн юрнуӧдысьяслы (эмбур сикас вылӧ видзӧдтӧг), кодъяс уджалӧны Коми Республикаын, тайӧ Сёрнигижӧдлӧн 1 3 пунктъясын индӧм положениеяс йылысь.
5. Сӧгласуйтны Коми Республикаын юралысь канму санитарнӧй врачлӧн 2021 во сора тӧлысь 6 лунся 2 №-а шуӧмӧ 60 арӧсысь олӧмаджык йӧзӧс гражданалӧн декретируйтӧм группаӧ, кодъясӧс колӧ быть вакцинируйтны COVID-19 выль коронавирус инфекцияысь, пыртан юкӧнын вежсьӧмъяс пыртӧм йылысь Ньӧбысьяслысь инӧдъяс да мортлысь бур олӧм доръян юкӧнын дӧзьӧр нуӧдысь федеральнӧй службалӧн Коми Республикаын веськӧдланінӧн юрнуӧдысьлысь — Коми Республикаын юралысь канму санитарнӧй врачлысь вӧзйӧмсӧ (став 54 участвуйтысьыс — «та дор»).
{Kodko (комиӧдіс Kodko) @ Оперштаб гӧгӧрвоӧдӧ @ выльтор @ https://rkomi.ru/news/1591 @ 2021-12-02 @}
Оперштаб гӧгӧрвоӧдӧ
Веськавны организацияясӧ, кытчӧ волӧмсӧ дзескӧдӧма содтӧд дасьлун режим условиеясӧн, позьӧ сӧмын вакцинируйтчӧм йылысь либӧ висьлӧм йылысь сертификатлысь QR-код либӧ ПЦР-тест вылӧ отрицательнӧй результат петкӧдлӧм бӧрын.
Тайӧ корӧмыс уджалӧ 2021 вося вӧльгым тӧлысь 8 лунсянь COVІD 19 паськалӧмысь ӧлӧдӧм да Коми Республикаса олысьяслӧн дзоньвидзалунлысь безопасносьтсӧ видзӧм могысь.
Та дырйи сійӧ оз паськав граждана вылӧ, кодъяслы абу тырӧма 18 арӧс.
2021 вося вӧльгым тӧлысь 30 лунӧ прӧйдитіс COVІD-19 выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штаблӧн заседание. Сы бӧрын Коми Республикаса йӧзлысь дзоньвидзалун видзан министерстволы тшӧктӧма котыртны COVID-19 выль коронавирус инфекцияысь ӧлӧдан прививкаяс либӧ вакцинируйтчӧмлы медицина боксянь паныда помкаяслӧн эмлун да (либӧ) COVІD-19 выль коронавирус инфекцияӧн висьӧм йылысь медицинскӧй сертификатъяс сетӧм серти удж (Россия Федерацияса йӧзлысь дзоньвидзалун видзан министерстволӧн 2021 во вӧльгым тӧлысь 12 лунся 1053н №-а тшӧктӧд серти).
Та дырйи республиканскӧй оперштабын тӧдчӧдісны, мый граждана оз вермыны веськавны организацияясӧ да объектъясӧ, кутшӧмъяслысь лыддьӧгсӧ урчитӧма «Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧд дорӧ 1 содтӧдын, QR-код-тӧг бумага вылын сертификат серти.
«Коми Республикаса Юралысьлӧн 2020 во рака тӧлысь 15 лунся 16 №-а Индӧд дорӧ 11 №-а СОДТӦД
ОБЪЕКТЪЯСЛӦН ЛЫДДЬӦГ, кытчӧ 2021 вося вӧльгым тӧлысь 8 лун бӧрын гражданалы (йӧз кындзи, кодъяслы абу тырӧма 18 арӧс) позьӧ волыны сӧмын сэк, кор эм COVІD-19 выль коронавирус инфекцияысь вакцинируйтчӧм йылысь либӧ COVІD-19 выль коронавирус инфекцияӧн висьлӧм йылысь сертификатлӧн QR-код либӧ COVІD-19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат
1) ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие (тшӧтш и фуд-кортъяс (зонаяс, кӧні уджалӧны йӧзӧс ӧтув вердан предприятиеяс йӧзӧс ӧтлаын пуксьӧданінъясӧн, кӧні абуӧсь волысьясӧс пуксьӧдалӧм вылӧ торъя жыръяс), татшӧм объектъяс кындзи:
организацияяс, кӧні граждана вермӧны ньӧбасьны индӧм предприятиеяслӧн жыръясӧ пыравтӧг, заказъяс ваян службаяс;
предприятиеяс, кӧні сетӧны йӧзӧс ӧтув вердан услугаяс, сы лыдын столӧвӧйяс, буфетъяс, кафеяс, организацияясын уджалысьяслы, асшӧр уджалысьяслы сэк, кор сэтчӧ оз лэдзны гражданаӧс, кодъяс оз уджавны индӧм организацияясын, асшӧр уджалысьяс дорын;
2) вынйӧр сӧвмӧдан да дзоньвидзалун бурмӧдан комплексъяс, фитнес-клубъяс, бассейнъяс да мукӧд объект, кӧні сетӧны вынйӧр сӧвмӧдан да дзоньвидзалун бурмӧдан услугаяс, войтыркостса да россияса ордйысьӧмъясын участвуйтысь сборнӧй, профессиональнӧй командаяслы тренируйтчан да спорт мероприятиеяс нуӧдӧм могысь спорт объектъясӧ волӧм кындзи;
3) объектъяс, кутшӧмъясӧс босьтӧны организацияяс, асшӧр уджалысьяс, кодъяс нуӧдӧны прӧст кад коллялан, гажӧдчан, зрелищнӧй, реклама да мукӧд уна йӧза мероприятие, тшӧтш и вузасян-гажӧдчан шӧринъясын, войын уджалысь клубъясын, баръясын, дискотекаяс вылын, караокеын, боулинг-клубъясын;
4) зоопаркъяс, сэтшӧмъяс кындзи, кутшӧмъяс меститчӧмаӧсь ывла вылын;
5) объектъяс, кутшӧмъясӧс босьтӧны организацияяс, асшӧр уджалысьяс, кодъяс сетӧны туй морт керкаын услугаяс;
6) объектъяс, кутшӧмъясӧс босьтӧны Коми Республикаса Юралысьлӧн 2020 во рака тӧлысь 15 лунся 16 №-а Индӧдлӧн 19.11 пунктса кӧкъямысӧд абзацын да 19.15.3 пунктса квайтӧд абзацын индӧм организацияяс.».
{Kodko (комиӧдіс Kodko) @ Коми Республикаса власьтъяс да «Ростелеком» унджык мутасӧ нюжӧдасны связь да ӧтуввез @ выльтор @ https://rkomi.ru/news/1592 @ 2021-12-02 @}
Коми Республикаса власьтъяс да «Ростелеком» унджык мутасӧ нюжӧдасны связь да ӧтуввез
Регионса Юралысь Владимир Уйба удж серти аддзысьліс «Ростелеком» публичнӧй акционер котырлӧн «Рытыв-войвыв» макрорегиональнӧй филиалса вице-президент — директор Александр Логиновкӧд.
Сёрнитісны «Цифрӧвӧй торъялӧм бырӧдӧм» проект збыльмӧдӧм, «Лёк суӧмысь видзчысян кар» аппаратно-программнӧй комплекс сӧвмӧдӧм, сьӧкта да габаритъяс бӧрся автоматическӧя видзӧдан системалысь тырвыйӧ уджалӧмсӧ могмӧдӧм, регионса йӧзлысь дзоньвидзалун видзӧмын юӧр чукӧртан-донъялан медицинскӧй система пыртӧм йылысь.
«Ростелекомкӧд» ӧтув ми могмӧдам республикаса олысьясӧс бур связьӧн да ӧтуввезйӧн.
Ӧні збыльмӧдам некымын проект.
Торйӧдны кӧсъя сэтшӧм нырвизьяс, кыдзи йӧзлы колана объектъяс ӧтуввез дорӧ йитӧм да цифрӧвӧй торъялӧм бырӧдӧм», — пасйис Владимир Уйба.
«Кӧсъя аттьӧавны Тіянӧс, Владимир Викторович, да Коми Республикаса Веськӧдлан котырӧс ӧтувъя бур уджысь.
Ми воӧдчим бур бӧртасъясӧдз «Цифрӧвӧй торъялӧм бырӧдӧм» проект серти да волоконно-оптическӧй связь линияяс стрӧитӧмын.
Куим воӧн Коми Республикаын ыджыд ӧда вез дорӧ йитӧма йӧзлы колана 676 объект.
Сӧмын таво стрӧитӧма уна йӧзлы ӧтуввезйӧ йитчан 16 точка», — тӧдчӧдіс Александр Логинов.
«Цифрӧвӧй торъялӧм бырӧдӧм» проектлӧн медводдза тшупӧдӧ пыртӧма Коми Республикаса 123 олан пункт, кӧні олӧ 250-500 морт.
2020 во помлань уджтассӧ збыльмӧдӧма 117 сикт-грездын. Нӧшта 6 олан пункт кӧсйӧма йитны 2021 воӧ.
Таво «Цифрӧвӧй торъялӧм бырӧдӧм» (ЦТБ 2.0) федеральнӧй проектлӧн мӧд тшупӧд дырйи республикаса 7 олан пунктын, кӧні олӧ 100-500 морт, пыртӧма уджӧ сотӧвӧй связь станция.
Тайӧ Койгорт районса Зимовка, Кузьёль посёлокъяс да Грива сикт, Изьва районса Мошъюга да Галпи грездъяс, Кӧрткерӧс районса Керӧс сикт да Уръёль посёлок.
Россияса цифра отсӧгӧн сӧвмӧдан, йитӧд да юӧр сетан министерство 2022 во да водзӧ мунысь вояс вылӧ ЦТБ 2.0 уджтас збыльмӧдан план лӧсьӧдӧм могысь Канму услугаяс портал да Россияса Пошта отсӧгӧн нуӧдіс йӧз пӧвстын гӧлӧсуйтӧм.
Сылӧн бӧртасъясыс лоӧны тӧдсаӧсь 2021 вося ӧшым тӧлысь помын — бӧръясны республикаса 14 сикт-грездысь оз этшаджыкӧс, кутшӧмъяс лӧсялӧны ЦТБ 2.0 корӧмъяслы да босьтісны медуна гӧлӧс.
Коми Республикаса Веськӧдлан котыр дасьтіс федеральнӧй министерствоӧ шыӧдчӧм, кӧні вӧзйис содтыны 2022 воӧ проектын участвуйтысь олан пунктъяслысь лыдсӧ 40-ӧдз.
«Таысь кындзи, дінму уджтас серти планируйтам, мый 2022 вося тӧвшӧр тӧлысьын нин спутникӧвӧй связь каналсянь волоконно-оптическӧй связь линия вылӧ вуджӧмӧн связьсӧ бурмӧдасны республикаса 10 сьӧкыда воӧдчан да ичӧт сикт-грездын», — юӧртіс Коми Республикаса Юралысь.
Связьсӧ кӧсйӧны бурмӧдны «Ухта» КК МЮ-лӧн Поромӧсь грездын, «Койгорт» МР МЮ-лӧн Нюдзпоска посёлокын, «Сыктывдін» МР МЮ-лӧн Кӧмъяр да Мандач посёлокъясын, «Мылдін» МР МЮ-лӧн Палью посёлокын, «Удора» МР МЮ-лӧн Слӧбӧда Выльыб, Мелей да Сёльыб грездъясын, «Кулӧмдін» МР МЮ-лӧн Белоборск посёлокын да Дзоль сиктын.
Александр Логинов вӧзйис ӧтув сӧвмӧдны Коми Республикаын оптическӧй везъяс. Та дырйи вӧдитчыны куим финансӧвӧй ӧшмӧсӧн: «Ростелеком» компаниялӧн сьӧм инвестиция уджтас серти, федеральнӧй сьӧм да регионлӧн сьӧмкуд субсидияяс.
«2017-2021 воясӧ ми могмӧдім ӧтуввезйӧн Коми Республикаса юрсиктъясын да сиктъясын 11 сюрс овмӧс.
2022 во кежлӧ ми дасьтім 8 сюрс овмӧс дорӧ оптическӧй вез стрӧитан уджтас.
Ми дасьӧсь мынтыны кызвын рӧскодсӧ, регион кӧ тшӧтш сьӧмӧн могмӧдас.
Тайӧ сетас позянлун локтан воӧ ӧдйӧджык могмӧдны связьӧн республикаӧс. Ӧти воӧн лоӧ вӧчӧма куим вося удж», — гӧгӧрвоӧдіс «Ростелеком» публичнӧй акционер котырлӧн «Рытыв-войвыв» макрорегиональнӧй филиалса вице-президент — директор Александр Логинов.
Коми Республикаса Юралысь Владимир Уйба ошкис содтӧд оптическӧй везъяс стрӧитӧмсӧ субсидируйтӧм йылысь вӧзйӧмсӧ да тшӧктіс регионса Цифра отсӧгӧн сӧвмӧдан, йитӧд да юӧр сетан министерстволы бурджыка видлавны тайӧ юалӧмсӧ компаниякӧд ӧтув, сы лыдын вӧчны сідз, медым тайӧ мутасъясын олысьяс вермисны сійӧс ньӧбны.
{Kodko (комиӧдіс Kodko) @ Владимир Уйба: «Воркутауголь» акционер котырӧс выль кутысь дась лоны бур ёртӧн Коми Республикалы» @ выльтор @ https://rkomi.ru/news/1594 @ 2021-12-02 @}
Владимир Уйба: «Воркутауголь» акционер котырӧс выль кутысь дась лоны бур ёртӧн Коми Республикалы»
«Северсталь» публичнӧй акционер котырлысь да «Русская энергия» ичӧт кывкутана котырлысь «Воркутауголь» акционер котыр ньӧбӧм-вузалӧм йылысь помшуӧмсӧ ошкис Коми Республикаса Юралысь.
Владимир Уйбалӧн кывъяс серти, Воркутаса кар артмӧдан предприятие кутысьӧс вежӧмыс оз тӧдчы сылӧн зумыд удж вылӧ.
Мӧдарӧ, компания заводитас выль ногӧн сӧвмыны.
«Коми Республикаса Веськӧдлан котыр сделка заводитчӧмсяньыс видзӧдіс сы бӧрся.
Талун сы йылысь юӧртісны йӧзлы.
Ми чолӧмалам выль собственникӧс, сы вӧсна мый бура тӧдам сійӧс да эскам, мый сійӧ кутас нуӧдны бизнессӧ йӧзлы бур вылӧ.
Чайта, мый Воркуталы да сылӧн олысьяслы тайӧ сделкаыс ваяс сӧмын пӧльза.
Та дырйи тӧдчана, мый воддза собственникыс оз дугӧд предприятиекӧд уджъёртасьӧмсӧ да кутас дыр кад чӧж на ньӧбны воркутаса из шом», — пасйис Владимир Уйба.
«Северсталь» ПАК-лӧн официальнӧй юӧр серти, «Русская энергия» ИКК-кӧд кырымалӧма «Воркутауголь» АК вузалӧм йылысь артмӧдчӧм.
Сделкалӧн мындаыс — 15 млрд шайт.
Чайтӧны, мый сделкаыс помасяс 2022 вося медводдза кварталын Россия Федерацияса федеральнӧй антимонопольнӧй службасянь лӧсялана тшӧктӧмъяс воӧм да мукӧд условие олӧмӧ пӧртӧм бӧрын.
«Воркутауголь» ньӧбӧмыс петкӧдлӧ, мый ми эскам россияса из шом перйӧмлӧн сӧвмӧмӧ да Арктика зоналӧн ыджыд позянлунъясӧ.
Миян корпорациялӧн ыджыд опыт мупытшса озырлун перйӧмын, мыйӧн ми кӧсъям вӧдитчыны выль нырвизь сӧвмӧдӧм могысь и водзӧ.
Миянлы колӧ, медым «Воркутауголь» видзис да содтіс корпоративнӧй культура, социальнӧй гарантияяс да промышленносьтын видзчысянлун юкӧнын медбур кужанлунъяссӧ, мый вӧлі чукӧртӧма «Северстальын».
Аттьӧалам уджъёртнымӧс миянлы эскӧмысь да кутам лача водзӧ бур ӧтувъя удж вылӧ», — гӧгӧрвоӧдіс «Русская энергия» компанияса медыджыд директор Андрей Тясто.
2021 вося ӧшым тӧлысь чӧжӧн индӧма Коми Республикаса Юралысьлӧн «Русская энергия» ИКК-са ӧтув учредитысь, AEON корпорацияса директоръяслӧн сӧветӧн веськӧдлысь Роман Троценкокӧд аддзысьлӧм.
Аддзысьлӧм дырйи видлаласны, кутшӧм ногӧн Коми Республикаса Веськӧдлан котыр да «Воркутауголь» АК кутысь кутасны нуӧдны ӧтувъя удж.
{Kodko (комиӧдіс Kodko) @ Владимир Уйба аттьӧаліс Санкт-Петербургын олысь комиясӧс чужан республика сӧвмӧдӧмӧ пай пуктӧмысь @ выльтор @ https://rkomi.ru/news/1595 @ 2021-12-03 @}
Владимир Уйба аттьӧаліс Санкт-Петербургын олысь комиясӧс чужан республика сӧвмӧдӧмӧ пай пуктӧмысь
Ӧшым тӧлысь 2 лунӧ Россия Федерацияса Рытыв-Войвыв дінмуын Коми Республикаӧс петкӧдланінын прӧйдитіс Коми Республикалӧн 100 во тырӧмлы сиӧм кыпыд чукӧртчылӧм.
Мероприятиеын участвуйтісны Санкт-Петербургын коми диаспораӧ пырысьяс — из шом, туй, речнӧй, кӧрт туй да вӧр промышленносьт юкӧнъясса, гражданскӧй авиацияса, йӧзлысь дзоньвидзалун видзан, велӧдан, культура, йӧзкост овмӧсын мукӧд юкӧнса ветеранъяс.
«Ті пыр кутанныд топыд йитӧд чужан республикакӧд, — тӧдчӧдіс Владимир Уйба.
— Весиг чужанінысь бокын, Санкт-Петербургын, ті лолӧн да сьӧлӧмӧн сыкӧд, водзӧ участвуйтанныд сылӧн олӧмын да аскиа лунын.
Россия Федерацияса Рытыв-Войвыв дінмуын Коми Республикаӧс петкӧдланін да «Неватас» Санкт-Петербургын коми землячество сӧвмӧдӧны чужан регионлысь йитӧдъяссӧ да республикалысь бур имидж.
Ассянь, землякъяссянь аттьӧала тіянӧс уджсикасын тӧдӧмлунъясысь, кужӧмлунъясысь да енбиысь, кутшӧмъясӧс ті пуктінныд чужан му сӧвмӧдӧмӧ».
Коми Республикаса Юралысь сетіс коми диаспораӧ пырысьяслы «Коми Республикалы 100 во» юбилейнӧй медальяс.
Наградитӧмаяс пиысь ӧти — кытшовтӧм Ленинградын олысь, из шом юкӧнса ветеран Тамара Николаевна Битис.
Сылӧн олӧмыс топыда йитчӧма Коми Республикакӧд.
1958 воӧ Тамара Николаевна комсомольскӧй путёвка серти локтіс туявны Войвыв, тайӧ кадсянь сійӧ 35 во оліс да уджаліс Коми Республикаын.
«Ме сьӧлӧмсянь радейта Коми муӧс, тані олӧны бур, кыпыд ловруа да шань йӧз.
Ме чужи Ленинградын, 35 во уджалі Комиын.
Аддзылі уна буртор регионын, бӧр локті татчӧ йӧзӧс мӧдлаӧ овмӧдан уджтас серти.
И ӧні бурӧн казьтывла Коми муӧс», — пасйис Тамара Битис.
Кыпыд чукӧртчылӧм помасис сёрниӧн.
Коми Республикаса Юралысь висьталіс экономика диверсифицируйтӧм серти Республикаса Веськӧдлан котырлӧн удж йылысь, монокаръяс сӧвмӧдан позянлунъяс йылысь, регионӧс социальнӧя да экономика боксянь сӧвмӧдан уджтас федеральнӧй тшупӧдын примитӧм кежлӧ дасьтысьӧм йылысь.
Землякъяс кыпыда примитісны тайӧ юӧрсӧ.
* * *
Коми Республикаса Юралысьлӧн тшӧктӧмӧн Коми Республика социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Тамара Николаевна Битислы — кытшовтӧм Ленинградын олысьлы, Коми Республикаса из шом перъян юкӧнса ветеранлы, сетӧма «Инта водзын заслугаясысь» пас;
Ильмар Вильевич Битислы — Коми Республикалӧн из шом перъян юкӧнса ветеранлы, сетӧма «Шахтёрлӧн слава» 3 степеня пасъяс;
Валерий Сергеевич Аликинлы — Коми Республикалӧн туй юкӧнса ветеранлы, Коми Республикаса нимӧдана уджалысьлы, сетӧма «Россияса транспортын почёта уджалысь» морӧсвыв пас;
Ольга Михайловна Алтуниналы — Коми Республикалӧн речнӧй юкӧнса ветеранлы, сетӧма Россия Федерацияса ю выв флот министерстволысь Почёт грамота;
Нина Андреевна Аниконовалы — «Неватас» Санкт-Петербургын коми землячествоӧ пырысьлы, сетӧма Россия Федерацияса финн-угор культура шӧринлысь аттьӧалана письмӧ, Коми Республикаса культура министрлысь аттьӧалӧм;
Наталья Алексеевна Арнаутовалы — Коми Республикаса почёта врачлы, сетӧма Коми Республикаса Почёт грамота;
Надежда Юрьевна Барулькиналы — «Дзоридз» сьылан-фольклор котырӧн юрнуӧдысьлы, сетӧма Коми Республикаса Каналан Сӧветлысь аттьӧалӧм, Коми Республикаса национальнӧй политика министерстволысь аттьӧалана письмӧ;
Олег Вячеславович Беляковлы — Коми Республикалӧн канму службаса ветеранлы, сетӧма Коми Республикаса Юралысьлысь Почёт грамота;
Евгений Николаевич Борисовлы — канму да муниципальнӧй службаса ветеранлы, Россия Федерацияса оланін да коммунальнӧй овмӧсын нималана уджалысьлы;
Михаил Николаевич Бурдинлы — Коми Республикаса нимйӧза артистлы, Россия Федерацияса нимӧдана культура уджалысьлы;
Владимир Борисович Ванеевлы — Россия Федерацияса нимйӧза артистлы, Россия Федерацияса канму премияа лауреатлы;
Александр Александрович Вишняковлы — «Неватас» Санкт-Петербургын коми землячествоӧ пырысьлы, сетӧма Коми Республикаса промышленносьт, транспорт да связь министерстволысь Почёт грамота, сетӧма Канму авиация дӧзьӧрӧн Комиын веськӧдланінлӧн транспорт юкӧнын дӧзьӧр нуӧдысь федеральнӧй службалысь аттьӧалӧм;
Виктор Николаевич Водовозовлы — Коми Республикалӧн кӧрт туй юкӧнса ветеранлы, Россия Федерацияса кӧрт туй вылын почёта уджалысьлы, сетӧма 3 степеня Уджвывса Слава орден;
Валерий Наильевич Гафиатулинлы — Коми Республикалӧн из шом юкӧнса ветеранлы, сетӧма «Шахтёрлӧн слава» 3 степеня пасъяс, «Кулӧмысь мездӧмысь» Россия Федерацияса медаль;
Надежда Анатольевна Ефременколы — «Неватас» Санкт-Петербургын коми землячествоӧ пырысьлы, Коми Республикалӧн вӧр промышленносьт юкӧнса ветеранлы;
Олег Иванович Казанинлы — Санкт-Петербургса горнӧй университетлӧн горнӧй факультетса деканлы, техническӧй наукаса докторлы, сетӧма «Шахтёрлӧн слава» 3 степеня пас;
Алла Григорьевна Карелиналы — из шом юкӧнса ветеранлы, сетӧма 3 степеня Уджвывса Слава орден;
Валерий Владимирович Козловлы — Россия Федерацияса Рытыв-Войвыв регионын Коми Республикаӧс петкӧдлысьлы, сетӧма Коми Республикаса Почёт грамота;
Олег Викторович Комлевлы — Коми Республикаса йӧзлысь дзоньвидзалун видзан юкӧнса ветеранлы, Россия Федерацияса нимӧдана врачлы;
Марина Николаевна Комлевалы — Коми Республикаса канму службаса ветеранлы, сетӧма «Коми Республикалы зэв бура служитӧмысь» отличие пас;
Геннадий Иванович Коршуновлы — Коми Республикалӧн из шом юкӧнса ветеранлы, Россия Федерацияса медвылыс школаын нимӧдана уджалысьлы, Коми Республикаса йӧзкост овмӧсын нимӧдана уджалысьлы, сетӧма «Шахтёрлӧн слава» 3 степеня пасъяс;
Валерий Федорович Кюршинлы — Россия Федерацияса Рытыв-Войвыв регионын Коми Республикаӧс петкӧдланін могмӧдӧм серти веськӧдланінӧн юрнуӧдысьлы, Коми Республикаса нимӧдана уджалысьлы;
Евгений Федорович Локтионовлы — Коми Республикалӧн из шом юкӧнса ветеранлы, Коми Республикаса йӧзкост овмӧсын нимӧдана уджалысьлы, сетӧма «Шахтёрлӧн слава» 2 да 3 степеня пасъяс;
Ярослав Николаевич Мельниковлы — «<rus>Содружество Воркутинцев</rus>» дінму ӧтйӧза организацияӧн веськӧдлысьлы, сетӧма Коми Республикаса Почёт грамота;
Анатолий Васильевич Ольховиклы — Коми Республикаын гражданскӧй авиацияса ветеранлы, сетӧма 3 степеня Уджвывса Слава орден;
Игорь Константинович Сафьянниковлы — Коми Республикалӧн энергетика юкӧнса ветеранлы, Россияса Почёта энергетиклы, Россия Федерациялӧн вооружённӧй вынъясса ветеранлы;
Игорь Николаевич Сорокинлы — Коми Республикалӧн культура юкӧнса ветеранлы, Коми Республикаса нимӧдана уджалысьлы, Воркутаса ветеранлы;
Иван Александрович Терюковлы — «Неватас» Санкт-Петербургын коми землячествоӧн веськӧдлысьлы, Коми Республикаса нимӧдана уджалысьлы;
Наталья Михайловна Фирсовалы — Коми Республикаса вынйӧр сӧвмӧдан да спорт юкӧнса ветеранлы, йӧзӧс велӧдӧмын отличниклы, Воркутаса ветеранлы;
Алексей Михайлович Чернышевлы — Коми Республикаса шахта стрӧитан юкӧнса ветеранлы, сетӧма Коми Республикаса Юралысьлысь Почёт грамота.
{Kodko (комиӧдіс Kodko) @ Коми оперштаб шуис, мый COVID-19 дорӧ IgG антителаяслӧн ыджыд титрыс лоӧ подулӧн, медым бӧрыньтны вакцинируйтчан кадсӧ @ выльтор @ https://rkomi.ru/news/1596 @ 2021-12-03 @}
Коми оперштаб шуис, мый COVID-19 дорӧ IgG антителаяслӧн ыджыд титрыс лоӧ подулӧн, медым бӧрыньтны вакцинируйтчан кадсӧ
Но тайӧ помшуӧмыс вынсялас сӧмын сэк, кор пыртасны колана вежсьӧмъяс нормативнӧй инӧда актъясӧ да лӧсьӧдасны йӧзлы, кодъяслӧн антитела титрыс вылын, вакцинируйтчӧмлы медицина боксянь паныда помкаяслӧн эмлун йылысь медицина документ сетан ногъяс.
Тайӧ уджсӧ тшӧктӧма вӧчны Коми Республикаса йӧзлысь дзоньвидзалун видзан министерстволы.
Помшуӧмсӧ примитӧма коллегиальнӧя выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штабӧн.
Дзоньвидзалун видзан ставмирса организациялӧн вӧзйӧм серти, 100 прӧчент вылӧ вирус бырӧдан эффектыс артмӧ сэк, кор COVID-19 выль коронавирус инфекция дорӧ IgG антителаяслӧн титрыс 150 BAU/мл-ысь унджык.
Юӧрсӧ сы йылысь, кор вынсяласны антителаяс титрлӧн эмлун йылысь медицина справкаясыс, йӧзӧдасны содтӧд.
{Kodko (комиӧдіс Kodko) @ Коми Республикаса Веськӧдлан котыр да Каналан Сӧвет эскӧдісны странаӧн юрнуӧдысьясӧс ошкыны республикаӧс социальнӧй да экономика боксянь сӧвмӧдан торъя уджтас дасьтӧмсӧ @ выльтор @ https://rkomi.ru/news/1598 @ 2021-12-03 @}
Коми Республикаса Веськӧдлан котыр да Каналан Сӧвет эскӧдісны странаӧн юрнуӧдысьясӧс ошкыны республикаӧс социальнӧй да экономика боксянь сӧвмӧдан торъя уджтас дасьтӧмсӧ
Россияса Президент ошкис Коми Республикалысь вӧзйӧмъяссӧ, кутшӧмъясӧс Владимир Уйба лыддьӧдліс 2021 вося йирым тӧлысь 6 лунӧ из шом перъян регионъясын энергетика сӧвмӧдан да экономика диверсифицируйтан юалӧмъяс серти сӧвещание дырйи.
Регионӧн сетӧм вӧзйӧмъяссӧ, кутшӧмъясӧс дасьтісны регионса Юралысь, министръяс да парламент, тӧдчисны Владимир Путинлӧн РФ-са Веськӧдлан котырлы да регионса Веськӧдлан котырлы тшӧктӧмъясын.
Медшӧр темаяс пиысь ӧтиыс — Ылі Войвыв районъясысь да накӧд ӧткодялӧм местаясысь гражданаӧс мӧдлаӧ овмӧдан ногсӧ вежӧм.
Комиын федеральнӧй оланпас серти климат боксянь бур регионъясӧ овмӧдӧм вылӧ учёт вылын сулалӧ 25 703 семья.
Та дырйи ӧнія вичмӧдӧм сьӧмыс оз тырмы сы вылӧ, медым матысса воясӧ разьны тайӧ категория олысьяслы патера серти мытшӧдсӧ.
«Ӧні бурӧсь сэтшӧм петан туйяс, кыдзи «рубль в рубль» либӧ «Стимул» уджтас. Наӧн позьӧ вӧдитчыны, медым овмӧдны войвылын олысьясӧс климат боксянь бур районъясӧ, но регион пытшкын.
Воркутаын да Интаын олысьяс дасьӧсь кольччыны чужан республикаын, ӧд сійӧс сӧвмӧдӧмлы найӧ сетісны уна во.
Интаса да Воркутаса олысьяс дасьӧсь кольччыны, но та дырйи вуджны овны климат боксянь шоныдджык муниципалитетъясӧ.
Шуам, Сыктывкарӧ либӧ Луздор районӧ.
Ми ошкам миян землякъяслысь татшӧм видзӧдласъяссӧ, сы вӧсна мый пыдди пуктам быд олысьӧс.
Таысь кындзи, войвылысь республика шӧрӧ да лунвылӧ йӧзӧс овмӧдӧмыс сетас выль позянлунъяс стрӧитчан юкӧнын», — тӧдчӧдіс Владимир Уйба.
Видзӧдлассӧ ошкис канмуӧн юралысь, мый йылысь РФ-са Веськӧдлан котырлы вӧлі сетӧма тшӧктӧмъяс.
Таысь кындзи, федеральнӧй министръяслы Коми власьтъяскӧд ӧтув колӧ вынсьӧдны 2026 воӧдз Коми Республикаӧс социальнӧя да экономика боксянь сӧвмӧдан уджтас.
Торйӧн нин, сэтчӧ пыртасны Интаын шахтаяс тупкылӧм, Россия Федерацияса сьӧмкудйысь сьӧмӧн ӧтув могмӧдӧмӧн Интаын да Воркутаын ваӧн могмӧдан важмӧм системаяс выльмӧдӧм.
«Уджтас балаыс миян дась нин.
Уджалім та вылын ӧтлаын, министръяскӧд да Каналан Сӧветса депутатъяскӧд, мыйысь сьӧлӧмсянь аттьӧала уджъёртъясӧс.
Документсӧ видлалӧны нин федеральнӧй Веськӧдлан котырын», — тӧдчӧдіс Владимир Уйба.
Сылӧн кывъяс серти, Президентӧн вичмӧдӧм дженьыд кадсӧ тӧд вылӧ босьтӧмӧн вынсьӧдӧмыс лоӧ 2022 вося рака тӧлысьысь оз сёрджык.
Та дырйи уджтассӧ заводитасны збыльмӧдны пырысьтӧм-пыр.
«Владимир Владимирович Путинӧн миянлысь став вӧзйӧмсӧ ошкӧмыс тӧдчӧдӧ, мый регыдъя кадӧ ми заводитам сӧвмӧдны регионнымӧс выль ногӧн», — кывкӧрталіс Коми Республикаса Юралысь.
{Kodko (комиӧдіс Kodko) @ Сыктывкарса школаясын велӧдчысьяс пӧвстын ОРВИ-ӧн да гриппӧн ёна висьмалӧм понда пыртӧны карантин @ выльтор @ https://rkomi.ru/news/1600 @ 2021-12-03 @}
Сыктывкарса школаясын велӧдчысьяс пӧвстын ОРВИ-ӧн да гриппӧн ёна висьмалӧм понда пыртӧны карантин
Роспотребнадзорлӧн Коми Республикаын Веськӧдланінлӧн вӧзйӧм серти ӧшым тӧлысь 4-11 лунъясӧ Сыктывкарса школаясын велӧдчысьяс пӧвстын ОРВИ-ӧн да гриппӧн ёна висьмалӧм понда пыртӧны карантин.
Татшӧм помшуӧмсӧ примитіс Сыктывкарса администрация.
Коми Республикаса Юралысь Владимир Уйба да Выль коронавирус инфекция паськалӧмлы паныд удж нуӧдан ведомствокостса республиканскӧй оперативнӧй штаб ошкисны тайӧ мӧвпсӧ.
Челядьлысь котыръяс ӧта-мӧдысь торйӧдӧм дугӧдас инфекция паськалӧмсӧ да ӧлӧдас висьмалӧмъяслӧн содӧмысь.
Карантин дырйи оз кутны велӧдны дистанционнӧя.
Ӧшым тӧлысь 4 лунсянь 11 лунӧдз велӧдӧмсӧ дугӧдӧма и челядьлы содтӧд тӧдӧмлун сетан канму да аспом организацияясын.
{Kodko (комиӧдіс Kodko) @ Коми Республикаса Юралысь юрнуӧдӧ «Единая Россия» регионса юкӧнӧн @ выльтор @ https://rkomi.ru/news/1602 @ 2021-12-04 @}
Коми Республикаса Юралысь юрнуӧдӧ «Единая Россия» регионса юкӧнӧн
Регионъясын партияса юкӧнъясӧн юрнуӧдӧны 12 юралысь.
Партиялӧн Генсоветса Президиумлы найӧс вӧзйис «Единая Россияӧн» Веськӧдлысь Дмитрий Медведев.
«Губернаторъяслӧн, кыдзи юрнуӧдысьяслӧн, кодъяс пыдісянь тӧдӧны регионлысь мытшӧдъяссӧ, «Единая Россия» регионса юкӧнъяслӧн юралысьяслысь кывкутана могъяссӧ недыр кад збыльмӧдысьяс чинын опытыс тӧдчана да зэв колана», — шуис Партияӧн веськӧдлысь кандидатъяскӧд аддзысьлӧм дырйи, мый нуӧдісны пленарнӧй заседание водзвылын ВКС режимын.
Владимир Уйбалӧн кывъяс серти, регионын партия — тайӧ, медводз, йӧз: водзмӧстчысьяс, кодъяс вылӧ позьӧ да колӧ мыджсьыны партиялысь проектъяс збыльмӧдігӧн, медым петкӧдны найӧс выль тшупӧд вылӧ.
Та дырйи колӧ кыскыны меставывса юкӧнъясӧ выль уджалысьясӧс, сы лыдын ёнджыкасӧ том йӧзӧс.
Сідзжӧ могъяс пӧвстын — ышӧдны «Единая Россияса» став депутатӧс уджавны гражданалӧн шыӧдчӧмъясӧн, лӧсьӧдны оланпасъяс да збыльмӧдны национальнӧй проектъяс.
{В. В. Уйба (комиӧдіс Kodko) @ Коми Республикаса Юралысь чолӧмалӧ Доброволеч (волонтёр) лунӧн @ выльтор @ https://rkomi.ru/news/1603 @ 2021-12-05 @}
Коми Республикаса Юралысь чолӧмалӧ Доброволеч (волонтёр) лунӧн
«Коми Республикаса пыдди пуктана волонтёръяс!
Дона ёртъяс!
Чолӧмала тіянӧс Доброволеч лунӧн!
Миян странаын тайӧ гажсӧ пыртӧма неважӧн на, таво ми сійӧс пасъям витӧдысь.
Но йӧзыс пыдди пуктӧны сійӧс.
Волонтёръяслӧн ӧтмунӧм воысь воӧ паськалӧ-сӧвмӧ.
Талун республикаын добровольчество уджӧ пырӧдчӧма нин 27 сюрс верстьӧ да том йӧз.
Таво волонтёръяс пуктісны тӧдчана пай «Оланін да карса гӧгӧртас» национальнӧй проектлӧн «Карын бур оласног лӧсьӧдӧм» проект да Ставроссияса олысьяслӧн перепись серти йӧзаинъяс вӧсна гӧлӧсуйтӧм нуӧдӧмӧ.
Ковид эпидемиякӧд йитӧдын доброволечьяс во чӧж отсасьӧны олӧма да сьӧкыда ветлысь гражданалы, вайӧны сёян-юан да лекарство налы, кодъяслы быть колӧ лоны гортас.
Волонтёръяс отсалӧны и Вакцинируйтӧмаяслӧн федеральнӧй регистрӧ тӧдмӧгъяс пыртӧмын.
Активистъяс отсасьӧны пикӧ воӧм йӧзлы, нуӧдӧны йӧз пӧвстын тӧдӧмлун паськӧдан удж, пырӧдчӧны экологиялы сиӧм акцияясӧ, вежӧны олӧмсӧ бурлань.
Дона ёртъяс, аттьӧала тіянӧс бур сьӧлӧмысь, йӧзлы отсасьӧмысь, йӧзлы бур вӧчны зільӧмысь.
Став сьӧлӧмсянь сиа тіянлы дзоньвидзалун, вынъяс, водзмӧстчӧмын вермӧмъяс!»
[Коми Республикаса Юралысь В. В. Уйба]
{Kodko (комиӧдіс Kodko) @ Владимир Уйба аттьӧаліс Коми Республикаса кар-районъясысь делегацияясӧс @ выльтор @ https://rkomi.ru/news/1605 @ 2021-12-05 @}
Владимир Уйба аттьӧаліс Коми Республикаса кар-районъясысь делегацияясӧс
Талун сигӧртісны Коми Республикаса муниципальнӧй юкӧнъяслысь культура лунъяс.
Регионса канлунлӧн сё вося юбилейлы сиӧм фестивальсӧ кыпыда помалісны ӧшым тӧлысь 5 лунӧ Сыктывкарын гала-концертӧн.
Сійӧ вӧлі республиканскӧй филармонияын.
Рытыс муніс «Коми муӧй — олан гажӧй» слоган улын.
Культура проектыс муніс кык сайӧ во чӧж.
21 сценическӧй площадка вылын нуӧдісны 100 сайӧ концерт, выставка да тӧдӧмлун кыпӧдан мероприятие, кытчӧ пырӧдчис 4 сюрс сайӧ артист: профессионалъяс да любительяс.
«Культура лунъясыс лоисны тӧдчанаӧн ставныслы, кодъяс кылӧны Коми мукӧд, сылӧн тӧрытъя, талунъя да аскиа лункӧд йитӧдъяссӧ.
Республикаса кар-районъясысь медбур творчество коллективъяс петкӧдчисны сыктывкарса площадкаяс вылын.
Татшӧм проектъясыс сетӧны позянлун пуктыны пай республикаса культура озырлунӧ, ас пыр лэдзны традицияяслысь аслыспӧлӧслунсӧ.
Аттьӧала фестивальӧ став пырӧдчысьӧс.
Сиа ловби да творчествоын выль вермӧмъяс!», — пасйис Коми Республикаса Юралысь.
Владимир Уйба сетіс кар-районъясса делегацияясӧс петкӧдлысьяслы — Коми Республикаса муниципальнӧй юкӧнъяслӧн юралысьяслы аттьӧалана письмӧяс.
{Kodko (комиӧдіс Kodko) @ Коми да Беларусь индісны ӧтув уджалан нырвизьяс @ выльтор @ https://rkomi.ru/news/1610 @ 2021-12-08 @}
Коми да Беларусь индісны ӧтув уджалан нырвизьяс
Ӧшым тӧлысь 7 лунӧ вӧлі Коми Республика да Беларусь Республика костын ёртасьӧм серти уджалан группалӧн нёльӧд чукӧртчылӧм.
Сійӧс видеосвязь пыр нуӧдісны Коми Республикаса Юралысь Владимир Уйба да Гродно обласьтса олӧмӧ пӧртысь комитетӧн веськӧдлысь Владимир Караник.
Кывзіны кык республика костын торгово-экономическӧй, научно-техническӧй да социально-культурнӧй йитӧдъяс йылысь юӧр.
Уджалан группаӧ пырысьяс индісны ӧтув сӧвмӧдан медшӧр нырвизьяс, юксисны ӧтув уджалӧмсӧ паськӧдӧм серти вӧзйӧмъясӧн.
2020 вося бӧртасъяс серти миян регионкӧд тӧвар ньӧбӧм-вузалӧм серти 115 страна пиысь Беларусь босьтӧ 14 места.
Кыдзи и пыр, Коми нуӧ Беларусьӧ пу да пуысь вӧчасъяс, целлюлознӧй материалысь масса, бумага да картон, а сідзжӧ текстиль материалъяс да химическӧй волокнояс.
Республикаӧ ёнджыкасӧ вайӧны пластмассаяс да наысь вӧчасъяс, краскаяс да лакъяс, краситан экстрактъяс, химическӧй волокнояс.
Кыдзи пасйисны беларусьсаяс, Коми — бур регион, медым лӧсьӧдны выль ӧтувъя производствояс.
Республикаын лӧсьӧдӧма зэв бур условиеяс, медым нуӧдны бизнес, вузасьны да кыпӧдны инвестицияяс.
Ӧні Россия Федерацияса субъектъясын инвестиция климат серти национальнӧй рейтингын Коми босьтӧ 23 места.
Коми Республика зільӧ сӧвмӧдны производствояс, войтыркостса кооперация да экспорт.
Инвесторъяслы урчитӧма уна пӧлӧс вот да эмбур кокньӧд, инвестиция вот кредит, кокньӧдӧм условиеяс вылын му участокъяс сетӧм, Промышленносьт сӧвмӧдан регионса фондлы кокньӧда заёмъяс, кокньӧда лизинг, микрозаёмъяс, Гарантийнӧй фондлӧн поручительствояс да мукӧдтор.
Заседаниеӧ пырӧдчысьяс индісны экономика, промышленносьт, видз-му овмӧс, культура, наука да велӧдан, спорт да туризм юкӧнъясын выль нырвизьяс да проектъяс.
«Уджалан группалӧн заседаниеыс петкӧдліс, мый миян регионъяс бура уджалӧны ӧтув да водзӧ сӧвмӧдӧны ӧтувъя уджсӧ.
Эска, мый миян странаяс костын йитӧдъясыс и водзӧ отсаласны ёнмӧдны стратегическӧй уджъёртасьӧм миян йӧзлы бур вылӧ», — юӧртіс Владимир Караник.
«Коми Республика ёна уджалӧ войтыркостса, дінмукостса йитӧдъяс серти.
Ми кӧсъям паськӧдны-сӧвмӧдны Коми Республика да Беларусь Республика костын йитӧдъяссӧ уна сикас юкӧнын.
Талун ми индім медшӧр нырвизьяссӧ», — пасйис Владимир Уйба.
Аддзысьлӧм бӧрын Коми Республикаса Юралысь да Гродно обласьтса исполкомӧн веськӧдлысь кырымалісны Беларусь Республика да Коми Республика костын ёртасьӧм серти уджалан группалӧн нёльӧд чукӧртчылӧмлысь сёрнигижӧд.
* * *
Коми Республикаса Веськӧдлан котыр да Беларусь Республикаса Веськӧдлан котыр костын торгово-экономическӧй, научно-техническӧй да социально-культурнӧй юкӧнын ӧтув уджалӧм йылысь артмӧдчӧмыс вынсяліс 2020 вося кӧч тӧлысь 29 лунӧ.
2015 вося кӧч тӧлысьӧ кырымалӧма Коми Республикаса Веськӧдлан котыр да Беларусь Республикалӧн Гродно обласьтса олӧмӧ пӧртысь комитет костын артмӧдчӧм.
2016 воӧ котыртӧма кык республика костын ӧтув уджалӧм серти уджалан группа.
Ӧтувъя уджыс мунӧ и муниципалитетъяс тшупӧдын: Сыктывкар да Могилёв, Ухта да Гродно каръяс костын.
{Kodko (комиӧдіс Kodko) @ Комиын оформитісны велӧдан юкӧнын медводдза концессия @ выльтор @ https://rkomi.ru/news/1619 @ 2021-12-10 @}
Комиын оформитісны велӧдан юкӧнын медводдза концессия
Талун, ӧшым тӧлысь 10 лунӧ, Коми Республикаса Юралысь Владимир Уйба да «<rus>Третья Концессионная Компания Просвещение</rus>» ичӧт кывкутана котырса медыджыд директор Алексей Шаповалов кырымалісны Сыктывдін районса Выльгорт сиктын 750 места вылӧ школа-сад проектируйтӧм, стрӧитӧм да уджӧдӧм йылысь концессионнӧй артмӧдчӧм.
Объект стрӧитӧмсӧ сьӧмӧн могмӧдӧ Сбербанк.
«Коми Республикалы — тайӧ велӧдан юкӧнын медводдза проект, кутшӧмӧс збыльмӧдӧны концессионнӧй артмӧдчӧмлӧн условиеяс вылын, — гӧгӧрвоӧдіс Владимир Уйба.
— Аспом инвестицияяс да удждӧм сьӧм кыскӧмыс сетас позянлун таво кутчысьны объект проектируйтӧмӧ, а 2024 воын нин восьтыны выль велӧдчан комплекс.
Нимкодь, мый республикаса финансӧвӧй уджъёртӧн лоис «Сбербанк» публичнӧй акционер котыр, сылӧн Коми юкӧдыс.
Миян ӧтувъя уджыс отсалас чинтыны Выльгорт сиктса школаясын кык сменаын велӧдан режимсӧ, бурмӧдны школаын да школаӧдз велӧдӧмсӧ, лӧсьӧдны челядьлы да велӧдысьяслы ӧнія да бур условиеяс».
Коми Республикаса Юралысь тӧдчӧдіс, мый концессия ногӧн канму-аспом уджъёртасьӧмыс сетӧ позянлун республикаса Веськӧдлан котырлы этшаджык видзны сьӧмсӧ, та дырйи водзӧ стрӧитны социальнӧй объектъяс, кутшӧмъясӧс важӧн нин виччысьӧны регионса олысьяс.
«Миянлы нимкодь Коми Республикакӧд ӧтув збыльмӧдны концессионнӧй модель серти велӧдан объект лӧсьӧдӧм серти проект.
Артмӧдчӧмлӧн условиеяс серти Группа ӧнія корӧмъясӧ кутчысьӧмӧн проектируйтас, стрӧитас, могмӧдас оборудованиеӧн объектсӧ.
Сэсся артмӧдчӧмлӧн став вына кадколаст чӧжӧн кутас могмӧдны велӧдан комплекс техническӧя уджӧдӧмсӧ да содтӧд велӧдан услугаяс сетӧмсӧ.
Эска, мый проект збыльмӧдӧмыс разяс оз сӧмын местаяс тырмытӧмлун серти мытшӧдсӧ, но и лӧсьӧдас подув велӧдан комплексын велӧдчысьясӧс быд боксянь сӧвмӧдӧм вылӧ», — пасйис Алексей Шаповалов.
Проектлӧн финансӧвӧй уджъёртӧн лоис Сбербанк.
Кредитнӧй организациялӧн портфельын — Рытыв-Войвыв федеральнӧй кытшын канму-аспом уджъёртасьӧм серти 20-ысь унджык вынсьӧдӧм сделка. Ӧтувъя мындаыс — 10 миллиардысь унджык шайт.
«Тайӧ медводдза воськов республикаын концессионнӧй артмӧдчӧм отсӧгӧн велӧдан инфраструктура сӧвмӧдӧмын.
Татшӧм уджъёртасян ногӧн муниципалитетъясын позьӧ лӧсьӧдны уна велӧдан объект да видзны та вылӧ этшаджык сьӧм.
Школаяс стрӧитӧмын коланлуныс эм на, та понда ми кӧсъям водзӧ уджавны та серти Коми республикаса веськӧдлан котыркӧд да «Просвещение» компанияяс группакӧд, — шуис Сбербанклӧн Коми юкӧдӧн веськӧдлысь Алина Хвищук.
Детсад да школа стрӧитӧм дырйи концессияыс вештас найӧс стрӧитӧм вылӧ регионлысь сӧмын мыйкӧ мында рӧскодсӧ капитальнӧй грант тшӧт весьтӧ.
Комиын власьтъяс сетасны унджык сьӧмсӧ сӧмын сы бӧрын, кор велӧдчанінъяс заводитасны уджавны.
Татшӧм ногӧн, сьӧмӧн могмӧдан локтан куим вося кадколастӧ республикаса сьӧмкудйысь оз ковмы ӧти кадӧ перйыны тайӧ проект вылӧ миллиардысь унджык шайт.
Сідзкӧ, концессия отсӧгӧн позьӧ бура да кивыв сӧвмӧдны Комиын социальнӧй юкӧнъясын капитальнӧя стрӧитчӧмсӧ.
{Kodko (комиӧдіс Kodko) @ Владимир Уйба сетіс Комиын олысь том войтырлы медтӧдчана документъяс @ выльтор @ https://rkomi.ru/news/1620 @ 2021-12-10 @}
Владимир Уйба сетіс Комиын олысь том войтырлы медтӧдчана документъяс
Россия Федерацияса Оланподувлы сиӧм лун водзвылын Коми Республикаса Юралысь сетіс паспортъяс республикалӧн кар-районъясса велӧдан учреждениеясын велӧдчысьяслы.
Кыпыд церемонияыс прӧйдитіс ӧшым тӧлысь 10 лунӧ.
Коми Республикаса Юралысь сетіс медтӧдчана документсӧ велӧдчӧмын, творчествоын, спортын енбиа да общественнӧй уджын зільысь ныв-зонлы.
Тайӧ Сыктывкарса, Ухтаса, Сосногорскса, Сыктывдін, Кӧрткерӧс да Сыктыв районъясса школьникъяс, лицеистъяс, гимназистъяс.
«Паспорт — оз сӧмын эскӧд мортӧс, но и йитӧ миянӧс ыджыд да ичӧт чужан мукӧд.
Тӧдчана, мый ассьыныд медводдза паспортъястӧ тіянлы сетасны республикалы сё во тыран воӧ.
Сиа тіянлы лоны миян странаса пыдди пуктана гражданаӧн.
Велӧдчӧй, босьтӧй тӧдӧмлунъяс.
Энӧ полӧй пуктыны ас водзӧ ыджыд могъяс. Медтӧдчанаӧн лоӧ сійӧ вермӧмыс, мый дорӧ ті медся дыр воӧдчинныд да мый вылӧ видзинныд медуна вын», — тӧдчӧдіс аслас сёрниын Владимир Уйба.
«Тайӧ луныс миянлы вывті тӧдчана, — пасйис аслас вочакывйын Выльгортса 1 №-а шӧр школаын велӧдчысь Татьяна Панюкова.
— Миян олӧмын заводитчис выль да кывкутана юкӧн.
Ӧні, кыдзи и быд верстьӧ мортлӧн, миян эмӧсь выль инӧдъяс да кывкутӧмъяс.
Россияса гражданинлысь почёт ним примитігӧн, ми сетам кыв асланым велӧдчӧмӧн, асланым вӧчӧмторъясӧн да асланым уджӧн ёнмӧдны миян республикалысь да страналысь авторитет, ним».
«Став бать-мам нимсянь сиа тіянлы лоны Россияса бур гражданинӧн, став сьӧлӧмсянь радейтны республикаӧс да странаӧс.
Тіянлы веськӧдлыны аскиа Россияӧн.
Кутшӧмӧн сійӧ лоӧ — сӧмын тіян сайын», — сиис Людмила Камбалова, Коми национальнӧй гимназияса велӧдчысь Константин Козловлӧн мам.
Тайӧ лунӧ Россияса том гражданалы петкӧдлісны Коми Республикаса Юралысьлӧн Администрациялысь здание, висьталісны регионса канпасъяс, республикаса олӧмӧ пӧртысь власьт органъяслӧн удж да россияса паспорт йылысь.
* * *
Россия Федерацияса Оланподувлы сиӧм лункӧд йитӧдын Россия Федерацияса том гражданалы паспортъяс сетан кыпыд церемонияын участвуйтысьяс йылысь юӧр
Кирилл Мезенцев — «18 №-а шӧр школа» Ухта карын МСВУ-лӧн кадетскӧй класса быдтас, велӧдчӧ кадетскӧй классын вице-ефрейтор званиеын;
Денис Ивакин — «3 №-а шӧр школа» Ухта карын МВУ-са велӧдчысь, волонтёр уджын зільысь;
Надежда Левина — «7 №-а шӧр школа» МАВУ-са велӧдчысь, Россияса школьникъяслӧн ӧтмунӧмын зільысь, волонтёр, «Космическӧй Коми Республика» конкурсын вермысь;
Никита Аюгов — «1 №-а гимназия» Сыктывкарын МАВУ-са велӧдчысь, сьылысь, спортсмен, класса президент;
Ксения Белых — «1 №-а гимназия» Сыктывкарын МАВУ-са велӧдчысь, лызьӧн ордйысьӧмын вермысь;
Виктория Коюшева — «38 №-а шӧр школа» Сыктывкарын МАВУ-са велӧдчысь, профильнӧй конкурсъясын уна титул босьтысь вокалистка;
Александра Боброва — «1 №-а лицей» Сыктывкарын МАВУ-са велӧдчысь, волонтёр, лицейса медиашӧринӧн юрнуӧдысь;
Матвей Попов — «Технологическӧй лицей» МАВУ-са велӧдчысь, Комиын бильярдын 4-ысь чемпион;
Константин Козлов — «Гимназия» (Коми национальнӧй гимназия) МВУ-са велӧдчысь, ас му туялӧм серти специалист;
Всеволод Голубев — «Шӧр школа» Кӧрткерӧс сиктын МВУ-са велӧдчысь, титула боксёр;
Лилия Нечаева — «Шӧр школа» Кӧрткерӧс сиктын МВУ-са велӧдчысь, том художник;
Татьяна Панюкова — «Выльгортса 1 №-а шӧр школа» МСВУ-са велӧдчысь, зільӧ наукаын да спортивнӧя ориентируйтчӧмын;
Алиса Ефремова — «Выльгортса 2 №-а шӧр школа» МСВУ-са велӧдчысь, волонтёр да Налимовлы сиӧм лыддьысьӧмъясын вермысь;
Виолетта Чарина — «Шӧр школа» Поёл сиктын МСВУ-са велӧдчысь, республиканскӧй да районса конкурсъясын некымын нырвизь серти вермысь;
Анна Каменева — «Сосногорск» муниципальнӧй районса Юралысь бердын гимназия» МАВУ-са велӧдчысь, доброволечьяслӧн ӧтмунӧмын зілысь;
Андрей Чурсин — Ю. А. Спиридонов нима «Коми Республикаса Юралысь бердын искусство гимназия» КУВУ-са велӧдчысь, концерт уджын зільысь.
{Kodko (комиӧдіс Kodko) @ Владимир Уйба аттьӧаліс Виктория Пыстинаӧс Войвылын шылад сӧвмӧдӧмысь @ выльтор @ https://rkomi.ru/news/1622 @ 2021-12-11 @}
Владимир Уйба аттьӧаліс Виктория Пыстинаӧс Войвылын шылад сӧвмӧдӧмысь
Ӧшым тӧлысь 10 лунӧ Коми республиканскӧй филармонияын прӧйдитіс «Менам чужан лун» сьылысьлӧн бенефис.
Сэні юргисны ставлы тӧдса да выль сьыланкывъяс.
Уна сьыланкыв гижисны татчӧс авторъяс: Коми Республикаса композиторъяс да поэтъяс.
Владимир Уйба чолӧмаліс сьылысьӧс да пасйис, мый аслас творчествоӧн сійӧ ышӧдӧ войвылын том да верстьӧ олысьясӧс радейтны шылад, ичӧт чужан му, Айму.
«Сиа Тіянлы помасьлытӧм ловби, выль творческӧй проектъяс, мед кывзысьяс нимкодясисны тіян енбиӧн.
Водзӧ ышӧдӧй Сыктывкарса меломанъясӧс асланыд чужан сцена вылын, а сідзжӧ — республикаын да миян странаын олысьясӧс гастрольяс дырйи.
Тіян гӧлӧс — Войвывлӧн лов!» — тӧдчӧдіс Коми Республикаса Юралысь.
{В. В. Уйба (комиӧдіс Kodko) @ Коми Республикаса Юралысь чолӧмалӧ Оланподувлы сиӧм лунӧн @ выльтор @ https://rkomi.ru/news/1625 @ 2021-12-12 @}
Коми Республикаса Юралысь чолӧмалӧ Оланподувлы сиӧм лунӧн
«Коми Республикаса пыдди пуктана олысьяс!
Чолӧмала тіянӧс Россия Федерацияса Оланподувлы сиӧм лунӧн!
Оланподув лоӧ канмуса инӧд системалы подулӧн, индӧ власьт органъяс да йӧз костын йитӧдъяссӧ, урчитӧ налысь инӧдъяссӧ, вӧлясӧ да могъяссӧ.
Оланподулын индӧм принципъясыс лоӧны странаӧс социальнӧя да экономика боксянь сӧвмӧдан, гражданалысь олӧмсӧ бурмӧдан, культурно-историческӧй озырлун видзан подулӧн.
Россия Федерацияса медшӧр оланпаслӧн принципъяс да социальнӧй гарантияяс вылӧ мыджсьӧмӧн Коми Республика став странакӧд ӧтвылысь артмӧдӧ ассьыс талунъя да аскиа лунсӧ.
Канмулысь ӧтувъялунсӧ видзӧм могысь миянлы колӧ пыдди пуктыны Оланподулын индӧм оласног, ӧтув видзны социальнӧй зумыдлун, вынсьӧдны гражданскӧй мир да сӧгласлун.
Ӧтвылысь ми вермам вӧчны ставсӧ, мый колӧ ыджыд да ичӧт чужаніннымӧс сӧвмӧдӧм вылӧ.
Дона землякъяс!
Сиа миянлы ставнымлы сьӧлӧмсянь радейтны Аймунымӧс, зільны вӧчны буртор карлы либӧ сиктлы, кӧні ми олам да уджалам, сэк, кор эм позянлун, — пыр сетны отсӧг налы, кодъяслы тайӧ колӧ.
Медым миян сьӧлӧмъясным кольӧны восьсаӧн да шаньӧн.
Медым быд лун вайис ичӧт да гырысь бур вӧчӧмъясысь радлун.
Лоӧй дзоньвидзаӧн да шудаӧн!»
[Коми Республикаса Юралысь В. В. Уйба]
{Kodko (комиӧдіс Kodko) @ Александр Гуцан воліс Коми Республикаӧ @ выльтор @ https://rkomi.ru/news/1632 @ 2021-12-14 @}
Александр Гуцан воліс Коми Республикаӧ
Сыктывкарын ӧшым тӧлысь 14 лунӧ Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысь Александр Гуцан нуӧдіс Коми Республикаӧс социальнӧя да экономика боксянь сӧвмӧдӧм да национальнӧй проектъяс збыльмӧдӧм серти сӧвещание.
Мероприятиеын участвуйтісны Коми Республикаса Юралысь Владимир Уйба, республикаса олӧмӧ пӧртысь власьт органъясӧн, инӧд видзан структураясӧн да муниципальнӧй юкӧнъясӧн юрнуӧдысьяс.
Сӧвещание заводитчигӧн Александр Гуцан сувтыштліс регионын эпидемиякӧд йитчӧм серпас вылын.
Сійӧ тӧдчӧдіс, мый колӧ примитны содтӧд мераяс олысьясӧс тестируйтӧм да вакцинируйтӧм серти, сы вӧсна мый Республикаын коронавирусӧн висьысьяслӧн лыдыс ыджыд на.
Регионӧс социальнӧя да экономика боксянь сӧвмӧдӧм йылысь сёрнитігӧн Александр Гуцан пасйис, мый бур шедӧдӧмъяскӧд ӧтвылысь (тайӧ и промышленнӧй производстволӧн содӧм, видз-му овмӧс продукциялӧн содӧм, удж рынок вылын бурланьӧ вежсьӧмъяс) эмӧсь и мытшӧдъяс: чиніс шӧр капиталӧ инвестицияяслӧн йӧрышыс, лёкмӧ демография боксянь серпасыс, оз колана ӧдӧн решитны юалӧмъяссӧ йӧзлысь дзоньвидзалун видзан системаын.
«Республикаса олӧмӧ пӧртысь власьт органъяслы колӧ дасьтыны содтӧд мераяс да бурджыка уджавны регионлы да сылӧн олысьяслы тӧдчана нырвизьяс серти», — пасйис полпред.
Сӧвещание дырйи видлалісны, кыдзи збыльмӧдісны Коми Республикаса Веськӧдлан котырын таво косму тӧлысьын полномочнӧй петкӧдлысьӧн нуӧдӧм сӧвещание серти мероприятиеяссӧ.
Донъялісны, бура-ӧ стрӧитісны социальнӧй объектъяссӧ да лӧсьӧдісны налысь йӧръяссӧ.
Вӧлі пасйӧма, мый регионын нуӧдӧма ыджыд удж, бырӧдӧма уна стрӧитан объектын графикысь кольччӧмсӧ.
Но во заводитчигӧн планируйтӧм мероприятиеяс лыдысь эз ставсӧ пӧртны олӧмӧ урчитӧм кадколастъясӧ.
Сӧвещаниеын участвуйтысьяс видлалісны, мыйла абу збыльмӧдӧма полномочнӧй петкӧдлысьлысь мукӧд тшӧктӧмсӧ, да дасьтісны тырмытӧмторъяс бырӧдӧм серти мераяс.
Сідзжӧ сӧвещание дырйи сёрнитісны «Оланін да карса гӧгӧртас» национальнӧй проект збыльмӧдӧм серти регионын оланінъяс стрӧитӧм йылысь.
Торйӧн видлалісны, мый вӧсна локтан во вылӧ вуджӧдісны 9 ФАП стрӧитӧмсӧ да уджӧдӧмсӧ, кутшӧмъясӧс кӧсйисны сдайтны 2021 воын.
Александр Гуцан дивитіс Коми Республикаса Веськӧдлан котырӧн Юрнуӧдысьӧс Медводдза вежысь Игорь Булатовлысь юӧртӧмъяссӧ, коді водз эскӧдіс, мый став национальнӧй проектсӧ збыльмӧдасны ас кадӧ.
«Та дырйи 9 ФАП абу стрӧитӧма, а уджалысь ФАП-ясын век на абу колана медицина да техническӧй оборудованиеыс.
Тайӧ зэв лёк ситуация», — тӧдчӧдіс полпред.
Торйӧн видлалісны регионын уджтӧмалысьяслысь лыдсӧ чинтӧм да содтӧд уджалан местаяс лӧсьӧдӧм серти юалӧмъяс. Тӧд вылӧ босьтісны позянлун Коми Республикаса олысьяслы выльысь велӧдчыны, кыпӧдны квалификация да аддзыны удж, а сэк, кор ковмас, могмӧдны найӧс олан да уджалан жыръясӧн.
Регионса Юралысь Владимир Уйба юӧртіс сы йылысь, кыдзи збыльмӧдӧны 2026 воӧдз Коми Республикаса экономика диверсифицируйтан плансӧ, да сэтчӧ абу из шом мупытшса озырлун перъян, вӧр промышленносьт комплекс юкӧнын выль инвестиция проектъяс содтӧм йылысь.
Матысса кадӧ виччысьӧны Россияса экономика сӧвмӧдан министерствосянь планлысь проект лыддьӧгсӧ паськӧдӧм серти помшуӧм.
Эмӧсь медводдза бӧртасъяс: 2021 вося ӧшым тӧлысь 1 лун кежлӧ пыртӧма 14 миллиард шайт инвестицияяс да лӧсьӧдӧма 259 уджалан места.
Диверсифицируйтан планысь 10 проект серти став инвестицияыс либӧ пӧшти ставыс пыртӧма нин.
2021 вося йирым тӧлысьын Россия Федерацияса Президент Владимир Владимирович Путин ошкис 2026 воӧдз регионӧс социальнӧя да экономика боксянь сӧвмӧдан торъя уджтас дасьтӧм да вынсьӧдӧм серти Коми Республикалысь водзмӧстчӧмсӧ.
Канмуӧн юралысьлӧн тшӧктӧм серти уджтассӧ колӧ примитны 2022 вося медводдза кварталын.
Кыдзи шуис республикаса Юралысь, 2022 вося рака тӧлысь помӧдз колӧ дасьтыны уджтаслысь подувсӧ, дорйыны сійӧс да петны Россия Федерацияса Веськӧдлан котырлӧн шуӧм вылӧ.
Александр Гуцан тӧдчӧдіс: «Колӧ юӧртны республикаса олысьяслы власьт органъясӧн вӧчан удж йылысь, гӧгӧрвоана кывйӧн тӧдмӧдны, кутшӧм буртор ваяс йӧзлы регионын збыльмӧдан быд проект, кутшӧм бур вежсьӧмъяс лоасны гражданалӧн олӧмын».
Сӧвещание бӧрын дасьтӧма содтӧд мераяс, кутшӧмъясӧс веськӧдӧма тырмытӧмторъяс бырӧдӧм вылӧ, сетӧма Коми Республикаын национальнӧй проектъяслӧн торъя петкӧдласъясӧдз воӧдчӧм серти вӧзйӧмъяс.
{Kodko (комиӧдіс Kodko) @ «Ёлка желаний» акция збыльмӧдіс Сыктывкарса нывкалысь кӧсйӧмсӧ @ выльтор @ https://rkomi.ru/news/1634 @ 2021-12-15 @}
«Ёлка желаний» акция збыльмӧдіс Сыктывкарса нывкалысь кӧсйӧмсӧ
Аддзысьлӧм вылӧ помкаӧн лоис зэв бур лоӧмтор — Елизавета мамыскӧд гижисны письмӧ «<rus>Ёлка желаний</rus>» акция нуӧдан сайт вылӧ. Сэні найӧ висьталісны, мый 6 арӧса Лиза радейтӧ музыка да сьылӧ хорын кык во нин.
Сылысь кужанлунъяссӧ тӧдчӧдӧны педагогъяс. И медым водзӧ велӧдчыны, Лизалы колӧ шылада инструмент — новлӧдлан пианино.
Гортас сылӧн эм сӧмын чача синтезатор.
Шарсӧ, кытчӧ Лиза гижис ассьыс кӧсйӧмсӧ, бӧрйис коз вылысь Александр Гуцан, да Сыктывкарӧ волігӧн Санкт-Петербургысь сійӧ вайис профессиональнӧй шылада инструмент, кутшӧмӧс ёна кӧсйис нывка.
Шедіс козин и Полиналы, Лизалӧн ичӧтджык чойыслы, — творческӧй серпасасян пӧв.
Александр Гуцан чолӧмаліс Лизалысь семьясӧ локтан Выль воӧн, сиис ыджыд вермӧмъяс шыладӧ велӧдчӧмын, да медым тайӧ шензьӧдана гаж дырйи став бур кӧсйӧмыс збыльмис.
«<rus>Ёлка желаний</rus>» збыльмӧдӧ медся гуся мӧвпъяссӧ, медым челядьыс лоисны шудаджыкӧн, сы вӧсна мый налӧн эм позянлун вӧчны сійӧс, мый ёна кажитчӧ», — шуис Александр Гуцан.
Полномочнӧй петкӧдлысь тӧдчӧдіс, мый Россия Федерацияса Президентлӧн отсӧгӧн «<rus>Ёлка желаний</rus>» акция паськаліс Россияса став регионын, сэні участвуйтӧны да збыльмӧдӧны томуловлысь да олӧма йӧзлысь кӧсйӧмъяссӧ регионса юралысьяс, Рытыв-Войвылын регионса веськӧдлан котыръясӧ пырысьяс, Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысьлӧн аппаратын уджалысьяс.
* * *
Россияын «<rus>Ёлка желаний</rus>» акция дырйи збыльмӧдісны 21450 кӧсйӧм.
Акцияын вермӧны участвуйтны татшӧм граждана:
3 арӧссянь 17 арӧсӧдз дзескӧдӧм позянлунъяса граждана;
3 арӧссянь 17 арӧсӧдз да 60 арӧссянь вермытӧм граждана;
сьӧкыда висьысь 3 арӧссянь 17 арӧсӧдз челядь да 60 арӧссянь олӧма йӧз;
3 арӧссянь 17 арӧсӧдз бать-мамтӧм да бать-мам дӧзьӧртӧг кольӧм челядь;
гӧля олысь семьяясысь 3 арӧссянь 17 арӧсӧдз челядь.
«<rus>Ёлка желаний</rus>» акцияын участвуйтӧм вылӧ таво коліс гижны письмӧ вӧльгым тӧлысь 15 лунсянь ӧшым тӧлысь 11 лунӧдз елкажеланий.рф сайтын.
{Kodko (комиӧдіс Kodko) @ Владимир Уйба аттьӧаліс Коми Республикалӧн Каналан Сӧветса депутатъясӧс 2021 воын бура ӧтув уджалӧмысь @ выльтор @ https://rkomi.ru/news/1638 @ 2021-12-16 @}
Владимир Уйба аттьӧаліс Коми Республикалӧн Каналан Сӧветса депутатъясӧс 2021 воын бура ӧтув уджалӧмысь
Регионса Юралысь участвуйтіс Коми Республикаса оланпас пыртысь органлӧн тавося бӧръя заседаниеын.
«Кыдзи и воддза воыс, 2021 воыс вӧлі зэв сьӧкыд, но ӧтув уджалӧмӧн ми примитім помшуӧмъяс, кутшӧмъясӧс веськӧдӧма тӧдчана мытшӧдъяс разьӧм, регионнымӧс сӧвмӧдӧм, миян олысьяслысь олӧмсӧ бурмӧдӧм вылӧ», — шуис Владимир Уйба.
Коми Республикаса Юралысь торйӧн тӧдчӧдіс Каналан Сӧветса депутатъяскӧд канму уджтасъяс, куим во вылӧ республиканскӧй сьӧмкуд да регионса олысьяслы социальнӧя отсалан содтӧд мераяс примитӧм серти ӧтувъя уджсӧ.
Примитӧма «война кадся челядь» йылысь оланпас, кӧні вынсьӧдӧма нин социальнӧя отсалан мераяс, а сідзжӧ пыртӧма выльясӧс.
«Война кадся челядь» категорияа йӧзлӧн эм социальнӧя могмӧдан организацияясӧ ӧчередьтӧг примитӧм, гортын ӧчередьтӧг могмӧдӧм вылӧ инӧд.
Налы компенсируйтӧны оланінысь да коммунальнӧй услугаясысь мынтысьӧм вылӧ рӧскодсӧ.
Торйӧн видлалісны челядя, медводз уна челядя семьяяслы отсалӧм серти юалӧмъяссӧ.
Пыртӧма вежсьӧмъяс республиканскӧй оланпастэчасӧ, кутшӧмъяс урчитӧны ӧкмыс да унджык челядя семьяяслы олан условиеяс бурмӧдӧм вылӧ социальнӧй мынтӧмъяс босьтан инӧдсӧ.
А сизим да унджык челядя семьяяслы урчитӧма автомашина ньӧбӧм вылӧ мынтӧм.
Тайӧ инӧднас вӧдитчис нин 10 семья.
Воркутаысь да Интаысь семьяяслы индӧма Воркута — Сосногорск да бӧр, Инта — Сосногорск да бӧр маршрутъясті кӧрт туй транспортӧн ас автомашина нуӧм серти транспорт услугаяс мынтӧм вылӧ рӧскод компенсируйтан инӧд.
Тайӧ сетас позянлун Ылі Войвылын олысь семьяяслы унджык шойччыны да бурмӧдны дзоньвидзалуннысӧ.
Таво республикаын урчитӧма кык выль канму награда: «Коми Республикаса Уджвывса Герой» Коми Республикаса медвылыс почёт ним да «Коми Республикаса бать-мам слава» орден.
Кыпӧдісны канму тшупӧдӧдз «Челядьӧс бура быдтӧмысь» медальлысь статуссӧ.
«Тайӧ мераяссӧ веськӧдӧма сы вылӧ, медым петкӧдлыны республикалы бур вылӧ уджалысь йӧзлысь тӧдчанлунсӧ, а сідзжӧ медым зумыдмисны семьяяс да мамлун.
Ме аттьӧала Каналан Сӧветса депутатъясӧс бур ӧтувъя уджысь, сыысь, мый найӧ сьӧлӧмсянь дорйӧны республикаса олысьяслысь интересъяссӧ, пыдісянь да тӧлкӧн видлалӧны примитӧм оланпасъяссӧ», — тӧдчӧдіс Коми Республикаса Юралысь Владимир Уйба.
{Kodko (комиӧдіс Kodko) @ Владимир Уйба сетіс олысьяслы Россия Федерацияса да Коми Республикаса канму наградаяс @ выльтор @ https://rkomi.ru/news/1639 @ 2021-12-16 @}
Владимир Уйба сетіс олысьяслы Россия Федерацияса да Коми Республикаса канму наградаяс
Ӧшым тӧлысь 15 лунӧ Коми Республикаса Юралысьлӧн Администрацияын прӧйдитіс кыпыд церемония.
«Нимкодь аддзыны тайӧ залын уна сикас профессияа да арлыда йӧзӧс.
abu
Кужӧмъяс да тӧдӧмлунъяс ӧтлаасьӧны томлункӧд, вынкӧд, кыпыдлункӧд да выль вермӧмъяс шедӧдны кӧсйӧмкӧд.
abu
Кута лача, мый тіянлысь заслугаяс федеральнӧй да республиканскӧй тшупӧдын ошкӧмыс ышӧдас уджъёртъясныдтӧ, том войтырӧс.
Аттьӧала тіянӧс кужӧм-сямлунысь да бӧрйӧм уджлы веськыдлунысь.
Муӧдз копыр Коми му да тані олысь йӧзӧс пыдди пуктӧмысь», — пасйис Владимир Уйба.
Канму награда босьтысьяс асланыс воча кывйын юксисны чужан республика дорӧ помтӧм муслунӧн, сиисны ӧта-мӧдыслы дзоньвидзалун, шуд да вермӧмъяс.
«Меным нимкодь босьтны татшӧм тӧдчана наградасӧ Наука воӧ, мый индіс Россияса Президент Владимир Владимирович Путин.
Россияса наукаяс академиялӧн учреждениеяс век топыда уджъёртасисны Коми Республикаса Веськӧдлан котыркӧд, Каналан Сӧветкӧд.
Сиа ставныслы 2022 воӧ вермӧмъяс, шуд да, медъёнасӧ, дзоньвидзалун», — сиис Россияса наукаяс академиялӧн Урал юкӧнса Коми наука шӧринын Войвывлӧн социально-экономическӧй да энергетическӧй мытшӧдъяс институтлӧн лабораторияса медвылыс тшупӧда наука туялысь Виктор Фаузер.
«Республикалӧн 100 воысь ме олі тані 51 во — позьӧ шуны джынсӧ.
Вои татчӧ распределение серти.
Кыкысь гӧтрасьлі да торйӧдчылі.
Нинӧм йылысь ог жалит.
Гижи тані некымын килограмм музыка, веситны кӧ нотаяссӧ, да 3 небӧг.
Водзӧ кӧсъя вӧчны нӧшта на унджык.
Сиа ставныслы дзоньвидзалун, венны тайӧ сьӧкыд висьӧмсӧ.
Кута лача, мӧдысь аддзысям маскаястӧг», — сиис Композиторъяслӧн дінму котырӧн веськӧдлысь Михаил Герцман.
«Бӧръя кадӧ ёна сёрнитӧны, мый Коми Республика гӧльмӧ, помасьӧ мусир да биару.
Но миян озырлуныс абу сӧмын му пытшкын, ми озырӧсь йӧзӧн, кодъяс сьӧлӧмсянь да ылӧдчытӧг радейтӧны республикаӧс, да быд лун вӧчӧны олӧмсӧ бурджыкӧн да лӧсьыдджыкӧн!» — тӧдчӧдіс «Коми республиканскӧй телевизионнӧй канал» акционер котырса медыджыд директорӧс медводдза вежысь Геннадий Левицкий.
Коми Республикаса нимйӧза артистка, Опера да балет канму театрса солистка Ольга Сосновская аслас вочакыв дырйи сьыліс Яков Перепелицалӧн да Виктор Кушмановлӧн «<rus>Край ты мой, рябиновый</rus>» сьыланкывлысь юкӧн.
«Ме сьӧлӧмсянь радейта ассьым республикаӧс да пыдди пукта тані олысь йӧзӧс.
Мирті путешествуйтӧм бӧрын кӧсъя шуны, мый медся шань йӧзыс тані.
Та понда ме эг мун ни Мариинскӧй театрӧ, ни Москваӧ.
Ме шуда тані да вая буртор республикалы», — юксис Ольга Сосновская.
«Дона ёртъяс!
Нӧшта ӧтчыдысь аттьӧала тіянӧс республикалы буртор вӧчӧмысь, тіян уджысь да зільӧмысь.
Ми нимкодясям тіянӧн!
Став сьӧлӧмсянь чолӧмалам наградаясӧн да локтан Выль воӧн.
Сиа выль воын унджык нюм да шуда олӧм.
Уна буртор, шуд, дзоньвидзалун да мед тіян кӧсйӧмъясыд збыльмасны!» — кывкӧрталіс Владимир Уйба.
* * *
Россия Федерацияса Президентлӧн Индӧдӧн коронавирус инфекциякӧд тыш нуӧдӧмӧ ыджыд пай пуктӧмысь да йӧз вӧсна тӧждысьӧмысь, мый тӧдчис кывкутана мог олӧмӧ пӧртігӧн, Пирогов орден сетӧма:
Светлана Витальевна Богдановалы — «Эжвалӧн карса поликлиника» Коми Республикаса йӧзлысь дзоньвидзалун видзан канму сьӧмкуд учреждениеса врачлы;
Алексей Михайлович Ефремовлы — «Сыктывкарса Эжва районлӧн карса больнича» Коми Республикаса йӧзлысь дзоньвидзалун видзан канму сьӧмкуд учреждениеса врачлы;
Маргарита Владимировна Ларицкаялы — «Коми республиканскӧй клиническӧй больнича» Коми Республикаса йӧзлысь дзоньвидзалун видзан канму сьӧмкуд учреждениеса юкӧнӧн заведуйтысьлы.
Наука сӧвмӧдӧмӧ ыджыд пай пуктӧмысь да уна вося бур уджысь Дружба орден сетӧма
Виктор Вильгельмович Фаузерлы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса Федеральнӧй канму сьӧмкуд наука учреждениелӧн Россияса наукаяс академиялӧн Урал юкӧнса Коми наука шӧринын Войвывлӧн социально-экономическӧй да энергетическӧй мытшӧдъяс институтлӧн лабораторияса медвылыс тшупӧда наука туялысьлы.
Наука сӧвмӧдӧмӧ ыджыд пай пуктӧмысь да уна вося бур уджысь «Россия Федерацияса наукаын нимӧдана уджалысь» почёт ним сетӧма
Светлана Витальевна Загировалы — биологическӧй наукаса докторлы, «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса Федеральнӧй канму сьӧмкуд наука учреждениелӧн Россияса наукаяс академиялӧн Урал юкӧнса Коми наука шӧринлӧн Биология институтын шӧр тшупӧда наука туялысьлы, юкӧнӧн заведуйтысьлы.
Велӧдан юкӧнын заслугаясысь да уна вося бур уджысь «Россия Федерацияса нимӧдана велӧдысь» почёта ним сетӧма
Наталья Юрьевна Кислицыналы — «Г. В. Рассохин нима Ухтаса техническӧй лицей» муниципальнӧй асшӧрлуна велӧдан учреждениеын велӧдысьлы.
Энергетика юкӧнын заслугаясысь да уна вося бур уджысь «Россия Федерацияса нимӧдана энергетик» почёта ним сетӧма
Андрей Николаевич Солдаткичевлы — «Т Плюс» публичнӧй акционер котырса «Коми» филиаллӧн Шоныд сетан Сыктывкарса везъяслӧн районын шоныд сетан везъяс могмӧдысь слесарлы.
Россия Федерацияса Президентлӧн тшӧктӧмӧн коронавирус инфекциякӧд (COVІD-19) тыш нуӧдӧмӧ ыджыд пай пуктӧмысь да йӧз вӧсна тӧждысьӧмысь, мый тӧдчис кывкутана мог олӧмӧ пӧртігӧн, Россия Федерацияса Президентсянь Аттьӧалӧм сетӧма:
Александра Анатольевна Истоминалы — «И. П. Морозов нима Сыктывкарса медицина колледж» уджсикасӧ велӧдан канму учреждениеса студенткалы;
Полина Георгиевна Кармановалы — «И. П. Морозов нима Сыктывкарса медицина колледж» уджсикасӧ велӧдан канму учреждениеса студенткалы;
Екатерина Михайловна Курсовалы — «Неминучаӧ веськалӧмалы медицина отсӧг сетан Коми Республикаса мутас шӧрин» Коми Республикаса канму сьӧмкуд учреждениеын фельдшерлы;
Зейнаб Яхия кызы Магарламовалы — «И. П. Морозов нима Сыктывкарса медицина колледж» уджсикасӧ велӧдан канму учреждениеса студенткалы;
Людмила Павловна Мироновалы — «И. П. Морозов нима Сыктывкарса медицина колледж» уджсикасӧ велӧдан канму учреждениеса студенткалы;
Дарья Константиновна Наймушиналы — «И. П. Морозов нима Сыктывкарса медицина колледж» уджсикасӧ велӧдан канму учреждениеса студенткалы;
Вера Валерьевна Саванулы — «Сыктывкарлӧн 3 №-а карса поликлиника» Коми Республикаса йӧзлысь дзоньвидзалун видзан канму сьӧмкуд учреждениеса медицинскӧй сестралы;
Ксения Андреевна Шеркуновалы — «И. П. Морозов нима Сыктывкарса медицина колледж» уджсикасӧ велӧдан канму учреждениеса студенткалы;
уджын вермӧмъясысь да уна вося бур уджысь Россия Федерацияса Президентсянь Аттьӧалӧм сетӧма
Ирина Геннадьевна Подоровалы — «Сыктывкар» кар кытшса муниципальнӧй юкӧнлӧн администрацияын сьӧм овмӧс департаментса начальниклы.
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Жанна Ивановна Ардышевалы — экономика удж юкӧнын Коми Республикалӧн канму органъясса ветеранлы, Сыктывкар;
Надежда Николаевна Быковскаялы — Коми Республикалӧн канму службаса ветеранлы, Сыктывкар;
Михаил Львович Герцманлы — Композиторъяслӧн котырӧн — «Россияса композиторъяс котыр» ӧтйӧза организациялӧн Коми дінму юкӧнӧн веськӧдлысьлы, Сыктывкар;
Валерий Васильевич Жилинлы — Коми Республикалӧн оланпас пыртысь (бӧрйӧм) власьт органса ветеранлы, Сыктывкар;
Геннадий Семенович Левицкийлы — «Коми республиканскӧй телевизионнӧй канал» акционер котырса медыджыд директорӧс медводдза вежысьлы, Сыктывкар;
Владимир Викторович Романовичлы — милицияса генерал-майорлы отставкаын, Сыктывкар;
Александр Зямович Сегальлы — Коми Республикалӧн геологическӧй отрасльса ветеранлы, Сыктывкар;
Руслан Николаевич Семенюклы — «Лузалес» ичӧт кывкутана котырса коммерческӧй директорлы;
Наталья Юрьевна Смирновалы — Россияса нимӧдана спорт мастерлы, «Олимпиада резервӧ дасьтан спорт школа» Коми Республика канму сьӧмкуд учреждениеын адаптивнӧй спорт сикас серти тренерлы;
Ольга Александровна Сосновскаялы — «Опера да балет театр» Коми Республикаса канму асшӧрлуна учреждениеын сценаса нуӧдысь мастерлы — артист-вокалистлы (солистлы), Сыктывкар;
Фридрих Анисимович Третьяковлы — Коми Республикалӧн видз-му овмӧс юкӧнса ветеранлы, Сыктывкар;
Владимир Алексеевич Шалашневлы — Коми Республикалӧн вӧр-ва видзан юкӧнса ветеранлы, Сыктывкар;
Виктор Иванович Шульженколы — Коми Республикалӧн биару юкӧнса ветеранлы, Ухта.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Олег Яковлевич Беззубовлы — Транспорт юкӧнын дӧзьӧр нуӧдысь федеральнӧй службалӧн Рытыв-Войвыв Федеральнӧй кытшын авиация бӧрся канму дӧзьӧрӧн да транспорт вылын видзчысянлун бӧрся дӧзьӧрӧн веськӧдланінса начальникӧс вежысьлы — веськӧдланінын авиация бӧрся канму дӧзьӧр нуӧдысь Коми мутас юкӧнса начальниклы, Сыктывкар;
Владимир Борисович Голдинлы — Коми Республикаын асшӧр уджалысьяслысь инӧдъяс торъя дорйысьлы;
Нина Анатольевна Журавскаялы — Югыдъягса Культура керкаӧн — «Кулӧмдінса шӧр клубнӧй система» муниципальнӧй сьӧмкуд культура учреждениеса филиалӧн заведуйтысьлы;
Коми Республикалӧн бур вылӧ уна во зіля уджалӧмысь Коми Республикаса Почёт грамота сетӧма:
Светлана Владимировна Денисенколы — Коми Республикаын федеральнӧй казначействоӧн веськӧдланінӧн юрнуӧдысьлы;
Надежда Владимировна Макаровалы — «Исток» видз-му овмӧс производственнӧй кооперативӧн веськӧдлысьлы, Кӧрткерӧс район;
Николай Николаевич Славгородскийлы — «Футбол серти спорт школа» Коми Республикаса канму сьӧмкуд учреждениеса тренерлы.
Коми Республикаса Юралысьлӧн тшӧктӧмӧн архитектура юкӧнын заслугаясысь да уна вося бур уджалӧмысь «Коми Республикаса почёта архитектор» ним сетӧма
Лилия Мутавасировна Мирхайдаровалы — «Комигражданпроект» проектнӧй институт ичӧт кывкутана котырын медводдза категорияа архитекторлы;
культура юкӧнын заслугаясысь да уна вося бур уджысь «Коми Республикаса культураын почёта уджалысь» ним сетӧма
Валентина Ивановна Изъюровалы — «Коми Республикаса искусство колледж» Коми Республикаса уджсикасӧ велӧдан канму учреждениеын преподавательлы, Сыктывкар;
челядьлы да томуловлы спорт сӧвмӧдӧмын заслугаясысь да уна вося бур уджысь «Коми Республикаса почёта тренер» ним сетӧма
Александр Сергеевич Игнатовлы — «Челядьлы да том йӧзлы республиканскӧй шӧрин» Коми Республикаса содтӧд тӧдӧмлун сетан канму асшӧрлуна учреждениелӧн спортивнӧя ориентируйтчан юкӧнын содтӧд тӧдӧмлун сетысь педагоглы, Сыктывкар.
Чина уджмогъяс бура збыльмӧдӧмысь «Коми Республикалы зэв бура служитӧмысь» отличие пас сетӧма
Елена Александровна Лебедевалы — «Бухгалтерия боксянь могмӧдан шӧрин» канму казённӧй учреждениеын котыртӧмӧн, кадръясӧн да документационнӧя могмӧдан юкӧнӧн заведуйтысьлы.
Уна во сьӧлӧмсянь да бура уджалӧмысь «Уджын повтӧмлун» отличие пас сетӧма:
Николай Юрьевич Мальцевлы — «Сыктывкарса Водоканал» восьса акционер котырлӧн Диспетчерскӧй службаын аварийнӧй да дзоньтасян уджъяс вӧчысь 6 разряда слесарлы;
Владимир Кимович Павловлы — «Трударенда» ичӧт кывкутана котырын легкӧвӧй автомашинаса водительлы, Кӧрткерӧс район;
Игорь Антефович Триерлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиаллӧн — Магистральнӧй биару проводъяслӧн Печораса линейнӧй производственнӧй веськӧдланінлӧн биару юклан станцияяс уджӧдӧм серти службаын биару юклан станцияса 6 разряда операторлы.
Спортын ыджыд вермӧмъясысь «Коми Республикалӧн лача» Коми Республикаса пас сетӧма:
Мария Викторовна Андреевалы — «Сборнӧй командаяс спортивнӧя дасьтан шӧрин» Коми Республикаса канму асшӧрлуна учреждениеын сьӧкыд атлетика серти спортсмен-инструкторлы;
Илья Георгиевич Матуленколы — «1 №-а спорт школа» Коми Республикаса канму сьӧмкуд учреждениеса спортсменлы, Сыктывкар;
Анжелика Владимировна Оботуровалы — «Олимпиада резервӧ дасьтан 2 №-а спорт школа» Коми Республикаса канму сьӧмкуд учреждениеса спортсменлы.
Россияса ФСИН-лӧн торъя мога мутас органъяслӧн отделъясын уджалысьяс пӧвстын крапӧвӧй берет новлыны инӧд вылӧ ставроссияса квалификационнӧй испытаниеясын бура участвуйтӧмысь Коми Республикаса Юралыссянь дона козинӧн ошкӧма:
Павел Андреевич Крюковӧс — Мыж вештан федеральнӧй службалӧн Коми Республикаын веськӧдланінлӧн торъя мога юкӧнын штурмӧн босьтысьяслӧн 2 №-а отделениеса инструкторӧс, Сыктывкар;
Федор Владимирович Чупровӧс — Мыж вештан федеральнӧй службалӧн Коми Республикаын веськӧдланінлӧн торъя мога юкӧнын штурмӧн босьтысьяслӧн 2 №-а отделениеса инструктор-взрывникӧс, Сыктывкар;
Евгений Николаевич Шаплоновӧс — Мыж вештан федеральнӧй службалӧн Коми Республикаын веськӧдланінлӧн торъя мога юкӧнын штурмӧн босьтысьяслӧн 2 №-а юкӧнса начальникӧс, Сыктывкар.
{Kodko (комиӧдіс Kodko) @ Коми Республикаса Юралысьлӧн Воркутаӧ удж серти ветлӧмыс заводитчис коми войтырлӧн конференцияӧ пырӧдчӧмсянь @ выльтор @ https://rkomi.ru/news/1645 @ 2021-12-16 @}
Коми Республикаса Юралысьлӧн Воркутаӧ удж серти ветлӧмыс заводитчис коми войтырлӧн конференцияӧ пырӧдчӧмсянь
Таво конференцияяссӧ сиӧма коми войтырлӧн медводдза Съездсянь 30 во да Коми Республика артмӧдӧмсянь 100 во тырӧмлы.
Делегатъясӧс чолӧмалігӧн регионса Юралысь дженьыда висьталіс, мый вӧчӧ республикаса Веськӧдлан котыр Воркутаӧс сӧвмӧдӧм могысь.
«1998 восянь быд во став муниципалитетын нуӧдӧны конференцияяс. Тайӧ петкӧдлӧ, мый татшӧм конференцияясыс колӧны, медым власьт да граждана уджалісны ӧтув.
Конференцияяс вылын видлалӧны йӧзӧн сетӧм юалӧмъяс.
Татшӧм ногӧн тыдовтчӧны медтӧдчана мытшӧдъяс.
Та вӧсна быдвося чукӧртчылӧмъясыс зэв тӧдчанаӧсь», — юӧртіс Владимир Уйба.
Республикаса олысьяскӧд вӧльгым тӧлысь 30 лунся веськыд йитӧд пыр, а сідзжӧ видео пыр шыӧдчӧмъяс дырйи Коми Республикаса Юралысь видлаліс Воркута да Инта монокаръяслысь мытшӧдъяссӧ, кутшӧмъясӧс абу разьӧма дас вояс чӧжӧн.
2021 вося йирым тӧлысьӧ Россия Федерацияса Президент Владимир Владимирович Путин ошкис 2026 воӧдз регионнымӧс социальнӧя да экономика боксянь сӧвмӧдан торъя уджтас лӧсьӧдӧм да вынсьӧдӧм серти Коми Республикалысь вӧзйӧмсӧ.
Канмуса юралысьлӧн тшӧктӧм серти уджтассӧ колӧ примитны локтан волӧн медводдза кварталын.
Президент ошкис Ылі Войвыв районъясын олысьясӧс мӧдлаӧ овмӧдӧмсӧ ӧддзӧдӧм серти, а сідзжӧ Усинскса водовод дзоньталӧм серти Владимир Уйбалысь вӧзйӧмъяссӧ.
«Республикаса Веськӧдлан котыр сьӧрсьӧн-бӧрсьӧн диверсифицируйтӧ Воркуталысь экономикасӧ.
Ӧшым тӧлысь заводитчигкежлӧ Россиялӧн Арктика зонаса резидентлысь статус босьтіс куим организация, тшӧтш и «Войвывса мутас» компания. Сійӧ петкӧдчис Естошорскӧй куйланінысь зарни да минеральнӧй сырьё перйӧм серти проектӧн.
Ставнас инвестиция порталын пасйӧма лоны вермана инвесторъяссянь 19 заявка.
Кыпӧдӧма Воркутаса энергоузеллысь зумыдлунсӧ, Воркутаса ва шонтан шӧр котельнӧй да Воркутаса ТЭЦ-2 вуджӧдӧма природнӧй биару вылӧ», — висьталіс Коми Республикаса Юралысь.
Владимир Уйба пасйис и социальнӧй юкӧнын бурланьӧ вежсьӧмъяс.
abu
Шуам, таво «Йӧзлысь дзоньвидзалун видзӧм» национальнӧй проект серти ньӧбӧма мультиспиральнӧй компьютернӧй томограф.
Кадръясын тырмытӧмлункӧд йитӧдын 2021 восянь урчитӧма, мый медработникъяслы, кодъяс кырымалісны Воркутаса организациякӧд удж йылысь сёрнитчӧм, ӧтчыдысь мынтӧны 1 миллион шайт.
Тадзи артмис ышӧдны локны векни профиля дас специалистӧс.
Зіля сӧвмӧ культура юкӧн.
«Театръяс — челядьлы» да «Ичӧт каръясса театръяс» проектъяс серти воркутаса театръяс босьтісны выль оборудование ньӧбӧм вылӧ да выль спектакльяс пуктӧм вылӧ 7 миллион шайт.
«Культура» национальнӧй проект серти 10 миллион шайт веськӧдӧма Пушкин нима шӧр библиотека подув вылын модельнӧй библиотека лӧсьӧдӧм вылӧ.
Сьӧмкудйысь уна сьӧм инвестируйтӧма велӧдан юкӧнӧ.
Цифрӧвӧй гӧгӧрас лӧсьӧдӧм могысь квайт школа босьтіс матӧ 12 миллион шайт вылӧ ӧнія компьютернӧй оборудование.
37,8 миллион сайӧ шайт веськӧдӧма велӧданінъяс капитальнӧя дзоньталӧм вылӧ.
Воркутаса политехническӧй техникум бердын уджалӧ 9 ӧнія мастерскӧй, нёльсӧ восьтӧма таво.
Локтан воӧ медицинскӧй да педагогическӧй колледжъясын восьтасны нӧшта нёльӧс.
23 №-а школа подув вылын лоас «Кванториум» школьнӧй технопарк.
«Пасъя, мый Воркута — тайӧ Арктикаса этша лыда вужвойтыръяслӧн оланін, та вӧсна торйӧн нин колӧ отсавны сӧвмӧдны кор видзӧм.
2021 воӧ сизим прӧчент вылӧ содтӧма пемӧсъясӧс видзӧм вылӧ рӧскод бергӧдӧм вылӧ ставкасӧ, 2022 воӧ кӧсйӧны вит прӧчент вылӧ содтыны вузӧс вӧчӧм да иналӧм вылӧ рӧскодсӧ.
Таысь кындзи, локтан восянь кутасны субсидируйтны кӧръяслӧн йирсянінъясын му лӧсьӧдӧм вылӧ рӧскодсӧ — уджлӧн донысь сизимдас прӧчент мындаын.
Кутам петны Каналан Сӧветлӧн тулысся сессия вылӧ 2023 восянь коральяс стрӧитӧмсӧ субсидируйтӧм серти вӧзйӧмъясӧн», — юӧртіс Владимир Уйба.
Коми Республикаса Юралысь аттьӧаліс «Коми войтыр» дінмукостса ӧтйӧза ӧтмунӧмлысь Воркутаса представительствоӧс, сыӧн юрнуӧдысь Светлана Матюшеваӧс конференциялӧн уджӧ пырӧдчыны корӧмысь да сиис делегатъяслы кыпыд удж.
{Kodko (комиӧдіс Kodko) @ «Культура» национальнӧй проект: модельнӧйӧн вӧчӧм бӧрын, Воркутаса шӧр библиотекаӧ кутіс волывлыны унджык йӧз @ выльтор @ https://rkomi.ru/news/1646 @ 2021-12-16 @}
«Культура» национальнӧй проект: модельнӧйӧн вӧчӧм бӧрын, Воркутаса шӧр библиотекаӧ кутіс волывлыны унджык йӧз
А. С. Пушкин нима выльмӧдӧм шӧр библиотека воссис йирым тӧлысьын.
Талун Воркутаӧ удж серти ветлігӧн татчӧ воліс Коми Республикаса Юралысь Владимир Уйба.
Войкытшсайса карын тайӧ нёльӧд нин выль тшупӧда библиотека.
2020 воын Воркутаса шӧр библиотечнӧй система петкӧдліс конкурс вылын проект, кутшӧмӧс шуисны медбурӧн, да сылы сетісны федеральнӧй сьӧмкудйысь дас миллион шайт.
Выльмӧдӧм жыръяслысь дизайнсӧ дасьтіс Ухтаысь архитектор Наталья Мурашова.
Дзоньталӧм бӧрын библиотекаыс дзоньнас мичаммис-вежсис.
Тані вӧчисны шойччӧм да уджалӧм вылӧ быдсикас вежӧс.
Выль мебельыс компактнӧй да кокни, сійӧс позьӧ кокниа вештавны, медым нуӧдны мероприятиеяс.
Жыръясын пуктӧма выль югзьӧдан оборудование, ньӧбӧма небӧгъяс, пыртӧма 120 сюрс единицаа фондъяс бӧрся видзӧдан электроннӧй система.
{Kodko (комиӧдіс Kodko) @ Владимир Уйба восьтіс Коми Республикаын «<rus>Ёлка желаний</rus>» ставроссияса акция @ выльтор @ https://rkomi.ru/news/1642 @ 2021-12-16 @}
Владимир Уйба восьтіс Коми Республикаын «<rus>Ёлка желаний</rus>» ставроссияса акция
Войкытшсайӧ удж серти ветлігӧн Коми Республикаса Юралысь ӧшым тӧлысь 16 лунӧ бӧрйис коз вылысь шар, кытчӧ Воркутаысь вит арӧса Анжелика гижӧма ассьыс кӧсйӧмсӧ.
Нывка мӧвпыштіс ӧшалан креслӧ-качай.
Татшӧм ногӧн акцияыс официальнӧя заводитчис Коми Республикаын.
Нӧшта ӧти шар Коми Республикаса Юралысь бӧрйис «Единая Россия» ютырлӧн регионса юкӧдын.
Владимир Уйба кыдзи ютырлӧн регионса юкӧдӧн веськӧдлысь збыльмӧдіс Сыктывкарысь 17 арӧса Федорлысь кӧсйӧмсӧ.
Зонка кӧсйӧ велӧдчӧм вылӧ ноутбук.
Козинъяссӧ челядьлы сетасны Выль во водзвылын.
Видео пыр шыӧдчигӧн Владимир Уйба вӧзйис став ыджыд сьӧлӧма йӧзлы гажъяс водзвылын вӧчны мыйкӧ шемӧсмӧданаӧс налы, кодъяслы татшӧмторйыс ёна колӧ.
* * *
Россияын «<rus>Ёлка желаний</rus>» акция дырйи збыльмӧдісны 21 сюрсысь унджык кӧсйӧм.
Акцияын вермӧны участвуйтны татшӧм граждана:
3 арӧссянь 17 арӧсӧдз дзескӧдӧм позянлунъяса граждана;
3 арӧссянь 17 арӧсӧдз да 60 арӧссянь вермытӧм граждана;
сьӧкыда висьысь 3 арӧссянь 17 арӧсӧдз челядь да 60 арӧссянь олӧма йӧз;
3 арӧссянь 17 арӧсӧдз бать-мамтӧм да бать-мам дӧзьӧртӧг кольӧм челядь;
гӧля олысь семьяясысь 3 арӧссянь 17 арӧсӧдз челядь.
«<rus>Ёлка желаний</rus>» акцияын участвуйтӧм вылӧ таво коліс гижны письмӧ вӧльгым тӧлысь 15 лунсянь ӧшым тӧлысь 11 лунӧдз елкажеланий.рф сайтын.
{Kodko (комиӧдіс Kodko) @ Владимир Уйба чолӧмаліс Воркутаса олысьясӧс Карлӧн чужан лунӧн @ выльтор @ https://rkomi.ru/news/1643 @ 2021-12-16 @}
Владимир Уйба чолӧмаліс Воркутаса олысьясӧс Карлӧн чужан лунӧн
Ӧшым тӧлысь 16 лунӧ прӧйдитіс Ылі Войвывса карлы 78 арӧс тырӧмлы сиӧм кыпыд чукӧртчылӧм.
Владимир Уйба аслас чолӧмалӧмын пасйис, мый Коми Республикаӧс оз позь мӧвпыштны Воркутатӧг — сылӧн аслыспӧлӧслунтӧг, войвывса мичлунтӧг, сылӧн уджач да винёв олысьястӧг.
«Айму вӧсна Ыджыд тышлӧн сьӧкыд кадӧ — 1943 воӧ Воркутаӧс шуисны карӧн.
Воркута пуктіс ыджыд пай Вермӧмӧ, перйис страналы колана из шом.
Таво, Коми Республикалы 100 во тыран воӧ, странаса Президент кырымаліс Воркуталы «Уджӧн нималысь кар» почёт ним сетӧм йылысь Индӧд.
Татшӧм тӧдчана ним сетӧмӧн пасйӧны тӧдчанлунсӧ тіян уджлысь, заслугаяслысь да налысь, коді медводдзаӧн воис татчӧ перйыны из шом», — пасйис республикаса Юралысь.
Владимир Уйба тӧдчӧдіс, мый Воркуталӧн эмӧсь заслугаяс, уджын вермӧмъяс да аскиа лун.
«Воркуталӧн бурлуныс йиджис менам сьӧлӧмӧ.
Чолӧмала тіянӧс, Воркутаса олысьяс!
Чужан лунӧн, муса да кӧдзыд Воркута!» — кывкӧрталіс Коми Республикаса Юралысь.
Кыпыд концерт дырйи Владимир Уйба сетіс Ылі Войвывса карын олысьяслы Россия Федерацияса да Коми Республикаса канму наградаяс.
Сідзжӧ Владимир Уйба Воркутаӧ удж серти ветлігӧн воліс «<rus>Остановись, мгновенье!..</rus>» быдвося фотовыставка вылӧ, мый сиӧма Коми Республикалӧн 100 вося юбилейлы да Ылі Войвывса карлӧн чужан лунлы.
Выставкасӧ котыртӧны 13 во нин, экспозицияын — фотохудожникъяслӧн карса котырӧ пырысьяслӧн уджъяс.
130 снимок вылын — Войкытшса Ураллӧн мичлун, вой кыа, тундраса вужвойтырлӧн олӧм, Воркута — удж да гажъяс дырйи.
* * *
Россия Федерацияса Президентлӧн тшӧктӧмӧн коронавирус инфекциялӧн эпидемия кадӧ велӧданінъяслысь уджсӧ могмӧдӧмӧ ыджыд пай пуктӧмысь Россия Федерацияса Президентсянь аттьӧалӧм сетӧма
Елена Михайловна Чупровалы — «1 №-а санаторнӧй школа-интернат» Воркута карын канму учреждениеса директорлы;
уджын вермӧмъясысь да уна вося бур уджысь Россия Федерацияса Президентсянь аттьӧалӧм сетӧма
Станислав Геннадьевич Скворцовлы — «Стрӧитчӧмӧн-туйӧн веськӧдланін» муниципальнӧй учреждениеса погрузчиклӧн водительлы.
Коми Республикаса Юралысьлӧн тшӧктӧмӧн Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Михаил Леонидович Тверскойлы — Айму вӧсна Ыджыд тышса ветеранлы, кытшовтӧм Ленинградса олысьлы, Воркутаса почёта гражданинлы, «Воркута» кар кытшса ӧтйӧза сӧветӧ пырысьлы;
Сергей Владимирович Гагаузовлы — «Челядьлы художественнӧй школа» муниципальнӧй учреждениеса директорлы;
Роза Румбиковна Хоружаялы — «Русалочка» челядьӧс 103 №-а видзанін» муниципальнӧй велӧдан учреждениеӧн заведуйтысьлы;
Александр Петрович Микуляничлы — «Войкытшсайса ринг» бокслӧн спорт школа» муниципальнӧй учреждениеса тренерлы;
Наталья Ивановна Кинашлы — асшӧр уджалысьлы;
Равил Гарафиевич Габдрахмановлы — «Регыдъя медицина отсӧг сетан Воркутаса больнича» канму учреждениелӧн автомашинаса водительлы;
Николай Иванович Прытковлы — «Стрӧитчӧмӧн-туйӧн веськӧдланін» муниципальнӧй учреждениеӧн юрнуӧдысьлы;
Светлана Ивановна Пиженколы — «Воркутаса педагогика колледж» уджсикасӧ велӧдан канму учреждениеса директорӧс вежысьлы.
{Kodko (комиӧдіс Kodko) @ Воркуталӧн олӧмын выль лист бок: ЦВК да ТЭЦ-2 тырвыйӧ вуджисны биару вылӧ @ выльтор @ https://rkomi.ru/news/1648 @ 2021-12-18 @}
Воркуталӧн олӧмын выль лист бок: ЦВК да ТЭЦ-2 тырвыйӧ вуджисны биару вылӧ
Россияса Президент Владимир Путинлысь тшӧктӧмсӧ пӧртӧма олӧмӧ.
Ӧшым тӧлысь 17 лунӧ Россияса энергетика министр Николай Шульгинов, Коми Республикаса Юралысь Владимир Уйба да «Т Плюс» публичнӧй акционер котырса медыджыд директор Андрей Вагнер чолӧмалісны Воркутаса олысьясӧс Ылі Войвывлы тӧдчана проект сигӧртӧмкӧд.
«Ми сьӧрсьӧн-бӧрсьӧн збыльмӧдам Россияса Президент Владимир Владимирович Путинлысь Воркутаын энергоузеллысь зумыдлун кыпӧдӧм серти тшӧктӧмсӧ.
Колян во ми вуджӧдім биару вылӧ ЦВК, ӧнія кадӧ вуджӧдам ТЭЦ 2.
Тайӧ проектыс колана меным, Воркутаса олысьяслы да республикалы. Сійӧ сетіс позянлун водзӧ сӧвмӧдны Ылі Войвыв, Арктика зона, миянлысь монокаръяс.
Воркуталӧн заводитчӧ выль олӧм.
Ме сьӧлӧмсянь чолӧмала тіянӧс тайӧ шуда лоӧмторйӧн!», — тӧдчӧдіс Коми Республикаса Юралысь Владимир Уйба.
«Воркутаса энергоузел биару вылӧ тырвыйӧ вуджӧдӧмыс отсалас дугӧдчыны чорыд ломтас сотӧмысь, могмӧдас оборудованиелысь коставлытӧг уджалӧмсӧ, чинтас экология вылӧ омӧль тӧдчӧмсӧ.
Шуам, тӧдчымӧн содасны Воркутаса ТЭЦ-2 уджлӧн технико-экономическӧй петкӧдласъясыс: чинас 12 сюрс тонна вылӧ вонас атмосфера сынӧдӧ няйтчӧдысь веществояс шыблалӧм да 140 сюрс тонна вылӧ вонас шыбласъяс артмӧм да видзӧм», — тӧдчӧдіс Россияса энергетика министр Николай Шульгинов.
Проектлӧн медводдза тшупӧдӧн лоис 2020 вося кӧч тӧлысьӧ Воркутаса ва шонтан шӧр котельнӧй мазутсянь биару ломтас вылӧ вуджӧдӧм.
Та могысь лӧсьӧдӧма биару провод-отвод да «Воркута-1» ГРС, а сідзжӧ ГРС-сянь ЦВК-ӧдз посёлоккостса биару провод.
ВТЭЦ-2-ӧ биару вайӧдӧм могысь стрӧитісны вылыс да шӧр давлениеа биару проводъяс, биару юклан пункт, выльмӧдӧма горелочнӧй устройствояс, биаруходъяс да сизим котлоагрегатлысь воздуховодъяс, пыртӧма техническӧй процессъясӧн веськӧдлан автоматизируйтӧм система.
«ТЭЦ-2-ӧ биару вайӧдӧм зумыдмӧдас да бурмӧдас Воркутаса энергоузеллысь уджсӧ, мый тӧдчана миян кӧдзыд республикаын.
Таысь кындзи, биаруӧн вӧдитчӧмыс бурмӧдас Комилысь экологиясӧ: тайӧ медся «сӧстӧм» ломтас», — пасйис «Газпром межрегионгаз Ухта» ичӧт кывкутана котырса, «Газпром газораспределение Сыктывкар» акционер котырса медыджыд директор Павел Курлыгин.
Ва шонтан шӧр котельнӧй да ТЭЦ-2 сетевӧй биару ломтас вылӧ вуджӧдӧм отсалас оптимизируйтны Воркутаын шоныд сетӧмсӧ ТЭЦ-1 резервӧ петкӧдӧм пыр.
«Войвывлысь энергетика сӧвмӧдӧм пыр вӧлі миян кывкутана могӧн, та понда биару вайӧдӧм серти проект босьтіс медшӧр ин «Т Плюс»-лӧн мукӧд мероприятие пӧвстын.
Ӧтувъя уджӧн да регионса власьтъяслӧн отсӧгӧн ми сигӧртім сійӧс ас кадӧ.
Ӧні Воркутаын эм ӧнія да экология видзысь ӧшмӧсъяс, кутшӧмъяс весиг войвылын кутасны джӧмдывтӧг могмӧдны шоныдӧн клиентъяснымӧс», — пасйис «Т Плюс» публичнӧй акционер котырса медыджыд директор Андрей Вагнер.
2023 во кежлӧ «Т Плюс» кӧсйӧ збыльмӧдны Интаса шоныд сетан узел биаруӧн могмӧдӧм серти проект.
Сы серти пӧдлаласны важ из шом ТЭЦ да стрӧитасны выль биару котельнӧй.
Воркутаса шоныд сетан узел биаруӧн могмӧдӧм вылӧ став рӧскодыс вевтыртіс 1 млрд шайт, сы лыдын Воркутаса ТЭЦ-2 биаруӧн могмӧдӧм вылӧ рӧскод — 1,09 млрд шайт.
Воркутаса ва шонтан шӧр котельнӧйӧ биару вайӧдӧм вылӧ видзӧма 242 млн шайт.
{Kodko (комиӧдіс Kodko) @ Владимир Уйба дивитіс муниципалитетъясса власьтъясӧс ломтысян кад кежлӧ лёка дасьтысьӧмысь @ выльтор @ https://rkomi.ru/news/1654 @ 2021-12-20 @}
Владимир Уйба дивитіс муниципалитетъясса власьтъясӧс ломтысян кад кежлӧ лёка дасьтысьӧмысь
Ӧшым тӧлысь 16 да 17 лунъясӧ планысь ӧтдор дзоньтасьӧмъяскӧд йитӧдын Сыктывкарын керкаясӧ да социальнӧй учреждениеясӧ эз сетны пӧсь ва да шоныд.
Магистральнӧй трубопровод участокын жугалӧмыс инмис 160 сайӧ объектлы.
Талун, ӧшым тӧлысь 20 лунӧ, оперативнӧй сӧвещание дырйи Коми Республикаса Юралысь да Веськӧдлан котырӧ пырысьяс видлалісны лоӧмторсӧ.
«Тавося ӧшым тӧлысьӧ оланін да коммунальнӧй овмӧс объектъясын лоӧмторъясыс нӧшта ӧтчыдысь петкӧдлісны, мый местаяс вылын абу колана ногӧн дасьтысьӧма ар-тӧв кежлӧ.
Талун ме аддза, кыдзи ӧти «кывкутысьяс» ӧшӧдӧны став мыжсӧ мӧд «кывкутысьяс» вылӧ.
Тайӧ, дерт, оз туй.
Кор кӧдзыд лунъясӧ оз сетны шоныд, кор верстьӧ йӧзкӧд ӧттшӧтш кынмӧны челядь — тайӧ збыльысь удж дорӧ веськодьлун», — юӧртіс Владимир Уйба.
Коми Республикаса Юралысь висьталіс, мый сылы эз кажитчы, кыдзи некымын муниципалитетса юрнуӧдысьяс дасьтысисны ар-тӧв кежлӧ: «Коді да кутшӧм отчётъяс ыстыліс Веськӧдлан котырлӧн штабӧ, ми тӧдмалам на.
Муниципальнӧй юкӧнса, овмӧдчӧминса администрацияӧн быд юрнуӧдысьӧс донъяласны лӧсялана ногӧн».
Владимир Уйба тшӧктіс Коми Республикаса стрӧитчан, оланін да коммунальнӧй овмӧс министр Игорь Кузьмичевлы да Сыктывкарса мэр Наталья Хозяиновалы «Т Плюс» публичнӧй акционер котыркӧд да Ростехнадзоркӧд ӧтвылысь тӧдмавны Сыктывкарын важмӧм везъяс дзоньталан уджъяслысь график торкалан помкаяссӧ.
{Kodko (комиӧдіс Kodko) @ Владимир Уйба аддзысьліс «Том профессионалъяс» (WorldSkills Russia) IX национальнӧй чемпионатса призёръяскӧд @ выльтор @ https://rkomi.ru/news/1657 @ 2021-12-21 @}
Владимир Уйба аддзысьліс «Том профессионалъяс» (WorldSkills Russia) IX национальнӧй чемпионатса призёръяскӧд
2021 воӧ «Том профессионалъяс» (Ворлдскиллс Россия) национальнӧй чемпионат дырйи Коми Республикаысь кык конкурсант шедӧдісны «Уджсикасын кужанлунысь медальон».
Тайӧ «Сыктывкарса автомеханическӧй техникум» уджсикасӧ велӧдан канму учреждениеын велӧдчысь Петр Непорожний да «Сыктывкарса сервис да связь колледж» уджсикасӧ велӧдан канму учреждение помалысь Светлана Конакова.
abu
«Ті верминныд петкӧдлыны ассьыныд кужанлуннытӧ, эскӧдны, мый ті верманныд збыльмӧдны уджсикасын сьӧкыд могъяс.
Ті петкӧдланныд бур пример мукӧдлы.
Эска, мый, тіян вермӧмъяс вылӧ видзӧдӧмӧн, нӧшта на унджык том йӧз окотитасны мунны тіян борся.
Сідзкӧ, «Ворлдскиллс» ӧтмунӧм кутас сӧвмыны миян республикаын», — пасйис Владимир Уйба.
Регионса Юралысь сетіс том профессионалъяслы «Том профессионалъяс» (WorldSkills Russia) ІХ национальнӧй чемпионатын Коми Республикаӧс бура петкӧдлӧмысь да том йӧз пӧвстын рабочӧй уджсикасъяс дорӧ пыдди пуктӧмсӧ кыпӧдӧмӧ пай пуктӧмысь Аттьӧалана письмӧяс.
WorldSkills International (WSI) ӧтмунӧм чужис Испанияын войнабӧрся воясӧ (1947 во), кор мирын эз тырмыны бур уджалысьяс.
Медводдза чемпионатъяссӧ нуӧдісны рабочӧй уджсикасъясӧн паськыда тӧдмӧдӧм да на дорӧ пыдди пуктӧмсӧ кыпӧдӧм могысь.
Талун тайӧ бур инструмент, медым дасьтыны мирса стандартъяс да вылыс технологияа производствояслӧн коланлун серти кадръясӧс.
2016 вося рака тӧлысьын Коми Республикаын нуӧдісны «Кондитер удж» компетенция серти «Том профессионалъяс» (Ворлдскиллс Россия) дінмуса медводдза чемпионат.
2017 воӧ вӧлі нин 9 компетенция, налӧн лыдыс воысь-воӧ содіс.
2021 воӧ дінмуса чемпионатыс муніс 47 компетенция серти, сэтчӧ пырӧдчис 305 морт.
* * *
«Том профессионалъяс» (WorldSkills Russia) IX национальнӧй чемпионатын Коми Республикаӧс бура петкӧдлӧмысь да том йӧз пӧвстын рабочӧй уджсикасъяс дорӧ пыдди пуктӧмсӧ кыпӧдӧмӧ пай пуктӧмысь Коми Республикаса Юралыссянь Аттьӧалана письмӧяс сетӧма «Том профессионалъяс» (WorldSkills Russia) IX национальнӧй чемпионатса призёръяслы:
«Веськӧдлӧмсӧ документационнӧя могмӧдӧм да архивоведение» компетенцияын:
Светлана Сергеевна Конаковалы — Сыктывкарса сервис да связь колледж помалысьлы.
«Грузӧвӧй техника могмӧдӧм» компетенцияын:
Петр Андреевич Непорожнийлы — Сыктывкарса автомеханическӧй техникумса студентлы.
Коми Республикаын «Том профессионалъяс» (WorldSkіlls Russіa) ӧтмунӧм сӧвмӧдӧмын отсӧгысь, том йӧзӧс уджсикасӧ велӧдӧмысь Коми Республикаса Юралыссянь Аттьӧалана письмӧяс сетӧма:
Лариса Павловна Силкиналы — Сыктывкарса сервис да связь колледжса преподавательлы, Светлана Сергеевна Конаковалӧн наставниклы;
Андрей Владимирович Столяровлы — Сыктывкарса автомеханическӧй техникумса преподавательлы, Петр Андреевич Непорожнийлӧн наставниклы.
Коми Республикаын «Том профессионалъяс» (WorldSkіlls Russіa) ӧтмунӧм сӧвмӧдӧмысь, том йӧз пӧвстын рабочӧй уджсикасъясӧн паськыда тӧдмӧдӧмысь да на дорӧ пыдди пуктӧмсӧ кыпӧдӧмысь Коми Республикаса Юралыссянь Аттьӧалана письмӧ сетӧма
Лариса Васильевна Волощуклы — Сыктывкарса политехническӧй техникумын директорлы, Коми Республикаын «Ворлдскиллс» ӧтмунӧм сӧвмӧдӧм серти Коми Республикаса дінму координационнӧй шӧринӧн юрнуӧдысьлы.
{Kodko (комиӧдіс Kodko) @ Владимир Уйба сиис «Большая перемена» да «Твой ход» ставроссияса конкурсъясын финалистъяслы водзӧ вылӧ ыджыд вермӧмъяс @ выльтор @ https://rkomi.ru/news/1658 @ 2021-12-22 @}
Владимир Уйба сиис «Большая перемена» да «Твой ход» ставроссияса конкурсъясын финалистъяслы водзӧ вылӧ ыджыд вермӧмъяс
«Большая перемена» да «<rus>Твой ход</rus>» ставроссияса конкурсъяс пырӧны «Россия — уна позянлуна страна» президентскӧй платформаӧ.
Финалистъяскӧд аддзысьлӧмыс вӧлі ӧшым тӧлысь 21 лунӧ Коми Республикаса добровольчестволы отсӧг сетан регионса ресурснӧй шӧринын.
«Большая перемена» школьникъяслы ставроссияса конкурслӧн мог — аддзыны да лӧсьӧдны зіль да водзмӧстчысь школьникъяслысь котыръяс, велӧдны лидеръясӧс, кодъяс оз повны петкӧдлыны асьнысӧ, велӧдчыны выльторйӧ да вежны ас гӧгӧрса олӧмсӧ бурланьӧ.
Коми Республикасянь конкурсын участвуйтӧм вылӧ заявкасӧ сетӧма 12 018 морт.
Тайӧ школьникъяс, шӧр тшупӧда уджсикасӧ велӧдан учреждениеясса студентъяс, педагогъяс-наставникъяс.
Конкурслӧн финалӧ прӧйдитіс 9 морт.
2021 вося ода-кора тӧлысь 31 лунсянь лӧддза-номъя тӧлысь 1 лунӧдз Москваын Коми Республикаса делегация участвуйтіс «Большая перемена» ставроссияса фестивальын.
«Большая перемена» мӧд во нин восьтӧ меным выль позянлунъяс.
Конкурс бӧрын ме ӧзйи уджӧн да кӧсъя воӧдчыны пуктӧм могъясӧдз.
Ме аддзи ёртъясӧс став Россияысь, кодъяс сідз жӧ став сьӧлӧмсянь кӧсйӧны сӧвмӧдны странанымӧс.
Ставыс миян сайын и ми вермам вӧчны буртор быд мортлы», — юксис «Большая перемена» ставроссияса конкурсын финалистка Александра Стрекаловская.
«<rus>Твой ход</rus>» студентъяслӧн ставроссияса конкурс отсӧгӧн томулов вермӧ сӧвмӧдны ассьыс енбисӧ да босьтны унджык тӧдӧмлун уджсикасын.
Конкурс дырйи быд участвуйтысь бӧрйӧ уджсикасын сӧвман нырвизь да пӧртӧ олӧмӧ ассьыс бур мӧвпъяссӧ.
Конкурсын участвуйтӧм вылӧ заявка сетіс Коми Республикаса вузъясысь 104 студент.
Кӧч да йирым тӧлысьясӧ Коми Республикаса вузъясысь 21 студент пырӧдчис «<rus>Твой ход</rus>» студентъяслӧн ставроссияса конкурслӧн полуфиналӧ. Сійӧс нуӧдісны Рытыв-Войвыв федеральнӧй кытшса студентъяслы Калининград обласьтса Зеленоградск карын.
Финалӧ прӧйдитіс «Питирим Сорокин нима Сыктывкарса канму университет» вылыс тшупӧда велӧдан федеральнӧй канму сьӧмкуд учреждениеса студентка Валерия Кардашевская.
«Ме велӧдча суйӧрсайса кывъяслӧн институтын.
Да, кыдзи и менам курсын мукӧд велӧдчысь, водзті кӧсйи овны Европаын.
Но «<rus>Твой ход</rus>» конкурс вежис менсьым видзӧдласъяссӧ.
Зеленоградск бӧрын ме ветлі Мурманскӧ, сійӧ воис меным сьӧлӧм вылӧ.
Финал вылӧ Сочиӧ мунігӧн мӧвпышті, мый Россияысь ог мун. Ас муын, войвылын меным медлӧсьыд», — пасйис Валерия Кардашевская.
Коми Республикаса Юралысь чолӧмаліс ныв-зонмӧс ставроссияса конкурсъясын бура участвуйтӧмысь да аттьӧаліс педагог-наставникъясӧс челядьӧс велӧдӧм-сӧвмӧдӧмӧ ыджыд пай пуктӧмысь.
«Дона ёртъяс, зільӧй водзӧ сӧвмыны, шедӧдны выль вермӧмъяс.
abu
Пыдди пуктӧй наставникъяснытӧ, найӧ юксьӧны тіянкӧд тӧдӧмлунъясӧн восьса небӧг моз, мый колӧ лыддьыны, медым босьтны колана тӧдӧмлунъяс, кужанлунъяс да опыт», — сиис Владимир Уйба.
* * *
2021 воӧ «Большая перемена» ставроссияса конкурсын да «<rus>Твой ход</rus>» студентъяслӧн ставроссияса конкурсын финалистъяс:
Екатерина Абжалиева — «Большая перемена» ставроссияса конкурсын «5-7 классъясса школьникъяс» категорияын вермысь, Сыктывкарса 38 №-а шӧр школаын 7 класса велӧдчысь.
Валерия Загайнова — «Большая перемена» ставроссияса конкурсын вермысь, Юрий Алексеевич Спиридонов нима Коми Республикаса Юралысь бердын искусство гимназияын 3 курсса студентка, Сыктывкар.
Виолетта Гордеева — «Большая перемена» ставроссияса конкурсын «СПО-лӧн 1-3 курсса студентъяс» категорияын финалистка, Микуньса кӧрт туй техникумын 2 курсса студентка, Микунь кар.
Рената Фахретдинова — «Большая перемена» ставроссияса конкурсын «8-10 класса школьникъяс» категорияын финалистка, Усинск карын гуманитарнӧй нырвизя 4 №-а шӧр школаын 9 класса велӧдчысь.
Вероника Авилова — «Большая перемена» ставроссияса конкурсын «8-10 класса школьникъяс» категорияын финалистка, Сыктывкарса 25 № а шӧр школаын 10 класса велӧдчысь.
Варвара Чуракова — «Большая перемена» ставроссияса конкурсын «8-10 класса школьникъяс» категорияын финалистка, Сыктывкарса Йӧзкост дипломатия лицейын 9 «А» класса велӧдчысь.
Софья Поздеева — «Большая перемена» ставроссияса конкурсын «8 10 класса школьникъяс» категорияын финалистка, Ухта карса 20 №-а шӧр школаын 11 класса велӧдчысь.
Ярослав Семенюк — «Большая перемена» ставроссияса конкурсын «5-7 класса школьникъяс» категорияын финалист, Усинск карса 2 №-а шӧр школаын 5 класса велӧдчысь.
Александра Стрекаловская — «Большая перемена» ставроссияса конкурсын «8-10 класса школьникъяс» категорияын финалистка, Сыктывкарса 1 №-а лицейын 10 «Т» класса велӧдчысь.
Валерия Кардашевская — «<rus>Твой ход</rus>» ставроссияса конкурсын финалистка, «Питирим Сорокин нима Сыктывкарса канму университет» вылыс тшупӧда велӧдан федеральнӧй канму сьӧмкуд учреждениеын суйӧрсайса кывъяслӧн институтын 2 курсса студентка.
{Kodko (комиӧдіс Kodko) @ Коми Республикаса Юралысь чолӧмалӧ Энергетиклӧн лунӧн @ выльтор @ https://rkomi.ru/news/1659 @ 2021-12-22 @}
Коми Республикаса Юралысь чолӧмалӧ Энергетиклӧн лунӧн
«Коми Республикаса энергетика комплексын пыдди пуктана уджалысьяс!
Сьӧлӧмсянь чолӧмала тіянӧс уджсикас гажӧн — Энергетиклӧн лунӧн!
Тайӧ гажыс налӧн, кодъяс уджалӧны предприятиеяс вылын, кӧні вӧчӧны да сетӧны олысьяслы электричество да шоныд энергия, налӧн, кодъяс могмӧдӧны миянӧс югыдӧн да шоныдӧн.
Торйӧн нин тайӧ тӧдчана Войвылын, кӧні тӧвнас вель кӧдзыд да луныс зэв дженьыд.
Электричествосӧ Коми муӧ нюжӧдісны 1908 воын, кор Ухта ю вылын заводитіс уджавны медводдза электростанция.
Таво тырӧ 105 во Сыктывкарын электричество нюжӧдӧмсянь да 85 во — Сыктывкарса вӧр заводын шоныд сетан медводдза электростанция уджӧдӧмсянь.
Талун республикаса энергетика комплекс — вынйӧра структура. Сійӧ лоӧ зэв тӧдчанаӧн экономика сӧвмӧдӧмын, социальнӧй объектъяслысь, предприятиеяслысь, оланін фондлысь уджсӧ могмӧдӧмын.
Республикалӧн энергосистемаыс помся сӧвмӧ да выльмӧ, вӧдитчӧ ӧнія технологияясӧн, медым бура могмӧдны олысьясӧс электричествоӧн да шоныдӧн.
Бӧръя воясӧ отрасльын тӧдчана лоӧмторйӧн лоис Воркутаса энергетическӧй узелсӧ выль ног котыртӧм да сійӧс биару вылӧ вуджӧдӧм.
Матысса кадӧ вуджас биару вылӧ Интаса шоныд сетан узел.
Энергетика комплексын пыдди пуктана уджалысьяс!
Аттьӧ тіянлы кывкутӧмысь да уджсӧ бура тӧдӧмысь.
Мед тіян водзын став сувтӧдӧм могыс быть збыльмас!
Мед тіян уджныд пыр сӧвмис да вӧлі пыдди пуктанаӧн!
Чолӧмала!»
[Коми Республикаса Юралысь Владимир Уйба]
{Kodko (комиӧдіс Kodko) @ Владимир Уйба нуӧдіс Коми Республикаын инӧда пӧрадок могмӧдан координационнӧй сӧвещаниелысь заседание @ выльтор @ https://rkomi.ru/news/1663 @ 2021-12-24 @}
Владимир Уйба нуӧдіс Коми Республикаын инӧда пӧрадок могмӧдан координационнӧй сӧвещаниелысь заседание
Координационнӧй сӧвещание дырйи сёрнитісны йӧзлы дон босьттӧг юридическӧй отсӧг сетӧм, мигрантъяскӧд йитчӧм серпас, Сыктывкарын Мача хоккейысь мирса 41 чемпионат дырйи йӧзаинъясын безопасносьт видзӧм йылысь.
Коми Республикаын йӧзлы дон босьттӧг юридическӧй отсӧгсӧ сетӧны регионса олӧмӧ пӧртысь власьт органъяс да Канму юридическӧй бюро (Коми Республикаса юстиция министерстволӧн ведомствоувса учреждение).
Тӧдчӧдӧны, мый республикаса олысьяс, ёнджыкасӧ сикт-грездъясын, этша тӧдӧны татшӧм отсӧг йылысь.
Тайӧс эскӧдӧ гражданасянь шыӧдчӧмъяслӧн статистика.
2021 воӧ дон босьттӧг юридическӧй отсӧгсӧ сетӧма гражданалы 3089, колян во — 3797 шыӧдчӧм серти.
«Петкӧдласъясыс чинӧны.
Медъёнасӧ зільӧны Сыктывкар, Печора, Усинск, Сосногорск каръясын уджалысь адвокатъяс.
Чайта, мый мукӧд муниципалитетын татшӧм услугаясыс коланаӧсь жӧ.
Колӧ юӧртны йӧзлы, мый позьӧ шыӧдчыны юридическӧй отсӧгла. Сійӧс сетасны дон босьттӧг», — стӧчмӧдіс Владимир Уйба.
2022 вося рака тӧлысь 27 лунсянь косму тӧлысь 3 лунӧдз Сыктывкарын нуӧдасны мужичӧйяслӧн командаяс пӧвстын Мача хоккейысь мирса чемпионат.
Суйӧр сайысь виччысьӧны 18 команда.
Республиканскӧй стадионлӧн спорт аренаяс вылӧ вермӧ локны 8 сюрс видзӧдысь.
«Такӧд йитӧдын чемпионат дырйи медшӧр могыс — видзны йӧзаинъясын безопасносьтсӧ, коронавирус дырйи кутчысьны санитарно-эпидемиологическӧй корӧмъясӧ.
Ыджыд удж ковмас вӧчны инӧд видзан органъяслы да профильнӧй министерствояслы, медводз, Вынйӧр сӧвмӧдан да спорт, Йӧзлысь дзоньвидзалун видзан министерствояслы.
Та кежлӧ колӧ лоны дасьӧн», — пуктіс мог Коми Республикаса Юралысь.
{Kodko (комиӧдіс Kodko) @ Владимир Уйба нуӧдіс Коми Республикаса Веськӧдлан котырлӧн Президиумлысь заседание @ выльтор @ https://rkomi.ru/news/1664 @ 2021-12-24 @}
Владимир Уйба нуӧдіс Коми Республикаса Веськӧдлан котырлӧн Президиумлысь заседание
Президиумлӧн заседание дырйи сёрнитісны Коми Республикаса Веськӧдлан котырӧн Россия Федерацияса Президентлысь да Коми Республикаса Юралысьлысь тшӧктӧмъяс олӧмӧ пӧртӧм йылысь.
Нуӧдан удж да сылӧн бӧртасъяс йылысь докладъясӧн сёрнитісны регионса министръяслӧн кабинетысь вице-премьеръяс да Коми Республикаса Юралысьлӧн Администрацияӧн юрнуӧдысь.
«Уна тшӧктӧм сетӧма социальнӧй юкӧн серти, но медунаыс — йӧзлысь дзоньвидзалун видзӧм серти. Тайӧ йитчӧма коронавирус инфекция паськалӧм вӧсна эпидемиологическӧй ситуациякӧд.
Уна тшӧктӧм сетӧма сы могысь, медым бурмӧдны кар-районъясын олӧмсӧ, оланін да коммунальнӧй овмӧссӧ, бурмӧдны-мичмӧдны мутасъяссӧ.
Тайӧ тшӧктӧмъяссӧ збыльмӧдӧмыс бурмӧдӧ йӧзлысь олӧмсӧ да лоӧ миянлы зэв тӧдчанаӧн», — пасйис Коми Республикаса Юралысь Владимир Уйба.
Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр Эльмира Ахмеева юӧртіс ковидлы паныд дзескӧдӧмъяс дырйи конкуренция, социальнӧй нырвизя абу коммерческӧй организацияяс сӧвмӧдӧмын, экономикаын отсӧг сетӧм серти Россия Федерацияса Президентлысь тшӧктӧмъяс олӧмӧ пӧртӧм йылысь.
2020 воын лӧсьӧдӧма да вынсьӧдӧма система артмӧдысь организацияяслысь лыддьӧг. Найӧ зэв тӧдчанаӧсь регионын, сэні уджалӧны уна йӧз.
Тайӧ лыддьӧгӧ пыртӧма регионса быдсикас юкӧнысь 86 организация.
6 организация пыртӧма россияса экономикаын система артмӧдысь организацияяслӧн федеральнӧй лыддьӧгӧ.
Налысь финансӧвӧй да экономика боксянь серпассӧ пыр мониторитӧны.
Ӧтув вӧдитчан транспортӧн йӧзӧс новлӧдлысь организацияяслы отсӧг сетӧм могысь 2020 воын республиканскӧй да меставывса сьӧмкудъясысь видзӧма 147,5 миллион шайт.
2021 воын тайӧ могъяс вылӧ урчитӧма 89,4 миллион шайт.
2021 воын гражданскӧй йӧзкотыр сӧвмӧдӧм могысь Коми Республикаса Юралысьлӧн грантъяс вылӧ конкурссӧ медводдзаысь нуӧдісны таво лӧсьӧдӧм ӧтуввез-порталӧн вӧдитчӧмӧн.
Тайӧ сетіс позянлун тырвыйӧ вуджны документъясӧн электроннӧя вӧдитчӧм вылӧ — заявкаяс примитӧмсянь проектъяс збыльмӧдӧмсӧ мониторитӧмӧдз, вӧчны конкурссӧ да сылысь тшупӧдъяссӧ гӧгӧрвоанаӧн да восьсаӧн, восьтыны проектъяс збыльмӧдӧм серти кывкӧртӧдъяс йылысь став мыччӧдсӧ.
Гражданскӧй йӧзкотыр сӧвмӧдӧм вылӧ Россия Федерацияса Президентлӧн содтӧд грант отсӧгӧн конкурс вылӧ вичмӧдісны 50,5 миллион шайт. Воддза серти тайӧ кык пӧв унджык.
Содіс вермысьяслӧн лыдыс: 2021 воын отсӧгсӧ сетісны социальнӧй нырвизя 97 организациялы, 2020 воын — 62.
Кокни промышленносьтын ичӧт да шӧр предприятиеяслы регионын медколанаӧн лоӧ электроннӧя вузасян площадкаяс вылын продукция вузалӧм вылӧ рӧскод вештӧм могысь отсӧг сетӧм.
Тайӧ могсӧ отсалӧ збыльмӧдны Коми Республикаса предпринимательстволы отсӧг сетан шӧрин.
2021 воын россияса (Wіldberrіes, Ozon, Яндекс.Маркет) да войтыркостса (Etsy, Alіbaba, Fordaq, Europages) электроннӧя вузасян площадкаясын кутісны уджавны ичӧт да шӧр предприятиеясысь 5 субъект. Та могысь налы сетӧма 1,73 миллион шайт.
Кывзісны 2026 воӧдз Коми Республикаӧс социальнӧй да экономика боксянь сӧвмӧдан уджтас дасьтӧм йылысь юӧр.
Россияса Президентлӧн тшӧктӧм серти сыӧн колӧ тӧдмӧдны да сійӧс колӧ вынсьӧдны 2022 вося рака тӧлысь 31 лунӧдз.
Медшӧр мероприятиеясӧн лоасны Инта карын из шом шахтаяс тупкӧм, Инта да Воркута каръясын ваӧн могмӧдан системаяс выльмӧдӧм.
Сідзжӧ сёрнитісны мужичӧйяслӧн командаяс пӧвстын Мача хоккейысь мирса чемпионат кежлӧ дасьтысьӧм йылысь. Сыктывкарын чемпионатыс лоӧ 2022 вося рака тӧлысь 27 лунсянь косму тӧлысь 3 лунӧдз.
Суйӧр сайысь воас 18 команда.
Республиканскӧй стадионлӧн спорт аренаяс вылӧ вермас локны 8 сюрсысь унджык морт.
Чемпионат кежлӧ дасьтӧма нин спорт инфраструктурасӧ, мероприятиеяс вылӧ урчитӧма нин сьӧмӧн могмӧдӧмсӧ да велӧдӧма чемпионат котыртысь специалистъясӧс.
Сы вӧсна, мый войтыркостса чемпионат вылӧ виччысьӧны уна участвуйтысьӧс да болельщикӧс, на лыдын и суйӧр сайысь, ковмас выль коронавирус инфекция паськалӧмлы паныд удж нуӧдӧм серти федеральнӧй оперативнӧй штабсянь сійӧс нуӧдӧм вылӧ разрешение.
Бур кывкӧртӧдсӧ сетігӧн тӧд вылӧ кутасны босьтны Коми Республикаын олысьяслысь коллективнӧй иммунитет серти тшупӧдсӧ.
Такӧд йитӧдын Владимир Уйба тшӧктіс нуӧдны вакцинируйтчыны коланлун йылысь унджык юӧртан-гӧгӧрвоӧдана удж.
{Kodko (комиӧдіс Kodko) @ Владимир Уйба аттьӧаліс республикаса мездысьясӧс неминучаясысь ӧлӧдӧм да налысь колясъяс бырӧдӧм могысь бура ӧтув уджалӧмысь @ выльтор @ https://rkomi.ru/news/1665 @ 2021-12-24 @}
Владимир Уйба аттьӧаліс республикаса мездысьясӧс неминучаясысь ӧлӧдӧм да налысь колясъяс бырӧдӧм могысь бура ӧтув уджалӧмысь
Коми Республикаса Юралысь пырӧдчис РСЧС-са Коми республиканскӧй системаулӧн да Коми Республикаса войтырӧс дорйӧмӧн веськӧдлысьяслӧн чукӧртчӧмӧ.
Заседаниеын участвуйтысьяс вӧчисны кывкӧртӧдъяс 2021 воын удж серти да урчитісны 2022 во вылӧ шӧр могъяссӧ.
«Россияса МЧС-лӧн, аварияясысь да пӧжарысь мездан республикаса юкӧдувъясын став уджалысьсӧ, ветеранъяссӧ да найӧс, кодъяс олӧм чӧжныс пыдди пуктӧмӧн нуӧны мездысьлысь нимсӧ, чолӧмала Россия Федерацияса мездысьлӧн лунӧн!
Ставнысӧ — локтан Выль воӧн.
Сиа 2022 воын бура уджавны!
Тіянлы да матыссаясныдлы крепыд дзоньвидзалун, шуд да тыр-бур олӧм!», — пасйис Владимир Уйба.
Сідзжӧ Коми Республикаса Юралысь сетіс республикаса мездысьяслы канму наградаяс.
* * *
Россия Федерацияса Президентлӧн Индӧдӧн уджын ыджыд вермӧмъясысь «Айму водзын заслугаясысь» ІІ степеня орденлысь медаль сетӧма:
полковник Николай Валерьевич Семеновлы — Россияса МЧС-лӧн Коми Республикаын медшӧр веськӧдланінса начальникӧс вежысьлы (войтырӧс дорйӧм да видзӧм серти);
пытшкӧс службаса полковник Дмитрий Владимирович Грошевлы –Россияса МЧС-лӧн Коми Республикаын медшӧр веськӧдланінлӧн пӧжарысь мездан торъя часьтса начальниклы.
Чина кывкутана могъяс бура олӧмӧ пӧртӧмысь «Коми Республикалы зэв бура служитӧмысь» отличие пас сетӧма:
пытшкӧс службаса старшӧй прапорщик Сергей Иванович Козмескулы — Россияса МЧС-лӧн Коми Республикаын медшӧр веськӧдланінлӧн пӧжарысь мездан торъя часьтса мастер-пӧжарнӧйлы.
{Kodko (комиӧдіс Kodko) @ Владимир Уйба пырӧдчис «Коми войтыр» дінмукостса ӧтйӧза ӧтмунӧмса исполкомлӧн заседаниеӧ @ выльтор @ https://rkomi.ru/news/1666 @ 2021-12-24 @}
Владимир Уйба пырӧдчис «Коми войтыр» дінмукостса ӧтйӧза ӧтмунӧмса исполкомлӧн заседаниеӧ
Исполкомлӧн заседание дырйи сёрниыс муніс Коми Республикаса вужвойтырлӧн шылада-драма театрлы выль здание кыпӧдӧм да коми войтырлӧн XІІ съездлысь помшуӧмъяс збыльмӧдӧм йылысь.
Шӧр докладӧн сёрнитіс Коми Республикаса культура, туризм да архив удж министр Мария Балмастова.
Регионса Юралысь аттьӧаліс Дінмукостса ӧтйӧза ӧтмунӧмлӧн исполкомӧ пырысьясӧс культура серти тӧдчана юалӧмъяс видлалӧмын участвуйтны корӧмысь.
Коми Республикаын тӧдчана ин босьтӧ культураын канму политика олӧмӧ пӧртӧм.
«Культура» национальнӧй проект серти уна во чӧж нин збыльмӧдӧны «Культура гӧгӧртас», «Творческӧй йӧз», «Цифрӧвӧй культура» регионса проектъяс серти мероприятиеяс.
2017 восянь республика кыкысь пырис Россия Федерацияын культура сӧвмӧдӧм серти 10 медбур регион лыдӧ.
Бӧръя куим во чӧжӧн «Вуктыл» кар кытшын, Сосногорск, Сыктыв, Княжпогост, Чилимдін да Кулӧмдін районъясын кыпӧдӧма 6 социокультурнӧй объект.
Прӧст кад коллялан учреждениеяссӧ вуджӧдісны юӧртан да культураӧн тӧдмӧдан ӧнія шӧринъясӧ.
«Меставывса культура керка» федеральнӧй проект серти могмӧдӧма да дзоньталӧма 169 культура керка.
«Культура юкӧнын инфраструктурасӧ бурмӧдӧны и республикалӧн чужан лун кежлӧ регионса Юралысьлӧн грант отсӧгӧн.
Тавосянь сійӧс вермӧны босьтны сӧмын сиктса районъяс.
Таво конкурсын вермис Кулӧмдін район.
25 миллион мындаын грант вылӧ выльмӧдісны ӧтйӧза инфраструктура, дзоньталісны 6 культура учреждение да бурмӧдісны сэні материально-техническӧй базасӧ.
2022 восянь грантъяссӧ кутасны сетны конкурсын вермысь куим муниципальнӧй районлы. Налы вичмӧдасны 11, 6 да 3 миллион шайтӧн», — висьталіс Владимир Уйба.
Россияса Президентлӧн тшӧктӧм серти республикаын збыльмӧдӧны челядьлы искусство школаяслы отсӧг сетан да найӧс сӧвмӧдан уджтас.
Найӧс выльмӧдӧны да могмӧдӧны шылада инструментъясӧн, оборудованиеӧн да велӧдчан материалъясӧн.
2020 воын республиканскӧй сьӧмкудйысь 10 миллион шайт вичмӧдісны Вуктыл, Воркута и Емва каръясын куим школалы.
2021 воын федеральнӧй сьӧмкудйысь сьӧм вичмӧдӧмӧн тырвыйӧ могмӧдісны шылада инструментъясӧн, оборудованиеӧн да мебельӧн Печораса, Визинса, Улыс Одесса, Усинскса, Ухтаса 5 искусство школа.
Уджсӧ водзӧ нуӧдасны 2023 воын: кӧсйӧны выльмӧдны нӧшта 5 учреждение.
Кино фонд отсӧгӧн выльмӧдісны 12 муниципальнӧй кинозал.
Тайӧ могъяс вылӧ федеральнӧй сьӧмкудйысь вичмӧдӧма 60 миллион гӧгӧр шайт.
Республикаса каръясын котыртӧма 7 виртуальнӧй концертнӧй зал. Та вылӧ федеральнӧй сьӧмкудйысь сетісны 16 миллион шайт.
Бӧръя куим во чӧжӧн Коми Республика выльмӧдіс да могмӧдіс ӧнія оборудованиеӧн 36 библиотека. Та серти Коми лидеръяс лыдын.
2021 воын Россиясянь Баренц/Евроарктическӧй регионлӧн стипендияа лауреатӧн медводдзаысь лоис Коми Республикаса опера да балет театр, коді пуктіс «Яг-морт» национальнӧй балет» постановка.
Медводдзаысь республика пырис «Медбур муниципальнӧй практика» ставроссияса конкурсын вермысьяс лыдӧ.
«Визин» сикт овмӧдчӧмин конкурс дырйи петкӧдліс «Гажа валяй» республиканскӧй йӧзкостса, ӧбрадӧвӧй гаж да босьтіс «Войтыр костын ӧтсӧгласа олӧм ёнмӧдӧм, муниципалитетын национальнӧй политика юкӧнын мукӧд мероприятие збыльмӧдӧм» нимпасын 4 места. Сылы козьналісны приз — 5 миллион шайт.
Ӧшым тӧлысь 29 лунӧ дзоньталӧм, воддза выйӧдз вайӧдӧм бӧрын восьтасны «Коми Республикаса национальнӧй библиотека» культура озырлун объект.
«Культуралӧн могыс — велӧдны том йӧзӧс овны вежавидзӧмӧн, ёрта-ёртнысӧ пыдди пуктӧмӧн, ассьыс вужъяссӧ да историясӧ тӧдӧмӧн. Та вӧсна Россия Федерацияса Президент Владимир Владимирович Путин 2022 восӧ шуис Россия Федерацияса войтырлӧн искусстволы да войтырлӧн абу материальнӧй культура озырлунлы сиӧм воӧн.
Тӧда, мый «Коми войтыр» ӧтмунӧмӧ пырысьяс зіля пырӧдчасны вочӧжся мероприятиеясӧ.
Доклад помын кӧсъя аттьӧавны тіянӧс республикалӧн олӧмӧ сьӧлӧмсянь пырӧдчӧмысь», — шуис Коми Республикаса Юралысь Владимир Уйба.
Вужвойтырлӧн шылада-драма театрлы выль здание стрӧитӧмсӧ шуисны пыртны Коми Республикаӧс социальнӧй да экономика боксянь сӧвмӧдан уджтасӧ, кодӧс Россияса Президентлӧн тшӧктӧм серти колӧ дасьтыны да вынсьӧдны 2022 вося рака тӧлысь помӧдз.
Тайӧ кадӧдзыс колӧ бӧрйыны театр стрӧитӧм улӧ му участоксӧ. Колӧ, медым сійӧ лӧсяліс кар стрӧитан став корӧмлы, да медым сэтчӧдз позис кокниа воӧдчыны транспортӧн.
«Коми войтыр» дінмукостса ӧтйӧза ӧтмунӧмлӧн вӧзйӧм серти Коми Республикаса Юралысь бердын котыртасны уджалан группа.
Медводдза заседаниесӧ нуӧдасны 2022 вося тӧвшӧр тӧлысьын.
{Kodko (комиӧдіс Kodko) @ Коми Республикаса Юралысь чолӧмалӧ Мездысьлӧн лунӧн @ выльтор @ https://rkomi.ru/news/1670 @ 2021-12-27 @}
Коми Республикаса Юралысь чолӧмалӧ Мездысьлӧн лунӧн
«Мездан службаясса пыдди пуктана уджалысьяс да ветеранъяс!
Чолӧмала тіянӧс уджсикас гажӧн — Россия Федерацияса мездысьлӧн лунӧн!
Тіянлы колӧ лоны повтӧмӧн, смелӧн, асьныдтӧ жалиттӧг век лоны дасьӧн мездыны неминучаӧ веськалӧм йӧзӧс, бура тӧдны уджнытӧ, вӧр-ваын да техногеннӧй неминучаяс дырйи, сьӧкыд кадӧ аддзыны колана петан туй, медым видзны йӧзлысь безопасносьтсӧ, а мукӧддырйи олӧмнысӧ.
Став сьӧлӧмсянь аттьӧала тіянӧс сьӧкыд да кывкутана удж бура вӧчӧмысь, сыысь, мый ті пыр дасьӧсь отсавны пикӧ воӧм йӧзлы.
Торйӧн кӧсъя аттьӧавны ветеранъясӧс, кодъяс пуктісны зумыд подув мездан службаяслӧн уджӧ да талун сетӧны тӧдӧм-кужанлуннысӧ том йӧзлы.
Мездан службаясын уджалысьяслы сиа лӧнь уджалан лунъяс, йӧзӧс мездан уджын унджык вермӧм, крепыд дзоньвидзалун, тыр-бур олӧм да ыджыд шуд!»
[Коми Республикаса Юралысь Владимир Уйба]
{Kodko (комиӧдіс Kodko) @ «Культура» национальнӧй проект: Выльгорт сиктын дзоньталісны челядьлы шылад школа @ выльтор @ https://rkomi.ru/news/1671 @ 2021-12-27 @}
«Культура» национальнӧй проект: Выльгорт сиктын дзоньталісны челядьлы шылад школа
Выль во водзын, ӧшым тӧлысь 24 лунӧ, выльмӧдӧм бӧрын кыпыда восьтісны шылад школа.
Сэні участвуйтіс Коми Республикаса Юралысь.
Владимир Уйба чолӧмаліс быдтасъясӧс, налысь бать-мамсӧ да педагогъяссӧ виччысяна лоӧмторйӧн.
«Выль во водзын пыр сетӧны козинъяс.
Нимкодь, мый тайӧ козиныс — Челядьлы Семён Иванович Налимов нима выль шылад школа — восьтіс ассьыс ӧдзӧсъяссӧ.
Тані велӧдчӧ сёысь унджык кага.
И найӧ — миян лача. Республикаын тайӧ шылад школаыс медбуръяс пиысь ӧти. Школаса педагогъяс отсӧгӧн сійӧс енбиа помалысьяс петкӧдчӧны республикалӧн да страналӧн суйӧр сайын.
Сиа, медым тіян став кӧсйӧмныд збыльмис, дзоньвидзалун да шуд.
Став бурсӧ!», — сиис Коми Республикаса Юралысь Владимир Уйба.
Учреждениесӧ дзоньталісны «Культура» национальнӧй проект отсӧгӧн.
Федеральнӧй, республиканскӧй да меставывса сьӧмкудъясысь вичмӧдӧм сьӧм вылӧ зданиесӧ выльмӧдісны ортсысяньыс да пытшсяньыс, пуктісны сигнализация, турникет да видео пыр видзӧдан система.
Таво школаӧ воисны выль шылада инструментъяс — барабанъяс да ксилофон.
Кыпыд церемония дырйи участвуйтысьясӧс гажӧдісны том музыкантъяс, шылад школаса велӧдчысьяс, В. В. Андреев нима канму академическӧй роч оркестр.
* * *
Выльгортын Челядьлы шылад школаыс воссис 1967 воын да меститчис пача неыджыд пу керкаын.
Во мысти тані велӧдчис квайтымынысь унджык ныв-зонпосни.
1996 воын челядьӧс да том войтырӧс шылада-эстетическӧй сӧвмӧдӧмӧ ыджыд пай пуктӧмысь, йӧзкостса инструментальнӧй шыладӧн йӧзӧс паськыда тӧдмӧдӧмысь Коми Республикалӧн культура министерствоса коллегиялӧн шуӧмӧн Выльгортын Челядьлы искусство школалы сетӧма йӧзкостса инструментъяс серти мастер, земляк — Семён Иванович Налимовлысь ним.
Ӧні Выльгортын шылад школаыс — Коми Республикаын тайӧ нырвизя учреждениеяс пиысь медбур.
Школа велӧдіс зэв уна профессиональнӧй музыкантӧс, кодъяс уджалӧны республикаын да сылӧн суйӧр сайын.
{Kodko (комиӧдіс Kodko) @ Владимир Уйба нуӧдіс туй вылын видзчысянлунсӧ могмӧдан республиканскӧй комиссиялысь заседание @ выльтор @ https://rkomi.ru/news/1674 @ 2021-12-28 @}
Владимир Уйба нуӧдіс туй вылын видзчысянлунсӧ могмӧдан республиканскӧй комиссиялысь заседание
Сӧвещание дырйи сёрнитісны туй вывті ветлан правилӧяс торкалӧм фото да видео вылӧ пасъян системасӧ сӧвмӧдӧм, подӧн ветлан туйяссӧ национальнӧй стандартъяслӧн корӧмъяс серти лӧсьӧдӧм, туй вылын челядьлӧн доймалӧмысь ӧлӧдӧм йылысь.
«Уджъёртъяс, республикаса школаяс ӧні петӧны тӧвся каникулъяс вылӧ.
Тайӧ кадӧ туйяс вылын челядь тшӧкыдджыка вермӧны веськавны лёк лоӧмторъясӧ, миян Войвылын на и луныс зэв дженьыд.
Ми дугдывтӧг видзӧдам туй вылын челядьлӧн доймалӧмысь ӧлӧдӧм бӧрся, торйӧн нин каникулъяс, выль вося гажъяс дырйи», — восьтіс заседаниесӧ Коми Республикаса Юралысь Владимир Уйба.
Коми Республикаын котыртісны туй вылын челядьлӧн доймалӧмысь ӧлӧдан системнӧй удж.
Туй вылын видзчысянлунсӧ могмӧдан юалӧмъяс серти челядь да налӧн бать-мам костын юӧртан-велӧдан да тӧдмӧдан удж йылысь висьталіс регионса велӧдан, наука да том йӧз политика министр Наталья Якимова.
Таво министерство котыртіс челядьӧс велӧдан выль формаяс, кӧні петкӧдлісны-велӧдісны, кыдзи колӧ кутны асьтӧ туйяс вылын.
Кӧч тӧлысьын Сыктывкарса политехническӧй техникумын 14-17 арӧса челядьлы воссис томуловлы автомашина школа (кык вося курс чӧж велӧдчӧ 60 челядь).
Тайӧ школаын велӧдӧны туй вывті ветлан правилӧяс, автомашиналысь тэчас, да кыдзи сетны ДТП дырйи медводдза отсӧг.
2021 воын велӧдчанінъясӧ ньӧбӧма 9 сюрсысь унджык световозвращающӧй элемент.
Регыд республикаӧ ваясны федеральнӧй уджтас серти ньӧбӧм 9 сюрсысь унджык светоотражающӧй жилет.
Коми Республикаса Юралысь Владимир Уйбалӧн тшӧктӧм серти ӧшым тӧлысьын республиканскӧй сьӧмкудйысь содтӧд вичмӧдӧма 420 сюрс шайт, медым ньӧбны нӧшта 8 сюрс световозвращающӧй элемент. Тӧвшӧр тӧлысьын найӧс сетасны республикаса школаясын 1-4 классъясса велӧдчысьяслы.
«Татшӧм мераыс кӧть кыдзкӧ видзас пемыд кадӧ лёка югзьӧдӧм туй участокъяс кузя подӧн ветлӧдлысь челядьӧс.
Колӧ водзӧ нуӧдны тайӧ уджсӧ, медводз колӧ могмӧдны световозвращающӧй элементъясӧн 1-4 классъясса став велӧдчысьӧс, абу сӧмын гӧля олысь семьяясысь челядьӧс.
Мый ӧдйӧджык ми тайӧс вӧчам, сы мый унджык челядьӧс ми видзам», — пасйис Владимир Уйба.
Талун унджык муниципалитетыс лӧсьӧдісны велӧдчанінъясбердса подӧн вуджанінъяссӧ оланпастэчаслӧн корӧмъяс серти.
Нёль муниципалитетын тайӧ уджсӧ эз на помавны: Сыктывдін районын 11 вуджан туй пиысь квайтсӧ лӧсьӧдісны колана ногӧн, Сыктывкарын — 77 пиысь 28, Удора районын — 7 пиысь 5, Сосногорскын — 20 пиысь 15.
Меставывса тӧдчанлуна автомашина туйяс вылын вуджан туйяссӧ национальнӧй стандартъяс серти тырвыйӧ лӧсьӧдісны Мылдін (6 вуджанін), Изьва (5), Княжпогост (28), Кулӧмдін (19), Чилимдін (3) да Койгорт (16) районъясын, а сідзжӧ Инта (51) да Печора (78) каръясын.
2021 воын тайӧ лыддьӧгӧ пырис Емдін район (33 вуджанін).
Содіс вуджан туйяслӧн лыдыс, кутшӧмъясӧс лӧсьӧдісны национальнӧй стандартъяслӧн корӧмъяс серти, Ухта карын (99%), Вуктыл карын (96%) да Сыктыв районын (94%).
{Kodko (комиӧдіс Kodko) @ Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание @ выльтор @ https://rkomi.ru/news/1677 @ 2021-12-28 @}
Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание
Заседание дырйи сёрнитісны выльвося да рӧштводырся мероприятиеяс кежлӧ дасьтысигӧн да найӧс нуӧдігӧн безопасносьт могмӧдан мераяс йылысь.
«Выль во — тайӧ кад, кор йӧзыс гажӧдчӧны да шойччӧны, а ми тіянкӧд водзӧ зіля уджалам.
Кора местаяс вылын да ведомствоувса учреждениеясын бурджыка нуӧдны терроризмлы паныд удж, а сідзжӧ могмӧдны инӧда пӧрадок видзӧмсӧ да пӧжарысь видзчысьӧмсӧ.
Торйӧн ёна кора видзӧдны объектъяс да местаяс бӧрся, кӧні нуӧдӧны гажӧдчан мероприятиеяс, а сідзжӧ учреждениеясын, кӧні сутки чӧж вермӧны лоны йӧз.
Колӧ вӧчны ставсӧ, медым гажъяс дырйи эз ло некутшӧм лёктор», — пуктіс мог Коми Республикаса Юралысь Владимир Уйба.
Шӧр докладъясӧн сёрнитісны Коми Республикаын пытшкӧс делӧяс министр Андрей Сицский, Россия Федерацияса национальнӧй гвардия войскаса федеральнӧй службалӧн Коми Республикаын веськӧдланінса начальник Алексей Ходоров да Россияса МЧС-лӧн Коми Республикаын медшӧр веськӧдланінса начальник Алексей Пархомович.
Заседание дырйи сёрнитісны оланпас торкалӧмӧн ӧружьеӧн вӧдитчан юкӧнын мыж вӧчӧмысь ӧлӧдӧм да дугӧдӧм, йӧзлысь дзоньвидзалун видзан объектъяс терроризмысь видзӧм серти корӧмъяс збыльмӧдӧм, Коми Республикаын олысь йӧз пӧвстын, кодъяс воӧмаӧсь суйӧр сайысь, терроризм идеологиялы паныд удж нуӧдан мераяс, «Воркута» КК МЮ терроризмысь ӧлӧдӧм да сылӧн идеологиялы паныд удж нуӧдӧм йылысь.
Коми Республикаын терроризмлы паныд удж нуӧдысь комиссиялӧн аппаратӧн юрнуӧдысь Александр Бурцев вӧчис 2021 воын Коми Республикаын терроризмлы паныд удж нуӧдысь комиссиялӧн удж йылысь кывкӧртӧдъяс, сідзжӧ заседание дырйи видлалісны 2022 во вылӧ Коми Республикаын терроризмлы паныд удж нуӧдысь комиссиялысь уджалан план.
{Kodko (комиӧдіс Kodko) @ Владимир Уйба сетіс Коми Республикаса регыдъя отсӧг сетан больничаяслы 30 выль автомашина @ выльтор @ https://rkomi.ru/news/1678 @ 2021-12-28 @}
Владимир Уйба сетіс Коми Республикаса регыдъя отсӧг сетан больничаяслы 30 выль автомашина
Выль во водзвылын, ӧшым тӧлысь 28 лунӧ, Коми Республикаса Юралысь сетіс медицина организацияясӧн юрнуӧдысьяслы УАЗ да ГАЗ автомашинаясысь ключьяс.
Регыд найӧ заводитасны уджавны республикаса районъясын.
«Тайӧ автомашинаяссӧ медводз мӧдӧдасны сиктъясӧ.
Шоперъяслы сиа бур туй, медым автомашинаясыс лючкиа да дыр уджалісны да отсалісны видзны миян олысьяслысь дзоньвидзалунсӧ.
Чолӧмала ставныдтӧ локтысь Выль воӧн да Рӧштвоӧн.
Сиа крепыд дзоньвидзалун, ыджыд шуд да уджын вермӧмъяс!» — сиис Владимир Уйба.
Йӧзлысь дзоньвидзалун видзан юкӧнса первичнӧй звенолысь автопарк выльмӧдӧм вылӧ техникаыс воис федеральнӧй сьӧм тшӧт весьтӧ Россия Федерацияса Веськӧдлан котырлысь 2021 во сора тӧлысь 12 лунся 1896р №-а тшӧктӧмсӧ збыльмӧдӧм могысь.
Регыдъя медицина отсӧг сетан автомашинаяслӧн доныс — 82 миллион шайтысь унджык.
Автомашинаясын медицинскӧй салонсӧ могмӧдӧма выль оборудованиеӧн, сы лыдын искусственнӧя лолалан аппаратъясӧн, мониторъяс-дефибрилляторъясӧн, электрокардиографъясӧн, ингаляторъясӧн, реанимационнӧй наборъясӧн, нӧсилкаясӧн да ГЛОНАСС навигация системаӧн.
Спецтранспортсӧ вӧчӧма «войвыв» сямаӧн да сійӧ вермӧ уджавны ёна кӧдзыдъяс дырйи.
Автомашинаясын эмӧсь двигательсӧ шонӧдантор да салонсӧ автономнӧя шонтӧд, мый лӧсьӧдӧ врачьяслӧн удж вылӧ бур условиеяс.
Таво Коми Республикаса больничаясӧ вӧлі юклӧма нин 80 выль санитарнӧй автомашина, кутшӧмъясӧс вайисны йӧзлысь дзоньвидзалун видзан юкӧнса первичнӧй звено выльмӧдан регионса уджтас збыльмӧдӧм могысь.
2022 во заводитчигӧн медицина учреждениеясӧ сетасны нӧшта 20 санитарнӧй машина.
Казьтыштам, «скорӧйяслысь» парк выльмӧдан уджтассӧ збыльмӧдны корӧмӧн Россияса Президент дорӧ шыӧдчисны «Единая Россия» ютырса депутатъяс.
Тайӧ могъяс вылӧ содтӧд сьӧм вичмӧдӧм йылысь водзмӧстчӧмсӧ пыртісны Россия Федерацияса Федеральнӧй Собрание дорӧ Владимир Путинлӧн посланиеӧ.
Сідзжӧ регыдъя отсӧг сетан автопарк выльмӧдӧм йылысь водзмӧстчӧмсӧ пыртісны «Единая Россиялӧн» народнӧй уджтасӧ.
* * *
Коми Республикаса шӧр районнӧй больничаясӧ автомашинаяс юклӧм:
Неминучаӧ веськалӧмалы медицина отсӧг сетан Коми Республикаса мутас шӧрин — 12 автомашина;
Сыктывса ШРБ — 1 автомашина;
Удораса ШРБ — 2 автомашина;
Мылдінса ШРБ — 1 автомашина;
Сосногорскса ШРБ — 2 автомашина;
Интаса ШКБ — 2 автомашина;
Печораса ШРБ — 2 автомашина;
Усинскса ШРБ — 1 автомашина;
Вуктылса ШРБ — 1 автомашина;
Чилимдінса ШРБ — 1 автомашина;
Княжпогостса ШРБ — 1 автомашина;
Луздорса ШРБ — 1 автомашина;
Изьваса ШРБ — 2 автомашина;
Емдінса ШРБ — 1 автомашина.
{Kodko (комиӧдіс Kodko) @ Владимир Уйба юкӧ шогсӧ Елена Козловалӧн кадысь водз кувсьӧм вӧсна @ выльтор @ https://rkomi.ru/news/1680 @ 2021-12-29 @}
Владимир Уйба юкӧ шогсӧ Елена Козловалӧн кадысь водз кувсьӧм вӧсна
Кувсис Коми Республикаса гижысь котырлӧн Правлениеӧн веськӧдлысь Елена Козлова. Сылы эськӧ тырис 68 арӧс.
«Елена Васильевна пуктіс ыджыд пай коми литература сӧвмӧдӧмӧ, зілис общественнӧй уджын, республикалӧн да страналӧн литературнӧй олӧмын, пырис Россияса гижысь котырлӧн Правлениеӧ, ёна уджаліс том авторъяскӧд.
Ме тшӧтш шогся сылӧн рӧдвужкӧд, матыссаяскӧд, уджъёртъяскӧд, ёртъяскӧд да сылысь творчествосӧ пыдди пуктысьяскӧд», — пасйис Коми Республикаса Юралысь Владимир Уйба.
* * *
Елена Козлова чужис 1954 вося урасьӧм тӧлысь 14 лунӧ Коми АССР-ын Емдін районса Лыаты грездын.
1971 восянь 1976 воӧдз велӧдчис КГПИ-ын филология факультетын.
1976 восянь 1978 воӧдз — шӧр велӧдан учреждениеын вӧлі роч кыв да литература велӧдысьӧн да Сосногорскса школаӧдз велӧдан учреждениеын воспитательӧн.
1978 восянь 1982 воӧдз уджаліс СССР-са наукаяс академиялӧн кыв, литература да история институтын литература да фольклор секторын лаборантӧн, туяліс коми войтырлысь фольклор.
1982 восянь 1992 воӧдз уджаліс литературнӧй консультантӧн, 1992 восянь 1995 воӧдз вӧлі Коми Республикаса гижысь котырлӧн Правлениеӧн веськӧдлысьӧс вежысьӧн, а 1995 восянь — Коми Республикаса гижысь котырлӧн Правлениеӧн веськӧдлысьӧн.
1991 восянь пырис СССР-са гижысь котырӧ, 1996 восянь пырис Россияса гижысь котырлӧн Правлениеӧ да вӧлі секретарӧн.
1978 восянь Е. Козлова «Войвыв кодзув» журналын йӧзӧдіс челядьлы медводдза поэтическӧй произведение, 1988 воӧ гижис «Лӧз клянича» челядьлы медводдза поэтическӧй сборник.
Сы бӧрын петісны «Нюм» проза чукӧр (1984), «Ме да Ивук вокӧй» повесьт (1992), «Лым морт» (1997), «Гӧгыля-вугыля» да «Векньыдик ордым» (2002), «Шундыр» (2007), «Туй дор бадь» (2014), «Сямтӧм зонка» (2019), а сідзжӧ драматургия произведениеяс, татшӧм пьесаяс, кыдзи: «Августын» (1988), «Вӧрса коз дорын» (1997) да «Туй дор бадь».
Е. Козловалысь гижӧдъяссӧ вуджӧдӧма швед, эст, венгр да финн кывъяс вылӧ, а висьтъяссӧ пыртӧма шӧр школаса ичӧт классъяслы литературнӧй учебникъясӧ.
2003 воӧ Е. В. Козловалы сетӧма Коми Республикаса нимӧдана уджалысь почёт ним, а 2010 воӧ «Культура юкӧнын заслугаясысь да уна вося бур уджысь» — Россия Федерацияса культураын нимӧдана уджалысь ним.
2011 воӧ «Коми челядь литература антологияысь» лоис Коми Республикаса Веськӧдлан котырлӧн И. А. Куратов нима премияса лауреатӧн, а 2019 воӧ «Россиялысь уна сикас войтыра литература сӧвмӧдӧмӧ уна во тӧдчана пай пуктӧмысь» сетӧма Д. Н. Мамин-Сибиряк нима премия.
{Kodko (комиӧдіс Kodko) @ «Культура» нацпроект: Комиын выльмӧдӧм бӧрын воссис Национальнӧй библиотека @ выльтор @ https://rkomi.ru/news/1683 @ 2021-12-30 @}
«Культура» нацпроект: Комиын выльмӧдӧм бӧрын воссис Национальнӧй библиотека
Коми Республикалы 100 во тыригкежлӧ капитальнӧя дзоньталісны регионын медваж культура учреждение.
Ӧшым тӧлысь 29 лунӧ республикаса Юралысь Владимир Уйба участвуйтіс кыпыда восьтан церемонияын.
«Зэв бур, мый республикалы 100 во тыран воӧ миян бара эм тайӧ реликвияыс — Национальнӧй библиотекалӧн здание.
Миянлы мойвиис аддзыны тайӧ тӧдчана лоӧмторсӧ да пырӧдчыны сэтчӧ, — пасйис регионса Юралысь.
— Зданиесӧ стрӧитісны 1958 воӧ — война бӧрся сьӧкыд кадӧ.
Тайӧ кадӧ страна эз сӧмын дзоньтав заводъяс, посъяс, туйяс, но и стрӧитіс татшӧм лӧсьыд библиотекаяс.
И тайӧ абу сӧмын здание, а збыльвывса двореч — сы серти тыдалӧ, кутшӧм ёна йӧзыс радейтісны странанымӧс, чужан республиканымӧс.
Муӧдз копыр налы, кодъяс пӧртісны олӧмӧ тайӧ могъяссӧ.
Ӧнія кадӧ ми аддзам, кыдзи вежсис библиотека.
Тайӧ абу нин сӧмын тӧдӧмлунъяс видзанін, а ӧнія мобильнӧй гӧгӧртас, кӧні позьӧ шойччӧдны юр вем, нимкодясьны литератураӧн.
Торйӧн аттьӧала юрнуӧдысьясӧс, библиотекаса специалистъясӧс, стрӧитчысьясӧс — ставнысӧ, коді уджаліс да пуктіс вынсӧ, медым збыльмӧдны тайӧ тӧдчана проектсӧ.
Тайӧ бур козин республикалӧн тшупӧда пас кежлӧ, да Выль во водзвылын.
Сиа ставныдлы дзоньвидзалун, шуд, мед тіян олӧмын лоӧ сӧмын буртор».
Владимир Уйба сетіс библиотекаса уджалысьяслы Коми Республикаса канму наградаяс.
Коми Республикаса национальнӧй библиотекалӧн историяыс заводитчӧ Усть-Сысольскса общественнӧй библиотекасянь.
Сы йылысь медводдза казьтылӧмсӧ пасйӧма 1837 воӧ.
1958 восянь сійӧ меститчӧ Сӧветскӧй улича вылын.
Ӧнія кадӧ тайӧ историялӧн да культуралӧн памятник.
Локтан 2022 воӧ Коми Республикаса национальнӧй библиотекалы тырӧ 185 во.
Капитальнӧя дзоньталӧм бӧрын историческӧй здание бара ловзис, а колян нэмся архитектура лӧсялӧ ӧнія технологияяскӧд.
Библиотекалысь дзоньталісны бансӧ да вевтсӧ, лӧсьӧдісны йӧрсӧ да пыранінсӧ, вежисны инженернӧй коммуникацияяссӧ, выльмӧдісны пытшкӧссӧ, ньӧбисны мебель да техника.
Выль рельсӧвӧй стеллажъяс отсӧгӧн ыдждӧдісны небӧг видзанінсӧ, сэтчӧ тӧрас 1 млн экземпляр.
Ӧні библиотекалӧн фондын 887 сюрс издание.
Восьтігкежлӧ Коми Республикаса культура, туризм да архив удж министерство отсӧгӧн федеральнӧй да республиканскӧй сьӧмкудъяс сьӧм тшӧт весьтӧ ньӧбӧма 8,5 сюрс выль издание.
Библиотекаӧ пуктӧма сідз шусяна «умнӧй джаджъяс» — устройствояс, кытысь позьӧ аслыд босьтны да сдайтны небӧгъяс, а сідзжӧ уна мога юӧра станцияяс (инфоматъяс), кӧні позьӧ закажитны услугаяс.
Бурланьӧ вежсис и ыджыд лыддьысян жыр, тані ӧні эм сцена да ыджыд экран.
А небӧг видзанінлӧн быд судтаын эмӧсь мобильнӧй стеллажъяс.
Ӧшым тӧлысь 30 лунӧ библиотека кутас уджавны 10 чассянь 17 часӧдз.
Выль вося каникулъяс дырйи водзӧ кутасны вуджны недыр кадся жыръясысь.
Ленинка став гажъяс вылӧ босьтӧ тайм-аут, медым вайны кольӧм оборудованиесӧ да мебельсӧ, лӧсьӧдны жыръяссӧ.
А 2022 вося тӧвшӧр тӧлысь 10 лунсянь выльмӧдӧм библиотека кутас примитны лыддьысьысьясӧс график серти: уджалан лунъясӧ 10 чассянь 20 часӧдз, вежалунӧ 10 чассянь 17 часӧдз, субӧтаӧ — шойччан лун.
* * *
Коми Республикаса Юралысьлӧн тшӧктӧмӧн библиотека удж сӧвмӧдӧмӧ, видзӧмӧ да йӧзӧс сыӧн паськыда тӧдмӧдӧмӧ ыджыд пай пуктӧмысь, уна вося бур уджысь Коми Республикаса Юралысьлысь Диплом сетӧма
Коми Республикаса национальнӧй библиотекаын уджалысьяслӧн котырлы.
Коми Республикаӧс социальнӧй да экономика боксянь сӧвмӧдӧмӧ пай пуктӧмысь «Коми Республикалы 100 во» юбилейнӧй медаль сетӧма:
Людмила Николаевна Игушевалы — наука да аналитика юкӧнӧн веськӧдлысьлы;
Елена Анатольевна Иевлевалы — фондъяс подув видзанін юкӧнса медшӧр библиотекарлы;
Нина Александровна Нестеровалы — библиография юкӧнӧн веськӧдлысьлы.
{Kodko (комиӧдіс Kodko) @ Владимир Путин чолӧмалӧ Коми Республикаса олысьясӧс локтысь Выль воӧн да Рӧштвоӧн! @ выльтор @ https://rkomi.ru/news/1686 @ 2021-12-31 @}
Владимир Путин чолӧмалӧ Коми Республикаса олысьясӧс локтысь Выль воӧн да Рӧштвоӧн!
Коми Республикаса Юралысь Владимира Уйбалӧн ним вылӧ воис Россия Федерацияса Президентсянь чолӧмалана открытка.
«Тайӧ бур, радейтана гажъяссӧ ёнджыкасӧ пасйӧны семьякӧд ӧтув. Ми эскам, мый став бур кӧсйӧмыс збыльмас.
Медым Выль воыс козьналас тіянлы ыджыд вермӧмъяс, а тіянкӧд орччӧн мед пыр лоӧны рӧдвуж да бур ёртъяс.
Сиа дзоньвидзалун да став бурсӧ», — пасйӧма канмуса юралысьлӧн чолӧмалӧмын.
{Kodko (комиӧдіс Kodko) @ Владимир Уйба Печораын нуӧдіс теплотрасса вылын авария да сылысь колясъяс бырӧдӧм серти сӧвещание @ выльтор @ https://rkomi.ru/news/1693 @ 2021-12-31 @}
Владимир Уйба Печораын нуӧдіс теплотрасса вылын авария да сылысь колясъяс бырӧдӧм серти сӧвещание
Водзӧ нуӧдӧны авария бӧрын дзоньтасян уджъяс: дасьтысьӧны орӧминын теплотрасса участок вежӧм кежлӧ, траншеяысь качайтӧны васӧ да няйтсӧ, разьӧма жугалӧм трубасӧ.
Вайӧма выль труба, став материалыс эм.
11 керкаӧ шоныдсӧ сетӧны 3 №-а котельнӧйсянь 8 №-а котельнӧйлань шоныд везъяслӧн район костын аварийнӧй йитӧд отсӧгӧн.
«Миян мог — кыдз позьӧ одйӧджык бырӧдны авариясӧ да могмӧдны шоныдӧн керкаяссӧ, медым выльвося войсӧ йӧзыс коллялісны асланыс шоныд патераясын.
Быть колӧ торйӧн видзӧдны ӧткӧн олысь вермытӧм да олӧма йӧз бӧрся, дзик ӧні ветлыны быдӧн дорӧ, видзӧдлыны, кӧдзыдӧсь-ӧ оланінъясыс, ковмас кӧ, сетны шонтӧдъяс», — пасйис Коми Республикаса Юралысь.
Коми Республикаса Юралысь Владимир Уйба, Коми Республикаын медшӧр федеральнӧй инспектор Михаил Тырин, Коми Республикаса стрӧитчан, оланін да коммунальнӧй овмӧс министр Игорь Кузьмичев, Россияса МЧС-лӧн Коми Республикаын медшӧр веськӧдланінса начальник Алексей Пархомович водзӧ кутасны видзӧдны авария бӧрын дзоньтасян уджъяс бӧрся, кытчӧдз уджъясыс оз помасьны.
«Кытчӧдз Печораын олысьяслы шоныдсӧ оз сетны, ми татысь огӧ мунӧй.
Неминучаяс серти оперативнӧй штаблӧн водзӧ чукӧртчылӧмыс лоас 22 часын», — тӧдчӧдіс Владимир Уйба.
{Kodko (комиӧдіс Kodko) @ Коми Республикаса Юралысь чолӧмалӧ Выль воӧн да Рӧштвоӧн @ выльтор @ https://rkomi.ru/news/1687 @ 2021-12-31 @}
Коми Республикаса Юралысь чолӧмалӧ Выль воӧн да Рӧштвоӧн
«Коми Республикаса пыдди пуктана олысьяс!
Чолӧмала тіянӧс Выль воӧн да Рӧштвоӧн!
Тайӧ лунъясӧ миян олӧмын ӧзйӧны выль лачаяс, выль планъяс да мӧвпъяс.
Ми коллялам важ восӧ да эскам, мый локтан воыс ваяс унджык буртор.
2021 воӧ миян радейтана Коми Республикалы тырис 100 во.
Вӧвлӧмасӧ пыдди пуктӧмӧн индам водзӧ вылӧ нырвизь: лӧсьӧдӧма экономика выльмӧдан да сӧвмӧдан проектъяс, вӧр-ва озырлун перйӧмсянь ми вуджам сырьёкӧд йитчытӧм юкӧнъяс сӧвмӧдӧм вылӧ, та дырйи кыпӧдам миян подув юкӧнъясын пыдіа переработайтӧмлысь пайсӧ.
Колӧ, медым йӧзыс кӧсйисны уджавны да овны республикаын.
Ми паныдалам локтам восӧ ыджыд планъясӧн да водзӧ вылӧ могъясӧн.
Дона ёртъяс!
Сиа, медым выль волӧн быд лун вайис тіянлы радлун, медым тіянлы мойвиис, медым миян войвыв мулӧн быд керкаын вӧлі шуда да лада олӧм.
Мед дзоридзалӧ да сӧвмӧ Коми Республика.
Став сьӧлӧмсянь кӧсъя сины тіянлы, медым збыльмасны кӧсйӧмъясныд, крепыд дзоньвидзалун, ӧтсӧгласӧн да тыр-бура олӧм!
Чолӧмала!»
[Коми Республикаса Юралысь Владимир Уйба]
{Kodko (комиӧдіс Kodko) @ Печораын теплотрасса вылын авария бырӧдӧм йылысь оперативнӧй юӧр @ выльтор @ https://rkomi.ru/news/1692 @ 2021-12-31 @}
Печораын теплотрасса вылын авария бырӧдӧм йылысь оперативнӧй юӧр
Коми Республикаса Юралысь Владимир Уйба, Коми Республикаын юралысь федеральнӧй инспектор Михаил Тырин, Коми Республикаса стрӧитчан, оланін да коммунальнӧй овмӧс министр Игорь Кузьмичев, Россияса МЧС-лӧн Коми Республикаын медшӧр веськӧдланінса начальник Алексей Пархомович видзӧдӧны сы бӧрся, кыдзи бырӧдӧны теплотрасса вылын авариясӧ да сылысь колясъяссӧ.
Аддзӧма теплоносительлысь жугаланінсӧ биару проводкӧд вомӧнасянінын.
Ӧнія кадӧ дасьтысьӧны орӧминын теплотрасса участок вежӧм кежлӧ: траншеяысь качайтӧны васӧ да няйтсӧ, разьӧны жугалӧм трубасӧ.
Вайӧма выль труба, став материалыс эм.
Жугаланінын уджалӧны сварщикъяс, «ТЭК-Печора» ичӧт кывкутана котырын, «Горводоканал» муниципальнӧй ӧтувъя предприятиеын, «Тепловая сервисная компания» акционер котырын, «Коми тепловая компания» акционер котырын уджалысьяс.
Колясъяссӧ бырӧдӧны Неминучаысь ӧлӧдан да сійӧс бырӧдан ӧтувъя канму системаса Коми республиканскӧй системаувлӧн вынъяс да средствояс.
Коми Республикаса Юралысь Владимир Уйба аддзысис уна патераа керкаясын олысьяскӧд, кытчӧ оз во шоныдыс.
Матысса кадӧ муниципалитетса администрацияын лоӧ авария да сылысь колясъяссӧ бырӧдӧм серти уджалан сӧвещание.
{Kodko (комиӧдіс Kodko) @ Чикшин посёлокын восьтісны природнӧй биару вылын уджалысь выль котельнӧй @ выльтор @ https://rkomi.ru/news/1697 @ 2022-01-02 @}
Чикшин посёлокын восьтісны природнӧй биару вылын уджалысь выль котельнӧй
Тӧвшӧр тӧлысь 1 лунӧ, Печораысь Сыктывкарӧ лэбӧм водзын, Коми Республикаса Юралысь Владимир Уйба видзӧдліс, кыдзи уджалӧ Чикшин посёлокын природнӧй биару вылын автоматизируйтӧм блочно-модульнӧй котельнӧй.
Монтажнӧй уджъяс помалӧм да бура тестируйтӧм бӧрын объектлы сетісны став колана документсӧ, медым сійӧ вермис уджавны пусконаладочнӧй режимын.
Котельнӧй могмӧдас шоныдӧн да пӧсь ваӧн сюрс гӧгӧр вӧдитчысьӧс, сы лыдын посёлокса детсад, школа, ФАП, 17 олан керка.
Проектсӧ збыльмӧдӧма «Шоныд сетан Коми компания» акционер котырлӧн инвестиция уджтас серти.
Выль котельнӧй кутас уджавны посёлокса из шом вылын кык котельнӧйкӧд ӧтув, медым бура прӧйдитны ломтысян кадколастсӧ.
Ӧнія технологическӧй позянлунъяс отсӧгӧн позяс чинтыны ломтаслысь да электроэнергиялысь рӧскодсӧ, бурмӧдны сетӧмсӧ да лӧсьӧдны вӧдитчан условиеяссӧ.
Из шом пыдди природнӧй биаруӧн вӧдитчӧмыс чинтас вӧр-ва вылӧ омӧль тӧдчӧмсӧ.
«2022 воӧ шоныдӧн могмӧдан система оптимизируйтӧм серти «Шоныд сетан Коми компания» акционер котырлӧн инвестиция уджтас отсӧгӧн Печораса Лугӧвӧй, Набережнӧй посёлокъясын да Сыктывдін районса Час сиктын пыртасны уджӧ природнӧй биару вылын выль блочно-модульнӧй котельнӧйяс», — пасйис Коми Республикаса Юралысь Владимир Уйба.
{Kodko (комиӧдіс Kodko) @ Владимир Уйба аддзысьліс удж серти Коми Республикаын ставроссияса народнӧй фронтлӧн регионса юкӧнӧн юрнуӧдысьяскӧд @ выльтор @ https://rkomi.ru/news/1699 @ 2022-01-03 @}
Владимир Уйба аддзысьліс удж серти Коми Республикаын ставроссияса народнӧй фронтлӧн регионса юкӧнӧн юрнуӧдысьяскӧд
Аддзысьлісны Выль во водзвылын.
Видлалісны Ставроссияса народнӧй фронтлысь да регионса Веськӧдлан котырлысь Коми Республикаса олысьяслы бур вылӧ ӧтувъя уджсӧ, а сідзжӧ гражданалысь олӧмсӧ бурмӧдӧм серти вӧзйӧмъяссӧ.
«Ставроссияса народнӧй фронт пыр уджалӧ медсьӧкыд мытшӧдъяскӧд, видзӧдӧ Россияса Президентлысь тшӧктӧмъяссӧ, кутшӧмъясӧс веськӧдӧма гражданалысь олӧмсӧ бурмӧдӧм вылӧ, олӧмӧ пӧртӧм бӧрся, лӧсьӧдӧ вӧзйӧмъяс да, мый торйӧн нин тӧдчана, вӧчӧ ставсӧ йӧзкӧд ӧтвылысь.
Тайӧ воча йитӧдыс, канму помшуӧмъяс примитігӧн йӧзлӧн пырӧдчӧмыс отсалӧ миянлы збыльмӧдны республика водзын сулалысь могъяссӧ», — пасйис Коми Республикаса Юралысь Владимир Уйба.
Коми Республикаын ставроссияса народнӧй фронтлӧн регионса исполкомӧн юрнуӧдысь Андрей Мишарин сетіс Коми Республикаса Юралысьлы ставроссияса народнӧй фронтлӧн регионса юкӧнсянь вӧзйӧмъяс сы серти, кыдзи позьӧ разьны йӧзлы тӧдчана мытшӧдъяссӧ, на лыдын — сьӧкыда ветлысь гражданалы отсалӧм да вермытӧмъяслы мытшӧдтӧм гӧгӧртас лӧсьӧдӧм, медицина отсӧг бурмӧдӧм, туйяс дзоньталӧм, мутасъяс бурмӧдӧм-мичмӧдӧм, социальнӧй юкӧнын кадръясӧн могмӧдӧм, социальнӧй предпринимательстволы отсалӧм.
«Вӧзйӧмъяссӧ лӧсьӧдӧма миянӧн нуӧдӧм регионса конференциялӧн кывкӧртӧдъяс серти. Найӧ лоӧны Ставроссияса народнӧй фронтлӧн повесткаын медтӧдчана компонентӧн во гӧгӧр чӧж.
Найӧс ставсӧ позьӧ збыльмӧдны да найӧ йитчӧны уна йӧзлы инмана юалӧмъяскӧд.
Мукӧд вӧзйӧмсӧ ми водзынджык ыстылім Коми Республикаса Веськӧдлан котырӧ да миянлы воис некымын министрсянь вочакыв, сёрнитчим ӧтув уджалӧм йылысь», — висьталіс Андрей Мишарин.
Мукӧд вӧзйӧмсӧ висьталісны аддзысьлігӧн.
Ӧтиыс на пиысь йитчӧ вермытӧм челядьлы республикаын челядь лагеръясын гожся шойччӧм котыртӧмкӧд.
Ставроссияса народнӧй фронтӧ пырысьяс индісны сы вылӧ, мый объектъясӧ оз вермыны пырны сьӧкыда ветлысь челядь: зданиеясын абуӧсь пандусъяс, санитарнӧй жыръяссӧ абу лӧсьӧдӧма.
«Сійӧ, мый тайӧ сменаяссӧ таво котыртӧма, тайӧ ыджыд буртор нин, босьтны кӧ тӧд вылӧ коронавирус пандемия да сыкӧд йитчӧм дзескӧдӧмъяс.
Таысь бать-мам ёна аттьӧалӧны.
Но республикаса абу став лагерын лӧсьӧдӧма условиеяссӧ, медым сэні шойччисны вермытӧм челядь.
Та вӧсна ми индам Коми Республикаса велӧдан, наука да том йӧз политика министерстволы сы вылӧ, мый татшӧм условиеяссӧ колӧ быть лӧсьӧдны.
Медым челядь, кодъяс сьӧкыда ветлӧны, омӧля кылӧны, аддзӧны, вермисны шойччыны чужан республикаын, эз видзны уна сьӧм мукӧд регионӧ ветлӧм вылӧ», — гӧгӧрвоӧдіс Ставроссияса народнӧй фронтлӧн регионса штабӧ пырысь Елена Иванова.
Коми Республикаса Юралысь ошкис вӧзйӧмсӧ: «Ті дзик правӧсь.
Ми босьтчим нин тайӧ уджӧ, кутам водзӧ сійӧс паськӧдны.
Таысь кындзи, кӧсъям сӧвмӧдны реабилитируйтан система: Льӧмъюын Иван Павлович Морозов нима дзоньвидзалунын дзескӧдӧм позянлуна челядьлы да ныв-зонпоснилы шӧрин подув вылын кӧсъям восьтыны вогӧгӧрся реабилитируйтан комплекс.
Тайӧ ыджыд проект, кодӧс ми кӧсъям збыльмӧдны Коми Республикаӧс социальнӧй да экономика боксянь сӧвмӧдан уджтас серти.
Ӧні ми уджалам сы вылын, Россияса Президентлӧн тшӧктӧм серти сійӧс колӧ сетны 2022 вося рака тӧлысь кежлӧ».
Владимир Уйба сідзжӧ ошкис ставроссияса народнӧй фронтлӧн регионса водзмӧстчысьяслысь вӧзйӧмсӧ сы серти, мый колӧ вынсьӧдны карын бур гӧгӧртас лӧсьӧдӧм серти уджсӧ вермытӧм йӧзлысь коланлунъяссӧ тӧд вылӧ босьтӧмӧн.
«Тайӧ юалӧмсӧ ми бура видлалім Коми Республикаса Юралысь бердын вермытӧмъяслӧн делӧяс серти сӧветлӧн заседание дырйи, Маргарита Михайловна Колпащиковакӧд да Илья Анатольевич Костинкӧд.
Талун социальнӧй объектъяс стрӧитігӧн либӧ мутасъяс бурмӧдӧм-мичмӧдігӧн гежӧда босьтӧны тӧд вылӧ сьӧкыда ветлысь гражданаӧс да вермытӧм йӧзӧс.
Татшӧм жӧ помка вӧсна ме водзынджык вӧзйылі муниципалитетъясӧн юрнуӧдысьяслы, медым быдӧнлӧн вӧлі вермытӧмъяслӧн делӧяс серти отсасьысь либӧ сӧветник, кодкӧд сӧгласуйттӧг оз позь примитны татшӧм сяма ни ӧти проект.
Сы могысь, медым вермытӧм йӧзлысь коланлунъясӧ тӧд вылӧ босьтӧмӧн лӧсьӧдны карын да сиктын бур гӧгӧртас, колӧ торъя федеральнӧй уджтас.
Мытшӧдыс ыджыд, сійӧс колӧ разьны канму тшупӧдын», — висьталіс Владимир Уйба.
Аддзысьлӧмӧ пырӧдчисны Ставроссияса народнӧй фронтлӧн регионса исполкомӧн юрнуӧдысь Андрей Мишарин, Ставроссияса народнӧй фронтлӧн регионса юкӧнӧн ӧтув веськӧдлысьяс Михаил Ковалёв, Татьяна Астарханова да Вадим Мечетин, Ставроссияса народнӧй фронтлӧн регионса штабӧ пырысьяс Елена Иванова да Валентина Анфилатова, Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева, Коми Республикаса Веськӧдлан котырӧн Юрнуӧдысьӧс вежысь Лариса Карачёва, Коми Республикаса стрӧитчан, оланін да коммунальнӧй овмӧс министр Игорь Кузьмичев, Коми Республикаса культура, туризм да архив удж министр Мария Балмастова.
{Kodko (комиӧдіс Kodko) @ Владимир Уйба юкӧ шог нималана сӧветскӧй лыжница Нина Рочевалӧн кувсьӧм вӧсна @ выльтор @ https://rkomi.ru/news/1704 @ 2022-01-08 @}
Владимир Уйба юкӧ шог нималана сӧветскӧй лыжница Нина Рочевалӧн кувсьӧм вӧсна
Кувсис 1980 вося тӧвся Олимпийскӧй ворсӧмъясын призёр, мирса чемпионка, Сӧветскӧй Союзса куимысь чемпионка, СССР-са нимӧдана спорт мастер Нина Петровна Рочева. Сылы эськӧ тырис 74 арӧс.
«Коми Республикалы тайӧ ыджыд вошӧмтор.
Кувсис нималана спортсменка, мирса чемпионка, Олимпийскӧй ворсӧмъясын призёр Нина Петровна Рочева.
Нималана лыжница, зіль морт, сійӧ уна вӧчис, медым сӧвмӧдны лыжиӧн котралӧм.
Верӧс Василий Павлович Рочевкӧд быдтіс зэв бур челядьӧс, кодъяс шедӧдісны ыджыд вермӧмъяс лызьӧн ордйысьӧмъясын.
Юка тайӧ курыд шогсӧ Нина Петровна Рочевалӧн рӧдвужкӧд, матыссаяскӧд да уджъёртъяскӧд».
{Kodko (комиӧдіс Kodko) @ Владимир Уйба: «Естественнӧй монополия субъектъяслӧн удж бӧрся ӧтйӧза контрольсӧ кутам нуӧдны водзӧ» @ выльтор @ https://rkomi.ru/news/1705 @ 2022-01-10 @}
Владимир Уйба: «Естественнӧй монополия субъектъяслӧн удж бӧрся ӧтйӧза контрольсӧ кутам нуӧдны водзӧ»
Владимир Уйба нуӧдіс Естественнӧй монополия субъектъяслӧн удж серти Коми Республикаса Юралысь бердын Ньӧбасьысьяслӧн отраслькостса сӧветлысь заседание.
Видлалісны ресурсъясӧн могмӧдан юкӧнын республикаса куим медыджыд предприятиелысь инвестиция уджтасъяссӧ: «Сыктывкарса Водоканал» ВАК, «Шоныд сетан Усинскса компания» ИКК да «Шоныд сетан Коми компания» АК.
«Естественнӧй монополия субъектъяслысь инвестиция удж планируйтӧмыс да збыльмӧдӧмыс тӧдчӧ услугаяслӧн тарифъяс да ногтуй вылӧ, инфляция вылӧ.
Мукӧддырйи естественнӧй монополия субъектъяслӧн услугаясыс веськыда йитчӧны гражданалӧн оланногкӧд да регионын инвестицияяс серти ӧтувъя серпаскӧд.
Та понда ми водзӧ кутам бура видзӧдны налӧн удж бӧрся, медъёнасӧ донъяс артмӧдан да гырысь инвестиция проектъяс збыльмӧдан юкӧнын», — гӧгӧрвоӧдіс Коми Республикаса Юралысь Владимир Уйба.
Организацияясӧн юрнуӧдысьяс юӧртісны, кыдзи збыльмӧдӧма шоныдӧн могмӧдӧм, юан ва бурмӧдӧм, ортсӧ лэдзан ваяс весалӧм серти 2020 вося инвестиция уджтасъяссӧ.
Тӧдмӧдісны, кыдзи кутасны збыльмӧдны 2021 вося инвестиция уджтасъяссӧ.
«Сыктывкарса Водоканал» восьса акционер котырлӧн 2014-2020 воясся инвестиция уджтас серти выльмӧдӧма насоснӧй станцияяслысь оборудование, пуктӧма энергетическӧй ресурсъяс арталан приборъяс, пыртӧма технологическӧй уджъяс автоматизируйтан системаяс.
Уджтас збыльмӧдӧм вылӧ компания видзис 483,5 млн шайт.
Уджтасса мероприятиеяслысь 88 % могмӧдӧма сьӧмӧн амортизируйтан отчислениеяс да нормативнӧй чуктӧс* тшӧт весьтӧ, мый урчитӧма юан ва да ва нуӧдӧм вылӧ тарифъясын.
Уджтас збыльмӧдӧм вылӧ рӧскодлӧн ӧтувъя мындаысь кольӧм 12 % — тайӧ ладмӧдан органӧн вынсьӧдӧм тариф серти ваӧн могмӧдан да ва нуӧдан централизуйтӧм системаяс дорӧ йитчӧмысь мынтысьӧм.
«Сыктывкарса Водоканал» восьса акционер котырлӧн 2021-2023 вояс вылӧ инвестиция уджтас вылӧ планируйтӧма вичмӧдны 196,7 млн шайт.
Сьӧмсӧ веськӧдасны I подъёма насоснӧй станциялысь оборудование ӧнъяӧдӧм, Гӧрд гӧра местасянь Петрозаводск уличаӧдз II подъёма насоснӧй станциясянь водовод выльмӧдӧм, ва провод везъяс выльмӧдӧм, Сыктывкарса Алёшин местаын юан валысь ӧшмӧс санитарнӧя видзан зоналысь медводдза пояс ӧградитӧм, Човъю местаын 8 №-а да 9 №-а олан керкаяс ваӧн могмӧдӧм могысь водоразборнӧй колонка пуктӧм вылӧ да мукӧд мероприятие вылӧ.
Отраслькостса сӧветӧ пырысьяс индісны «Сыктывкарса Водоканал» восьса акционер котырӧн юрнуӧдысьяслы, мый 2022 вося дзоньтасян кадӧ колӧ бурджыка кутчысьны му уджъяс нуӧдан кадколастӧ да нуӧданногӧ.
«Шоныд сетан Усинскса компания» ичӧт кывкутана котыр збыльмӧдӧ 2019-2027 вояс вылӧ вынсьӧдӧм инвестиция уджтас.
Сэні урчитӧма, мый колӧ сьӧрсьӧн-бӧрсьӧн вежны чугунысь омӧля ва шонтан пӧртъяссӧ стальысь ӧнія пӧртъяс вылӧ, выльмӧдны насоснӧй оборудование, вежны Ва шонтан шӧр котельнӧйын техническӧй оборудование да лӧсьӧдны ӧтувтӧм веськӧдлысь щит.
Проектъяссӧ збыльмӧдӧны компаниялӧн ас сьӧм (инвестиция юкӧн тарифын) да собственниклӧн — «Усинск» КК МЮ-лӧн администрациялӧн тшӧт весьтӧ.
«Шоныд сетан Усинскса компания» ичӧт кывкутана котырӧн юрнуӧдысьяс норасьӧны стрӧитчан материалъяслӧн дон кыпалӧм вылӧ (та понда пӧдраднӧй организацияяслы сьӧкыд збыльмӧдны некымын во вылӧ урчитӧм кӧсйысьӧмъяссӧ), а сідзжӧ налы оз тырмыны вылыс квалификацияа уджалысьяс.
«Миян том йӧзлӧн абу уджыс, а ті шуанныд «йӧзыс оз тырмыны».
Сідзкӧ, аслыным колӧ дасьтыны уджалысьясӧс, колӧ сёрнитчыны Усинскса политехническӧй техникумкӧд, ухтаса училищеяскӧд целевӧя велӧдчӧм йылысь да лӧсьӧдны уджалысьяслы бур условиеяс, медым найӧ кольччисны уджавны пыр кежлӧ, а эз мунны мӧд предприятиеясӧ», — вӧзйис Коми Республикаса Юралысь Владимир Уйба.
Ваӧн могмӧдан юкӧнын «Шоныд сетан Коми компания» акционер котырлӧн инвестиция удж серти уна мероприятие збыльмӧдсьӧ, медым бурмӧдны юан васӧ да медъёнасӧ стрӧитны ва весалан станцияяс.
Ва нуӧдан юкӧнын медшӧр инвестицияяссӧ веськӧдӧма канализационнӧй весалан станцияяс лӧсьӧдӧм вылӧ, сы вӧсна мый республикаса уна олан пунктын либӧ найӧ абуӧсь, либӧ найӧс колӧ выльмӧдны.
Шоныдӧн могмӧдан юкӧнын медшӧр инвестицияяссӧ веськӧдӧма шоныд сетан техническӧй оборудование вежӧм да важмӧмаяс пыдди блочно-модульнӧй котельнӧйяс пуктӧм вылӧ.
2020 во кежлӧ 15 планируйтӧм мероприятиеысь збыльмӧдӧма 12 мероприятие.
2022 во вылӧ вуджӧдӧма Кӧрткерӧс районса Шойнаты сиктын котельнӧйлысь техническӧй оборудование вежӧмсӧ. Сэні колӧ содтӧд выльмӧдны пӧим да из шом колясъяс бырӧдан установка, весалӧм ва видзан дозъяс.
Мылдін посёлокын 4 №-а из шом котельнӧйсӧ кӧсйӧны вуджӧдны биару вылӧ тарифысь ӧтдор нажӧвитӧм сьӧм тшӧт весьтӧ инвестиция уджтасысь ӧтдор, биару провод нюжӧдӧмын сьӧкыдлунъяс понда вуджӧдӧмсӧ вештӧма 2022 во вылӧ — колӧ пыртны вежсьӧмъяс проектӧ.
Удора районса Благоев посёлокын колис наклоннӧя буритны, медым йитны ва весалан станциясӧ.
Республикаса Юралысь Владимир Уйба кывкӧрталіс, мый ресурсъясӧн могмӧдысь организацияяслы колӧ збыльмӧдны 2022 во кежлӧ став сетӧм кӧсйысьӧмсӧ.
Та дырйи бурмӧдны услугаяслысь зумыдлунсӧ да ногтуйсӧ колӧ сӧмын тарифын инвестицияяс тшӧт весьтӧ, вӧдитчысьяслысь содтӧд сьӧм кыскытӧг.
*Нормативнӧй чуктӧссӧ арталӧ ладмӧдысь орган быд во тарифъяс урчитігӧн мындаын, мыйта оз вевтырт производстволӧн рӧскодысь 7 %.
{Kodko (комиӧдіс Kodko) @ Дмитрий Черницынӧс мездӧма Коми Республикаса ньӧбасьӧм нуӧдан комитетӧн веськӧдлысь чинысь @ выльтор @ https://rkomi.ru/news/1708 @ 2022-01-11 @}
Дмитрий Черницынӧс мездӧма Коми Республикаса ньӧбасьӧм нуӧдан комитетӧн веськӧдлысь чинысь
Та йылысь тшӧктӧм кырымаліс Коми Республикаса Юралысь Владимир Уйба.
2022 вося тӧвшӧр тӧлысь 11 лунсянь Коми Республикаса ньӧбасьӧм нуӧдан комитетӧн веськӧдлысьлысь могъяссӧ кутас олӧмӧ пӧртны Коми Республикаса ньӧбасьӧм нуӧдан комитетӧн веськӧдлысьӧс вежысь Юлия Котова.
Коми Республикаса Юралысьлӧн 2022 во тӧвшӧр тӧлысь 10 лунся 1-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын мездыны Дмитрий Александрович Черницынӧс Коми Республикаса ньӧбасьӧм нуӧдан комитетӧн веськӧдлысь чинысь.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2022 во тӧвшӧр тӧлысь 10 лунся 2-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 во тӧвшӧр тӧлысь 11 лунсянь индыны Коми Республикаса ньӧбасьӧм нуӧдан комитетӧн веськӧдлысьлысь могъяс олӧмӧ пӧртысьӧн Юлия Сергеевна Котоваӧс, Коми Республикаса ньӧбасьӧм нуӧдан комитетӧн веськӧдлысьӧс вежысьӧс.
{Kodko (комиӧдіс Kodko) @ Коми Республикаса Юралысь чолӧмалӧ Россияса печать лунӧн @ выльтор @ https://rkomi.ru/news/1713 @ 2022-01-13 @}
Коми Республикаса Юралысь чолӧмалӧ Россияса печать лунӧн
«Йӧзӧс юӧртан средствоясын да полиграфия предприятиеясын пыдди пуктана уджалысьяс да ветеранъяс!
Сьӧлӧмсянь чолӧмала тіянӧс уджсикас гажӧн — Россияса печать лунӧн!
Республикаса йӧзӧс юӧртан средствоясын уджалӧ сюрс гӧгӧр морт. Найӧ зіля юӧртӧны регионын да странаын став тӧдчана лоӧмтор йылысь, пуктӧны ыджыд пай зумыдлун да сӧгласлун видзӧмӧ.
Отрасльса ветеранъяс асланыс уджӧн петкӧдлӧны том йӧзлы пример.
2021 во вӧлі озыр уна сикас мероприятиеӧн. На йылысь гижисны карса, районса, республикаса газет-журналын, а сідзжӧ йӧзӧс юӧртан электроннӧй средствоясын.
Торйӧн колӧ пасйыны, кутшӧм бура ті тӧдмӧдінныд олысьясӧс коронавирус пандемия йылысь стӧч юӧрӧн.
Та йылысь юӧрсӧ позис тӧдмавны уналаысь, но медшӧр пыдди пуктана ӧшмӧсӧн бара лоисны йӧзӧс юӧртан официальнӧй средствояс.
Ӧнія кадӧ журналистъяслы колӧ ӧтпырйӧ уджавны уна сикас нырвизьын, анализируйтны да сьӧрсьӧн-бӧрсьӧн лӧсьӧдны тӧдмӧгъяс, зіля вуджны ӧти форматысь мӧд вылӧ, да та дырйи гижны бур материал.
Мед тіян творчество, восьсалун, веськыдлун, чужан республикаӧс радейтӧм отсаласны венны став сикас сьӧкыдлунсӧ, збыльмӧдны уджын тӧдчана могъяс.
Сьӧлӧмсянь сиа тіянлы крепыд дзоньвидзалун, творчествоын ыджыд вермӧмъяс, мӧрччана да вунӧдлытӧм материалъяс!»
[Коми Республикаса Юралысь Владимир Уйба]
{Kodko (комиӧдіс Kodko) @ Владимир Уйба чолӧмаліс «Василей» фестивальӧ пырӧдчысьясӧс да гӧсьтъясӧс @ выльтор @ https://rkomi.ru/news/1715 @ 2022-01-13 @}
Владимир Уйба чолӧмаліс «Василей» фестивальӧ пырӧдчысьясӧс да гӧсьтъясӧс
Кыдзи и пыр, Важ Выль во водзвылын, тӧвшӧр тӧлысь 13 лунӧ, Кулӧмдін сиктса Культура керкаын юргис «Василей» ӧнія коми сьыланкывлы сиӧм XXIX республиканскӧй фестиваль.
Гаж вылӧ волісны Сыктывкарысь, Изьва, Койгорт, Кӧрткерӧс, Сосногорск, Сыктывдін, Сыктыв, Удора да Кулӧмдін районъясысь, а сідзжӧ Санкт-Петербургысь сьылысьяс да композиторъяс.
«Фестивальсӧ оз прӧста шуны миян республикаын медтӧдчана гажъяс лыдысь ӧтиӧн.
Уналы — тайӧ творчествоын тӧдчана тшупӧд, мый ышӧдӧ мунны водзӧ.
Тайӧ торйӧн нин тӧдчана налы, кодъяс медводдзаысь видлӧны асьнысӧ композитор, поэт, сьылысь уджын.
Ме тӧда, мый талун участникъяс пӧвстын татшӧм йӧзыс эмӧсь.
Эска, мый конкурсантъяслӧн енбиыс, йӧзкостса сьыланкыв дорӧ муслуныс воасны сьӧлӧм вылӧ видзӧдысьяслы да жюриӧ пырысьяслы», — пасйис Коми Республикаса Юралысь.
Сідзжӧ Владимир Уйба чолӧмаліс 75 арӧс тыртӧмӧн Василий Григорьевич Лодыгинӧс, «Василейлы» подув пуктысьяс пиысь ӧтиӧс: «Василий Григорьевич, чолӧмала юбилейӧн!
Йӧзыс радейтӧны тіянлысь творчествонытӧ, енбинытӧ.
Сиа Тіянлы куслытӧм ловби, помтӧм вын да, дерт жӧ, творчествоын выль вермӧмъяс».
Фестивальлӧн конкурсӧ пырис 15 сьыланкыв.
Найӧ юргасны нёль номинацияын: «Чужан му йылысь сьыланкыв», «Радейтчӧм йылысь сьыланкыв», «Том йӧзлӧн сьыланкыв» да «Шмонитана сьыланкыв».
Кыдзи пасйӧны котыртысьяс, фестивальыс вочасӧн паськалӧ, а артистъясыс, кодъяс фестиваль вылын водзынсӧ сӧмын сьылісны, видлӧны асьнысӧ выль сикас творчествоын.
Жюриӧ пырӧны — Россия Федерацияса культураын нимӧдана уджалысь, Коми Республикаса нимӧдана уджалысь Виктор Напалков, Коми Республикаса искусствоын почёта уджалысь Владимир Юрковский, Коми Республикаса нимйӧза артист Сергей Гусев, Россияса Гижысь котырӧ пырысь Елена Ельцова, а сідзжӧ Йӧзкост творчество сӧвмӧдан да тӧдӧмлун кыпӧдан шӧринӧс петкӧдлысьяс Людмила Баева да Ирина Любименко.
Налы ковмас донъявны петкӧдчӧмъяссӧ, индыны гран-при босьтысьӧс да номинацияясын вермысьясӧс.
Видзӧдысьяс тшӧтш вермасны сетны ассьыныс гӧлӧссӧ медбур сьыланкыв вӧсна.
* * *
«Василей» гаж чужис 1993 воӧ.
Сэки сійӧ вӧлі район тшупӧда фестивальӧн. Подувсӧ сылы пуктісны куим Василей: Василий Гущин, Василий Лодыгин да Василий Чувьюров.
«Василей» районнӧй фестивальсӧ нуӧдӧны тӧвшӧр тӧлысь 13 лунӧ, стӧчджыка кӧ, Василей рытӧ.
Некымын воӧн ичӧтик гаж быдмис «Василей» ӧнія коми сьыланкывлы сиӧм республиканскӧй фестивальӧдз.
{Kodko (комиӧдіс Kodko) @ «Чужан му» сьыланкыв босьтіс «Василей» фестиваль вылын гран-при @ выльтор @ https://rkomi.ru/news/1716 @ 2022-01-13 @}
«Чужан му» сьыланкыв босьтіс «Василей» фестиваль вылын гран-при
Сьыліс Валентина Лебедева, сійӧ жӧ гижис шыладсӧ.
Кывъясыс — Нина Обрезковалӧн.
Шылада конкурсын вермысьяслы медшӧр наградасӧ сетіс Коми Республикаса Юралысь Владимир Уйба.
«Талунъя рытыс прӧйдитіс зэв бура.
Аттьӧала участвуйтысьясӧс, котыртысьясӧс, артистъясӧс, авторъясӧс да сьылысьясӧс тайӧ гажсӧ кыпыда котыртӧмысь да нуӧдӧмысь.
abu
Кыдзи талун сьывсис, ставыс заводитчӧ чужан му да сылӧн аддзывлытӧм аслыспӧлӧслун дорӧ муслунсянь.
Став сьӧлӧмсянь чолӧмала вермысьясӧс.
Сиа «Василейлы», кыдзи шулывлӧны, кузь, шуда да тыр-бур олӧм.
Дерт, ни ӧти татшӧм гаж оз вермы лоны видзӧдысьтӧг, сылӧн отсӧгтӧг да радейтӧмтӧг.
Аттьӧала видзӧдысьясӧс сьылысьяссӧ да авторъяссӧ шоныда примитӧмысь.
Кыдзи пасйис Сергей Владимирович [Рубан, Кулӧмдін районса администрацияӧн юрнуӧдысь — пасйӧд], кытчӧдз часіыс оз во 12 часӧдз, Кулӧмдінӧ оз во Выль во.
А ме шуа: кытчӧдз оз сьыв «Василей», республикаын оз заводитчы Выль во.
«Василей» сьыліс, Выль воӧн!
Ставлы шуд, тыр-бур олӧм да став бурсӧ!», — сиис республикаса Юралысь Владимир Уйба.
{Kodko (комиӧдіс Kodko) @ Владимир Уйба аттьӧаліс прокуратура органъясса уджалысьясӧс служебнӧй долглы веськыдлунысь @ выльтор @ https://rkomi.ru/news/1720 @ 2022-01-14 @}
Владимир Уйба аттьӧаліс прокуратура органъясса уджалысьясӧс служебнӧй долглы веськыдлунысь
Тӧвшӧр тӧлысь 14 лунӧ Коми Республикаса Юралысь пырӧдчис Россия Федерацияса прокуратураын уджалысьлӧн лунлы да Россияса прокуратура артмӧдӧмсянь 300 во тырӧмлы сиӧм кыпыд собраниеӧ.
Таысь кындзи, таво тырӧ 100 во Коми Республикаса прокуратура артмӧдӧмсянь.
Владимир Уйба пасйис, мый прокуратура могмӧдӧ страналысь зумыдлунсӧ да безопасносьтсӧ, босьтӧ ыджыд ин гражданалысь инӧдъяс да вӧля могмӧдӧмын.
«Быд во республикаса прокуратура органъяс эрдӧдӧны 24 сюрс сайӧ оланпас торкалӧм.
Ті вӧчанныд ыджыд да тӧдчана удж сэтшӧм юкӧнъясын, кыдзи инӧда пӧрадок видзӧм, удж да оланін оланпастэчасӧ кутчысьӧм, национальнӧй проектъяс збыльмӧдӧм борся дӧзьӧритӧм.
Ме аттьӧала тіянӧс уджнытӧ бура тӧдӧмысь, веськыдлунысь, кывкутӧмӧн уджалӧмысь, сьӧлӧмсянь зільӧмысь, служебнӧй долг пыдди пуктӧмысь.
Торйӧн нин аттьӧала ведомствоса ветеранъясӧс.
Чолӧмала республикаса прокуратураын став уджалысьӧс да сиа крепыд дзоньвидзалун, шуд, Аймулы да Оланпаслы, йӧзлы да канмулы служитӧмын вермӧмъяс!», — шуис Коми Республикаса Юралысь.
Владимир Уйба сетіс прокуратура органъясса уджалысьяслы Коми Республикаса Юралысьлысь аттьӧалана письмӧяс.
* * *
Коми Республикаын оланпаслун да инӧда пӧрадок ёнмӧдӧмсӧ могмӧдӧмын, мортлысь да гражданинлысь инӧдъяс да вӧля дорйӧмын заслугаясысь Коми Республикаса Юралысьлысь аттьӧалана письмӧяс сетӧма:
Константин Владимирович Ковалевлы — Федеральнӧй оланпастэчас олӧмӧ пӧртӧм бӧрся дӧзьӧр серти веськӧдланінса начальниклы, юстицияса шӧр сӧветниклы;
Игорь Викторович Колесниковлы — Федеральнӧй оланпастэчас олӧмӧ пӧртӧм бӧрся дӧзьӧр серти веськӧдланінлӧн экономика да вӧр-ва видзан юкӧнын оланпастэчас олӧмӧ пӧртӧм бӧрся дӧзьӧр серти юкӧнса начальниклы, юстицияса сӧветниклы;
Елена Михайловна Кузьминалы — тыр арлыдтӧмаяслӧн да том йӧзлӧн делӧяс серти юкӧнса шӧр прокурорлы, юстицияса сӧветниклы;
Денис Николаевич Кипрушевлы — Удора районса прокурорӧс вежысьлы, юстицияса сӧветниклы.
{Kodko (комиӧдіс Kodko) @ Владимир Уйба дугӧдіс республикаса Веськӧдлан котырлысь уджсӧ @ выльтор @ https://rkomi.ru/news/1723 @ 2022-01-17 @}
Владимир Уйба дугӧдіс республикаса Веськӧдлан котырлысь уджсӧ
Та йылысь Коми Республикаса Юралысь висьталіс пресс-брифинг дырйи выльлунӧ, тӧвшӧр тӧлысь 17 лунӧ.
Татшӧм кывкӧртӧдсӧ Владимир Уйба гӧгӧрвоӧдіс сійӧн, мый республикаӧс сӧвмӧдан выль могъяссӧ колӧ збыльмӧдны нин выль командалы.
Медводз тайӧ экономика диверсифицируйтӧм да Регионӧс социальнӧя да экономика боксянь сӧвмӧдан уджтас збыльмӧдӧм, Россияса Президентлӧн тшӧктӧм серти сійӧс колӧ вынсьӧдны 2022 вося рака тӧлысьысь оз сёрджык.
Та дырйи Коми Республикаса Юралысь аттьӧаліс регионса кабминӧ вӧвлӧм пырысьясӧс ӧтувъя уджысь да пасйис, мый кольӧм воыс вӧлі зэв тӧдчанаӧн да бур бӧртасаӧн: «Нуӧдӧма ыджыд ӧтувъя удж.
Пандемия дырйи экономика бурмӧдӧмкӧд йитчӧм медтӧдчана уджъяс нуӧдӧм, став социальнӧй могсӧ олӧмӧ пӧртӧм кындзи Веськӧдлан котыр збыльмӧдіс и стратегическӧй могъяс.
Пуктӧма зумыд подув республикалысь аскиа лунсӧ сӧвмӧдӧм вылӧ.
Ми выль ног видлалім Регионӧс социальнӧя да экономика боксянь сӧвмӧдан стратегиясӧ.
Экономика бурмӧдӧм, уджын бур бӧртасъясӧдз унджык воӧдчӧм, бизнес нуӧдӧм вылӧ бур условиеяс лӧсьӧдӧм серти шӧр уджалан нырвизьяссӧ пыртӧма Инвестиция посланиеӧ да Коми Республикаса инвестиция декларацияӧ».
Владимир Уйбалӧн кывъяс серти, республикаса Веськӧдлан котырӧ выль пырысьяслӧн медтӧдчана мог — петкӧдны экономикаӧс выль бур тшупӧд вылӧ обработайтан производствояс, перъян сырьё да вӧр-ва озырлун пыдіа переработайтан производствояс сӧвмӧдӧм серти.
Тайӧ тыдовтчис 2021-2026 вояс вылӧ Коми Республикаса экономика диверсифицируйтӧм серти федеральнӧй тшупӧдын ошкӧм планын.
Документӧ пырис 50 гырысь инвестиция проект, кутшӧмъяс серти 2026 воын регионса экономикаӧ кӧсйӧны кыскыны 150 млрд шайт аспом инвестиция из шомкӧд абу йитчӧм отрасльясӧ да лӧсьӧдны выль уджалан местаяс.
«Тайӧ сетас позянлун петкӧдны регионнымӧс выль сӧвмӧдан тшупӧд вылӧ, лоас подулӧн отрасльяс экономика боксянь бурмӧдӧм вылӧ, кутшӧмъяс пӧвстын — республикаын сӧвмысь вӧр промышленносьт комплекс, видз-му овмӧс, рудаа да абу кӧрт мупытшса озырлун перйӧм.
Торйӧн колӧ видзӧдны, кыдзи бурмӧдӧны республикаса олысьяслысь олӧмсӧ, а сідзжӧ кыдзи сӧвмӧдӧны социальнӧя доръян да йӧзлысь дзоньвидзалун видзан юкӧнъяс, мичмӧдӧны-бурмӧдӧны каръяс да сӧвмӧдӧны оланін да коммунальнӧй инфраструктура, медым йӧзыс кӧсйисны овны да уджавны республикаын», — шуис Владимир Уйба.
Коми Республикаса Веськӧдлан котырӧ выль пырысьяс йылысь юӧртасны сёрӧнджык.
Тайӧ кадӧдзыс кабминӧ пырысьяс водзӧ кутасны уджавны кывкутана могъяс олӧмӧ пӧртысьяс пыдди.
«Выль пырысьясӧс индытӧдз Веськӧдлан котырӧн Юрнуӧдысьлысь уджмогъяссӧ кутас пӧртны олӧмӧ Эльмира Ахтямовна Ахмеева», — юӧртіс Коми Республикаса Юралысь Владимир Уйба.
{Kodko (комиӧдіс Kodko) @ Владимир Уйба примитіс кадръяс серти помшуӧмъяс @ выльтор @ https://rkomi.ru/news/1726 @ 2022-01-17 @}
Владимир Уйба примитіс кадръяс серти помшуӧмъяс
Коми Республикаса Юралысь кырымаліс кадръясӧс индӧм йылысь тшӧктӧмъяс.
Денис Шароновӧс мездӧма Коми Республикаса видз-му овмӧс да потребительскӧй рынок министр чинысь.
2022 вося тӧвшӧр тӧлысь 18 лунсянь Коми Республикаса видз-му овмӧс да потребительскӧй рынок министрлысь могъяссӧ кутас пӧртны олӧмӧ Ольга Бабина, Коми Республикаса видз-му овмӧс да потребительскӧй рынок министрӧс вежысь.
Алексей Кузнецовӧс мездӧма Коми Республикаса вӧр-ва озырлун да гӧгӧртас видзан министр чинысь.
2022 вося тӧвшӧр тӧлысь 18 лунсянь Коми Республикаса вӧр-ва озырлун да гӧгӧртас видзан министрлысь могъяссӧ кутас пӧртны олӧмӧ Андрей Якимов, Коми Республикаса вӧр-ва озырлун да гӧгӧртас видзан министрӧс медводдза вежысь.
Коми Республикаса Юралысьлӧн 2022 во тӧвшӧр тӧлысь 17 лунся 6-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын мездыны Денис Владимирович Шароновӧс Коми Республикаса видз-му овмӧс да потребительскӧй рынок министр чинысь.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2022 во тӧвшӧр тӧлысь 17 лунся 7-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын мездыны Алексей Владимирович Кузнецовӧс Коми Республикаса вӧр-ва озырлун да гӧгӧртас видзан министр чинысь.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2022 во тӧвшӧр тӧлысь 17 лунся 8-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося тӧвшӧр тӧлысь 18 лунсянь индыны Коми Республикаса видз-му овмӧс да потребительскӧй рынок министрлысь могъяс олӧмӧ пӧртысьӧн Ольга Викторовна Бабинаӧс, Коми Республикаса видз-му овмӧс да потребительскӧй рынок министрӧс вежысьӧс.
Коми Республикаса Юралысьлӧн 2022 во тӧвшӧр тӧлысь 17 лунся 9-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося тӧвшӧр тӧлысь 18 лунсянь индыны Коми Республикаса вӧр-ва озырлун да гӧгӧртас видзан министрлысь могъяс олӧмӧ пӧртысьӧн Андрей Александрович Якимовӧс, Коми Республикаса вӧр-ва озырлун да гӧгӧртас видзан министрӧс медводдза вежысьӧс.
{Kodko (комиӧдіс Kodko) @ Коми Республикаса Веськӧдлан котырӧн Юрнуӧдысьлысь уджмогъяссӧ кутас пӧртны олӧмӧ Эльмира Ахмеева @ выльтор @ https://rkomi.ru/news/1727 @ 2022-01-18 @}
Коми Республикаса Веськӧдлан котырӧн Юрнуӧдысьлысь уджмогъяссӧ кутас пӧртны олӧмӧ Эльмира Ахмеева
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2022 во тӧвшӧр тӧлысь 18 лунся 10-р №-а тшӧктӧм
«Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 20 статьяса 31 юкӧн серти Коми Республикаса Веськӧдлан котырӧн Юрнуӧдысь чинӧ индытӧдз:
1. Коми Республикаса Веськӧдлан котырӧн Юрнуӧдысьлысь уджмогъяссӧ пӧртны олӧмӧ Эльмира Ахтямовна Ахмеевалы, Коми Республикаса Веськӧдлан котырӧн Юрнуӧдысьӧс вежысьлы — Коми Республикаса экономика сӧвмӧдан да промышленносьт министрлы.
2. Лыддьыны вынтӧмӧн Коми Республикаса Юралысьлысь 2020 во вӧльгым тӧлысь 5 лунся 332-р №-а тшӧктӧм.
3. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Kodko) @ Комиын омикрон-штамм паськалӧм понда ёнмӧдӧны ковидлы паныд мераяссӧ @ выльтор @ https://rkomi.ru/news/1734 @ 2022-01-20 @}
Комиын омикрон-штамм паськалӧм понда ёнмӧдӧны ковидлы паныд мераяссӧ
Дзескӧдӧмъяссӧ пыртӧны йӧзлысь дзоньвидзалунсӧ видзӧм могысь.
Тӧвшӧр тӧлысь 20 лунӧ выль коронавирус инфекция паськалӧмлы паныд удж нуӧдан республиканскӧй ведомствокостса оперативнӧй штабӧн примитӧм помшуӧмъяс подув вылын пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧдӧ.
Коми Республикаса удж сетысьяслы колӧ:
— вуджӧдны дистанционнӧй (удалённӧй) удж вылӧ 60 арӧса да арлыдаджык уджалысьясӧс, а сідзжӧ найӧс, кодъяслӧн эмӧсь хроническӧй висьӧмъяс (сьӧлӧм да вир сӧн висьӧмъяс, лолалан органъяслӧн висьӧмъяс, диабет), оз кӧ торксьы та понда организациялӧн уджыс;
— видлавны позянлун обследуйтны уджалысьясӧс COVID-19 выль коронавирус инфекция вылӧ вежоннас 3-ысь абу этшаджыкысь COVID-19 выль коронавирус инфекция босьтчӧдысь вылӧ тест-системаясӧн вӧдитчӧмӧн, кутшӧмъясӧс официальнӧя пасйӧма Россия Федерацияын.
Коми Республикаса удж, уджӧн могмӧдан да социальнӧя доръян министерстволы тшӧктӧма социальнӧя могмӧдан стационарнӧй организацияясын, кӧні граждана олӧны сутки чӧж (олӧмаяслы да вермытӧмъяслы керка-интернатъясын, психоневрологическӧй интернатъясын, йӧзӧс социальнӧя доръян юкӧнын канму услугаяс сетӧм серти шӧринъяс бердын стационарнӧй отделениеясын) пыртны COVID-19 коронавирус инфекцияысь ӧлӧдӧм вылӧ веськӧдӧм дзескӧдан мероприятиеяс, сы лыдын канмусянь федеральнӧй санитарно-эпидемиологическӧй дӧзьӧр збыльмӧдысь чина йӧзлӧн предписаниеяс, вӧзйӧмъяс подув вылын, сы лыдын индӧм организацияяссӧ пӧдса уджалан режим вылӧ вуджӧм.
2022 вося тӧвшӧр тӧлысь 21 лунсянь эпидемиологическӧй серпас бурмытӧдз Коми Республикаын недыр кежлӧ дугӧдӧны кинотеатръяслысь (кинозалъяслысь) уджсӧ, а театръяслысь, театральнӧй да концертнӧй организацияяслысь, клуб сяма учреждениеяслысь уджсӧ кутасны збыльмӧдны видзӧдысьястӧг (залсӧ тырттӧг).
Сідзжӧ 2022 вося тӧвшӧр тӧлысь 21 лунсянь Коми Республикаын эпидемиологическӧй серпас бурмытӧдз спорт мероприятиеяс нуӧдысь организацияяслысь уджсӧ кутасны збыльмӧдны видзӧдысьястӧг (залсӧ (трибунаяссӧ) тырттӧг).
{Kodko (комиӧдіс Kodko) @ Роман Шашевӧс мездӧма Коми Стройжилтехнадзор службаӧн юрнуӧдысьлысь могъяс олӧмӧ пӧртӧмысь @ выльтор @ https://rkomi.ru/news/1739 @ 2022-01-24 @}
Роман Шашевӧс мездӧма Коми Стройжилтехнадзор службаӧн юрнуӧдысьлысь могъяс олӧмӧ пӧртӧмысь
Тӧвшӧр тӧлысь 25 лунсянь Коми Республикаса стрӧитчан, оланін да техническӧй дӧзьӧр (контроль) службаӧн юрнуӧдысьлысь могъяс олӧмӧ пӧртысьӧн индӧма Ольга Микушеваӧс.
Коми Республикаса Юралысь Владимир Уйба кырымаліс лӧсялана тшӧктӧмъяс.
Коми Республикаса Юралысьлӧн 2022 во тӧвшӧр тӧлысь 24 лунся 16-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося тӧвшӧр тӧлысь 24 лунсянь мездыны Роман Анатольевич Шашевӧс Коми Республикаса стрӧитчан, оланін да техническӧй дӧзьӧр (контроль) службаӧн юрнуӧдысьлысь могъяс олӧмӧ пӧртӧмысь.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2022 во тӧвшӧр тӧлысь 24 лунся 17-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося тӧвшӧр тӧлысь 25 лунсянь индыны Ольга Михайловна Микушеваӧс Коми Республикаса стрӧитчан, оланін да техническӧй дӧзьӧр (контроль) службаӧн юрнуӧдысьлысь могъяс олӧмӧ пӧртысьӧн.
2. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Kodko) @ Содтӧд дасьлун режим пыртӧм йылысь индӧдӧ пыртӧма вежсьӧмъяс @ выльтор @ https://rkomi.ru/news/1741 @ 2022-01-24 @}
Содтӧд дасьлун режим пыртӧм йылысь индӧдӧ пыртӧма вежсьӧмъяс
Республикаса олысьяслысь дзоньвидзалунсӧ видзӧм, COVID-19 выль коронавирус инфекцияса омикрон-штаммлӧн ёна паськалӧмысь ӧлӧдӧм могысь да суткинас висьысьяслӧн лыдлысь ёна содӧмсӧ тӧд вылӧ босьтӧмӧн примитӧма ковидлы паныд содтӧд мераяс.
Коми Республикаын уджсӧ нуӧдысь удж сетысьяслы колӧ вуджӧдны 50 прӧчентысь унджык уджалысьсӧ дистанционнӧя (удалённӧя) уджалӧм вылӧ, тайӧ кӧ оз торк организациялысь уджалан режимсӧ.
2022 вося тӧвшӧр тӧлысь 25 лунсянь эпидемиологическӧй серпас бурмытӧдз Коми Республикаса йӧзлысь дзоньвидзалун видзан министерстволы тшӧктӧма пыртны медицина организацияясын, кутшӧмъяс стационарын сетӧны психиатрическӧй отсӧг (психиатрическӧй (психоневрологическӧй) больничаясын (отделениеясын), челядьлы торъя керкаясын), дзескӧдан мероприятиеяс, кутшӧмъясӧс веськӧдӧма COVID-19 выль коронавирус инфекцияысь ӧлӧдӧм вылӧ, сы лыдын индӧм организацияяссӧ пӧдса уджалан режим вылӧ вуджӧдӧмӧн.
2022 вося тӧвшӧр тӧлысь 25 лунсянь эпидемиологическӧй серпас бурмытӧдз культура организацияяс, кыдзи библиотекаяс, архивъяс, музейяс да выставочнӧй залъяс, недыр кежлӧ дугдӧны обслуживайтны волысьясӧс архивъясын да библиотекаясын, небӧгъяс да библиотека (архив) фондса мукӧд документ сетӧм кындзи, медым вӧдитчыны наӧн зданиеясысь (жыръясысь) ӧтдор водзвыв гижӧдчӧм да документъяс водзвыв закажитӧм серти.
Библиотекаясын, архивъясын, музейясын да выставочнӧй залъясын оз позь нуӧдны мероприятиеяс волысьяскӧд.
{Kodko (комиӧдіс Kodko) @ Коми Республикаса Юралысь чолӧмалӧ Россияса студентъяслӧн лунӧн @ выльтор @ https://rkomi.ru/news/1743 @ 2022-01-25 @}
Коми Республикаса Юралысь чолӧмалӧ Россияса студентъяслӧн лунӧн
«Пыдди пуктана студентъяс!
Дона ёртъяс!
Чолӧмала тіянӧс Россияса студентъяслӧн лунӧн!
Студенталан вояс — олӧмын медся яръюгыд кад.
Тайӧ кад, кор мортыс корсьӧ асьсӧ, велӧдчӧ выльторйӧ, медым водзӧ сӧвмыны уджсикасын да вӧчны карьера.
Талун республикаын вылыс да шӧр тшупӧда велӧдан учреждениеясын велӧдчӧ 32 сюрс сайӧ морт.
Миян том йӧз оз сӧмын босьтны тӧдӧмлунъяс, найӧ зіля пырӧдчӧны велӧдчанінъяслӧн олӧмӧ, нуӧдӧны ӧтйӧза удж, збыльмӧдӧны проектъяс да петкӧдлӧны ассьыныс кужӧм-сямлунсӧ да вермӧмъяссӧ уджсикас да творчество конкурсъясын, спорт ордйысьӧмъясын.
Дона студентъяс!
Мед студенталан воясӧ босьтӧм тӧдӧмлуныс лоас бур подулӧн аскиа лунлы.
Эска, мый ті верманныд вӧчны бурджыкӧн чужан республикаын олӧмсӧ.
Сьӧлӧмсянь сиа ставныдлы пыр мунны водзӧ да шедӧдны выль вермӧмъяс!»
[Коми Республикаса Юралысь Владимир Уйба]
{Kodko (комиӧдіс Kodko) @ Владимир Уйба вӧзйис Сыктывкарса вӧр институтысь студентъяслы ӧтлаӧн «вежны вӧр вылӧ видзӧдлассӧ» @ выльтор @ https://rkomi.ru/news/1747 @ 2022-01-26 @}
Владимир Уйба вӧзйис Сыктывкарса вӧр институтысь студентъяслы ӧтлаӧн «вежны вӧр вылӧ видзӧдлассӧ»
Россияса студентъяслӧн лунӧ, тӧвшӧр тӧлысь 25 лунӧ, Коми Республикаса Юралысь воліс регионса вӧр промышленносьт комплекслы кадръясӧс велӧданінӧ — С. М. Киров нима Санкт-Петербургса канму лесотехническӧй университетлӧн филиалӧ, чолӧмаліс велӧдчысьясӧс студентъяслӧн лунӧн — Таттян лунӧн.
«Институтын велӧдчигӧн кадсӧ колӧ коллявны пӧльзаӧн, зільны тӧдмавны выльтор да велӧдчыны уджсикас кужанлунъясӧ.
Но та дырйи сьӧлӧмъясаныд колӧ аддзыны места радейтчӧмлы, ёртасьӧмлы да, вермас лоны и, янсӧдчӧмлы.
Сиа, мед тайӧ кадыс колис паметяныд югыд, мича да бур казьтылӧмъяс.
Праздникӧн!», — чолӧмаліс республикаса Юралысь.
Институтӧ волігӧн Владимир Уйба аддзысьліс преподавательяскӧд, тӧдмасис вузса учебно-научнӧй лабораторияяслӧн уджӧн.
«Вӧр промышленносьт пыр медъёна сӧвмӧдіс республикаса экономика, — пасйис Владимир Уйба.
— Йӧз — миян медыджыд озырлун.
Мӧд озырлун — тайӧ вӧр.
Но ӧнія кадӧ ми вӧдитчам сыӧн тӧждысьтӧг.
Кык во сайын ме ветлі вӧрӧ, медым шойччыны, ӧктыны тшак да вотӧс. А республикаӧ локтӧм бӧрын ме восьті вӧрсӧ мӧд боксянь да чайта, мый вӧрсӧ колӧ керавны бӧрйӧмӧн, а оз ӧтпомся.
Татшӧм уджаланногсӧ ме кута вӧзйыны федеральнӧй тшупӧдын, сы лыдын кыдзи Россия Федерацияса Каналан Сӧветӧ пырысь».
Коми Республикаса Юралысь чайтӧ, мый экономика боксянь вӧр юкӧнын уджсӧ колӧ вежны.
И тайӧ могыс сулалӧ тшӧтш и Сыктывкарса вӧр институт (СВИ) помалысьяс водзын.
«Республикаса вӧр промышленносьт отрасльлы колӧны уджсикасын бур специалистъяс, сы вӧсна мый ӧнія кадӧ нин Россияса Веськӧдлан котыркӧд ӧтув ми сӧвмӧдам пыдіа переработайтан юкӧнсӧ.
Миян мог — асланым мутасын вӧчны ыджыд маржаа, дась прӧдукт, а не вузавны мӧдлаӧ миянлысь войвывса, «зарни» дӧскасӧ.
Ми виччысям тіянӧс выль, ӧнія уджалан местаяс вылӧ.
Республикаса вӧр промышленносьт комплексын найӧс лӧсьӧдасны матысса кадӧ», — стӧчмӧдіс республикаса Юралысь.
Таво вуз пасйӧ 70 во Коми Республикаын вылыс тшупӧдын вӧр велӧдӧмлы.
1952 вося косму тӧлысь 1 лунӧ Сыктывкарын воссис Ставсоюзса заочнӧй лесотехническӧй институтлӧн велӧдан-консультационнӧй пункт.
Тайӧ лунсяньыс заводитчис Сыктывкарса вӧр институтлӧн историяыс.
Ӧнія кадӧ Сыктывкарса вӧр институтын сетӧны тӧдӧмлунъяс 18 велӧдан нырвизь серти, очнӧя да заочнӧя велӧдчӧ 1400 унджык морт.
Преподавательяс лыдын эмӧсь производственникъяс — Коми Республикалӧн гырысь предприятиеясса нуӧдысь специалистъяс да юрнуӧдысьяс («Лузалес» ИКК, «Т Плюс» ПАК-лӧн «Коми» филиал, «Комитекс» АК, ФСК — ЕЭС ПАК-лӧн филиал — Магистральнӧй электрическӧй везъяслӧн Войвывса предприятие, РНА УрЮ Коми НШ ТФШ, Коми Республикаса вӧр-ва озырлун да гӧгӧртас видзан министерство, «СЛДК» ИКК, «Монди СЛПК» АК да мукӧд).
2022/23 велӧдчан воӧ цифрӧвӧй экономикаын, аграрнӧй комплексын, туйяс стрӧитӧмын да промышленнӧй экологияын планируйтӧны восьтыны выль велӧдан нырвизьяс.
{Kodko (комиӧдіс Kodko) @ Коми Республикаӧс петкӧдлысьяс казьтыштісны Ленинград дорйысьяслысь паметь @ выльтор @ https://rkomi.ru/news/1748 @ 2022-01-26 @}
Коми Республикаӧс петкӧдлысьяс казьтыштісны Ленинград дорйысьяслысь паметь
2022 вося тӧвшӧр тӧлысь 27 лунӧ пасйӧны фашистъяслӧн блокадаысь Ленинград мездӧмсянь 78 во тырӧм.
Коми Республикаӧс петкӧдланінлӧн да «Неватас» землячестволӧн делегация участвуйтіс Пискаревскӧй мемориальнӧй кладбище вылын венокъяс да дзоридзьяс пуктӧмын.
Война кадӧ Комиын олысьяс пуктісны ыджыд пай Ленинград дорйӧмӧ да мездӧмӧ.
1942 восянь кытшӧ босьтӧм карӧ Комиысь мӧдӧдісны из шом.
Ленинград дорйигӧн пӧгибнитіс уна сюрс миян земляк.
Церемонияын участвуйтысьяс Коми Республикаса Юралысьлӧн нимсянь пуктісны венок «Мать Родина» монумент дорӧ.
Казьтылан аллеяын делегацияӧ пырысьяс ӧзтісны Ленинград дорйысьясӧс казьтылан сисьяс да пуктісны казьтылан пӧвъяс дорӧ дзоридзьяс: «Коми Республикалӧн пиян да нывъяс, ми пыр казьтылам тіянӧс да шогалам тіян вӧсна» да «Воркутаса шахтёръяслы, кодъяс Ленинград кар-фронт дорйигӧн да шонтігӧн сетісны ассьыныс олӧмнысӧ фронтъяс вылын, блокада дырйи да Войкытшсайса шахтаясын, нэмчӧжся паметь».
Ленинград дорйысьясӧс ыдждӧдлісны РФ МВД-лӧн Санкт-Петербургса университетын велӧдчысь курсантъяс, кодъяс чужисны Коми Республикаын.
* * *
Коми Республикаса паметь небӧг серти, Ленинград улын пӧгибнитіс 10 сюрсысь унджык миян земляк.
Налысь подвигъяссӧ нэммӧдӧма абу сӧмын Пискаревскӧй мемориальнӧй кладбищеын.
Коми Республикаысь Ленинград дорйысьяслы памятникъяс пуктӧма «Синявинскӧй высотаяс» да «Невскӧй пятачок» воинскӧй мемориалъясын.
{Kodko (комиӧдіс Kodko) @ 2026 воӧдз Коми Республикаӧс социальнӧя да экономика боксянь сӧвмӧдан уджтасӧ пырас 7 медшӧр комплекснӧй нырвизь @ выльтор @ https://rkomi.ru/news/1750 @ 2022-01-26 @}
2026 воӧдз Коми Республикаӧс социальнӧя да экономика боксянь сӧвмӧдан уджтасӧ пырас 7 медшӧр комплекснӧй нырвизь
Коми Республикаса Веськӧдлан котырӧн Юрнуӧдысьӧс вежысь — регионса экономика сӧвмӧдан да промышленносьт министр Эльмира Ахмеева юӧртіс Коми Республикаса Юралысь Владимир Уйбалы стратегическӧй документ дасьтӧм йылысь.
Татшӧм уджтассӧ федеральнӧй тшупӧдын примитны вӧзйӧмӧн Россияса Президент Владимир Путин дорӧ шыӧдчис Коми Республикаса Юралысь Владимир Уйба.
Водзмӧстчӧмсӧ ошкисны — республикаса Веськӧдлан котырлы Россияса Веськӧдлан котыркӧд ӧтув тшӧктӧма дасьтыны да вынсьӧдны уджтассӧ 2022 вося рака тӧлысьӧдз.
Коми Республикаса экономика сӧвмӧдан да промышленносьт министерство вӧчис ыджыд удж.
Уджтас балаӧ пырӧ некымын юкӧнысь артмӧм 7 медшӧр комплекснӧй нырвизь:
1. Экономика — уджӧн могмӧдны отсалӧм, инвестиция проектъяслы условиеяс лӧсьӧдӧм (сы лыдын промышленнӧй инфраструктура, индустриальнӧй парк лӧсьӧдӧм), экономика диверсифицируйтӧм, агропромышленнӧй комплекс сӧвмӧдӧм серти мероприятиеясӧн.
2. Олан мутас.
Тані олысьясӧс лёк суӧмысь видзӧм (Инта карын из шом шахта консервируйтӧм), карын бур гӧгӧртас лӧсьӧдӧм (сы лыдын гражданаӧс Ылі Войвылысь мӧдлаӧ овмӧдан юалӧмъяс, Сыктывкарса агломерация сӧвмӧдӧм серти мастер-план дасьтӧм) серти мероприятиеяс.
3. Коммунальнӧй комплексса объектъяс ӧнъяӧдӧм, сы лыдын арктикаса каръяс (Воркута, Инта да Усинск) ваӧн дугдывтӧг могмӧдан юалӧмъяс.
4. Йӧзлысь дзоньвидзалун видзан система сӧвмӧдӧм, Воркута карын арктикаса медицина кластер, Сыктывкарын вируснӧй технологияяс шӧрин лӧсьӧдӧм, Сыктывкарын перинатальнӧй шӧрин стрӧитӧм.
5. Культура да искусство учреждениеяс сӧвмӧдӧм (Опера да балет театр, Коми Республикаса культура озырлун объектъяс выльмӧдӧм).
6. Социальнӧя могмӧдан учреждениеяс сӧвмӧдӧм.
7. Инфраструктураын дзескӧдӧмъяс бырӧдӧм, стӧчджыка кӧ, пассажиръясӧс муниципалитетъяс костын да муниципалитет пытшкын сынӧд транспортӧн новлӧдлӧмсӧ бурмӧдӧм, Коми Республикаса этша йӧза сикт-грездъясын сотӧвӧй связьсӧ сӧвмӧдӧм.
Ӧні нин позьӧ шуны, мый уджтас збыльмӧдӧм вылӧ ковмас 300 миллиард гӧгӧр шайт.
Тайӧ сьӧмкуд да сьӧмкудйысь ӧтдор сьӧм.
«Тӧвшӧр тӧлысь 10 лунӧ уджтас баласӧ ыстӧма Россия Федерацияса экономика сӧвмӧдан министерствоӧ.
Федеральнӧй шӧринса уджъёртъяс вӧчисны медводдза пасйӧдъяс, найӧс ми босьтім тӧд вылӧ.
Уджтас серти сьӧм мындасӧ стӧчмӧдам федеральнӧй олӧмӧ пӧртысь власьт органъяскӧд сӧгласуйтігӧн.
Локтан вежон заводитчигӧн ми ыстам уджтаслысь бӧръя баласӧ Россияса экономика сӧвмӧдан министерствоӧ.
Та бӧрын сійӧс колӧ дорйыны да дасьтыны Россияса Веськӧдлан котырлысь тшӧктӧм.
Тадзи вӧчисны нин Астрахань обласьт да Кузбасс», — юӧртіс Эльмира Ахмеева.
«Оз позь, медым уджтасыс мӧдпӧлаліс Национальнӧй проектъясса мероприятиеяссӧ.
Уджтасыс медводз колӧ сы вылӧ, медым збыльмӧдны могъяссӧ, кутшӧмъяслӧн абу сьӧмӧн могмӧдан мукӧд ӧшмӧсыс, но найӧ колӧны республикаӧс водзӧ сӧвмӧдӧм, йӧзлысь олӧмсӧ бурмӧдӧм вылӧ.
Колӧ бура дасьтысьны уджтассӧ дорйӧм кежлӧ, медым Россияса Веськӧдлан котыр отсаліс збыльмӧдны быд проект, быд мероприятие», — пасйис Коми Республикаса Юралысь Владимир Уйба.
{Kodko (комиӧдіс Kodko) @ Мутасъяс комплекснӧя сӧвмӧдан принцип лоӧ подув пуктанаӧн Коми Республикаса быд муниципалитетлы @ выльтор @ https://rkomi.ru/news/1753 @ 2022-01-28 @}
Мутасъяс комплекснӧя сӧвмӧдан принцип лоӧ подув пуктанаӧн Коми Республикаса быд муниципалитетлы
Татшӧм мог пуктіс регионса Юралысь Владимир Уйба республикаса Веськӧдлан котырлӧн таво вылӧ медводдза заседание дырйи.
«Мутас комплекснӧя сӧвмӧдӧм — тайӧ механизм, мый сетӧ позянлун решитны могъяс гражданаӧс киссьӧм, аварийнӧй оланінысь мӧдлаӧ овмӧдӧмын, миян муниципалитетъясын комплекснӧя стрӧитчӧмын.
Сійӧ сетӧ позянлун бурмӧдны олан условиеяс, могмӧдны олысьясӧс коммунальнӧй, транспорт, инженернӧй да социальнӧй инфраструктураӧн», — пасйис Владимир Уйба.
Докладӧн сёрнитіс Коми Республикаса стрӧитчан, оланін да коммунальнӧй овмӧс министр Игорь Кузьмичев.
Сійӧ пасйис, мый 2021 воӧ регионын тырвыйӧ лӧсьӧдӧма мутасъяс комплекснӧя сӧвмӧдан механизмӧн вӧдитчӧм вылӧ нормативнӧй инӧда база.
Сыктывкарын мутасъяс комплекснӧя сӧвмӧдӧмыс отсалас могмӧдны выль оланінӧн 10 сюрс сайӧ мортӧс.
Регионса юркарын меститчӧ Коми Республикаса оланін фондлӧн 27 %.
Та дырйи Сыктывкарын колӧ мӧдлаӧ овмӧдны уна патераа 892 олан керкаысь. Найӧс шуӧма аварийнӧйӧн 2017 вося тӧвшӧр тӧлысь 1 лун бӧрын.
Кызвын кык судтаа пу керкаыс сулалӧ кар шӧрын.
Тайӧ керкаяссӧ капитальнӧя дзоньталӧмыс оз отсав, ӧд найӧс оз позь вӧчны ӧнія нормаяслы да олысьяслӧн олан качество серти корӧмъяслы лӧсяланаӧн.
Коми Республикаса стрӧитчан министерство ӧні анализируйтӧ Сыктывкарса вит стрӧитчӧмин.
Тайӧ участокъясын оланінъяслӧн ӧтувъя площадьыс 222 сюрс квадратнӧй метр.
Мутасъяс комплекснӧя сӧвмӧдан уджтаслӧн медводдза пилотнӧй проектӧн лоас Оплеснин — Октябр шӧртуй — Катаев — Кирпич уличаяс бердын район.
Тані сулалӧны киссьӧм да аварийнӧй кык судтаа олан керкаяс, эмӧсь овтӧм стрӧйбаяс, ӧтуволанінъяс да ӧтйӧза зданиеяс.
«Сыктывкар» кар кытшса муниципальнӧй юкӧнлӧн администрациякӧд ӧтвылысь дасьтӧма тайӧ районын мутасъяс комплекснӧя сӧвмӧдан туй карта.
Медшӧр мытшӧдыс — «Сыктывкар аэродромлысь аэродромбердса мутас лӧсьӧдӧм йылысь» Росавиациялӧн тшӧктӧд.
Документын гижӧма, мый пилотнӧй проект серти позьӧ кыпӧдны сӧмын 6 судтаӧдз уна патераа олан керкаяс.
Артмӧ, мый тайӧ мутасын 62,4 сюрс квадратнӧй метр пыдди позьӧ стрӧитны сӧмын 31,1 сюрс квадратнӧй метр оланін.
Татшӧм серпасыс лоас и мукӧд мутасын.
«Джуджда серти кутӧдыс ёна чинтӧ проектируйтан кварталлысь финансъяс да экономика боксянь кысканлунсӧ, лоас сьӧкыдджык корны татчӧ инвесторъясӧс.
Чайтам, мый колӧ пыртны вежсьӧмъяс Росавиациялӧн тшӧктӧдӧ: выль пӧв видлавны Сыктывкар аэродромлӧн подзонаясын керкаяслысь позяна джудждасӧ», — вӧзйис Игорь Кузьмичев.
Коми Республикаса Юралысь тшӧктіс регионса Экономика сӧвмӧдан министерстволы видлавны тайӧ юалӧмсӧ Росавиациякӧд, Россия Федерацияса транспорт министерствокӧд да «Комиавиатранс» акционер котыркӧд, коді лоӧ Сыктывкар аэропорт киын кутысьӧн.
«Веськӧдлан котырлӧн мог — зільмӧдны меставывса асвеськӧдлан органъяслысь уджсӧ республикаса став кар-районын мутасъяс сӧвмӧдӧм серти.
Таысь кындзи, тайӧ нырвизьыс лоас Регионӧс социальнӧя да экономика боксянь сӧвмӧдан уджтаслӧн юкӧнӧн.
Таво регионса Веськӧдлан котырлӧн быд заседание дырйи ми кутам видлавны муниципалитетъясын, медводз миян монокаръясын да агломерацияясын, промышленносьт кыпӧдӧмӧн мутасъяс комплекснӧя сӧвмӧдӧмсӧ.
Колӧ вӧчны уна удж, но ӧні кӧ тайӧс огӧ заводитӧй вӧчны, тайӧ падмӧдас республика да став муниципалитет сӧвмӧдӧмсӧ», — кывкӧрталіс Владимир Уйба.
{Kodko (комиӧдіс Kodko) @ Владимир Уйба сёрнитіс «РУСТИТАН» компанияяслӧн группаӧн веськӧдлысьяскӧд Россия Федерацияса Арктика зонаын инфраструктурнӧй Мегапроект йылысь @ выльтор @ https://rkomi.ru/news/1759 @ 2022-01-31 @}
Владимир Уйба сёрнитіс «РУСТИТАН» компанияяслӧн группаӧн веськӧдлысьяскӧд Россия Федерацияса Арктика зонаын инфраструктурнӧй Мегапроект йылысь
Коми Республикаса Юралысь Владимира Уйба аддзысьліс удж серти «РУСТИТАН» компанияяслӧн группаӧн веськӧдлысьяс Анатолий Ткачуккӧд да Алексей Новиковкӧд. Найӧ сёрнитісны Россия Федерацияса Арктика зонаын медтӧдчана инфраструктурнӧй Мегапроект йылысь, мый серти титанлӧн Пижмаса куйлӧд подув вылын лӧсьӧдасны национальнӧй горнопромышленнӧй кластер да стрӧитасны Сосногорск — Индига кӧрт туй, Индига саридзса джуджыд порт Войвывса саридз туй вылӧ петӧмӧн.
«Нуӧдӧма ыджыд дасьтысян удж став тшупӧдын, мый бӧрын Россияса Президент Владимир Путин сетіс тшӧктӧм.
Ода-кора тӧлысьӧдз колӧ сетны вӧзйӧмъяс Ненеч асвеськӧдлан кытшын Индига юлӧн бухта гӧгӧрын Баренцевлӧн саридзӧдз кӧрт туй маршрут лӧсьӧдӧм серти.
Коми Республикаса Веськӧдлан котыркӧд да Ненеч асвеськӧдлан кытшса администрациякӧд топыда уджъёртасьӧмыс отсалас збыльмӧдны тайӧ могсӧ», — тӧдчӧдіс президент, «РУССКИЕ ТИТАНОВЫЕ РЕСУРСЫ» акционер котырса директоръяслӧн сӧветӧн веськӧдлысь Анатолий Ткачук.
«Проектыс зэв тӧдчана миян регионлы.
Воссясны выль производствояс, уна сюрс уджалан места, лоасны выль позянлунъяс республикаӧс социальнӧй да экономика боксянь сӧвмӧдӧмын.
Коми Республикаса Веськӧдлан котыр дась отсавны тайӧ могсӧ збыльмӧдӧмын», — тӧдчӧдіс Владимир Уйба.
Мегапроектсӧ вӧзйис «РУСТИТАН» компанияяслӧн группаӧн да «Аеон» инфраструктурнӧй корпорацияӧн артмӧдӧм Консорциум. Сэні вермасны участвуйтны горноруднӧй да вӧр промышленносьт, транспорт, мупытшса озырлун перъян да инвестицияяс юкӧнын уджалысь россияса да войтыркостса уджъёртъяс.
Мегапроект вылӧ вичмӧдасны 1 трлн шайтысь унджык инвестицияяс.
Титанӧвӧй рудаяслӧн да стеклӧ лыаяслӧн Пижмаса куйлӧд подув вылын «РУСТИТАН» КГ горноруднӧй проект серти кӧсйӧны лэдзны пористӧй рутиллысь, цирконлысь, кӧрт оксидлысь, игольчатӧй волластонитлысь, донӧдӧм кварцевӧй лыаяслысь, стекольнӧй лыаяслысь, титанлӧн диоксидлысь да титанӧвӧй губкалысь вылыс качествоа концентратъяс.
Найӧ колӧны аэрокосмическӧй, суднояс стрӧитан, автомашинаяс стрӧитан, мусир да биару, лакокрасочнӧй да химическӧй промышленносьт юкӧнын ньӧбысьяслы да производительяслы.
2020 вося вӧльгым тӧлысьӧ 10 во чӧж геология туялӧмъяс нуӧдӧм бӧрын Пижмаса куйлӧдысь титанӧвӧй рудаяслысь да стеклӧ лыаяслысь видзасъяссӧ дорйӧма Мупытшса озырлунлӧн видзасъяс серти канму комиссияын.
2021 вося урасьӧм тӧлысьын Коми Республикалы 100 во тыригкежлӧ мупытшса озырлунӧн вӧдитчӧм серти Федеральнӧй агентство юӧртіс титанӧвӧй рудаяслысь да стеклӧ лыаяслысь медыджыд Пижмаса куйлӧд восьтӧм йылысь.
Индига саридзса кынмывлытӧм джуджыд порт лӧсьӧдан проектсӧ збыльмӧдӧ «Аеон» инфраструктурнӧй корпорация.
Проект серти нуӧдӧма инженернӧй туялӧмъяс, дасьтӧма проектводзвывса документация.
Портсӧ стрӧитӧм кежлӧ кӧсйӧны дасьтысьны 2023 воӧ.
Медводдза кадӧ сэті кутасны новлӧдлыны 8 миллион тоннаӧдз груз, а стрӧитчӧмсӧ помалӧм бӧрын — 80 миллионысь унджык тонна груз вонас.
Сосногорск-Индига кӧрт туйлысь проектсӧ збыльмӧдӧны «Аеон» корпорация да «РУСТИТАН» холдинг.
Ӧнія кадӧ дасьтӧма проектводзвывса документация, лӧсьӧдӧма туйлысь трасса, арталӧма сылысь кузьта, ваті вуджанінъяс, технико-экономическӧй параметръяс.
Сосногорск — Индига кӧрт туй стрӧитсьӧ 2035 воӧдз Коми Республикаӧс социальнӧй да экономика боксянь сӧвмӧдан, 2030 Ненеч асвеськӧдлан кытш сӧвмӧдан, а сідзжӧ 2035 воӧдз Россия Федерацияса Арктика зона сӧвмӧдан да национальнӧй безопасносьт могмӧдан стратегияяс серти.
Коми Республикаын Сосногорск-Индига кӧрт туй магистраль прӧйдитас «Сосногорск» МР МЮ, «Ухта» КК МЮ, «Изьва» МР МЮ да «Чилимдін» МР МЮ мутасті.
Владимир Уйба пасйис, мый проект збыльмӧдігӧн компанияяслы быть колӧ зіля пырӧдчыны тайӧ муниципалитетъяссӧ социальнӧй да экономика боксянь сӧвмӧдӧмӧ.
«РУСТИТАН» компанияяслӧн группаӧн юрнуӧдысьяс тырвыйӧ ошкисны Коми Республикаса Юралысьлысь мӧвпсӧ.
«Тайӧ мегапроектыс сӧвмӧдас Россия Федерациялысь Арктика зонасӧ да сетас позянлун лӧсьӧдны колана условиеяс, медым перйыны аслыспӧлӧс минерально-сырьевӧй база Коми Республикаын да Ненеч асвеськӧдлан кытшын.
Республикалӧн му пытшкын дзебӧма мирын медыджыд титанӧвӧй да кварцевӧй куйлӧдъяс. Миян регион лоӧ минеральнӧй сырьё перйӧм, титанлӧн диоксидысь да кварцысь вылыс сорта прӧдукция вӧчӧм серти ставмирса шӧринӧн», — юӧртіс «РУСМИНРЕСУРСЫ» АК-са медыджыд директор — «РУСТИТАН» АК организацияӧн веськӧдлысь Алексей Новиков.
* * *
«РУСТИТАН» КГ — россияса горнопромышленнӧй холдинг, котыртӧма чужан мулысь промышленносьт титанысь да кварцысь вылыс переделъяса вузӧсӧн могмӧдӧм вылӧ минерально-сырьевӧй база сӧвмӧдӧм да перйӧм могысь.
«АЕОН» корпорация — веськыд инвестицияясса аспом фондлӧн да веськӧдлысь компаниялӧн, мый специализируйтчӧ гырысь индустриальнӧй активъясӧн кризислы паныд веськӧдлӧм вылӧ, дзик ӧти ӧтувтчӧм.
Корпорация инвестируйтӧ предприятиеясӧ, кӧні колӧ вужвыйӧн вежны веськӧдланногсӧ либӧ кыскыны содтӧд сьӧм уджсӧ паськӧдӧм могысь.
Пижмаса куйлӧд — меститчӧ Коми Республикаса Чилимдін районын, лоӧ титанлӧн да кварцлӧн видзасъяс, а сідзжӧ мукӧд ӧттшӧтш перъян мупытшса озырлун (циркон, зарни, алмазъяс, РЗМ) серти Россияын да мирын медыджыдӧн, восьтӧма 2021 воӧ РУСТИТАН» компаниялӧн группаӧн.
Индига саридзса порт — саридзса джуджыд кынмывлытӧм порт, лоӧ Россия Федерацияса Арктика зона сӧвмӧдӧмын медтӧдчана инвестиция проектӧн да лоас Войвывса саридз туйлӧн подув пунктъясысь ӧтиӧн.
«Сосногорск–Индига» кӧрт туй магистраль — стратегическӧй транспортнӧй сӧн, медым ыдждӧдны Войвывса саридз туйӧд груз новлӧдлӧмсӧ, мӧдпӧлавны минерально-сырьевӧй база, могмӧдны куйлӧдъяс туялӧм да перйӧм, а сідзжӧ кыпӧдны Коми Республикаын да Ненеч асвеськӧдлан кытшын ресурсъяс перйӧмсӧ Россия Федерацияса Арктика зоналысь мутасъяс социальнӧй да экономика боксянь сӧвмӧдӧм могысь.
{Kodko (комиӧдіс Kodko) @ Сыктывкарын штемпелялісны Коми муын Земскӧй пошталӧн 150 волы сиӧм конверт @ выльтор @ https://rkomi.ru/news/1763 @ 2022-02-01 @}
Сыктывкарын штемпелялісны Коми муын Земскӧй пошталӧн 150 волы сиӧм конверт
Художествоа юбилейнӧй маркасӧ штемпелялісны урасьӧм тӧлысь 1 лунӧ.
Кыпыд церемонияӧ пырӧдчисны Коми Республикаса Юралысь Владимир Уйба да Пошта связьлӧн Коми Республикаын федеральнӧй веськӧдланінса (УФПС) директор Виталий Осипов.
Конвертсӧ лэдзисны Россияса Пошталӧн водзмӧстчӧм серти.
Сы вылын эмӧсь Усть-Сысольск карын пошта конторалӧн здание да медводдза земскӧй маркаяс.
Конвертлӧн тиражыс — 100 000 экземпляр.
Регыд найӧс ваясны регионлӧн быд пошта юкӧнӧ.
«Земскӧй пошталӧн историяыс босьтӧ ыджыд пай Коми мулӧн историяын.
Зэв тӧдчана, мый татшӧм аслыспӧлӧс конверт киын кутігӧн республикаса олысьяс унджык тӧдмаласны сы йылысь.
И 150 во сайын, и талун пошта связьлӧн услугаясӧн вӧдитчӧны республикаса олысьяс, предприятиеяс да организацияяс.
Россияса Пошта отсӧгӧн олысьяс, торйӧн нин сиктса олысьяс, вӧдитчӧны йӧзлы тӧдчана услугаясӧн да канму юӧртан ресурсъясӧн.
Аттьӧ поштаын уджалысьяслы кужӧм-сямлунысь да быдлунъя уджысь», — шуис Коми Республикаса Юралысь Владимир Уйба.
«Республикалӧн историяын тӧдчана лунъяс кежлӧ пошта продукция лэдзӧм — тайӧ бур традиция, кытчӧ Россияса Пошта кутчысьӧ уна во нин.
Регионын паныдасьлытӧм вӧр-ва да архитектура памятникъяс, тӧдчана лоӧмторъяс пыр петкӧдчӧны пошта маркаяс да конвертъяс вылын.
Быдсикас каръясӧ да странаясӧ воигӧн найӧ висьталӧны миян му йылысь, сылӧн мичлун да аслыспӧлӧслун йылысь.
Нимкодь, мый Комиын Земскӧй пошта лӧсьӧдӧмсянь 150 во тырӧмыс сідзжӧ петкӧдлӧма пошта конверт вылын.
Мед сійӧ лоӧ регионын пошта связьлысь водзӧ сӧвмӧмсӧ петкӧдлан символӧн», — пасйис Коми Республикаын УФПС-са директор Виталий Осипов.
Пошта конверт дорӧ содтӧд вӧчӧма художествоа торъя штемпель, кӧні эмӧсь пошталӧн символъяс: конвертъяс, сюръяс, верста сюръяяс да тематика серти гижӧд.
Паныдасьлытӧм пассӧ пошта пыр ыстӧмторъяс вылӧ позьӧ пуктыны урасьӧм тӧлысь 1 лунсянь юбилейнӧй во помӧдзыс Сыктывкарса шӧр пошта юкӧнлӧн 9 №-а ӧшиньын (Ленин улича, 60).
Штемпелявны кутасны 167000 юкӧнлӧн уджалан кад серти: 8 чассянь 22 часӧдз да 9 чассянь да 18 часӧдз шойччан лунъясӧ.
{Kodko (комиӧдіс Kodko) @ Содтӧд дасьлун режим пыртӧм йылысь индӧдӧ пыртӧма вежсьӧмъяс @ выльтор @ https://rkomi.ru/news/1768 @ 2022-02-02 @}
Содтӧд дасьлун режим пыртӧм йылысь индӧдӧ пыртӧма вежсьӧмъяс
Найӧс веськӧдӧма сы вылӧ, медым лӧсьӧдны Индӧдса положениеяссӧ ставроссияса нормаяс серти.
Сідз, Индӧдын вежсьӧмъяс серти, чиніс вахтаӧн уджалысьяслӧн быть изолируйтчан кадколастыс.
Организацияяслы, кӧні уджалӧны вахтаӧн, сэк, кор уджалысьлӧн эм ПЦР-тестъяс серти отрицательнӧй результат да абуӧсь ІgG антителӧяс, колӧ сійӧс быть изолируйтны 7 лун вылӧ (таӧдз тайӧ кадколастыс вӧлі 14 лун).
Россияса нормаяс серти вежсис организацияясын, кӧні сутки чӧж олӧны челядь, уджалысьяслы COVІD-19 вылӧ тест вӧчан интервалыс.
Коми Республикаса дзоньвидзалун видзан министерстволы тшӧктӧма могмӧдны ПЦР отсӧгӧн выль коронавирус инфекция вылӧ кыкысь видлалӧмсӧ. Интервал — 7 лун (таӧдз интервалыс вӧлі 14 лун).
Сідзжӧ Индӧдлысь нормаяссӧ вежӧма санаторно-курортнӧй учреждениеясӧ ветлан юкӧнын.
Ӧні локтігӧн шойччысьяслы колӧ петкӧдлыны справка сы йылысь, мый бӧръя 7 лун чӧжӧн найӧ эз контактируйтны вуджан висьӧмъясӧн, сы лыдын COVІD-19, висьысьяскӧд (водзынджык — бӧръя 14 лун чӧжӧн).
{Kodko (комиӧдіс Kodko) @ Владимир Уйба пасйис мусир да биару юкӧн сӧвмӧдӧмын медтӧдчанаторъяс @ выльтор @ https://rkomi.ru/news/1770 @ 2022-02-03 @}
Владимир Уйба пасйис мусир да биару юкӧн сӧвмӧдӧмын медтӧдчанаторъяс
Коми Республикаса Юралысь урасьӧм тӧлысь 3 лунӧ участвуйтіс «Рассохинлы сиӧм лыддьысьӧмъяс» войтыркостса конференцияын, мый сиӧма нималана учёнӧй Геннадий Рассохинлӧн паметьлы. Конференциясӧ нуӧдісны Ухтаын 14-ӧдысь.
Участвуйтысьясӧс чолӧмалігӧн Владимир Уйба тӧдчӧдіс, мый мусир да биару юкӧнсӧ позьӧ сӧвмӧдны сӧмын наукакӧд, велӧдӧмкӧд да производствокӧд топыда йитчӧмӧн.
«Регионлы колӧны выль технологияяс, кутшӧмъяс сетасны позянлун бурджыка перйыны куйлӧдъяс да вӧдитчыны наӧн.
Конференция вылын колӧ дасьтыны юкӧнлӧн медшӧр могъяс серти ӧтувъя помшуӧмъяс», — шуис Коми Республикаса Юралысь.
Тайӧ могъясӧн лоӧны выль куйлӧдъяс корсьӧм да найӧс уджӧдӧм кежлӧ дасьтысьӧм, выль скважинаяс уджӧ пыртӧм, уджалысь мусир перъянінъяс бурмӧдӧм, сы лыдын Ярегаын да Усинскын, кӧні перйӧны зэв нюдз мусир.
Сідзжӧ тӧдчана нырвизьяс лыдын Владимир Уйба пасйис продукциялысь конкурентоспособносьтсӧ кыпӧдӧм, сылысь экология боксянь да потребительскӧй аслыспӧлӧслунъяссӧ бурмӧдӧм, ньӧбасьысьясӧс сырьёӧн дугдывтӧг могмӧдӧм вылӧ условиеяс лӧсьӧдӧм.
Регионса Юралысь тӧдчӧдіс, мый медъёна колӧны наука да техника боксянь выль решениеяс сы вылӧ, медым ӧлӧдны трубопроводъяс вылын аварияясысь да бырӧдны налысь колясъяссӧ, бурмӧдны мусирӧн кисьталӧм муяссӧ.
Владимир Уйбалӧн кывъяс серти, климат вӧсна экономикаын да энергетикаын лоисны ыджыд вежсьӧмъяс.
Миян тӧдчана мог — сынӧдӧ парникӧвӧй биарулӧн этша веськалӧм дырйи отрасльяс сӧвмӧдӧм (этша углерода экономика).
«Сӧвмысь нырвизьӧн лоас этша углерода колясъяса энергоносительясӧн паськыдджыка вӧдитчӧм да быдӧнлы судзсяна медбур технологияяс пыртӧм.
Коркӧ природнӧй биарусӧ вежас водорода ломтас — медбур да экология боксянь сӧстӧм ломтас.
Коми Республика пырис Этша углерода да углеродтӧм водород да аммиак производство серти россияса проектъяслӧн атласӧ.
Регионын дасьтӧны водородлӧн тӧдчана производстволысь проект, мый сетас позянлун сӧвмӧдны экономика да лӧсьӧдны выль уджалан местаяс», — пасйис Владимир Уйба.
Конференция дырйи участвуйтысьяс петкӧдлісны туялӧмъяс, выль техническӧй решениеяс, проектъяс, кутшӧмъяс отсаласны воӧдчыны мусир да биару юкӧн сӧвмӧдӧм серти регионса Юралысьӧн пуктӧм могъясӧдз.
* * *
«Рассохинлы сиӧм лыддьысьӧмъяс» — войтыркостса конференция, кутшӧмӧс сиӧма Геннадий Васильевич Рассохинлӧн паметьлы — профессорлы, техническӧй наукаяс докторлы, 1980 восянь 1997 воӧдз Ухтаса индустриальнӧй институтса ректорлы.
Конференциясӧ нуӧдӧны быд во, сы вылын сёрнитӧны мусир да биару перйӧм серти тӧдчана мытшӧдъяс йылысь.
Тані чукӧртчӧны наука-туялан, проектнӧй организацияясӧс да производство предприятиеясӧс петкӧдлысьяс, Россияса нефтегазӧвӧй вузъясса преподавательяс, аспирантъяс, уджалысьяс.
Таво конференциясӧ нуӧдӧны очнӧя да участвуйтысьясӧс онлайн йитӧмӧн, санитарнӧй да эпидемиология боксянь правилӧясӧ да корӧмъясӧ кутчысьӧм бӧрся видзӧдӧмӧн.
{Kodko (комиӧдіс Kodko) @ Ухтаын воссис кислороднӧй станция @ выльтор @ https://rkomi.ru/news/1772 @ 2022-02-03 @}
Ухтаын воссис кислороднӧй станция
Йӧзлысь дзоньвидзалун видзан объектсӧ пыртӧма уджӧ Ухта карса 1 № а больничаын.
Объект восьтан церемонияӧ пырӧдчис Коми Республикаса Юралысь Владимир Уйба.
«Тайӧ неыджыд, но республикалы зэв тӧдчана объект.
Кыдз ті помнитанныд, колян во арнас висьысьяслӧн лыдыс вӧлі зэв уна.
Висисны зэв сьӧкыда, сё пациент пиысь джынсӧ вӧлі йитӧма кислород дорӧ.
Странаса больничаясын эз тырмы кислородыс.
Сэки республикаын сійӧс видзисны суткинас 20 тоннаӧдз.
Ӧні омикрон вӧсна кислородлӧн коланлуныс бара содіс.
Пациентлы кислород дугдывтӧг вайӧмыс — миянлы тайӧ торъя кывкутӧм», — тӧдчӧдіс Владимир Уйба.
Муниципалитетӧн юрнуӧдысьяслӧн, больничаяслӧн да регионса Йӧзлысь дзоньвидзалун видзан министерстволӧн ӧдйӧ да ӧтсӧгласӧн уджалӧмӧн объектсӧ пыртӧма уджӧ дженьыд кадколастӧ — куим тӧлысьӧн.
Модульнӧй станциясӧ могмӧдӧма кислород лэдзӧм серти кык линияӧн.
Быд линия лэдзӧ 500 литр ӧти минутаӧ.
Проект збыльмӧдӧм вылӧ федеральнӧй сьӧмкудйысь вичмӧдӧма 32,5 млн шайт.
Тавося тӧвшӧр тӧлысь помын пуско-наладочнӧй уджъясыс помасисны.
Кислородсӧ сетӧны больничалӧн став юкӧнӧ, сылӧн сӧстӧмлуныс — 95 %.
{Kodko (комиӧдіс Kodko) @ Владимир Уйба видзӧдліс, кыдзи стрӧитӧны школа-детсад Изьвавом грездын @ выльтор @ https://rkomi.ru/news/1775 @ 2022-02-04 @}
Владимир Уйба видзӧдліс, кыдзи стрӧитӧны школа-детсад Изьвавом грездын
Коми Республикаса Юралысь видзӧдліс объектсӧ Изьва районӧ удж серти ветлігӧн.
Ӧні сувтӧдісны нин стенъяссӧ, вевттисны подув да медводдза судтаяссӧ, монтируйтісны теплотрасса.
Дасьтӧма нин котельнӧй улӧ подув, дизель-генератор да сайӧдчан лэбувъяс (гуляйтӧм вылӧ верандаяс), гаражын эштӧдӧма кӧрӧбкасӧ да вӧчӧма нин вевтсӧ, монтируйтӧма ортсы связь везъяс, мӧд судтаын тэчӧны кирпич.
Проектсӧ заводитісны збыльмӧдны 2021 вося рака тӧлысьын.
Владимир Уйбалӧн тшӧктӧм бӧрын объектсӧ пыртісны 2021-2022 вояс вылӧ республикаса адреснӧй инвестиция уджтасӧ.
Казьтыштам, выль школасӧ сиктса олысьяс виччысьӧны пӧшти 20 во нин.
Важыс сотчис 2003 воын чардби лыйӧмысь. Та бӧрын челядь велӧдчӧны вӧвлӧм культура керкалӧн да вузасянінлӧн выльысь оборудуйтӧм жыръясын.
Кык судтаа кирпичысь вӧчӧм выль зданиеыс лоас школаӧн 90 велӧдчысьлы да детсадйӧн 40 быдтаслы.
Тані лоӧны столӧвӧй, спорт зал, ворсан жыръяс, вежӧсъяс.
Орччӧн лоӧ гимнастика, волейбол, бадминтон вылӧ спорт площадкаяс, футболысь ворсан поле да кытшӧн котралан туй.
* * *
Изьва районса Изьвавом грездын школа-садлӧн площадьыс лоӧ 4,1 сюрс квадратнӧй метра.
Объект вылын уджалӧны 26 рабочӧй да 2 инженерно-техническӧй уджалысь.
{Kodko (комиӧдіс Kodko) @ Коми Республикаса Юралысь чолӧмалӧ Россияса наука лунӧн @ выльтор @ https://rkomi.ru/news/1781 @ 2022-02-08 @}
Коми Республикаса Юралысь чолӧмалӧ Россияса наука лунӧн
“Пыдди пуктана учёнӧйяс, преподавательяс, наука уджалысьяс, аспирантъяс да студентъяс!
Чолӧмала тіянӧс Россияса наука лунӧн!
Тайӧ гажыс сиӧма вежӧртысьяслы да выльтор восьтысьяслы.
Тайӧ гажыс водзмӧстчысь войтырлӧн, кодъяс панйисны ассьыныс кадсӧ да сӧвмӧдӧны научно-техническӧй юкӧнсӧ.
Миян странаын пыр пыдди пуктӧны учёнӧйясӧс да донъялӧны на серти страналысь интеллектуальнӧй позянлунъяссӧ.
Коми Республика нимкодясьӧ аслас учёнӧйясӧн, наукаын вермӧмъясӧн да восьтӧмъясӧн.
Оз позь донъявны регионса наука сӧвмӧдӧмӧ Коми наука шӧринӧн пуктӧм пайсӧ.
Шӧринлӧн 7 институтса учёнӧйяс уджалӧны торъя нырвизьясын медся сьӧкыд да колана юалӧмъяс разьӧм вылын.
Школьникъяс да студентъяс вермӧны пырӧдчыны республикаса наукаӧ, тайӧс збыльмӧдӧм вылӧ эм ставыс.
Регионын прӧйдитӧны наука фестивальяс, туялан да научно-практическӧй конференцияяс.
Наука котырӧс пыдди пуктана петкӧдлысьяс!
Сьӧлӧмсянь аттьӧала тіянӧс наука сӧвмӧдӧмысь, выль мӧвпъясысь да найӧс збыльмӧдӧмысь, республикалы да страналы бур вылӧ уджалӧмысь.
Сиа тіянлы крепыд дзоньвидзалун да шуд, выль восьтӧмъяс да сӧвмыны уджсикасын!”
[Коми Республикаса Юралысь Владимир Уйба]
{Kodko (комиӧдіс Kodko) @ Комиын ылӧсалісны канму тӧдчанлуна технологическӧй проектъяс збыльмӧдан план @ выльтор @ https://rkomi.ru/news/1791 @ 2022-02-11 @}
Комиын ылӧсалісны канму тӧдчанлуна технологическӧй проектъяс збыльмӧдан план
Урасьӧм тӧлысь 11 лунӧ республикаса Юралысь Владимир Уйба нуӧдіс Наука да велӧдӧм серти сӧветлысь заседание.
Пырӧдчысьяс вӧчисны регионын Наукалы да технологияяслы сиӧм во серти кывкӧртӧдъяс, кывзісны «Войвылын олысьяслысь дзоньвидзалун видзан технологияяс» Коми Республикаса мирӧвӧй тшупӧда наука да велӧдан шӧринлӧн удж йылысь юӧр.
«Республиканымӧс сӧвмӧдны позьӧ сӧмын наука отсӧгӧн, — юӧртіс Коми Республикаса Юралысь.
— Колӧ зільджыка ышӧдны челядьӧс да том йӧзӧс, медым найӧ пырӧдчисны наука да инновация уджӧ, сӧвмӧдны регионнымӧс социальнӧя да экономика боксянь.
Медводз колӧ збыльмӧдны проектъяс, кутшӧмъяс отсаласны видзны йӧзлысь дзоньвидзалунсӧ Войвылын, ышӧдны квалифицируйтӧм кадръясӧс кольччыны регионӧ да корны выльясӧс, могмӧдны передӧвӧй цифрӧвӧй, интеллектуальнӧй да производственнӧй технологияясӧн».
Тайӧ могъяссӧ кутас збыльмӧдны Владимир Уйбалӧн водзмӧстчӧм серти лӧсьӧдӧм «Войвылын олысьяслысь дзоньвидзалун видзан технологияяс» Коми Республикаса мирӧвӧй тшупӧда наука да велӧдан шӧрин («ЭкоТех» НВШ).
Сійӧ ӧтувтас республикаса министерствояслысь, ведомствояслысь, наука да промышленносьт организацияяслысь уджсӧ.
Сідзжӧ шӧринлы отсасьӧны Москваса да Санкт-Петербургса медтӧдчана вузъяс.
Наука да велӧдан шӧринлӧн уджын медшӧр нырвизьяс — биомедицина, фармацевтика, экопродуктъяс, сӧстӧм гӧгӧртасса выль материалъяс.
Зэв тӧдчана тшупӧд — Арктикаса медицина кластер лӧсьӧдӧм.
Сійӧс пыртӧма 2026 воӧдз период вылӧ республикаӧс социальнӧя да экономика боксянь сӧвмӧдан уджтас балаӧ.
«Меддонатор — тайӧ мортлӧн дзоньвидзалун, торйӧн нин Войвыв условиеясын.
Физиология институт отсӧгӧн миян регионын бура туялӧны тайӧ темасӧ, лӧсьӧдӧма мыччӧдъяслысь ыджыд база.
Во да джын сайын на, кор ми сёрнитім Арктикаса медицина кластер йылысь, йӧзыс эз ёна гӧгӧрвоны миянӧс, а талун тайӧ наука да медицина площадкасӧ виччысьӧны», — пасйис Владимир Уйба.
Сӧветлӧн заседание дырйи петкӧдлісны дизельнӧй ломтаслысь биокомпонентъяс вӧчӧм серти да водороднӧй туялӧмъяс нуӧдан шӧрин лӧсьӧдӧм серти проектъяссӧ збыльмӧдӧмлысь медводдза бӧртасъяссӧ.
Торйӧн тӧдчӧдісны ярегаса мусир переработайтӧм да сыысь ыджыд маржаа прӧдуктъяс вӧчӧм серти проект.
Сы вӧсна, мый ярегаса мусирын уна сир, сыысь позьӧ вӧчны абу сӧмын бензин, но и мукӧдтор: туй вӧчан битум, арктикаса дизельнӧй ломтас, мавтан материалъяс, биомедицинскӧй маслӧяс.
«Республикалы тайӧ зэв колана, ме ошки и ошка, мый туялысьяс зільӧны тырвыйӧ вӧдитчыны ярегаса мусирӧн.
Ӧні мусирсӧ нуӧны мукӧд регионӧ, но сійӧ вермас вайны унджык пӧльза, кутам кӧ перерабатывайтны миян регионын», — пасйис Владимир Уйба.
Заседание бӧрын примитӧма «ЭкоТех» НВШ бердын Экспертнӧй сӧвет лӧсьӧдӧм йылысь помшуӧм. Сійӧ кутас донъявны, лӧсялӧны-ӧ збыльмӧдӧм вылӧ проектнӧй уджъясыс да дасьӧсь-ӧ найӧ.
Республикаысь туялысьяс кындзи сэтчӧ пырасны мукӧд регионысь экспертъяс. Тайӧ сетас позянлун паськӧдны проектъяссӧ федеральнӧй тшупӧдын.
{Kodko (комиӧдіс Kodko) @ Владимир Уйба чолӧмаліс Россияса сборнӧйлысь лызьӧн котралысьясӧс Пекинын Олимпиадаын вермӧмӧн @ выльтор @ https://rkomi.ru/news/1793 @ 2022-02-12 @}
Владимир Уйба чолӧмаліс Россияса сборнӧйлысь лызьӧн котралысьясӧс Пекинын Олимпиадаын вермӧмӧн
«Став страна видзӧдіс тайӧ ордйысьӧмсӧ да виччысис нывъяслысь вермӧмсӧ.
Ми нимкодясям миян спортсменъясӧн, странаӧн.
Аттьӧ россияса олимпиечьяслы, налӧн тренеръяслы, наставникъяслы, бать-мамлы!», — гижис аслас социальнӧй везъясын республикаса Юралысь.
{Kodko (комиӧдіс Kodko) @ Игорь Булатовӧс мездӧма Коми Республикаса Веськӧдлан котырӧн Юрнуӧдысьӧс Медводдза вежысь чинысь @ выльтор @ https://rkomi.ru/news/1797 @ 2022-02-14 @}
Игорь Булатовӧс мездӧма Коми Республикаса Веськӧдлан котырӧн Юрнуӧдысьӧс Медводдза вежысь чинысь
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося урасьӧм тӧлысь 14 лунӧ мездыны Игорь Борисович Булатовӧс Коми Республикаса Веськӧдлан котырӧн Юрнуӧдысьӧс Медводдза вежысь чинысь.
{Kodko (комиӧдіс Kodko) @ Суйӧрсайса тышъясын усьӧм россиянаӧс казьтылан лункӧд да Афганистанысь Сӧветскӧй войскаясӧс петкӧдӧмсянь 33 во тырӧмкӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/1798 @ 2022-02-15 @}
Суйӧрсайса тышъясын усьӧм россиянаӧс казьтылан лункӧд да Афганистанысь Сӧветскӧй войскаясӧс петкӧдӧмсянь 33 во тырӧмкӧд йитӧдын Коми Республикаса Юралысьлӧн шыӧдчӧм
«Коми Республикаса пыдди пуктана олысьяс!
Боевӧй тышъясса пыдди пуктана ветеранъяс!
Урасьӧм тӧлысь 15 лунӧ ми петкӧдлам пыдди пуктӧмнымӧс на дорӧ, кодъяс суйӧр сайын збыльмӧдісны воинскӧй долг.
Афганистан, Вьетнам, Египет, Сирия да мукӧд канму — миян Аймуса солдатъяс да офицеръяс пыр повтӧг дорйисны да дорйӧны Россиялысь национальнӧй интересъяссӧ, отсалӧны мукӧд войтырлы.
Эз ставӧн локны гортӧ.
Миян мог видзны на йылысь паметьсӧ да юкны курыд шогсӧ налӧн рӧдвужкӧд да матыссаяскӧд.
Боевӧй тышъясса да локальнӧй конфликтъясса пыдди пуктана ветеранъяс, воин-интернационалистъяс!
Сьӧлӧмсянь аттьӧала тіянӧс подвигысь, сыысь мый ті водзмӧстчанныд чужан республикалӧн ӧтйӧза олӧмын.
Ми вылӧ донъялам, мый ті велӧданныд челядьӧс да том йӧзӧс радейтны да пыдди пуктыны чужан мунымӧс!
Сьӧлӧмсянь сиа тыр-бура да лада олӧм, крепыд дзоньвидзалун!»
[Коми Республикаса Юралысь Владимир Уйба]
{Kodko (комиӧдіс Kodko) @ Алексей Просужихӧс индӧма Коми Республикаса Веськӧдлан котырӧн Юрнуӧдысьӧс вежысь чинӧ @ выльтор @ https://rkomi.ru/news/1799 @ 2022-02-15 @}
Алексей Просужихӧс индӧма Коми Республикаса Веськӧдлан котырӧн Юрнуӧдысьӧс вежысь чинӧ
Коми Республикаса Юралысьлӧн 2022 вося урасьӧм тӧлысь 15 лунся 39-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося урасьӧм тӧлысь 15 лунӧ индыны Алексей Анатольевич Просужихӧс Коми Республикаса Веськӧдлан котырӧн Юрнуӧдысьӧс вежысь чинӧ.
{Kodko (комиӧдіс Kodko) @ Владимир Уйба казьтыштіс локальнӧй конфликтъяс дырйи усьӧм воин-интернационалистъясӧс да салдатъясӧс @ выльтор @ https://rkomi.ru/news/1801 @ 2022-02-15 @}
Владимир Уйба казьтыштіс локальнӧй конфликтъяс дырйи усьӧм воин-интернационалистъясӧс да салдатъясӧс
Коми Республикаса Юралысь пуктіс дзоридзьяс «Шогсьысь воин» воин-интернационалистъяслы памятник да «Куслытӧм слава» мемориал дорӧ. Церемониясӧ сиӧма Афганистанысь сӧветскӧй войскаяс петкӧдӧмсянь 33 во тырӧмлы.
«Талун ми казьтылам воинъясӧс, кодъяс участвуйтісны суйӧрсайса тышъясын.
Найӧ пӧртісны олӧмӧ войтыркостса мог, видзисны мирнӧй гражданалысь олӧмсӧ, повтӧг да асьнысӧ жалиттӧг сувтісны паныд войтыркостса терроризмлы да сьӧлӧмсянь тӧждысисны Чужан му вӧсна.
Тайӧ луныс нэм кежлӧ коляс йӧзлӧн сьӧлӧманыс, кодъяслы инмис Афганскӧй войнаыс», — шуис Владимир Уйба.
* * *
Урасьӧм тӧлысь 15 лунсӧ шуӧма Суйӧрсайса тышъясын усьӧм россиянаӧс казьтылан лунӧн.
Сійӧс сиӧма 1989 воын Афганистанысь сӧветскӧй войскаяс петкӧдӧмлы.
1979-1989 воясӧ тайӧ странаын тыш дырйи пӧгибнитіс 15 сюрс гӧгӧр сӧветскӧй военнослужащӧй.
{Kodko (комиӧдіс Kodko) @ Воин-интернационалистъясӧс казьтылан лунӧ Владимир Уйба аддзысьліс Афганистанса ветеранъяскӧд @ выльтор @ https://rkomi.ru/news/1804 @ 2022-02-15 @}
Воин-интернационалистъясӧс казьтылан лунӧ Владимир Уйба аддзысьліс Афганистанса ветеранъяскӧд
«Тайӧ лунӧ ми казьтылам воин-интернационалистъясӧс, кодъяс ладмӧдісны военнӧй конфликтъяс матыс да ылыс суйӧрсайын.
Помнитам да пыдди пуктам усьӧмаясӧс.
Тайӧ дойыс некор оз бурд.
Став шог вылӧ видзӧдтӧг овны кӧсйӧмыс тіян эз вош.
Тіянӧс ӧтувтӧ паметь да ёртасьӧм, ті водзӧ пырӧдчанныд республикалӧн йӧзкӧд да политикакӧд йитчӧм олӧмӧ», — шуис Владимир Уйба.
Юралысьлӧн кывъяс серти, Афганистанын войнаса ветеранъяс вӧліны медся зіль водзмӧстчысьясӧн Координационнӧй сӧвет котыртӧм серти.
Талун тайӧ органыс бура уджалӧ, примитӧ ветеранъяслӧн вӧзйӧмъяс вылын подулалӧм помшуӧмъяс.
Мый бӧрын сетӧны тшӧктӧмъяс республикаса Веськӧдлан котырлы, да вӧзйӧмъяссӧ пӧртӧны олӧмӧ.
Шуам, колян вося заседаниелӧн кывкӧртӧдъяс серти збыльмӧдӧма нин Коми Республикаса Юралысьлысь тшӧктӧмъяссӧ.
Вынсьӧдӧма боевӧй тышъясса ветеранъяслы отсӧг сетан план, мый серти урчитӧма содтӧд субсидияяс сетӧм.
Войнаса ветеранъяслӧн да боевӧй тышъясын участвуйтысьяслӧн республиканскӧй госпитальлы сетісны автомашина да висьӧмъяс диагностируйтӧм да бурдӧдӧм вылӧ ӧнія оборудование, босьтісны удж вылӧ содтӧд врачьясӧс.
Госпиталь урчитіс боевӧй тышъясса ветеранъясӧс стационаръясын бурдӧдӧм вылӧ квотаяс, а республикаса медицина учреждениеяс лӧсьӧдісны налы да налӧн семьяӧ пырысьяслы дзоньвидзалун бурдӧдан мероприятиеяслысь планъяс.
«Ветеранъяслысь дзоньвидзалунсӧ видзӧмыс да бурмӧдӧмыс лоӧ зэв тӧдчанаӧн меным да регионса Веськӧдлан котырлы.
Ветеранъяслӧн ӧтйӧза организацияяслысь вӧзйӧмъяс да тшӧктӧмъяс вылӧ подуласьӧмӧн ми вӧчам став позянасӧ тайӧ нырвизьын.
Госпитальлысь техникасӧ да оборудованиесӧ ми водзӧ кутам выльмӧдны», — тӧдчӧдіс Владимир Уйба.
Таысь кындзи, республикаса Юралысьлӧн индӧд серти Комиын урчитісны Боевӧй тышъясса ветеранлысь лун, мый пасйӧны сора тӧлысь 1 лунӧ.
Коми Республика медводдзаяс лыдын петіс тайӧ водзмӧстчӧмнас, да сійӧс ошкисны странаса квайтымын гӧгӧр регион.
Торйӧн Владимир Уйба аттьӧаліс ветеранъясӧс челядькӧд да том йӧзкӧд уджалӧмысь.
«Чужан му радейтны да пыдди пуктыны велӧдӧмыс — медтӧдчана юалӧмъяс пиысь ӧти, сыкӧд йитчӧма миян страналӧн аскиа луныс.
Колӧ ас пример вылын гӧгӧрвоӧдны, туйдӧдны том йӧзӧс», — пасйис регионса Юралысь.
{Kodko (комиӧдіс Kodko) @ Владимир Уйба сетіс «бать-мамтӧм челядь» категорияысь гражданалы выль патераясысь ключьяс @ выльтор @ https://rkomi.ru/news/1805 @ 2022-02-15 @}
Владимир Уйба сетіс «бать-мамтӧм челядь» категорияысь гражданалы выль патераясысь ключьяс
Быд во Коми Республикаын 300 гӧгӧр бать-мамтӧм кагалы сетӧны выль оланін.
«Талун шуда лун — тіянлы сетісны ключьяс.
Ті дыр кутаныд казьтывлыны медводдза оланін босьтан лунсӧ.
Ӧні ті верманыд лӧсьӧдны семья, дасьтыны керка пытш.
Сиа тіянлы семья пытшкын шуда олӧм да бура быдтыны челядьӧс», — шыӧдчис бать-мамтӧм челядь дорӧ Владимир Уйба.
Республикаса Юралысь стӧчмӧдіс, мый Сыктывкарын джынсьыс унджык бать-мамтӧм кагалы сетӧны ӧнія патераяс первичнӧй рынокысь. Администрация ньӧбӧ оланінсӧ пайӧн стрӧитчӧмын участвуйтӧм отсӧгӧн да стрӧитчӧмӧ инвестируйтӧм пыр.
Татшӧм уджаланногӧ колӧ пырӧдчыны и мукӧд муниципалитетлы.
«Тайӧ мытшӧдсӧ бырӧдӧм бӧрся видзӧдӧ регионса Веськӧдлан котыр.
Оланін босьтӧм вылӧ ӧчередьын сулалӧ кык сюрс гӧгӧр морт.
Ми вӧчам ставсӧ, медым дженьыд кадӧ сетны оланін ставныслы, кодлы сійӧ колӧ. Ми гӧгӧрвоам, мый йӧзыс оз вермыны уна во чӧж виччысьны канмусянь отсӧгсӧ», — тӧдчӧдіс Владимир Уйба.
2022 воӧ бать-мамтӧм челядьӧс оланінӧн могмӧдӧм вылӧ вичмӧдӧма 367,7 млн шайт, сы лыдын федеральнӧй сьӧмкудйысь — 54,7 млн шайт, планируйтӧны ньӧбны 227 олан жыр.
{Kodko (комиӧдіс Kodko) @ Коми Республикаса Юралысь чолӧмалӧ Коми Республикаса Оланподувлы сиӧм лунӧн @ выльтор @ https://rkomi.ru/news/1808 @ 2022-02-17 @}
Коми Республикаса Юралысь чолӧмалӧ Коми Республикаса Оланподувлы сиӧм лунӧн
«Коми Республикаса пыдди пуктана олысьяс!
Чолӧмала Коми Республикаса Оланподувлы сиӧм лунӧн!
28 во нин миян регионлӧн Медшӧр оланпасыс петкӧдлӧ Россия Федерация пытшкын Коми Республикалысь статуссӧ.
1994 вося урасьӧм тӧлысь 17 лунӧ Коми Республикаса Медвылыс Сӧвет примитіс Оланподув, кӧні петкӧдлӧма войвыв муын быд олысьлысь инӧдсӧ да сылӧн войтырлысь вӧлясӧ историческӧя артмӧм канлунсӧ видзны кӧсйӧм серти.
Республикаса Оланподув вылӧ мыджсьӧмӧн ми сӧвмӧдам регионнымӧс, зілям вӧчны сійӧс олӧм вылӧ лӧсьыдӧн да кыскыны татчӧ инвестицияяс.
Тайӧ миян ӧтувъя кӧсйӧм да быдӧн миян пӧвстысь пуктӧ пай республикаӧс сӧвмӧдӧмӧ.
Коми Республикаса пыдди путкана олысьяс!
Став сьӧлӧмсянь аттьӧала тіянӧс бур ваян уджысь, чужан му радейтӧмысь да пыдди пуктӧмысь, республиканымӧс кыпӧдны зільӧмысь.
Сиа вермӧмъяс, крепыд дзоньвидзалун да тыр-бур олӧм!»
[Коми Республикаса Юралысь Владимир Уйба]
{Kodko (комиӧдіс Kodko) @ Комиын кӧсйӧны восьтыны нӧбасьысь аньяслы отсӧг сетан благотворительнӧй фондлысь регионса представительство @ выльтор @ https://rkomi.ru/news/1809 @ 2022-02-17 @}
Комиын кӧсйӧны восьтыны нӧбасьысь аньяслы отсӧг сетан благотворительнӧй фондлысь регионса представительство
Коми Республикаса Юралысь Владимир Уйба дорӧ татшӧм вӧзйӧмӧн шыӧдчис «Женщины за жизнь» семьялы, мамлунлы да челядьдырлы отсӧг сетан федеральнӧй благотворительнӧй фондӧн юрнуӧдысь Наталия Москвитина.
«Фонд нуӧдӧ колана удж.
Сійӧ отсалӧ пикӧ воӧм нӧбасьысь аньяслы, отсалӧ чинтыны абортъяслысь лыдсӧ.
Тайӧ абу сӧмын отсӧг, а мортлысь олӧмсӧ видзӧм!» — тӧдчӧдіс аддзысьлігӧн Владимир Уйба.
Республикаса Юралысь тӧдмӧдіс, кутшӧм отсӧг сетӧ регионса Веськӧдлан котыр, медым отсавны семьяяслы да нӧбасьысь аньяслы венны материальнӧй сьӧкыдлунъяссӧ да бурмӧдны психологическӧй аскылӧмсӧ, чинтыны абортъяслысь лыдсӧ.
Сы лыдын — медводдза да коймӧд кага чужтігӧн 150 сюрс шайт мында регионса семейнӧй капитал мынтӧм, нӧбасьысь аньяслы, кодъяс олӧны сьӧкыда воӧдчан олан пунктъясын, республикаса медицина организацияясӧ мунӧм да сэтысь бӧр локтӧм вылӧ рӧскод мынтӧм.
Уджалӧны риск группаӧ веськалӧм нӧбасьысь аньяслы да мамъяслы отсӧг сетан уджтасъяс, дасьтӧма комплекснӧй регионса уджтас бала. Сылӧн мог ӧлӧдны абортъясысь да чинтыны найӧс, бурмӧдны абортӧдз консультируйтӧм, нӧбасьысь аньяслы социальнӧй да мукӧд отсӧг сетӧм.
Бура уджалӧ уна челядя семьяяслы отсӧг сетан уджтас.
Аддзысьлӧмын участвуйтысьяс кывкӧрталісны, мый республикаса Веськӧдлан котырлӧн да федеральнӧй благотворительнӧй фондлӧн ӧтувъя уджыс кутас отсавны чинтыны абортъяс, бурджыка отсавны нӧбасьысь аньяслы да налӧн семьяяслы.
Матысса кадӧ регионын кӧсйӧны восьтыны сылысь представительство.
Тані психологъяс, юристъяс, медикъяс кутасны отсавны пикӧ воӧм нӧбасьысь аньяслы да челядя семьяяслы.
Та кындзи, фонд вермас сетны кӧлуй, сёян-юан, недыр кад кежлӧ оланін, отсалас нуӧдны реабилитация челядьлы, кодъяс чужисны порокъясӧн.
{Kodko (комиӧдіс Kodko) @ Ухта бердса Борӧвӧй посёлокын помалӧны клублысь вужвыйӧн вежӧмсӧ @ выльтор @ https://rkomi.ru/news/1816 @ 2022-02-19 @}
Ухта бердса Борӧвӧй посёлокын помалӧны клублысь вужвыйӧн вежӧмсӧ
Уджсӧ нуӧдӧны «Газпром трансгаз Ухта» ичӧт кывкутана котырлӧн бурвӧчан уджтас отсӧгӧн.
Урасьӧм тӧлысь 18 лунӧ объектсӧ волісны видзӧдлыны Коми Республикаса Юралысь Владимир Уйба, предприятиеса медыджыд директор, Коми Республикалӧн Каналан Сӧветса депутат Александр Гайворонский, Коми Республикаса ӧтйӧза палатаӧн веськӧдлысь Григорий Хатанзейский да «Ухта» КК МЮ-са юралысь Магомед Османов.
«Вужвыйӧн вежӧм бӧрын Борӧвӧй посёлокын лоӧ культура учреждение колана техническӧй оборудованиеӧн.
Ӧнія кадӧ миян ӧтувъя мог — видзны выльмӧдӧм объектсӧ, медым сійӧ уджаліс уна во, а посёлокын олысьяс лӧсьыда вермисны коллявны ассьыныс прӧст кадсӧ.
Ухтаса администрациялы колӧ корны удж вылӧ бур обслуживайтысь персоналӧс, медым найӧ колана ногӧн вермисны дӧзьӧритны зданиесӧ.
Татшӧм объектъяс бӧрся колӧ бура видзӧдны, сы вӧсна мый на гӧгӧр артмӧ да сӧвмӧ неыджыд посёлокъяслӧн инфраструктураыс», — тӧдчӧдіс Владимир Уйба.
Посёлокса 1100-ысь унджык олысь коллялӧны прӧст кадсӧ сӧмын клубын.
Тані уджалӧ 17 кружок да секция, кытчӧ пырӧдчӧ 180 морт.
Учреждениелысь 1973 воӧ стрӧитӧм кирпичнӧй зданиесӧ колӧ вӧлі вужвыйӧн вежны.
2019 восянь 2022 во заводитчытӧдз пожертвование серти сёрнитчӧмъяс серти дзоньталӧма вевт, лэбула пыранін, фойе, йӧктан класс, библиотека, кружокъяс нуӧдан жыръяс да административнӧй юкӧн, вӧчӧма тӧлӧдан фасад да бурмӧдӧма йӧрсӧ.
«Ичӧт Чужан мулӧн культура» («Меставывса культура керка») ставроссияса проект да карса сьӧмкуд сьӧм тшӧт весьтӧ бурмӧдӧма клублысь материально-техническӧй база: ньӧбӧма занятиеяс вылӧ мебель, видзӧдысьяслысь залсӧ могмӧдӧма шы да би сетан оборудованиеӧн, сценаса паськӧмӧн, лӧсьӧдӧма видзӧдысьяслысь креслӧяс.
Таво «Газпром трансгаз Ухта» ичӧт кывкутана котырлӧн бурвӧчан сьӧм отсӧгӧн водзӧ кутасны дзоньтавны административнӧй юкӧн.
Коми Республикаса культура министерстволӧн сьӧмкуд сьӧм тшӧт весьтӧ библиотекасӧ кӧсйӧны могмӧдны колана оборудованиеӧн.
«Газпром трансгаз Ухта» ичӧт кывкутана котыр отсалӧ Борӧвӧй посёлокса олысьяслы разьны медтӧдчана социальнӧй мытшӧдъяс, сы лыдын мый йитчӧма пыран туй видзӧмкӧд, Айму вӧсна Ыджыд тышын участвуйтысьясӧс казьтылан обелиск лӧсьӧдӧмкӧд, фельдшер-акушер пункт могмӧдӧмкӧд, велӧдан учреждениеяслысь материально-техническӧй база сӧвмӧдӧмкӧд.
Предприятиелӧн подшефнӧй учреждениеяс лыдӧ пыртӧма детсад да школа.
Ӧнія кадӧ ас вынъясӧн ми уберитам стрӧйбаяс, кутшӧмъясӧс абу пырӧма аварийнӧй да киссьӧм оланін разян уджтасӧ.
Та йылысь юалӧмсӧ олысьяс кыпӧдісны колян вося кӧч тӧлысьӧ Владимир Викторович Уйбакӧд аддзысьлӧм дырйи», — пасйис Александр Гайворонский.
Матысса кадӧ «Газпром трансгаз Ухта» ичӧт кывкутана котыр отсӧгӧн Борӧвӧй посёлокын лоӧ нӧшта ӧти инфраструктура объект, коді сӧвмӧдас олан пунктсӧ да сетас содтӧд уджалан местаяс — «Парась тыяс» канму вӧр-ва заказниклӧн дирекция.
Колян вося кӧч тӧлысьӧ Коми Республикаын вӧлі артмӧдӧма федеральнӧй тӧдчанлуна торйӧн ёна видзан нёльӧд вӧр-ва мутас. Сійӧ меститчӧ «Ухта» кар кытшса муниципальнӧй юкӧнын.
{Kodko (комиӧдіс Kodko) @ Ухтаын «Газпром» публичнӧй акционер котыр отсӧгӧн помалӧны дзоньтавны йӧзлы тӧдчана объектъяс @ выльтор @ https://rkomi.ru/news/1817 @ 2022-02-19 @}
Ухтаын «Газпром» публичнӧй акционер котыр отсӧгӧн помалӧны дзоньтавны йӧзлы тӧдчана объектъяс
Уджъяссӧ нуӧдӧны Коми Республикаса Веськӧдлан котыр да «Газпром» публичнӧй акционер котыр (ПАК) костын уджъёртасьӧм йылысь артмӧдчӧм серти инвестиция проектъяс, на лыдын «Ухта — Торжок — 2» магистральнӧй биару провод стрӧитан проект, збыльмӧдӧм серти.
Урасьӧм тӧлысь 18 лунӧ удж серти ветлігӧн объектъясӧ волісны Коми Республикаса Юралысь Владимир Уйба, «Газпром трансгаз Ухта» ичӧт кывкутана котырса медыджыд директор, Коми Республикалӧн Каналан Сӧветса депутат Александр Гайворонский, «Ухта» КК МЮ-са юралысь — «Ухта» КК МЮ-са администрацияӧн юрнуӧдысь Магомед Османов да Коми Республикаса ӧтйӧза палатаӧн веськӧдлысь Григорий Хатанзейский.
«Аттьӧала «Газпром» компанияса да карса юрнуӧдысьясӧс бур да ӧтсӧгласа уджысь.
Йӧзлысь дзоньвидзалун видзан, культура да прӧст коллялан объектъяс кыпӧдӧм вылӧ сьӧм видзигӧн ми пуктам пай йӧзлӧн, республикалӧн аскиа лунӧ.
Став бурторнас, мый эм Ухтаын, вермӧны вӧдитчыны оз сӧмын Ухтаын олысьяс, но республикаса мукӧд муниципалитетын олысьяс», — тӧдчӧдіс Владимир Уйба.
Тайӧ объектъяс пӧвстысь ӧтиыс — физиотерапевтическӧй поликлиника (ва-няйтӧн бурдӧдчанін).
«Газпром» ПАК тшӧт весьтӧ поликлиникаын дзоньталӧны варччанін пӧрччысянінъясӧн, санузелъясӧн, душӧн мыссянінъясӧн, вежлалӧны ӧшиньяс, краситасны поликлиника ортсысӧ.
Уджъяссӧ кӧсйӧны помавны косму тӧлысьын.
«Физиотерапевтическӧй поликлиникасӧ пыдди пуктӧны и Ухтаын, и республикаын.
Тайӧ регионкостса ыджыд объект.
Татчӧ пациентъяс волӧны оз сӧмын орчча муниципалитетъясысь, но и мукӧд регионысь, весиг ылыс да матыс суйӧрсайса странаясысь.
Колян во тані босьтісны услугаяс квайт сюрсысь унджык пациент, сы лыдын найӧ, кодъяс висьлісны ковидӧн», — гӧгӧрвоӧдіс республикаса Юралысь.
Коми Республикаса йӧзлысь дзоньвидзалун видзан министерство ньӧбис медицина учреждениеӧ оборудование, на лыдын ударно-волновӧй, светӧвӧй, магнитнӧй да мукӧд сикас терапия вылӧ аппаратъяс, хромотерапияа гидро-аэромассажнӧй ваннаяс, кислороднӧй барокамера, массаж вӧчан пызан.
Владимир Уйба видзӧдліс, кыдзи дзоньталӧны Ухтаын мутаскостса кага чужтан керка.
Тані дзоньнас выльмӧдісны приёмнӧй покойсӧ да медшӧр корпуслысь пристройкасӧ, выпишитан жырсӧ, вежисны груз да пассажиръясӧс новлӧдлан кык лифт, лӧсьӧдісны му веркӧсвывса вуджанінсӧ.
Нуӧдӧны уджъяс кага чужтан юкӧнса приёмнӧй покойын, пузчужӧм кагаяслы анестезиология да реанимация юкӧнын, пузчужӧм да кадысь водз чужӧм кагаяслӧн патология юкӧнын, «Мам да кага» кага чужтӧмбӧрся юкӧнын, кага чужтан юкӧнын операционнӧйӧн.
Дзоньталан жыръяслӧн ӧтувъя площадьыс — вит сюрс гӧгӧр квадратнӧй метр.
Уджъяссӧ кӧсйӧны эштӧдны ода-кора тӧлысь заводитчигӧн.
«Демография йылысь сёрнитігӧн, миянлы оз ков вунӧдны объектъяс йылысь, кӧні заводитчӧ олӧм.
Роддомъясыс кӧ лоасны мисьтӧмӧсь, лӧсьӧдтӧмӧсь, кага чужтӧмлы бура отсасьӧм йылысь весиг сёрнисӧ оз ков панны.
Ухтаын мутаскостса кага чужтан керкаын водзӧ на мунӧны капитальнӧя дзоньтасян уджъяс.
Ӧні Коми Республикаса Веськӧдлан котырлӧн мог — могмӧдны сійӧс выль медицина оборудованиеӧн да мебельӧн, мый вылӧ ковмас республиканскӧй сьӧмкудйысь сьӧм», — шуис Владимир Уйба.
Ухтаын мутаскостса кага чужтан керка сетӧ отсӧг Коми Республикаса квайт районысь пациентъяслы.
Быд во тані босьтӧны медицина услугаяс регионысь 22 прӧчентысь унджык ань да примитӧны 1500 кага вайӧм.
Коми Республикаса Веськӧдлан котыр да «Газпром» ПАК костын артмӧдчӧм серти Ухтаын дзоньталісны Челядьлы паркын меститчӧм мини-зооуголоклысь зданиесӧ.
Сійӧс стрӧитісны 30 во сайын том натуралистъяслы станция бердын да сійӧ лоис выль керкаӧн уна пемӧс-отказниклы.
Пемӧсъясӧс видзанінын сідзжӧ быдтывлісны уна экзотическӧй пемӧс сикас.
Сэні олісны ош, макака, карликӧвӧй ӧблезянаяс, питон, енотъяс, павлинъяс, цесаркаяс, носухаяс, дикобраз, крокодил, игуана, быдсикас грызунъяс, лэбачьяс, му-васа пемӧсъяс да черияс.
«Тайӧ челядьлы зэв шензьӧдана ин.
Но сійӧ вӧлі нин зэв шогмытӧмӧн, киссян выйын, сійӧс коліс либӧ косявны, либӧ капитальнӧя дзоньтавны.
Ми бӧрйим мӧдсӧ.
Ӧд тайӧ историческӧй места, карлӧн аслыспӧлӧслуныс.
Зоопарксӧ дзоньталісны-лӧсьӧдісны да ӧні сійӧ лӧсялӧ пемӧсъясӧс кутан став корӧмлы.
Республикаын татшӧмторйыс сэсся некӧн абу.
Ӧні карса юрнуӧдысьяслӧн могыс — конкурсъяс нуӧдӧмӧн аддзыны компетентнӧй организацияӧс, коді вермас колана ногӧн да тӧдӧмӧн котыртны зоопарклысь уджсӧ ветврачьясӧс, зоологъясӧс, специалистъясӧс корӧмӧн, кодъяс радейтӧны пемӧсъясӧс да бура тӧдӧны, кыдзи найӧс видзны», — шуис Владимир Уйба.
Коми Республикаса Юралысь сетіс «Газпром трансгаз Ухта» ИКК-са медыджыд директор Александр Гайворонскийлы Аттьӧалана письмӧ да сиис водзӧ бура ӧтвылысь уджавны.
«Газпром трансгаз Ухта» ИКК водзӧ кутас збыльмӧдны регионын йӧзлы тӧдчана проектъяс.
Шуам, регыдъя кадӧ ас инвестиция уджтас серти планируйтӧма стрӧитны спорт да культура комплекс, кӧні котыртасны оз сӧмын Ухталысь, но и орчча районъяслысь спорт да культура боксянь прӧст кад коллялӧмсӧ, и мый медтӧдчанаыс — выль бур ӧнія тшупӧдын.
Таысь кындзи, Ухтаын водзӧ нуӧдасны «Сияние севера» лызь да спорт база лӧсьӧдӧм-бурмӧдӧм серти уджъяс», — шуис Александр Гайворонский.
{Kodko (комиӧдіс Kodko) @ Комиын чукӧртӧны гуманитарнӧй отсӧг ДНР-са да ЛНР-са олысьяслы @ выльтор @ https://rkomi.ru/news/1818 @ 2022-02-20 @}
Комиын чукӧртӧны гуманитарнӧй отсӧг ДНР-са да ЛНР-са олысьяслы
Татшӧм водзмӧстчӧмӧн шыӧдчис Коми Республикаса Юралысь, «Единая Россия» партиялӧн регионса юкӧнлӧн секретар Владимир Уйба.
«Единая Россия» партия Коми Республикаса Веськӧдлан котыркӧд ӧтув чукӧртӧ гуманитарнӧй отсӧг Ростов обласьтӧ эвакуируйтӧм ДНР-са да ЛНР-са олысьяслы.
Владимир Уйба корис регионса предприятиеясӧс да организацияясӧс, а сідзжӧ олысьясӧс пырӧдчыны гуманитарнӧй акцияӧ.
«Коми Республикаса пыдди пуктана олысьяс!
Кора тіянӧс отсавны Ростов обласьтӧ Донецкӧй да Луганскӧй народнӧй республикаясысь воӧм йӧзлы.
Ӧнія кадӧ налы колӧ отсӧг.
Ме шыӧдчи нин гуманитарнӧй отсӧгла бизнес, овмӧс нуӧдысь объектъяс дорӧ.
Ме ачым зіля тайӧ уджын да кора отсӧг ставныслысь, коді гӧгӧрвоӧ тайӧ йӧзлысь мытшӧдъяссӧ. Найӧ колисны ассьыныс керкаяс.
Эска, ті онӧ кольччӧй бокын да сьӧлӧмсянь аттьӧала зільӧмысь.
Сиа ставнымлы мирнӧй олӧм!», − шыӧдчис Владимир Уйба.
ДНР-са да ЛНР-са олысьяслы медколана сёян-юанлӧн да кӧлуйлӧн лыддьӧг:
− йӧзӧс торйӧн видзан средствояс;
− ӧтчыдысь вӧдитчан тасьті-пань;
− челядьлы сёян (кос);
− кос сёян;
− тшай, кофе;
− бутыля ва;
− майтӧг да мыссьыны мукӧд коланатор;
− пинь весалан паста, пинь весалан щӧткаяс;
− ки чышкӧдъяс;
− челядьлы памперсъяс;
− туалетнӧй бумага;
− аньяслы гигиена коланаторъяс;
− васӧд салфеткаяс;
− кулеръяс;
− узьлан кӧлуй;
− шонтан пушкаяс;
− удлинительяс;
− электрочайникъяс;
− холодильникъяс;
− микроволновкаяс да мукӧдтор.
Донецкӧй да Луганскӧй народнӧй республикаясысь воӧм йӧзлы гуманитарнӧй отсӧг примитан местаяс:
— Сыктывкар, Интернациональнӧй ул., 106, Наталья Геннадиевна Снигур, тел. 8-904-233-61-66;
— Воркута к., Ленин ул., 38, 311 каб., Юрий Александрович Нечаев, тел. 8-912-967-01-93;
— Вуктыл к., Комсомольскӧй ул., 20, Валентина Ивановна Терехова, тел. 8-912-861-32-79;
— Инта к., Мир ул., 26, Мария Николаевна Березина, тел. 8 912 124 58-38;
— Печора к., Булгаков ул., 22, Ксения Дмитриевна Суслова, тел. 8 912-144-76-85;
— Сосногорск к., 5 микрорайон, 41, Надежда Юрьевна Бочкова, тел. 8 908-718-79-28, 8-922-271-74-69;
— Усинск к., Мусир перйысьяслӧн ул., 33, Альбина Георгиевна Севанян, тел. 8-904-108-59-51;
— Ухта к., Чибью ул., 54, 26 каб., Людмила Николаевна Симакова, тел. 8-912-949-77-53;
— Изьва район, Изьва с., Том йӧз ул., 48, Татьяна Альбертовна Князькина, тел. 8-912-548-33-25;
— Княжпогост район, Емва к., Дзержинский ул., 110, 13 каб., Мария Григорьевна Гойда, тел. 8-909-128-36-69;
— Койгорт район, Койгорт с., Сӧветскӧй ул., 30, Евгения Сергеевна Костина, тел. 8-904-220-90-55, 8-904-220-90-52;
— Кӧрткерӧс район, Кӧрткерӧс с., Первомай ул., 25а, «Кӧрткерӧс районса ОСДШ» КР КСУ, Елена Александровна Арихина, тел. 8 904 201 31-72;
— Луздор район, Абъячой с., Шӧр ул., 4, Наталья Ивановна Лютикова, тел. 8-963-022-24-03;
— Сыктывдін район, Выльгорт с., Вӧр уличкост, 15, Владимир Николаевич Муравьев, тел. 8-904-271-34-93;
— Сыктыв район, Визин с., Сӧветскӧй ул., 35, Андрей Анатольевич Батищев, тел. 8-912-158-51-03;
— Мылдін район, Мылдін ккп., Сӧветскӧй ул., 46, 62 каб., Алексей Михайлович Васильцов, тел. 8-912-101-58-08;
— Емдін район, Айкатыла с., Школадор ул., 3, Светлана Алексеевна Сукач, тел. 8-900-981-64-14;
— Удора район, Кослан с., Гагарин ул., 8 (Йӧзкост творчество керка), Иван Александрович Коковкин, тел. 8-912-865-48-94;
— Кулӧмдін район, Кулӧмдін с., Сӧветскӧй ул., 37, Сергей Владимирович Рубан, тел. 8(82137) 94-508;
— Чилимдін район, Чилимдін с., Выль квартал, 11а, Ирина Сергеевна Чубченко, тел. 8-912-184-43-78, 8-922-588-72-55.
{Kodko (комиӧдіс Kodko) @ Коми Республикаса Юралысь чолӧмалӧ Чужан кывлы сиӧм войтыркостса лунӧн @ выльтор @ https://rkomi.ru/news/1820 @ 2022-02-21 @}
Коми Республикаса Юралысь чолӧмалӧ Чужан кывлы сиӧм войтыркостса лунӧн
«Коми Республикаса пыдди пуктана олысьяс!
Дона ёртъяс!
Чолӧмала тіянӧс Чужан кывлы сиӧм войтыркостса лунӧн!
Тайӧ гажсӧ котыртіс ЮНЕСКО, медым видзны мирса став войтырлысь кывъяссӧ да культураяссӧ.
Ыджыд шуд лоны торъя войтырлӧн юкӧнӧн, бура сёрнитны да гижны чужан кыв вылын.
2022 воыс аслыспӧлӧс сыӧн, мый ООН-лӧн Генеральнӧй Ассамблеяӧн шуӧм серти локтан воӧ заводитчӧ Мир пасьтала вужвойтырлӧн кывъяслы сиӧм дас во, миян странаын тайӧ восӧ Россияса Президент Владимир Владимирович Путин шуис Россияса войтырлӧн культура озырлунлы сиӧм воӧн.
Коми Республикаын олӧ уна сикас войтыр.
Регионса национальнӧй политикалысь мероприятиеяссӧ веськӧдӧма найӧс видзӧм да сӧвмӧдӧм вылӧ, торйӧн нин коми войтырлысь кыв да культура олысьяс пӧвстын паськӧдӧм вылӧ. Коми йӧз важысянь олӧны войвылын да накӧд йитчӧма республикалӧн нимыс.
Чужан кывлы сиӧм войтыркостса лунлы тӧдчанлунсӧ содтӧ сійӧ, мый 2022 воӧ тырӧ 650 во коми гижӧд кывлы.
Дона ёртъяс!
Став сьӧлӧмсянь аттьӧала учёнӧйясӧс, йӧзӧс юӧртан средствояс, культура да искусство юкӧн петкӧдлысьясӧс, велӧдан юкӧнын уджалысьясӧс да общественникъясӧс, кодъяс пуктӧны ыджыд пай Коми Республикаын олысь войтырлысь чужан кывъяс, культура да традицияяс видзӧмӧ».
[Коми Республикаса Юралысь Владимир Уйба]
{Kodko (комиӧдіс Kodko) @ Республикаса олысьяс зільӧны чукӧртӧны гуманитарнӧй отсӧг @ выльтор @ https://rkomi.ru/news/1823 @ 2022-02-21 @}
Республикаса олысьяс зільӧны чукӧртӧны гуманитарнӧй отсӧг
Гуманитарнӧй отсӧг чукӧртӧны республикалӧн став кар-районын.
«Единая Россия» партиялӧн дінму юкӧнӧн котыртӧм пунктъясӧ вайӧны сёян-юан, медколанаторъяс, паськӧм, овмӧсын колана техника да мукӧдтор.
Коми Республикаса Юралысь, «Единая Россия» партиялӧн дінму юкӧнса секретар Владимир Уйба корис отсавны Донецкӧй да Луганскӧй народнӧй республикаясысь воӧм йӧзлы.
«Коми Республикаса пыдди пуктана олысьяс!
Кора тіянӧс отсавны Ростов обласьтӧ Донецкӧй да Луганскӧй народнӧй республикаясысь воӧм йӧзлы.
Ӧнія кадӧ налы колӧ отсӧг.
Ме шыӧдчи гуманитарнӧй отсӧгла бизнес, овмӧс нуӧдысь объектъяс дорӧ.
Ме ачым зіля тайӧ уджын да кора отсӧг ставныслысь, коді гӧгӧрвоӧ тайӧ йӧзлысь мытшӧдъяссӧ.
Найӧ колисны ассьыныс керкаяс.
Эска, ті онӧ кольччӧй бокын да сьӧлӧмсянь аттьӧала зільӧмысь.
Сиа ставнымлы мирнӧй олӧм!», − шыӧдчис войдӧр Владимир Уйба.
{Kodko (комиӧдіс Kodko) @ Коми Республика дась примитны да меститны ас дорас ДНР-са да ЛНР-са олысьясӧс, кодъяслы быть ковмис мунны Украинаысь да экстреннӧя локны Россияӧ @ выльтор @ https://rkomi.ru/news/1824 @ 2022-02-22 @}
Коми Республика дась примитны да меститны ас дорас ДНР-са да ЛНР-са олысьясӧс, кодъяслы быть ковмис мунны Украинаысь да экстреннӧя локны Россияӧ
Урасьӧм тӧлысь 24 лунӧдз «Гренада» челядьлысь дзоньвидзалун бурмӧдан да найӧс велӧдан шӧринын да «Лӧзым» санаторийын лӧсьӧдасны 200 мортӧс недыр кежлӧ меститан пунктъяс.
Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева кырымаліс регионса Веськӧдлан котырлысь лӧсялана шуӧм.
Таысь кындзи, котыртӧма Донецкӧй да Луганскӧй народнӧй республикаясысь гражданаӧс, кодъяслы быть ковмис мунны Украинаысь да экстреннӧя локны Россия Федерацияӧ, Коми Республикаын меститӧмкӧд йитчӧм юалӧмъяс серти ведомствокостса уджалан группа.
{Kodko (комиӧдіс Kodko) @ Илья Семиков аттьӧаліс Коми Республикаса олысьясӧс 2022 вося Тӧвся Олимпиада вылын сы вӧсна тӧждысьӧмысь @ выльтор @ https://rkomi.ru/news/1825 @ 2022-02-22 @}
Илья Семиков аттьӧаліс Коми Республикаса олысьясӧс 2022 вося Тӧвся Олимпиада вылын сы вӧсна тӧждысьӧмысь
Чилимдін районысь лыжник пырис Пекинын классическӧй стиль серти ордйысьӧмын дас медвына спортсмен лыдӧ.
Урасьӧм тӧлысь 21 лунӧ Илья Семиковкӧд аддзысьліс Коми Республикаса Юралысь Владимир Уйба.
Найӧ сёрнитісны регионын лыжиӧн котралӧм сӧвмӧдӧм да Сыктывдін районса Выльгорт сиктын Раиса Сметанина нима республиканскӧй лызь комплекс выльмӧдны позянлунъяс йылысь.
Владимир Уйба чолӧмаліс Илья Семиковӧс Олимпиада вылын бура петкӧдчӧмысь, сиис сылы спортын выль вермӧмъяс да эскӧдіс, мый регионса Веськӧдлан котыр пыр быд боксянь кутас отсасьны олимпиечьяслы.
«Кор Олимпийскӧй ворсӧмъясын участвуйтӧны Коми Республикаысь спортсменъяс, миян челядь, том йӧз пыр нимкодясьӧны наӧн.
Томулов аддзӧны, мый налӧн земляк Илья Семиков пырис дас медбур лыжник лыдӧ, нӧшта ӧти земляк — Юлия Ступак — босьтіс эзысь да бронза.
Тіян шедӧдӧмторъясныд ышӧдӧны том йӧзсӧ пырӧдчыны спортӧ да шедӧдны ыджыд вермӧмъяс», — шуис республикаса Юралысь.
Илья Семиков чужис Чилимдінын, Россияса войтыркостса тшупӧдын спорт мастер, Мирса кубоклӧн этапъясын приз босьтысь, 2021 вося Россияса чемпион, унаысь босьтліс приз 2019 да 2021 воясся Россияса чемпионатъясын.
«Кор аддзан, мый тэ вӧсна тӧждысьӧ став республика, тэ гӧгӧрвоан, мый котӧртан он сӧмын ас вӧснаыд, но и регион, Россия вӧсна.
Ни ӧти старт вылын татшӧм аскылӧмыс абу.
Тайӧ сетӧ унджык вын да содтӧ кывкутӧмсӧ.
Кутам водзӧ бӧрйысьны гырысь турниръяс вылӧ да, кута лача, миян ставыс артмас», — шуис спортсмен.
Владимир Уйба чолӧмаліс Илья Семиковӧс локтан Айму дорйысьлӧн лунӧн да сетіс козинъяс.
* * *
XXIV Тӧвся Олимпийскӧй ворсӧмъясын тӧвся Олимпиада вылын босьтӧм награда лыд серти Россия пуктіс выль национальнӧй рекорд: Ворсӧмъяслӧн кывкӧртӧдъяс серти миян спортсменъяс босьтісны 32 медаль, на пиысь 6 зарни, 12 эзысь да 14 бронза.
Россияса спортсменъяс босьтісны мӧд места олимпийскӧй медальяслӧн ӧтувъя лыд серти, а ROC команда — ӧкмысӧд места абу официальнӧй команднӧй зачётын.
{Kodko (комиӧдіс Kodko) @ Владимир Уйба чолӧмаліс офицеръясӧс матыстчысь Айму дорйысьлӧн лунӧн @ выльтор @ https://rkomi.ru/news/1826 @ 2022-02-22 @}
Владимир Уйба чолӧмаліс офицеръясӧс матыстчысь Айму дорйысьлӧн лунӧн
Коми Республикаса Юралысьлӧн регионын меститчысь воинскӧй часьтъясса командиръяскӧд да военнӧй веськӧдланінса органъясӧн юрнуӧдысьяскӧд кыпыд паныдасьӧмыс вӧлі Сыктывкарын.
«Россияса военнослужащӧйяс бура збыльмӧдӧны пуктӧм могъяссӧ, та дырйи найӧ выльмӧдӧны, сӧвмӧдӧны выль ӧружие сикасъяс да кыпӧдӧны войскаясӧс боевӧя дасьтан тшупӧдсӧ.
Талун Россиялӧн медтӧдчана могъяс пиын лоӧны Арктика водзӧ тӧдмалӧм да Войвылын страналысь экономика боксянь коланлунъяссӧ дорйӧм.
Тайӧ могъяссӧ миянлы колӧ збыльмӧдны ӧтвылысь.
Чолӧмала став офицерӧс да салдатӧс локтан гажӧн — Айму дорйысьлӧн лунӧн!
Сиа кыпыд ловру, крепыд дзоньвидзалун, ыджыд шуд да быд бурсӧ», — сиис Коми Республикаса Юралысь.
Владимир Уйба тӧдчӧдіс, мый республикаса Веськӧдлан котыр, Военнӧй комиссариат да Коми Республикаын меститчысь воинскӧй часьтъяс костын ёртасьӧмыс пыр вайӧ буртор, регионса власьтъяс дасьӧсь быд боксянь отсасьны военнӧйяслы.
{Kodko (комиӧдіс Kodko) @ Коми Республика медводдзаысь мӧдӧдіс ДНР-са да ЛНР-са олысьяслы гуманитарнӧй отсӧг @ выльтор @ https://rkomi.ru/news/1829 @ 2022-02-22 @}
Коми Республика медводдзаысь мӧдӧдіс ДНР-са да ЛНР-са олысьяслы гуманитарнӧй отсӧг
Отсӧгсӧ чукӧртӧны регионса став кар-районын.
Войдӧр Коми Республикаса Юралысь, «Единая Россия» партиялӧн регионса юкӧнлӧн секретар Владимир Уйба корис чукӧртны сёян, кодӧс позьӧ дыр видзны, медколанаторъяс, челядь паськӧм, паськӧм да овмӧсын колана техника.
Сійӧ ачыс отсаліс Донецкӧй да Луганскӧй народнӧй республикаясысь воӧм йӧзлы челядь сёянӧн, школаӧ коланаторъясӧн да гигиена средствоясӧн.
«Сьӧлӧмсянь аттьӧала найӧс, коді пырӧдчис тайӧ колана уджӧ.
Йӧзыс отсалӧны сьӧлӧмсяньыс, сетӧны ставсӧ, мый вермӧны.
Донецкӧй да Луганскӧй народнӧй республикаясысь уна йӧз воштісны оланінъяссӧ да пышйӧны тышысь Россияӧ — канмуӧ, коді шуис найӧс асшӧрлунаӧн.
Миян мог — отсавны налы, петкӧдлыны, мый миян страна налӧн ёрт», — аттьӧаліс Коми Республикаса Юралысь.
Коми Республикаысь гуманитарнӧй отсӧгсӧ медводдзаысь ваясны Ростов обласьтса Шахты карӧ урасьӧм тӧлысь 24 лунӧ.
Владимир Уйба сиис водитель Геннадий Сельковлы бур туй.
«Единая Россия» партиялӧн регионса юкӧнӧн котыртӧм гуманитарнӧй отсӧг чукӧртан пунктъяс водзӧ примитӧны ДНР-са да ЛНР са олысьяслы гуманитарнӧй отсӧг.
{Kodko (комиӧдіс Kodko) @ Владимир Путин чолӧмалӧ Коми Республикаса олысьясӧс Айму дорйысьлӧн лунӧн @ выльтор @ https://rkomi.ru/news/1830 @ 2022-02-23 @}
Владимир Путин чолӧмалӧ Коми Республикаса олысьясӧс Айму дорйысьлӧн лунӧн
Россия Федерацияса Президентлысь чолӧмалан открыткасӧ ыстӧма Коми Республикаса Юралысь Владимир Уйбалы.
«Миян странаын военнӧй службаыс быд кадӧ лыддьысис смел да повтӧм йӧзлӧн тӧдчана могӧн.
Тӧда, мый тадзи лоас и водзӧ, ӧд кадысь кадӧ, кӧленаысь кӧленаӧ ми вуджӧдам геройяс йылысь паметьсӧ, гӧрдитчам миян батьяслӧн да дедъяслӧн ыджыд подвигъясӧн», — пасйӧма канмуӧн юралысьлӧн шыӧдчӧмын.
{Kodko (комиӧдіс Kodko) @ Коми Республикаса Юралысь чолӧмалӧ Айму дорйысьлӧн лунӧн @ выльтор @ https://rkomi.ru/news/1831 @ 2022-02-23 @}
Коми Республикаса Юралысь чолӧмалӧ Айму дорйысьлӧн лунӧн
«Коми Республикаын пыдди пуктана олысьяс!
Сьӧлӧмсянь чолӧмала Айму дорйысьлӧн лунӧн!
Миян странаын армия да флот век бура дорйисны да дорйӧны канмулысь безопасносьтсӧ, велӧдӧны радейтны да пыдди пуктыны Чужан мунымӧс. Ми пыр нимкодясям наӧн.
Кадыс вежсьӧ, но миян салдатъяслӧн да офицеръяслӧн повтӧмлуныс да смеллуныс кыдзи мирнӧй, сідз и война кадӧ, некор оз вежсьы.
Кӧленаысь кӧленаӧ вуджӧны военнӧй вынъяслӧн традицияясыс да найӧс пыдди пуктӧмыс, кодъяс дорйисны чужан мунымӧс Айму вӧсна Ыджыд тыш воясӧ, кодъяс збыльмӧдісны ассьыныс могсӧ локальнӧй конфликтъясын.
Муӧдз копыр налы да ыджыдсьыс-ыджыд аттьӧ.
Миян кадӧ Айму дорйысьлӧн луныс уналы лоис збыльвывса мужичӧйяслӧн лунӧн, кодъяс кывкутӧны ас семья, ас керка, Чужан му вӧсна, кодъяс оз сӧмын ыджыд подвигӧн, но и кывкутана уджӧн служитӧны Россиялы, уджалӧны, медым сійӧ сӧвмис да дзоридзаліс.
Став сьӧлӧмсянь сиа тіянлы крепыд дзоньвидзалун, шуд да тыр-бур олӧм!»
[Коми Республикаса Юралысь Владимир Уйба]
{Kodko (комиӧдіс Kodko) @ Владимир Уйба казьтыштіс Айму дорйысьясӧс, кодъяс усисны тышъяс дырйи @ выльтор @ https://rkomi.ru/news/1833 @ 2022-02-23 @}
Владимир Уйба казьтыштіс Айму дорйысьясӧс, кодъяс усисны тышъяс дырйи
Коми Республикаса Юралысь пуктіс «Куслытӧм слава» мемориал да воин-интернационалистъяслы памятник дорӧ дзоридзьяс.
Талун, урасьӧм тӧлысь 23 лунӧ, Сыктывкарын прӧйдитіс кыпыд церемония.
Сэні участвуйтісны Коми Республикаса Веськӧдлан котырӧ пырысьяс, Каналан Сӧветса депутатъяс, федеральнӧй ведомствояслӧн тэчас юкӧдувъясӧн веськӧдлысьяс, боевӧй тышъясса ветеранъяс.
«Муӧдз копыр да ыджыд аттьӧ миян Айму, вӧля да асшӧрлун вӧсна усьӧмаяслы.
Муӧдз копыр ветеранъяслы, кодъяс велӧдӧны челядьӧс радейтны чужан му.
Ми некор огӧ вунӧдӧй миян геройяслысь — Айму дорйысьяслысь подвигъяссӧ», — тӧдчӧдіс Владимир Уйба.
{Kodko (комиӧдіс Kodko) @ Выль велӧдчан во кежлӧ дасьтысьӧм йылысь сёрнитісны Коми Республикаса Веськӧдлан котырлӧн заседание вылын @ выльтор @ https://rkomi.ru/news/1836 @ 2022-02-24 @}
Выль велӧдчан во кежлӧ дасьтысьӧм йылысь сёрнитісны Коми Республикаса Веськӧдлан котырлӧн заседание вылын
Заседаниесӧ нуӧдіс Коми Республикаса Юралысь Владимир Уйба.
Тайӧ юалӧм серти медшӧр докладӧн сёрнитіс регионса велӧдан, наука да том йӧз политика министр Наталья Якимова.
«Выль велӧдчан во кежлӧ велӧдчанінъяслӧн дасьлун серти юалӧмыс йитчӧ уна нырвизькӧд — безопасносьт могмӧдӧмкӧд, эпидемиялы паныд нуӧдан мероприятиеяскӧд, материально-техническӧй база бурмӧдӧмкӧд, стрӧитчӧмкӧд, дзоньтасьӧмкӧд, транспортӧн вӧдитчыны позянлунсӧ могмӧдӧмкӧд.
Та вӧсна тайӧ юалӧмсӧ колӧ видлавны быд боксянь.
Быд учреждение бӧрся колӧ видзӧдны Веськӧдлан котырӧн Юрнуӧдысьӧс вежысьлы, коді курируйтӧ тайӧ юкӧнсӧ, велӧдан министрлы, муниципальнӧй юкӧнӧн юрнуӧдысьлы да дӧзьӧр органъяслы», — тӧдчӧдіс Коми Республикаса Юралысь.
Выль 2022/2023 велӧдчан во кежлӧ колӧ дасьтыны 741 велӧдан организация, на лыдын 9 детдом.
Тайӧ могъяс вылӧ федеральнӧй, республиканскӧй да меставывса сьӧмкудъясысь веськӧдасны 771,9 млн шайт.
Велӧдан организацияяслысь материально-техническӧй база бурмӧдӧм могысь республикаын вӧдитчӧны «Войтырлӧн сьӧмкуд» уджтаслӧн позянлунъясӧн.
Таво кӧсйӧны збыльмӧдны муниципальнӧй организацияяслысь йӧрсӧ мичмӧдӧм-лӧсьӧдӧм, зданиеяссӧ дзоньталӧм, велӧдчан да велӧдчан-лабораторнӧй оборудование, спорт кӧлуй ньӧбӧм, содтӧд тӧдӧмлун сетан организацияясӧс сӧвмӧдӧм серти войтырлысь 62 проект.
«Быд кагалӧн вермӧм» регионса проект отсӧгӧн 2022 воын кӧсйӧны дзоньтавны Койгорт районын Кажым посёлокса, Изьва районын Кыдзкар сиктса да Кулӧмдін районын Руч сиктса школаясын спорт залъяс.
Республиканскӧй сьӧмкуд сьӧм тшӧтш весьтӧ кӧсйӧны сувтӧдны ывлавывса спорт площадкаяс Койгорт районын Подз сиктса, Кулӧмдін районын Немдін сиктса да Кӧрткерӧс районын Адзорӧм посёлокса школаясын.
Торъя мога федеральнӧй уджтас серти 2022-2023 воясын урчитӧма капитальнӧя дзоньтавны 7 школа.
Содтӧд заявка серти 2023 во вылӧ уджтасӧ кӧсйӧны пыртны нӧшта 7 объект.
Федеральнӧй уджтасӧ вермис эськӧ веськавны и Печора карса 4 №-а школа.
Но муниципалитетса администрация эз дасьты ас кадӧ проектно-сметнӧй документациясӧ, кӧть и кадыс вӧлі тырмымӧн.
Коми Республикаса Юралысь видіс меставывса администрацияӧс тэрмасьтӧмлунысь.
Выль велӧдчан во кежлӧ дасьтысигӧн торйӧн видлалӧны безопасносьт могмӧдан юалӧмъяссӧ.
Бӧръя воясӧ артмис бура могмӧдны безопасносьт системаясӧн велӧдан организацияясӧс, бурмӧдны налысь инженернӧй да техника боксянь, а сідзжӧ терроризмысь видзӧмсӧ.
Но ыджыд ылна либӧ сьӧм тырмытӧм вӧсна 40%-ысь унджык школа оз вермыны пуктыны инӧд видзан органъяскӧд йитчан тревога кнопкаяс, а сідзжӧ медавны квалифицируйтӧм охранаӧс.
Велӧдчанінъяссӧ охранаӧн могмӧдӧм вылӧ сьӧмсӧ колӧ кыскыны федеральнӧй сьӧмкудйысь.
Таысь кындзи, школаяслы, кӧні оз вермыны пуктыны тревога кнопкаяс, колӧ сетны позянлун вӧдитчыны кутшӧмкӧ мӧд юӧртан системаӧн.
«Тайӧ юалӧмсӧ колӧ видлавны Коми Республикаын терроризмлы паныд удж нуӧдан комиссия вылын инӧд видзан став органъяслӧн участвуйтӧмӧн.
Колӧ кутны тӧд вылын миян регионлысь аслыспӧлӧслунъяссӧ, кӧні уна школа меститчӧма ылі либӧ сьӧкыда воӧдчан сикт-грездын, да петны федеральнӧй тшупӧдӧ велӧдан объектъяс терроризмысь видзан юкӧнын оланпастэчас бурмӧдӧм серти лӧсялана вӧзйӧмъясӧн», — тӧдчӧдіс Владимир Уйба.
2022/2023 велӧдчан во кежлӧ дасьтысигӧн торйӧн колӧ нуӧдны мероприятиеяс, кутшӧмъясӧс веськӧдӧма велӧдӧмсӧ бурмӧдӧм вылӧ.
«Ӧнія школа» регионса проект отсӧгӧн 2022 вося кӧч тӧлысь 1 лунсянь сиктса да ичӧт карса школаясын «Точка роста» лӧсьӧдӧм да уджалысь нин 85 шӧрин дорӧ восьтасны естественно-научнӧй да технологическӧй нырвизя 22 выль велӧдан шӧрин.
Коми Республикаса 3 специальнӧй (коррекционнӧй) школаын выльмӧдасны материально-техническӧй базасӧ, медым отсавны велӧдны дзоньвидзалунын дзескӧдӧм позянлуна челядьӧс.
Воркута карса 23 №-а шӧр школаын восьтасны школаса мӧд Кванториум, кытчӧ кутасны волыны войкытшсайса велӧдчанінъясысь став челядьыс.
Таво «Цифрӧвӧй велӧдчан гӧгӧртас» проект серти ньӧбасны велӧдчысьяслы 1001 ноутбук, ваясны велӧдчан аудиторияяс могмӧдӧм вылӧ интерактивнӧй панельяс.
Содас Коми Республикаса муниципалитетъяслӧн лыдыс, кодъяс уджалӧны IT-куб челядьӧс цифрӧвӧя велӧдан шӧринъяслӧн везйын.
2022 воын IT-куб шӧрин лӧсьӧдасны Усинскын.
«Том профессионалъяс» проект серти лӧсьӧдасны уджсикасӧ велӧдан организацияясын бура могмӧдӧм 12 мастерскӧй (во помӧдзыс ставнас лоӧ 45).
{Kodko (комиӧдіс Kodko) @ «Коми Республикаса быд олысьлӧн лоӧ позянлун вӧдитчыны Ӧтуввезйӧн» — Владимир Уйба @ выльтор @ https://rkomi.ru/news/1838 @ 2022-02-25 @}
«Коми Республикаса быд олысьлӧн лоӧ позянлун вӧдитчыны Ӧтуввезйӧн» — Владимир Уйба
Урасьӧм тӧлысь 24 лунӧ Коми Республикаса Веськӧдлан котырлӧн заседание дырйи сёрнитісны регионӧс цифровизируйтӧм йылысь.
«Уна отрасльын уджыс йитчӧма технологияяскӧд, цифровизациякӧд, — пасйис Владимир Уйба.
— Ӧнія кадӧ колӧ вӧдитчыны выль технологияясӧн да автоматизируйтны процессъяс.
Республикаті ветлігӧн да ылі сиктъясын олысьяскӧд аддзысьлігӧн медводдзаяс лыдын кыптӧ сёрни связьӧн да Ӧтуввезйӧн вӧдитчӧм йылысь.
Такӧд йитчӧма зумыд инфраструктура лӧсьӧдӧм, йӧзлысь оланногсӧ бурмӧдӧм.
Ми вӧчам ставсӧ, медым могмӧдны республикаса олысьясӧс бур связьӧн да Ӧтуввезйӧн».
Коми Республикаын «Россия Федерацияса цифрӧвӧй экономика» национальнӧй уджтас серти збыльмӧдсьӧ «Юӧра инфраструктура» регионса уджтас.
Сы серти ӧтуввезйӧн могмӧдасны социальнӧй тӧдчанлуна объектъяс да олан юкӧн.
Локтан восянь Комиын кутасны пӧртны олӧмӧ школаясын Wi-Fi-технологияяс отсӧгӧн ӧтуввезйӧн безопаснӧя вӧдитчӧм серти проект.
2023 воӧ тайӧ могъяс вылӧ федеральнӧй сьӧмкудйысь вичмӧдасны 61 млн шайт, 2024 воӧ — 273,5 млн шайт.
Республикаса ичӧт сиктъясын пӧртӧны олӧмӧ цифрӧвӧй ӧтвесьталунын торъялӧмъяс бырӧдӧм серти федеральнӧй уджтас.
2015 воӧ медводдза этап дырйи связьлӧн универсальнӧй услугаяс лоины 123 сикт-грездын, кӧні олӧ 250-500 морт, уджтасын участвуйтӧ 47 сюрс морт.
2021 восянь мӧд этап дырйи сикт-грездъясын, кӧні олӧ 100-500 морт, 4G технология серти стрӧитсьӧны тырвыйӧ базӧвӧй станцияяс.
2021 воӧ пыртӧма уджӧ 7 базӧвӧй станция, таво планируйтӧма стрӧитны дас нёльысь абу этшаджыкӧс.
Коми Республикаса цифра отсӧгӧн сӧвмӧдан министерство да «Ростелеком» публичнӧй акционер котыр сёрнитчисны вуджӧдны спутникӧвӧй каналсянь волоконно-оптическӧй связь линия вылӧ сьӧкыда воӧдчан 10 олан пункт, медым олысьяс вермисны вӧдитчыны бур связьӧн.
Та вылӧ сьӧмкудйысь оз ковмы содтӧд сьӧм.
Оптимизациясӧ нуӧдӧма 6 сикт-грездын, нӧшта нёльын уджъясыс эз на помасьны.
Коми Республикаса Веськӧдлан котыр да «Т2 Мобайл» ИКК костын уджъёртасьӧм йылысь артмӧдчӧм серти оператор инвестируйтіс регионлӧн связь везъясӧ 490 миллион шайт.
Стрӧитӧма 100-ысь унджык базӧвӧй станция.
Бӧръя куим вонас Комиын стрӧитӧма 2929 километр волоконно-оптическӧй связь везъяс, оптоволокно медводдзаысь воис 156 сикт-грездӧ, 44 сикт-грездын стрӧитӧма либӧ ӧнъяӧдӧма 3G да 4G технологияяс серти сотӧвӧй связьлысь базӧвӧй станцияяс.
Республикаса Веськӧдлан котырлӧн заседание дырйи пасйӧма, мый эмӧсь мытшӧдъяс фемтосотаясӧн вӧдитчӧмӧн сикт-грездъяс связьӧн могмӧдӧмын [фемтосота — сотӧвӧй связьлӧн ичӧт вынйӧра да неыджыд станция, могмӧдӧ неыджыд мутас — прим.].
Уна воӧн оборудованиеыс важмис да киссис, а тавосянь вӧчысьыс дзикӧдз дугӧдӧ сылысь могмӧдӧмсӧ.
Торйӧн ёся тайӧ юалӧмыс сулалӧ Инта районса Адзвавомын, кӧні олӧ 98 морт.
Комиын тайӧ дзик ӧти олан пункт, кӧні социальнӧй тӧдчанлуна объектсӧ йитӧма Ӧтуввез дорӧ спутник пыр.
Сиктӧдз волоконно-оптическӧй связь линия стрӧитӧм вылӧ ковмас 66 миллион шайт.
Коми Республикаса цифра отсӧгӧн сӧвмӧдан министерство кӧсйӧ лӧсьӧдны связьсӧ «Ненеч электросвязь компания» предприятиелӧн инфраструктураӧн вӧдитчӧмӧн, сы дорӧ йитчан иныс меститчӧ Адзвавомсянь 30 километр ылнаын Харута сиктын.
«Вермас лоны, Адзвавом сиктын кокньыдджык лоас вежны важмӧм оборудованиесӧ ӧнія вылӧ.
Мӧвпыштӧй та йылысь» — пуктіс мог Владимир Уйба.
Лӧсьӧдӧм связь инфраструктура дӧзьӧритӧм вылӧ меставывса сьӧмкудъяслы республиканскӧй сьӧмкудйысь сетӧны субсидияяс.
2020 воӧ та вылӧ вичмӧдӧма 7 миллион шайт, 2021 да 2022 воясӧ — 5,9 миллион шайтӧн.
Сьӧмсӧ видзӧны спутникӧвӧй связьлысь канал мынтӧм вылӧ.
«Тавосянь кутасны могмӧдны сьӧмӧн Коми Республикаса видз-му овмӧс министерстволӧн визь кузя «Сиктса мутасъяс комплекснӧя сӧвмӧдӧм» уджтас серти телекоммуникацияяс сӧвмӧдан мероприятиеяссӧ.
Муниципальнӧй юкӧнъяссянь вӧзйӧмъясыс абуӧсь на.
Ме кора муниципалитетъясӧн юрнуӧдысьясӧс вӧчны ставсӧ, медым могмӧдны республикаса олысьясӧс связьӧн», — кывкӧрталіс Коми Республикаса Юралысь.
{Kodko (комиӧдіс Kodko) @ Владимир Казаковӧс 2022 вося рака тӧлысь 1 лунсянь индӧма Коми Республикаса Веськӧдлан котырӧн Юрнуӧдысьӧс вежысьлысь — Коми Республикаса сьӧм овмӧс министрлысь могъяс олӧмӧ пӧртысь чинӧ @ выльтор @ https://rkomi.ru/news/1843 @ 2022-02-28 @}
Владимир Казаковӧс 2022 вося рака тӧлысь 1 лунсянь индӧма Коми Республикаса Веськӧдлан котырӧн Юрнуӧдысьӧс вежысьлысь — Коми Республикаса сьӧм овмӧс министрлысь могъяс олӧмӧ пӧртысь чинӧ
Коми Республикаса Юралысьлӧн урасьӧм тӧлысь 28 лунся 50-р № а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося рака тӧлысь 1 лунсянь индыны Владимир Викторович Казаковӧс Коми Республикаса Веськӧдлан котырӧн Юрнуӧдысьӧс вежысьлысь — Коми Республикаса сьӧм овмӧс министрлысь могъяс олӧмӧ пӧртысь чинӧ.
* * *
Владимир Викторович Казаков — Россия Федерацияса канму гражданскӧй службаын 1 класса сӧветник
Чужис 1977 вося моз тӧлысь 20 лунӧ Коми Республикаса Сыктывкарын.
Босьтіс вылыс тшупӧда тӧдӧмлун.
Помаліс «Финансъяс да кредит» нырвизь серти Сыктывкарса канму университет.
2000 восянь уджаліс Россия Федерацияса вот органъясын.
Университет помалӧм бӧрын сійӧс босьтісны Коми Республикаын Россияса Федеральнӧй вот службалӧн веськӧдланінӧ, кӧні сійӧ уджаліс І категория специалистсянь медшӧр канму вот инспекторӧдз.
2008 восянь — Россияса Федеральнӧй вот службалӧн Сыктывкарын инспекцияса юкӧнын начальник.
2013 восянь — Коми Республикаын Россияса Федеральнӧй вот службалӧн районкостса 5 №-а инспекциялӧн юкӧнса начальник.
2014 восянь — Коми Республикаын Россияса Федеральнӧй вот службалӧн районкостса 4 №-а инспекцияса начальник.
2016 восянь — Россияса Федеральнӧй вот службалӧн Коми Республикаса Воркута карын инспекцияса начальник.
2020 вося кӧч тӧлысь 11 лунсянь уджаліс Россияса Федеральнӧй вот службалӧн Коми Республикаын веськӧдланінӧн юрнуӧдысьӧс вежысьӧн.
Сылы сетӧма Россияса Федеральнӧй вот службаӧн юрнуӧдыссянь аттьӧалӧм, Россияса Федеральнӧй вот службалысь почёт грамота.
{Kodko (комиӧдіс Kodko) @ Владимир Уйба сетіс Раиса Сметаниналы Коми Республикаса Уджвывса Герой медвылыс почёт ним @ выльтор @ https://rkomi.ru/news/1844 @ 2022-03-01 @}
Владимир Уйба сетіс Раиса Сметаниналы Коми Республикаса Уджвывса Герой медвылыс почёт ним
«Коми Республикаса Уджвывса Герой медвылыс почёт ним сетӧм йылысь» Коми Республикаса Юралысьлӧн 2022 во рака тӧлысь 1 лунся 22 №-а Индӧд
Уджалігӧн Коми Республика водзын торъя заслугаясысь да физическӧй культура да спорт сӧвмӧдӧмӧ тӧдчана пай пуктӧмысь сетны Коми Республикаса Уджвывса Герой медвылыс почёт ним
Раиса Петровна Сметаниналы — «Сборнӧй командаяс спортивнӧя дасьтан шӧрин» Коми Республикаса канму асшӧрлуна учреждениеын спорт резерв дасьтӧмсӧ методика боксянь могмӧдан юкӧнса экспертлы, Сыктывкар.
Раиса Петровна Сметанина — XX нэмся медтӧдчана спортсменкаяс пиысь ӧти, босьтіс нёль зарни, вит эзысь да ӧти бронза олимпийскӧй медаль, сизимысь мирса чемпионка, унаысь СССР-са чемпионка, СССР-са нимӧдана спорт мастер.
1972 воӧ сійӧ пырис лызьӧн ордйысьӧм серти СССР-са сборнӧй командаӧ да сэсся кызь во чӧж вӧлі командаын медводдзаӧн.
Ордйысьӧмъяс дырйи сійӧ унаысь эскӧдіс «Лыжняса королева» ним.
Раиса Сметанина участвуйтіс вит Тӧвся Олимпиадаын, шедӧдіс 10 олимпийскӧй медаль (4 зарни, 5 эзысь, 1 бронза), 16-ысь веськавліс Лызьӧн ордйысьӧм серти мирса чемпионатъясын вермысьяслӧн да призёръяслӧн пьедестал вылӧ (7 зарни, 5 эзысь да 4 бронза медаль), СССР-са чемпионатъяс вылын шедӧдіс 50 медаль (21 зарни, 14 эзысь да 15 бронза медаль).
1980/1981 воясся сезонын медводдзаяс лыдын босьтіс Лызьӧн ордйысьӧм серти мирса кубок.
1971-1992 воясӧ Раиса Сметанина шедӧдіс СССР-са 20 кубок да СССР Спартакиадаясса 7 кубок.
1993 воӧ Раиса Сметаниналы сетӧма «Faіr Play» ЮНЕСКО-лысь торъя приз («Спортын веськыдлунысь да ылӧдчытӧг вермасьӧмысь»).
Раиса Сметанина — аньяс пӧвстысь дзик ӧти лыжница, коді пырис тӧвся спорт сикасъяс серти XX нэмся дас медбур спортсмен лыдӧ.
Спортивнӧй карьера помалӧм бӧрын Раиса Петровна бӧр локтіс Сыктывкарӧ, кӧні велӧдіс Коми Республикаын лызьӧн ордйысьӧмъяс серти аньяслӧн командаысь том спортсменкаясӧс.
На лыдын Россияса нимӧдана спорт мастер — Юлия Ступак, 2022 вося XXІV Тӧвся Олимпийскӧй ворсӧмъясын олимпийскӧй чемпион да бронза босьтысь, 2018 вося XXІІІ Тӧвся Олимпийскӧй ворсӧмъясын бронза кыкысь босьтысь, Лызьӧн ордйысьӧм серти Мирса кубоклӧн этапъясын вермысь да призёр.
Кызь сайӧ во чӧж Раиса Сметанина участвуйтӧ коми лыжня вылын «Нимӧдана спорт мастер, нёльысь олимпийскӧй чемпионка Раиса Сметаниналӧн приз» ныв-зонъяс пӧвстын ставроссияса лызьӧн ордйысьӧм нуӧдӧмын, кытчӧ быд во пырӧдчӧ Россия Федерацияса 50 регионысь да обласьтысь матӧ квайтсё том спортсмен.
Дас ӧти во чӧж Раиса Сметанина чужан Мокчой сиктын нуӧдӧ Изьва районса челядьлы да школьникъяслы лызьӧн ордйысьӧмъяс.
«Раиса Петровна — лызьӧн ордйысьӧмъясын легенда.
Сылӧн нимкӧд йитчӧмаӧсь сӧветскӧй да россияса спортын ыджыд шедӧдӧмъяс.
Сылӧн вермӧмъясыс ышӧдӧны том лыжникъясӧс зільны, медым босьтны тӧдчана шедӧдӧмъяс, медальяс, сӧвмӧдӧны ас республика да страна дорӧ пыдди пуктӧм да кывкутӧм.
Коми Республикаса Уджвывса Герой ним сетсьӧ Раиса Петровналы физическӧй культура да спорт сӧвмӧдӧмӧ ыджыд пай пуктӧмысь», — пасйис Коми Республикаса Юралысь Владимир Уйба.
* * *
Коми Республикаса Уджвывса Герой Коми Республикаса медвылыс почёт нимсӧ урчитӧма 2021 воӧ Коми Республикаса Юралысь Владимир Уйбалӧн водзмӧстчӧм серти.
Сійӧс сетӧны экономика, веськӧдлан, производство, йӧзлысь дзоньвидзалун видзан, видз-му овмӧс, спорт, наука да велӧдан, культура да искусство, оланпаслун да инӧда пӧрадок зумыдмӧдан юкӧнъясын да мукӧд уджалан юкӧнын уджсикасын кужанлунысь, уна во чӧж сьӧлӧмсянь уджалӧмысь да уджалігӧн Коми Республика водзын торъя заслугаясысь йӧзлы, кодъяс лӧсялана удж юкӧнын уджалісны Коми Республикалы бур вылӧ 25 воысь эз этшаджык да кодъяслы сетӧма Россия Федерацияса канму наградаяс либӧ РСФСР-са канму наградаяс, либӧ СССР-са канму наградаяс, либӧ кодъяслы сетӧма Коми Республикаса почёт нимъяс, либӧ Коми АССР са почёт нимъяс, либӧ Коми ССР-са почёт нимъяс.
{Kodko (комиӧдіс Kodko) @ Мария Родионоваӧс индӧма Коми Республикаса ньӧбасьӧм нуӧдан комитетӧн веськӧдлысь чинӧ @ выльтор @ https://rkomi.ru/news/1847 @ 2022-03-02 @}
Мария Родионоваӧс индӧма Коми Республикаса ньӧбасьӧм нуӧдан комитетӧн веськӧдлысь чинӧ
Коми Республикаса Юралысьлӧн 2022 во рака тӧлысь 2 лунся 61-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося рака тӧлысь 2 лунсянь индыны Мария Николаевна Родионоваӧс Коми Республикаса ньӧбасьӧм нуӧдан комитетӧн веськӧдлысь чинӧ.
{Kodko (комиӧдіс Kodko) @ Коми Республикаса Юралысьлӧн тшӧктӧм серти Комиын лӧсьӧдӧма Экономика уджалӧмлысь зумыдлунсӧ могмӧдӧм серти регионса штаб @ выльтор @ https://rkomi.ru/news/1850 @ 2022-03-02 @}
Коми Республикаса Юралысьлӧн тшӧктӧм серти Комиын лӧсьӧдӧма Экономика уджалӧмлысь зумыдлунсӧ могмӧдӧм серти регионса штаб
Талун, рака тӧлысь 2 лунӧ, Коми Республикаса Веськӧдлан котырӧн Юрнуӧдысьӧс вежысь — регионса экономика сӧвмӧдан да промышленносьт министр Эльмира Ахмеева кырымаліс та йылысь тшӧктӧм.
Штабӧн юрнуӧдӧ Коми Республикаса Юралысь Владимир Уйба.
Сідзжӧ сэтчӧ пырӧдчисны регионса Веськӧдлан котырӧ пырысьяс, республикалӧн Каналан Сӧветса депутатъяс, регионса медшӧр кредитно-финансӧвӧй организацияясӧс петкӧдлысьяс.
Штаблӧн мог — могмӧдны Коми Республикалысь экономика, потребительскӧй рынок, оланін да коммунальнӧй овмӧс, йӧзӧс уджӧн могмӧдан, канму сьӧмкуд да вот политика юкӧнъясын, система артмӧдан предприятиеяслӧн уджын зумыдлунсӧ.
Тайӧ вежон заводитчӧмсянь нуӧдӧны удж Коми Республикаса ичӧт да шӧр предпринимательство предприятиеяскӧд да субъектъяскӧд мытшӧда юалӧмъяс бӧрся видзӧдӧм серти.
Коми Республикаын лӧсьӧдӧма веськыд йитӧд, мый отсӧгӧн предприятиеяс вермасны юӧртны экспорт уджкӧд, транспорт да логистикакӧд, уджалан ресурсъясӧн могмӧдӧмкӧд, материалъяс да оборудование вайӧмсӧ чинтӧмкӧд йитчӧм рискъяс йылысь.
Йитӧдсӧ лӧсьӧдӧма онлайн (busіness@econom.rkomі.ru электроннӧй пошта инпас вылӧ) да офлайн режимъясын ((8212) 255 467 телефон номер пыр).
Кыдзи пасйис Эльмира Ахмеева, Коми Республикаса Веськӧдлан котыр быд лун видзӧдӧ регионын донъяс бӧрся, республикаын донъясыс содӧны Россияын моз.
{Kodko (комиӧдіс Kodko) @ 2022 вося рака тӧлысь 3 лунсянь Комиын дугӧдасны ковидлы паныд ӧткымын дзескӧдӧм @ выльтор @ https://rkomi.ru/news/1851 @ 2022-03-02 @}
2022 вося рака тӧлысь 3 лунсянь Комиын дугӧдасны ковидлы паныд ӧткымын дзескӧдӧм
Пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧдӧ.
2022 вося рака тӧлысь 3 лунсянь волысьяслы да уджалысьяслы позьӧ пырны зданиеясӧ, стрӧйбаясӧ, сооружениеясӧ (налӧн жыръясӧ), мутасъясӧ, кӧні уджалӧны челядьлы ворсан жыръяс, челядьлы гажӧдчан шӧринъяс.
Заводитӧны обслуживайтны волысьясӧс библиотекаяс, архивъяс, музейяс да выставочнӧй залъяс.
Кинотеатръяслы (кинозалъяслы), театръяслы, театральнӧй да концертнӧй организацияяслы, клуб сяма учреждениеяслы, спорт мероприятиеяс нуӧдысь организацияяслы позьӧ уджавны, найӧ кӧ кутчысьӧны быть колана условиеӧ, мый серти залсӧ (кинозалсӧ, трибунаяссӧ) колӧ тыртны став местасьыс 50 прӧчентысь абу унджык, да став волысьлӧн (видзӧдысьлӧн) медым вӧлі Россия Федерацияса йӧзлысь дзоньвидзалун видзан министерстволӧн 2021 во вӧльгым тӧлысь 12 лунся 1053н №-а тшӧктӧд серти лӧсьӧдӧм медицина сертификатлӧн QR-код, либӧ COVID-19 выль коронавирус инфекция босьтчӧдысьӧс аддзӧм вылӧ ПЦР-тест серти отрицательнӧй результат, мый нуӧдӧма мероприятие заводитчӧмӧдз 48 часысь абу водзджык (сэк, кор эм вакцинируйтчӧмлы медицина боксянь паныда помкаяслӧн эмлун йылысь медицинскӧй документ) (оз паськав йӧз вылӧ, кодъяслы абу тырӧма 18 арӧс, найӧ локтӧны мероприятиеяс вылӧ QR-код да ПЦР-тест вылӧ результат петкӧдлытӧг).
{Kodko (комиӧдіс Kodko) @ Владимир Уйба чолӧмаліс Юлия Ступакӧс Пекинын Олимпиада вылын шензьӧдана петкӧдчӧмӧн @ выльтор @ https://rkomi.ru/news/1853 @ 2022-03-03 @}
Владимир Уйба чолӧмаліс Юлия Ступакӧс Пекинын Олимпиада вылын шензьӧдана петкӧдчӧмӧн
Коми Республикаса Юралысь да олимпийскӧй чемпионка аддзысьлісны рака тӧлысь 2 лунӧ.
Владимир Уйба сетіс лыжиӧн котралысьлы канму награда — «Коми Республика водзын заслугаясысь» отличие пас.
«Ми став республикаӧн, став странаӧн видзӧдім тіян стартъяс бӧрся да тӧждысим Ті да миян сборнӧй вӧсна.
Ті збыль боеч.
Тіян примерныд ышӧдас уна ныв-зонмӧс пырӧдчыны спорт секцияясӧ, а том спортсменъясӧс — шедӧдны выль вермӧмъяс.
Эска, мый Тіянлӧн лоас уна на вермӧм», — шуис Владимир Уйба.
Пекинын XXІV Тӧвся Олимпийскӧй ворсӧмъяс дырйи Юлия Ступак шедӧдіс бронза медаль классикаӧн команднӧй спринтын да зарни медаль эстафетаын.
Сідзжӧ Юлия — Россияса нимӧдана спорт мастер, 2018 вося XXІІІ Тӧвся Олимпийскӧй ворсӧмъясын бронза кыкысь босьтысь, лызьӧн ордйысьӧм серти Мирса Кубоклӧн этапъясын вермысь да призёр.
Спортын вермӧмъяссӧ Юлия шедӧдіс дугдывтӧг зіля уджалӧмӧн, а сідзжӧ аслас енби да тренеръяс отсӧгӧн.
Владимир Уйба аттьӧаліс Юлия Ступкалысь медводдза тренеръясӧс — Александр да Галина Ветровъясӧс — налӧн уджысь да спортсменкалӧн сӧвмӧмӧ ыджыд пай пуктӧмысь, йӧз пӧвстын лызь спорт да дзоньвидза оласног паськӧдӧмысь.
Регионса Юралысь сетіс налы «Коми Республикаса почёта тренер» нимъяс.
«Колӧ аддзыны том спортсменлысь потенциалсӧ да сӧвмӧдны сійӧс.
Велӧдны челядьӧс лоны уджачӧн спортын, радейтны бӧрйӧм нырвизь да зільны шедӧдны вермӧмъяс.
Муӧдз копыр тіянлы да ыджыд аттьӧ сыысь, мый ті казялінныд тайӧ зарни нывсӧ да сӧвмӧдінныд сылысь енбисӧ.
Ті — пример, кыдзи колӧ вӧчны удж», — пасйис Владимир Уйба.
* * *
Юлия Сергеевна Ступак чужис 1995 воӧ Сосногорск карын.
Россияса нимӧдана спорт мастер, Россияса да Коми Республикаса лызьӧн ордйысьӧм серти сборнӧй командаӧ пырысь, Сборнӧй командаясӧс спортивнӧя дасьтан шӧринын лызьӧн ордйысьӧм серти спортсмен-инструктор.
Медводдза тренеръяс — Ветров Александр Иванович, Ветрова Галина Константиновна.
Коми Республикаса сборнӧй командаын тренируйтчис шӧр тренер Андрей Владимирович Нутрихинлӧн веськӧдлӧм улын, Россияса сборнӧй командаын тренируйтчӧ Маркус Крамерлӧн веськӧдлӧм улын.
{Kodko (комиӧдіс Kodko) @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/1855 @ 2022-03-04 @}
Владимир Уйба примитіс гражданаӧс ас сёрниӧн
Регионса олысьяс шыӧдчисны Коми Республикаса Юралысь дорӧ олан условиеяс бурмӧдӧм, пенсия индӧм, сьӧма отсӧг сетӧм, лекарствоясӧн да санаторно-курортнӧя могмӧдӧм, предпринимательстволы отсалӧм серти юалӧмъясӧн.
Сьӧдкыркӧтш посёлокын олысь ань шыӧдчис Сыктывкаркӧд транспорт йитӧд котыртӧм серти: «Миян посёлокӧдз туйыс абу.
Мӧд берегӧдз ми ветлӧдлам сынӧда пӧдушка вылын судноӧн.
Та вылӧ видзӧдтӧг сьӧкыд воӧдчыны удж вылӧ либӧ велӧдчанінӧ, вайны посёлокӧ грузъяс, пес».
Регионса Юралысь пасйис, мый карса власьтъяс ӧні видлалӧны понтоннӧй вуджанін стрӧитӧм йылысь юалӧм.
«Пос стрӧитӧм вылӧ сьӧмсӧ вичмӧдӧма, ӧні сӧгласуйтсьӧ проектно-сметнӧй документация.
Понтоннӧй вуджанінсӧ стрӧитасны 2023-2024 воясӧ канму экспертизалысь ошкӧмсӧ босьтӧм бӧрын», — шуис Владимир Уйба.
Регионса юралысь стӧчмӧдіс, мый таво кутасны джудждӧдны пыдӧссӧ, медым вермис ветлӧдлыны пассажирскӧй теплоход.
Тайӧ могъяс вылӧ сьӧмсӧ вичмӧдӧма федеральнӧй сьӧмкудйысь.
Таысь кындзи, Сыктывкарса администрациялы тшӧктӧма котыртны Сьӧдкыркӧтшысь пассажиръясӧс автобусъясӧн коставтӧг новлӧдлӧм.
Ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяс решитӧм могысь, кутшӧмъясӧн регионса олысьяс шыӧдчисны Владимир Уйба дорӧ.
Тшӧктӧмъяссӧ олӧмӧ пӧртӧм бӧрся видзӧдӧ Коми Республикаса Юралысь.
{Kodko (комиӧдіс Kodko) @ Коми Республикаса власьтъяс отсаласны бизнеслы санкцияяс дырйи @ выльтор @ https://rkomi.ru/news/1858 @ 2022-03-04 @}
Коми Республикаса власьтъяс отсаласны бизнеслы санкцияяс дырйи
Рака тӧлысь 3 лунӧ Коми Республикаса Юралысь аддзысьліс республикаса бизнес-котырӧс да финансӧвӧй юкӧнӧс петкӧдлысьяскӧд.
Сёрнитісны рытыввывса странаяслӧн санкцияяс дырйи да Россияӧс экономика боксянь дзескӧдігӧн предприятиеяслы отсалӧм йылысь.
«Ӧнія геополитическӧй серпасыс, рытыввывса странаясӧн пыртӧм санкцияясыс тӧдчӧны нин республикалӧн да страналӧн экономика вылӧ.
Ме кӧсъя, медым ті тӧдінныд, мый тайӧ сьӧкыд кадӧ канму отсалас бизнеслы», — пасйис Владимир Уйба.
Россияса Президент Владимир Путинлӧн тшӧктӧм серти Россияса Веськӧдлан котыр примитӧ мераяс, медым могмӧдны социальнӧй да экономика боксянь зумыдлунсӧ да предприятиеяслысь дугдывтӧг уджалӧмсӧ.
Федеральнӧй тшупӧдын лӧсьӧдӧма Веськӧдлан котырлысь торъя комиссия, дасьтӧны бизнеслы отсалан содтӧд мераяслысь комплекс.
На лыдын — во помӧдз асшӧр уджалысьяс, ичӧт да шӧр предприятиеяс серти планӧвӧй прӧверкаяс вылӧ мораторий, административнӧй барьеръяс чинтӧм, кокньӧда кредитъяс сетӧм, аграрийяслы отсалӧм, канму закупкаяс босьтӧмсӧ кокньӧдӧм.
Сідзжӧ уджалӧны система артмӧдан организацияяслы отсалан мераяс серти.
«Ме тшӧкті Коми Республикаса экономика сӧвмӧдан министерстволы дасьтыны республикаса система артмӧдан организацияяслысь лыддьӧг паськӧдӧм серти вӧзйӧмъяс, медым кыдз позьӧ унджык миян предприятие вермис босьтны федеральнӧй отсӧг», — пасйис Владимир Уйба.
Коми Республикаса Юралысьлӧн тшӧктӧм серти лӧсьӧдӧма Экономика уджалӧмлысь зумыдлунсӧ могмӧдӧм серти регионса штаб.
Быд лун анализируйтӧны регионын социальнӧй да экономика боксянь серпассӧ.
Коми Республикаса экономика сӧвмӧдан да промышленносьт министерствоын лӧсьӧдӧма веськыд йитӧд.
Сійӧ уджалӧ онлайн (business@minek.rkomi.ru электроннӧй пошта инпас вылӧ) да офлайн режимъясын ((8212) 255 467 телефон номер пыр).
Регионса быд предприятие вермӧ юӧртны экспорт уджкӧд, логистикакӧд, уджалан ресурсъясӧн могмӧдӧмкӧд, материалъяс да оборудование вайӧмсӧ чинтӧмкӧд йитчӧм рискъяс йылысь.
Коми Республикаса экономика сӧвмӧдан да промышленносьт министерство быд лун мониторитӧ ломтан-мавтан материалъяс вылӧ донъяссӧ.
Коми Республикаса видз-му овмӧс да сёян-юан министерство мониторитӧ сёян-юан вылӧ донъяссӧ.
Республикаса Юралысь корис бизнесӧс петкӧдлысьясӧс дасьтыны налӧн предприятиеяс вылын ӧнія серпас йылысь юӧр, мытшӧдъяс вылын уджалӧм серти вӧзйӧмъяс.
Материалъяссӧ анализируйтасны да ыстасны федеральнӧй олӧмӧ пӧртысь власьт органъясӧ, медым примитны ставнас бизнеслы да предприятиеяслы торйӧн отсалӧм серти помшуӧмъяс.
«Медшӧр мог — некыдз оз позь сувтӧдны страналысь экономика, оз позь, медым кӧть здук вылӧ сувтіс кутшӧмкӧ производство.
Эмӧсь кӧ ёсь юалӧмъяс, кутшӧмъяс оз пырны тіян компетенцияясӧ, колӧ дзик пыр юӧртны меным, республикаса Веськӧдлан котырлы, медым оперативнӧя примитны помшуӧм да, колӧ кӧ, пыртны федеральнӧй повесткаӧ.
Миянлы колӧ уджавны ӧтув, медым могмӧдны зумыдлунсӧ», — кывкӧрталіс Владимир Уйба.
{Kodko (комиӧдіс Kodko) @ Коми Республикаса олысьяслы сетӧма канму наградаяс @ выльтор @ https://rkomi.ru/news/1861 @ 2022-03-05 @}
Коми Республикаса олысьяслы сетӧма канму наградаяс
«Коми Республикаса канму наградаяс сетӧм йылысь» Коми Республикаса Юралысьлӧн 2022 во рака тӧлысь 2 лунся 23 №-а Индӧд
1. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
Ольга Юрьевна Бригидалы — «Сыктывкар» кар кытшлӧн муниципальнӧй юкӧнса администрацияын велӧдӧмӧн веськӧдланінса начальниклы;
Нина Степановна Клюевалы — «Сыктывкар» кар кытшлӧн муниципальнӧй юкӧнса администрацияын йӧзкӧд йитӧд кутӧмӧн да социальнӧй удж нуӧдӧмӧн веськӧдланінса начальниклы;
Вероника Геннадьевна Ковыляевалы — Ю. А. Спиридонов нима «Коми Республикаса Юралысь бердын искусство гимназия» уджсикасӧ велӧдан канму учреждениеса преподавательлы, Сыктывкар;
Николай Зималетович Такаевлы — «Усинск» кар кытшлӧн муниципальнӧй юкӧнса юралысьлы — администрацияӧн юрнуӧдысьлы;
Татьяна Валентиновна Тимофеевалы — Коми Республикалӧн бӧрйысян комиссияса секретарлы, Сыктывкар.
2. Коми Республикалы бур вылӧ уна во зіля уджалӧмысь Коми Республикаса почёт грамота сетны:
Елена Евгеньевна Будриналы — «Удора» муниципальнӧй районса администрацияын сьӧм овмӧсӧн веськӧдланінса начальниклы;
Любовь Леонидовна Гарбузлы — Коми Республикаса Юралысьлӧн Администрацияын Канму-инӧда веськӧдланінса начальникӧс вежысьлы, Сыктывкар;
Ирина Викторовна Левиналы — «С. М. Киров нима Санкт-Петербургса канму лесотехническӧй университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтлӧн (филиаллӧн) «Экономика да веськӧдлӧм» кафедраӧн заведуйтысьлы;
Надежда Николаевна Некипеловалы — Коми Республикаса Каналан Сӧветлӧн Аппаратын Удж котыртӧмӧн веськӧдланінлӧн удж котыртан юкӧнса консультант-экспертлы;
Елена Александровна Пантюхиналы — «Коми Республикаса автомашина туйясӧн веськӧдланін» Коми Республикаса канму казённӧй учреждениелӧн канму эмбурӧн вӧдитчӧм серти учёт да контроль нуӧдысь юкӧнса медыджыд экспертлы, Сыктывкар;
Людмила Ивановна Рубаниклы — Коми Республикаса бӧрйысян комиссияын планируйтан, сьӧмӧн могмӧдан да сьӧм овмӧсын удж бӧрся контроль нуӧдысь юкӧнса начальниклы, Сыктывкар.
{Kodko (комиӧдіс Kodko) @ Александр Сажинӧс мездӧма Коми Республикаса эмбур да му йитӧдъяс комитетӧн веськӧдлысь чинысь @ выльтор @ https://rkomi.ru/news/1862 @ 2022-03-05 @}
Александр Сажинӧс мездӧма Коми Республикаса эмбур да му йитӧдъяс комитетӧн веськӧдлысь чинысь
Коми Республикаса Юралысьлӧн рака тӧлысь 5 лунся 69-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося рака тӧлысь 5 лунӧ мездыны Александр Владимирович Сажинӧс Коми Республикаса эмбур да му йитӧдъяс комитетӧн веськӧдлысь чинысь.
Коми Республикаса Юралысьлӧн рака тӧлысь 5 лунся 70-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося рака тӧлысь 6 лунсянь индыны Коми Республикаса эмбур да му йитӧдъяс комитетӧн юрнуӧдысьлысь могъяс олӧмӧ пӧртысьӧн Андрей Александрович Майерӧс, Коми Республикаса эмбур да му йитӧдъяс комитетӧн веськӧдлысьӧс медводдза вежысьӧс.
{Kodko (комиӧдіс Kodko) @ Коми Республикаса Юралысь чолӧмалӧ Аньяслӧн войтыркостса лунӧн @ выльтор @ https://rkomi.ru/news/1868 @ 2022-03-08 @}
Коми Республикаса Юралысь чолӧмалӧ Аньяслӧн войтыркостса лунӧн
«Муса аньяс!
Став сьӧлӧмсянь чолӧмала Тіянӧс Аньяслӧн войтыркостса лунӧн!
Водзсӧ тайӧ гажыс йитчис аньяслӧн ӧтувтчӧмкӧд, кодъяс дорйисны ассьыныс инӧдъяссӧ.
Талун аньяс пӧвстын уна тӧдчана политик, гырысь организацияясӧн юрнуӧдысь да асшӧр уджалысь.
Уна отрасль уджалӧ аньяс отсӧгӧн.
Та вылӧ видзӧдтӧг ті мелі да радейтысь мамъяс, чойяс да нывъяс.
Ті радейтанныд матыссаясныдтӧ да тӧждысянныд на вӧсна, мужичӧйяслӧн сьӧлӧмъясныс ырквидзӧны Тіян вылӧ видзӧдӧмӧн.
Март 8 луныс важӧн нин лоис мичлунлӧн символӧн.
Дона аньяс!
Ті тӧждысянныд быдмысь войтыр вӧсна.
Ті чужтанныд, быдтанныд-велӧданныд челядьӧс, радланныд да майшасянныд на вӧсна.
Аттьӧ тіянлы сыысь, мый ті кужанныд ӧтпырйӧ лоны стрӧгӧн да шаньӧн, вынаӧн да меліӧн.
Сьӧлӧмсянь сиа тіянлы крепыд дзоньвидзалун, семьяын ыджыд шуд, аддзыны асьныдтӧ уджсикасын да асланыд олӧмын.
Мед медводдза тувсовъя луныс козьналас кыпыд ловру да унджык шуда здук!»
[Коми Республикаса Юралысь Владимир Уйба]
{Kodko (комиӧдіс Kodko) @ Коми Республикаса Веськӧдлан котырын видлалісны экономикалысь зумыдлун кыпӧдан мераяс @ новости @ https://rkomi.ru/news/1873 @ 2022-03-10 @}
Коми Республикаса Веськӧдлан котырын видлалісны экономикалысь зумыдлун кыпӧдан мераяс
Коми Республикаса Юралысь Владимир Уйба нуӧдіс быдвежонся оперативнӧй сӧвещание.
Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева, Коми Республикаса Видз-му овмӧс, Йӧзлысь дзоньвидзалун видзан да Стрӧитчан министерствоясӧн юрнуӧдысьяс сёрнитісны ӧнія серпас йылысь докладъясӧн.
Комиын лӧсьӧдӧма экономика уджалӧмлысь зумыдлунсӧ могмӧдӧм серти регионса штаб, видзӧдӧны потребительскӧй рынок бӧрся, йӧзлы медводз колана вузӧс, лекарствояс да стрӧитчан материалъяс вылӧ донъяс бӧрся.
Коми Республикаса видз-му овмӧс министерстволӧн контроль улын — дінмуса 120 вузасянін да став федеральнӧй вузасяніныс.
Таысь кындзи, Федеральнӧй вот службалӧн Коми Республикаын веськӧдланін сетӧ контрольно-кассӧвӧй техникалӧн мыччӧдъяс серти юӧр.
Республикаын збыльмӧдӧны мераяс, медым содтыны олысьяслысь коланлунъяссӧ могмӧдӧм вылӧ колана вузасян запасъяс.
Регионса Видз-му овмӧс министерство сутки чӧж уджалӧ федеральнӧй вузасянінкӧд да регионса вузӧс вӧчысьяскӧд.
Сёрнитчӧма татчӧс вузӧс вӧчысьяслысь прӧдукциясӧ вайны донтӧмджык упаковкаын.
Коми Республикаын ФАСВ бердын лӧсьӧдӧма гражданалы шыӧдчӧм вылӧ веськыд йитӧд.
Подулавтӧг донъяссӧ кыпӧдӧм йылысь юӧрсӧ водзӧ видлалӧм вылӧ сетасны инӧд видзан органъясӧ.
Коми Республикаса йӧзлысь дзоньвидзалун видзан министерстволӧн юӧр серти, олӧм вылӧ быть колана лекарство препаратъяслӧн лыддьӧгӧ пырысь лекарствояс вылӧ доныс содіс эз уна (0,2 прӧчентсянь 0,6 прӧчентӧдз) либӧ эз сод.
Индӧм лыддьӧгӧ пырттӧм препаратъяслӧн доныс шӧркодя содіс 30 прӧчент вылӧ.
Та дырйи республикаын лекарствоыс тырмымӧн, медым дугдывтӧг могмӧдны пациентъясӧс.
«Колӧ гӧгӧрвоны, мый рынокыс кутас овны аслас законъяс серти.
Некод оз кут виччысьны санкцияяс дугӧдӧмсӧ.
Ставӧн кутасны корсьны мукӧд туй, медым вайны вузӧссӧ, рынок бӧр кыптас.
Миянлы тайӧ сетӧ позянлун дугӧдчыны ковтӧм импортысь да вежны сійӧс татчӧс бур прӧдукцияӧн», — пасйис республикаса Юралысь.
Неважӧн Россияса Президент Владимир Путин кырымаліс оланпас, медым дорйыны страналысь национальнӧй интересъяссӧ суйӧрсайса канмуяслӧн да войтыркостса организацияяслӧн абу бур вӧчӧмторъясысь.
Сэні урчитӧма Россия Федерацияса экономикалысь, сы лыдын финансӧвӧй системалысь, зумыдлунсӧ видзан мераяс, а сідзжӧ социальнӧй да экономика мераяс, кутшӧмъяс кыпӧдӧны гражданаӧс социальнӧя доръян тшупӧдсӧ.
Оланпасӧн ладмӧдӧны кар стрӧитан, канму да муниципальнӧй могъяс вылӧ вузӧс, уджъяс, услугаяс ньӧбан, страхуйтан удж нуӧдан, овмӧс котыръяс йылысь федеральнӧй оланпасъясӧн вӧдитчан аслыспӧлӧслунъяссӧ, а сідзжӧ канму да муниципальнӧй контроль збыльмӧдігӧн прӧверкаяс котыртан да нуӧдан аслыспӧлӧслунъяссӧ.
Таысь кындзи, оланпасӧн урчитӧны социальнӧй отсӧг сетан да пенсияӧн могмӧдан, лекарство препаратъясӧн да медицина изделиеясӧн могмӧдан юалӧмъяссӧ, а сідзжӧ россияса гражданалысь, кодъяс велӧдчисны суйӧрсайын да кодъяслы быть ковмис дугӧдчыны велӧдчӧмысь, инӧдъяс да интересъяс могмӧдан юалӧмъяссӧ инӧд боксянь ладмӧдан аслыспӧлӧслунъяс.
Сідзжӧ урчитӧма Россияса гражданалы, кодъяслӧн эмӧсь кредитнӧй сёрнитчӧмъяс серти кӧсйысьӧмъяс, отсалӧм вылӧ веськӧдӧм нормаяс.
Такӧд йитӧдын Коми Республикаса олӧмӧ пӧртысь органъяслы тшӧктӧма видлавны, колӧ-ӧ пыртны вежсьӧмъяс дінмуса оланпастэчасӧ да ыстыны вӧзйӧмъяссӧ регионса Экономика сӧвмӧдан министерствоӧ.
Коми Республикаса Веськӧдлан котыр ӧні дасьтӧ Санкцияяс дырйи регионӧс зумыда сӧвмӧдан медшӧр мераяслысь план.
Сэні босьтасны тӧд вылӧ бизнес-котырӧс петкӧдлысьяслысь вӧзйӧмъяссӧ, кутшӧмъясӧс найӧ юӧртісны республикаса юрнуӧдысьяскӧд аддзысьлӧмъяс дырйи.
{Kodko (комиӧдіс Kodko) @ Комиын рака тӧлысь 11 лунсянь дугӧдӧны QR-кодъяс да ковидлы паныд дзескӧдӧмъяс @ новости @ https://rkomi.ru/news/1876 @ 2022-03-10 @}
Комиын рака тӧлысь 11 лунсянь дугӧдӧны QR-кодъяс да ковидлы паныд дзескӧдӧмъяс
Выль коронавирус инфекция паськалӧмлы паныд удж нуӧдан республиканскӧй оперштаблысь помшуӧмъяссӧ тӧд вылӧ босьтӧмӧн Содтӧд дасьлун режим пыртӧм йылысь индӧдӧ пыртӧма лӧсялана вежсьӧмъяс.
Рака тӧлысь 11 лунсянь публичнӧй учреждениеясын оз кутны корны медицина сертификатлысь QR-код либӧ отрицательнӧй ПЦР-тест.
Кинотеатръяслы (кинозалъяслы), театръяслы, театральнӧй да концертнӧй организацияяслы, клуб сяма учреждениеяслы, спорт мероприятиеяс нуӧдысь организацияяслы залъяссӧ позьӧ тырны сё прӧчент вылӧ.
Удж сетысьяслы оз ков вуджӧдны дистанционнӧй (удалённӧй) удж вылӧ 60 арӧса да арлыдаджык уджалысьясӧс, а сідзжӧ найӧс, кодъяслӧн эмӧсь хроническӧй висьӧмъяс.
Сідзжӧ оз ков вуджӧдны 50 прӧчент уджалысьсӧ дистанционнӧя (удалённӧя) уджалӧм вылӧ да обследуйтны уджалысьясӧс COVID–19 выль коронавирус инфекция вылӧ вежоннас 3-ысь абу этшаджыкысь.
60 арӧса да арлыдаджык гражданалы, кодъяслӧн эмӧсь хроническӧй висьӧмъяс да кодъяслӧн абу COVІD–19 выль коронавирус инфекцияысь вакцинируйтчӧм йылысь сертификат либӧ кодъяс висьлісны COVІD–19 выль коронавирус инфекцияӧн 12 тӧлысьысь унджык сайын, позьӧ петны оланінысь да овланінысь.
Озырлун видзан организацияяслы позьӧ вуджны коммунальнӧй да бытӧвӧй юалӧмъяс серти гражданаӧс дистанционнӧя могмӧдӧмсянь быдлунъя уджалан режим вылӧ.
Рака тӧлысь 11 лунсянь сетны канму, муниципальнӧй да мукӧд услугасӧ Коми Республикаса олӧмӧ пӧртысь власьт органъяслӧн, Коми Республикаса муниципальнӧй юкӧнъяслӧн меставывса асвеськӧдлан органъяслӧн жыръясын, уна мога шӧринъясын да олысьясӧс социальнӧя доръян юкӧнын канму услугаяс сетан шӧринъясын, а сідзжӧ примитны гражданаӧс ас сёрниӧн позьӧ гражданаӧс водзвыв гижӧдтӧг.
Рака тӧлысь 18 лунсянь социальнӧя могмӧдан абу стационарнӧй организацияясын, организацияясын, кӧні челядьыс олӧны сутки чӧж, а сідзжӧ олӧма йӧзлы да вермытӧмъяслы керка-интернатъяс, психоневрологическӧй интернатъяс, олысьясӧс социальнӧя доръян юкӧнын канму услугаяс сетан шӧринъяс бердын стационарнӧй отделениеяс вуджӧны быдлунъя уджалан режим вылӧ.
{Kodko (комиӧдіс Kodko) @ Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание @ новости @ https://rkomi.ru/news/1878 @ 2022-03-11 @}
Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание
Заседание дырйи сёрнитісны ломтас да энергетика комплексса объектъяс терроризмысь видзӧмсӧ могмӧдӧм, транспорт вылын видзчысянлун, терроризмысь ӧлӧдӧм да сылӧн идеологиялы паныд удж нуӧдӧм йылысь.
Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева да Россия Федерацияса национальнӧй гвардия войскаяслӧн Коми Республикаын абу ведомственнӧй охранаӧн веськӧдланінса начальник Алексей Петренко сёрнитісны ӧтув вӧдитчан пассажирскӧй транспортсӧ подвижнӧй объектъяс бӧрся видзӧдан системаясӧн могмӧдӧм йылысь докладъясӧн.
Кывзісны «Сосногорск» муниципальнӧй районса муниципальнӧй юкӧнын терроризмлы паныд удж нуӧдысь комиссияӧн веськӧдлысьлысь терроризмысь ӧлӧдӧмсӧ да сылӧн идеологиялы паныд удж нуӧдӧмсӧ котыртӧм йылысь доклад.
Коми Республикаса велӧдан, наука да том йӧз политика министр Наталья Якимова, Воркутаса горнӧй да экономика колледжса директорлысь кывкутана могъяс олӧмӧ пӧртысь Алексей Поморцев да «Воркута» кар кытшса муниципальнӧй юкӧнлӧн администрацияын Велӧдӧмӧн веськӧдланінса начальникӧс вежысь Лариса Компанец юӧртісны велӧдӧмын да том йӧз политикаын уджмогъяс збыльмӧдысь олӧмӧ пӧртысь власьт органъясӧн примитӧм мераяс да налысь окталунсӧ донъялӧм йылысь Мераяссӧ веськӧдӧма сы вылӧ, медым велӧдчысьясӧс эз кыскыны терроризмӧ.
«Ӧні торйӧн ёна колӧ видзӧдны, медым томуловӧс эз кыскыны терроризмӧ.
Ми тіянкӧд гӧгӧрвоам, мый арлыд да абу на сӧвмӧм видзӧдласъяс вӧсна том йӧз кокниа веськалӧны лёк тӧдчӧм улӧ.
Та вӧсна ставлы — и велӧданінъяслы, и бать-мамлы — колӧ ёнджыка уджавны томуловкӧд, медым видзны найӧс инӧд торкалӧмысь», — гӧгӧрвоӧдіс Коми Республикаса Юралысь.
Уджсӧ сигӧртігӧн Комиссияӧ пырысьяс вынсьӧдісны Коми Республикаса олӧмӧ пӧртысь власьт органъяслы, Коми Республикаын меставывса асвеськӧдлан органъяслы йӧзаинъяс терроризмысь видзан корӧмъясӧ кутчысьӧм бӧрся видзӧдан пӧрадок серти методика вӧзйӧмъяссӧ.
{Kodko (комиӧдіс Kodko) @ Владимир Уйба нуӧдіс экономикалӧн уджалӧмлысь зумыдлунсӧ могмӧдӧм серти регионса штаблысь медводдза заседание @ новости @ https://rkomi.ru/news/1883 @ 2022-03-12 @}
Владимир Уйба нуӧдіс экономикалӧн уджалӧмлысь зумыдлунсӧ могмӧдӧм серти регионса штаблысь медводдза заседание
Штабын — регионса Веськӧдлан котырӧ пырысьяс, Коми Республикалӧн Каналан Сӧветса депутатъяс, банкъясӧн веськӧдлысьяс, асшӧр уджалысьяслысь инӧдъяс торъя дорйысь, асшӧр уджалысьяслысь интересъяс петкӧдлысь организацияясӧн юрнуӧдысьяс.
Заседаниеын участвуйтысьяс сёрнитісны республикаса экономикаын ӧнія серпас да санкцияяс дырйи бизнеслы отсалан содтӧд мераяс йылысь.
«Геополитическӧй серпас, Россия Федерация серти санкцияясыс тӧдчӧны республикалӧн экономика вылӧ.
Ёна-ӧ кутасны найӧ тӧдчыны, йитчӧма миян, тшӧтш и Регионса штаблӧн, примитӧм помшуӧмъяскӧд.
Бизнескӧд аддзысьлӧм бӧрын лӧсьӧдӧма предприятиеяслӧн мытшӧдъяслысь лыддьӧг.
Мукӧдсӧ на пиысь ыстӧма федеральнӧй шӧринӧ, мукӧд юалӧмсӧ ми решитам тані.
Дерт, ӧні ковмас вежны нормативнӧя ладмӧдӧмсӧ, медводз федеральнӧй тшупӧдын», — пасйис Коми Республикаса Юралысь.
Рака тӧлысь 8 да 9 лунъясӧ Россияса Президент Владимир Путин кырымаліс Федеральнӧй оланпасъяс. Найӧ сетӧны странаса Веськӧдлан котырлы содтӧд уджмогъяс, медым решитны экономика да социальнӧй юкӧнсӧ зумыда сӧвмӧдӧмкӧд йитчӧм юалӧмъяс.
Федеральнӧй тшупӧдын примитӧма экономикалы отсалан мераяслысь медводдза пакет: пыртӧма ичӧт бизнес прӧверитӧм вылӧ мораторий, ичӧт да шӧр предпринимательство субъектъяслы таво вылӧ сетӧма кредитнӧй каникулъяс, а сідзжӧ 2022 во чӧж вот мынтӧм серти отсрочка.
Россия Федерацияса субъектъяслы сідзжӧ сетӧма содтӧд уджмогъяс.
«Канму да муниципальнӧй могъяс вылӧ вузӧс, уджъяс, услугаяс ньӧбан юкӧнын контрактнӧй система йылысь» 2013 во косму тӧлысь 5 лунся 44-ФЗ №-а Федеральнӧй оланпасӧ примитӧма стӧчмӧдӧмъяс, кутшӧмъяс сетӧны позянлун ӧдйӧджык видзны сьӧмкудйысь да канму компанияяслысь сьӧмсӧ.
Стӧчджыка кӧ: регионъяс вермасны вежны канму да муниципальнӧй могъяс вылӧ контрактлысь условиеяссӧ (предметсӧ, донсӧ, кадколастсӧ, мынтан пӧрадоксӧ да мукӧдтор).
Россия Федерацияса субъектъяс вермасны урчитны дзик ӧти поставщиклысь ньӧбасигӧн содтӧд позянлунъяс да контрактъяс олӧмӧ пӧрттӧмысь штрапъяссӧ киритан содтӧд случайяс.
Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева юӧртіс Санкцияяс дырйи регионӧс зумыда сӧвмӧдан медшӧр мераяслысь регионса план дасьтӧм серти удж йылысь.
Республикаса Экономика сӧвмӧдан министерство водзӧ чукӧртӧ вӧзйӧмъяс, сы лыдын бизнес-котырсянь.
Ӧні уджалӧны татшӧм юкӧнъясын мероприятиеяс серти:
• регионса Промышленносьт сӧвмӧдан фондлысь сьӧмсӧ содтӧм;
• юридическӧй кывкутысьясӧс, асшӧр уджалысьясӧс субсидируйтны выль пӧв заводитӧм, медым вештыны пеллетъяс да ломтысян брикетъяс вӧчӧмсӧ лӧсьӧдӧм, ӧнъяӧдӧм да паськӧдӧм вылӧ веськӧдӧм ӧтувъя рӧскод юкӧнсӧ;
• «Коми Республикаса лизингӧвӧй компания» акционер котырлысь уставнӧй капитал кыпӧдӧм да сылӧн лизингӧвӧй уджтасъяс серти прӧчент ставкаяс чинтӧм;
• вот перъян кокньӧдӧм система серти ичӧт да шӧр предпринимательство субъектъяслы урчитӧм кокньӧдсӧ 2023–2024 вояс вылӧ нюжӧдӧм (чӧжӧс вылӧ 3% ставка да «чӧжӧсысь рӧскод чинтӧм» система серти вот арталігӧн 7,5% кольӧм);
• «Коми Республикаса гарантия фонд» акционер котырӧн поручительство сетӧмысь кокньӧд серти мынтысян мындасӧ кольӧм;
• ичӧт да шӧр предпринимательство субъектъяслы — Коми Республикаса канму эмбур (либӧ муниципальнӧй эмбур) кӧртымалысьяслы татшӧм кӧртымалан сёрнитчӧмъяс серти кӧртымысь мынтысян кадколастсӧ нюжӧдны инӧд сетӧм;
• ладмӧдан тарифъяс серти ветлысь-мунысьясӧс да туй кӧлуй автомашина транспортӧн пыр ӧткодя новлӧдлан муниципалитетса маршрутъяс кузя олысьясӧс транспортӧн могмӧдӧмсӧ котыртӧм вылӧ меставывса сьӧмкудъяслы 2022 во вылӧ Коми Республикаса республиканскӧй сьӧмкудйысь субсидияяс сетӧм;
• Коми Республикаса микрокредитнӧй компаниялӧн микрозаёмъяс серти прӧчент ставкаяс чинтӧм.
Коми Республикаса микрокредитнӧй компания урчитіс нин сетан микрозаёмъяс серти медыджыд прӧчент ставкасӧ вонас 9,5% тшупӧдын.
Планируйтӧны вонас 0,1% ставка серти микрозаёмъяссӧ вӧчны судзсянаджыкӧн предпринимательяслы — микрозаёмсӧ 1 миллион шайтсянь 3 миллион шайтӧдз мындасӧ кыпӧдӧмӧн да ОКВЭД лыддьӧгсӧ паськӧдӧмӧн.
Мытшӧдъяссӧ оперативнӧя разьӧм могысь республикаса Экономика сӧвмӧдан министерство, Видз-му овмӧс министерство, Йӧзлысь дзоньвидзалун видзан министерство, Стрӧитчан министерство, Коми Республикаса «Менам бизнес» шӧрин котыртісны предприятиеяслы «веськыд йитӧдъяс», а сідзжӧ телеграм-каналъяс.
«Миян мог — отсавны бизнеслы кольны производствояс да уджалан местаяс.
Та вӧсна штабын видлалан став юалӧмсӧ колӧ решайтны оперативнӧя, сутки чӧжӧн.
Вӧзйӧмъясыс кӧ воисны талун, аски миянлы колӧ вӧчны сы серти став уджсӧ», — кывкӧрталігӧн шуис Владимир Уйба.
{Kodko (комиӧдіс Kodko) @ Владимир Уйбалӧн тшӧктӧм серти котыртісны челядьӧс да том йӧзӧс юӧр боксянь видзан регионса шӧрин @ новости @ https://rkomi.ru/news/1882 @ 2022-03-12 @}
Владимир Уйбалӧн тшӧктӧм серти котыртісны челядьӧс да том йӧзӧс юӧр боксянь видзан регионса шӧрин
Коми Республикаын инӧда пӧрадок могмӧдан координационнӧй сӧвещание дырйи сёрнитісны велӧдчысьясӧс Ӧтуввезлӧн лёка тӧдчӧмысь видзан содтӧд мераяс йылысь.
Заседаниесӧ нуӧдіс Владимир Уйба.
«Зэв бура колӧ видзны юӧртан гӧгӧртасын челядьлысь видзчысянлунсӧ, торйӧн нин ӧні, кор ёна паськалӧны фейкъяс.
Миян могыс — бурджыка видзны челядьӧс Ӧтуввезса лёк юӧрысь да ӧлӧдны найӧс инӧд торкалӧмысь да мывкыдтӧм вӧчтӧмторъясысь», — тӧдчӧдіс республикаса Юралысь.
Владимир Уйбалӧн тшӧктӧм серти республикаын котыртісны челядьӧс да том йӧзӧс юӧр боксянь видзан регионса шӧрин.
Сійӧ заводитіс уджавны тавося тӧвшӧр тӧлысьын.
Шӧринлӧн могыс — аддзыны ӧтуввезйын лёк да инӧд торкалысь юӧр, мый ышӧдӧ челядьӧс вӧчны налысь олӧмсӧ либӧ дзоньвидзалунсӧ тшыкӧдысь торъяс, артмӧдӧ лёк привычкаяс.
Шӧриныс видзӧдӧ юӧр бӧрся, кӧні кыскӧны челядьӧс да том йӧзӧс экстремизмӧ, быдсикас абу бур субкультураӧ да сектаӧ, кӧні велӧдӧны торкавны инӧд, нуӧдны асоциальнӧй оласног, нӧйтны йӧзӧс.
Торйӧн видзӧдӧны семьяын донаторъяслы паныд сувтысь юӧр бӧрся.
Шӧринын уджалысьяс юӧртӧны бать-мамлы да педагогъяслы сы йылысь, кутшӧм ӧні эм лёк юӧрыс ӧтуввезйын да кыдзи сыысь видзчысьны.
«Колӧ бурмӧдны велӧдчысьясӧс быдтан-туйдӧдан системасӧ да могмӧдны налысь психология боксянь видзчысянлунсӧ.
Челядьӧс да том йӧзӧс колӧ ышӧдны бур уджӧ, колана ногӧн котыртны налысь прӧст кадсӧ.
Неважӧн котыртӧм шӧрин отсӧгӧн ӧлӧдан мероприятиеяс да тыр арлыдтӧмъяскӧд уджыс лоас нӧшта на бурджык», — кывкӧрталіс Владимир Уйба.
{Kodko (комиӧдіс Kodko) @ Коми Республикаса национальнӧй ӧтмунӧмъясӧн да диаспораясӧн юрнуӧдысьяс ошкисны Украинаын спецоперация нуӧдӧм йылысь Владимир Путинлысь помшуӧмсӧ @ новости @ https://rkomi.ru/news/1888 @ 2022-03-15 @}
Коми Республикаса национальнӧй ӧтмунӧмъясӧн да диаспораясӧн юрнуӧдысьяс ошкисны Украинаын спецоперация нуӧдӧм йылысь Владимир Путинлысь помшуӧмсӧ
Республикаын олысь войтырӧс петкӧдлысьяс висьталісны ассьыныс видзӧдласнысӧ регионса Юралысь Владимир Уйбакӧд аддзысьлӧм дырйи.
Аддзысьлӧмыс вӧлі рака тӧлысь 14 лунӧ Коми Республикаса войтырлӧн ёртасян керкаын.
«Украинаын ӧнія лоӧмторъясыс нӧшта ӧтчыдысь петкӧдлісны — сэні, кӧні эмӧсь войтыр костын вензьӧмъяс, вошӧ политикаын зумыдлуныс, вежсьӧны духовнӧй озырлуныс да олӧм вылӧ видзӧдласъясыс.
Тӧда, мый спецоперация нуӧдӧм йылысь Президентлӧн помшуӧмыс тырвыйӧ подулалӧм да стӧч.
Татшӧм кадӧ колӧ гӧгӧрвоны ӧта-мӧднымӧс да ӧтувтчыны.
Оз позь лэдзны, медым миян костын артмис войтыркостса зык-шум.
Колӧ видзны Россияса да Коми Республикаса история да культура озырлунсӧ.
Тані унатор миян сайын: регионса Веськӧдлан котыр да гражданскӧй институтъяс сайын», — шуис Владимир Уйба.
Регионса Юралысь аттьӧаліс национальнӧй ӧтмунӧмъясӧн да диаспораясӧн юрнуӧдысьясӧс Украинаысь беженечьяслы отсалӧмӧ пай пуктӧмысь.
Талун Коми Республикаын дасьӧсь примитны да овмӧдны 500 гӧгӧр мортӧс, кодъяслы быть ковмис мунны ДНР-ысь да ЛНР-ысь.
«Ми гӧгӧрвоам, мый ӧнія лоӧмторъяссӧ.
Кӧкъямыс во чӧжӧн пӧгибнитіс уна мирнӧй йӧз, и колӧ вӧлі заводитны спецоперациясӧ.
Ми огӧ вермӧй видлавны медыджыд веськӧдлысьнымлысь помшуӧмсӧ.
Эм тшӧктӧм, сійӧс колӧ пӧртны олӧмӧ.
Тайӧ быть колана мера.
Торйӧн колӧ тӧдчӧдны, мый вӧчсьӧ страна пытшкын.
Искусственнӧя да подулавтӧг кыптӧны вузӧс вылӧ донъясыс.
Йӧзыслы колӧ гӧгӧрвоны, мый миян запасъясыс тырмӧмӧн, сёян-юаныс тырмас ставнымлы», — шыӧдчис «Сакартвело» грузинскӧй национально-культурнӧй котыр» Коми республиканскӧй ӧтйӧза организацияӧн веськӧдлысь Николай Самунашвили.
Владимир Уйба корис, медым йӧзыс эз сетсьыны паникалы да провокацияяслы, а юӧръяс корсигӧн мыджсисны сӧмын прӧверитӧм, официальнӧй ӧшмӧсъяс вылӧ.
Федеральнӧй тшупӧдын лӧсьӧдӧма да уджалӧ Объясняем.РФ.портал. Сэні эм тырвыйӧ да збыль юӧр.
Лӧсьӧдӧма Контактын, Одноклассник социальнӧй везъясын «<rus>Объясняем.Республика Коми</rus>» регионса пабликъяс да Telegram мессенджерын канал.
Коми Республикаса Юралысь сідзжӧ тӧдчӧдіс, мый инӧд видзысь органъяс эрдӧдӧны нин кывкуттӧм организацияясӧс, кодъяс искусственнӧя артмӧдӧны вузӧслысь тырмытӧмлунсӧ либӧ подувтӧг кыпӧдӧны донъяссӧ.
Таысь кындзи, Россияса Веськӧдлан котыр да Коми Республикаса Веськӧдлан котыр примитӧны мераяс экономикалысь зумыдлунсӧ кутан мераяс.
«Миян котыртӧма Экономикалысь зумыдлунсӧ могмӧдӧм серти регионса штаб.
Быд лун видзӧдӧны донъяс бӧрся.
Регионса предприятиеяслы, кодъяс уджалісны экспорт вылӧ да воштісны вузӧс иналан рынокъяссӧ, кӧсйӧны кыпӧдны страна пытшкын налысь спроссӧ, сы лыдын канму заказъяс отсӧгӧн.
Тайӧ сетас позянлун не тупкыны предприятиеяссӧ да видзны уджалан местаяссӧ», — юӧртіс Владимир Уйба.
Регионса Юралысь сідзжӧ висьталіс, мый кӧдзан кад водзын примитӧма аграрийяслы канмусянь содтӧд отсӧг сетан мераяс.
Регионса Минсельхозлы тшӧктӧма авансӧн тырвыйӧ мынтыны субсидияяссӧ, а абу юкӧнъясӧн, кыдзи вӧлі водзсӧ.
Тайӧ сетас позянлун видз-му овмӧс предприятиеяслы ас кадӧ ньӧбны кӧйдыссӧ да мувердасъяссӧ.
Аддзысьлӧм помланьыс Владимир Уйба национально-культурнӧй автономияясӧн да диаспораясӧн юрнуӧдысьяс нимсянь аттьӧаліс уна национальносьта Коми Республикаса став олысьӧс Россияса Президент Владимир Путинкӧд ӧтсӧгласӧ воӧмысь да зумыд гражданскӧй видзӧдласысь.
{Kodko (комиӧдіс Kodko) @ Владимир Уйба восьтіс «Ми — Ыджыд Вермӧмлӧн наследникъяс» республиканскӧй благотворительнӧй марафон @ новости @ https://rkomi.ru/news/1892 @ 2022-03-16 @}
Владимир Уйба восьтіс «Ми — Ыджыд Вермӧмлӧн наследникъяс» республиканскӧй благотворительнӧй марафон
Акциясӧ быд во котыртӧ Ветеранъяслӧн республиканскӧй сӧвет.
Рака тӧлысь 15 лунӧ «Вермӧм» республиканскӧй оргкомитетлӧн заседание дырйи Коми Республикаса Юралысь Владимир Уйба юӧртіс марафон восьтӧм йылысь.
Заседание дырйи сёрнитісны 1941–1945 воясся Айму вӧсна Ыджыд тышын Вермӧмсянь 77 во тырӧм пасйыны дасьтысьӧм, ветеранъяслы отсалӧм да Айму дорйигӧн пӧгибнитӧмаяслысь паметь нэммӧдӧм серти дінмуса торъя мога уджтас лӧсьӧдӧм йылысь.
«Коронавирус вӧсна 2020 да 2021 воясӧ ми пасйим Вермӧм лунсӧ ёнджыкасӧ онлайн, дистанционнӧя.
Таво вермас лоны, мый ми пасъям сійӧс важ ног, но колӧ видзӧдны эпидемиякӧд йитчӧм серпас вылӧ.
Колӧ уджавны кыкнан сценарий серти да дасьтысьны республика да муниципалитетъяс тшупӧдын», — шуис Владимир Уйба.
Коми Республикаын Айму вӧсна Ыджыд тышса ветеранъяслы, тылса уджалысьяслы да «война кадся челядь» категория гражданалы сетӧны быдсикас отсӧг.
Быд во ветеранъяс да «война кадся челядь» категория граждана бурмӧдӧны дзоньвидзалуннысӧ «Максаковка» республиканскӧй шӧринын.
Таво бара сетӧма сьӧм, медым ветеранъяс да пенсионеръяс бурдӧдчисны Киров обласьтса «Колос» санаторийын.
Бӧръя 2 вонас путёвкасӧ сетӧма 1659 мортлы, 2022 воын вермас бурдӧдчыны нӧшта 630 сайӧ морт.
Таво «тылса уджалысьяс» категория гражданалы мынтӧмсӧ содтісны 1 сюрс шайтсянь 3 сюрс шайтӧдз.
Комиын Айму вӧсна Ыджыд тышса ветеранъяслы гортаныс дон босьттӧг сетӧны социальнӧй отсӧг.
А тавосянь шуӧма, мый татшӧм отсӧгсӧ кутасны сетны «тылса уджалысьяс», «фашистскӧй лагеръясса узникъяс», «блокаднӧй Ленинградса олысьяс» категория гражданалы.
2022 воын отсӧгсӧ сетасны 528 мортлы.
Вермӧм лун кежлӧ «война кадся челядь» категория гражданалы сетасны 3 сюрс шайт.
Республикаын бурмӧдӧны Айму вӧсна Ыджыд тышса ветеранъяслысь олан условиеяссӧ.
2008–2021 воясӧ федеральнӧй сьӧмкуд сьӧм тшӧт весьтӧ 770 ветеранлы сетӧма выль оланін.
Дзоньталӧма Айму вӧсна Ыджыд тышса ветеранъяслысь 1906 патера да керка.
Кызвыннас дзоньталӧны республиканскӧй сьӧмкудйысь сьӧм, мыйкӧ мында муниципальнӧй сьӧм да сьӧмкудйысь ӧтдор сьӧм вылӧ.
Коми Республика — Россияын дзик ӧти регион, кӧні сетӧны «война кадся челядьлы» оланін дзоньталӧм вылӧ сьӧм.
Войнаса, уджвывса, Вооружённӧй Вынъясса да инӧд видзан органъясса ветеранъяслӧн (пенсионеръяслӧн) Коми республиканскӧй ӧтйӧза организацияӧн веськӧдлысь Людмила Жукова аттьӧаліс Коми Республикаса Юралысь Владимир Уйбаӧс сыысь, мый тайӧ могъяс вылӧ таво республиканскӧй сьӧмкудйысь шуӧма вичмӧдны 112,6 миллион шайт.
Тайӧ сьӧм вылӧ кӧсйӧны дзоньтавны 650 сайӧ патера да олан керка.
Сідзжӧ «война кадся челядь» вермасны бурдӧдчыны ветеранъяслӧн госпитальын (водзджыксӧ налы татшӧм отсӧгсӧ эз сетлыны).
Оргкомитетлӧн заседание дырйи Коми Республикаса Юралысь восьтіс «Ми — Ыджыд Вермӧмлӧн наследникъяс» республиканскӧй благотворительнӧй марафон. Сійӧс быд во нуӧдӧ Ветеранъяслӧн республиканскӧй сӧвет.
Марафон дырйи республикаса организацияяс да олысьяс чукӧртӧны сьӧм ветеранъяслӧн могъяс вылӧ.
Тайӧ сьӧм вылӧ ньӧбӧны мебель, бытӧвӧй техника, отсалӧны сьӧмӧн ветеранъяслы, выльмӧдӧны война дырйи усьӧмаяслы памятникъяс да монументъяс.
Благотворительнӧй марафон сетӧ позянлун республикаса быд олысьлы отсавны налы, кодъяс шедӧдісны Ыджыд Вермӧм, федеральнӧй да республика тшупӧдъясын урчиттӧм отсалан мераяс дорӧ содтӧд бурмӧдны ветеранъяслысь олӧмсӧ.
«Ми торйӧн уджалам сы вылын, медым лӧсьӧдны миян ветеранъяслы бур олӧм.
Регионса Веськӧдлан котырлы колӧ зіля збыльмӧдны ветеранъяс, тылса уджалысьяс, «война кадся челядь» категория граждана серти социальнӧй кӧсйысьӧмъяссӧ.
Колӧ тӧждысьны на вӧсна оз сӧмын праздникъяс дырйи, но и быдлунъя олӧмын», — оргкомитетлысь заседание сигӧртігӧн шуис Владимир Уйба.
* * *
Коми Республикаын пасйӧма Айму вӧсна Ыджыд тышса 2 338 ветеран, 1728 «тылса уджалысь» да «война кадся челядь» категорияысь 27 361 гражданин.
{Kodko (комиӧдіс Kodko) @ Тувсовъя ытва дырйи Коми Республикаса юясын ваыс вермас ёнджыка туны @ новости @ https://rkomi.ru/news/1894 @ 2022-03-16 @}
Тувсовъя ытва дырйи Коми Республикаса юясын ваыс вермас ёнджыка туны
Владимир Уйба нуӧдіс Неминучаясысь ӧлӧдӧм, найӧс бырӧдӧм да пӧжарысь видзчысьӧм серти Коми Республикаса комиссиялысь заседание.
Сёрниыс муніс тувсовъя ытва да пӧжар лоны вермана кад кежлӧ дасьтысьӧм йылысь.
Веськӧдланінса начальникӧс вежысь — «Коми ЦГМС» Войвыв УГМС ФКСУ филиалса начальник Олег Козеллӧн юӧр серти Эжва да Мозын ковтысъяслӧн юясын ваыс вермас содны нормаысь 13–24 см вылӧ унджык, мукӧдлаын — норма серти.
Печора ковтыслӧн юясын ваыс содас шӧркодь петкӧдласъясысь 10–40 см вылӧ унджык.
Ытва кежлӧ дасьтысьӧны план серти.
Дасьтӧма да вынсьӧдӧма став планируйтан документсӧ, донъялӧма, кыдзи вермас лёка тӧдчыны республикаса сикт-грездъяс вылӧ ытваыс.
Стӧчмӧдӧма неминуча лоны вермӧм да артмӧм дырйи юӧр чукӧртан да сыӧн юксян схемасӧ.
Котыртӧма орчча регионъяскӧд ӧтувъя уджсӧ.
Стӧчмӧдӧма Россияса МЧС-лӧн Коми Республикаын медшӧр веськӧдланінса оперативнӧй группаяслысь, а сідзжӧ пӧжарысь мездан юкӧдувъяслӧн вынъяслысь да средствояслысь составсӧ да уджалан пӧрадоксӧ.
Ытва дырйи Войтырӧс доръян да неминучаысь видзан комитет сувтӧдас 10 спасательнӧй пост.
Ойдланінъясын мездан уджъяссӧ кутасны нуӧдны да ытва бӧрын колясъяссӧ кутасны бырӧдны РСЧС-са Коми республиканскӧй системаулысь 5951 морт, сідзжӧ дасьтӧма 1637 единица техника (сы лыдын автомашина — 840, торъя — 441, инженернӧй — 356), пилоттӧм 10 лэбалан аппарат, 276 катер-пыж.
Содтӧд лӧсьӧдӧма Войтырӧс доръян да неминучаысь видзан дінмуса комитетлӧн «СПАС-КОМИ» канму асшӧрлуна учреждениеса мездысьяслысь 1 своднӧй отряд, кытчӧ пырӧ 12 морт. Отрядлӧн могыс — сетны отсӧг медводз «Чилимдін» МР МЮ-ын, а сідзжӧ республика пасьтала олысьяслы.
Ытва бӧрся видзӧдӧм могысь Коми ЦГМС-лӧн филиал сувтӧдас 72 пыр уджалысь гидрологическӧй пост, ковмас кӧ, вермасны сувтӧдны нӧшта сизимӧс.
Веськӧдлан органъяс да РСЧС-са Коми республиканскӧй системаувлӧн могыс — збыльмӧдны став дасьтысян мероприятиесӧ, медым ытва дырйи ӧдйӧ да бура разьны артмӧм мытшӧдъяссӧ.
Республикаса мусир да биару комплекслӧн организацияясӧн да производственнӧй предприятиеясӧн юрнуӧдысьяслы ведомствоувса мутасъясын колӧ дасьтысьны ытва кежлӧ, медым тайӧ кадыс коляс бура.
Аварияяс дырйи ӧдйӧ реагируйтны да ас кадӧ юӧртны лоӧмторъяс йылысь лӧсялана дӧзьӧр нуӧдысь органъясӧ.
«Кора муниципалитетъясса администрацияясӧн юрнуӧдысьясӧс аслыныс ладмӧдны уджсӧ местаяс вылын, ас кадӧ могмӧдны топливно-энергетическӧй ресурсъяс, сёян-юан, медикаментъяс вайӧмсӧ, йӧзӧс мӧдлаӧ овмӧдӧмсӧ.
Сідзжӧ торйӧн колӧ нуӧдны олысьяскӧд гӧгӧрвоӧдана удж, видзӧдны ӧпаснӧй кадколастъясӧ организацияяслӧн да гражданалӧн удж бӧрся», — шуис Владимир Уйба.
2022 воын пӧжар лоны вермана кад кежлӧ дасьтысьӧм могысь Россия Федерацияса МЧС-лӧн Коми Республикаын медшӧр веськӧдланінын пӧжарысь видзан канму дӧзьӧр нуӧдысь органъяс нуӧдасны прӧверкаяс сикт-грездъяс пӧжарысь видзчысян мераяс збыльмӧдӧм серти.
Сідзжӧ челядьлӧн шойччанінъясын да налысь дзоньвидзалун бурдӧданінъясын, сад да град вӧдитан мутасъясын, кӧні вермӧны артмыны вӧр пӧжаръяс, кӧсйӧны нуӧдны ӧлӧдан мероприятиеяс.
«2022 во вылӧ Коми Республикаын вӧрын пӧжаръяс кусӧдан вынсьӧдӧм своднӧй план» серти кутас уджавны РСЧС-лӧн Коми республиканскӧй системаувса 1056 морт да дасьтӧма 682 единица техника.
{Kodko (комиӧдіс Kodko) @ Коми Республикалысь вӧзйӧмъяссӧ босьтісны тӧд вылӧ гражданалы, экономикалы да бизнеслы федеральнӧй отсӧг сетан мераяс лӧсьӧдігӧн @ новости @ https://rkomi.ru/news/1895 @ 2022-03-16 @}
Коми Республикалысь вӧзйӧмъяссӧ босьтісны тӧд вылӧ гражданалы, экономикалы да бизнеслы федеральнӧй отсӧг сетан мераяс лӧсьӧдігӧн
Талун, рака тӧлысь 16 лунӧ, Коми Республикаса Юралысь Владимир Уйба участвуйтіс Экономическӧй юалӧмъяс да выль коронавирус инфекция паськалӧмлы паныд удж нуӧдӧм серти Россия Федерацияса Каналан Сӧветлӧн уджалан группаса селекторнӧй сӧвещаниеын.
Сійӧс нуӧдіс Россияса Веськӧдлан котырӧн Юрнуӧдысьӧс Медводдза вежысь Андрей Белоусов да Москваса мэр Сергей Собянин.
Мероприятиеын участвуйтісны Веськӧдлан котырӧн Юрнуӧдысьӧс вежысьяс Марат Хуснуллин да Татьяна Голикова, федеральнӧй олӧмӧ пӧртысь власьт органъясӧн юрнуӧдысьяс да Федерацияса субъектъясӧн юралысьяс.
Сӧвещание дырйи сёрнитісны гражданалы, экономикалы да бизнеслы отсӧг сетан мераяс йылысь, медым пыртны найӧс Санкцияяс дырйи паныд удж нуӧдӧм серти Веськӧдлан котырлӧн медшӧр уджъяслӧн планӧ.
Казьтыштам, лунӧн водзджык Россиялӧн Веськӧдлан котырса премьер-министр Михаил Мишустин тӧдмӧдіс экономикалы отсӧг сетан федеральнӧй мераяс серти коймӧд пакетӧн, кутшӧмӧс вӧлі пыртӧма Санкцияяс дырйи россияса экономикасӧ сӧвмӧдан медшӧр уджъяслӧн планӧ.
Тайӧ кризислы паныд сёысь унджык помшуӧм, мый вылӧ вичмӧдасны 1 трлн мында шайт.
Чолӧмасигӧн Сергей Собянин юӧртіс регионъясса юралысьяслы федеральнӧй тшупӧдын примитӧм сійӧ помшуӧмъяс йылысь, мый серти паськӧдісны вот, сьӧмкуд, кар стрӧитан да мукӧд юкӧнын Федерацияса субъектъяслысь уджмогъяссӧ.
Сідзжӧ Сергей Собянин юӧртіс система артмӧдысь предприятиеяслы кокньӧдъяс серти кредитъяс сетан уджтасъяс йылысь да мукӧд мера йылысь, кутшӧмъясӧс збыльмӧдӧм йылысь помшуӧмсӧ кӧсйӧны примитны матысса кадӧ.
Сӧвещание дырйи Марат Хуснуллин юӧртіс, мый Веськӧдлан котыр дасьтіс стрӧитчан юкӧнын, кытчӧ пырӧ оланін пайӧн стрӧитӧм да челядя семьяяслы кокньӧдъяс серти ипотека кредитъяс сетан уджтас паськӧдӧм, отсӧг сетан мераяс.
Татьяна Голикова юӧртіс сы йылысь, мый дасьтӧны мераяс, медым отсавны удж рыноклы, могмӧдны лекарствоясӧн да медицина изделиеясӧн.
Андрей Белоусов сёрнитігас индіс матысса кад вылӧ санкцияяс дырйи паныд удж нуӧдӧм серти Веськӧдлан котырлӧн да регионъясса администрациялӧн уджлысь медшӧр могъяссӧ.
«Коми Республикаса Веськӧдлан котыр топыда уджалӧ федеральнӧй шӧринкӧд.
И сійӧ отсӧг сетан мераясыс, кутшӧмъясӧс примитӧны да вӧдитчӧны став страна пасьтала, артмисны тайӧ уджъёртасигӧн.
Уна миян вӧзйӧм, Россияса мукӧд регионысь уджъёртъяслӧн вӧзйӧмъясыс лоисны Санкцияяс дырйи Россияса экономикасӧ сӧвмӧдан медшӧр уджъяслӧн планлы подулӧн.
Аттьӧала тайӧ уджысь Россия Федерацияса Веськӧдлан котырӧс.
Таысь кындзи ӧні ми помалам дасьтыны регионса отсӧг сетан мераяс, найӧс видлаласны тайӧ пекничаӧ республиканскӧй оперативнӧй штаб дырйи», — тӧдчӧдіс Коми Республикаса Юралысь Владимир Уйба.
Фотоыс — http://government.ru/
{Kodko (комиӧдіс Kodko) @ Коми Республикаса Юралысь Владимир Уйба да Коми Республикаса Веськӧдлан котыр юкӧны шог Анатолий Ефимович Кононовлӧн кувсьӧмкӧд йитӧдын @ новости @ https://rkomi.ru/news/1901 @ 2022-03-18 @}
Коми Республикаса Юралысь Владимир Уйба да Коми Республикаса Веськӧдлан котыр юкӧны шог Анатолий Ефимович Кононовлӧн кувсьӧмкӧд йитӧдын
«Коми Республикалы тайӧ ыджыд вошӧмтор.
Кувсис вӧр юкӧнса ветеран Анатолий Ефимович Кононов. Сылы эськӧ тырис 86 арӧс.
Уджавны Анатолий Ефимович заводитіс 1958 воӧ Шойнатыса леспромхозын, сэсся вуджис Сыктыв районӧ.
Лесопунктса старшӧй мастерсянь воӧдчис леспромхозса директорӧдз.
Сыктывкарӧ локтӧм бӧрын уджаліс «Комилеспром» ставсоюзса ӧтулын медыджыд директорӧн, юрнуӧдіс Коми Республикаса «Госкомпромын», Коми Республикаса Минпромтранслӧн ЛПК департаментын.
Сійӧс эз ӧтчыдысь бӧрйывлыны Коми АССР-са Медвылыс Сӧветӧ депутатӧн.
Анатолий Ефимович Кононов уна вӧчис, медым сӧвмӧдны республикаса вӧр юкӧн. Тайӧ нырвизьын сійӧ уджаліс 40 сайӧ во.
Вӧр промышленносьт комплексын уджалігӧн сійӧ петкӧдліс асьсӧ удж бура тӧдысь, кывкутысь мортӧн, тӧлка да водзмӧстчысь специалистӧн, енбиа веськӧдлысьӧн.
Анатолий Ефимовичлы сетӧма Веськӧдлан котырсянь тӧдчана наградаяс, на лыдын — «Почёт пас», «Уджвывса Гӧрд Знамя» орденъяс, Ленин орден.
Сылы сетӧма «Коми АССР-са йӧзкост овмӧсын нимӧдана уджалысь» да «РСФСР-са вӧр промышленносьтын нимӧдана уджалысь» почёт нимъяс.
Юкам курыд шог Анатолий Ефимович Кононовлӧн рӧдвужкӧд да матыссаяскӧд.
Миян сьӧлӧмъясын век коляс сы йылысь паметь».
abu
Коми Республикаса Юралысь В. В. Уйба, Коми Республикаса Веськӧдлан котыр
Анатолий Ефимович Кононовкӧд прӧститчасны рака тӧлысь 19 лунӧ 13 часын Сыктывкарын Краснозатонскӧй шойнаса часовня дорын.
{Kodko (комиӧдіс Kodko) @ Комиын олысьяс — Zа Мир! Zа Россию! Zа Президента! @ новости @ https://rkomi.ru/news/1902 @ 2022-03-18 @}
Комиын олысьяс — Zа Мир! Zа Россию! Zа Президента!
Рака тӧлысь 18 лунӧ Сыктывкарын Театральнӧй изэрдын прӧйдитіс Крым да Севастополь Россия дорӧ ӧтвывтӧмсянь тшупӧда паслы сиӧм митинг-концерт.
8 во сайын вӧлі кырымалӧма кӧджсӧ Россия Федерацияӧ примитӧм йылысь сёрнитчӧм.
Тайӧ вӧлі Крымын олысьяслӧн кӧсйӧм, найӧ юӧртісны та йылысь референдум дырйи.
Тайӧ жӧ кадӧ, 8 во сайын, Донбассын заводитчис война.
Сэки лыйлісны Донецкӧй да Луганскӧй народнӧй республикаясӧс, увтыртісны роч олысьясӧс, роч кыв да Роч православнӧй вичко.
Киевса власьтъяс уна во ӧтдортісны Кризис мирнӧя ладмӧдӧм серти минскӧй мераяс комплекс, а колян во ӧткажитчисны сійӧс збыльмӧдны.
«Дерт, тайӧ абу сӧмын налӧн кӧсйӧм.
Рытыввыв странаяс ышӧдісны Украинаӧс мунны Россиялы паныд, кутчысьны неонацистскӧй видзӧдласъясӧ, повны став рочысь, кӧсйысисны пыртны Киевӧс НАТО-ӧ.
Мый бурсӧ 8 вонас вайис Киевлӧн неофашистскӧй, неонацистскӧй режимыс Луганскӧй да Донецкӧй народнӧй республикаясын олысьяслы?
Жугӧдӧмъяс, бомбардировкаяс, лыйсьӧмъяс, уна сюрс пӧгибнитӧмаӧс!
Дой, синва да шог.
И дерт, миян Президент Владимир Владимирович Путин примитіс торъя военнӧй операция нуӧдӧм йылысь помшуӧм — тайӧ каднас мӧд ног вӧчны эз позь.
Эз кӧ тадзи вӧчны, неофашистъяс эськӧ локтісны да лыйлісны миянлысь мудоръяс.
Тайӧс планируйтіс ылӧдчысь Асыввыв, сылӧн псевдокультураыс да псевдодемократическӧй видзӧдласыс увтыртіс мортлунсӧ, дзугис мирнӧй олӧмсӧ.
Налы оз ков вына да вӧльнӧй Россия.
Асыввыв странаяслӧн ӧтдортчӧмыс оз повзьӧд миянӧс.
Россия — вына страна.
Асыввыв гӧгӧрвоис нин, мый санкцияяс уджалӧны оз Россиялы паныд, а налӧн йӧзлы да налӧн экономикаяслы паныд.
Ми венам став сьӧкыдлунсӧ.
Кутам дорйыны веськыдлун да жебъясӧс.
Миян челядь да внукъяс ошкасны Президентлысь вӧчӧмторсӧ, кутасны лыддьыны сійӧс Донецкӧй да Луганскӧй народнӧй республикаясысь вокъясӧс дорйӧмӧн», — висьталіс митинг дырйи Коми Республикаса Юралысь Владимир Уйба.
Россия Федерацияса Президент Владимир Путин, Донбасса олысьяс да Украинаӧс денацифицируйтӧм серти торъя военнӧй операция дор сувтісны ветеранъяс, общественникъяс, депутатъяс, творческӧй интеллигенция да Сыктывкарса мукӧд олысь.
{Kodko (комиӧдіс Kodko) @ Владимир Уйба корис дӧзьӧр нуӧдысь органъясӧс да Коми Республикаса лӧсялана министерствоясӧс бура видзӧдны донъяс артмӧдӧм бӧрся @ новости @ https://rkomi.ru/news/1904 @ 2022-03-19 @}
Владимир Уйба корис дӧзьӧр нуӧдысь органъясӧс да Коми Республикаса лӧсялана министерствоясӧс бура видзӧдны донъяс артмӧдӧм бӧрся
Экономика уджалӧмлысь зумыдлунсӧ могмӧдӧм серти регионса штаблӧн заседание вылын сёрнитісны санкцияяс дырйи бизнеслы да гражданалы отсалан мераяс йылысь, а сідзжӧ Веськӧдлан котырлӧн удж йылысь.
«Ӧнія лоӧмторъяс дырйи Россия Федерацияса Веськӧдлан котыр кутас кыпӧдны социальнӧй мынтӧмъяс, содтыны бюджетникъяслысь удждон.
Кора олӧмӧ пӧртысь власьт органъясӧс видзӧдны сэтшӧм случайяс бӧрся, кор мортлысь инӧдсӧ абу урчитӧма да сылы оз вермыны отсавны.
Быд случай серти колӧ уджавны торйӧн.
Миян странаын тырмӧ вын да сьӧм, медым экономика эз киссьы.
Та йылысь юӧртіс Россияса Президент Владимир Владимирович Путин регионъясса юралысьяскӧд сӧвещание дырйи», — шуис Владимир Уйба.
Республикаса Юралысь уськӧдіс тӧд вылӧ, мый федеральнӧй тшупӧдын ошкӧма да збыльмӧдӧны нин торъя отсалан мераяс.
Найӧ йитчӧмаӧсь контроль да дӧзьӧр нуӧдан уджкӧд, странаясӧ, кодъяс оз ёртасьны миянкӧд, экспорткӧд, разрешительнӧй уджкӧд, олысьясӧс да предпринимательство удж субъектъясӧс кредитуйтӧмкӧд.
Рака тӧлысь 15 лунӧ Россияса Веськӧдлан котыр петкӧдліс санкцияяс дырйи экономикалы да социальнӧй юкӧнлы отсӧг сетан мераяслысь нӧшта ӧти пакет.
Мераыс уна, найӧ йитчӧны промышленносьт, вузасян да агропромышленнӧй комплекс юкӧнын система артмӧдысь предприятиеяслы кокньӧдӧм кредит сетӧмкӧд, вот серти контроль нуӧдӧмсӧ кокньӧдӧмкӧд, СПИК 1.0 механизм бӧр пыртӧмкӧд, авиационнӧй перевозчикъяслы отсалӧмкӧд да мукӧд мера.
Россияса Президентлӧн тшӧктӧм серти регионъяс примитӧны социальнӧй да экономика боксянь зумыдлунсӧ могмӧдӧм да олысьясӧс дорйӧм серти мераяс.
Сы лыдын адреснӧя отсалӧны пикӧ воӧм гражданалы, кольӧны социальнӧй услугаясӧн вӧдитчыны важ кодь позянлунсӧ, отсалӧны социальнӧй нырвизя абу коммерческӧй организацияяслы, кодъяс социальнӧя могмӧдӧны, социальнӧя отсалӧны гражданалы да дорйӧны найӧс, отсалӧны беженечьяслы да мӧдлаысь бытьӧн воӧм йӧзлы.
Республикаса Юралысь тшӧктіс лӧсялана министерствояслы республиканскӧй сьӧмкудлысь позянлунъяссӧ тӧд вылӧ босьтӧмӧн сетны социальнӧя отсалан содтӧд мераяс серти вӧзйӧмъяс.
Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр Эльмира Ахмеева висьталіс регионса Отсалан план йылысь да тӧдчӧдіс, мый Коми Республикаса экономика субъектъяслӧн да олысьяслӧн могъяс вылӧ подуласьӧмӧн, а сідзжӧ социальнӧй да экономика боксянь серпас серти анализ да выль вызовъяс вылӧ реагируйтан мераяс тӧд вылӧ босьтӧмӧн тайӧ документӧ водзӧ кутасны содтыны выль мероприятиеяс.
Планлӧн медшӧр позицияясӧ пырӧны татшӧм мераяс:
• Регионса Промышленносьт сӧвмӧдан фондлысь сьӧмсӧ содтӧм (республикаын эмӧсь нин сьӧмӧн могмӧдӧм вылӧ лоны вермана проектъяс);
• юридическӧй кывкутысьясӧс, асшӧр уджалысьясӧс субсидируйтны выль пӧв заводитӧм, медым вештыны пеллетъяс да ломтысян брикетъяс вӧчӧмсӧ ӧнъяӧдӧм да паськӧдӧм серти ӧтувъя рӧскод.
Дасьтӧны республикаса став котельнӧйсӧ ломтысян брикетъяс да пеллетъяс вылӧ вуджӧдӧм серти уджтас;
• Коми Республикаса лизингӧвӧй компаниялысь сьӧмсӧ содтӧм, мый вӧсна чинас ичӧт да шӧр предпринимательство субъектъяслы прӧчент ставкаясыс;
• вот перъян кокньӧдӧм система серти кокньӧдсӧ 2023 во вылӧ нюжӧдӧм;
• Коми Республикаса Гарантия фондлысь поручительство сетӧмысь мынтӧмлысь кокньӧдӧм ыджда кольӧм.
Тайӧ 3 воӧдз сьӧмӧн могмӧдан кадколаст дырйи вонас 0,5 %;
• микрокредитование уджтасъяс серти прӧчент ставкаяс чинтӧм, сы лыдын найӧс вонас 0.1 %-сянь 9,5 %-ӧдз кутӧм, ӧнія заёмъяссӧ реструктуризируйтӧм, мынтӧмъяслысь ыдждасӧ чинтӧм, неустойка сюйӧмсӧ дугӧдӧм, а сідзжӧ ӧнія микрокредитование уджтасъяс выль пӧв видлалӧм.
Таысь кындзи, Планын урчитӧма выль мероприятиеяс:
• Коми Республикаса Юралысь Владимир Уйбалӧн тшӧктӧм серти, 2022 воӧ вичмӧдӧма содтӧд сьӧм, медым вӧр ньӧбан-вузалан сёрнитчӧмъяс кырымалӧм вылӧ инӧд вузалӧм серти аукционъяс нуӧдӧм могысь котыртны лесосекаяс сетӧм да донъялӧм серти уджъяс сы могысь, медым котыртны ичӧт да шӧр бизнес предприятиеяслысь вӧрӧн вӧдитчӧмсӧ;
• лӧсьӧдӧма Коми Республикаын суйӧрсайса тӧвар вежан шӧрин, медым вежны республикаӧ ваян вузӧссӧ аймуын вӧчӧм либӧ ёртасян странаясысь вайӧм татшӧм жӧ вузӧсӧн.
Номенклатура — 400 сайӧ позиция.
Лыддьӧгсӧ ыстасны Россияса промышленносьт да вузасян министерствоӧ ёна колана вузӧс вежӧм серти водзӧ уджалӧм вылӧ;
• лӧсьӧдӧма Коми Республикаын регионса логистика шӧрин, медым разьны дась прӧдукция новлӧм, сырьё да материалъяс вайӧм серти предприятиеяслысь мытшӧдъяссӧ.
Логистика шӧринӧ пырисны Коми Республикаса гырысь производство предприятиеясӧс да «Россияса кӧрт туйяс» восьса акционер котырӧс петкӧдлысьяс;
• нуӧдӧны регионса система артмӧдысь предприятиеяслысь лыддьӧг паськӧдӧм серти удж.
Россияса система артмӧдысь организацияяслӧн лыддьӧгӧ Коми Республикаса предприятиеяс содтӧм серти юалӧмсӧ видлалӧ Россияса промышленносьт да вузасян министерство;
• видз-му овмӧс сӧвмӧдӧм да йӧзӧс уджӧн могмӧдӧм.
Удж сетысьяслы компенсируйтӧны ӧтйӧза уджъяс котыртігӧн уджысь мыйкӧ мында мынтысьӧм вылӧ, организацияясса уджалысьясӧс, кодъяс вермасны кольны уджтӧг, кад кежлӧ уджӧн могмӧдігӧн уджысь мыйкӧ мында мынтысьӧм да материально-техническӧя могмӧдӧм вылӧ ӧтувъя рӧскодсӧ.
Сідзжӧ Планын эмӧсь системнӧй мероприятиеяс, сы лыдын донъяс, видзасъяс, удж рынокын ёсьлун да предприятиеяслӧн удж бӧрся мониторинг серти.
«Кора инӧд видзан органъясӧс да министерствоясӧс бура видзӧдны дон артмӧдӧм бӧрся да пырысь-пыр реагируйтны помкатӧг донъяс кыпӧдӧм да искусственнӧй дефицит вӧчӧм вылӧ, ӧдйӧ да чорыда тайӧс ӧлӧдны.
Торйӧн нин сёян-юан да медикаментъяс юкӧнын.
Миян сайын, уна-ӧ кад босьтас регионын серпаслӧн зумыдмӧмыс», — тӧдчӧдіс Владимир Уйба.
Коммерческӧй банкъясӧн юрнуӧдысьяс пасйисны, мый кивывса сьӧм вылӧ ажиотажыс помасис.
Граждана да юридическӧй кывкутысьяс бӧр пуктӧны сьӧмсӧ тшӧтъяс вылӧ, нӧшта и депозитъяс серти ставкаыс кайис 15–17 прӧчентӧдз юридическӧй кывкутысьяслы да 20 прӧчентӧдз — торъя йӧзлы.
Сідзжӧ банкиръяс юӧртісны, мый сетӧм потребительскӧй да ипотечнӧй кредитъяс серти ставкаясыс оз вежсьыны.
Водзӧ сетӧны кокньӧдӧм ставкаяс серти ипотекаяс.
Коми Республикаын уджйӧз реструктуризируйтан уджтаслӧн вынсялӧм вылӧ видзӧдтӧг «кредитнӧй каникулъяс» вылӧ заявкаыс абу уна.
Та пыдди ёна сетӧны ичӧт да шӧр предпринимательство субъектъяслы кокньӧдӧм кредит сетан уджтасын участвуйтӧм вылӧ заявкаяс.
Бизнес вермӧ босьтны 1 воӧдз кадколаста бергӧдан кредитъяс да 3 воӧдз кадколаста инвестиция кредитъяс.
Ичӧт предприятиеяслы сетасны кокньӧдӧм кредитъяс вонас 15 прӧчентысь абу ыджыдджык, а шӧр предприятиеяслы — 13,5 прӧчентысь абу ыджыдджык ставка серти.
{Kodko (комиӧдіс Kodko) @ Сыктывкарын сетісны наградаяс Коми Республикаын «Абилимпикс» — 2022 регионса VІІ чемпионатын вермысьяслы да призёръяслы @ новости @ https://rkomi.ru/news/1905 @ 2022-03-19 @}
Сыктывкарын сетісны наградаяс Коми Республикаын «Абилимпикс» — 2022 регионса VІІ чемпионатын вермысьяслы да призёръяслы
Наградитан церемонияын участвуйтіс регионса Юралысь Владимир Уйба.
Дзоньвидзалунын дзескӧдӧм позянлунъяса йӧзлы уджсикасын кужанлун серти конкурс прӧйдитіс «Велӧдӧм» национальнӧй проект подув вылын.
«Ті ставӧн — вермысьяс.
Ті венанын он сӧмын асьнытӧ, но и мукӧдъяссӧ, петкӧдланыд бур тӧдӧмлунъяс да кужӧмъяс.
Ті лоанныд ставныслы примерӧн, кыдзи воӧдчыны вермӧмӧ, сӧвмӧдны этш.
Эска, мый «Абилимпикс» ӧтмунӧмын участвуйтӧм сетас уджсикасын да олӧмын унджык позянлун.
«Абилимпикссӧ» оз прӧстӧ сідзи шуны позянлунъяслӧн олимпиадаӧн — сійӧ отсалӧ сӧвмыны быд мортлы», — шыӧдчис участвуйтысьяс дорӧ республикаса Юралысь.
Владимир Уйба аттьӧаліс наставникъясӧс, кодъяс велӧдӧны да отсалӧны конкурсантъяслы.
Чемпионат отсалӧ дзоньвидзалунын дзескӧдӧм позянлуна йӧзлы бӧрйыны ас серти уджсикас, бурмӧдны кужанлунъяссӧ, кокньыдджыка аддзыны удж.
Чемпионат прӧйдитӧ республикаын сизимӧдысь нин.
2016 воӧ сэні участвуйтіс сӧмын 16 морт, найӧ вермасисны кык компетенцияын.
2022 воӧ участвуйтіс 165 морт 25 компетенцияын.
Уджсикасын кужанлунъяссӧ петкӧдлісны Коми Республикаса кар-районъясысь, Архангельск обласьтысь школьникъяс, студентъяс да торъя нозологияа специалистъяс.
Налы отсасис 60 волонтёр.
Чемпионат дырйи петкӧдлӧм компетенцияясыс лӧсялӧны ӧнія удж рыноклӧн корӧмъяслы.
Таво «Студентъяс» да «Специалистъяс» категорияясын воссисны выль нырвизьяс: «Сити-фермерство», «Плакатлӧн дизайн» да «Лазернӧй технологияяс».
Участвуйтысьяслысь уджъяссӧ донъяліс сёысь унджык эксперт, на пиын вӧліны удж сетысьясӧс петкӧдлысьяс да Коми Республикаса велӧдан организацияясысь педагогъяс.
Найӧ ставныс прӧйдитісны уджсикасын тӧдӧмлунъяс кыпӧдан курсъяс Коми Республикаын «Абилимпикс» экспертъясӧс велӧдан регионса шӧринын Сыктывкарса сервис да связь колледж бердын.
2022 вося тулысӧ став 85 регионын прӧйдитӧны вермытӧмъяс да дзоньвидзалунын дзескӧдӧм позянлунъяса йӧз пӧвстын уджсикасын кужанлун серти регионса чемпионатъяс.
Чемпионат лоӧ «Россия — позянлунъяслӧн страна» президентлӧн платформаса проектӧн да нуӧдсьӧ Россияса йӧзӧс велӧдан министерство отсӧгӧн.
Регионса чемпионатъясын вермысьяс прӧйдитӧны ставроссияса финалӧ, а Национальнӧй чемпионатын медбур участвуйтысьяс вермӧны пырӧдчыны «Абилимпикс» Россияса национальнӧй сборнӧйӧ да петкӧдлыны миянлысь странаӧс войтыркостса тшупӧдын.
{Kodko (комиӧдіс Kodko) @ Бӧръя вит вонас Комиын чиніс ДТП-лӧн лыдыс @ новости @ https://rkomi.ru/news/1911 @ 2022-03-22 @}
Бӧръя вит вонас Комиын чиніс ДТП-лӧн лыдыс
Коми Республикаса Юралысь Владимир Уйба нуӧдіс Туй вылын видзчысянлунсӧ могмӧдан республиканскӧй комиссиялысь заседание.
Сэні сёрнитісны туй-транспортын травматизмысь ӧлӧдӧм, Коми Республикаса автомашина туйяс вылын авария лоны вермана участокъяс бырӧдӧм, автомашина туйяс дзоньталӧм йылысь.
Коми Республикаын МВД ГИБДД-са Веськӧдланінлӧн юӧр серти, регионын бӧръя вит вонас чинісны туй вылын транспорткӧд лоӧмторъяс, ДТП понда ранитчӧмаяслӧн да пӧгибнитӧмаяслӧн лыдыс.
2021 воӧ воддза во серти туй вылын транспорткӧд лоӧмторъясыс чинісны 16,4 % вылӧ, сэні пӧгибнитӧмаяслӧн лыдыс чиніс 30,3 % вылӧ, ранитчӧмаяслӧн лыдыс — 17,2 % вылӧ.
«Колян во Комиын туйяс вылын чиніс авариялӧн лыдыс да на бӧрын артмӧм сьӧкыд лоӧмторйыс.
Но авария вӧсна кулалӧм бӧрся колӧ бура видзӧдны, — тӧдчӧдіс Владимир Уйба.
— Трагедияыс ёнджыкасӧ овлӧ кывкуттӧм шоперъяс понда, кодъяс вермӧны дойдавны оз сӧмын асьныссӧ, но мукӧдъясӧс, сы лыдын челядьӧс.
Татшӧмысь колӧ ӧлӧдны.
Колӧны содтӧд контроль мераяс.
Шуам, колӧ сетны позянлун, медым шоперъяс вермисны юӧртны видеорегистраторъяс вылӧ пасйӧм торкалӧмъяс йылысь.
Колӧ бырӧдны аварийнӧй участокъяс, дӧзьӧритны туйяссӧ».
Комиын туйяс вылын 90 % аварияыс артмӧ туй вылын ветлан правилӧяссӧ торкӧм понда — та вӧсна колян во пӧгибнитіс 57 морт, доймаліс 1 сюрсысь унджык.
Олан пунктъясысь бокын торкалӧмъяссӧ отсалӧны ӧлӧдны фото— да видеокамераяс.
Республикаын уджалӧ 24 фотовидеофиксация комплекс.
Владимир Уйба тшӧктіс лӧсялана нырвизя министерствояслы ёнджыка вӧдитчыны татшӧм комплексъяснас.
ДТП-яслӧн нӧшта ӧти помка — омӧль туйяс.
Уличаяс да туйяс киын кутысьяслы да баланс вылын кутысьяслы колян во сетісны торкӧмъяс бырӧдӧм йылысь 2,5 сюрс гӧгӧр предписание.
Дзоньталӧм дырйи да туйяс дӧзьӧритігӧн туй вылын видзчысянлунсӧ могмӧдӧм серти корӧмъяссӧ торкалӧм понда торкалысьясӧс административнӧя мыждісны.
Статистика серти, 2021 воӧ Комиын быд нёльӧд ДТП-ӧ веськалісны подӧн ветлысьяс.
Медым видзны налысь безопасносьтсӧ, колян во автомашина туйяс киын кутысьяс лӧсьӧдісны да выльмӧдісны ывлавывса бияслысь 32 километр линия, пуктісны 3,5 сюрс светильник, дінму да меставывса тӧдчанлуна туйяс вылын нормативъяс серти бурмӧдісны 86 туй вуджанін.
Медым челядьыс этшаджыка доймалісны туйяс вылын, Коми Республикаса Юралысь Владимир Уйба тшӧктіс могмӧдны сьӧмӧн «Бать-мамлӧн патруль» да «Ветлӧм серти том инспекторъяс» мероприятиеяс, кутшӧмъяс пырӧны «Коми Республикаын туй вылын видзчысянлунсӧ кыпӧдӧм» уджтасулӧ.
Туйяслысь аварийнӧй участокъяс чинтӧм лоӧ «Безопаснӧй да бур автомашина туйяс» национальнӧй проектлӧн мероприятиеясысь ӧтиӧн.
Колян во республикаса трассаяс вылын эрдӧдӧма авария лоны вермана 9 места да Сыктывкарын авария лоны вермана 5 участок.
Таво сэтчӧ пуктасны содтӧд туйвывса пасъяс, разметкаяс, югзьӧдан да ӧлӧдан элементъяс, а сідзжӧ аварияысь ӧлӧдан конструкцияяс.
2022 воӧ муниципалитеткостса да муниципальнӧй тӧдчанлуна автомашина туйяс, на вылын искусственнӧй сооружениеяс капитальнӧя дзоньталӧм да дзоньталӧм вылӧ вичмӧдасны 2,7 млрд шайт.
Тайӧ сьӧм вылӧ вермасны дзоньтавны 179 километр автомашина туй.
Планируйтӧны дзоньтавны куим пос (ӧтувъя кузьтаыс — 138 метра), а сідзжӧ югзьӧдны дінму тӧдчанлуна автомашина туйяслысь 17 километр ӧтувъя кузьта участокъяс.
Кӧсйӧны нуӧдны уджъяс 3 сюрс километр кузьта автомашина туй вылын разметка тэчӧм серти, та вылӧ видзасны 68 млн шайт.
Нормативъяслӧн корӧмъяс серти кӧсйӧны лӧсьӧдны 54 туй вуджанін.
Республикаса муниципальнӧй юкӧнъясын кӧсйӧны дзоньтавны гуранъяс да дзоньтавны «картаясӧн», лӧсьӧдны муйӧж туйяс, дзоньтавны тротуаръяс, лӧсьӧдны ва нуӧдан канаваяс.
Медуна уджсӧ вӧчасны Сыктывкарын — тані 11 километр туйяс капитальнӧя дзоньталӧм вылӧ вичмӧдасны 313 млн шайт.
Комилӧн ӧткымын муниципалитетын югзьӧдасны автомашина туйяс да уличьяс.
{Kodko (комиӧдіс Kodko) @ Комиысь Арктикаса челядь вермасны дон босьттӧг шойччыны саридз вылын @ новости @ https://rkomi.ru/news/1914 @ 2022-03-24 @}
Комиысь Арктикаса челядь вермасны дон босьттӧг шойччыны саридз вылын
Рака тӧлысь 23 лунӧ Коми Республикаса Веськӧдлан котырлӧн заседание дырйи видлалісны 2022 воӧ челядьлысь дзоньвидзалун бурмӧдан кампания нуӧдӧм кежлӧ дасьтысьӧм да сійӧс нуӧдігӧн челядьӧс лёк суӧмысь видзӧм серти юалӧмъяс.
Заседаниесӧ нуӧдіс регионса Юралысь Владимир Уйба.
«Колӧ гӧгӧрвоны, мый таво этшаджык бать-мам вермасны асьныс нуӧдны челядьныссӧ шойччыны.
Минялы колӧ отсавны да вӧчны ставсӧ, мый ми вермам, медым кыдз позьӧ унджык ныв-зон вермис шойччыны да бурмӧдны дзоньвидзалун.
Кыдзи пыр, медводз — гӧля олысь да уна челядя семьяясысь челядь, бать-мамтӧм челядь, а сідзжӧ пикӧ воӧм челядь да арктикаса муниципалитетъясын олысь челядь», — шуис Владимир Уйба.
Ставнас таво шойччыны да дзоньвидзалун бурмӧдны мунас Коми Республикаысь 57 сюрс ныв-зон.
Та вылӧ урчитӧма 300 млн шайт.
Кызвыннас сьӧмсӧ вичмӧдасны регионса сьӧмкудйысь.
Рӧскод юкӧнсӧ — 26 млн шайт — мынтасны муниципалитетъяс.
Та дорӧ содтӧд Владимир Уйба тшӧктіс республикаса Веськӧдлан котырлы вичмӧдны дзоньвидзалун бурмӧдан кампания котыртӧм вылӧ нӧшта 109 млн шайт.
Таво федеральнӧй сьӧмкудйын медводдзаысь урчитӧма Арктика зонаын (Воркутаын, Интаын, Усинскын да Чилимдін районын) олысь челядьлӧн шойччӧм вылӧ сьӧм.
Тайӧ могъяс вылӧ веськӧдасны 32 млн сайӧ шайт.
Та дырйи саридздорса лагеръясӧ путёвкаяссӧ арктикаса муниципалитетъясысь челядьлы сетасны дон босьттӧг.
Кагалӧн кӧ эмӧсь олӧмын сьӧкыдлунъяс, шойччанінӧдз да бӧр туйсӧ сылы тырвыйӧ мынтасны сьӧмкуд сьӧм тшӧт весьтӧ, мукӧд челядьлы — став донысь 50 %.
Тайӧ выль мераыс сетас позянлун шойччыны Войвылын олысь сюрс ныв-зонлы.
Владимир Уйба тшӧктіс таво содтыны Воркутаса челядьлысь дзоньвидзалун бурмӧдӧм вылӧ квота.
Налы сетасны колян во серти 25 прӧчент вылӧ унджык путёвка.
Татшӧм корӧмӧн Коми Республикаса Юралысь дорӧ водзынджык шыӧдчылісны Войкытшсайса олысьяс.
Комиын дзоньвидзалун бурмӧдан кампанияыс социальнӧй нырвизя.
Путёвкаяссӧ дон босьттӧг сетӧны сідзжӧ енбиа челядьлы да челядя семьяяслы, кодъяс пикӧ воӧмаӧсь.
Уна челядя семьяяслы компенсируйтасны путёвка донысь 90 прӧчентсӧ.
2020 восянь Коми Республикаса Веськӧдлан котыр урчитіс бать-мамлы челядьлы лагерӧ, мый меститчӧ Россияын да кутшӧмӧс пыртӧма лӧсялана субъектлӧн шойччанінъяслӧн реестрӧ, ньӧбӧм путёвкаысь компенсация.
2021 воӧ отсӧгсӧ босьтіс 256 семья, та вылӧ республиканскӧй сьӧмкудйысь вӧлі вичмӧдӧма 1,8 млн шайт.
Виччысьӧны, мый 2022 воӧ спросыс лоас ыджыдджык, та вӧсна республиканскӧй сьӧмкудйын тайӧ субсидия вылӧ урчитӧма 5 млн шайт.
Колян во вӧлі пыртӧма нӧшта ӧти выльтор — пӧртӧма олӧмӧ бать-мамлы путёвкалӧн донысь юкӧн компенсируйтӧм серти федеральнӧй уджтас — «челядьлӧн кэшбэк».
Уджтасӧ пыртӧма республикаса дзоньвидзалун бурмӧдан став лагер.
Отсӧгсӧ босьтіс 2299 бать-мам, федеральнӧй сьӧмкудйысь налы мынтісны 17 млн гӧгӧр шайт, компенсируйтісны путёвкаяслӧн донысь 50 прӧчентӧдз.
Республикаса кар-районъясын кӧсйӧны восьтыны лунся 328 лагер велӧдчанінъясын, спорт учреждениеясын, аспом организацияясын, 145 уджалан да шойччан лагер.
Медуна татшӧм лагер воссяс Сыктывкарын да Ухтаын.
Республикаысь бокын Сьӧд саридз вылын котыртасны 3 лагер.
200 сайӧ ныв-зон пырӧдчасны «Артек», «Орлёнок» да «Смена» войтыркостса ставроссияса челядьлы шӧринъяслӧн профильнӧй сменаясӧ.
«Кольӧм воясӧ республика воштіс «Черноморскӧй зорькаӧ» дон босьттӧг уна путёвка сы вӧсна, мый санаторийыс нуӧдіс коммерческӧй удж.
Тавосянь сійӧ уджалӧ канму веськӧдлӧм улын, та вӧсна ме паныд тайӧ учреждениелӧн коммерческӧй уджлы.
Путёвкаяс вузалӧм дорысь ми бурджык сетам сьӧмсӧ миян челядьлысь дзоньвидзалун бурмӧдӧм вылӧ», — тӧдчӧдіс Владимир Уйба.
abu
Челядьлы лагеръясын котыртӧны военно-патриотическӧй, олӧмын неминучаысь видзчысян подувъяс, наука, техника, туризм, этнокультурнӧй, ам му туялан, художественно-эстетическӧй нырвизя велӧдан сменаяс.
Лоасны дзоньвидзалунын дзескӧдӧм челядьлы да спортсменъяслы торъя сменаяс.
Уджалӧны челядьлы лагеръяссӧ кадръясӧн могмӧдӧм серти.
Сыктывкарса да Ухтаса канму университетъяс, Челядьлы да том йӧзлы республиканскӧй шӧрин подув вылын дасьтӧны педагогъясӧс да вожатӧйясӧс.
Ставнас челядьлы лагеръясын кутасны уджавны 4 сюрс гӧгӧр педагог да 500 гӧгӧр вожатӧй.
Медицина боксянь кутасны видзӧдны 400 сайӧ медицина уджалысь.
Шойччӧм да дзоньвидзалун бурмӧдӧм кындзи челядьлы лоӧ котыртӧма прӧст кад пӧлезнӧя коллялӧм. Сэтчӧ пырӧдчас 100 сюрс гӧгӧр ныв-зон.
Гожся каникулъяс дырйи республикаса велӧдан организацияяс нуӧдасны быд сикас мероприятиеяс да акцияяс, мастер-классъяс.
«Велӧдӧм» национальнӧй проект серти кутасны уджавны цифрӧвӧй, гуманитарнӧй, естественно-научнӧй нырвизя 85 Велӧдан шӧрин, Сыктывкарын школьнӧй кванториум.
Челядьлысь да том йӧзлысь шойччӧмсӧ котыртасны культура да спорт учреждениеясын.
Челядь вермасны уджавны трудӧвӧй бригадаясын, уджалан да шойччан лагеръясын, мэрлӧн отрядъясын.
Ода-кора тӧлысь 5 лунсянь «Путёвкаяс электроннӧя юклӧм» Коми Республикаса канму юӧртан система подув вылын бать-мам вермасны сетны челядьлы лагерӧ путёвка босьтӧм вылӧ электроннӧй заявление.
Дзоньвидзалун бурмӧдан гожся кампания заводитчас ода-кора тӧлысь 30 лунӧ. 
{Kodko (комиӧдіс Kodko) @ Владимир Уйба лыддис ДНР-са да ЛНР-са олысьясӧс дорйӧм серти спецоперация нуӧдӧм йылысь Россияса Президентлӧн помшуӧмкӧд ӧти кывйӧ воӧм серти восьса заявление @ новости @ https://rkomi.ru/news/1915 @ 2022-03-24 @}
Владимир Уйба лыддис ДНР-са да ЛНР-са олысьясӧс дорйӧм серти спецоперация нуӧдӧм йылысь Россияса Президентлӧн помшуӧмкӧд ӧти кывйӧ воӧм серти восьса заявление
Талун, рака тӧлысь 24 лунӧ, Коми Республикаса Каналан Сӧветлӧн заседание дырйи регионса Юралысь Владимир Уйба шыӧдчис депутатъяс дорӧ да корис кырымавны восьса заявление.
Водзджык письмӧсӧ кырымалісны Коми Республикаса Веськӧдлан котырӧ пырысьяс.
«Эска, мый Коми Республикалӧн Каналан Сӧветса депутатъяс сетасны ассьыныс гӧлӧссӧ тайӧ восьса заявление вӧсна», — тӧдчӧдіс Владимир Уйба.
Донецкӧй да Луганскӧй народнӧй республикаясса олысьясӧс дорйӧм серти торъя операция нуӧдӧм йылысь Россия Федерацияса Президент Владимир Владимирович Путинлӧн помшуӧмкӧд ӧти кывйӧ воӧм серти восьса заявление
Видзны национальнӧй аскылӧм да сёрнитны чужан кывйӧн — уна-ӧ кӧсйӧны Донецкӧй да Луганскӧй народнӧй республикаясса олысьяс?
Овны мирнӧя, артиллерийскӧй лыйлӧмъястӧг да мыждан акцияястӧг, медым эз увтыртны национальносьтысь да эскӧмысь.
Донбассын 8 во нин мунӧ война.
И сійӧс колӧ помавны.
Мирнӧя сёрнитӧм отсӧгӧн петан туй эз сюр.
Киевса власьтъяс ӧтдортісны Кризисысь мирнӧя петӧм серти Минскӧй протокол, а колян во ӧткажитчисны сійӧс збыльмӧдны.
Украина Асыввыв да США отсӧгӧн зумыдмӧдіс неонацистскӧй видзӧдласъяссӧ да став рочысь полӧмсӧ, лӧсьӧдчис пырны НАТО-ӧ.
США-лы да Асыввывлы оз ков вына да вӧльнӧй Россия.
Россияса быд морт вылӧ веськӧдӧм санкцияяс пыртӧм, гуманитарнӧй да тӧдчана юӧра тыш нуӧдсьӧ сы могысь, медым сувтӧдны странанымӧс да войтырӧс пидзӧс вылӧ.
abu
Миян страна кутас дорйысьны да дорйыны Донецкӧй да Луганскӧй народнӧй республикаясса олысьясӧс суйӧрса дзескӧдӧмъясысь.
Миян Президент Владимир Владимирович Путин примитіс торъя операция нуӧдӧм йылысь кывкутана да сьӧкыд, но стӧч помшуӧм.
Сійӧ босьтіс ас вылӧ тайӧ кывкутӧмсӧ, мӧд ног эз позь.
И ми сы дор!
Сьӧкыд гӧгӧрвоны, мый вӧчсьӧ ӧні Украинаын.
Ми шогалам сэні олысь рӧдвуж да ёртъяс, рӧдвуж войтыр понда.
Но миян военнӧйяс оз кутны мырддьыны каръяс.
Найӧ бырӧдасны Украиналысь военнӧй вынъяссӧ, а сыкӧд и Россиялы грӧзсӧ.
Ми мир дор нацизмтӧг!
Ми венам став сьӧкыдлунсӧ.
Миян вынным — странанымӧс, историянымӧс радейтӧмын.
Миян вынным ёртасьӧмын, ӧта-мӧдӧс гӧгӧрвоӧмын да мир дор сулалӧмын.
Ми вына Россия дор!
Ми Россияса Президент Владимир Владимирович Путин дор!
{Kodko (комиӧдіс Kodko) @ Коми Республикаса Юралысь чолӧмалӧ Культураын уджалысьлӧн лунӧн @ новости @ https://rkomi.ru/news/1918 @ 2022-03-25 @}
Коми Республикаса Юралысь чолӧмалӧ Культураын уджалысьлӧн лунӧн
«Культураын да искусствоын пыдди пуктана уджалысьяс, отрасльса ветеранъяс!
Чолӧмала тіянӧс уджсикас гажӧн — Культураын уджалысьяслӧн лунӧн!
Талун ми нимӧдам найӧс, коді гажӧдӧ миянӧс, тӧдмӧдӧ миянӧс мичлунӧн, велӧдӧ гӧгӧрвоны мӧд мортлысь сьӧлӧмкылӧмъяссӧ.
Тіян удж, енби да ловби, тӧдӧмлунъяс да наӧн челядьӧс да верстьӧясӧс тӧдмӧдны кужанлун нимӧдіс Коми Республикаӧс, паськыда тӧдмӧдіс сылӧн культурнӧй позянлунъясӧн Россияын да суйӧр сайын.
Миян творческӧй котыръяс нимкодьпырысь петкӧдчӧны страналӧн медбур сценическӧй площадкаясын, выставкаясын да музейясын.
Культура юкӧн сӧвмӧдӧм лоӧ медшӧрӧн республикаса Веськӧдлан котырлӧн уджын.
Йӧзлысь культура сӧвмӧдӧмтӧг, культурнӧй традицияястӧг оз позь сӧвмыны.
Ми водзӧ кутам стрӧитны да дзоньтавны культура учреждениеяс, выльмӧдны налысь техника, могмӧдны искусство школаяс ӧнія оборудованиеӧн да шылада инструментъясӧн.
Дона ёртъяс!
Сьӧлӧмсянь сиа, медым творчество вайис тіянлы шуд, уджныд вӧлі радейтанаӧн.
Мед миян республикалӧн мичлуныс и водзӧ ышӧдіс тіянӧс.
Крепыд дзоньвидзалун, лӧсьыд олӧм, уна буртор да семьяын шудлун!»
Коми Республикаса Юралысь Владимир Уйба
{Kodko (комиӧдіс Kodko) @ Коми Республикаса Юралысьӧс тӧдмӧдісны Комиын да Ненеч асвеськӧдлан кытшын Росприроднадзорлӧн Веськӧдланінӧн выль юрнуӧдыськӧд @ новости @ https://rkomi.ru/news/1919 @ 2022-03-25 @}
Коми Республикаса Юралысьӧс тӧдмӧдісны Комиын да Ненеч асвеськӧдлан кытшын Росприроднадзорлӧн Веськӧдланінӧн выль юрнуӧдыськӧд
Владимир Уйба аддзысьліс удж серти Вӧр-ваӧн вӧдитчан юкӧнын дӧзьӧр нуӧдысь федеральнӧй службалӧн Канму службаӧн да кадръясӧн веськӧдланінса начальник Тимур Ахуняновкӧд да Исламудин Астархановкӧд, коді юрнуӧдӧ Коми Республикаын да Ненеч асвеськӧдлан кытшын Росприроднадзорлӧн Дінмукостса веськӧдланінӧн.
Аддзысьлігӧн сёрнитісны Коми Республикаса Веськӧдлан котыр да Росприроднадзорлӧн Дінмукостса веськӧдланін костын ӧтув уджалӧм йылысь.
Регионса Юралысь Владимир Уйба сиис Исламудин Астархановлы бур удж.
{Kodko (комиӧдіс Kodko) @ Владимир Уйба аддзысьліс удж серти Печораса мэр Валерий Серовкӧд @ новости @ https://rkomi.ru/news/1922 @ 2022-03-25 @}
Владимир Уйба аддзысьліс удж серти Печораса мэр Валерий Серовкӧд
Найӧ сёрнитісны Печора район социальнӧй да экономика боксянь сӧвмӧдӧм, сы лыдын инвестицияяс кыскӧм, видз-му овмӧс сӧвмӧдӧм, олысьясӧс транспортӧн могмӧдӧм, мутасъяс бурмӧдӧм-мичмӧдӧм, гражданаӧс аварийнӧй оланінысь мӧдлаӧ овны вуджӧдӧм йылысь.
Муниципальнӧй районса юралысь — «Печора» муниципальнӧй районса администрацияӧн юрнуӧдысь Валерий Серов юӧртіс Коми Республикаса Юралысь Владимира Уйбалы уджын медшӧр нырвизьяс да вермӧмъяс йылысь, торйӧн нин муниципальнӧй район сӧвмӧдӧм да бурмӧдӧм серти.
«2019–2025 вояс вылӧ аварийнӧй оланін фондысь гражданаӧс мӧдлаӧ овмӧдӧм» уджтас серти муниципалитетын кадысь водз збыльмӧдӧма локтан воясся мероприятиеяс.
Колян во кыскӧма да видзӧма 221,2 млн шайт.
Ньӧбӧма 61 олан жыр, кырымалӧма гражданакӧд социальнӧя медалӧм йылысь 43 сёрнитчӧм, а сідзжӧ гражданалы ньӧбан донсӧ мынтӧмӧн муниципальнӧй коланлунъяс вылӧ олан жыр мырддьӧм йылысь 87 артмӧдчӧм.
Валерий Серов юӧртіс этша олыся, аскиалунтӧм олан пунктъясысь мӧдлаӧ овмӧдӧм серти 2021 воӧ вӧчӧм удж йылысь.
Збыльмӧдӧма став планируйтӧм мероприятиесӧ: ньӧбӧма 22 олан жыр, кырымалӧма социальнӧя медалӧм йылысь 18 сёрнитчӧм, вежсьӧм йылысь 3 сёрнитчӧм, муниципальнӧй коланлунъяс вылӧ олан жыръяс мырддьӧм йылысь 1 артмӧдчӧм.
Адреснӧй уджтас вылӧ содтӧд вичмӧдӧм сьӧм тшӧт весьтӧ дзоньнас мӧдлаӧ овмӧдісны Косью да Белӧй Ю посёлокъясса, мыйкӧ мында — Берёзовка посёлокса керкаясысь.
Тайӧ отсаліс бурмӧдны сьӧмкудъяслысь экономическӧй серпассӧ да чинтыны быд вося рӧскодсӧ — 40 млн гӧгӧр шайт, а сідзжӧ чинтыны республиканскӧй сьӧмкудлысь ӧтчыдъя рӧскодсӧ 100 млн шайт мындаын.
Инвестицияяс кыскӧм могысь муниципалитетса администрация корсьӧ инвесторӧс, коді кӧсйысяс вӧчны олысьяслы экологическӧя сӧстӧм чорыд ломтас — пуысь пеллетъяс.
Сідз жӧ эмӧсь участвуйтысьяс, кодъяс Коми Республикаса видз-му овмӧс министерство отсӧгӧн окотитӧны збыльмӧдны ассьыс проектъяссӧ.
Валерий Серовлӧн кывъяс серти, муниципальнӧй власьтъяс заводитісны местаяс вылын бырӧдны сикт овмӧдчанінъяслысь мытшӧдъяссӧ.
Ӧні кӧсйӧны бурмӧдны ылыс олан пунктъясӧ транспортлысь ветлӧмсӧ.
Лӧсьӧдӧма «туй карта», арталӧма экономическӧй модель, урчитӧма сьӧмӧн могмӧдан ӧшмӧсъяссӧ да мындасӧ.
Владимир Уйба ачыс видзӧдӧ муниципалитет сӧвмӧмкӧд йитчӧм тӧдчана проектъяс бӧрся.
Коми Республикаса Юралысь сиис Валерий Серовлы бура збыльмӧдны урчитӧм планъяссӧ да кутны топыд йитӧд районса олысьяскӧд.
«Ӧнія кадӧ йӧзлы торйӧн ёна колӧ власьт органъяслӧн тӧждысьӧм.
Кора Тіянӧс, Валерий Анатольевич, кывзыны олысьяслысь корӧмъяссӧ, отсавны быд мортлы торйӧн.
Республикаса Веськӧдлан котыр да быд муниципалитет отсалас Печоралы.
Эска, ӧтувъя вынӧн ми видзам регионын социальнӧй да экономика боксянь зумыдлунсӧ», — пасйис Владимир Уйба.
{Kodko (комиӧдіс Kodko) @ Елена Вяльбе вылӧ донъяліс Коми Республикаын лызь спорт паськӧдӧмсӧ @ новости @ https://rkomi.ru/news/1923 @ 2022-03-25 @}
Елена Вяльбе вылӧ донъяліс Коми Республикаын лызь спорт паськӧдӧмсӧ
Талун, рака тӧлысь 25 лунӧ, регионса Юралысь Владимир Уйба аддзысьліс удж серти Россияын лызьӧн котралӧм серти федерацияса президент, куимысь олимпийскӧй чемпионка Елена Вяльбекӧд.
«Коми Республикаын лызьӧн котралӧны быд кар-сиктын.
Лыжня вылын тшӧкыда позьӧ паныдавны олӧма мортӧс, коді ӧні на котӧртіс дас гӧгӧр километр.
Оз прӧста шуны, мый Комиын олысьяслӧн вираныс лызь дорӧ муслуныс.
Став мирын нималана лыжникъяс пӧвстысь унаӧн чужлісны миян регионын.
Буретш, республикаын медводдза мортыс, кодлы сетӧма Коми Республикаса Уджвывса Герой медвылыс почёт ним, — тайӧ лыжница, миян нималана спортсменка, нёльысь олимпийскӧй чемпионка Раиса Сметанина», — пасйис Владимир Уйба.
Республикаса Юралысь аттьӧаліс Елена Вяльбеӧс Комиын лызь спортлы да спортсменъяслы отсалӧмысь.
Сійӧ висьталіс, мый кутӧ лача водзӧ ӧтув уджалӧм вылӧ.
Владимир Уйбалӧн кывъяс серти, Коми Республикаса Веськӧдлан котыр кӧсйӧ, медым спортсмен-лыжникъяслӧн вӧлі бур инфраструктура.
Нӧшта на и регионын быд во нуӧдӧны федеральнӧй тшупӧда ордйысьӧмъяс.
Талун республикаын воссис Лызьӧн ордйысьӧм серти Россияса чемпионат.
Куимысь олимпийскӧй чемпионка, Олимпийскӧй ворсӧмъясын нёльысь бронза босьтысь, 14-ысь мирса чемпионка, Россияын лызьӧн котралӧм серти федерацияса президент Елена Вяльбе ордйысьӧмъяс заводитӧм водзын шуис ышӧдана кывъяс спортсменъяслы.
* * *
Коми Республикаын лыжникъясӧс дасьтӧны кар-районъясса 21 вынйӧр сӧвмӧдан да спорт учреждениеын.
Лызьӧн котралӧ 3 сюрс гӧгӧр спортсмен.
Колян во регионын нуӧдісны лызьӧн котралӧм серти республиканскӧй 25 да ставроссияса 8 ордйысьӧм.
2022 воӧ кӧсйӧны нуӧдны республиканскӧй 25 да ставроссияса 12 ордйысьӧм.
{Kodko (комиӧдіс Kodko) @ Владимир Уйба да Елена Вяльбе восьтісны Сыктывкарын Лызьӧн ордйысьӧмъяс серти Россияса чемпионат @ новости @ https://rkomi.ru/news/1924 @ 2022-03-26 @}
Владимир Уйба да Елена Вяльбе восьтісны Сыктывкарын Лызьӧн ордйысьӧмъяс серти Россияса чемпионат
Рака тӧлысь 25 лунӧ сійӧс кыпыда восьтісны Раиса Сметанина нима Республиканскӧй лызь комплексын.
«Коми Республикаын лызьӧн ордйысьӧм — медрадейтана спорт сикасъясысь ӧти.
Уна во нин миян республикаса лызьӧн котралысьяс бура петкӧдлӧны асьнысӧ войтыркостса ордйысьӧмъяс да Олимпийскӧй ворсӧмъяс вылын.
Раиса Сметанина, Николай Бажуков, Василий Рочев-ыджыдджык, Андрей Нутрихин, Василий Рочев-ичӧтджык, Илья Порошкин, Юлия Ступак, Илья Семиков, Ермил Вокуев — Комиысь тайӧ абу став тӧдчана спортсмен, кодъяс нимӧдісны республикаӧс да Россияӧс мир пасьта.
Традицияяс видзӧмӧн талун ми лӧсьӧдам условиеяс, медым быдтыны аскиа чемпионъясӧс», — пасйис Коми Республикаса Юралысь.
Владимир Уйба аттьӧаліс Россияын лызьӧн котралӧм серти федерацияӧс да сылысь президент, куимысь олимпийскӧй чемпионка Елена Вяльбеӧс республикаын чемпионатсӧ нуӧдӧмын эскӧмысь, республикаса лызь спорт да спортсменъяс вӧсна тӧждысьӧмысь, отсӧгысь.
Елена Вяльбе аттьӧаліс чемпионат котыртысьясӧс мероприятие бура дасьтӧмысь.
Сиис участвуйтысьяслы бура выступайтны, а болельщикъяслы — нимкодясьны миян спортсменъясӧн.
Таво Лызьӧн ордйысьӧмъяс серти Россияса чемпионат вылӧ локтіс странаса 42 регионысь 300-ысь унджык лыжник.
Ордйысьӧмъясыс прӧйдитасны рака тӧлысь 26 лунсянь косму тӧлысь 3 лунӧдз.
Лызь комплексӧ лэдзӧны дон босьттӧг.
Инпас: Сыктывдін район, Выльгорт сикт, Войвыв ул., 3А/1.
{Kodko (комиӧдіс Kodko) @ Национальнӧй спорт сикасъяслы отсӧг: Коми Республикаын прӧйдитіс «Лямпиада» фестиваль @ новости @ https://rkomi.ru/news/1927 @ 2022-03-26 @}
Национальнӧй спорт сикасъяслы отсӧг: Коми Республикаын прӧйдитіс «Лямпиада» фестиваль
Рака тӧлысь 26 лунӧ Сыктывдін районса Ыб сиктын прӧйдитіс лызьӧн ордйысьӧм серти республиканскӧй XV фестиваль.
Участвуйтысьясӧс да гӧсьтъясӧс чолӧмаліс Коми Республикаса Юралысь Владимир Уйба.
«Фестивальыс збыльысь лоис йӧзкост гажӧн, сійӧ ӧтувтӧ спортсменъясӧс, вӧралысьясӧс да коми культура пыдди пуктысьясӧс.
Позьӧ шуны, мый лызь, лызя спорт радейтӧм миян войвывса муын олысьяслӧн вирын.
Республикаӧс оз прӧста шуны лызьлӧн чужанінӧн.
Комияс важысянь кывсьӧны бур вӧралысьясӧн.
Найӧ Йиркаплӧн наследникъяс.
Ветлісны сук парматі лызьясӧн да лямпаясӧн.
Тайӧ гажыс ӧтувтӧ войтыръясӧс да паськӧдӧ миян уна национальносьта страналысь история да культура», — чолӧмаліс фестивальын участвуйтысьясӧс да гӧсьтъясӧс республикаса Юралысь.
Фестиваль дырйи прӧйдитіс Вӧралан лызьясӧн ордйысьӧм — национальнӧй спорт сикас серти Коми Республикаса Чемпионат да Первенство.
Таво мероприятие вылӧ воис 100 гӧгӧр участвуйтысь.
Номинация серти найӧ котӧртісны 500, 1000 либӧ 2000 метра.
Регионса Юралысь ордйысис мужичӧйяскӧд, котӧртіс 2 километр да сетіс котӧртӧмын челядь пӧвстын вермысьяслы наградаяс.
Казьтыштам, Россияса Президент Владимир Путин шуис 2022 восӧ Россияса войтырлӧн культура озырлунлы сиӧм воӧн.
Владимир Уйбалӧн кывъяс серти, «Лямпиада» сяма гажъяс нуӧдӧмыс зэв тӧдчана.
Тайӧ абу сӧмын ордйысьӧм, но и традицияяслы сиӧм гаж.
«Лызьясӧн да лямпаясӧн ислалӧмыс торъялӧ.
Лямпаяс мичмӧдӧны ордйысьӧмсӧ национальнӧй серъясӧн.
Ставныс, коді талун прӧйдитісны трассасӧ — молодечьяс!
Тайӧ испытаниеыс восьтӧ мортлысь этшсӧ.
Ставныс, коді котӧртісны — збыльвывса спортсменъяс!» — юксис мӧвпъясӧн Владимир Уйба.
Сідзжӧ котӧртісны аньяс, юниоръяс да таво медводдзаысь — 1951 воӧ чужӧм да арлыдаджык участвуйтысьяс.
«Лямпиадаса» мужичӧйяс да аньяс пӧвстын масс-стартъяс дырйи лӧсьӧдӧма коми-зыраналӧн мойдвывса вӧралысьлысь — Йиркаплысь Кубок.
Спортсменъяс ордйысисны призъяс понда, а тайӧ кадӧ фестивальса гӧсьтъяс участвуйтісны этнопарклӧн мероприятиеясын.
Найӧ тӧдмасисны коми войтырлӧн традицияясӧн, сьыланкывъясӧн, сёян-юанӧн, ремеслӧясӧн, вӧралан да чери кыян аслыспӧлӧслунъясӧн.
Лызь вӧчысь мастер Василий Родионов петкӧдліс, кыдзи вӧдитчыны лямпаясӧн да лызьӧн.
Коми Республикаса Национальнӧй музейысь специалист Наталья Хозяинова тӧдмӧдіс вӧралан традицияясӧн, висьталіс коми мортлӧн олӧмын вӧрлӧн коланлун йылысь, сы йылысь, кыдзи паныдалісны да колльӧдісны вӧралысьясӧс, налӧн эскӧмъяс йылысь.
Окотитысьяс вермисны ньӧбны татчӧс фермеръяслысь да ремесленникъяслысь вузӧссӧ.
Сцена вылын выступайтісны «Тагъя сур» да «<rus>Северная околица</rus>» йӧзкост ансамбльясса артистъяс, Коми республиканскӧй филармонияса солистка Виктория Пыстина, а сідзжӧ Сыктывдін районса котыръяс.
* * *
«Лямпиада» — тайӧ вунӧдлытӧм йӧзкост гаж, коді ӧтувтӧ спорт да йӧзкост культура радейтысьясӧс, сійӧ прӧйдитӧ нэмӧвӧйся традицияясӧ кутчысьӧмӧн.
«Лямпиадалӧн» чужанінӧн лоӧ Кӧрткерӧс районса Ыджыдвидз сикт.
Фестивальыс нуӧдсьӧ быд во дас вит во чӧж Коми Республикалӧн разнӧй районын.
Чемпионатлӧн правилӧяс серти, участвуйтысьяс котӧртны лямпаясӧн (комияслӧн традиционнӧй лызьясӧн, кутшӧмъясӧс пыдӧсалӧма куӧн, сылӧн пасьтаыс 10 сантиметрысь абу этшаджык, быть небыд кӧртӧдӧн).
Нӧшта ӧти корӧм — став спортсменлы колӧ пасьтавны традиционнӧй вӧралан жилет — лузан, а лызь бедь пыдди вӧдитчыны койбеддьӧн — торъя беддьӧн, мыйӧн вӧралысьяс прӧверитӧны капканъяс да дорйысьӧны кӧинъясысь.
Фестивальсӧ котыртісны Коми Республикаса Веськӧдлан котыр;
Коми Республикаса войтырлӧн лямпа-лызьӧн ордйысян спорт федерация;
«Коми войтыр» регионкостса ӧтйӧза ӧтмунӧм;
Сборнӧй командаяс спортивнӧя дасьтан шӧрин да Финн-йӧгра этнокультурнӧй парк.
Ордйысьӧмъяслӧн медшӧр ёрдысь, «Лямпиада» фестивальлы подув пуктысь да ышӧдысь — Афанасий Габов.
{Kodko (комиӧдіс Kodko) @ Владимир Уйба: «Спортлы колӧ лоны политикаысь ӧтдор!» @ новости @ https://rkomi.ru/news/1928 @ 2022-03-27 @}
Владимир Уйба: «Спортлы колӧ лоны политикаысь ӧтдор!»
Та йылысь Коми Республикаса Юралысь юӧртіс рака тӧлысь 26 лунӧ Сыктывкарын Роч хоккейлысь фестиваль восьтігӧн.
Владимир Уйба да Россияса мача хоккей серти федерацияса, Мача хоккей серти войтыркостса федерацияса (FIB) президент Борис Скрынник чолӧмалісны спорт гажса участникъясӧс да гӧсьтъясӧс.
«Спорт босьтӧ торъя ин миян олӧмын.
Сылы пыр колӧ лоны политикаысь ӧтдор!
Но войтыркостса чиновникъяс мырддисны миян спортсменъяслысь мукӧд странаысь спортсменъяскӧд ордйысьны позянлунсӧ.
Татшӧм помшуӧмъяс вӧсна Сыктывкарын оз ло мача хоккейысь мирса чемпионат, мый кежлӧ ми дасьтысим некымын во.
Та вылӧ видзӧдтӧг, ми миян спортсменъяскӧд!
Миян Президенткӧд!
Ми ӧти страна — ӧти команда!» — юӧртіс республикаса Юралысь.
Владимир Уйба аттьӧаліс Мача хоккей серти федерацияӧс да сылысь президент Борис Скрынникӧс республикаын Роч хоккейлысь фестиваль, Бендиысь Россияса чемпионатлӧн Суперлигалысь финал нуӧдны позянлунысь: «Миян республикаын ёна радейтӧны роч хоккейтӧ.
Торйӧн нин челядь.
Ми водзӧ кутам сійӧс сӧвмӧдны.
Сиа ставныдлы, медым Фестивальыс воис тіянлы сьӧлӧм выланыд.
А Россияса чемпионатлӧн финалын Суперлига командаяс пӧвстын мед вермас медся вынаыс!».
«Кӧсъя аттьӧавны котыртысьясӧс.
Республикаса юрнуӧдысьяс корисны миянӧс Суперлига командаяс пӧвстын Россияса чемпионатлӧн финальнӧй ворсӧм вылӧ.
Тані командаяс петкӧдласны став медбурсӧ, мый эм миян роч хоккейын», — чолӧмаліс участникъясӧс да гӧсьтъясӧс Борис Скрынник.
Фестивальлӧн медводдза лунӧ нуӧдісны Иркутскса Политех да Сыктывкарса студентъяслӧн сборнӧй командаяс костын матч, а сідзжӧ «Кубок Z» гын сапӧгӧн мача хоккейысь турнир (пырӧдчисны 1 №-а челядь керкаса быдтасъяс, Мача хоккейысь спорт школаса да Роч гимназияса спортсменъяс).
Сигӧртас фестивальсӧ Суперлига клубъяс пӧвстын мача хоккейысь Россияса юбилейнӧй ХХХ чемпионатлӧн финал. Сійӧ лоас аски, рака тӧлысь 27 лунӧ.
Медся вына командалӧн титул вылӧ ворсасны москваса «Динамо» да архангельскса «Водник».
Финальнӧй матчсӧ нуӧдасны Республиканскӧй стадионлӧн йи вылын.
Таысь кындзи, рака тӧлысь 27 лунӧ лоас кык «гӧгрӧс пызан».
Медводдзасӧ сиӧма студентъясӧс спортын зільӧмӧ ышӧдӧмлы, а мӧдсӧ — «<rus>Zа русский хоккей с мячом как национальный вид спорта</rus>» — роч хоккей сӧвмӧдӧмлы.
Пырӧдчысьяс лыдын лоасны Россия Федерацияса спорт министерствоӧс петкӧдлысьяс, регионса лӧсялана министерствоясӧн юрнуӧдысьяс, Каналан Думаса депутатъяс, ставроссияса спорт федерацияясӧн юрнуӧдысьяс, россияса ВУЗъясын ректоръяс, войтыркостса экспертъяс да журналистъяс.
{Kodko (комиӧдіс Kodko) @ Москваса «Динамо» — мача хоккейысь россияса чемпион! @ новости @ https://rkomi.ru/news/1931 @ 2022-03-28 @}
Москваса «Динамо» — мача хоккейысь россияса чемпион!
Сыктывкарын рака тӧлысь 27 лунӧ вӧлі Суперлига клубъяс пӧвстын мача хоккейысь Россияса ХХХ чемпионатлӧн финальнӧй ворсӧм.
Москваса «Динамо» вермис архангельскса «Водникӧс» 5:2 тшӧтӧн.
Коми Республикаса Юралысь Владимир Уйба, Россияса Мача хоккей серти федерацияса, Мача хоккей серти войтыркостса федерацияса (FIB) президент Борис Скрынник да Архангельск обласьтса Губернатор Александр Цыбульский сетісны Чемпионатса финалистъяслы наградаяс.
Колӧ пасйыны, мый москваса «Динамо» эз вӧв вермысьӧн национальнӧй первенствояслӧн финалъясын 2013 восянь, а архангельскса «Водник» 17 во чӧжӧн медводдзаысь пырӧдчис финалӧ.
Та вылӧ видзӧдтӧг тайӧ сезонса кык медвына командаяслӧн ордйысьӧмыс сэтшӧма шызьӧдіс болельщикъясӧс, мый Республиканскӧй стадионлӧн трибунаяс сыркакылісны гора шыясысь.
«Тайӧ вӧлі зэв шензьӧдана видзӧдантор, кӧні тыдаліс и ордйысьӧм, и быд командалӧн ӧтувъя уджыс!
Ми аддзим збыльвывса роч хоккей, кутшӧмӧс петкӧдлісны страналӧн выль историяын медуна титула клубъяс.
Зэв нимкодь, мый нянь-сола Коми муын, Сыктывкарын, выльмӧдӧм Республиканскӧй стадионын мунӧ спортын татшӧм тӧдчана лоӧмтор — Россияса чемпионат.
Сьӧлӧмсянь чолӧмала москваса «Динамоӧс» вермӧмӧн!», — кывкӧрталіс Коми Республикаса Юралысь Владимир Уйба.
{Kodko (комиӧдіс Kodko) @ Владимир Уйба: «Роч мача хоккей сӧвмӧдӧмын ыджыд пай босьтӧ поколениеяс костын йитӧд» @ новости @ https://rkomi.ru/news/1932 @ 2022-03-28 @}
Владимир Уйба: «Роч мача хоккей сӧвмӧдӧмын ыджыд пай босьтӧ поколениеяс костын йитӧд»
Сыктывкарын прӧйдитіс «<rus>Zа русский хоккей с мячом как национальный вид спорта</rus>» гӧгрӧс пызан, кӧні сёрнитісны санкцияяс дырйи спорт сӧвмӧдӧм йылысь.
Аддзысьлӧмсӧ котыртіс — «<rus>Персона Страны</rus>» журналса редакция.
Участвуйтісны — Коми Республикаса Юралысь Владимир Уйба, Россияса Мача хоккей серти федерацияса, Мача хоккей серти войтыркостса федерацияса (FIB) президент Борис Скрынник, Россиялӧн Каналан Думаса депутат Николай Валуев, федеральнӧй да войтыркостса экспертъяс, регионса лӧсялана нырвизя министерствояс, журналистъяс.
«Ми чукӧртчим му вылын, кӧні роч хоккейсӧ радейтӧны, петкӧдлӧны, ворсӧны да видзӧны олӧма да том йӧз костын топыд йитӧд.
Миян спортивнӧй брендъясысь ӧтиӧн лоӧ сыктывкарса «Стрӧитель».
Тайӧ Суперлигалӧн пыдди пуктана да бур команда, сылӧн корифейяс быдтӧны ас пыдди челядьӧс да том йӧзӧс.
Сыктывкарса студентъяс бура петкӧдлісны асьнысӧ тӧрытъя ворсӧмын.
Роч мача хоккей ми лыддям национальнӧй спорт сикасӧн», — чолӧмаліс гӧгрӧс пызанын участвуйтысьясӧс Владимир Уйба.
Борис Скрынник аттьӧаліс котыртысьясӧс бура примитӧмысь.
Сійӧ тӧдчӧдіс, мый сэк, кор суйӧрсайса федерацияяс падмӧдӧны Россияын мероприятиеяс да сувтӧны сы дор, медым киритны рочьясӧс войтыркостса спорт организацияясӧн веськӧдлысь оранъясысь, колӧ заводитны вежны уджаланногъяс.
«Сыктывкарын кӧсйисны нуӧдны Мирса чемпионат.
Но суйӧрсайса федерацияяс торкисны тайӧ мероприятиесӧ.
Медым аттьӧавны олысьясӧс, Коми Республикаӧн веськӧдлысьясӧс, вӧлі примитӧма помшуӧм нуӧдны Сыктывкарын Россияса чемпионат.
Воис кад нуӧдны ревизия да мӧвпыштны, мый колӧ вӧчны Россияын, медым кыпӧдны миян национальнӧй спорт сикаслысь тшупӧдсӧ», — пасйис Борис Скрынник.
Россияса Мача хоккей серти федерацияса президент тӧдчӧдіс, мый мача хоккей — Россияын дзик ӧти спорт сикас, кутшӧмӧс дорйӧ Роч Православнӧй Вичко.
Сылӧн кывъяс серти, роч хоккейӧ пырӧдчис странаса 47 регионын 15 сюрс гӧгӧр кага.
Волысьяслӧн лыд серти тайӧ спорт сикасыс босьтӧ коймӧд места.
Гӧгрӧс пызанын участвуйтысьяслӧн видзӧдлас серти, роч хоккей — тайӧ абу сӧмын спорт сикас, сы пыр петкӧдчӧ да сӧвмӧ роч лов да философия.
Хоккей пыр петкӧдчӧ рочьяслӧн сямыс: вермыны кӧсйӧм, повтӧмлун, тӧждлун.
Россияса политолог, журналист, публицист Дмитрий Выдринлӧн видзӧдлас серти, роч хоккей вермас лоны Сыктывкарлӧн медтӧдчана брендӧн, сійӧ кутас кыскыны карӧ инвестицияяс, культура, вына да мывкыд войтырӧс.
«Мирыс вежсьӧ, ми заводитан овны дзик выль мирын, кӧні колӧ шедӧдны места и спортлы, и аслад видзӧдласлы, аслад философиялы, асланым «роч» понятиелы, — кывкӧрталіс политолог.
{Kodko (комиӧдіс Kodko) @ Владимир Уйба да Александр Цыбульский сёрнитчисны, мый Коми Республика да Архангельск обласьт костын бара кутасны лэбавны самолётъяс @ новости @ https://rkomi.ru/news/1933 @ 2022-03-28 @}
Владимир Уйба да Александр Цыбульский сёрнитчисны, мый Коми Республика да Архангельск обласьт костын бара кутасны лэбавны самолётъяс
Рака тӧлысь 27 лунӧ Сыктывкарын удж серти аддзысьлісны Коми Республикаса Юралысь да Архангельск обласьтса губернатор.
Владимир Уйба да Александр Цыбульский видлалісны социальнӧй да экономика юкӧнын ӧтув уджалӧм, сы лыдын регионъяс костын сынӧд пыр йитчӧм, вӧр предприятиеяслысь да Архангельскса саридз портлысь ӧтувъя уджсӧ котыртӧм, пытшкӧсса туризм сӧвмӧдӧм, культура йитӧдъяс вынсьӧдӧм серти да мукӧд юалӧм.
Владимир Уйба пасйис, мый Коми Республика да Архангельск обласьт важсянь нин ӧтув уджалӧны да ёртасьӧны.
Йитӧдъяссӧ колӧ вынсьӧдны, торйӧн нин ӧні, кор ортсыса геополитическӧй серпас вӧсна вежсьӧ олӧмыс.
«Ӧні сэтшӧм кад, кор торйӧн нин колӧ отсавны и йӧзлы, и бизнеслы.
Вӧзъя миян Веськӧдлан котыръяслы уджавны сы серти, медым регионъяс костын лэбалісны самолётъяс.
Коркӧ тадзи вӧлі нин — 1930 вося урасьӧм тӧлысь 4 лунӧ Архангельск — Усть-Сысольск (тадзи водзын шусис Сыктывкар, — пасйӧд) маршрутті лэбис медводдза самолёт. Тасянь заводитчис Роч Войвылын пассажиръясӧс новлӧдлӧм.
Йӧзлы тайӧ вӧлі бур.
Сідзжӧ миянлы зэв тӧдчана Архангельскса порт.
Ми дасьӧсь нуны сы пыр 300 сюрс гӧгӧр тонна груз, торйӧн нин вӧр.
Ӧні колӧ разьны логистика серти юалӧмъяс.
Бизнес виччысьӧ тайӧс», — шуис Владимир Уйба.
«Ме ошка Тіянлысь вӧзйӧмнытӧ.
Миянлы колӧ, медым самолётъяс лэбалісны унджыклаӧ.
Йитны миянлысь юркаръяснымӧс — зэв коланатор.
Порт серти — гӧгӧрвоана, мый ӧнія лоӧмторъясыс — вӧвлытӧмӧсь, тӧлктӧмӧсь да инӧд боксянь подулавтӧмӧсь.
Мӧд боксянь, Россия дорӧ санкцияясыс восьтӧны выль позянлунъяс войвывса портъяслы.
Ассянь ме верма висьтавны, мый матысса регионъяслы ми вермам сетны медся бур условиеяс.
Тайӧ колӧ и бизнеслы, и миян маті муяс костын гуманитарнӧй йитӧдъяс лӧсьӧдӧм вылӧ», — вочавидзис Александр Цыбульский.
Архангельск обласьтса губернатор пасйис, мый Балтикаын пыртӧм дзескӧдӧмъяссӧ тӧд вылӧ босьтӧмӧн, Архангельскса портъясын ёна содас грузооборот лыдыс.
Сӧмын 2021 воӧ сійӧ вевтыртіс 6 млн тонна.
Регионын эмӧсь порт инфраструктура паськӧдӧм серти проектъяс. Экономика вылӧ вермис эськӧ бура тӧдчыны, регионӧ кӧ вайисны унджык груз.
Дженьыд туй вӧсна бизнеслӧн чинас тарифнӧй нагрузкаыс.
Нӧшта на и регионса портъясті важысянь новлісны вӧр переработайтан прӧдуктъяс, эмӧсь компетенцияяс да колана сервисъяс.
Авиаперелётъяс серти Александр Цыбульский шуис, мый архангельскса аэропортын медводдзаысь историяын вонас локтіс-муніс 1 млн сайӧ морт.
Тані воссисны выль рейсъяс Минеральнӧй Водыӧ, Краснодарӧ, Сочиӧ, Крымӧ. Кыкнан регионлы лоас бур, Архангельск обласьт да Коми Республика костын кӧ кутасны лэбавны самолётъяс.
Владимир Уйба да Александр Цыбульский сёрнитчисны лӧсьӧдны Веськӧдлан котыръяс костын уджалан группа, коді кутас уджавны сы серти, медым регионъяс костын бара лэбалісны самолётъяс, да корсьны ӧтувъя уджын бур нырвизьяс.
{Kodko (комиӧдіс Kodko) @ Коми Республикаса Веськӧдлан котыр видзӧдӧ экономикаын да социальнӧй юкӧнын серпас бӧрся @ новости @ https://rkomi.ru/news/1936 @ 2022-03-28 @}
Коми Республикаса Веськӧдлан котыр видзӧдӧ экономикаын да социальнӧй юкӧнын серпас бӧрся
Коми Республикаса Юралысь Владимир Уйба нуӧдіс быд вежонся оперативнӧй сӧвещание.
Ӧнія серпас йылысь докладъясӧн сёрнитісны Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Эльмира Ахмеева, регионса Видз-му овмӧс министерствоӧн, Йӧзлысь дзоньвидзалун видзан министерствоӧн, Велӧдан да наука министерствоӧн, Стрӧитчан министерствоӧн да Удж министерствоӧн юрнуӧдысьяс.
Коми Республикаса Веськӧдлан котыр водзӧ ӧтув уджалӧ федеральнӧй органъяскӧд, медым видзны экономика боксянь зумыдлунсӧ.
Суткиясӧн уджалӧны Коми Республикаса предприятиеяслы да асшӧр уджалысьяслы регионса «веськыд йитӧдъяс».
Коми Республикаса суйӧрсайса тӧвар вежан шӧрин да логистика шӧрин юӧртӧны логистикаын прӧдукция вӧчӧмкӧд да иналӧмкӧд, оборудование вайӧмкӧд йитчӧм мытшӧдъяс йылысь федеральнӧй тшупӧдын.
Коми Республикаын уджалӧны федеральнӧй тшупӧдын примитӧм отсалан мераяс серти, стӧчджыка кӧ:
• Коми Республикаса микрокредитнӧй компания сетӧ «кредитнӧй каникулъяс» заёмщикъяслы, кодъяс кырымалісны сёрнитчӧмсӧ тавося рака тӧлысь 1 лунӧдз (РФ-са Веськӧдлан котырлӧн 2022 во 03.10 лунся 337 №-а шуӧм серти);
• стӧчмӧдӧны торъя инвестиция контрактъяс кырымалан механизм выльмӧдӧм серти регионлысь нормативнӧй инӧда подув (СПИК 1.0).
Дасьтӧма «Коми Республикаын промышленнӧй да инновация политика юкӧнын ӧткымын юалӧм йылысь» Коми Республикаса оланпасӧ вежсьӧмъяс пыртӧм йылысь» оланпас бала, мый серти пыртӧны СПИК 1.0 Коми Республика нимсянь кырымалӧм вылӧ да сійӧс кырымалан пӧрадок вынсьӧдӧм серти Коми Республикаса Веськӧдлан котырлысь уджмогъяс.
Талунсянь воссис Россияса Веськӧдлан котырлӧн 2020 во йирым тӧлысь 19 лунся 1704 №-а шуӧмлӧн механизм серти выль инвестиция проектъяс збыльмӧдӧм вылӧ колана инфраструктура объектъяс лӧсьӧдӧм вылӧ збыль видзӧм рӧскод компенсируйтӧм могысь республиканскӧй сьӧмкудйысь субсидияяс сетӧм вылӧ бӧрйӧм.
Бӧрйӧмыс мунас тавося кӧч тӧлысь 30 лунӧдз.
Кырымалӧма артмӧдчӧм «Сыктывкарса кӧрт обработайтан завод» производство ӧтувкӧд, медым суйӧрсайса тӧвар вежӧм вылӧ унджык башеннӧй кран вӧчӧм могысь збыльмӧдны «Rokra Peiner System производство оборудование техническӧя вежӧм да дась прӧдукция видлалан да видзан комплекс стрӧитӧм» ыджыд инвестиция проект.
Проектсӧ збыльмӧдасны Сыктывкарын, талун кежлӧ инвестиция сьӧмсӧ донъялӧны 47 млн шайт мындаын.
Регионса потребительскӧй рынок вылын серпасыс эз вежсьы, Коми Республикаын сійӧ Россия пасьталаын кодь.
Уджалӧны вузӧс вӧчысьясӧн, поставщикъясӧн да вузасянінъясӧн йӧзлы колана вузӧс вылӧ донъяс кыпӧдӧм йылысь став сигнал серти.
Россиялӧн Комиын УФАС прӧверитіс ӧткымын организация да бӧртасъяс серти ыстіс Россияса ФАС-ӧ мераяс примитӧм вылӧ юӧр.
Регионса овмӧс кутысь субъектъяслы, кодъяс вузалӧны сёян-юан, ыстӧма письмӧяс, кытчӧ гижӧма, мый рынокын участвуйтысьяс кывкутӧны йӧз понда, налы оз позь артмӧдны дефицит, медым донъясыс водзӧ эз содны.
{Kodko (комиӧдіс Kodko) @ Владимир Уйба юкӧ шог гвардияса ефрейтор Артём Тимушевлӧн рӧдвужкӧд да матыссаяскӧд, коді пӧгибнитіс Украинаын торъя военнӧй операция дырйи воинскӧй мог збыльмӧдігӧн @ новости @ https://rkomi.ru/news/1939 @ 2022-03-29 @}
Владимир Уйба юкӧ шог гвардияса ефрейтор Артём Тимушевлӧн рӧдвужкӧд да матыссаяскӧд, коді пӧгибнитіс Украинаын торъя военнӧй операция дырйи воинскӧй мог збыльмӧдігӧн
{Kodko (комиӧдіс Kodko) @ Коми Республика нӧшта ыстіс Донбасса олысьяслы гуманитарнӧй отсӧг @ новости @ https://rkomi.ru/news/1940 @ 2022-03-29 @}
Коми Республика нӧшта ыстіс Донбасса олысьяслы гуманитарнӧй отсӧг
Грузсӧ чукӧртісны регионса 250 сайӧ предприятие да организация, а сідзжӧ граждана.
Найӧ чукӧртісны сёян-юан, паськӧм, 40 гӧгӧр электрическӧй чайник, 10 сайӧ микроволновка, вольпась, челядьлы кӧлуй да уна мукӧдтор, мый ӧні колӧ Донбасса олысьяслы.
Казьтыштам, Коми Республикаса Юралысь, «Единая Россия» ютырлӧн регионса юкӧнлӧн секретар Владимир Уйба корис чукӧртны гуманитарнӧй отсӧг Донецкӧй да Луганскӧй народнӧй республикаясын олысьяслы, кодъяс веськалісны Украинскӧй хунта улӧ.
Акцияӧ пырӧдчисны промышленнӧй предприятиеяс, канму да муниципальнӧй учреждениеяс, организацияяс, асшӧр уджалысьяс, водзмӧстчысьяс, торъя йӧз.
«Ми талун нӧшта на ӧтчыдысь петкӧдлім уджӧн, мый войвывса йӧз пӧсь сьӧлӧмаӧсь, налы абу веськодь мукӧд йӧзлӧн дойыс.
Республикаса олысьяс бара сетісны ставсӧ, мый вермисны, медым отсавны Луганскӧй да Донецкӧй народнӧй республикаясса олысьяслы.
Ме сьӧлӧмсянь аттьӧла быдӧнӧс, коді пуктіс пай тайӧ бур вӧчӧмӧ», — пасйис Владимир Уйба.
Коми Республикаса Юралысь сиис шопер Сергей Глуховлы шыльыд туй да бура воӧдчыны колана инӧ.
{Kodko (комиӧдіс Kodko) @ Сыктывкарын петіс «Иван Павлович Морозов.
Республика помнит» небӧг @ новости @ https://rkomi.ru/news/1941 @ 2022-03-29 @}
Сыктывкарын петіс «Иван Павлович Морозов.
Республика помнит» небӧг
Рака тӧлысь 29 лунӧ Коми Республикаса Национальнӧй библиотекаын презентуйтӧма тӧдчана канму уджалысь, коді веськӧдліс регионӧн 22 во, КПСС-лӧн Коми обкомса медводдза секретар йылысь издание.
Мероприятиеын участвуйтіс регионса Юралысь Владимир Уйба.
«Иван Павлович нимкӧд йитчӧма миян республикалӧн экономика да культура боксянь сӧвмӧмыс.
Сійӧ став сьӧлӧмсянь уджаліс республикалы да аслас войтырлы бур вылӧ.
Небӧгыс ӧтувтӧ ставсӧ, мый вӧлі йӧзӧдӧма водзджык, сійӧ петкӧдлӧ, мый ми помнитам да пыдди пуктам Иван Павлович Морозов йылысь паметьсӧ.
Небӧглӧн лист бокъясыс видзӧны республикалысь историясӧ, сійӧс колӧ ставныслы тӧдны, медым сӧвмыны водзӧ.
Эска, мый лыддьысьысь восьтас уна выльтор республика, сылӧн йӧз, ловру йылысь.
Эска, мый тайӧ небӧгыс отсалас бурджыка гӧгӧрвоны, тӧдмавны да ёнджыка радейтны Коми Республикаӧс», — тӧдчӧдіс Владимир Уйба.
Коми Республикаса Юралысь аттьӧаліс Иван Павловичлысь уджъёртъясӧс да рӧдвужӧс, кодъяс локтісны презентация вылӧ, небӧг лэдзӧмын отсӧгысь, а редакционнӧй коллегия да редакционнӧй сӧветӧ пырысьясӧс — бур ӧтувъя уджысь.
Сійӧ тӧдчӧдіс, мый небӧг лэдзӧмлы подулӧн лоины И. П. Морозов нимкӧд йитчӧм тӧдчана лоӧмторъяс.
Уджъёртъяс да Сыктыв районса олысьяс унаысь вӧзйылісны пуктыны Сыктывкарын Иван Павлович Морозовлы памятник.
Коми Республикаса Юралысь Владимир Уйба ошкис тайӧ мӧвпсӧ да босьтчис веськӧдлыны проект збыльмӧдысь уджалан группаӧн, а сідзжӧ ачыс видзӧдіс сійӧс збыльмӧдӧм бӧрся.
2020 вося моз тӧлысь 22 лунӧ — республикалӧн 99 чужан лун кежлӧ Иван Морозовлы памятник местаӧ пуктісны пас.
А во мысти нин памятниксӧ кыпыда восьтісны.
Сылӧн автор — Россияса нималана художник, нималана уджалысь, Коми Республикалӧн нимйӧза художник Анатолий Неверов.
Тайӧ жӧ кадӧ лӧсьӧдісны Иван Морозов йылысь небӧг.
Сійӧс отсаліс йӧзӧдны Коми Республикаса Веськӧдлан котыр, редколлегияӧ пырис Владимир Уйба.
«Коми Республикаса Юралысь ошкис ветеранъяслысь да уджъёртъяслысь корӧмъяссӧ да тадзи пуктіс подув небӧг лэдзӧмлы.
Уджыс муніс дзонь во.
Ме казьтыла Анатолий Неверовлысь кывъяссӧ, сійӧ висьталіс, мый сьӧлӧмсӧ сетіс Иван Павловичлӧн образ вылын уджалігӧн.
Тадзи жӧ уджалім ми: кывкутӧмӧн, пыдди пуктӧмӧн.
Пыр аддзысьлім Владимир Викторовичкӧд, сёрнитім сыкӧд памятник да небӧг серти.
Миян вӧлі вына команда.
Тайӧ абу сӧмын академическӧй, научнӧй, но и ёрта удж.
Ми ӧтувтім Иван Павловичлысь биографиясӧ да республикаын лоӧмторъяссӧ», — пасйис презентация дырйи Россияса наукаяс академиялӧн Урал юкӧнса Коми наука шӧринын Кыв, литература да история институтын медвылыс тшупӧда наука туялысь, история наукаса доктор, профессор Александр Попов.
Небӧг лӧсьӧдӧм йылысь мӧвпыс чужис 2019 воӧ «Морозовлы сиӧм лыддьысьӧмъяс» дырйи.
Авторъяс кӧсйисны петкӧдлыны Иван Павловичлысь тӧдчанлунсӧ сылӧн быдлунъя удж да сыкӧд веськыд сёрни пыр.
Небӧгын чукӧртӧма семьялысь фотографияяс да тӧдчана документъяс, И. П. Морозовлысь гижӧдъяс да уджъёртъяслысь казьтылӧмъяс.
Лэдзӧм небӧгъяссӧ сетісны республикаса библиотекаясӧ.
* * *
Иван Павлович Морозов чужис 1924 вося кӧч тӧлысь 30 лунӧ Сыктыв районса Межадор сиктын.
Велӧдчис Сыктывкарын фельдшер-акушер школаын, кодӧс помаліс 1942 вося тӧвшӧр тӧлысьӧ.
9 тӧлысь мысти сійӧс босьтісны Краснӧй Армияӧ.
Вӧлі ротаса санинструкторӧн, а сэсся батальонса комсоргӧн.
1965 восянь 1986 воӧдз уджаліс КПСС-лӧн Коми обкомын медводдза секретарӧн.
Бӧрйылісны КПСС-лӧн Шӧр комитетӧ пырысьӧн, витысь бӧрйылісны СССР-лӧн Медвылыс Сӧветса депутатӧн.
Иван Морозов нимкӧд йитчӧма Коми му историялӧн дзонь эпоха. Сэки зэв бура сӧвмис экономика.
1965–1986 воясӧ республикаын промышленносьтлӧн валӧвӧй прӧдукцияыс содіс куим пӧв, мусир перйӧмыс — 9 пӧв.
Уна вын пуктіс сійӧ и биару отрасль лӧсьӧдӧмӧ, из шом перйӧм сӧвмӧдӧмӧ да лесохимическӧй отрасль котыртӧмӧ.
Ыджыд вежсьӧмъяс лоисны транспорт йитӧдын: нюжӧдісны кӧрт туй Косланӧдз, Мылдінӧдз, Усинскӧдз, вӧчисны бур автомашина туйяс Абъячойӧдз да Кулӧмдінӧдз.
60–70-ӧд воясӧ Коми АССР лоис страналӧн Европаса Войвылын гырысь промышленнӧй районъясысь ӧтиӧн.
Авторитетыс, эскӧдны кужӧмыс эз ӧтчыдысь отсавны Иван Павловичлы СССР-са Министръяс Сӧветӧн юрнуӧдысьяс водзын, сійӧ кужис воӧдчыны сэтшӧм решениеясӧдз, кутшӧмъяс колӧны республикалы.
Сылӧн наследиеыс — абу сӧмын выль каръяс, предприятиеяс, туйяс, электропередача линияяс да социальнӧй объектъяс, кутшӧмъяс ӧні лыддьыссьӧны республикаса озырлунӧн.
Иван Павлович Морозов чукӧртіс ас дорас зумыд команда.
Сы дырйи кадръяссӧ кутісны бӧрйыны восьсӧн, велӧдны том веськӧдлысьясӧс.
Иван Морозов кужис аддзыны тӧлка да енбиа йӧзӧс. Наысь лоисны нималана уджалысьяс, вылыс квалификацияа юрнуӧдысьяс, кодъяс пуктісны пай Коми Республика сӧвмӧдӧмӧ.
{Kodko (комиӧдіс Kodko) @ Владимир Уйба да Елена Вяльбе аддзысьлісны лызьӧн котралӧм серти аскиа чемпионъяскӧд @ новости @ https://rkomi.ru/news/1944 @ 2022-03-31 @}
Владимир Уйба да Елена Вяльбе аддзысьлісны лызьӧн котралӧм серти аскиа чемпионъяскӧд
Коми Республикаса Юралысь да Россияын лызьӧн котралӧм серти федерацияса президент волісны Максаковка посёлокын «Фаворит» олимпиада резервӧ дасьтан спорт школаӧ.
Том лыжникъяс радпырысь фотографируйтчисны куимысь олимпийскӧй чемпионкакӧд да босьтісны сылысь автограф.
Елена Вяльбе видзӧдліс, кутшӧм условиеяс лӧсьӧдӧма школаын лыжникъясӧс дасьтӧм вылӧ, сёрнитіс тренеръяскӧд да велӧдысьяскӧд.
Куимысь олимпийскӧй чемпионка сиис том спортсменъяслы, медым найӧ эз повны сьӧкыдлунъясысь, зілисны спортын да пӧртісны олӧмӧ пуктӧм могъяссӧ.
* * *
«Фаворит» олимпиада резервӧ дасьтан спорт школа воссис 1989 воӧ 8 №-а ГПТУ подув вылын.
Сійӧ кадсянь учреждениеса тренеръяс быдтісны уна нималана спортсменӧс, на лыдын:
Марина Бондарь — Коми Республикаын аньяс пӧвстын дзюдоысь СССР-са дзик ӧти спорт мастер, Сӧветскӧй Союзса первенствоын бронза босьтысь, дзюдоысь Олимпийскӧй категорияа судья, коді донъяліс дзюдоысь мирса, Европаса чемпионатъяс да первенствояс, XXI Сурдлимпийскӧй ворсӧмъяс дырйи;
Мария Дударь — юниоръяс пӧвстын дзюдоысь СНГ-са первенствоын эзысь босьтысь;
Нина Поликарпова — Коми Республикаын аньяс пӧвстын ӧтнас самбоысь Россияса спорт мастер да дзюдоысь Россияса спорт мастер;
Илья Порошкин — Мирса кубоклӧн этапын вермысь, лыжероллеръяс серти мирса чемпионатын эзысь босьтысь, Россияса войтыркостса тшупӧдын спорт мастер. 
{Kodko (комиӧдіс Kodko) @ Комиын видзасны да тырвыйӧ мынтасны став социальнӧй мынтӧмсӧ @ новости @ https://rkomi.ru/news/1945 @ 2022-03-31 @}
Комиын видзасны да тырвыйӧ мынтасны став социальнӧй мынтӧмсӧ
Коми Республикаса Юралысь Владимир Уйба участвуйтіс Коми Республикаса удж, уджӧн могмӧдан да социальнӧя доръян министерстволӧн кывкӧртӧд вӧчысь коллегиялӧн заседаниеын.
«Аттьӧала республикалӧн социальнӧя доръян юкӧнын уджалысьясӧс.
Коронавирус эпидемия, а ӧні и геополитическӧй серпас вайис тіян юкӧнӧ уна сьӧкыдлун.
Та вылӧ видзӧдтӧг республикаын олысьясӧс социальнӧя доръян да уджӧн могмӧдан система уджалӧ зумыда да коставлытӧг.
Ӧнія кадӧ колӧ бура видзӧдны удж рынок бӧрся, медым ас кадӧ примитны колана мераяс да отсавны гражданалы корсьны удж.
Миян страна дорӧ санкцияяс дырйи колӧ, медым республикаса олысьяс тырвыйӧ босьтісны став колана мынтӧмсӧ да пособиесӧ, а пикӧ воӧм йӧзлы колӧ отсавны торйӧн», — шыӧдчис коллегияын участвуйтысьяс дорӧ Владимир Уйба.
Республикаса Юралысь пасйис, мый регионын канмусянь социальнӧй политикаын медтӧдчанаӧн вӧліны да лоӧны челядя семьяяслы да нӧбасьысь аньяслы отсӧг сетӧм, организацияясын да производство вылын уджалысьяслысь дзоньвидзалун видзӧм да социальнӧй аскылӧм кыпӧдӧм, социальнӧй услугаяслысь судзсянлунсӧ видзӧм да налысь качествосӧ олӧма да вермытӧм йӧзлы бурмӧдӧм.
Такӧд йитӧдын колӧ водзӧ збыльмӧдны «Демография» национальнӧй проектлысь «Олӧма йӧз» регионса проект.
Казьтыштам, «Россия Федерацияын социальнӧй да экономика боксянь зумыдлунсӧ могмӧдӧм да олысьясӧс дорйӧм серти мераяс йылысь» Россияса Президент Владимир Владимирович Путинлӧн Индӧдӧн регионъяс водзын пуктӧма могъяс олысьяслысь социальнӧй аскылӧмсӧ бурмӧдӧм да найӧс социальнӧя дорйӧмсӧ кыпӧдӧм серти.
Коллегиялӧн заседание дырйи Коми Республикаса удж, уджӧн могмӧдан да социальнӧя доръян министр Екатерина Грибкова вӧчис юкӧн серти кывкӧртӧдъяс да юӧртіс 2022 во кежлӧ медшӧр могъяс йылысь.
Сы лыдын — уджтӧмалысьясӧс, том йӧзӧс да гражданаӧс, кодъяс вермасны кольны уджтӧг, уджсикасӧ велӧдӧм да удж вылӧ босьтӧм, став социальнӧй мынтӧмсӧ видзӧм да став социальнӧй кӧсйысьӧмсӧ быть збыльмӧдӧм.
Шуам, колян во 250 сюрс гӧгӧр мортлы сетісны 12 млрд шайт мындаын социальнӧй мынтӧмъяс.
«Демография» нацпроект збыльмӧдігӧн таво кӧсйӧны восьтыны Кунибса да Тентюковса керка-интернатъясын выль корпусъяс, мый сетас позянлун бурмӧдны сэні олысь гражданалысь олӧмсӧ да лӧсьӧдны 166 выль уджалан места.
Социальнӧя доръян учреждениеяслысь материально-техническӧй базасӧ ёнмӧдӧм вылӧ таво урчитӧма 28,5 млн шайт, пӧжарысь видзчысьӧмсӧ могмӧдӧм вылӧ — 37,2 млн шайт.
Ведомствоувса учреждениеясӧн юрнуӧдысьяс юксисны уджъёртъяскӧд тӧдӧмлунъясӧн сы йылысь, кыдзи бурджыка пӧртны олӧмӧ могъяссӧ олысьясӧс уджӧн могмӧдан юкӧнын, кыдзи социальнӧй контракт да олӧма йӧзкӧд, вермытӧмаяскӧд да дзескӧдӧм позянлунъяса челядькӧд социально-реабилитационнӧй уджлӧн практикаяс подув вылын сетны канмусянь социальнӧй отсӧг.
Стационарнӧя социальнӧй отсӧг сетысь организацияясӧн юрнуӧдысьяс юӧртісны сы йылысь, кыдзи нуӧдсьӧ уджыс учреждениеясын, медым интернатын олысь олӧма йӧз да вермытӧм граждана эз ӧтдортчыны мукӧдысь, а сідзжӧ «Демография» национальнӧй проектлысь «Олӧма йӧз» проект збыльмӧдӧм йылысь.
«Эска, мый уджсикасын тӧдӧмлунъяс, опыт, кывкутӧмӧн уджалӧм, миян гражданалысь олӧмсӧ бурмӧдны зільӧм, Коми Республикаса Веськӧдлан котырлӧн отсӧгӧн збыльмӧдасны пуктӧм могъяссӧ.
Ті ставӧн — геройяс, бӧръя кык восӧ сьӧктӧдіс пандемия, но ті венінныд ставсӧ.
Талун миян водзын выль могъяс.
Оз позь, медым содіс уджтӧмалысьлӧн лыдыс, колӧ ас кадӧ став позянлуннас вӧдитчӧмӧн ӧлӧдны тайӧс, сы лыдын налы велӧдчыны позянлун сетӧмӧн, коді колис либӧ вермӧ кольны уджтӧг.
Тайӧ канмулӧн стратегическӧй мог.
Ыджыд аттьӧ тіянлы уджысь.
Ме тшӧтш дась отсавны, ме тіянкӧд.
Аттьӧ!», — кывкӧрталіс Владимир Уйба.
Коми Республикаса Юралысь сетіс социальнӧй юкӧнын уджалысьяслы уна вося бур уджысь да зэв бура служитӧмысь Веськӧдлан котырсянь наградаяс.
* * *
Коми Республикаса Юралысьлӧн Индӧдӧн Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
• Наталья Владимировна Азизовалы — «Емдін районса олысьясӧс уджӧн могмӧдан шӧрин» Коми Республикаса канму учреждениелӧн директорлы;
• Ольга Михайловна Голованьлы — «Сыктывкарса республиканскӧй психоневрологическӧй интернат» Коми Республикаса канму сьӧмкуд учреждениеын социальнӧй удж серти специалистлы.
Коми Республикаса Юралысьлӧн тшӧктӧмӧн уна вося бур уджысь да уджмогъяс зэв бура збыльмӧдӧмысь «Коми Республикалы зэв бура служитӧмысь» Коми Республикаса отличие пас сетӧма
• Татьяна Александровна Алдониналы — Коми Республикаса удж, уджӧн могмӧдан да социальнӧя доръян министерстволӧн социальнӧй мынтӧмъяс юкӧнса медыджыд специалист-экспертлы;
социальнӧя доръян юкӧнын заслугаясысь да уна вося бур уджысь Коми Республикаса Юралыссянь дона козин сетӧма
• Галина Алексеевна Пынзарьлы — «Сыктывкарса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениелӧн Олысьясӧс социальнӧя могмӧдан мутас шӧринын 2 №-а социальнӧя реабилитируйтан юкӧнса медицинскӧй сестралы;
Коми Республикаса Юралыссянь аттьӧалӧм сетӧма:
• Надежда Альбертовна Конкиналы — «Емдін районса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениеса Олысьясӧс социальнӧя доръян мутас шӧринлӧн социальнӧй гарантияяс да субсидияяс юкӧнын социальнӧй удж серти специалистлы;
• Валентина Александровна Поповалы — «Сыктыв районса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениелӧн социальнӧй мынтӧмъяс да адреснӧй отсӧг сетан юкӧнын социальнӧй удж серти специалистлы;
• Елена Владимировна Сажиналы — «Сыктывкарлӧн Эжва районса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениелӧн Олысьясӧс социальнӧя доръян мутас шӧринын оланін да коммунальнӧй кокньӧдъяс да субсидияяс сетан юкӧнса начальниклы;
• Светлана Леонидовна Юрчишиналы — Коми Республикаса удж, уджӧн могмӧдан да социальнӧя доръян министерствоын социальнӧй мынтӧмъяс юкӧнса консультантлы;
2020 воӧ Коми Республика мутасын Олысьяслысь ставроссияса перепись дасьтӧмын да нуӧдӧмын зільӧмысь Коми Республикаса Юралыссянь аттьӧалӧм сетӧма:
• Алексей Николаевич Филипповлы — «Коми Республикаса удж, уджӧн могмӧдан да социальнӧя доръян министерстволысь уджсӧ могмӧдан шӧрин» Коми Республикаса канму казённӧй учреждениелысь уджтасъяс збыльмӧдан да сӧвмӧдан службаӧн заведуйтысьлы;
• Ирина Владимировна Ямнюклы — Коми Республикаса удж, уджӧн могмӧдан да социальнӧя доръян министерствоын канму услугаяс сетӧмсӧ координируйтан юкӧнса начальниклы.
{Kodko (комиӧдіс Kodko) @ Анна Кузнецова вылӧ донъяліс Коми Республикалысь социальнӧй водзмӧстчӧмъяссӧ @ новости @ https://rkomi.ru/news/1947 @ 2022-04-01 @}
Анна Кузнецова вылӧ донъяліс Коми Республикалысь социальнӧй водзмӧстчӧмъяссӧ
Рака тӧлысь 31 лунӧ Россия Федерациялӧн Каналан Думаса вице-спикер Анна Кузнецова воліс удж серти Сыктывкарӧ да аддзысьліс Коми Республикаса Юралысь Владимир Уйбакӧд.
Найӧ видлалісны вермытӧм челядьлы реабилитационнӧй шӧринлысь выль корпусъяс стрӧитан, Комиын челядьлы ӧнія стоматологическӧй клиника лӧсьӧдан позянлунъяс, а сідзжӧ «Страхуйтан пенсияяс йылысь» федеральнӧй оланпасӧ веськӧдӧмъяс пыртӧм серти «Единая Россия» регионлӧн фракцияса депутатъяслысь водзмӧстчӧм.
«Аттьӧала Тіянӧс, Анна Юрьевна, Коми Республикаӧ волӧмысь да миян регионса социальнӧй юалӧмъясӧ пырӧдчӧмысь.
Ӧткымын юалӧм йитчӧма вермытӧм челядькӧд, — пасйис республикаса Юралысь.
— Миян эм дзоньвидзалунын дзескӧдӧм позянлуна челядьӧс да ныв-зонпосниӧс реабилитируйтан сӧвет кадся шӧрин.
Но сійӧ оз лӧсяв ӧнія кадся реабилитациялӧн корӧмъяслы.
Ми дасьтім тайӧ шӧрин паськӧдӧм серти проект, босьтім тӧд вылӧ став ӧнія корӧмсӧ, аддзим мича пожӧма ягын участок.
Проектыс отсалас бурмӧдны вермытӧм челядьлысь да налӧн семьяяслысь оланногсӧ.
Та вылӧ миянлы колӧ федеральнӧй отсӧг.
Сьӧкыд стрӧитны татшӧм шӧринсӧ сӧмын регионса сьӧмкудлӧн сьӧм тшӧт весьтӧ».
«Бур проект.
Босьтны кӧ тӧд вылӧ Войвывса регионъяслысь аслыспӧлӧслунъяссӧ да ылнасӧ, бурджык лӧсьӧдны ас реабилитационнӧй инфраструктура, — донъяліс Анна Кузнецова.
— Колӧ быд боксянь отсавны збыльмӧдны татшӧм проектъяссӧ, торйӧн нин ӧнія кадӧ, кор Россияын содӧ вермытӧм челядьлӧн лыдыс.
Бура кӧ лӧсьӧдны вермытӧмлунысь ӧлӧдан система, сетны кагаыслы отсӧг чужӧм бӧрас да лӧсьӧдны маршрутизация, то позьӧ 30 прӧчент вылӧ чинтыны вермытӧмлун лоӧмсӧ.
abu
Колӧ отсавны збыльмӧдны татшӧм проектъяссӧ, налӧн ыджыд позянлунъяс.
Оз позь шогавны сьӧм понда, кор сёрниыс мунӧ семьялӧн да кагалӧн шуд йылысь».
Владимир Уйба тӧдчӧдіс, мый Коми Республикаын важӧн колӧ лӧсьӧдны челядьлы ӧнія стоматология.
Колӧны условиеяс, кутшӧмъяс сетӧны позянлун вӧдитчыны специализируйтӧм наркознӧй системаясӧн дзоньвидзалунын дзескӧдӧм позянлунъяса челядьӧс бурдӧдігӧн да гуманнӧя бурдӧдны ёсь дой дырйи.
Проектсӧ збыльмӧдӧм вылӧ тшӧтш колӧ федеральнӧй отсӧг.
Тайӧ юалӧмыс колана странаса уна регионлы.
Коми Республика дась лоны Россия Федерациялӧн пилотнӧй субъектӧн челядьлы стоматология шӧрин лӧсьӧдӧм серти, кӧні кутасны босьтны тӧд вылӧ дзоньвидзалунын дзескӧдӧм позянлуна челядьлысь коланлунъяссӧ.
Республикаса Юралысь кыпӧдіс Войвылын уна во уджалысь челядя аньяслы социальнӧй отсӧг сетӧмкӧд йитчӧм юалӧм.
«Талун кадысь водз пенсия вылӧ вермӧны петны аньяс, кодъяслы тырис 50 арӧс да кодъяслӧн эм кык либӧ унджык кага, кодъяслӧн эм торъя стаж сӧмын Ылі Войвылын.
А челядя аньяслӧн, кодъяс уна во уджалісны Ылі Войвыв районъяскӧд ӧткодялӧм мутасъясын, татшӧм позянлуныс абу, кӧть эськӧ налӧн серпасыс нинӧмӧн оз торъяв.
«Единая Россия» дінму фракцияса депутатъяс вӧзйисны бурмӧдны федеральнӧй оланпастэчас», — тӧдчӧдіс Владимир Уйба.
«Санкцияяс дырйи сьӧкыдлунъяс вылӧ видзӧдтӧг, страналысь да регионъяслысь став социальнӧй кӧсйысьӧмсӧ колӧ збыльмӧдны.
Миянлы колӧ ӧтувтчыны да пуктыны став вын.
Ассянь аттьӧала республикаын збыльмӧдан проектъясысь да уджтасъясысь, кутшӧмъясӧс лӧсьӧдӧма семья, мамлун да челядьдыр видзӧм могысь «Единая Россия» партияса комиссия.
Ме быть юӧрта та йылысь уджъёртъяслы», — пасйис Анна Кузнецова.
Россияса Каналан Думаӧн Юрнуӧдысьӧс вежысь вылӧ донъяліс Коми Республикаын сетан социальнӧя отсалан мераяссӧ.
Сы лыдын: медводдза да коймӧд кага чужтігӧн (пи (ныв) пыдди босьтігӧн) 150 сюрс шайт мында регионса семейнӧй капитал мынтӧм; уна челядя семьяяслы отсӧг сетан мераяс; 25 сюрс шайт мындаын ӧтчыдысь мынтӧм батьлы либӧ мамлы, кодлы сетӧма «Бать-мам слава» орденлысь медаль; ӧтка уджтӧмалысь олан жыр киын кутысьяслы капитальнӧя дзоньталӧмысь да ӧтувъя обслуживайтӧмысь ӧтувъя рӧскод вештӧм; «война кадся челядь» категорияа гражданалы статус урчитӧм да кокньӧдъяс сетӧм; уна челядя да том семьяяслы оланін ньӧбӧмын отсӧг.
Анна Кузнецова тӧдчӧдіс, мый босьтасны тӧд вылӧ Коми Республикалысь опытсӧ странаса мукӧд регионъяскӧд уджалігӧн.
Россиялӧн Каналан Думаса вице-спикерлӧн видзӧдлас серти, социальнӧй юкӧнын колӧ ёнджыка вӧдитчыны ӧнія цифрӧвӧй позянлунъясӧн, сы вӧсна мый челядя уна семья корсьӧны кокньӧдъяс, пособиеяс йылысь юӧрсӧ да олӧмын лоӧмторъяс серти гӧгӧрвоӧдӧмъяссӧ Ӧтуввезйын.
Сійӧ вӧзйис збыльмӧдны Коми Республикаын «Социальнӧй навигатор» проект — тайӧ челядя семьяяслы отсӧг сетан служба.
«Концепциясӧ ошкис Россия Федерацияса цифра отсӧгӧн сӧвмӧдан министерство.
Йӧзыс вермӧны шыӧдчыны специалист дорӧ «ӧти ӧшинь» режимын, медым юасьны коланаторсӧ да тӧдмавны, кытчӧ найӧ вермӧны шыӧдчыны асланыс мытшӧдӧн», — юӧртіс Анна Кузнецова.
Владимир Уйба ошкис тайӧ вӧзйӧмсӧ да висьталіс, мый дась збыльмӧдны проектсӧ Коми Республикаын.
Та вылӧ регионын эм став колана нормативнӧй базаыс да позянлуныс.
{Kodko (комиӧдіс Kodko) @ Веськӧдлан котырлӧн контроль улын: Сыктывкарын Стаханов улича вылын уна патераа керкалӧн дольщикъяс бӧръясны, кыдзи збыльмӧдны налысь инӧдсӧ @ новости @ https://rkomi.ru/news/1948 @ 2022-04-01 @}
Веськӧдлан котырлӧн контроль улын: Сыктывкарын Стаханов улича вылын уна патераа керкалӧн дольщикъяс бӧръясны, кыдзи збыльмӧдны налысь инӧдсӧ
Косму тӧлысь 6 лунӧ Коми Республикаса Веськӧдлан котырӧс да дӧзьӧр нуӧдан органъясӧс петкӧдлысьяс аддзысьласны Сыктывкарын Стаханов улича вылын уна патераа керка пайӧн стрӧитӧмын участвуйтысьяскӧд.
Стрӧитӧмсӧ сувтӧдӧма 2019 вося ода-кора тӧлысьӧ.
Аддзысьлігӧн республикаса Стрӧитчан министерствоысь специалистъяс петкӧдласны да гӧгӧрвоӧдасны мытшӧдысь 2 петан туй — помӧдз стрӧитны объектсӧ либӧ вештыны видзӧм сьӧмсӧ.
Дольщикъяс асьныс бӧръясны петан туйсӧ.
Та йылысь сёрнитчисны Коми Республикаса Юралысь Владимир Уйбалӧн водзмӧстчысь дольщикъяскӧд, республикаса Веськӧдлан котырӧ пырысьяскӧд да регионса прокуратураӧс петкӧдлысьяскӧд сӧвещание дырйи.
Стаханов улича вылын уна патераа олан керкасӧ заводитӧма стрӧитны 2016 вося рака тӧлысьӧ.
2019 вося ода-кора тӧлыссянь тайӧ объектсӧ оз стрӧитны.
Застройщик «Вега» ичӧт кывкутана котыр эз вермы пӧртны олӧмӧ ассьыс могъяссӧ сы вӧсна, мый урчитіс керкалӧн квадратнӧй метрысь донсӧ вывті ичӧтӧн.
Та вӧсна 2019 вося ӧшым тӧлысь 31 лунӧ «Вега» ичӧт кывкутана котыр шыӧдчис Коми Республикаса арбитражнӧй ёрдӧ сійӧс банкротӧн шуӧм йылысь заявлениеӧн.
Медым водзӧ стрӧитны объектсӧ, медводз колӧ сетны сійӧс республикаса Фондӧ, туявны зданиесӧ да инженернӧй везъяссӧ, тӧдмавны, уджалӧны-ӧ найӧ, а сідзжӧ, бура-ӧ вӧчӧма стрӧитчан да монтаж уджъяссӧ. Кывкӧртӧд подув вылын лӧсьӧдны объектсӧ помӧдз стрӧитӧм вылӧ проектно-сметнӧй документация.
Ӧнія кадӧ керкасӧ абу сетӧма пайӧн стрӧитчӧмын участвуйтысьяслысь инӧдъяс доръян регионса фондлы.
Объектсӧ фондлы сетӧм йылысь ёрд актыс оланпас серти эз вынсяв — сійӧс «Вега» ичӧт кывкутана котырса вӧвлӧм юрнуӧдысь обжалуйтӧ арбитражнӧй ёрдын апелляционнӧй пӧрадокын.
Мутасъяс сӧвмӧдан федеральнӧй фондлӧн донъялӧм серти, объектыс дась 55,82 % вылӧ.
Туялӧмлӧн бӧртасъясыс петкӧдласны стрӧитчӧм помалан кадколастсӧ, да позьӧ-ӧ помавны сійӧс.
Объектыс кӧ вермас вайны неминуча, сійӧс косяласны.
Та дырйи стрӧитасны выль керка, лӧсьӧдасны выль проектно-сметнӧй документация. Та вылӧ колӧ некымын во.
Дольщикъяс кӧ бӧръясны мӧд петан туйсӧ, Коми Республикаса стрӧитчан министерстволӧн юӧр серти, сьӧмсӧ вештасны некымын тӧлысь мысти нин.
{Kodko (комиӧдіс Kodko) @ Коми Республикаса Веськӧдлан котыр кӧсйӧ кадысь водз помавны гражданаӧс аварийнӧй оланінъясысь мӧдлаӧ овмӧдан уджтас @ новости @ https://rkomi.ru/news/1949 @ 2022-04-01 @}
Коми Республикаса Веськӧдлан котыр кӧсйӧ кадысь водз помавны гражданаӧс аварийнӧй оланінъясысь мӧдлаӧ овмӧдан уджтас
Рака тӧлысь 31 лунӧ регионса Юралысь Владимир Уйба пырӧдчис «Овны шогмытӧм оланін фонд пыр чинтӧмсӧ могмӧдӧм» федеральнӧй проект збыльмӧдан юалӧмъяс серти Канму корпорацияса — Оланін да коммунальнӧй овмӧс реформируйтӧмын отсӧг сетан фондса медыджыд директор Константин Цицинкӧд видеоселекторнӧй сӧвещаниеӧ.
Коми Республикаса Юралысь Владимир Уйба аттьӧаліс Константин Цицинӧс да Фондса уджалысьясӧс 2022 вося этап збыльмӧдӧм вылӧ Фондса сьӧм тшӧт весьтӧ сьӧма отсӧг сетӧм вылӧ заявка дасьтӧмын регионса Веськӧдлан котырлы отсалӧмысь.
Сы серти 1238 олан жырйысь мӧдлаӧ овмӧдасны 2894 гражданинӧс.
Аварийнӧй оланін фондлӧн, кытысь йӧзсӧ овмӧдӧны мӧдлаӧ, площадьыс — 51,5 сюрс кв. метр.
Заявкасӧ кӧсйӧны сетны локтан вежон заводитчигӧн.
Ставнас Коми Республикаын федеральнӧй проект серти 2019–2025 воясӧ мӧдлаӧ овмӧдны колӧ 7603 мортӧс, кодъяс олӧны 734 аварийнӧй керкаын. Ставнас налӧн площадьыс 138,22 сюрс кв. метр.
Мӧдлаӧ овмӧдӧма нин 2301 мортӧс, разьӧма 44,6 сюрс кв. метр аварийнӧй оланін.
Таысь кындзи, регионса сьӧм вылӧ уджтасъяс серти мӧдлаӧ овмӧдӧма 12,4 сюрс кв. метрысь 417 гражданинӧс.
2019–2021 воясся торъя мога петкӧдласъясӧдз воӧдчӧма тырвыйӧ.
{Kodko (комиӧдіс Kodko) @ Коми Республикаса мужичӧйяслӧн сборнӧй лоис Лызьӧн ордйысьӧм серти Россияса чемпионӧн @ новости @ https://rkomi.ru/news/1953 @ 2022-04-01 @}
Коми Республикаса мужичӧйяслӧн сборнӧй лоис Лызьӧн ордйысьӧм серти Россияса чемпионӧн
Комиысь лыжникъяс вермисны 4×10 километра эстафетаын.
Аньяс костын медводдза места босьтіс Тюмень обласьтысь команда.
Сыктывкарын Лызьӧн ордйысьӧм серти Россияса чемпионат лунӧ вермысьяслы да призёръяслы наградаяс сетісны Коми Республикаса Юралысь Владимир Уйба да Россия Федерацияса спорт министр Олег Матыцин.
«Тайӧ вӧвлытӧм, шензьӧдана вермасьӧм.
Меным нимкодь, мый миян странаын эм сэтшӧм спорт сикас кыдзи лызьӧн ордйысьӧм.
Нӧшта ӧтчыдысь кӧсъя чолӧмавны ставнысӧ Пекинын ыджыд вермӧмъясӧн, аттьӧавны Лызьӧн котралӧм серти федерацияӧс, сылысь президент Елена Валерьевна Вяльбеӧс, тренеръясӧс, специалистъясӧс — ставнысӧ, кодъяс уджалісны, тайӧ ыджыд вермӧмысь!
Да, дерт жӧ, ӧні, ме кута лача, мый лызя спорт кутас сӧвмыны нӧшта на тэрыбджыка.
Лызя спортлы сиӧм гажсӧ кутасны пасйыны миян страналӧн быд регионын.
Мед эськӧ россияса спортным пыр воӧдчис медыджыд вермӧмъясӧдз», — чолӧмаліс чемпионатын участвуйтысьясӧс да гӧсьтъясӧс Олег Матыцин.
Министр аттьӧаліс Владимир Уйбаӧс шоныда примитӧмысь да ордйысьӧмъяс бура котыртӧмысь да пасйис, мый спортсӧ республикаын ёна пыдди пуктӧны.
«Сьӧлӧмсянь аттьӧала, дерт жӧ, став участвуйтысьӧс.
Но миян талун праздник!
Миян спортсменъяс вермисны!
Ыджыд аттьӧ Елена Валерьевна Вяльбелы, Россияса спорт министерстволы да Олег Васильевич Матыцинлы, аттьӧ тренеръяслы да котыртысьяслы тайӧ лӧсьыд мероприятиеысь.
Ми век радӧсь да дасьӧсь нуӧдны Россияса да мирса чемпионатъяс.
Волывлӧй, ми ставнытӧ бура примитам», — шыӧдчис гӧсьтъяс да спортсменъяс дорӧ Владимир Уйба.
* * *
Косму тӧлысь 1 лунӧ Сыктывкарын Мужичӧйяс пӧвстын лызьӧн ордйысьӧм серти Россияса чемпионатын вермис Коми Республикаысь команда (Илья Семиков, Ермил Вокуев, Илья Порошкин, Алексей Виценко).
Мӧд места босьтіс Татарстан Республикаысь команда, коймӧд места — Архангельск обласьтысь команда.
Аньяс костын эстафетаын медводдзаӧн лоис Тюмень обласьтысь команда, мӧд места босьтіс Татарстан Республикаысь команда, коймӧд места — Архангельск обласьтысь команда.
{Kodko (комиӧдіс Kodko) @ Коми Республикаын спорт объектъяс стрӧитӧм вылӧ таво веськӧдасны миллиард джын сайӧ шайт @ новости @ https://rkomi.ru/news/1951 @ 2022-04-01 @}
Коми Республикаын спорт объектъяс стрӧитӧм вылӧ таво веськӧдасны миллиард джын сайӧ шайт
Регионын спорт инфраструктура сӧвмӧдӧм йылысь сёрнитісны Коми Республикаса Юралысь Владимир Уйба да Россия Федерацияса спорт министр Олег Матыцин.
Косму тӧлысь 1 лунӧ найӧ аддзысьлісны удж серти Сыктывкарын.
«Ми зіля сӧвмӧдам физическӧй культура да спорт, кыдзи профессиональнӧй, сідзи и массӧвӧй.
Лӧсьӧдам спортсменъясӧс быдтӧм, спорт учреждениеяслысь материально-техническӧй база вынсьӧдӧм вылӧ условиеяс.
Тайӧ воыс миянлы тӧдчана.
«Спорт — олан норма» проектлысь мероприятиеяс збыльмӧдӧм вылӧ ми босьтам федеральнӧй сьӧмкудйысь 500 миллион гӧгӧр шайт.
Сьӧмсӧ веськӧдам спорт комплексъяс стрӧитӧм вылӧ», — регионлы отсӧгысь федеральнӧй министрӧс аттьӧалігӧн шуис Владимир Уйба.
Коми Республикаса Юралысь шуис, мый национальнӧй проект серти Кӧрткерӧс сиктын лӧсьӧдісны ГТО сдайтӧм вылӧ площадка, Ухта карын — вынйӧр сӧвмӧдан да дзоньвидзалун бурмӧдан восьса комплекс.
Ньӧбӧны спорт школаяслы оборудование да инвентарь.
Таво колӧ стрӧитны куим гырысь объект: Ухта карын единоборство комплекс, Луздор районса Абъячой сиктын спорт комплекс да Емдін районса Микунь карын универсальнӧй ворсан зал.
Ставнас 2022 воӧ «Демография» национальнӧй проект серти «Спорт — олан норма» дінму проект збыльмӧдӧм вылӧ урчитӧма 555,23 млн шайт, сы лыдын федеральнӧй сьӧмкуд сьӧм — 494,31 млн шайт.
Спорт объектъяссӧ выльмӧдӧны да стрӧитӧны сідзжӧ «Физическӧй культура да спорт сӧвмӧдӧм» Коми Республикаса канму уджтас да «Войтырлӧн сьӧмкуд» регионса проект сьӧм тшӧт вылӧ.
Некымын во чӧж Коми Республика лоӧ ГТО ставроссияса вынйӧр сӧвмӧдан да спорт комплекс пыртӧм серти медводдзаяс лыдын.
Колян во регионным босьтіс Россияын 13 места да лоис медводдзаӧн Рытыв-Войвыв федеральнӧй кытшса регионъяс пӧвстын.
«Ми пасъям, мый талун миянын спортӧ пырӧдчӧ матӧ 340 сюрс морт, тайӧ уджавны вермысь олысьяс пӧвстысь джынсьыс унджыкыс.
Миян войвыв му козьналіс страналы да мирлы уна тӧдчана спортсмен-лыжникӧс.
Тшӧтш уна спортсмен и мукӧд спорт сикасын — варччӧмын, боксын, пуляӧн лыйсьӧмын, конькобежнӧй спортын, фигурнӧя исласьӧмын, сьӧкыд атлеткаын, пауэрлифтингын.
Бӧръя кык вежонӧ республикаын нуӧдісны Мача хоккейысь Россияса чемпионатлысь финал, ӧні нуӧдӧны Лызьӧн ордйысьӧм серти чемпионат.
Ми дасьӧсь сӧвмӧдны спорт да кутам лача, мый Россияса спорт министерство отсалас миянлы», — пасйис Владимир Уйба.
«Меным нимкодь, мый «Спорт — олан норма» федеральнӧй проектлысь да «Физическӧй культура да спорт сӧвмӧдӧм» канму уджтаслысь петкӧдласъяссӧ республикаын олӧмӧ пӧртӧны тырвыйӧ.
Тайӧ абу сӧмын лыдпасъяс, ме аддза, мый тайӧ збыльысь колана.
Тіян республикаын джынсьыс унджык олысьыс радейтӧ спорт.
Коми Республикаын нуӧдӧны Россия тшупӧда уна ордйысьӧм.
Дерт, ми кутам отсавны, медым артмис збыльмӧдны став проектсӧ», — юӧртіс Олег Матыцин.
Федеральнӧй министрлӧн кывъяс серти, инфраструктура лӧсьӧдӧм кындзи колӧ дасьтыны квалифицируйтӧм кадръяс, кодъяс кутасны уджавны выль объектъяс вылын.
«Колӧ, медым тайӧ вӧліны кыпыд лола да уджсикасын бур тӧдӧмлунъяса йӧз.
Кута лача, мый тіян опытныд отсалас тіянлы.
Ми дасьтім Россияса Президентлы вӧзйӧмъяс.
Дерт, тайӧ мероприятиеяс вылӧ ковмас содтӧд сьӧм, миянлы колӧ гӧгӧрвоны, мый тайӧ дыр кадся инвестицияяс.
Миянлы колӧ лӧсьӧдны дыр кадколастса стратегия, медым и том, и олӧма йӧзлӧн вӧлі позянлун занимайтчыны спортӧн.
Тайӧ оз сӧмын кыпӧд ловру, но и сетӧ позянлун сӧвмыны уджсикасын да бурмӧдны дзоньвидзалун.
Кута лача, мый миянлысь вӧзйӧмъяснымӧс кыласны», — шуис Олег Матыцин.
Олег Матыцин да Владимир Уйба сёрнитчисны, мы регион да Россия Федерацияса спорт министерство водзӧ кутасны ӧтув уджавны — збыльмӧдны канму уджтас да пӧртны олӧмӧ Президентӧн пуктӧм могъяс, котыртны регионын гырысь ордйысьӧмъяс, кытчӧ тшӧтш пырӧдчасны миянкӧд ёртасьысь странаяс. 
{Kodko (комиӧдіс Kodko) @ Владимир Уйба да Олег Матыцин сетісны канму наградаяс Коми Республикаса легендарнӧй спортсменъяслы @ новости @ https://rkomi.ru/news/1957 @ 2022-04-01 @}
Владимир Уйба да Олег Матыцин сетісны канму наградаяс Коми Республикаса легендарнӧй спортсменъяслы
Коми Республикаса Юралысь да Россия Федерацияса спорт министр сетісны наградаяс нёльысь олимпийскӧй чемпионка, СССР-са нимӧдана спорт мастер Раиса Петровна Сметаниналы да СССР-са почёта спорт мастер, СССР-са да РСФСР-са нимӧдана тренер, лызьӧн ордйысьӧмъяс серти Россияса сборнӧйлӧн менеджер Юрий Анатольевич Чарковскийлы.
Кыпыд церемонияыс прӧйдитіс косму тӧлысь 1 лунӧ Коми Республикаса Юралысьлӧн Администрацияын.
«Миян велӧдысьяс, миян ыджыдджык ёртъяс, тіянлысь пайтӧ оз позь донъявны, — тӧдчӧдіс Олег Матыцин.
— Ӧнія кадӧ колӧ, медым миян том спортсменъяс босьтісны тіянлысь пример, медым найӧ тӧдісны чужан страналысь, чужан республикалысь историясӧ, медым найӧ эз сӧмын кывкутны, но и нимкодясисны, мый петкӧдлӧны ассьыныс чужан мусӧ медтӧдчана войтыркостса стартъясын.
Пекинын Олимпийскӧй ворсӧмъясын миян спортсменъяслӧн вермӧмыс нӧшта ӧтчыдысь эскӧдӧ тайӧс.
Миян сӧветскӧй лыжникъяслӧн вермӧмъясыс, традицияясыс пуктӧны том спортсменъяслӧн пельпомъяс вылӧ ыджыд кывкутӧм.
Ми подуласям веськыдлун вылӧ, пыдди пуктам олимпийскӧй ценносьтъяс да нимкодясям миян странаӧн.
«Ме кӧсъя торйӧн пасйыны Раиса Петровна Сметанинаӧс — тайӧ легендарнӧй морт, — шыӧдчис Владимир Уйба нималана спортсменка дорӧ.
— Ті шензьӧданыд асланыд вынӧн, этшӧн, воӧдчинныд олимпийскӧй да мирӧвӧй тшупӧдӧдз.
abu
Миян муын лызьӧн ордйысьӧмъяс — тайӧ генетическӧй спорт сикас.
Томъяс пыр кӧсйӧны лоны легендарнӧй йӧз, чемпионъяс кодьӧн, а миян чемпионыс кодзув чукӧр мында.
Раиса Петровна, миянлы да том спортсменъяслы ті пыр лоанныд примерӧн.
Во сайын регионын учредитӧма медвылыс почёт ним — Коми Республикалӧн Уджвывса Герой.
Тайӧ нимсӧ кутасны сетны тылса уджалысьяслы, йӧзлы, кодъяс асланыс нимӧн паськӧдӧны Россиялысь да ичӧт чужанінлысь — Коми Республикалысь традицияяс.
Нэм кежлӧ Коми Республикалӧн медводдза Уджвывса Геройӧн лоӧ Сметанина Раиса Петровна!»
* * *
Россия Федерацияса Президентлӧн Индӧдъясӧн
Физическӧй культура да спорт сӧвмӧдӧмӧ ыджыд пай пуктӧмысь, уна вося бур уджысь «Айму водзын заслугаясысь» IV степеня орден сетӧма
Раиса Петровна Сметаниналы — нималана спортсменкалы, нёльысь олимпийскӧй чемпионкалы, сизимысь мирса чемпионкалы, унаысь СССР са чемпионкалы, СССР-са нимӧдана спорт мастерлы;
спортсменъясӧс, кодъяс шедӧдісны спортын ыджыд вермӧмъяс, бура дасьтӧмысь, «Айму водзын заслугаясысь» II степеня орденлысь медаль сетӧма
Юрий Анатольевич Чарковскийлы — СССР-са почёта спорт мастерлы, СССР-са да РСФСР-са нимӧдана тренерлы, лызьӧн ордйысьӧмъяс серти Россияса сборнӧйлӧн менеджерлы.
Коми Республикаса Юралысьлӧн Индӧдӧн
уджалігӧн Коми Республика водзын торъя заслугаясысь да физическӧй культура да спорт сӧвмӧдӧмӧ тӧдчана пай пуктӧмысь Коми Республикаса Уджвывса Герой медвылыс почёт ним сетӧма
Раиса Петровна Сметаниналы.
{Kodko (комиӧдіс Kodko) @ Коми Республикаса Юралысь чолӧмалӧ Геолог лунӧн @ новости @ https://rkomi.ru/news/1954 @ 2022-04-03 @}
Коми Республикаса Юралысь чолӧмалӧ Геолог лунӧн
«Мупытшса озырлун корсян-туялан юкӧнын пыдди пуктана уджалысьяс да отрасльса ветеранъяс!
Дона ёртъяс!
Чолӧмала тіянӧс уджсикас гажӧн — Геолог лунӧн!
Романтикъяс, путешественникъяс, выль туйяс писькӧдысьяс, ті сианыд олӧмнытӧ вӧр-ва озырлун туялӧмлы, йӧзлы бур вылӧ корсяныд куйлӧдъяс.
Коми Республикаын тайӧ уджсикассӧ торйӧн ёна пыдди пуктӧны.
Геологъяс аддзисны Печора бассейнын из шом, Тимано-Печорскӧй провинцияын мусир да биару, Шӧр-Тиман районын боксит куйлӧдъяс.
Из шомлӧн, мусирлӧн, бокситъяслӧн быд тонна, биарулӧн быд кубометр пасйӧ вӧр-ва озырлун туялысьяслӧн уджлысь тӧдчанлунсӧ.
Талун республикаын водзӧ корсьӧны мупытшса озырлун.
Дасьтӧма да пуктӧма нин канму баланс вылӧ титанӧвӧй рудаяслысь Пижмаса куйлӧд, Воркутаын туялӧны из шомлысь куйлӧдъяс.
Пыдди пуктана геологъяс, ветеранъяс!
Аттьӧала тіянӧс бур уджысь, бӧрйӧм уджсӧ кывкутӧмӧн збыльмӧдӧмысь да уджсикас пыдди пуктӧмысь.
Сиа тіянлы крепыд дзоньвидзалун да став бурсӧ, мупытшса озырлун корсян-туялан юкӧнлы водзӧ сӧвмыны да зумыдмыны!»
Коми Республикаса Юралысь Владимир Уйба
{Kodko (комиӧдіс Kodko) @ Владимир Уйба аттьӧаліс Лызьӧн ордйысьӧм серти Россияса чемпионатын участвуйтысьясӧс, котыртысьясӧс да болельщикъясӧс спортивнӧй гажысь @ новости @ https://rkomi.ru/news/1958 @ 2022-04-03 @}
Владимир Уйба аттьӧаліс Лызьӧн ордйысьӧм серти Россияса чемпионатын участвуйтысьясӧс, котыртысьясӧс да болельщикъясӧс спортивнӧй гажысь
Талун, косму тӧлысь 3 лунӧ, Раиса Сметанина нима республиканскӧй лызь комплекслӧн трасса вылын нуӧдісны Лызьӧн ордйысьӧм серти Россияса чемпионатлысь бӧръя ордйысьӧмъяс — мужичӧйяс костын 50 км свободнӧй стиля марафон.
Масс-стартын вермис Александр Большунов (Архангельск обласьт), мӧд места босьтіс Андрей Ларьков (Татарстан Республика), коймӧд — Андрей Мельниченко (Красноярск край).
Вермысьлы да призёръяслы наградаяс сетӧм бӧрын Коми Республикаса Юралысь гӧгӧрвоӧдіс вежонся медшӧр спорт лоӧмторсӧ:
«Ми зэв радӧсь, мый Лызьӧн ордйысьӧм серти Россияса чемпионатсӧ нуӧдісны Коми муын.
Ме аттьӧала татшӧм лӧсьыд спортивнӧй гажысь тайӧ ордйысьӧмъясын став участвуйтысьӧс да котыртысьясӧс!
Вӧлі нимкодь видзӧдны россияса нималана лыжникъяслӧн, олимпиечьяслӧн котӧртанног, ордйысьӧм бӧрся.
Ми тӧждысим став спортсмен вӧсна, но, дерт жӧ, медся сюся видзӧдім Коми Республикаса сборнӧйлӧн котӧртӧм бӧрся.
Миян лыжникъяс нӧшта ӧтчыдысь петкӧдлісны, мый найӧ зэв вына йӧз.
Гортса чемпионат дырйи Коми Республикаса сборнӧйӧн босьтӧм медальясыс вывті донаӧсь!».
Коми Республикаса Юралысь торйӧн аттьӧаліс Россияын лызьӧн котралӧм серти федерацияӧс да сылысь президент Елена Валерьевна Вяльбеӧс эскӧмысь да отсӧгысь: «Ми бара дасьӧсь примитны миянын медвылыс тшупӧда ордйысьӧмъяс.
Коми — абу сӧмын лызьяслӧн чужанін, но талун сійӧ Россияса лыжнӧй шӧринъяс пиысь ӧти.
Сьӧлӧмсянь аттьӧала Россияса чемпионатын вермысьясӧс.
Сиа водзӧ вылӧ ыджыд вермӧмъяс!».
Сыктывкарын лызьӧн котралӧм серти Россияса чемпионатын ставнас участвуйтіс Россия Федерацияса 42 субъектысь 256 морт, а сідзжӧ Беларусь Республикаысь 5 спортсмен.
{Kodko (комиӧдіс Kodko) @ Пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ @ новости @ https://rkomi.ru/news/1961 @ 2022-04-04 @}
Пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн Индӧдӧ
Киритӧма ӧткымын пункт эпидемиялы паныд нуӧдан мероприятиеяс лыддьӧгысь, кутшӧмъяс колӧны COVID–19 выль коронавирус инфекция паськалӧм дырйи юридическӧй кывкутысьяслысь да асшӧр уджалысьяслысь уджсӧ котыртӧм вылӧ.
Сідзжӧ дугӧдӧма эпидемиялы паныд нуӧдан ӧткымын содтӧд мероприятие, медым вермисны уджавны:
• пывсянъяс, саунаяс;
• вузасянінъяс, песласянінъяс, изделиеяс химическӧя весалан организацияяс, ательеяс (дзоньталан мастерскӧйяс);
• организацияяс, кутшӧмъяс сетӧны парикмахерскӧй услугаяс, да мичмӧдчан салонъяс;
• гожся верандаяс, гожся кафеяс;
• библиотекаяс;
• транспорт средствояс вылӧ шоперъясӧс велӧданінъяс;
• ресторанъяс, кафеяс, столӧвӧйяс, буфетъяс, баръяс, закусочнӧйяс да йӧзӧс ӧтув вердан мукӧд предприятие;
• челядьӧс шойччӧдан да налысь дзоньвидзалун бурмӧдан организацияяс;
• санаторно-курортнӧй учреждениеяс;
• спорт объектъяс, фитнес шӧринъяс (спорт клубъяс);
• кинотеатръяс (кинозалъяс);
• музейяс, выставочнӧй залъяс.
{Kodko (комиӧдіс Kodko) @ Коми Республикаса Юралысь Владимир Уйба примитіс гражданаӧс ас сёрниӧн @ новости @ https://rkomi.ru/news/1964 @ 2022-04-06 @}
Коми Республикаса Юралысь Владимир Уйба примитіс гражданаӧс ас сёрниӧн
Регионса олысьяс шыӧдчисны биару нюжӧдӧм, социальнӧй учреждениеяс дзоньталӧм, мутасъяс бурмӧдӧм-мичмӧдӧм да челядьӧс неминучаысь видзӧм серти юалӧмъясӧн.
Интаын олысь ань корис бурмӧдны карса 2-а гимназия бердысь тротуар.
Пода туйӧд быд лун ветлӧ уна челядь, та дырйи тротуарыс оз лӧсяв безопасносьт нормаяслы.
Карса юрнуӧдысьяс гӧгӧрвоӧдісны: тротуарсӧ дзоньталасны «Войтырлӧн сьӧмкуд» уджтас серти велӧдчан во заводитчигкежлӧ, проектно-сметнӧй документацияыс дась нин.
Кӧч тӧлысь 1 лун кежлӧ Ухтаса ӧти детсадйын пуктасны пӧжар йылысь юӧртан выль сигнализация.
Татшӧм корӧмӧн шыӧдчис карса ань.
Сьӧмсӧ та вылӧ вичмӧдӧма республиканскӧй да меставывса сьӧмкудъясысь.
Княжпогост районса Емва карын олысь ань корис выльмӧдны Челядьлы шӧр библиотека.
Меставывса юрнуӧдысьяс гӧгӧрвоӧдісны, мый таво республиканскӧй да меставывса сьӧмкудъясын урчитӧма сьӧм, медым дзоньтавны зданиелысь бансӧ да библиотекаысь жыръяссӧ, ньӧбны выль мебель, компьютернӧй да мультимедийнӧй оборудование.
Уджсӧ кӧсйӧны сигӧртны во помӧдз.
Печораса олысь шыӧдчис карса котельнӧй биаруӧн могмӧдӧм серти, Вуктылысь ань — карса улича югзьӧдӧм серти юалӧмӧн, а Сыктывкарысь ань корис бурмӧдны Эжва районса уна патераа керка бердысь йӧзаин, кӧні сулалӧ коми культура шӧрин.
Ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяс решитӧм могысь, кутшӧмъясӧн регионса олысьяс шыӧдчисны Владимир Уйба дорӧ.
Тшӧктӧмъяссӧ олӧмӧ пӧртӧм бӧрся видзӧдӧ Коми Республикаса Юралысь.
{Kodko (комиӧдіс Kodko) @ Коми Республикаса ӧткымын олысьлы сетісны канму наградаяс @ новости @ https://rkomi.ru/news/1966 @ 2022-04-06 @}
Коми Республикаса ӧткымын олысьлы сетісны канму наградаяс
«Коми Республикаса канму наградаяс сетӧм йылысь» Коми Республикаса Юралысьлӧн 2022 во косму тӧлысь 6 лунся 36 №-а Индӧд
1. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
• Сергей Николаевич Монастырскийлы — Россия Федерацияса национальнӧй гвардия войскалӧн Рытыв-Войвыв кытшса 5134 войскӧвӧй часьтын оркестрса начальниклы — военнӧй дирижёрлы, Сыктывкар;
• Дмитрий Александрович Радаевлы — «Печора районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениеын челядьлы реанимация да интенсивнӧй терапия юкӧнӧн заведуйтысьлы, врач — анестезиолог-реаниматологлы;
• Любовь Васильевна Сластихиналы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) «Экономика да веськӧдлӧм» кафедраса доцентлы;
• Галина Александровна Терентьевалы — «Культура да техника двореч» йӧзкост художествоа творчество шӧрин» муниципальнӧй сьӧмкуд культура учреждениеса директорлы, Инта кар;
• Елена Вениаминовна Юркиналы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) «Ландшафтнӧй архитектура, стрӧитчӧм да му юклӧм» кафедраса профессорлы.
2. Коми Республикалӧн бура сӧвмӧм вылӧ уна во зіля уджалӧмысь Коми Республикаса Почёт грамота сетны:
• Светлана Ивановна Беляевалы — «Сыктывкарса челядьлы шылада-хора школа» содтӧд тӧдӧмлун сетан муниципальнӧй асшӧрлуна учреждениеын концертно-внекласснӧй удж серти директорӧс вежысьлы;
• Людмила Владиславовна Власовалы — «Республика» газет редакция» Коми Республикаса асшӧрлуна учреждениеын инӧд да криминальнӧй хроника юкӧнса редакторлы, Сыктывкар;
• Лариса Павловна Зинлы — «Канмусянь пасъян, кадастр да картография федеральнӧй службалӧн федеральнӧй кадастрӧвӧй палата» федеральнӧй канму сьӧмкуд учреждениелӧн Коми Республикаын филиалса директорлы, Сыктывкар;
• Хаджар Магомедович Исаевлы — «Удораса спорт школа» муниципальнӧй учреждениеса тренерлы;
• Марина Дмитриевна Ковалевскаялы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) инӧд боксянь да кадръясӧн могмӧдан веськӧдланінса начальниклы;
• Дмитрий Владимирович Кузнецовлы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) административнӧй да овмӧс нуӧдан удж серти директорӧс вежысьлы;
• Вера Вячеславовна Кузнецовалы — Коми Республикаса Юралысьлӧн Администрацияын контроль да сёрнигижӧд нуӧдӧмӧн веськӧдланінса начальникӧс вежысьлы — Веськӧдланінлӧн контроль юкӧнса начальниклы;
• Елена Владимировна Морозовалы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) «Экономика да веськӧдлӧм» кафедраса доцентлы;
• Людмила Михайловна Пахучаялы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) «Вӧр овмӧс да пу вӧчӧдӧм» кафедраса доцентлы;
• Елена Анатольевна Раушлы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) экономическӧй юалӧмъяс серти директорӧс вежысьлы;
• Татьяна Николаевна Рубцовалы — «Сыктывкарса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениеса олысьясӧс социальнӧя могмӧдан мутас шӧринса 1 №-а котыртан да консультативнӧй отделениеын социальнӧй удж серти специалистлы;
• Владимир Федорович Свойкинлы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) «Технологическӧй транспортнӧй машинаяс да оборудование» кафедраӧн заведуйтысьлы;
• Валентин Валерьевич Тимченколы — «Республика» газет редакция» Коми Республикаса асшӧрлуна учреждениеса юрнуӧдысьлы-шӧр редакторлы, Сыктывкар;
• Динар Нуруллович Хаматнуровлы — «Б. А. Мордвинов нима Воркутаса драма театр» Коми Республикаса канму асшӧрлуна учреждениеын шылада юкӧнӧн заведуйтысьлы;
• Сергей Владимирович Ширяевлы — «Пӧжарысь видзчысян службаӧн да войтырӧс дорйӧмӧн веськӧдланін» Коми Республикаса канму казённӧй учреждениеын Коми Республикаса пӧжарысь видзчысян службалӧн 22 №-а отрядса начальниклы, Кӧрткерӧс район.
{Kodko (комиӧдіс Kodko) @ Владимир Уйба юкӧ шог Владимир Вольфович Жириновскийлӧн кувсьӧм вӧсна @ новости @ https://rkomi.ru/news/1968 @ 2022-04-06 @}
Владимир Уйба юкӧ шог Владимир Вольфович Жириновскийлӧн кувсьӧм вӧсна
{Kodko (комиӧдіс Kodko) @ Промышленнӧй предприятиеяс водзӧ инвестируйтӧны Коми Республикаӧс социальнӧя да экономика боксянь сӧвмӧдӧмӧ @ новости @ https://rkomi.ru/news/1970 @ 2022-04-07 @}
Промышленнӧй предприятиеяс водзӧ инвестируйтӧны Коми Республикаӧс социальнӧя да экономика боксянь сӧвмӧдӧмӧ
Рытыввывсянь санкцияяс дырйи Коми Республикаын гырысь бизнесыс оз чинты регион сӧвмӧдӧм вылӧ инвестицияяслысь ыдждасӧ.
Косму тӧлысь 6 лунӧ Коми Республикаса Веськӧдлан котыр да «Монди Сыктывкарса ЛПК» нюжӧдісны ӧтув уджалӧм йылысь артмӧдчӧм.
2022 воын сійӧс сьӧмӧн могмӧдан мындаыс лоис миллиард джынйысь унджык шайт.
«Талун ми кырымалім зэв тӧдчана артмӧдчӧм.
Кырымалім сійӧс сьӧкыд геополитическӧй ситуация дырйи, — пасйис Владимир Уйба.
— Та вылӧ видзӧдтӧг, ми гӧгӧрвоам, пыдди пуктам да отсалам ставныслы, коді отсалӧ сӧвмӧдны йӧзкотырсӧ да кутӧ тӧд вылын йӧзлысь коланлунъяссӧ.
«Монди Сыктывкарса ЛПК» могмӧдӧ уджалан местаясӧн миян республикаысь нёль да джын сюрс олысьӧс, зіля пырӧдчӧ олан пунктъясса инфраструктура видзӧмӧ, вайӧ сьӧм республиканскӧй сьӧмкудйӧ, зіля участвуйтӧ йӧзлы тӧдчана проектъяс сьӧмӧн могмӧдӧмын.
Ми дугдывтӧг кутам сыкӧд йитӧдсӧ.
«Монди СЛПК-ӧн» сувтӧдӧм юалӧмъяссӧ дзик пыр юӧртӧны федеральнӧй штаблы, федеральнӧй Веськӧдлан котырлы, медым эз чин производство мындаыс либӧ эз сувт предприятиелӧн уджыс».
«Аттьӧала республикаса юрнуӧдысьясӧс отсалӧмысь.
Ӧтув ми вӧчам ставсӧ, мый планируйтім.
Талун кежлӧ медтӧдчанаыс — могмӧдны комбинатлысь дугдывтӧг уджалӧмсӧ, ӧд сыкӧд йитчӧма унджык йӧзыслӧн бур олӧмыс, — шуис Клаус Пеллер.
— Ми бура гӧгӧрвоам, мый и республикаын, и федеральнӧй тшупӧдын мунӧ ыджыд удж, медым отсавны могмӧдны производствонымӧс химикатъясӧн, ладмӧдны логистикасӧ да разьны мукӧд артмӧм мытшӧдсӧ.
Тайӧ миянлы зэв тӧдчана.
Кута лача, мый ми ог сӧмын видзӧй производство мындасӧ, но и кутам водзӧ сӧвмыны.
Миян уджын медтӧдчанаторйыс — тайӧ республикалы да сылӧн олысьяслы отсасьӧм.
Тайӧ абу сӧмын уна вося традиция, но и йӧз вӧсна кывкутӧм».
Артмӧдчӧмлӧн сьӧм мындаыс — 533,4 млн шайт.
Тайӧ сьӧмсӧ веськӧдасны татшӧм могъяс вылӧ:
• республикаса муниципальнӧй юкӧнъяслы отсӧг сетӧм, кӧні уджалӧ «Монди СЛПК» АК (Кулӧмдін, Кӧрткерӧс, Сыктывдін, Луздор, Сыктыв, Удора, Койгорт районъяс да Сыктывкарса Эжва район);
• Кулӧмдін районса Немдін сиктын врачебнӧй амбулатория да Дзоль сиктын фельдшер-акушер пункт стрӧитӧм;
• Кулӧмдін–Керчомъя автомашина туйсянь Кулӧмдін–Керчомъя–Дзоль автомашина туй видзӧм;
• Койгорт–Кузьёль–Воктым–Ком автомашина туй вылын Ыбань ю вомӧн пос стрӧитӧм;
• Удора районын Лун Чебъю ю вомӧн пос дзоньталӧм;
• Веселовка–Перым крайлӧн мудор участокын Сыктывкар–Кудымкар–Перым автомашина туй стрӧитӧм;
• республикалӧн коланлунъяс вылӧ лым весалан техника ньӧбӧм;
• «Новая генерация» футбольнӧй клублы отсалӧм;
• Коми Республикалӧн школаса лесничествояслысь уджсӧ котыртӧм;
• вӧр юкӧнса ветеранъяслы профилакторийӧ путёвкаяс ньӧбӧм да йӧзлы тӧдчана мукӧд мероприятие нуӧдӧм.
Владимир Уйба аттьӧаліс «Монди СЛПК» компанияӧс да сылысь медыджыд директор Клаус Пеллерӧс регионӧс социальнӧя да экономика боксянь сӧвмӧдӧмын участвуйтӧмысь да юӧртіс, мый Россия Федерацияса Веськӧдлан котыр да Коми Республикаса Веськӧдлан котыр ёна зільӧны, медым предприятиеыс ӧнія условиеяс дырйи зумыда уджаліс.
{Kodko (комиӧдіс Kodko) @ Сыктывкарын Стаханов улича вылын уна патераа керкалӧн дольщикъяслы гӧгӧрвоӧдісны, кыдзи найӧ вермӧны збыльмӧдны ассьыныс инӧдъяссӧ @ новости @ https://rkomi.ru/news/1971 @ 2022-04-07 @}
Сыктывкарын Стаханов улича вылын уна патераа керкалӧн дольщикъяслы гӧгӧрвоӧдісны, кыдзи найӧ вермӧны збыльмӧдны ассьыныс инӧдъяссӧ
Косму тӧлысь 6 лунӧ Коми Республикаса Юралысь Владимир Уйба, республикаса Веськӧдлан котырӧс, Сыктывкарса администрацияӧс, Гражданалысь — Коми Республика мутасын уна патераа керкаяс да (либӧ) вӧрзьӧдны позьтӧм мукӧд эмбур объектъяс пайӧн стрӧитӧмын участвуйтысьяслысь инӧдъяс доръян фондӧс, прокуратура органъясӧс петкӧдлысьяс нуӧдісны ыджыд аддзысьлӧм Сыктывкарын Стаханов улича вылын уна патераа керка пайӧн стрӧитӧмын участвуйтысьяскӧд.
Дольщикъяслы висьталісны налысь инӧдъяссӧ збыльмӧдны вермана 2 ног йылысь.
Сідзжӧ вочавидзисны да сетісны гӧгӧрвоӧдӧмъяс гражданалӧн юалӧмъяс вылӧ.
Стрӧитӧмсӧ кӧ эштӧдасны, объектсӧ пыртасны уджӧ 2023 во помысь оз водзджык.
Медводз сійӧс колӧ сетны республиканскӧй Фондлы, обследуйтны инструментъясӧн зданиесӧ, инженернӧй везъяслысь уджаланногсӧ, а сідзжӧ донъявны, бура-ӧ стрӧитӧма зданиесӧ да вӧчӧма монтажнӧй уджъяссӧ, тайӧ кывкӧртӧд подув вылын лӧсьӧдасны объект стрӧитӧмсӧ помалӧм вылӧ проектно-сметнӧй документация.
Обследуйтӧм бӧрын лоӧны гӧгӧрвоанаӧсь абу сӧмын стрӧитчӧмсӧ помалан кадколастъясыс, но и позьӧ-ӧ помавны стрӧитӧмсӧ.
Объектыс кӧ вермас вайны олысьяслӧн безопасносьтлы грӧз, сійӧс разясны.
Та бӧрын стрӧитчӧмсӧ заводитасны выль пӧв, дасьтасны выль проектно-сметнӧй документация, та вылӧ ковмас некымын во.
Таысь кындзи, мытшӧдъяса керкасӧ эз на сетны пайӧн стрӧитӧмын участвуйтысьяслысь инӧдъяс доръян регионса фондӧ.
Объектсӧ фондлы сетӧм йылысь ёрдлӧн актыс эз на вынсяв — «Вега» ИКК-са вӧвлӧм юрнуӧдысь сетіс арбитражнӧй ёрдӧ апелляция.
Кутасны кӧ мынтыны компенсацияяс, ковмас сӧмын 2 тӧлысь, медым вежны дольщикъяслысь инӧдъяс збыльмӧданног вежӧм йылысь федеральнӧй фондлысь помшуӧмсӧ, нӧшта 10 лун — мынтӧмсӧ босьтӧм вылӧ лунсянь, кор граждана сетісны федеральнӧй фондӧ колана документъяс.
Помӧдз стрӧитны объектсӧ либӧ босьтны сьӧм — дольщикъяс бӧръясны асьныс медуна гӧлӧс лыдӧн.
Республикаса Веськӧдлан котыр примитас гражданалысь кӧть кутшӧм кӧсйӧмсӧ.
* * *
Стаханов улича вылын уна патераа керкасӧ заводитісны стрӧитны 2016 вося рака тӧлысьӧ.
2019 вося ода-кора тӧлыссянь тайӧ объектсӧ дугдісны стрӧитны.
Стрӧитчысь «Вега» ИКК эз вермы помавны стрӧитчӧмсӧ, сы вӧсна мый арталіс керкалӧн квадратнӧй метрлысь донсӧ экономическӧя подулалӧм ыдждаысь этшаджык.
{Kodko (комиӧдіс Kodko) @ Коми Республикаын нуӧдасны «УчимЗнаем» Россияса госпитальнӧй школаяслӧн федеральнӧй проектса выезднӧй стажировочнӧй сессия @ новости @ https://rkomi.ru/news/1972 @ 2022-04-07 @}
Коми Республикаын нуӧдасны «УчимЗнаем» Россияса госпитальнӧй школаяслӧн федеральнӧй проектса выезднӧй стажировочнӧй сессия
Республикаса Юралысь Владимир Уйба да федеральнӧй проектӧн юрнуӧдысь, профессор Сергей Шариков удж серти аддзысьлігӧн сёрнитісны регионса медицина учреждениеясын госпитальнӧй педагогика сӧвмӧдӧм йылысь.
«УчимЗнаем» проектлӧн мог — челядьлы больничаясын тырвыйӧ школаяс лӧсьӧдӧм, кӧні ичӧт пациентъяс вермасны велӧдчыны, медым найӧ эз кольччыны тшӧтшъяясысь.
Ми уджалам ӧтув Челядьлы республиканскӧй клиническӧй больнича подув вылын проектнӧй офискӧд. Мукӧд медицина стационаркӧд тшӧтш колӧ уджавны.
Миянлы тӧдчана, медым больничаясын челядьӧс эз сӧмын лючки бурдӧдны, но и быд боксянь сӧвмӧдісны, медым налӧн вӧлі позянлун восьтыны ассьыныс енбисӧ.
Тайӧ зэв колана удж.
abu
Колӧ отсавны челядьлы сьӧкыдлунъяс дырйи», — шуис Владимир Уйба.
Регионса Юралысь пасйис, мый Коми Республикаын колӧ торйӧн уджавны медицина учреждениеясын дыр куйлысь челядьӧс велӧдан юалӧмъяс серти.
Колӧ ӧтувтны школасӧ семьякӧд да госпитальнӧй велӧдан учреждениекӧд, вӧчны госпитальнӧй школасӧ федеральнӧй канму велӧдан стандартъяслӧн корӧмъяслы лӧсяланаӧн, отсавны челядьлы, медым дыр бурдӧдчӧм бӧрын найӧ велалісны школа дорӧ.
Сідзжӧ колӧ отсавны енбиа челядьлы, сӧвмӧдны велӧдан да быдтан-сӧвмӧдан юкӧнын социальнӧй уджъёртасьӧм.
Та йылысь сёрнитасны «УчимЗнаем» проектнӧй офислӧн уджсикас серти выезднӧй сессия дырйи. Сійӧ мунас 2022 вося косму тӧлысь 7 да 8 лунъясӧ Велӧдӧм сӧвмӧдан Коми республиканскӧй институт подув вылын.
Мукӧд регионысь педагогъяс юксясны бур практикаясӧн.
Лекцияӧн сёрнитас и «УчимЗнаем» Россияса госпитальнӧй школаяслӧн проектӧн юрнуӧдысь, Россия Федерацияса ӧтув велӧдӧмын почёта уджалысь, велӧдан юкӧнын Москва карса премияа лауреат Сергей Шариков.
Комиын «УчимЗнаем» проектнӧй офискӧд уджалӧны 2018 восянь.
Челядьлы республиканскӧй клиническӧй больнича подув вылын восьтӧма «УчимЗнаем — Республика Коми» регионса инновационнӧй площадка, кӧні котыртӧма ӧнія оборудование отсӧгӧн велӧдӧм да внеурочнӧй удж.
abu
Велӧдан уджтасӧ пыртӧма группаӧн да ӧтка занятиеяс.
Велӧдысьяс ышӧдӧны челядьӧс тӧдмавны выльтор, социализируйтӧны, сӧвмӧдӧны творчество боксянь.
Куим да джын воӧн тайӧ уджтас серти велӧдчисны Коми Республикаса сюрс сайӧ ныв-зон.
«Миян мог — лӧсьӧдны бур условиеяс абу сӧмын бурдӧдчысь челядьлы, но и налӧн семьяяслы.
Ми огӧ сӧмын нуӧдӧй занятиеяс, но и быд лун вӧчам сідзи, медым кагалӧн кокниа колис кадыс, медым кагаыс вунӧдіс, мый сійӧ больничаын.
Ми нимкодьпырысь висьталам Коми Республикаын 3 во сайын вӧчӧм площадка йылысь.
Сы вылӧ видзӧдтӧг, мый миян педагогъяс зэв бура дасьтысьӧмаӧсь да налӧн ыджыд опыт, ми унаӧ велӧдчам тіян педагогъяслысь.
Федеральнӧй методика вӧзйӧмъяс лӧсьӧдігӧн ми босьтім тӧд вылӧ тшӧтш и Коми Республикаса педагогъяслысь опыт.
Ми уджалам ог сӧмын школьникъяскӧд, но и посни челядькӧд, тайӧ нырвизьын тіян опыт — медводдзаясысь ӧти.
Ми пыдди пуктам Коми Республикаын «УчимЗнаем» проектса командаӧс, ӧд сэні кыпыд лола да уджнысӧ радейтысь йӧз», — донъяліс республикаын проектнӧй офислысь уджсӧ Сергей Шариков.
Профессор пасйис, мый «УчимЗнаем» проектлӧн мог, медым челядь кокниа мунісны школаӧ дыр висьӧм бӧрын.
Та вӧсна семинар вылӧ корӧмаӧсь абу сӧмын педагогъясӧс, кодъяс уджалӧны стационаръясын, но и найӧс, кодъяс уджалӧны школаясын.
Таысь кындзи, восьтӧма бать-мамлысь тӧдӧмлунъяс бурмӧдан уджтасъяс.
Тшӧкыда мамъяс, кодъяс дыр олӧны кагакӧд стационарын, воштӧны уджсикасын кужанлунсӧ.
Налы педагогика университетъяс подув вылын восьтӧма дон босьттӧг велӧдан уджтасъяс. Велӧдчӧм бӧрын сетӧны «висьысь кагалӧн тьютор» квалификация.
Асланыс кагалы отсӧг сетӧм кындзи бать-мам вермасны аддзыны удж выль специальносьт серти, нажӧвитны содтӧд сьӧм.
Бӧръя кык воӧн татшӧм уджсикасӧ велӧдчисны Коми Республикаысь 15 бать-мам.
Госпитальнӧй школалысь россияса модельсӧ, кутшӧмӧс збыльмӧдӧма «УчимЗнаем» проектӧн, шуӧма аймуын челядьӧс, кодъяс дыр бурдӧдчӧны, велӧдӧм да социальнӧя реабилитируйтӧм серти медбур практикаӧн.
2015 восянь «УчимЗнаем» проект лоис федеральнӧйӧн: быд во Россия Федерацияса субъектъяслӧн гырысь стационаръясын воссьӧны проектлӧн площадкаяс.
* * *
«УчимЗнаем» Россияса госпитальнӧй школаяслысь проектсӧ збыльмӧдӧны Россияын 2014 восянь Россия Федерацияса Президент В. В. Путинлӧн тшӧктӧм серти.
Сійӧс веськӧдӧма челядьлы, кодъяс дыр бурдӧдчӧны гырысь медицина стационаръясын, комплекснӧй велӧдан да реабилитируйтан гӧгӧртас лӧсьӧдӧм вылӧ.
Сылӧн подув пуктысьяс:
• Россия Федерацияса ӧтув велӧдӧмын почёта уджалысь, профессор, Россияса велӧдан академиялӧн Велӧдан философия да теоретическӧй педагогика юкӧн бердын челядьӧс быдтан-сӧвмӧдан юалӧмъяс серти наука сӧветӧ пырысь Сергей Витальевич Шариков;
• Россия Федерацияса нимӧдана велӧдысь, педагогика наукаса доктор, Россияса велӧдан академияын академик Евгений Александрович Ямбург;
• Россияса дзоньвидзалун видзан министерстволӧн «Дмитрий Рогачев нима челядьлысь гематология, онкология да иммунология туялан национальнӧй медицина шӧрин» федеральнӧй канму сьӧмкуд учреждениелы подув пуктысь, Россияса наукаяс академияын академик, медицина наукаса доктор, профессор Александр Григорьевич Румянцев.
{Kodko (комиӧдіс Kodko) @ Сыктывкарын йӧзӧдісны «Святыни земли Коми» небӧг @ новости @ https://rkomi.ru/news/1975 @ 2022-04-07 @}
Сыктывкарын йӧзӧдісны «<rus>Святыни земли Коми</rus>» небӧг
Небӧгсӧ презентуйтісны косму тӧлысь 7 лунӧ Коми Республикаса национальнӧй библиотекаын. Сэтчӧ воліс регионса Юралысь Владимир Уйба.
«Тайӧ небӧгыс отсалас видзны миян вичкояс, манастыръяс, часовняяс, вежа ӧшмӧсъяс, ӧбразъяс, кипомысь гижӧм да важся небӧгъяс йылысь история, культура, ас му туялӧм боксянь юӧр да тӧдмӧдны наӧн челядьӧс.
«<rus>Святыни земли Коми</rus>» петас велӧдӧ национальнӧй оласногӧ, мый лоӧ миян уна войтыра странаын да республикаын ӧтсӧгласӧн олӧмлы подулӧн.
Тӧдчана, мый тайӧ небӧгӧн ми тӧдмӧдам буретш талун: медтӧдчана православнӧй праздникъяс пиысь ӧтиӧ — Вежа Ен Мамлӧн Благовещенньӧ лунӧ», — шуис Владимир Уйба.
2022 восӧ Россияса Президент Владимир Путин шуис Россияса войтырлӧн культура озырлунлы сиӧм воӧн.
«<rus>Святыни земли Коми</rus>» небӧгын гижӧма традицияяс, история да культура памятникъяс, регионын старообрядчестволӧн история, Коми вежаяслӧн Собор йылысь.
Петассӧ йӧзӧдӧма вежа Перымса Степанлӧн кувсьӧмсянь 625 во тыран да Коми Республикалы 100 во тыран воӧ.
Тайӧ медводдза история да ас му туялан петас, кӧні висьталӧма муниципалитетъясса да Роч Православнӧй вичколӧн Москваса Патриархатлӧн Сыктывкарса да Воркутаса епархияяслӧн вичко кытшъясын вежаторъяс йылысь.
Тані чукӧртӧма медбур Коми вичко архитектуралысь фотояс, тшӧтш и налысь, кутшӧмъясӧс колӧ на дзоньтавны.
«Ми петкӧдлім и киссьӧм вичкояс, ӧд тайӧ миян история.
Миян регион — Россияын дзик ӧти, кӧні Енлы эскӧмлы паныд режимӧ жугӧдісны ставсӧ.
1939–1944 воясӧ тані эз вӧв весиг ӧти храм», — пасйис презентация дырйи Роч Православнӧй вичколӧн Москваса Патриархатлӧн Сыктывкарса епархияын Архимандрит, Епархияса Сӧветын секретар, епархияса пресс-службаӧн юрнуӧдысь Отеч Филипп.
Небӧгсӧ презентуйтігӧн вӧліны авторъяслӧн коллективысь и мукӧд эксперт — республикаса наука котырӧс, культура учреждениеясӧс петкӧдлысьяс.
Найӧ сідзжӧ юксисны небӧг вылын уджалӧм йылысь мӧвпъясӧн.
«Куим-нёль тӧлысь чӧжӧн духовенство, прихожана, миряна ӧтвылысь дасьтісны материал, кодӧс ті ӧні верманныд босьтны кианыд да тӧдмавны мыйкӧ выльтор миян дона республикалӧн тӧрытъя да талунъя олӧмысь.
Кӧсъя аттьӧавны Владимир Викторович Уйбаӧс, коді зэв зіля пырӧдчис миян войтырлӧн быдлунъя олӧмӧ да культураӧ да сетіс татшӧм вӧзйӧм.
Кӧсъя аттьӧавны и миян епархияӧн юрнуӧдысьӧс, епископ Питиримӧс, коді ошкис республикаса Юралысьлысь проектсӧ да ёна отсаліс небӧг гижӧмын», — пасйис редакционнӧй сӧветӧ пырысь, Воркутаса музейно-выставочнӧй шӧринса шӧр тшупӧда наука туялысь Фёдор Колпаков.
{Kodko (комиӧдіс Kodko) @ Игорь Труфановӧс индӧма Коми Республикаса бӧрйысян комиссияӧ вына гӧлӧс инӧда пырысьӧн @ новости @ https://rkomi.ru/news/1976 @ 2022-04-08 @}
Игорь Труфановӧс индӧма Коми Республикаса бӧрйысян комиссияӧ вына гӧлӧс инӧда пырысьӧн
Та йылысь Индӧдсӧ кырымаліс Коми Республикаса Юралысь Владимир Уйба.
Таӧдз Коми Республикаса бӧрйысян комиссияӧ вына гӧлӧс инӧда пырысьлӧн могъясысь кадысь водз мездісны Анастасия Голубыхӧс.
Коми Республикаса Юралысьлӧн 2022 во косму тӧлысь 8 лунся 40 №-а Индӧд
«Россия Федерацияса гражданалӧн бӧрйысян инӧдъяслӧн да референдумын участвуйтӧм вылӧ инӧдлӧн медшӧр гарантияяс йылысь» Федеральнӧй оланпаслӧн 22, 23 статьяяс, «Коми Республикаын бӧрйысьӧмъяс да референдумъяс йылысь» Коми Республикаса Оланпаслӧн 19 статья серти индыны Коми Республикаса бӧрйысян комиссияӧ вына гӧлӧс инӧда пырысьӧн Игорь Викторович Труфановӧс, Коми Республикаса Каналан Сӧветлӧн Аппаратӧн Юрнуӧдысьӧс медводдза вежысьӧс, — «Сыктывкар» кар кытшлӧн муниципальнӧй юкӧнса Сӧветлӧн вӧзйӧм серти.
{Kodko (комиӧдіс Kodko) @ Сыктывдін районса Выльгорт сиктын нуӧдісны Юрий Широковлӧн призъяс вылӧ вӧльнӧй борьбаысь ставроссияса вермасьӧмъяс @ новости @ https://rkomi.ru/news/1980 @ 2022-04-08 @}
Сыктывдін районса Выльгорт сиктын нуӧдісны Юрий Широковлӧн призъяс вылӧ вӧльнӧй борьбаысь ставроссияса вермасьӧмъяс
Участвуйтысьясӧс чолӧмаліс Коми Республикаса Юралысь Владимир Уйба.
Турнирса почёта гӧсьтӧн лоис вӧльнӧй стильӧн россияса вермасьыс, олимпийскӧй чемпион, Мирса, Европаса да Россияса чемпион Хаджимурад Магомедов.
Коми Республикаса спортивнӧй борьба серти федерацияса I вице-президент Юрий Иванович Широковлӧн призъяс вылӧ 16 арӧсӧдз ныв-зонъяс пӧвстын вӧльнӧй борьбаысь ставроссияса вермасьӧмъяссӧ нуӧдісны «ОШПИ» спорт шӧринын.
Сэтчӧ чукӧртчисны Калининград, Ленинград, Воронеж, Москва, Тула обласьтъясысь, Тыва, Чувашия, Марий Эл, Татарстан, Карелия, Коми, Удмурт республикаясысь, Войвыв Осетия-Аланияысь, а сідзжӧ Кировысь, Москваысь да Санкт-Петербургысь 150 медвына спортсмен.
«Дерт, сійӧ, мый олимпийскӧй чемпион Хаджимурад Магомедов тані, тіянлы — тайӧ ичӧт Олимпиада.
Талун чукӧртчисны медбуръяс — регионъясса вермасьӧмъясын вермысьяс.
Ті петкӧдланныд, мый верманныд, медводз аслыныд, асланыд тренеръяслы, рӧдвужлы, болельщикъяслы.
Сиа тіянлы талунъя вермасьӧмын лоны авъяӧн, зільӧн, да мед вермас медся вынаыс!» — туйдіс республикаса Юралысь.
Республикаса вермасьысьяслы ёна отсалӧмысь Владимир Уйба сетіс Хаджимурад Магомедовлы Коми Республикаса Юралысьлысь награднӧй плакетка.
Нималана спортсмен котыртӧ Дагестанын да Войвыв Осетия-Аланияын Коми сборнӧйӧс петкӧдлысьяслы тренируйтчан мероприятиеяс, отсалӧ регионса медбур спортсменъяслы экипировкаӧн могмӧдӧмын.
«Талун Коми Республикаын збыльысь гаж. Сійӧс сиӧма спортлы, борьбалы.
Кӧсъя аттьӧавны мероприятие котыртысьясӧс, быдӧнӧс, коді радейтӧ спорт да олӧ сійӧн.
Тайӧ том йӧз вылӧ видзӧдігӧн казьтыштан асьтӧ, кор тэ тшӧтш сӧмын на пырӧдчин спортӧ.
Сиа тіянлы вермӧмъяс.
Медым тайӧ турнирыс вайӧдас тіянӧс ыджыд спортӧдз», — сиис олимпийскӧй чемпион Хаджимурад Магомедов.
{Kodko (комиӧдіс Kodko) @ Коми Республикаса юркарын нуӧдасны юниоръяс да юниоркаяс пӧвстын сьӧкыд атлетикаысь Россияса первенство @ новости @ https://rkomi.ru/news/1987 @ 2022-04-12 @}
Коми Республикаса юркарын нуӧдасны юниоръяс да юниоркаяс пӧвстын сьӧкыд атлетикаысь Россияса первенство
Талун, косму тӧлысь 12 лунӧ, Москваын удж серти аддзысьлігӧн Коми Республикаса Юралысь Владимир Уйба да Россияса сьӧкыд атлетка серти федерацияса президент Максим Агапитов сёрнитісны вермасьӧмъяссӧ котыртӧм да нуӧдӧм йылысь.
Россияса сьӧкыд атлетика серти федерацияса президент висьталіс республикаса Юралысьлы странаын сьӧкыд атлетка сӧвмӧдӧм, россияса спортсменъяслӧн вермӧмъяс йылысь, а сідзжӧ казьтыштіс войтыркостса йитӧдъяс да мирса спортын серпас йылысь.
Медшӧр темаӧн лоис Россияса сьӧкыд атлетка серти федерациялӧн да Коми Республикаса Веськӧдлан котырлӧн сьӧкыд атлетка регионын сӧвмӧдӧм серти ӧтувъя удж.
2022 вося ода-кора тӧлысь 30 лунсянь лӧддза-номъя тӧлысь 6 лунӧдз Сыктывкарын нуӧдасны юниоръяс да юниоркаяс пӧвстын Россияса первенство.
«Миян водзын сулалӧ мог — паськӧдны йӧз пӧвстын спорт, торйӧн кӧ, сьӧкыд атлетка.
Коми Республикаын радейтӧны спорт.
Россияса сьӧкыд атлетикалӧн историяыс петкӧдлӧ, мый тайӧ регионӧн позьӧ гӧрдитчыны, — пасйис Максим Агапитов.
— Тіян регионын лӧсьӧдӧма бур подув.
Эмӧсь позянлунъяс сӧвмыны водзӧ.
Тіян спортсменъяслӧн россияса да войтыркостса тшупӧдъясын шедӧдӧмторъясыс сетӧны позянлун сёрнитны абу сӧмын аскиа лун, но и талунъя збыль вермӧмъяс йылысь.
Сыктывкарын Россияса первенство лоас кыпыдӧн.
Турнир котыртӧмыс отсалас водзӧ паськӧдны йӧз пӧвстын сьӧкыд атлетика.
Коланлун да позянлун вылӧ видзӧдӧмӧн ми кутам паськӧдны тайӧ спорт сикассӧ Коми Республикаын».
Коми Республикаса Юралысь да федерацияса президент видлалісны котыртан юалӧмъяс, юксисны ӧта-мӧдкӧд допинг-скандалъяс да россияса спортсменъяс дорӧ кыкнога стандартъяс йылысь видзӧдласъясӧн.
«Аттьӧ Максим Октябриновичлы аддзысьлӧмысь.
Сійӧ збыльысь радейтӧ сьӧкыд атлетика.
Зэв бур, кор мортыс оз прӧста уджав, а служитӧ аслас уджлы.
Тайӧ ышӧдӧ матігӧгӧрсаясӧс.
Регионӧн юрнуӧдтӧдз ме веськӧдлі федеральнӧй агентствоӧн — 2009 восянь нуӧді медицина да биология боксянь вылыс тшупӧда спорт.
Та вӧсна ме гӧгӧрвоа, мый йылысь висьталӧ Максим Октябринович.
Россияын миян медшӧр могӧн вӧлі сэки да коли ӧні — ылӧдчытӧм спорт.
Миян спортсменъяслы оз позь вӧдитчыны допингӧн», — шуис республикаса Юралысь аддзысьлӧм бӧрын.
Владимир Уйба пасйис, мый россияса тшупӧда ордйысьӧмъяс нуӧдӧмыс регионлы зэв пыдди пуктанатор: «Миянлы тайӧ воыс чемпионскӧй.
Нуӧдам ӧти бӧрся мӧд чемпионат: лызьӧн котралӧмысь, роч хоккейысь.
Водзӧ вылыс тшупӧда ордйысьӧм — сьӧкыд атлетикаысь Россияса первенство.
Тайӧ зэв бур.
И збыль, миян республиканым зэв спортивнӧй.
Миян зэв бур болельщикъяс, кодъяс шемӧсмӧдӧны гӧсьтъясӧс асланыс вын-эбӧсӧн да кыпыд ловруӧн.
Дерт, и сьӧкыд атлетикаысь Россияса первенство дырйи найӧ юксясны энергияӧн миянкӧд да атлетъяскӧд.
abu
Сьӧкыд атлетика — зэв мича спорт сикас, сійӧс колӧ паськӧдны йӧз пӧвстын.
Спортсменъяслӧн тӧдчана мог — лоны том йӧз пӧвстын лидеръясӧн.
Петкӧдлыны ассьыныс шедӧдӧмторъяс, висьтавны асланыс вермӧмъяс йылысь, медым томулов зілисны пырӧдчыны спортӧ».
Аски Россияса сьӧкыд атлетка серти федерацияса президент Максим Агапитов локтас Сыктывкарӧ, кӧні аддзысьлас регионса сьӧкыд атлетка серти федерацияӧн, вынйӧр сӧвмӧдан да спорт министерствоӧн юрнуӧдысьяскӧд, места вылын сёрнитас Россияса первенство нуӧдӧм кежлӧ дасьтысьӧм йылысь.
{Kodko (комиӧдіс Kodko) @ Комиын да Ненеч асвеськӧдлан кытшын збыльмӧдасны россияса Арктикаын медтӧдчана инфраструктурнӧй Мегапроект @ новости @ https://rkomi.ru/news/1988 @ 2022-04-12 @}
Комиын да Ненеч асвеськӧдлан кытшын збыльмӧдасны россияса Арктикаын медтӧдчана инфраструктурнӧй Мегапроект
2022 вося косму тӧлысь 12 лунӧ Россияса промышленникъяслӧн да асшӧр уджалысьяслӧн союз дорын кырымалісны Коми Республикаын да Ненеч асвеськӧдлан кытшын «Национальнӧй горнопромышленнӧй кластер лӧсьӧдӧм Россия Федерацияса Арктика зонаын Индига саридзса джуджыд порт да Сосногорск-Индига кӧрт туй магистраль стрӧитӧмӧн» интегрируйтӧм инфраструктурнӧй Мегапроект збыльмӧдӧм йылысь артмӧдчӧм.
Мероприятиесӧ заводитіс Россияса промышленникъяслӧн да асшӧр уджалысьяслӧн союзса Президент Александр Шохин, Артмӧдчӧмсӧ кырымалісны Коми Республикаса Юралысь Владимир Уйба, Ненеч асвеськӧдлан кытшса губернатор Юрий Бездудный, «РУСТИТАН» компанияяслӧн группаса Президент Анатолий Ткачук, «Аеон» инфраструктурнӧй корпорацияса директоръяслӧн сӧветӧн веськӧдлысь Роман Троценко да «ИнфраВЭБ» компанияса медыджыд директор Денис Ноздрачев.
Мегапроектсӧ вӧзйис лӧсьӧдны «РУСТИТАН» КГ-ӧн да «Аеон» ИК ӧн артмӧдӧм Консорциум. Сылӧн уджыс веськӧдӧма 2035 воӧдз Россия Федерацияса Арктика зона сӧвмӧдан да национальнӧй безопасносьт могмӧдан стратегиялысь медшӧр нырвизьяссӧ збыльмӧдӧм вылӧ, мый вынсьӧдӧма Президентлӧн 2020 во йирым тӧлысь 26 лунся 645 №-а индӧдӧн.
Артмӧдчӧм серти лӧсьӧдасны транспорт, энергетика да телекоммуникация инфраструктура, медым Коми Республикаын да Ненеч асвеськӧдлан кытшын мӧдпӧлавны минерально-сырьевӧй база, туявны мупытшса озырлунъяслысь куйлӧдъяссӧ да сӧвмӧдны горноруднӧй проектъяс, а сідзжӧ Индига саридзса джуджыд порт пыр вӧчны кӧрт туйяс Войвыв саридзса туй дорӧ Россия Федерацияса транспорт система сӧвмӧдӧм могысь.
Национальнӧй горнопромышленнӧй кластерсӧ лӧсьӧдӧ «РУСТИТАН» КГ титанлӧн мирын медтӧдчана Пижмаса куйлӧд подув вылын. Сы серти кӧсйӧны лэдзны пористӧй рутиллысь, цирконлысь, кӧрт оксидлысь, игольчатӧй волластонитлысь, донӧдӧм кварцевӧй лыаяслысь, стекольнӧй лыаяслысь, титанлӧн диоксидлысь, а сідзжӧ 3D печатьлӧн аддитивнӧй технологияяс вылӧ титанӧвӧй порошоклысь вылыс качествоа концентратъяс.
Найӧ колӧны аэрокосмическӧй, суднояс стрӧитан, автомашинаяс стрӧитан, мусир да биару, лакокрасочнӧй да химическӧй промышленносьт юкӧнын ньӧбысьяслы да производительяслы.
2020 вося вӧльгым тӧлысьӧ геология туялӧмъяс нуӧдӧм бӧрын Пижмаса куйлӧдысь титанӧвӧй рудаяслысь да стеклӧ лыаяслысь видзасъяссӧ дорйӧма Мупытшса озырлунлӧн видзасъяс серти канму комиссияын, а 2021 вося урасьӧм тӧлысьын Коми Республикалы 100 во тыригкежлӧ мупытшса озырлунӧн вӧдитчӧм серти Федеральнӧй агентство юӧртіс титанлысь Пижмаса куйлӧд восьтӧм йылысь.
Индига саридзса кынмывлытӧм джуджыд портсӧ лӧсьӧдӧ «Аеон» инфраструктурнӧй корпорация.
Проект серти нуӧдӧма инженернӧй туялӧмъяс, дасьтӧма проектводзвывса документация.
Медводдза кадӧ сэті кутасны новлӧдлыны 8 миллион тоннаӧдз груз, а 2030 во кежлӧ 80 миллионысь унджык тонна груз вонас.
Сосногорск-Индига кӧрт туйсӧ вӧчӧ Консорциум, коді дасьтіс проектводзвывса документация, лӧсьӧдіс туйлысь трасса, арталіс сылысь кузьтасӧ, ваті вуджанінъяссӧ, технико-экономическӧй петкӧдласъяссӧ.
Пижмаса куйлӧдсӧ туялӧны да Индига саридзса портсӧ Сосногорск-Индига кӧрт туй магистральӧн лӧсьӧдӧны 2035 воӧдз Коми Республикаӧс социальнӧй да экономика боксянь сӧвмӧдан стратегия, 2030 воӧдз Ненеч асвеськӧдлан кытш сӧвмӧдан стратегия, а сідзжӧ 2035 воӧдз период вылӧ Россия Федерацияса Арктика зона сӧвмӧдан да национальнӧй безопасносьт могмӧдан стратегия серти.
«Национальнӧй горнопромышленнӧй кластерлӧн мог — Коми Республикаӧс социальнӧя да экономика боксянь сӧвмӧдӧм, регионӧ унджык инвестиция кыскӧм. Сійӧ отсалас сӧвмӧдны уджалан вынйӧръяссӧ да лӧсьӧдны бур уджалан местаяс.
Регионса Веськӧдлан котыр быд боксянь отсалӧ РУСТИТАН холдинглы да АЕОН корпорациялы Россияса Арктика зона сӧвмӧдӧм серти.
Талун тайӧ миян страналы зэв колана!», — гӧгӧрвоӧдіс Коми Республикаса Юралысь Владимир Уйба.
* * *
«РУСТИТАН» КГ — россияса горнопромышленнӧй холдинг, кутшӧмӧс котыртӧма чужан мулысь промышленносьт титанысь да кварцысь вылыс переделъяса вузӧсӧн могмӧдӧм вылӧ минерально-сырьевӧй база сӧвмӧдӧм да перйӧм могысь.
«Аеон» ИК — веськыд инвестицияясса аспом фондлӧн да веськӧдлысь компаниялӧн, мый специализируйтчӧ гырысь индустриальнӧй активъясӧн кризислы паныд веськӧдлӧм вылӧ, дзик ӧти ӧтувтчӧм.
Корпорация инвестируйтӧ предприятиеясӧ, кӧні колӧ вужвыйӧн вежны веськӧдланногсӧ либӧ кыскыны содтӧд сьӧм уджсӧ паськӧдӧм могысь.
Титанлӧн Пижмаса куйлӧд меститчӧ Коми Республикаса Чилимдін районын, лоӧ медыджыдӧн Россияын да мирын титанлӧн да кварцлӧн видзасъяс серти.
Фотоыс Диана Кармановалӧн
{Kodko (комиӧдіс Kodko) @ Владимир Уйба: «Ӧтйӧза сӧветъяс отсалӧны власьтлы разьны гражданалысь мытшӧдъяссӧ» @ новости @ https://rkomi.ru/news/1994 @ 2022-04-14 @}
Владимир Уйба: «Ӧтйӧза сӧветъяс отсалӧны власьтлы разьны гражданалысь мытшӧдъяссӧ»
Коми Республикаса Юралысь участвуйтіс муниципальнӧй ӧтйӧза сӧветъясӧн веськӧдлысьяслӧн да меставывса асвеськӧдлан органъясӧс петкӧдлысьяслӧн семинар-сӧвещаниеын.
Сійӧ вӧлі косму тӧлысь 14 лунӧ Канму службаӧ да веськӧдлыны велӧдан Коми республиканскӧй академияын регионса Ӧтйӧза палата отсӧгӧн.
«Республикаса Ӧтйӧза палата да муниципальнӧй ӧтйӧза сӧветъяс пуктӧны ыджыд пай миян гражданалысь олӧмсӧ бурмӧдӧмӧ.
Водзмӧстчысьяс ӧтув уджалӧны власьткӧд да отсалӧны сылы, сы вӧсна мый найӧ аддзӧны йӧзсӧ майшӧдлысь мытшӧдъяссӧ.
Колӧ тӧдны оз сӧмын олысьяслӧн коланлунъяс йылысь, но и гӧгӧрвоны, кыдзи позьӧ налы отсавны.
Сёрниыс мунӧ и канмусянь отсӧг, и ӧнія оланпастэчас тӧдӧм йылысь.
Власьт да йӧз костын ӧтсӧгласа уджыс петкӧдлас, кутшӧм ӧдйӧ позьӧ разьны сійӧ либӧ мӧд мытшӧдсӧ.
И муниципальнӧй власьтъяслы, и ӧтйӧза сӧветъяслы колӧ уджавны топыда йитчӧмӧн, кывны быд мортӧс да дзик пыр отсавны пикӧ воӧмаяслы», — тӧдчӧдіс республикаса Юралысь.
Семинар дырйи ӧтйӧза сӧветъясӧс да меставывса асвеськӧдлан органъясӧс петкӧдлысьяс сёрнитісны олысьяслысь юалӧмъяссӧ колана ногӧн решитӧм йылысь, тӧдмалісны меставывса асвеськӧдлан системаын да оланпастэчасын выльторъяс йылысь, тӧдмасисны ӧтйӧза сӧветъяслӧн медбур уджъясӧн.
Ӧтйӧза сӧветъяссӧ котыртӧма Коми Республикаса став 20 муниципалитетас.
На пиысь 14-ас пырӧны вермытӧмъяслӧн делӧяс серти муниципалитетъясса юралысьяслӧн сӧветникъяс.
12 ӧтйӧза сӧветӧ пырӧны Коми Республикаса Юралысьлӧн ӧтйӧза примитанінъясӧн юрнуӧдысьяс.
Коми Республикаса муниципалитетъяслӧн ӧтйӧза сӧветъяслысь уджсӧ эз ӧтчыдысь нин тӧдчӧдлы федеральнӧй тшупӧдын Россия Федерацияса ӧтйӧза палата.
{Kodko (комиӧдіс Kodko) @ Сыктывкарын наградитісны «Зарни Меркурий» ставроссияса конкурслӧн регионса этапын вермысьясӧс @ новости @ https://rkomi.ru/news/1995 @ 2022-04-14 @}
Сыктывкарын наградитісны «Зарни Меркурий» ставроссияса конкурслӧн регионса этапын вермысьясӧс
Талун, косму тӧлысь 14 лунӧ, Коми Республикаса вузасян-промышленнӧй палатаын вӧчисны «Зарни Меркурий» асшӧр удж юкӧнын национальнӧй премия конкурслӧн регионса этаплысь кывкӧртӧдъяс.
Кыпыд церемонияӧ пырӧдчис Коми Республикаса Юралысь Владимир Уйба.
«Медводз, Коми Республикаса Веськӧдлан котырсянь да ас нимсянь кӧсъя чолӧмавны Юрий Александрович Колмаковӧс да Коми Республикаса вузасян-промышленнӧй палатаын уджалысьясӧс палаталы 28 во тырӧмӧн.
Тайӧ воясӧн ті чӧжинныд уна опыт, ті бурмӧданныд регионын делӧвӧй климат.
Ӧні абу кокни, ми медводдзаысь уджалам татшӧм чорыд санкцияяс дырйи.
Медводз сьӧкыдлунъясыс инмисны бизнеслы.
Кӧсъя пасйыны, мый и Россия Федерацияса Веськӧдлан котыр, и Коми Республикаса Веськӧдлан котыр уджалӧны лун и вой, медым отсавны тіянлы.
Миян тайӧ медшӧр мог», — пасйис Владимир Уйба.
Республикаса Юралысь чолӧмаліс конкурсын вермысьясӧс да сетіс «Коми Республикалы 100 во» юбилейнӧй медаль «Мича» дзоридз салон» ичӧт кывкутана котырса директор Лариса Сергеевалы, «Глобус» войтыркостса уджтасъяслӧн шӧрин» ичӧт кывкутана котырса директор Любовь Худяевалы, «Астромед» бурдӧдан да консультация сетан поликлиника» ичӧт кывкутана котырса олӧмӧ пӧртысь директорлы.
Владимир Уйба сетіс наградаяс конкурсын вермысь муниципалитетъясӧн юрнуӧдысьяслы.
Асшӧр удж сӧвмӧдӧм вылӧ бур условиеа медбур муниципальнӧй районӧн лоис Удора район, медбур кар кытшӧн — Сыктывкар.
Сідзжӧ наградаяссӧ сетісны промышленнӧй производство, инновация удж, агропромышленнӧй комплекс, стрӧитчан, ньӧбасьысьяслы прӧдукция, услугаяс вӧчан юкӧнын «Россияӧс экономика боксянь кыпӧдӧм», «Медбур ичӧт предприятие» номинацияясын вермысьяслы.
«Промышленнӧй производство юкӧнын медбур предприятие-экспортёр», «РФ-са вузасян-промышленнӧй палатаса Президентлӧн патронат улын 100 семейнӧй компания», «Коми Республикаса медбур семейнӧй предприятие», «Россияса йӧзкостса мичаторъяс вӧчӧмсӧ видзӧмӧ да сӧвмӧдӧмӧ пайысь», а сідзжӧ «Феникс» номинацияын.
* * *
Регионса этапсӧ котыртіс Коми Республикаса вузасян-промышленнӧй палата.
«Зарни Меркурий» конкурсыс нуӧдсьӧ быд во, пырӧдчӧмысь мынтысьны оз ков.
Сылӧн мог — отсавны сӧвмӧдны Россияын асшӧр удж.
Сійӧ сетӧ позянлун асшӧр уджалысьяслы петкӧдлыны продукциялысь да услугаяслысь медбур образецъяс, аймуса медбур бизнес-модельяс, а сідзжӧ паськыда тӧдмӧдӧ бизнеслӧн йӧз водзын кывкутӧмӧн, россияса предпринимательстволысь традицияяс вынсьӧдӧмӧн.
Конкурсӧ пырӧдчисны ичӧт предприятиеяс, кӧні уджалӧ 100-ысь этшаджык морт, семейнӧй бизнесын уджалысьяс, предприятие-экспортёръяс, кодъясӧс пасйӧма да кодъяс уджалӧны Коми Республикаын.
Регионса этапын вермысьяс лоӧны федеральнӧй тшупӧдын премия шедӧдысьясӧн.
{Kodko (комиӧдіс Kodko) @ Владимир Уйба видзӧдліс, кыдзи стрӧитӧны Луздор районса Абъячой сиктын школасӧ @ новости @ https://rkomi.ru/news/2003 @ 2022-04-19 @}
Владимир Уйба видзӧдліс, кыдзи стрӧитӧны Луздор районса Абъячой сиктын школасӧ
Куим судтаа кирпич зданиесӧ арталӧма 600 велӧдчысь вылӧ.
Ӧні стрӧитчан площадка вылын уджалӧ 50 морт.
Лӧсьӧдӧма нин ортсыса ва провод да канализация, пӧжарнӧй резервуаръяс, ортсыса теплотрасса.
Медводдза судтасӧ вевттьӧма нин, мӧд судтасӧ вевттьӧма 70 прӧчент вылӧ, коймӧд судтасӧ тэчӧны кирпичысь.
Лӧсьӧдӧны бан, ӧшиньяс да вежӧсъяс.
Дасьтӧма стадион бурмӧдӧм-мичмӧдӧм вылӧ ин.
Зданиеӧ нюжӧдӧны электричество.
Косму тӧлысь помӧдз стрӧитчысьяс кӧсйӧны помавны кирпичысь тэчӧмсӧ, та бӧрын объект вылӧ локтас 30 штукатурысь бригада.
Объектсӧ тырвыйӧ могмӧдӧма стрӧитчан техникаӧн да материалъясӧн.
Школа стрӧитӧм вылӧ сьӧмсӧ вичмӧдӧма федеральнӧй да республиканскӧй сьӧмкудъясысь.
{Kodko (комиӧдіс Kodko) @ Комиын ичӧт да шӧр бизнеслы отсалӧм могысь заводитіс уджавны выль микрокредитнӧй уджтас @ новости @ https://rkomi.ru/news/2005 @ 2022-04-19 @}
Комиын ичӧт да шӧр бизнеслы отсалӧм могысь заводитіс уджавны выль микрокредитнӧй уджтас
Коми Республикаса Юралысь Владимир Уйба нуӧдіс регионса Веськӧдлан котыркӧд быд вежонся оперативнӧй сӧвещание.
Видлалісны дзоньвидзалун бурмӧдан гожся кампания котыртӧм, ытва кежлӧ дасьтысьӧм, вуджанінъяслӧн да понтоннӧй посъяслӧн уджалӧм, школаяс капитальнӧя дзоньталӧм вылӧ федеральнӧй сьӧм кыскӧм, туристическӧй кластеръяс сӧвмӧдӧм йылысь юалӧмъяс.
Кывзісны докладъяс талунъя социальнӧй да экономикакӧд йитчӧм серпас да бизнеслы отсалан мераяс серти.
Регионса экономикалы отсалан антикризиснӧй планлӧн медшӧр мероприятиеяс пӧвстысь ӧтиыс — тайӧ содтыны Регионса промышленносьт фондӧс сьӧмӧн могмӧдӧмсӧ.
Промышленнӧй предприятиеяс выльмӧдӧм да лӧсьӧдӧм вылӧ веськӧдасны 194,5 миллион шайт, сы лыдын 94,5 миллион шайт — федеральнӧй сьӧмкудйысь.
Тайӧ сетас позянлун могмӧдны сьӧмӧн 7-ысь абу этшаджык инвестиция проект, кутшӧмъяс серти лӧсьӧдасны 77 выль уджалан места да кыскасны вӧр да металл обработайтан промышленносьтын 400 миллионысь унджык шайт инвестиция.
Ичӧт да шӧр бизнеслы отсалӧм могысь косму тӧлысь 13 лунсянь заводитіс уджавны выльмӧдӧм микрокредитнӧй уджтас.
Микрозаём мындаыс содіс 1-сянь 3 миллион шайтӧдз.
Прӧчента ставкаыс лоӧ вонас 0,1 прӧчент.
Таысь кындзи, Коми микрокредитнӧй компаниялӧн 28 заём босьтысьлы сетісны кредитнӧй каникулъяс.
Россияса Каналан Сӧветлӧн экономика юалӧмъяс серти уджалан группа, мыйӧн веськӧдлӧ Сергей Собянин, заводитіс бизнеслы федеральнӧй да регионса отсӧг сетан мераяс донъялӧм серти онлайн-опрос.
Опроссӧ нуӧдӧны регионӧн веськӧдлан шӧринъяс пыр.
Вузасянінъясын сёян-юанлӧн донъяс да налӧн эмлун йылысь юӧртіс Коми Республикаса видз-му овмӧс да потребительскӧй рынок министрлысь могъяс олӧмӧ пӧртысь Ольга Бабина.
Донъяс бӧрся мониторинг да вузасянінъясӧд рейдъяс водзӧ нуӧдӧны став муниципалитетын.
Серпасыс Россия пасьталаын кодь.
Вежон чӧжӧн неуна донтӧммисны ӧткымын шыдӧс, макарон, сьӧд чай, сосискаяс, сарделькаяс, мӧс вый, ӧткымын сикас сыр, ӧгуреч да помидор.
Республика тырвыйӧ заптысьӧма тӧварӧн.
Заводитісны ваявны сёян-юансӧ Египетысь, Турцияысь, Израильысь.
Водзӧ уджалӧны контроль да дӧзьӧр нуӧдан органъяскӧд.
Донъяс лэптӧм йылысь став воӧм юӧрсӧ коланлун дырйи видлалӧны Прокуратура да Коми Республикаын Федеральнӧй антимонопольнӧй службаӧн веськӧдланін.
Коми Республикаса видз-му овмӧс министерство пыр нуӧдӧ республикаса аграрийяслӧн дугдывтӧг уджалӧм вылӧ колана сырьёӧн да компонентъясӧн могмӧдӧм серти мониторинг.
Видз-му овмӧс вузӧс вӧчысьяслӧн уджлы отсалӧм могысь федеральнӧй да республиканскӧй сьӧмкудъясысь сетӧма 340 миллион гӧгӧр шайт.
Сы могысь, медым паськӧдны татчӧс продукция вузаланінъяссӧ да медым ньӧбасьысьяс вермисны кокниа наӧдз воӧдчыны, муниципалитетса став регионын заводитісны уджавны ярмангаяс.
Ставнас Коми Республикаын котыртӧма ярмангаяс нуӧдӧм вылӧ 86 площадка.
Во заводитчӧмсянь нуӧдӧма 300 гӧгӧр ярманга.
Сідзжӧ сёрниыс муніс май 9 лун кежлӧ дасьтысьӧм да «Ми — Ыджыд Вермӧмлӧн наследникъяс» бурвӧчан марафонӧ регионса олысьяслӧн пырӧдчӧм йылысь.
«Таво Вермӧм лун пасйӧмыс лоӧ зэв тӧдчанаӧн.
Сизимдас сизим во сайын миян пӧльяс вермисны ыджыд тышын, пасьвартісны фашистъясӧс.
Но талун миянлы, войнаын вермысьяслӧн быдтасъяслы, бара ковмис босьтны ӧружие, медым дорйыны фашистъясысь Чужан мунымӧс да миян челядьлысь аскиа лунсӧ.
Та вӧсна май 9 лунӧ нинӧм вылӧ видзӧдтӧг ми пасъям миянлысь медтӧдчана лунсӧ.
Сідзжӧ кора ставнытӧ пырӧдчыны «Ми Ыджыд Вермӧмлӧн наследникъяс» бурвӧчан марафонӧ, мый пӧшти кызь во котыртӧны «Победа» ветеранъяслы отсалан Коми республиканскӧй абу коммерческӧй фонд да Ветеранъяслӧн республиканскӧй сӧвет.
Чукӧртӧм сьӧмсӧ веськӧдасны Айму вӧсна Ыджыд тышса ветеранъяслы, налӧн дӧваяслы, «война кадся челядьлы» отсӧг сетӧм вылӧ.
Быдӧн вермӧны отсавны миян дона ветеранъяслы», — сигӧртіс сёрнисӧ Коми Республикаса Юралысь Владимир Уйба.
{Kodko (комиӧдіс Kodko) @ Республика вичмӧдіс Усинскын диализ отделение лӧсьӧдӧм вылӧ сьӧм @ новости @ https://rkomi.ru/news/2007 @ 2022-04-20 @}
Республика вичмӧдіс Усинскын диализ отделение лӧсьӧдӧм вылӧ сьӧм
Коми Республикаса Юралысь Владимир Уйбалӧн тшӧктӧм серти республиканскӧй сьӧмкудйысь вичмӧдӧма содтӧд сьӧм Усинскса районнӧй больничаын гемодиализ отделение проектируйтӧм вылӧ.
Та вылӧ урчитӧма 1,3 млн шайт.
2022 воӧ заводитасны дасьтыны проектно-сметнӧй документация.
Диализ вӧчӧ вӧрклысь ӧткымын удж.
Терапиялӧн мог — весавны вир яй, кутны организмын колана мындаын химия йитчӧгъяс да мукӧд вещество.
Татшӧм сикас медицина отсӧг серти юалӧмыс Усинскын кыптіс важӧн нин.
Гемодиализ отделение лӧсьӧдӧмыс сетас позянлун районса олысьяслы мукӧд карӧ мунтӧг вӧчны тайӧ процедурасӧ.
Гемодиализын коланлунсӧ тӧд вылӧ босьтӧмӧн Коми Республикаса Юралысь Владимир Уйба Усинскӧ удж серти волігӧн тшӧктіс регионса Веськӧдлан котырлы Йӧзлысь дзоньвидзалун видзан министерствокӧд да Усинскса администрациякӧд ӧтув уджавны тайӧ отделениесӧ восьтӧм серти.
Усинскса районнӧй больничаӧн веськӧдлысьяс дасьтісны да ыстісны Коми Республикаса йӧзлысь дзоньвидзалун видзан министерствоӧ гемодиализ отделение стрӧитӧм да оборудованиеӧн могмӧдӧм вылӧ медицина да техника боксянь задание.
Шӧр районнӧй больничаса юралысь врач Максим Чуркинлӧн кывъяс серти, отделениелы колӧ 280 квадратнӧй метр площадь (коридоръястӧг).
Медводдза судтаын бӧрйӧма торъя пыранінъяса жыръяс, ӧні сэні меститчӧ больничалӧн администрация.
Тайӧ жыръяссӧ сӧгласуйтӧма нин Усинск карын Гигиена да эпидемиология шӧринкӧд да Госпожнадзоркӧд, сӧгласуйтӧны Роспотребнадзорын.
Таысь кындзи, индӧма колана оборудование лыддьӧг, воис проектно-сметнӧй документация лӧсьӧдӧм вылӧ коммерческӧй вӧзйӧм.
Векджык диализсӧ колӧ вӧчны вежоннас некымынысь.
Ӧні Усинскса йӧз та могысь мунӧны Ухтаӧ да Печораӧ.
Но кузь сьӧкыд туй оз отсав бурдӧмлы, — шуӧ Максим Чуркин.
— Таысь кындзи, оз быд висьысь вермы ачыс локны диализ шӧринӧдз, медым прӧйдитны процедурасӧ: векджык сійӧс колӧ колльӧдны.
Зэв бур, мый регионса Юралысь лыддьӧ, мый тайӧ юалӧмсӧ колӧ решитны — колӧ матыстны тайӧ услугасӧ миян усинскса пациентъяс дорӧ.
Ми тайӧс гӧгӧрвоам да зілям сигӧртны став котыртан уджсӧ.
{Kodko (комиӧдіс Kodko) @ Коми Республикаса Юралысь чолӧмалӧ Меставывса асвеськӧдлӧм лунӧн @ новости @ https://rkomi.ru/news/2009 @ 2022-04-21 @}
Коми Республикаса Юралысь чолӧмалӧ Меставывса асвеськӧдлӧм лунӧн
«Коми Республикаса пыдди пуктана олысьяс!
Пыдди пуктана депутатъяс, меставывса асвеськӧдлан органъясын уджалысьяс!
Чолӧмала тіянӧс Меставывса асвеськӧдлӧм лунӧн!
Муниципалитетса, карса либӧ сиктса олӧмыс оз вермы лоны олысьяслӧн сэні зіля участвуйттӧг, кодъяс уджалӧны бӧрйӧм органъясын, меставывса администрацияясын, лоӧны старӧстаясӧн да лӧсьӧдӧны ТОСъяс.
Ӧтув уджалігӧн муниципальнӧй власьт да общественникъяс разьӧны меставывса тӧдчанлуна мытшӧдъяс: йӧръяс мичмӧдӧм-лӧсьӧдӧм, челядьлы да спорт площадкаяс стрӧитӧм, сикт-грездъяс ваӧн могмӧдӧм да сэтчӧ би нюжӧдӧм.
Водзмӧстчысьяс пырӧдчӧны грантӧвӧй конкурсъясӧ, кыскӧны содтӧд сьӧм да збыльмӧдӧны йӧзлысь олӧмсӧ бурмӧдӧм вылӧ веськӧдӧм проектъяс.
Меставывса асвеськӧдлан органъясса пыдди пуктана юрнуӧдысьяс да уджалысьяс, старӧстаяс да ТОСъясӧс петкӧдлысьяс!
Став сьӧлӧмсянь аттьӧала тіянӧс водзмӧстчӧмысь, олӧмсӧ бурланьӧ вежны кӧсйӧмысь да зільӧмысь.
Мед тіян бур водзмӧстчӧмъясныд век збыльмӧны.
Сиа тіянлы чужан му сӧвмӧдӧм вылӧ зіля уджавны, крепыд крепыд дзоньвидзалун да ыджыд шуд!»
Коми Республикаса Юралысь Владимир Уйба.
{Kodko (комиӧдіс Kodko) @ Коми Республикаса Каналан Сӧвет сӧгласуйтіс кандидатураяс, кодъясӧс вӧзйис Владимир Уйба регионса Веськӧдлан котырӧ пырысьяслӧн чинъяс вылӧ @ новости @ https://rkomi.ru/news/2011 @ 2022-04-21 @}
Коми Республикаса Каналан Сӧвет сӧгласуйтіс кандидатураяс, кодъясӧс вӧзйис Владимир Уйба регионса Веськӧдлан котырӧ пырысьяслӧн чинъяс вылӧ
Эльмира Ахмееваӧс сӧгласуйтісны Коми Республикаса Веськӧдлан котырӧн Юрнуӧдысьӧс Медводдза вежысь чинӧ, Марина Каракчиеваӧс — Россия Федерацияса Рытыв-войвыв регионын Коми Республикаӧс петкӧдлысь чинӧ.
Татшӧм помшуӧмсӧ вынсьӧдісны талун, косму тӧлысь 21 лунӧ, Коми Республикалӧн Каналан Сӧветса депутатъяс сессиялӧн заседание дырйи.
Лунӧн водзджык налысь кандидатураяссӧ видлалісны Коми Республикаса Каналан Сӧветлӧн заседаниеяс вылын.
Коми Республикаса Юралысь Владимир Уйба аттьӧаліс депутатъясӧс эскӧмысь да отсалӧмысь.
«Ӧні республика водзын сулалӧны ыджыд могъяс сьӧкыд геополитическӧй серпас, рытыввывсянь санкцияяс дырйи регионнымӧс социальнӧя да экономика боксянь сӧвмӧдӧмын тӧдчана юалӧмъяс решитӧм серти.
Эска, талун тіянӧн бӧрйӧм кандидатъясыс веськӧдасны ассьыныс став вынсӧ, тӧдӧмлунсӧ, опытсӧ да вынйӧрсӧ тайӧ могъяссӧ решитӧм вылӧ, республикалысь да сылӧн олысьяслысь олӧмсӧ бурмӧдан удж вылӧ.
Аттьӧ!», — тӧдчӧдіс регионӧн юрнуӧдысь.
Регионса олысьяслы нӧшта ӧти тӧдчана юалӧм, мый видлалісны Каналан Сӧветлӧн заседание дырйи, — «2022 во да 2023 да 2024 воясся планӧвӧй кадколаст вылӧ Коми Республикаса сьӧмкуд йылысь» оланпас балаӧ вежсьӧмъяс пыртӧм.
Стӧчмӧдӧмъяссӧ тӧд вылӧ босьтӧмӧн, сьӧмкудлӧн рӧскодыс 2022 воын содас 4,2 млрд шайт вылӧ (ӧтувъя мындаыс — 102,1 млрд шайт), 2023 воын — 1,03 млрд шайт вылӧ (ӧтувъя мындаыс — 101,3 млрд шайт), 2024 воын — 1,7 млрд шайт вылӧ (ӧтувъя мындаыс — 101,0 млрд шайт).
Содтӧд рӧскодсӧ веськӧдасны тӧдчанаджык мытшӧдъяс разьӧм вылӧ: экономикалы, видз-му овмӧслы, транспорт юкӧнса организацияяслы отсалӧм, челядьлы гожся шойччӧмсӧ котыртӧм, льгота серти лекарствоясӧн могмӧдӧм, а сідзжӧ ӧнія геополитическӧй да макроэкономическӧй серпаскӧд йитӧдын эновтны позьтӧм юалӧмъяс ӧдйӧ решитӧм вылӧ резерв лӧсьӧдӧм серти.
Та дырйи рӧскод содӧм вӧсна сьӧмкудйыс оз вежсьы да лоӧ 10,9 млрд шайт 2022 воын, 9,8 млрд шайт — 2023 воын, 7,1 млрд шайт — 2024 воын.
Ставыс тайӧ лоис позянаӧн экономика вочасӧн кыпӧдӧм да 2021 воын сьӧмкудлысь вот да вотысь ӧтдор чӧжӧс да 2022 воын виччысяна вот да вотысь ӧтдор воӧм чӧжӧс содтӧм отсӧгӧн.
Вот базалысь медшӧр содӧмсӧ, кыдзи и водз, артмӧдӧ организацияяслӧн чуктӧс вылӧ вот (лидеръяс — мусир да биару, из шом да вӧр юкӧнъясын организацияяс).
Республиканскӧй сьӧмкуд чӧжӧслӧн ӧтувъя мындаыс 2022 воын содас 4,2 млрд шайт вылӧ да лоас 91,2 млрд шайт, 2023 воын — 1,02 млрд шайт да лоас 91,5 млрд шайт, 2024 воын — 1,7 млрд шайт вылӧ да лоас 93,9 млрд шайт.
{Kodko (комиӧдіс Kodko) @ 2022 вося ода-кора тӧлысь 1 лунсянь заводитӧны примитны 8 арӧссянь 17 арӧсӧдз арлыда кага вылӧ быдтӧлысся мынтӧм босьтӧм вылӧ шыӧдчӧмъяс @ новости @ https://rkomi.ru/news/2017 @ 2022-04-23 @}
2022 вося ода-кора тӧлысь 1 лунсянь заводитӧны примитны 8 арӧссянь 17 арӧсӧдз арлыда кага вылӧ быдтӧлысся мынтӧм босьтӧм вылӧ шыӧдчӧмъяс
Россия Федерацияса Президентлӧн 2022 во рака тӧлысь 31 лунся 175 №-а Индӧдӧн урчитӧм быдтӧлысся мынтӧмсӧ сетӧны 2022 вося косму тӧлысь 1 лунсянь сэк, кор кагаыс лоӧ Россия Федерацияса гражданинӧн, пыр олӧ Россия Федерацияын да кор семьялӧн ӧти морт вылӧ шӧркодь чӧжӧс мындаыс оз вевтырт быд морт вылӧ овны судзсяна сьӧм мындасӧ, мыйта урчитӧма Коми Республикаын мынтӧм индӧмла шыӧдчан кадпас вылӧ.
Мынтӧм босьтӧм вылӧ шыӧдчӧмӧн позьӧ шыӧдчыны УМШ-ӧ ода кора тӧлысь 1 лунсянь, тшӧтш и 2022 вося ода-кора тӧлысь 1 лунсянь 10 лунӧдз праздник лунъясӧ.
Коми Республикаын челядь вылӧ овны судзсяна сьӧм мындаысь быдтӧлысся мынтӧм мындаыс лоӧ 50 % (7 755,0 шайт).
Но сэк, кор семьялӧн ӧти морт вылӧ шӧркодь чӧжӧс мындаыс, кутшӧмӧс арталӧма индӧм мындаын мынтӧмсӧ тӧд вылӧ босьтӧмӧн, оз вевтырт быд морт вылӧ овны судзсяна сьӧм мындасӧ, челядь вылӧ овны судзсяна сьӧм мындаысь быдтӧлысся сьӧм мындаыс лоӧ 75 % (11 632,5 шайт).
Сэки, кор и та дырйи ӧти морт вылӧ шӧркодь чӧжӧс мындаыс оз вевтырт быд морт вылӧ овны судзсяна сьӧм мындасӧ, сійӧс индасны челядь вылӧ овны судзсяна сьӧм мындаысь 100 % мындаын (15 510,0 шайт).
Республика дась сетны быдтӧлысся мынтӧмсӧ.
Тайӧ юалӧмсӧ видлалісны талун, косму тӧлысь 22 лунӧ, Россия Федерацияса Веськӧдлан котырӧн Юрнуӧдысьӧс вежысь Татьяна Голиковакӧд селекторнӧй сӧвещание дырйи.
Сэні участвуйтіс Коми Республикаса Юралысь Владимир Уйба.
2022 вося косму тӧлысь 18 лунӧ Коми Республикаса Юралысь кырымаліс «Кӧкъямыссянь дас сизим арӧсӧдз арлыда челядь вылӧ быдтӧлысся сьӧм мынтӧм йылысь» Индӧд, мый урчитӧ Коми Республикаын тайӧ быдтӧлысся сьӧм мынтӧмсӧ, сійӧс индан пӧрадоксӧ да условиеяссӧ, а сідзжӧ Россия Федерацияса пенсия фондлы сьӧм мынтӧм серти уджмогъяс сетӧмсӧ.
Талун кырымалісны Россия Федерацияса пенсия фонд да Коми Республикаса Веськӧдлан котыр костын субвенция сетӧм йылысь артмӧдчӧм.
Косму тӧлысь 21 лунӧ Коми Республикаса Каналан Сӧветлӧн заседание дырйи примитісны вежсьӧмъяс 2022 во да 2023 да 2024 воясся планӧвӧй кадколаст вылӧ Коми Республикаса республиканскӧй сьӧмкудйӧ Коми Республикаса удж, уджӧн могмӧдан да социальнӧя доръян министерстволы быдтӧлысся мынтӧмъяс вылӧ 300 млн шайт мындаын сьӧмкуд ассигнованиеяс вынсьӧдан юкӧнын.
Россия Федерацияса пенсия фондлӧн Коми Республикаын отделениелӧн клиентъяскӧд уджалысь службаясын республикаса социальнӧя доръян органъясысь специалистъяс кутасны сетны практическӧй да консультационнӧй отсӧг гражданалы наӧн шыӧдчӧмъяссӧ Канму услугаяс сетан ӧтувъя портал пыр сетігӧн.
Медводдза рӧштшӧтъяс серти Коми Республикаын 8 арӧссянь 17 арӧсӧдз арлыда кага вылӧ быдтӧлысся мынтӧмсӧ вермасны босьтны 24 сюрсысь унджык морт.
{Kodko (комиӧдіс Kodko) @ Владимир Уйба чолӧмаліс республикаса олысьясӧс Ыджыд лунӧн @ новости @ https://rkomi.ru/news/2018 @ 2022-04-24 @}
Владимир Уйба чолӧмаліс республикаса олысьясӧс Ыджыд лунӧн
Коми Республикаса Юралысь воліс Вежа Степанлӧн кафедральнӧй соборын Ыджыд лунся служба вылӧ.
Войнас Ыджыд лунся службасӧ нуӧдіс Сыктывкарса да Коми-Зырянаса архиепископ Питирим.
«Дона вокъяс да чойяс, дона Владыка!
Чолӧмала ставнытӧ медся ыджыд да кыпыд православнӧй праздникӧн — Ыджыд лунӧн да Кристослӧн Ловзьӧмӧн!
Тайӧ луныс ӧтувтӧ миянӧс радлунӧн да муслунӧн.
Тайӧ лунӧ став мирыс радлӧ да гажӧдчӧ.
Православие — тайӧ нравственнӧй подув, мый ӧтувтӧ миянлысь войтырсӧ да ёнмӧдӧ Аймунымӧс.
Ӧнія сьӧкыд кадӧ тайӧ эскӧмлӧн, радейтчӧмлӧн, вермӧмлӧн символ — миян вермӧмлӧн, кор бурыс венӧ лёксӧ.
Тайӧ лунӧ югыдыс воис миянӧдз, да Енмыс пемыдсӧ да лёксӧ венӧм бӧрын выльысь прӧститӧ миянӧс да козьналӧ шуд.
Дона вокъяс да чойяс, ыджыд гажӧн тіянӧс.
Кристос ловзис!», — чолӧмаліс республикаса олысьясӧс Коми Республикаса Юралысь Владимир Уйба.
{Kodko (комиӧдіс Kodko) @ Коми Республикаса олысьяслы сетісны канму наградаяс @ новости @ https://rkomi.ru/news/2020 @ 2022-04-25 @}
Коми Республикаса олысьяслы сетісны канму наградаяс
«Челядьӧс бура быдтӧмысь» Коми Республикаса медаль сетӧм йылысь» Коми Республикаса Юралысьлӧн 2022 во косму тӧлысь 22 лунся 46 №-а Индӧд
Челядьӧс быдтӧмын да семьяын традицияяс видзӧмын торъя заслугаясысь «Челядьӧс бура быдтӧмысь» Коми Республикаса медаль сетны:
Александр Александрович Ватащуклы, Печора кар;
Татьяна Васильевна Ватащуклы, Печора кар;
Вячеслав Емельянович Каричлы, Луздор район;
Альбина Васильевна Каричлы, Луздор район;
Сергей Анатольевич Куратовлы, Сыктывдін район;
Варвара Ивановна Куратовалы, Сыктывдін район;
Елизар Александрович Магаевлы, Печора кар;
Евгения Николаевна Магаевалы, Печора кар;
Николай Анатольевич Старцевлы, Луздор район;
Нина Николаевна Старцевалы, Луздор район;
Роман Яковлевич Ходыревлы, Инта кар;
Разида Габдулхаковна Ходыревалы, Инта кар.
«Коми Республикаса Почёт грамота сетӧм йылысь» Коми Республикаса Юралысьлӧн 2022 во косму тӧлысь 22 лунся 47 №-а Индӧд
Физическӧй культура да спорт сӧвмӧдӧмӧ тӧдчана пай пуктӧмысь, спортын ыджыд вермӧмъясысь сетны Коми Республикаса Почёт грамота «Адаптивнӧй спорт сикасъяс серти сборнӧй командаяс спортивнӧя дасьтан да адаптивнӧй физическӧй культура сӧвмӧдан шӧрин» Коми Республикаса канму сьӧмкуд учреждениеса спортсменъяслы:
Иван Юрьевич Голубковлы — Россияса войтыркостса спорт мастерлы;
Мария Вячеславовна Иовлевалы — Россияса нимӧдана спорт мастерлы.
{Kodko (комиӧдіс Kodko) @ Коми Республикаын нӧшта куим предприятие вермасны босьтны федеральнӧй отсӧг @ новости @ https://rkomi.ru/news/2022 @ 2022-04-25 @}
Коми Республикаын нӧшта куим предприятие вермасны босьтны федеральнӧй отсӧг
«Лузалес» ИКК, «Сыктывкарса фанера вӧчан завод» ИКК, «СевЛесПил» ИКК пырисны россияса экономикаын система артмӧдан организацияяс лыдӧ.
Виччысьӧны кывкӧртӧд нӧшта кык предприятие серти — «<rus>Плитный мир</rus>» ИКК да «Промтех-инвест» ИКК.
Та йылысь юӧртісны Коми Республикаса Юралысь Владимир Уйбалӧн регионса Веськӧдлан котыркӧд быд вежонся оперативнӧй сӧвещание дырйи.
Россия Федерацияса Каналан Сӧветлӧн комиссияӧ Коми Республика ыстіс вӧзйӧмъяс Коми Республикаса система артмӧдан организацияяс лыддьӧгӧ пыртан критерийяс стӧчмӧдӧм серти (Каналан Сӧветлӧн канму юӧртан система отсӧгӧн).
Сёрниыс мунӧ «Зеленечса чипан видзан фабрика» АК, «Сосногорскса» теплича комплекс ИКК, «Сыктывкарса нянь комбинат» ИКК, «Сыктывкарса йӧв завод» ИКК да «Комиавтотранс» АК йылысь.
Медым компенсируйтны бӧр воӧм сьӧмсӧ содтӧм могысь кырымалӧм кредитнӧй сёрнитчӧмъяс серти прӧчентъяс вештӧм вылӧ промышленнӧй предприятиеяслысь ӧтувъя рӧскод юкӧнсӧ, Россияса Веськӧдлан котырлӧн резервнӧй фондысь Коми Республикалы вичмӧдасны 29,6 млн шайт.
Коми Республикаса логистика шӧринлӧн удж серти решитӧны, кыдзи бырӧдны ЛесЕГАИС порталлӧн уджын помтӧм торксьӧмъяссӧ.
Сы вӧсна, мый оз вермыны оформитны документъяссӧ портал вылын, вӧр лэдзан да пу обработайтан предприятиеяслы ковмӧ дугӧдны вӧр мӧдӧдӧмсӧ, медым эз вӧвны штрапъяс.
Вӧзйӧны пыртны ЛесЕГАИС-лӧн удж вылӧ мораторий либӧ вӧчны сідзи, медым документъяссӧ позис оформитны да наӧн вӧдитчыны и бумага вылын, и портал пыр.
Санкцияяс дырйи россияса экономикалысь зумыдлунсӧ ёнмӧдӧм серти Веськӧдлан котырса комиссиялӧн президиум примитіс отсӧг сетан мераяслысь витӧд чукӧр.
Мероприятиеяс лыдын:
• 2022 воын ӧнія технологияяс дасьтӧм да пыртӧм серти СПИК 2.0 форматын торъя инвестиция контрактъяс кырымалӧм могысь конкурсъяс нуӧдан дженьдӧдӧм кадколастъяс урчитӧм;
• Россияса Веськӧдлан котырлы 2022 во помӧдз Россия Федерацияса субъектлӧн медвылыс олӧмӧ пӧртысь канму власьт органлӧн помшуӧм серти конкурс нуӧдтӧг концессионнӧй артмӧдчӧмъяс кырымалан случайяс урчитны позянлун сетӧм, оланін да коммунальнӧй овмӧс юкӧн кындзи;
• Йӧзлысь олӧмсӧ бурмӧдан фондлӧн тшӧт весьтӧ коммунальнӧй инфраструктура выльмӧдӧм серти проектъяс ОКО фондӧн сьӧмӧн могмӧдӧмсӧ кокньӧдӧм;
• 2022 воын Россия Федерацияса субъектлӧн уполномочитӧм олӧмӧ пӧртысь власьт органӧ тавося вӧльгым тӧлысь 30 лунӧдз шоныдӧн да ваӧн могмӧдан, ва нуӧдан юкӧнъясын инвестиция уджтас стӧчмӧдан проект сетан кадколастсӧ нюжӧдӧм;
• федеральнӧй фондысь регионса ОМС фондъяслы субвенцияяс индексируйтӧм (лекарство препаратъяс, рӧскод материалъяс вылӧ рыночнӧй донъяслӧн содӧм вӧсна);
• страхӧвӧй взносъяслӧн чинтӧм тарифъясӧн вӧдитчӧм могысь Россия Федерацияса Веськӧдлан котырлы урчитӧм критерийясӧ кутчысигӧн монокаръясысь ТОСЭР-са резидентлысь статус сетан кадколаст нюжӧдӧм йылысь помшуӧм примитны инӧд сетӧм.
Тайӧ мерасӧ вӧзйис и Коми Республикаса Веськӧдлан котыр.
Регыдъя кадӧ отсӧг сетан примитӧм мераяс серти федеральнӧй тшупӧдын дасьтасны да вынсьӧдасны нормативнӧй инӧда актъяс.
Потребительскӧй рынок вылын серпасыс эз вежсьы.
Вежон чӧжӧн нуӧдӧма 24 ярманга: Сыктывкарын, Ухтаын, Воркутаын, Печораын, Кулӧмдін, Луздор, Сыктывдін, Койгорт, Кӧрткерӧс, Удора да Сыктыв районъясын.
Овмӧс нуӧдысь субъектъяс ылі сикт-грездъяслӧн вузасянінъясӧс да нянь пӧжалан предприятиеясӧс могмӧдісны кыз вузӧсӧн да сёян-юанӧн тувсовъя ытва кадӧ.
Сэсся сёян-юансӧ кутасны вайны ичӧт суднояслы ва туй восьтӧмсянь пыжъяс, сынӧда пӧдушка вылын катеръяс, парома вуджанінъяс отсӧгӧн.
Производство уджлы отсалӧм могысь Коми Республикаса вузӧс вӧчысьяслы вичмӧдісны 420,5 млн шайт (38 % став субсидия мындаысь, тшӧтш и федеральнӧй сьӧмкуд сьӧм — 78 млн шайт).
Ставнас тайӧ могъяс вылӧ урчитӧма 1 млрд 108 млн шайт.
Косму тӧлысь 26 лунӧ лоӧ Агростартап босьтны вермысь проектъяс бӧрйӧм серти конкурс нуӧдан комиссия.
Бӧрйӧм вылӧ вӧзйысис 12 проект, на лыдын мазі рӧдмӧдӧм, скӧт видзӧм, быдмӧг да картупель пуктӧм, чери быдтӧм серти проектъяс.
Тайӧ вежонӧ примитасны семейнӧй ферма сӧвмӧдӧм вылӧ грант сетӧм могысь крестьяна (фермер) овмӧсъяс конкурсӧн бӧрйӧм вылӧ бӧръя заявкаяс.
Воис сӧмын на 3 заявка.
Сідзжӧ сӧвещание вылын видлалісны дзоньвидзалун бурмӧдан гожся кампания котыртӧм, социальнӧй объектъяс стрӧитӧм да капитальнӧя дзоньталӧм, уна патераа керкаяс капитальнӧя дзоньталӧм, 2022–2023 воясся ломтысян кадколаст кежлӧ оланін да коммунальнӧй овмӧс дасьтӧм серти юалӧмъяс.
{Kodko (комиӧдіс Kodko) @ Радиационнӧй аварияяс да катастрофаяс бӧрын колясъяс бырӧдысьяслы да тайӧ аварияясӧ да катастрофаясӧ веськалӧм йӧзлы сиӧм лун серти Коми Республикаса Юралысьлӧн шыӧдчӧм @ новости @ https://rkomi.ru/news/2024 @ 2022-04-26 @}
Радиационнӧй аварияяс да катастрофаяс бӧрын колясъяс бырӧдысьяслы да тайӧ аварияясӧ да катастрофаясӧ веськалӧм йӧзлы сиӧм лун серти Коми Республикаса Юралысьлӧн шыӧдчӧм
«Радиационнӧй аварияяс да катастрофаяс бӧрын колясъяс пыдди пуктана бырӧдысьяс!
Косму тӧлысь 26 лун — миян календарын шог лун: тайӧ лунӧ 1986 воын Чернобыльса атомнӧй электростанцияын лоис авария.
АЭС-ын нёльӧд энергоблокса реакторлӧн пазалӧмыс лоис ыджыд шогӧн.
Радиация улӧ веськаліс зэв уна морт.
Вӧр-ваӧ веськаліс уна радиоактивнӧй вещество, мый вӧсна станция дорӧ эз позь матыстчыны 30 километрысь матӧджык.
Коми Республика эз коль Чернобыльса АЭС-лӧн шогсьыс бокын.
Радиация бырӧдӧм вылӧ мӧдӧдчисны пӧжар кусӧдысьяс да учёнӧйяс, медикъяс да стрӧитчысьяс, велӧдысьяс да шахтёръяс — разнӧй уджсикаса йӧз.
Асланыс дзоньвидзалун, а мукӧддырйи и олӧм йывсьыныс думайттӧг, найӧ уна уджалісны: аварийнӧй блок гӧгӧр лэптісны радиацияысь видзан стен, весалісны станция гӧгӧрсӧ радиация шыбласъясысь.
Куслытӧм паметь налы, кодъяс асьнысӧ жалиттӧг мездісны йӧзлысь олӧмсӧ.
Став сьӧлӧмсянь аттьӧала Чернобыльса авария да мукӧд радиационнӧй катастрофа бӧрын колясъяс бырӧдысьясӧс повтӧмлунысь, йӧз вӧсна тӧждысьӧмысь, уджсӧ кывкутӧмӧн вӧчӧмысь.
Сиа ставлы крепыд дзоньвидзалун, бырлытӧм вын, шуд да тыр-бур олӧм!»
Коми Республикаса Юралысь Владимир Уйба
{Kodko (комиӧдіс Kodko) @ Владимир Уйба: «Жириновский уна во кежлӧ коляс миян сьӧлӧмъясын Россиянымӧс ёна радейтысьӧн» @ новости @ https://rkomi.ru/news/2025 @ 2022-04-26 @}
Владимир Уйба: «Жириновский уна во кежлӧ коляс миян сьӧлӧмъясын Россиянымӧс ёна радейтысьӧн»
Коми Республикаса Юралысь участвуйтіс Владимир Жириновскийлы сиӧм рытын, мый нуӧдісны Сыктывкарын косму тӧлысь 25 лунӧ.
Тайӧ лунӧ тӧдчана канму уджалысьлы, ЛДПР партияӧн вежсьывтӧм юрнуӧдысьлы тырис эськӧ 76 арӧс.
«Меным мойвиис тӧдмасьны Владимир Вольфовичкӧд аслым, сёрнитны да ужавны сыкӧд, кор ме веськӧдлі Федеральнӧй медико-биологическӧй агентствоӧн, — юксис казьтылӧмъясӧн Владимир Уйба.
— Сійӧ вӧлі зэв мывкыд да тӧлка мортӧн.
Босьтіс МГУ-ын велӧдчигӧн кык вылыс тшупӧда тӧдӧмлун, а татшӧмторсӧ сьӧкыд шедӧдӧны да оз быдӧн вермы.
Владимир Вольфович пыр зэв пыдісянь да быд боксянь видлаліс мытшӧдъяссӧ.
Сійӧ вӧлі зэв кывкутысь мортӧн, та дырйи корис и мукӧдсьыс бура збыльмӧдны тшӧктӧмъяссӧ.
И сійӧ кӧ шыӧдчыліс тэ дорӧ корӧмӧн либӧ тшӧктӧмӧн мӧдысь, сідзкӧ, тэ верман, тэкӧд позьӧ уджавны.
abu
Сылӧн тшӧктӧмъясыс пыр вӧліны кодкӧ вӧсна тӧждысьӧмӧн, тайӧ зэв тӧдчанатор.
Ыджыд аттьӧ, Владимир Вольфович, сыысь, мый ті вӧлінныд миян олӧмъясын, страналӧн олӧмын да, дерт жӧ, колянныд миян сьӧлӧмъясын уна во кежлӧ Россиянымӧс ёна радейтысьӧн».
Рыт дырйи котыртісны «<rus>Жириновский Навсегда</rus>» фотовыставка да петкӧдлісны В. В. Жириновскийлӧн олӧм да удж йылысь фильм.
{Kodko (комиӧдіс Kodko) @ Владимир Уйба пуктіс дзоридзьяс Иван Морозовлӧн памятник дорӧ @ новости @ https://rkomi.ru/news/2026 @ 2022-04-26 @}
Владимир Уйба пуктіс дзоридзьяс Иван Морозовлӧн памятник дорӧ
Талун, косму тӧлысь 26 лунӧ, пасйӧны Коми АССР-са тӧдчана канму да политическӧй уджалысьлӧн, КПСС Коми обкомса медводдза секретарлӧн кулан лунсянь 35 во тырӧмсӧ.
Иван Павлович Морозов веськӧдліс республикаӧн 22 во — 1965 восянь 1987 воӧдз, тайӧ каднас Коми Республикаын зэв бура сӧвмис экономика.
Канму уджалысьлысь паметьсӧ уна во чӧж пыдди пуктӧны оз сӧмын сылӧн уджъёртъясыс, но и республикаын унджык олысьыс.
Колян во Коми Республикаса Юралысь Владимир Уйбалӧн отсӧгӧн Сыктывкарын, Киров нима паркын, тӧдчана канму уджалысьлы сувтӧдісны памятник.
Иван Морозовлысь пертассӧ лӧсьӧдӧм вылын уджаліс скульпторъяслӧн быдса котыр Россияса нималана художник Анатолий Неверовлӧн юрнуӧдӧм улын.
Таво вӧлі «Иван Павлович Морозов. Республика помнит» небӧглӧн презентация.
Сійӧ ӧтувтіс ставсӧ, мый лэдзлісны воддза воясӧ.
Небӧгын петкӧдлӧма политиклӧн олан туйыс сылӧн веськӧдлан кадӧ историческӧй лоӧмторъяс пыр.
Редколлегияӧ пырысьяс лыдысь ӧтиӧн лои Коми Республикаса Юралысь Владимир Уйба.
* * *
Иван Павлович Морозов чужис 1924 вося кӧч тӧлысь 30 лунӧ Сыктыв районса Межадор сиктын.
Велӧдчис Сыктывкарын фельдшер-акушер школаын, кодӧс помаліс 1942 вося тӧвшӧр тӧлысьӧ.
9 тӧлысь мысти сійӧс босьтісны Краснӧй Армияӧ.
Вӧлі ротаса санинструкторӧн, а сэсся батальонса комсоргӧн.
1965 восянь 1986 воӧдз уджаліс КПСС-лӧн Коми обкомын медводдза секретарӧн.
Бӧрйылісны КПСС-лӧн Шӧр комитетӧ пырысьӧн, витысь бӧрйылісны СССР-лӧн Медвылыс Сӧветса депутатӧн.
Иван Морозов нимкӧд йитчӧма Коми му историялӧн дзонь эпоха. Сэки зэв бура сӧвмис экономика.
1965–1986 воясӧ республикаын промышленносьтлӧн валӧвӧй прӧдукцияыс содіс куим пӧв, мусир перйӧмыс — 9 пӧв.
Уна вын пуктіс сійӧ и биару отрасль лӧсьӧдӧмӧ, из шом перйӧм сӧвмӧдӧмӧ да лесохимическӧй отрасль котыртӧмӧ.
Ыджыд вежсьӧмъяс лоисны транспорт йитӧдын: нюжӧдісны кӧрт туй Косланӧдз, Мылдінӧдз, Усинскӧдз, вӧчисны бур автомашина туйяс Абъячойӧдз да Кулӧмдінӧдз.
60–70-ӧд воясӧ Коми АССР лоис страналӧн Европаса Войвылын гырысь промышленнӧй районъясысь ӧтиӧн.
Авторитетыс, эскӧдны кужӧмыс эз ӧтчыдысь отсавны Иван Павловичлы СССР-са Министръяс Сӧветӧн юрнуӧдысьяс водзын, сійӧ кужис воӧдчыны сэтшӧм решениеясӧдз, кутшӧмъяс колӧны республикалы.
Сылӧн наследиеыс — абу сӧмын выль каръяс, предприятиеяс, туйяс, электропередача линияяс да социальнӧй объектъяс, кутшӧмъяс ӧні лыддьыссьӧны республикаса озырлунӧн.
Иван Павлович Морозов чукӧртіс ас дорас зумыд команда.
Сы дырйи кадръяссӧ кутісны бӧрйыны восьсӧн, велӧдны том веськӧдлысьясӧс.
Иван Морозов кужис аддзыны тӧлка да енбиа йӧзӧс. Наысь лоисны нималана уджалысьяс, вылыс квалификацияа юрнуӧдысьяс, кодъяс пуктісны пай Коми Республика сӧвмӧдӧмӧ.
{Kodko (комиӧдіс Kodko) @ Котыртӧма Коми Республикаса Веськӧдлан котырлысь выль состав @ новости @ https://rkomi.ru/news/2028 @ 2022-04-26 @}
Котыртӧма Коми Республикаса Веськӧдлан котырлысь выль состав
«Коми Республикаса Веськӧдлан котыр йылысь» Коми Республикаса Юралысьлӧн 2022 во косму тӧлысь 26 лунся 48 №-а Индӧд
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья да 18 статья серти шуа:
1. Котыртны Коми Республикаса Веськӧдлан котыр 1 №-а содтӧдын индӧм чинъяс серти.
2. Лыддьыны вынтӧмӧн Коми Республикаса Юралысьлысь ӧткымын индӧд 2 №-а содтӧдын индӧм лыддьӧг серти.
3. Тайӧ Индӧдыс вынсялӧ сійӧс кырымалан лунсянь.
Коми Республикаса Юралысьлӧн 2022 во косму тӧлысь 26 лунся 48 №-а Индӧд дорӧ содтӧд
Коми Республикаса Веськӧдлан котырӧ чинъяс серти пырысьяс:
1. Коми Республикаса Веськӧдлан котырӧн Юрнуӧдысь.
2. Коми Республикаса Веськӧдлан котырӧн Юрнуӧдысьӧс Медводдза вежысь.
3. Коми Республикаса Веськӧдлан котырӧн Юрнуӧдысьӧс вежысьяс.
4. Коми Республикаса Веськӧдлан котырӧн Юрнуӧдысьӧс вежысь — Коми Республикаса сьӧм овмӧс министр.
5. Коми Республикаса Юралысьлӧн Администрацияӧн Юрнуӧдысь.
6. Россия Федерацияса Президент бердын Коми Республикаӧс пыр петкӧдлысь.
7. Россия Федерацияса Рытыв-Войвыв дінмуын Коми Республикаӧс петкӧдлысь.
8. Коми Республикаса экономика сӧвмӧдан да промышленносьт министр.
9. Коми Республикаса национальнӧй политика министр.
10. Коми Республикаса стрӧитчан, оланін да коммунальнӧй овмӧс министр.
11. Коми Республикаса вӧр-ва озырлун да гӧгӧртас видзан министр.
12. Коми Республикаса видз-му овмӧс да потребительскӧй рынок министр.
13. Коми Республикаса цифра отсӧгӧн сӧвмӧдан, йитӧд да юӧр сетан министр.
14. Коми Республикаса юстиция министр.
15. Коми Республикаса удж, уджӧн могмӧдан да социальнӧя доръян министр.
16. Коми Республикаса йӧзлысь дзоньвидзалун видзан министр.
17. Коми Республикаса культура, туризм да архив удж министр.
18. Коми Республикаса велӧдан, наука да том йӧз политика министр.
19. Коми Республикаса вынйӧр сӧвмӧдан да спорт министр.
{Kodko (комиӧдіс Kodko) @ Владимир Уйба примитіс Коми Республикаса олӧмӧ пӧртысь власьт системаын канму чинъясын уджалысьяс серти кадрӧвӧй помшуӧмъяс @ новости @ https://rkomi.ru/news/2031 @ 2022-04-27 @}
Владимир Уйба примитіс Коми Республикаса олӧмӧ пӧртысь власьт системаын канму чинъясын уджалысьяс серти кадрӧвӧй помшуӧмъяс
Чина йӧзӧс, кодъяс водзті пырисны республикаса Веськӧдлан котырӧ, мездісны уджалан чинъясысь.
Коми Республикаса Юралысьлӧн тшӧктӧмъясӧн индӧма:
Эльмира Ахтямовна Ахмееваӧс — Коми Республикаса Веськӧдлан котырӧн Юрнуӧдысьӧс Медводдза вежысь чинӧ;
Галина Ивановна Габушеваӧс — Коми Республикаса Веськӧдлан котырӧн Юрнуӧдысьӧс вежысь чинӧ;
Лариса Юрьевна Карачёваӧс — Коми Республикаса Веськӧдлан котырӧн Юрнуӧдысьӧс вежысь чинӧ;
Алексей Анатольевич Просужихӧс — Коми Республикаса Веськӧдлан котырӧн Юрнуӧдысьӧс вежысь чинӧ;
Игорь Викторович Кузьмичёвӧс — Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртысьӧн;
Наталья Владимировна Якимоваӧс — Коми Республикаса велӧдан, наука да том йӧз политика министрлысь могъяс олӧмӧ пӧртысьӧн;
Алексей Иванович Осташовӧс — Коми Республикаса юстиция министрлысь могъяс олӧмӧ пӧртысьӧн;
Екатерина Георгиевна Грибковаӧс — Коми Республикаса удж, уджӧн могмӧдан да социальнӧя доръян министр чинӧ;
Дмитрий Владимирович Самоваровӧс — Коми Республикаса Юралысьлӧн Администрацияӧн Юрнуӧдысь чинӧ;
Алексей Васильевич Буткинӧс — Коми Республикаса видз-му овмӧс да потребительскӧй рынок министр чинӧ;
Марина Анатольевна Каракчиеваӧс — Россия Федерацияса Рытыв-Войвыв дінмуын Коми Республикаӧс петкӧдлысь чинӧ;
Мария Алексеевна Балмастоваӧс — Коми Республикаса культура, туризм да архив удж министрлысь могъяс олӧмӧ пӧртысьӧн;
Игорь Владимирович Дягилевӧс — Коми Республикаса йӧзлысь дзоньвидзалун видзан министрлысь могъяс олӧмӧ пӧртысьӧн;
Екатерина Александровна Киселевичӧс — Коми Республикаса вӧр-ва озырлун да гӧгӧртас видзан министрлысь могъяс олӧмӧ пӧртысьӧн;
Роман Вениаминович Носковӧс — Коми Республикаса национальнӧй политика министр чинӧ;
Коми Республикаса экономика сӧвмӧдан да промышленносьт министрлысь могъяссӧ кутас пӧртны олӧмӧ Ольга Леонидовна Турышева, Коми Республикаса экономика сӧвмӧдан да промышленносьт министрӧс медводдза вежысь.
{Kodko (комиӧдіс Kodko) @ Эльмира Ахмеева кутас пӧртны олӧмӧ Коми Республикаса Веськӧдлан котырӧн Юрнуӧдысьлысь уджмогъяссӧ @ новости @ https://rkomi.ru/news/2037 @ 2022-04-27 @}
Эльмира Ахмеева кутас пӧртны олӧмӧ Коми Республикаса Веськӧдлан котырӧн Юрнуӧдысьлысь уджмогъяссӧ
Коми Республикаса Юралысьлӧн 2022 во косму тӧлысь 27 лунся 154-р №-а тшӧктӧм
«Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 20 статьяса 3(1) юкӧн серти Коми Республикаса Веськӧдлан котырӧн Юрнуӧдысь чинӧ индытӧдз:
1. Коми Республикаса Веськӧдлан котырӧн Юрнуӧдысьлысь уджмогъяс олӧмӧ пӧртысьӧн индыны Эльмира Ахтямовна Ахмееваӧс, Коми Республикаса Веськӧдлан котырӧн Юрнуӧдысьӧс Медводдза вежысьӧс.
2. Лыддьыны вынтӧмӧн Коми Республикаса Юралысьлысь 2022 во тӧвшӧр тӧлысь 18 лунся 10-р №-а тшӧктӧм.
3. Тайӧ тшӧктӧмыс вынсялӧ сійӧс кырымалан лунсянь.
{Kodko (комиӧдіс Kodko) @ Наталья Каринаӧс индӧма Коми Республикаса вынйӧр сӧвмӧдан да спорт министрлысь могъяс олӧмӧ пӧртысьӧн @ новости @ https://rkomi.ru/news/2034 @ 2022-04-27 @}
Наталья Каринаӧс индӧма Коми Республикаса вынйӧр сӧвмӧдан да спорт министрлысь могъяс олӧмӧ пӧртысьӧн
Та йылысь тшӧктӧмсӧ кырымаліс Коми Республикаса Юралысь Владимир Уйба.
Водзджык Наталья Каринаӧс, кыдзи и Коми Республикаса Веськӧдлан котырӧ став пырысьӧс, мездісны Коми Республикаса вынйӧр сӧвмӧдан да спорт министр чинысь Коми Республикаса Веськӧдлан котырлысь выль состав лӧсьӧдӧм вӧсна.
{Kodko (комиӧдіс Kodko) @ Владимир Уйба вӧзйис нуны «Бессмертнӧй полкын» Украинаын спецоперация дырйи пӧгибнитӧм землякъяслысь портретъяссӧ @ новости @ https://rkomi.ru/news/2035 @ 2022-04-27 @}
Владимир Уйба вӧзйис нуны «Бессмертнӧй полкын» Украинаын спецоперация дырйи пӧгибнитӧм землякъяслысь портретъяссӧ
«Бессмертнӧй полк» котыртӧм йылысь Коми Республикаса Юралысь сёрнитіс «Россияса бессмертнӧй полк» ставроссияса ӧтйӧза гражданско-патриотическӧй ӧтмунӧмлӧн регионса юкӧнын исполкомӧн юрнуӧдысь Ксения Вокуевакӧд.
Аддзысьлӧмыс вӧлі косму тӧлысь 27 лунӧ.
«Колӧ, медым «Бессмертнӧй полкын» вӧліны и Украинаын спецоперация дырйи пӧгибнитӧм геройяс.
Налысь портретъяссӧ вермасны нуны юнармеечьяс, кадетъяс.
Гӧгӧрвоана, мый рӧдвужыс да матыссаясыс ёна шогалӧны на налӧн кулӧм вӧсна.
Но россияса воинъяслы, кодъяс сетісны олӧмнысӧ неофашизм бырӧдігӧн, быть колӧ восьлавны пӧльяскӧд ӧти стрӧйын, кодъяс воюйтісны Айму вӧсна Ыджыд тышын да дорйисны Чужан мунымӧс фашистъясысь», — тӧдчӧдіс Владимир Уйба.
Ксения Вокуева юӧртіс, мый Коми Республикаса кар-районъясын заводитісны нин дасьтысьны «Бессмертнӧй полк» акция нуӧдӧм кежлӧ.
Сыктывкарын колоннаыс заводитас чукӧртчыны ода-кора 9 лунӧ 10 час 40 минутын Театральнӧй изэрд бердын.
Мӧдӧдчас колоннаыс 11 час 10 минутын.
«Театральнӧй изэрдсянь колоннаыс лэччас Коммунистическӧй уличті Степан изэрд вылӧ.
Сэсся мунасны Ленин улич кузя Вежа Степанлӧн соборӧдз, кӧні нуӧдасны лития.
Лоӧ нёль кӧрӧбка, кутшӧмъясӧс торйӧдасны баннер-растяжкаясӧн.
Лоӧны 50–80 гӧгӧр волонтёр, кодъяс кутасны отсасьны акцияӧ пырӧдчысьяслы мунӧм дырйи.
Сідзжӧ кутас юргыны шылад», — юӧртіс Ксения Вокуева.
Коми Республикаса Юралысь шуис, мый быть пырӧдчас шествиеӧ.
Владимир Уйбалӧн воюйтісны мамсяньыс Логантий Максимович Русанов пӧльыс да батьсяньыс Иван Осипович Уйбо дядьыс.
Кыкнаныс пӧгибнитісны Ленинград бердын.
«Быд семьяын эм аслас герой, та понда «Бессмертнӧй полк» акцияӧ воысь воӧ пырӧдчӧ пыр унджык морт.
Колӧ, медым быдӧн, коді кӧсйӧ, вермисны участвуйтны шествиеын, медым республикаса олысьяс тӧдісны, кыдзи позьӧ пырӧдчыны «Бессмертнӧй полкӧ», мый та могысь колӧ вӧчны.
Та йылысь колӧ зэв стӧча юӧртны йӧзыслы, а котыртан уджсӧ нуӧдны вывті бура, медым вӧлі видлалӧма став позяна юалӧмсӧ, медводз — шествиеӧ пырӧдчысьяслӧн безопасносьт серти юалӧмъяссӧ», — тӧдчӧдіс Коми Республикаса Юралысь.
«Россияса бессмертнӧй полк» ставроссияса ӧтйӧза гражданско-патриотическӧй ӧтмунӧмлӧн регионса юкӧнын исполкомӧн юрнуӧдысь шыӧдчис Коми Республикаса Юралысь дорӧ корӧмӧн, медым сійӧс пыртісны «Победа» республиканскӧй оргкомитетлӧн пырысьяс лыдӧ.
Владимир Уйба ошкис татшӧм водзмӧстчӧмсӧ да дзик пыр сетіс лӧсялана тшӧктӧм.
Ксения Вокуева висьтыштіс «Россияса бессмертнӧй полк» регионса юкӧнлӧн удж, ӧтмунӧмлӧн войтыркостса да ставроссияса проектъяс йылысь, а сідзжӧ «<rus>Правнуки Победителей», «Пробуждая сердца», «Знаменосцы Победы</rus>» конкурсъяс йылысь.
Коми Республикаса олысьяслӧн заявкаяс серти водзмӧстчысьяс отсалӧны корсьны Айму вӧсна Ыджыд тышын участвуйтысьяслӧн боевӧй туй йылысь юӧр.
* * *
«Россияса бессмертнӧй полк» шествиесӧ котыртасны кык ногӧн: традиционнӧя да онлайн.
2021 воын Коми Республикаысь воис шествиеын онлайн участвуйтӧм вылӧ 17 136 заявка.
2019 воын Коми Республикаын шествиеӧ пырӧдчис 65 сюрс гӧгӧр морт, на лыдысь 12 сюрсыс — Сыктывкарын.
{Kodko (комиӧдіс Kodko) @ Владимир Уйба сетіс олысьяслы Россия Федерацияса да Коми Республикаса канму наградаяс @ новости @ https://rkomi.ru/news/2036 @ 2022-04-27 @}
Владимир Уйба сетіс олысьяслы Россия Федерацияса да Коми Республикаса канму наградаяс
Кыпыд церемонияыс вӧлі Тулыслы да Уджлы сиӧм гаж водзвылын, косму тӧлысь 27 лунӧ.
Наградитӧмаяс пӧвстын — разнӧй уджсикаса да арлыда йӧз: учёнӧяс, пӧжарнӧйяс, промышленнӧй предприятиеясын уджалысьяс, спортсменъяс да тренеръяс, медицина уджалысьяс, велӧдысьяс, музыкаӧ велӧдысьяс, волонтёръяс.
«Дона ёртъяс!
Чолӧмала тіянӧс босьтӧм наградаясӧн.
Тӧда, мый федеральнӧй да республиканскӧй тшупӧдъясын заслугаяснытӧ пасйӧмыс ышӧдас тіянӧс водзӧ сӧвмӧм, выль вермӧмъяс вылӧ.
Аттьӧ тіянлы сыысь, мый ті вӧчанныд республиканымӧс сӧвмӧдӧм вылӧ, тіян уджысь да зільлунысь», — аттьӧаліс Коми Республикаса Юралысь Владимир Уйба.
* * *
Россия Федерацияса Президентлӧн Индӧдӧн наука сӧвмӧдӧмӧ ыджыд пай пуктӧмысь да уна вося бур уджысь «Айму водзын заслугаясысь» II степеня Орденлысь медаль сетӧма
Светлана Альбертовна Рубцовалы — Коми наука шӧринлӧн Химия институтса директорлы;
зэв сьӧкыд условиеясын йӧзӧс мездігӧн петкӧдлӧм смеллунысь да повтӧмлунысь «Кулӧмысь мездӧмысь» медаль сетӧма:
Алексей Михайлович Болотовлы — Пӧжарысь видзчысян службаӧн да войтырӧс дорйӧмӧн веськӧдланінлӧн 111 №-а пӧжарнӧй часьтын караулса начальниклы;
Михаил Сергеевич Горбуновлы — Пӧжарысь видзчысян службаӧн да войтырӧс дорйӧмӧн веськӧдланінлӧн 111 №-а пӧжарнӧй часьтса начальниклы;
Михаил Сергеевич Логиновлы — Пӧжарысь видзчысян службаӧн да войтырӧс дорйӧмӧн веськӧдланінлӧн 111 №-а пӧжарнӧй часьтын юкӧнса командирлы;
Мурад Тофикович Мурадовлы — Пӧжарысь видзчысян службаӧн да войтырӧс дорйӧмӧн веськӧдланінлӧн 111 №-а пӧжарнӧй часьтса пӧжарнӧйлы;
Максим Рафаилович Сергеевлы — Пӧжарысь видзчысян службаӧн да войтырӧс дорйӧмӧн веськӧдланінын Коми Республикаса пӧжарысь видзчысян службалӧн 11 №-а отрядса начальниклы.
Россия Федерацияса Президентлӧн тшӧктӧмӧн
ломтас да энергетика комплекс сӧвмӧдӧмын заслугаясысь да уна вося бур уджысь Россия Федерацияса Президентсянь Аттьӧалӧм сетӧма
Римма Мехаковна Нерадовскаялы — «Варандейский терминал» ичӧт кывкутана котырлӧн лабораторияса начальниклы, Инта кар;
уджын вермӧмъясысь да уна вося бур уджысь Россия Федерацияса Президентсянь Аттьӧалӧм сетӧма:
Галина Александровна Жданлы — «Россияса кӧрт туйяс» восьса акционер котырса филиаллӧн кӧрт туй станциялысь уджсӧ котыртан Сосногорскса шӧринын нуӧдысь инженерлы;
Раиса Георгиевна Назимовалы — «ЛУКОЙЛ-Коми» ичӧт кывкутана котырлӧн «Яреганефть» мусир перъян шахтаса производство предприятиеын лэптан машинаса машинистлы, Ухта кар;
Селибий Салиханович Ордашёвлы — «ЛУКОЙЛ-Коми» ичӧт кывкутана котырлӧн Усинскса биару переработайтан заводын ӧтувъя юалӧмъяс серти директорӧс вежысьлы;
Павел Александрович Хотемовлы — «Лузалес» ичӧт кывкутана котырын вӧр пӧрӧдан машинаса машинистлы;
Дмитрий Геннадьевич Ягановлы — юралысь энергетиклы — «Варандейский терминал» ичӧт кывкутана котырлӧн цехса начальниклы, Инта кар;
наука уджын заслугаясысь да уна вося бур уджысь Россия Федерацияса Президентсянь Аттьӧалӧм сетӧма
Юрий Яковлевич Чукреевлы — Коми наука шӧринын Войвывлӧн социально-экономическӧй да энергетическӧй мытшӧдъяс институтса директорлы.
«Пӧсь сьӧлӧм» ставроссияса ӧтйӧза-канму водзмӧстчӧм котыртан комитетлӧн помшуӧмӧн олӧмын сьӧкыдлунъяс венӧмысь, вӧля вын петкӧдлӧмысь да вермыны зільӧмысь диплом да «Пӧсь сьӧлӧм» морӧсвыв пас сетӧма
дзоньвидзалунын дзескӧдӧм позянлунъяса спортсменъяс пӧвстын пауэрлифтинг серти Коми Республикаса чемпионатын вермысь, армрестлинг, дартс, бочче спортивнӧй ворсӧм серти «Парафест» паралимпийскӧй спортлӧн фестивальса ордйысьӧмъясын приз босьтысь Андрей Владимирович Полюклы, Сосногорск карса 3 №-а Шӧр школаын 11 класса велӧдчысьлы.
«Россияса том туялысьяслы — наукаса кандидатъяслы да докторъяслы канму отсӧгсӧ вынсьӧдӧм серти мераяс йылысь» Россия Федерацияса Президентлысь Индӧд олӧмӧ пӧртӧм могысь Россия Федерацияса Президентлысь грант сетӧма
Мария Сергеевна Королевалы — Коми наука шӧринса Химия институтлӧн лабораторияса наука туялысьлы, «Химия наукаяс» тӧдӧмлун юкӧнын 2022 вося конкурсын вермысьлы.
Коми Республикаса Юралысьлӧн Индӧдӧн
Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Валентина Ивановна Винтерлы — Сьӧдтыдор посёлокын фельдшер-акушер пунктӧн заведуйтысьлы — «Койгорт районса шӧр больнича» канму учреждениеса медицина сестралы;
Михаил Борисович Ивановлы — Коми Республикаса Юралысьлӧн Администрацияын торъя связь юкӧнса начальниклы;
Вероника Геннадьевна Ковыляевалы — Спиридонов нима «Коми Республикаса Юралысь бердын искусство гимназия» канму учреждениеса преподавательлы;
Светлана Завенновна Кукарцевалы — «Вуджан висьӧмысь бурдӧдан республиканскӧй больнича» канму учреждениеса шӧр медицина сестралы;
Сергей Николаевич Монастырскийлы — Россия Федерацияса национальнӧй гвардия войскалӧн Рытыв-Войвыв кытшса 5134 войскӧвӧй часьтын оркестрса начальниклы — военнӧй дирижёрлы;
Миляуша Алелетдиновна Панюковалы — «1 №-а спорт школа» канму учреждениелӧн спортивнӧя дасьтан юкӧнса шӧр тренерлы;
Наталия Ивановна Расторгуевалы — «Коми Республикаса искусство колледж» канму учреждениеса преподавательлы;
физическӧй культура да спорт сӧвмӧдӧмӧ тӧдчана пай пуктӧмысь, спортын ыджыд вермӧмъясысь Коми Республикаса Почёт грамота сетӧма:
Адаптивнӧй спорт сикасъяс серти сборнӧй командаясӧс спортивнӧя дасьтан да адаптивнӧй физическӧй культура сӧвмӧдан шӧринса спортсменъяслы
Иван Юрьевич Голубковлы — Россиялӧн войтыркостса спорт мастерлы;
Мария Вячеславовна Иовлевалы — Россияса нимӧдана спорт мастерлы;
Коми Республикалӧн бур вылӧ уна во зіля уджалӧмысь Коми Республикаса Почёт грамота сетӧма:
Светлана Ивановна Беляевалы — «Сыктывкарса челядьлы шылада-хора школа» муниципальнӧй учреждениеса концертно-внекласснӧй удж серти директорӧс вежысьлы;
Александр Викторович Гайворонскийлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса медыджыд директорлы;
Надежда Петровна Кальниченколы — «Торъя предметъяс пыдісянь велӧдан 26 №-а шӧр школа» муниципальнӧй учреждениеса директорлы;
Валентин Валерьевич Тимченколы — «Республика» газет редакция» асшӧрлуна учреждениеса юрнуӧдысьлы — шӧр редакторлы;
Василий Николаевич Филипповлы — Коми наука шӧринын Академик Юшкин нима геология институтлӧн лабораторияса шӧр тшупӧда наука туялысьлы.
Коми Республикаса Юралысьлӧн тшӧктӧмӧн
велӧдан юкӧнын заслугаясысь да уна вося бур уджысь «Коми Республикаса почёта велӧдысь» ним сетӧма
Татьяна Федоровна Тороповалы — «Бабиков нима Чилимдінса шӧр школа» муниципальнӧй учреждениеын биология велӧдысьлы;
чина кывкутана могъяс бура олӧмӧ пӧртӧмысь «Коми Республикалы зэв бура служитӧмысь» отличие пас сетӧма
Татьяна Юрьевна Линдтлы — «Адаптивнӧй спорт сикасъяс серти сборнӧй командаясӧс спортивнӧя дасьтан да адаптивнӧй физическӧй культура сӧвмӧдан шӧрин» канму учреждениеын адаптивнӧй спорт сикас серти спортивнӧй сборнӧй командалӧн тренерлы;
уна во сьӧлӧмсянь да бура уджалӧмысь «Уджын повтӧмлун» отличие пас сетӧма:
Павел Борисович Дроздовлы — «Квартет-Сервис» ичӧт кывкутана котырса технологическӧй трубопроводъяс тэчысь-чукӧртысьлы, Усинск кар;
Алексей Александрович Макаровлы — «Квартет-Сервис» ичӧт кывкутана котырса стрӧитчан да монтажнӧй уджъяс серти мастерлы, Усинск кар;
Андрей Евгеньевич Троценколы — «Лузалес» ичӧт кывкутана котырын электрооборудование дзоньталӧм серти слесар-электриклы;
Коми Республикаын добровольчество (волонтёрство) сӧвмӧдӧм серти зіль да бур уджысь «Добровольчество сӧвмӧдӧмӧ пай пуктӧмысь» отличие пас сетӧма:
Василий Михайлович Андреевлы — «Сыктывкар» кар кытшса муниципальнӧй юкӧнлӧн Эжва районса администрация бердын добровольческӧй штабӧн юрнуӧдысьлы;
Наталья Александровна Бутримлы — «<rus>От сердца к сердцу</rus>» добровольческӧй ӧтмунӧм координируйтысьлы;
Анна Юрьевна Гагариналы — Инта карын «<rus>Волонтёры победы</rus>» ставроссияса ӧтйӧза ӧтмунӧмлысь муниципальнӧй штаб координируйтысьлы;
Анна Андреевна Душейколы — «<rus>Сердце тайги</rus>» волонтёръяслӧн экологическӧй лагеръяс» проектӧн юрнуӧдысьлы;
Ольга Сергеевна Залевскаялы — #МыВместе Коми Республикаын ӧта-мӧдлы отсасян акция серти волонтёръяслысь регионса клуб координируйтысьлы;
Олег Ильич Исаковлы — «Вершина» волонтёръяслысь ӧтув координируйтысьлы, Печора кар;
Мария Николаевна Носовалы — Сыктывкарын волонтёрство (добровольчество) сӧвмӧдан шӧринӧн юрнуӧдысьлы;
Галина Пантелеевна Полтавскаялы — «Сыктывкарса эзысь волонтёръяс» волонтёръяслӧн шӧринӧн юрнуӧдысьлы;
Дина Ивановна Чекаленколы — «Греннис» йӧктысь котырӧн юрнуӧдысьлы, Сыктывкар.
{Kodko (комиӧдіс Kodko) @ Владимир Уйба: «Челядьлы быть колӧ висьтавны, мыйӧн збыльвылас лоӧ НАТО» @ новости @ https://rkomi.ru/news/2038 @ 2022-04-28 @}
Владимир Уйба: «Челядьлы быть колӧ висьтавны, мыйӧн збыльвылас лоӧ НАТО»
Регионса Юралысь участвуйтіс «<rus>НАТО. Хроника жестокости</rus>» выставка восьтӧмын, кодӧс котыртісны Коми Республикаса национальнӧй библиотекаын.
«НАТО лӧсьӧдӧмсянь эз вӧв ни ӧти во, медым сійӧ эз воюйт кутшӧмкӧ странакӧд.
Унаӧн чайтӧны, мый тайӧ альянссӧ лӧсьӧдісны дорйысьӧм могысь, но збыльвылас сійӧ нуӧдӧ сэтшӧм политика, мый дырйи бырӧдӧны лӧсявтӧм странаяссӧ, кодъяс абу сӧгласӧсь США-лӧн да англо-саксъяслӧн видзӧдласъясӧн.
Шуам, Югославияын да Ливияын лоӧмторъяс.
Кытчӧ эськӧ НАТО эз сюй ассьыс нырсӧ — кӧть кутшӧм страналы сійӧ вайӧ дой, кулӧмъяс, дзескӧдӧмъяс да вежӧ натовечьяслы лӧсявтӧм режимсӧ.
Колӧ, медым выставка вылӧ волісны том йӧз, школьникъяс.
Найӧ оз тӧдны НАТО-лысь историясӧ.
Школаясын та йылысь оз висьтавны.
Украинаын спецоперация серти агрессиялӧн, Россияын юӧр отсӧгӧн война нуӧдӧмлӧн вужъясыс быдмӧны НАТО-ысь.
Тадзи манипуляторъяс дзебӧны йӧзсьыс ассьыныс уна вося агрессиясӧ, фашистскӧй политикасӧ да петкӧдлӧны агрессорӧн Россияӧс.
Та вӧсна челядьлы быть колӧ висьтавны да петкӧдлыны, мыйӧн збыльвылас лоӧ НАТО»; — тӧдчӧдіс Коми Республикаса Юралысь.
«<rus>НАТО. Хроника жестокости</rus>» выставкасӧ сиӧма НАТО артмӧдӧмсянь 73 во тырӧмлы. Выставкаыс висьталас холоднӧй война заводитчӧмсянь миян лунъясӧдз войтыркостса медшӧр лоӧмторъяс йылысь, кутшӧмъяс йитчӧмаӧсь Войвыв Атлантическӧй альянслӧн уджкӧд.
Выставкасӧ котыртіс Россияса ӧнія историялӧн музей Россияса историческӧй котыр, МГИМО, «Россия — Моя история» историческӧй паркъяслӧн ассоциация, ТАСС да «<rus>Россия сегодня</rus>» МИА отсӧгӧн.
Тані позьӧ тӧдмавны Хиросимаӧ да Нагасакиӧ Америкаӧн бомба шыбитӧм, США-лӧн да сылӧн союзникъяслӧн СССР вылӧ уськӧдчан планъяс йылысь, кутшӧмъясӧс дасьтісны Мӧд мирӧвӧй война помасьӧм бӧрын регыд мысти, XX нэм помын да XXІ нэм заводитчигӧн локальнӧй конфликтъяс йылысь, тшӧтш и 1999 воын Югославия бомбардируйтӧм, 2000-ӧд воясӧ Иракын да Афганистанын войнаяс, Сирияын конфликт йылысь, а сідзжӧ Украинаын ӧнія лоӧмторъяс йылысь.
Выставкасӧ вӧчисны документальнӧй фотояс, артефактъяс да историческӧй документъяс, а сідзжӧ Украинаын спецоперация нуӧданінысь трофейяс подув вылын, кутшӧмъяс петкӧдлӧны, мый НАТО участвуйтіс Донбассын Украиналысь военнӧй агрессия дасьтӧмын.
* * *
НАТО-ӧ пырысь (<eng>North Atlantіc Treaty Organіzatіon, NATO</eng>) Войвыв Америкаса да Рытыв Европаса странаяслысь военно-политическӧй блоксӧ котыртісны 1949 вося косму тӧлысьын.
Организациялысь уджсӧ вӧлі веськӧдӧма Европа вылӧ сӧветскӧй тӧдчӧмлы паныд да ядернӧй дзескӧдӧмъяс збыльмӧдӧм вылӧ.
{Kodko (комиӧдіс Kodko) @ Коми Республикаса вӧръяс пӧжарысь видзӧм вылӧ федеральнӧй сьӧмкудйысь содтӧд вичмӧдасны матӧ 200 миллион шайт @ новости @ https://rkomi.ru/news/2039 @ 2022-04-28 @}
Коми Республикаса вӧръяс пӧжарысь видзӧм вылӧ федеральнӧй сьӧмкудйысь содтӧд вичмӧдасны матӧ 200 миллион шайт
Пӧжаръяс лоны вермана кадколаст, челядьлысь дзоньвидзалун бурмӧдан кампания да пляжъяс вылын шойччӧм дырйи видзчысянлун йылысь сёрнитісны Коми Республикаын неминучаясысь ӧлӧдӧм, найӧс бырӧдӧм да пӧжарысь видзчысьӧм серти комиссиялӧн заседание дырйи.
Мероприятиесӧ нуӧдіс косму тӧлысь 27 лунӧ Коми Республикаса Юралысь Владимир Уйба.
«Торйӧн тӧдчӧда муниципалитетъясӧн юрнуӧдысьяслы, мый синоптикъяслӧн прогнозъяс серти ода-кора тӧлыссянь кӧч тӧлысьӧдз зэра луныс лоӧ зэв этша да вермас лоны уна пӧжар.
Ӧні нин олысьяс пӧвстын колӧ нуӧдны гӧгӧрвоӧдан уджъяс сы йылысь, мый оз позь пестыны би косінъясын.
Колӧ ӧдйӧджык эштӧдны мутасъяс паспортизируйтӧм серти уджсӧ, кӧні вермасны лоны ландшафтнӧй пӧжаръяс.
Тшӧкта Коми Республикаса вӧр-ва озырлун да гӧгӧртас видзан министерстволы муниципалитетъяскӧд ӧтвылысь котыртны Вӧр сотчӧмысь видзан Коми шӧринӧ уджалысьясӧс содтӧм да сэтчӧс олысьясӧс да организацияясӧс пӧжаръяс кусӧдны корӧм серти удж», — юӧртіс Коми Республикаса Юралысь.
Заседание дырйи видлалісны РСЧС-лӧн Коми республиканскӧй системаувса вынъяслысь да средствояслысь гожӧмын вӧрса да трунда ӧзйылӧмъяс аддзыны да бырӧдны дасьлун йылысь юалӧмъяс.
Колян во серти таво Коми Республикаын вӧръяс пӧжарысь видзӧм вылӧ сьӧмсӧ федеральнӧй сьӧмкудйысь вичмӧдасны 195,7 млн шайт вылӧ унджык.
Татшӧм ногӧн федеральнӧй сьӧмӧн могмӧдан мындаыс лоӧ 382,1 млн шайт, а республиканскӧй сьӧмкудйысь сьӧмсӧ тӧд вылӧ босьтӧмӧн тайӧ могъяс вылӧ урчитӧма 450,4 млн шайт.
Содтӧд сьӧмыс сетас позянлун вынсьӧдны пӧжарысь видзан служба, кыскас удж вылӧ содтӧд кадръясӧс да содтас лэбалан патрульлысь лыдсӧ.
Таво пӧжаръяс кусӧдан авиация шымыртас республикаса вӧр фондлысь став площадьсӧ, авиамаршрутъяс нюжаласны 5 сюрс километр вылӧ.
Пӧжаръяс кусӧдӧм вылӧ мӧдӧдасны 1100-ысь унджык мортӧс да 600-ысь унджык единица техника.
Сідзжӧ пӧжаръяс кусӧдӧм вылӧ гражданскӧй-инӧда сёрнитчӧмъяс серти кутасны корны сэтчӧс йӧзӧс да организацияясӧс.
Лӧсялана канму контракт кырымалӧм вылӧ республиканскӧй сьӧмкудйын урчитӧма 3 млн шайт.
Заседаниеын участвуйтысьяс сёрнитісны гожся лагеръясын челядьлӧн шойччигӧн видзчысянлун йылысь.
Коми Республикаын кутас уджавны 314 лунся лагер, 132 уджалан да шойччан лагер да 3 стационарнӧй лагер.
Дзоньвидзалун бурмӧдан гожся кампания восьтӧм кежлӧ дасьтысьӧ Краснодарскӧй крайын «<rus>Черноморская зорька</rus>» санаторий.
Челядьлысь видзчысянлунсӧ могмӧдӧны быд боксянь: пӧртӧны олӧмӧ пӧжарысь видзчысян корӧмъяссӧ, могмӧдӧны объектъясын терроризмысь видзӧмсӧ, челядьӧс транспортӧн новлӧдлӧм дырйи безопасносьтсӧ, кутчысьӧны санитарно-эпидемиологическӧй корӧмъясӧ.
Челядькӧд нуӧдӧны уна ӧлӧдан удж неминучаысь видзчысьӧм серти.
2022 вося гожӧмнас республикаын кӧсйӧны восьтыны 76 пляж да ва дорын уна йӧза шойччанін.
На пиысь 22 объектсӧ лӧсьӧдасны Кулӧмдін районын — сэтчӧс власьтъяс медся зіля котыртісны купайтчӧм вылӧ санкционируйтӧм инъяссӧ.
Та дырйи Усинскын, Интаын, Сосногорскын да Сыктывдін районын власьтъяс оз кӧсйыны восьтыны пляжъяс.
«Ва дорын шойччанінъяссӧ быть колӧ оборудуйтны став кар-районын, сы вӧсна мый жар поводдя дырйи йӧзыс оз кутны видзӧдны, санкционируйтӧма тайӧ местасӧ либӧ абу.
Найӧ шойччӧны да купайтчӧны сэні, кӧні велалісны челядьдырсяньыс.
Ми кӧ эг оборудуйтӧй тайӧ местаяссӧ, сідзкӧ, ми эгӧ видзӧй йӧзсӧ лёкторйысь.
Медым эз вӧвны неминучаяс, татшӧм уджсӧ колӧ котыртны республикалӧн быд муниципалитетын», — тӧдчӧдіс Владимир Уйба.
{Kodko (комиӧдіс Kodko) @ Коми Республикаса Юралысь чолӧмалӧ Регыдъя медицина отсӧг сетысьлӧн лунӧн @ новости @ https://rkomi.ru/news/2040 @ 2022-04-28 @}
Коми Республикаса Юралысь чолӧмалӧ Регыдъя медицина отсӧг сетысьлӧн лунӧн
«Регыдъя медицина отсӧг сетан службаын пыдди пуктана уджалысьяс!
Дона уджъёртъяс!
Став сьӧлӧмсянь чолӧмала тіянӧс уджсикас гажӧн!
Тіян удж — кужны аддзыны колана петан туйяс сьӧкыд ситуацияясын, тӧждысьны йӧз вӧсна, сетны уна вын да терпенньӧ.
Тайӧ уджсикас зэв бура тӧдӧм да кывны йӧз дойсӧ кужӧм.
Ті сетінныд ассьыныд олӧмтӧ тайӧ уджыслы.
Быд лун республикаын уджалан вахта вылӧ локтӧны регыдъя медицина отсӧг сетан 90 бригада.
Праздник лунъясӧ да урчиттӧм кадӧ ті пыр тэрмасянныд на дорӧ, кодъяс веськалісны неминучаӧ да кодъяслы колӧ отсӧг.
Талун регыдъя медицина отсӧг сетан службасӧ выльмӧдӧны, но та дырйи сійӧ видзӧ медбур традицияяссӧ.
Службаӧ воӧны том йӧз.
Сӧмын колян во уджалысьяслӧн лыдыс содіс 81 том специалист вылӧ.
Бӧръя воясӧ врачьяслы, фельдшеръяслы, медсестраяслы да медбратъяслы, диспетчерскӧй службаясса операторъяслы, водительяслы сюрис уна сьӧкыдлун пандемия вӧсна.
Но ті венінныд ставсӧ да кывкутӧмӧн вӧчинныд ассьыныд уджтӧ.
Пыдди пуктана уджъёртъяс!
Став сьӧлӧмсянь аттьӧала тіянӧс бӧрйӧм удж, уджсикас мог да тіян пациентъяс водзын веськыдлунысь.
Мед тіян сиренаа машинаясныд пыр удитісны отсӧг вылӧ, а дежурствояс вӧліны лӧньӧсь.
Сиа тіянлы, медым уджныд пыр воис сьӧлӧм выланыд, крепыд дзоньвидзалун да тыр-бур олӧм!»
Коми Республикаса Юралысь Владимир Уйба
{Kodko (комиӧдіс Kodko) @ «МБА» москваса командакӧд бӧръя матч водзын «НИКА» баскетбольнӧй командалы Владимир Уйбалӧн видео пыр бурсиӧм @ новости @ https://rkomi.ru/news/2042 @ 2022-04-28 @}
«МБА» москваса командакӧд бӧръя матч водзын «НИКА» баскетбольнӧй командалы Владимир Уйбалӧн видео пыр бурсиӧм
{Kodko (комиӧдіс Kodko) @ Чилимдін районлы сетісны выль пассажирскӧй автобусъяс @ новости @ https://rkomi.ru/news/2044 @ 2022-04-28 @}
Чилимдін районлы сетісны выль пассажирскӧй автобусъяс
Коми Республикаса Юралысь Владимир Уйба сетіс муниципалитетлы овмӧдчӧминкостса да районкостса маршрутъясті йӧзӧс новлӧдлӧм вылӧ ПАЗ маркаа 2 автобус.
«Кор ме волі Чилимдін районӧ, ме дорӧ шыӧдчис администрацияӧн юрнуӧдысь Николай Митрофанович Канев.
Сійӧ висьталіс, мый эмӧсь сьӧкыдлунъяс йӧзӧс автобусъясӧн новлӧдлӧмсӧ котыртӧмын.
Автобусъясыс важӧсь да тшӧкыда жугласьӧны.
Менам тшӧктӧм серти регионса Веськӧдлан котыр видлаліс муниципальнӧй сьӧмкуд учреждениелысь автопарк выльмӧдӧм серти юалӧмсӧ.
Сы вылӧ видзӧдтӧг, мый сьӧмкудйыс дефицитнӧй, ми аддзим сьӧм кык ПАЗ ньӧбӧм вылӧ», — тӧдчӧдіс Владимир Уйба.
Ньӧбӧм автобусъяссӧ вӧчӧма Россияын, быдӧн на пиысь 24 пукалан местаа да найӧс могмӧдӧма экстреннӧй оперативнӧй службаясӧс коран устройствоӧн.
Найӧс ньӧбӧм вылӧ республиканскӧй сьӧмкудйысь вичмӧдӧма 7 миллионысь унджык шайт.
«Тайӧ автобусъясыс ёна колӧны Чилимдін районса олысьяслы.
Пассажиръясӧс новлӧдлӧмсӧ районын котыртӧ дзик ӧти сьӧмкуд учреждение.
Техникаыс вочасӧн киссьӧ.
Ми ньӧбам выльӧс, но асьным став техникасӧ ньӧбны огӧ вермӧй.
Выль автобусъяс дзик пыр заводитасны уджавны — кутасны новлӧдлыны йӧзсӧ Чилимдін кузя да Ухтаӧдз.
Аттьӧ татшӧм козинысь!», — аттьӧаліс «Чилимдін» МР юралысь — районса администрацияӧн юрнуӧдысь Николай Канев.
{Kodko (комиӧдіс Kodko) @ Владимир Уйба аддзысьліс Украинаын военнӧй спецоперация нуӧданінӧ командировкаысь локтӧм росгвардеечьяскӧд @ новости @ https://rkomi.ru/news/2045 @ 2022-04-28 @}
Владимир Уйба аддзысьліс Украинаын военнӧй спецоперация нуӧданінӧ командировкаысь локтӧм росгвардеечьяскӧд
Коми Республикаса Юралысь аттьӧаліс Росгвардияса веськӧдланінлӧн «Зырянин» ОМОН-са да «Заря» СОБР-са уджалысьясӧс Украинаын военнӧй спецоперация нуӧдігӧн петкӧдлӧм повтӧмлунысь да смеллунысь.
«Дона ёртъяс, пыдди пуктана офицеръяс!
Аттьӧ Енмыслы сыысь, мый ті талун миянкӧд ӧтлаын, чужан му вылын.
Ми зэв радӧсь та вӧсна да, веськыда кӧ шуны, быд лун кевмысим тіян понда, медым ті воинныд ловъяӧсь да дзоньвидзаӧсь, — шуис Владимир Уйба.
— Тіянлы вичмис венны уна сьӧкыдлун, но Медвылыс веськӧдлысь, миян странаса Президент Владимир Владимирович Путинлысь тшӧктӧмсӧ ті збыльмӧдінныд колана ногӧн.
Муӧдз копыр тіянлы таысь!
Но миян 13 зон, на пӧвстын ОМОН взводса командир, полицияса капитан Алексей Михайлович Опацкий, эз воны война вылысь.
Куслытӧм паметь налы да куслытӧм слава.
Став зоннымӧс бӧръя туйӧ колльӧдігӧн, ми сьӧкыда, но аддзам кывъяс мамъяслӧн да батьяслӧн, гӧтыръяслӧн да челядьлӧн ыджыд шог водзын.
Ме кӧсйыся тіянлы, мый быд пӧгибнитӧм воин нэм кежлӧ коляс Коми Республикаса олысьяслӧн да став россияса войтырлӧн сьӧлӧмъясын.
Аддзысьлӧмын участвуйтысьяс казьтыштісны тышын пӧгибнитӧмаясӧс чӧв олыштӧмӧн.
Владимир Уйба сетіс Росгвардияса уджалысьяслы Коми Республикаса Юралыссянь Аттьӧалӧмъяс.
Росгвардияӧн Веськӧдланінса начальник, полицияса полковник Алексей Ходоров сетіс ведомствоса наградаяс да пасйис офицеръяслысь вылыс тшупӧда дасьлунсӧ, аттьӧаліс служебнӧй долг зэв бура вӧчӧмысь да та дырйи петкӧдлӧм повтӧмлунысь да смеллунысь.
{Kodko (комиӧдіс Kodko) @ Комиын сахарнӧй диабетӧн висьысь челядьӧс дон босьттӧг могмӧдасны глюкоза тшупӧд петкӧдлысь датчикъясӧн @ новости @ https://rkomi.ru/news/2046 @ 2022-04-29 @}
Комиын сахарнӧй диабетӧн висьысь челядьӧс дон босьттӧг могмӧдасны глюкоза тшупӧд петкӧдлысь датчикъясӧн
Коми Республикаса Веськӧдлан котырлӧн косму тӧлысь 28 лунся заседание дырйи сёрнитісны регионын лекарствоӧн могмӧдӧм да ӧткымын муниципалитет комплекснӧя сӧвмӧдӧм йылысь.
«Лекарствоӧн могмӧдӧм йылысь юалӧмыс майшӧдлӧ республикаса став олысьӧс, торйӧн нин ӧні, кор Россиялы паныд пыртӧма та мында санкция, — пасйис Владимир Уйба.
— Медся ёсь юалӧмъяс — медикаментъяс сёрмӧмӧн вайӧм да лекарство вылӧ донъяслӧн кыптӧм.
Гӧгӧрвоана, мый эмӧсь мортысь зависиттӧм помкаяс, ми накӧд нинӧм огӧ вермӧ вӧчны.
Но мытшӧдсӧ колӧ разьны.
Тайӧ сьӧкыдлунъяссӧ колӧ венны миянлы, Веськӧдлан котырлы, а абу республикаса олысьяслы.
Лекарство серти юалӧм — тайӧ политика юалӧм. Тані позьӧ мудеритны да паськӧдны фейкъяс.
Тшӧкыда йӧзыслы оз сетны колана юӧрсӧ либӧ сетӧны пӧръясяна юӧр.
Та вӧсна колӧ сёрнитны олысьяскӧд, медым найӧ тӧдісны, мый найӧс кылӧны да налӧн мытшӧдъяс серти уджалӧны».
Регионса Юралысь торйӧн казьтыштіс могмӧдтӧм рецептъяс серти лекарство сетӧм йылысь.
Сійӧ тшӧктіс регионса Йӧзлысь дзоньвидзалун министерстволы да Коми Республикаса канму аптекаяслы ладмӧдны олысьяслы аптекаясӧ препаратъяс воӧм йылысь оперативнӧя юӧртан система, а сідзжӧ торйӧн видзӧдны ньӧбасян процедураяс бӧрся.
Коми Республикаса йӧзлысь дзоньвидзалун видзан министерстволӧн мыччӧдъяс серти, регионӧс лекарствоӧн могмӧдӧм вылӧ 2022 воӧ федеральнӧй сьӧмкудйысь вичмӧдӧма 387 млн шайт, республиканскӧй сьӧмкудйысь — 1 млрд 62 млн шайт.
Коми Республикаын медъёна висьӧны сьӧлӧм да вир сӧн висьӧмъясӧн, та вӧсна колӧ торйӧн ёна видзӧдны, медым татшӧм висьӧмъяса пациентъясӧс вӧлі могмӧдӧма лекарствоӧн.
Тайӧ нырвизь серти лекарствояс ньӧбӧм вылӧ вичмӧдӧма 83,3 млн шайт, на лыдысь 95 прӧчентыс — федеральнӧй сьӧмкуд сьӧм.
Таысь кындзи, торйӧн видзӧдӧны сы бӧрся, кыдзи котыртӧны пациентъясӧс выль коронавирус инфекцияысь бурдӧдӧмсӧ.
2020 вося вӧльгым тӧлыссянь регион босьтіс федеральнӧй сьӧмкудйысь 167,6 млн шайт да веськӧдіс республиканскӧй сьӧмкудйысь 697 млн шайт.
Коми Республика — регионъяс пӧвстысь ӧти, кӧні шуӧма сьӧмкуд сьӧм вылӧ могмӧдны челядьӧс да томуловӧс глюкоза бӧрся пыр видзӧдан системаясӧн.
Лӧсялана шуӧмсӧ республикаса Веськӧдлан котыр примитіс 2021 во помын.
Владимир Уйбалӧн тшӧктӧм серти устройствояссӧ ньӧбӧма нин.
Ӧні найӧс сеталӧны пациентъяслы.
Заседаниелӧн мӧд юалӧм серти докладъясӧн сёрнитісны Ухталӧн, Сосногорсклӧн, Вуктыллӧн да Мылдін районлӧн администрацияясӧн юрнуӧдысьяс.
Найӧ юӧртісны гражданалы бур оласног лӧсьӧдӧм серти удж йылысь.
Ухтаын да Вуктылын 2022–2025 воясӧ дзоньталасны дінму тӧдчанлуна автомашина туйяс.
Таысь кындзи, 2030 воӧдз тайӧ муниципалитетъясын кӧсйӧны пыртны биару транспорт системаса выль объектъяс.
Владимир Уйба пуктіс Сосногорскса юрнуӧдысьяслы мог: индыны Индига саридзса джуджыд порт да Сосногорск — Индига кӧрт туй магистраль стрӧитӧмӧн национальнӧй горнопромышленнӧй кластер лӧсьӧдӧм серти арктикаса мегапроектлӧн инвесторъяскӧд социальнӧй уджъёртасьӧмлысь медтӧдчанаторъяссӧ.
Вуктылса юрнуӧдысьяслы колӧ ӧддзӧдны биару сикт-грездъясӧ нюжӧдӧм серти уджсӧ.
Коми Республикаса Веськӧдлан котыр тшупӧдын видлаласны гӧля олысь семьяяслы олан жыръяс биаруӧн могмӧдӧм вылӧ оборудование ньӧбӧм вылӧ содтӧд субсидияяс сетӧм йылысь юалӧм.
Республикаса став муниципалитетын юрнуӧдысьяслы вӧзйӧма зільджыка котыртны «Карын бур оласног лӧсьӧдӧм» федеральнӧй проект збыльмӧдӧм серти бурмӧдан-мичмӧдан объектъяс вӧсна онлайн-гӧлӧсуйтӧмсӧ.
{Kodko (комиӧдіс Kodko) @ Коми Республикаса Юралысь чолӧмалӧ Пӧжарнӧй охрана лунӧн @ новости @ https://rkomi.ru/news/2049 @ 2022-04-30 @}
Коми Республикаса Юралысь чолӧмалӧ Пӧжарнӧй охрана лунӧн
«Пӧжарнӧй охранаын пыдди пуктана уджалысьяс да ветеранъяс!
Чолӧмала тіянӧс уджсикас гажӧн!
Тайӧ лунӧ ми ыдждӧдлам ставнысӧ, кодъяс мездӧны йӧзӧс пӧжаръясысь.
Республиканымӧс биысь мездӧны Россияса МЧС-лӧн пӧжарысь мездан федеральнӧй служба да Коми Республикаын пӧжарысь мездан служба, пӧжарнӧй охраналӧн ведомствоса да асшӧр юкӧдувъяс, сёрнитчан юкӧдувъяс, кодъяс видзӧны экономика боксянь тӧдчана объектъяс, пӧжарнӧй поездъяслӧн боевӧй рӧштшӧт бригадаяс да асвӧляа пӧжарнӧй охраналӧн уна лыда команда.
Пӧжарнӧйяс — повтӧм да киподтуя йӧз, кодъяс кужӧны ӧдйӧ аддзыны петан туйяс да сьӧлӧмӧн сетчӧны асланыс уджӧ.
Бӧрйыны тайӧ уджсӧ позьӧ сӧмын сьӧлӧм серти.
Кӧть и талун бикӧд вермасьысьяслы отсалӧ ӧнія техника да пӧжар кусӧдысь средствояс, буретш пӧжарнӧй каскаа мортлӧн кужӧм-сямлуныс вермӧ бисӧ.
Аттьӧала ставнысӧ, кодъяс сиисны олӧмнысӧ пӧжаркӧд йитчӧм бур уджлы, сьӧлӧмсянь уджалӧмысь, уджнытӧ бура тӧдӧмысь да йӧз вӧсна тӧждысьӧмысь.
Торйӧн кӧсъя аттьӧавны ветеранъясӧс, кодъяс пуктісны подув службалӧн традицияяслы да отсалӧны велӧдны том специалистъясӧс.
Сиа тіянлы лӧнь дежурствояс да семьяын тыр-бур олӧм, крепыд дзоньвидзалун да ыджыд шуд!»
Коми Республикаса Юралысь Владимир Уйба
{Kodko (комиӧдіс Kodko) @ Комиын геополитическӧй серпас тӧд вылӧ босьтӧмӧн дасьтасны аграрнӧй юкӧн сӧвмӧдан концепция @ новости @ https://rkomi.ru/news/2051 @ 2022-04-30 @}
Комиын геополитическӧй серпас тӧд вылӧ босьтӧмӧн дасьтасны аграрнӧй юкӧн сӧвмӧдан концепция
Та йылысь Коми Республикаса Юралысь Владимир Уйба юӧртіс Коми Республикаса видз-му овмӧс да потребительскӧй рынок министерство коллегиялӧн 2021 воын агропромышленнӧй комплекс уджлӧн кывкӧртӧдъяс серти паськӧдӧм заседание дырйи.
Заседаниеыс вӧлі косму тӧлысь 29 лунӧ.
«Коми Республикаса Веськӧдлан котыр да Россияса видз-му овмӧс министерство зіля пырӧдчисны агропромышленнӧй комплекслы отсалан мераяс примитан уджӧ.
Ми гӧгӧрвоам, мый канмусянь отсӧгтӧг видз-му овмӧсыд оз ло, та вӧсна ми торйӧн уджалам та серти.
Сьӧмкудйын сьӧкыдлунъяс вылӧ видзӧдтӧг ми колим видз-му овмӧслы канмусянь став отсӧгсӧ.
Да водзӧ кутам корсьны юкӧн сӧвмӧдӧм вылӧ позянлунъяс», — пасйис Владимир Уйба.
Регионса Юралысь торйӧн казьтыштіс мытшӧдъяс йылысь, кутшӧмъясӧс колӧ пырысьтӧм-пыр разьны.
Республикаын 300 сюрс гектар видз-му овмӧс угоддьӧ, но вӧдитчӧны сӧмын квайтӧд пайӧн — та дырйи кызвыннас контрольтӧг.
Пӧшти став муыс вывті шомаӧсь, сэні этша органическӧй вещество, макро- да микроэлемент.
Оз тырмымӧн быдтыны картупель, град выв пуктас да арсянь кӧдзан тусь.
Видз-му бурмӧдан системаысь матӧ 70 прӧчентыс — омӧльӧсь, збыльвылас дӧзьӧртӧмӧсь.
Регионын видзӧны 27,9 сюрс юр гырысь скӧт. А вӧдитны кӧ мусӧ колана ногӧн, позьӧ вердны 60 сюрс юр.
Эмӧсь юалӧмъяс и овмӧссӧ пӧрӧдаа скӧтӧн да искусственнӧя тырсьӧдӧм вылӧ материалӧн могмӧдӧм серти удж дорӧ, дасьтан кӧрымлӧн качество дорӧ. Тайӧ лёка тӧдчӧ скӧтлӧн продуктивносьт вылӧ.
Предприятиеяс сӧвмӧдӧмсӧ ньӧжмӧдӧ и сійӧ, мый местаяс вылын пыдісянь оз переработайтны яй, картупель да град выв пуктасъяс.
Некытчӧ инавны картупель да град выв пуктасъяс, регионын абуӧсь оптӧвӧя юклан шӧринъяс.
Владимир Уйба тшӧктіс регионса Видз-му овмӧс министерстволы да Коми Республикаса Веськӧдлан котырлы ӧтув зільджыка разьны индӧм мытшӧдъяссӧ да дасьтыны юкӧнлы содтӧд отсалан мераяс.
Тайӧ «Комиагролизинг» ичӧт кывкутана котырлы сьӧм содтӧм, мутасъяс комплекснӧя сӧвмӧдӧм серти мероприятиеяс сьӧмӧн могмӧдӧмсӧ кыпӧдӧм, органическӧй мувердас вайӧм вылӧ ӧтувъя рӧскод компенсируйтӧм, дась прӧдукция иналан рынок паськӧдӧм.
Республикаса Юралысь вӧзйис компенсируйтны олан пунктъясӧ, кытчӧ абу сьӧкыд воӧдчыны, сёян-юан нуӧм вылӧ рӧскодсӧ (ӧні республикаса сьӧмкудйысь вештӧны сӧмын сьӧкыда воӧдчан олан пунктъясӧ прӧдукция вайӧм вылӧ рӧскодсӧ).
Таысь кындзи, республикаса сьӧмкуд учреждениеясӧ кӧсйӧны вайны унджык татчӧс прӧдукция.
Санкцияяс пыртӧм бӧрын федеральнӧй оланпастэчасӧ пыртӧм вежсьӧмъясыс ӧні сетӧны позянлун конкурстӧг ньӧбасьны ӧти поставщиклысь.
«Дерт, регионса видз-му овмӧс серти колӧ уджавны системнӧя.
Такӧд йитӧдын тшӧкта регионса Веськӧдлан котырлы лӧсьӧдны ортсыса политикалысь аслыспӧлӧслунъяссӧ тӧд вылӧ босьтӧмӧн 5 вося период вылӧ Коми Республикаса агропромышленнӧй комплекс сӧвмӧдан концепция.
Колӧ босьтны тӧд вылӧ ӧнія санкцияяссӧ, геополитическӧй серпассӧ, а сідзжӧ мытшӧдъяссӧ, кутшӧмъясӧс миянлы вӧчисны странаяс, кодъяс оз ёртасьны миянкӧд.
Миян уджлӧн бӧртасӧн лоас регионнымӧс сёян-юанӧн бура могмӧдӧм», — пасйис Владимир Уйба.
Коми Республикаса Юралысь казьтыштіс аграрийяслы позянлунъяс йылысь, кутшӧмъясӧс вӧзйӧны бизнеслы республикаса арктика мутасъясын.
Талун кивыв лӧсьӧдны выль, тшӧтш и аграрнӧй, предприятиеяс Воркутаын, Интаын, Усинскын да Чилимдін районын.
Асшӧр уджалысьяслы тані вӧвлытӧм вот преференцияяс.
Арктика зонаса резидентъясӧс 10 во вылӧ мездӧны чуктӧс да эмбур вылӧ вот мынтӧмысь.
{Kodko (комиӧдіс Kodko) @ Коми Республикаса Юралысь чолӧмалӧ Тулыслы да Уджлы сиӧм гажӧн @ новости @ https://rkomi.ru/news/2052 @ 2022-05-01 @}
Коми Республикаса Юралысь чолӧмалӧ Тулыслы да Уджлы сиӧм гажӧн
«Коми Республикаса пыдди пуктана олысьяс!
Дона ёртъяс!
Чолӧмала тіянӧс Тулыслы да Уджлы сиӧм гажӧн!
Первомай — тайӧ ловзьӧмлы, бур ваян уджлы да бур аскиа лун вылӧ лачалы сиӧм лун.
Тайӧ гажыс быдӧнлӧн, коді радейтӧ Чужан му, коді аслас уджӧн пуктӧ подув, медым сійӧ сӧвмис да дзордзаліс.
Первомай ӧтувтӧ став арлыда да уджсикаса йӧзӧс, кодъяс кывкутӧмӧн да сьӧлӧмсянь уджалӧны республикалы да став страналы бур вылӧ.
Канмулӧн медшӧр могъяс пиысь ӧтиӧн пыр вӧлі гражданалы уджавны, семьясӧ видзны позянлун сетӧм.
Миян странаын да республикаын дасьтӧма канмусянь отсалан мераяс кыдзи удж сетысьяслы, сідзи и удж корсьысьяслы.
Эмӧсь квалификация кыпӧдан, выль уджсикасӧ велӧдан уджтасъяс. Пыр унджык йӧз вермӧ дон босьттӧг велӧдчыны выль уджсикасӧ.
Ӧні татшӧм позянлуныс эм том йӧзлӧн, уджтӧмалысьяслӧн да мамъяслӧн, кодъяс петісны кага видзан отпускӧ, пенсияӧдз арлыда йӧзлӧн, йӧзлӧн, кодъяс вермӧны воштыны уджнысӧ.
Ӧткымын мера веськӧдӧма налы, кодъяс кӧсйӧны восьтыны ассьыныс делӧ.
Республикаса пыдди пуктана олысьяс!
Аттьӧала тіянӧс бур ваян уджысь, ас киӧн миян войвыв мулы бур аскиа лун вӧчны зільӧмысь.
Сьӧлӧмсянь сиа быдӧнлы корсьны ассьыныд ин олӧмын да уджсикасын, уджын вермӧмъяс, шуд да крепыд дзоньвидзалун!»
Коми Республикаса Юралысь Владимир Уйба
{Kodko (комиӧдіс Kodko) @ Комиын предпринимательяс вермӧны босьтны социальнӧй проектъяс збыльмӧдӧм вылӧ грант @ новости @ https://rkomi.ru/news/2061 @ 2022-05-05 @}
Комиын предпринимательяс вермӧны босьтны социальнӧй проектъяс збыльмӧдӧм вылӧ грант
2021 воӧ татшӧм грантсӧ босьтіс 27 социальнӧй предприниматель.
Та йылысь юӧртісны Коми Республикаса Юралысь Владимир Уйбалӧн регионса Веськӧдлан котыркӧд быдвежонся оперативнӧй сӧвещание дырйи.
Сӧвещаниеӧ пырӧдчысьяс видлалісны экономика зумыда сӧвмӧдан юалӧмъяс.
2022 вося рака тӧлысь 16 лунсянь косму тӧлысь 5 лунӧдз медводдза заявочнӧй кампания дырйи Коми Республикаын ведомствокостса комиссиялӧн помшуӧмӧн 34 предпринимательӧс шуӧма социальнӧйӧн.
Матысса кадӧ кӧсйӧны нуӧдны субъектъясӧс социальнӧй предпринимательясӧн шуӧм вылӧ 2 этап, а ода-кора да лӧддза-номъя тӧлысьясӧ воссяс «Мой бизнес» шӧринын социальнӧй предпринимательствоӧ велӧдан курс.
Коймӧд кварталын кӧсйӧны нуӧдны социальнӧй проектъяс збыльмӧдӧм могысь грантъяс босьтӧм вылӧ конкурс.
Водзӧ нуӧдӧны производствоын мытшӧдъяс бырӧдӧм серти удж.
Комиын уджалӧ Логистика шӧрин, сійӧ ӧтувтӧ федеральнӧй тэчасъяс да регион костын уджсӧ.
Мунӧ удж республикаса предприятиеяслы техника ньӧбӧм, импортнӧй техника парк, мый эм, дзоньталӧм да могмӧдӧм серти. Видлалӧны «Ростех» канму корпорациякӧд ӧтув уджалӧм йылысь юалӧм.
Коми Республикаса Веськӧдлан котыр да «Монди Сыктывкарса ЛПК» акционер котыр костын социально-экономическӧй уджъёртасьӧм йылысь артмӧдчӧм серти Кулӧмдін, Кӧрткерӧс, Сыктывдін, Луздор, Сыктыв, Удора да Койгорт районъяс костын юкасны 50 миллион шайт.
Сьӧмсӧ веськӧдасны выль уджалан местаяс лӧсьӧдӧм, социальнӧй инфраструктура сӧвмӧдӧм, ичӧт да шӧр предпринимательстволы отсалан муниципальнӧй уджтасъяс сьӧмӧн могмӧдӧм вылӧ.
Санкцияяс дырйи россияса экономикалысь зумыдлунсӧ ёнмӧдӧм серти Веськӧдлан котырса комиссиялӧн президиум примитіс отсӧг сетан мераяслысь квайтӧд чукӧр.
Ӧткымын мера йитчӧма транспорт, оланін стрӧитӧм, оланін да коммунальнӧй овмӧс, физическӧй культура да спорт юкӧнъяскӧд.
Вынсьӧдӧма регионса промышленносьт сӧвмӧдан фондъяслысь сьӧмсӧ содтан правилӧяс.
Федеральнӧй сьӧмкудйысь вичмӧдӧма предприятиеяслы вӧдитчан сьӧм содтӧм вылӧ босьтӧм кредитъясысь прӧчентъяс мынтӧм вылӧ ӧтувъя рӧскод юкӧн компенсируйтӧм вылӧ сьӧм — 29,3 млн шайт.
Нӧшта 295 сюрс шайт регионса предприятиеяслы веськӧдасны республиканскӧй сьӧмкудйысь сьӧмӧн ӧтув могмӧдан условиеяс серти.
Регионса промышленносьт сӧвмӧдан фондъяслы урчитӧма дженьыд кадколастъяс заявкаяс обработайтӧм да ассигнованиеяс сетӧм вылӧ.
Заявление сетӧм бӧрын сьӧмсӧ колӧ вештыны 10 лунӧн.
Регионса потребительскӧй рынок вылын серпасыс эз вежсьы.
Бӧръя вежонӧн республикаса кар-районъясын нуӧдісны 31 ярманга, кӧні вузасисны сёян-юанӧн: Сыктывкарын, Ухтаын, Печораын, Сосногорскын, Воркутаын, Вуктылын, Усинскын, Луздор, Койгорт, Кӧрткерӧс, Мылдін, Кулӧмдін, Сыктывдін, Изьва, Сыктыв районъясын.
Производство уджлы отсалӧм могысь Коми Республикаса вузӧс вӧчысьяслы сетӧма 430 млн шайт (став субсидияысь 34,3 %, сы лыдын федеральнӧй сьӧмкуд сьӧм — 79,3 млн шайт).
Ставнас тайӧ могъяс вылӧ урчитӧма 1 млрд 253 млн шайт.
Косму тӧлысь 26 лунӧ вӧлі Агростартапъяс (грантъяс) босьтӧм вылӧ проектъяс бӧръян конкурслӧн комиссия.
12 проектысь бӧрйӧма витӧс.
Найӧс веськӧдӧма яй вылӧ скӧт видзӧм, картупель быдтӧм, пармаса ма вӧчӧмсӧ паськӧдӧм, форель рӧдмӧдан овмӧс котыртӧм вылӧ.
Грантлӧн ӧтувъя мындаыс — 14,2 млн шайт.
Семейнӧй ферма сӧвмӧдӧм вылӧ грант сетӧм могысь крестьяна (фермер) овмӧсъяс конкурсӧн бӧрйӧм вылӧ заявкаяс примитан кадколастсӧ нюжӧдӧма ода-кора тӧлысь 13 лунӧдз.
Воис сӧмын на 4 заявка.
Комиын водзӧ дасьтысьӧны гӧрӧм-кӧдзӧм кежлӧ.
Техникаыс да оборудованиеыс дась 91 % вылӧ, лӧсьӧдӧны дизельнӧй ломтаслысь да мавтан материалъяслысь видзасъяс.
Картупель кӧйдысӧн республикаӧс могмӧдӧма 98,6 % вылӧ, вося тусь да зернобобовӧй культура кӧйдысӧн — 80 % вылӧ, уна вося турун кӧйдысӧн — 101,6 % вылӧ.
{Kodko (комиӧдіс Kodko) @ Владимир Уйба муніс удж серти Чеченскӧй Республикаӧ @ новости @ https://rkomi.ru/news/2063 @ 2022-05-05 @}
Владимир Уйба муніс удж серти Чеченскӧй Республикаӧ
Коми Республикаса Юралысьӧс Грозный карса Ахмат-Хаджи Кадыров нима войтыркостса аэропортын вочаалісны Чеченскӧй Республикаса Веськӧдлан котырӧн Юрнуӧдысьӧс вежысь Эльхан Сулейманов, Чеченскӧй Республикаын пытшкӧсса делӧяс министр Руслан Алханов.
Ханкала олан пунктын Коми Республикаса Юралысь Владимир Уйба да Коми Республикаын пытшкӧсса делӧяс министр, полицияса генерал-майор Андрей Сицский ветлісны Коми Республикаын МВД-са полициялӧн своднӧй отряд дорӧ, аттьӧалісны личнӧй составӧс служитӧмысь да чолӧмалісны локтан гажӧн — Айму вӧсна Ыджыд тышын Вермӧмсянь 77 во тырӧмӧн.
«Ті видзанныд ӧтйӧза пӧрадок да доръянныд йӧзӧс неминучаясысь Чеченскӧй Республикаын.
Тіян отряд — бур пример.
Эска, мый тіян кужӧм-сямлунныд, веськыдлунныд да йӧз вӧсна тӧждысьӧмныд и водзӧ отсаласны тіянлы служитны йӧзлы бур вылӧ», — пасйис Владимир Уйба.
Ставнас Коми Республикаын МВД-са полициялӧн своднӧй отрядын служитӧ 70 сотрудник.
Владимир Уйба сетіс налы аттьӧалана письмӧяс да пуктіс дзоридзьяс Казьтылан аллея вылын памятник дорӧ (Войвыв-Кавказ регионын пӧгибнитісны Коми Республикаын пытшкӧсса делӧяс органъясса дас ӧти сотрудник — пасйӧд.).
Коми Республикаса Юралысь вылӧ донъяліс условиеяссӧ, кутшӧмъясӧс лӧсьӧдӧма Ханкалаын Россияса МВД органъяслӧн да юкӧдувъяслӧн временнӧй группировка мутасын сотрудникъяслы служитӧм вылӧ.
Фотоыс Россияса МВД органъяслӧн да юкӧдувъяслӧн временнӧй оперативнӧй группировкаса пресс-центрлӧн
{Kodko (комиӧдіс Kodko) @ Коми Республика отсалас Курган обласьтлы кусӧдны вӧр пӧжаръяс @ новости @ https://rkomi.ru/news/2066 @ 2022-05-06 @}
Коми Республика отсалас Курган обласьтлы кусӧдны вӧр пӧжаръяс
Коми Республикаса Юралысь Владимир Уйбалӧн тшӧктӧм серти Курганӧ мӧдӧдӧма 50 кусӧдчысьӧс.
Командаӧ пырисны Вӧр сотчӧмысь видзан Коми шӧринысь парашютист-кусӧдчысьяс, десантник-кусӧдчысьяс да вӧрын кусӧдчысьяс.
На лыдын и сэтшӧм уджалысьяс, кодъяс ветлісны нин кусӧдчыны Россия Федерацияса мукӧд регионӧ, и найӧ, кодъяс ӧні ветласны медводдзаысь.
Группаӧн юрнуӧдӧ Вӧр сотчӧмысь видзан шӧринса парашютно-пӧжарнӧй командалӧн инструктор Сергей Мухамадиев.
Талун Курган обласьтын ёна сотчалӧны вӧръяс.
Регион пасьтала юӧртӧма пӧжарысь видзчысян торъя режим йылысь, куим районын пыртӧма неминуча режим.
1000 сайӧ морт да 200 гӧгӧр единица техника кусӧдӧны вӧр-ва да ландшафтнӧй пӧжаръяс.
Уджсӧ сьӧктӧдӧ лэчыд тӧв, сылӧн ӧдыс овлӧ секундаын 20–25 метрӧдз. Тайӧ торкӧ авиациялысь уджсӧ да зэв ӧдйӧ паськӧдӧ бисӧ — уна пӧжар вуджӧ пу йывъясӧ.
Биыс вермас воны олан пунктъясӧдз, сук тшын вӧсна сідзжӧ пӧдлалӧма федеральнӧй трасса юкӧн.
Обласьтын примитӧны став мерасӧ, медым кусӧдны вӧрса пӧжаръяс, но ас выныс оз нин тырмы.
Курган обласьтса губернатор Вадим Шумков шыӧдчис отсӧгла Рытыв-Войвыв федеральнӧй кытшса субъектъяс дорӧ, сы лыдын Коми Республика дорӧ.
Регионса Юралысьлӧн помшуӧмӧн кусӧдчӧм вылӧ мӧдӧдӧма Сыктывкарса, Мылдінса, Косланса, Кулӧмдінса да Железнодорожнӧй авиаотделениеясысь Вӧр сотчӧмысь видзан Коми шӧринса уджалысьясӧс.
«Россия Федерацияса мукӧд субъектысь уджъёртъяс оз нин медводдзаысь шыӧдчыны миян дорӧ вӧр пӧжаръяс кусӧдӧмын отсӧгла.
Тайӧ висьталӧ сы йылысь, мый миян кусӧдчысьяс бура вӧчӧны уджнысӧ, налы эскӧны.
Буретш регионъяслӧн ӧтувъя уджӧн ми вермам страна пасьтала кусӧдны вӧр пӧжаръяс», — пасйис Владимир Уйба.
Талун Ил–76 самолётӧн кусӧдчысьяс мунісны Курганӧ.
Сэні найӧ лоасны лун дас.
Комиысь вӧр кусӧдысьясӧс юкасны дас морта группаяс вылӧ да мӧдӧдасны кусӧдчыны обласьтса районъясӧ.
Вӧр сотчӧмысь видзан Коми шӧринса 164 уджалысь кольччис видзны Коми Республикаса вӧръяс.
{Kodko (комиӧдіс Kodko) @ Коми Республикаса Юралысь чолӧмалӧ Радио лунӧн @ новости @ https://rkomi.ru/news/2064 @ 2022-05-07 @}
Коми Республикаса Юралысь чолӧмалӧ Радио лунӧн
«Радиоын да телевидениеын пыдди пуктана уджалысьяс!
Чолӧмала тіянӧс уджсикас гажӧн — Радио лунӧн!
125-ысь унджык во сайын роч физик Александр Попов лӧсьӧдіс медводдза радиоприёмник, мый сетіс позянлун став мирыслы сёрнитны ылын ӧта-мӧдысь да пуктіс подув йитӧд кутан ӧнія средствояслы.
Аттьӧала ставнысӧ, кодъяслӧн олӧмыс йитчӧма тайӧ гажыскӧд, кывкутӧмысь да уджсӧ бура тӧдӧмысь, кужӧм-сямлунысь да бура уджалӧмысь.
Сиа унджык вермӧм, крепыд дзоньвидзалун да ыджыд шуд!»
Коми Республикаса Юралысь Владимир Уйба
{Kodko (комиӧдіс Kodko) @ Комиысь Донбассӧ поездӧн нуасны 90 кубометр стрӧитчан материал @ новости @ https://rkomi.ru/news/2072 @ 2022-05-07 @}
Комиысь Донбассӧ поездӧн нуасны 90 кубометр стрӧитчан материал
Коми Республикаса предприятиеяс пырӧдчисны «<rus>Поезд помощи</rus>» ставроссияса бурвӧчан акцияӧ, найӧ сетісны Донецкӧй да Луганскӧй народнӧй республикаяслы стрӧитчан материалъяс.
Ода-кора тӧлысь 7 лунӧ гуманитарнӧй груз мӧдӧдігӧн вӧлі Коми Республикаса Юралысь, «Единая Россия» ютырлӧн регионса юкӧнлӧн секретар Владимир Уйба.
Коми Республикаса Юралысь тӧдчӧдіс, мый «<rus>Поезд помощи</rus>» — тайӧ Украинаын неонацистъясӧн вӧчӧмторъяслы вочакыв:
«Вермӧм лун водзвылын ми мӧдӧдам Донецкӧй да Луганскӧй народнӧй республикаясын олысьяслы Коми Республикаса предприятиеясӧн сетӧм да став мирӧн чукӧртӧм стрӧитчан материалъяс.
Талун ми ӧтувтчим Президент гӧгӧр, миян армия гӧгӧр.
Кыдзи и мукӧд регионысь олысьяс, ми пуктім пай «<rus>Поезд помощи</rus>» артмӧдӧмӧ, медым лӧсьӧдны Донбассын мирнӧй олӧм.
Муӧдз копыр ставлы, коді пырӧдчис тайӧ бурвӧчан акцияӧ».
Владимир Уйба пасйис, мый зэв тӧдчанаӧн лоӧ сійӧ, мый гуманитарнӧй грузсӧ мӧдӧдӧны странаса медшӧр гаж водзвылын: 77 во сайын сӧветскӧй войтыр вермис фашизм, а талун вермысьяслӧн правнукъяс вермасьӧны Украинаын нацизмӧ кутчысьысьяскӧд.
«Ми босьтім тайӧ эстафетасӧ.
И ме эска, мый ми вермам неофашистъясӧс.
abu
Россияса воинъяс тышкасьӧны Донбассын мир вӧсна, збыльмӧдӧны воинскӧй, гражданскӧй долг.
Сідзкӧ, миян пӧльяс вӧсна, миян зонъяс вӧсна, Вермӧм вӧсна.
Локтан гажӧн!», — шуис Владимир Уйба.
Республикаса предприятиеяс сетісны 90 гӧгӧр кубометр пӧв да фанера прӧдукция. Найӧс тӧварнӧй поездӧн нуисны Донецкӧй да Луганскӧй народнӧй республикаясӧ.
Мӧдӧдісны Сыктывкарын кӧрт туй вокзал платформасянь.
* * *
«Поезд помощи» — ставроссияса бурвӧчан акция, мый серти регионъяс чукӧртӧны Донецкӧй да Луганскӧй народнӧй республикаясын олысьяслы гуманитарнӧй отсӧг.
Грузсӧ нуӧны Москваӧ, кӧні лӧсьӧдӧны быд субъектсянь брендируйтӧм вагон.
Та бӧрын регионъясса вагонъясысь артмӧдӧм поездыс мунӧ Донбассӧ, медым сетны отсӧг мирнӧй олысьяслы.
{Kodko (комиӧдіс Kodko) @ Владимир Уйба чолӧмаліс Айму вӧсна Ыджыд тышын 102 арӧса участвуйтысь Фёдор Симпелевӧс локтан Вермӧм лунӧн @ новости @ https://rkomi.ru/news/2071 @ 2022-05-08 @}
Владимир Уйба чолӧмаліс Айму вӧсна Ыджыд тышын 102 арӧса участвуйтысь Фёдор Симпелевӧс локтан Вермӧм лунӧн
Страналӧн медшӧр гаж водзвылын, ода-кора тӧлысь 7 лунӧ, Коми Республикаса Юралысь Коми Республикаын пытшкӧс делӧяс министр Андрей Сицскийкӧд воліс Фёдор Григорьевич дорӧ.
Владимир Уйба да Андрей Сицский аттьӧалісны Фёдор Григорьевичӧс сӧветскӧй войтырлӧн фашизм вермӧмӧ ыджыд пай пуктӧмысь, сиисны сылы крепыд дзоньвидзалун, ыджыд шуд да кыпыд ловру.
* * *
Фёдор Григорьевич Симпелев чужис 1919 вося лӧддза-номъя тӧлысь 26 лунӧ Шойнаты районса Ыджыдвидз сиктын.
Служитіс Сӧветскӧй армияын Байкалсайса военнӧй кытшлӧн кӧрт туй дзоньталан батальонын.
1943 вося ода-кора тӧлыссянь 1945 вося вӧльгым тӧлысьӧдз юрнуӧдіс Украинскӧй 2 фронтса кӧрт туй дзоньталан 96-ӧд юкӧдӧн.
1945–1946 воясын служитіс Ленинградса торъя кӧрт туй батальонын.
Демобилизуйтчис да 1948 воын заводитіс уджавны МВД-ын.
Служитіс конвойлӧн да ИВС-лӧн (недыр кад видзан изолятор) юкӧдувъясын, кысянь 1974 воын петіс пенсия вылӧ.
Наградитӧма Гӧрд Звезда, Айму вӧсна тышса 2 тшупӧда орденъясӧн, «Будапешт босьтӧмысь» медальӧн, орденъясӧн да медальясӧн, кутшӧмъяс пӧвстын «Почёт пас» орден.
{Kodko (комиӧдіс Kodko) @ Вермӧм лун водзвылын Владимир Уйба воліс Айму вӧсна Ыджыд тышын участвуйтысьяс дорӧ @ новости @ https://rkomi.ru/news/2073 @ 2022-05-08 @}
Вермӧм лун водзвылын Владимир Уйба воліс Айму вӧсна Ыджыд тышын участвуйтысьяс дорӧ
Коми Республикаса Юралысь чолӧмаліс локтан гажӧн Сыктывкарын олысь Айму вӧсна Ыджыд тышын участвуйтысьяс Николай Николаевич Гайворонскийӧс, Мария Арсентьевна Полищукӧс да Николай Афанасьевич Князевӧс, сетіс ветеранъяслы козинъяс.
Николай Николаевич Гайворонскийӧс босьтісны служитны Саратов обласьтын 1944 воӧ.
Младшӧй сержант, слесар-ремонтник, наводчик, пулемётнӧй отделениеса командир.
Служитіс Ленинградскӧй да Балтикабердса 1-дза фронтъяс вылын.
Сьӧкыда ранитчис 1944 воӧ.
Демобилизуйтӧма 1950 воӧ.
Наградитӧма «Смеллунысь», «Германияӧс вермӧмысь» медальясӧн, Айму вӧсна тышлӧн І тшупӧда орденӧн, юбилейнӧй медальясӧн.
Мария Арсентьевна Полищук 1942 восянь участвуйтіс дорйысян сооружениеяс стрӧитӧмын.
Вӧлі радӧвӧйӧн Айму вӧсна Ыджыд тышын Ленинградскӧй, Сталинградскӧй, Балтикабердса Медводдза да Мӧд фронтъяс вылын.
Демобилизуйтӧма 1947 вося ода-кора тӧлысьын.
Наградитӧма «Сталинград дорйӧмысь», «Германияӧс вермӧмысь» медальясӧн, юбилейнӧй медальясӧн.
Мария Арсентьевна локтіс Сыктывкарӧ да пырис уджавны сэки стрӧитӧм йӧв заводӧ.
Быдтіс нылӧс, заочнӧя велӧдчис Ленинградса йӧв промышленносьт институтын.
Вылыс тшупӧда тӧдӧмлун босьтӧм бӧрын лоис сменнӧй мастерӧн, сэсся — производствоса начальникӧн.
Водзмӧстчис ӧтйӧза уджын.
Пырӧдчис том йӧзӧс гражданско-патриотическӧя быдтӧм-велӧдӧмӧ, аддзысьліс школаын велӧдчысьяскӧд, висьталіс налы война йылысь.
Уджалӧмысь сійӧс наградитӧма уна почёт грамотаӧн да аттьӧалӧмӧн.
Николай Афанасьевич Князевӧс босьтісны Гӧрд Армияӧ 1943 воӧ.
Вӧлі Балтикабердса да Байкалсайса фронтъясын пехотаса войскаын радӧвӧйӧн, вӧлі автоматчикӧн, разведчикӧн.
Сьӧкыда ранитчис 1944 воӧ.
Демобилизация бӧрын 1950 воын велӧдчис водительӧ да уджаліс специальносьт серти Сыктывкарса быдсикас организацияын.
Наградитӧма Айму вӧсна тышлӧн І тшупӧда орденӧн, «Боевӧй заслугаясысь», «Японияӧс вермӧмысь», «1941–1945 воясся Айму вӧсна Ыджыд тышын Германияӧс вермӧмысь», Жуков медальясӧн да юбилейнӧй медальясӧн.
Коми Республикаса Юралысь Владимир Уйба аттьӧаліс Айму вӧсна Ыджыд тышын участвуйтысьясӧс фронт вылын да уджын подвигысь, Вермӧмысь, сиис налы крепыд дзоньвидзалун, кыпыд ловру, кузь нем да бур шуд.
{Kodko (комиӧдіс Kodko) @ Владимир Уйба пырӧдчис воинъяслысь гуяс пелькӧдан субӧтникӧ @ новости @ https://rkomi.ru/news/2074 @ 2022-05-08 @}
Владимир Уйба пырӧдчис воинъяслысь гуяс пелькӧдан субӧтникӧ
Мероприятиеыс вӧлі ода-кора тӧлысь 8 лунӧ Сыктывкарса шӧр шойнаын.
Тані гуалӧма Айму вӧсна Ыджыд тышса 10 боечӧс, кодъясӧс аддзисны корсьысьысьяс.
На пиысь кӧкъямысӧн чужлӧмӧсь Коми Республикаын, кыкӧн — тӧдтӧм салдатъяс.
Воинъяслӧн медводдза гуясыс тані артмисны 2005 воӧ — гуалісны Герман Иванович Куштановӧс (1920–1942), Дмитрий Васильевич Миняевӧс (1921–1942), Александр Степанович Седьюровӧс (1922–1942), Пётр Павлович Тирановӧс (1918–1942).
Миянлысь землякъясӧс аддзисны сійӧ жӧ вося йирым тӧлысьӧ Новгород обласьтса Лезно грезд дорысь.
Ставӧн найӧ пӧгибнитісны 1942 во заводитчигӧн, Лезноса плацдарм дорйигӧн.
«Северная звезда» отрядса боечьяс регыдӧн аддзисны став пӧгибнитӧм солдатлысь рӧдвужсӧ.
Шойяссӧ сетісны Великӧй Новгородын «Долина» новгородса ӧтувлӧн корсьысьысьяс.
2007 вося лӧддза-номъя тӧлысь 22 лунӧ, казьтылан да шогалан лунӧ, гуалісны нӧшта ӧти боечӧс — Сыктывдін районса Зеленеч сиктын чужлӧм Егор Григорьевич Михайловӧс (1914–1941).
Сійӧс аддзисны «Ораниенбаумский плацдарм» отрядса корсьысьысьяс Ленинград обласьтса Воронка Ю местаын.
2011 воӧ гуалісны Тимофей Васильевич Вокуевӧс (1918 — 1942) да кык тӧдтӧм солдатӧс.
Смоленск обласьтын Шатеша олан пункт дорын Ставроссияса паметь вахта дырйи «Северная звезда» отрядса корсьысьысьяс кыпӧдісны куим боечлысь шой.
Но медальоныс вӧлі ӧти — Гвардияса младшӧй лейтенант, взводса командир Тимофей Васильевич Вокуевлӧн.
Сійӧ чужліс Изьва районса Мокчой сиктын.
Шойяссӧ аддзисны ӧти гуысь, торйӧдны найӧс эз позь, та вӧсна шуисны вайны Сыктывкарӧ куимнаннысӧ.
2018 воӧ гуалӧма Гӧрд Армияса боечӧс, Сыктывкарын чужлӧм Егор Герасимович Конаковӧс (1905–1944).
«Вертикаль» карелияса корсьысян отряд аддзис сылысь шойсӧ Муезерскӧй районын Паметь вахта дырйи.
Боечӧс тӧдмалісны нима кружка серти.
Коми Республикаса Паметь Небӧгын гижӧма, мый младшӧй сержант Егор Конаков служитіс Карельскӧй фронт вылын 27-ӧд стрелкӧвӧй дивизияын.
Вӧлі отделениеса командирӧс вежысьӧн.
Пӧгибнитіс 1944 вося моз тӧлысьӧ Чирка-Кемь юлӧн рытыввыв берег вылын тышын.
Войнаӧдз оліс Сыктывкарын.
2021 воӧ гуалісны Гӧрд Армияса старшӧй сержант Михаил Алексеевич Морозовӧс (1916–1944), коді пӧгибнитіс Эстонияын Нарва карсянь 20 км ылнаын.
Сійӧ чужліс да оліс Сыктыв районса Чукаыб грездын.
1939 воӧ сійӧс босьтісны Советско-финляндскӧй война вылӧ.
Война бӧрын локтіс чужан сиктӧ, гӧтрасис.
1941 воӧ том семьялӧн чужис Фрида ныв.
Айму вӧсна Ыджыд тыш заводитчӧмсянь Михаил Алексеевич вӧзйысис фронт вылӧ, кӧть эськӧ сылӧн вӧлі отсрочка.
М. А. Морозов вӧлі 80 стрелкӧвӧй Любаньскӧй дивизияын 77 стрелкӧвӧй полкса отделениелӧн повтӧм да тӧлка командирӧн.
Наградитӧма «Ленинград дорйӧмысь» медальӧн, кыкысь наградитӧма «Смеллунысь» медальӧн.
Ранитчыліс, веськавліс госпитальӧ, а бурдӧм бӧрын бӧр муніс фронт вылӧ.
Усьӧм бӧрын 77 во мысти сійӧс гуалісны чужан му вылын.
Сійӧс аддзисны да нуисны чужан му вылӧ «Otsing» военно-историческӧй ӧтувлӧн корсьысян отряд, «Kamerad» корсьысян да ас му туялан клуб отсӧгӧн.
Тайӧ Коми Республикаысь дасӧд воин, кодӧс корсьысьысьяс вермисны вайны чужан му вылӧ.
Коми Республикаса Юралысь, «Единая Россия» ютырлӧн регионса юкӧнлӧн секретар Владимир Уйба Коми Республикаса Каналан Сӧветӧн Веськӧдлысь Сергей Усачёвкӧд да ютырӧ пырысьяскӧд мавтісны ӧграда да мемориал элементъяс, лабич, пуктісны мемориал дорӧ венок да боечьяслӧн гуяс дорӧ дзоридзьяс.
{Kodko (комиӧдіс Kodko) @ Владимир Путин чолӧмалӧ Коми Республикаса олысьясӧс Вермӧм лунӧн @ новости @ https://rkomi.ru/news/2075 @ 2022-05-09 @}
Владимир Путин чолӧмалӧ Коми Республикаса олысьясӧс Вермӧм лунӧн
Россия Федерацияса Президентсянь чолӧмалана открытка воис Коми Республикаса Юралысь Владимир Уйбалӧн ним вылӧ.
«Тайӧ вежа лунсӧ пасйӧ став Россия, сійӧ быдӧнлы зэв тӧдчана.
Миян пӧль-пӧчьяслӧн повтӧмлуныс да смеллуныс пыр кутас ышӧдны миянӧс.
Найӧ сувтісны вӧрӧгъяслы паныд, повтӧг венісны став сьӧкыдлунсӧ, пуктісны став вынсӧ Айму дорйӧмӧ да сылысь асшӧрлунсӧ видзӧмӧ.
Да вермисны!», — гижӧма канмуса юралысьлӧн шыӧдчӧмын.
{Kodko (комиӧдіс Kodko) @ Коми Республикаса Юралысь чолӧмалӧ 1941–1945 воясся Айму вӧсна Ыджыд тышын Вермӧм лунӧн @ новости @ https://rkomi.ru/news/2076 @ 2022-05-09 @}
Коми Республикаса Юралысь чолӧмалӧ 1941–1945 воясся Айму вӧсна Ыджыд тышын Вермӧм лунӧн
«Коми Республикаса пыдди пуктана олысьяс!
Айму вӧсна Ыджыд тышса дона ветеранъяс, тылса уджалысьяс, война кадся челядь!
77 во сайын ланьтісны Айму вӧсна Ыджыд тышын юргысь орудиеяс.
77 во сайын миян войтыр вермис кызьӧд нэмся медся вир кисьтана войнаын.
Но ӧнӧдз на эз бурдны война кадся дойясыс миян му вылын.
Ӧнӧдз на фронтъяс вылын усьӧмаяслӧн, юӧртӧг вошӧмаяслӧн, пленӧ веськалӧм солдатъяслӧн внукъяс да правнукъяс зільӧны тӧдмавны на йылысь юӧр.
Ми некор огӧ вунӧдӧй война кадся сьӧкыд лунъяс йылысь, блокаднӧй Ленинградын сьӧкыд тшыг лунъяс йылысь, бомбёжкаяс да артналётъяс вӧсна пӧгибнитӧмаяс йылысь, тышын усьӧмаяс йылысь, пачьясын сотӧмаяс йылысь.
Миянлы колӧ тайӧс кутны паметьын, висьтавны та йылысь ныв-пиянлы, медым татшӧмторйыс некор сэсся эз вӧв, эз сӧвмы неонацизм.
Дона ветеранъяс, тылса уджалысьяс, блокаднӧй Ленинградын олысьяс, концлагеръясса узникъяс, война кадся челядь, ставӧн, коді муніс атакаӧ, коді лун и вой сулаліс станок сайын, муӧдз копыр тіянлы!
Ёнлунысь, крепыдлунысь, повтӧмлунысь!
Вермӧмысь!
Кузь нэм тіянлы да крепыд дзоньвидзалун.
Мед тіян гӧгӧр вӧліны йӧз, кодъяс тіянӧс радейтӧны.
Ыджыд Вермӧм лунӧн!»
Коми Республикаса Юралысь Владимир Уйба
{Kodko (комиӧдіс Kodko) @ Владимир Уйба пуктіс дзоридзьяс «Куслытӧм слава» да «Шогсьысь воин» мемориалъяс дорӧ @ новости @ https://rkomi.ru/news/2077 @ 2022-05-09 @}
Владимир Уйба пуктіс дзоридзьяс «Куслытӧм слава» да «Шогсьысь воин» мемориалъяс дорӧ
Талун, Ыджыд Вермӧм лунӧ, Коми Республикаса Юралысь казьтыштіс найӧс, кодъяс усисны Айму вӧсна Ыджыд тышын.
Мероприятиеӧ пырӧдчисны Коми Республикаса Веськӧдлан котырӧ пырысьяс, республикалӧн Каналан Сӧветса депутатъяс, федеральнӧй ведомствоясса тэчас юкӧдувъясӧн юрнуӧдысьяс, ветеранъяс.
Сэсся мунісны Вежа Стефан изэрд дорӧ, кӧні тайӧ кадӧ нуӧдӧны Айму вӧсна Ыджыд тышын Вермӧмсянь 77 во тырӧмлы сиӧм кыпыд мероприятиеяс.
{Kodko (комиӧдіс Kodko) @ Владимир Уйба: «Тіянлы — фашистскӧй Германияӧс вермысь геройяслы, муӧдз копыр» @ новости @ https://rkomi.ru/news/2080 @ 2022-05-10 @}
Владимир Уйба: «Тіянлы — фашистскӧй Германияӧс вермысь геройяслы, муӧдз копыр»
Коми Республикаса Юралысь ода-кора тӧлысь 9 лунӧ телефон пыр чолӧмаліс Ухтаысь да Кӧрткерӧсысь Айму вӧсна Ыджыд тышын участвуйтысьясӧс.
«Ті миянлы зэв донаӧсь, став сьӧлӧмсянь чолӧмала тіянӧс Вермӧм лунӧн!
Тіянлы — фашистскӧй Германияӧс вермысь геройяслы, муӧдз копыр.
Аттьӧ сыысь, мый козьналінныд миянлы, асланыд ныв-пиныдлы, мездмӧм олӧм.
Крепыд дзоньвидзалун тіянлы, сывъялам став республикаӧн», — пасйис чолӧмалӧмын регионса Юралысь.
Ветеранъяскӧд сёрнитігӧн Владимир Уйба эскӧдіс, мый налы кӧ ковмас содтӧд отсӧг, республикаса Веськӧдлан котыр вӧчас став коланасӧ.
Ветеранъяс аттьӧалісны да пасйисны, мый медшӧрыс налы сійӧ, мый на йылысь оз вунӧдны.
Евдокия Павловна Григорьева чужис Пенза обласьтын, войнаӧдз уджаліс Москваын военно-политическӧй академиялӧн столӧвӧйын.
Война заводитчӧмсянь пыр вӧлі стройын.
Велӧдчис водительӧ да служитіс авиачастьын.
Фронткӧд воліс Новороссийскӧ, Польшаӧ, Германияӧ, кӧні ёртъясыскӧд кырымасис рейхстаг здание вылын.
Аддзыліс и мездӧм концлагеръяс.
Наградитӧма Айму вӧсна тышлӧн ІІ тшупӧда орденӧн да «Варшава мездӧмысь» да «Кавказ дорйӧмысь» медальясӧн.
Михаил Ефимович Микушев чужис Кӧрткерӧс районын, кӧні ӧнӧдз на олӧ.
1943 воӧ сійӧс босьтісны дорйыны блокаднӧй Ленинград.
Олісны му керкаясын, бырӧдісны вӧрӧгъяслысь самолётъяс.
1944 воӧ, блокада бырӧдӧм бӧрын тӧлысь мысти, сійӧс мӧдӧдісны мездыны Белоруссия, сэсся — Польша.
Вермӧм лунӧ вӧлі Кёнигсбергын.
Наградитӧма Айму вӧсна тышлӧн ІІ тшупӧда орденӧн, «Ленинград дорйӧмысь», «Боевӧй заслугаясысь», «1941–1945 воясӧ Айму вӧсна Ыджыд тышын Германияӧс вермӧмысь» медальясӧн, юбилейнӧй наградаясӧн.
Коми Республикаса Юралысь Владимир Уйба сиис ветеранъяслы крепыд дзоньвидзалун да кузь нэм.
{Kodko (комиӧдіс Kodko) @ Владимир Уйба: «Миян мог, миян челядьлӧн мог — помнитны вир кисьтана война да Ыджыд Вермӧм йылысь» @ новости @ https://rkomi.ru/news/2081 @ 2022-05-10 @}
Владимир Уйба: «Миян мог, миян челядьлӧн мог — помнитны вир кисьтана война да Ыджыд Вермӧм йылысь»
Коми Республикаса Юралысь ода-кора тӧлысь 9 лунӧ пырӧдчис «Бессмертнӧй полк» шествиеӧ.
Таво Айму вӧсна Ыджыд тышса ветеранъяслӧн портретъяскӧд ӧтвылысь колоннаын нуисны Коми Республикаысь Украинаын торъя военнӧй операция дырйи пӧгибнитӧм военнослужащӧйяслысь фотографияяс.
«Зэв тӧдчана, мый ми ставӧн ӧтвылысь мунім ӧти стройӧн, ӧти кувлытӧм полкӧн, нуим миян геройяслысь портретъяс.
Эска, мый найӧ мунісны миянкӧд.
Миян мог, миян челядьлӧн мог — помнитны вир кисьтана война да Ыджыд Вермӧм йылысь.
abu
Колӧ помнитны, кутшӧм дон сетӧма шуда олӧм вӧсна, помнитны геройясӧс, кодъяс шедӧдісны вермӧмсӧ.
Торйӧн нин ӧні, кор миян зонъяс вермасьӧны неофашистъяскӧд да пӧгибниталӧны Украинаын на вӧсна, кодъяс лэптісны ассьыныс националистическӧй юрнысӧ», — пасйис Коми Республикаса Юралысь.
Владимир Уйба «Бессмертнӧй полк» шествие дырйи нуис Логантий Максимович Русанов пӧльыслысь портрет, коді доброволечӧн муніс фронт вылӧ да пӧгибнитіс 1944 воӧ Ленинградын блокада орӧдігӧн.
Регионса Юралысьлӧн рӧдвужыс нуисны табличка, кӧні гижӧма сылӧн батьсяньыс дядьлысь нимсӧ — Иван Осипович Уйбо. Сійӧ пӧгибнитіс 1942 воӧ Ленинград вӧсна тышын.
Сыктывкарын «Бессмертнӧй полк» шествиеыс пансис Театральнӧй изэрдсянь.
Колонна лэччис Коммунистическӧй уличаті Степан изэрд вылӧ, сэсся муніс Ленин улича кузя Вежа Степанлӧн соборӧдз, кӧні нуӧдісны лития.
Стройын уджаліс 80 гӧгӧр волонтёр. Найӧ отсасисны акцияӧ пырӧдчысьяслы мунӧм дырйи.
«Таво «Бессмертнӧй полк» стройын нуисны Украинаын торъя военнӧй операция дырйи воинскӧй долг збыльмӧдігӧн пӧгибнитӧм геройяслысь портретъяс.
Миян зонъяслысь фотографияяссӧ нуисны юнармеечьяс.
Россияса воинъяс, кодъяс сетісны олӧмнысӧ неофашизмлы паныд тыш нуӧдігӧн, мунісны ӧти стройын пӧльяскӧд, кодъяс воюйтісны Айму вӧсна Ыджыд тышын да дорйисны Чужан мунымӧс фашистъясысь», — пасйис Владимир Уйба.
Таво «Бессмертнӧй полк» шествиеӧ Сыктывкарын пырӧдчис 20 сюрс морт — воддза серти тайӧ пӧшти кык пӧв унджык.
2019 воӧ, коронавирус пандемия заводитчытӧдз да уна йӧза мероприятиеяс дугӧдтӧдз, Сыктывкарын «Бессмертнӧй полк» шествиеӧ пырӧдчыліс 12 сюрс морт.
{Kodko (комиӧдіс Kodko) @ Владимир Уйба: «Ми висьталам та йылысь миян челядьлы да огӧ лэдзӧй выльысь лоны татшӧмторйыслы да паськавны неонацизмлы» @ новости @ https://rkomi.ru/news/2082 @ 2022-05-10 @}
Владимир Уйба: «Ми висьталам та йылысь миян челядьлы да огӧ лэдзӧй выльысь лоны татшӧмторйыслы да паськавны неонацизмлы»
Коми Республикаса Юралысь ода-кора тӧлысь 9 лунӧ воліс Айму вӧсна Ыджыд тышын Вермӧмсянь 77 во тырӧмлы сиӧм кыпыд митинг вылӧ. Сійӧ вӧлі Сыктывкарса Степан изэрд вылын.
«Республикаса пыдди пуктана олысьяс!
Дона ветеранъяс, фронтовикъяс да тылса уджалысьяс, война кадся челядь!
Чолӧмала тіянӧс миян войтырлӧн медтӧдчана гажӧн — Ыджыд Вермӧм лунӧн!
Тайӧ вермӧмыс вежис эз сӧмын миян страналысь, но и став мирлысь историясӧ.
Сӧветскӧй солдат мездіс став мирсӧ фашизмысь.
Дорйис Айму да Рытыввывса канмуясын олысьясӧс нацистъясысь.
Тайӧ вермӧмсӧ шедӧдӧмысь доныс вӧлі вывті ыджыд, уна миллион морт сетіс олӧмсӧ, медым ми вермим овны мирнӧй енэж улын», — шуис Владимир Уйба.
Война кадӧ Коми Республикаысь фронт вылӧ муніс 170 сюрс сайӧ морт, на пиысь коймӧд пайыс гортӧ бӧр эз во.
Тышъясын усьӧмаяслысь паметьсӧ казьтыштісны чӧв олыштӧмӧн.
«Ми колям та йылысь паметьсӧ миян челядьлы да огӧ лэдзӧй выльысь лоны татшӧмторйыслы да паськавны неонацизмлы.
Дона фронтовикъяс, тылса уджалысьяс, война кадся челядь, тіян подвигныд коляс нэмъяс кежлӧ.
Муӧдз копыр Тіянлы Вермӧмысь!
Аттьӧ ёнлунысь, крепыдлунысь да повтӧмлунысь!
Ми ставӧн зілям лоны Тіян кодьӧн.
Ті петкӧдлінныд, кыдзи ӧтувтчӧмӧн позьӧ венны медся лёк вӧрӧгӧс.
Петкӧдланныд, кыдзи позьӧ радейтны ас му.
Дона ёртъяс!
abu
Чолӧмала Ыджыд Вермӧм лунӧн!» — чолӧмаліс Владимир Уйба.
Митинг бӧрын Степан изэрд вылын вӧлі кыпыд парад, кытчӧ пырӧдчисны Сыктывкарса гарнизонысь, Россия Федерацияса национальнӧй гвардиялӧн войскаяслысь личнӧй состав дасьтан шӧринысь (5131 воинскӧй часьт) военнослужащӧйяс, Коми Республикаын пытшкӧс делӧяс министерствоса, Россияса мыж вештан федеральнӧй службалӧн Коми Республикаын медшӧр веськӧдланінса, Россиялӧн МЧС-са да Федеральнӧй ёрд приставъяс службалӧн Коми Республикаын веськӧдланінса уджалысьяс, юнармеечьяс, кадетъяс, медицина колледжын велӧдчысьяс, ДОСААФ-са курсантъяс.
{Kodko (комиӧдіс Kodko) @ Владимир Уйба чолӧмаліс Вермӧм лунӧн Коми Республикаса ветеранъясӧс @ новости @ https://rkomi.ru/news/2083 @ 2022-05-10 @}
Владимир Уйба чолӧмаліс Вермӧм лунӧн Коми Республикаса ветеранъясӧс
Ода-кора тӧлысь 9 лунӧ Коми Республикаса Юралысь чукӧртіс Ыджыд Вермӧмсянь 77 во тырӧмлы сиӧм кыпыд приём вылӧ регионысь тылын уджалысьясӧс, тышъясын участвуйтысьясӧс да дӧваясӧс, концлагеръясса вӧвлӧм тыр арлыдтӧм узникъясӧс, кытшалӧм Ленинградын олысьясӧс да война кадся челядьӧс, кодъяс бурмӧдӧны дзоньвидзалун «Максаковка» социальнӧй да дзоньвидзалун бурмӧдан шӧринын.
«Талун шуда здук.
Миян артмис чукӧртчыны.
Кольӧны вояс, кымын ылынджык нелямын витӧд воыс, сымын донаджыкӧсь да шоныдджыкӧсь аддзысьлӧмъясным.
Миян странаын быд семьяӧ тайӧ войнаыс вайис дой.
Быд керкаын видзӧны асланыс герой йылысь паметь, видзӧдалӧны фотографияяс, лыддьӧны фронт вылысь треугольникъяс.
Республикаса став олысь нимсянь да ассянь муӧдз копыр тіянлы да аттьӧ фронт вылын да уджын подвигысь, Вермӧмысь!», — аттьӧаліс ветеранъясӧс Владимир Уйба.
Республикаса Юралысь пасйис, мый ӧні том зонъяс тышкасьӧны Украинаын фашизмӧ кутчысьысьяскӧд.
Кыдзи коркӧ налӧн пӧльясныс дорйисны странанымӧс фашизмысь.
«Кодкӧ кӧ кӧсйӧ выль пӧв гижны история, енмыс ставсӧ аддзӧ.
Но чегас сылӧн перӧыс да косьмас чернилаыс ылӧдчӧмсӧ гижтӧдзыс на.
Менам тшӧтшъяяслы мойвиис чужны мирнӧй кадӧ.
Такӧд ӧттшӧтш ми вермам тӧдмавны Айму вӧсна Ыджыд тыш йылысь збыльсӧ бура тӧдысьяссянь — тіянсянь, кодъяс аддзылісны тайӧ кадсӧ ас синнаныс.
Ме сиа тіянлы да быдмысь войтырлы, дерт жӧ, дзоньвидзалун да мирнӧй енэж!», — шуис Владимир Уйба.
{Kodko (комиӧдіс Kodko) @ Сергей Мамоновӧс индӧма Россия Федерацияса Президент бердын Коми Республикаӧс пыр петкӧдлысьлысь могъяс олӧмӧ пӧртысьӧн @ новости @ https://rkomi.ru/news/2084 @ 2022-05-11 @}
Сергей Мамоновӧс индӧма Россия Федерацияса Президент бердын Коми Республикаӧс пыр петкӧдлысьлысь могъяс олӧмӧ пӧртысьӧн
Коми Республикаса Юралысьлӧн 2022 во ода-кора тӧлысь 11 лунся 174-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Сергей Анатольевич Мамоновӧс Россия Федерацияса Президент бердын Коми Республикаӧс пыр петкӧдлысьлысь могъяс олӧмӧ пӧртысьӧн.
2. Тайӧ тшӧктӧмыс вынсялӧ сійӧс кырымалан лунсянь.
* * *
Мамонов Сергей Анатольевич.
Чужис 1967 вося вӧльгым тӧлысь 9 лунӧ Свердловск обласьтса Каменск-Уральский карын.
Босьтіс вылыс тшупӧда тӧдӧмлун.
1991 — помаліс Уджвывса Гӧрд Знамя ордена С. М. Киров нима уральскӧй политехническӧй институт.
Специальносьт — «Металлургияын теплофизика, автоматизируйтӧм да теплӧвӧй агрегатъяслӧн экология»;
1985–1987 — служитіс СССР-са Вооружённӧй вынъясын;
1991 — босьтчис уджавны коммерческӧй тэчасъясын;
1996–2012 — юрнуӧдіс коммерческӧй тэчасъясын;
2012 — «Федеральнӧй медико-биологическӧй агентстволӧн пикӧ воан мытшӧдъяса юӧртан технологияяслӧн федеральнӧй шӧрин» федеральнӧй канму сьӧмкуд учреждениеса директор;
2020 вося косму тӧлысь 17 лунӧ индӧма Коми Республикаса Веськӧдлан котырӧн Юрнуӧдысьӧс вежысьлысь — Россия Федерацияса Президент бердын Коми Республикаӧс пыр петкӧдлысьлысь могъяс олӧмӧ пӧртысь чинӧ;
2022 вося ода-кора тӧлысь 11 лунӧ индӧма Россия Федерацияса Президент бердын Коми Республикаӧс пыр петкӧдлысьлысь могъяс олӧмӧ пӧртысь чинӧ.
Наградаяс да аттьӧалӧмъяс:
• наградитӧма «Россияса ФМБА-лӧн зарни крест» ведомственнӧй морӧсвыв отличие пасӧн 2014 воӧ Сочиын Тӧвся 22 Олимпийскӧй ворсӧмъяс дырйи Россия Федерацияса сборнӧй олимпийскӧй командаясысь спортсменъясӧс медико-санитарнӧя могмӧдӧмын зіля уджалӧмысь, уджсикасын кужанлунысь.
• сетӧма Россияса ФМБА-лӧн коллегиялысь паськӧдӧм заседание дасьтӧм да нуӧдӧм серти ыджыд уджысь Федеральнӧй медико-биологическӧй агентствосянь аттьӧалӧм.
• сетӧма Медицина уджалысьлӧн лунлы сиӧм мероприятие кежлӧ дасьтысьӧмӧ зіля пырӧдчӧмысь Федеральнӧй медико-биологическӧй агентствосянь аттьӧалӧм.
• наградитӧма «Россияса ФМБА-лӧн зарни крест» ведомственнӧй морӧсвыв отличие пасӧн уна вося бур уджысь да 50 арӧса юбилейкӧд йитӧдын.
Гӧтыра, быдтӧ 4 челядьӧс.
{Kodko (комиӧдіс Kodko) @ Комиын 16 муниципалитет босьтас пассажиръясӧс новлӧдлігӧн бур условиеяс могмӧдӧм вылӧ субсидия @ новости @ https://rkomi.ru/news/2086 @ 2022-05-11 @}
Комиын 16 муниципалитет босьтас пассажиръясӧс новлӧдлігӧн бур условиеяс могмӧдӧм вылӧ субсидия
Та йылысь юӧртісны талун, ода-кора тӧлысь 11 лунӧ Коми Республикаса Юралысь Владимир Уйбалӧн регионса Веськӧдлан котыркӧд быдвежонся оперативнӧй сӧвещание дырйи.
Сӧвещание дырйи сёрнитісны экономика сӧвмӧдӧм йылысь.
Висьталісны федеральнӧй отсалан мераяс йылысь, кутшӧмъясӧс примитӧма санкцияяс дырйи странаын социальнӧй да экономика боксянь зумыдлунсӧ могмӧдӧм могысь.
Россияса экономика сӧвмӧдан медшӧр уджъяслӧн планын индӧмторъяссӧ олӧмӧ пӧртӧм могысь федеральнӧй тшупӧдын стӧчмӧдӧма видз-му овмӧс тӧвар вӧчысьяслы, кодъяс вӧчӧны, переработайтӧны да иналӧны видз-му овмӧс прӧдукция, кокньӧдӧм кредитъяс субсидируйтан правилӧяссӧ.
Ода-кора тӧлысь 1 лунсянь 2022 во помӧдз 100 %-ӧдз кыпӧдӧма россияса видз-му овмӧс тӧвар вӧчысьяслы кредитъяс серти Шӧр банклысь ключевӧй ставка субсидируйтан мындасӧ, медым ньӧбны видз-му овмӧс техника да оборудование, збыльмӧдны кӧйдыс бурмӧдан-вӧдитан да генетика отсӧгӧн пӧрӧда бурмӧдан шӧринъяс стрӧитӧмкӧд да ӧнъяӧдӧмкӧд, а сідзжӧ йӧв вылӧ скӧт видзӧм сӧвмӧдӧмкӧд йитчӧм инвестиция проектъяс.
Коммерческӧй вӧрзьӧдны позьтӧм эмбур стрӧитан юкӧнын система артмӧдысь организацияяс вермасны босьтны 11 % кокньӧдӧм ставка серти кредитъяс, медым збыльмӧдны инвестиция проектъяс.
Ӧти предприятиелы урчитӧма 1 во вылӧ 10 млрд шайтӧдз, компания чукӧрлы — 15 млрд шайтӧдз.
Россияса Веськӧдлан котыр вичмӧдіс 2,85 млрд сайӧ шайт оланін да коммунальнӧй овмӧсын система артмӧдысь организацияяслы кокньӧдӧм кредитъяс вылӧ.
Татшӧм организацияясыс вермасны босьтны уджлы отсалӧм вылӧ вонас 11 % ставка серти заёмъяс.
Ӧти предприятие вермӧ босьтны 5 млрд шайтӧдз, компания чукӧр — 10 млрд шайтӧдз.
Транспорт комплексын система артмӧдысь организацияяс сідзжӧ вермасны босьтны кокньӧдӧм кредит ставка серти кредитъяс.
Промышленнӧй производство сӧвмӧдӧм да инвестиция удж кыпӧдӧм могысь Коми Республикаса экономика сӧвмӧдан министерство бӧрйис выль верктуя инвестиция проект збыльмӧдӧм вылӧ «Промтех-инвест» ичӧт кывкутана котырлысь заявка.
Олысьясӧс транспортӧн могмӧдан юкӧнын да кризис дырйи отсалӧм серти дасьтӧма да 2022 вося ода-кора тӧлысь 6 лунӧ вынсьӧдӧма Коми Республикаса муниципалитетъясын автобусӧн новлӧдлӧмсӧ быд во сьӧмӧн могмӧдӧм вылӧ выль субсидия индан пӧрадок.
Тайӧ сетас позянлун мынтысьны безналичнӧя кызвын муниципальнӧй маршрутъясті ветлігӧн, цифрӧвӧя видзӧдны муниципальнӧй маршрутъяс вылын расписаниеясӧ кутчысьӧм бӧрся да вуджны кар пытшкын да кар бердын новлӧдлігӧн ладмӧдтӧм тарифъяс серти пыр ӧткодя новлӧдлӧмсянь ладмӧдӧм тарифъяс серти пыр ӧткодя новлӧдлӧмӧ.
2022 воӧ Коми Республикаса 16 муниципалитет босьтас субсидия, медым могмӧдны пассажиръясӧс новлӧдлігӧн бур условиеяс, а сідзжӧ медым перевозчикъяс выльмӧдісны автобусъяссӧ, кутшӧмъясӧн ладмӧдӧм тарифъяс серти муниципальнӧй маршрутъясті пыр ӧткодя новлӧдлӧны пассажиръясӧс.
2023 да 2024 воясӧ тайӧ нырвизьсӧ кӧсйӧны водзӧ могмӧдны сьӧмӧн, водзвыв та вылӧ сьӧмкудйын урчитӧма быд во кежлӧ 112 млн шайт.
Сідзжӧ 99 млн шайт вылӧ кыпӧдӧма кар бердын кӧрт туй кузя новлӧдлӧм вылӧ субсидияяс.
Коми Республикаын видз-му овмӧслы отсалӧм могысь ӧні уджалӧны татшӧм юалӧмъяс серти:
• «Комиагролизинг» ичӧт кывкутана котырлы сьӧм содтӧм;
• Коми Республикаса сьӧкыда воӧдчан да/либӧ этша йӧза, да/либӧ ылі сиктса олан пунктъясын уджалысь агропромышленнӧй комплексса предприятиеяслы вузасянінъясӧдз, кутшӧмъяс меститчӧны татшӧм олан пунктъясысь бокын, прӧдукция нуӧмсӧ субсидируйтӧм;
• выль нырвизь пыртӧм, мый серти компенсируйтӧны видзанінсянь субсидия босьтысьяслӧн муясӧ сюянінӧдз органическӧй мувердас нуӧм серти ӧнія воӧ вӧчӧм уджъяслысь донсӧ вӧчӧм ӧтувъя рӧскодысь 90 % мындаын.
Коми Республикаса Юралысь Владимир Уйба корис муниципалитетъясӧн юрнуӧдысьясӧс юӧртны бизнес-котырӧс петкӧдлысьяслы федеральнӧй да республика тшупӧдъясын примитӧм канмусянь отсалан мераяс йылысь да вӧдитчыны наӧн.
{Kodko (комиӧдіс Kodko) @ Комиын 17 сюрс сайӧ олысь гӧлӧсуйтіс нин 2023 воӧ бурмӧдӧм-мичмӧдӧм вылӧ мутасъяс вӧсна @ новости @ https://rkomi.ru/news/2088 @ 2022-05-11 @}
Комиын 17 сюрс сайӧ олысь гӧлӧсуйтіс нин 2023 воӧ бурмӧдӧм-мичмӧдӧм вылӧ мутасъяс вӧсна
Ставроссияса онлайн-гӧлӧсуйтӧмсӧ нуӧдӧны «Оланін да карса гӧгӧртас» национальнӧй проектлӧн «Карын бур гӧгӧртас лӧсьӧдӧм» федеральнӧй проект серти.
Ода-кора тӧлысь 30 лунӧдз Сыктывкарын, Усинскын, Сосногорскын, Емваын, Печораын, Ухтаын, Воркутаын, Интаын да Зӧвсьӧрт посёлокын олысьяс вермӧны пырӧдчыны бурмӧдӧм-мичмӧдӧм вылӧ объектъяс либӧ водзынджык бӧрйӧм инъяслӧн дизайн-проектъяс вӧсна гӧлӧсуйтӧмӧ.
Гӧлӧсуйтны позьӧ https://11.gorodsreda.ru/ сайтын либӧ «Канму услугаяс» порталын (абу мобильнӧй приложение пыр).
Та вылӧ колӧ авторизуйтчыны «Канму услугаяс» порталын, сэсся пользовательлӧн ас жырйын медшӧр лист бок вылын «<rus>Выскажите своё мнение</rus>» юкӧдын кольны бӧрйӧм объект вӧсна ассьыд гӧлӧс.
Сідзжӧ гӧлӧсуйтны отсаласны волонтёръяс.
Канму услугаясын кӧ учётнӧй гижӧдныд абу, ті верманныд сетны гӧлӧснытӧ волонтёр пыр.
Та вылӧ колӧ мобильнӧй телефон.
Доброволечьяс кутасны отсасьны муниципалитетъяслӧн администрацияяс дорын, уна мога шӧринъясын, карса уна йӧза уличаяс вылын либӧ гӧлӧсуйтӧм вылӧ бӧрйӧм мутасъяс дорын.
Пырӧдчыны да сетны гӧлӧснысӧ вӧзйӧм мутасъяс пиысь ӧти вӧсна либӧ бӧрйӧм инлӧн дизайн-проект вӧсна вермӧны Россияса граждана, кодъяслы эм нин 14 арӧс.
Объектъясыс, кутшӧмъяс вӧсна сетасны гӧлӧссӧ медуна йӧз, веськаласны 2023 во кежлӧ бурмӧдӧм-мичмӧдӧм вылӧ мутасъяслӧн адреснӧй лыддьӧгӧ.
Гӧлӧсуйтӧм серти медся тшӧкыда паныдасьысь юалӧмъяс вылӧ вочакывъяссӧ позьӧ аддзыны тані.
Медводдзаысь Коми Республикаын мутасъяс бӧрйӧм серти онлайн-гӧлӧсуйтӧмыс вӧлі колян во.
Сэтчӧ пырӧдчис республикаса 7 карысь 33 сюрс сайӧ морт.
Граждана отсӧгӧн вӧлі бӧрйӧма 23 объект, кутшӧмъяс вӧсна сетісны медуна гӧлӧс. Найӧс кутасны бурмӧдны-мичмӧдны таво.
{Kodko (комиӧдіс Kodko) @ 2022 воӧ Коми Республикаын кӧрт туй инфраструктура сӧвмӧдӧмӧ кӧсйӧны инвестируйтны миллиард да джын сайӧ шайт @ новости @ https://rkomi.ru/news/2089 @ 2022-05-12 @}
2022 воӧ Коми Республикаын кӧрт туй инфраструктура сӧвмӧдӧмӧ кӧсйӧны инвестируйтны миллиард да джын сайӧ шайт
Коми Республикаса Юралысь Владимир Уйба удж серти аддзысьліс Войвывса кӧрт туйлӧн начальник Рашид Сайбаталовкӧд.
Сёрнитісны компания да регионса Веськӧдлан котыр костын кӧрт туй транспорт сӧвмӧдан юкӧнын ӧтув уджалӧм йылысь.
«Коми Республика да Войвывса кӧрт туй уна во чӧж нин ёртасьӧны.
Ми вылӧ донъялам Войвывса кӧрт туйлысь пайсӧ республика сӧвмӧдӧмын.
Эска, мый ми водзӧ кутам ӧтув уджавны да сӧвмӧдны йитӧдъяс республикаса олысьяслы да «РКТ» компаниялы бур вылӧ», — юӧртіс Владимир Уйба.
«Войвывса кӧрт туй пыр дась кӧрт туй транспорт юкӧнын ӧтув уджалӧмкӧд йитчӧм юалӧмъяс серти подула сёрни да уджъёртасьӧм кежлӧ, медым кыпӧдны транспортӧн ветлыны позянлунсӧ, пассажиръясӧс да Коми Республикаса олысьясӧс новлӧдлан качествосӧ», — пасйис Рашид Сайбаталов.
Войвывса кӧрт туйлӧн начальник юӧртіс регионса Юралысьлы компаниялӧн Коми Республикаын уджалӧм серти кывкӧртӧдъяс да 2022 во вылӧ планъяс йылысь.
Сідз, кӧрт туй инфраструктура сӧвмӧдӧм вылӧ кӧсйӧны инвестируйтны 1,68 млрд шайт.
Сьӧмсӧ веськӧдасны социальнӧя сӧвмӧдан проектъяс, Войвывса да Свердловскӧй кӧрт туйяс вылын кӧрт туй инфраструктура вынсьӧдӧм вылӧ, медым Войвывса широтнӧй кӧрт туй лӧсьӧдан проект серти позис нуны содтӧд груз.
Сідзжӧ кӧсйӧны техническӧя выльмӧдны Сыктывкар станциялӧн грузӧвӧй йӧрын контейнернӧй терминал, выльмӧдны инфраструктура да збыльмӧдны ӧткымын мукӧд проект.
«Войвывса широтнӧй туй» инвестиция проект серти кӧсйӧны стрӧитны 4 туйвеж (Пурга, Усинскса, Берегвывса, Тундраса) выльмӧдны 4 станция (Никита, Елецкӧй, Хорота, Полярнӧй Урал), выльысь лӧсьӧдны 6 пос да трубаяс вылӧ 3 фильтруйтан мудӧд, пыртны Чум — Обскӧй участокын (Коми Республикалӧн мудоръясын Чум – Полярнӧй Урал участокын) автоблокировка, а сідзжӧ стрӧитны Шор – Пышор – Сейда перегонъяс вылын мӧд туй.
«Миянлы колӧ ӧтув уджавны «Войвывса широтнӧй туй» ыджыд инвестиция проект збыльмӧдӧм серти.
Коми Республикалы сійӧ зэв ёна колӧ, ӧд тайӧ лоас подулӧн, медым регионын сӧвмис бизнес да содісны инвестиция уджтасъяс», — гӧгӧрвоӧдіс Владимир Уйба.
Аддзысьлігӧн сёрнитісны карбердса маршрутъясті пассажиръясӧс новлӧдлӧмсӧ котыртӧм йылысь.
Коми Республикаын карбердса поездъяслӧн маршрутъясыс 2019 восянь эз вежсьыны.
Таво нӧшта уджалӧны сы серти, медым лэдзны Сыктывкар — Микунь туйӧд паровознӧй тяга вылын ретро-поезд.
Войвывса кӧрт туйӧн юрнуӧдысьяс шуисны, мый найӧ дасьӧсь видлавны Сыктывкар да Эжва район костын рельсӧвӧй автобусъясӧн пассажиръясӧс новлӧдлан рейсъяс котыртӧм серти (тайӧ сетас позянлун чинтыны час пикъясӧ автобус маршрутъяс вылысь пассажиръяслысь лыдсӧ), Сыктывкар — Усинск 53/54 №-а ӧдйӧ ветлан поездлысь быд лун ветлӧдлӧмсӧ котыртӧм серти, Воркуталань туй вылын подвижнӧй состав выльмӧдӧм серти Коми Республикаса Веськӧдлан котырлысь вӧзйӧмъяссӧ.
Торйӧн видлалісны, кыдзи котыртны Комиысь челядьӧс Россиялӧн лунвывса Анапа да Саки каръясын республикалӧн санаторийясӧдз кӧрт туй транспортӧн нуӧдӧмсӧ.
Лунвывланьын сынӧдті новлӧдлӧмъяссӧ дугӧдӧмкӧд да аэропортъяс пӧдлалӧмкӧд йитӧдын тайӧ юалӧмыс лоис нӧшта на тӧдчанаӧн войвывса регионъясын олысьяслы.
«Коми Республикалӧн эм кык зэв бур санаторий — Саки карын «Северное сияние» да Анапа карын «<rus>Черноморская зорька</rus>».
Ме пукті республикаса Веськӧдлан котыр водзӧ мог, медым кыдз позьӧ унджык челядь ветлісны шойччыны саридз дорӧ да бурмӧдісны дзоньвидзалун миян санаторийясын.
Тайӧ медводз войвыв муниципалитетъяс.
Та вӧсна тані миянлы колӧ Россияса кӧрт туйлӧн отсӧг, медым нуӧдны челядьӧс шойччанінӧдз торъя график серти, сменаясӧн», — шуис Владимир Уйба.
Коми Республикаса Юралысь да Войвывса кӧрт туйлӧн начальник сёрнитчисны лӧсьӧдны ӧтувъя уджалан группа, медым регыдъя кадӧ дасьтыны тайӧ юалӧм серти лӧсялана помшуӧм.
Владимир Уйба сідзжӧ аттьӧаліс Войвывса кӧрт туйӧн юрнуӧдысьясӧс «<rus>Поезд помощи</rus>» ставроссияса бурвӧчан акция серти Донецкӧй да Луганскӧй народнӧй республикаясын олысьяслы стрӧитчан материалъясӧн вагон мӧдӧдӧмын отсалӧмысь.
{Kodko (комиӧдіс Kodko) @ Удора районлы сетісны выль пассажирскӧй автобусъяс @ новости @ https://rkomi.ru/news/2093 @ 2022-05-13 @}
Удора районлы сетісны выль пассажирскӧй автобусъяс
Коми Республикаса Юралысь Владимир Уйба сетіс муниципалитетлӧн эмбурӧ овмӧдчӧминкостса да муниципалитеткостса маршрутъясті йӧзӧс новлӧдлӧм вылӧ ПАЗ маркаа 4 автобус.
«Колян вося ӧшым тӧлысьӧ Удора район пикӧ воліс.
Контракт серти йӧзӧс новлӧдлысь организация эз пет аукцион вылӧ, — висьталіс Владимир Уйба.
— Удора районса администрацияӧн юрнуӧдысь Николай Дмитриевич Жилин пырысьтӧм-пыр шыӧдчис ме дорӧ отсӧгла.
Сьӧкыдлуныс вӧлі сыын, мый сійӧ кад кежлӧ сьӧмкудсӧ вӧлі юклӧма нин, нӧшта на и дефицитӧн, прӧст сьӧмыс эз вӧв.
Но ми аддзим позянлун да корсим автобусъяс ньӧбӧм вылӧ сьӧм.
Талун ми сетім районлы нёль выль автобус, артмӧ, мый лӧсьӧдім муниципальнӧй предприятие.
Ӧні район аспом уджалысьястӧг вермас новлӧдлыны пассажиръясӧс».
Ньӧбӧм автобусъяссӧ вӧчӧма Россияын, быдӧн на пиысь 21 пукалан местаа да найӧс могмӧдӧма сьӧкыда ветлысь гражданаӧс новлӧдлӧм вылӧ устройствоясӧн да экстреннӧй оперативнӧй службаясӧс коран средствоясӧн.
Найӧс ньӧбӧм вылӧ республиканскӧй сьӧмкудйысь вӧлі вичмӧдӧма 14 миллионысь унджык шайт.
«Доныс абу сылы, мый вӧчисны Владимир Викторович да республикаса Веськӧдлан котыр.
Колис бӧрӧ зэв сьӧкыд кад.
Талун миянлы пӧшти тырмӧ Удора районын пассажиръясӧс новлӧдлӧм вылӧ автобусыс.
Республикасянь миянлы сетісны нёль автобус, нӧшта ӧтиӧс ньӧбим муниципалитетлӧн сьӧм вылӧ.
Ставнас районын овмӧдчӧминкостса да муниципалитеткостса маршрутъясті кутас ветлӧдлыны дас автобус», — юӧртіс «Удора» МР МЮ администрацияӧн юрнуӧдысь Николай Жилин.
Водзынджык республикаса Юралысь сетіс ПАЗ маркаа кык выль автобус Чилимдін районлы.
{Kodko (комиӧдіс Kodko) @ Коми Республикаын COVID–19-ысь прививкасӧ вӧчӧма джынсьыс унджык верстьӧ олысь @ новости @ https://rkomi.ru/news/2095 @ 2022-05-13 @}
Коми Республикаын COVID–19-ысь прививкасӧ вӧчӧма джынсьыс унджык верстьӧ олысь
Регионса Ӧтйӧза палатаын гӧгрӧс пызанлӧн заседание дырйи сёрнитісны выль коронавирус инфекцияысь вакцинируйтӧм йылысь. Заседаниеӧ пырӧдчис республикаса Юралысь Владимир Уйба.
Медшӧр тема — гражданаӧс вакцинируйтчыны ышӧдӧм.
«Талун йӧзыс ёна кывзӧны антипрививочникъясӧс, кодъяс некыдз оз йитчыны медицинакӧд, висьтасьӧны оз йӧзлы бур вылӧ, а асланыс выгӧда вылӧ, — пасйис регионса Юралысь.
— Видео пыр шыӧдчигӧн ме быд лун юӧрта эпидемиякӧд йитчӧм серпас йылысь.
Пандемия пик дырйи вайӧдлі кувсьӧмъяс серти статистика.
Ковидысь кувсьӧм пациентъяс лыдысь ӧкмысдас ӧкмыс прӧчентыс вӧлі прививкатӧм!
Мортыс кӧ оз вӧч прививка, сійӧ быть веськалӧ риск группаӧ.
Кор сійӧ висьмӧ, сы вылӧ мунӧ уна миллион шайт, та дырйи зэв ыджыд риск, мый сійӧ кувсяс!
Кымын мортлы нӧшта колӧ кувсьыны ковидысь, медым йӧзыс гӧгӧрвоисны, мый прививкасӧ быть колӧ вӧчны?»
Владимир Уйба аттьӧаліс медицина уджалысьясӧс, регыдъя отсӧг сетан машинаясса шоперъясӧс, волонтёръясӧс да быдӧнӧс, коді отсаліс йӧзлысь дзоньвидзалун видзан учреждениеяслӧн уджлы да мездіс йӧзӧс пандемия дырйи.
Сійӧ пасйис, мый сы могысь, медым йӧзыс эз ёна висьны ковидӧн да эз кувсьыны сыысь, колӧ бура нуӧдны прививочнӧй кампания.
Сідзжӧ Коми Республикаса Юралысь тӧдчӧдіс сійӧс, мый вакцинируйтӧм серти оз вермы лоны кык видзӧдлас.
Оз позь лэдзны, медым медицинаын уджалысьяс вӧліны паныд прививкалы.
Уджалысьяскӧд, кодъяс подувтӧг ышӧдӧны пациентъясӧс прививкаяслы паныд да татшӧм ногӧн вайӧдӧны найӧс рискӧ, колӧ нуӧдны уджсикас серти комиссияяс да сэсся мыждыны найӧс дисциплинарнӧя.
Коми Республикаса ӧтйӧза палаталӧн социальнӧй юалӧмъяс серти комиссияса гӧгрӧс пызан заседаниеӧ сідзжӧ пырӧдчисны регионса Йӧзлысь дзоньвидзалун видзан министерствоӧс петкӧдлысьяс, водзмӧстчысь йӧз, врачьяс да преподавательяс.
Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Дягилев висьталіс сы йылысь, кыдзи котыртӧма республикаса олысьясӧс вакцинируйтӧмсӧ да COVID–19-ысь прививкаяс йылысь гӧгӧрвоӧдӧмъяссӧ.
Мукӧд регионлӧн, кӧні вакцинируйтчӧмысь олысьяслы сетӧны сьӧм, бур опыт вылӧ подуласьӧмӧн сійӧ вӧзйис пыртны татшӧм ышӧдан мерасӧ Комиын.
Шуам, сетны прививка неважӧн вӧчысь гражданалы сёян-юанӧн либӧ овмӧсын колана вузӧсъясӧн вузасянінъясӧ сертификатъяс.
Игорь Дягилев вӧзйис и мӧд петан туй — бурджыка видзӧдны «Эпидемияысь видзчысьӧм могысь гражданалӧн торъя группаяслы ӧлӧдан прививкаяс вӧчӧм йылысь» Коми Республикаса юралысь канму санитарнӧй врачлӧн шуӧмӧ кутчысьӧм бӧрся.
Регионса Йӧзлысь дзоньвидзалун видзан министерстволӧн мыччӧдъяс серти, 60 арӧсысь ыджыдджык йӧз, хроническӧй висьӧмъясӧн висьысьяс да нӧбасьысь аньяс медся сьӧкыда висьӧны выль коронавирус инфекцияӧн да тшӧкыдджыка кувсьӧны сыысь.
Таысь кындзи, COVID–19 дырйи осложнениеяс тшӧкыда овлӧны онкологияӧн да сахарнӧй диабетӧн висьысьяслӧн.
Коми Республикаса ӧтйӧза палатаӧ пырысьяс сетісны вӧзйӧмъяс сы серти, кыдзи позьӧ ӧдйӧджык вакцинируйтны йӧзӧс.
Ӧти-кӧ, дугдывтӧг юӧртны прививкаяс вӧчны коланлун йылысь да котыртны Коми Республикаса предприятиеясын да организацияясын велӧдан мероприятиеяс.
Мӧд-кӧ, пыртны стӧчмӧдӧмъяс Россия Федерацияса да Коми Республикаса оланпасъясӧ да нормативнӧй актъясӧ, кутшӧмъяс ладмӧдӧны вакцинируйтӧм нуӧдӧмсӧ.
Коймӧд-кӧ, быд во нуӧдны научно-практическӧй конференция, кӧні видлавны вакцинируйтӧм да вуджан висьӧмъясысь ӧлӧдӧм серти оланпастэчас, медбур опыт да медицина боксянь подувъяс.
Нёльӧд-кӧ, медицина нырвизя велӧдан организацияясын нуӧдны прививкаяслы, вуджан висьӧмъясысь ӧлӧдӧмлы, иммунитет кыпӧдӧм серти оланпастэчаслы да медицина боксянь подувъяслы сиӧм торъя велӧдан курс.
Тӧд вылӧ босьтӧмӧн сійӧс, мый вузасьӧмын, транспортын, таксиын да мичмӧдчан салонъясын уджалысьяс пӧвстысь COVID–19-ысь вакцинируйтӧма 80 прӧчентысь этшаджыкӧс, водзмӧстчысьяс вӧзйисны ышӧдны вакцинируйтӧмӧ удж сетысьясӧс.
Шуам, урчитны бизнес кутысьяслы, кодъяслӧн вакцинируйтчӧма став уджалысьыс, торъя ошкан мераяс.
Сӧвещаниеӧ пырӧдчысьяс шуисны, мый вакцинация да ревакцинация бура кыпӧдӧны иммунитет да чинтӧны риск группаясын коронавирусысь кувсьӧмсӧ 70 прӧчентӧдз.
Сідзжӧ найӧ лыддьӧны, мый йӧзлы колӧ сетны унджык юӧр, мый эськӧ веніс прививкаяс йылысь фейкъяссӧ, да паськӧдны йӧз пӧвстын мӧвп, мый вакцинация — дзоньвидза оласноглӧн быть колана юкӧн.
Ода-кора тӧлысь 12 лун кежлӧ Коми Республикаын COVID–19 выль коронавирус инфекцияысь прививкасӧ вӧчӧма 470 382 морт, став верстьӧ йӧзысь тайӧ 56 прӧчент.
Вакцинируйтны планируйтӧны 505 262 мортӧс — став верстьӧ йӧзысь 80 прӧчентсӧ.
Ӧні плансӧ збыльмӧдӧма 70 прӧчент вылӧ, коллективнӧй иммунитет тшупӧдыс лоис 45,2 прӧчент.
Регионсӧ тырвыйӧ могмӧдӧма вакцинаӧн, ӧні республикаса медицина учреждениеясын 85 сюрс сайӧ доза.
Вакцинация вылӧ гижӧдчыны позьӧ колл-центръяс да Канму услугаяслӧн да уджъяслӧн ӧтувъя портал пыр.
{Kodko (комиӧдіс Kodko) @ Лариса Карачёва сетіс наградаяс республикаса уна челядя медбур семьяяслы @ новости @ https://rkomi.ru/news/2096 @ 2022-05-13 @}
Лариса Карачёва сетіс наградаяс республикаса уна челядя медбур семьяяслы
Семьялы сиӧм войтыркостса лун водзвылын Коми Республикаса Юралысьлӧн Администрацияын нуӧдісны регионса уна челядя медбур семьяяслы наградаяс сетан церемония.
2022 воӧ республикаын медводдзаысь квайт семья босьтіс «Челядьӧс бура быдтӧмысь» медаль.
Таысь кындзи, семья институтлысь коланлунсӧ тӧдчӧдӧм могысь быд во уна челядя вит медбур семьялы сетӧны Коми Республикаса Веськӧдлан котырлысь премияяс.
Коми Республикаса Юралысь Владимир Уйба да регионса Веськӧдлан котыр нимсянь уна челядя медбур семьяясӧс чолӧмаліс Коми Республикаса Веськӧдлан котырӧн Юрнуӧдысьӧс вежысь Лариса Карачёва.
Сійӧ пасйис, мый семьялы отсалӧм да сійӧс дорйӧм — канмулӧн медшӧр могъяс пиысь ӧти.
Россияын лӧсьӧдӧма отсалан мераяс челядя семьяяслы — нӧбасьысь аньяслы, том бать-мамлы, уна челядя, гӧля олысь семьяяслы, босьтӧм челядя семьяяслы, вермытӧм челядьӧс быдтысь семьяяслы да семьяяслы, кодъяс босьтісны быдтыны бать-мамтӧм челядьӧс.
Челядя семьяясӧс дорйӧм босьтӧ ыджыд ин и миян республикаын: кыпӧдӧны выль школаяс да детсадъяс, сетӧны позянлун сӧвмӧдны челядьлысь енби, бурдӧдны да шойччӧдны найӧс, тырвыйӧ збыльмӧдӧны социальнӧя отсалан мераяс.
Кыдзи и пыр, наградаяс сетӧм вылӧ лауреатъяс локтісны став семьяӧн: и бать-мам, и челядь.
«Челядьӧс бура быдтӧмысь» медальяс сетісны Печораысь Магаевъяслӧн семьялы, Сыктывдін районысь Куратовъяслӧн семьялы, Интаысь Ходыревъяслӧн семьялы, Луздор районысь Каричьяслӧн семьялы.
Республикаса Веськӧдлан котырлысь премияяс сетӧма Сыктывкарысь Якубивъяслӧн семьялы, Емдін районысь Прошевъяслӧн семьялы, Чилимдін районысь Носовъяслӧн семьялы, Княжпогост районысь Лятиевъяслӧн семьялы, Луздор районысь Косныревъяслӧн семьялы.
Кыдзи наградаяс сетан церемония дырйи юӧртісны кар-районъясса юрнуӧдысьяс, семьяясыс зэв зумыдӧсь, бать-мам зільӧны быд боксянь сӧвмӧдны челядьӧс да асьныс водзмӧстчӧны творчествоын, спортын, ӧтйӧза олӧмын.
Быдӧн тіян пиысь тӧдӧмӧн бӧрйис лӧсьӧдны ыджыд да зумыд семья.
Тайӧ зэв бур, сы вӧсна мый тані тыдовтчӧ радейтӧм.
Сетны олӧм выль мортлы, быдтыны сійӧс бур мортӧн — сьӧкыд, кывкутана да зэв пыдди пуктана удж, торйӧн нин, кор сёрниыс мунӧ куим да унджык челядя семьяяс йылысь.
Тіян семьяясныд — гозъялӧн шуда олӧмлӧн, кывкутӧмӧн челядьӧс быдтӧмлӧн да шуда челядьдырлӧн пример.
Ті — миян кадся збыль геройяс, том йӧзлы бур пример, — пасйис чолӧмалігӧн Лариса Карачёва.
Уна челядя медбур семьяяслы — республикаса Веськӧдлан котырлӧн премия лауреатъяслы да «Челядьӧс бура быдтӧмысь» медаль босьтысьяслы сетасны 100 сюрс шайт.
* * *
Коми Республикаса Юралысьлӧн Индӧдӧн челядьӧс быдтӧмын да семьяын традицияяс видзӧмын торъя заслугаясысь «Челядьӧс бура быдтӧмысь» Коми Республикаса медаль сетӧма:
• Альбина Васильевна да Вячеслав Емельянович Каричьяслы, Луздор район (8 челядь);
• Варвара Ивановна да Сергей Анатольевич Куратовъяслы, Сыктывдін район (5 челядь);
• Евгения Николаевна да Елизар Александрович Магаевъяслы, Печора кар (6 челядь);
• Разида Габдулхаковна да Роман Яковлевич Ходыревъяслы, Инта кар (5 челядь);
• Татьяна Васильевна да Александр Александрович Ватащукъяслы, Печора кар (6 челядь);
• Нина Николаевна да Николай Анатольевич Старцевъяслы, Луздор район (5 челядь).
Коми Республикаса Веськӧдлан котырлӧн тшӧктӧмӧн 2022 воӧ уна челядя медбур семьяяслы Коми Республикаса Веськӧдлан котырлысь премияяс сетӧма:
• Елена Юрьевна да Сергей Валентинович Косныревъяслы, Луздор район (3 челядь);
• Олеся Александровна да Иван Николаевич Лятиевъяслы, Княжпогост район (3 челядь);
• Екатерина Михайловна да Константин Викторович Носовъяслы, Чилимдін район (4 челядь);
• Алевтина Михайловна да Иван Геннадьевич Прошевъяслы, Емдін район (4 челядь);
• Татьяна Владимировна да Виктор Ярославович Якубивъяслы, Сыктывкар (4 челядь).
Фотографияяссӧ сетіс «БНК» юӧртан агентство
{Kodko (комиӧдіс Kodko) @ Печораын помалӧны дзоньтавны верстьӧяслы 2 №-а поликлиника @ новости @ https://rkomi.ru/news/2097 @ 2022-05-13 @}
Печораын помалӧны дзоньтавны верстьӧяслы 2 №-а поликлиника
Коми Республикаса Юралысь Владимир Уйба Печораӧ удж серти волігӧн ветліс медицина учреждениеӧ, кутшӧмӧс сылӧн тшӧктӧм серти пыртӧма «Тӧждысьысь поликлиника» федеральнӧй проектӧ да йӧзлысь дзоньвидзалун видзан юкӧнлысь первичнӧй звено ӧнъяӧдан федеральнӧй уджтасӧ.
«Воддза волігӧн Печораын олысьяс шыӧдчисны ме дорӧ корӧмӧн, медым оз пӧдлавны карлӧн железнодорожнӧй юкӧнын верстьӧяслы 2 №-а поликлиника.
Ме тшӧкті дугӧдны став оптимизируйтӧмсӧ, мый вӧлі панӧма регионӧ менам локтӧдз на.
Колӧ, медым поликлиникаыс уджаліс, ӧд сэтчӧ прикрепитӧма 13 сюрс мортӧс, тшӧтш и матігӧгӧрса посёлокъясысь олысьясӧс.
Поликлиникалы материальнӧя отсалӧм могысь ме тшӧкті пыртны тайӧ объектсӧ «Тӧждысьысь поликлиника» федеральнӧй верктуя проектӧ.
Таысь кындзи, медицина учреждение пырис йӧзлысь дзоньвидзалун видзан юкӧнлысь первичнӧй звено ӧнъяӧдан федеральнӧй уджтасӧ», — пасйис Владимир Уйба.
Ӧні поликлиникаын дзоньталӧны медводдза судта да пыранін.
Сідзжӧ учреждениеӧ воас медицинскӧй мебель, навигация, компьютернӧй техника.
Мӧд судтасӧ дзоньталасны косметическӧя.
Тайӧ могъяс вылӧ веськӧдӧма 8,8 млн шайт.
Дзоньталӧм бӧрын тані пыртасны олысьяслы первичнӧй медико-санитарнӧй отсӧг сетӧм вылӧ тӧждысян технологияяс.
Йӧзлысь дзоньвидзалун видзан юкӧнлысь первичнӧй звено ӧнъяӧдан федеральнӧй уджтас серти поликлиникаӧ ньӧбӧма выль рентген да маммография аппаратъяс.
Жыръяссӧ, кытчӧ пуктӧма оборудованиесӧ, капитальнӧя дзоньталӧма.
Таво Коми Республикаса йӧзлысь дзоньвидзалун видзан министерство вичмӧдіс 2,4 млн шайт, медым капитальнӧя дзоньтавны поликлиникалысь вевтсӧ.
Уджъяссӧ кӧсйӧны помавны 2022 вося ар кежлӧ.
Поликлиникасӧ видлалігӧн Коми Республикаса Юралысь Владимир Уйба тшӧктіс вежны лифт, мыйӧн вӧдитчӧны 30 сайӧ во чӧж, да урчитны та вылӧ содтӧд сьӧм.
«Печораса шӧр районнӧй больнича» Коми Республикаса йӧзлысь дзоньвидзалун видзан канму сьӧмкуд учреждениелӧн тэчас юкӧдув — Верстьӧяслы 2 №-а поликлиника меститчӧ карлӧн железнодорожнӧй юкӧнын да могмӧдӧ 13 сюрс мортӧс, тшӧтш и Сыня, Бызӧвӧй да Медвежскӧй посёлокъясын фельдшер-акушер пунктъясса поликлиникаысь пациентъяс.
Поликлиникалӧн эм 4 терапевтическӧй участок, врач-терапевтыс тырмымӧн.
Тані уджалӧны врач-хирург, врач-кардиолог, врач-невролог, врач-офтальмолог, врач-физиотерапевт.
Учреждение подув вылын лӧсьӧдӧма эндоскопия кабинет.
Сідзжӧ уджалӧны физиотерапевтическӧя бурдӧдан кабинет, массаж да бурдӧдӧм могысь вынйӧр сӧвмӧдан кабинетъяс, видлалан да процедура кабинетъяс.
Фотоыс «Печора» МР МЮ администрациялӧн
{Kodko (комиӧдіс Kodko) @ Национальнӧй проект: Печораын выльмӧдасны Геологъяслысь парк @ новости @ https://rkomi.ru/news/2098 @ 2022-05-13 @}
Национальнӧй проект: Печораын выльмӧдасны Геологъяслысь парк
Удж серти волігӧн Коми Республикаса Юралысь Владимир Уйба видзӧдліс, кыдзи выльмӧдӧны объектсӧ.
Парксӧ лӧсьӧдӧны «Оланін да карса гӧгӧртас» национальнӧй проектлӧн «Карын бур оласног лӧсьӧдӧм» федеральнӧй проект серти.
«Ас кадӧ Печораса олысьяс гӧлӧсуйтісны тайӧ объект вӧсна. Регыд шойччанінсӧ выльмӧдасны-мичмӧдасны.
Тӧдчӧда, мый быдӧн вермӧ пуктыны пай чужан кар бурмӧдӧм-мичмӧдӧмӧ.
Ӧні «Карын бур оласног лӧсьӧдӧм» проект серти гӧлӧсуйтӧны бурмӧдан-мичмӧдан проектъяс вӧсна, кутшӧмъясӧс кутасны збыльмӧдны 2023 воӧ.
Ме кора быдӧнӧс пырӧдчыны онлайн-гӧлӧсуйтӧмӧ», — пасйис Владимир Уйба.
2021 воӧ Печораын Геологъяслӧн паркын вӧлі разьӧма тротуаръяс, лӧсьӧдӧма пода туйяс, пуктӧма тротуар плитка, вӧчӧма велосипедӧн ветлан туй.
Та вылӧ веськӧдӧма 11,4 млн шайт.
2022 воӧ уджыс мунӧ водзӧ.
Паркын кӧсйӧны нӧшта лӧсьӧдны велосипедӧн ветлан туй, вевттьыны печатнӧй бетонӧн шӧр аллея, сувтӧдны ывлавывса би, весавны кустарникъяс.
Коймӧд, бӧръя тшупӧдыс заводитчас 2023 воӧ да помасяс 2024 воӧ.
Паркын збыльмӧдасны дизайн-проект, мый вӧсна таво гӧлӧсуйтасны Печораын олысьяс («Велосипедӧн ветлан туй резина чирйӧн вевттьӧм, парк югзьӧдӧм», «Челядьлы да спорт площадкаяс», «Скейтплощадка, качайяс, парк югзьӧдӧм» либӧ «Понъясӧс гуляйтӧдан площадка, пыранін, скейтплощадка»).
* * *
«Оланін да карса гӧгӧртас» национальнӧй проектлӧн «Карын бур оласног лӧсьӧдӧм» проект серти гӧлӧсуйтны позьӧ ода-кора тӧлысь 30 лунӧдз.
Республикаын бурмӧдан-мичмӧдан объектъяс вӧсна гӧлӧсуйтіс нин 22 сюрс морт.
Тӧдмасьны бурмӧдан-мичмӧдан проектъясӧн позьӧ 11.gorodsreda.ru платформаын.
Бӧрйыны сьӧлӧм вылӧ воана дизайн-проектсӧ позьӧ za.gorodsreda.ru ӧтувъя федеральнӧй платформаын либӧ «Канму услугаяс» порталын.
Фотоыс «Печора» МР МЮ администрациялӧн
{Kodko (комиӧдіс Kodko) @ Владимир Уйба аддзысьліс ДНР-са да ЛНР-са олысьяскӧд, кодъяслы быть ковмис мунны Украинаысь @ новости @ https://rkomi.ru/news/2100 @ 2022-05-14 @}
Владимир Уйба аддзысьліс ДНР-са да ЛНР-са олысьяскӧд, кодъяслы быть ковмис мунны Украинаысь
Печораӧ удж серти ветлігӧн Коми Республикаса Юралысь Владимир Уйба аддзысьліс да сёрнитіс Донецкӧй да Луганскӧй народнӧй республикаясса олысьяскӧд.
«Ӧні миян мог муниципалитетъяскӧд ӧтвылысь отсавны тіянлы аддзыны удж, велӧдны челядьнытӧ да, дерт жӧ, сетны социальнӧй отсӧг.
Коми Республикаса олысьяс зэв восьсаӧсь, ми пыр шоныда паныдалам гӧсьтъясӧс», — шыӧдчис ДНР-са да ЛНР-са олысьяс дорӧ Владимир Уйба.
«Ми локтім татчӧ ёртным дорӧ, ӧні олам сы дорын.
Миянлы тані ставыс воӧ сьӧлӧм вылӧ.
Республикаын йӧзыс шаньӧсь да збыльысь примитісны миянӧс зэв шоныда», — висьталіс Донецкӧй народнӧй республикаса олысь Нина Ващенко.
Сёрнитісны сы йылысь, кыдзи беженечьяслы кокньыда пасйысьны, босьтны Россия Федерацияса гражданство, вуджӧдны сьӧмнысӧ россияса шайтъяс вылӧ.
Видлалісны, кыдзи ДНР-са да ЛНР-са олысьяслы велавны россияса оланпастэчас дорӧ, ӧд сійӧ торъялӧ украинасаысь.
Коми Республикаса Юралысь Владимир Уйба тшӧктіс регионса Веськӧдлан котырлы да муниципалитетса администрациялы регыдъя кадӧн видлавны быд юалӧм, мый кыптіс аддзысьлігӧн.
{Kodko (комиӧдіс Kodko) @ Коми Республикаса Юралысь чолӧмалӧ Семьялы сиӧм войтыркостса лунӧн @ новости @ https://rkomi.ru/news/2102 @ 2022-05-15 @}
Коми Республикаса Юралысь чолӧмалӧ Семьялы сиӧм войтыркостса лунӧн
«Коми Республикаса пыдди пуктана олысьяс!
Сьӧлӧмсянь чолӧмала Семьялы сиӧм войтыркостса лунӧн!
Важысянь семья — тайӧ мортлӧн олӧмын медшӧрыс.
Семьяын быдмӧ-сӧвмӧ морт да гражданин.
Семья отсӧгӧн сӧвмӧ да ёнмӧ канму.
Коми Республика нималӧ аслас семьяясӧн — зіль, кыпыд лола, пыдди пуктана.
Татшӧм семьяясын тӧждысьӧмӧн видзӧны традицияяс, радейтӧны да гӧгӧрвоӧны ӧта-мӧдӧс.
Канмулӧн, Коми Республикаса Веськӧдлан котырлӧн мог — отсавны семьяяслы быдтыны челядьӧс.
Регионын бурмӧдӧны отсалан мераяс — урчитӧны выль мынтӧмъяс, уна челядя медбур семьяяс босьтӧны республикасянь наградаяс да Коми Республикаса Веськӧдлан котырлысь премияяс.
Дона ёртъяс!
Сьӧлӧмсянь сиа тіянлы крепыд дзоньвидзалун, тыр-бура да шуда олӧм.
Мед тіян керкаясаныд вӧлі пыр шоныд да гажа, юргис челядьлӧн серам, ыджыдаліс радейтӧм.
Видзӧй матыссаяснытӧ, энӧ жалитӧй налы бур кывъяс!»
Коми Республикаса Юралысь Владимир Уйба
{Kodko (комиӧдіс Kodko) @ Коми Республикаса Юралысь чолӧмалӧ Коми гижӧд лунӧн @ новости @ https://rkomi.ru/news/2103 @ 2022-05-15 @}
Коми Республикаса Юралысь чолӧмалӧ Коми гижӧд лунӧн
«Коми Республикаса пыдди пуктана войтыр!
Таво ми пасъям тшупӧда пас — коми гижӧдлы тырӧ 650 во. Коми гижӧдлы подувсӧ пуктіс Вежа Перымса Степан.
1372 воӧ лӧсьӧдӧм Анбурӧ пырис 26 шыпас.
Сылӧн подулын вӧліны греческӧй да славянскӧй алфавитъясысь шыпасъяс, а сідзжӧ коми войтырлӧн рӧдвуж пасъяс, кутшӧмъясӧн зыряна пасйылісны кыйсян кӧлуй, эмбур, лунпасъяс.
Коми гижӧд пыр сӧвмис.
Ӧні коми войтырлӧн эм аслас анбур, гижӧд, озыр литература, кыв. Роч туялысь, философ да этнограф Николай Надеждин шуліс, мый зыряна кыв мелі, озыр, небыд, мича, гора.
abu
abu
abu
Республикаса быд кар-районын нуӧдӧны коми гижӧдлы сиӧм мероприятиеяс.
Быдӧн вермӧны пырӧдчыны онлайн да офлайн мероприятиеясӧ: викторинаясӧ, творчество конкурсъясӧ, тӧдӧмлун сетан да гажӧдан уджтасъясӧ, литературнӧй аддзысьлӧмъясӧ да рытъясӧ, концертъясӧ да фестивальясӧ, гӧгрӧс пызанъясӧ. Найӧ ӧтувтӧны йӧзӧс, кодъяс тӧдӧны, велӧдӧны да пыдди пуктӧны коми кыв.
Сиа тіянлы крепыд дзоньвидзалун, шуд, тыр-бур олӧм!
Бура велӧдны, видзны да сӧвмӧдны коми кыв!
Мед олас да сӧвмас коми гижӧд!»
Коми Республикаса Юралысь Владимир Уйба
{Kodko (комиӧдіс Kodko) @ Комиын дасьтасны бизнеслы регионсянь отсалан мераяс серти навигатор @ новости @ https://rkomi.ru/news/2105 @ 2022-05-16 @}
Комиын дасьтасны бизнеслы регионсянь отсалан мераяс серти навигатор
Та йылысь юӧртісны Коми Республикаса Юралысь Владимир Уйбалӧн регионса Веськӧдлан котыркӧд быдвежонся оперативнӧй сӧвещание дырйи, мый вӧлі талун, ода-кора тӧлысь 16 лунӧ.
Сӧвещаниеӧ пырӧдчысьяс видлалісны экономика зумыда сӧвмӧдан юалӧмъяс.
Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева юӧртіс Регионса штаблӧн ода-кора тӧлысь 12 лунся заседаниелӧн кывкӧртӧдъяс йылысь.
Заседаниелӧн медшӧр помшуӧмӧн лоис бизнес субъектъяслы содтӧд отсалан мераяс примитӧм.
Тайӧ Л–410 самолётъяс вежӧм вылӧ Ан–24 самолёт ньӧбӧм могысь «Комиавиатранс» акционер котырлы сьӧмӧн отсалӧм, «Комиагролизинг» ичӧт кывкутана котырлы сьӧм содтӧм, вот перъян кокньӧдӧм системаӧн вӧдитчысь ИТ-компанияяслы вотъяс чинтӧм.
Коми Республикаса цифра отсӧгӧн сӧвмӧдан, йитӧд да юӧр сетан да Коми Республикаса экономика сӧвмӧдан да промышленносьт министерствояс дасьтӧны навигаторлысь пилотнӧй версия. Сы отсӧгӧн лоас кокньыдджык тӧдмасьны бизнеслы Коми Республикаса Веськӧдлан котырӧн вӧзйӧм отсалан мераясӧн.
Водзӧ навигаторӧ кӧсйӧны содтыны гражданалы отсӧг йылысь юӧр.
Ода-кора тӧлысь 12 лунӧ кырымалӧма Регионса промышленносьт сӧвмӧдан фондлысь сьӧмсӧ содтӧм вылӧ федеральнӧй сьӧмкудйысь Коми Республикаса сьӧмкудйӧ сьӧмкудкостса трансферт сетӧм йылысь артмӧдчӧм.
Фондлысь грантъяссӧ веськӧдасны оборотнӧй сьӧм содтӧм могысь промышленносьт субъектъясӧн кредитнӧй организацияяскӧд кырымалӧм кредитнӧй сёрнитчӧмъяс серти прӧчентъяс вештӧм вылӧ ӧтувъя рӧскод юкӧнсӧ компенсируйтӧм вылӧ.
Ставнас та вылӧ сетасны 29,6 млн шайт.
Коми Республикаса предприятиеяссянь сетӧма нин 4 заявка.
Эльмира Ахмеева юӧртіс Коми Республикаса Юралысь Владимир Уйбалы сы йылысь, мый федеральнӧй Веськӧдлан котырын видлалӧны Коми Республикаӧс социальнӧя да экономика боксянь сӧвмӧдан уджтас серти торъя проектъяс.
Ода-кора тӧлысь 19 лунӧ лоас транспорт инфраструктура сӧвмӧдан юкӧнын мероприятиеяс, «Интаса» шахта тупкылӧм, вӧр овмӧс котыртан да нуӧдан уджъяс, Сыктывкарын Сыктыв юлӧн шуйга берег вылысь набережнӧй бурмӧдӧм-мичмӧдӧм серти сӧгласительнӧй сӧвещание.
Сӧвещаниеӧ пырӧдчасны Россияса энергия министерствоӧс, Россияса вӧр-ва министерствоӧс, Россияса транспорт министерствоӧс, Росавтодорӧс, «Россияса кӧрт туйяс» восьса акционер котырӧс, Россияса стрӧитчан министерствоӧс, Ростехнадзорӧс, Росморречфлотӧс да Росприроднадзорӧс петкӧдлысьяс.
Сӧвещание дырйи сідзжӧ юӧртісны неважӧн примитӧм федеральнӧя отсалан мераяс йылысь.
Россия Федерацияса сьӧм овмӧс министерство дасьтіс Россия Федерацияса субъектъясӧн сьӧмкуд кредитъяс сетан, наӧн вӧдитчан да найӧс бергӧдан правилӧяс.
Регионъяс да муниципалитетъяс вермасны босьтны вонас 0,1 % ставка серти сьӧмкуд кредитъяс.
Тайӧ сетас позянлун вежны дона рыночнӧй заёмъяссӧ да чинтыны местаяс вылын уджйӧзъяс.
Чайтӧны, мый мераыс заводитас уджавны 2022 вося ода-кора тӧлысь помсянь.
Урчитӧма кокньӧдӧм кредитъяс Ылі Асыввыв федеральнӧй кытшса да Россиялӧн арктика зонаса инвесторъяслы, кодъяс збыльмӧдӧны 1 млрд шайтсянь проектъяс да на серти лӧсьӧдасны 250 выль уджалан места.
Кутасны субсидируйтны тайӧ проектъяс збыльмӧдӧм вылӧ босьтӧм кредитъяс серти прӧчент ставкасӧ.
Россия Федерацияса экономика сӧвмӧдан министерство уджалӧ шӧр бизнеслы ВЭБ.РФ поручительство улӧ кредит сетан уджтасъяс паськӧдӧм серти.
Вӧдитчыны тайӧ мераӧн вермасны заём босьтысьяс, кодъяс быдмисны ичӧт да шӧр предпринимательствоысь, да такӧд тшӧтш эз пырны система артмӧдысьяслӧн лыддьӧгӧ.
Тайӧ промышленносьт, машина вӧчан, обработайтан производствояс юкӧнын, агропромышленнӧй комплексын уджалысь бизнес.
Паськӧдӧма инфраструктура облигацияяслӧн механизмӧн вӧдитчан позянлунъяссӧ.
Ӧні сійӧн позьӧ вӧдитчыны кар-сиктъяс бурмӧдан-мичмӧдан проектъясын.
Инфраструктура облигацияяслӧн механизмыс паськалӧ тшӧтш концессионнӧй проектъяс да канму-аспом уджъёртасян проектъяс вылӧ, кутшӧмъяслӧн збыльмӧдан кадколастыс 49 воӧдз.
{Kodko (комиӧдіс Kodko) @ Владимир Уйба юӧртіс коми войтырлы сюрс во тырӧмсӧ пасйӧм кежлӧ дасьтысьны заводитӧм йылысь @ новости @ https://rkomi.ru/news/2108 @ 2022-05-16 @}
Владимир Уйба юӧртіс коми войтырлы сюрс во тырӧмсӧ пасйӧм кежлӧ дасьтысьны заводитӧм йылысь
Пасйыны кутасны 2029 воӧ.
Коми Республикаса Юралысь тшӧктіс нин регионса Веськӧдлан котырлы дасьтыны кыпыд мероприятиеяс.
Та йылысь Владимир Уйба юӧртіс талун, ода-кора тӧлысь 16 лунӧ, Коми му туялан котыр артмӧдӧмсянь сё во тырӧмлы сиӧм «Россиялӧн Европаса Асыв-Войвылын ас му туялӧм да наука» ставроссияса научнӧй конференция дырйи.
«Коми му туялан котыр — миян республикакӧд пӧшти тшӧтшъя.
Сійӧ пуктӧ ыджыд пай регионлысь история видзӧмӧ.
Талун тайӧ вына ӧтмунӧм, кӧні туялӧны ас му, — пасйис Владимир Уйба.
— Миян ас му туялысьяслӧн уджъяс вылӧ подуласьӧмӧн позьӧ шуны, мый 21 нэм заводитчигӧн коми войтырлы тырӧ сюрс во.
Таысь кындзи, 2029 воӧ тырӧ 650 во Коми муӧс кристослы эскӧмӧ пыртӧмсянь.
Ме тшӧкті нин регионса Веськӧдлан котырлы дасьтысьны республикалы да тані олысьяслы тӧдчана лоӧмторъяс кежлӧ».
abu
Коми му туялан котырса учёнӧйяс туялӧны регионлысь кыв, культура, история, археология, этнография, фольклор, экономика да вӧр-ва озырлун.
Колян нэмся 20-ӧд воясӧ Котырысь витсё сайӧ туялысь нуӧдісны наука-туялан да велӧдан удж.
Медбур уджъяссӧ йӧзӧдлісны «Коми му» да «<rus>Записки Общества изучения Коми края</rus>» ас му туялӧмлы сиӧм журналъясын.
Коми му туялан котырса зільысьяс отсӧгӧн Сыктывкарса музейлы сетісны выль жыръяс да республиканскӧй статус, воссис Коми республиканскӧй канму архив, йӧзӧдісны искусство, вӧр-ва да важдырся памятникъяс видзӧм йылысь шуӧм.
Тані сӧвмис уна том туялысь.
Котырлӧн водзмӧстчӧм серти артмӧдӧма Кыв, литература, фольклор да история серти Коми наука-туялан институт — регионын медводдза гуманитарнӧй наука учреждение.
Коми Республикаса Юралысь сетіс наградаяс водзмӧстчысь участникъяслы да ас му туялӧмӧн йӧзӧс паськыда тӧдмӧдысьяслы, сиис конференцияӧ пырӧдчысьяслы бур сёрни, ёнмӧдны наука йитӧдъяс да сӧвмӧдны ӧтувъя творчество удж.
* * *
Коми Республикаса Юралыссянь дона козин сетӧма:
• Ирина Дмитриевна Пашковскаялы — «Ухта» кар кытшса муниципальнӧй юкӧнлӧн шӧр библиотека» муниципальнӧй учреждениеса «Краевед» ас му туялан клублӧн правлениеӧ пырысьлы, пенсионерлы;
• Валентина Алексеевна Совалы — Коми му туялан котырлӧн правлениеӧ пырысьлы;
• Диана Григорьевна Холоповалы — Коми му туялан котырлӧн правлениеӧ пырысьлы;
Коми Республикаса Юралыссянь аттьӧалӧм сетӧма:
• Людмила Андреевна Лавреновалы — «Ухта» кар кытшса муниципальнӧй юкӧнлӧн шӧр библиотека» муниципальнӧй учреждениеса «Краевед» ас му туялан клублӧн правлениеӧ пырысьлы, пенсионерлы;
• Людмила Сергеевна Лобановалы — Коми му туялан котырлӧн правлениеса секретарлы;
• Алексей Николаевич Рассыхаевлы — Коми му туялан котырлӧн правлениеӧн Веськӧдлысьӧс вежысьлы;
• Рита Николаевна Федоровичлы — «Ухта» кар кытшса муниципальнӧй юкӧнлӧн шӧр библиотека» муниципальнӧй учреждениеса ас му туялан юкӧнӧн заведуйтысьлы, «Ухта» кар кытшса муниципальнӧй юкӧнлӧн шӧр библиотека» муниципальнӧй учреждениеса «Краевед» ас му туялан клублӧн правлениеса секретарлы.
{Kodko (комиӧдіс Kodko) @ Коми Республика мӧдӧдіс ДНР-са да ЛНР-са олысьяслы гуманитарнӧй отсӧг @ новости @ https://rkomi.ru/news/2110 @ 2022-05-17 @}
Коми Республика мӧдӧдіс ДНР-са да ЛНР-са олысьяслы гуманитарнӧй отсӧг
Ода-кора тӧлысь 17 лунӧ нӧштаысь вӧлі ыстӧма гуманитарнӧй отсӧг Донецкӧй да Луганскӧй народнӧй республикаясын олысьяслы, кодъяслы быть ковмис эновтны ассьыныс оланінъяссӧ Украинаын Вооружённӧй вынъяслӧн лыйсьӧмъяс да бомбитӧмъяс вӧсна.
Коми Республикаса Юралысь, «Единая Россия» ютырлӧн регионса юкӧнлӧн секретар Владимир Уйба корис чукӧртны гуманитарнӧй отсӧг Донецкӧй да Луганскӧй народнӧй республикаясын олысьяслы, кодъяс веськалісны Украинскӧй хунта улӧ.
Акцияӧ пырӧдчисны промышленнӧй предприятиеяс, канму да муниципальнӧй учреждениеяс, организацияяс, асшӧр уджалысьяс, водзмӧстчысьяс, торъя йӧз.
Донецкӧй да Луганскӧй республикаясын олысьяслы мӧдӧдӧма нин 45 тонна груз, кытчӧ пырӧны медколана тӧваръяс, а сідз жӧ 60 тонна вӧр да тьӧс-плака.
Талун Ростов обласьтӧ мӧдӧдӧма нӧшта 20 тонна.
Тайӧ 400 сёян-юан набор, кытчӧ пырӧны яй, шыдӧс, пызь да мукӧд сёян-юан, школаӧ коланаторъяс да челядьлы небӧгъяс.
«Ми воськов бӧрся воськов матыстчам вермӧмӧдз.
А медым шедӧдны вермӧм, кыдз тӧдса, колӧ вӧчны ён тыл.
Ми, Коми Республикаын олысьяс, вӧчам ставсӧ, медым отсавны Донецкӧй да Луганскӧй народнӧй республикаясын олысьяслы, кодъяс унатор воштісны.
Отсасям ньӧти артасьтӧг, став сьӧлӧмсянь.
А кор отсӧгыс сетсьӧ бур кӧсйӧмъясӧн, сійӧ мунӧ бур вылӧ.
Коми Республика и водзӧ кутас отсасьны Донбассын олысьяслы», — шуис Владимир Уйба.
Кыдзи пасйис регионса Юралысь, «Единая Россия» партиялӧн регионса юкӧнын партийнӧй собрание вылын шуисны, мый Ростов обласьтӧ мунас волонтёръяслӧн команда, коді кутас уджавны став страна пасьтаысь чукӧртӧм гуманитарнӧй отсӧг юклан шӧринын, да, колӧкӧ, мунасны Донбассӧ, медым сетны отсӧг пикӧ воӧм йӧзлы.
Коми Республикаса Юралысь сиис шопер Олег Агибаловлы шыльыд туй да бура воӧдчыны колана инӧ.
{Kodko (комиӧдіс Kodko) @ Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание @ новости @ https://rkomi.ru/news/2112 @ 2022-05-17 @}
Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание
Заседание вылын, коді вӧлі ода-кора тӧлысь 17 лунӧ, видлалісны республикаса ылі да сьӧкыда воӧдчан олан пунктъясын меститчысь велӧдан объектъяс терроризмысь видзӧм дорӧ корӧмъяс олӧмӧ пӧртӧм серти юалӧм.
Тайӧ тема серти докладъясӧн сёрнитісны Коми Республикаса велӧдан, наука да том йӧз политика министрлысь могъяс олӧмӧ пӧртысь Наталья Якимова, республикаса цифра отсӧгӧн сӧвмӧдан, йитӧд да юӧр сетан министрлысь могъяс олӧмӧ пӧртысь Виталий Осипов, «Россия Федерацияса национальнӧй гвардия войскаяслӧн Коми Республикаын абу ведомственнӧй охранаӧн веськӧдланін» федеральнӧй канму казённӧй учреждениеса начальник Алексей Петренко.
Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртысь Игорь Кузьмичев, «Сыктывкар» КК МЮ юралысьлысь могъяс олӧмӧ пӧртысь Александр Можегов да «Усинск» КК МЮ юралысь Николай Такаев юӧртісны Коми Республикаын транспорт инфраструктура объектъяслысь да транспортлысь безопасносьт могмӧдӧм йылысь.
Коми Республикаын пытшкӧс делӧяс министрлысь могъяс недыр кадколастӧ олӧмӧ пӧртысь Юрий Марченко да республикаса цифра отсӧгӧн сӧвмӧдан, йитӧд да юӧр сетан министрлысь могъяс олӧмӧ пӧртысь Виталий Осипов висьталісны муниципалитетъясын сувтӧдӧм видеокамераяс «Лёк суӧмысь видзчысян кар» АПК системакӧд ӧтувтны позянлун йылысь.
Коми Республикаса культура, туризм да архив удж министрлысь могъяс олӧмӧ пӧртысь Мария Балмастова юӧртіс 2019–2023 вояс вылӧ Коми Республикаын терроризм идеологиялы паныд удж нуӧдан комплекснӧй план серти мероприятиеяс збыльмӧдан бӧртасъяс йылысь.
{Kodko (комиӧдіс Kodko) @ Владимир Уйба аддзысьліс «Строитель» хоккейнӧй клубса болельщикъяскӧд да ветеранъяскӧд @ новости @ https://rkomi.ru/news/2113 @ 2022-05-18 @}
Владимир Уйба аддзысьліс «Строитель» хоккейнӧй клубса болельщикъяскӧд да ветеранъяскӧд
Аддзысьлігӧн сёрнитісны хоккейнӧй клублӧн аскиа лун да Коми Республикаын роч хоккей сӧвмӧдӧм йылысь.
Медводз чӧв олыштӧмӧн казьтыштісны Владимир Янкоӧс — роч хоккейысь медуна титула ворсысьӧс да тренерӧс. Сійӧ кувсис 2022 вося ода-кора тӧлысь 16 лунӧ.
Владимир Владимирович заводитіс уджавны тренерӧн Сыктывкарын, вит во чӧж (1982–1987 воясӧ) юрнуӧдіс «Строитель» командаӧн да вайӧдіс сійӧс Вылыс лигаӧдз.
Сэсся Коми Республикаса Юралысь юӧртіс «Строитель» клубсӧ асшӧрлуна абу коммерческӧй организация статусӧ вуджӧдӧм йылысь. Сылӧн учредитысьӧн лоас сӧмын Коми Республикаса спорт министерство.
Казьтыштам, водзынджык тайӧ помшуӧмсӧ ошкисны хоккейнӧй клубса болельщикъяс.
Сійӧ, мый учредитысьнас лоас канму власьт орган, сетӧ юридическӧй инӧд субсидируйтны командалы республиканскӧй сьӧмкудйысь.
Коми Республикаса Веськӧдлан котырӧ пырысьяс сӧгласуйтісны «Строитель» хоккейнӧй клуб» асшӧрлуна абу коммерческӧй организация йылысь» Коми Республикаса Веськӧдлан котырлысь помшуӧм бала.
Ӧні сы серти уджалӧны сетӧм пасйӧдъяссӧ да вӧзйӧмъяссӧ тӧд вылӧ босьтӧмӧн.
Хоккейнӧй клублӧн ветеранъяс да болельщикъяс ошкисны Коми Республикаса Юралысьлысь вӧзйӧмсӧ сы йылысь, мый колӧ лӧсьӧдны командалысь выль состав, кӧні лоасны кызвыннас Коми Республикаысь том ворсысьяс да выль медыджыд тренер Эдуард Найдёнков, коді ворсіс «Строитель» вӧсна 1991–2002 воясӧ.
Эдуард Михайлович — СССР-са спорт мастер, СССР-са Чемпионатын эзысь босьтысь, СНГ-са Чемпионатын эзысь босьтысь, Мача хоккейысь Вылыс лига командаяс пӧвстын Россия Федерацияса Первенствоын вермысь.
«Строитель» хоккейнӧй клубын тренер.
Аддзысьӧм вылӧ волысьяс сідзжӧ ошкисны «Строительӧс» Вылыс лигаӧ вуджӧдӧм йылысь вӧзйӧмсӧ.
Тайӧ помшуӧмыс эз кокньыда сетчы, но быдӧнлысь видзӧдлассӧ кывзӧм да мӧвпыштӧм бӧрын унджыкыс сійӧс ошкисны.
«Ӧні ми огӧ вермӧй ворсны Суперлигаын, миян ворсысьыс абу.
Тайӧ психология боксянь дойдас миянлысь том зонъясӧс.
Татшӧмторсӧ оз позь лэдзны.
Та вӧсна ме эськӧ заводиті Вылыс лигасянь», — шуис мача хоккейысь Россияса нимӧдана тренер Александр Плосков.
«Ме чайта, миянлы колӧ бӧрыньтчывлыны, медым мунны водзӧ.
Медводз колӧ быдтыны-велӧдны зонъяснымӧс.
Найӧ абу на дасьӧсь ворсны Суперлигаса командаяскӧд, шуам, Хабаровсккӧд, Красноярсккӧд», — пасйис Мача хоккейысь спорт школаса тренер Андрей Панин.
«Ме лыддя, мый медводз миянлы колӧ видзны миянлысь зонъясӧс.
Найӧ томӧсь на.
Налы колӧ велӧдчыны да чӧжны опыт.
Миян быдмӧны бур зонъяс — 2005, 2006, 2007 воясся.
На пиын эмӧсь зонъяс, кодъяс лоасны ён конкурентъясӧн.
Найӧ кӧсйӧны ворсны «Строитель» командаын.
Быдмыштӧм-сӧвмыштӧм бӧрын найӧ петкӧдласны, мый вермӧны ворсны Суперлигаын.
Но кык-куим во мысти, оз ӧні.
Медводз колӧ ворсыштны Вылыс лигаын, чайта, тайӧ бур мӧвп», — висьталіс Эдуард Найдёнков.
Коми Республикаса Юралысь Владимир Уйба эскӧдіс, мый Коми Республикаса Веськӧдлан котыр вӧчас ставсӧ, медым «Строитель» команда сӧвмис да шедӧдіс бур бӧртасъяс.
Клублӧн уна вося история, сыкӧд йитчӧмаӧсь медбуръяс лыдӧ пырысь ворсысьяс да тренеръяс.
Такӧд тшӧтш, Коми Республикаын лӧсьӧдӧма роч хоккейӧ велӧдан школа, кытчӧ ветлӧ уна сё челядь.
{Kodko (комиӧдіс Kodko) @ Владимир Уйба: «Россиялӧн история — тайӧ дорйысьяслӧн история» @ новости @ https://rkomi.ru/news/2117 @ 2022-05-18 @}
Владимир Уйба: «Россиялӧн история — тайӧ дорйысьяслӧн история»
Коми Республикаса Юралысь воліс «<rus>Zа Победу!</rus>» митинг-концерт вылӧ. Сійӧс нуӧдісны, медым петкӧдлыны Россияса Президент Владимир Путин да торъя военнӧй операция дор сувтӧмсӧ.
Мероприятиеыс муніс ода-кора тӧлысь 18 лунӧ Сыктывкарын Театральнӧй изэрд вылын.
«Сьӧлӧмсянь аттьӧала ставнытӧ, коді чукӧртчис талун да сувтіс миян национальнӧй лидер, миян Президент Владимир Владимирович Путин дор, коді сӧгласа да шуда олӧм видзӧм могысь босьтчис бырӧдны Малороссияысь неонацистъясӧс, — шуис Владимир Уйба.
— Тайӧс донъяласны водзӧ олысьяс.
Ми поддерживайтам ассьыным йӧзӧс, военнослужащӧйяснымӧс, кодъяс дорйӧны Донецкӧй да Луганскӧй народнӧй республикаясын олысьясӧс.
Жаль, но эмӧсь усьӧмаяс.
Ми копырталам юръяс на водзын да налӧн подвиг водзын, ми вуджӧдам кӧленаысь кӧленаӧ налӧн югыд да дженьыд олӧм йылысь казьтылӧмсӧ.
Рочьяс некор эз вӧвны агрессия панысьясӧн.
Россиялӧн история — тайӧ дорйысьяслӧн история.
Таын миян збыльлуныс да миян вын.
Вермӧм лоас миян сайын!»
Митинг вылын вӧліны Коми Республикаса уна сикас общественно-политическӧй ӧтув петкӧдлысьяс, ветеранъяс, депутатъяс, творческӧй интеллигенция да Сыктывкарса мукӧд олысь.
Нимӧдана артистъяс сьылісны тӧдса патриотическӧй сьыланкывъяс.
{Kodko (комиӧдіс Kodko) @ Владимир Уйба удж серти муніс Краснодар крайӧ @ новости @ https://rkomi.ru/news/2120 @ 2022-05-20 @}
Владимир Уйба удж серти муніс Краснодар крайӧ
Сылӧн мог — видзӧдлыны, дасьӧсь-ӧ Сьӧд саридз дорын дзоньвидзалун бурмӧдан учреждениеясыс примитны Коми Республикаысь челядьӧс.
Краснодар крайса санаторийясӧ медводдза группаясыс воасны лӧддза-номъя тӧлысь 3 лунӧ.
«Миян республикаысь уна бать-мамлы саридз дорын дзоньвидзалун бурмӧдан лагер — бур позянлун каникулъяс дырйи котыртны челядьлысь прӧст кадсӧ.
Миян медшӧр мог — медым челядьлӧн шойччӧмыс вӧлі судзсяна, медым кыдз позьӧ унджык челядь вермисны ветлыны саридз дорӧ.
Та вӧсна Коми Республикаын эмӧсь быдсикас категория гражданалы отсалан мераяс.
Та дырйи ми тӧждысям челядь вӧсна: видзӧдам, медым эз вӧвны пӧжаръяс, видзам терроризмысь, кутчысям санитария боксянь корӧмъясӧ, челядь группаясӧс новлӧдлан, ва вылын кутчысян правилӧясӧ.
Ме ачым видзӧда челядьлысь дзоньвидзалун бурмӧдан кампания кежлӧ дасьтысьӧм бӧрся» — гӧгӧрвоӧдіс Коми Республикаса Юралысь.
Анапа карын Владимир Уйба ветлас «<rus>Черноморская зорька</rus>» санаторийӧ — Челядьлы да том йӧзлы республиканскӧй шӧринлӧн филиалӧ, кӧні нуӧдас челядьлысь дзоньвидзалун бурмӧдан гожся кампания нуӧдӧм кежлӧ дасьлун серти сӧвещание.
Геленджик карса Кабардинка сиктын республикаса Юралысь тӧдмасяс, кутшӧм условиеяс лӧсьӧдӧма челядьлы «<rus>Приморский</rus>» лагерын да «Медвежонок» дзоньвидзалун бурмӧдан шӧринын.
Таысь кындзи, Анапаын Владимир Уйба аддзысьлас удж серти «Северное Сияние» санаторий» ичӧт кывкутана котырса медыджыд директор Олег Кирейшинкӧд. Найӧ сёрнитасны дзоньвидзалун бурмӧдан кампания кежлӧ учреждениелӧн дасьлун йылысь.
Быд гожӧм Коми Республикаын дзоньвидзалунсӧ бурмӧдӧ школаӧ ветлан арлыда став челядьысь джынйыс.
2022 воӧ шойччыны да бурмӧдны дзоньвидзалунсӧ вермас 57 сюрс ныв-зон.
Таысь кындзи, гожӧмнас быд муниципалитетын котыртасны челядьлысь прӧст кад коллялӧмсӧ да найӧс уджӧдӧмсӧ, кӧсйӧны нуӧдны спортивнӧй, туристическӧй мероприятиеяс, экскурсияяс, волонтёр да ӧлӧдан удж, кытчӧ пырӧдчас 88 сюрс сайӧ ныв зон.
Саридз дорын таво вермасны шойччыны Комиысь 5111 челядь.
Челядьлы да том йӧзлы республиканскӧй шӧрин котыртӧ Сьӧд саридз дорын шойччӧмсӧ 4105 челядьлы, на пиысь 2130 ныв-зон мунас Анапа карын «<rus>Черноморская зорька</rus>» лагерӧ, 575 ныв-зон — Геленджик районса Кабардинка сиктын «<rus>Приморский</rus>» лагерӧ да 1000 ныв-зон — «Медвежонок» челядьлысь дзоньвидзалун бурмӧдан шӧринӧ, 250 ныв-зон — Севастополь карса Любимовка посёлокын «Алькадар» лагерӧ, 150 ныв зон — «Смена», «Орлёнок» челядьлы ставроссияса шӧринъясӧ да «Артек» челядьлы войтыркостса шӧринӧ.
«Ухта» КК МЮ-са да «Усинск» КК МЮ-са кар артмӧдан предприятиеяс шойччӧдасны 1006 челядьӧс.
Сьӧд саридздорса лагеръясӧ челядьӧс нуӧдасны торъя составъясӧн.
Тайӧ кондиционеръяса да биотуалетъяса плацкартнӧй вагонъяс.
{Kodko (комиӧдіс Kodko) @ Дзоньталӧма ытваӧн жугӧдӧм «Керки-Том» автомашина туй участокысь недыр кад кежлӧ вӧчӧм ветлан туй @ новости @ https://rkomi.ru/news/2122 @ 2022-05-20 @}
Дзоньталӧма ытваӧн жугӧдӧм «Керки-Том» автомашина туй участокысь недыр кад кежлӧ вӧчӧм ветлан туй
Туйыс мунӧ Ухта, Сосногорск да Изьва районъяс пыр. Коми Республикаса Юралысь Владимир Уйба торйӧн видзӧдӧ на бӧрся.
Косму тӧлысь 20 лунӧ тувсовъя ытва вӧсна Кедвавом сиктсянь Керки станцияӧдз автомашина туй вылын, мый пырӧ «Ухта» кар кытшлӧн веськӧдлӧм улӧ, жугаліс туй мудӧдыс.
Кырӧминас недыр кад кежлӧ вӧлі вӧчӧма автотранспортлы ветлӧм вылӧ пос.
Но ода-кора тӧлысь 13 лунӧ ва содӧм вӧсна участоклӧн жугалӧмъяс содісны.
Ӧні тайӧ участок кузя ветлӧмсӧ бӧр лӧсьӧдӧма.
Пӧдраднӧй организация тыртіс кырӧминсӧ да вӧчис пуысь пос.
Медшӧр дзоньтасян уджъясыс заводитчисны нин.
Сьӧмсӧ та вылӧ вичмӧдӧма «Ухта» КК МЮ администрацияса резервнӧй фондысь.
Сідз жӧ недыр кад кежлӧ восьтӧма Том посёлоксянь Койю посёлокӧдз ветлан туй, мый пырӧ «Изьва» муниципальнӧй районӧ.
Тані тшӧтш кӧсйӧны нуӧдны дзоньтасян уджъяс.
Жугалӧм туйыслысь медся ыджыд юкӧнсӧ выльысь лӧсьӧдӧма.
«Ме аттьӧала пӧдрадчикӧс да Ухтаса администрацияӧс «Керки-Том» автомашина туй вылын ветлӧм-мунӧмсӧ лӧсьӧдӧм серти оперативнӧй да ӧтсӧгласа уджысь.
Туйыс йитӧ Ухта, Сосногорск да Изьва районъяс, сы вӧсна зэв колана, медым йитӧдыс эз орлы», — тӧдчӧдіс Коми Республикаса Юралысь Владимир Уйба.
Фотоыс «Изьва» МР МЮ администрациялӧн
{Kodko (комиӧдіс Kodko) @ Таво Анапаын «Черноморская зорька» лагерын шойччас Коми Республикаысь кык сюрсысь унджык челядь @ новости @ https://rkomi.ru/news/2124 @ 2022-05-20 @}
Таво Анапаын «<rus>Черноморская зорька</rus>» лагерын шойччас Коми Республикаысь кык сюрсысь унджык челядь
Краснодар крайӧ ветлігӧн Коми Республикаса Юралысь Владимир Уйба видзӧдліс челядьлысь дзоньвидзалун бурмӧдан кампания кежлӧ дасьлунсӧ да нуӧдіс уджалан сӧвещаниеӧ.
Коми Республикаса Юралысь Владимир Уйбалӧн тшӧктӧм серти таво «<rus>Черноморская зорька</rus>» санаторий вежис котыртан-инӧда формасӧ да лоис Челядьлы да том йӧзлы республиканскӧй шӧринлӧн филиалӧн.
2022 вося косму тӧлысьын челядьлысь дзоньвидзалун бурмӧдан лагерлысь материально-техническӧй базасӧ бурмӧдӧм вылӧ сьӧмкудйысь вичмӧдісны 29 миллион шайт.
Гожӧм кежлӧ дасьтысян уджъяс помассьӧны, медводдза сменаыс локтас лӧддза-номъя тӧлысь 3 лунӧ.
Дзоньталӧма зданиеыслысь медицина блоксӧ да вӧчӧма ставсӧ медицина лицензия босьтӧм могысь.
Босьтӧма бур кывкӧртӧдъяс санитарнӧй нормаяслӧн корӧмъяслы да правилӧяслы лӧсялӧм серти, кодъяс колӧны челядьлысь шойччӧмсӧ да дзоньвидзалун бурмӧдӧмсӧ котыртӧм вылӧ.
Видлалӧма акваториялысь саридз пыдӧссӧ.
Помассьӧны пляж мутассӧ индӧм корӧмъяс серти лӧсьӧдан уджъяс.
Котыртӧма веськӧдлысь, медицина да могмӧдысь персонал медалӧм серти удж.
Эмбур комплекс да санаторийлысь мутассӧ видзӧдалӧм бӧрын Владимир Уйба тшӧктіс котыртны санаторно-курортнӧя бурдӧдӧм вылӧ лицензия босьтӧм серти удж да планируйтны биаруа блочно-модульнӧй ломтысянін кыпӧдӧм.
Таво «<rus>Черноморская зорька</rus>» лагер примитас Коми Республикаысь 2130 челядьӧс.
Кӧсйӧны котыртны кык смена челядьлы, кодъяс вермӧны локны сӧмын оланпас серти петкӧдлысьяскӧд.
Челядьлы да найӧс сопровождайтысьяслы путёвкасӧ да туйсӧ вештасны республиканскӧй сьӧмкудйысь.
Коми Республикаса Веськӧдлан котырлӧн резервнӧй фондысь та вылӧ кӧсйӧны вичмӧдны 13 миллионысь унджык шайт.
Выль отсалан мераыс сетас позянлун шойччыны «Черноморскӧй зорькаын» тайӧ категорияысь 100 челядьлы.
Лӧсялана тшӧктӧмлысь баласӧ ӧні сӧгласуйтӧны регионса Веськӧдлан котырӧ пырысьяс.
Геленджик кар-курортса Кабардинка сиктын республикаса Юралысь тӧдмасис «<rus>Приморский</rus>» лагерын да «Медвежонок» дзоньвидзалун бурмӧдан шӧринын челядьлы лӧсьӧдӧм условиеясӧн, кӧні гожӧмнас тшӧтш шойччасны Коми Республикаса том олысьяс.
Сідз жӧ Владимир Уйба аддзысьліс Краснодар крайса курортъяс, туризм да олимпийскӧй наследие министрлысь могъяс недыр кадколастӧ олӧмӧ пӧртысь Мария Золотухинакӧд да Краснодар крайса челядьлы лагеръяслӧн да здравницаяслӧн ассоциацияӧн Веськӧдлысь Артём Гавриловкӧд.
Видлалӧма челядьӧс шойччӧдӧм серти ӧтувъя удж.
Торйӧн кӧ, позянлун кыскыны сьӧмкуд сьӧм «<rus>Черноморская Зорька</rus>» санаторийын ӧнія объектъяссӧ выльмӧдӧм да выль объектъяс кыпӧдӧм вылӧ федеральнӧй да регионса канму уджтасъяслысь позянлунъяссӧ тӧд вылӧ босьтӧмӧн.
Владимир Уйба пасйис, мый Краснодар крайын Коми Республикаысь челядьлысь шойччӧмсӧ да дзоньвидзалун бурмӧдӧмсӧ колӧ тыр-бура котыртны, мукӧд регионлысь опытсӧ тӧд вылӧ босьтӧмӧн.
Сідзжӧ аддзысьлігӧн сёрнитісны дистанционнӧя велӧдан технологияяс пыртӧм йылысь, мый эськӧ сетіс позянлун Коми Республикаысь велӧдчысьяслы дырджык шойччыны курорт вылын.
{Kodko (комиӧдіс Kodko) @ Мутасын ӧтйӧза асвеськӧдлӧмса лидеръяс да зільысьяс дорӧ Коми Республикаса Юралысь Владимир Уйбалӧн шыӧдчӧм @ новости @ https://rkomi.ru/news/2126 @ 2022-05-21 @}
Мутасын ӧтйӧза асвеськӧдлӧмса лидеръяс да зільысьяс дорӧ Коми Республикаса Юралысь Владимир Уйбалӧн шыӧдчӧм
{Kodko (комиӧдіс Kodko) @ Коми Республикаса Юралысь чолӧмалӧ Славяна гижӧд да культура лунӧн @ новости @ https://rkomi.ru/news/2131 @ 2022-05-24 @}
Коми Республикаса Юралысь чолӧмалӧ Славяна гижӧд да культура лунӧн
«Коми Республикаса пыдди пуктана олысьяс!
Быд во ода-кора тӧлысь 24 лунӧ миян странаын пасйыссьӧ Славяна гижӧд да культура лун. Тайӧ лунӧ ми казьтылам Вежа Кириллӧс да Мефодийӧс.
Налӧн уджыс лыддьыссьӧ культура сӧвмӧмлы да славяна гижӧдлы подулӧн.
Пыді ловлунӧн тырӧм славяна культура уна во чӧж чужтӧ бурлысь да енногалунлысь подувсӧ.
Славяна гижӧд да культура лун — тайӧ миян странаын дзик ӧти вичкоа-канму гаж, коді казьтывлӧ славяна культуралӧн традицияяслысь вуджӧмсӧ.
Миян республикаын олӧ уна войтыр, на лыдын и славяна. А Коми войвылын олӧны чилимдінсаяс, кодъяс видзӧны важ роч культура да старообрядечьяслысь оланног.
Республикаса дона олысьяс!
Сьӧлӧмсянь чолӧмала тіянӧс гажӧн!»
Коми Республикаса Юралысь Владимир Уйба
{Kodko (комиӧдіс Kodko) @ Владимир Уйба аддзысьліс Ярославско-Костромскӧй епископ Викентийкӧд @ новости @ https://rkomi.ru/news/2135 @ 2022-05-25 @}
Владимир Уйба аддзысьліс Ярославско-Костромскӧй епископ Викентийкӧд
Аддзысьлӧмыс вӧлі ода-кора тӧлысь 24 лунӧ, Славяна гижӧд да культура лунӧ. Сэні тшӧтш вӧліны Коми Республикаса Веськӧдлан котырӧн Юрнуӧдысьӧс вежысь Галина Габушева да Роч Православнӧй старообрядческӧй Вичкоса православнӧй старообрядческӧй общиналӧн Киров карын Никольскӧй храмса дякӧн отеч Герман.
Сёрнитісны культура юкӧнын Коми Республикаса Веськӧдлан котырлӧн да Роч Православнӧй старообрядческӧй Вичкоӧс петкӧдлысьяслӧн ӧтув уджалӧм йылысь.
Старообрядчествоыс Коми Республикаын заводитіс паськавны 17 нэм помланьын.
18 нэм шӧрын Чилим ю вылын вӧлі артмӧма Омелинскӧй скит, а старообрядчестволӧн шӧринӧн лоис Чилимдін сикт.
Сэні жӧ эм талун кежлӧ республикаын дзик ӧти Ӧти вераа православнӧй храм — вежа Микӧлалӧн приход.
Комияслӧн старообрядческӧй традицияясыс топыда йитчӧмаӧсь книжник протопоп Аввакумлӧн (Петровлӧн) уджкӧд.
Коми Республикаын старообрядечьяслысь гижӧдъяссӧ 40 воысь унджык видлалӧны Питирим Сорокин нима Сыктывкарса канму университетса филологъяс.
Велӧдчанінас восьтӧма Гежӧда паныдасьлысь небӧгъяс да рукописьяс туялан шӧрин, уджалӧ «Роч Войвывлысь духовнӧй культура филологическӧя туялӧмъяс» наука туялан лаборатория.
Учёнӧйяс туялӧны небӧгъяс, фольклор да сёрнисикасъяс.
Ода-кора тӧлысь 24 лунӧ Коми Республикаса Национальнӧй библиотекаын воссис Киров карын Старообрядческӧй общинаса важ небӧгъяслӧн выставка.
Выставкаса гӧсьтъяс вермасны тӧдмасьны 16–20 нэмъясся вичкоса сьылан небӧгъясӧн.
Торйӧн колӧ пасйыштны «Октай» медводдза небӧг йылысь, кодӧс печатайтӧма 1594 воын патриарх Иов дырйи.
«Ми дасьӧсь вӧзйыны и мукӧд проект, збыльмӧдны найӧс Коми Республикаса Веськӧдлан котыр отсӧгӧн.
Кӧть эськӧ ӧтчыд вонас талунъя кодь гажъяс вылӧ.
Шуам, миян эмӧсь Санкт-Петербургын, Нижний Новгородын, Москваын зэв шензьӧдана сьылан хоръяс.
Вӧлі эськӧ бур республикаса олысьяслы кывзыны налысь сьылӧмсӧ», — шуис Владыка Викентий.
«Ми кӧсйим петкӧдлыны неыджыд фотовыставка.
Позис эськӧ петкӧдлыны 17 да 18 нэмъясся небӧгъяс, рукописьяс.
Миян да орчча общинаӧн чукӧртӧма зэв уна небӧг.
Ми сёрнитім татчӧс университеткӧд, налӧн тшӧтш эм небӧг чукӧр.
Позьӧ эськӧ вӧлі нуӧдны ӧтувъя выставка», — вӧзйис отеч Герман.
«Ме став сьӧлӧмсянь аттьӧала Тіянӧс, Владыка, миян выльмӧдӧм, ӧнія Национальнӧй библиотекаын Киров карса Старообрядческӧй общиналӧн донъявны позьтӧм небӧгъяскӧд тӧдмасьны сетӧм позянлунысь.
Ӧткымын районын и, медводз, улі Печораын, тшӧтш видзсисны старообрядческӧй небӧгъяс.
Коми Республикаын кужӧны тӧждысьӧмӧн видзны да вуджӧдны чукӧрмӧм тӧдӧмлунъяссӧ быдмысь войтырлы.
Миян мулӧн эмӧсь уна сикас войтырлӧн традицияяс да озыр история.
Тані став йӧзыс олӧны зыксьытӧг, радейтӧмӧн да ӧта-мӧдӧс пыдди пуктӧмӧн.
И ми пыр радӧсь гӧсьтъяслы.
Аттьӧ Тіянлы, мый волінныд миян муӧ», — аттьӧаліс Владимир Уйба.
{Kodko (комиӧдіс Kodko) @ Коми Республикаса Юралысь чолӧмалӧ Россияса предпринимательство лунӧн @ новости @ https://rkomi.ru/news/2138 @ 2022-05-26 @}
Коми Республикаса Юралысь чолӧмалӧ Россияса предпринимательство лунӧн
«Коми Республикаса пыдди пуктана асшӧр уджалысьяс!
Сьӧлӧмсянь чолӧмала тіянӧс Россияса предпринимательство лунӧн!
Тайӧ бизнес кутысьяслӧн, топ-менеджеръяслӧн, веськӧдлысьяслӧн, асшӧр уджалысьяслӧн да ас вылӧ уджалысьяслӧн гаж.
Коми Республикаын ичӧт да шӧр предпринимательство юкӧнын уджалӧ 100-ысь унджык морт.
Талун сьӧкыд сувтӧдны син водзӧ сэтшӧм нырвизьяс, кыдзи стрӧитчӧм, видз-му овмӧс, вузасьӧм да йӧзӧс ӧтув вердӧм, услугаяс юкӧн да автомашинаӧн нуӧм-вайӧм, ичӧт да шӧр бизнес предприятиеястӧг.
Бӧръя кык воыс вӧліны сьӧкыдӧсь предпринимательство историяын, но тіян ыджыд бур вӧчӧм сыын, мый, сьӧкыдлунъяс вылӧ видзӧдтӧг, ті верминныд видзны уджнытӧ да уджаланінъястӧ.
Аттьӧала тіянӧс республикаса Веськӧдлан котыркӧд ӧтувъя бур уджысь, колана юалӧмъяс решитігӧн отсӧгысь да топыд йитӧдъяс кутӧмысь.
Тайӧ ӧтувъя уджыс отсалӧ тӧдмавны экономика сӧвмӧдан выль нырвизьяс да паськӧдны отсӧг сетан мераяс.
Сьӧлӧмсянь сиа тіянлы асланыд вынъяслы эскӧм, водзмӧстчӧм, уджын вермӧмъяс, ён репутация да зумыд бизнес!»
Коми Республикаса Юралысь Владимир Уйба
{Kodko (комиӧдіс Kodko) @ Коми Республика босьтас нӧшта ӧти инфраструктурнӧй сьӧмкуд кредит @ новости @ https://rkomi.ru/news/2139 @ 2022-05-26 @}
Коми Республика босьтас нӧшта ӧти инфраструктурнӧй сьӧмкуд кредит
Федеральнӧй Веськӧдлан котырлӧн вице-премьер Марат Хуснуллин ошкис Коми Республикалысь регионса Юралысь Владимир Уйбаӧн сетӧм заявкасӧ.
Заявкасӧ вӧлі видлалӧма талун, ода-кора тӧлысь 26 лунӧ, Россия Федерацияын регионъяс сӧвмӧдӧм серти Веськӧдлан котырлӧн комиссияса Президиумлӧн (штаблӧн) заседание дырйи.
Инфраструктурнӧй сьӧмкуд кредитлӧн (ИСК) ыдждаыс — 939,2 млн шайт.
Сетан кадколастыс — 2024–2025 вояс.
Тайӧ сьӧмыс мунас кык инфраструктура проект олӧмӧ пӧртӧм вылӧ.
Медводдза проект — «Транспортнӧй да инженернӧй инфраструктура объектъяс стрӧитӧм да выльмӧдӧм сыкӧд йитчӧм «Сыктывкарса Вылыс Чов микрорайонын 550 гырысь скӧт юр вылӧ скӧт видзан ферма стрӧитӧм» инвестиция проект могмӧдӧм могысь».
Ӧтувъя сьӧмыс — 1,5 млрд шайтысь унджык, сы лыдын 330 млн шайт — коран ИСК ыдждаыс 2024 во вылӧ.
«Санкцияяс да импорт вежӧм серти нуӧдӧм уджъяс дырйи колӧ сетны отсӧг татчӧс видз-му овмӧс тӧвар вӧчысьяслы, отсавны пӧртны олӧмӧ республикаын выль инвестиция проектъяс. Тайӧ колӧ сы могысь, медым республика ачыс вермис могмӧдны асьсӧ медколанаторъясӧн.
Тайӧ проектсӧ олӧмӧ пӧртӧмыс отсалас ёнмӧдны Коми Республикаын сёян-юан безопасносьтсӧ, а сідзжӧ лӧсьӧдны 195 уджалан места», — шуис Владимир Уйба.
Проект серти кӧсйӧны кыпӧдны скӧт видзан 4 объект да яй переработайтан цех.
ИСК сьӧмсӧ веськӧдасны транспортнӧй да инженернӧй инфраструктура лӧсьӧдӧм вылӧ — скӧт видзан ферма дорӧдз поска кык вуджанін выльмӧдӧмӧн автомашина туй стрӧитӧм вылӧ, би сетан линияяс стрӧитӧм, ваӧн могмӧдӧм да ва нуӧдӧм, объект дорӧ биарупровод стрӧитӧм вылӧ.
Мӧд проект — «Транспортнӧй инфраструктура объектъяс стрӧитӧм, выльмӧдӧм да капитальнӧя дзоньталӧм сыкӧд йитчӧм «Сыктывкар бердын туристско-рекреационнӧй комплекс стрӧитӧм» инвестиция проект могмӧдӧм могысь».
Ӧтувъя сьӧмыс — 1 млрд 629 млн шайтысь унджык, на пиысь 609,22 млн шайт — коран ИСК ыдждаыс 2024–2025 вояс вылӧ.
«Туристическӧй комплекс стрӧитӧм вылӧ бӧрйӧма площадка, кӧні эм ю, му участокыс сулалӧ ва транспорт дорын.
Площадкаыс сулалӧ бур местаын и экология боксянь — Сыктыв ю берегын, промышленнӧй предприятиеяслӧн лёк шыбласъясысь ылын.
Проектсӧ олӧмӧ пӧртӧмыс сетас позянлун лӧсьӧдны республикаын йӧзлы бура шойччӧм да уджалӧм вылӧ ӧнія туристско-рекреационнӧй комплекс.
Лоӧ лӧсьӧдӧма 151 уджалан места», — висьталіс Коми Республикаса Юралысь.
Проект серти кӧсйӧны кыпӧдны туй морт керка комплекс, спорт инфраструктура, челядьлы площадка.
Владимир Уйба аттьӧаліс Марат Хуснуллинӧс да Россияса стрӧитчан министерствоӧс 2,45 млрд шайт мындаын водзвыв сетӧм инфраструктурнӧй сьӧмкуд кредитысь.
Тайӧ сьӧмсӧ веськӧдасны кык проект вылӧ, кодъяс пӧртсьӧны нин олӧмӧ Коми Республикаын:
• «Социальнӧй (825 велӧдчысь вылӧ школа), туй да инженернӧй инфраструктура лӧсьӧдӧм сыкӧд йитчӧм «Социальнӧй инфраструктура объектъяса олан квартал (микрорайон) стрӧитӧм» инвестиция проект могмӧдӧм могысь»;
• «Автомашинаӧн ветлан туйяс выльмӧдӧм да капитальнӧя дзоньталӧм сыкӧд йитчӧм «Фанера плитаяс вӧчан завод стрӧитӧм V–260 сюрс м3 вонас дась продукция» инвестиция проект могмӧдӧм могысь».
{Kodko (комиӧдіс Kodko) @ Владимир Уйба сетіс Сыктывкарса уна челядя семьялы «Бать-мам слава» орден @ новости @ https://rkomi.ru/news/2142 @ 2022-05-26 @}
Владимир Уйба сетіс Сыктывкарса уна челядя семьялы «Бать-мам слава» орден
Россия Федерацияса канму награда сетӧма Владимир Васильевич да Любовь Васильевна Кулёминъяслы, кодъяс быдтӧны 13 челядьӧс.
«Семья быд кадӧ вӧлі йӧзкотырлӧн да канмулӧн подулӧн.
Семья да Чужан му — меддонатор, — висьталіс Владимир Уйба.
— Кӧсъя шуны тіянлы, Владимир Васильевич, Любовь Васильевна, мый ме зэв ёна пыдди пукта тіянӧс, ті пуктінныд уна вын челядьӧс быдтӧмӧ.
Талун тіянлысь заслугаяснытӧ пасйисны Россия Федерация тшупӧдын.
«Бать-мам слава» орден — тайӧ, дерт, став семьяныдлӧн заслуга.
Чолӧмала тіянӧс тайӧ канму наградаӧн да сиа, медым тіян да челядьныдлӧн керкаясын пыр радейтісны, гӧгӧрвоисны да пыдди пуктісны ӧта-мӧдӧс.
А томуловлы сиа бать-мамныд моз радейтны челядьӧс.
Ӧд челядь да рӧд водзӧ нуӧдӧм — олӧмын медшӧрыс.
Но нӧшта колӧ, медым челядьыс вӧліны шудаӧсь да рӧдыс вӧлі шуда».
«Кӧсъя аттьӧавны Владимир Викторовичӧс.
Тіян локтӧм бӧрын республикаын уна челядя семьяяслы лоис ёна бурджык.
Талунъя лун — татшӧм вежсьӧмъяслӧн примеръясысь ӧти.
Дерт, корсюрӧ миянлы вӧлі сьӧкыд.
Но ми велӧдам челядьӧс бурӧ.
Миянлы челядь — тайӧ ыджыд шуд.
Челядьлы асьнысӧ олӧмын аддзыны отсалӧм кындзи колӧ велӧдны найӧс вӧчны бурӧс мукӧдлы.
Ме аттьӧала республикаса Юралысьӧс миянлы сьӧлӧмсянь отсалӧмысь», — аттьӧаліс Владимир Кулёмин.
Любовь Васильевна да Владимир Васильевич Кулёминъяс быдтӧны 13 челядьӧс.
Гырысьджык челядьлы — 31 арӧс, медічӧтлы — 9 арӧс.
Владимир Кулёмин матӧ 40 во уджаліс железобетоннӧй вӧчасъяслӧн заводын электроучастокса слесарӧн.
Сылӧн гӧтырыс быдтӧ челядьӧс, серӧдӧ-мичмӧдӧ, быдтӧ рӧсада.
Гырысьджык челядьыс велӧдчисны, лӧсьӧдісны семьяяс.
Ичӧтджыкъяс — велӧдчӧны, отсасьӧны бать-мамлы гортын.
Кулёминъяс быдтӧны шань да авъя челядьӧс.
Велӧдчанінъяссянь найӧ эз нин ӧтчыдысь босьтлыны аттьӧалана письмӧяс.
Тайӧ зэв рам да бур семья.
{Kodko (комиӧдіс Kodko) @ Владимир Уйба сетіс наградаяс Росгвардияса уджалысьяслы — Украинаын торъя военнӧй операцияӧ пырӧдчысьяслы @ новости @ https://rkomi.ru/news/2143 @ 2022-05-27 @}
Владимир Уйба сетіс наградаяс Росгвардияса уджалысьяслы — Украинаын торъя военнӧй операцияӧ пырӧдчысьяслы
Коми Республикаса Юралысь ветліс Коми Республикаын Росгвардияӧн Веськӧдланінлӧн торъя юкӧдулын уджалысьяс дорӧ, кодъяс бурдӧдчӧны гортаныс.
Торъя операцияӧ пырӧдчысьяс пасйисны, мый найӧ бура асьнысӧ кылӧны, бурдӧдчӧны, а сідзжӧ аттьӧалісны врачьясӧс уджсӧ бура тӧдӧмысь да уджъёртъяснысӧ бурдӧдчан кадӧ отсалӧмысь.
Владимир Уйба аттьӧаліс росгвардеечьясӧс повтӧмлунысь, торъя военнӧй операция дырйи пуктӧм могъяс олӧмӧ пӧртӧмысь, а сідзжӧ сиис ӧдйӧджык бурдӧдчыны.
{Kodko (комиӧдіс Kodko) @ Коми Республикаса ӧткымын олысьлы сетӧма канму наградаяс @ новости @ https://rkomi.ru/news/2144 @ 2022-05-27 @}
Коми Республикаса ӧткымын олысьлы сетӧма канму наградаяс
«Коми Республикаса канму наградаяс сетӧм йылысь» Коми Республикаса Юралысьлӧн 2022 во ода-кора тӧлысь 26 лунся 53 №-а Индӧд
1. Театральнӧй искусство сӧвмӧдӧмӧ да видзӧмӧ ыджыд пай пуктӧмысь, уна во зіля уджалӧмысь «Коми Республикаса нимйӧза артист» Коми Республикаса почёт ним сетны:
• Зоя Николаевна Осиповалы — «Коми Республикаса вужвойтырлӧн шылада-драмаа театр» Коми Республикаса канму сьӧмкуд учреждениеын артист-вокалистлы (солистлы), сценаса нуӧдысь мастерлы, Сыктывкар;
• Мария Андреевна Чукаревалы — «Народъяслӧн дружба ордена В. Савин нима академическӧй канму драма театр» Коми Республикаса канму асшӧрлуна учреждениеын драма артистлы, сценаса нуӧдысь мастерлы, Сыктывкар.
2. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
• Александра Васильевна Бушуевалы — «Комиинформ» Коми Республикаса асшӧрлуна учреждениеӧн юрнуӧдысьлы, Сыктывкар;
• Ирина Анатольевна Елиналы — «Луздорын овмӧдчӧминкостса шӧр библиотечнӧй система» муниципальнӧй культура учреждениелӧн В. В. Юхнин нима овмӧдчӧминкостса шӧр библиотекалӧн могмӧдан юкӧнын нуӧдысь библиотекарлы;
• Ольга Владимировна Ермаковалы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса Федеральнӧй канму сьӧмкуд наука учреждениелӧн Россияса наукаяс академиялӧн Урал юкӧнса Коми наука шӧринлӧн Биология институтын радиоэкология юкӧнса быдмӧгъяслӧн да пемӧсъяслӧн радиоэкология группаса вылыс тшупӧда наука туялысьлы, Сыктывкар;
• Владимир Сергеевич Лавриненковлы — «Стройпутьмонтаж» ичӧт кывкутана котырса директорлы, Сыктывкар;
• Владимир Викторович Мальцевлы — Коми Республикаса канму да муниципальнӧй службаын ветеранлы, Сыктывкар;
• Татьяна Николаевна Осиповалы — «Леткаын овмӧдчӧминкостса клубнӧй система» муниципальнӧй сьӧмкуд культура учреждениеын балетмейстерлы, Луздор район;
• Ольга Николаевна Полугрудовалы — Коми Республикаса канму службаын ветеранлы, Сыктывкар;
• Геннадий Иванович Поповлы — «Коми войтыр» коми войтырлӧн дінмукостса ӧтйӧза ӧтмунӧмӧ пырысьлы, Кӧрткерӧс район;
• Марина Геннадьевна Сивковалы — «Экологияӧ велӧдан республиканскӧй шӧрин» Коми Республикаса содтӧд тӧдӧмлун сетан канму учреждениеса директорӧс вежысьлы, Сыктывкар;
• Татьяна Александровна Сметаниналы — «Емдін» муниципальнӧй районса администрацияын финансӧвӧй да бухгалтерскӧй учётӧн веськӧдланінса начальникалы;
• Ирина Ивановна Чувьюровалы — «Сыктывдінса районнӧй Культура керка» муниципальнӧй асшӧрлуна культура учреждениелӧн филиал Сёська сиктса культура керкаын художествоа юрнуӧдысьлы;
• Наталья Александровна Шлыковалы — «Вперед» газет редакция» Коми Республикаса канму асшӧрлуна учреждениеса юрнуӧдысьлы — шӧр редакторлы, Емдін район.
3. Коми Республикалӧн бур вылӧ уна во зіля уджалӧмысь Коми Республикаса Почёт грамота сетны:
• Марина Алексеевна Анкудиновалы — «В. Т. Чисталёв нима Коми республиканскӧй культура колледж» Коми Республикаса уджсикасӧ велӧдан канму учреждениеын директорлы, Сыктывкар;
• Валерий Павлович Гребневлы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) «Экономика да веськӧдлӧм» кафедраса шӧр преподавательлы;
• Александр Павлович Дмитруклы — Промышленносьтын да стрӧитчӧмын мусир, биару юкӧнъясса уджалысьяслӧн ставроссияса профессиональнӧй союзлӧн «ЛУКОЙЛ-Коми» ичӧт кывкутана котырса «Яреганефть» мусир шахтаса производство предприятиелӧн первичнӧй профсоюз организацияса профсоюз организацияӧн веськӧдлысьлы, Ухта кар;
• Светлана Александровна Дроздовалы — «Коми Республикаса автомашина туйясӧн веськӧдланін» Коми Республикаса канму казённӧй учреждениеын автомашина туйясӧн вӧдитчан юкӧнӧн заведуйтысьӧс вежысьлы, Сыктывкар;
• Валентина Александровна Зайцевалы — «Сыктывкарса челядьлы шылада-хора школа» содтӧд тӧдӧмлун сетан муниципальнӧй асшӧрлуна учреждениеын домра класс серти преподавательлы;
• Лариса Николаевна Ивановалы — «Усинскса шӧр библиотечнӧй система» муниципальнӧй сьӧмкуд культура учреждениелӧн Челядьлы шӧр библиотекаын медшӧр библиотекарлы;
• Светлана Владимировна Игнатовалы — «Емдін районса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениелӧн олысьясӧс социальнӧя могмӧдан мутас шӧринын тыр арлыдтӧмаясӧс социальнӧя реабилитируйтан юкӧнса воспитательлы;
• Людмила Александровна Игутовалы — «Коми Республикаса национальнӧй библиотека» Коми Республикаса канму сьӧмкуд учреждениелӧн комплектуйтан да обработайтан юкӧнын 1 категорияа библиотекарлы, Сыктывкар;
• Татьяна Николаевна Изъюровалы — «Коми Республикаса Юралысьлӧн Администрациялысь удж могмӧдан шӧрин» Коми Республикаса канму казённӧй учреждениеын котыртӧм да документация боксянь могмӧдан юкӧнӧн заведуйтысьлы;
• Светлана Ивановна Клещенколы — «Коми Республикаса национальнӧй библиотека» Коми Республикаса канму сьӧмкуд учреждениеын библиография юкӧнса медшӧр библиографлы, Сыктывкар;
• Анна Александровна Кобриналы — Коми Республикаса вӧр-ва озырлун да гӧгӧртас видзан министерстволӧн канму дӧзьӧрӧн веськӧдланінын гӧгӧртас видзӧм серти Сыктыв районын юкӧнса начальниклы;
• Марина Эдуардовна Крамаренколы — «Республиканскӧй врачебно-физкультурнӧй диспансер» канму учреждениелӧн бурдӧдан физкультура да медицинскӧя реабилитируйтан отделениеса медицина сестралы, Сыктывкар;
• Александра Алексеевна Кырнышевалы — «Коми Республикаса Юралысьлӧн Администрациялысь удж могмӧдан шӧрин» Коми Республикаса канму казённӧй учреждениелӧн Усинск карын Коми Республикаса Юралысьлӧн ӧтйӧза примитанінлӧн службаӧн заведуйтысьлы;
• Николай Васильевич Лубнинлы — «Шоныд сетан Коми компания» акционер котырлӧн Чилимдінса филиалын котельнӧй овмӧсса мастерлы;
• Елена Васильевна Лютоевалы — «<rus>Вперед</rus>» газет редакция» Коми Республикаса канму асшӧрлуна учреждениеын юралысь бухгалтерлы, Емдін район;
• Любовь Семеновна Низовцевалы — «Эжваса республиканскӧй интернат» Коми Республикаса канму сьӧмкуд учреждениеын юралысь бухгалтерлы, Сыктывкар;
• Василий Михайлович Овсянниковлы — «Коми республиканскӧй психиатрическӧй больнича» канму учреждениеын 2 №-а отделениеӧн заведуйтысьлы — врач-психиатрлы, Сыктывкар;
• Наталия Феликсовна Пестовалы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) велӧдан да методика юкӧнса — велӧдӧмӧн да методикаӧн веськӧдланінса нуӧдысь специалистлы;
• Павел Леонидович Поликарповлы — Коми Республикаса Юралысьлӧн Администрацияын федеральнӧй органъяскӧд ӧтув уджалӧм серти юкӧнса начальниклы, Сыктывкар;
• Александр Иванович Помалейколы — асшӧр уджалысьлы, Улыс Одес кар кодь посёлок, Сосногорск кар;
• Станислав Германович Поповлы — Племеннӧй удж серти «Коми» республиканскӧй канму ӧтувъя видз-му овмӧс предприятиеын скӧт бӧрся видзӧдысьлы, Сыктывкар;
• Геннадий Григорьевич Романовлы — «С. М. Киров нима Санкт-Петербургса лесотехническӧй канму университет» вылыс тшупӧда велӧдан федеральнӧй канму сьӧмкуд учреждениелӧн Сыктывкарса вӧр институтын (филиалын) «Ландшафтнӧй архитектура, стрӧитчӧм да му юклӧм» кафедраӧн заведуйтысьлы;
• Елена Викторовна Шмытовалы — «Йӧзкост творчество сӧвмӧдан да тӧдӧмлун кыпӧдан шӧрин» Коми Республикаса канму асшӧрлуна учреждениеын велӧдчан процесс котыртан юкӧнса нуӧдысь методистлы, Сыктывкар;
• Татьяна Павловна Шубиналы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса Федеральнӧй канму сьӧмкуд наука учреждениелӧн Россияса наукаяс академиялӧн Урал юкӧнса Коми наука шӧринлӧн Биология институтын учёнӧй секретарлы, Сыктывкар;
• Галина Анатольевна Щербаковалы — Коми Республикаса «Сыктывдін» муниципальнӧй районлӧн администрацияын сьӧм овмӧсӧн веськӧдланінса начальниклы.
{Kodko (комиӧдіс Kodko) @ Комиын чиніс оланін да коммунальнӧй овмӧс юкӧнын технологическӧй тырмытӧмторъяслӧн лыдыс @ новости @ https://rkomi.ru/news/2145 @ 2022-05-27 @}
Комиын чиніс оланін да коммунальнӧй овмӧс юкӧнын технологическӧй тырмытӧмторъяслӧн лыдыс
Ода-кора тӧлысь 25 лунӧ республикаса Юралысь Владимир Уйба нуӧдіс регионса Веськӧдлан Котырлысь заседание.
Вӧчӧма кывкӧртӧдъяс 2021–2022 воясся ломтысян кадколаст серти, кывзӧма выль ломтысян кадколаст кежлӧ дасьтысьӧм йылысь юӧр.
«Дзоньтасян уджъяс понда таво оланін да коммунальнӧй овмӧс юкӧнын торксьӧмыс вӧлі этшаджык.
Но электричествоӧн могмӧдӧмын технологическӧй тырмытӧмторъяслӧн лыдыс содіс.
Тайӧ торъя сёрни и колӧ ӧні, гожӧмнас, кор эм позянлун матыстчыны став электричество вез дорӧдз, видлавны да вӧчны кывкӧртӧдъяс.
Кӧні колӧ, вежлавны би проводъяссӧ, колӧ кӧ содтӧд сьӧм — инвестируйтны.
Оз ковны аварияяс, найӧс колӧ бырӧдны ӧлӧдан методӧн», — тӧдчӧдіс Владимир Уйба.
2021 вося кӧч тӧлысь 1 лунсянь 2022 вося ода-кора тӧлысь 10 лунӧдз кадколастӧ коммунальнӧй инфраструктураса системаяслӧн уджын лоис 749 технологическӧй торксьӧм да тырмытӧмтор.
Тайӧ 15 % вылӧ этшаджык колян во серти.
Чинісны торксьӧмъяс оланін да коммунальнӧй овмӧсса став юкӧнын, но электричествоӧн могмӧдӧмын торксьӧмъяслӧн лыдыс содіс 44 % вылӧ.
«Россетьяс Рытыв-Войвыв» публичнӧй акционер котырса филиаллӧн мыччӧдъяс серти, унджыкысьсӧ би кусӧдӧмлӧн помкаыс — поводдя вежласьӧм вӧсна экстремальнӧй нагрузкаяс.
Таво электричество везъяс дзоньталӧм вылӧ компания сетас 350 млн шайт.
Медым эз вӧвны технологическӧй тырмытӧмторъяс, колӧ вӧдитчыны ӧнія кадся технологияясӧн.
Республикаын лӧсьӧдӧма лӧсялана регионса уджтас, мый отсалас чинтыны би кусӧдӧмлысь лыдсӧ да выльмӧдны регионлысь электричество везъяс.
Ухтаын, Воркутаын да Кулӧмдін районын став нырвизь серти тырмытӧмторъяслӧн лыдыс чиніс, а Печораын, Кӧрткерӧс да Мылдін районъясын — содіс.
Электричествоӧн могмӧдӧмын торксьӧмъясыс друг содісны Удора, Сыктывдін, Сыктыв, Емдін, Луздор да Койгорт районъясын.
Оланін да коммунальнӧй услугаясысь потребительяслӧн ыджыд уджйӧз понда ресурс видзан организацияяслӧн оз тырмы оборотнӧй сьӧмыс да та вӧсна ньӧжмӧ налӧн инвестиция уджыс. Тайӧ лёка тӧдчӧ отсӧг сетӧм вылӧ.
Оланін да коммунальнӧй овмӧс предприятиеяс водзын потребительяслӧн ӧтувъя уджйӧзыс — 8 миллиард шайтысь унджык, на пиысь джынйыс — олысьяслӧн уджйӧз, кольӧм сьӧмыс — быдсяма эмбур сикаса, на пиысь и сьӧмкуд, организацияяслӧн.
Коми Республикаса Веськӧдлан котыр колис субсидияяссӧ, кутшӧмъясӧс веськӧдӧма ресурсъяс видзан организацияяс водзын коммунальнӧй услугаясысь да ӧнія мынтӧмъяс вештӧм вылӧ муниципальнӧй учреждениеяслысь нюжӧдӧм дебиторскӧй уджйӧз чинтӧм вылӧ.
Республикалӧн сьӧмкудйын та вылӧ урчитӧма 862,9 млн шайт.
Ода-кора тӧлысь заводитчигкежлӧ вуджӧдӧма 40 прӧчентысь унджык субсидия.
Оланін да коммунальнӧй овмӧс юкӧнын предприятиеяслысь зумыд удж могмӧдӧм вылӧ 2022 воын республиканскӧй сьӧмкудйын арталӧма ресурсъясӧн могмӧдысь организацияяслысь воштӧм сьӧм вештӧм вылӧ субсидияяс 4,8 млрд шайт мындаын, а сідзжӧ босьттӧм сьӧм, мый артмӧ чорыд ломтас вылӧ донъяс канмусянь ладмӧдӧм вӧсна, вештӧм вылӧ субвенцияяс 189,1 млн шайт мындаын.
«Шоныд сетан Коми компания» (ШСКК) акционер котырлӧн юӧр серти, котельнӧйяссӧ могмӧдӧны ломтасӧн дугдывтӧг, график кузя.
Чорыд да кизьӧр ломтас тырмытӧмлуныс эз вӧв, но 2021–2022 воясся ломтысян кадколаст заводитчигӧн тӧдчымӧн содіс сылӧн доныс.
Шуам, ШСКК юӧр серти, мазут донсяліс 10 % вылӧ, из шом — 90 % вылӧ.
2022–2023 воясся ломтысян кадколаст заводитчигкежлӧ кампания кӧсйӧ вежны 20 км кузьта важ везъяс, 5 котёл, вӧчны 5 блочно-модульнӧй котельнӧй, стрӧитны да выльмӧдны везъяслысь 13 объект, лӧсьӧдны 14 ва весаланін.
Владимир Уйба шуис вуджӧдны котельнӧйяссӧ биотопливо вылӧ — брикетъяс да пеллетъяс вылӧ.
«Миян мог — вуджны пытшкӧсса корпоративнӧй прӧдукт вылӧ да кольны сьӧмсӧ республикаӧ.
Ӧні тайӧ могыс лоис вывті ёсьӧн, — тӧдчӧдіс регионса Юралысь.
— Из шом да мазут вайӧмлӧн доныс содіс, да тайӧ ломтасыс миянлы лоас донаджыкӧн.
Кор ми ньӧбам котельнӧйяслы мазут, ми сетам маржасӧ мӧд регионлы, а кор ньӧбам брикетъяс — отсалам ас предприятиеяслы, видзам уджалан местаяс.
Таысь кындзи, республикалӧн сьӧмкудйын урчитӧма 30 миллион шайт брикетъяс да пеллетъяс вӧчӧмсӧ субсидируйтӧм вылӧ.
Республикаса Веськӧдлан котырлы шуӧма лӧсьӧдны тайӧ биотопливосӧ вӧчан да ваян механизм, тарификация система, котыртны видзӧмсӧ — став технологическӧй процессӧ.
Тайӧс колӧ вӧчны выль ломтысян кадколаст заводитчытӧдз».
{Kodko (комиӧдіс Kodko) @ Владимир Уйба аддзысьліс Россияын том войтырлӧн XXІ Дельфийскӧй ворсӧмъясӧ пырӧдчысьяскӧд да найӧс туйдӧдысь-велӧдысьяскӧд @ новости @ https://rkomi.ru/news/2146 @ 2022-05-27 @}
Владимир Уйба аддзысьліс Россияын том войтырлӧн XXІ Дельфийскӧй ворсӧмъясӧ пырӧдчысьяскӧд да найӧс туйдӧдысь-велӧдысьяскӧд
Красноярскын страналӧн 79 регионысь том йӧз косму тӧлысь 22–27 лунъясӧ ордйысисны художествоа, уджсикас, научно-техническӧй творчество серти 34 дисциплина кузя. Тайӧ дисциплинаясыс отсалӧны сӧвмӧдны креативнӧй индустрияяс, аддзыны енбиа том войтырӧс да шоча паныдасьлысь специалистъясӧс.
Коми Республикаысь петкӧдчис 9 морт.
Воркутаса художествоа школаысь велӧдчысь Юлия Евреева «Серпасасян искусство» нимпасын босьтіс зарни медаль.
А Питирим Сорокин нима Сыктывкарса канму университетысь велӧдчысь Александр Конаковӧс пасйисны «Ас пас видзӧм» нимпасын торъя дипломӧн.
«Ті бура петкӧдлінныд республиканымӧс да ассьыныд енбинытӧ.
Тіянӧн нимкодясьӧны бать-мамныд, туйдӧдысь-велӧдысьясныд да ми, — шыӧдчис участвуйтысьяс дорӧ Владимир Уйба.
— Олӧмын татшӧм водзмӧстчӧмыс тіянлы зэв колана.
Олӧмын тшӧкыда овлӧ сідз, мый сьӧкыдлун вылӧ видзӧдтӧг, колӧ петкӧдлыны став бурсӧ, мый тэ верман.
Энӧй сувтӧй та вылын!
Ыджыд аттьӧ туйдӧдысь-велӧдысьяслы, кодъяс пуктӧны выннысӧ асланыс уджӧ, сьӧлӧмсяньныс зільӧны отсавны енбиа том йӧзлы».
Кыпыд церемония бӧрын Владимир Уйба Войтыркостса Дельфийскӧй комитетса директор, ЮНЕСКО-лӧн могъяс серти Россия Федерацияса Комиссияӧ пырысь Владимир Понявинкӧд ӧтув нуӧдіс Коми Республикаын Том войтырлысь медводдза Арктикаса Дельфийскӧй ворсӧмъяс котыртӧм могысь удж серти сӧвещание.
Ворсӧмыс лоас 2022 вося вӧльгым тӧлысьын.
«Миянлы зэв нимкодь нуӧдны регионын татшӧм тшупӧда ордйысьӧмъяссӧ.
Республикаӧс петкӧдлысьяс тӧдмасисны Красноярскын Дельфийскӧй ворсӧмъяс нуӧдан опытӧн.
Сійӧ мероприятиелӧн ыдждаыс да бур тшупӧдыс, кор миянлы сетісны Дельфийскӧй ворсӧмъяслысь флагсӧ, шензьӧдӧны.
Ми вӧчам ставсӧ, медым Том войтырлӧн медводдза Арктикаса Дельфийскӧй ворсӧмъясыс колины бура, кыпыда, мед колис вежӧрас и участвуйтысьяслы, и гажвывса гӧсьтъяслы», — юӧртіс регионса Юралысь.
«Республикаын медводдза котыртан этапыс помасис, кырымалӧма ворсӧмъяс кежлӧ дасьтысян план, котыртӧма Коми Республикаса власьт органъяслысь, Войтырсикас Дельфийскӧй сӧветса да Войтыркостса Дельфийскӧй комитетса уджалысьяслысь ӧтув уджаланногсӧ.
Индӧма дас нимпас.
Эска, ӧтув ми вермам бура нуӧдны тайӧ мероприятиесӧ Арктикаса регионын», — тӧдчӧдіс Владимир Понявин.
Медводдза Арктикаса Дельфийскӧй ворсӧмъясӧ вермӧны пырӧдчыны 10 арӧссянь 25 арӧсӧдз.
Россия Федерацияса субъектъясын да мукӧд странаын лӧддза-номъя тӧлысь 1 лунсянь кык тӧлысь чӧж позьӧ сетны заявка.
Медводдза Арктикаса Дельфийскӧй ворсӧмъяслӧн регионса штабӧн веськӧдлысьӧн индӧма Коми Республикаса Веськӧдлан котырӧн Юрнуӧдысьӧс вежысь Лариса Карачёваӧс.
Войтыркостса Дельфийскӧй комитетӧн примитӧма помшуӧм, мый ордйысьӧмъясын Россияса да мукӧд странаса сборнӧйяс кындзи торйӧн петкӧдчас Коми Республикаысь сборнӧй.
{Kodko (комиӧдіс Kodko) @ Пограничник лунӧн Коми Республикаса Юралысьлӧн чолӧмалӧм @ новости @ https://rkomi.ru/news/2149 @ 2022-05-28 @}
Пограничник лунӧн Коми Республикаса Юралысьлӧн чолӧмалӧм
«Пограничнӧй войскаясса пыдди пуктана ветеранъяс да военнослужащӧйяс!
Чолӧмала тіянӧс Пограничник лунӧн!
Пограничнӧй войскаяс сюрсысь унджык во дорйӧны Чужан мунымлысь мудоръяссӧ, видзӧны сылысь чӧвлунсӧ да мездлунсӧ.
Важдырся Русьын найӧ видзисны муяссӧ кочевникъяслӧн уськӧдчӧмысь, Айму вӧсна Ыджыд тыш воясӧ медводдзаясӧн примитісны ас выланыс фашистскӧй войскаяслысь уськӧдчӧмсӧ.
Важ кадсянь дорйыны Чужан мулысь суйӧрсӧ мунлісны медбуръяс.
Айму радейтӧм, повтӧмлун, кывкутӧмӧн уджалӧм, смеллун да йӧз вӧсна тӧждысьӧм — тайӧ качествоясыс пыр торйӧдісны найӧс, кодъяс видзӧны канму суйӧр.
Талун «турунвиж фуражкаяс» водзӧ нуӧдӧны тайӧ бур традицияяссӧ — колана ногӧн да повтӧма видзӧны Россиялысь мувывса, саридзса да сынӧдса суйӧръяс.
Пограничнӧй службаса пыдди пуктана военнослужащӧйяс да ветеранъяс!
Аттьӧала тіянӧс кывкутӧмысь, быдмысь войтырӧс Чужан му радейтны велӧдӧмын отсалӧмысь.
Сьӧлӧмсянь сиа тіянлы службаын, став бур босьтчӧмъясын, олӧмас асьтӧ аддзӧмын вермӧмъяс, крепыд дзоньвидзалун да шуд!»
Коми Республикаса Юралысь Владимир Уйба
{Kodko (комиӧдіс Kodko) @ Коми Республикаса канму кывъяс йылысь Оланпаслы 30 во @ новости @ https://rkomi.ru/news/2150 @ 2022-05-28 @}
Коми Республикаса канму кывъяс йылысь Оланпаслы 30 во
Комын во сайын 1992 вося ода-кора тӧлысь 28 лунӧ Коми Республикаса Медвылыс Сӧветлӧн Шуӧм серти вӧлі примитӧма «Коми Республикаса канму кывъяс йылысь» Оланпас.
Оланпас вынсьӧдӧмыс лои тӧдчана лоӧмторйӧн да сетіс позянлун республикалы лоны медводдзаяс лыдын войтырлысь кыв сӧвмӧдӧмын да видзӧмын.
Колян нэмся 90-ӧд вояс пансигӧн, сійӧ сьӧкыд вуж выйӧн вежсян кадӧ, водзмӧстчисны да вӧзйисны оланпас коми войтырлӧн ӧтмунӧмса активистъяс Г. А. Юшков, В. И. Осипов, В. В. Тимин, В. П. Марков, А. А. Попов, Е. А. Цыпанов, Э. А. Савельева, А. К. Конюхов да уна мукӧд.
Коми Республикаын кыв юкӧнын нуӧдсьӧ ыджыд удж.
Пӧртӧма олӧмӧ «Коми Республикаса канму кывъяс сӧвмӧдӧм да видзӧм» дыр кадся республиканскӧй торъя мога квайт уджтас.
Ӧні канму кыв политика збыльмӧдан, канму кывъясӧн вӧдитчан, республикаса олысьяслӧн кывъяслысь баланс видзан подувнас лоӧ «Коми Республикаса канму кывъяс сӧвмӧдӧм да видзӧм» регионса уджтас (2019–2023 вояс)».
«Тайӧ лунӧ ме аттьӧала найӧс, кодъяс Коми Республикаын отсалісны лӧсьӧдны да пӧртны олӧмӧ кывъяслысь Оланпас.
Оланпас отсӧгӧн лои лӧсьӧдӧма олан пунктъяслысь да уличаяслысь нимъяссӧ комиӧн да рочӧн гижан уджсӧ.
Коми кыв сӧвмӧ велӧдӧмын, культураын, наукаын да йӧзӧс юӧртан средствоясын.
Сідзжӧ пасъя, мый республика кыв политикаын збыльмӧдігӧн пыр кутчысьӧ ӧта-мӧдӧс пыдди пуктӧмӧ, уджалӧ сы могысь, медым сӧвмис став войтырыс, культураыс, кывйыс да олӧм вылӧ видзӧдласыс», — тӧдчӧдіс Коми Республикаса Юралысь Владимир Уйба.
{Kodko (комиӧдіс Kodko) @ Коми Республикаса Юралысьлӧн Администрацияын вӧлі велӧдчысьяслӧн тувсовъя бал @ новости @ https://rkomi.ru/news/2154 @ 2022-05-31 @}
Коми Республикаса Юралысьлӧн Администрацияын вӧлі велӧдчысьяслӧн тувсовъя бал
Коми Республикаса Юралысьлӧн Администрацияса ыджыд залын вӧлі Сыктывкарса роч классическӧй школалӧн медводдза бал.
Мероприятие вылӧ вӧлі корӧма Вознесенньӧ нима вичко бердын православнӧй гимназияса том велӧдчысьясӧс да налысь бать-мам.
Гимназистъяс лыддисны роч поэтъяслысь кывбуръяс, ворсісны классическӧй произведениеяс, да, кыдз и быд бал вылын, йӧктісны полонез.
Гаж помас роч классическӧй школалӧн ӧтувтӧм хор сьыліс челядьлы сьыланкыв «<rus>Давайте сохраним</rus>».
Тувсовъя бал йылысь казьтылӧм вылӧ став участвуйтысьыс вӧчисны ӧтувъя снимок.
«Талун ми пуктім подув выль бур традициялы — Коми Республикаса Юралысьлӧн Администрацияын балъяс нуӧдӧм.
Миянлы тайӧ нӧшта ӧти позянлун козьнавны челядьлы гаж да петкӧдлыны, мый миян сьӧлӧмъяс пыр восьсаӧсь налы», — гӧгӧрвоӧдіс Коми Республикаса Юралысь Владимир Уйба.
{Kodko (комиӧдіс Kodko) @ Коми Республикаса Юралысь чолӧмалӧ Челядьӧс доръян лунӧн @ новости @ https://rkomi.ru/news/2156 @ 2022-06-01 @}
Коми Республикаса Юралысь чолӧмалӧ Челядьӧс доръян лунӧн
«Пыдди пуктана Коми Республикаса олысьяс!
Дона ёртъяс!
Сьӧлӧмсянь чолӧмала тіянӧс Челядьӧс доръян войтыркостса лунӧн!
Тайӧ гажсӧ пасйӧны медводдза гожся лунӧ.
Буретш тайӧ кадсянь заводитчӧны каникулъяс — шойччан, путешествуйтан да выльторъяс тӧдмалан бур кад.
Тайӧ луныс миянлы, верстьӧ йӧзлы, уськӧдӧ тӧд вылӧ, мый ми кывкутам челядь вӧсна, налӧн дзоньвидзалун, найӧс туйдӧдӧм-велӧдӧм, налӧн аскиа лун вӧсна.
Семьялы отсалӧм да сійӧс дорйӧм — миян странаын да республикаын медтӧдчана могъяс пиысь ӧти.
Челядьӧс доръян юкӧнын канму политика пыр бурмӧ — паськалӧ челядя семьяяслы отсалан системаыс, кыпӧдӧны выль школаяс да детсадъяс, сетӧны позянлун сӧвмыны, бурдӧдчыны да шойччыны.
Таво республика медводдзаысь босьтіс федеральнӧй сьӧм Арктикаса челядьлысь шойччӧмсӧ котыртӧм вылӧ, сідзжӧ содтӧд сьӧм сетісны Черноморскӧй саридз дорын челядьлы гожся шойччӧм вылӧ.
Пыдди пуктана верстьӧ йӧз!
Миянлы колӧ пуктыны став выннымӧс, медым миян челядь быдмисны шудаӧн, медым найӧс радейтісны да тӧждысисны на вӧсна.
Дона челядь!
Чолӧмала тіянӧс велӧдчан во помассьӧмӧн!
Шойччӧй, чукӧртӧй вынъясныдтӧ!
Сиа тіянлы кыпыд сьӧлӧмкылӧмъяс, мед олӧмныд дзирдалӧ яръюгыд рӧмӧн!»
Коми Республикаса Юралысь Владимир Уйба
{Kodko (комиӧдіс Kodko) @ Владимир Уйба восьтіс Сыктывкарын Сьӧкыд атлетикаысь Россияса первенство @ новости @ https://rkomi.ru/news/2157 @ 2022-06-01 @}
Владимир Уйба восьтіс Сыктывкарын Сьӧкыд атлетикаысь Россияса первенство
Таво косму тӧлысьӧ регионса Юралысь Владимир Уйба да Россияса сьӧкыд атлетика серти федерацияса президент (РСАФ) Максим Агапитов сёрнитісны ӧтув уджалӧм, а сідзжӧ Россияса первенство нуӧдӧм йылысь.
Бӧръяысьсӧ сьӧкыд атлетикаысь татшӧм вылі тшупӧда ордйысьӧмсӧ — Россияса чемпионат — Коми Республика нуӧдліс 2007 воын, 15 во сайын.
Спортсменъясӧс видзаалігӧн, Коми Республикаса Юралысь сиис налы лоны тшапыдӧн да сетчытӧмӧн.
«Колӧ кыдз позьӧ тшӧкыдджыка нуӧдны Республикаын татшӧм вылі тшупӧда ордйысьӧмъяссӧ, ӧд тайӧ ышӧдӧ челядьнымӧс, — тӧдчӧдіс Владимир Уйба.
— Кор найӧ аддзӧны, кыдзи на кодь жӧ арлыдаясыс пуктӧны рекордъяс Россияын, Европаын да Мирын, найӧ тшӧтш кӧсйӧны лоны чемпионъясӧн.
Та вӧсна ми зіля сӧвмӧдам спорт.
Миян эмӧсь спортсменъяс, кодъясӧн ми нимкодясям да кодъяс кодьӧн кӧсйӧны лоны том йӧз.
Сьӧкыд атлетика сӧвмӧдӧ миян зонъяслысь да нывъяслысь ӧбичасӧ да вынсӧ.
Ми аттьӧалам Россияса сьӧкыд атлетика серти федерациясӧ Коми Республикаын Страналысь первенство нуӧдны позянлунысь, и, дерт жӧ, кутам лача, мый татшӧм ордйысьӧмъясыс лоасны миян дорын и водзӧ».
Юниоръяс да юниоркаяс пӧвстын ордйысьӧмъяс вылӧ Сыктывкарӧ воисны странаса 48 регионысь сьӧкыд атлетика серти 15–23 арӧса медбур спортсменъяс.
Первенство вылын Коми Республикасянь петкӧдчӧны кыкӧн — Дмитрий Вишневецких и Мария Андреева, коді водзджык вермыліс нин Россияса чемпионатын да первенствоын, а сідзжӧ Европаса первенствоын.
Спортсменъяс ордйысясны Олимпиада резервӧ дасьтан регионса 2 №-а спорт школаын лӧддза-номъя тӧлысь 5 лунӧдз.
Турнир котыртӧмсӧ ошкис Россияса сьӧкыд атлетика серти федерацияса президент Максим Агапитов, коді тшӧтш вӧлі Россияса первенство восьтӧм дырйи.
{Kodko (комиӧдіс Kodko) @ Владимир Уйба: «Коми Республика петӧ туризм рынокын выль тшупӧдӧ» @ новости @ https://rkomi.ru/news/2158 @ 2022-06-01 @}
Владимир Уйба: «Коми Республика петӧ туризм рынокын выль тшупӧдӧ»
Коми Республикаса национальнӧй библиотекаын нуӧдісны регионын гожся туристическӧй сезон воссьӧмлы сиӧм пресс-конференция да петкӧдлісны регионлысь выльмӧдӧм туристическӧй портал.
Мероприятиеӧ пырӧдчис Коми Республикаса Юралысь Владимир Уйба.
«Коми Республикалы эм, мый вӧзйыны туристъяслы.
Талун миян мог — ӧти-кӧ, котыртны бур сервис, мӧд-кӧ, паськӧдны регионлӧн туризмын позянлунъяс йылысь юӧрсӧ, ышӧдны туристъясӧс, — тӧдчӧдіс Владимир Уйба.
— Талун Коми Республика петӧ туризм рынокын выль тшупӧдӧ.
Регыд кутас уджавны выльмӧдӧм туристическӧй портал, кӧні позяс аддзыны маршрутъяс, объектъяс, туроператоръяс да мукӧдтор йылысь юӧр, мый колӧ тӧдны ветлысь-мунысьлы».
Выльмӧдӧм туристическӧй порталын позяс бронируйтны туръяс, тӧдмасьны республикаса быд муниципалитетлӧн туристическӧй местаясӧн да нималанторъясӧн.
Порталын лоас некымын юкӧд.
«Республика йылысь» юкӧдын позяс тӧдмасьны Коми мулӧн историяӧн, тӧдмавны, кутшӧм кар-районъяс регионын, тӧдмасьны коми войтырлӧн аслыспӧлӧс традицияясӧн да ремеслӧясӧн.
А сідзжӧ аддзыны вӧралӧм да чери кыйӧм йылысь юӧр.
«Ветлӧм-мунӧм» юкӧд тӧдмӧдас татчӧс туроператоръяссянь да турагентствояссянь регион кузя туръясӧн да экскурсияясӧн.
«Видзчысьӧм» юкӧдын позяс тӧдмавны, кутшӧм мераяс колӧ примитны да мый кежлӧ лоны дасьӧн республикаті ветліг-мунігӧн.
Эм «Россиялӧн эзысь сикӧтш» проектлы сиӧм торъя блок.
«Комилӧн озырлун» юкӧдын лоас Коми Республикаын аслыспӧлӧс вӧр-ва объектъяс йылысь юӧр.
«Ветлысь-мунысьлы» юкӧд вӧчӧма налы, кодъяс кӧсйӧны ас кежысь ветлыны республикаӧд.
Тані позяс бӧрйыны туй морт керка, шойччан база, сёянін, видзӧдлыны нималанторъяс да бӧрйыны медшӧр туристическӧй да культурнӧй объектъяс.
Быд во республикаӧ волӧ кыксё сюрс гӧгӧр турист.
Владимир Уйба пуктіс регионса Культура, туризм да архив удж министерство водзын мог — вӧчны сідз, медым нӧшта на унджык йӧз воліс республикаӧ.
{Kodko (комиӧдіс Kodko) @ Владимир Уйба да Андрей Вагнер сёрнитісны Коми Республикаӧс шоныдӧн могмӧдӧм йылысь @ новости @ https://rkomi.ru/news/2159 @ 2022-06-01 @}
Владимир Уйба да Андрей Вагнер сёрнитісны Коми Республикаӧс шоныдӧн могмӧдӧм йылысь
Ода-кора тӧлысь 31 лунӧ удж серти аддзысьлісны регионса Юралысь да «Т Плюс» публичнӧй акционер котырса медыджыд директор. Аддзысьлӧм дырйи вӧліны Коми Республикаса Веськӧдлан котырӧ пырысьяс, регионын ресурсъясӧн могмӧдысь организацияясса да муниципалитетъясса юрнуӧдысьяс.
Сёрнитісны ломтысян сезон прӧйдитӧм, шоныдӧн могмӧдан объектъяс ӧнъяӧдан планъяс, потребительясӧс бурджыка шоныдӧн могмӧдӧм йылысь.
«Т Плюс» компания збыльмӧдӧ миян регионын, тшӧтш и войвывса каръясын — Интаын да Воркутаын, инфраструктура стрӧитӧм да ӧнъяӧдӧм серти уна гырысь инвестиция проект.
Талунъя сӧвещаниесӧ нуӧдам, медым системнӧя анализируйтны да могмӧдны республикаса оланін да коммунальнӧй комплекслысь бура уджалӧмсӧ», — индіс Владимир Уйба.
Андрей Вагнер пасйис, мый 2021–2022 вося ломтысян сезонӧ Комиын «Т Плюс» производственнӧй юкӧдувъяс уджалісны бура.
Оборудованиеыс ӧткажитліс кык пӧв гежӧдджыка, шоныд сетан везъяс жугавлісны 15% вылӧ этшаджыкысь.
Интаын трубопроводъяс выль вӧв нюжӧдӧм бӧрын коммуникацияяс вылын дефектъяслӧн лыдыс чиніс 63% вылӧ.
Воркутаса шоныд сетан узелсӧ биаруӧн могмӧдӧм бӧрын «Т Плюс» компаниялӧн медтӧдчана проект — Интаын из шом вылын уджалысь ТЭЦ пыдди биару вылын уджалысь ӧнія котельнӧй стрӧитӧм.
Оборудованиесӧ ньӧбӧма нин, помалӧны проектируйтны выль котельнӧй.
Уджыс мунӧ план серти, ставнас инвестируйтӧма 1,2 миллиард шайт (НДС-тӧг).
Сы лыдын, 500 миллион сайӧ шайт кӧсйӧны босьтны Йӧзлысь олӧмсӧ бурмӧдан фондысь торъя мога заёмӧн.
Сӧвещаниеӧ пырӧдчысьяс сёрнитісны Воркута да Инта шоныдӧн могмӧдан объектъяс серти концессионнӧй артмӧдчӧмъяс кырымавны позянлун йылысь, Воркутаын овтӧм патераясӧн да водоканальнӧй предприятиеясӧн видзан энергоресурсъясысь уджйӧз вештӧм йылысь.
Сӧвещаниеӧ пырӧдчысьяс эскӧдісны, мый найӧ водзӧ кӧсйӧны ӧтув уджавны, медым коставлытӧг могмӧдны шоныдӧн регионысь олысьясӧс.
{Kodko (комиӧдіс Kodko) @ Игорь Кузьмичёвӧс мездӧма Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртӧмысь @ новости @ https://rkomi.ru/news/2160 @ 2022-06-01 @}
Игорь Кузьмичёвӧс мездӧма Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртӧмысь
2022 вося лӧддза-номъя тӧлысь 2 лунсянь Коми Республикаса стрӧитчан, оланін да коммунальнӧй овмӧс министрлысь могъяссӧ кутас олӧмӧ пӧртны Коми Республикаса стрӧитчан, оланін да коммунальнӧй овмӧс министрӧс вежысь Ирина Круглова.
Коми Республикаса Юралысь Владимир Уйба кырымаліс лӧсялана тшӧктӧмъяс.
Коми Республикаса Юралысьлӧн 2022 во лӧддза-номъя тӧлысь 1 лунся 210-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося лӧддза-номъя тӧлысь 1 лунсянь мездыны Игорь Викторович Кузьмичевӧс Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртӧмысь.
Коми Республикаса Юралысьлӧн 2022 во лӧддза-номъя тӧлысь 1 лунся 211-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 вося лӧддза-номъя тӧлысь 2 лунсянь индыны Коми Республикаса стрӧитчан, оланін да коммунальнӧй овмӧс министрӧс вежысь Ирина Константиновна Кругловаӧс Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртысьӧн.
{Kodko (комиӧдіс Kodko) @ Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр @ новости @ https://rkomi.ru/news/2161 @ 2022-06-01 @}
Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр
Коми Республикаын Роспотребнадзорлӧн веськӧдланін юӧртіс: талун кежлӧ (лӧддза-номъя тӧлысь 1 лун вылӧ) бурдіс 168 243 (+49) морт.
ПЦР-тестъяс отсӧгӧн тӧдмалӧма, мый COVІD–19 висьмӧма 172 011 (+33) морт.
Медунаӧн висьмисны Сыктывкарын — 20, Сыктывдін районын — 3 морт.
Официальнӧя эскӧдісны, мый коронавирусысь кувсис 3182 пациент.
Коми Республикаса йӧзлысь дзоньвидзалун видзан министерстволӧн юӧр серти, 2022 вося лӧддза-номъя тӧлысь 1 лун вылӧ республикаын COVІD 19 ысь прививка (медводдза компонент) вӧчӧма 477 687 морт.
* * *
Вакцинация отсӧгӧн позьӧ кокньыда да дон босьттӧг видзны асьныдтӧ да матыссаясныдтӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Коми Республикаса йӧзлысь дзоньвидзалун видзан министерстволӧн йитӧд-шӧрин пыр 8–800–550–0000 номер серти дон босьттӧг.
3. «Канму услугаяс» портал пыр: www.gosuslugі.ru.
Медым видзны асьнытӧ коронавирус инфекцияысь, колӧ кутчысьны видзчысян мераясӧ.
Мыськӧй кинытӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмнытӧ киӧн, энӧ ниртӧй нырнытӧ да синъяснытӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧднытӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьнытӧ да матыссаяснытӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko (комиӧдіс Kodko) @ Владимир Уйба удж серти ветліс Луганскӧй Народнӧй Республикаӧ @ новости @ https://rkomi.ru/news/2166 @ 2022-06-04 @}
Владимир Уйба удж серти ветліс Луганскӧй Народнӧй Республикаӧ
Владимир Уйба удж серти ветліс ЛНР-ӧ сы могысь, медым ладмӧдны ЛНР-ӧн веськӧдлысьяскӧд Донбасса олысьяслы карса овмӧс объектъяс да сьӧмкуд учреждениеяс ар да тӧв кежлӧ дасьтыны отсалӧм серти ӧтувъя уджсӧ.
Удж серти ветлігӧн вӧліны Луганскӧй Народнӧй Республикаса Юралысь Леонид Пасечниккӧд да ЛНР-са власьт органъясӧн юрнуӧдысьяскӧд аддзысьлӧмъяс.
Коми Республикаса Юралысь воліс Ровеньки карӧ, кӧні орчча посёлокъяссӧ лыддьӧмӧн олӧ 90 сюрс гӧгӧр морт.
Тайӧ муяссӧ эз ёна бомбитны, но торъя районъяс ВСУ лыйліс.
Тані Владимир Уйба воліс социальнӧй объектъясӧ, видзӧдліс челядьлы да верстьӧ йӧзлы карса поликлиникаяслысь, регыдъя отсӧг сетан станцияяслысь, карса уна нырвизя шӧр больничалысь, школаяслысь да детсадъяслысь, культура учреждениеяслысь состояниесӧ.
Сідзжӧ Владимир Уйба тӧдмасис коммунальнӧй предприятиелӧн, водоводлӧн, котельнӧйяслӧн уджӧн.
«Миян отсӧгыс колӧ Донбасса олысьяслы.
Ӧні найӧ олӧны зэв сьӧкыд условиеясын.
Ёна жугалӧма инфраструктура.
Тайӧ бура тыдалӧ ЛНР-са Ровеньки карын.
Дерт, Коми Республика оз кольччы бокӧ, кутам и водзӧ отсавны миян вокъяслы лӧсьӧдны ӧтсӧгласа бур олӧм», — гӧгӧрвоӧдіс Владимир Уйба.
{Kodko (комиӧдіс Kodko) @ Коми Республикаса Юралысь чолӧмалӧ Эколог лунӧн @ новости @ https://rkomi.ru/news/2167 @ 2022-06-05 @}
Коми Республикаса Юралысь чолӧмалӧ Эколог лунӧн
«Пыдди пуктана Коми Республикаса олысьяс!
Чолӧмала тіянӧс Эколог лунӧн!
Вӧр-валӧн озырлун вӧлі да кольӧ миян регионлӧн экономикаын медтӧдчана юкӧнӧн. Весиг вӧр-ва озырлунсӧ промышленнӧя перйигӧн республика видзӧ пармаын да тундраын олысь звер-пӧткасӧ, быдмӧгъяссӧ, ыдждӧдӧ заповедникъяслысь ыдждасӧ.
«Экология» национальнӧй проект серти пӧрӧдӧм вӧр пыдди пуктӧны да рӧдмӧдӧны пуяс.
Воысь-во унджыклаын пуктӧны том пуяс, лоӧ унджык торйӧн ёна видзан мутас.
2030 во кежлӧ татшӧм мутасыс Коми Республикалӧн площадьысь босьтас 6 миллион гӧгӧр гектар либӧ 14%.
Миян регионса став олысьыс — и челядь, и верстьӧ йӧз — зільӧны видзны республикалысь вӧр-васӧ.
Ті пырӧдчанныд вӧр-ва дӧзьӧритан акцияясӧ, вӧр-ва йылысь творчество конкурсъясӧ, сӧстӧма видзанныд ассьыныд каръясныдтӧ да сиктъясныдтӧ.
Аттьӧала тіянӧс зільлунысь да Чужан му пыдди пуктӧмысь.
Став сьӧлӧмсянь чолӧмала тіянӧс!
Мед миян ӧтувъя уджӧн Коми Республика мичаммас!»
Коми Республикаса Юралысь Владимир Уйба
{Kodko (комиӧдіс Kodko) @ Коми Республика отсалас луганскса Ровеньки карлы дасьтысьны ар-тӧв кежлӧ @ новости @ https://rkomi.ru/news/2171 @ 2022-06-07 @}
Коми Республика отсалас луганскса Ровеньки карлы дасьтысьны ар-тӧв кежлӧ
Владимир Уйба Луганскӧй народнӧй республикаӧ удж серти ветлӧм бӧрын сетіс Коми Республикаса Веськӧдлан котырлы тшӧктӧмъяс.
Ровеньки карса веськӧдлыськӧд ӧтув видлалісны карса овмӧслысь объектъяс да сьӧмкуд учреждениеяс ар-тӧв кежлӧ дасьтӧмын отсӧг сетан юалӧмъяс.
Матысса кадӧ кырымаласны Коми Республика да Ровеньки кар костын лӧсялана артмӧдчӧм.
Та йылысь регионса Юралысь Владимир Уйба юӧртіс республикаса Веськӧдлан котыркӧд лӧддза-номъя тӧлысь 6 лунӧ быд вежонся оперативнӧй сӧвещание дырйи.
Сёрнитісны геополитическӧй обстановка сьӧктаммӧм дырйи экономикалысь зумыда сӧвмӧмсӧ могмӧдӧм йылысь.
Тайӧ ситуация да примитан мераяс йылысь докладъясӧн сёрнитісны Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева да профильнӧй министерствоясӧн веськӧдлысьяс.
Россияса Веськӧдлан котыр шуӧма «Промышленносьт сӧвмӧм да сылысь конкурентоспособносьт кыпӧдӧм» Россия Федерацияса канму уджтас серти водзӧ докапитализируйтны промышленносьт сӧвмӧдан регионса фондъяссӧ.
Коми Республика пырӧдчас тайӧ уджтасӧ.
Сӧвещание дырйи юӧртісны Коми Республикаын йӧзлы тӧдчана проектъяс олӧмӧ пӧртӧмсӧ сьӧмӧн могмӧдӧм могысь гражданскӧй йӧзкотыр сӧвмӧдӧм вылӧ Коми Республикаса Юралыссянь грантъяс босьтӧм вылӧ социальнӧй нырвизя абу коммерческӧй организацияяс костын конкурслӧн кывкӧртӧдъяс йылысь юӧрсӧ.
Вермысьӧн лоис 89 социальнӧй нырвизя абу коммерческӧй организация, кодъяслы сетасны йӧзлы тӧдчана проектъяс олӧмӧ пӧртӧм вылӧ 51 миллион шайт мында грантъяс.
Конкурс вылӧ заявкаяссӧ сетӧма 17 муниципалитет.
Эз воны заявкаясыс Усинскысь, Койгорт да Мылдін районъясысь.
Тайӧ муниципалитетъясӧн веськӧдлысьяслы колӧ видлавны-туявны, мый вӧсна заявкаясыс абуӧсь, ёнджыка нуӧдны юӧр сетан уджсӧ местаяс вылын.
{Kodko (комиӧдіс Kodko) @ Лузалес инвестируйтас Коми Республикаӧс социальнӧя сӧвмӧдӧмӧ 1 миллиардысь унджык шайт @ новости @ https://rkomi.ru/news/2173 @ 2022-06-07 @}
Лузалес инвестируйтас Коми Республикаӧс социальнӧя сӧвмӧдӧмӧ 1 миллиардысь унджык шайт
Талун, лӧддза-номъя тӧлысь 7 лунӧ, Коми Республикаса Юралысь Владимир Уйба да «Лузалес» ичӧт кывкутана котырса Директоръяслӧн сӧветӧн Веськӧдлысь Руслан Семенюк кырымалісны Коми Республикаса Веськӧдлан котыр да «Лузалес» ичӧт кывкутана котыр костын ёртасьӧм да ӧтув уджалӧм йылысь артмӧдчӧм дорӧ 2 №-а протокол.
Компания эскӧдіс, мый кӧсйӧ вичмӧдны 2022–2024 воясын республикаын йӧзлы тӧдчана проектъяс збыльмӧдӧм вылӧ 1 миллиардысь унджык шайт.
«Лузалес» ичӧт кывкутана котыр — Коми Республикаса медшӧр уджъёртъяс пиысь ӧти, коді уна во чӧж нин могмӧдӧ сьӧмӧн йӧзлы тӧдчана проектъяс, да, мый тӧдчана, отсасьӧ сикт-грездъяслы.
Аттьӧала компаниясӧ да Тіянӧс, Руслан Николаевич, миян регионлы тӧдчана могъяс олӧмӧ пӧртӧмӧ ыджыд пай пуктӧмысь», — пасйис Владимир Уйба.
«Чайта, мый отсавны чужан республиканымӧс сӧвмӧдӧмын — миян медшӧр мог.
Ми тані олам да уджалам, тайӧ миян му.
Аттьӧ Тіянлы, Владимир Викторович, да республикаса Веськӧдлан котырлы отсӧгысь, миянлы эскӧмысь.
Тӧда, мый миян ставыс артмас», — шуис Руслан Семенюк.
Компаниялӧн да Веськӧдлан котырлӧн ӧтувъя проектъяс пӧвстын — йӧзлысь дзоньвидзалун видзӧм, спорт, культура, туйяс дзоньталӧм да могмӧдӧм серти проектъяс, а сідзжӧ муниципалитетъясын мероприятиеяс.
Производственнӧй могъяс олӧмӧ пӧртӧм, экологиякӧд йитчӧм мероприятиеяс збыльмӧдӧм кындзи Протокол серти компания быд во кӧсйысьӧ инвестируйтны регионса экономикаӧ 1 миллиардысь унджык шайт.
Компаниялӧн планъясын — збыльмӧдны производство выльмӧдӧм да ӧнъяӧдӧм вылӧ веськӧдӧм инвестиция проектъяс.
Тайӧ «Лузалес» ичӧт кывкутана котырын вӧр переработайтан инфраструктура ӧнъяӧдӧм да паськӧдӧм, фанернӧй плитаяс вӧчан завод кыпӧдӧм, Сыктывдін районын МДФ плитаяс вӧчан завод стрӧитӧм.
Кыдзи тӧдчӧдіс Коми Республикаса Юралысь Владимир Уйба, регионса Веськӧдлан котыр дась отсавны компаниялысь инвестиция уджтасъяссӧ збыльмӧдӧмын. Та дырйи кутас вӧдитчыны инвесторъяслы став отсалан мераӧн, медым могмӧдны компаниялысь зумыд уджсӧ, тшӧтш и санкцияяс да дзескӧдӧмъяс дырйи.
«Миян „уджъёртъяс“ вӧчӧны ставсӧ, медым ми слабмим, а ми сӧмын вынсялам.
Выныс миян сыын, мый ми ӧтувтчам ёрта-ёртнымкӧд, медым йӧзыс олісны бура.
Талунъя артмӧдчӧмсӧ кырымалӧмыс — тайӧ йӧз вӧсна, миян республика вӧсна тӧждысьӧм сы вӧсна, мый тайӧ артмӧдчӧм серти быд шайт отсӧгӧн кутас бурмыны йӧзлӧн олӧмыс да сӧвмыны социальнӧй юкӧныс», — тӧдчӧдіс Владимир Уйба. 
{Kodko (комиӧдіс Kodko) @ Коми Республикаса Юралысь чолӧмалӧ Социальнӧй уджалысьлӧн лунӧн @ новости @ https://rkomi.ru/news/2175 @ 2022-06-08 @}
Коми Республикаса Юралысь чолӧмалӧ Социальнӧй уджалысьлӧн лунӧн
«Коми Республикаын олысьясӧс социальнӧя доръян юкӧнса пыдди пуктана уджалысьяс да ветеранъяс!
Сьӧлӧмсянь чолӧмала тіянӧс Социальнӧй уджалысьлӧн лунӧн!
Тіянлы колӧ бура тӧдны ассьыныд уджнытӧ, лоны ыджыд сьӧлӧма мортӧн, коді сьӧлӧмнас кылӧ йӧзыслысь радлунсӧ да шогсӧ.
Ті быд лун накӧд, кодлы колӧ отсӧг.
Талун социальнӧя доръян служба — тайӧ 41 канму учреждение да 11 абу коммерческӧй организация, кӧні уджалӧ квайт сюрс гӧгӧр морт.
Найӧ отсасьӧны олӧма да уджавны вермытӧм йӧзлы гортаныс.
Социальнӧй юкӧн ӧнія кадӧ зэв колана да тӧдчана.
Граждана водзын став социальнӧй кӧсйысьӧмъяссӧ, налы став сикас пособиесӧ да мынтӧмъяссӧ дзоньнас сетӧмыс йитчӧма йӧзкотырыслӧн тыр-бур олӧмкӧд.
Тіян водзын пуктӧма зэв ыджыд мог — отсавны пикӧ воӧм йӧзлы, могмӧдны отсӧг сетан став меранас, тӧждысьны висьысьяс вӧсна, сетны позянлун йӧзлы, кодлӧн ичӧт нажӧткаыс, водзӧ вылӧ овны сьӧм боксянь бурджыка да зумыда видзӧдны аскиа лунӧ.
Тайӧ ставыс вӧчсьӧ республикаса олысьяслысь олӧмсӧ бурмӧдӧм вылӧ.
Аттьӧ тіянлы став бурсьыс да терпенньӧысь, уджнытӧ радейтӧмысь.
Сьӧлӧмсянь сиа ыджыд вын, крепыд дзоньвидзалун да шуд!»
Коми Республикаса Юралысь Владимир Уйба
{Kodko (комиӧдіс Kodko) @ Чилимдін районысь гвардияса капитан Владимир Николаевич Носовлы кувсьӧм бӧрын сетӧма Россияса Герой ним @ новости @ https://rkomi.ru/news/2176 @ 2022-06-08 @}
Чилимдін районысь гвардияса капитан Владимир Николаевич Носовлы кувсьӧм бӧрын сетӧма Россияса Герой ним
Балтика флотлӧн морскӧй пехотаса батальонӧ пырысь десантно-штурмӧвӧй ротаса командир, Мӧскашор сиктын чужлӧм Владимир Николаевич Носов героическӧя пӧгибнитіс Украинаын торъя военнӧй операция дырйи.
Медводдза лунъяссяньыс Владимир Николаевич медсьӧкыдінъясын повтӧг тышкасис неофашистъяскӧд, дорйис наысь Донбасса мирнӧй олысьясӧс.
{Kodko (комиӧдіс Kodko) @ Сыктывкарын воссис «Социальнӧй тӧдчанлуна да ёна паськалӧм инфекция висьӧмъяс» XXІІ научно-практическӧй конференция @ новости @ https://rkomi.ru/news/2179 @ 2022-06-08 @}
Сыктывкарын воссис «Социальнӧй тӧдчанлуна да ёна паськалӧм инфекция висьӧмъяс» XXІІ научно-практическӧй конференция
Научно-практическӧй конференция вылӧ чукӧртчисны инфекция висьӧмъяс серти нуӧдысь отечественнӧй экспертъяс да специалистъяс, медицина да наука учреждениеясӧн веськӧдлысьясӧс.
Конференцияӧ пырӧдчысьясӧс видзааліс Коми Республикаса Юралысь, Россия Федерацияса нимӧдана врач, Россия Федерацияса наукаын нимӧдана уджалысь Владимир Уйба.
«Мир пасьтала йӧзыс пуктісны уна вын инфекция висьӧмъяскӧд тышкасьӧмӧ. Та отсӧгӧн йӧзыс кутісны этшаджык висьмавны наӧн, а мукӧд висьӧмыс дзикӧдз быри.
Ӧні воысь-во йӧзкотыр паныдасьӧны уна выль, сьӧкыдджык висьӧмъясӧн. Мир пасьтала учёнӧйяс ужалӧны, медым венны найӧс, эмӧсь медвыль медико-биологическӧй разработкаяс да технологияяс.
Но ӧнія висьӧмъяс дырйи весиг найӧ оз вермыны отсавны.
Коронавирус инфекция петкӧдліс, мый миянлы колӧ бурджыка видзӧдны вируснӧй да инфекция висьӧмъяс бӧрся.
Инфекция висьӧмъяскӧд да биотерроризмкӧд тышкасьӧм — тайӧ странанымӧс лёк суӧмысь видзӧм», — научно-практическӧй конференция восьтігӧн юӧртіс Владимир Уйба.
Коми Республикаса Юралысь тӧдчӧдіс, мый странаын йӧзлысь дзоньвидзалун видзӧмын сулалӧны ыджыд могъяс хроническӧй вируснӧй гепатитысь да ВИЧ инфекцияысь бурдӧдӧм да наысь видзчысян мераяс серти.
Йӧзкотырлӧн тайӧ могсӧ олӧмӧ пӧртӧмын участвуйтӧмыс быть колана, торйӧн нин татшӧм сьӧкыд социально-экономическӧй условиеяс дырйи.
«Тӧдчана тема, мый вылын окота сувтлыны, — тайӧ хроническӧй С гепатитӧн висьысьясӧс бурдӧдан ӧнія бур средствояс сетӧмсӧ паськӧдӧм.
Тайӧ тӧдчана кыдзи регионын йӧзлысь дзоньвидзалун видзӧмын, сідзжӧ и став Россияын, — шуис Владимир Уйба.
— Россия Федерацияса Президент Владимир Владимирович Путинлӧн тшӧктӧм серти, миян водзын сулалӧ мог — дасьтыны 2022–2030 вояс кежлӧ хроническӧй С гепатитлӧн элиминация серти уджтасъяс.
Миянлы колӧ сьӧрсьӧн-бӧрсьӧн пӧртны олӧмӧ мероприятиеяссӧ. Найӧ уджтасъяс помассигӧн отсаласны содтыны шӧр олан арлыдсӧ 78-ӧдз да венны тайӧ висьӧмсӧ, чинтыны муслӧн циррозысь да гепатоцеллюлярнӧй ракысь кувсьӧмсӧ».
Пӧртны олӧмӧ пуктӧм могъяссӧ да сёрнитны хроническӧй С гепатитлӧн элиминация йылысь лои позяна сы бӧрын, кор лӧсьӧдісны ӧнія бурдӧдан схемаяс: тайӧ вирусысь таблеткаясӧн бурдӧдан зэв дженьыд курсъяс (8–12 вежон).
Найӧ отсалӧны бурдны висьӧмсьыс 95–98 % случайын.
Но воӧдчыны ыджыд вермӧмъясӧдз позьӧ сӧмын сэк, кор хроническӧй С гепатитӧн висьысьясысь, кодъясӧс пасйӧма, кутасны бурдӧдны 50–60 %-ысь оз этшаджыкӧс.
«Россия Федерацияса быд субъектын тайӧ стратегиясӧ збыльмӧдӧмыс сетас позянлун пӧртны олӧмӧ уна медико-экономическӧй мог.
Медводз чинас мус циррозӧн висьысьяслӧн лыдсӧ, мус вежӧмын коланлуныс, мус онкология висьӧмъясӧн висьмӧмсӧ да на вӧсна кувсьӧмсӧ, а сідзжӧ уджавны вермысь йӧзӧн вермытӧмаясӧн лоӧмсӧ, кутас этшаджыка паськавны С гепатит.
Сідзжӧ тайӧ отсалас бурмӧдны регионын сьӧмкудсӧ йӧзлысь дзоньвидзалун видзан юкӧнын», — сёрнисӧ помалігӧн висьталіс Коми Республикаса Юралысь.
Владимир Уйба сиис конференцияӧ пырӧдчысьяслы бур удж.
Конференцияыс мунас лӧддза-номъя тӧлысь 8–9 лунъясӧ.
{Kodko (комиӧдіс Kodko) @ Владимир Уйба аттьӧаліс олысьясӧс социальнӧя доръян юкӧнса уджалысьясӧс да ветеранъясӧс йӧз вӧсна тӧждысьны кужӧмысь @ новости @ https://rkomi.ru/news/2180 @ 2022-06-09 @}
Владимир Уйба аттьӧаліс олысьясӧс социальнӧя доръян юкӧнса уджалысьясӧс да ветеранъясӧс йӧз вӧсна тӧждысьны кужӧмысь
Лӧддза-номъя тӧлысь 8 лунӧ Коми Республикаса Юралысь участвуйтіс Социальнӧй уджалысьлӧн лунлы сиӧм мероприятиеын.
«Талун тіянӧс аттьӧалӧны йӧзыс.
Тіян могыс — тӧждысьны на понда, кодъяслы колӧ отсӧг.
abu
Татшӧм уджсӧ вермӧны вӧчны сӧмын найӧ, кодъяслӧн олӧманыс медтӧдчанаыс «бурлун», «тӧждысьӧм» да «шог да радлун юкӧм».
Та понда олысьясӧс социальнӧя доръян службаын уджалӧны сӧмын найӧ, кодъяслы тайӧ уджыс сьӧлӧм сертиныс.
Ӧд оз быдӧн вермыны нуны ыджыд кывкутӧмсӧ да венны сьӧкыдлунъяссӧ.
Аттьӧ тіянлы ыджыд сьӧлӧмъясысь, шаньлунысь, терпенньӧысь да йӧз вӧсна тӧждысьӧмысь, аттьӧ сыысь, мый ті сьӧкыдлунъяс вылӧ видзӧдтӧг радейтанныд уджнытӧ!
Сиа тіянлы унджык вермӧм тайӧ сьӧкыд, но зэв колана да тӧдчана уджын.
Мед йӧзыс, кодъяслы ті отсасянныд, пыр пыдди пуктісны да аттьӧалісны тіянӧс», — шуис Коми Республикаса Юралысь.
Владимир Уйба сетіс отрасльын уджалысьяслы Коми Республикаса канму наградаяс.
* * *
Коми Республикаса Юралысьлӧн Индӧдӧн Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
• Светлана Владимировна Игнатовалы — Емдін районса олысьясӧс социальнӧя доръян юкӧнын канму услугаяс сетан шӧринын тыр арлыдтӧмъясӧс социальнӧя реабилитируйтан юкӧнса воспитательлы;
• Татьяна Николаевна Рубцовалы — Сыктывкарса олысьясӧс социальнӧя доръян юкӧнын канму услугаяс сетан шӧринын котыртан да консультация сетан 1 №-а юкӧнса социальнӧй удж серти специалистлы.
Коми Республикаса Юралысьлӧн тшӧктӧдӧн олысьясӧс социальнӧй доръян юкӧнын заслугаясысь да уна во чӧж сьӧлӧмсянь уджалӧмысь «Коми Республикаса олысьясӧс социальнӧй доръян юкӧнса почёта уджалысь» ним сетӧма:
• Лариса Васильевна Буялолы — Луздор районса олысьясӧс социальнӧя доръян юкӧнын канму услугаяс сетан шӧринын котыртан да консультация сетан юкӧнса социальнӧй удж серти специалистлы;
• Ангелина Ивановна Игнатовалы — Сыктывдін районса олысьясӧс социальнӧя доръян юкӧнын канму услугаяс сетан шӧринын котыртан да консультация сетан юкӧнса социальнӧй удж серти специалистлы;
• Светлана Валентиновна Пузырёвалы — Княжпогост районса олысьясӧс социальнӧя доръян юкӧнын канму услугаяс сетан шӧринын социальнӧя реабилитируйтан юкӧнса социальнӧй удж серти специалистлы;
• Татьяна Юрьевна Свидриклы — Сыктыв районса олысьясӧс социальнӧя доръян юкӧнын канму услугаяс сетан шӧринын социальнӧя реабилитируйтан юкӧнса социальнӧй удж серти специалистлы;
• Наталия Анатольевна Сивковалы — Семьяяслы да челядьлы социальнӧй отсӧг сетан Сыктывкарса шӧринын бать-мамтӧм да бать-мам дӧзьӧртӧг кольӧм челядьлы да босьтӧм челядя семьяяслы отсӧг сетан юкӧнса социальнӧй удж серти специалистлы;
• Инга Волдисовна Царьковалы — Княжпогост районса олысьясӧс социальнӧя доръян юкӧнын канму услугаяс сетан шӧринын социальнӧй гарантияяс да адреснӧй отсӧг сетан юкӧнса социальнӧй удж серти специалистлы;
олысьясӧс социальнӧя доръян юкӧнын заслугаясысь да уна во чӧж сьӧлӧмсянь уджалӧмысь Коми Республикаса Юралысьлысь Аттьӧалӧм сетӧма:
• Ирина Васильевна Лужиковалы — Социальнӧй технология сӧвмӧдан дінму шӧринын психолого-педагогическӧй отсӧг сетан юкӧнса педагог-психологлы, Сыктывкар;
• Галина Анатольевна Путинцевалы — Сосногорск карса олысьясӧс социальнӧя доръян юкӧнын канму услугаяс сетан шӧринын социальнӧй мынтӧмъяс сетан юкӧнса социальнӧй удж серти специалистлы.
{Kodko (комиӧдіс Kodko) @ Коми Республикаын индісны мыйта позьӧ кыйны чимисӧ @ новости @ https://rkomi.ru/news/2181 @ 2022-06-09 @}
Коми Республикаын индісны мыйта позьӧ кыйны чимисӧ
Лӧддза-номъя тӧлысь 8 лунӧ Коми Республикаса Юралысь Владимир Уйбалӧн веськӧдлӧм улын вӧлі Саридзысь юясӧ кульмыны кайысь чери кыйӧмсӧ ладмӧдысь комиссиялӧн заседание.
Комиссия лыдын вӧліны контроль да дӧзьӧр нуӧдысь органъясысь уджалысьяс да туялысьяс.
Комиын атлантическӧй лосось (чими) промышленнӧя кыйӧм могысь лӧсьӧдӧма 16 участок да любительскӧя кыйӧм могысь — 3 участок.
Тайӧ участокъясӧн вӧдитчӧм вылӧ кырымалісны сёрнитчӧмъяс.
Вит юридическӧй кывкутысь да вит ас вылӧ уджалысь босьтісны кыйсьӧм вылӧ участокъяссӧ.
Ӧти юридическӧй кывкутысь да ӧти ас вылӧ уджалысь — любительскӧя чери кыйӧм вылӧ.
Промышленнӧя чери кыян участокъясыс эмӧсь Печора юлӧн магистральнӧй сёртасын, Чилимдін да Изьва районъясын.
Сідзжӧ Чилимдін районын эмӧсь любительскӧя чери кыян участокъяс.
Таысь кындзи, ӧти любительскӧй участок эм Печора кар дорын.
2022 воын чимисӧ промышленнӧя вермӧны кыйны 2 тонна 255 килограмм, любительскӧя — 150 килограмм мында.
Нӧшта 495 килограмм вермасны кыйны наука туялан могъяс вылӧ.
Промышленнӧя да любительскӧя кыйсьыны позяс 2022 вося сора тӧлысь 15 лунсянь йирым тӧлысь 1 лунӧдз.
Сідзжӧ Комиссия шуис, мый став кыйсян кад чӧж быд выльлунӧ черисӧ кыйны оз позь.
Таысь кындзи, заседаниеын участвуйтысьяс индісны канмусянь мониторинг нуӧдан участокъяслысь лыдсӧ да участокъясӧн вӧдитчысьясӧн отчётъяс сетан кадколастъяссӧ.
* * *
Черилӧн анадромнӧй сикас — чери сикасъяс, кодъяс рӧдмӧны Россия Федерацияса юясын, сэсся вуджӧны тшӧгны саридзӧ, та бӧрын сэтысь бӧр локтӧны кульмыны рӧдманінъясӧ.
{Kodko (комиӧдіс Kodko) @ Владимир Уйба сетіс Россия Федерацияса том гражданалы паспортъяс @ новости @ https://rkomi.ru/news/2185 @ 2022-06-10 @}
Владимир Уйба сетіс Россия Федерацияса том гражданалы паспортъяс
Кыпыд церемониясӧ нуӧдісны Россия лун пасйӧм водзвылын, лӧддза-номъя тӧлысь 9 лунӧ, Коми Республикаса Юралысьлӧн Администрацияын.
Паспортъяс босьтісны Сыктывкарысь, Ухтаысь, Сосногорскысь, Изьва, Кӧрткерӧс, Сыктыв, Сыктывдін да Емдін районъясысь 21 велӧдчысь.
Владимир Уйба сетіс паспортъяссӧ велӧдчӧмын, творчествоын, спортын, йӧзкотырлӧн олӧмын водзмӧстчысь ныв-зонлы ыджыд вермӧмъясысь.
«Талун тіян кыпыд лун, ті босьтанныд олӧманыд медтӧдчана документ — Россия Федерацияса гражданинлысь паспорт.
Зэв тӧдчана, мый сійӧс сетӧны миян канмулӧн медшӧр гаж, Россия лун, водзвылын.
32 во сайын примитісны Россиялӧн канму суверенитет йылысь декларация.
Россия Федерацияын олӧ уна войтыр.
Миян страна ставнысӧ шоныда примитӧ, йӧзыс тані радейтӧны да пыдди пуктӧны ёрта-ёртнысӧ.
Колӧ, медым татшӧм подувъяс серти ті лӧсьӧдінныд ассьыныд аскиа олӧмтӧ.
Ме кӧсъя, медым ті гӧгӧрвоинныд: тіян киын паспортъяс, а сідз кӧ и миян страналӧн аскиа луныс.
Буретш ті кутанныд лӧсьӧдны водзӧ олӧмсӧ», — туйдӧдіс челядьсӧ Коми Республикаса Юралысь Владимир Уйба.
«Талун ми босьтім паспорт, тайӧ документыс эскӧдӧ, мый ми — Россиялӧн, миян вына страналӧн граждана.
Тайӧ ыджыд кывкутӧм.
Зэв нимкодь, мый паспортсӧ сетісны Россия лун водзвылын.
Унаӧн миян пӧвстысь воӧдчисны нин ыджыд вермӧмъясӧдз, но ми та вылын огӧ сувтӧй да кӧсйысям лоны Россияса бур гражданаӧн, нимӧдны уджӧн да озырмӧдны Чужан мунымӧс, республиканымӧс, вынсьӧдны сылысь авторитетсӧ», — шуис Нывъясӧс велӧдан гимназияысь велӧдчысь Диана Савенкова.
«Дона ёртъяс, паспорт босьтӧм — тайӧ тіян олӧманыд выль кывкутӧм.
Некор та йылысь энӧ вунӧдӧй.
Ме ёна кӧсъя, медым ті нимкодясинныд сыӧн, мый оланнад Россияын, медым нимӧдінныд ыджыд Чужан мунымӧс.
abu
Став бать-мам нимсянь сиа тіянлы бӧрйыны олӧмын колана туй да миян канмулӧн бур вылӧ збыльмӧдны кужанлунъяснытӧ да енбинытӧ.
Дерт, тайӧ туйыс оз ло пыр кокни.
Ми, бать-мам, пыр кутам отсасьны тіянлы верстьӧ олӧманыд.
Ті — миян лача да аскиа лун.
Ыджыд аттьӧ Коми Республикаса Юралысь Владимир Викторович Уйбалы миян челядь вӧсна тӧждысьӧмысь», — пасйис Анна Дроздова, Ухта карса 2 №-а шӧр школаысь велӧдчысь Арсений Дроздовлӧн мамыс.
Владимир Уйба чолӧмаліс томуловсӧ тӧдчана лоӧмторйӧн да сиис, медым найӧ некор оз вунӧдны, мый лоны Россияса гражданаӧн — тайӧ ыджыд кывкутӧм: «Оз быдӧнлы татшӧма мойвилы.
Видзӧй Чужан мунымӧс, водзӧ вылӧ ыджыд вермӧмъяс!»
Россияса том гражданалы нуӧдісны экскурсия Коми Республикаса Юралысьлӧн Администрацияті, висьталісны регионлӧн канму символъяс да республикаса олӧмӧ пӧртысь власьт органъяслӧн удж йылысь.
{Kodko (комиӧдіс Kodko) @ Коми Республикаса Юралысь чолӧмалӧ Коми печать лунӧн @ новости @ https://rkomi.ru/news/2186 @ 2022-06-10 @}
Коми Республикаса Юралысь чолӧмалӧ Коми печать лунӧн
«Коми Республикаса йӧзӧс юӧртан печатнӧй средствоясса журналистъяс да уджалысьяс, издательяс да полиграфистъяс!
Чолӧмала тіянӧс Коми печать лунӧн!
1918 вося лӧддза-номъя тӧлысь 10 лунӧ петӧма «Зырянская жизнь» газетлӧн медводдза номер. Буретш тайӧ лунсяньыс пансьӧма миян регионса йӧзӧс юӧртан средствояслӧн историяыс.
Тайӧ вояс чӧж республикаын быдмис уджнысӧ бур тӧдысь, став сьӧлӧмсяньыс землякъясныслы отсавны кӧсйысь журналистъяслӧн эз ӧти поколение.
Талун республикаса печатнӧй изданиеяс пуктӧны ыджыд пай ӧтувъя юӧртан гӧгӧртас лӧсьӧдӧмӧ, висьталӧны миян регионын олӧм йылысь, кутӧны йитӧд лыддьысьысьяскӧд, уджсӧ тӧдӧмӧн юӧртӧны став сьӧкыдлун йылысь.
Тайӧ артмӧ командалӧн ӧтувъя удж отсӧгӧн.
Аттьӧала журналистъясӧс, фотографъясӧс, верстальщикъясӧс, редакторъясӧс, полиграфия предприятиеясын уджалысьясӧс бур уджысь.
Сиа ставлы, кодъяс йитісны ассьыс олӧмсӧ прессакӧд, медым лыддьысьысьясыс эскисны, уджъёртъясыс пыдди пуктісны, збыльмисны выль творческӧй мӧвпъясыс, ас олӧманыд сиа шуд, кывкутана да колана уджын ыджыд вермӧмъяс!»
Коми Республикаса Юралысь Владимир Уйба
{Kodko (комиӧдіс Kodko) @ Коми Республикаса олысьяслы сетісны канму наградаяс @ новости @ https://rkomi.ru/news/2188 @ 2022-06-11 @}
Коми Республикаса олысьяслы сетісны канму наградаяс
«Коми Республикаса канму наградаяс сетӧм йылысь» Коми Республикаса Юралысьлӧн 2022 во лӧддза-номъя тӧлысь 6 лунся 57 №-а Индӧд
1. Коми Республика водзын заслугаясысь «Коми Республикаса нимӧдана уджалысь» почёт ним сетны:
• Дмитрий Валентинович Болтыховлы — Коми Республикаса военнӧй комиссариатлӧн (военно-патриотическӧй удж да ветеранъяскӧд удж серти) юкӧнса начальниклы, Сыктывкар;
• Александр Васильевич Буткинлы — «Луздор районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениеын ультразвукӧвӧй диагностика серти врачлы;
• Татьяна Аксентьевна Викторовалы — «Шӧр клубнӧй система» Нӧвикбӧж грездын муниципальнӧй сьӧмкуд культура учреждениелӧн филиалӧн заведуйтысьлы, Усинск кар;
• Вячеслав Анатольевич Колесниковлы — «Коми Республикаын медицинскӧя быть страхуйтан мутас фонд» Коми Республикалӧн канму сьӧмкуд учреждениеса директорӧс вежысьлы, Сыктывкар;
• Алевтина Григорьевна Кудяшевалы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса федеральнӧй канму сьӧмкуд наука учреждениеын Россияса наукаяс академиялӧн Урал юкӧнса Коми наука шӧринын Биология институтлӧн радиоэкология юкӧнса быдмӧгъяслӧн да пемӧсъяслӧн радиоэкология группаса вылыс тшупӧда наука туялысьлы, Сыктывкар;
• Алла Михайловна Малягановалы — Россия Федерацияса следственнӧй комитетлӧн Коми Республикаын следственнӧй веськӧдланінса юрнуӧдысьлӧн медыджыд отсасьысьлы (кадръяс серти), Сыктывкар;
• Нина Васильевна Надеевалы — «Торксьӧм вежӧра органическӧя висьысь вей инаса челядьлы Сыктывкарса торъя керка» Коми Республикалӧн канму учреждениеса воспитательлы;
• Ирина Владимировна Петровалы — «Сыктывкарса челядьлы 3 №-а поликлиника» Коми Республикалӧн йӧзлысь дзоньвидзалун видзан канму сьӧмкуд учреждениеын педиатрия юкӧнӧн заведуйтысьлы — врач-педиатрлы;
• Наталья Викторовна Харманюклы — Коми Республикалӧн Медвылыс Ёрдса ёрдысьлы, Сыктывкар;
• Надежда Владимировна Юркиналы — «Сыктыв районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениелӧн амбулаторно-поликлиническӧй юкӧнын участковӧй терапевтическӧй кабинетса медицина сестралы.
2. Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетны:
• Ирина Ивановна Бабаевалы — «Ухтаын мутаскостса кага чужтан керка» Коми Республикаса йӧзлысь дзоньвидзалун видзан канму сьӧмкуд учреждениеын пузчужӧм челядьлӧн юкӧнса врача-неонатологлы;
• Нина Владимировна Баскаковалы — «Челядьлы да том йӧзлы республиканскӧй шӧрин» Коми Республикаса содтӧд тӧдӧмлун сетан канму асшӧрлуна учреждениеын методика да велӧдан-быдтан удж серти директорӧс вежысьлы, Сыктывкар;
• Игорь Иванович Безручколы — военнӧй комиссарлы (Коми Республикаса Сыктывкарын, Сыктывдін да Кӧрткерӧс районъясын);
• Вера Леонидовна Исаковалы — «Торксьӧм вежӧра органическӧя висьысь вей инаса челядьлы Сыктывкарса торъя керка» Коми Республикалӧн канму учреждениеса массаж серти медицина сестралы;
• Любовь Валерьевна Каптёллы — Коми Республикаса Медвылыс Ёрдса ёрдысьлы, Сыктывкар;
• Лариса Владимировна Карамышевалы — «Княжпогост районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениеын челядьлы поликлиникаӧн заведуйтысь — врач— педиатрлы;
• Елена Юрьевна Колмаковалы — «Консультация да диагностика шӧрин» Коми Республикаса йӧзлысь дзоньвидзалун видзан канму асшӧрлуна учреждениеын консультация юкӧнса врач-гастроэнтерологлы, Сыктывкар;
• Светлана Павловна Лукшиналы — «Луздор районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениелӧн хирургия юкӧнын палатаса медицина сестралы;
• Анна Геннадьевна Мажутколы — «Бать-мамтӧм да бать-мам дӧзьӧртӧг кольӧм челядьлы 3 №-а керка» Сыктывкарын Коми Республикалӧн канму учреждениеса концертмейстерлы;
• Мария Николаевна Манаковалы — «Клиническӧй кардиологическӧй диспансер» Коми Республикаса канму учреждениеын кага чужтігӧн отсасьӧм серти юралысь врачӧс вежысьлы, Сыктывкар;
• Марина Витальевна Морозовалы — «Вуджан висьӧмысь бурдӧдан республиканскӧй больнича» Коми Республикаса йӧзлысь дзоньвидзалун видзан канму сьӧмкуд учреждениеын COVІD–1 юкӧнса врач-инфекционистлы, Сыктывкар;
• Василиса Ивановна Мороковалы — «Луздор районса шӧр больнича» Коми Республикалӧн йӧзлысь дзоньвидзалун видзан канму сьӧмкуд учреждениеса медицина сестра-анестезистлы;
• Светлана Борисовна Мухачевалы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса федеральнӧй канму сьӧмкуд наука учреждениеын наука библиотекаса шӧр библиографлы, Сыктывкар;
• Ольга Николаевна Нагорновалы — Коми Республикалӧн Медвылыс Ёрдса ёрдысьлы, Сыктывкар;
• Людмила Геннадьевна Николаевалы — «Ухтаса челядьлы больнича» Коми Республикаса йӧзлысь дзоньвидзалун видзан канму сьӧмкуд учреждениеын экспертиза серти юралысь врачӧс вежысьлы;
• Дмитрий Витальевич Рабиновичлы — «Консультация да диагностика шӧрин» Коми Республикаса йӧзлысь дзоньвидзалун видзан канму асшӧрлуна учреждениеын эндоскопия юкӧнса врача-эндоскопистлы, Сыктывкар;
• Светлана Николаевна Семяшкиналы — «Консультация да диагностика шӧрин» Коми Республикаса йӧзлысь дзоньвидзалун видзан канму асшӧрлуна учреждениеын клинико-диагностическӧй лабораторияса врач-лаборантлы, Сыктывкар;
• Сергей Анатольевич Соколовлы — Коми Республикалӧн Медвылыс Ёрдса ёрдысьлы, Сыктывкар;
• Анжела Михайловна Старцевалы — «Княжпогост районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениеын участковӧй врач-терапевтлы;
• Елена Сергеевна Холодовалы — «Коми Республикаын медицинскӧя быть страхуйтан мутас фонд» Коми Республикалӧн канму сьӧмкуд учреждениеса директорлы, Сыктывкар;
• Альбина Васильевна Чарковалы — «Луздор районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениелӧн Лоймаса амбулаторияын ӧтувъя практикаса врачлы;
• Валентина Григорьевна Шпилёвалы — Коми Республикаын Сыктывкарлӧн карса ёрдса ёрдысьлы.
{Kodko (комиӧдіс Kodko) @ Ухтаын капитальнӧя дзоньталісны мутаскостса кага чужтан керка @ новости @ https://rkomi.ru/news/2189 @ 2022-06-11 @}
Ухтаын капитальнӧя дзоньталісны мутаскостса кага чужтан керка
Объектсӧ выльмӧдісны Коми Республикаса Веськӧдлан котыр да «Газпром» публичнӧй акционер котыр костын социальнӧя уджъёртасьӧм серти.
Выльмӧдӧм медицина учреждениеӧ волісны Коми Республикаса Юралысь Владимир Уйба, «Газпром трансгаз Ухта» ичӧт кывкутана котырса медыджыд директор, Коми Республикалӧн Каналан Сӧветса депутат Александр Гайворонский да Ухтаса мэр Магомед Османов.
«Медшӧрыс — вӧчны уджсӧ помӧдзыс.
«Газпром трансгаз Ухта» предприятие да Коми Республикаса Веськӧдлан котыр пӧртісны олӧмӧ ас выланыс босьтӧм могъяссӧ, да ӧні Ухтаын эм дзоньталӧм-лӧсьӧдӧм, медвыль технологияясӧн могмӧдӧм кага чужтан керка.
Аттьӧала быдӧнӧс, кодъяс пырӧдчисны тайӧ ыджыд да йӧзлы колана уджӧ.
Коми Республикаса Веськӧдлан котыр да «Газпром» компания бура уджалӧны ӧтвылысь, дерт жӧ, тайӧ зэв бур.
Регионса Веськӧдлан котыр вичмӧдӧ уна сьӧм социальнӧй юкӧн вылӧ.
Та вылӧ видзӧдтӧг, став могсӧ збыльмӧдӧм вылӧ сьӧмыс пырджык оз тырмы.
Миянлы мойвиис, мый регионын эм татшӧм уджъёрт, коді отсалӧ пӧртны олӧмӧ социальнӧй нырвизя проектъяс», — пасйис республикаса Юралысь.
«Веськӧдлан котыр, стрӧитчысьяс, медицина персонал, специалистъяс, кодъяс видзӧдӧны качество да сьӧмӧн торъя могъясын вӧдитчӧм бӧрся, ӧтув бура вӧчисны уджсӧ.
Ми бура вӧчим уджсӧ, ме кӧсъя, медым тайӧ отсалас сӧвмыны Ухтаын да республикаын медицина учреждениеяслы да ставнас социальнӧй инфраструктуралы, кар гӧгӧртаслы.
А вӧчӧм уджсӧ медбур донъялӧмыс — тайӧ мамъяслӧн да тані уджалысьяслӧн нюм», — пасйис «Газпром трансгаз Ухта» ичӧт кывкутана котырса медыджыд директор Александр Гайворонский.
Регионса Юралысьӧн медицина учреждениеӧ ветлігӧн больничаысь кыпыда лэдзисны Изва районса Кыдзкар сиктын олысь 37 арӧса Елена Чупроваӧс. Сылӧн чужис пи, семьяын витӧд кага.
«1986 воын кыпӧдлӧм зданиесӧ важӧн нин коліс выльмӧдны.
Тані ӧні лӧсьӧдӧма бур условиеяс, кӧні уна во чӧж кутасны зільны миян уджалысьяс.
Кора аньясӧс миян кага чужтан керкаӧ», — пасйис Ухтаын мутаскостса кага чужтан керкаса юралысь врачлысь кывкутана могъяс олӧмӧ пӧртысь Эдуард Венедиктов.
Медицина учреждениесӧ капитальнӧя дзоньталісны Коми Республикаса Веськӧдлан котыр да «Газпром» публичнӧй акционер котыр костын 2019 да 2020 воясӧ кырымалӧм Артмӧдчӧмъяс серти.
Таво капитальнӧя дзоньталісны кага чужтан керкалысь пристройкасӧ: приёмнӧй покой, лучевӧй диагностика, анестезиология, реанимация да интенсивнӧй терапия юкӧнъяс; нӧбасян кадколастӧ патология бырӧдан юкӧн; клинико-диагностическӧй лаборатория; «Мам да кага» юкӧн; кага чужтан юкӧн.
Ставнас дзоньталӧма 7 сюрс гӧгӧр квадратнӧй метра.
Водзынджык, 2020 воын, восьтісны больничаысь кыпыда лэдзан зал да пристройкалысь пыранін, шӧр зданиелысь приёмнӧй покой, шӧр здание да пристройка костын мувывса вуджанін.
Тані вежисны став важ конструкцияяссӧ, коммуникацияяссӧ, пытшкӧссӧ, электровезъяссӧ, сигнализациясӧ, сувтӧдӧма выль сантехника да вентсистемаяс.
Таысь кындзи, 2021 воын ухтаса кага чужтан керкалы республикаса сьӧмкудйысь сетӧма 24,6 миллион шайт.
Тайӧ сьӧм вылӧ ньӧбӧма ӧнія медицина оборудование, тшӧтш и интенсивнӧй терапия да реанимация вылӧ.
Зданиеын шӧр дзоньтасян уджъяссӧ помалӧма, ӧні лӧсьӧдӧны йӧрсӧ.
Ухтаса кага чужтан керка лӧсялӧ став урчитӧм корӧмлы, сійӧс могмӧдӧма колана оборудованиеӧн.
Учреждение сетӧ бур медицина отсӧг Ухтаса, Сосногорск, Вуктыл, Мылдін, Изьва районъясса аньяслы.
Сэк, кор колӧ, татчӧ вайӧдӧны Печораысь, Усинскысь да Чилимдін районысь пациенткаясӧс.
Медицина отсӧгсӧ, тшӧтш и вылыс технологияа отсӧгсӧ, сетӧны лун и вой.
Медицина учреждениеын эм 95 койка вылӧ стационар.
Ухтаын мутаскостса кага чужтан керкаын чужӧ Коми Республикаысь 22 % кага.
Сідзжӧ удж серти ветлігӧн республикаса Юралысь воліс «Газпром трансгаз Ухта» ичӧт кывкутана котырӧн уджӧдан производственнӧй объектъясӧ, видзӧдліс, кыдзи мунӧ уджыс Княжпогост районса Чимиавӧрӧк посёлок дорын магистральнӧй биарупровод капитальнӧя дзоньталӧм серти, видзӧдліс Ухта дорын Тобысь посёлоксянь неылын дзоньтасян уджъяс помалӧм бӧрын биарупроводлысь участоксӧ.
Владимир Уйба пасйис производство нуӧдан культуралысь тшупӧдсӧ.
Уджъяссӧ нуӧдӧны экология йылысь оланпастэчасӧ кутчысьӧмӧн да вӧр-ва видзӧмӧн.
{Kodko (комиӧдіс Kodko) @ Владимир Уйба аддзысьліс Коми Республикаса гижысь котыркӧд @ новости @ https://rkomi.ru/news/2190 @ 2022-06-11 @}
Владимир Уйба аддзысьліс Коми Республикаса гижысь котыркӧд
Аддзысьлӧм дырйи сёрнитісны Коми Республикаса гижысьяслы содтӧд отсӧг сетӧм, регионын Россияса войтырлӧн литератураяслысь ӧта-мӧдкӧд йитчан шӧрин восьтӧм, а сідзжӧ Том филологъяслы гожся университет нуӧдӧм йылысь.
«Коми Республикаса гижысь котыр — тайӧ странаын медъён гижысь котырысь ӧти.
Тӧдӧмӧн шуа, мый талун котыр зэв кывкутӧмӧн да бура нуӧдӧ литературнӧй уджсӧ», — пасйис регионса Юралысь.
Гижысь котырӧ пырысьяс вӧзйисны сетны республикаса гижысьяслы содтӧд отсӧг да индыны торъя стипендияяс, кыдзи тайӧс вӧчӧны странаса мукӧд регионын.
Владимир Уйба тшӧктіс Коми Республикаса культура, туризм да архив удж министерстволы сетны вӧзйӧмъяс стипендиялӧн лыд да ыджда серти, мынтыны сійӧс 2023 восянь.
Сідзжӧ гижысьяслӧн корӧм серти Владимир Уйба тшӧктіс регионса Культура министерстволы нуӧдны уджсӧ Коми Республикаын Россияса войтырлӧн литератураяслысь ӧта-мӧдкӧд йитчан шӧрин восьтӧм серти.
Тайӧ сетас позянлун регионын чукӧртны литераторъясӧс, кодъяс гижӧны Россияса войтырлӧн кывъяс вылын.
Аддзысьлӧмъяс дырйи участвуйтысьяс вермасны сёрнитны сьӧкыдлунъяс йылысь, юксьыны видзӧдласъясӧн да сёрнитчыны мукӧд войтырлӧн кывъяс вылӧ гижӧдъяс вуджӧдӧм йылысь.
«Мирыс вежсис.
Водзсӧ вӧлі гижысьяслӧн финн-угор конгресс, кытчӧ пырисны финнъяс, эстъяс, венгръяс да мукӧд.
Ӧні татшӧм аддзысьлӧмъясыс, тыдалӧ, оз лоны.
Но гижысьяслӧн конгресс йылысь ачыс мӧвпыс зэв колана, тайӧ йитӧ уна войтырӧс.
Ми велӧдчам овны асшӧра, сы вӧсна и ми, Коми гижысьяс, кӧсъям водзмӧстчыны да котыртны татшӧм шӧринсӧ страна пытшкын, сетны позянлун уна сикас войтырлӧн гижысьяслы йитчыны ӧта-мӧдныскӧд да вуджӧдны ассьыныс гижӧдъяссӧ мукӧд кыв вылӧ.
Ӧні уна вӧчӧны Арктикаын.
Гашкӧ, колӧ ӧтувтны Арктикаса гижысьяссӧ, а шӧринсӧ восьтыны Сыктывкарын.
Ме сы дор, медым республикаын котыртсисны выль ӧтмунӧмъяс», — пасйис Коми Республикаса гижысь котырлӧн правлениеӧ пырысь Алексей Попов.
«Тайӧс колӧ вӧчны.
Талун колӧ, медым Сыктывкарын вӧлі уна столичнӧй проект.
Колӧ, медым Коми Республикаса юркарӧ локтісны енбиа йӧз», — ошкис мӧвпсӧ Владимир Уйба.
Таысь кындзи, регионын нуӧдӧны удж, медым восьтыны том филологъяслы гожся университет — творческӧй площадка, кӧні республикаса нималана журналистъяс, гижысьяс кутасны том йӧзӧс пыдісянь велӧдны коми кывйӧ да литератураӧ, тӧдмӧдасны найӧс журналистика подувъясӧн.
Водзынджык татшӧм университетсӧ нуӧдлісны Финляндия сьӧм отсӧгӧн.
Мероприятиесӧ котыртлісны 20 во чӧж, сійӧ лоис подулӧн уна енбиа коми гижысьлы да журналистлы.
Ӧні геополитическӧй ситуация вӧсна татшӧм мероприятиесӧ нуӧдны позянлуныс абу. Та вӧсна регионса Гижысь котыр вӧзйис нуӧдны татшӧм нога мероприятиесӧ республикаын.
Медым босьтны сьӧмӧн отсӧг, шуӧма 2023 воын гижны Россияса Президентлӧн грант вылӧ.
Та серти кутасны уджавны Коми Республикаын Культура, туризм да архив удж, Национальнӧй политика министерствояс Россия Федерацияса Финн-угор культура шӧринкӧд ӧтвылысь.
{Kodko (комиӧдіс Kodko) @ Владимир Уйба пияныскӧд пырӧдчис «Мы — Россия!
Мы вместе!» велоакцияӧ @ новости @ https://rkomi.ru/news/2192 @ 2022-06-11 @}
Владимир Уйба пияныскӧд пырӧдчис «Мы — Россия!
Мы вместе!» велоакцияӧ
Россия лун да Сыктывкар лун водзвылын Коми Республикалӧн юркарса олысьяс да гӧсьтъяс россияналысь ӧтувъялун петкӧдлӧм могысь мунісны ӧтувъя колоннаӧн кар уличьяс кузя велосипедъясӧн.
«Ми ӧтлаынӧсь, и тайӧ зэв тӧдчана да колана.
Миян велоакция мунӧ медтӧдчана канму гаж водзвылын — Россия лунӧ.
Тайӧ тшӧтш жӧ эскӧдӧ, мый ми олам ӧтув, ми — Россия, да миянӧс некод оз вермы!
Миян талунъя мероприятиеӧн пансьӧ куим лун чӧж гажӧдчан марафон.
Котыртӧма зэв уна мероприятие, и ме кора тіянӧс зіля наын участвуйтны.
Миян юркар — Сыктывкар — аски сідзжӧ кутас пасйыны Кар лун.
Кӧсъя шуны, мый традиция серти велосипедӧн ветлан войсӧ ми быть нуӧдам моз тӧлысьын.
Ставнытӧ локтан гажъясӧн!», — шыӧдчис участвуйтысьяс дорӧ республикаса Юралысь.
Акцияӧ пырӧдчис кык сюрс гӧгӧр морт.
Коми Республикаса Юралысь Владимир Уйба ичӧтджык пияныскӧд тшӧтш жӧ участвуйтіс велопробегын.
{Kodko (комиӧдіс Kodko) @ Владимир Путин чолӧмаліс Коми Республикаса олысьясӧс Россия лунӧн @ новости @ https://rkomi.ru/news/2193 @ 2022-06-12 @}
Владимир Путин чолӧмаліс Коми Республикаса олысьясӧс Россия лунӧн
Коми Республикаса Юралысь Владимир Уйбалы воис Россия Федерацияса Президентсянь канму гажӧн чолӧмалан открытка.
«Тайӧ гажыс дона ставлы, кодъяс пӧль-пӧчьясыс моз жӧ пыдди пуктӧны, радейтӧны Чужан мунысӧ да уджалӧны Аймулы бур вылӧ.
И, дерт жӧ, сійӧ петкӧдлӧ Россия да сылӧн бур аскиа лун вӧсна миянлысь ӧтувъя кывкутӧмсӧ», — гижӧма Владимир Путинлӧн чолӧмалӧмын.
{Kodko (комиӧдіс Kodko) @ Коми Республикаса Юралысь чолӧмалӧ Россия лунӧн @ новости @ https://rkomi.ru/news/2194 @ 2022-06-12 @}
Коми Республикаса Юралысь чолӧмалӧ Россия лунӧн
«Коми Республикаса пыдди пуктана олысьяс!
Дона ёртъяс!
Чолӧмала тіянӧс миян страналӧн медтӧдчана канму гажӧн — Россия лунӧн!
Миян ыджыд да мича канму дорӧ муслуныс вуджӧ кӧленаысь кӧленаӧ.
Миян уна сикас войтыра канмуын ӧтсӧгласӧн олӧны уна сикас этноса да религияа йӧз.
Россия ставлы — бур керка, кӧні радейтӧны да пыдди пуктӧны.
Россия — ён, асшӧр страна.
Важысянь нин миян Чужан му видзӧ ассьыс асшӧрлунсӧ, отсалӧ ёртасьысь канмуяслы да вок кодь войтырлы.
Талун Украинаын Чужан мулӧн медбур пиян дорйӧны Айму да мирнӧй йӧзӧс, тышкасьӧны неонацизмкӧд.
Миян ӧтувъя мог — пуктыны став вынсӧ, медым Россия Федерация сӧвмис, ёнмис, медым миян челядьлӧн да внукъяслӧн вӧлі вына да ыджыд канму.
Коми Республикаса пыдди пуктана олысьяс!
Мед миян странаын, республикаын да гортаным пыр лоӧ тыр-бур да ӧтсӧгласа олӧм, медым дзоньвидзаӧн да шудаӧн быдмисны челядь, медым став бур водзмӧстчӧмыс збыльмис!»
Коми Республикаса Юралысь Владимир Уйба
{Kodko (комиӧдіс Kodko) @ Владимир Уйба: «Ӧтувъялун да радейтӧм пыр вӧліны да лоӧны миян вына россияса войтырлӧн став вермӧмын подулӧн» @ новости @ https://rkomi.ru/news/2197 @ 2022-06-12 @}
Владимир Уйба: «Ӧтувъялун да радейтӧм пыр вӧліны да лоӧны миян вына россияса войтырлӧн став вермӧмын подулӧн»
Коми Республикаса Юралысь Владимир Уйба Степан изэрдын сцена вывсянь чолӧмаліс сыктывкарсаясӧс Россия лунӧн да Кар лунӧн.
«Медтӧдчанаыс — тайӧ ӧтувъялун, вына россияса войтырлӧн ӧтувъялун да Чужан му радейтӧм.
Тайӧ пыр вӧлі да лоӧ миян став ыджыд да ичӧт вермӧмъясын подулӧн.
Ме сиа ставнымлы пыдди пуктыны, радейтны ӧта-мӧднымӧс да гӧгӧрвоны, мый Россияӧс некод оз вермы!
Россия пыр вӧлі, эм да лоӧ вынаӧн, кыдз и сылӧн вына россияса войтыр.
Праздникӧн!», — Владимир Уйба чолӧмаліс республикаын да Сыктывкарын олысьясӧс.
Сідзжӧ регионса Юралысь сетіс канму наградаяс.
* * *
Россия Федерацияса спорт министрлӧн тшӧктӧдӧн «Россияса нимӧдана тренер» спорт ним сетӧма:
Александр Иванович Ветровлы — «Сосногорск карса спорт школа» муниципальнӧй учреждениеын лызьӧн ордйысьӧм серти тренерлы.
Коми Республикаса Юралысьлӧн Индӧдӧн
Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетӧма:
Ольга Юрьевна Бригидалы — «Сыктывкар» кар кытшлӧн муниципальнӧй юкӧнса администрацияын велӧдӧмӧн веськӧдланінса начальниклы.
Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
Валентина Александровна Зайцевалы — «Я. С. Перепелица нима Сыктывкарса челядьлы шылада-хора школа» содтӧд тӧдӧмлун сетан муниципальнӧй учреждениеын велӧдысьлы.
{Kodko (комиӧдіс Kodko) @ Полицияса капитан Алексей Опацкийлы кувсьӧм бӧрас сетісны «Сыктывкарса Почёта гражданин» ним @ новости @ https://rkomi.ru/news/2198 @ 2022-06-12 @}
Полицияса капитан Алексей Опацкийлы кувсьӧм бӧрас сетісны «Сыктывкарса Почёта гражданин» ним
Коми Республикаса Юралысь Владимир Уйба сетіс наградасӧ геройлӧн мамыслы, кодлӧн пиыс героическӧя пӧгибнитіс Украинаын торъя военнӧй операция дырйи.
«Талун ми нимӧдам геройнымӧс — полицияса капитан Алексей Михайлович Опацкийӧс, коді Луганскӧй да Донецкӧй народнӧй республикаясын олысьясӧс мездігӧн вӧчис воинскӧй подвиг.
Куслытӧм слава да куслытӧм паметь!
Ми кутам казьтывны сійӧс да став ёртъяссӧ, кодъяс пуктісны юрнысӧ неофашистъяскӧд тышкасигӧн.
Налӧн нимъясныс пыр кежлӧ колясны Россиялӧн да Коми Республикалӧн историяӧ!» — пасйис Владимир Уйба.
Алексей Михайлович чужліс Сыктыв районса Визиндор посёлокын.
1998 восянь служитіс Россия Федерацияса пытшкӧс делӧяс органъясын, Коми Республикаса МВД бердын ОМОН.
2015 воын босьтіс вылыс тшупӧда тӧдӧмлун, помаліс Сыктывкарын Ӧнія гуманитарнӧй академия, сійӧс индісны МВД Коми Республикаын ОМОН оперативнӧй взводса командирӧн.
2016 вося йирым тӧлыссянь лоис Россия Федерацияса национальнӧй гвардиялӧн войскаӧ «Зырянин» торъя могъяс олӧмӧ пӧртысь мобильнӧй отрядлӧн оперативнӧй взводса командирӧн.
Алексей Опацкий унаысь пӧртліс олӧмӧ Россия Федерациялӧн Войвыв Кавказса регионын боевӧй могъяссӧ.
Служитігӧн сылы сетӧма «Ӧтйӧза пӧрадок зэв бура видзӧмысь» медаль Россия Федерацияса канму награда, «Службаын бура петкӧдчӧмысь» Россияса МВД ІІІ тшупӧда медаль, «Службаын бура петкӧдчӧмысь» Россия Федерацияса национальнӧй гвардиялысь ІІ тшупӧда медаль.
2022 воын «Повтӧмлун орден» Россия Федерацияса канму награда сетӧма Алексей Опацкийлы кувсьӧм бӧрас.
Сійӧ пӧгибнитіс 2022 вося рака тӧлысь 7 лунӧ Донецкӧй да Луганскӧй народнӧй республикаяс дорйигӧн торъя военнӧй операция дырйи Украинаса Изюм карын националистическӧй подразделениекӧд тышкасигӧн.
{Kodko (комиӧдіс Kodko) @ Владимир Уйба видзӧдліс Помӧсдін сиктын выль школалысь дасьлунсӧ @ новости @ https://rkomi.ru/news/2203 @ 2022-06-14 @}
Владимир Уйба видзӧдліс Помӧсдін сиктын выль школалысь дасьлунсӧ
Объект вылын стрӧитчан уджъясыс помассьӧмаӧсь нин, кольӧма сӧмын бурмӧдны-мичмӧдны сылысь йӧрсӧ.
Объект вылын уджалӧ ӧти единица техника.
20 морт пуктӧны пу-кустъяс.
Став пусӧ да турунсӧ пуктӧма-кӧдзӧма нин.
Школаыс воссяс 2022 вося кӧч тӧлысь 1 лунӧ.
{Kodko (комиӧдіс Kodko) @ Ас войтырӧс ог эновтӧй: Комиысь предприятиеяс ыстісны Донбассӧ соцобъектъяс да олан керкаяс дзоньталӧм вылӧ стройматериалъяс @ новости @ https://rkomi.ru/news/2204 @ 2022-06-14 @}
Ас войтырӧс ог эновтӧй: Комиысь предприятиеяс ыстісны Донбассӧ соцобъектъяс да олан керкаяс дзоньталӧм вылӧ стройматериалъяс
Талун, лӧддза-номъя тӧлысь 14 лунӧ, Сыктывкарын выль пӧв ыстісны гуманитарнӧй отсӧг.
Грузсӧ ыстігӧн вӧлі и «Единая Россия» ютырлӧн регионын юкӧнса секретар, Коми Республикаса Юралысь Владимир Уйба.
«Татшӧм машинаясыс лоасны на.
Ми и водзӧ кутам чукӧртны татшӧм грузъяссӧ.
Найӧ талун зэв ёна колӧны Донбассын олысьяслы.
Тайӧс ми гӧгӧрвоим, кор вӧлім Луганскӧй народнӧй республикаын да уджалім Ровеньки карын.
Кыдзи и быд карлы, кӧні мунӧны боевӧй действиеяс, сылы тшӧтш жӧ колӧ отсӧг.
И ми быть отсалам», — шуис Владимир Уйба да сиис шопер Олег Агибаловлы бур туй.
Комиын Владимир Уйбалӧн тшӧктӧм серти Донецкӧй да Луганскӧй народнӧй республикаяслы гуманитарнӧй отсӧг чукӧртӧмсӧ котыртіс «Единая Россия» ютыр.
Ӧні Донбасслы зэв ёна колӧны социальнӧй объектъяс да олан керкаяс дзоньталӧм вылӧ стрӧитчан материалъяс.
Комиын Сыктыв районысь Куниб сиктса «Промтех-инвест» ичӧт кывкутана котыр да Емва карысь ДВП вӧчан Княжпогостса завод сетісны тьӧс-плака, фанера, древесноволокнистӧй плита.
«Ми Веськӧдлан котырысь уджъёртъяскӧд да депутатъяскӧд аддзысьлім Луганскӧй народнӧй республикаса олысьяскӧд.
Найӧ шыӧдчӧны татшӧм кывъясӧн:
«Миянӧс сӧмын энӧ эновтӧй!
Виччысям Россияӧс сы вӧсна, мый сӧмын Россиякӧд эм аскиа луныс».
Зэв тӧдчана, мый страна ӧтувтчис да водзӧ отсасьӧ республикаясыслы», — юксис Владимир Уйба.
Коми Республикаса олысьяс висьталӧны бур кывъяс военнослужащӧйяслы, кодъяс тышкасьӧны фашистъяскӧд.
Гуманитарнӧй отсӧг нуан фураӧн Воркутаса школьникъяссянь ыстӧмаӧсь татшӧм письмӧяс.
Кыдз пасйис регионса Юралысь, «медкӧ тайӧ абу материальнӧй, но зэв колана да донъявны позьтӧм пай миян ӧтув вермӧмӧ».
Казьтыштам, ода-кора тӧлысь 18 лунӧ Комиысь Донбассӧ поездӧн вӧлі ыстӧма стрӧитчан материалъяс. Тайӧ вӧчӧма регионса Веськӧдлан котыр отсӧгӧн «Поезд помощи» акция серти.
Донбасслысь инфраструктура дзоньталӧм вылӧ республикаса предприятиеяс да организацияяс сетісны 90 кубометр стрӧитчан материалъяс да фанера прӧдукция.
{Kodko (комиӧдіс Kodko) @ ПМЭФ–2022 дырйи Владимир Уйба юрнуӧдӧ Коми Республикалӧн делегацияӧн @ новости @ https://rkomi.ru/news/2208 @ 2022-06-16 @}
ПМЭФ–2022 дырйи Владимир Уйба юрнуӧдӧ Коми Республикалӧн делегацияӧн
Тайӧ лунъясӧ «Экспофорум» конгрессно-выставочнӧй шӧринын мунӧ Петербургса войтыркостса экономическӧй 25-ӧд форум.
Таво форум дырйи медшӧр темаыс: «Выль мир — выль позянлунъяс».
Комиысь делегацияӧ пырӧны — Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева, республикаса Экономика сӧвмӧдан да промышленносьт, Вӧр-ва министерствоясӧн юрнуӧдысьяс, а сідзжӧ бизнесӧс петкӧдлысьяс, кодъяслы форумыс сетӧ содтӧд позянлун паськӧдны делӧвӧй йитӧдъяссӧ, корсьны выль уджъёртъясӧс да юксьыны бизнес нуӧдан опытӧн.
ПМЭФ–2022 дырйи медшӧр делӧвӧй уджтассӧ юкӧма нёль тематическӧй нырвизь вылӧ, кутшӧмъясӧс сиӧма глобальнӧй да россияса экономикалы, социальнӧй да технологическӧй пӧвесткалы да мортлысь потенциал сӧвмӧдӧмлы.
Сідзжӧ ПМЭФ дырйи лоас Ичӧт да шӧр предпринимательстволӧн россияса форум, Том йӧзлӧн войтыркостса экономическӧй форум, «B20» Делӧвӧй двадцатка» регионса консультативнӧй форум, Креативнӧй бизнеслӧн форум, «Лекарствояс боксянь лёк суӧмысь видзӧм» форум, «ПМЭФ Юниор» диалог да «Арктика — диалоглӧн мутас» форум.
Владимир Уйба участвуйтас форумлӧн пленарнӧй заседаниеын, кӧні сёрнитас Россия Федерацияса Президент Владимир Путин.
Сідзжӧ республикаса Юралысь аддзысьлас удж серти уджъёртъясыскӧд да кырымалас артмӧдчӧмъяс, медым Коми Республикаӧ воисны инвестицияяс.
{Kodko (комиӧдіс Kodko) @ Татарстанын лоасны Коми Республикалы, а Комиын — Татарстанлы сиӧм лунъяс @ новости @ https://rkomi.ru/news/2209 @ 2022-06-16 @}
Татарстанын лоасны Коми Республикалы, а Комиын — Татарстанлы сиӧм лунъяс
Талун, лӧддза-номъя тӧлысь 16 лунӧ, Петербургын юбилейнӧй войтыркостса экономическӧй 25-ӧд форум дырйи Коми Республикаса Юралысь Владимир Уйба да Татарстан Республикаса Президент Рустам Минниханов кырымалісны та йылысь артмӧдчӧм.
«Коми да Татарстан Республикаяс — промышленносьт да экономика боксянь сӧвмӧм регионъяс, кодъяс озырӧсь аслыспӧлӧс традицияясӧн.
Комиын олӧны 11 сюрс гӧгӧр тотара.
Артмӧдчӧмыс шымыртӧ ӧтувъя уджын уна нырвизь да кутас отсавны сӧвмӧдны зумыд, дыр кад кежлӧ кыкнанладорса да кыкнанлы выгӧднӧй йитӧдъяс.
Артмӧдчӧмсӧ олӧмӧ пӧртӧм могысь шуӧма нуӧдны Коми Республикалы сиӧм лунъяссӧ Татарстан Республикаын, а сідзжӧ котыртны Татарстанса предприятиеяслысь удж серти Коми Республикаӧ волӧмсӧ», — пасйис Коми Республикаса Юралысь Владимир Уйба.
«Миян машина вӧчан, мусир да нефтехимическӧй юкӧнъясса гырысь предприятиеяс кӧсйӧны уджавны ӧтув.
Миян регионкостса вузӧс бергӧдчӧмыс 3,5 миллиард шайт ыджда.
Эска, ми вермам сійӧс содтыны да аддзыны ӧтувъя уджын выль нырвизьяс», — гӧгӧрвоӧдіс Татарстан Республикаса Президент Рустам Минниханов.
Вузасян-экономическӧй, промышленнӧй, инвестиционнӧй да инновационнӧй юкӧнъясын ӧтув уджалігӧн Комиысь да Татарстанысь Веськӧдлан котыръяс кутасны паськӧдны предприятиеяс да организацияяс костын удж йитӧдъяссӧ, ӧтув отсасьны предпринимательстволы, бурмӧдны инвестицияяс боксянь водзмӧстчӧмсӧ, сӧвмӧдны канму-аспом уджъёртасьӧмсӧ, ӧттшӧтш уджавны экономикаын ортсыса йитӧдъяс олӧмӧ пӧртӧмын, видлаласны Татарстанын Коми Республикаса экспорт вылӧ уджалысь предприятиеясӧн оптово-распределительнӧй шӧринъяс восьтан позянлун.
Социальнӧя доръян да уджӧн могмӧдан юкӧнын регионъяс кутасны ёртасьны олысьясӧс уджӧн могмӧдӧм, социальнӧй отсӧг сетӧм да йӧзӧс социальнӧя могмӧдӧм серти, юксьыны социально-экономическӧя сӧвмӧдан уджтасъяс да семьялы, мамлунлы, челядьдырлы, олӧма йӧзлы да вермытӧмъяслы социальнӧй уджтасъяс олӧмӧ пӧртан уджын опытӧн.
Республикаяс кӧсйӧны ёртасьны видз-му овмӧслӧн татшӧм юкӧнъясын: биотехнологияяс, видз-му овмӧсса культураяс быдтӧмӧн биотехнологическӧя веськӧдлӧм да пемӧсъясӧс рӧдмӧдӧм, перерабатывайтан да сёян-юан промышленносьт, производство уджсӧ механизируйтан да автоматизируйтан средствоясӧн комплекснӧя вӧдитчӧм.
Коми Республикаса да Татарстанса Веськӧдлан котыръяс кӧсйӧны ӧтув уджавны татшӧм юкӧнъясын: видз-му овмӧс; транспорт; йӧзлысь дзоньвидзалун видзӧм да биофармацевтика; гӧгӧртас видзӧм да экология боксянь безопасносьтсӧ могмӧдӧм; стрӧитчӧм, архитектура, оланін да коммунальнӧй овмӧс; йӧзӧс велӧдӧм да наука; спорт да том йӧз политика; туризм; культура; культура озырлун объектъяс видзӧм, наӧн вӧдитчӧм, паськыда тӧдмӧдӧм да найӧс канмусянь видзӧм; архив удж; донъяс канмусянь ладмӧдӧм; информатизация да связь.
Артмӧдчӧмсӧ гижӧма комиӧн, рочӧн да тотар кыв вылын, лӧсьӧдӧма 5 во кежлӧ.
{Kodko (комиӧдіс Kodko) @ Коми Республика да Дагестан индісны выль ёртасян нырвизьяс @ новости @ https://rkomi.ru/news/2211 @ 2022-06-16 @}
Коми Республика да Дагестан индісны выль ёртасян нырвизьяс
Талун, лӧддза-номъя тӧлысь 16 лунӧ, Петербургын войтыркостса экономическӧй форум дырйи Коми Республикаса Юралысь Владимир Уйба да Дагестан Республикаса Юралысь Сергей Меликов кырымалісны выль артмӧдчӧм — вузасьӧмын, экономикаын, наука да техникаын, культураын ёртасьӧм йылысь.
«Коми да Дагестан республикаяс важысянь ёртасьӧны уна сикас юкӧнын.
Коми Республика уна этнослы лои няня-сола керкаӧн.
Талун миян регионын ӧтсӧгласӧн олӧны 120 войтырысь унджык.
На лыдын и дагестансаяс.
Тӧдчӧда, мый Комиын олысь дагестансаяс пуктӧны ыджыд пай республика сӧвмӧдӧмӧ», — тӧдчӧдіс Владимир Уйба.
«Артмӧдчӧм отсӧгӧн лоӧны содтӧд условиеяс субъектъяснымлӧн водзӧ ёртасьӧм да сӧвмӧм вылӧ.
Сідз, Дагестанын вӧр-ва да дзоньвидзалун бурмӧдан позянлунъяс отсӧгӧн мӧвпалам лӧсьӧдны местаяс, кӧні челядь вермасны бурмӧдны дзоньвидзалуннысӧ.
Эска, дзоньвидзалун бурмӧдӧм кындзи татшӧм ёртасьӧмыс зумыдмӧдас миян страналӧн войвыв да лунвыв регионъяс костын йитӧдъяссӧ, ӧд челядьыс ичӧтсяньыс нин кутасны ёртасьны», — пасйис Дагестан Республикаса Юралысь Сергей Меликов.
Документсӧ лӧсьӧдӧма 5 во кежлӧ Коми да Дагестан республикаясса Веськӧдлан котыръяс костын вузасьӧмын да экономикаын ёртасьӧм йылысь 1997 во йирым тӧлысь 1 лунся артмӧдчӧм пыдди.
Вузасян да экономика юкӧнын найӧ сёрнитчисны юксьыны опытӧн ӧтув проектъяс олӧмӧ пӧртӧм, Коми да Дагестан костын транспорт йитӧд лӧсьӧдӧм, предпринимательстволы отсӧг сетӧм серти.
Наука да вылыс технологияясын сёрнитчысьяс кутасны ӧтвылысь уджавны промышленнӧй производстволӧн диверсификация юкӧнын, став уджалан сфераӧ юӧртан да коммуникация технологияяс пыртӧмын, корны наука туялан да проектнӧй учреждениеяссӧ пырӧдчыны наука проектъяс да уджтасъяс дасьтӧмӧ да найӧс олӧмӧ пӧртӧмӧ.
Сідзжӧ сёрнитчисны сӧвмӧдны ёртасьӧмсӧ Дагестанын да Комиын йӧзлысь шойччӧмсӧ да дзоньвидзалун бурмӧдӧмсӧ котыртӧмын, на лыдын и Дагестанса дзоньвидзалун видзан учреждениеясын Комиысь челядьлысь шойччӧмсӧ да дзоньвидзалун бурмӧдӧмсӧ котыртӧмын.
Том йӧз политика юкӧнын Коми да Дагестан сёрнитчисны юксьыны зонпоснилӧн клубъяскӧд да шӧринъяскӧд уджалан опытӧн сы могысь, медым велӧдны том йӧзӧс радейтны да пыдди пуктыны Чужан му, могмӧдны найӧс уджӧн, юӧр боксянь могмӧдны ӧтйӧза ӧтувъяскӧд ӧтувъя уджсӧ.
Сідзжӧ артмӧдчӧмын индӧма медшӧр ёртасян нырвизьяссӧ и мукӧд юкӧнын: стрӧитчӧмын, архитектураын да кар стрӧитӧмын, стрӧитчан материалъяслӧн промышленносьтын; оланін да коммунальнӧй овмӧсын; велӧдӧмын; йӧзлысь дзоньвидзалун видзӧмын; культураын да искусствоын; физическӧй культураын да спортын; туризмын; йӧзӧс уджӧн могмӧдан да социальнӧя дорйӧмын; видз-му овмӧсын; гӧгӧртас видзӧмын; информатизацияын да связьын.
{Kodko (комиӧдіс Kodko) @ Коми Республикаса Веськӧдлан котыр да Т Плюс кутасны ӧтлаын сӧвмӧдны республикаын шоныдӧн могмӧдӧмсӧ @ новости @ https://rkomi.ru/news/2212 @ 2022-06-16 @}
Коми Республикаса Веськӧдлан котыр да Т Плюс кутасны ӧтлаын сӧвмӧдны республикаын шоныдӧн могмӧдӧмсӧ
Талун, лӧддза-номъя тӧлысь 16 лунӧ, Петербургын юбилейнӧй войтыркостса экономическӧй 25-ӧд форум дырйи Коми Республикаса Юралысь Владимир Уйба да «Т Плюс» йӧзлы восьса акционер котырса медыджыд директор Андрей Вагнер кырымалісны ёртасьӧм йылысь артмӧдчӧм.
«Миян ӧтувъя уджыс лоӧ веськӧдӧма республикаын энергетика безопасносьт сӧвмӧдӧм вылӧ.
Коми Республикаса став олысьыс, но медводз Интаын да Воркутаын олысьяс, казяласны бурлань вежсьӧмъяссӧ. Сэні энергетика комплекс выльмӧдӧм вылӧ Веськӧдлан котыр отсӧгӧн компания збыльмӧдас медтӧдчана проектъяссӧ», — пасйис Владимир Уйба.
«Колӧ, медым миян костын сёрнитчӧмъясыс медводз могмӧдісны регионса олысьяслысь интересъяссӧ.
Та вӧсна компания водзӧ кутас содтыны инвестицияяссӧ шоныдӧн могмӧдан системаяс сӧвмӧдӧмӧ.
Системнӧй удж отсӧгӧн регыд нин лоӧны бурлань вежсьӧмъяс», — тӧдчӧдіс Андрей Вагнер.
Сёрнитчысьяс кӧсйысисны ӧтув уджавны 2025 воӧдз регионса энергетика юкӧн сӧвмӧдӧм, шоныдӧн могмӧдан система ӧнъяӧдӧм, а сідзжӧ та вылӧ колысь инвестицияяс серти.
Таво нин сьӧмӧн могмӧдан ыдждаыс лоас колян вося мында жӧ — 1,6 миллиард шайт.
Могъяссӧ ӧдйӧ олӧмӧ пӧртӧм вылӧ шуӧма лӧсьӧдны уджалан группаяс.
Ёртасьӧмын тӧдчана нырвизьяс лыдын — 2023 во помын Инта карын биару вылын уджалысь котельнӧй стрӧитны помалӧм.
Выль объектсӧ лӧсьӧдасны из шом вылын уджалысь важ ТЭЦ пыдди. Выль котельнӧй вылӧ видзасны 1,2 миллиард шайт (НДС-тӧг).
Сідзжӧ артмӧдчӧмыс вынсьӧдас «Т Плюс» йӧзлы восьса акционер котыр да Коми Республикаса веськӧдлысьяс костын промышленнӧй да кадрӧвӧй вынйӧр сӧвмӧдан, регионын выль уджалан местаяс лӧсьӧдан, инвестиция проектъяс олӧмӧ пӧртан юкӧнын ӧнія сёрнитчӧмъяссӧ.
{Kodko (комиӧдіс Kodko) @ Комиын ӧнія технологияясӧн да вылыс технология оборудованиеӧн вӧдитчӧмӧн кӧсйӧны уджӧдны вӧр переработайтан производство @ новости @ https://rkomi.ru/news/2213 @ 2022-06-16 @}
Комиын ӧнія технологияясӧн да вылыс технология оборудованиеӧн вӧдитчӧмӧн кӧсйӧны уджӧдны вӧр переработайтан производство
Талун, лӧддза-номъя тӧлысь 16 лунӧ, Петербургын юбилейнӧй войтыркостса экономическӧй 25-ӧд форум дырйи Коми Республикаса Юралысь Владимир Уйба да «Промтех-инвест» ичӧт кывкутан котырса (ИКК) директор Владислав Федькин кырымалісны инвестпроект олӧмӧ пӧртны кӧсйӧм йылысь артмӧдчӧм.
Коми Республикаса Веськӧдлан котыр отсӧгӧн «Промтех-инвест» ИКК ӧнія выль оборудованиеӧн вӧдитчӧмӧн кӧсйӧ выльмӧдны вӧр переработайтан производствосӧ, медым лэдзны ыджыд содтан дона прӧдукция — OSB-плитаяс.
Вонас кӧсйӧны лэдзны 126,4 сюрс кубометр мында прӧдукция.
«Инвестиция проект серти кӧсйӧны пыдісянь да комплекснӧя переработайтны пу сырьё да пу шыбласъяс.
Сійӧс олӧмӧ пӧртӧмыс сетас позянлун восьтыны 168 выль уджалан места», — висьталіс Коми Республикаса Юралысь Владимир Уйба.
Владимир Уйбалӧн кывъяс серти, проектсӧ олӧмӧ пӧртігӧн кутасны уджавны и социальнӧй тӧдчанлуна могъяс серти. На лыдын лӧсьӧдасны сиктса школаяс помалысьясысь целевӧй группаяс, кодъяс велӧдчасны Коми Республикаса профильнӧй велӧдчанінъясын да сы бӧрын пырасны уджавны «Промтех-инвест» компанияӧ, стрӧитасны сиктъясын благоустроитӧм оланін, медым сэні олісны компанияын уджалысь сотрудникъяс лыдысь том семьяяс.
Водзынджык «Промтех-инвест» ИКК бура нин пӧртіс олӧмӧ вӧрӧн вӧдитчӧм серти инвестиция проект. Сы серти восьтӧма Коми Республикаса Сыктыв районын пусӧ пыдісянь переработайтӧм серти вӧр переработайтан производство.
Проектӧ инвестируйтісны 413 миллион шайт.
«Талун ми аддзам, мый ортсыса санкцияяс вылӧ видзӧдтӧг, миян регионса предприятиеяс водзӧ сӧвмӧны, выльмӧдӧны да панӧны выль производствояс, лӧсьӧдӧны уджалан местаяс.
И тайӧ тыдалӧ сыын, мый талун кырымалӧма ӧнія выль оборудованиеӧн вӧдитчӧмӧн вӧр переработайтан производство выльмӧдӧм серти Артмӧдчӧм.
Ми водзӧ бура ёртасям «Промтех-инвест» ИКК-кӧд.
Аттьӧала предприятиеса директор Владислав Федькинӧс проектъяс бура олӧмӧ пӧртӧмысь. На отсӧгӧн сӧвмӧ Коми Республикаса вӧр переработайтан производство.
Регионса Веськӧдлан котыр видзӧдӧ предприятиелӧн удж бӧрся да пыр дась отсавны компаниялы пӧртны олӧмӧ выль инвестиция проектъяс серти водзмӧстчӧмъяссӧ», — шуис Владимир Уйба.
«Талун сӧмын Коми Республикаса Юралысь да Коми Республикаса Веськӧдлан котыр отсӧгӧн позьӧ пӧртны олӧмӧ татшӧм ыджыд да колана проектъяссӧ. Тайӧ проектъясыс колӧны оз сӧмын сы могысь, медым сӧвмӧдны регионса вӧр промышленнӧй комплекс, но и на отсӧгӧн бурмӧдӧны Сыктыв районса да став Коми Республикаса олысьяслысь олӧмсӧ», — содтіс Владислав Федькин.
{Kodko (комиӧдіс Kodko) @ Комиын кутасны унджык лэдзны кос пиломатериал пу сырьёсӧ пыдісянь переработайтӧмӧн да сыӧн комплекснӧя вӧдитчӧмӧн @ новости @ https://rkomi.ru/news/2214 @ 2022-06-16 @}
Комиын кутасны унджык лэдзны кос пиломатериал пу сырьёсӧ пыдісянь переработайтӧмӧн да сыӧн комплекснӧя вӧдитчӧмӧн
«Печора Север Лес» ичӧт кывкутана котыр республикаса Веськӧдлан котыр отсӧгӧн кӧсйӧ выльмӧдны Мылдін районын вӧр переработайтан производствосӧ.
Та йылысь артмӧдчӧмсӧ Коми Республикаса Юралысь Владимир Уйба да предприятиеса медыджыд директор Александр Котельников кырымалісны Петербургын юбилейнӧй войтыркостса экономическӧй 25-ӧд форум дырйи лӧддза-номъя тӧлысь 16 лунӧ.
Артмӧдчӧм серти «Печора Север Лес» ичӧт кывкутана котырлӧн лоасны «Ыджыд содтан дона дась прӧдукция лэдзӧмӧн вӧр переработайтан производство выльмӧдӧм да пусӧ комплекснӧя переработайтӧмсӧ котыртӧм» инвестиция проект збыльмӧдӧмӧ капитальнӧй вложениеяс.
2027 во кежлӧ предприятие кӧсйӧ лэдзны 152 кубометрысь оз этшаджык кос пиломатериал, вонас 100 сюрс кубометрысь оз этшаджык OSB, вонас 52 сюрс тоннаысь оз этшаджык пеллет. Та могысь, предприятие кӧсйӧ комплекснӧя вӧдитчыны пу сырьёӧн.
Станаяслӧн, кодъяс оз ёртасьны Россиякӧд, санкцияяс вылӧ видзӧдтӧг Коми Республикаса предприятиеяс лэдзӧны унджык прӧдукция.
Кыдзи тӧдчӧдіс регионса Юралысь, проектыс отсалас кыскыны 2,6 миллиард шайтысь оз этшаджык инвестиция, а сідзжӧ лӧсьӧдны 112-ысь унджык выль уджалан места.
«Артмӧдчӧмсӧ кырымалӧм — тайӧ миян водзӧ вылӧ ӧтувъя уджным.
Ми нин заводитім предприятиекӧд ӧтвылысь збыльмӧдны Мылдін районын йӧзлы тӧдчана мероприятиеяс.
Аттьӧ Александр Владимирович Котельниковлы ӧтувъя уджысь да миян олысьяслысь олӧмсӧ бурмӧдӧмӧ пай пуктӧмысь.
Коми Республикаса Веськӧдлан котыр отсалас «Печора Север Лес» ичӧт кывкутана котырлы збыльмӧдны инвестиция проектъяс, йӧзлысь вӧзйӧмъяссӧ, зумыдмӧдны предприятиелысь уджсӧ», — тӧдчӧдіс Владимир Уйба.
«Ми аттьӧалам Коми Республикаса Веськӧдлан котырӧс отсӧг сетӧмысь.
Тайӧ инвестпроектсӧ збыльмӧдӧмыс сетас позянлун овмӧсын вӧдитчыны выль вӧр участокъясӧн, босьтны унджык чӧжӧс да бурджыка веськӧдлыны вӧръясӧн, регионын лоӧ унджык уджалысь йӧзлӧн лыдыс, бурджыка кутасны овны Мылдін районын олысьясыс. Проект збыльмӧдігӧн кольӧ кутчысьны дугдывтӧг да бура вӧръясӧн вӧдитчан корӧмъясӧ, — тӧдчӧдіс Александр Котельников.
Ӧні предприятие помалӧ инвестиция проект збыльмӧдан медводдза тшупӧдсӧ. Сы серти бурмӧдӧны пу пилитӧм да юклӧм серти уджсӧ, а сідзжӧ выльмӧдӧны котельнӧй да косьтан комплексъяс.
«Печора Север Лес» ичӧт кывкутана котыр, эскӧдӧ Александр Котельников, водзӧ кутас топыда ёртасьны Коми Республикаса Веськӧдлан котыркӧд, медым сӧвмӧдны регионлысь экономикаын да социальнӧй позянлунъяссӧ.
{Kodko (комиӧдіс Kodko) @ Коми Республикаса Веськӧдлан котыр да «Телеком Хаус» акционер котыр сёрнитчисны ӧтув уджавны шыбласъясӧн вӧдитчан юкӧнын @ новости @ https://rkomi.ru/news/2215 @ 2022-06-16 @}
Коми Республикаса Веськӧдлан котыр да «Телеком Хаус» акционер котыр сёрнитчисны ӧтув уджавны шыбласъясӧн вӧдитчан юкӧнын
Талун, лӧддза-номъя тӧлысь 16 лунӧ, Петербургын юбилейнӧй войтыркостса экономическӧй 25-ӧд форум дырйи Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева да «Телеком Хаус» акционер котырӧн Веськӧдлысь уджъёрт Илья Лещенко кырымалісны та йылысь артмӧдчӧмсӧ.
«Коми Республикаса Веськӧдлан котыр да «Телеком Хаус» акционер котыр костын шыбласъясӧн вӧдитчӧм серти ӧтув уджавны кӧсйысьӧм йылысь артмӧдчӧм кырымалӧмыс — тайӧ зэв тӧдчантор. Медводз сы боксянь, мый бурджыка кутас уджавны чорыд коммунальнӧй шыбласъяс юкӧныс, «Экология» национальнӧй проект серти чинас гуалӧм вылӧ шыбласъяслӧн ыдждаыс, содас обработайтӧм шыбласъяслӧн да бырӧдны колана объектъяслӧн пайыс, а сідзжӧ бырӧдасны экология боксянь чукӧрмӧм лёктор местаяссӧ да шыбласъяслӧн санкционируйттӧм ёг шыблалан местаяс», — пасйис Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева.
«Эмӧсь могъяс, кутшӧмъясӧс бура олӧмӧ пӧртӧм бӧрын Коми Республикаса йӧзлӧн олан гӧгӧртасыс лоас бурджык да экология боксянь лёк суӧмысь видзчысянаӧн.
Миян могыс — бура пӧртны найӧс олӧмӧ.
Та могысь колӧ, медым шыбласъясӧн вӧдитчӧм серти уджалісны оланпастэчаслӧн корӧмъяс серти да регионса Веськӧдлан котыркӧд ӧтлаын.
Тайӧ сетас позянлун колана ногӧн разьны системнӧй мытшӧдъяссӧ, бурмӧдны сетан услугаяслысь качествосӧ да лыдсӧ, а сідзжӧ нуӧдны удж, медым шыбласъясӧн веськӧдлан системаыс бура кутіс уджавны регионын», — тӧдчӧдіс «Телеком Хаус» акционер котырӧн Веськӧдлысь уджъёрт Илья Лещенко.
Документ серти кутасны ӧтув уджавны Коми Республикаын шыбласъясӧн вӧдитчан юкӧнын, сы лыдын шыбласъясӧн вӧдитчӧм могысь колана инфраструктура лӧсьӧдӧм серти концессионнӧй артмӧдчӧмъяслӧн условиеяс вылын инвестиция проектъяс олӧмӧ пӧртан юкӧнын.
Артмӧдчӧмлӧн медшӧр могыс — Коми Республика бурджыка кутас сӧвмыны социальнӧй, экономика да инфраструктура боксянь, воӧдчасны «Экология» национальнӧй проектлӧн медшӧр петкӧдласъясӧдз.
Артмӧдчӧм серти сёрнитчысьяс ӧтвылысь збыльмӧдасны «Коми Республикаын чорыд коммунальнӧй шыбласъясӧн вӧдитчан комплекснӧй система» регионса проект.
«Телеком Хаус» акционер котыр дась отсавны лӧсьӧдны регионын производство да потребление шыбласъясӧн вӧдитчан колана инфраструктура. Та дырйи босьтасны тӧд вылӧ и Коми Республикаын шыбласъясӧн вӧдитчан мутас схемасӧ.
Ёнджыкасӧ уджыслӧн могыс — котыртны шыбласъяс торйӧн чукӧртӧмсӧ да перйыны ӧтувъя ёгысь унджык бур фракция, медым найӧс водзӧ переработайтны.
Содтӧд тӧдчана мог — гӧгӧртасын чукӧрмӧм лёклысь ӧпаснӧй объектъяс бурмӧдӧм да «Сӧстӧм страна» федеральнӧй проект серти кар мудоръясын санкционируйттӧм свалкаяс бырӧдӧм».
{Kodko (комиӧдіс Kodko) @ Владимир Уйба: «Сійӧ, мый ми талун планируйтім, — тайӧ сетас республикалы позянлун водзӧ сӧвмыны» @ новости @ https://rkomi.ru/news/2216 @ 2022-06-16 @}
Владимир Уйба: «Сійӧ, мый ми талун планируйтім, — тайӧ сетас республикалы позянлун водзӧ сӧвмыны»
«Арктика — территория диалога» Петербургын юбилейнӧй войтыркостса экономическӧй 25-ӧд форум дырйи регионса Юралысь тӧдмӧдіс Коми Республикалӧн инвестиция позянлунъясӧн.
«Быд инвесторлы тӧдчанаӧн лоӧ куимтор: сӧвмыны позянлун, логистика да кокньӧдъяс.
Тайӧс ми вермам вӧзйыны.
Ми сетам кокньӧдъяс налы, кодъяс пырасны «Север» промышленно-производственнӧй торъя экономическӧй зонаӧ, да налы, кодъяс кӧсйӧны инвестируйтны Арктикаӧ.
Тӧдчӧда, мый Коми Республика — дзик ӧти регион, кӧні эм нёль сухопутнӧй арктическӧй зона.
Сэні ми лӧсьӧдам вӧвлытӧм инвестиция климат.
Республикаын дасьтысьӧны збыльмӧдны ыджыд инвестиция проектъяс. На отсӧгӧн артмас лӧсьӧдны ыджыд инфраструктура, выль производствояс да уна уджалан места.
Сійӧ, мый ми талун планируйтім, — тайӧ сетас республикалы позянлун водзӧ сӧвмыны», — шуис регионса Юралысь.
Владимир Уйба гӧгӧрвоӧдіс, мый «Север» промышленно-производственнӧй торъя экономическӧй зона лӧсьӧдӧм вылӧ заявкасӧ видлалӧны нин Россияса экономика сӧвмӧдан министерствоын.
Урчитӧма 410 га ыджда участок, котыртӧма веськӧдлан компания.
Инфраструктура лӧсьӧдӧм вылӧ кӧсйӧны кыскыны сьӧмкуд инвестицияяс.
Эм нин медшӧр инвестор, коді дась вичмӧдны 32 миллиард шайт МДФ плитаяс вӧчан завод вылӧ, коді кутас вонас лэдзны 1 миллион кубометр мында дась продукция, да лӧсьӧдны 1200 выль уджалан места.
«Север» торъя экономическӧй зонаса резидентъяслы федеральнӧй кокньӧдъяс кындзи регион сетас чуктӧс вылӧ вот да транспорт вот серти кокньӧдъяс.
Сідзжӧ регионса Юралысь висьталіс, мый «Войвывса широтнӧй туй» да «Сосногорск — Индига» кӧрт туй магистральяс стрӧитӧм бӧрын Коми Республикаын лоас ыджыд транспорт инфраструктура.
Инвесторъяс вермасны ветлӧдлыны транспортӧн Индига саридзлӧн Войвывса джуджыд портӧ да новлӧдлыны унджык груз.
Таысь кындзи, Арктикаын кӧсйӧны збыльмӧдны Пижмаса месторождениеӧн вӧдитчан проект. Сы серти стрӧитасны титанӧвӧй руда да кварц лыа переработайтан горно-металлургическӧй комплекс.
А Инта монокарын импорт вежӧм могысь заводитісны лӧсьӧдны карбид кальция да ферросплавъяс вӧчан производство.
Выль заводыс кутас конкурируйтны Казахстанысь да Китайысь экспортёръяскӧд.
Владимир Уйба казьтыштіс предпринимательяслы кокньӧдъяс йылысь, кодъяс кӧсъясны лоны Воркута, Инта, Усинск каръясын да Чилимдін районын Арктикаса резидентъясӧн.
Найӧ дас во чӧж оз кутны мынтыны чуктӧс, му да эмбур вылӧ вот.
Презентация дырйи регионса Юралысь тӧдчӧдіс некымын объект. Объектъясыс кажитчасны инвесторъяслы, но найӧс абу на юкӧма.
Тайӧ Удора районын сотчан сланечлӧн куйлӧд, Емдін районын стекольнӧй лыалӧн куйлӧд да Воркутаын баритӧвӧй рудаяслӧн Хойлинскӧй куйлӧд.
«Ми бура гӧгӧрвоам, мый экономикаӧ да промышленносьтӧ вичмӧдӧм сьӧмыс, — тайӧ вот воӧм да выль уджалан местаяс, а республикаӧ веськӧдӧм инвестицияяс — тайӧ инвестицияяс регионлӧн талунъя да аскиа лунӧ», — кывкӧрталіс Владимир Уйба.
Мероприятие дырйи Коми Республикасянь пудъялісны Маньпупунёр нималана плато дорӧ вертолётӧн лэбалан тур. Маньпупунёр плато — тайӧ Россияса сизим чуймӧдантор лыдысь ӧти.
Вермысьӧн лоис форумын участвуйтысь Елена Шилькова.
{Kodko (комиӧдіс Kodko) @ Коми Республика бурмӧдас концессия серти удж нуӧдӧмсӧ сы могысь, медым сӧвмӧдны туй да социальнӧй инфраструктура @ новости @ https://rkomi.ru/news/2217 @ 2022-06-17 @}
Коми Республика бурмӧдас концессия серти удж нуӧдӧмсӧ сы могысь, медым сӧвмӧдны туй да социальнӧй инфраструктура
Лӧддза-номъя тӧлысь 16 лунӧ Петербургын юбилейнӧй войтыркостса экономическӧй 25-ӧд форум дырйи Коми Республикаса Юралысь Владимир Уйба да «<rus>Системные концессии</rus>» ичӧт кывкутана котырса директоръяслӧн сӧветӧн веськӧдлысь Олег Мамаев кырымалісны Коми Республикаса Веськӧдлан котыр да «<rus>Системные концессии</rus>» ичӧт кывкутана котыр костын артмӧдчӧм, мый серти найӧ кутасны ӧтув уджавны концессионнӧй артмӧдчӧмъяслӧн условиеяс вылын инвестиционнӧй инфраструктура проектъяс збыльмӧдан юкӧнын.
«Документ серти збыльмӧдасны Коми Республикаын туй да социальнӧй инфраструктура юкӧнын инвестиция проектъяс.
Артмӧдчӧмыс сетас позянлун концессионнӧй артмӧдчӧмъяслӧн условиеяс вылын дженьыд кадӧ збыльмӧдны регионлы куим тӧдчана проект», — шуис Владимир Уйба.
«<rus>Системные концессии</rus>» ичӧт кывкутана котырлы — кырымалӧм артмӧдчӧм тайӧ Корпорацияса компанияяс да Республика костын водзӧ бура ӧтув ёртасьӧм.
Корпорация уджалӧ уна юкӧнын. Сідзкӧ вермас лоны позянлун ӧтув уджавны социальнӧй тӧдчанлуна унджык юкӧнын да бурмӧдны республикаса олысьяслысь олӧмсӧ, кыскыны инвестицияяс да лӧсьӧдны содтӧд уджалан местаяс», — тӧдчӧдіс Олег Мамаев.
Артмӧдчӧмлӧн могыс — концессионнӧй артмӧдчӧмъяслӧн условиеяс вылын лӧсьӧдны, сӧвмӧдны да ёнмӧдны инвестиция проектъяс збыльмӧдӧм серти сёрнитчысьяс костын ӧтувъя уджсӧ: «Вятка — Вылыс Максаковка автомашинаӧн ветлан туй вылын Сыктыв ю вомӧн пос стрӧитӧм», «<rus>Тиманский</rus>» во гӧгӧр чӧж челядьлы шойччан да налысь дзоньвидзалун бурмӧдан регионса шӧрин котыртӧм», «Княжпогост районса Серегов сиктын санаторнӧй комплекс выльмӧдӧм».
Тайӧ уджыс отсалас сӧвмӧдны республикаӧс социальнӧя, экономика да инфраструктура боксянь.
Форум водзвылын Коми Республикаса Веськӧдлан котырын нуӧдісны сӧвещание, кӧні участвуйтісны «<rus>Системные концессии</rus>» ичӧт кывкутана котырӧс петкӧдлысьяс. Сёрниыс муніс тайӧ инвестиция проектъяс збыльмӧдӧм серти водзмӧстчӧмъяс да вӧзйӧмъяс йылысь.
«Вятка» туйсянь «Сыктывкар кытшовтӧм» туй стрӧитан проект серти сӧвещаниеӧ пырӧдчысьяс сёрнитісны сылӧн техническӧй параметръяс да сьӧмӧн могмӧдӧм йылысь, а сідзжӧ «<rus>Системные концессии</rus>» ичӧт кывкутана котырӧн концессионнӧй артмӧдчӧмъяслӧн условиеяс вылын проект збыльмӧдан вӧзйӧмъяс дасьтӧм вылӧ тӧдмӧгъяс сетан кадколастъяс йылысь.
Проект отсӧгӧн Сыктывкар да сыгӧгӧрса туйяс кузя вермас ветлыны унджык автомашина.
Во гӧгӧр чӧж челядьлысь дзоньвидзалун бурмӧдан лагер стрӧитан проект серти «<rus>Системные концессии</rus>» ичӧт кывкутана котыркӧд ӧтвылысь сёрнитчисны урчитны объект стрӧитӧм улӧ му участоксӧ, видлавны тайӧ проектыслысь техническӧй параметръяссӧ да сьӧмкӧд йитчӧм юалӧмъяссӧ.
Серегов сиктын санаторнӧй комплекс выльмӧдан проект серти сӧвещаниеӧ пырӧдчысьяс тӧдчӧдісны, мый Коми Республикаса система артмӧдысь предприятиеяскӧд ӧтвылысь колӧ пыдісяньджык видлавны объектсӧ уджӧдны заводиттӧдз сэтчӧ став оборудование да материал вайӧмсӧ, да индісны медводдза ӧтувъя мероприятиеяс проектсӧ водзӧ збыльмӧдӧм могысь.
Нуӧдан уджлӧн могыс — ӧдйӧджык пыртны объектсӧ уджӧ.
{Kodko (комиӧдіс Kodko) @ Коми Республика да Сбер бурмӧдасны регионса йӧзлысь дзоньвидзалун видзӧмсӧ @ новости @ https://rkomi.ru/news/2219 @ 2022-06-17 @}
Коми Республика да Сбер бурмӧдасны регионса йӧзлысь дзоньвидзалун видзӧмсӧ
Талун, лӧддза-номъя тӧлысь 17 лунӧ, Петербургын юбилейнӧй войтыркостса экономическӧй 25-ӧд форум дырйи Коми Республикаса Веськӧдлан котыр да Сбер кырымалісны йӧзлысь дзоньвидзалун видзӧмын юӧр чукӧртан-донъялан регионса медицинскӧй система сӧвмӧдӧмын ёртасьӧм йылысь артмӧдчӧм.
Документсӧ кырымалісны республикаса Юралысь Владимир Уйба да Сбербанклӧн Правлениеса Президент, Веськӧдлысь Герман Греф.
Артмӧдчӧмыс колӧ сы могысь, медым бурмӧдны Коми Республикаса йӧзлысь дзоньвидзалун видзан системасӧ юӧртан да технология боксянь.
Ӧтувъя уджлӧн могъяс — автоматизируйтны дзоньвидзалун бурмӧдігӧн да висьӧм тӧдмалігӧн медицина да административнӧй уджсӧ, пыртны электроннӧй медицинскӧй карта, нуӧдны торъя мортлы медицина услугаяс сетӧм серти учёт, могмӧдны процессӧ став пырӧдчысь костын юӧрӧн йитӧд кутӧмсӧ, бура веськӧдлыны пациентъяслӧн локтӧмӧн да найӧс лекарствоясӧн могмӧдӧмӧн, лӧсьӧдны лабораторнӧй юӧртан система да медицина изображениеяслысь шӧр архив, котыртны телемедицина консультацияяс, пыртны электроннӧй рецептъяс.
«Миян артмӧдчӧмлӧн могыс — бурмӧдны республикаса олысьяслы медицина услугаяссӧ.
Тӧда, мый медбур цифрӧвӧй позянлунъяс пыртӧмӧн, йӧзлысь дзоньвидзалун видзан системаын став субъект костын ӧтвылысь уджалӧмӧн ми вермам ёна бурмӧдны тайӧ юкӧнлысь уджсӧ, ӧд сыкӧд топыда йитчӧма йӧзыслӧн олӧмыс да дзоньвидзалуныс», — шуис Герман Греф.
«Медицинаын могъяс олӧмӧ пӧртӧм вылӧ компаниялӧн юӧртан прӧдуктъясӧн вӧдитчӧм — тайӧ аскиа лунӧ ыджыд воськов.
Ми тӧдам, мый выль технологияясӧн вӧдитчӧмыс сетас позянлун унджык уджавны йӧзкӧд да этшаджык — бумагаӧн.
Ыджыд мыччӧдъяс да искусственнӧй интеллект серти технологияяс пыртӧмӧн Артмӧдчӧмыс отсалас сӧвмӧдны быдсикас нозология серти висьӧмъяс тӧдмалӧмын, наысь бурдӧдӧмын да найӧс мониторитӧмын выль позянлунъяссӧ», — шуис Владимир Уйба.
{Kodko (комиӧдіс Kodko) @ Коми Республика кырымаліс Ростуризмкӧд ӧтув уджалӧм йылысь артмӧдчӧм @ новости @ https://rkomi.ru/news/2221 @ 2022-06-17 @}
Коми Республика кырымаліс Ростуризмкӧд ӧтув уджалӧм йылысь артмӧдчӧм
Лӧддза-номъя тӧлысь 17 лунӧ Петербургын войтыркостса экономическӧй форумлӧн делӧвӧй уджтас дырйи Коми Республика петкӧдліс регионлысь туризмын позянлунъяссӧ.
Туризм серти федеральнӧй агентстволӧн стенд вылын Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева да Ростуризмса юралысьӧс вежысь Елена Лысенкова кырымалісны ӧтув уджалӧм йылысь артмӧдчӧм.
Артмӧдчӧмсӧ кырымалӧм дырйи вӧліны Коми Республикаса культура, туризм, да архив удж министрлысь могъяс олӧмӧ пӧртысь Мария Балмастова, Коми Республикаса экономика сӧвмӧдан да промышленносьт министрлысь могъяс олӧмӧ пӧртысь Ольга Турышева, Коми Республикаса вӧр-ва озырлун да гӧгӧртас видзан министрлысь могъяс олӧмӧ пӧртысь Екатерина Киселевич да «Туризм сӧвмӧдан да Коми Республикаӧс кыпӧдан агентство» асшӧрлуна абу коммерческӧй организацияса медыджыд директор Александр Терентьев.
«Республика кутас водзӧ сӧвмӧдны экология да этнография туризмъяс, дась збыльмӧдны проектъяс, креативнӧй индустрияяс, бура дасьтӧ вылыс тӧдӧмлунъяса ассьыс уджалысьяссӧ, бурмӧдӧ услугаяссӧ туризмын да сыкӧд йитчӧм юкӧнъясын, пыртӧ цифрӧвӧй технологияяс.
Ми виччысям Туризм серти федеральнӧй агентствосянь отсӧг тайӧ нырвизьяссӧ сӧвмӧдӧмын.
Тӧда, мый Ростуризмкӧд ӧтувъя уджыс отсалас водзӧ сӧвмӧдны республикаын туризмсӧ да экономикасӧ, унджык йӧзӧс тӧдмӧдны регионлӧн туристическӧй брендъясӧн да содтыны туристъяслысь лыдсӧ», — пасйис Эльмира Ахмеева.
Елена Лысенковакӧд сёрнитісны ӧтув уджалӧм да Комиын туризм сӧвмӧдӧм йылысь.
Стендсӧ видзӧдысьяслы медъёна кажитчисны республикаын шойччӧм йылысь медшӧр вӧзйӧмъяс серти презентация да регионса туръясӧн выль буклет.
Казьтыштам, Коми пыр пырӧдчӧ Туризм серти федеральнӧй агентстволӧн участвуйтӧмӧн котыртӧм проектъясӧ да уджтасъясӧ: татчӧс туроператоръяс петкӧдлӧны туристическӧй кешбэк уджтасын торйӧн дасьтӧм турпродуктъяс (этнопаркын шойччӧмсянь Маньпупунёр плато вылӧ лэблӧмӧдз), 2021 воын Финн-угор этнопарк лоис Челядьлӧн туристическӧй проектъяслӧн II ставроссияса конкурсын медбуръяс лыдысь ӧтиӧн, а «Туризм индустрияын уджсикас серти медбур» уджсикасын кужанлун серти ставроссияса бӧръя конкурсын республикаӧс петкӧдлысь босьтіс мӧд места.
Регионса Культура да туризм министерствоӧс петкӧдлысьяс, Туризм сӧвмӧдан да Коми Республикаӧс кыпӧдан агентство да Финн-угор этнопарк велӧдчисны национальнӧй туристскӧй маршрутъяс серти акселерация уджтас подув вылын.
«<rus>За Кандинским в Коми</rus>» арт-тур» национальнӧй туристскӧй маршрутлысь проектсӧ регионса Культура да туризм министерство ыстіс Ростуризм бердын экспертнӧй сӧветӧ.
Экспертъяссянь воӧм содтӧдъясӧ да гӧгӧрвоӧдӧмъяссӧ ӧні пыртӧны проектӧ.
{Kodko (комиӧдіс Kodko) @ Коми Республика да АСИ пӧртӧны олӧмӧ ӧтувъя проектъяс да водзмӧстчӧмъяс @ новости @ https://rkomi.ru/news/2223 @ 2022-06-17 @}
Коми Республика да АСИ пӧртӧны олӧмӧ ӧтувъя проектъяс да водзмӧстчӧмъяс
Коми Республикаса Юралысь Владимир Уйба да «Выль проектъяс сӧвмӧдӧм серти стратегическӧй водзмӧстӧмъяс агентство» асшӧрлуна абу коммерческӧй организацияса медыджыд директор Светлана Чупшева сёрнитісны татшӧм позянлун йылысь талун, лӧддза-номъя тӧлысь 17 лунӧ, Петербургын юбилейнӧй войтыркостса экономическӧй 25-ӧд форум дырйи.
Эскӧдӧма ӧтувъя удж да Коми Республикаӧс зумыда социальнӧй да экономика боксянь сӧвмӧдӧмсӧ могмӧдӧм вылӧ веськӧдӧм да регионын инвестиция климат бурмӧдӧм вылӧ веськӧдӧм ӧтувъя удж серти артмӧдчӧмсӧ матысса кадӧ кырымалӧм йылысь водзвыв сёрнитчӧмсӧ.
Коми Республикаса Юралысь Владимир Уйба индіс ӧтув уджалӧмын медшӧр нырвизьяс: социальнӧй, технологическӧй, кадрӧвӧй, экологическӧй да мукӧд национальнӧй водзмӧстчӧмъяс олӧмӧ пӧртӧм, а сідзжӧ регионса экономика да социальнӧй юкӧн сӧвмӧдӧм серти проектъяс.
Владимир Уйба корис Светлана Чупшеваӧс таво арнас волыны Коми Республикаӧ, медым сёрнитны водзӧ ӧтув уджалӧм йылысь.
{Kodko (комиӧдіс Kodko) @ Рослесхоз кӧсйысис отсасьны Комилы @ новости @ https://rkomi.ru/news/2224 @ 2022-06-18 @}
Рослесхоз кӧсйысис отсасьны Комилы
Петербургын юбилейнӧй войтыркостса экономическӧй 25-ӧд форум дырйи регионса Юралысь Владимир Уйба удж серти аддзысьліс Вӧр овмӧс федеральнӧй агентствоӧн юрнуӧдысь Иван Советниковкӧд.
«Ӧні миян регион водзын вӧр переработайтан юкӧнын воссьӧны выль позянлунъяс.
Санкцияясӧдз регионысь дона пусӧ нуисны суйӧр сайӧ, а сэтысь вайис дась нин прӧдукция.
А ӧні ми котыртам уджсӧ мӧд ногӧн.
Ми дасьӧсь лэдзны керка лэптан ассьыным комплектъяс — найӧ ӧні зэв коланаӧсь.
Ми туялам позянлунъяссӧ, медым тайӧ технология серти кыпӧдӧм керкаясӧ овмӧдны аварийнӧй оланінъясысь йӧзӧс.
Таысь кындзи, ми уджтас серти вуджӧдам республикаса котельнӧйяссӧ мазут да из шом вылысь пеллетъяс вылӧ. Экономика боксянь тайӧ бурджык ломтас.
Тайӧ мераясыс санкцияяс дырйи отсаласны видзны производствосӧ да уджалан местаяссӧ», — тӧдчӧдіс Владимир Уйба.
Сідзжӧ регионса Юралысь аттьӧаліс Иван Советниковӧс отсӧгысь. Рослесхоз отсаліс ньӧбны вӧръяс пӧжаръясысь видзан торъя техника.
Сійӧ тӧдчӧдіс, мый ковмас федеральнӧй отсӧг тайӧ техника видзӧмсӧ котыртігӧн да та вылӧ торъя мобильнӧй конструкцияяс ньӧбигӧн.
«Ми дасьӧсь отсавны тіянлы.
Миян эмӧсь позянлунъяс отсавны вӧръяс мониторитӧмын да патрулируйтӧмын.
Торъя техника дзоньталӧм да видзӧм серти миян дорӧ шыӧдчыліс некымын регион, та вӧсна ми дасьӧсь видлавны тайӧ юалӧмъяссӧ сьӧмӧн могмӧдӧм боксянь», — пасйис Иван Советников.
Сідзжӧ аддзысьлӧм дырйи сёрнитісны республикаын вӧръясӧн бура вӧдитчан модель серти пилотнӧй проект збыльмӧдан аслыспӧлӧслунъяс йылысь.
Вӧръясӧн вӧдитӧм боксянь модельыс медъёна лӧсялас Двина да Эжва костын парма районлы (республикалӧн лунвыв да асыввыв). Тайӧ отсалас рӧдмӧдны унджык вӧр, чинтыны овмӧсын зэв ёна колана вӧр пӧрӧда (коз, пожӧм) быдтан кадсӧ, содтыны лыска посни вӧр быдтан площадьсӧ.
{Kodko (комиӧдіс Kodko) @ Коми Республикаса Юралысь чолӧмалӧ Медицина уджалысьлӧн лунӧн @ новости @ https://rkomi.ru/news/2227 @ 2022-06-19 @}
Коми Республикаса Юралысь чолӧмалӧ Медицина уджалысьлӧн лунӧн
«Йӧзлысь дзоньвидзалун видзан юкӧнын пыдди пуктана уджалысьяс да ветеранъяс!
Дона ёртъяс!
Став сьӧлӧмсянь чолӧмала тіянӧс Медицина уджалысьлӧн лунӧн!
Ті бӧрйинныд сьӧкыд удж. Тіянлы пыр колӧ лоны дасьӧн отсавны, аддзыны петан туй сэк, кор колӧ бурдӧдны йӧзсӧ да видзны-дорйыны олӧмнысӧ, медым найӧ нимкодясисны да радпырысь олісны водзӧ.
Ті коймӧд во нин тышкасянныд пеж коронавирус инфекциякӧд.
Та дырйи пыр велӧдчанныд, кыпӧданныд ассьыныд квалификациянытӧ, медым уджаныд вӧдитчыны ӧнія методъясӧн да технологияясӧн.
Федеральнӧй экспертъяс эскӧдӧны, мый миян медицина уджалысьяс бура тӧдӧны ассьыныс уджнысӧ.
Коми Республикаӧ удж серти волігӧн найӧ пасйӧны бурдӧдысьяслысь вылі тшупӧдсӧ педиатрияын, кага чужтігӧн отсасьӧмын, онкологияысь да инфекция висьӧмъясысь бурдӧдӧмын.
Ми пыдди пуктам да нимкодясям тіянӧн, зілям отсавны.
Быд во выльмӧдам йӧзлысь дзоньвидзалун видзан учреждениелысь материальнӧй базасӧ, лӧсьӧдам бур условиеяс уджалӧм вылӧ.
Аттьӧала тіянӧс бура уджалӧмысь, йӧз вӧсна тӧждысьӧмысь да бӧрйӧм уджлы сьӧлӧм сетӧмысь.
Сиа бырлытӧм вын да пыдди пуктысь пациентъясӧс, тыр-бур олӧм да зумыд дзоньвидзалун!»
Коми Республикаса Юралысь Владимир Уйба
{Kodko (комиӧдіс Kodko) @ Владимир Уйба висьталас 2021 воын Коми Республикаса Веськӧдлан котырлӧн удж серти кывкӧртӧдъяс да матысса кад вылӧ планъяс йылысь @ новости @ https://rkomi.ru/news/2233 @ 2022-06-20 @}
Владимир Уйба висьталас 2021 воын Коми Республикаса Веськӧдлан котырлӧн удж серти кывкӧртӧдъяс да матысса кад вылӧ планъяс йылысь
2022 вося лӧддза-номъя тӧлысь 23 лунӧ Коми Республикаса Юралысь сёрнитас докладӧн республикаса Каналан Сӧветлӧн заседание дырйи.
Заседаниеыс заводитчас 10 часын.
Докладсӧ позяс видзӧдны веськыд эфирын «Юрган» телеканал пыр, а сідзжӧ «Контактын» «Юрган» телеканаллӧн официальнӧй группаын, а сідзжӧ «Коми Республика» пабликын.
{Kodko (комиӧдіс Kodko) @ Казьтылан да шогалан лункӧд йитӧдын Коми Республикаса Юралысьлӧн шыӧдчӧм @ новости @ https://rkomi.ru/news/2236 @ 2022-06-22 @}
Казьтылан да шогалан лункӧд йитӧдын Коми Республикаса Юралысьлӧн шыӧдчӧм
«Коми Республикаса пыдди пуктана олысьяс!
1418 лун да вой муніс 20-ӧд нэмся медся вир кисьтана да чорыд война.
Медводдза лунсяньыс сійӧ кутіс шусьыны Айму вӧсна Ыджыд тышӧн — став йӧзыс дорйисны фашистлӧн уськӧдчӧмысь Чужан мунысӧ.
Миян странаса уна миллион йӧз мунісны фронт вылӧ, медым тышкасьны асланыс Чужан му вӧсна.
Уна миллион йӧз шедӧдісны Вермӧмсӧ тылын — му вылын да станок дорын.
Найӧ вӧлі повтӧмӧсь, смелӧсь да ӧтув вермисны, козьналісны миянлы олӧм да асшӧрлун.
Ми пыр кутам аттьӧавны Айму вӧсна Ыджыд тышса ветеранъясӧс, тылын уджалысьясӧс, концлагерса узникъясӧс, блокаднӧй Ленинградын олысьясӧс, войнадырся челядьӧс налӧн повтӧмлунысь да крепыдлунысь.
Ми некор ог вунӧдӧй найӧс, кодъяс усисны кось вылын, кодъяс кувсисны фашистъяслӧн пытайтанінъясын либӧ тылын тшыгъялӧм вӧсна.
Ми шогалам усьӧмаяс вӧсна.
Оз кус на йылысь паметьыс да налӧн нималӧмыс!
Талун ми казьтылам и найӧс, кодъяс ӧні пуктісны юрнысӧ Украинаын торъя военнӧй операция дырйи, мирсӧ неофашизмысь дорйигӧн.
Миян странаса уна сикас войтырыс повтӧмӧсь, дасьӧсь пуктыны ловнысӧ йӧз вӧсна, радейтӧны да пыдди пуктӧны Чужан мунысӧ, кужӧны дорйыны, видзны Аймулысь оланногсӧ, сылысь историясӧ да висьтавны сы йылысь челядьныслы да внукъясныслы.»
Коми Республикаса Юралысь Владимир Уйба
{Kodko (комиӧдіс Kodko) @ «Талун Арктика босьтӧ тӧдчана ин», — Владимир Уйба @ новости @ https://rkomi.ru/news/2240 @ 2022-06-23 @}
«Талун Арктика босьтӧ тӧдчана ин», — Владимир Уйба
Коми Республикаса Юралысь сёрнитіс республикалӧн Каналан Сӧветса депутатъяс водзын Веськӧдлан котырлӧн колян вося удж йылысь отчётӧн да висьталіс матысса кад вылӧ планъяс йылысь.
Владимир Уйба пасйис, мый Комилӧн войвывлы зэв тӧдчанаӧн лоис сійӧ, мый 2021 воын Воркутаысь, Интаысь да Усинскысь 14 предприятие босьтіс Россиялӧн Арктика зонаса резидентлысь статус.
Та дырйи индӧм инвестицияяслӧн ӧтувъя мындаыс лоис 1,6 миллиард гӧгӧр шайт, вӧлі лӧсьӧдӧма 500 гӧгӧр выль уджалан места.
«Талун Арктика босьтӧ тӧдчана ин.
Сылӧн резидентъяслы сетӧны уна федеральнӧй, республиканскӧй да меставывса вот кокньӧд.
Россия Федерацияса Арктика зоналӧн инвестиция порталын пасйӧма нин 67 проект», — висьталіс Коми Республикаса Юралысь.
Тӧдчӧдам, 2022 во вылӧ Коми Республикаын арктикаса резидентъяслӧн лыдыс содіс 19-ӧдз, на лыдысь куим предприятие заводитісны нин пӧртны олӧмӧ ассьыныс проектъяссӧ.
Интаын уджалӧ карбида кальция да ферросплавъяс вӧчан завод.
Воркутаын воссис кафе-кондитерскӧй.
«Приполярнӧй Инта» агрокомплексын выльмӧдӧны кӧр яй пыдісянь переработайтан производство.
Россия Федерацияса Арктика зоналӧн Инвестиция порталын 2020 восянь нин лӧсьӧдны регионын лоны вермана резидентъяслысь да арктическӧй проектъяслысь реестрсӧ сы могысь, медым водзӧ найӧс видлавны да пӧртны олӧмӧ.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Воддза во серти 2021 воын республиканскӧй сьӧмкудйӧ воис 15 миллиард шайт вылӧ унджык сьӧм», — Владимир Уйба @ новости @ https://rkomi.ru/news/2241 @ 2022-06-23 @}
«Воддза во серти 2021 воын республиканскӧй сьӧмкудйӧ воис 15 миллиард шайт вылӧ унджык сьӧм», — Владимир Уйба
Республиканскӧй сьӧмкудйӧ чӧжӧсыс воис унджык. Та вӧсна 2021 во помын сьӧмкудйын профицитыс лоис 2,6 миллиард шайт. Сэк, кор дефицитсӧ медводз планируйтісны 10,4 миллиард шайт мындаын.
Та дырйи 2020 воын республиканскӧй сьӧмкуд сьӧм видзӧм бӧрын дефицитыс вӧлі 12,2 миллиард шайт мында.
Та йылысь висьталіс Коми Республикаса Юралысь регионлӧн Каналан Сӧветса депутатъяс водзын быдвося докладӧн сёрнитігӧн.
Республиканскӧй сьӧмкудйын чӧжӧслӧн ӧтувъя ыдждаыс лоис 105 миллиардысь унджык шайт — тайӧ 2020 во серти 15 миллиард шайт вылӧ унджык.
Вот да вотысь ӧтдор чӧжӧсыс лоис 85,5 миллиард шайт, мый матӧ 23 миллиард шайт вылӧ унджык 2020 во серти.
«Тӧдчӧда, мый колян во чӧжӧсыс содіс кызвыннас мусир да биару юкӧнын чуктӧс содӧм вӧсна.
Тайӧ содтӧд чӧжӧслӧн матӧ нёльӧд пайысь коймӧд юкӧныс», — шуис Владимир Уйба.
Мусир да биару юкӧн лоӧ чӧжӧс ваян медшӧр ӧшмӧсӧн и 2022 воын.
Таво медшӧр капиталӧ инвестиция петкӧдлас серти республика босьтіс 5 места Рытыв-Войвыв федеральнӧй кытшын да 44 места Россия пасьтала.
2021 воын Канму-аспом уджъёртасьӧм сӧвмӧдӧм серти рейтингын Коми кыпӧдчис 29 позиция вылӧ.
Ӧні республика Россия пасьтала 39 позицияын.
«2022 воын санкцияяс дырйи артмысь геополитическӧй да макроэкономическӧй ситуация видзӧдтӧг ми могмӧдам сьӧмкуд системалысь баланссӧ да зумыдлунсӧ», — тӧдчӧдіс Коми Республикаса Юралысь.
Республиканскӧй Веськӧдлан котырлӧн удж серти содтӧд ӧти вермӧм — 3,4 миллиард шайт мындаын вонас 0,1% улӧ сьӧмкуд кредит босьтӧм.
Тайӧ сетас позянлун чинтыны дона бумагаяс да банкса кредитъяс серти республикалысь рыночнӧй уджйӧзсӧ.
Тайӧ ыдждаысь 1,2 миллиардысь унджык шайт сетасны муниципалитетъясӧ банкса кредитъяс серти уджйӧз бырӧдӧм вылӧ.
Рыночнӧй заимствованиеяс сьӧмкуд кредитъясӧн вежӧмыс отсалас чинтыны канму да муниципальнӧй уджйӧз могмӧдӧм вылӧ рӧскодсӧ.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Комиын 2022 во пансьӧмсянь оланін газифицируйтӧм вылӧ сьӧмӧн отсӧгсӧ босьтіс 193 олысь», — Владимир Уйба @ новости @ https://rkomi.ru/news/2242 @ 2022-06-23 @}
«Комиын 2022 во пансьӧмсянь оланін газифицируйтӧм вылӧ сьӧмӧн отсӧгсӧ босьтіс 193 олысь», — Владимир Уйба
На лыдысь 48 гражданалы сьӧмӧн отсӧгсӧ индісны ыджыдджык мындаын.
Та йылысь юӧртіс Коми Республикаса Юралысь регионлӧн Каналан Сӧветса депутатъяс водзын быдвося докладӧн сёрнитігӧн.
2021 воын Коми Республикаын биаруӧн могмӧдӧмсӧ да газифицируйтӧмсӧ сӧвмӧдан уджтас серти регионын нюжӧдӧма 67 километрысь унджык биарупровод. Тайӧ уджтассӧ урчитӧма 2021–2025 вояс вылӧ.
Сыктывкарын да Сыктывдін районын биару юклан везъяс дорӧ йитӧма 192 керка.
Россияса Президентлысь тшӧктӧмъяссӧ збыльмӧдӧм могысь Комиын дасьтӧма да вынсьӧдӧма помӧдзыс газифицируйтан ӧтувъя да объектъяс серти план-график, кытчӧ пырӧма 40 сикт-грездысь 3455 керка.
2021 воын биарусӧ нюжӧдӧма 400 керкаӧдз.
2022 во помӧдз помаласны стрӧитны Сыктывкар, Печора да Кӧрткерӧс районъяслӧн нӧшта 6 сикт-грездын овмӧдчӧминкостса биарупроводъяссӧ.
Таысь кындзи, кӧсйӧны помӧдзыс стрӧитны «Му участокъяссӧ Вылыс Максаковка кар кодь посёлоклӧн Ягкар, Шордор, Шордор–2 микрорайонса инфраструктураӧн могмӧдӧм (газифицируйтӧм)» да «Кожва» кар овмӧдчӧминын биару юклан провод стрӧитӧм» объектъяс.
Та отсӧгӧн лоӧны условиеяс сы вылӧ, медым газифицируйтны 1100-ысь унджык керка.
«Уджтас серти биарусӧ кӧсйӧны нюжӧдны му участокъясӧдз гражданалысь сьӧмсӧ кортӧг.
Йӧзыслы колӧ мынтысьны керка дорӧдзыс биару нюжӧдӧмысь да ньӧбны газӧвӧй оборудованиесӧ.
Таысь оз быдӧн вермы мынтысьны, та вӧсна республикаын эмӧсь торъя отсалан мераяс.
Таысь кындзи, менам тшӧктӧм серти Коми Республикаса Веськӧдлан котырлӧн резервнӧй фондысь вичмӧдісны содтӧд сьӧм. 30 да 50 сюрс шайт пыдди мынтасны 75 сюрс шайт.
Отсӧгсӧ вермасны босьтны уна категория граждана, на лыдын Айму вӧсна Ыджыд тышса ветеранъяс, ӧткӧн олысь пенсионеръяс, кык да унджык челядя семьяяс, том специалистъяс, гӧля олысьяс да мукӧд», — юӧртіс Владимир Уйба.
2020 воын канмусянь тайӧ отсӧгсӧ босьтіс 216 гражданин, 2021 воын — 314 морт.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Коми Республикаын збыльмӧдісны Регионса экономика диверсифицируйтан план серти 13 проект», — Владимир Уйба @ новости @ https://rkomi.ru/news/2243 @ 2022-06-23 @}
«Коми Республикаын збыльмӧдісны Регионса экономика диверсифицируйтан план серти 13 проект», — Владимир Уйба
Та йылысь Коми Республикаса Юралысь юӧртіс 2021 воын республикаса Веськӧдлан котырлӧн удж серти кывкӧртӧдъяс йылысь, 2022 во да матысса кад вылӧ планъяс йылысь быдвося докладӧн регионлӧн Каналан Сӧветса депутатъяс водзын сёрнитігӧн.
Колян во Коми Республикаса Веськӧдлан котыр заводитіс збыльмӧдны Регионса экономика диверсифицируйтан мероприятиеяслысь план.
Сійӧс вынсьӧдіс Россияса экономика сӧвмӧдан министерство.
«Тӧдчӧда, тайӧ документыс ёна вежласьӧ.
Водзджык сэні вӧлі 41 инвестиция проект, а талун сэні нин 50 проект.
На серти регионса экономикаӧ кӧсйӧны кыскыны из шомкӧд йитчытӧм юкӧнъясӧ 150 миллиард шайт аспом инвестиция да лӧсьӧдны 6 сюрс мортлы выль уджалан места», — висьталіс Владимир Уйба.
Диверсифицируйтан план серти медгырысь да медтӧдчана мероприятиеяс лыдын — Чилимдін районын Пижмаса месторождениеын титанӧвӧй рудаяс да кварцевӧй лыаяс переработайтан горно-металлургическӧй комплекс стрӧитӧм (дасьтысьяс — «Руститан» компанияяслӧн группа).
«Тӧдчана проектъяс лыдын — Сыктывдін районын «Север» торъя экономическӧй зона, кӧні сылӧн резидентъяслы сетасны кокньӧдъяс.
Талун кежлӧ индӧма му участоксӧ да медшӧр инвесторсӧ — «Лузалес» компания.
Талун кежлӧ стӧча кӧсйысисны участвуйтны «Газпром газораспределение Сыктывкар», «РЖД» да «Россести», — тӧдчӧдіс регионса Юралысь.
2022 вося ода-кора тӧлысь 31 лун вылӧ Диверсифицируйтан план збыльмӧдӧм серти сьӧмкудйысь ӧтдор пуктӧм инвестицияяслӧн ӧтувъя ыдждаыс лои 17,5 миллиард шайт, лӧсьӧдӧма 405 уджалан места.
Пӧртӧма олӧмӧ уна пӧлӧс нырвизьын 13 проект — стрӧитӧма фермаяс, паськӧдӧма вӧр пилитан производство, заводитісны вӧчны арболитӧвӧй блокъяс да с.в.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ 2021 воын Коми Республикаын 283 социальнӧй тӧдчанлуна объект йитісны Ӧтуввез дорӧ @ новости @ https://rkomi.ru/news/2244 @ 2022-06-23 @}
2021 воын Коми Республикаын 283 социальнӧй тӧдчанлуна объект йитісны Ӧтуввез дорӧ
Тайӧ 2020 во серти 30 прӧчент вылӧ унджык.
Ӧтуввез дорӧ йитісны регионса 139 сикт-грездын социальнӧй учреждениеясӧ.
Татшӧм лыдпассӧ Коми Республикаса Юралысь Владимир Уйба юӧртіс республикалӧн Каналан Сӧветса депутатъяс водзын быдвося докладӧн сёрнитігӧн.
Владимир Уйба висьталіс, мый 2021 воын Коми Республикаын нюжӧдісны 1200 километраысь унджык связьлысь волоконно-оптическӧй линия, «Усинск» кар кытшса квайт сикт-грездын, кӧні олӧны 2300 кымын морт, лӧсьӧдӧма Ӧтуввезйӧн дон босьттӧг вӧдитчан Wі-Fі точкаяс.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Комиын поликлиникаясӧ да больничаясӧ сетӧны выль оборудование», — Владимир Уйба @ новости @ https://rkomi.ru/news/2246 @ 2022-06-23 @}
«Комиын поликлиникаясӧ да больничаясӧ сетӧны выль оборудование», — Владимир Уйба
2021 воын, дас вонас медводдзаысь, районнӧй больничаясӧ ӧтпырйӧн воис вылыс технология техника — флюорографъяс, маммографъяс и рентген вӧчан аппаратъяс.
Ӧні ылі районъясын олысьяслы оз ков ветлыны обследуйтчыны Сыктывкарӧ либӧ Ухтаӧ.
Печораын олысьяс вермӧны обследуйтчыны компьютернӧй томограф вылын асланыс карын.
Тайӧ артмис Йӧзлысь дзоньвидзалун видзан юкӧнын первичнӧй звено выльмӧдан регионса уджтас отсӧгӧн — пасйис регионса Юралысь Владимир Уйба Коми Республикаын Каналан Сӧветлы аслас докладын.
Уджтассӧ заводитісны пӧртны олӧмӧ 2021 воын. Сійӧ колӧ сы могысь, медым сетны бур медицина отсӧг йӧзлысь дзоньвидзалун видзан сэтшӧм организацияясын, кытчӧ пациентъясыс медводз шыӧдчӧны отсӧгла.
Тайӧ зэв колана республикаса кар-районъяслы.
Уджтас збыльмӧдан сӧмын ӧти во чӧжӧн больничаясӧ, поликлиникаясӧ, ФАП-ясӧ да амбулаторияясӧ воис 80 выль автомашина да 245 единица уна сикас медицина оборудование.
Республикаса больничаясӧ да поликлиникаясӧ — на лыдын и гырысь стационаръясӧ — 2021 воын воис 770 единицаысь унджык медицина оборудование.
Тайӧ колян во серти матӧ кык да джын пӧв да 2019 во серти 10 пӧв унджык.
Сыктывкарын, кӧні стрӧитӧны выль керкаяс, медицина отсӧг сетӧм могысь восьтӧма челядьӧс да верстьӧ йӧзӧс примитан кык врачебнӧй амбулатория.
Таво Чилимдін сиктын заводитісны кыпӧдны бурдӧдчан корпус. Тайӧс виччысисны зэв нин дыр. Сыктывкарса Лесозаводын поликлиника лэптӧм могысь нуӧдӧма проектно-сметнӧй документация дасьтӧм вылӧ аукцион.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Комиын таво пӧртасны олӧмӧ войтырлысь 545 проект», — Владимир Уйба @ новости @ https://rkomi.ru/news/2247 @ 2022-06-23 @}
«Комиын таво пӧртасны олӧмӧ войтырлысь 545 проект», — Владимир Уйба
Регионлӧн парламентса депутатъяс водзын отчёт дырйи Коми Республикаса Юралысь пасйис, мый «Войтырлӧн сьӧмкуд» проектсӧ федеральнӧй тшупӧдын шуисны регионъясын сьӧмкуд сӧвмӧдӧмын водзмӧстчан медбур практикаяс лыдысь ӧтиӧн.
«Войтырлӧн сьӧмкуд» проектсӧ федеральнӧй тшупӧдын шуисны регионъясын сьӧмкуд сӧвмӧдӧмын водзмӧстчан медбур практикаяс лыдысь ӧтиӧн.
«Войтырлӧн сьӧмкуд» проект серти олӧмӧ пӧртӧм проектъясыс колӧны кар кытшъясын да муниципальнӧй районъясын олӧмсӧ бурмӧдӧм вылӧ.
Та вӧсна ми водзӧ кутам сетны унджык сьӧм абу сӧмын став проект збыльмӧдӧм вылӧ, но тшӧтш и кутам кыпӧдны торъя проектъяс олӧмӧ пӧртӧм вылӧ вичмӧдны позяна сьӧм мындасӧ», — шуис Владимир Уйба.
Колян во республикаса 268 сикт-грездын вӧлі пӧртӧма олӧмӧ войтырлысь 440 проект, сьӧмсӧ ставнас видзӧма матӧ 314 миллион шайт.
Тайӧ 2020 во серти 2 пӧв унджык. Сэки проектъяс олӧмӧ пӧртӧм вылӧ сетлісны 150,3 миллион шайт.
Кыдзи пасйис Владимир Уйба аслас докладын, таво Комиын лоӧ пӧртӧма олӧмӧ войтырлысь 545 проект.
Та вылӧ республиканскӧй сьӧмкудйын урчитӧма 324,5 миллион шайт, 2021 во серти 1,3 пӧв унджык.
Тайӧ лунъясӧ каръясын да районъясын помалісны видлавны проектъяссӧ. Найӧс кӧсйӧны пӧртны олӧмӧ локтан воын.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Коми Республикаӧс могмӧдам медицина кислородӧн», — Владимир Уйба @ новости @ https://rkomi.ru/news/2248 @ 2022-06-23 @}
«Коми Республикаӧс могмӧдам медицина кислородӧн», — Владимир Уйба
Больничаяс медицина кислородӧн могмӧдӧм вылӧ 2021 воын содтӧд ньӧбӧма кӧкъямыс кислороднӧй станция да концентраторъяс.
Найӧс ньӧбӧм вылӧ сетӧма республиканскӧй да федеральнӧй сьӧмкудйысь сьӧм.
Выль станцияяс сувтӧдӧмыс сетас позянлун колананогӧн бурдӧдны висьысьясӧс не сӧмын ковидысь, но и мукӧд висьӧмысь.
Та йылысь республикаса Юралысь Владимир Уйба висьталіс Коми Республикаса Каналан Сӧветлы аслас докладын.
Ухтаын выль кислороднӧй концентраторыс уджалӧ нин.
Кардиодиспансербердса станциялы лӧсьӧдӧны тшӧктана документъяс.
Кырымалӧмаӧсь контрактъяс нӧшта квайт кислороднӧй установка сувтӧдӧм да уджӧ пыртӧм вылӧ.
Таво Эжваса больничаын воссис постковиднӧй синдромысь реабилитируйтан юкӧн. Республикаын татшӧм юкӧныс медводдза.
Йӧзӧс водзӧ вакцинируйтӧны да ревакцинируйтӧны.
Вакцинаыс республикаын эм.
Эм став условиеыс, медым быдӧн вермис вӧчны прививка.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Зілям, медым Комиын йӧзлӧн олӧмыс топыда йитчис культуракӧд», — Владимир Уйба @ новости @ https://rkomi.ru/news/2249 @ 2022-06-23 @}
«Зілям, медым Комиын йӧзлӧн олӧмыс топыда йитчис культуракӧд», — Владимир Уйба
Республикалӧн юбилей кежлӧ вермим выльмӧдны культура керкаяс да клубъяс лыдысь джынсӧ, сы лыдын ылі районъясын.
Культура юкӧн выльмӧдӧм йылысь Коми Республикаса Юралысь висьталіс регионса Каналан Сӧветлы аслас докладын.
«Ми пуктылім ас водзаным мог — 100 вося юбилей кежлӧ выльмӧдны 100 культура керка.
Плансӧ вевтыртім: дзоньталім да могмӧдім оборудованиеӧн 169 клуб — тайӧ республикалӧн культура да прӧст кад коллялан учреждениеяслӧн ӧтувъя лыдысь джынйыс», — пасйис Владимир Уйба.
Таысь кындзи, Чилимдін районса Карпушев грездын да Кулӧмдін районса Вӧльдін сиктын воссисны выль социокультурнӧй шӧринъяс.
Библиотекаясӧ воис выль оборудование, а искусство школаясӧ — мебель, велӧдчан литература да выль инструментъяс.
Республикаын унатор вӧчсьӧ сы могысь, медым йӧзыслӧн олӧмыс топыда йитчис культуракӧд, медым челядьыс да том йӧзыс тшӧтш жӧ пырӧдчисны культураӧ.
Тӧдчанаӧн лои дзоньталӧм бӧрын Национальнӧй библиотекалӧн воссьӧм.
Республикаса музейяс, галереяяс, кинозалъяс, театръяс зіля пырӧдчины «Пушкинскӧй карта» выль федеральнӧй уджтасӧ.
Уджтасыс сетӧ позянлун 14–22 арӧса том йӧзлы канмусянь отсӧг вылӧ босьтны билетъяс да прӧст кадӧ ветлыны музейясӧ, театръясӧ, галереяясӧ, филармонияясӧ да мукӧд культура учреждениеӧ.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Комиын 2024 воӧдз 5 сюрсысь унджык олысь овмӧдчасны выль оланінӧ», — Владимир Уйба @ новости @ https://rkomi.ru/news/2250 @ 2022-06-23 @}
«Комиын 2024 воӧдз 5 сюрсысь унджык олысь овмӧдчасны выль оланінӧ», — Владимир Уйба
Оланін да коммунальнӧй овмӧс выльмӧдӧмын отсӧг сетан фондӧн содтӧд сетӧм сьӧм отсӧгӧн кадысь водзджык выль оланінӧ овмӧдчасны 2023–2024 вояс вылӧ ӧчередьын сулалысьяс.
Та йылысь Коми Республикаса Юралысь юӧртіс республикалӧн Каналан Сӧветса депутатъяс водзын быдвося докладӧн сёрнитігӧн.
Сідзжӧ регионса Юралысь пасйис, мый республикаын зіля лӧсьӧдӧны олӧм вылӧ бур условиеяс, аварийнӧй оланінысь йӧзсӧ зіля овмӧдалӧны выль оланінъясӧ.
Бӧръя кык во чӧжӧн выль оланінъясӧ овмӧдчисны регионса 1700 унджык олысь, на лыдысь 2021 воын — 947 олысь.
«Таво республикаса Веськӧдлан котырлӧн артмис корны Оланін да коммунальнӧй овмӧс выльмӧдӧмын отсӧг сетан фондысь содтӧд сьӧм.
Сьӧмсӧ вичмӧдісны кык пӧв унджык, ставнас лоис 5 миллиард шайт.
Тайӧ сетас позянлун таво нин кадысь водзджык овмӧдны выль оланінъясӧ найӧс, кодъяс суалӧны ӧчередьын 2023–2024 вояс вылӧ.
Комиын 2024 воӧдз 5 сюрсысь унджык олысь овмӧдчасны выль оланінъясӧ», — пасйис Владимир Уйба.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Комиын бурмӧдӧны-мичмӧдӧны уна во чӧж эновтӧм йӧзаинъяс да йӧръяс», — Владимир Уйба @ новости @ https://rkomi.ru/news/2255 @ 2022-06-23 @}
«Комиын бурмӧдӧны-мичмӧдӧны уна во чӧж эновтӧм йӧзаинъяс да йӧръяс», — Владимир Уйба
Кыдзи тӧдчӧдіс республикаса Юралысь регионлӧн Каналан Сӧветса депутатъяс водзын быдвося докладӧн сёрнитігӧн, «Оланін да карса гӧгӧртас» национальнӧй проект отсӧгӧн Комиын 2022 воын 7 муниципалитетын бурмӧдасны-мичмӧдасны 23 йӧзаин.
Тайӧ объектъяссӧ вӧсна колян во йӧзыс гӧлӧсуйтісны онлайн.
Таво урчитісны нин 2023 воын бурмӧдны-лӧсьӧдны колана мутасъяссӧ.
Гӧлӧсуйтӧмыс помасис 2022 вося ода-кора тӧлысь 30 лунӧ.
Коми Республикаса Юралысь аттьӧаліс ставнысӧ, кодъяс сэні участвуйтісны.
«Оланін да карса гӧгӧртас» национальнӧй проектлӧн «Карын бур оласног лӧсьӧдӧм» уджтас збыльмӧдӧм отсӧгӧн республикаын бурмӧдӧны-мичмӧдӧны уна во чӧж эновтӧм йӧзаинъяс да йӧръяс.
Шуам, Сыктывкарын «Стрӧитель» местаын вӧчисны зэв мича парк, кӧні эмӧсь челядьлы да верстьӧ йӧзлы шойччанінъяс, а сідзжӧ гортса пемӧсъяскӧд торъя гуляйтанінъяс.
Печораын мичмӧдӧны-лӧсьӧдӧны Геологъяслысь парк», — тӧдчӧдіс Коми Республикаса Юралысь Владимир Уйба.
2021 воын федеральнӧй да меставывса сьӧмкудйысь сьӧм вылӧ бурмӧдісны-мичмӧдісны Коми Республикаса 46 карын да сикт-грездын 149 мутас.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ Комиын Промышленносьт сӧвмӧдан фонд отсӧгӧн во чӧжӧн восьтісны нёль выль производство @ новости @ https://rkomi.ru/news/2256 @ 2022-06-23 @}
Комиын Промышленносьт сӧвмӧдан фонд отсӧгӧн во чӧжӧн восьтісны нёль выль производство
Владимир Уйба висьталіс регионса Веськӧдлан котырлӧн 2021 воын удж серти кывкӧртӧдъяс да матысса кад вылӧ планъяс йылысь.
Каналан Сӧветса депутатъяс водзын сёрнитігӧн Коми Республикаса Юралысь юӧртіс регионын бизнеслы отсалан мераяс йылысь.
Предпринимательяслы ёна отсасьӧ Коми Республикаса промышленносьт сӧвмӧдан регионса фонд.
2021 воын Россияса Веськӧдлан котырлӧн 194 №-а шуӧм серти сійӧс докапитализируйтӧм серти республиканскӧй сьӧмкудйысь сетӧма 100 миллион шайт да федеральнӧй сьӧмкудйысь — 57 миллион шайт.
«Став субсидиясӧ видзӧма тырвыйӧ.
Фондлӧн лоис унджык позянлуныс, сійӧ заводитіс пӧртны олӧмӧ выль дінму уджтасъяс. На вылӧ республиканскӧй сьӧмкудйысь содтӧд вичмӧдісны 145 миллион шайт.
Фондыс сетӧ предприятиеяслы инвестиция проектъяс збыльмӧдӧм вылӧ льготнӧй заёмъяс», — висьталіс Владимир Уйба.
Колян во тайӧ отсӧг серти восьтісны нёль выль производство:
• Сыктывкарын производственнӧй площадка вылын ломтысян гранулаяс (пеллетъяс) вӧчан предприятие, Кармановская И. А. асшӧр уджалысь;
• Сыктывкарын пиломатериалъяс косьтан да термическӧя обработайтан предприятие, Скальский О. А. асшӧр уджалысь;
• Летка сиктын пу обработайтан производство, «Кристалл» ичӧт кывкутана котыр;
• пиломатериалъяс косьтан да термическӧя обработайтан предприятие, «МК-Лес» ичӧт кывкутана котыр.
Сідзжӧ республикаса экономикаӧ инвестируйтӧма 400 миллион гӧгӧр шайт.
Фонд отсаліс Кулӧмдін, Княжпогост, Луздор да Сыктывдін районъясысь, Ухта карысь да Сыктывкарысь Коми Республикаса промышленнӧй предприятиеяслы збыльмӧдны 302 миллион шайт ӧтувъя мында вылӧ 20 инвестиция проект.
Тайӧ предприятиеяслӧн уджалан нырвизьясыс — вӧр промышленносьт, металл обработайтӧм, йӧв прӧдукция да юан ва вӧчӧм, стрӧитчан материалъяс серти промышленносьт.
2021 вося кывкӧртӧдъяс серти дінмуса Фондъяслӧн ставроссияса рейтингын 51-ӧд местасянь, кӧні сійӧ вӧлі некымын во чӧж, Фонд кыпӧдчис 40 позиция вылӧ да босьтіс 11 места.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ «Коми Республикаса каръясын да сиктъясын кыпӧдӧны школаяс да детсадъяс», — Владимир Уйба @ новости @ https://rkomi.ru/news/2257 @ 2022-06-23 @}
«Коми Республикаса каръясын да сиктъясын кыпӧдӧны школаяс да детсадъяс», — Владимир Уйба
2021 воын воссис куим детсад — Сыктывдін районса Выльгорт да Усинск районса Шеллябӧж сиктъясын, а сідзжӧ Сыктывкарса Эжва районын. Вуктыл районса Дутов сиктын воссис школа-сад, Сыктыв районса Визин сиктын — школа.
Таысь кындзи, 2021 воын ёна содтісны республикасянь сьӧмӧн могмӧдӧмсӧ велӧдчанінъяс вочасӧн да капитальнӧя дзоньталӧм, налысь быд боксянь безопасносьтсӧ могмӧдӧм вылӧ.
Тайӧ могъяс вылӧ канмусянь вичмӧдісны миллиардысь унджык шайт, куим пӧв унджык 2020 во серти да матӧ вит пӧв унджык 2019 во серти.
Таво помалісны стрӧитны Помӧсдін сиктын 400 места вылӧ школа.
Сідзжӧ помаласны кыпӧдны Абъячой сиктын школа да Изьвавом грездын школа-сад.
Заводитасны лэптыны школаяс Изьваын да эжваса Емваль микрорайонын, а сідзжӧ Выльгорт сиктын велӧдчан комплекс.
2022 во помӧдз Сыктывкарса Кочпон-Читын помаласны кыпӧдны детсад.
«Колӧ, медым миян челядь велӧдчисны ӧнія школаясын, ветлісны бур детсадъясӧ.
Республикаын кыпӧдӧны велӧдчанінъяс, выльмӧдӧны налысь материально-техническӧй базасӧ», — тӧдчӧдіс Коми Республикаса Юралысь Владимир Уйба регионса Каналан Советлы аслас докладын.
Доклад дорӧ презентацияӧн позьӧ тӧдмасьны тані.
{Kodko (комиӧдіс Kodko) @ Владимир Уйба примитіс кадръяс серти помшуӧмъяс @ новости @ https://rkomi.ru/news/2260 @ 2022-06-24 @}
Владимир Уйба примитіс кадръяс серти помшуӧмъяс
Коми Республикаса Юралысь индіс Сергей Мамоновӧс Россия Федерацияса Президент бердын Коми Республикаӧс пыр петкӧдлысь чинӧ, Владимир Казаковӧс — Коми Республикаса Веськӧдлан котырӧн Юрнуӧдысьӧс вежысь — Коми Республика сьӧм овмӧс министр чинӧ, Екатерина Киселевичӧс — Коми Республикаса вӧр-ва озырлун да гӧгӧртас видзан министр чинӧ.
Коми Республикаса Юралысьлӧн 2022 во лӧддза-номъя тӧлысь 23 лунся 243-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Сергей Анатольевич Мамоновӧс Россия Федерацияса Президент бердын Коми Республикаӧс пыр петкӧдлысь чинӧ.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2022 во лӧддза-номъя тӧлысь 23 лунся 244-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Владимир Викторович Казаковӧс Коми Республикаса Веськӧдлан котырӧн Юрнуӧдысьӧс вежысь — Коми Республика сьӧм овмӧс министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2022 во лӧддза-номъя тӧлысь 23 лунся 245-р №-а тшӧктӧм
1. Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын индыны Екатерина Александровна Киселевичӧс Коми Республикаса вӧр-ва озырлун да гӧгӧртас видзан министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Коми Республика да Луганскӧй Народнӧй Республикаса Ровеньки кар кырымалісны ёртасьӧм йылысь сёрнитчӧм @ выльтор @ https://rkomi.ru/news/2264 @ 2022-06-25 @}
Коми Республика да Луганскӧй Народнӧй Республикаса Ровеньки кар кырымалісны ёртасьӧм йылысь сёрнитчӧм
Коми Республика пырӧдчис отсӧг сетан ыджыд уджтасӧ. Сы серти Россияса регионъяс отсасьӧны Луганскӧй да Донецкӧй Народнӧй Республикаяслӧн кар-районъяслы.
Артмӧдчӧм серти Россия Федерация да Луганскӧй Народнӧй Республика кӧсйысьӧны ёртасьны, ӧтув уджавны да отсасьны ӧта-мӧдлы.
Коми Республикаса Юралысь Владимир Уйба да Ровеньки карлӧн администрацияса юралысь Андрей Рубанцов кырымалісны документсӧ талун, лӧддза-номъя тӧлысь 25 лунӧ.
Луганскын Артмӧдчӧмсӧ кырымалігӧн вӧлі ЛНР-са Юралысь Леонид Пасечник.
«Артмӧдчӧмсӧ кырымалӧм йылысь ми сёрнитчим татчӧ, Луганскӧй Народнӧй Республикаӧ, лӧддза-номъя тӧлысь заводитчигӧн менам медводдза волігӧн на.
Ме ёна шемӧсми, кор аддзи, кутшӧм состояниеын ӧні социальнӧй юкӧнса, оланін да коммунальнӧй овмӧсса объектъясыс кӧкъямыс вося изоляция да Украинаса войскалӧн ракетаясӧн лыйлӧмъяс бӧрын.
Ӧні медводз колӧ дасьтыны карсӧ тӧв кежлӧ, колӧ лӧсьӧдны коммунальнӧй инфраструктурасӧ, медым сійӧ коставлытӧг уджаліс.
Коми Республика дась отсавны Ровенькилы.
Тӧда, мый миян ӧтувъя уджным кутас бура да быд боксянь сӧвмыны», — шуис Владимир Уйба.
«Миян мулӧн историяным топыда йитчӧма Россиялӧн историякӧд.
Миян ӧтувъя духовнӧй традицияясыс, идеалъясыс.
Кӧкъямыс во чӧжӧн Республикаса граждана дорйӧны асшӧрлуннысӧ Россия Федерация отсӧгӧн.
Талун кырымалім ёртасьӧм да ӧта-мӧдлы отсасьӧм йылысь артмӧдчӧм.
Тайӧ миян карлы зэв тӧдчанатор, ӧд ӧні миян водзын збыльысь воссясны выль позянлунъяс да выль туйяс.
Тӧда, мый тіянкӧд ӧтвылысь ми венам став сьӧкыдлунсӧ да лӧсьӧдам условиеяс сылӧн водзӧ сӧвмӧм вылӧ», — пасйис Ровеньки карлӧн администрацияса юралысь Андрей Рубанцов.
Россия Федерацияса некымын субъект кырымаліс нин татшӧмсяма артмӧдчӧмъяссӧ.
Республика босьтас «шефство» улӧ Ровеньки кар, отсалас кыпӧдны сылысь экономикасӧ, инфраструктурасӧ, сӧвмӧдны социальнӧй юкӧнсӧ.
Ӧні медводз колӧ дасьтысьны ар-тӧлын ломтысян кад да велӧдчан во кежлӧ.
Сідзжӧ Коми Республика отсалас лӧсьӧдны социальнӧй объектъяссӧ.
Артмӧдчӧмыс колӧ сы могысь, медым сӧвмӧдны сёрнитчысьяс костын ӧтувъя уджсӧ транспорт, юӧртан технологияяс, промышленносьт, АПК, вузасьӧм, оланін да коммунальнӧй овмӧс, архитектура да мукӧд юкӧнын.
ЛНР-ӧ удж серти ветлігӧн Владимир Уйба чолӧмаліс Ровеньки карса олысьясӧс Кар лунӧн, сиис налы дзоньвидзалун, тыр-бур олӧм да водзӧ сӧвмыны.
«2014 воын ті бӧрйинныд асшӧрлун да пыринныд сувереннӧй Луганскӧй Народнӧй Республикаӧ.
Ӧні ті оланныд сьӧкыд кадӧ.
Но ті повтӧмӧсь, зэв кывкутысьӧсь, радейтанныд да пыдди путканныд Чужан мунытӧ да та вӧсна уджаланныд карлы бур вылӧ, вӧчанныд ставсӧ, медым лӧсьӧдны тані бур олӧм.
Ті — тайӧ муыслӧн медшӧр озырлуныс, сылӧн аскиа луныс.
Мед Луганскын пыр лоӧ лӧнь олӧм, некор эз кывны лыйлӧмъяс, а юр весьтын пыр вӧлі сӧстӧм енэж!» — шыӧдчис Ровенькиса олысьяс дорӧ Коми Республикаса Юралысь.
* * *
Ровеньки карлӧн зэв озыр историяыс.
18 нэмын сэні олісны казакъяс.
19 нэмын Ровенькиса слӧбӧда вӧлі медбуръяс да медозыръяс лыдын.
Айму вӧсна Ыджыд тыш дырйи карыс дыр вӧлі фашистъяслӧн оккупацияын, но карыс вермис.
Буретш тані, Ровенькидорса вӧрын, 1943 вося урасьӧм тӧлысьын лыйлісны гвардеечьяс Олег Кошевойӧс, Любовь Шевцоваӧс, Виктор Субботинӧс, Дмитрий Огурцовӧс, Семён Остапенкоӧс.
Налӧн нимъясӧн шуӧма россияса уличьяс да школаяс, изэрдъяс да паркъяс.
Сыктывкарын тшӧтш эм Олег Кошевой нима школа.
Фотоыс Луганскса юӧртан шӧринлӧн
{Kodko @ Коми Республикаса Юралысь чолӧмалӧ Том йӧзлӧн лунӧн @ выльтор @ https://rkomi.ru/news/2266 @ 2022-06-27 @}
Коми Республикаса Юралысь чолӧмалӧ Том йӧзлӧн лунӧн
«Коми Республикаса пыдди пуктана олысьяс!
Дона ёртъяс!
Став сьӧлӧмсянь чолӧмала тіянӧс Том йӧзлӧн лунӧн!
Талун миян регионын матӧ 210 сюрс морт, кодлы нин 14 да абу на 36 арӧс.
Тайӧ зіль, водзмӧстчысь да енбиа том йӧз, кодын республика аддзӧ ассьыс аскиа лунсӧ.
Ми лӧсьӧдам условиеяс, медым том йӧз велӧдчисны, творческӧя сӧвмисны, аддзисны асьнысӧ олӧманыс.
Быд во восьталам выль кванториумъяс, ІT-кубъяс, ӧнія библиотекаяс, лабораторияяс, спортивнӧй залъяс да мастерскӧйяс.
Ставыс тайӧ колана.
Челядь окотапырысь велӧдчӧны, тӧдмалӧны аслыныс мыйкӧ выльтор да буртор, петкӧдлӧны ассьыныс тӧдӧмлунъяссӧ да кужӧмлунъяссӧ ставроссияса конкурсъясын, ордйысьӧмъясын да фестивальясын, босьталӧны сэні призӧвӧй местаяс.
Миян эмӧсь том йӧз, кодъяслӧн вермӧмъясӧн ми нимкодясям!
Эм кодъяс вӧсна стрӧитны, восьтыны да сӧвмӧдны!
Дона челядь!
Тіян водзын — быдса олӧм, восьса став туйыс.
Нинӧмысь энӧ полӧй, пуктӧй ас водзаныд ыджыд могъяс да шедӧдӧй выль вермӧмъяс!
Тіян сайын аскиа лун — миян страналӧн да республикалӧн аскиа лун!»
Коми Республикаса Юралысь Владимир Уйба
{Kodko @ Росрыболовство лӧсьӧдас Печора ю ковтысын чери видзӧмсӧ ладмӧдӧм могысь регионкостса уджалан группа @ выльтор @ https://rkomi.ru/news/2269 @ 2022-06-28 @}
Росрыболовство лӧсьӧдас Печора ю ковтысын чери видзӧмсӧ ладмӧдӧм могысь регионкостса уджалан группа
Тайӧ юалӧмсӧ видлалісны Росрыболовствоӧн юрнуӧдысь Илья Шестаковкӧд сӧвещание дырйи. Сӧвещаниеӧ пырӧдчисны Коми Республикаса Юралысь Владимир Уйба, Архангельск обласьтса губернатор Александр Цыбульский да Ненеч асвеськӧдлан кытшса губернатор Юрий Бездудный.
Сӧвещание вылын сёрнитісны сы йылысь, кыдзи позьӧ чинтыны браконьеръяслысь лыдсӧ, рӧдмӧдны чери, ӧтувтны вынъяссӧ юысь кыян запасъяс содтӧм вылӧ, медым збыльмӧдны став сикас кыйсьӧмсӧ: традиционнӧй, промышленнӧй да любительскӧй.
Торйӧн ёна зільӧны видзны да рӧдмӧдны атлантикаса чими — сьӧмга: ю ковтысын тайӧ дона черилӧн эмӧсь естественнӧй кульманінъяс.
«Колӧ ладмӧдны ӧлӧдан удж, дасьтыны план, кӧні лоӧ йитӧма миян рыбоохраналысь регионса органъяскӧд уджъяссӧ.
Аддза, мый татшӧм коланлуныс эм, торйӧн нин ӧні, кор юкӧнлӧн зумыд уджыс да тайӧ зумыдлунсӧ могмӧдӧм серти ӧтувъя уджыс — медколанатор», — тӧдчӧдіс Илья Шестаков.
«Улыс Печӧраын медтӧдчанаӧн да меддонаӧн лоӧны сьӧмга да кебӧс.
Тайӧ чериясыс ӧнія кадӧдз босьтӧны ковтысын медыджыд пайсӧ.
Та дырйи 40 прӧчентысь унджык чериыс, коді олӧ сэні, пырӧны вывті донаяс да донаяс лыдӧ — осётр, чими, кебӧс, хариус.
Миян мог — видзны войвыв юлысь озырлунсӧ, а тайӧ артмӧ сӧмын ӧтувъя вынъясӧн», — гӧгӧрвоӧдіс Коми Республикаса Юралысь Владимир Уйба.
Фотоыс Росрыболовствоса ӧтувтӧм пресс-службалӧн
{Kodko @ «Ми збыльысь бура видзӧдам аскиа лунӧ», — Владимир Уйба @ выльтор @ https://rkomi.ru/news/2271 @ 2022-06-29 @}
«Ми збыльысь бура видзӧдам аскиа лунӧ», — Владимир Уйба
Петербургын войтыркостса экономическӧй форум дырйи Коми Республикаса Юралысь Владимир Уйба воліс «Комсомольская правда» медиагруппалӧн восьса студияӧ, кӧні висьталіс регион водзӧ сӧвмӧдӧм йылысь.
Петербургын войтыркостса 25-ӧд экономическӧй форум дырйи «Комсомольская правда» медиагруппакӧд Коми Республикаса Юралысь Владимир Уйбалӧн воча сёрни
Ыджыд позянлунъяс
— Владимир Викторович, мый ті да Коми Республика виччысянныд форумысь?
— Республикалы Форум — тайӧ ыджыд позянлунъяс.
Ми пыр зэв зіля дасьтысям.
Тайӧ пӧрйӧ планируйтім уна артмӧдчӧм, ӧткымынӧс на пиысь кырымалім нин тӧрыт, вӧлі зэв «урожая» луныс.
Кырымалім артмӧдчӧмъяс Татарстан да Дагестан регионъяскӧд...
Быд документ миянлы зэв колана.
Татарстанкӧд ми сёрнитчим, мый на моз жӧ кутам котыртны веськӧдлан командалысь удж, стрӧитны да лӧсьӧдны выль олан комплексъяс, инфраструктура.
Дагестанкӧд сёрнитчим площадка вылын пуысь миянлӧн ӧдйӧ лэптана конструкцияясӧн вӧдитчӧмӧн челядьлы шойччан лагер стрӧитӧм серти ӧтувъя проект йылысь.
Ми зілям сӧвмӧдны бизнес пу обработайтӧм серти миян регионса кык гырысь предприятиекӧд.
Ӧтувъя мындаыс кык участвуйтысь вылӧ 5 миллиардысь унджык, но медся коланаыс, выль уджалан местаяс, выль йӧрышъяс, тайӧ предприятиеяссянь выль вот воӧм.
И миян бурӧсь ортсыса подписантъясыс — тайӧ «Системная концессия» ИКК да «Телеком хаус» АК.
«Системная концессия» котыркӧд зэв тӧдчана проект.
Зэв ёна нин киссьӧма ставлы тӧдса Краснозатонскӧй пос.
Найӧ дасьӧсь стрӧитны выль пос.
Нӧшта и туй, мый республикалы зэв колана, ӧтувъя мындаыс — 8 миллиардысь унджык шайт.
И миян эм социальнӧй объект, кодӧс дыр нин стрӧитӧны да кодӧс зэв ёна виччысьӧны — тайӧ бальнеологическӧй курорт, кӧні эм шоча паныдасьлысь ва аслас бурдӧдан свойствоясӧн.
Курортыс пӧшти дась нин, но ми огӧ вермӧй пыртны сійӧс уджӧ, сы вӧсна мый уна тырмытӧмтор вӧлі вӧчӧма сійӧс стрӧитігӧн.
Республикалы и дзоньнас Россиялы тайӧ зэв тӧдчана проект.
Ми ӧні арталам, мыйта колӧ сьӧмыс, дерт, ковмас 20 миллиард шайтысь унджык.
Кырымалӧм артмӧдчӧмъяс кындзи, тайӧ контактъяс, кодъяс чукӧрмӧны нин мӧд во кежлӧ.
Тані кынмалӧ картупель кор сёйысь гаг
— Кыдзи санкцияясыс тӧдчисны регионса экономика вылӧ?
Лӧсьӧдӧма-ӧ экономикалӧн медшӧр юкӧнъясса предприятиеяслы регионса отсӧг сетан мераяс?
И артмӧ-ӧ решитны сёян-юан безопасносьт серти юалӧмъяссӧ?
— Зэв колана юалӧмъяс.
Ми заводитім вӧдитчыны ӧлӧдан контрмераясӧн.
Медводз — логистика цепочкаяслӧн дзугсьӧм.
Сійӧ миянлы зэв колана, сы вӧсна мый регионным — тайӧ регион-поставщик: тьӧс-плака, биару, мусир, бумага, кодӧс вӧчӧны.
Ми гӧгӧрвоим, мый логистикаыс жугалас, да пыр жӧ лӧсьӧдім логистика шӧрин.
Уджалӧ сутки чӧж.
Став мытшӧдыс, кодъяс лоасны предприятиеяслӧн логистика серти, дзик пыр веськалӧны логистика шӧринӧ.
Ми уджалам на вылын Россияса Транспорт министерствокӧд, Промышленносьт министерствокӧд ӧтвылысь.
Талун миян эм бур бӧртас — миян эз ло ни ӧти логистическӧй дзугсьӧм.
Мӧд история — оборотнӧй сьӧм тырмытӧмлун.
Лӧсьӧдӧма регионса отсӧг сетан мераяслысь 4 пакет.
Эм и федеральнӧй отсӧг оборот юкӧнын, сы лыдын, прӧчентъяс мынтӧм вылӧ грантъяс сетӧм серти.
Ми лӧсьӧдім «Промышленнӧй оборот» уджтас.
И пуктім ассьыным регионса сьӧм, медым могмӧдны «обороткаӧн» предприятиеяснымӧс.
АПК.
Миян республикаын зэв ыджыд агропромышленнӧй комплексыс, кӧть сійӧ и Войвылын.
Регионын эмӧсь картупель быдтӧм вылӧ местаяс, сы вӧсна мый миян абу картупель кор сёйысь гаг, сійӧ кынмалӧ.
Миян картупельным экология боксянь сӧстӧм.
Сійӧ зэв бура воӧ.
Но тайӧ и кӧрымъяс, сы вӧсна мый миян эм ыджыд лысьтан стада.
2021 во серти АПК вылӧ веськӧдӧм сьӧмыс содіс 40% вылӧ.
Ӧтувъя ыдждаыс — миллиард нёльсё шайт.
И сӧмын сэк, кор ми гӧгӧрвоим, мый вермасны лоны мытшӧдъяс, ми содтім 276 миллион шайт АПК-ӧ, кӧдзӧм вылӧ, медым видз-му вӧчысьлӧн эз вӧвны сьӧкыдлунъяс.
Ми ас вылӧ дзоньнас босьтім выль техника лизинг серти прӧчентсӧ.
Талун лизинг ньӧбӧм — тайӧ медводдза мынтӧм.
Сійӧ мунӧ миян тшӧт весьтӧ, а сідзкӧ агропромышленникъяслӧн эм позянлун ньӧбны выль техника да заводитны кӧдзан да идралан уджъяс.
abu
Аграрийяс юӧртісны, мый кӧдзисны воштытӧг.
Кӧдзӧмлӧн ыдждаясыс, торйӧн нин картупель да кӧрым серти, эз чинны.
Тайӧ сетӧ бур урожай вылӧ надея.
Войвыв саридзса туй дорӧ кӧрт туй
— Кутшӧм могъяс ӧні пуктӧ ас водзас тіян команда экономика сӧвмӧдӧм, суйӧрсайса тӧвар вежӧм да йӧзлысь олӧмсӧ бурмӧдӧм могысь?
— Колян во ми вермим вайӧдны Россияса президент дорӧдз юалӧм сы йылысь, мый регионлы колӧ ёна ӧддзӧдчыны.
Татшӧм драйверӧн лоис республикаӧс социальнӧя да экономика боксянь сӧвмӧдан уджтас.
Тайӧ президентлӧн веськыд тшӧктӧм.
Миянлы колӧ вӧлі регыдъя кадӧн дасьтыны уджтассӧ, мый ми талун и вӧчим.
Документыс сӧгласуйтӧма пӧшти став федеральнӧй олӧмӧ пӧртысь власьт органкӧд.
Уджтасыс зэв ыджыд — тайӧ нелямынысь унджык мероприятие, найӧс ставсӧ веськӧдӧма олӧм бурмӧдӧм вылӧ.
Тайӧ 207 миллиардысь унджык шайт.
Таысь кындзи, уджтас отсӧгӧн быд во сьӧмкудйӧ кутас локны содтӧд вот преференцияяс 2 миллиардысь унджык шайт мындаын.
abu
Тайӧ уджтасыс сетас йӧзлы содтӧд 7 сюрсысь унджык уджалан места.
Чайта, регыдъя кадӧ ми сійӧс лэдзам.
А сёрнитны кӧ сӧвмӧм йылысь, ми збыльысь бура видзӧдам аскиа лунӧ.
Миян эм некымын медшӧр проект.
Ӧти на пиысь — Сосногорск — Индига (Ненеч асвеськӧдлан кытшын джуджыд ваа кынмывлытӧм порт) выль кӧрт туй магистраль.
Тайӧ кӧрт туйыслӧн медыджыд юкӧныс мунас миян республикаті — 620 километрысь унджык.
Тайӧ став инфраструктураыс, выль уджалан местаяс.
И медся тӧдчанаыс — грузъяслӧн ыджда.
Талун зэв колана логистикаыс Войвыв саридзса туй кузя.
Индигаысь вермам нуны Индокитайӧ да Азияӧ из шом (миян эм «Воркутауголь» предприятие), пуысь вӧчӧм продукция.
Портас лоӧ 80 миллион тонна грузооборот.
Тайӧ зэв уна.
И зэв ыджыд драйвер республикаса экономика сӧвмӧдӧмын.
— Кутшӧм тшупӧдын проектсӧ олӧмӧ пӧртӧмыс?
— 2023 воын помассяс магистраль серти став проектнӧй дасьтысьӧмыс.
Стрӧитчӧмыс заводитчас 2024 воын да нюжалас 2027 воӧдз.
Миянлы зэв колана Арктикаыс.
Регион сетӧ ыджыд преференцияяс арктика зонаса резидентъяслы.
Талунъя лун кежлӧ миян абу вывті уна резидентыс — ми сӧмын на колян во заводитім тайӧ уджсӧ.
Регионын сухопутнӧй арктика зонаса нёль мутас — тайӧ Воркута, Усинск, Инта да Чилимдін.
Кыскам инвесторъясӧс.
Воркута да Инта — миянлы зэв колана каръяс, сы вӧсна мый тайӧ монокаръяс.
Тайӧ нӧшта и экономика диверсифицируйтӧм, сы вӧсна мый сэні пырджык перйылісны из шом.
Интаын из шомыс бырис, Воркута зэв озыр. Эм нӧшта ӧти видлытӧм места, Усинскса куйлӧд.
Сэні зэв ыджыд йӧрышъяс.
Вежсис предприятие кутысьыс. Сійӧ кӧсйӧ сӧвмӧдны Усинскса куйлӧдсӧ.
Арктика зонаса резидентъяс серти миян эмӧсь пӧшти миллиард кӧкъямыссё инвестицияяс.
Кутам найӧс содтыны, ӧд эмӧсь шоча паныдасьлысь проектъяс — тайӧ ферросплавъяс серти проект.
Интаын стрӧитчӧ нин завод.
Сёрниыс мунӧ суйӧрсайса тӧвар вежӧм йылысь, сы вӧсна мый талунъя лунӧдз 80% ферросплавыс воис суйӧр сайысь.
Дельфийскӧй ворсӧмъяс
— Кутшӧм социальнӧй могъяс сулалӧны арктика зонаын?
— Коми Республикаӧс социальнӧя да экономика боксянь сӧвмӧдӧмлысь став уджтассӧ веськӧдӧма социальнӧй могъяс решитӧм вылӧ, медводз, арктикаса мутасъяс вылӧ — Воркута да Инта вылӧ.
Миян эм зэв важ висьӧм, сылы 20 арӧсысь унджык, тайӧ Воркутаын Усинскса водовод.
Сійӧ киссьӧма.
Сылысь диаметрсӧ арталӧма 250 сюрс морта кар вылӧ, а талун сэні олӧ 70 сюрсысь оз унджык морт.
Колӧ Усинскса водоводсӧ вежны ичӧтджык диаметра труба вылӧ.
Тайӧ зэв колана история.
Дзик сідз жӧ, кыдзи Интаын шахта консервируйтӧм да выль ва босьтанін.
— Арктикаӧ колӧ кыскыны оз сӧмын сьӧм, но и йӧзӧс.
Медводз, том йӧзӧс.
Та вылӧ веськӧдӧма арктикаса медводдза Дельфийскӧй ворсӧмъяслысь проект, кодӧс кӧйсӧ нуӧдны Коми Республика.
Кутшӧмджык сійӧ — лоны восьтысьясӧн?
И кӧні кутасны мунны тайӧ ворсӧмъясыс?
— Тайӧ миянлы зэв тӧдчана проект.
Локтас 500 участвуйтысь.
Ныв-зонпосни да том йӧз 10 арӧссянь 25 арӧсӧдз.
Миян мог абу сӧмын нуӧдны Дельфийскӧй ворсӧмъяс, но и петкӧдлыны республикаӧс, висьтавны сійӧ перспективаяс йылысь, кутшӧмъяс воссялӧны регионын матысса вит-сизим вонас.
Ыштӧдны челядьӧс.
Гашкӧ, найӧ воисны кыдз олысьяс, кыдз сійӧ либӧ мӧд предприятиеын уджалысьяс.
Таысь кындзи, кор мунӧны татшӧм ыджыд проектъясыс, тайӧ отсалӧ сӧвмӧдны и туристическӧй историясӧ.
Сійӧн тшӧтш колӧ вӧдитчыны.
Ворсӧмъясыс кутасны мунны кык площадка вылын — Сыктывкарын да Воркутаын.
Ми эскӧдім котыртысьясӧс, медым пыртны миянлысь национальнӧй сикассӧ — миян эм кыйсян лызьясӧн ордйысьӧм.
Ме ачым кык во нин ветлӧдла тайӧ лызьяс вылас.
Тайӧ аслыспӧлӧс история.
— Кор мунасны Дельфийскӧй ворсӧмъяс?
— Тавося вӧльгым тӧлысь 26–28 лунъясӧ.
Пӧшти аски.
Лыддьӧй WWW.KP.RU: https://www.kp.ru/daіly/27412/4609876/
{Kodko @ Коми Республикаса Юралысь чолӧмалӧ Коми Республикаын боевӧй тышъясса ветеранъяслӧн лунӧн @ выльтор @ https://rkomi.ru/news/2274 @ 2022-07-01 @}
Коми Республикаса Юралысь чолӧмалӧ Коми Республикаын боевӧй тышъясса ветеранъяслӧн лунӧн
«Боевӧй тышъясса пыдди пуктана ветеранъяс!
Чолӧмала тіянӧс Боевӧй тышъясса ветеранъяслӧн лунӧн!
Тайӧ гажыс вӧлі урчитӧма миян республикаын колян во.
Ми — странаса регионъяс пиысь ӧти, кӧні сійӧс урчитӧма официальнӧя.
Тайӧ вӧлі вӧчӧма олысьяслысь, кодъяс 1945 во бӧрын участвуйтісны боевӧй тышъясын, локальнӧй войнаясын да вооружённӧй конфликтъясын, заслугаяссӧ пыдди пуктӧм могысь.
Республикаын отсалӧны боевӧй тышъясса ветеранъяслы, видзӧны на йылысь югыд казьтылӧмъяс.
Талун мӧвпалӧны, кыдзи Коми Республикалӧн юркарын архитектура боксянь вӧчны Казьтылан аллея, коді меститчӧ «Шогсьысь воин» монумент дорын.
Войнаса да локальнӧй конфликтъясса ветеранъяслӧн республиканскӧй госпитальын выльмӧдӧны медицина оборудование, медым лӧсьӧдны бурджык условиеяс ветеранъясӧс бурдӧдӧм да налысь дзоньвидзалунсӧ бурмӧдӧм вылӧ.
Дона ветеранъяс!
Ми гӧрдитчам тіян збойлунӧн да повтӧмлунӧн, кодъясӧс ті петкӧдлінныд служба дырйи.
Ми аттьӧалам тіянӧс водзмӧстчӧмысь, небыд сьӧлӧмысь да республика вӧсна тӧждысьӧмысь.
Ті отсасянныд ӧта-мӧдлы, а сідзжӧ пӧгибнитӧмаяслӧн семьяяслы, велӧданныд челядьӧс да том йӧзӧс пыдди пуктыны да радейтны Чужан му, миян страналысь историясӧ да сылысь геройясӧс.
Тайӧ зэв колана да дона, торйӧн нин талунъя геополитическӧй серпас дырйи.
Сьӧлӧмсянь сиа тіянлы да тіян семьяяслы крепыд дзоньвидзалун да ыджыд вермӧмъяс!»
Коми Республикаса Юралысь Владимир Уйба
{Kodko @ Владимир Уйба: «Луд» гаж — изьвасаяслӧн озырлун да нэмӧвӧйся традицияяс пыдди пуктӧмлӧн пример» @ выльтор @ https://rkomi.ru/news/2277 @ 2022-07-02 @}
Владимир Уйба: «Луд» гаж — изьвасаяслӧн озырлун да нэмӧвӧйся традицияяс пыдди пуктӧмлӧн пример»
Сора тӧлысь 2 лунӧ Изьва районын Коми Республикаса Юралысь чолӧмаліс Изьва сиктӧс 455 арӧс тырӧмӧн да пырӧдчис войтырлӧн традиционнӧй гажӧ.
«Гажыс збыль регионкостса, сійӧ важӧн нин петіс районнӧй да республиканскӧй мудоръясысь.
Кор ми талун чолӧмалім кӧзяеваӧс да гӧсьтъясӧс, ме дорӧ матыстчывлісны Мурманскысь, Калининградысь, Москваысь, Санкт-Петербургысь воӧм йӧз.
Тайӧ висьталӧ сы йылысь, мый ми чукӧртім эг сӧмын Коми Республика, но и ыджыд странанымӧс ставнас.
Дона изьватас, кӧсъя шуны тіянлы ыджыд аттьӧ сыысь, мый ті видзинныд татшӧм бриллиантсӧ — гажсӧ, коді талун, нэмъяс чӧж муніг, нимкодьмӧдӧ да шонтӧ миянӧс тіян сьӧлӧмъяслӧн шоныдӧн.
Аттьӧ тіянлы бура примитӧмысь да шуд вайӧмысь.
И, дерт жӧ, кӧсъя сьӧлӧмсянь сины став изьвасаыслы крепыд дзоньвидзалун, тыр-бур олӧм, семьяпытшса шуд, бур уджын вермӧмъяс.
Аттьӧ, пыдди пуктана изьватас.
Праздникӧн!», — шыӧдчис изьвасаяс дорӧ Владимир Уйба.
Республикаса Юралысь пасйис, мый «Луд» гажсӧ позьӧ шуны изьваса комияслӧн збыль озырлунӧн, нэмӧвӧйся традицияяс пыдди пуктӧмлӧн примерӧн, кодъясӧс колӧ видзны да тӧдмӧдны сыӧн водзӧ олысьясӧс.
Сідзжӧ Владимир Уйба сетіс канму наградаяс Изьва районын олысьяслы: Кельчиюр сиктса культура керкаӧн веськӧдлысь Николай Евгеньевич Филипповлы да Щельяюрса библиотекаын уджалысь Ирина Юрьевна Котовалы сетӧма «Коми Республикаса культураын почёта уджалысь» нимъяс.
Таво «Луд» регионкостса 16-ӧд гаж, кутшӧмӧс сиӧма Изьва сиктлы 455 во тырӧмлы, босьтіс торъя статус, сы вӧсна мый 2022 восӧ Россияса Президент Владимир Путин шуис Культура озырлунлы сиӧм воӧн.
Таысь кындзи, таво тырӧ 650 во коми гижӧд лунлы.
Йӧзкостса гажлысь ыджыд мероприятиеяссӧ веськӧдӧма аслыспӧлӧс изьваса культура видзӧм, пытшкӧс да волан туризм сӧвмӧдӧм вылӧ.
Котыртысьясыс арталӧмаӧсь уна сикас жанра площадкаяс: овмӧдчӧминъяслӧн подворьеяс, йӧзкостса ворсӧмъяс да войтырсикас сёян-юанӧн чӧсмӧдлӧм, кӧр видзчысьяслӧн подворье традиционнӧй чӧсмасянторъясӧн да обрядъясӧн.
Сідзжӧ вӧлі котыртӧма сэтчӧс прӧдукция вӧчысьяслысь ярманга, войтырсикас сувениръяс да йӧзкостса мичаторъяс вӧчалысьяслысь уджъяссӧ вузалан выставка, серпасасьысьяслӧн да фотографъяслӧн уджъяслысь выставка-галерея, «Играй, гармонь!» фестиваль.
Матысса кадӧ лоӧны вӧвъясӧн ордйысьӧмъяс, сы бӧрын «ворота» шествие.
Кыдзи и пыр уджтаслӧн аслыспӧлӧслунӧн лоӧны Изьва ю дорын войся гуляйтӧмъяс: видзвывса ворсӧмъяс да «Невестаяслӧн хоровод» конкурс.
Гаж помассигӧн выступитас Сыктывкарысь «OLD SCHOOL Коми» группа.
Фотоыс Коми Республикаса Юралысьлӧн пресс-службалӧн да «Изьва» МР МЮ администрацияса пресс-службалӧн
{Kodko @ Владимир Уйба чолӧмаліс ЛНР-ын олысьясӧс украинаса неонацистскӧй режимысь мездмӧмӧн @ выльтор @ https://rkomi.ru/news/2282 @ 2022-07-05 @}
Владимир Уйба чолӧмаліс ЛНР-ын олысьясӧс украинаса неонацистскӧй режимысь мездмӧмӧн
Коми Республикаса Юралысь ыстіс Луганскӧй Народнӧй Республикаса Юралысь Леонид Пасечниклы чолӧмалӧмӧн письмӧ.
«Коми Республикаса йӧз нимсянь да ассянь чолӧмала тіянӧс Лисичанск кар мездмӧмӧн, Республикалысь историческӧй мудоръяса мутас мездмӧдӧмлӧн помассьӧмӧн.
Лои сійӧ, мый ті виччысинныд 8 во.
Донбасса дорйысьяс россияса войскаяскӧд ӧтув мездісны Республикаӧс украинаса неонацистскӧй режимысь.
И ӧні тіян олӧмын заводитчӧ выль лист бок.
Сьӧлӧмсянь сиа вермӧмъяс тайӧ мездмӧм да асшӧр олӧмас.
Мед сӧвмас да дзоридзалас Луганскӧй муыс да лоӧ сэні сӧгласа, тыр-бур да шуда олӧм!», — пасйӧма письмӧын.
{Kodko @ Коми Республикаса юркарӧ ваясны Сергий Радонежскийлысь мощьяссӧ @ выльтор @ https://rkomi.ru/news/2283 @ 2022-07-05 @}
Коми Республикаса юркарӧ ваясны Сергий Радонежскийлысь мощьяссӧ
2022 воын Роч православнӧй вичко пасйӧ Вежа Сергий Радонежскийлысь мощьяс вайӧмсянь 600 во тырӧм.
Сылӧн мощьясыс лоӧны Троице-Сергиевӧй лаврын, Роч православнӧй вичкоын мужичӧйяслӧн ыджыд манастырын, медтӧдчана вежаторйӧн.
Тайӧ кадпаскӧд йитӧдын мощьяса ковчегсӧ ваясны Россияын 57 карса епархияясӧ.
Быд епархияын сійӧ лоас кык лун.
Сора тӧлысь 16–17 лунъясӧ вежаторйыс лоас Сыктывкарын Вежа Степанлӧн кафедральнӧй соборын.
Сора тӧлысь 16 лун
16:30-сянь 17:00-ӧдз мунас Вежа Сергий Радонежскийлӧн мощьяс дорын молебен.
17:00-сянь 19:00-ӧдз — вичкоын сьылӧм.
19:00-сянь 07:00-ӧдз сора тӧлысь 17 лунӧ быд кӧсйысь вермас копыртчывны вежалӧн мощьяс дорӧ.
Сора тӧлысь 17 лун
07:00-сянь 09:30-ӧдз лоӧ Сыктывкарса да Коми-Зырянаса архиепископ Питиримлӧн божественнӧй литургия да молебен.
10:30-сянь соборсянь сыктывкарса аэропорт дорӧдз мунас крестнӧй ход.
Позьӧ локны ставлы.
Сыктывкарсянь мощьяссӧ ыстасны Вологдаӧ.
{Kodko @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/2287 @ 2022-07-05 @}
Владимир Уйба примитіс гражданаӧс ас сёрниӧн
Республикаса олысьяс шыӧдчисны Коми Республикаса Юралысь дорӧ оланін условиеяс бурмӧдӧм, оланін киын кутысьяслысь инӧдъяс дорйӧм, чорыд ломтас вылӧ донъяс канмусянь ладмӧдӧм серти да мукӧд юалӧмӧн.
Йӧзӧс ас сёрниӧн примитӧм бӧрын министерствоясӧн, ведомствоясӧн да муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяссӧ решитӧм могысь, кутшӧмъясӧн регионса олысьяс шыӧдчисны Владимир Уйба дорӧ.
Коми Республикаса Юралысь кутас видзӧдны тшӧктӧмъяссӧ олӧмӧ пӧртӧм бӧрся.
{Kodko @ Владимир Уйба восьтіс Сыктывкарын ЛНР-са челядьлы медводдза профильнӧй университетскӧй смена @ выльтор @ https://rkomi.ru/news/2289 @ 2022-07-05 @}
Владимир Уйба восьтіс Сыктывкарын ЛНР-са челядьлы медводдза профильнӧй университетскӧй смена
Луганскӧй Народнӧй Республикаса гырысь классъясын 50 велӧдчысьлы, кодъяс пиысь унджыкыс олӧны Ровеньки карын, лӧсьӧдӧма Питирим Сорокин нима Сыктывкарса канму университетын тематическӧй велӧдан уджтасъяс.
Регионса вуз лоис федеральнӧй проектын участвуйтысьӧн.
«Дона челядь, ме зэв рад чолӧмавны тіянӧс миян мирнӧй, благословеннӧй Коми Республикаын!
Сора тӧлысь 3 лунӧ тіянлысь муныдтӧ вӧлі мездмӧма Киевлӧн неонацистскӧй режимысь.
Сьӧлӧмсянь чолӧмала тіянӧс тайӧ Вермӧмӧн!
Ме кыкысь волі Луганскӧй Народнӧй Республикаӧ, сёрниті тіян землякъяскӧд.
Ми, ӧта-мӧдлы синмӧ видзӧдіг, шуим, мый ӧні ми ӧтлаынӧсь, и некутшӧм сэсся вын оз торйӧд миянӧс.
Ме зэв рад, мый ті ӧні танӧсь, миян му вылын.
Кӧть и Коми — войвыв республика, ми козьналам тіянлы сьӧлӧмъяснымлысь шоныдсӧ.
Уджтасыс тіянлы збыль мусмас да кыскас ас дорас.
Босьтӧй аслыныд бурлунсӧ, радейтӧмсӧ да миянлысь войвыв лышкыдлунсӧ », — шыӧдчис ныв-зон дорӧ Владимир Уйба.
Республикаса Юралысь висьталіс гырысь класса велӧдчысьяслы, мый Ровеньки кар, кытысь найӧ воисны, да Коми Республика кырымалӧмаӧсь ёртасьӧм йылысь артмӧдчӧм.
Думыштӧмаӧсь, кыдзи кутасны ӧтлаын дзоньтавны кар.
Медводз лоӧ дзоньталӧма 11 социальнӧй тӧдчанлуна объект, сы лыдын и 9 №-а школа, коді новлӧ Сӧветскӧй Союзса герой, том гвардееч Любовь Швецовалысь нимсӧ.
Россияса наука да вылыс тшупӧда велӧдан министерство Россияса велӧдан министерствокӧд ӧтув лэдзӧма «Университетскӧй сменаяс» проект.
Питирим Сорокин нима Сыктывкарса канму университет пырис 40 вуз лыдӧ, кодъяс участвуйтӧны уджтасын, да лоӧ медся войвыв университетӧн, коді принимайтӧ Донбассысь гӧсьтъясӧс.
Сыктывкарӧ воисны Луганскӧй Народнӧй Республикаысь 14 арӧссянь 17 арӧсӧдз гырысь классын 50 велӧдчысь.
Котыртысьяс найӧс тыр-бура вердӧны да могмӧдӧны прӧст кад бура коллялӧм.
Школаын велӧдчысьяс прӧйдитасны комплекснӧй велӧдчан да гажӧдчан уджтас: естественнонаучнӧй мастер-классъяс да велӧдан блокъяс ІT-технологияяс серти, экскурсияяс, делӧвӧй ворсӧмъяс, творческӧй рытъяс, дискотекаяс.
Сідзжӧ челядь тӧдмасясны Коми Республикалӧн культураӧн да историяӧн.
{Kodko @ Комиын дугӧдӧма ковидлы паныд ӧткымын дзескӧдӧм @ выльтор @ https://rkomi.ru/news/2290 @ 2022-07-06 @}
Комиын дугӧдӧма ковидлы паныд ӧткымын дзескӧдӧм
Республиканскӧй ведомствокостса оперативнӧй штаблӧн помшуӧм серти пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн 16 №-а Индӧдӧ.
Дугӧдӧма ковидлы паныд дзескӧдӧмъяссӧ сэтшӧм организацияясын да предприятиеясын, кӧні уджалӧны вахтаӧн.
Ӧні позьӧ Коми Республикаын нуӧдны уна йӧза культурнӧй, зрелищнӧй да мукӧд уна йӧза мероприятие.
Юридическӧй кывкутысьяслы да асшӧр уджалысьяслы, кодъяс уджалӧны вузасян объектъясын, новлӧдлӧны кӧрт туй, сынӧда, автомашина транспортӧн, дугӧдӧма корӧмсӧ пыр нуӧдны жыръяс дезинфицируйтӧм серти мероприятиеяс, меститны антисептическӧй средствояс, сынӧд сӧстӧммӧдан устройствояс.
Театръяс да концертнӧй организацияяс, клуб сяма учреждениеяс дорӧ дугӧдӧма корӧмсӧ, медым касса, фойе да буфетъяс дорын видзӧдысьяс костын социальнӧй дистанцияыс вӧлі 1,5 метра.
Дугӧдӧма Индӧдлысь положение, мый серти Россияса гражданалы, кодъяс воисны суйӧр сайысь, ПЦР-тестлысь бӧртасъяссӧ босьттӧдз оз ков кутчысьны оланін (овланін) серти изоляция режимӧ.
Таысь кындзи, ӧтув вӧдитчан автомашина транспортӧн либӧ таксиӧн мунігӧн, вузасянінъясын, аптекаясын да аптека пунктъясын, а сідзжӧ олысьясӧс бытӧвӧя могмӧдан организацияясын да мукӧд йӧзаинын позьӧ не вӧдитчыны быдӧнӧс торйӧн видзан средствоясӧн — лолалан органъяс видзан средствоясӧн (маскаясӧн да татшӧмсяма мукӧд средствоӧн), дезинфицируйтан средствоясӧн.
{Kodko @ Владимир Уйба сетіс Питирим Сорокин нима Сыктывкарса канму университетын Медицина институт помалысьяслы дипломъяс @ выльтор @ https://rkomi.ru/news/2294 @ 2022-07-07 @}
Владимир Уйба сетіс Питирим Сорокин нима Сыктывкарса канму университетын Медицина институт помалысьяслы дипломъяс
Кыпыд церемонияыс муніс талун, сора тӧлысь 7 лунӧ.
Таво велӧданін лэдзис 56 том специалистӧс, на пиысь 13 помалісны велӧдчӧмсӧ отличиеӧн.
«Врачлӧн уджыс зэв тӧдчана.
Тіян киясын — мортлӧн медся донаторйыс, сылӧн олӧмыс да дзоньвидзалуныс.
Ме тіянлы сиа уджавны пыр сьӧлӧмсянь.
Зільӧй пыр отсавны йӧзыслы.
Энӧ вунӧдӧй: олӧмлӧн кутшӧмсюрӧ здукъясӧ ті асланыд пациентлы — медся колана морт, — шыӧдчис том врачьяс дорӧ Владимир Уйба.
— И, дерт жӧ, ми тіянӧс ставныдтӧ зэв ёна виччысям республикаын.
Миянлы зэв колана содтыны докторъяслысь лыдсӧ том кадръясӧн».
Некымын выпускник кӧсйӧны велӧдчыны водзӧ кыдз СКУ-са Медицина институтын, сідз жӧ и мукӧд вылыс тшупӧда медицина велӧданінъясын клиническӧй ординатураын.
И пӧшти став выпускникыс кӧсйӧны уджавны да водзӧ стрӧитны ассьыныс врачебнӧй карьерасӧ Коми Республикаын.
Кыдз пасйис Коми Республикаса Юралысь, коронавирус пандемия дырйи студентъяс-медикъяс зэв ёна отсалісны, кор гӧрд зонаын да регыдъя медицина отсӧг сетанінын уджалісны врачьяслы отсасьысьясӧн, медсестраясӧн да медбратъясӧн.
Налӧн сьӧлӧмсянь уджалӧм вӧсна регионын контролируйтісны лоӧмторсӧ весиг сэк, кор йӧзыс вывті ёна висисны.
2022 воын Питирим Сорокин нима Сыктывкарса канму университетын Медицина институт нёльӧдысь лэдзис выпускникъясӧс «Лечебнӧй делӧ» специальносьт серти.
Велӧданінсӧ помалісны 56 том специалист, на пиысь 13 помалісны велӧдчӧмсӧ отличиеӧн.
Куим во чӧжӧн «Лечебнӧй делӧ» специальносьт серти велӧдчисны 135 морт.
Велӧдчисны квайт во, сы лыдын и Сыктывкарса клиническӧй базаяс вылын.
Практикасӧ студентъяс прӧйдитлісны Коми Республикаса медицина учреждениеясын.
«Бӧръя вояснас регионса йӧзлысь дзоньвидзалун видзанінын лоисны ыджыдкодь вежсьӧмъяс.
Талун врачьяс вӧдитчӧны ӧнія оборудованиеӧн да выль технологияясӧн.
Но врачлӧн да пациентлӧн ӧтувтчӧмыс некытчӧ эз вош.
Ме пыр шулі, мый врачлӧн примитӧмыс — тайӧ гусятор.
Тэныд пациентыс висьталӧ сы йылысь, мый сэсся некодлы оз висьтав.
И тайӧ гусяторсӧ ті долженӧсь не сӧмын видзны, но и гӧгӧрвоны, висьтавны сійӧс медицина кывйӧн, примитны колана помшуӧм да бурдӧдны мортсӧ.
Гӧгӧрвоана, мый тайӧ абу пыр позяна.
Но пыр позьӧ сетны мортыслы эскӧм, мый сылӧн лоӧмторйын ті сылы быть отсаланныд, — пасйис аслас сёрниын Владимир Уйба да сиис том врачьяслы, — водзӧ вылӧ ыджыд вермӧмъяс!».
{Kodko @ Коми Республикаын индӧма вӧръясын пӧжарысь видзчысян торъя режим @ выльтор @ https://rkomi.ru/news/2295 @ 2022-07-07 @}
Коми Республикаын индӧма вӧръясын пӧжарысь видзчысян торъя режим
Кырымалӧма сора тӧлысь 8 лунсянь Коми Республикаын вӧръясын пӧжарысь видзчысян торъя режим индӧм йылысь Коми Республикаса Веськӧдлан котырлысь шуӧм.
Пӧжарысь видзчысян торъя режимсӧ индӧма пуксьӧм кос да жар поводдя вӧсна вӧръясын пӧжарысь видзчысьӧм могысь.
Пӧжарысь видзчысян торъя режим дырйи вӧръясын оз позь вӧчны бипуръяс, сотны лӧп-ёг да вӧдитчыны мангалъясӧн.
Таысь кындзи, Коми Республикаса вӧр-ва министерство кӧсйӧ 2022 вося сора тӧлысь 11 лунсянь 31 лунӧдз дзескӧдны олысьяслысь вӧръясӧд ветлӧмсӧ да вӧръясӧ транспортӧн пырӧмсӧ, ӧтув вӧдитчан туйясті веськыда ветлӧм кындзи.
Тайӧ корӧмъясыс оз инмыны гражданалы, кодъяс уджалӧны вӧрын да вӧдитчӧны вӧрӧн.
Налы колӧ видзны содтӧд дасьлун режимын вӧрса пӧжаръясысь ӧлӧдан да найӧс кусӧдан средствояс.
Пӧжарысь видзчысян торъя режим индӧм, кыдз вӧръяс пӧжаръясысь видзан инструмент, сетӧ позянлун лӧсьӧдны пӧжарысь видзчысьӧм дорӧ содтӧд корӧмъяс, ёнмӧдны вӧр видзӧм да ӧдйӧджык босьтчыны отсавны неминучаысь.
Казьтыштам, таво вӧръясын пӧжарысь видзчысян корӧмъяссӧ торкалӧмысь накажитӧмыс ёна чорзьӧма, гражданалы штрапъясыс содісны 10 пӧв унджык.
Содӧм штрапъясыс лоӧны вынаӧсь пӧжарысь видзчысян торъя режим да вӧрса пӧжаръяс вӧсна лоӧм неминуча режим дырйи.
{Kodko @ Коми Республикаса Юралысь чолӧмалӧ Семьялы, радейтчӧмлы да веськыдлунлы сиӧм лунӧн @ выльтор @ https://rkomi.ru/news/2297 @ 2022-07-08 @}
Коми Республикаса Юралысь чолӧмалӧ Семьялы, радейтчӧмлы да веськыдлунлы сиӧм лунӧн
«Коми Республикаса пыдди пуктана олысьяс!
Сьӧлӧмсянь чолӧмала тіянӧс шань да бур праздникӧн — Семьялы, радейтчӧмлы да веськыдлунлы сиӧм лунӧн!
Таво тайӧ гажыс босьтіс официальнӧй статус — традиционнӧй семейнӧй озырлун, челядьӧс да том йӧзӧс вежавидзӧмӧн овны велӧдӧм могысь странаса Президент кырымаліс сора тӧлысь 8 лунсӧ Семьялы, радейтчӧмлы да веськыдлунлы сиӧм лунӧн шуӧм йылысь Индӧд.
Зумыд да шуда семья — быд мортлӧн да канмулӧн сӧвмӧм вылӧ подув.
Семья пытшкын видзсьӧны традицияяс да ловлун, сьӧлӧмъясӧ овмӧдчӧ муслун, сюсьлун да вежӧр.
Прӧстӧй шудлунысь — лоны радейтанаӧн, кывны матысса йӧзлысь тӧждысьӧмсӧ да отсӧгсӧ — чужӧны Айму дорӧ муслун да Чужан мулы сьӧлӧмӧн сетчӧм.
Дона ёртъяс!
Мед республикаса семьяясын пыр олӧны муслун, ӧта-мӧдӧс пыдди пуктӧм да шуд.
Мед миян кыпыд странаын вӧлі бурлун да ӧтсӧгласӧн олӧм.
Сиа тіянлы крепыд дзоньвидзалун да шуда олӧм.
Видзӧй матыссаясныдтӧ!»
Коми Республикаса Юралысь Владимир Уйба
{Kodko @ Владимир Уйба нуӧдіс естественнӧй монополия субъектъяслӧн уджалӧм серти ньӧбысьяслысь отраслькостса сӧвет @ выльтор @ https://rkomi.ru/news/2298 @ 2022-07-08 @}
Владимир Уйба нуӧдіс естественнӧй монополия субъектъяслӧн уджалӧм серти ньӧбысьяслысь отраслькостса сӧвет
Сӧвещание вылын видлалісны ресурсъясӧн могмӧдан юкӧнын Коми Республикаса куим медыджыд предприятиелысь инвестиция уджтасъяс — «Т Плюс» публичнӧй акционер котырса «Коми» филиаллысь, «Жилкомхоз» Эжваса муниципальнӧй ӧтувъя предприятиелысь, «Жилкомуслуги» муниципальнӧй ӧтувъя предприятиелысь.
«Инвестиция уджтасъяссӧ веськӧдӧма, медводз, шоныдӧн колана ногӧн могмӧдӧм, юан ва бурмӧдӧм, ортсӧ лэдзан ваяс весалӧм вылӧ.
Коми Республикаса Веськӧдлан котырлӧн мог — видзӧдны, медым тайӧ уджтасъяссӧ збыльмӧдігӧн сьӧмсӧ эз кыскыны ньӧбысьяслысь.
Ми ошкам сӧмын сійӧ мероприятиеяссӧ, кодъяс кутӧны тӧд вылын йӧзлысь тӧждъяссӧ да кодъяс вӧсна тарифъяс оз содны.
Сідзжӧ тӧдчанаӧн лоӧны проектъяс, кутшӧмъяс кыскӧны сьӧм уна сикас ӧшмӧсысь, шуам, воштӧмъяс чинтӧм вылын экономитӧм либӧ федеральнӧй сьӧмкудйысь субсидияяс тшӧт весьтӧ.
Веськӧдлан котыр тӧждысьӧмӧн видлалӧ компанияяслысь инвестиция уджтасъяссӧ, и ме кора муниципалитетъясӧс вӧчны сідз жӧ», — заседаниесӧ заводитігӧн пасйис Владимир Уйба.
Ресурсӧн могмӧдан организацияясӧн юрнуӧдысьяс юӧртісны 2021 воын инвестиция уджтасъяс збыльмӧдӧм йылысь да 2022 во вылӧ збыльмӧдӧм серти планъяс йылысь.
Коми Республикаын 2021–2022 вояс кежлӧ планируйтӧма збыльмӧдны шоныдӧн могмӧдан юкӧнын 150-ысь унджык мероприятие, ӧтувъя мындаыс — 900 миллионысь унджык шайт, ваӧн могмӧдан да ва нуӧдан юкӧнъясын — 200-ысь унджык мероприятие, ӧтувъя мындаыс — 850 миллионысь унджык шайт.
Кыдзи пасйис «Т Плюс» публичнӧй акционер котырлӧн «Коми» филиалса директор Сергей Добров, колян во шоныдӧн могмӧдӧм серти инвестиция уджтассӧ вӧлі вынсьӧдӧма 170 миллион шайт вылӧ, вӧлі вежӧма 2,7 километра шоныд сетан везъясын техническӧй оборудование.
Уджъяслысь медшӧр юкӧнсӧ вӧчӧма Сыктывкарын.
Сійӧ тӧдчӧдіс, мый колян во Коми Республикаса Веськӧдлан котыр отсӧгӧн медводдзаысь вӧлі вынсьӧдӧма Сыктывкарын шоныдӧн могмӧдан инвестиция уджтас.
2022 воын шоныдӧн могмӧдан уджтасыс донъявсьӧ 195 миллион шайт мындаын, на пиысь 120 миллион шайтсӧ лоӧ веськӧдӧма Сыктывкарын мероприятиеяс вылӧ.
Таысь кындзи, компания кӧсйӧ збыльмӧдны ыджыд проект Интаын, кутшӧмӧс примитӧма Коми Республикаса Веськӧдлан котыр отсӧгӧн, — тайӧ ва шонтан выль котельнӧй стрӧитӧм.
Проектлӧн ӧтувъя доныс — 1,5 миллиард шайт гӧгӧр.
Федеральнӧй сьӧмкудйысь кыскӧма нин 556 миллион шайт.
«Жилкомхоз» Эжваса муниципальнӧй ӧтувъя предприятиеса медыджыд директор Владимир Порсюровлӧн юӧртӧм серти, компанияыс збыльмӧдӧ кык инвестиция уджтас — ваӧн могмӧдан да ва нуӧдан юкӧнын.
Ваӧн могмӧдан юкӧнын выльмӧдсьӧны ва сетан важмӧм вез юкӧнъяс да стрӧитчӧ Эжваын ва весаланін.
2021 воын заводитісны нюжӧдны трубопровод, 2022 воын уджъяссӧ водзӧ кутасны нуӧдны.
Ва весаланін стрӧитӧм вылӧ колян во дасьтӧма проектно-сметнӧй документация, проектыс прӧйдитӧ экспертиза.
2022 воын заводитчас оборудование лӧсьӧдӧм.
Коми Республикаса Юралысь Владимир Уйбалӧн тшӧктӧм серти, мероприятиеяслӧн планӧ вӧлі содтӧд пыртӧма пыдӧс джудждӧдан уджъяс.
Тайӧ лоис сы вӧсна, мый Эжва юыс ляпкыдмис, и районыс вермис кольны ватӧг.
Кӧсйӧм уджъяссӧ вӧчӧма.
Мӧд во компания кӧсйӧ водзӧ джудждӧдны Эжвалысь пыдӧссӧ да весавны воргасӧ.
«Жилкомуслуги» муниципальнӧй ӧтувъя предприятие могмӧдӧ кӧдзыд ваӧн Сыктывкарбердса посёлокъяс.
Предприятиеса директорлысь могъяс олӧмӧ пӧртысь Виктор Стоцкий пасйис, мый 2021 воын нуӧдӧма везъяс выльмӧдӧм, торъя юкӧнъясын важмӧм трубопроводъяс вежӧм, ва нуӧдан везъяс вылӧ проектно-сметнӧй документация лӧсьӧдӧм, канализация выльмӧдӧм серти уджъяс.
2022 воын татшӧм уджъяссӧ нуӧдасны водзӧ.
2021–2022 воясын кӧдзыд ваӧн могмӧдан юкӧнын мероприятиеяслысь донсӧ компания арталӧ 156 миллион шайт мындаын.
{Kodko @ Комиын чинтасны биаруӧн помӧдз могмӧдӧм серти мероприятиеяс збыльмӧдігӧн ордеръяс сетан кадколастъяссӧ @ выльтор @ https://rkomi.ru/news/2300 @ 2022-07-08 @}
Комиын чинтасны биаруӧн помӧдз могмӧдӧм серти мероприятиеяс збыльмӧдігӧн ордеръяс сетан кадколастъяссӧ
Регионса Юралысь Владимир Уйба пуктіс татшӧм могсӧ муниципалитетъяс водзӧ Коми Республикаса олан пунктъяс биаруӧн могмӧдӧм серти регионса штаблӧн заседание бӧрын.
Олан пунктъяссӧ биаруӧн помӧдз могмӧдӧны Россияса Президент Владимир Путинлӧн тшӧктӧм серти.
Гражданалы, тшӧтш и Коми Республикаын олысьяслы, му участокъясӧдз, кӧні сулалӧны торъя олан керкаяс да блокируйтӧмӧн стрӧитӧм керкаяс, биару проводъяссӧ нюжӧдӧны дон босьттӧг.
«Ӧні уджалӧм вылӧ медбур тӧлысьяс, та вӧсна биаруӧн помӧдз могмӧдӧмсӧ колӧ ӧддзӧдны.
Чайта, мый му сетӧм серти мероприятиеяссӧ нуӧдӧны вывті дыр.
Биаруӧн помӧдз могмӧдӧм серти мероприятиеяс збыльмӧдігӧн му вылын уджъяс вӧчӧм вылӧ ордеръяс сетан кадколастъяссӧ колӧ чинтыны», — пасйис Владимир Уйба.
Регионса Юралысь тшӧктіс муниципальнӧй юкӧнъяслы сора тӧлысь помӧдз пыртны вежсьӧмъяс асланыс административнӧй уджаланартъясӧ да сэк, кор шыӧдчысьяс сетӧны став документсӧ, чинтыны биаруӧн помӧдз могмӧдӧм серти мероприятиеяс збыльмӧдігӧн му вылын уджъяс вӧчӧм вылӧ ордеръяс сетан кадколастъяссӧ 4 уджалан лунӧдз, а сэк, кор уджсӧ вӧчанінас абуӧсь инженернӧй коммуникацияяс — 2 уджалан лунӧдз.
«Республикаса джын йӧзыс олӧны сиктъясын.
Веськӧдлан котырлӧн медшӧр могъясысь ӧти — сиктъяс сӧвмӧдӧм.
Миянлы колӧ кыпӧдны сиктъяс, а биаруӧн могмӧдӧмыс лоӧ талы подулӧн.
Тшӧкта Коми Республикаса Веськӧдлан котырлы уджавны сы серти, медым вичмӧдны сиктса йӧзлы содтӧд преференцияяс биаруӧн помӧдз могмӧдӧм вылӧ.
Содтӧд отсалан мераясыс сетасны позянлун унджык йӧзӧс могмӧдны биаруӧн», — шуис регионса Юралысь.
Коми Республикаын сетӧма биаруӧн помӧдз могмӧдӧм вылӧ матӧ 2,5 сюрс заявка, лӧсьӧдӧма условиеяс, медым могмӧдны биаруӧн 668 керка.
{Kodko @ Семьялы, радейтчӧмлы да веськыдлунлы сиӧм лунӧ Владимир Уйба сетіс пузчужӧм кагаяслы козинъяс @ выльтор @ https://rkomi.ru/news/2302 @ 2022-07-09 @}
Семьялы, радейтчӧмлы да веськыдлунлы сиӧм лунӧ Владимир Уйба сетіс пузчужӧм кагаяслы козинъяс
Кыпыд церемонияыс вӧлі Коми перинатальнӧй шӧринын «Пузчужӧм кагалы козин» регионса проект серти, коді збыльмӧдсьӧ 2022 вося сора тӧлысь 1 лунсянь.
Став семьяыс кага чужигӧн босьтӧны челядьлы коланаторъяса наборъяс.
«Талун шемӧсмӧдана лун — Муромса вежа Петырлӧн да Феврониялӧн лун, семья видзысьяслӧн лун.
Таво тайӧ гажыс босьтіс официальнӧй статус.
Республикаса Веськӧдлан котыр кӧсйӧ вӧчны ставсӧ, медым семьяяслӧн олӧмыс вӧлі бур.
Тайӧ миянлы медколанатор.
Ми пыртім уна выль отсӧг сикас, сідзжӧ и уна челядя семьяяслы.
Ме аттьӧала тіянӧс, мый ті лоинныд мамъясӧн.
Ті — молодечьяс, кутанныд демографиясӧ.
Чолӧмала челядь чужӧмӧн да босьтӧй миянсянь неыджыд козинъяс», — шыӧдчис мамъяс дорӧ республикаса Юралысь.
Владимир Уйба сетіс мамъяслы комплектъяс, кодъясӧс дасьтӧма «Пузчужӧм кагалы козин» республикаса проект серти.
Комплектас пырӧ медводдза олан лунъясӧ колана кӧлуй — узьлан кӧлуй, гигиена коланторъяс да дӧзьӧритӧм вылӧ средствояс.
Текстильнӧй кӧлуйяссӧ, кодъяс пырӧны комплектӧ, вӧчӧма Коми предприятиеын.
Наборыс сулалӧ 5 сюрс шайт.
Комплектсӧ сетӧны республикаса медицина организацияяс, кодъяс специализируйтчӧны кага чужтігӧн отсасьӧм вылын.
Козиныс сетсьӧ став челядьлы, кодъяс чужисны 2022 вося сора тӧлысь 1 лунсянь.
Владимир Уйба пасйис, мый тшӧкыда вочавидзӧ республикаса олысьяслӧн, сідзжӧ и челядя мамъяслӧн, уна шыӧдчӧм вылӧ.
Накӧд сёрниысь тыдовтчис, мый мамъяс оз тӧдны ассьыныс инӧдъяссӧ: кутшӧм кокньӧдъяс да челядьлы вештӧмъяс найӧ вермӧны босьтны.
Медым отсӧг сетан мераяс йылысь юӧрыс воис регионса быд олысьӧдз, Коми Республика пырӧдчис «Социальнӧй навигатор» федеральнӧй проектӧ.
Службаӧ шыӧдчӧмӧн, позьӧ тӧдмавны челядя семьяяслы субсидияяс, шойччӧм да дзоньвидзалун бурмӧдӧм котыртӧм, содтӧд велӧдчӧм, а сідзжӧ уна мукӧдтор йылысь.
Тӧдмавны сы йылысь, кутшӧм отсӧг сетан мераяс эмӧсь челядя семьяяслы, позьӧ «Социальнӧй навигатор» проектлӧн порталын — семья.ркоми.рф.
* * *
«Пузчужӧм кагалы козин» проект лоӧ челядя семьяяслы содтӧд отсӧгӧн.
Водзынджык Коми регионӧн веськӧдлан шӧрин видлаліс челядя семьяяслы отсӧг сетан республиканскӧй мераяссӧ да содтӧд вылӧ вӧзйис Коми Республикаса Веськӧдлан котырлы пыртны «Пузчужӧм кагалы козин» мера.
Владимир Уйба ошкис Регионӧн веськӧдлан шӧринлысь водзмӧстчӧмсӧ да тшӧктіс пыртны сійӧс челядя семьяяслы отсӧг сетан мероприятиеяс лыдӧ.
{Kodko @ Владимир Уйба сетіс республикаса бур семьяяслы «Ӧта-мӧдӧс радейтӧмысь да ӧта-мӧдлы эскӧмысь» медальяс @ выльтор @ https://rkomi.ru/news/2303 @ 2022-07-09 @}
Владимир Уйба сетіс республикаса бур семьяяслы «Ӧта-мӧдӧс радейтӧмысь да ӧта-мӧдлы эскӧмысь» медальяс
Церемонияыс вӧлі сора тӧлысь 8 лунӧ, Семьялы, радейтчӧмлы да веськыдлунлы сиӧм лунӧ, Сыктывкарын С. М. Киров нима культура да шойччан паркын.
«Сора тӧлысь 8 лун — официальнӧй датаяслӧн да гажъяслӧн ӧнія календарын торъя дата.
Сійӧ топыда йитчӧма православнӧй традицияяскӧд да Муромса вежа Петыркӧд да Феврониякӧд, кодъясӧс важысянь лыддьӧны семья видзысьясӧн.
Югыд нэмӧвӧйся гаж, коді петкӧдлӧ семьясянь заводитчысь озырлун.
Сӧмын семья вӧчӧ мортлысь олӧмсӧ кыпыдӧн да духовнӧя йиджтысянаӧн.
Семья сетӧ миянлы вын да пыкӧд.
Радейтӧм отсалӧ нимкодясьны олӧмӧн.
Веськыдлун сетӧ эскӧм.
Талун ми ыдждӧдлам гозъяясӧс, кодъяс уна во чӧж олӧны ӧта-мӧдӧс радейтӧмӧн, гӧгӧрвоӧмӧн да ӧта-мӧдлы эскӧмӧн», — пасйис Владимир Уйба.
Регионса Юралысь сетіс «Ӧта-мӧдӧс радейтӧмысь да ӧта-мӧдлы эскӧмысь» медаль Сыктывкарса ӧкмыс семьялы.
Наградасӧ вынсьӧдӧма котыртан комитетӧн «Россия Федерацияын Семьялы, радейтчӧмлы да веськыдлунлы сиӧм лун» нуӧдӧм серти.
Церемонияыс муніс Сыктывкарын С. М. Киров нима культура да шойччан паркын кыпыд мероприятие дырйи.
Сідзжӧ гаж лун кузя вӧлі котыртӧма концерт, тематическӧй площадкаяс, мастер-классъяс да фотозонаяс.
Республикаын «Ӧта-мӧдӧс радейтӧмысь да ӧта-мӧдлы эскӧмысь» медальяссӧ сетӧма 72 семьялы, кодъяс кызь вит воысь унджык олісны шуда котырӧн да лоӧны гозъякостса веськыдлунлӧн примерӧн.
«Миян странаын, миян республикаын семья институтлы отсӧгыс лоӧ канмуын медколанаторйӧн.
Та дырйи торйӧн нин сетсьӧ отсӧг челядя семьяяслы, — тӧдчӧдіс Владимир Уйба.
— Миян республика озыр бур семьяясӧн, кӧні нэмысь нэмӧ водзӧ нуӧдӧны пӧль-пӧчлысь оласногсӧ, национальнӧй да культурнӧй традицияяссӧ.
Став сьӧлӧмсянь чолӧмала республикаса став семьяясӧс, сиа кузь да шуда ӧтув олӧм.
Кӧсъя шуны ыджыд аттьӧ бать-мамлы, кодъяс бура быдтӧны оз сӧмын ассьыныс, но и босьтӧм челядьӧс, а сідзжӧ уна челядя семьяяслы.
Видзӧй ӧта-мӧднытӧ, олӧй радейтӧмӧн да ӧтсӧгласӧн!».
* * *
«Россия Федерацияын Семьялы, радейтчӧмлы да веськыдлунлы сиӧм лун» нуӧдӧм серти котыртан комитетӧн вынсьӧдӧм «Ӧта-мӧдӧс радейтӧмысь да ӧта-мӧдлы эскӧмысь» медаль сетӧма Сыктывкарса семьяяслы:
Галина Юрьевна Смета̀ниналы да Федор Петрович Смета̀нинлы;
Ольга Ильинична Дё̀миналы да Александр Алексеевич Дѐминлы;
Нина Ивановна Патрѝкилы да Георгий Васильевич Патрѝкилы;
Вера Владимировна Головина̀лы да Валерий Витальевич Головѝнлы;
Эдита Тибериевна Медвѐдчиковалы да Владимир Николаевич Медвѐдчиковлы;
Нина Павловна Кня̀зевалы да Николай Алексеевич Кня̀зевлы;
Нина Еруслановна Петро̀валы да Александр Николаевич Петро̀влы;
Ирина Михайловна Ра̀тниеклы да Юрий Янович Ра̀тниеклы;
Анна Ивановна Ко̀виналы да Анатолий Васильевич Ко̀винлы.
{Kodko @ Владимир Уйба: «Санкцияяслы миян вочакыв — содтыны ас сёян-юан вӧчӧмлысь йӧрышсӧ» @ выльтор @ https://rkomi.ru/news/2304 @ 2022-07-09 @}
Владимир Уйба: «Санкцияяслы миян вочакыв — содтыны ас сёян-юан вӧчӧмлысь йӧрышсӧ»
Коми Республикаса Юралысь удж серти аддзысьліс «Коми войтыр» дінмукостса ӧтйӧза ӧтмунӧмлӧн Президиумӧ пырысьяскӧд.
Сёрнитісны видз-му овмӧс выль экономическӧй условиеясын сӧвмӧдӧм, сикт-грездъяс быд боксянь сӧвмӧдӧм да канму коми кыв да коми культура видзӧм йылысь.
«Условиеясыс талун сьӧкыдӧсь став юкӧныслы, сикт-грездъяс быд боксянь сӧвмӧдӧмлы тшӧтш.
Та дырйи видз-му овмӧслӧн коланлуныс сӧмын содӧ.
Санкцияяслы миян вочакыв — содтыны ас сёян-юан вӧчӧмлысь йӧрышсӧ.
Таысь кындзи, республикаса сиктъяс — тайӧ коми йӧзлӧн нэмӧвӧйся олан местаяс, та вӧсна Коми Республикаса Веськӧдлан котырлы зэв колана видз-му овмӧс да сикт-грездъяс сӧвмӧдӧмыс», — пасйис Владимир Уйба.
Регионса Юралысь тӧдчӧдіс, мый 2022 вося тӧвшӧр тӧлыссянь Коми Республикаса Веськӧдлан котырлӧн заседаниеяс вылын видлавсьӧ Мутасъяс быд боксянь сӧвмӧдан уджтас, кывзӧны вӧчӧм удж йылысь муниципалитетъясса юралысьяслысь докладъяс.
«Веськӧдлысьяслы колӧ лоны кӧзяинъясӧн да асланыс уджмогъяс вӧсна кывкутысьясӧн.
Та дырйи быть колӧ мыджсьыны ӧтйӧза сӧветъяс вылӧ, «Коми войтырса» водзмӧстчысьяс вылӧ местаяс вылын, водзмӧстчысь граждана вылӧ, пыдди пуктыны налысь видзӧдлассӧ», — шуис республикаса Юралысь.
«Коми войтырлы» медся тӧдчана здукъяс пиысь ӧти — тайӧ сикт-грездъяслӧн сӧвмӧм.
Унджык коми йӧзыс олӧны сиктын, — ӧти кывйӧ воис «Коми войтыр» дінмукостса ӧтйӧза ӧтмунӧмлӧн Исполкомӧн Веськӧдлысь, «Агрокомплекс» акционер котырса медыджыд директор Алексей Габов.
— Торйӧн кӧсъя аттьӧавны видз-му овмӧсын отсӧгысь.
Ӧнія геополитическӧй серпассӧ тӧд вылӧ босьтӧмӧн Ті вичмӧдінныд содтӧд сьӧм, и тайӧ, дерт жӧ, зэв колана.
Эска, тайӧ лоас сӧмын бур вылӧ.
Ми гӧгӧрвоам, мый уна во чӧж сиктъяс вӧсна эз тӧждысьны, и ӧти воӧн став мытшӧдсӧ разьны он вермы.
Но Коми Республикаса Веськӧдлан котыркӧд, муниципальнӧй юкӧнъясса юралысьяскӧд да «Коми войтырлӧн» представительствояскӧд ӧтув уджалӧмӧн ми пӧртам олӧмӧ пуктӧм могъяссӧ.
Веськӧдлан котыр выльысь видлаліс аграрнӧй комплекслы канму отсӧг сетан ногъяссӧ.
Республикаса Юралысь Владимир Уйбалӧн тшӧктӧм серти юкӧнлы отсӧг вылӧ вӧлі содтӧд сетӧма 276,4 миллион шайт.
2022 воын регионса АПК босьтас 1,4 миллиард гӧгӧр шайт — колян во серти 38% вылӧ унджык.
Тайӧ отсалас содтыны йӧв вӧчӧм, сӧвмӧдны кӧр видзан овмӧсъяс, паськӧдны фермер овмӧсъяслы отсӧг сетӧм, вештыны ӧтувъя рӧскод нянь пӧжалысьяслы, содтыны специалистъяслы да уджалысь кадръяслы ӧтчыдысь мынтӧмъяс, лӧсьӧдны выль колана отсӧг сетан мераяс.
Сикт-грездъясын инфраструктура лӧсьӧдӧм да сӧвмӧдӧм могысь сикт овмӧдчӧминса администрацияяслы сетсьӧ 2 миллион шайтӧдз олан пунктъяс бурмӧдӧм вылӧ веськӧдӧм проектъяс збыльмӧдӧм вылӧ.
Сідзжӧ стрӧитӧны да дзоньталӧны ӧтув вӧдитчан автомашина туйяс, да медводз туйяс, кодъяс нуӧдӧны агропромышленнӧй комплекслӧн объектъяс дорӧ.
Таысь кындзи, «Сиктса мутасъяслӧн ӧнія чужӧмбан» федеральнӧй проект серти сетсьӧны субсидияяс культура, велӧдӧм, туризм, оланін да коммунальнӧй овмӧс юкӧнын йӧзлы тӧдчана объектъяс стрӧитӧм да дзоньталӧм вылӧ.
Аддзысьлігӧн сёрнитісны канму коми кыв сӧвмӧдӧм йылысь.
2022 воын заводитчис Мир пасьтала вужвойтырлӧн кывъяслы сиӧм дас во.
Республикаса Национальнӧй политика министерствокӧд сёрнитчӧмӧн лӧсьӧдӧма Коми Республикаса Веськӧдлан котырлӧн тшӧктӧмлысь бала, кодӧн лоӧ вынсьӧдӧма оргкомитет да тайӧ лоӧмтор дорӧ мероприятиеяслысь план.
Республикаын уджалӧ «Коми Республикаса канму кывъяс видзӧм да сӧвмӧдӧм (2019–2024 вояс)» регионса уджтас, кодӧс веськӧдӧма коми кыв видзӧм да сӧвмӧдӧм вылӧ.
Таысь кындзи, аддзысьлӧм вылын видлалӧмаӧсь «Сӧстӧм да мича вӧр-ва» экология форум кежлӧ дасьтысьӧм йылысь юалӧм, водзмӧстчысьнас кӧні петкӧдчис «Коми войтыр» дінмукостса ӧтйӧза ӧтмунӧм.
Сійӧс нуӧдӧм серти вӧзйӧмсӧ ошкис Коми Республикаса Юралысь Владимир Уйба.
Форумлӧн могыс — вӧр-валысь серпассӧ бурмӧдӧм, экология боксянь тӧдчана помшуӧмъяс примитӧмӧ йӧзлысь пырӧдчӧмсӧ содтӧм могысь колана да бур условиеяс вӧчӧм да сӧвмӧдӧм.
«Ті сьӧрсьӧн-бӧрсьӧн уджаланныд мытшӧдъяса юалӧмъяс вылын, кутшӧмъяс кыпӧдсьӧны коми войтырлӧн быдвося конференцияяс вылын.
Топыда йитчанныд республикаса олӧмӧ пӧртысь да оланпас пыртысь власьткӧд да меставывса асвеськӧдлан органъяскӧд.
И тайӧ бур, сы вӧсна мый сӧмын тадзи позьӧ зэв бура решитны юалӧмъяссӧ.
Гӧгӧрвоа, кутшӧм колана восьса веськыд сёрниыс сы вылӧ, медым видлалӧмыс вӧлі стӧчӧн да подулаӧн», — пасйис Владимир Уйба.
{Kodko @ Владимир Уйба вӧзйис Наталья Хозяиновалы Коми Республикаса Веськӧдлан котырын удж @ выльтор @ https://rkomi.ru/news/2306 @ 2022-07-09 @}
Владимир Уйба вӧзйис Наталья Хозяиновалы Коми Республикаса Веськӧдлан котырын удж
Сыктывкарса Мэр кӧсйысис.
Регионса министръяслӧн кабинетӧ выль пырысь кутас лӧсьӧдны муниципалитетъяскӧд тэчаса удж да сылӧн лоӧны уджмогъяс зампред тшупӧдын.
Татшӧм помшуӧмас воисны талун, сора тӧлысь 9 лунӧ, Коми Республикаса Юралысьлӧн юркарса администрацияӧн веськӧдлыськӧд удж серти аддзысьлігӧн.
Аддзысьлігӧн видлалісны Сыктывкарын олӧм бурмӧдӧм, мытшӧдъяс бырӧдӧм серти юалӧмъяс, кутшӧмъясӧн шыӧдчӧны йӧз, сы лыдын и уна сикас социальнӧй вез пыр.
Владимир Уйба пасйис, мый Коми Республикалӧн юркарлы колӧ лӧсявны аслас ыджыд статуслы да вочавидзны йӧзлӧн став виччысьӧмъяс да корӧмъяс вылӧ.
Наталья Хозяинова юӧртіс, мый муниципалитетлӧн администрация дасьтіс Коми Республикаса юркарлӧн статус йылысь Оланпаслысь положениеяс збыльмӧдӧм серти вӧзйӧмъяс.
Найӧс лӧсьӧдӧма йӧзлысь кӧсйӧмъяс да республикаса уджтасъясӧн арталӧм позянлунъяс тӧд вылӧ босьтӧмӧн.
«Тайӧ вӧзйӧмъясыс — абу сӧмын кывъяс, ставыс серти эм подулалӧм, юӧр мытшӧдъяссӧ серпасалӧмӧн, петан туйясӧн да сы йылысь, мый ми вӧчим нин.
Владимир Викторович, кора сетны тшӧктӧм Коми Республикаса став олӧмӧ пӧртысь власьт органлы Сыктывкарса администрациякӧд, карса сӧветысь, республикаса Каналан Сӧветысь депутатъяскӧд ӧтув видлавны быд мероприятие да найӧс збыльмӧдӧмсӧ кыдз муниципальнӧй юкӧнлӧн сьӧмкудлысь да республиканскӧй сьӧмкудлысь позянлунъяс вылӧ, сідзи и федеральнӧй ресурсъяс кыскыны позянлунъяс вылӧ мыджсьӧмӧн», — шыӧдчис Наталья Хозяинова.
«Бур.
Ме тайӧ вӧзйӧмъяссӧ видзӧдла, тшӧктӧмъяс лоӧ сетӧма.
Ми найӧс Тіянкӧд да Анна Феликсовна Дюкӧд видлалам, медым тайӧ вӧлі сідзи, кыдзи ті шулінныд», — шуис Коми Республикаса Юралысь.
Владимир Уйба вылӧ донъяліс Наталья Хозяиновалысь муниципальнӧй службаын уджалігӧн чӧжӧм опытсӧ да вӧзйис вуджны ыджыдджык тшупӧд вылӧ — Коми Республикаса Веськӧдлан котырӧ, кӧні тайӧ опытыс лоӧ зэв коланаӧн.
«Колян вося вӧльгым тӧлысьӧ ме аддзысьлі муниципалитетъясӧн веськӧдлысьяскӧд, и сэк вӧзйисны индыны Коми Республикаса Веськӧдлан котырысь ӧти мортӧс муниципалитетъяскӧд уджалӧм вылӧ.
Ме ошки тайӧ вӧзйӧмсӧ, сы вӧсна мый талун уджмогъяс эмӧсь быд министрлӧн, но абу ӧтувъя кывкутысьыс, код вылӧ эськӧ ӧшйисны уджмогъясыс.
Стрӧитчан министерство, Культура министерство да Спорт министерство кывкутӧны асланыс нырвизьяс вӧсна.
Абу сэтшӧмыс, коді эськӧ уджаліс муниципалитетъяскӧд дзик быд нырвизьын.
Та вӧсна ми артмӧдім татшӧм чин — тайӧ республикаса Веськӧдлан котырӧ пырысь зампред тшупӧда уджмогъясӧн, коді кутас кывкутны муниципалитетъяскӧд уджалӧм вӧсна.
Тайӧ ыджыд кывкутӧм.
Тайӧ став министрыскӧд удж, кодъяс уджалӧны муниципалитетъяскӧд асланыс нырвизьясын.
Тайӧ став федеральнӧй да регионса уджтасъясӧн уджалӧм, кутшӧмъясӧс збыльмӧдӧны муниципалитетъясын.
Ме видзӧдлі, коді эськӧ вермис пӧртны олӧмӧ тайӧ могсӧ.
Опытсӧ, мый Ті чӧжинныд муниципалитетӧн, а стӧчджыка кӧ, юркарын веськӧдлысьӧн уджалігӧн, да уджсӧ, кодӧс миянлы колӧ вӧчны системнӧя оз сӧмын Сыктывкарын, но и дзоньнас Республикаын, тӧд вылын кутӧмӧн, ме вӧзъя Тіянлы вуджны ыджыдджык тшупӧдӧ — республикаса Веськӧдлан котырӧ да босьтны ас выланыд тайӧ могъяссӧ», — вӧзйис Владимир Уйба.
Ыджыд эскӧмысь аттьӧалӧмӧн, Наталья Хозяинова примитіс Коми Республикаса Юралысьлысь вӧзйӧмсӧ: «Владимир Викторович, аттьӧала Тіянӧс Сыктывкар администрацияӧн веськӧдлысь пост вылын менсьым уджӧс вылӧ донъялӧмысь.
Ме примита Тіянлысь вӧзйӧмныдтӧ.
Кутам ӧтлаын разьны мытшӧдъяссӧ ог сӧмын Сыктывкарын, но и став республикаын олысьяслысь.
Ыджыд аттьӧ.
«Тайӧ зэв сьӧкыд чин да мортсӧ та вылӧ колӧ бӧрйыны сэтшӧмӧс, мед сійӧ и муниципалитетъяссӧ, и сійӧ жӧ кадӧ республикасӧ да йӧзлысь ӧбичасӧ зэв бура тӧдіс.
Юркарсӧ кӧ тӧдан, сылысь опытсӧ позьӧ трансформируйтны став муниципалитет вылӧ.
Меным зэв ёна колӧ, медым вӧлі буретш татшӧм морт.
Тіянын ме аддза и ассьым отсасьысьӧс, и мортӧс, коді вӧчас тайӧ чинын уна буртор.
Талун Ті — Веськӧдлан котырӧ медводдза пырысь, коді кутас кывкутны буретш тайӧ нырвизь вӧсна.
А ми ставӧн, дерт жӧ, кутам отсасьны», — аддзысьлӧм помын шуис Коми Республикаса Юралысь.
{Kodko @ Владимир Уйба сёрнитіс Луганскӧй Народнӧй Республикаса школьникъяскӧд @ выльтор @ https://rkomi.ru/news/2307 @ 2022-07-10 @}
Владимир Уйба сёрнитіс Луганскӧй Народнӧй Республикаса школьникъяскӧд
Сора тӧлысь 9 лунӧ вӧлі Коми Республикаса Юралысьлӧн кыпыд приём ЛНР-ысь гырысь класса велӧдчысьяслы, кодъяс воисны Питирим Сорокин нима Сыктывкарса канму университетӧ профильнӧй смена вылӧ.
Челядьлы дасьтісны интерактивнӧй уджтас, музыкальнӧй номеръяс, чӧсмӧдлісны десертъясӧн да лымвыйӧн, а сідзжӧ вӧзйисны школа помалӧм бӧрын пырны велӧдчыны республикаса вылыс тшупӧда велӧдчанінъясӧ.
«Талун олӧмыс ёна вежсис, — тӧдчӧдіс Владимир Уйба, аддзысьлӧмсӧ восьтігӧн.
— Россия локтіс Лугансклы да Донецклы отсӧг вылӧ.
abu
Америкаын олысьяс чайтісны, мый найӧ вермасны, Украинаын тайӧ войнасӧ неонацистъяслӧн киясӧн панӧмӧн, мый найӧ ӧтикаӧн жугӧдасны миянӧс.
Но лоис дзик мӧд ног.
Ми ӧтувтчим, и талун тіян батьяскӧд, вокъяскӧд ӧтув Луганск да Донецк му вылын тышкасьӧны миян зонъяс.
Лыддя, мый ми тіянкӧд долженӧсь отсавны налы мыйӧн вермам.
Ті велӧдчӧмӧн, сы вӧсна мый вежӧра, велӧдчӧм том йӧз — тайӧ любӧй страналӧн ыджыд вынйӧр.
Та вӧсна бура велӧдчыны — тайӧ тіян мог.
А миян, верстьӧлӧн, могыс — отсавны ставӧн, мыйӧн позьӧ — ми «Единая Россия» партиякӧд ӧтув лӧсьӧдалам да мӧдӧдалам конвойяс.
Мӧд могыс миян — нэммӧдны миян став геройлысь паметьсӧ, кодъяс пуктісны ассьыныс юрнысӧ миян шуда аскиа лун вӧсна».
Комиысь Юралысь висьталіс сы йылысь, кӧні позьӧ велӧдчыны республикаын да кутшӧм уджсикасъяс коланаӧсь, мыйӧн торъялӧ регионса веськӧдлысьлӧн уджыс.
Челядь юалісны, кутасны-ӧ водзӧ нуӧдны татшӧм университетскӧй сменаяс.
Коми Республикаса велӧдан, наука да том йӧз политика министрлысь могъяс олӧмӧ пӧртысь Наталья Якимова юӧртіс, мый моз тӧлысьын Ухтаса канму техническӧй университет примитас ЛНР ысь да ДНР-ысь 100 челядьӧс.
Владимир Уйба вӧзйис торъя военнӧй операция помассьӧм бӧрын котыртны сменаясӧн вежсьӧм, а 2023 воын нуӧдны найӧс республика тшупӧдын.
«Ми быть нуӧдам водзӧ татшӧм сменаяссӧ.
Ме зэв ёна кӧсъя, медым миян дорӧ волывлісны эз сӧмын Ровенькиса, но и дзоньнас Луганскӧй Народнӧй Республикаысь челядь.
Медым найӧ тӧдмасисны Коми Республикаӧн, сылӧн национальнӧй колоритӧн, мичлунӧн.
Тані эм мый вылӧ видзӧдлыны и гожӧмын, и тӧлын», — пасйис Владимир Уйба.
ЛНР-са челядь аттьӧалісны шоныда примитӧмысь да Коми Республикаӧн тӧдмасьӧмын бур сьӧлӧмкылӧмъясысь, кодъяс колясны став олӧм чӧж.
«Ми зэв радӧсь татшӧм аслыспӧлӧс позянлунлы волыны тіян мича республикаӧ, тӧдмасьны тіян культураӧн.
Миянлы нимкодь вӧлі ёртасьны тіян студентъяскӧд да велӧдысьяскӧд, участвуйтны мастер-классъясын.
Тайӧ аслыспӧлӧс позянлун миян челядьлы — босьтны уджсикас бӧрйӧм серти унджык тӧдӧмлун.
Ыджыд аттьӧ тіянлы ставныдлы бура котыртӧм велӧдан да гажӧдчан уджтасысь, бур олан условиеясысь, миян вӧсна тӧждысьӧмысь.
Ми лоам радӧсь уджавны ӧтув да ёртасьны тіянкӧд», — шуис «Ровеньки карын челядьлы, томуловлы туризм да ас му туялан шӧрин» Луганскӧй Народнӧй Республикаса содтӧд тӧдӧмлун сетан канму учреждениеса группаӧн юрнуӧдысь, методист Екатерина Строганова.
{Kodko @ Владимир Уйба: «Чилимдінса горка» чукӧртіс Россия пасьталаысь уна гӧсьтӧс @ выльтор @ https://rkomi.ru/news/2321 @ 2022-07-13 @}
Владимир Уйба: «Чилимдінса горка» чукӧртіс Россия пасьталаысь уна гӧсьтӧс
«Чилимдінса горкалӧн» мероприятиеяс дырйи Коми Республикаса Юралысь да Рытыв-Войвыв Федеральнӧй кытшын Россия Федерацияса Президентӧс полномочнӧй петкӧдлысьӧс вежысь Любовь Совершаева мерайтісны йӧзкостса костюмъяс, пырӧдчисны гажӧдчӧмӧ да ветлісны Журавскийлӧн музейӧ.
«Чилимдінса горка» — районлӧн символ да республикалӧн визитнӧй карточка.
Гажыслы торъя статус сетӧ сійӧ, мый Чилимдінсӧ шуисны «Россияса эзысь сикӧтшлӧн» юркарӧн.
Чилимдінсаяс кужисны видзны ассьыныс роч важся сёрниногсӧ да йӧзкостса вомгора творчествосӧ.
Найӧ паськыда петкӧдлӧны рӧдвуж традицияяснысӧ, кутшӧмъясӧс нэмъяс чӧжӧн вуджӧдӧны выль чужысьяслы.
«Чилимдінса горка» вылӧ волӧны страна пасьталаысь гӧсьтъяс.
Тайӧ самобытнӧй мероприятиеыс кутіс чукӧртны уна гӧсьтӧс», — тӧдчӧдіс регионса Юралысь.
«Чилимдінса горка» мича гажӧдчӧмыс — тайӧ тувсовъяс да гожся обрядӧвӧй гаж, ловъя памятник.
2016 восянь сійӧ лоис регионкостса гажӧн.
Сылӧн вужъясыс быдмӧны ёна важысянь нин, кор йӧзыс чукӧртчисны сикт сайын керӧс йылын да паныдалісны шондісӧ сьылӧмӧн-йӧктӧмӧн.
«Горка» важысянь лоӧ уджалан волӧн символӧн.
Гаж дырйи тӧдчанаторъяс пиысь ӧтиӧн вӧліны ярмангаса гажӧдчӧмъяс — Чилимдінӧ волісны вузасьысьяс орчча грездъясысь да районъясысь.
«Горкалӧн» вежласьтӧм атрибут — чилимдінса костюм.
Аньяслы сійӧс вурлісны репсысь, парчаысь, штофысь, шӧвкысь да артмис сійӧ некымын юкӧнысь: сойясысь, сарапанысь, партукысь, вӧньысь да чышъянысь.
Мужичӧйяслӧн костюмыс прӧстджык, артмис дӧрӧм-косовороткаысь, гачысь, сера чӧрӧсысь да кучик кӧтіысь.
Воысь воӧ «Горка» вылын йӧктісны-сьылісны кытшын, сьылісны сьыланкывъяс, йӧктісны, ворсісны быть колана сизим ритуальнӧй пертас.
Йӧзыс эскисны нимкывлӧн вынӧ да вежавидзӧмӧн пыдди пуктісны ритуалсӧ.
Талун «Чилимдінса горка» вылын гажӧдчӧ уна йӧз, кодъяс петкӧдлӧны важся традицияяссӧ, вӧччӧны костюмъясӧ, кутшӧмъяс видзисны пӧль-пӧчьяс йылысь паметьсӧ, сьылӧны-йӧктӧны кытшын, сьылӧны классическӧй роч хороводнӧй репертуарысь сьыланкывъяс.
Мероприятиеяс дырйи Владимир Уйба да Любовь Совершаева волісны А. В. Журавский нима историко-мемориальнӧй музейӧ. Музейсӧ лӧсьӧдісны 1964 воын да сулалӧ сійӧ Чилимдін шӧрын.
Музейын видзӧны 30 сюрсысь унджык экспонат.
Тайӧ документъяс, фотографияяс, серпас чукӧр, киӧн вӧчӧмторъяс, важ деньга чукӧр, археология, этнография кӧлуй, важӧн лэдзӧм да киӧн гижӧм паныдасьлытӧм небӧгъяс, ӧбразъяс. Тайӧ ставыс петкӧдлӧ поморскӧй старообрядечьяслӧн роч культуралысь ыджыд тӧдчанлунсӧ.
Музейлӧн экспозицияясыс висьталӧны Чилимдін сикт артмӧм йылысь, XIX нэм помын — XX нэм заводитчигӧн Печора мулӧн история йылысь, Чилимдін районса культура да вӧр-ва йылысь, чилимдінсаяс — Айму вӧсна Ыджыд Тышын участвуйтысьяс йылысь.
Сідзжӧ тані эм учёнӧй — Войвылын медводдза наука учреждениелы — Россияса Наукаяс Академиялӧн Печораса естественноисторическӧй станциялы (1906) да Печораса видз-му овмӧс опытнӧй станциялы (1911) подув пуктысь Андрей Владимирович Журавскийлӧн олӧмлы да уджлы сиӧм экспозиция.
{Kodko @ Владимир Уйба да Любовь Совершаева ветлісны Ухтаса социальнӧй объектъяс вылӧ @ выльтор @ https://rkomi.ru/news/2322 @ 2022-07-13 @}
Владимир Уйба да Любовь Совершаева ветлісны Ухтаса социальнӧй объектъяс вылӧ
Сора тӧлысь 13 лунӧ Коми Республикаса Юралысь Владимир Уйба да Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысьӧс вежысь Любовь Совершаева ветлісны Ухтаын Челядьлы паркӧ, Г. А. Карчевский нима Творчество шӧринӧ да История да ас му туялан музейӧ, видзӧдалісны «Карын бур оласног лӧсьӧдӧм» федеральнӧй проект серти бурмӧдӧм-мичмӧдӧм мутасъяс.
Карса юралысь Магомед Османов, Челядьлы парклӧн история йылысь висьталігӧн, пасйис, мый бӧръя воясӧ сійӧ зэв ёна вежсис.
Парксӧ вӧлі бурмӧдӧма-мичмӧдӧма социальнӧя уджъёртасьӧм серти, но и ӧні тані олысь водзмӧстчысь йӧз водзӧ лӧсьӧдалӧны бур объектъяс.
Владимир Уйба да Любовь Совершаева сёрнитісны дзоньвидзалун бурмӧдан гожся лагерысь челядькӧд да волісны скалодром вылӧ, модельнӧй библиотекаӧ, кодӧс вӧлі лӧсьӧдӧма «Культура» национальнӧй проект серти, йӧктан залъясӧ, Г. А. Карчевский нима творчество шӧринса театрӧ.
Владимир Уйба, Любовь Совершаева да Магомед Османов пуктісны дзоридзьяс ухтаса олысьяслы мемориал дорӧ, кодъяс пӧгибнитісны Айму вӧсна Ыджыд тыш воясӧ.
Тані колян нэмся 40-ӧд воясын вӧлі военкомат, татысь 13 сюрсысь унджык ухтаса олысь мунісны война вылӧ, кӧкъямыс сюрсыс на пиысь сідз эз и воны гортаныс.
Геройясӧс казьтылӧм могысь 1984 воын Ухтаын вӧлі лӧсьӧдӧма мемориалсӧ.
История да ас му туялан музейын Владимир Уйбалы да Любовь Совершаевалы нуӧдісны экскурсия, висьталісны Ухта районса озыр флора да фауна, интереснӧй историческӧй фактъяс йылысь.
Петкӧдлісны туристско-информационнӧй шӧрин, кытчӧ радейтӧны волыны тані олысьяс да регионса гӧсьтъяс.
Тані позьӧ тӧдмавны Ухталӧн да Коми Республикалӧн туристическӧй вынйӧр йылысь.
Любовь Совершаева тӧдчӧдіс, мый Ухта — зэв сӧстӧм, бур, мича кар: «Социальнӧя уджъёртасьӧм серти ӧтув вынъясӧн, республикалӧн да муниципалитетлӧн участвуйтӧм отсӧгӧн Ухтаын артмис лӧсьӧдны аслыспӧлӧс атмосфера — тані йитчӧмаӧсь и история дорӧ пыдди пуктӧм, и поколениеяс костын йитӧд, лӧсьӧдӧма ухтаса олысьяслы ӧнія бур условиеяс, эм уна места, кодъяс кыскӧны ас дорас туристъясӧс да карса гӧсьтъясӧс».
Фотоыс «Ухта» КК МЮ пресс-службалӧн
{Kodko @ Сора тӧлысь 13 лунсянь да торъя тшӧктӧмӧдз Комиын вӧръясын пыртӧма неминуча режим @ выльтор @ https://rkomi.ru/news/2323 @ 2022-07-14 @}
Сора тӧлысь 13 лунсянь да торъя тшӧктӧмӧдз Комиын вӧръясын пыртӧма неминуча режим
Владимир Уйба кырымаліс «Дінму тӧдчанлуна вӧръясын неминуча режим пыртӧм йылысь, мый артмис Коми Республикаын вӧрса пӧжаръяс вӧсна» Коми Республикаса Юралысьлысь 2022 во сора тӧлысь 13 лунся 76 №-а Индӧд.
Вӧрса пӧжаръяс кусӧдӧм вылӧ кыскасны Коми Республикаын вӧр пӧжаръяс кусӧдан да регионкостса маневрируйтан своднӧй план серти индӧм юкӧдувъяслысь да формированиеяслысь вынъяс да средствояс.
Неминуча бырӧдӧмӧн юрнуӧдысьӧн индӧма Коми Республикаса вӧр-ва озырлун да гӧгӧртас видзан министрӧс.
Сылы тшӧктӧма:
1) могмӧдны Коми Республикаын муниципальнӧй юкӧнъясса оперативнӧй штабъяс котырын лесничествоясӧн юрнуӧдысьяслысь участвуйтӧмсӧ;
2) котыртны Коми Республикаын вӧрса пӧжаръяс кусӧдӧм серти удж;
3) нуӧдны Коми Республикаын вӧръясын пӧжаръяс серти мониторинг;
4) котыртны коланлун дырйи регионкостса маневрируйтан режим серти вӧрса пӧжаръяс кусӧдӧм вылӧ содтӧд вынъяс да средствояс мӧдӧдӧм;
5) быд лун серпас бурмытӧдз юӧртны Коми Республикаын неминучаясысь ӧлӧдӧм, найӧс бырӧдӧм да пӧжарысь видзчысьӧм серти комиссияӧн веськӧдлысьлы Коми Республикаын вӧрса пӧжаркӧд йитчӧм лёкторъяс да вӧрса пӧжаръяс йылысь юӧръяс.
Россияса МЧС-лӧн Коми Республикаын медшӧр веськӧдланінлы тшӧктӧма могмӧдны Коми Республикаын пӧжарысь мездан мутасса гарнизонлысь содтӧд вынъяс да средствояс кыскӧмсӧ олан пунктъяс да экономика объектъяс пӧжарысь видзӧмсӧ тӧд вылын кутӧмӧн.
Коми Республикаын муниципальнӧй юкӧнъясса юралысьяслы тшӧктӧма могмӧдны Коми Республикаын муниципальнӧй юкӧнъяслӧн меставывса асвеськӧдлан органъяслысь, аварияысь мездан нештатнӧй да ӧтйӧза формированиеяслысь, а сідзжӧ спасательяслысь, кодъяс оз пырны индӧм формированиеясӧ, вынъяс да средствояс кыскӧмсӧ.
Коми Республикаын Россия Федерацияса пытшкӧс делӧяс министерстволы тшӧктӧма:
1) сетны отсӧг ӧтйӧза пӧрадок да объектъяс, кодъяс могмӧдӧны йӧзлысь олӧмсӧ вӧрса пӧжаръяс местаясын, видзӧмсӧ ёнмӧдӧм серти;
2) ас уджмогъясын сетны отсӧг лесничествоясын уджалысьяслы вӧрӧ йӧзлӧн ветлӧмысь да сэтчӧ транспортӧн пырӧмысь дзескӧдӧм серти.
{Kodko @ Владимир Уйба: «Быдӧнлы миян пиысь колӧ лоны чорыдджыкӧн правилӧяс торкалысьяс серти» @ выльтор @ https://rkomi.ru/news/2326 @ 2022-07-14 @}
Владимир Уйба: «Быдӧнлы миян пиысь колӧ лоны чорыдджыкӧн правилӧяс торкалысьяс серти»
Коми Республикаса Юралысь нуӧдіс Туй вылын видзчысянлунсӧ могмӧдӧм серти республиканскӧй комиссиялысь заседание.
Сёрниыс муніс подӧн ветлысьяслӧн да школьнӧй автобусъясӧн челядьӧс новлӧдлӧм серти видзчысянлун йылысь.
«Транспорт вӧсна вермас лоны уна лёктор.
Та понда быд водительлы колӧ бура гӧгӧрвоны, мый руль сайын кӧть кутшӧм ӧшыбка либӧ туй вылын правилӧяс торкалӧмыс, тэрмасьӧмыс вермасны вайӧдны ыджыд шогӧдз.
Чайта, та дырйи быдӧнлы миян пиысь колӧ лоны чорыдджыкӧн правилӧяс торкалысьяс серти — юӧртны ГИБДД-ӧ видеорегистраторъясын гижӧм торкалӧмъяс йылысь, медым примитны та серти мераяс.
Татшӧм уджсӧ колӧ нуӧдны дугдывтӧг.
Сӧмын татшӧм ногӧн ми вермам лӧсьӧдны туйяс вылын дисциплина да видзчысьны уна ДТП-ысь.
Став канму организациялы, кодъяс вӧдитчӧны видеорегистраторъяса автотранспорт средствоясӧн, колӧ уджавны инӧд торкалӧмъяс пасйӧм да на йылысь госавтоинспекцияӧ юӧртӧм серти», — тӧдчӧдіс Коми Республикаса Юралысь.
2021 вося арнас Сыктывкарын шызьӧдана ДТП бӧрын социальнӧй везъясын олысьяслӧн шыӧдчӧм лыдыс ёна содіс.
Коми Республикаса Юралысь Владимир Уйбалӧн тшӧктӧм серти Дінмуӧн веськӧдлан шӧрин, а сідзжӧ республикаса Стрӧитчан, оланін да коммунальнӧй овмӧс министерство дасьтісны республикаса туйяс вылын подӧн ветлӧдлысьяслысь видзчысянлунсӧ могмӧдан мероприятиеяс нуӧдӧм йылысь отчёт.
Та дырйи торйӧн чукӧртісны да видлалісны олысьяссянь вӧзйӧмъяссӧ.
«Проект збыльмӧдӧмыс петкӧдліс, мый граждана дасьӧсь отсавны власьтлы туйяс вылын видзчысянлункӧд йитчӧм юалӧмъяс серти. Та вӧсна вӧзъям тшӧкыдджыка ышӧдны зіль да водзмӧстчысь гражданаӧс татшӧмсяма могъяс решитӧм вылӧ, — шуис Дінмуӧн веськӧдлан шӧринса юрнуӧдысь Евгений Зелинский.
Республикаса олысьяс мӧдӧдісны 372 вӧзйӧм.
Медтшӧкыда на лыдын паныдасьлӧны школаяскӧд орччӧн светофоръяс сувтӧдӧм, детсадъяс бердын да олан пунктъяслӧн ылі районъясын туй вуджанінъяс да москияс югзьӧдӧм йылысь юалӧмъяс.
Вӧзйӧмъяссӧ мӧдӧдісны муниципалитетъясӧ, медым лӧсьӧдны лёк участокъяслысь лыддьӧг.
Унджык районын нуӧдісны нин комиссионнӧй туялӧмъяс.
Сэсся кутасны артавны 2023 воын проектъяс збыльмӧдӧм вылӧ смета.
«Колӧ пасйыны, мый талунъя лун кежлӧ миян республикаын абу на став туй вуджанінсӧ оборудуйтӧма ГОСТ-лӧн корӧмъяс серти.
Аварияяслӧн лыдыс век на зэв уна.
Уджъёртъяс, миян мог — вӧчны подаяслы туй вуджанінъяссӧ кыдз позьӧ безопаснӧйджыкӧн.
2023 восянь ми кутам вичмӧдны 1 млрд шайт муниципалитетъяс сӧвмӧдӧм вылӧ.
Тшӧкта Коми Республикаса Веськӧдлан котырлы бурджыка видлавны тайӧ сьӧмсӧ видзӧм серти юалӧмсӧ, медым кольччысь муниципалитетъяс вермисны видзны сьӧмсӧ сӧмын ӧти мог вылӧ — туй вуджанінъяс лӧсьӧдӧм-бурмӧдӧм вылӧ.
Казьтышта, мый туй вуджанінъяслысь видзчысянлун могмӧдӧм серти могсӧ индіс странаса Президент», — тӧдчӧдіс республикаса Юралысь.
Коми Республикаса стрӧитчан, оланін да коммунальнӧй овмӧс министерстволӧн юӧр серти, выль национальнӧй стандартъяслӧн корӧмъяслы лӧсялӧ 1510 туй вуджанін — налӧн ӧтувъя лыдысь 70%, на лыдын школаяскӧд либӧ мукӧд велӧдчанінкӧд орччӧн — 246 туй вуджанін лыдысь 182, либӧ 74%.
2021 олан пунктъяслӧн улич-туйяс да меставывса тӧдчанлуна автотуйяс вылын лӧсьӧдӧма корӧмъяс серти 86 туй вуджанін (42 — регионса автотуйяс вылын да 44 — меставывса тӧдчанлуна автотуйяс вылын), сы лыдын школаяскӧд да мукӧд велӧдчанінкӧд орччӧн — 14.
Тайӧ могъяс вылӧ став тшупӧда сьӧмкудйысь вичмӧдӧма 73,4 млн шайт.
2022 воын кӧсйӧны лӧсьӧдны-бурмӧдны 63 туй вуджанін, тайӧ могъяс вылӧ став тшупӧда сьӧмкудъясысь урчитӧма 21 млн шайт.
Дінму да муниципалитеткостса тӧдчанлуна автомашина туйяс вылын оланпастэчаслӧн корӧмъяс серти лӧсьӧдӧма 312 туй вуджанін.
2022 воын кӧсйӧны лӧсьӧдны корӧмъяс серти 42 туй вуджанін.
Пӧшти став муниципалитетын велӧдчанінъяскӧд орчча туй вуджанінъяссӧ лӧсьӧдӧма урчитӧм корӧмъяс серти.
Сӧмын вит муниципалитетын тайӧ уджсӧ эз на помавны.
Коми Республикаса Юралысь ачыс видзӧдӧ школьнӧй автобусъясӧн челядьӧс новлӧдлігӧн видзчысянлунсӧ могмӧдӧм бӧрся.
«Школьнӧй маршрутъяс вылысь туйяссӧ дзоньталӧны дзик став муниципалитетын.
Ме стӧча инді кадсӧ: контрактъяс серти уджъяссӧ колӧ эштӧдны моз тӧлысь 31 лунӧдз.
Эмӧсь муниципалитетъяс, кодъяслы ми вичмӧдім содтӧд сьӧм.
Шуам, Луздор районлы вичмӧдӧма сьӧм киссьӧм пос дзоньталӧм вылӧ, кодӧс челядьыс вуджлісны подӧн.
Коми Республикаса Веськӧдлан котыр таво вӧчис ставсӧ, медым лӧсьӧдны школьнӧй маршрутъяссӧ нормативъяс серти, — шуис Владимир Уйба.
— Выльмӧдім и школьнӧй автопаркъяс.
Велӧдчанінъяс дорӧ менам тшӧтш стрӧг корӧмъяс.
Школьнӧй автобусъяссӧ техническӧя видлавны колӧ водзджык, тайӧ кадколаст кольтӧдзыс на.
Тайӧс кӧ оз вӧчны, мыждасны ставнысӧ: школаса директорсянь велӧдӧмӧн веськӧдланінса начальникӧдз.
Торъя корӧмъяс лоасны муниципалитетса юралысьяс дорӧ».
{Kodko @ Комиын вӧрса пӧжаръясыс контроль улын, олан пунктъяслы да экономика объектъяслы нинӧм оз грӧзит @ выльтор @ https://rkomi.ru/news/2327 @ 2022-07-14 @}
Комиын вӧрса пӧжаръясыс контроль улын, олан пунктъяслы да экономика объектъяслы нинӧм оз грӧзит
Регионса Юралысь Владимир Уйба нуӧдіс Коми Республикаын неминучаясысь ӧлӧдӧм, найӧс бырӧдӧм да пӧжарысь видзчысьӧм серти комиссиялысь планысь ӧтдор заседание.
Сӧвещание вылын вӧлі Рытыв-Войвыв федеральнӧй кытшын Вӧр овмӧс департаментса начальник Сергей Штрахов.
Кывзісны Коми Республикаса гидрометеорология да гӧгӧртас серти мониторинг нуӧдысь шӧринса начальник Олег Козеллысь, Коми Республикаса вӧр-ва озырлун да гӧгӧртас видзан министр Екатерина Киселевичлысь, Россияса МЧС-лӧн Коми Республикаын медшӧр веськӧдланінса начальник Алексей Пархомовичлысь, а сідзжӧ Удора, Княжпогост, Чилимдін да Изьва районъясса администрацияясӧн юрнуӧдысьяслысь докладъяс.
Сора тӧлысь 14 лун вылӧ республикаын эм 83 вӧрса пӧжар 3 сюрсысь унджык гектар вылын, 10 муниципальнӧй юкӧнын: Ухтаын, Усинскын, Печораын, Вуктылын, Изьва, Княжпогост, Сосногорск, Мылдін, Удора да Чилимдін районъясын.
Олан пунктъяслы да экономика объектъяслы нинӧм оз грӧзит.
Олан пунктъяс да экономика объектъяс дорйӧм могысь содтӧд дасьтӧма пӧжарысь видзан канму службалысь вынъяс да средствояс.
Бикӧд тышкасьысьяслы отсӧг вылӧ Комиӧ воисны Архангельск обласьтысь, Карелия Республикаысь да Марий Эл Республикаысь кусӧдчысьяс, содтӧд сетӧмаӧсь вынъяс федеральнӧй резервысь.
Вӧрса пӧжаръяс кусӧдӧны 500 унджык морт.
Владимир Уйбалӧн кывъяс серти, медся коланаыс — колананогӧн юклыны вынъяс, ӧдйӧ да кужӧмӧн вӧдитчыны йӧзӧн, техникаӧн, чукӧртчыны сэні, кӧні тайӧ медводз колӧ.
«Муниципалитетӧн юрнуӧдысьяслы быть колӧ котыртны удж сэтчӧс йӧзӧс мобилизуйтӧм серти.
Йӧзлы колӧ дасьтыны зыръяс да ранецъяс.
Тайӧ колӧ сы могысь, медым бырӧдны неыджыд пӧжаръяс, медым найӧ водзӧ эз ӧзйыны, и сӧмын сэні, кӧні оз ковны профессиональнӧй бикӧд тышкасьысьяс.
Медым позис ӧдйӧ кусӧдны татчӧс доброволечьяслӧн вынъясӧн.
Зэв колана, медым биыс эз вудж олан пунктъясӧ.
Муниципалитетъясӧн пыдди пуктана юрнуӧдысьяс, кора вӧчны тайӧ уджсӧ да юӧртны», — шуис Коми Республикаса Юралысь.
Тӧрыт Владимир Уйба кырымаліс сора тӧлысь 13 лунсянь да торъя тшӧктӧмӧдз Коми Республикаса вӧръясын неминуча режим пыртӧм йылысь Индӧд.
Удора да Княжпогост районъясын тшӧтш пыртӧма неминуча режимъяс, сы вӧсна мый тані площадь серти медся ыджыд вӧрса пӧжаръяс.
85% пӧжарыс лоӧ ылі да сьӧкыда воӧдчан местаясын гым-чард вӧсна.
Мукӧд помкаыс — биӧн видзчысьтӧг вӧдитчӧм да линейнӧй объектъяссянь.
Казявны найӧс вермӧны авиамониторинг тшӧкыда вӧчӧмӧн.
Комиын нуӧдсьӧ 5 единица кокни мотора авиацияӧн да кык АН 2 самолётӧн кык пӧвста патрулируйтӧм.
Пӧжаръяс кусӧдӧм вылӧ вынъяс вайӧм могысь вӧдитчӧны 6 Ми–8 вертолётӧн.
Таысь кындзи, регионын нуӧдсьӧ спутникӧвӧй системаяс отсӧгӧн мониторинг.
«Неминуча режимсӧ республикаса вӧръясын пыртӧма ас кадӧ.
Тайӧ бур да колана помшуӧм.
Сійӧ сетӧ позянлун миянлы ставлы ас кадӧ содтавны вынъяс да средствояс, кыскыны федеральнӧй резервсӧ.
Регыдъя кадӧн Вӧр сотчӧмысь видзан Коми шӧринӧн да Вӧр-ва озырлун министерствоӧн примитӧма колана помшуӧмъяс медводз олан пунктъясдорса пӧжаръяс кусӧдӧм серти», — донъяліс Рытыв-Войвыв федеральнӧй кытшын Вӧр овмӧс департаментса начальник Сергей Штрахов.
{Kodko @ Владимир Уйба: «Видз-му овмӧс — странаын сёян-юан серти безопасносьт вӧсна тышын медшӧр ӧружие» @ выльтор @ https://rkomi.ru/news/2329 @ 2022-07-16 @}
Владимир Уйба: «Видз-му овмӧс — странаын сёян-юан серти безопасносьт вӧсна тышын медшӧр ӧружие»
Коми Республикаса Юралысь чолӧмаліс племеннӧй скӧтлы сиӧм выставкаын да уджсикасын кужанлун серти конкурсын участвуйтысьясӧс.
«Ми олам геополитика боксянь сьӧкыд кадӧ.
Ӧні видз-му овмӧс — странаын сёян-юан серти безопасносьт вӧсна тышын медшӧр ӧружие.
Та боксянь ті, тайӧ юкӧнын уджалысьяс, ставныд — воинъяс.
Талун буретш тадз колӧ видзӧдны тіян удж вылӧ.
Коми Республикаса Веськӧдлан котырлы видз-му овмӧс — тӧдчана юкӧн.
Ассьым кывъясӧс эскӧдӧм могысь пасъя, мый таво тайӧ юкӧнӧ ми веськӧдім 1 миллиард 400 миллион шайт.
Талун кежлӧ суйӧрсайса тӧвар вежӧм — медшӧр мог, а племеннӧй удж — водзӧ вылӧ удж, — шыӧдчис выставкаӧ пырӧдчысьяс дорӧ Владимир Уйба.
— Сиа уджсикасын кужанлун серти конкурсӧ пырӧдчысьяслы петкӧдлыны ставсӧ мый ті верманныд, бурмӧдны ассьыныд петкӧдласъяс да став вынӧн вермасьны».
Республикаса Юралысь тӧдмасис племеннӧй удж серти «Коми» республиканскӧй канму ӧтувъя видз-му овмӧс предприятиелӧн уджӧн, ветліс учреждениелӧн лабораторияясӧ, сёрнитіс племеннӧй скӧтлы сиӧм выставкаын участвуйтысьяскӧд — Сыктывкарса, Ухтаса, Сыктыв, Сыктывдін, Кӧрткерӧс районъясса видз-му овмӧс организацияясӧс петкӧдлысьяскӧд.
Коми Республикаын уджалӧ 12 племеннӧй овмӧс. Налысь прӧдукциясӧ ньӧбӧны оз сӧмын регионын, но и сыысь бокын.
Отрасль водзын сулалӧ мог — водзӧ сӧвмӧдны-паськӧдны йӧла да яя скӧт видзӧмын бур племеннӧй база.
Талун тайӧ нырвизьясын канмусянь отсӧгыс зэв колана, сыӧн ёна вӧдитчӧны, сійӧ вайӧ бур бӧртасъяс.
Тайӧс эскӧдӧ сійӧ, мый грант отсӧгӧн артмӧны выль фермер овмӧсъяс, воссьӧны видз-му овмӧсса потребительскӧй кооперативъяс, уджалӧны организацияяс.
Отсавны видз-му овмӧс юкӧнлы да паськӧдны тайӧ юкӧнын уджалӧмсӧ йӧз пӧвстын позьӧ тшӧтш и уджсикасын кужанлун серти конкурсъяс да видз-му овмӧслы сиӧм выставкаяс нуӧдӧмӧн. 
{Kodko @ Комиын челядьлы шойччӧмсӧ котыртӧма безопасносьт серти став правилӧӧ кутчысьӧмӧн @ выльтор @ https://rkomi.ru/news/2330 @ 2022-07-16 @}
Комиын челядьлы шойччӧмсӧ котыртӧма безопасносьт серти став правилӧӧ кутчысьӧмӧн
Республикаса Юралысь Владимир Уйба видлаліс, кыдзи челядьыс шойччӧны «Мечта» да «Чайка» дзоньвидзалун бурмӧдан лагеръясын.
«Ми зілим лагеръясын да челядьлы шӧринъясын котыртны ставсӧ сідзи, медым шойччӧмыс тіянлы воис сьӧлӧм выланыд да колис вежӧраныд, медым локтан велӧдчан воӧ ті вӧлінныд дзоньвидзаӧсь, ёнӧсь, сюсьӧсь.
Быд во ми республикаын содталам путёвкаяслысь лыдсӧ, медым унджык челядьлӧн вӧлі позянлун шойччыны лагеръясын.
Сиа тіянлы пӧтмӧн шойччыны, йӧктыны, чеччавны, гажӧдчыны.
И арнас выль вынъясӧн мунны школаӧ», — шыӧдчис челядь дорӧ Владимир Уйба.
Коми Республикаса Юралысь видзӧдаліс инфраструктурасӧ, челядьлы лӧсьӧдӧм олан условиеяссӧ, тӧдмасис профильнӧй сменаяслӧн уджтасӧн.
«Чайка» лагерын Владимир Уйба вӧлі «Современный мечевой бой» да «Стрельба из лука» мастер-классъяс вылын, а «Мечта» лагерын — «Мировые танцы» фестиваль вылын, сетіс сменаын участвуйтысьяслы козинъяс — волейбольнӧй мачьяс.
«Чайка» лагер — республикаын медводдза палаткаяса стационарнӧй лагер меститчӧ Сыктывдін районса Ичӧт Слуда грездын.
Ӧні сэні шойччӧны 37 челядь, унджыкыс на пиысь пикӧ воӧм челядь.
«Мечта» челядьлы дзоньвидзалун бурмӧдан лагер сулалӧ Сыктывдін районса Кӧччойяг местаын.
Сэні шойччӧны 192 челядь, на лыдын пикӧ воӧм, уна челядя семьяясысь да енбиа челядь.
Тайӧ гожӧмын Коми Республикаын уджалӧ челядьӧс шойччӧдан да налысь дзоньвидзалун бурмӧдан 450 организация.
Тайӧ каднас стационарнӧй, лунся, уджалан да шойччан лагеръясын удитасны шойччыны 34 сюрс гӧгӧр челядь.
Таысь кындзи, Комиысь 5 сюрсысь унджык челядь таво шойччасны саридз дорын Анапаын, Геленджикын да Севастопольын.
{Kodko @ Владимир Уйба чолӧмаліс Коми Республикаса пытшкӧс делӧяс органъясса уджалысьясӧс да ветеранъясӧс уджсикас гажӧн @ выльтор @ https://rkomi.ru/news/2332 @ 2022-07-16 @}
Владимир Уйба чолӧмаліс Коми Республикаса пытшкӧс делӧяс органъясса уджалысьясӧс да ветеранъясӧс уджсикас гажӧн
Талун, сора тӧлысь 16 лунӧ, тырӧ 101 во республикаса пытшкӧс делӧяс органъяс артмӧдан лунсянь.
Сыктывкарын нуӧдісны тшупӧда паслы сиӧм кыпыд мероприятиеяс.
Асывнас пуктісны дзоридзьяс С. М. Киров нима культура да шойччан паркын «Шагнувшим в бессмертие» мемориал дорӧ. Пырӧдчисны Коми Республикаса Юралысь Владимир Уйба, регионса пытшкӧс делӧяс министр Андрей Сицский, регионса инӧд видзан органъясӧн юрнуӧдысьяс, служебнӧй могъяс олӧмӧ пӧртігӧн пӧгибнитӧм сотрудникъяслӧн рӧдвуж.
Степан изэрд вылын вӧлі республикаса пытшкӧс делӧяс органъясса личнӧй составлӧн стрӧевӧй смотр.
«Став тайӧ воясӧ ті доръянныд республиканымӧс.
Аттьӧала тіянӧс могъяс бура олӧмӧ пӧртӧмысь, повтӧмлунысь да кывкутӧмысь.
Сыысь, мый ті дасьӧсь отсавны пикӧ воӧм йӧзлы.
Сьӧлӧмсянь аттьӧала ветеранъясӧс, кодъяс пуктісны подув республикаса пытшкӧс делӧяс органъяслӧн уджлы.
Сиа пытшкӧс делӧяс органъясын служитысьяслы шуд, тыр-бура олӧм, крепыд дзоньвидзалун да медым семьяын ставыс вӧлі бур.
Бура служитны Россиялы да Коми Республикалы!», — сиис Владимир Уйба.
Коми Республикаса Юралысь сетіс уджалысьяслы канму наградаяс.
Гажыс помассис артистъяслӧн, ведомствоса юкӧдувъясын уджалысьяслӧн да Сыктывкарса гарнизонлӧн военнӧй оркестрлӧн творческӧй номеръясӧн.
* * *
Коми Республикаса Юралысьлӧн Индӧдӧн
Коми Республика водзын заслугаясысь «Коми Республикаса нимӧдана уджалысь» почёт ним сетӧма
Роман Михайлович Хаславскийлы — юстицияса полковниклы, Коми Республикаын пытшкӧс делӧяс министрӧс вежысьлы — следственнӧй веськӧдланінса начальниклы.
Коми Республикаса Юралысьлӧн тшӧктӧмӧн
чина кывкутана могъяс сьӧлӧмсянь олӧмӧ пӧртӧмысь «Коми Республикалы зэв бура служитӧмысь» отличие пас сетӧма
Алексей Альбертович Вешняковлы — полицияса полковниклы, Коми Республикаын МВД-лӧн оперативнӧй отделса начальниклы.
Чина кывкутана могъяс бура олӧмӧ пӧртӧмысь да уна во сьӧлӧмсянь уджалӧмысь Коми Республикаса Юралыссянь аттьӧалӧм сетӧма
Елена Юрьевна Бантышлы — юстицияса подполковниклы, Россияса МВД-лӧн Сосногорск карын отделса начальникӧс вежысьлы — следственнӧй отделениеса начальниклы;
Мария Григорьевна Котельниковалы — полицияса подполковниклы, Россияса МВД-лӧн Ухта карса отделын дознание отделса начальниклы;
Алексей Владимирович Шучалинлы — полицияса майорлы, Россияса МВД-лӧн Луздор районса отделениеын полицияса участкӧвӧй уполномоченнӧйяслӧн да тыр арлыдтӧмъяслӧн могъяс серти отделениеса начальниклы;
Антон Александрович Скворцовлы — полицияса капитанлы, Коми Республикаын МВД-лӧн экстремизмлы паныд удж нуӧдан шӧринса оперуполномоченнӧйлы;
Анна Сергеевна Новиковалы — юстицияса старшӧй лейтенантлы, Коми Республикаын МВД-лӧн следственнӧй веськӧдланінын котыртӧмӧн мыж вӧчӧмъяс туялӧм серти следственнӧй юкӧнса старшӧй следовательлы.
Служебнӧй могъяс сьӧлӧмсянь олӧмӧ пӧртӧмысь, Коми Республика мутасын инӧда пӧрадок могмӧдӧмӧ пай пуктӧмысь Коми Республикаса Юралыссянь аттьӧалана письмӧ сетӧма:
Максим Валерьевич Малковлы — полицияса подполковниклы, Россияса МВД-лӧн Сыктывкарса веськӧдланінын дознание отделса начальникӧс вежысьлы;
Денис Владимирович Турубановлы — полицияса майорлы, Коми Республикаын МВД-лӧн ӧтйӧза пӧрадок видзӧмӧн веськӧдланінын административнӧй оланпастэчасӧн вӧдитчӧмсӧ котыртан отделса торъя тшӧктӧмъяс серти старшӧй инспекторлы;
Татьяна Евгеньевна Ашовскаялы — юстицияса капитанлы, Россияса МВД-лӧн Сыктывкарын веськӧдланінлӧн следственнӧй веськӧдланінса мутасын, мый могмӧдӧ Полициялӧн 2 №-а отдел, мыж вӧчӧмъяс туялӧм серти отделса начальникӧс вежысьлы;
Игорь Васильевич Демчуклы — полицияса старшӧй лейтенантлы, Россияса МВД-лӧн Ухта карса отделын уголовнӧй розыск отделса старшӧй оперуполномоченнӧйлы;
Елена Александровна Крупалы — полицияса старшӧй лейтенантлы, Россияса МВД-лӧн Княжпогост районса отделын полицияса участковӧй уполномоченнӧйяслӧн да тыр арлыдтӧмъяслӧн могъяс серти отделениеын административнӧй дӧзьӧр збыльмӧдан нырвизь серти инспекторлы;
Мария Николаевна Беляевалы — юстицияса старшӧй лейтенантлы, Коми Республикаын МВД-лӧн следственнӧй веськӧдланінса котыртӧмӧн мыж вӧчӧмъяс туялӧм серти следственнӧй юкӧнса старшӧй следовательлы;
Дарья Игоревна Огурцовалы — юстицияса старшӧй лейтенантлы, Россияса МВД-лӧн Сыктывдін районса отделын следственнӧй отделениеса следовательлы.
{Kodko @ Комиын олысьяс вермасны копыртчывны Вежа Сергий Радонежскийлӧн мощьяслы @ выльтор @ https://rkomi.ru/news/2333 @ 2022-07-16 @}
Комиын олысьяс вермасны копыртчывны Вежа Сергий Радонежскийлӧн мощьяслы
Талун, сора тӧлысь 16 лунӧ, вежаторсӧ вайисны Сыктывкарӧ.
Коми Республикаса Юралысь Владимир Уйба колльӧдіс Вежа Сергий Радонежскийлӧн мощьяса ковчегсӧ аэропортсянь Вежа Степанлӧн кафедральнӧй соборӧдз да участвуйтіс молебенын.
2022 воын сора тӧлысь 18 лунӧ Роч православнӧй вичко пасъяс Вежа Сергий Радонежскийлысь мощьяссӧ вайӧм лунсянь 600 во.
Вежалӧн мощьясыс лоӧны Троице-Сергиевӧй лаврын, Роч Православнӧй Вичкоын мужичӧйяслӧн ыджыд манастырын, медтӧдчана вежаторйӧн.
Тайӧ кадпаскӧд йитӧдын мощьяса ковчегсӧ ваясны Россияын 57 карса епархияясӧ.
Быд епархияын сійӧ лоас кык лун.
Медводз Сыктывкарӧ эз кӧсйыны вайны вежаторсӧ.
Но Коми Республикаса Юралысь Владимир Уйбалӧн Вежа Патриарх Кирилл дорӧ шыӧдчӧм бӧрын Коми Республикаын олысьяслӧн лоис позянлун копыртчывны Вежа Сергий Радонежскийлӧн мощьяслы.
«Дона вокъяс да чойяс!
Миян талун ыджыд лун.
Медводдзаысь Коми муӧ воис роч мулӧн игумен, Вежа Сергий Радонежский, — шыӧдчис Коми Республикаса Юралысь Владимир Уйба вичкоӧ локтысьяс дорӧ.
— Талун миян сьӧкыд кад.
Миян воинъяс Ичӧт Роч му вылын нуӧдӧны мездӧм кузя операция, дорйӧны миянлысь вокъясӧс да чойясӧс, тышкасьӧны неонацистъяскӧд да фашистъяскӧд.
И Вежа Сергий Радонежский талун ветлӧдлӧ Россияті, уна кар да сикт кузя.
Талун сійӧ локтіс миян республикаӧ.
Тайӧ миянлы ставнымлы, христианскӧй вералы да миян Президент Владимир Владимирович Путинлы ыджыд отсӧг.
Слава тэныд, Енмӧй, слава тэныд!
Слава тэныд, Вежа Сергий Радонежский, слава тэныд!»
Вежаторйыс лоас Сыктывкарын Вежа Степанлӧн кафедральнӧй соборын кык лун — талун да аски.
Ӧні нин позьӧ локны да копыртчывны.
Став тайӧ кадсӧ, весиг войын, вичколӧн ӧдзӧсъяс енлы эскысь йӧзлы лоӧны восьсаӧсь.
Сора тӧлысь 17 лунӧ 07:00-сянь 09:30-ӧдз лоӧ Сыктывкарса да Коми-Зырянаса архиепископ Питиримлӧн божественнӧй литургия да молебен.
10:30-сянь соборсянь сыктывкарса аэропортӧдз мунас крестнӧй ход.
Позьӧ локны ставлы.
Сыктывкарсянь мощьяссӧ ыстасны Вологдаӧ.
{Kodko @ Комиын олысьяс нуисны крестнӧй ходӧн Сергий Радонежскийлӧн мощьясӧн ковчег @ выльтор @ https://rkomi.ru/news/2336 @ 2022-07-17 @}
Комиын олысьяс нуисны крестнӧй ходӧн Сергий Радонежскийлӧн мощьясӧн ковчег
Сора тӧлысь 16 лунсянь 17 лунӧдз вежаторйыс вӧлі Сыктывкарын Вежа Степанлӧн кафедральнӧй соборын.
Сыктывкарса да Коми-Зырянаса архиепископ Питиримлӧн асъя божественнӧй литургия да молебен бӧрын вежалӧн мощьяса ковчегсӧ вӧлі вайӧмаӧсь крестнӧй ходӧн Коми Республикаса юркарлӧн аэропортӧ, кысянь найӧс ыстасны Вологдаӧ.
Крестнӧй ходын участвуйтіс 1 сюрс гӧгӧр морт.
Вежа Сергий Радонежскийлӧн мощьясӧн ковчегсӧ нуис и Коми Республикаса Юралысь Владимир Уйба.
«Коми мулӧн историяын медводдзаысь миянӧ воис Вежа Сергий Радонежский.
Кор ми тіянкӧд юрбитам да корам Енлысь вӧчны дивӧ, медым збыльмӧдны миянлысь кутшӧмкӧ корӧмъяс, вермыны вӧрӧгӧс, видзны миян воинъяслысь олӧмнысӧ.
Вежалӧн талунъя локтӧмыс и эм дивӧ.
Енлӧн дивӧ, кодӧс сетӧма миянлы асьнымӧс да Иисус Христос Енлы эскӧмсӧ ёнмӧдӧм вылӧ.
Ен мед видзас тіянӧс!», — шыӧдчис вичкоӧ локтысьяс дорӧ литургия да молебен бӧрын Владимир Уйба.
2022 вося сора тӧлысь 18 лунӧ Роч православнӧй вичко пасъяс Вежа Сергий Радонежскийлысь мощьяссӧ вайӧм лунсянь 600 во.
Вежалӧн мощьясыс лоӧны Троице-Сергиевӧй лаврын, Роч Православнӧй Вичкоын мужичӧйяслӧн ыджыд манастырын, медтӧдчана вежаторйӧн.
Тайӧ кадпаскӧд йитӧдын мощьяса ковчегсӧ ваясны Россияын 57 карса епархияясӧ.
Быд епархияын сійӧ лоас кык лун.
Медводз Сыктывкарӧ эз кӧсйыны вайны вежаторсӧ.
Но Коми Республикаса Юралысь Владимир Уйбалӧн Вежа Патриарх Кирилл дорӧ шыӧдчӧм бӧрын Коми Республикаын олысьяслӧн лоис позянлун копыртчывны Вежа Сергий Радонежскийлӧн мощьяслы.
{Kodko @ Сыктывкарӧ удж серти воис Александр Шохин @ выльтор @ https://rkomi.ru/news/2337 @ 2022-07-18 @}
Сыктывкарӧ удж серти воис Александр Шохин
Асывнас Россияса прӧмышленникъяслӧн да асшӧр уджалысьяслӧн союзса Президент видлаліс Коми Республикаса Юралысь Владимир Уйбакӧд ӧтув уджалӧм йылысь юалӧмъяс
{Kodko @ Владимир Уйба: «Инфраструктурнӧй Мегапроект збыльмӧдӧмыс отсалас сӧвмӧдны Россияса Арктика да странасӧ ставнас» @ выльтор @ https://rkomi.ru/news/2339 @ 2022-07-18 @}
Владимир Уйба: «Инфраструктурнӧй Мегапроект збыльмӧдӧмыс отсалас сӧвмӧдны Россияса Арктика да странасӧ ставнас»
Сыктывкарын муніс «Россия Федерацияса Арктика зонаын Индига саридзса джуджыд порт да Сосногорск — Индига кӧрт туй магистраль стрӧитӧмӧн национальнӧй горнопромышленнӧй кластер лӧсьӧдӧм» мегапроект збыльмӧдӧм серти ӧтувъя сӧвещание. Сэні участвуйтісны Коми Республикаса Юралысь Владимир Уйба, Россияса прӧмышленникъяслӧн да асшӧр уджалысьяслӧн союзса Президент Александр Шохин, Ненеч асвеськӧдлан кытшса Губернатор Юрий Бездудный да «РУСТИТАН» компанияяслӧн группаӧн веськӧдлысьяс.
«Транспорт, энергетика да юӧртан инфраструктураа национальнӧй горнопромышленнӧй кластер лӧсьӧдӧм — республикалӧн стратегическӧй мог.
Тайӧ сетас позянлун заводитны выль да сӧвмӧдны уджалысь нин проектъяс Коми Республикаӧс социальнӧй экономика боксянь сӧвмӧдӧм да Россияса Арктика зоналы бур вылӧ.
Коми Республикалы тайӧ проектыс лоӧ торъя коланаӧн.
Россия Федерацияса Арктика зона сӧвмӧдан стратегияӧ да 2026 воӧдз Коми Республикаса экономика диверсифицируйтан мероприятиеяслӧн планӧ, мый дасьтӧма Россияса Президентлӧн тшӧктӧм серти, сійӧс пыртӧмыс висьталӧ федеральнӧй шӧринсянь проектлы паськыда отсалӧм йылысь», — пасйис Владимир Уйба.
«Дерт, кад кольӧм мысти мегапроект збыльмӧдӧм босьтӧ содтӧд тӧдчанлун да коланлун.
Сёрниыс мунӧ оз сӧмын республикаын кластер лӧсьӧдӧм, но и юкӧнъяс индӧм йылысь: аэрокосмическӧй, суднояс стрӧитан, автомашинаяс стрӧитан, мусир да биару, лакокрасочнӧй да химическӧй промышленносьт.
И, тӧдӧмысь, такӧд йитӧдын национальнӧй горнопромышленнӧй кластерлӧн прӧдукция вылӧ корӧмыс кутас содны.
Проектлӧн мӧд юкӧныс — «Сосногорск — Индига» кӧрт туй, коді йитас Войвыв саридзса туй да страналысь кӧрт туй вез.
Ӧні уна сёрнитӧны Асыввылӧ груз вуджӧдӧм йылысь, но тані татшӧм меридианнӧй транспортӧн ветланінъястӧг оз позь.
И, дерт жӧ, Индига порт — тайӧ ыджыд позянлунъяса порт.
Тайӧ джуджыд порт, кӧні абуӧсь сьӧкыд йияс.
Войвыв саридзса туй вылын сійӧ лоӧ коланаӧн», — тӧдчӧдіс Александр Шохин.
«Талун ми збыльмӧдам зэв ыджыд проект.
Тайӧ уджъёртасьӧмлӧн югыд пример, кор кык регион да ыджыд компания ӧтувтісны ассьыныс вынъяссӧ, медым пӧртны олӧмӧ тӧдчанлуна мог.
Миян кытшлӧн интересъясыс прӧстӧйӧсь да гӧгӧрвоанаӧсь.
Ми пӧртам олӧмӧ миян йӧзлысь олӧмсӧ бурмӧдӧм серти Президент Владимир Путинлысь тшӧктӧмъяссӧ.
А та могысь лӧсьӧдам выль уджалан местаяс да содтам сьӧмкудйӧ воӧм сьӧм.
Проектыс абу йитчӧма мусир да биару перйӧмкӧд.
Ми лӧсьӧдам транспортнӧй коридор.
Сосногорск-Индига кӧрт туй вывті грузъяс вермасны дженьыд маршрут кузя петны Войвыв саридзса туй вылӧ.
Индига — Баренцев саридз дорын карта вылын аслыспӧлӧс точка.
Портыс сетас позянлун примитны суднояссӧ, кытчӧ тӧрӧ 150 сюрс тоннаысь унджык груз.
Кор тӧвар иналан рынокъяс вуджӧны асыввылӧ, то ёна чинӧ транспортируйтӧм вылӧ кадыс да рӧскодыс.
Выль транспорт магистраль «ловзьӧдас» миянлысь Войвыв Тимансӧ», — шуис Юрий Бездудный.
«Зэв бур, мый талун ми чукӧртчим татшӧм чукӧрӧн.
Тайӧ висьталӧ мегапроектлӧн статус, канмуӧн веськӧдлысьяслӧн пуктӧм мог йылысь.
Талун ми сэтшӧм стадия вылынӧсь, кор «РУСТИТАН-лы» да «Аеонлы» колӧ мунны водзӧ, но миянлы колӧ гӧгӧрвоны, мый тайӧ уджыс нуӧдсьӧ и федеральнӧй, и регион тшупӧдын.
Проектсӧ збыльмӧдны ми вермам сӧмын власьтъяскӧд, министерствояскӧд, ведомствояскӧд, канму корпорацияяскӧд, ыджыд бизнескӧд ӧтув уджалӧмӧн.
Миян проект, Россияса Президентӧн миян водзӧ пуктӧм могыс эм страналӧн уна площадкаяс вылын, и миянлы талун колӧ содтыны ассьыным вынъяс», — юӧртіс «РУСТИТАН» компанияяслӧн группаса президент Анатолий Ткачук.
Коми Республикаын да Ненеч асвеськӧдлан кытшын интегрируйтӧм инфраструктура мегапроект збыльмӧдӧм йылысь артмӧдчӧмсӧ кырымалӧма 2022 вося косму тӧлысьӧ Россияса прӧмышленникъяслӧн да асшӧр уджалысьяслӧн союзса площадка вылын.
Национальнӧй горнопромышленнӧй кластер лӧсьӧдӧм серти проектлӧн зэв кузь история.
Бӧръя 15 вонас «РУСТИТАН» холдинг вӧчис ыджыд удж титанлӧн да кварцлӧн Пижмаса куйлӧдын: геологоразведка, руда бурмӧдан технологияяс лӧсьӧдӧм.
Чилимдін район кындзи, национальнӧй горнопромышленнӧй кластерӧ кутасны пырны Ухтаса да Сосногорскса, а сідзжӧ Интаса, Усинскса, Воркутаса да Мылдін районса мутасъяс.
Тайӧ кутас отсавны быд боксянь сӧвмӧдны регионса мутасъяс, лӧсьӧдны выль предприятиеяс да Коми Республикаын олысьяслы выль уджалан местаяс.
Арктикаса мутасъяс сӧвмӧдӧмын нӧшта ӧти тӧдчана проектӧн лоас кластерлысь транспорт инфраструктура лӧсьӧдӧм, кодлӧн подулас — «Сосногорск-Индига» кӧрт туй вож стрӧитӧм.
Кӧрт туй магистраль, коді йитас Сосногорск да Индига порт, сетас позянлун содтыны Войвыв саридзса туй кузя грузъяс нуӧм-вайӧмсӧ да лӧсьӧдас альтернативнӧй транспортнӧй коридор Новосибирск да Кемеров обласьтъясысь да Казахстанысь вайӧм грузъяслы.
Сійӧ сетас позянлун новлӧдлыны 15–20 миллион тоннаысь абу этшаджык кузбасскӧй из шом, мыйӧн отсалас ректыны Асыввыв полигон.
«Тайӧ зэв колана ӧнія политикаын, кор европаса странаяс зільӧны торйӧдны Россияӧс мирӧвӧй вузасян туйясысь.
«Сосногорск-Индига» кӧрт туй стрӧитӧм серти проект сетас позянлун Коми Республикаын да Ненеч асвеськӧдлан кытшын лӧсьӧдны минерально-сырьевӧй база, куйлӧдъяс корсьысьӧм да уджӧдӧм.
Дерт, мегапроект збыльмӧдӧмыс вайӧ зэв ыджыд пӧльза страна пасьтала экономикалӧн уна сикас юкӧнын», — гӧгӧрвоӧдіс Коми Республикаса Юралысь.
Владимир Уйбалӧн кывъяс серти, тайӧ проектыс лӧсьӧдас Тимано-Печорскӧй мусир да биару провинция, а сідзжӧ боксит, титан, кварц, марганеч, хром да мукӧд куйлӧд лӧсьӧдӧм серти мукӧд проект лэдзӧм вылӧ условиеяс.
Сійӧ сетас позянлун вӧчны тшӧтш некымын медшӧр социальнӧй тӧдчанлуна да экономическӧй могъяс.
Тайӧ 1,5 сюрс гӧгӧр уджалан места лӧсьӧдӧм, сы лыдын уна вӧчны верманаяс, регионӧ инвестицияяс кыскӧмсӧ содтӧм, уджалан вынйӧр сӧвмӧдӧм.
Мегапроектсӧ вӧзйис лӧсьӧдны Консорциум, коді котыртчис «РУСТИТАН» компанияяслӧн группаысь да «Аеон» инфраструктура корпорацияысь, кодлӧн уджыс дзоньнас веськӧдӧма 2035 воӧдз Россия Федерацияса Арктика зона сӧвмӧдан да национальнӧй безопасносьт могмӧдан стратегиялысь медшӧр нырвизьяс збыльмӧдӧм вылӧ, мый вынсьӧдӧма Президентлӧн 2020 во йирым тӧлысь 26 лунся 645 №-а индӧдӧн.
{Kodko @ Владимир Уйба удж серти аддзысьліс «Воркутауголь» акционер котырса директоръяслӧн Сӧветӧн Веськӧдлысь Андрей Тястокӧд @ выльтор @ https://rkomi.ru/news/2340 @ 2022-07-18 @}
Владимир Уйба удж серти аддзысьліс «Воркутауголь» акционер котырса директоръяслӧн Сӧветӧн Веськӧдлысь Андрей Тястокӧд
Видлалісны предприятиелӧн удж кузя водзӧ вылӧ планъяс — Воркутаса, Воргашорса да Юньягаса куйлӧдъясын из шом шахтаяслӧн да из шом разрезъяслӧн уджалан кадколастъяс, Усинскса да Сейдаса куйлӧдъясын из шом перъян выль вынъяс уджӧ пыртӧм, а сідзжӧ Сосногорск-Индига кӧрт туй магистраль кузя экспорт вылӧ из шом мӧдӧдӧм да социальнӧй уджъёртасьӧм серти юалӧмъяс.
Тӧд вылӧ уськӧдам, 2022 вося косму тӧлысьӧ вӧлі «Воркутауголь» компания вузалӧм серти сделка.
Из шом активыс вуджис «Северсталь» публичнӧй акционер котырсянь «Русская энергия» компания дорӧ (AEON холдинг, коді занимайтчӧ гырысь инфраструктура проектъясӧн).
{Kodko @ Коми Республикаса Веськӧдлан котыр, Россияса да Коми прӧмышленникъяслӧн да асшӧр уджалысьяслӧн союзъяс кырымалісны ёртасьӧм йылысь куимладорса артмӧдчӧм @ выльтор @ https://rkomi.ru/news/2342 @ 2022-07-18 @}
Коми Республикаса Веськӧдлан котыр, Россияса да Коми прӧмышленникъяслӧн да асшӧр уджалысьяслӧн союзъяс кырымалісны ёртасьӧм йылысь куимладорса артмӧдчӧм
Документсӧ кырымалісны регионса Юралысь Владимир Уйба, Россияса прӧмышленникъяслӧн да асшӧр уджалысьяслӧн союзса Президент Александр Шохин да Коми прӧмышленникъяслӧн да асшӧр уджалысьяслӧн союзса Президент Сергей Кулаков.
«Талун ми вӧчам колана воськов подула уджъёртасьӧмын медшӧр нырвизьяс вынсьӧдӧм вылӧ, — юӧртіс Владимир Уйба.
— Россияса прӧмышленникъяслӧн да асшӧр уджалысьяслӧн союз лоӧ Россияын ыджыд, зэв пыдди пуктана ӧтйӧза организацияӧн.
Коми Республика лоӧ Россияын ресурсъясӧн медся озыр да промышленнӧя сӧвмӧм регионъяс пӧвстысь ӧтиӧн, коді сідзжӧ лоӧ Россияса Арктикалӧн юкӧнӧн.
Та вӧсна экономика сӧвмӧдан юалӧмъяс серти регионса Веськӧдлан котыр кутчысьӧ 2035 воӧдз Россия Федерацияса Арктика зона сӧвмӧдан да национальнӧй безопасносьт могмӧдан стратегияӧ, мый вынсьӧдӧма канмуса Президентлӧн Индӧдӧн.
Эска, талун кырымалӧм артмӧдчӧмыс отсалас бурмӧдны инвестиция климат, водзӧ промышленнӧя сӧвмӧдны регионӧс да бура збыльмӧдны инвестиция проектъяс».
Артмӧдчӧмыс урчитӧ инвестиция, йӧзлы тӧдчана да Коми Республикаӧс быд боксянь сӧвмӧдан проектъяс паськӧдӧмын да 2035 воӧдз регионсӧ социальнӧя да экономика боксянь сӧвмӧдан стратегия збыльмӧдӧмын ёртасьӧм.
Артмӧдчӧмын тӧдчана пунктъяс пиысь ӧтиӧн лоӧ «Россия Федерацияса Арктика зонаын Индига саридзса джуджыд порт да Сосногорск — Индига кӧрт туй магистраль стрӧитӧмӧн национальнӧй горнопромышленнӧй кластер лӧсьӧдӧм» интегрируйтӧм инвестиция мегапроект збыльмӧдӧмын быд боксянь отсӧг.
Сідзжӧ сёрнитчисны 2035 воӧдз Россия Федерацияса Арктика зона сӧвмӧдан да национальнӧй безопасносьт могмӧдан стратегиялысь медшӧр нырвизьяс Коми Республикаын збыльмӧдӧмын отсалӧм йылысь.
Артмӧдчӧмлысь положениеяс збыльмӧдӧмыс отсалас содтыны Коми Республикаӧ инвестицияяс кыскӧм, могмӧдны регионса предприятиеясӧс зумыд уджӧн да лӧсьӧдны бизнеслы бур условиеяс.
{Kodko @ Россияса прӧмышленникъяслӧн да асшӧр уджалысьяслӧн союз кӧсйысис отсавны Комиысь бизнес-котырлы @ выльтор @ https://rkomi.ru/news/2343 @ 2022-07-18 @}
Россияса прӧмышленникъяслӧн да асшӧр уджалысьяслӧн союз кӧсйысис отсавны Комиысь бизнес-котырлы
Сора тӧлысь 18 лунӧ Россияса прӧмышленникъяслӧн да асшӧр уджалысьяслӧн союзса (РСПП) Президент Александр Шохин аддзысьліс Коми Республикаса бизнес-котыркӧд.
Аддзысьлігӧн вӧлі регионса Юралысь Владимир Уйба.
Видлалісны отсӧг сетан мераяс, кутшӧмъяс отсаласны республикаса предприятиеяслы водзӧ зумыда уджавны санкцияяс да дзескӧдӧмъяс дырйи.
«Кӧсъя пасйыны, мый тайӧ сьӧкыд кадӧ канмуным оз коль бизнессӧ, а быд боксянь отсалӧ сылы.
Чайта, мый ӧнія сьӧкыд кадӧ колӧ, медым власьт вӧлі восьсаӧн бизнеслы, ас кадӧ юӧртіс предприятиеяслы отсӧг сетан мераяс йылысь, кутшӧмъяс отсаласны налы водзӧ зумыда уджавны санкцияяс да дзескӧдӧмъяс дырйи.
Сідзжӧ колӧ, медым бизнес гӧгӧрвоис, мый сійӧс «кылӧны» и регионса, и федеральнӧй тшупӧдын.
Нӧшта ӧтчыдысь кӧсъя тӧдчӧдны, мый миянлы колӧ уджавны ӧтвылысь, лоны мыджӧдӧн ӧта-мӧдлы, республикалы, страналы, Россияса Президентлы», — тӧдчӧдіс Владимир Уйба.
«Ми аддзам, мый республикаын бура ладмӧдӧма бизнес да власьт костын йитӧдъяссӧ, ӧнія санкцияяс дырйи Коми Республикаса Юралыськӧд да Веськӧдлан котыркӧд ӧтув уджалан механизмыс лоӧ подулӧн, медым бизнес вермис ас кадӧ юӧртны власьтлы мытшӧдъяс йылысь.
Федеральнӧй да регионса веськӧдлан котыр водзын сулалысь могъяс пиысь ӧти — зіля примитны помшуӧмъяс.
Олӧмыс ӧдйӧ вежсьӧ, — гӧгӧрвоӧдіс Александр Шохин.
— Веськӧдлан котыркӧд ми дасьӧсь видзӧдны серпас бӧрся, стӧчмӧдны отсалан мераяс, примитны выльясӧс.
Таын миянлы, дерт, колӧ регионъясын уджалысь бизнессянь, регионын РСПП организацияяссянь отсӧг.
Чайта, мый тайӧ нырвизьын йитӧдъясыс ваясны бур бӧртасъяс».
Бизнес-котырӧ пырысьяс юӧртісны майшӧдлана мытшӧдъяс йылысь Россияса прӧмышленникъяслӧн да асшӧр уджалысьяслӧн союзса Президент Александр Шохинлы.
Найӧ сёрнитісны суйӧрсайса оборудование да запчасьтъяс вежӧм, инвестициялы отсалан мераяс, инфляция чинтан ногъяс йылысь.
Видлалісны и Арктика зона сӧвмӧдан юалӧмъяс.
Александр Шохин висьталіс сы йылысь, кыдзи РСПП кутас отсавны збыльмӧдны 2035 воӧдз Россия Федерацияса Арктика зона сӧвмӧдан да национальнӧй безопасносьт могмӧдан стратегиялысь медшӧр нырвизьяс.
Санкцияяс дырйи россияса экономика сӧвмӧдӧмлысь зумыдлунсӧ ёнмӧдӧм серти Веськӧдлан котырса комиссиялысь уджсӧ федеральнӧй тшупӧдын вуджӧдӧма оперативнӧй штаб режимӧ.
Коми Республикаса Веськӧдлан котыр быд вежон видзӧдӧ регионса система артмӧдысь предприятиеяс вылын серпас бӧрся.
Производствоын лоны вермана рискъяс йылысь сигналъяссӧ пырысь-пыр ыстӧны став тшупӧда канму власьт органъясӧ, медым примитны колана помшуӧмъяс.
Мытшӧда юалӧмъяссӧ, кутшӧмъяс серти колӧ федеральнӧй шӧринсянь отсӧг, ыстӧны отраслевӧй федеральнӧй олӧмӧ пӧртысь власьт органъясӧ.
Лӧсьӧдӧма «веськыд йитӧд», кытчӧ предприятиеяс вермасны юӧртны экспорт уджкӧд, транспорт да логистика артмӧдӧмкӧд, уджалан ресурсъясӧн могмӧдӧмкӧд, материалъяс да оборудование вайӧмсӧ чинтӧмкӧд йитчӧм рискъяс йылысь.
Логистика шӧрин оперативнӧя отсалӧ предприятиеяслы лӧсьӧдны груз нуысь-вайысьяскӧд выль логистика да кооперация.
Экономикалӧн уджалӧмлысь зумыдлунсӧ могмӧдӧм серти регион тшупӧдын лӧсьӧдӧм штаб 2022 вося рака тӧлыссянь ставнас примитіс суйӧрсайсянь санкцияяс дырйи регионса экономикалы, тшӧтш и ичӧт да шӧр предпринимательство субъектъяслы, отсалан мераяслысь 4 чукӧр. 
{Kodko @ Коми Республикаса ӧткымын олысьлы сетісны канму наградаяс @ выльтор @ https://rkomi.ru/news/2344 @ 2022-07-19 @}
Коми Республикаса ӧткымын олысьлы сетісны канму наградаяс
Лӧсялана Индӧдсӧ кырымаліс Коми Республикаса Юралысь Владимир Уйба.
«Коми Республикаса канму наградаяс сетӧм йылысь» Коми Республикаса Юралысьлӧн 2022 во сора тӧлысь 12 лунся 75 № а Индӧд
1. Театральнӧй искусство сӧвмӧдӧмӧ да видзӧмӧ ыджыд пай пуктӧмысь, уна во зіля уджалӧмысь «Коми Республикаса нимйӧза артист» Коми Республикаса почёт ним сетны
Ольга Алексеевна Носковалы — «Народъяслӧн дружба ордена В. Савин нима академическӧй канму драма театр» Коми Республикаса асшӧрлуна канму учреждениеса драма артистлы, сценаса нуӧдысь мастерлы, Сыктывкар.
2. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
Елена Леонидовна Борчаниновалы — «Коми Республикаса йӧзлысь дзоньвидзалун видзан министерстволысь уджсӧ могмӧдан шӧрин» Коми Республикаса канму казённӧй учреждениеса директорлы, Сыктывкар;
Игорь Александрович Думинлы — «Раиса Сметанина нима республиканскӧй лыжи комплекс» Коми Республикаса канму асшӧрлуна учреждениеын спорт мероприятиеяс котыртӧм да юӧрӧн могмӧдӧм серти юкӧнса начальниклы, Сыктывдін район;
Валентина Ивановна Дуркиналы — «Чилимдінса челядьлы шылада школа» содтӧд тӧдӧмлун сетан муниципальнӧй сьӧмкуд учреждениеса директорлы;
Александр Геннадьевич Капрановлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиалын — Магистральнӧй биару проводъяслӧн Вуктылса линейнӧй производственнӧй веськӧдланінын веськӧдлан, автоматикалӧн да телемеханикалӧн автоматизируйтӧм системаяс службаса нуӧдысь инженерлы, Вуктыл кар;
Ольга Сергеевна Максимовалы — «Ухтаса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениелӧн директорлы;
Людмила Борисовна Мининалы — «И. А. Куратов нима Сыктывкарса гуманитарно-педагогическӧй колледж» уджсикасӧ велӧдан канму учреждениеса директорӧс вежысьлы;
Лариса Владимировна Нестеровалы — «Технологическӧй лицей» муниципальнӧй асшӧрлуна велӧдан учреждениеын география да биология велӧдысьлы, Сыктывкар;
Михаил Михайлович Пантелеевлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиалын — Магистральнӧй биару проводъяслӧн Синдорса линейнӧй производственнӧй веськӧдланінын газокомпрессорнӧй службаса 3 №-а цехын технологическӧй установкаяс дзоньталӧм серти 6 разряда слесарлы, Княжпогост район;
Ризван Магсумзянович Садиковлы — «Коми Республикаса адвокат палата» абу канму абу коммерческӧй организацияса адвокатлы, Сыктывкар;
Людмила Михайловна Стрелкиналы — «Коми Республикаса искусство колледж» Коми Республикаса уджсикасӧ велӧдан канму учреждениеын велӧдысьлы, Сыктывкар.
3. Коми Республикалӧн бура сӧвмӧм вылӧ уна во зіля уджалӧмысь Коми Республикаса Почёт грамота сетны:
Андрей Анатольевич Бессоновлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиалын — Магистральнӧй биару проводъяслӧн Синдорса линейнӧй производственнӧй веськӧдланінын газокомпрессорнӧй службаса биару объектъяслысь оборудованиеяс уджӧдӧм серти сменнӧй инженерлы, Княжпогост район;
Ирина Николаевна Гузьлы — «Велӧдӧм сӧвмӧдан шӧрин» уджтасын содтӧд тӧдӧмлун сетан муниципальнӧй учреждениеса директорлы, Сыктывкар;
Владимир Леонидович Казаковцевлы — «Народъяслӧн дружба ордена В. Савин нима академическӧй канму театр» Коми Республикаса канму асшӧрлуна учреждениеса директорӧс вежысьлы, Сыктывкар;
Константин Григорьевич Каневлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиалын — Магистральнӧй биару проводъяслӧн Печораса линейнӧй производственнӧй веськӧдланінын энергияӧн могмӧдан службаса начальниклы, Печора кар;
Марина Анатольевна Кисляковалы — Коми Республикаса «Чилимдін» муниципальнӧй районын видзӧдан-арталан палатаӧн веськӧдлысьлы;
Александр Александрович Курицынлы — «Воркутаса кага чужтан керка» Коми Республикаса йӧзлысь дзоньвидзалун видзан канму сьӧмкуд учреждениеса юралысь врачлы;
Ольга Вениаминовна Лажаневалы — «Челядьлы да томуловлы шӧрин» Зеленеч сиктын содтӧд тӧдӧмлун сетан муниципальнӧй сьӧмкуд учреждениеса директорлы, Сыктывдін район;
Ольга Николаевна Нестеровалы — «Коми Республикаса автомашина туйясӧн веськӧдланін» Коми Республикаса канму казённӧй учреждениеын план да экономическӧй юкӧнӧн заведуйтысьӧс вежысьлы, Сыктывкар;
Юрий Алексеевич Орловлы — «Усинск» кар кытшса муниципальнӧй юкӧнлӧн администрацияын Велӧдӧмӧн веськӧдланінса юрнуӧдысьлы;
Сергей Алексеевич Первановлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиалын юридическӧй юкӧнса начальниклы;
Александр Сергеевич Пономаревлы — «Коми Республикаса автомашина туйясӧн веськӧдланін» Коми Республикаса канму казённӧй учреждениеын техническӧй документация дасьтан да дон урчитан юкӧнса нуӧдысь экспертлы, Сыктывкар;
Дмитрий Николаевич Стадныйлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиалын веськӧдланінса — Аварийно-восстановительнӧй уджъясӧн веськӧдланінса начальниклы, Ухта кар;
Зинаида Михайловна Старцевалы — «Коми Республикаса национальнӧй архив» Коми Республикаса канму учреждениеын документъяс йӧзӧдан да наӧн вӧдитчан юкӧнса нуӧдысь архивистлы, Сыктывкар;
Григорий Борисович Теплинскийлы — «Газпром» йӧзлы восьса акционер котырлӧн «Газпром трансгаз Ухта» ичӧт кывкутана котырса филиалын — Магистральнӧй биару проводъяслӧн Сосногорскса линейнӧй производственнӧй веськӧдланінын линейно-эксплуатационнӧй службаса нуӧдысь инженерлы, Ухта кар;
Анна Борисовна Тюрниналы — Коми Республикаса тариф комитетӧн веськӧдлысьлысь могъяс олӧмӧ пӧртысьлы, Сыктывкар;
Ольга Николаевна Федоровалы — «Изьва» муниципальнӧй районлӧн администрацияын бухгалтерскӧй учёт да отчётносьт юкӧнса начальниклы;
Галина Вячеславовна Чупровалы — «Изьваын овмӧдчӧминкостса клубнӧй система» муниципальнӧй сьӧмкуд культура учреждениеса филиалын — Т. С. Чупров нима Сизяыб сиктса культура керкаын клубнӧй формированиеясӧн юрнуӧдысьлы.
{Kodko @ Комиын бизнеслы отсӧг: содісны асшӧр уджалысьяслы ӧтчыдысь сетан мынтӧмъяс, туй морт керкаяс мынісны НДС вештӧмысь, кокняммис канму контрактъяс вештӧмъяс серти процедура @ выльтор @ https://rkomi.ru/news/2347 @ 2022-07-20 @}
Комиын бизнеслы отсӧг: содісны асшӧр уджалысьяслы ӧтчыдысь сетан мынтӧмъяс, туй морт керкаяс мынісны НДС вештӧмысь, кокняммис канму контрактъяс вештӧмъяс серти процедура
Коми Республикаса Юралысь Владимир Уйба нуӧдіс регионса Веськӧдлан котырӧ пырысьяскӧд оперативнӧй сӧвещание.
Видлалісны санкцияяс дырйи экономика сӧвмӧдӧм да потребительскӧй рынок вылын серпас серти юалӧмъяс.
«Медводз, кӧсъя шыӧдчыны муниципалитетъясӧн юрнуӧдысьяс дорӧ.
Тіянлы колӧ тані висьталӧм став юӧрсӧ вайӧдны овмӧдчӧминъясса юралысьяс дорӧдз.
Отсалан мераясыс зэв ыджыдӧсь кыдз республикасянь, сідз и Россия Федерациясянь.
И колана, медым юӧрыс эз вош, а воис асшӧр уджалысьясӧдз быд сикт-грездын», — шуис Владимир Уйба.
Санкцияяс дырйи экономика сӧвмӧдӧмсӧ могмӧдӧм серти мероприятиеяслӧн регионса планын ӧнія кадӧ эм сьӧма отсӧг сетан 30 мера.
Найӧс могмӧдӧм вылӧ сьӧмӧн могмӧдан став ӧшмӧсысь арталӧма 6 миллиард гӧгӧр шайт.
Медшӧръяс пиысь ӧтиӧн лоӧны мероприятиеяс, кутшӧмъясӧс веськӧдӧма Комиысь промышленнӧй предприятиеяслы отсалӧм вылӧ.
Промышленносьт сӧвмӧдан регионса фонд содтӧд сьӧмӧн могмӧдӧм могысь таво босьтіс 80 миллион шайт.
Сьӧмсӧ юкӧма нёль пельӧ, на пиысь кыкыс — сёян продукция вӧчысьяс.
«Промышленнӧй оборот» антикризиснӧй уджтас серти, код вылӧ республиканскӧй сьӧмкудйысь вичмӧдӧма 150 миллион шайт, нёль предприятие босьтісны 55 миллион шайт вылӧ отсӧг.
Нӧшта ӧти заявка видлалӧм вылын.
Фондлӧн уджыс кутас мунны водзӧ.
Коми Республикаса Веськӧдлан котыр сетіс заявка Россияса промышленносьт да вузасян министерствоӧ 2023 воӧ регионса фонд докапитализируйтӧм вылӧ.
Капиталлӧн ыдждаыс — 357 миллион шайт, на пиысь федеральнӧй сьӧмкуд сьӧм — 257 миллион шайт, нӧшта 100 миллион шайт сьӧмӧн ӧтув могмӧдан условиеяс вылын вичмӧдас республиканскӧй сьӧмкуд.
Сора тӧлысь 1 лунсянь кокньӧдӧма федеральнӧй сьӧм тшӧт весьтӧ промышленносьт сӧвмӧдан регионса фондъяс докапитализируйтӧм вылӧ условиеяссӧ.
Предприятиеяс вермасны компенсируйтны кредитъяс кузя прӧчентъяс вештӧм вылӧ рӧскодсӧ 90%-ӧдз.
Таысь кындзи, паськӧдӧма удж сикасъяслысь лыддьӧг, кодъяс серти вермӧны сетны отсӧг.
Медым транспорт дугдывтӧг новлӧдліс йӧзӧс, вынсьӧдӧма «Комиавтотранс» АК бурмӧдӧм серти туй карта.
Торъя комиссияӧн шуӧма сетны предприятиелы 326,3 миллион шайт мындаын субсидия эмбурӧ вклад вӧчӧмӧн, мый оз содты уставнӧй капиталсӧ.
Россияса экономикалысь зумыдлунсӧ содтӧм серти мераяслӧн лыддьӧг паськалӧ.
2022 вося сора тӧлысь 1 лунӧ петіс Россия Федерацияса Веськӧдлан котырлӧн 1182 №-а Шуӧм, мый тшӧктӧ компанияяслы 2022 во помӧдз торъя канму либӧ муниципальнӧй контрактъяс кузя вештысьны контрагентъяскӧд веськыда, Федеральнӧй казначействоын лицевӧй тшӧт восьтытӧг.
Тайӧ мераыс инмӧ оз сӧмын вӧчӧм уджъясысь да поставкаясысь, но и канму контрактъяс серти аванс вештӧм вылӧ.
Тайӧ отсалас застройщикъяслы ӧдйӧджык вӧчны уджсӧ, ӧддзӧдас контрагентъяс костын йитчӧмсӧ.
Примитӧмаӧсь федеральнӧй тӧдчанлуна автомашина туйяс дзоньталӧм да видзӧм вылӧ канму контрактъяс збыльмӧдӧмын торксьӧмъяс чинтӧм вылӧ мераяс.
Россия Федерацияса Веськӧдлан котырлӧн 2022 во лӧддза-номъя тӧлысь 28 лунся 1148 №-а Шуӧм лэдзӧ вежлавны донъяссӧ вына контрактъяслысь, кодъясӧс кырымалӧма 2022 вося сора тӧлысь 1 лунӧдз.
Тайӧ во помӧдзыс канму контрактъяс олӧмӧ пӧртысьяслӧн лоис позянлун содтавны индӧм сьӧмӧн могмӧдӧмлысь нормативъяссӧ автомашина туйяс капитальнӧя дзоньталӧм, дзоньталӧм да видзӧм вылӧ.
Сідзжӧ выльмисны ичӧт да шӧр предпринимательстволы отсӧг сетан мераясыс.
Сора тӧлысь 1 лунсянь социальнӧй контракт кузя ӧтчыдысь мынтӧмъяссӧ, кутшӧмъясӧс позьӧ босьтны ассьыд удж сӧвмӧдӧм да ас подсобнӧй овмӧс вӧдитӧм вылӧ, кыпӧдӧма 100 сюрс шайт вылӧ.
Асшӧр уджалысьяслы отсӧглӧн медыджыд мындаыс содас 250 сюрссянь 350 сюрс шайтӧдз, а йӧзлы, кодъяс вӧдитӧны ас подсобнӧй овмӧс, 100 сюрссянь 200 сюрс шайтӧдз.
Аймуын автомашинаяслы да видз-му техникалы коланаторъяс вӧчысьяслы петіс отсӧг сетан выль мера.
Импортнӧй детальяс вежӧм серти проектъясыс кӧ кутасны бура збыльмӧдсьыны, то, 2024 восянь заводитӧмӧн, канму кутас вештыны инвесторъяслы Промышленносьт сӧвмӧдан фондысь босьтӧм кредитлысь став мындасӧ.
Вынсьӧдӧма туристическӧй индустрияса объектъяслысь реестр нуӧдан правилӧяс.
Туй морт керкаяс да татшӧм сяма мукӧд объект, кодъясӧс пыртісны уджӧ 2022 вося тӧвшӧр тӧлысь 1 лун бӧрын, сы лыдын и выльмӧдӧм бӧрын, киын кутысьяс матысса 5 во кежлӧ мынасны НДС вештӧмысь.
Потребительскӧй рынок вылын серпасыс кольӧ зумыдӧн.
Тӧваръяслӧн тырмытӧмлуныс абу.
Вузасян предприятиеясын тӧварнӧй запасъясыс тырмымӧн.
Владимир Уйба тшӧктіс Коми Республикаса удж, уджӧн могмӧдан да социальнӧя доръян министерстволы сетны тӧлысь чӧжӧн медколана сёян-юан вылӧ донъяслӧн кыптӧм вӧсна гӧля олысь семьяяслы содтӧд отсӧг сетӧм серти вӧзйӧмъяс.
Министерствоса юрнуӧдысь Екатерина Грибковалӧн кывъяс серти: «Ми видлалам-туялам да сетам вӧзйӧмъяснымӧс.
Тайӧ лоӧ либӧ сёян-юан набор, либӧ мынтӧм».
Сора тӧлысь 19 лун вылӧ тӧвар вӧчысьяс дорӧдз вайӧдӧма 730,5 миллион шайт канму отсӧг — джынсьыс унджык 2022 во кежлӧ арталӧм сьӧмысь, сы лыдын федеральнӧй сьӧмкудйысь — 148,8 миллион шайт.
{Kodko @ Комиын вӧръясын дугӧдӧма неминуча режим @ выльтор @ https://rkomi.ru/news/2353 @ 2022-07-21 @}
Комиын вӧръясын дугӧдӧма неминуча режим
Та йылысь Индӧд кырымаліс Коми Республикаса Юралысь Владимир Уйба.
Коми Республикаын вӧрса пӧжаръяс серти серпас бурмӧмкӧд, налысь лыдсӧ ёна чинтӧмкӧд, «Княжпогост» МР МЮ-ын да «Удора» МР МЮ-ын ыджыд вӧрса пӧжаръяс бырӧдӧмкӧд да индӧм мутасъясын неминуча режим дугӧдӧмкӧд йитӧдын, а сідзжӧ ывлавывлӧн суткиса шӧр температура лэччӧмкӧд да вӧръясын II-III классъяса пӧжарнӧй опасносьт вевтыртӧмкӧд йитӧдын 2022 вося сора тӧлысь 21 лунсянь дугӧдӧма регионса вӧръясын неминуча режим.
Коми Республикаса вӧр-ва озырлун да гӧгӧртас видзан министрлы тшӧктӧма водзӧ котыртны вӧрса пӧжаръяс кусӧдӧм серти уджсӧ Коми Республикаын найӧс дзикӧдз бырӧдӧмӧдз, нуӧдны регионын вӧрса пӧжаръяслысь серпас бӧрся мониторинг, котыртны коланлун дырйи регионкостса маневрируйтӧм серти вӧрса пӧжаръяс кусӧдӧм вылӧ содтӧд вынъяс да средствояс мӧдӧдӧм.
Тайӧ Индӧдсӧ олӧмӧ пӧртӧм бӧрся видзӧдӧ Коми Республикаса Юралысь Владимир Уйба.
{Kodko @ Коми Республикаын «Лёк суӧмысь видзчысян кар» АПК отсалӧ эрдӧдны мыж вӧчӧмъяс, видзны лёк суӧмысь йӧзаинъясын да туйяс вылын @ выльтор @ https://rkomi.ru/news/2355 @ 2022-07-22 @}
Коми Республикаын «Лёк суӧмысь видзчысян кар» АПК отсалӧ эрдӧдны мыж вӧчӧмъяс, видзны лёк суӧмысь йӧзаинъясын да туйяс вылын
Рытыв-Войвыв федеральнӧй кытшын Россияса Президентӧс полномочнӧй петкӧдлысьӧс вежысь Олег Логунов нуӧдіс Сыктывкарын Коми Республикаын «Лёк суӧмысь видзчысян кар» аппаратно-программнӧй комплексъяс сӧвмӧдӧм серти сӧвещание.
«Россияса Президент Владимир Владимирович Путинлӧн тшӧктӧм серти 2015 восянь Коми Республикаын нуӧдӧны «Лёк суӧмысь видзчысян кар» аппаратно-программнӧй комплексъяс лӧсьӧдӧм да пыртӧм серти удж.
Сэтчӧ пырӧ оз сӧмын инӧд видзан юкӧн, кыдзи кызвын регионын, но и гӧгӧртас мониторитан, олысьясӧс неминучаяс йылысь юӧртан комплексъяс.
«Лёк суӧмысь видзчысян кар» АПК пыртан, уджӧдан да сӧвмӧдан юалӧмъяс бӧрся видзӧдӧны Коми Республикаса юрнуӧдысьяс, Россияса МЧС-лӧн Коми Республикаын медшӧр веськӧдланін да Коми Республикаын МВД» — пасйис Коми Республикаса Юралысь Владимир Уйба.
«Миян медшӧр мог — могмӧдны инӧда пӧрадок да видзчысянлун, а торъя военнӧй операция нуӧдігӧн — нӧшта и вынсьӧдны терроризмысь дорйӧмсӧ.
Проектсӧ координируйтысьлӧн, Россияса МЧС-лӧн донъялӧм серти, Коми Республикалӧн пайыс ыджыд. Кыдзи и Архангельск, Мурманск, Вологда, Калининград обласьтъясын, Санкт-Петербургын, тані воӧдчӧма бур бӧртасъясӧдз», — шуис Олег Логунов.
«Лёк суӧмысь видзчысян кар» АПК серти инӧда пӧрадок могмӧдӧм могысь 2022 вося ода-кора тӧлысь 1 лун вылӧ Коми Республикаын став кар-районын лӧсьӧдӧма видео пыр видзӧдан 899 камера.
На лыдысь 372 камера вермӧ эрдӧдны чужӧмъяслысь биометрическӧй параметръяс, ӧпаснӧй лоӧмторъяс либӧ вӧчӧмторъяс.
На отсӧгӧн позьӧ аддзыны, мортыс кӧ кутӧ асьсӧ мыжа моз, видзӧдны контроль улӧ веськалӧм зонаын ветлӧм-мунӧм бӧрся, мыччӧдъяслӧн базаяс серти эрдӧдны мортӧс.
«Лёк суӧмысь видзчысян кар» АПК-са инӧд видзан сегмент отсӧгӧн видзӧдӧны медся криминогеннӧй районъяс бӧрся, а сідзжӧ Коми Республикаса кар-районъясын йӧзаинъяс бӧрся.
Инӧд видзан органъяс пасйӧны, мый регионын чинӧ патераясысь гусясьӧмыс, транспорт гуӧмыс.
Олег Логуновлӧн кывъяс серти, «Лёк суӧмысь видзчысян кар» комплексъяс отсӧгӧн бурджыка эрдӧдӧны мыж вӧчӧмъяс.
Колян во на отсӧгӧн Комиын пасйӧма 474 мыж вӧчӧм, эрдӧдӧма 205-ӧс.
Тавося 5 тӧлысьӧн пасйӧма 146 мыж вӧчӧм, а эрдӧдӧма 115-ӧс.
Мыж вӧчӧмын чайтӧм серти кутӧма 113 мортӧс.
Сідзжӧ Коми Республикаын вӧдитчӧны Туй вывті ветлан правилӧяс торкалӧмсӧ автоматическӧя фиксируйтан системаӧн.
Сэтчӧ пырӧ стационарнӧй контроль нуӧдан рубежъяс да мобильнӧй комплексъяс.
Тайӧ комплексъяс отсӧгӧн индӧма уна административнӧй штрап.
{Kodko @ Комиын вӧрса пӧжаръясыс контроль улын @ выльтор @ https://rkomi.ru/news/2356 @ 2022-07-22 @}
Комиын вӧрса пӧжаръясыс контроль улын
Сора тӧлысь 21 лунӧ Сыктывкарын Рытыв-Войвыв федеральнӧй кытшын Россияса Президентӧс полномочнӧй петкӧдлысьӧс вежысь Олег Логуновкӧд сӧвещание дырйи видлалісны республикаса вӧръясын пӧжаръяс серти серпас да сійӧс зумыдмӧдӧм могысь примитан мераяс.
«Пӧжаръяс лоны вермана кадӧ артмӧма 276 вӧрса пӧжар.
Сотчис 10 340 гектар.
Жар поводдя, ыджыд тӧв, чардъяс лоисны пӧжаръяслӧн лыд содтӧмлы помкаӧн.
85% сайӧ пӧжарыс артмисны ылі да сьӧкыда воӧдчан инъясын вӧр-ва петкӧдчӧмъяс вӧсна.
Аддзыны найӧс артмӧ быдлунъя авиамониторинг отсӧгӧн.
Олан пунктъяслы да экономика объектъяслы пӧжаръясыс оз инмыны», — юӧртіс Коми Республикаса Юралысь Владимир Уйба.
Сора тӧлысь 13–20 лунъясӧ Коми Республикаса вӧръясын вӧлі неминуча режим, сора тӧлысь 21 лунсянь сійӧс дугӧдісны.
Удора, Княжпогост да Чилимдін районъясын сідзжӧ вӧлі пыртӧма неминуча режим. Ӧд буретш тайӧ районъясын медся ёна паськалісны вӧрса пӧжаръясыс.
Комиысь кусӧдчысьяслы отсӧг вылӧ локтісны Архангельск обласьтысь, Карелия Республикаысь да Перым муысь пӧжарнӧйяс, а сідзжӧ федеральнӧй резервысь специалистъяс.
Вӧрса пӧжаръяс кусӧдігӧн вӧдитчӧны ва кисьтан устройствоа вертолётӧн.
Талун рытнас сы отсӧгӧн кусӧдчасны Чилимдін районын.
Сора тӧлысь 21 лун кежлӧ эм 28 вӧрса пӧжар 3,5 сюрс гектар вылын.
Вӧр сотчан кадыс эз на эшты, став службалы сетӧма гражданаӧс да экономика объектъяс неминучаысь дорйӧм серти лӧсялана тшӧктӧмъяс.
«Тайӧ тулыс-гожӧмӧ республикаын ёна сотчӧны вӧръяс.
Тайӧ медводз йитчӧма Россияса войвылын климат вежсьӧмкӧд.
Регионъясын, кӧні векджык овлӧны ыркыд да зэра гожӧмъяс, кӧдзыд да уна лымъя тӧвъяс, кор чукӧрмӧ уна ва, воддза воясӧ та мында пӧжарыс эз вӧ.
Пасъя, мый республика дась пӧжаръяс лоны вермана кад кежлӧ.
Могмӧдӧма став пӧжарнӧй юкӧнсӧ, вичмӧдӧма тырмымӧн сьӧм, корӧма тырмымӧн йӧзӧс.
Республикалы отсалӧны Россияса МЧС да матысса регионъяс», — шуис Олег Логунов.
Пӧжарысь видзчысьӧм да вӧрса пӧжаръяс кусӧдӧм вылӧ таво вичмӧдӧма 495 млн шайт.
Сьӧмсӧ веськӧдӧма вӧрзьӧдны позьтӧм эмбур видзӧм, канму могъяс збыльмӧдӧм, вӧр сотчӧмысь видзан шӧрин видзӧм, вӧрса пӧжаръяс кусӧдан техника ньӧбӧм, бокӧвӧй йӧзӧс корӧмӧн вӧрса пӧжаръяс кусӧдӧм вылӧ.
Вӧр сотчӧмысь видзан Коми шӧринын колян во серти уджалӧ 2 пӧв унджык специалист — 150 морт.
Содӧ вӧрса пӧжаръяс кусӧдысьяслӧн штатнӧй лыд.
Пӧжаръяс лоны вермана кад заводитчӧм кежлӧ ньӧбӧма 41 млн шайт вылӧ содтӧд техника.
«Талун кежлӧ вӧрса пӧжаръясыс контроль улын.
Содтам вынъяс, медым кусӧдны ӧзъялысь пӧжаръяссӧ.
Став пӧжарыс олан пунктъясысь 30 да унджык километр сайын.
Тайӧ сезонӧ лоӧм став сотчӧмыс пырӧны авиационнӧй мониторинг нуӧдан зонаӧ.
Чайтам, мый пӧжаръяслӧн лыдыс кутас водзӧ чинны.
Ми вермам нин вӧчны кывкӧртӧдъяс, кыдзи водзӧ вылӧ бурджыка да зільджыка кусӧдны вӧрса пӧжаръяс», — пасйис вӧр-ва озырлун министр Екатерина Киселевич.
Регионса вӧр-ва озырлун министерство кӧсйӧ лӧсьӧдны Усинскын да Интаын ылі мутасъясын кык авиаотделение.
Найӧс стрӧитӧм вылӧ 2023–2024 воясӧ федеральнӧй сьӧмкудйысь вичмӧдасны 144 млн шайт.
Сідзжӧ регионса Экономика сӧвмӧдан министерствокӧд уджалӧны сы серти, медым пӧжаръяс лоны вермана кадӧ сетны Вӧр сотчӧмысь видзан Коми шӧринлы куим вертолёт, медым нӧшта на зільджыка кусӧдны пӧжаръяс.
{Kodko @ Коми Республикаса Юралысь чолӧмалӧ Вузасян юкӧнын уджалысьяслӧн лунӧн @ выльтор @ https://rkomi.ru/news/2357 @ 2022-07-23 @}
Коми Республикаса Юралысь чолӧмалӧ Вузасян юкӧнын уджалысьяслӧн лунӧн
«Вузасян юкӧнын пыдди пуктана уджалысьяс, ветеранъяс!
Чолӧмала тіянӧс уджсикас гажӧн!
Ті уджаланныд регионлы да страналы зэв колана да тӧдчана юкӧнын.
Тіян удж йитчӧма морт олӧмкӧд.
Вузасян да йӧзӧс ӧтув вердан юкӧн веськыда йитчӧма экономика, агропромышленнӧй комплекс, ичӧт да шӧр бизнес сӧвмӧдӧмкӧд.
Талун республикаса вузасян предприятиеясын уджалӧ пӧшти 30 сюрс морт.
Тіян уджныд корӧ торъя писькӧслун, йӧзкӧд уджавны кужӧм, лоны ыджыд терпенньӧаӧн, тӧждысьысьӧн да бур вӧчысьӧн, кужны отсавны быд ньӧбасьысьлы.
Аттьӧ ассьыныд уджтӧ бура вӧчӧмысь, бурланьӧ вежсьыны кӧсйӧмысь, корӧм да колӧмъяс тӧдмалӧмӧн, выль вузасян вӧзйӧмъяс да услугаяс артмӧдӧмӧн.
Сиа тіянлы уджын вермӧмъяс, бур ньӧбасьысьясӧс, крепыд дзоньвидзалун, шуд, ӧта-мӧдӧс гӧгӧрвоӧм да семьяясын тыр-бур олӧм!»
Коми Республикаса Юралысь В. В. Уйба
{Kodko @ Владимир Уйба кык лун чӧж кутас уджавны Печораын @ выльтор @ https://rkomi.ru/news/2358 @ 2022-07-23 @}
Владимир Уйба кык лун чӧж кутас уджавны Печораын
Сора тӧлысь 22 лунӧ Коми Республикаса Юралысь да муниципалитетса администрацияӧн юрнуӧдысьӧс медводдза вежысь Андрей Канищев видзӧдалісны, кыдзи мунӧны уджъяс Геологъяслысь Парк бурмӧдӧм серти. Парксӧ бурмӧдӧны-мичмӧдӧны «Оланін да карса гӧгӧртас» национальнӧй проект серти.
Паркын дзоньнас вӧчӧма шӧр аллеясӧ, велосипед туй, монтируйтӧма ывлавывса бияс.
Коли сувтӧдны шӧр аллея пӧлӧн 10 би сюръя.
Мӧд во мутас бурмӧдӧм-мичмӧдӧм серти уджъясыс кутасны мунны водзӧ.
Йӧзлӧн ёна корӧм серти 2021 восянь Печораын зіля дзоньталӧны тротуаръяс.
Вӧдитчӧны печатнӧй бетон технологияӧн.
Колян во лӧсьӧдӧма кык тротуар, таво кӧсйӧны нуӧдны уджъяс куим улича вылын.
Сідзжӧ Владимир Уйба видзӧдаліс Гагарин уличвывса теплотрассалысь дзоньталӧм юкӧн, кытӧн колян вося ӧшым тӧлысь помын вӧлі авария.
Пӧсь ва да шоныд сетан магистральнӧй трасса капитальнӧя дзоньталӧмыс помассис.
Выльмӧдӧм юкӧнлӧн ӧтувъя кузьтаыс — 65 метра.
Талун, сора тӧлысь 23 лунӧ, Коми Республикаса Юралысь нуӧдас Печора район локтан ар-тӧв кежлӧ дасьтӧм серти штаблысь заседание, а сідзжӧ участвуйтас Украинаын Россияса Вооружённӧй Вынъяслӧн спецоперация дорйӧм могысь концерт-митингын.
Фотографияясыс сетӧма «Печора» МР МЮ администрациялӧн пресс-служба
{Kodko @ Печораын кутасны вӧчны биоломтас да быдтыны форель @ выльтор @ https://rkomi.ru/news/2359 @ 2022-07-23 @}
Печораын кутасны вӧчны биоломтас да быдтыны форель
Матысса кадӧ муниципалитетын заводитас уджавны ломтысян пеллетъяс да брикетъяс вӧчан комплекс да воссяс форель рӧдмӧдан овмӧс.
Та йылысь Коми Республикаса Юралысь Владимир Уйбалы юӧртіс «Печора» МР администрацияӧн юрнуӧдысьӧс медводдза вежысь Андрей Канищев.
Ломтысян пеллетъяс да брикетъяс вӧчӧм серти проектсӧ збыльмӧдӧ «Комилизинг» акционер котыр отсӧгӧн аспом инвестор.
Дзоньталӧны жыр, могмӧдӧны пӧжарысь видзчысяна оборудованиеӧн, нюжӧдӧны ыджыд вольта электропроводка.
Оборудованиесӧ кӧсйӧны вайны 2022 вося моз тӧлысьӧ.
Таво нин объектлӧн уджалан вынйӧрыс лоӧ часнас 500 килограммӧдз дась продукция.
Нӧшта ӧти проект — форель рӧдмӧдан овмӧс збыльмӧдсьӧ «Агростартап» отсӧг серти Коми Республикаса видз-му овмӧс министерство отсӧгӧн аспом инвесторӧн.
Дзоньталӧны жыр, 2022 вося моз тӧлысьӧ кӧсйӧны вайны оборудованиесӧ.
2023 во помӧдз кӧсйӧны пырӧдчыны тырвыйӧ уджалан ӧдӧ, да рӧдмӧдны вонас 5 тоннаысь унджык форель.
{Kodko @ Владимир Уйба кырымаліс Коми Республикаын том йӧз политика серти комитет лӧсьӧдӧм йылысь Индӧд @ выльтор @ https://rkomi.ru/news/2360 @ 2022-07-23 @}
Владимир Уйба кырымаліс Коми Республикаын том йӧз политика серти комитет лӧсьӧдӧм йылысь Индӧд
Коми Республикаса олӧмӧ пӧртысь выль власьт орган лоас Коми Республикаса велӧдан, наука да том йӧз политика министерство выль ног котыртӧм вӧсна.
Том йӧз политика збыльмӧдан юкӧнын могъяссӧ сетасны индӧм Комитетӧ, а министерствоыс вежис нимсӧ да лоис Коми Республикаса велӧдан да наука министерствоӧн.
«Ми уна кад сетам быдмысь войтырлы — налы, кодъяс велӧдчӧны школаын, профтехучилищеясын, вузъясын.
Лӧсьӧдам условиеяс школьникъяслы да студентъяслы, медым найӧ вермисны сӧвмыны да петкӧдлыны ассьыныс кужанлунъяссӧ велӧдчӧмын, наукаын, творчествоын, спортын, — гӧгӧрвоӧдіс Коми Республикаса Юралысь Владимир Уйба.
— И сійӧ жӧ кадӧ ми ог тырмымӧн кадсӧ сетӧй ыджыдджык арлыда том йӧзлы, кодъяс пуктӧны нин тӧдчана пай республика сӧвмӧдӧмӧ.
Да, ми вӧчам ставсӧ, медым миян том йӧз кольччисны овны да уджавны чужан республикаын: восьталам выль производствояс, лӧсьӧдам уджалан местаяс, бурмӧдам олӧм, сетам том кадръяслы кокньӧдъяс да сиктса уджсӧ ышӧдам сьӧмӧн.
Но сёрниыс абу сӧмын та йылысь.
Эм нӧшта уна мукӧд удж юкӧн, кӧні том йӧзыс 18 арӧссянь 35 арӧсӧдз кӧсйӧны уджавны, вермӧны лоны коланаӧн да вайны пӧльза.
Тайӧ, сы лыдын, социальнӧй проектъяс да ӧтйӧза водзмӧстчӧмъяс збыльмӧдӧм, гражданско-патриотическӧя быдтӧм-велӧдӧм, регионлӧн политическӧй олӧмын участвуйтӧм.
И тайӧ уджсӧ колӧ нуӧдны канму том йӧз политика серти тырвыйӧ. Сылӧн рольыс талун миянлысь страна водзӧ сӧвмӧдӧмын торйӧн нин ыджыд да тӧдчана.
Буретш та вӧсна ме шуи лӧсьӧдны торъя олӧмӧ пӧртысь власьт орган, коді кутас уджавны том йӧзкӧд да кодлӧн та вылӧ лоӧ став уджмогыс».
Коми Республикаса Юралысьлӧн Индӧд серти, регионса Веськӧдлан котырлы тшӧктӧма помавны 2022 вося ӧшым тӧлысь 1 лунӧдз выль ног котыртӧм серти колана мероприятиеяссӧ.
Коми Республикаса олӧмӧ пӧртысь власьт органъяслӧн тэчасӧ вежсьӧмъяссӧ пыртасны 2023 вося тӧвшӧр тӧлысь 1 лунӧ.
{Kodko @ Коми Республикаса Юралысь Владимир Уйба нуӧдіс Печора район ар-тӧв кежлӧ дасьтӧм серти штаблысь заседание @ выльтор @ https://rkomi.ru/news/2361 @ 2022-07-23 @}
Коми Республикаса Юралысь Владимир Уйба нуӧдіс Печора район ар-тӧв кежлӧ дасьтӧм серти штаблысь заседание
Администрацияӧн юрнуӧдысьяскӧд, веськӧдлан компанияясӧс, ресурсӧн могмӧдысь предприятиеясӧс петкӧдлысьяскӧд ӧтув видлалісны котельнӧйяс, оланін фонд, шоныд сетан, ва провод да канализационнӧй везъяс дасьтӧм, ломтаслысь чинлытӧм видзас артмӧдӧм серти юалӧмъяс.
«Ломтысян кад заводитчытӧдз коли сӧмын тӧлысь.
Урчитӧм кадӧдз районлы колӧ лоны дасьӧн.
Ми кывкутам сы вӧсна, медым йӧзлы ас кадӧ сетны шоныд, медым ваыс петіс дугдывтӧг.
Республика сетас ыджыд отсӧг, но тайӧ уджлӧн бӧртас вӧсна районӧн юрнуӧдысьяс нуӧны торъя кывкутӧм.
Та вӧсна энӧ виччысьӧй некутшӧм кокньӧдӧмъяс, юасьны кута стрӧга», — тӧдчӧдіс Владимир Уйба.
Печора районын оланін да коммунальнӧй овмӧсса объектъяс тӧлын уджалӧм кежлӧ дасьтан мероприятиеяслӧн комплекснӧй план серти, кӧсйӧны дасьтыны 26 котельнӧй, 1,4 миллион гӧгӧр квадратнӧй метр оланін фонд, 186 км унджык шоныд сетан, 167 км гӧгӧр ва провод, 109 км унджык канализационнӧй везъяс.
Колӧ лӧсьӧдны Печора районын ломтас видзас: из шом — 458 тонна, кизьӧр ломтас — 3 сюрс тонна, пеллет — 850 тонна.
Аварийнӧй лоӧмторъяс ӧдйӧ бырӧдӧм вылӧ муниципальнӧй районын лӧсьӧдӧма аварийно-восстановительнӧй да дзоньтасьӧмъяс нуӧдысь 33 бригада, кӧні уджалӧны 152 морт да 51 единица техника.
Оланін да коммунальнӧй овмӧсса объектъясысь лоны вермана аварияяс бырӧдӧм вылӧ материально-техническӧй ресурсъяслӧн резервыс лоас 73 миллион шайт.
Оланін да коммунальнӧй овмӧсса объектъяссӧ, электроэнергетическӧй системаяссӧ да социальнӧй тӧдчанлуна объектъяссӧ могмӧдӧма нин биӧн могмӧдан резервнӧй ӧшмӧсъясӧн.
Нуӧдсьӧ йӧзлы пес да из шом вайӧм серти удж.
Пескыс колӧ 4 сюрсысь унджык кубометр. Из шомыс — 570 тонна.
Заседание помын Владимир Уйба сетіс электроэнергетическӧй системаяслысь да оланін да коммунальнӧй овмӧсса объектъяслысь зумыд да дугдывтӧг уджалӧмсӧ могмӧдӧм серти тшӧктӧмъяс.
{Kodko @ Печораын олысьяс — ён страна, нацизмтӧг олӧм да Россияса Президент вӧсна! @ выльтор @ https://rkomi.ru/news/2364 @ 2022-07-23 @}
Печораын олысьяс — ён страна, нацизмтӧг олӧм да Россияса Президент вӧсна!
Талун, сора тӧлысь 23 лунӧ, Печораын вӧлі «За Россию!» митинг-концерт, кодӧс вӧлі сиӧма Украинаын Россияса Вооружённӧй вынъяслӧн спецоперациялы.
Йӧзыс чукӧртчисны Вермӧм изэрд вылын, медым петкӧдлыны, мый найӧ сӧгласӧсь Россия Федерацияса Президент Владимир Путинкӧд, странаса Веськӧдлан котыркӧд да россияса военнослужащӧйяскӧд, кодъяс участвуйтӧны Украинаын торъя военнӧй операция вылын.
«Талун вельмӧм Рытыввыв оз гӧгӧрво, мый найӧ быдтӧны лёктор, — шыӧдчис Печораса олысьяс дорӧ Коми Республикаса Юралысь, боевӧй тышъясса ветеран Владимир Уйба.
— Зэв жаль, мый Европалӧн, кодӧс 1945 воын фашизмысь да сыысь, мый сэки вӧлі, дорйис роч салдат, паметьыс дженьыд.
Донбасс — Россиялӧн му, тайӧ миян йӧз, миян вокъяс да чойяс.
Россиялысь Малороссиякӧд ӧтувтчӧм йылысь Владимир Владимировичлысь помшуӧмсӧ ми да миян челядь некор огӧ вунӧдӧй.
Дона ёртъяс, мунӧ мездӧдан спецоперация.
Ми мездам ассьыным муяснымӧс неонацистъясысь.
Талун гижсьӧ выль вӧльнӧй да юкны позьтӧм Россиялӧн история.
Зэв жаль, мый кулӧны миян зонъяс, и миян тіянкӧд могыс нэммӧдны налысь быдӧнлысь нимсӧ, отсавны налӧн семьяяслы.
Ми тышкасям аскиа лун вӧсна, и вермӧмыс лоӧ миян сайын!
Ыджыд Россия вӧсна!
Миян Президент вӧсна!
Миян зонъяс вӧсна!
Ура!».
8 воӧн Донбассын пӧгибнитіс 13 сюрсысь унджык мирнӧй йӧз, кодъяс пиын пӧрысь йӧз, нывбабаяс да челядь.
Печораса семьяяс тӧдӧны та йылысь зэв бура — уналӧн сэні олӧны рӧдня да матысса йӧз.
«Миян страна некор эз вӧв уськӧдчысьӧн да йӧз му мырддьысьӧн.
Сійӧ пыр вермасис мирнӧй олӧм, войтыркостса безопасносьт, асшӧрлун да суверенитет вӧсна.
Таын — историческӧй збыльтор!
Россия примитіс сьӧкыд, но правильнӧй помшуӧм — бырӧдны фашизм Донецкӧй да Луганскӧй Народнӧй Республикаясысь.
Ӧні Украинаын тышкасьӧны миян зонъяс.
Петкӧдлӧны ассьыныс повтӧмлун да смеллун.
Найӧ вермасьӧны миян аскиа лун вӧсна.
Мед налӧн ставыс лоӧ бур, и найӧ воасны гортаныс да семьяяс дорӧ ловйӧн да дзоньвидзаӧн!
Дона печорасаяс, талун миянлы торйӧн ёна колӧ отсавны миян Президентлы, миян армиялы да оз ков сетчыны провокациялы!
Сӧмын ӧтув ми вермам шедӧдны вермӧм!», — шуим «Печора» МР администрацияӧн юрнуӧдысьӧс медводдза вежысь Андрей Канищев.
«Европа чайтӧ, мый вермӧ тшӧктыны Россиялы вӧчны на ног: канму веськӧдлӧмын, экономикаын, социальнӧй юкӧнын.
Найӧ видлісны индавны миянлы, кыдз веськӧдлыны странаӧн, кӧсйисны кӧвъявны ассьыныс веськӧдлан системасӧ.
Налӧн чайтӧм серти, Россия должен сетны Рытыввывлы мупытшса да вӧр-ва озырлун.
Кор найӧ гӧгӧрвоисны, мый миянӧс оз позь чегны — вуджисны войнаӧн повзьӧдлӧмӧ.
Урасьӧм тӧлысь 24 лунӧ Россия Федерацияса Президент примитіс колана помшуӧм — сетны отсӧг ДНР-са да ЛНР-са войтырлы, таӧн ӧлӧдіс миян вылӧ ӧружиеӧн уськӧдчӧм.
Рытыввыв странаяслы тайӧ вӧлі виччысьтӧмтор, но колӧ вӧлі думайтны водзджык!
Страналы тайӧ отсалас видзны Россияӧс, войтырӧс!», — шуис «Печора» муниципальнӧй районса Сӧветӧн веськӧдлысь, запасса полковник Фёдор Ненахов.
Россия Федерацияса Вооружённӧй вынъяс бура пӧртӧны олӧмӧ боевӧй могъяс, кодъясӧс пуктіс Главнокомандующӧй.
Россияса военнослужащӧйяс петкӧдлӧны повтӧмлун, смеллун, збойлун, помӧдзыс пӧртӧны олӧмӧ воинскӧй да гражданскӧй долг.
Оз жалитны ассьыныс олӧмсӧ, Чужан мулысь прӧстлун да асшӧрлун дорйигӧн.
Зэв жаль, мый пӧгибнитӧмаяс эмӧсь и печорасаяс пиын.
Митинг вылын участвуйтысьяс казьтылісны найӧс чӧв олыштӧмӧн.
Митинг-концерт вылын вӧліны Печораын 600 гӧгӧр олысь.
Фотографияяссӧ сетӧма «Печора» МР МЮ администрацияса пресс-служба
{Kodko @ Владимир Уйба пырӧдчис Коми Республикаса прокуратура коллегиялӧн паськӧдӧм заседаниеӧ @ выльтор @ https://rkomi.ru/news/2369 @ 2022-07-26 @}
Владимир Уйба пырӧдчис Коми Республикаса прокуратура коллегиялӧн паськӧдӧм заседаниеӧ
Заседание дырйи видлалісны ведомстволысь 2022 воын квайт тӧлысся уджлысь кывкӧртӧдъяс.
Аслас сёрниын Коми Республикаса Юралысь Владимир Уйба торйӧн сувтліс регионса Веськӧдлан котырлӧн да Коми Республикаса прокуратуралӧн ӧтувъя уджын медся колана нырвизьяс вылӧ.
На пиысь ӧти — Луганскӧй да Донецкӧй Народнӧй Республикаясын олысьяслы, кодъяс мырдӧн эновтісны ассьыныс олан местаяс, отсӧг сетӧм.
«Прокуратура органъяслӧн бур уджыс тӧдчӧ веськыдлунӧ, оланпас пыдди пуктӧмӧ да пӧрадокӧ йӧзлӧн эскӧм вылӧ.
Пасъя коланлунсӧ Украинаын торъя операция нуӧдігӧн отсӧглысь, кодӧс сетӧ Коми Республика Луганскӧй да Донецкӧй Народнӧй Республикаясын олысьяслы.
Нӧшта ӧти колана нырвизь — Донбассысь пышйысьяслы отсӧг.
Кора республикаса прокуратураӧс, инӧд видзан органъясӧс босьтны тайӧ категориясӧ торъя дӧзьӧр улӧ.
Йӧзлӧн, кодъяслы быть ковмис эновтны гортнысӧ, абу пыр аскӧдныс документъяс, кодъяс колӧны материальнӧй отсӧг босьтӧм, медицинаӧн могмӧдӧм, челядьӧс школаясӧ да детсадйӧ иналӧм вылӧ.
Та дорӧ оз позь матыстчыны формальнӧя.
Тайӧ йӧзыслысь инӧдъяссӧ да тӧждъяссӧ колӧ дорйыны», — тӧдчӧдіс Коми Республикаса Юралысь.
Владимира Уйбалӧн кывъяс серти, кар-районъясын котыртӧма гуманитарнӧй отсӧг чукӧртӧм, ыстӧма 115 тонна гуманитарнӧй груз да 80 тонна тьӧс-плака.
Грузлысь бӧръя партиясӧ вӧлі вайӧма Ровеньки карӧ, кодкӧд 2022 вося лӧддза-номъя тӧлысьӧ республика кырымаліс ёртасьӧм йылысь артмӧдчӧм.
Республикалӧн отсӧгӧн ӧні Ровенькиын дасьтӧны тӧв кежлӧ оланін да коммунальнӧй овмӧсса, социальнӧй юкӧнса объектъяс — школаяс, детсадъяс, больничаяс да мукӧд учреждение.
Тӧд вылӧ уськӧдам, Коми Республика лои участвуйтысьӧн отсӧг сетан ыджыд уджтасын, кор Россияса регионъяс босьтӧны шефство ЛНР да ДНР каръяс да районъяс вылын.
2022 вося сора тӧлысь 21 лун вылӧ Коми Республикаын Донбассысь 494 пышйысь (168 мужичӧй, 326 нывбаба), на лыдын 152 — тыр арлыдтӧмаяс.
Пышйысьяс пиын эмӧсь пенсионеръяс, вермытӧмъяс.
Став локтысьыслы сетсьӧ уджӧн могмӧдӧмын, социальнӧй мынтӧмъяс босьтӧмын да медицина боксянь отсӧг.
Дасьтӧма недыр кад кежлӧ оланінъяс.
Сора тӧлысь 21 лун кежлӧ сэтчӧ вӧлі овмӧдӧма 22 мортӧс.
Сора тӧлысьӧ университетскӧй смена серти республика принимайтіс Луганскӧй Народнӧй Республикаысь челядьлысь группа, челядьлысь нӧшта ӧти группа мӧдӧдасны шойччыны Анапаӧ, «Черноморская зорька» санаторийӧ.
«Сувтлыны кӧ мукӧд тӧдчана мог дорӧ, кӧсъя пасйыны республикаын сьӧмкуд оланпастэчас олӧмӧ пӧртан юкӧнын прокурорскӧй дӧзьӧрлысь коланлунсӧ.
Прокуратура кужӧ зэв бура видзӧдны канму сьӧм торъя могъяс вылӧ видзӧм бӧрся.
Эска, миян ӧтувъя уджным тайӧ нырвизьын и водзӧ лоӧ веськӧдӧма тайӧ юкӧнын торкалӧмъясысь видзчысьӧм вылӧ», — шуис регионса Юралысь.
Прокуратура органъяслӧн уджын медколана нырвизьяс лыдын кольӧны мыж вӧчӧмкӧд да коррупциякӧд тышкасьӧм, йӧзлысь инӧдъяс да оланпас серти интересъяс дорйӧм, мыж вӧчӧмкӧд тыш нуӧдӧм да инӧдъяс торкалӧмысь видзчысьӧм серти инӧд видзан органъяслысь удж ладмӧдӧм.
Таво россияса прокуратуралы тырис 300 во, Коми Республикаса прокуратуралы — 100 во.
Владимир Уйба аттьӧаліс республикаса прокуратураын уджалысьясӧс йӧзлысь инӧдъяс, канму да йӧзкотырлысь интересъяс дорйӧмысь, служебнӧй могъяс бура олӧмӧ пӧртӧмысь.
Сиис Коми Республикалы да Россия Федерациялы бур вылӧ уджын вермӧмъяс.
{Kodko @ Владимир Уйба вӧзйис Коми аграрийяслы нуны вузӧссӧ ёртасьысь странаясӧ @ выльтор @ https://rkomi.ru/news/2372 @ 2022-07-27 @}
Владимир Уйба вӧзйис Коми аграрийяслы нуны вузӧссӧ ёртасьысь странаясӧ
Коми Республикаса Юралысь серти, тӧргуйтны колӧ странаяскӧд, кодъяс оз пыртны Россия серти дзескӧдан мераяс.
Та йылысь сійӧ юӧртіс сора тӧлысь 26 лунӧ стратегическӧя сӧвмӧдӧм да проектъяс серти Сӧветлӧн заседание дырйи. Сэні видлалісны ортсысянь санкцияяс дырйи национальнӧй проектъяс збыльмӧдан юалӧмъяс.
Коми Республикаса велӧдан, наука да том йӧз политика министрлысь могъяс олӧмӧ пӧртысь Наталья Якимова юӧртіс, национальнӧй проектъяслысь кутшӧм мероприятиеяс збыльмӧдӧмсӧ вермисны эськӧ торкны суйӧрсайса канмуяссянь дзескӧдан мераяс, но век жӧ таво найӧс пӧртасны олӧмӧ.
Тайӧ Воркутаын 23 №-а шӧр школаын «Кванториум» челядьлы технопарк (республикаын мӧдӧс), сиктса челядьлы 20 шӧрин восьтӧм, кӧні кутасны велӧдны точнӧй да естественнонаучнӧй предметъяс, а сідзжӧ нуӧдны содтӧд тӧдӧмлун сетан, шахматыысь, робототехникаысь занятиеяс.
Таысь кындзи, выльмӧдасны материально-техническӧй база сӧвмӧмын аслыспӧлӧслуна челядьӧс велӧдан куим организацияын: Изьва сиктын, Адзорӧм посёлокын да Сосногорск карын торъя (коррекционнӧй) школа-интернатъясын.
Сідзжӧ 2022 воӧ Коми Республикалы сетӧма 7,89 млн шайт мындаын субсидия, медым збыльмӧдны волонтёр практикаяс да могмӧдны оборудованиеӧн волонтёр организацияяс, став сьӧмсӧ видзасны во помӧдз.
«Дерт, ошка Россия Федерацияса велӧдан министерстволысь «быд школьниклы — компьютерӧн» да сӧвмыны позянлунъяс лӧсьӧдӧм серти видзӧдлассӧ.
Тайӧ жӧ кадӧ тшӧкта Коми Республикаса Веськӧдлан котырлы таво дасьтыны «Быд сиктса школаӧ — уджӧ велӧдан класс» республиканскӧй уджтас, могмӧдны сійӧс сьӧмӧн да корны содтӧд велӧдысьясӧс.
Вӧчӧм удж йылысь кора юӧртны меным во помын», — тӧдчӧдіс Владимир Уйба.
Коми Республикаса йӧзлысь дзоньвидзалун видзан министрӧс вежысь Татьяна Маруничлӧн кывъяс серти, медицина юкӧнын ньӧбӧма УАЗ маркаа автомашинаяс.
2022 воӧ регионлы коліс ньӧбны 72 единица.
Но Европаса странаяслӧн санкцияяс вӧсна донъясыс кыптісны да вичмӧдӧм сьӧмыс эз тырмы.
Коми Республика кырымаліс сӧмын 54 единица техника вайӧм вылӧ контракт. Регионӧ найӧс ваясны 2022 вося кӧч тӧлысь помӧдз.
А кольӧм 18 машина вылӧ сьӧмсӧ вичмӧдасны федеральнӧй сьӧмкудйысь видзтӧм сьӧм пиысь.
Та серти сёрнитчӧма Россия Федерацияса йӧзлысь дзоньвидзалун видзан министерствокӧд.
Сідзжӧ заседание дырйи видлалісны, мыйта вузалӧны суйӧр сайӧ агропромышленнӧй комплексса прӧдукция — кӧр яй да вӧрса быдмӧгъяс.
Коми Республикаса видз-му овмӧс да потребительскӧй рынок министр Алексей Буткинлӧн кывъяс серти, 2022 воӧ Коми Республика кӧсйис вузавны суйӧр сайӧ 300 сюрс доллар вылӧ агропромышленнӧй комплексса прӧдукция.
Сора тӧлысь 1 лун вылӧ планысь збыльмӧдӧма 33 прӧчент, сы вӧсна, мый урасьӧм тӧлысь 24 лунӧдз аграрийяс удитісны вузавны Европаӧ вӧрса быдмӧг.
Мирын геополитика боксянь серпассӧ тӧд вылӧ босьтӧмӧн, Россияса видз-му овмӧс министерство бырӧдіс 2022–2023 вояс вылӧ агропромышленнӧй комплексса прӧдукция суйӧр сайӧ вузалӧм серти петкӧдласъяссӧ.
Лӧсялана вежсьӧмъяссӧ пыртасны и регионса проектъясӧ.
Такӧд ӧттшӧтш, Комиысь аграрийяс водзӧ кутасны вузасьны суйӧр сайӧ.
Шуам, кык овмӧс нуӧдан объект кырымалісны 2024 воӧдз Польшаӧ да Литваӧ мукӧд страна пыр вӧрса быдмӧг вузалӧм вылӧ контрактъяс.
«Интаса» ичӧт кывкутана котыр уджалӧ Китайӧ кӧр яй вузалӧм серти.
Нуӧдӧма нин Россияса экспорт котыркӧд медводдза аддзысьлӧмъяс да консультацияяс, индӧма яя прӧдукция нуан условиеяссӧ да Китайӧн урчитӧм корӧмъяссӧ.
Ӧні Россельхознадзор тшупӧдын дасьтӧны вузасьӧм вылӧ документъяс.
Тайӧ жӧ кадӧ «Кӧр видзысь» производство да видз-му овмӧсса кооператив кад кежлӧ дугӧдіс суйӧр сайын вузасьӧм вылӧ еврономер босьтӧм серти уджсӧ да вуджис россияса рынок вылӧ сы вӧсна, мый зэв ёна вежсис страна пытшкын спросыс.
«Ми нуим кӧр яй европаса рынок вылӧ.
80 % вӧрса быдмӧгсӧ вузалім Европаӧ.
Талун санкцияяс вӧсна тайӧ уджыс воштіс ассьыс могсӧ.
Колӧ корсьны вузасьӧм вылӧ выль рынокъяс.
Ошка, мый аграрийяс кӧсйӧны уджавны ёртасьысь странаяскӧд, шуам, Китайкӧд.
Но выль ногӧн колӧ видзӧдлыны сы вылӧ, мый ми вузалам вӧрса быдмӧгъяс странаясӧ, кодъяс миянкӧд оз ёртасьны.
Ме чайта, мый тӧргуйтны миян вӧрӧгъяскӧд оз позь.
Ӧтувъя уджсӧ колӧ нуӧдны кывкутӧмӧн да чужан му радейтӧмӧн.
Тшӧкта Коми Республикаса Веськӧдлан котырлы видзӧдны тайӧ юалӧм бӧрся да дасьтыны вӧзйӧмъяс, кыдзи позьӧ веськӧдны миянлысь прӧдукция вузалӧмсӧ ёртасьысь странаясӧ», — пасйис Владимир Уйба.
2022 воӧ Коми Республикаын збыльмӧдӧны 44 дінму проект, на лыдын 32 проектсӧ сьӧмӧн могмӧдӧма сьӧмкуд сьӧм тшӧт весьтӧ.
Коми Республикаса ӧтувъя сьӧмкудйын таво кежлӧ проектъяс збыльмӧдӧм вылӧ урчитӧма 13 млрд 488 млн шайт.
{Kodko @ Коми Республикаса Веськӧдлан котыр кутас уджавны спорт объектъяс сьӧмӧн могмӧдсӧ кыпӧдан юалӧм серти @ выльтор @ https://rkomi.ru/news/2375 @ 2022-07-27 @}
Коми Республикаса Веськӧдлан котыр кутас уджавны спорт объектъяс сьӧмӧн могмӧдсӧ кыпӧдан юалӧм серти
Коми Республикаса Юралысь Владимир Уйба сетіс татшӧм тшӧктӧмсӧ регионса министръяс кабинетлӧн заседание дырйи, мый вӧлі сора тӧлысь 27 лунӧ.
Заседание заводитчигӧн чӧв олыштӧмӧн казьтыштісны Донбассын военнӧй действиеяс дырйи пӧгибнитӧм челядьӧс.
Мыччӧдъяс серти, 2014 восянь неонацистъясӧн лыйлӧмысь пӧгибнитӧма 130 ныв-зон, 515 сайӧ челядь ранитчӧма.
Донецкӧй Народнӧй Республикаса Юралысь Денис Пушилинлӧн Индӧдӧн сора тӧлысь 27 лунсӧ шуӧма Донбассын война дырйи пӧгибнитӧм челядьӧс казьтылан лунӧн.
Коми Республикаса Веськӧдлан котырӧ пырысьяс видлалісны спорт объектъяс нормативъяс серти лӧсьӧдан мероприятиеяссӧ сьӧмкуд сьӧмӧн могмӧдӧм йылысь юалӧм.
«Ме видзӧдлі бӧръя куим вося динамикасӧ, шуа, мый сійӧ абу бур.
Таво кежлӧ тайӧ нырвизьсӧ став ӧшмӧсысь, тшӧтш и сьӧмкудйысь ӧтдор, сьӧмӧн могмӧдӧма уна дас пӧв этшаджык.
Тӧд вылӧ уськӧда лӧсялана министерствоӧн юрнуӧдысьяслы, мый тіян мог — абу сӧмын видзны вичмӧдӧм сьӧмсӧ, но и сӧвмӧдны тайӧ нырвизьсӧ.
Тіянлы колӧ дорйыны ассьыныд нырвизьтӧ республиканскӧй сьӧмкуд артмӧдігӧн, корсьны сьӧмкудйысь ӧтдор сьӧм, уджавны социальнӧй уджъёртасьӧм серти, вӧдитчыны федеральнӧй да республика тшупӧда грантъясӧн.
Тіян мог — сетны йӧзлы позянлун зільны спортын бур условиеясын», — тӧдчӧдіс Коми Республикаса Юралысь.
Казьтыштам, Физическӧй культура да спорт сӧвмӧдӧм серти Россия Федерацияса Президент бердын Сӧветлӧн 2019 во йирым тӧлысь 10 лунся заседаниелӧн кывкӧртӧдъяс серти Владимир Путин тшӧктіс верктуя пӧрадокын быд во сьӧмӧн могмӧдны спорт объектъяс нормативъяс серти лӧсьӧдан мероприятиеяс.
Коми Республикаса вынйӧр сӧвмӧдан да спорт министерство збыльмӧдӧ тайӧ тшӧктӧмсӧ некымын нырвизь серти.
Канму да муниципальнӧй спорт учреждениеяс босьтӧны субсидияяс, медым збыльмӧдны пӧжарысь видзчысян корӧмъяс, дорйысьны терроризмысь да могмӧдны ӧтйӧза пӧрадок.
Спортивнӧя дасьтан организацияяслы сетӧны спорт оборудование да инвентар ньӧбӧм вылӧ субсидияяс, отсалан средствояс отсӧгӧн вынсьӧдӧны олимпиада резервӧ дасьтан спорт школаяслысь материально-техническӧй база.
Сідзжӧ канму спорт учреждениеяс босьтӧны капитальнӧя дзоньталӧм вылӧ канмусянь отсӧг.
Таысь кындзи, объектъяссӧ субсидируйтӧны Коми Республикаса войтырӧс доръян да неминучаысь видзан комитетлӧн канму уджтас серти.
2020–2022 воясӧ муниципальнӧй учреждениеяс босьтісны 420 миллион гӧгӧр шайт, канму учреждениеяс — 90 миллион сайӧ шайт.
Та вылӧ видзӧдтӧг спорт объектъяс нормативъяс серти лӧсьӧдӧм вылӧ колӧ на уна сьӧм: муниципальнӧй учреждениеяслы капитальнӧя дзоньталӧм вылӧ да неминучаысь видзысян условиеяс лӧсьӧдӧм вылӧ колӧ нӧшта 750 миллионысь унджык шайт, канму учреждениеяслы — 300 миллион гӧгӧр шайт.
Мукӧд объектсӧ лӧсьӧдӧны нормативъяс серти «Войтырлӧн сьӧмкуд» уджтас сьӧм вылӧ.
Муниципалитетъяслы сетӧны позянлун збыльмӧдны спорт учреждениеяс вочасӧн либӧ капитальнӧя дзоньталӧм, лӧсьӧдӧм вылӧ веськӧдӧм проектъяс.
2022 воӧ ӧти проект збыльмӧдӧм вылӧ республиканскӧй сьӧмкудйысь сетӧны 600 сюрс шайт мындаын субсидия.
2023 восянь сійӧ содас 1,5 миллион шайтӧдз.
2022 воӧ Войтырлысь проектъяс збыльмӧдігӧн вочасӧн либӧ капитальнӧя дзоньталӧм вылӧ конкурс серти прӧйдитіс 14 заявка, ставнас найӧ босьтісны 12 миллионысь унджык шайт, тшӧтш и республиканскӧй сьӧмкуд сьӧм — 7,9 миллион шайт.
«Россия Федерацияын меставывса асвеськӧдлӧм котыртан ӧтувъя принципъяс йылысь» федеральнӧй оланпас серти муниципальнӧй районын физическӧй культура да уна йӧза спорт сӧвмӧдӧм вылӧ условиеяс лӧсьӧдӧмыс, а сідзжӧ тайӧ юкӧнын сьӧмӧн могмӧдан юалӧмъяс решитӧмыс пырӧ муниципальнӧй районлӧн да кар кытшлӧн компетенцияӧ.
Но муниципалитетъяслы оз тырмы ас сьӧмыс, медым лӧсьӧдны спорт объектъяссӧ нормативъяс серти.
Дзоньтавлытӧм вӧсна уна объект воысь-воӧ киссьӧ.
Медся ёна сьӧмыс колӧ Сыктывкарса, Ухтаса, Усинскса, Кӧрткерӧс, Кулӧмдін да Луздор районъясса объектъяслы сы вӧсна, мый сэтчӧ волӧ унджык йӧз.
«Тшӧкта регионса Спорт министерстволы Экономика министерствокӧд ӧтув кыскыны сьӧм социальнӧй уджъёртасьӧм серти.
Республикаса Сьӧм овмӧс министерстволы — 2023 во кежлӧ сьӧмкуд лӧсьӧдігӧн бурджыка видлавны спорт объектъяс нормативъяс серти лӧсьӧдӧмсӧ сьӧмӧн могмӧдӧм серти юалӧм.
Муниципалитетъяслы колӧ зільджыка уджавны промышленнӧй предприятиеяскӧд да вӧдитчыны налӧн ресурсъясӧн местаяс вылын йӧзлы колана юалӧмъяс решитӧм могысь», — пасйис регионса Юралысь.
{Kodko @ Владимир Уйба наградитіс «#МыВместе» войтыркостса премиялӧн регионса тшупӧдын вермысьясӧс да призёръясӧс @ выльтор @ https://rkomi.ru/news/2379 @ 2022-07-29 @}
Владимир Уйба наградитіс «#МыВместе» войтыркостса премиялӧн регионса тшупӧдын вермысьясӧс да призёръясӧс
Сора тӧлысь 28 лунӧ Коми Республикаса добровольчестволы отсӧг сетан регионса ресурснӧй шӧринын нуӧдісны кыпыд церемония.
«Миян кадӧ добровольчество да олӧм кывъяс босьтісны ӧткодь вежӧртас, — висьталіс Коми Республикаса Юралысь.
— Коми Республикаын вынсялӧ волонтёръяслӧн ӧтмунӧм. Зэв тӧдчана, мый сійӧ сӧвмӧ йӧзлӧн водзмӧстчӧмӧн, а оз «вылыссянь» тшӧктӧмӧн.
Талун миян эм нин волонтёръяслӧн армия: республикаын 23 сюрс сайӧ морт.
Кор ті сетанныд став сьӧлӧмтӧ, тіян мини-проектъясныд лоӧны збыль ыджыд проектъясӧн.
Дерт жӧ, эмӧсь и Россия пасьтала юргысь гырысь проектъяс, шуам, «Бессмертнӧй полк» либӧ «Сӧстӧм Арктика» экологиялы сиӧм проект.
Тіянӧс ставнытӧ ӧтувтӧ восьса сьӧлӧм да веськыдлун.
Мед тіян уджныд ышӧдас йӧзӧс.
Тайӧ и эм добровольчестволӧн сюрӧсыс.
Кодкӧ аддзас тіянлысь пример да окотитас лоны волонтёрӧн да кутас вӧчны буртор».
Владимир Уйба аттьӧаліс «#МыВместе» проектӧ пырӧдчысьясӧс сьӧлӧмсянь уджалӧмысь да Коми Республикаын волонтёръяслысь ӧтмунӧм сӧвмӧдӧмысь, а сідзжӧ вочавидзис регионын добровольчество сӧвмӧдӧм йылысь юалӧмъяс вылӧ да наградитіс премиялӧн регионса тшупӧдын вермысьясӧс да призёръясӧс.
Волонтёръяс висьталісны, мый збыльмӧдӧма экология, Чужан му радейтны да пыдди пуктыны велӧдан, медицина, велӧдан юкӧнъясын.
«Бизнес» категорияын вермысьӧн лоис «Ми — Ыджыд Вермӧмлӧн наследникъяс» проект. Сійӧс «Газпром трансгаз Ухта» ичӧт кывкутана котыр 7 во чӧж нин збыльмӧдӧ Россияса рытыв-войвыв нёль регионын.
Проектсӧ веськӧдӧма Айму вӧсна Ыджыд тышса ветеранъяслы адреснӧя отсалӧм, Айму вӧсна Ыджыд тыш йылысь тӧдӧмлун паськӧдӧм, салдат гуяс, памятникъяс, мемориалъяс бурмӧдӧм-лӧсьӧдӧм да воинскӧй славалы выль инъяс лӧсьӧдӧм вылӧ.
«НКО» категорияын петкӧдлісны Сыктывкарысь кык водзмӧстчӧм.
Диана Паршукова петкӧдліс проект, кыдзи позьӧ велӧдны детсадъясӧ ветлысьясӧс да школьникъясӧс видзчысьны пӧжарысь.
Юлиана Некрылова висьталіс проект йылысь, кутшӧмӧс веськӧдӧма ныв-зонмӧс, кар-районъясса олысьясӧс шыбласъяс переработайтны да вторичнӧй сырьё чукӧртны велӧдӧм вылӧ, а сідзжӧ олысьясӧс экология вӧсна тӧждысьны ышӧдӧм вылӧ.
Сыктывкарсаяс сідзжӧ петкӧдчисны «Волонтёръяс» категорияын.
Инга Некрасова висьталіс водзмӧстчысь бать-мамӧс да детсадйӧ ветлысь гырысьджык челядьӧс волонтёръяслӧн ӧтмунӧмӧ корӧм серти проект йылысь.
Егор Кривоноговлӧн проект отсалӧ котыртны республикаын ставроссияса, регионса да муниципальнӧй тшупӧдъясын спортивнӧй ордйысьӧмъяс.
Сідзжӧ Владимир Уйба сетіс «Газпром трансгаз Ухта» ичӧт кывкутана котырлы «#МЫВМЕСТЕ ӧта-мӧдлы отсасян ставроссияса акция котыртӧмӧ сьӧлӧмсянь пай пуктӧмысь» Россия Федерацияса Президентсянь памятнӧй медаль «Объёмный взгляд на север» проектысь, мый лои вермысьӧн 2021 воӧ.
* * *
«#МыВместе» войтыркостса премиясӧ лӧсьӧдӧма Россия Федерацияса Президентлӧн тшӧктӧм серти 2020 воӧ.
Сылӧн мог — йӧзлы отсалан да олӧм бурмӧдан водзмӧстчӧмъяс вӧзйысьясӧс пыдди пуктӧмсӧ петкӧдлӧм да налы отсалӧм.
Премиясӧ нуӧдӧны рака тӧлысь 16 лунсянь ӧшым тӧлысь 5 лунӧдз, сійӧ артмӧ нёль тшупӧдысь: заявка сетан, регионса, полуфинал, финал.
Вермысьясӧс наградитасны 2022 вося ӧшым тӧлысьӧ Москваын «#МЫВМЕСТЕ» гражданалӧн водзмӧстчӧмлы сиӧм войтыркостса кывкӧрталан форум дырйи.
Регионса тшупӧдӧ воӧдчис 56 проект, на лыдын «Волонтёръяс» категорияын — 38, «НКО» категорияын — 13, «Бизнес» категорияын — 5 проект.
Вермысьясӧс да призёръясӧс лоӧ вӧзйӧма полуфиналӧ пырӧдчӧм вылӧ.
2021 воӧ Коми Республикасянь воис 47 заявка.
«Газпром трансгаз Ухта» ичӧт кывкутана котырӧн петкӧдлӧм «Объёмный взгляд на север» проект босьтіс «Овны лӧсьыд кар» номинацияын медводдза места («Бизнес» трек).
Проект серти комплекснӧя бурмӧдӧма-мичмӧдӧма Ухтаын Биару перйысьяслысь набережнӧй.
Проектыс петкӧдлӧ, кыдзи бизнес, канму, волонтёръяс да творчество котыръяс ӧтвылысь вермӧны вӧчны кушинысь лӧсьыд шойччанін.
{Kodko @ Владимир Уйба чолӧмаліс Россияса Следственнӧй комитетлӧн Коми Республикаын следственнӧй веськӧдланінса уджалысьясӧс уджсикас гажӧн @ выльтор @ https://rkomi.ru/news/2382 @ 2022-07-29 @}
Владимир Уйба чолӧмаліс Россияса Следственнӧй комитетлӧн Коми Республикаын следственнӧй веськӧдланінса уджалысьясӧс уджсикас гажӧн
Талун, сора тӧлысь 29 лунӧ, Коми Республикаса Юралысь участвуйтіс Россия Федерацияса следствие органъясын уджалысьлӧн лунлы сиӧм кыпыд собрание вылын.
«Тіян служба босьтӧ торъя места страналӧн инӧд видзан системаын.
Ті туяланныд медся ӧпаснӧй да резонанснӧй мыж вӧчӧмъяс.
Найӧс восьтӧм вылӧ колӧны оз сӧмын джуджыд тӧдӧмлунъяс, но и веськыдлун да повтӧмлун.
А сідзжӧ зільлун да стӧчлун, медым эз мыжтӧм морт веськав бытшласьысь сутуга сайӧ, а мыж вӧчысь ӧтветитіс закон серти.
Аттьӧала тіянӧс служебнӧй долглы веськыдлунысь да чина могъяс олӧмӧ пӧртӧмын кывкутӧмысь.
Торъя аттьӧалана кывъяс — следствие органъясса ветеранъяслы.
Аттьӧ тіянлы сыысь, мый видзанныд да содтанныд службалысь традицияяссӧ, сетанныд том уджалысьяслы колана тӧдӧмлунъяс да отсӧг», — аттьӧаліс Коми Республикаса Юралысь.
Владимир Уйба сетіс следственнӧй веськӧдланінын уджалысьяслы канму наградаяс.
* * *
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма
Алла Михайловна Малягановалы — юстицияса полковниклы, следственнӧй веськӧдланінӧн юрнуӧдысьлӧн медыджыд отсасьысьлы (кадръяс кузя).
Коми Республикаса Юралысьлӧн тшӧктӧмӧн чина могъяс бура олӧмӧ пӧртӧмысь «Коми Республикалы зэв бура служитӧмысь» Коми Республикаса отличие пас сетӧма:
Наталья Германовна Миронецлы — юстицияса подполковниклы, Сыктывкарын следственнӧй юкӧнӧн юрнуӧдысьӧс вежысьлы;
Степан Евгеньевич Юдинлы — юстицияса майорлы, Ухтаын следственнӧй юкӧнын торъя тӧдчана делӧяс серти следовательлы;
Коми Республикаса Юралысьлӧн тшӧктӧмӧн кужӧм-сямлунысь да чина могъяс бура олӧмӧ пӧртӧмысь Коми Республикаса Юралыссянь Аттьӧалӧм сетӧма:
Эдуард Владимирович Гольцманлы — юстицияса майорлы, Сыктывкарын следственнӧй юкӧнса шӧр следовательлы;
Ирина Владимировна Шелухиналы — Сыктывкарын следственнӧй юкӧнса медыджыд специалистлы.
{Kodko @ Коми Республикаса Юралысь чолӧмалӧ Саридзвыв Военнӧй Флотлы сиӧм лунӧн @ выльтор @ https://rkomi.ru/news/2386 @ 2022-07-31 @}
Коми Республикаса Юралысь чолӧмалӧ Саридзвыв Военнӧй Флотлы сиӧм лунӧн
«Пыдди пуктана военнослужащӧйяс, Россиялӧн ВМФ-са ветеранъяс!
Чолӧмала тіянӧс Россияса Саридзвыв Военнӧй Флотлы сиӧм лунӧн!
Военнӧй флот куим нэмысь унджык видзӧ миян канмулысь мудоръяссӧ, дорйӧ Чужан мулысь войтырсикас тӧждъяссӧ.
Сылӧн историяыс тыр нималана вермӧмъясӧн да тӧдчана лоӧмторъясӧн, кодъяс отсӧгӧн Россия шедӧдіс гырысь саридзвыв мунымлысь нималӧм.
Талун военнӧй морякъяс бура пӧртӧны олӧмӧ ассьыныс воинскӧй долг да видзӧны флотлысь медбур традицияяссӧ.
Унаӧн пӧртӧны олӧмӧ боевӧй могъяс, петкӧдлӧны ыджыд боевӧй дасьлун да мортлысь медбур качествояс — айму дорӧ муслун, повтӧмлун, йӧз вӧсна тӧждысьӧм.
Аттьӧала военнослужащӧйясӧс да ВМФ-са ветеранъясӧс, суднояс стрӧитан отрасльса уджалысьясӧс, служащӧйясӧс да пенсионеръясӧс Саридзвыв Военнӧй Флотлысь традицияяссӧ видзӧмысь да олӧмын зіля водзмӧстчӧмысь.
Сьӧлӧмсянь сиа тіянлы да тіян семьяяслы крепыд дзоньвидзалун, тыр-бур олӧм, шуд, лӧнь саридз, мед керкааныд пыр вӧлі шоныд да кыпыд!»
Коми Республикаса Юралысь Владимир Уйба
{Kodko @ Владимир Уйба Ухтаса канму техническӧй университетын велӧдчан сменаӧ Донецкӧй Народнӧй Республикаысь челядьлӧн воӧм йылысь @ выльтор @ https://rkomi.ru/news/2392 @ 2022-08-01 @}
Владимир Уйба Ухтаса канму техническӧй университетын велӧдчан сменаӧ Донецкӧй Народнӧй Республикаысь челядьлӧн воӧм йылысь
Моз тӧлысь 1 лунӧ Ухтаӧ воис Донецкӧй Народнӧй Республикаысь челядьлӧн группа.
Гырысь классъясын 35 велӧдчысь пырӧдчасны «Университетскӧй сменаяс» проектӧ, кутшӧмӧс талунсянь нуӧдӧны Ухтаса канму техническӧй университетын.
Ныв-зонмӧс виччысьӧны 80 часа велӧдан блок, культураӧн тӧдмӧдан да творческӧй уджтас.
Сменасӧ нуӧдӧны моз тӧлысь 1–10 лунъясӧ.
ДНР-ысь школьникъясӧс тӧдмӧдасны Ухта карлӧн историяӧн, сылӧн нималанаторъясӧн.
Налы нуӧдасны экскурсияяс, Россияса история да культура серти занятиеяс, творчестволы, наукалы да техникалы сиӧм мастер-классъяс, квестъяс, гажӧдчан да спортивнӧй мероприятиеяс.
{Kodko @ Владимир Уйба веськыд йитӧд пыр вочавидзас Комиын олысьяслӧн юалӧмъяс вылӧ @ выльтор @ https://rkomi.ru/news/2390 @ 2022-08-01 @}
Владимир Уйба веськыд йитӧд пыр вочавидзас Комиын олысьяслӧн юалӧмъяс вылӧ
Коми Республикаса Юралысь нуӧдас социальнӧй везъясын да «Юрган» телеканалын веськыд йитӧд.
Моз тӧлысь 4 лунӧ 12 часын «Вконтакте»-ын Коми Республикаса официальнӧй котыръясын, «Юрган» телеканаллӧн да Регионӧн веськӧдлан шӧринлӧн котырын веськыд трансляция дорӧ комментарийясын позьӧ сетны юалӧмъяс Владимир Уйбалы.
Веськыд эфирсӧ сідзжӧ петкӧдласны «Юрган» телеканалын.
Веськыд йитӧд дырйи Коми Республикаса Юралысь вочавидзас республикаын олысьясӧс майшӧдлысь юалӧмъяс вылӧ, а сідзжӧ юалӧмъяс вылӧ, кутшӧмъясӧс медтшӧкыда сетісны Регионӧн веськӧдлан шӧринӧ «Инцидент Менеджмент» система пыр да «Госуслуги.
Решаем вместе» платформаӧ.
Тайӧ республикаын йӧзлысь дзоньвидзалун видзӧмсӧ сӧвмӧдӧм, лекарствоӧн могмӧдӧм, социальнӧй объектъяс стрӧитӧм, республикаса кар-районъясын туйяс дзоньталан кампания йылысь да мукӧд юалӧм.
Моз тӧлысь 4 лунӧ «Вконтакте»-ын Владимир Уйбакӧд веськыд йитӧдсӧ позьӧ видзӧдны:
«Республика Коми» котырын — https://vk.com/pressrkomi
Коми Республикаса регионӧн веськӧдлан шӧринлӧн котырын — https://vk.com/tsur11
«Юрган» телеканаллӧн котырын — https://vk.com/yurgankomi
{Kodko @ Коми Республикаса Юралысь чолӧмалӧ Воздушно-десантнӧй войскалы сиӧм лунӧн @ выльтор @ https://rkomi.ru/news/2393 @ 2022-08-02 @}
Коми Республикаса Юралысь чолӧмалӧ Воздушно-десантнӧй войскалы сиӧм лунӧн
«Пыдди пуктана воин-десантникъяс, ВДВ-са ветеранъяс!
Чолӧмала тіянӧс Воздушно-десантнӧй войскалы сиӧм лунӧн!
Тайӧ гажыс налӧн, кодъясӧс олӧмыс йитіс «бордъя пехотакӧд», коді новлӧ кельыдлӧз берет да олӧ «Огӧ кӧ ми, сэсся коді?» девиз улын.
Десантнӧй войскаяс — странаын Вооружённӧй вынъяслӧн элита.
Десантникъяслӧн пыр вӧлі ыджыд боевӧй да бур физическӧй дасьлун, повтӧмлун, йӧз вӧсна тӧждысьӧм да Чужан му сьӧлӧмсянь пыдди пуктӧм да радейтӧм.
Тайӧ войскаяс лоӧмсянь медводдза лунсяньыс налы эскылісны медся кывкутана да сьӧкыд могъяссӧ, ӧд «бордъя пехота» вермӧны пӧртны олӧмӧ быд сикас мог.
«Кельыдлӧз беретъяс» пыдди пуктӧны да вежавидзӧны десантнӧй ёртасьӧмлысь традицияяс, «чесьт» да «кывкутӧм» налы абу сӧмын кывъяс.
Коми Республикаын десантнӧй войскаясса ветеранъяс нуӧдӧны ыджыд ӧтйӧза удж, сы лыдын быдмысь том войтырӧс патриотическӧя воспитайтӧм кузя, петкӧдлӧны повтӧмлун да Чужан му сьӧлӧмсянь радейтӧм да пыдди пуктӧм.
Сьӧлӧмсянь аттьӧала тіянӧс тайӧ уджысь, республикаӧс пыдди пуктӧмысь да войтыр вӧсна сьӧлӧмӧн висьӧмысь.
Сиа ставлы, коді служитліс да служитӧ ВДВ-ын, тіян семьяяслы, рӧднӧйяслы да матыссаяслы крепыд дзоньвидзалун, тыр-бур олӧм да шуд!»
Коми Республикаса Юралысь Владимир Уйба
{Kodko @ Владимир Уйба казьтыштіс тышын усьӧм воин-десантникъясӧс @ выльтор @ https://rkomi.ru/news/2395 @ 2022-08-02 @}
Владимир Уйба казьтыштіс тышын усьӧм воин-десантникъясӧс
Моз тӧлысь 2 лунӧ, Воздушно-десантнӧй войскалы сиӧм лунӧ, Сыктывкарын вӧлі кыпыд митинг. «Шогсьысь воин» памятник да «Куслытӧм слава» мемориал дорӧ пуктісны дзоридзьяс.
Мероприятиеӧ пырӧдчис Коми Республикаса Юралысь, боевӧй тышъясса ветеран Владимир Уйба.
Россияын Воздушно-десантнӧй войскаяс лӧсьӧдан лунсянь 92 во тырӧмлы сиӧм митинг восьтігӧн регионса Юралысь пасйис, мый десантникъяс медводдзаяс лыдын пыр дасьӧсь дорйыны.
«Муӧдз копыр налы, кодъяс ассьыныс олӧмсӧ жалиттӧг помӧдзыс пӧртісны олӧмӧ могъяс.
Десантникъяс олӧм чӧж пыдди пуктісны ассьыныс традицияяссӧ, ёрта-ёртныссӧ.
Ті и прӧст олӧмын оланныд «Огӧ кӧ ми, сэсся коді?» правилӧ серти.
Аттьӧ сыысь, мый уджаланныд ныв-зонпосникӧд да том йӧзкӧд, асланыд пример вылын петкӧдланныд, кыдзи радейтны Чужан му, велӧданныд найӧс колана ногӧн гӧгӧрвоны да пыдди пуктыны историянымӧс.
Сиа тіянлы унджык вермӧм, шуд да крепыд дзоньвидзалун!», — сиис десантникъяслы Владимир Уйба.
Митингӧ пырӧдчысьяс казьтыштісны пӧгибнитӧм десантникъясӧс чӧв олыштӧмӧн.
{Kodko @ Владимир Уйба чолӧмаліс десантникъясӧс да ВДВ-са ветеранъясӧс гажӧн @ выльтор @ https://rkomi.ru/news/2397 @ 2022-08-02 @}
Владимир Уйба чолӧмаліс десантникъясӧс да ВДВ-са ветеранъясӧс гажӧн
Коми Республикаса Юралысь ветліс Кӧрткерӧс сиктын Воздушно-десантнӧй войскалӧн лунлы сиӧм гаж вылӧ.
«Мый торйӧдӧ десантникӧс?
Оз сӧмын кельыдлӧз берет.
Медводз, тайӧ ас вӧсна, ёртъяс вӧсна да на вӧсна кывкутӧм, кодъясӧс дорйӧны воздушно-десантнӧй войскаяс: Чужан му, матыссаяс, челядь, аньяс, пӧль-пӧчьяс.
Тайӧ Чужан мулы сьӧлӧмсянь служитӧм да нималана лозунг — «Огӧ кӧ ми, сэсся коді?», — пасйис Владимир Уйба.
Республикаса Юралысь тӧдчӧдіс, мый воздушно-десантнӧй войска артмӧдӧмсянь да талунъя лунӧдз, кор Россияын пасйӧны тайӧ кадпассянь 92 во, десантникъясӧс пыр ыстылісны пуктӧм могъяс збыльмӧдӧм вылӧ медся сьӧкыд да вир кисьтана участокъясӧ.
«Талун миян воинъяс, тшӧтш и десантникъяс, дорйӧны чужан мунымӧс ичӧт Русьын.
Дорйӧны пӧль-пӧчьясӧс, челядьӧс, аньясӧс выль фашистъясысь.
Зэв жаль, мый кулӧны зонъяс, кулӧны десантникъяс.
Ми воштім нин 35 зонмӧс.
На лыдын — Носов Владимир Николаевич, Рязаньса училище помалысь, гвардияса капитан, Россияса герой кувсьӧм бӧрын.
Тӧд вылӧ уськӧдам пӧгибнитӧм зонъяслысь нимъяссӧ да казьтыштам найӧс чӧв олыштӧмӧн», — шыӧдчис десантникъяс дорӧ Владимир Уйба.
Коми Республикаса Юралысь аттьӧаліс ВДВ-са ветеранъясӧс ӧтйӧза уджын водзмӧстчӧмысь, республикалӧн олӧмӧ пырӧдчӧмысь.
Владимир Уйба сиис быд десантниклы да налӧн семьяяслы крепыд дзоньвидзалун, тыр-бура олӧм, шуд да быд бурсӧ.
{Kodko @ Владимир Уйба видзӧдліс Кӧрткерӧс районын йӧзлысь дзоньвидзалун видзан объектъяс @ выльтор @ https://rkomi.ru/news/2398 @ 2022-08-03 @}
Владимир Уйба видзӧдліс Кӧрткерӧс районын йӧзлысь дзоньвидзалун видзан объектъяс
Коми Республикаса Юралысь удж серти ветлігӧн видзӧдаліс Важкуа грездын да Нёбдін сиктын фельдшер-акушер пунктъясысь выль стрӧйбаяс, а сідзжӧ Шойнатыса районнӧй больничаын выльмӧдӧм стрӧйба.
Важкуа грездын да Нёбдін сиктын ФАП-ъяссӧ стрӧитӧма «Йӧзлысь дзоньвидзалун видзӧм» национальнӧй проект збыльмӧдӧм серти «Медводдза медико-санитарнӧй отсӧг сетӧм сӧвмӧдӧм» регионса проект отсӧгӧн.
Сэні нуӧдсьӧ нин пациентъясӧс планӧвӧя примитӧм.
Важкуа грездын олӧ 200 гӧгӧр морт, Нёбдін сиктын — 350-ысь унджык морт.
Тайӧ сикт-грездын быд ФАП стрӧитӧм вылӧ вичмӧдӧма 20 миллион шайтӧн.
Объектъяс дорӧ нуӧдӧма став колана коммуникациясӧ, найӧс могмӧдӧма ӧнія оборудованиеӧн медводдза медицина отсӧг сетӧм вылӧ.
Лӧсьӧдӧма бур уджалан условиеяс.
Учреждениеяссӧ могмӧдӧма медперсоналӧн, фельдшеръяс примитӧны йӧзӧс.
Коми Республикаса Юралысь тшӧктіс регионса Йӧзлысь дзоньвидзалун видзан министерстволы видлавны юалӧм Важкуа грездын да Нёбдін сиктын ФАП-ъяс физиооборудованиеӧн быд боксянь могмӧдӧм серти найӧс лицензируйтны позянлунъяс тӧд вылӧ босьтӧмӧн, 2023 во вылӧ индӧм могъяс сьӧмӧн могмӧдны коланлунсӧ петкӧдлӧмӧн.
Йӧзлысь дзоньвидзалун видзан нӧшта ӧти объект, кӧні колӧ сьӧмкуд сьӧм, — Шойнатыса районнӧй больнича.
Суткинас сэтчӧ волӧ 90 морт, сы лыдын и матысса сикт-грездысь йӧз.
2021 вося вӧльгым тӧлыссянь 2022 вося сора тӧлысьӧдз стрӧйбасӧ капитальнӧя дзоньталӧма «Йӧзлысь дзоньвидзалун видзӧм» национальнӧй проектлысь «Коми Республикаса йӧзлысь дзоньвидзалун видзан медводдза звено ӧнъяӧдан уджтас» регионса проект збыльмӧдӧм серти.
Дзоньталӧма ваӧн могмӧдан система, вевт, вӧчӧма пытшкӧсса, электромонтажнӧй да сантехника уджъяс, вежӧма джоджъяс, лӧсьӧдӧма вентиляция, жыръясын вӧчӧма перепланировка да лӧсьӧдӧма пандуса кильчӧ.
Ӧні объект вылын уджъясыс помассьӧны — коли помавны вевт кышӧм, ортсыса сваритчан уджъяс да пӧжарнӧй сигнализация лӧсьӧдӧм.
Капитальнӧя дзоньталӧм вылӧ вичмӧдӧма 19 миллионысь унджык шайт.
{Kodko @ Моз тӧлысь 2 лунсянь да торъя тшӧктӧмӧдз Комиын вӧръясын пыртӧма неминуча режим @ выльтор @ https://rkomi.ru/news/2399 @ 2022-08-03 @}
Моз тӧлысь 2 лунсянь да торъя тшӧктӧмӧдз Комиын вӧръясын пыртӧма неминуча режим
Владимир Уйба кырымаліс «Дінму тӧдчанлуна вӧръясын неминуча режим пыртӧм йылысь, мый артмис Коми Республикаын вӧрса пӧжаръяс вӧсна» Коми Республикаса Юралысьлысь 2022 во моз тӧлысь 2 лунся 88 №-а Индӧд.
Документ серти, вӧрса пӧжаръяс кусӧдӧм вылӧ кыскасны Коми Республикаын вӧр пӧжаръяс кусӧдан да регионкостса маневрируйтан своднӧй планӧн индӧм юкӧдувъяслысь да формированиеяслысь вынъяс да средствояс.
Неминуча бырӧдӧмӧн юрнуӧдысьӧн индӧма Коми Республикаса вӧр-ва озырлун да гӧгӧртас видзан министрӧс.
Сылы тшӧктӧма:
1) могмӧдны Коми Республикаын муниципальнӧй юкӧнъясса оперативнӧй штабъяс котырын лесничествоясӧн юрнуӧдысьяслысь участвуйтӧмсӧ;
2) котыртны Коми Республикаын вӧрса пӧжаръяс кусӧдӧм серти удж;
3) нуӧдны Коми Республикаын вӧръясын пӧжаръяс серти мониторинг;
4) котыртны коланлун дырйи регионкостса маневрируйтӧм серти вӧрса пӧжаръяс кусӧдӧм вылӧ содтӧд вынъяс да средствояс мӧдӧдӧм;
5) быд лун серпас бурмытӧдз юӧртны Коми Республикаын неминучаясысь ӧлӧдӧм, найӧс бырӧдӧм да пӧжарысь видзчысьӧм серти комиссияӧн веськӧдлысьлы Коми Республикаын вӧрса пӧжаркӧд йитчӧм лёкторъяс да вӧрса пӧжаръяс йылысь юӧръяс.
Коми Республикаса войтырӧс доръян да неминучаясысь видзан комитетлы тшӧктӧма котыртны федеральнӧй оланпастэчас да связь операторъяскӧд уджъёртасьӧм йылысь кырымалӧм артмӧдчӧмъяс серти вӧрса пӧжаръяс серти серпас, вӧрӧ йӧзлӧн ветлӧмысь дзескӧдӧм да пӧжарысь видзчысяна мераясӧ кутчысьӧм йылысь йӧзлы юӧртӧм.
Россияса МЧС-лӧн Коми Республикаын медшӧр веськӧдланінлы тшӧктӧма могмӧдны Коми Республикаын пӧжарысь мездан мутасса гарнизонлысь содтӧд вынъяс да средствояс кыскӧмсӧ олан пунктъяс да экономика объектъяс пӧжарысь видзӧмсӧ тӧд вылын кутӧмӧн.
Коми Республикаын муниципальнӧй юкӧнъясса юралысьяслы тшӧктӧма могмӧдны Коми Республикаын муниципальнӧй юкӧнъяслӧн меставывса асвеськӧдлан органъяслысь, аварияысь мездан нештатнӧй да ӧтйӧза формированиеяслысь вынъяс да средствояс кыскӧмсӧ, а сідзжӧ спасательяслысь, кодъяс оз пырны индӧм формированиеясӧ.
Коми Республикаын Россия Федерацияса пытшкӧс делӧяс министерстволы тшӧктӧма:
1) сетны отсӧг ӧтйӧза пӧрадок да объектъяс, кодъяс могмӧдӧны йӧзлысь олӧмсӧ вӧрса пӧжаръяс местаясын, видзӧмсӧ ёнмӧдӧм серти;
2) ас уджмогъясын сетны отсӧг лесничествоясын уджалысьяслы вӧрӧ йӧзлӧн ветлӧмысь да сэтчӧ транспортӧн пырӧмысь дзескӧдӧм серти.
{Kodko @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/2400 @ 2022-08-03 @}
Владимир Уйба примитіс гражданаӧс ас сёрниӧн
Олысьяс шыӧдчисны Коми Республикаса Юралысь дорӧ туйяс дзоньталӧм, автобусӧн новлӧдлӧмсӧ котыртӧм, аварийнӧй оланінъясысь мӧдлаӧ овмӧдӧм, социальнӧй кокньӧдъяс сетӧм, гуяс бурмӧдӧм-мичмӧдӧм серти да мукӧд юалӧмӧн.
Сыктывкарын олысь шыӧдчис Владимир Уйба дорӧ Сыктывдін районса Ыб сиктын лёк туйяс серти.
Киссьӧм туйяс вӧсна лоӧны аварияяс, нӧшта на сэті новлӧдлӧны челядьӧс школаӧ.
Регионса Юралысь пасйис, мый челядьӧс школаӧ новлӧдлан туйяс лӧсьӧдӧм — Коми Республикаса Веськӧдлан котырлӧн уджын медтӧдчана нырвизьясысь ӧти.
Республикаӧ Владимир Уйбалӧн локтӧм бӧрын кутісны дзик мӧд ног босьтчыны татшӧм участокъяс дзоньталӧм дорӧ.
Таво тайӧ могъяс вылӧ республиканскӧй сьӧмкудйысь вичмӧдӧма вӧвлытӧм сьӧм — миллиард гӧгӧр шайт.
Тайӧ сьӧмыс воис нин муниципалитетъясӧ, вӧліны аукционъяс, кырымалӧма пӧдрадчикъяскӧд сёрнитчӧмъяс.
Владимир Уйба пуктіс кар-районъясса юралысьяс водзын мог — помавны уджъяссӧ моз тӧлысь 31 лунӧдз, медым локтан велӧдчан воӧ челядь мунісны школаӧ дзоньталӧм туйясӧд.
Регионса Юралысьлӧн тшӧктӧм серти, локтан 2–3 воӧн Коми Республикаын став школьнӧй маршрутсӧ колӧ лӧсьӧдны нормативъяс серти.
«Участоксӧ, кутшӧмӧс Ті казьтыштінныд, дзоньталӧм вылӧ ми вичмӧдім матӧ 51 миллион шайт.
Пӧдрадчик босьтчас уджӧ моз тӧлысь заводитчӧмсянь.
Ставнас дзоньталасны 3 километрысь унджык туй», — юӧртіс Владимир Уйба.
Сыктывдін районын олысь висьталіс, мый Час сиктса детсадйӧ дзолюкъясӧс новлӧдлӧмсӧ абу котыртӧма.
Кыдзи гӧгӧрвоӧдіс регионса велӧдан, наука да том йӧз политика министр Наталья Якимова, татшӧм мытшӧдыс эм Россияса быд регионын, сійӧс абу решитӧма техническӧй помкаяс вӧсна.
Странаын абуӧсь автобусъяс, кодъяс эськӧ лӧсялісны детсадйӧ ветлан арлыда челядьӧс колльӧдтӧг новлӧдлӧм серти став колана корӧмлы.
Федеральнӧй министерствоясын уджалӧны татшӧм автобусъяс вӧчӧм йылысь юалӧм серти.
Тайӧ мытшӧдсӧ позьӧ разьны мӧд ног — мед оланпас серти петкӧдлысьяс новлӧдлӧны челядьӧс ӧтйӧза транспортӧн, а нуӧм вылӧ сьӧмсӧ компенсируйтны муниципальнӧй сьӧмкудйысь.
Коми Республикаса Юралысь тшӧктіс Сыктывдін районса администрациялы да регионса Экономика министерстволы ӧтув уджавны Час сиктӧ быд лун ӧтйӧза транспорт ветлӧмсӧ котыртӧм серти, медым бать-мамлӧн вӧлі позянлун новлӧдлыны челядьӧс детсадъясӧ рейсӧвӧй автобусъясӧн, да артавны перевозчиклысь воштӧм сьӧмсӧ.
Йӧзӧс ас сёрниӧн примитӧм бӧрын министерствоясӧн, ведомствоясӧн да муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяссӧ решитӧм могысь, кутшӧмъясӧн регионса олысьяс шыӧдчисны Владимир Уйба дорӧ.
Коми Республикаса Юралысь кутас видзӧдны тшӧктӧмъяссӧ олӧмӧ пӧртӧм бӧрся.
{Kodko @ Овны сӧмын бур вылӧ эскӧмӧн @ выльтор @ https://rkomi.ru/news/2402 @ 2022-08-03 @}
Овны сӧмын бур вылӧ эскӧмӧн
Татшӧм сӧвет сетіс Коми Республикаса Юралысьлы Кӧрткерӧсысь Айму вӧсна Ыджыд тышса 97 арӧса ветеран.
Михаил Ефимович Микушев ода-кора тӧлысь 9 лунӧ, Вермӧм лунӧ, телефонӧн сёрнитігӧн корис Владимир Уйбаӧс гӧститны.
Кӧрткерӧс районӧ удж серти волігӧн регионса Юралысь пыраліс ветеран дорӧ.
Дыр виччысяна аддзысьлӧмыс лоис моз тӧлысь 2 лунӧ, Воздушно-десантнӧй войскалы сиӧм лунӧ, чашка чай да праздничнӧй торт сайын.
Кӧть и Михаил Ефимовичӧс нинӧм оз йит ВДВ-кӧд, Владимир Уйба аттьӧаліс ветеранӧс да ставнысӧ, коді воюйтліс Айму вӧсна Ыджыд тышын, вермӧмысь, казьтыштіс и ассьыс пӧльсӧ — пулемётнӧй рӧштшӧтса пулемётчикӧс, коді пӧгибнитіс Синявинскӧй высотаяс вылын чорыд тышын.
«Вермӧм вӧсна!» символичнӧй тост лои аддзысьлӧмыслӧн могӧн.
Михаил Ефимович веськыда висьталіс республикаса Юралысьлы, мый ошкӧ Украинаын торъя военнӧй операция нуӧдӧмсӧ да дзоньнас политикасӧ, кодӧс нуӧдӧны странаса веськӧдлысьяс.
Талун россияса военнослужащӧйяс дорйӧны Донецкӧй да Луганскӧй Народнӧй Республикаясса мирнӧй олысьясӧс неонацистъясысь, кыдзи Айму вӧсна Ыджыд тыш воясӧ дорйис Чужан мусӧ фашизмысь Михаил Ефимович.
Ветеран чужис 1924 вося ӧшым тӧлысь 24 лунӧ Кӧрткерӧс районса Лунь грездын.
1942 вося моз тӧлысьӧ сійӧс босьтісны Шойнатыса РВК.
Михаил Ефимовичлы сэки вӧлі абу тыр дас кӧкъямыс арӧс.
Воюйтіс 2 да 3-ӧд Белорусскӧй фронтъяс вылын, 1592 зенитно-артиллерийскӧй полклӧн составын, вӧлі шӧр радистӧн.
Участвуйтіс Ленинград обласьт, Белоруссия, Польша, Германия, Асыввыв Пруссия дорйӧмын да мездӧмын.
Косьӧн вуджис Одер, Висла.
Демобилизуйтчис 1947 вося рака тӧлысьын.
Наградитӧма Айму вӧсна тышлӧн II тшупӧда орденӧн, «Ленинград дорйӧмысь», «Боевӧй заслугаясысь», «1941–1945 воясӧ Айму вӧсна Ыджыд тышын Германияӧс вермӧмысь» медальясӧн, юбилейнӧй наградаясӧн.
1955 воӧдз оліс Шойнатыын, уджаліс военкоматын, 20 воысь унджык вузасьӧмын — ОРС-ын, заготконтораын.
Сёрӧнджык вуджис Кӧрткерӧсӧ.
Вӧлі Кӧрткерӧс Сӧветса ВДПО-лӧн правлениеӧн веськӧдлысьӧн.
Пенсия вылӧ петіс 1985 воын.
Олан воясыс эз кусӧдны сы пытшкысь олӧм дорӧ муслунсӧ, кодӧн сійӧ нинӧм вылӧ видзӧдтӧг дӧвӧлен.
Кыдзи висьталіс Михаил Ефимович, тӧдчӧ власьтлӧн тӧждысьӧмыс.
Вевтсӧ дзоньталісны, посъяс вӧчисны.
Стеклопакетысь ӧткажитчис ачыс — пу ӧшиньясӧн велавсьӧма нин.
Дӧзьӧритӧ зэв бур социальнӧй уджалысь.
Сӧмын юрыс ёна висьӧ: тӧдчӧ война дырйи юрас осколочнӧй доймӧмыс.
И мыктавны заводитіс.
«Тайӧ абу дивӧ менам пӧшти нэмӧвӧйся арлыдӧн», — висьталіс ветеран.
Республикаса Юралысь эз лэдз пель сайті Михаил Ефимовичлысь кывъяссӧ да кӧсйысис ыстыны сы дорӧ Сыктывкарса доктор-неврологъясӧс: «Воласны, видзӧдласны, туйдӧдасны».
Ветеран аттьӧаліс Юралысьӧс тӧждысьӧмысь да водзӧ сёрнитіс олӧм йылысь, юксис майшасьӧмъясӧн: «Сиктсаяс норасьӧны уджтӧмалӧм вылӧ, а кутшӧм вермас лоны уджтӧмалӧм сиктын?
Нуӧд аспом овмӧс, видз скӧт, ытшкы турун, турун пуктана участок сетӧны!
Важӧн оз позь вӧлі — кытысь турунсӧ босьтан?
Колхоз му вылысь?
А ӧні ставыс — пӧжалуйста, но некод оз кӧсйы нуӧдны овмӧс».
«Ме тіянкӧд дзик сӧглас.
И скӧт ньӧбӧм вылӧ, и ферма стрӧитӧм вылӧ, и участок вылӧ сьӧмсӧ сетам», — сьӧлӧм сетіс ветеранлы Владимир Уйба.
«Век жӧ Тіян уджалігӧн тыдалӧны бурланьӧ вежсьӧмъяс.
Сиа, медым вӧлі нӧшта на бурджык да мичаджык.
Дерт, йӧзлӧн эмӧсь сьӧкыдлунъяс.
Чайта, регыдъя кадӧ лоас кокньыдджык да овнысӧ лоӧ нӧшта бурджык.
Ме тайӧс сьӧлӧмӧн кыла, ме та вылӧ эска.
Сӧмын тадзи колӧ овны, сӧмын бур вылӧ эскӧмӧн», — шуис Михаил Ефимович.
Ветеранӧс бур ловруысь аттьӧалӧмӧн да дзоньвидзалун да кузь нем сиӧмӧн, Коми Республикаса Юралысь Владимир Уйба пасйис: «Татшӧм ветераныс кольӧ пыр этшаджык.
Миянлы колӧ олігӧн удитны отсавны да водзӧс мынтыны налы ыджыд подвигысь».
{Kodko @ «Вермыны да гажӧдны болельщикъясӧс», — шуис бур кывъяс «Стрӧитель-Сыктывкар» хоккей клубын ворсысьяслы Владимир Уйба @ выльтор @ https://rkomi.ru/news/2403 @ 2022-08-03 @}
«Вермыны да гажӧдны болельщикъясӧс», — шуис бур кывъяс «Стрӧитель-Сыктывкар» хоккей клубын ворсысьяслы Владимир Уйба
Талун, моз тӧлысь 3 лунӧ, Коми Республикаса Юралысь аддзысьліс командаса выль коллективкӧд.
Ставӧн найӧ — ас ворсысьяс да тренеръяс.
Владимир Уйба висьталіс медшӧр могъяссӧ, кодъяс сулалӧны хоккейӧн ворсысьяс водзын выль сезонын.
Тӧд вылӧ уськӧдам, «Стрӧитель» ХК вуджӧдӧма асшӧрлуна абу коммерческӧй организация статусӧ, кӧні дзик ӧти учредитысьӧн лоӧ Коми Республикаса спорт министерство.
Тайӧ сетас позянлун могмӧдны командасӧ спорт экипировкаӧн да обмундированиеӧн, ас кадӧ мынтыны ворсысьяслы удждон.
Вежсис и клубыслӧн нимыс, ӧні тайӧ — «Стрӧитель-Сыктывкар».
Медыджыд тренерӧн индӧма Эдуард Найдёнковӧс, коді ворсіс командаын 1991 восянь 2002 воӧдз.
Хоккей клублӧн аскиа лун йылысь помшуӧмсӧ вӧлі ошкӧма спорт радейтысь йӧзӧн, болельщикъясӧн да мача хоккейысь ветеранъясӧн таво ода-кора тӧлысьӧ Коми Республикаса Юралысь Владимир Уйбакӧд аддзысьлігӧн.
«Ми артмӧдім ассьыным команда.
И тайӧ зэв колана сы боксянь, код вӧсна кутасны висьны миян болельщикъяс.
Найӧ кутасны тӧждысьны ас йӧз вӧсна.
Ми абу паныдӧсь сылы, мый мукӧд командаас джын составыс ворсӧны мукӧд регионысь хоккейӧн ворсысьяс.
Тайӧ налӧн стратегия.
А миян сійӧ мӧд пӧлӧс.
Миян стратегияыс торъялӧ сыӧн, медым ворсісны ас йӧз да висисны асланым йӧз вӧсна.
Талун ми пӧртім олӧмӧ тайӧ могсӧ, став командаыс артмӧма Коми Республикаса спортсменъясысь», — юӧртіс Владимир Уйба.
Коми Республикаса Юралысь пасйис, мый «Стрӧитель-Сыктывкар» клубӧс виччысьӧ сьӧкыд сезон.
Ставныс тайӧс гӧгӧрвоӧны, но выль командалы ковмас разьны ыджыд гӧрӧд.
«Медводдза сезонас нин колӧ асьтӧ петкӧдлыны сідзи, медым тіянкӧд лыддьысисны, медым йи вылын тіян петӧм бӧрын став мукӧд командаыс повзисны.
Гӧгӧрвоана, мый тайӧ оз ло кокньыд.
И оз вермы лоны кокньыд — спортын оз сӧмын вермӧмъяс овлыны, лолӧны и ворссьӧмъяс.
Но тіян медводдза мог — ӧтсӧгласӧн ворсны.
Тіянлы колӧ вӧчны ставсӧ, медым вермыны.
Весиг тэ кӧ ворссин, то сӧмын сы вӧсна, медым гӧгӧрвоны, кыдзи колӧ вермыны», — тӧдчӧдіс Коми Республикаса Юралысь.
Владимир Уйба пасйис, мый командалӧн выль составлы ковмас бара ловзьӧдны «Стрӧитель» хоккейнӧй клублысь нималӧмсӧ, код вӧсна коркӧ висис став республика.
«Колӧ бӧр вайны болельщикъясӧс стадион вылӧ, медым найӧ волісны да висисны асланыс ворсысьяс вӧсна.
И колӧ пуктыны став вынтӧ сідз, медым эз вӧв яндзим видзӧдны рӧдвужыдлы, матыссаясыдлы да ёртъясыдлы синмас.
Сэки и отсӧг лоӧ.
Меным зэв колана, медым ті вермасинныд быд ворсӧмын сё прӧчент вылӧ, петкӧдлінныд вермысьяслысь этш, медым тышкасинныд бӧръя здукӧдз.
Колӧ кутчысьны Высшӧй лигаын да кымынкӧ во мысти, опыт да кужӧмлун босьтӧм бӧрын, петкӧдчыны Суперлигаын.
Став бурсӧ тіянлы, зонъяс, да унджык вермӧм.
Водзӧ вылӧ ыджыд вермӧмъяс!», — туйдӧдіс Коми Республикаса Юралысь.
Владимир Уйба сідзжӧ видзӧдаліс Республиканскӧй стадионлысь запаснӧй поле.
Ӧні сэні мунӧны тырмытӧмторъяс бырӧдӧм серти гарантийнӧй уджъяс.
Торйӧн кӧ, специалистъяс дзоньталӧны потӧм трубаяс, прессуйтӧны да спояйтӧмӧн йитӧны поле кӧдзӧдан системаяс.
Торъя участокъяс вылын асфальт ляпкалӧмсӧ бырӧдӧма нин.
Стадион вылын помассьӧ трибунаяс весьтса вевт дзоньталӧм.
Став уджсӧ колӧ помавны моз тӧлысь помӧдз.
{Kodko @ Владимир Уйба сетіс наградаяс Коми Республикаса росгвардеечьяслы @ выльтор @ https://rkomi.ru/news/2407 @ 2022-08-05 @}
Владимир Уйба сетіс наградаяс Коми Республикаса росгвардеечьяслы
Росгвардиялӧн регионса веськӧдланінын уджалысьяслы Россия Федерацияса канму наградаяс сетан кыпыд церемонияыс вӧлі талун, моз тӧлысь 4 лунӧ, Коми Республикаса Юралысьлӧн Администрацияын.
«Россияын олысь йӧз ӧтвылысь сувтісны дорйыны ассьыныс Чужан му да войтырӧс, медым тышкасьны неофашистъяскӧд.
Локтісны отсавны налы, кодъяс 8 во олісны асланыс да челядьлӧн олӧм, мездлун вӧсна полӧмӧн.
Росгвардиялӧн Коми Республикаын Веськӧдланінса торъя юкӧдувъясысь боечьяс торъя военнӧй операциялӧн медводдза лунсяньыс олӧмӧ пӧртӧны служебно-боевӧй могъяс.
Повтӧмлунысь, уна во чӧж бура уджалӧмысь, воинскӧй мог кывкутӧмӧн олӧмӧ пӧртӧмысь унаӧс вӧзйӧма канму да ведомственнӧй наградаяс вылӧ.
И талун меным тшӧктӧма сетны тіянлы уджӧн шедӧдӧм наградаяс», — пасйис Коми Республикаса Юралысь.
Россия Федерацияса Президентлӧн Индӧд серти служебнӧй мог олӧмӧ пӧртігӧн повтӧмлунысь, йӧз вӧсна тӧждысьӧмысь 20-ысь унджык росгвардеечлы сетӧма Повтӧмлун орден, «Смеллунысь» медальяс, «Айму водзын заслугаясысь» орденлысь медальяс.
Донбассын олысьясӧс дорйигӧн, кор найӧ вӧліны артиллеристъяслӧн чорыд лыйсьӧм улын, росгвардеечьяс пӧртісны олӧмӧ войскӧвӧй да гуманитарнӧй колоннаяс вылӧ уськӧдчӧмъясысь видзчысьӧм серти боевӧй могъяс, а сідзжӧ бырӧдісны вӧрӧгъяслысь йӧзсӧ да техникасӧ, кутісны уна неонацистӧс.
«Аттьӧ тіянлы служитӧмысь, воинскӧй мог кывкутӧмӧн олӧмӧ пӧртӧмысь, сьӧлӧмсянь зільӧмысь да героизмысь.
Айму дорӧ муслунысь да повтӧмлунысь тіянлысь нимъяс зарни шыпасъясӧн гижӧма Коми Республикалӧн да став Россиялӧн историяӧ.
Став сьӧлӧмсянь сиа тіянлы службаын вермӧмъяс, шуд, крепыд дзоньвидзалун да тыр-бур олӧм.
Видзӧй асьныдтӧ да уджалысьясныдтӧ!», — аттьӧаліс росгвардеечьясӧс Коми Республикаса Юралысь Владимир Уйба.
{Kodko @ Владимир Уйба юкӧ шог Ухта бердын авиакатастрофаын пӧгибнитӧмаяслӧн рӧдвужкӧд да матыссаяскӧд @ выльтор @ https://rkomi.ru/news/2415 @ 2022-08-08 @}
Владимир Уйба юкӧ шог Ухта бердын авиакатастрофаын пӧгибнитӧмаяслӧн рӧдвужкӧд да матыссаяскӧд
Талун, моз тӧлысь 8 лунӧ, Ухта бердын аварийнӧя пуксис самолёт, коді патрулируйтіс вӧръясын пӧжаръяс.
Куим морт пӧгибнитіс: сынӧд судноса командир Василий Борисович Куприянов, сынӧд судноса командир Олег Олегович Ознобихин, лётчик-видзӧдысь Евгений Петрович Перетятко.
Неминучалысь помкаяссӧ видлалӧны.
{Kodko @ Коми Республикаса Юралысь чолӧмалӧ Вужвойтырлӧн войтыркостса лунӧн @ выльтор @ https://rkomi.ru/news/2416 @ 2022-08-09 @}
Коми Республикаса Юралысь чолӧмалӧ Вужвойтырлӧн войтыркостса лунӧн
«Коми Республикаса пыдди пуктана олысьяс!
Чолӧмала тіянӧс Вужвойтырлӧн войтыркостса лунӧн!
Гажсӧ котыртӧма 1994 воын ООН-лӧн Генеральнӧй Ассамблеяӧн.
Сылӧн мог чуйдны став мирсӧ вужвойтыр олӧмын тӧдчана юалӧмъяс вылӧ.
Миян республикаын гажыс торйӧн нин тӧдчана.
Уна во чӧж тані, войвыв муын, вӧр-вакӧд да ӧта-мӧдкӧд ӧтсӧгласӧн олӧ уна сикас войтыр, сы лыдын Войвывса этша лыда войтыр, комияс да чилимдінсаяс.
Коми Республикаӧс бура социальнӧй да экономика боксянь сӧвмӧдӧмыс вермас лоны сӧмын этнокультурнӧй да кыв боксянь унапӧлӧслунсӧ видзӧмӧн да содтӧмӧн.
Ми ёна тӧждысям овмӧс нуӧдан традиционнӧй удж сикасъяс вӧсна, паськӧдам да бурмӧдам кӧр видзан юкӧнын канму отсӧг сикасъяс, збыльмӧдам Ылі Войвылын бурмӧдны дзоньвидзалун да велӧдчыны позянлунсӧ могмӧдӧм, чужан кывъяс да национальнӧй культура видзӧм да сӧвмӧдӧм серти мероприятиеяс.
Дона ёртъяс!
Вайӧ видзам миян пӧль-пӧчлысь тӧдӧмлунъяссӧ.
Мед тіян лунъяс тырасны бурӧн, ӧта-мӧдӧс гӧгӧрвоӧмӧн да шудӧн!»
Коми Республикаса Юралысь Владимир Уйба
{Kodko @ Коми Республикаын 2025 во кежлӧ нормативъяс серти лӧсьӧдасны 290 км унджык регионса автомашина туй @ выльтор @ https://rkomi.ru/news/2419 @ 2022-08-09 @}
Коми Республикаын 2025 во кежлӧ нормативъяс серти лӧсьӧдасны 290 км унджык регионса автомашина туй
Москваын моз тӧлысь 9 лунӧ удж серти аддзысьлісны Коми Республикаса Юралысь Владимир Уйба да Федеральнӧй туй агентствоӧн юрнуӧдысь Роман Новиков.
Сёрниын шӧр темаӧн вӧлі сійӧ, кыдзи кутасны сӧвмӧдны Коми Республикаын автомашина туйяс.
Сӧвещаниеӧ сідзжӧ пырӧдчисны Россия Федерацияса Президент бердын Коми Республикаӧс пыр петкӧдлысьӧс вежысь Нина Кашайкина, Коми Республикаса стрӧитчан, оланін да коммунальнӧй овмӧс министр Андрей Лисов, Росавтодорӧн юрнуӧдысьлӧн сӧветник Игорь Астахов, Регион сӧвмӧдӧмӧн да ведомстволысь национальнӧй проект збыльмӧдӧмӧн веськӧдланінса начальникӧс вежысь Константин Потанин да «Прикамье» Упрдор ФКУ начальник Анатолий Дашкевич.
«Федеральнӧй автомашина туйяс субъектын нюжалӧмаӧсь 350-ысь унджык километр вылӧ.
Та дырйи нормативнӧй корӧмъяслы лӧсялӧ 88,5% туй.
Тайӧ нӧшта ӧтчыдысь петкӧдлӧ, мый федеральнӧй везйын нуӧдан уджъясыс тырвыйӧ лӧсялӧны Россия Федерацияса Веськӧдлан котырӧн миян водзын пуктӧм параметръяслы да могъяслы.
Туй вылын уджъяс нуӧдан регионса уджтасын медшӧр юалӧмыс — тайӧ Ылі Войвыв районъясӧдз транспортӧн ветлыны позянлун.
Тані зэв тӧдчана ин босьтӧ Сыктывкар — Ухта — Печора — Усинск — Нарьян-Мар автомашина туй.
Ми Ненеч асвеськӧдлан кытшлӧн да Коми Республикалӧн проект лӧсьӧдан командаяскӧд ӧтвылысь урчитім параметръяссӧ, кутшӧмъяс серти кутам зіля ӧтув уджавны, медым лӧсьӧдны тайӧ автомашина туйсӧ нормативъяс серти.
Кутам и водзӧ кутчысьны индӧм мероприятиеясӧ», — пасйис Роман Новиков.
Сыктывкар — Ухта — Печора — Усинск — Нарьян-Мар регионса автомашина туй мунӧ Россия Федерациялӧн кык субъектті: Коми Республикаті да Ненеч асвеськӧдлан кытшті.
Сылӧн ӧтувъя кузьтаыс — 1 094,6 км.
Та дырйи Коми Республикаын тайӧ туйыслӧн ӧтувъя кузьтаыс лоӧ 882,8 км (Сыктывкарсянь Ненеч асвеськӧдлан кытшӧдз).
«Тайӧ туйыс лоӧ зэв тӧдчанаӧн став республикалы.
Та дырйи качествоыс сылӧн лёк.
Тӧвнас ковмывлӧ вӧчны тӧвся туй.
А гожӧмнас миян тырӧмаӧсь паромӧн вуджанінъясыс.
Та понда чорыд веркӧса выль туй стрӧитӧмыс содтас войвыв муясӧдз транспортӧн ветлыны позянлунъяссӧ, кокньӧдас йӧзӧс новлӧдлӧмсӧ. Тайӧ лоас ыджыд воськолӧн регион сӧвмӧдӧмын.
Коми Республикаса Веськӧдлан котырӧн бӧръя кык во чӧжӧн вӧчӧм ыджыд удж бӧрын туй вылын уджъяс нуӧдан вит вося планӧ пырис и Печора ю вомӧн пос.
Ненеч асвеськӧдлан кытшсянь Сыктывкар — Ухта — Печора — Усинск — Нарьян-Мар туйыс «матыстчӧ» нин республика дорӧ.
Но сійӧс уджӧдасны «джынвыйӧ» тайӧ постӧгыс», — гӧгӧрвоӧдіс Владимир Уйба.
Ӧнія кадӧ видлалӧны Сыктывкар — Ухта — Печора — Усинск — Нарьян-Мар автомашина туй вылын мероприятиеяс збыльмӧдан туй карта, а сідзжӧ дасьтӧны проектно-сметнӧй документация.
2022–2024 вояс вылӧ Коми Республикаын туй вылын удж нуӧдан уджтасӧн ставнас планируйтӧма лӧсьӧдны нормативъяс серти регионса туйяслысь 290,5 км, а сідзжӧ опорнӧй везйӧ пырысь 29,5 км.
Федеральнӧй везйын тайӧ жӧ кадколастӧ кӧсйӧны капитальнӧя дзоньтавны 8 км ӧтувъя кузьтаа нёль объект да 109,78 пог.м на вылын искусственнӧй сооружениеяс.
Торйӧн нин, 2023 воын кӧсйӧны пыртны уджӧ «Вятка» Р–176 трассалӧн 612-ӧд км вылын Ожын ю вомӧн пос да тайӧ жӧ автомашина туй вылын 520-ӧд км вылын Волосница ю вомӧн пос.
Таысь кындзи, регионын дзоньталасны 10,4 км ӧтувъя кузьтаа 3 федеральнӧй объект.
Аддзысьлӧм дырйи сёрниыс сідзжӧ муніс республикаын «Безопаснӧй бур туйяс» нацпроект збыльмӧдӧм йылысь.
2022 воын регионын кӧсйӧны выльмӧдны 20 объект (36 км-ысь унджык).
Тайӧ могъяс вылӧ вичмӧдӧма 964,7 млн шайт, на пиысь 242,3 млн — федеральнӧй сьӧмкудйысь.
Нацпроектлӧн медтӧдчана объектъяс пиысь ӧтиыс — Сыктывкар — Кудымкар — Перым регионса трассаӧ пырысь Веселовка — Перым крайлӧн мудор автомашина туйлӧн 10 километраа участок.
Капитальнӧя дзоньталан уджъяссӧ тані нуӧдӧны кольӧм восянь.
Пӧдраднӧй организация выльмӧдіс нин ва нуӧдан системасӧ, объектын 80% веркӧссӧ вевттьӧма щебеночно-мастичнӧй асфальтобетӧн.
Став туйвывса уджсӧ пӧдраднӧй организациялы колӧ помавны тавося вӧльгым тӧлысь помӧдз.
Республикаса автомашина туйяс вылын чинтыны авария лыдсӧ — удж серти аддзысьлӧмлӧн нӧшта ӧти тӧдчана тема.
2022 вося 6 тӧлысь чӧжӧн федеральнӧй трассаяс вылын вӧлі 23 ДТП.
2021 воын сійӧ жӧ кадколастнас тайӧ петкӧдласыс вӧлі татшӧм жӧ.
Стрӧитчан, оланін да коммунальнӧй овмӧс министр Андрей Лисовлӧн кывъяс серти, туй вылын видзчысянлунсӧ могмӧдан регионса комиссия ӧтувъя серпассӧ бурмӧдӧм могысь урчитіс 23 мероприятие.
На лыдын — олысьяскӧд комплекснӧй удж, кытчӧ пырӧ ПДД-ӧ кутчысьӧм йылысь юӧртӧм да сыӧн паськыда тӧдмӧдӧм.
* * *
Ӧтув вӧдитчан автомашина туйяслӧн ӧтувъя кузьтаыс Коми Республикаын лоӧ 7 733,3 км (2022 вося 01.01 лун вылӧ мыччӧдъяс серти), на лыдын федеральнӧй тӧдчанлуна — 350,2 км; регионса тӧдчанлуна — 4 740,3 км; меставывса тӧдчанлуна — 2 642,8 км.
Регионса опорнӧй везлӧн кузьтаыс — 1 686,4 км.
Фотоыс РФ транспорт министерстволӧн Федеральнӧй туй агентствоса пресс-службалӧн
{Kodko @ «Почёта гражданин» Коми Республикаса медвылыс почёт ним сетӧма Евгений Алексеевлы да Анна Молийлы @ выльтор @ https://rkomi.ru/news/2420 @ 2022-08-10 @}
«Почёта гражданин» Коми Республикаса медвылыс почёт ним сетӧма Евгений Алексеевлы да Анна Молийлы
Та йылысь Индӧд кырымаліс Коми Республикаса Юралысь Владимир Уйба.
«2022 воын «Почёта гражданин» Коми Республикаса медвылыс почёт ним сетӧм йылысь» Коми Республикаса Юралысьлӧн 2022 во моз тӧлысь 5 лунся 89 №-а Индӧд
Коми Республикалӧн бура сӧвмӧм вылӧ уна во зіля уджалӧмысь сетны 2022 воын «Почёта гражданин» Коми Республикаса медвылыс почёт ним:
Евгений Михайлович Алексеевлы — йӧзлӧн олӧмын зіля водзмӧстчысьлы, Коми Республикаса оланін да коммунальнӧй овмӧсса ветеранлы, Ухта кар;
Анна Яковлевна Молийлы — опыта производственниклы, Коми Республикаса мусир да биару промышленносьтса ветеранлы (кувсьӧм бӧрас).
{Kodko @ Коми Республикаӧ воис «Поезд Победы» ветлӧдлан музей @ выльтор @ https://rkomi.ru/news/2421 @ 2022-08-10 @}
Коми Республикаӧ воис «Поезд Победы» ветлӧдлан музей
Моз тӧлысь 9 лунӧ Микуньын олысьяс вермисны волыны аслыспӧлӧс интерактивнӧй кӧлесаа музейӧ.
А талун, моз тӧлысь 10 лунӧ, «Поезд Победы» сувтіс Сыктывкар станция вылын.
Медводдзаяс лыдын выставка вылӧ волісны 3 №-а челядь керкаса быдтасъяс.
«Поезд Победы» экскурсияын сідзжӧ участвуйтіс Коми Республикаса Веськӧдлан котырӧн Юрнуӧдысьӧс вежысь Алексей Просужих.
«Зэв аслыспӧлӧс поезд, аслыспӧлӧс экспозиция!
Зэв ёна ыззьӧдӧ!
Тайӧ вагонъясын лӧсьӧдӧм атмосфераыс и сійӧ, мый да кыдзи тані петкӧдлыссьӧ, — тайӧ зэв шензьӧдана!
Экскурсия дырйи юргӧ нывлӧн зэв сьӧлӧм вӧрзьӧдана да ас дорас кыскысь гӧлӧс.
Медся ёна меным сьӧлӧм вылӧ воисны медводдза кык вагоныс: война заводитчӧм — йӧзыс мунӧны, мечтайтӧны, планируйтӧны лӧсьӧдны водзӧ олӧм, а бӧрас — Брестса крепосьт дорйысьяс, кодъяс пӧгибнитӧны, но оз сетчыны, видзӧны помӧдзыс чесьт да морт ним, пӧртӧны олӧмӧ ассьыныс могсӧ», — пасйис Алексей Просужих.
Сылӧн кывъяс серти, поезд мунас республика кузя.
Тӧдмасьны сылӧн экспозицияӧн вермасны оз сӧмын Сыктывкарын олысьяс.
Тӧрыт поезд уджаліс Микуньын.
Аски лоӧ Усогорскын.
Сідзжӧ кутас уджавны Ухтаын, Сосногорскын, Печораын, Интаын, Усинскын да Воркутаын.
«Республикалысь 100 вося юбилей пасйӧм водзвылын тайӧ шензьӧдана поездӧн тӧдмасьӧмыс лоӧ олысьяслы зэв бур козинӧн, кутшӧмӧс веськӧдӧма Чужан му радейтӧм да история петкӧдлӧм вылӧ.
Тайӧ Веськӧдлан котырлӧн да Коми Республикаса Юралысь Владимир Викторович Уйбалӧн зэв ыджыд удж сійӧс котыртӧмын, медым республикаын кыдз позьӧ унджык олысь тӧдмасис экспозицияӧн», — юксис Алексей Просужих.
«Поезд Победы» ыджыд историко-просветительскӧй проект петкӧдлӧ аслыспӧлӧс интерактивнӧй экспозиция, кор мортыс быттьӧ суныштлӧ сійӧ олӧмас, вуджӧ сійӧ кадас.
Сійӧс сиӧма Айму вӧсна Ыджыд тышын сӧветскӧй йӧзлӧн подвиглы да лӧсьӧдӧма ветлӧдлан вагонъяс отсӧгӧн.
«Поезд Победы» составын 12 вагон, на пиысь 10 — экспозиционнӧй.
Экспозициялӧн подулын — трёхмернӧй панорамаяс.
Сійӧ сопровождайтчӧ мультимедийнӧя.
Сэні эм ыджыд звук, театральнӧй освещение, механическӧй спецэффектъяс, присутствуйтан датчикъяс, голограммаяс, виртуальнӧй реальносьтын тышъяслӧн панорамаяс, историческӧй выльмӧдӧмъяслӧн киносъёмка, трёхмернӧй компьютернӧй графика военнӧй техникалӧн модельясӧн.
Экспозицияыс петкӧдлӧ и мирнӧй кадӧ война заводитчытӧдз бӧръя часъяссӧ, и фронтвывса историяяс, и вермысьяслысь гортӧ воӧм.
Поездын сідзжӧ эм санитарнӧй вагон, штабнӧй вагон, вагон-концлагер, бронепоезд.
«Ми заводитім ассьыным путешествуйтӧм 2020 вося йирым тӧлысьӧ Москвасянь.
Ветлӧдлім став странаті Крымсянь Владивостокӧдз — сёысь унджык кар.
Миян дорӧ воліс витсё сюрсысь унджык видзӧдысь.
Талун ми локтім Сыктывкарӧ.
Коми Республикаті прӧйдитӧм бӧрын поездыс мунас Ылі Асыввылӧ, — висьталіс «Гӧрд квадрат» медиагруппаса «Поезд Победы» проектлӧн администратор Сергей Лукша.
* * *
«Поезд Победы» историко-просветительскӧй проектсӧ лӧсьӧдӧма Айму вӧсна Ыджыд тышын Вермӧмлы 75 во тырӧмсӧ празднуйтӧм да 2020 воын Россияын Казьтылан да слава во нуӧдӧм серти.
Поезд-музей заводитіс путешествуйтны странаті 2020 вося йирым тӧлысьын Белорусскӧй вокзалсянь (Москва кар).
Проект котыртысьяс — Наука да вылыс тшупӧда велӧдан министерство да «Россияса кӧрт туйяс» йӧзлы восьса акционер котыр.
2022 вося моз тӧлысь 9 лунсянь 18 лунӧдз поездыс кутас ветлыны Коми Республикаті.
Планируйтӧны, мый экспозициясӧ петкӧдласны республикаса 9 муниципальнӧй юкӧнын:
моз тӧлысь 9 лунӧ — Емдін районын (Микунь кар);
моз тӧлысь 10 лунӧ — Сыктывкарын;
моз тӧлысь 11 лунӧ — Удора районын (Кослан станция, Усогорск посёлок);
моз тӧлысь 12 лунӧ — Ухта карын;
моз тӧлысь 13 лунӧ — Сосногорск карын;
моз тӧлысь 14 лунӧ — Печора карын;
моз тӧлысь 15 лунӧ — Инта карын;
моз тӧлысь 16 да 17 лунъясӧ — Усинск карын;
моз тӧлысь 18 лунӧ — Воркута карын.
{Kodko @ Владимир Уйба тӧдмасис «ПромбытСтрой» ичӧт кывкутана котырлӧн уджӧн @ выльтор @ https://rkomi.ru/news/2425 @ 2022-08-11 @}
Владимир Уйба тӧдмасис «ПромбытСтрой» ичӧт кывкутана котырлӧн уджӧн
Сыктывкарса предприятие лэдзӧ стрӧитчан кӧрт конструкцияяс, сыысь вӧчӧмторъяс да налысь юкӧнъяс.
Компания збыльмӧдіс Коми Республикаса промышленносьт сӧвмӧдан регионса фондлӧн сьӧмӧн могмӧдан уджтас серти металл обработайтан производство ӧнъяӧдӧм серти проект.
«ПромбытСтрой» ИКК заводитіс уджавны 2005 воын кыдз стрӧитчан да монтажнӧй предприятие.
2018 воӧдз котыр сӧвмис стрӧитчан компанияӧдз, коді кутӧ нырвизь стрӧитчӧмлӧн промышленнӧй юкӧнын.
Медшӧр иналаніныс — Коми Республикаын Сыктывкар.
Предприятиеын уджалӧ 240 морт, эм торъя автотранспортлӧн, груз лэпталан да самоходнӧй механизмъяслӧн ас парк.
2019 воын компания решитіс сӧвмӧдны ас вӧчӧм кӧрт конструкцияяс, та вылӧ вӧлі ньӧбӧма орчча металл обрабатывайтан предприятиелысь вынйӧр.
Цехъяс выльмӧдӧм да производство ӧнъяӧдӧм серти лӧсьӧдӧм уджтассӧ збыльмӧдӧмыс 2020 воын нин сетіс позянлун бура збыльмӧдны «Сыктывкарын Республиканскӧй стадион выльмӧдӧм» 1200 тоннаысь унджык ӧтувъя ыдждаа стрӧитчан кӧрт конструкцияясӧн объект могмӧдӧм серти проект.
Коми Республикаса Юралысь видзӧдаліс производственнӧй цехъяссӧ.
«ПромбытСтрой» ИКК-лӧн уджалан вынйӧръясыс сетӧны позянлун лэдзны тӧлысьнас 200 тоннаысь унджык аслыспӧлӧс стрӧитчан кӧрт конструкцияяс да 500 тоннаысь унджык ӧткодь серийнӧй стальнӧй вӧчас.
Талун компания — Коми Республикаын стрӧитчан кӧрт конструкцияяс вӧчан да тэчан ыджда, качество да стӧчлун серти лидер.
Котырыс пырӧ Стальӧн Стрӧитчӧмсӧ Сӧвмӧдан Ассоциацияӧ, зіля участвуйтӧ «Уджлӧн бӧртаслун» Россия Федерацияса Национальнӧй проектын, коді мунӧ Россия Федерацияса экономика сӧвмӧдан министерстволӧн веськӧдлӧм улын.
Предприятиеӧн юрнуӧдысьяс кӧсйӧны паськӧдны производствосӧ да ньӧбны выль оборудование, вӧдитчыны канму отсӧглӧн федеральнӧй да регионса инструментъясӧн.
Владимир Уйба вӧзйис республикаса Стрӧитчан министерстволы ӧнія оланпастэчас серти зільджыка кыскыны предприятиесӧ регионын инфраструктура проектъяс збыльмӧдӧм вылӧ, сиис «ПромбытСтрой» ИКК ӧн юрнуӧдысьяслы вермӧмъяс да водзӧ вылӧ сӧвмӧм.
{Kodko @ Наталья Хозяиноваӧс индӧма Коми Республикаса Веськӧдлан котырӧ пырысь чинӧ @ выльтор @ https://rkomi.ru/news/2428 @ 2022-08-12 @}
Наталья Хозяиноваӧс индӧма Коми Республикаса Веськӧдлан котырӧ пырысь чинӧ
Коми Республикаса Юралысь Владимир Уйба кырымаліс та йылысь тшӧктӧм.
Коми Республикаса Юралысьлӧн 2022 во моз тӧлысь 12 лунся 324-р №-а тшӧктӧм
Коми Республикаса Оланподувлӧн 84 статья, «Коми Республикаса Юралысь, Коми Республикаса Веськӧдлан котыр да Коми Республикаса олӧмӧ пӧртысь власьт системаын органъяс йылысь» Коми Республикаса Оланпаслӧн 7 статья подув вылын 2022 во моз тӧлысь 12 лунӧ индыны Наталья Семёновна Хозяиноваӧс Коми Республикаса Веськӧдлан котырӧ пырысь чинӧ, коді нуӧдӧ ассьыс уджсӧ уджсикас серти пыр подув вылын.
* * *
Наталья Семеновна Хозяинова чужис Печора карын 1973 вося кӧч тӧлысь 29 лунӧ.
1995 воын помаліс Сыктывкарса канму университет «Экономика и социология труда» специальносьт серти.
1995 восянь 1998 воӧдз уджаліс «Комиавиатранс» ФГУП-ын экономистӧн.
1999 восянь 2004 воӧдз вӧлі «Юнайтед Панел Групп» промышленнӧй холдингын экономика нырвизьын нуӧдысь чинъясын (сы лыдын «Зӧвсьӧртса фанера вӧчан комбинат»).
2004 восянь 2005 воӧдз юрнуӧдіс «АСПЭК-Лес» ИКК логистика службаӧн.
2005–2006 воясӧ уджаліс «Русские автобусы» ЦТД ИКК департаментын директорӧс вежысьӧн.
2007–2011 воясӧ — Коми Республикаса Юралысьлӧн да Коми Республикаса Веськӧдлан котырлӧн Администрацияын Коми Республикаса Юралысьӧс вежысьлӧн секретариатӧн юрнуӧдысь.
2011 восянь 2015 воӧдз уджаліс «Сыктывкар» КК МЮ администрацияса юралысьӧс вежысьӧн.
2015 восянь 2017 вося косму тӧлысьӧдз — Коми Республикаса эмбур да му йитӧдъяс министрӧс медводдза вежысь.
2017 вося косму тӧлысь 17 лунсянь босьтчис пӧртны олӧмӧ «Сыктывкар» КК МЮ администрацияса юралысьӧс медводдза вежысьлысь уджмогъяс экономика, эмбур йитӧдъяс, архитектура, карса стрӧитчӧм, видз-му вӧдитӧм да оланін политика серти.
2019 вося сора тӧлысь 5 лунсянь «Сыктывкар» КК МЮ Сӧветлӧн помшуӧмӧн индӧма «Сыктывкар» КК МЮ юралысьлысь — администрацияӧн юрнуӧдысьлысь могъяс олӧмӧ пӧртысьӧн.
2019 вося ӧшым тӧлысь 10 лунсянь «Сыктывкар» КК МЮ Сӧветлӧн помшуӧмӧн индӧма «Сыктывкар» КК МЮ юралысьӧн — администрацияӧн юрнуӧдысьӧн.
Эмӧсь «Коми Республикалы зэв бура служитӧмысь» Коми Республикаса отличие пас (2012 во), республиканскӧй да муниципальнӧй тшупӧда аттьӧалӧмъяс да почёт грамотаяс.
{Kodko @ Владимир Уйба казьтыштіс Коми Республикаса медводдза Юралысь Юрий Алексеевич Спиридоновӧс @ выльтор @ https://rkomi.ru/news/2429 @ 2022-08-12 @}
Владимир Уйба казьтыштіс Коми Республикаса медводдза Юралысь Юрий Алексеевич Спиридоновӧс
Талун, моз тӧлысь 12 лунӧ, регионса веськӧдлысь пуктіс дзоридзьяс Коми Республикаса Юралысьлӧн Администрация здание вылын Юрий Алексеевич Спиридоновлы мемориальнӧй пӧв дорӧ.
«Ме эг вӧв тӧдса сыкӧд, но унаысь кывлі, кутшӧм пыдди пуктӧмӧн да шоныда казьтывлӧны Юрий Алексеевичӧс йӧзыс.
Найӧ, коді сыкӧд уджавліс, да сикт-грездын олысь прӧстӧй йӧз.
Тайӧ збыльысь республикалӧн олӧмын мортлысь пай, сылысь уджсӧ бурӧ пуктӧм.
И збыль, Юрий Алексеевич вӧлі морт-вӧчысь, морт-удж, коді веськӧдліс ыджыд канму уджъясӧн, вӧчліс смел воськовъяс олӧм бурмӧдӧм могысь, уна вын пуктіс отрасльяс котыртӧмӧ да дзонь каръяс лӧсьӧдӧмӧ.
Та дырйи сійӧ вӧлі прӧстӧй, восьса сьӧлӧма, веськыд мортӧн да пыр ставлы отсасис.
Аттьӧ Юрий Алексеевичлы сылӧн уджъясысь, Коми му да сэні олысь йӧзӧс радейтӧмысь», — пасйис Владимир Уйба.
Юрий Спиридонов вӧлі канмуын ыджыд тӧдчанлуна уджалысьӧн да Коми АССР-са народнӧй овмӧсын нимӧдана уджалысьӧн.
Сійӧ кувсис 12 во сайын.
Юрий Алексеевич сетіс республикалы аслас олӧмысь 40-ысь унджык во. Заводитіс уджалан туйсӧ горнӧй мастерсянь да воис Коми АССР-са Медвылыс Сӧветӧн веськӧдлысьӧдз, Коми Республикаса медводдза Юралысьӧдз.
Республикаӧн юрнуӧдіс 12 во — 1994 восянь 2002 воӧдз.
2003 воын сійӧс бӧрйӧма Россия Федерациялӧн Каналан Думаса депутатӧн, кӧні сійӧ уджаліс Вӧр-ва озырлун да вӧр-ваӧн вӧдитчӧм серти комитетын.
Ю. Спиридоновлӧн нимкӧд йитчӧма Коми Республикаын гырысь социально-экономическӧй проектъяс сӧвмӧдӧм да збыльмӧдӧм: Шӧр Тиманын бокситъяс перйыны заводитӧм, Вежа Степанлӧн Кафедральнӧй Собор да республиканскӧй Кардиологическӧй диспансер стрӧитӧм, Искусство гимназия восьтӧм да уна мукӧдтор.
{Kodko @ Сыктывкарын восьтісны «Кусӧдчысьяслысь да мездысьяслысь сквер» @ выльтор @ https://rkomi.ru/news/2430 @ 2022-08-12 @}
Сыктывкарын восьтісны «Кусӧдчысьяслысь да мездысьяслысь сквер»
Героическӧй уджсикаса йӧзлы сиӧм бурмӧдӧм-мичмӧдӧм выль йӧзаин кыпыда восьтан церемонияыс вӧлі моз тӧлысь 12 лунӧ.
Мероприятиеын участвуйтісны Коми Республикаса Юралысь Владимир Уйба, Россияса МЧС лӧн Коми Республикаын медшӧр веськӧдланінса юрнуӧдысьяс да личнӧй состав, ветеранъяс, водзмӧстчысь йӧз, силӧвӧй ведомствоясӧс да экстреннӧй службаясӧс петкӧдлысьяс.
Мӧвпыс бурмӧдны пӧжарнӧй каланчаса историческӧй керка йӧр чужліс нин кымынкӧ во сайын.
Карса власьтъяс ошкисны Медшӧр веськӧдланінлысь да Россияса мездысьяс котырлӧн Регионса юкӧнлысь водзмӧстчӧм.
Йӧзкӧд ӧтув видлалӧмъяс нуӧдӧм бӧрын, кӧні видлалісны площадка выльмӧдӧмын уна сикас позянлунъяс — казьтылан аллея лӧсьӧдӧмсянь часовня стрӧитӧмӧдз — вӧлі шуӧма вӧчны тематическӧй сквер да сины сійӧс героическӧй уджсикаса йӧзлы — кусӧдчысьяслы да мездысьяслы.
Бурвӧчан проект збыльмӧдӧм дорӧ сибӧдчис республикаса уна предприятие да организация, шуисны ассьыныс кывнысӧ и Медшӧр веськӧдланінлӧн юкӧдувса небыд сьӧлӧма уджалысьяс.
Медым пырысь-волысьлы вӧлі кыпыд да лӧнь, тані лӧсьӧдісны тротуаръяс, газонъяс да дзоридз быдтанінъяс, пукталісны неыджыд лабичьяс.
Керка йӧркӧд орчча стрӧйбаяслысь фасадъяссӧ мичмӧдӧма тематическӧй графитиӧн да кусӧдчысь-мездысь юкӧдувъяслӧн «Мы первыми приходим на помощь!» девиза баннерӧн.
Сыктывкарса выль скверлӧн шӧр точкаӧн лои зарни офицерскӧй погон сяма стела, кодӧс мичмӧдӧма Эскӧмлӧн да Мездӧмлӧн Еджыд Кодзулӧн — мездан ведомстволӧн символъяс пиысь ӧтиӧн.
«Гарнизонса кусӧдчысьяслӧн да мездысьяслӧн уна лыда юкӧдувъяс быд лун да быд час могмӧдӧны миян республикаса олысьяслысь, олан пунктъяслысь, экономика объектъяслысь безопасносьтсӧ.
Быдӧн пуктӧ ассьыс пай морт олӧм мездӧмӧ да видзӧмӧ.
Пӧжарысь мездан юкӧдувъяс оз сӧмын кусӧдны техногеннӧй пӧжаръяс, но и видзӧны олан пунктъяс вӧрса пӧжаръясысь, бырӧдӧны ытва да ойдӧмъясӧн вӧчӧм лёкторъяссӧ, отсалӧны налы, кодъяслы колӧ отсӧг тані да ӧні.
Ті зіля нуӧданныд ӧлӧдан уджъяс, торйӧн нин челядькӧд да томуловкӧд.
Аттьӧала став уджалысьӧс бур уджысь, бӧрйӧм уджсикас бура тӧдӧмысь.
Торъя аттьӧалана кывъяс — миян ветеранъяслы бӧрйӧм уджлы сьӧлӧмӧн сетчӧмысь да том войтырӧс туйдӧмын отсалӧмысь.
Эска, выль скверыс кутас кыскыны ас дорас юркарса олысьясӧс да гӧсьтъясӧс, лоӧ миян Сыктывкарлӧн нӧшта ӧти нималанторйӧн.
Чолӧмала!», — шыӧдчис церемонияын участвуйтысьяс дорӧ Коми Республикаса Юралысь Владимир Уйба.
Россияса МЧС-лӧн Коми Республикаын Медшӧр веськӧдланінса начальник Алексей Пархомович сетіс аттьӧалана гижӧдъяс сквер лӧсьӧдӧмын ӧтйӧза водзмӧстчӧмъяслы отсӧгысь да мӧвпъяс олӧмӧ пӧртны отсалӧмысь.
Кыдзи пасйис Россияса МЧС-лӧн ветеран, Медшӧр веськӧдланінӧн медводдза юрнуӧдысь Анатолий Нуйкин, скверыс лоас бур площадкаӧн личнӧй составкӧд, сы лыдын том офицеръяскӧд, кодъяс локтӧны кусӧдчысьяс да мездысьяс юкӧдувъясӧ служба вылӧ, туйдана уджъяс нуӧдӧм вылӧ.
2022 воыс — Россияса МЧС-лӧн пӧжарысь доръян да мездан юкӧдувъясын уджалысьяслы зэв аслыспӧлӧс да тӧдчӧдӧма юбилейнӧй кадпасъясӧн.
Сы лыдын и Канму горноспасательнӧй службалы 100 во тырӧмӧн, Пӧжарысь видзан канму дӧзьӧрлы 95 во тырӧмӧн да Странаса войтырӧс дорйӧмлы 90 во тырӧмӧн.
Сквер восьтӧм лоис нӧшта ӧти казьтылан мероприятиеӧн юбилейнӧй кадпасъяс пасйӧм серти.
{Kodko @ Коми Республикаса Юралысь чолӧмалӧ Физкультурниклӧн лунӧн @ выльтор @ https://rkomi.ru/news/2431 @ 2022-08-13 @}
Коми Республикаса Юралысь чолӧмалӧ Физкультурниклӧн лунӧн
«Коми Республикаса пыдди пуктана олысьяс, спортсменъяс да тренеръяс, спорт юкӧнса уджалысьяс да ветеранъяс!
Чолӧмала тіянӧс Физкультурниклӧн лунӧн!
Тайӧ гажыс абу сӧмын спортсмен-профессионалъяслӧн, но и налӧн, кодъяс радейтӧны физкультурасӧ да спортсӧ уджсикас да арлыд вылӧ видзӧдтӧг.
Воысь воӧ миян республикаын содӧ йӧзлӧн лыдыс, кодъяс кутчысьӧны дзоньвидза оласногӧ да сӧвмӧдӧны вынйӧрсӧ.
Унджыкыслы спортыс збыльвылас лоис олан нормаӧн.
Ми зілям вӧчны республикаын спортӧн занимайтчӧм вылӧ бур условиеяс, пыртам уджӧ быдӧнлы восьса спорт объектъяс.
Кар-районъясын воссьӧны залъяс да спорт площадкаяс, выльмӧдӧны учреждениеяслысь материально-техническӧй база.
Миян республика нималӧ озыр спорт традицияясӧн.
Ми пыдди пуктам чемпионъясӧс, кодъяс асланыс вермӧмъясӧн ышӧдӧны том йӧзӧс кутчысьны дзоньвидза оласногӧ.
Миян спортсменъяс быдсикас ордйысьӧмъяс дырйи век шедӧдӧны медальяс, бура петкӧдчӧны да вермӧны мирса чемпионатъяс да Олимпийскӧй ворсӧмъяс вылын.
Сьӧлӧмсянь аттьӧала тренеръясӧс, инструкторъясӧс, наставникъясӧс, кодъяс быдтӧны аски чемпионъясӧс.
Ті ставныд ӧтувъя команда, кодъяс спортсменъяскӧд ӧтвылысь шедӧдӧны мича да югыд вермӧмъяс.
Сиа ставыслы, коді радейтӧ спорт да ёнмӧдӧ вир-яйсӧ, крепыд дзоньвидзалун, унджык вермӧм, кузь нэм да бур шуд!
Коми Республикаса Юралысь Владимир Уйба
{Kodko @ Владимир Уйба сетіс физическӧй культура да спорт юкӧнын уджалысьяслы канму наградаяс @ выльтор @ https://rkomi.ru/news/2434 @ 2022-08-13 @}
Владимир Уйба сетіс физическӧй культура да спорт юкӧнын уджалысьяслы канму наградаяс
Кыпыд церемонияыс вӧлі Сыктывкарын моз тӧлысь 13 лунӧ, Ставроссияса физкультурниклӧн лунӧ.
«Миян республикаын ставӧн радейтӧны спорт — и челядь, и верстьӧяс.
Миян профессионалъяс да любительяс бура петкӧдлӧны ассьыныс кужанлуннысӧ, ордйысьӧмъяс вылысь вайӧны медвылыс тшупӧда вермӧмъяс да приза местаяс.
Россияса регионъяс пиын ГТО нормаяс сдайтӧм серти ми вермысьяс лыдын — национальнӧй рейтингын босьтам 7 места.
И медводдза — Рытыв-Войвылын.
Ме аттьӧала быдӧнӧс, коді кыскӧ спортӧ миян республикаын олысьясӧс, торйӧн нин челядьӧс да том йӧзӧс.
Вермӧмъяс тіянлы тайӧ уджын.
Дона ёртъяс, спорт, — тайӧ олӧм!
Занимайтчӧй спортӧн да лоӧй дзоньвидзаӧсь», — сиис Владимир Уйба.
Ставроссияса физкультурниклӧн лунсӧ Сыктывкарын кутасны пасйыны моз тӧлысь 13 да 14 лунъясӧ.
Медшӧр мероприятиеясыс мунасны «Макси» шӧринлӧн паркуйтчанінын.
Спорт федерацияяс, вынйӧр сӧвмӧдан да спорт организацияяс нуӧдасны мастер-классъяс, спорт школаса быдтасъяс петкӧдласны ассьыныс кужанлунъяссӧ.
Лоасны «Гижӧдчы спорт школаӧ» да «Нюжӧдчы ГТО ӧтмунӧм дорӧ» акцияяс.
Субӧтаӧ лоасны «Оранжевый мяч 2022» ывлавывса баскетбол серти ставроссияса уна йӧза ордйысьӧмъяс, а вежалунӧ — «Сыктывкарса туй» полумарафон да армрестлинг серти Сыктывкарса Чемпионат.
* * *
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма
Игорь Александрович Думинлы — «Раиса Сметанина нима республиканскӧй лыжи комплекс» канму учреждениеын спорт мероприятиеяс котыртӧм да юӧрӧн могмӧдӧм серти юкӧнса начальниклы.
Коми Республикаса Юралысьлӧн тшӧктӧмӧн
физическӧй культура да спорт сӧвмӧдӧмын заслугаясысь да уна вося бур уджысь «Коми Республикаса физическӧй культураын почёта уджалысь» ним сетӧма
Ирина Михайловна Мамалигалы — «Емдін районса спорт школа» муниципальнӧй учреждениеса велӧдан да спортивнӧй удж серти директорӧс вежысьлы;
физическӧй культура да спорт сӧвмӧдӧмӧ пай пуктӧмысь да уна вося бур уджысь Коми Республикаса Юралыссянь Аттьӧалӧм сетӧма
Андрей Алексеевич Кетовлы — «Фаворит» олимпиада резервӧ дасьтан спорт школа» муниципальнӧй учреждениеса тренерлы;
Коми Республикаын ГТО комплекс кыпӧдӧмӧ да збыльмӧдӧмӧ тӧдчана пай пуктӧмысь «ГТО-лы 90 во» памятнӧй медаль сетӧма
Наталья Викторовна Кариналы — Коми Республикаса вынйӧр сӧвмӧдан да спорт министрлысь могъяс олӧмӧ пӧртысьлы.
{Kodko @ Коми Республикаса Юралысь чолӧмалӧ Стрӧитчысьлӧн лунӧн @ выльтор @ https://rkomi.ru/news/2432 @ 2022-08-14 @}
Коми Республикаса Юралысь чолӧмалӧ Стрӧитчысьлӧн лунӧн
«Стрӧитчан отрасльса пыдди пуктана уджалысьяс да ветеранъяс!
Чолӧмала тіянӧс уджсикас гажӧн — Стрӧитчысьлӧн лунӧн!
Тайӧ уджсикасыс — медся бур ваян да пыдди пуктана уджъясысь ӧти.
Уджалан стрӧитчан кран быд кадӧ вӧлі сӧвмӧмлӧн символӧн.
Республикаын тайӧ отрасльын уджалӧ некымын сюрс морт.
Тіян кывкутана уджӧн кыптӧны олан керкаяс, школаяс, больничаяс, ФАП-ъяс, детсадъяс да предприятиеяс, сӧвмӧны коммуникацияяс, мичаммӧны улич-йӧръяс.
Аттьӧала быдӧнӧс, кодлӧн олӧмыс йитчӧма стрӧитчӧмкӧд, — ветеранъясӧс да найӧс, кодъяс талун уджалӧны республикаса стрӧитчанінъясын.
Ті онӧ сӧмын бурмӧдӧй-мичмӧдӧй каръяс да сиктъяс, лӧсьӧдӧй инфраструктура, но и ставнас сӧвмӧданныд регионын экономика да социальнӧй юкӧн.
Сьӧлӧмсянь сиа вермӧмъяс уджын, крепыд дзоньвидзалун да шуд, республикаса стрӧитчан отрасльлы — зумыдлун, дзоридзалӧм, выль шедӧдӧмторъяс да збыльмӧдны ыджыд проектъяс!»
Коми Республикаса Юралысь Владимир Уйба
{Kodko @ Комиын лэдзисны паровознӧй тягаа ретропоезд вылын кӧрт туй экскурсияяс @ выльтор @ https://rkomi.ru/news/2433 @ 2022-08-14 @}
Комиын лэдзисны паровознӧй тягаа ретропоезд вылын кӧрт туй экскурсияяс
«Россияса кӧрт туйяс» холдинг Коми Республикаса Веськӧдлан котыркӧд ӧттшӧтш котыртіс регионлы 100 во тырӧм пасъян лунъясӧ паровознӧй тягаа карбердса маршрут.
П36 паровоза ретропоезд кутас ветлыны Сыктывкарсянь Микуньӧдз да бӧр.
Моз тӧлысь 14 лунӧ медводдза рейсса пассажиръясӧс чолӧмалісны Коми Республикаса Юралысь да Сольвычегодскса мутас веськӧдланінын Войвывса кӧрт туйлӧн начальникӧс вежысь Владимир Гусев.
«Талун ми восьтам аслыспӧлӧс проект — республикаса кӧрт туй вывті Сыктывкарсянь Микуньӧ кутас ветлыны паровознӧй тягаа ретропоезд.
Тайӧ лоӧмторсӧ лӧсьӧдӧма республикалысь чужан лун пасйӧм кежлӧ.
Проектсӧ збыльмӧдӧмын отсаліс РКТ компания.
И ме аттьӧала таысь акционер котырӧн веськӧдлысьясӧс.
Медся тӧдчанаторйыс сыын, мый ретропоездса пассажиръяс вермасны аддзыны сылысь аслыспӧлӧслунсӧ, суныштны важ олӧмас да миян республикалӧн историяӧ.
Ставныдтӧ чолӧмала миян шензьӧдана республикалӧн чужан лунӧн.
Праздникӧн!», — чолӧмаліс Владимир Уйба.
«Ме радпырысь чолӧмала кӧрт туй вылын став уджалысь нимсянь Комиын олысьясӧс республикалӧн Чужан лунӧн!
Мед гажыс кольӧ паметьӧ медся тӧдчана лоӧмторъясӧн.
Ретропоездӧн путешествуйтӧмыс лоӧ на пиысь ӧтиӧн.
Тайӧ позянлун путешествуйтны абу сӧмын гӧгӧртасын, но и кадын», — шуис Владимир Гусев.
Кӧрт туй состав П36–0147 паровозӧн кутас ветлыны Сыктывкар да Микунь костті моз тӧлысь 14, 16, 18, 20, 22, 24, 26 да 28 лунъясӧ.
Пассажиръясӧс кутасны новлӧдлыны пуксян местаяса комфортабельнӧй вагонын.
Коми юркарсянь паровоз кутас мунны 8 час 50 минутын, Микуньсянь состав петас 13 час 35 минутӧ.
П36–0147 паровозыс стрӧитӧма 1955 воын, удитіс ударнӧя уджавны СССР-ын, вӧлі Кострома обласьтса Шарье карын постамент вылын памятникӧн, сійӧс выльмӧдісны да ӧні сійӧ зіля участвуйтӧ Войвыв магистральын ретродвижениеын.
П36 новлӧдлӧ Ярославль-Рыбинск маршрутті быд вежонся карбердса ретросостав, эз ӧтчыдысь участвуйт «Роч Рӧштво» фестивальын, кодӧс быд во нуӧдӧны Иванов обласьтын.
Сідзжӧ сійӧ новлӧдлӧ «Зарни кытш» туристическӧй поезд.
Поезд составын пуксян местаяса комфортабельнӧй вагон, могмӧдны пассажиръясӧс кутасны колян нэм шӧрын СССР-ын примитӧм формаа проводникъяс.
Тайӧ ветлӧмъяссӧ котыртӧмын туроператорӧн лоӧ Войвыв карбердса пассажирскӧй компания.
Специальнӧ ретропоездса пассажиръяслы Финн-угор этнопарк Коми Республикаса Национальнӧй музейкӧд да Емдінын овмӧдчӧминкостса музейяслӧн ӧтувкӧд регионса Культура министерство да Туризм сӧвмӧдан да Коми Республикаӧс кыпӧдан агентство отсӧгӧн лӧсьӧдіс квайт турпродукт.
Моз тӧлысь 14, 20, 22 да 28 лунъясӧ лоӧны котыртӧм группӧвӧй экскурсияяс «Сыктывкар — Емдін — Сыктывкар» маршрутті.
Билетъяссӧ на вылӧ ньӧбӧма нин.
Путешествуйтӧмлӧн уджтасыс заводитчас 8 час асылын сыктывкарса кӧрт туй вокзалті экскурсиясянь да водзӧ мунас ретропоезд вылын Емдін сиктӧ экскурсияӧн ветлӧмӧн.
Станция вылын туристъясӧс паныдалас автобус, код вылын найӧ воласны сиктса нималана местаясӧ: Емдінын мужичӧйяслы Михаило-Архангельскӧй манастырлӧн вичкоясӧ да «Крестьянинлӧн керка-карта» Емдін сиктын Историко-этнографическӧй музейса музейнӧй объектӧ.
Ветлігӧн экскурсантъяслы лоӧ вӧзйӧма волыны шойччан лунся ярманга вылӧ, кодӧс татчӧс асшӧр уджалысьяскӧд ӧтув котыртіс Емдін районса администрация.
15 час 45 минутын ретропоезд вылын экскурсия вылӧ ветлысьяс воасны Сыктывкарӧ.
{Kodko @ Роскосмос да Коми Республикаса Веськӧдлан котыр кырымалісны ёртасьӧм йылысь артмӧдчӧм @ выльтор @ https://rkomi.ru/news/2436 @ 2022-08-15 @}
Роскосмос да Коми Республикаса Веськӧдлан котыр кырымалісны ёртасьӧм йылысь артмӧдчӧм
Кырымалан церемонияыс вӧлі моз тӧлысь 15 лунӧ Москва обласьтын «Армия–2022» войтыркостса военно-техническӧй форум нуӧдігӧн.
Документсӧ кырымалісны Коми Республикаса Юралысь Владимир Уйба да «Роскосмос» космическӧй удж серти канму корпорацияса медыджыд директор Юрий Борисов.
«Роскосмослӧн талунъя позянлунъясыс вермасны ёна отсавны сӧвмӧдны Коми Республиканымӧс социальнӧя да экономика боксянь.
Спутникӧвӧй навигация, ыджыд стӧчлуна спутникӧвӧй измерениеяс, Му шар дистанционнӧя зондируйтӧм — тайӧ медшӧр нырвизьяс, кутшӧмъястӧг тырвыйӧ оз вермыны уджавны сэтшӧм юкӧнъяс, кыдзи стрӧитчӧм, транспорт, промышленносьт, экология да вӧр-ваӧн вӧдитчӧм, видз-му овмӧс, олӧмын неминучаысь видзчысьӧм да мукӧд.
Талун кырымалӧм артмӧдчӧмыс лӧсьӧдас условиеяс, медым Коми Республикаын олӧмӧ пӧртысь власьт органъяс да меставывса асвеськӧдлан органъяс, организацияяс да олысьяс вермисны вӧдитчыны спутникӧвӧй технологияясӧн да космическӧй уджлӧн бӧртасъясӧн», — гӧгӧрвоӧдіс Владимир Уйба.
Артмӧдчӧмсӧ кырымалӧма 3 во кежлӧ, водзӧ сійӧ кутас нюжавны автоматическӧя.
Сійӧс веськӧдӧма Коми Республикаын организацияясӧс наука, техника да кадръяс боксянь сӧвмӧдӧм; Коми Республикаын инновация удж сӧвмӧдӧм; суйӧрсайса тӧвар вежан политика збыльмӧдӧм, Коми Республикаын промышленнӧй предприятиеяслысь удж диверсифицируйтӧм; космическӧй уджӧн паськыда тӧдмӧдӧм, аймуса космонавтика дорӧ пыдди пуктӧмсӧ кыпӧдӧм да сылысь озырлун видзӧм вылӧ.
«Коми Республика да «Роскосмос» ӧтув уджалӧны нин некымын нырвизь серти.
Тайӧ отсалӧ, шуам, сӧвмӧдны регионса ылдӧса мыччӧдъяслысь инфраструктура да вӧр-ва мониторитӧм.
Тайӧ Артмӧдчӧмсӧ кырымалӧмыс лэдзас восьтыны выль позянлунъяс.
Эска, мый ёртасьӧмыс ваяс уна буртор да отсалас бурмӧдны республикаын олӧмсӧ», — юӧртіс Коми Республикаса Юралысь.
2020 восянь Роскосмос ӧтув уджалӧ Коми Республикакӧд Му шар дистанционнӧя зондируйтӧм серти.
Коми Республикаса власьт органъяс вӧдитчӧны космическӧй уджлӧн бӧртасъясӧн мутасъясӧн веськӧдлан могъяс збыльмӧдігӧн.
Фото: https://www.roscosmos.ru, автор — Павел Кассин.
{Kodko @ Коми Республикаса ӧткымын олысьлы сетісны канму наградаяс @ выльтор @ https://rkomi.ru/news/2437 @ 2022-08-15 @}
Коми Республикаса ӧткымын олысьлы сетісны канму наградаяс
Коми Республикаса Юралысь Владимир Уйба кырымаліс лӧсялана Индӧд.
«Коми Республикаса канму наградаяс сетӧм йылысь» Коми Республикаса Юралысьлӧн 2022 во моз тӧлысь 11 лунся 91 №-а Индӧд
1. Коми Республика водзын торъя заслугаясысь сетны Иван Павлович Морозов нима Орден:
Мария Григорьевна Морозовалы — Коми Республикаса оланпас пыртысь (бӧрйӧм) власьт органса ветеранлы, Сыктывкар;
Иван Иванович Свистельниклы — Коми Республикаын канму службаса ветеранлы, Михайловскоеын Пушкин нима музей-заповедникса ёртъяс котырӧ пырысьлы, Пушкинистъяслӧн войтыркостса котырӧ пырысьлы, Сыктывкар;
Юрий Иванович Семуковлы — Республикаса оланпас пыртысь (бӧрйӧм) власьт органса ветеранлы, Сыктывкар.
2. Коми Республика водзын заслугаясысь «Коми Республикаса нимӧдана уджалысь» Коми Республика почёт ним сетны:
Олег Анатольевич Бейнаровичлы — «Воркутауголь» из шом перъян акционер котырса «Воркутинскӧй» шахта тэчас юкӧдувлӧн конвейернӧй транспорт участокын мупытшса горнорабочӧйлы;
Виталий Николаевич Душкинлы — «Воркутауголь» из шом перъян акционер котырса «Воркутинскӧй» шахта тэчас юкӧдувлӧн стационарнӧй установкаяса участокын мупытшса электрослесарлы;
Ирина Александровна Кондратьевалы — Коми Республикаса йӧзлысь дзоньвидзалун видзан министерстволӧн Медицина отсӧг сетӧмсӧ котыртӧмӧн веськӧдланінса начальниклы;
Роман Михайлович Панюковлы — «Воркутауголь» из шом перъян акционер котырса «Заполярнӧй шахта» тэчас юкӧдувлӧн из шом перъян 4 №-а участокын мупытшса электрослесарлы.
3. Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетны:
Ирина Юрьевна Аксеновалы — «ЛУКОЙЛ-Ухтанефтепереработка» ичӧт кывкутана котырын юралысь механиклӧн юкӧнса механиклы, Ухта кар;
Татьяна Александровна Бурцевалы — «Я. С. Перепелица нима Сыктывкарса челядьлы шылада-хора школа» содтӧд тӧдӧмлун сетан муниципальнӧй асшӧрлуна учреждениеын фортепьяно да концертмейстер класс серти велӧдысьлы, Сыктывкар;
Сергей Анатольевич Гончаренколы — «Воркутауголь» из шом перъян акционер котырса «Воркутаса шахта» тэчас юкӧдувлӧн ӧлӧдан уджъяс нуӧдан участокын бурӧвӧй установкаса 5 разряда машинистлы;
Сергей Петрович Дмитриевлы — «Воркутауголь» из шом перъян акционер котырлӧн «Воркутаса дзоньтасян предприятие» тэчас юкӧдулын мупытшса электрослесарлы;
Инга Александровна Дубининалы — «Ухта карса олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениелӧн директорӧс вежысьлы — мутас шӧринӧн заведуйтысьлы;
Татьяна Сергеевна Дуркиналы — «Коми Республикаса агропромышленнӧй комплекслы да чери овмӧслы канмусянь отсӧг сетан шӧрин» Коми Республикаса канму казённӧй учреждениеын Чилимдінса видз-му овмӧс юкӧнӧн заведуйтысьлы;
Галина Ивановна Жуковалы — «Коми холдинг компания» акционер котырса медыджыд директорӧс вежысьлы, Сыктывкар;
Константин Анатольевич Захарченколы — «Воркутауголь» из шом перъян акционер котырса «Воргашорса шахта» тэчас юкӧдувлӧн из шом перъян 5 №-а участокын весалан забойса горнорабочӧйлы;
«Ухтаса экспериментально-механическӧй завод» пӧдса акционер котырын уджалысьяслы;
Вера Ивановна Комлевалы — «Кӧрткерӧс районса шӧр больнича» Коми Республикаса йӧзлысь дзоньвидзалун видзан канму сьӧмкуд учреждениеын медицина сестралы (лекарствоӧн могмӧдӧм серти);
Екатерина Михайловна Кораблёвалы — «Ӧткымын предмет пыдісянь велӧдан 36 №-а шӧр школа» муниципальнӧй асшӧрлуна велӧдан учреждениеын математика велӧдысьлы, Сыктывкар;
Елена Александровна Кремерлы — «Зеленечса чипан видзан фабрика» акционер котырса бухгалтерлы, Сыктывдін район;
Михаил Борисович Лисоцкийлы — «Воркутауголь» из шом перъян акционер котырса маркшейдерско-геологическӧй службалӧн техническӧй дирекцияын «Олӧмӧ пӧртан аппарат» тэчас юкӧдувса маркшейдерлы;
Рустам Фаварисович Нурисламовлы — «Спорт школа» Усинск карса муниципальнӧй сьӧмкуд учреждениеын самбо серти тренерлы;
Эльмар Джумаевич Омаровлы — «Воркутауголь» из шом перъян акционер котырлӧн «Воркутаса транспорт предприятие» тэчас юкӧдулын кӧрт туй техника дзоньталан юкӧнса инспекторлы;
Дмитрий Юрьевич Опаринлы — «Зеленечса чипан видзан фабрика» акционер котырса медыджыд инженерлӧн службаын дзоньтасян-механическӧй мастерскӧйяслӧн цехса начальниклы, Сыктывдін район;
Александр Иванович Осиповлы — Коми Республикаса вӧр-ва озырлун да гӧгӧртас видзан министерстволӧн вӧр овмӧсӧн веськӧдланінын вӧр бӧрся федеральнӧй канму контроль (дӧзьӧр) да вӧр видзӧмсӧ да дорйӧмсӧ котыртан юкӧнса начальниклы;
Владимир Иванович Павловлы — «Воркутауголь» из шом перъян акционер котырса «Воргашорса шахта» тэчас юкӧдувлӧн из шом перъян 7 №-а участокын весалан забойса горнорабочӧйлы;
Андрей Викторович Погожевлы — «Воркутауголь» из шом перъян акционер котырлӧн «Комсомольскӧй шахта» тэчас юкӧдулын дасьтысян уджъяс нуӧдан 2 №-а участокса проходчиклы;
Николай Юрьевич Полухинлы — «ЛУКОЙЛ-Коми» ичӧт кывкутана котырлӧн «Яреганефть» мусир перъян шахтаса производство предприятиелӧн мусир перъян 3 №-а шахтаын аэрологическӧй, противопожарнӧй, промышленнӧй безопасносьт да удж видзӧм серти участокса начальникӧс вежысьлы, Ухта кар;
Валерий Владимирович Роговлы — Коми Республикаын пытшкӧс делӧяс министерстволӧн оперативно-поисковӧй бюроса начальникӧс вежысьлы, Сыктывкар;
Владимир Аркадьевич Розмыслолы — «Микунь» кар овмӧдчӧминса администрацияӧн юрнуӧдысьлы, Емдін район;
Юрий Иванович Рябковлы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса федеральнӧй канму сьӧмкуд наука учреждениеын Россияса наукаяс академиялӧн Урал юкӧнса Коми наука шӧринлӧн Химия институтын наука удж серти директорӧс вежысьлы, Сыктывкар;
Александр Вениаминович Сивковлы — «Воркутауголь» из шом перъян акционер котырса «Комсомольскӧй шахта» тэчас юкӧдувлӧн из шом перъян 6 №-а участокын мупытшса электрослесарлы;
Наталия Сергеевна Сидоровалы — «Коми Республикаса мутаскӧд йитчӧм юӧр фонд» Коми Республикаса канму сьӧмкуд учреждениелӧн финансово-экономическӧй юкӧнын веськӧдлысьлы, Сыктывкар;
Ирина Ивановна Синициналы — Коми Республикаса экономика сӧвмӧдан да промышленносьт министерстволӧн Проектнӧй офисӧн веськӧдланінса начальниклы, Сыктывкар;
Елена Владимировна Сосковалы — «ЛУКОЙЛ-Коми» ичӧт кывкутана котырлӧн «ЛУКОЙЛ-Ухтанефтегаз» мутасса производство предприятиеын мусир дасьтан юкӧнса нуӧдысь инженерлы, Усинск кар;
Георгий Владимирович Харинлы — «Воркутауголь» из шом перъян акционер котырса «Воркутаса механическӧй завод» сервиснӧй предприятие» тэчас юкӧдувлӧн промышленносьтын участокса начальникӧс вежысьлы;
Юлия Александровна Чубовалы — «Коми гор» телевизор пыр петкӧдлан да радио пыр висьталан канму компания» «Телевизор пыр петкӧдлан да радио пыр висьталан ставроссияса канму компания» федеральнӧй канму ӧтувъя предприятиелӧн филиалын директорлы, Сыктывкар;
Мира Валерьяновна Чуяшковалы — Коми Республикаса национальнӧй политика министерстволӧн канму кывъяс юкӧнса начальниклы;
Станислав Алексеевич Юрченколы — «Кабала вӧчысьяслӧн эжваса культура двореч» культура да прӧст кад коллялан муниципальнӧй асшӧрлуна учреждениеса хормейстерлы, Сыктывкар;
Андрей Владимирович Яковенколы — «Радио да телевизор пыр юӧртан Коми Республикаса шӧрин» «Телевизор пыр петкӧдлан да радио пыр висьталан Россияса сеть» федеральнӧй канму ӧтувъя предприятиелӧн филиалын Инта цехса начальниклы.
{Kodko @ Коми Республикаын быдӧн вермӧ аддзыны удж @ выльтор @ https://rkomi.ru/news/2438 @ 2022-08-15 @}
Коми Республикаын быдӧн вермӧ аддзыны удж
Москваын моз тӧлысь 12–13 лунӧ нуӧдісны «Арктический вызов» уджтас серти кандидатъясӧс очнӧя бӧръян медводдза этап.
Кандидатъясӧс бӧръян комиссияӧ Коми Республикасянь пырис Россия Федерацияса Президент бердын Коми Республикаӧс пыр петкӧдлысьӧс вежысь Нина Кишайкина.
«Ми радӧсь быдӧнлы, коді кӧсйӧ уджавны Коми Республикаын, да дасьӧсь вӧзйыны быдсикас нырвизьяс, медым быдӧн вермис аддзыны асьсӧ олӧмын, — тӧдчӧдіс Нина Кашайкина.
— Та вӧсна республика зіля пырӧдчис «Арктический вызов» уджтасӧ.
Кандидатъяс, кодъяскӧд ми нин нуӧдім собеседованиеяс, сюся кывзісны ай-ти сопровождение, стрӧитчӧм бӧрся видзӧдан, социальнӧя могмӧдан юкӧнын титанлысь Пижмаса куйлӧд туялан проект НАО кӧд ӧтвылысь збыльмӧдӧм йылысь.
Медъёна претендентъясӧс ыштӧдіс вӧрса быдмӧгъяс переработайтӧмсӧ сӧвмӧдӧм, туризм юкӧнын сетевӧй бизнес-модельяс сӧвмӧдӧм серти, Коми Республикаса туризмлысь позянлунъяссӧ быд боксянь медийнӧя петкӧдлӧмсӧ котыртан проектъяс.
Уджтасӧ пырӧдчысьясӧс ыштӧдіс и вӧр отрасльын вӧр-ва видзан удж.
Кандидатъяслысь став резюмесӧ сетасны Коми Республикаса профильнӧй ведомствоясӧ, медым водзӧ найӧс видлавны прӧст вакансияяссӧ тӧд вылӧ босьтӧмӧн».
Комиссиялӧн удж дырйи очнӧя бӧрйисны медводдза 120 кандидатӧс, кодъясӧс индісны дистанционнӧя бӧръян кывкӧртӧдъяс серти.
Очнӧя бӧръян медводдза этапын чукӧрӧн уджалісны РФ Арктика зона водзын сулалысь збыльвывса могъяс вылын.
Уджъяссӧ нуӧдісны стратегическӧй сессия режимын.
Уджсикасын кужанлунъяс да тӧдӧмлунъяс кындзи очнӧй этап дырйи соискательяслы колӧ вӧлі петкӧдлыны, кыдзи найӧ кужӧны уджавны командаын, сёрнитчыны, кывзыны да творческӧя ордйысьны.
Рытнас бӧрйӧмсӧ прӧйдитысь участвуйтысьяслы разӧдісны корӧмъяс мӧд этап вылӧ, мый вӧлі моз тӧлысь 13 лунӧ.
Кык лун чӧжӧн соискательяскӧд уджалісны 60-ысь унджык эксперт 9 нырвизь серти.
Ӧні «Арктический вызов» уджтас ёна сӧвмӧ.
Проектын регионъяслӧн зіля участвуйтӧм да Россияса Арктика зонаын выль вакансияяслӧн содӧм понда заявкаяс сетан кадколастсӧ нюжӧдісны тавося кӧч тӧлысь 30 лунӧдз.
Казьтыштам, мый 2022 вося лӧддза-номъя тӧлысь 17 лунӧ «Ылі Асыввыв да Арктика сӧвмӧдан корпорация» Стратегическӧй водзмӧстчӧмъяс агентствокӧд ӧтвылысь Ылі Асыввыв да Арктика сӧвмӧдан РФ-са министерство отсӧгӧн Петербургын войтыркостса экономическӧй форум дырйи шуисны «Арктический вызов» федеральнӧй кадрӧвӧй уджтас заводитӧм йылысь. Уджтассӧ веськӧдӧма РФ Арктика зоналӧн 9 регионӧ, на лыдын и Коми Республикаӧ, страна пасьталаысь кандидатъясӧс корӧм вылӧ.
Уджтассӧ кыпыда восьтӧмыс вӧлі РФАЗ-ӧ пырысь субъектъясса юралысьяс дырйи да лоис зэв тӧдчанаторйӧн форум дырйи.
Сетны заявкасӧ да унджык тӧдмавны уджтас йылысь позьӧ арктический-вызов.рф сайт вылын.
{Kodko @ Владимир Уйба чолӧмаліс Москваын олысь землякъясӧс чужан Коми Республика лунӧн @ выльтор @ https://rkomi.ru/news/2442 @ 2022-08-17 @}
Владимир Уйба чолӧмаліс Москваын олысь землякъясӧс чужан Коми Республика лунӧн
Моз тӧлысь 16 лунӧ Россия Федерацияса Президент бердын Коми Республикаӧс пыр петкӧдланінын вӧлі Коми Республика артмӧдӧмсянь 101 во тырӧмлы сиӧм кыпыд приём.
Мероприятие вылын гӧсьтъясӧн вӧлісны медшӧр отрасльясса ветеранъяс, землячествоясӧс да ӧтйӧза организацияясӧс петкӧдлысьяс.
Коми Республикаса Юралысь Владимир Уйба аттьӧаліс землякъясӧс чужан регион сӧвмӧдӧмӧ пай пуктӧмысь да вочавидзис из шом перъян юкӧнлӧн водзӧ вылӧ могъяс, рытыввыв санкцияяс пыртӧм бӧрын экономикаын да промышленносьтын серпас, кадръясӧн могмӧдӧм, регионын культурнӧй олӧм йылысь юалӧмъяс вылӧ.
Аддзысьлӧмын участвуйтысьяс аттьӧалісны Владимир Уйбаӧс Москваын нималана учёнӧй-геолог, профессор, Коми Республикаын чужлӧм Василий Михайлович Сенюковлы мемориальнӧй пӧв сувтӧдӧм йылысь водзмӧстчӧмсӧ ошкӧмысь.
Бӧрйӧма нин эскизсӧ да скульпторӧс.
Россия Федерацияса Президент бердын Коми Республикаӧс пыр петкӧдланін сетӧ тайӧ проектсӧ збыльмӧдӧмын став колана отсӧгсӧ.
«Миян землякъяс, кодъяс талун олӧны ичӧт чужанінсянь ылын, водзӧ кутӧны чужан республикакӧд йитӧдсӧ да сьӧлӧмсянь интересуйтчӧны сылӧн олӧмӧн.
Найӧ водзмӧстчӧны да збыльмӧдӧны Москваын республикаӧс пыр петкӧдланінлӧн отсӧгӧн Коми войтырлысь культура паськӧдӧм, регион да став страна сӧвмӧдӧмӧ пай пуктысьяс йылысь паметь видзӧм серти уна сикас проект.
Ми кутам отсасьны налы», — гӧгӧрвоӧдіс Владимир Уйба.
Землякъясӧс сідзжӧ чолӧмалісны Коми Республикаӧс пыр петкӧдланінын Ӧтйӧза Сӧветӧн веськӧдлысь Вера Скоробогатова да «Коми Землячество» регионса ӧтйӧза организацияӧн веськӧдлысь Людмила Великорода.
Кыпыд приёмлӧн культура уджтасын петкӧдчисны Россияса композиторъяс котырӧ пырысь, пианист, композитор, войтыркостса да ставроссияса конкурсъясын лауреат Жанна Габова; Комиысь йӧзкостса сьылысь Ирина Косолапова; Коми Республикаысь гудӧкасьысь Владимир Трошев да Чайковский нима Москваса канму консерватория помалысь, войтыркостса премияясын да конкурсъясын лауреат Полина Селиверстова.
Коми Республикаса культура удж нуӧдан шӧринын уджалысьяс петкӧдлісны гӧсьтъяслы «Кӧр видзысьяслӧн транспортнӧй батальон» планшетнӧй выставка, кутшӧмӧс сиӧма Айму вӧсна Ыджыд тышын вермӧмӧ Войвывса войтырӧн пуктӧм пайлы.
Экспозициясӧ лӧсьӧдӧма «Россия Федерацияса финн-угор культура шӧрин» В. Поленов нима ГРДНТ филиал.
Кыпыд приёмсӧ нуӧдӧны Пыр петкӧдланінын быд во моз тӧлысьӧ Москваын олысь землякъясӧс ӧтувтӧм могысь.
{Kodko @ Владимир Уйба видзӧдліс Сыктывкарын «Кванториум» челядьлы технопарк да «IT-куб» челядьӧс цифрӧвӧя велӧдан шӧрин @ выльтор @ https://rkomi.ru/news/2444 @ 2022-08-18 @}
Владимир Уйба видзӧдліс Сыктывкарын «Кванториум» челядьлы технопарк да «IT-куб» челядьӧс цифрӧвӧя велӧдан шӧрин
Моз тӧлысь 12 лунӧ Коми Республикаса Юралысь Степан изэрд вылын аддзысьліс «Кванториумын» котыртӧм «Инженернӧй каникулъяс» челядьлы лагерӧ ветлысьяскӧд.
Челядь корисны ас дорас регионса веськӧдлысьӧс, медым тӧдмӧдны гожся сменалӧн уджтасӧн да велӧдан площадкалӧн позянлунъясӧн.
Челядь нуӧдісны Коми Республикаса Юралысьлы «Кванториум» да «IT-куб» челядьӧс цифрӧвӧя велӧдан шӧрин кузя экскурсия, петкӧдлісны ассьыныс проектъяс да вермӧмъяс.
Владимир Уйба вочавидзис челядьлӧн юалӧмъяс вылӧ да туйдӧдіс Сыктывкарын том олысьясӧс.
«Кванториумын» лӧсьӧдӧм олӧмыс — шемӧсмӧдана.
Зэв бур, кор ывла вывсянь пыран татчӧ да кызь ӧтиӧд нэмсянь веськалан кызь кыкӧдӧ, — пасйис Владимир Уйба.
— Тані чукӧртӧма локтан олӧмлысь технологияяс.
Тані трансформируйтчан.
Медся коланаыс тіянлы, челядь, — татшӧм позянлунъяссӧ не кольны бокӧ, суныштны тайӧ олӧмас да босьтны аслыныд став коланасӧ да бурсӧ.
Тайӧ зэв бур места уджсикас бӧрйӧм вылӧ.
Та вӧсна Коми Республикаса Веськӧдлан котыр вӧчӧ ставсӧ, медым весиг медся ичӧт сикт-грездын лӧсьӧдны сэтшӧм жӧ условиеяс челядьӧс велӧдӧм да сӧвмӧдӧм вылӧ».
Коми Республикаын челядьлы технопарк воссис 2017 вося йирым тӧлысьӧ.
Талун тані велӧдчӧны 8 арӧссянь 18 арӧсӧдз 800-ысь унджык челядь сизим квант серти.
Челядь занимайтчӧны татшӧм нырвизьяс серти, кыдз промышленнӧй дизайн, сетевӧй администрирование да кибергигиена, альтернативнӧй энергетика, аэронавтика, биотехнология, робототехника, прототипирование, медиа, программирование.
Технопаркын нуӧдсьӧны Том техникъяслӧн республиканскӧй тӧвся да гожся слётъяс, начальнӧй техническӧй моделирование серти республикаса ордйысьӧмъяс, «JuniorSkills» (ЮниорПрофи) Чемпионатлӧн регионса этап, Коми Республикаса «Том профессионалъяс» (WorldSkills Russia) регионса восьса чемпионат.
Том енбияслӧн академиякӧд ӧтув «Кванториум» нуӧдӧ вонас 12 профильнӧй смена техническӧй нырвизь серти IT — нырвизь пыртӧмӧн, а гожӧмнас котыртӧ «Инженернӧй каникулъяс» челядьлысь дзоньвидзалун бурмӧдан лунся лагерлысь сменаяс.
{Kodko @ Коми Республикаын стрӧитісны комбикорм вӧчан ыджыд завод @ выльтор @ https://rkomi.ru/news/2447 @ 2022-08-18 @}
Коми Республикаын стрӧитісны комбикорм вӧчан ыджыд завод
Проектсӧ збыльмӧдіс «Зеленечса» чипан видзан фабрика» АК, сиӧма сійӧс республика артмӧдӧмсянь 100 во тырӧмлы.
Кыпыда восьтігӧн вӧлі регионса юралысь Владимир Уйба.
«Талун вӧлі Коми Республикалы тӧдчана лоӧмтор.
Тайӧ торйӧн нин колана ӧнія кадӧ, кор Рытыввывса канмуяс юӧртісны миянлы паныд война йылысь.
Выль объектъяссӧ восьтісны республикалӧн Чужан лун водзвылын.
«Зеленечса» чипан видзан фабрикалӧн тшӧтш Чужан лун — предприятиелы матӧ нелямын во.
Талун тайӧ агрохолдинг нин, мый сӧвмӧ ачыс да отсалӧ республикалы.
Медшӧрыс — содӧ-бурмӧ прӧдукция.
Талун комбикорм вӧчан завод — тайӧ производстволы, а сідзжӧ предприятиеса уджалысьяслӧн бур олӧмлы подув», — шуис Коми Республикаса Юралысь.
Владимир Уйба аттьӧаліс «Зеленечса» чипан видзан фабрикаын уджалысьясӧс да асьсӧ юрнуӧдысьӧс, Коми Республикаса почёта гражданин Николай Чёрныйӧс производствоын бур петкӧдласъясысь да уна вося бур уджысь.
«Николай Михайлович кужӧ водзвыв аддзыны, мый лоас.
Ас кадӧ предприятиеын вӧчлісны вузасян вез. Тайӧ сетіс позянлун уджавны гырысь ритейлеръяслӧн условиеяс вылӧ видзӧдтӧг.
Ӧні стрӧитӧма аймуса оборудованиеа комбикорм вӧчан завод, мӧд ногӧн кӧ, лӧсьӧдӧма уджлы зумыд подув.
Республика гӧрдитчӧ предприятиеӧн, коллективӧн, сыӧн юрнуӧдысьӧн.
Миян производствоным содӧ Европа дорысь бурджыка на.
Ми эгӧ сӧмын суӧдӧй найӧс, ми мунім водзӧ!
Ӧні мед найӧ суӧдӧны.
Водзӧ вылӧ ыджыд вермӧмъяс!», — сиис выль производстволы Владимир Уйба.
Комбикорм вӧчан завод кутас вӧчны вонас 90 сюрс тоннаӧдз комбикорм.
Тайӧ тырмас чипан видзан фабрикаса став сикас пемӧслы.
Уджсӧ автоматизируйтӧма, тайӧ сетӧ позянлун вӧчны бур прӧдукт — 30 гӧгӧр сикас рацион — да видзны мортӧн вӧчӧм шыбӧльясысь.
Таысь кындзи, предприятие вермас вӧчны во да джын кежлӧ сю запасъяс, озджык кутны тӧдчыны сю рынок вылын донъяслӧн вежласьӧмъясыс.
Суйӧрсайса тӧвар вежӧм серти Россия Федерацияса Президент Владимир Путинлысь тшӧктӧмъяс збыльмӧдӧм серти объектсӧ стрӧитігӧн вӧдитчисны сӧмын Россияын вӧчӧм оборудованиеӧн да материалъясӧн.
Став оборудованиесӧ да веськӧдлан системасӧ вайӧма Екатеринбургысь.
Заводын лӧсьӧдӧма кык линия, найӧ вермӧны вежны ӧта-мӧдсӧ.
Проектсӧ збыльмӧдісны сьӧрсьӧн-бӧрсьӧн, объектъяссӧ пыртісны уджӧ найӧс дасьтӧм бӧрын.
Стрӧитӧмсӧ планируйтігӧн нин нюжӧдісны кӧрт туйяс да котыртісны сырьё да материалъяс ректӧм вылӧ тупик.
Стрӧитісны тараӧн новлан грузъяс да пызя сырьё видзан складъяс.
Сідзжӧ кыпӧдісны производство да административно-бытӧвӧй корпусъяс, вый да дась прӧдукция видзан складъяс.
Бӧръя этапын лӧсьӧдісны сю видзан дозъяс, кытчӧ ӧтвылысь ставнас тӧрӧ матӧ 80 сюрс тонна.
«Зеленечса» чипан видзан фабрика» АК босьтчис стрӧитны комбикорм вӧчан заводсӧ 2015 воӧ да збыльмӧдіс проектсӧ ас сьӧм вылӧ.
7 воӧн татчӧ пуктӧма 2 миллиард гӧгӧр шайт.
Комбикорм вӧчан завод восьтан церемония бӧрын Коми Республикаса Юралысьлы петкӧдлісны прӧдукция пыдісянь переработайтан выльмӧдӧм цех да кансер вӧчан производство.
Объектсӧ сідзжӧ выльмӧдӧма предприятиелӧн сьӧм вылӧ да пыртӧма уджӧ Республикалӧн лун водзвылын.
Владимир Уйба сиис фабрикаын уджалысьяслы вермӧмъяс, тыр-бура олӧм да дзоридзалӧм.
* * *
«Зеленечса» чипан видзан фабрика» АК лоӧ видз-му овмӧс юкӧнса флагманӧн.
Агропромышленнӧй холдингыс уджалӧ шыбласъястӧг.
Тані вӧчӧны комбикормъяс, чипан да порсь яй, пыдісянь переработайтӧны найӧс, лӧсьӧдӧма ас вузасянінъяс.
Предприятиеын быд во вӧчӧны 20 сюрс тонна чипан яй, 8,5 сюрс тонна порсь яй, 100 миллион чипан кольк.
Тайӧ могмӧдӧ республикаса олысьясӧс чипан да порсь яйӧн 62% вылӧ, колькйӧн — 48% вылӧ.
«Зеленечса» чипан видзан фабрикалысь 80% сайӧ прӧдукциясӧ вузалӧны ас вузасянінъяс пыр. Коми Республикаын тайӧ медыджыд вузасян вез.
Таысь кындзи, некымын вузасянін эм Кировын, Санкт-Петербургын да Ленинград обласьтын.
{Kodko @ Коми Республикаса Веськӧдлан котыр да Россияса Гӧрд Крест вынсьӧдӧны ёртасьӧмсӧ @ выльтор @ https://rkomi.ru/news/2449 @ 2022-08-18 @}
Коми Республикаса Веськӧдлан котыр да Россияса Гӧрд Крест вынсьӧдӧны ёртасьӧмсӧ
Ӧтув уджалӧм йылысь сёрнитісны Коми Республикаса Юралысь Владимир Уйба да «Россияса Гӧрд Крест» ставроссияса ӧтйӧза организациялӧн Коми республиканскӧй юкӧнӧн Веськӧдлысь Вячеслав Корсаков.
Удж серти аддзысьлӧмыс вӧлі моз тӧлысь 18 лунӧ.
2022 вося косму тӧлыссянь Россияса Гӧрд Крест (РГК) збыльмӧдӧ Коми Республикаын кык федеральнӧй уджтас. Медводдза уджтас серти школьникъясӧс да студентъясӧс велӧдӧны сетны медводдза отсӧг; мӧд уджтас серти йӧз костын паськӧдӧны юӧр сы йылысь, мый позьӧ лоны ас кӧсйӧм серти да дон босьттӧг доноръясӧн, медым сетны вир да лы вем.
Сюрс да джынйысь унджык школьник ветлісны медводдза отсӧг сетӧм серти мастер-классъяс вылӧ.
РГК-лӧн Коми республиканскӧй юкӧн ладмӧдіс республикаса Веськӧдлан котырлӧн социальнӧй блокын министерствояскӧд олысьяслысь дзоньвидзалунсӧ бурмӧдан, дзоньвидза оласног йӧз костын паськӧдан юалӧмъяс серти ӧтув уджсӧ.
Владимир Уйба да Вячеслав Корсаков сёрнитчисны паськӧдны уджъёртасьӧм серти туйвизьяссӧ.
* * *
«Россияса Гӧрд Крест» ставроссияса ӧтйӧза организация уджалӧ 1867 восянь.
Россияса Гӧрд Крест пырӧдчӧ Гӧрд Крестлӧн да Гӧрд Полумесяцлӧн Войтыркостса Ӧтмунӧмӧ. Сійӧ лоӧ войтыръяслӧн дзик ӧти организацияӧн, коді петкӧдлӧ, мый Гӧрд Крестлӧн да Гӧрд Полумесяцлӧн Войтыркостса Ӧтмунӧмыс эм да уджалӧ Россия Федерацияын Ӧтмунӧмлӧн Подув Принципъясӧ тырвыйӧ кутчысьӧмӧн.
{Kodko @ РУСАЛ инвестируйтіс Коми Республикаса экономикаӧ 11 миллиард шайт @ выльтор @ https://rkomi.ru/news/2450 @ 2022-08-19 @}
РУСАЛ инвестируйтіс Коми Республикаса экономикаӧ 11 миллиард шайт
Коми Республикалы сиӧм лун водзын вӧлі кырымалӧма Веськӧдлан котыр да РУСАЛ компания костын ёртасьӧм йылысь Артмӧдчӧм дорӧ сёрнигижӧд.
Компания пӧртӧ олӧмӧ ассьыс могъяссӧ да быд во вичмӧдӧ сьӧм регионсӧ социальнӧй да экономика боксянь сӧвмӧдӧм вылӧ.
2016 восянь РУСАЛ ставнас инвестируйтіс 11 миллиард шайт.
Компания аслас артмӧмсяньыс нин отсалӧ сӧвмӧдны регионъяссӧ социальнӧй боксянь да инвестируйтӧ сьӧм. Татшӧм ногӧн уджсӧ котыртліс на Русаллы подув пуктысь Олег Дерипаска.
Социальнӧй да экономика боксянь ёртасьӧм йылысь документсӧ РУСАЛ компания да Коми Республикаса Веськӧдлан котыр кырымалісны регионлысь 100 вося юбилей ыджыда пасйӧм водзын, колян во став мероприятиеяссӧ ковмис дугӧдны коронавирусысь пандемия вӧсна.
Алюминиевӧй компания да республика важӧн нин ӧтув уджалӧны.
Социальнӧй да экономика боксянь ёртасьӧм йылысь медводдза артмӧдчӧмсӧ кырымалісны 2016 вося кӧч тӧлысьын, выльсӧ — 2021 воын. Бӧръяыс лоӧ вынаӧн 2025 вося ӧшым тӧлысьӧдз.
Тайӧ каднас РУСАЛ инвестируйтіс Вежаю-Вӧрыкваса месторождениеын водзӧ уджалан да выль Вылыс Тшугӧрса месторождениеын уджсӧ панан проектъясӧ 11 миллиард шайт.
Унджык сьӧм вылӧ ньӧбисны выль горнотранспортнӧй оборудование, нуӧдісны горно-капитальнӧй уджъяс, стрӧитісны производство инфраструктура объектъяс, а сідзжӧ предприятиеын уджалысьяслы бура олӧм да шойччӧм вылӧ выль социальнӧй объектъяс.
Сідз, тайӧ воясӧ Шӧр Тиманса рудникын стрӧитісны Вежаю-Вӧрыкваса месторождениеын очистнӧй сооружениеяс, шойччаніна столӧвӧй, кык ӧтуволанін да мукӧд объект.
РУСАЛ-лӧн аспом кӧрт туй ӧнъяӧдан да Промышленнӧй Чимиавӧрӧк станцияын (сэні меститчӧма «Боксит Тимана» предприятиелӧн кӧрт туй цех) предприятиеса производственнӧй юкӧнъяслысь уджсӧ бурмӧдан уджтас серти стрӧитісны тепловознӧй депо.
«Коми Республикалы татшӧм промышленнӧй компанияяскӧд, кыдз РУСАЛ, ёртасьӧмыс — тайӧ абу сӧмын производствоӧ инвестируйтӧм, регионлысь экономика сӧвмӧдӧм, тайӧ медводз петкӧдлӧ бизнеслысь йӧз водзын кывкутӧмсӧ.
РУСАЛ зіля пырӧдчӧ татшӧм уджтасъясӧ, кыдзи компенсационнӧй вӧр пуктӧм, вичмӧдӧ сьӧм Комиын олысьяслы социальнӧй тӧдчанлуна объектъяс стрӧитӧм вылӧ», — пасйис Коми Республикаса Юралысь Владимир Уйба.
2020 воын Артмӧдчӧм серти помалісны стрӧитны Чимиавӧрӧк посёлокын социокультурнӧй шӧрин, тайӧ объектӧ инвестируйтісны матӧ 27 миллион шайт.
Компания отсалӧ нуӧдны ставроссияса да республикаса лызьӧн ордйысьӧмъяс, йӧзӧс дзоньвидза оласног нуӧдны ышӧдан да сы йылысь тӧдӧмлун паськӧдан мероприятиеяс, отсасьӧ тренеръяслы/
РУСАЛ отсӧгӧн Россияса наукаяс академиялӧн Урал юкӧнса Коми наука шӧринлӧн Геология институтысь учёнӧйяс лӧсьӧдісны Коми Республикаын сырьевӧй база сӧвмӧдӧм да перйӧм серти шӧр кадся прогноз.
Коронавирус пандемия заводитчӧмсянь РУСАЛ компания отсасис Коми Республикаса медицина учреждениеяслы.
Регионлӧн могъяс вылӧ ньӧбисны «Регыдъя отсӧг сетан» куим выль автомашина, кӧні медся выль оборудование, Ухта карса больничаӧ да регыдъя отсӧг сетан станцияӧ ньӧбисны лекарствояс.
«Коми Республикакӧд Артмӧдчӧмыс отсалӧ сӧвмӧдны горнӧй производство да регионса экономика.
Каръясын кыптӧны выль инфраструктура объектъяс, — пасйис РУСАЛ-са глинозёмнӧй бизнес серти директор Яков Ицков.
— Таво кутам водзӧ могмӧдны сьӧмӧн Емваын юан ва сӧстӧммӧдан станция стрӧитӧм серти проектно-сметнӧй документация дасьтӧмсӧ».
Коми Республикаса Веськӧдлан котыркӧд Артмӧдчӧм дорӧ кырымалӧм сёрнигижӧд серти РУСАЛ компания кӧсйӧ ньӧбны Княжпогостса шӧр больничаӧ медицина оборудование, дзоньтавны Емваын Челядьлы творчество керкаын спортзал.
Сьӧрсьӧн-бӧрсьӧн вичмӧдӧны сьӧм юан ва сӧстӧммӧдан станция лэптӧм серти проектно-сметнӧй документация дасьтӧм вылӧ.
Став социальнӧй объект вылӧ ставнас сетасны матӧ 45 миллион шайт.
* * *
РУСАЛ (www.rusal.ru) — мир пасьтала алюминиевӧй отрасльса лидер.
Компаниясӧ котыртіс 2000 воын Олег Дерипаска.
2020 воын компания вӧчліс мир пасьтала алюминийысь матӧ 5,8% да глинозёмысь 6,5%.
РУСАЛ уджалӧ 20 странаын, 5 континентын.
РУСАЛ-лӧн обыкновеннӧй акцияясыс вузавсьӧны Гонконгса фондӧвӧй биржаын (вузасян кодыс 486) и Москваса биржаын (вузасян код RUAL).
«Боксит Тимана» предприятие пырис компанияӧ 2007 воын.
{Kodko @ Владимир Уйба чолӧмаліс Педагогъяслӧн моз тӧлысся республиканскӧй сӧвещаниеӧ пырӧдчысьясӧс @ выльтор @ https://rkomi.ru/news/2451 @ 2022-08-19 @}
Владимир Уйба чолӧмаліс Педагогъяслӧн моз тӧлысся республиканскӧй сӧвещаниеӧ пырӧдчысьясӧс
Быдвося мероприятиесӧ нуӧдісны выль велӧдчан во водзвылын Ю. А. Спиридонов нима Коми Республикаса Юралысь бердын искусство гимназияын.
Регионса Юралысь аттьӧаліс республикаса педагогъясӧс сьӧлӧмсянь уджалӧмысь, а сідзжӧ сетіс канму наградаяс.
«Талун велӧдысьлӧн, наставниклӧн уджыс зэв тӧдчана.
Педагог — тайӧ абу сӧмын морт, коді сетӧ тӧдӧмлун да велӧдӧ уджсикасӧ, но и сӧвмӧдӧ кагалысь видзӧдласъяссӧ.
Тшӧкыда буретш сійӧ, мыйӧ велӧдӧны челядьӧс велӧдысьяс, лоӧ подулӧн налӧн олан туйын», — тӧдчӧдіс Владимир Уйба.
Комиын велӧдан юкӧнын уджалӧ став сикаса 724 велӧдан организация, кӧні велӧдчӧ матӧ 185 сюрс челядь да томулов.
Тайӧ юкӧнын уджалӧ матӧ 36 сюрс морт.
Россияса Президент Владимир Путинлӧн Индӧдӧн 2023 восӧ шуӧма Педагоглӧн да наставниклӧн воӧн.
Владимир Уйбалӧн кывъяс серти, Коми Республикаын збыльмӧдасны уна мероприятие, кутшӧмъясӧс сы лыдын веськӧдӧма педагоглысь статус кыпӧдӧм вылӧ.
«Миян сӧвещаниеным мунӧ Республика лун водзвылын.
Ті пуктанныд ыджыд пай сійӧс сӧвмӧдӧмӧ, сылысь аскиа лунсӧ артмӧдӧмӧ.
Ме пыр пасйылі, мый сӧмын уджсӧ радейтӧмӧн педагог вермӧ вайны бур.
Водзӧ вылӧ ыджыд вермӧмъяс!» — сиис педагогъяслы Коми Республикаса Юралысь.
* * *
Коми Республикаса Юралысьлӧн Индӧдӧн Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
Нина Владимировна Баскаковалы — Челядьлы да том йӧзлы республиканскӧй шӧринын методика да велӧдан-быдтан удж серти директорӧс вежысьлы;
Ирина Николаевна Гузьлы — Сыктывкарын Велӧдӧм сӧвмӧдан шӧринса директорлы;
Анна Геннадьевна Мажутколы — Сыктывкарын Бать-мамтӧм да бать-мам дӧзьӧртӧг кольӧм челядьлы 3 №-а челядь керкаса концертмейстерлы;
Юрий Алексеевич Орловлы — «Усинск» КК МЮ администрацияса Велӧдӧмӧн веськӧдланінӧн юрнуӧдысьлы.
Коми Республикаса Юралысьлӧн тшӧктӧмӧн велӧдӧм юкӧн сӧвмӧдӧмӧ ыджыд пай пуктӧмысь «Коми Республикаса велӧдӧм юкӧнын почёта уджалысь» почёт ним сетӧма:
Олег Васильевич Поповлы — Велӧдӧмлысь ногтуйсӧ донъялан республиканскӧй юӧртан шӧринса директорлы. 
{Kodko @ Владимир Уйба нуӧдіс Коми Республикаын анадромнӧй чери сикас кыйӧмсӧ ладмӧдӧм серти комиссиялысь заседание @ выльтор @ https://rkomi.ru/news/2452 @ 2022-08-19 @}
Владимир Уйба нуӧдіс Коми Республикаын анадромнӧй чери сикас кыйӧмсӧ ладмӧдӧм серти комиссиялысь заседание
Сёрнитісны сьӧмга кыйны помалӧм да анадромнӧй чери сикас арталан тшӧкыдлун йылысь.
Тайӧ комиссия дырйи вынсьӧдісны сьӧмга кыян кад помалӧм йылысь водзджык эновтӧм юалӧмсӧ.
Чимилӧн вуджӧм серти аслыспӧлӧслунъяскӧд йитӧдын да сы могысь, медым видзны чери паськалӧмсӧ, сьӧмга кыян кадыс помасьӧ йирым тӧлысь 1 лунӧ.
Ӧні медъёна колӧ видзӧдны сы бӧрся, медым рыбопромышленникъяс быд лун сетісны анадромнӧй чери сикас кыйӧм йылысь отчёт.
Юӧрсӧ быд лун сетӧм йылысь помшуӧмсӧ примитісны комиссиялӧн воддза заседание дырйи отраслевӧй наукалӧн, дӧзьӧр нуӧдан ведомствояслӧн, рыбоохраналӧн вӧзйӧмъяс подув вылын.
Босьтны кӧ тӧд вылӧ сійӧс, мый чери кыян участокъяс лыдысь пӧшти джынйыс сотӧвӧй связьтӧм, Ӧтуввезъя районъясӧ петӧм вӧсна ю вылын вермас суны лёк поводдя да унджык бырас ломтасыс.
Юалӧмсӧ сы йылысь, колӧ-ӧ нуӧдны быдлунъя отчёт, кыпӧдлісны сора тӧлысьын Чилимдін районса администрацияын рыбопромышленникъяскӧд сӧвещание дырйи.
Мукӧд кыйсьысьыс ӧткажитчис сьӧмга кыйӧм вылӧ тшӧктӧмъяс оформитӧмысь быдлунъя отчётъяс сетӧмкӧд йитӧдын сьӧкыдлунъяс вӧсна.
Коми Республикаса Юралысь Владимир Уйба веськӧдіс комиссиялысь вниманиесӧ сы вылӧ, мый отчётъяс дорӧ корӧмъясыс оз лӧсявны орчча субъектъяслӧн корӧмъяслы.
Шуам, Ненеч асвеськӧдлан кытшса кыйсьысьяс сетӧны сьӧмга кыйӧм йылысь тӧдмӧгъяссӧ вит луннас ӧтчыдысь.
«Миянлы колӧ кутчысьны ӧтувъя корӧмъясӧ. Оз позь бырӧдны найӧс ӧти субъектын да вӧдитчыны наӧн мӧдын.
Отчётносьт серти вит лунъя коставлӧмыс, мый ми корам талун урчитны, — тайӧ збыльман да тӧдчана тема.
Сэки ми ӧткодялам корӧмъяссӧ Рытыв-Войвыв федеральнӧй кытшса став субъектлы, кытчӧ пырӧ и Коми, и НАО.
Морт да сылӧн коланлунъясыс — медтӧдчана нырвизьяс, кутшӧмъяс артмӧдӧны Россия Федерацияын став оланпаслысь, оланпасувса актлысь да канму уджтаслысь подувсӧ.
Комиссия унджык гӧлӧсӧн примитіс отчётносьтлысь режим вежӧм йылысь помшуӧм. Тайӧ оз тӧдчы мониторингъясӧн туялӧмъяс вылӧ.
Моз тӧлысь 15 лунсянь «ВНИРО» войвывса филиалысь специалистъяс уджалӧны Печора юлӧн кывтыдын да налы воӧ сьӧмгалӧн вуджӧмъяс йылысь збыльвывса юӧр.
Помшуӧмыс вынсялас да лоас олӧмӧ пӧртӧм вылӧ быть коланаӧн сэк, кор Росрыболовстволӧн Рытыв-Войвыв мутасса веськӧдланін вынсьӧдас Комиссияса заседаниелысь Сёрнигижӧдсӧ да йӧзӧдасны сійӧс ведомстволӧн официальнӧй сайтын.
{Kodko @ Владимир Уйба аттьӧаліс Коми Республикаын олысьясӧс чужан му радейтӧмысь да пыдди пуктӧмысь @ выльтор @ https://rkomi.ru/news/2455 @ 2022-08-20 @}
Владимир Уйба аттьӧаліс Коми Республикаын олысьясӧс чужан му радейтӧмысь да пыдди пуктӧмысь
Регионса Юралысь моз тӧлысь 19 лунӧ участвуйтіс Коми Республика лунлы сиӧм кыпыд собраниеын, чолӧмаліс олысьясӧс гажӧн да сетіс канму наградаяс.
«Талун ми зіля пӧртам олӧмӧ пуктӧм могъяс, лӧсьӧдам условиеяс экономика водзӧ сӧвмӧдӧм вылӧ.
Сӧвмӧдам суйӧрсайса вузӧс вежӧм, ас тӧвар вӧчӧмсӧ содтӧм, збыльмӧдам инвестиция проектъяс, лӧсьӧдам миян кар-районъясын шогмана инфраструктура.
Ставыс вӧчсьӧ сы могысь, медым Коми Республика колис олӧм да уджалӧм вылӧ ас дорас кыскана регионӧн, медым быд морт бӧрйис ассьыс туй.
Тайӧ вӧчсьӧ уна лыда йӧзлӧн уджӧн, коді кӧсйӧ уджавны аслас муын, быдтыны тані челядьӧс да внукъясӧс», — шуис Коми Республикаса Юралысь.
Владимир Уйба аттьӧаліс ветеранъясӧс, кодъяслӧн фронтвывса да уджалан подвигъясыс лоӧны подулӧн регионлӧн талунъя вермӧмъясын да пасйис, мый таво Коми Республикаса Почёт книгаӧ содіс ухтаса кык олысьлӧн ним.
«Коми Республикаса Почёта гражданин» медвылыс почёт нимсӧ сетӧма оланін да коммунальнӧй овмӧсса ветеран Евгений Михайлович Алексеевлы да кувсьӧм бӧрын мусир да биару промышленносьтын ветеран Анна Яковлевна Молийлы.
Кыпыд собрание вылын медводдзаысь сетісны Иван Павлович Морозов нима Орденъяс.
Тайӧ ыджыд канму награда, кодӧс вермӧны босьтны Комиын олысьяс республика водзын торъя заслугаясысь.
Сійӧс учредитӧм йылысь корӧмӧн Владимир Уйба дорӧ шыӧдчисны Сыктыв районын олысьяс.
Коми Республикаса Юралысь ошкис тайӧ водзмӧстчӧмсӧ.
Талун регионса веськӧдлысь киысь награда босьтісны Коми АССР-са нималана канму да политическӧй уджалысь Иван Павлович Морозовлӧн уджъёртъясыс — Иван Иванович Свистельник да Юрий Иванович Семуков.
«Лыддя правильнӧйӧн сійӧ, мый медводдза Орденсӧ сетасны Иван Павловичлӧн дӧвалы, Коми Республикаса оланпас пыртысь власьт органса ветеранлы Мария Григорьевна Морозовалы.
Зэв жаль, мый Мария Григорьевна эз вермы волыны миян собрание вылӧ, но ме быть сылы ачым сета тайӧ наградасӧ.
Тайӧ меным лоӧ ыджыд шудӧн», — шуис Владимир Уйба.
Сідзжӧ регионса Юралысь аттьӧаліс став олысьӧс войвыв радейтӧмысь, чужан му пыдди пуктӧмысь да бурджыкӧн сійӧс вӧчны сьӧлӧмсянь кӧсйӧмысь, Коми Республикалысь озыр традицияяс да вӧр-ва видзны зільӧмысь.
{Kodko @ Владимир Уйба аттьӧаліс Профессиональнӧй бокслы сиӧм рытӧ пырӧдчысьясӧс да сійӧс котыртысьясӧс яръюгыд вермасьӧмъясысь да сьӧлӧмкылӧмъясысь @ выльтор @ https://rkomi.ru/news/2456 @ 2022-08-20 @}
Владимир Уйба аттьӧаліс Профессиональнӧй бокслы сиӧм рытӧ пырӧдчысьясӧс да сійӧс котыртысьясӧс яръюгыд вермасьӧмъясысь да сьӧлӧмкылӧмъясысь
Моз тӧлысь 19 лунӧ Сыктывкарын «Лузалес-арена» культурно-спортивнӧй комплексын нуӧдісны Россияса нималана боксёръяскӧд спорт мероприятие. Сійӧс сиӧма регион артмӧдӧмсянь 100 во тырӧмлы.
Профессиональнӧй бокслы сиӧм рытсӧ котыртӧма Коми Республикаса Веськӧдлан котыр отсӧгӧн.
Ринг вылын петкӧдчисны боксёръяслӧн кӧкъямыс пара.
На лыдын Олимпийскӧй Ворсӧмъясын бронза босьтысь, Россияса куимысь чемпион Владимир Никитин.
Сійӧ вермасис Танзанияысь Элли Мверангикӧд ЕВР-са (EURASIAN BOXING PARLIAMENT — Профессиональнӧй бокслӧн евразияса федерация) чемпион ним вӧсна да вермис.
Кыдзи пасйис Владимир Никитин, тайӧ вӧлі сылӧн бӧръя вермасьӧм.
Сэсся спортсмен кӧсйӧ кольччыны республикаӧ да отсасьны татчӧс том спортсменъяслы.
Россияса боксёръяслысь вермасьӧмъяссӧ локтісны видзӧдны нималана спортсменъяс — Олимпийскӧй ворсӧмъясын чемпионъяс Альберт Батыргазиев да Виталий Дунайцев.
Россияса чемпион да ЕВР-са чемпион титулъяс вӧсна турнирса медшӧр поединокъяслысь веськыд трансляциясӧ петкӧдлісны «Матч ТВ» да «Юрган» телеканалъяс.
«Татшӧм тшупӧда профессионалъяс пӧвстын боксысь вермасьӧмъяссӧ республикаын нуӧдӧны медводдзаысь на.
Тайӧ вӧлі шензьӧдана рыт — Профессиональнӧй бокслы сиӧм рыт!
Владимир Никитин — миян зон, сійӧ козьналіс миянлы вермӧм.
Аттьӧ пырӧдчысьяслы яръюгыд вермасьӧмъясысь, а турнирсӧ котыртысьяслы — бур уджысь.
Торйӧн аттьӧала Спортивно-патриотическӧй ӧтйӧза ӧтмунӧмӧн веськӧдлысь Вячеслав Юрьевич Ванеевлы спортлы сиӧм гажсӧ котыртӧмысь да нуӧдӧмысь», — юксис мероприятие бӧрын мӧвпъясӧн Коми Республикаса Юралысь.
{Kodko @ Коми Республикаын кӧсйӧны нуӧдны бокс серти ставроссияса ордйысьӧмъяс @ выльтор @ https://rkomi.ru/news/2457 @ 2022-08-20 @}
Коми Республикаын кӧсйӧны нуӧдны бокс серти ставроссияса ордйысьӧмъяс
Регионса Юралысь Владимир Уйба видлаліс Россияса нималана боксёръяскӧд бокс сӧвмӧдӧм серти, Коми Республикаын спорт паськӧдан да том йӧзӧс Чужан му радейтны да пыдди пуктыны велӧдан проектъяс збыльмӧдӧм серти юалӧмъяс.
Аддзысьлӧмыс вӧлі моз тӧлысь 19 лунӧ.
Мероприятиеын участвуйтісны Россияса бокс серти федерациялӧн тренерскӧй сӧветӧн веськӧдлысь, Россияса нимӧдана тренер Эдуард Кравцов, Олимпийскӧй ворсӧмъясын чемпионъяс да призёръяс Альберт Батыргазиев, Виталий Дунайцев да Владимир Никитин.
Сідзжӧ аддзысьлӧм вылын вӧліны «Санкт-Петербургын бокс серти спорт федерация» регионса ӧтйӧза организацияӧн юрнуӧдысьӧс вежысь Максим Кувачев, «Спортивно-патриотическӧй ӧтйӧза ӧтмунӧм (СПӦӦ)» спорт да патриотизм юкӧнын проектъяслы отсӧг сетан да найӧс сӧвмӧдан шӧрин» асшӧрлуна абу коммерческӧй организацияӧн веськӧдлысь Вячеслав Ванеев, Коми Республикаса вынйӧр сӧвмӧдан да спорт министрлысь могъяс олӧмӧ пӧртысь Наталья Карина.
«Республикалӧн Чужан лун водзвылын ордйысьӧмъясыс лоасны гажсӧ мичмӧданторйӧн, и йӧзыс радӧсь, мый ті локтінныд миян дорӧ.
Республикаын бокс — медтӧдчана спорт сикасъяс пиысь ӧти.
Ми кужам нин нуӧдны ыджыд ордйысьӧмъяс.
И водзӧ ми кутам паськӧдны тайӧ спорт сикассӧ», — шыӧдчис спортсменъяс дорӧ Коми Республикаса Юралысь.
Тӧд вылӧ уськӧдам, Коми Республикалы 100 во тырӧмкӧд йитӧдын моз тӧлысь 19 лунӧ «Лузалес-арена» площадка вылын вӧлі Профессиональнӧй бокслы сиӧм рыт.
Ордйысьӧмъясын участвуйтысьяс пиысь ӧтиӧн лои республикаын чужлӧм морт, Россияса нимӧдана спорт мастер, Рио-де-Жанейроын Олимпийскӧй ворсӧмъясын бронзаа призёр Владимир Никитин.
Сійӧ вермис Танзанияысь Элли Мверангиӧс, аслас петкӧдчӧмӧн помаліс спортивнӧй карьерасӧ.
Водзӧ вылӧ боксёр кӧсйӧ кольччыны чужан республикаӧ да отсасьны том спортсменъяслы.
Аддзысьлӧм вылын сёрнитісны мероприятиеяс йылысь, кутшӧмъяс сетісны эськӧ позянлун петкӧдны республикаын бокссӧ выль тшупӧд вылӧ.
Тайӧ ставроссияса ордйысьӧмъяс нуӧдӧм, школаясын да спортивнӧй секцияясын мастер-классъяс да нималана спортсменъяскӧд аддзысьлӧмъяс котыртӧм.
Аддзысьлігӧн участвуйтысьяс тӧдчӧдісны, мый Коми Республикаӧ колӧ корны странаса национальнӧй командаысь вына боксёрӧс.
Татшӧм спортсменыд вермис эськӧ петкӧдлыны республикаӧс россияса да войтыркостса ордйысьӧмъяс вылын да лоны том йӧзлы туйвизьӧн.
Боксёръяс ошкисны Коми Республикаын пикӧ воӧм челядьлы спорт интернат лӧсьӧдӧм йылысь Владимир Уйбалысь водзмӧстчӧмсӧ.
Кыдзи пасйис «Санкт-Петербургын бокс серти спорт федерация» регионса ӧтйӧза организацияӧн юрнуӧдысьӧс вежысь Максим Кувачев, татшӧм мӧвпсӧ бура збыльмӧдӧма нин Санкт-Петербургын, и уджъёртъяс дасьӧсь юксьыны опытӧн, сетны отсӧг котыртан юалӧмъясын да нормативнӧй базаяс дасьтӧмын.
«Боксӧ колӧ кыскыны челядьӧс, кодъяс быдмӧны сьӧкыд семьяясын, кодъяс, найӧс кӧ не вайны спортӧ, вермасны вешйыны олан туйсьыс.
Ме пукті мог Спорт министерство водзын: кыскыны секцияясӧ, торйӧн нин боксӧ да единоборствоӧ, кыдз позьӧ унджык томуловӧс, кодъясӧс йӧз пӧвстын шуӧны «сьӧкыдъясӧн» либӧ «омӧль оласногаясӧн».
Тадз налӧн чужӧ позянлун лоны бур йӧзӧн.
Торйӧн нин ӧні, кор олӧмыс ёна вежсис.
Татшӧм здукъясӧ спортсменъяс пыр вӧлісны канмулы пыкӧдӧн.
Спортсӧ колӧ паськӧдны, сы вӧсна мый сійӧ воспитывайтӧ мортлысь ӧбича, повтӧмлун, винёвлун да героизм», — пасйис Владимир Уйба.
«Спортивно-патриотическӧй ӧтйӧза ӧтмунӧм (СПӦӦ)» спорт да патриотизм юкӧнын проектъяслы отсӧг сетан да найӧс сӧвмӧдан шӧрин» асшӧрлуна абу коммерческӧй организацияӧн веськӧдлысь Вячеслав Ванеев аттьӧаліс регионса Юралысьӧс спортлы быд боксянь отсалӧмысь, том йӧз вӧсна тӧждысьӧмысь да Профессиональнӧй бокслы сиӧм рыт котыртӧмын отсӧгысь.
«Ми эськӧ кӧсйим котыртны Владимир Никитин нима бокс серти быдвося турнир, а сідзжӧ учредитны Коми Республикаса Юралысьлӧн призъяс вылӧ турнир, кытчӧ ми вермим эськӧ кыскыны челядьӧс абу сӧмын миян республикаысь, но и орчча регионъясысь — Киров, Архангельск да Вологда обласьтъясысь.
Ӧні Коми Республика зіля отсасьӧ Ровенькилы.
Ми сідзжӧ дасьӧсь мунны сэтчӧ, нуӧдны тренировкаяс, сетны гуманитарнӧй отсӧг», — висьталіс думъяссӧ Вячеслав Ванеев.
* * *
Коми Республикаысь петӧм йӧзӧн лоӧны татшӧм нимӧдана боксёръяс, кыдзи унаысь Россияса чемпион Владимир Бурцев, Бур Вӧля Ворсӧмъясын эзысь призёр (1985 во) Владимир Балай, Атлантаын Олимпийскӧй ворсӧмъясын участвуйтысь (1996 во) Эдуард Захаров, а сідзжӧ Россияын нимӧдана спорт мастер, Рио-де-Жанейроын Олимпийскӧй ворсӧмъясын бронзаа призёр Владимир Никитин.
{Kodko @ Владимир Уйба воліс «Шаньгафест» финн-угор войтырлӧн сёян-юанлы сиӧм V фестиваль вылӧ @ выльтор @ https://rkomi.ru/news/2459 @ 2022-08-20 @}
Владимир Уйба воліс «Шаньгафест» финн-угор войтырлӧн сёян-юанлы сиӧм V фестиваль вылӧ
Коми Республика лун водзвылын, моз тӧлысь 16–21 лунъясӧ, Финн-угор этнокультурнӧй паркын нуӧдӧны сёян-юанлы сиӧм гаж, кытчӧ локтісны мукӧд регионысь пусьысь-пӧжасьысь мастеръяс.
«Шаньгафест» традиционнӧй фестиваль дырйи войтыр гажӧдчӧ моз тӧлысь 20 да 21 лунъясӧ.
Мероприятиеыс лоис гастрономия туризмын тӧдчанаторйӧн.
Тані позьӧ видлыны странаса мукӧд регионысь шеф-пӧваръясӧн лӧсьӧдӧм сёян-юан.
Коми, ижора, саамъяс, удмуртъяс да Мордовия Республикаса войтыр (эрзя да мокша) петкӧдлісны ассьыныс вӧлӧга.
Тайӧ лунъясыс петкӧдлӧны Россиялысь культура озырлунсӧ, вынсьӧдны регионъяс костын йитӧдъяссӧ.
Этнопаркын восьтӧма финн-угор войтыръяслысь рестораннӧй керкаяс, Коми кар-районъяслысь подворьеяс, вузалӧны сувениръяс да фермер прӧдукция.
Гӧсьтъясӧс гажӧдӧны Марий Элысь, Удмуртияысь, Мурманскысь, Мордовияысь да Ленинград обласьтысь творчество котыръяс.
«Нимкодь, мый миян дорӧ локтӧны странаса мукӧд регионысь.
Локтӧны радпырысь да оз ӧтчыдысь.
Тайӧ петкӧдлӧ, мый йӧзыслы тайӧ воӧ сьӧлӧм выланыс.
Миянлы тайӧ тӧдчана, ӧд «Шаньгафест» — тайӧ войтыркостса фестиваль.
Зэв уна пырӧдчысь да гӧсьт — найӧ видлӧны финн-угор войтыръяслысь сёян-юан, пусьӧны-пӧжасьӧны асьныс, пырӧдчӧны мастер-классъясӧ.
Тані паныдалӧны няньӧн-солӧн, вердӧны чӧскыд да пӧльза ваян сёянӧн.
Тайӧ зэв бур, та вӧсна «Шаньгафестлы» лоны!
Быть волӧй — асьныд ставсӧ аддзанныд да, медшӧрыс, видланныд чӧсмӧссӧ», — юксис мӧвпъясӧн Коми Республикаса Юралысь Владимир Уйба.
{Kodko @ Сыктывкарын вӧлі «Велоночь–2022» @ выльтор @ https://rkomi.ru/news/2460 @ 2022-08-21 @}
Сыктывкарын вӧлі «Велоночь–2022»
Спортивнӧй гажсӧ сиӧма Коми Республика лунсӧ пасйӧмлы.
Котыртысьяслӧн арталӧм серти, сійӧ чукӧртіс 5 сюрс гӧгӧр велосипедистӧс.
Велопробегын участвуйтіс и Коми Республикаса Юралысь Владимир Уйба.
«Регыд ми пасъям медся тӧдчана гаж — Коми Республикалысь чужан лунсӧ, сё во да сё ӧти во тырӧмсӧ.
А талун — «Велоночь», коді ставнысӧ ӧтувтӧ да козьналӧ миянлы кыпыд ловру.
Тӧда, мый талун лоас некымын рекорд — и опыта велосипедистъяс пӧвстын, и дзолюкъяс пӧвстын.
Бур туй!», — сиис Коми Республикаса Юралысь.
Котӧртны заводитісны Стефан изэрдсянь, сэсся колоннаыс муніс Ленин, Пушкин уличаясті, Сыктыв туйті, Морозов, Димитров уличаясті, Октябр шӧртуйті, Куратов, Ленин уличаясті да бӧр воис Стефан изэрд вылӧ.
Маршрутлӧн кузьтаыс — 10 километр.
Площадь вылын вӧлі сувтӧдӧма палатка, кӧні велосипедистъяс вермисны пӧльтыштны кӧлесаяссӧ либӧ донъявны, кыдзи уджалӧ велосипедныс.
Котӧртӧм бӧрын пудъялісны призъяс.
«Велоночь–2022» котыртісны «БНК» ЮА, Коми Республикаса спорт министерство да «Сыктывкар» КК МЮ администрация.
{Kodko @ Коми Республикаса Юралысь чолӧмалӧ Коми Республика артмӧдан лунӧн @ выльтор @ https://rkomi.ru/news/2461 @ 2022-08-22 @}
Коми Республикаса Юралысь чолӧмалӧ Коми Республика артмӧдан лунӧн
«Коми Республикаса пыдди пуктана олысьяс!
Коми Республикаса дона войтыр!
Сьӧлӧмсянь чолӧмала тіянӧс Коми Республика артмӧдан лунӧн!
Тайӧ миянлы ставлы ӧтув шань керка.
Налы, коді тані чужис да мам йӧлыскӧд йиджтіс коми кывлысь да культуралысь мичлунсӧ, войвыв ӧбичалысь аслыспӧлӧслунсӧ.
И налы, коді локтіс татчӧ овны да уджавны да кодлы став сьӧлӧмсяньыс мусмис тайӧ муыс.
Пӧль-пӧчьяссянь миянлы колис зэв мича му — мупытшса озырлунӧн, вӧр-ваӧн, сӧстӧм юясӧн да тыясӧн, помтӧм-дортӧм тундраӧн.
Найӧ сӧвмӧдісны промышленносьт, видз-му овмӧс, наука да социальнӧй юкӧн.
Ми гӧрдитчам сыӧн, мый найӧ вӧчисны.
Миянлы колӧ содтыны тайӧ вермӧмъяссӧ, унджык вӧчны бурсӧ, уджавны, медым Коми Республика лоис нӧшта на мичаджыкӧн, лӧсьыдджыкӧн, озырджыкӧн.
Миянлы колӧ унатор вӧчны, медым челядь вермисны гӧрдитчыны муӧн, кӧні олӧны, да радейтны сійӧс сідзжӧ, кыдзи и ми.
Миянлы колӧ сетны быдмысь войтырлы сӧвмӧм экономика да социальнӧй юкӧн, видзны традицияяслысь озырлунсӧ да войвыв вӧр-валысь мичлунсӧ.
Ме аттьӧала ставнытӧ, коді аслас уджӧн да небыд сьӧлӧмӧн зільӧ бурмӧдны чужан республикаын олӧмсӧ, вӧчны ставсӧ, медым сійӧ дзордзаліс да сӧвмис.
Дона ёртъяс!
Сиа тіянлы вермӧмъяс, повтӧг мунны водзӧ, шуд, крепыд дзоньвидзалун да тыр-бур олӧм!»
Коми Республикаса Юралысь Владимир Уйба
{Kodko @ Владимир Уйба аддзысьліс Луганскӧй Народнӧй Республикаса делегациякӧд @ выльтор @ https://rkomi.ru/news/2463 @ 2022-08-22 @}
Владимир Уйба аддзысьліс Луганскӧй Народнӧй Республикаса делегациякӧд
Сыктывкарӧ удж серти воисны Луганскӧй Народнӧй Республикаса Ровеньки карлӧн Администрация бердын Аньяслӧн сӧветӧн веськӧдлысь Ольга Орлова да Луганскӧй Народнӧй Республикаса Ровеньки карлӧн Администрация бердын Аньяслӧн сӧветӧн веськӧдлысьӧс вежысь Екатерина Рубанцова.
Талун, моз тӧлысь 22 лунӧ, Коми Республика артмӧдан лунсянь 101 во тыран лунӧ да Россия Федерацияса канму дӧрапас лунӧ, Ровеньки карса общественникъяскӧд аддзысьліс Коми Республикаса Юралысь Владимир Уйба.
Лунӧн водзджык делегация ветліс Коми Республикаса национальнӧй библиотекаӧ, Том енбияслӧн академияӧ, «ІT-cube» челядьӧс цифрӧвӧя велӧдан шӧринӧ, «Кванториум» челядьлы мобильнӧй паркӧ, Олег Кошевой нима 12 №-а шӧр школаӧ, карса шӧр библиотекаӧ, видзӧдіс «Коми бал» коми кывъя шылада спектакль синхроннӧя вуджӧдӧмӧн.
Сідзжӧ кырымалӧма Коми Республикаса аньяслӧн котыркӧд ёртасьӧм йылысь артмӧдчӧм.
«Аньяслӧн котыр — тайӧ важ да медся зіль ӧтйӧза организацияяс пиысь ӧти.
Республикаса аньяслӧн ӧтмунӧм колян во пасйис нэмӧвӧйся юбилей.
Миян водзмӧстчысь аньяслысь эм мыйӧ велӧдчыны.
Найӧ збыльмӧдісны эз ӧти проект, кодъясӧс вӧлі веськӧдӧма семьялы, мамлунлы да челядьдырлы отсӧг сетӧм вылӧ.
Эска, мый и Ровеньки карса аньяслӧн ӧтмунӧм чукӧрмӧма опыт, мый вермас отсыштны миян Аньяслӧн котырлы», — пасйис Владимир Уйба.
«Кӧсъя аттьӧавны корӧмысь да тіян муӧ волыны позянлунысь, — шыӧдчис Коми Республикаса Юралысь дорӧ Ольга Орлова.
— Ми аддзылім, кутшӧм уна уджалан нырвизьыс Аньяс котырлӧн став структуракӧд.
Тіян опытӧн ми быть кутам вӧдитчыны.
Коми Республикаысь ми локтам уна тӧдӧмлунъясӧн.
Ыджыд аттьӧ миянлысь кар дзоньталӧмӧ пуктан пайысь, миянлысь мытшӧдъяс разьӧмысь сы вылӧ видзӧдтӧг, мый тіян и асланыд тырмӧ и эм кытчӧ бырӧдны тайӧ сьӧмсӧ.
Тайӧ отсӧгыс миянлы зэв колана.
Кор Коми Республикаысь воис гуманитарнӧй груз, ми ставӧн вӧлім зэв радӧсь».
Гӧсьтъяслӧн кывъяс серти, Комиысь мӧдӧдӧм пиломатериал отсӧгӧн Ровенькиын вермисны дзоньтавны челядьлы да спорт площадкаяс, небӧгъяс отсӧгӧн — тыртны библиотекаяс.
Гуманитарнӧй отсӧг сетіс позянлун отсавны пышйысьяслы, кодъяс воисны карӧ мездмӧм обласьтъясысь.
«Ыджыд аттьӧ шоныда примитӧмысь, чолӧмалам республикалӧн Чужан лунӧн!
Ми нимкодясям тіян уджӧн, Аньяс котырлӧн уджӧн.
Тіян уна выль пыртӧмыс челядьлы да том йӧзлы.
Окота велӧдчыны тіянлысь.
Кыдз том специалист, ме вӧлі рад сёрнитыштны ыджыдджык уджъёртъяскӧд да босьтны налысь тӧдӧмлунъяссӧ», — аттьӧаліс Екатерина Рубанцова.
Кыдзи пасйис аддзысьлігӧн Коми Республикаса аньяслӧн котырӧн веськӧдлысь Галина Лапшина, республикаса аньяс зіля участвуйтісны Ровенькилы отсӧг сетан акцияясын.
Ровенькиса делегациякӧд видлалісны мытшӧдъяс, юксисны тӧдӧмлунъясӧн — шуам, петкӧдлісны, кыдзи Коми школаясын видзӧны геройяс йылысь казьтылӧм да шуисны, мый дасьӧсь нуӧдны ӧтувъя патриотическӧй акцияяс.
«Чужис мӧвп Аньяс котырлӧн веськӧдлӧм улын котыртны Ровенькиӧ социальнӧй экспедиция.
Миян эмӧсь уна сикас юкӧнса специалистъяс, кодъяс вермисны эськӧ уджавны йӧзкӧд.
Зэв тӧдчана, кор ми видлалам юалӧмъяссӧ асьным, ёрта ёртлы синмӧ видзӧдӧмӧн.
И кор Ровенькиын олысьяс аттьӧалӧны миянӧс, некодлӧн оз чуж юрас юалӧм, колӧ либӧ оз ков отсасьны тайӧ карыслы.
Миян котыр мыйӧн вермас, быть отсалас», — шуис Галина Лапшина.
Сідзжӧ талун ЛНР-са делегация участвуйтіс Россия Федерацияын Рытыв-Войвыв федеральнӧй кытшса Ёртасян керкаяслӧн Слётын, мый мунӧ тайӧ лунъясӧ Коми Республикаса войтырлӧн ёртасян керкаын.
{Kodko @ Сыктывкарын зэв ыджыд рытъя шоуӧн пасйисны Коми Республика артмӧдан лунсянь 101 во тырӧм @ выльтор @ https://rkomi.ru/news/2465 @ 2022-08-22 @}
Сыктывкарын зэв ыджыд рытъя шоуӧн пасйисны Коми Республика артмӧдан лунсянь 101 во тырӧм
Тайӧ вӧлі Степан изэрд вылын, кӧні лӧсьӧдісны 80 метр кузьта да 1000 квадратнӧй метр площадя сцена комплекс.
Регионлӧн чужан лунӧн республикаса олысьясӧс чолӧмаліс Владимир Уйба.
«Зэв тӧдчана, мый талун ми пасъям кык праздник — миян муса республикалысь Чужан лун да Россия Федерацияса канму дӧрапас лун! — шыӧдчис войтыр дорӧ Коми Республикаса Юралысь.
— Республикалӧн артман-сӧвман историяыс топыда йитчӧ миян страналӧн историякӧд.
Ми — сылӧн юкӧн, кутшӧмӧс оз позь торйӧдны.
Россиялӧн — миян ӧтувъя гортлӧн, миян ыджыд страналӧн юкӧн!
Коми — шензьӧдана, аслыспӧлӧс да зэв мича му.
Но республикалӧн меддонаторйыс — тайӧ ті — сылӧн войтыр, сюсь, енбиа, чужанін радейтысь йӧз, кодъяс быд лун асланыс уджӧн бурмӧдӧны чужанінын олӧмсӧ».
2021 воӧ Коми Республика пасйис сё во тырӧм.
Ковид вӧсна юбилей пасйӧмсӧ вуджӧдісны 2022 во вылӧ.
Котыртысьяс дасьтісны озыр гажӧдан уджтас.
Медся ыджыд мероприятие — «Коми.
Соединяя времена» рытъя шоу, кӧні петкӧдчисны россияса нималана артистъяс да музыкантъяс.
Комиын олысьясӧс чолӧмалісны Россияса нимйӧза артист Лев Лещенко, Россияса нимйӧза артистка Лариса Долина, Григорий Лепс, Ваня Дмитриенко, «Дабро» группа, Андрей Державин, «Сталкер» группа, Александр Иванов да «РОНДО» группа, «Belsuono» куим рояльлӧн шоу.
Ухтааысь Ыджыд театрын солистка Ольга Сильверстова сьыліс «Республика Коми в сердце моём» сьыланкыв. Сійӧс гижисны республикалӧн юбилей кежлӧ.
Сідзжӧ шоуын петкӧдчисны республикаса кар-районъясысь 1000 сайӧ артист, 400 сайӧ том артист, республикаын чужлӧм йӧз, кодъяс нималӧны странаын да мирын — олимпиадаясса чемпионъяс, асшӧр уджалысьяс, гижысьяс, туялысьяс.
Мероприятиесӧ нуӧдіс Россияса нимӧдана артист Александр Олешко.
Шоусӧ лӧсьӧдісны 2 во гӧгӧр, сійӧс котыртӧм вылӧ веськӧдӧма матӧ 40 млн шайт.
Дасьтысигӧн республикаса творчество котыръяс топыда уджалісны режиссёрско-постановочнӧй группакӧд да нималана артистъяскӧд, лӧсьӧдісны ӧтувъя номеръяс, уджалісны хореография серти.
Проектыс йитіс Сыктывкарысь, Ухтаысь, Кировысь, Москваысь, республикаса да странаса мукӧд карысь 300 специалистӧс.
Медводдзаысь ывласа концерт мунігчӧж ворсісны Опера да балет театрса симфоническӧй оркестр да Коми республиканскӧй филармонияса йӧзкостса инструментъяслӧн оркестр.
Юргисны кыдзи коми йӧзкостса сьыланкывъяс, классическӧй театральнӧй произведениеяс, сӧветскӧй эстрадаса шлягеръяс, сідзи и ӧнія кадся хитъяс.
Некымын тӧлысь чӧж лӧсьӧдісны 20 сайӧ композиция — хоръяслы да оркестръяслы партитураяс, гижисны своднӧй хоръяс, кутшӧмъяслӧн лыдыс овлӧ 120 мортӧдз.
Концерт дырйи петкӧдчис Ухтаын чужлӧм Валерия Верногорова, «Ты супер» телевизионнӧй шоуын участвуйтысь. Сійӧ сьыліс искусство гимназияысь челядьлӧн ӧтувтӧм хоркӧд.
Концерт помланьыс Россияса да Коми Республикаса нималана артистъяс сьылісны ӧнія коми композитор Сергей Гусевлысь «Республика моя» сьыланкыв.
Оркестръяслысь шысӧ мыйкӧ мында выльмӧдӧма саунд-дизайн отсӧгӧн, мый лӧсьӧдіс нималана композитор да аранжировщик Роман Пономаренко.
Сійӧ босьтіс Муз ТВ-сянь «Вося альбом» премия, лӧсьӧдіс аранжировкаяс, кутшӧмъясӧн Россия петкӧдчыліс Евровидение вылын, уджаліс Сергей Лазаревкӧд, Турецкийлӧн Сопранокӧд, Комиын сійӧс тӧдӧны нин кыдзи «Коми мулӧн легендаясса» композиторӧс да аранжировщикӧс.
Йӧктан уджтасӧ пырисны «Асъя кыа» канму ансамбльлӧн номеръяс, Коми Республикаса опера да балет театрлӧн медся нималана произведениеясысь юкӧнъяс, а сідзжӧ выль номеръяс, кӧні тшӧтш петкӧдчисны Коми Республика пасьталаысь уна йӧза сценаясса артистъяс.
Шоу кежлӧ лӧсьӧдӧма 20 сайӧ постановка.
Быд эпизодын шӧркодя петкӧдчис 200 сайӧ артист.
Постановка серти уджалісны корӧм хореографъяс: Ульяна Бачерникова — балетмейстер, Москваса драмаа да шылада театръясын пластика серти режиссёр, Кремлёвскӧй ёлкалӧн, Санкт-Петербургын «Алые паруса» фестивальлӧн медшӧр балетмейстер да Роман Андрейкин — балетмейстер, Москваса драмаа да шылада театръясын пластика серти режиссёр, «Зарни Маска» премияа лауреат.
Быд сикас визуальнӧй искусствоын зільысьяс лӧсьӧдісны быд номер дорӧ интерактивнӧй декорацияяс.
3D, шейпӧвӧй да классическӧй анимация, моушен-графика отсӧгӧн зрительяслы петкӧдлісны Урал, кар-грездъяс, республикаса аслыспӧлӧс инъяс.
Зрительяс аддзылісны выль сикас техническӧй мӧвпъяс да спецэффектъяс — тшын петӧм, криоэффектъяс да «ловъя» би.
Коми Республикаса архивъясысь, Госфильмфондысь, республикаса муниципалитетъяслӧн архивъясысь фото— да видео материалъяс подув вылын петкӧдлісны регионса историяын медшӧр лоӧмторъяс, миян йӧзлысь уджын да спортын вермӧмъяс, нималанторъяс, социальнӧй объектъяс да лоӧмторъяслы сиӧм мероприятиеяс.
Концерт котыртігӧн вӧдитчисны Коми Республикаса художник-этнофутурист, кодӧс тӧдӧны и регионысь бокын, Юрий Лисовскийлӧн да мукӧд том художниклӧн уджъясӧн.
Сцена вылын лӧсьӧдӧма оркестръяслы торъя жыръяс.
350 кв. м сайӧ ыджда экран пыр петкӧдлісны быд номер дорӧ интерактивнӧй оформление.
Вӧлі лӧсьӧдӧма содтӧд экранъяс, медым концертыс тыдаліс ылісянь.
Шоу велӧдӧ томуловӧс радейтны чужан му, видзны сылысь история да традицияяс, пыдди пуктыны вермӧмъяс да ышӧдӧ сӧвмыны да сӧвмӧдны республиканымӧс.
Видзӧдысьяс тшӧтш пырӧдчисны ыджыд историческӧй лоӧмторйӧ.
«Мортлы кӧ 101 арӧс — тайӧ ыджыд арлыд, а республикалы — выль сё волы старт.
Республиканым том да мича, чӧжӧм опыт вылӧ мыджсьӧмӧн, повтӧг видзӧдӧ водзӧ.
Такӧд ӧттшӧтш ми тӧдам, мый Аймулӧн медбур пиян, тшӧтш и Коми Республикаысь боечьяс, отсалӧн Украинаса войтырлы, дорйӧны Россиялысь интересъяссӧ.
Ми ӧти войтыр, ми ӧтув да ас йӧзӧс огӧ кольӧй.
Ми вермам!
Праздникӧн!», — шуис сёрни помын Владимир Уйба.
{Kodko @ Ас войтырӧс огӧ эновтӧй: Владимир Уйба воліс удж серти Луганскӧй Народнӧй Республикаса Ровеньки карӧ @ выльтор @ https://rkomi.ru/news/2469 @ 2022-08-24 @}
Ас войтырӧс огӧ эновтӧй: Владимир Уйба воліс удж серти Луганскӧй Народнӧй Республикаса Ровеньки карӧ
Моз тӧлысь 24 лунӧ Коми Республикаса Юралысь тӧдмасис, кыдзи дасьтӧны выль ломтысян кадколаст кежлӧ оланін да коммунальнӧй инфраструктура да социальнӧй юкӧнса объектъяс.
Тӧд вылӧ уськӧдам, Коми Республика участвуйтӧ отсӧг сетан ыджыд федеральнӧй уджтасын, кор Россияса регионъяс отсасьӧны ЛНР-са да ДНР-са кар-районъяслы, кутшӧмъяс веськалісны украинаса неонацистъяслӧн лыйсьӧм улӧ.
Ровеньки карса администрациякӧд ёртасьӧм йылысь артмӧдчӧм серти Коми Республика отсасьӧ луганскӧй муниципалитетлы дасьтысьны тӧв да выль велӧдчан во кежлӧ.
Бӧрйӧма коммунальнӧй инфраструктура объектъяслысь лыддьӧг, кодъяс вылын уджалӧны Коми Республикаса специалистъяс: отсалана мутасӧ ыстӧма квайт стрӧитчан бригада.
Сідзжӧ уджъяссӧ ӧддзӧдӧм могысь корӧма Липецк обласьтысь, Москваысь, Крымысь стрӧитчысьясӧс.
Вайӧма карын шоныд сетан объектъяс вылын дзоньтасян-лӧсьӧдан уджъяс вылӧ колана оборудование да материалъяс.
Сора тӧлысь шӧрсянь заводитісны дасьтыны котельнӧйяс, нюжӧдны трубопроводъяс, лӧсьӧдны фильтръяс, котёлъяс да теплообменникъяс.
Сідзжӧ Ровенькиын дзоньталӧны школа, куим детсад, больничаяс да поликлиникаяс.
Сідз, Л. Г. Шевцова нима Ровенькиса 9 №-а школаын водзӧ капитальнӧя дзоньталӧны вевт, вежлалӧны ӧшинь да ӧдзӧс блокъяс.
Школа дорысь нуӧны стрӧитчан ёгсӧ.
Уджлӧн быд этап мунӧ ӧдйӧ да бура.
Локтан воӧ кӧсйӧны пыртны уджӧ выль, модульнӧй котельнӧй.
Коми Республика отсасьӧ и Ровенькилӧн коммунальнӧй предприятиеяслы.
Тӧрыт вайисны ва кыскалысь кык машина, талун карлы сетісны асфальтнӧй каток.
Кӧч тӧлысьӧ кӧсйӧны дзоньтавны путепроводлысь туй веркӧссӧ и Коммунистическӧй улича вылын.
Сідзжӧ талун, моз тӧлысь 24 лунӧ, Сыктывкарсянь Ровенькиӧ ыстісны гуманитарнӧй груз: стрӧитчан материалъяс, велӧдчан литература, школьнӧй рюкзакъяс канцелярияӧн, медикаментъяс, электрическӧй тӧваръяс да пӧжарнӧй инвентар.
Коми Республикаса Юралысь Владимир Уйбалӧн локтан лунӧ Ровеньки карӧ веськалӧма украинаса неонацистъясӧн лэдзӧм «Точка У» ракета.
Лыйлӧм вӧсна куліны йӧз, жугалісны административнӧй стрӧйбаяс да производственнӧй жыръяс.
«ЛНР-ын да ДНР-ын олысьяслы ӧні колӧ Россиясянь отсӧг да дорйӧм.
Коми Республика ас войтырӧс оз эновт.
Ми водзӧ кутам отсавны да дорйыны соотечественникъяснымӧс.
И ми быть бӧр бергӧдам Донбассӧ мирнӧй олӧм», — кывкӧрталіс Владимир Уйба.
{Kodko @ «Ростелеком» могмӧдас мобильнӧй связьӧн Коми Республикаысь нӧшта кык олан пункт @ выльтор @ https://rkomi.ru/news/2471 @ 2022-08-25 @}
«Ростелеком» могмӧдас мобильнӧй связьӧн Коми Республикаысь нӧшта кык олан пункт
Сотӧвӧй связьлысь базӧвӧй станцияяссӧ сувтӧдасны Луздор районса Прокопьевка сиктын — республикаын медся лунвыв олан пунктын (Сыктывкарсянь 312 км), а сідзжӧ Емдін районса Ильяшор посёлокын, коді сулалӧ регионса шӧринсянь 108 км ылнаын.
Ӧнія кадӧдз ни Прокопьевкаын, ни Ильяшорын абу мобильнӧй связь.
Владимир Уйба шыӧдчис Россияса цифра отсӧгӧн сӧвмӧдан министерствоӧ корӧмӧн пыртны тайӧ олан пунктъяссӧ «Цифрӧвӧй торъялӧм бырӧдӧм» федеральнӧй проектӧ.
Коми Республикаса Юралысьлысь вӧзйӧмсӧ ошкисны.
2022 вося моз тӧлысьӧ «Цифрӧвӧй торъялӧм бырӧдӧм» (ЦТБ 2.0) федеральнӧй проектлӧн мӧд тшупӧд серти «Ростелеком» босьтчис стрӧитны Коми Республикаын сотӧвӧй связьлысь кык выль базӧвӧй станция.
Сійӧ збыльмӧдсьӧ Россия Федерацияса цифра отсӧгӧн сӧвмӧдан, йитӧд да юӧр сетан министерстволӧн заказ серти.
Проектын уджалӧ Tele2 оператор («Ростелекомлӧн» компания).
ЦТБ 2.0 серти ӧнія мобильнӧй связь, тэрыб ӧтуввез лоӧ ичӧт олан пунктъясын, кӧні олӧ 100–500 морт.
«Цифрӧвӧй торъялӧм бырӧдӧм» федеральнӧй проектлӧн мӧд тшупӧдыс водзӧ пӧртсьӧ олӧмӧ, и ми вочасӧн цифровизируйтам республикаысь унджык олан пункт.
Тайӧ колана прӧстӧй йӧзлы, предпринимательство сӧвмӧдӧм вылӧ, социальнӧй юкӧнын уджлы», — пасйис Коми Республикаса Юралысь Владимир Уйба.
«Контракт серти компаниялы колӧ помавны уджъяссӧ вӧльгым тӧлысь 15 лунӧдз.
Но миянлы гӧгӧрвоана, кутшӧм ёна йӧзыс виччысьӧны тайӧс.
Та вӧсна ми пуктім ас водзӧ мог вӧчны ставсӧ кӧч тӧлысьӧ нин.
Базӧвӧй станцияяс уджӧ пыртӧм бӧрын йӧзыслӧн лоас позянлун вӧдитчыны ӧнія мобильнӧй связьӧн, и, дерт жӧ, тэрыб ӧтуввезйӧн.
Цифрӧвӧй мирӧ туйыс налы лоӧ восьса», — гӧгӧрвоӧдіс «Ростелеком» йӧзлы восьса акционер котырлӧн Коми филиалса директор Сергей Лобанов.
{Kodko @ Сыктывкарӧ локтіс Беларусь Республикаса Гродно обласьтысь делегация @ выльтор @ https://rkomi.ru/news/2473 @ 2022-08-26 @}
Сыктывкарӧ локтіс Беларусь Республикаса Гродно обласьтысь делегация
Коми Республикаса Юралысь Владимир Уйбалӧн тшӧктӧм серти гӧсьтъясӧс чолӧмаліс Коми Республикаса Веськӧдлан котырӧн Юрнуӧдысьӧс вежысь — Коми Республикаса сьӧм овмӧс министр Владимир Казаков.
Делегацияӧн юрнуӧдӧ Гродно обласьтса олӧмӧ пӧртысь комитетӧн веськӧдлысь Владимир Караник (Беларусь Республика).
Сідзжӧ сэтчӧ пырӧны — Белоруссияысь власьт органъясӧс, гырысь промышленнӧй да пищевӧй предприятиеясӧс, наука да велӧдан учреждениеясӧс петкӧдлысьяс.
Владимир Казаков да Владимир Караник казьтыштісны Айму дорйигӧн усьӧмаясӧс, пуктісны дзоридзьяс «Куслытӧм слава» мемориал да Сыктывкарын воин-интернационалистъяслы памятник дорӧ.
Сідзжӧ Белоруссияысь делегация удж серти аддзысьліс Коми Республикаса бизнес-котырӧс петкӧдлысьяскӧд, воліс Россияса наукаяс академиялӧн Урал юкӧнса Коми наука шӧринын Академик Н. П. Юшкин нима геология институтӧ, Коми Республикаса ёртасян керкаӧ.
Волігӧн белоруссияса Гродно обласьтысь делегация тӧдмасяс республикаса гырысь промышленнӧй предприятиеяслӧн уджкӧд, пырӧдчас Коми Республика да Беларусь Республика костын ёртасьӧм серти Уджалан группалӧн витӧд заседаниеӧ, волас «Войвывлӧн озырлун–2022» выставка вылӧ, ветлас культура, спорт, туризм учреждениеясӧ да объектъясӧ.
{Kodko @ Гродно обласьт дась быд боксянь ӧтув уджавны Коми Республикакӧд @ выльтор @ https://rkomi.ru/news/2474 @ 2022-08-26 @}
Гродно обласьт дась быд боксянь ӧтув уджавны Коми Республикакӧд
Коми Республикаса Юралысьлӧн Администрацияын нуӧдісны Коми Республика (Россия Федерация) да Беларусь Республика костын ёртасьӧм серти уджалан группалысь витӧд заседание.
Коми Республикаса Веськӧдлан котырӧн Юрнуӧдысьӧс вежысь — Коми Республикаса сьӧм овмӧс министр Владимир Казаков пасйис, мый ӧтувъя уджыс мунӧ некымын нырвизь серти.
Сідзжӧ ӧтув уджалӧны и каръяс: Сыктывкар — Могилев, Ухта — Гродно.
«Геополитика боксянь сьӧкыдлунъяс дырйи торйӧн нин колӧ ӧтув уджавны, медсясӧ нин экономика юкӧнын.
Ми сідзжӧ кӧсъям сӧвмӧдны мукӧд юкӧнъясын йитӧдъяссӧ», — тӧдчӧдіс Владимир Казаков.
Гродно обласьтса олӧмӧ пӧртан комитетӧн веськӧдлысь Владимир Караник висьталіс ӧта-мӧдкӧд вузасьӧм йылысь.
Белоруссияӧ Комиысь нуӧдны вӧр да целлюлозно-бумажнӧй промышленносьтса прӧдукция.
Белоруссияӧ Комиысь — химическӧй волокно, лакъяс, краскаяс, мотора да транспорт средствояс, мукӧдтор.
«Миян мог — отсавны бизнеслы кыдз позьӧ ӧдйӧджык вермыны ортсыса мытшӧдъяс да зумыда сӧвмыны.
Та могысь колӧ бурмӧдны миян республикаяс костын вузасян-экономика йитӧдъяссӧ», — шуис Владимир Караник.
Уджалан группа пасйис, мый кыкнан канмулы кивыв сӧвмӧдны вузасян-экономика, научно-техническӧй да социально-культурнӧй юкӧнъясын йитӧдъяссӧ.
Кӧсйӧны водзӧ ӧтув уджавны экономика, инвестиция удж, промышленносьт, видз-му овмӧс, культура, наука да велӧдӧм, спорт да туризм юкӧнъясын.
Талун Коми Республикаса вузасян-промышленнӧй палатаын контактно-кооперационнӧй биржа дырйи тӧдмӧдісны белоруссияса компанияясӧн, котыртісны сёрнитчан площадкаяс.
Белоруссияысь делегациясӧ нуӧдлісны тӧдмасьны предприятиеясӧн, велӧдан организацияясӧн.
Сідзжӧ Гродно обласьтысь делегация ветлас «Войвывлӧн озырлун–2022» выставка вылӧ. Сійӧ лоас моз тӧлысь 27 лунӧ Сыктывкарын «Июнь» вузасян-гажӧдчан шӧринын.
Уджалан группалӧн квайтӧд заседаниеыс лоас 2023 воӧ Гродно обласьтын.
* * *
Коми Республикаса Веськӧдлан котыр (Россия Федерация) да Беларусь Республикаса Веськӧдлан котыр костын вузасян-экономика, научно-техническӧй да социально-культурнӧй юкӧнын ӧтув уджалӧм йылысь артмӧдчӧмсӧ кырымалӧма 2020 вося кӧч тӧлысьын.
2015 вося кӧч тӧлысьын кырымалӧма Коми Республикаса Веськӧдлан котыр да Беларусь Республикалӧн Гродно обласьтса олӧмӧ пӧртысь комитет костын артмӧдчӧм.
2016 воын котыртӧма ёртасьӧм серти ӧтув уджалан группа.
{Kodko @ Коми Республикаса Юралысь чолӧмалӧ Шахтёр лунӧн @ выльтор @ https://rkomi.ru/news/2475 @ 2022-08-28 @}
Коми Республикаса Юралысь чолӧмалӧ Шахтёр лунӧн
«Коми Республикаын пыдди пуктана олысьяс!
Дона горнякъяс!
Отрасльяса ветеранъяс!
Чолӧмала тіянӧс Шахтёр лунӧн!
Шахтёръяслысь уджсӧ да странанымӧс сӧвмӧдӧмӧ горнякъяслысь пайсӧ пыдди пуктӧмӧн 75 во сайын шуисны пасйыны тайӧ гажсӧ.
Республикалы тайӧ гажыс зэв тӧдчана.
Комиын медводдза тонна из шомсӧ перйисны нин 90 во сайын Еджыдкырта рудникысь.
Печораса из шом бассейнын месторождениеяс тӧдмалӧмсянь миян войвыв муын ыджыд ӧдӧн кутіс мунны индустриализация, стрӧитчыны Воркута да Инта каръяс.
Сэк жӧ, 1932-ӧд воын, восьтісны Ярегаса месторождение, кӧні мусирсӧ перйӧны шахтаясын моз.
Шахтёръяс — тайӧ йӧз, кодъяс сьӧлӧмсяньныс радейтӧны бӧрйӧм уджнысӧ, асьнысӧ жалиттӧг да став вынсӧ пуктӧмӧн вӧчисны ставсӧ, медым ӧні Коми Республика вермис сӧвмыны.
Аттьӧ кывкутӧмысь, сьӧкыд уджсӧ бура тӧдӧмысь да вӧчӧмысь. Буретш сы отсӧгӧн сӧвмӧ да тыр-бура олӧ оз сӧмын войвыв регионным, но и ставнас Россияным.
Ыджыд аттьӧ — ветеранъяслы, кодъяс сӧвмӧдісны республикалысь из шом перъян юкӧнсӧ, пуктісны подув горнякъяслӧн традицияяслы.
Пыдди пуктана шахтёръяс!
Сиа тіянлы аварияястӧм сменаяс, уджын выль вермӧмъяс, тіянлы да семьяясныдлы крепыд дзоньвидзалун, тыр-бур олӧм!»
Коми Республикаса Юралысь Владимир Уйба
{Kodko @ Ровеньки карса мэр Андрей Рубанцов чолӧмаліс Комиын олысьясӧс Шахтёр лунӧн @ выльтор @ https://rkomi.ru/news/2476 @ 2022-08-28 @}
Ровеньки карса мэр Андрей Рубанцов чолӧмаліс Комиын олысьясӧс Шахтёр лунӧн
Коми Республикаса Юралысь Владимир Уйбалы Луганскӧй Народнӧй Республикаысь воис чолӧмалан телеграмма.
«Шахтёръяслӧн уджыс мирнӧй уджсикасъясысь медся героическӧй. Тайӧ юкӧнса специалистъяс аслас быдлунся уджӧн могмӧдӧны миллион йӧзлысь тыр-бур олӧмсӧ.
Из шом перйысьяслысь да горнякъяслысь сьӧкыд уджсӧ оз быдӧн вермыны вӧчны.
Колӧ лоны ёнӧн да чорыд характераӧн, бура тӧдны да сьӧлӧмсянь радейтны бӧрйӧм уджсӧ.
Тіян отсӧгӧн кар— посёлокъясын эм шоныд да би, уджалӧны фабрикаяс да заводъяс.
Из шом перъян промышленносьтын пыдди пуктана уджалысьяс!
Ми пыдди пуктам тіянӧс да зэв вылӧ донъялам уджныдтӧ!
Мед вӧлі тыр-бур олӧм, уджын эз вӧвны аварияяс, мед пыр тіянлы мойвиис!
Мед сьӧлӧмыд радліс, а мӧвпъясныд корисны пӧртны олӧмӧ выль могъяс!
Тіян быть ставыс артмас!
Праздникӧн!» — гижӧма чолӧмалӧмын.
{Kodko @ Владимир Уйба туйдӧдіс Войвыв флотлӧн берегвывса войскаяслӧн «Коми» стрелкӧвӧй ротасӧ пуктӧм могъяс олӧмӧ пӧртӧмын @ выльтор @ https://rkomi.ru/news/2478 @ 2022-08-30 @}
Владимир Уйба туйдӧдіс Войвыв флотлӧн берегвывса войскаяслӧн «Коми» стрелкӧвӧй ротасӧ пуктӧм могъяс олӧмӧ пӧртӧмын
Мурманск обласьтса Североморск–1 аэродромын кыпыд церемония дырйи туйдӧдісны Войвыв флотлӧн берегвывса войскаяслӧн военнослужащӧйясӧс, кодъясӧс дасьтӧма торъя военнӧй операцияын участвуйтіг кежлӧ.
«Коми» рота водзын, кӧні служитӧны ёнджыкасӧ сӧмын Комиысь военнослужащӧйяс, сёрнитісны Коми Республикаса Юралысь Владимир Уйба да Войвыв флотса командующӧй Россияса Герой адмирал Александр Моисеев.
Найӧ сиисны салдатъяслы да налӧн командиръяслы повтӧг пӧртны олӧмӧ пуктӧм могъяссӧ, вермыны вӧрӧгсӧ, локны гортӧ ловйӧн да дзоньвидзаӧн.
Коми Республикаса Юралысь Владимир Уйба локтіс Мурманск обласьтӧ, медым колльӧдны регионысь подразделениесӧ торъя военнӧй операцияын участвуйтӧм вылӧ, да аттьӧаліс военнослужащӧйясӧс воинъяслысь мог повтӧг олӧмӧ пӧртны дасьлунысь.
«Талун ті вӧчинныд тӧдчана да повтӧм воськов.
Аски тіян лоӧ нин дзик мӧд, боевӧй, сьӧкыд олӧм.
abu
Эскӧй, мый Коми Республика да став страна пыдди пуктӧ тіянӧс.
Коми Республикаса Веськӧдлан котыр вӧчас ставсӧ, медым могмӧдны тіянлы, рӧдвужныдлы да матыссаясныдлы тыл.
Воюйтӧй повтӧг, кыдз коркӧ воюйтлісны миян батьяс, пӧльяс, прадедъяс.
Вермӧмӧн воӧй бӧр.
Ми тіянӧс виччысям», — шуис Владимир Уйба.
Коми Республикаса Юралысь эскӧ, мый Войвыв флотлӧн берегвывса войскаяслӧн подразделениеяс лыдысь ӧтилы «Коми» почёт ним сетӧмӧн военнослужащӧйяс пыр кутасны кывны землякъяслысь отсӧгсӧ, служитігӧн лоасны ёртъясыскӧд ӧтлаын, да кӧсйысис могмӧдны налы да налӧн семьяяслы зумыд тыл.
«Коми» стрелкӧвӧй ротасӧ дасьтісны Войвыв флотса военнослужащӧйяслысь Донбассын да Украинаын торъя военнӧй операция дырйи босьтӧм опытсӧ, а сідзжӧ могъяс олӧмӧ пӧртан аслыспӧлӧслунсӧ тӧд вылын кутӧмӧн.
Фотоыс Сергей Ещенколӧн да Войвыв флотса пресс-службалӧн
{Kodko @ Владимир Уйба юкӧ шогсӧ Виктор Егорович Напалковлӧн рӧдвужыскӧд да матыссаясыскӧд @ выльтор @ https://rkomi.ru/news/2480 @ 2022-08-30 @}
Владимир Уйба юкӧ шогсӧ Виктор Егорович Напалковлӧн рӧдвужыскӧд да матыссаясыскӧд
«Коми Республикалы тайӧ ыджыд шог.
Талун, 2022 вося моз тӧлысь 30 лунӧ, кувсис Коми Республикаса нимйӧза гижысь Виктор Егорович Напалков. Сылы эськӧ тырис 85 арӧс.
Виктор Егорович 35 во уджаліс коми журналистикаын, вӧлі районса газетъясын, «Би кинь» да «Войвыв кодзув» журналъясын кывкутысь секретарӧн, радиоын да телевидениеын редакторӧн.
В. Е. Напалковлысь медводдза кывбурсӧ йӧзӧдлісны 1956 воын Кулӧмдін районса газетын, а медводдза повесьтсӧ — 1974 воын «Войвыв кодзув» журналын.
Сійӧ комиӧдліс уна поэтлысь, тшӧтш и Сергей Александрович Есенинлысь, кывбуръяссӧ.
Виктор Егорович водзмӧстчис республикалӧн ӧтйӧза олӧмын.
Чужан Джеджим грездын восьтіс библиотека-музей.
Виктор Егорович Напалков — СССР-са журналистъяслӧн котырӧ, Россияса гижысь котырӧ пырысь, Коми Республикаса нимӧдана уджалысь.
2018 воын В. Е. Напалковлы сетӧма «Коми Республикаса нимйӧза гижысь» почёт ним.
Юка курыд шогсӧ Виктор Егорович Напалковлӧн рӧдвужыскӧд да матыссаясыскӧд.
Сы йылысь паметьыс пыр кежлӧ кольӧ миян сьӧлӧманым.
Шогся тіянкӧд ӧтлаын».
Коми Республикаса Юралысь В. В. Уйба
{Kodko @ Владимир Уйба нуӧдіс Коми Республикаын терроризмлы паныд удж нуӧдысь комиссиялысь да оперативнӧй штаблысь ӧтувъя заседание @ выльтор @ https://rkomi.ru/news/2481 @ 2022-08-30 @}
Владимир Уйба нуӧдіс Коми Республикаын терроризмлы паныд удж нуӧдысь комиссиялысь да оперативнӧй штаблысь ӧтувъя заседание
Заседание дырйи видлалісны регионын олысьяслысь безопасносьтсӧ могмӧдӧм йылысь юалӧмъяс.
Ӧтувъя гӧлӧсуйтан лун кежлӧ дасьтысигӧн да сійӧс нуӧдігӧн безопасносьтсӧ могмӧдӧм йылысь докладъясӧн сёрнитісны Коми Республикалӧн бӧрйысян комиссияса секретар Татьяна Тимофеева, Коми Республикаын пытшкӧс делӧяс министр Андрей Сицский, Росгвардиялӧн Коми Республикаын веськӧдланінса начальник Алексей Ходоров, Россияса МЧС Коми Республикаын медшӧр веськӧдланінса начальниклысь могъяс недыр кад кад чӧж олӧмӧ пӧртысь Олег Нецкий.
«2022 вося кӧч тӧлысь 11 лунӧ республикаын лоӧны меставывса асвеськӧдлан органъясӧ бӧрйысьӧмъяс.
Миян ӧтувъя могным — вӧчны ставсӧ, медым йӧзыс вермисны волыны бӧрйысьӧмъяс вылӧ, медым та дырйи вӧлі кутчысьӧма оланпастэчаслӧн став нормаясӧ», — юӧртіс Коми Республикаса Юралысь Владимир Уйба.
Коми Республикаса Юралысьлӧн Администрацияӧн Юрнуӧдысь Дмитрий Самоваров юӧртіс, кыдзи бурмӧдӧны уджсикасын тӧдӧмлунсӧ канму власьт органъясын уджалысьяс, кодъяс кывкутӧны терроризмкӧд водзсасян юкӧнын мероприятиеяс збыльмӧдӧм вӧсна.
Коми Республикаса велӧдан, наука да том йӧз политика министрӧс вежысь Александр Пасечник юӧртіс сы йылысь, кутшӧм удж нуӧдӧны 2022–2023 выль велӧдчан во заводитчигӧн велӧдан объектъяссӧ терроризмысь видзӧм серти.
Заседание дырйи кывзісны Коми Республикаса пытшкӧс делӧяс министр Андрей Сицскийлысь республикаын оланпас торкалӧмӧн ӧружьеӧн вӧдитчан юкӧнын мыж вӧчӧмъясысь ӧлӧдан да найӧс дугӧдан мероприятиеяс нуӧдӧм йылысь доклад.
Коми Республикаын вылыс тшупӧда велӧдчанінъясса студентъяс пӧвстын терроризм идеологияысь ӧлӧдан удж котыртӧм йылысь докладъясӧн сёрнитісны Питирим Сорокин нима Сыктывкарса канму университетысь ректор Ольга Сотникова да Ухтаса канму техническӧй университетысь безопасносьт серти проректор Владимир Якимов.
{Kodko @ Владимир Уйба видзӧдліс, кыдзи Чилимдін сиктын кыпӧдӧны бурдӧдчан корпус @ выльтор @ https://rkomi.ru/news/2484 @ 2022-08-31 @}
Владимир Уйба видзӧдліс, кыдзи Чилимдін сиктын кыпӧдӧны бурдӧдчан корпус
Проектсӧ пыртӧма Коми Республикалӧн адреснӧй инвестиция уджтасӧ да сьӧмсӧ сетӧны федеральнӧй да регионса сьӧмкудъясысь.
«Проект збыльмӧдӧм вылӧ веськӧдӧма нин матӧ 200 миллион шайт.
Пӧдрадчиклы тшӧктісны, медым уджыс эз сулав, медым объект вылын уджалысьыс вӧлі тырмымӧн, медым кӧдздӧдтӧдзыс вайисны став колана материалсӧ да оборудованиесӧ.
Сетӧм сьӧмсӧ колӧ видзны во помӧдз», — гӧгӧрвоӧдіс Коми Республикаса Юралысь.
Объектсӧ пӧртӧны олӧмӧ «Йӧзлысь дзоньвидзалун видзан юкӧнлысь первичнӧй звено ӧнъяӧдӧм» регионса уджтас серти.
Бурдӧдчан корпуссӧ заводитісны кыпӧдны 2022 воын.
Контракт серти уджъяссӧ помаласны 2023 вося сора тӧлысь помын.
Площадка вылын тувъялісны сваяяс да пуктӧма фундамент став объект улӧ, помалісны сувтӧдны бурдӧдчан корпусса стенъяслысь фундамент блокъяссӧ да тэчисны пӧдвалсӧ кирпичысь, лӧсьӧдісны пӧжарнӧй водоёмлысь подувсӧ.
Регыд нин помаласны вӧчны цоколь судтаяскостса джодж-йирксӧ.
Пӧдрадчик закажитӧма ва сӧстӧммӧдан сооружениеяс, котельнӧйлысь модуль, кислороднӧй станция.
Стройплощадка вылӧ вайӧны цемент, кирпич да бетоннӧй плитаяс.
Каменщикъяс заводитісны лӧсьӧдны медводдза судтаын вежӧсъяс, тэчны кирпичысь стенъяссӧ.
Пӧдрадчиклӧн могыс — выль воӧдз тэчны стрӧйбалысь нёль судтасӧ кирпичысь.
Матысса кадӧ уджалысьяс заводитасны нюжӧдны ортсыса везъяс.
Выль бурдӧдчан корпусын лоӧны регыдъя медицина отсӧг сетан юкӧн, терапия да хирургия юкӧнъяс, интенсивнӧй терапия палата, физиотерапевтическӧй кабинетъяс, клиническӧй лаборатория.
{Kodko @ Коми Республикаса Юралысь чолӧмалӧ Тӧдӧмлунъяс лунӧн @ выльтор @ https://rkomi.ru/news/2485 @ 2022-09-01 @}
Коми Республикаса Юралысь чолӧмалӧ Тӧдӧмлунъяс лунӧн
«Республикаса пыдди пуктана олысьяс!
Дона велӧдысьяс да бать-мам, детсадса челядь, школьникъяс да студентъяс!
Чолӧмала Тӧдӧмлунъяс лунӧн да выль велӧдчан во заводитчӧмӧн.
Тайӧ лунсӧ сиӧма налы, кодъяс олӧм чӧжныс зільӧны тӧдмавны выльтор, кодъяс быд лун дасьӧсь мунны тӧдӧмлун туйӧд.
Тайӧ туйыс заводитчӧ детсадсянь да школасянь.
Кагульничаяс да велӧдысьяс ышӧдӧны челядьӧс велӧдчыны, тӧдмавны выльтор.
Сэсся преподавательяс да наставникъяс велӧдӧны уджсикасӧ.
Верстьӧ йӧзлӧн могыс — абу сӧмын велӧдны быдмысь челядьӧс, но и отсавны восьтыны налы енбинысӧ да бӧрйыны олан туй.
Ми кӧсъям лӧсьӧдны республикаын бур условиеяс, медым челядь велӧдчисны, босьтісны бур тӧдӧмлунъяс.
Кыпӧдам школаӧдз велӧдан выль учреждениеяс, выльмӧдам шылада да спорт школаяслысь база, восьтам выль технопаркъяс да «Точка роста» велӧдан шӧринъяс, лӧсьӧдам лабораторияяс да мастерскӧйяс, медым быдӧн вермис аддзыны ассьыс туйсӧ.
Таво республикаса детсадъясӧ мунас 51 сюрс сайӧ дзолюк, школаясӧ — 101 сюрс сайӧ велӧдчысь, шӧр да вылыс тшупӧда велӧдчанінъясӧ — 31 сюрс сайӧ студент.
Сьӧлӧмсянь сиа ставныдлы, медым тайӧ велӧдчан воыс ваяс тіянлы выль вермӧмъяс!»
abu
Коми Республикаса Юралысь Владимир Уйба
{Kodko @ Коми Республикаса Юралысь чолӧмалӧ регионса Прокуратура артмӧмсянь 100 во тырӧмӧн @ выльтор @ https://rkomi.ru/news/2488 @ 2022-09-01 @}
Коми Республикаса Юралысь чолӧмалӧ регионса Прокуратура артмӧмсянь 100 во тырӧмӧн
«Коми Республикаса Прокуратураын пыдди пуктана уджалысьяс да ветеранъяс!
Чолӧмала тіянӧс тӧдчана пасӧн — Коми Республикаса Прокуратура артмӧмсянь 100 во тырӧмӧн!
Коми Республикаса прокуратура — Россияса прокуратура органъяслӧн бура уджалысь системаын зумыд юкӧнъяс пиысь ӧти.
100 во чӧж нин тіян ведомство бура дорйӧ регионса йӧзлысь инӧдъяссӧ.
Прокуратуралӧн дӧзьӧр отсалӧ кутчысьны инӧда пӧрадокӧ да оланпаслунӧ.
Республикаса войтыр эскӧны тіянлы.
Ті бура тӧданныд да кывкутӧмӧн пӧртанныд олӧмӧ служебнӧй могъяс.
Аттьӧала тіянӧс ассьыныд уджныдтӧ бура вӧчӧмысь.
Ыджыд аттьӧ — ветеранъяслы, кодъяс пуктісны подув ведомстволӧн традицияяслы да юксьӧны том уджалысьяскӧд тӧдӧмлунӧн да кужӧмлунӧн.
Сиа тіянлы крепыд дзоньвидзалун, шуд, тыр-бур олӧм, Россиялы да Коми Республикалы бур вылӧ уджын вермӧмъяс!»
Коми Республикаса Юралысь В. В. Уйба
{Kodko @ Владимир Уйба чолӧмаліс Мӧскашор сиктса школьникъясӧс, налысь бать-мамсӧ да велӧдысьяссӧ Тӧдӧмлунъяс лунӧн @ выльтор @ https://rkomi.ru/news/2489 @ 2022-09-01 @}
Владимир Уйба чолӧмаліс Мӧскашор сиктса школьникъясӧс, налысь бать-мамсӧ да велӧдысьяссӧ Тӧдӧмлунъяс лунӧн
Коми Республикаса Юралысь удж серти воліс Чилимдін районӧ да участвуйтіс кадетъяслӧн сиктса школаын кыпыд линейкаын.
«Тӧдӧмлунъяс луныс ставлысь вӧрзьӧдӧ сьӧлӧмсӧ.
Челядьлӧн тайӧ лунӧ чужӧ уна выль сьӧлӧмкылӧм тшӧтшъяясыскӧд аддзысигӧн, торйӧн нин медводдза классӧ пырысьяслӧн — налӧн заводитчӧ выль олӧм.
Велӧдысьяслӧн пансьӧ уджын кывкутана кад.
Бать-мамлы — тайӧ тшӧтш аслыспӧлӧс кад, кор колӧ ёнджыка тӧждысьны челядь вӧсна да видзны найӧс.
Кӧсъя шыӧдчыны медводдза классӧ пырысьяс дорӧ.
Дона челядь, тіянлы зэв ёна мойвиис!
Ті локтінныд кадетъяслӧн зэв бур школаӧ, кӧні пыдди пуктӧны традицияясӧ, лӧсьӧдӧма олӧм да велӧдчӧм вылӧ бур условиеяс.
Выпускникъяслӧн помассьӧ тӧждысьтӧм кадыс, колӧ чукӧртны выннытӧ да мунны водзӧ, вуджны верстьӧ олӧмӧ», — шыӧдчис челядь дорӧ Коми Республикаса Юралысь.
Владимир Уйба сиис быдтасъяслы сьӧлӧм вылӧ воана лоӧмторъяс, зіля велӧдчыны, быдторсӧ кысйыны тӧдмавны, велӧдысьяслы — радейтны быдтасъяснысӧ, бать-мамлы — быд лоӧмторйын отсавны челядьныслы, тӧждысьны на вӧсна.
Сідзжӧ регионса Юралысь сиис ставлы крепыд дзоньвидзалун да бур велӧдчан во.
Чилимдін районлӧн Мӧскашор сиктса Кадетъяслӧн шӧр школаын велӧдчӧ 125 морт, на пиысь 9 — медводдза классӧ пырысьяс.
Велӧдчан во заводитчытӧдз школаын дзоньталісны джоджсӧ, вевтын вентиляциясӧ, медводдза судтаас вежлалісны ӧдзӧсъяссӧ, ньӧбисны пищеблокӧ оборудование да тасьті-пань, интернат стрӧйбаӧ му пытшкӧстіыс нюжӧдісны ва сетан провод.
Дзоньталана уджъяс нуӧдӧм вылӧ республикаса да меставывса сьӧмкудъясысь вичмӧдісны матӧ 2,4 миллион шайт.
Таво республикаса детсадъясӧ мунас 51 сюрс сайӧ дзолюк, школаясӧ — 101 сюрс сайӧ велӧдчысь, шӧр да вылыс тшупӧда велӧдчанінъясӧ — 31 сюрс сайӧ студент.
{Kodko @ Владимир Уйба нуӧдіс Чилимдін районын Мӧскашор сиктса кадетскӧй школаын повтӧмлунлы сиӧм урок @ выльтор @ https://rkomi.ru/news/2491 @ 2022-09-01 @}
Владимир Уйба нуӧдіс Чилимдін районын Мӧскашор сиктса кадетскӧй школаын повтӧмлунлы сиӧм урок
Коми Республикаса Юралысь висьталіс кадетъяслы налӧн сиктын чужлӧм Россияса Герой Владимир Носовлӧн Украинаын спецоперация дырйи подвиг йылысь.
«Пыдди пуктана Надежда Владимировна, Николай Иванович, велӧдысьяс да ныв-зон!
Меным зэв нимкодь талун лоны тіянкӧд ӧтлаын, нуӧдны повтӧмлунлы да героизмлы сиӧм тайӧ уроксӧ. Та йылысь абу гижӧма велӧдчан небӧгъясын, абу петкӧдлӧма киноын, а олӧма да ас вывтіыс нуӧма Россия Федерацияса Герой, гвардияса капитан Владимир Николаевич Носов, миян земляк, коді быдмис-оліс тайӧ му вылын, ветлӧдліс тайӧ уличьяс кузя», — шуис Коми Республикаса Юралысь.
Владимир Уйба да кадетъяс сёрнитісны повтӧмлун, мортсям, олӧма йӧзӧс пыдди пуктӧм йылысь.
Урок помын челядьлы петкӧдісны налӧн земляк йылысь фильм.
Владимир Николаевич Носов чужис 1988 вося косму тӧлысь 14 лунӧ Коми Республикаын Чилимдін районса Мӧскашор сиктын.
Кыдзи пасйисны сылӧн бать-мамыс, пиныс налӧн пыр вӧлі тӧлкаӧн, кор найӧ вӧліны удж вылын, сійӧ кольччыліс гортас верстьӧ туйӧ, видзӧдіс чойяс бӧрсяыс.
Верстьӧ йӧзкӧд ветлывліс турун пуктыны да чери кыйны.
Сійӧ водз верстяммис, пыр пыдди пуктіс верстьӧ йӧзӧс, ичӧтдырсянь нин кутіс ассьыс кывсӧ, эскис бурӧ.
Сиктсаяс шуӧны, мый сійӧ некор эз ӧткажитлы отсӧгын, а велӧдысьяслӧн паметьын сійӧ колис кывкутысь велӧдчысьӧн, коді пыр зілис лоны медбурӧн да збыльмӧдны ас водзас пуктӧм могъяссӧ.
Чужан сиктса кадетскӧй шӧр школаын велӧдчигӧн командираліс «Беркут» школалӧн военно-патриотическӧй клубын, пырӧдчис спортӧ да кӧсйис йитны олӧмсӧ военнӧй службакӧд.
Сюся кывзіс ветеранъяслысь, кодъяс тшӧкыда волісны кадетъяс дорӧ, Айму вӧсна Ыджыд тыш йылысь сёрнисӧ.
2006 восянь служитіс Россия Федерацияса Вооружённӧй вынъясын, лоис Армияса генерал В. Ф. Маргелов нима Рязаньса медвылыс воздушно-десантнӧй команднӧй училищеын курсантӧн.
Училище помалӧм бӧрын 2011 восянь служитіс команднӧй чинъясын Россия Федерацияса Вооружённӧй вынъяслӧн уна сикас воинскӧй часьтын.
Воӧдчис Балтийскӧй флотлӧн Суворов да Александр Невский орденъяса 336-ӧд торъя гвардейскӧй Белостокскӧй саридзвыв пехотаса бригадаын батальонса медводдза десантно-штурмӧвӧй ротаса командирӧдз.
Ветліс командировкаӧ Сирия Арабскӧй Республикаӧ, кӧні Россия 2015 восянь пырӧдчис войтыркостса террористическӧй формированиеяслы паныд мунысь военнӧй операция нуӧдӧмӧ.
2016 вося вӧльгым тӧлыссянь — 2017 вося ода-кора тӧлысьӧдз юрнуӧдіс 12 морскӧй пехотинечысь командаӧн. Найӧ Средиземноморьеӧ мунігӧн видзисны лёк суӧмъясысь «Королёв» ыджыд десантнӧй караб.
Торъя могъяс бура збыльмӧдӧмысь сылы сетӧма медальяс.
2022 воын сійӧ пырӧдчис Донецкӧй Народнӧй Республика да Луганскӧй Народнӧй Республика доръян торъя военнӧй операцияӧ.
Донбассӧ Балтийскысь гвардеечьяс воисны рака тӧлысь 8 лунӧ.
Нёль лун мысти капитан Носовлӧн рота вермис медводдза ыджыд тышын.
Сувтӧдісны ДНР-ын Октябрьский посёлок дорын прӧтивникъясӧс, пасьвартісны пехотаса кык боевӧй машина да виисны ВСУ-ысь комын военнослужащӧйӧс.
Тайӧ жӧ войӧ рота вылӧ уськӧдчисны мӧдарсянь, Носовлӧн веськӧдлӧм улын артмис дорйысьны выль атакаысь, йӧзӧс воштытӧг кутны босьтӧм посёлоксӧ да бырӧдны вӧрӧгъяслысь нӧшта куим БМП.
Служба дырйи Владимир Носов эз нин ӧтчыдысь петкӧдлы повтӧмлун, бура збыльмӧдіс Украиналысь армия бырӧдӧм серти боевӧй могъяссӧ.
Награднӧй представлениеын гижӧма гвардияса капитан Носов роталӧн и мукӧд тыш йылысь.
abu
Вежон чӧж рота олан пунктын дорйысис диверсионно-разведывательнӧй группаясысь, куимсӧ на лыдысь пасьвартіс да босьтіс пленӧ ВСУ-ысь офицерӧс да дас салдатӧс.
Зонъяс да налӧн мамъяс аттьӧалӧны Владимир Носовӧс бура юрнуӧдӧмысь — найӧ ставӧн колины ловъяӧн.
Гвардияса капитанлӧн медбӧръя тышыс вӧлі рака тӧлысь 26 лунӧ Донецкӧй Народнӧй Республикаса Октябрьский посёлок дорын.
Сійӧ аслас салдатъяскӧд муніс дорйыны окружениеӧ веськавны вермысь морпехъяслысь мӧд рота.
Вӧрӧгъяслӧн кӧкъямыс танк, вит БМП да сё салдат мунісны наступлениеӧ.
Владимир Носовлӧн ӧтувтӧм ротаын вӧлі этшаджык морт, но россияса военнослужащӧйясӧс артмис петкӧдны окружениеысь.
Найӧ колисны ловъяӧн, но ачыс командир ранитчис кувтӧдзыс.
2022 вося косму тӧлысь 9 лунӧ Владимир Носовӧс гуалісны Чилимдін районса чужан сиктын.
Россия Федерацияса Президентлӧн 2022 во ода-кора тӧлысь 25 лунся Индӧдӧн воинскӧй долг збыльмӧдігӧн повтӧмлунысь гвардияса капитан Владимир Николаевич Носовлы сетӧма Россия Федерацияса Геройлысь ним (кувсьӧм бӧрын).
{Kodko @ Коми Республикаса Юралысь чолӧмаліс Мусир да биару промышленносьтын уджалысьяслӧн лунӧн @ выльтор @ https://rkomi.ru/news/2493 @ 2022-09-04 @}
Коми Республикаса Юралысь чолӧмаліс Мусир да биару промышленносьтын уджалысьяслӧн лунӧн
«Мусир да биару комплексын пыдди пуктана уджалысьяс да ветеранъяс!
Став сьӧлӧмсянь Чолӧмала тіянӧс уджсикас гажӧн — Мусир да биару промышленносьтын уджалысьяслӧн лунӧн!
Европаса Войвылын углеводородъяслысь куйлӧдъяс восьтан, мусир да биару промышленносьт артман да сӧвман историяыс топыда йитчӧма Коми Республикалӧн историякӧд да сӧвмӧмкӧд.
Талун мусир да биару отрасль зэв тӧдчана юкӧн экономикаын, уна социальнӧй мог олӧмӧ пӧртӧмын да миян регионын олӧм бурмӧдӧмын.
Профессионалъяслӧн уна кӧлена, кодъяс сьӧлӧмсяньыс радейтӧны ассьыныс уджсӧ, пуктӧны ыджыд пай мусир да биару комплексын став вермӧмӧ, мусир да биару куйлӧдъяслысь вынйӧр содтӧмӧ, углеводороднӧй сырьё унджык перйӧмӧ.
Сьӧлӧмсянь аттьӧала ставныдтӧ, коді уджаліс да уджалӧ мусир да биару перъянінын, коді перйӧ, нуӧ, перерабатывайтӧ углеводороднӧй сырьёсӧ.
Сиа уджын выль вермӧмъяс, бырлытӧм вын, дзоньвидзалун да тыр-бур олӧм тіянлы да тіян семьяяслы!»
Коми Республикаса Юралысь Владимир Уйба
{Kodko @ Евгений Пономаренкоӧс индӧма Коми Республикаса экономика сӧвмӧдан да промышленносьт министрлысь могъяс олӧмӧ пӧртысьӧн @ выльтор @ https://rkomi.ru/news/2494 @ 2022-09-05 @}
Евгений Пономаренкоӧс индӧма Коми Республикаса экономика сӧвмӧдан да промышленносьт министрлысь могъяс олӧмӧ пӧртысьӧн
Та йылысь Индӧдсӧ кырымаліс Коми Республикаса Юралысь Владимир Уйба.
Коми Республикаса Юралысьлӧн 2022 во кӧч тӧлысь 4 лунся 349-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын 2022 вося кӧч тӧлысь 5 лунсянь индыны Евгений Александрович Пономаренкоӧс экономика сӧвмӧдан да промышленносьт министрлысь могъяс олӧмӧ пӧртысьӧн.
2. Тайӧ тшӧктӧмыс вынсялӧ сійӧс кырымалан лунсянь.
* * *
Евгений Александрович Пономаренко чужис Башкортостан Республикаса Уфа карын 1981 вося косму тӧлысь 10 лунӧ.
Босьтіс вылын тшупӧда тӧдӧмлун.
2003 воын отличиеӧн помаліс Уфаса сервис канму институт (бытӧвӧй машинаяс да приборъяс проектируйтӧм да дзоньталӧм, инженер);
2017 воын отличиеӧн помаліс Башкортостан Республикаса Юралысь бердын Башкирияса канму службаӧ да веськӧдлыны велӧдан академия (канму да муниципальнӧй веськӧдлӧм, магистр)
2006 2017 воясын уджаліс «Кросс» научно-производственнӧй фирма ичӧт кывкутана котырын, «ПРЕМ», «КорпусГрупп Урал», «Азия Импорт» ичӧт кывкутана котыръясын юрнуӧдысь чинъясын.
2017–2019 воясын — Т. Т. Кусимов нима «Акбузат» ипподром канму асшӧрлуна учреждениеын, Башкортостан Республикаса «Акбузат» вӧв видзӧм-рӧдмӧдӧм да вӧла спорт серти компетенцияяс шӧрин канму асшӧрлуна учреждениеын директор, стратегическӧя сӧвмӧдӧм да инновацияяс серти директорӧс вежысь.
2019–2020 воясын уджаліс «Офис-группа» Башкортостан Республикаса Конгресс-бюроын войтыр да канмуяс костын ёртасьӧм сӧвмӧдан мероприятиеяс дасьтысь да збыльмӧдысь асшӧрлуна абу коммерческӧй организацияын юрнуӧдысь чинъясын.
2020–2021 воясын — Башкортостан Республикаса промышленносьт да энергетика министерствоын отделса начальник, Башкортостан Республикаса промышленносьт, энергетика да инновация министрӧс вежысь.
2021 воын — Россия Федерацияса промышленносьт да вузасьӧм министерствоын департаментса директорӧс вежысь.
2021–2022 воясын — «Башкортостан Республикаса Иглинскӧй районын муниципальнӧй районлысь мутас сӧвмӧдан агентство» муниципальнӧй асшӧрлуна учреждениеса директор.
Сетӧма Башкортостан Республикаса Почёт грамота (2021 во), Донецкӧй народнӧй Республикаса Юралысьлысь Аттьӧалана письмӧ (2022 во), «Башкортостан Республикаса вузасян-промышленнӧй палата» союзлысь Почёт грамота (2020 во).
{Kodko @ Коми Республикаса вӧръясын дугӧдӧма неминуча лоны вермана режимсӧ @ выльтор @ https://rkomi.ru/news/2496 @ 2022-09-05 @}
Коми Республикаса вӧръясын дугӧдӧма неминуча лоны вермана режимсӧ
Владимир Уйба кырымаліс «Коми Республикаса вӧръясын пӧжаръяс артмӧм вӧсна дінмуса вӧръясын неминуча лоны вермана режим дугӧдӧм йылысь» Коми Республикаса Юралысьлысь 2022 во кӧч тӧлысь 1 лунся 95 №-а Индӧд.
Документ серти Коми Республикаса вӧр-ва озырлун да гӧгӧртас видзан министрлы тшӧктӧма:
1) водзӧ котыртны Коми Республикаса вӧръясын пӧжаръяс кусӧдӧмсӧ да найӧс тырвыйӧ кусӧдтӧдз уджсӧ;
2) мониторитны серпассӧ сы боксянь, лоисны-ӧ Коми Республикаса вӧръясын пӧжаръяс;
3) сэк, кор ковмас, котыртны вӧръясын пӧжаръяс кусӧдӧм вылӧ содтӧд вынъяссӧ да средствояссӧ регионъяс костын пӧжар лоӧм местаӧ ыстӧмсӧ.
Уськӧдам тӧд вылӧ, Коми Республикаса вӧръясын неминуча лоны вермана режимсӧ пыртлісны моз тӧлысь 2 лунӧ вӧръясын пӧжаръяс вӧсна.
{Kodko @ Коми Республикаса Каналан Сӧвет кык торъя заседание дырйи кык лыддьысьӧмӧн видлалас 2023–2025 вояс кежлӧ республиканскӧй сьӧмкуд бала @ выльтор @ https://rkomi.ru/news/2498 @ 2022-09-07 @}
Коми Республикаса Каналан Сӧвет кык торъя заседание дырйи кык лыддьысьӧмӧн видлалас 2023–2025 вояс кежлӧ республиканскӧй сьӧмкуд бала
Татшӧм водзмӧстчӧмӧн петіс «Единая Россиялӧн» фракция ставроссияса кансяма ютырлӧн регионса юкӧнын секретарлӧн, Коми Республикаса Юралысь Владимир Уйбалӧн тшӧктӧм серти.
Коми Республикаса оланпастэчас серти, республиканскӧй сьӧмкуд балаыс видлавсьӧ Коми Республикаса Каналан Сӧветӧн кыкысь абу этшаджык лыддьысьӧмӧн.
Кыдзи Каналан Сӧветса ӧти, сідзи и торъя заседаниеяс вылын.
Уна воясӧн регионын лоис сідзи, мый сьӧмкуд баласӧ видлалісны да примитісны ӧти заседание вылын кык лыддьысьӧмӧн.
Коми Республикаса Юралысь Владимир Уйбалӧн видзӧдлас серти, торъя заседаниеяс вылын сьӧмкуд бала видлалӧмыс сетас позянлун стӧчджыка да кывкутӧмӧн матыстчыны тайӧ юалӧм дорӧ, вӧчны сьӧмкуд примитӧмсӧ йӧзыслы гӧгӧрвоанаджыкӧн.
«Коми Республикаса Веськӧдлан котырӧн вӧчӧма ыджыд удж матысса куим во кежлӧ республиканскӧй сьӧмкуд артмӧдӧм серти.
Но, экономика да геополитическӧй условиеяс, кутшӧмъясын олӧ да сӧвмӧ миян страна талун, тӧд вылын кутӧмӧн, Каналан Сӧветса депутатъяслы ковмас примитны сьӧкыд помшуӧмъяс сійӧс примитӧм серти.
И Веськӧдлан котыр, и депутатъяс — ми ставӧн кӧсъям, медым тайӧ помшуӧмъясыс вӧліны подулалӧмаӧн, бура думыштӧмаӧн да петкӧдлісны миян олысьяслысь тӧждъяссӧ.
Кык лыддьысьӧмӧн торъя заседаниеяс вылын видлалӧмыс сетас содтӧд позянлун сьӧмкуд бала ыджда видлалӧм да веськӧдӧм вылӧ да депутатъяс корпуслӧн ӧтувъя вынъясӧн став воӧм вӧзйӧмсӧ тӧд вылын кутӧмӧн индыны медтӧдчанаторъяс», — гӧгӧрвоӧдіс Коми Республикаса Юралысь Владимир Уйба.
Медводдза лыддьысьӧм дырйи кутасны видлавны сьӧмкуд балалысь медшӧр характеристикаяс.
Шуам, Коми Республикаса чӧжӧслысь, рӧскодлысь ӧтувъя йӧрыш, дефицитлысь да канму уджйӧзлысь мындаяс.
Мӧд лыддьысьӧм дырйи сьӧмкуд баласӧ кутасны ставнас видлавны вӧзйӧм стӧчмӧдӧмъяссӧ тӧд вылӧ босьтӧмӧн.
Мӧд лыддьысьӧмӧн республиканскӧй сьӧмкуд бала видлалӧмлӧн кадколастыс — ӧшым тӧлысь 10 лунысь абу сёрджык.
{Kodko @ Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр @ выльтор @ https://rkomi.ru/news/2499 @ 2022-09-07 @}
Коми Республикаын Роспотребнадзорлӧн веськӧдланін йӧзӧдіс коронавирус серти официальнӧй юӧр
Коми Республикаын Роспотребнадзорлӧн веськӧдланін юӧртіс: талун кежлӧ (кӧч тӧлысь 7 лун вылӧ) бурдіс 173 438 (+195) морт.
ПЦР-тестъяс отсӧгӧн тӧдмалӧма, мый COVІD–19 висьмӧма 177 546 (+219) морт.
Медунаӧн висьмисны Сыктывкарын — 73, Ухтаын — 45, Печора районын — 20, Воркутаын — 14 морт.
Официальнӧя эскӧдісны, мый коронавирусысь кувсис 3 209 пациент.
* * *
Вакцинация отсӧгӧн позьӧ кокньыда да дон босьттӧг видзны асьныдтӧ да матыссаясныдтӧ COVІD–19-ысь.
Вакцинация вылӧ позьӧ гижӧдчыны некымын ногӧн:
1. Коми Республикаса кар-районъясын поликлиникаяслӧн телефонъяс пыр.
2. Коми Республикаса йӧзлысь дзоньвидзалун видзан министерстволӧн йитӧд-шӧрин пыр 8–800–550–0000 номер серти дон босьттӧг.
3. «Канму услугаяс» портал пыр: www.gosuslugі.ru.
Медым видзны асьныдтӧ коронавирус инфекцияысь, колӧ кутчысьны видзчысян мераясӧ.
Мыськӧй киныдтӧ, кор локтанныд удж вылӧ либӧ гортӧ.
Сідзжӧ позьӧ вӧдитчыны васӧд салфеткаясӧн либӧ дезинфицируйтан растворъясӧн.
Энӧ вӧрӧдӧй чужӧмныдтӧ киӧн, энӧ ниртӧй нырныдтӧ да синъясныдтӧ.
Медся кокньыда вирусыс веськалӧ организмӧ ныр-вомті.
Пыдди пуктӧй да видзӧй ӧта-мӧдныдтӧ — кутӧй социальнӧй костъяс.
Вӧдитчӧй маскаясӧн.
Ковтӧг некытчӧ энӧ ветлӧдлӧй да кутчысьӧй йӧзаинъясысь бокын.
Торйӧн нин тайӧ корӧмъясӧ колӧ кутчысьны олӧма йӧзлы да налы, кодъяслӧн эмӧсь хроническӧй висьӧмъяс.
Видзӧй асьныдтӧ да матыссаясныдтӧ!
«Содтӧд дасьлун режим пыртӧм йылысь» Коми Республикаса Юралысьлысь Индӧд олӧмӧ пӧртӧм могысь регионын пыртӧм дзескӧдан мераяс йылысь позьӧ лыддьыны Коми Республикалӧн официальнӧй порталын «Коронавирус йылысь юӧр» юкӧдын.
{Kodko @ Владимир Уйба юкӧ шог РАН-са академик Юрий Малышевлӧн кувсьӧм вӧсна @ выльтор @ https://rkomi.ru/news/2501 @ 2022-09-08 @}
Владимир Уйба юкӧ шог РАН-са академик Юрий Малышевлӧн кувсьӧм вӧсна
Тӧдчана учёнӧй муніс олӧмысь кӧч тӧлысь 5 лунӧ.
Коми Республикаса Юралысь ыстіс телеграмма Россия Федерацияса энергетика министр Николай Шульгиновлы.
«Юка шог РАН-са академик, Горнӧй наукаяс академияса Президент да сійӧс котыртысь Юрий Николаевич Малышевлӧн кувсьӧм вӧсна.
Тӧдчана учёнӧй, ассьыс уджсӧ бура тӧдысь, Юрий Николаевич пуктіс ыджыд пай Россияса из шом промышленносьт сӧвмӧдӧмӧ.
Сиа Юрий Николаевичлӧн матыссаяслы, ёртъяслы да уджъёртъяслы унджык вын, медым ас вывті нуны матыссаӧс воштӧм понда дойсӧ», — пасйӧма телеграммаын.
{Kodko @ Коми Республикаса ӧткымын олысьлы сетісны канму наградаяс @ выльтор @ https://rkomi.ru/news/2506 @ 2022-09-13 @}
Коми Республикаса ӧткымын олысьлы сетісны канму наградаяс
Коми Республикаса Юралысь Владимир Уйба кырымаліс лӧсялана Индӧд.
«Коми Республикаса канму наградаяс сетӧм йылысь» Коми Республикаса Юралысьлӧн 2022 во кӧч тӧлысь 8 лунся 100 №-а Индӧд
1. Искусство юкӧнын ыджыд заслугаясысь, уна во зіля уджалӧмысь «Коми Республикаса нимйӧза артист» Коми Республикаса почёт ним сетны
Виктория Владимировна Пыстиналы — «Коми республиканскӧй филармония» Коми Республикаса канму асшӧрлуна учреждениеын артистлы-концертын ворсысьлы — сценаса нуӧдысь мастерлы, Сыктывкар.
2. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны:
Олег Зиновьевич Атаманюклы — «Сыктывкар» кар кытшса муниципальнӧй юкӧнлӧн администрацияын войтырӧс доръян, неминучаысь видзан да пӧжарнӧй безопасносьт серти веськӧдланінса начальниклы;
Татьяна Егоровна Завацкаялы — «Монди Сыктывкарса ЛПК» акционер котырын логистикаӧн да заказъясӧн веськӧдланінса начальниклы, Сыктывкар;
Наталия Павловна Колбасюклы — «Коми Республикаса агропромышленнӧй комплекслы да чери овмӧслы канмусянь отсӧг сетан шӧрин» Коми Республикаса канму казённӧй учреждениеӧн юрнуӧдысьлы, Сыктывкар;
Татьяна Юрьевна Костиналы — «Койгорт районса шӧр больнича» Коми Республикаса йӧзлысь дзоньвидзалун видзан канму учреждениелӧн велӧдан организацияясын челядьлы медицина отсӧг сетӧмсӧ котыртан юкӧнса фельдшерлы;
Родомир Николаевич Куликовлы — «Монди Сыктывкарса ЛПК» акционер котырын вӧр рӧдмӧдан цехса начальниклы, Сыктывкар;
Ирина Владимировна Мамонтовалы — «Челядьӧс 1 №-а видзанін» Кӧрткерӧс сиктын школаӧдз велӧдан муниципальнӧй учреждениеса шӧр кагульничалы, Кӧрткерӧс район;
Нина Ивановна Надеевалы — «Пригороднӧй» ичӧт кывкутана котырса менеджерлы, Сыктывкар;
Мария Николаевна Распутиналы — «Пригороднӧй» ичӧт кывкутана котырын машинаӧн лысьтысьысь операторлы, Сыктывкар;
Любовь Викторовна Тучнолобовалы — «Коми республиканскӧй филармония» Коми Республикаса канму асшӧрлуна учреждениелӧн «Зарни ёль» йӧзкост шылада ансамбльса артистлы-концертын ворсысьлы, Сыктывкар;
Людмила Леонидовна Фатеевалы — «Сыктывкарса фанера вӧчан завод» ичӧт кывкутана котырлӧн шпон вӧчан цехын шпон косьтан да дасьтан участокса шпон да фанера дзоньталысьлы, Сыктывкар.
3. Коми Республикалы бур вылӧ уна во зіля уджалӧмысь Коми Республикаса Почёт грамота сетны:
Дмитрий Алексеевич Бычковлы — «СевЛесПил» ичӧт кывкутана котырын автоматизируйтӧм веськӧдлан системаяс юкӧнса начальниклы, Сыктывкар;
Лариса Алексеевна Волоховалы — «Ухта» кар кытшса муниципальнӧй юкӧнлӧн администрацияын «Велӧдӧмӧн веськӧдланін» муниципальнӧй учреждениеса начальникӧс вежысьлы;
Петр Фридрихович Даниловлы — «Вӧр сотчӧмысь видзан Коми региональнӧй шӧрин» Коми Республикаса канму асшӧрлуна учреждениеын лётно-производственнӧй юкӧнса шӧр лётчик-видзӧдысьлы, Сыктывкар;
Маргарита Борисовна Димитрюклы — Коми Республикаса велӧдан, наука да том йӧз политика министерстволӧн Велӧдан юкӧнын дӧзьӧр да контроль серти веськӧдланінын лицензирование, аккредитация серти да велӧдчӧм йылысь документъяс эскӧдан юкӧнса начальниклы, Сыктывкар;
Лариса Викторовна Дъбенскалы — «Ӧткымын предмет пыдісянь велӧдан Усогорскса шӧр школа» муниципальнӧй велӧдан учреждениеын биология велӧдысьлы, Удора район;
Андрей Евгеньевич Егоровлы — «Боксит Тимана» акционер котырлӧн уджӧдан да грузъяс новлӧдлан юкӧнын тепловозса машинистлы, Ухта кар;
Петр Яковлевич Кисляковлы — «Жилищно-эксплуатационнӧй веськӧдланін» ичӧт кывкутана котырса директорӧс вежысьлы — директор-производственнӧй мастерлы, Чилимдін район;
Александр Николаевич Ковалевлы — «Авиационнӧй персоналӧс дасьтан Коми региональнӧй шӧрин» уджсикасын содтӧд тӧдӧмлун сетан федеральнӧй канму асшӧрлуна учреждениеса преподавательлы (старшӧй), Сыктывкар;
Наталья Сергеевна Корнаковалы — «43 №-а шӧр школа» муниципальнӧй асшӧрлуна велӧдан учреждениеса директорлы, Сыктывкар;
Ольга Владимировна Костровскаялы — «Зӧвсьӧртса ЛПК» ичӧт кывкутана котырлӧн фанернӧй производствоын гидравлика пресс вылын тэчысьлы, Емдін район;
Галина Васильевна Кошуриналы — «Комитекс ЛИН» ичӧт кывкутана котырса юралысь бухгалтерлы, Сыктывкар;
Валентина Ивановна Крюковалы — «Благоевса шӧр школа» муниципальнӧй велӧдан учреждениеын роч кыв да литература велӧдысьлы, Удора район;
Надежда Геннадьевна Кузивановалы — «Монди Сыктывкарса ЛПК» акционер котырлӧн юӧра процессъясӧн веськӧдланінын бизнес-приложение юкӧнса нуӧдысь инженер-системотехниклы, Сыктывкар;
Павел Владимирович Ладановлы — Коми Республикаса велӧдан, наука да том йӧз политика министерствоын уджсикасӧ велӧдан да наука юкӧнса начальниклы, Сыктывкар;
Галина Борисовна Макаровалы — «Койгорт районса шӧр больнича» Коми Республикаса йӧзлысь дзоньвидзалун видзан канму учреждениелӧн Кажым посёлокын врачебнӧй амбулаторияса фельдшерлы;
Елена Николаевна Маточкиналы — «Георгий Александрович Чернов нима 39 №-а шӧр школа» Воркута карын муниципальнӧй велӧдан учреждениеса директорлы;
Татьяна Александровна Мартынчуклы — «И.А. Куратов нима Сыктывкарса гуманитарно-педагогическӧй колледж» уджсикасӧ велӧдан канму учреждениеса директорӧс вежысьлы;
Алексей Николаевич Мишевлы — «Зӧвсьӧртса ЛПК» ичӧт кывкутана котырлӧн дзоньтасян-механическӧй цехын вундалысь да киӧн сваритысь электрогазосварщиклы, Емдін район;
Иван Михайлович Мойсеюклы — «Вуктылса лесничество» Коми Республикаса канму учреждениелӧн Вуктылса участковӧй лесничествоын участковӧй лесничӧйлы;
Антонина Павловна Орловалы — «Пригороднӧй» ичӧт кывкутана котырын градвыв пуктас вӧдитысьлы, Сыктывкар;
Николай Ярославович Падеринлы — «Железнодорожнӧй лесничество» Коми Республикаса канму учреждениелӧн Трактса участковӧй лесничествоын участковӧй лесничӧйлы, Княжпогост район;
Галина Владимировна Полицинскаялы — Ньӧбысьяслысь инӧдъяс да мортлысь бур олӧм доръян юкӧнын дӧзьӧр нуӧдысь федеральнӧй службалӧн Коми Республикаын веськӧдланінлӧн юридическӧя могмӧдан юкӧнса начальникӧс вежысьлы, Сыктывкар;
Александр Филиппович Чупровлы — «Цильмалес» ичӧт кывкутана котырса директорлы, Чилимдін район;
Татьяна Васильевна Шакирзяновалы — Коми Республикаса сьӧм овмӧс министерствоын кадръяс да контроль серти юкӧнса начальниклы, Сыктывкар;
Юрий Васильевич Шаховлы — «Сыктывкарса фанера вӧчан завод» ичӧт кывкутана котырын примитан да сырьё дасьтан цехса инженер-технологлы, Сыктывкар.
{Kodko @ Чилимдінысь гвардияса подполковник Иван Поздеевлы сетӧма Россияса Герой ним (кувсьӧм бӧрын) @ выльтор @ https://rkomi.ru/news/2508 @ 2022-09-13 @}
Чилимдінысь гвардияса подполковник Иван Поздеевлы сетӧма Россияса Герой ним (кувсьӧм бӧрын)
Наградасӧ сетісны Украинаын спецоперация дырйи пӧгибнитӧм десантниклӧн семьялы.
Церемонияыс вӧлі талун, кӧч тӧлысь 13 лунӧ, Псков карын, кӧні вӧлі дзебӧма военнослужащӧйӧс.
«Россияса Президентлӧн Индӧдӧн героизмысь да повтӧмлунысь медвылыс ним — Россия Федерацияса Герой — босьтас нӧшта ӧти миян земляк, Чилимдінын чужлӧм морт Иван Владимирович Поздеев.
Сійӧ тышкасис повтӧма, асьсӧ жалиттӧг, бӧръя вир тусьӧдз видзис вӧрӧгысь Чужан мусӧ, видзис Донбассысь мирнӧй йӧзӧс неонацистъясысь.
Сійӧ сетіс ассьыс олӧмсӧ, медым мездыны уна сё да сюрс йӧзлысь олӧмъяс.
Сылӧн подвигыс кувтӧм, сылӧн нимыс зарни шыпасъясӧн лоӧ гижӧма миян страналӧн да Коми Республикалӧн историяӧ.
Муӧдз копыр бать-мамыслы Владимир Ивановичлы да Галина Николаевналы сыысь, мый быдтісны да велӧдісны татшӧм пиӧс», — пасйис Коми Республикаса Юралысь Владимир Уйба.
Иван Владимирович Поздеев чужис Коми Республикаса Чилимдін сиктын.
Сиктса школа помалӧм бӧрын пырис велӧдчыны Армияса генерал В.Ф. Маргелов нима Рязанскӧй гвардейскӧй воздушно-десантнӧй училищеӧ.
Украинаын спецоперация дырйи служитіс 98 гвардейскӧй воздушно-десантнӧй дивизияса 217 гвардейскӧй парашютно-десантнӧй полкын командирӧн.
Сылӧн полкыс видзис Херсон обласьтса Белогорка олан пунктсянь рытыв-лунвывса район.
2022 вося сора тӧлысь 28 лунӧ дзонь сутки вӧрӧг кӧсйис орӧдны район видзӧм, кӧні вӧлі Иван Поздеевлӧн полкыс.
Десантникъясӧс шӧйӧвоштӧм могысь вӧрӧг заводитіс лыйсьыны фосфорнӧй боеприпасъясӧн.
Сійӧ кӧсйис сотны орчча вӧрсӧ, медым вӧтлыны десантникъясӧс.
Атакуйтісны кыкладорсянь танкъяс да боевӧй машинаяс отсӧгӧн, зіля вӧдитчисны лӧнь миномётъясӧн да снайперскӧй биӧн.
Гвардияса подполковник Иван Владимирович Поздеев кужӧмӧн котыртіс мутас видзӧмсӧ, ас кадӧ юкліс могъяссӧ да би сетӧмсӧ.
abu
Боевӧй машинаяслӧн да танкъяслӧн биӧн сійӧ пасьвартіс вӧрӧгӧс.
Тышкасигӧн вӧрӧглӧн лоины тӧдчана воштӧмъяс да сійӧ кежис Терновка олан пунктса районӧ.
Командирлӧн повтӧмлун да сылӧн профессиональнӧя веськӧдлӧм отсӧгӧн вӧлі бырӧдӧма танк, кык БТР да вӧрӧглӧн армияысь 25 гӧгӧр мортӧс.
Мутассӧ дорйисны.
Но век жӧ тышкасигӧн сійӧ ачыс кувтӧдзыс доймис вражескӧй снайперлӧн лыйӧмысь.
Аслас олӧмӧн офицер пӧртіс олӧмӧ воинскӧй долгсӧ да видзис салдатъяслысь олӧмъяс. 
{Kodko @ Ровенькиса коммунальщикъяс аттьӧалісны Комиын олысьясӧс тӧв кежлӧ дасьтысигӧн отсӧгысь @ выльтор @ https://rkomi.ru/news/2511 @ 2022-09-16 @}
Ровенькиса коммунальщикъяс аттьӧалісны Комиын олысьясӧс тӧв кежлӧ дасьтысигӧн отсӧгысь
Ровенькитепло веськӧдланінса администрация — «Луганскгаз» ГУП филиал ыстіс Коми Республикаса Юралысь Владимир Уйбалы аттьӧалана письмӧ, кодын сьӧлӧмсянь аттьӧалӧ Коми Республикаӧс кывкутӧмысь да Ровеньки карын 2022–2023 воясся ломтысян кад кежлӧ дасьтысьӧмӧ тӧдчана пай пуктӧмысь, шоныдӧн могмӧдан участокъяс да котельнӧйяс дзоньталӧмысь.
«Тіян отсӧг — тайӧ бурвӧчӧм сӧвмӧдӧмын донъявны позьтӧм пай да, дерт, тӧдчана отсӧг.
Бур уджъяс оз кольны казявтӧмӧн — найӧ кыдз маякъяс югъялӧны налы, коді виччысьӧ отсӧг.
Отсӧг сетігӧн, ті козьналанныд он сӧмын материальнӧй озырлун, а сетанныд миян карын олысьяслы радлун, эскӧм да шоныд.
Мед тіян бурлунныд да лышкыдлунныд бӧр воас тіян дорӧ.
Аттьӧ тіянлы тӧждысьӧмысь да мӧдлысь шогсӧ сьӧлӧмӧн кылӧмысь, йӧзлы отсавны кужӧмысь да кӧсйӧмысь», — пасйӧма письмӧын.
Тӧд вылӧ уськӧдам, Коми Республика участвуйтӧ отсӧг сетан ыджыд федеральнӧй уджтасын, кор Россияса регионъяс отсасьӧны украинаса неонацистъяслӧн лыйлӧм улӧ веськалӧм ЛНР-са да ДНР-са каръяслы да районъяслы.
Ровеньки карса администрациякӧд ёртасьӧм йылысь артмӧдчӧм серти Коми Республика отсаліс луганскӧй муниципалитетлы дасьтысьны тӧв да выль велӧдчан во кежлӧ.
Тӧжд вылӧ босьтӧм мутасӧ вӧлі ыстӧма специалистъяслысь бригадаяс.
Сора тӧлысь шӧрсянь заводитісны дасьтыны котельнӧйяс, нюжӧдны трубопровод, сувтӧдны фильтръяс, котёлъяс да теплообменникъяс.
Ровенькиса коммунальнӧй организацияяслы Коми Республика сетіс ва кыскалысь кык машина да асфальтнӧй каток.
Таысь кындзи, Ровеньки карӧ вӧлі ыстӧма кык машина тыр гуманитарнӧй отсӧг, мый чукӧртісны Коми Республикаса став кар-районысь.
Тайӧ медколанаторъяс, канцелярия, сёян-юан, небӧгъяс, медицина да мукӧд тӧвар — 50 тонна гӧгӧр груз.
Комиысь ДНР-ӧ да ЛНР-ӧ ставнас вӧлі мӧдӧдӧма 135 тонна груз, мый чукӧртіс «Единая Россия» партиялӧн Волонтёрскӧй шӧрин, а сідзжӧ 80 тонна пиломатериал, мый чукӧртісны да мӧдӧдісны «Россия вӧсна» Народнӧй фронт» ставроссияса ӧтйӧза ӧтмунӧм да «РКТ» восьса акционер котыр.
{Kodko @ Коми Республикаса Юралысь чолӧмалӧ Вӧрын уджалысьяслӧн лунӧн @ выльтор @ https://rkomi.ru/news/2512 @ 2022-09-18 @}
Коми Республикаса Юралысь чолӧмалӧ Вӧрын уджалысьяслӧн лунӧн
«Коми Республикаса вӧр комплексын пыдди пуктана уджалысьяс да ветеранъяс!
Чолӧмала тіянӧс уджсикас гажӧн — Вӧрын уджалысьяслӧн лунӧн.
Тайӧ гажыс миян республикалы аслыссяма, ӧд сійӧ лоӧ Россияса нуӧдысь вӧр промышленносьт регионъяс пиысь ӧтиӧн.
Вӧр — тайӧ абу сӧмын миян озырлун, но и зумыд мыджӧд миян экономикалӧн, уджалан местаяс да ин, кӧні лолыд шойччӧ.
Миян мог — тӧждысьӧмӧн вӧдитчыны вӧрса озырлунӧн, видзны да рӧдмӧдны вӧрнымӧс.
Республикаса вӧр промышленносьт предприятиеяс збыльмӧдӧны ӧнія инвестиция проектъяс, выльмӧдӧны оборудование, сӧвмӧдӧны пу пыдіа переработайтӧм.
Регионса Веськӧдлан котыр зіля пырӧдчӧ вылыс технологияа производствояс восьтӧмӧ, а сідзжӧ парманымӧс ёнмӧдӧмӧ да рӧдмӧдӧмӧ.
Аттьӧала лесничествоясын уджалысьясӧс, вӧр лэдзан да пу обработайтан предприятиеясын уджалысьясӧс, учёнӧйясӧс бура уджалӧмысь, уджнысӧ зэв бура тӧдӧмысь да радейтӧмысь, сьӧлӧмсянь зільӧмысь да кывкутӧмысь.
Торйӧн аттьӧала ветеранъясӧс.
Тіян пример вылын отрасльӧ воӧны том йӧз выль мӧвпъясӧн да проектъясӧн.
Сиа ставныдлы крепыд дзоньвидзалун, ыджыд шуд, уджын вермӧмъяс, мед став кӧсйӧмныд збыльмис!»
Коми Республикаса Юралысь Владимир Уйба
{Kodko @ Сосногорск районын помассьӧ «Пожня-Керки» тӧвся туй пӧрадокӧ вайӧдӧм @ выльтор @ https://rkomi.ru/news/2513 @ 2022-09-18 @}
Сосногорск районын помассьӧ «Пожня-Керки» тӧвся туй пӧрадокӧ вайӧдӧм
Коми Республикаса Юралысь Владимир Уйба видзӧдліс, кыдзи дзоньталӧны туй юкӧнсӧ.
«Тӧвся туйсӧ пӧрадокӧ вайӧдӧ татчӧс пӧдрадчик.
Сыкӧд кырымалӧма муниципальнӧй контракт.
Медся сьӧкыд да ыджыд уджъяссӧ вӧчӧма нин.
Лӧсьӧдӧма ва трубаяс.
Туйыс пӧшти дась — талун нин позьӧ мунны сэті автотранспортӧн», — пасйис Коми Республикаса Юралысь.
«Пожня-Керки» юкӧн нюжалӧма 12 км вылӧ.
Тайӧ «Пожня станция — Керки посёлок — Том посёлок» автомашина туй юкӧн, мый йитӧ куим муниципалитет — Изьва, Сосногорск районъяс да Ухта.
Уна во тӧвся туй кузя эз ветлыны.
Гожӧмын да сезонъяс костын изьвасаяс да ухтасаяс ветлӧдлісны «Газпром» йӧзлы восьса акционер котырса юкӧдувъяслӧн трассаяс пӧлӧн.
Но некымын во сайын, кор транспорт безопасносьт серти предприятие лӧсьӧдіс аслас туйяс вылӧ шлагбаум, ёся кыптіс туй йитӧд серти юалӧм.
2020 воын Республикаын олысьяс шыӧдчисны Владимир Уйба дорӧ отсӧгла.
Регионса Юралысь тшӧктіс республикаса Веськӧдлан котырлы вичмӧдны «Пожня-Керки» тӧвся туй пӧрадокӧ вайӧдӧм вылӧ колана сьӧм.
Ӧтувъя мындаыс — 39,6 млн шайт.
Участок пӧрадокӧ вайӧдӧмыс сетас позянлун во быд ветлӧдлыны Изьва районса (Том, Койю посёлокъяс, Картаёль грезд) да «Ухта» кар кытшса (Кедвавом посёлок, Поромӧсь грезд) ылі сикт-грездъясӧ.
{Kodko @ Владимир Уйба кырымаліс стратегическӧй веськӧдлӧм серти Коми Республикаса Юралысь бердын Координационнӧй сӧвет котыртӧм йылысь Индӧд @ выльтор @ https://rkomi.ru/news/2516 @ 2022-09-20 @}
Владимир Уйба кырымаліс стратегическӧй веськӧдлӧм серти Коми Республикаса Юралысь бердын Координационнӧй сӧвет котыртӧм йылысь Индӧд
Вынсьӧдӧма Сӧвет да сэтчӧ пырысьяс йылысь положение.
Медводдза заседаниеыс лоӧ кӧч тӧлысь 22 лунӧ.
Кӧсйӧны видлавны республиканскӧй сьӧмкуд балалысь медшӧр параметръяссӧ да сёрнитасны матысса куим во вылӧ Коми Республикаӧс социальнӧй да экономика боксянь сӧвмӧдӧм, а сідзжӧ Чилимдін да Изьва районъяс быд боксянь сӧвмӧдӧм йылысь.
Стратегическӧй веськӧдлӧм серти Коми Республикаса Юралысь бердын Координационнӧй сӧвет — тайӧ сӧвещательнӧй орган.
Сылӧн медшӧр могыс — юалӧмъяс серти вӧзйӧмъяс лӧсьӧдӧм, мый йитчӧма регионлӧн мутасын зумыда да быд боксянь социально-экономическӧя сӧвмӧдан условиеяс лӧсьӧдӧмкӧд, сы лыдын Россия Федерацияса Президентлысь тшӧктӧмъяс олӧмӧ пӧртӧм серти.
Сідзжӧ Сӧвет кутас координируйтны Коми Республикаса олӧмӧ пӧртысь власьт органъяслысь, федеральнӧй олӧмӧ пӧртысь власьт органъяслысь да налӧн мутасса органъяслысь, меставывса асвеськӧдлан органъяслысь, ӧтйӧза ӧтувъяслысь, бизнес-котыръяслысь, наука да мукӧд организациялысь ӧта-мӧдкӧд йитчӧмсӧ сылӧн компетенцияӧ пырысь юалӧмъяссӧ видлалігӧн.
Сӧветӧн веськӧдлысьӧн лоӧ Коми Республикаса Юралысь Владимир Уйба.
{Kodko @ Серафим Саровскийлысь мощьяссӧ ваясны Коми Республикаӧ @ выльтор @ https://rkomi.ru/news/2519 @ 2022-09-21 @}
Серафим Саровскийлысь мощьяссӧ ваясны Коми Республикаӧ
Матысса шойччан лунъясӧ Коми Республикаӧ ваясны Вежа Серафим Саровскийлысь мощьяссӧ.
Став православнӧй христианалы — тайӧ ыджыд гаж!
Тайӧ вежаыслӧн нимыс паськыда тӧдса став мир пасьта, торйӧн нин сійӧс пыдди пуктӧны Роч муын.
Батюшка Серафим дорӧ шыӧдчӧны отсӧгла сьӧкыд висьӧмысь бурдӧдӧм могысь, сы вӧсна мый (олӧм гижӧд серти), кор сійӧ вӧлі ловъя, сылӧн молитваяс серти бурдлісны медся сьӧкыда висьысьясыс, нӧшта быдсяма страсьтсьыс лов бурдӧдӧм да лӧньӧм аддзӧм, олӧмын колана туй бӧрйӧм, вузасян уджын да бизнесын вермӧм, семьяпытшса зумыд йитӧдъяс лӧсьӧдӧм, семьяын радейтӧм да сӧгласа олӧм, лӧсялӧм да тыр-бур олӧм аддзӧм могысь.
Вежалӧн мощьяса ковчег воас Сыктывкарӧ Свято-Троицкӧй Серафимо-Дивеевскӧй манастырысь кӧч тӧлысь 25 лунӧ.
Копыртчывны Серафим Саровскийлы вермас быд кӧсйысь Коми юркарса Вежа Степанлӧн кафедральнӧй вичкоын, тані мощьясыс лоасны тӧлысь помӧдз.
Йирым тӧлысь 1 да 2 лунъясӧ ковчегсӧ ваясны Сосногорскӧ, йирым тӧлысь 3 да 4 лунъясӧ — Ухтаӧ.
Сы бӧрын вежалӧн мощьясыс воасны Сыктывкарӧ, кысянь бӧр мӧдӧдчасны Дивеевоӧ.
Сыктывкарын мощьяслӧн лоан лунъясӧ Вежа Степанлӧн кафедральнӧй вичко лоӧ восьса 6 чассянь 21 часӧдз.
{Kodko @ Владимир Уйба нуӧдіс Коми Республикаын инӧда пӧрадок могмӧдӧм серти координационнӧй сӧвещание @ выльтор @ https://rkomi.ru/news/2520 @ 2022-09-21 @}
Владимир Уйба нуӧдіс Коми Республикаын инӧда пӧрадок могмӧдӧм серти координационнӧй сӧвещание
Участвуйтысьяс видлалісны карса да районъясса уличаяс вылын инӧд торкалӧмъясысь ӧлӧдӧм да дугӧдӧм серти юалӧмъяс, а сідзжӧ ӧтйӧза пӧрадок видзӧмын участвуйтысь гражданалы да налӧн ӧтувъяслы отсӧг сетан мераяс.
Коми Республикаын пытшкӧс делӧяс министерстволӧн юӧр серти, 2022 воын 8 тӧлысьӧн «ывлавывса» мыж вӧчӧмлӧн лыдыс чиніс 5,5 прӧчент вылӧ.
Ывлавывса мыж вӧчӧмъяс чинтӧм могысь Коми Республикаса инӧд видзан органъяс туялӧны мыж вӧчӧмъяссӧ налӧн места да кад серти, сувтӧдалӧны нарадъяс да медся криминогеннӧй местаясын ёнмӧдӧны ортсыса службаяслысь юкӧдувъяс.
Видлалӧны керка йӧръяс, гаражъяс, вина-сурӧн вузасянінъяс, а сідзжӧ войнас битӧм местаяс.
Ывлавывса мыж вӧчӧм ӧлӧдӧмын тӧдчанаӧн лоӧны йӧзкостса дружинаяс.
Коми Республикаын 30 дружина (ӧтувъя лыдыс — 391 морт).
Йӧзкостса дружинаяссӧ котыртӧма республикалӧн став кар-районын.
2022 воын 8 тӧлысьӧн йӧзкостса дружинникъяс эрдӧдӧмаӧсь 1281 административнӧй инӧд торкалӧм да кутӧмаӧсь 924 инӧд торкалысьӧс.
Заседание вылын шуӧмаӧсь паськӧдны ӧтйӧза пӧрадок видзӧмын участвуйтысь гражданаӧс абу материальнӧя ышӧданногсӧ.
«Быть колӧ тӧд вылӧ босьтны дружинникъяслысь олӧм да дзоньвидзалун страхуйтӧм, а сідзжӧ мукӧд абу материальнӧй отсӧг.
Шуам, сетны дружинникъяслы отпусксӧ гожӧмын, санаторно-курортнӧй бурдӧдчӧм, лагерӧ налӧн челядьлы путёвкаяс.
Тшӧкта министерствояслы видлавны йӧзкостса дружинникъяслы социальнӧй отсӧг сетан мераяс, кутшӧмъяс кутасны ышӧдны йӧзсӧ видзны ӧтйӧза пӧрадок», — пасйис Коми Республикаса Юралысь.
Инӧд видзан органъясын уджалысьяслы эрдӧдны мыж вӧчӧмъяссӧ да инӧд торкалӧмъяссӧ сідзжӧ отсалӧны ывлавывса камераяс.
2022 вося кӧч тӧлысь 1 лун вылӧ уна йӧзаинъясын да Коми Республикаса кар-районъяслӧн медся криминогеннӧй местаясын лӧсьӧдӧма 902 телекамера, сы лыдын 372 камера — Сыктывкарын, Ухтаын да Воркутаын «Лёк суӧмысь видзчысян кар» проект серти.
Видео пыр видзӧдан система сӧвмӧдӧмын мӧд тшупӧд — тайӧ видеокамераяслысь вез паськӧдӧм, овмӧс нуӧдысь мукӧд субъектъяслӧн видео пыр видзӧдан ортсыса системаяскӧд ӧтувтчыны позянлун.
{Kodko @ Владимир Уйба нуӧдіс Коми Республикаса Юралысь бердын стратегическӧй веськӧдлӧм серти координационнӧй сӧветлысь медводдза заседание @ выльтор @ https://rkomi.ru/news/2522 @ 2022-09-22 @}
Владимир Уйба нуӧдіс Коми Республикаса Юралысь бердын стратегическӧй веськӧдлӧм серти координационнӧй сӧветлысь медводдза заседание
Видлалісны 2023 во да 2024–2025 воясся планӧвӧй кадколаст вылӧ республиканскӧй сьӧмкуд балалысь медшӧр параметръяс.
Водзынджык сьӧмкуд артмӧдӧм йылысь юалӧмыс видлавсьыліс республикаса Веськӧдлан котырлӧн заседаниеяс дырйи, ӧні сійӧ Стратегическӧй веськӧдлӧм серти координационнӧй сӧветлӧн контроль улын.
Коми Республикаса Юралысь бердын торъя пыр уджалысь орган лӧсьӧдӧм йылысь Индӧдсӧ вӧлі кырымалӧма регионса веськӧдлысьӧн 2022 вося кӧч тӧлысь 20 лунӧ.
Сӧветлӧн заседаниеяс дырйи кутасны видлавны стратегическӧй юалӧмъяс да примитавны помшуӧмъяс, кутшӧмъяс отсаласны республикалы да сылӧн муниципалитетъяслы могмӧдны зумыда, быд боксянь социально-экономическӧя сӧвмӧм, сы лыдын Россияса Президентлысь тшӧктӧмъяс олӧмӧ пӧртӧм серти.
Сӧвещательнӧй органлысь составсӧ паськӧдӧма.
Удж дорӧ корӧмаӧсь федеральнӧй олӧмӧ пӧртысь власьт органъяслӧн мутасса юкӧдувъясӧн, меставывса асвеськӧдлан органъясӧн юрнуӧдысьясӧс, Коми Республикасянь Федерация Сӧветысь сенаторъясӧс да мукӧд организацияӧс петкӧдлысьясӧс.
«Коми Республикаса Веськӧдлан котырлӧн мог — кыскыны кыдз позьӧ унджык сьӧм федеральнӧй сьӧмкудйысь.
Таысь кындзи, сетӧм сьӧмнас колӧ вӧдитчыны дзоньнас и урчитӧм кадӧдз, медым эз штрапуйтны.
Сьӧмкуд лӧсьӧдігӧн ми тышкасям федеральнӧй сьӧмлӧн быд кӧпейка вӧсна, та вӧсна федеральнӧй сьӧмкудйӧ сьӧм бергӧдӧмысь мыжаясыс кутасны кывкутны.
Муниципалитетъясын сьӧмкуд юкӧнын уджалысьяслы удждон мынтӧмын сёрмӧдчӧмсӧ ме кута донъявны кыдз районъясса юралысьяслӧн чинлы лӧсявтӧмтор», — тӧдчӧдіс Владимир Уйба.
Республикаса Сьӧм овмӧс министерстволӧн юӧр серти, федеральнӧй вот оланпастэчасӧ пыртӧм вежсьӧмъяс вӧсна 2023 восянь республиканскӧй сьӧмкудлӧн вот да абу вот чӧжӧсыс чинас 10–15 прӧчент вылӧ таво серти.
Тайӧ числӧыс лоӧ 80,8 миллиард шайт.
Матысса куим вонас чӧжӧслӧн шӧр ӧшмӧсъясӧн колясны организацияяслӧн чуктӧс вылӧ вот, торъя мортлӧн чӧжӧс вылӧ вот да организацияяслӧн эмбур вылӧ вот, кодъяс артмӧдӧны сьӧмкудлысь 88% гӧгӧр чӧжӧс.
Водзвыв арталӧм серти республиканскӧй сьӧмкудйӧ водзӧстӧг воӧм сьӧмсӧ виччыссьӧны 15,8 миллиард шайт мындаын 2023 воӧ, 15,4 миллиард шайт мындаын 2024 воӧ, 4,4 миллиард шайт мындаын 2025 воӧ.
Федеральнӧй сьӧмкуд бала видлалӧм бӧрын тайӧ мындаяссӧ стӧчмӧдыштасны.
2023–2024 воясӧ республиканскӧй сьӧмкудлӧн рӧскодыс содас сьӧмкуд йылысь ӧнія оланпасын лӧсялана вояс вылӧ вынсьӧдӧм значениеяс серти.
Коми Республикаса Веськӧдлан котырлӧн медтӧдчанаторйӧн кольӧны сӧвмӧдӧмын медшӧр национальнӧй могъяс серти, кутшӧмъясӧс индіс Россияса Президент, став социальнӧй гарантиясӧ олӧмӧ пӧртӧм да регионса проектъяс збыльмӧдӧм.
Сьӧмкуд инвестицияяс 2023 воын лоӧны 7,9 миллиард шайт, 2024 воын — 6,7 миллиард шайт, 2025 воын — 3,6 миллиард шайт мындаын.
Адреснӧй инвестиция уджтас серти рӧскодлӧн медшӧр юкӧныс лоӧ веськӧдӧма йӧзлысь дзоньвидзалун видзан, велӧдан, культура, спорт юкӧнын социальнӧй тӧдчанлуна объектъяс — школаяс, бурдӧдан, культура да прӧст кад коллялан, спорт учреждениеяс стрӧитӧм да выльмӧдӧм вылӧ.
На пиын: вуджан висьӧмысь бурдӧдан республиканскӧй больнича стрӧитӧм, Республиканскӧй онкология диспансерлысь радиология юкӧн выльмӧдӧм, опера да балет театрлысь стрӧйбасӧ выльмӧдӧм, Сыктывдін районса Паджга сиктын уна мога социально-культурнӧй шӧрин, Чилимдін сиктын бурдӧдан корпус стрӧитӧм, Эжва районса Емваль местечкоын, Изьва сиктын да Сыктывкарын Тентюков улича вылын школаяс стрӧитӧм, Луздор районса Абъячой сиктын спорт комплекс стрӧитӧм, Кулӧмдін сиктын тыр арлыдтӧмъясӧс социальнӧя реабилитируйтан юкӧн стрӧитӧм.
Инвестиция проектъяслӧн лыддьӧг серти, кутшӧмъясӧс збыльмӧдӧны канму-аспом уджъёртасьӧм принцип вылын Коми Республикаса Инвестиция фондлӧн сьӧм тшӧт весьтӧ, водзӧ кутасны выльмӧдны Ичӧт Пера — Йираёль, Йираёль — Кӧджарӧм автомашина туй юкӧнъяс да збыльмӧдны велӧдан юкӧнын социальнӧй тӧдчанлуна проектъяс.
Матысса куим вонас виччыссьӧ республиканскӧй сьӧмкудлӧн тӧдчана тырмытӧмлун.
2023 воын сылӧн ыдждаыс воас Сьӧмкуд кодекс серти медыджыд тшупӧдӧдз — вот да абу вот чӧжӧсысь 15 %, 2024 воын — 13 %, 2025 воын — 14,6 %.
Канму уджйӧзлӧн вылі мындаыс 2024 вося тӧвшӧр тӧлысь 1 лун вылӧ — 59 миллиардысь унджык шайт, 2025 вося тӧвшӧр тӧлысь 1 лун вылӧ — 69 миллиардысь унджык шайт, 2026 вося тӧвшӧр тӧлысь 1 лун вылӧ — 81 миллиард гӧгӧр шайт.
Кыдз пасйис Коми Республикаса Юралысь, локтан куим вося кадколастӧ сьӧмкуд политика кутас стрӧитсьыны сьӧмкуд тэчас костын баланс кутан подув вылын.
Тайӧ лоас вот да абу вот чӧжӧс кыпӧдан условиеяс видзӧм, рӧскод содӧмысь кутӧм, мый абу могмӧдӧма чӧжӧсъясӧн либӧ ӧтувтӧмӧн, сьӧмӧн веськӧдлан система бурмӧдӧмӧн, регионса канму уджйӧз надёжнӧй тшупӧдын видзӧм отсӧгӧн.
{Kodko @ Коми Республикаса Веськӧдлан котыр да «Воркутауголь» компания кырымалісны ёртасьӧм йылысь артмӧдчӧм @ выльтор @ https://rkomi.ru/news/2523 @ 2022-09-22 @}
Коми Республикаса Веськӧдлан котыр да «Воркутауголь» компания кырымалісны ёртасьӧм йылысь артмӧдчӧм
Документсӧ кырымалісны талун, кӧч тӧлысь 22 лунӧ, Коми Республикаса Юралысь Владимир Уйба да «Воркутауголь» из шом перъян акционер котырса директоръяслӧн сӧветӧн веськӧдлысь Андрей Тясто.
Артмӧдчӧмсӧ веськӧдӧма Коми Республикалысь промышленнӧй потенциал да конкурентавны вермӧм сӧвмӧдӧм, йӧзлысь олӧм да регионын экологическӧй обстановка бурмӧдӧм, выль уджалан местаяс лӧсьӧдӧм, мупытшса озырлунӧн быд боксянь вӧдитчӧм да 2035 воӧдз Коми Республикаӧс социальнӧй да экономика боксянь сӧвмӧдан стратегия збыльмӧдӧм вылӧ.
Кыдз пасйис Коми Республикаса Юралысь Владимир Уйба, тайӧ документсӧ кырымалӧмӧн Коми Республикалӧн да «Воркутауголь» акционер котырлӧн йитӧдъясын воссис выль лист бок.
Коми Республикаса Веськӧдлан котыркӧд социальнӧя уджъёртасьӧм серти «Воркутауголь» компания могмӧдас сьӧмӧн Воркутаын Усинскса водовод проектируйтӧм.
Та могысь акционер котыр веськӧдас 100 миллион шайт.
Проект олӧмӧ пӧртан кадколастъяс — 2022–2023 вояс.
Усинскса водовод — ылі войвывса карлы зэв колана объект.
Сійӧ 1970 восянь могмӧдӧ ваӧн йӧзӧс, соцобъектъяс да предприятиеяс, тшӧтш и «Воркутауголь» компанияӧс.
Талун водоводыс киссьӧма 98% вылӧ.
Колӧ примитны нюжӧдны позьтӧм мераяс, медым эз ло неминуча.
И талун вӧчӧма медводдза воськовъяс.
«Регионлы тайӧ зэв колана, сы вӧсна мый ПСД лоӧ колана условиеӧн федеральнӧй сьӧмӧн могмӧдӧмын.
Водовод выльмӧдӧмсӧ ми пыртім 2026 воӧдз Коми Республикаӧс социальнӧй да экономика боксянь сӧвмӧдан уджтасӧ.
Видлалӧмлӧн медшӧр параметръяс серти сійӧс бура дасьтӧма.
Ме аттьӧала компанияӧс уджъёртасьӧмысь.
Коми Республикаса Веськӧдлан котыр кӧсйысьӧ быд боксянь отсавны инвестиция проектъяс, социальнӧй водзмӧстчӧмъяс збыльмӧдӧмын да предприятиелӧн уджлысь зумыдлун могмӧдӧмын.
Эска, мый миян ёртасьӧм лоӧ бур бӧртасаӧн, дыр кадсяӧн да кутас бурмӧдны республикаын да Воркутаын олӧмсӧ», — юӧртіс Владимир Уйба.
«Воркутауголь» компанияса выль акционерӧн лоӧм бӧрын «Русская энергия» уджъёртасьӧ кыдз каркӧд, сідзи и регионкӧд.
Ми зэв радӧсь, мый воим сэтшӧм тшупӧдӧдз, кор ми вермам нин видлавны конкретнӧй проектъяс.
Усинскса водовод — Воркутаса ЖКХ объектъяс ӧнъяӧдӧм серти медся колана проектъяс пиысь ӧти.
Тайӧ проектсӧ збыльмӧдӧмыс сетас позянлун карса быд олысьлы аддзыны «Воркутауголь» компанияын да «Русская энергия» сылӧн акционерын кывкутысь уджъёртӧс.
Ме эска, мый артмӧдчӧмыс, мый ми талун кырымалім, лоӧ тыр мукӧд проектӧн, кутшӧмъяс колӧны кыдз республикалы, сідзи и Воркуталы», — пасйис Андрей Тясто.
{Kodko @ Владимир Уйба удж серти аддзысьліс Россияса ДОСААФ-ӧн веськӧдлысь Александр Колмаковкӧд @ выльтор @ https://rkomi.ru/news/2524 @ 2022-09-23 @}
Владимир Уйба удж серти аддзысьліс Россияса ДОСААФ-ӧн веськӧдлысь Александр Колмаковкӧд
Аддзысьлігӧн видлалісны том йӧзӧс чужан му радейтны да пыдди пуктыны велӧдан, гражданаӧс армияын служитӧм да Айму дорйӧм кежлӧ дасьтан юкӧнын ӧтув уджалӧм серти юалӧмъяс.
«Талунъя аддзысьлӧмыс меным да регионлы зэв колана, сы вӧсна мый миянлысь зонъясӧс Вооружённӧй вынъясын служитігкежлӧ дасьтӧмыс, чужан му радейтны да пыдди пуктыны найӧс велӧдӧмыс талун зэв тӧдчана.
Тайӧ уджас ДОСААФ пыр вӧлі локомотивӧн, пыртіс выльторъяс, кодъяс сьӧлӧм вылас воӧны том йӧзлы да сетӧны позянлун быдтыны ён зонъясӧс, кодъяс дасьӧсь дорйыны Айму», — пасйис Коми Республикаса Юралысь.
Ӧні Коми Республикаса Веськӧдлан котыр да Россияса ДОСААФ-лӧн Ставроссияса ӧтйӧза-канму организация мӧвпалӧны кырымавны ёртасьӧм йылысь артмӧдчӧм.
Сы серти кӧсйӧны выльысь заводитны дасьтыны том йӧзсӧ чеччавны парашютӧн, сӧвмӧдны техническӧй спорт сикасъясын дасьтысьӧм, шуам, картингын да мотокроссын, а сідзжӧ военнӧй специальносьтъяс серти.
Таысь кындзи, кӧсйӧны лӧсьӧдны чужан му радейтны да дорйыны велӧдан да велӧдан-быдтан комплекс артмӧдӧмӧ ӧтувъя нога подув вылын военнӧй служба дорӧ йӧзӧс дасьтан регионса да зональнӧй шӧринъяс.
«Россияса ДОСААФ-лӧн регионса юкӧн отсалӧ пӧртны олӧмӧ доръян да спорт нырвизьын могъяс.
Талун миян могным — дасьтыны том зонъясӧс военно-прикладнӧя.
Колӧ, медым медшӧрнас вӧлі эз военнӧй служба дорӧ йӧзӧс дасьтӧм, а Айму дорйыны дасьтӧм.
Тайӧ нырвизьын эмӧсь бур уджъяс мукӧд регионын, и ми дасьӧсь вӧдитчыны наӧн Комиын.
Медшӧр могыс — дасьтыны зонъясӧс военнӧй специальносьтъяс серти Россиялӧн вооружённӧй вынъяслы», — пасйис Россияса ДОСААФ-ӧн веськӧдлысь Александр Колмаков.
Коми Республикаын «Россияса армиялы, авиациялы да флотлы отсалан добровольнӧй котыр» регионса юкӧнлӧн участвуйтӧмӧн тшӧкыда збыльмӧдсьӧны том йӧзӧс чужан му радейтны да пыдди пуктыны велӧдан мероприятиеяс: «Коми Республикаса медбур призывник» том йӧзлӧн республикаса конкурс, патриотическӧй нырвизя профильнӧй сменаяс, спорт ордйысьӧмъяс, митингъяс да дзоридзьяс пуктӧм.
Россияса ДОСААФ-лӧн регионса юкӧнкӧд ёртасигӧн зіля сӧвмӧ «ЮНАРМИЯ» военно-патриотическӧй ӧтмунӧм.
{Kodko @ Комиын олысьяслы вӧзйисны вӧдитчыны быдӧнӧс торйӧн видзан средствоясӧн @ выльтор @ https://rkomi.ru/news/2526 @ 2022-09-23 @}
Комиын олысьяслы вӧзйисны вӧдитчыны быдӧнӧс торйӧн видзан средствоясӧн
Пыртӧма вежсьӧмъяс «Содтӧд дасьлун режим пыртӧм йылысь» Коми Республикаса Юралысьлӧн 2020 во рака тӧлысь 15 лунся 16 №-а Индӧдӧ.
2022 вося кӧч тӧлысь 26 лунсянь гражданалы вӧзйӧма ӧтув вӧдитчан автомашина транспортӧн либӧ таксиӧн мунігӧн, а сідзжӧ ӧтувъя местаясын (вузасянінъясын, аптекаясын да аптека пунктъясын, а сідзжӧ олысьясӧс бытӧвӧя могмӧдан организацияясын да мукӧд йӧзаинын) вӧдитчыны быдӧнӧс торйӧн видзан средствоясӧн — маскаясӧн да татшӧмсяма мукӧд средствоӧн, дезинфицируйтан средствоясӧн.
Республикаса олысьяслы вӧзйӧма ёнджыкасӧ ветлӧдлыны ас транспортӧн.
{Kodko @ Владимир Уйба вынсьӧдіс Коми Республикаса олӧмӧ пӧртысь власьт органъяслысь система да тэчас @ выльтор @ https://rkomi.ru/news/2527 @ 2022-09-23 @}
Владимир Уйба вынсьӧдіс Коми Республикаса олӧмӧ пӧртысь власьт органъяслысь система да тэчас
Кырымалӧма Коми Республикаса Юралысьлӧн лӧсялана Индӧд.
«Россия Федерацияса субъектъясын публичнӧй власьт котыртан ӧтувъя принципъяс йылысь» Федеральнӧй оланпаслысь вынсялӧм положениеяс тӧд вылын кутӧмӧн (2022 вося лӧддза-номъя тӧлысь 1 лунсянь), а сідзжӧ Коми Республикаса оланпастэчас сы серти лӧсьӧдӧм могысь, Коми Республикаса олӧмӧ пӧртысь власьт органъяслысь системасӧ да тэчассӧ вынсьӧдӧ Коми Республикаса Юралысь.
Водзынджык Коми Республикаса олӧмӧ пӧртысь власьт системасӧ вынсьӧдісны Коми Республикаса Оланпасӧн.
Коми Республикаса Юралысьлӧн тайӧ Индӧдӧн вынсьӧдӧм Коми Республикаса олӧмӧ пӧртысь власьтлӧн тэчасыс арталӧ Том йӧзлӧн делӧяс серти комитет 2023 вося тӧвшӧр тӧлысь 1 лунсянь котыртӧм да заводитӧ уджавны 2023 вося тӧвшӧр тӧлысь 1 лунсянь.
* * *
Коми Республикаса олӧмӧ пӧртысь власьт органъяслӧн система
1. Коми Республикаса Юралысь, коді лоӧ Коми Республикалӧн вылыс чина мортӧн.
2. Коми Республикаса Веськӧдлан котыр, коді лоӧ Коми Республикаса пыр уджалан медвылыс олӧмӧ пӧртысь канму власьт органӧн.
3. Коми Республикаса мукӧд олӧмӧ пӧртысь власьт орган:
1) Коми Республикаса Юралысьлӧн кипод улын уджалысь Коми Республикаса олӧмӧ пӧртысь власьт органъяс, — Коми Республикаса Юралысьлысь уджмогъяссӧ олӧмӧ пӧртӧм, Коми Республикаса Юралысьлысь уджсӧ да Коми Республикаса Веськӧдлан котырлысь уджсӧ могмӧдӧм могысь артмӧдӧм Коми Республикаса олӧмӧ пӧртысь власьт орган;
Россия Федерацияын да сылӧн субъектъясын Коми Республикаӧс петкӧдланінъяс;
2) Коми Республикаса Веськӧдлан котырлӧн кипод улын уджалысь Коми Республикаса олӧмӧ пӧртысь власьт органъяс, — министерствояс; службаяс; комитетъяс;
3) Коми Республикаса министерствоясувса Коми Республикаса олӧмӧ пӧртысь власьт органъяс, — веськӧдланінъяс.
Коми Республикаса олӧмӧ пӧртысь власьт органъяслӧн тэчас
I. Коми Республикаса Юралысьлӧн кипод улын уджалысь Коми Республикаса олӧмӧ пӧртысь власьт органъяс
1. Коми Республикаса Юралысьлӧн Администрация.
2. Россия Федерацияса Президент бердын Коми Республикаӧс пыр петкӧдланін.
3. Россия Федерацияса Рытыв-Войвыв дінмуын Коми Республикаӧс петкӧдланін.
II.
Коми Республикаса Веськӧдлан котырлӧн кипод улын уджалысь Коми Республикаса олӧмӧ пӧртысь власьт органъяс
1.
Министерствояс:
1) Коми Республикаса сьӧм овмӧс министерство;
2) Коми Республикаса экономика сӧвмӧдан да промышленносьт министерство;
3) Коми Республикаса юстиция министерство;
4) Коми Республикаса йӧзлысь дзоньвидзалун видзан министерство;
5) Коми Республикаса йӧзӧс велӧдан да наука министерство;
6) Коми Республикаса вӧр-ва озырлун да гӧгӧртас видзан министерство;
7) Коми Республикаса стрӧитчан, оланін да коммунальнӧй овмӧс министерство;
8) Коми Республикаса видз-му овмӧс да потребительскӧй рынок министерство;
9) Коми Республикаса национальнӧй политика министерство;
10) Коми Республикаса удж, уджӧн могмӧдан да социальнӧя доръян министерство;
11) Коми Республикаса вынйӧр сӧвмӧдан да спорт министерство;
12) Коми Республикаса цифра отсӧгӧн сӧвмӧдан, йитӧд да юӧр сетан министерство;
13) Коми Республикаса культура, туризм да архив удж министерство.
2. Службаяс:
Коми Республикаса стрӧитчан, оланін да техническӧй дӧзьӧр (контроль) служба.
3. Комитетъяс:
1) Коми Республикаса войтырӧс доръян да неминучаысь видзан комитет;
2) Коми Республикаса эмбур да му йитӧдъяс комитет;
3) Коми Республикаса ньӧбасьӧм нуӧдан комитет;
4) Коми Республикаса тариф комитет;
5) Коми Республикаса том йӧз политика комитет.
III.
Коми Республикаса министерствоясувса Коми Республикаса олӧмӧ пӧртысь власьт органъяс
Коми Республикаса культура озырлун объектъяс видзӧмӧн веськӧдланін (уджалӧ Коми Республикаса культура, туризм да архив удж министерстволӧн веськӧдлӧм улын).
{Kodko @ Комиын заводитісны мӧдӧдавны мобилизация серти корӧм йӧзӧс @ выльтор @ https://rkomi.ru/news/2528 @ 2022-09-25 @}
Комиын заводитісны мӧдӧдавны мобилизация серти корӧм йӧзӧс
Талун, кӧч тӧлысь 25 лунӧ, «Гренада» челядьлысь дзоньвидзалун бурмӧдан лагерын вӧлі «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь медводдза команда мӧдӧдӧм кузя кыпыд церемония.
Мобилизация серти корӧм йӧз дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Талун нин Белгородын, Курск обласьтын, Крым Республикаын орласьӧны вӧрӧглӧн снарадъяс, кулӧны миян матыссаяс, рӧднӧйяс, ёртъяс.
Сы вӧсна тӧдӧй — ті мунанныд дорйыны чужан му.
Кыдз шуліс Афганистанса ӧти ветеран, салдатыд войнатӧ оз бӧрйы.
Но войнаыд — чорыдтор.
Ті ставӧн прӧйдитінныд срочнӧй служба, ті ставӧн нин верстьӧ мужичӧйяс.
Ме сиа тіянлы сӧмын ӧтитор — бура служитны да локны гортӧ ловъяӧн», — шыӧдчис призывникъяс дорӧ регионса Юралысь.
Коми Республикаса Юралысь Владимир Уйба тшӧктіс регионса Удж, уджӧн могмӧдан да социальнӧя доръян министерстволы котыртны «веськыд йитӧд» мобилизация серти корӧм гражданалӧн рӧднӧйяслы да матыссаяслы отсӧг вылӧ: «Веськыд йитӧдӧ позяс шыӧдчыны торъя юалӧмъясӧн — олӧм, кредитъяс, ипотекаяс, челядь серти.
Эскӧй, став вылас вочавидзам.
Тышкасьӧй повтӧг да падъявтӧг.
Ме тіянлы сета кыв, мый тылсянь ми тіянӧс вевттям».
{Kodko @ Комиын олысьяс вермасны окыштны Вежа Серафим Саровскийлысь мощьяссӧ @ выльтор @ https://rkomi.ru/news/2530 @ 2022-09-25 @}
Комиын олысьяс вермасны окыштны Вежа Серафим Саровскийлысь мощьяссӧ
Талун, кӧч тӧлысь 25 лунӧ, Нижегородскӧй обласьтсянь Сыктывкарӧ вайисны нывбабаяслӧн Свято-Троицкӧй Серафимо-Дивеевскӧй манастырысь вежатор.
Коми Республикаса Юралысь Владимир Уйба вочааліс мощьясса ковчегсӧ да участвуйтіс кевмысьӧмын, коді муніс Вежа Степанлӧн кафедральнӧй вичкоын.
«Дона вокъяс да чойяс!
Бӧръя тӧлысьясас Енмыс сетӧ миянлы отсӧглысь да жалитӧмлысь пасъяс, — шыӧдчис локтысьяс дорӧ Коми Республикаса Юралысь. — Вежа Сергий Радонежский локтіс Коми Республикаӧ.
Ми ставӧн талы радлім да вермим окыштны вежалысь мощьяссӧ.
И сы бӧрся локтіс Коми Республикаса муӧ Вежа Серафим Саровский.
Кадыс талун сьӧкыд, вокъяс да чойяс, но миян Роч мувывса ыджыд вежайяс сувтӧны православнӧй эскӧм вӧсна, Россиялӧн ӧтувъялун вӧсна, миян мездлун вӧсна, а миян тіянкӧд мог — ёна кевмысьны миян матыссаяс да рӧднӧйяс вӧсна, коді талун тышкасьӧ.
Вежа Серафим Саровский, кевмысь Енмыслы миян вӧсна, отсась миянлы да миян войскалы.
Аминь!»
Став православнӧй христианалы — тайӧ ыджыд гаж!
Батюшка Серафим дорӧ шыӧдчӧны отсӧгла сьӧкыд висьӧмъясысь бурдӧдӧм могысь, сы вӧсна мый (олӧм гижӧд серти), кор сійӧ вӧлі ловъя, сылӧн молитваяс серти бурдлісны медся сьӧкыда висьысьясыс, нӧшта быдсяма страсьтсьыс лов бурдӧдӧм да лӧньӧм аддзӧм, олӧмын колана туй бӧрйӧм, вузасян уджын да бизнесын вермӧм, семьяпытшса зумыд йитӧдъяс лӧсьӧдӧм, семьяын радейтӧм да сӧгласа олӧм, лӧсялӧм да тыр-бур олӧм аддзӧм могысь.
Вежаторйыс лоӧ Сыктывкарса Вежа Степанлӧн кафедральнӧй вичкоын кӧч тӧлысь 30 лунӧдз.
Ӧні нин позьӧ волыны да копыртчывны мощьяслы.
Став тайӧ лунсӧ 6 чассянь 21 часӧдз вичколӧн ӧдзӧсъяс лоӧны восьсаӧсь локтысь йӧзлы.
Йирым тӧлысь 1–2 лунъясӧ мощьяса ковчег лоӧ Сосногорскын Вежа Серафим Саровскийлӧн Храмын.
Йирым тӧлысь 3 лунӧ вежаторсӧ нуасны Ухтаын Новомученникъяслӧн Храмӧ, а йирым тӧлысь 4 лунӧ — Ухтаын Вежа Перымса Степанлӧн Храмӧ.
Йирым тӧлысь 5 лунӧ Вежа Серафим Саровскийлӧн мощьяса ковчег мунас Ухтасянь бӧр Сыктывкарӧ да лоас Вежа Степанлӧн кафедральнӧй вичкоын рытӧдзыс.
18 часын мощьяссӧ мӧдӧдасны автомашинаӧн Нижегородскӧй обласьтӧ, нывбабаяслӧн Свято-Троицкӧй Серафимо-Дивеевскӧй манастырӧ, кытысь найӧс вайлісны Коми Республикаӧ.
{Kodko @ Лӧсьӧдӧма мобилизация серти корӧм гражданалӧн рӧднӧйяслы да матыссаяслы шыӧдчӧм вылӧ «веськыд йитӧд» @ выльтор @ https://rkomi.ru/news/2532 @ 2022-09-26 @}
Лӧсьӧдӧма мобилизация серти корӧм гражданалӧн рӧднӧйяслы да матыссаяслы шыӧдчӧм вылӧ «веськыд йитӧд»
Коми Республикаса Юралысь Владимир Уйбалӧн тшӧктӧм серти Коми Республикаса удж, уджӧн могмӧдан да социальнӧя доръян министерство подув вылын лӧсьӧдӧма мобилизация серти корӧм гражданалӧн рӧднӧйяслы да матыссаяслы отсӧг сетан юалӧмъясӧн шыӧдчӧм вылӧ «веськыд йитӧд»: 8 (912) 141–42–00.
Веськыд йитӧд уджалӧ быд лун 8 чассянь 22 часӧдз.
Став юалӧм вылас вочавидзасны.
{Kodko @ Коми Республикаса Юралысь чолӧмалӧ Кагульничалӧн да школаӧдз велӧдан юкӧнса став уджалысьлӧн лунӧн @ выльтор @ https://rkomi.ru/news/2535 @ 2022-09-27 @}
Коми Республикаса Юралысь чолӧмалӧ Кагульничалӧн да школаӧдз велӧдан юкӧнса став уджалысьлӧн лунӧн
«Коми Республикаса пыдди пуктана кагульничаяс да школаӧдз велӧдан системаын уджалысьяс!
Чолӧмала тіянӧс уджсикас гажӧн!
Челядьӧс быдтӧм-велӧдӧм — абу кокни удж.
Ті босьтінныд ас выланыд ыджыд кывкутӧм — велӧдны да сӧвмӧдны челядьӧс, ті тӧждысянныд на вӧсна, отсаланныд вӧчны тӧдӧмлун босьтӧмын медводдза воськовъяс.
Коми Республикаын школаӧдз велӧдӧм мыджсьӧ медбур традицияяс вылӧ да сӧвмӧ ӧнія корӧмъяс серти.
Миян регионын сійӧ медся судзсянаясысь ӧти, во да джынсянь сизим арӧсӧдз быд кагаӧс могмӧдӧма школаӧдз велӧдан учреждениеын местаӧн.
Ми аттьӧалам республикаса кагульничаясӧс, детсадъясын уджалысьясӧс, кодъяс лӧсьӧдӧны бур условиеяс, медым велӧдны дзолюкъясӧс.
Педагогикаын медбур практикаяс, ставроссияса да войтыркостса конкурсъясын вермӧмъяс, Комиысь педагогъяслысь опытсӧ вылӧ донъялӧм — тайӧ тіян уджныдтӧ бура тӧдӧмлӧн, кужан-сямлунлӧн да бӧрйӧм уджныдтӧ сьӧлӧмсянь вӧчӧмлӧн бӧртас.
Торйӧн колӧ аттьӧавны педагог уджын ветеранъясӧс.
Налӧн опытыс да мывкыдлуныс лоӧ подулӧн миян том специалистъяслӧн вермӧмъяслы.
Аттьӧ школаӧдз велӧдан системаын уджалысьяслы быд кага дорӧ шаньлунысь да пыдди пуктӧмысь.
Сиа крепыд дзоньвидзалун, творчествоын водзмӧстчӧм, тыр-бура олӧм тіянлы да семьяясныдлы!»
Коми Республикаса Юралысь Владимир Уйба
{Kodko @ Комиын колльӧдісны мобилизация серти военнӧй служба вылӧ корӧм олысьяслысь мӧд команда @ выльтор @ https://rkomi.ru/news/2538 @ 2022-09-27 @}
Комиын колльӧдісны мобилизация серти военнӧй служба вылӧ корӧм олысьяслысь мӧд команда
Талун, кӧч тӧлысь 27 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын вӧлі «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь мӧд команда мӧдӧдӧм кузя кыпыд церемония.
Резервистъяс дорӧ бурсиӧмӧн шыӧдчис боевӧй тышъясса ветеран, Коми Республикаса Юралысь Владимир Уйба.
«Пыдди пуктана боечьяс, салдатъяс, сержантъяс, прапорщикъяс, мичманъяс, офицеръяс!
Му вылын паныд сувтісны бур да лёк, — шыӧдчис воинъяс дорӧ Коми Республикаса Юралысь. — Россия сулалӧ бурыскӧд дзик ӧтнас.
Лёкыс талун — тайӧ Америка да НАТО канмуясысь сылӧн отсасьысьяс.
Талун найӧ бӧрйисны омӧль звено — Украиналысь му.
1945 воӧ миян дедъяс эз дзикӧдз бырӧдны бандеровскӧй сволочьясӧс, и тайӧ пежъясыс выльысь чужисны.
Ми доръям ог сӧмын ассьыным йӧзӧс, ми доръям ассьыным мунымӧс.
Талун помассьӧ референдум, и гӧгӧрвоана нин, мый и Луганскӧй Народнӧй, и Донецкӧй Народнӧй Республикаяс локтасны чужанінӧ — Россияӧ.
Тайӧ важысянь роч му.
Сэні пуктісны юръясныссӧ уна сё да сюрс миян рӧд.
И ми ассьыным мунымӧс некодлы огӧ сетӧй».
Владимир Уйба эскӧдіс боечьясӧс, кодъясӧс корисны частичнӧй мобилизация серти, мый сійӧ, кыдз регионса Юралысь, Коми Республикаса Веськӧдлан котыркӧд ӧтув могмӧдасны найӧс надёжнӧй тылӧн, семьяяслы лоӧ сетӧма колана отсӧг.
Регионса Удж, уджӧн могмӧдан да социальнӧя доръян министерство бердын котыртӧма мобилизация серти корӧм гражданалӧн рӧднӧйяслы да матыссаяслы «веськыд йитӧд»: 8–912–141–42–00.
«Тіян пиысь быдӧн серти лоӧ лӧсьӧдӧма Коми Республикаса Юралыссянь да Веськӧдлан котырсянь отсӧг сетан реестр.
Став юалӧмсӧ, мый сетасны миянлы тіян рӧднӧйяс, ми видлалам.
Кӧні оз тырмы асланым вын да уджмогъяс, кута шыӧдчыны Россияса Президент да Веськӧдлан котыр дорӧ.
Тышкасьӧй спокойнӧя, тыл вӧсна ме кывкута», — шуис регионса Юралысь.
Таысь кындзи, Владимир Уйба тшӧктіс Коми Республикаса Веськӧдлан котырлы корсьны сьӧм республиканскӧй сьӧмкудйысь боечьясӧс, кодъясӧс корисны частичнӧй мобилизация серти, колана средствоясӧн могмӧдӧм вылӧ: бронежилетъясӧн, каскаясӧн, налокотникъясӧн, наколенникъясӧн, перчаткиясӧн, шоныд кӧмӧн.
Военкомъяс дасьтӧны нин обмундированиеяслысь колана лыддьӧг.
«Пыдди пуктана вокъяс!
Салдатлӧн пай — пыр медся ыджыд да медся вежа, но и медся сьӧкыд.
Кыдз шусьӧ писаниеын: «Абу ыджыдджык сэтшӧм муслунысь, кыдз кодкӧ кӧ сетіс ловсӧ аслас ёрт вӧсна».
Служитӧй кужӧмӧн, спокойнӧя, грамотнӧя.
Кывзӧй командиръясӧс.
Тіян лоӧны опытнӧй командиръяс.
Найӧ вӧліны нин Сирияын, и ӧні Украинаын.
Тіянлы ставныдлы тшӧктӧм — вермыны да локны гортӧ!
Енкӧд!» — бурсиис Владимир Уйба.
{Kodko @ Комиын олысьяс — Zа наших! @ выльтор @ https://rkomi.ru/news/2540 @ 2022-09-27 @}
Комиын олысьяс — Zа наших!
Талун, кӧч тӧлысь 27 лунӧ, Сыктывкарса Театральнӧй изэрд вылын нуӧдісны Россия Федерацияса Вооружённӧй вынъяс да Россияса Президент Владимир Путин дор «Zа наших!» концерт-митинг.
Митинг водзын чӧв олыштӧмӧн казьтыштісны кӧч тӧлысь 26 лунӧ Ижевск карса 88 №-а школаын лоӧм трагедия дырйи кувсьӧмаясӧс.
«Ми талун чукӧртчим, медым кутыштны миянлысь зонъясӧс, кодъяс тышкасьӧны нин Донбассын да кодъяс частичнӧй мобилизация йылысь Россия Федерацияса Президентлӧн Индӧд олӧмӧ пӧртӧм могысь мунісны дорйыны Чужан мунымӧс, — шыӧдчис концерт-митинг вылӧ локтысьяс дорӧ Владимир Уйба. — Ми, быть, сулалам миян воинъяс да миян Президент дор.
Сійӧ босьтіс ас вылас ыджыд кывкутӧм.
Примитіс помшуӧм, медым мездыны йӧзӧс да видзны зумыд Россия.
Зонъясӧс колльӧдігӧн ме сёрниті накӧд.
Найӧ шуӧны, мый гӧгӧрвоӧны, кытчӧ мунӧны.
Шуӧны, мый пӧртасны олӧмӧ могнысӧ да локтасны бӧр.
США-лы да НАТО-лы оз ков вына да асшодъя Россия, налы колӧны роч мулӧн озырлун.
Украинаын, Донбассын тышкасигӧн ми тышкасям миянлӧн, миян челядьлӧн да асшодъя Россиялӧн аскиа лун вӧсна».
Владимир Уйба пасйис, мый колӧ кутыштны зонъясӧс, кодъяс ӧні тышкасьӧны Украинаын.
Налы колӧ тӧдны, мый тані, тылын, вӧчӧны ставсӧ, медым миян воинъяслы ставыс тырмис, мый найӧс виччысьӧны гортӧ гӧтыръяс, мамъяс, челядь, а налысь семьяясныссӧ дорйӧны.
«Дона ёртъяс, аттьӧ тіянлы, мый талун локтінныд, мый ті тшӧтш кывкутанныд да сулаланныд миян зонъяс дор.
Ми вермам!» — аттьӧаліс митинг вылӧ локтысьясӧс Коми Республикаса Юралысь.
Сідзжӧ митинг вылын сёрнитісны регионса политикъяс, депутатъяс, ӧтйӧза уджалысьяс да нималана артистъяс.
{Kodko @ Комиын олысьяслы сетісны наградаяс повтӧмлунысь, смеллунысь да йӧз вӧсна тӧждысьӧмысь @ выльтор @ https://rkomi.ru/news/2541 @ 2022-09-27 @}
Комиын олысьяслы сетісны наградаяс повтӧмлунысь, смеллунысь да йӧз вӧсна тӧждысьӧмысь
Талун, кӧч тӧлысь 27 лунӧ, Коми Республикаса Юралысь Владимир Уйба сетіс Украинаын торъя военнӧй операцияын участвуйтысьяслы Россия Федерацияса канму наградаяс — «Айму водзын заслугаясысь» ІІ степеня орденлысь медаль да Суворовлысь медаль.
«Талун ми ыдждӧдлам миянлысь воинъясӧс, боечьясӧс, кодъяс чесьтӧн да бур нимӧн пӧртісны олӧмӧ Чужан му водзын ассьыныс воинскӧй да гражданскӧй мог.
Кор неофашистъяс грӧзитӧны миян страналӧн безопасносьтлы, Россиялы быть колӧ дорйысьны, дорйыны Донбасса олысьясӧс да мездмӧм мутасъяс.
Пыдди пуктана воинъяс, миян дорйысьяс!
Ті кыдз збыль патриотъяс сувтінныд дорйыны Чужан му да торъя военнӧй операция дырйи олӧмнаныд рискуйтӧмӧн, повтӧмлун, смеллун да героизм петкӧдлӧмӧн эскӧдінныд, мый роч салдат да роч воин — медся вына.
Тіян подвигӧн гордитчӧны Россия да Коми Республика», — шыӧдчис спецоперацияын участвуйтысьяс дінӧ Владимир Уйба.
Ставлы, коді ӧні тышкасьӧ, и налы, коді муніс частичнӧй мобилизация серти, Коми Республикаса Юралысь сиис бура служитны да локны гортӧ ловйӧн да дзоньвидзаӧн.
Сідзжӧ Владимир Уйба талун аддзысьліс Украинаын спецоперация дырйи пӧгибнитӧм воинъяслӧн матыссаяскӧд да рӧднӧйяскӧд.
Регионса Юралысь сетіс налы наградаяс, кутшӧмъясӧн вӧлі наградитӧма Коми Республикаса воинъясӧс кувсьӧм бӧрын.
«Меным ыджыд чесьт сетны тіянлы Россия Федерацияса канму наградаяс, — шуис Владимир Уйба. — Ми гордитчам миян зонъясӧн — настоящӧй геройясӧн, патриотъясӧн, кодъяс Чужан му да йӧз вӧсна дасьӧсь пуктыны ассьыныс ловсӧ.
На йылысь паметь пыр кежлӧ коляс миян сьӧлӧмъясӧ».
Россия Федерацияса Президентлӧн Индӧдӧн гражданскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Повтӧмлун орден сетӧма кувсьӧм бӧрын доброволеч, радӧвӧй Никита Александрович Карамновлы.
Россия Федерацияса Президентлӧн Индӧдӧн воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Повтӧмлун орден сетӧма кувсьӧм бӧрын вокъяслы — младшӧй сержант Александр Валерьевич Лоскутовлы да ефрейтор Филипп Валерьевич Лоскутовлы.
Россия Федерацияса Президентлӧн Индӧдӧн воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь «Смеллунысь» медаль сетӧма кувсьӧм бӧрын Росгвардияса старшӧй сержант Алексей Иванович Крюковлы.
Церемонияын участвуйтысьяс чӧв олыштӧмӧн казьтісны Айму дорйысьясӧс, кодъяс геройскӧя усисны Украинаын торъя военнӧй операция дырйи.
{Kodko @ Владимир Уйба чолӧмаліс ДНР-са, ЛНР-са, Запорожскӧй да Херсонскӧй обласьтъясса олысьясӧс референдумъяслӧн бура помассьӧмӧн @ выльтор @ https://rkomi.ru/news/2542 @ 2022-09-28 @}
Владимир Уйба чолӧмаліс ДНР-са, ЛНР-са, Запорожскӧй да Херсонскӧй обласьтъясса олысьясӧс референдумъяслӧн бура помассьӧмӧн
Коми Республикаса Юралысь ыстіс чолӧмалан телеграммаяс регионъясса юралысьяслӧн нимъяс вылӧ, кодъяс гӧлӧсуйтісны Россия составӧ пырӧм вӧсна.
«Став сьӧлӧмсянь чолӧмала тіянӧс референдум бура помӧдӧмӧн да Россияӧ локны решитӧмӧн!
Ті петкӧдлінныд смеллун да повтӧмлун, олӧмнаныд рискуйтӧмӧн, участвуйтінныд референдумын да бӧрйинныд дзик ӧти правильнӧй туй.
abu
Видза корам гортӧ!
Ми тіянкӧд, ми ӧти войтыр!», — висьтавсьӧ чолӧмалӧмын.
Тӧд вылӧ уськӧдам, Россияӧ пырӧм йылысь референдумъяс мунісны ДНР-ын, ЛНР-ын, Запорожскӧй да Херсонскӧй обласьтъясын кӧч тӧлысь 23–27 лунъясӧ.
Россиялӧн составӧ пырӧм дор висьтасисны: ДНР-ын — 99,23%; ЛНР-ын — 98,42%; Запорожскӧй обласьтын — 93,11%; Херсонскӧй обласьтын — 87,05%.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь коймӧд команда @ выльтор @ https://rkomi.ru/news/2545 @ 2022-09-29 @}
Комиын колльӧдісны мобилизация серти военнӧй служба вылӧ корӧм олысьяслысь коймӧд команда
Талун, кӧч тӧлысь 29 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын вӧлі «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь коймӧд команда мӧдӧдӧм серти кыпыд церемония.
Резервистъяс дорӧ бурсиӧмӧн шыӧдчис боевӧй тышъясса ветеран, Коми Республикаса Юралысь Владимир Уйба.
«Пыдди пуктана боечьяс, салдатъяс, сержантъяс, прапорщикъяс, мичманъяс, офицеръяс.
Талун енкӧлаын выльысь видлавсьӧны донаторъяс, — юӧртіс Коми Республикаса Юралысь. — Талун ми, Россияса граждана, бурыскӧд ӧтвылысь тышкасям мирса лёкыскӧд — США-кӧд да НАТО канмуясысь сылӧн отсасьысьяскӧд.
Найӧ оз дзебны сійӧс, мый кӧсйисны вӧчны 1945 восянь — пасьвартны Россияӧс да мырддьыны миянлысь мутасъяс, миянлысь озырлун.
Ни роч войтыр, ни дзоньнас Россияса олысьяс найӧс ньӧти оз интересуйтны.
Налы колӧны муяс да ресурсъяс.
Украина лоис омӧль звеноӧн.
2014 воын, бара жӧ, Америкалӧн инструктаж серти да сылӧн долларъяс вӧсна, кутшӧмъясӧс печатайтӧны кыдз тыртӧм кампет кышъяс, вӧлі вӧчӧма канму военнӧй переворот да вӧлі пуктӧмаӧсь нацистскӧй веськӧдлысьясӧс — йӧзӧс, кодъяс Бандера дор.
Сійӧ Бандераыс да бандеровечьясыс, кодъясӧс миян тіянкӧд пӧльяс нӧйтісны да эз дзикӧдз вермыны.
Кольӧм референдумыс нӧшта ӧтчыдысь петкӧдліс сійӧс, мый ми тіянкӧд бура гӧгӧрволім: ми асланым муын мездам ассьыным вокъясӧс.
Луганскӧй, Донецкӧй Народнӧй Республикаясын, Херсонын да Запорожьеын олысьяс висьталісны ассьыныс кӧсйӧмсӧ.
Найӧ шуисны: "Ми — Россия"».
Владимир Уйба тӧдчӧдіс, мый ӧні боечьяслы колӧ тӧлысьӧн прӧйдитны слаживание, тӧд вылӧ уськӧдны тыш нуӧданногсӧ да шуасьтӧг олӧмӧ пӧртны командиръяслысь тшӧктӧмъяссӧ, кодъяс кужӧны воюйтны ӧнія кадӧ.
Регионса Юралысь сідзжӧ пасйис, мый ачыс видлалӧ мытшӧдъяссӧ, кутшӧмъясӧн паныдасьӧны резервистъяслӧн семьяясыс, зіля решайтӧ найӧс да сетӧ колана министерствояслы да службаяслы тшӧктӧмъяс.
Шыӧдчӧмъяссӧ чукӧртӧны «веськыд йитӧд» пыр, мый котыртӧма Коми Республикаса удж, уджӧн могмӧдан да социальнӧя доръян министерство бердын 8–912–141–42–00 телефон серти.
Видлалӧма нин гражданалӧн, кодъяслы воис частичнӧй мобилизация серти повестка, рӧднӧйяссянь 300 шыӧдчӧм.
«Сета тіянлы республикаса Юралысьлысь кыв, мый ми кутам решайтны став артмысь мытшӧдсӧ да могмӧдам тіянӧс ён тылӧн», — эскӧдіс Владимир Уйба.
Регионса Юралысь висьталіс, кыдзи нуӧдсьӧ резервистъясӧс могмӧдӧм серти уджыс.
Лӧсьӧдӧма боечьяслы экипировкаяслысь да колана средствояслысь лыддьӧг.
Пока найӧ кутасны велӧдчыны, быдӧнлы аслас размер серти дасьтасны да ньӧбасны обмундирование.
«Кӧсъя сины: биӧ энӧ пырӧй, вӧчӧй уджсӧ бура, грамотнӧя.
Ми тіянӧс виччысям вермӧмӧн.
Мӧд туйыс миян абу, сы вӧсна мый ми тышкасям миян челядь, миян аскиа лун, миян канму вӧсна.
Миянлы колӧ пӧртны олӧмӧ ассьыным могнымӧс да локны гортӧ ловйӧн.
Енкӧд!», — боечьяслы бурсиис Владимир Уйба.
{Kodko @ Коми Республикаса Юралысь чолӧмалӧ Олӧма йӧзлы сиӧм лунӧн @ выльтор @ https://rkomi.ru/news/2547 @ 2022-10-01 @}
Коми Республикаса Юралысь чолӧмалӧ Олӧма йӧзлы сиӧм лунӧн
«Коми Республикаса пыдди пуктана олысьяс!
Талун Олӧма йӧзлы сиӧм войтыркостса лун — пӧль-пӧчьясӧс пыдди пуктан да найӧс аттьӧалан гаж.
Эзысь арлыда йӧзлӧн олӧм радейтӧм, мывкыдлун да зумыдлун — миянлы пример.
Уна вося уджӧн, тӧдӧмлунъясӧн да опытӧн миян ветеранъяс да пенсионеръяс пуктісны да водзӧ пуктӧны регион да страна сӧвмӧдӧмӧ сэтшӧм пай, мыйлы доныс абу.
Матӧ 93 сюрс мортлысь заслугаяссӧ пасйӧма «Уджвывса ветеран» да «Коми Республикаын уджвывса ветеран» почёт нимъясӧн.
Весиг пенсия вылӧ петӧм бӧрын эзысь арлыда йӧз водзмӧстчӧны регионлӧн ӧтйӧза олӧмын.
Кар-районъясын уджалӧны ветеранъяслӧн организацияяс.
Ассьыныс прӧст кад котыртӧм кындзи олӧма йӧз отсалӧны мукӧдлы, зіля пырӧдчӧны добровольчество уджӧ.
Республикаын эзысь волонтёръяслӧн ӧтмунӧмыс сӧвмӧ-быдмӧ.
Пыдди пуктана ветеранъяс, пенсионеръяс!
Сьӧлӧмсянь аттьӧала тіянӧс небыд сьӧлӧмысь да водзмӧстчӧмысь, сыысь, мый ті окотапырысь юксянныд том йӧзкӧд асланыд тӧдӧмлунъясӧн да озыр опытӧн.
Сиа тіянлы крепыд дзоньвидзалун, кузь нэм, помтӧм-дортӧм вын.
Медым ті пыр кылінныд матыссаяссянь тӧждысьӧм да радейтӧм!»
Коми Республикаса Юралысь Владимир Уйба
{Kodko @ Владимир Уйба пырӧдчис «Видзам вӧр» ставроссияса быдвося акцияӧ @ выльтор @ https://rkomi.ru/news/2549 @ 2022-10-01 @}
Владимир Уйба пырӧдчис «Видзам вӧр» ставроссияса быдвося акцияӧ
Акциялӧн тавося медшӧр мероприятиеыс вӧлі йирым тӧлысь 1 лунӧ Луздор районын.
Занулльӧса участкӧвӧй лесничествоын 2 га площадь пасьта пуктӧма 5 сюрс гӧгӧр пожӧм.
«Акцияыс, кытчӧ ми тіянкӧд пырӧдчим, Коми Республикалы торйӧн нин тӧдчана.
Миян республикалӧн площадьысь 80 сайӧ прӧчентыс — тайӧ вӧр, миян озырлун.
Колӧ, медым акцияыс йитіс став арлыда йӧзӧс — йӧзӧс, кодъяслы абу веськодь, кодъяс кӧсйӧны кольны ас бӧрсяныс оз сӧмын асланыс град вылын яблоня, но и ӧтувъя вӧр.
Медшӧрыс — талун миянкӧд челядь.
Вӧрыс, кодӧс ми талун пуктам, кутас быдмыны-шувгыны 100 во.
Этша вылӧ вит кӧлена кутасны волыны тайӧ вӧрас да нимкодясьны сылӧн озырлунӧн да мичлунӧн.
Ыджыд аттьӧ тіянлы, ёртъяс!
Талун ми пуктам подув вӧрлы, коді кутас быдмыны тіянлы да тіян челядьлы — тіян внукъяслы да правнукъяслы», — шыӧдчис акцияӧ пырӧдчысьяс дорӧ Коми Республикаса Юралысь.
Акцияӧ пырӧдчисны Коми Республикаса вӧр-ва озырлун да гӧгӧртас видзан министерствоса, лесничествоясса, «Вӧр сотчӧмысь видзан Коми шӧрин» КР КАУ-са уджалысьяс, школаяслӧн лесничествояс, а сідзжӧ волонтёръяс.
2019 восянь Коми Республикаын «Видзам вӧр» ставроссияса акциясӧ нуӧдӧны быд во.
Таво сійӧ заводитчис Усинскын моз тӧлысь 18 лунӧ, кор «Арктика.
Йи вӧрзис» форумӧ пырӧдчысьяс да гӧсьтъяс пуктісны Куим кӧленалӧн изэрд вылын 75 пелысь пу.
Акциялӧн мог — пуктыны страна пасьтала 70 млн пу, мый отсалас видзны да содтыны вӧръяс.
Акциясӧ котыртӧма «Экология» национальнӧй проектлӧн «Вӧръяс видзӧм» дінму проектлы отсалӧм могысь.
Виччысьӧны, мый таво сэтчӧ пырӧдчас 3 млн сайӧ морт.
{Kodko @ Владимир Уйба видзӧдліс, кыдзи Луздор районын стрӧитӧны социальнӧй объектъяс @ выльтор @ https://rkomi.ru/news/2550 @ 2022-10-01 @}
Владимир Уйба видзӧдліс, кыдзи Луздор районын стрӧитӧны социальнӧй объектъяс
Коми Республикаса Юралысь воліс Абъячой сиктын 600 местаа школа да спорт комплекс стрӧитанінъясӧ.
Абъячойын школа стрӧитӧмсӧ помалӧны нин.
Пӧдрадчиккӧд аддзысьлігӧн Коми Республикаса Юралысь шуис, мый уджсӧ колӧ вӧчны ӧдйӧджык да удитны эштӧдны индӧм кадӧ.
Отделочнӧй уджъяссӧ вӧчӧны кыдзи ортсысянь, сідзи и пытшкӧссянь.
Сідзжӧ нуӧдӧны электромонтажнӧй, сантехническӧй уджъяс, лӧсьӧдӧны кильчӧ, сувтӧдӧны тӧлӧдан да кӧдздӧдан системаяс, мичӧдӧны-бурмӧдӧны да потшӧны йӧрсӧ, вӧчӧны гараж.
Спорт комплекс йӧрын лӧсьӧдӧны фундаментъяс.
Вайисны би кусӧдӧм вылӧ медводдза ва видзанін.
{Kodko @ Коми Республикаса Юралысь чолӧмалӧ Шӧр тшупӧда уджсикасӧ велӧдӧмлы сиӧм лунӧн @ выльтор @ https://rkomi.ru/news/2551 @ 2022-10-02 @}
Коми Республикаса Юралысь чолӧмалӧ Шӧр тшупӧда уджсикасӧ велӧдӧмлы сиӧм лунӧн
«Шӧр тшупӧда уджсикасӧ велӧдан системаса студентъяс, педагогъяс да ветеранъяс!
Чолӧмала Тіянӧс Шӧр тшупӧда уджсикасӧ велӧдӧмлы сиӧм лунӧн!
Россияса календарын тӧдчана лунӧн сійӧ лоис медводдзаысь.
Тайӧ висьталӧ сы йылысь, мый талун страналы зэв тӧдчана квалифицируйтӧм уджалысьясӧс дасьтӧмыс.
Коми Республикаын шӧр тшупӧда уджсикасӧ велӧдан уджтасъяс серти велӧдчӧны 25 организацияын 19 сюрсысь унджык студент.
Талун кежлӧ медколанаяс лыдӧ пырӧны медицина, педагогика да техническӧй нырвизьяс.
Республикаса Веськӧдлан котыр зіля уджалӧ шӧр тшупӧда уджсикасӧ велӧдӧмсӧ выльмӧдӧм серти, пыртӧ велӧдӧмӧ выль технологияяс.
Миян мог — дасьтыны кадръясӧс, кодъясӧс кутасны вылӧ донъявны удж рынокын да кодъяс бура кутасны тӧдны ассьыныс да матіса уджсикасъяссӧ.
Тӧда, мый педагогъяслӧн ыджыд опытыс да бӧрйӧм уджнысӧ радейтӧмыс пуктасны подув сы вылӧ, мый уджсикасӧ велӧдӧмыс республикаын лунысь лунӧ лоас бурджыкӧн да коланаджыкӧн.
Став сьӧлӧмсянь аттьӧала отрасльса педагогъясӧс да ветеранъясӧс тіян уджысь!
Быд студентлы да выпускниклы сиа аддзыны сьӧлӧм серти удж.
Быдӧнлы — крепыд дзоньвидзалун, творчествоын водзмӧстчӧм да выль вермӧмъяс!»
Коми Республикаса Юралысь Владимир Уйба
{Kodko @ Коми Республикаса Юралысь чолӧмалӧ Велӧдысьлӧн лунӧн @ выльтор @ https://rkomi.ru/news/2554 @ 2022-10-05 @}
Коми Республикаса Юралысь чолӧмалӧ Велӧдысьлӧн лунӧн
«Пыдди пуктана велӧдысьяс, велӧдан юкӧнса ветеранъяс!
Сьӧлӧмсянь чолӧмала тіянӧс Велӧдысьлӧн лунӧн!
Тайӧ луныс дона быдӧнлы, ӧд быд мортлӧн эм туйдысь-велӧдысь, коді отсаліс бӧрйыны олан туй, медбур уджсикас.
Коми Республикаын уджалӧны зэв бур педагогъяс — шань сьӧлӧма да ыджыд терпенньӧа йӧз.
Налӧн уджныс лоӧ подулӧн велӧдчысьяслӧн вермӧмъяслы.
Педагогъяс артмӧдӧны миянлысь видзӧдлас, велӧдӧны радейтны Чужан мунымӧс, ышӧдӧны уджавны йӧзлы, республикалы да страналы бур вылӧ.
Торйӧн ыджыд аттьӧ велӧдан юкӧнса ветеранъяслы, кодъяс лоӧны примерӧн налы, кодъяс уджалӧны ӧні да кодъяс дасьтысьӧны на лоны велӧдысьӧн.
Велӧдӧм юкӧнлы отсӧг — Коми Республикаса Веськӧдлан котырлӧн медшӧр могъясысь ӧти.
Ми зілям лӧсьӧдны регионса школаяссӧ ӧнія ногӧн, могмӧдны бур технологияӧн, медым сэні вӧлі лӧсьыд велӧдчыны.
Велӧдысьлӧн уджлысь тӧдчанлунсӧ петкӧдлӧм могысь 2023 восӧ — россияса педагогика сӧвмӧдысьясысь ӧти Константин Дмитриевич Ушинскийлӧн чужан лунсянь 200 тыран восӧ — шуӧма Россияын Педагоглӧн да наставниклӧн воӧн.
Дона велӧдысьяс!
Став сьӧлӧмсянь сиа тіянлы крепыд дзоньвидзалун, творчествоын вермӧмъяс, енбиа велӧдчысьясӧс, кодъяс пыдди пуктӧны тіянӧс!
Шуд да тыр-бура олӧм тіянлы да матыссаясныдлы!»
Коми Республикаса Юралысь Владимир Уйба 
{Kodko @ Комиын колльӧдісны мобилизация серти военнӧй служба вылӧ корӧм олысьяслысь нёльӧд команда @ выльтор @ https://rkomi.ru/news/2557 @ 2022-10-05 @}
Комиын колльӧдісны мобилизация серти военнӧй служба вылӧ корӧм олысьяслысь нёльӧд команда
Талун, йирым тӧлысь 5 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын вӧлі «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь нёльӧд команда мӧдӧдӧм серти кыпыд церемония.
Резервистъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Талун — вежа лун.
Ті мунанныд дорйыны Чужан мунымӧс, Россиянымӧс, да миянлысь вокъяснымӧс, — шыӧдчис резервистъяс дорӧ Владимир Уйба. — Луганскӧй, Донецкӧй Народнӧй Республикаясын, Херсонскӧй, Запорожскӧй обласьтъясын нуӧдӧм референдумъясыс петкӧдлісны, мый йӧзыс оз кӧсйыны овны Украиналӧн псевдодемократияын да кӧсйӧны бергӧдчыны збыльвывса Чужанінаныс — Россияӧ.
Кызьысь унджык воыс тырмис, медым пӧтны националистъяслӧн пӧрадокӧн. Сійӧ 2014 восянь ёна паськаліс тайӧ муясын да петкӧдліс, мый налӧн эм асланыс войтыр, а эм увтыртӧм йӧз, кодъясӧс позьӧ вины, сотны, лыйлыны.
Талун Россия тайӧ лёкыслы сувтӧ паныд.
Тайӧ тіян ыджыд мог».
Коми Республикаса Юралысь сиис резервистъяслы бура служитны, кывзысьны командиръяснысӧ, кодъяс кужӧны нин воюйтны.
Командируйтӧмъяс лыдын унаӧн найӧ, кодъяс ас кӧсйӧм серти вӧзйысисны дорйыны Чужан му.
«Ме доброволеч.
Армияын служиті артиллерияын.
Боевӧй опытыс менам абу, но воис кад дорйыны Чужан мунымӧс.
Тані кольччисны батьӧй, вокӧй, нылӧй менӧ виччысьӧ.
Война бӧрын гӧтрасям», — висьталіс журналистъяслы Евгений Харин.
Коми Республикаса Юралысь тӧдчӧдіс, мый республикаса Веськӧдлан котыр могмӧдас частичнӧй мобилизация серти корӧм олысьясӧс колана экипировкаӧн, отсалас налӧн семьяяслы, а сідзжӧ кутас ёна видзӧдны резервистъяслӧн удж серти инӧдъясӧ кутчысьӧм бӧрся (Россия Федерацияса Президентлӧн Индӧд серти удж сетысьлы быть колӧ видзны призыв улӧ веськалӧм уджалысьяслысь уджалан местаяссӧ налӧн служитан кад вылӧ).
«Служитӧй кужӧмӧн, тӧдӧмӧн, повтӧг.
Биӧ энӧ пырӧй.
Дорйӧй Чужан муныдтӧ да локтӧй гортӧ ловйӧн да дзоньвидзаӧн.
Енкӧд!», — бурсиис боечьяслы Владимир Уйба.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь витӧд команда @ выльтор @ https://rkomi.ru/news/2560 @ 2022-10-06 @}
Комиын колльӧдісны мобилизация серти военнӧй служба вылӧ корӧм олысьяслысь витӧд команда
Талун, йирым тӧлысь 6 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын вӧлі «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь витӧд команда мӧдӧдӧм серти кыпыд церемония.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Тайӧ вежа кад быдӧнлы, а тіянлы — кык пӧв, — шыӧдчис резервистъяс дорӧ Владимир Уйба. — Тайӧ абу сӧмын спецоперация.
Ми виялам найӧс, кодъясӧс миян пӧльяс эз бырӧдны.
Тайӧ бандеровечьяс, кодъяс быдмисны Америкалӧн сьӧм вылӧ да лёкалӧны.
Ме сёрниті йӧзыскӧд сэні, кӧні аддзылісны тайӧ ставсӧ.
Найӧ шуӧны, мый пӧль-пӧчьяс висьтавлісны налы фашистъяслӧн жаль тӧдтӧмлун йылысь, но найӧ — фашистъясысь на лёкджыкӧсь.
Тайӧ морт мыгӧра зверъяс.
Абу йӧз.
Найӧс висьмӧдісны Америка, Англия да мукӧд страна, кодъяс нелямын витӧд восянь эз на ӧвсьыны.
Налы оз сет спокой миян муясным да озырлунным.
Талун ми тышкасям асланым му вӧсна, тайӧ муыс миян.
Юрнуӧдысьяс, кодъяс сетісны сійӧс, вӧчисны лёка.
Луганскын, Донецкын, Херсонын, Запорожьеын олысь йӧз шуисны: «Оз ков американечьяслӧн да украинечьяслӧн демократияыс», — да локтісны Россияӧ.
Талун, пыдди пуктана вокъяс, ми тышкасям миян йӧз да миян му вӧсна».
Республикаса Юралысь тӧдчӧдіс, мый тыш дорӧ колӧ дасьтысьны кывкутӧмӧн.
Витӧд команда муніс дасьтысьны Мурманскӧ.
Командаӧ пырисны Сосногорскысь, Ухтаысь, Луздор да Койгорт районъясысь йӧз.
Унаӧн локтісны военкоматӧ эз повестка серти, а асьныс.
«Ме — доброволеч.
Ас кадӧ эг служитлы армияын, да ӧні, кор юӧртісны мобилизация йылысь, шуи аслым мунны ставныскӧд.
Ловруӧй кыпыд, ставыс бур.
Тані миянӧс бура видзӧны.
Локтӧм бӧрын миянӧс вердісны, талун туй вылӧ сетісны зэв бур кос паёкъяс.
Талун Ухтаысь ми мунам нелямын гӧгӧр морт, джынсьыс унджыкыс — доброволечьяс.
Сыктывкарысь да Ухтаысь ёртъясӧй тайӧс пыдди пуктӧны, звӧнитӧны, сиӧны став бурсӧ да, дерт жӧ, шуӧны, медым ӧдйӧджык бӧр воим.
Овлӧ, мый кодкӧ пышйӧ-дзебсьӧ.
Чайта, мый тадзи вӧчны оз ков.
Бурджык мунны служитны», — юксис журналистъяскӧд видзӧдласнас Николай Горбатенко.
Коми Республикаса Юралысь эскӧдіс, мый велӧдчан тӧлысь чӧжӧн республикаса Веськӧдлан котыр дасьтас командалы экипировка.
Медводз тайӧ дорйысян средствояс, шоныд кӧм.
Сідзжӧ сійӧ шуис, мый кутас видлавны быд юалӧм, мыйӧн шыӧдчасны военнӧй служба вылӧ корӧм йӧзлӧн матыссаясыс, быд юалӧм серти лоас торъя вочакыв.
Коми Республикаса удж, уджӧн могмӧдан да социальнӧя доръян министерство дорӧ веськыд йитӧд пыр воис нин 800 сайӧ шыӧдчӧм.
«Сиа тіянлы бӧр воны ловъяясӧн да дзоньвидзаясӧн!
Но тайӧ война, а война вылын кольӧ ловйӧн сӧмын бура велӧдӧм боеч, коді стӧча збыльмӧдӧ командаяс.
Миянкӧд тышкасьӧны натоса инструкторъясӧн велӧдӧм войска. Накӧд колӧ тышкасьны кужӧмӧн, биӧ пыртӧг, кывзыны командиръясӧс, веськыда збыльмӧдны налысь тшӧктӧмъяс.
Енкӧд, ёртъяс!» — сиис боечьяслы Владимир Уйба. 
{Kodko @ Владимир Уйба аддзысьліс Сыктывдін районса Кӧмъяр посёлокын олысьяскӧд @ выльтор @ https://rkomi.ru/news/2561 @ 2022-10-06 @}
Владимир Уйба аддзысьліс Сыктывдін районса Кӧмъяр посёлокын олысьяскӧд
Олан пунктыс сулалӧ Сыктывкарсянь 100 километр ылнаын, туйыс кытсюрӧ муйӧж, та вӧсна вӧр новлӧдлан кадӧ легкӧвӧй машинаяслы сьӧкыд ветлӧдлыны.
Тайӧ мытшӧдыс и лоис помкаӧн аддзысьлӧм вылӧ, мый котыртісны татчӧс олысьяслӧн корӧм серти.
Удж серти ветлігӧн Коми Республикаса Юралысь торйӧн видзӧдліс, кутшӧмӧсь посъясыс.
«Ме дорӧ эз ӧтчыдысь шыасьлывны олысьяс Кӧмъяр посёлокын посёлоккостса шогмытӧм туй да пос серти.
Муйӧж туйыс йитӧ олан пунктъяссӧ, да вӧр новлӧдлан кадӧ унджык олысьыс оз вермыны сэті ветлӧдлыны.
Кута сёрнитны вӧр лэдзысьяскӧд.
Тӧда, мый тайӧ мытшӧдсӧ ми бырӧдам.
Кемь ю вомӧн пос дзоньталӧм вылӧ ӧтувъя рӧскодсӧ республикаса Веськӧдлан котыр босьтас ас вылас.
Тайӧ ыджыд мытшӧдсӧ разьӧм вылӧ сьӧмсӧ босьтам резервнӧй фондысь, поссӧ бурмӧдам», — шуис Коми Республикаса Юралысь.
Кӧмъяр посёлоксӧ стрӧитлісны вӧр лэдзысьяслы, сӧветскӧй кадӧ тані уджавлісны йӧзыс страна пасьталаысь.
Леспромхоз тупкӧм бӧрын посёлокын олӧмыс заводитіс кусны.
Ӧні, официальнӧй статистика серти, тані олӧ 269 морт.
Кемь ю вомӧн пос сайын эм нӧшта ӧти этша йӧза олан пункт — Метдін, кытчӧ кызвыннас волӧны сӧмын дачникъяс.
«Сы вылӧ видзӧдтӧг, мый тайӧ посёлокъясас йӧзыс этша, тайӧ мытшӧдсӧ ми бырӧдам.
Йӧзлы, кодъяс тані олӧны, колӧ ветлӧдлыны безопаснӧя», — шуис Владимир Уйба.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь квайтӧд команда @ выльтор @ https://rkomi.ru/news/2564 @ 2022-10-08 @}
Комиын колльӧдісны мобилизация серти военнӧй служба вылӧ корӧм олысьяслысь квайтӧд команда
Йирым тӧлысь 7 лунӧ «Гренада» челядьлысь дзоньвидзалун бурмӧдан да найӧс велӧдан шӧринын «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти кыпыда мӧдӧдісны военнӧй служба вылӧ корӧм гражданалысь квайтӧд команда.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Талун Россия-мамным ӧтнас пӧртӧ олӧмӧ Украинаӧ да мир пасьтала югыдсӧ да бурсӧ вайӧм серти вежа могсӧ.
Ми тіянкӧд — Кристослӧн воинъяс, — шыӧдчис мобилизация серти корӧмаяс дорӧ Владимир Уйба. — Талун миянлы оз позь лэдзны тайӧ лёксӧ, мый колис Украинаын да быдмис нацистскӧй армияӧ.
Ӧні колӧ вермыны найӧс.
Мӧд ногӧн кӧ, кыдзи вӧлі 1941 вося лӧддза-номъя тӧлысь 22 лунӧ найӧ локтасны миян муясӧдз.
Збыльвылас кӧ, найӧ миян муын нин».
Республикаысь повестка серти корӧм олысьяс гӧгӧрвоӧны частичнӧй мобилизациялысь коланлунсӧ.
«Ме служиті Сыктывкарын сапёръяслӧн полкын, помалі Военно-инженернӧй университетлысь Нижегородскӧй филиал.
Ловруӧй кыпыд.
Дась пӧртны олӧмӧ пуктӧм боевӧй могъяссӧ.
Чайта, мый мобилизацияыс колӧ.
Рӧдвуж тайӧс гӧгӧрвоӧны.
Гортын кутасны виччысьны гӧтыр да челядь.
Ме эськӧ кӧсйи шуны ставыслы, кодъяс мӧдӧдчӧны мунны, мый колӧ дасьтысьны, да сиа ставлы ыджыд вермӧмъяс», — висьталіс частичнӧй мобилизация серти запасысь корӧм офицер, Сыктывкарса олысь Алексей Мартынов.
«Ме виччыси повесткасӧ.
Гӧгӧрвои, мый корасны, сы вӧсна дасьті та кежлӧ семьяӧс.
Рӧдвуж шогсьӧны, но бура гӧгӧрвоисны.
Найӧ отсалісны дасьтысьны да чукӧртчыны.
Мобилизациясӧ кӧ юӧртісны, сідзкӧ, тадзи колӧ.
Пуктӧм могъяссӧ тырвыйӧ пӧртам олӧмӧ.
Зонъяслы, кодъяс ӧні гортанысӧсь на, сиа дасьтысьны и вын-эбӧсӧн, и моральнӧя, ӧд кыдзи асьтӧ ышӧдан, сідз и кутан кутчысьны сэні.
Гортын менӧ виччысьӧны гӧтыр, пиӧй да, дерт жӧ, бать-мамӧй», — шуис воздушно-десантнӧй войскаяслӧн стрелкӧвӧй отделениеса командир, сержант Сыктывкарысь Николай Марусенко.
Землякъяслӧн юалӧмъяс вылӧ вочавидзигӧн Коми Республикаса Юралысь висьталіс, мый заводитісны ньӧбны да вурны экипировка, тӧлысь чӧжӧн став коланаторсӧ воясны служитанінъясӧ.
Сідзжӧ Владимир Уйба тӧдчӧдіс, мобилизация серти корӧмаяслы видзасны уджалан местаяссӧ.
Лоасны кӧ уджысь мездӧмъяс, тайӧс босьтчас видлавны республикаса прокуратура.
Удж сетысь вермӧ босьтны мобилизация серти призывниклӧн места вылӧ уджалысьӧс сӧмын сылӧн служитан кад кежлӧ.
Сідзжӧ сослуживечьяс дорӧ бурсиӧмӧн шыӧдчис Вуктылысь доброволеч Олег Комаров:
«Зонъяс, кӧсъя шуны, мый кодлыкӧ усис пудйыс 1941–1945 воясын, а миян кӧленалы — 2022 воын.
Ме кӧсъя шыӧдчыны зонъяс дорӧ, кодъяс мунасны призыв серти.
Воис кӧ тіянлы повестка, зонъяс, энӧ полӧй.
Повтӧг ми вермам!
Миян челядьлӧн, внукъяслӧн аски лун вӧсна, ставыс лоас бур.
Миян странаным вужвыйӧн вежсяс.
Лоас бурджык, ёна бурджык.
Лӧсьӧдасны кӧ фронтлы отсалан фондъяс, колӧ отсасьны.
Лоам вынаӧсь тылын, повтӧг мунам фронт вылӧ, сэки ставыс лоас бур».
{Kodko @ Владимир Уйба сетіс наградаяс Коми Республикаса росгвардеечьяслы @ выльтор @ https://rkomi.ru/news/2565 @ 2022-10-08 @}
Владимир Уйба сетіс наградаяс Коми Республикаса росгвардеечьяслы
Йирым тӧлысь 7 лунӧ Коми Республикаса Юралысь кыпыда аддзысьліс Росгвардиялӧн Коми Республикаын веськӧдланінса уджалысьяскӧд, кодъяс воисны служебнӧй да боевӧй могъяс олӧмӧ пӧртӧм бӧрын пыр кадся дислокация пунктӧ.
«Росгвардиялӧн Коми Республикаын веськӧдланінса торъя подразделениеясысь боечьяс торъя военнӧй операциялӧн медводдза лунсянь бура пӧртӧны олӧмӧ Украинаын служебнӧй да боевӧй могъяс.
Ӧні Аймулӧн медбур пиян тышкасьӧны Россиялӧн талунъя да аскиа лун вӧсна, асьнысӧ оз жалитны да, зэв жаль, мый пуктӧны юрнысӧ», — тӧдчӧдіс Коми Республикаса Юралысь.
Аддзысьлӧмын участвуйтысьяс казьтыштісны Украинаын торъя операция дырйи служебнӧй да гражданскӧй долг олӧмӧ пӧртігӧн пӧгибнитӧмаясӧс чӧв олыштӧмӧн.
Владимир Уйба аттьӧаліс росгвардеечьясӧс героизмысь да повтӧмлунысь, тӧдчӧдіс налысь вылыс тшупӧда боевӧй дасьлунсӧ да сетіс налы наградаяс служебнӧй да боевӧй могъяс бура олӧмӧ пӧртӧмысь.
Росгвардияса торъя подразделениеясысь 40 боечлы сетісны Коми Республикаса Юралыссянь Аттьӧалӧмъяс да «Коми Республикалы зэв бура служитӧмысь» морӧсвыв пасъяс.
«Владимир Владимирович Путин шуис торъя военнӧй операцияын став участвуйтысьсӧ геройясӧн.
Тайӧ сідзи и эм.
Ті ставныд — збыльысь геройяс!
Коми Республикалы зэв нимкодь тіян вӧсна!
Тӧда, мый Россияса Вооружённӧй вынъясӧн Медвылыс Веськӧдлысьӧн пуктӧм могъясӧдз ми воӧдчам тшӧтш и тіян кужӧм-сямлун отсӧгӧн да сьӧлӧмсянь зільӧмӧн.
Миян странаным пасьвартіс фашизмсӧ 1945-ӧд воын, вермам фашистъясӧс и ӧні.
Ми тышкасям аскиа лун вӧсна, а сідзкӧ ми Вермам!», — шуис Коми Республикаса Юралысь Владимир Уйба да сиис росгвардеечьяслы службаын вермӧмъяс, шуд, крепыд дзоньвидзалун, семьяын тыр-бур олӧм.
{Kodko @ Коми Республикаса Юралысь чолӧмалӧ Видз-му овмӧсын да переработайтан промышленносьтын уджалысьяслӧн лунӧн @ выльтор @ https://rkomi.ru/news/2566 @ 2022-10-09 @}
Коми Республикаса Юралысь чолӧмалӧ Видз-му овмӧсын да переработайтан промышленносьтын уджалысьяслӧн лунӧн
«Агропромышленнӧй комплексса пыдди пуктана уджалысьяс, ветеранъяс!
Чолӧмала Видз-му овмӧсын да переработайтан промышленносьтын уджалысьяслӧн лунӧн!
Кӧдзыд климат да геополитика боксянь сьӧкыдлунъяс вылӧ видзӧдтӧг республикаса АПК сӧвмӧ, збыльмӧдӧ суйӧрсайса вузӧс вежӧм да сёян-юан серти безопасносьт кыпӧдан могъяс.
Сідз, таво регионса гырысь предприятиеяс пись ӧтиын заводитіс уджавны яй пыдісянь переработайтан цех да комбикорм вӧчан завод. Заводсӧ стрӧитісны россияса оборудованиеӧн да материалъясысь.
2022 воын видз-му овмӧс производстволы да сикт-грездъяслы отсӧг сетӧм вылӧ федеральнӧй да регионса сьӧмкудйысь вичмӧдісны 1,4 миллиард гӧгӧр шайт.
Торйӧн ми отсалам фермеръяслы да ас подсобнӧй овмӧсъяслы, уджавны заводитысь предпринимательяслы.
Грантъяс отсӧгӧн республикаын лӧсьӧдісны мазі видзан, чери рӧдмӧдан, быдмӧгъяс вӧдитан да скӧт видзан овмӧсъяс.
Зіля сӧвмӧ выль нырвизь — агротуризм.
Агропромышленнӧй комплексын пыдди пуктана уджалысьяс, аттьӧ тіянлы войвыв условиеясын сьӧлӧмсянь уджалӧмысь, Чужан му радейтӧмысь, уджныдтӧ бура тӧдӧмысь да сӧвмыны кӧсйӧмысь.
Сиа тіянлы ыджыд вермӧмъяс, озыр урожай, производство сӧвмӧм, крепыд дзоньвидзалун да тыр-бур олӧм!»
Коми Республикаса Юралысь Владимир Уйба
{Kodko @ Комиын колльӧдісны мобилизация серти военнӧй служба вылӧ корӧм олысьяслысь сизимӧд команда @ выльтор @ https://rkomi.ru/news/2568 @ 2022-10-09 @}
Комиын колльӧдісны мобилизация серти военнӧй служба вылӧ корӧм олысьяслысь сизимӧд команда
Талун, йирым тӧлысь 9 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын кыпыда мӧдӧдісны «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь сизимӧд команда.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Ми вермасям ог Украинакӧд да украинечьяскӧд, ми вермасям ставмирса лёкыскӧд, — шыӧдчис мобилизация серти корӧмаяс дорӧ Владимир Уйба. — Украина — тайӧ сӧмын площадка, мый бӧрйисны Америка да сылы отсасьысьяс, медым босьтны да юкны Россиянымӧс.
Налы оз ковны ни Украина, ни ми.
Налы колӧ Россиялӧн вӧр-ва озырлуныс да сылӧн муясыс.
Та вӧсна ми талун доръям семьяяснымӧс да нэмӧвӧйся муяснымӧс.
Донбассын, Луганщинаын, Запорожьеын, Херсонын олысьяс референдум дырйи шуисны, кодкӧд найӧ кӧсйӧны лоны да коді найӧ збыльвылас.
Тайӧ миян вокъяс, нэм чӧж вӧлісны, эмӧсь да лоасны».
Мобилизация серти корӧмаяслӧн сизимӧд команда лэбас самолётӧн Мурманскӧ, сэтысянь мунасны воинскӧй часьтӧ, кӧні кутасны велӧдчыны лыйсьыны да дасьтысьны тактическӧя, велӧдчасны ладмӧдчыны боевӧй могъяс олӧмӧ пӧртігӧн.
Командаын эмӧсь доброволечьяс, на пӧвстын опытнӧй боечьяс, боевӧй тышъясса ветеранъяс.
Мукӧдыс на пиысь участвуйтлісны нин Украинаын торъя военнӧй спецоперацияын.
«Ме командировкаӧ муна ог нин медводдзаысь.
Медводдзаысьсӧ ветлі рака, косму да ода-кора тӧлысьясын «Барс–1» доброволечьяслӧн отрядын.
Медводз вӧлі туйдӧдан-велӧдан удж серти ротаса командирӧс вежысьӧн, а сэсся лои ротаса командирӧн.
Кӧсъя шуны, мый вӧрӧгыс збыльвылас зэв яр, скӧр да вына.
Но ми сійӧс вермам.
Мӧд туйыс миян абу.
Ми ог сӧмын дорйӧй Россиялысь интересъяссӧ, ми доръям странанымлысь аскиа лунсӧ, семьяяснымӧс, челядьнымӧс, миян йӧзкотырын вежавидзӧмӧн олӧмсӧ да важысянь артмӧм оланногсӧ.
Личнӧй составным збой да дзоньвидза, ловруным кыпыд. Тайӧ зэв тӧдчана.
Кутам отсасьны налы, кодлӧн боевӧй опытыс абу.
Миян ловруным ён. Ми тышкасям аскиа лун вӧсна.
Ми Вермам», — шуис журналистъяслы Усинскын олысь Алексей, коді торъя операция заводитчытӧдз уджаліс предприятиеяса директорӧн.
«Миян могным — бырӧдны национализмсӧ, фашизмсӧ, — воис ӧти кывйӧ боевӧй ёртыскӧд военнӧй разведчик Алексей. — Операциялӧн могыс — лӧсьӧдны миян муясын мир, бергӧдны бӧр муяснымӧс, артмӧдны инӧда канму.
Лоас сьӧкыд, ӧд миянлы паныд сувтіс матӧ став рытыввыв странаыс.
Миян вӧрӧг лыдысь 75 прӧчентыс — тайӧ наёмникъяс.
На лыдын полякъяс, венгръяс, румынъяс, американечьяс, Африкаысь, балтикабердса странаясысь медалӧмаяс, финнъяс, французъяс, ог нин шу аспом военнӧй компанияяс йылысь.
Дерт жӧ, налӧн медся выль ӧружье.
Но найӧ тышкасьӧны сьӧм вӧсна, а ми — миян муяс, страна вӧсна.
Тайӧ ёна миянӧс ышӧдӧ.
Та понда ми пӧртам олӧмӧ могнымӧс, ми вермам».
Землякъяслы бурсиигӧн Коми Республикаса Юралысь висьталіс сы йылысь, мый республикаса Веськӧдлан котыр нуӧдӧ удж, медым ньӧбны обмундирование мобилизация серти корӧмаяслы, сійӧс сетасны Россия Федерацияса оборона министерствоӧн сетӧм обмундирование дорӧ содтӧд.
Владимир Уйба казьтыштіс, мый Россияса Президент кырымаліс 3 федеральнӧй оланпас, кутшӧмъяс серти мобилизация улӧ веськалӧм гражданалӧн колясны уджалан местаясыс налӧн служитан кад вылӧ, налысь семьяяснысӧ мездасны ЖКХ-лӧн услугаясысь мынтысьӧм серти штрапъясысь да пеняясысь, а сідзжӧ сетасны кредитъяс да ипотека мынтӧм вылӧ каникулъяс.
«Кывзысьӧй командиръясныдлысь, налӧн эм нин боевӧй опытыс.
Стӧча збыльмӧдӧй тшӧктӧмъяссӧ, бура служитӧй.
Воӧй бӧр ловъяӧн да дзоньвидзаӧн.
Миян пӧльясным эз бырӧдны найӧс, миян могыс — бырӧдны найӧс помӧдзыс.
Ми тышкасям аскиа лун вӧсна, ми вермам.
Енкӧд!» — бурсиис Владимир Уйба.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь кӧкъямысӧд команда @ выльтор @ https://rkomi.ru/news/2570 @ 2022-10-10 @}
Комиын колльӧдісны мобилизация серти военнӧй служба вылӧ корӧм олысьяслысь кӧкъямысӧд команда
Талун, йирым тӧлысь 10 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын кыпыда мӧдӧдісны «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь кӧкъямысӧд команда.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Ми доръям Чужан мунымӧс.
Ставӧн гӧгӧрвоӧны, мый ми тышкасям ог украинечьяскӧд, а ставмирса лёкыскӧд.
Медводз, американечьяскӧд, кодъяс йӧз му вылын йӧз киӧн кӧсйӧны ылӧдчӧмӧн лӧсьӧдны ассьыныс пӧрадоксӧ, — шыӧдчис мобилизация серти корӧмаяс дорӧ Владимир Уйба. — Донецкысь, Луганскысь, Херсонысь, Запорожьеысь йӧзыс сетісны гӧлӧсъясныссӧ да таӧн шуисны, мый найӧ бӧр локтӧны Россияӧ.
Тайӧ нӧшта ӧтчыдысь висьталӧ сы йылысь, мый нацистъяслӧн, бандеровщиналӧн бӧръя кӧкъямыс вося режимыс — тайӧ абу мортнога режим, сыын нинӧм вежаыс абу.
Та вӧсна йӧзыс виччысьӧны, мед ми локтам да лӧсьӧдам сэні пӧрадок, да медым лоис мир да победа».
Мобилизация серти корӧмаяслӧн кӧкъямысӧд команда мӧдӧдчис Санкт-Петербургӧ, сэтысянь мунасны воинскӧй часьтӧ, кӧні кутасны велӧдчыны лыйсьыны да дасьтысьны тактическӧя, велӧдчасны ладмӧдчыны боевӧй могъяс олӧмӧ пӧртігӧн.
Командаын эмӧсь доброволечьяс.
«Ӧні ме пенсия вылын, сыӧдз уджалі энергетикӧн.
Майшася, но эг шӧйӧвош.
Гортын колисны гӧтыр, ныв да пи.
Найӧ, дерт, майшасьӧны.
Ме муні доброволечӧн, ачым локті да гижи заявление.
Сы вӧсна мый коді, ог кӧ ми?», — шуис журналистъяслы Сыктывкарысь доброволеч Сергей.
Коми Республикаса Юралысь висьталіс, сы йылысь, мый республикаса Веськӧдлан котыр нуӧдӧ удж, медым ньӧбны обмундирование мобилизация серти корӧмаяслы, сійӧс сетасны Россия Федерацияса оборона министерствоӧн сетӧм обмундирование дорӧ содтӧд.
Владимир Уйба казьтыштіс, мый Россияса Президент кырымаліс 3 федеральнӧй оланпас, кутшӧмъяс серти мобилизация улӧ веськалӧм гражданалӧн колясны уджалан местаясыс налӧн служитан кад вылӧ, налысь семьяяснысӧ мездасны ЖКХ-лӧн услугаясысь мынтысьӧм серти штрапъясысь да пеняясысь, а сідзжӧ сетасны кредитъяс да ипотека мынтӧм вылӧ каникулъяс.
Мобилизация серти корӧмаяслӧн матыссаяслы да рӧдвужлы отсӧг сетӧм могысь водзӧ уджалӧ Коми Республикаса удж, уджӧн могмӧдан да социальнӧя доръян министерствоын «веськыд йитӧд».
Сэтчӧ позьӧ шыӧдчыны 8–912–141–42–00 телефон пыр.
Сӧмын колян вежалунӧ, йирым тӧлысь 9 лунӧ, «веськыд йитӧд» пыр воис 80-ысь унджык шыӧдчӧм.
Быд юалӧм видлалӧны торйӧн, а примитӧм помшуӧмъяс бӧрся Коми Республикаса Юралысь видзӧдӧ ачыс.
«Виччысям ставнытӧ вермӧмӧн!
Вермӧмыс миянлы колӧ.
Тіянкӧд кутас тышкасьны бура дасьтысьӧм армия.
Лӧсьӧдчӧй ыджыд удж кежлӧ, тренируйтчӧй, ладмӧдчӧй.
Енкӧд!», — шуис Владимир Уйба.
{Kodko @ Мобилизация серти Комиысь корӧм олысьяслы сетасны 100 сюрс шайтӧн @ выльтор @ https://rkomi.ru/news/2572 @ 2022-10-11 @}
Мобилизация серти Комиысь корӧм олысьяслы сетасны 100 сюрс шайтӧн
Коми Республикаса Юралысь Владимир Уйба тшӧктіс регионса Веськӧдлан котырлы нуӧдны мобилизация серти Комиысь корӧмаяслы регионса мынтӧмъяс сетан уджсӧ боевӧй могъяс олӧмӧ пӧртігӧн ладмӧдчыны велӧданінъясӧ олысьясӧс мӧдӧдӧм бӧрын йирым тӧлысь 5 лунӧ.
Могсӧ пӧртісны олӧмӧ регыдъя кадӧ.
Йирым тӧлысь 10 лунӧ регионса Веськӧдлан котыр кырымаліс лӧсялана тшӧктӧм.
«Миянӧс дорйысьяс гӧгӧрвоӧны, кутшӧм мог на водзын пуктӧма.
Гӧгӧрвоӧны, мый мӧдӧдчӧны СВО зонаӧ асланыс челядьлӧн аскиа лун вӧсна.
Найӧ дасьӧсь збыльмӧдны боевӧй могъяс.
А миян могыс — быд боксянь отсавны налы да налӧн семьяяслы.
Кыдзи моральнӧя, мый тшӧтш зэв тӧдчана, сідз и сьӧмӧн.
Та вӧсна ме тшӧкті ӧтчыдысь мынтыны республикаысь мобилизация улӧ веськалӧм олысьяслы подъёмнӧяс», — гӧгӧрвоӧдіс Коми Республикаса Юралысь.
Мынтӧмъяс серти позьӧ шыӧдчыны Коми Республикаса кар-районъясын олысьясӧс социальнӧя доръян шӧринъясӧ.
Казьтыштам, Комиын примитісны мобилизация улӧ веськалӧм гражданалы да налӧн семьяясӧ пырысьяслы отсӧг сетан мераяс.
Республикаса Веськӧдлан котыр нуӧдӧ удж, медым ньӧбны обмундирование мобилизация серти корӧмаяслы, сійӧс сетасны Россия Федерацияса оборона министерствоӧн сетӧм обмундирование дорӧ содтӧд.
Частичнӧй мобилизация нуӧдӧм серти став юалӧмӧн позьӧ шыӧдчыны 122 веськыд йитӧд пыр.
Мобилизация серти корӧмаяслӧн рӧдвуж да матыссаяс быд лун 8 чассянь 22 часӧдз вермӧны шыӧдчыны юалӧмӧн Коми Республикаса удж министерстволӧн 8–912–141–42–00 веськыд йитӧд пыр.
Частичнӧй мобилизация дырйи призыв серти ӧшыбкаяс йылысь позьӧ юӧртны Ставроссияса народнӧй фронтлӧн Сыктывкарын республиканскӧй юкӧнӧ 8 (8212) 215–667 телефон пыр.
#МЫВМЕСТЕ акция серти отсасьӧны волонтёръяс.
Отсӧг босьтӧм могысь заявкасӧ позьӧ кольны 8–800–200–34–11 телефон пыр.
Волонтёръяс сетасны отсӧг военнослужащӧйяслӧн семьяяслы быдлунъя олӧмын, котыртасны пӧрысь рӧдвужлы сёян-юан вайӧмсӧ, отсаласны разьны юридическӧй боксянь мытшӧдъяс.
Сідзжӧ тані позьӧ тӧдмавны мобилизация улӧ веськалӧм гражданалы кӧлуй чукӧртан пунктъяс йылысь юӧр.
Мобилизация улӧ веськалӧм граждана вермӧны босьтны нотариальнӧй отсӧг кокньӧдӧм условиеяс вылын да регыдъя кадӧ.
Нотариус дорӧ шыӧдчигӧн колӧ петкӧдлыны повестка.
Та дырйи гражданин оз мынтысь нотариальнӧй удж збыльмӧдан услугаясыс.
Матысса рӧдвуж вылӧ эсканпас оформитӧмыс сувтас 100 шайт, мукӧд граждана вылӧ — 500 шайт (Россияса вот кодексӧн урчитӧм взнос).
Мобилизация улӧ веськалӧм граждана да налӧн семьяӧ пырысьяс вермӧны дон мынтытӧг босьтны социальнӧя отсалан мераяс, олан жыр да коммунальнӧй услугаяс мынтӧм вылӧ субсидияяс сетӧм, батьӧн шуӧмсӧ индӧм, удж вылӧ бӧр пырӧм да мукӧд юалӧм серти консультацияяс.
Гижӧдчыны позьӧ Канму юридическӧй бюролӧн 8 (8212) 206–155 телефон пыр.
Граждана, кодъяс кӧсйӧны ӧдйӧджык гижсьыны, повестка петкӧдлӧм бӧрын вермӧны гӧтрасьны заявление сетан лунӧ.
Таысь кындзи, «Единая Россия» партиялӧн Комиын дінму юкӧн отсӧгӧн котыртӧма «Добрая республика» фондлӧн тшӧт вылӧ сьӧм чукӧртӧм.
Став сьӧмсӧ веськӧдасны мобилизация улӧ веськалӧмаясӧс снаряжениеӧн да медколанаторйӧн содтӧд могмӧдӧм вылӧ.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь ӧкмысӧд команда @ выльтор @ https://rkomi.ru/news/2574 @ 2022-10-11 @}
Комиын колльӧдісны мобилизация серти военнӧй служба вылӧ корӧм олысьяслысь ӧкмысӧд команда
Талун, йирым тӧлысь 11 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын кыпыда мӧдӧдісны «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь ӧкмысӧд команда.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Ми тышкасям ог Украинакӧд да ог украинаса войтыркӧд, — шыӧдчис мобилизация серти корӧмаяс дорӧ Владимир Уйба. — Ми тышкасям ӧтувъя Рытыввывкӧд, Америкакӧд, НАТО серти налы отсасьысьяскӧд.
Налӧн этшыс сэтшӧм — воюйтны йӧз киӧн йӧз муын.
Гӧгӧрвоана, мый Украинаыс да, сідз шусяна, украинаса вӧляыс налы оз ков.
Налы колӧ миян муным.
Найӧ ызйӧдісны украинаса вокъяснымӧс тайӧ зык вылас, медым панны ыджыд тыш.
Миян могыс — бырӧдны тайӧ лёксӧ».
Коми Республикаса Юралысь корис резервистъясӧс кывкутӧмӧн дасьтысьны, кывзысьны командиръяслысь, бура служитны.
Сідзжӧ сійӧ висьталіс отсӧг сетан выль мера йылысь. Сійӧс примитісны йирым тӧлысь 10 лунӧ:
«Кырымалӧма частичнӧй мобилизация серти став корӧмалы 100 сюрс шайт мындаын ӧтчыдысь мынтан сьӧм сетӧм йылысь Коми Республикаса Веськӧдлан котырлӧн тшӧктӧм.
Та дырйи некутшӧм шыӧдчӧм гижны оз ков, сьӧмсӧ кутасны сетны социальнӧя доръян шӧринъяс пыр.»
Ӧкмысӧд командаӧ пырисны Ухта карысь, Кулӧмдін, Удора, Мылдін, Емдін, Печора районъясысь олысьяс.
Найӧ мунасны Санкт-Петербургӧ, сэтысянь — воинскӧй часьтӧ, кӧні кутасны велӧдчыны лыйсьыны да дасьтысьны тактическӧя, велӧдчасны ладмӧдчыны боевӧй могъяс олӧмӧ пӧртігӧн.
Командаын эмӧсь доброволечьяс.
«Ме — доброволеч.
Коді, ог кӧ ми?
Ми кӧ огӧ мунӧй, ставыс тайӧ воас татчӧ.
Прамӧй мужичӧйлӧн могыс — мунны сэтчӧ да вӧчны тайӧс.
Воам гортӧ победаӧн.
Гортын менӧ виччысьӧны гӧтыр, нылӧй, бать-мам», — висьталіс журналистъяслы Ухтаысь 21 арӧса доброволеч Иван.
«Семья, Чужан му, рӧдвуж вӧсна муна.
Боевӧй опытыс менам абу, но дас воысь унджык выслуга эм.
Срочнӧй служба вылын вӧлі зенитно-ракетнӧй войскаясын, а контракт серти служиті отделениеса командирӧн.
Матыссаяс, дерт, майшасисны, но нинӧм — гӧгӧрвоисны, мый тайӧ миян ӧтувъя удж.
Гортын виччысьӧны кага да гӧтыр», — шуис Ухтаысь 34 арӧса доброволеч Денис.
Коми Республикаса Юралысь эскӧдіс, мый мобилизация серти корӧм гражданалы обмундированиесӧ ваясны слаживание местаясӧ СВО зонаӧ военнӧй служба вылӧ найӧс мӧдӧдтӧдз.
Владимир Уйба казьтыштіс, мый Россияса Президент кырымаліс 3 федеральнӧй оланпас, кутшӧмъяс серти мобилизация улӧ веськалӧм гражданалӧн колясны уджалан местаясыс налӧн служитан кад вылӧ, налысь семьяяснысӧ мездасны ЖКХ-лӧн услугаясысь мынтысьӧм серти штрапъясысь да пеняясысь, а сідзжӧ сетасны кредитъяс да ипотека мынтӧм вылӧ каникулъяс.
{Kodko @ Оланін да коммунальнӧй услугаясысь тарифъяссӧ оз кутны индексируйтны 1,5 во чӧж @ выльтор @ https://rkomi.ru/news/2576 @ 2022-10-12 @}
Оланін да коммунальнӧй услугаясысь тарифъяссӧ оз кутны индексируйтны 1,5 во чӧж
2022–2023 вояс кежлӧ коммунальнӧй услугаяс вылӧ донъяс (тарифъяс) урчитӧм йылысь Коми Республикаса тариф комитетлысь тшӧктӧд балаяссӧ йӧзӧдӧма да найӧс дасьтӧм бӧрын кӧсйӧны на йӧзӧдны pravo.rkomі.ru официальнӧй ӧтуввез-порталын.
Та дырйи коммунальнӧй услугаясӧн вӧдитчысьяслы субсидияяссӧ да социальнӧя отсалан мераяссӧ кӧсйӧны кольны.
Коми Республикаса тариф комитетлӧн тшӧктӧд балаясын тарифъяслысь мындаяссӧ арталӧма 2023 во да 2024–2025 вояс вылӧ Россия Федерацияӧс социальнӧй да экономика боксянь сӧвмӧдан прогнозлысь параметръяссӧ тӧд вылӧ босьтӧмӧн. Тайӧ прогнозсӧ вынсьӧдісны Россия Федерацияса Веськӧдлан котырлӧн 2022 во кӧч тӧлысь 22 лунся заседание дырйи.
А сідзжӧ та дырйи босьтісны тӧд вылӧ сійӧс, мый Федеральнӧй антимонопольнӧй служба кӧсйӧ урчитны 2022–2023 вояс вылӧ гражданаӧн мынтӧмъяслӧн содан медпозяна индексъяссӧ.
Та дырйи донъяс (тарифъяс) урчитӧм йылысь Коми Республикаса тариф комитетлӧн йӧзӧдӧм тшӧктӧд балаясын индӧм тарифъяссӧ вермасны стӧчмӧдны Коми Республикаса тариф комитетса Правлениелӧн заседание бӧрын.
Сы вӧсна, мый вына федеральнӧй нормативнӧй инӧда актъясӧ, мыйӧн урчитӧма коммунальнӧй услугаяс вылӧ тарифъяс индӧмсӧ, кӧсйӧны пыртны вежсьӧмъяс, тарифъясыс вермасны вынсявны 2022 вося ӧшым тӧлысь 1 лунӧ да лоасны вынаӧн 2024 вося сора тӧлысь 1 лунӧдз.
Вынсьӧдан ӧнія федеральнӧй нормативнӧй инӧда документъяс серти 2022 вося ӧшым тӧлыссянь 2024 вося лӧддза-номъя тӧлысь 30 лунӧдз тарифъясыс оз содны.
Тарифъяссӧ йӧзӧдӧны pravo.rkomі.ru официальнӧй ӧтуввез-порталын сы вӧсна, мый «Коми Республикаса нормативнӧй инӧда актъяс серти коррупциялы паныд асшодъя экспертиза нуӧдӧм да найӧс йӧзкӧд ӧтув видлалӧм серти содтӧд гарантияясӧн могмӧдӧм йылысь» Коми Республикаса Юралысьлӧн 2017 вося моз тӧлысь 25 лунся 239-р №-а тшӧктӧмлӧн 2, 3 пунктъяс серти колӧ нуӧдны нормативнӧй инӧда актъяс (нормативнӧй инӧда акт балаяс) серти коррупциялы паныд асшодъя экспертиза, 10 календарнӧй лунысь оз этшаджык кежлӧ.
Тайӧ уджсӧ нуӧдӧны быд во.
Сы могысь, медым ладмӧдны льготнӧй тарифъяссӧ да экономика боксянь подулалӧм тарифъяссӧ, Каналан Сӧветлӧн 2022 во ӧшым тӧлысь 1 лунся заседание дырйи кӧсйӧны видлавны Льготнӧй тарифъяс йылысь оланпас баласӧ.
Ростов, Воронеж, Пенза обласьтъясын да страналӧн мукӧд регионын тшӧтш жӧ йӧзӧдӧны донъяс (тарифъяс) йылысь Россия Федерацияса субъектъяслӧн олӧмӧ пӧртысь власьт органъяслысь помшуӧм балаяссӧ сы могысь, медым нуӧдны коррупциялы паныд асшодъя экспертиза.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь дасӧд команда @ выльтор @ https://rkomi.ru/news/2580 @ 2022-10-12 @}
Комиын колльӧдісны мобилизация серти военнӧй служба вылӧ корӧм олысьяслысь дасӧд команда
Талун, йирым тӧлысь 12 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын кыпыда мӧдӧдісны «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь дасӧд команда.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Ми доръям ассьыным мунымӧс, — шыӧдчис мобилизация серти корӧмаяс дорӧ Владимир Уйба. — Миянлысь вӧрӧгъяснымсӧ историяыс нинӧмӧ оз велӧд: ставныс, кодъяс уськӧдчывлісны ми вылӧ да панлісны тыш-кось, тайӧ муас и колисны.
Но найӧ некыдз оз ӧвсьыны, сӧмын ӧні найӧ тышкасьӧны йӧз киӧн.
Медалӧны наёмникъясӧс, а асьныс сэні, саридз сайын, чайтӧны, тыш-косьыс наӧдз оз во.
Воас.
Пыр, весиг медсьӧкыд кадӧ, смута дырйи, кор Россия вылӧ уськӧдчывлісны ыджыд войскаяс — вӧрӧгъясыс колісны муын, а Россия сувтліс кок йылӧ да сӧвмис.
Но та вӧсна колӧ тышкасьны, да тышкасьны збыльвылас».
Коми Республикаса Юралысь корис резервистъясӧс кывкутӧмӧн дасьтысьны боевӧй подготовка дырйи, кывзысьны командиръяслысь, служитны бура.
Сідзжӧ сійӧ висьталіс тылын могмӧдӧм йылысь, а сідзжӧ отсӧг сетан выль мера — регионысь частичнӧй мобилизация улӧ веськалӧм олысьяслы 100 сюрс шайтӧн республиканскӧй ӧтчыдысь мынтӧм йылысь.
Сьӧмсӧ заводитасны сетны тайӧ вежоннас нин.
Таысь кындзи, вештасны удждон серти торъялӧмсӧ, быд тӧлысся военнӧй мынтӧмыс кӧ лоас этшаджык «гражданка» вылын удждонысь.
Дасӧд командаӧ пырисны Сыктывкар, Ухта, Сосногорск, Воркута каръясысь, Емдін районысь олысьяс.
Найӧ мӧдӧдчасны Мурманск обласьтӧ, воинскӧй часьтӧ, кӧні велӧдчасны боевӧй могъяс олӧмӧ пӧртігӧн ладмӧдчыны.
Командаын эмӧсь доброволечьяс.
«Мыйла ме муна доброволечӧн?
Чужан му корӧ!
Мед найӧ татчӧдз эз воны.
Гортын кутасны виччысьӧны гӧтыр, челядь, бать-мам.
Тані олӧм быд уджалі автомеханикӧн.
Боевӧй опытыс эм, Чечняын служитлі БТР-са шоперӧн.
Кор юӧртісны торъя военнӧй операция йылысь, дзик пыр мӧвпышті мунны военкоматӧ.
Ӧткымын менам сослуживеч сэнӧсь нин, шуӧны, сэні ставыс лючки пӧ, оз ков повны», — висьталіс журналистъяслы Воркутаысь доброволеч Владимир.
«Ме мӧвпавтӧг ачым локті.
Семьяӧй менсьым видзӧдласӧс ошкис.
Кор заводитчис мобилизация, звӧниті военкоматӧ, меным шуисны, мый военно-учётнӧй специальносьтӧй оз лӧсяв.
Сэки гижи заявление, медым мунны доброволечӧн дорйыны Чужан мунымӧс.
Менам сэні уна одноклассник служитӧ, муна налы отсасьны.
Налы колӧ миян отсӧгыс.
Ми тӧдам, мый вермам!», — шуис Воркутаысь Павел.
Коми Республикаса Юралысь юӧртіс, мый мобилизация улӧ веськалӧм гражданалы обмундированиесӧ ваясны СВО зонаӧ военнӧй служба вылӧ мунтӧдз боевӧй могъяс олӧмӧ пӧртігӧн ладмӧдчыны велӧданінъясӧ.
Медводдза командаысь зонъяслы, кодъяс мӧдӧдчисны боевӧй могъяс олӧмӧ пӧртігӧн ладмӧдчыны велӧданінъясӧ кӧч тӧлысь 25 лунӧ, экипировкаыс дась нин да сійӧс ваясны матысса лунъясӧ.
Владимир Уйба казьтыштіс, мый Россияса Президент кырымаліс 3 федеральнӧй оланпас, кутшӧмъяс серти мобилизация улӧ веськалӧм гражданалӧн колясны уджалан местаясыс налӧн служитан кад вылӧ, налысь семьяяснысӧ мездасны ЖКХ-лӧн услугаясысь мынтысьӧм серти штрапъясысь да пеняясысь, а сідзжӧ сетасны кредитъяс да ипотека мынтӧм вылӧ каникулъяс.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь дас ӧтиӧд команда @ выльтор @ https://rkomi.ru/news/2582 @ 2022-10-13 @}
Комиын колльӧдісны мобилизация серти военнӧй служба вылӧ корӧм олысьяслысь дас ӧтиӧд команда
Талун, йирым тӧлысь 13 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын кыпыда мӧдӧдісны «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь дас ӧтиӧд команда.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Мирыс юксис американечьяс да НАТО странаясысь налы отсасьысьяс да Россия вылӧ, — шыӧдчис мобилизация серти корӧмаяс дорӧ Владимир Уйба.
Талун сувтӧ юалӧм: либӧ найӧ, либӧ ми.
Стӧча тӧда, вермам ми!
Ми тышкасям аскиа лун вӧсна, ми вермам.
Мӧд ногӧн оз вермы лоны.
Енкӧд!»
Коми Республикаса Юралысь корис землякъяссӧ зэв бура велӧдчыны боевӧй могъяс олӧмӧ пӧртігӧн ладмӧдчыны, кывкутӧмӧн дасьтысьны боевӧй подготовка дырйи.
Сідзжӧ сійӧ вочавидзис частичнӧй мобилизация серти Удж, уджӧн могмӧдан да социальнӧя доръян министерстволӧн веськыд йитӧд пыр медтшӧкыда воысь юалӧмъяс вылӧ.
Юалӧмъясыс йитчӧны боевӧй могъяс олӧмӧ пӧртігӧн ладмӧдчыны велӧдчан кадӧ сьӧм мынтӧмкӧд, регионын ӧтчыдысь сьӧм мынтӧмкӧд да экипировкаӧн могмӧдӧмкӧд.
Комиысь мобилизация улӧ веськалӧм став олысьлы воинскӧй часьтъясын боевӧй могъяс олӧмӧ пӧртігӧн ладмӧдчыны велӧдчан медводдза лунсянь кутасны мынтыны 2 сюрс шайтсянь 4,5 сюрс шайтӧдз суткинас.
Сьӧм мындасӧ арталӧны сы серти, кымын во уджалӧма, а сідзжӧ войвывса коэффициентъяс, чина окладъяс да воинскӧй званиеса оклад серти.
Сьӧмсӧ мынтӧны быд тӧлысь, 10-ӧд лунсянь 20-ӧд лунӧдз.
Йирым тӧлысь 10 лунӧ Коми Республикаса Веськӧдлан котыр кырымаліс республикаысь частичнӧй мобилизация улӧ веськалӧм став олысьлы 100 сюрс шайт мындаын ӧтчыдысь мынтӧм йылысь тшӧктӧм.
Сьӧмсӧ мынтасны и налы, кодъяс мунісны служитны тайӧ тшӧктӧмсӧ примиттӧдз, да налы, кодъясӧс мӧдӧдасны на.
Сьӧмсӧ кутасны мынтыны олысьясӧс социальнӧя доръян шӧринъяс пыр военкоматъясӧн сетӧм реестръяс подув вылын.
Сьӧмыс воас мобилизация улӧ веськалӧм олысьяслы банкса тшӧтъяс вылӧ.
Та дырйи некутшӧм заявление социальнӧя доръян органъясӧ гижны оз ков.
Комиысь мобилизация серти став корӧмалы сетасны Россия Федерацияса оборона министерстволӧн нормативъяслы лӧсялана обмундирование.
Кӧч тӧлысь 25 да 27 лунъясӧ боевӧй могъяс олӧмӧ пӧртігӧн ладмӧдчыны велӧдчӧм вылӧ республикаысь мӧдӧдӧм медводдза командаяслы экипировкаыс дась нин.
Матысса лунъясӧ СВО зонаӧ мунтӧдз обмундированиесӧ сетасны боечьяслы.
Дас ӧтиӧд командаӧ пырисны Сыктывкар, Ухта, Сосногорск каръясысь, Сыктывдін, Кӧрткерӧс, Чилимдін да Емдін районъясысь олысьяс.
Найӧ мӧдӧдчасны Санкт-Петербург бердын воинскӧй часьтъясӧ дасьтысян курсъяс прӧйдитӧм вылӧ.
«Ме — старшӧй лейтенант, служитлі саридзса пехотаын.
Ас кӧсйӧм серти локті военкоматӧ, босьті повестка.
Таӧдз уджалі вахтаясӧн.
Чужан му кӧ корис, колӧ мунны.
Гӧтырпукӧд гижсим дзик менам мунтӧдз, а сідзсӧ — нёль во нин ӧтлаын олам.
Артмӧ, мый семья да челядь нин эмӧсь.
Ловруӧй менам боевӧй,
ёртъяслӧн тшӧтш ловруыс зэв кыпыд.
Ставныс мунӧны ас кӧсйӧм серти», — висьталіс журналистъяслы Ухтаысь доброволеч 39 арӧса Николай.
Владимир Уйба казьтыштіс, мый Россияса Президент кырымаліс 3 федеральнӧй оланпас, кутшӧмъяс серти мобилизация улӧ веськалӧм гражданалӧн колясны уджалан местаясыс налӧн служитан кад вылӧ, налысь семьяяснысӧ мездасны ЖКХ-лӧн услугаясысь мынтысьӧм серти штрапъясысь да пеняясысь, а сідзжӧ сетасны кредитъяс да ипотека мынтӧм вылӧ каникулъяс.
{Kodko @ Владимир Уйба чолӧмаліс «Ника» баскетбольнӧй командасӧ сезон бура восьтӧмӧн @ выльтор @ https://rkomi.ru/news/2584 @ 2022-10-13 @}
Владимир Уйба чолӧмаліс «Ника» баскетбольнӧй командасӧ сезон бура восьтӧмӧн
Регионса Юралысь сетіс командалы спортын ыджыд вермӧмъясысь дипломъяс да сиис командалы водзӧ вылӧ быд бурсӧ.
«Тайӧ сезонсӧ «Ника» восьтіс зэв бура.
Куим вермӧм — ӧтиысьсӧ ворсісны бокын, а кыкысьсӧ гортын.
Тайӧ зэв бур панас.
Ми эскам, мый победаясыс лоасны на.
Ми велалім, мый «Ника» сувтӧдӧ ас водзас вывті ыджыд могъяс, мукӧддырйиыс чайтсьӧ, мый найӧс он вермы пӧртны олӧмӧ.
Вермыны кӧсйӧмыс ышӧдӧ быд ворсӧмын.
Тіян вермӧмъясныд ёна ышӧдӧны том спортсменъясӧс да лоӧны праздникӧн став болельщиклы», — тӧдчӧдіс Коми Республикаса Юралысь.
«Ыджыд аттьӧ Тіянлы отсӧгысь, сыысь, мы Ті век миянкӧд.
Тшӧкыдджыка волывлӧй миян ворсӧмъяс вылӧ», — аттьӧаліс Юралысьӧс командаса капитан Раиса Мусина.
«Аттьӧ Тіянлы миян командалы отсалӧмысь.
Ми вӧчам ставсӧ, медым бура петкӧдчыны ӧнія сезонын да бурджыка ворсны колян во дорысь», — шуис «Ника» командалӧн медшӧр тренер.
* * *
Йирым тӧлысь 1 лунӧ сыктывкарса «Ника» ветліс ворсны Самара карысь «Самара» командакӧд да вермис сійӧс 90:70 тшӧтӧн.
Йирым тӧлысь 7 лунӧ «Ника» 76:73 тшӧтӧн вермис Красноярск карысь «Енисей» командасӧ гортса ворсӧмын.
Йирым тӧлысь 12 лунӧ «Ника» 70:62 тшӧтӧн вермис Оренбург обласьтысь «Надежда» команда.
Воддза сезонын (2021/2022) «Ника» босьтіс Россияса XVІІІ кубокын аньяслӧн командаяс пӧвстын мӧд места.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь дас кыкӧд команда @ выльтор @ https://rkomi.ru/news/2587 @ 2022-10-15 @}
Комиын колльӧдісны мобилизация серти военнӧй служба вылӧ корӧм олысьяслысь дас кыкӧд команда
Талун, йирым тӧлысь 15 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын кыпыда мӧдӧдісны «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ корӧм гражданалысь дас кыкӧд команда.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Россия тышкасьӧ Америкакӧд да сылы отсасьысьяскӧд — Англиякӧд да НАТО канмуяскӧд.
Збыльвылас кӧ ставлы гӧгӧрвоана, мый Украинасӧ бӧрйисны плацдарм пыдди, медым уськӧдчыны Россия вылӧ да босьтны сійӧс нарт улӧ.
2014 воӧ сувтісны паныд бур да лёк.
2014 воын Украинаын фашистъяс да бандеровечьяс вӧчисны военнӧй переворот.
Талун ми тышкасям ог украинечьяскӧд, а ӧтувъя Рытыввывкӧд да украинаса нацистъяскӧд.
Тайӧ миян му, кӧні миян дедъяс да прадедъяс Ичӧт Россия мездӧм вӧсна сетісны ассьыныс олӧмсӧ.
Та вӧсна ті мунанныд война вылӧ — нӧшта ӧтчыдысь дорйыны Россиялысь асшӧрлунсӧ, — шыӧдчис Владимир Уйба мобилизация серти военнӧй служба вылӧ республикаысь корӧм олысьяс дорӧ.
Коми Республикаса Юралысь вочавидзис частичнӧй мобилизация серти Удж, уджӧн могмӧдан да социальнӧя доръян министерстволӧн веськыд йитӧд пыр медтшӧкыда воысь юалӧмъяс вылӧ.
Юалӧмъясыс йитчӧны боевӧй могъяс олӧмӧ пӧртігӧн ладмӧдчыны велӧдчан кадӧ сьӧм мынтӧмкӧд, регионын ӧтчыдысь сьӧм мынтӧмкӧд да экипировкаӧн могмӧдӧмкӧд.
Комиысь мобилизация улӧ веськалӧм став олысьлы воинскӧй часьтъясын боевӧй могъяс олӧмӧ пӧртігӧн ладмӧдчыны велӧдчан медводдза лунсянь кутасны мынтыны 2 сюрс шайтсянь 4,5 сюрс шайтӧдз суткинас.
Сьӧм мындасӧ арталӧны сы серти, кымын во уджалӧма, а сідзжӧ войвывса коэффициентъяс, чина окладъяс да воинскӧй званиеса оклад серти.
Сьӧмсӧ мынтӧны быд тӧлысь, 10-ӧд лунсянь 20-ӧд лунӧдз.
Йирым тӧлысь 10 лунӧ Коми Республикаса Веськӧдлан котыр кырымаліс республикаысь частичнӧй мобилизация улӧ веськалӧм став олысьлы 100 сюрс шайт мындаын ӧтчыдысь мынтӧм сетӧм йылысь тшӧктӧм.
Сьӧмсӧ мынтасны и налы, кодъяс мунісны служитны тайӧ тшӧктӧмсӧ примиттӧдз, да налы, кодъясӧс мӧдӧдасны на.
Сьӧмсӧ кутасны мынтыны олысьясӧс социальнӧя доръян шӧринъяс пыр военкоматъясӧн сетӧм реестръяс подув вылын.
Сьӧмыс воас мобилизация улӧ веськалӧм олысьяслы банкса тшӧтъяс вылӧ.
Та дырйи некутшӧм заявление социальнӧя доръян органъясӧ гижны оз ков.
Талунъя лун кежлӧ мобилизация улӧ унджык веськалӧмалы сетісны нин тайӧ мынтӧмъяссӧ, мукӧдыслы сьӧмсӧ вуджӧдасны локтан вежонӧ.
Комиысь мобилизация серти став корӧмалы сетасны Россия Федерацияса оборона министерстволӧн нормативъяслы лӧсялана обмундирование.
Республикаысь мӧдӧдӧм медводдза командаяслы экипировкаыс дась нин.
Матысса лунъясӧ СВО зонаӧ мунтӧдз обмундированиесӧ сетасны боечьяслы.
Владимир Уйба казьтыштіс, мый Россияса Президент кырымаліс 3 федеральнӧй оланпас, кутшӧмъяс серти мобилизация улӧ веськалӧм гражданалӧн колясны уджалан местаясыс налӧн служитан кад вылӧ, налысь семьяяснысӧ мездасны ЖКХ-лӧн услугаясысь мынтысьӧм серти штрапъясысь да пеняясысь, а сідзжӧ сетасны кредитъяс да ипотека мынтӧм вылӧ каникулъяс.
Дас кыкӧд командаӧ пырисны Инта карысь да Княжпогост районысь олысьяс.
Найӧ мӧдӧдчасны Санкт-Петербург бердын воинскӧй часьтъясӧ дасьтысян курсъяс прӧйдитӧм вылӧ.
«Ме служитлі разведчикӧн торъя могъяс олӧмӧ пӧртысь войскаясын.
Боевӧй опытыс эм, служитлі Чечняын.
Звание серти — ефрейтор.
Та вӧсна тӧді, мый воас повестка.
Гортын виччысьӧны гӧтыр да челядь.
Ловруӧй менам боевӧй, кыдзи и став ёртъяслӧн.
Мунам отсасьны фронт вылӧ миян ёртъяслы», — висьталіс журналистъяслы Интаысь Борис.
Мобилизация серти военнӧй служба вылӧ корӧмаясӧс колльӧдны локтісны юнармеечьяс.
«Боечьяс, видзӧй асьныдтӧ.
Ми тіян вӧсна зэв ёна майшасям, но эскам, мый ставыс лоас бур.
Сиам тіянлы дзоньвидзалун, вын, шуд, ӧтувъялун да мирнӧй олӧм.
Кыдз позьӧ ӧдйӧджык воӧй гортаныд», — сиис юнармееч Татьяна Ерофеева.
«Ӧнія войнаыс зэв мобильнӧй, динамичнӧй, могмӧдӧма техникаӧн.
Та вӧсна боевӧй могъяс олӧмӧ пӧртігӧн ладмӧдчыны велӧдчан кадӧ кывкутӧмӧн туялӧй ӧнія тыш нуӧданногсӧ да дасьтысьӧй сы кежлӧ.
Стӧча да кыв шутӧг пӧртӧй олӧмӧ командиръяслысь тшӧктӧмъяссӧ.
Служитӧй кужӧмӧн да бура.
Ми тіянӧс ставныдтӧ виччысям вермӧмӧн, ловйӧн да дзоньвидзаӧн», — бурсиис Коми Республикаса Юралысь.
{Kodko @ Коми Республикаса Юралысь Владимир Уйба ачыс видзӧдӧ Княжпогост районын магистральнӧй трубопроводысь мусир петӧм бӧрын колясъяс бырӧдан уджъяс нуӧдӧм бӧрся @ выльтор @ https://rkomi.ru/news/2588 @ 2022-10-15 @}
Коми Республикаса Юралысь Владимир Уйба ачыс видзӧдӧ Княжпогост районын магистральнӧй трубопроводысь мусир петӧм бӧрын колясъяс бырӧдан уджъяс нуӧдӧм бӧрся
Юясӧ мусирыс эз веськав.
Йӧзлӧн олӧмлы да дзоньвидзалунлы лёкторйыс лоны оз вермы.
Места вылын нуӧдсьӧ экология бӧрся мониторинг.
«Транснефть-Север» акционер котыр нуӧдӧ мусир петӧм бӧрын колясъяс бырӧдан уджъяссӧ.
Предприятиелӧн юӧр серти, 2022 вося йирым тӧлысь 15 лунӧ 11 час 35 минутын (мск) «Транснефть — Север» акционер котырын уджлӧн параметръяс бӧрся видзӧдан автоматизируйтан системаӧн вӧлі пасйӧма Ухта — Ярославль магистральнӧй мусир проводлӧн участокын труба пытшкын давлениелысь вежсьӧмсӧ.
Предприятиеын уджалысьяс магистральнӧй мусир провод прӧверитігӧн казялісны Коми Республикаса Княжпогост районын мусир петӧмсӧ.
Медводдза юӧр серти, мусирыс петӧма 100 кубическӧй метр мында.
Ӧні мусир петӧминын уджалӧны «Транснефть — Север» акционер котырлӧн Ухта районын мусир проводӧн веськӧдланінса аварийнӧй службалӧн бригадаяс.
Лёктор лоӧм бӧрын колясъяссӧ бырӧдӧ 125 специалист да уджалӧ 55 единица спецтехника.
Мусирыс петіс арся рӧспута вӧсна артмӧм нюрсялӧминын.
Чрезвычайнӧй ситуация пыртӧм вылӧ помкаясыс абуӧсь.
Мусир петан помкаяссӧ туялӧны.
{Kodko @ Владимир Уйба аддзысьліс Санкт-Петербургын мобилизация серти военнӧй служба вылӧ Комиысь корӧм олысьяскӧд @ выльтор @ https://rkomi.ru/news/2589 @ 2022-10-15 @}
Владимир Уйба аддзысьліс Санкт-Петербургын мобилизация серти военнӧй служба вылӧ Комиысь корӧм олысьяскӧд
Коми Республикаысь салдатъяс велӧдчӧны боевӧй могъяс олӧмӧ пӧртігӧн ладмӧдчыны.
Регионса Юралысь сетіс землякъяслы республикаса Веськӧдлан котырӧн лӧсьӧдӧм обмундирование.
«Дона землякъяс!
Регыд ті мунанныд на дорӧ, кодъяс киын ӧружьеӧн нин дорйӧны мирсӧ неонацистъясысь, — шыӧдчис салдатъяс дорӧ Владимир Уйба. — Ті мунанныд пӧртны олӧмӧ зэв тӧдчана мог — служитны асланыд Аймулы.
Эска тіян повтӧмлунӧ, лов вынӧ.
Ті — збыльысь геройяс, збыль мужичӧйяс, ассьыныд канмунытӧ радейтысьяс да пыдди пуктысьяс.
Кыдзи и кӧсйыси, ми вайим тіянлы экипировка да снаряжение.
Тайӧ неыджыд юкӧн сыысь, мыйӧн ми вермам отсавны тіянлы.
Тӧдӧй, ми быть отсалам тіян семьяясныдлы.
Тышкасьӧй кужӧмӧн, пӧртӧй олӧмӧ командиръяслысь тшӧктӧмъяссӧ.
Видзӧй асьныдтӧ.
И, медся коланаыс, воӧй гортӧ ловъяӧн да дзоньвидзаӧн, Вермӧмӧн!
Енкӧд!»
Опыта инструкторъяслӧн юрнуӧдӧм улын Коми Республикаысь олысьяс велӧдчӧны теоретическӧй да практическӧй занятиеяс дырйи.
Владимир Уйба видзӧдліс, кыдзи котыртӧма налысь боевӧя да тактическӧя дасьтысьӧмсӧ, донъяліс бытӧвӧй условиеяссӧ да вочавидзис салдатъяслӧн юалӧмъяс вылӧ.
{Kodko @ Коми Республикаса Юралысь В.В. Уйба чолӧмалӧ Батьлы сиӧм лунӧн @ выльтор @ https://rkomi.ru/news/2590 @ 2022-10-16 @}
Коми Республикаса Юралысь В.В. Уйба чолӧмалӧ Батьлы сиӧм лунӧн
«Коми Республикаса пыдди пуктана олысьяс!
Россияын йирым тӧлысьлӧн коймӧд вежалунӧ пасйӧны Батьлы сиӧм лун.
Миян канмуын тайӧ гажсӧ шуисны пасйыны во сайын, но сійӧ лоис нин зэв тӧдчанаӧн.
Кагаӧс быдтӧм-велӧдӧмын, сылӧн быдмӧм да сям сӧвмӧмын зэв ыджыд пайыс батьлӧн.
Коді, оз кӧ мужичӧй, петкӧдлас челядьлы, кыдзи колӧ лоны повтӧмӧн, пыдди пуктыны аньясӧс, тӧждысьны семья, матыссаяс вӧсна.
Батьяс велӧдӧны пыдди пуктыны да радейтны Чужан му, лоны дасьӧн сійӧс дорйыны.
Ӧд «отец», «Отечество» да «Отчизна» кывъясыс ӧти кыввужъяӧсь.
Батьлы сиӧм лун республиканскӧй гажсӧ миян регионын пасйӧны вит во чӧж нин — йирым тӧлысьлӧн бӧръя вежалунӧ.
Тайӧ лун кежлӧ дасьтӧны быд сикас акцияяс, аддзысьлӧмъяс, мастер-классъяс. Найӧс веськӧдӧма сы вылӧ, медым батьясыс вӧліны водзмӧстчысьӧсь да кывкутысьӧсь, медым йӧзыс пыдди пуктісны семьясӧ, медым батьяслӧн челядьӧс быдтӧм-велӧдӧмын пайыс лоис ыджыдджык.
Сьӧлӧмсянь сиа став мужичӧйлы тӧдлыны бать шудсӧ да лоны асланыд челядьлы бур примерӧн.
Мед тіян ныв-пиян быдмасны дзоньвидзаӧн, шудаӧн да нимкодьмӧдасны асланыс вермӧмъясӧн!
Коми Республикаса Юралысь Владимир Уйба
{Kodko @ Коми Республикаса Юралысь чолӧмалӧ Туй овмӧсын уджалысьяслӧн лунӧн @ выльтор @ https://rkomi.ru/news/2591 @ 2022-10-16 @}
Коми Республикаса Юралысь чолӧмалӧ Туй овмӧсын уджалысьяслӧн лунӧн
«Туй овмӧсын пыдди пуктана уджалысьяс да ветеранъяс!
Сьӧлӧмсянь чолӧмала тіянӧс уджсикас гажӧн — Туй овмӧсын уджалысьяслӧн лунӧн!
Ыджыд войвыв республикалы зэв колана туй овмӧслӧн уджыс.
Тайӧ юкӧнын уджалысьяслӧн ыджыд кывкутӧмыс — посъяс да туйяс серти проектъяс лӧсьӧдӧм, найӧс стрӧитӧм, могмӧдӧм.
Туй овмӧс зэв тӧдчана республикаӧс экономика боксянь сӧвмӧдӧмын, социальнӧй могъяс олӧмӧ пӧртӧмын да верктуя национальнӧй проектъяс збыльмӧдӧмын.
Талун республикаса туй стрӧитан овмӧсын уджалӧ матӧ 2 сюрс морт, кодъяс пыдди пуктӧны ассьыныс уджсӧ да бура вӧчӧны сійӧс.
Аттьӧ тіянлы сьӧкыд, но ставнымлы зэв колана уджысь, сійӧс кывкутӧмӧн вӧчӧмысь да киподтуйысь.
Муӧдз копыр ветеранъяслы, кодъяс уна во чӧж зілисны туй овмӧсын да лоӧны отрасльын талунъя уджалысьяслы примерӧн.
Сиа уджын вермӧмъяс, крепыд дзоньвидзалун, шуд да тыр-бур олӧм!»
Коми Республикаса Юралысь Владимир Уйба
{Kodko @ Владимир Уйба видзӧдліс, кыдзи нуӧдӧны Княжпогост районын магистральнӧй трубопроводысь мусир петӧм бӧрын колясъяс бырӧдан уджъяссӧ @ выльтор @ https://rkomi.ru/news/2593 @ 2022-10-16 @}
Владимир Уйба видзӧдліс, кыдзи нуӧдӧны Княжпогост районын магистральнӧй трубопроводысь мусир петӧм бӧрын колясъяс бырӧдан уджъяссӧ
Коми Республикаса Юралысь ветліс видзӧдлыны участоксӧ, кӧні петӧма мусирыс.
«Транснефть — Север» акционер котырлӧн Ухта районын мусир проводӧн веськӧдланінса аварийнӧй службалӧн бригадаяс водзӧ бырӧдӧны мусир петӧм бӧрын колясъяссӧ.
Петӧм мусирсӧ паськалӧмысь кутан да сійӧс бырӧдан план-график серти кералӧны кустъяссӧ, экскаваторӧн чукӧртӧны няйтчӧм мусӧ, сувтӧдалӧны мусир сора васӧ недыр кад чӧж видзан дозъяс, сідзжӧ вольсалӧмаӧсь сорбируйтан полотнояс.
Уджалысьяслы олӧм да торъя техника видзӧм могысь недыр кад кежлӧ лӧсьӧдӧмаӧсь городок, боевӧй расчёт да пӧжар кусӧдан содтӧд средствояс.
Лёктор лоӧминсӧ пасйӧма сигнальнӧй пасъясӧн да ӧлӧдана плакатъясӧн.
Уджаланінын дугдывтӧг нуӧдӧны сынӧдлысь, мулысь да ю вылысь экология-аналитика контроль.
Юясӧ мусирыс оз веськав.
Йӧзлӧн олӧмлы да дзоньвидзалунлы лёкторйыс лоны оз вермы.
Мусир петан помкаяссӧ туялӧны.
«Ми кӧсйысям весавны тайӧ участоксӧ, выльысь пуктыны быдмӧгъяс, пуяс да сдайтны сійӧс тырвыйӧ сӧстӧмӧн», — шуис «Транснефть — Север» акционер котырса медыджыд директор Денис Вдовин.
«Мусир проводлӧн тшыкӧм юкӧнысь мусирсӧ кыскӧмаӧсь, трубаыс тыртӧм.
Аски асывводз кежлӧ специалистъяс эрдӧдасны местасӧ, кытысь петіс мусирыс.
Тайӧ участоксӧ вундасны да сетасны туялӧм вылӧ, медым тӧдмавны лёкторлысь помкасӧ.
Петӧм мусирсӧ чукӧртӧмаӧсь, вӧчӧмаӧсь мудӧд.
Локтан вежонӧ мусир сора мусӧ ставнас чукӧртасны да нуасны торъя полигон вылӧ.
Сы вылӧ видзӧдтӧг, мый зэв ыджыд лёкторйыс звер-пӧткалы да быдмӧгъяслы эз ло, ме век жӧ тшӧкті пыртны талунъя лунсянь муниципальнӧй тшупӧда неминуча режим. Тайӧ колӧ, медым районын мусир петӧм бӧрын колясъяс бырӧдан уджъяс нуӧдӧм вылӧ ӧтувтісны став вынсӧ да средствосӧ.
Сы бӧрын, кор став мусирсӧ весаласны, нуасны няйтчӧм мусӧ да вежасны трубасӧ, предприятие нуӧдас му бурмӧдан уджъяс», — вӧчис удж серти ветлӧм бӧрын кывкӧртӧд Владимир Уйба.
{Kodko @ Комиын колльӧдісны мобилизация серти военнӧй служба вылӧ корӧм олысьяслысь ӧчереднӧй команда @ выльтор @ https://rkomi.ru/news/2595 @ 2022-10-17 @}
Комиын колльӧдісны мобилизация серти военнӧй служба вылӧ корӧм олысьяслысь ӧчереднӧй команда
Талун, йирым тӧлысь 17 лунӧ, «Гренада» челядьлысь дзоньвидзалун бурмӧдан да найӧс велӧдан шӧринын кыпыда мӧдӧдісны «Россия Федерацияын частичнӧй мобилизация юӧртӧм йылысь» Россияса Президентлӧн Индӧд серти военнӧй служба вылӧ республикаысь корӧм олысьясӧс.
Землякъяс дорӧ бурсиӧмӧн шыӧдчис Коми Республикаса Юралысь, боевӧй тышъясса ветеран Владимир Уйба.
«Талун ӧти стройын, ӧти окопын сайӧдӧны ӧта-мӧдсӧ и православнӧй, и мусульманин.
Ставӧн найӧ шедӧдӧны вермӧм.
Збыльыс миян дор, и ми вермам!
Но медым вермыны, колӧ тышкасьны кужӧмӧн.
Миянлы паныд сулалӧны оз сӧмын велӧдтӧм резервистъяс, но и велӧдӧм да ӧружиеӧн тыр наёмникъяс — «айдаровецъяс», «азовецъяс», нацистъяс.
Тайӧ кадсӧ, кодӧс тіянлы сетӧма боевӧй могъяс олӧмӧ пӧртігӧн ладмӧдчӧм вылӧ, колӧ видзны ӧнія тыш нуӧданногӧ велӧдчӧм вылӧ», — шыӧдчис мобилизация серти военнӧй служба вылӧ республикаысь корӧм олысьяс дорӧ Владимир Уйба.
Командаӧ пырисны Сыктывкар, Ухта, Воркута, Усинск, Печора каръясысь, Княжпогост да Мылдін районъясысь олысьяс, кодъяс мӧдӧдчасны воинскӧй часьтъясӧ, кӧні кутасны велӧдчыны тышкасьны да дасьтысьны тактическӧя.
Ставныслы сетасны Россия Федерацияса оборона министерстволӧн нормативъяслы лӧсялана обмундирование.
Медводдза командаяслы экипировкаыс дась нин.
Йирым тӧлысь 15 лунӧ Владимир Уйба воліс Ленинград обласьтса воинскӧй часьтӧ, кӧні тӧдмасис землякъяслӧн дасьтысян да олан условиеясӧн, а сідзжӧ сетіс налы Коми Республикаса Веськӧдлан котырсянь обмундирование.
Мобилизация улӧ веськалӧм став олысьлы воинскӧй часьтъясын боевӧй могъяс олӧмӧ пӧртігӧн ладмӧдчыны велӧдчан медводдза лунсянь кутасны мынтыны 2 сюрссянь 4,5 сюрс шайтӧдз суткинас.
Сьӧм мындасӧ арталӧны сы серти, кымын во уджалӧма, а сідзжӧ войвывса коэффициентъяс, чина окладъяс да воинскӧй званиеса окладъяс серти.
Сьӧмсӧ мынтӧны быд тӧлысь, 10-ӧд лунсянь 20-ӧд лунӧдз.
Йирым тӧлысь 10 лунӧ кырымалӧма республикаысь частичнӧй мобилизация улӧ веськалӧм став олысьлы 100 сюрс шайт мындаын ӧтчыдысь мынтӧм сетӧм йылысь Коми Республикаса Веськӧдлан котырлысь тшӧктӧм.
Сьӧмсӧ кутасны мынтыны олысьясӧс социальнӧя доръян шӧринъяс пыр военкоматъясӧн сетӧм реестръяс подув вылын.
Сьӧмыс воас мобилизация улӧ веськалӧм олысьяслы банкса тшӧтъяс вылӧ.
Та дырйи некутшӧм заявление социальнӧя доръян органъясӧ гижны оз ков.
Талунъя лун кежлӧ мобилизация улӧ унджык веськалӧмалы сетісны нин тайӧ мынтӧмъяссӧ, мукӧдыслы сьӧмсӧ вуджӧдасны тайӧ вежон помӧдз.
Владимир Уйба казьтыштіс, мый Россияса Президент кырымаліс 3 федеральнӧй оланпас, кутшӧмъяс серти мобилизация улӧ веськалӧм гражданалӧн колясны уджалан местаясыс налӧн служитан кад вылӧ, налысь семьяяснысӧ мездасны ЖКХ-лӧн услугаясысь мынтысьӧм серти штрапъясысь да пеняясысь, а сідзжӧ сетасны кредитъяс да ипотека мынтӧм вылӧ каникулъяс.
«Обмундирование, дасьтысьӧм серти юалӧмъяс абуӧсь.
Ставыс бур, ставыс стӧч.
Примитӧны бура.
Муна торъя операция вылӧ, сы вӧсна мый колӧ.
Тшӧктӧмсӧ колӧ пӧртны олӧмӧ.
Бӧр воам вермӧмӧн!
Весиг энӧ майшасьӧй: ставнысӧ вермам.
Коми Республика — вына!» — шуис журналистъяслы Печораысь 47 арӧса доброволеч Александр, коді талунъя командакӧд мӧдӧдчис боевӧй могъяс олӧмӧ пӧртігӧн ладмӧдчыны велӧдан местаясӧ.
Колльӧдны мобилизация серти военнӧй служба вылӧ корӧм землякъясӧс локтісны сыктывкарса 3 №-а челядь керкаын быдмысь ныв-зон.
«Дорйыны Чужан му — ыджыд да сьӧкыд удж, вынйӧра странаын олысь гражданалӧн ыджыд мог.
Историяысь ми тӧдам, мый войнаысь страшнӧйджыкыс нинӧм абу, да сюся видзӧдам сы бӧрся, мый ӧні вӧчсьӧ Украинаын.
Аддзам, кутшӧм повтӧма тышкасьӧны миян боечьяс.
Ми гӧрдитчам быдӧнӧн тіян пиысь!
Ті — збыль геройяс!
Ми аттьӧалам тіянӧс сыысь, мый ті сувтінныд дорйыны миянлысь Чужан му.
Миян югыд аскиа лун да юр весьтын чӧв енэж вӧсна.
Талун тіянкӧд став йӧзыс, ми эскам тіянлы!
Мед тіян отсӧгӧн му вылын ыджыдаласны бурлун да веськыдлун.
Ми сиам тіянлы сӧмын вермӧм да ӧдйӧджык гортӧ воӧм» — шыӧдчисны дорйысьяс дорӧ «Юнкер» военно-патриотическӧй клубысь курсантъяс.
Владимир Уйба казьтыштіс, мый мобилизация серти корӧмаяслӧн рӧдвуж вермӧны шыӧдчыны отсӧгла Коми Республикаса удж, уджӧн могмӧдан да социальнӧя доръян министерствоын «веськыд йитӧд» пыр 8 912–141–42–00 телефон серти.
Сійӧ уджалӧ быд лун 8 чассянь 22 часӧдз.
Воис нин сюрсысь унджык шыӧдчӧм.
Быд юалӧм видлалӧны торйӧн, быд лоӧмторсӧ регионса Юралысь видлалӧ ачыс, примитӧ помшуӧмъяс.
«Тыл вӧсна энӧ майшасьӧй, служитӧй спокойнӧя.
Быд юкӧдувлӧн лоасны опыта, боевӧй косьяс пыр мунӧм командиръяс.
Стӧча да ӧтсӧгласа кӧ кутанныд збыльмӧдны налысь тшӧктӧмъяссӧ, тайӧ отсалас тіянлы кольны ловйӧн.
Воӧй гортаныд вермӧмӧн.
Ми виччысям тіянӧс ловъяӧн да дзоньвидзаӧн!» — сиис боечьяслы Коми Республикаса Юралысь.
{Kodko @ Владимир Уйба Мурманск обласьтын аддзысьліс Комиысь военнослужащӧйяскӧд @ выльтор @ https://rkomi.ru/news/2598 @ 2022-10-19 @}
Владимир Уйба Мурманск обласьтын аддзысьліс Комиысь военнослужащӧйяскӧд
Коми Республикаса Юралысь Войвывса флотӧн веськӧдлысь Александр Моисеевкӧд волісны полигон вылӧ да Мурманск обласьтса Печенга кытшын саридзса пехоталӧн торъя бригадаӧ, кӧні ӧні мунӧ мобилизация серти Коми Республикаысь корӧм олысьяслӧн боевӧй могъяс олӧмӧ пӧртігӧн ладмӧдчыны велӧдчӧм.
Владимир Уйба сетіс землякъяслы Коми Республикаса Веськӧдлан котырсянь содтӧд экипировка.
Сэтчӧ пырӧны шоныд кӧлуй, сапӧгъяс, берцыяс, узьлан мешӧкъяс, рюкзак да уна мукӧдтор.
Республикаса Юралысь эскӧдіс боечьясӧс, мый Коми Республикаса Веськӧдлан котыр отсалас налӧн семьяяслы, тайӧ юалӧмсӧ босьтӧма торъя контроль улӧ.
Сійӧ сідзжӧ пасйис, мый ӧнія геополитическӧй серпасыс йӧзсӧ ёна йитіс.
Зіля уджалӧны волонтёръяс, мобилизация серти корӧм гражданалӧн рӧдвужлы быд боксянь сетӧны отсӧг, сы лыдын и психологическӧй, юридическӧй да бытӧвӧй.
Опыта инструкторъяслӧн веськӧдлӧм улын Коми Республикаса военнослужащӧйяс занятиеяс вылын велӧдӧны теория да практика.
Владимир Уйба да Александр Моисеев волісны велӧдчан местаясӧ, кӧні дасьтӧны снайперъясӧс, стрелокъясӧс, пулемётчикъясӧс, гранатомётчикъясӧс, пилоттӧм лэбалан аппаратъясса операторъясӧс, военнӧй инженеръясӧс, артиллеристъясӧс, тӧдмасисны военнослужащӧйяслӧн психологическӧя дасьтысьӧм котыртӧмӧн — сідз шусяна «обкатка танкъясӧн».
Войвыв флотса берегӧвӧй войскаяслӧн соединениеясын мунӧ запасысь корӧм гражданалӧн ӧддзӧдӧм уджтас серти зіля дасьтысьӧм.
Торъя кад вичмӧдсьӧ ӧтка дасьтысьӧм, ас лыйсян ӧружьеӧн вӧдитчыны кужӧмлун, быдсяма условиеяс дырйи тышкасянінын медводдза медицина отсӧг сетӧм, мукӧд кужӧмлун вылӧ. Найӧ колӧны торъя военнӧй операция нуӧдігӧн.
Став занятиесӧ мобилизация улӧ веськалӧм гражданакӧд нуӧдӧны боевӧй опыта офицеръяс да инструкторъяс.
Запасысь корӧмаяс быд лун полигон вылын коллялӧны 10 час — луннас 8 да нӧшта 2 — войнас.
Занятиеясыс мунӧны тырвыйӧ экипировкаын: бронежилетӧн, каскаӧн, лыйсян ӧружьеӧн.
Та дырйи, кыдз эскӧдіс адмирал Александр Моисеев, запасысь корӧм военнослужащӧйясӧс могъяс олӧмӧ пӧртанінӧ мӧдӧдасны сӧмын тайӧ дасьтысьӧмсӧ прӧйдитӧм, тӧдӧмлунъяс да кужӧмлунъяс босьтӧм, военнӧй специальносьтӧ велалӧм бӧрын, да найӧ лоасны сӧмын Войвыв флотлӧн соединениеясын асланыс штатнӧй юкӧдувъясса составын.
Коми Республикаса Юралысь Владимир Уйба пасйис, мый регионын частичнӧй мобилизация вылӧ босьтӧны сӧмын шогмысь йӧзӧс.
Став боечыс лӧсялӧны сійӧ военно-учётнӧй специальносьтлы, кутшӧмын вӧлі коланлуныс, да найӧ дасьӧсь пӧртны олӧмӧ боевӧй могъяс.
Субӧтаӧ, йирым тӧлысь 15 лунӧ, Владимир Уйба аддзысьліс Коми Республикаысь боечьяскӧд, кодъяс дасьтысьӧны тактическӧя Ленинград обласьтын, сетіс налы кӧсйысьлӧм экипировка.
Фотоыс Войвыв флотса пресс-службалӧн
{Kodko @ Доброволечьясӧс да мобилизация серти Сыктывкарысь корӧм олысьясӧс мездасны торъя йӧзлӧн эмбур вылӧ вот мынтӧмысь @ выльтор @ https://rkomi.ru/news/2600 @ 2022-10-20 @}
Доброволечьясӧс да мобилизация серти Сыктывкарысь корӧм олысьясӧс мездасны торъя йӧзлӧн эмбур вылӧ вот мынтӧмысь
Коми Республикаса Юралысь Владимир Уйба ошкис «Сыктывкар» КК МЮ юралысьлысь — администрацияӧн юрнуӧдысьлысь могъяс олӧмӧ пӧртысь Владимир Голдинлысь водзмӧстчӧмсӧ карын олысьяслы содтӧд кокньӧдъяс пыртӧм йылысь, кодъясӧс корисны мобилизация серти военнӧй служба вылӧ либӧ кодъяс ас вӧля серти вӧзйысисны дорйыны Чужан му.
Владимир Голдин вӧзйис мездыны найӧс торъя йӧзлӧн эмбур вылӧ 2022 воын урчитӧм вот мынтӧмысь.
«Тайӧ отсӧгыс зэв ас кадӧ.
Миян боечьяслӧн рӧдвужлы да матыссаяслы, кодъяс колисны регионын, талунъя сьӧкыд экономическӧй условиеясын колӧ канмусянь отсӧг, — пасйис Владимир Уйба.
— Та вӧсна кора Тіянӧс, Владимир Борисович, ӧддзӧдны нормативнӧй акт дасьтӧм, медым кыдз позьӧ водзджык петкӧдны сійӧс карлӧн Сӧвет вылӧ депутатъясӧн вынсьӧдӧм могысь».
Республикаса олысьяс дорӧ видео пыр аслас шыӧдчӧмын Владимир Уйба вӧзйис регионса став муниципалитетӧн юрнуӧдысьяслы водзмӧстчыны да паськӧдны Сыктывкарлысь бур практикасӧ асланыс мутасъясын.
Тӧд вылӧ уськӧдам, водзынджык Комиын вӧлі примитӧма мобилизация серти корӧм гражданалы да налӧн семьяяслы отсӧг сетан мераяс.
Коми боечьяслы 100 сюрс шайтӧн ӧтчыдысь отсӧг мынтӧм кындзи, республикаса Веськӧдлан котыр ньӧбалӧ мобилизация серти корӧм олысьяслы экипировка содтӧд сы дорӧ, мыйӧн могмӧдас Россия Федерацияса оборона министерство.
{Kodko @ Комиын лӧсьӧдӧма базӧвӧй дасьлун тшупӧд могмӧдӧм серти республиканскӧй Оперативнӧй штаб @ выльтор @ https://rkomi.ru/news/2601 @ 2022-10-20 @}
Комиын лӧсьӧдӧма базӧвӧй дасьлун тшупӧд могмӧдӧм серти республиканскӧй Оперативнӧй штаб
Талун, йирым тӧлысь 20 лунӧ, Россияса Президент Владимир Путинлысь Индӧд олӧмӧ пӧртӧм могысь Коми Республикаса Юралысь Владимир Уйба кырымаліс республиканскӧй Оперативнӧй штаб лӧсьӧдӧм йылысь Индӧд.
Штабӧ пырисны Коми Республикаса Веськӧдлан котырӧ пырысьяс, министерствоясӧн да ведомствоясӧн, оперативнӧй службаясӧн, силӧвӧй структураясӧн юрнуӧдысьяс.
Штабӧн веськӧдлӧ Владимир Уйба.
Штаблӧн уджыс кутас отсавны збыльмӧдны базӧвӧй дасьлун тшупӧда режимлысь мераяс, мый пыртӧма президентӧн Коми Республикаын Украинаын торъя военнӧй операция нуӧдӧмкӧд йитӧдын.
Тайӧ режим серти колӧны ӧтйӧза пӧрадок могмӧдан содтӧд мераяс, колӧ вынсьӧдны социальнӧй тӧдчанлуна да инфраструктура объектъяс вылын безопасносьт мераяс, сы лыдын промышленносьт, транспорт, связь юкӧнын, а сідзжӧ колӧны Россияса Вооружённӧй Вынъяслысь, мукӧд войскалысь да воинскӧй формированиелысь коланлунсӧ могмӧдӧм вылӧ мераяс.
Мераяслысь ӧтувъя лыддьӧгсӧ, найӧс збыльмӧдан кадколастъяссӧ, аслыспӧлӧслунъяссӧ да пӧрадоксӧ кутасны урчитны ӧнія серпас тӧд вылын кутӧмӧн.
Коми Республикаын базӧвӧй дасьлун тшупӧда режим пыртӧмыс оз инмы регионлӧн быдлунъя олӧмӧ, некутшӧм содтӧд дзескӧдан мераяс оз мӧвпавны пыртны.
Тӧд вылӧ уськӧдам, Президентлӧн 2022 вося йирым тӧлысь 19 лунся 756 №-а да 757 №-а Индӧдъяс серти россияса регионъяссӧ юклӧма нёль группа вылӧ.
Военнӧй положение пыртӧма ДНР-ын, ЛНР-ын, Херсонскӧй да Запорожскӧй обласьтъясын.
Реагируйтан шӧр тшупӧд — Крым Республикаын, Краснодар крайын, Белгород, Брянск, Воронеж, Курск да Ростов обласьтъясын.
Содтӧд дасьлун тшупӧд пыртӧма Шӧр да Лунвыв федеральнӧй кытшъяслӧн мукӧд регионын, базӧвӧй дасьлун тшупӧд — канмулӧн мукӧд регионын, тшӧтш и Коми Республикаын.
Регионса Юралысьяслы президент сетӧма содтӧд уджмогъяс безопасносьт могмӧдӧм вылӧ.
{Kodko @ Владимир Уйба тӧдмасис «Гортын овны» реабилитируйтан шӧринлӧн уджкӧд @ выльтор @ https://rkomi.ru/news/2603 @ 2022-10-20 @}
Владимир Уйба тӧдмасис «Гортын овны» реабилитируйтан шӧринлӧн уджкӧд
Коми Республикаса Юралысь отсӧгӧн Сыктывкарын воссис оланінтӧм йӧзлы керка, кӧні найӧ вермасны босьтны медицина, юридическӧй, психологическӧй отсӧг, а сідзжӧ сёян да недыр кад кежлӧ юр сюянін.
2021 воын Владимир Уйба отсӧгӧн «Гортын овны» оланінтӧм йӧзлы отсӧг сетан Коми региональнӧй бурвӧчан ӧтйӧза организация босьтіс мынтысьтӧг вӧдитчӧм вылӧ 640 квадратнӧй метр ӧтувъя площадя кык здание да заводитіс дзоньтасьны.
2021 вося йирым тӧлысьын восьтісны реабилитируйтан шӧринын мужичӧйяслы корпус, кӧні эмӧсь олан жыръяс, тренингъяс нуӧдӧм вылӧ зал, кухня, песласянін, душевӧйяс да туалетъяс.
Нывбабаяслы корпусын стрӧитчан уджъясыс мунӧны на водзӧ, тані сідзжӧ лоасны олан да подсобнӧй жыръяс.
Таысь кындзи, зданиеын лоас парикмахерскӧй да медицина изолятор, а сідзжӧ шонтысян пункт.
2022 вося моз тӧлысь 1 лунсянь «Гортын овны» абу коммерческӧй организация пӧртӧ олӧмӧ Коми Республикаса Юралысьлӧн грант сьӧм вылӧ «Оланінтӧм йӧзлы быд боксянь отсӧг сетан шӧрин» проект.
Мероприятиеясыс артавсьӧны нёль тӧлысь кежлӧ.
Тайӧ кадӧ шӧрин кӧсйӧ отсавны 20 мортлы заводитны овны выльысь да сувтны кок йылӧ, быдӧнлы лоӧ лӧсьӧдӧма реабилитациялысь «туй карта».
Уджтаслӧн кывкӧртӧдъяс серти кык морт на пиысь, кодъяслы сетсис отсӧг, пырасны удж вылӧ «Гортын овны» реабилитируйтан шӧринӧ.
Грант сетас позянлун сетны проектын участвуйтысьяслы быд боксянь отсӧг, мынтысьны уджысь специалистъяслы, на лыдын и социальнӧй уджалысьяслы.
Мукӧд кадас ӧтйӧза организация отсасьӧ оланінтӧм йӧзлы спонсоръяслӧн сьӧм вылӧ, а специалистъяс уджалӧны ас кӧсйӧм серти.
Ӧні проектын уджалӧ 90 волонтёр.
Ӧтув уджалӧны бизнесысь 9 уджъёрткӧд, кодъяс отсалісны сьӧмӧн да дон босьттӧг услугаясӧн.
Проект заводитчигӧн отсӧг босьтісны 560 морт.
Унджыкыслы на пиысь отсалісны выльысь лӧсьӧдны документъяс, шуам, паспорт, ИНН.
Сідзжӧ волонтёръяс отсалісны оформитны недыр кад кежлӧ либӧ пыр кежлӧ регистрация, пенсия, уджавны вермытӧмлун, рӧднӧйясӧс корсьӧмын, отсалісны оланінӧн либӧ босьтісны канму реабилитация шӧринъясӧ, отсалісны юридическӧя ёрдын.
Кымынкӧ морт уджалӧны вахтёръясӧн, чышкысь-мыськасьысьясӧн, ӧшинюв пелькӧдысьясӧн.
Гражданалы отсӧг сетан условиеяс — оланін абутӧмлун.
Быд олыськӧд во джын кежлӧ кырымавсьӧ контракт, мый серти олысь кӧсйысьӧ прӧйдитны реабилитация курс, участвуйтны психологъяскӧд, наркологъяскӧд, юристъяскӧд, медикъяскӧд мероприятиеясын.
Шӧринса уджалысьяс отсалӧны могмӧдны оланінтӧмъясӧс уджӧн, выльысь вӧчны документъяс да босьтны канмусянь отсӧг.
Оланінтӧм йӧз шӧринын шырсьӧны, вермӧны пывсьыны-мыссьыны, босьтны паськӧм, личнӧй гигиена коланторъяс, реабилитируйтан техническӧй средствояс.
Реабилитируйтан шӧринлӧн уджӧн тӧдмасьӧм бӧрын Коми Республикаса Юралысь Владимир Уйба, «Гортын овны» Коми региональнӧй ӧтйӧза организацияса проектъясӧн веськӧдлысь Илья Костин да Коми Республикаса удж, уджӧн могмӧдан да социальнӧя доръян министр Екатерина Грибкова видлалісны абу коммерческӧй организациялы тайӧ проект збыльмӧдӧмын да сылӧн водзӧ вылӧ сӧвмӧмын отсӧг сетӧм серти юалӧмъяс.
* * *
«Гортын овны» проектсӧ лӧсьӧдӧма 2018 воӧ, кор водзмӧстчысь группа котыртіс Сыктывкарын оланінтӧм йӧзлы дон босьттӧг сёян сеталӧм.
Во мысти оланінтӧмъяслы воссис шыӧдчанін.
2020 воын проектын участвуйтіс нин 80 волонтёр, вердісны оланінтӧм йӧзӧс вежоннас витысь.
2021 воын «Гортын овны» проектлы сетісны вӧдитчӧм вылӧ жыръяс, сэні ӧні реабилитируйтан шӧрин.
Водзӧ вылӧ проектын водзмӧстчысьяс кӧсйӧны паськӧдчыны да восьтыны представительствояс Коми Республикаса мукӧд карын.
{Kodko @ Владимир Уйба: «Национальнӧй спорт сикасъяс кыскӧны том йӧзӧс видзны Чужан муын культура озырлунсӧ» @ выльтор @ https://rkomi.ru/news/2605 @ 2022-10-21 @}
Владимир Уйба: «Национальнӧй спорт сикасъяс кыскӧны том йӧзӧс видзны Чужан муын культура озырлунсӧ»
Регионса Юралысь участвуйтіс Коми Республикаса войтырлӧн лямпа-лызьӧн ордйысян спорт федерациялӧн отчётно-выборнӧй собраниеын.
«Национальнӧй спорт сикасъяс паськӧдӧны челядьӧс да том йӧзӧс физическӧя да духовнӧя быдтӧмын позянлунъяссӧ, кыскӧны найӧс Чужан мулӧн культура озырлун, сылӧн вуж-подув дорӧ.
Миян челядь кӧ оз кутны помнитны вуж-подувъяссӧ, ми воштам войтырлысь аслыспӧлӧслунсӧ, — шуис Коми Республикаса Юралысь. — Та вӧсна регионъясын ёна сӧвмӧдӧны национальнӧй спорт сикасъяс, и Коми Республика лоӧ нырччысьяс пиысь ӧтиӧн.
Эска, мый лямпа-лызьӧн ордйысьӧмъяс заводитісны ёнджыка сӧвмыны 2018 воын Коми Республикаса войтырлӧн лямпа-лызьӧн ордйысян спорт федерация лӧсьӧдӧм бӧрын.
Ӧткодя мӧвпалысь йӧз вермисны кыскыны ас дорас войтырӧс да ызйӧдны выль спортивнӧй ордйысьӧмъяс да площадкаяс дорӧ».
Регионын котыртӧма ас ордйысьӧмъяс, фестивальяс, мастер-классъяс.
Тані нуӧдсьӧны лямпа-лызьӧн ордйысьӧмъяс серти регионса Кубок, Чемпионат да Первенство, республиканскӧй ордйысьӧмъяс.
Некымын воӧн спортивнӧй ордйысьӧмъяссӧ кутісны нуӧдны унджыклаын, шуам, 2021–2022 воясын ордйысьӧмъяссӧ нуӧдісны Удора, Чилимдін, Луздор, Кӧрткерӧс, Сыктыв районъясын.
«Национальнӧй спорт сикасъяс да ворсӧмъяс» дисциплина сетсьӧ Питирим Сорокин нима Сыктывкарса канму университетын, лэдзӧны тематическӧй велӧдан-методическӧй литература.
Бур пример пыдди Владимир Уйба вайӧдіс Изьва район.
Республикаын тайӧ дзик ӧти муниципалитет, кӧні 1992 восянь профессиональнӧя дасьтӧны войвыв многоборье серти спортсменъясӧс, кытчӧ пырӧны беддьӧн котралӧм, ылна вылӧ чер шыблалӧм, хорей вылӧ тынзян шыблалӧм, утіча вомӧн чеччалӧм, кык кокӧн йӧткыштчӧмӧн куимысь чеччыштӧм.
Юрсиктын мунӧны «Изьваса вермасьӧмъяс» быд вося фестиваль да Коми Республикаса Чемпионат.
2022 вося моз тӧлысьын миян спортсмен-многоборецъяс медводдзаысь петкӧдлісны республикаӧс «Берингийскӧй ворсӧмъяс» Арктикаса вужвойтыръяслӧн спортивнӧй фестиваль вылын, коді вӧлі Чукоткаын.
2007 воын «Коми войтыр» дінмукостса ӧтйӧза ӧтмунӧмлӧн веськӧдлӧм улын лоис «Лямпиада» фестиваль, код отсӧгӧн заводитіс сӧвмыны Коми Республикаса войтырлӧн выль спорт сикас — лямпа-лызьӧн ордйысьӧм.
2022 воын фестивальын участвуйтіс регионса Юралысь Владимир Уйба да муніс кост лямпа вылын.
«Фестивальыс збыль лоӧ уна йӧза мероприятиеӧн.
Лямпа-лызьӧн ордйысьӧмъяс лоӧны зэв нималанаӧн татчӧс олысьяс пӧвстын.
Бать-мам локтӧны тӧждысьны асланыс челядь вӧсна, и тайӧ зэв колана, сы вӧсна мый тадз ми артмӧдам быдмысь войтырлысь историческӧй вуж-подув дорӧ пыдди пуктӧм.
Ме кора республикаса став олысьясӧс участвуйтны тайӧ сьӧлӧм босьтчӧдан мероприятиеын!» — пасйис Владимир Уйба.
2017 воын лямпа-лызьӧн ордйысьӧмъяссӧ вӧлі официальнӧя пыртӧма Спорт сикасъяслӧн ставроссияса реестрӧ.
Регионса Вынйӧр сӧвмӧдан да спорт министерствоӧн примитӧма нормативнӧй документъяс, кодъяс урчитӧны тайӧ национальнӧй спорт сикассӧ.
Лямпа-лызьӧн ордйысьӧмъяссӧ пыртӧма сизим муниципалитетын.
«Лямпа-лызьӧн ордйысьӧмъяс» Коми Республикаса войтырлӧн спорт сикасын спорт мастер» спорт ним сетӧма 19 спортсменлы.
Коми Республикаса Юралысь Владимир Уйба сетіс Федерацияса водзмӧстчысьяслы канму наградаяс да морӧсвыв пасъяс.
«Ыджыд аттьӧ, медводз, республикаын олысьяслы сыысь, мый пыдди пуктанныд национальнӧй спорт сикас.
Ыджыд аттьӧ республикаса Веськӧдлан котырлы, Владимир Викторович Уйбалы, сыысь, мый медводдза лунсяньыс, кор локтіс республикаӧ, зільӧ разьны мытшӧдъяссӧ.
Эска, мый водзӧ вылӧ тіян отсӧгӧн национальнӧй спорт сикас кутас сӧвмыны оз сӧмын Комиын, но и республика сайын», — аттьӧаліс Коми Республикаса войтырлӧн лямпа-лызьӧн ордйысян спорт федерацияын олӧмӧ пӧртысь директор, тренер-преподаватель Афанасий Габов.
* * *
Уна во чӧж сьӧлӧмсянь уджалӧмысь, Коми Республикаын физическӧй культура да спорт сӧвмӧдӧмӧ пай пуктӧмысь да дзоньвидза оласног нуӧдны ышӧдӧмысь «Почёта велӧдысь-туйдӧдысь» награднӧй плакетка сетӧма:
Афанасий Васильевич Габовлы — Коми Республикаса войтырлӧн лямпа-лызьӧн ордйысян спорт сикас федерацияын олӧмӧ пӧртысь директорлы, тренер-преподавательлы;
«Лямпа-лызьӧн ордйысьӧмъяс» Коми Республикаса войтырлӧн спорт сикасын спорт мастер» морӧсвыв пас да сы дорӧ эскӧданпас сетӧма:
Василий Геннадьевич Беляевлы — Коми Республикаса войтырлӧн лямпа-лызьӧн ордйысян спорт сикас федерацияын водзмӧстчысьлы;
Михаил Александрович Кетовлы — Коми Республикаса войтырлӧн лямпа-лызьӧн ордйысян спорт сикас федерацияын водзмӧстчысьлы;
Виталий Валентинович Шулеповлы — Коми Республикаса войтырлӧн лямпа-лызьӧн ордйысян спорт сикас федерацияын водзмӧстчысьлы.
Коми Республикаса канму национальнӧй политика збыльмӧдӧмӧ ыджыд пай пуктӧмысь, Коми Республикаса этнокультурнӧй да кыв унапӧлӧслун сӧвмӧдӧмысь «Коми Республикаын войтырсикас костын лада да ӧтсӧгласа олӧмӧ пай пуктӧмысь» морӧсвыв пас сетӧма:
Валерий Петрович Марковлы — Коми Республикаса войтырлӧн лямпа-лызьӧн ордйысян спорт сикас федерацияса президентлы.
{Kodko @ Владимир Уйба удж серти аддзысьліс Франц Клинцевичкӧд @ выльтор @ https://rkomi.ru/news/2606 @ 2022-10-22 @}
Владимир Уйба удж серти аддзысьліс Франц Клинцевичкӧд
Аддзысьлӧмыс вӧлі йирым тӧлысь 22 лунӧ Сыктывкарын.
Коми Республикаса Юралысь да Россияын Афганистанса ветеранъяслӧн союзысь лидер видлалісны регионса Веськӧдлан котырлӧн ӧтйӧза организациякӧд ӧтув уджалӧм йылысь юалӧмъяс.
«Афганечьяслӧн ӧтйӧза организация — миян регионын медся важ да зільяс пиысь ӧти.
Ме сьӧлӧмсянь аттьӧала Афганистанса ветеранъяс союзлӧн Коми регионса юкӧнӧ пырысьясӧс сійӧ уджысь, кутшӧмӧс найӧ нуӧдӧны.
Медводз тайӧ, дерт, челядьӧс да том войтырӧс Чужан му пыдди пуктыны да дорйыны велӧдӧм.
Талун тайӧ ӧтувъя уджыслӧн нырвизьыс зэв тӧдчана да колана», — пасйис Коми Республикаса Юралысь.
Коми Республикалӧн социальнӧй да экономика боксянь сӧвмӧм да дзоридзалӧм вылӧ веськӧдӧм торъя заслугаясысь Владимир Уйба сетіс Франц Клинцевичлы Коми Республикаса Юралыссянь награднӧй плакетка.
Регионса Юралысь вылӧ донъяліс частичнӧй мобилизация нуӧдӧмын афганечьяслысь отсӧгсӧ.
Боевӧй тышъясса ветеранъяс аддзысьлӧны мобилизация серти корӧмаяскӧд, моральнӧя отсалӧны налы, сиӧны бур да юксьӧны асланыс боевӧй опытӧн.
* * *
Франц Адамович Клинцевич 22 во сиис СССР-са да Россия Федерацияса Вооружённӧй Вынъясын служитӧмлы, служитіс Воздушно-десантнӧй войскаын уна сикас чинын, участвуйтіс Афганистанын боевӧй тышъясын.
Лоӧ запасса полковникӧн.
1995 воын индӧма Россияын Афганистанса ветеранъяс союзлӧн правлениеӧн веськӧдлысьӧн.
Россия Федерацияса Федеральнӧй Собраниелӧн коймӧдысь, нёльӧдысь, витӧдысь да квайтӧдысь бӧрйӧм Каналан Думаса депутат.
2015 восянь 2021 воӧдз — Россия Федерацияса Федеральнӧй Собраниелӧн Федерацияса Сӧветын дорйӧм да безопасносьт серти Комитетӧн Веськӧдлысьӧс Медводдза Вежысь.
Наградитӧма «Гӧрд звезда» кык орденӧн, Почёт, Дружба орденӧн, Александр Невский орденӧн, а сідзжӧ Беларусь Республикаса «Почёт» орденӧн, Афганистан Республикаса «Звезда» III степеня орденӧн, СССР-са да Афганистан Республикаса 12 медальӧн.
{Kodko @ Владимир Уйба: «Ми тышкасям аскиа лун вӧсна.
Ӧтлаын ми вермам!» @ выльтор @ https://rkomi.ru/news/2610 @ 2022-10-26 @}
Владимир Уйба: «Ми тышкасям аскиа лун вӧсна.
Ӧтлаын ми вермам!»
Коми Республикаса Юралысь участвуйтіс «МЫ РОССИЯ!
МЫ ВМЕСТЕ!» митинг-концертын, кодӧс сиӧма Донбассын да Украинаын торъя военнӧй спецоперациялы. Концертыс вӧлі Сыктывкарса Театральнӧй изэрд вылын йирым тӧлысь 26 лунӧ.
«Ми талун тані чукӧртчим, медым петкӧдлыны, мый ми ӧтлаын, да кутыштны зонъясӧс, кодъяс мунісны торъя военнӧй операция вылӧ частичнӧй мобилизация, контракт серти, ас кӧсйӧм серти.
Ми пыдди пуктам найӧс! — шыӧдчис митинг-концертын участвуйтысьяс дорӧ Владимир Уйба.
— Ме колльӧді миян зонъяслысь став командасӧ.
Найӧ ставӧн гӧгӧрвоӧны, мый мунӧны тышкасьны Чужан му, асланыс войтыр, челядь вӧсна.
Россияса Президент, медыджыд главнокомандующӧй Владимир Путин, торъя военнӧй операция да частичнӧй мобилизация йылысь помшуӧмъяс примитігӧн, босьтіс ас вылас зэв ыджыд кывкутӧм.
Ми доръям ог сӧмын ассьыным вӧлянымӧс, но и мукӧд страналысь, кодъяс оз кӧсйыны овны НАТО-лӧн веськӧдлӧм улын.
Миянлысь мудоръяс лыйлӧмыс, кӧні доймалӧны да пӧгибнитӧны йӧзыс, — нӧшта ӧтчыдысь эскӧдӧ сы йылысь, мый НАТО бӧрйис Украиналысь муяссӧ, медым уськӧдчыны Россия вылӧ.
Ме тӧда, ми тышкасям аскиа лун вӧсна.
Ми вермам!
Та могысь миянлы колӧ лоны ӧтлаын, отсасьны миян зонъяслы да налӧн семьяяслы.
Ӧтлаын ми вермам!»
Владимир Уйба тӧдчӧдіс, мый Коми Республикаса Веськӧдлан котыр вӧчӧ ставсӧ, медым отсавны СВО вылӧ мунысь зонъяслы, налӧн семьяяслы.
Та дырйи регионса Юралысь пасйис, мый отсӧгыс колӧ быдӧнсянь, коді колис тылын, тӧдчанаӧн лоӧны войтырлӧн ӧтувъялун да ӧтсӧгласлун.
Митинг дырйи казьтыштісны ыджыд полководечьяслысь нимъяссӧ, кодъяс дорйисны Чужан му — тайӧ князьяс Александр Невский да Дмитрий Донской, Нижний Новгородысь гражданин Кузьма Минин да князь Дмитрий Пожарский, генералиссимус Александр Суворов, коді пыр вӧлі вермысьӧн, Россияӧс Наполеонысь мездысь фельдмаршал Михаил Кутузов да Победа маршал Георгий Жуков.
Митингын участвуйтысьяс висьталісны бур кывъяс торъя военнӧй операцияын участвуйтысь россияса салдатъяслы да офицеръяслы, кодъяс пӧвстын унаӧн и Коми Республикаысь, аттьӧалісны найӧс повтӧмлунысь да смеллунысь.
{Kodko @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/2611 @ 2022-10-26 @}
Владимир Уйба примитіс гражданаӧс ас сёрниӧн
Регионса олысьяс шыӧдчисны Коми Республикаса Юралысь дорӧ оланін условиеяс бурмӧдӧм, медицина отсӧг сетӧм, ва нюжӧдӧм, коммунальнӧя могмӧдӧм, автобусӧн йитӧдсӧ котыртӧм серти да мукӧд юалӧмӧн.
Йӧзӧс ас сёрниӧн примитӧм бӧрын министерствоясӧн, ведомствоясӧн да муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяссӧ решитӧм могысь, кутшӧмъясӧн регионса олысьяс шыӧдчисны Владимир Уйба дорӧ.
Тшӧктӧмъяссӧ олӧмӧ пӧртӧм бӧрся кутас видзӧдны Коми Республикаса Юралысь.
{Kodko @ Владимир Уйба нуӧдіс Неминучаясысь ӧлӧдӧм, найӧс бырӧдӧм да пӧжарысь видзчысьӧмсӧ могмӧдӧм серти Коми Республикаса комиссиялысь заседание @ выльтор @ https://rkomi.ru/news/2613 @ 2022-10-27 @}
Владимир Уйба нуӧдіс Неминучаясысь ӧлӧдӧм, найӧс бырӧдӧм да пӧжарысь видзчысьӧмсӧ могмӧдӧм серти Коми Республикаса комиссиялысь заседание
Вӧчӧма кывкӧртӧдъяс ытва лоны вермана кадколаст прӧйдитӧм серти, видлалӧма энергетика, оланін да коммунальнӧй овмӧс объектъяслӧн ар-тӧлын торкавтӧг уджавны дасьлун, муниципалитетъяс костын виччысьтӧмторъяс бырӧдӧм могысь материальнӧй ресурсъяслысь резервъяс лӧсьӧдӧм, а сідзжӧ велӧдан, йӧзлысь дзоньвидзалун видзан да социальнӧй юкӧнса объектъяс вылын пӧжарысь видзчысян мераяс збыльмӧдӧм серти юалӧмъяс.
Заседание восьтігӧн, Коми Республикаса Юралысь казьтыштіс сы йылысь, мый 2022 вося йирым тӧлысь 19 лунӧ Россия Федерацияса Президент Владимир Владимирович Путинӧн вӧлі примитӧма зэв колана помшуӧмъяс.
Странаса нёль регионын пыртӧма военнӧй положение, мукӧд субъектын — реагируйтан шӧр тшупӧд да содтӧд дасьлун режим.
Коми Республикалы индӧма подув тшупӧда дасьлун режим.
Тайӧ режим серти колӧны ӧтйӧза пӧрадок могмӧдан содтӧд мераяс, колӧ вынсьӧдны социальнӧй тӧдчанлуна да инфраструктура объектъяс вылын безопасносьт мераяс, сы лыдын промышленносьт, транспорт, связь юкӧнын, а сідзжӧ колӧны Россияса Вооружённӧй Вынъяслысь, мукӧд войскалысь да воинскӧй формированиелысь коланлунсӧ могмӧдӧм вылӧ мераяс.
Коми Республикаын Россияса Президентлысь Индӧд олӧмӧ пӧртӧм могысь лӧсьӧдӧма подув тшупӧда дасьлун могмӧдӧм серти Республиканскӧй Оперативнӧй штаб.
Штаблысь удж котыртӧм серти лӧсялана тшӧктӧмъяссӧ вӧлі сетӧма йирым тӧлысь 20 лунӧ сылӧн медводдза заседание дырйи.
«Уджъёртъяс, ми вуджим «аслыспӧлӧс кадлӧн» условиеясын дзик выль нога уджалан режим вылӧ.
Та вӧсна, веськӧдлан органъяслы, РСЧС са Коми республиканскӧй системаувлӧн вынъяслы да средствояслы колӧ дженьыд кадӧн актуализируйтны гражданскӧй обороналысь планъяссӧ, нуӧдны учениеяс мероприятиеяссӧ шыльӧдӧмӧн реагируйтан быдсяма тшупӧдсӧ пыртӧм серти да Россияса Президентӧн пуктӧм могъяс тӧд вылӧ босьтӧмӧн», — пуктіс мог Владимир Уйба.
Ар-тӧв кежлӧ энергетика да ЖКХ объектъяслӧн дасьлун йылысь шӧр докладӧн сёрнитіс Коми Республикаса стрӧитчан, оланін да коммунальнӧй овмӧс министр Андрей Лисов.
Тӧв кежлӧ дась 99,4 % котельнӧй.
Ставыс уджалӧны штатнӧй режимын.
Олан фондса объектъяссӧ лӧсьӧдӧма 99,5% вылӧ, ва провод да шоныд сетан везъяс лӧсьӧдӧма дзоньнас — 100 % вылӧ.
Вежӧма 107 % шоныд сетан важ везъяс да 112 % важ ва провод везъяс планируйтӧмасьыс.
Коммунальнӧй инфраструктура объектъяс вылын колана мындаын лӧсьӧдӧма ломтас видзас.
Сьӧкыда воӧдчан олан пунктъяслӧн да районъяслӧн, кӧні ва туйыс восьса дженьыд кад, коммунальнӧй котельнӧйясӧ вайӧма колана мындаын из шом да дизельнӧй ломтас посёлокъясса дизельнӧй электростанцияяслы.
Заседание дырйи видлалӧмаӧсь Коми Республикаса муниципалитетъясӧн дасьлун йылысь паспортъяс босьтӧмын рискъяс.
Став тшупӧда веськӧдлысьяслы тшӧктӧма тырвыйӧ да ас кадӧ бырӧдны пасйӧгъяссӧ, кутшӧмъясӧс сетӧма Коми Республикаын Экологическӧй, технологическӧй да атомнӧй дӧзьӧр нуӧдысь федеральнӧй службалӧн Печораса веськӧдланін.
Сідзжӧ Владимир Уйба тшӧктіс Коми Республикаса Веськӧдлан котырлы лӧсьӧдны Россия Федерацияса Веськӧдлан котырлӧн инпас вылӧ Коми Республикаса велӧдан, йӧзлысь дзоньвидзалун видзан да социальнӧя доръян учреждениеясын пӧжарысь видзчысьӧм серти юалӧмъяс решитӧм вылӧ резервнӧй фондысь содтӧд сьӧм вичмӧдӧм йылысь корӧмӧн шыӧдчӧм.
«Позянлуныс бырӧдны велӧдан, йӧзлысь дзоньвидзалун видзан да социальнӧя доръян объектъяс вылын Госпожнадзорлӧн да МЧС-лӧн уна вося предписаниеяс серти торкалӧмъяссӧ республиканскӧй сьӧмкуд тшӧт весьтӧ ӧнія кадӧ абу.
Но предписаниеяссӧ быть колӧ пӧртны олӧмӧ, сы вӧсна мый вермас сувтны социальнӧй тӧдчанлуна объектъяслӧн уджыс.
Кора дасьтыны контроль нуӧдысь органъяслӧн актъясӧн да колана мындаясӧн материалъяс, кутшӧмъясӧс менам кырымпасӧн лоӧ сетӧма Россия Федерацияса Веськӧдлан котырӧн Юрнуӧдысь Михаил Владимирович Мишустинлы водзӧ реагируйтӧм вылӧ», — шуис Коми Республикаса Юралысь.
Владимир Уйба пасйис, мый водзвыв арталӧмъяс серти ведомствоувса объектъяс вылын торкалӧмъяссӧ бырӧдӧм вылӧ Коми Республикаса велӧдан, наука да том йӧз политика министерстволы колӧ 511,7 миллион шайтысь абу этшаджык, Коми Республикаса удж, уджӧн могмӧдан да социальнӧя доръян министерстволы — 257,3 миллион шайт, Коми Республикаса йӧзлысь дзоньвидзалун видзан министерстволы — 220 миллион шайт.
{Kodko @ Владимир Уйба кырымаліс Коми Республикаын Том йӧзлы сиӧм во нуӧдӧм йылысь Индӧд @ выльтор @ https://rkomi.ru/news/2614 @ 2022-10-27 @}
Владимир Уйба кырымаліс Коми Республикаын Том йӧзлы сиӧм во нуӧдӧм йылысь Индӧд
Коми Республикаса Веськӧдлан котырлы тшӧктӧма 2022 вося ӧшым тӧлысь 30 лунӧдз артмӧдны да вынсьӧдны Том йӧзлы сиӧм во серти нуӧдӧм медшӧр мероприятиеяслысь план.
Коми Республикаса олӧмӧ пӧртысь власьт органъясӧн юрнуӧдысьяслы колӧ планируйтны да збыльмӧдны Том йӧзлы сиӧм во серти мероприятиеяс.
Коми Республикаын меставывса асвеськӧдлан органъяслы, Коми Республикаса мукӧд органлы да организациялы сідзжӧ вӧзйӧма планируйтны да нуӧдны лӧсялана мероприятиеяс.
{Kodko @ Лӧсьӧдӧма Коми Республикаса Юралысь бердын челядьлӧн да том йӧзлӧн россияса ӧтмунӧмкӧд ӧтув уджалӧм серти координационнӧй сӧвет @ выльтор @ https://rkomi.ru/news/2615 @ 2022-10-27 @}
Лӧсьӧдӧма Коми Республикаса Юралысь бердын челядьлӧн да том йӧзлӧн россияса ӧтмунӧмкӧд ӧтув уджалӧм серти координационнӧй сӧвет
Та йылысь Индӧдсӧ кырымаліс Коми Республикаса Юралысь йирым тӧлысь 27 лунӧ.
Коми Республикаса Юралысь бердын челядьлӧн да том йӧзлӧн россияса ӧтмунӧмкӧд, сылӧн регионса юкӧнкӧд, меставывса да медводдза юкӧнъяскӧд ӧтув уджалӧм серти координационнӧй сӧветсӧ лӧсьӧдӧма Коми Республикаын канмуын том йӧз политика збыльмӧдӧм могысь.
Сӧвещательнӧй орган кутас отсасьны наставничество институтъяс, менторство да тьюторство, сӧвмӧдӧмын, челядьӧс быдтӧм-велӧдӧмын, уджсикас аддзӧмын, прӧст кад коллялӧм котыртӧмын, челядьӧс да том йӧзӧс быд боксянь сӧвмӧдӧмын да наӧн ас туй бӧрйӧмын, йӧзкотырын тырвыйӧ олӧмӧ найӧс дасьтӧмын.
Координационнӧй сӧветлӧн уджыс сідзжӧ лоӧ веськӧдӧма челядьлысь да том йӧзлысь олӧм вылӧ видзӧдлассӧ артмӧдӧм вылӧ россияса традиционнӧй духовнӧй да нравственнӧй озырлунъяс подув вылын, а сідзжӧ йӧзлы тӧдчана да творческӧй зільлун, Чужан му дорӧ муслун да пыдди пуктӧм сӧвмӧдӧм вылӧ.
Координационнӧй сӧвет кутас ӧтув уджавны челядьлӧн да том йӧзлӧн россияса ӧтмунӧмъясын регионса да меставывса юкӧнъяскӧд, власьт да меставывса асвеськӧдлан органъяскӧд, велӧдан организацияяскӧд, наука шӧринъяскӧд да Коми Республикаса уджсикас котыръяскӧд.
Сійӧ кутас эрдӧдавны челядьлысь да том йӧзлысь водзӧ могъяса регионса да муниципальнӧй водзмӧстчӧмъяс да проектъяс, кутшӧмъясӧс водзӧ вылӧ вӧзъясны канмусянь отсӧг босьтысьяс пыдди.
{Kodko @ Владимир Уйба нуӧдіс Коми Республикаын «Zа Самбо» федеральнӧй партийнӧй проектлӧн ӧтйӧза сӧветлысь медводдза заседание @ выльтор @ https://rkomi.ru/news/2616 @ 2022-10-27 @}
Владимир Уйба нуӧдіс Коми Республикаын «Zа Самбо» федеральнӧй партийнӧй проектлӧн ӧтйӧза сӧветлысь медводдза заседание
Аддзысьлігӧн видлалісны быдмысь войтырӧс национальнӧй спорт сикасӧ — самбоӧ пыртӧм пыр Чужан му пыдди пуктыны да радейтны велӧдӧм, физическӧя да нравственнӧя сӧвмӧдӧм серти юалӧмъяс.
Видлалӧмын участвуйтісны Коми Республикаса вынйӧр сӧвмӧдан да спорт министерствоӧс, Коми Республикаса велӧдан, наука да том йӧз политика министерствоӧс, Коми Республикаса самбо серти федерацияӧс, республикаса вылі тшупӧда велӧданінъясӧс петкӧдлысьяс, спорт школаясса директоръяс да тайӧ спорт сикас серти тренеръяс, депутатъяс да «Единая Россия» партияӧ пырысьяс.
«Самбо либӧ ӧружьетӧг асьтӧ дорйӧм — тайӧ аймуса боевӧй искусство, коді лыддьыссьӧ войтыркостса боевӧй спорт сикасӧн.
Самбо сетӧ позянлун сӧвмӧдны абу сӧмын физическӧй, но и морально-волевӧй качествояс.
«Zа Самбо» проект — тайӧ абу сӧмын физическӧй культуралысь да спортлысь тӧдчанлунсӧ лэптӧм.
Тайӧ и каръясын да сиктъясын материально-техническӧй базасӧ бурмӧдӧмын отсалӧм, самбоӧн занимайтчӧм вылӧ спорт залъяс выльмӧдӧм да восьтӧм», — пасйис Коми Республикаын «Zа Самбо» федеральнӧй партийнӧй проектлӧн ӧтйӧза сӧветӧн веськӧдлысь, регионса Юралысь Владимир Уйба.
Заседаниеын участвуйтысьяс тӧдмасисны «Zа Самбо» федеральнӧй партийнӧй проектлӧн паспортӧн, видлалісны самбо серти спортивнӧя дасьтысьӧмлӧн федеральнӧй стандартӧ вежсьӧмъяс пыртӧм серти вӧзйӧмъяс да сёрнитісны физкультура велӧдысьясӧс дасьтан да налысь тӧдӧмлун бурмӧдан уджтасӧ национальнӧй спорт сикас пыртӧм йылысь.
Сідзжӧ видлалісны школаясын самбо занятиеяс серти ӧти быть колана физкультура урок пыртӧм да шӧр тшупӧда, шӧр тшупӧда специальнӧй да вылыс тшупӧда велӧданінъясын самбо серти спортивнӧй секцияяс лӧсьӧдны позянлун.
Россия Федерацияын «Zа Самбо» федеральнӧй партийнӧй проект олӧмӧ пӧртӧм заводитчис 2022 вося сора тӧлысь 22 лунӧ «Единая Россия» партиялӧн Генеральнӧй Сӧветса Президиумлӧн шуӧмӧн.
Медтӧдчана могъяс — кыпӧдны быдмысь войтырлӧн сӧвмӧмын физическӧй культуралысь да спортлысь тӧдчанлунсӧ, лӧсьӧдны Чужан му пыдди пуктыны да радейтны велӧдӧм, физическӧя, гражданственнӧя да нравственнӧя сӧвмӧдӧм вылӧ бур условиеяс, отсавны выльмӧдны да восьтыны самбоӧн занимайтчӧм вылӧ спорт залъяс, пропагандируйтны самболысь сӧвмӧмсӧ кыдз ас вынӧн дорйысян, а абу уськӧдчан система.
«Zа Самбо» федеральнӧй партийнӧй проект серти сулалӧны могъяс «Самбо школаӧ», «Самбо сиктъясӧ», «Самбо ВУЗ-ясӧ», «Самбо паркъясын» нырвизьяс сӧвмӧдӧм серти.
Республикаын эмӧсь нин тайӧ нырвизьяссӧ бура олӧмӧ пӧртӧмлӧн примеръяс.
Шуам, «Самбо школаӧ» регионса проект збыльмӧдсьӧ Сыктывкарса кӧкъямыс школаын да Воркутаса кык школаын либӧ быть колана физкультура урокӧн, либӧ секцияӧн либӧ спорт клубӧн.
Та могысь школаясын вӧлі могмӧдӧма залъяс, ньӧбӧма спорт оборудование, форма, котыртӧма физкультура велӧдысьяслысь тӧдӧмлун бурмӧдӧм.
Мӧд тшупӧд — техникумъясын, колледжъясын да вузъясын проект збыльмӧдӧм.
«Самбо сиктъясӧ» проект збыльмӧдсьӧ Кулӧмдін да Абъячой сиктъясын.
«Самбо паркъясын» проект збыльмӧдсьӧ быд вежонся восьса тренируйтчӧмъясӧн, кутшӧмъяс нуӧдсьӧны юркарлӧн Эжва районын.
Коми Республикаын 2012 восянь уджалӧ «Коми Республикаса самбо серти федерация» Коми региональнӧй физкультурно-спортивнӧй ӧтйӧза организация.
Федерациялӧн дас во уджалігӧн восьтӧма филиалъяс Усинскын, Печораын, Воркутаын, Сыктывкарын да юркарлӧн Эжва районын.
Быд во нуӧдсьӧны быдсяма ордйысьӧмъяс, фестивальяс, восьса тренируйтчӧмъяс да мастер-классъяс чемпионъясӧс корӧмӧн.
Заседаниеын участвуйтысьяс аттьӧалісны Коми Республикаса самбо серти федерациялы подув пуктысьӧс да сыӧн веськӧдлысьӧс, Россияса Рытыв-Войвыв федеральнӧй кытшын самбо серти федерацияса олӧмӧ пӧртысь директор Рустам Нурисламовӧс национальнӧй спорт сикас кыпӧдӧмын зіля участвуйтӧмысь.
«Аттьӧала Рустам Фаварисовичӧс.
Неважӧн сійӧ ветліс Ровеньки карӧ, кӧні петкӧдчис том спортсменъяс водзын, сетіс налы спортивнӧй ковёр да форма.
Тайӧ бур заводитӧм, сы вӧсна мый челядьлӧн кӧкъямыс воӧн быри гажныс спортысь да ордйысьӧмъясысь.
Татшӧм аддзысьлӧмъясыс налы зэв коланаӧсь», — тӧдчӧдіс Коми Республикаса Юралысь.
Владимир Уйба тшӧктіс ӧтйӧза сӧветӧ пырысьяслы видлавны республикаса специальнӧй коррекционнӧй школаясын «адаптивнӧй самбо» торъя нырвизь серти самбоысь занятиеяс котыртӧм серти юалӧм.
Заводитны вӧзйӧма эжваса школа-интернатсянь, кӧні быдмӧ-велӧдчӧ 100 ысь унджык батьтӧм-мамтӧм челядь да эм бур спортивнӧй инфраструктура.
{Kodko @ Владимир Уйба удж серти аддзысьліс Россияын футболысь ворсан союзса вице-президент Елена Илюхинакӧд @ выльтор @ https://rkomi.ru/news/2618 @ 2022-10-29 @}
Владимир Уйба удж серти аддзысьліс Россияын футболысь ворсан союзса вице-президент Елена Илюхинакӧд
Аддзысьлігӧн видлалісны Коми Республикаын футбол да спорт инфраструктура сӧвмӧдӧм, а сідзжӧ регионса Веськӧдлан котыр, Россия Федерацияса спорт министерство, Россияын футболысь ворсан союз да Коми Республикаын футбол серти федерация костын нёльнанладорса сёрнитчӧм серти ёртасьӧм йылысь юалӧмъяс.
Владимир Уйба да Елена Илюхина сёрнитісны 2023 воын Рытыв-Войвылын Томуловлӧн футбольнӧй лигаын Футбол серти Коми Республикаса спорт школаысь командаяслӧн участвуйтӧм йылысь.
Вынсьӧдӧма 3 арлыда группалысь участвуйтӧм — 2006, 2007, 2008 чужан вояс.
Футбол серти спорт школаса нёль тренер ӧні кыпӧдӧны квалификация «С-УЕФА» лицензиялӧн аттестационнӧй тшупӧд вылӧ.
«Ыджыд футбол "11 на 11" кыскӧ уна мортӧс, сы дорӧ эм интерес, сылӧн уна висьысь.
И тайӧ нырвизьын миян бур вермӧмъяс.
Рытыв-Войвыв лоис медводдза регионӧн, кӧні колян сезонын вӧлі Том йӧзлӧн регионса футбольнӧй лига.
Таво ми заводитім нуӧдны Рытыв-Войвылын Том йӧзлӧн футбольнӧй лигалысь первенство.
Коми Республика ворсӧ оз лёка — 2006–2007 арлыда группаын ті босьтанныд 5 места, призӧвӧйсьыс торъялӧмыс сӧмын 4 очко.
Тайӧ висьталӧ сы йылысь, мый тіян челядьлӧн тшупӧдыс зэв бур», — висьталіс Россияын футболысь ворсан союзса вице-президент, «Газпром нефть» ПАК инӧда да корпоративнӧй юалӧмъяс серти медыджыд директорӧс вежысь Елена Илюхина.
Сідзжӧ видлалӧмаӧсь во гӧгӧр чӧж футбол серти тренировкаяс да занятиеяс котыртӧм могысь вевта футбольнӧй манеж стрӧитны позянлунъяс — Республиканскӧй стадионлӧн полеяс вылӧ сибалан сӧмын гожӧмын.
«Ыджыд футбол — тайӧ мича, уна йӧза спорт.
Сылӧн сӧвмӧмыс Коми Республикаын меным зэв тӧдчана, торйӧн нин челядь пӧвстын да медводз сьӧкыда олысь семьяысь челядь пӧвстын, кӧні налы оз тырмы бать-мамыслӧн тӧждысьӧмыс.
Ми кӧ вермам тайӧ тӧждысьӧм тырмытӧмлунсӧ тыртны спортӧн, то эм лача, мый татшӧм челядьыс олӧмас бӧръясны правильнӧй туй.
Сы вӧсна ошка вевта манеж стрӧитӧм йылысь вӧзйӧмсӧ.
Босьтам видлавны сійӧс, кутам корсьны позянлунъяс, ӧшмӧсъяс.
Коланлуныс сыын талун эм», — пасйис Коми Республикаса Юралысь Владимир Уйба.
* * *
Коми Республикаын футбол сӧвмӧ вынйӧр сӧвмӧдан да спорт нырвизя 9 учреждениеын, кӧні тренируйтчӧ 850-ысь унджык челядь да томулов.
Регионын ӧтлаӧнсӧ тайӧ спорт сикасӧн занимайтчӧ 22 сюрсысь унджык морт.
Республикаын эм «Коми Республикаын футбол серти федерация» Коми регионса ӧтйӧза организация.
Мини-футбол сӧвмӧ республикаын вынйӧр сӧвмӧдан да спорт нырвизя 11 учреждениеын, сэні занимайтчӧны 1500-ысь унджык челядь да томулов.
{Kodko @ Владимир Уйба Ленинград обласьтын аддзысьліс Комиысь военнослужащӧйяскӧд @ выльтор @ https://rkomi.ru/news/2619 @ 2022-10-29 @}
Владимир Уйба Ленинград обласьтын аддзысьліс Комиысь военнослужащӧйяскӧд
Ӧні мобилизация серти республикаысь корӧм олысьяс военнӧя дасьтысьӧны да велӧдчӧны боевӧй могъяс олӧмӧ пӧртігӧн ладмӧдчыны.
Регыд найӧ мунасны служба нуӧданінӧ.
Аддзысьлігӧн Коми Республикаса Юралысь вочавидзис боечьяслӧн юалӧмъяс вылӧ да сетіс Веськӧдлан котырсянь содтӧд экипировка.
«Ми гӧрдитчам тіянӧн.
Служитӧй честнӧя, повтӧг.
Бӧр локтӧй вермӧмӧн!», — шыӧдчис военнослужащӧйяс дорӧ Коми Республикаса Юралысь.
Коми Республикаса Веськӧдлан котырсянь содтӧд экипировка комплектӧ пырӧны шоныд кӧлуй, сапӧгъяс, берцыяс, узьлан мешӧкъяс, рюкзак, тактическӧй перчаткияс, наколенникъяс, туристическӧй коврикъяс да уна мукӧдтор.
Вӧльгым тӧлысь 4 лунӧдз воинскӧй часьтӧ Комиысь боечьяслы ваясны аптечкаяс.
{Kodko @ Владимир Уйба сетіс Ухтаын олысь Евгений Алексеевлы Коми Республикаса Почёта гражданин пас @ выльтор @ https://rkomi.ru/news/2620 @ 2022-10-29 @}
Владимир Уйба сетіс Ухтаын олысь Евгений Алексеевлы Коми Республикаса Почёта гражданин пас
Талун, йирым тӧлысь 29 лунӧ, регионса Юралысь воліс Ухтаын олысь Евгений Михайлович да сылӧн гӧтыр Нина Алексеевна дорӧ гортас, сетіс Коми Республикаса канму награда, аттьӧаліс страналы бур вылӧ уна вося бур уджысь, чужан му сӧвмӧдӧмӧ да дзоридзалӧмӧ тӧдчана пай пуктӧмысь, сиис крепыд дзоньвидзалун да тыр-бур олӧм.
«Пыдди пуктӧмӧн, Евгений Михайлович, сета Тіянлы «Коми Республикаса Почёта гражданин» уджӧн шедӧдӧм канму награда.
Буретш сэтшӧм йӧзыс, кыдз Ті, мичмӧдӧны республиканымӧс.
Ті — легенда, код вылӧ колӧ ӧтвесьтасьны миянлы ставлы.
Ыджыд аттьӧ Тіянлы миянлысь республика сӧвмӧдӧмӧ пуктӧм пайысь», — аттьӧаліс ветеранӧс Владимир Уйба.
* * *
Евгений Михайлович Алексеев чужис 1934 вося ӧшым тӧлысь 29 лунӧ Коми АССР-ын Емдін районса Межӧг сиктын.
1953 воӧ помаліс Микуньса 1 №-а кӧрт туй училище.
1953–1971 воясӧ уджаліс Микунь карын локомотивнӧй депоын.
1955–1959 воясӧ служитіс Саридзвыв Военнӧй флотын.
Выль сикас атомнӧй да водороднӧй ӧружьелысь испытаниеяс бура нуӧдӧмысь 1958 воын сылы сетісны Ленин орден.
1971 воын бӧрйисны Микунь карын Уджалысьясысь бӧрйӧм депутатъяслӧн сӧветса исполкомӧн веськӧдлысьӧн, 1975 воын индісны Вуктыл районын Войтырысь бӧрйӧм депутатъяслӧн сӧветса исполкомӧн веськӧдлысьӧн.
Сылӧн юрнуӧдігӧн Микунь да Вуктыл каръяс ёна вежсисны-бурмисны — стрӧитісны да дзоньталісны туйяс.
1978 восянь 1990 воӧдз уджаліс Ухта карса исполкомын оланін да коммунальнӧй овмӧс серти веськӧдлысьӧс вежысьӧн.
Сылӧн юрнуӧдігӧн карын бурмӧдісны оланін да коммунальнӧй юкӧнын уджсӧ, разисны Ухта бурмӧдӧм-мичмӧдӧм серти уна мытшӧд.
1990 воын Евгений Алексеевлӧн водзмӧстчӧмӧн да зільӧмӧн Ухтаын заводитіс уджавны «Горзеленхоз» предприятие.
Евгений Михайлович вӧлі тайӧ предприятиелӧн директорӧн котыртан лунсяньыс 2007 воӧдз.
Евгений Алексеев — йӧзкотыр олӧмын водзмӧстчысь.
Сійӧс бӧрйылісны СССР-са 7-ысь бӧръян Медвылыс Сӧветын Войтырлӧн сӧветса депутатӧн, Коми АССР-са 8-ысь бӧръян Медвылыс Сӧветса депутатӧн.
Коми Республикалы бур вылӧ уна вося бур уджысь сетӧма уна сикас канму награда.
Эмӧсь «Коми АССР-са йӧзкостса овмӧсын нимӧдана уджалысь», «Россияса оланін да коммунальнӧй овмӧсын почёта уджалысь» нимъяс.
Ухта кар сӧвмӧдӧмын ыджыд заслугаясысь Евгений Михайлович Алексеевлы сетӧма «Ухта карса почёта гражданин» ним.
{Kodko @ Коми Республикаса Юралысь чолӧмалӧ Автомашина да карса пассажирскӧй транспортын уджалысьяслӧн лунӧн @ выльтор @ https://rkomi.ru/news/2621 @ 2022-10-30 @}
Коми Республикаса Юралысь чолӧмалӧ Автомашина да карса пассажирскӧй транспортын уджалысьяслӧн лунӧн
«Коми Республикаса автомашина да карса пассажирскӧй транспортын пыдди пуктана уджалысьяс!
Юкӧнса дона ветеранъяс!
Чолӧмала тіянӧс уджсикас гажӧн!
Талун оз позь думыштны ӧнія карса да сиктса уличаяссӧ машинаястӧг — легкӧвӧй, грузӧвӧй, автобусъястӧг.
Он вермы донъявны автомашина транспортлысь тӧдчанлунсӧ кыдз республика да канму сӧвмӧдӧмын, сідз и торъя мортлӧн олӧмын.
Автотранспорт юкӧнын уджалысьяслӧн ыджыд кывкутӧмыс.
Тайӧ сьӧкыд да пыдди пуктана удж.
Петны линия вылӧ колӧ зэригӧн и лымъялігӧн, водз асылын и сёр войын.
Колӧ оз сӧмын ас кадӧ вайны груз либӧ ветлысь-мунысьӧс, колӧ вӧчны тайӧс лӧсьыда да лёк суӧмысь видзчысьӧмӧн.
Водительяс да механикъяс, инженеръяс да диспетчеръяс, кондукторъяс да автотранспортнӧй предприятиеӧн юрнуӧдысьяс, аттьӧ тіянлы зумыдлунысь да кужӧмӧн кутчысьӧмысь, кывкутӧмӧн да сьӧлӧмсянь уджалӧмысь.
Торъя аттьӧалана кывъяс ветеранъяслы.
Тіян чӧжӧм сямныд колӧ юкӧнлысь талунъя мытшӧдъяссӧ разьӧм могысь.
Сьӧлӧмсянь сиа крепыд дзоньвидзалун, тіян сьӧкыд уджын вермӧмъяс, тыр-бур олӧм да шуд!»
Коми Республикаса Юралысь Владимир Уйба
{Kodko @ Коми Республикаса Почёт грамота сетӧма Василий Караваевлы да Алексей Петренколы @ выльтор @ https://rkomi.ru/news/2623 @ 2022-10-31 @}
Коми Республикаса Почёт грамота сетӧма Василий Караваевлы да Алексей Петренколы
Лӧсялана Индӧдсӧ кырымаліс Коми Республикаса Юралысь Владимир Уйба.
«Коми Республикаса Почёт грамота сетӧм йылысь» Коми Республикаса Юралысьлӧн 2022 во йирым тӧлысь 26 лунся 124 №-а Индӧд
Коми Республикалы бур вылӧ уна во зіля уджалӧмысь Коми Республикаса Почёт грамота сетны:
Василий Иванович Караваевлы — «Автохозяйство» Коми Республикаса канму сьӧмкуд учреждениеын первой класса водительлы, Сыктывкар;
Алексей Петрович Петренколы — «Россия Федерацияса национальнӧй гвардия войскаяслӧн Коми Республикаын абу ведомственнӧй охранаӧн веськӧдланін» федеральнӧй канму казённӧй учреждениеса начальниклы, Сыктывкар.
{Kodko @ Комиын вӧльгым тӧлысь 1 лунӧ заводитчас 2022 вося арся призыв @ выльтор @ https://rkomi.ru/news/2625 @ 2022-10-31 @}
Комиын вӧльгым тӧлысь 1 лунӧ заводитчас 2022 вося арся призыв
Срочнӧй военнӧй служба вылӧ корӧм военнослужащӧйясӧс оз кутны мӧдӧдны Украинаӧ торъя военнӧй операция нуӧданінӧ.
Арся призыв кежлӧ призывнӧй комиссиялӧн да военнӧй комиссариатъяслӧн дасьлун йылысь Коми Республикаса Юралысь Владимир Уйбалы юӧртіс Коми Республикаса военнӧй комиссар Дмитрий Федин.
2022 вося арся призыв кежлӧ дасьлун йылысь юӧрттӧдз Дмитрий Федин вӧчис колян во серти кывкӧртӧдъяс.
Призывлысь заданиесӧ, мый пуктӧма Коми Республикалы, збыльмӧдӧма ас кадӧ да тырвыйӧ: военнӧй служба вылӧ корӧма да мӧдӧдӧма 1900 гӧгӧр мортӧс.
Призывыс прӧйдитіс коронавирус инфекциялӧн пандемиякӧд йитчӧм дзескӧдӧмъясӧ кутчысьӧмӧн.
Коми Республикаса олӧмӧ пӧртысь власьт органъяскӧд да меставывса асвеськӧдлан органъяскӧд ӧтув нуӧдӧм мераяс отсӧгӧн, гражданаӧс военнӧй служба вылӧ коригӧн да нуигӧн виччысьтӧмторъяс эз вӧвны да коронавирус инфекцияӧн некод эз висьмы.
Чукӧртчан пунктын нуӧдісны воинскӧй командаясӧ мунысь гражданалысь контрольнӧй медицинскӧй видзӧдӧм да профессионально-психологическӧй бӧрйӧм, медым войскаясӧ эз веськавны призывникъяс, кодъяслӧн лёк дзоньвидзалуныс да кодъяс оз лӧсявны асьсӧ кутӧм да удж нуӧдӧм серти.
Таысь кындзи, призывникъяслы сетісны колана эмбур, сы лыдын пӧсь сёян, а Вооружённӧй Вынъясӧ мунысьяслы — банковскӧй да торъя электроннӧй картаяс.
2022 вося локтан призывыс некыдз абу йитчӧма Украинаын торъя военнӧй операция нуӧдӧмкӧд.
Став мероприятиеяссӧ нуӧдасны урчитӧм кадколастъясӧ оланпастэчас нормаясӧ кутчысьӧмӧн да планӧвӧй пӧрадокын.
Коми Республикаса призывникъясӧс мӧдӧдасны служитны Войвывса флотлӧн, Рытыв военнӧй кытшлӧн, Воздушно-космическӧй вынъяслӧн да национальнӧй гвардиялӧн воинскӧй юкӧнъясӧ.
Служба помассьӧм бӧрын призыв серти став военнослужащӧйсӧ уволитасны да мӧдӧдасны олан местаясӧ.
2022 вося арся призыв кежлӧ дасьтысигӧн став граждана серти, кодъясӧс колӧ корны призывнӧй комиссияяс вылӧ, юӧрсӧ чукӧртӧма.
Став муниципалитетын лӧсьӧдӧма призывнӧй комиссияяс, кодъяс заводитӧны уджавны вӧльгым тӧлысь 1 лунсянь.
2022 вося тулыссянь Россия Федерацияса Президентлӧн 2022 во рака тӧлысь 2 лунся 83 №-а Индӧд серти гражданалы, кодъяс уджалӧны аккредитуйтӧм организацияясын, кутшӧмъяс нуӧдӧны юӧртан технологияяс юкӧнын удж, да кодъяслӧн эм вылыс тшупӧда тӧдӧмлун лӧсялана специальносьтъяс да дасьтысян нырвизьяс серти, сетсьӧ военнӧй служба вылӧ призывысь отсрочка вылӧ инӧд.
Военнӧй служба вылӧ призывысь индӧм отсрочка босьтӧм вылӧ инӧд сетан правилӧяссӧ да специальносьтъяслысь лыддьӧгсӧ вынсьӧдӧма Россия Федерацияса Веськӧдлан котырлӧн 2022 во рака тӧлысь 28 лунся 490 №-а Шуӧмӧн.
Помассисны призывайтӧм гражданаӧс войскаясӧ (вынъясӧ) мӧдӧдӧм кежлӧ чукӧртчан пункт дасьтӧм серти мероприятиеяс.
Чукӧртчан пунктсӧ тырвыйӧ могмӧдӧма медицина эмбурӧн, кӧлуйӧн да сёян-юанӧн, жыръяс дасьӧсь примитны призывникъясӧс.
Вӧльгым тӧлысь 5 лунсянь Коми Республикаса военнӧй комиссариатын кутас уджавны гражданаӧс военнӧй служба вылӧ призывайтӧмкӧд йитчӧм юалӧмъяс серти веськыд линия.
Призывникъяс да налӧн быть-мам вермасны тӧдмавны вочакывъяс найӧс майшӧдлысь юалӧмъяс вылӧ воторникъясӧ да четвергъясӧ 10 чассянь 12 часӧдз.
Коми Республикаса военнӧй комиссариатлӧн веськыд линия телефон: (82139) 22 662. Вӧльгым тӧлысь 5 лунӧдз призыв серти юалӧмъясӧн позьӧ шыӧдчыны татшӧм телефон серти: (8212) 32–11–92.
Сідзжӧ юалӧмъясӧ позьӧ сетны, звӧнитны кӧ Россия Федерацияса Вооружённӧй Вынъяслӧн Генеральнӧй штабса Медшӧр организационно-мобилизационнӧй веськӧдланінлӧн веськыд линия вылӧ: (495) 498–96–96, 498–96–97, 498–96–98 воторникъясӧ да четвергъясӧ 10 чассянь 12 часӧдз.
{Kodko @ Комиысь военнослужащӧйяс, кодъяс Каменкаын велӧдчӧны ладмӧдчыны боевӧй могъяс олӧмӧ пӧртігӧн, босьтісны республикаса Веськӧдлан котырсянь содтӧд экипировка @ выльтор @ https://rkomi.ru/news/2628 @ 2022-11-02 @}
Комиысь военнослужащӧйяс, кодъяс Каменкаын велӧдчӧны ладмӧдчыны боевӧй могъяс олӧмӧ пӧртігӧн, босьтісны республикаса Веськӧдлан котырсянь содтӧд экипировка
Вӧльгым тӧлысь 1 лунӧ Коми Республикаса Юралысь Владимир Уйбалӧн тшӧктӧм серти частичнӧй мобилизация серти корӧм землякъяскӧд аддзысьліс Россия Федерацияса Рытыв-Войвыв регионын Коми Республикаӧс петкӧдлысь Марина Каракчиева.
Сійӧ сетіс Коми Республикаса Веськӧдлан котырсянь содтӧд экипировка.
Коми Республикаса Веськӧдлан котырсянь содтӧд экипировка комплектӧ пырӧны шоныд кӧлуй, сапӧгъяс, тулыс-арын да тӧлын новлан берцыяс, тулыс-арын да тӧлын новлан костюмъяс, аптечкаяс, узьлан мешӧкъяс, рюкзак, тактическӧй перчаткияс, наколенникъяс, туристическӧй коврикъяс да уна мукӧдтор.
Ӧні частичнӧй мобилизация серти республикаысь корӧм олысьяс Ленинград обласьтлӧн Выборг районса Каменка посёлокын военнӧя дасьтысьӧны да велӧдчӧны боевӧй могъяс олӧмӧ пӧртігӧн ладмӧдчыны.
Регыд найӧ мунасны служба нуӧданінӧ.
Марина Каракчиева вочавидзис военнослужащӧйяслӧн юалӧмъяс вылӧ, а сідзжӧ висьталіс Коми Республикаын торъя военнӧй операцияын участвуйтысьяслы да налӧн семьяяслы содтӧд отсӧг сетан мераяс йылысь, кутшӧмъясӧс ӧні дасьтӧ регионса Веськӧдлан котыр Коми Республикаса Юралысь Владимир Уйбалӧн тшӧктӧм серти.
{Kodko @ Коми Республикаса Веськӧдлан котырсянь содтӧд экипировка босьтісны Приветнинское посёлокын дасьтысьысь военнослужащӧйяс @ выльтор @ https://rkomi.ru/news/2629 @ 2022-11-03 @}
Коми Республикаса Веськӧдлан котырсянь содтӧд экипировка босьтісны Приветнинское посёлокын дасьтысьысь военнослужащӧйяс
Вӧльгым тӧлысь 2 лунӧ Коми Республикаса Юралысь Владимир Уйбалӧн тшӧктӧм серти Россия Федерацияса Рытыв-Войвыв регионын Коми Республикаӧс петкӧдлысь Марина Каракчиева аддзысьліс частичнӧй мобилизация серти республикаысь корӧм олысьяскӧд, кодъяс ӧні Ленинград обласьтын велӧдчӧны ладмӧдчыны боевӧй могъяс олӧмӧ пӧртігӧн.
Сійӧ сетіс землякъяслы содтӧд экипировка комплектъяс да вочавидзис юалӧмъяс вылӧ.
Коми Республикаса Веськӧдлан котырсянь содтӧд экипировка комплектӧ пырӧны шоныд кӧлуй, сапӧгъяс, тулыс-арын да тӧлын новлан берцыяс, тулыс-арын да тӧлын новлан костюмъяс, аптечкаяс, узьлан мешӧкъяс, рюкзак, тактическӧй перчаткияс, наколенникъяс, туристическӧй коврикъяс да уна мукӧдтор.
Сідзжӧ Марина Каракчиева висьталіс торъя военнӧй операцияын участвуйтысьяслы да налӧн семьяяслы содтӧд отсӧг сетан мераяс йылысь, кутшӧмъясӧс ӧні дасьтӧ регионса Веськӧдлан котыр Коми Республикаса Юралысь Владимир Уйбалӧн тшӧктӧм серти.
Регыд, военнӧя дасьтысьӧм да боевӧй могъяс олӧмӧ пӧртігӧн ладмӧдчыны велӧдчӧм бӧрын, частичнӧй мобилизация серти Комиысь корӧм военнослужащӧйяссӧ мӧдӧдасны служба нуӧданінӧ.
{Kodko @ Ас войтырӧс огӧ эновтӧй: Владимир Уйба воліс удж серти Ровеньки карӧ @ выльтор @ https://rkomi.ru/news/2631 @ 2022-11-03 @}
Ас войтырӧс огӧ эновтӧй: Владимир Уйба воліс удж серти Ровеньки карӧ
Вӧльгым тӧлысь 2 лунӧ Коми Республикаса Юралысь видзӧдаліс Луганскӧй Народнӧй Республикаын социальнӧй юкӧнса да коммунальнӧй инфраструктура объектъяс, прӧверитіс Коми Республикаса Веськӧдлан котыр да Ровеньки карса администрация костын ёртасьӧм йылысь артмӧдчӧм серти вӧчӧм дзоньталан-бурмӧдан уджъяслысь ногтуйсӧ.
«Ми виччысим да эским, мый ЛНР-ын, ДНР-ын, Запорожскӧй да Херсонскӧй обласьтъясын олысьяс примитасны бур помшуӧм да воасны чужанінӧ — Россияӧ.
Тайӧ лоис, и ми талы зэв радӧсь», — Коми Республикаса Юралысь чолӧмаліс Ровенькиын олысьясӧс Луганскӧй Народнӧй Республикаӧс Россия Федерация лыдӧ примитӧмкӧд.
Тӧд вылӧ уськӧдам, Коми Республика лои отсӧг сетан ыджыд федеральнӧй уджтасын участвуйтысьӧн, кор Россияса регионъяс босьтӧны шефство украинаса неонацистъяслӧн лыйлӧм улӧ веськалӧм ЛНР-са да ДНР-са каръяс да районъяс вылын.
Л.Г. Шевцова нима Ровенькиса 9 №-а школаын пукталӧмаӧсь ӧшиньяс да дзоньталӧмаӧсь вевтсӧ.
Сідзжӧ дзоньтасян уджъяс помассьӧмаӧсь школаӧдз велӧдан куим учреждениеын да Ровеньки карса уна профиля шӧр больничаын.
Объектъяс вылын выль ӧшиньяссӧ пукталӧмаӧсь войвыв стандарт серти, мый сетас позянлун видзны шоныдсӧ зданиеясын.
«Аттьӧ тайӧ сьӧкыд кадъясӧ отсӧгысь.
Миянӧс зэв ёна вӧрзьӧдӧ тіян тӧждныд», — аттьӧаліс Коми Республикаса Юралысьӧс медицина учреждениеса юралысь врач Роман Казаков.
Коми Республикаса Юралысь ветліс Ветеранъяслӧн Ровеньки карса организацияӧ да козьналіс компьютер.
Сідзжӧ сійӧ ачыс прӧверитіс школаӧдз велӧдан объектъясын нуӧдӧм дзоньтасян уджъяслысь ногтуйсӧ да сетіс Коми Республикасянь Ровенькиса детсадъясӧ канцелярия коланторъяс, небӧгъяс да пызанвывса ворсанторъяс.
«Миян аттьӧалӧмлӧн абу пом ни дор.
Чужан лун кежлӧ — 33 арӧс тыригкежлӧ миянлы козьналісны татшӧм мичлун!
Ыджыд аттьӧ тіянлы!» — аттьӧаліс выль ӧшиньяс пукталӧмысь «Аленький цветочек» быдсяма челядьлы ясли-садӧн заведуйтысь Елена Апрышко.
Коми Республикаса Юралысь видзӧдаліс путепровод, кӧні мунісны асфальт вежлалӧм серти уджъяс, да воліс регыдъя медицина отсӧг сетан модульнӧй станция стрӧитанінӧ, кӧні дзоньтасян уджъясыс долженӧсь помасьны 2022 вося ӧшым тӧлысь помӧдз.
«Пӧдрадчикъяслӧн уджыс бур, вӧліны кутшӧмсюрӧ тырмытӧмторъяс, но найӧс ӧні бырӧдӧны.
Медводдзасянь кӧсйисны дзоньтавны дас кык объект, а дзоньталісны нелямын витӧс — тайӧ ва проводъяс, шоныд сетан везъяс, котельнӧйяс.
Но ми та кежлӧ вӧлім дасьӧсь.
Ми сувтӧдім ас водзӧ мог дасьтысьны тӧвся ломтысян кадколаст кежлӧ да прӧйдитны сійӧс аварияястӧг.
Ӧні ми лоим ӧтувъя канмуӧн, сы вӧсна миян тані уджыс — тайӧ нин абу сӧмын отсӧг, а миян уджмог», — пасйис Владимир Уйба.
Коми Республикаса Юралысь ветліс Ровеньки карса челядьлы да томуловлы комплекснӧй спорт школаӧ да сетіс том йӧзлы да налӧн тренеръяслы бокс вылӧ ринг, футбольнӧй мачьяс да тренируйтчан футбольнӧй форма.
«Меным нимкодь, мый ми талун заводитам медся коланасяньыс: ог сӧмын дзоньталӧй везъяс да сетӧй карӧ ва, но и сетам тіянлы, дона челядь, ассьыным муслуннымӧс да тӧждысьӧмнымӧс.
Ми заводитім выльмӧдны тіянлысь спорт снарадъяс, форма да кӧсъям дзоньнас кыскыны тіянӧс Россия Федерацияса, Рытыв-Войвывса, Коми Республикаса ордйысьӧмъясӧ.
Кутам быдтыны выль чемпионъясӧс да лӧсьӧдны Луганскӧй Народнӧй Республикалысь да Россия Федерациялысь выль спортивнӧй аскиа лун.
Бур туй!» — шыӧдчис том спортсменъяс дорӧ Владимир Уйба.
Ровеньки карса администрацияын юралысь Андрей Рубанцовлӧн кывъяс серти, том спортсменъяс, кодъяс 2014 во кежлӧ босьтісны нин уна сикас ним, разӧдчалісны.
Ӧні карлӧн могыс — выльысь кыпӧдны спорт, выльмӧдны спорт зданиеяс да быдтыны ыджыд нима выль спортсменъясӧс, ӧд йӧзыслы тайӧ зэв колана.
Владимир Уйба пасйис, мый 2023 — 2025 вояс вылӧ Ровеньки дзоньталӧм серти планъяс ыджыдӧсь: колӧ помавны туйяслысь некымын километр дзоньталӧм, выльмӧдны «Авангард» стадион.
Андрей Рубанцов тӧдчӧдіс, мый уджыс вӧчсьӧ бура да ӧдйӧ, аттьӧаліс Юралысьӧс да Коми Республикаын олысьясӧс карлысь социальнӧй объектъяс да инфраструктура дзоньталӧмын отсӧгысь:
«Пыдди пуктана Владимир Викторович, аттьӧала тіянӧс миян карлы отсӧг сетӧмысь.
Вылыс тшупӧда квалификацияа специалистъяслӧн бур удж отсӧгӧн инфраструктура объектъяс вылын уджъясыс вӧчсисны колана ногӧн да ас кадӧ.
Миян ёртасигӧн дзоньтавсьӧ социальнӧй инфраструктура, выльмӧдсьӧны велӧдан учреждениеяс, йӧзлысь дзоньвидзалун видзан объектъяс.
Тіян отсӧгӧн ми дасьтысим ломтысян кадколаст кежлӧ.
Ми локтім гортӧ Россияӧ да кутам овны ӧти странаын ӧтсӧгласа семьяӧн.
Сьӧлӧмсянь аттьӧалам».
{Kodko @ Владимир Путин чолӧмаліс Коми Республикаса олысьясӧс Йӧзкостса ӧтувъялунлы сиӧм лунӧн @ выльтор @ https://rkomi.ru/news/2632 @ 2022-11-04 @}
Владимир Путин чолӧмаліс Коми Республикаса олысьясӧс Йӧзкостса ӧтувъялунлы сиӧм лунӧн
Россия Федерацияса Президент канму гажкӧд йитӧдын ыстіс Коми Республикаса Юралысь Владимир Уйбалы чолӧмалан открытка.
«Тайӧ гажыс петкӧдлӧ, мый сэкся да ӧнія олысьясыс ӧта-мӧдныскӧд зэв топыда йитчӧмаӧсь, мый Россияын пыр вӧліны йӧз, кодъяс сійӧс пӧся радейтісны, ӧтсӧгласӧн олісны да вӧчисны буртор.
Ми сьӧлӧмсянь видзам традицияяс да пӧль-пӧчьяссянь воӧм озырлунсӧ, кодъяс пыр медся вылӧ пуктісны Аймулысь интересъяссӧ.
Чужан му радейтӧм, сылӧн талунъя да аскиа лун вӧсна тӧждысьӧм ӧтувтӧ миянӧс и талун.
Эска, ӧтлаын ми вочавидзам быд корӧм вылӧ, разям медся сьӧкыд, ыджыд мытшӧдъяс», — пасйӧма Владимир Путинлӧн чолӧмалӧмын.
{Kodko @ Коми Республикаса Юралысь чолӧмалӧ Йӧзкостса ӧтувъялунлы сиӧм лунӧн @ выльтор @ https://rkomi.ru/news/2633 @ 2022-11-04 @}
Коми Республикаса Юралысь чолӧмалӧ Йӧзкостса ӧтувъялунлы сиӧм лунӧн
«Коми Республикаса пыдди пуктана олысьяс!
Дона ёртъяс!
Чолӧмала тіянӧс Йӧзкостса ӧтувъялунлы сиӧм лунӧн!
Таво тырӧ 410 во Кузьма Мининлӧн да Дмитрий Пожарскийлӧн войскаясӧн польскӧй интервентъясӧс вермӧмсянь.
Народнӧй ополченньӧа боечьяслӧн повтӧмлун, ӧтувтчӧм да смеллун отсӧгӧн вӧлі мездмӧма Москва.
Пӧль-пӧчьясӧн вӧчӧм бурторйыс лоӧ миянлы чужан му пӧся радейтӧмлӧн да ӧтувъялунлӧн примерӧн.
Миян ыджыд странаса олысьяслӧн ӧтувъялунын национальносьт да эскӧм вылӧ видзӧдтӧг — Аймулӧн вын, нималӧм да аскиа лун.
Уна сикас войтыра Коми Республика гӧрдитчӧ войтыр костын ӧта-мӧднысӧ гӧгӧрвоӧмӧн да ёртасьӧмӧн, уна сикас войтырлысь культура видзӧмӧн.
Кӧдзыд войвыв муыс лоис бур керкаӧн уна сикас этноса да конфессияа йӧзлы, кодъяс ӧтувъя уджӧн артмӧдісны ӧнія олӧмсӧ да талун гижӧны выль лист бокъяс миян регионлӧн да Россиялӧн историяӧ.
Сьӧлӧмсянь аттьӧала тіянӧс чужан му радейтӧмысь, пӧль-пӧчӧс пыдди пуктӧмысь, республикаӧс бурджыкӧн да мичаджыкӧн вӧчны зільӧмысь.
Сиа дзоньвидзалун, тыр-бур олӧм да Ыджыд Россиялы да Коми Республикалы бур вылӧ выль вермӧмъяс!»
Коми Республикаса Юралысь Владимир Уйба
{Kodko @ Коми Республикаса Юралысьлӧн тшӧктӧм серти военнослужащӧйяслӧн семьяяслы урчитӧма отсӧг сетан содтӧд мераяс @ выльтор @ https://rkomi.ru/news/2634 @ 2022-11-07 @}
Коми Республикаса Юралысьлӧн тшӧктӧм серти военнослужащӧйяслӧн семьяяслы урчитӧма отсӧг сетан содтӧд мераяс
Вӧльгым тӧлысь 3 лунӧ та йылысь шуӧмсӧ кырымаліс Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева.
Военнослужащӧйяслӧн (частичнӧй мобилизация серти корӧмаяслӧн, доброволечьяслӧн да гражданалӧн, кодъяс «Воинскӧй кывкутӧм да военнӧй служба йылысь» Федеральнӧй оланпаслӧн 38 статьяса 7 пункт серти кырымалісны контракт) семьяясӧ пырысьяслы отсӧг сетан содтӧд мераяссӧ урчитӧма Коми Республикаса Юралысь Владимир Уйбалӧн тшӧктӧм серти.
На лыдын — канму общеобразовательнӧй организацияясын 5–11 классын, Коми Республикалӧн веськӧдлӧм улӧ пырысь уджсикасӧ велӧдан канму организацияясын, муниципальнӧй общеобразовательнӧй организацияясын да частнӧй общеобразовательнӧй организацияясын, кодъяс нуӧдӧны велӧдан удж канму аккредитацияа велӧдан уджтасъяс серти, велӧдчысьясӧс дон босьттӧг вердӧм.
Сідзжӧ отсӧг сетан содтӧд мераӧн урчитӧма бать-мамлӧн мынтысьӧмысь, кодӧс босьтӧны бать-мамсянь (оланпас серти петкӧдлысьяссянь) школаӧдз велӧдан уджтас збыльмӧдысь велӧдан организацияясын челядь бӧрся видзӧдӧмысь да дӧзьӧритӧмысь, компенсация, мый сетсьӧ военнослужащӧйлӧн кагалӧн бать-мам пиысь ӧтиыслӧн (оланпас серти петкӧдлысьлӧн) збыльвывса ӧтувъя рӧскод мындаын, мый йитчӧма мынтӧмкӧд, кодӧс босьтӧны республикаын меститчысь да школаӧдз велӧдан уджтас збыльмӧдысь школаӧдз велӧдан организацияын челядь бӧрся видзӧдӧмысь да дӧзьӧритӧмысь.
Тайӧ отсӧгыс кутас сетсьыны военнослужащӧйяслӧн семьяяслы военнослужащӧйӧн военнӧй служба нуӧдан став кад чӧжыс.
Военнослужащӧйлӧн семьяӧ пырӧны верӧс (гӧтыр), бать-мам, тыр арлыдтӧм челядь, 18 арӧсысь гырысьджык челядь, кодъяс 18 арӧс тыртӧдз лоисны вермытӧмъясӧн, 23 арӧсӧдз челядь, кодъяс очнӧя велӧдчӧны велӧдан организацияясын, йӧз, кодъясӧс видзӧ военнослужащӧй.
Социальнӧя отсалан содтӧд мераяссӧ заводитасны сетны шыӧдчытӧг 2022 вося вӧльгым тӧлысь 1 лунсянь, но военнослужащӧйӧн торъя военнӧй операцияын участвуйтны заводитан лунысь либӧ военнӧй служба вылӧ корӧм военнослужащӧйяслӧн чукӧртчанінӧ да (либӧ) найӧс примитан пунктъясӧ (местаясӧ) мунан лунысь оз водзджык.
«Ӧткымын категория гражданалы содтӧд социальнӧй отсӧг сетӧм йылысь» 2022 во вӧльгым тӧлысь 3 лунся 549 №-а шуӧм лоӧ вынаӧн 2022 вося ӧшым тӧлысь 31 лунӧдз.
{Kodko @ Владимир Уйба да Ирек Файзуллин видлалісны Коми Республикаса стрӧитчан, оланін да коммунальнӧй комплекс сӧвмӧдан юалӧмъяс @ выльтор @ https://rkomi.ru/news/2636 @ 2022-11-08 @}
Владимир Уйба да Ирек Файзуллин видлалісны Коми Республикаса стрӧитчан, оланін да коммунальнӧй комплекс сӧвмӧдан юалӧмъяс
Вӧльгым тӧлысь 7 лунӧ Москваын удж серти аддзысьлісны Коми Республикаса Юралысь да Россия Федерацияса стрӧитчан, оланін да коммунальнӧй овмӧс министр.
Инфраструктура быд боксянь сӧвмӧдӧм вылӧ Коми Республикалы ошкӧма нёль проект вылӧ инфраструктурнӧй сьӧмкуд кредит.
Сьӧмсӧ кӧсйӧны веськӧдны Сыктывкарын Октябр шӧртуйвывса олан кварталын социальнӧй, туй да инженернӧй инфраструктура лӧсьӧдӧм вылӧ.
Сідзжӧ кӧсйӧны выльмӧдны да капитальнӧя дзоньтавны фанернӧй плитаяс вӧчан завод дорӧ автомашинаӧн ветлан туйяс.
Скӧт видзан фермалӧн уджалӧм могысь стрӧитасны да выльмӧдасны транспорт да инженернӧй инфраструктура объектъяс.
Транспорт инфраструктура объектъяс стрӧитӧм, выльмӧдӧм да капитальнӧя дзоньталӧм сетас позянлун стрӧитны Сыктывкарын туристско-рекреационнӧй комплекс.
«Тайӧ проектъяссӧ збыльмӧдӧмыс бура сӧвмӧдас Коми Республикалысь экономика, бурмӧдас миян йӧзлысь олӧмсӧ.
Аттьӧала Россия Федерацияса Веськӧдлан котырӧс, Россияса стрӧитчан министерствоӧс да торйӧн Ирек Энваровичӧс миянлысь водзмӧстчӧмъяс ошкӧмысь да бур ӧтувъя уджысь», — гӧгӧрвоӧдіс Коми Республикаса Юралысь Владимир Уйба.
Нӧшта ӧти объект, кодӧс колӧ збыльмӧдны регионын инфраструктурнӧй меню серти, — Инта карын ва шонтан котельнӧй.
Котельнӧйсӧ стрӧитасны Йӧзлысь олӧмсӧ бурмӧдан фондлысь заёмнӧй сьӧм юклӧм серти ЖКХ Фонд пыр.
Коми Республикаын стрӧитӧны выль оланін.
Сідз, регионлӧн мыччӧдъяс серти, ӧнія волӧн куим кварталӧн вӧлі пыртӧма 159,2 сюрс кв.м оланін, мый колян во дорысь 46,9 % вылӧ унджык.
«Зэв колана талун нин планируйтны, мый ми кутам стрӧитны водзӧ, видлавны-туявны карса гӧгӧртас да сійӧс бурмӧданногъяс.
Регионлӧн мыччӧдъяс серти, стрӧитчан тшупӧдын талун 49 уна патераа керка, кӧні олан площадьыс 262 сюрс квадратнӧй метр.
Колӧ водзӧ лӧсьӧдны стрӧитчӧм вылӧ подув», — пасйис Россияса стрӧитчан министерствоын юралысь Ирек Файзуллин.
Олӧм бурмӧдӧм могысь, а сідзжӧ туристскӧй потенциал артмӧдӧм могысь регионын лӧсьӧдӧны йӧзаинъяс да йӧръяс.
Талунъя лун кежлӧ помассьӧмаӧсь уджъяс 72 площадка вылын, во помӧдз пыртасны уджӧ нӧшта 43 объект.
Фотоыс Россия Федерацияса стрӧитчан, оланін да коммунальнӧй овмӧс министерствоса пресс-службалӧн
{Kodko @ Комиысь военнослужащӧйясӧс кувсьӧм бӧрын наградитӧмаӧсь повтӧмлунысь, смеллунысь да йӧз вӧсна тӧждысьӧмысь @ выльтор @ https://rkomi.ru/news/2637 @ 2022-11-08 @}
Комиысь военнослужащӧйясӧс кувсьӧм бӧрын наградитӧмаӧсь повтӧмлунысь, смеллунысь да йӧз вӧсна тӧждысьӧмысь
Талун, вӧльгым тӧлысь 8 лунӧ, Сыктывкарын Коми Республикаса Юралысь Владимир Уйба да Войвыв флотӧн командуйтысьӧс вежысь вице-адмирал Олег Голубев сетісны торъя военнӧй операция дырйи пӧгибнитӧм боечьяслӧн рӧдвужлы Россия Федерацияса канму наградаяс — Россия Федерацияса Геройлысь Звезда да Повтӧмлун орден.
«Талун ми чукӧртчим тайӧ залын, медым петкӧдлыны торъя военнӧй операция дырйи пӧгибнитӧм миян геройяслысь подвиг пыдди пуктӧм, — шыӧдчис Коми Республикаса Юралысь Владимир Уйба. — Миян зонъяс эз жалитны асьнысӧ Чужан му, мездлун да веськыдлун вӧсна.
Александр Александрович да Артём Григорьевич — миян Чужан мулӧн пыдди пуктана пиян, Айму вӧсна Ыджыд тыш дырйи миянлысь канмунымӧс дорйысь салдатъяслысь подвигъяссӧ водзӧ нуӧдысьяс.
Пыдди пуктана Зоя Ивановна да Григорий Афиногенович, ті быдтінныд збыль геройясӧс, патриотъясӧс.
Аттьӧ тіянлы!
Тайӧ воштӧмыс зэв ыджыд, тайӧ дойыс коляс пыр кежлӧ.
Ми юкам тіянкӧд шогсӧ, но гӧрдитчам миян геройяслӧн подвигӧн».
«Талун миян Аймулӧн, миян ставлӧн историяын зэв кывкутана кад.
Колӧ видзны канлун да Россиялысь суверенитет.
Буретш миян кӧленалы, кыдзи и ас кадӧ миян пӧль-пӧчлы, колӧ дорйыны Россиялысь да миянлысь аскиа лунсӧ», — шуис Войвыв флотӧн командуйтысьӧс вежысь вице-адмирал Олег Голубев.
Россия Федерацияса Президентлӧн Индӧдӧн Россия Федерацияса Геройлысь ним кувсьӧм бӧрын сетӧма ефрейтор Александр Александрович Власенковлы.
Наградасӧ сетӧма военнослужащӧйлӧн пӧчлы — Зоя Ивановна Бадьиналы.
Россия Федерацияса Президентлӧн Индӧдӧн гражданскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Повтӧмлун орден кувсьӧм бӧрын сетӧма гвардияса ефрейтор Артём Григорьевич Тимушевлы.
Наградасӧ сетӧма военнослужащӧйлӧн батьлы — Григорий Афиногенович Тимушевлы.
Александр Власенков чужис Сыктыв районса Визин сиктын, военнӧй служба вылӧ кортӧдз оліс Удора районса Чим посёлокын.
Лоис спорт мастерӧн, рукопашнӧй бой серти Россияса да мирса чемпионӧн.
Кыдзи донъялӧны сійӧс ӧти сиктын олысьяс, Александр эз пов босьтны ас вылас мукӧд вӧсна кывкутӧмсӧ, пыр вӧлі дась локны отсӧг вылӧ.
Айму дорӧ муслун вӧлі сылы эз прӧста кывъясӧн.
Сійӧ пыр вӧлі дась дорйыны Чужан му.
Кыдзи пасйисны Александр Власенковкӧд ӧтлаын служитысьяс, сійӧ бӧрйис медся олӧмӧн пудъясяна военнӧй уджсикассӧ — лоис разведчикӧн.
Пыр вӧлі водзмӧстчысьӧн, бура пӧртіс олӧмӧ боевӧй да торъя могъяс, боевӧй ёртъяслы вӧлі примерӧн, радейтліс юрнуӧдны.
Сійӧс пыр ошкисны да пыдди пуктісны.
Бӧръя кось дырйи сійӧ пӧртіс олӧмӧ боевӧй мог, ёртъясыслысь олӧмсӧ дорйигӧн, сетіс ассьыс олӧмсӧ.
Кӧч тӧлысь 2 лунӧ Уды дорын Александр Власенков командуйтіс штурмӧвӧй группаӧн.
Сійӧ, тышкасигӧн, пырис траншеяӧ да вӧзйис вӧрӧглы сдайтчыны пленӧ.
Чорыд тыш бӧрын прӧтивник дугдіс лыйсьыны да кӧсйис сдайтчыны.
Отсӧг вылӧ содтӧд вын воӧм бӧрын, Александр матыстчис вӧрӧглӧн блиндаж дорӧ, медым босьтны пленӧ сдайтчысь националистъясӧс, но прӧтивник виччысьтӧг заводитіс лыйсьыны.
Александр Власенков, повтӧмлун да смеллун петкӧдлӧмӧн, ыдъясьтӧг чепӧсйис водзӧ, аснас ёртъяссӧ вевттьӧмӧн, мыйӧн мездіс налысь олӧмсӧ, нюжӧдіс кадсӧ да сетіс позянлун выльысь группируйтчыны.
Повтӧмлунӧн Александр Власенков могмӧдіс тышсӧ бура помалӧм да ловйӧн кольӧм вӧрӧгъясӧс ротаса командир юрнуӧдӧм улын пленӧ босьтӧм, коді сэсся сетіс колана разведданнӧйяс.
Доймалӧмъяс вӧсна ефрейтор Александр Власенков кувсис.
Артём Тимушев — сыктывкарса, служитіс контракт серти да воинскӧй мог олӧмӧ пӧртӧм могысь медводдзаяс лыдын муніс спецоперация вылӧ.
Сійӧ пӧль-пӧч моз повтӧма тышкасис да видзис Чужан мунымӧс вӧрӧгысь.
Артёмлӧн пӧрысь дедыс — Андрей Антонович Тимушев чужліс Кулӧмдін районса Немдін сиктын, Айму вӧсна Ыджыд тыш воясӧ воюйтіс фашистъяскӧд, вӧлі наградитӧма куим Слава орденӧн, Гӧрд Знамя орденӧн да медальясӧн.
Церемонияын участвуйтысьяс казьтыштісны чӧв олыштӧмӧн торъя военнӧй операция дырйи геройскӧя усьӧм став Айму дорйысьӧс. 
{Kodko @ Владимир Уйба нуӧдіс войтырӧс дорйӧм да мутасъяс видзӧм серти командно-штабнӧй учениеяс @ выльтор @ https://rkomi.ru/news/2639 @ 2022-11-08 @}
Владимир Уйба нуӧдіс войтырӧс дорйӧм да мутасъяс видзӧм серти командно-штабнӧй учениеяс
Командно-штабнӧй учениеяслӧн могыс — веськӧдлан органъяслысь да войтырӧс доръян вынъяслысь кужанлунъяс бурмӧдӧм, войтырӧс доръян объектъяслысь, связь да йӧзлы юӧртан системаяслысь дасьлун прӧверитӧм, могъяс олӧмӧ пӧртӧм вылӧ войтырӧс да мутасъяс дорйӧмӧн веськӧдлан системалысь дасьлун донъялӧм.
«2022 вося вӧльгым тӧлысь 2 лунсянь 8 лунӧдз Коми Республикаын нуӧдсьӧны войтырӧс да мутасъяс дорйӧмлысь дасьлунсӧ содтӧм серти мероприятиеяс.
Тайӧ мероприятиеяссӧ нуӧдӧны Россияса Президент Владимир Владимирович Путинлӧн тшӧктӧм серти.
Талун ми нуӧдам командно-штабнӧй учениеяс.
Геополитическӧй серпас тӧд вылын кутӧмӧн, налысь нуӧдӧмсӧ лыддя коланаӧн.
Учениеяс дырйи уджалам став юалӧм вылын, кутшӧмъяс йитчӧмаӧсь веськӧдлӧмкӧд, юӧрӧн вежсьӧмкӧд, войтырӧс дорйӧм серти практическӧй мероприятиеяс нуӧдӧмкӧд», — пасйис Коми Республикаса Юралысь Владимир Уйба, учениеясын участвуйтысьяс дорӧ шыӧдчигӧн.
Тӧд вылӧ уськӧдам, 2022 вося йирым тӧлысь 19 лунӧ Россия Федерацияса Президент Владимир Путинлӧн помшуӧмӧн странаса нёль регионын пыртӧма военнӧй положение, ӧткымын субъектын — реагируйтан шӧр тшупӧд да содтӧд дасьлун режим.
Коми Республикалы, кыдз и Россия Федерацияса унджык субъектыслы, урчитӧма подув тшупӧда дасьлун режим.
Тайӧ режим серти колӧны ӧтйӧза пӧрадок могмӧдан содтӧд мераяс, колӧ вынсьӧдны социальнӧй тӧдчанлуна да инфраструктура объектъяс вылын безопасносьт мераяс, сы лыдын промышленносьт, транспорт, связь юкӧнын, а сідзжӧ колӧны Россияса Вооружённӧй Вынъяслысь, мукӧд войскалысь да воинскӧй формированиелысь коланлунсӧ могмӧдӧм вылӧ мераяс.
Коми Республикаын Россияса Президентлысь Индӧд олӧмӧ пӧртӧм могысь лӧсьӧдӧма Подув тшупӧда дасьлун могмӧдӧм серти республиканскӧй оперативнӧй штаб.
Штаблысь уджсӧ котыртӧм серти лӧсялана тшӧктӧмъяссӧ вӧлі сетӧма йирым тӧлысь 20 лунӧ сылӧн медводдза заседание дырйи.
{Kodko @ Владимир Уйба нуӧдіс Коми Республикаса Юралысь бердын стратегическӧй веськӧдлӧм серти координационнӧй сӧветлысь заседание @ выльтор @ https://rkomi.ru/news/2641 @ 2022-11-08 @}
Владимир Уйба нуӧдіс Коми Республикаса Юралысь бердын стратегическӧй веськӧдлӧм серти координационнӧй сӧветлысь заседание
Видлалӧмаӧсь Емдін, Удора да Княжпогост районъяслысь мутасъяс быд боксянь сӧвмӧдӧм серти юалӧмъяс.
«Власьтлысь уджсӧ олысьяс донъялӧны медводз вежсьӧмъяс серти, кутшӧмъясӧс найӧ аддзӧны асланыс олан пунктъясын.
И тайӧ абу сӧмын найӧс бурмӧдӧм.
Тайӧ социальнӧй инфраструктура сӧвмӧдӧм, уджавны пырны позянлун, услугаяс босьтны верманлун да уна мукӧдтор — ставыс сійӧ, мый тӧдчӧ мортлӧн олӧм вылӧ.
Та вӧсна мутасъяссӧ колӧ сӧвмӧдны быд боксянь», — пасйис Коми Республикаса Юралысь Владимир Уйба.
Докладъясӧн сёрнитісны Коми Республикаса стрӧитчан, оланін да коммунальнӧй овмӧс министр Андрей Лисов да муниципалитетъясӧн юрнуӧдысьяс.
Торйӧн сувтлісны социальнӧй, оланін да коммунальнӧй, туй инфраструктура сӧвмӧдӧм вылӧ.
2025 воӧдз кӧсйӧны стрӧитны, сы лыдын Коми Республикаса адреснӧй инвестиция уджтас серти, татшӧм объектъяс.
«Емдін» МР мутасын — Емдін сиктын врачебнӧй амбулатория, Ильяшор посёлокын медработниклы оланінӧн фельдшер-акушер пункт, Микунь карын варччанінӧн да универсальнӧй ворсан залӧн спорт комплекс.
Таысь кындзи, Микунь карын кӧсйӧны стрӧитны ва сетан система да ва видзанін, Зӧвсьӧрт посёлокын — ва весалан станциясянь юан ва сетан кык трубопровод.
«Княжпогост» МР мутасын кӧсйӧны выльмӧдны Сыктывкар — Ухта — Печора — Усинск — Нарьян-Мар автомашина туй юкӧнъяс вылын Лунвож ю вомӧн да шор вомӧн посъяс, а сідзжӧ стрӧитны Мещура посёлокӧ пыранінын Весыва ю вомӧн пос.
«Удора» МР мутасын планируйтӧма выльмӧдны Лёкъю, Ой Чебъю юяс вомӧн, а сідзжӧ Усогорск — Благоев — Ёвкӧдж автомашина туй вылын шор вомӧн посъяс, Ёвкӧдж сикт кузя автомашина туй вылын Йӧла ю вомӧн пос, стрӧитны Мозындор — Ёдва участок вылын Айкатыла — Кослан автомашина туй.
Таысь кындзи, Емдін районын Коми Республикаса Юралысьлӧн тшӧктӧм серти заводитчис Студенеч посёлокын 80 места вылӧ школа-сад, а сідзжӧ уна мога шӧрин стрӧитӧм серти проектно-сметнӧй документация лӧсьӧдӧм.
Видлавсьӧ Мадмас посёлокын 120 места вылӧ велӧдан комплекс стрӧитӧм вылӧ концессионнӧй артмӧдчӧмлӧн кывкӧртӧд.
Айкатыла сиктын кӧсйӧны дзоньтавны культура керка.
Владимир Уйба тшӧктіс Коми Республикаса йӧзлысь дзоньвидзалун видзан министерстволы видлавны Удора районса Благоев сиктын больнича стрӧитӧм, Йӧртымдін сиктын медработниклы оланінӧн фельдшер-акушер пункт улӧ кирпичысь жыр выльмӧдӧм да Княжпогост районын 6 ФАП стрӧитӧм серти юалӧм.
Коми Республикаса культура министерстволы тшӧктӧма видлавны Удора районса Йӧртымдін сиктын 2023 воӧдз культура керка стрӧитӧм серти юалӧм да зільмӧдны Княжпогост районса Емва карын искусство школа дзоньталӧм вылӧ федеральнӧй сьӧм кыскӧм серти уджсӧ.
«Тшӧкыда мытшӧдъясыс став муниципалитетын ӧткодьӧсь.
Медым найӧс решитны, колӧ сӧвмӧдны экономика.
Татӧг мутасъяс оз вермыны тырвыйӧ да быд боксянь сӧвмыны.
Коми Республикаса Веськӧдлан котырлы колӧ муниципалитетъясӧн юрнуӧдысьяскӧд ӧтув уджалӧмӧн зільмӧдны выль производствояс да уджалан местаяс лӧсьӧдӧм серти уджсӧ.
Подробнӧйджыка тайӧ юалӧмсӧ видлалам торъя заседание вылын», — шуис Владимир Уйба, заседаниелысь кывкӧртӧдъяс вӧчигӧн.
{Kodko @ Коми Республикаса ӧткымын олысьлы сетісны канму наградаяс @ выльтор @ https://rkomi.ru/news/2643 @ 2022-11-09 @}
Коми Республикаса ӧткымын олысьлы сетісны канму наградаяс
Лӧсялана Индӧдсӧ кырымаліс Коми Республикаса Юралысь Владимир Уйба.
«Коми Республикаса канму наградаяс сетӧм йылысь» Коми Республикаса Юралысьлӧн 2022 во вӧльгым тӧлысь 7 лунся 131 № а Индӧд
1. Коми Республика водзын заслугаясысь сетны «Коми Республикаса нимӧдана уджалысь» Коми Республикаса почёт ним:
Рафаиль Маратович Еникеевлы — «Комистроймост» ичӧт кывкутана котырын силӧвӧй везъяс да электрооборудование серти электромонтажниклы, Ухта кар;
Николай Геннадиевич Иваненколы — «Юӧр донъялан республиканскӧй медицина шӧрин» Коми Республикаса йӧзлысь дзоньвидзалун видзан канму сьӧмкуд учреждениеын котыртан да методика удж серти директорӧс вежысьлы, Сыктывкар;
Ирина Владимировна Козыревалы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринлӧн Федеральнӧй канму сьӧмкуд учреждениеын Россияса наукаяс академиялӧн Урал юкӧнса Коми наука шӧринын Академик Н.П. Юшкин нима геология институтса учёнӧй секретарлы, Сыктывкар;
Надежда Леонидовна Порядиналы — «Емдін районса олысьясӧс уджӧн могмӧдан шӧрин» Коми Республикаса канму учреждениеын колана уджалысьясӧс бӧрйӧмын удж сетысьяслы отсӧг сетан юкӧнса начальниклы;
Надежда Анатольевна Потаповалы — Канму учреждениелӧн — Россия Федерацияса пенсия фондлӧн Коми Республикаын отделениелӧн кадръяс юкӧнса специалист-экспертлы, Луздор район;
Надежда Васильевна Русиновалы — «Кулӧмдінса» муниципальнӧй районлӧн администрацияын котыртан юкӧнса сӧветниклы;
Евгений Валерьевич Савинкинлы — «Нефтедорстрой» ичӧт кывкутана котырса директорлы, Сыктывкар;
Валерий Иванович Силаевлы — «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринлӧн Федеральнӧй канму сьӧмкуд учреждениеын Россияса наукаяс академиялӧн Урал юкӧнса Коми наука шӧринлӧн Академик Н.П. Юшкин нима геология институтын петрография лабораторияса медвылыс тшупӧда наука туялысьлы, Сыктывкар;
Марина Николаевна Фроленколы — «Россия Федерацияын сынӧдті ветлӧмсӧ котыртан канму корпорация» федеральнӧй канму ӧтувъя предприятиелӧн «Войвыв Ураллӧн аэронавигация» филиалса планово-экономическӧй юкӧнса нуӧдысь специалистлы, Сыктывкар;
Анастасия Николаевна Черныхлы — Луздор районын Войнаса, уджвывса, Вооружённӧй Вынъясса да инӧд видзан органъясса ветеранъяслӧн (пенсионеръяслӧн) ставроссияса ӧтйӧза организациялӧн Коми Республикаса ӧтйӧза организациялӧн меставывса ӧтйӧза организациялӧн «Гурьёвчи» сикт овмӧдчӧминын ветеранъяслӧн первичнӧй организацияӧн веськӧдлысьлы;
Светлана Петровна Шловенецлы — «Россия Федерацияын сынӧдті ветлӧмсӧ котыртан канму корпорация» федеральнӧй канму ӧтувъя предприятиелӧн «Войвыв Ураллӧн аэронавигация» филиалса юралысь бухгалтерӧс вежысьлы — вот учёт, рӧштшӧт да отчёт нуӧдан юкӧнса начальниклы, Сыктывкар.
2. Коми Республикалы бур вылӧ уна во зіля уджалӧмысь сетны Коми Республикаса Почёт грамота:
Татьяна Юрьевна Витязевалы — «Торйӧн ёна видзан вӧр-ва мутасъяслысь уджалӧм да вӧр-ваӧн вӧдитчӧм могмӧдан республиканскӧй шӧрин» Коми Республикаса канму сьӧмкуд учреждениелӧн экология боксянь тӧдӧмлун паськӧдан юкӧнӧн заведуйтысьлы, Сыктывкар;
Александр Степанович Воробьевлы — «Нефтедорстрой» ичӧт кывкутана котырса электрогазосварщиклы, Сыктывкар;
Андрей Альбертович Даниловлы — Койгорт сиктын «Шоныд сетан Коми компания» акционер котырлӧн Койгортса филиалын автомашинаса водительлы;
Наталья Павловна Демченколы — «Ухтаса канму техническӧй университет» вылыс тшупӧда велӧдан федеральнӧй канму сьӧмкуд учреждениеын мусир да биару факультетса деканлы;
Татьяна Викторовна Зизгановалы — «Коми республиканскӧй филармония» Коми Республикаса канму асшӧрлуна учреждениеын художественнӧй кыв серти вылыс категорияа мастерлы, Сыктывкар;
Елена Александровна Клименковалы — Коми Республикаса Юралысьлӧн Администрацияса Канму-инӧда веськӧдланінын социальнӧй оланпастэчас юкӧнса начальниклы, Сыктывкар;
«Н.В. Оплеснин нима Коми республиканскӧй агропромышленнӧй техникум» уджсикасӧ велӧдан канму учреждениеын уджалысьяслы, Сыктывдін район;
Сергей Александрович Корычевлы — «Сыктывкарса Водоканал» восьса акционер котырын Транспорт службаса водительлы;
Олег Петрович Медведевлы — Сынӧд транспорт серти федеральнӧй агентстволӧн Коми дінмукостса сынӧд транспортӧн мутас веськӧдланінын аэропортлӧн удж, сынӧдті новлӧдлӧм да транспорт безопасносьт юкӧнса начальниклы, Сыктывкар;
Наталия Геннадьевна Никулиналы — Коми Республикаса Юралысьлӧн Администрацияса Канму гражданскӧй службаӧн веськӧдланінын канму веськӧдлӧм сӧвмӧдан юкӧнса начальниклы, Сыктывкар;
Михаил Анатольевич Панюковлы — «Трударенда» ичӧт кывкутана котырса сьӧкыд сикаса автогрейдерса машинистлы, Кӧрткерӧс район;
Лариса Сергеевна Патовалы — Коми Республикаса видзӧдан-арталан палатаын контроль, учёт да отчётносьт нуӧдан юкӧнса начальниклы — инспекторлы, Сыктывкар;
Сергей Сергеевич Плюснинлы — «Коми республиканскӧй филармония» Коми Республикаса канму асшӧрлуна учреждениеса артистлы-концертын ворсысьлы-сценавывса нуӧдысь мастерлы, Сыктывкар;
Евгений Валериевич Смирновлы — «Шоныд сетан Коми компания» акционер котырлӧн техническӧй веськӧдланінын техническӧй юкӧнса начальниклы, Сыктывкар;
Светлана Константиновна Росликовалы — «Усинск» кар кытшлӧн муниципальнӧй юкӧнса администрацияын Сьӧм овмӧсӧн веськӧдланінӧн юрнуӧдысьлы;
Надежда Валентиновна Сенькиналы — «Ухта карса 1 №-а больнича» Коми Республикаса йӧзлысь дзоньвидзалун видзан канму сьӧмкуд учреждениеын кардиология отделениеса врач-кардиологлы;
Ольга Борисовна Сухановалы — «Ухтаса физиотерапевтическӧй поликлиника» Коми Республикаса йӧзлысь дзоньвидзалун видзан канму сьӧмкуд учреждениеын общеполиклиническӧй медицина персоналлӧн бурдӧдан юкӧн серти юралысь врачӧс вежысьлы;
Юлия Михайловна Хозяиновалы — «Гамса шӧр школа» муниципальнӧй велӧдан сьӧмкуд учреждениеса директорлы, Изьва район;
Наталья Валериановна Чупровалы — «Челядьӧс 2 №-а видзанін» Изьва сиктын школаӧдз велӧдан муниципальнӧй сьӧмкуд учреждениеӧн заведуйтысьлы, Изьва район;
Василий Александрович Шестаковлы — «Трударенда» ичӧт кывкутана котырын грузӧвӧй да туй машинаяс дзоньталӧм серти слесарлы, Кӧрткерӧс район.
{Kodko @ Коми Республикаын дугӧдӧма частичнӧй мобилизация серти военнӧй служба вылӧ корӧмкӧд йитчӧм мероприятиеяссӧ @ выльтор @ https://rkomi.ru/news/2645 @ 2022-11-09 @}
Коми Республикаын дугӧдӧма частичнӧй мобилизация серти военнӧй служба вылӧ корӧмкӧд йитчӧм мероприятиеяссӧ
Та йылысь юӧртіс Коми Республикаса Юралысь Владимир Уйба подув тшупӧда дасьлун могмӧдӧм серти Оперативнӧй штаблӧн заседание вылын.
«Коми Республикаын мобилизация серти военнӧй служба вылӧ корӧмкӧд йитчӧм став мероприятиесӧ военкоматъясӧн канму власьт органъяскӧд да меставывса асвеськӧдлан органъясӧд ӧтув дугӧдӧма.
Сідзжӧ дугӧдӧма повесткаяс дасьтӧм да сетӧм серти мероприятиеяссӧ», — шуис Владимир Уйба.
Россияса Вооружённӧй Вынъясса генеральнӧй штаб мӧдӧдіс военнӧй кытшъясса войскаясӧн командуйтысьяслы да Войвыв флотӧн командуйтысьлы частичнӧй мобилизация серти мероприятиеяс дугӧдӧм йылысь индӧдъяс.
Водзӧ вылӧ военнӧй комиссариатъяслӧн Россия Федерацияса Вооружённӧй Вынъяс укомплектуйтӧм серти уджыс лоӧ котыртӧма сӧмын доброволечьясӧс да контракт серти военнӧй служба нуӧдӧм могысь кандидатъясӧс примитӧмӧн.
Тӧд вылӧ уськӧдам, 2022 вося йирым тӧлысь 19 лунӧ Россия Федерацияса Президент Владимир Путинлӧн помшуӧмӧн странаса нёль регионын пыртӧма военнӧй положение, ӧткымын субъектын — реагируйтан шӧр тшупӧд да содтӧд дасьлун режим.
Коми Республикалы, кыдз и Россия Федерацияса унджык субъектыслы, урчитӧма подув тшупӧда дасьлун режим.
Тайӧ режим серти колӧны ӧтйӧза пӧрадок могмӧдан содтӧд мераяс, колӧ вынсьӧдны социальнӧй тӧдчанлуна да инфраструктура объектъяс вылын видзчысян мераяс, сы лыдын промышленносьт, транспорт, связь юкӧнын, а сідзжӧ колӧны Россияса Вооружённӧй Вынъяслысь, мукӧд войскалысь да воинскӧй формированиелысь коланлунсӧ могмӧдӧм вылӧ мераяс.
{Kodko @ Коми Республикаса Юралысь чолӧмалӧ Россия Федерацияса пытшкӧс делӧяс органъясын уджалысьяслы сиӧм лунӧн @ выльтор @ https://rkomi.ru/news/2646 @ 2022-11-10 @}
Коми Республикаса Юралысь чолӧмалӧ Россия Федерацияса пытшкӧс делӧяс органъясын уджалысьяслы сиӧм лунӧн
«Пытшкӧс делӧяс органъясын пыдди пуктана уджалысьяс!
Дона ветеранъяс!
Чолӧмала тіянӧс уджсикас гажӧн!
Пытшкӧс делӧяс органъяс мунісны ыджыд туй да налӧн эм бур история.
Полиция, кодӧс 300 воысь унджык сайын Петр Первый лӧсьӧдіс кыдзи инӧд видзан служба, и талун видзӧ войтырлысь ӧпастӧмлун да оланпас.
Пытшкӧс делӧяс органъясын уджалысьяс паныд сувтӧны оз сӧмын кывзысьтӧм да жаль тӧдлытӧм мыж вӧчысьяслы, но и мошенникъяслы, кодлӧн эм ӧнія оборудование, техническӧй тӧдӧмлунъяс.
Кывкутӧм, повтӧмлун, уджсикасын быдмыны зільӧм, этшлӧн чорыдлун, уджмогъяс бура да кывкутӧмӧн вӧчӧм, служба дорӧ веськыдлун — татшӧмӧсь ӧнія полицейскӧйлӧн качествоясыс.
Тіян дорӧ сьӧкыд здукъясӧ шыӧдчӧны йӧз, ті быд лун да быд час дасьӧсь локны отсӧг вылӧ, дорйыны найӧс, коді веськаліс неминучаӧ, да дасьӧсь сетны ассьыныд олӧмнытӧ мукӧд вӧсна.
Пыдди пуктана участкӧвӧйяс, инспекторъяс, следовательяс, экспертъяс, ставӧн, коді бӧрйис пытшкӧс делӧяс органын служитӧм, коді уджалӧ полицияын!
Став сьӧлӧмсянь аттьӧала тіянӧс сьӧкыд уджысь, бӧрйӧм туйлы сьӧлӧм сетӧмысь, повтӧмлунысь да сьӧлӧмсянь зільӧмысь.
Аттьӧ ветеранъяслы службалысь медбур традицияяс да зумыд подув лӧсьӧдӧмысь, пытшкӧс делӧяс органъясын уджалысьяслӧн семьяяслы да матыссаяслы — радейтӧмысь да отсалӧмысь.
Сиа шуд да тыр-бур олӧм, крепыд дзоньвидзалун да Чужан мулы служитӧмын вермӧмъяс!»
Коми Республикаса Юралысь Владимир Уйба
{Kodko @ Александр Рассохинӧс индісны Коми Республикаын асшӧр уджалысьяслысь инӧдъяс торъя дорйысьлысь могъяс олӧмӧ пӧртысьӧн @ выльтор @ https://rkomi.ru/news/2647 @ 2022-11-10 @}
Александр Рассохинӧс индісны Коми Республикаын асшӧр уджалысьяслысь инӧдъяс торъя дорйысьлысь могъяс олӧмӧ пӧртысьӧн
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2022 во вӧльгым тӧлысь 10 лунся 471-р №-а тшӧктӧм
1. «Коми Республикаын асшӧр уджалысьяслысь инӧдъяс торъя дорйысь йылысь» Коми Республикаса Оланпаслӧн 3 статья подув вылын индыны Александр Александрович Рассохинӧс Коми Республикаын асшӧр уджалысьяслысь инӧдъяс торъя дорйысьлысь могъяс олӧмӧ пӧртысьӧн.
2. Тайӧ тшӧктӧмыс вынсялӧ сійӧс кырымалан лунсянь.
Александр Рассохин висьталіс могъяссӧ, кодъясӧс сійӧ кӧсйӧ пӧртны олӧмӧ выль чинын:
«Медшӧр могнас, ме думысь, талун лоӧ бизнес-котырлӧн ӧтув уджалӧм.
Нӧшта ӧти колана мог — канму власьт органъяс да бизнес костын ӧнія да лоны вермана лӧсявтӧмлунъяс бырӧдӧм.
Лӧсявтӧмлуныс талун тырмӧ, тшӧкыда найӧс подулалӧма быдсяма нормативнӧй инӧда актъясӧн. Найӧс тшӧтш колӧ вежлалыштны талунъя лунся выльторъяс да корӧмъяс тӧд вылын кутӧмӧн.
Асшӧр уджалысьяслысь торкалӧм инӧдъяссӧ дорйӧм серти уджсӧ колӧ нуӧдны ёрд помшуӧмъястӧг.
Но делӧыс кӧ век жӧ воӧ ёрдӧдз, колӧ отсавны вензяна юалӧм разьӧмын да, кыдз шуӧ Россияса Президент, могмӧдан мера пыдди шыӧдчыны ёрдӧ чина йӧзлысь вӧчӧмъяссӧ дугӧдӧмӧн.
abu
Колӧ котыртны отсӧгсӧ и регионын бизнеслысь инӧд боксянь тӧдӧмлунъяс паськӧдӧмын».
{Kodko @ Владимир Уйба нуӧдіс Стратегическӧя сӧвмӧдӧм да проектъяс серти сӧвет @ выльтор @ https://rkomi.ru/news/2648 @ 2022-11-10 @}
Владимир Уйба нуӧдіс Стратегическӧя сӧвмӧдӧм да проектъяс серти сӧвет
Видлалӧмаӧсь Коми Республикаса Йӧзлысь дзоньвидзалун видзан министерстволӧн да Стрӧитчан министерстволӧн линия серти национальнӧй проектъяс збыльмӧдӧмлысь ылӧсалӧм кывкӧртӧдъяс, анализируйтӧмаӧсь 2022 во вылӧ урчитӧм нацпроектъясса петкӧдласъяслӧн значениеясӧдз воӧдчытӧмлун серти лоны вермана рискъяс да видлалӧмаӧсь найӧс бырӧдӧм серти мераяс.
«Йӧзлысь дзоньвидзалун видзӧм» национальнӧй проект збыльмӧдӧм йылысь юӧртіс Коми Республикаса йӧзлысь дзоньвидзалун видзан министрлысь могъяс олӧмӧ пӧртысь Игорь Дягилев.
2022 воын «Первичнӧй медико-санитарнӧй отсӧг сетӧмсӧ сӧвмӧдӧм» регионса проект серти пыртӧма уджӧ стрӧитӧм вылӧ планируйтӧм 19-ысь 15 фельдшер-акушер пункт, мукӧд 4 ФАП-сӧ кӧсйӧны помавны во помӧдз.
«Сьӧлӧм да вир сӧн висьӧмъясысь бурдӧдӧм» регионса проектӧн урчитӧм сьӧм вылӧ вир сӧн висьӧмъясысь бурдӧдан регионса шӧринъяслы да отделениеяслы таво ньӧбасны 13 единица специальнӧй оборудование.
Ньӧбӧмторъяслӧн ӧтувъя мындаыс лоӧ 121 миллион шайт, найӧс ваясны 2022 во помӧдз.
«Онкология висьӧмъясысь бурдӧдӧм» регионса проектӧн урчитӧм сьӧм отсӧгӧн 2022 воын федеральнӧй сьӧмкуд тшӧт весьтӧ могмӧдӧны техникаӧн Коми республиканскӧй онкология диспансер — кырымалӧма 14 канму контракт 25 единица оборудование вылӧ.
Таво тайӧ могъяс вылӧ кӧсйӧны веськӧдны 112 миллионысь унджык шайт.
Онкологияысь амбулаторнӧя бурдӧдан шӧринъяс техникаӧн могмӧдӧм вылӧ 2022 воын республикаса сьӧмкудйысь содтӧд вичмӧдӧма 40 миллионысь унджык шайт.
Коми Республикаса йӧзлысь дзоньвидзалун видзан учреждениеясӧ специалистъясӧс кыскӧм могысь «Медицина кадръяс» регионса проект серти сетӧны мынтӧмъяс медся колана специальносьтъяс серти, а сідзжӧ ӧтчыдысь мынтӧмъяс земскӧй докторъяслы да фельдшеръяслы, ФАП ъясын шӧр медицина уджалысьяслы, ньӧбӧны медперсоналлы оланін.
Торъя мынтӧм сетсьӧ врачьяслы Воркутаын.
2022 восянь Питирим Сорокин нима Сыктывкарса канму университетын велӧдӧны ординатура уджтасъяс серти регионса сьӧмкуд сьӧм тшӧт весьтӧ 19 студентӧс.
«Оланін да карса гӧгӧртас» национальнӧй проект збыльмӧдӧм йылысь висьталіс Коми Республикаса стрӧитчан, оланін да коммунальнӧй овмӧс министр Андрей Лисов.
2022 воын Коми Республикаын кӧсйӧны пыртны 233 сюрс кв. м. оланін.
Тавося 9 тӧлысьӧн пыртӧм оланінлӧн ӧтувъя площадьыс 47% вылӧ унджык колян во дорысь.
«Овны позьтӧм оланін фонд зумыда чинтӧмсӧ могмӧдӧм» регионса уджтас серти 2019 восянь 2022 воӧдз аварийнӧй оланінысь вӧлі мӧдлаӧ овмӧдӧма 3 сюрсысь унджык мортӧс, а ставнас таво кӧсйисны воӧдчыны 5 сюрсысь унджык морт петкӧдласӧдз.
Квадратнӧй метрлӧн шӧр дон содӧм вӧсна да аварийнӧй оланінысь гражданаӧс мӧдлаӧ овмӧдӧм серти петкӧдласъяс олӧмӧ пӧртӧм могысь, республиканскӧй сьӧмкудйын 2022 во вылӧ вӧлі содтӧд арталӧма 900 миллион гӧгӧр шайт тайӧ могъяс вылӧ.
Мӧдлаӧ овмӧдӧм серти 2021, 2022 да 2023 воясся тшупӧдъяс збыльмӧдӧм вылӧ Коми Республика Оланін да коммунальнӧй овмӧс выльмӧдӧмлы отсӧг сетан фондысь босьтіс 2 миллиардысь унджык шайт.
Но дзоньнас найӧс видзны пӧдрадчикъяс оз удитны.
«Татшӧмторйыс оз вермы лоны.
Меным оз во сьӧлӧм вылӧ аварийнӧй оланінысь гражданаӧс мӧдлаӧ овмӧдӧм серти муниципалитетса юралысьяслӧн уджыс.
Коми Республикаса Веськӧдлан котырлы тшӧкта видлавны став яндысьтӧм пӧдрадчикӧс кывкутӧмӧ кыскӧм йылысь юалӧм, а сідзжӧ вӧдитчыны перъян мераясӧн муниципалитетъясӧн юрнуӧдысьяс серти, кодъяс оз пӧртны олӧмӧ ас выланыс босьтӧм кӧсйысьӧмъяссӧ да торкӧны нацпроект збыльмӧдӧмсӧ», — пасйис Владимир Уйба.
Регионса Стрӧитчан министерствоӧн юрнуӧдысьлӧн кывъяс серти, нацпроектлӧн мукӧд петкӧдлас серти рискъяс абуӧсь.
«Карын бур гӧгӧртас лӧсьӧдӧм» проект серти Коми Республикаса каръясын да сикт овмӧдчӧминъясын йӧзаинъяс да керка йӧръяс бурмӧдӧм-мичмӧдӧм вылӧ урчитӧма 528,9 миллион шайт, сы лыдын 208,9 миллион шайт федеральнӧй сьӧмкудйысь.
Ставнас 2022 воын бурмӧдасны-мичмӧдасны 76 йӧзаин да 39 керка йӧр 46 карын да сиктын.
«Сӧстӧм ва» регионса проект серти да Ухтаын олысьясӧс бур юан ваӧн могмӧдӧм могысь карын стрӧитӧны ва весалан станция ваӧн могмӧдан комплексӧн веськӧдлан система лӧсьӧдӧмӧн.
2022 воын та вылӧ урчитӧма 488,4 миллион шайт, сы лыдын 308,6 миллион шайт — федеральнӧй сьӧмкудйысь.
Объект сдайтан кадколаст — 2024 вося вӧльгым тӧлысь.
{Kodko @ Комиын 2023 воын Том йӧзлы сиӧм во нуӧдӧм могысь вӧдитчӧны Россияса том йӧз союзлӧн опытӧн да вӧчӧмторъясӧн @ выльтор @ https://rkomi.ru/news/2652 @ 2022-11-10 @}
Комиын 2023 воын Том йӧзлы сиӧм во нуӧдӧм могысь вӧдитчӧны Россияса том йӧз союзлӧн опытӧн да вӧчӧмторъясӧн
Коми Республикаса Юралысь Владимир Уйба да «Россияса том йӧзлӧн союз» ставроссияса ӧтйӧза организацияӧн веськӧдлысь Павел Красноруцкий видлалісны уджъёртасьӧм да регионын том йӧз политика збыльмӧдӧм серти юалӧмъяс.
Удж серти аддзысьлӧмыс вӧлі вӧльгым тӧлысь 10 лунӧ. Сэні участвуйтіс Коми Республикаса Веськӧдлан котырӧн Юрнуӧдысьӧс вежысь Лариса Карачёва.
«Пыдди пуктана Павел Павлович, чолӧмала Тіянӧс миян войвыв муын.
Коми Республика — шензьӧдана му.
Медводз сійӧ, дерт жӧ, шензьӧдана миян йӧзӧн, миян томуловӧн, — пасйис Владимир Уйба. — Ми гӧгӧрвоам, мый том йӧзӧ пай пуктытӧг республика сӧвмыны оз кут.
И тайӧ нырвизьын вӧчсьӧ нин зэв уна.
Но сы могысь, медым ёнмӧдны тайӧ уджсӧ, ми 2023 восӧ шуим Коми Республикаын Том йӧзлы сиӧм воӧн.
Таысь кындзи, тӧвшӧр тӧлысь 1 лунсянь миян заводитас уджавны Том йӧз политика серти комитет, коді лоӧ менам кипод улын.
Тайӧ сетас позянлун бурджыка уджавны.
Коми Республика зіля уджалӧ Россияса Том йӧзлӧн союзкӧд.
Эска, мый кор лоӧ профильнӧй комитет, миян уджъёртасьӧм кутас сӧвмыны водзӧ».
«Миянлы зэв колана веськыда йитчыны регионса веськӧдлысьяскӧд, кывны налысь гӧгӧрвоӧмсӧ, том йӧз политикалы, том йӧзлӧн водзмӧстчӧмъяслы, проектъяслы да уджтасъяслы отсӧг сетӧмын да найӧс сӧвмӧдӧмын ыштӧм.
Торйӧн налы, кодъяс чужӧны регионъясын да сетӧны том йӧзлы позянлун аддзыны асьныссӧ олӧмын, сӧвмыны, овны да уджавны ас регионын.
Буретш татшӧм могъяс ми пуктам ас водзаным», — шуис Павел Красноруцкий.
Коми Республикаын Россияса Том йӧз Союзлӧн регионса юкӧн уджалӧ нин 30 во, збыльмӧдӧ уна тӧдчана мероприятие да проект, сэтшӧмӧс, кыдз «Российская студенческая весна» фестиваль (Коми Республика — этшаник регионъясысь ӧти, кӧні нуӧдсьӧ тайӧ фестивальлӧн муниципальнӧй тшупӧд), «Студент года» россияса национальнӧй премия, «Молодёжь Коми» форум да мукӧд.
Россияса том йӧз союзлӧн Коми регионса юкӧнлысь уджсӧ веськӧдӧма енбиа том йӧзӧс аддзӧм да налы отсалӧм, гражданскӧй зільлун да чужан му радейтны да пыдди пуктыны велӧдӧмсӧ сӧвмӧдӧм вылӧ.
Павел Красноруцкий висьталіс уджлӧн нырвизьяс, Россияса том йӧз союзлӧн вӧчӧмторъяс да проектъяс йылысь, кодъяс вермисны эськӧ тыртны Коми Республикаын Том йӧзлы сиӧм восӧ да сетны том йӧзлы содтӧд позянлунъяс сӧвмӧм могысь.
Тайӧ медводз муниципалитетъясын том йӧзкӧд уджалӧм, уджсикасын шӧр тшупӧда тӧдӧмлуна студентъяскӧд уджалӧм, наставничество да профориентация, студентъяслӧн асвеськӧдлӧм, творчество серти уджтасъяс.
Владимир Уйба тшӧктіс Лариса Карачёвалы видлавны сетӧм вӧзйӧмъяссӧ 2023 воын, кодӧс шуӧма Коми Республикаын Том йӧзлы сиӧм воӧн, найӧс збыльмӧдӧм могысь. 
{Kodko @ Владимир Уйба: «Збыль профессионаллы колӧ радейтны Чужан му» @ выльтор @ https://rkomi.ru/news/2656 @ 2022-11-12 @}
Владимир Уйба: «Збыль профессионаллы колӧ радейтны Чужан му»
Коми Республикаса Юралысь туйдӧдіс регионса веськӧдлан кадръяслӧн резервӧ пыртӧм вылӧ конкурсын вермысьясӧс.
«Збыль профессионаллы колӧ радейтны Чужан му.
abu
Тіянкӧд орччӧн кӧ олӧны доброволечьяслӧн, контрактникъяслӧн да мобилизация серти корӧм военнослужащӧйяслӧн, кодъяс талун торъя военнӧй операция вылын дорйӧны Чужан му, семьяяс, тіян, медводз, ӧні мог — пыравны тайӧ йӧз дорас да юасьны: «Мыйӧн отсавны?», — шыӧдчис резервистъяс дорӧ Владимир Уйба.
— Республикалӧн аскиа луныс — тіян сайын.
Буретш тіянлы коркӧ ковмас босьтны регионӧн веськӧдлӧмсӧ асланыд киясӧ.
И тані, ме чайта, медся коланаыс — колӧ медводдзасянь пуктыны ас водзӧ колана мог.
А могыс мортлы, коді локтӧ уджавны веськӧдлан чинын, — тайӧ служитны йӧзлы, тайӧ артасьтӧг, веськыда, кужӧмӧн, вын жалиттӧг сьӧлӧмсянь уджалӧм.
Ме сиа тіянлы кутчысьны буретш тайӧ видзӧдласӧ, ті кӧ локтанныд служитны Коми Республикалы да асланыд войтырлы».
Вӧльгым тӧлысь 11 лунӧ веськӧдлан кадръяслӧн резервӧ пыртӧм вылӧ конкурсын вермысьяс участвуйтісны велӧдан мероприятиеясын, кутшӧмъяс мунісны Канму службаӧ да веськӧдлыны велӧдан Коми Республикаса академияын.
Водзӧ вылӧ куим во чӧж налы ковмас дасьтысьны аслыспӧлӧс ӧтувъя уджтас серти, найӧ босьтасны выль опыт да кыпӧдасны уджсикас тшупӧд.
Конкурсын вермысьяс вермасны участвуйтны власьт органъяслӧн сӧвещаниеясын да висьтавны уджъёртасьӧм серти ассьыныс вӧзйӧмъяссӧ.
Сідзжӧ резервын участвуйтысьяс вермасны уджавны канму власьт органъясын, меставывса асвеськӧдлан органъясын, регионса организацияясын веськӧдлан чинъясын.
«Меным тӧдчана лоны ме бӧрся мунысь зонъяслы примерӧн.
Колӧ петкӧдлыны томуловлы, мый сійӧ тані, Коми Республикаын, колана.
Тані тшӧтш эм позянлун сӧвмӧм да ассьыд могъяс олӧмӧ пӧртӧм вылӧ», — пасйис «Ухтаса канму техническӧй университет» вылыс тшупӧда уджсикасӧ велӧдан федеральнӧй канму сьӧмкуд учреждениеса велӧдан-быдтан удж да социальнӧй юалӧмъяс серти веськӧдланінса начальник Анатолий Чемезов.
«Ме велӧдчи Санкт-Петербургын, бӧр вои чужан сиктӧ и ни ӧтчыдысь та йылысь эг жалитлы.
Сы вӧсна мый ме аддза, мый и тані, сиктын, ме верма ог сӧмын быдмыны кыдз торъя морт, но и отсавны йӧзлы, кодъяс кутӧны лача ме вылӧ.
Кор тэ аддзан вӧчӧм уджлысь бӧртассӧ, мый верман лоны кодлыкӧ коланаӧн, тэнад сьӧлӧм вылын долыд.
Водзӧ вылӧ карьераӧс ме кӧсъя йитны Коми Республикакӧд.
Лыддя, мый абу тӧдчана, кӧні тэ уджалан: сиктын, районын либӧ республикаын, тӧдчана, мый тэ отсасян йӧзлы.
Меным медшӧрыс — сӧвмӧдны Коми Республика», — юксис «Изьва» МР МЮ «Сизяыб» сикт овмӧдчӧминса юралысь Наталья Канева.
«12 воысь унджык ме уджала вӧр овмӧсын.
Кадръяслӧн резервӧ пыртӧм, чайта да, лоӧ воськолӧн карьера боксянь быдмӧмлы да лоӧ коланаӧн вӧр юкӧнлы да Коми Республикалы.
Эмӧсь водзмӧстчӧмъяс, мӧвпъяс, и ме эска, мый ме верма найӧс збыльмӧдны.
Сыктывкарын, кабинетын, 7 во уджаліг, ме гӧгӧрвои, мый кӧсъя уджавны му вылын, вӧрын, ставсӧ велӧдны практика вылын.
Лыддя, тэ кӧ кӧсъян лоны веськӧдлысьӧн регион тшупӧдын, тэныд колӧ бура гӧгӧрвоны, кыдзи уджалӧ отрасльыс пытшкӧссяньыс.
Кӧсъя босьтны выль тӧдӧмлунъяс, выль опыт, медым петкӧдлыны ачымӧс выліджык тшупӧдын», — пасйис «Луздорса лесничество» Коми Республикаса канму учреждениеын медыджыд лесничӧй Евгений Черняк.
«Веськӧдлан кадръяслӧн резерв» проект збыльмӧдсьӧ Коми Республикаын Россия Федерацияса Президент Владимир Путинлысь тшӧктӧмъяс олӧмӧ пӧртӧм могысь 2008 восянь.
Сылӧн могыс — лӧсьӧдны ӧнія веськӧдлан команда, коді дась вежсьӧмъяс кежлӧ да регионӧс социальнӧй да экономика боксянь сӧвмӧдӧм вылӧ.
2022 вося лӧддза-номъя тӧлысь 20 лунсянь вӧльгым тӧлысь 1 лунӧдз Коми Республикаса веськӧдлан кадръяслысь резерв лӧсьӧдан комиссия нуӧдіс ӧчереднӧй конкурс.
Став республикасянь воис 196 заявка.
Унджык кандидатыс — сьӧмкуд юкӧнысь: канму да муниципальнӧй учреждениеясын уджалысьяс, канму власьт органъясын да меставывса асвеськӧдлан органъясын уджалысьяс.
20 прӧчент участвуйтысьыс — бизнес нуӧдысьяс.
Конкурслӧн кывкӧртӧдъяс серти 55 мортӧс пыртӧма веськӧдлан кадръяслӧн резервӧ, унджыкыслы на пиысь 36 арӧссянь 40 арӧсӧдз.
{Kodko @ Владимир Уйба чолӧмаліс мача хоккей серти турнирын ворсысьясӧс «Стрӧитель» клублы 75 во тырӧмӧн @ выльтор @ https://rkomi.ru/news/2655 @ 2022-11-12 @}
Владимир Уйба чолӧмаліс мача хоккей серти турнирын ворсысьясӧс «Стрӧитель» клублы 75 во тырӧмӧн
Ордйысьӧмъяс мунасны вӧльгым тӧлысь 11 лунсянь 13 лунӧдз Сыктывкарын Республиканскӧй стадион вылын.
Коми Республикаса Юралысь участвуйтіс турнир восьтан церемонияын да чолӧмаліс «Стрӧитель-Сыктывкар» командаӧс «Водник–2» архангельскса командакӧд ордйысьӧмын вермӧмӧн.
Сыктывкарса хоккеистъяс вермисны 10:2 тшӧтӧн.
«Талун мача хоккей серти турнирӧн, кодӧс сиӧма «Стрӧитель-Сыктывкар» клублы 75 во тырӧмлы, ми восьтам хоккейнӧй сезон.
Сыктывкарса командалӧн — озыр историяыс: вӧліны вермӧмъяс и везиттӧмлунъяс, вежсьылісны нимыс да лигаясыс.
Но «Стрӧитель-Сыктывкар» вӧлі и кольӧ йӧзкостса командаӧн, кодлӧн эмӧсь сьӧлӧмӧн сетчысь болельщикъяс.
Чолӧмала «Стрӧитель-Сыктывкарӧс» тшупӧда пасӧн!
Зэв ёна эска, мый миян выльмӧдӧм командалӧн аскиа луныс югыд, да «Стрӧительлӧн» медыджыд вермӧмъясыс водзынӧсь на!
Сиа вермӧмъяс да тайӧ турнирын бур матчьяс!
Ми кутам висьны миян команда вӧсна!
Водзӧ, «Стрӧитель», вермӧмлань!» — заводитіс турнирсӧ Коми Республикаса Юралысь, «Стрӧитель-Сыктывкар» клубса почёта президент Владимир Уйба.
Регионса Юралысь пасйис, мый сыктывкарса клубын быдмысьяс эз ӧтчыдысь пыравны странаса национальнӧй сборнӧйясӧ — и кыдз ворсысьяс, и кыдз тренеръяс.
Командалӧн ӧнія составӧ пырӧны спортсменъяс, кодъяс велӧдчисны мача хоккей серти республиканскӧй школаын.
Сійӧ сідзжӧ аттьӧаліс клубса ветеранъясӧс том спортсменъясӧс быдтӧмын отсӧгысь да командалӧн олӧмын участвуйтӧмысь.
Коми Республикаын мача хоккей сӧвмӧдӧмӧ ыджыд пай пуктӧмысь, дзоньвидза оласног нуӧдны ышӧдӧмысь да вынйӧр сӧвмӧдӧмын да спортын зэв тӧдчана да колана торъясӧн паськыда тӧдмӧдӧмысь Владимир Уйба сетіс Коми Республикаса Юралыссянь Аттьӧалӧм «Стрӧитель» хоккей клубса ветеранъяслы Рафик Мухаметзяновлы да Александр Плосковлы.
Турнирын участвуйтӧны 2011–2012 воясын чужлӧм челядьлӧн 6 команда (сыктывкарса «Стрӧитель», «Сборная Нижегородской области», архангельскса «Водник», Первоуральскысь «Уральский трубник», Котласысь «Салют-СШ№1» да кировса «Родина») да Вылыс Лигаысь мужичӧйяслӧн 4 команда («Стрӧитель-Сыктывкар», москваса «Динамо-Крылатское», «Сборная учащихся Сыктывкара» да архангельскса «Водник 2»).
* * *
Сыктывкарса хоккей клуб артмӧма 1947 воын.
1964 восянь выступайтліс медводдза лигаын.
1969 восянь босьтіс «Стрӧитель» ним.
1983 воын медводдза лигалӧн финальнӧй турнирын босьтіс мӧд места да петіс вылі тшупӧд вылӧ.
Тайӧ кад чӧжӧн «Стрӧитель» клуб шедӧдіс ыджыд вермӧмъяс:
— Россияса Кубоклӧн полуфиналист 1984/85
— Россияса Чемпионатын Эзысь призёр 1992/93
— Рытыввыв группаса вермысь 1994/95
— Кыкысь босьтіс «Jolly Bandy Cup» 1994, 1995
— Кыкысь босьтіс «Olly Cup» 1994, 1995
— «67-ӧй параллель» турнирын вермысь 1990
— Вылыс лигаса командаяс пӧвстын мача хоккей серти Россияса первенствоын вермысь 2012/2013 да 2016/2017.
{Kodko @ Коми Республикаын кутасны кыйны унджык сьӧмга @ выльтор @ https://rkomi.ru/news/2658 @ 2022-11-15 @}
Коми Республикаын кутасны кыйны унджык сьӧмга
Печора юысь чими кыйӧм йылысь сёрнитісны Саридзысь юясӧ кульмыны кайысь чери кыйӧмсӧ ладмӧдысь комиссиялӧн заседание вылын, кодӧн веськӧдліс Коми Республикаса Юралысь Владимир Уйба.
«Промышленнӧя сьӧмга кыйӧм серти научнӧй прогнозъясыс збыльмисны.
Рыбопромышленнӧй организацияяслӧн мыччӧдъяс серти, Комиын таво кыйӧмаӧсь кык да джын тонна атлантическӧй чими, сылӧн видзасыс лоис дас куим прӧчент вылӧ унджык.
Такӧд йитӧдын, отраслевӧй наука пыртіс вежсьӧмъяс аслас прогнозӧ», — пасйис Коми Республикаса Юралысь.
Россияса чери овмӧс юкӧнын базӧвӧй наука учреждениелӧн — «ВНИРО» ФКСНУ мыччӧдъяс подув вылын Комиссия примитіс помшуӧм 2022 во вылӧ Коми Республикалы сьӧмга промышленнӧя кыян прогнознӧй йӧрышъяссӧ содтӧм йылысь.
Комиын сьӧмгасӧ вермӧны кыйны 3,4 тонна, сы лыдын наука туялан могъяс вылӧ — 495 килограмм, любительскӧя — 150 килограмм.
Чери кыян сезон заводитчытӧдз Коми Республикалы урчитӧма сьӧмга кыян квотаяс: промышленнӧя кыйӧм вылӧ — 2 тонна 255 килограмм, любительскӧя — 150 килограмм, наука туялан могъяс вылӧ — 495 килограмм.
Тӧд вылӧ уськӧдам, 2022 воын Комиын сьӧмга промышленнӧя кыйӧм могысь лӧсьӧдӧма 16 участок да любительскӧя кыйӧм могысь — 3 участок.
Тайӧ участокъясӧн вӧдитчӧм вылӧ кырымалісны лӧсялана сёрнитчӧмъяс.
Кыйсисны вит юридическӧй кывкутысь да вит асшӧр уджалысь, любительскӧя чери кыйисны ӧти юридическӧй кывкутысь да ӧти асшӧр уджалысь.
Промышленнӧя чери кыян участокъясыс эмӧсь Печора юлӧн магистральнӧй сёртасын, Чилимдін да Изьва районъясын.
Сідзжӧ Чилимдін районын эмӧсь любительскӧя чери кыйӧм вылӧ участокъяс.
Таысь кындзи, ӧти любительскӧй участок эм Печора кар дорын.
Промышленнӧя да любительскӧя кыйсьыны позьӧ вӧлі 2022 вося сора тӧлысь 15 лунсянь йирым тӧлысь 1 лунӧдз.
Став кыйсян кад чӧж быд выльлунӧ черисӧ кыйны оз вӧлі позь.
{Kodko @ Коми Республикаса Юралысь Владимир Уйба аддзысьлас торъя военнӧй операцияын участвуйтысьяслӧн семьяяскӧд @ выльтор @ https://rkomi.ru/news/2659 @ 2022-11-17 @}
Коми Республикаса Юралысь Владимир Уйба аддзысьлас торъя военнӧй операцияын участвуйтысьяслӧн семьяяскӧд
Аддзысьлӧмыс лоас вӧльгым тӧлысь 18 лунӧ 14 часын Коми Республикаса войтырлӧн ёртасян керкаын (Сыктывкар, Ленин ул., 74).
Мукӧд кар-районъясса олысьяс вермасны йитчыны видеосвязь пыр.
Коми Республикаса Юралысь висьталас военнослужащӧйяслы да налӧн семьяяслы отсалан мераяс йылысь, вочавидзас юалӧмъяс вылӧ.
Аддзысьлігӧн лоасны Коми Республикаса военнӧй комиссар Дмитрий Федин, регионса олӧмӧ пӧртысь да оланпас пыртысь власьт органъясӧн юрнуӧдысьяс, ӧтйӧза организацияясӧс петкӧдлысьяс.
Аддзысьлӧм бӧрын военнослужащӧйяслӧн рӧдвужыс вермасны консультируйтчыны социальнӧя отсалан мераяс да юридическӧй юалӧмъяс серти.
{Kodko @ Коми Республикаса Юралысь чолӧмалӧ Медвылыс школаса преподавательлӧн лунӧн @ выльтор @ https://rkomi.ru/news/2662 @ 2022-11-19 @}
Коми Республикаса Юралысь чолӧмалӧ Медвылыс школаса преподавательлӧн лунӧн
«Республикаса вылыс тшупӧда тӧдӧмлунъяс сетысь пыдди пуктана преподавательяс!
Дона ветеранъяс!
Сьӧлӧмсянь чолӧмала тіянӧс уджсикас гажӧн!
Медвылыс школаса преподавательлысь лунсӧ вӧлі индӧма Россияын колян во.
Тайӧ выль гаж, кутшӧмӧс пасйӧны ыджыд роч учёнӧй, медводдза университет лӧсьӧдысь Михаил Васильевич Ломоносовлӧн чужан лунӧ.
Тіян уджсикас сетӧ позянлун тіянлы кольны пыр томӧн.
Ті пыр томъяс пиынӧсь, восьтанныд налы уджсикаслысь мирсӧ, велӧданныд он сӧмын теория боксянь, но и кыпӧданныд интерес, ышӧданныд том йӧзӧс тӧдӧмлунъяс да кужӧмлунъяс босьтӧм вылӧ.
Сы вӧсна тіянлы оз позь дугӧдчыны велӧдчӧмысь, асланыд туялан да наука уджысь.
Тіянлы пыр колӧ тӧдмавны да восьтыны мыйкӧ выльтор.
Коми Республикаын Медвылыс школаса сюрс да джынйысь унджык уджалысь мырсьӧны вузъясын, вузъясса филиалъясын, Коми наука шӧринын, содтӧд уджсикасӧ велӧдан организацияясын да наука туялӧмъяс нуӧдысь учреждениеясын.
Ме аттьӧала ставныдтӧ, коді быд лун юксьӧ тӧдӧмлунъясӧн да опытӧн, аслас восьтӧмторъясӧн да вӧчӧмторъясӧн, отсалӧ том йӧзлы тырвыйӧ восьтыны ассьыс позянлунъяссӧ.
Аттьӧ велӧдны кужӧмысь, терпенньӧысь, бӧрйӧм туйлы сьӧлӧм сетӧмысь.
Сиа тіянлы крепыд дзоньвидзалун, тыр-бур олӧм, енбиа студентъясӧс, да мед дыр кад чӧж уджын вӧліны выль восьтӧмъяс!»
Коми Республикаса Юралысь Владимир Уйба
{Kodko @ Владимир Уйба аддзысьліс торъя военнӧй операцияын участвуйтысьяслӧн семьяяскӧд @ выльтор @ https://rkomi.ru/news/2663 @ 2022-11-19 @}
Владимир Уйба аддзысьліс торъя военнӧй операцияын участвуйтысьяслӧн семьяяскӧд
Коми Республикаса Юралысь вочавидзис юалӧмъяс вылӧ да сетіс гӧгӧрвоӧдӧмъяс торъя военнӧй операцияын участвуйтысь военнослужащӧйяслы да налӧн семьяяслы отсӧг сетан мераяс серти.
«Ме сӧмын на локті тыш мунанінысь — ми сетім зонъяслы содтӧд обмундирование да сёян-юан.
Ме гӧгӧрвоа, мый сэтшӧмыс Кременная, Сватово, и мый сійӧ тыш мунаніныс, кытӧн служитӧны миян зонъяс.
Ми мунім фронтлӧн став линия пырыс, та вӧсна гӧгӧрвоа боевӧй тышъяслысь ёсьмӧмсӧ, — шыӧдчис военнослужащӧйяслӧн рӧдвуж дорӧ Владимир Уйба. — Медводдза лунсяньыс, кор ми заводитім мӧдӧдавны зонъясӧс боевӧй могъяс олӧмӧ пӧртігӧн ладмӧдчӧм вылӧ, налӧн вӧлі уна юалӧм.
Талун юалӧмыс тӧдчымӧн чиніс.
Найӧ корисны менӧ тӧждысьны налӧн рӧдвуж вӧсна.
И ми тайӧ корӧмсӧ могмӧдам».
Сыктывкарысь да матысса районъясысь боечьяслӧн рӧдвужкӧд аддзысьлӧмыс муніс очнӧя, мукӧд муниципалитетысь рӧдвужкӧд — видеоконференцсвязь пыр.
Мероприятиеӧ пырӧдчис торъя военнӧй операцияын участвуйтысьяслӧн семьяясӧ 280-ысь унджык пырысь.
Аддзысьлӧм вылас вӧліны Коми Республикаса Военнӧй комиссар Дмитрий Федин, Веськӧдлан котырӧ пырысьяс, инӧд дорйысьяс да водзмӧстчысь йӧз.
Военнослужащӧйяслӧн рӧдвуж юасисны мобилизуйтӧмаяслӧн дзоньвидзалун, документъяс оформитӧм, челядьлы да бать-мамлы медицина да социальнӧй отсӧг сетан содтӧд мераяс йылысь.
Сідзжӧ вӧліны юалӧмъяс военнослужащӧйяслы медицина отсӧг сетӧм йылысь.
Быд юалӧм тырвыйӧ гӧгӧрвоӧдісны, торъя шыӧдчӧмъяс Коми Республикаса Юралысь босьтіс ас контроль улӧ.
Владимир Уйба кутӧ йитӧдсӧ юкӧдувъясса командиръяскӧд, сылы пыр висьталӧны, кыдзи делӧясыс Коми Республикаысь военнослужащӧйяслӧн, кутшӧм отсӧг налы колӧ.
Зонъяс, кодъяскӧд сійӧ сёрнитіс тыш мунанінын, шуисны, мый найӧс тырвыйӧ могмӧдӧмаӧсь экипировкаӧн да шоныд кӧлуйӧн, налы лӧсьӧдӧмаӧсь кӧрт пачьяса блиндажъяс, эм тырмымӧн сёян-юан.
Коми Республикаса Юралысь гӧгӧрвоӧдіс, мыйла оз позь звӧнитны торъя военнӧй операцияын участвуйтысь военнослужащӧйяслы.
Телефонъяссӧ кусӧдӧма лёк суӧмысь видзчысьӧм могысь.
Звӧнитігӧн автоматическӧя йитчыссьӧ матысса вышка дорӧ, да украинаса связистъяс вермасны тӧдмавны, кысянь звӧнитӧны, кытчӧ сійӧ мунӧ-локтӧ, аспассӧ.
Та вӧсна вӧрӧг вермас лыйлыны Россиялысь войскаяссӧ.
Таысь кындзи, найӧ вермасны звӧнитны военнослужащӧйяслӧн рӧдвужлы да грӧзитчыны, повзьӧдлыны да висьтавны лӧсявтӧмтор.
Военнослужащӧйяслӧн гӧтыръяс да бать-мам аттьӧалісны Владимир Уйбаӧс сетӧм отсӧгысь да сыысь, мый сійӧ ачыс участвуйтӧ налӧн судьбаын.
«Ме гӧгӧрвоа тіянлысь майшасьӧмъястӧ, но Россиялӧн судьбаыс — миян зонъяслӧн киын.
Тайӧ абу прӧстӧ торъя военнӧй операция.
Ті, тӧдӧмысь, ставсӧ гӧгӧрвоанныд, мый збыльвылас кӧ мунӧ Россиялы паныд коймӧд мирӧвӧй война, а Украинаӧс бӧрйӧмаӧсь прӧстӧ кыдз плацдарм боевӧй тышъяслы.
Та вӧсна миян мужичӧйяс дорйӧны дзоньнас миян канмулысь интересъяссӧ да суверенитетсӧ, а оз торъя мутасъяссӧ.
Буретш сэні, тыш мунанінын, ӧні решайтчӧ Россиялӧн олӧмыс.
Муӧдз копыр став миян зонлы!
Ми отсасям и кутам отсасьны.
Аттьӧ бать-мамлы, кодъяс быдтісны-велӧдісны Чужан мулысь пыдди пуктана пиянӧс.
Кӧсъя шуны став гӧтыръяслы, мый тіян бур верӧсъяс.
Миян зонъяс дорйӧны миян канмулысь аскиа лунсӧ», — шуис аддзысьлӧм помын Владимир Уйба.
Аддзысьлӧм бӧрын социальнӧй да юридическӧй службаясса специалистъяс консультируйтісны военнослужащӧйяслӧн семьяясӧс социальнӧй отсӧг сетан мераяс да юридическӧй юалӧмъяс серти.
Тӧд вылӧ уськӧдам, федеральнӧй социальнӧй отсӧг сетан мераяс дорӧ Коми Республикаын примитісны региональнӧйясӧс.
На лыдын — ӧтчыдысь сьӧм мынтӧм, кутшӧмӧс вӧльгым тӧлысьӧ содтылісны 100 сюрс шайтсянь 150 сюрс шайтӧдз.
Медводдза юкӧнсӧ, 100 сюрс шайт, босьтісны нин мобилизация серти корӧм став гражданаыс, а сідзжӧ доброволечьяс.
Нӧшта 50 сюрс шайт сетасны вӧльгым тӧлысь помӧдз.
Коми Республикаысь став военнослужащӧйыс, кодъяс участвуйтісны торъя военнӧй операцияын, гортаныс локтӧм бӧрын босьтасны 100 сюрс шайтӧн.
Мобилизация серти корӧм военнослужащӧйяслысь, доброволечьяслысь да контрактникъяслысь челядьӧс, кодъяс велӧдчӧны 5 11 классъясын, велӧдан организацияясын вердӧны дон босьттӧг (1–4 классын став велӧдчысьыс сёйӧны дон босьттӧг 2012 восянь).
Бать-мам, кодъяслӧн эмӧсь детсадйӧ ветлысь челядь, оз мынтыны детсадъясын челядьӧс дӧзьӧритӧмысь да видзӧмысь.
Нӧшта ӧти отсӧг сетан мера примитісны Сыктывкарса депутатъяс — найӧ мездісны торъя военнӧй операцияын участвуйтысь гражданаӧс торъя мортлӧн эмбур вылӧ вот мынтӧмысь.
Кӧсйӧны пыртны татшӧм мераяссӧ Коми Республикаса став муниципалитетас.
Таысь кындзи, республикаса Каналан Сӧветлӧн матысса вӧльгым тӧлысся сессия вылын лоӧ пыртӧма оланпас бала, кӧні урчитӧма мобилизуйтӧмаяслӧн да доброволечьяслӧн семьяяслы оланін биаруӧн могмӧдӧм вылӧ ӧтчыдысь сьӧм мынтӧм.
Материальнӧй отсӧг кындзи торъя военнӧй операцияын участвуйтысь семьяяслы сетсьӧ отсӧг социальнӧя да психологическӧя адаптируйтӧмын, уджсикасӧ велӧдӧмын, квалификацияа медицина отсӧгын, социально-бытӧвӧй юалӧмъяс решитӧмын.
2022 вося сора тӧлысь 30 лунсянь урчитӧма торъя военнӧй операция дырйи доймӧм военнослужащӧйяслы гортаныс дон босьттӧг социальнӧя могмӧдӧм.
Социальнӧя доръян став шӧринын торъя военнӧй операцияын участвуйтысьлӧн быд семьялы индӧма социальнӧй удж серти куратор-специалистӧс.
Гражданалы социальнӧй службаяскӧд ӧдйӧ йитчӧм могысь эмӧсь торъя телефон номеръяс.
Торъя военнӧй операцияын участвуйтысьяслӧн дзескыда олысь семьяяслы сідзжӧ отсасьӧны «Мы вместе» волонтёръяслӧн штабъяс.
Республикалӧн Удж министерство бердын мобилизация серти корӧм гражданалӧн рӧдвужлы да матыссаяслы водзӧ уджалӧ «Своих не бросаем!» «веськыд линия», телефон: 8–912–141–42–00.
{Kodko @ Коми Республикаса Юралысь чолӧмалӧ Транспортын уджалысьлӧн лунӧн @ выльтор @ https://rkomi.ru/news/2665 @ 2022-11-20 @}
Коми Республикаса Юралысь чолӧмалӧ Транспортын уджалысьлӧн лунӧн
«Став сикас транспортын пыдди пуктана уджалысьяс да ветеранъяс!
Сьӧлӧмсянь чолӧмала тіянӧс уджсикас гажӧн — Транспортын уджалысьлӧн лунӧн!
Кӧрт туй, автотрассаяс, сынӧд да ва туйяс — миян республика пасьтала эм уна сикас транспортлы маршрутъяс.
Сы сайын, кыдзи сійӧ уджалӧ, пассажиръяслӧн лючки-бура ветлӧм, сійӧ отсалӧ сӧвмӧдны республиканымӧс, сылысь социальнӧй юкӧн да промышленнӧй потенциал.
Транспорт блок лоӧ Коми Республикалӧн экономикаын тӧдчана юкӧнӧн.
Тані уджалӧ 30 сюрс сайӧ морт, кодъяс зільӧны куим сюрс сайӧ предприятиеын.
Быдӧн на пиысь кӧсйӧ бурмӧдны могмӧдӧмлысь качествосӧ, выльмӧдны инфраструктура да транспорт парк.
Аттьӧала республикаса став сикас транспортын зільысьясӧс бура да кывкутӧмӧн уджалӧмысь.
Сиа вермӧмъяс да уджын бур шедӧдӧмъяс, шуд да крепыд дзоньвидзалун!»
Коми Республикаса Юралысь Владимир Уйба
{Kodko @ Владимир Уйба удж серти аддзысьліс Россия Федерацияса Генеральнӧй прокурорӧс вежысь Алексей Захаровкӧд @ выльтор @ https://rkomi.ru/news/2667 @ 2022-11-21 @}
Владимир Уйба удж серти аддзысьліс Россия Федерацияса Генеральнӧй прокурорӧс вежысь Алексей Захаровкӧд
Аддзысьлӧмыс вӧлі вӧльгым тӧлысь 21 лунӧ Сыктывкарын.
Видлалӧмаӧсь гражданалысь инӧдъяс да оланпас серти интересъяс доръян юкӧнын, мыж вӧчӧмкӧд тышкасьӧмын да инӧдъяс торкалӧмысь ӧлӧдӧм серти Коми Республикаса Веськӧдлан котырлӧн да прокуратура органъяслӧн ӧтув уджалӧм йылысь юалӧмъяс.
Торйӧн сувтлісны Коми Республикаын йӧзлысь дзоньвидзалун видзан юкӧнын оланпаслун серти юалӧм вылӧ.
Тайӧ темаыслы сиасны сӧвещание, кутшӧмӧс нуӧдас аски Сыктывкарын Россия Федерацияса Генеральнӧй прокурорӧс вежысь Алексей Захаров.
Коми Республикаса Юралысь Владимир Уйба пасйис, мый таво регионса Веськӧдлан котырлы мойвиис бурмӧдны йӧзӧс льгота серти лекарствоӧн могмӧдӧмсӧ, да аттьӧаліс прокуратура органъясӧс тайӧ мытшӧдсӧ разьӧмын отсӧгысь.
«Колян во помын кӧ республикаын вӧлі пӧшти 30 сюрс могмӧдтӧм рецепт, то талун кежлӧ сӧмын 219. Быд рецепт серти эм гӧгӧрвоӧм: джынсьыс унджык, на пиысь сёысь унджык препаратыс Россияын абу.
Но ми водзӧ уджалам федеральнӧй Йӧзлысь дзоньвидзалун видзан министерствокӧд, медым тупйыны тырмытӧмлунсӧ.
Серпасыс ёна бурмис выль система пыртӧм отсӧгӧн, мый серти препаратъяссӧ ньӧбӧ да вайӧ ӧти поставщик — Коми Республикаса канму аптекаяс.
Ыджыд отсӧг нормативнӧй инӧда база артмӧдӧмын миянлы сетіс Коми Республикаса прокуратура.
Республикаса Веськӧдлан котыр да прокуратура органъяс костын йитӧдыс талун бурмӧдӧма уна сикас нырвизьын.
И ме аттьӧала уджъёртъясӧс татшӧм отсӧгысь», — шуис Владимир Уйба.
{Kodko @ Владимир Уйба сетіс Суворовлысь медаль гвардияса ефрейтор Владимир Фаныгинлы @ выльтор @ https://rkomi.ru/news/2668 @ 2022-11-22 @}
Владимир Уйба сетіс Суворовлысь медаль гвардияса ефрейтор Владимир Фаныгинлы
Россия Федерацияса Президентлӧн Индӧдӧн Коми Республикаысь торъя военнӧй операцияын участвуйтысьӧс наградитӧма воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь.
Кыпыд церемонияыс вӧлі талун, вӧльгым тӧлысь 22 лунӧ.
«Пыдди пуктана Владимир Анатольевич, зэв нимкодь тіян рӧдвуж, матыссаяс дырйи сетны тіянлы тӧдчана канму награда — миян нималана полководеч Александр Суворовлысь медаль, — шыӧдчис военнослужащӧй дорӧ Коми Республикаса Юралысь Владимир Уйба. — Талун миян канму пӧшти ӧтнас сулалӧ лёкыслы паныд — неонацистъяслӧн да натосаяслӧн лӧглунлы.
Но некор, некод водзын Россия эз сулавлы пидзӧсъяс вылын.
Оз кут сулавны и ӧні.
Ті, Владимир Анатольевич, и миян сюрс зонъяс, кодъяс тышкасьӧны Вермӧм вӧсна — геройяс.
Чужан му вӧсна тышкасигӧн ті петкӧдлінныд повтӧмлун да смеллун.
Ассьыныд олӧмнытӧ жалиттӧг дорйинныд мукӧдыслысь олӧмсӧ да миянлысь вына Россиянымӧс.
Став сьӧлӧмсянь аттьӧала тіянӧс таысь, тайӧ подвигысь».
Владимир Анатольевич Фаныгин чужис Кулӧмдін районса Тымсер посёлокын.
9 класс помалӧм бӧрын пырис велӧдчыны Сыктывкарса политехническӧй техникумӧ автомеханик вылӧ.
2017 вося вӧльгым тӧлыссянь служитіс призыв серти Ленинград обласьтын, сэсся кырымаліс контракт, босьтіс разведка нуӧдан 1 взводса механик-водительлысь чин.
Участвуйтіс торъя военнӧй операцияын Сирияын, сэсся Украинаын.
Тышын доймис да вӧлі госпитализируйтӧма Нейрохирургия медицина боксянь туялан академик Н.Н. Бурденко нима национальнӧй шӧринӧ.
2022 вося кӧч тӧлысьын уволитӧма контракт серти военнӧй служба вылысь Россия Федерацияса Вооружённӧй вынъяслӧн запасӧ.
«Рӧдвуж, дерт, радлісны менам локтӧмлы.
Налы тайӧ вӧлі виччысьтӧмторйӧн, сы вӧсна мый тӧлысь чӧжӧн, мый ме вӧлі сэні, звӧнитлі сӧмын ӧтчыд.
Дерт, найӧ ставӧн майшасисны.
Ӧні кӧсъя пырны уджавны инӧд видзан органъясӧ да водзӧ служитны Чужан мулы.
Став миян зонлы сиа шуд, медым воисны гортӧ ловйӧн, дзоньвидзаӧн.
Налӧн бать-мамлы сиа, медым эз майшасьны, эскисны бурӧ, сы вӧсна мый век колӧ эскыны бурӧ», — шуис Владимир Фаныгин.
«Уна синва киссис, но ми эским, виччысим, эгӧ сетӧй аслыным думайтны лёк йывсьыс.
Ми семьякӧд вӧлім ӧтлаын, отсасим ӧта-мӧдлы.
Кӧсъя сины торъя военнӧй операцияын участвуйтысь зонъяслӧн рӧдвужлы да матыссаяслы терпенньӧ.
Медся коланаыс, медым пыр эскинныд бурӧ.
Но и, дерт жӧ, зонъяслы повтӧмлун да шуд, медым Енмыс пыр вӧлі накӧд!» — сиис Владимирлӧн чойыс Татьяна Ларина.
{Kodko @ Комиын олысьясӧс кулӧм бӧрын наградитӧмаӧсь мужествоысь, повтӧмлунысь да йӧз вӧсна тӧждысьӧмысь @ выльтор @ https://rkomi.ru/news/2669 @ 2022-11-22 @}
Комиын олысьясӧс кулӧм бӧрын наградитӧмаӧсь мужествоысь, повтӧмлунысь да йӧз вӧсна тӧждысьӧмысь
Талун, вӧльгым тӧлысь 22 лунӧ, Коми Республикаса Юралысь Владимир Уйба сетіс торъя военнӧй операция дырйи пӧгибнитӧм военнослужащӧйяслӧн рӧдвужлы тӧдчана канму наградаяс — Повтӧмлун орденъяс.
«Миян геройяс эз жалитны ассьыныс олӧмнысӧ да пуктісны юрнысӧ торъя военнӧй операция дырйи воинскӧй мог олӧмӧ пӧртігӧн.
Став миян геройыс тышкасис вына да мездмӧм Россия вӧсна, миян ичӧт Чужан му — Коми Республика вӧсна.
Кыдзи тышкасисны миян пӧльяс Айму вӧсна Ыджыд тыш воясӧ.
Аркадий Андреевичлӧн, Максим Александровичлӧн, Денис Валерьевичлӧн, Илья Владимировичлӧн подвигыс зэв тӧдчана.
Йӧз вӧсна тӧждысьӧмысь, повтӧмлунысь, смеллунысь став зонмыслы сетӧма Россия Федерацияса тӧдчана канму наградаяс.
Меным талун уси ыджыд чесьт сетны тайӧ наградаяссӧ миян геройяслӧн рӧдвужлы да матыссаяслы», — шыӧдчис Владимир Уйба торъя военнӧй операция дырйи пӧгибнитӧм Коми Республикаса олысьяслӧн семьяяс дорӧ.
Россия Федерацияса Президентлӧн Индӧдӧн воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Повтӧмлун орден сетӧма кувсьӧм бӧрын:
— Сыктывкарысь гвардияса радӧвӧй Максим Александрович Дёминлы.
Максим Александрович служитіс контракт серти мотострелкӧвӧй взводса пулемётчикӧн.
Пӧгибнитіс миналӧн грымӧбтӧм вӧсна доймӧмысь.
Кык лунӧн водз кувтӧдзыс сылӧн чужис ныв.
Наградасӧ сетӧма военнослужащӧйлӧн дӧвалы да бать-мамлы.
— Княжпогост районса Емва карысь радӧвӧй Денис Валерьевич Лазарчуклы.
Денис Валерьевич служитіс контракт серти боевӧй машинаса командирӧс вежысьӧн — наводчик-операторӧн.
Пӧгибнитіс Лисичанск кар бердын.
Военнослужащӧйлӧн колисны тыр арлыдтӧм пи да ныв.
Наградасӧ сетӧма военнослужащӧйлӧн дӧвалы да челядьлы.
— Сыктывкарысь гвардияса ефрейтор Аркадий Андреевич Лукьяновлы.
Аркадий Андреевич служитіс контракт серти 1 мотострелкӧвӧй ротаын старшӧй стрелокӧн.
Наградасӧ сетӧма военнослужащӧйлӧн бать-мамлы.
— Княжпогост районса Синдор посёлокысь матрос Илья Владимирович Пыстинлы.
Илья Владимирович служитіс контракт серти гаубичнӧй самоходно-артиллерийскӧй батареяса взводлӧн веськӧдланінын отделениеса водитель-радиотелефонистӧн.
Пӧгибнитіс Попасная кар дорын миномётысь лыйлігӧн.
Сылӧн колис тыр арлыдтӧм пи.
Наградасӧ сетӧма военнослужащӧйлӧн мамлы.
Церемонияын участвуйтысьяс чӧв олыштӧмӧн казьтыштісны торъя военнӧй операция дырйи геройскӧя усьӧм Айму дорйысьясӧс.
{Kodko @ Владимир Уйба пырӧдчис Россия Федерацияса Медыджыд прокурорӧс вежысь Алексей Захаровӧн нуӧдӧм сӧвещаниеӧ @ выльтор @ https://rkomi.ru/news/2671 @ 2022-11-22 @}
Владимир Уйба пырӧдчис Россия Федерацияса Медыджыд прокурорӧс вежысь Алексей Захаровӧн нуӧдӧм сӧвещаниеӧ
Сӧвещаниеыс вӧлі Сыктывкарын вӧльгым тӧлысь 22 лунӧ «Коми Республикаын йӧзлысь дзоньвидзалун видзан юкӧнын оланпаслун серти серпас да дзоньвидзалун видзӧм вылӧ гражданалысь инӧдъяс дорйӧм серти уполномочитӧм канму власьт органъяслысь да прокуратура органъяслысь удж бурмӧдӧм серти мераяс йылысь» юалӧм серти.
Коми Республикаса Юралысь Владимир Уйба сёрнитіс докладӧн сы йылысь, кутшӧм мераясӧн вӧдитчӧны регионӧн веськӧдлысьяс «Йӧзлысь дзоньвидзалун видзӧм» национальнӧй проектлысь планӧвӧй петкӧдласъяс шедӧдӧм серти, а сідзжӧ дзоньвидзалун видзӧм вылӧ гражданалысь инӧдъяс видзӧм да дорйӧм серти.
Прокуратура органъяскӧд, Коми Республикаса Каналан Сӧветкӧд да ӧтйӧза организацияяскӧд ӧтув уджалӧмӧн регионса Веськӧдлан котырлы мойвиис тӧдчымӧн бурмӧдны льгота серти лекарствоӧн могмӧдӧмсӧ.
Лекарствояс выль нога ньӧбӧм вылӧ вуджӧм отсӧгӧн могмӧдтӧм рецепт лыдыс ёна чиніс.
2021 во помассигӧн кӧ могмӧдтӧм рецепт лыдыс вӧлі пӧшти 30 сюрс, то ӧні сӧмын 219.
«Комиын вӧдитчӧны рӧскод чинтӧм да медицина отсӧг кокньыда босьтӧм серти выль помшуӧмъясӧн.
Збыльмӧдӧма медицина объектъяс модульнӧя стрӧитӧм серти медводдза проектъяс, — юӧртіс Владимир Уйба. — Пыртӧма уджӧ кык модульнӧй фельдшер-акушер пункт.
Модульнӧй ФАП-яс стрӧитсьӧны ӧдйӧ, некымын тӧлысьӧн.
Классическӧй стрӧитчӧмыс вермас кыссьыны во да унджык.
Модульнӧй стрӧйбаыслӧн доныс — 10 миллион шайтӧдз, сэтшӧм жӧ ыджда здание стрӧитӧмлӧн доныс 30 миллион шайтӧдз, тайӧ ставыс йитчӧма стрӧитчан материал вайӧмкӧд.
Пасъя, мый модульяссӧ ми дзоньнас чукӧртам республиканскӧй сьӧмкуд тшӧт весьтӧ, а стрӧитчӧмыс нуӧдсьӧ национальнӧй проектлӧн сьӧм да миян сьӧм вылӧ.
Ми зілям вӧдитчыны став позянлуннас, медым миян олысьяслӧн вӧлі унджык позянлун босьтны медицина отсӧг».
Бура збыльмӧдсьӧ первичнӧй звено ӧнъяӧдан уджтас, мый отсӧгӧн республикаса районнӧй больничаяс могмӧдсьӧны ӧнія оборудованиеӧн.
Уджтасӧн кык во чӧж вӧдитчӧмӧн ньӧбӧма эндоскопия, диагностика да рентген вӧчан 450 единица оборудование.
Капитальнӧя дзоньталӧны йӧзлысь дзоньвидзалун видзан учреждениеяс.
Республикаса медицина организацияясӧ вайисны 191 автомашина.
Онкологияӧн висьысьяслы отсӧг сетан больничаясӧ да поликлиникаясӧ ньӧбалӧны медицина техника, сы лыдын мультиспиральнӧй компьютернӧй томографъяс, маммографъяс да передвижнӧй флюорографъяс.
Вир сӧн висьӧмъясысь бурдӧдан регионса шӧринъяслы да отделениеяслы ньӧбалӧны оборудование.
Бӧръя нёль воӧн ньӧбӧма 280 единицаысь унджык оборудование, сы лыдын и ангиографъяс, компьютернӧй томографъяс, УЗИ аппаратъяс, реабилитационнӧй оборудование, ИВЛ аппаратъяс да уна мукӧд.
«Коронавирус пандемияыс петкӧдліс йӧзлысь дзоньвидзалун видзан системаын тырмытӧмторъяссӧ, сёрниыс мунӧ кислороднӧй станцияяслӧн тырмытӧмлун йылысь.
Тайӧ мытшӧдсӧ разьӧм могысь ми квайт ыджыд бурдӧдчан учреждениеӧ лӧсьӧдім промышленнӧй кислороднӧй концентраторъяс.
Республиканскӧй кардиологическӧй диспансерын сувтӧдім кислороднӧй станция.
Госпитализируйтӧмаяслӧн лыдыс кӧ содас, миян лоас кислород видзас», — тӧдчӧдіс Коми Республикаса Юралысь.
Владимир Уйба пасйис мытшӧдъяссӧ, кутшӧмъяс вылын уджалӧ республикаса Веськӧдлан котыр.
На пиын йӧзлысь дзоньвидзалун видзан объектъяс стрӧитӧм, йӧзлысь дзоньвидзалун видзанінын Ӧтувъя цифрӧвӧй платформа вылӧ вуджӧм, медицина организацияясӧс квалифицируйтӧм кадръясӧн могмӧдӧм.
Кадръяс тырмытӧмсӧ бырӧдӧм могысь збыльмӧдсьӧны медицина специалистъясӧс кыскӧм да кутӧм серти содтӧд мераяс.
На лыдын — «земскӧй доктор/ земскӧй фельдшер» уджтас серти ӧтчыдысь сьӧм мынтӧмъяс, республикаса велӧдан организацияяскӧд ӧтув уджалӧм, медперсоналлы оланін ньӧбӧм, кӧртымалан донсӧ компенсируйтӧм.
Таво 10 тӧлысьӧн республикаса йӧзлысь дзоньвидзалун видзан канму системаӧ пырис уджавны 282 врач да 803 шӧр медицина уджалысь.
2023 воӧ кӧсйӧны збыльмӧдны медицина уджалысьяслы ас керка стрӧитӧм серти уджтас.
2022 воын Коми Республикаын проектируйтӧны да стрӧитӧны йӧзлысь дзоньвидзалун видзан 27 объект, на лыдын кутшӧмъяс збыльмӧдсьӧны нацпроект серти.
Таво вылӧ кӧсйӧны пыртны уджӧ 19 фельдшер-акушер пункт, 15 на пиысь пыртӧма нин.
«Кӧсъя пасйыны, мый сьӧмкуд артмӧдігӧн, весиг тайӧ сьӧкыд кадас, ми торйӧн веськӧдам вниманньӧ йӧзлысь дзоньвидзалун видзан юкӧнын олӧм вылӧ быть колана рӧскодъяс вылӧ.
Найӧ миянлы медтӧдчанаӧсь», — шуис сёрнисӧ помалігӧн Коми Республикаса Юралысь Владимир Уйба.
{Kodko @ Коми Республикаын 2023 восянь уджӧн могмӧдан шӧринлысь канму услугаяссӧ позяс босьтны электроннӧя @ выльтор @ https://rkomi.ru/news/2672 @ 2022-11-22 @}
Коми Республикаын 2023 восянь уджӧн могмӧдан шӧринлысь канму услугаяссӧ позяс босьтны электроннӧя
Социальнӧй юкӧнын цифрӧвӧй трансформация серти юалӧм видлалісны вӧльгым тӧлысь 22 лунӧ Коми Республикаса Юралысь бердын стратегическӧй веськӧдлӧм серти Координационнӧй сӧветлӧн заседание вылын.
Заседаниесӧ нуӧдіс Владимир Уйба.
«2017–2030 вояс вылӧ Россия Федерацияын юӧра йӧзкотыр сӧвмӧдан стратегия йылысь» Россия Федерацияса Президентлӧн Индӧд серти 2021 вося моз тӧлысьын вӧлі вынсьӧдӧма Коми Республикаса экономика отрасльяс, социальнӧй юкӧн да канму веськӧдлӧм цифрӧвӧя трансформируйтан юкӧнын стратегия.
Сэтчӧ пырӧ социальнӧя доръян юкӧнын некымын проект.
«Социальнӧй казначейство» проект збыльмӧдӧм могысь став 27 канму услугасӧ, кодӧс сетӧ Удж, уджӧн могмӧдан да социальнӧя доръян министерство, ӧні позьӧ босьтны электроннӧя.
Гражданалы мынтӧмъяс оформитӧмыс тӧдчымӧн кокнялӧ, налы оз ковмы чукӧртны содтӧд справкаяс да документъяс, а услугасӧ босьтӧны сӧмын ӧти заявление серти.
Мынтӧмъяссӧ оформитны ӧні позьӧ «Канму услугаяс» портал пыр «ӧти ӧшинь» режимын.
Сыысь кындзи, Коми Республикаӧс йитӧма «Гражданакӧд йитчан ӧтувъя контакт-шӧрин» юӧртан система дорӧ, операторнас кодлӧн лоӧ Россияса Пенсия фонд.
Консультируйтчӧм могысь граждана вермасны вӧдитчыны чат-ботӧн либӧ звӧнитны телефонлӧн федеральнӧй номер серти: 8–800–6–000–000.
2023 вося тӧвшӧр тӧлысь 1 лунсянь уджӧн могмӧдан юкӧнын став 10 канму услугаыс кутас сетсьыны электроннӧя.
Тайӧ лоӧ позянаӧн «Йӧзӧс уджӧн могмӧдан канму служба выльмӧдӧм» проект збыльмӧдӧм отсӧгӧн.
Босьтны услугасӧ позяс «Россияын удж» ӧтувъя цифрӧвӧй платформа пыр.
Платформаыс отсалас оз сӧмын гражданалы удж корсьӧмын, но и удж сетысьяслы колана уджалысьясӧс бӧрйӧмын.
Та дырйи йӧзыслӧн коляс позянлун шыӧдчыны уджӧн могмӧдан шӧринӧ аслыныс.
Сідзжӧ 2023 воын Коми Республикаса удж, уджӧн могмӧдан да социальнӧя доръян министерство кӧсйӧ вуджны бумага вылын личнӧй делӧяссянь электроннӧй дорӧ, нуӧдны водзӧ вылӧ канму услугаяс сетан кадколастъяс чинтӧм серти мероприятиеяс.
«Кор ми сёрнитам цифровизация йылысь, миянлы оз ков юкны йӧзсӧ кык пельӧ: коді вермӧ босьтны услугаяссӧ электроннӧя, а коді оз.
Колӧ, медым найӧс босьтны верманлуныс вӧлі ӧткодь кыдзи карса, сідзжӧ и сиктса олысьяслы, кыдзи том йӧзлы, сідзжӧ и пӧрысьяслы.
Миян зэв уна велӧдчысь, кодъяс бура вӧдитчӧны компьютерӧн.
Татшӧм ныв-зонлы позьӧ котыртны волонтёръяслысь гожся команда да мӧдӧдны найӧс сиктъясӧ олӧма йӧзӧс велӧдӧм могысь.
Тайӧ отсалас кыпӧдны унджык сиктса йӧзлысь цифрӧвӧй тӧдӧмлунъяссӧ да вӧчны цифрӧвӧй услугаяссӧ налы гӧгӧрвоанаджыкӧн», — гӧгӧрвоӧдіс Владимир Уйба да тшӧктіс регионса Удж министерстволы видлавны тайӧ юалӧмсӧ.
{Kodko @ Комиын примитасны локтан вит во вылӧ Агропромышленнӧй комплекс сӧвмӧдан концепция @ выльтор @ https://rkomi.ru/news/2673 @ 2022-11-23 @}
Комиын примитасны локтан вит во вылӧ Агропромышленнӧй комплекс сӧвмӧдан концепция
Документ баласӧ видлалісны Коми Республикаса Юралысь бердын Стратегическӧя веськӧдлӧм серти координационнӧй сӧветлӧн заседание вылын. Сійӧ вӧлі вӧльгым тӧлысь 22 лунӧ. Заседаниеӧн юрнуӧдіс Владимир Уйба.
«Видз-му овмӧс прӧдукция вӧчигӧн колӧ мӧвпыштны сы йылысь, кытчӧ сійӧс инавны.
Картупель серти кӧ, колӧ лӧсьӧдны сійӧс видзӧм да переработайтӧм вылӧ условиеяс, и татшӧм объектъяссӧ колӧ дасьтыны олан пунктъясын, кӧні сійӧс быдтӧны.
Тайӧ юалӧмсӧ ӧні нин колӧ видлавны инвесторъяскӧд.
Миян картупель — экология боксянь сӧстӧм, зэв бур, сійӧс быдтӧны пестицидъястӧг, тайӧ аслыспӧлӧслунӧн колӧ вӧдитчыны маркетинг могысь», — гӧгӧрвоӧдіс Владимир Уйба.
Агропромышленнӧй комплекс сӧвмӧдан концепция баласӧ лӧсьӧдӧма Коми Республикаса Юралысьлӧн тшӧктӧм серти, медым пӧртны олӧмӧ Россияса Президентӧн пуктӧм могъяс.
Тайӧ юкӧнсӧ колӧ бура анализируйтны, примитны сійӧс сӧвмӧдӧм могысь выль помшуӧмъяс, торйӧн нин санкцияяс дырйи.
Концепцияын урчитӧма позянлунъяс, верктуйяс, кутшӧмъяс отсӧгӧн позьӧ кыпӧдны регионын агропромышленнӧй да чери овмӧс комплексъяс.
Коми Республика озыр муясӧн да кӧрымӧн, скӧт видзан юкӧнын генетика ресурсъясӧн, производстволы подулӧн. Тайӧ сетӧ позянлун збыльмӧдны гырысь инвестиция проектъяс.
Регионын эм позянлун кӧдзны-быдтыны унджык, а татчӧс прӧдукциясӧ ньӧбӧны бура.
Такӧд ӧттшӧтш эмӧсь и мытшӧдъяс — тайӧ убытка ваян видз-му овмӧс производство, организацияясӧс техникаӧн да технологияӧн абу тырмымӧн могмӧдӧм, аграрийяслӧн вынтӧм кооперация, ичӧт иналан рынок, кадръясын тырмытӧмлун, производительяс да наука костын ӧта-мӧдкӧд этша йитчӧм.
Концепциясӧ веськӧдӧма тайӧ юалӧмъяссӧ разьӧм вылӧ, сійӧ пуктӧ агропромышленнӧй комплекс водзӧ могъяс.
На лыдын — сӧвмӧдны быдмӧг вӧдитӧм, скӧт видзӧм, аквакультура да чери кыйӧм, ичӧт овмӧсъяс, сёян-юан вӧчӧм, могмӧдны ветеринарияӧн, могмӧдны кадръяс да наука боксянь.
Сідзжӧ выль пӧв видлаласны аграрийяслы канму отсӧг сетӧмсӧ.
Коми Республикаса Веськӧдлан котыр рӧскод вештӧмсянь вочасӧн вуджас ышӧдана отсӧг сетӧмӧ — прӧдукция, юр лыд, скӧтлысь продуктивносьт, видз-му овмӧс культуралысь урожай вайӧм содӧмсӧ субсидируйтӧмӧ.
Коми Республикаса Юралысь пасйис, мый видз-му овмӧсын кадръяс тырмытӧмсӧ бырӧдӧм могысь медводз колӧ стрӧитны специалистъяслы оланін.
Тані позьӧ уджӧдны татчӧс вӧр переработайтан предприятиеясӧс, кодъяс дасьӧс вӧчны заказ серти керка лэптан комплектъяс.
Таысь кындзи, Владимир Уйба вӧзйис пыртны Концепцияӧ Коми наука шӧринкӧд ӧтув уджалӧм йылысь пункт, медым вӧдитчыны сылӧн разработкаясӧн видз-му овмӧс сӧвмӧдӧм могысь.
«Ми вермам да миянлы быть колӧ кыпӧдны видз-му овмӧс прӧдукция вӧчан ӧдсӧ да бурджыка могмӧдны пытшкӧсса рынок ас сёян-юанӧн.
Сэтшӧмъясӧн, кыдзи картупель, град выв пуктас, яй да йӧв-вый.
Став пасйӧдъяссӧ тӧд вылӧ босьтӧм бӧрын кора нюжӧдтӧг бурмӧдны да сӧгласуйтны Концепциясӧ.
Тшӧкта республикаса Веськӧдлан котырлы вынсьӧдны документсӧ во помӧдз, медым 2023 воӧ ми зіля босьтчим збыльмӧдны сійӧс», — шуис Владимир Уйба.
{Kodko @ Владимир Уйба: «Вӧрӧгъяслӧн эз артмы торйӧдны миянӧс — ми ӧтувтчим» @ выльтор @ https://rkomi.ru/news/2675 @ 2022-11-23 @}
Владимир Уйба: «Вӧрӧгъяслӧн эз артмы торйӧдны миянӧс — ми ӧтувтчим»
Коми Республикаса Юралысь пырӧдчис «Коми Республика сӧвмӧдан нырвизь серти Гражданскӧй котыр ӧтувтӧм» Коми Республикаса XIII Гражданскӧй Форумлӧн кывкӧрталан пленарнӧй заседаниеӧ.
Заседаниеыс вӧлі вӧльгым тӧлысь 23 лунӧ Коми Республикаса национальнӧй библиотекаын.
«Тані чукӧртчисны водзмӧстчысь йӧз, кодъяс оз сӧмын тӧждысьны Коми Республика да Россия вӧсна, но и юксьӧны тӧдӧмлунъясӧн, опытӧн.
Мирын 2022 вося лоӧмторъяс ӧтувтісны миян странаын олысьясӧс.
Вӧрӧгъяс эскисны, мый вермасны торйӧдны миянӧс.
Эз артмы!
Ми ӧтувтчим.
Дерт, колӧ, медым татшӧм кадӧ вӧліны йӧз, кодъяс эськӧ отсалісны сӧвмыны санкцияяс вылӧ видзӧдтӧг.
Татшӧм йитӧдӧн лоӧны ӧтйӧза организацияяс», — пасйис Владимир Уйба.
Таво форумсӧ нуӧдісны аслыспӧлӧс ногӧн.
Куим тӧлысь чӧж нуӧдісны мероприятиеяс, кӧні видлалісны республика сӧвмӧдӧмкӧд йитчӧм юалӧмъяс.
Тайӧ сьӧкыда ветлысь гражданалы бур условиеяс лӧсьӧдӧм, висьысь челядя семьяяслысь олӧмсӧ бурмӧдӧм, демографияын, том йӧз политикаын юалӧмъяс, абу коммерческӧй организацияяслӧн удж, вӧр-ваӧн вӧдитчӧмын юалӧмъяс.
Волісны экспертъяс, общественникъяс, бизнес да власьт органъяс.
Площадкаяслӧн уджӧ пырӧдчисны том йӧз.
2023 восӧ Коми Республикаын шуӧма Том йӧзлы сиӧм воӧн.
Владимир Уйба вӧзйис республикаса Ӧтйӧза палатаӧ пырысьяслы, ӧтйӧза организацияясӧс петкӧдлысьяслы да став гражданалы, кодъяслы абу веськодь, пырӧдчыны тематическӧй волӧн мероприятиеясӧ.
Форумӧ пырӧдчысьяс аттьӧалісны Коми Республикаса Юралысьӧс олӧмӧ пӧртысь власьт органъяслысь да муниципальнӧй ӧтйӧза палатаяслысь ӧтйӧза сӧветъяс сӧвмӧдӧмын отсӧгысь, а сідзжӧ ӧтувъя уджысь.
«Гражданскӧй форумлӧн площадкаыс меным зэв тӧдчана.
Тані видлаланторъясыс лоӧны ышӧданторйӧн, тшӧктӧмъясӧн, вӧзйӧмъясӧн и меным, и республикаса Веськӧдлан котырлы.
Ми зэв топыда уджалам Коми Республикаса ӧтйӧза палатакӧд.
Кӧсъя быдӧнӧс аттьӧавны водзмӧстчӧмысь.
Талунъя уджысь артмасны стӧч, гӧгӧрвоана тшӧктӧмъяс и олӧмӧ пӧртысь, и оланпас пыртысь власьтлы», — шыӧдчис общественникъяс дорӧ Владимир Уйба.
{Kodko @ Коми Республикаын помалӧны дасьтысьны Том войтырлӧн медводдза Арктикаса Дельфийскӧй ворсӧмъяс кежлӧ @ выльтор @ https://rkomi.ru/news/2676 @ 2022-11-23 @}
Коми Республикаын помалӧны дасьтысьны Том войтырлӧн медводдза Арктикаса Дельфийскӧй ворсӧмъяс кежлӧ
Регионса Юралысь Владимир Уйба нуӧдіс Ворсӧмъяс водзын бӧръя сӧвещание да видзӧдліс мероприятиеяс нуӧдӧм кежлӧ службаяслысь дасьлунсӧ.
«Том войтырлӧн медводдза Арктикаса Дельфийскӧй ворсӧмъясӧдз коли некымын лун.
Сы дорӧ дасьтысьӧм могысь вӧдитчӧма быд сикас ресурсӧн, корӧма олӧмӧ пӧртысь власьт органъясӧс.
Тайӧ лунъясӧ Сыктывкарӧ воас уна йӧз.
Ми вӧчим ставсӧ, медым ворсӧмъяс йылысь быдӧнлӧн колисны бур казьтылӧмъяс», — шуис Владимир Уйба.
Коми Республикаса Юралысь аттьӧаліс быдӧнӧс, коді пырӧдчис дасьтысьӧмӧ, тшӧтш и инӧд видзан органъясӧс, Роспотребнадзорлӧн Коми Республикаын Веськӧдланінӧс петкӧдлысьясӧс, кодъяс видзӧны участвуйтысьясӧс, котыртысьясӧс да видзӧдысьясӧс лёк суӧмысь.
Арктическӧй ворсӧмъясӧ пырӧдчас 600 сайӧ морт.
Мероприятиелӧн режиссёрӧн лоас Георгий Новиков, кодлӧн эм нин ыджыд театрализуйтӧм шоуяс дасьтӧмын опытыс.
Шуам, сійӧ уджаліс Коми Республика артмӧдӧмсянь 100 во тырӧмлы сиӧм «Соединяя времена» шоу серти, мый вӧлі 2022 вося моз тӧлысь 22 лунӧ Степан изэрд вылын.
Сценографиялӧн автор — Станислав Кирин. Сійӧ уджаліс Канму Кремлёвскӧй Дворечын постановкаяс серти, пырӧдчыліс Гӧрд Изэрд вылын постановкаяс котыртӧмӧ.
Корӧм хореографъяс — Ульяна Бачерникова да Роман Андрейкин, бияс серти художник — Дмитрий Буряк, ставӧн найӧ тшӧтш уджавлісны Москваын тӧдчана творческӧй проектъяс серти.
Восьтасны да тупкасны Арктическӧй ворсӧмъяссӧ театрализуйтӧм шоуӧн, кӧні йитчасны искусство да ӧнія технологияяс.
Чукӧра кодзувъяс пыр петкӧдласны творческӧй котыр, сійӧ лоӧ став арлыда да войтырсикаса йӧзлӧн ӧтувтчӧмлы символӧн.
Индӧма, кодъяс лоасны церемония дырйи — тайӧ Россияса Ыджыд театрын да Коми республиканскӧй филармонияын солист Сергей Плюснин, «Асъя кыа» Коми Республикаса сьылан да йӧктан канму ансамбль, Коми республиканскӧй культура колледжса студентъяс, Опера да балет театрса хор, балет да оркестр, Коми Республикаса челядьлӧн ӧтувтӧм хор.
Церемония дырйи нуӧдысьясӧн лоӧны В. Савин нима академическӧй драма театрса артистъяс — Коми Республикаса нимӧдана артистка Светлана Малькова да Коми Республикаса Веськӧдлан котырлӧн премияа лауреат Владимир Рочев.
Тупкан церемонияӧ пырӧдчасны Россияса Ыджыд театрын солистъяс — Сергей Плюснин да Ухта карын чужлӧм Ольга Селиверстова, а сідзжӧ «Универвидение» национальнӧй шылада проектса финалистка, войтыркостса да Ставроссияса конкурсъясын лауреат Юлия Шайдурова.
Церемониясӧ нуӧдасны театрын да киноын ворсысь Анастасия Макеева да сьылысь, композитор Марк Тишман.
Почёта гӧсьтъясӧн лоасны «Гжель» Москваса канму академическӧй йӧктан театрса да М.Е. Пятницкий нима Канму академическӧй роч йӧзкост хорса артистъяс.
Пырӧдчысьяслы сідзжӧ дасьтӧма республикаса искусствоӧн да историяӧн тӧдмӧдан озыр культурнӧй уджтас.
Лоас позянлун ветлыны экскурсияяс вылӧ, кӧні висьталасны Коми мулӧн вӧр-ва, обрядъяс да кыв йылысь, республикаса театръяслӧн премьераяс вылӧ.
«Эска, мый Коми Республикаын Том войтырлӧн медводдза Арктикаса Дельфийскӧй ворсӧмъясыс лоасны Дельфийскӧй ворсӧмъяслӧн историяын яръюгыд юкӧнӧн.
Ворсӧмъясыс сетасны позянлун петкӧдлыны гӧсьтъяслы миян республикалысь творчествоын да культураын потенциалсӧ.
Миянлы колӧ лоны тырвыйӧ дасьӧн примитны гӧсьтъясӧс да нуӧдны Ворсӧмъяссӧ колана ногӧн», — пасйис Владимир Уйба.
Том войтырлӧн медводдза Арктикаса Дельфийскӧй ворсӧмъясыс лоасны вӧльгым тӧлысь 24–28 лунъясӧ Сыктывкарын.
Восьтан церемонияыс лоас вӧльгым тӧлысь 25 лунӧ «Лузалес-Арена» культура да спорт комплексын.
Вӧльгым тӧлысь 25–27 лунъясӧ нуӧдасны конкурсъяс, вӧльгым тӧлысь 26 лунӧ — Коми Республикаса национальнӧй библиотекаын войтыркостса конференция.
Сідзжӧ котыртысьяс пыртісны мероприятиеяслӧн планӧ лямпа-лызьӧн ордйысьӧмъяс. Сійӧс вӧльгым тӧлысь 27 лунӧ нуӧдасны Финн-угор этнопаркын.
Таысь кындзи, этнопаркын нуӧдасны событийнӧй туризмлы сиӧм гӧгрӧс пызан.
Ворсӧмъяс тупкан церемониясӧ нуӧдасны сідз жӧ вӧльгым тӧлысь 27 лунӧ «Лузалес-Арена» культура да спорт комплексын.
{Kodko @ Владимир Уйба видзӧдліс, кыдзи стрӧитӧны сыктывкарса Кочпон-Чит микрорайонын 270 места вылӧ детсад @ выльтор @ https://rkomi.ru/news/2677 @ 2022-11-23 @}
Владимир Уйба видзӧдліс, кыдзи стрӧитӧны сыктывкарса Кочпон-Чит микрорайонын 270 места вылӧ детсад
Объектсӧ стрӧитӧны «Демография» национальнӧй проект серти.
Ӧні монтируйтӧны тӧлӧдан фасад, охранно-пӧжарнӧй сигнализация, кабель везъяс, лӧсьӧдӧны ичӧт архитектурнӧй юкӧнъяс, вӧчӧны жыръяс пытшкын уджъяс, лӧсьӧдӧны ичӧт тока системаяс да пытшкӧсса инженернӧй системаяс.
Уджалӧ 100 сайӧ морт.
Стрӧитчан-монтируйтан уджъяс серти объектыс дась 75% вылӧ.
Бурмӧдӧма-мичмӧдӧма 90%.
«Кочпон-Чит — Сыктывкарлӧн выль микрорайон. Социальнӧй инфраструктураыс абу на ёна сӧвмӧма.
Олысьяс ёна виччысьӧны детсадсӧ. Микрорайонын тайӧ дзолюкъяслы медводдза учреждение.
Та вӧсна Коми Республикаса Веськӧдлан котыр примитіс вӧвлытӧм помшуӧм.
Миян регион босьтіс ас вылас детсад стрӧитӧм серти кызвын рӧскодсӧ, федеральнӧй сьӧмлӧн пайысь ёна унджыкӧс.
Кольны контрактӧн урчитӧм кадколастысь оз позь.
Стрӧитны колӧ зільджыка», — шыӧдчис пӧдрадчик дорӧ Коми Республикаса Юралысь Владимир Уйба.
{Kodko @ Коми Республикаса Юралысь Владимир Уйба удж серти аддзысьліс Росгвардиялӧн Рытыв-Войвыв кытшӧн командуйтысь генерал-майор Алексей Воробьёвкӧд @ выльтор @ https://rkomi.ru/news/2678 @ 2022-11-23 @}
Коми Республикаса Юралысь Владимир Уйба удж серти аддзысьліс Росгвардиялӧн Рытыв-Войвыв кытшӧн командуйтысь генерал-майор Алексей Воробьёвкӧд
Видлалісны, кыдзи Коми Республикаса канму власьт, меставывса асвеськӧдлан да Росгвардиялӧн дінму веськӧдланінса органъяс ӧтув уджалӧны республикаын инӧда пӧрадок могмӧдӧм да войтырлысь ӧпастӧмлун видзӧм серти.
«Меным нимкодь, мый эм позянлун аслым видлавны ӧтув уджалӧм серти юалӧмъяссӧ.
Коми Республикаын Росгвардияса уджалысьяс пуктӧны ыджыд пай оланпасӧ кутчысьӧмсӧ да инӧда пӧрадок могмӧдӧмӧ, нуӧдӧны котыртӧмӧн мыж вӧчӧмкӧд тыш, шедӧдӧны бур бӧртасъяс оперативно-служебнӧй уджын», — пасйис Владимир Уйба.
Генерал-майор Алексей Воробьёв аттьӧаліс Коми Республикаса Юралысьӧс ӧтув уджалӧмысь да ведомстволӧн мутас веськӧдланінлы республикаса Веськӧдлан котырӧн сетан отсӧгысь.
{Kodko @ Владимир Уйба удж серти аддзысьліс Самбо серти ставроссияса федерациялӧн президент Сергей Елисеевкӧд @ выльтор @ https://rkomi.ru/news/2682 @ 2022-11-26 @}
Владимир Уйба удж серти аддзысьліс Самбо серти ставроссияса федерациялӧн президент Сергей Елисеевкӧд
Сёрнитісны Коми Республикаын «Za Самбо» федеральнӧй партийнӧй проект збыльмӧдӧм серти самбо сӧвмӧдӧм-паськӧдӧм йылысь.
«Комиын самбоыс сӧвмӧ матӧ 60 во чӧж нин.
Тайӧ спорт сикасӧ пырӧдчӧ кык сюрс гӧгӧр морт.
Регионын нуӧдӧны ордйысьӧмъяс.
Миян спортсменъяс ветлӧны окружнӧй да ставроссияса стартъяс вылӧ.
Самбосӧ кутам сӧвмӧдны и Луганскӧй Народнӧй Республикаса подшефнӧй Ровеньки карын.
Ми сетім карлы самбоӧн занимайтчӧм вылӧ выль ковёр.
Ковёрыс сэн эз вӧв комын во нин — Украина петіс СССР-ысь да тайӧ спортсӧ быттьӧ вунӧдісны.
Ӧні Ухтаын кыпӧдам единоборство комплекс, кытчӧ кутасны волывлыны спортсменъяс да кӧні позяс нуӧдны федеральнӧй тшупӧда ордйысьӧмъяс.
Таысь артмӧ, мый Коми Республика — самбо вӧсна, тайӧ нырвизьын миянлы эм кытчӧ сӧвмыны», — шуис Коми Республикаын «Za Самбо» федеральнӧй партийнӧй проектлӧн ӧтйӧза сӧветӧн веськӧдлысь, регионса Юралысь Владимир Уйба.
«Миян «Zа Самбо» партийнӧй проект чужис некымын тӧлысь сайын ДНР-ын.
Ми ветлім сэтчӧ, медым оборудуйтны Мариуполь дорын сулалысь Мангуш карын куим шӧр школа.
Войнаыс сэтчӧ эз инмы, но сэні вӧліны националистъяс, та вӧсна йӧзыс, да и челядь, лёка видзӧдісны Россия вылӧ.
Но ми пырим школаӧ, вольсалім спортивнӧй ковёр, петкӧдлім челядьлы бур мастер-класс, висьталім, кутшӧм туйяс ӧні воссьӧны налы, мый найӧс ӧні пыртӧма Россияӧ да найӧ вермӧны волыны ордйысьӧмъяс вылӧ, весиг веськавны страналӧн сборнӧйӧ.
Миян мунӧм бӧрын кык вежон мысти ми тӧдмалім, мый 150 ныв-зон гижӧдчӧма нин секцияӧ.
Челядьлы колӧ спорт, спорт пыр ми вермам вежны налысь мӧвпаланногсӧ», — пасйис Самбо серти ставроссияса федерациялӧн президент Сергей Елисеев.
Сійӧ пасйис, мый «Zа Самбо» проект уджалӧ страна пасьта, тшӧтш и нёль выль регионын, а Комиын уджсӧ лӧсьӧдӧма бура, эмӧсь чемпионъяс да нималана тренеръяс.
Федерация кӧсйӧ лӧсьӧдны ставлы ӧтувъя стандарт.
Колӧ, медым быд регионын вӧлі челядьлы да томуловлы самбоысь спорт школа да тренеръяслы ставкаяс.
Республикалӧн планын — нуӧдны Усинскын Рытыв-Войвыв федеральнӧй кытшса чемпионатъяс.
Уджалӧны Сыктывкарса гуманитарно-педагогическӧй колледжын физкультура велӧдысьясӧс дасьтӧм да налысь тӧдӧмлунъяс кыпӧдӧм серти.
Студентъяс оз сӧмын кутны велӧдчыны, но и тренируйтчыны, босьтны самбо йылысь тӧдӧмлунъяс.
Коми Республикаын самбо вылӧ ветлӧ 1800 сайӧ морт.
Регионса сизим спорт школаын восьтӧма самбоӧ велӧдан юкӧнъяс, найӧ меститчӧны Воркутаын, Интаын, Печораын, Усинскын, Ухтаын, Емдін да Княжпогост районъясын.
Регионын уджалӧ «Коми Республикаса спорт да боевӧй самбо серти федерация» дінмуса спортивнӧй ӧтйӧза организация, веськӧдлысьыс — самбоысь Россияса спорт мастер Рустам Нурисламов.
«Za самбо» да «Челядьлы спорт» партийнӧй проектъяс серти Сыктывкарын, Ухтаын, Печораын, Усинскын, Воркутаын, Кулӧмдін да Абъячой сиктъясын нуӧдӧны восьса тренировкаяс, мастер-классъяс, ордйысьӧмъяс да челядьлы занятиеяс.
Коми Республикаса спорт да боевӧй самбо серти федерация збыльмӧдӧ регионын «Сиктын самбо» да «Паркын самбо» проектъяс.
Найӧс веськӧдӧма сы вылӧ, медым самбо отсӧгӧн, ӧд тайӧ кыдзи Россияса национальнӧй спорт сикас, сӧвмӧдны челядьлысь вынйӧр, быдтыны найӧс гражданинъясӧн, велӧдны радейтны чужанін да сӧвмӧдны найӧс нравственнӧя.
Бура збыльмӧдсьӧ «Школаын самбо» проект. Сы серти физкультураысь ӧти урок сиӧны самболы. Проектӧ пырӧ республикаса 30 ысь унджык школа.
Тайӧ лыдыс содас на.
* * *
Сергей Владимирович Елисеев — 2022 восянь Самбо серти Ставроссияса Федерациялӧн президент, 2004 восянь Самбо серти Европаса Федерациялӧн президент, Россияса нимӧдана тренер, педагогика наукаса кандидат, Россия Федерацияса физическӧй культураын нимӧдана уджалысь.
Сійӧ дасьтіс самбоысь СССР-са да Россияса 30 сайӧ спорт мастерӧс, войтыркостса тшупӧда 9 спорт мастерӧс, 4 нимӧдана спорт мастерӧс.
Вӧлі СССР-са сборнӧй командалӧн тренерӧн, та бӧрын вӧлі Россияса сборнӧй командалӧн медшӧр тренерӧн, сідзжӧ сійӧ самбоысь Россияса сборнӧй командалӧн канму тренер.
{Kodko @ Сыктывкарын нуӧдісны «Арктикаса кубок» самбоысь медводдза регионкостса турнир @ выльтор @ https://rkomi.ru/news/2683 @ 2022-11-26 @}
Сыктывкарын нуӧдісны «Арктикаса кубок» самбоысь медводдза регионкостса турнир
Ордйысьӧмъясӧ пырӧдчис Коми Республикаысь да маті регионъясысь 150 гӧгӧр самбист.
Спортсменъясӧс, тренеръясӧс да суддяясӧс чолӧмалісны Коми Республикаса Юралысь Владимир Уйба да Самбо серти ставроссияса федерацияын президент Сергей Елисеев.
«Россияын да Коми Республикаын самбо — йӧз пӧвстын медрадейтана спорт сикасъясысь ӧти.
Вына йӧз — тайӧ абу сӧмын ён вир-яй, тайӧ вӧля да повтӧмлун, мый и артмӧдӧ вермысьӧс.
Буретш та вӧсна самбоӧн занимайтчысь зонъясысь быдмӧны збыль мужичӧйяс, кодъяс вермӧны дорйыны и асьнысӧ, и семьянысӧ, и странанымӧс.
Коми Республикаын самбоӧн занимайтчӧ 2 сюрс гӧгӧр спортсмен.
Найӧ бура петкӧдчӧны окружнӧй да ставроссияса ордйысьӧмъяс вылын, петкӧдлӧны войвывса спортсменъяслысь медбур качествояс.
Сиа пырӧдчысьяслы мича, сӧстӧм вермӧмъяс, а видзӧдысьяслы — нимкодясьны тайӧ спорт сикасӧн», — шуис турнир восьтан церемония дырйи Владимир Уйба.
Коми Республикаса Юралысь сетіс Коми Республикаын самбо серти федерацияӧн веськӧдлысь Рустам Нурисламовлы самбо занятиеяс кежлӧ торъя оборудование ньӧбӧм вылӧ сертификат.
«Кӧсъя аттьӧавны котыртысьясӧс, суддяясӧс, кодъяс локтісны. Торйӧн кӧсъя аттьӧавны Коми Республикаса Юралысь Владимир Викторович Уйбаӧс — мортӧс, коді оз сӧмын кывъяс вылын, а уджӧн отсалӧ «ZaСамбо» проектлы, мортӧс, коді гӧгӧрвоӧ, мый тайӧ сэтшӧмыс да кыдзи колӧ пыдди пуктыны аймулысь озырлун», — шуис Сергей Елисеев.
Самбо серти ставроссияса федерациялӧн исполком нимсянь Сергей Елисеев сетіс Владимир Уйбалы самболӧн 80 вося юбилейлы сиӧм медаль.
Сідзжӧ турнирӧ пырӧдчысьяс чӧв олыштӧмӧн казьтыштісны Чужан му дорйысьясӧс, кодъяс усисны торъя военнӧй операция дырйи.
Турнирӧ пырӧдчисны Санкт-Петербургысь, Кировысь, Вологдаысь, Котласысь, Сыктывкарысь, Воркутаысь, Интаысь, Печораысь, Усинскысь, Микуньысь, Емваысь да Абъячойысь, а сідзжӧ Луганскӧй Народнӧй Республикаса Ровеньки карысь самбистъяс.
Верстьӧяс ордйысисны боевӧй самбоын, 14–16 арӧса зонъяс — спортивнӧй самбоын.
«Арктикаса кубоксӧ» нуӧдӧны медводдзаысь, но котыртысьяс мӧвпалӧны нуӧдны сійӧс быд во. 2023 воӧ сійӧс кӧсйӧны нуӧдны Архангельскын.
Ордйысьӧмъяссӧ нуӧдісны «Демография» национальнӧй проектса «Спорт — олан норма» федеральнӧй проект серти Олимпиада резервӧ дасьтан 2 №-а спорт школаын.
{Kodko @ Сыктывкарын заводитчисны Том войтырлӧн медводдза Арктикаса Дельфийскӧй ворсӧмъяс @ выльтор @ https://rkomi.ru/news/2684 @ 2022-11-26 @}
Сыктывкарын заводитчисны Том войтырлӧн медводдза Арктикаса Дельфийскӧй ворсӧмъяс
Коми Республикаса юркарӧ локтіс Россияса регионъясысь 600 сайӧ енбиа том морт.
Участникъясӧс чолӧмалісны Коми Республикаса Юралысь Владимир Уйба да Войтыркостса Дельфийскӧй комитетлӧн директор Владимир Понявин.
Ворсӧмъяссӧ восьтан кыпыд церемонияыс вӧлі вӧльгым тӧлысь 25 лунӧ.
«Талун ми кыпыда восьтам Том войтырлысь медводдза Арктикаса Дельфийскӧй ворсӧмъяс.
Тайӧ Коми Республикалӧн, Россияын Дельфийскӧй ӧтмунӧмлӧн олӧмын выль яръюгыд лист бок, — юӧртіс Владимир Уйба. — Миянлы нимкодь, мый Коми Республика озырмис войтыркостса творческӧй ордйысьӧмӧн, ӧд сійӧ уна во чӧж нин отсалӧ сӧвмыны енбиа том йӧзлы.
Ми — регион, кӧні мунӧны Том войтырлӧн медводдза Арктикаса Дельфийскӧй ворсӧмъяс.
Аттьӧала уджысь, мый вӧчӧма, медым миян регионӧ вермисны локны енбиа йӧз, медым найӧс позис шуны страналӧн аскиа лунӧн.
Тӧдчана, мый тайӧ Ворсӧмъясыс мунӧны Россияса войтырлӧн культура озырлунлы сиӧм воӧ.
Ӧтувтчӧм, ёртасьӧм, ыджыд могъяс ӧтвылысь збыльмӧдӧм — тайӧ миян войтырлӧн уна нэмся пыдди пуктанатор.
Эска, мый Том войтырлӧн медводдза Арктикаса Дельфийскӧй ворсӧмъясыс лоасны выль вермӧмъяслань нӧшта ӧти воськолӧн.
Тайӧ лунъясӧ конкурс нуӧдан площадкаяс вылын кутасны ыджыдавны творчество, ловби да вермыны зільӧм, воссясны енбияс да ӧзъясны выль кодзувъяс.
Ордйысьӧмӧ быд пырӧдчысьлы сиа эскыны ас вынъясӧ да бура петкӧдчыны».
Коми Республикаса Юралысь сцена вывсянь лыддис Россия Федерацияса Веськӧдлан котырӧн Юрнуӧдысь Михаил Владимирович Мишустинсянь тайӧ гажӧ пырӧдчысьяс, гӧсьтъяс да котыртысьяс дорӧ чолӧмалӧм.
«Тайӧ лунъясыс тӧдчанаӧсь Россиялӧн культурнӧй олӧмын, а сідзжӧ Коми Республикалы, кӧні медводдзаысь мунасны Дельфийскӧй ворсӧмъясыс.
Талун войвыв му шоныда паныдалӧ Ворсӧмъясӧ пырӧдчысьясӧс да гӧсьтъясӧс, тӧдмӧдӧ Арктика зонаын олысьяслӧн традицияясӧн, йӧзкостса творчествоӧн.
Тані, Сыктывкарын, странаса том войтыр петкӧдласны асьнысӧ быд сикас ордйысьӧмын — фортепианоӧн, скрипкаӧн ворсӧм, йӧктӧм, серпасасян да кулинарнӧй искусство, фотография, йӧзкостса инструментъясӧн ворсӧм да художествоа ремеслӧяс.
Тані пырӧдчысьяс петкӧдласны ассьыныс енбисӧ», — пасйӧма чолӧмалӧмын.
Кыдзи пасйис Владимир Уйба, регионлы тайӧ зэв тӧдчана проект.
Ӧні ёна сӧвмӧдӧны Россия Федерациялысь Арктика зона, и Коми Республика пырӧ тайӧ регионъяс лыдӧ.
Республикаса нёль район пырӧ мувывса арктика мутасъясӧ.
Сылӧн кывъяс серти, арктика мутасъяссӧ колӧ сӧвмӧдны комплекснӧя: социальнӧй да экономика юалӧмъяс кындзи колӧ уджавны культура да искусство юалӧмъяс серти, кыскыны абу сӧмын инвестицияяс, но и йӧзӧс, медводз, томуловӧс.
Коми Республика водзын сулалӧ кык мог — бура нуӧдны Дельфийскӧй ворсӧмъяссӧ, а сідзжӧ петкӧдлыны республиканымӧс, висьтавны, кутшӧм позянлунъяс воссьӧны регионын матысса вит-сизим во кежлӧ, ышӧдны том йӧзӧс.
«Дона участвуйтысьяс да жюриӧ пырысьяс, пыдди пуктана гӧсьтъяс да Сыктывкарын олысьяс, дона ёртъяс!
Талун ми восьтам Ворсӧмъяслысь выль формат — арктическӧй.
Колӧ шуны тадз: бур туй, Арктикаса ворсӧмъяс.
Том войтырлысь медводдза Арктикаса Дельфийскӧй ворсӧмъяссӧ шуа восьсаӧн», — восьтіс творчествоын ордйысьӧмъяссӧ Войтыркостса Дельфийскӧй комитетлӧн директор Владимир Понявин.
Том войтырлӧн медводдза Арктикаса Дельфийскӧй ворсӧмъяс вылын петкӧдласны Войвыв тема, мероприятиелӧн могъяс пиысь ӧти — висьтавны мукӧд регионысь пырӧдчысьяслы Войвыв йылысь, петкӧдлыны сылысь мичсӧ, культура да история озырлунсӧ, татчӧс войтырлысь национальнӧй культурасӧ.
Таын отсаласны тема серти мероприятиеяс, шуам, Ворсӧмъясӧ пыртӧма торъя проект — «Лямпа-лызьӧн ордйысьӧм». Сійӧс нуӧдасны вӧльгым тӧлысь 27 лунӧ Финн-угор этнопаркын.
Пырӧдчысьяслы дасьтӧма республикаса искусствоӧн да историяӧн тӧдмӧдан озыр культурнӧй уджтас.
Лоас позянлун ветлыны экскурсияяс вылӧ, кӧні висьталасны Коми мулӧн вӧр-ва, обрядъяс да кыв йылысь, республикаса театръяслӧн премьераяс вылӧ.
Том войтырлысь медводдза Арктикаса Дельфийскӧй ворсӧмъяссӧ восьтісны театрализуйтӧм шоуӧн, кӧні йитчисны искусство да ӧнія технологияяс.
Церемония вылын петкӧдчисны Россияса Ыджыд театрын да Коми республиканскӧй филармонияын солист Сергей Плюснин, «Асъя кыа» Коми Республикаса сьылан да йӧктан канму ансамбль, Коми республиканскӧй культура колледжса студентъяс, Опера да балет театрса хор, балет да оркестр, Коми Республикаса челядьлӧн ӧтувтӧм хор.
Нуӧдісны церемониясӧ В. Савин нима академическӧй драма театрса артистъяс — Коми Республикаса нимӧдана артистка Светлана Малькова да Коми Республикаса Веськӧдлан котырлӧн премияа лауреат Владимир Рочев.
{Kodko @ Владимир Уйба чолӧмаліс Воркутаын олысьясӧс карлы 79 во тырӧмӧн @ выльтор @ https://rkomi.ru/news/2685 @ 2022-11-26 @}
Владимир Уйба чолӧмаліс Воркутаын олысьясӧс карлы 79 во тырӧмӧн
Вӧльгым тӧлысь 26 лунӧ Коми Республикаса Юралысь ветліс удж серти Воркутаӧ.
Тайӧ лунӧ Воркутаын олысьяс пасйӧны карлысь чужан лун.
Владимир Уйба пырӧдчис «Уджӧн нималысь кар» казьтылан стела восьтан церемонияӧ.
Тайӧ почёт нимсӧ Воркута босьтіс колян во. Татшӧм ногӧн петкӧдлӧма Айму вӧсна Ыджыд тышын Вермӧмӧ карлӧн ыджыд пай дорӧ пыдди пуктӧмсӧ.
Сідзжӧ карлӧн чужан лунӧ Воркутаса музейно-выставочнӧй шӧринын воссис «Воркуталӧн история.
Вояс да войтыр» выставка.
Сійӧ шымыртӧ карлысь став кадсӧ: геологъяслӧн медводдза туялӧм-корсьӧмъяссянь карлӧн ӧнія быдлунъя олӧмӧдз.
Паськыдджыка та йылысь — Коми Республикаса Юралысьлӧн видео пыр шыӧдчӧмын.
{Kodko @ Воркутаын воссис карлӧн история да сылӧн нималана йӧз йылысь выставка @ выльтор @ https://rkomi.ru/news/2687 @ 2022-11-26 @}
Воркутаын воссис карлӧн история да сылӧн нималана йӧз йылысь выставка
Мероприятиеыс вӧлі вӧльгым тӧлысь 26 лунӧ Воркутаса музейно-выставочнӧй шӧринлӧн выльмӧдӧм экспозиция залын. Сэтчӧ пырӧдчис Коми Республикаса Юралысь Владимир Уйба.
«Локтан воӧ Коми Республикаса медся войвывса карлы, уджӧн нималысь карлы — Воркуталы тырӧ 80 во.
Ылі Войвыв условиеясын тайӧ ыджыд арлыд, ӧд тані быд керка кыпӧдӧм, быд изэрд лӧсьӧдӧм — уджын подвиг нин.
Воркуталӧн историяыс зэв озыр.
Воркутаын олысьяс вӧчӧны ставсӧ, медым кольны ас бӧрсяыс озыр традицияа да историяа кар.
Та вӧсна татшӧм музейно-выставочнӧй комплексъясыс зэв тӧдчанаӧсь.
Найӧ висьталӧны ӧнія йӧзлы, кыдзи ставыс пансис, кутшӧм сьӧкыдлунъяс пыр мунісны йӧзыс, но эз сетчыны да кыпӧдісны татшӧм каръяс.
Тані сӧвмӧдӧны экономика да промышленносьт.
Таысь кындзи, бура сӧвмӧ культура да искусство.
Сійӧ, мый Россияса Веськӧдлан котыр нацпроектъяс пыр веськӧдӧ сьӧм татшӧм музей комплексъясӧ, нӧшта ӧтчыдысь петкӧдлӧ, мый карлӧн аскиа луныс эм», — шуис Коми Республикаса Юралысь Владимир Уйба.
«Менам кык Чужанін.
Ме чужи Ленинградын, а локтан воӧ тырас 60 во Воркута каркӧд тӧдмасьӧмсянь.
Воркута — аслыспӧлӧс кар, а аслыспӧлӧсӧн сійӧс вӧчӧны йӧз.
Кӧсъя, медым йӧзыс тӧдісны тайӧ шог, героическӧй период йылысь, кор миян Чужан мулы сьӧкыд кадӧ Воркута могмӧдіс из шомӧн.
Кӧсъя тӧдмӧдны, кыдзи перйылісны из шомсӧ: сменаыс — 11 час, эм сӧмын обушок да зыр, а Ленинградлы колӧ планысь унджык из шом.
Тайӧн ставсӧ шуӧма.
Дерт, ме радейта тайӧ карсӧ», — юксис выставка восьтігӧн Коми Республикаса нимӧдана уджалысь, Коми Республикаса почёта ветеран, Воркута карса почёта гражданин, Айму вӧсна Ыджыд тышса ветеран Михаил Тверской.
«Тайӧ вына йӧзлӧн кар.
Абу прӧста Воркуталы сетӧма «Уджӧн нималысь кар» ним.
Воркутаын олысьяслӧн уджвывса подвиг отсӧгӧн Ленинград вермис кутчысьны Айму вӧсна Ыджыд тышӧ.
Воркутаысь эшелон медводзӧн пырис карӧ блокада орӧдӧм бӧрын.
Ставнас война кадӧ Воркута ӧнія техникатӧг да технологияястӧг сетіс 7 миллионысь унджык тонна из шом.
Тайӧ выставкаыс ёна воӧ сьӧлӧм вылас том йӧзлы. Тані позьӧ тӧдмавны Ыджыд Вермӧмӧ быд мортлӧн пай йылысь», — пасйис сыктывкарса гуманитарно-педагогическӧй колледжлӧн воркутаса филиалын велӧдчысь Андрей Литвиненко, коді сёрнитіс карса том йӧз нимсянь.
1960 вося ода-кора тӧлысьӧ карса олысьяслӧн водзмӧстчӧмӧн лӧсьӧдісны Воркутаса музей, сэки сэні уджаліс вит морт.
Ӧні Воркутаса музейно-выставочнӧй шӧринӧ пырӧны Ас му туялан музей, Карса выставка зал, Ас му туялан музейлӧн Воргашор посёлокса юкӧн.
2020 воӧ карса ас му туялан музейлы сетісны олан керкалӧн подув судтаын выль жыръяс — 900 сайӧ квадратнӧй метр, тайӧ сетіс позянлун лӧсьӧдны выль экспозиция залъяс да фондъяс торйӧн видзанін.
«Воркуталӧн история. Вояс да войтыр» выставкасӧ артмис восьтыны сы вӧсна, мый Воркутаса музейно-выставочнӧй шӧрин пырӧдчис «Культура» национальнӧй проект збыльмӧдӧмӧ.
Россияса Президент Владимир Путинлӧн водзмӧстчӧм серти 2022–2024 вояс вылӧ федеральнӧй сьӧмкудйысь вичмӧдӧма 1,9 миллиард шайт, медым выльмӧдны 440 муниципальнӧй музей.
Воркутаса музейно-выставочнӧй шӧрин пырис медводдза 105 музей лыдӧ, кодъяслы сьӧмсӧ сетісны 2022 воӧ.
Воис 5 миллион гӧгӧр шайт.
Тайӧ сьӧм вылӧ ньӧбӧма фондъяс видзанінъясӧ оборудование, выль экспозиция витринаяс да стендъяс.
«Воркуталӧн история. Вояс да войтыр» выставка лӧсьӧдігӧн вӧдитчӧма унджык выль экспозиция оборудованиеӧн.
Сувтӧдӧма ӧшалан да водса витринаяс, выставка пызанъяс да джодж вылын сулалысь стендъяс, посни экспозиция оборудование.
«Воркуталӧн история. Вояс да войтыр» выставка шымыртӧ геологъяслӧн медводдза туялӧм-корсьӧмъяссянь карлӧн ӧнія быдлунъя олӧмӧдз кадсӧ.
Медшӧр мӧвпыс йитчӧма локтан воӧ карлы 80 во тырӧмкӧд: 1943 вося вӧльгым тӧлысь 26 лунӧ Воркута уджалан посёлоклы сетісны республика тӧдчанлуна кар статус.
Выставкаыслӧн аслыспӧлӧслуныс сыын, мый сійӧ пыр кутас выльмыны.
Воркутаса музейно-выставочнӧй шӧринын уджалысьяслӧн туялӧмъясыс сетӧны позянлун тӧдмасьны выль нимъясӧн да историяын лоӧмторъясӧн, карса легендаясӧн да важся гусяторъясӧн.
{Kodko @ Воркутаын нэммӧдісны Айму вӧсна Ыджыд тыш дырйи тылын уджалысьяслысь подвиг @ выльтор @ https://rkomi.ru/news/2686 @ 2022-11-26 @}
Воркутаын нэммӧдісны Айму вӧсна Ыджыд тыш дырйи тылын уджалысьяслысь подвиг
Талун, вӧльгым тӧлысь 26 лунӧ, кыпыда восьтісны «Уджӧн нималысь кар» казьтылан стела.
Мероприятиеӧ пырӧдчис Коми Республикаса Юралысь Владимир Уйба.
«Талун ми кыпыда восьтам «Уджӧн нималысь кар» казьтылан стела.
Тайӧ Воркутаын олысьяслӧн ыджыд удж, Чужанін радейтӧм, йӧз вӧсна тӧждысьӧм дорӧ пыдди пуктӧмсӧ петкӧдлӧм.
Локтан воӧ Воркута кутас пасйыны 80-ӧд чужан лун.
Воркутаын олысьяс пыр нималісны уджачлунӧн, крепыдлунӧн да кыпыд ловруӧн.
abu
Ті тӧданныд асланыд карыдлысь история да зілянныд водзӧ, сӧвманныд.
Воркуталӧн эм «Уджӧн нималысь кар» статус.
Ӧні тані лоис нӧшта ӧти тӧдчана ин», — шуис стела восьтігӧн Коми Республикаса Юралысь.
Россия Федерацияса Президент Владимир Путинлӧн Индӧд серти «Уджӧн нималысь кар» почёт ним сетӧма Россияса 53 карлы.
Президентлӧн Администрация шуис сувтӧдны уджӧн нималысь каръясӧ ӧткодь стелаяс.
Воркутаын «Уджӧн нималысь кар» стеласӧ сувтӧдісны Коми Республикаса Веськӧдлан котырлӧн да Россияса военно-историческӧй ӧтувлӧн ӧтувъя удж отсӧгӧн.
Монументсӧ сувтӧдісны Воркуталы 79 во тыран лунӧ.
Вит тонна сьӧкта да ӧкмыс метр кузьта стеласӧ вӧчӧма уджӧн нималысь мукӧд карса памятникъяс ногӧн, но сійӧс лӧсьӧдӧма Ылі Войвыв климат серти.
Стела восьтігкежлӧ Воркутаын олысьяслы чолӧмалӧм ыстіс Россия Федерацияса Президентлӧн отсасьысь Владимир Мединский:
«„Всё для фронта! Всё для Победы!“ девиз улын «Воркутауголь» комбинатын да Воркутаса ТЭЦ-ын уджалысьяс, Войвыв Печораса кӧрт туй вылын уджалысьяс да унаӧн на нуӧдісны ассьыныс тыш — пуктӧм могъяс збыльмӧдтӧм вылӧ инӧдтӧг.
Тыллӧн да фронтлӧн ӧтувтчӧм лоис Ыджыд Вермӧмлы подулӧн.
Талун миян мог — видзны сійӧ воясся лоӧмторъяс йылысь паметьсӧ да дорйыны пӧль-пӧчьяслӧн подвиг йылысь историческӧй збыльлунсӧ — Россиялӧн аскиа лун вӧсна», — пасйӧма чолӧмалӧмын, кутшӧмӧс лыддис Россия Федерацияса Президентлӧн Администрацияын историческӧй да гуманитарнӧй юкӧнъясын канму политика юалӧмъяс ладмӧдӧм серти департаментса начальник Владислав Кононов.
Подув пыдди босьтӧма скульптор-монументалист да архитектор Денис Стретовичлысь проект.
Удж нуӧдӧм бӧрся видзӧдіс Россияса военно-историческӧй ӧтув.
Стела да пилонъяс вылын барельефъясын Айму вӧсна Ыджыд тыш кадся карса геройяслӧн фотографияяс.
Сідзжӧ монумент вылӧ гижӧма Воркуталы «Уджӧн нималысь кар» почёт ним сетӧм йылысь Россия Федерацияса Президентлӧн Индӧдлысь текстсӧ.
Казьтылан стелаыс сулалӧ кар шӧрын. Сэтчӧ кокньыд воӧдчыны транспортӧн да подӧн.
Орччӧн нуӧдӧны гажъяс да казьтылан мероприятиеяс, тшӧтш и ода-кора тӧлысь 1 да 9 лунъяслы, Карлӧн лунлы сиӧм митингъяс да парадъяс.
«Висьтала сӧмын ӧти пример, кыдзи шедӧдӧма уджӧн нималанлунсӧ: 11 часа уджалан лун, обушок да зыр.
Да блокадаа Ленинградлы планысь унджык из шом.
Вермӧмӧ пайыс Воркуталӧн татшӧм.
А та бӧрын уджавліс-ӧ коркӧ Воркутаыс мӧд ногӧн?
Абу сӧмын из шом перйысьяс, но и врачьяс, и педагогъяс, и мукӧд, Воркутаса йӧзыд татшӧмӧсь», — пасйис Коми Республикаса нимӧдана уджалысь, Коми Республикаса почёта ветеран, Воркута карса почёта гражданин, Айму вӧсна Ыджыд тышса ветеран Михаил Тверской.
Воркутаын олысьяслӧн уджын подвиг да героизм йылысь висьталӧны и архивса документъяс.
Буретш Комиысь из шом перъян том промышленносьтын уджалысьяс Донбасс вынӧн босьтӧм бӧрын могмӧдісны из шомӧн страналысь рытыв-войвыв районъяс.
1941 воӧ «Воркута» станция вылӧ локтіс медводдза кӧрт туй состав, а рытнас нин из шом тыра медводдза вагонъяссӧ мӧдӧдісны «ыджыд му» вылӧ.
Воркутаса шахтёръяс война кадӧ кыпӧдісны из шом перйӧмсӧ матӧ 10 пӧв: 1941 воӧ 309 сюрс тоннасянь 1945 воӧ 2 миллион 907 сюрс тоннаӧдз.
Йӧз вӧсна тӧждысьӧмысь да героизмысь «Воркутстрой» комбинатса 377 уджалысьлы 1943 да 1945 воясӧ СССР-ын Медвылыс Сӧветса Президиумлӧн Индӧдъяс серти сетӧма орденъяс да медальяс.
Война кадӧ карысь нёль предприятиелы сетӧма Канмуса Оборона комитетлысь переходящӧй Гӧрд Знамяяс: «Воркутстрой» комбинатлы, Воркутаса ТЭЦ-лы, 4 №-а шахталы да 40 №-а шахталы.
«1941–1945 воясся Айму вӧсна Ыджыд тышын Вермӧм шедӧдӧмӧ, промышленнӧй предприятиеяс вылын военнӧй да гражданскӧй прӧдукция дугдытӧг вӧчӧмсӧ могмӧдӧмӧ карса олысьяслӧн тӧдчана пай пуктӧмысь, та дырйи уджын героизмысь да йӧз вӧсна тӧждысьӧмысь» «Уджӧн нималысь кар» почёт ним сетӧм йылысь Россия Федерацияса Президентлысь Индӧдсӧ кырымалӧма 2021 вося кӧч тӧлысь 10 лунӧ.
{Kodko @ Коми Республикаса Юралысь чолӧмалӧ Мам лунӧн @ выльтор @ https://rkomi.ru/news/2688 @ 2022-11-27 @}
Коми Республикаса Юралысь чолӧмалӧ Мам лунӧн
«Дона аньяс, мамъяс, ыджыд мамъяс да пӧчьяс!
Вӧльгым тӧлысьлӧн бӧръя вежалунӧ Россияын пасйӧны шань да шоныд гаж — Мам лун.
Мамлӧн радейтӧмыс шонтӧ миянӧс медводдза лунъяссянь да отсалӧ верстьӧ олӧмын.
Весиг сэк, кор миян асланым чужӧны челядь, миянлы колӧ тӧдны, мый мамъясным мӧвпалӧны миян йылысь, пыр дасьӧсь отсавны, дорйыны шогысь да челядьдырйи моз козьнавны чудесаӧ эскӧм.
Лоны мамӧн — ыджыд шуд да сьӧкыд удж.
Кага чужӧмсянь ті олӧм чӧж кывкутанныд сы вӧсна, сылӧн помшуӧмъяс да вӧчӧмторъяс вӧсна.
Ті видзӧданныд керка бӧрся, быдтанныд челядьӧс.
Буретш тіян сайын, кутшӧмӧн быдмасны миян челядьным, а сідзкӧ и, кутшӧм лоӧ миян страналӧн аскиа луныс.
Муӧдз копыр миян мамъяслы шаньлунысь, мывкыдлунысь, быдтысян уджысь.
Торйӧн нин мамъяслы, кодъяс тӧждысьӧны босьтӧм челядь вӧсна да сетӧны налы сьӧлӧм.
Быд мамлы сиа дзоньвидзалун, тыр-бура олӧм, помтӧм-дортӧм вын.
Медым тіян синъясныд дзирдалісны шудӧн, гортаныд век вӧлі кыпыд да ӧта-мӧдӧс гӧгӧрвоӧм, медым сэні юргис челядьныдлӧн, а сэсся и внукъясныдлӧн да правнукъясныдлӧн серам.
Медым матыссаясныд радейтісны тіянӧс да пӧртісны олӧмӧ тіянлысь мӧвпъясныдтӧ!
Чолӧмала, дона мамъяс!»
Коми Республикаса Юралысь Владимир Уйба
{Kodko @ Владимир Уйба чолӧмаліс Воркутаын олысьясӧс карлӧн Чужан лунӧн да сетіс канму наградаяс @ выльтор @ https://rkomi.ru/news/2689 @ 2022-11-27 @}
Владимир Уйба чолӧмаліс Воркутаын олысьясӧс карлӧн Чужан лунӧн да сетіс канму наградаяс
Коми Республикаса Юралысь пырӧдчис Воркута артмӧдӧмсянь 79 во тырӧмлы сиӧм кыпыд собраниеӧ.
«Меным зэв нимкодь лоны талун тані, Ылі Войвылын, да тіянкӧд ӧтвылысь пасйыны миян республикаса медся войвыв карлысь, Воркуталысь, чужан лунсӧ, — шыӧдчис Воркутаын олысьяс дорӧ Коми Республикаса Юралысь Владимир Уйба.
— Быд карлӧн аслас ру.
Ылі Войвывса Воркута серти тайӧ бура тыдалӧ.
Тайӧ аслыспӧлӧс кар, кӧні олӧны пӧсь сьӧлӧма аслыспӧлӧс йӧз, кодъяс радейтӧны чужан карнысӧ да Войвыв.
Тані быдӧн тӧдӧ, кутшӧм сьӧкыд уджыс шахтёръяслӧн, ёна пыдди пуктӧны горнякъясӧс.
Воркута да сэні олысьяс уджын подвигӧн шедӧдісны «Уджӧн нималысь кар» ним.
Талун ми кутам ыджыд лача Воркута вылӧ.
Коми Республикалы сійӧ — Арктика зона сӧвмӧдан подув.
Мед збыльмасны тіян мӧвпъясныд да лачаясныд, Воркутаын олысьяс.
Мед и водзӧ шонтас тіянӧс чужан кар дорӧ муслун.
Войвывса крепыд дзоньвидзалун тіянлы да шуд».
Владимир Уйба пасйис, мый Коми Республикаса Веськӧдлан котыр пыдди пуктӧ сійӧс, мый «Воркутауголь» кар артмӧдысь предприятиесӧ киын кутысь «Русская энергия» компанияяслӧн группа оз сӧмын водзӧ нуӧд социальнӧя уджъёртасьӧм, но и вынсьӧдӧ кар, выль из шом бассейнъяс сӧвмӧдӧм серти водзӧ вылӧ планъяс, отсалӧ тӧдчана инфраструктура проектъяслы.
Коми Республикаса Юралысь сетіс Воркутаын олысьяслы Россия Федерацияса да Коми Республикаса канму наградаяс.
«Дона ёртъяс, сиа тіянлы дзоньвидзалун, мойвиӧм, а мукӧдторсӧ ті верманныд шедӧдны асьныд, — шыӧдчис Воркутаын олысьяс дорӧ Россияса почёта шахтёр, «Шахтёрскӧй слава» отличие паса тыр кавалер, Воркута карса почёта гражданин, «Военнӧй Сталинградса челядь» волгоградса ассоциацияӧ пырысь Леонид Коффе. — Тайӧ тӧдчана наградаыс абу сӧмын менам.
Татшӧм тшупӧда наградаяссӧ шедӧдӧны став котырӧн.
Воркутаын, буракӧ, из шом перйысьяс пиысь ме медся арлыда, нӧшта на и локлі коркӧ комсомольскӧй сибырса десантӧн. Миян водзын вӧлі мог — кыпӧдны мирын медбур кар, миян тайӧ артмис.
Ыджыд аттьӧ тайӧ наградаысь месянь да Воркутаын быд олыссянь.
Мед лоас тадзи: наградаыс ме дорын, но сійӧ миян ӧтувъя.
Татшӧм подвигъяссӧ вӧчны позьӧ сӧмын сэк, кор йӧзыс ӧтсӧгласӧн уджалӧны коллективын».
Леонид Коффе аттьӧаліс землякъясӧс сыысь, мый сьӧкыдлунъяс вылӧ видзӧдтӧг найӧ пыр кольӧны шань йӧзӧн.
Сійӧ сідзжӧ сиис, медым Воркутаын олысьяс колисны ас бӧрсяыс паметь сы йылысь, мый Воркута вӧчис Айму вӧсна Ыджыд тыш воясӧ.
Сэки неыджыд кар, кӧні оліс 20 сюрс морт, могмӧдіс из шомӧн страналысь рытыв-войвывсӧ, кытшалӧм Ленинград.
Йӧзыс уджалісны кык-куим сменаӧн.
Сэк, кор эз тырмывлыны мужичӧйяс, аньяс босьтісны отбойнӧй мӧлӧтъяс да пырисны шахтаӧ.
Горняклӧн кывъяс серти, странаса медыджыд главнокомандующӧй кыкысь аттьӧавліс Воркутаын олысьясӧс сыысь, мый найӧ вӧчисны страналы да вермӧмлы.
Сідзжӧ карлӧн Чужан лунӧ Воркутаын кыпыда восьтісны «Уджӧн нималысь кар» стела. Стела вылын тыдалӧны карлӧн канпас да карлы татшӧм ним сетӧм йылысь Россия Федерацияса Президентлӧн индӧд.
Проектсӧ збыльмӧдӧма Россияса военно-историческӧй ӧтув отсӧгӧн.
«Уджӧн нималысь кар» нимсӧ Воркуталы сетӧма 2021 воӧ.
Россия Федерацияса почёт нимсӧ урчитӧма 2020 во рака тӧлысь 1 лунся федеральнӧй оланпасӧн 1941 — 1945 воясся Айму вӧсна Ыджыд тыш кадӧ тылын уджалысьяслысь подвиг нэммӧдӧм могысь.
Сійӧс сетӧны Россия Федерацияса каръяслы, кӧні олысьяс пуктісны ыджыд пай Айму вӧсна Ыджыд тышын Вермӧм шедӧдӧмӧ, карса промышленнӧй предприятиеяс вылын военнӧй да гражданскӧй прӧдукция дугдывтӧг вӧчӧмсӧ могмӧдӧмӧ, та дырйи петкӧдлісны уджын героизм да йӧз вӧсна тӧждысьӧм.
Тайӧ пӧль-пӧчьяслысь уджсӧ, тылса уджалысьяслысь да предприятиеяслысь, кодъяс уджалісны Вермӧм вӧсна, заслугаяссӧ пыдди пуктӧм.
* * *
Уджын вермӧмъясысь да уна вося бур уджысь «Коми Республика водзын заслугаясысь» отличие пас сетӧма:
Леонид Яковлевич Коффелы — Россияса почёта шахтёрлы, «Шахтёрскӧй слава» отличие паса тыр кавалерлы, Воркута карса почёта гражданинлы, «Военнӧй Сталинградса челядь» волгоградса ассоциацияӧ пырысьлы;
Михаил Леонидович Тверскойлы — Айму вӧсна Ыджыд тышса ветеранлы, Коми Республикаса нимӧдана уджалысьлы, Коми Республикаса почёта ветеранлы, Воркута карса почёта гражданинлы.
Чина кывкутана могъяс бура олӧмӧ пӧртӧмысь «Коми Республикалы зэв бура служитӧмысь» отличие пас сетӧма
Татьяна Викторовна Кожиналы — «Воркута» кар кытшлӧн администрацияын сьӧм овмӧсӧн веськӧдланінса начальниклы.
Велӧдан юкӧнын заслугаясысь да бура уджалӧмысь Россия Федерацияса велӧдан министерствосянь Почёт грамота сетӧма:
Наталья Юрьевна Елисеевалы — «1 №-а гимназия» муниципальнӧй велӧдан учреждениеын директорӧс вежысьлы;
Елена Владимировна Вершининалы — «Алёнка» челядьӧс 42 №-а видзанін» школаӧдз велӧдан муниципальнӧй сьӧмкуд учреждениеӧн заведуйтысьлы.
Семья институт вынсьӧдӧмысь да семьяын оласног кыпӧдӧмысь «Мам-героиня» ӧтйӧза награда сетӧма:
Людмила Александровна Куклиналы — «Соловушка» челядьӧс 34 №-а видзанін» школаӧдз велӧдан муниципальнӧй сьӧмкуд учреждениеса ичӧт воспитательлы;
Юлия Владимировна Славиковскаялы — стрелочнӧй постса дежурнӧйлы, сигналистлы, «Россияса кӧрт туйяс» восьса акционер котыр, ДЦС–5.
{Kodko @ Коми Республикаын помасисны Том войтырлӧн медводдза Арктикаса Дельфийскӧй ворсӧмъяс @ выльтор @ https://rkomi.ru/news/2690 @ 2022-11-28 @}
Коми Республикаын помасисны Том войтырлӧн медводдза Арктикаса Дельфийскӧй ворсӧмъяс
Сэтчӧ пырӧдчис Россияса регионъясысь да весиг Китайысь 600 сайӧ том енбиа морт.
Вӧльгым тӧлысь 27 лунӧ Сыктывкарын кыпыда тупкан церемония дырйи юӧртісны Ворсӧмъяслысь кывкӧртӧдъяссӧ.
Пырӧдчысьясӧс да котыртысьясӧс аттьӧаліс Коми Республикаса Юралысь Владимир Уйба.
«Талунъя луныс шуда да неуна гажтӧм сора меным, ӧд тайӧ здукыс коли бӧрӧ.
Ми зэв дыр дасьтысим сы дорӧ да виччысьӧмӧн виччысим сійӧс, — пасйис Владимир Уйба. — Меным Том войтырлӧн медводдза Арктикаса Дельфийскӧй ворсӧмъясыс — тайӧ весиг абу ордйысьӧм, а творческӧй йӧзлӧн ӧтувтчӧм.
Аддзылӧмторйыс пыр кежлӧ коляс миян республикалӧн историяын да миян сьӧлӧмъясын.
Ме сьӧлӧмсянь аттьӧала котыртысьясӧс, жюриӧс да, дерт жӧ, тайӧ лунъясса медшӧр геройясӧс — став Россияысь енбиа том войтырӧс.
Ордйысигӧн бур тӧдӧмлунъяс кындзи ті петкӧдлінныд, кыдзи ті радейтанныд искусство да ассьыныд уджнытӧ.
Тайӧ зэв тӧдчана.
Чолӧмала вермысьясӧс!
Ті мудз тӧдтӧг зілинныд сӧвмыны, эскинныд асланыд вынъясӧ да наставникъясныдлы — тайӧ и вайис тіянлы вермӧм.
Кӧсъя шыӧдчыны став пырӧдчысь дорӧ — медтӧдчанаыс меным, мый быдӧн сӧвмис да петкӧдліс ассьыс кужӧм-сямсӧ.
Лоасны выль Ворсӧмъяс, выль ордйысьӧмъяс.
Быдӧнӧс тіян пиысь виччысьӧ вермӧм.
Сиа дугдывтӧг уджавны ас выланыд, сӧвмыны. Сэк ті быть лоанныд медбуръяс пиысь медбуръясӧн».
Владимир Уйба тӧдчӧдіс, мый Коми Республикалы зэв нимкодь нуӧдны Том войтырлысь медводдза Арктикаса Дельфийскӧй ворсӧмъяссӧ.
«Мед Сыктывкарын коллялӧм лунъясыс лоасны медся бур да яръюгыд казьтылӧмъясӧн.
Ми зілим вӧчны Ворсӧмъяслысь уджтассӧ озырӧн, медым ті верминныд тӧдмасьны республикалӧн историяӧн да аслыспӧлӧслунъясӧн.
Тайӧ тшӧтш вӧлі миян могъясысь ӧтиӧн.
Ме эска, мый миян лоасны на паныдасьӧмъяс.
Ӧд ми огӧ вунӧдӧй ассьыным ёртъяснымӧс, да ёртъяс пыр локтӧны миян дорӧ.
Став бурсӧ! Виччысям бӧр», — шыӧдчис пырӧдчысьяс дорӧ Коми Республикаса Юралысь.
Том войтырлӧн медводдза Арктикаса Дельфийскӧй ворсӧмъяс вылын петкӧдлісны Войвыв тема.
Том мастеръясӧс донъялісны «Фортепиано», «Скрипка», «Серпасасян искусство», «Йӧзкостса сьылӧм», «Йӧзкостса йӧктӧм», «Фотография», «Эстраднӧй сьылӧм», «Йӧзкостса инструментъяс», «Художествоа ремеслӧ» да «Пусян-пӧжасян искусство» номинацияясын.
Пырӧдчысьяслы вӧлі дасьтӧма республикаса искусствоӧн да историяӧн тӧдмӧдан озыр культурнӧй уджтас.
Енбиа том войтыр ветлісны республикаса театръяслӧн премьераяс вылӧ да экскурсияяс вылӧ, кӧні найӧ тӧдмасисны миян вӧр-ваӧн, коми войтырлӧн обрядъясӧн да кывйӧн.
Национальнӧй культураӧн тӧдмӧдіс и «Лямпа-лызьӧн ордйысьӧм» торъя проект. Ворсӧмъясӧ сійӧс пыртісны Коми Республикаса Юралысь Владимир Уйбалӧн корӧм серти.
Ворсӧмъяссӧ кыпыда тупкисны театрализуйтӧм шоуӧн.
Видзӧдысьяслы петкӧдлісны гала-концерт, кытчӧ пырисны Дельфийскӧй ворсӧмъясын вермысьяслӧн да пырӧдчысьяслӧн медбур номеръяс.
Церемониясӧ нуӧдісны театрын да киноын ворсысь Анастасия Макеева да сьылысь, композитор Марк Тишман.
{Kodko @ Евгений Пономаренкоӧс индӧма Коми Республикаса экономика сӧвмӧдан да промышленносьт министр чинӧ @ выльтор @ https://rkomi.ru/news/2694 @ 2022-11-30 @}
Евгений Пономаренкоӧс индӧма Коми Республикаса экономика сӧвмӧдан да промышленносьт министр чинӧ
Та йылысь тшӧктӧм кырымаліс Коми Республикаса Юралысь Владимир Уйба.
Водзынджык Евгений Пономаренко пӧртіс олӧмӧ Коми Республикаса экономика сӧвмӧдан да промышленносьт министрлысь могъяс.
Коми Республикаса Юралысьлӧн 2022 во вӧльгым тӧлысь 30 лунся 490 р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Евгений Александрович Пономаренкоӧс Коми Республикаса экономика сӧвмӧдан да промышленносьт министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/2696 @ 2022-12-01 @}
Владимир Уйба примитіс гражданаӧс ас сёрниӧн
Регионса олысьяс шыӧдчисны Коми Республикаса Юралысь дорӧ олан пунктъяс бурмӧдӧм-мичмӧдӧм, спорт секция восьтӧм, оланін условиеяс бурмӧдӧм, мобилизуйтӧм гражданалы отсӧг сетӧм серти юалӧмъясӧн.
Интаын олысь мужичӧй корис отсавны восьтыны школаын тир.
Велӧдчанінӧ ветлӧ 400 сайӧ ныв-зон, эмӧсь пневматическӧй винтовкаяс, эм, кодлы велӧдны.
Спонсоръяслӧн сьӧм вылӧ школаӧ ньӧбӧма лазернӧй тир.
Школаса педагогъяс кӧсйӧны, медым тані прӧст кадсӧ коллялісны и риск группаясысь челядь.
Сідзжӧ школаса тирыс ковмас и военно-полевӧй сборъяс да военнӧя дасьтӧм серти занятиеяс котыртігӧн.
«Инта» кар кытшса муниципальнӧй юкӧнлӧн администрацияӧн юрнуӧдысьлысь могъяс олӧмӧ пӧртысь Григорий Николаевлӧн кывъяс серти, школаса тирлы бӧрйӧма нин лӧсялана жыр, арталӧма сійӧс дзоньталӧм вылӧ смета.
Уджсӧ кӧсйӧны вӧчны меставывса сьӧмкуд сьӧм вылӧ.
Владимир Уйба пуктіс муниципалитетӧн юрнуӧдысьяс водзӧ мог помавны дзоньтасян уджъяссӧ 2023 вося кӧч тӧлысь 1 лунӧдз да восьтыны школаын тирсӧ выль велӧдчан во кежлӧ.
Сосногорскса ань шыӧдчис 6-ӧд микрорайонсянь карса промышленнӧй юкӧнӧдз пода туй лӧсьӧдӧм серти.
Сійӧ шуис, мый тайӧ туйӧд ветлӧны став арлыда йӧз, но асфальтыс шогмытӧм нин, нӧшта колӧ дзоньтавны шор вомӧн поссӧ.
Таысь кындзи, туйсӧ лёка югзьӧдӧма, абуӧсь урнаяс, сы гӧгӧр чукӧрмӧ уна лӧп-ёг.
Кыдзи пасйис «Сосногорск» кар кытшлӧн муниципальнӧй юкӧнса юралысь Сергей Дегтяренко, тайӧ мутассӧ бурмӧдӧм-мичмӧдӧм серти проектсӧ пыртӧма «Карын бур гӧгӧртас лӧсьӧдӧм» федеральнӧй проект серти гӧлӧсуйтӧм вылӧ, кӧні сійӧ лоис вермысьяс пиысь ӧтиӧн.
Дасьтӧма нин документация, медым йӧзӧдны пӧдрадчикӧс индӧм вылӧ конкурс нуӧдӧм могысь.
Объект вылын пуктасны выль асфальт, вежасны бияс, пуктасны урнаяс да скамейкаяс, дзоньталасны пос, лӧсьӧдасны матігӧгӧрсӧ.
Уджъяссӧ донъялӧма 3,5 млн шайт вылӧ.
Коми Республикаса Юралысь тшӧктіс муниципалитетӧн юрнуӧдысьяслы збыльмӧдны проектсӧ 2023 во помӧдз.
Емдін районса Зӧвсьӧрт кар кодь посёлокын олысь ань шыӧдчис поликлиника водзын тротуар да парковка лӧсьӧдӧм серти.
Тулыс-арӧ сьӧкыд воӧдчыны поликлиникаӧдз, та кындзи, абуӧсь сьӧкыда ветлысь гражданалы матыстчан туйяс.
Владимир Уйба тшӧктіс муниципалитетӧн юрнуӧдысьяслы 2023 вося йирым тӧлысь 1 лунӧдз бурмӧдны тайӧ инъяссӧ «Войтырлӧн сьӧмкуд» проект отсӧгӧн.
Таысь кындзи, Коми Республикаса Юралысь дорӧ шыӧдчисны мобилизуйтӧм зонъяслӧн мамъяс.
На пиысь ӧти юаліс, вермас-ӧ пиыс бӧр локны СВО нуӧданінысь дзоньвидзалун серти.
Владимир Уйба вӧзйис ыстыны воинскӧй часьтлӧн, кысянь мобилизуйтӧм мортыс муніс торъя операция вылӧ, начальник ним вылӧ шыӧдчӧм корӧмӧн госпитализируйтны военнослужащӧйӧс да нуӧдны военно-лечебнӧй экспертиза, медым тӧдмавны, вермӧ-ӧ сійӧ служитны.
Сідзжӧ Коми Республикаса Юралысь висьталіс, мый Комиысь мобилизуйтӧм зонъяс ӧткажитчылӧны бӧр локны спецоперация нуӧданінысь, кӧть эськӧ военно-медицинскӧй комиссия петкӧдліс, мый налӧн эм та вылӧ инӧд.
Мужичӧйяс бӧрйисны сетны Аймулы долг.
Комиысь мӧд мобилизуйтӧм зонлӧн мам юаліс демобилизуйтӧм бӧрын военнослужащӧйясӧс реабилитируйтӧм йылысь.
Сідзжӧ сійӧ кӧсйӧ мунны пиыс бӧрся СВО нуӧданінӧ да уджавны аслас уджсикас серти — пусьысьӧн.
Кыдзи гӧгӧрвоӧдіс Коми Республикаса военнӧй комиссар Дмитрий Федин, 48 арӧса нывбаба оз лӧсяв арлыд серти, сы вӧсна мый оланпас серти спецоперация нуӧданінӧ босьтӧны уджавны сӧмын 45 арӧсӧдз.
Владимир Уйба тӧдчӧдіс, мый веськыда йитчӧ военнослужащӧйяслӧн рӧдвужкӧд, мый видлалӧны мобилизуйтӧмаяслӧн да налӧн семьяясӧ пырысьяслӧн олӧмкӧд йитчӧм став юалӧмсӧ.
Быд шыӧдчӧм серти уджалӧны торйӧн да примитӧны помшуӧмъяс.
Йӧзӧс ас сёрниӧн примитӧм бӧрын муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяссӧ решитӧм могысь, кутшӧмъясӧн шыӧдчисны регионса олысьяс.
Тшӧктӧмъяссӧ олӧмӧ пӧртӧм бӧрся кутас видзӧдны Коми Республикаса Юралысь.
{Kodko @ Владимир Уйба корис Комиысь том йӧзӧс зіля пырӧдчыны том йӧз политика сӧвмӧдӧмӧ @ выльтор @ https://rkomi.ru/news/2698 @ 2022-12-01 @}
Владимир Уйба корис Комиысь том йӧзӧс зіля пырӧдчыны том йӧз политика сӧвмӧдӧмӧ
Коми Республикаса Юралысь нуӧдіс Челядьлӧн да том йӧзлӧн россияса ӧтмунӧмкӧд ӧтув уджалӧм серти координационнӧй сӧветлысь медводдза заседание.
Мероприятие водзын чӧв олыштӧмӧн казьтыштісны Чужанін дорйысьясӧс, кодъяс усисны торъя военнӧй операция нуӧдігӧн.
Медводз ме кӧсйи уськӧдны тӧд вылӧ, мый ӧні, тайӧ здукӧ Луганскӧй да Донецкӧй Народнӧй Республикаясын, Херсонскӧй да Запорожскӧй обласьтъясын тіян батьясныд, ыджыд вокъясныд тышкасьӧны неонацистъяскӧд.
Куим миян земляклы кувсьӧм бӧрын сетӧма Россияса Герой ним, дас квайтӧс кувсьӧм бӧрын наградитӧма Повтӧмлун орденъясӧн, — шыӧдчис мероприятиеӧ том пырӧдчысьяс дорӧ Коми Республикаса Юралысь. — Талун зэв ёна колӧ, медым ті аддзинныд зонъяслысь, кодъяс тышкасьӧны миян асшӧрлун вӧсна, семьяяссӧ, рӧдвужсӧ, матыссаяссӧ да отсалінныд налы — ас кадӧ вайинныд висьысьяслы лекарство, ньӧбинныд сёян-юан, отсалінныд горт гӧгӧрын.
Миянлысь военнослужащӧйясӧс колӧ могмӧдны зумыд тылӧн.
Ми, Веськӧдлан котыр, тшӧтш отсалам военнослужащӧйяслӧн семьяяслы да уджалам быд шыӧдчӧм серти».
Владимир Уйба казьтыштіс, мый 2023 восянь, кутшӧмӧс республикаын сиӧма том йӧзлы, Комиын кутас уджавны Том йӧз политика серти комитет.
Та вӧсна челядьлӧн да том йӧзлӧн ӧтмунӧмлысь дінму юкӧн вӧчӧмыс торйӧн нин тӧдчана.
«Канмулӧн, страналӧн да республикалӧн медводдза мог — лӧсьӧдны бур условиеяс, медым миян том йӧз вермисны петкӧдлыны асьнысӧ.
Талун ме шыӧдча тіян дорӧ, пыдди пуктана том йӧз.
Ті онӧ сӧмын пырӧдчӧй тайӧ ӧтмунӧмӧ, а асьныд кутанныд збыльмӧдны-сӧвмӧдны том йӧз политика.
Татшӧм ӧтмунӧмсӧ лӧсьӧдӧма школьникъяслӧн, велӧдчысьяслӧн да студентъяслӧн, кодъяс кӧсйӧны пуктыны пай страна сӧвмӧдӧмӧ, корӧм серти.
Ӧтмунӧмыс кутас йитны странаын челядьлы да том йӧзлы став организациясӧ да ӧтувсӧ», — шуис Коми Республикаса Юралысь.
Координационнӧй сӧветлӧн заседание дырйи вӧчисны челядьлысь да том йӧзлысь ӧтмунӧм учредитысьяс лыдӧ пырысь организацияяслӧн (ЮНАРМИЯ, Россияса школьникъяслӧн ӧтмунӧм, а сідзжӧ Челядьлӧн ӧтйӧза ӧтувъясса ассоциация) удж серти кывкӧртӧдъяс.
Таысь кындзи, том йӧзлӧн организацияясӧн веськӧдлысьяс сетісны вӧзйӧмъяс регионын челядьӧс быдтан-сӧвмӧдан да налы уджсикас аддзыны отсалан мероприятиеяс збыльмӧдӧм серти.
Челядьлӧн да том йӧзлӧн россияса ӧтмунӧмкӧд ӧтув уджалӧм серти координационнӧй сӧветсӧ нуӧдісны челядьлӧн да том йӧзлӧн ӧтйӧза ӧтувъяслӧн слёт дырйи. Ӧтувъяс петкӧдлісны ассьыныс уджъяс, вермӧмъяс, проектъяс.
Коми Республикаын — 400 сайӧ уна сикас нырвизя ӧтув: найӧс сиӧма творчестволы, спортлы, айму радейтӧмлы, добровольчестволы.
«ЮНАРМИЯ» ӧтмунӧм зільӧ Коми Республикаын квайт во нин, тайӧ кадӧн сійӧ чукӧртіс 7 сюрс мортӧс.
Меставывса юкӧнъяс уджалӧны республикаса став 20 муниципалитетын.
Юнармеечьяс пырӧдчӧны Вермӧм лунлы сиӧм мероприятиеясӧ да воинскӧй ритуалъясӧ, военно-патриотическӧй нырвизя мероприятиеясӧ.
Торъя военнӧй операция заводитчӧмсянь «ЮНАРМИЯ» ӧтмунӧм сувтӧ Россия Федерацияса Вооружённӧй Вынъяс дор.
Комиысь ныв-зон гижисны да ыстісны военнослужащӧйяслы 2 сюрс сайӧ письмӧ, лӧсьӧдісны 20 сайӧ видеооткрытка.
Коми Республикаса челядьлӧн ӧтйӧза ӧтувъясса ассоциацияӧ пырӧ 10 муниципалитетысь 7 сюрс сайӧ морт.
2021 восянь Ассоциацияыс збыльмӧдӧ «Команда 11» челядьлӧн ӧтмунӧмлы отсалӧм серти проект.
2022 воӧ проектлӧн медшӧр мероприятиеӧн лоис «Мы вместе» челядьлы организацияяслӧн слёт.
2022 вося вӧльгым тӧлысь заводитчигӧн Коми Республикаса Юралысьлӧн грант отсӧгӧн восьтісны «Добрый диалог» проект. Сійӧс котыртісны томулов пӧвстын увтыртӧм бырӧдӧм могысь.
Сідзжӧ Коми Республикаса Юралысьлӧн грант отсӧгӧн збыльмӧдӧны «Добрые семейные прописи» проект.
2022 воӧ проект серти нуӧдӧма семьяын оласноглысь тӧдчанлунсӧ кыпӧдан да дзоньвидза оласног нуӧдны ышӧдан мероприятиеяс.
Сідзжӧ Ассоциация пырӧдчӧ военно-патриотическӧй проектъяс збыльмӧдӧмӧ.
Россияса школьникъяслӧн ӧтмунӧмын пасйӧма 11 сюрс сайӧ пырӧдчысьӧс.
2022 воӧ организация вӧзйис нуӧдны Пионериялы 100 во тырӧм пасъян мероприятиеяс, нуӧдіс челядьлы Россияса Геройяскӧд аддзысьлӧмъяс, а сідзжӧ челядьлы лагеръясын профильнӧй сменаяс.
Казьтыштам, 2022 вося сора тӧлысь 14 лунӧ Россияса Президент Владимир Путин кырымаліс «Челядьлӧн да том йӧзлӧн россияса ӧтмунӧм йылысь» оланпас.
Выль ӧтмунӧм вӧчӧмлӧн медшӧр могыс — кыскыны том йӧзӧс да челядьӧс йӧзлы колана мероприятиеяс да водзмӧстчӧмъяс збыльмӧдӧмӧ.
Сідзжӧ Россияса Президент юрнуӧдӧ ставроссияса ӧтмунӧмлӧн наблюдательнӧй сӧветӧн.
Став регионын лӧсьӧдӧны субъектъясӧн юрнуӧдысьяс бердын Координационнӧй сӧвещательнӧй органъяс, кодъяслӧн могъяс пиӧ пырӧ ӧтмунӧм сӧвмӧдӧмын ӧтувъя стратегия лӧсьӧдӧм.
{Kodko @ Коми Республика тшӧтш пырӧдчис «Ёлки России» федеральнӧй акцияӧ @ выльтор @ https://rkomi.ru/news/2699 @ 2022-12-01 @}
Коми Республика тшӧтш пырӧдчис «Ёлки России» федеральнӧй акцияӧ
Проектыс збыльмӧдсьӧ Россияса войтырлӧн культура озырлунлы сиӧм во серти.
Коми Республикаса Юралысь Владимир Уйба аддзысьліс ремесленникъяскӧд да мастеръяскӧд, кодъяс вӧчаласны пижмаса серъясӧн мичмӧдӧм ёлка чачаяс.
«Ёлки России» проектыс збыльмӧдсьӧ ремесленникъяслӧн творчество отсӧгӧн.
Ми аддзам выль позянлунъяс йӧзкостса творчество вылӧ.
Важысянь ёлка чачасӧ вӧчлісны ки помысь.
Сэсся сійӧс кутісны вӧчны орӧдчывтӧг.
А ӧні ми бӧр воим сэтчӧдз, мый бара кутісны корны ки пом уджӧн вӧчӧмторъяс.
Аслыспӧлӧслуныс миян чачаяслӧн сыын, мый найӧс мичмӧдасны пижмаса серъясӧн — Россияын татшӧмыс сэсся некӧн абу.
Тайӧ миян озырлун.
Тайӧс колӧ лыдмӧдны, петкӧдлыны унджык йӧзлы.
Ки помысь мичмӧдӧм чачаяса коз, — тайӧ зэв аслыспӧлӧс коз», — пасйис Коми Республикаса Юралысь.
Федеральнӧй акция серти Коми Республикаса ремесленникъяс вӧзйисны вӧчны пижмаса серъясӧн мичмӧдӧм ёлка чачаяс, кодъяс мичмӧдасны йӧзаинъясын выль вося козъяс.
Мӧвпыс воис художественнӧя кысьӧм да пу художественнӧя серӧдӧм-мичмӧдӧм серти мастер, Коми Республикаса Веськӧдлан котырлӧн премияа лауреат Евгения Сурниналы.
Сылысь пижмаса серӧн мичмӧдӧм ёлка чачаяссӧ эз ӧтчыдысь петкӧдлыны регионса, ставроссияса да войтыркостса тшупӧдъясын.
Пижмаса роспись — Роч Войвывлӧн важ росписьясысь ӧти.
Сійӧ чужис 18 нэм помын — 19 нэм заводитчигӧн Чилимдін районын.
Пижмаса серӧн вӧлі мичмӧдӧны сӧмын Коми Республикаын, и сэтшӧмыс сэсся некӧн абу.
«Ёлки России» проектлы ёлка чачаяссӧ вӧчны корасны Чилимдін, Кулӧмдін, Кӧрткерӧс, Сыктывдін, Сыктыв, Луздор, Удора районъясысь, Сыктывкарысь, Ухтаысь да Печораысь ремесленникъясӧс — найӧ ставныс кужӧны художественнӧя серӧдны-мичмӧдны пу.
Проектлӧн могыс — вежны ремесленникъяслысь да мастеръяслысь удж дорӧ матыстчӧмсӧ, отсыштны налы, а сідзжӧ петкӧдлыны регионлысь культура озырлунсӧ.
Проектыс нуӧдсьӧ Роскультцентр да регионса Юралысь отсӧгӧн.
«Коми Республикаса мастеръяслӧн котыр ыджыд окотапырысь дась участвуйтны «Ёлки России» акция серти пижмаса серӧн мичмӧдӧм ёлка чачаяс вӧчӧмын.
Миян творческӧй котыр комын во чӧж видзӧ да сӧвмӧдӧ республикалысь важся культурасӧ.
Миян котырын 50-ысь унджык мастер, кодъяс кужӧны вӧдитчыны уна сикас техникаӧн, сы лыдын и пу серпасалӧм-серӧдӧм серти мастеръяс.
Миян мастеръяслысь уджсӧ ошкӧны оз сӧмын республикаса, но и ставроссияса да весиг войтыркостса тшупӧдын.
Ми чайтам, мый «Ёлки России» акцияыс отсалас мастеръяслы петкӧдлыны ассьыныс став енбисӧ да вӧчӧмторъясыскӧд ӧтув юксьыны асланыс пӧсь сьӧлӧмъясӧн», — пасйис художественнӧя серӧдӧм-мичмӧдӧм серти мастер, «Кипомысь йӧзкостса мичаторъяс вӧчысь мастеръяслӧн котыр» Коми дінму ӧтйӧза организацияӧн веськӧдлысь Наталия Мелешева.
Регионса ёлкасӧ петкӧдласны Выль 2023 во водзвылын «Июнь» вузасян-гажӧдчан шӧринын.
Сідзжӧ лоӧ котыртӧма «ЁЛКИ» ки помысь вӧчӧмторъяслӧн быд вося республиканскӧй выставка-ярманга.
Выставка-ярманга дырйи сідзжӧ петкӧдласны пижмаса серӧн мичмӧдӧм ёлка чачаяс, кутшӧмъясӧс вермас ньӧбны быдӧн.
Ремесленникъяскӧд аддзысьлігӧн Владимир Уйба вочавидзис найӧс интересуйтысь юалӧмъяс вылӧ.
Сыктыв районса история да культура музейын директор Анна Овчинникова аттьӧаліс Коми Республикаса Юралысьӧс грантъясысь.
Отсалан сьӧм вылӧ Сыктыв районса мастеръяс вермисны тырвыйӧ велӧдны шӧрасьӧмлысь да сыктывса комияслысь традиционнӧй костюмъяс вӧчӧмлысь аслыспӧлӧслунсӧ.
Музейса специалистъяс выльмӧдісны костюмъяс да лэдзисны XІX нэм помын — XX нэм заводитчигӧн сыктывса комияслӧн традиционнӧй костюм серти сборник.
Владимир Уйба пасйис, мый йӧзкостса мичаторъяс да ремеслӧяс юкӧнын Коми Республикаса Юралысьлысь грантъяс шедӧдӧм вылӧ конкурссӧ кутасны нуӧдны водзӧ.
Тайӧ могъяс вылӧ 2023 воын сетасны 230 сюрс шайт.
Художественнӧя серӧдӧм-мичмӧдӧм серти мастер, «Челядьӧс серпасасян кипод уджӧ велӧдан школа» Выльгорт сиктын В.Л. Торопов нима содтӧд тӧдӧмлун сетан муниципальнӧй сьӧмкуд организацияын велӧдысь Анна Шпарвассер пасйис, мый ремеслӧ видзӧм могысь сыӧ колӧ велӧдны том йӧзӧс да челядьӧс.
И занятиеяссӧ колӧ нуӧдны системнӧя, а оз ӧтчыдъя мастер-классъясӧн.
Та могысь колӧ могмӧдны учреждениеяссӧ техникаӧн.
Бур пример пыдди сійӧ вайӧдіс таво Изьва да Сыктывдін районъясын челядьлы искусство школаясын ремесленнӧй классъяс восьтӧм, кӧні челядь велӧдчӧны художественнӧя кысьӧмӧ да художественнӧя серӧдӧм-мичмӧдӧмӧ.
Владимир Уйба пасйис, мый регионын кыдз позьӧ унджык челядьлӧн должен лоны позянлун велӧдчыны ремеслӧӧ, да тшӧктіс профильнӧй министерстволы босьтны контроль улӧ Коми Республикаын ремесленнӧй классъяс восьтӧм серти проект водзӧ збыльмӧдӧмсӧ.
Сюмӧд художественнӧя обработайтӧм серти мастер, Россияса серпасасьысьяслӧн котырӧ пырысь, Кипомысь йӧзкостса мичаторъяс вӧчысь мастеръяслӧн котырӧ пырысь Артём Чичкарёв аттьӧаліс Коми Республикаса Юралысьӧс кипомысь йӧзкостса мичаторъяс вӧчан юкӧнын Коми Республикаса Веськӧдлан котырлӧн Семен Ильич Оверин нима премия содтӧмын отсалӧмысь.
Сылӧн кывъяс серти, премия 10 пӧв содтӧмыс висьталӧ сы йылысь, мый мастеръяслӧн уджыс бура донъявсьӧ канму тшупӧдын.
Сідзжӧ Артём Чичкарёв аттьӧаліс «Коми Республикаса йӧзкостса мастер» Коми Республикаса Почёта ним учредитӧм серти Мастеръяслӧн котырлысь да регионса Культура министерстволысь водзмӧстчӧмсӧ ошкӧмысь.
Коми Республика медводдза регионъяс лыдын учредитіс татшӧм премиясӧ.
Мастеръяслӧн лоис позянлун кутны ассьыныс статуссӧ вылі тшупӧдын.
2023 воын лоӧ тӧдса Коми Республикаса медводдза йӧзкостса мастерлӧн нимыс.
{Kodko @ Владимир Уйба аттьӧаліс Комиысь волонтёръясӧс торъя военнӧй операцияын участвуйтысьяслы да налӧн семьяяслы отсӧгысь @ выльтор @ https://rkomi.ru/news/2702 @ 2022-12-02 @}
Владимир Уйба аттьӧаліс Комиысь волонтёръясӧс торъя военнӧй операцияын участвуйтысьяслы да налӧн семьяяслы отсӧгысь
Коми Республикаса Юралысь нуӧдіс Добровольчестволы (волонтёрстволы) да социальнӧй нырвизя абу коммерческӧй организацияяслы отсалӧм серти координационнӧй сӧветлысь заседание.
Видлалӧмаӧсь 2022 воын «Велӧдӧм» национальнӧй проектлысь «Социальнӧй водзмӧстчӧм» регионса проект збыльмӧдӧм серти кывкӧртӧдъяс.
«Талун волонтёръяслӧн удж паськалӧ да босьтӧ торъя тӧдчанлун, — юӧртіс Коми Республикаса Юралысь. — Уна сикас арлыда да уджсикаса йӧз асьнысӧ да каднысӧ жалиттӧг отсалӧны судзсьытӧма олысьяслы.
Миян волонтёръяс оз сулавны бокын и страналӧн сьӧкыд кадӧ.
Торъя военнӧй операция нуӧдӧм заводитчӧмсянь найӧ зіля босьтчисны чукӧртны Донбассын да мездӧм мутасъясын олысь йӧзлы, торъя военнӧй операцияын участвуйтысьяслы кӧлуй, сёян-юан да медколана тӧваръяс.
Волонтёръяс сетісны ыджыд отсӧг мобилизациякӧд йитчӧм юалӧмъяс серти «веськыд линиялӧн» уджын — видлалісны сюрсысь унджык шыӧдчӧм.
Талун доброволечьяс отсасьӧны военнослужащӧйяслӧн семьяяслы, налӧн отсӧгыс зэв колана.
Аттьӧала ставныдтӧ уджысь да небыд сьӧлӧмысь».
Ӧшым тӧлысь 5 лунӧ Россияын пасйӧны Доброволечлы сиӧм лун, мый урчитӧма Россия Федерацияса Президентлӧн Индӧдӧн.
Владимир Уйба чолӧмаліс локтан праздникӧн ставнысӧ, коді быд лун вӧчӧ бурторъяс.
Доброволечыс Комиын лои тӧдчымӧн унджык: 2019 воын кӧ вӧлі 22 сюрс морт, то 2022 воын 33 сюрсысь унджык нин.
Республикаын котыртӧмаӧсь да уджалӧ «Коми Республикаса доброштаб» добровольчестволы отсалан регионса ресурснӧй шӧрин.
2021 вося тӧвшӧр тӧлысьӧ сійӧ прӧйдитіс Волонтёръяс шӧринъяслӧн ассоциациялысь сертифицируйтӧм.
Сідзжӧ системнӧя уджалӧ 18 муниципальнӧй ресурснӧй шӧрин, кӧні лӧсьӧдӧма волонтёръяслысь командаяс.
Коми Республика зіля участвуйтӧ да лоӧ вермысьӧн «Бур вӧчӧмторъяслӧн регион» волонтёръяслы отсалан медбур региональнӧй практикаяслӧн ставроссияса конкурсын.
2021 воын вермӧмысь субсидиялӧн мындаыс вӧлі 7,9 миллион шайт, 2022 воын вермӧмысь — 9,1 миллион шайт.
Медводдзаысь вӧлі нуӧдӧма #МыВместе Войтыркостса Премиялысь Регионса тшупӧд, кӧні участвуйтісны волонтёръяс 14 арӧссянь, абу коммерческӧй организацияяс, канму да муниципальнӧй учреждениеяс, ичӧт да шӧр бизнес, гырысь компанияяс.
Вӧлі петкӧдлӧма 56 проект, регионса тшупӧдын вермысьясӧн да призёръясӧн лоис 18 проект.
Комиын волонтёръястӧг оз мун ни ӧти ыджыд мероприятие.
2022 воын найӧ отсалісны збыльмӧдны «Карын бур гӧгӧртас лӧсьӧдӧм», «Поезд Победы» проектъяс, пасйыны Победа лун, Коми Республикалы 100 во тырӧм, нуӧдны «Молодёжь Коми» том йӧзлысь республикаса велӧдан форум, Том войтырлысь медводдза Арктикаса Дельфийскӧй ворсӧмъяс.
Но торйӧн колӧ пасйыны налысь пайсӧ торъя военнӧй операция дырйи йӧзлы отсӧг сетӧмын.
Волонтёръяс могмӧдӧны гражданаӧс частичнӧя мобилизуйтан юалӧмъяс серти веськыд линиялӧн колл-шӧринлысь уджсӧ, отсалӧны горт-гӧгӧр, занимайтчӧны челядькӧд, ыстӧны приветъяс да чолӧмалӧмъяс военнослужащӧйяссянь.
Сідз, Коми Республикаын #МыВместе штабса волонтёръяс отсалӧны юклыны да оформитны мобилизуйтӧмаяслы гуманитарнӧй отсӧг, участвуйтӧны «Салдатлы письмӧ» да «Фронтвывса открытка» акцияясын, «эзысь» волонтёръяс кыӧны мобилизуйтӧмаяслы носки.
Сыктывкарса вӧр промышленносьт техникумысь студент-сварщикъяс тэчисны военнослужащӧйяслы кӧрт пач.
Кӧрткерӧс районлӧн Адзорӧм посёлокын 10 №-а торъя школа-интернатса 7 да 8 классын велӧдчысь нывкаяс вурисны Комиысь мобилизуйтӧмаяслы гачьяс.
Сыктывкарса политехническӧй техникумысь студентъяс отсалісны мобилизуйтӧмалӧн гӧтырлы вӧчны ремонт, да водзӧ вурӧны военнослужащӧйяслы шоныд ковтаяс.
Водзмӧстчысь да зіль волонтёръясӧс ошкӧм могысь лӧсьӧдӧма «Добровольчество дорӧ воськов» ышӧдана уджтас.
Таысь кындзи, 2022 воын регионса 10 доброволеч босьтісны Коми Республикаса Юралысь киысь канму награда — «Добровольчество сӧвмӧдӧмӧ пай пуктӧмысь» морӧсвыв пас.
А 100 абитуриент, кодъяс тшӧтш волонтёралісны, Комиын вузӧ велӧдчыны пыригӧн босьтісны содтӧд баллъяс.
Зіль студентъяс-волонтёръяслӧн эм позянлун мынтысьтӧг ветлыны тренажёрнӧй залӧ, бассейнӧ да культура мероприятиеяс вылӧ.
Сідзжӧ доброволечьясӧс ышӧдӧны муниципальнӧй тшупӧдын.
Волонтёрӧн вермас лоны быд кӧсйысь. Та могысь колӧ сетны заявка добро.рф портал пыр.
Талунъя лун кежлӧ сэні регистрируйтчӧма «мобилизуйтӧмаяслӧн семьяяслы отсӧг» вакансия вылӧ Коми Республикасянь 157 доброволеч.
{Kodko @ Владимир Уйба сетіс Коми Республикаса школаяслы 20 выль автобус @ выльтор @ https://rkomi.ru/news/2703 @ 2022-12-02 @}
Владимир Уйба сетіс Коми Республикаса школаяслы 20 выль автобус
ПАЗ маркаа 20 автобус вайисны регионӧ федеральнӧй уджтас серти, коді збыльмӧдсьӧ Россия Федерацияса Президент Владимир Путинлӧн тшӧктӧм серти.
Коми Республикаын карса да сиктса школаясӧ автомашинаяс сетан кыпыд церемонияыс вӧлі ӧшым тӧлысь 2 лунӧ.
Коми Республикаса велӧдан юкӧнын уджалӧ 230 школьнӧй автобус, кодъяс новлӧдлӧны 6,3 сюрсысь унджык челядьӧс, мӧд ногӧн кӧ, челядьӧс новлӧдлӧ регионса быд мӧд школа.
2021 воын федеральнӧй уджтас серти босьтӧма да пыртӧма уджӧ 30 школьнӧй автобус.
«Воысь воӧ ми выльмӧдалам челядьлы автобусъяс, сы вӧсна мый новлӧдлӧмын безопасносьт — челядь вӧсна тӧждысьӧм.
Таво ми некымын вонас медводдзаысь дзоньталім уна туй, кыті ветлӧны школьнӧй автобусъяс, и татшӧм уджсӧ ми кутам вӧчны быд во.
Тайӧ и эм быд боксянь матыстчӧм.
Челядьлы важмӧм автопарк вежӧм серти Владимир Владимирович Путинлысь тшӧктӧмсӧ ми тырвыйӧ пӧртам олӧмӧ.
Миян абу ни ӧти школьнӧй автобус, кодӧн эськӧ вӧдитчисны дас воысь дырджык», — пасйис Коми Республикаса Юралысь Владимир Уйба.
Матысса кадӧ виччысьӧны ГАЗ маркаа нӧшта 2 автобус.
Найӧс сетасны Луздор районлӧн Читаёв сиктса торъя школа-интернатлы да Изьва районлӧн Кыдзкар сиктса школалы.
22 автобус ньӧбӧм вылӧ федеральнӧй сьӧмкудйысь вичмӧдӧма пӧшти 82 миллион шайт.
* * *
ПАЗ маркаа школьнӧй автобусъяс Коми Республикаса муниципалитетъяслы юклӧм:
«Сыктывкар» КК МЮ — 4 ед.;
«Ухта» КК МЮ — 1 ед.;
«Кӧрткерӧс» МР МЮ — 3 ед.;
«Луздор» МР МЮ — 2 ед.;
«Сыктывдін» МР МЮ — 2 ед.;
«Сыктыв» МР МЮ — 3 ед.;
«Емдін» МР МЮ — 1 ед.;
«Кулӧмдін» МР МЮ — 3 ед.;
«6 №-а ТкШИ»Печора карын КР КВУ — 1 ед.
{Kodko @ Сыктывкарса аэропортын пуксис «Комиавиатранс» акционер котырлы выль вертолёт @ выльтор @ https://rkomi.ru/news/2704 @ 2022-12-02 @}
Сыктывкарса аэропортын пуксис «Комиавиатранс» акционер котырлы выль вертолёт
МИ–8МТВ–1 сынӧд судносӧ ньӧбӧма предприятие сьӧмӧн могмӧдан план серти, кутшӧмӧс лӧсьӧдӧма да вынсьӧдӧма Коми Республикаса Юралысь Владимир Уйбалӧн тшӧктӧм серти.
Вертолётсӧ веськыда Казаньса заводысь, Кировын заправитчӧмӧн, вайисны республиканскӧй авиаперевозчиклӧн пилотъяс.
Сійӧн кутасны вӧдитчыны пассажиръясӧс да коммерция новлӧдлӧм, санитарнӧй авиация да вӧр видзӧм могысь.
«Миян регионса авиаперевозчиклӧн вӧліны сьӧкыд кадъяс, муртса эз ло банкротӧн.
И сійӧ, мый талун «Комиавиатранс» 2017 восянь медводдзаысь босьтіс выль вертолёт, висьталӧ медводз Россия Федерацияса транспорт министерстволӧн Коми Республикалы да компанияыслы эскӧм йылысь.
Транспорт министерство кӧ эз аддзы миян предприятиелысь аскиа лунсӧ, тайӧ вертолётыс ӧні эськӧ эз вӧв.
Но ми та вылын огӧ сувтӧй.
Ми нуӧдам сёрнитчӧмъяс Россияса транспорт министерствокӧд сы йылысь, медым водзӧ уджавны парк да вертолётъяс, а водзӧ вылӧ и ичӧт авиациялысь самолётъяс бурмӧдӧм серти.
Тайӧ миян мӧд воськов», — гӧгӧрвоӧдіс Коми Республикаса Юралысь Владимир Уйба.
2023 вося медводдза квартал помӧдз Коми Республикаса Веськӧдлан котыр кӧсйӧ лӧсьӧдны-дзоньтавны нӧшта 6 вертолёт.
Тӧд вылӧ уськӧдам, мый 2022 вося вӧльгым тӧлысь 16 лунӧ «Россияса транспорт» йӧзкостса XVI форум да выставка серти «ГТЛК» ПАК да «Комиавиатранс» АК юрнуӧдысьясӧн кырымалӧма Коми Республикалы МИ–8МТВ–1 вертолёт сетӧм йылысь акт.
{Kodko @ Коми Республикаса Юралысь чолӧмалӧ Доброволеч (волонтёр) лунӧн @ выльтор @ https://rkomi.ru/news/2705 @ 2022-12-05 @}
Коми Республикаса Юралысь чолӧмалӧ Доброволеч (волонтёр) лунӧн
«Коми Республикаса пыдди пуктана волонтёръяс!
Дона ёртъяс!
Чолӧмала тіянӧс Доброволеч (волонтёр) лунӧн!
Гажлунсӧ учредитісны Россияын 5 во сайын на дорӧ пыдди пуктӧмнымӧс петкӧдлӧм могысь, кодъяс быд лун вӧчӧны буртор.
Коми Республикаын 33 сюрсысь унджык морт пырӧдчӧ добровольчество уджӧ — школьникъяс, студентъяс, уджалысь том йӧз, «эзысь» волонтёръяс да асшӧр уджалысьяс.
Найӧ сӧвмӧдӧны быдсикас уджалан нырвизь, кутшӧмъяс пӧвстын — социальнӧй, Айму пыдди пуктыны да радейтны велӧдан, медицина да экология юкӧнъясын волонтёрство.
Республикаса доброволечьяс зіля пырӧдчӧны миян регионлы да страналы тӧдчана быд пӧлӧс проектъясӧ да мероприятиеясӧ.
Коми Республикаса Веськӧдлан котыр пыр дась видлавны волонтёръяслысь водзмӧстчӧмъяссӧ.
Миян доброволечьяслысь проектъяссӧ тшӧкыда отсалӧны пӧртны олӧмӧ да вылӧ донъялӧны и федеральнӧй тшупӧдын.
Аттьӧала быдӧнӧс, коді олӧ «верман кӧ отсавны — отсав» принцип серти.
Торйӧн аттьӧала найӧс, коді оз кольччы бокын да отсасьӧ тыш мунанінъясысь миян зонъяслы, мобилизуйтӧмъяслӧн семьяяслы да беженечьяслы.
Сиа тіянлы дзоньвидзалун, тыр-бур олӧм, пыр водзӧ сӧвмыны, ӧд тіянкӧд ӧттшӧтш сӧвмӧ миян республиканым да странаным!»
Коми Республикаса Юралысь Владимир Уйба
{Kodko @ Владимир Уйба удж серти аддзысьліс Валентина Матвиенкокӧд @ выльтор @ https://rkomi.ru/news/2707 @ 2022-12-06 @}
Владимир Уйба удж серти аддзысьліс Валентина Матвиенкокӧд
Коми Республикаса Юралысь да Федерацияса Сӧветӧн Веськӧдлысь сёрнитісны регионӧс социальнӧй да экономика боксянь сӧвмӧдӧм йылысь.
Аддзысьлӧмыс вӧлі ӧшым тӧлысь 5 лунӧ Москваын.
Владимир Уйба юӧртіс Коми Республикаса Веськӧдлан котырлӧн удж йылысь.
Тайӧ уджлӧн бӧртасъяс пӧвстысь ӧтиыс — воысь воӧ содӧ республиканскӧй сьӧмкудлӧн чӧжӧсыс.
Став содтӧд сьӧмсӧ веськӧдӧны регионӧс социальнӧя да экономика боксянь сӧвмӧдӧм вылӧ.
Такӧд ӧттшӧтш гырысь проектъяс збыльмӧдӧм вылӧ республикалы колӧ федеральнӧй отсӧг.
Коми Республикаса Юралысь шыӧдчис Федерацияса Сӧветӧн Веськӧдлысь дорӧ Сыктывкарын Вуджан висьӧмысь бурдӧдан республиканскӧй больнича да Республиканскӧй перинатальнӧй шӧрин стрӧитӧм вылӧ, а сідзжӧ «Комиавиатранс» АК регионса авиаперевозчик сӧвмӧдӧм вылӧ содтӧд федеральнӧй сьӧм кыскӧмын отсӧгла.
Аддзысьлӧм дырйи Валентина Матвиенко тӧдчӧдіс СВО-ын участвуйтысьяслӧн семьяяслы отсавны коланлунсӧ.
Коми Республикаса Юралысь юӧртіс регионса Удж министерствоын «веськыд йитӧд» лӧсьӧдӧм йылысь, коді уджалӧ тайӧ мытшӧдъяссӧ разьӧм могысь.
«Быд семьякӧд кутӧны йитӧд.
Отсалам и боечьяслы.
Эмӧсь и найӧ, кодъяс тыш нуӧданінъясын нин.
Ме ветлі на дорӧ.
Ловруыс налӧн кыпыд», — шуис Владимир Уйба.
Фотоыс Россия Федерацияса Федеральнӧй Собраниелӧн Федерацияса Сӧветын пресс-службалӧн
{Kodko @ Владимир Уйба пырӧдчис Арктика сӧвмӧдан юалӧмъяс серти канму комиссияса президиумлӧн заседаниеӧ @ выльтор @ https://rkomi.ru/news/2709 @ 2022-12-06 @}
Владимир Уйба пырӧдчис Арктика сӧвмӧдан юалӧмъяс серти канму комиссияса президиумлӧн заседаниеӧ
Заседаниеыс вӧлі Москваын ӧшым тӧлысь 6 лунӧ.
Сійӧс нуӧдіс Россия Федерацияса Веськӧдлан котырӧн Юрнуӧдысьӧс вежысь — Ылі Асыввыв федеральнӧй кытшын Россияса Президентӧс полномочнӧй петкӧдлысь Юрий Трутнев.
Видлалісны Россия Федерацияса арктика регионъяслысь экономика бурмӧдан шӧринъяс социальнӧя сӧвмӧдан план балаяс.
Россияса Ылі Асыввыв сӧвмӧдан министерство ошкис 2023 во вылӧ Коми Республикалысь экономика бурмӧдан шӧринъяс социальнӧя сӧвмӧдан планӧ вежсьӧмъяс пыртӧм серти Коми Республикаса Веськӧдлан котырлысь вӧзйӧмъяссӧ.
Арктика субъектъяслы сьӧмкуд ассигнованиеяс водзвыв юклӧм серти Коми Республикалы урчитӧма 260 млн гӧгӧр шайт 2023 воын индӧм Планлысь мероприятиеяссӧ збыльмӧдӧм вылӧ, на лыдын:
1. Регыдъя медицина отсӧг сетан Воркутаса больничалы магнитно-резонанснӧй томография вӧчан аппарат ньӧбӧм вылӧ.
2. Усинскса шӧр районнӧй больничалы передвижнӧй медицина комплекс ньӧбӧм вылӧ.
3. Инта карса шӧр больничалы медицина оборудование ньӧбӧм вылӧ.
4. Чилимдінса шӧр районнӧй больничалы рентген вӧчан компьютернӧй томограф ньӧбӧм вылӧ.
5. Чилимдінса шӧр районнӧй больничалы врачебнӧй амбулатория сувтӧдӧм вылӧ ӧдйӧ кыпӧдан модульнӧй конструкцияяс ньӧбӧм вылӧ.
Арктика сӧвмӧдан юалӧмъяс серти канму комиссияса президиумлӧн заседание дырйи сідзжӧ видлалісны Россия Федерацияса Арктика зонаын торйӧн ёна видзан вӧр-ва мутасъяс сӧвмӧдӧм, Арктикаын пемӧсъяс да быдмӧгъяс видзӧм, быран выйын быдмӧгъяс, пемӧсъяс да мукӧд организм видзӧм серти юалӧмъяс.
Коми Республикаса Арктика зонаын ӧні уджалӧны республика тӧдчанлуна торйӧн ёна видзан 53 вӧр-ва мутас (ООПТ) 681,2 сюрс га ӧтувъя площадьӧн да меставывса тӧдчанлуна 2 ООПТ 221,31 га ӧтувъя площадьӧн.
2022 вося рака тӧлысьын вынсьӧдісны Торйӧн ёна видзан вӧр-ва мутасъяс сӧвмӧдан да меститан схема, мый серти 2030 во кежлӧ кӧсйӧны содтыны ООПТ лыдсӧ.
Коми Республикаса Веськӧдлан котыр учёнӧйяскӧд ӧтвылысь пыр видзӧдӧны регионын, сы лыдын Арктика зонаын, биоразнообразие бӧрся.
Таво заводитісны Мониторинг да во помӧдзыс нин воас Коми Республикаын гежӧда паныдасьлысь да быран выйын тшакъяслӧн, быдмӧгъяслӧн да пемӧсъяслӧн 94 сикас серти меститчанін, динамика да лыд йылысь юӧр.
Аддзасны гежӧда паныдасьлысь быдмӧгъяслысь да пемӧсъяслысь выль оланінъяссӧ, а сідзжӧ воас Арктика зонаын республика тӧдчанлуна торйӧн ёна видзан вӧр-ва мутасъясын аддзӧм 30 сикас йылысь юӧр.
Тайӧ юӧръяс подув вылын лӧсьӧдасны гежӧда паныдасьлысь быдмӧгъяслысь да пемӧсъяслысь лыддьӧгъяс, кодъясӧс 2029 воын вӧзъясны пыртны Коми Республикаса Гӧрд небӧглӧн выль петасӧ.
{Kodko @ Коми Республикаса Юралысь чолӧмалӧ Оланподувлы сиӧм лунӧн @ выльтор @ https://rkomi.ru/news/2713 @ 2022-12-12 @}
Коми Республикаса Юралысь чолӧмалӧ Оланподувлы сиӧм лунӧн
«Коми Республикаса пыдди пуктана олысьяс!
Чолӧмала тіянӧс Россия Федерацияса Оланподувлы сиӧм лунӧн!
Страналӧн медшӧр оланпасыс лоӧ подулӧн, мый отсӧгӧн артмӧ Россиялӧн ӧнія да аскиа луныс.
Талун, Оланподувлӧн нормаяс да принципъяс вылӧ мыджсьӧмӧн, ми доръям миян мулысь ӧтувъялунсӧ да зумыдлунсӧ.
Ӧнія да водзӧ олысьяс водзын Чужан му вӧсна кывкутігӧн ми доръям ассьыным вӧлянымӧс да асшӧрлуннымӧс.
Доръям ассьыным инӧдсӧ, медым видзны да вуджӧдны миян челядьлы традиционнӧй духовно-нравственнӧй донаторъяссӧ, аслыным урчитны Россиялысь общественно-политическӧй, социальнӧй да экономика боксянь водзӧ сӧвмӧмсӧ.
Талун миян медбур воинъясным ӧружиеӧн тышкасьӧны неонацизмкӧд.
Кыдзи и Айму вӧсна Ыджыд тыш дырйи миян пӧльясным, найӧ, асьныссӧ да олӧмныссӧ жалиттӧг, тышкасьӧны Чужан му, Великӧй Россия вӧсна.
Ми вермам!
Сиа ставныдлы выль да ыджыд вермӧмъяс Айму сӧвмӧдӧм могысь, тыр-бур олӧм да крепыд дзоньвидзалун!»
Коми Республикаса Юралысь Владимир Уйба
{Kodko @ Владимир Уйба вочавидзас Коми Республикаын олысьяслӧн юалӧмъяс вылӧ ӧшым тӧлысь 14 лунӧ веськыд йитӧд пыр @ выльтор @ https://rkomi.ru/news/2714 @ 2022-12-12 @}
Владимир Уйба вочавидзас Коми Республикаын олысьяслӧн юалӧмъяс вылӧ ӧшым тӧлысь 14 лунӧ веськыд йитӧд пыр
Веськыд йитӧдыс заводитчас 12 часын.
Веськыд йитӧдсӧ кутасны транслируйтны «Юрган» телеканаллӧн эфирын, социальнӧй везъясын, «Комиинформ» да «БНК» юӧртан агентствояслӧн площадкаясын.
Коми Республикаса регионӧн веськӧдлан шӧрин чукӧртӧ да видлалӧ юалӧмъяссӧ, кутшӧмъяс медся тшӧкыда воӧны власьт органъясӧ социальнӧй везъяс пыр да гражданалӧн шыӧдчӧмъясӧн.
Тайӧ юалӧмъяссӧ сетасны веськыд йитӧдын.
Сідзжӧ республикаса олысьяс вермасны сетны юалӧмъясныссӧ Владимир Уйбалы «ВКонтакте» социальнӧй везйын Коми Республикалӧн, «Юрган» телеканаллӧн да Регионӧн веськӧдлан шӧринлӧн официальнӧй котыръясын веськыд трансляция дорӧ комментарийясын.
«ВКонтакте» социальнӧй везйын Владимир Уйбакӧд веськыд йитӧдсӧ позьӧ видзӧдны:
«Коми Республика» котырын — https://vk.com/pressrkomі
Коми Республикаса регионӧн веськӧдлан шӧринлӧн котырын — https://vk.com/tsur11
«Юрган» телеканаллӧн котырын — https://vk.com/yurgankomі.
{Kodko @ Владимир Уйба сетіс Коми Республикаса том олысьяслы Россия Федерацияса гражданинлысь паспортъяс @ выльтор @ https://rkomi.ru/news/2716 @ 2022-12-12 @}
Владимир Уйба сетіс Коми Республикаса том олысьяслы Россия Федерацияса гражданинлысь паспортъяс
Талун, Россия Федерацияса Оланподувлы сиӧм лунӧ, Коми Республикаса Юралысь сетіс республикаса кар-районъясысь велӧдчысьяслы налысь медтӧдчана документъяссӧ.
«Талун ті босьтанныд миян великӧй странаса гражданинлысь медтӧдчана документ.
Энӧ вунӧдӧй, мый тіян эмӧсь абу сӧмын инӧдъяс, но и кывкутӧм.
Тіян зумыд гражданскӧй видзӧдлас сайын чужан мунымлӧн, Коми Республиканымлӧн аскиа луныс.
Пыр сӧвмӧй водзӧ.
Сиа, медым ставыс тіян артмис, медым збыльмисны медся смел кӧсйӧмъясныд», — бурсиис том гражданалы Владимир Уйба.
Владимир Уйбалӧн киысь Россия Федерацияса гражданинлысь паспортъяссӧ босьтісны ныв-зон, кодъяс бура велӧдчӧны, бура петкӧдчӧны творчествоын, спортын да ӧтйӧза уджын.
Тайӧ Сыктывкарысь, Ухтаысь, Сосногорскысь, Сыктывдін, Кӧрткерӧс да Сыктыв районъясысь школьникъяс, лицеистъяс, гимназистъяс.
«Талун зэв кыпыд лун, мый нэм кежлӧ коляс юр вежӧраным.
Россия Федерацияса гражданинлысь почёт нимсӧ босьтігӧн, ми кӧсйысям бура велӧдчыны да уджавны, медым кыпӧдны миян республикалысь бур нимсӧ.
Да водзӧ, республикалӧн бур вылӧ уджалігӧн, ми кӧсйысям ёна зільны, медым сійӧ вӧлі шуда да пыр сӧвмис.
Быдӧн миян пиысь тӧдӧ, мый миянлысь олӧмсӧ, вӧлясӧ, инӧдсӧ дорйӧ канму.
Тайӧс гарантируйтӧ миян страналӧн подув оланпасыс — Оланподув, мыйлы сиӧм лунсӧ ми пасъям талун», — шуис СГУ бердын лицейын велӧдчысь Вероника Латкина.
«Дона челядь, бать-мам нимсянь чолӧмала тіянӧс олӧманыд тӧдчана лоӧмторйӧн.
abu
Тіян паспортъясын петкӧдчасны олӧмын медтӧдчана лоӧмторъяс — армияын служитӧм, гӧтрасьӧм, кага чужтӧм.
Сиа тіянлы бура нуны Россия Федерацияса гражданинлысь нимсӧ, пыр воӧдчыны пуктӧм могъясӧдз, аддзыны асьныдтӧ бӧрйӧм уджсикасын да зіля уджавны миян республикалӧн бур вылӧ», — бурсиис Екатерина Кистол, Выльгортса 1 №-а шӧр школаын велӧдчысь Элла Кистоллӧн мамыс.
«Гӧрдитчӧй, мый ті — Великӧй Россиялӧн граждана.
Радейтӧй Чужан муныдтӧ, радейтӧй рӧдвужныдтӧ, ӧд насянь заводитчӧ Чужан муныд — тіян матыссаяссянь.
Пыр пыдди пуктӧй и Россиянымӧс, и матыссаясныдтӧ, ӧд Чужанін да бать-мам керка, бать-мам — медшӧр подув» — шуис Владимир Уйба церемониясӧ помалігӧн.
Тайӧ лунӧ Россияса том гражданалы нуӧдісны Коми Республикаса Юралысьлӧн Администрацияын экскурсия, висьталісны регионлӧн канму символъяс, республикаса олӧмӧ пӧртысь власьт органъяслӧн удж да россияса паспортлӧн история йылысь.
{Kodko @ Владимир Уйба сетіс Коми Республикаса олысьяслы канму наградаяс @ выльтор @ https://rkomi.ru/news/2717 @ 2022-12-14 @}
Владимир Уйба сетіс Коми Республикаса олысьяслы канму наградаяс
Кыпыд церемонияыс вӧлі Коми Республикаса Юралысьлӧн Администрацияын ӧшым тӧлысь 12 лунӧ.
«Талун, Россия Федерацияса Оланподувлы сиӧм лунӧ, ми нуӧдам Россияса да Коми Республикаса канму наградаяс сетан кыпыд церемония.
Оланподув — миян медшӧр оланпас, мый вылын артмӧ Россиялӧн талунъя да аскиа луныс, — шыӧдчис церемонияӧ пырӧдчысьяс дорӧ Владимир Уйба. — Талун, Оланподулӧн урчитӧм нормаяс да принципъяс вылӧ подуласьӧмӧн, ми доръям миян мулысь ӧтувъялунсӧ да зумыдлунсӧ.
Миян страналӧн медбур пияныс ӧружиеӧн тышкасьӧны неонацизмкӧд.
Талун залын эмӧсь найӧ, кодъяс воисны торъя военнӧй операция нуӧданінысь.
Пыдди пуктана воинъяс, Айму дорйысьяс, ті петкӧдлінныд повтӧмлун, героизм да Чужанін дорӧ муслун.
Россия да Коми Республика вӧсна тіян подвигныд зэв ыджыд.
Аттьӧ тіянлы таысь да муӧдз копыр!
Тайӧ залын пукалысь йӧз — уна сикас арлыда да уджсикаса йӧз.
Но быдӧнлы тіянысь колӧ сетны вылыс тшупӧда награда, шуны бур кывъяс тіян уджысь, сыысь, мый ті пыр зілянныд вӧчны республикалы да Россиялы буртор да коланатор».
Канму награда босьтысьяс асланыс воча кывйын аттьӧалісны Коми Республикаса Юралысьӧс да бурсиӧмӧн шыӧдчисны уджъёртъяс дорӧ.
«Меным зэв нимкодь республика вӧсна да сыысь, мый уджала Сосногорскса шӧр районнӧй больничаын.
Ме аттьӧала республикаын став уджъёртӧс, кодъяскӧд менӧ йитліс олӧмыс.
Ми ставным венім сьӧкыд кад да виччысьӧ миянӧс тшӧтш абу кокни кад.
Но сиа ставнымлы бура венны тайӧ омӧль кадсӧ.
Ми вермам!», — тӧдчӧдіс Сосногорскса шӧр районнӧй больничаса отделениеӧн заведуйтысь Алла Федосенко.
«Чолӧмала ставныдтӧ наградаӧн, мый быдӧнлы миянысь лоӧ зэв донаӧн.
Кыдзи география велӧдысь кӧсъя шуны: республика озыр мупытшнас, ваӧн, вӧръясӧн, но талун залӧ видзӧдігӧн гӧгӧрвоан, мый миян республикалӧн збыльвывса озырлуныс — тайӧ йӧз, кодъяс быдтӧны челядьӧс, велӧдӧны, бурдӧдӧны, дорйӧны.
Выль во водзвылын сиа тіян семьяяслы муслун, ыджыд шуд, тыр-бур олӧм да чолӧмала локтан гажӧн», — шуис Сыктывкарса технологическӧй лицейын география да биология велӧдысь Лариса Нестерова.
«Ме нелямын вит во уджалі француз кывйӧн да менам велӧдчысьяс, налӧн бать-мам, уджъёртъяс понда тайӧ каднас ниӧтчыдысь эг жалит, мый бӧрйи тайӧ уджсӧ, — шуис Изьва районлӧн Койюса шӧр школаын француз кыв велӧдысь Галина Туркина да шыӧдчис церемонияӧ пырӧдчысьяс дорӧ, кодъяс воисны СВО нуӧданінысь, — Зонъяс, аттьӧ тіянлы зэв ыджыд да муӧдз копыр!»
«Дона ёртъяс!
Став сьӧлӧмсянь чолӧмала став наградитӧмасӧ.
Аттьӧ тіянлы уджысь, тіян подвигысь, Коми Республикалы да миян Великӧй Россиялы служитӧмысь.
Ми ёна пыдди пуктам тіянӧс!», — сигӧртіс церемониясӧ Владимир Уйба.
* * *
Россия Федерацияса Президентлӧн Индӧдӧн воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Вежа Георгийлӧн орденлысь отличие пас — Георгийлысь IV тшупӧда Крест сетӧма:
запасысь сержант Эльдар Ханагаевич Эйвазовлы,
запасысь радӧвӧй Дмитрий Андреевич Куклинлы,
запасысь радӧвӧй Дмитрий Сергеевич Салимовлы,
запасысь радӧвӧй Кирилл Игоревич Игнатовлы,
воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь «Смеллунысь» медаль сетӧма запасысь радӧвӧй Егор Анатольевич Балуевлы,
Жуковлысь медаль сетӧма запасысь радӧвӧй Денис Игоревич Поповлы,
Уджын вермӧмъясысь да уна вося бур уджысь Почёт орден сетӧма Виталий Николаевич Лаженцевлы — Коми наука шӧринын Войвывлӧн социально-экономическӧй да энергетическӧй мытшӧдъяс институтса лабораторияын медвылыс тшупӧда наука туялысьлы;
наука сӧвмӧдӧмӧ ыджыд пай пуктӧмысь да уна вося бур уджысь «Аймулы бур вӧчӧмысь» орденлысь II тшупӧда медаль сетӧма:
Александр Александрович Бурцевлы — Коми Республикаса войтырӧс доръян да неминучаысь видзан комитетӧн веськӧдлысьлы,
Владимир Ильич Мальцевлы — «Максаковка» социальнӧй да дзоньвидзалун бурмӧдан республиканскӧй шӧрин» канму учреждениеса директорлы;
йӧзлысь дзоньвидзалун видзан юкӧнын заслугаясысь да уна вося бур уджысь «Россия Федерацияса нимӧдана врач» почёт ним сетӧма Леонид Александрович Липскийлы — «Коми республиканскӧй перинатальнӧй шӧрин» канму учреждениеса юкӧнӧн заведуйтысьлы;
«Россия Федерацияса йӧзлысь дзоньвидзалун видзан юкӧнын нимӧдана уджалысь» почёт ним сетӧма Алла Яковлевна Федосенколы — «Сосногорскса шӧр районнӧй больнича» канму учреждениеса юкӧнӧн заведуйтысьлы;
отечественнӧй культура да искусство сӧвмӧдӧмӧ ыджыд пай пуктӧмысь, уна во чӧж зіля уджалӧмысь «Россия Федерацияса культураын нимӧдана уджалысь» почёт ним сетӧма:
Галина Нестеровна Ласкиналы — «Коми Республикаса искусство колледж» канму учреждениеса преподавательлы;
Галина Юрьевна Ширяевалы — «Искусство школа» муниципальнӧй учреждениеса преподавательлы, Сыктывкар;
кокни промышленносьт юкӧнын заслугаясысь да уна вося бур уджысь «Россия Федерацияса текстильнӧй да кокни промышленносьтын нимӧдана уджалысь» почёт ним сетӧма Александр Михайлович Шкодниклы — «Выльгортса сапӧг гындан фабрика» ичӧт кывкутана котырса директорлы, Сыктывдін район.
Россия Федерацияса Президентлӧн тшӧктӧмӧн уджын вермӧмъясысь да уна вося бур уджысь Россия Федерацияса Президентсянь аттьӧалӧм сетӧма Татьяна Леонидовна Ващенковалы — «Эжваса республиканскӧй интернат» канму учреждениеса юкӧнӧн заведуйтысьлы;
отечественнӧй культура да искусство сӧвмӧдӧмӧ ыджыд пай пуктӧмысь, уна во чӧж зіля уджалӧмысь Россия Федерацияса Президентсянь аттьӧалӧм сетӧма Валентина Ивановна Дорофеевалы — «Народъяслӧн дружба ордена В. Савин нима академическӧй канму драма театр» канму учреждениеса артисткалы.
Коми Республикаса Юралысьлӧн Индӧдӧн Коми Республикалы бур вӧчӧмысь «Коми Республикаса нимӧдана уджалысь» почёт ним сетӧма:
Ирина Владимировна Козыревалы — Коми наука шӧринын Академик Юшкин нима геология институтса учёнӧй секретарлы;
Наталия Павловна Колбасюклы — «Коми Республикаса агропромышленнӧй комплекслы да чери овмӧслы канмусянь отсӧг сетан шӧрин» канму учреждениеса юрнуӧдысьлы;
Татьяна Юрьевна Костиналы — «Койгортса шӧр районнӧй больнича» канму учреждениеса фельдшерлы;
Лариса Владимировна Нестеровалы — «Технологическӧй лицей» муниципальнӧй учреждениеын география да биология велӧдысьлы, Сыктывкар;
Татьяна Николаевна Осиповалы — «Леткаын овмӧдчӧминкостса клубнӧй система» муниципальнӧй учреждениеса балетмейстерлы, Луздор район;
Анастасия Николаевна Черныхлы — Луздор районын меставывса ӧтйӧза организациялӧн «Гурьёвчи» сикт овмӧдчӧминын ветеранъяслӧн первичнӧй организацияӧн веськӧдлысьлы;
Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
«Оплеснин нима Коми республиканскӧй агропромышленнӧй техникум» уджсикасӧ велӧдан канму учреждениеын уджалысьяслы, Сыктывдін район;
Андрей Евгеньевич Егоровлы — «Боксит Тимана» акционер котырын тепловозса машинистлы, Ухта кар;
Татьяна Викторовна Зизгановалы — «Коми республиканскӧй филармония» канму учреждениеса художественнӧй кыв серти мастерлы;
Александр Николаевич Ковалевлы — «Авиационнӧй персоналӧс дасьтан Коми региональнӧй шӧрин» федеральнӧй канму учреждениеса преподавательлы;
Валентина Ивановна Крюковалы — «Благоевса шӧр школа» муниципальнӧй учреждениеын роч кыв да литература велӧдысьлы, Удора район;
Галина Борисовна Макаровалы — «Койгортса шӧр районнӧй больнича» канму учреждениелӧн Кажым сикт овмӧдчӧминса врачебнӧй амбулаторияын фельдшерлы;
Николай Ярославович Падеринлы — «Железнодорожнӧй лесничество» канму учреждениелӧн Трактса участковӧй лесничествоын участковӧй лесничӧйлы, Княжпогост район;
Сергей Сергеевич Плюснинлы — войтыркостса да ставроссияса конкурсъясын лауреатлы, Коми республиканскӧй филармонияса солистлы, Россияса канму академическӧй Ыджыд театрысь корӧм солистлы;
Анна Борисовна Тюрниналы — Коми Республикаса тариф комитетӧн веськӧдлысьлысь могъяс олӧмӧ пӧртысьлы;
Наталья Валериановна Чупровалы — «Челядьӧс 2 №-а видзанін» Изьва сиктын муниципальнӧй учреждениеӧн заведуйтысьлы.
Коми Республикаса Юралысьлӧн тшӧктӧмӧн уджын вермӧмъясысь да уна во чӧж зіля уджалӧмысь «Коми Республикалы бур вӧчӧмысь» отличие пас сетӧма Георгий Владимирович Новиковлы — Коми Республика артмӧдан лунсянь 100 во тырӧмлы сиӧм «Соединяя времена» театральнӧй шоу-программаса режиссёр-постановщиклы;
йӧзлысь дзоньвидзалун видзан юкӧнын заслугаясысь да уна вося бур уджысь «Коми Республикаса почёта врач» ним сетӧма:
Ольга Анатольевна Рыбаловалы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениеса регыдъя медицина отсӧг сетысь врачлы;
Иван Васильевич Скрепечуклы — «Коми республиканскӧй вир шӧрин» канму учреждениелӧн Интаса юкӧнӧн заведуйтысьлы — врач-трансфузиологлы;
наука уджын заслугаясысь да уна вося бур уджысь «Коми Республикаса наукаын почёта уджалысь» ним сетӧма Валентина Ивановна Прошевалы — Коми наука шӧринлӧн Физиология институтса юкӧнын вылыс тшупӧда наука туялысьлы;
культура юкӧнын заслугаясысь да уна вося бур уджысь «Коми Республикаса культураын почёта уджалысь» ним сетӧма Сергей Юрьевич Гольяновлы — «Кабала вӧчысьяслӧн Эжваса Культура двореч» муниципальнӧй учреждениеса аккомпаниатор-концертмейстерлы;
связь средствояс сӧвмӧдӧмын да бурмӧдӧмын заслугаясысь да уна вося бур уджысь «Коми Республикаса связь да юӧр юкӧнын почёта уджалысь» ним сетӧма Виктор Степанович Кучменевлы — «Ростелеком» публичнӧй акционер котырса Коми филиаллӧн Емва карса Сервиснӧй шӧринын уджӧдан группаса нуӧдысь инженерлы, Княжпогост район;
олысьясӧс социальнӧя доръян юкӧнын заслугаясысь да уна вося бур уджысь «Коми Республикаса олысьясӧс социальнӧя доръян юкӧнын почёта уджалысь» ним сетӧма:
Лариса Алексеевна Субботиналы — «Емдін районса олысьясӧс социальнӧя доръян юкӧнын канму услугаяс сетан шӧрин» канму учреждениелӧн Олысьясӧс социальнӧя могмӧдан мутас шӧринса юкӧнын младшӧй воспитательлы;
Светлана Александровна Тюрниналы — «Жизнь» олысьясӧс социальнӧя могмӧдан шӧринлӧн асшӧрлуна абу коммерческӧй организацияса юкӧнын социальнӧй уджалысьлы, Сыктывкар;
стрӧитчан юкӧнын заслугаясысь да уна вося бур уджысь «Коми Республикаса почёта стрӧитчысь» ним сетӧма Ольга Витальевна Митрюшиналы — Коми Республикаын стрӧитчан юкӧнса ветеранлы, Сыктывкар;
велӧдан юкӧнын заслугаясысь да уна вося бур уджысь «Коми Республикаса почёта велӧдысь» ним сетӧма:
Маргарита Алексеевна Пантелеевалы — «Шӧр школа» Летка сиктса муниципальнӧй учреждениеын коми кыв, роч кыв да литература велӧдысьлы, Луздор район;
Людмила Васильевна Ромашовалы — «15 №-а шӧр школа» учреждениеын роч кыв да литература велӧдысьлы, Ухта кар;
Галина Анатольевна Туркиналы — «Койюса шӧр школа» муниципальнӧй учреждениеын француз кыв велӧдысьлы, Изьва район.
{Kodko @ Владимир Уйба сетіс Изьва районса бать-мамтӧм челядьлы выль патераясысь ключьяс @ выльтор @ https://rkomi.ru/news/2723 @ 2022-12-16 @}
Владимир Уйба сетіс Изьва районса бать-мамтӧм челядьлы выль патераясысь ключьяс
Олан жыръясӧн могмӧдӧм могысь муниципалитетлӧн администрация Изьва сиктын уна патераа керка стрӧитӧм вылӧ видзис республиканскӧй сьӧмкудйысь босьтӧм сьӧм.
«Выль во водзвылын тӧдчана вӧчавны козинъяс.
И ӧні ми татшӧм козинсӧ сетам тіянлы, выль керкаын пыдди пуктана олысьяс.
Быд во ми зілям содтыны бать-мамтӧм челядьлы оланін сетан лыдсӧ.
Быд во тайӧ категорияысь 300 граждана босьтӧны дыр виччысяна патераяс.
Дерт, окота кыдз позьӧ ӧдйӧджык могмӧдны ставнысӧ, и Коми Республикаса Веськӧдлан котыр вӧчӧ та могысь ставсӧ, мый вермӧ.
Тіянлы тайӧ мытшӧдыс разьӧма — ті босьтанныд ассьыныд дыр виччысяна юр сюянін.
Тайӧ тіян олӧмын нӧшта ӧти лист бок.
Кор мортыс босьтӧ оланін, водзӧ сылӧн могӧн лоӧ семья да олӧм лӧсьӧдӧм.
Сиа, медым выль патераясыс вайисны тіянлы шуд, медым тіян тані чужисны челядь, олӧм бурмис», — пасйис Владимир Уйба.
«Ме виччыси патерасӧ 2018 восянь, сэсся муні армияӧ.
Демобилизуйтчи ӧшым тӧлысь 5 лунӧ, а талун нин босьті ключьяс выль патераысь.
Оланіныс бур, шоныд, ставыс воӧ сьӧлӧм вылӧ.
Эмӧсь нин мӧвпъяс, кыдзи сійӧс вайӧдны пӧрадокӧ», — юксис вежӧрӧ мӧрччӧмторъясӧн Кыдзкар сиктысь 23 арӧса Роман Канев.
2022 воын Изьва районса администрация босьтіс республиканскӧй сьӧмкудйысь 19,2 миллион шайт.
Сьӧмсӧ вӧлі веськӧдӧма 11 олан жыр ньӧбӧм вылӧ, сы лыдын Изьва сиктын выльӧн стрӧитӧм керкаысь 8 патера.
Районса администрация, ӧткымын муниципалитетлӧн бур опытӧн вӧдитчӧмӧн, уна патераа олан керка стрӧитӧм вылӧ видзис 14,4 миллион шайт.
Коми Республикаын олӧ 2 сюрсысь унджык бать-мамтӧм челядь, кодъяслы колӧ оланін.
Ӧчередьлысь лыдсӧ чинтӧм могысь Коми Республикаса Веськӧдлан котыр примитӧ мераяс бать-мамтӧм челядьӧс оланінӧн могмӧдӧм вылӧ сьӧмӧн могмӧдӧмсӧ содтӧм серти.
2022 воын тайӧ могъяс вылӧ Коми Республикаын арталӧма 376,7 миллион шайт, сы лыдын 54,7 миллион шайт — федеральнӧй сьӧмкудйысь.
Таысь кындзи, Коми Республикаын тавосянь вынсяліс отсӧг сетан содтӧд мера, кодӧс веськӧдӧма бать-мамтӧм челядь лыдысь йӧзлысь оланін инӧдъяс збыльмӧдӧм вылӧ, — тайӧ оланін ньӧбӧм вылӧ сертификат сетӧм.
2022 воын тайӧ могъяс вылӧ арталӧма 40 миллион гӧгӧр шайт, социальнӧй мынтӧмъяслӧн ыдждаыс 1,8 миллион шайтысь унджык, сійӧс босьтісны бать-мамтӧм челядь лыдысь 21 гражданин.
Бать-мамтӧм челядьӧс оланінӧн могмӧдӧмын медшӧр мытшӧдъяс пиысь ӧти — тайӧ муниципалитетъясын оланін фондлӧн объектъяс, а сідзжӧ застройщикъяслӧн, кодъяс дасьӧсь участвуйтны оланін пайӧн стрӧитӧмын, тырмытӧмлун.
Сійӧ жӧ кадӧ бать-мамтӧм челядьӧс оланінӧн могмӧдӧмын бур опыт эм Кулӧмдін да Кӧрткерӧс районъясын. 
{Kodko @ Владимир Уйба аттьӧаліс Изьва районын олысь нывбабаӧс бур пиӧс — Чужан му дорйысьӧс быдтӧм-велӧдӧмысь @ выльтор @ https://rkomi.ru/news/2724 @ 2022-12-16 @}
Владимир Уйба аттьӧаліс Изьва районын олысь нывбабаӧс бур пиӧс — Чужан му дорйысьӧс быдтӧм-велӧдӧмысь
Сылӧн пиыс, Изьва районын олысь Сергей (овыс оз юӧртсьы безопасносьт могысь), служитӧ «БАРС–4» доброволечьяслӧн отрядын.
Отрядӧн веськӧдлысьяслӧн кывъяс серти, торъя военнӧй операция нуӧдӧм серти боевӧй могъяс олӧмӧ пӧртігӧн зон петкӧдліс асьсӧ кыдз повтӧм, збой да киподтуя воин.
Повтӧмлунысь да смеллунысь сетісны Веськӧдлан котырлысь вылыс тшупӧда награда.
Изьва районӧ удж серти ветлігӧн Владимир Уйба торъя могъяс бура олӧмӧ пӧртӧмысь да та дырйи петкӧдлӧм повтӧмлунысь да йӧз вӧсна тӧждысьӧмысь доброволечлӧн мамлы сетіс Коми Республикаса Юралыссянь Аттьӧалӧм.
«Ті быдтінныд-велӧдінныд Айму пыдди пуктысь пиӧс.
Сійӧ дорйӧ миянлысь Чужан му.
Сьӧлӧмсянь сета тіянлы аттьӧалӧм», — пасйис Владимир Уйба.
{Kodko @ Владимир Уйба видзӧдліс, кыдзи стрӧитӧны Изьва районын школаяс @ выльтор @ https://rkomi.ru/news/2726 @ 2022-12-16 @}
Владимир Уйба видзӧдліс, кыдзи стрӧитӧны Изьва районын школаяс
Талун, ӧшым тӧлысь 16 лунӧ, Коми Республикаса Юралысь удж серти воліс Изьва районӧ.
Изьва сиктын да Изьвавом грездын Владимир Уйба видлаліс стрӧитчан объектъяссӧ.
«Изьваын школасӧ заводитісны стрӧитны таво гожӧмнас.
Коланлуныс вӧлі важысянь нин, сы вӧсна мый стрӧйбасӧ, кӧні ӧні велӧдчӧны челядь, 2011 воын нин вӧлі шуӧма аварийнӧйӧн.
Ми зіля кутчысим уджӧ.
Корсим республиканскӧй сьӧмкудйысь сьӧм, петім ходатайствоӧн Россия Федерацияса велӧдан министерствоӧ да босьтім сьӧма отсӧг.
Талунъя лун кежлӧ стрӧитчысьяс удитісны заводитны котлован вылын удж, тэчны бетоннӧй плитаяс.
Шоныд поводдя дырйи фундаментсӧ кутасны водзӧ вайӧдны пӧрадокӧ», — пасйис Владимир Уйба.
Изьва сиктын школасӧ арталӧма 600 места вылӧ.
Сійӧс стрӧитӧм вылӧ федеральнӧй да республиканскӧй сьӧмкудъясын урчитӧма 800 миллионысь унджык шайт.
Объект вылын олӧмӧ пӧртӧма му уджъяс, лӧсьӧдӧма фундамент улӧ котлован да шоныд сетан везъяс.
Вӧчӧны ленточнӧй фундамент, ваялӧны материалъяс да конструкцияяс, нуӧдсьӧны сӧвтчан-ректан уджъяс, тэчӧны кӧрт сора бетон, фундамента плитаяс улӧ вӧчӧны траншеяяс, пуктӧны бетон.
«Изьвавомын школалӧн важ стрӧйбаыс вӧлі пуысь, да 2003 воын кушӧдз сотчис гымньӧв лыйӧмысь.
Челядь велӧдчӧны вӧвлӧм магазинын.
Гӧгӧрвоана, мый тайӧ эз вермы кольны менам да Коми Республикаса Веськӧдлан котырлӧн тӧждтӧг.
Ми шуим стрӧитны школасӧ дзоньнас республиканскӧй сьӧмкуд сьӧм тшӧт весьтӧ, сы вӧсна мый эз вӧв позянлун босьтны сьӧмсӧ федеральнӧй сьӧмкудйысь.
Объектыс стрӧитчӧ Коми Республикаса адреснӧй инвестиция уджтас серти.
Стрӧйбалысь конструктивсӧ вӧчӧма, ставсӧ йитӧма, пыртӧма уджӧ котельнӧй.
Кык вежон чӧжӧн температурасӧ стрӧйбаас лэптасны коланаӧдз, медым нуӧдны отделкаа уджъяс.
Пӧдрадчик водзын пуктӧма мог, медым 2023 вося кӧч тӧлысь 1 лунӧ Изьвавомса челядь мунісны выль школаӧ да детсадйӧ», — гӧгӧрвоӧдіс Коми Республикаса Юралысь.
Изьвавом грездын школа-детсадсӧ арталӧма 90 школьник да школаӧдзса 40 челядь вылӧ.
Сійӧс стрӧитӧм вылӧ Коми Республикаса сьӧмкудйын вӧлі урчитӧма 440 миллионысь унджык шайт.
Зданиесӧ стрӧитӧма, сы дорӧ нюжӧдӧма коммуникацияяс, уджалӧ котельнӧй.
Йӧрын лӧсьӧдӧма волейболысь ворсӧм вылӧ площадка, вӧчӧма ортсыса югдӧдан вез.
Ӧні объект вылын лӧсьӧдӧны шонтан да электричествоӧн могмӧдан пытшкӧсса система, вентиляцияяс, пытшкӧсса ичӧт тока системаяс.
{Kodko @ «Лӧп-ёг сортируйтан комплекс да полигон Эжваын оз ло!», — Владимир Уйба @ выльтор @ https://rkomi.ru/news/2727 @ 2022-12-18 @}
«Лӧп-ёг сортируйтан комплекс да полигон Эжваын оз ло!», — Владимир Уйба
Та йылысь Коми Республикаса Юралысь юӧртіс талун, ӧшым тӧлысь 18 лунӧ, Кабала вӧчысьяслӧн культура дворечын Сыктывкарса Эжва районын олысьяскӧд аддзысьлігӧн.
«Чайта, мый йӧзыс паныдӧсь Эжваын сортируйтан завод стрӧитӧмлы.
Сідз?
— Да! Дерт, ми паныдӧсь. [гораа вочавидзисны залын пукалысьяс, — пасйӧд]
— Меным, кыдзи Коми Республикаса Юралысьлы, медшӧрнас пыр вӧлі йӧзлӧн видзӧдласыс.
Та вӧсна, йӧзкӧд ӧтув видлалӧмыс петкӧдліс нин кӧ, мый тайӧ проектсӧ донъялӧны лёка, чайта, мый колӧ помавны йӧзкӧд ӧтув видлалӧмсӧ. Та вылӧ подуласьӧмӧн тшӧкта Коми Республикаса вӧр-ва озырлун министерстволы выль пӧв корсьны сортируйтан завод улӧ места.
Нӧшта ӧтчыдысь шуа, кытчӧдз ме Коми Республикаса Юралысь, республикаса олысьяскӧд водзвыв сёрнитчытӧдз ни ӧти помшуӧм оз ло примитӧма», — юӧртіс Владимир Уйба.
Фотоыс «Комиинформ» юӧртан агентстволӧн, фотосӧ вӧчис В. Шешкунас
{Kodko @ Владимир Уйба нуӧдіс сыктывкарса Кочпон-Чит микрорайонын 270 места вылӧ детсад стрӧитӧм серти быдвежонся сӧвещание @ выльтор @ https://rkomi.ru/news/2729 @ 2022-12-19 @}
Владимир Уйба нуӧдіс сыктывкарса Кочпон-Чит микрорайонын 270 места вылӧ детсад стрӧитӧм серти быдвежонся сӧвещание
Объектыс дась 92% вылӧ.
Объект вылын кык сменаӧн уджалӧ 140 морт.
Лӧсьӧдӧма ичӧт архитектурнӧй юкӧнъяс, вӧчӧны жыръяслысь пытшкӧсса отделка, лӧсьӧдӧны ичӧт тока системаяс, сантехника, би, грузӧвӧй лифт да нуӧдӧны пусконаладочнӧй уджъяс.
Нюжӧдӧма биӧн могмӧдан ортсыса кабель.
Вайӧма оборудование пищеблокӧ, медицина уджалысьлӧн кабинетӧ.
Детсадсӧ стрӧитӧны «Демография» национальнӧй проект серти.
Ставнас вичмӧдӧма 457 млн сайӧ шайт, сэтысь 72,7% — республиканскӧй сьӧмкуд сьӧм.
Фотоыс «Комиинформ» юӧртан агентстволӧн, фотосӧ вӧчис В. Шешкунас
{Kodko @ Владимир Уйба аттьӧаліс Коми Республикаса коммунальщикъясӧс да стрӧитчысьясӧс Ровеньки карын объектъяс кыпӧдны отсалӧмысь @ выльтор @ https://rkomi.ru/news/2730 @ 2022-12-19 @}
Владимир Уйба аттьӧаліс Коми Республикаса коммунальщикъясӧс да стрӧитчысьясӧс Ровеньки карын объектъяс кыпӧдны отсалӧмысь
Коми Республикаса Юралысь сетіс регионса коммунальнӧй да стрӧитчан юкӧнса специалистъяслы уджсӧ бура тӧдӧмысь, киподтуйысь да йӧз вӧсна тӧждысьӧмысь канму наградаяс.
Кыпыд церемонияыс вӧлі ӧшым тӧлысь 19 лунӧ Сыктывкарын.
«Коми Республика тырвыйӧ пӧртіс олӧмӧ ассьыс кӧсйысьӧмъяссӧ.
Буретш ті отсӧгӧн, пыдди пуктана уджалысьяс, Ровенькиын талун челядьыс ветлӧдлӧны сӧстӧм да шоныд детсадъясӧ, йӧзыс ветлӧны бурдӧдчанінъясӧ, кӧні тшӧтш сӧстӧм, шоныд да оз виявны вевтъясыс.
Нуӧдӧма зэв ыджыд удж, коді петкӧдліс, мый Россия ассьыс йӧзсӧ оз эновт.
Луганскӧй Народнӧй Республика, Донецкӧй Народнӧй Республика, Запорожье да Херсон — тайӧ Россиялӧн муясыс.
Йӧзыс бӧрйисны Россия Федерацияӧ пырӧм йылысь помшуӧм, да талун ми отсасям миян россияса муяслы, кодъяслы ёна колӧ миян отсӧгыс», — шуис Владимир Уйба.
Коми Республикаса Юралысь юӧртіс 2023–2024 вояс вылӧ Ровеньки карлы отсӧг сетан планъяс йылысь: «Таво серти тайӧ лоӧ ёна ыджыдджык удж.
Тайӧ 30-ысь унджык объект, кутшӧмъясӧс колӧ дзоньтавны.
Ми эгӧ кольӧй отсӧгтӧг Ровенькиын олысьясӧс таво, огӧ кольӧй и локтан воӧ.
Уджсӧ тані кутам нуӧдны водзӧ.
Та дырйи колӧ тӧдчӧдны, мый Коми Республикаын уджсӧ ми огӧ жӧ чинтӧй».
Владимир Уйба пасйис, мый Ровеньки карса коммунальнӧй инфраструктура да социальнӧй объектъяс кыпӧдӧм серти уджъяссӧ нуӧдісны торъя, абу безопаснӧй условиеясын.
Тайӧ гожӧмнас карас кыкысь усьліс «Точка-У» ракета.
«Ті ставныд — ыджыд сьӧлӧма йӧз.
Ті энӧ прӧста вӧчӧй ыджыд подвиг, но и петкӧдлінныд йӧз вӧсна тӧждныдтӧ.
Ыджыд аттьӧ сыысь, мый некод эз повзьы да быдӧн колана ногӧн вӧчис ассьыс уджсӧ», — тӧдчӧдіс Коми Республикаса Юралысь.
«Кор миян специалистъяс воисны Ровенькиӧ, карыс куим тӧлысь нин оліс кӧдзыд ватӧг.
А мортыслы ӧд сытӧг овнысӧ некыдз.
Миян специалистъяс отсӧгӧн Ровеньки карса олысьяслӧн керкаясӧ васӧ нюжӧдісны тӧлысь чӧжӧн.
Ровенькиын олысьяс аттьӧалӧны республиканымӧс сыысь, мый ми отсалім налы водзӧ бура овны.
Аттьӧ ставныдлы, коді вӧчис тайӧ подвигсӧ», — висьталіс «Сыктывкарса Водоканал» ВАК-са медыджыд директор Андрей Селиванов.
Коми Республикаса Юралысь чолӧмаліс церемонияын участвуйтысьясӧс локтан Выль воӧн, сиис специалистъяслы выль вермӧмъяс, крепыд дзоньвидзалун да ыджыд шуд: «Чолӧмала тіянӧс босьтӧм наградаясӧн.
Нӧшта ӧтчыдысь аттьӧала тіянӧс Коми Республикалы бур вылӧ уджысь да сійӧ уджсьыс, мый ті вӧчанныд талун Россия Федерацияса выль, мездӧм муяслы.
Выль во водзвылын чолӧмала тіянӧс да семьяясныдтӧ, уджалан котыръясныдтӧ локтан гажӧн.
Тӧда, мы Выль воыс ваяс миян керкаясӧ бурсӧ, югыдсӧ.
Сиа, медым став бур кӧсйӧмныд збыльмис.
Локтан Выль воӧн да став бурсӧ тіянлы!».
* * *
Коми Республикаса Юралысьлӧн Индӧдӧн Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Андрей Альбертович Даниловлы — «Шоныд сетан Коми компания» акционер котырлӧн Койгортса филиалын автомашинаса водительлы;
Сергей Александрович Корычевлы — «Сыктывкарса Водоканал» восьса акционер котырын Транспорт службаса водительлы.
Коми Республикаса Юралысьлӧн тшӧктӧмӧн уна во сьӧлӧмсянь да бура уджалӧмысь «Уджын повтӧмлун» отличие пас сетӧма Александр Константинович Каневлы — «Шоныд сетан Коми компания» акционер котырлӧн Изьваса филиалын слесар-ремонтниклы».
Кужӧм-сямлунысь да чина могъяс бура олӧмӧ пӧртӧмысь Коми Республикаса Юралыссянь аттьӧалӧм сетӧма:
Алексей Леонидович Баянтуевлы — «Шоныд сетан Коми компания» акционер котырлӧн Удораса филиалын киӧн сваритысь электрогазосварщиклы;
Юрий Иванович Бондаренколы — «Шоныд сетан Коми компания» акционер котырлӧн Мылдінса филиалын автомашинаса водительлы;
Владимир Юльянович Будревичлы — «Коми коммунальнӧй технологияяс» акционер котырын автомашинаса водительлы;
Роман Николаевич Бураковлы — «Шоныд сетан Коми компания» акционер котырлӧн Изьваса филиалын слесар-ремонтниклы;
Николай Андреевич Горбуновлы — «Сыктывкарса Водоканал» восьса акционер котырлӧн аварийнӧй да дзоньтасян уджъяс вӧчысь слесарлы;
Максим Алексеевич Куликлы — «ГорКомСтрой» «Специализируйтӧм стрӧитчысь» ичӧт кывкутана котырын административнӧй да овмӧс нуӧдан юкӧн серти специалистлы;
Николай Георгиевич Лисниклы — «Сыктывкарса Водоканал» восьса акционер котырса водительлы;
Сергей Константинович Морарьлы — «Сыктывкарса Водоканал» восьса акционер котырса электрогазосварщиклы;
Иван Владимирович Поздеевлы — «ГорКомСтрой» «Специализируйтӧм стрӧитчысь» ичӧт кывкутана котырса инженерлы;
Сергей Александрович Сенютьлы — «Шоныд сетан Коми компания» акционер котырлӧн Койгортса филиалын слесар-ремонтниклы;
Валерий Валериевич Рочевлы — «Шоныд сетан Коми компания» акционер котырлӧн Изьваса филиалын автомашинаса водительлы;
Денис Андреевич Селивановлы — «Сыктывкарса Водоканал» восьса акционер котырса мастерлы;
Анатолий Евгеньевич Туголуковлы — «Сыктывкарса Водоканал» восьса акционер котырлӧн аварийнӧй да дзоньтасян уджъяс вӧчысь слесарлы;
Алексей Андреевич Тюлинлы — «Сыктывкарса Водоканал» восьса акционер котырлӧн аварийнӧй да дзоньтасян уджъяс вӧчысь слесарлы;
Богдан Юрьевич Ушаковлы — «Шоныд сетан Коми компания» акционер котырлӧн Койгортса филиалын электрогазосварщиклы;
Андрей Анатольевич Фалёвлы — «Шоныд сетан Коми компания» акционер котырлӧн Ухтаса филиалын электрогазосварщиклы.
Луганскӧй Народнӧй Республикаса Ровеньки карын дзоньтасян уджъяс нуӧдӧмын уджсӧ бура тӧдӧмысь да сетӧм отсӧгысь Коми Республикаса Юралыссянь аттьӧалӧм сетӧма «РК Тема» ичӧт кывкутана котырса уджалысьяслы:
Николай Павлович Волковлы;
Алексей Николаевич Габовлы;
Максим Павлович Резниковлы;
Юрий Владимирович Чурсановлы.
Луганскӧй Народнӧй Республикаса Ровеньки карын социальнӧй объектъяс дзоньталігӧн сетӧм отсӧгысь Коми Республикаса Юралыссянь аттьӧалӧм сетӧма:
Юрий Владимирович Кузнецовлы — «ГорКомСтрой» «Специализируйтӧм стрӧитчысь» ичӧт кывкутана котырса директорлы;
Руслан Николаевич Семенюклы — «Лузалес» ичӧт кывкутана котырса Директоръяслӧн сӧветӧн веськӧдлысьлы;
Николай Александрович Сосновскийлы — «Коми коммунальнӧй технологияяс» акционер котырса медыджыд директорлы;
Андрей Сергеевич Селивановлы — «Сыктывкарса Водоканал» восьса акционер котырса медыджыд директорлы.
{Kodko @ Ставсӧ Вермӧм шедӧдӧм вӧсна: Коми Республика мӧдӧдіс Ровенькиӧ выль во кежлӧ гуманитарнӧй груз @ выльтор @ https://rkomi.ru/news/2732 @ 2022-12-20 @}
Ставсӧ Вермӧм шедӧдӧм вӧсна: Коми Республика мӧдӧдіс Ровенькиӧ выль во кежлӧ гуманитарнӧй груз
Грузлӧн сьӧктаыс — 21 тонна.
Регионса олысьяс да предприятиеяс чукӧртісны грузсӧ Ровенькиын олысьяслы да Комиысь военнослужащӧйяслы, кодъяс Луганскӧй Народнӧй Республикаын пӧртӧны олӧмӧ торъя военнӧй операциялысь боевӧй могъяс.
Груз мӧдӧдан церемонияӧ пырӧдчис Коми Республикаса Юралысь Владимир Уйба.
«Тайӧ выльвося гуманитарнӧй грузыс лоӧ бур Выль волӧн пасӧн, мый ми медводдзаысь паныдалам Россия Федерациялӧн выль, мездӧм мутасъяскӧд ӧтвылысь.
Тайӧ фураын абу прӧста медикаментъяс, кӧм-пась, техника, козинъяс — тайӧ Коми Республикасянь Ровенькиысь миян ёртъяслы да миян зонъяслы, кодъяс воюйтӧны Луганскӧй Народнӧй Республикаын, шоныд привет», — пасйис Владимир Уйба.
Гуманитарнӧй грузсӧ чукӧртӧма «Всё для Победы» Народнӧй Фронтлӧн проект серти.
Сэтчӧ пырӧны сёян-юан, мобилизуйтӧмаяслы шоныд кӧлуй, техника, медикаментъяс, медицинаын коланаторъяс, бытӧвӧй химия, челядьлы козинъяс, а сідзжӧ 600 гӧгӧр письмӧ да чолӧмалан открытка.
«Кор ме ветлі СВО зонаын миян военнослужащӧйяс дорӧ да нуи налы кӧлуй, посылкаяс, найӧ менсьым юасисны, эмӧсь-ӧ ныв-зонъяссянь письмӧяс.
Тайӧ зэв тӧдчана, мый гижӧны письмӧяс, торйӧн нин челядь, сиӧны тӧдтӧм боечьяслы бӧр локны гортӧ ловъяӧн да дзоньвидзаӧн.
Тайӧ вӧрзьӧдӧ сьӧлӧмтӧ.
Кӧсъя аттьӧавны быдӧнӧс, коді пырӧдчис гуманитарнӧй груз чукӧртӧмӧ.
Быдӧнлы ыджыд аттьӧ», — шуис Коми Республикаса Юралысь.
Груз чукӧртӧмӧ зіля пырӧдчисны Сыктывкарын да маті районъясын олысьяс, Вӧр юкӧнъясын уджалысьяслӧн профсоюзса Коми республиканскӧй организация, Сыктывкарса 26 №-а да 28 №-а школаясын велӧдчысьяс, Коми Республикаын федеральнӧй казначействоӧн веськӧдланінын уджалысьяс, Луздор районса Лойма сиктын олысьяслӧн землячество.
«Сыктывдін районса волонтёръяс нимсянь аттьӧала миянлысь дорйысьясӧс, геройясӧс, кодъяс ӧні тышкасьӧны миян Чужанін вӧсна.
Отсалам да водзӧ кутам отсавны налы шоныд кӧлуйӧн, медикаментъясӧн, сёян-юанӧн.
Огӧ вунӧдӧй и солдатъяслӧн матыссаяс да рӧдвуж йылысь, тӧждысям на вӧсна.
Некымын лун сайын ми нуӧдім «Выль во — Донбасса челядьлы» акция, чукӧртім выль во кежлӧ 230 сайӧ козин.
Найӧс ӧні тшӧтш мӧдӧдам.
Кутам лача, мый Донбасса челядь тшӧтш паныдаласны Выль восӧ нюмъялӧмӧн.
Мед ставыс лоас бур», — висьталіс Сыктывдін районын эзысь волонтёръяслӧн ӧтйӧза организацияӧн веськӧдлысь Галина Короткова.
Грузсӧ кӧсйӧны вайны местаӧдз ӧшым тӧлысь 23 лунӧ.
Коми Республикаса Юралысь Владимир Уйба сиис бур туй шопер Максим Крупинлы, а сідзжӧ Коми Республикаын Ставроссияса народнӧй фронтлӧн регионса исполкомӧн юрнуӧдысь Андрей Мишаринлы, коді колльӧдӧ грузсӧ.
«Выль во кежлӧ медшӧр бурсиӧмыс, ме чайта, быдӧнлӧн ӧткодь, — миян боечьяслы локны ловъяӧн, дзоньвидзаӧн да вайны вермӧм!
Вермӧмсӧ дыр нин виччысям да вӧчам ставсӧ сы могысь.
Ставнытӧ локтан Выль воӧн!», — чолӧмаліс Владимир Уйба.
{Kodko @ Выльвося кадколастӧ Коми Республикаса став службаыс кутас уджавны вынсьӧдӧм режимын @ выльтор @ https://rkomi.ru/news/2733 @ 2022-12-20 @}
Выльвося кадколастӧ Коми Республикаса став службаыс кутас уджавны вынсьӧдӧм режимын
Владимир Уйба нуӧдіс Коми Республикаын неминучаясысь ӧлӧдӧм, найӧс бырӧдӧм да пӧжарысь видзчысьӧм серти комиссиялӧн заседание.
Видлалісны Выль во кежлӧ дасьтысигӧн да сійӧс пасйигӧн, а сідзжӧ тӧвнас ва вылын видзчысянлунсӧ могмӧдӧм йылысь юалӧмъяс.
«Кузь выльвося шойччан лунъяс дырйи колӧ ёнджыка видзӧдны, кыдзи видзчысьӧны пӧжарысь, торйӧн нин уна йӧзаинъясын.
Культура, велӧдан учреждениеясӧн да гажӧдчан заведениеясӧн юрнуӧдысьяслы колӧ примитны став мерасӧ, нуӧдны уджалысьяскӧд планысь ӧтдор инструктажъяс, а сідзжӧ котыртны эвакуация планъяс дасьтӧм серти тренировкаяс», — пуктіс мог Владимир Уйба.
Коми Республикаса Юралысь вӧзйис пӧжарысь видзан федеральнӧй канму дӧзьӧрын уджалысьяслы профилактика могысь волыны индӧм категорияа объектъясӧ, а сідзжӧ видзӧдлыны пиротехническӧй изделиеяс видзанінъяссӧ да вузаланінъяссӧ, нуӧдны лӧсялана удж тайӧ организацияясӧн юрнуӧдысьяскӧд.
Владимир Уйба тӧдчӧдіс, мый выльвося гажъяс дырйи став экстреннӧй оперативнӧй службаыс кутасны уджавны вынсьӧдӧм режимын.
Поводдя вылӧ видзӧдтӧг колӧ вӧчны туйяс би кусӧдан ваӧн могмӧдан ӧшмӧсъяс да мероприятиеяс нуӧданінъяс дорӧ.
«Торйӧн кӧсъя тӧдчӧдны муниципалитетса юрнуӧдысьяслы сы йылысь, мый олан пунктъясын колӧ лӧсьӧдны туй став олан керка дорӧ.
Контроль нуӧдысь органъяс тайӧ юалӧмсӧ видлалӧны торйӧн ёна.
Лымйыс, кӧдзыдыс оз торкны тайӧ уджсӧ.
Та вӧсна ті кывкутанныд.
Выль во водзвылын быть колӧ весавны пыран туйяссӧ, та бӧрся видзӧдӧй асьныд.
Торйӧн нин тайӧ уджъяссӧ колӧ нуӧдны ылі сикт-грездъясын, медым весавны сэтчӧ да пӧжар кусӧдан ва видзанінъяс дорӧ пыран туйяссӧ», — тӧдчӧдіс Владимир Уйба.
Гажлунъяс дырйи олӧмӧ пӧртысь власьт органъясын да меставывса асвеськӧдлан органъясын, учреждениеясын да организацияясын кутасны дежуритны кывкутысь чина йӧз, лоӧ ёнмӧдӧма аварияысь мездан биару службалысь сутки чӧж дежуритӧмсӧ, пӧжарнӧй часьтса да медицина уджалысьяслысь дежурнӧй караулъяссӧ.
Войтырлысь ӧпастӧмлун видзӧм могысь ёнмӧдасны пытшкӧс делӧяс органъясса дорожно-постӧвӧй да патрульно-постӧвӧй службаяслысь группаяссӧ.
Регионлы нӧшта ӧти тӧдчана юалӧм — могмӧдны тӧвнас ва объектъяс вылын йӧзлысь видзчысянлунсӧ.
Республикаын восьтасны йи вывті 101 вуджанін — ставыс найӧ лоӧны олысьяслы, бизнеслы да организацияяслы колана транспорт магистральӧн, но кутшӧмкӧ кадӧ вермасны лоны зэв ӧпаснӧйӧн.
Владимир Уйба тӧдчӧдіс муниципальнӧй юкӧнъяслӧн администрацияясса юралысьяслы да лӧсялана службаяслы, мый колӧ котыртны удж вуджанінъяс колана ногӧн лӧсьӧдӧм-дасьтӧм, безопасносьт серти правилӧясӧ кутчысьӧм йылысь олысьяслы юӧртӧм серти, эрдӧдны да бырӧдны йи кузя санкционируйттӧм вуджанінъяссӧ.
«Став службасӧ аттьӧала таво нуӧдӧм уджысь да сиа, медым тайӧ выльвося кузь каникулыс колис неминучатӧг, медым ставныд Выль восӧ паныдалінныд семьяясаныд, а эн ускӧттьӧ суанінъясын.
Ставлы дзоньвидзалун да ставнымлы Вермӧм!», — шуис Коми Республикаса Юралысь Неминучаясысь ӧлӧдӧм, найӧс бырӧдӧм да пӧжарысь видзчысьӧм серти комиссиялысь таво бӧръя заседание сигӧртігӧн.
{Kodko @ «Мӧвпав мекӧд»: Владимир Уйба козьналас 13 арӧса Кирилл Каневлы Выль во кежлӧ гитара @ выльтор @ https://rkomi.ru/news/2734 @ 2022-12-20 @}
«Мӧвпав мекӧд»: Владимир Уйба козьналас 13 арӧса Кирилл Каневлы Выль во кежлӧ гитара
Коми Республикаса Юралысь, «Единая Россия» партиялӧн дінму юкӧнса секретар Владимир Уйба пырӧдчис «Ёлка желаний» выльвося акцияӧ.
Сійӧс нуӧдӧны страна пасьтала «Мӧвпав мекӧд» ставроссияса бурвӧчан проект серти.
Талун, ӧшым тӧлысь 20 лунӧ, Владимир Уйба «Единая Россия» партиялӧн дінму юкӧнын сувтӧдӧм коз вылысь бӧрйис шар, кытчӧ гижӧма 13 арӧса Кирилл Каневлысь мӧвпсӧ.
«Мӧвпсӧ колӧ збыльмӧдны.
Ӧні Выль во водзвывса лунъяс да колӧ, медым мӧвпъясыс, торйӧн нин челядьлӧн, збыльмисны.
Сиа, медым Кирилл водзӧ ворсіс гитараӧн да гажӧдіс матысаяссӧ», — тӧдчӧдіс Коми Республикаса Юралысь.
«Ёлка желаний» акциясӧ нуӧдӧны 2018 восянь.
Тайӧ 4 во чӧжнас збыльмис челядьлӧн да олӧма йӧзлӧн 59 450 кӧсйӧм.
* * *
Акцияӧ вермӧны пырӧдчыны:
• дзоньвидзалунын дзескӧдӧм позянлунъяса челядь (3 арӧссянь 17 арӧсӧдз) да олӧма йӧз (60 арӧссянь);
• вермытӧм челядь (3 арӧссянь 17 арӧсӧдз) да олӧма йӧз (60 арӧссянь);
• сьӧкыда висьысь челядь (3 арӧссянь 17 арӧсӧдз) да олӧма йӧз (60 арӧссянь);
• бать-мамтӧм да бать-мам дӧзьӧртӧг кольӧм челядь (3 арӧссянь 17 арӧсӧдз);
• гӧля олысь семьяясысь челядь (3 арӧссянь 17 арӧсӧдз);
• СВО-ын участвуйтысь военнослужащӧйяслӧн да мобилизуйтӧмаяслӧн 3 арӧссянь 17 арӧсӧдз челядь;
• 2022 вося урасьӧм тӧлыссянь ДНР-ысь, ЛНР-ысь, Херсонскӧй либӧ Запорожскӧй обласьтъясыс беженечьяс либӧ бытьӧн воысьяс лыдысь челядь (3 арӧссянь 17 арӧсӧдз);
• 3 арӧссянь 17 арӧсӧдз челядь, кодъяс олӧны да кодъясӧс пасйӧма Донецкӧй да Луганскӧй Народнӧй Республикаясын, Запорожскӧй да Херсонскӧй обласьтъясын.
{Kodko @ Комиын вӧчисны Россияса войтырлӧн культура озырлунлы сиӧм во серти кывкӧртӧдъяс @ выльтор @ https://rkomi.ru/news/2735 @ 2022-12-20 @}
Комиын вӧчисны Россияса войтырлӧн культура озырлунлы сиӧм во серти кывкӧртӧдъяс
Ӧшым тӧлысь 20 лунӧ Коми республиканскӧй филармонияын нуӧдісны Россияса войтырлӧн культура озырлунлы сиӧм во тупкан кыпыд церемония да сылы сиӧм «Менам му» концерт.
Мероприятиеӧ пырӧдчис Коми Республикаса Юралысь Владимир Уйба.
Коми Республикалы 2022 воыс, кутшӧмӧс странаса Президент шуис Россияса войтырлӧн культура озырлунлы сиӧм воӧн, вӧлі озыр.
Ковид вӧсна коставлӧм бӧрын таво артмис нуӧдны муниципалитетъяслысь нималана мероприятиеяс.
На лыдын — Изьваын «Луд» регионкостса гаж, Кӧрткерӧсын «Кӧрт Айка» дорччысьясӧн киподтуй петкӧдлан регионкостса фестиваль.
Уна мероприятие вӧлі сиӧма республикаса районъясын тшупӧда пасъяслы.
Шуам, Чилимдінса горка гаж дырйи пасйисны сикт артмӧдӧмсянь 480 во тырӧм. Чилимдін лоис «Россиялӧн эзысь сикӧтш» проектлӧн юркарӧн.
Моз тӧлысьӧ Сыктывкарын Степан изэрд вылын нуӧдісны Коми Республика артмӧдан лунсянь 100 во тырӧмлы сиӧм «Соединяя времена» театральнӧй шоу.
Котыртысьяслы сійӧ козьналіс творчествоын ыджыд опыт, видзӧдысьяслы — яръюгыд казьтылӧмъяс.
Вӧльгым тӧлысьӧ республикаын нуӧдісны Том войтырлысь медводдза Арктикаса Дельфийскӧй ворсӧмъяс — став Россияысь 10–25 арӧса енбиа томуловлы творчествоын ордйысьӧмъяс.
«Тайӧ ставыс — история нин, миян культура озырлун.
Огӧ вунӧдӧй, мый миянлысь медшӧр озырлуннымӧс оз позь босьтны киӧ.
Тайӧ войтырлӧн кывъяс, обычайяс да традицияяс, кипод удж да шылад», — тӧдчӧдіс Коми Республикаса Юралысь.
Воысь-воӧ паськалӧ Комиын абу материальнӧй культура озырлун объектъяслӧн ӧтувъя реестр.
Республикалӧн озырлунӧ пырӧ нин 37 объект.
А «Чилимдінса горка» гажсӧ пыртӧма «Войтырлӧн культура серти антология» федеральнӧй проектӧ.
Тавося йирым тӧлысьӧ примитӧма «Россия Федерациялӧн абу материальнӧй этнокультурнӧй озырлун йылысь» выль федеральнӧй оланпас.
Сы отсӧгӧн лӧсьӧдасны инӧд да котыртӧм боксянь подувъяс, медым видзны Россияса став войтырлӧн да этнослӧн культуралысь аслыспӧлӧслунсӧ, этнокультурнӧй унапӧлӧслун да кывъяс.
«Помасьӧ Россияса войтырлӧн культура озырлунлы сиӧм во.
Но миянлысь озырлун видзӧм серти уджыс уна на, тайӧ творческӧй, котыртан, методика, велӧдан, презентуйтан уджъяс.
Локтан 2023 восӧ республикаын восьтас фестиваль-юбиляр: Кулӧмдін сиктын тӧвшӧр тӧлысь 13 лунӧ комынӧдысь мунас «Василей» ӧнія коми сьыланкывлы сиӧм республиканскӧй фестиваль!
Дона ёртъяс, сьӧлӧмсянь чолӧмала тіянӧс локтан Выль воӧн.
Мед сійӧ лоас бурӧн, озырӧн да ваяс вермӧмъяс!», — сиис Владимир Уйба.
Чолӧмалан кыв висьталӧм бӧрын Коми Республикаса Юралысь сетіс канму наградаяс культура юкӧнын уджалысьяслы.
* * *
Коми Республикаса Юралысьлӧн Индӧдӧн Коми Республикалы бур вӧчӧмысь «Коми Республикаса нимӧдана уджалысь» почёт ним сетӧма Ирина Анатольевна Елиналы — «Луздорса овмӧдчӧминъяслысь библиотекаяс ӧтувтан система» овмӧдчӧминъяслӧн Юхнин нима шӧр библиотекаса могмӧдан юкӧнын нуӧдысь библиотекарлы;
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Владимир Леонидович Казаковцевлы — «Народъяслӧн дружба ордена Савин нима академическӧй канму драма театр» Коми Республикаса канму асшӧрлуна учреждениеын директорӧс вежысьлы;
Галина Вячеславовна Чупровалы — «Изьваын овмӧдчӧминкостса клубнӧй система» муниципальнӧй сьӧмкуд культура учреждениеса филиалын — Чупров нима Сизяыб сиктса культура керкаын клубнӧй формированиеясӧн юрнуӧдысьлы;
Коми Республикаса Юралысьлӧн тшӧктӧмӧн культура юкӧнын заслугаясысь да уна вося бур уджысь «Коми Республикаса культураын почёта уджалысь» Коми Республикаса ним сетӧма:
Оксана Анатольевна Зуевалы — «Луздорын овмӧдчӧминкостса культура да прӧст кад коллялан шӧрин» муниципальнӧй асшӧрлуна культура учреждениеса директорлы;
Марина Николаевна Козаченколы — «Меридиан» овмӧдчӧминкостса клубъяслӧн ӧтув» муниципальнӧй сьӧмкуд учреждениеса филиалӧн — Кӧджарӧмса культура керкаӧн заведуйтысьлы;
Ольга Сергеевна Марковалы — «Коми Республикаса искусство колледж» Коми Республикаса уджсикасӧ велӧдан канму учреждениеын концертмейстерлы;
Елена Николаевна Мингалевалы — «Айкатыла сиктын овмӧдчӧминкостса (шӧр) Культура керка» муниципальнӧй сьӧмкуд учреждениелӧн «Мадмасса Культура керка» филиалын художественнӧй юрнуӧдысьлы, Емдін район;
чина кывкутана могъяс бура олӧмӧ пӧртӧмысь «Коми Республикалы зэв бура служитӧмысь» отличие пас сетӧма:
Людмила Валерьяновна Куликовалы — «Луздорса овмӧдчӧминъяслысь библиотекаяс ӧтувтан система» муниципальнӧй культура учреждениелӧн филиалын — Лоймаса библиотекаын библиотекарлы;
Мария Владимировна Маруничлы — Коми Республикаса культура, туризм да архив удж министерствоын канму уджтасъяс да проектъяс збыльмӧдан юкӧнса начальниклы;
Евгений Александрович Некрасовлы — Коми Республикаса культура, туризм да архив удж министерствоын кадръяс да инӧд серти уджалан юкӧнса медыджыд специалист-экспертлы;
Ирина Владимировна Чупровалы — «Культура, прӧст кад коллялан да кино петкӧдлан районса шӧрин» муниципальнӧй сьӧмкуд учреждениелӧн филиалӧн — Филиппов сиктса Культура керкаӧн заведуйтысьлы, Чилимдін район;
уджын вермӧмъясысь да уна вося бур уджысь Коми Республикаса Юралыссянь Аттьӧалӧм сетӧма:
Лариса Алексеевна Пешкиналы — Коми Республикаса культура, туризм да архив удж министерствоын кадръяс да инӧд серти уджалан юкӧнса консультантлы;
Светлана Николаевна Пятовалы — «Йӧзкост творчество сӧвмӧдан да тӧдӧмлун кыпӧдан шӧрин» Коми Республикаса канму асшӧрлуна учреждениеын котыртан да методика юкӧнса нуӧдысь методистлы.
{Kodko @ Владимир Уйба нуӧдіс Туй вылын видзчысянлунсӧ могмӧдан республиканскӧй комиссиялысь заседание @ выльтор @ https://rkomi.ru/news/2736 @ 2022-12-20 @}
Владимир Уйба нуӧдіс Туй вылын видзчысянлунсӧ могмӧдан республиканскӧй комиссиялысь заседание
Заседание дырйи сёрнитісны сы йылысь, кыдзи могмӧдны тӧвнас туйяс вылын видзчысянлунсӧ, а сідзжӧ ӧлӧдны туй вылын неминучаясысь, кытчӧ вермӧны веськавны челядь.
Торйӧн нин сёрнитісны сы йылысь, кыдзи лӧсьӧдны безопаснӧй условиеяс, медым вӧлі позянлун ветлӧдны йи кузя вуджанінъясті да автозимникъясті.
Коми Республикаын 2022–2023 воясся тӧв кежлӧ лӧсьӧдӧма 100-ысь унджык йи кузя вуджанін, мукӧдлаті на пиысь ветлӧдлӧны нин, а мукӧдсӧ восьтасны кӧдзыдъяс пуксьӧм бӧрын.
Республиканскӧй тӧдчанлуна куим тӧвся туй лыдысь (налӧн ӧтувъя кузьтаыс 98 километр) восьса сӧмын ӧти — «Айкатыла-Кослан».
Ветлӧдлӧны нин меставывса тӧдчанлуна 20 автозимник кузя.
Быд во республиканскӧй сьӧмкудйысь муниципалитетъяслы сетӧны субсидияяс йи кузя вуджанінъяс да меставывса тӧдчанлуна ӧтув вӧдитчан тӧвся автомашина туйяс лӧсьӧдӧм да видзӧм вылӧ.
2022 воын тайӧ могъяс вылӧ урчитӧма 193,3 миллион шайт.
Кар-районъясын администрацияясса юрнуӧдысьяс водзын пуктӧма мог — во помӧдзыс кырымавны 2023 во вылӧ ӧтув вӧдитчан автомашина туйяс да улич-туйяс, автозимникъяс да йи кузя вуджанінъяс видзӧм вылӧ муниципальнӧй контрактъяс.
Заседаниеӧ пырӧдчысьяс сёрнитісны и подӧн ветлӧдысьяслӧн видзчысянлун йылысь.
Владимир Уйбалӧн тшӧктӧм серти дасьтӧма да вынсьӧдӧма Коми Республикаса туйяс вылын подӧн ветлӧдысьяслысь видзчысянлунсӧ могмӧдан туй карта.
Сылысь мероприятиеяссӧ збыльмӧдӧм йылысь юӧртіс регионса стрӧитчан, оланін да коммунальнӧй овмӧс министр Андрей Лисов.
Республикаса олысьяслысь вӧзйӧмъяссӧ тӧд вылӧ босьтӧмӧн нуӧдісны уджъяс каръясын да кар овмӧдчӧминъясын: содтӧд югзьӧдісны подӧн туй вуджанінъяссӧ, туйвежъясын сувтӧдісны транспорт надзмӧдысь мылькъяс, потшисны перилӧӧн, лӧсьӧдісны подӧн туй вуджанінъяс.
Сідзжӧ заседание дырйи сёрнитісны, кыдзи кутасны лӧсьӧдны подӧн туй вуджанінъяссӧ национальнӧй стандартъяс серти.
2022 воын нуӧдӧм дзоньтасян уджъяс бӧрын урчитӧм корӧмъяслы лӧсялӧ 1621 подӧн туй вуджанін — тайӧ налӧн ӧтувъя лыдысь 75%.
Муниципалитетъясса юрнуӧдысьяслы колӧ примитны подӧн туй вуджанінъяссӧ нормативъяс серти лӧсьӧдан тырвыйӧ мераяс да пыр видзӧдны тайӧ удж бӧрся.
Та могысь, колӧ весавны лымйысь москияссӧ да подӧн ветлан туйяссӧ, видзӧдны, медым подӧн туй вуджанінъяс водзын да автобус сувтланінъяс бердын, а торйӧн нин велӧдчанінъяскӧд орччӧн эз вӧвны лым толаяс,
кутчысьны пасъяс сувтӧдӧм, транспорт надзмӧдысь мылькъяс вӧчӧм да подӧн туй вуджанінъяс югзьӧдӧм серти ГИБДД-лӧн вӧзйӧмъясӧ.
Тайӧ ставыс отсалас видзчысьны туйяс вылын неминучаясысь.
Заседание дырйи юалӧмъяс пиысь ӧтиыс вӧлі туйяс вылын челядьлӧн доймалӧмысь ӧлӧдӧм йылысь.
Владимир Уйбалӧн тшӧктӧм серти Коми Республикаса велӧдан, наука да том йӧз политика министерство вынсьӧдіс бать-мамлысь патрульяс котыртан уджсӧ.
Тайӧ уджас пырӧдчис 700-ысь унджык бать-мам, кодъяс асывнас да рытнас колльӧдӧны челядьӧс велӧдчанінъясӧ да бӧр гортаныс.
Таысь кындзи, республиканскӧй сьӧмкуд сьӧм тшӧт весьтӧ регионса шӧр школаяслы ньӧбӧма да мӧдӧдӧма челядьлы 8400 световозвращающӧй элемент.
9000 световозвращающӧй жилет ньӧбӧма «Безопаснӧй бур туйяс» войтырсикас проектлӧн «Туй вылын видзчысянлун» федеральнӧй проект серти.
Муниципалитетъясса юрнуӧдысьяслы вӧзйисны вынсьӧдны ДТП-ысь, кытчӧ вермӧны веськалӧны челядь, ӧлӧдан уджсӧ да разӧдны школаӧдз велӧдчысьяслы да велӧдчанінъясын велӧдчысьяслы световозвращающӧй элементъяс.
{Kodko @ Алексей Буткинӧс мездӧма Коми Республикаса видз-му овмӧс да потребительскӧй рынок министр чинысь @ выльтор @ https://rkomi.ru/news/2737 @ 2022-12-21 @}
Алексей Буткинӧс мездӧма Коми Республикаса видз-му овмӧс да потребительскӧй рынок министр чинысь
2022 вося ӧшым тӧлысь 22 лунсянь Коми Республикаса видз-му овмӧс да потребительскӧй рынок министрлысь могъяссӧ кутас пӧртны олӧмӧ Надежда Усова, Коми Республикаса видз-му овмӧс да потребительскӧй рынок министрӧс медводдза вежысь.
Лӧсялана тшӧктӧмъяссӧ кырымаліс Коми Республикаса Юралысь Владимир Уйба.
Коми Республикаса Юралысьлӧн 2022 во ӧшым тӧлысь 21 лунся 514-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын мездыны Алексей Васильевич Буткинӧс Коми Республикаса видз-му овмӧс да потребительскӧй рынок министр чинысь.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2022 во ӧшым тӧлысь 21 лунся 515-р №-а тшӧктӧм
Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын 2022 вося ӧшым тӧлысь 22 лунсянь индыны Коми Республикаса видз-му овмӧс да потребительскӧй рынок министрлысь могъяс олӧмӧ пӧртысьӧн Надежда Анатольевна Усоваӧс, Коми Республикаса видз-му овмӧс да потребительскӧй рынок министрӧс медводдза вежысьӧс.
{Kodko @ Санкт-Петербургысь курсантъяслы сетісны Коми Республикаса Юралыссянь аттьӧалана письмӧяс @ выльтор @ https://rkomi.ru/news/2740 @ 2022-12-23 @}
Санкт-Петербургысь курсантъяслы сетісны Коми Республикаса Юралыссянь аттьӧалана письмӧяс
Владимир Уйба аттьӧаліс Россияса МЧС-ын пӧжарысь видзан канму службалӧн Санкт-Петербургса университетысь курсантъясӧс Коми Республикаысь военнослужащӧйясӧс содтӧд кӧлуйӧн да обмундированиеӧн могмӧдан гуманитарнӧй миссияӧ пырӧдчӧмысь.
Россия Федерацияса гражданалы, кодъясӧс корисны военнӧй служба вылӧ частичнӧй мобилизация серти Коми Республикаысь, содтӧд кӧлуйсӧ да обмундированиесӧ Коми Республикаса Юралысьлӧн тшӧктӧм серти чукӧртісны Россия Федерацияса Рытыв-Войвыв дінмуын Коми Республикаӧс петкӧдланінын.
Тайӧ уджын Коми Республикаӧс петкӧдланінын уджалысьяслы отсасисны Россияса МЧС-ын пӧжарысь видзан канму службалӧн Санкт-Петербургса университетысь курсантъяс.
Зонъяс кывкутӧмӧн збыльмӧдісны тайӧ тӧдчана гуманитарнӧй миссиясӧ.
Коми Республикаса Юралысь Владимир Уйба ыстіс курсантъяслы письмӧяс, кӧні аттьӧаліс найӧс отсӧгысь, ӧтувтчӧмысь, Чужан му радейтӧмысь да пыдди пуктӧмысь, а сідзжӧ сиис крепыд дзоньвидзалун, тыр-бур да лада олӧм, Россиялы бур вылӧ служитӧмын водзӧ вылӧ вермӧмъяс.
Коми Республикаса Юралысь нимсянь аттьӧалан письмӧяссӧ курсантъяслы сетіс Россия Федерацияса Рытыв-Войвыв дінмуын Коми Республикаӧс Петкӧдлысь Марина Анатольевна Каракчиева.
{Kodko @ Комиын 2023 во заводитчӧмсянь оланін биаруӧн могмӧдігӧн сетан сьӧмӧн отсӧгсӧ содтасны 75 сюрс шайтсянь 100 сюрс шайтӧдз @ выльтор @ https://rkomi.ru/news/2741 @ 2022-12-23 @}
Комиын 2023 во заводитчӧмсянь оланін биаруӧн могмӧдігӧн сетан сьӧмӧн отсӧгсӧ содтасны 75 сюрс шайтсянь 100 сюрс шайтӧдз
Россияса Президентлысь тшӧктӧмсӧ олӧмӧ пӧртӧм могысь кырымалӧма Коми Республикаса Веськӧдлан котырлысь лӧсялана помшуӧм.
Казьтыштам: таво Коми Республикаса Юралысь Владимир Уйбалӧн тшӧктӧм серти оланін биаруӧн могмӧдігӧн сетан сьӧмӧн отсӧгсӧ кыпӧдлісны нин — 30 да 50 сюрс шайтсянь 75 сюрс шайтӧдз.
Сійӧ, мый канмусянь татшӧм отсӧгсӧ кыпӧдасны локтан воын, петкӧдлӧ, мый регионса юрнуӧдысьяс быд боксянь план серти бурмӧдӧны Комиын олысьяслысь олӧмсӧ.
Кыдзи пасйисны Коми Республикаса удж, уджӧн могмӧдан да социальнӧя доръян министерствоын, сідзжӧ локтан восянь регионын оланін биаруӧн могмӧдігӧн сетан ӧтчыдысь сьӧмӧн отсӧгсӧ вермас босьтны унджык категория йӧз.
2023 вося тӧвшӧр тӧлысь 1 лунсянь канму отсӧгсӧ вермасны босьтны:
• гӧля олысь граждана, ӧткӧн олысь пенсионеръяс да ӧткӧн олысь пенсионер гозъяяс,
• семьяяс, кӧні эмӧсь 23 арӧсӧдз 2 да унджык челядь, кодъяс велӧдчӧны очнӧя,
• абу тыр семьяяс, кӧні эм кага либӧ 23 арӧсӧдз челядь, кодъяс велӧдчӧны очнӧя,
• семьяяс, кӧні быдмӧны вермытӧм челядь,
• Айму вӧсна Ыджыд тышын участвуйтысьяс да инвалидъяс,
• семьяяс, кӧні гозъяыс 35 арӧсысь томджыкӧсь,
• сиктын уджалысь том специалистъяс, кодъяс томджыкӧсь 35 арӧсысь,
• боевӧй тышъясса инвалидъяс да ветеранъяс, боевӧй тышъясса инвалидъяслӧн да ветеранъяслӧн семьяясӧ пырысьяс,
• сиктын олысь челядя семьяяс,
• став сикас группаа вермытӧмъяс,
• мобилизуйтӧм граждана да СВО-ӧ ас кӧсйӧм серти пырӧдчысьяс, а сідзжӧ налӧн семьяясӧ пырысьяс.
Татшӧм ногӧн, локтан восянь Комиын тӧдчымӧн содас оланін биаруӧн могмӧдігӧн сетан сьӧмӧн отсӧгыс да сійӧс вермас босьтны унджык категория граждана.
Сідзкӧ, республикаын унджык олысьлӧн керкаясын лоӧ шоныдджык.
{Kodko @ «Мӧвпав мекӧд»: Владимир Уйба пӧртас олӧмӧ ДНР-ысь 12 арӧса Елизаветалысь да Коми Республикаысь 6 арӧса Артур Тюковлысь кӧсйӧмъяссӧ @ выльтор @ https://rkomi.ru/news/2742 @ 2022-12-23 @}
«Мӧвпав мекӧд»: Владимир Уйба пӧртас олӧмӧ ДНР-ысь 12 арӧса Елизаветалысь да Коми Республикаысь 6 арӧса Артур Тюковлысь кӧсйӧмъяссӧ
Ӧшым тӧлысь 22 лунӧ Коми Республикаса Юралысь пырӧдчис Россия Федерацияса Каналан Сӧветлӧн заседаниеӧ, кӧні видлалісны канму том йӧз политика збыльмӧдан юалӧмъяс.
Заседаниеӧн юрнуӧдіс Россияса Президент Владимир Путин.
Сідзжӧ заседаниеын участвуйтысьяс пырӧдчисны «Ёлка желаний» бурвӧчан акцияӧ. Сійӧс котыртӧма «Мӧвпав мекӧд» ставроссияса проект серти.
Коми Республикаса Юралысь босьтіс Кремльса коз вылысь кык шар, кытчӧ гижӧма челядьлысь кӧсйӧмъяссӧ.
Донецкӧй Народнӧй Республикаысь 12 арӧса Елизавета мӧвпалӧ укулеле йылысь (аккордъяс отсӧгӧн сьыланкывъяс ворсӧм либӧ соло ворсӧм вылӧ гавайиса нёль струнаа неыджыд гитара, — пасйӧд), а Коми Республикаысь 6 арӧса Артур Тюков кӧсйӧ велосипед.
«Челядьлысь мӧвпъяссӧ быть лоӧ пӧртӧма олӧмӧ», — эскӧдіс Владимир Уйба.
Водзынджык Коми Республикаса Юралысь «Единая Россия» партиялӧн дінму юкӧнын сувтӧдӧм коз вылысь бӧрйис шар, кытчӧ гижӧма 13 арӧса Кирилл Каневлысь мӧвпсӧ.
Кириллы Владимир Уйба козьналас гитара.
«Ёлка желаний» акциясӧ нуӧдӧны 2018 восянь.
Тайӧ 4 во чӧжнас збыльмис челядьлӧн да олӧма йӧзлӧн 59 450 кӧсйӧм.
* * *
Акцияӧ вермӧны пырӧдчыны:
• дзоньвидзалунын дзескӧдӧм позянлуна челядь (3 арӧссянь 17 арӧсӧдз) да олӧма йӧз (60 арӧссянь);
• вермытӧм челядь (3 арӧссянь 17 арӧсӧдз) да олӧма йӧз (60 арӧссянь);
• сьӧкыда висьысь челядь (3 арӧссянь 17 арӧсӧдз) да олӧма йӧз (60 арӧссянь);
• бать-мамтӧм да бать-мам дӧзьӧртӧг кольӧм челядь (3 арӧссянь 17 арӧсӧдз);
• овны судзсяна сьӧмысь этшаджык чӧжӧса семьяясысь челядь (3 арӧссянь 17 арӧсӧдз);
• СВО-ын участвуйтысь военнослужащӧйяслӧн да мобилизуйтӧмаяслӧн 3 арӧссянь 17 арӧсӧдз челядь;
• челядь (3 арӧссянь 17 арӧсӧдз), кодъяс 2022 вося урасьӧм тӧлыссянь пырӧны ДНР-ысь, ЛНР-ысь, Херсонскӧй либӧ Запорожскӧй обласьтъясыс беженечьяс лыдӧ либӧ на лыдӧ, кодъяслы быть ковмис мӧдлаӧ овмӧдчыны;
• 3 арӧссянь 17 арӧсӧдз челядь, кодъяс олӧны да кодъясӧс пасйӧма Донецкӧй да Луганскӧй Народнӧй Республикаясын, Запорожскӧй да Херсонскӧй обласьтъясын.
{Kodko @ Владимир Уйба висьталіс Коми Республикаын том йӧзкӧд уджалӧм йылысь @ выльтор @ https://rkomi.ru/news/2743 @ 2022-12-23 @}
Владимир Уйба висьталіс Коми Республикаын том йӧзкӧд уджалӧм йылысь
Ӧшым тӧлысь 22 лунӧ Коми Республикаса Юралысь пырӧдчис Россия Федерацияса Каналан Сӧветлӧн заседаниеӧ, кӧні видлалісны канму том йӧз политика збыльмӧдан юалӧмъяс.
Заседаниеӧн юрнуӧдіс Россияса Президент Владимир Путин.
Коми Республикаын нуӧдӧны ыджыд удж том йӧзӧс сӧвмӧдӧм да канму том йӧз политика серти.
Сідз, регионын 2023 восӧ сиӧма Том йӧзлы.
2023 вося тӧвшӧр тӧлысь 1 лунсянь кутас уджавны Коми Республикаса том йӧз политика комитет.
Лӧсьӧдӧны условиеяс, медым том войтыр вермисны аддзыны асьнысӧ олӧмын да сӧвмыны.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Коми Республикаса Юралысьлӧн Выльвося ёлка да баскетбол серти Россияса кубоклӧн «Финал четырёх» йылысь @ выльтор @ https://rkomi.ru/news/2744 @ 2022-12-23 @}
Владимир Уйба висьталіс Коми Республикаса Юралысьлӧн Выльвося ёлка да баскетбол серти Россияса кубоклӧн «Финал четырёх» йылысь
Выль во водзын нуӧдісны енбиа челядьлы Коми Республикаса Юралысьлысь Выльвося ёлка.
Мероприятие вылӧ став республикаысь локтіс 300 сайӧ ныв-зон.
Тайӧ велӧдчӧмын отличникъяс, олимпиадаясын призёръяс, конкурсъясын да спорт ордйысьӧмъясын вермысьяс.
Челядьӧс чолӧмалісны Кӧдзыд Пӧль да Лымныв.
Ныв-зон видзӧдісны «Сказка про чудесное огниво» спектакль, налы сетісны юмов козинъяс.
Сідзжӧ талун Сыктывкарын воссис аньяслӧн командаяс пӧвстын баскетбол серти Россияса кубоклӧн «Финал четырёх».
Татшӧм тӧдчана ордйысьӧмыс Комилӧн юркарын нуӧдсьӧ медводдзаысь на.
Миян площадка вылын петкӧдчасны странаса медбур командаяс: сыктывкарса «НИКА», Екатеринбургысь «УГМК», Курскысь «Динамо» да Москваысь «МБА».
Ордйысьӧмъясыс мунасны ӧшым тӧлысь 23–25 лунъясӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба сетіс Луздорысь краснофлотечлӧн рӧдвужлы Финскӧй залив пыдӧсысь лэптӧм му тыра гильза @ выльтор @ https://rkomi.ru/news/2745 @ 2022-12-24 @}
Владимир Уйба сетіс Луздорысь краснофлотечлӧн рӧдвужлы Финскӧй залив пыдӧсысь лэптӧм му тыра гильза
Краснофлотеч, Ношуль сиктын чужлӧм Максим Алексеевич Трофимов Айму вӧсна Ыджыд тыш дырйи служитіс Краснознамённӧй Балтикаса Флотлӧн «Фугас» тральщик вылын.
1942 вося моз тӧлысьын «Фугас» да «Буря» карабъяс олӧмӧ пӧртісны боевӧй операция. Сэки, моз тӧлысь 24 лунӧ, кыкнан карабыс веськалісны мина вылӧ да вӧйисны.
Кувсис 104 краснофлотеч, на лыдын и — Максим Трофимов.
80 во мысти, 2022 вося моз тӧлысь 24 лунӧ, сэтчӧ, кӧні вӧйисны карабъясыс, ветлісны торъя экспедицияӧн.
Восьса саридзын кыпыд церемония дырйи нэммӧдісны пӧгибнитӧм экипажъяслысь паметьсӧ.
Водолазъяс лэптісны Финскӧй залив пыдӧсысь мусӧ, кӧні куйлӧны карабъясыс, да талун му тыра гильзасӧ Владимир Уйба сетіс геройлӧн рӧдвужлы.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба сетіс Луздорысь краснофлотечлӧн рӧдвужлы му тыра гильза @ выльтор @ https://rkomi.ru/news/2746 @ 2022-12-25 @}
Владимир Уйба сетіс Луздорысь краснофлотечлӧн рӧдвужлы му тыра гильза
Мусӧ лэптӧма Финскӧй залив пыдӧсысь, кӧні куйлӧны Айму вӧсна Ыджыд тыш дырйи вӧйӧм карабъяс.
На пиысь ӧтиын служитіс Луздор районса Ношуль сиктын чужлӧм, Краснознамённӧй Балтикаса Флотысь краснофлотеч Максим Трофимов.
Ӧшым тӧлысь 24 лунӧ Луздор районӧ удж серти ветлігӧн Коми Республикаса Юралысь аддзысьліс краснофлотечлӧн рӧдвужкӧд — Алексей Можегов внукыскӧд да Татьяна Ганя правнучкаыскӧд, медым збыльмӧдны почёта могсӧ.
«Кор миян боечьяс усьӧны саридзын, тайӧ зэв ыджыд шог рӧдвужыслы — оз позь волыны гу дорӧ, местаӧ, кӧні гуалӧма геройсӧ, да копыртчывны сылы.
Менам пӧльӧй усьлӧма Ленинград улын, ми дыр корсим сылысь усянінсӧ.
И кор аддзим, кӧсъя шуны, сьӧлӧмӧй зэв ёна радліс: сюри менам усьӧм пӧльӧй, а мамлӧн — батьыс.
Ме чайта, Алексей Валентиновичлӧн да Татьяна Александровналӧн ӧні татшӧм жӧ сьӧлӧмкылӧмъясыс.
Ӧні на дорын эм му, кӧні вермисны кольны миян герой Максим Алексеевич Трофимовлӧн колясъясыс», — шуис Владимир Уйба.
Церемония дырйи вӧліны Ношуль сиктса олысьяс да татчӧс школаын велӧдчысьяс.
Коми Республикаса Юралысь шыӧдчис ныв-зон дорӧ: «Ті — Айму вӧсна Ыджыд тышын пӧгибнитӧм геройяслӧн праправнукъяс.
Колӧ, медым ті гӧгӧрвоинныд, мый сэкся войнаыс, и талунъяыс — тайӧ усьӧм йӧз, миян рӧдвуж да матыссаяс, ставӧн, кодъяс Айму вӧсна Ыджыд тыш дырйи дорйисны миян Чужанінлысь асшӧр олӧмсӧ, кодъяс тышкасьӧны та вӧсна талун.
Колӧ, медым ті водзӧ нуинныд асланыд рӧдвуж йылысь паметьсӧ, висьталінныд на йылысь асланыд челядьныдлы.
Тадзи оз вун миян воинъяслӧн подвигыс».
Владимир Уйба аттьӧаліс йӧзӧс, кодъяс отсалӧны корсьны пӧгибнитӧм воинъяслысь шойяссӧ да вайӧны найӧс гортаныс рӧдвуж да матыссаяс дорӧ: «Поисковикъяслӧн удж дырйи вермас лоны быдторйыс:
позьӧ веськавны важ взорвитчытӧм снарадъяс, минаяс вылӧ.
На та вылӧ видзӧдтӧг йӧзыс водзӧ уджалӧны, медым аддзыны быд солдатӧс.
Тайӧ ыджыд удж».
Ношуль сиктса школаын 7 класса велӧдчысь Платон Можегов, Сӧветскӧй Союзса Герой Семён Алексеевич Сердитовлӧн правнук, висьталіс Гӧрд флот вылын служитысьлысь историясӧ да кыдзи сійӧ пӧгибнитіс.
Аттьӧалана кывъяс висьталіс воинлӧн правнучка Татьяна Александровна Ганя: «Ми пыр пыдди пуктім деднымӧс да прадеднымӧс.
Кутам видзны тайӧ капсуласӧ да паметя инъяслысь снимокъяссӧ.
Ми висьталам та йылысь миян челядьлы, внукъяслы да правнукъяслы.
Ставлы ыджыд аттьӧ.
Усьӧм солдатъяслы куслытӧм паметь!».
Максим Алексеевич Трофимов чужӧма 1914 вося урасьӧм тӧлысь 3 лунӧ Луздор районса Ношуль сиктын.
1937 воын сійӧс босьтӧмаӧсь военно-морскӧй служба вылӧ, Айму вӧсна Ыджыд тыш дырйи збыльмӧдӧма боевӧй могъяс Балтикаса флот вылын.
Служба вылӧ босьттӧдз Максим Трофимовлӧн чужӧма Татьяна ныв.
Ӧні воинлӧн куим внук да сизим правнук.
Максим Алексеевич служитіс «Фугас» тральщик вылын.
1942 вося моз тӧлысьӧ краснофлотечьяс збыльмӧдісны боевӧй мог прӧтивникъясӧн босьтӧм берег да діяс пӧлӧн.
«Фугас» да «Буря» карабъяс могмӧдісны Нарва портӧ минаясӧн мунысь катер-заградительяслӧн отрядлысь уджсӧ.
Моз тӧлысь 24 лунӧ кыкнан карабыс веськалісны мина вылӧ да вӧйисны.
Пӧгибнитіс 104 краснофлотеч.
2022 вося моз тӧлысьӧ тайӧ трагедия лоӧмсянь тырис 80 во.
«Фугас»-са да «Буря»-са экипажъяслӧн пӧгибнитӧмыс лоис Балтика флотлӧн 1942–1945 воясӧ Финскӧй заливын да Балтикаын медыджыд шогӧн.
Медводдзаысь тайӧ кык карабсӧ видлісны корсьны 2015 воын на.
2021 во кежлӧ туялысь водолазъяслӧн команда аддзис, кӧні найӧ вӧйӧмаӧсь.
2022 вося моз тӧлысь 24 лунӧ сэтчӧ, кӧні вӧйисны карабъясыс, пӧгибнитӧм морякъяслӧн рӧдвужкӧд ветлісны торъя экспедицияӧн.
Восьса саридзын кыпыд церемония дырйи нэммӧдісны «Фугас»-са да «Буря»-са пӧгибнитӧм экипажъяслысь паметьсӧ.
{Kodko @ Коми Республикаса Юралысь Владимир Уйба видзӧдліс, кыдзи Абъячой сиктын кыпӧдӧны 600 места вылӧ школа @ выльтор @ https://rkomi.ru/news/2747 @ 2022-12-25 @}
Коми Республикаса Юралысь Владимир Уйба видзӧдліс, кыдзи Абъячой сиктын кыпӧдӧны 600 места вылӧ школа
Объект вылын помассисны медшӧр стрӧитчан-монтажнӧй уджъясыс.
Госстройнадзорӧ ыстӧма стрӧитчӧм помалӧм йылысь извещение.
Нуӧдӧны кывкӧрталан прӧверка.
Ӧні вайӧны-примитӧны мебель да технология оборудование.
{Kodko @ Владимир Уйба ветліс Сыктывкарысь «НИКА» да Курскысь «Динамо» командаяс костын баскетбольнӧй матч вылӧ @ выльтор @ https://rkomi.ru/news/2748 @ 2022-12-25 @}
Владимир Уйба ветліс Сыктывкарысь «НИКА» да Курскысь «Динамо» командаяс костын баскетбольнӧй матч вылӧ
«Лузалес-Арена» Сыктывкарса спорт комплексын помасьӧ аньяслӧн командаяс пӧвстын баскетболысь Россияса кубоклӧн «Финал четырёх».
Коймӧд места вӧсна ордйысисны Курскысь «Динамо» да Сыктывкарысь «НИКА». Вермис — Курскысь «Динамо».
Регыд лоас Москваысь «МБА» да Екатеринбургысь «УГМК» костын медводдза места вӧсна матч.
«Ми дорын медводдзаысь нуӧдсьӧны татшӧм тӧдчана ордйысьӧмъясыс.
Сыктывкар пырас Россияса баскетболлӧн историяӧ. Буретш тані лоӧ тӧдса аньяс пӧвстын Россияса кутшӧм баскетбольнӧй команда вермис 2022 воын.
Аттьӧала «Лузалес» компанияӧс да Руслан Николаевич Семенюкӧс республикаын баскетбол сӧвмӧдны отсалӧмысь, миян болельщикъяслы выльвося козин вӧчӧмысь.
Торйӧн нимкодь, мый нёль медбур команда лыдын — миян «Ника».
Жаль, мый коймӧд места вӧсна ордйысьӧмын эз артмы вермыны Курсысь «Динамо» командасӧ.
Но сыктывкарса вӧрканьяс эз ӧтчыдысь петкӧдлывны, мый найӧ — збыльвывса боечьяс.
Талун тайӧс петкӧдлісны жӧ.
Оз ков жугыльтчыны, колӧ уджавны да мунны водзӧ.
Мӧдысь миян команданым быть вермас», — шуис матч бӧрын Владимир Уйба.
Командаяс ордйысисны ӧшым тӧлысь 23–25 лунъясӧ.
Аньяслӧн баскетбольнӧй командаяс пӧвстын PARІ Россияса кубоклӧн «Финал четырёх» медшӧр награда вӧсна вермасисны Сыктывкарысь «НИКА», Екатеринбургысь «УГМК», Курскысь «Динамо» да Москваысь «МБА».
{Kodko @ Владимир Уйба висьталіс «Яреганефть» предприятие вылын лоӧмтор, оланін биаруӧн могмӧдігӧн сетан сьӧмӧн отсӧг кыпӧдӧм да Луздорӧ автоклуб ньӧбӧм йылысь @ выльтор @ https://rkomi.ru/news/2749 @ 2022-12-26 @}
Владимир Уйба висьталіс «Яреганефть» предприятие вылын лоӧмтор, оланін биаруӧн могмӧдігӧн сетан сьӧмӧн отсӧг кыпӧдӧм да Луздорӧ автоклуб ньӧбӧм йылысь
Талун «Яреганефть» предприятиелӧн 3 №-а мусир шахталӧн ӧти уклоннӧй блокын вӧлі оксид углерод петкӧдлысь датчиклӧн сигнал.
Шахтаын вӧлі 56 морт.
Персоналсӧ ставнас петкӧдӧма.
Некод эз доймав.
Коми Республикаын 2023 во заводитчӧмсянь оланін биаруӧн могмӧдігӧн ӧтчыдысь сетан сьӧмӧн отсӧгсӧ содтасны 75 сюрс шайтсянь 100 сюрс шайтӧдз.
Регионын тайӧ сьӧмсӧ босьтысь категория йӧзлысь лыддьӧгсӧ паськӧдӧма.
«Культура» национальнӧй проект серти Луздорлӧн культура да прӧст кад коллялан овмӧдчӧминкостса шӧринӧ ньӧбӧма автоклуб.
Сійӧ воис нин шӧринӧ да регыд кутас уджавны.
Автобусын лӧсьӧдӧм комплексын эмӧсь уна могъяс вылӧ груз видзанін, мобильнӧй сцена, шы да бияс лӧсьӧдан-сетан оборудование, видеопроектора экран.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание @ выльтор @ https://rkomi.ru/news/2750 @ 2022-12-27 @}
Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание
Видлалісны выльвося да рӧштводырся гажъяс кежлӧ дасьтысигӧн да найӧс нуӧдігӧн лёк суӧмысь видзысян мераяс.
«Колӧ видзчысьны лёк суӧмысь выльвося да рӧштводырся гажъяс дырйи, медым шойччан лунъяс колисны неминучаястӧг.
Республикаын олысьяслӧн шойччан кадӧ миянлы колӧ бура уджавны», — пуктіс мог Коми Республикаса Юралысь Владимир Уйба.
Шӧр докладъясӧн сёрнитісны Коми Республикаын пытшкӧс делӧяс министрӧс вежысьлысь могъяс недыр кадколастӧ збыльмӧдысь Андрей Перловас, Россия Федерацияса национальнӧй гвардия войскаса федеральнӧй службалӧн Коми Республикаын веськӧдланінса начальниклысь могъяс недыр кадколастӧ збыльмӧдысь Сергей Андрющенко да Россияса МЧС-лӧн Коми Республикаын Медшӧр веськӧдланінса начальник Алексей Пархомович.
Кывзісны татшӧм юӧр: велӧдан объектъяс видзӧм йылысь;
уна сикас конфессияа йӧз пӧвстын терроризм идеологиялы паныд удж нуӧдан мераяс йылысь;
«Инта» кар кытшлӧн муниципальнӧй юкӧнын, «Удора» муниципальнӧй районын терроризмлы паныд удж нуӧдысь комиссиялӧн удж серти терроризмысь ӧлӧдӧмсӧ котыртӧм, сылӧн идеологиялы паныд удж нуӧдӧм йылысь;
политика, социально-экономическӧй да терроризмлы паныд нуӧдан удж вылӧ тӧдчысь мукӧд процесс серти мониторинглӧн серпас, сылысь ногтуйсӧ бурмӧдан мераяс йылысь.
Заседание помын Коми Республикаын терроризмлы паныд удж нуӧдысь комиссиялӧн аппаратӧн юрнуӧдысь Александр Бурцев вӧчис дженьыд кывкӧртӧдъяс 2022 воын Коми Республикаын терроризмлы паныд удж нуӧдысь комиссиялӧн удж серти, вӧзйис видлавны 2023 во кежлӧ Коми Республикаын терроризмлы паныд удж нуӧдысь комиссиялысь уджалан план.
{Kodko @ Коми Республикаса Юралысь чолӧмалӧ Мездысьлӧн лунӧн @ выльтор @ https://rkomi.ru/news/2751 @ 2022-12-27 @}
Коми Республикаса Юралысь чолӧмалӧ Мездысьлӧн лунӧн
«Мездан службаясын пыдди пуктана уджалысьяс да ветеранъяс!
Став сьӧлӧмсянь чолӧмала тіянӧс уджсикас гажӧн — Россия Федерацияса мездысьлӧн лунӧн!
Йӧзӧс лёк суӧмысь мездӧм, неминучаяс дырйи отсалӧм — тайӧ уджыс повтӧм да ыджыд сьӧлӧма йӧзлы.
Мездан службаын уджалысьяслы колӧ лоны повтӧмӧн, бура тӧдны бӧрйӧм уджсӧ да ӧдйӧ сетны колана отсӧг.
Ті пыр медводдзаӧн воанныд сэтчӧ, кӧні колӧ отсӧг — пӧжар вылын, авария дырйи, ваӧн ойдӧминъясын.
Мукӧддырйи ті асьныдтӧ, олӧмныдтӧ жалиттӧг вермасянныд бикӧд да вакӧд.
Весиг асланыд уджсикас гаж дырйи унджыкыс тіян пиысь — пост вылынӧсь.
Аттьӧала тіянӧс йӧз вӧсна тӧждысьӧмысь, найӧс лёк суӧмысь мездӧмысь, налы отсӧгысь, уджнытӧ бура тӧдӧмысь.
Аттьӧ ветеранъяслы чӧжӧм сямысь да традицияяс видзӧмысь, аттьӧ том йӧзлы тайӧ уджсӧ бӧрйӧмысь.
Сиа службаын вермӧмъяс, шуд, крепыд дзоньвидзалун, медым матыссаясныд да рӧдвужныд пыр гӧгӧрвоисны тіянӧс!»
Коми Республикаса Юралысь Владимир Уйба
{Kodko @ Владимир Уйба чолӧмаліс мездысьясӧс уджсикас гажӧн да висьталіс Сыктывкарын «Фабрика процессов» йылысь @ выльтор @ https://rkomi.ru/news/2752 @ 2022-12-27 @}
Владимир Уйба чолӧмаліс мездысьясӧс уджсикас гажӧн да висьталіс Сыктывкарын «Фабрика процессов» йылысь
Талун — Россия Федерацияса Мездысьлӧн лун.
Коми Республикаса Юралысь аттьӧаліс мездысь службаын уджалысьясӧс асьнысӧ жалиттӧг уджсӧ бура вӧчӧмысь, а сідзжӧ чолӧмаліс СПАС-КОМИ 20 во тырӧмӧн.
Сыктывкарын воссис аслыспӧлӧс велӧдан-производственнӧй площадка. Сійӧ шусьӧ «Фабрика процессов».
Сэні предприятиеясса уджалысьяс производство дырйи вермӧны велӧдчыны нуӧдны видзтысь производство да бура вӧдитчыны сыӧн практика вылын.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Светлана Суворкинаӧс индӧма Коми Республикаса том йӧз политика комитетӧн веськӧдлысь чинӧ @ выльтор @ https://rkomi.ru/news/2753 @ 2022-12-27 @}
Светлана Суворкинаӧс индӧма Коми Республикаса том йӧз политика комитетӧн веськӧдлысь чинӧ
Та йылысь тшӧктӧмсӧ кырымаліс Коми Республикаса Юралысь Владимир Уйба.
Коми Республикаса Юралысьлӧн 2022 во ӧшым тӧлысь 27 лунся 529 р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Светлана Юрьевна Суворкинаӧс Коми Республикаса том йӧз политика комитетӧн веськӧдлысь чинӧ.
2. Тайӧ тшӧктӧмыс вынсялӧ сійӧс кырымалан лунсянь.
* * *
Светлана Юрьевна Суворкина чужис Княжпогост районса Ропча посёлокын 1976 воын косму тӧлысь 25 лунӧ.
1995 воын помаліс Ухтаса лесотехническӧй техникум, лоис бухгалтерӧн.
2000 воын помаліс Сыктывкарса канму университет, лоис экономистӧн.
1995 восянь 1997 воӧдз уджаліс Сосногорск карын «Вера» вермытӧм челядьӧс реабилитируйтан шӧринын трудотерапия серти инструкторӧн.
1997–1999 воясӧ — Сосногорск карын социальнӧя могмӧдан муниципальнӧй шӧринса специалист.
1999 восянь 2004 воӧдз уджаліс «Сосногорск» МРМЮ администрацияын социально-экономическӧя сӧвмӧдӧмӧн, анализӧн да прогнозируйтӧмӧн веськӧдланінын 1 категория специалистӧн, нуӧдысь да медыджыд специалистӧн.
2005–2009 воясын уджаліс Коми Республикаса йӧзлы отсӧг сетан агентстволӧн Сосногорск карын олысьясӧс социальнӧя доръян веськӧдланінса начальникӧн.
2010–2016 воясӧ директораліс «Сосногорск карын олысьясӧс социальнӧя доръян юкӧнын канму услугаяс сетан шӧрин» Коми Республикаса канму сьӧмкуд учреждениеын.
2016 восянь 2020 воӧдз — Коми Республикаса удж, уджӧн могмӧдан да социальнӧя доръян министрӧс вежысь.
2021 воын зілис «Кӧджпонса республиканскӧй психоневрология интернат» Коми Республикаса канму сьӧмкуд учреждениеын директорӧс вежысьӧн.
2021–2022 воясӧ директораліс «Сборнӧй командаяс спортивнӧя дасьтан шӧрин» Коми Республикаса канму асшӧрлуна учреждениеын.
Верӧс сайын.
Быдтӧ нылӧс да пиӧс.
{Kodko @ 2023 воын Коми Республикаса став автобус маршрутсӧ «цифруйтасны» @ выльтор @ https://rkomi.ru/news/2754 @ 2022-12-28 @}
2023 воын Коми Республикаса став автобус маршрутсӧ «цифруйтасны»
Ӧшым тӧлысь 27 лунӧ Владимир Уйба нуӧдіс Коми Республикаса Юралысь бердын стратегическӧя веськӧдлӧм серти координационнӧй сӧветлысь таво кежлӧ бӧръя заседание.
Заседаниеӧ пырӧдчысьяс сёрнитісны промышленносьт, транспорт да велӧдан юкӧнъяс цифрӧвӧя трансформируйтӧм йылысь.
«Велӧдан юкӧнын цифровизация — тайӧ абу ас водзын сувтӧдӧм мог, а медводз педагогъяслы, велӧдчысьяслы да бать-мамлы отсӧг вылӧ инструментъяс пыртӧм.
Колӧ, медым челядьным велалісны вӧдитчыны тайӧ инструментъясӧн.
Промышленносьт предприятиеяслӧн талун кӧ эмӧсь цифрӧвӧй инструментъяс, то конкурентъяс серти налӧн производствоыс 100% вылӧ бурджык да зумыдджык.
Транспорт юкӧнын цифровизация пыртӧм бӧрын пассажиръяслы сетан услугаясыс лоасны бурджыкӧсь да судзсянаджыкӧсь», — шуис Владимир Уйба.
Коми Республикаса экономика сӧвмӧдан да промышленносьт министр Евгений Пономаренко юӧртіс, мый талун транспорт юкӧнын цифровизациясӧ могмӧдӧны Коми Республикаса пассажирскӧй автомашина транспортӧн веськӧдлӧм серти дінмуса ӧтувъя система отсӧгӧн (ЕАС).
Тайӧ системаыс лоӧ «Дінмуса юӧртан навигация система» Коми Республикаса канму юӧртан системалӧн отраслевӧй системаулӧн (РНИС).
ЕАС сетӧ позянлун тӧдмавны, ветлӧны-ӧ автобусъясыс расписание серти, да индыны штрапъяс перевозчикъяслы, кодъяс торкалӧны расписаниесӧ.
2022 вося ӧшым тӧлысь 1 лун кежлӧ муниципалитеткостса пыр ӧткодя новлӧдлан 34 маршрутысь системаӧ пыртӧма 21-ӧс, тайӧ 62%.
Владимир Уйба пасйис, мый талун Коми Республикаса олысьяс норасьӧны сы вылӧ, мый перевозчикъяс торкалӧны расписаниесӧ. Та вӧсна час пикӧ автобусӧ чукӧрмӧ вывті уна йӧз, а рыт-асылӧ автобусъясыс абуӧсь.
«Мыйла ми огӧ вермӧй видзӧдны автобусъяслӧн расписание бӧрся да вывті ыджыд нагрузка дырйи ыстыны маршрутъяс вылӧ содтӧд автобусъяс?
Кор ми вӧчам цифрӧвӧй расписание, медым сійӧ уджаліс морттӧг?», — стӧчмӧдіс Коми Республикаса Юралысь.
Евгений Пономаренко висьталіс, мый мытшӧдсӧ татшӧм ногӧн разьны артмас сэк, кор став муниципальнӧй маршрутсӧ пыртасны ЕАС системаӧ.
Сэк перевозчикъяслы позяс онлайн видзӧдны расписание бӧрся да ыставны автобусъяссӧ маршрутъяс серти.
2022 во помӧдз муниципалитетъяслы колӧ пыртны став маршрутсӧ системаӧ.
2023 воын тайӧ маршрутъяс бӧрся вермасны видзӧдны кыдзи власьт органъяс, сідзи и граждана.
Коми Республикаса цифра отсӧгӧн сӧвмӧдан, связь да юӧр сетан министрлысь могъяс олӧмӧ пӧртысь Виталий Осипов аслас докладын паськыдджыка висьталіс «РНИС» система йылысь. Сэні сідзжӧ позьӧ видзӧдны, кӧні мунӧ системаӧ пыртӧм транспортыс, кутчысьӧны-ӧ маршрутъясӧ, расписаниеӧ.
2022 вося ӧшым тӧлысь 1 лун кежлӧ Системаӧ пырны вермӧны республикаса кар-районъяслӧн став муниципалитетыс.
Системаӧ пыртӧма 125 муниципальнӧй да 21 муниципалитеткостса маршрут.
Ӧні маршрутъяслысь списокъяссӧ выльмӧдӧны, лӧсьӧдӧны расписание, стӧчмӧдӧны перевозчиккӧд контракт йылысь юӧрсӧ.
Сідзжӧ Яндекс-картаяс вылын гижӧма Сыктывкарын да Воркутаын коммерческӧй перевозчикъяслысь маршрутъяссӧ. Ӧні тайӧ маршрутъяссӧ петкӧдлӧны тестӧвӧй режимын.
РНИС отсӧгӧн тырвыйӧ уджалӧм могысь ӧні кырымалӧны РНИС-ын мыччӧдъяс кутысь да Яндекс компания костын артмӧдчӧмъяс.
Та бӧрын кутас тыдавны оз сӧмын сійӧ, кыдзи ветлӧдлӧ транспортыс, но и сылӧн расписаниеыс, колана остановка дорӧ матыстчан кадыс.
Уджсӧ помаласны 2023 во помӧдз.
{Kodko @ Владимир Уйба сетіс Сыктывкарысь бать-мамтӧм челядьлы выль патераясысь ключьяс @ выльтор @ https://rkomi.ru/news/2755 @ 2022-12-28 @}
Владимир Уйба сетіс Сыктывкарысь бать-мамтӧм челядьлы выль патераясысь ключьяс
Кыпыд церемонияыс вӧлі ӧшым тӧлысь 27 лунӧ.
5 мортлы сетісны выль олан жыръяс.
Ставнас таво муниципалитетса администрация могмӧдіс оланінӧн «бать-мамтӧм челядь» статуса 119 гражданинӧс.
«Зэв бур Выль во водзын босьтны ас патераясысь ключьяс. Тайӧ сетӧ шуда аскиа лун вылӧ лача.
Эска, тадзи и лоӧ.
Некымын лун сайын, ӧшым тӧлысь 16 лунӧ, ми сетім ключьяс Изьва районысь бать-мамтӧм челядьлы.
Коми Республикаса Веськӧдлан котыр сьӧрсьӧн-бӧрсьӧн пӧртӧ олӧмӧ бать-мамтӧм челядьӧс оланінӧн могмӧдӧм серти могсӧ.
Тавосянь ми сетам оланін ньӧбӧм вылӧ сертификат.
Кутам водзӧ тадзи уджавны.
Ме став сьӧлӧмсянь чолӧмала тіянӧс тайӧ лоӧмторнас, локтан Выль воӧн.
Мед тіян патераясын пыр оліс шуд да муслун.
Чолӧмала выль оланінӧн!», — чолӧмаліс Владимир Уйба.
«Ставнымлы тайӧ воыс вӧлі сьӧкыд.
Та вӧсна во помын патера — тайӧ збыль ыджыд козин.
Быдӧнлы ыджыд аттьӧ сыысь, мый отсаланныд налы, кодъяслы тайӧ збыльысь колӧ.
Ставнытӧ локтан Выль воӧн», — аттьӧаліс Елена Торопова.
Коми Республикаын олӧ 2 сюрс гӧгӧр бать-мамтӧм челядь, кодъяслы колӧ оланін.
Ӧчередьсӧ чинтӧм могысь Коми Республикаса Веськӧдлан котыр вичмӧдӧ унджык сьӧм бать-мамтӧм челядьӧс олан жыръясӧн могмӧдӧм вылӧ.
2022 воын тайӧ могъяс вылӧ Коми Республикаын урчитӧма 376,7 миллион шайт, сы лыдын 54,7 миллион шайт — федеральнӧй сьӧмкудйысь.
Таысь кындзи, Коми Республикаын тавосянь уджалӧ отсӧг сетан содтӧд мера — сетӧны оланін ньӧбӧм вылӧ сертификат. Сійӧс веськӧдӧма бать-мамтӧм челядь лыдысь йӧзлысь оланін боксянь инӧдъяссӧ збыльмӧдӧм вылӧ.
2022 воын тайӧ могъяс вылӧ урчитӧма 40 миллион гӧгӧр шайт, социальнӧй мынтӧмсӧ сетӧны 1,8 миллион шайт сайӧ, сійӧс босьтісны бать-мамтӧм челядь лыдысь 21 гражданин.
Комиын 19 кар-район збыльмӧдіс нин бать-мамтӧм челядьлы оланін ньӧбӧм серти 2022 во вылӧ планъяссӧ.
{Kodko @ Владимир Уйба сетіс канму наградаяс Коми Республикаса росгвардеечьяслы @ выльтор @ https://rkomi.ru/news/2756 @ 2022-12-28 @}
Владимир Уйба сетіс канму наградаяс Коми Республикаса росгвардеечьяслы
Ӧшым тӧлысь 27 лунӧ кыпыд церемония дырйи Росгвардиялӧн регионса веськӧдланінын уджалысьяслы сетісны Россия Федерацияса канму наградаяс.
«Торъя военнӧй операциялӧн медводдза лунъяссянь Росгвардиялӧн Коми Республикаын веськӧдланінса торъя подразделениеясысь боечьяс повтӧг да асьнысӧ жалиттӧг бура пӧртӧны олӧмӧ служебнӧй да боевӧй могъяс», — пасйис Коми Республикаса Юралысь, боевӧй тышъясса ветеран Владимир Уйба.
Регионса юрнуӧдысь аттьӧаліс росгвардеечьясӧс могъяс кывкутӧмӧн олӧмӧ пӧртӧмысь, повтӧмлунысь, а сідзжӧ сиис налы службаын вермӧмъяс, шуд, тыр-бур олӧм, крепыд дзоньвидзалун да медым семьяын вӧлі ставыс бур.
Россия Федерацияса Президентлӧн Индӧд серти служебнӧй мог олӧмӧ пӧртігӧн повтӧмлунысь, йӧз вӧсна тӧждысьӧмысь Коми Республикаысь росгвардеечьяслы сетӧма Повтӧмлун орденъяс, «Смеллунысь» медальяс, «Аймулы бур вочӧмысь» орденлысь медальяс.
Сідзжӧ Росгвардияса торъя подразделениеясысь уджалысьяслы сетісны Коми Республикаса Юралысьлысь Аттьӧалӧмъяс.
«Талун меным мойвиис сетны тӧдчана канму наградаяс.
Тайӧ тіянлысь подвигсӧ, повтӧмлунсӧ, йӧз вӧсна лов пуктыны дасьлунсӧ бурӧ пуктӧм.
Ті — збыльысь патриотъяс, кодъяс ас страна да ас войтыр вӧсна дасьӧсь унатор вӧчны.
Коми Республика, Россия пыдди пуктӧ тіянӧс!
Тӧда, мый Россияса Вооружённӧй вынъясӧн Медвылыс Веськӧдлысьӧн пуктӧм могъясӧдз ми воӧдчам тшӧтш и тіян кужӧм-сямлун отсӧгӧн да сьӧлӧмсянь зільӧмӧн.
Ми вермам!», — юӧртіс Владимир Уйба.
Церемонияӧ пырӧдчысьяс казьтыштісны чӧв олыштӧмӧн Айму дорйысьясӧс, кодъяс пӧгибнитісны торъя военнӧй операция дырйи.
Коми Республикаса Юралысь чолӧмаліс росгвардеечьясӧс локтан Выль воӧн да Рӧштвоӧн: «Сиа тіянлы службаын вермӧмъяс, шуд, тыр-бур олӧм, крепыд дзоньвидзалун да медым семьяын вӧлі ставыс бур.
Да медым Выль воыс ваяс миянлы Вермӧм!
Ми ставӧн сійӧс виччысям.
Мед миян зонъяс регыд бӧр воасны гортаныс ловъяӧн да дзоньвидзаӧн!».
{Kodko @ Андрей Майерӧс индӧма Коми Республикаса эмбур да му йитӧдъяс комитетӧн веськӧдлысь чинӧ @ выльтор @ https://rkomi.ru/news/2757 @ 2022-12-28 @}
Андрей Майерӧс индӧма Коми Республикаса эмбур да му йитӧдъяс комитетӧн веськӧдлысь чинӧ
Та йылысь тшӧктӧмсӧ кырымаліс Коми Республикаса Юралысь Владимир Уйба.
Коми Республикаса Юралысьлӧн 2022 во ӧшым тӧлысь 28 лунся 535 р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Андрей Александрович Майерӧс Коми Республикаса эмбур да му йитӧдъяс комитетӧн веськӧдлысь чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Коми Республикаса стрӧитчан, оланін да коммунальнӧй овмӧс министерствоын лоисны кадрӧвӧй вежсьӧмъяс @ выльтор @ https://rkomi.ru/news/2758 @ 2022-12-28 @}
Коми Республикаса стрӧитчан, оланін да коммунальнӧй овмӧс министерствоын лоисны кадрӧвӧй вежсьӧмъяс
Андрей Лисов, коді уджалӧ министр чинын, гижис 2022 вося ӧшым тӧлысь 27 лунсянь отпуск вылӧ да водзӧ вылӧ уджысь мездӧм йылысь заявление.
Коми Республикаса Юралысь Владимир Уйба кырымаліс Андрей Лисовлысь заявлениесӧ да Коми Республикаса стрӧитчан, оланін да коммунальнӧй овмӧс министрлысь могъяссӧ тшӧктіс пӧртны олӧмӧ Николай Еланцевлы, Коми Республикаса стрӧитчан, оланін да коммунальнӧй овмӧс министрӧс вежысьлы.
Коми Республикаса Юралысьлӧн 2022 во ӧшым тӧлысь 27 лунся 533-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын мездыны Андрей Михайлович Лисовӧс Коми Республикаса стрӧитчан, оланін да коммунальнӧй овмӧс министр чинысь 2023 вося тӧвшӧр тӧлысь 27 лунсянь.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2022 во ӧшым тӧлысь 27 лунся 534-р №-а тшӧктӧм
Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын 2022 вося ӧшым тӧлысь 27 лунсянь индыны Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртысьӧн Николай Сергеевич Еланцевӧс, Коми Республикаса стрӧитчан, оланін да коммунальнӧй овмӧс министрӧс вежысьӧс.
{Kodko @ Владимир Уйба СВО нуӧдан зонаын аддзысьліс Коми Республикаысь военнослужащӧйяскӧд @ выльтор @ https://rkomi.ru/news/2759 @ 2022-12-30 @}
Владимир Уйба СВО нуӧдан зонаын аддзысьліс Коми Республикаысь военнослужащӧйяскӧд
Коми Республикаса Юралысь сетіс Чужан му дорйысьяслы рӧдвужсянь да матыссаяссянь выльвося посылкаяс, кӧрт пачьяс, шоныд паськӧм да сёян-юан.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Путин чолӧмалӧ Коми Республикаса олысьясӧс локтан Выль воӧн да Рӧштвоӧн @ выльтор @ https://rkomi.ru/news/2760 @ 2022-12-31 @}
Владимир Путин чолӧмалӧ Коми Республикаса олысьясӧс локтан Выль воӧн да Рӧштвоӧн
Россия Федерацияса Президент ыстіс Коми Республикаса Юралысь Владимир Уйбалы чолӧмалан открытка.
«Тайӧ югыд, гажа, ставлы муса лунъясӧ быд семьяын йӧз сиӧны ӧта-мӧдныслы шуд, вермӧмъяс, пуктӧм могъяс олӧмӧ пӧртӧм.
Мед локтан 2023 воыс лоас тыр-бурӧн тіянлы да тіян матыссаяслы.
Сиа бур дзоньвидзалун да вермӧмъяс», — висьтавсьӧ канму юралысьлӧн шыӧдчӧмын.
{Kodko @ Коми Республикаса Юралысь чолӧмалӧ Выль воӧн да Рӧштвоӧн @ выльтор @ https://rkomi.ru/news/2761 @ 2022-12-31 @}
Коми Республикаса Юралысь чолӧмалӧ Выль воӧн да Рӧштвоӧн
«Коми Республикаса пыдди пуктана олысьяс!
Дона ёртъяс!
Чолӧмала тіянӧс Выль воӧн да Рӧштвоӧн!
Тайӧ дыр виччысяна да ставӧнлы муса, шань семьяпытшса гажъяссӧ ми коллялам рӧдвужкӧд да матыссаяскӧд.
Зілям тӧждысьны бать-мам да пӧль-пӧч вӧсна, козьнавны челядьлы да внукъяслы шензьӧдана мойд.
И кымын эськӧ миянлы эз вӧв арӧс, выль вося войӧ ми, кыдз челядь, курантъяс кучкигӧн эскам, мый миян гуся кӧсйӧмным збыльмас.
Мед збыльмасны тіян мӧвпъяс да кӧсйӧмъяс.
А миян талун ӧтувъя кӧсйӧм — тайӧ, дерт, Россиялӧн Вермӧм, медым миян боечьяс, кодъяс ӧні видзӧны миянӧс, чужан мулысь мездлун да асшӧрлун, регыд локтісны гортӧ ловйӧн да дзоньвидзаӧн.
Мед локтан воыс ваяс бур вежсьӧмъяс да пӧртас олӧмӧ миянлысь ӧтувъя мӧвп.
Мед сійӧ козьналас вермӧм, тыр-бур олӧм да шуд, тырас бур уджъясӧн да вӧчӧмторъясӧн.
Крепыд дзоньвидзалун, радейтӧм, ӧта-мӧдӧс гӧгӧрвоӧм да вермӧмъяс!
Праздникӧн!»
Коми Республикаса Юралысь Владимир Уйба
{Kodko @ Наталья Якимоваӧс 2023 вося тӧвшӧр тӧлысь 1 лунсянь индӧма Коми Республикаса велӧдан да наука министрлысь могъяс олӧмӧ пӧртысьӧн @ выльтор @ https://rkomi.ru/news/2762 @ 2022-12-31 @}
Наталья Якимоваӧс 2023 вося тӧвшӧр тӧлысь 1 лунсянь индӧма Коми Республикаса велӧдан да наука министрлысь могъяс олӧмӧ пӧртысьӧн
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2022 во ӧшым тӧлысь 31 лунся 541-р №-а тшӧктӧм
1.
Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын 2023 вося тӧвшӧр тӧлысь 1 лунсянь индыны Наталья Владимировна Якимоваӧс Коми Республикаса велӧдан да наука министрлысь могъяс олӧмӧ пӧртысьӧн.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Владимир Уйба збыльмӧдіс «Ёлка желаний» бурвӧчан акцияӧ том пырӧдчысьяслысь мӧвпъяс @ выльтор @ https://rkomi.ru/news/2763 @ 2022-12-31 @}
Владимир Уйба збыльмӧдіс «Ёлка желаний» бурвӧчан акцияӧ том пырӧдчысьяслысь мӧвпъяс
Акцияыс мунӧ «Мӧвпав мекӧд» ставроссияса проект серти.
Коми Республикаса Юралысь Кремльын да «Единая Россия» партиялӧн Коми дінму юкӧнын сувтӧдӧм козъяс вылысь бӧрйис шаръяс, кытчӧ гижӧма челядьлысь мӧвпъяссӧ.
Донецкӧй Народнӧй Республикаысь 12 арӧса Елизавета мӧвпалӧ укулеле йылысь (аккордъяс отсӧгӧн сьыланкывъяс ворсӧм либӧ соло ворсӧм вылӧ гавайиса нёль струнаа неыджыд гитара, — пасйӧд).
Коми Республикаысь зонкаяс 13 арӧса Кирилл Канев да 6 арӧса Артур Тюков корисны гитара да велосипед.
Кирилл да Артур босьтісны нин ассьыныс козинъяссӧ.
Найӧ аттьӧалісны Коми Республикаса Юралысьӧс выль вося дивӧысь да чолӧмалісны локтан Выль воӧн да Рӧштвоӧн.
Елизаветалы козинсӧ мӧдӧдӧма нин Донецкӧй Народнӧй Республикаӧ да регыд лоӧ сетӧма сылы.
«Ёлка желаний» акциясӧ нуӧдӧны 2018 восянь.
Тайӧ 4 во чӧжнас збыльмис челядьлӧн да олӧма йӧзлӧн 59 450 кӧсйӧм.
* * *
Акцияӧ вермӧны пырӧдчыны:
• дзоньвидзалунын дзескӧдӧм позянлуна челядь (3 арӧссянь 17 арӧсӧдз) да олӧма йӧз (60 арӧссянь);
• вермытӧм челядь (3 арӧссянь 17 арӧсӧдз) да олӧма йӧз (60 арӧссянь);
• сьӧкыда висьысь челядь (3 арӧссянь 17 арӧсӧдз) да олӧма йӧз (60 арӧссянь);
• бать-мамтӧм да бать-мам дӧзьӧртӧг кольӧм челядь (3 арӧссянь 17 арӧсӧдз);
• гӧля олысь семьяясысь челядь (3 арӧссянь 17 арӧсӧдз);
• СВО-ын участвуйтысь военнослужащӧйяслӧн да мобилизуйтӧмаяслӧн 3 арӧссянь 17 арӧсӧдз челядь;
• челядь (3 арӧссянь 17 арӧсӧдз), кодъяс 2022 вося урасьӧм тӧлыссянь пырӧны ДНР-ысь, ЛНР-ысь, Херсонскӧй либӧ Запорожскӧй обласьтъясысь беженечьяс лыдӧ либӧ на лыдӧ, кодъяслы быть ковмис мӧдлаӧ овмӧдчыны;
• челядь (3 арӧссянь 17 арӧсӧдз), кодъяс олӧны да кодъясӧс пасйӧма Донецкӧй да Луганскӧй Народнӧй Республикаясын, Запорожскӧй да Херсонскӧй обласьтъясын.
{Kodko @ Воркутаын помассьӧ ва весалан стрӧйбаяс вылын лёк лоӧмторлысь колясъяссӧ бырӧдӧм @ выльтор @ https://rkomi.ru/news/2764 @ 2023-01-05 @}
Воркутаын помассьӧ ва весалан стрӧйбаяс вылын лёк лоӧмторлысь колясъяссӧ бырӧдӧм
Талун, тӧвшӧр тӧлысь 5 лунӧ, Коми Республикаса Юралысь Владимир Уйба нуӧдіс тайӧ юалӧм серти уджалан сӧвещание.
Докладъясӧн сёрнитісны контроль да дӧзьӧр нуӧдысь органъясӧн, «Воркута», «Инта», «Усинск» кар кытшъясӧн юрнуӧдысьяс.
Тӧд вылӧ уськӧдам, лёкторйыс лоис 2022 вося ӧшым тӧлысь 24 лунӧ «Водоканал» ИКК ва весалан стрӧйбаяс вылын.
Воркута ваӧн могмӧдӧм вылӧ тайӧ некыдз эз тӧдчы, сы вӧсна мый карлӧн ва босьтаніныс сулалӧ Уса ю вылын лёктор лоӧм местасянь вылынджык.
Контроль да дӧзьӧр нуӧдысь органъясӧн юрнуӧдысьяс юӧртісны Воркутаын ва весалан стрӧйбаясдорса ва объектъясын босьтӧм ва пробаяс серти бӧртасъяс йылысь.
«Инта» да «Усинск» КК МЮ олан пунктъяс ваӧн могмӧдӧмын ставыс бур.
Та йылысь юӧртісны тайӧ муниципалитетъяслӧн администрацияясӧн юрнуӧдысьяс Владимир Киселёв да Николай Такаев.
Воркутаын ва весалан стрӧйбаяс вылын лёк лоӧмторлысь колясъяссӧ бырӧдӧм серти уджъяс нуӧдӧм йылысь висьталіс мэр Ярослав Шапошников.
Ӧні разьӧны трубопроводлысь жугалӧм юкӧн да косялӧны киссьӧм пыкӧдъяс да джодж-йирк.
Уджалӧны 50 тонна кран, «Водоканал» ИКК 6 сотрудник, «Днепр» ИКК ПАСФ (конструкцияяс разьӧм серти специализируйтӧм организация) 4 сотрудник.
Сӧвещаниелӧн кывкӧртӧдъяс серти Коми Республикаса Юралысь Владимир Уйба тшӧктіс профильнӧй министерствояслы муниципалитетъяскӧд ӧтув дженьыд кадӧн уджъяс помалӧм могысь кыскыны содтӧд вынъяс да техника.
{Kodko @ Воркутаын помассьӧ ва весалан стрӧйбаяс вылын лёк лоӧмторлысь колясъяссӧ бырӧдӧм @ выльтор @ https://rkomi.ru/news/2764 @ 2023-01-05 @}
Воркутаын помассьӧ ва весалан стрӧйбаяс вылын лёк лоӧмторлысь колясъяссӧ бырӧдӧм
Талун, тӧвшӧр тӧлысь 5 лунӧ, Коми Республикаса Юралысь Владимир Уйба нуӧдіс тайӧ юалӧм серти уджалан сӧвещание.
Докладъясӧн сёрнитісны контроль да дӧзьӧр нуӧдысь органъясӧн, «Воркута», «Инта», «Усинск» кар кытшъясӧн юрнуӧдысьяс.
Тӧд вылӧ уськӧдам, лёкторйыс лоис 2022 вося ӧшым тӧлысь 24 лунӧ «Водоканал» ИКК ва весалан стрӧйбаяс вылын.
Воркута ваӧн могмӧдӧм вылӧ тайӧ некыдз эз тӧдчы, сы вӧсна мый карлӧн ва босьтаніныс сулалӧ Уса ю вылын лёктор лоӧм местасянь вылынджык.
Контроль да дӧзьӧр нуӧдысь органъясӧн юрнуӧдысьяс юӧртісны Воркутаын ва весалан стрӧйбаясдорса ва объектъясын босьтӧм ва пробаяс серти бӧртасъяс йылысь.
«Инта» да «Усинск» КК МЮ олан пунктъяс ваӧн могмӧдӧмын ставыс бур.
Та йылысь юӧртісны тайӧ муниципалитетъяслӧн администрацияясӧн юрнуӧдысьяс Владимир Киселёв да Николай Такаев.
Воркутаын ва весалан стрӧйбаяс вылын лёк лоӧмторлысь колясъяссӧ бырӧдӧм серти уджъяс нуӧдӧм йылысь висьталіс мэр Ярослав Шапошников.
Ӧні разьӧны трубопроводлысь жугалӧм юкӧн да косялӧны киссьӧм пыкӧдъяс да джодж-йирк.
Уджалӧны 50 тонна кран, «Водоканал» ИКК 6 сотрудник, «Днепр» ИКК ПАСФ (конструкцияяс разьӧм серти специализируйтӧм организация) 4 сотрудник.
Сӧвещаниелӧн кывкӧртӧдъяс серти Коми Республикаса Юралысь Владимир Уйба тшӧктіс профильнӧй министерствояслы муниципалитетъяскӧд ӧтув дженьыд кадӧн уджъяс помалӧм могысь кыскыны содтӧд вынъяс да техника.
{Kodko @ Владимир Уйба висьталіс Воркутаын ва весалан стрӧйбаяс вылын лёк лоӧмторлысь колясъяссӧ бырӧдӧм серти уджъяс йылысь @ выльтор @ https://rkomi.ru/news/2765 @ 2023-01-05 @}
Владимир Уйба висьталіс Воркутаын ва весалан стрӧйбаяс вылын лёк лоӧмторлысь колясъяссӧ бырӧдӧм серти уджъяс йылысь
Специалистъяс кӧсйӧны бӧр заводитны уджӧдны медшӧр трубопроводсӧ да заводитны весавны ва визувтан сёртасъяссӧ тӧвшӧр тӧлысь 12 лунӧ.
Сідзжӧ Коми Республикаса Юралысь шуис эскыны позьтӧмӧн юӧрсӧ сы йылысь, мый Печораын тупкысьӧ кучик висьӧмысь да лёк висьӧмысь бурдӧдан диспансер.
Владимир Уйба корис олысьясӧс эскыны сӧмын официальнӧй юӧр ӧшмӧсъяслы.
Паськыдджыка — Коми Республикаса Юралысьлӧн видео пыр талунъя шыӧдчӧмын.
{Kodko @ Владимир Уйба висьталіс Воркутаын ва весалан стрӧйбаяс вылын лёк лоӧмторлысь колясъяссӧ бырӧдӧм серти уджъяс йылысь @ выльтор @ https://rkomi.ru/news/2765 @ 2023-01-09 @}
Владимир Уйба висьталіс Воркутаын ва весалан стрӧйбаяс вылын лёк лоӧмторлысь колясъяссӧ бырӧдӧм серти уджъяс йылысь
Специалистъяс кӧсйӧны бӧр заводитны уджӧдны медшӧр трубопроводсӧ да заводитны весавны ва визувтан сёртасъяссӧ тӧвшӧр тӧлысь 12 лунӧ.
Сідзжӧ Коми Республикаса Юралысь шуис эскыны позьтӧмӧн юӧрсӧ сы йылысь, мый Печораын тупкысьӧ кучик висьӧмысь да лёк висьӧмысь бурдӧдан диспансер.
Владимир Уйба корис олысьясӧс эскыны сӧмын официальнӧй юӧр ӧшмӧсъяслы.
Паськыдджыка — Коми Республикаса Юралысьлӧн видео пыр талунъя шыӧдчӧмын.
{Kodko @ Коми Республикаын нӧшта 7 сикт-грезд йитісны ыджыд ӧда мобильнӧй ӧтуввез дорӧ @ выльтор @ https://rkomi.ru/news/2766 @ 2023-01-10 @}
Коми Республикаын нӧшта 7 сикт-грезд йитісны ыджыд ӧда мобильнӧй ӧтуввез дорӧ
Та йылысь аслас видео пыр шыӧдчӧмын висьталіс Коми Республикаса Юралысь Владимир Уйба.
100 Мбит/сек. 4G технология серти ӧтуввезъя сотӧвӧй связь вайӧдісны Изьва районса Койю посёлокӧ, Удора районса Пыисдін сиктӧ да Сёльыб грездӧ, Кулӧмдін районса Дзоль сиктӧ да Белоборск посёлокӧ, Чилимдін районса Синегорье посёлокӧ да Ухта районса Кедвавом сиктӧ.
Выль во водзвылын сэні вӧлі сувтӧдӧмаӧсь «Цифрӧвӧй торъялӧм бырӧдӧм» уджтас збыльмӧдӧм серти базӧвӧй станцияяс.
{Kodko @ Владимир Уйба корис общественникъясӧс зіля пырӧдчыны регионын том йӧз политика лӧсьӧдӧмӧ @ выльтор @ https://rkomi.ru/news/2767 @ 2023-01-10 @}
Владимир Уйба корис общественникъясӧс зіля пырӧдчыны регионын том йӧз политика лӧсьӧдӧмӧ
Коми Республикаса Юралысь аддзысьліс регионса Ӧтйӧза палатаӧн юрнуӧдысьяскӧд.
Аддзысьлӧмӧ пырӧдчысьяс индісны 2023 воын ӧтувъя уджлысь медшӧр нырвизьяссӧ — тайӧ том йӧзлы отсалӧм, налы республикаын олӧм да аспеткӧдлӧм вылӧ условиеяс лӧсьӧдӧм, йӧзлысь дзоньвидзалун видзӧм да бизнескӧд ӧтув уджалӧм.
«Россияын 2023 восӧ шуӧма Педагоглӧн да наставниклӧн воӧн, Коми Республикаын — Том йӧзлӧн воӧн.
Ӧтйӧза палатаӧ пырысьяс — менам мыджӧд социальнӧй тӧдчанлуна уна юалӧм решитӧмын, сы лыдын том йӧз политика збыльмӧдӧмын.
Миянлы тіянкӧд колӧ петкӧдлыны том йӧзлы, мый Коми Республика — тайӧ водзӧ лача сетысь регион.
Республикаса Веськӧдлан котырлӧн могыс — лӧсьӧдны том йӧзлы бур уджалан местаяс, могмӧдны оланінӧн да позянлунӧн котыртны колана ногӧн прӧст кад, а тіян мог — уджавны тайӧ жӧ нырвизьясын олысьяслысь коланлунъяссӧ тӧд вылӧ босьтӧмӧн», — пасйис Владимир Уйба.
Сӧвещание вылын торйӧн видлалісны восьса инфраструктура да спорт, медицина отсӧглысь ногтуй, «Видзчысяна челядьдыр» проект збыльмӧдӧм, социальнӧя уджъёртасьӧм сӧвмӧдӧм.
Регионса Ӧтйӧза палатаӧ пырысьяс пасйисны, мый налӧн уджалан планӧ пыртӧма нин некымын мероприятие, кутшӧмъясӧс общественникъяс кутасны нуӧдны Коми Республикаса том йӧз политика комитеткӧд ӧтув.
Коми Республикаса ӧтйӧза палата ӧтйӧза сӧветкӧд да регионса Йӧзлысь дзоньвидзалун видзан министерствоӧн юрнуӧдысьяскӧд ӧтув уджалігӧн планируйтіс 2023 во вылӧ котыртны мониторинг сы серти, кыдзи йӧзыс донъялӧны медицина отсӧгсӧ, да медицина уджалысьяслӧн уджалан условиеяс серти мониторинг.
Владимир Уйба вӧзйис заводитны Эжва районлӧн карса больничасянь, сы вӧсна мый сы серти республикаса олысьяслӧн унджык шуасьӧм.
Общественникъяс профильнӧй ведомствокӧд ӧтув видлаласны медицина учреждениелысь уджсӧ да дасьтасны вӧзйӧмъяс, кыдзи бурмӧдны серпассӧ.
Тайӧ инмӧ кыдз больничасӧ техникаӧн могмӧдӧмлы, сідзи и пациентъяслы да медперсоналлы бур условиеяс лӧсьӧдӧмлы.
Сідзжӧ аддзысьлігӧн сёрнитісны быдмысь войтырлысь видзчысянлун могмӧдӧм йылысь.
Куим во чӧж Коми Республикаса ӧтйӧза палата нуӧдӧ «Видзчысяна челядьдыр» акция, общественникъяс эрдӧдӧны челядьлысь да томуловлысь олӧм да дзоньвидзалун торкны верман инъяссӧ (важ площадкаяс, помӧдз стрӧиттӧм, джынвыйӧ киссьӧм керкаяс да стрӧйбаяс).
Сӧвещаниеӧ пырӧдчысьяс вӧзйисны республикаса муниципалитетъяслы муниципальнӧй ӧтйӧза палатаяскӧд да сӧветъяскӧд ӧтув уджалігӧн зільджыка нуӧдны овмӧстӧм объектъяс инвентаризуйтӧм серти уджсӧ.
«Векджык, эновтӧм керкаяслӧн бур инфраструктураыс: на пиысь уналаӧ нюжӧдӧма коммуникацияяс.
Дӧзьӧртӧм объектъяссӧ колӧ сетны муниципалитетъяслӧн эмбурӧ, а сы бӧрын инвесторъяслы, кодъяс дасьӧсь на местаӧ лэптыны карса выль объектъяс — шуам, спорт площадкаяс, магазинъяс, кафеяс, офиснӧй зданиеяс», — гӧгӧрвоӧдіс Владимир Уйба.
Сідзжӧ аддзысьлігӧн видлалісны экономикаын выль условиеяс дырйи бизнес сӧвмӧдӧм.
Кыдзи пасйис Коми Республикаса Юралысь, колӧ, медым муниципалитетъясын общественникъяс пыртісны вӧзйӧмъяс выль производствояс котыртӧм серти, кутшӧмъяс вермисны эськӧ отсавны решитны социальнӧй да экология боксянь юалӧмъяс да лоны пытшкӧсса рынок вылын ыджыд маржааӧн.
{Kodko @ Коми Республикаса муниципалитетъясӧ водзӧ воӧ выль коммунальнӧй техника @ выльтор @ https://rkomi.ru/news/2768 @ 2023-01-11 @}
Коми Республикаса муниципалитетъясӧ водзӧ воӧ выль коммунальнӧй техника
Ставнас ньӧбӧма 26 единица.
Тайӧ могъяс вылӧ республиканскӧй сьӧмкудйысь вӧлі вичмӧдӧма 200 миллион шайт.
Унджык техникаыс воис нин кар-районъясӧ.
Та йылысь аслас видео пыр шыӧдчӧмын висьталіс Коми Республикаса Юралысь Владимир Уйба.
{Kodko @ Владимир Уйба аттьӧаліс прокуратура органъясӧс кужӧм-сямлунысь да войтырлысь инӧдъяссӧ бура дорйӧмысь @ выльтор @ https://rkomi.ru/news/2769 @ 2023-01-12 @}
Владимир Уйба аттьӧаліс прокуратура органъясӧс кужӧм-сямлунысь да войтырлысь инӧдъяссӧ бура дорйӧмысь
Тӧвшӧр тӧлысь 12 лунӧ Коми Республикаса Юралысь участвуйтіс Россия Федерацияса прокуратураын уджалысьлӧн лунлы да Россияса прокуратура артмӧдӧмсянь 301 во тырӧмлы сиӧм кыпыд собраниеын.
Владимир Уйба пасйис, мый Коми Республикаса прокуратура органъясын уджалысьяс пуктӧны ыджыд пай Россия Федерацияса инӧда система могмӧдӧмӧ, оланпасӧ да веськыдлунӧ йӧзлысь эскӧмсӧ ёнмӧдӧмӧ.
Воысь воӧ прокуратура органъяслӧн уджын медтӧдчана нырвизьяс пӧвстын вӧліны да кольӧны мыж вӧчӧмкӧд да коррупциякӧд тыш нуӧдӧм, войтырлысь инӧдъяссӧ да оланпас серти интересъяссӧ дорйӧм, страналӧн инӧдъясын ӧткодьлунсӧ могмӧдӧм.
Оланпаслунӧ кутчысьӧм могысь прокуратура нуӧдӧ дӧзьӧр олӧмлӧн быдсикас юкӧнын.
Дӧзьӧр нуӧдан уджын тӧдчана нырвизьяс лыдын — национальнӧй проектъяс збыльмӧдӧм бӧрся видзӧдӧм, тыр арлыдтӧмъяслысь инӧдъяссӧ, йӧзлысь дзоньвидзалун видзан, оланін да коммунальнӧй овмӧс, удж серти оланпастэчас юкӧнын гражданалысь инӧдъяссӧ дорйӧм.
«Сьӧлӧмсянь аттьӧала прокуратура органъясын уджалысьясӧс, ветеранъясӧс кужӧм-сямлунысь, канмулысь, йӧзкотырлысь да миян олысьяслысь интересъяссӧ да инӧдъяссӧ бура дорйӧмысь, служебнӧй могъяссӧ кывкутӧмӧн збыльмӧдӧмысь», — шуис Коми Республикаса Юралысь.
Владимир Уйба сиис прокуратура органъясын уджалысьяслы республикалӧн да Россия Федерациялӧн бур вылӧ уджын водзӧ вермӧмъяс, а сідзжӧ сетіс Коми Республикаса Юралыссянь аттьӧалӧмъяс.
* * *
Дыр кадся да зэв бур службаысь, Коми Республикаын оланпаслун да инӧда пӧрадок ёнмӧдӧмын, мортлысь да гражданинлысь инӧдъяссӧ да вӧлясӧ дорйӧмын заслугаясысь Коми Республикаса Юралыссянь аттьӧалӧм сетӧма:
Денис Юрьевич Музыкантлы — Коми Республикаса прокуратураын федеральнӧй оланпастэчас олӧмӧ пӧртӧм бӧрся дӧзьӧр нуӧдан веськӧдланінлӧн экономика да вӧр-ва видзан юкӧнын оланпастэчас олӧмӧ пӧртӧм бӧрся дӧзьӧр нуӧдан юкӧнса прокурорлы, 1 класса юристлы;
Елена Анатольевна Скворцовалы — гражданско-судебнӧй юкӧнса прокурорлы, юстицияса младшӧй сӧветниклы;
Елена Григорьевна Филипповалы — Кӧрткерӧс районса прокурорлӧн отсасьысьлы, 2 класса юристлы.
{Kodko @ Коми Республикаса Юралысь чолӧмалӧ Россияса печать лунӧн @ выльтор @ https://rkomi.ru/news/2771 @ 2023-01-13 @}
Коми Республикаса Юралысь чолӧмалӧ Россияса печать лунӧн
«Йӧзӧс юӧртан средствоясын да полиграфия предприятиеясын пыдди пуктана уджалысьяс!
Дона ветеранъяс!
Чолӧмала уджсикас гажӧн — Россияса печать лунӧн!
Миян нэмӧ, кор эмӧсь быдсяма юӧр сетан ӧшмӧсъяс, буретш тіян восьсалунныд да бӧрйӧм уджсикас бура тӧдӧмныд ёна тӧдчӧ республикаын да странаын лоысь лоӧмторъяс дорӧ олысьяслӧн видзӧдлас вылӧ.
Тіян йӧзӧдӧмторъяс отсалӧны аддзыны уна юӧр пиысь медся коланасӧ, видзны лов могмӧдан озырлун да бур мывкыда олӧм.
Аттьӧала тіянӧс сьӧкыд да кывкутана уджысь, чужан республика дорӧ муслунысь да бӧрйӧм удж сьӧлӧмсянь вӧчӧмысь.
Ті служитанныд кывлы, стӧчлунлы да восьсалунлы.
Мед тіян пыр вӧлі ловби, творчествоын ыджыд вермӧмъяс да пыдди пуктӧм на дорӧ, кодлы да код йылысь ті гижанныд.
Аттьӧ журналистикаса ветеранъяслы тӧдӧмлунъяс да опыт том йӧзлы сетны зільӧмысь, нэмъяс кежлӧ пуктӧм зумыд подувъясысь да традицияясысь.
Сиа ставлы дзоньвидзалун, шуд да тыр-бур олӧм, уджын вермӧмъяс!»
Коми Республикаса Юралысь Владимир Уйба
{Kodko @ Таво республикаса 4 музей босьтасны федеральнӧй сьӧмкудйысь субсидияяс оборудование выльмӧдӧм вылӧ @ выльтор @ https://rkomi.ru/news/2772 @ 2023-01-13 @}
Таво республикаса 4 музей босьтасны федеральнӧй сьӧмкудйысь субсидияяс оборудование выльмӧдӧм вылӧ
Та йылысь видео пыр шыӧдчӧмын висьталіс Коми Республикаса Юралысь Владимир Уйба.
Сьӧмсӧ босьтасны Изьва, Емдін районъясса, Усинскса музейяс, а сідзжӧ Коми Республикаса Национальнӧй музей.
Найӧ лоисны вермысьясӧн «Культура» национальнӧй проект серти нуӧдӧм конкурсын.
Отсӧглӧн ӧтувъя мындаыс — 15 миллионысь унджык шайт.
Тайӧ 2022 во серти куим пӧв унджык.
{Kodko @ Владимир Уйба юкӧ шог Анатолий Каракчиевлӧн кувсьӧм вӧсна @ выльтор @ https://rkomi.ru/news/2773 @ 2023-01-13 @}
Владимир Уйба юкӧ шог Анатолий Каракчиевлӧн кувсьӧм вӧсна
Кувсис тӧдчана политическӧй уджалысь, Коми Республикаса Юралысьӧс вӧвлӧм медводдза вежысь Анатолий Алексеевич Каракчиев. Сылы эськӧ тырис 72 арӧс.
«Сійӧ чужис Сыктывкарын, пуктіс ыджыд пай чужан кар да республика сӧвмӧдӧмӧ.
Сьӧкыд 90-ӧд воясӧ Анатолий Алексеевич юрнуӧдіс Войтыркостса депутатъяслӧн Сыктывкарса сӧветӧн, вӧлі Сыктывкарса администрациялӧн юралысьӧн.
Юрнуӧдіс регионса экономика министерствоӧн, вӧлі Коми Республикаса Юралысьӧс медводдза вежысьӧн.
Юка шогсӧ Анатолий Алексеевичлӧн рӧдвужкӧд, матыссаяскӧд да уджъёртъяскӧд», — пасйис Коми Республикаса Юралысь Владимир Уйба.
{Kodko @ Владимир Уйба удж серти аддзысьліс Россияса юстиция министерстволӧн Коми Республикаын Веськӧдланінӧн выль юрнуӧдыськӧд @ выльтор @ https://rkomi.ru/news/2774 @ 2023-01-13 @}
Владимир Уйба удж серти аддзысьліс Россияса юстиция министерстволӧн Коми Республикаын Веськӧдланінӧн выль юрнуӧдыськӧд
Коми Республикаса Юралысь чолӧмаліс Иван Логиновскихӧс чинӧ индӧмӧн да пасйис, мый регионса Веськӧдлан котыр да ведомство костын ладмӧдӧма бур удж.
Веськӧдланін зіля пырӧдчӧ Коми Республикаса Веськӧдлан котыр бердын лӧсьӧдӧм ладмӧдан да сӧвещательнӧй органъяслӧн да комиссияяслӧн уджӧ.
«Ті зэв бура тӧданныд уджныдтӧ, Тіян вель ыджыд опыт.
Тӧда, мый Тіян тӧдӧмлунъясныд ковмасны выль чинын уджалігӧн, отсаласны бурмӧдны Юстиция министерстволӧн Веськӧдланінлысь уджсӧ, да регионса олысьяслы бур вылӧ Коми Республикаса Веськӧдлан котыркӧд ӧтувъя уджыс мунас водзӧ.
Ми дасьӧсь ӧтув уджавны», — шуис Владимир Уйба.
Иван Логиновских тӧдса нин Коми Республикакӧд — тані сійӧ заводитіс уджавны Кулӧмдін районса прокуратура органъясын, сэсся уджаліс Перым да Архангельск обласьтъясын, Ненеч асвеськӧдлан кытшын.
Россия Федерацияса юстиция министерстволӧн Коми Республикаын Веськӧдланінса начальник чинӧ сійӧс индісны 2023 вося тӧвшӧр тӧлысь 10 лунӧ.
* * *
Иван Владимирович Логиновских чужис 1961 вося йирым тӧлысь 13 лунӧ Свердловск обласьтса Первоуральск карын.
1986 воын помаліс Свердловскса юридическӧй институт.
1986 восянь 1988 воӧдз служитіс Коми АССР-са прокуратуралӧн Кулӧмдін районса прокуратура органъясын, Коми АССР-са Кулӧмдін с.
1988–2013 воясӧ кыпӧдчис Перым обласьтса Березовский районлӧн прокуратураын следовательсянь Россия Федерацияса Следственнӧй комитетлӧн Перым крайын следственнӧй веськӧдланінӧн юрнуӧдысьӧс вежысьӧдз.
Россия Федерацияса Медыджыд прокурорлӧн тшӧктӧдӧн 2001 вося тӧвшӧр тӧлысьын сетӧма «Россия Федерацияса прокуратураын почёта уджалысь» морӧсвыв пас.
2013 восянь 2020 воӧдз юрнуӧдіс Россия Федерацияса Следственнӧй комитетлӧн Архангельск обласьтын да Ненеч асвеськӧдлан кытшын следственнӧй веськӧдланінӧн.
Россияса юстиция министерстволӧн 2022 вося ӧшым тӧлысь 26 лунся 1607-лс №-а тшӧктӧдӧн 2023 вося тӧвшӧр тӧлысь 10 лунсянь индӧма Россия Федерацияса юстиция министерстволӧн Коми Республикаын Веськӧдланінса начальникӧн.
{Kodko @ Владимир Уйба чолӧмаліс «Василей» фестивальӧ пырӧдчысьясӧс да гӧсьтъясӧ @ выльтор @ https://rkomi.ru/news/2775 @ 2023-01-13 @}
Владимир Уйба чолӧмаліс «Василей» фестивальӧ пырӧдчысьясӧс да гӧсьтъясӧс
Таво Ӧнія коми сьыланкывлы сиӧм республиканскӧй фестивальыс мунӧ комынӧдысь нин.
Сійӧс сиӧма Кулӧмдін мулы, кӧні и чужис йӧзкост шыладлы да сьыланкывлы сиӧм гажыс.
«Василей» гаж петкӧдлӧ войтырлысь чужан му да йӧзкост сьыланкыв дорӧ муслунсӧ.
Фестиваль восьтӧ выль нимъяс, сетӧ позянлун петкӧдчыны енбиа йӧзлы.
«Василей» вылын юргысь сьыланкывъяс йиджӧны йӧзлӧн сьӧлӧмӧ.
Найӧс сьылӧны семьяясын, гажъяс дырйи.
Тайӧ и эм меддонаторйыс.
Кулӧмдінлы эм мыйӧн нимкодясьны, ӧд буретш тані чужис тайӧ фестивальыс да уна во чӧж нин няньӧн-солӧн примитӧ ас дінас йӧзӧс.
Та вӧсна «Василейыс» и аслыспӧлӧс.
Аттьӧла тіянӧс шоныда примитӧмысь да кыпыд ловруысь», — пасйис Владимир Уйба.
Сідзжӧ Коми Республикаса Юралысь чолӧмаліс залын пукалысь Василий Гущинӧс — «Василей» фестивальлы подув пуктысьяс пиысь ӧтиӧс.
Урасьӧм тӧлысь 2 лунӧ композиторлы, Коми Республикаса Веськӧдлан котырлӧн канму премияа лауреатлы, Коми Республикаса культураын нимӧдана уджалысьлы тырас 71 арӧс.
Владимир Уйба аттьӧаліс Василий Яковлевичӧс енбиалунысь, сьыланкывъясысь, мывкыдлунысь да оптимизмысь, сиис сылы кузь творческӧй нэм, помтӧм-дортӧм вын да дзоньвидзалун.
Конкурсӧ пырис 14 сьыланкыв.
Участвуйтысьяс вермасисны призъяс вӧсна нёль номинацияын: «Чужан му йылысь сьыланкыв», «Радейтчӧм йылысь сьыланкыв», «Том йӧзлы сьыланкыв», «Серамбана сьыланкывъяс».
Шыладъяссӧ гижисны Комиын нималана композиторъяс — Василий Гущин (Кулӧмдін район), Михаил Оверин (Сыктывдін район), Михаил Куркин (Удора район) да мукӧд.
Юргисны тӧдчана коми поэтъяс Владимир Тиминлӧн да Геннадий Юшковлӧн кывбуръяс вылӧ сьыланкывъяс.
Жюрилы донъялӧм вылӧ вӧзйӧм сьыланкывъясысь джынсьыс унджыксӧ гижисны асьныс конкурсантъяс: Ева Сенькина (Кулӧмдін район), Александр Уляшев (Кулӧмдін район), Светлана Симпелева (Сыктывкар), Татьяна Паюсова (Сыктывкар), Ирина Чувьюрова (Сыктывдін район), Алексей Жилин (Удора район), Евдокия Рочева (Сыктывкар), Геннадий Попов (Кӧрткерӧс район).
Фестиваль вылын дебютантӧн лоис композитор Игорь Желобнев (Кулӧмдін район).
Жюриӧ пырисны творчествоын нималана зільысьяс: Россияса композиторъяслӧн котырӧ пырысь Жанна Габова (Москва кар), Россияса гижысь котырӧ пырысь Нина Обрезкова, Россияса культураын нимӧдана уджалысь, Коми Республикаса нимйӧза артистка Лидия Логинова, Коми Республикаса нимйӧза артист Михаил Бурдин, хормейстер Людмила Баева (Москва кар).
Экспертнӧй комиссияӧн юрнуӧдӧ Россияса искусствоясын нимӧдана уджалысь Михаил Герцман.
* * *
«Василей» гаж чужис 1993 воӧ.
Сэки сійӧ вӧлі район тшупӧда фестивальӧн. Подувсӧ сылы пуктісны куим Василей: Василий Гущин, Василий Лодыгин да Василий Чувьюров.
«Василей» районнӧй фестивальсӧ нуӧдӧны тӧвшӧр тӧлысь 13 лунӧ, стӧчджыка кӧ, Василей рытӧ.
Некымын воӧн ичӧтик гажыс быдмис «Василей» ӧнія коми сьыланкывлы сиӧм республиканскӧй фестивальӧдз.
{Kodko @ «Василей» фестивальлысь гран-при босьтіс «Кутшӧм мича» сьыланкыв @ выльтор @ https://rkomi.ru/news/2776 @ 2023-01-13 @}
«Василей» фестивальлысь гран-при босьтіс «Кутшӧм мича» сьыланкыв
Шыладсӧ да кывъяссӧ гижис Александр Уляшев, сьыліс Виктор Уляшев.
Тайӧ жӧ сьыланкывйыс медся ёна кажитчис видзӧдысьяслы.
Шылада конкурсын вермысьяслы медшӧр наградасӧ сетіс Коми Республикаса Юралысь Владимир Уйба.
{Kodko @ Владимир Уйба Лызьӧн котралӧм серти Россияса Кубоклӧн VІ тшупӧд йылысь @ выльтор @ https://rkomi.ru/news/2777 @ 2023-01-15 @}
Владимир Уйба Лызьӧн котралӧм серти Россияса Кубоклӧн VІ тшупӧд йылысь
Республикаса Юралысь видео пыр шыӧдчӧмын аттьӧаліс ордйысьӧмъяс котыртысьясӧс да сэні участвуйтысьясӧс Комиын олысьяслы яръюгыд спортивнӧй гажысь.
{Kodko @ Сыктывкарын бӧръя туйӧ колльӧдісны республикаса тӧдчана политическӧй да ӧтйӧза уджалысь Анатолий Каракчиевӧс @ выльтор @ https://rkomi.ru/news/2779 @ 2023-01-16 @}
Сыктывкарын бӧръя туйӧ колльӧдісны республикаса тӧдчана политическӧй да ӧтйӧза уджалысь Анатолий Каракчиевӧс
Траурнӧй церемонияыс вӧлі талун, тӧвшӧр тӧлысь 16 лунӧ, Вежа Степанлӧн кафедральнӧй соборын.
Сэні участвуйтіс Коми Республикаса Юралысь Владимир Уйба.
«Талун ми колльӧдам бӧръя туйӧ Анатолий Алексеевич Каракчиевӧс — мортӧс, коді олӧмбыдыс служитіс Коми Республикалы.
Сійӧ прӧстӧй уджалыссянь быдмис тӧдчана каналысьӧдз.
Сьӧкыд ӧкмысдасӧд воясӧ кывкутӧмӧн пӧртіс олӧмӧ пуктӧм могъяссӧ.
Эз повзьы да лоис экономика министрӧн да республикаса Юралысьӧс Медводдза вежысьӧн, кор кадыс вӧлі водзвыв тӧдны позьтӧмӧн, кор экономикаыс кутчысис честнӧй кыв вылын да Анатолий Алексеевич кодь йӧзлӧн удж вылын.
Ассьыс уджсӧ бура тӧдысь, шензьӧдана морт, коді сьӧлӧмнас сетчис уджлы, республикалы, йӧзлы.
Ас нимсянь да Коми Республикаса Веськӧдлан котыр нимсянь пыдіа да сьӧлӧмсянь юка шогсӧ Анатолий Алексеевичлӧн рӧдвужкӧд, матыссаяскӧд, ёртъяскӧд», — шуис церемония вылын Владимир Уйба.
* * *
Анатолий Алексеевич Каракчиев чужис 1951 вося урасьӧм тӧлысь 18 лунӧ Сыктывкарын рабочӧйяслӧн семьяын.
Помаліс Ленинградскӧй лесотехническӧй академия.
Уджавны Сыктывкарын заводитіс 1968 воын токар ордын велӧдчысьӧн, слесар-монтажникӧн.
Сӧветскӧй Армияын служитӧм бӧрын уджаліс Сыктывкарса судно дзоньталан опытнӧй заводын шӧр инженерӧн.
1981–1990 воясӧ вӧлі инструкторӧн, а сэсся КПСС Сыктывкарса горкомлӧн промышленно-транспортнӧй юкӧнӧн заведуйтысьӧн.
1990–1994 воясӧ — Войтыркостса депутатъяслӧн Сыктывкарса Сӧветӧн веськӧдлысь, Сыктывкарса администрациялӧн юралысь.
1994 вося лӧддза-номъя тӧлысьын лоис Коми Республикаса Юралысьӧс Медводдза вежысьӧн — экономика министрӧн.
1998 восянь 2002 вося урасьӧм тӧлысьӧдз — Коми Республикаса Юралысьӧс Медводдза вежысь.
Сетӧма уна награда, сы лыдын Роч православнӧй вичкосянь.
Коми Республикаса йӧзкостса овмӧсын нимӧдана уджалысь, Россия Федерацияса вӧр промышленносьтын почёта уджалысь.
Кувсис 2023 вося тӧвшӧр тӧлысь 13 лунӧ.
{Kodko @ Владимир Уйба висьталіс Коми Республикаса санаторно-курортнӧй сеть выльмӧдӧм йылысь @ выльтор @ https://rkomi.ru/news/2780 @ 2023-01-16 @}
Владимир Уйба висьталіс Коми Республикаса санаторно-курортнӧй сеть выльмӧдӧм йылысь
2022 воын республикаса став санаторийын нуӧдӧма дзоньтасьӧм да выль оборудованиеӧн могмӧдӧм серти мероприятиеяс.
Тайӧ Киров обласьтын «Лесная новь» да «Колос», Крымын «Северное сияние» да Анапаын «Черноморская зорька» санаторийяс.
Таво водзӧ кутасны выльмӧдны.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс бизнеслы канмусянь отсӧг сетан выль механизм йылысь @ выльтор @ https://rkomi.ru/news/2781 @ 2023-01-17 @}
Владимир Уйба висьталіс бизнеслы канмусянь отсӧг сетан выль механизм йылысь
Коми Республика Россияса регионъяс пиысь медводдзаяс лыдын кырымаліс лэдзӧм сьӧм видзӧм да ошкӧм йылысь артмӧдчӧм.
Сійӧс веськӧдӧма регионын инвестиция климат бурмӧдӧм вылӧ.
Артмӧдчӧм серти инвестор кӧсйысьӧ видзны ас производство сӧвмӧдӧм вылӧ 4,5 миллиард шайт да лӧсьӧдны 500-ысь унджык уджалан места.
Регионса Веськӧдлан котыр кӧсйысьӧ могмӧдны предпринимательскӧй удж нуӧдӧм могысь зумыд условиеяс да сетны инвесторлы отсалан содтӧд мераяс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Вужвойтырлӧн шылада-драмаа театрӧс асланыс сценическӧй площадкаӧн могмӧдӧм йылысь @ выльтор @ https://rkomi.ru/news/2782 @ 2023-01-18 @}
Владимир Уйба висьталіс Вужвойтырлӧн шылада-драмаа театрӧс асланыс сценическӧй площадкаӧн могмӧдӧм йылысь
Талун театрса артистъяслы ковмӧ петкӧдлыны ворсанторъясныссӧ мукӧд учреждениеса площадкаяс вылын.
Колӧ стрӧитны выль здание.
И та вылын уджалӧны нин — бӧрйӧма му участок, дасьтысьӧны проектно-сметнӧй документация лӧсьӧдӧм кежлӧ.
Но стрӧитчӧм вылӧ колӧ кад, а театрыслы колӧ овны да уджавны ӧні.
Та вӧсна Коми Республикаса Юралысьлӧн тшӧктӧм серти регионса Веськӧдлан котыр корсис сьӧм, медым ньӧбны канму эмбурӧ Профсоюз керкаын театрлы жыръяс да дзоньтавны найӧс.
Мӧд кварталын артистъяс вермасны нин петкӧдчыны асланыс сцена вылын.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс социальнӧй контракт уджтаслӧн позянлунъяс йылысь @ выльтор @ https://rkomi.ru/news/2783 @ 2023-01-19 @}
Владимир Уйба висьталіс социальнӧй контракт уджтаслӧн позянлунъяс йылысь
2022 воын Коми Республикаын уджтасӧн вӧдитчис 3 сюрс гӧгӧр морт.
Социальнӧй контракт да канму пособие отсӧгӧн олысьяс вермӧны восьтыны ассьыныс бизнес, вӧдитны аспом подсобнӧй овмӧс, босьтны отсӧг удж корсьӧмын.
Уджтасыс ышӧдӧ йӧзӧс, отсалӧ сьӧкыд кадӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба аддзысьліс Коми Республикаысь военнослужащӧйяскӧд служба нуӧданінын @ выльтор @ https://rkomi.ru/news/2784 @ 2023-01-22 @}
Владимир Уйба аддзысьліс Коми Республикаысь военнослужащӧйяскӧд служба нуӧданінын
Республикаса Юралысь сетіс боечьяслы колана отсӧг да челядьсянь письмӧяс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Коми Республикаса Герой медвылыс почёт ним учредитӧм йылысь @ выльтор @ https://rkomi.ru/news/2786 @ 2023-01-24 @}
Владимир Уйба висьталіс Коми Республикаса Герой медвылыс почёт ним учредитӧм йылысь
Сійӧс кутасны сетны Коми Республикаын олысь либӧ овлысь гражданалы геройскӧй поступокъяс да подвигъяс вӧчӧмысь, кутшӧмъяс лоӧны повтӧмлунлӧн да смеллунлӧн примерӧн.
Лӧсялана оланпас баласӧ видлаласны Коми Республикалӧн Каналан Сӧветса сессиялӧн матысса заседание дырйи.
Регионса Юралысь корис сыкӧд ӧти партияӧ пырысьясӧс, общественникъясӧс да депутатъясӧс зіля пырӧдчыны водзмӧстчӧмсӧ йӧзкӧд ӧтув видлалӧмӧ.
Тӧдмасьны оланпас балаӧн позьӧ https://pravo.rkomi.ru/ порталын.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Россияса студентъяслӧн лунӧн @ выльтор @ https://rkomi.ru/news/2787 @ 2023-01-25 @}
Коми Республикаса Юралысь чолӧмалӧ Россияса студентъяслӧн лунӧн
«Пыдди пуктана студентъяс!
Чолӧмала тіянӧс Россияса студентъяслӧн лунӧн!
Ті вӧчинныд медводдза воськов верстьӧ олӧмӧ, асьныд бӧрйинныд велӧдчанін, кӧні босьтанныд тӧдӧмлунъяс да навыкъяс, кутшӧмъяс серти ті бӧръянныд аслыныд уджсикас.
Студенталан кад — тайӧ шуда кад, кор он пов босьтчыны пӧртны олӧмӧ медся сьӧкыд могъяс, велӧдчыны аслад ӧшыбкаяс вылын.
Тайӧ кад, кор тӧдан, мый верман вӧчны быд удж.
2023 воыс республикалы зэв аслыспӧлӧс — тайӧ Том йӧзлы сиӧм во.
Сылӧн мог — лӧсьӧдны асьтӧ корсьӧм, велӧдчӧм, удж аддзӧм вылӧ условиеяс, отсавны пӧртны олӧмӧ смел да бур проектъяс.
Буретш тіянлы колӧ урчитны миян республикаын том йӧз политика бурмӧдӧм серти уджлысь медшӧр нырвизьяссӧ.
Студенталӧм — водзмӧстчысь, зіль да творческӧй вын.
Миян республикаын тайӧ 31 сюрсысь унджык морт, кодъяс зільӧны тӧдмавны да велӧдчыны, а сідзжӧ петкӧдлыны асьныссӧ наукаын, спортын, ӧтйӧза олӧмын.
Дона ёртъяс!
Энӧ полӧй мӧвпавны, мунӧй водзӧ выльтор да тӧдтӧмтор дорӧ, энӧ орӧдчӧй тӧдӧмлун босьтӧмысь.
Вермӧмъяс!»
Коми Республикаса Юралысь Владимир Уйба
{Kodko @ Владимир Уйба восьтіс Коми Республикаын Том йӧзлы сиӧм во @ выльтор @ https://rkomi.ru/news/2788 @ 2023-01-25 @}
Владимир Уйба восьтіс Коми Республикаын Том йӧзлы сиӧм во
Таво лоӧ уна лоӧмтор да мероприятие, кутшӧмъясӧс веськӧдӧма том йӧзлы отсӧг сетӧм вылӧ, сӧвмӧм да ас туй бӧрйӧм могысь условиеяс лӧсьӧдӧм вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Наталья Каринаӧс индӧма Коми Республикаса вынйӧр сӧвмӧдан да спорт министрӧн @ выльтор @ https://rkomi.ru/news/2789 @ 2023-01-25 @}
Наталья Каринаӧс индӧма Коми Республикаса вынйӧр сӧвмӧдан да спорт министрӧн
Та йылысь тшӧктӧм кырымаліс Коми Республикаса Юралысь Владимир Уйба.
{Kodko @ Коми Республикаын заводитчис Том йӧзлы сиӧм во @ выльтор @ https://rkomi.ru/news/2790 @ 2023-01-25 @}
Коми Республикаын заводитчис Том йӧзлы сиӧм во
Официальнӧй воссьӧмыс вӧлі талун, тӧвшӧр тӧлысь 25 лунӧ, Коми Республикаса Юралысь Владимир Уйбалӧн том йӧзлӧн ӧтйӧза ӧтмунӧмын лидеръяскӧд аддзысьлігӧн.
Аддзысьлӧмыс прӧйдитіс Добровольчестволы отсӧг сетан регионса ресурснӧй шӧринын.
«Талун ми ог сӧмын пасйӧ Россияса студентъяслысь лун, но и восьтам Том йӧзлы сиӧм во.
Миянлысь водзмӧстчӧмсӧ донъяліс федеральнӧй шӧрин да сетіс содтӧд сьӧма отсӧг, мый зэв колана.
Талун ми сетам эстафета муниципалитетъяслы, йитам став республикасӧ, медым тайӧ воыс вайис выль восьтӧмъяс кыдзи быдӧнлы торйӧн, сідз и республикаса став том йӧзлы ӧтлаын.
Таво да локтан воясӧ Коми Республикаса Веськӧдлан котыр кутас отсавны том йӧз политикалы.
Ми гӧгӧрвоам, мый аскиа луныс тіян сайын!» — шыӧдчис мероприятиеӧ пырӧдчысьяс дорӧ Владимир Уйба.
Комиын олӧ 203 сюрс гӧгӧр морт 14 арӧссянь 35 арӧсӧдз — регионса олысьяслӧн нёльӧд юкӧн.
Налы Том йӧзлы сиӧм воыс восьтас содтӧд позянлунъяс петкӧдлыны енбисӧ, збыльмӧдны ас проектъяс, пырӧдчыны спортӧ, заводитны нуӧдны дзоньвидза оласног, босьтны отсӧг.
Регионын нуӧдӧны канму том йӧз политика юкӧнын удж выльмӧдӧм серти системнӧй удж, пуктӧны выль могъяс да нырвизьяс.
Тӧвшӧр тӧлысь 1 лунсянь заводитіс уджавны Коми Республикаса том йӧз политика комитет, урасьӧм тӧлысьӧ воссяс регионса Том йӧзлы ресурснӧй шӧрин.
«Том йӧзлы регион» уджтас серти Коми Республика босьтіс федеральнӧй сьӧмкудйысь отсӧг.
Инфраструктура лӧсьӧдӧм да том йӧзлысь водзмӧстчӧмъяс олӧмӧ пӧртны отсалӧм вылӧ вичмӧдӧма 135 миллион шайт.
Сьӧмыс мунас инфраструктура, велӧдан, юӧр сетан проектъяс збыльмӧдӧм вылӧ.
Аддзысьлігӧн Владимир Уйба вочавидзис том йӧзлӧн юалӧмъяс вылӧ.
Медводз найӧ кӧсйисны тӧдны местаяс вылын кадръясӧн могмӧдӧм йылысь.
Владимир Уйбалӧн тшӧктӧм серти быд муниципалитетын лоӧ том йӧз политика серти специалист улӧ торъя ставка.
Том йӧзлӧн водзмӧстчӧмъяслы отсӧг сетӧм йылысь юалӧм вылӧ Коми Республикаса Юралысь шуис, мый во чӧжӧн кӧ воасны содтӧд мероприятиеяс нуӧдӧм йылысь водзмӧстчӧмъяс, да Том йӧз политика комитет кӧ найӧс ошкас, то найӧс позяс пыртны республикаса ӧтувъя планӧ.
Коланлун дырйи сетасны содтӧд сьӧмӧн могмӧдӧм йылысь вӧзйӧм регионса Каналан Сӧветлӧн сессия вылӧ.
Кыдз пасйис Владимир Уйба, регионын том йӧз политика нуӧдӧмын нырвизьяс пиысь ӧтиӧн лоӧ «Россияса традиционнӧй духовно-нравственнӧй озырлунъяс видзӧм да ёнмӧдӧм серти канму политикалысь подувъяс вынсьӧдӧм йылысь» Россия Федерацияса Президентлӧн 2022 во вӧльгым тӧлысь 9 лунся 809 №-а Индӧд.
Республикаса ӧтувъя планӧ пырысь унджык мероприятиеыс лӧсялӧ Индӧдлӧн могъяслы Айму дорӧ муслун, вежавидзӧм, семьяпытшса, мортлӧн да канму донаторъяс юкӧнын.
Аддзысьлігӧн сёрнитісны Том йӧзлысь туризм сӧвмӧдӧм йылысь.
Коми Республикаса Юралысьлӧн кывъяс серти, 2023 воын заводитчас «Коми кузя том йӧзлӧн путешествуйтӧм» проект збыльмӧдӧм.
Проект-экскурсияӧ пырӧдчасны 80-ысь оз этшаджык морт, лӧсьӧдӧма нин маршрутсӧ.
Индӧма кӧкъямыс пилотнӧй муниципалитет, кодъяс дасьӧсь тӧдмӧдны тӧдӧмлун сетан уджтасӧн.
Туристическӧй проектыс кӧ воас сьӧлӧм вылӧ, сійӧс кутасны нуӧдны быд во.
Сідзжӧ Владимир Уйба чолӧмаліс ставнысӧ Россияса студентъяслӧн лунӧн: «Зэв тӧдчана, мый ми восьтам Коми Республикаын Том йӧзлы сиӧм восӧ Россияса студентъяслӧн лунӧ.
Коді, абу кӧ студентъяс, — медся зіль да водзмӧстчысь том йӧзыс!
Ставлы таво восьтыны уна выльтор».
{Kodko @ Комиын олысьясӧс наградитӧма повтӧмлунысь, смеллунысь да йӧз вӧсна тӧждысьӧмысь (кувсьӧм бӧрын) @ выльтор @ https://rkomi.ru/news/2791 @ 2023-01-26 @}
Комиын олысьясӧс наградитӧма повтӧмлунысь, смеллунысь да йӧз вӧсна тӧждысьӧмысь (кувсьӧм бӧрын)
Тӧвшӧр тӧлысь 25 лунӧ Коми Республикаса Юралысь Владимир Уйба сетіс торъя военнӧй операция дырйи пӧгибнитӧм военнослужащӧйяслӧн рӧдвужлы тӧдчана канму наградаяс — Повтӧмлун орденъяс да Суворовлысь медальяс.
Церемонияӧ пырӧдчис Торъя мога воздушно-космическӧй вынъяслӧн 15-ӧд армияӧн командуйтысьӧс вежысь генерал-майор Андрей Калюта.
«Збыль патриотъяс, геройяс, вынаӧсь да повтӧмӧсь, зонъяс сетісны меддонаторсӧ, мый эм быд мортлӧн, — ассьыныс олӧмнысӧ миян вӧсна, Россия вӧсна.
Ми сьӧлӧмсянь аттьӧалам пӧгибнитӧм зонъясӧс подвигысь.
Кыдзи и миян пӧльяс, найӧ дорйисны Чужанін, миян муясын олысь мирнӧй гражданаӧс, тышкасисны неонацистъяскӧд.
Воинскӧй мог збыльмӧдігӧн эз жалитны асьныссӧ», — пасйис Владимир Уйба.
«Воштыны рӧдвужтӧ, матысса морттӧ зэв сьӧкыд.
А кор пӧгибнитӧны том зонъяс, кодъяслы эськӧ овны да овны, — тайӧ кык пӧв сьӧкыд.
Ме кӧсъя аттьӧавны рӧдвужӧс, бать-мамъясӧс, мый быдтінныд татшӧм пиянӧс, кодъяс сетісны олӧмнысӧ миян страна, асланыс семьяяс да челядь вӧсна.
Аттьӧ тіянлы.
Найӧ век кежлӧ колясны миян сьӧлӧмъясын», — шуис Андрей Калюта.
Церемонияӧ пырӧдчысьяс чӧв олыштӧмӧн казьтыштісны Айму дорйысьясӧс, кодъяс усисны торъя военнӧй операция дырйи.
* * *
Россия Федерацияса Президентлӧн Индӧдӧн воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь кувсьӧм бӧрын наградитӧма:
• младшӧй сержант Рустам Сергеевич Хинальскийӧс.
Чужис Воркутаын, сэні жӧ служитіс контракт серти могмӧдан роталӧн автомашина взводын водитель чинын.
Пӧгибнитіс 2022 вося йирым тӧлысьӧ торъя военнӧй операция дырйи могъяс збыльмӧдігӧн.
• Сыктывкарысь лейтенант Рустам Абдусаторович Ниязовӧс.
Помаліс Михайловскӧй военнӧй артиллерийскӧй академия.
2021 вося лӧддза-номъя тӧлыссянь служитіс Астрахань обласьтса Знаменск карын реактивнӧй артиллерийскӧй батареялӧн расчётса (боевӧй машинаса) начальник чинын.
Збыльмӧдіс торъя военнӧй операция дырйи могъяс, пӧгибнитіс 2022 вося сора тӧлысьӧ.
• ефрейтор Даниил Романович Базатинӧс.
Чужис Сыктывкарын, призыв серти служитӧм бӧрын кырымаліс контракт.
Служитіс Москва обласьтса Калининец посёлокын танкӧвӧй ротаса механик-водитель чинын.
2022 вося лӧддза-номъя тӧлысьӧ пӧгибнитіс торъя военнӧй операция дырйи.
• ефрейтор Антон Вадимович Вахтуровӧс.
Чужис Печора районса Берёзовка посёлокын.
Призыв серти служитіс Воронежын.
2022 вося косму тӧлыссянь служитіс контракт серти десантно-штурмӧвӧй отделениеса стрелок чинын.
Пӧгибнитіс 2022 вося кӧч тӧлысьӧ Херсон обласьтын торъя операциялысь могъяс олӧмӧ пӧртігӧн.
• ефрейтор Александр Семёнович Тутриновӧс.
Чужис Сыктывкарын, сэсся оліс Сыктыв районса Кебра сиктын.
Служитіс призыв серти Ленинград обласьтын.
2020 вося сора тӧлысьӧ служитіс контракт серти Волгоградын танкӧвӧй батальонын наводчик-оператор чинын.
Участвуйтіс торъя военнӧй операцияын, 2022 вося сора тӧлысьӧ кувсис доймалӧмъясысь госпитальын.
• Сыктывкарысь радӧвӧй Андрей Львович Буйницкийӧс.
2020 вося вӧльгым тӧлыссянь служитіс контракт серти Мурманск обласьтса Печенга посёлокын стрелкӧвӧй ротаын.
2022 вося кӧч тӧлысьӧ пӧгибнитіс торъя военнӧй операция дырйи.
Сідзжӧ Андрей Львович Буйницкийӧс наградитӧма кувсьӧм бӧрын Суворовлӧн медальӧн.
• Воркутаысь радӧвӧй Руслан Арсланович Таймаматовӧс.
Призыв серти служитіс Ленинград обласьтса Горелово посёлокын.
2022 вося лӧддза-номъя тӧлысьӧ пырис служитны контракт серти.
Служитіс Мурманск обласьтса Печенга посёлокын стрелок-зенитчик чинын.
Пӧгибнитіс 2022 вося кӧч тӧлысьӧ торъя военнӧй операция дырйи.
• матрос Игорь Сергеевич Лесниковӧс.
Чужис Ухтаын, служитіс призыв серти Мурманскын.
2020 вося кӧч тӧлыссянь служитіс контракт серти Мурманск обласьтын мотострелкӧвӧй батальонса миномётнӧй батареяӧн веськӧдлан взводса медыджыд арталысь чинын.
Участвуйтіс торъя военнӧй операцияын, пӧгибнитіс 2022 вося кӧч тӧлысьӧ.
{Kodko @ Владимир Уйба сетіс канму наградаяс торъя военнӧй операцияын участвуйтысьяслы @ выльтор @ https://rkomi.ru/news/2792 @ 2023-01-26 @}
Владимир Уйба сетіс канму наградаяс торъя военнӧй операцияын участвуйтысьяслы
Кыпыд церемонияыс вӧлі тӧвшӧр тӧлысь 25 лунӧ.
Коми Республикаса Юралысь аттьӧаліс боечьясӧс могъяс бура олӧмӧ пӧртӧмысь да повтӧмлунысь.
«Талун меным мойвиис сетны вылыс тшупӧда канму наградаяс.
Найӧ донъялӧны повтӧмлунныдтӧ да смеллунныдтӧ Айму дорйигӧн.
Став сьӧлӧмсянь аттьӧала тіянӧс ратнӧй, гражданскӧй да воинскӧй подвигысь.
Тіянӧс пыдди пуктӧ республика, Великӧй Россия.
Тӧда, мый ми воӧдчам Россия Федерацияса Медвылыс Веськӧдлысь — миян Президент Владимир Владимирович Путинӧн пуктӧм могъясӧдз, сы лыдын и миян зонъяслӧн зільӧмӧн да повтӧмлунӧн.
Ми вермам!», — пасйис Коми Республикаса Юралысь, боевӧй тышъясса ветеран Владимир Уйба.
Россия Федерацияса Президентлӧн Индӧд серти торъя военнӧй операция нуӧдӧм дырйи служебнӧй да воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Коми Республикаса олысьяслы сетӧма «Аймулы бур вӧчӧмысь» орденлысь II тшупӧда медаль, «Смеллунысь» медальяс да Суворовлысь медаль.
Церемонияын участвуйтысьяс чӧв олыштӧмӧн казьтыштісны Аймунымӧс став дорйысьсӧ, кодъяс усисны торъя военнӧй операция дырйи.
«Чолӧмала тіянӧс босьтӧм наградаясӧн.
Ті — миян республикалӧн да страналӧн геройяс.
Ми пыдди пуктам тіянӧс, пыдди пуктам миян воинъяслысь повтӧмлунсӧ, смеллунсӧ, кодъяс дорйӧны Россиянымӧс, миянлысь войтырӧс, пӧртӧны олӧмӧ торъя военнӧй операция вылын воинскӧй, гражданскӧй могъяссӧ.
Да, дерт жӧ, ставныссӧ виччысям гортӧ вермӧмӧн», — церемониясӧ сигӧртігӧн шуис Владимир Уйба.
{Kodko @ Александр Рассохинӧс индӧма Коми Республикаын асшӧр уджалысьяслысь инӧдъяс торъя дорйысь чинӧ @ выльтор @ https://rkomi.ru/news/2793 @ 2023-01-26 @}
Александр Рассохинӧс индӧма Коми Республикаын асшӧр уджалысьяслысь инӧдъяс торъя дорйысь чинӧ
Та йылысь тшӧктӧм кырымаліс Коми Республикаса Юралысь Владимир Уйба.
{Kodko @ Владимир Уйба участвуйтіс Коми Республикаын МВД коллегиялӧн паськӧдӧм заседаниеын @ выльтор @ https://rkomi.ru/news/2794 @ 2023-01-27 @ }
Владимир Уйба участвуйтіс Коми Республикаын МВД коллегиялӧн паськӧдӧм заседаниеын.
Тӧвшӧр тӧлысь 27 лунӧ сӧвещание дырйи вӧчисны кывкӧртӧдъяс ведомстволӧн 2022 вося удж серти.
Коми Республикаса Юралысь аттьӧаліс инӧд видзысьясӧс служебнӧй уджмогъяс бура олӧмӧ пӧртӧмысь, уджын бур шедӧдӧмторъясысь да сетіс сотрудникъяслы Аттьӧалана письмӧяс.
«Медводз кӧсъя аттьӧавны Коми Республикаса олысьяслысь безопасносьт да лӧньлун могмӧдӧмӧ тӧдчана пай пуктӧмысь.
2022 воын сьӧкыд геополитическӧй серпаскӧд, торъя военнӧй операция нуӧдӧмкӧд йитӧдын республикаса пытшкӧс делӧяс органъяс вылӧ водіс содтӧд удж инӧда пӧрадок видзӧмын, войтырлысь безопасносьт могмӧдӧмын.
Нуӧдӧны ыджыд удж йӧзаинъясын, уличаяс вылын мыж вӧчӧмъяслысь лыд чинтӧм серти, а сідзжӧ ӧружиеӧн вӧдитчӧмӧн йитчӧм мыж вӧчӧмъясысь ӧлӧдӧм серти», — шуис Владимир Уйба.
«Ӧтйӧза пӧрадок могмӧдӧм да мыж вӧчӧмлы паныд удж нуӧдӧм» Коми Республикаса канму уджтас серти 2022 воын регионса МВД-лысь мероприятиеяс сьӧмӧн могмӧдӧм вылӧ республиканскӧй сьӧмкудйысь вичмӧдӧма 7 миллионысь унджык шайт.
Кыдзи пасйис Коми Республикаса Юралысь, профилактика уджъяс отсӧгӧн инӧд видзан органъяслы удайтчис 2022 воын чинтыны юӧртан да телекоммуникация технологияясӧн вӧдитчӧмӧн мыж вӧчӧмлысь лыдсӧ.
Сідзжӧ Владимир Уйба торйӧн сувтліс ныв-зонпосниӧн мыж вӧчӧмъясысь ӧлӧдӧм, туйяс вылын безопасносьт содтӧм, экономическӧй мыж вӧчӧмъяскӧд тыш нуӧдӧм, экстремизмлы да терроризмлы паныд сувтӧм серти юалӧмъяс вылӧ.
Владимир Уйба эскӧдіс, мый Коми Республикаса Веськӧдлан котыр водзӧ кутас отсавны инӧд видзан органъяслы инӧда пӧрадок могмӧдӧмын.
Сідз, ныв-зонпосниӧн мыж вӧчӧмъясысь ӧлӧдӧм могысь бара кутасны уджавны картинг да мотоспорт серти техническӧй секцияяс, кутшӧмъяс кутасны кыскыны сьӧкыд томуловӧс спортӧн занимайтчӧм дорӧ да ышӧдны найӧс нуӧдны дзоньвидза оласног.
Таысь кындзи, Коми Республикаса Юралысьлӧн да Веськӧдлан котырлӧн водзмӧстчӧм серти примитӧма оланпас, мый серти гражданалы, кодъяс сетісны ГИБДД-ӧ видеорегистраторъяс либӧ мукӧд техническӧй средствояс вылысь туй кузя ветлан правилӧяс торкалӧмсӧ фиксируйтӧмӧн материалъяс, кутасны мынтыны сьӧм.
«Эска, тайӧ да мукӧд нырвизь серти ӧтувъя уджным мунас водзӧ да сетас позянлун шедӧдны республикаын пӧрадок да оланпаслун могмӧдӧмын нӧшта ыджыд вермӧмъяс», — пасйис Коми Республикаса Юралысь.
{Kodko @ Владимир Уйба восьтіс Коми Республикаын Педагоглы да наставниклы сиӧм ставроссияса во @ выльтор @ https://rkomi.ru/news/2795 @ 2023-01-27 @ }
Владимир Уйба восьтіс Коми Республикаын Педагоглы да наставниклы сиӧм ставроссияса во.
Странаса Президент Владимир Путин шуис 2023 восӧ Россияын Педагоглы да наставниклы сиӧм воӧн.
Тадзи канмуса юралысь петкӧдліс велӧдысь уджсикаслысь тӧдчанлунсӧ да быд мортлӧн олӧмӧ наставникъясӧн пай пуктӧмсӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаын заводитчис Педагоглы да наставниклы сиӧм ставроссияса во @ выльтор @ https://rkomi.ru/news/2796 @ 2023-01-27 @ }
Коми Республикаын заводитчис Педагоглы да наставниклы сиӧм ставроссияса во.
Велӧдысьяслӧн уджлысь коланлунсӧ тӧдчӧдӧм могысь Россия Федерацияса Президент Владимир Владимирович Путин шуис 2023 восӧ Педагоглы да наставниклы сиӧм воӧн.
Тӧвшӧр тӧлысь 27 лунӧ Сыктывкарын сійӧс кыпыда восьтіны.
Воліс и Коми Республикаса Юралысь Владимир Уйба.
«Весиг медся выль оборудование, медся бур небӧгъяс оз вермыны вежны велӧдысьлысь кыв, наставниклысь пример.
Талун, Ленинград блокадаысь мездӧмсянь 79 во тыран лунӧ, оз позь кольны казьтышттӧг велӧдысьяслысь пайсӧ, кодъяс бомбитӧм да артобстрелъяс вылӧ видзӧдтӧг повтӧг водзӧ велӧдісны челядьӧс школаясын.
Сьӧкыд кадӧ велӧдысьяс отсалісны челядьлы кутчысьны, не усьны лолӧн.
Тӧдӧмлун сетӧм кындзи велӧдысьяс кодйисны окопъяс, уджалісны госпитальясын, отсалісны чукӧртны шоныд кӧлуй красноармеечьяслы.
Тайӧ вӧліны збыль Велӧдысьяс, кодъяслӧн педагогикаын подвигыс лоӧ миянлы примерӧн», — шуис Коми Республикаса Юралысь.
Владимир Уйба пасйис, мый Педагоглы да наставниклы сиӧм воӧ медшӧрыс — петкӧдлыны велӧдысьлӧн уджлысь тӧдчанлунсӧ да ышӧдны том йӧзӧс уджавны велӧдчанінъясын.
Та вылӧ веськӧдӧма Россияса Президентлысь тшӧктӧмъяссӧ, кутшӧмъяс йитчӧны социальнӧй отсӧг сетӧмкӧд, педагогъясӧс да наставникъясӧс уджсикасын сӧвмӧдан ногъясӧ вежсьӧмъяс пыртӧмкӧд.
Коми Республикаса школаясын, уджсикасӧ велӧдан шӧр тшупӧда учреждениеясын да вылыс тшупӧда велӧдан учреждениеясын уджалӧ 17 сюрс сайӧ педагог, унджыкыслӧн ыджыд стаж педагогикаын.
Регионса велӧдчанінъясын том специалистъяслӧн пайыс — 25 прӧчентысь абу унджык.
Уджалысьясӧс ышӧдӧм могысь регионын збыльмӧдӧны мераяс — том да сиктса специалистъяслы содтӧд мынтӧмъяс, олан жырйысь мынтысьӧм вылӧ рӧскод компенсируйтӧм, класснӧй руководстволы отсалӧм, сиктъясӧ да ичӧт каръясӧ уджавны локтӧм велӧдысьяслы ӧтчыдысь компенсация мынтӧмъяс.
Республикаын нуӧдӧны уджсикас аддзыны отсалан мероприятиеяс.
Тайӧ велӧдчан воӧ, шуам, быд муниципалитетын восьтӧма педагогика классъяс, кытчӧ ветлӧдлӧ гырысь классъясса 400 сайӧ велӧдчысь.
Котыртӧма целевӧя велӧдчӧм, студентъясӧс велӧдчанінъясын уджавны ышӧдан мероприятиеяс.
Уджалӧ наставничество да велӧдчысьяслы да выпускникъяслы отсалан институт.
Збыльмӧдӧны «Том педагогъяс» проект.
Тайӧ сӧмын неыджыд пай кадръяс серти ыджыд уджын, мый отсаліс 2022 воӧ корны уджавны 260 велӧдысьӧс.
Педагог удж паськӧдӧм могысь регионын нуӧдӧны 20 сайӧ конкурс велӧдан юкӧнын уджалысьяс пӧвстын, кодъяс бура петкӧдчӧны Коми Республика нимсянь федеральнӧй тшупӧдын.
«Ми водзӧ кутам бурмӧдны педагогъяслысь уджалан условиеяссӧ, тшӧтш и Россия Федерацияса Веськӧдлан котыр отсӧгӧн.
Эска, мый Педагоглы да наставниклы сиӧм воӧ нуӧдан мероприятиеясыс миянлы тшӧтш отсаласны.
Пыдди пуктана педагогъяс!
Тайӧ тіян во.
Мед сійӧ сетас позянлун сӧвмӧдны велӧдан юкӧн да сӧвмыны тіянлы уджсикасын, мед йӧзыс ёнджыка пыдди пуктісны тіянӧс.
Аттьӧала тіянӧс да республикаса став велӧдысьӧс сьӧлӧмсянь уджалӧмысь, кужӧм-сямысь, мывкыдлунысь да челядьӧс радейтӧмысь.
Сиа тіянлы дзоньвидзалун, помтӧм вын, уджын выль вермӧмъяс.
Коми Республикаын Педагоглы да наставниклы сиӧм во шуа восьсаӧн!» — юӧртіс Владимир Уйба.
Коми Республикаса Юралысь сетіс велӧдан юкӧнын уджалысьяслы канму наградаяс.
* * *
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Наталья Павловна Демченколы — Ухтаса канму техническӧй университетын мусир да биару факультетса деканлы;
Елена Николаевна Маточкиналы — Воркута карын Георгий Александрович Чернов нима 39 №-а шӧр школаса директорлы;
Юлия Михайловна Хозяиновалы — Гамса ӧкмыс класса школаын директорлы.
Велӧдан юкӧнын заслугаясысь да уна вося бур уджысь «Коми Республикаса велӧдан юкӧнын почёта уджалысь» Коми Республикаса ним сетӧма:
Екатерина Леонидовна Лысенковалы — Иван Алексеевич Куратов нима Сыктывкарса гуманитарно-педагогическӧй колледжын преподавательлы;
Елена Всеволодовна Обуховалы — Иван Алексеевич Куратов нима Сыктывкарса гуманитарно-педагогическӧй колледжын преподавательлы.
Йӧзлысь дзоньвидзалун видзан юкӧнын заслугаясысь да уна вося бур уджысь «Коми Республикаса йӧзлысь дзоньвидзалун видзан юкӧнын почёта уджалысь» Коми Республикаса ним сетӧма:
Анастасия Акинфоровна Осташовалы — Чилимдін сиктын 14 №-а торъя (коррекционнӧй) школа-интернатса медицина сестралы.
Велӧдан юкӧнын заслугаясысь да уна вося бур уджысь Коми Республикаса Юралыссянь Аттьӧалӧм сетӧма:
Людмила Григорьевна Гнатюклы — Усинск карын Валентина Ивановна Ефремова нима 7 №-а ичӧт школаса директорлы.
Уна вося уджысь да чина могъяс сьӧлӧмсянь збыльмӧдӧмысь Коми Республикаса Юралыссянь дона козин сетӧма:
Лидия Альбертовна Комаровалы — «Сыктывкар» кар кытшса муниципальнӧй юкӧнлӧн администрацияса велӧдӧмӧн веськӧдланінын бухгалтерскӧй учёт да отчётносьт службаса юралысь бухгалтерлы.
{Kodko @ Владимир Уйба висьталіс Печора ю вомӧн дыр виччысяна пос стрӧитӧм йылысь @ выльтор @ https://rkomi.ru/news/2797 @ 2023-01-30 @ }
Владимир Уйба висьталіс Печора ю вомӧн дыр виччысяна пос стрӧитӧм йылысь.
Коми Республика босьтас федеральнӧй сьӧмкудйысь сьӧма отсӧг Печора ю вомӧн пос стрӧитӧм вылӧ.
Проектнӧй да рабочӧй документация дасьтӧм серти уджъяссӧ кӧсйӧны вӧчны 2024 во помӧдз.
Сы бӧрын, кор проектно-сметнӧй документациясӧ лоӧ лӧсьӧдӧма, регионса Веськӧдлан котыр водзӧ кутас нуӧдны объект стрӧитӧм вылӧ федеральнӧй средствояс кыскӧм серти удж.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Комиын урасьӧм тӧлысь 1 лунсянь заводитасны видлавны «Войтырлӧн сьӧмкуд» нырвизь серти проектъяс @ выльтор @ https://rkomi.ru/news/2798 @ 2023-01-31 @ }
Комиын урасьӧм тӧлысь 1 лунсянь заводитасны видлавны «Войтырлӧн сьӧмкуд» нырвизь серти проектъяс.
Таво субсидиялысь медыджыд мындасӧ содтісны 1,5–2 пӧв.
Тайӧ сетас позянлун збыльмӧдны ыджыдджык да бурджык проектъяс.
Таысь кындзи, содісны тӧдчана нырвизьяс.
Шуам, сикт-грездъясын вузасьӧмсӧ котыртӧм.
Сійӧс збыльмӧдӧм вылӧ республиканскӧй сьӧмкудйысь позьӧ босьтны 2 млн шайтӧдз.
Та йылысь видео пыр аслас шыӧдчӧмын висьталіс Коми Республикаса Юралысь Владимир Уйба.
{Kodko @ «Строитель-Сыктывкар» вермис нижегородскӧй «Старт–2» 10:4 тшӧтӧн @ выльтор @ https://rkomi.ru/news/2799 @ 2023-01-31 @ }
«Строитель-Сыктывкар» вермис нижегородскӧй «Старт–2» 10:4 тшӧтӧн.
Гортса йи вылын вермӧмӧн ворсысьясӧс чолӧмаліс «Строитель-Сыктывкар» клубса почёта президент, Коми Республикаса Юралысь Владимир Уйба.
Сійӧ воліс мача хоккей серти Вылыс лигаса витӧд турлӧн медводдза ворсӧм вылӧ, медым лоны ӧтвыв сыктывкарса хоккеистъяскӧд.
Гортса йи вылын вермӧмӧн ворсысьясӧс чолӧмаліс «Строитель-Сыктывкар» клубса почёта президент, Коми Республикаса Юралысь Владимир Уйба.
Сійӧ воліс мача хоккей серти Вылыс лигаса витӧд турлӧн медводдза ворсӧм вылӧ, медым лоны ӧтвыв сыктывкарса хоккеистъяскӧд.
«Миян хоккеистъяс гортса йи вылын бура ворсісны, лоисны вермысьясӧн Нижний Новгородкӧд аддзысьлігӧн.
Но оз ков личӧдчыны.
Водзын нӧшта кык ворсӧм Сыктывкарын.
Миян зонъяс кӧ вермасны нижегородсаяскӧд гортса став куим матчын, то витӧд турлӧн кывкӧртӧдъяс серти эмӧсь позянлунъяс юрнуӧдны турнирнӧй таблицаын.
Кора сыктывкарсаясӧс аски да аскомысь локны стадион вылӧ да лоны ӧтвыв ас командакӧд.
«Строитель-Сыктывкар», водзӧ!», — шуис Владимир Уйба.
2022 вося ӧшым тӧлысь помын командаяс аддзысьлісны Нижний Новгородын, кӧні сыктывкарсаяс вермисны куимысь.
«Строитель-Сыктывкар» командакӧд матчьяс мунасны сідзжӧ урасьӧм тӧлысь 1 да 2 лунъясӧ Республиканскӧй стадион вылын.
{Kodko @ Комиын лӧсьӧдасны инвестиция боксянь сӧвмӧдан агентство @ выльтор @ https://rkomi.ru/news/2801 @ 2023-02-01 @ }
Комиын лӧсьӧдасны инвестиция боксянь сӧвмӧдан агентство.
Тайӧ Регионса инвестиция стандартлӧн вит быть колана элементъяс пиысь ӧти, кутшӧмӧс ӧні федеральнӧй Веськӧдлан котырлӧн тшӧктӧм серти пыртӧны быд регионын.
Регинвестстандарт артмӧ инвестиция процессын став участвуйтысьлы (инвесторъяслы, канму органъяслы, ресурсӧн могмӧдан организацияяслы) стӧча гижӧм правилӧяс да положениеяс збыльмӧдӧмысь.
Стандартыс урчитӧ инвесторъяскӧд удж котыртӧм да инвестиция проектъяс олӧмӧ пӧртны отсалӧм серти власьт органъяс дорӧ ӧтувъя корӧмъяс, инженернӧй да транспорт инфраструктура объектъяс дорӧ торъя этапъяс да кадколастъяс.
Регинвестстандарт збыльмӧдан юалӧмъяссӧ видлалісны талун, урасьӧм тӧлысь 1 лунӧ, Россияса Веськӧдлан котырын Медводдза вице-премьер Андрей Белоусовкӧд сӧвещание дырйи.
Сэні вӧлі и Коми Республикаса Юралысь Владимир Уйба.
Регионса инвестиция стандартсӧ заводитісны пыртны 2021 воын Россияса экономика сӧвмӧдан министерствоӧн бӧрйӧм 45 пилотнӧй регионын.
Коми Республика на лыдӧ эз пыр, но Владимир Уйбалӧн тшӧктӧм серти регионса Веськӧдлан котыр ачыс заводитіс збыльмӧдны Регинвестстандартсӧ.
Тайӧ удж отсӧгӧн Комиын план-график вевтыртӧмӧн пыртӧма 5 быть колана элементысь 3.
2021 воын примитӧма Коми Республикаса инвестиционнӧй декларация, кӧні пасйӧма регионлысь инвестиционнӧй верктуйяссӧ, бизнеслы уджалан условиеяссӧ, бизнеслы отсӧг сетан региональнӧй инфраструктурасӧ, отсӧг сетан мераяссӧ, республикаса инвестиционнӧй командасӧ.
2022 воын Коми Республикаын инвестиция климат бурмӧдӧм да экспорт сӧвмӧдӧм серти Сӧвет дырйи лӧсьӧдӧма инвестиционнӧй комитет, кытчӧ вермӧны шыӧдчыны предприятиеяс сетевӧй да ресурсӧн могмӧдан организацияяскӧд, меставывса асвеськӧдлан органъяскӧд вензьӧм дырйи.
Сідзжӧ 2022 воын пыртӧма Инвестиционнӧй правилӧяслысь свод, мый петкӧдлӧ быдсяма инфраструктура объектъяс дорӧ йитчигӧн инвесторлысь уджсӧ.
Тайӧ инвесторлӧн сьӧрсьӧн-бӧрсьӧн воськовъяс услугаяс босьтӧм вылӧ кадколастъяссӧ, процедураяссӧ да колана документъяссӧ нормативнӧй документъяс вылӧ ссылкаясӧн индӧмӧн.
Ӧні Коми Республикаса Инвестиция портал вылын тыртӧны Инвестиционнӧй карта.
Сэні кутасны тыдавны топография мыччӧдъяс, инфраструктура (кӧрт туй объектъяс, сынӧд, ва транспорт, автомашина туйяс йылысь тӧдмӧгъяс), инвестиция площадкаяс, шоныдӧн могмӧдан да ва нуӧдан объектъяс, Коми Республикаын ресурсӧн могмӧдан организацияяслӧн услугаяс вылӧ тарифъяслӧн ыджда, торъя муниципальнӧй юкӧнлӧн мутасын вотъяслӧн ыджда, кокньӧдъяс йылысь тӧдмӧгъяс.
Индӧм тӧдмӧгъясыс отсаласны инвесторъяслы бӧрйыны выль производствояс лӧсьӧдӧм вылӧ места.
Таво лӧсьӧдасны инвестиция боксянь сӧвмӧдан агентство.
Сылӧн могъясӧн лоӧны регионӧ инвестицияяс кыскӧм, инвестпроектъяс збыльмӧдӧмын специалистъясӧн найӧс олӧмӧ пӧртны отсалӧм, лоны вермана отсӧг сетан мераяс йылысь юӧртӧм да инженернӧй инфраструктура объектъяс дорӧ технологическӧя йитчан юкӧнын инвесторъяслы отсӧг сетӧм.
Тадзи Коми Республикаса Веськӧдлан котыр ас кадӧ збыльмӧдӧ Регинвестстандарт, кодӧс пыртӧмыс 2023 восянь лоӧ быть коланаӧн Россия Федерацияса став субъектлы.
{Kodko @ Владимир Уйба висьталіс Печора ю пыдӧс джудждӧдӧм серти планъяс йылысь @ выльтор @ https://rkomi.ru/news/2802 @ 2023-02-01 @ }
Владимир Уйба висьталіс Печора ю пыдӧс джудждӧдӧм серти планъяс йылысь.
2023 воын, 20 вонас медводдзаысь, кутасны джудждӧдны Печора юлысь пыдӧссӧ. Йӧрышыс лоӧ 800 сюрс кубическӧй метра.
Та отсӧгӧн позяс мытшӧдтӧг новлӧдлыны Ненеч асвеськӧдлан кытш да Коми Республика костті ю кузя грузъяс весиг ва чинігӧн.
Сэк жӧ чинас Чилимдінын муниципальнӧй туйяс вылӧ нагрузкаыс, мый отсалас дырджык видзны найӧс тыр-бурӧн.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба аддзысьліс коми газет-журналъясса шӧр редакторъяскӧд @ выльтор @ https://rkomi.ru/news/2803 @ 2023-02-02 @ }
Владимир Уйба аддзысьліс коми газет-журналъясса шӧр редакторъяскӧд.
Аддзысьлісны урасьӧм тӧлысь 1 лунӧ Коми Республикаса войтырлӧн ёртасян керкаын.
Пырӧдчысьяс видлалісны, кыдзи позьӧ водзӧ сӧвмӧдны коми кывъя газет-журналъяс да кутшӧм отсӧг позьӧ сетны налы.
Аддзысьлісны урасьӧм тӧлысь 1 лунӧ Коми Республикаса войтырлӧн ёртасян керкаын.
Пырӧдчысьяс видлалісны, кыдзи позьӧ водзӧ сӧвмӧдны коми кывъя газет-журналъяс да кутшӧм отсӧг позьӧ сетны налы.
«Ӧні миян олӧмын зэв уна быд сикас гаджет, компьютер, электроннӧй сервис. Найӧ ёна конкурируйтӧны печатнӧй гижӧдъяскӧд.
Но нинӧм вылӧ видзӧдтӧг, йӧзыс лыддьӧны газет-журналъяс.
Ті пӧртанныд олӧмӧ ыджыд мог — газетъясын да журналъясын гижӧдъяс отсӧгӧн видзанныд нравственнӧй озырлун да, позьӧ шуны, доръянныд-видзанныд миянлысь войтырнымӧс», — шыӧдчис шӧр редакторъяс дорӧ Владимир Уйба.
Журналистъяс аттьӧалісны Владимир Уйбаӧс национальнӧй СМИ вӧсна тӧждысьӧмысь да пасйисны, мый коми кывъя петасъяслӧн шӧр редакторъяс медводдзаысь на аддзысьлӧны татшӧм ногӧн Коми Республикаса Юралыськӧд.
2023 воӧ Коми печать кутас пасйыны юбилей — медводдза печатнӧй издание йӧзӧдан лунсянь тырӧ 105 во.
1918 вося лӧддза-номъя тӧлысь 10 лунӧ петіс «Зырянская жизнь» газет, сылысь уджсӧ водзӧ нуӧдӧ «Коми му» газет, кодӧс 1991 восянь лэдзӧ «Коми йӧзӧдчан керка».
Йӧзӧдчан керкаын лэдзӧны став арлыда йӧзлы петасъяс: «Би кинь» челядьлы журнал, «Йӧлӧга» том йӧзлы журнал, «Чушканзі» шмонитан журнал, «Войвыв кодзув» литературно-художественнӧй журнал, «Коми му» общественно-политическӧй газет.
Сідзжӧ йӧзӧдчан керкалӧн эм «Ордым» вузасянін, кӧні позьӧ ньӧбны небӧгъяс.
«Йӧлӧга» том йӧзлы журналса шӧр редакторлысь могъяс олӧмӧ пӧртысь Ирина Терентьева пасйис, мый национальнӧй газет-журналъясӧ ёна колӧны том уджалысьяс — комиӧн гижысь журналистъяс.
Сылӧн видзӧдлас серти, тайӧ мытшӧдсӧ разьны позьӧ и том авторъясӧс оланінӧн могмӧдӧмӧн.
Владимир Уйба тшӧктіс Коми Республикаса Веськӧдлан котырӧн Юрнуӧдысьӧс вежысь Галина Габушевалы видлавны коми кывъя газет-журналъясса том авторъяслы льготнӧй оланін сетӧм серти юалӧм.
«Войвыв кодзув» журналса шӧр редактор Алексей Полугрудов юаліс «Ордым» вузасянінлӧн аскиа лун йылысь.
Республикаын олысьяс ёна волывлӧны сэтчӧ, но сы вӧсна, мый уна сьӧм мунӧ коммунальнӧй услугаяс вылӧ да коми кывъя литературасӧ вузалӧны этша, вузасяніныс оз вермы петны ас чӧжӧсӧн бергӧдчӧм вылӧ.
Владимир Уйба тшӧктіс Коми Республикаса Веськӧдлан котырлы видлавны, позьӧ-ӧ субсидируйтны вузасянінлысь рӧскод юкӧн.
{Kodko @ Владимир Уйба висьталіс социальнӧй нырвизя абу коммерческӧй организацияяслы грантъяс йылысь @ выльтор @ https://rkomi.ru/news/2804 @ 2023-02-02 @ }
Владимир Уйба висьталіс социальнӧй нырвизя абу коммерческӧй организацияяслы грантъяс йылысь.
2023 воӧ социальнӧй нырвизя абу коммерческӧй организацияяслысь проектъяс сьӧмӧн могмӧдӧм вылӧ Президентлысь грантъяс сетан фондсянь Коми Республикалы вичмӧдасны 25,5 миллион шайт.
Та мында сьӧм урчитӧма и республиканскӧй сьӧмкудйын — федеральнӧй сьӧмӧн могмӧдӧм дорӧ содтӧд.
Ставнас лоӧ 51 миллион шайт.
Социальнӧй нырвизя абу коммерческӧй организацияяс вермасны ыстыны заявкаяссӧ рака тӧлысь 6 лунсянь.
Конкурссӧ нуӧдасны «Коми Республикаса Юралысьлӧн грантъяс» ӧтуввез-порталын.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ 2023 воын Комиын заводитасны стрӧитны нӧшта 5 школа да детсад @ выльтор @ https://rkomi.ru/news/2805 @ 2023-02-02 @ }
2023 воын Комиын заводитасны стрӧитны нӧшта 5 школа да детсад.
Коми Республикаса Юралысь Владимир Уйба нуӧдіс талун, урасьӧм тӧлысь 2 лунӧ, Стратегическӧя веськӧдлӧм серти координационнӧй сӧветлысь заседание.
Видлалісны юалӧмъяс сы серти, кыдзи велӧдчанінъяссӧ дасьтӧны выль велӧдчан во кежлӧ.
«Ми заводитім республикаын Педагоглы да наставниклы сиӧм во.
А ӧні миянӧс виччысьӧ ыджыд да сьӧкыд удж сійӧс нуӧдӧм серти, — шуис Коми Республикаса Юралысь. — Торйӧн колӧ видзӧдны, кыдзи сӧвмӧ республикаса став велӧдчанінын челядьӧс духовно-нравственнӧя да патриотическӧя быдтӧм-велӧдӧмыс.
Велӧдчанінъяс дасьтӧм серти юалӧмсӧ колӧ видлавны быд боксянь.
Колӧ котыртны челядьӧс велӧдӧмсӧ да быдтӧмсӧ, сӧвмӧдны велӧдчанінъясын материально-техническӧй базасӧ, дзоньтавны да стрӧитны выль объектъяс, могмӧдны челядьлысь видзчысянлунсӧ, объектъяс пӧжарысь да терроризмысь видзӧмсӧ, а сідзжӧ котыртны челядьӧс новлӧдлӧмсӧ».
Регионса велӧдчанінъясын велӧдчӧны 180 сюрсысь унджык быдтас да велӧдчысь.
2023 — 2024 велӧдчан во заводитчигкежлӧ колӧ дасьтыны да примитны 704 велӧдчанін, кытчӧ пырӧ 9 детдом.
Коми Республикаса Юралысь Владимир Уйбалӧн тшӧктӧм серти, таво регионын воссис экстреннӧй психолого-педагогическӧй отсӧг сетан шӧрин, а 2023 вося кӧч тӧлысь 1 лунсянь республикаса 186 велӧдчанінын пыртасны быдтӧм-велӧдӧм да челядьлӧн ӧтйӧза ӧтувъяскӧд ӧтув уджалӧм серти директорлӧн сӧветникъяслысь ставкаяс.
Котыртӧма «Начальная военная подготовка» курс пыртӧм серти удж.
Пилотнӧй площадкаясыс уджалӧны тайӧ велӧдчан восянь нин республикаса 7 велӧдчанінын.
2023 воын кӧсйӧны корны пырӧдчыны челядьӧс Коми Республикаын «Движение первых» челядьлӧн да том йӧзлӧн россияса ӧтмунӧмлӧн, «Орлята России» челядьлӧн ӧтмунӧмлӧн мероприятиеясӧ.
Велӧдчан учреждениеясӧс материально-техническӧй базаӧн могмӧдӧм вылӧ 2023 воын Коми Республикалӧн ӧтувтӧм сьӧмкудйын урчитӧма 2,5 миллиардысь унджык шайт.
Кызвын сьӧмсӧ веськӧдасны выль велӧдчанінъяс стрӧитӧм вылӧ.
Водзӧ стрӧитӧны 3 объект: Изьва сиктын 600 места вылӧ школа, Изьва районса Изьвавом сиктын 90 велӧдчысьлы да 40 дошкольниклы школа-сад, Сыктывкарса Эжва районлӧн Емваль микрорайонын 825 места вылӧ школа.
2023 воын заводитасны стрӧитны нӧшта вит объект: Сыктывкарын 3 №-а школалы 400 места вылӧ корпус, Сыктывдін районса Выльгорт сиктын 750 места вылӧ ӧтувъя велӧдчан комплекс, Сыктывкарын 825 места вылӧ школа, Изьва районса Бакур грездын 99 места вылӧ детсад, Печора районса Озёрнӧй посёлокын 25 места вылӧ детсад.
Велӧдчанінъяс капитальнӧя да вочасӧн дзоньталӧм вылӧ таво вичмӧдасны 166 миллионысь унджык шайт.
Нӧшта 459 миллион шайт веськӧдасны школаын велӧдчан системаяс выльмӧдан уджтасъяс вылӧ.
Таысь кындзи, кӧсйӧны збыльмӧдны «Войтырлӧн сьӧмкуд» проект серти велӧдчан юкӧнын гражданалысь 45 водзмӧстчӧм, дзоньтавны «Быд кагалӧн вермӧм» проект серти 3 сиктса школаын спортзалъяс, республикаса нӧшта 3 школаын сувтӧдны ывлавывса 3 спорт площадка.
«Муниципалитетъясса юралысьяслы да профильнӧй ведомствоясӧн юрнуӧдысьяслы торйӧн тӧдчӧда, мый велӧдчанінъяс стрӧитӧм да капитальнӧя дзоньталӧм вылӧ вичмӧдӧм федеральнӧй сьӧмсӧ колӧ видзны дзоньнас урчитӧм кадколастӧ.
Уджъяс нуӧдӧм йылысь юӧртны меным быд вежон», — пасйис Коми Республикаса Юралысь.
«Велӧдчанінъясын безопаснӧй условиеяс лӧсьӧдӧм вылӧ урчитӧма 82 миллионысь унджык шайт, торйӧн кутасны видлавны пӧжарысь да терроризмысь видзчысьӧм серти юалӧмъяс.
Та кадӧ 2023 воын регионса велӧдчанінъяслы колӧ збыльмӧдны контроль да дӧзьӧр нуӧдысь органъяслысь 211 предписание.
Став предписаниесӧ бырӧдӧм вылӧ колӧ вичмӧдны содтӧд сьӧм — 385 млн гӧгӧр шайт.
Владимир Уйба тшӧктіс регионса Веськӧдлан котырлы урчитны республиканскӧй сьӧмкуд сьӧм став предписаниесӧ бырӧдӧм вылӧ.
Таысь кындзи, Коми Республикаса Юралысь тшӧктіс видлавны сотчытӧмлун серти витӧд тшупӧда объектъяс, кӧні во гӧгӧр олӧны челядь, тупкӧм йылысь юалӧмсӧ.
Регионса Стрӧитчан министерстволы тшӧктӧма видлавны ӧдйӧ лэптан керкаяс стрӧитӧм йылысь юалӧмсӧ. Наӧн вежасны пуысь вӧчӧм стрӧйбаяссӧ.
Сідзжӧ сӧвещание дырйи сёрнитісны школьникъясӧс новлӧдлӧм йылысь.
Быд лун велӧдчанінъясӧдз новлӧдлӧны 6 сюрсысь унджык челядьӧс.
Челядьӧс новлӧдлӧны 250 школьнӧй маршрут кузя 230 школьнӧй автобусӧн.
2023 воын Россия Федерацияса велӧдан министерство водзӧ нуӧдас школьнӧй автобусъяс ваян уджсӧ федеральнӧй уджтас серти, ыстӧма 42 единица вылӧ заявка.
Школьнӧй автобусъясӧн ветлӧдлан туйяслӧн ӧтувъя кузьтаыс — 3 сюрсысь унджык км.
На пиысь нёльӧд пайыс тырмытӧмторъясӧн, медунаыс — Сыктывдін, Мылдін, Удора да Емдін районъясын.
2023 воын водзӧ лӧсьӧдӧны школьнӧй маршрутъяссӧ нормативъяс серти.
Кӧсйӧны дзоньтавны 26,2 км регионса туй да 11 км меставывса тӧдчанлуна автомашина туй.
Таысь кындзи, меставывса тӧдчанлуна ӧтув вӧдитчан туйяслысь юкӧнсӧ дзоньталасны «Войтырлӧн сьӧмкуд» проектлӧн сьӧм вылӧ.
Владимир Уйба тшӧктіс Коми Республикаса Веськӧдлан котырлы корсьны «школьнӧй маршрутъяс» дзоньталӧм вылӧ республиканскӧй сьӧмкудйысь сьӧм 2023 воын абу этшаджык сы серти, мыйта вӧлі урчитӧма 2022 воын.
Лӧсялана вӧзйӧмсӧ пыртасны Коми Республикалӧн Каналан Сӧветса сессиялӧн косму тӧлысся заседание дырйи видлалӧм вылӧ.
Школьникъясӧс вердӧмсӧ котыртӧм вылӧ 2023 воын урчитӧма 586,9 млн шайт.
Дон босьттӧг сёянсӧ сетӧны дзескӧдӧм позянлунъяса да гӧля олысь семьяясысь 1–11 классъясын велӧдчысьяс, а сідзжӧ торъя военнӧй операцияын участвуйтысь гражданалӧн семьяясысь 5–11 классъясын велӧдчысьяс.
Таысь кындзи, нуӧдасны велӧдчӧмсӧ бурмӧдӧм вылӧ веськӧдӧм мероприятиеяс, на лыдын «Велӧдӧм» нацпроект серти.
Велӧдчан во заводитчигкежлӧ сиктса да ичӧт каръясса школаясын восьтасны «Точка роста» естественно-научнӧй да технологическӧй нырвизя велӧдчан 19 выль шӧрин, 3 специальнӧй (коррекционнӧй) школаын выльмӧдасны материально-техническӧй базасӧ, Ухтаса шӧр школаын восьтасны коймӧд Школьнӧй кванториум.
6 велӧдчанінын восьтасны челядьлы содтӧд тӧдӧмлун сетан 307 выль места, 40 велӧдчанінын пукталасны выль компьютеръяс.
2023 воын выль нырвизьӧн лоас «Профессионалитет» федеральнӧй проект збыльмӧдӧм.
Сыктывкарса вӧр промышленносьт техникумын лӧсьӧдасны «Грузӧвӧй техника могмӧдӧм», «Метрология да КИП», «Сваритчан технологияяс», «Вӧр лэдзан техникаӧн веськӧдлӧм» дасьтан нырвизьяс серти мастерскӧйяс.
Сыктывкарса политехническӧй техникумын лӧсьӧдасны Коми Республикаын водзынджык сӧвмысь уджсикасӧ дасьтан шӧрин.
{Kodko @ Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртны кутас Анастасия Пихней @ выльтор @ https://rkomi.ru/news/2806 @ 2023-02-03 @ }
Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртны кутас Анастасия Пихней.
Коми Республикаса Юралысьлӧн 2023 во урасьӧм тӧлысь 3 лунся 27-р №-а тшӧктӧм
Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын 2023 вося урасьӧм тӧлысь 3 лунсянь индыны Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртысьӧн Анастасия Александровна Пихнейӧс, Коми Республикаса стрӧитчан, оланін да коммунальнӧй овмӧс министрӧс вежысьӧс.
{Kodko @ Владимир Уйба висьталіс Усинск районын да Воркутаын неминуча бӧрын колясъяс бырӧдӧм йылысь @ выльтор @ https://rkomi.ru/news/2807 @ 2023-02-03 @ }
Владимир Уйба висьталіс Усинск районын да Воркутаын неминуча бӧрын колясъяс бырӧдӧм йылысь.
«Усинск» кар кытшса Усадор посёлокын ӧзйисны мазута дозъяс.
Лоӧмторйыс контроль улын, пӧжарсӧ кусӧдісны.
Йӧзлӧн олӧмлы да дзоньвидзалунлы грӧзыс абу.
Кыдзи юӧртісны водзджык, неминуча дырйи доймалісны пӧдрада организацияын кык уджалысь.
Налы сетӧма медицина отсӧг, госпитализируйтны найӧс оз ков.
Воркутаын заводитіс тшынавны «Воркутаса» шахтаын ладмӧдан аппаратураса пунктлӧн камераын.
Тшыныс петіс шахтаса вентиляцияысь.
Некод эз доймав.
Став шахтёрсӧ эвакуируйтісны.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Микуньын воссис выль универсальнӧй ворсан зал @ выльтор @ https://rkomi.ru/news/2808 @ 2023-02-03 @ }
Микуньын воссис выль универсальнӧй ворсан зал.
Кыпыд церемонияыс вӧлі урасьӧм тӧлысь 3 лунӧ.
Микунь карса да Емдін районса олысьясӧс чолӧмаліс Коми Республикаса Юралысь Владимир Уйба.
«Талун ми восьтім колана объект, кодӧс карын дыр нин виччысисны, — универсальнӧй спорт зал.
Меным зэв тӧдчана, мый кор удж серти ветлігӧн аддзысьла йӧзкӧд, найӧ корӧны кыпӧдны оз сӧмын выль школа либӧ детсад, но и спорт объект.
Лызь база, вынйӧр сӧвмӧдан да дзоньвидзалун бурмӧдан ыджыд комплекс либӧ неыджыд зал.
Спортыд ӧні колӧ уналы — и поснилы, и гырысьлы.
Талун спорт — олан норма.
Та вӧсна велӧдан да бурдӧдан учреждениеяс кындзи ми кыпӧдам спорт сооружениеяс.
Тайӧ зэв тӧдчанатор», — пасйис Владимир Уйба.
Универсальнӧй ворсан зал кыпӧдӧм — тайӧ «Северная волна» спорт комплекс стрӧитӧмын мӧд тшупӧд. Сійӧс заводитӧма 2022 воӧ.
Ӧні объектсӧ пыртӧма уджӧ.
Тайӧ ӧти судтаа здание, кӧні меститчӧны 141 пукалан местаа трибунаӧн спорт зал да административно-бытӧвӧй жыръяс.
Сэні позьӧ тренируйтчыны да ордйысьны уна спорт сикасын.
Ӧти кадӧ залын вермӧ лоны 64 морт.
Казьтыштам, спорт комплекс стрӧитігӧн медводз кыпӧдісны куим судтаа бассейн. Тайӧ вӧлі 2015–2017 воясӧ.
Объектсӧ кыпӧдісны «Демография» национальнӧй проектлӧн «Спорт — олан норма» федеральнӧй проект отсӧгӧн.
Стрӧитчигӧн вӧдитчисны ӧнія материалъясӧн да вылыс технологияа оборудованиеӧн.
Комплекссӧ вӧчӧма спортын зільӧм да семьякӧд шойччӧм могысь.
Ӧні Коми Республикаын водзӧ стрӧитӧны некымын спорт объект.
Ухтаын стрӧитӧны единоборство шӧрин, Абъячой сиктын — спорт комплекс, Мылдін посёлокын — вынйӧр сӧвмӧдан да дзоньвидзалун бурмӧдан комплекс.
Проектъяс збыльмӧдӧм вылӧ веськӧдӧма федеральнӧй да республиканскӧй сьӧмкудъясысь сьӧм.
{Kodko @ Микуньын воссис выль универсальнӧй ворсан зал @ выльтор @ https://rkomi.ru/news/2809 @ 2023-02-03 @ }
Микуньын воссис выль универсальнӧй ворсан зал.
Объектсӧ кыпӧдісны «Демография» национальнӧй проектлӧн «Спорт — олан норма» федеральнӧй проект отсӧгӧн «Северная волна» спорт комплекс стрӧитӧмлысь мӧд тшупӧд збыльмӧдӧм серти.
Та йылысь видео пыр шыӧдчӧмын висьталіс Коми Республикаса Юралысь Владимир Уйба.
{Kodko @ Владимир Уйба чолӧмаліс Айму вӧсна Ыджыд тышын 103 арӧса участвуйтысь Фёдор Симпелевӧс выль патераӧ вуджӧмӧн @ выльтор @ https://rkomi.ru/news/2810 @ 2023-02-03 @ }
Владимир Уйба чолӧмаліс Айму вӧсна Ыджыд тышын 103 арӧса участвуйтысь Фёдор Симпелевӧс выль патераӧ вуджӧмӧн.
Коми Республикаса Юралысь Коми Республикаса пытшкӧс делӧяс министр Андрей Сицскийкӧд ӧтув ветлісны ветеран да милицияын вӧвлӧм уджалысь дорӧ, кодлы сетісны Сыктывкарын выль бур керкаысь куим жыръя патера.
Талун, урасьӧм тӧлысь 3 лунӧ, сійӧ пасйӧ выль патераӧ вуджӧм.
Кык этажа пу керкаыс, кӧні овліс Фёдор Григорьевич, веськаліс мӧдлаӧ овмӧдан уджтас улӧ.
«Чолӧмала Тіянӧс, Фёдор Григорьевич, выль оланінӧн!
Ми тіян вӧсна зэв радӧсь.
Тані лӧсьыд, шоныд, жыръясыс ыджыдӧсь.
Тіянлы крепыд дзоньвидзалун да дыр на овны», — сиис Владимир Уйба.
Фёдор Григорьевич паныдаліс почёта гӧсьтъясӧс орденъяса параднӧй кительӧн.
Гӧсьтъяс чолӧмалісны фронтӧвикӧс ыджыд лоӧмторйӧн да сетісны козинъяс да дзоридзьяс.
* * *
Фёдор Григорьевич Симпелев чужис 1919 вося лӧддза-номъя тӧлысь 26 лунӧ Шойнаты районса Ыджыдвидз сиктын.
1939 восянь 1948 воӧдз служитіс Сӧветскӧй Армияын.
Медводз служитіс Байкалсайса военнӧй кытшын меститчысь кӧрт туй дзоньталан 96-ӧд батальонын путеечьяс радын, а 1943 вося лӧддза-номъя тӧлыссянь — Казахстанын кӧрт туй войскалӧн понтонно-мостӧвӧй юкӧдулын, лои путейщикъяслӧн юкӧдын командирӧн.
Вӧлі вуджӧдӧма Украинскӧй фронтлӧн 2 составса инженернӧй войскаясӧ, а сэсся — Воронежскӧй фронтлӧн составӧ.
Доймис Кременчуг кар улын, бурдӧм бӧрын вуджӧдӧмаӧсь Степнӧй фронт вылӧ, кӧні и служитіс война помӧдз.
Вермӧмсӧ Фёдор Григорьевич Симпелев паныдаліс Вена карсянь 30 километр ылнаын.
Война бӧрын служитіс Казахстанын кӧрт туй дзоньталан 96-ӧд батальонын.
1945 вося моз тӧлысьӧ мӧдӧдісны Свердловск обласьтӧ вӧр лэдзны, бӧрыннас Карагандаӧ.
1945 вося вӧльгым тӧлыссянь 1946 вося ӧшым тӧлысьӧдз вӧлі Ленинградскӧй военнӧй кытшса 96-ӧд торъя батальонлӧн 47-ӧд кӧрт туй бригадаын.
1946 вося ӧшым тӧлыссянь 1948 вося рака тӧлысьӧдз служитіс Ленинградскӧй военнӧй кытшса кӧрт туй дзоньталан 1 торъя батальонлӧн 9-ӧд кӧрт туй бригадаын.
1948 вося косму тӧлыссянь 1974 вося кӧч тӧлысьӧдз уджаліс Пытшкӧс делӧяс министерство органъясын милиционерӧн Сыктывкарын Коми АССР-лӧн Сыктывкарса ГОМ УМ МГБ бердын.
Эмӧсь боевӧй да ведомственнӧй наградаяс.
{Kodko @ Владимир Уйба висьталіс «Безопаснӧй бур туйяс» нацпроект серти 2023 воын туйяс дзоньталан планъяс йылысь @ выльтор @ https://rkomi.ru/news/2811 @ 2023-02-06 @ }
Владимир Уйба висьталіс «Безопаснӧй бур туйяс» нацпроект серти 2023 воын туйяс дзоньталан планъяс йылысь.
Коми Республикаын «Безопаснӧй бур туйяс» нацпроект отсӧгӧн 2023 воын дзоньталасны дінму тӧдчанлуна 38,5 км туй, Сыктывкарын 23 км кузьта улич-туйяс, посъяслысь 158,6 погоннӧй метра, а сідзжӧ югзьӧдасны 8,6 км туй.
Паськыдджыка — Коми Республикаса Юралысь Владимир Уйбалӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Россияса наука лунӧн @ выльтор @ https://rkomi.ru/news/2812 @ 2023-02-08 @ }
Коми Республикаса Юралысь чолӧмалӧ Россияса наука лунӧн.
«Коми Республикаса пыдди пуктана учёнӧйяс, туялысьяс, наукаын уджалысьяс!
Чолӧмала тіянӧс Россияса наука лунӧн!
Туявны, тӧдмавны, восьтыны — татшӧм девиз йӧзлӧн, кодъясӧс ыдждӧдлӧны тайӧ лунӧ.
Быдтор тӧдны кӧсйӧм, система да аналитика вежӧр — татшӧм налӧн сямыс.
Учёнӧйяс, туялысьяс, медводдза восьтысьяс — тайӧ миян страналӧн вежӧра озырлун.
Коми Республикаса наукаын уджалысьясӧс пыдди пуктӧны Россияса наука котырын.
Уналысь нимсӧ гижӧма нин миян Чужан мулӧн историяӧ, налӧн шедӧдӧмторъяс да восьтӧмъяс лоӧны тӧдӧмлунъяслӧн зарни фондӧн, на кодьӧн кӧсйӧны лоны том учёнӧйяс, студентъяс да школьникъяс, найӧ, кодъяс вӧчӧны медводдза воськовъяс туялысьлӧн интереснӧй да сьӧкыд туйті.
Талун Коми Республикалӧн наукаын позянлунъяс — тайӧ 25 учреждение, кутшӧмъяс нуӧдӧны туялӧмъяс, 1400-ысь унджык наука туялысь.
Ми лӧсьӧдам условиеяс наука сӧвмӧдӧм могысь.
Регионын быд во сетӧны наука туялӧмъяс юкӧнын республикаса Веськӧдлан котырлысь премияяс, а 2022 восянь сетӧны наука, технологияяс да инновацияяс юкӧнын Коми Республикаса Веськӧдлан котырлысь грантъяс.
Челядьлы да том йӧзлы нуӧдӧны наука фестивальяс да конференцияяс.
Сьӧлӧмсянь сиа наука котырӧ пырысьяслы выль мӧвпъяс, тӧдтӧмторъяс туявны кӧсйӧм да, дерт, Россиялы да Коми Республикалы бур вылӧ шензьӧдан восьтӧмъяс!»
Коми Республикаса Юралысь Владимир Уйба.
{Kodko @ Владимир Уйба чолӧмаліс туялысьясӧс Россияса наука лунӧн да, Гражданскӧй авиация лун водзвылын, висьталіс регионса авиаперевозчиклы отсӧг сетӧм йылысь @ выльтор @ https://rkomi.ru/news/2813 @ 2023-02-08 @ }
Владимир Уйба чолӧмаліс туялысьясӧс Россияса наука лунӧн да, Гражданскӧй авиация лун водзвылын, висьталіс регионса авиаперевозчиклы отсӧг сетӧм йылысь.
Аски, урасьӧм тӧлысь 9 лунӧ, Коми Республикаса гражданскӧй авиацияын уджалысьяс да ветеранъяс пасйӧны уджсикас гаж.
2023 во — юкӧнлы тӧдчана да тшупӧда во.
Таво тырӧ 100 во Россияса гражданскӧй авиациялы да 25 во «Комиавиатранс» компаниялы, коді республикаын збыльмӧдӧ йӧзлы колана уна мог.
Паськыдджыка — Коми Республикаса Юралысь Владимир Уйбалӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Гражданскӧй авиацияын уджалысьлӧн лунӧн @ выльтор @ https://rkomi.ru/news/2814 @ 2023-02-09 @ }
Коми Республикаса Юралысь чолӧмалӧ Гражданскӧй авиацияын уджалысьлӧн лунӧн.
«Коми Республикаса гражданскӧй авиацияын пыдди пуктана уджалысьяс да ветеранъяс!
Чолӧмала уджсикас гажӧн — Гражданскӧй авиацияын уджалысьлӧн лунӧн!
Сынӧдса флотыс миян страналӧн да миян республикалӧн олӧмын зэв ёна колӧ.
Мукӧддырйи сійӧ лоӧ дзик ӧти транспортӧн, мый йитӧ Комиысь ылі сикт-грездъяс юрсиктъяскӧд, каръяс Россияса регионъяскӧд.
Буретш авиация отсалӧ нуӧдны пассажиръясӧс да вайны грузъяс рӧспута дырйи, корсьны-туявны мупытшса озырлун, патрулируйтны да кусӧдны вӧр, новлӧдлыны висьысьясӧс медицина учреждениеясӧ.
2023 во — юкӧнлы тӧдчана да тшупӧда во.
Таво Россияса гражданскӧй авиациялы тырӧ 100 во.
Урасьӧм тӧлысьын 25 во пасъяс «Комиавиатранс» компания, кодлӧн унджык авиаперевозкаыс лоӧ йӧзлы тӧдчанаӧн.
Сьӧлӧмсянь аттьӧала республикаса гражданскӧй авиацияын став уджалысьӧс кывкутӧмысь, бура уджалӧмысь, сьӧлӧмсянь зільӧмысь, ассьыныс бӧрйӧм уджнысӧ бура вӧчӧмысь да енэж радейтӧмысь.
Сиа тіянлы да тіян семьяяслы, юкӧнса ветеранъяслы тыр-бур олӧм, крепыд дзоньвидзалун, бурлун да шуд!»
Коми Республикаса Юралысь Владимир Уйба.
{Kodko @ Владимир Уйба висьталіс СВО-ын участвуйтысьяслӧн семьяяскӧд аддзысьлӧм йылысь @ выльтор @ https://rkomi.ru/news/2815 @ 2023-02-09 @ }
Владимир Уйба висьталіс СВО-ын участвуйтысьяслӧн семьяяскӧд аддзысьлӧм йылысь.
Аддзысьлӧмӧ пырӧдчисны военнослужащӧйяслӧн 250-ысь унджык рӧдвуж да матысса.
Коми Республикаса Юралысь вочавидзис быд юалӧм вылӧ.
Унджык юалӧмыс вӧлі посылкаяс нуӧм, военнослужащӧйяслы отпускъяс сетӧм, сьӧм мынтӧм, документъяс оформитӧм либӧ выльысь вӧчӧм, СВО-ын участвуйтысьяслӧн челядьлы льготнӧй путёвкаяс сетӧм, служба бӧрын реабилитацияын отсалӧм йылысь.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба аддзысьліс СВО-ын участвуйтысьяслӧн семьяяскӧд @ выльтор @ https://rkomi.ru/news/2816 @ 2023-02-10 @ }
Владимир Уйба аддзысьліс СВО-ын участвуйтысьяслӧн семьяяскӧд.
Аддзысьлӧмыс вӧлі урасьӧм тӧлысь 9 лунӧ, сэні участвуйтіс 250-ысь унджык морт.
Коми Республикаса Юралысь вочавидзис военнослужащӧйяслӧн рӧдвужӧн да матыссаясӧн сетӧм став юалӧм вылӧ, а сідзжӧ висьталіс торъя военнӧй операцияын участвуйтысьяслы да налӧн семьяяслы отсӧг сетан мераяс йылысь.
«Пӧшти во нин мунӧ торъя военнӧй операция.
Талун миян страна оз прӧстӧ сулав Рытыввывлы да НАТО-лы паныд, а збыльвылас ми сулалам став мирса лёклы паныд.
И тайӧ лёкыс кӧсйӧ бертовтны мирсӧ аслас немортнога пӧрадок дорӧ.
Видзны, дорйыны асшӧрлун, Россиялысь традицияяс да озырлун, миянӧс тіянкӧд, челядьнымӧс татшӧм лоӧмтор дырйи позьӧ сӧмын киын ӧружие кутӧмӧн.
Тіян матыссаяс дорйӧны миянлысь канму да сылысь мездлун.
Миян зонъяс — збыль геройяс.
Та вӧсна ми вермам!
Ми ставӧн сиам, медым миян зонъяс воисны гортӧ ловйӧн да дзоньвидзаӧн», — шуис Владимир Уйба.
Коми Республикаса Юралысь мӧдысь аддзысьліс торъя военнӧй операцияын участвуйтысьяслӧн рӧдвужкӧд.
Медводдзаысьсӧ аддзысьліс 2022 вося вӧльгым тӧлысьӧ.
Унджык юалӧмыс вӧлі посылкаяс нуӧм, военнослужащӧйяслы отпускъяс сетӧм, сьӧм мынтӧм, документъяс оформитӧм либӧ выльысь вӧчӧм, СВО-ын участвуйтысьяслӧн челядьлы льготнӧй путёвкаяс сетӧм йылысь.
Юасисны и военнослужащӧйяслы служба вылысь локтӧм бӧрын медицина, социальнӧй, реабилитационнӧй отсӧг сетӧм йылысь.
Тайӧ уджсӧ Коми Республикаын котыртӧма Россия Федерацияса Президент Владимир Владимирович Путинлӧн тшӧктӧм серти.
Лӧсьӧдӧма торъя военнӧй операцияын участвуйтысьяслы да налӧн семьяяслы адреснӧя отсӧг сетан система.
Быд боксянь отсалӧны министерствояс да ведомствояс, каръясса да районъясса администрацияяс, ӧтйӧза организацияяс да «Мы вместе» волонтёрскӧй штабъяс.
Удж, уджӧн могмӧдан да социальнӧя доръян министерство бердын уджалӧ Торъя военнӧй операцияын участвуйтысьяслы да налӧн семьяяслы отсӧг сетӧм серти координационнӧй шӧрин.
Видлалӧны спецоперацияын участвуйтысьясӧс, кодъяслӧн сійӧс нуӧдігӧн лёкмӧма дзоньвидзалун, лекарствоӧн могмӧдӧм, реабилитируйтӧм серти юалӧмъяс.
Шӧринса специалистъяс консультируйтӧны да отсалӧны военнослужащӧйяслӧн семьяяслы.
Коланлун дырйи военнослужащӧйяслы сетӧны вылыс технологияа медицина отсӧг да реабилитируйтӧны.
Коми Республикаса Юралысь пуктіс мог медводдзаӧн сетны медицина отсӧг сідзжӧ СВО-ын участвуйтысьяслӧн матысса рӧдвужлы.
Больничаясын да поликлиникаясын индӧма кывкутысь йӧзӧс, кодъяс дӧзьӧритӧны на бӧрся.
Таысь кындзи, спецоперацияын участвуйтысьясӧс да налӧн матысса рӧдвужӧс медводдзаяс лыдын кутасны босьтны удж вылӧ да коланлун дырйи найӧ вермасны велӧдчыны мӧд уджсикасӧ.
СВО-ын участвуйтысьяслӧн челядь вермасны шойччыны да ёнмӧдны дзоньвидзалун Сьӧд саридзса берег дорын республикаса челядьлы лагеръясын.
Владимир Уйба тӧд вылӧ уськӧдіс, мый сьӧкыдлунъяс дырйи, кутшӧмъясӧс спецоперацияын участвуйтысьлӧн семьяыс ачыс оз вермы венны, колӧ шыӧдчыны регионса Удж, уджӧн могмӧдан да социальнӧя доръян министерство бердын «веськыд линия» вылӧ: 8(912)141–42–00. Звӧнитны позьӧ 9 чассянь 18 часӧдз, мукӧд кадӧ позьӧ кольны аудиосообщение.
Быд юалӧм Коми Республикаса Юралысь видлалӧ ачыс.
Рӧдвужсянь быд шыӧдчӧм серти уджалӧны мытшӧдсӧ разьтӧдз.
СВО-ын участвуйтысьяс федеральнӧй мераяскӧд ӧтув босьтӧны регионса отсӧг сетан мераяс.
Тайӧ военнослужащӧйяслы ӧтчыдысь сьӧм мынтӧм, школаын велӧдчысьясӧс дон босьттӧг вердӧм, детсадйӧ ветлӧмысь мынтӧмсӧ компенсируйтӧм, оланін биаруӧн могмӧдӧм вылӧ рӧскод вештӧм.
Военнослужащӧйяслӧн рӧдвужыс аттьӧалісны Владимир Уйбаӧс на вӧсна тӧждысьӧмысь да отсӧгысь.
Аттьӧалана кывъяс шуисны и СВО-ын участвуйтысьяс.
Владимир Уйба пасйис, мый торъя военнӧй операцияын участвуйтысьяслӧн рӧдвужкӧд аддзысьлӧмъясыс зэв коланаӧсь.
Найӧ отсалӧны гӧгӧрвоӧдны да бырӧдны тырмытӧмторъяссӧ отсӧг сетан мераяслӧн системаын, мый лӧсьӧдӧ Коми Республикаса Веськӧдлан котыр.
И татшӧм аддзысьлӧмъясыс лоасны на.
«Ми кутам тӧд вылын став корӧмсӧ да коланлунсӧ.
Колян вося вӧльгым тӧлысьӧ миян аддзысьлӧмыс индіс мытшӧдъяс, кутшӧмъясӧс Коми Республикаса Веськӧдлан котыр тырвыйӧ видлаліс да кутшӧмъяс серти пыртӧмаӧсь нин помшуӧмъяс», — тӧдчӧдіс Владимир Уйба.
{Kodko @ Сыктывкарын видлаласны, кыдзи вермасьны россияса канлунлы ӧнія грӧзлункӧд @ выльтор @ https://rkomi.ru/news/2817 @ 2023-02-10 @ }
Сыктывкарын видлаласны, кыдзи вермасьны россияса канлунлы ӧнія грӧзлункӧд.
2023 вося косму тӧлысьӧ Коми Республикалӧн юркарын нуӧдасны «Россия и вызовы современного мира» научно-практическӧй конференция.
Пырӧдчысьяс видлаласны культура, велӧдан, политика да религия юкӧнын россияса канлунлы ӧнія грӧзлунъяс, а сідзжӧ сетасны вӧзйӧмъяс, кыдзи позьӧ венны тайӧ грӧзлунъяссӧ.
Конференциясӧ котыртӧ Ставмирса Роч Народнӧй Соборлӧн Коми Республикаын регионса юкӧн.
Урасьӧм тӧлысь 9 лунӧ Коми Республикаса Юралысь Владимир Уйба нуӧдіс сӧвещание, кӧні вӧчисны Ставмирса Роч Народнӧй Соборлӧн (СРНС) Коми Республикаын 2022 вося удж серти кывкӧртӧдъяс да индісны 2023 во вылӧ уджалан планъяс.
«Талун — миян странаын абу кокни кад.
Тайӧ абу сӧмын торъя военнӧй операция нуӧдӧм — бокысь вӧрӧгъясӧс ми вермам.
Но эм и мукӧд мытшӧд, кутшӧмъясӧс венны оз артмы сӧмын гражданалы, сӧмын канмулы.
Тайӧ канмулӧн, православнӧй вичколӧн да став конфессиялӧн ӧтувъя фронт, ӧд Россияӧс збыльысь виччысьӧ лёктор.
Медводз ме висьтала сы йылысь, кыдзи Ӧтуввез да социальнӧй везъяс тӧдчӧны миян челядь вылӧ. Пыр тшӧкыдджыка челядь лёкалӧны да весиг виӧны асьныссӧ.
Нӧшта ӧти ыджыд грӧзлун — чужӧ пыр этшаджык челядь.
Мукӧд регионын кувсьысь йӧзлӧн лыдыс унджык нин чужысьяслӧн лыд серти.
Миян странаын уна челядь оз чуж абортъяс вӧсна.
Тайӧ миян ӧтувъя шог, тані канмулы да вичколы торйӧдчыны оз позь.
Тайӧ миян медшӧр уджалан нырвизьяс 2023 во вылӧ.
Миянлы быдӧнлы колӧ бура уджавны тайӧ мытшӧдъяс серти», — юӧртіс Владимир Уйба.
Сӧвещание дырйи шуисны кыпӧдны СРНС-лӧн регионса юкӧнлысь уджсӧ да сӧгласуйтісны республикаын «Россия и вызовы современного мира» ставроссияса научно-практическӧй конференция нуӧдӧмсӧ.
* * *
Ставмирса Роч Народнӧй Соборсӧ лӧсьӧдӧма 1993 вося ода-кора тӧлысьӧ.
Соборлӧн нырщикӧн лоис Смоленскӧй да Калининградскӧй митрополит, СРНС-са ӧнія Юралысь Москваын да став Роч муын Вежа Патриарх Кирилл.
Соборса медводдза Юралысьӧн вӧлі Вежа Патриарх Алексий II.
СРНС-лӧн Президиумӧ да Сӧветӧ пырӧны россияса нималана политикъяс да водзмӧстчысь йӧз, наукаын, культураын да велӧдан юкӧнын уджалысьяс, военачальникъяс, миян йӧз, кодъяс олӧны маті да ылі суйӧр сайын.
{Kodko @ Владимир Уйба висьталіс Россияса Президент Владимир Путинкӧд сӧвещаниеын участвуйтӧм йылысь @ выльтор @ https://rkomi.ru/news/2818 @ 2023-02-10 @ }
Владимир Уйба висьталіс Россияса Президент Владимир Путинкӧд сӧвещаниеын участвуйтӧм йылысь.
Сӧвещание дырйи сёрнитісны вӧр промышленнӧй комплекс сӧвмӧдӧм йылысь.
Коми — Россияса медшӧр вӧр промышленнӧй регионъяс пӧвстысь ӧти.
Республикаса Юралысь аслас докладын висьталіс регионса юкӧн йылысь да лыддьӧдліс сійӧс сӧвмӧдӧм серти вӧзйӧмъяс.
Торйӧн Владимир Уйба сёрнитіс котельнӧйяс биоломтас вылӧ вуджӧдӧм да пу керкаяс стрӧитӧмсӧ сӧвмӧдӧм йылысь.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба юксис Россияса Президенткӧд мӧвпъясӧн, кыдзи позьӧ отсавны вӧр переработайтан предприятиеяслы @ выльтор @ https://rkomi.ru/news/2819 @ 2023-02-10 @ }
Владимир Уйба юксис Россияса Президенткӧд мӧвпъясӧн, кыдзи позьӧ отсавны вӧр переработайтан предприятиеяслы.
Коми Республикаса Юралысь сёрнитіс докладӧн Россия Федерацияса Президент Владимир Путинкӧд Рытыв-Войвыв федеральнӧй кытшса вӧр промышленнӧй комплекс сӧвмӧдан юалӧмъяс серти сӧвещание вылын.
«Коми Республика — Россияын тӧдчана вӧр промышленнӧй регионъясысь ӧти.
Ми вӧчам пӧшти ставсӧ: вылыс качествоа тьӧс-плака, фанера, древесно-стружчатӧй, волокнистӧй плитаяс, целлюлоза, картон да бумага продукция, брикетъяс да пеллетъяс.
Дерт, санкцияяс тӧдчисны регионлӧн вӧр промышленнӧй комплекс вылӧ, но ас кадся федеральнӧй да республикаса отсӧг сетан мераяс сетісны позянлун видзны предприятиеяс да уджалан местаяс», — шуис Владимир Уйба.
Региональнӧй тшупӧдын урчитӧма отсӧг сетан уна мера.
Тайӧ пеллетъяс да ломтысян брикетъяс вӧчӧмсӧ лӧсьӧдӧм, ӧнъяӧдӧм да паськӧдӧм вылӧ рӧскод вештӧм, транспорт субсидия, вот кокньӧдъяс сетӧм.
Коми Республикаса Веськӧдлан котыр лӧсьӧдӧ условиеяс выль сикас продукция вӧчӧм вылӧ, кутшӧмъясӧн вежасны импортнӧйяссӧ.
Коми Республикаса Юралысь пасйис, мый санкцияяс вылӧ видзӧдтӧг, регионлы 2022 воын удайтчис кыскыны вӧрӧн вӧдитчӧм серти проектъяс збыльмӧдӧм вылӧ 5 миллиард шайт мындаын инвестицияяс.
2023 воын инвесторъяс дасьӧсь пуктыны нӧшта кык инвестиция проект збыльмӧдӧм вылӧ содтӧд 5 миллиард шайт.
Сӧвещание дырйи Президент пасйис стратегическӧй могъяс да сетіс Россияса Веськӧдлан котырлы да регионъясса юрнуӧдысьяслы лӧсялана тшӧктӧмъяс.
Канмуса юралысь тӧдчӧдіс, мый отсӧг сетан мераяс лӧсьӧдігӧн унджык мераыс лоӧ йитчӧма пу пыдіа переработайтан бизнескӧд.
Медводз кутасны отсавны переработчикъяслы, кодъяслы санкцияяс бӧрын рынок тупкысьӧм вӧсна лои сьӧкыд, а тайӧ ёнджыкасӧ Рытыв-Войвывса предприятиеяс.
Таысь кындзи, Президент тӧдчӧдіс, мый колӧ бурмӧдны канму пытшкын спрос — вӧчны ньӧбасьысьяслы колана продукция, оланін да коммунальнӧй овмӧсса предприятиеяслы биоломтас.
Сідзжӧ канмуса юралысь пасйис, мый колӧ сӧвмӧдны пу керка стрӧитӧм, сы лыдын аварийнӧй оланінысь гражданаӧс выльлаӧ овмӧдан юалӧмъяс решитігӧн да социальнӧй тӧдчанлуна объектъяс стрӧитігӧн.
Пу керкаяс стрӧитан технологияясӧн кутасны нин вӧдитчыны таво, дасьтӧма типӧвӧй проектъяс.
Коми Республикаын тайӧ уджсӧ нуӧдӧны зэв зіля.
Коми Республикаса Веськӧдлан котыр «Лузалес» компаниякӧд ӧтув лӧсьӧдісны МХМ панельясысь этша судтаа пу керкаяс стрӧитан проект.
Россияса МЧС-кӧд сӧгласуйтӧм бӧрын сійӧс кутасны пыртны регионын, сы лыдын аварийнӧй оланінысь гражданаӧс выльлаӧ овмӧдӧм могысь.
Таысь кындзи, Коми Республикалы удайтчис вуджӧдны муниципальнӧй котельнӧйясӧс биоломтасӧн вӧдитчӧм вылӧ.
Водзынджык регионса вӧчысьяс 90 %-ӧдз пеллетъяс да брикетъяс мӧдӧдлісны экспорт вылӧ.
Ӧні биоломтас вылын уджалӧ 161 котельнӧй пиысь 58.
2023 воын лоӧ вуджӧдӧма нӧшта 46 котельнӧй.
«Кора ошкыны биоломтас вӧчӧм вылӧ оборудование ньӧбӧмсӧ субсидируйтӧм серти миянлысь вӧзйӧмъяссӧ, — шыӧдчис Владимир Уйба Россияса Президент дорӧ. — Талун биоломтас вӧчӧмын медшӧр мытшӧдыс — тайӧ транспорт рӧскод, найӧ тӧдчӧны дон артмӧм вылӧ.
Республикаын лои эськӧ коланаӧн сувтӧдавны неыджыд производствояс местаяс вылын, кӧні вӧдитчӧны пеллетъясӧн, медым чинтыны транспорт вылӧ рӧскод.
Таысь кындзи, татшӧм производствояс отсӧгӧн вӧр пилитігӧн артман шыблассӧ кутасны видзны колантор вылӧ».
Владимир Путин пасйис, мый Коми Республикаса Юралысьлысь вӧзйӧмъяссӧ босьтасны тӧд вылӧ.
{Kodko @ Суйӧрсайса тышъясын усьӧм россиянаӧс казьтылан лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/2820 @ 2023-02-15 @ }
Суйӧрсайса тышъясын усьӧм россиянаӧс казьтылан лункӧд йитӧдын Коми Республикаса Юралысьлӧн шыӧдчӧм.
«Боевӧй тышъясса пыдди пуктана ветеранъяс!
Коми Республикаса пыдди пуктана олысьяс!
2010 воын россияса календарын тӧдчана кадпасъяс пиын лоис Суйӧрсайса тышъясын усьӧм россиянаӧс казьтылан лун — урасьӧм тӧлысь 15 лун.
Буретш тайӧ лунӧ 1989 воын помасис Афганистанысь сӧветскӧй войскаяс петкӧдӧм.
Ми казьтылам россияса военнослужащӧйясӧс, кодъяс повтӧг тышкасисны суйӧр сайын, кодъяс асьнысӧ жалиттӧг пуктісны юрнысӧ Чужан му вӧсна.
Талун суйӧрсайса тышъясын воинскӧй мог олӧмӧ пӧртысьяс пиысь унаӧн бара участвуйтӧны торъя военнӧй операцияын да дорйӧны Россиялысь асшӧрлунсӧ.
Налӧн боевӧй опытыс, военнӧй удж тӧдӧмыс зэв тӧдчана да колана, а повтӧмлуныс лоӧ примерӧн.
Аттьӧ став воин-интернационалистлы Айму пыдди пуктӧмысь, быдмысь войтырӧс Чужан му радейтны велӧдӧмысь, сійӧс дорйыны дасьӧн лоӧмысь.
Сьӧлӧмсянь сиа крепыд дзоньвидзалун, тыр-бур олӧм, семьяын шуд, уджын вермӧмъяс!»
Коми Республикаса Юралысь Владимир Уйба.
{Kodko @ Коми Республикалы ЖКХ системаяс ӧнъяӧдӧм вылӧ федеральнӧй сьӧмкудйысь вичмӧдасны пӧшти 700 миллион шайт @ выльтор @ https://rkomi.ru/news/2821 @ 2023-02-16 @ }
Коми Республикалы ЖКХ системаяс ӧнъяӧдӧм вылӧ федеральнӧй сьӧмкудйысь вичмӧдасны пӧшти 700 миллион шайт.
Та йылысь юӧртіс Коми Республикаса Юралысь Владимир Уйба Telegram-ын аслас аккаунтын.
Помшуӧмсӧ юӧртісны талун Россия Федерацияса Веськӧдлан котырӧн Юрнуӧдысьӧс вежысь Марат Хуснуллинлӧн юрнуӧдӧм улын Россия Федерацияын регион сӧвмӧдӧм серти Веськӧдлан котырлӧн комиссияса президиумлӧн (Штаблӧн) заседание дырйи.
«Талун ми вынсьӧдім 15 региональнӧй уджтас 22,6 миллиард шайт мындаын федеральнӧй сьӧма отсӧгӧн.
Тайӧ сьӧмсӧ лоӧ веськӧдӧма 2,4 сюрс км везъяс ӧнъяӧдан да стрӧитан проектъяс вылӧ.
Субъектъяслӧн мыччӧдъяс серти, коммунальнӧй услугаяслӧн ногтуйыс бурмас 326 сюрсысь унджык гражданалы.
А ставнас татшӧм региональнӧй уджтасъяс серти мероприятиеяс вылӧ Штабӧн вынсьӧдӧма нин 70 миллиард гӧгӧр шайт», — юӧртіс вице-премьер Марат Хуснуллин.
Коми Республика веськӧдас сьӧмсӧ 2023–2027 вояс вылӧ Коми Республикаса коммунальнӧй инфраструктуралысь системаяс ӧнъяӧдан региональнӧй уджтас збыльмӧдӧм вылӧ. Уджтасӧ пырӧ 21 мероприятие, на пиысь 10-ыс ваӧн могмӧдан юкӧнын, 11-ыс шоныд сетан юкӧнын.
Региональнӧй уджтас сьӧмӧн могмӧдан ӧтувъя йӧрышыс — пӧшти 1,16 миллиард шайт, на пиысь джынсьыс унджык сьӧмсӧ, 694 миллион, вичмӧдасны федеральнӧй шӧринысь.
«Аттьӧала Россияса Веськӧдлан котырӧс да Марат Шакирзянович Хуснуллинӧс Коми Республикалы сетӧм отсӧгысь.
Тайӧ лои, тшӧтш жӧ, республикаса Веськӧдлан котырлӧн да муниципалитетъяслӧн ӧтувъя ыджыд да бур удж отсӧгӧн», — пасйис Владимир Уйба.
Региональнӧй уджтас серти кӧсйӧны стрӧитны Инта карын ва босьтанінъясын ва дасьтан станция (проект збыльмӧдан кадколаст — 2023–2024 вояс).
Сідзжӧ збыльмӧдасны Кӧрткерӧс, Удора, Мылдін, Сыктыв районъясын шоныдӧн могмӧдан, ваӧн могмӧдан везъяс капитальнӧя дзоньталӧм серти 20 мероприятие, кутшӧмъясӧс пыртӧма Региональнӧй уджтасӧ.
Региональнӧй уджтасса мероприятиеяс збыльмӧдӧмыс сетас позянлун:
• содтыны Коми Республикаын олысьяслысь лыдсӧ, кодлы бурмӧ коммунальнӧй услугаяс сетан ногтуйыс, 3195 морт вылӧ
• содтыны инженернӧй везъяс вежӧмлысь кузьтасӧ 25 км вылӧ
• чинтыны коммунальнӧй инфраструктураын авария лыдсӧ 11,6 % вылӧ.
{Kodko @ Коми Республикаса Юралысь чолӧмалӧ Коми Республикаса Оланподувлы сиӧм лунӧн @ выльтор @ https://rkomi.ru/news/2822 @ 2023-02-17 @ }
Коми Республикаса Юралысь чолӧмалӧ Коми Республикаса Оланподувлы сиӧм лунӧн.
«Коми Республикаын пыдди пуктана олысьяс!
Сьӧлӧмсянь чолӧмала Коми Республикаса Оланподувлы сиӧм лунӧн!
Коми Республика — Россия Федерацияын ӧткодь инӧда субъект. Тані видзӧны да сӧвмӧдӧны коми войтырлысь да миян войвыв муын олысь мукӧд этнослысь кыв да культура.
Медшӧр оланпас серти республикаын социальнӧй да экономическӧй политикасӧ веськӧдӧма бур олӧм да мортлы сӧвмӧм, сылысь инӧдъяс да вӧля дорйӧм вылӧ условиеяс лӧсьӧдӧм могысь.
Оланподув сідзжӧ индӧ и быдӧнлысь могъяс.
Вайӧ ӧтлаын кутам нырччыны сы дорӧ, медым Коми Республика сӧвмис да дзордзаліс, медым олісны традиционнӧй да духовно-нравственнӧй озырлунъяс, а олӧмыс регионын лоис бурджык да лӧсьыдджык.
Сьӧлӧмсянь сиа республикаын став олысьлы Коми мулы бур вылӧ уджын вермӧмъяс, тыр-бур олӧм, аскиа лунӧ эскӧм, семьяын шуд да крепыд дзоньвидзалун!»
Коми Республикаса Юралысь Владимир Уйба.
{Kodko @ Владимир Уйба висьталіс Коми Республикаса Юралысьлӧн грант вылӧ районъяс пӧвстын конкурс серти кывкӧртӧдъяс йылысь @ выльтор @ https://rkomi.ru/news/2823 @ 2023-02-20 @ }
Владимир Уйба висьталіс Коми Республикаса Юралысьлӧн грант вылӧ районъяс пӧвстын конкурс серти кывкӧртӧдъяс йылысь.
Быд во Коми Республикаса Юралысьлысь грантъяс босьтӧны районъяс, кутшӧмъяс петкӧдлісны социальнӧй да экономика юкӧнын, культура озырлун видзӧмын, национальнӧй традицияяс сӧвмӧдӧмын бур результатъяс.
Таво 3 места Койгорт районлӧн, сійӧ босьтас 2 млн шайт, 2 места — Кӧрткерӧс районлӧн, сійӧ босьтас 4 млн шайт, 1 места — Печора районлӧн, сійӧ босьтас 9 млн шайт.
Сьӧмыс мунас ӧтувъя инфраструктура бурмӧдӧм да ӧнъяӧдӧм вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Чужан кывлы сиӧм войтыркостса лунӧн @ выльтор @ https://rkomi.ru/news/2824 @ 2023-02-21 @ }
Коми Республикаса Юралысь чолӧмалӧ Чужан кывлы сиӧм войтыркостса лунӧн.
«Коми Республикаын пыдди пуктана олысьяс!
Сьӧлӧмсянь чолӧмала тіянӧс Чужан кывлы сиӧм войтыркостса лунӧн!
Кыв — войтырлысь история да культура, сылысь духовнӧй озырлун да уна нэмся тӧдӧмлунъяс видзысь.
Коми Республикаын чужан кывъяс видзӧм да кыпӧдӧм лоӧ тӧдчанаӧн войтыркостса ӧтсӧгласа олӧм зумыдмӧдӧмын.
Тайӧ уджын торъя ин босьтӧ коми кыв сӧвмӧдӧм.
Тайӧ лунъясӧ республика пасьтала мунӧны чужан кыв лунлы сиӧм мероприятиеяс.
Печора карын лоӧ «Коми КВН» восьса муниципальнӧй фестиваль, кытчӧ пырӧдчасны Печора, Кулӧмдін да Изьва районъясысь командаяс.
Питирим Сорокин нима Сыктывкарса канму университетын нуӧдасны чужан кывъяс вылын исполнительскӧй мастерствоын енбияслысь конкурс да «Кор? Кӧні? Мый?» викторина.
«Ӧтувъя коми диктант» акция ӧтувтас оз сӧмын миян республикаса каръясын да сиктъясын олысьясӧс, но и найӧс, кодъяс ӧні олӧны Коми Республика сайын.
Дона ёртъяс!
Аттьӧ ставлы, кодъяс пуктӧны ыджыд пай Коми Республикаын олысь войтырлысь чужан кывъяс, культураяс да традицияяс видзӧмӧ да сӧвмӧдӧмӧ».
Коми Республикаса Юралысь Владимир Уйба.
{Kodko @ Владимир Уйба гӧгӧрвоӧдіс Россияса Президент Владимир Путинлысь Россия Федерацияса Федеральнӧй Собраниелы Посланиесӧ @ выльтор @ https://rkomi.ru/news/2825 @ 2023-02-21 @ }
Владимир Уйба гӧгӧрвоӧдіс Россияса Президент Владимир Путинлысь Россия Федерацияса Федеральнӧй Собраниелы Посланиесӧ.
Коми Республикаса Юралысь ошкис СВО-са ветеранъяслы да пӧгибнитӧм воинъяслӧн семьяяслы отсӧг сетан торъя канму фонд лӧсьӧдӧм да военнослужащӧйяслы во джыннас ӧтчыдысь кык вежонся отпуск индӧм йылысь национальнӧй нырщиклысь помшуӧмсӧ. Висьталіс экономика да социальнӧй юкӧн сӧвмӧдӧм, муниципалитетъяслы отсалӧм серти регионса Веськӧдлан котырӧн примитан мераяс йылысь.
«Аслас Посланиеын Президент нӧшта ӧтчыдысь тӧдчӧдіс, мый талун войтырлы торйӧн ёна колӧ ӧтувтчыны, колӧ отсасьны ӧта-мӧдлы да ӧтувтны политикалысь, став йӧзкотырлысь вынсӧ.
Та сайын россияса войтырлӧн безопасносьтыс да тыр-бур олӧмыс, Россиялӧн суверенитетыс да войтырсикас коланлунъясыс», — пасйис видео пыр шыӧдчӧмын Владимир Уйба.
{Kodko @ Владимир Уйба висьталіс Коми Республикаын арктикаса районъясӧ медоборудование ньӧбӧм йылысь @ выльтор @ https://rkomi.ru/news/2826 @ 2023-02-22 @ }
Владимир Уйба висьталіс Коми Республикаын арктикаса районъясӧ медоборудование ньӧбӧм йылысь.
2023 воын Коми Республика босьтіс федеральнӧй сьӧмкудйысь «Ӧтувъя субсидия», медым бурмӧдны арктикаса каръясын инфраструктурасӧ да йӧзлысь олӧмсӧ.
Тайӧ субсидияысь 260 млн гӧгӧр шайт веськӧдасны Воркутаса, Интаса, Усинскса да Чилимдінса медучреждениеяс вылыс технологияа медицина оборудованиеӧн могмӧдӧм вылӧ, мый отсӧгӧн позяс тӧдмавны медся сьӧкыд висьӧмъяс, сы лыдын и онкология, да ӧлӧдны наысь.
Чилимдін районса Трусов сиктын стрӧитасны модульнӧй врачебнӧй амбулатория.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба тшӧктіс Коми Республикаса Веськӧдлан котырлы кокньӧдны оланін биаруӧн могмӧдӧм вылӧ отсӧг босьтанногсӧ @ выльтор @ https://rkomi.ru/news/2827 @ 2023-02-22 @ }
Владимир Уйба тшӧктіс Коми Республикаса Веськӧдлан котырлы кокньӧдны оланін биаруӧн могмӧдӧм вылӧ отсӧг босьтанногсӧ.
Талун, урасьӧм тӧлысь 22 лунӧ, Коми Республикаса Юралысь нуӧдіс республикаса олан пунктъяс биаруӧн могмӧдӧм серти регионса штаблысь заседание.
Заседание дырйи видлалісны 2022 вося уджлысь кывкӧртӧдъяс да водзӧ вылӧ планъяс.
«Керкаяс биаруӧн могмӧдан юалӧмъясыс тӧдчанаӧсь йӧзлы да власьтлы абу сӧмын миян республикаын, но и странаса мукӧд регионын.
Тӧрыт Владимир Владимирович Путин Федеральнӧй Собраниелы посланиеын шуис, мый дон босьттӧг биаруӧн могмӧдан уджтасыс лоас верктуяӧн.
Йӧзлы отсӧгсӧ кутасны сетны пыр.
Сідзжӧ уджтас серти отсӧгсӧ сетасны и социальнӧй объектъяслы: детсадъяслы, школаяслы, поликлиникаяслы, больничаяслы да ФАПъяслы.
Тайӧ зэв тӧдчана да колана помшуӧм, мый сетас позянлун могмӧдны биаруӧн унджык олан пункт да олан керка», — пасйис Владимир Уйба.
Коми Республикаын уджалӧ 2021 — 2025 вояс вылӧ биаруӧн могмӧдӧмсӧ да газифицируйтӧмсӧ сӧвмӧдан уджтас.
2022 во помын сэтчӧ пыртісны стӧчмӧдӧмъяс, на серти сьӧмӧн могмӧдӧмыс содӧ 1,8 пӧвйысь унджык вылӧ.
Тайӧ сетас позянлун стрӧитны 27 биарупровод (ӧтувъя кузьтаыс 560,1 км), техническӧя выльмӧдны ГРС Эжва, лӧсьӧдны условиеяс, медым могмӧдны биаруӧн республикаын 7 397 керка да 25 ломтысянін.
2022 воӧ «Газпром» публичнӧй акционер котырлӧн сьӧм вылӧ стрӧитӧма 7 олан пункт дорӧ посёлоккостса биарупроводъяс (ӧтувъя кузьтаыс 176,6 км).
Трубаяссӧ нюжӧдӧма Кӧрткерӧс районын Кӧрткерӧс сиктӧ, Визябӧж грездӧ, Визябӧж посёлокӧ, Додз сиктӧ, Печора районын Кӧджарӧм посёлокӧ, Сыктывкарын Льӧмъю местаӧ да Сьӧдкыркӧтш кар кодь посёлокӧ.
Объектъяссӧ пыртасны уджӧ 2023 воын разрешительнӧй документация босьтӧм бӧрын.
Таысь кындзи, 2022 воӧ природнӧй биару вылӧ вуджӧдісны Печора районса Чикшин да Набережнӧй посёлокъясын, а сідзжӧ Сыктывдін районса Час сиктын 3 ломтысянін.
2023 воӧ биаруӧн могмӧдасны Инта карса, Усинск бердын Парма посёлокса, Печора районын Кӧджарӧм посёлокса да Сыктывкарын Выльтыдор посёлокса 4 ломтысянін.
2023 во вылӧ планируйтӧма проектируйтны да стрӧитны ставнас 280 км кузьта биарупроводъяс.
Сы лыдын стрӧитасны Интаын ломтысянін биаруӧн могмӧдӧм вылӧ объектъяс, заводитасны стрӧитны Сыктывдін да Сыктыв районъясса 14 олан пункт биаруӧн могмӧдӧм вылӧ посёлоккостса биарупроводъяс да биарупроводъяс-отводъяс, а сідзжӧ Усинскын, Сыктывкарын, Печора, Сосногорск да Кӧрткерӧс районъясын 8 олан пунктын посёлокпытшса биарупроводъяс.
Водзӧ могмӧдӧны биаруӧн регионса олан пунктъяс.
2022 воӧ ӧтувтӧм сьӧмкуд сьӧм вылӧ помалісны кыпӧдны Сыктывкарын Вылыс Максаковка кар кодь посёлокса Ягкар, Шордор, Шордор–2 микрорайонъяс биаруӧн могмӧдӧм вылӧ инфраструктура.
Тайӧ могъяс вылӧ веськӧдӧма 42 млн шайт.
Регыдъя кадӧ биару юклан везйӧ вермасны йитчыны Ягкар посёлокса 400-ысь унджык ас олан керка. Шордор да Шордор–2 посёлокъясса 500 гӧгӧр керкалӧн татшӧм позянлуныс лоас во чӧжӧн.
Сідзжӧ 2023 воӧ помаласны стрӧитны Печора районса Кожва кар овмӧдчӧминын юклан биарупровод. Тайӧ сетас позянлун могмӧдны биаруӧн 300 ас олан керкаӧдз.
Тайӧ могъяс вылӧ регионса ӧтувтӧм сьӧмкудйысь веськӧдӧма 29 млн шайт.
Регионса стрӧитчан, оланін да коммунальнӧй овмӧс министерствосянь юӧр серти, биаруӧн помӧдз могмӧдан план-графикъясӧ пыртӧма вежсьӧмъяс, биаруӧн помӧдз могмӧдасны 163 керка вылӧ унджыкӧс, ставнас 3476 керка, на пиысь 981 керка биаруӧн помӧдз могмӧдасны 2023 воӧ.
Коми Республикаын биаруӧн могмӧдан тшупӧдсӧ кыпӧдӧм могысь урчитӧма торъя категория гражданалы отсалан мераяс да, кыдзи пасйис Владимир Уйба, татшӧм льготнӧй категорияыс унджык федеральнӧй тшупӧд серти.
2023 восянь 75 сюрссянь 100 сюрсӧдз содтісны мынтӧм мындасӧ, а сідзжӧ паськӧдісны оланін биаруӧн помӧдз могмӧдӧм серти уджъяс вылӧ материальнӧй отсӧг сетан нырвизьяссӧ.
2022 воӧ материальнӧй отсӧгсӧ сетісны 894 гражданинлы, ставнас найӧ босьтісны матӧ 57,5 млн шайт.
«Муниципалитетъясса юрнуӧдысьяслы колӧ юӧртны та йылысь йӧзлы.
Быд тӧлысь кутам вӧчны кывкӧртӧдъяс, бӧртасъясыс кутасны тӧдчыны тіянӧс премируйтӧм вылӧ.
Таысь кындзи, колӧ бырӧдны льготаяс босьтігӧн бюрократия мытшӧдъяссӧ, кокньӧдны отсӧг сетӧмсӧ, медым йӧзлӧн эз вӧвны содтӧд мытшӧдъяс оланіннысӧ биаруӧн могмӧдігӧн», — тӧдчӧдіс Владимир Уйба.
{Kodko @ Владимир Уйба чолӧмаліс ветеранъясӧс да военнослужащӧйясӧс Айму дорйысьлӧн лунӧн @ выльтор @ https://rkomi.ru/news/2828 @ 2023-02-22 @ }
Владимир Уйба чолӧмаліс ветеранъясӧс да военнослужащӧйясӧс Айму дорйысьлӧн лунӧн.
Канму гаж водзвылын Коми республиканскӧй филармонияын вӧлі кыпыд чукӧртчӧм да концерт.
Мероприятиеын участвуйтісны Айму вӧсна Ыджыд тышса, боевӧй тышъясса ветеранъяс, торъя военнӧй операцияын участвуйтысьяс, солдатъяс да офицеръяс, кодъяс служитӧны армияын, том йӧз, кодӧс виччысьӧ на служба армияын.
«Талун Айму дорйысьлӧн луныс лоӧ зэв тӧдчана, — пасйис Коми Республикаса Юралысь Владимир Уйба. — Буретш во сайын странаса Президент, Россияса медвылыс веськӧдлысь Владимир Владимирович Путин примитіс торъя военнӧй операция заводитӧм йылысь помшуӧм.
Мӧд туйыс, медым дорйыны Россияса йӧзӧс да историческӧй муяс, могмӧдны миян страналысь безопасносьт, эз вӧв.
Армияын служитӧм, Чужан му дорйӧм пыр вӧліны, эмӧсь да лоӧны повтӧм да ён йӧзлӧн уджӧн.
Странаса Вооружённӧй Вынъяслӧн историяын вермӧмыс абу этша.
Уна кӧленаса воинъяс повтӧг киын оружиеӧн дорйисны Айму, тышкасисны сылӧн асшӧрлун вӧсна, дорйисны сылысь мездлунсӧ, мукӧддырйи аслас олӧм донӧн».
Тышкасянінъясын усьӧм воинъясӧс казьтыштісны чӧв олыштӧмӧн.
Кыдз пасйис Владимир Уйба, Коми Республикаса олысьяс пыр пыдди пуктӧмӧн пӧртісны и пӧртӧны олӧмӧ ассьыныс воинскӧй могсӧ.
Уналы колӧ сетны канму наградаяс да вылыс тшупӧда нимъяс.
Коми Республикаса Юралысь аттьӧаліс ставнысӧ, коді дорйис да дорйӧ Чужан му, повтӧма да асьсӧ жалиттӧг радейтӧ сійӧс.
«Ӧнія воыс петкӧдліс — зэв-ӧ ми ёнӧсь, кыдзи кужам жалитны, отсавны.
Отсавны став мирӧн.
Ми кӧсъям овны асланым асшӧрлуна да мездмӧм странаын.
Миян вынным сыын, мый ми ӧтлаын.
И ми вермам!» — шуис Владимир Уйба.
Коми Республикаса Юралысь сетіс военнослужащӧйяслы вылыс тшупӧда канму наградаяс.
* * *
Россия Федерацияса Президентлӧн Индӧдӧн гражданскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь
«Аймулы бур вӧчӧмысь» орденлысь II тшупӧда медаль сетӧма:
Вадим Васильевич Каневлы — запасысь радӧвӧйлы;
Андрей Георгиевич Мухинлы — ефрейторлы;
«Смеллунысь» медаль сетӧма
Александр Николаевич Пахомовлы — запасысь радӧвӧйлы.
Россия Федерацияса Президентлӧн Индӧдӧн воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь
Суворовлысь медаль сетӧма
Алексей Александрович Голышевлы — медицина службаса майорлы, 5134 войскӧвӧй часьтын медицина службаса начальниклы;
Жуковлысь медаль сетӧма
Иван Александрович Сидоревичлы — подполковниклы, 5134 войскӧвӧй часьтса командирӧс вежысьлы.
Россия Федерацияса Президентлӧн Индӧдӧн зэв сьӧкыд условиеясын служебнӧй мог олӧмӧ пӧртігӧн повтӧмлунысь да смеллунысь
Повтӧмлун орден сетӧма
Сергей Эдуардович Ринаслы — «Военизируйтӧм горноспасательнӧй юкӧн» федеральнӧй канму ӧтувъя предприятиелӧн «Печораса бассейнлӧн военизируйтӧм горноспасательнӧй отряд» филиалса респираторщиклы;
«Аймулы бур вӧчӧмысь» орденлысь II тшупӧда медаль сетӧма
Юрий Михайлович Князьковлы — «Военизируйтӧм горноспасательнӧй юкӧн» федеральнӧй канму ӧтувъя предприятиелӧн «Печораса бассейнлӧн военизируйтӧм горноспасательнӧй отряд» филиалын отрядса командирлы отсасьысьлы;
«Кулӧмысь мездӧмысь» медаль сетӧма
Евгений Владимирович Баранниковлы — «Военизируйтӧм горноспасательнӧй юкӧн» федеральнӧй канму ӧтувъя предприятиелӧн «Печораса бассейнлӧн военизируйтӧм горноспасательнӧй отряд» филиалын взводса командирлы.
Россия Федерацияса оборона министрлӧн тшӧктӧдӧн служебнӧй уджын ыджыд вермӧмъясысь да воинскӧй доблесьтысь, кутшӧмъясӧс петкӧдлісны военнӧй службаса могъяс олӧмӧ пӧртігӧн, «Воинскӧй доблесьтысь» орденлысь II тшупӧда медаль сетӧма
Александр Александрович Горбатыйлы — подполковниклы, Коми Республикаса военнӧй комиссарӧс вежысьлы.
Коми Республикаса Юралысьлӧн Индӧдӧн Коми Республикалы бур вылӧ уна вося бур уджысь Коми Республикаса Почёт грамота сетӧма
Максим Владимирович Бажуковлы — Коми Республикаса военнӧй комиссариатын юкӧнса начальникӧс вежысьлы.
Коми Республикаса Юралысьлӧн тшӧктӧмӧн чина кывкутана могъяс бура олӧмӧ пӧртӧмысь «Коми Республикалы зэв бура служитӧмысь» Коми Республикаса отличие пас сетӧма
Фарахим Мойла оглы Ахмедовлы — запасысь подполковниклы, Коми Республикаса военнӧй комиссариатлӧн юкӧнын военнӧй служба кежлӧ гражданаӧс дасьтан юкӧдса начальниклы.
{Kodko @ Владимир Путин чолӧмаліс Коми Республикаса олысьясӧс Айму дорйысьлӧн лунӧн @ выльтор @ https://rkomi.ru/news/2829 @ 2023-02-23 @ }
Владимир Путин чолӧмаліс Коми Республикаса олысьясӧс Айму дорйысьлӧн лунӧн.
Россия Федерацияса Президент ыстіс Коми Республикаса Юралысь Владимир Уйбалы чолӧмалана открытка.
«Тайӧ гажсӧ кыпыда пасйӧны страна пасьтала. Талун ми тӧд вылӧ уськӧдам подвигъяссӧ миян пӧль-пӧчьяслысь, кодъяс сьӧкыд кадӧ дорйисны чужан му.
Талун ми нимӧдам найӧс, кодъяс водзӧ нуӧдӧны налысь уджсӧ, налысь повтӧмлунсӧ, чужан му радейтӧмсӧ, Аймулы служитӧмсӧ», — пасйӧма канмуӧн юралысьлӧн шыӧдчӧмын.
{Kodko @ Коми Республикаса Юралысь чолӧмалӧ Айму дорйысьлӧн лунӧн @ выльтор @ https://rkomi.ru/news/2830 @ 2023-02-23 @ }
Коми Республикаса Юралысь чолӧмалӧ Айму дорйысьлӧн лунӧн.
«Коми Республикаса пыдди пуктана олысьяс!
Чолӧмала Айму дорйысьлӧн лунӧн!
Вооружённӧй вынъясын служба, Чужан му дорйӧм — тайӧ вына да повтӧм йӧзлӧн удж.
Важысянь армияса да флотса воинъяс асьнысӧ жалиттӧг дорйисны Россиянымӧс, повтӧг тышкасисны сылӧн асшӧрлун вӧсна.
Налӧн героизмыс да Айму радейтӧмыс отсалісны вермыны медсьӧкыд тышъясын.
Талун миян медбур воинъяс тышкасьӧны неонацизмкӧд, дорйӧны Россия Федерациялысь интересъяссӧ, дорйӧны миянлысь гражданаӧс.
Налӧн повтӧмлуныс да смеллуныс, Чужан му радейтӧмыс да асьнысӧ жалиттӧмыс — Аймулы служитан бур пример.
Ми быть вермам!
Миян сьӧлӧмъясын нэм кежлӧ колясны Чужан му вӧсна тышъясын усьӧмаяс, налӧн примеръяс вылын ми кутам туйдӧдны-велӧдны быдмысь войтырӧс.
Некодӧс некор огӧ вунӧдӧй.
Дона ёртъяс!
Сьӧлӧмсянь сиа ставныдлы крепыд дзоньвидзалун, семьяясын бур лад, ыджыд шуд да тыр-бур олӧм!»
Коми Республикаса Юралысь, боевӧй тышъясса ветеран Владимир Уйба.
{Kodko @ Владимир Уйба казьтыштіс Айму дорйысьясӧс, кодъяс усисны тышъяс дырйи @ выльтор @ https://rkomi.ru/news/2831 @ 2023-02-23 @ }
Владимир Уйба казьтыштіс Айму дорйысьясӧс, кодъяс усисны тышъяс дырйи.
Коми Республикаса Юралысь пуктіс Сыктывкарын «Куслытӧм слава» мемориал да воин-интернационалистъяслы памятник дорӧ дзоридзьяс.
Кыпыд церемонияыс вӧлі талун, урасьӧм тӧлысь 23 лунӧ.
Сэні вӧліны Коми Республикаса Веськӧдлан котырӧ пырысьяс, Каналан Сӧветса депутатъяс, федеральнӧй ведомствоясса тэчас юкӧдувъясӧн юрнуӧдысьяс, боевӧй тышъясса ветеранъяс.
{Kodko @ Владимир Уйба чолӧмаліс бурдӧдчысь военнослужащӧйясӧс Айму дорйысьлӧн лунӧн @ выльтор @ https://rkomi.ru/news/2832 @ 2023-02-23 @ }
Владимир Уйба чолӧмаліс бурдӧдчысь военнослужащӧйясӧс Айму дорйысьлӧн лунӧн.
Коми Республикаса Юралысь воліс Войнаса ветеранъяслы да боевӧй тышъясын участвуйтысьяслы республиканскӧй госпитальӧ СВО-ын участвуйтысьяс дорӧ, видзӧдліс, кутшӧм условиеясын найӧ бурдӧдчӧны да олӧны, тшай юигмоз сёрнитіс боечьяскӧд.
«Чолӧмала ставныдтӧ Айму дорйысьлӧн лунӧн! — чолӧмаліс Владимир Уйба. — Ставнымлы тайӧ збыльвывса гажлун.
Талун быдӧн миян пиысь ас ногӧн дорйӧ Чужан мунымӧс — ті тыш нуӧданінъясын, а ми тасянь зілям могмӧдны фронтсӧ ставнас, мыйӧн вермам.
Ми тышкасям аскиа лун вӧсна, ми вермам.
Муӧдз копыр тіян службаысь, веськыдлунысь.
Колӧ кӧ мыйӧнкӧ отсавны — реабилитацияын, удж корсьысьӧмын, бытӧвӧй юалӧмъясын — отсалам.
Шыӧдчӧй, пыр вочавидзам!».
Коми Республикаса Юралысь сиис военнослужащӧйяслы ӧдйӧджык бурдны, крепыд дзоньвидзалун да лӧнь олӧм.
Боечьяс аттьӧалісны республикаса олысьясӧс, предприятиеясӧс да власьтӧс СВО-ын участвуйтысьяслы отсалӧмысь да на вӧсна тӧждысьӧмысь.
* * *
Республиканскӧй госпиталь могмӧдӧ Айму вӧсна Ыджыд тышын участвуйтысьясӧс, боевӧй тышъясса ветеранъясӧс, вооружённӧй конфликтъясын участвуйтысьясӧс, пӧгибнитӧмаяслӧн семьяясӧс да мукӧд категория гражданаӧс ыджыд квалификацияа специализируйтӧм медицина отсӧгӧн.
Госпитальын эм стационар, консультативно-поликлиническӧй да диагностика отделениеяс, медико-психологическӧй отсӧг сетан да социальнӧя реабилитируйтан отделение, физиотерапияӧн бурдӧдан отделение.
Быд во тані бурдӧдчӧны сюрс да джын пациент.
2021 — 2022 воясын Коми Республикаса Юралысь отсӧгӧн госпиталь босьтіс сьӧмӧн отсӧг «Красная гвоздика» акция серти «Память поколений» бурвӧчан фонд пыр.
Чукӧртӧм сьӧм вылӧ ньӧбисны УЗИ-аппарат, стоматология кабинет, полимаг, денситометрияяс, ЭКГ аппаратъяс, ударно-волновӧй терапия, лор-комбайн, син пытшкын давление инмӧдчытӧг тӧдмалан аппарат, электронейромиограф.
ФОМС пыр ньӧбисны эндоскопическӧй оборудование да отделениеяслы оборудование.
2022 воын дзоньталісны госпитальлысь вевтсӧ.
{Kodko @ Владимир Уйба висьталіс Коми Республикаын культура юкӧн сӧвмӧдӧм вылӧ федеральнӧй сьӧм кыскӧм йылысь @ выльтор @ https://rkomi.ru/news/2833 @ 2023-02-27 @ }
Владимир Уйба висьталіс Коми Республикаын культура юкӧн сӧвмӧдӧм вылӧ федеральнӧй сьӧм кыскӧм йылысь.
2023 воын культура сӧвмӧдӧм вылӧ федеральнӧй сьӧмкудйысь кыскӧма 161 миллионысь унджык шайт.
Сьӧмсӧ веськӧдасны искусство школаяс коланаторъясӧн могмӧдӧм, библиотекаяс ӧнъяӧдӧм, прӧст кад коллялан сиктса шӧринъяс лӧсьӧдӧм, музейяс выльмӧдӧм, автоклубъяс ньӧбӧм да уна мукӧдтор вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Сыктывкарын нуӧдісны Айму дорйысьясӧс нимӧдан митинг-концерт @ выльтор @ https://rkomi.ru/news/2834 @ 2023-02-27 @ }
Сыктывкарын нуӧдісны Айму дорйысьясӧс нимӧдан митинг-концерт.
Талун, урасьӧм тӧлысь 27 лунӧ, Театральнӧй изэрд вылын чукӧртчисны карса олысьяс, общественникъяс, боевӧй тышъясса ветеранъяс, депутатъяс, медым аттьӧавны Чужан му дорйысьясӧс, казьтыштны Россия вӧсна усьӧмаясӧс.
Митинг вылӧ локтысьяс дорӧ шыӧдчис Коми Республикаса Юралысь, боевӧй тышъясса ветеран Владимир Уйба.
«Талун ми чукӧртчим тані, медым нӧшта ӧтчыдысь петкӧдлыны, мый ми ӧтувъяӧсь, да шуны, мый пыдди пуктам миянлысь дорйысьясӧс — Айму вӧсна Ыджыд тышса ветеранъясӧс, боевӧй тышъясса, локальнӧй войнаясса да конфликтъясса ветеранъясӧс да, дерт жӧ, миянлысь вокъяснымӧс, кодъяс талун тышкасьӧны торъя военнӧй операция вылын, — шуис Владимир Уйба. — Талун ми тышкасям миян му вӧсна.
Но эгӧ ми локтӧй мечӧн, ми вартім миянӧс кучкыны лэптӧм меч кузя, мый вермис инмыны Крымӧ да матігӧгӧр.
Россияса Президент, Медвылыс веськӧдлысь Владимир Владимирович Путин примитіс колана помшуӧм — уськӧдчыны агрессор вылӧ медводдзаӧн, ӧд ставыс нин вӧлі дась Россиялы паныд агрессия кежлӧ.
Кыдзи шуис Россияса Президент, кодлӧн збыльыс, сійӧ и вермас.
А збыльыс миян дор.
Копырта юрӧс зонъяс водзын, кодъяс эз локны бӧр тыш нуӧданінысь, налӧн рӧдвуж да матыссаяс водзын.
Миян зонъяслы, кодъяс талун тышкасьӧны, ми отсалам став мирӧн, коді кыдзи вермӧ.
Таысь тіянлы ыджыд аттьӧ.
Миян мог — тані, тылын, могмӧдны став коланаӧн миянлысь зонъясӧс да уджавны сідзи, медым вӧлі позянлун и сӧвмӧдны республиканымӧс, и отсавны миян зонъяслы.
Дона ёртъяс, ме эска, мый ми вермам.
Ура!»
Митинг вылӧ локтысьяс чӧв олыштӧмӧн казьтыштісны россияса боечьясӧс, кодъяс усисны тышъясын, а сідзжӧ Донбассын пӧгибнитӧм мирнӧй гражданаӧс.
Торъя военнӧй операция заводитчӧмсянь во тыригӧн, урасьӧм тӧлысь 24 лунӧ, Сыктывкарын Театральнӧй изэрд вылын сувтӧдісны «Миян геройяс» ывлавывса экспозиция, кытчӧ ӧшӧдісны Коми Республикаысь военнослужащӧйяслысь фотографияяс, кодъяс пӧгибнитісны неонацистъяскӧд тышын.
{Kodko @ Владимир Уйба аддзысьліс Россияса нимӧдана спорт мастер Иван Голубковкӧд @ выльтор @ https://rkomi.ru/news/2835 @ 2023-02-28 @ }
Владимир Уйба аддзысьліс Россияса нимӧдана спорт мастер Иван Голубковкӧд.
Коми Республикаса Юралысь аттьӧаліс паралимпиечӧс спорт сӧвмӧдӧмӧ пай пуктӧмысь да войтыркостса да ставроссияса тшупӧдъяса спортивнӧй ордйысьӧмъясын регионӧс бура петкӧдлӧмысь.
Рака тӧлысь 1 лунӧ Москваын спортсменлы сетасны «Возвращение в жизнь» Паралимпийскӧй комитетлысь премия.
«Зэв тӧдчана, мый регионын эмӧсь «маякъяс», кутшӧмъяс шедӧдісны ыджыд вермӧмъяс да лоӧны мукӧдыслы примерӧн, торйӧн нин быдмысь войтырлы.
И татшӧм «маякъясыс» лызьӧн котралӧмын миян пыр эмӧсь, тшӧтш и паралимпийскӧйын.
Миян паралимпиечьяс пыр зэв бура петкӧдчӧны ордйысьӧмъяс вылын, босьтӧны медводдза местаяс.
И ме бура гӧгӧрвоа, кутшӧм тайӧ сьӧкыд удж.
Сы вӧсна мый медводз тайӧ асьтӧ вермӧм да гӧгӧрвоӧм, мый вермытӧмъяслӧн эмӧсь дзескӧдӧмъяс.
А сэтшӧм йӧзыс кыдз Ті, Иван, петкӧдлӧны, мый некутшӧм дзескӧдӧм абу.
Ыджыд аттьӧ Тіянлы татшӧм ыджыд уджысь да канму водзын кывкутӧмысь.
Аттьӧ сыысь, мый лоанныд том йӧзлы примерӧн да ваянныд чужан республикалы россияса да войтыркостса тшупӧдъясын почёт да пыдди пуктӧм.
Выль вермӧмъяс Тіянлы», — шыӧдчис спортсмен дорӧ Владимир Уйба.
2022 воын Иван Голубковлы сетӧма «Россияса нимӧдана спорт мастер» ним.
Сідзжӧ сійӧс шуӧма Национальнӧй спортивнӧй премиялӧн «Преодоление» номинацияын 2022 вося медбур спортсменӧн.
2021–2022 воясся тӧвся сезонын Мирса Кубоклӧн кык этапын Иван Голубков 10-ысь кайліс пьедесталлӧн вылі тшупӧд вылӧ, 6-ысь лоис норвегияса Лиллехаммерын лызьӧн ордйысьӧм да биатлон серти мирса чемпионӧн, 4-ысь «Ми ӧтлаын. Спорт» Паралимпиечьяслӧн Тӧвся Ворсӧмъяс» ставроссияса восьса спорт ордйысьӧмъясын чемпион.
* * *
Иван Юрьевич Голубков чужис Интаын 1995 вося ӧшым тӧлысь 4 лунӧ.
5 арӧсӧдз вӧлі Челядь керкаын, сэсся Сыктывкарын Кӧджпомса психоневрологическӧй интернатын.
Лызьӧн ордйысьны заводитіс кыкысь вӧлӧм паралимпийскӧй чемпионка да 2010 воын Ванкуверын тӧвся Паралимпийскӧй ворсӧмъясса эзысь призёр Мария Иовлева вылӧ видзӧдӧмӧн, коді быдмис сыкӧд ӧти челядь керкаын.
{Kodko @ Республикаысь 100 сайӧ кадет чукӧртчисны Комиын медводдза «Кадетство» профильнӧй смена вылӧ @ выльтор @ https://rkomi.ru/news/2836 @ 2023-02-28 @ }
Республикаысь 100 сайӧ кадет чукӧртчисны Комиын медводдза «Кадетство» профильнӧй смена вылӧ.
Сійӧ мунӧ «Гренада» челядьӧс велӧдан да налысь дзоньвидзалун бурмӧдан шӧринын.
Ныв-зонъяслы котыртӧма сьылӧм да йӧктӧм, эстетика мичлун, этикет серти мастер-классъяс.
Талун кадетъяскӧд аддзысьліс Владимир Уйба.
Сійӧ нуӧдіс сменаӧ пырӧдчысьяслы повтӧмлунлы сиӧм урок, висьталіс Чужанін дорйысьяс йылысь, вочавидзис юалӧмъяс вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба нуӧдіс Коми Республикаса кадетъяслы повтӧмлунлы сиӧм урок @ выльтор @ https://rkomi.ru/news/2837 @ 2023-02-28 @ }
Владимир Уйба нуӧдіс Коми Республикаса кадетъяслы повтӧмлунлы сиӧм урок.
Урасьӧм тӧлысь 28 лунӧ Коми Республикаса Юралысь аддзысьліс регионын медводдза «Кадетство» профильнӧй сменаын участвуйтысьяскӧд. Сійӧс вӧлі котыртӧма Сыктывдін районын «Гренада» челядьӧс велӧдан да налысь дзоньвидзалун бурмӧдан шӧринын.
«Во сайын миян Президент, Медвылыс веськӧдлысь примитіс колана помшуӧм — тышкасьны агрессоркӧд, НАТО канмуяскӧд, кутшӧмъяс решитісны Украина мутассянь заводитны воюйтны Россиякӧд, — шуис Владимир Уйба. — Талун тіян батьяс, вокъяс, ёртъяс мездӧны вокъясӧс да вежа роч мунымӧс.
Миян медшӧр тема — тайӧ историческӧй збыльлун.
Зэв колана, медым ті тӧдінныд, мый вӧсна талун тышкасьӧны миян йӧз.
А воюйтӧны найӧ миян вӧсна да миян мездмӧм да юкны позьтӧм Россия вӧсна, миян ыджыд канму вӧсна да уна войтыра россияса йӧз вӧсна».
Коми Республикаса Юралысь сёрнитіс кадетъяскӧд айму дорӧ муслун йылысь, сэтшӧм кывъяс йылысь кыдз чесьт, подвиг, герой, Чужан му.
Висьталіс Комиысь военнослужащӧйяслӧн подвигъяс йылысь, кодъяслы кувсьӧм бӧрын сетӧма Россия Федерацияса Геройлысь ним.
Кадетъяслы петкӧдлісны торъя военнӧй операцияын участвуйтысьяс йылысь видеороликъяс.
«Тіянлы колӧ гӧгӧрвоны, мый нуӧдсьӧ кык пӧвста война.
Медводдзаыс — тыш нуӧданінын, а мӧдыс — юӧртан.
Жаль, мый Украинаса юрнуӧдысьяс заводитісны нимӧдны нацистскӧй мыж вӧчысьясӧс.
Заводитчис идеологическӧй юӧртан война том йӧзлӧн вежӧр вӧсна.
Найӧ, коді талун ошкӧ бандеровечьяслысь воддза олӧмсӧ — тайӧ йӧз, кодъяс веськалісны юӧрлӧн тӧдчӧм улӧ.
Колӧ стӧча гӧгӧрвоны, кӧні сьӧд, а кӧні еджыд.
Сьӧд — тайӧ нацизм вылӧ мунысь Украинаса веськӧдлан режим.
А еджыд — тайӧ и миян зонъяс, кодъяс воюйтӧны тайӧ режимкӧд, и Россиялӧн югыд да бур.
Талун тіянлы колӧ лоны видзчысянаджыкӧн ӧтуввез, социальнӧй везъяс пыр мунысь юӧр дорӧ», — тӧдчӧдіс Коми Республикаса Юралысь.
Аддзысьлӧм помын зонъяс сетісны Владимир Уйбалы СВО-ын участвуйтысьяслы письмӧяс.
Найӧ гижисны миян военнослужащӧйяслы бур кывъяс.
Коми Республикаса Юралысь пасйис, мый матысса кадӧ кӧсйӧ ветлыны боечьяс дорӧ да кӧсйысис ачыс сетны налы письмӧяссӧ.
«Ме зіля ветлывлыны зонъяс дорӧ, ми налы ваялам обмундирование, сёян-юан, и быд посылкаын пыр эмӧсь челядьсянь письмӧяс, сэтшӧм челядьсянь, кодъяс найӧс оз тӧдны.
Быд пӧрйӧ зонъяс юасьӧны, вайим-ӧ ми письмӧяс?
Найӧс пырысь-пыр босьталӧны. Тайӧ письмӧясыс зэв донаӧсь налы, найӧс уна пӧв лыддьӧны.
Та вӧсна быть гижӧй письмӧяс, найӧ отсалӧны военнослужащӧйяслы не усьны сьӧлӧмӧн», — шыӧдчис кадетъяс дорӧ Владимир Уйба.
* * *
Коми Республикаын медводдза «Кадетство» профильнӧй смена воссис тайӧ лунъясӧ «Гренада» челядьӧс велӧдан да налысь дзоньвидзалун бурмӧдан шӧринын.
Сійӧ ӧтувтіс регионлӧн став муниципалитетысь 6–8 класса 100 кадетӧс.
Сменалӧн медшӧр могӧн лоӧ историческӧй, духовнӧй да культура традицияяс видзӧм, Чужан му радейтны велӧдӧм.
Коми Республикаын 2 586 кадет, кодъяс велӧдчӧны республикаса 48 велӧданінын 148 кадетскӧй классын.
Воысь воӧ кадетъяслӧн ӧтмунӧм лоӧ пыр нималанаджыкӧн регионса школьникъяс да том йӧз пӧвстын.
{Kodko @ Владимир Уйба индіс Коми Республикаын канму том йӧз политикалысь тӧдчана нырвизьяссӧ @ выльтор @ https://rkomi.ru/news/2838 @ 2023-02-28 @ }
Владимир Уйба индіс Коми Республикаын канму том йӧз политикалысь тӧдчана нырвизьяссӧ.
Та йылысь сёрнитісны Коми Республикаса Юралысь бердын Стратегическӧя веськӧдлӧм серти координационнӧй сӧветлӧн заседание вылын. Сійӧ вӧліс урасьӧм тӧлысь 28 лунӧ.
«Миян мог — пуктыны зумыд подув Коми Республикалӧн аскиа лунлы.
Дерт жӧ, тайӧ миян том йӧз, кодъяслы колӧ босьтны бур тӧдӧмлунъяс да восьтыны выль лист бок регионса историяын, — шуис Владимир Уйба. — Том йӧзлы велӧдчан условиеяс лӧсьӧдӧм, налы удж корсьӧм, олӧмын асьныссӧ аддзӧм да енбияс восьтӧм серти юалӧмъясыс миян республикаын зэв тӧдчанаӧсь.
Россияса Президент Владимир Владимирович Путин Федеральнӧй Собраниелы урасьӧм тӧлысь 21 лунся посланиеын висьталіс том йӧзлы отсалӧм да найӧс сӧвмӧдӧм, быдмысь войтырӧс велӧдӧм-туйдӧдӧм да Рытыввывлӧн лёк видзӧдласъясысь найӧс дорйӧм йылысь, важся духовно-нравственнӧй донаторъяс видзӧм йылысь.
Тайӧ Россияса аскиа лунлӧн подулыс.
Буретш та вылӧ миянлы колӧ мыджсьыны Коми Республикаын канму том йӧз политика збыльмӧдігӧн».
2022 вося ӧшым тӧлысьын том йӧз политика ӧнія условиеясын збыльмӧдӧмлы сиӧм Россия Федерацияса Каналан Сӧветлӧн заседаниеса кывкӧртӧдъяс серти странаса Президент Владимир Путин сетіс тшӧктӧмъяс, кӧні пуктӧма могъяс кыдзи федеральнӧй власьт органъяслы, сідз и регионъясӧн юрнуӧдысьяслы.
Тайӧ тшӧктӧмъясыс йитчӧны став олан юкӧнкӧд — том йӧзлӧн велӧдчӧмсянь да удж аддзӧмсянь ӧтйӧза олӧмӧ налӧн пырӧдчӧмӧдз.
Коми Республикаын уна тшӧктӧм пӧртӧма нин олӧмӧ, мукӧдсӧ збыльмӧдӧны на.
Торйӧн нин, республикаын сӧвмӧ «Движение первых» челядьлӧн да том йӧзлӧн ставроссияса канму ӧтйӧза ӧтмунӧм.
Кар-районъясын котыртӧны меставывса да первичнӧй отделениеяс, лӧсьӧдӧма Коми Республикаса Юралысь бердын челядьлӧн да том йӧзлӧн россияса ӧтмунӧмкӧд, сылӧн регионса отделениекӧд ӧтув уджалӧм серти координационнӧй сӧвет.
Медводдза заседаниесӧ нуӧдісны колян вося ӧшым тӧлысьын Челядьлӧн да том йӧзлӧн ӧтувъясса слёт дырйи.
2023 вося тӧвшӧр тӧлыссянь заводитіс уджавны Коми Республикаын том йӧз политика комитет.
Коми Республика пырис конкурс серти бӧрйӧмын вермысьяс лыдӧ да босьтас федеральнӧй сьӧмкудйысь 135,4 млн шайт мындаын субсидия «Том йӧзлы регион» быд боксянь сӧвмӧдан уджтас збыльмӧдӧм вылӧ.
Пӧртасны олӧмӧ инфраструктура, велӧдан, юӧртан проектъяс «Том войтыр — ов югыда!» девиз улын.
Сыктывкарын кӧсйӧны лӧсьӧдны том йӧзлы гӧгӧртасъяс, дзоньтавны Том йӧзлысь керка Ухтаын да Том йӧзлысь шӧрин Усинскын.
Коми Республикаса кар-районъясын нуӧдасны спортивнӧй, творческӧй мероприятиеяс да тренингъяс.
2019 восянь Коми Республикаын збыльмӧдӧны «Социальная активность» регионса проект, мый серти лӧсьӧдӧны условиеяс (добровольчество) волонтёрство сӧвмӧдӧм да сылы отсалӧм вылӧ.
Проект збыльмӧдігӧн ёна содіс добровольчество уджӧ пырысь гражданалӧн лыдыс: 2019 воын 22 сюрс мортсянь 36 мортӧдз 2022 воын.
2023 воын планируйтӧны воӧдчыны 48,5 сюрс мортӧдз.
Коми Республика быд во пырӧдчӧ «Регион добрых дел» добровольчестволы (волонтёрстволы) отсалан да сійӧс сӧвмӧдан регионса медбур практикаяслӧн ставроссияса конкурсӧ.
Конкурслӧн кывкӧртӧдъяс серти 2023 во вылӧ босьтӧма 9 млн шайт мындаын федеральнӧй субсидия.
Тайӧ сьӧм вылас дзоньталасны да материально-техническӧя могмӧдасны добровольчестволы отсӧг сетан 3 муниципальнӧй ресурснӧй шӧрин.
Коми Республикаын том семьяяслы отсалӧм могысь збыльмӧдӧны «Россия Федерацияса гражданаӧс судзсяна да бур оланінӧн да коммунальнӧй услугаясӧн могмӧдӧм» Россия Федерацияса канму уджтас.
Том семьяяслы, кодъяслы колӧ бурмӧдны олан условиеяссӧ, сетӧны водзӧстӧг социальнӧй сьӧм, мый позьӧ видзны оланін ньӧбӧм либӧ ас олан керка стрӧитӧм вылӧ.
Владимир Уйбалӧн тшӧктӧм серти, Коми Республикаса том йӧз политика комитет Коми ипотечнӧй компаниякӧд ӧтвылысь дасьтӧны регионын том семьяяслы вонас 1% улӧ льготнӧй ипотека серти уджтас збыльмӧдӧм серти вӧзйӧмъяс.
Сідзжӧ Коми Республикаса Юралысьлӧн тшӧктӧм серти лӧсьӧдӧны студентъяслысь уджалан отрядъяс сӧвмӧдан республиканскӧй уджтас.
Уджтас серти кутасны корны том йӧзӧс уджавны россияса студентъяслӧн отрядъясӧ, отсавны студотрядъяслы котыртӧм, велӧдӧм, юӧртӧм да аналитика боксянь.
Таысь кындзи, кӧсйӧны пыртны студотрядъясса медбур боечьяслы — уджсикасын кужанлунъяс серти республиканскӧй конкурсын вермысьяслы Коми Республикаса Веськӧдлан котырлысь премияяс.
Канму том йӧз политикаын медшӧр нырвизьыс — велӧдны радейтны чужан му, видзны традицияяс, пыдди пуктыны Аймулысь историясӧ, Россия Федерацияса войтыръяслысь историческӧй, национальнӧй да мукӧд традициясӧ.
«Республикаын системнӧя уджалӧны канму том йӧз политика юкӧнын.
Сьӧмӧн отсалӧны водзмӧстчӧмъяслы, выльмӧдӧны да лӧсьӧдӧны том йӧзлы выль бур да ӧнія гӧгӧртасъяс.
Та дырйи колӧны и выль уджаланногъяс, уджсӧ колӧ веськӧдны школьникъяс, студентъяс, уджалысь том йӧз, том семьяяс вылӧ.
Ставсӧ тайӧс колӧ вӧчны регионлысь аслыспӧлӧслунъяссӧ тӧд вылӧ босьтӧмӧн да Коми Республика социальнӧя да экономика боксянь сӧвмӧдан стратегия вылӧ мыджсьӧмӧн», — тӧдчӧдіс Владимир Уйба.
{Kodko @ Владимир Уйба видзӧдліс, кыдзи Сыктывкарын стрӧитӧны социальнӧй объектъяс @ выльтор @ https://rkomi.ru/news/2842 @ 2023-03-02 @ }
Владимир Уйба видзӧдліс, кыдзи Сыктывкарын стрӧитӧны социальнӧй объектъяс.
Коми Республикаса Юралысь воліс Эжва районса Емваль микрорайонын 825 места вылӧ школа да Тентюков улича вылын 825 места вылӧ школа стрӧитанінъясӧ.
Емваль микрорайонын школа стрӧитӧм серти лӧсьӧдӧны колоннаяса да балкаяса сборно-монолитнӧй железобетоннӧй каркас, тэчӧны джодж-йиркын плитаяс да подувса стен панельяс.
Вайӧны стрӧитчан материалъяс.
Коми Республикаса Юралысь вӧзйис корны отсасьны стройотрядъясысь студентъясӧс, кодъяс вермисны эськӧ вӧчны уджсӧ торъя квалификациятӧг.
Тентюков улича вылын школа стрӧитӧм могысь вичмӧдісны му участок, «Лузалес» ИКК-кӧд кырымалісны проектнӧй документация дасьтӧм да объект стрӧитӧм серти уджъяс вӧчӧм вылӧ контракт.
Ӧні дасьтӧны ПСД.
2023 вося кӧч тӧлысьӧдз кӧсйӧны нуӧдны проектируйтан-корсьысян уджъяс да босьтны госэкспертизаӧн проектнӧй документация бура примитӧм серти кывкӧртӧд.
Сэсся заводитасны стрӧитчан да монтажнӧй уджъяс.
{Kodko @ Владимир Уйба нуӧдіс Коми Республикаын инӧда пӧрадок могмӧдӧм серти координационнӧй сӧвещаниелысь заседание @ выльтор @ https://rkomi.ru/news/2843 @ 2023-03-02 @ }
Владимир Уйба нуӧдіс Коми Республикаын инӧда пӧрадок могмӧдӧм серти координационнӧй сӧвещаниелысь заседание.
Видлалісны Коми Республикаын пемӧсъясӧс видзан, томулов пӧвстын инӧд торкалӧмъясысь ӧлӧдан, налысь прӧст кадсӧ котыртан да велӧдчанінъясын неминучаысь видзчысян юкӧнын федеральнӧй да регионса оланпастэчас збыльмӧдан юалӧмъяс.
Заседание бӧрын Коми Республикаса Юралысь сетіс тшӧктӧмъяс лӧсялана министерствояслы да ведомствояслы.
Сідз, бать-мамлӧн патрульяс дорӧ корӧмъясыс паськаласны — содас быдтан-велӧдан мог, а уджмогъяс да социальнӧя могмӧдӧм серти найӧс ӧткодяласны дружинникъяскӧд.
Тыр арлыдтӧмаяслысь прӧст кадсӧ котыртӧм могысь Владимир Уйба тшӧктіс регионса Веськӧдлан котырлы видлавны, позьӧ-ӧ могмӧдны сьӧмкуд сьӧмӧн спорт да техническӧй, тшӧтш и коммерческӧй, секцияяс, медым Коми Республикаын омӧля олысь семьяясысь челядь вермисны ветлӧдлыны сэтчӧ мынтысьтӧг.
«Челядьӧс колӧ сӧвмӧдны, найӧ — миян аскиа лун.
Торйӧн нин колӧ тӧждысьны омӧля олысь семьяясысь челядь вӧсна, кодъяс бӧрся бать-мамныс оз видзӧдны, найӧ кокниа вермасны веськавны лёк йӧзлӧн тӧдчӧм улӧ.
Найӧс медводз колӧ гижӧдны татшӧм секцияясӧ.
Гижӧдны мырдӧнавтӧг, налӧн кӧсйӧм серти, медым найӧ прӧст каднысӧ сиисны спортлы, творчестволы, радейтанаторлы, медым налӧн синъясыс ӧзйисны таӧн.
Сэки ми найӧс огӧ воштӧй, а быдтам бур йӧзӧн», — тӧдчӧдіс Владимир Уйба.
{Kodko @ Владимир Уйба висьталіс «Ладога» ТВРС–44 выль самолётъяс республикаӧ вайӧм серти планъяс йылысь @ выльтор @ https://rkomi.ru/news/2846 @ 2023-03-07 @ }
Владимир Уйба висьталіс «Ладога» ТВРС–44 выль самолётъяс республикаӧ вайӧм серти планъяс йылысь.
Коми Республикаса Веськӧдлан котыркӧд сёрнитчӧм серти «Комиавиатранс» АК да «Гражданскӧй авиациялӧн Уральскӧй завод» АК кырымалісны «Ладога» ТВРС–44 самолётъяс Коми Республикаӧ вайӧм серти думъяс йылысь артмӧдчӧм.
Тайӧ регионса турбовинтӧвӧй пассажирскӧй самолёт, кодӧн вежасны важмӧм Ан–24/26 лайнеръяссӧ.
Коми Республика лоӧ медводдза регионъясысь ӧтиӧн, коді видлас россияса выль самолётсӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба нуӧдіс йи кузя вуджанінъяс видзӧм серти сӧвещание @ выльтор @ https://rkomi.ru/news/2847 @ 2023-03-07 @ }
Владимир Уйба нуӧдіс йи кузя вуджанінъяс видзӧм серти сӧвещание.
Помкаӧн лоис «Кабель» местечкоын Печора ю вомӧн йи кузя вуджанін вылын лоӧмтор.
Йи потласьӧм вӧсна 2023 вося урасьӧм тӧлысь помсянь йи кузя вуджанінті позьӧ ветлӧдлыны сӧмын 15 тоннаысь абу сьӧкыдджык машинаӧн.
Пыртӧм дзескӧдӧмъяс вӧсна Чилимдін сиктӧ дугдісны вайны ГСМ, а сідзжӧ больничалысь выль бурдӧдчан корпус кыпӧдӧм вылӧ материалъяс.
Специалистъяслӧн кывъяс серти, йи кузя вуджанінын жугласьӧмъясыс артмисны вывті сьӧкыд груз новлӧдлан техникаӧн вуджӧм да вывті ӧдйӧ ветлӧм вӧсна.
Ӧнія кадӧ пӧдраднӧй организация кисьталӧ ваӧн потласьӧминъяссӧ да дзоньталӧ киссьӧм участоксӧ.
Рака тӧлысь 2 лунсянь йи кузя вуджанінӧд позьӧ ветлыны 20 тоннаысь абу сьӧкыдджык машинаӧн.
Потласьӧминъяссӧ бырӧдны кӧсйӧны рака тӧлысь 10 лунӧдз.
«Йи кузя вуджанінъяс видзӧм серти колӧ уджавны кужӧмӧн да кывкутӧмӧн, медым видзны йӧзӧс лёк суӧмысь.
Сідзжӧ чайта, мый выль пӧв колӧ видлавны йи кузя вуджанінъяслӧн грузоподъёмносьт дорӧ нормативнӧй корӧмъяссӧ.
Ӧнія груз нуан машиналӧн сьӧктаыс 15–20 тонна, грузыс мӧд та мында, а тшӧкыда унджык на.
25–30 тоннаысь абу сьӧкыдджык машинаӧн сӧмын вуджны позянлуныс талун оз нин тырмы.
Торйӧн нин сэні, кӧні ми стрӧитам социальнӧй объектъяс, кытчӧ нуам ломтас ломтысянінъяслы, ГСМ, кысянь тӧвнас нуам чорыд коммунальнӧй шыбласъяс.
Оз позь, медым тайӧ могъяссӧ збыльмӧдӧм вылӧ тӧдчисны йи кузя вуджанінъяс вылын дзескӧдӧмъяс.
Тшӧкта Стрӧитчан министерстволы уджавны тайӧ юалӧм серти», — шуис сӧвещание кывкӧрталігӧн Коми Республикаса Юралысь.
{Kodko @ Владимир Уйба чолӧмаліс Коми Республикаын олысь аньясӧс локтан праздникӧн @ выльтор @ https://rkomi.ru/news/2848 @ 2023-03-07 @ }
Владимир Уйба чолӧмаліс Коми Республикаын олысь аньясӧс локтан праздникӧн.
Талун, рака тӧлысь 7 лунӧ, Опера да балет театрын вӧлі медводдза тувсовъя гажлы сиӧм концерт.
«Дона аньяс, став сьӧлӧмсянь чолӧмала тіянӧс шензьӧдана тувсовъя гажӧн — мелілунлӧн да мичлунлӧн праздникӧн.
Рака тӧлысь заводитчӧм — тайӧ кузь тӧв бӧрын вӧр-валӧн садьмӧм.
Кӧть и миян войвылын ӧшинь сайын лым да кӧдзыд на, но дзик нин мӧд нога дзирдалӧ шондіыс, да енэж гӧгӧртасыс сэтшӧм жӧ югыд да мича, кыдзи и тіян синъяс.
Тулысын вежсьӧ ставнас вӧр-ваыс, и ми, мужичӧйяс, йӧймам тіян мичлунысь.
Сьӧлӧмсянь сиа республикаса став аньлы семьяын ладмӧм, тыр-бур олӧм, нывбаба шуд.
И мед тіянлы сё пӧв унджык локтас тіян муслун, бурлун да тӧждысьӧм.
Мед тіян синъясныд дзирдаласны сӧмын шуда нюмӧн, а матыссаясныд радейтасны да тӧждысясны.
Праздникӧн!», — сиис Владимир Уйба.
Торъя аттьӧалана кывъяс Коми Республикаса Юралысь шуис аньяслы, кодъяс зіля отсасьӧны фронтлы, кодъяслӧн верӧсъяс, пиян, вокъяс тышкасьӧны Чужан му вӧсна.
«Аньяслӧн эм шензьӧдана кужанлун — сувтны паныд сьӧкыдлунъяслы да сьӧкыд кадӧ лоны пыкӧдӧн абу сӧмын мужичӧйяслы, но и страналы.
Талун нывбабаяс отсасьӧны фронтлы, миян воинъяслы.
Быд посылка, кутшӧмӧс ті чукӧртанныд ас киясӧн, тырӧма муслунӧн, миян зонъяс вӧсна тӧждӧн.
Посылкаяссӧ найӧ сэні зэв ёна виччысьӧны.
А ми виччысям миянлысь боечьясӧс, майшасям рӧднӧйяс вӧсна.
И вӧчам ставсӧ, медым миян воинъяс воисны ловйӧн, дзоньвидзаӧн да, дерт жӧ, вермисны», — пасйис Коми Республикаса Юралысь.
Владимир Уйба сетіс Россия Федерацияса да Коми Республикаса канму наградаяс.
* * *
Россия Федерацияса Президентлӧн Индӧдӧн видз-му овмӧс юкӧнын заслугаясысь да уна вося бур уджысь «Россия Федерацияса видз-му овмӧсын нимӧдана уджалысь» почёт ним сетӧма
Тамара Ивановна Дворниклы — «Зеленечса чипан видзан фабрика» акционер котырса прӧдукция пыдіа переработайтан цехын рабочӧйлы.
Коми Республикаса Юралысьлӧн тшӧктӧмӧн
йӧзлысь дзоньвидзалун видзан юкӧнын заслугаясысь да уна вося бур уджысь «Коми Республикаса почёта врач» ним сетӧма
Галина Ивановна Дыбиналы — «Коми республиканскӧй клиническӧй больнича» канму учреждениеын клиническӧй лабораторнӧй диагностика серти врачлы;
«Коми Республикаса йӧзлысь дзоньвидзалун видзан юкӧнын почёта уджалысь» ним сетӧма
Кира Александровна Демниченколы — «Коми республиканскӧй онкология диспансер» канму учреждениеын палатаса медицина сестралы;
культура юкӧнын заслугаясысь да уна вося бур уджысь «Коми Республикаса культураын почёта уджалысь» ним сетӧма
Елена Викторовна Варавалы — «Пламя–21» ансамбльса нуӧдысь солистлы, Россияса МЧС лӧн Коми Республикаын медшӧр веськӧдланінса Пӧжарысь видзан канму службалӧн пӧжарысь видзчысьны ышӧдан да йӧзкӧд йитӧд кутан шӧринса начальниклы;
Коми Республикаса Юралыссянь аттьӧалана письмӧ сетӧма «#Мы Вместе» войтыркостса премиялӧн финалистлы, «Бур удж — бур олӧм» проектса авторлы
Наталья Михайловна Шиковалы — «Текстиль Коми Сыктывкарса вурсян фабрика» ичӧт кывкутана котырса директорӧс вежысьлы.
{Kodko @ Коми Республикаса Юралысь чолӧмалӧ медводдза тувсовъя гажӧн @ выльтор @ https://rkomi.ru/news/2849 @ 2023-03-08 @ }
Коми Республикаса Юралысь чолӧмалӧ медводдза тувсовъя гажӧн.
«Дона, радейтана, муса аньяс!
Став сьӧлӧмсянь чолӧмала тіянӧс медводдза тувсовъя гажӧн!
Тайӧ лунӧ ми аттьӧалам тіянӧс сыысь, мый ті кужанныд лоны мывкыдӧн, радейтысьӧн да пыр мичаӧн.
Аттьӧ шань сьӧлӧмысь да радейтӧмысь.
Ті пыр аддзанныд колана кыв, сетанныд бур сӧветъяс да кутыштанныд миянӧс, мужичӧйясӧс, сьӧкыд здукӧ.
Мамъяслы, гӧтыръяслы, чойяслы, нывъяслы — быдӧнлы, коді виччысьӧ радейтана мортӧс фронт вылысь, сиа вынъяс.
Медым Чужанін дорйысьяс бӧр воасны ловъяӧн, дзоньвидзаӧн да ваясны Вермӧм!
Аньяслы сиа шуд, тувсовъя ловру, медым збыльмасны тіян кӧсйӧмъясныд.
Мед тіянӧс кытшаласны матысса йӧз, олӧмыс козьналас сӧмын шуда здукъяс, а сьӧлӧмын вӧлі радлун да муслун!
Чолӧмала, муса аньяс!»
Коми Республикаса Юралысь Владимир Уйба.
{Kodko @ Анна Тюрнинаӧс индӧма Коми Республикаса тариф комитетӧн веськӧдлысь чинӧ @ выльтор @ https://rkomi.ru/news/2850 @ 2023-03-09 @ }
Анна Тюрнинаӧс индӧма Коми Республикаса тариф комитетӧн веськӧдлысь чинӧ.
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во рака тӧлысь 9 лунся 66-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Анна Борисовна Тюрнинаӧс Коми Республикаса тариф комитетӧн веськӧдлысь чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Алексей Осташовӧс индӧма Коми Республикаса юстиция министр чинӧ @ выльтор @ https://rkomi.ru/news/2851 @ 2023-03-09 @ }
Алексей Осташовӧс индӧма Коми Республикаса юстиция министр чинӧ.
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во рака тӧлысь 9 лунся 67-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Алексей Иванович Осташовӧс Коми Республикаса юстиция министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Коми Республикаса ӧткымын олысьлы сетісны канму наградаяс @ выльтор @ https://rkomi.ru/news/2852 @ 2023-03-10 @ }
Коми Республикаса ӧткымын олысьлы сетісны канму наградаяс.
Лӧсялана Индӧдсӧ кырымаліс Коми Республикаса Юралысь Владимир Уйба.
«Коми Республикаса канму наградаяс сетӧм йылысь» Коми Республикаса Юралысьлӧн 2023 во рака тӧлысь 9 лунся 22 №а Индӧд.
1. Коми Республикалы бур вӧчӧмысь «Коми Республикаса нимӧдана уджалысь» Коми Республикаса почёт ним сетны:
Татьяна Николаевна Безносиковалы — «Сыктывкарлӧн 3 №-а карса поликлиника» Коми Республикаса йӧзлысь дзоньвидзалун видзан канму сьӧмкуд учреждениеын лекарствоӧн могмӧдӧм серти юралысь врачӧс вежысьлы;
Галина Ивановна Ватамановалы — «Коми Республикаса Юралысьлӧн Администрациялысь уджсӧ могмӧдан шӧрин» Коми Республикаса канму казённӧй учреждениеын Коми Республикаса Юралысьлӧн Сыктывдін районын ӧтйӧза примитанінса службаӧн заведуйтысьлы, Сыктывкар;
Ирина Геннадиевна Виряльченковалы — «Усинск» кар кытшса муниципальнӧй юкӧнлӧн администрацияӧн юрнуӧдысьӧс вежысьлы;
Александр Леонидович Коюшевлы — «Коми республиканскӧй клиническӧй больнича» Коми Республикаса йӧзлысь дзоньвидзалун видзан канму сьӧмкуд учреждениеын хирургическӧй торакальнӧй юкӧнӧн заведуйтысьлы — врач-торакальнӧй хирурглы;
Дмитрий Иванович Пятковлы — «Динамо» ставроссияса физкультурно-спортивнӧй котыр» ӧтйӧза канму ӧтувлӧн Коми Республикаын юкӧнӧн веськӧдлысьӧс вежысьлы, Сыктывкар;
Иван Васильевич Ракинлы — асшӧр уджалысьлы, Кулӧмдін район;
Сергей Иванович Семенчинлы — «Коми Республикаса агропромышленнӧй комплексын уджалысьяслысь тӧдӧмлун бурмӧдан да квалификация кыпӧдан институт» содтӧд уджсикасӧ велӧдан федеральнӧй канму сьӧмкуд учреждениеын научно-техническӧй прогресс да производство котыртан кафедраса шӧр преподавательлы, Сыктывкар.
2. Коми Республикалы бур вылӧ уна во зіля уджалӧмысь Коми Республикаса Почёт грамота сетны:
Екатерина Дарвиновна Габовалы — «Милосердие» йӧзӧс социальнӧя могмӧдан районкостса шӧрин асшӧрлуна абу коммерческӧй организациялӧн гортын социальнӧя могмӧдан 1 №-а юкӧнса социальнӧй уджалысьлы, Сыктывдін район;
Наталья Николаевна Дерновалы — «Ухта» кар кытшса муниципальнӧй юкӧнлӧн администрацияын котыртан юкӧнса начальниклы;
Евгений Юрьевич Изъюровлы — Коми Республикаса Каналан Сӧветлӧн Аппаратын Котыртӧмӧн веськӧдланінлӧн Коми Республикаса Каналан Сӧветлӧн вӧр-ва озырлун, вӧр-ваӧн вӧдитчан да экология комитетлысь уджсӧ могмӧдан юкӧнса начальниклы, Сыктывкар;
Галина Константиновна Ильясовалы — «Россияса журналистъяслӧн котыр» ставроссияса ӧтйӧза организациялӧн регионса юкӧнлӧн — «Коми Республикаса журналистъяслӧн котыр» регионса ӧтйӧза организациялӧн правлениеӧ пырысьлы, Сыктывкар;
Александр Юрьевич Калининлы — Регионын ӧтув уджалӧмын да сӧвмӧдӧмын отсӧг сетан Коми фондса олӧмӧ пӧртысь директорлы, Сыктывкар;
Дмитрий Иванович Пинаевскийлы — «Питирим Сорокин нима Сыктывкарса канму университет» вылыс тшупӧда велӧдан федеральнӧй канму сьӧмкуд учреждениелӧн История да право институтын Россиялӧн да суйӧрсайса странаяслӧн история кафедраса доцентлы;
Ольга Николаевна Яковлевалы — Коми Республикаса удж, уджӧн могмӧдан да социальнӧя доръян министерствоын семья да челядьдыр делӧяс серти юкӧнса медыджыд специалист-экспертлы, Сыктывкар.
{Kodko @ Владимир Уйба юкӧ шог Владимир Кретовлӧн кувсьӧм вӧсна @ выльтор @ https://rkomi.ru/news/2853 @ 2023-03-10 @ }
Владимир Уйба юкӧ шог Владимир Кретовлӧн кувсьӧм вӧсна.
«Кувсис Коми Республикаса Оланподув ёрдӧн вӧвлӧм Веськӧдлысь Владимир Васильевич Кретов. Сылы эськӧ тырис 69 арӧс. Коми Республикалы тайӧ ыджыд шог.
Комын во сійӧ сиис миян регионса ёрд системалы.
Владимир Васильевич уджаліс пытшкӧс делӧяс органъясын, вӧлі ёрдысьӧн Инта карын йӧзӧн бӧрйӧм ёрдын да республикаса Медвылыс ёрдын.
Дас воысь унджык юрнуӧдіс Коми Республикаса Оланподув ёрдӧн.
Владимир Васильевич — тӧдчана да вылыс квалификацияа юрист.
Сійӧс пыдди пуктісны юристъяс да Коми Республикаса олысьяс.
Юка ыджыд шог рӧдвужкӧд, матыссаяскӧд, уджъёртъяскӧд, ставныскӧд, коді тӧдліс да пыдди пуктіс Владимир Васильевич Кретовӧс».
Коми Республикаса Юралысь Владимир Уйба.
{Kodko @ Владимир Уйба шуис заводитны «Ми — Ыджыд Вермӧмлӧн наследникъяс» марафон @ выльтор @ https://rkomi.ru/news/2857 @ 2023-03-14 @ }
Владимир Уйба шуис заводитны «Ми — Ыджыд Вермӧмлӧн наследникъяс» марафон.
«Зэв жаль, мый Айму вӧсна Ыджыд тышса ветеранъяслӧн лыдыс воысь воӧ лоӧ пыр этшаджык, и миян мог — ёнджыка тӧждысьны на вӧсна да вӧчны налысь олӧмсӧ бурджыкӧн.
Коми Республикаса Веськӧдлан котыр быд ногыс отсалӧ налы и тайӧ отсӧгыс воысь воӧ содӧ.
Но зэв колана абу сӧмын канму отсӧг, но и быдӧнлӧн участвуйтӧм.
Та вӧсна ме кора республикаын став олысьсӧ юксьыштны бурторйӧн.
Мед тайӧ лоас сьӧма отсӧг, но сьӧлӧмсянь сетӧм.
И, дерт, кора тӧждысьны миян ветеранъяс вӧсна да аттьӧавны найӧс сыысь, мый найӧ сетісны миянлы да миян челядьлы мирнӧй олӧм», — тӧдчӧдіс аслас видео пыр шыӧдчӧмын Коми Республикаса Юралысь.
Марафон дырйи чукӧртӧм сьӧмсӧ веськӧдӧны Айму вӧсна Ыджыд тышын участвуйтысьяслы да ветеранъяслы отсӧг сетӧм вылӧ — оланін дзоньталӧм, коммуникацияяс вежӧм, гортдінса му бурмӧдӧм-мичмӧдӧм, бытӧвӧй техника, мебель да мукӧд коланатор ньӧбӧм вылӧ, а сідзжӧ шойнаяс пӧрадокӧ вайӧдӧм да усьӧм воинъяслы памятникъяс выльмӧдӧм вылӧ.
{Kodko @ Евгений Пономаренкоӧс индӧма Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр чинӧ @ выльтор @ https://rkomi.ru/news/2858 @ 2023-03-15 @ }
Евгений Пономаренкоӧс индӧма Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр чинӧ.
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во рака тӧлысь 15 лунся 80-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Евгений Александрович Пономаренкоӧс Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Сыктывкарса ӧдйӧ сӧвмысь микрорайонын восьтасны выль детсад @ выльтор @ https://rkomi.ru/news/2859 @ 2023-03-15 @ }
Сыктывкарса ӧдйӧ сӧвмысь микрорайонын восьтасны выль детсад.
Сыктывкарса 104 №-а детсадлӧн 60 места вылӧ юкӧдув воссяс «Орбита» микрорайонса «Платон» олан комплексын.
Жыръяссӧ ньӧбисны муниципальнӧй эмбурӧ республиканскӧй сьӧмкуд сьӧм тшӧт весьтӧ.
Детсадсӧ кӧсйӧны восьтыны 2023 вося косму тӧлысьын нин.
Та йылысь аслас видео пыр шыӧдчӧмын висьталіс Коми Республикаса Юралысь Владимир Уйба.
{Kodko @ Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание @ выльтор @ https://rkomi.ru/news/2860 @ 2023-03-15 @ }
Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание.
Сёрниыс муніс Коми Республикаын ломтас-энергетика комплексса объектъяс терроризмысь дорйӧм йылысь.
Докладъясӧн сёрнитісны: Россия Федерацияса национальнӧй гвардия войскаса федеральнӧй службалӧн Коми Республикаын веськӧдланінса канму контроль юкӧнын начальник Светослав Георгиев, «Т Плюс» ПАК-лӧн «Коми» филиалса медыджыд инженерлысь могъяс олӧмӧ пӧртысь Антон Казаков, Коми Республикаса экономика сӧвмӧдан да промышленносьт министрлысь могъяс олӧмӧ пӧртысь Ольга Турышева.
Кывзісны «Княжпогост» МР МЮ-ын терроризмлы паныд удж нуӧдысь комиссияӧн веськӧдлысьлысь доклад терроризмысь ӧлӧдӧмсӧ да сылӧн идеологиялы паныд удж нуӧдӧмсӧ котыртӧм йылысь.
Помас Терроризмлы паныд удж нуӧдысь комиссияӧ пырысьяс сёрнитісны войтыркостса да конфессиякостса вензьӧмъясысь видзчысян, терроризм идеологиялы паныд удж нуӧдан да экстремизмысь ӧлӧдан, а сідзжӧ том йӧзӧс гражданскӧй олӧмын водзмӧстчыны ышӧдан юалӧмъяс серти Координируйтан шӧринлысь Коми Республикаса власьт органъяскӧд да меставывса асвеськӧдлан органъяскӧд ӧтувъя удж котыртӧм йылысь.
Владимир Уйба пасйис, мый водзӧ кутас кадысь кадӧ аддзысьлыны регионса том йӧзкӧд да нуӧдны накӧд «восьса сёрни», да тшӧктіс регионса Веськӧдлан котырӧ пырысьяслы тшӧтш жӧ аддзысьлывны том йӧзкӧд да сёрнитны накӧд найӧс майшӧдланторъяс йылысь.
{Kodko @ Коми Республика дасьтысьӧ тувсовъя ытва да пӧжаръяс лоны вермана кад кежлӧ @ выльтор @ https://rkomi.ru/news/2861 @ 2023-03-16 @ }
Коми Республика дасьтысьӧ тувсовъя ытва да пӧжаръяс лоны вермана кад кежлӧ.
Коми Республикаса Юралысь Владимир Уйба участвуйтіс Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысь Александр Гуцан бердын Неминучаясысь ӧлӧдӧм да найӧс бырӧдӧм, пӧжарысь видзчысьӧм серти комиссиялӧн заседаниеын.
Комиссиялӧн заседание дырйи видлалісны неминучаяс йылысь йӧзлы юӧртан системаяслысь дугдывтӧг уджалӧмсӧ котыртӧм, кадысь кадӧ ойдланінъясын овмӧс нуӧдан удж ладмӧдӧм, гидротехническӧй сооружениеяслысь удж могмӧдӧм, ытва дырйи изолируйтӧм сикт-грездъясын олысьяслы олӧм вылӧ медколана материальнӧй, сёян-юан, медицина да мукӧд средстволысь колана запасъяс лӧсьӧдӧм серти юалӧмъяс.
Торйӧн ёна тӧждысьӧны челядьлы дзоньвидзалун бурмӧдан лагеръясын, а сідзжӧ мусир да биару перйысь, ыджыд йӧрыша ломтас-мавтас материалъяс вӧчысь да видзысь ӧпаснӧйӧн лоны вермана объектъясын пӧжарысь видзчысьӧмсӧ могмӧдӧм вӧсна.
Полномочнӧй петкӧдлысь торйӧн тӧдчӧдіс, мый колӧ кыпӧдны локтан периодъясӧ видзчысянлун серти корӧмъясӧ гражданаӧн кутчысьӧм йылысь юӧртан уджлысь тшупӧдсӧ йӧзӧс юӧртан средствояс, социальнӧй везъяс, социальнӧй реклама пыр.
Тувсовъя ытва да пӧжаръяс лоны вермана кад кежлӧ Коми Республикалӧн дасьтысьӧм йылысь висьталіс регионӧн веськӧдлысь Владимир Уйба.
«Тувсовъя ытва безопаснӧя прӧйдитӧм могысь стӧчмӧдӧма олан пунктъяслысь лыддьӧг, кодъяс вермасны веськавны ойдланінъясӧ.
Тувсовъя ытва дырйи мытшӧдъяссӧ ас кадӧ бырӧдӧм могысь дасьтӧма финансӧвӧй да материальнӧй средствояслысь резерв.
Во заводитчӧмсянь котыртӧма республикалысь да меставывса асвеськӧдлан органъяслысь материальнӧй резервсӧ ыдждӧдӧм вылӧ содтӧд эмбур ньӧбӧм серти удж, мый колӧ неминучаясысь ӧлӧдӧм да найӧс бырӧдӧм могысь», — юӧртіс Коми Республикаса Юралысь.
Комиын ЦГМС-лӧн лым мерайтан съёмкаса мыччӧдъяс серти, республикаса мутасын Луза, Сыктыв, Эжва, Печора, Изьва юяслӧн ковтысын лым пытшса валӧн видзасъясыс нормасьыс абу унджык, Уса ю кындзи, кӧні видзасыс нормасьыс 149%.
Ытва дырйи олысьясӧс да материальнӧй озырлунъяс эвакуируйтӧм могысь кӧсйӧны лӧсьӧдны республикалӧн 57 сикт-грездын недыр олӧм вылӧ 68 пункт.
Сэні вермасны меститчыны 5,5 сюрсысь унджык морт.
Спасательясӧс вайӧдны да олысьясӧс эвакуируйтны кутас «Комиавиатранс» компания, кодкӧд кырымалӧма канму контракт.
Корӧма РСЧС-лысь Коми республиканскӧй системаувса вынъяс да средствояс — 6086 морт, техника — 1720 единица.
Коми Республика мутасын вӧръяс пӧжаръясысь видзӧм могысь кутасны нуӧдны авиация мониторинг, вынсьӧдӧма авиационнӧя патрулируйтан 6 маршрут, ставнас лэбаласны 5 сюрс километрысь унджык.
Велӧдӧны Вӧр сотчӧмысь видзан Коми шӧринса лётчик-наблюдательясӧс да парашютно-десантнӧй пӧжарнӧй службаӧс, планируйтӧма парашютно-десантнӧй вынъяслысь тренируйтчӧмъяс.
Таысь кындзи, лӧсьӧдӧма пӧжарысь видзчысьӧм серти уджъяслысь план-график, сы лыдын вӧрса туйяс выльмӧдӧм, минерализуйтӧм полосаяс сувтӧдӧм да пытшсянь весалӧм, аншлагъяс лӧсьӧдӧм, шойччан местаяс бурмӧдӧм.
«Ӧтувъя субсидия» федеральнӧй сьӧм тшӧт весьтӧ арктика мутасъяса регионъяслы ньӧбӧма 6 пӧжарнӧй автомашина.
Котыртӧма вӧрса пӧжаръяс кусӧдӧм вылӧ вынъяслысь да средствояслысь чукӧр, кытчӧ пырӧ 1512 морт, 794 единица техника, 3958 единица оборудование.
Коми Республикаса Юралысь Владимир Уйба аттьӧаліс Карелия Республикаса, Архангельск, Мурманск да Вӧлӧгда обласьтъясысь уджъёртъясӧс-веськӧдлысьясӧс колян во вӧрса пӧжаръяс кусӧдӧмын отсӧгысь.
{Kodko @ Владимир Уйба висьталіс Ухтаын веськӧдлан компанияӧс оланпас торкӧмӧн вежӧм йылысь да эмбур кутысьяслысь инӧдъяссӧ дорйӧм серти примитӧм мераяс йылысь @ выльтор @ https://rkomi.ru/news/2862 @ 2023-03-16 @ }
Владимир Уйба висьталіс Ухтаын веськӧдлан компанияӧс оланпас торкӧмӧн вежӧм йылысь да эмбур кутысьяслысь инӧдъяссӧ дорйӧм серти примитӧм мераяс йылысь.
2022 во помын Ухтаын олысьяссянь воисны юӧръяс сы йылысь, мый налӧн керкаясын вежсис веськӧдлан организацияыс, и тайӧс вӧчисны эмбур кутысьяскӧд сӧгласуйттӧг.
Норасьӧмъясыс воисны Коми Республикаса Юралысьлы, Прокуратураӧ, Стройжилтехнадзор службаӧ.
Владимир Уйбалӧн тшӧктӧм серти котыртісны прӧверка, мый петкӧдліс оланпастэчас торкалӧмсӧ.
Дасьтӧма нин ёрдӧ 20 иск, прӧверкасӧ нуӧдӧны водзӧ.
Паськыдджыка та йылысь — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Коми Республикаын лызьӧн ордйысьӧмъяс кузя пельтӧмъяслӧн спорт серти Россияса чемпионат да первенство йылысь @ выльтор @ https://rkomi.ru/news/2863 @ 2023-03-17 @ }
Владимир Уйба висьталіс Коми Республикаын лызьӧн ордйысьӧмъяс кузя пельтӧмъяслӧн спорт серти Россияса чемпионат да первенство йылысь.
Рака тӧлысь 15 лунсянь 20 лунӧдз нёльысь олимпийскӧй чемпионка Раиса Сметанина нима республиканскӧй лыжи комплексын мунӧны ордйысьӧмъяс.
Сэні участвуйтӧны Россия Федерацияса 11 субъектысь 14 арӧссянь 18 арӧсӧдз 60 спортсмен.
Коми Республика тшӧкыда нуӧдӧ уна сикас тшупӧда стартъяс — Россияса Чемпионатъяс, странаса Кубоклысь этапъяс.
Сӧмын на помассис томуловлӧн Тӧвся Спартакиадаын финал.
Омӧля кылысь спортсменъяс пӧвстын татшӧм ыджыд ордйысьӧмъяссӧ регионын нуӧдӧны медводдзаысь.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба чолӧмаліс лызьӧн ордйысьӧмъяс кузя пельтӧмъяслӧн спорт серти Россияса чемпионатын да первенствоын участвуйтысьясӧс @ выльтор @ https://rkomi.ru/news/2864 @ 2023-03-17 @ }
Владимир Уйба чолӧмаліс лызьӧн ордйысьӧмъяс кузя пельтӧмъяслӧн спорт серти Россияса чемпионатын да первенствоын участвуйтысьясӧс.
Татшӧм тшупӧда ордйысьӧмъяссӧ Комиын нуӧдӧны медводдзаысь.
Сэні участвуйтӧны Россия Федерацияса 11 субъектысь 14 арӧссянь 18 арӧсӧдз 60 спортсмен.
«Коми Республика зэв шоныда паныдалӧ йӧзӧс, ми пыр окотапырысь примитам спортсменъясӧс.
Миян муын нуӧдісны уна ордйысьӧм — тайӧ и Россияса чемпионатъяс, и странаса Кубок, сӧмын на помасис томуловлӧн Тӧвся Спартакиадаын финал.
Тайӧ висьталӧ сы йылысь, мый Коми Республика — спортивнӧй регион.
Талунъя участвуйтысьяс пӧвстын эмӧсь и Коми Республикаысь спортсменъяс, кодъяс дорйисны флагнымӧс, странанымӧс медвылыс тшупӧда ордйысьӧмъясын, сы лыдын и тӧвся Сурдлимпийскӧй ворсӧмъясын.
Чолӧмала найӧс, кодъяс талун участвуйтісны ордйысьӧмъясын, венласисны да вермисны.
Ме пыр шуа миян спортсменъяслы, мый спорт — тайӧ абу сӧмын вермӧм, но и венласьӧм, ыджыд удж да зільӧм», — шыӧдчис участвуйтысьяс дорӧ Владимир Уйба.
Лызьӧн ордйысьӧмъяс кузя пельтӧмъяслӧн спорт серти Россияса чемпионатсӧ да первенствосӧ нуӧдӧны нёльысь олимпийскӧй чемпионка Раиса Сметанина нима республиканскӧй лыжи комплексын рака тӧлысь 15 лунсянь 20 лунӧдз.
Коми Республикаса сборнӧйӧ пырӧ 11 лыжник.
Первенствоын медальяс вӧсна ордйысьӧны Павел Подоров, Александра Артеева, Ольга Кызъюрова да Виктория Кашталер.
Чемпионатын петкӧдчӧны Любовь да Владимир Майоровъяс, Максим Ковалев, Роман Чирков, Даниил Андреев, Мария Горшкова да Алик Зюзюлькин.
Медводдза лунас спортсменъяс ордйысисны 5 да 10 километра ылнаяс вылын классическӧй стильӧн торъя стартсянь панъясьӧмын.
Коми Республикааысь лызьӧн котралысьяс босьтісны 4 медаль: 1 зарни, 2 эзысь да 1 бронза.
Талун спортсменъяс котӧртісны классическӧй спринт.
Коми Республикаысь команда босьтіс 3 зарни, 1 эзысь да 3 бронза.
Медводдза ордйысян лунъясын вермысьяслы наградаяссӧ сетіс Коми Республикаса Юралысь Владимир Уйба.
* * *
Ордйысьӧмъяссӧ нуӧдӧны Россияын да Коми Республикаын «пельтӧмъяслысь спорт» сӧвмӧдӧм могысь.
Тані тыдовтчасны медвына спортсменъяс, медым артмӧдны Россияса сборнӧй командаяс да спорт резерв.
Спортсменъяслӧн лоас позянлун вӧчны спортивнӧй нормативъяс, бурмӧдны кужанлунъяс, зумыдмӧдны ёрта йитӧдъяс.
Таысь кындзи, чемпионатлӧн мог — паськӧдны том йӧз пӧвстын дзоньвидза оласног.
Мероприятиесӧ котыртісны Россияса спорт министерство да «Пельтӧмъяслӧн спорт серти ставроссияса спорт федерация» вермытӧмъяслӧн ставроссияса ӧтйӧза организация.
Ордйысьӧмъяссӧ координируйтысьяс — Коми Республикаса вынйӧр сӧвмӧдан да спорт министерство, «Вермытӧмъяслӧн спорт шӧрин» КР КСУ, «Раиса Сметанина нима РЛК» КР КАУ.
{Kodko @ Коми Республикаса арктика муниципалитетъясӧ воӧ «Ӧтувъя субсидия» сьӧм вылӧ ньӧбӧм выль техника @ выльтор @ https://rkomi.ru/news/2865 @ 2023-03-20 @ }
Коми Республикаса арктика муниципалитетъясӧ воӧ «Ӧтувъя субсидия» сьӧм вылӧ ньӧбӧм выль техника.
2022 во помын Коми Республика босьтіс федеральнӧй сьӧмкудйысь 772 миллион 300 сюрс шайт.
Тайӧ сьӧм вылас ньӧбисны аэродромнӧй, коммунальнӧй, пӧжар кусӧдан техника да йӧзӧс новлӧдан транспорт.
Мукӧдсӧ на пиысь мӧдӧдісны нин Вӧркутаӧ, Усинскӧ, Интаӧ да Чилимдін районӧ.
Та йылысь видео пыр шыӧдчӧмын висьталіс Коми Республикаса Юралысь Владимир Уйба.
{Kodko @ Владимир Уйба висьталіс Коми Республикаса аграрнӧй юкӧн федеральнӧй сьӧмӧн могмӧдӧм йылысь @ выльтор @ https://rkomi.ru/news/2866 @ 2023-03-21 @ }
Владимир Уйба висьталіс Коми Республикаса аграрнӧй юкӧн федеральнӧй сьӧмӧн могмӧдӧм йылысь.
2023 воын АПК-лы сетасны федеральнӧй отсӧг 165 миллионысь унджык шайт мындаын.
Сьӧмыс мунас производстволы отсӧг сетӧм вылӧ, мый отсалас сӧвмӧдны аграрнӧй бизнес.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба нуӧдіс Коми Республикаын наркотикъяслы паныд удж нуӧдысь комиссиялысь заседание @ выльтор @ https://rkomi.ru/news/2867 @ 2023-03-22 @ }
Владимир Уйба нуӧдіс Коми Республикаын наркотикъяслы паныд удж нуӧдысь комиссиялысь заседание.
Видлалісны регионын наркотикъяс серти серпассӧ.
Сёрнитісны сы йылысь, кыдзи ӧлӧдны томуловӧс оланпас торкалӧмӧн наркотикъяс вузалан юкӧнын мыж вӧчӧмысь, СМИ-ын наркотикъяслы паныд материалъяс да социальнӧй реклама йӧзӧдӧм йылысь.
«Наркотикъяс паськӧдӧмлы паныд удж нуӧдӧм — тайӧ зэв тӧдчана юалӧм миян гражданалӧн, медводз том йӧзлӧн, быдмысь войтырлӧн олӧмын.
Тайӧ юалӧмын оз позь ылӧсас уджавны кыдзи силӧвӧй структураяслы, сідзи и Коми Республикаса Веськӧдлан котырлы, муниципалитетъясса администрацияяслы да ставныслы, кодъяс уджалӧны челядькӧд.
Такӧд йитчӧма миян страналӧн да республикалӧн аскиа луныс», — пасйис Коми Республикаса Юралысь.
Сідзжӧ Владимир Уйба тӧдчӧдіс, мый быдмысь войтырӧс колӧ зільджыка кыскыны спортӧ — единоборствоӧ, техническӧй сикасъясӧ, шуам, картинг, мотокросс, а сідзжӧ корсьысян ӧтмунӧмъясӧ.
Тайӧ отсалас видзны том йӧзӧс «ывлалӧн» лёк тӧдчӧмысь да быдтыны найӧс бур гражданаӧн.
Регионӧн юрнуӧдысь тшӧктіс республикаса Веськӧдлан котырлы меставывса власьт органъяскӧд ӧтвылысь ёнмӧдны каръясын восьса ворсан да спорт площадкаяс да донтӧм тренажёрнӧй залъяс лӧсьӧдӧм серти уджсӧ.
Кыдзи чайтӧ регионӧн юрнуӧдысь, юӧрӧн ӧлӧдан уджын колӧ вежлавны юӧр сетан ногъяссӧ.
Шуам, колӧ унджык вӧчны роликъяс, да медым тайӧ уджас пырӧдчис том йӧз, зільджыка паськӧдны найӧс социальнӧй везъясын, кӧні ёнджыкасӧ пукалӧ быдмысь войтыр.
{Kodko @ Коми Республика примитас Том войтырлысь мӧд Арктическӧй Дельфийскӧй ворсӧмъяс @ выльтор @ https://rkomi.ru/news/2868 @ 2023-03-22 @ }
Коми Республика примитас Том войтырлысь мӧд Арктическӧй Дельфийскӧй ворсӧмъяс.
Коми Республикаса Юралысь Владимир Уйба да Войтыркостса Дельфийскӧй комитетлӧн директор, ЮНЕСКО-лӧн делӧяс серти Россия Федерацияса Комиссияӧ пырысь Владимир Понявин нуӧдісны Ворсӧмъяс кежлӧ дасьтысьӧм да сійӧс нуӧдӧм серти котыртан комитетлысь заседание.
«Аттьӧала Россияса Национальнӧй Дельфийскӧй сӧветӧс Коми Республикаын Том войтырлысь мӧд Арктическӧй Дельфийскӧй ворсӧмъяс нуӧдӧм йылысь миянлысь водзмӧстчӧмнымӧс ошкӧмысь.
Лыддя, мый республиканымӧс эз прӧста бӧрйыны.
Менам видзӧдлас серти, ми бура да вылі тшупӧдын нуӧдім тані Медводдза Ворсӧмъяссӧ.
Миянӧс бура донъялісны челядь, бать-мам да видзӧдысьяс — налы тайӧ вӧлі збыль гажӧн.
Ми гӧгӧрвоам, кутшӧм тайӧ ыджыд кывкутӧм да ыджыд дасьтысян удж.
И миянлы колӧ петкӧдчыны оз сӧмын бура, а нӧшта на бурджыка да вӧчны сідз, медым Том войтырлӧн мӧд Арктическӧй Дельфийскӧй ворсӧмъясыс ставлы колисны вежӧраныс, кыдзи и во сайын Медводдзаыс», — тӧдчӧдіс Коми Республикаса Юралысь Владимир Уйба.
«Том войтырлӧн медводдза Арктическӧй Дельфийскӧй ворсӧмъясыс артмисны, миянӧс тшӧтш бура донъялісны.
И медся тӧдчанаыс, мый буретш Коми Республикаын чужисны традицияясыс, кутшӧмъясӧн ми кутам вӧдитчыны водзӧ.
Локтан Ворсӧмъяс кежлӧ дасьтысигӧн, ми сёрнитім ЮНЕСКО-лӧн делӧяс серти Россия Федерацияса Комиссиякӧд, мый отсӧгӧн и Том войтырлӧн мӧд Арктическӧй Дельфийскӧй ворсӧмъясыс пырисны Комиссиялӧн помшуӧмӧ.
Сійӧс кырымаліс Россия Федерацияса иностраннӧй делӧяс серти министр Сергей Лавров.
Сідзжӧ миянлы мойвиис пыртны Ворсӧмъяссӧ Арктикаса Сӧветын Россия Федерациялӧн веськӧдлан планӧ, сійӧс кырымаліс Россия Федерацияса Веськӧдлан котырӧн Юрнуӧдысь Михаил Мишустин», — юӧртіс Войтыркостса Дельфийскӧй комитетлӧн директор Владимир Понявин.
Том войтырлысь мӧд Арктическӧй Дельфийскӧй ворсӧмъяс нуӧдӧмсӧ веськӧдӧма «Россияса Федерацияын педагоглы да наставниклы сиӧм во нуӧдӧм йылысь» Россияса Президент Владимир Путинлысь 2022 во лӧддза-номъя тӧлысь 27 лунся 401 №-а Индӧд, «Канму культура политикалӧн подувъясӧ вежсьӧмъяс пыртӧм йылысь, кутшӧмъясӧс вынсьӧдӧма Россия Федерацияса Президентлӧн 2014 во ӧшым тӧлысь 24 лунся 808 №-а Индӧдӧн» Россияса Президентлӧн 2023 во тӧвшӧр тӧлысь 25 лунся 35 №-а Индӧд збыльмӧдӧм могысь, а сідзжӧ тшӧктӧмъяс олӧмӧ пӧртӧм могысь, кутшӧмъясӧс сетіс Владимир Путин Россия Федерацияса Каналан Сӧветлӧн заседаниеса кывкӧртӧдъяс серти, мый вӧлі 2022 вося ӧшым тӧлысь 22 лунӧ ӧнія условиеясын том йӧз политика збыльмӧдан юалӧмъяс серти.
Том войтырлысь мӧд Арктическӧй Дельфийскӧй ворсӧмъяссӧ веськӧдӧма том енбиа йӧзлы отсалӧм, быдмысь войтырӧс Чужан му радейтны туйдӧдӧм-велӧдӧм, культураяс костын йитӧд сӧвмӧдӧм, Коми Республикалӧн гуманитарнӧй да творческӧй вынйӧрӧн водзӧ тӧдмасьӧм вылӧ.
Том войтырлысь мӧд Арктическӧй Дельфийскӧй ворсӧмъяссӧ нуӧдӧм кежлӧ дасьтысьӧм йылысь докладъясӧн сёрнитісны Коми Республикаса культура, туризм да архив удж министрлысь могъяс олӧмӧ пӧртысь Мария Балмастова, Коми Республикаса велӧдан да наука министрлысь могъяс олӧмӧ пӧртысь Наталья Якимова, Том йӧз политика комитетӧн веськӧдлысь Светлана Суворкина.
Ӧні котыртӧма Том войтырлӧн мӧд Арктическӧй Дельфийскӧй ворсӧмъясын Коми Республикасянь участвуйтысьяслысь дасьтысян тшупӧдсӧ кыпӧдӧм серти удж.
Ода-кора тӧлысьын нуӧдасны водзвыв кывзӧмъяс, участвуйтысьяслы сетӧма вӧзйӧмъяс, а кӧч тӧлысьын — Коми Республикаса делегацияӧс урчитӧм могысь бӧрйысян испытаниеяс.
* * *
Дельфийскӧй ворсӧмъяс — искусство юкӧнын ыджыд форум, мый веськӧдӧма енбиа том йӧзӧс корсьӧм да налы отсӧг сетӧм вылӧ.
Ворсӧмъяслӧн конкурснӧй да фестивальнӧй уджтасӧ пырӧны художествоа, прикладнӧй да наука-туялан номинацияяс серти ордйысьӧмъяс, мый отсӧгӧн позьӧ аддзыны том енбиа йӧзӧс да аслыспӧлӧс специалистъясӧс.
Том войтырлӧн медводдза Арктическӧй Дельфийскӧй ворсӧмъясыс мунісны Сыктывкарын 2022 вося вӧльгым тӧлысь 24 лунсянь 28 лунӧдз.
Сэні участвуйтіс 600-ысь унджык том енбиа морт.
{Kodko @ Владимир Уйба висьталіс Коми Республикаын челядьлы ӧнія велӧдчанінъяс лӧсьӧдӧм йылысь @ выльтор @ https://rkomi.ru/news/2869 @ 2023-03-22 @ }
Владимир Уйба висьталіс Коми Республикаын челядьлы ӧнія велӧдчанінъяс лӧсьӧдӧм йылысь.
Регионын стрӧитӧны школаяс, выльмӧдӧны велӧдан учреждениеяслысь материально-техническӧй база, быд во лӧсьӧдӧны «Точка роста» шӧринъяс.
Таво 12 муниципалитетын воссяс 19 татшӧм шӧрин, а 2025 воӧдз — республикалӧн пӧшти быд сиктса школаын.
Таысь кындзи, таво Ухтаын воссяс выль «Кванториум».
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба нуӧдіс Коми Республикаын неминучаясысь ӧлӧдӧм да найӧс бырӧдӧм, пӧжарысь видзчысьӧм серти комиссиялысь заседание @ выльтор @ https://rkomi.ru/news/2870 @ 2023-03-23 @ }
Владимир Уйба нуӧдіс Коми Республикаын неминучаясысь ӧлӧдӧм да найӧс бырӧдӧм, пӧжарысь видзчысьӧм серти комиссиялысь заседание.
Видлалісны республикалысь тувсовъя ытва да пӧжаръяс лоны вермана кад кежлӧ дасьлун серти юалӧмъяс.
Вӧчисны 2022 воын пӧжаръяс лоӧмысь ӧлӧдӧм, Коми Республикаса олысьясӧс войтырӧс доръян да неминучаясысь видзан юкӧнын дасьтӧм серти нуӧдӧм мероприятиеяслысь кывкӧртӧдъяс.
Коми Республикаын локтан ытва кежлӧ дасьтысьӧмсӧ нуӧдӧны план серти.
Кырымалӧма РСЧС-лысь вынъяс да средствояс вайӧм да, коланлун дырйи, олысьясӧс эвакуируйтӧм могысь авиация услугаяс сетӧм вылӧ канму контракт.
Планируйтӧны нуӧдны ытва дырся кадколастӧ взрывӧн йи поткӧдан уджъяс.
Тувсовъя ытва дырйи Луздор, Сыктыв, Вуктыл, Сыктывдін, Кулӧмдін да Мылдін районъясын кӧсйӧны лӧсьӧдны СПАС-КОМИ-лӧн спасательяслысь 11 пост.
Спасательяслӧн постъясыс колӧны, медым нуӧдны ва туйӧд экстреннӧй оперативнӧй службаяс (регыдъя медицина отсӧг сетанінын, Росгвардияын, полицияын уджалысьяс).
Ытва дырйи олысьясӧс да материальнӧй озырлунъяс эвакуируйтӧм могысь коланлун дырйи кӧсйӧны лӧсьӧдны республикаса 57 сикт-грездын недыр кад кежлӧ овмӧдан 68 пункт.
Коми Республикаса олысьяслы юӧртан да юӧр паськӧдан система гражданаӧс доръян сигналъяс серти, кодъясӧн вӧдитчӧны муниципалитеткостса либӧ дінму тшупӧда неминучаяс лоны вермигӧн либӧ лоигӧн, а сідзжӧ КСЭОН система дасьӧсь мог серти вӧдитчӧм кежлӧ.
Тувсовъя ытва дырйи мытшӧдъяссӧ ас кадӧ бырӧдӧм могысь дасьтӧма финансӧвӧй да материальнӧй средствояслысь резерв.
«Коми республиканскӧй системаувлӧн веськӧдлан органъяслы колӧ збыльмӧдны дасьтысьӧм серти став планируйтӧм мероприятиесӧ, пыр нуӧдны ытва серти мониторинг, да, коланлун дырйи, бырӧдны мытшӧдъяссӧ.
Быд во меставывса асвеськӧдлан органъяслы ми пуктам могъяс, медым ойдӧм сикт-грездъясын вӧлі лӧсьӧдӧма материальнӧй запасъяс да дугдывтӧг могмӧдісны медицина отсӧгӧн, местаяс вылын бура уджалісны техника, катеръяс, пыжъяс, видлалісны дасьӧсь-ӧ олысьясӧс примитӧм вылӧ недыр кад кежлӧ овмӧдан пунктъяс.
Медым ас кадӧ видзӧдісны йи кузя вуджанінъяслӧн тупкысьӧм бӧрся да весалісны ва нуан трубаяс.
Тайӧ да уна мукӧд мог колӧ збыльмӧдны и ӧні.
Кора меставывса асвеськӧдлан органъясӧн юрнуӧдысьясӧс видзӧдны став тайӧ юалӧм, а сідзжӧ асланыд мутасъясын ытва дырйи быдлунъя серпас бӧрся», — пасйис могъяссӧ Коми Республикаса Юралысь Владимир Уйба.
Коми Республика мутасын вӧръяс пӧжаръясысь видзӧм могысь кутасны нуӧдны авиация мониторинг, вынсьӧдӧма авиационнӧя патрулируйтан 6 маршрут, ставнас лэбаласны 5 сюрсысь унджык километр.
Водзӧ велӧдӧны лётчик-наблюдательясӧс, инструкторскӧй состав, вӧр кусӧдысьясӧс да парашютно-десантнӧй вынъясӧс, а сідзжӧ тренируйтӧны парашютно-десантнӧй вынъяс.
Кырымалӧмаӧсь артмӧдчӧмъяс авиамониторинг нуӧдӧм могысь 2 АН–2 самолёт да 2 ичӧт авиацияа самолёт, а сідзжӧ пӧжаръяс кусӧдан вынъяс да средствояс вайӧм могысь 6 МИ–8 вертолёт кыскӧм вылӧ.
Рослесхоз сӧгласуйтіс 2023 во вылӧ Коми Республика мутасын вӧрса пӧжаръяс кусӧдӧм серти своднӧй план.
Лӧсьӧдӧма 2023 во вылӧ кӧртымалысьясӧн да Вӧр сотчӧмысь видзан Коми шӧринса уджалысьясӧн вӧръяс пӧжарысь видзан мераяс олӧмӧ пӧртӧм серти план-график.
На лыдын вӧрса туйяс выльмӧдӧм, минерализуйтӧм визьяс сувтӧдӧм да пытшсянь весалӧм, аншлагъяс лӧсьӧдӧм да шойччан местаяс бурмӧдӧм.
{Kodko @ Комиын олысьясӧс наградитӧма повтӧмлунысь, смеллунысь да йӧз вӧсна тӧждысьӧмысь (кувсьӧм бӧрын) @ выльтор @ https://rkomi.ru/news/2871 @ 2023-03-23 @ }
Комиын олысьясӧс наградитӧма повтӧмлунысь, смеллунысь да йӧз вӧсна тӧждысьӧмысь (кувсьӧм бӧрын).
Рака тӧлысь 22 лунӧ Коми Республикаса Юрлаысь Владимир Уйба сетіс торъя военнӧй операция дырйи пӧгибнитӧм военнослужащӧйяслӧн рӧдвужлы Повтӧмлун орденъяс.
«Миян зонъяс пӧгибнитісны торъя военнӧй операция дырйи, миян вӧсна, миян челядь вӧсна тышкасигӧн, Аймунымӧс дорйигӧн.
Патриотъяс, геройяс да збыль мужичӧйяс сувтісны дорйыны ассьыныс войтырсӧ, странасӧ, ассьыныс гортсӧ.
Тышкасисны кыдзи и миян пӧль-пӧчьяс, сӧмын выль фашистъяскӧд.
Да тайӧ тышын Чужан мулӧн вӧля да асшӧрлун вӧсна найӧ сетісны меддонаторсӧ — олӧмнысӧ.
Повтӧмлунысь, смеллунысь да героизмысь налы сетӧны Россия Федерацияса вылыс тшупӧда канму наградаяс.
Меным лоӧ ыджыд шудӧн сетны тайӧ наградаяссӧ тіян, дона рӧдвуж да матыссаяс», — тӧдчӧдіс Владимир Уйба.
Церемонияӧ пырӧдчысьяс чӧв олыштӧмӧн казьтыштісны Аймунымӧс став дорйысьӧс, кодъяс пӧгибнитісны торъя военнӧй операция дырйи.
«Дона рӧдвуж да матыссаяс, миян зонъяс дыр кежлӧ колясны йӧзлӧн сьӧлӧмъясын.
Мый эськӧ эз су тіянӧс олӧманыд, кутшӧм эськӧ мытшӧдъяс эз вӧвны миян пӧгибнитӧм зонъяслӧн челядьлӧн, пыр тӧдӧй, ми кутам отсасьны тіянлы», — шуис церемония помын Коми Республикаса Юралысь.
* * *
Россия Федерацияса Президентлӧн Индӧдӧн воинскӧй долг олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь (кувсьӧм бӧрын) наградитӧма:
- старшина Александр Иванович Эрфуртӧс;
- Сергей Сергеевич Якушинӧс;
- сержант Владимир Васильевич Барсукӧс;
- сержант Никита Егорович Вавилинӧс;
- младшӧй сержант Иван Александрович Виноградовӧс;
- радӧвӧй Юрий Алексеевич Зезеговӧс;
- радӧвӧй Евгений Витальевич Мишаринӧс.
{Kodko @ Владимир Уйба нуӧдіс Том енбияслӧн академияса Попечительскӧй сӧветлысь заседание @ выльтор @ https://rkomi.ru/news/2872 @ 2023-03-23 @ }
Владимир Уйба нуӧдіс Том енбияслӧн академияса Попечительскӧй сӧветлысь заседание.
Сёрниыс муніс сы йылысь, кыдзи кутас сӧвмыны Коми Республикаын искусство, спорт да наука юкӧнын енбиа челядьӧс аддзан да налы отсалан регионса шӧринлӧн уджыс.
Кывзісны «Наука», «Спорт», «Искусство» нырвизьяс серти мероприятиеяс да профильнӧй сменаяс нуӧдӧм, «Мусир да биару школа» проект збыльмӧдӧм йылысь.
«Уджъёртъяс, казьтышта, мый «Велӧдӧм» национальнӧй проектлӧн медшӧр могъяс пиысь ӧтиыс — лӧсьӧдны лючки-бураа сӧвмысь да йӧз водзын кывкутысь кагаӧс быдтӧм вылӧ условиеяс.
Медым сійӧс пӧртны олӧмӧ, колӧ ӧтувтчыны велӧдан, культура, спорт да наука учреждениеяслы, а сідзжӧ зіля пырӧдчыны тайӧ уджас миян уджъёртъяслы — республикаса гырысь предприятиеяслы.
Ми нуӧдім ыджыд удж инфраструктура ӧнъяӧдӧм да Регионса шӧринӧс материально-техническӧя могмӧдӧм серти.
Лӧсьӧдім челядьнымӧс сӧвмӧдӧм вылӧ зэв бур да вылыс технологияа выль оборудованиеӧн могмӧдӧм гӧгӧртас.
Аттьӧ ставыслы, коді зіля пырӧдчӧ Том енбияслӧн академияса олӧмӧ да отсалӧ сійӧс сӧвмӧдны», — шыӧдчис заседаниеын участвуйтысьяс дорӧ Коми Республикаса Юралысь Владимир Уйба.
Коми Республикаса Веськӧдлан котыр 2017 восянь Россияса Президент Владимир Владимирович Путинлысь тшӧктӧмсӧ збыльмӧдӧм могысь зіля уджалӧ Регионса шӧрин сӧвмӧдӧм вылын, кодӧс лӧсьӧдісны Сочиын «Сириус» велӧдан шӧринлӧн модель серти.
Шӧринсӧ котыртісны, медым аддзыны республикаын олысь енбиа челядьӧс да отсавны налы велӧдан уджтасъяс пыр, артмӧдны уджсикасӧ туйдан быдӧнлы торъя маршрут, сӧвмӧдны олимпиадаяс серти удж.
Енбиа челядьлы отсалан уджсӧ Регионса шӧрин нуӧдӧ 3 нырвизьын: «Наука», «Искусство», «Спорт».
На подув вылын Шӧринса экспертнӧй сӧвет вынсьӧдіс профильнӧй сменаяс серти 100-ысь унджык уджтас.
2021 восянь Регионса шӧрин лоис Коми Республикаын Ставроссияса школьникъяслӧн олимпиадаса операторӧн.
Ӧтувъя удж отсӧгӧн Ставроссияса школьникъяслысь олимпиадасӧ мӧд во нин нуӧдӧны став 24 предмет серти, на лыдын китайскӧй, испанскӧй, итальянскӧй кывъяс кузя.
Колян велӧдчан воын Ставроссияса школьникъяслӧн олимпиадалӧн бӧръя этапын Коми Республикаса школьникъяс босьтісны 8 призӧвӧй места, а регион босьтіс 17 места Россия Федерацияса субъектъяс пӧвстын, да кыпӧдчис федеральнӧй рейтингын 15 позиция вылӧ.
2020 восянь Коми Республикаса Юралысь Владимир Уйбалӧн водзмӧстчӧм серти олимпиадаын вермысьяслы да призёръяслы сетӧны сьӧмӧн ошкӧм: 50 сюрс шайт медводдза места босьтӧмысь, 30 сюрс шайт — призёръяслы.
2021–2022 воясын тырвыйӧ нуӧдӧма Регионса шӧринлӧн уджалан план серти став мероприятиесӧ:
- збыльмӧдӧма 2600 челядьлы быдсикас нырвизя 117 профильнӧй смена;
- збыльмӧдӧма 400 велӧдчысьлы ӧтув сӧвмӧдан 30 содтӧд уджтас;
- 13 сюрсысь унджык мортлы нуӧдӧма 134 регионса мероприятие, медым аддзыны челядьлысь да том йӧзлысь кужанлунъяссӧ да ышӧдны найӧс выль позянлунъяс вылӧ;
- республикаса 1617 енбиа кагаӧс пыртӧма Ыджыд кужанлунъяса йӧз йылысь канму юӧртан ресурсӧ;
- 3500 морт пырӧ енбиа челядьлӧн республиканскӧй реестрӧ.
2023–2024 вояс вылӧ тӧдчана мог — содтыны профильнӧй сменаясӧ пырысь челядьлысь лыдсӧ.
Торйӧн нин кутасны уджавны сэтшӧм ногӧн, медым отсавны Енбиа том йӧзлысь академия помалысьяслы йитчыны республикаса удж сетысьяскӧд, наставничествокӧд йитчӧм ногъясӧн вӧдитчӧмӧн, профильнӧй сменаясӧ пырӧдчӧмӧн, торйӧн сӧвмӧдан нырвизьяс збыльмӧдӧмӧн.
{Kodko @ Владимир Уйба да Роман Троценко сёрнитчисны Воркута да Коми Республика сӧвмӧдӧмын ёртасьӧм йылысь @ выльтор @ https://rkomi.ru/news/2873 @ 2023-03-23 @ }
Владимир Уйба да Роман Троценко сёрнитчисны Воркута да Коми Республика сӧвмӧдӧмын ёртасьӧм йылысь.
Регионса Юралысь Владимир Уйба нуӧдіс Аеон инфраструктурнӧй корпорацияӧн юрнуӧдысь Роман Троценкокӧд да «Воркутауголь» акционер котырса медыджыд директор Максим Пановкӧд удж серти сӧвещание.
Аддзысьлігӧн видлалісны регионса Веськӧдлан котыркӧд ӧтув уджалӧм, социальнӧя уджъёртасьӧм да из шом перъян предприятиелысь производство уджтас збыльмӧдӧм йылысь юалӧмъяс.
Сӧвещаниеын сідзжӧ участвуйтісны Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева, Коми Республикаса Веськӧдлан котырӧн Юрнуӧдысьӧс вежысь — Коми Республикаса экономика сӧвмӧдан да промышленносьт министр Евгений Пономаренко, Воркутаса мэр Ярослав Шапошников, СЗФО-ын му пытшкӧсӧн вӧдитчӧм серти департаментса (Севзапнедра) начальникӧс вежысь — Коми Республикаын юкӧнса начальник Михаил Тарбаев, Коми Республикаса ӧтйӧза палатаӧн веськӧдлысьӧс вежысь Юрий Лисин.
«Воркута меным — тайӧ Войкытшсайын стрӧитлӧм, традицияясӧн озыр, абу кокни историяа мукӧдсьыс торъялана кар.
Сэні олӧны аслыспӧлӧс йӧз.
Тайӧ Россиялӧн Арктикаса форпост, мый сулалӧ из шомлӧн да мукӧд мупытшса озырлунъяслӧн куйлӧдъяс вылын.
Сӧмын из шом видзасыс сэні 50 воысь унджык кежлӧ.
Тайӧ медся этшаыс, мый ми кӧсъям вӧчны, медым сӧвмӧдны карсӧ.
Но та могысь миянлы колӧ дасьтыны некымын плацдарм, мый сетас позянлун збыльмӧдны тайӧ дыр кад чӧжся уджтассӧ.
Медводз тайӧ матысса 20 во вылӧ Воркута сӧвмӧдӧм серти план, кутшӧмӧс колӧ дасьтыны республикаса Веськӧдлан котырлы «Воркутауголь» акционер котырысь уджъёртъяскӧд ӧтув.
Тайӧс колӧ вӧчны регыдъя кадӧ, медым таво нин вынсьӧдны сійӧс Коми Республикаса Веськӧдлан котырлӧн заседание вылын да кырымавны компаниякӧд сійӧс збыльмӧдӧм серти Артмӧдчӧм.
Та йылысь ми талун сёрнитчим Роман Викторовичкӧд [Троценко, — прим.]», — юӧртіс Коми Республикаса Юралысь Владимир Уйба.
«Воркутауголь» компания лоӧ Коми Республикаын гырысь вот мынтысьяс пиысь ӧтиӧн.
Ми гӧгӧрвоам, кутшӧм кывкутӧм куйлӧ миян вылын.
Ми ёртасям кыдз регионкӧд, сідзи и карыскӧд.
И дасьӧсь содтыны сылысь йӧрышъяссӧ», — пасйис Аеон инфраструктурнӧй корпорацияӧн юрнуӧдысь Роман Троценко.
«Воркутауголь» компания лоӧ канмуын коксующӧй из шом перйӧм серти гырысь предприятиеяс пиысь ӧтиӧн, лоӧ Россияса Арктика зона сӧвмӧдӧмын да Коми Республикалы зэв коланаӧн.
Россия Федерацияса Президент Владимир Путинлӧн 2020 во вӧльгым тӧлысь 26 лунся 645 №-а Индӧд серти могъяс пиысь ӧтиӧн, кутшӧмъясӧс пасйӧма 2035 воӧдз кадколаст вылӧ Россия Федерацияса Арктика зона сӧвмӧдан да национальнӧй безопасносьтӧн могмӧдан стратегияын, лоӧ Печораса из шом куйлӧдын минерально-сырьевӧй шӧринъяс сӧвмӧдӧм.
Медым содіс из шом перйӧмлӧн йӧрыш, колӧ выльмӧдны шахтаяссӧ да нюжӧдны налысь уджалан кадколастсӧ, а сідзжӧ стрӧитны выль из шом перъянінъяс.
Сӧвещаниеын участвуйтысьяс видлалісны «Воркутауголь» акционер котырлысь из шом перйӧм да сылысь йӧрышъяс содтӧм серти планъяс.
Коми Республикаса Юралысь Владимир Уйба аттьӧаліс «Воркутауголь» акционер котырса юрнуӧдысьясӧс Воркута да регион социальнӧя сӧвмӧдӧмӧ зіля пырӧдчӧмысь.
2022 воын Воркута социальнӧя да экономика боксянь сӧвмӧдан уджтасъяс збыльмӧдӧм вылӧ вӧлі веськӧдӧма 63,5 миллион шайт.
Сьӧмыс муніс карса колана юкӧнъяслы отсалӧм вылӧ: культура, спорт, а сідзжӧ бурмӧдӧм вылӧ.
2022 вося кӧч тӧлысь 22 лунӧ кырымалӧма Коми Республикаса Веськӧдлан котыр да компания костын ёртасьӧм йылысь артмӧдчӧм.
Документ серти урчитӧма Воркута карын юан валысь качествосӧ бурмӧдӧм серти мероприятие сьӧмӧн могмӧдӧм.
Тайӧ могъяс вылӧ «Воркутауголь» акционер котыр вичмӧдіс 100 миллион шайт.
{Kodko @ Владимир Уйба висьталіс Юрий Петрович Трутневкӧд удж серти аддзысьлӧм йылысь @ выльтор @ https://rkomi.ru/news/2874 @ 2023-03-23 @ }
Владимир Уйба висьталіс Юрий Петрович Трутневкӧд удж серти аддзысьлӧм йылысь.
Талун Москваын Коми Республикаса Юралысь Владимир Уйба удж серти аддзысьліс РФ Веськӧдлан котырса вице-премьер — Ылі Асыввыв федеральнӧй кытшын РФ Президентӧс полномочнӧй петкӧдлысь Юрий Трутневкӧд.
Паськыдджыка — видео пыр шыӧдчӧмын.
{Kodko @ Владимир Уйба висьталіс выль школьнӧй автобусъяс да передвижнӧй ФАПъяс вайӧм йылысь @ выльтор @ https://rkomi.ru/news/2876 @ 2023-03-24 @ }
Владимир Уйба висьталіс выль школьнӧй автобусъяс да передвижнӧй ФАПъяс вайӧм йылысь.
Коми Республикаӧ воис 9 выль школьнӧй автобус.
На пиысь 8 ыстасны сиктъясӧ, ӧтиӧс — Сосногорск карӧ.
Нӧшта 42 автобус ваясны во чӧжӧн.
Сідзжӧ республикаӧ вайисны 7 передвижнӧй медицина комплекс.
Найӧс мӧдӧдасны районса больничаясӧ да кутасны уджӧдны ылі да этша лыда сикт-грездъясын, кӧні абуӧсь йӧзлысь дзоньвидзалун видзан стационарнӧй учреждениеяс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Культураын уджалысьяслӧн лунӧн @ выльтор @ https://rkomi.ru/news/2875 @ 2023-03-25 @ }
Коми Республикаса Юралысь чолӧмалӧ Культураын уджалысьяслӧн лунӧн.
«Культураын да искусствоын пыдди пуктана уджалысьяс, отрасльса ветеранъяс!
Чолӧмала тіянӧс уджсикас гажӧн — Культураын уджалысьлӧн лунӧн!
Пыр водзӧ сӧвмӧ-озырмӧ миян республикаса аслыспӧлӧс культуралӧн быд юкӧн.
Сӧмын ловби отсӧгӧн оз артмы зільны творчествоын, тайӧ ыджыд удж, удж дорӧ муслун.
Быд артист, серпасасьысь, поэт, сьылысь, отрасльса специалист пыртӧ ассьыс пай миян регионлӧн аслыспӧлӧс культураӧ, козьналӧ миянлы вунӧдны позьтӧм сьӧлӧмкылӧмъяс да отсалӧ сӧвмыны духовнӧя.
Ми сетам отсӧг культураын уджалысьяслы, лӧсьӧдам условиеяс, медым быдтыны енбиа челядьӧс.
Республикаса Веськӧдлан котыр вӧчӧ ставсӧ, медым культураыс вӧлі быдӧнлы матынджык.
Регионын сӧвмӧны модельнӧй библиотекаяс, театръяс нимкодьмӧдӧны проектъясӧн да фестивальясӧн, культура керкаяс да социокультурнӧй шӧринъяс сетӧны йӧзлы позянлун восьтыны ассьыныс енбисӧ.
Сиа культураын уджалысьяслы ловби, уджын да олӧмын вермӧмъяс, яръюгыд проектъяс да бура петкӧдлыны асьныдтӧ творчествоын!»
Коми Республикаса Юралысь Владимир Уйба.
{Kodko @ Владимир Уйба висьталіс социальнӧй нырвизя абу коммерческӧй организацияяслы грантъяс йылысь @ выльтор @ https://rkomi.ru/news/2877 @ 2023-03-27 @ }
Владимир Уйба висьталіс социальнӧй нырвизя абу коммерческӧй организацияяслы грантъяс йылысь.
Косму тӧлысь 6 лунӧдз Коми Республикаын примитӧны йӧзлы тӧдчана проектъяс збыльмӧдӧм могысь грантъяс вылӧ заявкаяс.
Грантъясӧн вермасны вӧдитчыны социальнӧй нырвизя абу коммерческӧй организацияяс, кодъяс дасьӧс збыльмӧдны йӧзлысь дзоньвидзалун видзан, вынйӧр сӧвмӧдан да спорт, социальнӧя отсалан, наука, велӧдан, семьяяслы отсалан юкӧнъясын да мукӧд тӧдчана нырвизь серти проектъяс.
Конкурс вылӧ вичмӧдӧма 51 миллион шайт.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Коми Республикаын дзоньвидзалун бурмӧдан кампания кежлӧ дасьтысьӧм йылысь @ выльтор @ https://rkomi.ru/news/2878 @ 2023-03-28 @ }
Владимир Уйба висьталіс Коми Республикаын дзоньвидзалун бурмӧдан кампания кежлӧ дасьтысьӧм йылысь.
Сійӧ заводитчас лӧддза-номъя тӧлысь 1 лунсянь.
Тӧдчана нырвизьӧн лоӧ челядьлысь шойччӧмсӧ котыртӧм.
Та могысь регионын урчитӧма отсӧг сетан мераяс.
Сідзжӧ торйӧн нин таво кутасны уджавны торъя военнӧй операцияын участвуйтысьясӧс реабилитируйтӧм да налысь дзоньвидзалун бурмӧдӧм серти.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаысь СВО-ын участвуйтысьяслӧн челядь мынтысьтӧг шойччасны челядьлы лагеръясын @ выльтор @ https://rkomi.ru/news/2879 @ 2023-03-29 @ }
Коми Республикаысь СВО-ын участвуйтысьяслӧн челядь мынтысьтӧг шойччасны челядьлы лагеръясын.
Коми Республикаса Юралысь бердын Стратегическӧя веськӧдлӧм серти координационнӧй сӧветлӧн заседание вылын сёрнитісны 2023 вося дзоньвидзалун бурмӧдан компания кежлӧ дасьтысьӧм йылысь.
«Тайӧ воыс торъялӧ сыӧн, мый таво реабилитируйтӧны да бурдӧдӧны торъя военнӧй операцияын участвуйтысьясӧс, а сідзжӧ котыртӧны гожся шойччӧмсӧ СВО-ын участвуйтысьяслӧн челядьлысь.
Таво тайӧ категорияа челядьлы ми лӧсьӧдім дон босьттӧг путёвкаяс, мынтам и челядьлы лагерӧдз да бӧр туйсӧ.
Чайта, мый тайӧ колана мера», — пасйис Владимир Уйба.
Таво СВО-ын участвуйтысьяслӧн челядьлы вичмӧдӧма 700 путёвка, наысь мынтысьны оз ков.
Спецоперацияын участвуйтысьясӧс да пӧгибнитӧм воинъяслӧн семьяясӧ пырысьясӧс реабилитируйтӧны «Максаковка» социальнӧя реабилитируйтан республиканскӧй шӧринын.
Челядьлысь дзоньвидзалун бурмӧдан кампаниялӧн 2023 во вылӧ ӧтувъя сьӧмкудйыс — 268 миллионысь унджык шайт, кызвын сьӧмсӧ вичмӧдасны республиканскӧй сьӧмкудйысь.
Владимир Уйбалӧн тшӧктӧм серти, республикаса Веськӧдлан котыр уджалӧ сы серти, медым урчитӧм сьӧм дорӧ содтыны нӧшта 140 миллион шайт.
Гожся шойччан кампания заводитчӧ лӧддза-номъя тӧлысь 1 лунсянь.
Регионса Веськӧдлан котыр пыр паськӧдӧ челядьлӧн шойччӧм да налысь дзоньвидзалун бурмӧдӧм вылӧ веськӧдӧм отсалан мераяссӧ.
2022 восянь дон босьттӧг путёвкаяс заводитісны сетны вермытӧм челядьлы, кодъясӧс колӧ видзны, да налӧн бать-мамлы.
2023 воӧ тайӧ уджыс мунас водзӧ.
Кыдзи и пыр, кутасны отсавны бать-мамтӧм челядьлы, беженечьяслӧн челядьлы, пикӧ воӧм челядьлы.
Уна челядя семьяясысь ныв-зонлы путёвкаысь 80 прӧчентсӧ мынтасны регионса сьӧмкудйысь.
Коми Республикаса Веськӧдлан котыр уджалӧ сы серти, медым тырвыйӧ мынтісны семьяясысь, кӧні быдмӧ 7 да унджык челядь, ныв-зонлысь шойччӧмсӧ да дзоньвидзалун бурмӧдӧмсӧ.
Ӧні пыртӧны лӧсялана вежсьӧмъяс нормативнӧй документъясӧ.
Коми Республикаса олысьясӧс социальнӧя могмӧдан учреждениеясын гожӧмнас котыртасны социальнӧя сьӧкыд оласнога семьяясысь, «риск группаӧ» пырысь семьяясысь, босьтӧм челядя семьяясысь 6–18 арӧса челядьлы, а сідзжӧ профилактика учёт вылӧ босьтӧм челядьлы лунся группаяс.
Федеральнӧй сьӧмкуд сьӧм вылӧ котыртӧма Арктика зонаын олысь челядьлысь шойччӧмсӧ.
Та вылӧ федеральнӧй сьӧмкудйысь регионӧ веськӧдӧма 29 млн сайӧ шайт.
Таво Коми Республикаын восьтасны челядьлы 455 лагер (лунся 307 лагер, 143 уджалан да шойччан лагер, 5 стационарнӧй, сы лыдын 1 палаточнӧй лагер).
Сэтчӧ вермас волыны 55 сюрс морт, республикаса школьникъяс лыдысь джынйыс, на лыдысь 30 прӧчентысь абу этшаджык — челядь, кодъяслы колӧ канмусянь торъя отсӧг.
5 сюрс челядь вермасны шойччыны республикаса стационарнӧй лагеръясын.
Саридз дорын 3 лагерын шойччӧм вылӧ урчитӧма 3,5 сюрс путёвка.
Челядьӧс шойччанінӧдз да бӧр кутасны новлӧдлыны торъя подвижнӧй составъясӧн.
2022 воӧ республикалӧн эмбурӧ вуджӧдісны Анапаын «Черноморская зорька» челядьлысь дзоньвидзалун бурмӧдан лагер, та вӧсна саридз дорӧ льготнӧй путёвкаыс вичмас нӧшта на унджык челядьлы.
2023 воӧ «Черноморская зорькаын» лоас 6 смена — лӧддза-номъя тӧлыссянь йирым тӧлысьӧдз, лагерӧ вермас ветлыны 2 800 ныв-зон.
Владимир Уйбалӧн тшӧктӧм серти, «Черноморская зорька» сьӧрсьӧн-бӧрсьӧн вуджас вогӧгӧрся удж вылӧ.
Кӧсйӧны стрӧитны выль корпусъяс, спорт объектъяс, прӧст кад коллялан инфраструктура, коммунальнӧй инфраструктура объектъяс.
Тайӧ могъяс вылӧ сьӧмсӧ заводитісны вичмӧдны колян во нин.
Тавося мӧд кварталын содтӧд вичмӧдасны нӧшта 40 миллионысь унджык шайт.
Косму тӧлыссянь кутас уджавны челядьӧс шойччӧдан да налысь дзоньвидзалун бурмӧдан юалӧмъяс серти «Веськыд йитӧд».
Заявкаяссӧ позяс сетны ода-кора тӧлысь 5 лунсянь «Электронное образование» платформа подув вылын, кыдзи и пыр.
{Kodko @ Владимир Уйба тшӧктіс Коми Республикаса Веськӧдлан котырлы могмӧдны регионса став санаторийсӧ кыдз позьӧ унджык йӧзӧн @ выльтор @ https://rkomi.ru/news/2880 @ 2023-03-29 @ }
Владимир Уйба тшӧктіс Коми Республикаса Веськӧдлан котырлы могмӧдны регионса став санаторийсӧ кыдз позьӧ унджык йӧзӧн.
Стратегическӧй веськӧдлӧм серти Коми Республикаса Юралысь бердын Координационнӧй сӧветлӧн заседание дырйи сёрниыс муніс льготнӧй путёвкаяслӧн судзсянлун йылысь.
Быд во Айму вӧсна Ыджыд тышса ветеранъяслысь, олӧма йӧзлысь, боевӧй тышъясса ветеранъяслысь да боевӧй тышъясын пӧгибнитӧмаяслӧн либӧ кувсьӧм ветеранъяслӧн семьяясӧ пырысьяслысь дзоньвидзалунсӧ бурмӧдӧны Киров обласьтса «Колос» санаторийын.
2023 воын «Колос» санаторийын кӧсйӧны дзоньтавны инженернӧй коммуникацияяс, олан вежӧсъяс, ньӧбны мебель да бытӧвӧй техника.
Сідзжӧ ветеранъяслысь шойччӧмсӧ да дзоньвидзалун бурмӧдӧмсӧ котыртӧма Сыктывкар улын «Максаковка» социальнӧя реабилитируйтан республиканскӧй шӧринын да Крымын «Северное сияние» санаторийын.
Владимир Уйбалӧн тшӧктӧм серти, колян восянь крымса санаторий пондіс примитны шойччысьясӧс во чӧж, сідзжӧ и «Мам да кага» путёвкаяс серти.
А Максаковкаын дзоньвидзалун бурмӧдан шӧринсӧ таво перепрофилируйтісны реабилитируйтан шӧринӧ, кӧні тӧдчана ин босьтас торъя операцияын участвуйтысьяслысь да СВО-ын пӧгибнитӧм военнослужащӧйяслӧн семьяясӧ пырысьяслысь дзоньвидзалунсӧ бурмӧдӧм.
Налы кутасны сетны социальнӧй, медицина, психология боксянь отсӧг, дасьтӧма вынйӧр сӧвмӧдан да дзоньвидзалун бурмӧдан, культура да прӧст кад коллялан уджтас.
Таысь кындзи, во чӧж республикаын уджалӧ челядьлы 2 соматическӧй санаторий — Сыктывдін районын «Лӧзым» КР КАУ да Сосногорск районын «Кедр» челядьлы санаторий» КР КСЗУ, а сідзжӧ 18 арӧсысь ыджыдджык гражданалы санаторий — Княжпогост районын «Серегов» санаторий» КР КАУ.
«Колӧ тӧдчӧны Коми Республикаса Веськӧдлан котырлы, мый республикаса олысьяслысь — и верстьӧлысь, и челядьлысь — дзоньвидзалунсӧ колӧ бурмӧдны во чӧж да кыскыны сэтчӧ кыдз позьӧ унджык йӧзӧс.
Сёрниыс мунӧ оз сӧмын саридз дорын шойччӧм йылысь.
Та серти колӧ уджӧдны став республиканскӧй санаторийсӧ, кутшӧмъяс эмӧсь и республикаын, и сы сайын.
Тӧда, мый тайӧ могсӧ ми збыльмӧдам, дзоньвидзалун бурмӧдан кампаниясӧ котыртам колана тшупӧдын», — сигӧртіс заседаниесӧ Владимир Уйба.
{Kodko @ Владимир Уйба висьталіс Коми Республикаса ичӧт олан пунктъясӧ Ӧтуввез нюжӧдӧм йылысь @ выльтор @ https://rkomi.ru/news/2881 @ 2023-03-29 @ }
Владимир Уйба висьталіс Коми Республикаса ичӧт олан пунктъясӧ Ӧтуввез нюжӧдӧм йылысь.
Сиктъясӧ да посёлокъясӧ, кӧні олӧ 100–500 морт, «Цифрӧвӧй торъялӧм бырӧдӧм» уджтас серти нюжӧдӧны Ӧтуввез да мобильнӧй связь.
Рака тӧлысьӧ сувтӧдісны 4G станцияяс Инта, Чилимдін, Кулӧмдін, Емдін, Удора, Мылдін, Луздор районъясса, Ухтаса да Усинскса олан пунктъясын, кутшӧмъяс вӧсна йӧзыс медъёна гӧлӧсуйтісны 2021 воӧ.
Таво мобильнӧй связьсӧ да Ӧтуввезсӧ нюжӧдасны регионса нӧшта 13 олан пунктӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба примитіс йӧзӧс ас сёрниӧн @ выльтор @ https://rkomi.ru/news/2882 @ 2023-03-30 @ }
Владимир Уйба примитіс йӧзӧс ас сёрниӧн.
Регионса олысьяс шыӧдчисны Коми Республикаса Юралысь дорӧ челядьлы искусство школа могмӧдӧм, йӧзлы колана объектъяс дзоньталӧм да кыпӧдӧм, мутасъяс бурмӧдӧм-мичмӧдӧм серти юалӧмъясӧн.
Интаысь педагог корис отсавны ньӧбны карын Челядьлы искусство школалӧн шылада отделениеӧ рояль. Рака тӧлысьӧ школа артмӧдӧмсянь тырис 65 во.
Школа нуӧдӧ уна концерт да конкурс, а концертнӧй рояльыс ёна нин важмӧма.
Интаса администрацияӧн юрнуӧдысь Владимир Киселёвлӧн кывъяс серти, муниципалитет прӧйдитіс республиканскӧй сьӧмкудйысь субсидия босьтӧм вылӧ конкурс, та вӧсна рояль ньӧбӧм вылӧ сьӧмсӧ вичмӧдӧма.
Шылада инструментсӧ ваясны Интаӧ локтан велӧдчан во заводитчигкежлӧ.
Печораын олысь ань корис отсавны дзоньтавны Лугӧвӧй посёлокын библиотекаӧ пыранінсӧ.
Кыдзи гӧгӧрвоӧдіс администрацияӧн юрнуӧдысь Валерий Серов, таво муниципалитет кӧсйӧ вичмӧдны меставывса сьӧмкудйысь колана сьӧмсӧ — 250 сюрс гӧгӧр шайт.
Кык юалӧм вӧлі йитчӧма спорт объектъяскӧд.
Удора районын олысь шыӧдчис Благоевса спорт комплекс дзоньталӧм йылысь корӧмӧн, а Ухтаын олысь ань корис сувтӧдны школалӧн стадион вылӧ спорт площадка.
Кыкнан юалӧмсӧ збыльмӧдасны 2023 вося кӧч тӧлысь кежлӧ.
Благоевысь спорт комплекссӧ дзоньталасны «Войтырлӧн сьӧмкуд» серти, а Ухтаын спорт площадка сувтӧдӧм вылӧ сьӧмсӧ босьтасны «Бизнес-спринт (Я выбираю спорт)» федеральнӧй проект серти.
Луздор районын олысь мужичӧй да Сыктывкарын олысь ань шыӧдчисны мутасъяс бурмӧдӧм-мичмӧдӧм серти юалӧмъясӧн.
Медводдза корӧмыс — вӧчны Абъячой сиктын администрация да поликлиника костын автостоянка.
Мӧдыс — лӧсьӧдны норматив серти Эжва районса Бумажник шӧртуй дорысь подӧн ветлан зона.
Кыдзи пасйисны муниципалитетъясӧн юрнуӧдысьяс, кыкнан мутассӧ бурмӧдасны таво нин «Карын бур оласног лӧсьӧдӧм» федеральнӧй проект отсӧгӧн.
Владимир Уйба кутас ачыс видзӧдны став юалӧм бӧрся.
Муниципалитетъясӧн юрнуӧдысьяслы ковмас висьтасьны Коми Республикаса Юралысьлы урчитӧм кадколастӧ уджъяссӧ помалӧм йылысь.
{Kodko @ Владимир Уйба висьталіс Коми Республикаын физкультура да спорт сӧвмӧдӧм вылӧ федеральнӧй отсӧг кыскӧм йылысь @ выльтор @ https://rkomi.ru/news/2883 @ 2023-03-30 @ }
Владимир Уйба висьталіс Коми Республикаын физкультура да спорт сӧвмӧдӧм вылӧ федеральнӧй отсӧг кыскӧм йылысь.
2023 воӧ тайӧ могъяс вылӧ федеральнӧй сьӧмкудйысь вичмӧдӧма 141 млн шайт.
Сьӧмсӧ веськӧдӧма Кӧрткерӧс районын модульнӧй спорт зал могмӧдӧм, спорт объектъяс кыпӧдӧм, спорт оборудование да инвентар ньӧбӧм вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Светлана Алябьеваӧс мездӧма Коми Республикаса цифра отсӧгӧн сӧвмӧдан, йитӧд да юӧр сетан министр чинысь @ выльтор @ https://rkomi.ru/news/2884 @ 2023-03-31 @ }
Светлана Алябьеваӧс мездӧма Коми Республикаса цифра отсӧгӧн сӧвмӧдан, йитӧд да юӧр сетан министр чинысь.
Та йылысь тшӧктӧмсӧ кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во рака тӧлысь 29 лунся 96-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын мездыны Светлана Григорьевна Алябьеваӧс Коми Республикаса цифра отсӧгӧн сӧвмӧдан, йитӧд да юӧр сетан министр чинысь 2023 вося рака тӧлысь 31 лунӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Коми Республикаса Юралысь чолӧмалӧ Геолог лунӧн @ выльтор @ https://rkomi.ru/news/2885 @ 2023-04-02 @ }
Коми Республикаса Юралысь чолӧмалӧ Геолог лунӧн.
«Мупытшса озырлун корсян-туялан юкӧнын пыдди пуктана уджалысьяс да отрасльса ветеранъяс!
Чолӧмала тіянӧс уджсикас гажӧн — Геолог лунӧн!
Ті восьтанныд мупытшса да вӧр-ва озырлунлысь гусяторъяссӧ.
Тіян ёсь синныд да аналитическӧй вежӧрныд вермӧны аддзыны мисьтӧм изйын зэв дона минерал, некымынысь видлалӧм бӧрын вӧчны кывкӧртӧдъяс мупытшса озырлун йылысь.
Геологъяслӧн удж вӧсна Коми Республиканымӧс позьӧ шуны паныдасьлытӧм минерально-сырьевӧй базаа регионӧн.
Мусир да биару, из шом да зарни, баритъяс да кварц, бокситӧвӧй да титанӧвӧй рудаяс — республикаын туялӧм куйлӧдъясыс лоӧны тӧдчанаӧн абу сӧмын миян республикалӧн экономикалы, но и Россиялы дзоньнас.
Дона ёртъяс!
Ыджыд аттьӧ тіянлы уджныдтӧ радейтӧмысь да бура тӧдӧмысь, могъясныдтӧ бура олӧмӧ пӧртӧмысь, сьӧлӧмсянь зільӧмысь.
Торйӧн аттьӧала ветеранъясӧс, ставныссӧ, коді сӧвмӧдіс отрасльсӧ, коді лӧсьӧдіс да водзӧ и водзӧ нуӧдӧ выль туй писькӧдысьяслысь традицияяссӧ да ловрусӧ.
Сиа ставныдлы тыр-бур олӧм да ыджыд шуд, крепыд дзоньвидзалун да выль вермӧмъяс!»
Коми Республикаса Юралысь Владимир Уйба.
{Kodko @ Национальнӧй проектъяс: Коми Республикаын восьтісны 600 места вылӧ выль школа @ выльтор @ https://rkomi.ru/news/2886 @ 2023-04-03 @ }
Национальнӧй проектъяс: Коми Республикаын восьтісны 600 места вылӧ выль школа.
Луздор районса Абъячой сиктын ӧнія велӧдан комплексыс воссис талун, косму тӧлысь 3 лунӧ.
Объектсӧ кыпӧдісны «Велӧдӧм» национальнӧй проект отсӧгӧн.
Муниципалитетса олысьясӧс таӧн чолӧмаліс Коми Республикаса Юралысь Владимир Уйба.
«Талун миян водзын шензьӧдана кад, кор ми нуӧдам вежа тыш миян аскиа лун вӧсна да кыпӧдам школаяс да челядьлы садъяс, кыпӧдам больничаяс, да воддза серти унджык на.
Ми козьналам челядьлы, педагогъяслы да бать-мамлы аскиа лун вылӧ видзӧдысь объектъяс.
Выль школаысь, детсадйысь, йӧзлы колана инфраструктура объектъясысь кыпыдджыкыс нинӧм абу.
Тайӧ челядьлӧн аскиа лунӧ верстьӧясӧн пуктӧм пай.
Та понда ми и олам.
Тайӧ Коми Республикаса Веськӧдлан котырлӧн да менам медшӧр мог», — пасйис Владимир Уйба.
Коми Республикаса Юралысь торйӧн шыӧдчис Абъячойса велӧдысьяс дорӧ да корис найӧс велӧдны челядьӧс радейтны чужаніннысӧ, медым велӧдчӧм бӧрын том йӧз бӧр локтісны чужан сиктӧ да сӧвмӧдісны сійӧс.
Сідзжӧ сійӧ пасйис, мый Коми Республикаса Веськӧдлан котыр водзӧ кутас инвестируйтны сиктъясӧ, лӧсьӧдны выль уджалан местаяс да бур олан условиеяс.
«Ӧнія сьӧкыд кадӧ зэв тӧдчана, мый ми восьтам пыр унджык выль школа, — пасйис Россия Федерацияса велӧдан министрӧс вежысь Андрей Николаев. — Ме кӧсйи торйӧн пасйыны, мыйта вын да сьӧм пуктӧ регион, медым лӧсьӧдны велӧдчанінъяс, да тӧдчӧдны, мый тайӧ зэв бур, кор республикаса Юралысь тадзи уджалӧ выль школаяс да детсадъяс кыпӧдӧм вылын.
Страналы тайӧ зэв тӧдчана мог — бурмӧдны миян челядьлы велӧдчан условиеяс.
Тайӧ школасӧ восьтӧмыс тшӧтш петкӧдлӧ, мый ми вӧчам, медым пӧртны олӧмӧ Россия Федерацияса Президентлысь тшӧктӧмъяссӧ. На серти 2019–2024 воясӧ странаын колӧ восьтыны этша вылӧ 1300 школа.
Ме став сьӧлӧмсянь чолӧмала велӧдчысьясӧс, бать-мамъясӧс, велӧдысьясӧс, татчӧс власьтӧс, республикаса власьтъясӧс тайӧ кыпыд лоӧмторйӧн.
Сиа тіянлы уджын да велӧдчӧмын вермӧмъяс».
Абъячой сиктын школасӧ кыпӧдӧма олан керкаяс пӧвстын выль кварталын.
Стрӧитісны проект серти, кутшӧмӧн вӧдитчисны Сыктывкарса Краснозатонскӧй посёлокын 600 места вылӧ школа кыпӧдігӧн.
Выль зданиеын лӧсьӧдӧма выль оборудование да мебель, компьютеръяс, мультимедийнӧй да интерактивнӧй техника, лыддьысян зала да медиатекаа библиотека.
Эмӧсь челядьлысь водзмӧстчӧмъяссӧ сӧвмӧдан да психологическӧя шойччан вежӧсъяс.
Зданиеын паськыд коридоръяс да тренируйтчан залъяс, школа дорын эм стадион, уна мога спорт площадкаяс да котраланінъяс.
Кыдзи пасйис Коми Республикаса Юралысь, гожӧмнас колӧ помӧдз бурмӧдны-мичмӧдны школа йӧрсӧ, лӧсьӧдны школа дорӧ туй.
Сійӧ лоас изъя, чорыд веркӧса.
Абъячой сиктын выль школа уджӧ пыртӧм бӧрын артмис бырӧдны мӧд смена.
Куим судтаа выль школаӧ кутасны ветлӧдлыны 5–11 классъясын велӧдчысьяс.
Ичӧт класса велӧдчысьяс кутасны ветлӧдлыны школалӧн важ зданиеӧ.
Коми Республикаын план серти стрӧитӧны выль велӧдан учреждениеяс.
2022 вося кӧч тӧлысь 1 лунӧ Кулӧмдін районса Помӧсдін сиктын воссис 400 места вылӧ выль школа.
Таво ӧдзӧсъяссӧ восьтасны Изьвавом грездын 90 велӧдчысьлы да 40 дошкольниклы школа-сад да Сыктывкарса Кӧджпом-Читын 270 места вылӧ детсад.
Заводитӧма стрӧитны Сыктывкарса Эжва районын 825 места вылӧ школа да Изьва сиктын 600 места вылӧ школа.
2023 воӧ республикаын босьтчасны стрӧитны Сыктывдін районса Выльгорт сиктын 750 места вылӧ ӧтувъя велӧдчан комплекс, Сыктывкарын 825 места вылӧ школа, Изьва районса Бакур грездын 99 места вылӧ детсад, Печора районса Озёрнӧй посёлокын 25 места вылӧ детсад.
{Kodko @ Владимир Уйба висьталіс Луздор районын выль школа йылысь @ выльтор @ https://rkomi.ru/news/2887 @ 2023-04-03 @ }
Владимир Уйба висьталіс Луздор районын выль школа йылысь.
Абъячой сиктын талун гаж — восьтіс ӧдзӧсъяссӧ 600 места вылӧ выль школа, кодӧс стрӧитісны «Велӧдӧм» национальнӧй проект отсӧгӧн.
Юрсиктын ӧні велӧдчан местаыс тырмымӧн, бырӧдісны и мӧд сменасӧ.
Паськыдджыка — Коми Республикаса Юралысьлӧн видео пыр шыӧдчӧмын.
Школаын сувтӧдісны выль оборудование, мебель, компьютеръяс, мультимедийнӧй да интерактивнӧй техника.
Эм лыддьысян зала библиотека да психологическӧя шойччан вежӧс, а сідзжӧ спортивнӧй да тренажёрнӧй залъяс, стадион, уна мога спорт площадкаяс да котраланінъяс.
{Kodko @ Владимир Уйба висьталіс Коми Республикаса йӧзлысь дзоньвидзалун видзан юкӧнӧ федеральнӧй сьӧм кыскӧм йылысь @ выльтор @ https://rkomi.ru/news/2888 @ 2023-04-04 @ }
Владимир Уйба висьталіс Коми Республикаса йӧзлысь дзоньвидзалун видзан юкӧнӧ федеральнӧй сьӧм кыскӧм йылысь.
2023 воӧ йӧзлысь дзоньвидзалун видзан юкӧн сӧвмӧдӧм вылӧ федеральнӧй сьӧмкудйысь регионлы вичмӧдасны 2,3 млрд шайт.
Матӧ джын сьӧмсӧ веськӧдасны йӧзлысь дзоньвидзалун видзан юкӧнын первичнӧй звено выльмӧдӧм вылӧ, коляссӧ — медицина учреждениеяс стрӧитӧм да дзоньталӧм, торъя транспорт да вылыс технологияа оборудование ньӧбӧм вылӧ, а сідзжӧ льготнӧй лекарство вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс сиктъяс да ичӧт каръяс комплекснӧя сӧвмӧдӧм йылысь @ выльтор @ https://rkomi.ru/news/2889 @ 2023-04-05 @ }
Владимир Уйба висьталіс сиктъяс да ичӧт каръяс комплекснӧя сӧвмӧдӧм йылысь.
2023 воӧ тайӧ могъяс вылӧ веськӧдасны 421 миллион сайӧ шайт, та лыдысь джынйыс — федеральнӧй сьӧмкудйысь.
Тайӧ сьӧмсӧ видзасны Кулӧмдін районын оланінъяс стрӧитӧм могысь инженернӧй инфраструктура лӧсьӧдӧм, 10 сикт-грезд бурмӧдӧм-мичмӧдӧм, сикт агломерацияяс сӧвмӧдӧм вылӧ.
Таысь кындзи, сиктъясысь 24 семья босьтас олан условиеяс бурмӧдӧм вылӧ социальнӧй мынтӧмъяс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Россияса Том йӧзлӧн Союз зіля пырӧдчӧ Коми Республикаын том йӧзлы сиӧм во котыртӧмӧ да нуӧдӧмӧ @ выльтор @ https://rkomi.ru/news/2890 @ 2023-04-06 @ }
Россияса Том йӧзлӧн Союз зіля пырӧдчӧ Коми Республикаын том йӧзлы сиӧм во котыртӧмӧ да нуӧдӧмӧ.
Косму тӧлысь 5 лунӧ Коми Республикаса Юралысь Владимир Уйба да Россияса Том йӧзлӧн Союзӧн веськӧдлысь Павел Красноруцкий кырымалісны ӧтув уджалӧм йылысь артмӧдчӧм.
«Зэв тӧдчана, мый ми кырымалам тайӧ артмӧдчӧмсӧ Том йӧзлы сиӧм воӧ, — пасйис Владимир Уйба. — Коми Республикаын олӧ водзмӧстчысь да зіль том йӧз.
Колӧ найӧс быдтыны-велӧдны, медым миян бӧрын колисны кывкутысь да чужан му радейтысь йӧз.
Колӧ, медым найӧ вермисны аддзыны асьнысӧ чужан республикаын.
Тайӧ могсӧ ми вермам олӧмӧ пӧртны сӧмын власьтлӧн да йӧзлӧн ӧтувъя уджӧн.
Коми Республика да Россияса Том йӧзлӧн Союз уна во нин уджалӧны ӧтув.
Эска, мый том йӧзлы сетӧм отсӧгыс сетас бур бӧртасъяс: ми быдтам том йӧзӧс, кодъяс вермасны сӧвмӧдны республиканымӧс да вӧчны сылы нӧшта на унджык буртор».
«Ме аттьӧала Тіянӧс, Владимир Викторович, сыысь, мый Ті шуинныд 2023 восӧ Коми Республикаын Том йӧзлы сиӧм воӧн.
Ми, кыдзи том йӧзлӧн медыджыд организация, дасьӧсь отсавны тіянлы тайӧ восӧ котыртігӧн да нуӧдігӧн.
Тайӧ миянлы тшӧтш зэв тӧдчана.
Россияса Том йӧз Союзлӧн регионса организация бӧръя воясӧ петкӧдлӧ бур бӧртасъяс да зэв бур удж.
Олӧмӧ пӧртысь власьт органъяскӧд ӧтувъя уджтӧг тайӧ эськӧ эз артмы.
Колян во Ті шуинныд лӧсьӧдны том йӧзкӧд уджалӧм серти торъя орган. Тайӧ тшӧтш петкӧдлӧ сійӧс, мый ті збыль кӧсъянныд уджавны том йӧзкӧд», — шуис Павел Красноруцкий.
Кырымалӧм артмӧдчӧм серти сёрнитчысьяс водзӧ кутасны збыльмӧдны могъяссӧ, кутшӧмъясӧс Россияса Президент Владимир Путин пуктіс Каналан Сӧветлӧн ӧнія кадӧ том йӧз политика збыльмӧдӧмлы сиӧм заседание бӧрын.
Тайӧ творчестволы отсалӧм, том йӧзӧс водзмӧстчыны ышӧдӧм, кадръяс да интеллектуальнӧй вынъяс сӧвмӧдӧм.
Ӧтув бура уджалӧмсӧ пасйӧм могысь Владимир Уйба сетіс Павел Красноруцкийлы Коми Республикаса Юралыссянь Аттьӧалана письмӧ.
А Павел Красноруцкий сетіс Владимир Уйбалы «Россияса Том йӧз Союзлӧн уджлы отсалӧмысь» пас, а сідзжӧ Россияса Том йӧз Союзлӧн Коми региональнӧй юкӧнса зільысьяслы наградаяс.
Сідзжӧ аддзысьлігӧн вӧчисны Россияса Том йӧз Союзлӧн Коми региональнӧй юкӧнлӧн 2022 вося удж серти кывкӧртӧдъяс да индісны 2023 во вылӧ планъяс.
Регионса юкӧнӧн веськӧдлысь Илахе Керимова аттьӧаліс Владимир Уйбаӧс Коми Республикаса став том йӧз нимсянь том йӧз политика збыльмӧдӧмын отсӧгысь.
2023 воӧ, Коми Республикаын Том йӧзлы сиӧм воӧ, Коми Республикаын кӧсйӧны нуӧдны Россияса Том йӧзлӧн Союзкӧд ӧтувъя мероприятиеяс — «Российская студенческая весна» фестиваль, «Мы — граждане России!» ставроссияса акция, «Студент года — 2023» россияса национальнӧй премиялысь да «Ученик года» шӧр школаясын велӧдчысьяс пӧвстын ставроссияса конкурслысь региональнӧй тшупӧдъяс, «Перспектива» Коми Республикаса уджсикасӧ велӧдан организацияясысь водзмӧстчысь студентъяслӧн республиканскӧй слёт, «Универвидение» студентъяслӧн национальнӧй шылада проект, а сідзжӧ збыльмӧдны «Пространство развития» проект да видзӧдны 9 да 11 классъясын кывкӧрталан аттестацияяс нуӧдӧм бӧрся.
* * *
Россияса Том йӧзлӧн Союз — том йӧзлӧн медыджыд абу канму, абу политическӧй да абу коммерческӧй ӧтувъясысь ӧти.
Сійӧ збыльмӧдӧ том йӧзлы 20 гӧгӧр ставроссияса да 200 сайӧ дінмукостса уджтас да проект — тайӧ велӧдан, сӧвмӧдан, дінмукостса уджтасъяс, уджсикас аддзыны отсалан да уджӧн могмӧдан, культура, спорт юкӧнъясын проектъяс, гражданинъясӧн быдтӧмлы, чужанін радейтны велӧдӧмлы сиӧм проектъяс.
{Kodko @ Коми Республикаса олысьясӧс корӧны пырӧдчыны веськӧдлысьяс пӧвстын «Россияса лидеръяс» конкурслӧн витӧд сезонӧ @ выльтор @ https://rkomi.ru/news/2891 @ 2023-04-06 @ }
Коми Республикаса олысьясӧс корӧны пырӧдчыны веськӧдлысьяс пӧвстын «Россияса лидеръяс» конкурслӧн витӧд сезонӧ.
Косму тӧлысь 4 лунӧ пансис веськӧдлысьяс пӧвстын «Россияса лидеръяс» витӧд юбилейнӧй конкурс. Тайӧ «Россия — уна позянлуна страна» президентскӧй платформалӧн флагманскӧй проект.
Россияса да суйӧрсайса юрнуӧдысьяслы сійӧ сетӧ позянлун донъявны уджсикасын кужанлунъяссӧ, найӧ вермасны босьтны асланыс сӧвмӧм серти план, тӧдмасьны гырысь компанияясӧн юрнуӧдысьяскӧд да пырны странаса медбур веськӧдлысьяс лыдӧ.
Пырӧдчыны сэтчӧ вермасны россияса да суйӧрсайса граждана, кодъяс 55 арӧсысь абу ыджыдджыкӧсь да кодъяслӧн эм кык воысь дырджык веськӧдлан опыт.
Та могысь ода-кора тӧлысь 14 лунӧдз колӧ пасйысьны лидерыроссии.рф официальнӧй сайтын.
«Россияса лидеръяс» конкурслӧн юбилейнӧй сезонын медводдзаысь быд пырӧдчысьлы анкета гижӧм бӧрын нин вӧзъясны, кыдзи позьӧ сӧвмӧдны веськӧдлан кужанлунсӧ да веськӧдланногсӧ.
«Ӧні Россияын мунӧны ыджыд вежсьӧмъяс, артмӧны выль позянлунъяс.
Ми став фронт вылын тышкасям асланым асшӧрлун, видзӧдласъяс вӧсна.
Вына страна кутчысьӧ вына лидеръяс вылын.
Ӧні вына, повтӧм да кывкутысь йӧзлӧн, патриотъяслӧн кад, кодъяс вермасны лоны примерӧн да кыпӧдны миянлысь странанымӧс.
Россияса Президент Владимир Владимирович Путинлӧн вӧзйӧм серти лӧсьӧдісны «Россияса лидеръяс» конкурс. Буретш сы отсӧгӧн позьӧ аддзыны енбиа веськӧдлысьясӧс да отсавны налы.
Конкурсыс сетӧ позянлун петкӧдлыны асьныдтӧ да уджавны Россиялы да чужан республикалы бур вылӧ.
Кора быдӧнӧс, коді кӧсйӧ сӧвмыны-быдмыны уджсикасын, пырӧдчыны конкурсӧ», — гӧгӧрвоӧдіс Коми Республикаса Юралысь Владимир Уйба.
«2023 вося ода-кора тӧлысьӧ «Россия — уна позянлуна страна» платформа артмӧдӧмсянь тырас 5 во.
Юбилейнӧй воын медшӧрӧн лоӧ «Россияса лидеръяс» флагманскӧй конкурслысь витӧд сезон восьтӧм. Буретш тайӧ конкурссяньыс пансис платформалӧн уджыс.
Вит во чӧжӧн проектӧ пырӧдчӧм вылӧ россияса став регионысь да 150 странаысь воис 840 сюрс заявка.
Быд во ми бура туялам конкурсса выпускникъяслысь воча кывъяссӧ да «Россияса лидеръяслӧн» Наблюдательнӧй да Экспертнӧй сӧветъяскӧд ӧтвылысь зілям бурмӧдны проектсӧ.
Кута лача, мый конкурслӧн витӧд сезоныс отсалас налы, кодъяс кӧсйӧны быдмыны карьераын, сӧвмыны-велӧдчыны, пӧртны олӧмӧ страналы тӧдчана могъяс.
Выль сезонын пырӧдчысьяслӧн лоас нӧшта на унджык позянлун сӧвмыны — веськӧдлӧм серти медводдза вӧзйӧмъяссӧ быд пырӧдчысьлы сетасны пырӧдчӧм вылӧ анкета гижӧм бӧрын нин», — пасйӧ «Россия — уна позянлуна страна» асшӧрлуна абу коммерческӧй организацияса медыджыд директор Алексей Комиссаров.
Конкурс дырйи экспертъяс быд боксянь донъялӧны пырӧдчысьяссӧ.
Тайӧ донъялӧмыс петкӧдлӧ конкурсантъяслысь веськӧдлӧмын кужанлунсӧ.
Медшӧр призъяс лыдын — велӧдчӧм вылӧ 1 миллион шайт мында грант, россияса медтӧдчана веськӧдлысьяс пиысь наставниккӧд аддзысьлыны позянлун, а сідзжӧ карьера серти консультируйтӧм.
Веськӧдлысьяс пӧвстын «Россияса лидеръяс» конкурссӧ нуӧдӧны 2017 восянь Россия Федерацияса Президентлӧн тшӧктӧм серти.
Сылӧн могыс — аддзыны бура юрнуӧдны кужысь веськӧдлысьясӧс да отсавны налы.
400 сайӧ мортӧс индісны ыджыд чинъясӧ, на лыдын регионъясса юралысьяс, каръясса мэръяс, федеральнӧй министръясӧс вежысьяс, регионъясын Веськӧдлан котыръясӧн веськӧдлысьяс, россияса медыджыд коммерческӧй компанияясса да канму холдингъясса топ-менеджеръяс, вузъясса ректоръяс, йӧзлысь дзоньвидзалун видзан да культура учреждениеясса юрнуӧдысьяс.
«Россияса лидеръяс» конкурслӧн выль сезон йылысь содтӧд юӧрсӧ позьӧ лыддьыны лидерыроссии.рф сайтысь.
{Kodko @ Безопасная Арктика — 2023: Коми Республика пырӧдчӧ опытъяс да туялӧмъяс нуӧдан ыджыд учениеӧ @ выльтор @ https://rkomi.ru/news/2892 @ 2023-04-06 @ }
Безопасная Арктика — 2023: Коми Республика пырӧдчӧ опытъяс да туялӧмъяс нуӧдан ыджыд учениеӧ.
Странаса Президент Владимир Путинлӧн тшӧктӧм серти Россия Федерацияса Арктика зонаӧ пырысь муяс дорйӧм серти учениесӧ нуӧдӧны ӧкмыс войвыв регионын — Коми Республикаын, Чукотскӧй асвеськӧдлан кытшын, Саха Республикаын (Якутияын), Красноярскӧй крайын, Ямало-Ненеч асвеськӧдлан кытшын, Ненеч асвеськӧдлан кытшын, Архангельск обласьтын, Карелия Республикаын, Мурманск обласьтын.
Косму тӧлысь 6 лунӧ учениесӧ восьтіс Россияса МЧС-ӧн юралысь Александр Куренков.
«Неминучаясысь ӧлӧдан да найӧс бырӧдан ӧтувъя канму системаса Коми республиканскӧй системаувлӧн веськӧдлан органъяс, вынъяс да средствояс «Безопасная Арктика — 2023» учениеяс нуӧдны дасьӧсь», — юӧртіс Коми Республикаса Юралысь Владимир Уйба.
Коми Республикаын кызвын уджсӧ нуӧдасны Усинскын, кӧні мусир комплекс объектъяс вылын авария бӧрын колясъяс бырӧдігӧн кутасны вӧдитчыны войвывлы лӧсялана технологияясӧн да оборудованиеӧн, кутшӧмъясӧс вӧчӧма Россияын.
Индӧм могъяс пиысь ӧти серти, юкӧдувъяслы ковмас кусӧдны условнӧй пӧжар стальысь сувтса резервуарын, кӧні видзӧны вузӧс вылӧ мусир.
Учениелысь бӧртасъяссӧ видлаласны гӧгрӧс пызан вылын косму тӧлысь 7 лунӧ.
Карса олысьяслы да ведомствокоста учениелӧн мероприятиеясӧ пырӧдчысьяслы котыртасны ӧнія кусӧдчан техникалы сиӧм выставка, мастер-классъяс да концерт.
Ставнас Коми Республикаын нуӧдасны делӧвӧй да велӧдан нырвизя 26 мероприятие.
Планируйтчӧ, мый сэтчӧ пырӧдчас 17 сюрс сайӧ морт.
{Kodko @ Владимир Уйба висьталіс «Сыктывкарса тулыс» опера да балет искусствоын войтыркостса 33-ӧд фестиваль йылысь @ выльтор @ https://rkomi.ru/news/2893 @ 2023-04-06 @ }
Владимир Уйба висьталіс «Сыктывкарса тулыс» опера да балет искусствоын войтыркостса 33-ӧд фестиваль йылысь.
Таво Сыктывкарӧ локтас Россияын дзик ӧти камернӧй оркестр, кодлӧн эм «Грэмми» премия, «Солисты Москвы» ансамбль. Дирижёралӧ, солисталӧ СССР-са нимйӧза артист Юрий Башмет.
Сідзжӧ театрса сцена вылын нуӧдасны П.И. Чайковскийлы сиӧм балетнӧй искусство рыт, С. Рахманиновлӧн чужӧмсянь 150 во тырӧмлы сиӧм симфоническӧй шылада концерт да нёль премьернӧй постановка.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба нуӧдіс Туй вылын видзчысянлунсӧ могмӧдӧм серти республиканскӧй комиссиялысь заседание @ выльтор @ https://rkomi.ru/news/2894 @ 2023-04-07 @ }
Владимир Уйба нуӧдіс Туй вылын видзчысянлунсӧ могмӧдӧм серти республиканскӧй комиссиялысь заседание.
Сёрниыс муніс Коми Республикаса туйяс вылын неминучаяс дырйи доймалӧмъясысь видзчысьӧм йылысь.
Россияса Президент Владимир Путин пуктіс мог чинтыны туйяс вылын кувсьӧмаяслысь лыдсӧ.
«2022 воын миянлы артмис чинтыны туй вылын аварияяслысь, а сідзжӧ туй вылын доймалӧмаяслысь да пӧгибнитӧмаяслысь лыдсӧ.
Туйяс вылын авария лыдыс чиніс сідзжӧ и 2023 вося 1 кварталын.
Но тайӧ тенденцияыс абу на зумыд, а, сідзкӧ, уджыс уна на.
Миянлы колӧ примитны содтӧд мераяс, медым видзны йӧзӧс туй вылын неминучаяс вӧсна кувсьӧмысь», — пасйис Коми Республикаса Юралысь Владимир Уйба.
Коми Республикаын МВД ГИБДД-са Веськӧдланінлӧн юӧр серти, 2022 воын миян республикаын туй вылын неминуча лыдыс чиніс 9,3% вылӧ, пӧгибнитӧмаяслӧн лыдыс — 10,1% вылӧ, доймалӧмаяслӧн — 7,9% вылӧ.
Туй вылын став ДТП-ысь 40 прӧчентыс — транспорт средствояслӧн люкасьӧм.
Татшӧм неминучаяс дырйи кувсьӧмаяслӧн лыдыс медуна — став пӧгибнитӧмаяс лыдысь 43,5%.
38% неминучаыс артмӧ туйяссӧ лёка дӧзьӧритӧм вӧсна, торйӧн нин тӧвнас.
Аварияясыс лоӧны сы вӧсна, мый туйяссӧ да туй доръяссӧ ас кадӧ абу весалӧма, чукӧртӧма пода вуджанінъяс бердын лымсӧ, туйяс вылысь абу жуглӧма йисӧ.
Сідзжӧ аварияясыс артмӧны сэк, кор водительяс оз кывкутны да оз тӧждысьны асланыс да пассажиръяслӧн дзоньвидзалун вӧсна.
«Дерт, колӧ лӧсьӧдны туйяс, пыртны выль техническӧй решениеяс, содтавны разметкаяс.
Но профилактика унджык нуӧдтӧг тайӧ оз веж серпассӧ.
Колӧ котыртны дружинникъяслысь бригадаяс, кодъяс кутасны отсавны ГИБДД-ын уджалысьяслы да накӧд ӧттшӧтш нуӧдны туйяс вылын профилактика уджсӧ», — индіс могсӧ Владимир Уйба.
Коми Республикаса стрӧитчан, оланін да коммунальнӧй овмӧс министерстволӧн юӧр серти, 2023 воын дінму да муниципалитеткостса тӧдчанлуна автомашина туйяс, а сідзжӧ на вылын сулалысь сооружениеяс дзоньталӧм вылӧ кӧсйӧны вичмӧдны 1,4 миллиард шайт, та лыдысь 833 миллион шайтыс воис федеральнӧй сьӧмкудйысь.
Нӧшта 1,3 миллиард шайт видзасны 85 километр кузьта ӧтув вӧдитчан туйяс дзоньталӧм вылӧ.
Кӧсйӧны дзоньтавны 8 пос: Сыктывкарын, Усинскын, Кулӧмдін, Сыктывдін, Койгорт, Княжпогост да Кӧрткерӧс районъясын.
Таысь кындзи, Сыктывкарын, Изьва да Сыктывдін районъясын дінму тӧдчанлуна туйяс пӧлӧн кӧсйӧны лӧсьӧдны югзьӧдан линияяс (9,5 километр).
2023 вося сора тӧлысь 10 лунӧдз кӧсйӧны выльысь лӧсьӧдны да визьйӧдлыны разметкаяс республикаса 3 сюрс километра автомашина туй да 132 пода вуджанін вылын.
Меставывса тӧдчанлуна автомашина туйяс вылын, мый нюжалӧ 3 сюрс гӧгӧр километра кузьта, 2023 воын дзоньталасны гуранъяссӧ да нуӧдасны «картаясӧн» дзоньтасян уджъяс.
Мукӧд муниципалитетын грейдируйтасны олан пунктъясын туй веркӧсъяссӧ, тыртасны гуранъяссӧ, лӧсьӧдасны ва бокӧ нуӧдан канаваяс, кераласны туй бокъясысь кустъяс.
Сідзжӧ меставывса тӧдчанлуна автомашина туйяс вылын, мый нюжалӧ 1 сюрс гӧгӧр километра кузьта, визьйӧдласны разметкаяс.
Таысь кындзи, 2023 вося гожӧмӧ кӧсйӧны лӧсьӧдны выль югзьӧдан линияяс Сыктывкарын, Воркутаын, Печораын, Сосногорскын, Сыктыв, Изьва, Сыктывдін районъясын.
«Безопаснӧй да бур автомашина туйяс» национальнӧй проектлӧн «Туйяс» дінму проект серти нуӧдӧны мероприятиеяс. На отсӧгӧн чинтӧны местаяслысь лыдсӧ, кӧні овлӧ уна ДТП.
Коми Республикаын эрдӧдӧма 9 татшӧм места.
Туй вылын аварияяс артман помкаяссӧ туялӧм бӧрын собственникъяс лӧсьӧдісны да вынсьӧдісны аварияяс лоны вермана участокъяслысь лыддьӧгъяссӧ да найӧс бырӧдан планъяссӧ.
{Kodko @ Владимир Уйба аддзысьліс Запорожьеын передӧвӧй вылын Коми Республикаысь доброволечьяскӧд @ выльтор @ https://rkomi.ru/news/2895 @ 2023-04-09 @ }
Владимир Уйба аддзысьліс Запорожьеын передӧвӧй вылын Коми Республикаысь доброволечьяскӧд.
Регионса Юралысь сетіс Чужан му дорйысьяслы содтӧд экипировка да обмундирование.
Паськыдджыка — видео пыр талунъя шыӧдчӧмын.
{Kodko @ Комиысь том йӧзсянь виччысьӧны водзмӧстчӧмъяс да проектъяс, кутшӧмъяс пырасны регионса том йӧз политика юкӧнӧ! @ выльтор @ https://rkomi.ru/news/2896 @ 2023-04-10 @ }
Комиысь том йӧзсянь виччысьӧны водзмӧстчӧмъяс да проектъяс, кутшӧмъяс пырасны регионса том йӧз политика юкӧнӧ!
Республика дасьтысьӧ пырӧдчыны «Том йӧзлы регион» проектъяс бӧръян конкурсӧ, кӧні петкӧдлас, кыдзи регионын комплекснӧя сӧвмӧдӧны том йӧз политика.
Уджтасӧ лоӧ позянлун пыртны том йӧзлысь водзмӧстчӧмъяс да проектъяс.
Коми Республикаса том йӧз политика комитет юӧртіс нин вӧзйӧмъяс чукӧртӧм йылысь.
Найӧс позьӧ ыстыны Контактын социальнӧй везйын Комитетлӧн котырӧ.
Водзмӧстчысь том йӧз вермасны отсавны чужан республикалы вермыны конкурсын да таӧн босьтны регионӧ 2024 воын том йӧзлы мероприятиеяс збыльмӧдӧм вылӧ федеральнӧй субсидия.
Та йылысь видео пыр шыӧдчигӧн висьталіс Коми Республикаса Юралысь Владимир Уйба.
{Kodko @ Национальнӧй проектъяс: Коми Республикаын восьтісны 270 места вылӧ выль детсад @ выльтор @ https://rkomi.ru/news/2897 @ 2023-04-11 @ }
Национальнӧй проектъяс: Коми Республикаын восьтісны 270 места вылӧ выль детсад.
Талун, косму тӧлысь 11 лунӧ, сыктывкарса Кӧджпом-Читын кыпыда восьтісны «Жемчужина Севера» 5 №-а детсадлысь мӧд корпус.
Объектсӧ стрӧитісны «Демография» национальнӧй проект серти.
Коми Республикаса Юралысь Владимир Уйба чолӧмаліс детсадйӧ ветлысь челядьӧс да сэні уджалысьясӧс.
«Медводз ми кӧсйим стрӧитны 110 места вылӧ детсад.
Но сэсся лоис гӧгӧрвоана, мый тайӧ этша.
И ми шуим кыпӧдны 270 места вылӧ ыджыд детсад, кӧні лоас бассейн.
Та вылӧ видзӧма 441 миллион шайт.
Федеральнӧй сьӧмкуд сьӧм серти республикаса сьӧмкудйысь вичмӧдӧма куим пӧв унджык сьӧм.
Талун ми аддзам, мый тайӧс коліс вӧчны. Таын миян челядьлӧн аскиа луныс.
Ӧд детсадйӧ ветлӧм — тайӧ абу сӧмын бать-мамлӧн уджалігкості кад коллялӧм.
Тайӧ кагалӧн олӧм, челядьлы колӧ быд боксянь сӧвмыны», — пасйис Владимир Уйба.
Детсадйыс 270 места вылӧ, сы лыдын 120 места — 3 арӧсысь ичӧтджык челядьлы.
Ставнас велӧдчанінын лоас 12 группа.
Тані челядьлы лӧсьӧдӧма шылада да физкультура залъяс, изо-студия, бассейн, психологлӧн кабинет.
Сідзжӧ эмӧсь сёян-юан дасьтан, медицина да песласян блокъяс.
Детсад бердын лӧсьӧдӧма верандаяс да спорт площадка.
Тайӧ детсадсӧ кыпӧдісны республикаын кыкысь нин олӧмӧ пӧртлӧм проект серти. Татшӧм жӧ детсадъяс стрӧитісны Сыктывдін районса Выльгорт сиктын да Сыктывкарса Эжва районын.
Объектсӧ стрӧитӧм вылӧ кызвын сьӧмсӧ вичмӧдӧма республикаса сьӧмкудйысь — 317 миллион шайт.
Нӧшта 124 миллион шайт воис федеральнӧй сьӧмкудйысь.
Содтӧд 15 миллион шайт видзисны муниципальнӧй сьӧмкудйысь сы вылӧ, медым ньӧбны небыд инвентар, тасьті-пань, чачаяс, велӧдан да методика пособиеяс, ворсан да офиснӧй мебель, спорт инвентар да быдсикас техническӧй средство.
Кыдзи тӧдчӧдіс Владимир Уйба, велӧдан объектъяссӧ кыпӧдӧны оз сӧмын Сыктывкарын, но и республика пасьтала.
Некымын лун сайын Абъячойын воссис 600 места вылӧ школа.
Таво кӧсъям восьтыны Изьва районса Изьвавом грездын 90 велӧдчысьлы да 40 дошкольниклы школа-сад. Садйыс сэні кушӧдз сотчыліс 20 во сайын.
Сідзжӧ лэптӧны Изьва сиктын 600 места вылӧ школа, Сыктывкарлӧн Эжва районса Емвальын 825 места вылӧ школа.
Таво кӧсйӧны заводитны кыпӧдны 825 места вылӧ школа Сыктывкарын, 550 велӧдчысьлы да 200 дошкольниклы ӧтувъя велӧдан комплекс Сыктывдін районса Выльгорт сиктын, кык детсад — 25 места вылӧ Печора районса Озёрнӧй посёлокын да 99 места вылӧ Изьва районса Бакур грездын.
«Зэв бур, мый миян лоӧны выль объектъяс.
Сьӧрсьӧн-бӧрсьӧн ми лӧсьӧдам аскиа лунлы подув: детсадъяс, школаяс, вынйӧр сӧвмӧдан да дзоньвидзалун бурмӧдан комплексъяс.
Колӧ, медым мортыс ичӧтдырсянь велаліс лоны коллективын, велӧдчис сьывны, йӧктыны, радейтны Чужан му, бать-мамсӧ.
Неонацизмкӧд война кадӧ ми пӧртам олӧмӧ Россияса Президентӧн пуктӧм мог — сӧвмӧдам мирнӧй кадӧ колана да ӧтсӧгласа олӧм вылӧ лача сетысь объектъяс», — шуис Коми Республикаса Юралысь Владимир Уйба.
Бӧръя куим во чӧжӧн Коми Республикаын стрӧитӧма 3471 велӧдчысь вылӧ 7 школа.
Найӧс кыпӧдӧма Сыктывкарын, Луздор районса Абъячой, Кулӧмдін районса Помӧсдін, Вуктыл районса Дутов, Сыктыв районса Визин да Сыктывдін районса Час сиктъясын.
Сідзжӧ бӧръя куим во чӧжӧн республикаын лӧсьӧдӧма детсадъясын да школаяс бердын дошкольникъяслы группаясын 1355 места.
{Kodko @ Коми Республикаса Семейнӧй Сӧветлӧн заседание дырйи сёрнитісны йӧзлысь дзоньвидзалун видзӧм, мамлун да челядьдыр дорйӧм йылысь @ выльтор @ https://rkomi.ru/news/2899 @ 2023-04-12 @ }
Коми Республикаса Семейнӧй Сӧветлӧн заседание дырйи сёрнитісны йӧзлысь дзоньвидзалун видзӧм, мамлун да челядьдыр дорйӧм йылысь.
Заседаниесӧ нуӧдіс регионса Юралысь Владимир Уйба.
Видеоконференцсвязь пыр сэтчӧ пырӧдчис Россия Федерацияса Федеральнӧй Собраниелӧн Каналан Думаса Веськӧдлысьӧс вежысь Анна Кузнецова, коді лоӧ Коми Республикаса Семейнӧй сӧветӧн ӧтув веськӧдлысьӧн.
Сідзжӧ заседание дырйи вӧліны Коми Республикаса ӧтйӧза ӧтувъясӧс да организацияясӧс, православнӧй вичкоӧс, олӧмӧ портысь власьт органӧс да быдсикас учреждениеӧс петкӧдлысьяс.
«Кӧсъя аттьӧавны Коми Республикаын нуӧдан уджысь, сы вылӧ видзӧдтӧг, мый ӧні сьӧкыд кадыс, мунӧ торъя военнӧй операция, — пасйис Анна Кузнецова. — Республикаын збыльмӧдӧны отсӧг сетан уджтасъяс.
Тіян уджныд лӧсялӧ федеральнӧй тшупӧдын пыртны зілян принципъяслы.
Ми кӧсъям, медым быд кага чужигӧн семьяыс крепыдджыка сулаліс кок йылас.
Кӧсъя пасйыны и абортъясысь ӧлӧдӧм да челядьӧс чужтӧдзыс дорйӧм серти уджныдтӧ.
Ті уджаланныд оланпас вылӧ мыджсьӧмӧн да колана нырвизьын, оз быдлаын уджыс мун татшӧм ногӧн.
Аньяслы консультацияясын уджсӧ ладмӧдӧм, специалистъяслысь уджсӧ бурмӧдӧм да налысь квалификация кыпӧдӧм — тайӧ зэв тӧдчана мог.
Ми дасьӧсь отсавны збыльмӧдны республикаын тӧдчана проектъяссӧ, на лыдын и семьяяслы отсӧг сетан колана проектъяссӧ».
Анна Кузнецова вылӧ донъяліс уна челядя семьяяслы отсалан мераяссӧ, шуис, мый мукӧдыс таӧдз некӧн на эз паныдасьлывны да найӧс колӧ пӧртны олӧмӧ тшӧтш и мукӧд регионын.
Владимир Уйба пасйис, мый Коми Республикаын зільӧны отсавны уна челядя семьяяслы.
Шуам, 2021 восянь семьяяслы, кӧні быдмӧ 7 да унджык челядь, вичмӧдӧны уна местаа автомашина ньӧбӧм вылӧ сьӧм.
2023 воын та вылӧ сьӧмсӧ сетасны унджык, ӧд татшӧм автомашинаясыс донсялӧны.
Колян во семьяяс, кӧні быдмӧ 7, 8, 9 да унджык челядь, босьтісны оланін ньӧбӧм вылӧ субсидия.
Таво татшӧм субсидиясӧ босьтасны семьяяс, кӧні быдмӧ 6 челядь.
Сӧвещание дырйи сідзжӧ видлалісны регионын медся ичӧт олысьяслысь дзоньвидзалун видзан юалӧмъяс.
Коми Республикаын збыльмӧдӧны Челядьлы сиӧм дас во серти нуӧдан мероприятиеяслысь план.
Медшӧр нырвизьяс — чинтыны пузчужӧм челядьлысь да ичӧт челядьлысь кувсян лыдсӧ, бурмӧдны да видзны налысь дзоньвидзалунсӧ, бурмӧдны челядьлы медицина отсӧгсӧ да кыпӧдны сійӧс босьтны позянлунсӧ, лӧсьӧдны челядьӧс сӧвмӧдӧм вылӧ бур условиеяс.
Бӧръя кык вонас бурмӧдісны пузчужӧм челядьлы отсӧг сетан медицина организацияяслысь материально-техническӧй базасӧ. Та отсӧгӧн пузчужӧм кагаыс кувсис этшаджык.
2021 воын Коми Республикаса Веськӧдлан котыр республикаса сьӧм тшӧт весьтӧ ньӧбис 271 миллион шайт вылӧ оборудование.
Челядьлы республиканскӧй клиническӧй больничаӧ вайисны ӧнія оборудование, мый отсӧгӧн позьӧ тӧравны пузчужӧм челядьӧс, кодъяс чужисны вывті ичӧт да зэв ичӧт сьӧктаӧн, сетны вылыс технологияа медицина отсӧг.
2022 воын капитальнӧя дзоньталӧм бӧрын Ухтаса кага чужтан керкаӧ вайисны оборудование да мебель.
Челядьлысь дзоньвидзалун видзӧмсӧ сӧвмӧдан регионса уджтас серти заводитісны стрӧитны Челядьлы республиканскӧй клиническӧй больничалысь содтӧд корпус, кӧні сэсся восьтасны торъя педиатрическӧй юкӧдувъяс.
Челядьлы республиканскӧй клиническӧй больничаын воссисны медицина боксянь реабилитируйтан юкӧнъяс.
Тайӧ службасӧ могмӧдӧм могысь федеральнӧя сьӧмкуд сьӧм вылӧ ньӧбасны 83 единица реабилитируйтан оборудование.
2022 во помын вынсьӧдісны «Коми Республикаын паськӧдӧм неонатальнӧй скрининг могмӧдӧм» дінму уджтас.
2023 во заводитчӧмсянь нуӧдӧма 1491 туялӧм, аддзӧма риск группаысь 25 кагаӧс.
«Демография» национальнӧй проектлӧн «Челядьӧс чужтігӧн семьяяслы сьӧмӧн отсалӧм» федеральнӧй проект серти Коми Республикаын налы, кодъяс оз вермыны сьӧктавны, нуӧдӧны экстракорпоральнӧй оплодотворение серти процедура (ЭКО).
2022 воын ЭКО отсӧгӧн чужис 171 кага.
Коми Республикаса быд кар-районын восьтӧма пикӧ воӧм нӧбасьысь аньяслы отсӧг сетан кабинетъяс.
Сідзжӧ Республиканскӧй перинатальнӧй шӧринлӧн гозъялысь дзоньвидзалун бурмӧдан юкӧнын эм Пикӧ воӧм нӧбасьысь аньяслы отсӧг сетан шӧрин.
Тані сетӧны медицина да социально-психологическӧй отсӧг аньяслы, кодъяс эз кӧсйыны нӧбасьнысӧ.
Консультируйтӧма 2 сюрс сайӧ аньӧс, мукӧдыс на пиысь та бӧрын ӧткажитчисны вӧчны аборт.
Коми Республикаса Веськӧдлан котырлӧн медшӧр могъяс пиысь ӧти — могмӧдны медицина учреждениеяссӧ квалифицируйтӧм кадръясӧн.
Регионын медицина вузъясын целевӧя велӧдӧны школаса выпускникъясӧс специалитет уджтасъяс серти, вузъясса выпускникъясӧс — ординатура уджтасъяс серти.
Врачьяслы, кодъяс мунісны уджавны сиктӧ, ӧтчыдысь сетӧны сьӧм «Земскӧй доктор» уджтас серти.
Таысь кындзи, ӧтчыдысь сьӧмӧн мынтӧмсӧ сетӧны врачьяслы, кодъяс мунӧны уджавны медся колана специальносьтъяс серти.
2022 воын корӧма 92 медицина уджалысьӧс.
Та мында жӧ специалистӧс кӧсйӧны корны и 2023 воын.
Отсӧг сетан мераяс отсӧгӧн 2022 воын Коми Республикаса йӧзлысь дзоньвидзалун видзан канму системаӧ корӧма 184 врачӧс, на пиысь джынйыс локтіс мукӧд регионысь.
«Первичнӧй тшупӧдын медицина отсӧг сетӧм — тайӧ подув.
Та вӧсна медицина кадръясӧс корӧм серти уджсӧ — ми стрӧитім фельдшеръяслы 9 керка, кутам нуӧдны водзӧ.
Республикаын эм компания, коді дась вӧчны керка лэптан комплектъяс.
Татшӧм отсӧгсӧ колӧ сетны оз сӧмын фельдшеръяслы, но и врачьяслы.
Тшӧкта Коми Республикаса Веськӧдлан котырлы лӧсьӧдны 2024 во вылӧ заявка да индыны, кымын оланін колӧ, а сідзжӧ видлавны муниципалитетъяскӧд му участокъяс сетӧм йылысь юалӧмсӧ.
Пасъя нӧшта ӧти тӧдчана нырвизь: миян кык пӧв чиніс аборт лыдыс.
Куим во сайын та йылысь ми весиг эг мӧвпалӧй.
Ми вӧчим ыджыд удж, сійӧс тшӧтш колӧ нуӧдны водзӧ», — пасйис Владимир Уйба.
{Kodko @ Владимир Уйба корис Комиын олысьясӧс да ас вылӧ уджалысьясӧс пырӧдчыны «Сильные идеи для нового времени» ставроссияса форумӧ @ выльтор @ https://rkomi.ru/news/2900 @ 2023-04-12 @ }
Владимир Уйба корис Комиын олысьясӧс да ас вылӧ уджалысьясӧс пырӧдчыны «Сильные идеи для нового времени» ставроссияса форумӧ.
Форумсӧ нуӧдӧны лидеръяслы да командаяслы, пыдди пуктана экспертъяслы, кодъяс дасьӧсь вӧзйыны странанымӧс социальнӧя да экономика боксянь сӧвмӧдан мӧвпъяс.
Коми Республикасянь воалӧны нин заявкаяс.
Мӧвпъяссӧ да вӧзйӧмъяссӧ позьӧ ыстыны идея.росконгресс.рф крауд-платформа вылӧ косму тӧлысь 26 лунӧдз.
Паськыдджыка — Коми Республикаса Юралысьлӧн видео пыр шыӧдчӧмын.
Сідзжӧ Форум дырйи нуӧдӧны «Перспективные российские бренды» конкурс.
Сэтчӧ вермӧны пырӧдчыны ичӧт да шӧр бизнес нуӧдысь йӧз, кодъяс вермӧны вӧчны да вӧчӧны нин суйӧрсайса брендъяс пыдди ассьыныс.
Россияса медбур брендъяслы сетасны премия.
{Kodko @ Крымын «Северное сияние» санаторийӧ «Мам да кага» путёвкаяс серти Комиысь локтас унджык шойччысь @ выльтор @ https://rkomi.ru/news/2901 @ 2023-04-13 @ }
Крымын «Северное сияние» санаторийӧ «Мам да кага» путёвкаяс серти Комиысь локтас унджык шойччысь.
Коми Республикаса Юралысь Владимир Уйба сетіс лӧсялана тшӧктӧмсӧ Канму учреждениелысь 2022 вося уджсӧ кывкӧрталан сӧвещание дырйи.
«Ми шуим, мый «Северное сияние» санаторий кутас уджавны во гӧгӧр чӧж. Тайӧ петкӧдлӧ, мый йӧзыс окотапырысь ветлӧны санаторийӧ.
Ме аддзысьлі йӧзкӧд, кодъяс локтісны эз сезон кадӧ.
Унаӧн аттьӧалӧны сыысь, мый налы сетісны позянлун бурмӧдны дзоньвидзалуннысӧ, ӧд найӧ тайӧс виччысисны уна во чӧж нин.
Шойччысьяс пасйисны, мый найӧс бура вердісны-дӧзьӧритісны, сетісны медицина боксянь отсӧг», — пасйис Владимир Уйба.
Коми Республикаса Юралысь Владимир Уйбалӧн тшӧктӧм серти учреждениеыс мӧд во нин уджалӧ во гӧгӧр чӧж.
Та отсӧгӧн санаторийын содіс уджалан места лыдыс, да и важыс коліс жӧ, а сідзжӧ Коми Республикаса унджык олысь ӧні вермӧ тані бурмӧдны дзоньвидзалунсӧ.
2022 воын «Северное сияние»-ӧ воліс унджык морт.
Ӧні бурдӧдчыны воӧм йӧзлӧн лыдыс 41,7%, лӧддза-номъя тӧлысьын лоас матӧ 60%.
«Ме пукті Коми Республикаса Веськӧдлан котыр водзын мог, медым санаторийын бурдӧдчыны воӧм йӧзлӧн лыдыс вӧлі 75 прӧчентысь эз этшаджык. Тайӧ сетас позянлун уджавны убыткатӧг да сӧвмыны водзӧ.
Колӧ уджавны «Мать и дитя» путёвкаяс серти, медым челядя мамъяс вермисны волыны эз сӧмын гожӧмнас.
Тшӧкта Йӧзлысь дзоньвидзалун видзан министерстволы артавны, мыйта нӧшта колӧ татшӧм путёвкаыс да шыӧдчыны регионса Сьӧм овмӧс министерствоӧ содтӧд сьӧмӧн могмӧдӧмла.
Челядьлысь дзоньвидзалунсӧ бурмӧдӧмӧн ми пуктам подув республикалӧн бур аскиа лунӧ», — пасйис Владимир Уйба.
2022 вося шедӧдӧмторъясысь ӧти — «Северное сияние» санаторий» ичӧт кывкутана котырын восьтісны «Серегов» санаторий» Коми Республикаса канму асшӧрлуна учреждениелысь филиал. Коми Республикаса йӧзлысь дзоньвидзалун видзан министерствокӧд контракт серти сійӧ сетӧ «Мам да кага», «Мам да кык челядь» уджтасъяс серти услугаяс.
Босьтӧма медицина удж вӧчӧм вылӧ выль лицензия.
Коми Республикаӧдз Крымын дзоньвидзалун бурмӧдан учреждениеяс лыдысь некод на эз босьтлы ӧти объект вылӧ кык медицинскӧй лицензия.
Тайӧ сетіс позянлун вевтыртны регионса олысьяслысь дзоньвидзалун бурмӧдӧм серти плансӧ.
2022 воын Комиысь санаторийӧ ветліс 1820 морт, на лыдын 592 гӧсьт — «Серегов» санаторий» Коми Республикаса канму асшӧрлуна учреждениелӧн филиалсянь.
2022 воын санаторийсӧ выльмӧдісны инвестицияястӧг да удждӧм сьӧмтӧг.
Объектсӧ выльмӧдӧм-сӧвмӧдӧм вылӧ видзисны сӧмын нажӧвитӧм сьӧмсӧ.
Выльмӧдісны бассейнсӧ, ӧні сэні позьӧ шонтыны васӧ 28–30 градусӧдз весиг зэв кӧдзыд лунъясӧ, тӧлын вӧдитчӧм могысь лӧсьӧдӧма ломтысян система сійӧ жыръясын, кутшӧмъясӧс водзынсӧ эз ломтывлыны.
Таысь кындзи, ньӧбӧма автотранспорт, мебель, техника да оборудование, тасьті-пань, дзоньталӧма мукӧд номерсӧ, бурмӧдӧма-мичмӧдӧма пляжсӧ да сы гӧгӧр инъяссӧ.
Кык номер лӧсьӧдӧма дзоньвидзалунын дзескӧдӧм позянлуна йӧзлы шойччӧм вылӧ.
«Тшӧкта Коми Республикаса Веськӧдлан котырлы уджавны санаторийӧ кӧрт туй кузя да автобусӧн воӧдчӧм серти, медым ми вермим вӧзйыны йӧзлы котыртӧм заездъяс.
Таысь кындзи, тшӧкта вичмӧдны республикаса сьӧмкудйысь содтӧд сьӧм, медым сетны путёвкаяс СВО-ӧ пырӧдчысьяслы.
Санаторийлы колӧ бурмӧдны реабилитируйтан блоксӧ да лӧсьӧдны ранитчӧм военнослужащӧйяслы условиеяс», — юӧртіс Владимир Уйба.
Коми Республикаса Юралысь тӧдчӧдіс, мый овмӧс нуӧдан уджысь воӧм чӧжӧссӧ колӧ видзны санаторийсӧ сӧвмӧдӧм вылӧ.
Таво кӧсйӧны стрӧитны пывсян комплекс, оборудуйтны челядьлы да спорт площадкаяс, а сідзжӧ бассейн дорысь инфраструктурасӧ.
{Kodko @ Воркутаын васӧ сетасны 15 час кежлӧ, но оз на тырвыйӧ @ выльтор @ https://rkomi.ru/news/2902 @ 2023-04-13 @ }
Воркутаын васӧ сетасны 15 час кежлӧ, но оз на тырвыйӧ.
Коми Республикаса Юралысь Владимир Уйба видео пыр шыӧдчигӧн висьталіс Усинскса водовод вылын дзоньтасян уджъяс йылысь.
Талун войнас 2 час 40 минутын Воркутаын Усинскса водоводын лоис неминуча, магистральнӧй ва сетан проводын артмис потӧмин. Ӧні водзӧ бырӧдӧны лоӧмторлысь колясъяссӧ. Воркута недыр кад кежлӧ колис ватӧг.
Медшӧр могыс — водзӧ сетны карын шоныдсӧ, та вӧсна став ва резервсӧ веськӧдӧма ЦВК-ӧ.
Кызвын дзоньтасян уджсӧ вӧчӧма, 15 час кежлӧ карӧ сетасны васӧ, но оз на тырвыйӧ.
{Kodko @ Владимир Уйба «СВО-ӧ пырӧдчысьяслы отсӧг — тайӧ Вермӧм вылӧ удж» @ выльтор @ https://rkomi.ru/news/2904 @ 2023-04-13 @ }
Владимир Уйба «СВО-ӧ пырӧдчысьяслы отсӧг — тайӧ Вермӧм вылӧ удж».
Коми Республикаса Семейнӧй сӧветлӧн заседание дырйи сёрнитісны военнослужащӧйяслы да налӧн семьяясӧ пырысьяслы отсӧг сетан мераяс йылысь.
Сӧвещаниесӧ нуӧдіс регионса Юралысь Владимир Уйба.
«Спецоперацияӧ пырӧдчысьяслы да налӧн семьяяслы отсӧг сетӧм серти юалӧмыс зэв паськыд.
Сійӧ шымыртӧ уна нырвизь: социальнӧй, медицина, велӧдан, культура да спорт.
Веськыд йитӧд пыр уна шыӧдчӧм воӧ сы серти, мый военнослужащӧйяслӧн рӧдвужлы, торйӧн нин ӧтка бать-мамлы, колӧ отсӧг.
Быд лун ме видлала шыӧдчӧмъяссӧ, сета тшӧктӧмъяс, мукӧд юалӧмсӧ решитам некымын часӧн.
Колӧ, медым зонъяс, кодъяс ӧні тыш вылынӧсь, эз майшасьны асланыс матыссаяс вӧсна.
Уна шыӧдчӧм лоӧ подулӧн, медым пыртны вежсьӧмъяс да содтӧдъяс отсӧг сетан мераяс серти нормативнӧй актъясӧ.
Ми лӧсьӧдам условиеяс, медым СВО-ӧ пырӧдчысьяс да налӧн семьяяс босьтісны отсӧгсӧ бюрократиятӧг», — пасйис Владимир Уйба.
Удж, уджӧн могмӧдан да социальнӧя доръян министерство бердын уджалӧ Торъя военнӧй операцияӧ пырӧдчысьяслы да налӧн семьяяслы отсӧг сетысь координационнӧй шӧрин.
Шӧринса специалистъяс консультируйтӧны военнослужащӧйяслысь семьяяссӧ да отсалӧны налы.
Видлалӧны спецоперацияӧ пырӧдчысьясӧс лекарствоясӧн могмӧдӧм, налӧн реабилитация серти юалӧмъяс.
Коланлун дырйи военнослужащӧйяслы сетӧны вылыс технологияа медицина отсӧг.
Регионса Удж, уджӧн могмӧдан да социальнӧя доръян министерство бердын веськыд йитӧд пыр воис 3 сюрс сайӧ шыӧдчӧм.
Быд юалӧм видлалӧма торйӧн, та бӧрся видзӧдӧ Коми Республикаса Юралысь.
Военнослужащӧйяслы да налӧн семьяяслы федеральнӧй отсӧг сетан мераяс кындзи эмӧсь и отсӧг сетан регионса мераяс.
Водзӧ ӧтчыдысь сьӧмсӧ мынтӧны гражданалы, кодъяс кырымалісны контракт, доброволечьяслы, мобилизуйтӧмаяслы — быдӧнлы, кодъяс пырӧдчылісны да пырӧдчӧны торъя военнӧй операцияӧ.
СВО-ӧ пырӧдчӧм вылӧ контракт кырымалігӧн военнослужащӧйяслы ӧтчыдысь сетӧны 50 сюрс шайт.
Налы, кодъяс служитісны нин контракт серти да кодъясӧс ыстісны СВО нуӧданінӧ, — 100 сюрс шайтӧн.
Боевӧй тышъяс нуӧданінысь локтӧм бӧрын боечьяслы тшӧтш сетасны 100 сюрс шайт.
Чорыда доймалӧм военнослужащӧйяслы мынтӧны 500 сюрс шайт, кокниа доймалӧмаяслы — 250 сюрс шайт.
Комиысь мобилизуйтӧмаяслы ӧтчыдысь сетісны 150 сюрс шайт.
Коми Республикаысь пӧгибнитӧм военнослужащӧйяслӧн семьяяслы мынтӧны 2 миллион шайт.
Пыртӧны отсӧг сетан выль мераяс.
Шуам, 2023 вося тӧвшӧр тӧлыссянь доброволечьяслӧн да мобилизуйтӧмаяслӧн семьяяслы оланінӧ биару нюжӧдӧм вылӧ регион сетӧ 100 сюрс шайт.
СВО-ӧ пырӧдчысьясӧс 2021 да 2022 воын мездӧма 150 вӧв вынӧдз вынйӧра ӧти машина вылӧ транспорт вот мынтӧмысь.
Таысь кындзи, военнослужащӧйяслы да налӧн рӧдвужлы дон босьттӧг сетӧны торъя юалӧмъяс серти юридическӧй отсӧг.
Коми Республикаса социальнӧя доръян быд шӧринын лӧсьӧдӧма СВО-ӧ пырӧдчысьяслы да налӧн семьяясӧ пырысьяслы отсӧг сетан служба. Быд семьялы индӧма кураторӧс — социальнӧя могмӧдӧм серти специалистӧс.
Оперативнӧя йитчӧм могысь налы сетӧма торъя телефон номеръяс.
Спецоперация вылысь локтӧм боечьяслы сетӧны «Максаковка» социально-реабилитационнӧй республиканскӧй шӧринӧ путёвкаяс.
Дзоньвидзалун бурмӧдӧм кындзи лӧсьӧдӧма прӧст кад коллялан да спортивнӧй уджтасъяс.
Таысь кындзи, 2022 вося йирым тӧлысьӧ да 2023 вося тӧвшӧр-урасьӧм тӧлысьясӧ «Максаковка» республиканскӧй шӧринын дзоньвидзалунсӧ бурмӧдісны Коми Республикаысь торъя военнӧй операция дырйи пӧгибнитӧм военнослужащӧйяслӧн семьяясӧ пырысьяс.
Велӧдан юкӧнын тшӧтш урчитӧма отсӧг сетан мераяс.
Канму компенсируйтӧ СВО-ӧ пырӧдчысьяслысь челядьӧс детсадъясын видзӧмысь да дӧзьӧритӧмысь бать-мамӧн мынтӧмсӧ.
5–11 классъясын велӧдчысьясӧс да техникум-колледжъясса студентъясӧс велӧдчан кадӧ вердӧны дон босьтӧг.
Челядь, кодъяс водзынджык ветлісны содтӧд тӧдӧмлун сетан канму да муниципальнӧй учреждениеясын мынтысяна кружокъясӧ да секцияясӧ, ӧні ветлӧны сэтчӧ дон босьттӧг.
СВО-ӧ пырӧдчысьяслӧн челядьлы дон босьттӧг сетӧны челядьлы лагеръясӧ путёвкаяс да мынтӧны сэтчӧ да бӧр туйсӧ.
Сідзжӧ СВО-ӧ пырӧдчысьяслӧн челядьлы, кодъяс велӧдчӧны республикаса техникумъясын да колледжъясын мынтысьӧмӧн, компенсируйтасны велӧдчӧмысь мынтӧмсӧ.
Татшӧм тшӧктӧмсӧ сетӧма нин республикаса Веськӧдлан котырлы, лӧсялана тшӧктӧмсӧ кырымаласны матысса кадӧ нин.
СВО-ӧ пырӧдчысьяслӧн челядь вермӧны дон босьттӧг пырны велӧдчыны вылыс тшупӧда велӧдчанінъясӧ.
Мобилизуйтӧм граждана пӧвстын сідзжӧ вӧліны студентъяс.
Служитан кад кежлӧ налы сетісны академическӧй отпуск, а демобилизуйтӧм бӧрын найӧ вермасны бӧр пырны велӧдчыны.
Мукӧд военнослужащӧйыс тышъяс вылысь локтӧм бӧрын оз вермыны уджавны воддза специальносьт серти.
Найӧс велӧдасны выль уджсикасӧ, отсаласны аддзыны удж.
2022 воын лӧсьӧдӧма #МыВместе муниципальнӧй штабъяс, котыртӧма «Мы вместе. Дети» нырвизь. На серти нуӧдӧны уна сикас акция да мероприятие.
Шуам, 2022 вося вӧльгым-ӧшым тӧлысьясӧ республикаса колледжъясысь да техникумъясысь 131 студент пырӧдчисны донор акцияясӧ.
Военнослужащӧйяслы гуманитарнӧй отсӧг чукӧртӧмӧ пырӧдчис 2019 студент.
Сыктывкарса политехническӧй техникум дасьтіс Коми Республикаысь мобилизуйтӧмаяслы 136 толстовка да 25 небыд нӧсилка.
СВО-ӧ пырӧдчысьяс да налӧн семьяясӧ пырысьяс водзвыв сёрнитчӧмӧн вермӧны дон босьттӧг ветлыны библиотекаясын да музейясын коммерческӧй мероприятиеяс вылӧ.
2023 вося куим тӧлысь чӧжӧн тайӧ инӧдӧн вӧдитчис 87 морт.
Сідзжӧ найӧ дон босьттӧг вермӧны ветлыны спектакльяс да концертъяс вылӧ.
2023 вося куим тӧлысь чӧжӧн концерт-спектакль вылӧ ветліс 374 морт.
«Орбита» варччыны велӧдан спорт школаын 2023 вося тӧвшӧр тӧлысь 1 лунсянь да торъя военнӧй операция помассьытӧдз налы позьӧ дон босьттӧг ветлыны бассейнӧ.
Бӧр локтӧм военнослужащӧйяслы дон босьтӧг сетӧны психолого-педагогическӧй отсӧг.
Вӧзйӧны психотерапевтлысь либӧ клиническӧй психологлысь консультацияяс.
Ыджыд удж вӧчӧ аньяслӧн ӧтмунӧм.
Республикаса быд кар-районын женсӧветъяс отсалӧны военнослужащӧйяслӧн гӧтыръяслы да мамъяслы, сёрнитӧны накӧд, консультируйтӧны, нуӧдӧны ӧтувъя мероприятиеяс, отсалӧны быдлунъя олӧмын.
Коми Республикаса аньяслӧн котыр отсалӧ велӧдны «Висьысьяс бӧрся дӧзьӧритысь младшӧй медицинскӧй сестра» уджтас серти.
2022 вося йирым-вӧльгым тӧлысьясӧ Сыктывкарса канму университетса Уджысь орӧдчытӧг велӧдчан институтын республикаса нёль районысь 28 ань велӧдчисны дӧзьӧритны терапевтическӧй да хирургическӧй висьысьяс бӧрся.
Тайӧ ковмас налы СВО-ысь локтӧм ранитчӧмаяслы отсӧг сетігӧн.
Аньяслӧн котыр да оперативнӧй штаб дасьтісны да ыстісны СВО-ӧ пырӧдчысьяслы 100 нӧсилка, кык мамлы отсалісны ветлыны ранитчӧм пиян дорас, кодъяс бурдӧдчӧны Комиысь бокын клиникаясын.
Сідзжӧ женсӧветъяс зіля пырӧдчӧны гуманитарнӧй отсӧг чукӧртӧмӧ, вурӧны-кыӧны экипировка.
«Кӧсъя аттьӧавны ставныдтӧ.
Талун абуӧсь сэтшӧм йӧзыс, кодъяслы эськӧ вӧлі веськодь.
Кодкӧ ӧтнас лӧсьӧдӧ посылкаяс, кодъяскӧ чукӧрӧн.
Но ставӧн тайӧс вӧчӧны сьӧлӧмсяньныс.
Миян зонъяс дорӧ ветлігӧн, тіянлысь посылкаясныдтӧ налы сетігӧн ме аддза, кутшӧма колӧ налы тіян отсӧгныд.
Тайӧ Вермӧм вылӧ миян ӧтувъя удж, сійӧс быть колӧ нуӧдны водзӧ», — пасйис Владимир Уйба.
{Kodko @ Владимир Уйба висьталіс картинг да мотокросс серти секцияяс восьтӧм йылысь @ выльтор @ https://rkomi.ru/news/2905 @ 2023-04-13 @ }
Владимир Уйба висьталіс картинг да мотокросс серти секцияяс восьтӧм йылысь.
Ода-кора тӧлысь 1 лунсянь Сыктывкарын воссьӧ картинг да мотокросс серти секция.
Медводз челядьыс кутасны велӧдчыны Республиканскӧй стадионын.
Автоспорт вылӧ позьӧ гижӧдчыны 8 арӧссянь, мотоспорт вылӧ — 9 арӧссянь.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь бердын котыртӧма СВО-ӧ пырӧдчысьяслы да налӧн семьяӧ пырысьяслы социальнӧя отсӧг сетӧмсӧ ладмӧдысь ведомствокостса комиссия @ выльтор @ https://rkomi.ru/news/2906 @ 2023-04-14 @ }
Коми Республикаса Юралысь бердын котыртӧма СВО-ӧ пырӧдчысьяслы да налӧн семьяӧ пырысьяслы социальнӧя отсӧг сетӧмсӧ ладмӧдысь ведомствокостса комиссия.
Та йылысь тшӧктӧмсӧ кырымаліс Коми Республикаса Юралысь Владимир Уйба
Ведомствокостса комиссиясӧ котыртісны «Айму дорйысьяс» торъя военнӧй операцияӧ пырӧдчысьяслы отсӧг сетан канму фонд котыртӧм йылысь» Россия Федерацияса Президентлысь 2023 во косму тӧлысь 3 лунся 232 №-а Индӧд збыльмӧдӧм могысь.
Комиссияӧн веськӧдлӧ Коми Республикалӧн Веськӧдлан котырса вице-премьер Лариса Карачева.
Сійӧс вежысьӧн индісны Коми Республикаса удж, уджӧн могмӧдан да социальнӧя доръян министр Екатерина Грибковаӧс.
Комиссияӧ пырӧны Коми Республикаса олӧмӧ пӧртысь власьт органъясӧн, федеральнӧй структураясӧн, ӧтйӧза организацияясӧн да регионса ӧтмунӧмъясӧн юрнуӧдысьяс да найӧс петкӧдлысьяс.
Казьтыштам, Коми Республикаын лӧсьӧдӧма торъя военнӧй операцияӧ пырӧдчысьяслы да налӧн семьяяслы адреснӧя отсӧг сетан система.
Быд боксянь отсалӧны министерствояс да ведомствояс, каръясса да районъясса администрацияяс, ӧтйӧза организацияяс да «Мы вместе» волонтёрскӧй штабъяс.
Удж, уджӧн могмӧдан да социальнӧя доръян министерство бердын уджалӧ Торъя военнӧй операцияӧ пырӧдчысьяслы да налӧн семьяяслы отсӧг сетӧм серти координационнӧй шӧрин.
Видлалӧны спецоперацияӧ пырӧдчысьясӧс, кодъяслӧн лёкмӧма дзоньвидзалуныс, лекарствоясӧн могмӧдӧм, налӧн реабилитация серти юалӧмъяс.
Шӧринса специалистъяс консультируйтӧны да отсалӧны военнослужащӧйяслӧн семьяяслы.
Коланлун дырйи военнослужащӧйяслы сетӧны вылыс технологияа медицина отсӧг да отсалӧны налы реабилитация дырйи.
Сьӧкыдлунъяс дырйи, кор спецоперацияӧ пырӧдчысьяслӧн семьяыс ачыс оз вермы найӧс венны, позьӧ шыӧдчыны регионса Удж министерствоӧ 8(912)141–42–00 телефон пыр.
Звӧнитны позьӧ 9 чассянь 18 часӧдз, мукӧд кадӧ позьӧ кольны аудиосообщение.
Быд юалӧм Коми Республикаса Юралысь видлалӧ ачыс.
Рӧдвужсянь быд шыӧдчӧм серти уджалӧны мытшӧдсӧ разьтӧдз.
Матысса кадӧ «Айму дорйысьяс» торъя военнӧй операцияӧ пырӧдчысьяслы отсӧг сетан канму фондлы да социальнӧй координаторъяслы уджалӧм вылӧ сетасны жыръяс.
{Kodko @ Владимир Уйба висьталіс Печораса речнӧй училищеысь студентъясӧс да велӧдысьясӧс мукӧд велӧдчанінӧ вуджӧдӧм серти Коми Республикаса Веськӧдлан котырлӧн удж йылысь @ выльтор @ https://rkomi.ru/news/2907 @ 2023-04-14 @ }
Владимир Уйба висьталіс Печораса речнӧй училищеысь студентъясӧс да велӧдысьясӧс мукӧд велӧдчанінӧ вуджӧдӧм серти Коми Республикаса Веськӧдлан котырлӧн удж йылысь.
Тӧд вылӧ уськӧдам, училищесӧ учредитысь — Росморречфлот — шуис пӧдлавны Печораын Саридз да ю флот серти Адмирал Макаров нима канму университетлысь филиалсӧ.
Выпускнӧй курсса студентъяс 2023 вося лӧддза-номъя тӧлысь 30 лунӧдз помаласны велӧдчӧмсӧ да босьтасны Печораын речнӧй училищеса дипломъяс.
Налы отсаласны аддзыны удж.
Мукӧд студентӧс да велӧдысьӧс вуджӧдасны университетса мукӧд филиалӧ, а сідзжӧ Печораса промышленно-экономическӧй техникумӧ, кӧні водзӧ кутасны дасьтыны Коми Республикалӧн ювывса флотлы кадръяс.
Техникумлӧн эм нин ювывса флотлы шӧр звеноса специалистъясӧс велӧдан уджтасъяс серти велӧдан удж вылӧ лицензия.
2023 вося лӧддза-номъя тӧлысь кежлӧ кӧсйӧны помӧдз дзоньтавны аудиторияяс да ньӧбны колана велӧдчан оборудование.
Сідзжӧ Печораса речнӧй училищелысь эмбурсӧ вуджӧдӧны федеральнӧй эмбурысь республикалӧн эмбурӧ.
2023 вося кӧч тӧлысь 1 лунсянь Печораса промышленно-экономическӧй техникумын воссясны «Судноӧн веськӧдлӧм» «Судно вылын энергетическӧй установкаясӧн вӧдитчӧм», «Судно вылын электрооборудование да автоматика средствоясӧн вӧдитчӧм» нырвизьяс серти сьӧмкудйысь сьӧм вылӧ велӧдан местаяс.
Став мероприятиесӧ нуӧдӧны Коми Республикаса Юралысьӧн вынсьӧдӧм туй карта серти.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба чолӧмаліс республикаса олысьясӧс Ыджыд лунӧн @ выльтор @ https://rkomi.ru/news/2908 @ 2023-04-16 @ }
Владимир Уйба чолӧмаліс республикаса олысьясӧс Ыджыд лунӧн.
Коми Республикаса Юралысь отсаліс вайны Вежа Степанлӧн кафедральнӧй вичкоӧ вежа бисӧ да прихожанакӧд ӧттшӧтш вӧлі Ыджыдлунся служба дырйи.
Войнас Ыджыдлунся службасӧ нуӧдіс Сыктывкарса да Коми-Зырянаса архиепископ Питирим.
«Дона чой-вок!
Талун православнӧй христианалӧн медся югыд, зэв ёна виччысяна, медся гажа лун — Ыджыд лун.
Тайӧ гажыс — эскӧмлӧн символ.
Енмыс ас вылас босьтіс миянлысь грекъяснымӧс, лэччис Адӧ, петкӧдіс Райӧ йӧзсӧ да сетіс налы югыд аскиа лунӧ эскӧмсӧ.
И миянлы талун зэв ёна колӧ лоны ӧтув, эскыны вермӧмӧ — эскыны, мый православиеыс вермас сӧтанасӧ, коді вевтыртіс украинаса мусӧ да сэні олысьяссӧ.
Миянкӧд Ен да эскӧм.
Ми вермам.
Христос ловзис!», — чолӧмаліс прихожанаӧс Коми Республикаса Юралысь Владимир Уйба.
{Kodko @ Владимир Уйба висьталіс, мый воссис карса гӧгӧртас мичмӧдӧм-лӧсьӧдӧм серти ставроссияса онлайн-гӧлӧсуйтӧм @ выльтор @ https://rkomi.ru/news/2909 @ 2023-04-17 @ }
Владимир Уйба висьталіс, мый воссис карса гӧгӧртас мичмӧдӧм-лӧсьӧдӧм серти ставроссияса онлайн-гӧлӧсуйтӧм.
Карса олысьяс вермасны бӧрйыны 2024 воын бурмӧдӧм-мичмӧдӧм вылӧ йӧзаинъяс, скверъяс, набережнӧйяс, уличьяс, паркъяс да керка йӧръяс.
Ставнас позьӧ гӧлӧсуйтны республикаса 9 муниципалитетысь 35 объект серти.
Паськыдджыка — Коми Республикаса Юралысьлӧн видео пыр шыӧдчӧмын.
Бӧрйыны позьӧ кыдзи лӧсьӧдӧм-мичмӧдӧм вылӧ объектъяс, сідз и стӧч дизайн-проектъяс.
Сідз, печорасаяс да емвасаяс бӧръясны дизайн-проектъяс водзджык нин бӧрйылӧм мутасъяс серти.
Ода-кора тӧлысь 31 лунӧдз 11.gorodsreda.ru платформа пыр вермӧны гӧлӧсуйтны 14 арӧсысь ыджыдджык войтыр.
2023 воын «Оланін да карса гӧгӧртас» национальнӧй проект серти Коми Республикаын кӧсйӧны бурмӧдны-мичмӧдны 72 йӧзаин да 50 керка йӧр.
На лыдысь 24 мутас шуӧма рейтинг серти быдвося гӧлӧсуйтӧмын вермысьясӧн.
{Kodko @ Владимир Уйба висьталіс инвестиция послание йылысь @ выльтор @ https://rkomi.ru/news/2910 @ 2023-04-18 @ }
Владимир Уйба висьталіс инвестиция послание йылысь.
Посланиесӧ сиӧма уджъёртъяслы, инвесторъяслы да налы, кодъяс талун лӧсьӧдӧны Коми Республикалысь экономикасӧ.
Коми Республикаса Юралысь висьталіс бизнеслы канмусянь отсӧг сетан региональнӧй да федеральнӧй мераяс йылысь да сы йылысь, кутшӧм мероприятиеяс збыльмӧдӧ регионса Веськӧдлан котыр, медым лӧсьӧдны республикаын бизнес нуӧдӧм вылӧ бур условиеяс.
Коми Республикаса Юралысь видео пыр шыӧдчигӧн висьталіс инвестиция посланиеысь медшӧр тезисъяссӧ.
Владимир Уйба юӧртіс, мый Коми Республикаса Веськӧдлан котыр и водзӧ кутас лӧсьӧдны условиеяс, медым сӧвмӧдны регионнымӧс, кыскыны татчӧ унджык инвестиция.
А регион да бизнес костын удж подулын пыр лоӧ ӧта-мӧд водзын кывкутӧм, ёрта-ёртнымӧс пыдди пуктӧм да ӧта-мӧдлы эскӧм.
{Kodko @ Владимир Уйба сёрнитіс инвестиция посланиеӧн Коми Республикаса бизнес-котыръяс водзын @ выльтор @ https://rkomi.ru/news/2911 @ 2023-04-19 @ }
Владимир Уйба сёрнитіс инвестиция посланиеӧн Коми Республикаса бизнес-котыръяс водзын.
Косму тӧлысь 18 лунӧ вӧлі Коми Республикаын инвестиция климат бурмӧдӧм да экспорт сӧвмӧдӧм серти сӧветлӧн заседание.
Коми Республикаса Юралысь сёрнитіс инвестиция посланиеӧн, кӧні юӧртіс санкцияяс дырйи бизнеслы канмусянь отсалӧм йылысь да кутшӧм удж нуӧдӧны, медым отсӧгыс вӧлі унджык.
«Колян во миян олӧмын вӧліны ыджыд вежсьӧмъяс, ковмис мӧвпавны выль ног.
Талун ме медводз шыӧдча пыдди пуктана инвесторъяс, асшӧр уджалысьяс дорӧ, на дорӧ, кодъяс лӧсьӧдӧны регионлысь экономикасӧ.
Сӧмын ӧтувъя уджӧн ми вермам сӧвмӧдны республиканымӧс», — пасйис Коми Республикаса Юралысь Владимир Уйба.
Владимир Уйба тӧдчӧдіс, мый сійӧ ачыс да республикаса Веськӧдлан котыр зільӧны вӧчны ставсӧ, медым бизнес сӧвмис.
Федеральнӧй отсалан мераяс кындзи бура уджалӧны и регионса мераяс. Найӧ сетӧны позянлун видзны республикаса промышленнӧй предприятиеяссӧ, збыльмӧдны выль инвестиция проектъяс.
Сідз, Коми Республикаын пӧртӧны олӧмӧ вӧр переработайтан производствояс ӧнъяӧдӧм серти проектъяс. Татшӧм уджыс мунӧ «Лузалес», «Промтех-инвест» компанияясын, Сыктывкарса вӧр пилитан да экспорт серти заводын.
«Санкцияяслӧн медшӧр мог — Россияӧс войтыркостса рынокысь зырӧм.
Но конкуренция серти миян республикалӧн пайыс зэв тӧдчана.
Комиын озыр вӧр-ва, нормативнӧй-инӧда базаыс лӧсялӧ ӧнія кадыслы, сьӧмкуд да сьӧм овмӧс серти политикасӧ артыштӧма бура, канмусянь веськӧдлан органъяс восьсаӧсь юӧр боксянь.
Санкцияяс вылӧ колӧ видзӧдны оз кризис вылӧ моз, а кыдзи позянлун сӧвмыны регионлы да лӧсьӧдны экономикаын выль тшупӧдъяс», — шуис регионса Юралысь.
Медтӧдчана могъясӧн Владимир Уйба пасйис производство диверсифицируйтӧм да ӧнъяӧдӧм, инвестицияяссянь сьӧм содӧм, выль «тӧлка» экономика лӧсьӧдӧм, кластеръяс, кооперацияяс, предпринимательство сӧвмӧдӧм.
Коми Республикаса Веськӧдлан котыр водзын пуктӧма мог — аддзыны регионса предприятиеяслы да инвесторъяслы инвестиция боксянь выль позянлунъяс.
Экономика сӧвмӧдӧмын медшӧр нырвизьяс — вӧчны стрӧитчан материалъяс, импорт вежан прӧдукция, сӧвмӧдны вӧр промышленнӧй комплекс, туризм, видз-му овмӧс, шыбласъястӧг технологияяс, перйыны да переработайтны рудатӧм мупытшса озырлун.
Аслас посланиеын Коми Республикаса Юралысь юӧртіс мераяс йылысь, кутшӧмъясӧс веськӧдӧма бизнеслы бур условиеяс лӧсьӧдӧм вылӧ.
Тайӧ Промышленносьт сӧвмӧдан регионса фондлӧн удж, лэдзӧм сьӧм видзӧм да ышӧдӧм йылысь артмӧдчӧмъяс, инфраструктураса сьӧмкуд кредитъяс, микрофинансӧвӧй компаниялӧн, гарантийнӧй фондлӧн, лизингӧвӧй компаниялӧн удж, Россия Федерацияса Арктика зонаын бизнеслы отсалӧм.
2023 восянь республикаса Веськӧдлан котыр заводитіс уджавны торъя казначейскӧй кредитъяс серти, кутшӧмъясӧс сетӧ федеральнӧй сьӧмкуд.
Отсӧгсӧ вермӧны босьтны конкурируйтны вермана прӧдукция вӧчысьяс, кодъясӧс пыртӧма Россияса минпромторглӧн лыддьӧгӧ.
Таысь кындзи, асшӧр уджалысьяс вермӧны босьтны ВЭБ.РФ сӧвмӧдӧм серти канму корпорациясянь инвестпроектъяс вылӧ кредитъяс. Сэтчӧ пырис и Монокаръяс сӧвмӧдан фонд.
«Веськӧдлан котырын экономика юкӧн уджалӧ содтӧд мераяс индӧм серти, на лыдын: вӧр промышленнӧй комплексса предприятиеяслы транспорт рӧскод бергӧдӧм вылӧ субсидияяс сетӧм, пуысь керкаяс стрӧитӧмын отсалӧм, сырьё да материалъяс, оборудование ньӧбӧм вылӧ рӧскодсӧ субсидируйтӧм.
Тайӧ могъяс вылӧ республикаса сьӧмкудйын лоӧ урчитӧма 45 миллион шайт», — гӧгӧрвоӧдіс Юралысь.
Владимир Уйбалӧн кывъяс серти, республикаса экономикаын выль юкӧнӧн лоӧ туризм.
Коми Республикаса Юралысьлӧн Индӧдӧн сійӧс сӧвмӧдӧм серти уджсӧ сетӧма регионса Экономика министерстволы.
Сы водзын пуктӧма мог — лӧсьӧдны условиеяс, медым сӧвмис конкурируйтны вермысь туризм индустрия.
Таысь кындзи, матысса кад вылӧ Коми Республикаса Юралысь пуктіс регионса Веськӧдлан котыр водзын мог — пырӧдчыны промышленнӧй туризм сӧвмӧдӧм серти уджтасӧ.
Стратегическӧй водзмӧстчӧмъяс агентство, коді котыртӧ уджтассӧ, дась дон босьттӧг сетны предприятиеяслы промышленнӧй туризмын подув тӧдӧмлунъяссӧ.
Тайӧ отсалас вуджӧдны производствосӧ выль туйвизьӧ да аддзыны экспорт серти выль рынокъяссӧ Азияса странаясын, Латинскӧй Америкаын, Матыс Асыввылын, Африкаын, арабскӧй странаясын.
«Кывкутӧмӧн шуа, мый Коми Республикаса Веськӧдлан котыр и водзӧ кутас лӧсьӧдны став условиесӧ, медым миян регион сӧвмис, медым татчӧ окотапырысь локтісны инвесторъяс.
Бизнескӧд ми пыр кутам уджавны кывкутӧмӧн, ӧта-мӧдӧс пыдди пуктӧмӧн, сёрнилы восьсаӧн, ӧта-мӧдлы эскӧмӧн», — пасйис Владимир Уйба.
Предпринимательяслӧн котырӧ пырысьяс аттьӧалісны Коми Республикаса Юралысьӧс да Веськӧдлан котырӧс ортсысянь санкцияяс дырйи быд боксянь отсӧг сетӧмысь.
«Республикалӧн отсӧгтӧг миянлы, эськӧ, вӧлі сьӧкыд.
Гарантийнӧй фонд лоис миян кредитъяс серти поручительӧн, Промышленносьт сӧвмӧдан фонд сетіс турунвиж кофе ньӧбӧм вылӧ сьӧм, Коми лизингӧвӧй компания отсаліс ньӧбны оборудование.
Тайӧ мераясыс отсалісны венны сьӧкыдлунъяссӧ. 2022 воын ми водзӧ сӧвмим да содтім уджалан местаяслысь лыдсӧ», — пасйис «Кофе Плюс» ИКК-са директор Игорь Бушковский.
Сӧветлӧн заседание дырйи Коми Республикаса Веськӧдлан котыр кырымаліс «Кофе Плюс» компаниякӧд кофе вӧчан завод стрӧитӧм серти инвестиция проект збыльмӧдӧм серти кӧсйӧмъяс йылысь артмӧдчӧм.
Сідзжӧ бура сӧвмысь компанияяслӧн юрнуӧдысьяс юксисны асланыс опытӧн, кыдзи найӧ уджалӧны регионса Веськӧдлан котыркӧд канмусянь отсӧгӧн вӧдитчӧм серти.
«Отсӧгыс ёна колана, тадзи ми видзам уджалан местаяссӧ, производствосӧ. Ми вермам сӧвмыны водзӧ, — пасйис «Промтех-инвест» ИКК-са директор Владислав Федькин. — Ми вӧлім медводдза компанияӧн, коді пырӧдчис инфраструктура объектъяс стрӧитігӧн отсӧг сетан уджтасӧ.
Республикаса Веськӧдлан котыркӧд топыда уджалӧмӧн ми ӧдйӧ да бура разим став юалӧмсӧ.
Уджтасыс отсалӧ тӧдчымӧн чинтыны инвестиция кадсӧ, ӧдйӧджык панны уджсӧ да лӧсьӧдны уджалан местаяссӧ».
«Ми лоим мӧд предприятиеӧн, коді пырӧдчис «Коми Республикаын уджлӧн национальнӧй бӧртаслун» проектӧ, — юксис опытӧн «Сыктывкарса йӧв завод» ИКК-са финансӧвӧй директор Наталья Лыюрова. — Оптимизация нуӧдӧм бӧрын чиніс производство процессъяслӧн кадыс, уджалысьяс дугдісны уджавны урчитӧм кадысь дырджык, бырисны ковтӧм могъясыс да содіс уджлӧн бӧртаслуныс.
Экономика боксянь пӧльзаыс лоис 10 миллионысь унджык шайт.
Та дырйи 6,7 миллион гӧгӧр шайт артмис видзны урчитӧм кадысь дырджык уджалӧмсӧ бырӧдӧм бӧрын.
Миян предприятие сідзжӧ зільӧ пырӧдчыны Коми Республикаса промышленносьт сӧвмӧдан фондлӧн проектъясӧ.
2022 воын босьтім заём «Промышленнӧй оборот» да «Производство ӧнъяӧдӧм да паськӧдӧм» уджтасъяс серти.
Бур, мый заёмлысь сюрӧс уджйӧзсӧ ми заводитім мынтыны сійӧс босьтӧм бӧрын сӧмын квайт тӧлысь мысти, а прӧчентъяссӧ ми мынтам кварталнас ӧтчыдысь.
Таво ми кӧсъям пырӧдчыны «Уджлысь бӧртаслунсӧ кыпӧдӧм» уджтасӧ, медым ӧнъяӧдны производствонымӧс да ньӧбны вылынджык тшупӧда, бур оборудование да збыльмӧдны Коми Республикаса Юралысьӧн пуктӧм могсӧ — суткинас 110 тонна переработайтӧм».
«Регионлысь география боксянь аслыспӧлӧслунъяссӧ тӧд вылӧ босьтӧмӧн, ми сӧвмӧдам кӧрт туй вывті прӧдукция нуӧмсӧ, — юӧртіс аслас опыт йылысь «Посредник» ИКК-са медыджыд директор Руслан Попов. — 2022 воын ми вӧдитчим Коми лизингӧвӧй компаниялӧн услугаӧн.
Миянӧс шензьӧдіс, мый условиеясыс тӧдчымӧн торъялӧны банкъяс серти, прӧчента ставкаяссянь документъяс чукӧртӧмӧдз.
Ӧні ми збыльмӧдам Воркутаӧ, Усинскӧ, Интаӧ контейнеръясӧн груз нуӧмсӧ котыртӧм серти пилотнӧй проект.
Аттьӧ, мый сетанныд позянлун збыльмӧдны татшӧм инвестиция проектъяссӧ».
Владимир Уйба аттьӧаліс бизнес-котыръясӧс петкӧдлысьясӧс Коми Республикаын йӧзлы тӧдчана проектъяс збыльмӧдӧмӧ пай пуктӧмысь, регионса промышленносьт сӧвмӧдӧмӧ инвестицияяс кыскӧмысь да сетіс промышленнӧй предприятиеясса водзмӧстчысь юрнуӧдысьяслы Коми Республикаса Юралыссянь Аттьӧалана письмӧяс.
{Kodko @ Коми Республикаын инвестиция климат да экспорт сӧвмӧдӧмсӧ бурмӧдӧм серти сӧветлӧн заседание дырйи уджъёртъяс да инвесторъяс дорӧ Коми Республикаса Юралысь Владимир Уйбалӧн инвестиция послание @ выльтор @ https://rkomi.ru/news/2912 @ 2023-04-19 @ }
Коми Республикаын инвестиция климат да экспорт сӧвмӧдӧмсӧ бурмӧдӧм серти сӧветлӧн заседание дырйи уджъёртъяс да инвесторъяс дорӧ Коми Республикаса Юралысь Владимир Уйбалӧн инвестиция послание.
2023 вося косму тӧлысь 18 лунӧ Коми Республикаса Юралысь Владимир Уйба сёрнитіс инвестиция посланиеӧн, кӧні висьталіс санкцияяс дырйи бизнеслы канмусянь отсӧг да отсалан мераяс содтӧм серти удж йылысь.
Коми Республикаса Юралысьлӧн пресс-служба йӧзӧдӧ инвестиция посланиелысь текстсӧ да презентациясӧ:
«Бур лун, пыдди пуктана уджъёртъяс, предприятиеясӧн юрнуӧдысьяс!
Колян во пыртіс миян олӧмӧ зэв ыджыд вежсьӧмъяс.
Ми паныд сувтам мытшӧдъяслы, ӧд найӧ мырдӧналӧны миянӧс выль ногӧн мӧвпавны.
Менам послание веськӧдӧма медводз тіянлы, пыдди пуктана инвесторъяс, асшӧр уджалысьяс, налы, кодъяс талун артмӧдӧны миян регионлысь экономикасӧ.
Сы вӧсна мый сӧмын ӧтлаын зіля уджалӧмӧн позьӧ воӧдчыны стратегическӧй могъясӧдз да бура сӧвмӧдны регионнымӧс.
Ме ачым, республикаса Веськӧдлан котыр кӧсъям лӧсьӧдны бур условиеяс бизнес нуӧдӧм вылӧ, лӧсьӧдны уджын ёртасян йитӧдъяс, медым зіля сӧвмис предприятиеяслӧн уджыс.
Миян экономикалӧн медшӧр юкӧнъяс — вӧрса да мупытшса озырлун перъян промышленносьт — талун зэв бура уджалӧны.
Коми Республика пасьтала промышленнӧй производстволӧн индекс 2022 воын лоис 103,3 % 2021 волӧн тшупӧд серти, мый вылынджык россияса шӧр тшупӧд серти (99,4 %).
Тайӧ жӧ кадӧ 2022 вося шӧр капиталын инвестиция мындаыс лоис 118,5 миллиард шайт, мый 2021 вося тшупӧд серти 17 % вылӧ улынджык.
Тайӧ йитчӧма странаын экономика серпаскӧд, сійӧн, мый пыртӧны санкцияяс, инвесторъяс выль пӧв видлалӧны ассьыныс инвестиция планъяс да уджтасъяс.
Такӧд тшӧтш 2023 воын ми кӧсъям видзны инвестиция мындасӧ 2022 вося тшупӧдысь ог улынджык.
Уна компания водзӧ уджалӧ да быдмӧ миян регионын.
Инвесторъяс водзӧ збыльмӧдӧны ыджыд проектъяс.
Ме шуа Сыктывкарса вӧр пилитан да экспорт нуӧдан заводлысь, «Лузалес», «Промтехинвест» компанияяслысь вӧр переработайтан производствояс ӧнъяӧдан проектъяс.
Странанымӧс дзескӧдӧм вылӧ видзӧдтӧг регионын серпасыс вежласьтӧм.
Ӧнія лоӧмторъясыс петкӧдлісны, мый суйӧрсайса технологияяс да сэтчӧ коланаторъяс ёна тӧдчӧны экономика вылӧ.
Дугдісны вайны суйӧрсайса оборудование да сылы коланаторъяс, мый вӧсна предприятиеяслӧн нюжалісны сёрнитчан кӧсйысьӧмъяс серти кадколастъясыс, инвестпроектъяс збыльмӧдан кадколастъясыс, сьӧкыдджык лоис логистикаыс.
Санкцияяслӧн медшӧр могыс — петкӧдны Россияӧс войтыркостса рынокысь.
Но миян республикалӧн бурӧсь конкуренцияын позянлунъясыс, мый лоӧ подулӧн социальнӧя да экономика боксянь сӧвмӧмын.
Ӧти-кӧ, республика озыр минерально-сырьевӧй ресурсъясӧн, вӧрӧн, ваӧн, ломтасӧн да энергоресурсъясӧн, мусир-биаруӧн, вӧчан продукцияыс пыр век колана.
Мӧд-кӧ, тайӧ макроэкономикаын зумыдлун: нормативнӧй инӧда базаыс лӧсялӧ ӧнія олӧмлы, бура артыштӧма сьӧмкуд да сьӧм овмӧс политика, канмуӧн веськӧдлан органъяс восьсаӧсь юӧр боксянь.
Санкцияяс вылӧ миян колӧ видзӧдны абу кыдзи кризис вылӧ, а кыдзи миян регионлы сӧвмыны да экономикаын выль туйяс писькӧдны позянлун вылӧ.
Коми Республикалӧн экономикаын медшӧр стратегическӧй могъясыс кольӧны важ ногыс.
Тайӧ:
- диверсифицируйтны да выльмӧдны производство;
- содтыны инвестиция пуктӧмъяс;
- лӧсьӧдны выль «тӧлка» экономика да активизируйтны кластеръяс, сӧвмӧдны кооперация;
- активнӧй предпринимательство.
Ковмас пыртны ыджыд вежсьӧмъяс, медым лӧсьӧдны выль экономика да выль инвестиция циклъяс.
Медводз, та могысь колӧ гӧгӧрвоны, кутшӧм юкӧнъяс сӧвмӧдны да кутшӧмъяслы отсавны, кутшӧм кадръясӧс дасьтыны тайӧ юкӧнъяслы, кутшӧм условиеяс колӧ лӧсьӧдны миян регионлысь да страналысь аскиа лун сӧвмӧдӧм вылӧ.
Республикаса Веськӧдлан котырлӧн могъяс пиысь ӧтиыс — корсьны регионса предприятиеяслы да инвесторъяслы выль инвестиция туйяс.
Та могысь быд олӧмӧ пӧртысь власьт органын, быд муниципальнӧй юкӧнын колӧ котыртны командаясӧс, кодъяс кутасны отсавны инвесторъяслы, консультируйтны найӧс, бырӧдны мытшӧдъяс, лӧсьӧдны отсӧг сетан мераяс серти вӧзйӧмъяс.
Сӧвман позянлунъясыс йитчӧмаӧсь республикаса экономика диверсифицируйтан медшӧр нырвизьяскӧд:
- стрӧитчан материалъяс вӧчӧм;
- суйӧрсайса продукция вежан производство сӧвмӧдӧм;
- видз-му овмӧс;
- шыбластӧм технологияяс;
- рудатӧм мупытшса озырлун перйӧм да найӧс переработайтӧм;
- вӧр промышленносьт комплекс сӧвмӧдӧм, мый йитчӧма пу сырьё видзасъяскӧд, медым вӧчны дона продукция: фанера, МДФ, OSB-плитаяс, клеитӧм брус, пуысь вӧчӧм стрӧитчан конструкцияяс да керка лэптан комплектъяс;
- туризм сӧвмӧдӧм, сы лыдын экологическӧй да промышленнӧй.
Коми Республикаса инвестиция политикаын медтӧдчанаторъясӧн кольӧны:
- инвестиция кыскӧмсӧ содтӧм;
- бизнес-котыръясын республика йылысь кыдзи инвестицияяс пуктӧм вылӧ лӧсьыд регион йылысь бур мӧвп видзӧм;
Регионлӧн инвестиция портфельыс артмӧ экономикалӧн быдсикас юкӧнын збыльмӧдан 100 гӧгӧр проектысь 2026 воӧдз сьӧмкудйысь ӧтдор инвестицияясысь 400 миллиардысь унджык шайт ӧтувъя мында вылӧ.
Медшӧръяссӧ на пиысь пыртӧма 2021–2026 вояс вылӧ дасьтӧма Россия Федерацияса Президентлӧн тшӧктӧм серти.
Тайӧ республикалӧн медводдза стратегическӧй документ, кутшӧмӧс вынсьӧдӧма федеральнӧй тшупӧдын.
Планӧ пырӧ 50 инвестиция проект, кутшӧмъяс кыскасны подув капиталӧ 150 миллиард шайт мындаын инвестицияяс да лӧсьӧдасны 6 сюрс гӧгӧр выль уджалан места.
Диверсифицируйтан план збыльмӧдӧм серти 2022 волӧн кывкӧртӧдъяс серти сьӧмкудйысь ӧтдор пуктӧм инвестиция мындаыс — 19 миллиард гӧгӧр шайт, лӧсьӧдӧма 467 уджалан места.
Республикаын промышленносьт сӧвмӧдны отсалан да бизнес нуӧдӧм вылӧ бур условиеяс лӧсьӧдан мераыс уна.
Экономикалы, а буретш обработайтан промышленносьтлы, тӧдчанаӧн лоис Промышленносьт сӧвмӧдан регионса фондлысь (ПСРФ) уджсӧ бурмӧдӧм.
Республика зіля пырӧдчис уджӧ да быд во содтӧ кыскӧм федеральнӧй сьӧмсӧ Россияса Минпромторглӧн регионса ӧтувъя субсидия серти.
2022 воын кыскӧма федеральнӧй сьӧмкудйысь 94,5 миллион шайт Промышленносьт сӧвмӧдан регионса фондлысь уджсӧ сьӧмӧн могмӧдӧм вылӧ.
Ёна вӧдитчисны «Промышленнӧй оборот» Промышленносьт сӧвмӧдан регионса фондлӧн выль стандартӧн, мый вылӧ регионса сьӧмкудйысь вичмӧдісны 150 миллион шайт.
Сідзжӧ ми кӧсъям кыскыны сьӧмсӧ Промышленносьт сӧвмӧдан федеральнӧй фондысь выль йитӧдын: 90 % федеральнӧй сьӧм 10% регионса сьӧм вылӧ.
Торйӧн кӧсъя индыны инвесторъяслы Промышленносьт сӧвмӧдан регионса фондлӧн уджаланногъяс вылӧ.
Сылӧн прӧдуктъясыс — абу сӧмын ичӧт ставкаяс, но и медшӧр уджйӧз мынтан кадколастсӧ 1 восянь 3 воӧдз нюжӧдӧм, мый сетӧ позянлун ӧдйӧджык панны уджсӧ, ладмӧдны продукция иналӧмсӧ да сӧмын сэки заводитны бырӧдны медшӧр уджйӧзсӧ.
2023 воын ми пуктім республиканскӧй сьӧмкудйӧ 100 миллион шайт Промышленносьт сӧвмӧдан регионса фондсӧ докапитализируйтӧм вылӧ.
Пукта Коми Республикаса экономика сӧвмӧдан министерстволы мог — сетны 2024 во вылӧ 200 миллион шайт мындаын регионса ӧтувъя субсидия кыскӧм вылӧ заявка.
Нӧшта ӧти уджаланног — лэдзӧм сьӧм видзӧм да ышӧдӧм йылысь артмӧдчӧмъяс кырымалӧм.
2022 вося ӧшым тӧлысьын Коми Республика Россияса медводдза нёль регион лыдын кырымаліс 4,5 миллиард шайт мындаын инвестицияясӧн пу обработайтан юкӧнын проект збыльмӧдӧм серти лэдзӧм сьӧм видзӧм да ышӧдӧм йылысь артмӧдчӧм.
Примитӧма лэдзӧм сьӧм видзӧм да ышӧдӧм йылысь артмӧдчӧмсӧ кырымалан регионса пӧрадок;
- выль федеральнӧй условиеяс тӧд вылын кутӧмӧн торъя инвестиция контракт кырымаланног, сідз шусяна 2.0 торъя инвестиция контракт.
Ӧнія лоӧмторъяс тӧд вылӧ босьтӧмӧн, медым ышӧдны инвесторъясӧс инвестиция проектъяс збыльмӧдӧм вылӧ, выльмӧдісны регион тшупӧдын 1.0 торъя инвестиция контрактлысь уджаланногсӧ;
- выль инвестиция проектъяс збыльмӧдӧм серти инфраструктура объектъяс лӧсьӧдӧм вылӧ юридическӧй кывкутысьлы сьӧмкуд инвестицияяс.
2022 воын овмӧс нуӧдысь 3 субъект медводдзаысь босьтісны республиканскӧй сьӧмкудйысь субсидияяс, медым компенсируйтны производство площадкалы инфраструктура объектъяс лӧсьӧдӧм вылӧ ӧтувъя рӧскодсӧ 32 миллион шайт ӧтувъя мындаын.
Тайӧс вермасны эскӧдны отсӧгсӧ босьтысь инвесторъяс.
Выль инвестиция проектъяслӧн федеральнӧй лыддьӧгӧ пыртӧма 12 проект, кутшӧмъясӧс збыльмӧдӧны экономикалӧн обработайтан, видз-му овмӧс да оланін юкӧнъясын 60 миллиард шайт мындаын инвестицияясӧн.
Нӧшта ӧти отсалан ног — инфраструктурнӧй сьӧмкуд кредитъяс сетӧм серти — регионса Веськӧдлан котыр дасьтіс заявка да 4 инвестиция проект — 2 (кык) 2021 во помын да 2 (кык) 2022 вося косму тӧлысь помын — бӧрйисны Россияса стрӧитчан министерствоын да збыльмӧдсьӧны инфраструктурнӧй сьӧмкуд кредитъясысь сьӧм кыскӧмӧн.
Сьӧмкуд кредитлӧн ӧтувъя мындаыс — 3,4 миллиард шайт.
Тайӧ сьӧмсӧ веськӧдӧма проектъяс збыльмӧдӧм вылӧ колана инфраструктура объектъяс лӧсьӧдӧм вылӧ.
Инфраструктурнӧй кредитлысь сьӧм кыскӧмӧн збыльмӧдан проектъяс пиысь ӧти серти — фанера вӧчан завод стрӧитӧм серти, капитальнӧя дзоньталӧма Човса промышленнӧй узел дорын автомашина туй участоксӧ.
Мукӧд куим туй участоксӧ дзоньталасны 2023–2024 воясын.
Таво кӧсйӧны помавны дасьтысян уджъяссӧ, медым заводитны стрӧитны Сыктывкарса Вылыс Човйын скӧт видзан ферма.
2024 воын кӧсйӧны лӧсьӧдны Сыктывкарса Выльтыдорын туристско-рекреационнӧй комплекс.
Проектъяс серти инвестицияяслӧн ӧтувъя ыдждаыс — 2 миллиард шайт.
Республикаса Стрӧитчан министерстволӧн да регионса Экономика сӧвмӧдан министерстволӧн ӧтувъя мог — видзӧдны, кытчӧ видзӧны федеральнӧй сьӧмсӧ да лӧсьӧдны инфраструктура объектъяс сьӧмкуд кредитъяс тшӧт весьтӧ.
Бизнеслы сьӧмӧн вӧдитчыны позянлунсӧ содтӧм вылӧ веськӧдӧма микрофинансӧвӧй компаниялӧн, гарантийнӧй фондлӧн, лизингӧвӧй компаниялӧн уджыс.
Сӧвмӧдан институтъяс докапитализируйтӧм отсӧгӧн водзӧ чинісны прӧчента ставкаяс да ичӧт да шӧр предпринимательство субъектъяслы лои кокниджык босьтны заёмнӧй сьӧмсӧ.
2022 воын гарантийнӧй фондлӧн поручительствоясӧн кыскӧм заёмнӧй сьӧм мындаыс лоис 2 миллиардысь унджык шайт, 2021 во дорысь 31% вылӧ унджык.
Лизингӧвӧй компания кырымаліс 35 сёрнитчӧм, мый воддза во серти 30% вылӧ унджык.
Уджаланногыс тырмымӧн да найӧс колӧ тӧд вылын кутны муниципалитетъясын выль производствояс лӧсьӧдігӧн.
Кора муниципалитетъясӧн юрнуӧдысьясӧс торйӧн видлавны выль проектъяс збыльмӧдан позянлунъяссӧ ӧнія ресурсъяс тӧд вылӧ босьтӧмӧн.
Медтӧдчана могъяс пиысь ӧтиӧн ме чайта федеральнӧй власьт органъяскӧд да сӧвмӧдан институтъяскӧд водзӧ ӧтув уджалӧм. Кора Веськӧдлан котырӧс водзӧ уджавны индӧм нырвизь серти.
Коми Республикаса Арктика зоналӧн резидентъяслысь проектъяс збыльмӧдны содтӧд отсӧг сетӧм вылӧ лӧсьӧдӧма федеральнӧй, региональнӧй да меставывса преференцияяс.
Водзӧ уджалӧны Коми Республикаын Арктика зонаса лоны вермана резидентъяслысь реестр да проектъяс артмӧдӧм серти, медым водзӧ видлавны да пыртны найӧс уджӧ.
Россияса Арктика порталын пасйӧма 84 проект, кутшӧмъясӧс збыльмӧдӧны Коми Республикаын мупытшса озырлун перъян, переработайтан, транспорт, видз-му овмӧс да социальнӧй юкӧнъясын 7 миллиард гӧгӧр шайт ӧтувъя мындаын индӧм инвестицияяслӧн, кӧсйӧны лӧсьӧдны 1700 выль уджалан места.
27 резиденткӧд кырымалӧма Россияса Арктика зонаын инвестиция удж збыльмӧдӧм йылысь артмӧдчӧмъяс.
Коми Республикаын Арктика зонаса резидентъяслы федеральнӧй преференцияяс кындзи эмӧсь на регионса да меставывса вот кокньӧдъяс.
Кыв шутӧг, тайӧ кокньӧдъясыс лоасны воськолӧн Воркутаын, Интаын, Усинскын да Чилимдін районын шӧр да ичӧт бизнес сӧвмӧдӧмын.
Кора инвесторъясӧс вӧдитчыны тайӧ ресурсӧн.
Тӧдчӧда, мый республикаса Веськӧдлан котыр зіля пырӧдчис уджӧ Россия Федерацияса Президентлӧн тшӧктӧм серти — могмӧдны Арктика зонаын олысь гражданаӧс социальнӧй инфраструктура объектъясӧн — «Арктикаса ӧтувъя субсидия» серти.
Тайӧ колана механизм, мыйӧн водзджык вӧдитчисны сӧмын Ылі Асыввыв федеральнӧй кытшын.
Ми вынсьӧдім Коми Республикаса экономика кыпӧдан шӧринъяс социальнӧя сӧвмӧдан план, кутшӧмӧс сӧгласуйтіс Россияса Ылі Асыввыв сӧвмӧдан министерство да ошкис Арктика сӧвмӧдан юалӧмъяс серти Канму комиссияса президиум.
2022 воын 772 миллион шайт веськӧдӧма медшӧр коланлунъяс вылӧ: аэродромнӧй да пӧжарнӧй техника, автобусъяс, коммунальнӧй техника ньӧбӧм, автомашина туйяс дзоньталӧм да йӧзлысь дзоньвидзалун видзан объектъяс стрӧитӧм вылӧ.
Таысь кындзи, 2022 вося ӧшым тӧлысьын Канму комиссиялӧн заседание дырйи ошкисны 2023 во вылӧ миянлысь вӧзйӧмъяссӧ: содтыны Социальнӧя сӧвмӧдан планӧ йӧзлысь дзоньвидзалун видзан юкӧнын мероприятиеяс 259,4 миллион шайт мындаын дона да мобильнӧй оборудование ньӧбӧм серти, медым сетны олысьяслы судзсяна да бур медицина отсӧг, сы лыдын ылі да сьӧкыда воӧдчан сикт-грездъясын.
Медым социальнӧя сӧвмӧдан юкӧнъясын унджык отсавны Арктика муяслы, республикаса Веськӧдлан котырлы тшӧкта кыдз позьӧ зільджыка уджавны тайӧ нырвизь федеральнӧй сьӧмкудйысь сьӧмӧн могмӧдӧм серти.
Муниципалитетъясын пыдди пуктана юралысьяс, кора тіянӧс дасьтыны тӧлка вӧзйӧмъяс тайӧ нырвизь серти.
Федеральнӧй тшупӧдын водзӧ уджалӧны санкцияяс дырйи экономикалы да регионъяслы отсалан мераяс пыртӧм серти.
Республика зіля вӧдитчӧ Йӧзлысь олӧмсӧ бурмӧдан фондлӧн уджаланногъясӧн.
2023 восянь республикаса Веськӧдлан котыр заводитіс ӧткымын нырвизь федеральнӧй сьӧмкуд сьӧмӧн могмӧдӧм серти удж выль уджаланног серти — Россия Федерацияса субъектъяслы вичмӧдан торъя казначейскӧй кредитъяс
- шоныдӧн да ваӧн могмӧдан, ва бокӧ нуӧдан объектъяс ӧнъяӧдан мероприятиеяс вылӧ;
- муниципалитетъясын котельнӧйяс ӧнъяӧдӧм вылӧ;
- йӧзӧс новлӧдлан транспорт выльмӧдӧм вылӧ.
Олӧмӧ пӧртысь власьт органъяслӧн мог — дасьтыны 1,7 миллиард шайт вылӧ заявка да прӧйдитны бӧрйысьӧм федеральнӧй тшупӧдын казначейскӧй кредитысь сьӧм кыскӧм могысь.
Федеральнӧй тшупӧдын урчитӧма 1 миллиардысь унджык шайт промышленнӧй ипотека уджтаслы отсалӧм вылӧ — промышленнӧй производстволы вӧрзьӧдтӧм эмбур ньӧбӧм вылӧ предприятиеяслы кокньӧдӧм кредитъяс сетӧм вылӧ.
Тайӧ Уджтассӧ панісны Президентлӧн тшӧктӧм серти 2022 вося кӧч тӧлысьын. Сы отсӧгӧн предприятиеяс видзасны этшаджык сьӧм выль жыръяс ньӧбӧм вылӧ, а сідзжӧ вермасны паськӧдны производствосӧ, збыльмӧдны лача сэтысь проектъяс, лӧсьӧдны выль уджалан местаяс.
Уджтас серти кредитъяссӧ сетӧны сизим воӧдз кадколаст вылӧ вонас 5% кокньӧдӧм ставка серти.
Инновационнӧй технологическӧй компанияяслы ставкаыс нӧшта на улынджык — вонас 3%.
Кредитлӧн медыджыд мындаыс — 500 миллион шайт.
Ичӧт да шӧр бизнес компанияяс вермӧны компенсируйтны 700 сюрс шайтӧдз, а гырысь компанияяс — 2 миллион шайтӧдз выставка площадь кӧртымалан ӧтувъяс рӧскодсӧ, а сідзжӧ суйӧрсайса выставкаясын участвуйтӧмысь регистрационнӧй чукӧртӧмсӧ, кӧні участвуйтісны 2022–2023 воясын «Мой экспорт» цифрӧвӧй платформа пыр.
Водзӧ примитӧны заявкаяс «Кластернӧй инвестиция платформа» сервисын проектъяслӧн лыддьӧгӧ пыртӧм вылӧ.
Россияса Минпромторгӧн вынсьӧдӧм лыддьӧгӧ пырысь тӧдчана прӧдукция вӧчӧм серти проектъяс збыльмӧдысь инвесторъяс вермӧны босьтны кокньӧдӧм прӧчента ставкаа кредит конкурируйтны вермысь прӧдукция лэдзӧм вылӧ производство выльмӧдӧм могысь.
1-сянь 100 миллиард шайтӧдз кредит мындаыс тупкас проектлысь донсӧ 80%-ӧдз.
Предприятиеясӧн пыдди пуктана юрнуӧдысьяс, вӧзъя тіянлы вӧдитчыны тайӧ механизмъясӧн, республикаса Экономика сӧвмӧдан министерство отсалас чукӧртны колана документъяс.
ВЭБ.РФ сӧвмӧдан канму корпорациялӧн наблюдательнӧй сӧвет, кытчӧ пырис Монокаръяс сӧвмӧдан фонд, 2022 воын ошкис монокаръяслы отсалан выль мераяс.
Асшӧр уджалысьяс ӧні вермӧны босьтны инвестпроектъяс вылӧ 5 миллион шайтсянь1 миллиард шайтӧдз кредитъяс 15 во вылӧ вонас 1%, а сідзжӧ 750 миллион шайтӧдз инвестпроектъяс улӧ инфраструктура объектъяс сьӧмӧн ӧтув могмӧдӧм вылӧ сьӧм.
Такӧд йитӧдын кора республикаса Экономика сӧвмӧдан министерствоӧс муниципалитетъясса администрацияяскӧд ӧтув зільджыка уджавны монокаръясын инвестпроектъяс збыльмӧдӧм вылӧ ВЭБ.РФ сьӧм кыскӧм серти.
Талун Сӧвет вылын карса помшуӧмъяслӧн да ВЭБ.РФ сӧвмӧдан канму корпорацияса монокаръяс сӧвмӧдӧм серти юкӧнса директор Екатерина Андреевна Охрименко висьталас монокаръяслы отсалан мераяс йылысь.
Республикаса Веськӧдлан котырлӧн экономика юкӧнын дасьтӧны содтӧд мераяс, на лыдын:
– пытшкӧс рынокын продукция вӧйигӧн вӧр промышленносьт комплексса предприятиеяслы транспорт рӧскод вештӧм вылӧ субсидия сетӧм;
– пу керка стрӧитны отсалӧм, мый урчитӧма медводз гражданаӧс мӧдлаӧ овмӧдӧмкӧд йитчӧм федеральнӧй уджтасъяс збыльмӧдӧм могысь, мый сетас позянлун бура вузавны пуысь стрӧитчан конструкцияяс Россия Федерацияса пытшкӧс рынокын;
– кокни промышленносьт предприятиеяслы отсалӧм могысь таво республикаса Веськӧдлан котыр Экономикалӧн уджалӧмлысь зумыдлунсӧ могмӧдӧм серти регионса штабын примитіс канмусянь отсӧг сетан выль кык мера пыртӧм йылысь помшуӧм: сырьё да материалъяс ньӧбӧм, оборудование ньӧбӧм вылӧ ӧтувъя рӧскодсӧ субсидируйтӧм.
Тайӧ могъяс вылӧ республиканскӧй сьӧмкудйын вичмӧдасны 45 миллион шайт.
Кокни промышленносьт сӧвмӧдӧм могысь регионкостса уджъёртасьӧмсӧ сӧвмӧдӧм серти видлавсьӧ Башкирияса кокни промышленносьт кластерӧ пырӧдчыны позянлун.
Республикаса Веськӧдлан котырлӧн тӧдчана мог — сетны позянлун ичӧт да шӧр предпринимательство субъектъяслы вӧдитчыны инженернӧй инфраструктураа (электричествоӧн, биаруӧн, ваӧн могмӧдӧм) дась производственнӧй площадьясӧн.
Республикаын индустриальнӧй парк лӧсьӧдӧм бӧрын асшӧр уджалысьяс оз кутны видзны кадсӧ площадкаяс дасьтӧм вылӧ, а вермасны дзик пыр заводитны уджавны.
Казьтышта, мый 2022 вося кӧч тӧлысьын Россияса экономика сӧвмӧдан министерство бердын экспертнӧй группа ошкис 500 миллион шайт вылӧ пу обработайтан юкӧнын «Зеленеч» индустриальнӧй парк лӧсьӧдӧм серти республикалысь заявкасӧ.
Ми кутам лача, мый босьтам федеральнӧй субсидиясӧ тайӧ волӧн мӧд джынйын, а проектсӧ збыльмӧдам 2023–2024 воясын.
Талун нин эмӧсь парклӧн лоны вермана резидентъяс.
Тайӧ стружитӧм продукция вӧчан, пу пыдіа косьтан, пу шом вӧчан предприятиеяс.
Сідзжӧ кӧсъям корны мукӧд отрасльысь компанияясӧс (кокни промышленносьт, стрӧитчан материалъяс вӧчан, металл обработайтан).
Предприятиеясӧн юрнуӧдысьяс да инвесторъяс, кодъяс кӧсйӧны лоны паркса резидентъясӧн, вермӧны веськыда шыӧдчыны «Зеленеч» индустриальнӧй паркӧн веськӧдлан компанияӧ, медым видлавны производствосӧ сылӧн му вылын меститӧм серти юалӧмсӧ.
Ичӧт да шӧр инновационнӧй компанияяс лӧсьӧдӧм да сӧвмӧдӧм вылӧ нӧшта ӧти площадкаӧн вермас лоны технопарк вӧчӧм.
Сійӧ сетас позянлун могмӧдны компанияясӧс торъя площадьясӧн, бурмӧдны бизнессӧ технологическӧй инфраструктура да торъя сервисъяс отсӧгӧн, збыльмӧдны ӧтувъя проектъяс.
Татшӧм объект лӧсьӧдӧм серти юалӧмсӧ ми видлалам наука да бизнес котыръяскӧд ӧтвылысь, медым гӧгӧрвоны, колӧны-ӧ асшӧр уджалысьяслы технопаркъясыс.
Экономикаын выль тырвыйӧ отрасльӧн вермас лоны миян регионын туризм сӧвмӧдӧм.
Коми Республика пыр шоныда примитӧ гӧсьтъясӧс, тані йитчӧны вӧр-валӧн унасикаслуныс войтыръяслӧн озыр культуракӧд, тані туризм сӧвмӧдӧм вылӧ позянлуныс тырмымӧн.
Тӧрыт ме кырымалі Коми Республикаса экономика сӧвмӧдан да промышленносьт министерстволы туризм сӧвмӧдӧм серти могъяс сетӧм йылысь Индӧд.
Пукта Экономика сӧвмӧдан министерстволы мог — уджмогъяс сетан лунсянь кык тӧлысьӧн дасьтыны да вынсьӧдны Коми Республикаын туризм сӧвмӧдан концепция, кодлӧн могыс — лӧсьӧдӧны туризм индустриялысь конкурируйтны верманлунсӧ сӧвмӧдӧм вылӧ условиеяс, а сідзжӧ аддзыны тӧдчана нырвизьяс, медым сӧвмӧдны туризм юкӧн муяс юклӧм да кластеръяс подув вылын.
Республикаса экономикаын тӧдчана ин босьтӧ вӧр комплекс, та понда тайӧ отрасль бӧрся торйӧн ёна видзӧдӧ Веськӧдлан котыр.
Вӧр промышленносьт комплекс сӧвмӧдан драйверӧн лоӧ вӧрӧн вӧдитчан юкӧнын тӧдчана инвестиция проектъяс збыльмӧданног.
Диверсифицируйтан планӧ пыртӧм вӧр промышленносьт комплекслӧн куим инвестиция проект, кодъяслӧн ӧтувъя мындаыс 7,7 миллиард шайт, пырисны вӧрӧн вӧдитчан юкӧнын тӧдчана инвестиция проектъяслӧн федеральнӧй лыддьӧгӧ:
2021 воын — «Лузалес» компанияын производство вынйӧръяс ӧнъяӧдан да паськӧдан проект;
2022 воын — Сыктывкарса вӧр пилитан да пу обработайтан комбинатлысь производство ӧнъяӧдан проект;
таво уджалысь вӧр промышленносьт производство выльмӧдӧм да «Промтех-инвест» предприятиеясын OSB-плитаяс лэдзӧм серти 2,1 миллиард шайт инвестицияяс ыдждаа проект.
Лӧсьӧдӧны МДФ плитаяс вӧчӧм серти проект федеральнӧй тшупӧдын тӧдчана проектъяслӧн лыддьӧгӧ пыртӧм вылӧ заявка.
Эмӧсь отрасльлы отсалӧмкӧд йитчӧм регионса мераяс, на лыдын:
- вӧр переработайтан юкӧнын экспорт вылӧ веськӧдӧм предприятиеяслы организацияясса эмбур вылӧ вот мынтӧмысь мездӧм;
- 2022 вося рака тӧлыссянь уджалӧ «Логистика шӧрин», видлалӧма кӧрт туй транспортӧн новлӧдлӧсӧ сӧгласуйтӧмын сёрмӧдчӧмъяс серти вӧр промышленносьт предприятиеяслысь 55 шыӧдчӧм, республиканскӧй туяс вылын тулыс-арын автоперевозкаяслы дась вӧр прӧдукция лэдзӧм, вӧзйӧма пыртны вежсьӧмъяс груз новлӧдлан правилӧясӧ, кутшӧмъяс серти лоӧ тӧдчанаӧн вӧр груз новлӧдлӧмыс.
Веськӧдлан котырлӧн уджын тӧдчана нырвизьӧн лоӧ выль технологияяслы, тӧждысяна производство технологияяслы отсалӧм.
abu
Уджлысь бӧртаслунсӧ кыпӧдӧм вылӧ условиеяс лӧсьӧдӧм могысь 2022 воын республика пырис Россия Федерацияса субъектъяс — «Уджлӧн бӧртаслун» национальнӧй проектӧ пырӧдчысьяс лыдӧ, кодӧс веськӧдӧма экономикаын абу сырьевӧй подув юкӧнъясса предприятиеясын уджлысь бӧртаслунсӧ 5% вылӧ быд во кыпӧдӧм вылӧ.
Талунъя лун кежлӧ збыльмӧдӧны «тӧждысяна производство» нырвизь серти уджлысь бӧртаслунсӧ кыпӧдан уджтас Компетенцияяслӧн федеральнӧй шӧринысь да Татарстан Республикаын компетенцияяслӧн регионса шӧринысь квалификацияа экспертъяслӧн юрнуӧдӧм улын регионса 4 предприятиеын: ПромБытСтрой, Сыктывкарса йӧв завод, Сыктывкархлеб, Плитный мир.
Таво уджтассӧ збыльмӧдӧм вылӧ колӧ корны кыдз позьӧ унджык предприятие, шуисны нин, мый нацпроектын кутасны участвуйтны «Комиавиатранс» АК, Ухтаса экспериментально-механическӧй завод.
Проектын участвуйтӧмыс сетас позянлун збыльмӧдны предприятиеясын производство бурмӧдан уджтасъяс тӧждысяна производстволӧн ногъясӧн вӧдитчӧмӧн, велӧдны уджалысьясӧс.
Лӧсьӧдӧма «Фабрика процессов» велӧдчан да уджалан площадка, кӧні участвуйтысьяс пырӧдчӧны производствоӧ да велӧдчӧны вӧдитчыны тӧждысяна производстволӧн уджаланногъясӧн, а сідзжӧ гӧгӧрвоӧны, кыдзи бурмӧдӧмъясыс тӧдчӧны производстволӧн операционнӧй да экономика петкӧдласъяс вылӧ.
Корам предприятиеясӧс волыны «Фабрика процессов» площадка вылӧ, тренингъяссӧ нуӧдӧны дон босьттӧг.
Имидж, войтыркостса да регионкостса рынокъяс вылын сӧвмӧдӧм.
25 во чӧж нин странаын быд во нуӧдӧны качество серти ставроссияса акция — «Россияса 100 медбур вузӧс» уджтасса конкурс.
«Коми Республикаса медбур вузӧс да услугаяс» республиканскӧй конкурс лоӧ Ставроссияса конкурсын регионса этапӧн.
Тайӧ ставыс кыпӧдӧ регионлысь имиджсӧ, предприятиеясӧн пыдди пуктана юрнуӧдысьяс, кора тіянӧс пырӧдчыны тайӧ конкурсас. Зэв колана, медым миян предприятиеяс, прӧдуктъяс йылысь тӧдісны мукӧд регионын.
Сідзжӧ пасъя миян регионын сӧвмысь выль нырвизь — промышленнӧй туризм йылысь.
Талун промышленнӧй туризм лоӧ тӧдчана юкӧнӧн муяс социальнӧя да экономика боксянь сӧвмӧдӧмын, а сідзжӧ предприятиеяслы бизнес-могъяс бур сӧвмӧданногӧн.
Веськӧдлан котырлы колӧ матысса кадӧ пырӧдчыны промышленнӧй туризм сӧвмӧдан уджтасӧ, кодӧс котыртысьӧн лоӧ Стратегическӧй водзмӧстчӧмъяс агентство.
Агентство дась дон босьттӧг велӧдны промышленнӧй предприятиеясӧс промышленнӧй туризмлӧн сюрӧсӧ, медым петкӧдлыны ассьыс вермӧмъяссӧ да сӧвмӧдны экспортын позянлунъяссӧ.
Ӧні республикалӧн 12 промышленнӧй предприятиекӧд сёрнитчисны уджтасӧ пырӧдчӧм йылысь.
Рытыввывса странаяслӧн санкцияясыс оз сӧмын дзескӧдны Россиялысь да регионлысь экономикасӧ, но и сетӧны выль позянлунъяс.
Тані медшӧр могыс — вежны нырвизьяс да корсьны миян предприятиеяслысь продукциясӧ ёртасьысь странаяслӧн рынокъяс вылӧ экспортируйтан выль рынокъяс — Азияын, Латинскӧй Америкаын, Матыс Асыввылын, Африкаын да да арабскӧй странаясын.
Пытшкӧсса да ортсыса рынокъяс вылын регионнымӧс сӧвмӧдӧм, лоны вермана инвесторъясӧс корсьӧм, регионса предприятиеяслысь прӧдукция вузалӧм могысь таво Веськӧдлан котыр водзын сулалӧ мог — котыртны россияса гырысь форумъясӧ пырӧдчӧмсӧ — Петербургын войтыркостса экономическӧй форумӧ, Екатеринбургын «Иннопром» инновационнӧй форумӧ да мукӧдлаӧ.
Россия Федерацияса Президент Владимир Владимирович Путинлӧн тшӧктӧм серти 2023–2024 воясын Москваын Йӧзкост овмӧсын вермӧмъяслӧн выставка вылын нуӧдасны «Россия» йӧзкостса выставка-форум.
Предприятиеясӧн пыдди пуктана юрнуӧдысьяс, миян мог — пырӧдчыны форумӧ, медым сӧвмӧдны республикалысь прӧдукциясӧ, отсавны войтыръяслы водзӧ ӧтув уджавны да петкӧдлыны миян регионса экономикалысь, сы лыдын промышленносьтлысь, агропромышленнӧй комплекслысь вермӧмъяссӧ.
Тайӧ тӧдчана лоӧмтор, да ме кора тіянӧс петкӧдлыны предприятиеясныдлысь вермӧмъяссӧ выставка дырйи.
Медводдзаысь республика участвуйтас «Россия — Исламский мир» форумын, мый лоӧ Казаньын таво ода-кора тӧлысьын. Тайӧ бур позянлун корсьны лоны вермана рынокъяс, кӧні унджык пырӧдчысьыс — суйӧрсайса инвесторъяс.
Водзынджык индӧм рынокъясын республикаӧс сӧвмӧдны огӧ вермӧй тайӧ уджас абу сӧмын гырысь, но и шӧр да ичӧт бизнес предприятиеясӧс кортӧг.
Пыдди пуктана инвесторъяс, предприятиеясӧн юрнуӧдысьяс, пырӧдчӧй Веськӧдлан котырӧн вӧзйӧм мероприятиеясӧ.
2021 воын республикаын заводитісны пыртны Россияса экономика сӧвмӧдан министерствоӧн лӧсьӧдӧм Регионса инвестиция стандарт.
Регионса инвестиция стандартлӧн мог — дженьдӧдны мӧвп артмӧмсянь лэдзӧм сьӧм олӧмӧ пӧртӧмӧдз инвесторлысь туйсӧ, петкӧдлыны регионлысь бур этшсӧ, медым инвестор бӧрйис проект збыльмӧдӧм вылӧ колана площадка.
Стандартлӧн вит элементыс сетасны регионъяслы подув уджаланногъяс, медым кыскыны бизнессӧ да бырӧдны асшӧр уджалысьяслысь мытшӧдъяссӧ.
Республикаын уджалӧны Регинвестстандартлӧн 5 быть колана элементъясысь 4-ыс.
Тайӧ:
- Регионлӧн инвестиция серти декларация;
- Тавося рака тӧлысьын нуӧдӧма медводдза инвестиционнӧй комитет, кӧні ладмӧдӧны инвесторъяслысь, сы лыдын ресурсъясӧн могмӧдан организацияяскӧд, вензьӧмъяссӧ.
- Индӧма Сӧвмӧдан агентствоӧс, коді быд боксянь отсалӧ инвесторъяслы проектъяс збыльмӧдӧм серти, корсьысьӧ выль проектъяс Коми Республикаын збыльмӧдӧм вылӧ;
- Вынсьӧдӧма алгоритмъяс, кутшӧмъяс сетӧны позянлун оптимизируйтны медшӧр инфраструктура процедураяслысь кадколастсӧ инвестпроектъяс збыльмӧдігӧн.
Тайӧ алгоритмъяссӧ йӧзӧдӧма Коми Республикаса инвестиция порталын инфографикаӧн.
Таысь кындзи, тыртӧны Инвестиционнӧй карта, кӧні кутасны тыдавны транспорт, энергетика, инженернӧй инфраструктура, инвестиция площадкаяс, ресурсъясӧн могмӧдан организацияяслӧн услугаяс вылӧ тарифъяслӧн мында йылысь тӧдмӧгъяс.
Индӧм тӧдмӧгъясыс отсаласны тіянлы бӧрйыны места ассьыныд бизнес восьтӧм вылӧ.
Кӧсъя аттьӧавны предприятиеясӧн юрнуӧдысьясӧс, бизнес петкӧдлысьясӧс, инвесторъясӧс — социальнӧй уджъёртъяснымӧс миян каръясын, посёлокъясын, сиктъясын туй да социальнӧй инфраструктура бурмӧдӧмӧ пай пуктӧмысь.
Ӧд медшӧр могыс — тайӧ миян республикаын олысьяслысь олӧмсӧ бурмӧдӧм.
Кывкутӧмӧн шуа, Коми Республикаса Веськӧдлан котыр и водзӧ кутас лӧсьӧдны регионнымӧс сӧвмӧдӧм, татчӧ инвестицияяс кыскӧм вылӧ условиеяс.
А регион да бизнес костын удж подулын пыр лоӧны ӧта-мӧд водзын кывкутӧм, ёрта-ёртнымӧс пыдди пуктӧм да ӧта-мӧдлы эскӧм.
Сідзжӧ аттьӧала асшӧр уджалысьясӧс, республикаса олысьясӧс, кодъяс оз кольччыны бокын да отсасьӧны военнослужащӧйяслы, кодъяс талун дорйӧны странанымӧс торъя военнӧй операция нуӧданінын, а сідзжӧ налӧн семьяяслы отсӧг сетӧмысь.
Аттьӧ кывзӧмысь.»
{Kodko @ Коми Республикаса Веськӧдлан котыр кутас нуӧдны Печора районса этша йӧза Сыня посёлокысь олысьясӧс мӧдлаӧ овмӧдӧм серти удж @ выльтор @ https://rkomi.ru/news/2913 @ 2023-04-19 @ }
Коми Республикаса Веськӧдлан котыр кутас нуӧдны Печора районса этша йӧза Сыня посёлокысь олысьясӧс мӧдлаӧ овмӧдӧм серти удж.
Татшӧм тшӧктӧмсӧ сетіс Коми Республикаса Юралысь Владимир Уйба.
Печора районса Сыня посёлокын уна патераа керкаясын олысьяс норасины регионса Юралысьлы сы вылӧ, мый налӧн оланінъясыс лёкмисны.
Сэні артмӧны потласьӧминъяс, киссьӧ кирпичыс, колӧ дзоньтавны вевтъяссӧ.
Пытшкӧсса коммуникацияяссӧ эз выльмӧдлыны 35 во чӧж, патераяс пытшкын эмӧсь бакшасьӧминъяс.
Коми Республикаса стрӧитчан, оланін да коммунальнӧй овмӧс министерстволӧн юӧр серти, Сыня посёлокса уна патераа 10 керкаын 326 олан жыр, сэні пасйӧма 249 мортӧс.
Уна патераа керкаясын ӧтувъя эмбур капитальнӧя дзоньталан дінму уджтас серти Сыня посёлокын 2027 воын кӧсйисны заводитны дзоньтавны квайт керка, уджъяссӧ кӧсйисны помавны 2049 воын, нёль керкасӧ уджтасӧ эз пыртлыны.
Ылі Войвыв районъясысь мӧдлаӧ овмӧдан уджтас серти гражданаӧс мӧдлаӧ овмӧдавны оз позь, ӧд посёлоксӧ эз пыртлыны Ылі Войвыв районъяс да накӧд ӧткодялӧм местаяслӧн лыддьӧгӧ, кӧні груз (прӧдукция) ваян кадколастъясыс зэв дженьыдӧсь. Лыддьӧгсӧ вынсьӧдӧма Россия Федерацияса Веськӧдлан котырлӧн шуӧмӧн.
Олысьясӧс эз на могмӧдны выль оланінӧн сы вӧсна, мый регионса да муниципальнӧй сьӧмкудъясын сьӧмыс абу.
Та дырйи олан жыръяслӧн ӧтувъя площадьыс, кытысь йӧзсӧ колӧ овмӧдны мӧдлаӧ, 8 сюрс квадратнӧй метр сайӧ.
Сыня посёлокысь Печора карӧ йӧзӧс овмӧдӧм вылӧ колӧ 200 миллион гӧгӧр шайт.
«Сы вылӧ видзӧдтӧг, мый сьӧмкудйын сьӧмыс оз тырмы, йӧзсӧ колӧ овмӧдны мӧдлаӧ. Вонас кӧть ӧти керкаӧн.
Тайӧ керкаяссӧ колӧ шуны аварийнӧйӧн.
Ме тшӧкті республикаса Веськӧдлан котырлы артавны да вичмӧдны та могысь сьӧм.
Медводз йӧзсӧ позьӧ овмӧдны манёвреннӧй фондӧ — тыртӧм, но овны туяна керкаясӧ», — пасйис Коми Республикаса Юралысь Владимир Уйба.
{Kodko @ Владимир Уйба висьталіс 2023–2025 вояс вылӧ республикаса сьӧмкудйын вежсьӧмъяс йылысь @ выльтор @ https://rkomi.ru/news/2914 @ 2023-04-19 @ }
Владимир Уйба висьталіс 2023–2025 вояс вылӧ республикаса сьӧмкудйын вежсьӧмъяс йылысь.
2023 воын ӧтувъя чӧжӧсыс лоас 95 миллиард 700 миллион шайт, ӧтувъя рӧскодыс — 107 миллиард 900 миллион шайт.
Сьӧмкудйын дефицитыс эз вежсьы — 12 миллион 200 миллион шайт.
2023 воын республикаса сьӧмкудйын чӧжӧсыс содіс 199 миллион 700 сюрс шайт вылӧ.
Республикаса сьӧмкудлысь канму уджйӧз могмӧдӧм вылӧ рӧскод чинӧм вӧсна прӧстмис нӧшта 410 миллион 900 сюрс шайт.
Тайӧ сьӧмсӧ кызвыннас веськӧдӧма семьялы да челядьлы отсӧг сетӧм вылӧ, а сідзжӧ мукӧд тӧдчана могъяс вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба аттьӧаліс нималана альтист да дирижёр, СССР-са нимйӧза артист Юрий Башметӧс культура да искусство сӧвмӧдӧмӧ пай пуктӧмысь @ выльтор @ https://rkomi.ru/news/2915 @ 2023-04-20 @ }
Владимир Уйба аттьӧаліс нималана альтист да дирижёр, СССР-са нимйӧза артист Юрий Башметӧс культура да искусство сӧвмӧдӧмӧ пай пуктӧмысь.
Косму тӧлысь 19 лунӧ маэстро да сылӧн нималана «Солисты Москвы» коллектив петкӧдчисны Сыктывкарын Россияса нимйӧза артистка Ия Бобракова нима «Сыктывкарса тулыс» опера да балет искусство серти войтыркостса 33-ӧд фестиваль дырйи.
Концерт водзын Коми Республикаса Юралысь Владимир Уйба аддзысьліс Юрий Башметкӧд.
«Зэв нимкодь, мый Ті локтінныд.
Миян йӧзыс зэв шоныда вочаалӧны артистъясӧс.
Торйӧн нин сы вӧсна, мый Тіян кодь тӧдчана котыръясыс миян дорӧ гежӧда волывлӧны.
Но ми пыр вочаалам найӧс няньӧн-солӧн.
Ыджыд аттьӧ асланыд енбиӧн да творчествоӧн миянӧс нимкодьмӧдӧмысь», — аттьӧаліс Коми Республикаса Юралысь Владимир Уйба.
Юрий Башмет котыртіс «Солисты Москвы» ансамбльсӧ, художество боксянь юрнуӧдӧ сыӧн, дирижёралӧ да солисталӧ сэні.
2022 воын ансамбльлы тырис 30 во.
Артистъяс пӧвстысь унаӧн — нималана солистъяс, войтыркостса конкурсъясын лауреатъяс, а ачыс котырыс Grammy–2008 премияа лауреат.
«Сыктывкарса тулыс» опера да балет искусство серти войтыркостса фестивальӧ ансамбль пырӧдчӧ медводдзаысь.
Юрий Башмет да «Солисты Москвы» петкӧдчисны Сыктывкарын концертӧн, кӧні сьылісны-ворсісны выль да важ шыладъяс.
Кык юкӧна концертыс муніс Коми Республикаса опера да балет театрын.
{Kodko @ Талун воссис «Гӧрд гвоздика» ставроссияса патриотическӧй акция @ выльтор @ https://rkomi.ru/news/2917 @ 2023-04-20 @ }
Талун воссис «Гӧрд гвоздика» ставроссияса патриотическӧй акция.
Республикаса быд олысь вермас отсавны став боевӧй тышъясса ветеранъяслы. Та могысь колӧ пырӧдчыны акцияӧ да ньӧбны гӧрд гвоздика символа значок.
Акцияыс мунас лӧддза-номъя тӧлысь 22 лунӧдз.
Миян республикалӧн кар-районъясын «Гӧрд гвоздика» значокъяссӧ кутасны вузавлыны «Победалӧн волонтёръяс» да «эзысь» волонтёръяс.
Чукӧртӧм сьӧмыс мунас став Россия пасьтала боевӧй тышъясса ветеранъяслы вылыс технологияа медицина отсӧг сетӧм вылӧ.
Уна во чӧж акция нуӧдігӧн Коми Республикаын татшӧм отсӧгсӧ босьтіс 57 ветеран, а сідзжӧ Ветеранъяслы республиканскӧй госпиталь, ставнас 29 миллион гӧгӧр шайт вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Меставывса асвеськӧдлӧм лунӧн @ выльтор @ https://rkomi.ru/news/2918 @ 2023-04-21 @ }
Коми Республикаса Юралысь чолӧмалӧ Меставывса асвеськӧдлӧм лунӧн.
«Аттьӧала став депутатӧс, меставывса асвеськӧдлан органъясса уджалысьясӧс, ТОС-ъясӧс петкӧдлысьясӧс, старӧстаясӧс да ставнысӧ, кодъяс водзмӧстчӧны ас му выланыс.
Сьӧлӧмсянь сиа, медым артмис бура пӧртны олӧмӧ йӧзлы колана проектъяссӧ, медым землякъясныд отсасисны Тіянлы да выль вермӧмъяс тайӧ тӧдчана уджын!», — гижӧма чолӧмалӧмын.
«Коми Республикаын пыдди пуктана олысьяс!
Пыдди пуктана депутатъяс, меставывса асвеськӧдлан органъясын уджалысьяс!
Чолӧмала тіянӧс Меставывса асвеськӧдлӧм лунӧн!
Талун республикаын олысьяслӧн эм уна позянлун пырӧдчыны ас посёлок, грезд, сикт либӧ кар сӧвмӧдӧмӧ.
Найӧ вермӧны пырӧдчыны меставывса асвеськӧдлан органъяслӧн да ТОС-лӧн уджӧ, водзмӧстчыны сьӧмкуд сӧвмӧдӧмын — ставӧн вермӧны пуктыны пай асланыс олан пунктлӧн олӧмӧ.
Кар-сиктъясын уна буртор вӧчӧны ТОС-ъяс.
Республикалысь опытсӧ босьтӧ мукӧд регион, сійӧс бура донъялӧны федеральнӧй тшупӧдын.
2022 воын Мутасӧн ӧтйӧза асвеськӧдлӧмлӧн да социальнӧй нырвизя абу коммерческӧй организацияяслӧн Коми Республикаса ассоциация босьтіс нёльӧд места «ТОС-лӧн медбур практика» ставроссияса конкурсын.
«Войтырлӧн сьӧмкуд» да «Войтырлӧн водзмӧстчӧмъяс» проектъяс отсӧгӧн бурмӧдӧны-мичмӧдӧны муниципалитетъяссӧ, лӧсьӧдӧны выль уджалан местаяс.
Тавося лӧддза-номъя тӧлыссянь Россияса Президентлӧн тшӧктӧм серти пыртасны нӧшта ӧти нырвизь — «Водзмӧстчан проектъяс». Тайӧ тшӧтш отсалас збыльмӧдны меставывса тӧдчанлуна могъяс.
Аттьӧала став депутатӧс, меставывса асвеськӧдлан органъясса уджалысьясӧс, ТОС-ъяс петкӧдлысьясӧс, старӧстаясӧс да ставнысӧ, кодъяс водзмӧстчӧны ас му выланыс.
Сьӧлӧмсянь сиа, медым артмис бура пӧртны олӧмӧ йӧзлы колана проектъяссӧ, медым землякъясныд отсасисны Тіянлы да выль вермӧмъяс тайӧ тӧдчана уджын!»
Коми Республикаса Юралысь Владимир Уйба.
{Kodko @ Владимир Уйба нуӧдіс Естественнӧй монополия субъектъяслӧн удж серти ньӧбасьысьяслӧн отраслькостса сӧветлысь заседание @ выльтор @ https://rkomi.ru/news/2919 @ 2023-04-21 @ }
Владимир Уйба нуӧдіс Естественнӧй монополия субъектъяслӧн удж серти ньӧбасьысьяслӧн отраслькостса сӧветлысь заседание.
Ресурсъясӧн могмӧдан медыджыд организацияяс юӧртісны Коми Республикаын 2022 воын инвестиция уджтасъяс збыльмӧдӧм да 2023 во кежлӧ планъяс йылысь.
«Ресурсъясӧн могмӧдан организацияяслӧн инвестиция уджтасъяс — тайӧ коммунальнӧй инфраструктура системаяс сӧвмӧдӧмын быть колана юкӧн.
2023 восянь позьӧ корны федеральнӧй сьӧм, медым ӧтув сьӧмӧн могмӧдан условиеяс вылын збыльмӧдны коммунальнӧй овмӧс юкӧнын проектъяс», — пасйис Коми Республикаса Юралысь Владимир Уйба.
Коми Республикаса Веськӧдлан котыр уджалӧ сы серти, медым корны федеральнӧй сьӧмкудйысь оланін да коммунальнӧй овмӧс юкӧнын инвестиция проектъяс збыльмӧдӧм вылӧ сьӧм.
Торъя казначейскӧй кредит отсӧгӧн кӧсйӧны вуджӧдны котельнӧйяссӧ биоломтас вылӧ, а сідзжӧ ӧнъяӧдны оланін да коммунальнӧй овмӧс.
Таысь кындзи, регионса Веськӧдлан котыр кӧсйӧ корны инфраструктурнӧй субсидияяс, медым збыльмӧдны 2023–2027 воясын Коми Республикаса коммунальнӧй инфраструктура системаяс ӧнъяӧдан регионса уджтас.
2023 воын республикаын инвестиция уджтасъяс отсӧгӧн кӧсйӧны збыльмӧдны шоныдӧн могмӧдан юкӧнын 1,7 миллиардысь унджык шайт вылӧ 60 сайӧ мероприятие, ваӧн могмӧдан да ва бокӧ нуӧдан юкӧнын 680 миллионысь унджык шайт вылӧ 100 сайӧ мероприятие.
Шоныдӧн могмӧдан юкӧнын кӧсйӧны стрӧитны 6 котельнӧй, 19 — ӧнъяӧдны да техническӧя выльмӧдны, 6 — вуджӧдны мукӧд сикас ломтас вылӧ.
5 объект лоасны шоныдӧн могмӧдан резервнӧй ӧшмӧсъяс.
31 объект вылын кӧсйӧны стрӧитны, дзоньтавны да техническӧя выльмӧдны шоныд сетан везъяс.
Ваӧн могмӧдан юкӧнын республикаса 11 муниципалитетын кӧсйӧны стрӧитны да лӧсьӧдны 176 ва босьтан колонка, 7 муниципалитетын кӧсйӧны стрӧитны да дзоньтавны 26 километра сайӧ ва провод, 16 муниципалитетын кӧсйӧны стрӧитны да выльмӧдны ва весалан 77 сооружение.
Ва бокӧ нуӧдан юкӧнын кӧсйӧны стрӧитны, дзоньтавны да ӧнъяӧдны регионса 15 муниципалитетын 26 канализационнӧй очистнӧй станция.
Шоныдӧн могмӧдан юкӧнын «Т Плюс» публичнӧй акционер котырлӧн «Коми» филиал таво кӧсйӧ збыльмӧдны 1,4 миллиард шайт вылӧ 23 мероприятие. Тайӧ могъяссӧ пӧртӧны олӧмӧ компаниялӧн 2,2 миллиард шайт вылӧ ӧтувъя инвестиция уджтас серти.
Компания дзоньталӧ Воркутаса ТЭЦ–2 вылын мазут овмӧссӧ, ӧнъяӧдӧ шоныд сетан ӧшмӧсъяслысь генерируйтан оборудованиесӧ да Сыктывкарын вежлалӧ шоныдӧн могмӧдан везъяссӧ.
Коми Республикаса Веськӧдлан котыр да «Мутасъяс сӧвмӧдан фонд» публичнӧй да инӧда компания отсӧгӧн Т Плюс стрӧитӧ тӧдчана инфраструктура объект — Интаын биару вылын ва шонтан котельнӧй, сійӧс кӧсйӧны пыртны уджӧ 2024 воын.
«Шоныд сетан Коми компания» акционер котыр да сы бердын уджалысь организацияяс таво кӧсйӧны збыльмӧдны 650 миллион шайт вылӧ 96 мероприятие.
Сьӧмсӧ видзасны очистнӧй сооружениеяс сувтӧдӧм да дзоньталӧм, коммунальнӧй комплексса объектъяс вылӧ электроэнергия дугдывтӧг сетӧмсӧ могмӧдӧм да котельнӧяс, ваӧн могмӧдан ӧшмӧсъяс ӧнъяӧдӧм да стрӧитӧм, шоныдӧн да ваӧн могмӧдан, ва бокӧ нуӧдан выль везъяс стрӧитӧм вылӧ.
«Инвестиция уджтасъяс серти уджалан плансӧ колӧ лӧсьӧдны сэтшӧм ногӧн, медым разьны производствоын талунъя мытшӧдъяссӧ.
Дерт, естественнӧй монополия субъектъяслӧн удж бӧрся колӧ и ӧтйӧза контроль, тшӧтш и инвестиция уджтасъяс збыльмӧдӧм бӧрся.
Сідзжӧ колӧ юӧртны йӧзлы, кутшӧм уджъяс вӧчӧны компанияяс, медым сӧвмӧдны республиканымӧс социальнӧя да экономика боксянь», — пасйис Владимир Уйба.
{Kodko @ Коми Республикаын вӧръяс пӧжарысь видзӧм вылӧ вичмӧдасны 500 миллионысь унджык шайт @ выльтор @ https://rkomi.ru/news/2920 @ 2023-04-21 @ }
Коми Республикаын вӧръяс пӧжарысь видзӧм вылӧ вичмӧдасны 500 миллионысь унджык шайт.
Талун, косму тӧлысь 21 лунӧ, Неминучаысь ӧлӧдӧм да найӧс бырӧдӧм да пӧжарысь видзчысьӧмсӧ могмӧдӧм серти Коми Республикаса комиссиялӧн заседание дырйи сёрнитісны 2023 воын вӧръясын да мукӧд ландшафтнӧй пӧжаръяс аддзӧм да бырӧдӧм йылысь.
«2022 вося гожӧмын республикаын пӧжаръяслӧн площадь серти петкӧдласыс содіс 23,6 пӧв.
Росгидрометцентрлӧн юӧр серти, таво гожӧмыс лоӧ жар.
Та вӧсна кора став службасӧ ӧні нин дасьтысьны пӧжаръяс лоны вермана кад кежлӧ, нуӧдны авиапатрулируйтӧм да уджӧдны пӧжар кусӧдӧм могысь став вынъяссӧ да ресурсъяссӧ», — пасйис Коми Республикаса Юралысь Владимир Уйба.
2023 воын вӧръяс пӧжаръясысь видзӧм вылӧ урчитӧма 535,5 миллион шайт, сы лыдын федеральнӧй сьӧмкудйысь 404,9 миллион, республикасаысь — 130,6 миллион шайт.
Сьӧмсӧ видзасны парашютно-десантнӧй пӧжарнӧй службаса 150 уджалысьлы удждон мынтӧм, 4 тӧлысь кежлӧ 118 вӧрса пӧжарнӧйӧс удж вылӧ босьтӧм, авиационнӧя патрулируйтӧм да вӧрса пӧжаръяс кусӧдӧм могысь авиация корӧм вылӧ.
Вӧръяс пӧжарысь видзан Коми шӧрин кырымаліс авиаперевозчикъяскӧд сёрнитчӧмъяс сы могысь, медым найӧ сетісны вӧръясын пӧжаръяс аддзӧм, кусӧдчанінӧдз да бӧр вынъяс нуӧдӧм-вайӧдӧм вӧлӧ ичӧт авиацияса 8 самолёт, 2 АН–2 самолёт да 6 МИ–8 вертолёт.
Таысь кындзи, вӧръяс бӧрся кутасны видео пыр видзӧдӧны 27 камера да космическӧй мониторинг система отсӧгӧн.
Лётчик-наблюдательяс, парашютно-десантнӧй служба, шоперъяс да трактористъяс дасьӧсь пӧртны олӧмӧ могъяссӧ.
Дасьтӧма вӧръяс пӧжарысь видзан 6 станция, кӧні эм 157 единица техника, оборудование да снаряжение.
«Экология» национальнӧй проект збыльмӧдӧм отсӧгӧн 2023 воын Вӧръяс пӧжарысь видзан Коми шӧринӧ ньӧбӧма 20 миллион шайт вылӧ содтӧд торъя техника.
Сикт-грездъясын пӧжаръяс кусӧдӧм могысь дасьтӧма Россияса МЧС-лӧн Коми Республикаын медшӧр веськӧдланінса пӧжарысь видзан профессиональнӧй 202 юкӧдув, кӧні уджалӧ 5 сюрсысь унджык морт, эм 545 единица пӧжарнӧй да аварийно-спасательнӧй техника.
Сідзжӧ йӧзӧс да стратегическӧй объектъяссӧ пӧжарысь видзӧм могысь республикаын водзмӧстчӧны 3 сюрсысь унджык асвӧляа пӧжарнӧй.
«Муниципалитетъясӧн юрнуӧдысьяслы майын праздникъяс кежлӧ колӧ дасьтыны унджык патруль, торйӧн нин видзӧдны пикникъяс вылӧ ветлан местаяс бӧрся, ёнджыка тӧдмӧдны йӧзсӧ пӧжаръяскӧд йитчӧм юӧрӧн да вӧчны став колана уджсӧ, медым эз лоны пӧжаръяс.
Колян во ми эг лэдзӧй билы паськавны сикт-грездъясӧ.
И таво вылӧ могыс татшӧм жӧ.
Муниципалитетъясӧн юрнуӧдысьяс, та вӧсна ті кывкутанныд.
Колӧ, медым ни ӧти сикт-грезд эз веськав ускӧттьӧ вӧръясын пӧжаръяс вӧсна», — шуис Владимир Уйба.
Сідзжӧ муниципалитетъясса юралысьяс водзын сувтӧдӧма мог — куртны сикт-грездъяс дорысь кос турунсӧ, дасьтыны доброволечьясӧс могмӧдан таборнӧй эмбур, лӧсьӧдны сикт-грездса муяс вылын пӧжарысь видзан визьяс, нуӧдны юӧртана да гӧгӧрвоӧдана удж.
Коми Республикаса гидрометеорология да гӧгӧртас бӧрся мониторинг нуӧдысь шӧрин юӧртіс, мый циклонъяс вӧсна ода-кора тӧлысьын республикаса вӧръясын вермас лоны ичӧт да шӧркодь тшупӧда пӧжарнӧй опасносьт.
Лӧддза-номъя да сора тӧлысьясын лоас зэв жар, зэрас тайӧ кадлы лӧсялана мындаын, та вӧсна пӧжарнӧй опасносьтыс вермасны лоны вылыс да вывті вылыс тшупӧдын.
Моз тӧлысьӧ температураыс да зэрыс лоӧ норма мында, а пӧжарнӧй опасносьтыс лоас ыджыд да шӧр тшупӧдын.
Прогнозъяс серти кӧч тӧлысь заводитчигӧн температураыс коляс гожся кодь, сы вӧсна вӧръясын лоас шӧр тшупӧда пӧжарнӧй опасносьт.
Вӧръяс сотчыны верман кадыс помассяс кӧч тӧлысьлӧн мӧд джынйын, кор кӧдздӧдас.
{Kodko @ Гожӧмнас Коми Республикаын лӧсьӧдасны ю дорын 71 шойччанін @ выльтор @ https://rkomi.ru/news/2921 @ 2023-04-21 @ }
Гожӧмнас Коми Республикаын лӧсьӧдасны ю дорын 71 шойччанін.
Талун, косму тӧлысь 21 лунӧ, вӧлі Неминучаысь ӧлӧдӧм да найӧс бырӧдӧм да пӧжарысь видзчысьӧмсӧ могмӧдӧм серти Коми Республикаса комиссиялӧн заседание, кӧні сёрнитісны ва объектъяс вылын йӧзлӧн безопасносьт йылысь.
2023 воын республикаса муниципалитетъяс кӧсйӧны лӧсьӧдны ва дорын 71 шойччанін, сы лыдын 10 пляж.
Россияса МЧС-лӧн Коми Республикаын медшӧр веськӧдланінлӧн ГИМС шӧрин юӧртіс, мый ю вылын йӧзыс пӧгибнитӧны сӧмын оборудуйттӧм да купайтчанінсӧ колана ногӧн котырттӧм местаясын. Сэні бура шойччӧм вылӧ колана инфраструктураыс абу.
«Ёртъяс, колян вося гожӧмын ю вылын пӧгибнитіс 10 челядь.
Ми тӧдам, мый таво гожӧмыс лоӧ жар. Сідзкӧ колӧ бура дасьтысьны да вӧчны ставсӧ, медым неминучаясыс таво эз вӧвны.
Могмӧдны каникулъяс дырйи челядьлысь безопасносьтсӧ — тайӧ абу сӧмын бать-мамлӧн, но и профильнӧй министерствояслӧн, ведомствояслӧн да организацияяслӧн кывкутӧм», — пасйис Владимир Уйба.
Коми Республикаса Юралысь тӧдчӧдіс, мый колӧ уджавны сы вылын, медым гожӧмын унджык томуловсӧ вӧлі могмӧдӧма недыр кадся уджӧн, аддзыны содтӧд нырвизьяс, медым котыртны ныв-зонлысь прӧст кадсӧ, а сідзжӧ вӧдитчыны профилактика нуӧдан быдсикас мераӧн.
Владимир Уйба тшӧктіс лӧсялана министерствояслы да ведомствояслы нуӧдны лӧсялана уджсӧ, тшӧтш и МЧС да МВД уджалысьяскӧд, меставывса асвеськӧдлан органъяскӧд, ӧтйӧза организацияяскӧд да волонтёръяскӧд ӧтув.
Гожӧмнас регионын кутас уджавны 481 лагер, на лыдын 321 лунся лагер, 156 уджалан да шойччан лагер, 3 стационарнӧй лагер да палаткаяса 1 стационарнӧй лагер.
Сэні кутас шойччыны 35 сюрсысь унджык челядь.
Ставнас республикаын шойччыны да дзоньвидзалунсӧ бурмӧдны вермас 55 сюрс гӧгӧр ныв-зон.
Ӧні организацияяс, кӧні кутасны шойччыны челядьыс, дасьтысьӧны гожӧм кежлӧ, медым безопасносьт, нормаясӧ да корӧмъясӧ кутчысьӧм серти ставыс вӧлі тыр-бур.
Стационарнӧй лагеръяссӧ могмӧдӧма видео пыр видзӧдан системаясӧн, неминуча йылысь дзик пыр юӧртанторъясӧн, охраннӧй югзьӧданторъясӧн, тревожнӧй сигнализацияӧн, экстреннӧй телефоннӧй связьӧн, пӧжарысь видзчысян автоматизируйтӧм сигнализацияӧн.
Сідзжӧ гожӧм кежлӧ дасьтысьӧны, бурмӧдӧны терроризмлы паныд нуӧдан уджсӧ и Анапаса «Черноморская зорька» республикаса лагерын.
{Kodko @ Владимир Уйба чолӧмаліс Коми Республикаса олысьясӧс Ураза-Байрам гажӧн, Меставывса асвеськӧдлан лунӧн да висьталіс челядьлы искусство школаяс сӧвмӧдӧм йылысь @ выльтор @ https://rkomi.ru/news/2922 @ 2023-04-21 @ }
Владимир Уйба чолӧмаліс Коми Республикаса олысьясӧс Ураза-Байрам гажӧн, Меставывса асвеськӧдлан лунӧн да висьталіс челядьлы искусство школаяс сӧвмӧдӧм йылысь.
Федеральнӧй сьӧм да «Культура» национальнӧй проект отсӧгӧн республикаын челядьлы искусство да шылада школаяссӧ медводдзаысь масштабнӧя могмӧдісны выль оборудованиеӧн, шылада инструментъясӧн, велӧдчан пособиеясӧн, оргтехникаӧн, мебельӧн. Тайӧ став кӧлуйыс воӧ нин Сосногорскса да Интаса челядьлы искусство школаясӧ, Воркутаса, Абъячойса да Выльгортса челядьлы шылада школаясӧ.
Ньӧбӧм шылада инструментъясысь 90 %-ысь унджыксӧ вӧчӧма Россияын.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ «Стрӧитель-Сыктывкар» хоккей клуб вӧчис сезон серти кывкӧртӧдъяс @ выльтор @ https://rkomi.ru/news/2923 @ 2023-04-23 @ }
«Стрӧитель-Сыктывкар» хоккей клуб вӧчис сезон серти кывкӧртӧдъяс.
Косму тӧлысь 22 лунӧ клублӧн почёта президент, Коми Республикаса Юралысь Владимир Уйба аддзысьліс клубса болельщикъяскӧд да ворсысьяскӧд.
Аддзысьлӧмыс вӧлі «Войвыв Олимпия» спорт школалӧн площадка вылын.
«Сезон заводиттӧдз команда да тренеръяс водзын вӧлі пуктӧма мог лоны группаын медбуръяс лыдын.
И тайӧ могсӧ лои пӧртӧма олӧмӧ 150 % вылӧ — командаыс аслас группаын лоис медбурӧн, быд ворсӧмын петкӧдліс асьсӧ зэв бура, и ми тайӧс аддзывлім.
Ме тӧда, мый командаыс артмис — зэв том, повтӧм, водзӧ вылӧ лача сетысь», — донъяліс сезон серти кывкӧртӧдъяссӧ Владимир Уйба.
Тӧд вылӧ уськӧдам, «Стрӧитель-Сыктывкар» команда заводитіс тренируйтчыны 2022 вося моз тӧлысь 1 лунӧ, восьса йи вылӧ хоккеистъяс петісны вӧльгым тӧлысьӧ.
Дебютыс вӧлі «Стрӧительлы» 75 арӧс тырӧмлы сиӧм турнир вылын.
Выльмӧдӧм командаыс босьтіс 1 места.
Вылыс лигаын республикаса хоккеистъяс нуӧдісны 8 тур.
Группӧвӧй этаплӧн 24 ворсӧм пиысь «Стрӧитель-Сыктывкар» вермис 18 да лоис аслас группаын медбурӧн.
Финальнӧй этапын команда вермасис ён командаяскӧд.
Коми Республикаса Юралысь аттьӧаліс спортсменъясӧс, командалысь административно-тренерскӧй составсӧ да уджъёртъясӧс, а сідзжӧ сетіс 2022–2023 сезонын клублы отсалӧмысь Аттьӧалана письмӧяс «Матэк» ичӧт кывкутана котырса медыджыд директор Денис Грюнвальдлы, «Россельхозбанк» акционер котырса Коми филиаллӧн региональнӧй директор Антон Фридманлы да «ПРЕМЬЕР’С КОММУНИКАЦИИ» ичӧт кывкутана котырса директор Дмитрий Диклы.
Сідзжӧ Владимир Уйба вочавидзис болельщикъяслӧн юалӧмъяс вылӧ да висьталіс клуб сӧвмӧдан планъяс йылысь.
«Ті помнитанныд, кор ми чукӧртчылім тіянкӧд да зэв дыр думайтім, кӧні ворсны — Суперлигаын либӧ Вылыс лигаын.
И век жӧ решитім ворсны Вылыс лигаын, дасьтысьны да быдтыны ассьыным зонъясӧс, босьтны ворсан опыт.
Медводдза сезонӧ ми буретш тадзи и вӧчим, — шыӧдчис болельщикъяс дорӧ Коми Республикаса Юралысь. — Но ӧні, кывкӧртӧдъяс вӧчигӧн, ми аддзам, мый командасӧ колӧ вынсьӧдны опытнӧй ворсысьясӧн.
Сӧмын колӧ лючкиа-бура вӧчны тайӧс, оз ков талявны кодзувъясӧн ассьыным зонъясӧс.
Найӧ ӧд кодзувъяс жӧ, сӧмын налы колӧ сетны позянлун кыпӧдчыны вылӧджык.
И найӧ кӧ кутасны пыр матыставны мачьяссӧ мукӧд кодзувъяслы, то найӧ вермасны не кыпӧдчыны.
Сы вӧсна тайӧ артыштӧм помшуӧмсӧ колӧ примитны медшӧр тренерлы клублӧн медыджыд директоркӧд.
Тайӧ легионеръясыслы колӧ пыдӧ пырны миян республикаӧ.
Шуам, корӧм ворсысьлӧн кӧ абу вылыс тшупӧда тӧдӧмлун, но кӧсйӧ босьтны сійӧс, ми сетам позянлун сылы велӧдчыны миян вузъясын.
Миянлы колӧ кӧртавны сійӧс миян регион дорӧ содтӧд бонусъясӧн, медым сійӧ гӧгӧрвоис, мый сійӧ тані абу ӧти-кык сезон кежлӧ, а дыр кежлӧ.
Мӧд пӧв шуа, вынсьӧдны командасӧ корӧм ворсысьясӧн колӧ, но зэв ӧкуратнӧя.
Миянлы оз ков бара пӧрны легионеръяслӧн командаӧ.
Миян зонъяс тшӧтш кӧсйӧны лоны кодзувъясӧн».
Нӧшта ӧти колана юалӧм, кодӧс видлаліс болельщикъяскӧд сёрниын клублӧн Почёта президент, — тайӧ йи вылын командалӧн во гӧгӧрся тренируйтчӧмъясын коланлун.
«Дерт, командалы колӧ во гӧгӧрся йи, медым тренируйтчыны йи вылын, а абу турун вылын.
И гӧгӧрвоана, мый ми кутам тайӧс вӧчны — гожӧмын кӧртымавны йи аренаяс, ветлыны сборъяс вылӧ.
Но век жӧ колӧ, медым йиыс вӧлі асланым, — тӧдчӧдіс Владимир Уйба. — Ми йитчим нин Кировкӧд, кӧні стрӧитӧма шайбаа хоккейысь, роч хоккейысь ворсӧм, фигурнӧя да уна йӧза исласьӧм вылӧ вевта каток.
Налысь проектсӧ босьтам подув пыдди, лӧсьӧдыштам да пысыштам сійӧс места дорӧ, кутшӧмӧс Сыктывкарса администрация сетіс 2018 воын нин Октябр шӧртуй вылын вевта йи арена стрӧитӧм улӧ.
Участокыс ӧнӧдз на прӧст.
Ме пукті мог во помӧдзыс лӧсьӧдны проектсӧ, медым 2024 воын заводитны стрӧитны сійӧс да 2025 воын сезон заводитчигӧн тайӧ вевта аренасӧ восьтыны нин.
Тайӧ лоӧ гортса йи, сійӧ лоӧ миян Спорт министерстволӧн веськӧдлӧм улын.
И командаыс вермас тренируйтчыны во чӧж».
Клубса болельщикъяс аттьӧалісны Коми Республикаса Юралысьӧс командалы отсалӧмысь да сійӧс зіля сӧвмӧдӧмысь.
Клубӧн юрнуӧдысьяслы висьталісны болельщикъяскӧд уджалӧм серти корӧмъяс, сы лыдын стадион вылын вердӧм котыртӧм, конкурсъяс нуӧдӧм, клублӧн история йылысь экспозиция лӧсьӧдӧм серти да мукӧд корӧм.
Став вӧзйӧм вылас кутасны уджавны.
Аддзысьлӧм бӧрын вӧлі «Стрӧитель-Сыктывкар» да «Сыктывкарлӧн сборнӧй» командаяс костын ёрта ворсӧм.
{Kodko @ Воркутаса шахтёр Ярослав Бонклы сетӧма Коми Республикаса Уджвывса Геройлысь медвылыс почёт ним @ выльтор @ https://rkomi.ru/news/2924 @ 2023-04-24 @ }
Воркутаса шахтёр Ярослав Бонклы сетӧма Коми Республикаса Уджвывса Геройлысь медвылыс почёт ним.
Коми Республикаса Юралысь Владимир Уйба кырымаліс лӧсялана Индӧдсӧ.
Ярослав Михайловичлы 68 арӧс. Сійӧ пыр на уджалӧ «Воркутауголь» предприятиеын, а сылӧн «муувса» стажыс — 42 воысь дырджык.
Бур специалист, ыджыд опыта уджалысь, удж вылын колана могъяс збыльмӧдігӧн сійӧ кужӧмӧн вӧдитчӧ босьтӧм тӧдӧмлунъясӧн, сьӧкыдлунъяс дырйи пыр аддзӧ петан туй — тадзи донъялӧны Ярослав Михайловичӧс предприятиеын.
Удж вылын могъяс олӧмӧ пӧртӧмӧ зіля пырӧдчӧмысь, киподтуйысь, из шом промышленносьтын уна во чӧж сьӧлӧмсянь уджалӧмысь да Коми Республика водзын торъя заслугаясысь Ярослав Бонклы сетӧма Коми Республикаса Уджвывса Геройлысь почёт ним.
Казьтыштам, республикаса медводдза медвылыс канму наградасӧ сетлісны нёльысь олимпийскӧй чемпионка Раиса Петровна Сметаниналы.
Ярослав Михайлович Бонк локтіс «Воркутауголь» предприятиеӧ Воркутаса горнӧй техникумлӧн 2 курсса студентӧн на, медводз практика вылӧ, а сэсся — пырис удж вылӧ.
Ветліс армияӧ да бӧр локтіс комбинатӧ, стрӧитіс Печораса из шом бассейнын «Воргашорса» шахта (сійӧ кад вылӧ медся модернизируйтӧм шахта).
1980 воын, кор шахтаыс кутіс уджавны тырвыйӧ, Ярослав Бонклы сетісны Веськӧдлан котырлысь награда.
Из шом юкӧн сӧвмис, ковмисны содтӧд тӧдӧмлунъяс.
Ярослав Бонк, кыдзи ыджыд опыта, зіль да водзмӧстчысь морт, пырис велӧдчыны Ленинградса горнӧй институтӧ (Россияын горнӧй делӧ серти медыджыд велӧдчанінъясысь ӧти да медвылыс техническӧй велӧдчанін).
Уджысь орӧдчывтӧг зэв бура велӧдчис.
«Воргашорса» шахтаӧн веськӧдлысьяс унаысь пасйылісны сійӧс почёт грамотаясӧн.
1994 воын сійӧс корисны юрнуӧдны «Комсомольскӧй» шахтаын горнӧй уджъясӧн, кӧні сылӧн юрнуӧдӧм улын помалісны шахталысь конвейеризациясӧ.
Сэксянь да ӧнӧдз на Ярослав Михайлович уна сикас чинын уджалӧ «Комсомольскӧй» шахтаын: производство серти директорӧс вежысьӧн, медыджыд инженерӧс вежысьӧн, участокса начальникӧн, сменаса начальникӧн.
Ярослав Бонклӧн уджъёртъясыс пасйӧны, мый сійӧ абу сӧмын ыджыд опыта уджалысь, но и зэв бур да тӧлка морт, коді пыр дась локны отсӧг вылӧ, сійӧ пыр пӧртӧ олӧмӧ ас водзас пуктӧм могъяссӧ, ворсӧ волейболысь, футболысь, баскетболысь, шахматыысь, котралӧ лызьӧн.
Уджын заслугаясысь Ярослав Бонклы сетӧма «Уджвывса доблесьтысь» медаль, Россия Федерацияса энергетика министерстволӧн почёт грамота, «Коми Республикалы 95 во» Коми Республикаса паметь медаль, «Коми Республикалы 100 во» Коми Республикалӧн юбилейлы сиӧм медаль, «СССР из шом промышленносьт министерстволӧн социалистическӧй ордйысьӧмын отличник», «Шахтёрлӧн Слава III степеня», «Шахтёрлӧн Слава II степеня» пасъяс.
{Kodko @ Владимир Уйба корис Комиын олысьясӧс пырӧдчыны «Диктант Победы» акцияӧ @ выльтор @ https://rkomi.ru/news/2925 @ 2023-04-24 @ }
Владимир Уйба корис Комиын олысьясӧс пырӧдчыны «Диктант Победы» акцияӧ.
Косму тӧлысь 27 лунӧ Россияын да суйӧр сайын мунас Чужан му радейтӧмлы да пыдди пуктӧмлы сиӧм войтыркостса акция.
Сэтчӧ вермасны пырӧдчыны быдӧн, арлыд вылӧ видзӧдтӧг.
Та могысь колӧ пасйысьны диктантпобеды.рф сайтын да шыӧдчыны медматысса площадкаӧ, кӧні кутасны гижны диктантсӧ.
Диктант дырйи кутасны гижны тест, кытчӧ пырӧ Айму вӧсна Ыджыд тыш йылысь 25 юалӧм. На лыдысь 20 юалӧмсӧ сиӧма войнадырся ӧтувъя историялы да 5 юалӧмыс йитчӧма тайӧ кадся регионлӧн историякӧд.
Быд пырӧдчысьлы сетасны сертификат, а федеральнӧй тшупӧдын вермысьяс вермасны ветлыны 2024 воын Москваын Вермӧмлы сиӧм Парад вылӧ.
Школа да колледж-техникум помалысьяслы, абитуриентъяслы, кодъяс босьтасны медуна балл, сетасны финалистлысь диплом, мый отсалас миян странаса мукӧд вузӧ велӧдчыны пыригӧн.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Санкцияяс дырйи Комиын 2022 вося рака-ӧшым тӧлысьясӧ экономика юкӧнъяслы отсӧг сетӧм вылӧ веськӧдӧма 7 миллиард 600 миллион шайт @ выльтор @ https://rkomi.ru/news/2926 @ 2023-04-25 @ }
Санкцияяс дырйи Комиын 2022 вося рака-ӧшым тӧлысьясӧ экономика юкӧнъяслы отсӧг сетӧм вылӧ веськӧдӧма 7 миллиард 600 миллион шайт.
Тайӧ федеральнӧй да регионса сьӧмкудъясысь сьӧм, тшӧтш и воштӧм чӧжӧс.
Ыджыд отсӧг сетӧма видз-му овмӧслы, сылӧн могыс — могмӧдны регионын сёян-юан серти безопасносьтсӧ.
Колян во сійӧс сӧвмӧдӧм вылӧ видзӧма 1 миллиард 394 миллион шайт.
2021 во серти тайӧ матӧ 40 прӧчент вылӧ унджык.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба тшӧктіс Коми Республикаса Веськӧдлан котырлы зільмӧдны федеральнӧй отсӧг кыскӧм серти уджсӧ @ выльтор @ https://rkomi.ru/news/2927 @ 2023-04-26 @ }
Владимир Уйба тшӧктіс Коми Республикаса Веськӧдлан котырлы зільмӧдны федеральнӧй отсӧг кыскӧм серти уджсӧ.
Санкцияяс дырйи регионлӧн экономикалысь да социальнӧй юкӧнлысь дугдывтӧг уджалӧмсӧ могмӧдӧм йылысь юалӧмсӧ видлалісны Коми Республикаса Юралысь бердын стратегическӧя веськӧдлӧм серти координационнӧй сӧветлӧн заседание вылын.
«Санкцияяс вылӧ колӧ видзӧдны оз кризис вылӧ моз, а кыдзи позянлун сӧвмыны регионлы да лӧсьӧдны экономикаын выль тшупӧдъяс.
Таӧ колӧ кутчысьны регионса Веськӧдлан котырлы.
Колян во ми тіянкӧд унатор вӧчим экономикалы да республикаса олысьяслы отсалӧм могысь.
Талун ми сідз жӧ ёна отсасям да бурмӧдам тайӧ системасӧ», — шыӧдчис уджъёртъяс дорӧ Коми Республикаса Юралысь Владимир Уйба.
Отсӧглӧн ӧтувъя ыдждаыс 2022 вося рака тӧлыссянь ӧшым тӧлысьӧдз лоис 7,6 миллиард шайт.
Тайӧ федеральнӧй да региональнӧй сьӧмкудъясса сьӧм, тшӧтш и воштӧм сьӧм.
Овмӧс нуӧдысь субъектъяс босьтӧны субсидияяс, грантъяс, кокньӧда заёмъяс.
2022 воын предприятиеяслы вештісны пеллетъяс да ломтысян брикетъяс вӧчӧм могысь технологическӧй оборудование ньӧбӧм вылӧ 30% рӧскод.
Таво регионса Веськӧдлан котыр кутас нин вештыны предприятиеяслысь 50% рӧскод.
Субсидиялӧн ӧтувъя мындаыс лоӧ 5 миллион шайт.
Тайӧ могъяс вылӧ Коми Республикаса сьӧмкудйын арталӧма 50 миллион шайт.
Во помӧдз лоӧ вуджӧдӧма биоломтас вылӧ да сетӧма пеллетъяс да брикетъяс вӧчысьяслӧн киӧ республикаса 50 гӧгӧр котельнӧй.
«Ми вӧчам уна пеллет да брикет, и тайӧ лоӧ миян предприятиеяслӧн зэв имитан отсӧг пиысь ӧтиӧн, кутшӧмъяс санкцияӧдз экспортируйтісны продукциялысь 95 прӧчентӧдз.
Республиканскӧй сьӧмкудйын биоломтас вӧчысьяслы отсалӧм вылӧ сьӧмсӧ арталӧма, но миянлы сідзжӧ ёна колӧ вӧдитчыны федеральнӧй сьӧмкудса ресурсъясӧн.
Россияса Президентлӧн тшӧктӧм серти биоломтас вылӧ котельнӧйяс вуджӧдӧм вылӧ вичмӧдӧма 15 миллиард шайт, и тайӧ сьӧмлысь юкӧнсӧ Коми Республикаса Веськӧдлан котырлы колӧ кыскыны регионӧ», — пасйис Владимир Уйба.
Таысь кындзи, Коми Республикаса Юралысь тшӧктіс регионса Веськӧдлан котырлы регыдъя кадӧн видлавны татчӧс керка лэптан комплектъяс вӧчалысьяскӧд аварийнӧй оланінысь мӧдлаӧ овмӧдан уджтасъяс серти помӧдз керкаяс стрӧитӧм серти юалӧм.
Сідзжӧ висьталісны бизнеслы отсӧг сетан мукӧд мера йылысь.
Тьӧс-плака экспортируйтысь-вӧчысьясӧс мездӧмаӧсь 2022 воысь вӧрзьӧдны позьтӧм эмбур вылӧ вот мынтӧмысь.
Видз-му овмӧс организацияяс, кодъяс вӧчӧны импорт вежысь продукция, колян вося моз тӧлыссянь вештӧны канмуса му участокъяс да участокъяс кӧртымалӧмысь, кутшӧмъяс вылӧ эмбурсӧ абу юклӧма, вонас 1 шайт.
2022 воын содтӧма федеральнӧй тшупӧда система артмӧдан организацияяслысь лыддьӧгсӧ.
Ӧні сэтчӧ пыртӧма Коми Республикаысь 10 организация, кодъяс вермасны босьтны федеральнӧй отсӧг.
Колян вося рака тӧлыссянь республикаын уджалӧ Суйӧрсайса тӧвар вежан шӧрин, коді отсалӧ корсьны продукциялысь да оборудованиелысь аналогъяссӧ, а сідзжӧ Логистика шӧрин, коді отсалӧ продукция нуӧм-вайӧмын.
Коми Республикаса промышленносьт сӧвмӧдан региональнӧй фонд сетӧ отсӧг оборотнӧй сьӧм содтӧм вылӧ.
Предприятиеяслы отсалӧны Коми Республикаса микрокредитнӧй компания, Коми Республикаса гарантийнӧй фонд да Коми Республикаса лизингӧвӧй компания.
Найӧ сетӧны овмӧс нуӧдысь субъектъяслы лӧсьыд условиеяс вылын льготнӧй прӧчента ставкаяс серти заёмъяс.
2023 воын УСН серти 2 пӧв чинтӧм вот ставкаяс колясны водзӧ, ІT компанияяслы льготаыс коляс 2024 во помӧдз.
Таво кокни промышленносьт предприятиеяслы вештасны республиканскӧй сьӧмкудйысь сырьё да материалъяс ньӧбӧм вылӧ, а сідзжӧ промышленнӧй оборудование ньӧбӧм вылӧ ӧтувъя рӧскодсӧ.
Тайӧ сетас налы позянлун выльмӧдны да паськӧдны ассортиментсӧ, уджыс кутас мунны ӧдйӧджык.
Медся уна вын да сьӧм колӧ видз-му овмӧс юкӧн вылӧ.
Канму отсӧглӧн ӧтувъя ыдждаыс колян во вӧлі 1 миллиард 394 миллион шайт, мый пӧшти 40% вылӧ ыджыдджык 2021 во серти.
Санкцияяс дырйи Коми Республикаса Веськӧдлан котыр вермис могмӧдны аграрийясӧс материально-техническӧй ресурсъясӧн, сы лыдын кӧдзан да идралан кампанияяс ас кадӧ нуӧдӧм могысь, уна субсидия сетісны авансӧн.
Таысь кындзи, аграрияяс вермисны срок нюжӧдӧмӧн сетны документъяс, кутшӧмъяс эскӧдӧны отсӧг вылӧ инӧдсӧ.
Вӧлі пыртӧмаӧсь мелиорация вылӧ, картупель да градвыв пуктас кӧдзӧм улӧ площадьяс ыдждӧдӧм вылӧ, видз-му овмӧс техника, комбикорм ньӧбӧм вылӧ отсӧг сетан содтӧд мераяс.
Содӧмаӧсь субсидияяслӧн ставкаяс — тӧварнӧй йӧв, пемӧсъяс да лэбачӧс видзӧм вылӧ, рӧдвыв скӧтӧс ньӧбӧм вылӧ.
Таысь кындзи, содӧмаӧсь ӧти скӧт вылӧ скӧт видзан жыръяс стрӧитӧм да выльмӧдӧм серти проектъяс вылӧ субсидияяслӧн мындаясыс, пыртӧма субсидияяс пемӧс видзан комплексъясса содтӧд объектъяс стрӧитӧм вылӧ.
Антикризиснӧй мераяс вӧсна видз-му овмӧсса организацияяс да фермеръяс содтісны да чукӧртісны бур урожай.
Картупель чукӧртӧм содіс 2,3 пӧв, градвыв пуктас — 6,5 пӧв.
Заптӧма колян во серти 20% вылӧ унджык кӧрым.
Колян во дорысь удайтчис кыпӧдны скӧт видзӧмлысь продуктивносьтсӧ, кольны йӧв вӧчан йӧрышсӧ да ньӧбны 3 пӧв унджык рӧдвыв гырысь скӧт юр.
Коми Республикаын видз-му овмӧс продукция вӧчан йӧрышыс кольӧма сэтшӧмӧн жӧ, вӧчӧмлӧн индексыс лоӧ 102%.
abu
Антикризиснӧй мераяс серти видз-му овмӧс юкӧн вылӧ 2023 воын содтӧд вичмӧдӧма 60,5 миллион шайт.
Регионса Юралысьлӧн тшӧктӧм серти Коми Республикаса Веськӧдлан котыр видлалӧ сьӧмкуд секторӧ татчӧс продукция вайӧм серти юалӧм.
Бур лыдпасъяс удайтчис босьтны вӧчтӧм йӧв нуӧм-вайӧм серти — 80% закупкаыс татчӧс вӧчысьяслӧн пай.
Таысь кындзи, нуӧдӧны сёрнитчӧмъяс федеральнӧй вузасян везъяскӧд арся идрасян кампания бӧрын картупель вайӧм вылӧ контрактъяс кырымалӧм йылысь.
«Колӧ туйдны картупель да градвыв пуктас быдтысьясӧс перерабатывающӧй цехъяс стрӧитӧм да полуфабрикатъяс вӧчӧм вылӧ.
Таысь кындзи, унджык картупель быдтӧмкӧд йитӧдын колӧ зільджыка стрӧитавны картупель видзанінъяс, сы лыдын федеральнӧй сьӧм кыскӧмӧн», — тӧдчӧдіс Коми Республикаса Юралысь.
{Kodko @ Радиационнӧй аварияяс да катастрофаяс бӧрын колясъяс бырӧдысьяслы да тайӧ аварияясӧ да катастрофаясӧ веськалӧм йӧзлы сиӧм лун серти Коми Республикаса Юралысьлӧн шыӧдчӧм @ выльтор @ https://rkomi.ru/news/2928 @ 2023-04-26 @ }
Радиационнӧй аварияяс да катастрофаяс бӧрын колясъяс бырӧдысьяслы да тайӧ аварияясӧ да катастрофаясӧ веськалӧм йӧзлы сиӧм лун серти Коми Республикаса Юралысьлӧн шыӧдчӧм.
«Коми Республикаса уна отрасльысь кык сюрсысь унджык специалист бырӧдісны Чернобыльса АЭС-ын авариясӧ.
Найӧ уджалісны бура да кужӧмӧн, асьнысӧ да дзоньвидзалуннысӧ жалиттӧг.
Куслытӧм паметь налы, кодъяс бырӧдісны радиацияа авариясӧ да сетісны олӧмнысӧ мукӧд вӧсна», — гижӧма шыӧдчӧмын.
«Радиацияа аварияяссӧ да катастрофаяссӧ пыдди пуктана бырӧдысьяс!
37 во сайын, 1986 вося косму тӧлысьын, лоис техногеннӧй авария. Сійӧ вежис миян странаын олӧмсӧ.
Чернобыльса атомнӧй электростанциялӧн нёльӧд энергоблокын взрыв бӧрын жугаліс реакторыс. АЭС-сянь комын километра гӧгӧрын вӧр-ваӧ веськаліс уна радиоактивнӧй вещество. Радиация улӧ веськаліс уна миллион морт.
Курыд шогыс ӧтувтіс странанымӧс, унаӧн мунісны бырӧдны радиацияа катастрофасӧ.
Коми Республикаса уна отрасльысь кык сюрсысь унджык специалист бырӧдісны Чернобыльса АЭС-ын авариясӧ.
Найӧ уджалісны бура да кужӧмӧн, асьнысӧ да дзоньвидзалуннысӧ жалиттӧг.
Куслытӧм паметь налы, кодъяс бырӧдісны радиацияа авариясӧ да сетісны олӧмнысӧ мукӧд вӧсна.
Сиа радиация аварияяс да катастрофаяс бырӧдысьяслы тыр-бур олӧм да семьяын шуд.
Медым орччӧн пыр вӧліны дона йӧз, кодъяс шонтасны тіянӧс асланыс муслунӧн!»
Коми Республикаса Юралысь Владимир Уйба.
{Kodko @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/2930 @ 2023-04-26 @ }
Владимир Уйба примитіс гражданаӧс ас сёрниӧн.
Граждана шыӧдчисны Коми Республикаса Юралысь дорӧ оланін условиеяс бурмӧдӧм да социальнӧй отсӧг босьтӧм йылысь юалӧмъяс серти.
Емдін районса олысь, 2 группаа вермытӧм, чернобыльса катастрофа бырӧдӧмын участвуйтысь шыӧдчис ас олан керка капитальнӧя дзоньталӧм серти.
Приём дырйи гражданинлы гӧгӧрвоӧдісны, мый канмусянь отсӧг сетӧм вылӧ сылы колӧ гижӧдны керкасӧ ас вылас, а сідзжӧ гижны УМШ-ӧ субсидия босьтӧм вылӧ шыӧдчӧм.
Ас вылӧ керкасӧ гижӧдӧм да канмусянь отсӧг босьтӧм вылӧ шыӧдчӧмсӧ сетӧм бӧрын сылы, кыдзи чернобыльса катастрофа бырӧдӧмын участвуйтысьлы, сетасны керка дзоньталӧм вылӧ сьӧм.
Таысь кындзи, сылӧн гӧтырыс тшӧтш вермӧ босьтны отсӧг «войнадырся челядь» категория серти.
Районса администрация кӧсйысис отсавны лӧсьӧдны колана документъяссӧ, аддзыны пӧдрадчикӧс да видзӧдны дзоньталан уджъяс нуӧдӧм бӧрся.
Кулӧмдін районын олысь ань, коді чернобыльса авария дырйи сэні оліс да веськаліс радиация улӧ, шыӧдчис социальнӧй отсӧгла.
Документъясыс, кутшӧмъяс россияса оланпастэчас серти эскӧдӧны чернобыльса аварияӧ веськалысьлысь статуссӧ, сылӧн абуӧсь, та понда сійӧ оз вермы босьтны канмусянь отсӧгсӧ.
Владимир Уйбалӧн тшӧктӧм серти Россияса ФМБА А.И. Бурназян нима федеральнӧй биофизическӧй медицина шӧринӧ ыстасны письмӧ, кӧні корасны видлавны Коми Республикаса аньлысь дзоньвидзалунсӧ, медым тӧдмавны, артмисны-ӧ сылӧн висьӧмъясыс чернобыльса авария бӧрын радиация улӧ веськалӧм вӧсна.
Эскӧдасны кӧ, мый аньлӧн висьӧмъясыс лоӧмаӧсь радиация улӧ веськалӧм вӧсна, сылы сетасны канму образеца лӧсялана документ, да сійӧ вермас босьтны канмусянь отсӧг, кытчӧ пырӧны оланін да коммунальнӧй услугаясысь мынтӧмсӧ компенсируйтӧм, лекарствоӧн льготнӧя могмӧдӧм, а сідзжӧ вылыс технологияа медицина отсӧг сетӧм.
Йӧзӧс ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяс решитӧм могысь, кутшӧмъясӧн регионса олысьяс шыӧдчисны Владимир Уйба дорӧ.
Тайӧ тшӧктӧмъяссӧ олӧмӧ пӧртӧм бӧрся видзӧдӧ Коми Республикаса Юралысь.
{Kodko @ Владимир Уйба казьтыштіс Иван Павлович Морозовлысь паметьсӧ @ выльтор @ https://rkomi.ru/news/2931 @ 2023-04-26 @ }
Владимир Уйба казьтыштіс Иван Павлович Морозовлысь паметьсӧ.
Талун, косму тӧлысь 26 лунӧ, тырис Коми АССР-са тӧдчана канму да политика уджалысьлӧн кулан лунсянь 36 во.
Сыктывкарын Коми Республикаса уджалысь, КПСС-лӧн Коми обкомса медводдза секретарлӧн уджъёртъяс да рӧдвуж, власьт органъясӧс петкӧдлысьяс пуктісны дзоридзьяс Иван Павлович Морозовӧс казьтылан пӧв да памятник дорӧ.
«Талун политикаын тӧдчана уджалысьлӧн да ыджыд мортлӧн паметь лун.
Чайта, пыр колӧ казьтывны, кутшӧм ыджыд мортӧн вӧлі Иван Павлович.
Шемӧсмӧдӧ, мыйта сы дырйи вӧлі стрӧитчӧма, нюжӧдӧма кӧрт туй да автомашина туй, лӧсьӧдӧма авиайитӧд.
Иван Павлович сӧвмӧдіс республикасӧ. Сы дырйи Коми му лоис россияса тӧдчана индустриальнӧй регионӧн.
Иван Павлович — тӧдчана морт, но сійӧ эз вылӧ пукты асьсӧ да вӧлі йӧзлы восьсаӧн, тӧдіс войтырлысь кӧсйӧмъяссӧ да отсасис налы венны мытшӧдъясӧ.
Талун ми кӧсъям лоны сы кодьӧн жӧ.
Колӧ висьтавны школьникъяслы да студентъяслы, мый вӧліны сэтшӧм йӧз, кодъяс сӧвмӧдісны республиканымӧс, индісны водзӧ сылӧн сӧвмӧм вылӧ могъяссӧ да нырвизьяссӧ.
Ми пыр бурӧн казьтывлам да аттьӧалам Иван Павловичӧс вӧчӧм уджысь », — пасйис Владимир Уйба.
Иван Павлович Морозов 22 во юрнуӧдіс республикаӧн (1965 восянь 1987 воӧдз). Тайӧ кадӧ Комиын бура сӧвмис экономикаыс.
Унаӧн ӧнӧдз на бурӧн казьтывлӧны сійӧс.
2021 воын Коми Республикалы сё во тыригӧн Сыктывкарса Киров нима паркын сувтӧдісны Иван Морозовлы памятник.
Регионса Юралысь Владимир Уйба ошкис Иван Павловичлӧн уджъёртъяслысь водзмӧстчӧмсӧ да ачыс отсаліс збыльмӧдны сійӧс.
Памятникыс бура петкӧдлӧ Иван Морозовлысь этшсӧ.
2022 воын петіс «Иван Павлович Морозов.
Республика помнит» небӧг, кӧні петкӧдлӧма историякӧд йитӧдын сылысь олантуйсӧ.
* * *
Иван Павлович Морозов чужис 1924 вося кӧч тӧлысь 30 лунӧ Сыктыв районса Межадор сиктын.
Велӧдчис Сыктывкарын фельдшер-акушер школаын. Помаліс сійӧс 1942 вося тӧвшӧр тӧлысьӧ.
9 тӧлысь мысти сійӧс босьтісны Краснӧй Армияӧ.
Иван Павлович вӧлі ротаса санинструкторӧн, а сэсся батальонса комсоргӧн.
1965 восянь 1986 воӧдз уджаліс КПСС-лӧн Коми обкомын медводдза секретарӧн.
Бӧрйылісны КПСС-лӧн Шӧр комитетӧ пырысьӧн, витысь бӧрйылісны СССР-лӧн Медвылыс Сӧветса депутатӧн.
Иван Морозов нимкӧд йитчӧма Коми му историялӧн дзонь эпоха. Сэки зэв бура сӧвмис экономика.
1965–1986 воясӧ республикаын промышленносьтлӧн валӧвӧй прӧдукцияыс содіс куим пӧв, мусир перйӧмыс — 9 пӧв.
Уна вын пуктіс сійӧ и биару отрасль лӧсьӧдӧмӧ, из шом перйӧмсӧ сӧвмӧдӧмӧ да лесохимическӧй отрасль котыртӧмӧ.
Сылӧн уджалігӧн нюжӧдісны кӧрт туй Косланӧдз, Мылдінӧдз, Усинскӧдз, вӧчисны бур автомашина туйяс Абъячойӧдз да Кулӧмдінӧдз.
60–70-ӧд воясӧ Коми АССР лоис страналӧн Европаса Войвылын гырысь промышленнӧй районъясысь ӧтиӧн.
Иван Павловичлӧн авторитетыс да ассьыс видзӧдлассӧ подулавны кужӧмыс унаысь отсалісны сылы СССР-са Министръяслӧн Сӧветӧн юрнуӧдысьяскӧд республикаӧс водзӧ сӧвмӧдӧм вылӧ могъяс олӧмӧ пӧртӧм йылысь сёрнитігӧн да на серти помшуӧмъяс примитігӧн.
Иван Морозов бӧрын колисны эз сӧмын выль каръяс, предприятиеяс, туйяс, электропередача линияяс да социальнӧй объектъяс. Ӧні тайӧ ставыс лыддьыссьӧ республикалӧн озырлунӧн.
Иван Павлович Морозов ӧтувтіс ас гӧгӧрыс зумыд команда.
Сы дырйи кадръяссӧ кутісны бӧрйыны восьсӧн, велӧдны том веськӧдлысьясӧс.
Иван Морозов кужис аддзыны тӧлка да енбиа йӧзӧс. Наысь лоисны тӧдчана канму уджалысьяс, вылыс квалификацияа юрнуӧдысьяс, кодъяс пуктісны пай Коми Республикаӧс сӧвмӧдӧмӧ.
{Kodko @ Владимир Уйба висьталіс республикаса пӧжарнӧйяслысь да спасательяслысь материально-техническӧй базасӧ бурмӧдӧм йылысь @ выльтор @ https://rkomi.ru/news/2932 @ 2023-04-26 @ }
Владимир Уйба висьталіс республикаса пӧжарнӧйяслысь да спасательяслысь материально-техническӧй базасӧ бурмӧдӧм йылысь.
Таво Войтырӧс доръян да неминучаысь видзан комитетса пӧжарнӧйяслы да спасательяслы торъя техника, оборудование да обмундирование ньӧбӧм вылӧ республикаса сьӧмкудйысь сетісны 100 миллион шайт.
Таысь кындзи, федеральнӧй сьӧмкудйысь сетісны «Ӧтувъя субсидия».
Тайӧ сьӧм вылӧ Воркутаса, Интаса да Усинскса пӧжарысь мездан службаясӧ воис 1 пӧжарнӧй машинаӧн, 3 машина сетісны Чилимдін районса пӧжарысь мездан службаӧ.
Выльмӧдӧны и пӧжарысь мездан инфраструктурасӧ.
Сыктывкар дорын лӧсьӧдӧма спецтехника дзоньталан да могмӧдан шӧрин. Ӧні тайӧ отсӧгысла оз ков шыӧдчыны мукӧд регионӧ.
А Печора районса Кӧджарӧм посёлокын Коми Республикаса адреснӧй инвестиция уджтас серти кыпӧдасны выль пӧжарнӧй депо.
Мӧд во Кӧрткерӧс районын кӧсйӧны жӧ стрӧитны депосӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь Владимир Уйба сетіс регионын олысьяслы канму наградаяс @ выльтор @ https://rkomi.ru/news/2933 @ 2023-04-27 @ }
Коми Республикаса Юралысь Владимир Уйба сетіс регионын олысьяслы канму наградаяс.
Кыпыд церемониясӧ нуӧдісны Тулыслы да Уджлы сиӧм гаж водзвылын.
«Тайӧ гажыс ӧтувтӧ Россияса гражданаӧс, кодъяс асланыс уджӧн зільӧны вӧчны буртор Аймулы.
Буретш татшӧм йӧз чукӧртчисны талун тайӧ залын.
Ті — асланыд уджын збыль мастеръяс.
2023 восӧ Россияын шуӧма Педагоглы да наставниклы сиӧм воӧн.
Талунъя наградитӧмаяс пӧвстын унаӧн лоӧны наставникъясӧн асланыс юкӧнъясын — культураын, спортын, велӧдӧмын да мукӧдлаын.
Тіянлы эм мыйӧ велӧдны том йӧзӧс.
Кора тіянӧс вичмӧдны унджык кад уджын мукӧдӧс туйдӧмлы-велӧдӧмлы», — шыӧдчис церемонияӧ пырӧдчысьяс дорӧ Владимир Уйба.
Коми Республикаса Юралысь тӧдчӧдіс, мый том йӧзлы, кодъяс локтӧны производство вылӧ либӧ организацияӧ, зэв ёна колӧ, медым найӧс туйдіс ыджыд опыта специалист.
Пример вылӧ сійӧ вайӧдіс Ярослав Бонкӧс, коді 40 сайӧ во уджалӧ Воркутаса шахтаясын.
Сійӧ лоис республикаысь мӧд мортӧн, кодлы сетісны Коми Республикаса уджвывса геройлысь медвылыс почёт ним (медводдза уджвывса геройӧн лоис лызьӧн нималана котралысь Раиса Сметанина).
«Ӧнӧдз на ог вермы помӧдзыс эскыны, мый ме Уджвывса герой республикаын, кӧні олі пӧшти став олӧмӧс.
Кӧсъя аттьӧавны быдӧнӧс, коді отсаліс меным веськавны татчӧ.
Тіянӧс, Владимир Викторович, ассьым медыджыд директор Максим Сергеевичӧс, уджалан коллективъясӧс, кодъяскӧд ме уджалі 70-ӧд, 80-ӧд, 90-ӧд воясӧ.
Быдӧнлӧн, кодкӧд ме коркӧ уджавлі, эм пай тайӧ наградаын, таысь ме зэв ёна аттьӧала найӧс.
Дерт, тайӧ наградаысь меным нимкодь, но такӧд ӧттшӧтш тайӧ ыджыд кывкутӧм», — шуис Ярослав Бонк.
Сідзжӧ Владимир Уйба пасйис том морт Глеб Куликовлысь заслугаяссӧ, коді таво лоис «Пӧсь сьӧлӧм» ставроссияса ӧтйӧза-канму водзмӧстчӧмын лауреатӧн.
Аслас примерӧн зон петкӧдліс, мый весиг олӧмын сьӧкыд кадӧ позьӧ аддзыны вын, медым вӧчны радейтана удж, зільны спортын, творчествоын, вайны буртор семьялы да йӧзлы.
«Кӧсъя аттьӧавны ставныдтӧ экономика сӧвмӧдӧмӧ, Россиянымӧс да республиканымӧс сӧвмӧдӧмӧ пай пуктӧмысь.
Матысмӧны гажлунъяс да, дерт жӧ, Ыджыд Вермӧм лун.
Тайӧ праздник водзвылын кӧсъя сины миянлы, миян зонъяслы вермӧм!», — шуис церемония сигӧртігӧн Коми Республикаса Юралысь.
* * *
«Пӧсь сьӧлӧм» войтыркостса участвуйтӧмӧн ставроссияса ӧтйӧза-канму водзмӧстчӧм котыртан комитетлӧн помшуӧмӧн олӧмын сьӧкыдлунъяс венӧмысь, вӧля вын петкӧдлӧмысь да вермыны зільӧмысь диплом да «Пӧсь сьӧлӧм» морӧсвыв пас сетӧма
Глеб Викторович Куликовлы — Сосногорск карса 3 №-а шӧр школаын велӧдчысьлы.
Коми Республикаса Юралысьлӧн Индӧдӧн
уна во чӧж сьӧлӧмсянь уджалӧмысь да уджалігӧн Коми Республика водзын торъя заслугаясысь Коми Республикаса уджвывса геройлысь медвылыс почёт ним сетӧма
Ярослав Михайлович Бонклы — «Воркутауголь» из шом перъян акционер котырлӧн «Комсомольскӧй шахта» тэчас юкӧдулын производство службалӧн сменаса начальниклы.
Россия Федерацияса Президентлӧн Индӧдӧн
страналысь дорйысьны верманлунсӧ кыпӧдӧмын заслугаясысь, уджын ыджыд вермӧмъясысь да уна во чӧж бура служитӧмысь «Аймулы бур вӧчӧмысь» орденлысь ІІ тшупӧда медаль сетӧма
Галина Феликсовна Сивергиналы — Коми Республикаса военнӧй комиссариатын (запасса офицеръясӧс индан, дасьтан, аттестуйтан да учёт нуӧдан) юкӧнса начальниклы;
йӧзлысь дзоньвидзалун видзан юкӧнын заслугаясысь да уна вося бур уджысь Лука Крымскийлысь медаль сетӧма
Иван Александрович Глухлы — «Вуджан висьӧмъясысь бурдӧдан республиканскӧй больнича» йӧзлысь дзоньвидзалун видзан канму учреждениеса отделениеӧн заведуйтысьлы;
том специалистъясӧс уджсикасын сӧвмӧдӧмын заслугаясысь да наставник уджын зільӧмысь «Наставничествоысь» отличие пас сетӧма
Сергей Валентинович Стариковлы — «Ёрд да медицина боксянь экспертиза бюро» йӧзлысь дзоньвидзалун видзан канму учреждениеса юкӧнӧн заведуйтысьлы;
наука сӧвмӧдӧмӧ пай пуктӧмысь да уна вося бур уджысь «Россия Федерацияса нимӧдана геолог» почёт ним сетӧма
Анна Ивановна Антошкиналы — Россияса наукаяс академиялӧн Урал юкӧнса Коми наука шӧринын Академик Н.П. Юшкин нима геология институтса медвылыс тшупӧда наука туялысьлы;
йӧзлысь дзоньвидзалун видзан юкӧнын заслугаясысь да уна вося бур уджысь «Россия Федерацияса йӧзлысь дзоньвидзалун видзан юкӧнын нимӧдана уджалысь» почёт ним сетӧма
Ирина Алексеевна Ипатколы — «Консультативно-диагностическӧй шӧрин» йӧзлысь дзоньвидзалун видзан канму учреждениеса юралысь врачлы;
транспорт юкӧнын заслугаясысь да уна вося бур уджысь «Россия Федерацияса транспорт юкӧнын нимӧдана уджалысь» почёт ним сетӧма
Андрей Васильевич Ильинлы — «Комиавиатранс» акционер котырлӧн «Сыктывкар аэропорт» тэчас юкӧдувса директорлы.
Россия Федерацияса Президентлӧн тшӧктӧмӧн
спортсменъясӧс, кодъяс Пекин карын 2022 вося Тӧвся XXІV Олимпийскӧй ворсӧмъяс дырйи шедӧдісны спортын ыджыд вермӧмъяс, бура дасьтӧмысь Россия Федерацияса Президентсянь почёт грамота сетӧма
Андрей Владимирович Нутрихинлы — «Россияса сборнӧй командаясӧс спортивнӧя дасьтан шӧрин» федеральнӧй канму учреждениеын лызьӧн ордйысьӧм серти Россия Федерацияса спортивнӧй сборнӧй командалӧн тренерлы;
Россия Федерацияӧ выль мутасъяс пыртӧм йылысь референдум котыртӧмӧ да нуӧдӧмӧ тӧдчана пай пуктӧмысь Россия Федерацияса Президентсянь аттьӧалӧм сетӧма
Наталия Евгеньевна Макаровалы — Коми Республикаса бӧрйысян комиссиялӧн аппаратӧн юрнуӧдысьлы — юкӧнса начальниклы;
велӧдан юкӧнын заслугаясысь да уна вося бур уджысь Россия Федерацияса Президентсянь аттьӧалӧм сетӧма
Светлана Стефановна Савиновалы — «Н.В. Оплеснин нима Коми республиканскӧй агропромышленнӧй техникум» канму велӧдан учреждениеса директорлы;
уджын вермӧмъясысь да уна вося бур уджысь Россия Федерацияса Президентсянь аттьӧалӧм сетӧма
Татьяна Юрьевна Самохиналы — «Водоканал» ичӧт кывкутана котырын Усинскса ва проводъяслӧн насоснӧй станцияяслӧн да везъяслӧн цехса лабораторияын начальниклы;
Игорь Георгиевич Сенчалы — «Воркута» кар кытшлӧн муниципальнӧй юкӧнса сӧветӧн веськӧдлысьлы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Татьяна Анатольевна Буториналы — «Коми республиканскӧй клиническӧй больнича» йӧзлысь дзоньвидзалун видзан канму учреждениеса терапевтическӧй отделениеӧн заведуйтысьлы — врач-терапевтлы;
Михаил Павлович Заваринлы — «ИНКОМ-Авто» ичӧт кывкутана котырса директорлы;
Александр Леонидович Коюшевлы — «Коми республиканскӧй клиническӧй больнича» йӧзлысь дзоньвидзалун видзан канму учреждениеса хирургическӧй торакальнӧй отделениеӧн заведуйтысьлы — врач-торакальнӧй хирурглы;
Ирина Андреевна Муравьевалы — «Коми Республикаса национальнӧй галерея» канму учреждениеса нуӧдысь библиотекарлы;
Лариса Анатольевна Потаповалы — «Сыктывкарса тыр арлыдтӧмъясӧс социальнӧя реабилитируйтан шӧрин» канму учреждениеса педагог-психологлы;
Иван Васильевич Ракинлы — асшӧр уджалысьлы, Кулӧмдін район;
Сергей Иванович Семенчинлы — Коми Республикалӧн агропромышленнӧй комплексса уджалысьяслысь тӧдӧмлун бурмӧдан да квалификация кыпӧдан институтын кафедраса шӧр преподавательлы;
Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
Екатерина Дарвиновна Габовалы — «Милосердие» олысьясӧс социальнӧя могмӧдан районкостса шӧринын социальнӧй уджалысьлы, Сыктывдін район;
Галина Константиновна Ильясовалы — «Коми Республикаса журналистъяслӧн котыр» регионса ӧтйӧза организациялӧн правлениеӧ пырысьлы;
Александр Юрьевич Калининлы — Регионын ӧтув уджалӧмын да сӧвмӧдӧмын отсӧг сетан Коми фондса олӧмӧ пӧртысь директорлы;
Татьяна Дмитриевна Круцкевичлы — «1 №-а спорт школа» канму учреждениеын волейболысь шӧр тренерлы, Сыктывкар;
Дмитрий Иванович Пинаевскийлы — Питирим Сорокин нима Сыктывкарса канму университетлӧн История да право институтын Россиялӧн да суйӧрсайса странаяслӧн история кафедраса доцентлы.
Коми Республикаса Юралысьлӧн тшӧктӧмӧн
культура юкӧнын заслугаясысь да уна вося бур уджысь «Коми Республикаса культура юкӧнын почёта уджалысь» ним сетӧма:
Зифа Аухатовна Чиковалы — «Печораса история да ас му туялан музей» муниципальнӧй учреждениеын музейса эмторъяс медыджыд видзысьлы;
Татьяна Семеновна Цыганковалы — «Коми Республикаса искусство колледж» Коми Республикаса канму велӧдан учреждениеын преподавательлы;
велӧдан юкӧнын заслугаясысь да уна вося бур уджысь «Коми Республикаса велӧдан юкӧнын почёта уджалысь» ним сетӧма
Ольга Петровна Патрашлы — «Ухтаса педагогика колледж» уджсикасӧ велӧдан аспом учреждениеын велӧдан удж серти директорӧс вежысьлы;
олысьясӧс социальнӧя доръян юкӧнын заслугаясысь да уна вося бур уджысь «Коми Республикаса олысьясӧс социальнӧя доръян юкӧнын почёта уджалысь» ним сетӧма:
Маргарита Викторовна Асатчевалы — «Усинск карса олысьясӧс социальнӧя доръян юкӧнын канму услугаяс сетан шӧрин» канму учреждениелӧн социальнӧй гарантияяс юкӧнса начальниклы;
Светлана Алексеевна Мелешевалы — «Милосердие» олысьясӧс социальнӧя могмӧдан районкостса шӧринын социальнӧй уджалысьлы, Сыктывдін район;
уна во сьӧлӧмсянь да бура уджалӧмысь «Уджын повтӧмлун» отличие пас сетӧма:
Анатолий Григорьевич Бондаренколы — «Лузалес» ичӧт кывкутана котырлӧн вӧр лэдзан да туй стрӧитан техника дзоньталан цехса инженерлы;
Ольга Вадимовна Ждановалы — «Лузалес» ичӧт кывкутана котырлӧн Вӧрӧн вӧдитчӧм серти департаментын вӧрӧн могмӧдан юкӧнса начальниклы;
Екатерина Ивановна Князьковалы — «Коми республиканскӧй типография» ичӧт кывкутана котырса переплётчиклы;
Нина Михайловна Мининалы — «Коми республиканскӧй типография» ичӧт кывкутана котырын электроннӧй набор да вёрстка серти операторлы;
Игорь Николаевич Чертковлы — «Регионса транспорт компания» ичӧт кывкутана котырса капитан-механиклы, Печора кар.
{Kodko @ 2023 воын Коми Республикаса медбур велӧдысьӧн лоис Чилимдін районысь Антон Михеев @ выльтор @ https://rkomi.ru/news/2934 @ 2023-04-27 @ }
2023 воын Коми Республикаса медбур велӧдысьӧн лоис Чилимдін районысь Антон Михеев.
Косму тӧлысь 26 лунӧ Коми Республикаса Юралысь бердын искусство гимназияын юӧртісны «Учитель года России» ставроссияса конкурслӧн республиканскӧй тшупӧдлысь кывкӧртӧдъяссӧ. Сійӧс нуӧдӧма Педагоглы да наставниклы сиӧм во серти.
Конкурсса финалистъясӧс да сэтчӧ пырӧдчысьясӧс чолӧмаліс регионса Юралысь Владимир Уйба.
«2023 воыс велӧдан юкӧнлы зэв тӧдчана, ӧд сійӧс сиӧма педагоглы да наставниклы. Тіян дорӧ шыӧдчӧмӧн ме чолӧмала республикаса став велӧдысьсӧ.
Ыджыд аттьӧ тіянлы кывкутана да сьӧкыд удж вӧчӧмысь.
Миян республикаын зільӧны збыльысь енбиа педагогъяс, профессионалъяс, кодъяс сетӧны уджыслы став сьӧлӧмсӧ.
Ті туйданныд-велӧданныд челядьӧс, сӧвмӧданныд налысь кужанлуннысӧ, велӧданныд радейтны Чужан мунымӧс, овны вежавидзӧмӧн да сӧвмӧданныд налысь ловсӧ.
Аттьӧ тіянлы челядь дорӧ ыджыд муслунысь, Россиялӧн да республикалӧн талунъя да аскиа лун сӧвмӧдӧмӧ пай пуктӧмысь», — шыӧдчис педагогъяс дорӧ Владимир Уйба.
Конкурслӧн республиканскӧй тшупӧдын вермысьӧн лоис Чилимдін районлӧн Пижмаса шӧр школаын физика велӧдысь Антон Георгиевич Михеев.
Мӧд местасӧ босьтіс Сыктывкарын Ӧткымын предмет пыдісянь велӧдан И.А. Куратов нима 1 №-а шӧр школаын серпасасян искусство да черчение велӧдысь Анна Витальевна Кондратьева.
Коймӧд местасӧ шедӧдіс Воркута карын Ӧткымын предмет пыдісянь велӧдан 40 №-а шӧр школаын ичӧт классъяс велӧдысь Ольга Владимировна Бакаева.
Коми Республикаса Юралысь Владимир Уйба сетіс конкурсын вермысьлы да призёръяслы дипломъяс да Коми Республикаса Веськӧдлан котырсянь премия босьтӧм вылӧ сертификатъяс.
Конкурсын вермысь Антон Михеев аттьӧаліс быдӧнӧс отсӧгысь: «Ыджыд аттьӧ менам семьялы, коді конкурс чӧж отсасис меным да пыр ышӧдіс водзӧ вылӧ.
Торйӧн аттьӧала ассьым наставникӧс — Елена Борисовна Чупроваӧс.
Сідзжӧ ыджыд аттьӧ школаса веськӧдлысьяслы да менам велӧдчысьяслы».
Конкурсӧ пырӧдчис 18 муниципалитетысь 23 велӧдысь.
Налӧн арлыдыс — 22 арӧссянь 56 арӧсӧдз.
Ӧти велӧдысьлӧн педагогикаын стажыс вӧлі кык во, а сизимӧн велӧдӧны нин кызь воысь дырджык.
Ассьыныс кужанлуннысӧ петкӧдлісны ичӧт классъяс, англия кыв, история да обществознание, математика, роч кыв, физика, физкультура, серпасасян искусство, география, информатика велӧдысьяс.
Педагогъяс петкӧдчисны велӧдан проектъясӧн, юксисны опытӧн, аслыспӧлӧс практикаясӧн.
Конкурслӧн республиканскӧй тшупӧдын вермысь петкӧдлас Коми Республиканымӧс Ставроссияса тшупӧдын.
«Сиам вермысьлы шуд, да, дерт жӧ, нимкодьпырысь кутам видзӧдны финалын сылӧн петкӧдчӧм бӧрся.
Конкурсӧ став пырӧдчысьлы ме сиа сӧвмыны, шедӧдны уджын выль вермӧмъяс, крепыд дзоньвидзалун, помтӧм вын да тыр-бур олӧм.
Сиа, медым тіян вӧліны енбиа, тӧлка велӧдчысьяс, медым налы сьӧлӧм сетӧмыс вайис тіянлы уна бур.
Аттьӧ тіянлы сьӧлӧмсянь уджалӧмысь!», — шуис Владимир Уйба.
{Kodko @ Владимир Уйба: «Талун миян водзын сулалӧ колана мог — мывкыдлун ёнмӧдӧм-зумыдмӧдӧм, традиционнӧй донаторъяс видзӧм» @ выльтор @ https://rkomi.ru/news/2935 @ 2023-04-27 @ }
Владимир Уйба: «Талун миян водзын сулалӧ колана мог — мывкыдлун ёнмӧдӧм-зумыдмӧдӧм, традиционнӧй донаторъяс видзӧм».
Косму тӧлысь 27 лунӧ Коми Республикаса Юралысь участвуйтіс «Россия и вызовы современного мира» ставроссияса научно-практическӧй конференцияын, кутшӧмӧс котыртіс Ставмирса Роч Народнӧй Собор.
Мероприятиеӧ пырӧдчисны Ставмирса Роч Народнӧй Соборлӧн Юралысьӧс вежысь Константин Малофеев, Сыктывкарса да Коми-Зырянаса архиепископ Питирим, а сідзжӧ велӧдан ӧткотыръясӧс, министерствоясӧс да ведомствоясӧс, кансяма ютыръясӧс да ӧтйӧза организацияясӧс петкӧдлысьяс.
«Талун, кор Россия выльысь паныдасьӧ ӧтувъя рытыввывлӧн пондылӧмъяскӧд кисьтны миянлысь странанымӧс, торйӧдны миянлысь войтырӧс, сюйны миян том йӧзлы деструктивнӧй, бокӧвӧй идеология, Роч Православнӧй Вичко бара ӧтувтӧ миянӧс.
Талун миян водзын сулалӧ колана мог — мывкыдлун ёнмӧдӧм-зумыдмӧдӧм, традиционнӧй донаторъяс видзӧм.
Сы вӧсна мый, сӧмын на вылӧ мыджсьӧмӧн, ми вермам водзсасьны Рытыввылӧн миян канмулы лёк вӧчӧмкӧд», — шыӧдчис участвуйтысьяс дорӧ Ставмирса Роч Народнӧй Соборлӧн Коми Республикаын регионса юкӧнлӧн сопредседатель Владимир Уйба.
Кыдз пасйис Коми Республикаса Юралысь, Ставмирса Роч Народнӧй Соборлӧн мероприятиеяс ӧтувтӧны.
Тані чукӧртчӧны Роч Православнӧй Вичкоӧс, канму власьт органъясӧс петкӧдлысьяс, экспертъяс да наукаын уджалысьяс — ставныс, кодлы абу веськодь Аймулӧн аскиа луныс.
«Коркӧ челядьдырйи ми видзӧдім Айму вӧсна Ыджыд тыш йылысь кинояс да чайтім, мый тайӧ кадыс колис ылӧ.
Тайӧ локтіс миян дорӧ ӧні.
И ӧні ми тышкасям огӧ вокъяскӧд, а роч войтырлӧн йӧймӧдӧм юкӧнкӧд, кодъясӧс зомбируйтӧмаӧсь Рытыввылын олысь сӧтанаяс, кодъяс кӧсйӧны мортсӧ пӧртны немортӧ, енлы эскытӧм, национальносьттӧм да рӧдтӧм киборгӧ.
Та йылысь висьталӧ миян Президент аслас историческӧй сёрнитӧмъясын.
Ми эгӧ веськалӧй рытыввыв странаяслӧн тӧдчӧм улӧ.
Сідзкӧ миянлы колӧ аслыным лӧсьӧдны аскиа лунсӧ.
Регыд Ыджыд Россиялӧн воас выль кад», — пасйис Ставмирса Роч Народнӧй Соборлӧн Юралысьӧс вежысь Константин Малофеев.
Ставроссияса научно-практическӧй конференция вылын видлалісны талунъя лун кежлӧ торъя коланаӧн лоӧм юалӧмъяс — тайӧ йӧзкотырлӧн ӧтувтчӧм, традиционнӧй донаторъяс видзӧм да том йӧзӧс Чужан му радейтны велӧдӧм.
Кыдз вӧлі пасйӧма мероприятие вылын, канмулӧн да Роч Православнӧй Вичколӧн ӧтувъя уджӧн збыльмӧдӧны тӧдчана водзмӧстчӧмъяс, тӧдмӧдан уджтасъяс да бурвӧчан проектъяс, велӧдӧны том йӧзӧс радейтны Чужан му.
«Вежӧртӧмлӧн зэв кывкутана здук инкубируйтчӧ буретш татшӧм научно-практическӧй конференцияяс вылын.
Педагоглы да наставниклы сиӧм воӧ зэв колана, медым ми мобилизуйтчим.
Ми аддзам, мый ӧні нацизм да фашизм бара сӧвмӧ.
Но та дырйи ни ӧти арабскӧй канму эз ошкы Россиялы паныд санкцияяссӧ.
Ен отсӧгӧн, медым патриотическӧй вужъяслы отсаласны мукӧд национальносьтъяс, медым вӧлі веськыдлун, бурлун да югыдлун», — пасйис Сыктывкарса да Коми-Зырянаса архиепископ Питирим.
«Сӧмын Ен отсӧгӧн ми вермам вермасьны мирса лёккӧд, коді йӧзын быдсяма тырмытӧмторъяссӧ чужтӧмӧн кӧсйӧ босьтны ставмирса власьт.
Мед сетас Енмыс роч йӧзлы видзны православнӧй эскӧмсӧ, да сэки Енмыс вежӧрсьӧдас да вынсьӧдас роч йӧзлысь вождьяссӧ, и ми вермам», — шыӧдчис конференцияын участвуйтысьяс дорӧ Воркутаса да Усинскса архиепископ Марк.
Тӧд вылӧ уськӧдам, Россияса Президент Владимир Путин 2022 вося вӧльгым тӧлысьӧ аслас Индӧдӧн вынсьӧдіс Россияса традиционнӧй духовно-нравственнӧй донаторъяс видзӧм да ёнмӧдӧм серти канму политикалысь подувъяс.
Кыдзи пасйис Владимир Уйба, Президентлысь Индӧдсӧ олӧмӧ пӧртӧм могысь Коми Республикаын лоӧ лӧсьӧдӧма Коми Республикаса Юралысь бердын Россияса духовно-нравственнӧй донаторъяс ёнмӧдӧм серти сӧвет.
Сэтчӧ пырасны пыдди пуктана йӧз, кодлӧн видзӧдласыс да опытыс лоасны зэв коланаӧсь да кодъяс пропагандируйтӧны традиционнӧй духовно-нравственнӧй донаторъяс.
Сӧветлӧн уджыс лоӧ веськӧдӧма йӧзкотырын зумыдлун видзӧм да гражданалысь ловлун да ӧтувъялун ёнмӧдӧм вылӧ.
Сійӧ жӧ луннас конференция заводитчытӧдз удж кузя аддзысьлігӧн Владимир Уйба да Константин Малофеев видлалісны Коми Республикаса Веськӧдлан котырлӧн Ставмирса Роч Народнӧй Соборкӧд ӧтув уджалӧм да ёртасьӧм серти юалӧмъяс.
Республикаса Юралысь пасйис, мый СРНС нуӧдӧ йӧзкотыр ӧтувтӧм, традиционнӧй духовно-нравственнӧй донаторъяс ловзьӧдӧм, чужан му радейтӧм, гражданственносьт ёнмӧдӧм серти зэв тӧдчана да ыджыд удж.
Коми Республикаса Веськӧдлан котыр тырвыйӧ ошкӧ тайӧ босьтчӧмъяссӧ.
{Kodko @ Владимир Уйба висьталіс «Россия и вызовы современного мира» ставроссияса научно-практическӧй конференция йылысь @ выльтор @ https://rkomi.ru/news/2936 @ 2023-04-27 @ }
Владимир Уйба висьталіс «Россия и вызовы современного мира» ставроссияса научно-практическӧй конференция йылысь.
Конференцияыс вӧлі талун Сыктывкарын.
Сэтчӧ пырӧдчисны Ставмирса Роч Народнӧй Соборлӧн Юралысьӧс вежысь Константин Малофеев, Сыктывкарса да Коми-зырянаса архиепископ Питирим, а сідзжӧ велӧдан ӧткотыръясын, ӧтйӧза организацияясын, кансяма ютыръясын, министерствоясын да ведомствоясын уджалысьяс.
Конференция дырйи сёрнитісны йӧзкотырӧс ӧтувтӧм, традиционнӧй донаторъяс видзӧм да том йӧзӧс Чужан му радейтны велӧдӧм йылысь. Ӧнія кадӧ тайӧ зэв тӧдчана юалӧмъяс.
«Кор россияса воинъяс тышкасьӧны неонацистъяскӧд передӧвӧй вылын, дорйӧны Россиялысь асшӧрлунсӧ, тані, тылын, миянлы колӧ видзны вежавидзӧмӧн олӧмсӧ, вӧчны ставсӧ, медым семья костын олісны бура, быдтісны уна челядьӧс, медым войтырыс уджалісны бур вылӧ да отсасины ӧта-мӧдныслы», — шуис аслас видео пыр шыӧдчӧмын Коми Республикаса Юралысь.
{Kodko @ Коми Республикаса Юралысь чолӧмалӧ Регыдъя медицина отсӧг сетысьлӧн лунӧн @ выльтор @ https://rkomi.ru/news/2937 @ 2023-04-28 @ }
Коми Республикаса Юралысь чолӧмалӧ Регыдъя медицина отсӧг сетысьлӧн лунӧн.
«Косму тӧлысь 28 лунӧ ми чолӧмалам да аттьӧалам врачьясӧс, фельдшеръясӧс, медсестраясӧс да медбратъясӧс, диспетчеръяслӧн службаясса операторъясӧс, шоперъясӧс — найӧс, кодъяс отсалӧны видзны мортлысь дзоньвидзалунсӧ да олӧмсӧ», — гижӧма чолӧмалӧмын.
«Регыдъя медицина отсӧг сетӧмын пыдди пуктана уджалысьяс!
Став сьӧлӧмсянь чолӧмала уджсикас гажӧн!
Косму тӧлысь 28 лунӧ ми чолӧмалам да аттьӧалам врачьясӧс, фельдшеръясӧс, медсестраясӧс да медбратъясӧс, диспетчеръяслӧн службаясса операторъясӧс, шоперъясӧс — найӧс, кодъяс отсалӧны видзны мортлысь дзоньвидзалунсӧ да олӧмсӧ.
Тіян уджныд — тӧждысьны йӧз вӧсна. А та вылӧ колӧ уна вын да терпенньӧ, пыр колӧ лоны дасьӧн локны йӧзлы отсӧг вылӧ.
Миян республикаын сутки чӧж уджалӧ регыдъя медицина отсӧг сетан 80 унджык бригада.
Тайӧ уджыс зэв тӧдчана. Та вӧсна ми зілям, медым службаыс сӧвмис.
Сідз, регыдъя медицина отсӧг сетан Сыктывкарса, Ухтаса да Сыктывдін районса службаяссӧ вӧлі ӧтувтӧма Неминуча дырйи медицина отсӧг сетан шӧринкӧд, котыртӧма вызовъяс примитӧм серти диспетчеръяслысь ӧтувъя республиканскӧй шӧрин. Тайӧ уджыс отсаліс бурмӧдны олысьяслы медицина отсӧг сетӧмсӧ.
Дона ёртъяс!
Тайӧ уджыс абу кокни. Став сьӧлӧмсянь аттьӧала тіянӧс бура уджалӧмысь да бӧрйӧм уджлы сьӧлӧм сетӧмысь.
Сиа тіянлы крепыд дзоньвидзалун, помтӧм вын, шуд да тыр-бур олӧм.
Дерт жӧ, унджык лӧнь дежурство.»
Коми Республикаса Юралысь Владимир Уйба.
{Kodko @ Владимир Уйба нуӧдіс Коми Республикаын терроризмлы паныд удж нуӧдан комиссиялысь заседание @ выльтор @ https://rkomi.ru/news/2939 @ 2023-04-28 @ }
Владимир Уйба нуӧдіс Коми Республикаын терроризмлы паныд удж нуӧдан комиссиялысь заседание.
Сёрниыс муніс Коми Республикаын транспорт инфраструктура объектъяслысь да транспорт средствояслысь видзчысянлунсӧ могмӧдӧм серти нуӧдан удж йылысь.
Докладъясӧн сёрнитісны Россияса МВД-лӧн Сыктывкарса транспорт вылын линейнӧй веськӧдланінса начальник Алексей Мариев, Коми Республикаса стрӧитчан, оланін да коммунальнӧй овмӧс министрлысь могъяс олӧмӧ пӧртысь Анастасия Пихней, «Комиавиатранс» АК медыджыд директор Юрий Скрипин.
Кывзісны «Емдін» МР МЮ терроризмлы паныд удж нуӧдан комиссияӧн веськӧдлысьлысь доклад терроризмысь ӧлӧдӧм да сылы паныд удж нуӧдӧм йылысь.
{Kodko @ Коми Республикаын пасъясны вӧр профсоюзлы 100 во тырӧм @ выльтор @ https://rkomi.ru/news/2940 @ 2023-04-28 @ }
Коми Республикаын пасъясны вӧр профсоюзлы 100 во тырӧм.
Регионса Юралысь Владимир Уйба аддзысьліс профсоюзса лидеръяскӧд Тулыслы да Уджлы сиӧм гаж водзвылын.
Видлалісны ӧтув уджалӧм, а сідзжӧ вӧр юкӧнъясса профсоюзлысь, мый ӧтувтӧ республикаса 11 сюрсысь унджык олысьӧс, юбилей пасйӧм серти юалӧмъяс.
Профсоюзса лидеръяс аттьӧалісны Коми Республикаса Юралысьӧс да регионса Веськӧдлан котырӧс ӧтувъя уджысь.
«Таво Россияса профсоюзъяс пасйӧны ода-кора тӧлысь медводдза лунсӧ «уджалысь йӧзлӧн ӧтсӧгласлун да канмулӧн ӧтувъялун» лозунг улын, и Коми Республикаса профсоюзъяслӧн федерация сы лыдын, — висьталіс Коми Республикаса профсоюзъяслӧн федерацияӧн веськӧдлысь Алексей Кулиш. — 2023 восӧ Россияса асшӧрлуна профсоюзъяслӧн федерация шуӧма Социальнӧй уджъёртасьӧм сӧвмӧдан да ёнмӧдан воӧн.
Тӧрыт ми аддзысьлім регионса Веськӧдлан котырӧ пырысьяскӧд.
Сійӧ муніс зэв бура, и ӧні татшӧм аддзысьлӧмъясыс лоасны тшӧкыдджыка.
Нӧшта тайӧ воыс миянлы тӧдчана сійӧн, мый ыджыд членскӧй организацияяс пиысь ӧти — вӧр профсоюз — пасйӧ 100 во».
«Канмуын пуксьӧм серпас вӧсна ми решитім не вӧчны ыджыд гажсӧ, но век жӧ 100 воыс овлӧ сӧмын ӧтчыд, — пасйис вӧр юкӧнъясын уджалысьяслӧн профсоюзса Коми республиканскӧй организацияӧн веськӧдлысь Александр Смирнов. — И ми эськӧ кӧсйим, медым тайӧ луныс колис йӧзлы вежӧрас, медым сійӧ вӧлі эз сӧмын гажӧн, но и бур лоӧмторйӧн.
Та вӧсна ми кӧсъям нуӧдны уна йӧза субӧтник — уджлы сиӧм гаж.
А сы бӧрын вӧчам уджалан праздничнӧй пажын.
Сцена вылын котыртам патриотическӧй концерт.
Тӧждысям и ветеранъяс вӧсна.
Гажсӧ нуӧдам Эжваын, Слава улича кузя площадка вылын.
А медым чолӧмавны став ветеранӧс да вӧр юкӧнын уджалысьясӧс, котыртам районъясӧ ветлӧм, мый мунас агитбригада форматын концертъясӧн, та вӧсна корам муниципалитетса юралысьясӧс отсавны миянлы».
Коми Республикаса Юралысь ошкис субӧтник сяма гаж нуӧдӧм серти профсоюзса лидеръяслысь вӧзйӧмъяссӧ да праздничнӧй мероприятиеяс нуӧдӧм вылӧ Эжва район бӧрйӧмсӧ.
Эжва районлы таво тырӧ 60 во.
«Субӧтник — зэв бур формат, сійӧ дзик нин ӧтувтас йӧзӧс.
Медшӧрыс — оз ков кутны гажсӧ нуӧдӧмысь, а нуӧдны сійӧс да казьтывлыны, мый тайӧ гажыс лоис сӧмын миян зонъяс отсӧгӧн, кодъяс ӧні дорйӧны миянлысь Чужан му.
Таысь кындзи, быть колӧ наградитны юкӧнса медбур уджалысьясӧс, а вывті бура уджалысьяслы сетны канму наградаяс.
Вӧр профсоюзъяслысь 100 во тырӧмсӧ пасйӧм серти лоӧ сетӧма лӧсялана тшӧктӧмъяс», — пасйис Коми Республикаса Юралысь.
Праздничнӧй субӧтниксӧ нуӧдасны сора тӧлысь заводитчигӧн.
Чайтӧны, мый сэтчӧ пырӧдчас 350–400 морт.
Медшӧр участвуйтысьясӧн лоӧны вӧр юкӧнъясса профсоюзӧ пырысьяс, ветеранъяс, Россияса регионъясысь корӧм гӧсьтъяс да социальнӧй уджъёртъяс.
{Kodko @ Владимир Уйба юӧртіс Коми Республикаса сикт-грездъяс биаруӧн могмӧдӧм йылысь @ выльтор @ https://rkomi.ru/news/2941 @ 2023-04-28 @ }
Владимир Уйба юӧртіс Коми Республикаса сикт-грездъяс биаруӧн могмӧдӧм йылысь.
Тайӧ уджсӧ нуӧдӧны Россияса Президент Владимир Владимирович Путинлӧн тшӧктӧм да регионса Веськӧдлан котырлӧн «Газпром» компаниякӧд артмӧдчӧм серти.
Кырымалӧма 2021–2025 вояс вылӧ Коми Республикаӧс биаруӧн могмӧдан да газифицируйтан ӧнъяӧдӧм уджтас.
Выль редакция серти уджтас вылӧ урчитӧма 1,5 пӧв унджык сьӧм. Талун кежлӧ тайӧ 30 миллиард шайт, на пиысь 90% — «Газпром» ПАК-лӧн.
Тайӧ уджсӧ нуӧдӧны Россияса Президент Владимир Владимирович Путинлӧн тшӧктӧм да регионса Веськӧдлан котырлӧн «Газпром» компаниякӧд артмӧдчӧм серти.
Кырымалӧма 2021–2025 вояс вылӧ Коми Республикаӧс биаруӧн могмӧдан да газифицируйтан ӧнъяӧдӧм уджтас.
Уджтассӧ збыльмӧдӧм бӧрын сетевӧй биару медводдзаысь воас Кӧрткерӧс, Сыктыв, Луздор районъясӧ да Интаӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба аддзысьліс Коми Республикаса казак котыръяслӧн атаманъяскӧд @ выльтор @ https://rkomi.ru/news/2942 @ 2023-04-29 @ }
Владимир Уйба аддзысьліс Коми Республикаса казак котыръяслӧн атаманъяскӧд.
Коми Республикаса Юралысь да атаманъяс сёрнитісны регионын казачество сӧвмӧдӧм, а сідзжӧ том йӧзӧс Айму радейтны велӧдӧм йылысь.
«Ми олам вуж выйӧн вежсян кадӧ, кор мирыс торъяліс лёк да бур вылӧ. Кыдзи и миян странаын, сідзи и суйӧр сайын быдӧн петкӧдліс ассьыс збыльвывса этшсӧ.
Россиялӧн пыр вӧлі и эм кык союзник — армия да флот.
Казачество пыр вӧлі канмулӧн мыджӧдӧн, колӧ, медым тадзи вӧлі и ӧні.
Мунӧ Россиялӧн вӧрӧгъяскӧд ыджыд тыш.
Сӧмын ӧтувтчӧмӧн ми венам став сьӧкыдлунсӧ.
Аттьӧала республикаса казакъясӧс Торъя военнӧй операцияӧ пырӧдчӧмысь, гуманитарнӧй отсӧг, кӧлуй да сьӧм чукӧртӧмысь», — шыӧдчис атаманъяс дорӧ Владимир Уйба.
Коми Республикаса Юралысь пасйис, мый регионын казакъяслӧн ӧтмунӧмыс сӧвмӧ, а сылӧн тӧдчанлуныс ёнмӧ.
2021 воын Россия Федерацияса Президентлӧн Индӧд серти кырымалӧма Казакъяслӧн котыръяслысь подувпуктасъяс сӧгласуйтӧм да вынсьӧдӧм йылысь положениеяс вынсьӧдӧм йылысь Коми Республикаса Юралысьлӧн Индӧд.
Уджалӧны сы вылын, медым ӧтувтны республикаын казакъяслысь став котырсӧ ӧти структураӧ.
2023 воын Владимир Уйбалӧн тшӧктӧм серти регионса Веськӧдлан котыр заводитас уджавны республикаын россияса казачество серти Россия Федерацияса канму политикалысь стратегия збыльмӧдан мероприятиеяслӧн план вылын. Уджсӧ лоӧ нуӧдӧма регионса став колана структуракӧд, олӧмӧ пӧртысь да муниципальнӧй власьт органъяскӧд ӧтув.
Кывкутысьӧн индӧма Коми Республикаса национальнӧй политика министерствоӧс.
Сідзжӧ Коми Республикаса Юралысь тӧдчӧдіс челядьӧс да том йӧзӧс быдтӧм-велӧдӧмлысь коланлунсӧ.
«Нӧшта тӧдчана юалӧм — тайӧ быдмысь войтыр.
2022 — 2023 воясын ми видзим да сӧвмӧдім кадетскӧй ӧтмунӧмсӧ. Сэтчӧ пырӧ кык да джын сюрсысь унджык велӧдчысь.
Уджалӧ кык кадетскӧй школа.
Колян воӧ, кӧч тӧлысь 1 лунӧ, Мӧскашор сиктын ми кыпыда восьтім Россияса Герой Владимир Николаевич Носовлы памятник, коді пӧгибнитіс Торъя военнӧй операция дырйи.
Чайта, мый Айму вӧсна олӧмсӧ сетысь геройяслысь паметьсӧ нэммӧдӧмыс — миян кывкутана мог.
Буретш татшӧм примеръяс вылын колӧ быдтыны челядьӧс.
Казачестволы колӧ лоны медводдзаяс лыдын татшӧм нырвизьын.
Аттьӧала республикаса казакъясӧс том йӧзӧс Айму радейтны велӧдӧмӧ тӧдчана пай пуктӧмысь», — пасйис Коми Республикаса Юралысь.
Аддзысьлігӧн атаманъяс кыпӧдісны юалӧм, мый республикаын «Казачество йылысь оланпасыс» абу. Татшӧм документыс, эськӧ, вермис сетны казакъяслӧн котыръяслы сьӧм боксянь да социальнӧй гарантияяс, кыпӧдны россияса казачестволӧн канму службалысь коланлунсӧ, а сідзжӧ паськӧдны йӧзкотырын безопасносьт могмӧдӧмын казакъяслысь уджмогъяссӧ.
Коми Республикаса Юралысь тшӧктіс регионса Национальнӧй политика министерстволы туявны Рытыв-Войвывса мукӧд регионлысь практикасӧ да заводитны тайӧ оланпас дасьтӧмсӧ.
Таысь кындзи, казачествоӧс петкӧдлысьяс корисны отсӧг кадетскӧй велӧдӧм сӧвмӧдӧмын.
Колӧ содтӧд сьӧм, медым могмӧдны кадетъясӧс формаӧн, а сідзжӧ лунтыр школаын олігӧн — пӧсь пажынӧн да урокъясысь ӧтдор содтӧд уджӧн.
Атаманъяслӧн видзӧдлас серти, опыта наставникъяс вермасны котыртны и велӧдчан уджсӧ, и прӧст кадсӧ, челядь вермасны тырвыйӧ быдмыны-сӧвмыны.
Владимир Уйба ошкис атаманъяслысь вӧзйӧмсӧ да тшӧктіс регионса Веськӧдлан котырлы уджавны сы вылын, медым кык кадетскӧй школасӧ вуджӧдісны тырвыйӧ лунся школаӧ, а сідзжӧ могмӧдісны велӧдчысьясӧс кадетскӧй формаӧн.
Аддзысьлӧм помын регионса Юралысь тӧдчӧдіс, мый республикаса власьт эскӧ казакъяслы да лӧсьӧдӧ условиеяс, медым казачествоыс ёнмис, сӧвмис, медым сэтчӧ пырӧдчис том йӧз, медым казакъяслӧн традиционнӧй культураыс колис водзӧ олысьяслы.
Сійӧ аттьӧаліс казачествоӧс ӧтйӧза да политика олӧмын, войтырсикас костын лада да ӧтсӧгласа олӧм видзӧмын участвуйтӧмысь.
Бура уджалӧмысь Владимир Уйба сетіс Коми Республикаын «Войвывса Казакъяслӧн Торъя Округ» округса казакъяслӧн котырса атаман, «Россияса да Суйӧрсайса Воин-Казакъяслӧн котыр» казачество сӧвмӧдан ставроссияса ӧтйӧза организациялӧн Коми Республикаын дінму юкӧнса атаман Евгений Макинлы «Коми Республикаын войтырсикас костын лада да ӧтсӧгласа олӧмӧ пай пуктӧмысь» морӧсвыв пас.
Атаманъяс аттьӧалісны Коми Республикаса Юралысьӧс казачество сӧвмӧдӧмын отсӧг сетӧмысь да на вӧсна тӧждысьӧмысь, торйӧн нин СВО-ын пӧгибнитӧм геройяслӧн семьяяслы отсалӧмысь.
{Kodko @ Коми Республикаса Юралысь чолӧмалӧ Пӧжарнӧй охрана лунӧн @ выльтор @ https://rkomi.ru/news/2944 @ 2023-04-30 @ }
Коми Республикаса Юралысь чолӧмалӧ Пӧжарнӧй охрана лунӧн.
«Аттьӧала республикаса став кусӧдчысьӧс бӧрйӧм уджсикас бура тӧдӧмысь, асьныдтӧ жалиттӧг бура уджалӧмысь.
Ыджыд аттьӧ ветеранъяслы, кодъяс пуктісны подув службалӧн традицияяслы да юксьӧны тӧдӧмлунъясӧн том йӧзкӧд», — пасйӧма чолӧмалӧмын.
«Пӧжарнӧй охранаын пыдди пуктана уджалысьяс да ветеранъяс!
Чолӧмала тіянӧс уджсикас гажӧн!
Ті сиинныд олӧмныдтӧ бур уджлы.
Тіян уджныд корӧ оз сӧмын торъя тӧдӧмлунъяс да кужӧмлунъяс, но и йӧз вӧсна тӧждысьӧм, ас вылӧ кывкутӧм босьтны кужӧм.
Медым водзсасьны бикӧд, колӧ лоны повтӧмӧн, збойӧн, смелӧн.
Бӧрйӧм уджсикасныдтӧ бура тӧдӧм сайын йӧзлӧн олӧмыс, материальнӧй да вӧр-ва озырлунъяс видзӧм.
Ті нуӧданныд и ӧлӧдана уджъяс, велӧданныд республикаса йӧзӧс да организацияясӧс кутчысьны пӧжарысь видзчысян правилӧясӧ.
Водзын гожся сезон, кор тіян уджныд лоӧ унджык да кывкутӧмӧнджык ковмас видзны миян вӧрлысь озырлунсӧ да могмӧдны олан пунктъясын пӧжарысь видзчысьӧмсӧ.
Аттьӧала республикаса став кусӧдчысьӧс бӧрйӧм уджсикас бура тӧдӧмысь, асьныдтӧ жалиттӧг бура уджалӧмысь.
Ыджыд аттьӧ ветеранъяслы, кодъяс пуктісны подув службалӧн традицияяслы да юксьӧны тӧдӧмлунъясӧн том йӧзкӧд.
Сиа пӧжарнӧй охранаын став уджалысьлы крепыд дзоньвидзалун, шуд, тыр-бур олӧм, вермӧмъяс сьӧкыд да йӧзкотырлы зэв колана уджын!»
Коми Республикаса Юралысь Владимир Уйба.
{Kodko @ Коми Республикаса Юралысь чолӧмалӧ Тулыслы да Уджлы сиӧм гажӧн @ выльтор @ https://rkomi.ru/news/2945 @ 2023-05-01 @ }
Коми Республикаса Юралысь чолӧмалӧ Тулыслы да Уджлы сиӧм гажӧн.
«Тайӧ гажыс петкӧдлӧ быд мортлӧн олӧмысь тӧдчана донаторъяссӧ — уджавны позянлун, асьтӧ коланаӧн кылӧм, ас уджысь бур дон босьтӧм.
Первомай — тайӧ ӧтсӧгласлунлӧн символ ставныслы, коді аслас уджӧн зільӧ пуктыны пай ассьыс странасӧ сӧвмӧдӧмӧ», — пасйӧма чолӧмалӧмын.
«Коми Республикаса пыдди пуктана олысьяс!
Дона ёртъяс!
Чолӧмала тіянӧс Тулыслы да Уджлы сиӧм гажӧн!
Тайӧ гажыс петкӧдлӧ быд мортлӧн олӧмысь тӧдчана донаторъяссӧ — уджавны позянлун, асьтӧ коланаӧн кылӧм, ас уджысь бур дон босьтӧм.
Первомай — тайӧ ӧтсӧгласлунлӧн символ ставныслы, коді аслас уджӧн зільӧ пуктыны пай ассьыс странасӧ сӧвмӧдӧмӧ.
Выль, вылӧ донъялана да безопаснӧй уджалан местаяс лӧсьӧдӧм, предприятиеясын да организацияясын уджалысьяслысь дзоньвидзалунсӧ видзӧм — и власьт органъяслӧн, и регионса удж сетысьяслӧн могъяс.
Тайӧ социальнӧй уджъёртасьӧм серти ыджыд ӧтувъя удж, кодӧс веськӧдӧма морт вылӧ, сылысь уджалан условиеяссӧ бурмӧдӧм вылӧ.
Республикаын унатор вӧчсьӧ сы вылӧ, медым быд морт аддзис аслыс кажитчана удж, эмӧсь отсӧг сетан мераяс уджӧн могмӧдан юкӧнын, лӧсьӧдӧма мӧдторйӧ велӧдчӧм, квалификация кыпӧдӧм вылӧ условиеяс.
Сьӧлӧмсянь сиа ставныдлы уджын выль вермӧмъяс, медым став кӧсйӧмныд збыльмис.
Мед уджныд век кажитчис, пыр вӧліны выль позянлунъяс, уджын тӧдӧмлунъяс да кужанлунъяс.
Крепыд дзоньвидзалун, шуд да тыр-бур олӧм!»
Коми Республикаса Юралысь Владимир Уйба.
{Kodko @ Владимир Уйба видзӧдліс, кыдзи стрӧитӧны Изьва сиктын школа да Изьвавом грездын школа-сад @ выльтор @ https://rkomi.ru/news/2947 @ 2023-05-01 @ }
Владимир Уйба видзӧдліс, кыдзи стрӧитӧны Изьва сиктын школа да Изьвавом грездын школа-сад.
Коми Республикаса Юралысь удж кузя воліс Изьва районӧ.
Изьвавомса школа-садсӧ арталӧма школаын 90 велӧдчысь да садйӧ 40 ветлысь вылӧ.
Зданиесӧ стрӧитӧма, став инженернӧй везсӧ нуӧдӧма да йитӧма.
Шоныдӧн да биӧн могмӧдӧма нин тӧвбыд.
Ӧні лӧсьӧдӧны жыръяслысь пытшкӧссӧ.
Школа дорын лӧсьӧдӧма волейболысь ворсӧм вылӧ площадка, котраланін, ывлавывса би.
Лым сылӧм бӧрын водзӧ бурмӧдасны-мичмӧдасны йӧрсӧ — тэчасны тротуар плитка, асфальтируйтасны, шыльӧдасны участокъяс да лӧсьӧдасны газонъяс.
Изьвавомын школа-сад восьтас ӧдзӧсъяссӧ 2023 вося кӧч тӧлысь 1 лунӧ.
Изьва сиктын школасӧ арталӧма 600 места вылӧ.
Вӧчӧма му уджъяс, лӧсьӧдӧма фундамент улӧ котлован да шоныд сетан везъяс.
Ӧні эштӧдӧны бетонувса уджъяс, заводитчас гидроизоляция.
Пӧдрадчиклӧн кывъяс серти, тӧлысь кымын мысти босьтчасны лэптыны стрӧйбасӧ — сувтӧдасны фундамента блокъяс да тэчасны кирпичысь стенъяс.
Изьваын школа примитас челядьӧс 2024 воын.
Тӧд вылӧ уськӧдам, таво Изьва районса Бакур грездын сідзжӧ заводитасны стрӧитны 99 места вылӧ детсад.
Стрӧитчан местасӧ весалӧмаӧсь нин, вӧчӧма геодезическӧй разбивочнӧй удж, нуӧдсьӧны недыр кад кежлӧ потшӧсалӧм да бытӧвӧй городок стрӧитӧм серти уджъяс.
{Kodko @ Владимир Уйба висьталіс Коми Республикаын асшӧр уджалысьяслы отсалан мераяс йылысь @ выльтор @ https://rkomi.ru/news/2948 @ 2023-05-02 @ }
Владимир Уйба висьталіс Коми Республикаын асшӧр уджалысьяслы отсалан мераяс йылысь.
2022 во пом вылӧ Коми Республикаын ичӧт да шӧр бизнесын, на лыдын асшӧр уджалысьяс да ас вылӧ уджалысь граждана, уджаліс 105,5 сюрс морт.
Лӧсьӧдӧма 3,5 сюрсысь унджык ИШП субъект.
Коми Республикаса асшӧр уджалысьяс да ас вылӧ уджалысь граждана босьтӧны отсӧг «Ичӧт да шӧр предпринимательство да асшӧр уджалысьлӧн водзмӧстчӧмлы отсалӧм» национальнӧй проект серти.
2022 воын национальнӧй проектлысь став мероприятиесӧ збыльмӧдӧм вылӧ вичмӧдӧма 289 миллион 700 сюрс шайт, сэтысь джынсьыс унджыкыс — федеральнӧй сьӧмкуд сьӧм.
Сы лыдын субсидияяс да грантъяс вылӧ вичмӧдӧма 79 миллионысь унджык шайт.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Ильдар Андарьяновӧс индӧма Коми Республикаса видз-му овмӧс да потребительскӧй рынок министр чинӧ @ выльтор @ https://rkomi.ru/news/2949 @ 2023-05-03 @ }
Ильдар Андарьяновӧс индӧма Коми Республикаса видз-му овмӧс да потребительскӧй рынок министр чинӧ.
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во ода-кора тӧлысь 3 лунся 129-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Ильдар Махмутович Андарьяновӧс Коми Республикаса видз-му овмӧс да потребительскӧй рынок министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
* * *
Ильдар Махмутович Андарьянов чужис Башкортостан Республикаса Буздякскӧй районлӧн Киска-Елга грездын.
1991 воын помаліс К.А. Тимирязев нима Москваса видз-му овмӧс академия (ТСХА-РГАУ).
Учёнӧй агроном.
Специальносьт серти уджалан стажыс 30 во.
Юрнуӧдысь чинъясын уджалан опытыс 22 во.
Коми Республикаын уджалан стажыс 21 во.
{Kodko @ Владимир Уйба висьталіс сы йылысь, кыдзи позьӧ пырӧдчыны «Бессмертнӧй полк» акцияӧ @ выльтор @ https://rkomi.ru/news/2950 @ 2023-05-03 @ }
Владимир Уйба висьталіс сы йылысь, кыдзи позьӧ пырӧдчыны «Бессмертнӧй полк» акцияӧ.
Таво ывлавывса традиционнӧй шествиеыс оз ло — Россияса регионъясын, сы лыдын и Коми Республикаын, гражданалысь безопасносьтсӧ могмӧдӧм могысь акциясӧ нуӧдасны мӧд форматын.
Бӧрйӧм вылӧ вӧзйӧма некымын ног.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба воліс «Война и мир глазами детей Донбасса» выставка вылӧ @ выльтор @ https://rkomi.ru/news/2951 @ 2023-05-03 @ }
Владимир Уйба воліс «Война и мир глазами детей Донбасса» выставка вылӧ.
Луганскӧй Народнӧй Республикаса Ровеньки карысь челядьлӧн серпасъясӧн выставка мунӧ тайӧ лунъясӧ С.Я. Маршак нима Коми Республикаса челядьлы национальнӧй библиотекаын.
Сійӧс восьтігӧн вӧлі «Героический подвиг Донбасса: выставка-диалог» литературнӧй час, мый сиӧма 1941–1945 воясся Айму вӧсна Ыджыд тыш кадся том гвардеечьяслӧн повтӧмлунлы.
Коми Республикаса Юралысь ошкис подшефнӧй карса челядьлысь творчествосӧ.
«Кор миянлы дӧверитісны Ровеньки кар, медводз, кытчӧ ми мунім, тайӧ вӧлі Любовь Шевцова нима школа.
И карса юралысь, и школаса директор сёрнитісны том гвардеечьяс йылысь эз сӧмын кыдз геройяс йылысь, кодъяс пӧгибнитісны Чужан му дорйигӧн, а кыдз ныв-зон йылысь, кодъяс пыр на ловъяӧсь.
Ветлім больничаӧ, кӧні ӧні музей, а война воясӧ вӧлі гестапоса дзескыдін.
И тайӧ тшӧтш торъя кылӧм.
Йӧзыс гӧгӧрвоисны, мый стрӧйбаыслы колӧ овны, да вӧчисны сэтчӧ больнича — тайӧ бурыслӧн лёксӧ вермӧм.
Ми кылім кадъясыслысь йитӧдсӧ: быттьӧ эз и вӧв тайӧ кӧкъямысдас воыс.
Сійӧ зэв на ёна дойдӧ!
Миянлы ӧні колӧ ловзьӧдны тайӧ йитӧдсӧ, торйӧн нин миян челядь костын.
Колӧ унджык висьтавлыны налы миян геройяслӧн подвигъяс йылысь, сы вӧсна мый «кутшӧм донӧн шедӧдӧма шуд» кывйитлӧссӧ колӧ кывны сьӧлӧмӧн», — шуис Коми Республикаса Юралысь.
Выставкаыс мунӧ Коми Республикалӧн да Ровеньки карлӧн ёртасьӧм серти.
Тӧд вылӧ уськӧдам, 2022 воын республика пырӧдчис отсӧг сетан ыджыд уджтасӧ. Сы серти Россия Федерацияса субъектъяс отсасьӧны странаса выль регионъяслӧн кар-районъяслы экономика, инфраструктура ёнмӧдӧмын да социальнӧй юкӧн сӧвмӧдӧмын.
«Коми Республика ёна отсасьӧ Ровеньки карын олысьяслы кывны, мый найӧ бара ӧти семьяын — Ыджыд Россияын.
Украинаса неонацистъяс карын оз нин ыджыдавны», — пасйис Владимир Уйба.
Коми Республикаса Юралысь аттьӧаліс Коми Республикаса аньяслӧн котырӧн веськӧдлысь Галина Лапшинаӧс да Луганскӧй Народнӧй Республикаса Ровеньки карлӧн Администрация бердын Аньяслӧн сӧветӧн веськӧдлысь Ольга Орловаӧс мероприятие котыртӧмысь.
Ровеньки кар бура тӧдса Александр Фадеевлӧн «Молодая гвардия» небӧг да Сергей Герасимовлӧн ӧткодь нима кино серти, кутшӧмӧс снимайтлісны небӧг серти.
Ровенькиын эм «Памяти погибших» музей, мый меститчӧма карса больничалӧн пӧдвалъясын, кӧні Айму вӧсна Ыджыд тыш кадӧ вӧлі гестапоса дзескыдін.
1943 вося урасьӧм тӧлысь 9 лунӧ Ровеньки кардорса Гремучий вӧрын орчча Краснодонын олысьясӧс, вит том гвардеечӧс — Олег Кошевойӧс, Любовь Шевцоваӧс, Семён Остапенкоӧс, Виктор Субботинӧс да Дмитрий Огурцовӧс — лыйлісны фашистъяс.
Том гвардеечьяслӧн подвигыс лоис водзӧ олысьяслы повтӧмлунлӧн да героизмлӧн примерӧн.
{Kodko @ Владимир Уйба нуӧдіс регионса авиаперевозчиклӧн удж кузя юалӧмъяс серти сӧвещание @ выльтор @ https://rkomi.ru/news/2952 @ 2023-05-04 @ }
Владимир Уйба нуӧдіс регионса авиаперевозчиклӧн удж кузя юалӧмъяс серти сӧвещание.
«Комиавиатранс» АК — регионса авиапредприятие, кодлӧн уджӧ пырӧ сынӧд суднояс уджӧдӧм, аэропорт удж нуӧдӧм, му вылын могмӧдӧм, а сідзжӧ сынӧд суднӧяс дзоньталӧм да техническӧя могмӧдӧм.
Котырлӧн Коми Республикаын эм 4 ас аэропорт, 3 пуксян площадка, сійӧ лоӧ естественнӧй монополия субъектӧн.
«Предприятиеыс лоӧ республика тӧдчанлуна да ёна тӧдчӧ регионын социальнӧй зумыдлун вылӧ.
2021 воын акционер котырлӧн сьӧм да овмӧс боксянь серпасыс вӧлі лёк.
Позьӧ шуны, компаниясӧ выльысь ловзьӧдісны Коми Республикаса Веськӧдлан котырлӧн отсӧгӧн.
Бырӧдісны Комиавиатранслысь рӧзӧритчыны верман рискъяссӧ да зумыдмӧдісны финансӧвӧй серпассӧ.
Ӧні колӧ видзны тайӧ зумыдлунсӧ да аддзыны выль нырвизьяс, медым компанияыс сӧвмис ас кежысь», — шуис Коми Республикаса Юралысь.
Санкцияяс ёна тӧдчисны авиация отрасль вылӧ, а сідзжӧ регионса авиаперевозчиклӧн удж вылӧ.
Но 2022 воын мукӧд петкӧдласлӧн неуна чинӧм вылӧ видзӧдтӧг, предприятиеӧн босьтӧм сьӧмыс ставнас содіс 8% вылӧ.
Медся ыджыд сьӧм ваян — вертолётнӧй нырвизь серти петкӧдласыс содіс 10% вылӧ.
«Комиавиатранс» АК пырӧ система артмӧдан предприятиеяслӧн федеральнӧй лыддьӧгӧ, збыльмӧдӧ регион пытшкын йӧзлы колана став авиаперевозкасӧ, сы лыдын сьӧкыда воӧдчан районъясӧ, кытчӧ оз позь воӧдчыны мукӧд транспортӧн.
Котыртӧма муниципалитеткостса вочӧжся рейсъяс Чилимдінӧ, Печораӧ, Усинскӧ, Воркутаӧ, а сідзжӧ рӧспута дырйи — 8 муниципалитетын сьӧкыда воӧдчан сикт-грездъясӧдз.
Сідзжӧ авиаперевозчик участвуйтӧ вӧрса пӧжаръяс кусӧдан мероприятиеясын, збыльмӧдӧ экстреннӧй медицина перевозкаяс да регионын мукӧд авиация удж.
2022 воын вӧлі нуӧма-вайӧма 27 сюрс мортӧс.
Транспорт перевозкаяс серти туй вылӧ ставнас муніс 2810 час.
Рейсъяссӧ вӧчисны Ан–24 да L–410 вылын.
Таысь кындзи, компания сетіс уна коммерческӧй услуга, вертолётъяс вылын лэбалан кадыс лоис 5378 час — 27% вылӧ унджык 2021 во дорысь.
2022 вося ӧшым тӧлысьын «Комиавиатранс» АК лизинг сёрнитчӧм серти босьтіс выль Ми–8МТВ вертолёт.
Сынӧд судноӧн вӧдитчӧны санитарнӧй могъяс збыльмӧдігӧн, сулалӧны найӧ Сыктывкарса аэропортын.
Аэропортлӧн удж серти: 2022 воын самолётъяс вӧчисны 10 710 рейс, нуӧдісны-вайӧдісны 717 сюрс мортӧс.
Республиканскӧй сьӧмкудйысь субсидияяс отсӧгӧн капитальнӧя дзоньталісны Сыктывкарса аэропортын плоскостнӧй стрӧйбаяс, мый вӧлі колӧ аэродромса нормаяслы лӧсялӧмсӧ сертифицируйтӧм вылӧ.
Регионлӧн быдвося отсӧгыс могмӧдӧ предприятиеса уджлысь зумыдлунсӧ да олысьяслы услугаясӧн вӧдитчыны позянлунсӧ.
Предприятиеын уджалӧ сюрс да джынйысь унджык морт, удждон да вот мынтӧм серти став кӧсйысьӧмсӧ авиаперевозчик пӧртіс олӧмӧ.
Мувывса инфраструктура дзоньталӧм да выльмӧдӧм вылӧ, мый вылӧ колӧ зэв уна сьӧм, предприятие босьтіс федеральнӧй сьӧмкудйысь 381 млн шайт.
Субсидиясӧ веськӧдісны аэродромъяс дасьтан да могмӧдан средствояс, Арктика зонаын лэбалӧмсӧ му вылын могмӧдан средствояс ньӧбӧм вылӧ.
2023 воын предприятие кӧсйӧ кыпӧдны 6 вертолётлысь лэбавны вермӧмсӧ, ньӧбны лизингӧ нӧшта 3 МИ–8МТВ вертолёт. Тайӧ сетас сылы позянлун участвуйтны уна сьӧм ваян авиация уджъяс серти тендеръясын да бурмӧдны петкӧдласъяссӧ.
Таысь кындзи, Коми Республикаса Юралысьлӧн тшӧктӧм серти 2023 восянь регионса Экономика сӧвмӧдан да промышленносьт министерство кыдз позьӧ унджык кутас вӧдитчыны «Комиавиатранс» котырлӧн вынйӧрӧн туризм сӧвмӧдӧмын, мый лоас компаниялы ышӧданторйӧн.
Коми Республикаса Юралысь тшӧктіс регионса Веськӧдлан котырлы «Комиавиатранс» АК юрнуӧдысьяскӧд ӧтув могмӧдны предприятиелысь финансӧвӧй зумыдлунсӧ да ас кежысь сӧвмӧмсӧ.
{Kodko @ Владимир Уйба висьталіс Коми Республикаса муниципалитетъяслы грантъясӧн отсалӧм йылысь @ выльтор @ https://rkomi.ru/news/2953 @ 2023-05-04 @ }
Владимир Уйба висьталіс Коми Республикаса муниципалитетъяслы грантъясӧн отсалӧм йылысь.
2023 воын Коми Республикаса Юралысьлӧн грантъяс вылӧ конкурсын вермис Печора район.
Мӧд места босьтіс Кӧрткерӧс район, коймӧд — Койгорт район.
Муниципалитетъяс босьтісны сьӧма отсӧг, мый конкурслӧн условиеяс серти веськӧдасны ӧтйӧза инфраструктура сӧвмӧдӧм да выльмӧдӧм, а сідзжӧ Коми Республика артмӧдан лун кежлӧ гажӧдчан мероприятиеяс котыртӧм вылӧ.
Тайӧ сьӧм вылас Печораын водзӧ бурмӧдасны-мичмӧдасны «Бызӧвӧй» этнокультурнӧй парк, ньӧбасны «Меридиан» овмӧдчӧминкостса клубъяслӧн ӧтувлы микроавтобус, Челядьлы творчество керкаын актӧвӧй залын сувтӧдасны выль креслӧяс, нуӧдасны дзоньтасян уджъяс 1 №-а гимназияын да 9 №-а школаын.
Кӧрткерӧсын вӧчасны модульнӧй спорт зал уна пӧлӧс спорт сикас серти ворсӧмъяс да ордйысьӧмъяс нуӧдӧм вылӧ.
Койгорт районын дасьтасны уджалігкежлӧ Грива сиктса Коми культура шӧрин да Койгорт сиктса Культура шӧринкӧд орчча Клубнӧй дворик.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаын воссяс «Айму дорйысьяс» торъя военнӧй операцияын участвуйтысьяслы отсӧг сетан канму фондлӧн филиал @ выльтор @ https://rkomi.ru/news/2954 @ 2023-05-05 @ }
Коми Республикаын воссяс «Айму дорйысьяс» торъя военнӧй операцияын участвуйтысьяслы отсӧг сетан канму фондлӧн филиал.
Сійӧс восьтӧны Россия Федерацияса Президент Владимир Путинлысь Индӧдсӧ олӧмӧ пӧртӧм могысь.
Та йылысь видео пыр шыӧдчигӧн висьталіс Коми Республикаса Юралысь Владимир Уйба.
Выль учреждениеын кутасны сетны отсӧг СВО-са ветеранъяслы да налӧн семьяясӧ пырысьяслы.
Котыртӧма нин социальнӧй координаторъяслысь команда, бӧрйӧма здание, ода-кора тӧлысь шӧрӧдз дзоньталасны жыръяс.
Филиалыс кутас уджавны 2023 вося лӧддза-номъя тӧлысь 1 лунсянь.
{Kodko @ Владимир Уйба чолӧмаліс локтан Вермӧм лунӧн Айму вӧсна Ыджыд тышса ветеранъясӧс да СВО-ын участвуйтысьясӧс @ выльтор @ https://rkomi.ru/news/2955 @ 2023-05-06 @ }
Владимир Уйба чолӧмаліс локтан Вермӧм лунӧн Айму вӧсна Ыджыд тышса ветеранъясӧс да СВО-ын участвуйтысьясӧс.
Ода-кора тӧлысь 5 лунӧ Коми Республикаса Юралысь ветліс «Максаковка» социальнӧя реабилитируйтан республиканскӧй шӧринӧ, кӧні бурмӧдӧны дзоньвидзалунсӧ ветеранъяс да боевӧй тышъясын участвуйтысьяс.
«Миян странаын быд семьяӧ тайӧ войнаыс вайис дой.
Кувсис уна миллион йӧз, жугаліс-пазаліс уна миллион олӧм. Татшӧм ыджыд донсӧ сетіс миян страна, медым ми олім бура да сӧгласӧн.
78 во сайын миян воинъяс вермисны медся вир кисьтана да сьӧкыд тышын.
Вермӧм лун — миян странаса быд олысьлы медтӧдчана, пыдди пуктана да сьӧлӧмлы дона гаж.
Дона ветеранъяс, тылын уджалысьяс, война кадся челядь, тіянлы вичмис венны уна сьӧкыдлун.
Фашистъяс чайтісны, мый ті усянныд лолӧн, онӧ вермӧй венны татшӧм шогсӧ.
Но сӧмын оз сӧветскӧй, оз роч морт.
И ті верминныд.
Муӧдз копыр таысь тіянлы», — шуис Владимир Уйба.
Коми Республикаса Юралысь аттьӧаліс ветеранъясӧс фронт вылын повтӧмлунысь, уджын зільӧмысь.
Сідзжӧ сійӧ пасйис россияса военнослужащӧйяслысь героизмсӧ, кодъяс талун дорйӧны Аймунымӧс да ас войтырӧс неонацистъясысь торъя военнӧй операция дырйи.
«Талун омӧль йӧз кӧсйӧны выль пӧв гижны историянымӧс.
Найӧ решитісны, мый позьӧ кисьтны-сотны ставсӧ, виавны челядьӧс да пӧрысь йӧзӧс.
И тайӧс найӧ вӧчӧны миян му вылын.
Дерт, ми огӧ вермӧй сулавны бокын да видзӧдны, кыдзи выль фашистъяс, налӧн внукъяс да правнукъяс, кодъяскӧд миян пӧльяс тышкасисны война дырйи, бара на сӧвмӧдӧны фашистскӧй пӧрадоксӧ.
Кор сувтӧ юалӧм, водзӧ лоны миян Россиялы, миян нэмӧвӧйся традицияяслы али кусны налы, бӧрйысьӧмыс лоны оз вермы.
Колӧ дорйыны миянлысь Аймунымӧс, челядьнымӧс, водзӧ олысьяссӧ.
Талун уна сюрс ныв-зон тышкасьӧ Россиялӧн аскиа лун вӧсна.
Падъявтӧг шуа, ми вермам, сы вӧсна мый вермӧмыс — тайӧ пыр збыльлун.
А збыльлуныс миян сайын», — тӧдчӧдіс Коми Республикаса Юралысь.
«Торъя военнӧй операцияын участвуйтысьяс нимсянь чолӧмала ставныдтӧ Вермӧм лунӧн.
Сиа дзоньвидзалун, муслун, кузь нэм да бур шуд.
Ыджыд аттьӧ налы, кодъяс талун тышкасьӧны Айму вӧсна.
Ми вермам», — пасйис торъя военнӧй операцияын участвуйтысь Никита Коняев.
Владимир Уйба аттьӧаліс Ветеранъяслысь республиканскӧй сӧветӧс бура уджалӧмысь, ветеранъяс вӧсна тӧждысьӧмысь, налы йӧзкотырын зільны позянлун сетӧмысь.
Сідзжӧ республикаса Юралысь аттьӧаліс «Максаковка» шӧринын уджалысьясӧс уна во сьӧлӧмсянь да кывкутӧмӧн уджалӧмысь.
Сійӧ тӧдчӧдіс, мый регионса Веськӧдлан котыр вӧчас ставсӧ, медым ветеранъяслӧн да СВО-ын участвуйтысьяслӧн олӧмыс вӧлі тыр-бур да шуда.
«Коми Республикаын уна дас миллион шайт вӧлі вичмӧдӧма ветеранъяслысь патераяс дзоньталӧм вылӧ.
Бӧръя воясӧ ветеранъяс ветлӧны бурдӧдчыны Кировӧ, Ярославльӧ.
Ыджыд аттьӧ республикаса Веськӧдлан котырлы миян вӧсна тӧждысьӧмысь.
«Максаковка» — ветеранъяслӧн медрадейтана ин.
Тані миянӧс видзӧны челядьӧс моз», — шуис Айму вӧсна Ыджыд тышса ветеран, тылын уджалысь Геннадий Стрелов.
2023 вося рака тӧлысьын «Максаковка» дзоньвидзалун бурмӧдан шӧринсӧ вӧлі выль ног котыртӧма социальнӧя реабилитируйтан шӧринӧ.
Учреждениеын шойччӧны да дзоньвидзалунсӧ бурмӧдӧны Айму вӧсна Ыджыд тышса ветеранъяс, война кадся челядь, ЧАЭС вылын авария бырӧдысьяс, боевӧй тышъясса ветеранъяс да СВО-ын участвуйтысьяс.
Шӧринын сетӧны психологическӧй отсӧг, позьӧ бурдӧдны пинь, ёнмӧдны вынйӧр, прӧст кадӧ котыртӧма быд сикас культура мероприятие.
Ӧні учреждениеын бурмӧдӧны дзоньвидзалун Айму вӧсна Ыджыд тышса ветеранъяс, тылын уджалысьяс, война кадся челядь, концлагеръясса узникъяс, СВО-ын участвуйтысьяс — ставнас 50 морт.
Коми Республикаса Юралысь сетіс налы козинъяс.
Сідзжӧ налы вӧлі котыртӧма Ыджыд Вермӧмлы сиӧм кыпыд гаж.
{Kodko @ Владимир Уйба пырӧдчис Вермӧм лунлы сиӧм кыпыд мероприятиеӧ @ выльтор @ https://rkomi.ru/news/2956 @ 2023-05-06 @ }
Владимир Уйба пырӧдчис Вермӧм лунлы сиӧм кыпыд мероприятиеӧ.
Коми Республикаса Юралысь чолӧмаліс регионса олысьясӧс локтан праздникӧн.
«Священная война.
Великая Победа» концертыс вӧлі ода-кора тӧлысь 5 лунӧ Коми республиканскӧй филармониялӧн сцена вылын.
«Айму вӧсна Ыджыд тышын сӧветскӧй йӧзлӧн вермӧмыс лоис тӧдчанаӧн эз сӧмын миян канмулӧн, но и став мирлӧн историяын, — пасйис Владимир Уйба. — Сӧветскӧй солдат жугӧдіс фашизм, дорйис ассьыс Аймусӧ да мукӧд странаса мирнӧй олысьясӧс.
Ми эгӧ сетчӧй вӧрӧглы, петкӧдлім став мирыслы миян уна кывъя войтырлысь вын, смеллун да топыда йитчӧм.
Талун Россия тышкасьӧ неофашистъяскӧд, дорйӧ ассьыс мездлунсӧ да асшӧрлунсӧ, Луганскӧй да Донецкӧй Народнӧй Республикаясса, Запорожскӧй да Херсонскӧй обласьтъясса мирнӧй олысьясӧс.
Миян канму сувтіс дорйыны ассьыс мутасъяс, мирнӧй олысьясӧс, Россиялысь талунъя да аскиа лунсӧ.
Талун миян медбур воинъяс мездӧны мирсӧ неонацистъясысь, кыдзи и миян пӧльяс Айму вӧсна Ыджыд тыш дырйи».
Кыпыд собраниеын участвуйтысьяс чӧв олыштӧмӧн казьтыштісны 1941–1945 воясся Айму вӧсна Ыджыд тыш кадӧ да торъя военнӧй операция дырйи кувсьӧм геройясӧс.
Сідзжӧ Владимир Уйба сетіс торъя военнӧй операцияын участвуйтысьяслы канму наградаяс.
«Ми гӧрдитчам миян зонъясӧн, воинъясӧн, кодъяс дорйӧны миянӧс талун, миянлысь челядьӧс, Россияӧс, пӧртӧны олӧмӧ торъя военнӧй операция нуӧданінын воинскӧй да гражданскӧй могъяс.
И, дерт, ми виччысям миянлысь став зоннымӧс Вермӧмӧн ловйӧн да дзоньвидзаӧн», — шуис Владимир Уйба.
Военнӧй тематикаа концертнӧй номеръясӧн петкӧдчисны «Асъя кыа» канму ансамбльса, «Тоника» эстраднӧй студияса, «Зарни ёль» йӧзкост шылада ансамбльса артистъяс, Коми Республикаса артистка Виктория Пыстина, войтыркостса конкурсъясын лауреат Сергей Плюснин, Коми Республикаса нимӧдана артист Дмитрий Уляшев.
Кӧть и фронтыс ылын, Коми му эз сулав бокын, отсаліс сӧветскӧй армиялы, кыдз вермис.
Карельскӧй фронт вылын кӧр видзысьяслӧн лыжнӧй батальонъяс, кытчӧ пырисны изьваса кӧр видзысьяс, бура пӧртісны олӧмӧ боевӧй могъяс.
Война дырйи Коми АССР-ын вӧлі котыртӧма партизанскӧй отряд.
1942 вося моз тӧлысьын 100-ысь унджык морт пырисны добровольческо-партизанскӧй группалӧн составӧ.
«Коми партизанъяслӧн» отряд Карело-Финскӧй ССР мутасын воюйтіс вӧрӧглӧн тылын.
1943 воын блокаднӧй Ленинградӧ ыстісны Интаысь да Воркутаысь уна сё тонна из шом.
Ставнас война дырйи Ленинградӧ вӧлі ыстӧма 200 сюрсысь унджык вагон из шом.
Таёжнӧй вӧр участокъясысь да заполярнӧй стрӧитчанінъясын уджалысьяс чукӧртісны «Печорский комсомолец» самолёт стрӧитӧм вылӧ сьӧм.
Республикаса олысьяс чукӧртісны 2 миллион 25 сюрс шайт — тайӧ сьӧмыс тырмис «Коми комсомолец» самолётъяслӧн эскадрилья вылӧ.
Калининскӧй да Балтикабердса фронтъяс вылын воюйтіс легендарнӧй Невельса Краснознамённӧй 28-ӧд стрелкӧвӧй дивизия, кӧні вӧліны медсясӧ Коми муын чужлӧм йӧз.
* * *
Россия Федерацияса Президентлӧн Индӧдӧн
воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь «Смеллунысь» медаль сетӧма
радӧвӧй Никита Евгеньевич Коняевлы;
гражданскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Повтӧмлун орден сетӧма
запасса радӧвӧй Геннадий Геннадьевич Романовлы;
гражданскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь «Смеллунысь» медаль сетӧма:
запасса медыджыд матрос Дмитрий Васильевич Поповлы;
запасса ефрейтор Андрей Владимирович Ульяновлы;
запасса младшӧй сержант Вячеслав Валериевич Харламовлы.
{Kodko @ Владимир Уйба висьталіс Коми Республикаын челядьлы авто- да мотоспорт бӧр кыпӧдӧм йылысь @ выльтор @ https://rkomi.ru/news/2957 @ 2023-05-06 @ }
Владимир Уйба висьталіс Коми Республикаын челядьлы авто- да мотоспорт бӧр кыпӧдӧм йылысь.
Сыктывкарын 1 №-а спорт школаын воссис техническӧй спорт сикасъяслӧн выль нырвизь — картинг да мотокросс.
Группаяссӧ котыртӧма, занятиеяс кежлӧ жыръясыс да техникалы боксъясыс дасьӧсь, мотоциклъяс да ӧткымын карт воисны нин.
Став оборудованиесӧ да экипировкасӧ ньӧбӧма тайӧ спорт сикасъяс серти спортивнӧя дасьтысян федеральнӧй стандарт серти.
Занятиеясыс заводитчисны ода-кора тӧлысь 2 лунӧ.
Паськыдджыка да петкӧдлӧмӧн — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Радио лунӧн @ выльтор @ https://rkomi.ru/news/2958 @ 2023-05-07 @ }
Коми Республикаса Юралысь чолӧмалӧ Радио лунӧн.
«Республикаса юӧртан коммуникацияяс юкӧнын уджалӧны збыльысь мастеръяс, кывкутысь да енбиа йӧз.
Аттьӧ тіянлы уджсьыныд, пыр сӧвмыны зільӧмысь, бӧрйӧм уджлы сьӧлӧм сетӧмысь», — пасйӧма чолӧмалӧмын.
«Связьын, радиовещаниеын да телевидениеын пыдди пуктана уджалысьяс да ветеранъяс!
Чолӧмала тіянӧс уджсикас гажӧн — Радио лунӧн да связьын уджалысьяслы сиӧм лунӧн!
Тіян уджныд топыда йитчӧма быд мортлӧн олӧмкӧд.
Тіян отсӧгӧн йӧзыс тӧдмалӧны выль юӧр, кутӧны матыссаяскӧд да рӧдвужкӧд йитӧд.
Коммуникационнӧй системаястӧг да связь инфраструктуратӧг он вермы сӧвмӧдны экономика да социальнӧй юкӧн, бурмӧдны гражданалысь олӧмсӧ.
Быд юкӧн цифровизируйтӧм, ӧнія технологияяс пыртӧм, цифрӧвӧй торъялӧм бырӧдӧм — Коми Республикаса Веськӧдлан котырлӧн уджын медшӧр могъяс.
abu
Республикаса юӧртан коммуникацияяс юкӧнын уджалӧны збыльысь мастеръяс, кывкутысь да енбиа йӧз.
Аттьӧ тіянлы уджсьыныд, пыр сӧвмыны зільӧмысь, бӧрйӧм уджлы сьӧлӧм сетӧмысь.
Аттьӧала юкӧнса ветеранъясӧс, кодъяс пуктісны подув ӧнія уджлы да юксьӧны опытӧн том йӧзкӧд.
Сиа ставныдлы уджын вермӧмъяс, ловби, крепыд дзоньвидзалун, шуд, тыр-бура олӧм да мед збыльмасны пуктӧм могъясныд!»
Коми Республикаса Юралысь Владимир Уйба.
{Kodko @ Николай Черныйлы сетӧма Коми Республикаса уджвывса геройлысь медвылыс почёт ним @ выльтор @ https://rkomi.ru/news/2959 @ 2023-05-07 @ }
Николай Черныйлы сетӧма Коми Республикаса уджвывса геройлысь медвылыс почёт ним.
Коми Республикаса Юралысь Владимир Уйба кырымаліс лӧсялана Индӧд.
Талун, ода-кора тӧлысь 7 лунӧ, Николай Михайлович пасйӧ 70 вося юбилей.
Сійӧ 50 сайӧ во уджаліс республикаса видз-му овмӧс юкӧнын да 25 сайӧ во юрнуӧдӧ «Зеленечса» чипан видзан фабрикаӧн.
Николай Черный чужис 1953 вося ода-кора тӧлысь 7 лунӧ Коми Республикаса Сыктывдін районлӧн Выльгорт сиктын.
Велӧдчис Сыктывкарса видз-му овмӧс техникумын да Кировса видз-му овмӧс институтын зооинженерӧ.
20 сайӧ во уджаліс «Сыктывкарса» чипан видзан фабрикаын уна сикас чинын, бӧръя воясӧ вӧлі медшӧр инженерӧн.
1995 воӧ сійӧс индӧма «Зеленечса» чипан видзан фабрика» канму предприятиеса директорӧн — сэтшӧм кадӧ, кор кризис вӧсна фабрикаыс пӧшти дугдіс нин уджавны.
Сьӧм овмӧс да экономика боксянь сьӧкыд кадӧ сылӧн веськӧдлӧм улын артмис выльысь кыпӧдны чипан видзан фабрикалысь уджсӧ, видзны уджалан местаяс да вӧчны предприятиесӧ ӧнія кадлы лӧсяланаӧн.
Некымын во мысти нин «Зеленечса» чипан видзан фабрика пырис Россия Федерацияса 15 медся зумыд чипан видзан предприятие да странаса комын медбур предприятие лыдӧ.
Чипан видзан фабрикаын лӧсьӧдӧма бур экономика, пыртӧма ӧнія технологияяс да выльмӧдӧма производствосӧ.
Предприятиеын кутісны пыдіа переработайтны яй, вӧчны унджык сикас прӧдукция, сӧвмӧдісны ас вузасянінъяс.
Предприятиелысь продукциясӧ пасйӧма россияса да войтыркостса наградаясӧн.
2008 воӧ «Зеленечса» чипан видзан фабрикаӧ пырис «Зеленечса порсь видзан комплекс», коді вӧлі банкрот выйын, а 2016 воӧ — убытка ваян «Сыктывкарса» чипан видзан фабрика.
Кыкнан предприятиесӧ выльмӧдӧма да могмӧдӧма вылыс технология оборудованиеӧн.
Та бӧрын «Зеленечса» чипан видзан фабрика лоис агропромышленнӧй холдингӧн да Коми Республикаса медыджыд видз-му овмӧс тӧвар вӧчысьӧн.
Талун фабрикаыс пырӧ Коми Республикаса система артмӧдысь предприятиеяс лыдӧ да лоӧ регионын сёян-юан безопасносьт серти мыджӧдӧн.
Николай Михайловичлӧн уджъёртъясыс пасйӧны сылысь уджачлунсӧ, кужӧм-сямсӧ, сійӧс, мый сійӧ кужӧ пуктыны производствоын колана могъяс да збыльмӧдны найӧс.
Зіль, водзмӧстчысь, мывкыд да енбиа юрнуӧдысь, коді став сьӧлӧмсӧ сетӧ радейтана уджлы — тадзи шуӧны сы йылысь.
Видз-му овмӧсын шедӧдӧмторъясысь, регионса куим предприятие сӧвмӧдӧм-выльмӧдӧмысь Николай Черныйлы сетӧма уна медаль да награда: «Россияса агропромышленнӧй комплекс сӧвмӧдӧмӧ пай пуктӧмысь» зарни медаль, «Аймулы бур вӧчӧмысь» орденлысь медаль, Россияса Видз-му овмӧс министерствосянь да Веськӧдлан котырсянь аттьӧалӧмъяс, «Коми Республикалы бур вӧчӧмысь» отличие пас.
Сылы сетӧма «Россияса агропромышленнӧй комплексын почёта уджалысь», «Россия Федерацияса видз-му овмӧсын нимӧдана уджалысь», «Коми Республикаса нимӧдана уджалысь», «Зеленеч» сикт овмӧдчӧминса да Сыктывдін районса почёта гражданин», «Коми Республикаса почёта гражданин» нимъяс.
{Kodko @ Ыджыд Вермӧмлы сиӧм лун водзвылын Владимир Уйба воліс Айму вӧсна Ыджыд тышса ветеранъяс дорӧ @ выльтор @ https://rkomi.ru/news/2960 @ 2023-05-07 @ }
Ыджыд Вермӧмлы сиӧм лун водзвылын Владимир Уйба воліс Айму вӧсна Ыджыд тышса ветеранъяс дорӧ.
Коми Республикаса Юралысь чолӧмаліс найӧс Ыджыд гажӧн, аттьӧаліс фронтвывса да уджын подвигысь, Ыджыд Вермӧмысь, а сідзжӧ сиис крепыд дзоньвидзалун, кыпыд ловру, кузь да шуда олӧм.
Ветеранъяс юксисны фронтвывса казьтылӧмъясӧн, висьталісны войнабӧрся вояс йылысь.
Владимир Уйба тшӧктіс профильнӧй министерствояслы сетны отсӧг герой-ветеранъяслы.
Мария Платоновна Шельпацкая чужис 1926-ӧд воын, участвуйтіс Айму вӧсна Ыджыд тышын.
Наградитӧма «Германияӧс вермӧмысь» медальӧн, «Георгий Жуков» медальӧн, «Сӧветскӧй заполярье дорйӧмысь» медальӧн, «1941–1945 воясся Айму вӧсна Ыджыд тышын бур уджысь» медальӧн, а сідзжӧ Юбилейнӧй медальясӧн да «Фронтовик» пасӧн.
Ӧні олӧ Сыктывкарса Эжва районын.
Игнат Терентьевич Лисовой чужис 1926 воын, фронт вылӧ босьтісны 17 арӧсӧн 1944-ӧд воын.
Сійӧс босьтісны связистӧн, кор Гӧрд армиялӧн войскаыс вӧлі Кёнигсберг улын.
Фашистъяслӧн уськӧдчигӧн связьсӧ дзоньталӧмысь Игнат Терентьевичлы сетісны «Смеллунысь» медаль.
Сідзжӧ Вермӧм лун пасйӧм кежлӧ наградитӧма Юбилейнӧй медальясӧн.
Ӧні олӧ Сыктывдін районса Выльгорт сиктын.
Иван Васильевич Ладанов чужис 1923 воын, военнӧй служба вылӧ босьтісны 1941 вося моз тӧлысьӧ.
Сы бӧрын пырис велӧдчыны военнӧй училищеӧ, кӧні велӧдчис сапёр вылӧ да войналӧн медводдза воясӧ служитіс специальносьт серти.
Сэсся помаліс радистъяслысь курсъяс да сійӧс ыстісны Лунвыв фронт вылӧ 91-ӧд стрелкӧвӧй дивизиялӧн составын.
Чужан муӧ Иван Васильевич локтіс 1946 вося ӧшым тӧлысьӧ демобилизация бӧрын.
Наградитӧма «1941–1945 воясся Айму вӧсна Ыджыд тышын Германияӧс вермӧмысь» медальӧн, «Боевӧй заслугаясысь» медальӧн, Айму вӧсна тышлӧн І тшупӧда орденӧн, Юбилейнӧй медальясӧн Вермӧм лун пасйӧм кежлӧ.
Таысь кындзи, Иван Васильевич участвуйтіс Ленинградӧ писькӧдчӧмын, да боевӧй заслугаясысь сетӧма «Ленинград дорйӧмысь» медаль.
Сідзжӧ воюйтіс Сталинградскӧй да Лунвыв фронтъясын, мездіс Украина, Крым, а сы бӧрын — Прибалтика.
Войнасӧ помаліс Латвияын.
Ӧні олӧ Сыктывдін районса Выльгорт сиктын.
{Kodko @ Владимир Путин чолӧмаліс Коми Республикаса олысьясӧс Вермӧм лунӧн @ выльтор @ https://rkomi.ru/news/2961 @ 2023-05-09 @ }
Владимир Путин чолӧмаліс Коми Республикаса олысьясӧс Вермӧм лунӧн.
Россия Федерацияса Президентсянь чолӧмалана открытка воис Коми Республикаса Юралысь Владимир Уйбалӧн ним вылӧ.
«1945 вося ода-кора тӧлысь 9 луныс петкӧдліс миян войтырлысь ӧтсӧгласлунсӧ, вына ловрусӧ, мирлысь кыпыдлунсӧ.
Миян вежа мог — видзны батьяслӧн, пӧль-пӧчьяслӧн ыджыд подвиг йылысь паметьсӧ, бура служитны Аймулы.
Талун вермысьяслӧн бур наследникъяс тышъясын повтӧг да олӧмныссӧ жалиттӧг дорйӧны Россиянымӧс», — пасйӧма канму юралысьлӧн шыӧдчӧмын.
{Kodko @ Коми Республикаса Юралысь чолӧмалӧ 1941–1945 воясся Айму вӧсна Ыджыд тышын Вермӧм лунӧн @ выльтор @ https://rkomi.ru/news/2962 @ 2023-05-09 @ }
Коми Республикаса Юралысь чолӧмалӧ 1941–1945 воясся Айму вӧсна Ыджыд тышын Вермӧм лунӧн.
«Ми мынлытӧм уджйӧзаӧсь усьӧмаяс водзын.
Ми некор огӧ вунӧдӧй миян войтырлысь героизмсӧ.
Ми видзам сы йылысь паметьсӧ водзӧ олысьяслы да огӧ лэдзӧй ыджыдавны неофашизмлы.
Талун миян воинъяс, кыдзи и налӧн пӧль-пӧчьяс, повтӧг тышкасьӧны неофашизмкӧд, дорйӧны Россиялысь асшӧрлунсӧ да вӧлясӧ.
Ми вермам!», — пасйӧма чолӧмалӧмын.
«Коми Республикаса пыдди пуктана олысьяс!
Айму вӧсна Ыджыд тышса дона ветеранъяс, тылын уджалысьяс, кытшалӧм Ленинградын олысьяс, концлагеръясса узникъяс, войнадырся челядь!
Чолӧмала Тіянӧс Ыджыд Вермӧм лунӧн!
1945 вося ода-кора тӧлысь 9 луныс пырис историяӧ кыдзи символ, коді петкӧдлӧ миян уна сикас войтырлысь героизмсӧ да ӧтувтчӧмсӧ, фронт вылын да тылын уджалысьяслысь подвигсӧ.
Тайӧ лунӧ ёна гӧрдитчам мирсӧ фашизмысь мездысь вермысьясӧн, кодъяс помӧдзыс сулалісны медчорыд да вир кисьтана войнаын, да сьӧлӧмсянь аттьӧалам найӧс.
Муӧдз копыр ставныслы, коді ӧружиеӧн дорйис странанымӧс, коді тышкасянінысь петкӧдаліс доймалӧмаясӧс да тӧждысис на вӧсна госпитальясын, коді матыстіс вермӧм лунсӧ партизанъяслӧн отрядъясын, коді мудзтӧг уджаліс тылын, коді вӧлі концлагеръясын да колис ловйӧн кытшалӧм Ленинград бӧрын.
Миян сьӧлӧмъясын колясны челядь, кодъяс венісны война кадся сьӧкыдлунъяссӧ, а сэсся верстьӧ йӧзкӧд ӧтвылысь кыпӧдісны киссьӧм странасӧ.
Ми мынлытӧм уджйӧзаӧсь усьӧмаяс водзын.
Ми некор огӧ вунӧдӧй миян войтырлысь героизмсӧ.
Ми видзам сы йылысь паметьсӧ водзӧ олысьяслы да огӧ лэдзӧй ыджыдавны неофашизмлы.
Талун миян воинъяс, кыдзи и налӧн пӧль-пӧчьяс, повтӧг тышкасьӧны неофашизмкӧд, дорйӧны Россиялысь асшӧрлунсӧ да вӧлясӧ.
Ми вермам!
Дона ветеранъяс!
Став сьӧлӧмсянь сиа тіянлы крепыд дзоньвидзалун, кузь нэм да бур шуд, мед пыр тіянӧс радейтісны да лелькуйтісны матыссаясныд да рӧдвужныд.
Республикаса пыдди пуктана олысьяс!
Ыджыд Вермӧм лунӧн!
Локтана Вермӧм вӧсна!»
Коми Республикаса Юралысь Владимир Уйба.
{Kodko @ Владимир Уйба пуктіс «Куслытӧм слава» да «Шогсьысь воин» мемориалъяс дорӧ дзоридзьяс @ выльтор @ https://rkomi.ru/news/2963 @ 2023-05-09 @ }
Владимир Уйба пуктіс «Куслытӧм слава» да «Шогсьысь воин» мемориалъяс дорӧ дзоридзьяс.
Талун, Ыджыд Вермӧм лунӧ, Коми Республикаса Юралысь казьтыштіс Айму вӧсна Ыджыд тышын пӧгибнитӧмаясӧс.
Мероприятиеын участвуйтісны Коми Республикаса Веськӧдлан котырӧ пырысьяс, республикалӧн Каналан Сӧветса депутатъяс, федеральнӧй ведомствоясса тэчас юкӧдувъясӧн юрнуӧдысьяс, боевӧй тышъясса ветеранъяс.
Сэсся ыджыд гӧсьтъяс да ветеранъяс мунісны Вежа Стефан изэрд дорӧ, кӧні тайӧ кадӧ нуӧдӧны Айму вӧсна Ыджыд тышын Вермӧмсянь 78 во тырӧмлы сиӧм кыпыд мероприятиеяс.
{Kodko @ Владимир Уйба: «Ми — Ыджыд Вермӧмлӧн наследникъяс да огӧ лэдзӧй ыджыдавны неофашизмлы» @ выльтор @ https://rkomi.ru/news/2964 @ 2023-05-09 @ }
Владимир Уйба: «Ми — Ыджыд Вермӧмлӧн наследникъяс да огӧ лэдзӧй ыджыдавны неофашизмлы».
Коми Республикаса Юралысь участвуйтіс Айму вӧсна Ыджыд тышын Вермӧмсянь 78 во тырӧмлы сиӧм кыпыд митингын, кодӧс нуӧдісны Сыктывкарса Степан изэрд вылын.
«Миян войтырным Аймулӧн вӧля да асшӧрлун вӧсна тышкасис медся сьӧкыд да вир кисьтана войнаын.
1945 вося ода-кора тӧлысь 9 лун петкӧдліс сӧветскӧй войтырлысь повтӧмлунсӧ, смеллунсӧ да ыджыд подвигсӧ», — шуис Владимир Уйба.
Коми муысь фронт вылӧ муніс 170 сюрс сайӧ морт, унаӧн на пиысь — ас кӧсйӧм серти.
Айму вӧсна тышъясын усисны 53 сюрс гӧгӧр салдат да офицер, 23 сюрс сайӧ морт вошисны юӧртӧг, 50 сюрс гӧгӧр морт йылысь нинӧм оз тӧдны.
Тылын кольысь верстьӧяс да челядь уджалісны да олісны татшӧм видзӧдлас серти — ставсӧ фронтлы, ставсӧ Вермӧм вӧсна!
Коми Республика сетіс страналы тӧдчана из шом, мусир, вӧр.
Сьӧкыд удж усис пӧрысь йӧзлӧн, аньяслӧн, челядьлӧн пельпомъяс вылӧ.
«Вермӧм лунӧ миян сьӧлӧмъясным тырӧ муслунӧн медводз тіян дорӧ, пыдди пуктана ветеранъяс, — шыӧдчис ветеранъяс дорӧ Владимир Уйба. — Ті велӧдінныд миянӧс вылӧ донъявны олӧмсӧ да юр весьтын лӧнь енэжсӧ, венны сьӧкыдлунъяс, радейтны Чужан мунымӧс да медвылӧ пуктыны Аймулысь коланлунъяссӧ.
Военнослужащӧйяслӧн героизмыс да Аймуныссӧ радейтӧмыс отсалісны помӧдзыс сулавны медсьӧкыд тышъясын, вермыны медся скӧр да чорыд вӧрӧгӧс.
Сідзи вӧлі да сідзи лоас!
Талун миян страналӧн воинъяс, на лыдын и Коми Республикааысь боечьяс, вермасьӧны неонацистъяскӧд, тышкасьӧны Россия Федерациялӧн суверенитет вӧсна, дорйӧны миянӧс тіянкӧд.
Тайӧ пример, кыдзи колӧ служитны Аймулы, радейтны да дорйыны Чужан му».
Геройясӧс, кодъяс усисны Айму вӧсна Ыджыд тышын, локальнӧй войнаяс да конфликтъяс дырйи, торъя военнӧй операция дырйи, казьтыштісны чӧв олыштӧмӧн.
«Некод эз вун да нинӧм эз вун.
Миян сьӧлӧмъясын нэм кежлӧ коляс героизмыс налӧн, кодъяс сетісны олӧмныссӧ Айму вӧсна, Россиялӧн талунъя да аскиа лун вӧсна.
Ми — Ыджыд Вермӧмлӧн наследникъяс да вӧчам ставсӧ, медым не лэдзны ыджыдавны неофашизмсӧ, видзны миянлысь духовнӧй донаторъяссӧ, Россиялысь асшӧрлунсӧ да вӧлясӧ, ставсӧ сійӧс, мый вӧсна тышкасисны миян пӧльяс.
Ми вермам!» — шуис Владимир Уйба.
Коми Республикаса Юралысь сиис ветеранъяслы крепыд дзоньвидзалун, кузь нэм да бур шуд, медым матыссаясныс да рӧдвужныс пыр найӧс радейтісны да лелькуйтісны, а сідзжӧ тӧдчӧдіс, мый налӧн примерыс лоас том йӧзӧс быдтӧм-велӧдӧм вылӧ бур подулӧн.
«78 во сайын ми петкӧдлім став мирыслы, мый ми — вына войтыр, да ми быдторсӧ вермам венны, — шыӧдчис землякъяс дорӧ Айму вӧсна Ыджыд тышса ветеран Эдуард Матюшин. — Но ми огӧ вермӧй лэдзны нацистъяслы бырӧдны му вылысь став ловъя ловсӧ.
Накӧд тышкасигӧн миянлы век отсасисны Чужан мунымӧс радейтӧм, олӧмлысь оланпасъяссӧ пыдди пуктӧм, кӧні меддонаторйӧн лоӧ морт, удж, мирнӧй олӧм да радейтчӧм вылӧ инӧд.
Талун ми бара доръям тайӧ донаторъяссӧ вир кисьтӧмӧн, йӧзӧс воштӧмӧн.
Но ми тӧдам, мый кутшӧм эськӧ сьӧкыд эз вӧв тышкасьны вӧрӧгкӧд, ми вермам!
Сідзи вӧлі, сідзи эм да сідзи лоас!»
«Чолӧмала тіянӧс Ыджыд Вермӧм лунӧн, мый шедӧдісны 78 во сайын миян пӧль-пӧчьясным. Найӧ эз лэдзны фашизмлы нарт улӧ босьтны странанымӧс да войтырнымӧс, — висьталіс торъя военнӧй операцияын участвуйтысь, сержант Александр Сажин. — Талун ми бара доръям Чужан мунымӧс неофашизмысь.
Ми кужам петкӧдлыны, мый некутшӧм сьӧкыдлун да мытшӧд оз чег миянӧс.
Ми венам ставсӧ, помӧдзыс сулалам да вермам, сы вӧсна мый ми ӧтлаын, ми вынаӧсь, кор ӧтувтчам.
Аймулӧн историяын Вермӧм лунӧ ыджыдалӧ веськыдлун.
Эска, мый регыд ми паныдалам нӧшта ӧти татшӧм Вермӧм лун.
Правдаыс миян сайын, да миянкӧд Енмыс.
Ыджыд Вермӧм лунӧн!»
Александр Сажин аттьӧаліс землякъясӧс да торйӧн Коми Республикаса Юралысь Владимир Уйбаӧс СВО-ын участвуйтысьяслы да налӧн семьяяслы отсӧг сетӧмысь.
Митинг бӧрын Степан изэрд вылын вӧлі кыпыд парад, кытчӧ пырӧдчисны Сыктывкарса гарнизонысь, Россия Федерацияса национальнӧй гвардиялӧн войскаяслысь личнӧй состав дасьтан шӧринысь (5134 воинскӧй часьт) военнослужащӧйяс, Коми Республикаын пытшкӧс делӧяс министерствоса, Россияса мыж вештан федеральнӧй службалӧн Коми Республикаын медшӧр веськӧдланінса, Россиялӧн МЧС-са да Федеральнӧй ёрд приставъяс службалӧн Коми Республикаын веськӧдланінса уджалысьяс, юнармеечьяс, кадетъяс, медицина колледжын велӧдчысьяс, ДОСААФ-са курсантъяс.
{Kodko @ Владимир Уйба чолӧмаліс Вермӧм лунӧн Коми Республикаса ветеранъясӧс @ выльтор @ https://rkomi.ru/news/2965 @ 2023-05-09 @ }
Владимир Уйба чолӧмаліс Вермӧм лунӧн Коми Республикаса ветеранъясӧс.
Ода-кора 9 лунӧ Коми Республикаса Юралысь чукӧртіс Ыджыд Вермӧмсянь 78 во тырӧмлы сиӧм кыпыд приём вылӧ тылын уджалысьясӧс, тышын участвуйтысьясӧс да дӧваясӧс, концлагеръясса вӧвлӧм тыр арлыдтӧм узникъясӧс, кытшалӧм Ленинградын олысьясӧс да война кадся челядьӧс, торъя военнӧй операцияын участвуйтысьясӧс.
«Дона ветеранъяс, республикаса став олыссянь, ассянь муӧдз копыр тіянлы да ыджыд аттьӧ фронтвывса да уджын подвигысь, синва сора Ыджыд Вермӧмысь, — аттьӧаліс ветеранъясӧс Владимир Уйба. — 2023 восӧ Россияын сиӧма педагоглы да наставниклы, Коми Республикаын — том йӧзлы.
Пыдди пуктана ветеранъяс, ті — миян медбур наставникъяс, том йӧзлы пример.
Тіян фронтвывса да уджын подвиг вылӧ видзӧдӧмӧн Коми Республикаын быдмис уна ныв-зон.
Ті петкӧдланныд миянлы, кыдзи колӧ овны да уджавны, служитны Чужан мулы.
Ми велӧдчам уджавны Аймулы бур вылӧ, мунны водзӧ сьӧкыдлунъяс вылӧ видзӧдтӧг».
Сідзжӧ Коми Республикаса Юралысь шыӧдчис торъя военнӧй операцияын участвуйтысьяс дорӧ:
«Кӧсъя аттьӧавны тіянӧс сыысь, мый ті онӧ кольччӧй бокӧ сьӧкыд кадӧ, доръянныд Айму.
1945 воӧ миян страна пасьвартіс фашизм, ӧні ми тшӧтш вермам неонацистъясӧс.
Ми тышкасям аскиа лун вӧсна, а сідзкӧ ми вермам!» — шуис Владимир Уйба.
Ветеранъяс сідзжӧ чолӧмалісны землякъясӧс Вермӧм лунӧн, казьтыштісны, кыдзи сійӧ вӧлі 78 во сайын:
«Кыдзи ми виччысим 1945 воӧ война помасьӧмсӧ!
Ме быдми тані.
Зэв бура колис юрӧ 1945 во май 9 лунся Вермӧм лун!
Верманныд юавны ставсӧ.
Весиг висьтала, кодъяс вӧліны Вермӧм лунӧ карын.
Виччысьтӧг чукӧртчисны йӧз.
Кык АН–2 самолёт шыблалісны Сыктывкар весьтын листовкаяс.
Ми котралім, куталім найӧс, но меным эз шед.
А сэні вӧлі чолӧмалӧм.
Тайӧ вӧлі «Родина» кинотеатрсянь неылын», — юксис казьтылӧмъясӧн Айму вӧсна Ыджыд тышса ветеран Тамара Гурмизова.
Канму опера да балет театрса да Коми республиканскӧй филармонияса артистъяс петкӧдлісны концерт кыпыд приём вылӧ локтысьяслы, сідзжӧ налы сетісны козинъяс.
{Kodko @ Владимир Уйба висьталіс аскиа мамъяслы да челядя семьяяслы социальнӧя отсалан республиканскӧй мераяс йылысь @ выльтор @ https://rkomi.ru/news/2966 @ 2023-05-10 @ }
Владимир Уйба висьталіс аскиа мамъяслы да челядя семьяяслы социальнӧя отсалан республиканскӧй мераяс йылысь.
2022 воын челядя семьяяслы отсалан мераяссӧ сӧмын Коми Республикаса удж, уджӧн могмӧдан да социальнӧя доръян министерство отсӧгӧн босьтісны регионысь 45 сюрсысь унджык олысь.
Тайӧ отсалан мераяссӧ могмӧдӧм вылӧ вӧлі веськӧдӧма федеральнӧй да республиканскӧй сьӧмкудъясысь 3,5 миллиардысь унджык шайт.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Лӧддза-номъя тӧлысь заводитчигӧн Коми Республикаӧ воас «Поезд Победы» @ выльтор @ https://rkomi.ru/news/2967 @ 2023-05-10 @ }
Лӧддза-номъя тӧлысь заводитчигӧн Коми Республикаӧ воас «Поезд Победы».
Сӧветскӧй войтырлӧн Айму вӧсна Ыджыд тыш воясся подвиглы сиӧм музейсӧ зэв ёна радейтӧны миян странаын. Музейӧ пырӧмысь мынтысьнысӧ оз ков.
«Поезд Победылысь» графиксӧ урчитӧма во чӧж кежлӧ.
Виччысьӧны, мый лӧддза-номъя тӧлысь 3–5 лунъясӧ выставкаыс кутас уджавны Сыктывкарын, лӧддза-номъя тӧлысь 6–7 лунъясӧ — Печораын.
Пырӧмысь мынтысьны оз ков, но медым веськавны музейӧ, быть колӧ пасйысьны проектлӧн сайтын: https://поездпобеды.рф.
Выставка вылӧ пасйысьны позяс поезд воан лун водзвылын.
Паськыдджыка — Коми Республикаса Юралысь Владимир Уйбалӧн видео пыр шыӧдчӧмын.
{Kodko @ Россияса стрӧитчан министерствоын видлалісны Коми Республикаын национальнӧй проектъяс да федеральнӧй уджтасъяс збыльмӧдӧм @ выльтор @ https://rkomi.ru/news/2968@ 2023-05-11 @ }
Россияса стрӧитчан министерствоын видлалісны Коми Республикаын национальнӧй проектъяс да федеральнӧй уджтасъяс збыльмӧдӧм.
Москваын удж кузя аддзысьлісны Коми Республикаса Юралысь Владимир Уйба да Россия Федерацияса стрӧитчан, оланін да коммунальнӧй овмӧс министр Ирек Файзуллин.
Видлалісны регионлысь стрӧитчан комплекс сӧвмӧдӧм, Россияса стрӧитчан министерствоӧн курируйтан национальнӧй проектъяс збыльмӧдӧм да коммунальнӧй инфраструктура ӧнъяӧдӧм йылысь юалӧмъяс.
Росстат серти, 2023 вося медводдза кварталын Коми Республикаын пыртӧма уджӧ 57,7 сюрс кв. метра оланін.
Аддзысьлігӧн сёрнитісны мутасъяс быд боксянь сӧвмӧдӧм йылысь.
«Мутасъяс быд боксянь сӧвмӧдан механизм отсӧгӧн керкаяссӧ стрӧитӧны социальнӧй объектъяссянь матын, а сідзжӧ сӧвмӧм туй инфраструктураа районъясын.
Коми Республикаын эм 5,4 га ыдждаа му участок.
Тайӧ мутасын эм позянлун стрӧитны 40 сюрс кв. метра уна патераа керкаяс, мый бура тӧдчас оланін уджӧ пыртӧм да национальнӧй проектъяс збыльмӧдӧм вылӧ», — тӧдчӧдіс удж серти аддзысьлігӧн Россияса стрӧитчан министр Ирек Файзуллин.
Россия Федерацияса стрӧитчан, оланін да коммунальнӧй овмӧс министр да Коми Республикаса Юралысь видлалісны «Сӧстӧм ва» федеральнӧй проект збыльмӧдӧм, кодӧс веськӧдӧма йӧзӧс бур ваӧн могмӧдӧм вылӧ.
Регионын тайӧ федеральнӧй проект серти график вевтыртӧмӧн стрӧитӧны Ухта карын ва весаланін.
Аддзысьлігӧн торйӧн сувтлісны аварийнӧй оланінысь гражданаӧс мӧдлаӧ овмӧдӧм серти региональнӧй уджтас збыльмӧдӧм вылӧ.
Республикаын мӧдлаӧ овмӧдӧны 2019 восянь.
Тайӧ каднас 102,02 сюрс кв. метра овны шогмытӧм керкаясысь выль керкаясӧ овмӧдісны 5,13 сюрс мортӧс.
Регион сӧвмӧдӧм серти Веськӧдлан котырлӧн комиссияса президиумлӧн заседание дырйи ошкисны Коми Республикаын коммунальнӧй инфраструктура ӧнъяӧдан уджтас.
Сідз, 2025 во кежлӧ регионын кӧсйӧны выльмӧдны 25 км везъяс, мый сетас позянлун чинтыны инфраструктураса аварияяс 5,6 % вылӧ.
«Федеральнӧй Веськӧдлан котырлӧн да Россияса стрӧитчан министерстволӧн отсӧгӧн Коми Республикаын збыльмӧдӧны уна проект да уджтас, кутшӧмъяс отсӧгӧн сӧвмӧ регионлӧн транспорт инфраструктура, бурмӧны гражданалӧн олан условиеяс, мичаммӧны миян каръяслӧн да сиктъяслӧн уличаяс.
Зэв тӧдчана, мый тайӧ уджӧ зіля пырӧдчӧны и асьныс олысьяс.
Республикаын 32 сюрсысь унджык морт гӧлӧсуйтісны 2024 воын бурмӧдны колана мутасъяс вӧсна.
Ме аттьӧала быдӧнӧс, коді эз коль бокын да пуктіс пай регион сӧвмӧдӧмӧ», — пасйис Коми Республикаса Юралысь Владимир Уйба.
«Карын бур гӧгӧртас лӧсьӧдӧм» федеральнӧй уджтас серти регионын кӧсйӧны бурмӧдны-мичмӧдны 110 мутас, на пиысь 72 мутасыс — ӧтйӧза.
{Kodko @ Коми Республикаса Юралысь чолӧмалӧ Семьялы сиӧм войтыркостса лунӧн @ выльтор @ https://rkomi.ru/news/2970 @ 2023-05-15 @ }
Коми Республикаса Юралысь чолӧмалӧ Семьялы сиӧм войтыркостса лунӧн.
«Коми Республикаса пыдди пуктана олысьяс!
Чолӧмала Семьялы сиӧм войтыркостса лунӧн!
abu
Семьяын мортыс чужӧ, тӧдмасьӧ миянӧс гӧгӧртысь олӧмкӧд, велӧдчӧ радейтны да кывны сьӧлӧмӧн матыссаӧс.
Россияса семьяяс вынаӧсь нравственнӧй оласногӧн да духовнӧй традицияясӧн.
На вылӧ подуласьӧ миян Айму, найӧ ышӧдӧны сійӧс сӧвмыны.
Талун торйӧн нин колӧ видзны кӧленаысь кӧленаӧ вуджысь духовно-нравственнӧй донаторъяс, семьяын традиционнӧй оласноглысь тӧдчанлунсӧ.
Колӧ велӧдны челядьӧс радейтны, пыдди пуктыны да кывкутны.
Ӧд та вылӧ мыджсьӧмӧн сӧвмӧ морт — семьянин, гражданин, патриот.
Коми Республикаса Веськӧдлан котырлӧн уджын семьяяс вӧсна тӧждысьӧм — медтӧдчана нырвизь.
Регионын вӧчӧны ставсӧ, медым отсыштны аскиа мамъяслы, том да уна челядя бать-мамлы, пикӧ воӧм семьяяслы.
Торйӧн уджалам торъя военнӧй операцияын участвуйтысьяслӧн семьяяскӧд.
На вӧсна колӧ тӧждысьны, медым налы вӧлі кокньыдджык янсӧдчыны рӧдвужныскӧд, кодъяс тышкасьӧны Россиялӧн асшӧрлун вӧсна, дорйӧны миянӧс неофашизмысь.
Дона ёртъяс!
Сьӧлӧмсянь сиа тіянлы шуд, крепыд дзоньвидзалун да став бурсӧ.
Мед тіян семьяясын пыр ыджыдалісны радейтӧм да ӧта-мӧдӧс гӧгӧрвоӧм!»
Коми Республикаса Юралысь Владимир Уйба.
{Kodko @ Владимир Уйба висьталіс Коми Республикаса уна челядя медбур семьяяс йылысь @ выльтор @ https://rkomi.ru/news/2971 @ 2023-05-15 @ }
Владимир Уйба висьталіс Коми Республикаса уна челядя медбур семьяяс йылысь.
Талун, ода-кора тӧлысь 15 лунӧ, Семьялы сиӧм войтыркостса лунӧ вӧлі уна челядя семьяясӧс ыдждӧдлан кыпыд церемония, кӧні налы сетісны Коми Республикаса Веськӧдлан котырлысь канму наградаяс да премияяс.
Челядьӧс быдтӧмын да семьяын традицияяс видзӧмын торъя заслугаясысь «Челядьӧс бура быдтӧмысь» Коми Республикаса медаль сетӧма Луздор районысь да Ухтаысь уна челядя гозъяяслы.
Коми Республикаса Веськӧдлан котырлысь премияяс 2023 воӧ сетӧма Княжпогост, Луздор, Емдін, Сыктыв районъясысь да Сыктывкарысь уна челядя семьяяслы.
Паськыдджыка — Коми Республикаса Юралысь Владимир Уйбалӧн видео пыр шыӧдчӧмын.
{Kodko @ Владимир Уйба сетіс Коми Республикаса уна челядя медбур семьяяслы наградаяс да премияяс @ выльтор @ https://rkomi.ru/news/2972 @ 2023-05-15 @ }
Владимир Уйба сетіс Коми Республикаса уна челядя медбур семьяяслы наградаяс да премияяс.
Кыпыд церемонияыс вӧлі талун, ода-кора тӧлысь 15 лунӧ, Семьялы сиӧм войтыркостса лунӧ.
«Семьяын заводитчӧ олӧмыс, чужӧны челядь, тӧдмасьӧны миркӧд, велӧдӧны видзны традиционнӧй донаторъяс — радейтӧм, ӧта-мӧд вӧсна тӧждысьӧм, верстьӧ йӧзӧс пыдди пуктӧм.
Семья — тайӧ мыджӧд, коді колӧ быд мортлы, кӧні видзӧны да содтӧны рӧдвужлысь да страналысь духовно-нравственнӧй да культура озырлунсӧ.
Кадыс вежсьӧ, мирын овлӧны вежсьӧмъяс, но семьяын донаторъяс вӧліны, эмӧсь да лоасны.
Мортлӧн медшӧр озырлунӧн пыр лоас крепыд семья», — тӧдчӧдіс Коми Республикаса Юралысь Владимир Уйба.
Коми Республикаса Юралысьлӧн Индӧдӧн челядьӧс быдтӧмын да семьяын традицияяс видзӧмын торъя заслугаясысь «Челядьӧс бура быдтӧмысь» Коми Республикаса медаль сетӧма уна челядя куим гозъялы.
Кыкыс на пиысь олӧны Луздор районын — тайӧ Валентина Васильевна да Денис Валериевич Денисовъяс, кодъяс быдтӧны 7 кагаӧс, да Надежда Ивановна да Александр Анатольевич Кустышевъяс, кодъяслӧн 5 кага.
Сідзжӧ медаль сетӧма Ухтаысь Дарья Михайловна да Константин Евгеньевич Кондаковъяслы, кодъяс быдтӧны 5 кагаӧс.
2023 воын Коми Республикаса Юралысьлысь премияяс сетӧма уна челядя вит семьялы.
Куимын на пиысь быдтӧны куим челядьӧн — тайӧ Княжпогост районысь Елена Геннадьевна да Михаил Юрьевич Быстровъяслӧн семья, Луздор районысь Екатерина Ивановна да Александр Александрович Коканинъяслӧн семья, Емдін районысь Елена Геннадьевна да Роман Богданович Телятинскийяслӧн семья.
Кык семьяын быдтӧны нёль кагаӧн — тайӧ Сыктыв районысь Полина Ефимовна да Семён Николаевич Копыловъяслӧн семья да Сыктывкарысь Ирина Александровна да Егор Николаевич Поповъяслӧн семья.
Регионын уна челядя медбур семьяясӧс ошкӧны Коми Республикаса Веськӧдлан котырлӧн премияясӧн быд во.
Таво Веськӧдлан котырсянь премия кӧсйисны босьтны 10 семья, джынйыс на пиысь лоисны лауреатъясӧн.
Ставныс найӧ — бур семьяяс, нуӧдӧны дзоньвидза оласног, зіля пырӧдчӧны йӧзкотырлӧн олӧмӧ, велӧдӧны челядьсӧ уджавны да кывкутӧмӧн велӧдчыны, зільӧны творчествоын.
Быдӧн на пиысь вермас лоны примерӧн ӧта-мӧдӧс пыдди пуктӧмын, радейтӧмын да ӧтувтчӧмын.
Владимир Уйба аттьӧаліс уна челядя бать-мамъясӧс налӧн быдлунъя уджысь, челядьӧс бура быдтӧмысь, традицияяс видзӧмысь да чолӧмаліс Семьялы сиӧм войтыркостса лунӧн:
«Ті — пример, кыдзи колӧ пыдди пуктыны да радейтны ӧта-мӧдӧс.
Буретш татшӧм семьяяс сайын республиканымлӧн аскиа луныс!
Сиа, медым семьяныд век вӧлі бур тылӧн, медым челядьныд вӧліны дзоньвидзаӧсь, бать-мамныдлы кузь нэм да бур шуд, сиа, медым ті отсасинныд да гӧгӧрвоинныд ӧта-мӧдныдтӧ.
Чолӧмала тіянӧс наградаясӧн да тӧда, мый тіян семьяясын став челядьныд быдмасны на вӧсна тӧждысьӧмын, муслунын да радлунын.
Ставныдлы шуд да тыр-бур олӧм!»
Коми Республикаса Юралысь сідзжӧ пасйис, мый семьяясӧс дорйӧмыс да налы отсасьӧмыс лоӧ регионса Веськӧдлан котырлӧн уджын медтӧдчанаторйӧн.
Коми Республикаын урчитӧны содтӧд мынтӧмъяс, паськӧдӧны челядьӧс шойччӧдӧм да налысь дзоньвидзалунсӧ бурмӧдӧм вылӧ веськӧдӧм отсалан мераяс, стрӧитӧны выль социальнӧй объектъяс.
Торйӧн нин тӧдчанаӧн лоӧ семья институт ёнмӧдӧм.
Мамлун да челядьдыр юкӧнын ыджыд мытшӧдъяс разьӧмын отсалӧны «Демография», «Йӧзлысь дзоньвидзалун видзӧм», «Велӧдӧм» национальнӧй проектъяс.
«Ассянь да уна челядя семьяяслӧн — конкурсын лауреатъяслӧн нимсянь став сьӧлӧмсянь аттьӧала Коми Республикаса Веськӧдлан котырӧс.
Тайӧ миянлы зэв ыджыд награда, а кыпыд церемонияыс нэм кежлӧ коляс татчӧ локтысь быд семьялӧн сьӧлӧмъясын.
Татшӧм мероприятиеясыс зэв коланаӧсь да тӧдчанаӧсь.
Найӧ бура отсалӧны кыпӧдны уна челядя семьяяслысь статуссӧ», — аттьӧаліс уна челядя медбур семьяяслы Коми Республикаса Веськӧдлан котырлӧн премияа лауреат Роман Телятинский.
{Kodko @ Владимир Уйба висьталіс «Агростартап» фермерскӧй овмӧс сӧвмӧдӧм вылӧ грантъяс йылысь @ выльтор @ https://rkomi.ru/news/2973 @ 2023-05-16 @ }
Владимир Уйба висьталіс «Агростартап» фермерскӧй овмӧс сӧвмӧдӧм вылӧ грантъяс йылысь.
Грантъяссӧ сетӧны быд во «Ичӧт да шӧр предпринимательство да асшӧр уджалысьяслы водзмӧстчыны отсалӧм» национальнӧй проект серти.
Таво конкурсӧ 13 пырӧдчысь лыдысь вермысьясӧн лоины 5 фермер.
На костын юкӧма 16 миллионысь унджык шайт.
Сьӧмӧн ӧтув могмӧдан условиеяс серти колӧ, медым проект збыльмӧдӧм вылӧ фермерлӧн вӧлі 10%-ысь абу этшаджык ас сьӧм, а кольӧм 90%-сӧ сетӧ канму.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаын Княжпогост районса Емва карлӧн торъя юкӧнын урчитӧма лэбачьяслӧн зэв патогеннӧй грипп серти карантин @ выльтор @ https://rkomi.ru/news/2974 @ 2023-05-16 @ }
Коми Республикаын Княжпогост районса Емва карлӧн торъя юкӧнын урчитӧма лэбачьяслӧн зэв патогеннӧй грипп серти карантин.
Коми Республикаса Юралысь Владимир Уйба кырымаліс та йылысь Индӧд.
Княжпогост районса Емва карын ода-кора тӧлысь 15 лунӧ аддзӧма, мый вӧрса лэбач (каля) висьмӧма зэв патогеннӧй гриппӧн.
Примитӧны став мерасӧ, медым лэбач грипп эз паськав.
Коми Республикаса Юралысьлӧн Индӧд серти, эпизоотическӧй висьӧм паськаланінӧн лоӧ Коми Республикаын Княжпогост районса Емва карлӧн торъя юкӧн 62.591926 войвыв широта да 50.879387 асыввыв долгота географическӧй координатаяссянь 5 метр радиусын.
Ӧпаснӧй зонаӧн шуӧма эпизоотическӧй висьӧм паськаланін дорӧ матысса мутас, кодлӧн радиусыс эпизоотическӧй висьӧм паськаланінсянь 10 километр, Коми Республикалӧн Княжпогост районса Емва карлӧн, Виз сиктлӧн, Удор грездлӧн, Злоба грездлӧн, Рак грездлӧн мудоръясын.
Видзӧдан зонаӧн шуӧма ӧпаснӧй зонагӧгӧрса мутас, кодлӧн радиусыс 15 километрӧдз. Сэтчӧ пырӧны Коми Республикалӧн Княжпогост районса Керӧс, Кыркӧтш, Пӧлӧвник, Анюша, Катыд Тыла, Кывтыд Тыла, Петкоя, Шӧр Тыла грездъяс, Тракт сикт кодь посёлок, Сьӧська сикт.
Дзескӧдан мероприятиеяс (карантин) дырйи оз позь:
а) эпизоотическӧй висьӧм паськаланінын:
бурдӧдны висьысь лэбачьясӧс;
волывлыны бокӧвӧй йӧзлы, уджалысьяс кындзи, кодъяс уджалӧны производство вылын, сы лыдын видзӧны лэбачьясӧс, канму ветеринарнӧй службаса специалистъяс да висьӧм паськаланінсӧ бырӧдны корӧм уджалысьяс, йӧз кындзи, кодъяс олӧны да (либӧ) недыр кад кежлӧ воисны мутасӧ, кодӧс шуӧма эпизоотическӧй висьӧм паськаланінӧн;
вайны да нуны лэбачьясӧс, пӧжан кольк;
мӧдлаӧ вуджӧдны да выль пӧв группируйтны лэбачьясӧс;
кыйны-вины лэбачьяссӧ яй вылӧ;
нуны лэбач кольк-яй;
нуны став сикас пемӧслы вердас, кытчӧ вермисны инмывлыны висьысь лэбачьясыс;
куштыны кувсьӧм лэбачьяслысь гӧнсӧ;
нуны инвентар да мукӧд материально-техническӧй средство, кутшӧмъясӧ вермисны инмывлыны висьысь лэбачьяс;
видзны лэбачьяссӧ лэдзавлӧмӧн;
пуктыны пӧжӧм вылӧ колькъяс;
пырны-петны транспортлы (транспорт средствояс кындзи, кутшӧмъясӧн вӧдитчӧны эпизоотическӧй висьӧм паськаланінсӧ бырӧдігӧн да (либӧ) йӧзӧс могмӧдігӧн, кодъяс олӧны да (либӧ) недыр кежлӧ воисны овмӧс мутасӧ);
кыйны пӧтка, пӧтка лыдсӧ чинтӧм могысь кыйсьӧм кындзи;
б) ӧпаснӧй зонаын:
вайны да нуны лэбачьясӧс, пӧжан кольк;
дасьтыны да нуны лэбачьяслы кӧрым;
видзны лэбачьяссӧ лэдзавлӧмӧн;
нуӧдны видз-му овмӧс ярмангаяс, выставкаяс, вузасьӧмъяс да мукӧд мероприятие, мый йитчӧма лэбачьясӧс да мукӧд сикас пемӧсъясӧс вуджӧдӧмкӧд, новлӧдлӧмкӧд да чукӧртӧмкӧд;
кыйны пӧтка, пӧтка лыдсӧ чинтӧм могысь кыйсьӧм кындзи.
Коми Республикаса видз-му овмӧс да потребительскӧй рынок министерстволы тшӧктӧма вынсьӧдны мероприятиеяслысь план, медым бырӧдны лэбачьяслысь зэв патогеннӧй грипп да видзчысьны висьӧм босьтчӧдысьлӧн паськалӧмысь.
Лоӧмтор бӧрся видзӧдӧ Коми Республикаса Веськӧдлан котыр.
Казьтыштам, ода-кора тӧлысь 5 лунӧ Киров обласьтын вадорса лэбачлысь (калялысь) аддзисны зэв патогеннӧй грипп.
Такӧд йитӧдын Комиын вынсьӧдісны лэбачьяслӧн грипп паськалӧмысь видзчысьӧм серти мероприятиеяс, Сыктывдін районын чипан видзан объектъясын, каляяслӧн чукӧртчанінъясын да ТБО полигонъясын котыртӧма рейдъяс, медым эрдӧдны синантропнӧй да вавывса лэбачьяслысь кулалӧмсӧ, кӧні меститчӧны кык гырысь чипан видзан предприятие.
8 районын вузасигӧн видлалӧма 614 лэбачӧс.
Республикаын ода-кора тӧлысь 1 лунсянь лӧддза-номъя тӧлысь 2 лунӧдз пӧтка кыян сезонкӧд йитӧдын Коми Республикаса вӧр-ва министерство да муниципальнӧй юкӧнъясса администрацияяс юӧртӧны кыйсян угоддьӧясын кувсьӧм лэбачьяс йылысь, медым бӧрйыны материал да нуӧдны колана туялӧмъяс.
{Kodko @ Владимир Уйба висьталіс Сыктывкарын выль детсад восьтӧм йылысь @ выльтор @ https://rkomi.ru/news/2975 @ 2023-05-17 @ }
Владимир Уйба висьталіс Сыктывкарын выль детсад восьтӧм йылысь.
Сыктывкарса 104 №-а детсадлысь содтӧд корпус восьтісны Орбита микрорайонын «Платон» олан комплексын.
Детсадсӧ арталӧма 60 кага вылӧ.
Тані эм ставыс, медым быд боксянь сӧвмӧдны-быдтыны челядьсӧ: группаяслы оборудуйтӧм жыръяс, шылада да спорт зал, ывла вылын гуляйтан площадкаяс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Сыктывкарын оланін стрӧитан выль кварталын восьтісны детсад @ выльтор @ https://rkomi.ru/news/2976 @ 2023-05-18 @ }
Сыктывкарын оланін стрӧитан выль кварталын восьтісны детсад.
Ода-кора тӧлысь 17 лунӧ Орбита микрорайонса «Платон» олан комплексын воссис 104 №-а детсадлӧн 60 места вылӧ содтӧд корпус.
Кыпыд лоӧмторйӧн бать-мамӧс, челядьӧс да кагульничаясӧс чолӧмаліс Коми Республикаса Юралысь Владимир Уйба.
«Миянлы татшӧм лоӧмторъясыс зэв коланаӧсь.
Таво татшӧм шудыс усис миянлы коймӧдысь нин.
Во заводитчӧмсянь ми восьтім кык детсад да школа.
Тайӧ висьталӧ сы йылысь, мый миянлы челядь йылысь тӧждысьӧмыс — тайӧ медтӧдчанатор.
Ставсӧ, мый вӧчӧ Коми Республикаса Веськӧдлан котыр, веськӧдӧма сы вылӧ, медым миян челядьлӧн вӧлі шуда челядьдыр.
Колӧ, медым стрӧитчисны эз сӧмын выль керкаяс, но и детсадъяс, школаяс, йӧзлысь дзоньвидзалун видзан учреждениеяс — ставыс, мый колӧ тыр-бур олӧм да челядьӧс быдтӧм-велӧдӧм вылӧ.
Выль детсад лӧсялӧ став колана стандартлы.
Сиа, медым тані коллялӧм кадыс тырис гажӧн, шудӧн да тӧдӧмлунӧн, кыдзи челядьлы, сідзи и педагогъяслы да бать-мамлы», — шыӧдчис кыпыд мероприятиеын участвуйтысьяс дорӧ Владимир Уйба.
«Платон» олан комплексын жыръяссӧ 800 кв. м. ӧтувъя ыдждаын ньӧбисны муниципальнӧй эмбурӧ, тайӧ могъяс вылӧ 2022 во помын республиканскӧй сьӧмкудйысь вӧлі вичмӧдӧма 72 миллион гӧгӧр шайт.
Корпуссӧ арталӧма детсадйӧ ветлысь челядьлӧн 3 группа вылӧ.
Объект вылын кутчысьӧма видзчысянлун серти став корӧм дорӧ да лӧсьӧдӧма челядьӧс быд боксянь сӧвмӧдан условиеяс: группаяслы оборудуйтӧм жыръяс, шылада да спорт зал, ывла вылын гуляйтан площадкаяс.
Татчӧ кутасны волыны матысса керкаясысь челядь.
Владимир Уйбалӧн кывъяс серти, челядьӧс быдтӧм-велӧдӧм могысь бур условиеяс лӧсьӧдӧм, мутасъяс быд боксянь сӧвмӧдӧм серти Коми Республикаса Веськӧдлан котырлӧн уджын тайӧ нӧшта ӧти воськов.
Колян во Орбитаын воссисны йӧзлысь дзоньвидзалун видзан ӧнія учреждениеяс — челядьлы да гырысьяслы амбулаторияяс.
Микрорайонын кӧсйӧны стрӧитны 825 места вылӧ школа ас вылӧ уджалысь застройщиклӧн тшӧт вылӧ.
Вичмӧдӧма му участок Тентюков улича кузя.
Стрӧитчыны кутасны инфраструктурнӧй сьӧмкуд кредит серти.
Тӧд вылӧ уськӧдам, бӧръя кык вонас республикаын заводитісны уджавны некымын детсад: Сыктывдін районса Выльгорт сиктын да Сыктывкарын Кочпон-Чит микрорайонын 270 местаӧн, Шеллябӧж сиктын 45 места вылӧ да Усинск районса Сем Ӧндрей сиктын 80 места вылӧ.
Сыктывкарса Орбита микрорайонын детсадйӧ ветлысь челядьлы выль олан комплексъясын детсадъяс лӧсьӧдӧм улӧ вӧлі ньӧбӧма 144 места вылӧ кык жыр.
41 места вылӧ выль детсад воссис Койгорт районса Кажым посёлокын.
2022 воын Кулӧмдін районса Помӧсдін сиктын воссис 400 места вылӧ школа.
Косму тӧлысь 3 лунӧ восьтіс ӧдзӧссӧ Луздор районса Абъячой сиктын 600 места вылӧ выль школа.
Нӧшта некымын объект стрӧитан выйын: Изьва районса Изьвавом сиктын 90 велӧдчысь да детсадйӧ 40 ветлӧдлысь челядьлы школа-сад, Изьва сиктын 600 места вылӧ школа, Сыктывкарса Эжва районлӧн Емваль микрорайонын 825 места вылӧ школа.
Таво босьтчасны стрӧитны Сыктывдін районса Выльгорт сиктын 750 места вылӧ ӧтувъя велӧдан комплекс, Изьва районса Бакур грездын 99 места вылӧ детсад, Печора районса Озёрнӧй посёлокын 25 места вылӧ детсад.
{Kodko @ Коми Республикаса аграрийяс босьтчисны кӧдзны @ выльтор @ https://rkomi.ru/news/2977 @ 2023-05-18 @ }
Коми Республикаса аграрийяс босьтчисны кӧдзны.
Гӧран-кӧдзан уджъяссӧ заводитӧма республикалӧн лунвылын — Луздор да Сыктыв районъясын.
Ставнас таво кӧдзасны 36 сюрс га гӧрӧм му, та лыдын кӧрым культураяс улӧ — 29 сюрс га, площадьсӧ паськӧдӧма 200 га вылӧ.
Картупель улӧ торйӧдӧма 400 га.
Видзӧма гӧрӧм-кӧдзӧм вылӧ канмусянь став отсӧгсӧ.
Ода-кора тӧлысь помӧдз аграрийяс босьтасны 70 млн сайӧ шайт — урчитӧм сьӧмысь джынсьыс унджыксӧ.
Автопарк выльмӧдӧм вылӧ вичмӧдасны матӧ 50 млн шайт: аграрийяслы компенсируйтасны видз-му техника ньӧбӧм вылӧ видзӧм сьӧмысь 70 прӧчентӧдз.
А «Комиагролизинг» компаниялы 100 млн шайт сетӧмыс отсалас компенсируйтны лизинг сёрнитчӧмъяс серти техника донысь 40 прӧчентӧдз.
Паськыдджыка — Коми Республикаса Юралысь Владимир Уйбалӧн видео пыр шыӧдчӧмын.
{Kodko @ Николай Патрушев, Александр Гуцан да Владимир Уйба пуктісны «Куслытӧм слава» да «Шогсьысь воин» мемориалъяс дорӧ дзоридзьяс @ выльтор @ https://rkomi.ru/news/2978 @ 2023-05-19 @ }
Николай Патрушев, Александр Гуцан да Владимир Уйба пуктісны «Куслытӧм слава» да «Шогсьысь воин» мемориалъяс дорӧ дзоридзьяс.
Россия Федерацияса безопасносьт сӧветлӧн секретар Николай Патрушев, Рытыв-Войвыв федеральнӧй кытшын Россияса Президентӧс полномочнӧй петкӧдлысь Александр Гуцан, Коми Республикаса Юралысь Владимир Уйба да федеральнӧй ведомствоясӧс петкӧдлысьяс казьтыштісны Коми Республикаса олысьясӧс, кодъяс усисны Айму вӧсна Ыджыд тышын, локальнӧй конфликтъясын да торъя военнӧй операция нуӧданінын.
Талун, ода-кора тӧлысь 19 лунӧ, Россия Федерацияса безопасносьт сӧветлӧн секретар Николай Патрушев нуӧдас Рытыв-Войвыв федеральнӧй кытшын войтырлӧн безопасносьт серти сӧвещание Сыктывкарын.
{Kodko @ Николай Патрушев удж серти аддзысьліс Александр Гуцанкӧд да Владимир Уйбакӧд @ выльтор @ https://rkomi.ru/news/2979 @ 2023-05-19 @ }
Николай Патрушев удж серти аддзысьліс Александр Гуцанкӧд да Владимир Уйбакӧд.
Аддзысьлісны талун, ода-кора тӧлысь 19 лунӧ, Сыктывкарын.
Россияса Безопасносьт Сӧветлӧн секретар Николай Патрушев, Рытыв-Войвыв федеральнӧй кытшын Россияса Президентӧс полномочнӧй петкӧдлысь Александр Гуцан, Коми Республикаса Юралысь Владимир Уйба сёрнитісны республикаын йӧзлысь безопасносьтсӧ могмӧдӧм, инӧдлы паныд уджысь, терроризмкӧд йитчӧм мыж вӧчӧмысь ӧлӧдан мераяс йылысь.
Таысь кындзи, видлалісны торъя военнӧй операцияын участвуйтысьяслы да налӧн семьяӧ пырысьяслы отсалӧм серти могъяс.
{Kodko @ Россияса Безопасносьт Сӧветлӧн секретар Николай Патрушев Сыктывкарын нуӧдіс Россияса Рытыв-Войвылын йӧзлысь безопасносьтсӧ могмӧдӧм серти сӧвещание @ выльтор @ https://rkomi.ru/news/2980 @ 2023-05-19 @ }
Россияса Безопасносьт Сӧветлӧн секретар Николай Патрушев Сыктывкарын нуӧдіс Россияса Рытыв-Войвылын йӧзлысь безопасносьтсӧ могмӧдӧм серти сӧвещание.
Сӧвещаниеын участвуйтісны Рытыв-Войвыв федеральнӧй кытшын Россияса Президентӧс полномочнӧй петкӧдлысь Александр Гуцан, Коми Республикаса Юралысь Владимир Уйба, Рытыв-Войвыв федеральнӧй кытшын регионъясӧн юрнуӧдысьяс, федеральнӧй министерствоясӧс да ведомствоясӧс петкӧдлысьяс.
Сӧвещание дырйи сёрнитісны мераяс йылысь, кутшӧмъясӧс веськӧдӧма оланпаслы паныда лӧсьӧдӧм ӧружьеа котыръяслысь, терроризм да экстремизм нуӧдысь организацияясӧ пырысьяслысь миян странаӧ пырны кӧсйӧмсӧ эрдӧдӧм вылӧ.
Суйӧр дорын национальнӧй безопасносьт серти грӧз содігӧн сувтӧдӧма канму мудор бура видзӧм серти выль могъяс.
Торйӧн сёрнитісны ӧпаснӧйӧн лоны вермана да ыджыд тӧдчанлуна объектъяс, а сідзжӧ йӧзаинъяс терроризмысь видзӧмсӧ вынсьӧдӧм йылысь.
«Коми Республикаын ыджыд тӧдчанлуна, ӧпаснӧйӧн лоны вермана да йӧзлы колана объектъяссӧ терроризмысь видзӧмлы сетӧны ыджыд пай.
Тайӧ юалӧм бӧрся пыр видзӧдӧ регионса Веськӧдлан котыр.
Республикаын нуӧдӧма котыртан мероприятиеяс, командно-штабнӧй учениеяс, вынсьӧдӧма овмӧс нуӧдысь субъектъясса юрнуӧдысьяскӧд уджсӧ», — пасйис Коми Республикаса Юралысь Владимир Уйба.
Сӧвещание дырйи сетӧма тшӧктӧмъяс, кутшӧмъяс йитчӧмаӧсь терроризмлы паныд нуӧдан мероприятиеяс вылӧ колана мында сьӧм вичмӧдӧмкӧд, медводз, объектъяссӧ да мутасъяссӧ колана инженерно-техническӧй средствоясӧн могмӧдӧмкӧд.
Индӧма транспорт, топливно-энергетическӧй комплексса объектъяс, а сідзжӧ биологическӧя, радиационнӧя да химическӧя ӧпаснӧй объектъяс да гидротехническӧй сооружениеяс терроризмысь видзӧмсӧ вынсьӧдӧм серти могъяс.
Примитӧма Рытыв-Войвыв федеральнӧй кытшын йӧзлысь безопасносьтсӧ могмӧдӧм серти и мукӧд помшуӧм.
{Kodko @ Николай Патрушев, Александр Гуцан да Владимир Уйба волісны Коми Республикаса вӧр лэдзан да пу обработайтан медтӧдчана предприятиеяс пиысь ӧтиӧ @ выльтор @ https://rkomi.ru/news/2981 @ 2023-05-19 @ }
Николай Патрушев, Александр Гуцан да Владимир Уйба волісны Коми Республикаса вӧр лэдзан да пу обработайтан медтӧдчана предприятиеяс пиысь ӧтиӧ.
«Лузалес» ИКК пуктӧ тӧдчана пай регионын экономика боксянь видзчысянлун могмӧдӧмӧ.
Россияса Безопасносьт Сӧветлӧн секретар Николай Патрушев, Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысь Александр Гуцан да Коми Республикаса Юралысь Владимир Уйба видзӧдлісны, кыдзи уджалӧны Сыктывдін районса Выльгорт сиктын пу пыдіа переработайтан участокын, кӧні вӧчӧны вонас 54,7 сюрс кубометр кыдз шпон.
Делегациялы петкӧдлісны уджалан вынйӧрсӧ да импорт вежысь технологияяс, кодъяс отсӧгӧн предприятие бура уджалӧ да сӧвмӧ санкцияяс вылӧ видзӧдтӧг.
Участок вылын уджалӧ цех, кӧні вӧчӧны тырвыйӧ экологичнӧй стройматериал — сьӧкыд пуысь вӧчӧм МХМ стен панельяс камернӧя косьтӧм пӧвъясӧн вӧдитчӧмӧн, кутшӧмъясӧс оз ков обработайтны антисептикӧн да пропиткаясӧн.
Панельясӧн вӧдитчӧны предприятиелысь административнӧй зданиеяс, вузасян стационарнӧй объектъяс да торъя олан керкаяс стрӧитӧм вылӧ.
Технологиянас кутасны вӧдитчыны аварийнӧй оланінысь олысьясӧс мӧдлаӧ овмӧдӧм вылӧ керкаяс стрӧитігӧн.
Ичӧт пу керкаяс стрӧитӧм серти лӧсялана проектсӧ дасьтісны Коми Республикаса Веськӧдлан котыр «Лузалес» компаниякӧд ӧтув.
Таысь кындзи, объектын уджалӧ цех, кӧні вӧчӧны лемалӧм пу конструкцияяс — лемалӧм брус да лемалӧм балкаяс.
Наӧн вӧдитчӧны быдсикас тӧдчанлуна этша судтаа пу объектъяс лэптігӧн.
Конструкцияяссӧ вӧчӧны специализируйтӧм оборудование вылын да найӧ лӧсялӧны техника боксянь ӧнія условиеяслы да проектнӧй документациялы.
«Лузалес» ИКК-лӧн медшӧр уджалан вынйӧрыс меститчӧма Луздор, Удора, Сыктывдін районъясын да Сыктывкарын.
Предприятиеыс ёна сӧвмӧ, содтӧ уджалан да техническӧй вынйӧрсӧ, пыртӧ биоэнергетическӧй технологияяс, ӧнъяӧдӧ процессъяссӧ, вӧдитчӧ выль оборудованиеӧн.
2023 вося урасьӧм тӧлысьын «Лузалес» котыр ньӧбис Россияын IKEA шведскӧй компаниялысь кык завод — Ленинград обласьтса Тихвин карын да Киров обласьтса Вятские Поляны карын.
Водзынджык Коми Республикаса Юралысь Владимир Уйба тӧдмӧдіс Россияса Безопасносьт Сӧветлӧн секретар Николай Патрушевӧс да Рытыв-Войвыв федеральнӧй кытшын Россия Федерацияса Президентӧс полномочнӧй петкӧдлысь Александр Гуцанӧс регионын социальнӧй да экономика боксянь, инвестиция, промышленносьт да туризм серти позянлунъясӧн.
{Kodko @ Ода-кора тӧлысь 21 лунӧ Коми Республика пасъяс Коми кыв да гижӧд лун @ выльтор @ https://rkomi.ru/news/2982 @ 2023-05-20 @ }
Ода-кора тӧлысь 21 лунӧ Коми Республика пасъяс Коми кыв да гижӧд лун.
Таво гажсӧ пасйӧны официальнӧя — косму тӧлысьӧ Коми Республикаса Юралысь Владимир Уйба кырымаліс лӧсялана Индӧд. Тадзи сійӧ ошкис «Коми войтыр» регионкостса ӧтйӧза ӧтмунӧмлысь водзмӧстчӧмсӧ.
Таӧдз Коми кыв да гижӧд лун эз вӧв канму гажӧн, кӧть и индӧма сійӧс 1992 воын нин.
Тайӧ лунъясӧ республикаын збыльмӧдӧны «Коми кыв да гижӧд лун ӧтув пасъян вежон» проект. Сы серти регионса быд муниципалитетын нуӧдӧны гажлы сиӧм мероприятиеяс.
Коми Республикаса Юралысь Владимир Уйба чолӧмалӧ олысьясӧс Коми кыв да гижӧд лунӧн.
{Kodko @ Коми Республикаса Юралысь чолӧмалӧ Коми кыв да гижӧд лунӧн @ выльтор @ https://rkomi.ru/news/2983 @ 2023-05-21 @ }
Коми Республикаса Юралысь чолӧмалӧ Коми кыв да гижӧд лунӧн.
«Пыдди пуктана войтыр!
Дона ёртъяс!
Чолӧмала тіянӧс Коми кыв да гижӧд лунӧн!
Тайӧ гажыс миян регионын артмис таво, сійӧс вӧзйис «Коми войтыр» регионкостса ӧтйӧза ӧтмунӧм.
Быд во ода-кора тӧлысьлӧн коймӧд вежалунӧ ми кутам нимӧдны коми кыв, мый Оланподув серти лоӧ Коми Республикаса канму кывъясысь ӧтиӧн.
Тайӧ ыджыд пай коми кыв видзӧмӧ-сӧвмӧдӧмӧ да Мирса вужвойтыр кывъяслы сиӧм дас во нуӧдӧмӧ.
Коми кыв да гижӧд лунӧ ми казьтылам коми гижӧдлы подув пуктысь, велӧдысь-туйдӧдысь Перымса Степанӧс, коми кывлӧн сӧвмӧм йылысь история, мый топыда йитчӧма нималана гижысьяслӧн, туялысьяслӧн, журналистъяслӧн, артистъяслӧн, велӧдчан небӧгъяс лӧсьӧдысьяслӧн да педагогъяслӧн нимъяскӧд.
Чужан кыв дорӧ пыдди пуктӧмысь чужӧ мукӧд войтырлӧн кывъяс дорӧ пыдди пуктӧм.
Миян уна сикас войтыра республикаын лӧсьӧдӧма бур условиеяс, медым видзны да водзӧ нуӧдны культурнӧй традицияяс.
Эска, мый Коми кыв да гижӧд лун лоас став войтырӧс пыдди пуктӧмлы сиӧм гажӧн, ӧтсӧгласа олӧмлӧн символӧн!
Сиа тіянлы тыр-бур олӧм, крепыд дзоньвидзалун, бур ваян да творческӧй удж!
Кузь нэм да бур шуд!»
Коми Республикаса Юралысь Владимир Уйба.
{Kodko @ Талун республикаса кар-районъясын триньгис 9-ӧд да 11-ӧд классъяс помалысьяслы бӧръя звӧнок @ выльтор @ https://rkomi.ru/news/2984 @ 2023-05-22 @ }
Талун республикаса кар-районъясын триньгис 9-ӧд да 11-ӧд классъяс помалысьяслы бӧръя звӧнок.
Республикаса 256 общеобразовательнӧй организацияын триньгисны бӧръя звӧнокъяс ӧкмысӧд классъясса 10 сюрс выпускниклы да дас ӧтиӧд классъясса 4 сюрс выпускниклы.
Быд мортлӧн олӧмын тайӧ кыпыд да зэв тӧдчана здук, мый век кежлӧ кольӧ паметьӧ.
Коми Республикаса Юралысь Владимир Уйба шыӧдчис выпускникъяс дорӧ бурсиан кывъясӧн.
{Kodko @ Владимир Уйба висьталіс Россиялӧн да Китайлӧн бизнес-форумӧ пырӧдчӧм йылысь @ выльтор @ https://rkomi.ru/news/2985 @ 2023-05-23 @ }
Владимир Уйба висьталіс Россиялӧн да Китайлӧн бизнес-форумӧ пырӧдчӧм йылысь.
Россия Федерацияса да Китайскӧй Народнӧй Республикаса нуӧдысь компанияясӧн веськӧдлысьяслы форумыс вӧлі талун Шанхай карын Россияса Веськӧдлан котырӧн Юрнуӧдысь Михаил Мишустинлӧн Китайӧ ветлӧм дырйи.
Россияса делегацияӧ пырисны и Коми Республикаса гырысь вӧр промышленнӧй предприятиеясӧн веськӧдлысьяс — «Лузалес» ИКК, «Промтех-инвест» ИКК, «Печора Север Лес» ИКК.
Форум дырйи Владимир Уйба сёрнитіс докладӧн «Промышленносьт юкӧнын Россия да Китай костын кооперациялӧн аскиа лун» гӧгрӧс пызан дырйи, петкӧдліс китайса уджъёртъяслы Коми Республикалысь экономикаын да инвестиция позянлунъяссӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Славяна гижӧд да культура лунӧн @ выльтор @ https://rkomi.ru/news/2986 @ 2023-05-24 @ }
Коми Республикаса Юралысь чолӧмалӧ Славяна гижӧд да культура лунӧн.
«Коми Республикаса пыдди пуктана олысьяс!
Сьӧлӧмсянь чолӧмала тіянӧс Славяна гижӧд да культура лунӧн!
Талун ми нимӧдам Вежа Кириллӧс да Мефодийӧс, кодъяс лӧсьӧдісны славяналысь азбука, вуджӧдісны славяна кыв вылӧ евангелие гижӧдъяс.
Кириллӧн да Мефодийлӧн уджыс пуктіс подув уна национальнӧй кывлы, сетіс позянлун войтырлы велӧдчыны, бурджыка гӧгӧрвоны ӧта-мӧдныссӧ.
Славяна гижӧд артмӧдӧмыс ыштӧдіс роч да россияса мукӧд войтырӧс духовнӧя, ӧтйӧза да канму боксянь сӧвмыны.
Талун тайӧ миян ӧтувъя озырлун, мый ӧтувтӧ россияса войтырӧс.
Славяна гижӧд да культура лунӧ Сыктывкарса Епархия, Воркутаса Епархия, велӧдан да культура учреждениеяс, вузъяс нуӧдӧны духовносьт да нравственнӧй подувъяс видзӧм серти мероприятиеяс. Ӧд на вылӧ мыджсьӧ миян уна войтыра странаным.
Сиа ставныдлы вермӧмъяс гижан культура видзӧмын да сӧвмӧдӧмын, крепыд дзоньвидзалун, тыр-бур олӧм да дзоридзалӧм!»
Коми Республикаса Юралысь Владимир Уйба.
{Kodko @ Владимир Уйба петкӧдліс Китайысь уджъёртъяслы Коми Республикалысь экономика да инвестиция боксянь позянлунъяссӧ @ выльтор @ https://rkomi.ru/news/2987 @ 2023-05-24 @ }
Владимир Уйба петкӧдліс Китайысь уджъёртъяслы Коми Республикалысь экономика да инвестиция боксянь позянлунъяссӧ.
Регионса Юралысь пырӧдчис Россиялӧн да Китайлӧн бизнес-форумӧ. Форумсӧ нуӧдісны Шанхайын ода-кора тӧлысь 23 лунӧ Россияса Веськӧдлан котырӧн Юрнуӧдысь Михаил Мишустинлӧн Китайӧ ветлӧм дырйи.
Форумсӧ котыртӧма Россия Федерацияса да Китайскӧй Народнӧй Республикаса медшӧр компанияясӧн юрнуӧдысьяслы.
На лыдын и Коми Республикаса гырысь вӧр промышленносьт предприятиеясӧс петкӧдлысьяс — «Лузалес» ИКК, «Промтех-инвест» ИКК, «Печора Север Лес» ИКК.
Форум дырйи Владимир Уйба участвуйтіс пленарнӧй заседаниеын, а сідзжӧ сёрнитіс докладӧн гӧгрӧс пызан дырйи, мый сиӧма промышленносьт юкӧнын Россия да Китай костын кооперациялӧн аскиа лунлы.
Коми Республикаса Юралысь петкӧдліс Китайысь уджъёртъяслы Коми Республикалысь экономика да инвестиция боксянь позянлунъяссӧ.
Кыдзи шуис Владимир Уйба, россияса экономикалысь да бизнеслысь зумыдлунсӧ кыпӧдӧмын лоӧ тӧдчанаӧн КНР-кӧд ӧтув уджалӧмыс — колӧ аддзыны унджык петантуй, медым вайны продукция, а сідзжӧ корсьны экспорт вылӧ уджъёртъясӧс.
Коми Республикаса экономикаын медтӧдчана юкӧнъяс пиысь ӧтиӧн лоӧ вӧр промышленносьт комплекс.
Водзынджык кӧ регионса вӧр промышленносьт компанияяс ёнджыкасӧ нуисны продукциясӧ Европаӧ да Шӧр Азияӧ, талун сійӧс нуӧны Маті Асыввылӧ, Китайӧ, Иранӧ, Египетӧ, Турцияӧ да СНГ канмуясӧ.
Ӧні Китайскӧй Народнӧй Республика лоӧ Коми Республикалӧн вузасьӧмын медыджыд уджъёртӧн.
2022 серти Китайкӧд вӧр продукция вузалӧм-ньӧбӧмыс содіс 24,3% вылӧ целлюлозно-бумажнӧй продукция экспортируйтан йӧрыш содӧм вӧсна.
2022 воын ас вӧчӧм тӧварлӧн ӧтувъя йӧрышын Китайӧ экспортлӧн удельнӧй сьӧктаыс лоӧ 20%.
Коми Республикалӧн эм, мый вӧзйыны Китайысь уджъёртъяслы.
Сёрнитны кӧ вӧр промышленносьт йылысь, тайӧ вылыс качествоа тьӧс-плака, быдпӧлӧс сикас фанера, древесно-стружечнӧй да древесноволокнистӧй плитаяс, вузӧс целлюлоза, картон да бумага продукция, ломтысян брикетъяс, пеллетъяс.
Коми Республикаса Юралысь висьталіс вӧр переработайтан уджын медшӧр нырвизьяс йылысь.
Регионын вӧчӧны вонас 60 сюрс гӧгӧр тонна ломтысян брикет да 430 сюрс гӧгӧр тонна пеллет.
Та мында продукцияӧн могмӧдӧ регионса 20 предприятие.
Кӧсйӧны на содтыны биоломтаслысь производствосӧ 32,2 сюрс тонна вылӧ.
Таысь кындзи, регионса Веськӧдлан котыр бизнескӧд ӧтув дасьтӧны этша судтаа пу керка стрӧитан проектъяс.
«Лузалес» компания лӧсьӧдіс 3500 кв. метрсянь (ӧти, кык да куим жыръя 56 патераӧдз) 5500 кв. метрӧдз площадя (ӧти, кык да куим жыръя 88 патераӧдз) 4 судтаа типӧвӧй керкаяс, кутшӧмъясӧс лэптӧма МХМ (уна пӧвста лыска массив) технология серти.
Сыктывдін районса Выльгорт сиктын бӧрйисны нин ин, кӧні стрӧитасны татшӧм керкаясысь олан квартал, медым овмӧдны сэні гражданаӧс аварийнӧй оланінысь.
Вӧр лэдзан да вӧр переработайтан юкӧнын суйӧрсайса оборудование да технологияяс вежӧм серти мытшӧдъяссӧ разьӧм могысь Владимир Уйба вӧзйис китайса компанияяслы видлыны лэдзны вӧр техникасӧ Коми Республикаын, сы лыдын ӧтувъя предприятиеяс котыртӧмӧн.
Сійӧ тӧдчӧдіс, мый эм зэв бур позянлун, медым водзӧ вылӧ содтыны Коми Республика да КНР костын вузӧслысь во чӧжся оборотсӧ.
Таысь кындзи, Коми Республикаса Юралысь вӧзйис китайса уджъёртъяслы видлавны сэтшӧм позянлун, медым инвестируйтны регионлӧн минерально-сырьевӧй озырлун перйӧмӧ да переработайтӧмӧ.
Шуам, ӧтлаын перйыны баритӧвӧй руда, сотчан сланеч, стеклӧа лыа да лӧсьӧдны ӧтувъя выль производствояс.
Владимир Уйба чайтӧ, мый бура сӧвмысь проектъяссӧ позьӧ збыльмӧдны Воркутаын баритӧвӧй рудаяслӧн Хойлинскӧй куйлӧдын, мый меститчӧ Россия Федерацияса Арктика зонаын, сотчан сланечлӧн Тшым да Лопи юясдорса куйлӧдын, а сідзжӧ Чернокурка–1 стеклӧа лыа куйлӧдын.
Владимир Уйба висьталіс преференцияяс йылысь, кутшӧмъясӧс сетӧны регионын бизнеслы.
Тайӧ Промышленносьт сӧвмӧдан регионса фондлӧн торъя мога льготнӧй заёмъяс, инфраструктура объектъяс лӧсьӧдӧм вылӧ субсидияяс, организацияяслӧн эмбур вылӧ чинтӧм вот ставкаяс, му участокъяс сетӧм, лэдзӧм сьӧм ышӧдӧмсӧ видзӧм, могмӧдысь либӧ ӧттшӧтш мунысь инфраструктура лӧсьӧдӧм, ӧнъяӧдӧм, выльмӧдӧм вылӧ ӧтувъя рӧскод юкӧн вештӧм.
{Kodko @ Коми Республикаын водзӧ примитӧны #МЫВМЕСТЕ войтыркостса премия босьтӧм вылӧ заявкаяс @ выльтор @ https://rkomi.ru/news/2988 @ 2023-05-25 @ }
Коми Республикаын водзӧ примитӧны #МЫВМЕСТЕ войтыркостса премия босьтӧм вылӧ заявкаяс.
Абу коммерческӧй организацияяслы, бизнеслы да волонтёръяслы премиясӧ урчитӧма Россия Федерацияса Президентлӧн тшӧктӧм серти.
Ошкӧны йӧзлы отсалӧм да олӧм бурмӧдӧм вылӧ веськӧдӧм водзмӧстчӧмъяс.
Вермысьяслы наградасӧ сетӧ Владимир Путин.
Заявкаяссӧ примитӧны ода-кора тӧлысь 31 лунӧдз.
Ставнас 11 номинация: йӧзлы социальнӧй отсӧг сетӧм, экология, туризм, добровольчество, наука да мукӧд нырвизь.
Сора тӧлысь 4–21 лунъясӧ бӧръясны Коми Республикаын медбур практикаяс, проектъяс да водзмӧстчӧмъяс.
Конкурслӧн финалыс лоас 2023 вося йирым тӧлысь 16 лунсянь вӧльгым тӧлысь 6 лунӧдз.
Проектъяссӧ донъяласны жюриӧ пырысьяс да войтыр.
2022 воӧ премиялӧн финалистӧн лоис «Текстиль Коми Сыктывкарса вурсян фабрика» компания, сійӧ петкӧдліс «Бур удж — бур олӧм» проект.
Паськыдджыка — Коми Республикаса Юралысь Владимир Уйбалӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Россияса асшӧр уджалысьлы сиӧм лунӧн @ выльтор @ https://rkomi.ru/news/2989 @ 2023-05-26 @ }
Коми Республикаса Юралысь чолӧмалӧ Россияса асшӧр уджалысьлы сиӧм лунӧн.
«Коми Республикаса пыдди пуктана асшӧр уджалысьяс!
Сьӧлӧмсянь чолӧмала тіянӧс Россияса предпринимательство лунӧн!
Тайӧ водзмӧстчысь да зіль йӧзлӧн гаж. Найӧ оз повны восьтыны ассьыныс удж, дасьӧсь кывкутны мукӧд вӧсна.
Ӧнія экономикаыс оз нин вермы лоны ичӧт да шӧр бизнеслӧн предприятиеястӧг, кодъяс асланыс писькӧслунӧн ӧдйӧ реагируйтӧны вежсьӧмъяс вылӧ, бурджыка пыртӧны сӧвмысь технологияяс да збыльмӧдӧны выль водзмӧстчӧмъяс.
Коми Республикаын талун 24,5 сюрсысь унджык ичӧт да шӧр предпринимательство субъект, кӧні уджалӧ миян регионын быд сизимӧд олысь.
Сідзжӧ зіля сӧвмӧны ас вылӧ уджалысьяс, том йӧзлӧн да социальнӧй предпринимательство.
Коми Республикаса Веськӧдлан котырлӧн медшӧр могъяс лыдын — асшӧр уджалысьяслы отсалӧм, инвестиция удж кыпӧдӧм.
Ми бизнес-котыркӧд ӧтув водзӧ кутам ошкыны асшӧр уджалысьяслысь водзмӧстчӧмъяссӧ, ышӧдны выль предприятиеяс восьтӧмын.
Аттьӧала ставныдтӧ, коді нуӧдӧ удж миян республикаын, лӧсьӧдӧ уджалан местаяс, пырӧдчӧ социальнӧй мытшӧдъяс разьӧмӧ, пуктӧ пай регион сӧвмӧдӧмӧ.
Сиа бура збыльмӧдны выль проектъяс, интереснӧй да аслыспӧлӧс решениеяс, шуд да водзӧ сӧвмӧм!»
Коми Республикаса Юралысь Владимир Уйба.
{Kodko @ Антон Виноградовӧс индӧма Коми Республикаса Веськӧдлан котырӧн Юрнуӧдысьӧс вежысь чинӧ @ выльтор @ https://rkomi.ru/news/2990 @ 2023-05-26 @ }
Антон Виноградовӧс индӧма Коми Республикаса Веськӧдлан котырӧн Юрнуӧдысьӧс вежысь чинӧ.
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во ода-кора тӧлысь 26 лунся 141-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Антон Иванович Виноградовӧс Коми Республикаса Веськӧдлан котырӧн Юрнуӧдысьӧс вежысь чинӧ.
2. Тайӧ тшӧктӧмыс вынсялӧ сійӧс кырымалан лунсянь.
* * *
Антон Иванович Виноградов чужис 1985 вося рака тӧлысь 18 лунӧ.
2007 воын помаліс «Менеджмент» специальносьт серти Г.В. Плеханов нима Россияса экономика академия.
2009 воын помаліс Россия Федерацияса юстиция министерстволысь Россияса правовӧй академия, специальносьт — «Юриспруденция».
2010 воын помаліс Россия Федерацияса Президент бердын канму службаӧ велӧдан Россияса академия.
Экономика наукаса кандидат.
Бура тӧдӧ англия да немеч кывъяс.
Уджаліс кредитнӧй да коммерческӧй гырысь организацияясын веськӧдлан чинъясын: ВТБ Банкын, Номос Банкын, аудиторъяслӧн ыджыд четвёркаын — КPMG компанияын, «Газпром СПГ технологии» ИКК-ын. Сідзжӧ зілис Бурятия Республикаса Веськӧдлан котырын, сы лыдын Бурятия Республикаса Веськӧдлан котырӧн Юрнуӧдысьӧс вежысь — Бурятия Республикаса промышленносьт, вузасян да инвестиция министр чинын.
{Kodko @ Комиын олысьясӧс наградитӧма повтӧмлунысь, смеллунысь да йӧз вӧсна тӧждысьӧмысь (кувсьӧм бӧрын) @ выльтор @ https://rkomi.ru/news/2991 @ 2023-05-26 @ }
Комиын олысьясӧс наградитӧма повтӧмлунысь, смеллунысь да йӧз вӧсна тӧждысьӧмысь (кувсьӧм бӧрын).
Ода-кора тӧлысь 26 лунӧ Коми Республикаса Юрлаысь Владимир Уйба сетіс торъя военнӧй операция дырйи пӧгибнитӧм военнослужащӧйяслӧн семьяяслы Повтӧмлун орденъяс.
«Тіян челядьныд, батьясныд, верӧсъясныд, вокъясныд — тайӧ миян геройяс, — тӧдчӧдіс Владимир Уйба. — Найӧ вӧчисны сійӧс, мый вӧчлісны миян пӧльяс Айму вӧсна Ыджыд тыш воясӧ да быд кадӧ, кор локтіс миян дорӧ вӧрӧг.
Найӧ пӧртісны олӧмӧ вежа мог — дорйисны Чужан му.
Да сетісны миян вӧсна, Чужан му вӧсна меддонаторсӧ, мый эм мортлӧн.
Олӧмнысӧ.
Енмыс шуӧ, мый морт, коді сетіс олӧмсӧ Айму да ёрт вӧсна — вежа морт.
Миян зонъяс збыль вежа йӧз.
Кокни диван вылын мӧвпавны, мунны-ӧ воюйтны, серавны сы вылын, мый кодкӧ муніс тышкасьны, а мыйла — абу гӧгӧрвоана.
Збыльвылас тадзи шуӧны немортъяс.
Мунӧ Ыджыд да Вежа тыш.
Пӧшти став мирыс мунӧ Россиялы, миян озырлунлы, енмӧ эскӧмлы, оласноглы паныд.
Муӧдз копыр миян зонъяслӧн подвиглы да повтӧмлунлы.
Меным лоӧ ыджыд шудӧн сетны тайӧ наградаяссӧ тіянлы, миян геройяслӧн дона рӧдвуж да матыссаяс.»
Россия Федерацияса Президентлӧн Индӧдӧн воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Повтӧмлун орденӧн наградитӧма кувсьӧм бӧрын: сержант Роман Александрович Байбородинӧс; ефрейтор Александр Сергеевич Коковкинӧс; ефрейтор Владимир Евгеньевич Оплеснинӧс; радӧвӧй Илья Максимович Антоновскийӧс.
Коми Республикаса Юралысь аттьӧаліс бать-мамъясӧс, кодъяс быдтісны пияннысӧ Айму дорйысьясӧн, патриотъясӧн да геройясӧн.
«Миян геройяслӧн дона мамъяс, батьяс, гӧтыръяс да челядь!
Тӧдӧй, ме, кыдзи Коми Республикаса Юралысь, да республикаса Веськӧдлан котыр — тайӧ сьӧкыд кадӧ тіянкӧд абу сӧмын сёрниӧн, но и уджӧн.
Тіян могъясныд — тайӧ менам могъяс.
Шыӧдчӧй кӧть кутшӧм юалӧмӧн, кӧть кутшӧм корӧмӧн.
Быть отсалам.
Нӧшта ӧтчыдысь шуам аттьӧ да корам прӧща», — шуис Владимир Уйба.
{Kodko @ Владимир Уйба сетіс канму наградаяс торъя военнӧй операцияын участвуйтысьяслы @ выльтор @ https://rkomi.ru/news/2992 @ 2023-05-26 @ }
Владимир Уйба сетіс канму наградаяс торъя военнӧй операцияын участвуйтысьяслы.
Кыпыд церемонияыс вӧлі ода-кора тӧлысь 26 лунӧ.
Коми Республикаса Юралысь аттьӧаліс боечьясӧс могъяс бура олӧмӧ пӧртӧмысь да повтӧмлунысь.
«Кӧсъя пасйыны, мый миян талунъя медшӧр могыс — дорйыны Россиялысь асшӧрлунсӧ, миянӧс тіянкӧд, челядьнымӧс да быдмысь войтырӧс, — шыӧдчис церемонияӧ пырӧдчысьяс дорӧ Владимир Уйба. — Некутшӧм сёрнитчӧмъясӧн да ӧлӧдӧмъясӧн тайӧ сьӧкыд, но колана могсӧ ми огӧ вермӧй пӧртны олӧмӧ.
2014 восянь ми кӧсйим вежӧрсьӧдны нацистъясӧс.
Но тайӧ помассис сыӧн, мый найӧ зэв бура дасьтысисны да ёнджыка повзьӧдісны украинаса войтырӧс.
И талун ми гӧгӧрвоам, мый мӧд ног найӧс он сувтӧд.
Тайӧ мытшӧдсӧ позьӧ и колӧ разьны сӧмын киӧ ӧружье босьтӧмӧн.
Сійӧ, мый ті вӧчанныд, мый вӧчӧны зонъяс тыш нуӧданінъясын — тайӧ Чужан му водзын, асланыс семья водзын, ас водзын вежа мог.
Ті верманныд повтӧг видзӧдны асланыд челядьлӧн, ёртъяслӧн, бать-мамлӧн синъясӧ, сы вӧсна мый воинскӧй да канму могсӧ ті збыльмӧданныд тырвыйӧ.
Зэв жаль, мый война оз овлы воштӧмъястӧг.
Мортыслысь медся донаторсӧ, олӧмсӧ, сетігӧн миян зонъяс сетӧны позянлун миянлы да миян челядьлы овны».
Церемонияын участвуйтысьяс чӧв олыштӧмӧн казьтыштісны Аймунымӧс став дорйысьсӧ, кодъяс усисны торъя военнӧй операция дырйи.
Россия Федерацияса Президентлӧн Индӧд серти торъя военнӧй операция нуӧдӧм дырйи воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь «Смеллунысь» медальяс сетӧма запасса радӧвӧй Андрей Иванович Каневлы, запасса радӧвӧй Андрей Александрович Фетисовлы, отставкаын радӧвӧй Сергей Георгиевич Ефремовлы, Жуковлысь медаль сетӧма запасса радӧвӧй Николай Анатольевич Кривушенколы.
Андрей Иванович Канев чужис Ухтаын, а ӧні олӧ Изьва сиктын.
2020 восянь служитіс контракт серти разведчикӧн.
Ӧні сылы 23 арӧс.
Наградитан церемония вылын сыкӧд тшӧтш вӧліны мамыс Елена Петровна да чойыс Екатерина.
Андрей Александрович Фетисов чужис Воркутаын, ӧні олӧ Сыктывкарын.
Регыд сылы тырас 36 арӧс.
2022 вося лӧддза-номъя тӧлысьын сійӧ кырымаліс контракт да збыльмӧдіс спецоперациялысь могъяс лыйсьысь-зенитчик чинын.
Гортас сійӧс виччысисны гӧтырыс да нылыс.
Гӧтырыс Елена Олеговна тшӧтш локтіс награда сетан церемония вылӧ.
Наградитӧмыс веськаліс сылӧн ныв Анастасиялӧн Чужан лункӧд, тайӧ луннас сылы тырис 8 арӧс.
Сергей Георгиевич Ефремов чужис Печора районса Косью сиктын, ӧні олӧ Сыктывкарын.
Таво сылы тырис 56 арӧс.
Спецоперация дырйи кыкысь кырымавліс контракт: медводдзаысьсӧ служитіс «БАРС» добровольческӧй отрядын отделениеса командир чинын, сэсся локтіс гортас да пӧшти вит тӧлысь мысти выльысь муніс контракт серти тышкасянінӧ лыйсьысь чинын.
Сергей Георгиевичлӧн кык верстьӧ ныв — Надежда да Светлана, кодъяс олӧны мукӧд каръясын.
Награда сетан церемония вылӧ сыкӧд локтісны гӧтырыс Елена Николаевна, а сідзжӧ тьӧщаыс, чойыс да воча нылыс.
Николай Анатольевич Кривушенко чужис Узбекистан Республикаса Ташкент карын, ӧні олӧ Ухтаын.
2022 вося йирым тӧлысьӧ сійӧс мобилизуйтісны.
Служитіс саридзса пехотаын лыйсьысь-гранатомётчиклӧн отсасьысь чинын.
Наградитан церемония вылын сыкӧд вӧліны гӧтырыс Юлия Николаевна, а гортас найӧс виччысис куим арӧса ныв Софья.
«Торйӧн кӧсъя аттьӧавны зонъяслысь семьяяссӧ, сы вӧсна мый оз позь тіянлы сьӧлӧм сеттӧг, тіян вӧсна майшасьтӧг, юрбиттӧг, — шыӧдчис военнослужащӧйяслӧн рӧднӧйяс да матыссаяс дорӧ Владимир Уйба. — Тайӧ ыджыд вын: мӧвплӧн вын, рӧднӧйяслӧн да матыссаяслӧн кывъяс.
Аттьӧ ставлы, коді юрбитӧ зонъяс вӧсна тылын, тіян эскӧмысь да радейтӧмысь.
А тылыс миян правильнӧй.
Ми быд лун лӧсьӧдам заявкаяс, посылкаяс, гуманитарнӧй конвойяс, мӧдӧдалам тышкасянінӧ да ваям зонъяслы.
Сідзжӧ уджалам Луганскӧй Народнӧй Республикаса Ровеньки карын тыл лӧсьӧдӧм вылын.
Тані ме кӧсъя торйӧн аттьӧавны миян предприятиеясса юрнуӧдысьясӧс сыысь, мый найӧ оз сулавны бокын.
Найӧ оз висьтавны, а вӧчӧны.
Мунӧны тышкасянінӧ, уджалӧны лыйсьӧмъяс улын.
Талун тані эмӧсь предприятиеясса юрнуӧдысьяс, но на сайын сулалӧны уна дас да сё миян граждана, Коми Республикаса олысьяс, кодъяс уджалӧны сэні».
Луганскӧй Народнӧй Республика да Коми Республика костын ёртасьӧм ёнмӧдӧмӧ, Ровеньки карлысь коммунальнӧй инфраструктура объектъяс кыпӧдӧмӧ тӧдчана пай пуктӧмысь Владимир Уйба сетіс Коми Республикаса Юралыссянь Аттьӧалана письмӧяс «Сыктывкарса Водоканал» восьса акционер котырса медыджыд директор Андрей Селивановлы да «Коми коммунальнӧй технологияяс» акционер котырса медыджыд директор Николай Сосновскийлы.
«Менам пӧчлӧн — Айму вӧсна Ыджыд тышын уджвывса ветеранлӧн медаль вылын вӧлі гижӧма татшӧм кывъяс: «Ӧти кӧртысь вӧчӧма тышысь медаль, уджысь медаль».
Нӧшта ӧтчыдысь чолӧмала миянлысь став дорйысьӧс, налысь семьяяссӧ наградаясӧн.
Ті — асланыд Чужан мулӧн бур пиян.
Ме тӧда, мый ми пӧртам олӧмӧ Россия Федерацияса Медвылыс Веськӧдлысь, миян Президент Владимир Владимирович Путинлысь тшӧктӧмсӧ.
А тшӧктӧм — тайӧ Вермӧм.
Вермӧмыс збыльлунын, а збыльлуныс миян сайын.
Ми вермам, Россия вермас!» — шуис церемония помын Владимир Уйба.
{Kodko @ Владимир Уйба пырӧдчис «Деловая Россия» ставроссияса ӧтйӧза организациялӧн форумӧ @ выльтор @ https://rkomi.ru/news/2993 @ 2023-05-26 @ }
Владимир Уйба пырӧдчис «Деловая Россия» ставроссияса ӧтйӧза организациялӧн форумӧ.
Мероприятие дырйи вӧлі Россияса Президент Владимир Путинкӧд веськыд йитӧд.
Форумлӧн пленарнӧй заседаниеыс Россия Федерацияса субъектъясса юралысьяслӧн да Веськӧдлан котыръясӧ пырысьяслӧн участвуйтӧмӧн вӧлі ода-кора тӧлысь 26 лунӧ видеоконференцсвязь пыр.
Форумлӧн медшӧр тема — политикаын да экономикаын выль условиеяс дырйи инвестиция циклсӧ вежӧм.
Участвуйтысьяс сёрнитісны уджалан климат бурмӧдӧм, инвестиция уджсӧ бурмӧданногъяс, вылыс технологияа производствояс лӧсьӧдӧм, аймуса предприятиеяслы оборудование да комплектующӧйяс дугдывтӧг вайӧмсӧ ладмӧдӧм, выль, тшӧтш и войтыркостса, кооперацияяс лӧсьӧдӧм.
Владимир Путин вӧзйис урчитны Россияын предпринимательяслӧн бур уджлы сиӧм пятилетка, кодлысь мероприятиеяссӧ веськӧдасны сы вылӧ, медым бурмӧдны уджалан да инвестиция климат, кыпӧдны экономика, выльмӧдны сылысь юкӧнъяссӧ, дасьтыны кадръясӧс, бурмӧдны уджсикасӧ велӧдӧмсӧ, лӧсьӧдны да пыртны канмуа-аспом уджъёртасян выль форматъяс.
Сідзжӧ канмуӧн юралысь пасйис, мый аймуса унджык бизнесменыс асланыс уджӧн петкӧдлісны, мый налӧн интересъясыс йитчӧмаӧсь буретш Россиякӧд.
Сійӧ кӧсйысис, мый канму водзӧ кутас чинтыны бизнес вылӧ административнӧй нагрузкасӧ.
Президентлӧн кывъяс серти, Россиялы оз ков йӧршитчыны сӧмын пытшкӧс рынок вылын, збыльвывса «аскиа рынокӧн» сійӧ шуис Азия, Африка, Маті Асыввыв да Латинскӧй Америка.
Президент тшӧктіс Россия Федерацияса министръяслы регыдъя кадӧ помӧдзыс видлавны бизнесын уголовнӧй оланпастэчас декриминализуйтӧм серти водзмӧстчӧмъяссӧ, а Стратегическӧй водзмӧстчӧмъяс агентстволы да «Деловая Россиялы» вӧзйис лӧсьӧдны бизнеслӧн социальнӧй капиталлысь стандарт да пыртны сэтчӧ асшӧр уджалысьяслы ышӧданторъяс.
Геополитическӧй сьӧкыдлунъяс да санкцияяс дырйи Коми Республикаса Веськӧдлан котыр лӧсьӧдіс да збыльмӧдӧ экономика зумыдмӧдӧм да сӧвмӧдӧм вылӧ веськӧдӧм мераяс.
Лӧсьӧдӧма Экономикалысь зумыдлунсӧ могмӧдӧм серти регионса штаб, коді ас кадӧ артмӧдӧ Коми Республикаын кризислы паныд политика.
2022 вося рака тӧлыссянь республикаын уджалӧ Суйӧрсайса тӧвар вежан шӧрин.
Предприятиеяслы отсалӧны корсьны сырьё вайысьясӧс.
Регионын бизнес нуӧдысь компанияяслысь логистика боксянь мытшӧдъяссӧ разьӧм могысь 2022 вося рака тӧлыссянь уджалӧ Логистика шӧрин.
Видлалӧма нин 61 шыӧдчӧм.
Торъя инвестиция контрактъяс серти овмӧс нуӧдысь субъектъяслӧн торъя категорияяслы сетӧны организацияяслӧн эмбур вылӧ вот да организацияяслӧн чуктӧс вылӧ вот серти вот кокньӧдъяс.
Гырысь инвестиция проектъяс збыльмӧдӧм могысь республикаын компанияяслы сетӧны кӧртымалӧмӧ канму либӧ муниципальнӧй эмбурӧ пырысь му участокъяс тӧргъяс нуӧдтӧг.
2022 вося ӧшым тӧлысьын Россиялӧн медводдза регионъяс лыдын республика кырымаліс пу обработайтан юкӧнын проект збыльмӧдӧм серти лэдзӧм сьӧм видзӧм да ышӧдӧм йылысь артмӧдчӧм.
Инвестируйтӧма 4,5 млрд шайт.
Регионын уджалӧ водзынджык сӧвмысь мутасысь, Россия Федерацияса Арктика зонаысь резидентъяслы вот перъян льготнӧй режим.
27 резиденткӧд кырымалісны Россияса Арктика зонаын инвестиция удж йылысь артмӧдчӧмъяс.
Видзӧма 6,9 млрд шайт мындаын инвестиция.
Коми Республикаын промышленносьт сӧвмӧдан регионса фонд сетӧ кокньӧдӧм заёмъяс.
2022 воын наӧн вӧдитчис 9 промышленнӧй предприятие.
Заёмӧ босьтӧм сьӧмлӧн ӧтувъя мындаыс — 194,6 млн шайт.
Вынсьӧдӧма выль уджтасъяс, кутшӧмъяс сетасны позянлун производительяслы вӧдитчыны кредитъяс сетан кокньӧдӧм условиеясӧн.
Сідзжӧ ичӧт да шӧр предпринимательство субъектъяслы сетсьӧ быдсикас отсӧг.
Тайӧ кокньӧдӧм вот ставкаяс, кокньӧдӧм лизинг, микрозаёмъяс, Коми Республикаса гарантия фондлӧн поручительствояс.
Регионса Веськӧдлан котыр отсаліс Коми Республикаса овмӧс нуӧдысь субъектъяслы босьтны отсӧг федеральнӧй сьӧмкудйысь.
Мерасӧ урчитӧма выль инвестиция проектъяс збыльмӧдігӧн инфраструктура объектъяс лӧсьӧдӧм вылӧ ӧтувъя рӧскодсӧ субсидируйтӧм вылӧ.
Выль инвестиция проектъяслӧн федеральнӧй лыддьӧгӧ пыртӧма обработайтан, видз-му овмӧс нуӧдан да оланін юкӧнъясын 12 проект, инвестицияяслӧн ӧтувъя мындаыс — 60 млрд шайт.
2022 воын овмӧс нуӧдысь 3 субъектлы сетӧма 32 млн шайт мындаын субсидия.
Коми Республикалы ошкӧма инфраструктура объектъяс лӧсьӧдӧм серти 4 проект збыльмӧдӧм вылӧ инфраструктурнӧй сьӧмкуд кредитъяс.
Ӧтувъя мындаыс — 3,4 млрд шайт.
Проектъяс збыльмӧдӧм серти 2025 воӧдз стрӧитасны транспорт, социальнӧй, инженернӧй инфраструктура.
Таысь кындзи, республикаса Веськӧдлан котыр заводитіс кыскыны федеральнӧй сьӧмкудйысь сьӧм — торъя казначейскӧй кредитъяс, кутшӧмъясӧс вичмӧдӧны котельнӧйяс да подвижнӧй состав вылӧ.
Сетӧма 3 млрд гӧгӧр шайт мында вылӧ 3 заявка.
«Коми Республикаса Веськӧдлан котыр водзӧ кутас лӧсьӧдны условиеяс, медым сӧвмӧдны регион, кыскыны сэтчӧ инвестицияяс.
Бизнескӧд ӧтув уджыс пыр кутас мунны ӧта-мӧд вӧсна кывкутӧмӧн, ӧта-мӧдлы восьсаӧн, эскӧмӧн да пыдди пуктӧмӧн», — тӧдчӧдіс Владимир Уйба.
{Kodko @ Владимир Уйба висьталіс Коми Республикаын предпринимательство йылысь @ выльтор @ https://rkomi.ru/news/2994 @ 2023-05-27 @ }
Владимир Уйба висьталіс Коми Республикаын предпринимательство йылысь.
Регионын 24,5 сюрс сайӧ ичӧт да шӧр бизнес субъект, кӧні уджалӧ республикаысь быд сизимӧд морт.
Сідзжӧ бура сӧвмӧ «ас вылӧ уджалысьяслӧн» институт.
2022 воӧ налӧн лыдыс воддза во серти содіс 1,5 пӧв.
Сӧвмӧны том йӧзлӧн да социальнӧй предпринимательство.
Регионса социальнӧй предприятиеяслӧн реестрӧ пырӧ республикаса 83 компания.
Ода-кора тӧлысь 26 лунӧ Россияса Президент Владимир Путин аддзысьліс «Деловая Россия» ставроссияса ӧтйӧза организацияӧ пырысьяскӧд. Найӧ видлалісны предпринимательство сӧвмӧдӧм серти юалӧмъяс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь чолӧмалӧ Пограничник лунӧн @ выльтор @ https://rkomi.ru/news/2995 @ 2023-05-28 @ }
Коми Республикаса Юралысь чолӧмалӧ Пограничник лунӧн.
«Пограничнӧй войскаса пыдди пуктана ветеранъяс да военнослужащӧйяс!
Став сьӧлӧмсянь чолӧмала Пограничник лунӧн!
Таво тырӧ 65 во, кыдзи страналысь мудоръяс видзысьяслӧн праздникыс официальнӧя пырис миян канмулӧн праздникъяс лыдӧ — 1958 воын СССР-са министръяслӧн Сӧвет примитіс Пограничник лун ода-кора тӧлысь 28 лунӧ пасйӧм йылысь шуӧм.
Ачыс службаыс уна нэмся нин.
Канму суйӧрса часӧвӧйяс кывкутӧмӧн пӧртӧны олӧмӧ ассьыныс могсӧ миян Чужан мулысь мудорсӧ видзӧм серти, дорйӧны сылысь безопасносьтсӧ да мездлунсӧ.
Пограничникъяс зэв повтӧмӧсь да збойӧсь, радейтӧны Чужан му да сьӧлӧмӧн сетчӧны воинскӧй моглы.
Миян республикаын пограничнӧй войскаса ветеранъяс кутчысьӧны службалӧн традицияясӧ, а сідзжӧ нуӧдӧны ыджыд ӧтувъя удж, велӧдӧны челядьӧс да том йӧзӧс радейтны Чужан му.
Аттьӧала Коми Республикаса пограничникъясӧс да сиа крепыд дзоньвидзалун, бура пӧртны олӧмӧ став могъясныдтӧ, шуд да семьяаныд тыр-бур олӧм!»
Коми Республикаса Юралысь Владимир Уйба.
{Kodko @ Владимир Уйба чолӧмаліс пограничникъясӧс да юӧртіс «Служу Отечеству» Трӧичалы сиӧм XVІІІ республиканскӧй военно-патриотическӧй слёт йылысь @ выльтор @ https://rkomi.ru/news/2996 @ 2023-05-28 @ }
Владимир Уйба чолӧмаліс пограничникъясӧс да юӧртіс «Служу Отечеству» Трӧичалы сиӧм XVІІІ республиканскӧй военно-патриотическӧй слёт йылысь.
Мероприятиесӧ нуӧдӧны талун, ода-кора тӧлысь 28 лунӧ, Вежа Степанлӧн Кафедральнӧй Соборлӧн изэрд вылын. Мероприятиесӧ сиӧма Вежа Трӧича гажлы, Коми муын Православнӧй епархия артмӧдӧмсянь 640 во тырӧмлы да Сталинград вӧсна тышын вермӧмсянь 80 во тырӧмлы.
Слётыс чукӧртіс 500 гӧгӧр пырӧдчысьӧс.
Тайӧ Сыктывкарысь, Ухтаысь, Усинскысь, Печораысь, Койгорт, Кулӧмдін, Мылдін, Изьва, Княжпогост районъясысь ныв-зон.
Слётӧ пырӧдчысьяс босьтасны унджык тӧдӧмлун миян страналӧн история да мывкыдлун йылысь, уськӧдасны тӧд вылӧ да бурмӧдасны медводдза медицина отсӧг сетӧм серти кужанлунъяссӧ, велӧдчасны, мый вӧчны неминуча дырйи, пырӧдчасны спортивнӧй ордйысьӧмъясӧ да, дерт жӧ, аддзасны выль ёртъясӧс да велаласны уджавны командаын да ӧтувтчыны вермӧм вӧсна.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Сыктывкарын нуӧдісны «Служу Отечеству» Трӧичалы сиӧм XVIII республиканскӧй военно-патриотическӧй слёт @ выльтор @ https://rkomi.ru/news/2997 @ 2023-05-28 @ }
Сыктывкарын нуӧдісны «Служу Отечеству» Трӧичалы сиӧм XVIII республиканскӧй военно-патриотическӧй слёт.
Мероприятиеыс вӧлі талун, ода-кора тӧлысь 28 лунӧ, Вежа Степанлӧн Кафедральнӧй Соборлӧн изэрд вылын. Слётсӧ сиӧма Вежа Трӧича гажлы, Коми муын Православнӧй епархия артмӧдӧмсянь 640 во тырӧмлы да Сталинград вӧсна тышын вермӧмсянь 80 во тырӧмлы.
Пырӧдчысьясӧс чолӧмаліс Коми Республикаса Юралысь Владимир Уйба.
«2023 воыс тшупӧда Россиялы да миянлы, — шыӧдчис пырӧдчысьяс дорӧ Коми Республикаса Юралысь. — Сталинград улын тышын вермӧмсянь тырис 80 во.
Тайӧ тышын жугӧдӧма фашистскӧй Германиялысь сюрса лысӧ, сӧветскӧй войтыр петкӧдліс зумыдлунсӧ фашизмкӧд тышкасигӧн.
Нӧшта ӧти вежтас — Коми муын православиелы 640 во.
Вежа Перымса Степан пыртіс православнӧй эскӧмсӧ Коми муӧ.
Пыдди пуктана пырӧдчысьяс, котыртысьяс, тайӧ зэв тӧдчана, медым ми да торйӧн нин миян челядь видзим традиционнӧй оласног.
Тайӧ миян православнӧй эскӧм, Енмӧ эскӧм, Енмӧс да бать-мамнымӧс пыдди пуктӧм, чужан Россиянымӧс да ичӧт чужанін Коми Республиканымӧс радейтӧм.
Буретш та вылӧ подуласьӧ Россиялӧн талунъя да аскиа луныс.
А Россиялӧн аскиа лун — тайӧ ті, слётӧ пырӧдчысьяс, а во дас мысти буретш ті кутанныд веськӧдлыны миян канмуӧн да республикаӧн.
abu
Регыд гожӧм, каникулъяс.
Сиа тіянлы бура коллявны тайӧ кадсӧ.
Но сідзжӧ кӧсъя, медым ті пыр кутінныд юраныд, мый уджтӧг олӧмын, велӧдчӧмын, спортын оз овлыны вермӧмъяс.
Удж — вермӧмлӧн подув.
Уджалӧй да шедӧдӧй вермӧмъяс.
Став бурсӧ тіянлы!».
Слётӧ пырӧдчисны 11–23 арӧса школьникъяс да студентъяс. Ставнас 500 гӧгӧр морт. Найӧ локтісны Сыктывкарысь, Ухтаысь, Усинскысь, Печораысь, Койгорт, Кулӧмдін, Мылдін, Изьва, Княжпогост районъясысь.
Тайӧ военно-патриотическӧй клубъясӧ, шӧринъясӧ, организацияясӧ пырысьяс, велӧдчысьяс, кадетъяс.
Ныв-зон петкӧдлісны тӧдӧмлунныссӧ темаяс серти «станцияяс» вылын: «Историческӧй», «Военно-патриотическӧй», «Виччысьтӧм лоӧмторъяс», «Спортивнӧй», «Медводдза отсӧг сетӧм», «Оланпас да пӧрадок», «Пӧжарысь видзчысьӧм».
Мероприятиелӧн мог — паськӧдны том йӧз пӧвстын духовнӧя, нравственнӧя да патриотическӧя быдтӧм-велӧдӧм да гражданскӧй кывкутӧм.
Котыртысьяс кутӧны лача, мый татшӧм слётъясыс содтасны республикаын военно-патриотическӧй клубъяслысь да шӧринъяслысь лыдсӧ, бурмӧдасны том йӧзӧс патриотическӧя быдтӧм-велӧдӧмсӧ да найӧс военнӧй служба дорӧ дасьтӧмсӧ.
Медшӧр котыртысьӧн лоис Сыктывкарса Епархия, котыртысьяс лыдын сідзжӧ — силӧвӧй да военнӧй ведомствояс, министерствояс да ӧтйӧза организацияяс.
Владимир Уйба аттьӧаліс найӧс мероприятиесӧ бура котыртӧмысь да челядьӧс патриотическӧя быдтӧм-велӧдӧмӧ зіля пырӧдчӧмысь.
{Kodko @ Комиын лӧддза-номъя тӧлысь 1 лунсянь пыртӧны дзескӧдӧмъяс 28 промышленнӧй объект вылын пилоттӧм сынӧда судноясӧн вӧдитчӧм вылӧ @ выльтор @ https://rkomi.ru/news/2998 @ 2023-05-29 @ }
Комиын лӧддза-номъя тӧлысь 1 лунсянь пыртӧны дзескӧдӧмъяс 28 промышленнӧй объект вылын пилоттӧм сынӧда судноясӧн вӧдитчӧм вылӧ.
Та йылысь Индӧд кырымаліс Коми Республикаса Юралысь Владимир Уйба.
Сы могысь, медым Коми Республикаын видзны ӧтйӧза пӧрадок да могмӧдны видзчысянлун, «Интер РАО — Электрогенерация» АК-лӧн, «Транснефть-Север» АК-лӧн да «Газпром трансгаз Ухта» ИКК-лӧн 28 промышленнӧй объект вылын оз позь вӧдитчыны пилоттӧм сынӧда судноясӧн.
Коми Республикаса Юралысьлӧн Индӧдлӧн выныс оз паськав пилоттӧм сынӧда суднояс вылӧ, кутшӧмъясӧн вӧдитчӧны федеральнӧй олӧмӧ пӧртысь власьт органъяс, налӧн мутас органъяс, Коми Республикаса канму власьт органъяс, Коми Республикаын меставывса асвеськӧдлан органъяс да налӧн ведомствоувса учреждениеяс да организацияяс, организацияяс, кодъяс могмӧдӧны топливно-энергетическӧй комплексса объектъяслысь уджсӧ, а сідзжӧ организацияяс да асшӧр уджалысьяс канму да (либӧ) муниципальнӧй контрактъяс наӧн збыльмӧдігӧн, велӧдан да наука организацияяс наӧн медшӧр удж сикас збыльмӧдігӧн.
{Kodko @ Владимир Уйба висьталіс Коми Республикаын йӧзкостса дружинникъяслӧн удж йылысь @ выльтор @ https://rkomi.ru/news/2999 @ 2023-05-29 @ }
Владимир Уйба висьталіс Коми Республикаын йӧзкостса дружинникъяслӧн удж йылысь.
Коми Республикаын лыддьыссьӧ 30 йӧзкостса дружина, сэтчӧ пырӧ 451 морт.
Дежуритігӧн найӧ отсалӧны эрдӧдавны инӧд торкалӧмъяс да отсасьӧны инӧд видзан органъяслы торкалысьясӧс кутігӧн.
Йӧзкостса дружинникъяс пуктӧны ыджыд пай республикаын ӧтйӧза пӧрадок могмӧдӧмӧ.
Коми Республикаын ӧтйӧза дружинникъяс босьтӧны социальнӧй отсӧг.
Торъя случайясын — тайӧ ӧтчыдысь сьӧм мынтӧмъяс.
Таысь кындзи, быд муниципалитет урчитӧ ассьыс отсӧг сетан мераяс, зільӧ ышӧдны сьӧмӧн йӧзкостса дружинникъясӧс.
Таво кык пӧв содӧма сьӧма премияыс «Коми Республикаса медбур йӧзкостса дружинник» ним вылӧ республиканскӧй конкурсын вермысьяслы.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Коми Республикаын «Айму дорйысьяс» фондлысь филиал восьтӧм йылысь @ выльтор @ https://rkomi.ru/news/3000 @ 2023-05-30 @ }
Владимир Уйба висьталіс Коми Республикаын «Айму дорйысьяс» фондлысь филиал восьтӧм йылысь.
СВО-ын участвуйтысьяслы отсӧг сетан канму фондлӧн филиал воссис талун, ода-кора тӧлысь 30 лунӧ, Сыктывкарын: Первомай улича, 11 керка.
Сійӧ заводитас уджавны лӧддза-номъя тӧлысь 1 лунсянь.
Фондлӧн медшӧр могыс — адреснӧя да быд боксянь отсавны торъя военнӧй операцияса ветеранъяслы, налӧн семьяяслы, а сідзжӧ пӧгибнитӧм боечьяслӧн семьяяслы.
Отсавны кутасны «ӧти ӧшинь» принцип серти.
СВО-ын участвуйтысьяс вермасны консультируйтчыны медицина, социальнӧй, юридическӧй отсӧг босьтан юалӧмъяс серти, налы отсаласны выльысь велӧдчыны да аддзыны удж.
Таысь кындзи, Фонд кутас разьны мытшӧдъяс санаторно-курортнӧя бурдӧдчӧм, реабилитируйтӧм, лекарствоӧн да медицина изделиеясӧн могмӧдӧм серти, кутшӧмъяс отсалӧны мортыслы бурдны, да медым сійӧ оліс сідзжӧ, кыдзи водзынсӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаын воссис «Айму дорйысьяс» фондлӧн регионса филиал @ выльтор @ https://rkomi.ru/news/3001 @ 2023-05-30 @ }
Коми Республикаын воссис «Айму дорйысьяс» фондлӧн регионса филиал.
Торъя военнӧй операцияын участвуйтысьяслы отсӧг сетан фондлӧн филиал воссис ода-кора тӧлысь 30 лунӧ.
Сійӧс восьтісны Первомай ул., 11 к. инпас серти.
Учреждениеыс заводитас уджавны лӧддза-номъя тӧлысь 1 лунсянь.
Тӧдчана лоӧмторйӧн республикаса олысьясӧс чолӧмалісны канму фондӧн веськӧдлысь Анна Цивилева да регионса Юралысь Владимир Уйба.
«Фонд лӧсьӧдӧм йылысь индӧд кырымалӧмсянь колис кык тӧлысьысь этшаджык.
Миян водзын мог, кодӧс миян странаын эз видлавлыны ӧтув.
Та понда ми тіянкӧд ӧтлаын лӧсьӧдім Россиялӧн быд регионын уджалӧм вылӧ инфраструктура да чукӧртім командаӧс, кодлы абу веськодь да коді видзӧ медшӧр донаторъяссӧ — веськыдлун, тӧждысьӧм, пыдди пуктӧм.
Миян удж — абу сӧмын адреснӧя отсалӧм.
Миянлы колӧ йӧз пӧвстын ӧзтыны ветеранъяс вӧсна пыдди пуктана сьӧлӧмкылӧмъяс», — тӧдчӧдіс фондӧн веськӧдлысь Анна Цивилева.
«Фондсӧ лӧсьӧдӧма миян Президент Владимир Владимирович Путинлӧн водзмӧстчӧм серти, медым миян зонъяс, торъя военнӧй операцияын участвуйтысьяс, налӧн семьяяс, СВО-ын пӧгибнитӧмаяслӧн семьяясӧ пырысьяс эз ветлӧдлыны быдсикас канму учреждениеясті, ведомствоясті, а тані ӧти местаын ӧтчыдысь пыравлӧмӧн вермисны разьны ассьыныс став мытшӧдсӧ.
Торъя координаторъяс, республикаса став министерствоӧн, ведомствоӧн юрнуӧдысьяс, коді сійӧ либӧ мӧд ногӧн тӧждысьӧ тайӧ шӧрин вӧсна, кутасны ӧтув уджавны, сетны став юалӧм вылӧ стӧч вочакыв.
abu
Социальнӧй координаторлы колӧ лоны быдторсӧ кужысьӧн да та дырйи бура тӧдны ассьыс уджсӧ.
Йӧз, кодъяс кутасны татчӧ волыны, — тайӧ йӧз, кодъяс пӧртісны олӧмӧ гражданскӧй, воинскӧй мог, тайӧ семьяяс, кодъяс виччысисны да кевмысисны асланыс воинъяс вӧсна.
Тайӧ йӧзыслы колӧ сетны вочакыв быд юалӧм вылӧ, на вӧсна колӧ морт ногӧн, сьӧлӧмсянь тӧждысьны.
Тӧда, мый тані зільысь уджъёртъяс лӧсьӧдасны татшӧм атмосферасӧ», — тӧдчӧдіс Коми Республикаса Юралысь Владимир Уйба.
Сідзжӧ Коми Республикаса Юралысь аттьӧаліс «Сбербанк» ПАК да правлениеӧн веськӧдлысь Герман Грефӧс сыысь, мый сійӧ ӧдйӧ да дон босьттӧг сетіс Коми Республикалы Фондса филиал улӧ зданиесӧ.
Фондса филиаллӧн могъяс лыдын — отсавны босьтны став колана отсӧг сетан мерасӧ, сы лыдын медицина да социальнӧй реабилитация, лекарствоясӧн могмӧдӧм, психология боксянь отсӧг, реабилитируйтан техническӧй средствояс да санаторно-курортнӧя бурдӧдчӧм.
Сідзжӧ фондыс кутас отсавны выльысь велӧдны ветеранъясӧс да корсьны налы удж, отсавны разьны бытӧвӧй мытшӧдъяс.
Кор ковмас, фондлӧн тӧждувса йӧзлы котыртасны найӧс дыр кадся дӧзьӧритӧм да вермытӧмъяслӧн коланлунъяс улӧ олан жыръяс лӧсьӧдӧм.
Сідзжӧ фондыс кутас уджавны СВО-са ветеранъясӧс ӧтйӧза проектъясӧ кыскӧм серти, кутшӧмъясӧс веськӧдӧма гражданаӧс чужан му пыдди пуктыны велӧдӧм, россияса духовно-нравственнӧй донаторъяс видзӧм вылӧ, медым йӧз паметьын эз вушйы Аймулӧн историяыс.
Таысь кындзи, «Айму дорйысьяс» фондыс кутас отсасьны абу коммерческӧй да волонтёрскӧй организацияяслы, кодъяс отсасьӧны СВО-са ветеранъяслы да налӧн семьяяслы.
Филиалын уджалӧм вылӧ дасьтісны 25 социальнӧй координаторӧс, кодъяс кутасны адреснӧя отсасьны торъя военнӧй операцияса ветеранъяслы да пӧгибнитӧмаяслӧн семьяяслы став юалӧм серти.
«Айму дорйысьяс» фондлӧн Коми Республикаын филиалӧн веськӧдлӧ Денис Коюшев.
«Лӧддза-номъя тӧлысь 1 лунсянь нин социальнӧй координаторъяс заводитасны уджавны «ӧти ӧшинь режимын».
Эска, мый фондлӧн уджыс отсалас локтӧм боечьяслы пырӧдчыны мирнӧй олӧмӧ, аддзыны асьныссӧ став сьӧкыдлун вылӧ видзӧдтӧг.
Ми став выннымӧс сетам, медым збыльмӧдны Фонд водзын сулалысь могъяссӧ вывті бура да СВО-ын участвуйтысьяслы да пӧгибнитӧмаяслӧн семьяяслы пӧльза вайӧмӧн», — шуис Денис Коюшев.
Кыпыда восьтан церемония бӧрын мероприятиеӧ пырӧдчысьяслы нуӧдісны фондса филиалті экскурсия да тӧдмӧдісны найӧс фондлӧн уджӧн.
«Айму дорйысьяс» фондса филиаллӧн инпас: Сыктывкар, Первомай ул., 11 к.
Телефон: +78212286445.
Казьтыштам, Россияса Президент Владимир Путин 2023 вося косму тӧлысь 3 лунӧ кырымаліс «Айму дорйысьяс» торъя военнӧй операцияын участвуйтысьяслы отсӧг сетан канму фонд лӧсьӧдӧм йылысь Индӧд.
Фондлӧн медшӧр мог — социальнӧя отсавны СВО-са быд ветеранлы да отсавны босьтны отсӧг сетан став колана мерасӧ, кытчӧ пырӧны медицина да социальнӧй реабилитация, лекарствоясӧн могмӧдӧм, психология боксянь отсӧг, реабилитируйтан техническӧй средствояс да санаторно-курортнӧя бурдӧдчӧм.
Сідзжӧ фондыс кутас отсавны выльысь велӧдчыны ветеранъяслы да корсьны налы удж.
Тӧжд улӧ босьтӧм быд мортлы фонд дасьтас социальнӧй координаторъясӧс, кодъяс кутасны отсавны Айму дорйысьяслы став артмӧм юалӧм кузя.
Фондлӧн наблюдательнӧй сӧветӧн веськӧдлӧ РФ Президентлӧн Администрацияӧн Юрнуӧдысьӧс Медводдза вежысь Сергей Кириенко.
Фондлӧн Наблюдательнӧй сӧветӧ сідзжӧ пырисны федеральнӧй министерствоясӧн да ведомствоясӧн юрнуӧдысьяс, ӧтйӧза да ветеранъяслысь организацияясӧс петкӧдлысьяс, военнӧй корреспондентъяс да журналистъяс.
{Kodko @ Владимир Уйба тшӧктіс Коми Республикаса Веськӧдлан котырлы дасьтыны «Арктикаса гектар» уджтас бурмӧдӧм серти вӧзйӧмъяс @ выльтор @ https://rkomi.ru/news/3002 @ 2023-05-31 @ }
Владимир Уйба тшӧктіс Коми Республикаса Веськӧдлан котырлы дасьтыны «Арктикаса гектар» уджтас бурмӧдӧм серти вӧзйӧмъяс.
Арктика зона сӧвмӧдӧм йылысь юалӧмъяссӧ видлалісны ода-кора тӧлысь 30 лунӧ Коми Республикаса Юралысь бердын стратегическӧя веськӧдлӧм серти координационнӧй сӧветлӧн заседание вылын.
«Экономика сӧвмӧдігӧн ми, дерт, уджалам и республикаса арктическӧй муниципалитетъясын социальнӧй юкӧн, транспортлӧн судзсянлун, олӧм вылӧ бур гӧгӧртас лӧсьӧдӧм серти.
Ӧд бур оласног — подув, медым олысьяс, торйӧн нин том йӧз, йитісны олӧмныссӧ чужан республикакӧд», — пасйис Коми Республикаса Юралысь Владимир Уйба.
Россияса Арктика зоналӧн сухопутнӧй юкӧнӧ пырӧ Коми Республикаын нёль муниципалитет — Воркута, Инта, Усинск да Чилимдін район.
Найӧс сӧвмӧдӧм вылӧ веськӧдӧм проектъяссӧ да мероприятиеяссӧ пыртӧма 2021–2026 вояс вылӧ Коми Республикалысь экономика диверсифицируйтӧм серти мероприятиеяслӧн планӧ, Коми Республикалысь экономика бурмӧдан шӧринъяс социальнӧя сӧвмӧдан планӧ.
Таысь кындзи регионса Туризм сӧвмӧдан концепцияын, коді ӧні дасьтан выйын, торъя юкӧн сиасны Арктикаын туризм сӧвмӧдӧмлы.
Коми Республикаса Арктика зоналӧн резидентъяс вермӧны вӧдитчыны федеральнӧй, регионса да меставывса кокньӧдъясӧн.
Федеральнӧй тшупӧдын тайӧ чуктӧс вылӧ вот мынтӧмысь 10 во кежлӧ мездӧм, мупытшса озырлун перйӧм вылӧ вот чинтӧм, страхуйтан взносъяс мынтӧм серти рӧскод вештӧм, банкса кредитъяс вылӧ ичӧт прӧчент ставка.
Регион тшупӧдын — республикаса сьӧмкудйӧ чуктӧс вылӧ вот чинтӧм, организацияяслӧн эмбур вылӧ вот мынтӧмысь мездӧм, кокньӧдӧм вот перъян система серти чинтӧм ставкаяс.
Муниципалитетъяс мездӧны резидентъясӧс му вылӧ вот мынтӧмысь.
Россияса Арктика зоналӧн Инвестиция порталын пасйӧма мупытшса озырлун перъян, переработайтан, транспорт, видз-му овмӧс, социальнӧй юкӧнын 89 проект.
Индӧм инвестицияяслӧн ӧтувъя йӧрышыс 6,9 млрд шайт, планъясын лӧсьӧдны 1761 выль уджалан места.
Тайӧ заявкаясысь Воркутаса, Усинскса да Интаса 27 предприятие босьтісны резидентлысь статус, медводз, тайӧ ичӧт да шӧр предпринимательство субъектъяс.
2023 воӧ кырымаласны нӧшта 8 резиденткӧд артмӧдчӧмъяс. Найӧ кӧсйӧны инвестируйтны 42 млн шайт да лӧсьӧдны стрӧитчан, медицина, туризм, видз-му овмӧс да сёян-юан промышленносьт юкӧнъясын 100 гӧгӧр выль уджалан места.
2023 во заводитчигкежлӧ регионса экономикаӧ инвестируйтӧма 320 млн шайт, лӧсьӧдӧма 154 выль уджалан места, 9 резидент восьтіс производство.
Интаын кӧсйӧны вӧчны кальцийлысь карбид да ферросплавъяс, сӧвмӧдӧны видз-му овмӧслысь выль сикасъяс.
Воркутаын восьтӧма йӧзӧс ӧтув верданінъяс, пу вӧчасъясӧн вузасянінъяс, шыбласъяс бырӧдан пункт.
Усинскын стрӧитӧма дзоньталан-механическӧй мастерскӧйяс.
Экономика диверсифицируйтан план збыльмӧдӧм серти Интаын кӧсйӧны перйыны мусир да биару, дзоньтавны железобетоннӧй изделиеяс вӧчан завод.
Воркутаын — перйыны зарни да минеральнӧй сырьё, переработайтны породнӧй да пӧима отвалъяс, перйыны баритӧвӧй рудаяс.
Усинскын — стрӧитны технопарк, Чилимдін районын — стрӧитны горно-металлургическӧй комплекс, а сідзжӧ скӧт видзан фермаяс.
Коми Республикаса Арктика зонаын сідзжӧ збыльмӧдӧны странаса гырысь промышленнӧй да ресурсъяс перъян предприятиеяс отсӧгӧн инвестиция проектъяс.
Перйӧны Усинскса куйлӧдын пермокарбон.
Воркутаын водзӧ сӧвмӧдӧны из шом перъян производствояс.
Пижмаса куйлӧдысь титан да кварц перйӧм да национальнӧй горнопромышленнӧй кластер лӧсьӧдӧм лоасны Арктика зонаын ӧтувъя мегапроектлӧн юкӧнӧн, кытчӧ пырӧ Индига порт да «Сосногорск-Индига» кӧрт туй стрӧитӧм.
Кӧрт туй магистральыс сетас выль маршрут войтыркостса товарно-сырьевӧй рынокъяс вылӧ.
Владимир Уйбалӧн тшӧктӧм серти, Коми Республикаса экономика сӧвмӧдан министерство котыртіс проектводзса документация дасьтӧм да кӧрт туй участокъяс резервируйтӧм серти удж.
Матысса кадӧ министерство удж серти аддзысьлас компания-инвесторӧс петкӧдлысьяскӧд, медым сӧгласуйтны проектлысь туй картасӧ.
Арктика зонаын бур олӧм могмӧдӧм вылӧ инфраструктура лӧсьӧдӧм могысь Коми Республикаса Веськӧдлан котыр кыскас федеральнӧй сьӧмкудйысь сьӧм «Ӧтувъя арктическӧй субсидия» серти.
2022 воӧ регион босьтіс 772 млн шайт аэродромнӧй да пӧжар кусӧдан техника, автобусъяс, коммунальнӧй да лым весалан техника ньӧбӧм, автомашина туйяс дзоньталӧм да ФАП стрӧитӧм вылӧ.
Та мында выль техникасӧ республикаӧ эз вайлыны уна во нин.
2023 вося йирым тӧлысьӧдз Воркутаса, Усинскса, Интаса да Чилимдінса больничаясӧ ваясны да пыртасны уджӧ дона да мобильнӧй оборудование, медым сетны йӧзлы бур медицина отсӧг, тшӧтш и ылі да сьӧкыда воӧдчан сикт-грездъясын.
Федеральнӧй сьӧмкудйысь ставнас вичмӧдӧма 259,4 млн шайт.
Таысь кындзи, Коми Республикаса Арктика зонаын выльмӧдӧны велӧдчанінъяслысь материально-техническӧй базасӧ, кӧсйӧны восьтыны «Точка роста» шӧринъяс, сӧвмӧдны туризм маршрутъяс, стрӧитӧны социальнӧй, транспорт, инженернӧй инфраструктура, бурмӧдӧны-мичмӧдӧны мутасъяс, а сідзжӧ ӧнъяӧдӧны коммунальнӧй инфраструктура, оланін фонд.
Сы лыдын збыльмӧдӧны гражданаӧс аварийнӧй оланін фондысь мӧдлаӧ овмӧдан уджтас.
Воркута кындзи став муниципалитетын тайӧ юалӧмсӧ разьӧма.
Воркутаын аварийнӧй керкаясысь олысьяссӧ мӧдлаӧ овмӧдасны 2023 во помӧдз.
59 гражданин виччысьӧ выль патера.
Налы стрӧитасны пу конструкцияясысь керка.
«Буретш Воркутаын ми кӧсъям кыпӧдны медводдза пу керка, медым овмӧдны сэтчӧ гражданаӧс аварийнӧй оланінъясысь.
Тайӧ ыджыд воськов.
Тайӧ тані вӧчӧмтор, ми огӧ мӧдӧдӧй пӧвъяссӧ суйӧр сайӧ, а кыпӧдам наысь керка ас му вылын.
Ми вӧдитчам ас вӧрӧн, мынтысям уджысь асланым стрӧитчысьяслы, артмӧ, ми колям став сьӧмсӧ республикаӧ.
Стрӧитчигӧн ми вӧдитчам выль технологияясӧн, медым видзны пусӧ температура вежласьӧмысь. Та дырйи ми стрӧитам экология боксянь сӧстӧм оланінъяс», — тӧдчӧдіс Владимир Уйба.
2021 восянь Коми Республикаын уджалӧ «Россия Федерацияса Арктика зонаын гектар» уджтас.
Россия Федерацияса быд гражданин вермас босьтны 5 во кежлӧ 1 гектарысь абу паськыдджык му участок, а сэсся, колана ногӧн вӧдитчан кӧ сыӧн, оформитны ас вылӧ либӧ дыр кад кежлӧ кӧртымӧ.
Участокъяссӧ сетӧны ас керка лэптӧм, овмӧс нуӧдӧм, оланпасӧн лэдзӧм удж вӧчӧм, услугаяс, тшӧтш и туристическӧй, сетӧм вылӧ.
Тайӧ могъяс вылӧ Воркутаын, Интаын, Усинскын да Чилимдін районын вичмӧдӧма 59 мутас, ставнас 3 сюрс га.
Уджтасӧ пырӧдчӧм вылӧ воис 74 заявление, на лыдын 9 коллективнӧй.
Кырымалӧма водзӧстӧг вӧдитчӧм йылысь 34 сёрнитчӧм.
Граждана кӧсйӧны стрӧитны ас керкаяс, нуӧдны ас овмӧс, быдтыны град выв пуктасъяс да лӧсьӧдны садъяс, рӧдмӧдны чери, быдтыны бурдӧдчан быдмӧгъяс да дзоридзьяс, котыртны йӧзлысь прӧст кад коллялӧмсӧ, лӧсьӧдны спорт площадкаяс, спорт базаяс.
«Сы могысь, медым гӧгӧрвоны, уджалӧ-ӧ тайӧ механизмыс, колӧ аслыд пырӧдчыны тайӧ уджӧ.
Оформитны 5 во мысти арктикаса гектарсӧ ас выланыд позьӧ сӧмын сэк, кор ті тайӧ муын мыйкӧ вӧчинныд.
Шуам, медым стрӧитны арктикаса гектар вылын керка да босьтны сійӧс кыпӧдӧм вылӧ кредит, мед кӧ и чинтӧм прӧчент ставкаӧн, колӧ сетны залогӧ банклы уна сьӧм вылӧ ассьыд эмбуртӧ.
Коми Республикаын оз быдӧн вермы тадз вӧчны.
Федеральнӧй шӧринӧдз колӧ сетны юӧр ӧнія механизмлӧн тырмытӧмторъяс йылысь, медым ӧтув уджавны практическӧй инструментъяс серти, бурмӧдны механизмлысь уджсӧ», — пасйис Коми Республикаса Юралысь.
Владимир Уйба тшӧктіс регионса Веськӧдлан котырлы аддзысьлыны арктикаса гектар босьтысьяскӧд, медым уджавны проектсӧ збыльмӧдігӧн артман мытшӧдъяс серти.
Аддзысьлӧм бӧрын Коми Республикаса Веськӧдлан котыр лӧсьӧдас нормативнӧй инӧда база бурмӧдӧм серти вӧзйӧмъяс, кутшӧмъяс ладмӧдасны уджтасӧ пырӧдчысьяслы арктикаса гектар да преференцияяс сетӧмсӧ.
{Kodko @ Коми Республикаса Веськӧдлан котырӧн Юрнуӧдысьӧс вежысь Антон Виноградов босьтчас инвестиция уджӧ @ выльтор @ https://rkomi.ru/news/3003 @ 2023-05-31 @ }
Коми Республикаса Веськӧдлан котырӧн Юрнуӧдысьӧс вежысь Антон Виноградов босьтчас инвестиция уджӧ.
Выль вице-премьеркӧд тӧдмӧдіс Коми Республикаса Юралысь Владимир Уйба регионса Веськӧдлан котырын быд вежонся оперативнӧй сӧвещание дырйи.
Антон Виноградов кутас курируйтны инвестиция удж.
«Миян зэв уна уджыс Коми Республикаса экономика диверсифицируйтан план серти.
Миянлы колӧ кыскыны 150 миллиард гӧгӧр шайт да лӧсьӧдны 6000 сюрс гӧгӧр уджалан места.
Та вӧсна Антон Ивановичлӧн могыс 2024 во помӧдз Веськӧдлан котыркӧд ӧтув вайӧдны тайӧ петкӧдлассӧ 100%-ӧдз», — гӧгӧрвоӧдіс Владимир Уйба.
Коми Республикаса Юралысь тӧдчӧдіс, мый Антон Виноградовлӧн эм ыджыд опыт, да Бурятияса Веськӧдлан котырын уджалігӧн сійӧ кыскис регионӧ150 миллиард гӧгӧр шайт.
Казьтыштам, Коми Республикаса экономика диверсифицируйтан планӧ, кутшӧмӧс ошкӧма федеральнӧй Веськӧдлан котыр да веськӧдӧма медводз абу из шом перъян отрасльяс сӧвмӧдӧм вылӧ, пырӧ 50 инвестпроект.
Медся гырысь проектъяс лыдын — Чилимдін районын Пижмаса титанӧвӧй куйлӧдын титанӧвӧй рудаяс да кварцевӧй лыаяс переработайтан горно-металлургическӧй комплекс стрӧитӧм.
Коми Республика кырымаліс национальнӧй горнопромышленнӧй кластер лӧсьӧдігӧн Россия Федерацияса Арктика зонаын Сосногорск — Индига кӧрт туй да Индига саридзса джуджыд порт стрӧитӧм серти ёртасьӧм йылысь артмӧдчӧм.
Документсӧ кырымалісны НАО, Коми Республика, «Руститан» КГ, «Аеон» да «ИнфраВЭБ» корпорацияяс.
Проектсӧ кӧсйӧны збыльмӧдны Комиын да Ненеч асвеськӧдлан кытшын.
{Kodko @ Владимир Уйба висьталіс Приуральскӧй посёлокын школа-сад да Озёрнӧй посёлокын детсад стрӧитӧм йылысь @ выльтор @ https://rkomi.ru/news/3004 @ 2023-05-31 @ }
Владимир Уйба висьталіс Приуральскӧй посёлокын школа-сад да Озёрнӧй посёлокын детсад стрӧитӧм йылысь.
2021 воын Мылдін районса Приуральскӧй посёлокын олысьяскӧд аддзысьлігӧн Коми Республикаса Юралысь тшӧктіс регионса Веськӧдлан котырлы видлавны школа-сад стрӧитӧм йылысь юалӧмсӧ.
2009 воын школалӧн шӧр зданиеыс сотчис, ӧні челядьыс велӧдчӧны кык судтаа стрӧйбаын.
Коми Республикаса велӧдан да наука министерство дасьтіс объект стрӧитӧм серти техническӧй заданиелысь проект.
Стрӧитчӧм улӧ мусӧ бӧрйӧма нин.
Регионса Стрӧитчан министерствоӧ да Коми Республикаса ӧтувъя заказчиклӧн службаӧ ыстӧма школа проектируйтӧм вылӧ техническӧй задание дасьтӧм йылысь юӧр.
Стрӧитны кутасны Коми Республикаса адреснӧй инвестиция уджтас серти.
Проектнӧй документъяс дасьтӧм вылӧ сьӧмсӧ урчитӧма республиканскӧй сьӧмкудйын.
Печора районса Озёрнӧй посёлокын заводитісны нин стрӧитны детсадсӧ «ЛУКОЙЛ» компаниякӧд социальнӧй уджъёртасьӧм серти.
2024 воын, бурмӧдан-мичмӧдан уджъяс помалӧм бӧрын, выль детсад восьтас челядьлы ӧдзӧсъяссӧ.
Объектсӧ стрӧитны шуисны 2020 воын Печора районӧ Владимир Уйбалӧн удж серти ветлӧм бӧрын.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ СВО-ын участвуйтысьяслы гуманитарнӧй отсӧг сетӧмӧ Комилысь пуктӧм пайсӧ бура донъялісны федеральнӧй тшупӧдын @ выльтор @ https://rkomi.ru/news/3005 @ 2023-05-31 @ }
СВО-ын участвуйтысьяслы гуманитарнӧй отсӧг сетӧмӧ Комилысь пуктӧм пайсӧ бура донъялісны федеральнӧй тшупӧдын.
Коми Республика зіля босьтчис чукӧртны торъя военнӧй операцияын участвуйтысьяслы гуманитарнӧй отсӧг.
Айму дорйысьяслы отсавны локтісны предприятиеяс да организацияяс, партийнӧй да ӧтйӧза ӧтувъяс, республикаса став кар-районысь зіль да сьӧлӧма йӧз.
Регионса Веськӧдлан котырӧн Юрнуӧдысьӧс вежысь Лариса Карачёва сетіс Федеральнӧй казначействолӧн Коми Республикаын веськӧдланінӧн юрнуӧдысь Любовь Честновалы Коми Республикаса Юралысь Владимир Уйбасянь да Ставроссияса народнӧй фронтлӧн Исполкомӧн Юрнуӧдысь Михаил Кузнецовсянь аттьӧалана письмӧяс.
Кыдзи пасйис Лариса Карачёва, Ставроссияса народнӧй фронтлӧн линия кузя да «Единая Россия» партиялӧн линия кузя Комиысь торъя военнӧй операция нуӧданінӧ вӧлі ыстӧма 300 тоннаысь унджык гуманитарнӧй груз.
«Народный фронт. Всё для победы!» проектӧ ыджыд пай пуктісны Федеральнӧй казначействолӧн Коми Республикаын веськӧдланінса уджалысьяс.
Найӧ ысталісны СВО-ын участвуйтысьяслы сёян-юан, медикаментъяс, термобельё комплектъяс, стрӧитчан инструментъяс.
Челядь дасьтісны серпасъяс да письмӧяс, кӧні сиисны боечьяслы крепыд ловру да ӧдйӧджык локны гортӧ.
Сідзжӧ Федеральнӧй казначействолӧн Коми Республикаын веськӧдланін ыстіс гуманитарнӧй отсӧг ЛНР-са да ДНР са народнӧй милициялы да мирнӧй олысьяслы.
– Ӧні став миян канму ӧтувтчис, медым отсасьны торъя военнӧй операцияын участвуйтысьяслы.
Ті энӧ кольччӧй бокӧ, чукӧртанныд да тшӧкыда ысталанныд воинъяслы сёян-юан, медикаментъяс, паськӧм да экипировкалысь элементъяс, оборудование.
Миян дорйысьяс кылӧны отсӧгсӧ, и тайӧ налы зэв колана.
Коми Республикаса Юралысь Владимир Викторович Уйбалӧн да регионса Веськӧдлан котыр нимсянь шуа тіянлы ыджыд аттьӧ бур сьӧлӧмысь да тӧждысьӧмысь, — шыӧдчис Федеральнӧй казначействолӧн Коми Республикаын веськӧдланінса юрнуӧдысьяс да специалистъяс дорӧ регионса Веськӧдлан котырӧн Юрнуӧдысьӧс вежысь.
Аттьӧалана кывъясӧн Федеральнӧй казначействолӧн Коми Республикаын веськӧдланінса уджалысьяс дорӧ шыӧдчис Народнӧй фронтлӧн регионса исполкомӧн юрнуӧдысь Андрей Мишарин:
- Миян зонъяс тышкасянінын да ӧні зэв ёна виччысьӧны отсӧг чужан республикасянь.
Коми Республикаса Юралысь Владимир Викторович Уйба пуктӧ став вынсӧ, медым гуманитарнӧй отсӧгсӧ ыстісны системнӧя.
Юралысь ачыс тшӧтш отсасьӧ налы и та вӧсна тайӧ отсӧг сетӧмыс оз дугӧдчывлы.
Ми аттьӧалам Юралысьӧс, Федеральнӧй казначействолӧн Коми Республикаын веськӧдланінса уджалысьясӧс, республикаын олысьясӧс миян зонъяслы пыр сетан отсӧгысь.
Найӧ ӧні гӧгӧрвоӧны «Своих не бросаем!» девизлысь вежӧртассӧ.
Тайӧ отсалӧ налы кутчысьны да эскыны, мый регыдъя кадӧ бӧр воасны Чужан муӧ.
{Kodko @ Коми Республикаса Юралысь чолӧмалӧ Челядьӧс доръян войтыркостса лунӧн @ выльтор @ https://rkomi.ru/news/3006 @ 2023-06-01 @ }
Коми Республикаса Юралысь чолӧмалӧ Челядьӧс доръян войтыркостса лунӧн.
«Коми Республикаса пыдди пуктана олысьяс!
Сьӧлӧмсянь чолӧмала тіянӧс шань да югыд гажӧн — Челядьӧс доръян войтыркостса лунӧн!
Став бать-мам кӧсйӧны, медым налӧн пиныслӧн либӧ нылыслӧн олӧмыс вӧлі шуда да тыр-бур, медым найӧ босьтісны бур тӧдӧмлунъяс да аддзисны асьныссӧ олӧманыс.
Канму тшӧтш пуктӧ ас водзас мог вӧчны быд кагаӧс шудаӧн, лӧсьӧдны условиеяс, медым сылӧн енбиыс бура сӧвмис.
Та могысь нуӧдӧны ыджыд удж выль социальнӧй объектъяс стрӧитӧм, челядя семьяяслы отсалан мераяс содтӧм серти.
Челядьдыр — зэв югыд кад, мый йылысь казьтылӧмъясыс вӧчӧны мортсӧ шудаӧн уна во вылӧ.
Миянлы, верстьӧ йӧзлы, колӧ вочны ставсӧ, медым челядьным кылісны миянлысь тӧждлунсӧ да муслунсӧ на дорӧ, медым гӧгӧрвоисны, мый ми найӧс ёна радейтам да пыдди пуктам, колӧ вӧчны найӧс шудаӧн быд лун да быд здук.
Дона ёртъяс!
Мед локтӧм гожӧмыс ваяс ставныдлы сӧмын долыд сьӧлӧмкылӧмъяс да лӧсьыда шойччӧм, мед олӧмыс козьналас тіянлы шуда здукъяс.
Крепыд дзоньвидзалун, гӧгӧрвоӧй ӧта-мӧдныдтӧ да мед став кӧсйӧмныд збыльмис!»
Коми Республикаса Юралысь Владимир Уйба.
{Kodko @ Владимир Уйба примитіс гражданаӧс ас сёрниӧн @ выльтор @ https://rkomi.ru/news/3007 @ 2023-06-01 @ }
Владимир Уйба примитіс гражданаӧс ас сёрниӧн.
Йӧзӧс ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяссӧ решитӧм могысь, кутшӧмъясӧн регионса олысьяс шыӧдчисны Владимир Уйба дорӧ.
Тайӧ тшӧктӧмъяссӧ олӧмӧ пӧртӧм бӧрся видзӧдӧ Коми Республикаса Юралысь.
{Kodko @ Владимир Уйба чолӧмаліс республикаса олысьясӧс Челядьӧс доръян войтыркостса лунӧн да аттьӧаліс бурмӧдан-мичмӧдан объектъяс вӧсна онлайн-гӧлӧсуйтӧмӧ пырӧдчӧмысь @ выльтор @ https://rkomi.ru/news/3008 @ 2023-06-01 @ }
Владимир Уйба чолӧмаліс республикаса олысьясӧс Челядьӧс доръян войтыркостса лунӧн да аттьӧаліс бурмӧдан-мичмӧдан объектъяс вӧсна онлайн-гӧлӧсуйтӧмӧ пырӧдчӧмысь.
Ода-кора тӧлысь 31 лунӧ помассис объектъяс да мутасъяс вӧсна, кодъясӧс бурмӧдасны-мичмӧдасны 2024 воын, онлайн-гӧлӧсуйтӧм.
Коми Республикаын, водзвыв лыддьӧм серти, гӧлӧсуйтіс 60 сюрсысь унджык морт.
Гӧлӧсуйтӧмыс нуӧдсьӧ «Оланін да карса гӧгӧртас» национальнӧй проектлӧн «Карын бур гӧгӧртас лӧсьӧдӧм» федеральнӧй проект серти.
Коми Республикаын олысьяслӧн бӧрйӧм вылӧ вӧлі вӧзйӧма 35 мутас да 5 дизайн-проект, кутшӧмъясӧс бӧрйисны водзджык.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба воліс Коми Республикаса Енбиа челядьлы лицейӧ @ выльтор @ https://rkomi.ru/news/3009 @ 2023-06-01 @ }
Владимир Уйба воліс Коми Республикаса Енбиа челядьлы лицейӧ.
Регионса Юралысь тӧдмасис велӧдан учреждениелӧн уджӧн да Челядьӧс доръян войтыркостса лун кузя аддзысьліс велӧдчысьяскӧд да педагогъяскӧд.
«Талун ми тырвыйӧ гӧгӧрвоам тайӧ гажыслысь вежӧртассӧ.
Сійӧ гӧгӧрвосьӧ дзик выль ног.
Збыль, челядьӧс колӧ дорйыны.
Эмӧсь йӧз, кодъяс вермӧны вӧчны кагаыслы лёктор, но тадзсӧ не должен лоны.
И сійӧ жӧ кадӧ Челядьӧс доръян войтыркостса лун — зэв мича, долыд гаж.
Бать-мамлы кага — тайӧ ыджыд шуд.
Ме чолӧмала став челядьӧс праздникӧн!
Сідзжӧ чолӧмала став педагогсӧ, ӧд челядь тіян олӧмын босьтӧны тӧдчана места, а быд кагалӧн олӧмыс оз вермы лоны туйдысь-велӧдысьтӧг.
Весиг школа, лицей помалӧм бӧрын велӧдчысьяс да велӧдысьяс костын йитӧдыс кольӧ пыр кежлӧ», — пасйис Владимир Уйба.
Коми Республикаса Юралысь аттьӧаліс велӧдысьясӧс, а сідзжӧ ставныссӧ, коді аслас уджӧн отсалӧ республикаса челядьлы сӧвмӧдны енбисӧ.
Сідзжӧ Владимир Уйба пасйис россияса воинъяслысь повтӧмлунсӧ, кодъяс торъя военнӧй операция дырйи дорйӧны Чужан мунымӧс да тышкасьӧны россияса став челядьлӧн аскиа лун вӧсна.
«Сьӧлӧмсянь кӧсъя, медым ми кыдз позьӧ ӧдйӧджык вермим сійӧ йӧзсӧ, кодъяс вермӧны ӧбӧдитны кагаӧс.
И мед миян дорйысьяс воисны ловйӧн да дзоньвидзаӧн.
Дерт, эмӧсь воштӧмъяс.
Миян тіянкӧд мог — казьтывлыны найӧс, кодъяс сетісны ассьыныс олӧмсӧ Чужан му да миян вӧсна, сідзжӧ, кыдзи ми казьтывлам миянлысь пӧльясӧс, кодъяс повтӧг тышкасисны Айму вӧсна Ыджыд тыш дырйи», — шыӧдчис лицейын велӧдчысьяс дорӧ Коми Республикаса Юралысь.
Сёрнитігӧн лицейын велӧдчысьяс юасисны Владимир Уйбалысь, кутшӧмӧн вӧлі сылӧн школадырся олӧмыс, кутшӧм предметъяс да ворсӧмъяс сійӧ радейтіс, кыдзи коллявліс каникулъяс, кутшӧм спортӧн занимайтчис да кутшӧмын лоис вермысьӧн.
Аддзысьлӧм помын Владимир Уйба аттьӧаліс челядьӧс интереснӧй сёрниысь, сиис велӧдчӧмын вермӧмъяс, выль восьтӧмъяс да тӧдӧмлунъяс.
* * *
Енбиа челядьлы лицей воссис 1991 воын.
Велӧдан учреждениесӧ веськӧдӧма сиктса челядьӧс пыдісянь велӧдӧм вылӧ, кодъяслӧн эм кужӧмлун математика, физика, география, биология, химия, роч кыв да литература, коми кыв да литература, иностраннӧй кывъяс (английскӧй да немецкӧй) юкӧнъясын.
2019 восянь лицейын сідзжӧ вермӧны велӧдчыны сыктывкарса школьникъяс.
Разнӧй воясӧ лицей лоліс «Школа» Москваын войтыркостса выставкалӧн лауреатӧн, наградитӧма Коми Республикаса велӧдан да наука министерстволӧн аттьӧалана письмӧӧн да Коми Республикаса Юралысьлӧн Дипломӧн.
31 во чӧжӧн лицей-интернат помалісны 4 сюрс гӧгӧр сиктса школьник, кодъяс пиысь унджыкыс сьӧмкуд тшӧт весьтӧ пырисны велӧдчыны Коми Республикаса да Россияса вылі тшупӧда велӧдчанінъясӧ.
Лицей-интернатлӧн учебно-воспитательнӧй уджын кывкӧртӧдӧн лоӧны профильнӧй предметъяс серти ӧтувъя канму экзамен вылын ыджыд баллъяс, ставроссияса да республиканскӧй интеллектуальнӧй конкурсъясын да конференцияясын лауреатъяслӧн дипломъяс.
{Kodko @ Владимир Уйба чолӧмаліс 100 вося юбилейӧн Айму вӧсна Ыджыд тышын участвуйтысь Иван Ладановӧс @ выльтор @ https://rkomi.ru/news/3010 @ 2023-06-02 @ }
Владимир Уйба чолӧмаліс 100 вося юбилейӧн Айму вӧсна Ыджыд тышын участвуйтысь Иван Ладановӧс.
Коми Республикаса Юралысь воліс юбиляр дорӧ, коді олӧ Сыктывдін районса Выльгорт сиктын.
Сталинград вӧсна тышын участвуйтысь Иван Васильевич Ладанов штурмуйтіс Мелитополь, вайліс документъяс Георгий Жуковлы да паныдаліс вермӧмсӧ Латвияын.
«Муӧдз копыр Тіянлы.
Ми зэв радӧсь, мый миян эм татшӧм бур фронтовик да юбиляр.
Аттьӧ война вылын да мирнӧй олӧмын подвигысь.
Сиа Тіянлы дзоньвидзалун, кузь нэм да бур шуд.
Тӧдӧй, ми пыр орччӧн», — шыӧдчис Айму вӧсна Ыджыд тышын участвуйтысь дорӧ Владимир Уйба.
Иван Васильевич чужис Сыктывдін районса Парчӧг грездын ыджыд семьяын.
Школа бӧрын пырис велӧдчыны Сыктывкарса кооперативнӧй техникумӧ.
Кор велӧдчис мӧд курсын, воис война заводитчӧм йылысь юӧр.
Сійӧ луннас, 1941 вося лӧддза-номъя тӧлысь 22 лунӧ, Иван Ладанов дасьтысис экзаменъяс кежлӧ карса библиотекалӧн лыддьысян залын да кыліс радио пыр СССР вылӧ Германиялӧн уськӧдчӧм йылысь.
Экзаменъяс бӧрын, вӧр кылӧдан уджъяс вылын кымынкӧ лун уджыштӧм бӧрын, муніс военкоматӧ.
Архангельскын выль командакӧд куим тӧлысь велӧдчис военно-инженернӧй училищеын, босьтіс сапёрнӧй уджын тӧдӧмлунъяс, сылы сетісны ручнӧй пулемёт.
Том салдатӧс кыкысь строй водзын аттьӧалісны бура велӧдчӧмысь.
Сэсся вӧліны Северодвинск улын эрдъяс вылын тактическӧй занятиеяс.
А 1942 вося урасьӧм тӧлыссянь новобранечьяс локтісны Ленинград обласьтӧ Волховскӧй фронтӧ.
И мӧд луннас нин найӧ веськалісны тышкасянінӧ, босьтісны пленӧ фашистъясӧс.
Радӧвӧй Ладанов унаысь веськавліс ӧпаснӧй, лёк лоӧмторъясӧ, но пыр асьсӧ жалиттӧг тышкасис вӧрӧгкӧд.
Контузитчис, сьӧкыда ранитчис.
Госпиталь бӧрын помаліс радистъяслысь курсъяс да сійӧс ыстісны Лунвыв фронт вылӧ, Сталинградӧ.
Ӧтчыд сылы тшӧктісны нуны зэв колана пакет генерал Жуковлӧн штабӧ.
Сталинград вӧсна тышын вермӧм бӧрын, Иван Васильевичӧс ыстісны Мелитополь штурмуйтӧм вылӧ, сійӧ форсируйтіс Сиваш, мездіс Севастополь.
Сэсся налысь дивизиясӧ ыстісны Польшаӧ, а бӧрыннас — Асыввыв Пруссияӧ да Литваӧ.
Вермӧм лунсӧ паныдаліс Латвияын.
Служитан воясӧ наградитісны Медвылыс Веськӧдлысь Иосиф Сталинсянь аттьӧалӧмӧн.
Нӧшта сетісны Айму вӧсна тышлӧн І тшупӧда орден, «Боевӧй заслугаясысь» медаль, «1941–1945 воясся Айму вӧсна Ыджыд тышын Германияӧс вермӧмысь» медаль, Жуковлысь медаль да юбилейнӧй медальяс.
Война бӧрын кык во мысти Иван Васильевич воис чужан Парчӧгӧ.
Уджаліс партийнӧй линия серти да быдмис райисполкомӧн веськӧдлысьӧс вежысьӧдз.
Уджалан туйсӧ помаліс Сыктывдінса бытӧвӧя могмӧдан комбинатын директорӧн.
Эм «Коми АССР-са йӧзкостса овмӧсын нимӧдана уджалысь» почёт ним.
Вера Александровна гӧтырыскӧд ӧтлаын быдтісны кык челядьӧс, отсалісны быдтыны-велӧдны вит внукӧс да сизим правнукӧс.
{Kodko @ Сыктывкарын мунас «Струна, и кисть, и вечное перо» вермытӧм йӧз пӧвстын Александр Лобановский нима бардовскӧй сьыланкывъяс серти конкурс @ выльтор @ https://rkomi.ru/news/3011 @ 2023-06-02 @ }
Сыктывкарын мунас «Струна, и кисть, и вечное перо» вермытӧм йӧз пӧвстын Александр Лобановский нима бардовскӧй сьыланкывъяс серти конкурс.
Конкурссӧ нуӧдӧны быд во. Таво сійӧ мунас лӧддза-номъя тӧлысь 5 — 11 лунъясӧ.
Республикаса юркарӧ чукӧртчас Россияса 20 сайӧ регионысь — Архангельск обласьтсянь Калининградӧдз — 50 унджык музыкант.
Быд окотитысь вермас кывзыны сьыланкывъяссӧ.
Лӧддза-номъя тӧлысь 5 лунӧ «Югӧр» культураын водзмӧстчан шӧринын лоӧны миян республикаса музыкантъяслӧн восьса репетицияяс, а лӧддза-номъя тӧлысь 8 лунӧ кутасны кывзыны мукӧд регионысь бардъясӧс.
Та йылысь видео пыр шыӧдчӧмын висьталіс Коми Республикаса Юралысь Владимир Уйба.
{Kodko @ Коми Республикаса Веськӧдлан котыр, Россияса наукаяс академиялӧн Урал юкӧн да Коми наука шӧрин кырымалісны ӧтув уджалӧм йылысь артмӧдчӧм @ выльтор @ https://rkomi.ru/news/3012 @ 2023-06-02 @ }
Коми Республикаса Веськӧдлан котыр, Россияса наукаяс академиялӧн Урал юкӧн да Коми наука шӧрин кырымалісны ӧтув уджалӧм йылысь артмӧдчӧм.
Талун, лӧддза-номъя тӧлысь 2 лунӧ, документсӧ кырымалісны Коми Республикаса Юралысь Владимир Уйба, РНА-лӧн Урал юкӧнӧн веськӧдлысь, РНА вице-президент Виктор Руденко да «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринса директор Светлана Дёгтева.
«Колян во ми пырим дас воӧ, кутшӧмӧс Россияса Президент Владимир Владимирович Путин шуис Наукалы да технологияяслы сиӧм дас воӧн, — пасйис Владимир Уйба. — Мый эскӧдӧ прикладнӧй да фундаментальнӧй туялӧмъяслысь ыджыд вежӧртассӧ да тӧдчанлунсӧ канму сӧвмӧдӧмын, сылысь социально-экономическӧй вынйӧрсӧ.
Наука — тайӧ пыр водзӧ мунӧм да быд нырвизьын сӧвмӧм.
Сійӧ отсалӧ миянлы аддзыны выль векторъяс аскиа лун лӧсьӧдӧмын.
Та вӧсна туялӧмъяссӧ да выльторъяссӧ ошкӧм — тайӧ миян канмулӧн да миян регионлӧн медколанатор.
Эска, мый тайӧ артмӧдчӧмыс ёнмӧдас да паськӧдас наука, научно-техническӧй, инновационнӧй да информационно-аналитическӧй удж серти ӧтувъя уджнымӧс».
Ӧтувъя уджсӧ веськӧдӧма Коми Республика зумыда сӧвмӧдӧм, йӧз олӧмлысь ногтуйсӧ сьӧрсьӧн-бӧрсьӧн бурмӧдӧм, социальнӧя да культурнӧя сӧвмӧм, регионлысь ӧткодьлунсӧ ёнмӧдӧм могысь условиеяс лӧсьӧдӧм вылӧ.
«Талун миян страна уджалӧ да сӧвмӧ выль условиеясын.
Наука сӧвмӧ выль условиеясын.
И, дерт, наукалы колӧ быд сикас тшупӧда канму власьт органъяслӧн отсӧг.
Талун ми кырымалам артмӧдчӧм Коми Республикакӧд — тайӧ миян ӧтувъя уджын выль воськов.
Сиа ставлы миянлы тайӧ уджын вермӧмъяс.
Эска, мый миян ставыс артмас», — гӧгӧрвоӧдіс Виктор Руденко.
Артмӧдчӧмсӧ збыльмӧдӧм могысь лӧсьӧдӧма торъя мероприятиеяслысь план.
На пиысь ӧти — Коми наука шӧринса уджалысьяслӧн лоны вермана инвесторъяскӧд аддзысьлӧмъяс.
Тайӧ аддзысьлӧмъяссӧ кутас нуӧдны Коми Республикаса экономика сӧвмӧдан да промышленносьт министерство, медым тӧдмасьны да водзӧ вылӧ пыртны регионса предприятиеяс вылын татчӧс учёнӧйяслысь инновационнӧй разработкаяссӧ.
«Талун збыль тӧдчана лоӧмтор — ми кырымалім куимладорса артмӧдчӧм, коді водзӧ ыштӧдас сӧвмӧдны Коми Республикаын наука.
Локтан воӧ Коми наука шӧринлы тырас 80 во, сійӧс восьтісны Айму вӧсна Ыджыд тыш помын Коми Республикаса Веськӧдлан котырлӧн водзмӧстчӧм серти.
Миян шӧринлӧн могыс — абу сӧмын Войвылын да Арктикаын вӧр-ва, йӧзкотыр да морт йылысь выль тӧдӧмлунъяс босьтӧм, но и Коми Республика социальнӧя да экономика боксянь сӧвмӧдӧмын отсалӧм.
Миян учёнӧйяслӧн инновация юкӧнын эмӧсь опыт да вермӧмъяс.
Ми виччысям Коми Республикаса Веськӧдлан котырсянь заказ выль разработкаяс да важъяссӧ пыртӧм вылӧ.
Таын отсалас талун кырымалӧм артмӧдчӧмыс», — содтіс Светлана Дёгтева.
«Миян ӧтувъя удж отсалас бурмӧдны республикаын олӧмлысь ногтуйсӧ да сӧвмӧдны выль инновационнӧй нырвизьяс, кӧні аддзасны асьнысӧ том йӧз.
Ми зэв ёна кӧсъям сетны позянлун том йӧзлы кутчысьны да сӧвмыны чужан республикаын», — кывкӧрталіс Владимир Уйба.
Наука юкӧнын ӧтув уджалӧм серти юалӧмъяссӧ видлалісны сідзжӧ Коми Республикаса Юралысь Владимир Уйбалӧн РНА Урал юкӧнӧн веськӧдлысь, РНА вице-президент Виктор Руденкокӧд удж серти аддзысьлігӧн.
{Kodko @ Владимир Уйба нуӧдіс Коми Республикаса том йӧзкӧд «Восьса сёрни» @ выльтор @ https://rkomi.ru/news/3013 @ 2023-06-03 @ }
Владимир Уйба нуӧдіс Коми Республикаса том йӧзкӧд «Восьса сёрни».
Регионса Юралысь да студентъяс аддзысьлісны лӧддза-номъя тӧлысь 2 лунӧ Канму службаӧ да веськӧдлыны велӧдан Коми Республикаса академияын.
Сёрнитісны «Став му шар шымыртан мытшӧдъяс дырйи Россияса быд олысьлысь гражданскӧй аскылӧмсӧ лӧсьӧдӧм» тема серти.
«Выль ӧружиеяс пиысь ӧти, мыйӧн вӧдитчӧ миян вӧрӧг, — тайӧ юӧр, — шыӧдчис том йӧз дорӧ Коми Республикаса Юралысь Владимир Уйба. — Ӧтуввезйын позьӧ кокниа вежны бурсӧ да лёксӧ.
Ӧнія олӧмын, кор ми тышкасям выль фашистъяскӧд, оз ков дзугны тайӧ вежӧртасъяссӧ.
Юӧр боксянь атакаясыс пыр вӧліны и лоӧны водзӧ. Торйӧн нин тайӧ мӧрччӧ том йӧзлы, сы вӧсна мы ті — водзӧ олысьясыс.
Вежны кӧ миян странаса том войтырлысь олӧм гӧгӧрвоӧмсӧ, вӧрӧгъяскӧд тышкасьнытӧ оз ковмы.
Та вӧсна миян Президент пыр висьталӧ традиционнӧй донаторъяс йылысь.
Найӧ оз кажитчыны миян вӧрӧгъяслы, а миянлы найӧ тӧдчанаӧсь.
Тайӧ традиционнӧй семья, челядь, бать-мам, чужан му дорӧ муслун».
Коми Республикаса Юралысь вочавидзис студентъяслӧн юалӧмъяс вылӧ. Ныв-зон кӧсйисны тӧдны СВО-ын участвуйтысьяслы отсӧг йылысь, нравственнӧй да духовнӧй донаторъяс, шуд да Айму радейтӧм йылысь, ас республикаын том йӧзлы сӧвман нырвизьяс йылысь:
Гражданскӧй аскылӧм йылысь
Ме серти, сылӧн вежӧртасыс тырвыйӧ йитчӧма Айму пыдди пуктӧмкӧд да радейтӧмкӧд.
abu
Миян история петкӧдліс, мый ми лоим вына державаӧн, Россияын олӧ уна войтыр, миян странаын медшӧрыс — мортлӧн шуд.
Кыдзи шуис Президент Владимир Владимирович Путин, быд водзмӧстчӧм, нацпроект ми збыльмӧдам йӧзлы бур вылӧ.
Медводз — морт, сылӧн оланін да национальносьт вылӧ видзӧдтӧг.
Ми пыдди пуктам став войтырсӧ да культурасӧ.
«Вагнерлӧн» нашивка йылысь
Мыйла ме новла Вагнерлысь нашивкасӧ?
Кӧсъя пасйыны, мый менам эм абу сӧмын «Вагнерлӧн» нашивкаыс, но и Россиялӧн дӧрапас да «ассьынымлысь огӧ кольӧй» гижӧд.
Ме тӧдмалі ЧВК уджын унатор йылысь.
Шуам, СВО-ын налӧн абу овыс, нимыс да вичыс, а сӧмын позывнӧй да жетон.
Тайӧ лоис мытшӧдӧн, кор кутім дасьтыны документъяс, медым сетны ЧВК-ысь пӧгибнитӧмаяслӧн семьяяслы регионсянь отсӧг.
Но ӧні ставсӧ ладмӧдім.
Отсалам ставныслы.
Да, коркӧ найӧ торкисны оланпас.
Но та дырйи найӧ мунісны доброволечьясӧн, эз весьшӧрӧ пукавны нар вылын.
Унаӧн пӧгибнитісны, сы вӧсна мый «Вагнер» ЧВК-ысь боечьяс — штурмовикъяс.
А унаӧс ми воштам буретш штурмовикъяс пӧвстын.
Ми сідзжӧ пыдди пуктам тайӧ зонъяссӧ.
Найӧ петкӧдлісны, мый дасьӧсь сетны олӧмнысӧ Айму вӧсна.
Кор «Вагнер» ЧВК-ысь зонъяс локтісны бӧр Комиӧ, найӧ шемӧсмисны менам вочаалӧмлы.
Ме висьталі налы СВО-ын участвуйтысьяслы отсӧг йылысь, а найӧ шӧйӧвошӧмӧн юасисны: «А мый, миянлы тшӧтш позьӧ?»
А ме налысь юалі: «А мый, ті абу ӧмӧй Россияса граждана, кодъяс дорйӧны Чужан му?»
Тайӧ сёрни бӧрын ӧти зон козьналіс меным нашивкасӧ, меным сійӧ награда кодь.
Найӧ зэв бур йӧз.
Сы йылысь, вермас-ӧ вӧрӧг вежсьыны да лоны ёртӧн
Тані ме кӧсъя шуны стӧча.
Ті ставныд тӧданныд, мый Германияса юрнуӧдысьяс, кодъяс вайӧны ВСУ-лы ӧружие, Вермӧм лун пасйигӧн вӧчисны лыйӧм танкӧн провокация.
Чайтісны, мый немечьяс кутасны серавны сы вылын.
А найӧ вайисны сы дорӧ уна дзоридз.
Ми гӧгӧрвоам, мый тайӧ войнаыс абу странаяс да йӧз костын, а веськӧдлысьяскӧд, кодъяс ӧтувтчисны натовскӧй коалицияӧ.
Тайӧ странаясын олысьяс нуӧдӧны уна йӧза паныд сувтан акцияяс, нуӧны миянлысь дӧрапасъяс, мунӧны Россия дор, а та кадӧ налӧн веськӧдлан котыр ыстӧ наёмникъясӧс да ВСУ-лы ӧружие.
Та вӧсна оз ков некодӧс велӧдны, вежны, тшӧктыны радейтны Россиянымӧс.
Меным чайтсьӧ, мый юрнуӧдысьясыс, кодъяс уджалӧны индӧд серти да нуӧдӧны некытчӧ туйтӧм политика, да йӧзыс торъялісны.
Выныс — збыльын.
Ме чайта, мый унаӧн гӧгӧрвоӧны збыльвывса серпассӧ.
Мездӧм муясӧ ветлігӧн ме муна уличьяс кузя, кӧні тӧрыт на кыліс автомат шы, да видзӧдала гӧгӧрбок.
Сёрнита йӧзкӧд быдлунъя олӧм йылысь, сы йылысь, кутшӧмӧн найӧ аддзӧны Россияын олӧмсӧ.
Ӧтияс шуӧны: «Слава Богу!»
Мукӧд: «Ог тӧд, колӧ видзӧдлыны».
Ме ог кӧсйы шуны, мый тайӧ йӧзсӧ колӧ пыртны Россиялӧн эскӧмӧ.
Медшӧрыс, кор тэ он кӧвъяв мыйкӧ, а петкӧдлан ставсӧ уджӧн.
Шуам, 2014 воын, кор Крым ӧтувтчис Россиякӧд, миян Президентлӧн тшӧктӧм серти ме муні сэтчӧ быд боксянь медицина отсӧг олысьяслы сетӧм могысь.
Диагностика нуӧдысь отрядъяс локтісны Армянсксянь Севастопольӧдз.
Мобильнӧй поликлиникаясын олысьяс вермисны туявны дзоньвидзалунныссӧ, а сьӧкыд висьӧмъяс аддзигӧн, найӧс ыстісны бурдӧдчыны.
Медводзсӧ артмисны лӧсявтӧмторъяс.
Медводдза лунъясӧ йӧзыс эз локны.
Кӧть и дон босьттӧг вӧчим флюорография, маммография, УЗИ, рентген, КТ, вӧлі став специалистыс.
Ме пӧрччи врачлысь кӧлуйсӧ да муні йӧз дорӧ.
Юася: «Вот, врачьяс локтісны.
Ветлінныд?»
Найӧ шуӧны: «Эг и огӧ мунӧй.
Тӧданныд, кымын сьӧм ковмас вештыны!»
Тыдовтчис, мый кор Крым вӧлі украинаса, дон босьттӧг медицина отсӧгыс эз вӧв.
И ми уджӧн кутім петкӧдлыны, мый Россия тӧждысьӧ йӧз вӧсна.
Миян подшефнӧй Ровеньки карын ми воӧн вежим йӧзыслысь олӧм дорӧ видзӧдлассӧ.
Налӧн эз вӧв ва, сы вӧсна мый ва проводыс сісьмӧма, да некод сійӧс оз дзоньтав, эз вӧв медицина отсӧг да уна мукӧдтор.
Кор ми локтам да шуам, ми отсалам, да тайӧс збыльысь вӧчам, йӧзыс вежсьӧны.
abu
Ми лӧсьӧдам котельнӧйяс, могмӧдам керкаяссӧ ваӧн, кӧні сійӧ некор эз вӧв — ӧкмыс судтаа керкаясын йӧзыс новлісны васӧ ведраясӧн.
Ми огӧ кӧсйӧй некодӧс вежны.
Олӧмыс пуктас ставсӧ ас местаӧ.
abu
Медым вежсьӧмъясыс артмӧны йӧз дорӧ бура матыстчӧм пыр.
Шуд йылысь
Быдӧнлӧн шудыс ас, да и быд арлыдын сійӧ ас.
Кагалӧн — тайӧ керка, бать-мам да гожӧм, ӧд оз ков велӧдчыны.
Студентлӧн — лӧсьӧдны бур аскиа лун, медым босьтӧм уджсикасыс ковмис олӧмын да вӧлі сьӧлӧм серти, лӧсьӧдны семья, медым ставыс сэні вӧлі тыр-бур.
А олӧма войтырлӧн, кор эм нин опыт, кор олӧмсӧ лӧсьӧдӧма нин, шудыс сыын, медым челядьлӧн олӧмыс вӧлі бурджык ас серти.
abu
Ме озыр морт, менам озырлун — челядь, а найӧ менам витӧнӧсь.
Тэ шуда, кор аддзан, кыдзи быдмӧ кагаыд, кор отсалан сылы, туйдан-велӧдан да виччысян, мый сійӧ тшӧтш лоӧ шуда.
Медшӧрыс, медым быдӧнлӧн лов вылас вӧлі лӧсьыд, медым быдӧн эскис, мый аскиа луныс быть лоӧ шуда да бур.
СВО боечьяслы гуманитарнӧй отсӧг йылысь да сы йылысь, мыйӧн вермасны отсавны студентъяс
Республикаса ӧти олысь ыстіс меным пасьвартӧм «уазиклысь» фотосӧ. Сы вылын сійӧ новлӧдліс роталы сёян-юан да ӧружие, петкӧдіс ранитчӧмаясӧс.
Машинасӧ бара на лыйлісны да сійӧ лои шогмытӧм. А машинатӧгыд некыдз.
Ӧні ми ыстам тыш мунанінӧ вежоннас ӧти-кык машина.
Ёнджыкасӧ тайӧ «уазикъяс», кодъясӧс организацияяс вештісны уджысь, а ми ньӧбим найӧс да лӧсьӧдім-дзоньталім.
Найӧс ми воинскӧй юкӧдулӧн веськӧдлысьлӧн письмӧ серти сетам войскаясӧ.
Татшӧм машинаяс пиысь ӧтиӧс ми сетім миян земляклы, сылӧн корӧм серти ми эжим машинасӧ кыз кӧртуловӧн, медым видзны сійӧс пуляясысь да снарядъясысь.
Сійӧ муніс тайӧ «уазик» вылын да дыр эз йитчыв миянкӧд.
А кор ме ветлі командировкаӧ, паныдалі сійӧс, тӧдмалі «Эжва-Коми» гижӧд серти.
Сідзкӧ, воис.
Ме сёрниті зонъяскӧд.
Ыджыд коланатор, мый вермас вӧчны быдӧн — тайӧ маскировочнӧй везъяс.
Талун тайӧ ыджыд мытшӧд. Найӧ колӧны окопъяс да блиндажъяс вылӧ.
Ті тӧданныд, мый вӧрӧглӧн зэв уна беспилотник, а бура вӧчӧм маскировочнӧй везйыд вермас дорйыны кодлыськӧ олӧмсӧ.
Студентъяс вермасны вӧчны татшӧмтортӧ.
А донаторъястӧ ми босьтам ас вылӧ.
Локтан командировка кежлӧ ми дасьтам пилоттӧг лэбалысь аппаратъяс аддзысь система, войся тепловизионнӧй приборъяс, шифрӧн вына радиостанцияяс.
Да, дерт жӧ, пыр выльмӧдам миян зонъяслысь кӧм-паськӧмсӧ.
Традиционнӧй духовно-нравственнӧй донаторъяс лӧсьӧданногъяс йылысь
Медым сьӧлӧмын вӧліны збыльвывса донаторъясыс, колӧ эскӧм, а найӧс лӧсьӧданногъясыс вермасны лоны быд сикасӧн.
На пиысь ӧти — СВО-ын участвуйтысьяскӧд сёрни.
Коркӧ менӧ корисны ыстыны миян зонъяс йылысь фильм.
Эз кино, а Коми Республикаысь боечьяс йылысь документальнӧй фильм, медым кыпӧдны ловрусӧ налысь, кодъяс сетчӧны шоглы.
Ми вӧчим Чилимдін районысь Россияса Герой Владимир Носов йылысь фильм.
Нуим эг сӧмын флешка, а экранъясӧн проекторъяс да сетім найӧс нёль юкӧдулӧ.
Мужичӧйяс, кодъяс быд лун тышкасьӧны вӧрӧгкӧд, кодъяс вермасны кувны быд здукӧ, видзӧдісны фильмсӧ да бӧрдісны.
Найӧ — сэтшӧм жӧ геройяс, кыдзи и Владимир Носов, пукалісны киын ӧружиеӧн да бӧрдісны.
Татшӧм жӧ сьӧлӧмкылӧмъясыс сэк, кор найӧ кутӧны киын челядьсянь письмӧяс.
Оз ас челядьсянь.
Тайӧ «салдатлы письмӧяс», кодъясӧс гижисны школьникъяс.
Но, кор ми ваям гуманитарнӧй отсӧг, миян зонъяс медводз юасьны оз тушёнка йылысь, а эмӧсь-ӧ письмӧяс.
Сідзкӧ менам вочакыв: кор политикаыс да формализмыс этшаджык, сымын бурджык.
Тайӧ лунъясӧ ми восьтім «Айму дорйысьяс» СВО-ын участвуйтысьяслы отсӧг сетан фонд, да уджалысьясысь ӧкмысдас прӧчентыс — СВО прӧйдитысь йӧз.
Ӧд медводз колӧ, медым вӧлі ӧта-мӧдӧс гӧгӧрвоӧм.
Сы йылысь, кутшӧм сӧвман туйяс эмӧсь том йӧзлы Коми Республикаын
Ми пыр уджалам сы вылын, медым корны регионӧ инвесторъясӧс, кодъяс сӧвмӧдасны ӧнія бур технологияяс.
Регыд на кырымалім артмӧдчӧм.
Матысса кадӧ Печораын воссяс дата-шӧрин, кытчӧ колӧны бур математикъяс да программистъяс.
Удждон лоӧ ыджыд, а уджыс — зэв интереснӧй.
2021 восянь ми уджалам инвесторъяслӧн ыджыд чукӧркӧд ӧтув выль технологияяс пыртӧм серти.
Выпускник кӧ кӧсйӧ велӧдчыны мӧд карын, мед ветлӧ, босьтӧ тӧдӧмлунъяс.
Но медшӧрыс — сэсся вӧзйыны сэтшӧмтор, мыйысь сійӧ оз вермы ӧткажитчыны.
И Коми Республикаын татшӧм позянлунъясыс лоӧны.
Ӧнія асшӧр уджалысьяс йылысь
Ен сыкӧдӧн, Россияын да Коми Республикаын Демидовъясыд пыр вӧліны и эмӧсь.
СВО заводитчӧмсянь ми тшӧкыда шыӧдчам асшӧр уджалысьяс дорӧ, сы вӧсна мый унатор оз позь разьны сьӧмкуд тшӧт весьтӧ, кӧть и сьӧмкудйысь сьӧмтӧ вичмӧдам ми уна, медым отсавны СВО-ын участвуйтысьяслы.
Асшӧр уджалысьяс некор оз ӧткажитны.
Быдӧн зільӧ отсавны.
Сідзкӧ, миян ставыс бур: асшӧр уджалысьяс пӧвстын «демидовскӧй» ловруыд абу кусӧма.
Вермӧмын колана тӧдӧмлунъяс
Медшӧрыс — кутшӧм удж тэ бӧръян, медым сэсся водзӧ уджавны ылӧдчытӧг да веськыда.
А тӧдӧмлунъястӧ пыр колӧ озырмӧдны.
Оз ков мӧвпавны, мый ставсӧ нин тӧдан.
Медшӧрсӧ колӧ бӧрйыны сьӧлӧмлы лӧсялана удж.
Тайӧ и лоӧ вермӧмӧн.
{Kodko @ Коми Республикаса Юралысь чолӧмалӧ Эколог лунӧн @ выльтор @ https://rkomi.ru/news/3014 @ 2023-06-05 @ }
Коми Республикаса Юралысь чолӧмалӧ Эколог лунӧн.
«Коми Республикаса пыдди пуктана олысьяс!
Лӧддза-номъя тӧлысь 5 лунӧ Россия пасйӧ тӧдчана гаж — Эколог лун.
Гӧгӧртас видзӧм лоӧ миян странаса национальнӧй политикалӧн медколанаторйӧн.
Биоразнообразиесӧ да аслыспӧлӧс вӧр-ва озырлунсӧ видзӧм да бурмӧдӧм вылӧ веськӧдӧма «Экология» национальнӧй проект, кутшӧмӧс збыльмӧдӧны витӧд во нин.
Паськыд вӧр угоддьӧяса, уна лыда юяса да тыяса, помтӧм-дортӧм тундраа Коми Республикаын нуӧдӧны аслыспӧлӧс нэриник войвыв вӧр-ва видзӧм серти ыджыд удж.
Сӧмын 2022 воын лӧсьӧдӧма 12 выль торйӧн ёна видзан вӧр-ва мутас, нуӧдӧма гежӧд да бырысь быдмӧг, пемӧс да тшак сикасъяс серти мониторинг.
Республика пырӧ Россияса Рытыв-Войвыв регионъяс костын лидеръяс лыдӧ вӧръясӧн вӧдитчӧмсӧ, видзӧмсӧ да рӧдмӧдӧмсӧ бура котыртӧм серти.
Чолӧмала Эколог лунӧн вӧр-ва видзан организацияясын уджалысьясӧс, предприятиеясса специалистъясӧс, а сідзжӧ ставныссӧ, кодлы абу веськодь миян планеталӧн да экологиялӧн судьбаыс.
Аттьӧала ставныссӧ, коді пырӧдчӧ вӧр бурмӧдан, арктика мутасъяс, вӧръяс, ю берегъяс весалан акцияясӧ, коді вужйӧдӧ шыблас торйӧн чукӧртӧм, коді ӧтйӧза инспектор пыдди ӧлӧдӧ да эрдӧдӧ экология торкалӧмъяс.
Сиа ставныслы гӧгӧртас видзан бур уджын вермӧмъяс!»
Коми Республикаса Юралысь Владимир Уйба.
{Kodko @ Владимир Уйба: «„Поезд Победы“ — тайӧ кадъяслӧн аслыспӧлӧс йитӧд» @ выльтор @ https://rkomi.ru/news/3015 @ 2023-06-05 @ }
Владимир Уйба: «„Поезд Победы“ — тайӧ кадъяслӧн аслыспӧлӧс йитӧд».
Лӧддза-номъя тӧлысь 5 лунӧ Сыктывкарын Коми Республикаса Юралысь да Сыктывкарса 18 №-а школаын 8-ӧд класса кадетъяс волісны «Поезд Победы» ветлӧдлан интерактивнӧй музейӧ. Сійӧс сиӧма 1941–1945 воясся Айму вӧсна Ыджыд тышкӧд йитчӧм лоӧмторъяслы.
«„Поезд Победы“ — тайӧ кадъяслӧн аслыспӧлӧс йитӧд, — пасйис Владимир Уйба. — Тані, дас вагонын, ми аддзам миян страналӧн олӧмын медся сьӧкыд кадсӧ.
Татчӧ волӧны быд сикас арлыда войтыр: и найӧ, кодъяслы ставсӧ висьталісны на пӧль-пӧчьясыс, и верстьӧ йӧз — «война кадся челядь», и ӧнія ныв-зон, кодъяс та йылысь лыддисны небӧгъясысь либӧ видзӧдісны киноын.
Мыйла кӧлесаа музейыс сэтшӧма колӧ йӧзыслы, торйӧн нин ӧні?
Талун историяыс бара на вӧчис кытш, миян страна тышкасьӧ выль фашистъяскӧд, неонацистъяскӧд.
Найӧ вийӧны, кисьтӧны-пазӧдӧны ставсӧ, вайӧны йӧзыслы страк.
Тані кадыс йитчӧма.
Талун уналӧн рӧдвужыс да матыссаясыс тышкасьӧны фронт вылын, та вӧсна „Поезд Победы“ видзӧдігӧн артмӧны торъя сьӧлӧмкылӧмъяс.
Падъявтӧг шуа, мый Россияса войтыр венас ставсӧ, вермӧмыс миян сайын!»
Сыктывкарын ветлӧдлан музей уджаліс лӧддза-номъя тӧлысь 3–5 лунъясӧ.
Сэтчӧ группаясӧн волісны юркарса да матысса квайт муниципалитетысь школаясын, гимназияясын, лицейясын, спорт ӧтувъясын велӧдчысьяс, ветеранъяслӧн организацияясӧ пырысьяс, культура учреждениеясын, библиотекаясын уджалысьяс, СВО-ын участвуйтысьяслӧн челядь да семьяӧ пырысьяс, Афганистанын, Чечняын да мукӧд локальнӧй тышын пӧгибнитӧмаяслӧн семьяяслӧн сӧветӧ пырысьяс.
Ставнас вӧлі котыртӧма 150 унджык татшӧм группа.
Таысь кындзи, олысьяс асьныс пасйысисны «Поезд Победы» сайтын.
Сыктывкарын экспозицияяссӧ видзӧдліс 5 сюрсысь унджык морт.
Лӧддза-номъя тӧлысь 10–11 лунъясӧ музей кутас уджавны Печораын.
Поездлӧн вагонъясын позьӧ аддзыны экспозиция, коді петкӧдлӧ, кутшӧм вӧлі олӧмыс воддза нэмся 40-ӧд воясӧ.
Сьӧлӧмкылӧмъястӧ нӧшта на ыззьӧдӧны би, шыяс, ӧнія техническӧй средствояс.
Быд вагонын петкӧдчӧ войнакӧд йитчӧм аслыспӧлӧс история.
Тані тӧдмалан лоӧмторъяс, йӧзлӧн судьба, трибуналъяслӧн история йылысь, кӧні мыждісны нацистъясӧс.
Материалкӧд тӧдмасян Лидия нима нывлӧн сьӧлӧмкылӧмъяс пыр.
Сійӧ юксьӧ войнаӧдзса олӧм йылысь казьтылӧмъясӧн, кымын страк ковмис терпитны война кадӧ да кутшӧм шудаӧсь лоины йӧзыс 1945 вося ода-кора тӧлысьын — Вермӧм лунӧ.
Лидиялӧн эм збыльвывса прототип — тайӧ паровоз колоннаса машинист Елена Чухнюк.
Айму вӧсна Ыджыд тышса воясӧ сійӧ веськӧдліс ӧружие да воюйтанторъяс фронт вылӧ нуысь воинскӧй эшелонъясӧн.
Коми Республикаса Юралысь аттьӧаліс проект лӧсьӧдысьясӧс. «Поезд Победы» отсаліс регионса олысьяслы аддзыны Айму вӧсна Ыджыд тышса лоӧмторъяссӧ, тӧдмасьны сійӧ кадся олысьяслӧн казьтылӧмъясӧн, налӧн судьбаӧн, тӧдмавны историяын выльторъяссӧ.
{Kodko @ Печораса олысьяс вермасны волыны «Поезд Победы» музейӧ лӧддза-номъя тӧлысь 10–11 лунъясӧ @ выльтор @ https://rkomi.ru/news/3016 @ 2023-06-05 @ }
Печораса олысьяс вермасны волыны «Поезд Победы» музейӧ лӧддза-номъя тӧлысь 10–11 лунъясӧ.
Лӧддза-номъя тӧлысь 5 лунӧ рытнас ветлӧдлан музей водзӧ муніс канмулӧн каръяс кузя. Сыӧдз куим лун чӧж сулаліс Сыктывкарын, кӧні экспозициянас тӧдмасис пӧшти 5 сюрс морт.
Сыктывкарса 18 №-а школаысь 8-ӧд класса кадетъяскӧд «Поезд Победы» музейӧ воліс и Владимир Уйба.
Та йылысь Коми Республикаса Юралысь висьталіс видео пыр шыӧдчӧмын.
{Kodko @ Владимир Уйба висьталіс Коми Республикаса велӧдан учреждениеяс выль велӧдчан во кежлӧ дасьтӧм йылысь @ выльтор @ https://rkomi.ru/news/3017 @ 2023-06-06 @ }
Владимир Уйба висьталіс Коми Республикаса велӧдан учреждениеяс выль велӧдчан во кежлӧ дасьтӧм йылысь.
2023/2024 велӧдчан воын кутас уджавны 720 велӧдан организация, кытчӧ пырӧ 9 челядь керка.
Сэні кутас велӧдчыны 180 сюрсысь унджык челядь да томулов.
Зэв колана, медым челядь велӧдчисны безопаснӧй да бур условиеясын.
Ставнас выль велӧдчан во кежлӧ Коми Республикаса велӧдан система дасьтӧм вылӧ регионса сьӧмкудйысь вичмӧдӧма 2,5 миллиардысь унджык шайт.
Торйӧн видзӧдӧны велӧдан учреждениеясын материально-техническӧй база ёнмӧдӧм бӧрся.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба юӧртіс, кыдзи стрӧитӧны Эжва районса Емваль микрорайонын 825 места вылӧ школа @ выльтор @ https://rkomi.ru/news/3018 @ 2023-06-07 @ }
Владимир Уйба юӧртіс, кыдзи стрӧитӧны Эжва районса Емваль микрорайонын 825 места вылӧ школа.
Талун, лӧддза-номъя тӧлысь 7 лунӧ, Коми Республикаса Юралысь ветліс видзӧдлыны стрӧитчанінсӧ.
Объектсӧ кыпӧдӧны «Велӧдӧм» национальнӧй проект серти.
Уджъясыс мунӧны вынсьӧдӧм план серти.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба видзӧдліс, кыдзи Сыктывкарса Эжва районын стрӧитӧны 825 места вылӧ школа @ выльтор @ https://rkomi.ru/news/3019 @ 2023-06-07 @ }
Владимир Уйба видзӧдліс, кыдзи Сыктывкарса Эжва районын стрӧитӧны 825 места вылӧ школа.
Велӧдан объектсӧ стрӧитӧны Емваль микрорайонын «Велӧдӧм» национальнӧй проект серти.
Талун кежлӧ уджалӧны сёысь унджык морт да 9 единица техника.
Стрӧитчан дасьлуныс 18 %.
Коми Республикаса Юралысь кывзіс стрӧитчӧм мунӧм йылысь доклад.
Уджъясыс мунӧны вынсьӧдӧм план серти.
Владимир Уйба тӧдчӧдіс, мый колӧ нӧшта ӧдйӧджык уджавны, корны тшӧтш студентъяслысь стрӧитчан отрядъяс.
Пӧдрадчиклӧн кывъяс серти, республикаса Стрӧитчан министерство да Велӧдан да наука министерство костын уджсӧ ладмӧдӧма.
Ӧні лӧсьӧдӧны колоннаяса, ригельяса сборно-монолитнӧй железобетоннӧй каркас, тэчӧны джодж-йиркын плитаяс, армируйтӧны ригельяслысь йитӧдъяс, бетонируйтӧны монолитнӧй ригельяс да монолитнӧй юкӧнъяс, тэчӧны пӧдвалын кабель, лӧсьӧдӧны дренажнӧй канализация, тэчӧны 1 судтаысь стен панельяс, лифт шахталысь панельяс, 1 судтаын кирпичысь перегородкаяс, нюжӧдӧны трансформаторнӧй подстанциясянь вводно-распределительнӧй устройствоӧдз кабель линияяс, юклӧны ортсыса теплотрассалысь да ваӧн могмӧдӧмлысь чӧрсъяссӧ, вӧчӧны мукӧд удж.
Кырымалісны ваӧн, биӧн, шоныдӧн могмӧдан, ва нуӧдан везъяс дорӧ технологическӧя йитчӧм, электросетевӧй овмӧслысь везъяс петкӧдӧм вылӧ сёрнитчӧмъяс.
Сідзжӧ казьтыштам, мый 2023 вося кӧч тӧлысьӧ Сыктывкарын кӧсйӧны заводитны стрӧитны Тентюков улича кузя 825 места вылӧ школа.
Зданиелысь проектсӧ лӧсьӧдӧма нин, лӧддза-номъя тӧлысь шӧрын сійӧс сетасны канму экспертиза вылӧ.
{Kodko @ Коми Республикаса Юралысь чолӧмалӧ Социальнӧй уджалысьлӧн лунӧн @ выльтор @ https://rkomi.ru/news/3020 @ 2023-06-08 @ }
Коми Республикаса Юралысь чолӧмалӧ Социальнӧй уджалысьлӧн лунӧн.
«Коми Республикаын йӧзӧс социальнӧя доръян юкӧнса пыдди пуктана уджалысьяс да ветеранъяс!
Чолӧмала тіянӧс уджсикас гажӧн — Социальнӧй уджалысьлӧн лунӧн!
Социальнӧй юкӧнын уджалысьяс — тайӧ ыджыд сьӧлӧма, зіль да тӧждысьысь йӧз.
Ті быд лун накӧд, кодлы колӧ отсӧг.
Ӧнія олӧмын социальнӧй юкӧн сӧвмӧ быд боксянь да босьтӧ ыджыд пай кыдзи Коми Республикаӧс, сідз и став странаӧс сӧвмӧдӧмын.
Социальнӧй учреждениеясса специалистъяслӧн тӧждысьӧм улын 250 сюрсысь унджык морт.
Тайӧ республикаын быд коймӧд олысь.
Социальнӧй юкӧнлӧн позянлунъясыс да тӧдчанлуныс торйӧн ёна тыдовтчисны сэк, кор страна паныдасис выль сьӧкыдлунъяскӧд.
Пандемия дырйи ті сюся вежинныд уджаланногныдтӧ да пӧртінныд олӧмӧ сувтӧдӧм могъяссӧ.
Торъя военнӧй операция бара на сувтӧдіс юкӧн водзын выль могъяс, кутшӧмъясӧс ті бура збыльмӧданныд — котыртӧма веськыд йитӧд, СВО-ын участвуйтысьяслы да налӧн семьяӧ пырысьяслы сетӧны отсӧг.
Ті уджаланныд сьӧлӧмсянь да кывкутӧмӧн.
Аттьӧ тіянлы бура да зіля уджалӧмысь.
Мед став бурыс, мый ті вӧчанныд йӧзлы, бӧр бергӧдчас тіянлы уна пӧв!»
Коми Республикаса Юралысь Владимир Уйба.
{Kodko @ Владимир Уйба чолӧмаліс социальнӧя доръян юкӧнса уджалысьясӧс да ветеранъясӧс уджсикас гажӧн, а сідзжӧ юӧртіс Коми Республикаын юкӧн сӧвмӧдӧм йылысь @ выльтор @ https://rkomi.ru/news/3021 @ 2023-06-08 @ }
Владимир Уйба чолӧмаліс социальнӧя доръян юкӧнса уджалысьясӧс да ветеранъясӧс уджсикас гажӧн, а сідзжӧ юӧртіс Коми Республикаын юкӧн сӧвмӧдӧм йылысь.
Олысьясӧс социальнӧя доръян юкӧнын уджалӧ 40 учреждение, кӧні зільӧ 4 сюрсысь унджык морт.
Сідзжӧ республикаын артавсьӧ 11 абу коммерческӧй асшӧрлуна организация. Найӧ отсасьӧны йӧзлы гортаныс.
Социальнӧя доръян юкӧнса уджалысьяс отсалӧны ветеранъяслы да олӧма йӧзлы, вермытӧмъяслы да гӧля олысьяслы, челядя семьяяслы да пикӧ воӧм йӧзлы — ставнас 250 сюрсысь унджык гражданалы, а тайӧ регионын быд коймӧд морт.
Социальнӧй юкӧнса уджалысьяслӧн коланлуныс да тӧдчанлуныс торйӧн ёна тыдовтчисны сэк, кор страна паныдасис выль сьӧкыдлунъяскӧд да грӧзкӧд.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба сетіс йӧзӧс социальнӧя доръян юкӧнын уджалысьяслы канму наградаяс @ выльтор @ https://rkomi.ru/news/3022 @ 2023-06-08 @ }
Владимир Уйба сетіс йӧзӧс социальнӧя доръян юкӧнын уджалысьяслы канму наградаяс.
Кыпыд церемонияыс вӧлі талун, лӧддза-номъя тӧлысь 8 лунӧ, Социальнӧй уджалысьлӧн лунӧ.
«Тіянлы колӧ оз сӧмын бура тӧдны уджныдтӧ, но и лоны ыджыд сьӧлӧмаӧн, авъяӧн, кужны быд морт дорӧ матыстчыны да ас кадӧ сылы отсавны.
Тіян дорӧ шыӧдчӧны пикӧ воӧм йӧз, буретш налы колӧ отсӧг и кывйӧн, и вӧчӧмӧн.
Ті отсаланныд, сетанныд сӧвет, туйдӧданныд.
И вӧчанныд тайӧс кужӧмӧн, сьӧлӧмсянь, ыджыд шоныдлунӧн да кывкутӧмӧн», — тӧдчӧдіс Коми Республикаса Юралысь.
Владимир Уйба сідзжӧ пасйис, мый талунъя олӧмын социальнӧй юкӧн сӧвмӧ быд боксянь да босьтӧ ыджыд пай кыдзи Коми Республикаӧс, сідзи и став странаӧс сӧвмӧдӧмын, а соцработникъяслӧн уджыс веськӧдӧма торъя морт, сылӧн интересъяс да сійӧс социальнӧя дорйӧм вылӧ.
Коми Республикаын социальнӧя доръян юкӧнса специалистъяс отсалӧны республикаын быд коймӧд олысьлы — тайӧ 250 сюрсысь унджык морт.
На лыдӧ пырӧны ветеранъяс, олӧмаяс, вермытӧмъяс, гӧля олысьяс, челядя семьяяс.
«Бӧръя воясӧ сьӧкыдлунъясыс, кутшӧмъяскӧд паныдасис миян страна, сувтӧдӧны и тіян юкӧнын выль могъяс.
Ті сюся вежинныд уджаланногныдтӧ да пӧртінныд олӧмӧ сувтӧдӧм могъяссӧ и пандемия дырйи, и колян вося урасьӧм тӧлыссянь, кор заводитчис торъя военнӧй операция.
Зэв уна удж усис тіянлы», — шуис Владимир Уйба.
Казьтыштам, республикаса Удж, уджӧн могмӧдан да социальнӧя доръян министерствоын заводитіс уджавны СВО-ын участвуйтысьяслы да налӧн семьяяслы отсӧг сетӧм серти веськыд йитӧд.
Татшӧм жӧ веськыд йитӧдъяс вӧчисны каръясын да районъясын быд социальнӧя доръян шӧринын.
Котыртӧма торъя военнӧй операцияын участвуйтысьяслы да налӧн семьяясӧ пырысьяслы отсӧг сетан мераяс, СВО ын участвуйтысьяслы, кодъяс воисны республикаӧ, психологическӧй отсӧг да социальнӧй реабилитация сетӧм серти удж.
Лӧддза-номъя тӧлысь 1 лунсянь республикаын воссис «Айму дорйысьяс» торъя военнӧй операцияын участвуйтысьяслы отсӧг сетан канму фондлӧн филиал, кутшӧмӧс котыртісны Россияса Президент Владимир Владимирович Путинлӧн водзмӧстчӧм серти.
«Аттьӧала, мый донъялінныд уджсӧ став печораса соцзащиталысь, и ме эска, мый социальнӧй юкӧнса быд учреждение вермӧ пӧртны олӧмӧ республикаӧн сувтӧдӧм быд сикас мог.
Кӧсъя чолӧмавны ставныссӧ праздникӧн да сины, медым быд лун вӧлі тырӧма кыпыдлунӧн, мичлунӧн да бурлунӧн», — аттьӧаліс наградаысь Печора карса олысьясӧс социальнӧя доръян ӧтувъя шӧринса директор Людмила Прошева.
«Босьтны тайӧ наградасӧ — меным зэв ыджыд чесьт.
Тайӧ абу сӧмын менам, но и менам котырлӧн, министерствоысь уджъёртъяслӧн, юрнуӧдысьяслӧн вермӧм.
Зэв нимкодь лоны тані да аддзысьны уджъёртъяскӧд, кодъясӧс наградитісны.
Таво тайӧ кыдзкӧ торйӧн нин нимкодь.
Ставныдтӧ праздникӧн!
Сиа тіянлы выль вермӧмъяс», — пасйис Вуктыл карса олысьясӧс социальнӧя доръян ӧтувъя шӧринса директор Марина Нестеренко.
Владимир Уйба чолӧмаліс юкӧнын уджалысьясӧс наградаясӧн, аттьӧаліс бур уджысь, бурлунысь, шань сьӧлӧмысь да ассьыныс олӧм уджлы сиӧмысь.
* * *
Коми Республикаса Юралысьлӧн Индӧдӧн Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Елена Владимировна Кальцевалы — «Сыктывкарса тыр арлыдтӧмъясӧс социальнӧя реабилитируйтан шӧрин» канму учреждениеса директорлы;
Виолетта Николаевна Кондратьевалы — «Сыктывкарса олысьясӧс уджӧн могмӧдан шӧрин» канму учреждениелӧн юкӧнса начальниклы;
Гульгена Янгаровна Кравцовалы — «Ухта карса олысьясӧс социальнӧя доръян ӧтувъя шӧрин» канму учреждениелӧн юкӧнса начальниклы;
Надежда Петровна Поповалы — «Кӧджпомса республиканскӧй интернат» канму учреждениеын удж серти инструкторлы, Сыктывкар;
Людмила Владимировна Прошевалы — «Печора карса олысьясӧс социальнӧя доръян ӧтувъя шӧрин» канму учреждениеса директорлы;
Екатерина Александровна Сластихиналы — «Сыктывкарса тыр арлыдтӧмъясӧс социальнӧя реабилитируйтан шӧрин» канму учреждениеса воспитательлы;
Надежда Николаевна Цыпченколы — «Ухта карса олысьясӧс социальнӧя доръян ӧтувъя шӧрин» канму учреждениелӧн юкӧнса начальниклы.
Коми Республикаса Юралысьлӧн тшӧктӧдӧн олысьясӧс социальнӧя доръян юкӧнын заслугаясысь да уна вося бур уджысь «Коми Республикаса олысьясӧс социальнӧя доръян юкӧнса почёта уджалысь» ним сетӧма:
Александра Алексеевна Бушеневалы — «Сыктывкарса тыр арлыдтӧмъясӧс социальнӧя реабилитируйтан шӧрин» канму учреждениеса педагог-психологлы;
Елена Владимировна Журалы — «Сыктывкарлӧн Эжва районса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы;
Евгения Юрьевна Коноплялы — «Койгорт районса олысьясӧс социальнӧя доръян ӧтувъя шӧрин» канму учреждениелӧн социальнӧя реабилитируйтан отделениеӧн заведуйтысьлы;
Ольга Анатольевна Королёвалы — «Сыктывкарлӧн Эжва районса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы;
Любовь Васильевна Лыюровалы — «Сыктывдін районса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы;
Нина Всеволодовна Марчуклы — «Емдін районса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы;
Валентина Алексеевна Мусановалы — «Кӧджпомса республиканскӧй интернат» канму учреждениеса методистлы, Сыктывкар;
Людмила Владимировна Терентьевалы — «Сосногорск карса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы;
Светлана Вениаминовна Трофимовалы — «Сыктыв районса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы;
Ирина Александровна Цельмерлы — «Кулӧмдін районса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы.
Коми Республикаса Юралысьлӧн тшӧктӧмӧн
уджын вермӧмъясысь да уна во зіля уджалӧмысь «Коми Республикалы бур вӧчӧмысь» отличие пас сетӧма
Марина Владимировна Нестеренколы — «Вуктыл карса олысьясӧс социальнӧя доръян ӧтувъя шӧрин» канму учреждениеса директорлы;
чина могъяс бура олӧмӧ пӧртӧмысь «Коми Республикалы зэв бура служитӧмысь» отличие пас сетӧма:
Анна Васильевна Гилевалы — «Кӧрткерӧс районса олысьясӧс социальнӧя доръян ӧтувъя шӧрин» канму учреждениелӧн юкӧнса начальникӧс вежысьлы;
Виктория Игоревна Губерлы — «Кӧджпомса республиканскӧй интернат» канму учреждениеса шӧр медицина сестралы, Сыктывкар;
Татьяна Николаевна Щегловатыхлы — «Сыктывкарса тыр арлыдтӧмъясӧс социальнӧя реабилитируйтан шӧрин» канму учреждениелӧн организационно-методическӧй отделениеӧн заведуйтысьлы;
Елена Альбертовна Юркиналы — «Сыктывкарлӧн Эжва районса олысьясӧс социальнӧя доръян ӧтувъя шӧрин» канму учреждениеса психологлы;
социальнӧя доръян юкӧнын заслугаясысь да уна вося бур уджысь Коми Республикаса Юралыссянь аттьӧалӧм сетӧма:
Галина Александровна Воронцовалы — «Сосногорск карса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы;
Елена Октябриновна Делковалы — «Сыктыв районса олысьясӧс социальнӧя доръян ӧтувъя шӧрин» канму учреждениеса педагог-психологлы;
Надежда Николаевна Коданевалы — «Милосердие» йӧзӧс социальнӧя могмӧдан районкостса шӧрин асшӧрлуна абу коммерческӧй организацияса социальнӧй уджалысьлы, Сыктывдін район;
Оксана Валериевна Полищуклы — «Сыктывкарса тыр арлыдтӧмъясӧс социальнӧя реабилитируйтан шӧрин» канму учреждениеса воспитательлы;
Ольга Владимировна Тонкушиналы — «Сыктывдін районса олысьясӧс социальнӧя доръян ӧтувъя шӧрин» канму учреждениеын социальнӧй удж серти специалистлы;
Ирина Викторовна Шевельдиналы — «Ухтаса республиканскӧй интернат» канму учреждениеса директорлы;
Коми Республикаса олысьясӧс социальнӧя доръян системаын уна во зіля уджалӧмысь Коми Республикаса Юралысьлысь Диплом сетӧма:
«Ухта карса олысьясӧс социальнӧя доръян ӧтувъя шӧрин» канму учреждениеса тыр арлыдтӧмъясӧс социальнӧя реабилитируйтан отделениеса уджалысьяслӧн котырлы;
«Емдін районса олысьясӧс уджӧн могмӧдан шӧрин» канму учреждениеса уджалысьяслӧн котырлы;
«Сыктывкарса тыр арлыдтӧмъясӧс социальнӧя реабилитируйтан шӧрин» канму учреждениеса уджалысьяслӧн котырлы.
{Kodko @ Владимир Уйба висьталіс Коми Республикаын промышленносьт сӧвмӧдан регионса фондлӧн удж йылысь @ выльтор @ https://rkomi.ru/news/3023 @ 2023-06-09 @ }
Владимир Уйба висьталіс Коми Республикаын промышленносьт сӧвмӧдан регионса фондлӧн удж йылысь.
Фондыс уджалӧ 2018 восянь. Тайӧ каднас сійӧ отсаліс регионса уна промышленнӧй предприятиелы.
Фонд сетӧ промышленнӧй предприятиеяслы проектъяс збыльмӧдӧм да производствояс ӧнъяӧдӧм вылӧ кокньӧдӧм заёмъяс.
Фондыс отсаліс збыльмӧдны обработайтан промышленносьт предприятиеяслысь 40 сайӧ проект.
Та кадӧн Фондлӧн капитализацияыс лоис 800 миллионысь унджык шайт.
Сьӧмкудйысь ӧтдор инвестицияяслӧн йӧрышыс — 780 миллион сайӧ шайт, сьӧмӧн могмӧдӧм проектъяс серти лӧсьӧдӧма 97 уджалан места.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба сетіс паспортъяс Россия Федерацияса том гражданалы @ выльтор @ https://rkomi.ru/news/3024 @ 2023-06-09 @ }
Владимир Уйба сетіс паспортъяс Россия Федерацияса том гражданалы.
Кыпыд церемониясӧ нуӧдісны Россия лун пасйӧм водзвылын, лӧддза-номъя тӧлысь 9 лунӧ, Коми Республикаса Юралысьлӧн Администрацияын.
Паспортсӧ босьтісны Сыктывкарысь, Ухтаысь, Сосногорскысь, Кӧрткерӧс, Сыктывдін, Сыктыв, Кулӧмдін да Изьва районъясысь 22 велӧдчысь.
Тайӧ ныв-зон, кодъяслӧн эмӧсь торъя вермӧмъяс велӧдчӧмын, туялан уджын, искусствоын, спортын, волонтёралӧмын.
«Меным нимкодь чолӧмавны тіянӧс локтан гажӧн — Россия лунӧн.
А миянлысь нывъясӧс да зонъясӧс — налӧн олӧмын тшупӧда лунӧн — Россия Федерацияса гражданинлысь паспорт босьтӧмӧн, — шыӧдчис ныв-зон дорӧ Коми Республикаса Юралысь Владимир Уйба. — Тайӧ ыджыд чесьт да кывкутӧм.
Ми олам озыр историяа странаын.
Медшӧрыс — тайӧ миян духовнӧй да традиционнӧй озырлун.
Россияын олӧ уна сикас войтыр.
Та дырйи ми пыр олім ӧтсӧгласӧн да пыдди пуктім ӧта-мӧднымӧс.
Медся сьӧкыд кадӧ миянӧс видзис буретш тайӧ — ӧтувъялун да миян странаӧ эскӧм.
Талун, кор Россия водзын ыджыд мытшӧдъяс, ми ӧтувтчим неофашизмлы паныд.
Ми зілям видзны миян Чужан мулысь асшӧрлун.
Миян мог — быд патриотлӧн, коді радейтӧ ассьыс странасӧ, мог — вӧчны ставсӧ, медым сійӧ водзӧ сӧвмис-дзоридзаліс».
Коми Республикаса Юралысь пасйис, мый челядьлӧн велӧдчӧмын, спортын да ӧтйӧза уджын медводдза вермӧмъяс, гырысьясӧс пыдди пуктӧм да Чужан му радейтӧм — ставыс тайӧ петкӧдлӧ верстьӧ йӧзлы, мый быдмӧ вына, сюсь, кужысь войтыр, збыль патриотъяс.
«Талун ми босьтім паспорт — медшӧр документ, коді эскӧдӧ, мый ми Россияса граждана.
Россия Федерацияса гражданинлӧн паспорт сетас миянлы уна позянлун, но выль инӧдъяскӧд ӧттшӧтш сійӧ сетӧ выль могъяс, ыджыд кывкутӧм.
Унаӧн шедӧдісны нин ыджыд вермӧмъяс велӧдчӧмын, спортын, ӧтйӧза да волонтёр уджын, ме эска, мый лоасны на выль вермӧмъяс.
Ми — страналӧн аскиа лун, ми вӧчам ставсӧ, медым странаным да республиканым дзоридзалісны!
Сетам кыв лоны бур гражданаӧн да асланым уджӧн сӧвмӧдны да нимӧдны республиканымӧс да странанымӧс», — шуис Сыктывкарса 36 №-а шӧр школаын велӧдчысь Артур Попов.
«Паспорт босьтӧм — тайӧ олӧмын тӧдчана тшупӧд да верстьӧ олӧмӧ медводдза воськов.
Ме кӧсъя, медым ті пыдди пуктінныд, мый ті оланныд Россияын.
Зэв тӧдчана, медым ті, Россияса том граждана, вӧлінныд водзмӧстчысь йӧзӧн, зілинныд вӧчны бур йӧзкотырлы да страналы.
Став бать-мам нимсянь чолӧмала тіянӧс Россия Федерацияса гражданинлысь паспорт босьтӧмӧн.
Сиа тіянлы шуд, кыпыд здукъяс, лэдзчысьтӧмлун, а бать-мамлы — терпенньӧ да медым ми гӧрдитчим тіянӧн.
Ті — миян лача да миян аскиа лун!
Пыдди пуктана Владимир Викторович, сьӧлӧмсянь аттьӧалам Тіянӧс Россия лун водзвылын миян челядьлы гаж козьналӧмысь!» — пасйис Мария Лисова, Ухта карын суйӧрсайса кывъяс велӧдан гимназияын велӧдчысь Варвара Лисовалӧн мам.
Владимир Уйба чолӧмаліс челядьӧс тайӧ тшупӧда лунӧн, сиис пуктыны ас водзӧ ыджыд могъяс, эскыны ас вынъясӧ, збыльмӧдны ас водзӧ пуктӧм могъяс, а сідзжӧ шуд, медым збыльмисны мӧвпъяс, бура шойччыны выль велӧдчан во водзын.
Россияса том гражданалы нуӧдісны экскурсия Коми Республикаса Юралысьлӧн Администрацияӧд, висьталісны регионлӧн канму символъяс да республикаса олӧмӧ пӧртысь власьт органъяслӧн удж йылысь.
{Kodko @ Коми Республикаса Юралысь чолӧмалӧ Коми печать лунӧн @ выльтор @ https://rkomi.ru/news/3025 @ 2023-06-10 @ }
Коми Республикаса Юралысь чолӧмалӧ Коми печать лунӧн.
«Коми Республикаса пыдди пуктана журналистъяс, йӧзӧс юӧртан средствоясын уджалысьяс, издательяс да полиграфистъяс!
2023 воын Коми печатьлы тырӧ 105 во.
1918 вося лӧддза-номъя тӧлысь 10 лунӧ петіс «Зырянская жизнь» газетлӧн медводдза номер, тиражыс вӧлі нёльсё экземпляр.
Тайӧ Коми муын медводдза газет, кодӧс йӧзӧдісны роч да коми кывъяс вылын.
Ӧні тайӧ гажыс ӧтувтӧ оз сӧмын Коми Республикаса газет-журналъясын уджалысь журналистъясӧс, но и юӧртан агентствоясын, электроннӧй да ӧтуввезса йӧзӧс юӧртан средствоясын зільысьясӧс, издательясӧс, полиграфистъясӧс, юӧр паськӧдысьясӧс — ставныссӧ, кодъяс топыда йитчӧмаӧсь Коми Республикалысь медийнӧй пространствосӧ лӧсьӧдӧмкӧд.
Йӧзӧс юӧртан средствоясыс пыр сӧвмӧны, корсьӧны выль формаяс, медым лыддьысьысь, кывзысьысь, видзӧдысь тӧдмаліс юӧр йылысь ӧдйӧджык да кокньыдджыка.
Уджын выль нырвизьяс да енбиа командаяс — буретш тайӧн торъялӧны миян юӧртан средствояс.
Тайӧс нӧшта на тӧдчӧдӧ и сійӧ, мый республикалӧн газет-журналъясса редакцияяс лоӧны вермысьясӧн регионкостса да федеральнӧй творческӧй конкурсъясын.
Сьӧлӧмсянь аттьӧала ставныссӧ, коді уджалӧ журналистикаын да йӧзӧдчан юкӧнын, бура да кывкутӧмӧн уджалӧмысь, сыысь, мый ті веськыда висьталанныд мӧвпныдтӧ.
Сиа уджын выль вермӧмъяс, мед творческӧй ловбиныд некор оз кус, а уджныд вайис сӧмын бур сьӧлӧмкылӧмъяс!»
Коми Республикаса Юралысь Владимир Уйба.
{Kodko @ Владимир Путин чолӧмаліс Коми Республикаса олысьясӧс Россия лунӧн @ выльтор @ https://rkomi.ru/news/3026 @ 2023-06-12 @ }
Владимир Путин чолӧмаліс Коми Республикаса олысьясӧс Россия лунӧн.
Россия Федерацияса Президент ыстіс Коми Республикаса Юралысь Владимир Уйбалы чолӧмалан открытка.
«Миян странаын вына традицияяс, миян войтыр радейтӧ да пыдди пуктӧ чужан му, найӧ олӧны ӧтсӧгласӧн да эскӧны Аймулӧн бур аскиа лунӧ.
Тайӧ донаторъясыс, пӧль-пӧчьяслӧн подвигъясыс да сьӧлӧмсянь уджалӧмыс сетӧны вын зумыда восьлавны водзӧ, збыльмӧдны муса Чужан мулы бур вылӧ ыджыд могъяс», — гижӧма Владимир Путинлӧн чолӧмалӧмын.
{Kodko @ Коми Республикаса Юралысь чолӧмалӧ Россия лунӧн @ выльтор @ https://rkomi.ru/news/3027 @ 2023-06-12 @ }
Коми Республикаса Юралысь чолӧмалӧ Россия лунӧн.
«Коми Республикаса пыдди пуктана олысьяс!
Лӧддза-номъя тӧлысь 12 лунӧ миян страна пасйӧ Россия лун!
Тайӧ луныс петкӧдлӧ миян странаса гражданалысь ӧтувъялунсӧ, чужан му дорӧ муслунсӧ да ӧтувтчӧмсӧ!
Россия Федерация — вына да ыджыд держава, коді пыдди пуктӧ ассьыс историясӧ да культурасӧ, сетӧ позянлун аслас уна сикас войтырлы бӧрйыны ӧнія да аскиа лунсӧ.
Талун миян страна ӧтувтчис неофашизм водзын.
Миян медбур воинъяс торъя военнӧй операция дырйи дорйӧны миян войтырлысь интересъяссӧ, Россияӧ пырысь Донецкӧй Народнӧй Республикаысь да Луганскӧй Народнӧй Республикаысь, Херсонскӧй да Запорожскӧй обласьтъясысь мирнӧй олысьясӧс.
Айму вӧсна, нацизмтӧм олӧм вӧсна тышын Великӧй Россия вермас!
Талун миян мог — венны миян Чужан му водзын сувтысь став сьӧкыдлунсӧ, вӧчны ставсӧ, медым Аймуным сӧвмис да дзордзаліс.
Дона ёртъяс!
Сьӧлӧмсянь сиа тыр-бур олӧм, шуд, крепыд дзоньвидзалун, кыпыд ловру да уджын, Россиялы служитӧмын ыджыд вермӧмъяс!»
Коми Республикаса Юралысь Владимир Уйба.
{Kodko @ Владимир Уйба чолӧмаліс сыктывкарса олысьясӧс Россия лунӧн да Карлӧн чужан лунӧн @ выльтор @ https://rkomi.ru/news/3028 @ 2023-06-12 @ }
Владимир Уйба чолӧмаліс сыктывкарса олысьясӧс Россия лунӧн да Карлӧн чужан лунӧн.
Коми Республикаса Юралысь участвуйтіс канмулӧн медшӧр лунлы — Россия лунлы да Сыктывкарлӧн чужан лунлы сиӧм кыпыд мероприятиеын.
«Ми олам великӧй канмуын.
Пыдди пуктам ассьыным история, культура, традицияяс да миян канмулӧн войтыръяслысь уна нэмся ёртасьӧмсӧ.
Ми огӧ лэдзӧй мукӧд страналы, кодъяс оз кӧсйыны, медым Россия вӧлі асшодъяӧн да вынаӧн, кисьтны миянлысь духовно-нравственнӧй донаторъяссӧ.
Тайӧ донаторъяссӧ дорйисны миян пӧль-пӧчьяс.
Талун найӧс дорйӧны миян граждана, Коми Республикаын, став великӧй странаын олысьяс.
Дорйӧны неонацизмысь.
Аттьӧала ставныссӧ, коді отсасьӧ миян дорйысьяслы.
Тӧда, миян ӧтувъялунӧн Великӧй Россия вермас!
Сыктывкарын дона олысьяс, ме аттьӧала тіянӧс Россиялы да Коми Республикалы бур вылӧ уджалӧмысь, миян войвыв страна дорӧ муслунысь.
Россия лунӧн, ура!» — чолӧмаліс Степан изэрд вылын сцена вывсянь Сыктывкарса да республикаса олысьясӧс Владимир Уйба.
{Kodko @ Владимир Уйба юӧртіс Коми Республикаса йӧзлысь дзоньвидзалун видзан юкӧнлы бур кадръяс дасьтӧм йылысь @ выльтор @ https://rkomi.ru/news/3029 @ 2023-06-13 @ }
Владимир Уйба юӧртіс Коми Республикаса йӧзлысь дзоньвидзалун видзан юкӧнлы бур кадръяс дасьтӧм йылысь.
Тайӧ уджын медшӧр нырвизь — дасьтыны врачьясӧс да шӧр медицина персоналӧс целевӧя да контрактӧн велӧдчӧм серти.
Таво тадзи велӧдчӧ 586 студент.
Та дырйи воысь воӧ шӧр тшупӧда медицина тӧдӧмлуна унджык специалист кырымалӧ контрактсӧ.
Врачьяс да медицина уджалысьяс, кодъяс кӧсйӧны уджавны сьӧкыда воӧдчан сикт-грездъясын, вермасны вӧдитчыны торъя выгӧдаӧн.
Найӧ босьтасны ӧтчыдысь мынтан компенсация.
Шуам, 2023 вося медводдза кварталын 9 врач да шӧр звеноса 4 медицина уджалысь босьтісны нин «Земский доктор» да «Земский фельдшер» уджтасъяс серти канмусянь отсӧг.
Паськыдджыка республикаса йӧзлысь дзоньвидзалун видзан юкӧнлы кадръяс дасьтӧм да налы отсалан мераяс йылысь — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба сетіс канму наградаяс торъя военнӧй операцияын участвуйтысьяслы @ выльтор @ https://rkomi.ru/news/3030 @ 2023-06-13 @ }
Владимир Уйба сетіс канму наградаяс торъя военнӧй операцияын участвуйтысьяслы.
Кыпыд церемонияыс вӧлі лӧддза-номъя тӧлысь 13 лунӧ.
Коми Республикаса Юралысь аттьӧаліс боечьясӧс могъяс бура олӧмӧ пӧртӧмысь да повтӧмлунысь, а ӧтйӧза организацияяс петкӧдлысьясӧс да предприятиеясӧн юрнуӧдысьясӧс — военнослужащӧйяслы отсасьӧмысь.
«Тӧрыт ми пасйим страналысь медшӧр канму гаж — Россия лун.
Тайӧ гажыс — миян гражданалӧн ӧтувъялунлы символ.
Ӧтувъялун — миян страналӧн да талунъя да аскиа вермӧмъяслӧн подув.
НАТО вылӧ уджалысь Киевса юралысьяс кӧсйӧны бырӧдны ассьыныс да россияса войтырӧс.
Ставыс тайӧ выль муяс босьтӧм да мир вежӧм могысь.
А медшӧрыс — миянӧс традиционнӧй видзӧдластӧг кольӧм.
Ми некор та вылӧ эгӧ кӧсйысьлӧй, и ӧні огӧ кӧсйысьӧй.
Ми сулалам Россиялӧн ӧтувъялун вӧсна.
Зэв жаль, мый та дырйи воштам уна йӧзӧс», — пасйис Владимир Уйба.
Церемонияӧ пырӧдчысьяс чӧв олыштӧмӧн казьтыштісны Айму дорйысьясӧс, кодъяс пӧгибнитісны торъя военнӧй операция дырйи.
Россия Федерацияса Президентлӧн Индӧд серти гражданскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Повтӧмлун орден сетӧма отставкаын ефрейтор Валерий Юрьевич Токаревлы, «Смеллунысь» медальяс сетӧма запасса сержант Василий Владимирович Поповлы да запасса радӧвӧй Александр Владимирович Чухломинлы.
Валерий Юрьевич Токарев — Сыктывкарын олысь.
2022 вося косму тӧлыссянь лӧддза-номъя тӧлысьӧдз служитіс «БАРС» доброволечьяслӧн отрядын снайпер чинын.
Василий Владимирович Попов чужис да олӧ Ухтаын.
Збыльмӧдіс торъя военнӧй операциялысь могъяс 2022 вося кӧч тӧлысьӧ «БАРС» доброволечьяслӧн отрядын лыйсян отсӧг сетан котырса наводчик чинын.
Александр Владимирович Чухломин чужис Киров обласьтын, ӧні олӧ Сосногорскын.
Торъя военнӧй операция вылӧ муніс 2022 вося кӧч тӧлысьӧ «БАРС» доброволечьяслӧн отрядын да служитіс 2022 вося ӧшым тӧлысьӧдз лыйсян отсӧг сетан котырса наводчик-дальномерщик чинын.
«Наградаяс шедӧны семья отсӧгӧн, — шуис Коми Республикаса Юралысь. — Ме аттьӧала семьяясӧс сьӧлӧм сетӧмысь.
Колӧ эскыны, мый миян зонъяс бӧр локтасны ловъяӧн да дзоньвидзаӧн.
Ми ёна отсасям военнослужащӧйяслы тыш нуӧданінын да налӧн семьяяслы.
Кӧсъя аттьӧавны быдӧнӧс, коді пуктӧ пай тайӧ отсӧгӧ.
Сідзжӧ ми вӧчам ыджыд удж, медым видзны том йӧз пӧвстын духовно-нравственнӧй подувъяс.
Таво ми котыртім ыджыд мероприятие — Ставмирса Роч Народнӧй Соборлысь конференция.
Чукӧртім Россияӧс дорйысьясӧс, патриотъясӧс, тшӧтш и православнӧй вичкоын да ӧтйӧза организацияясын зільысьясӧс.
Ми нӧшта ӧтчыдысь юӧртім, мый ми ӧтувъя православнӧй войтыр, коді пыдди пуктӧ мукӧд эскӧм, ми дасьӧсь зільны тані, тылын, да велӧдны том йӧзӧс радейтны да пыдди пуктыны Чужан му».
Коми Республикаса Юралысь сетіс «Россия и вызовы современного мира» ставроссияса научно-практическӧй конференция котыртӧмын да нуӧдӧмын отсӧгысь Ставмирса Роч Народнӧй Соборлысь грамотаяс «Афганистанса ветеранъяслӧн Россияса котыр» ставроссияса ӧтйӧза организациялӧн Коми региональнӧй организацияса Правлениеӧн веськӧдлысь Анатолий Питиримович Новиковлы, «Промтех-инвест» ичӧт кывкутана котырса директор Владислав Александрович Федькинлы, асшӧр уджалысь Юрий Иванович Широковлы.
{Kodko @ Владимир Уйба сетіс канму наградаяс Коми Республикаын медицина уджалысьяслы @ выльтор @ https://rkomi.ru/news/3031 @ 2023-06-14 @ }
Владимир Уйба сетіс канму наградаяс Коми Республикаын медицина уджалысьяслы.
Кыпыд церемонияыс вӧлі лӧддза-номъя тӧлысь 13 лунӧ, Медицина уджалысьлӧн лун водзвылын.
«Талун тайӧ залын чукӧртчисны найӧ, кодъяс кужӧны тӧждысьны йӧз вӧсна, кывкутны асланыс удж вӧсна, налӧн киын мортлӧн меддонаторйыс — дзоньвидзалун да олӧм, — шыӧдчис медицина уджалысьяс дорӧ Коми Республикаса Юралысь Владимир Уйба. — Медицина уджалысь быд лун паныдасьлӧ йӧзлӧн висьӧмъясӧн, майшасьӧмъясӧн.
Тіян уджныд сыын, медым гӧгӧрвоны мортсӧ, аддзыны колана кыв да отсавны сылы.
Да медшӧрыс тані — ас кадӧ сетны квалифицируйтӧм медицина отсӧг.
А та могысь колӧ быдмыны уджын да чӧжны кужӧм-сямлунсӧ олӧмбыд.
Медицина — тайӧ абу прӧста уджсикас, тайӧ миссия».
Владимир Уйба тӧдчӧдіс, мый республикаын уджалӧны вылыс тӧдӧмлунъяса медицина уджалысьяс, Россиялӧн збыльвывса профессионалъяс да патриотъяс.
Айму радейтысь медикъяс пӧвстысь пример пыдди регионса Юралысь вайӧдіс Коми Республикаса йӧзлысь дзоньвидзалун видзан министр Игорь Дягилевӧс да министрӧс вежысь Никита Марковченковӧс, кодъяс мунісны доброволечьясӧн СВО вылӧ дорйыны Чужан мунымӧс.
Кыдзи пасйис Коми Республикаса Юралысь, регионса юрнуӧдысьяслы йӧзлысь дзоньвидзалун видзан юкӧнын медтӧдчанаторйӧн пыр вӧлі да кольӧ медицина уджалысьяслы, пациентъясӧс примитӧм вылӧ бур условиеяс лӧсьӧдӧм, а сідзжӧ тайӧ юкӧнӧ уджалысьясӧс, на лыдын томъясӧс, корӧм.
Та могысь уджалӧ да бурмӧ материальнӧя ышӧдан система, выльмӧдӧны больничаяс, поликлиникаяс да амбулаторияяс.
Могмӧдӧны автотранспортӧн да ӧнія медицина оборудованиеӧн йӧзлысь дзоньвидзалун видзан учреждениеяс, да оз сӧмын республикаса гырысь шӧринъяс, но и амбулаторияяс да сиктса ФАПъяс.
Тайӧ уджсӧ нуӧдасны водзӧ.
Владимир Уйба аттьӧаліс медицина уджалысьясӧс сьӧкыд уджысь, ассьыныс уджсӧ радейтӧмысь да бура сійӧс тӧдӧмысь.
Торйӧн регионса уджалысь аттьӧаліс найӧс, кодъяс ветлісны Луганскӧй Народнӧй Республикаса подшефнӧй Ровеньки карӧ, медым отсавны уджъёртъяслы медицина уджын.
«Чолӧмала тіянӧс наградаясӧн.
Зэв бура гӧгӧрвоа, мый тіян лыдысь унджыкыс заслуживайтӧны ыджыдджык награда.
Тайӧ наградаяссӧ сетӧма став сьӧлӧмсянь тіян сьӧкыд уджысь, йӧзӧс радейтӧмысь, сы вӧсна мый медицина уджалысьыс оз вермы лоны радейтӧмтӧг», — шуис Коми Республикаса Юралысь.
* * *
Россия Федерацияса Президентлӧн Индӧдӧн йӧзлысь дзоньвидзалун видзан юкӧнын заслугаясысь да уна вося бур уджысь
Лука Крымскийлысь медаль сетӧма:
Ирина Аркадьевна Сидорчуклы — «Вуджан висьӧмъясысь бурдӧдан республиканскӧй больнича» канму учреждениеса медыджыд медицинскӧй сестралы;
«Россия Федерацияса йӧзлысь дзоньвидзалун видзан юкӧнын нимӧдана уджалысь» почёт ним сетӧма:
Татьяна Николаевна Дорониналы — «Коми республиканскӧй клиническӧй больнича» канму учреждениеса фельдшер-лаборантлы;
Лидия Ивановна Ракиналы — «Луздор районса шӧр больнича» канму учреждениеса медицинскӧй сестралы.
Коми Республикаса Юралысьлӧн Индӧдӧн
Коми Республикалы бур вӧчӧмысь Коми Республикаса нимӧдана уджалысь почёт ним сетӧма:
Татьяна Николаевна Безносиковалы — «Сыктывкарлӧн 3 №-а карса поликлиника» канму учреждениеын лекарствоясӧн могмӧдӧм серти юралысь врачӧс вежысьлы;
Ольга Евгеньевна Чистиковалы — «Ухта карса поликлиника» канму учреждениеса отделениеӧн заведуйтысьлы — участкӧвӧй врач-терапевтлы;
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Лев Геннадьевич Волковлы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениеса регыдъя медицина отсӧг сетысь врачлы;
Василиса Алексеевна Литвиновалы — «Коми республиканскӧй онкология диспансер» канму учреждениеын перевязка вӧчысь медицинскӧй сестралы;
Любовь Витальевна Размысловалы — «Вуджан висьӧмъясысь бурдӧдан республиканскӧй больнича» канму учреждениеса шӧр медицинскӧй сестралы, Сыктывкар.
Коми Республикаса Юралысьлӧн тшӧктӧмӧн йӧзлысь дзоньвидзалун видзан юкӧнын заслугаясысь да уна вося бур уджысь
«Коми Республикаса почёта врач» ним сетӧма:
Николай Алексеевич Деревиженколы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениелӧн Ухта карын филиалса регыдъя медицина отсӧг сетан отделениеса регыдъя медицина отсӧг сетысь врачлы;
Мансур Муллахметович Латыповлы — «Сыктывкарса Эжва районлӧн карса больнича» канму учреждениеын рытъя да войся кадӧ эновтны позьтӧм отсӧг сетӧм серти врач-акушер-гинекологлы;
Зинаида Энгфридовна Одинцовалы — «Сыктывкарлӧн 3 №-а карса поликлиника» канму учреждениеса врач-эндокринологлы;
Валентина Владимировна Слуцкаялы — «Коми республиканскӧй вир шӧрин» канму учреждениеса врач-трансфузиологлы;
«Коми Республикаса йӧзлысь дзоньвидзалун видзан юкӧнын почёта уджалысь» ним сетӧма:
Раиса Витальевна Бушуевалы — «Ухта карса поликлиника» канму учреждениеса медицинскӧй сестралы;
Валентина Геннадьевна Зизгановалы — «Луздор районса шӧр больнича» канму учреждениелӧн Гурьёвчи сиктса фельдшер-акушер пунктӧн заведуйтысьлы — фельдшер-акушер пунктса фельдшерлы;
Рита Николаевна Кондаковалы — «Регыдъя медицина отсӧг сетан Воркутаса больнича» канму учреждениелӧн лабораторнӧй диагностика вӧчан шӧринса лаборантлы;
Светлана Ивановна Косныревалы — «Лӧзым санаторий» канму учреждениеса шӧр медицинскӧй сестралы, Сыктывдін район;
Татьяна Валерьяновна Мелехиналы — «Койгорт районса шӧр больнича» канму учреждениеын палатаса медицинскӧй сестралы;
Татьяна Александровна Муравьевалы — «Ухтаса челядьлы больнича» канму учреждениеса участкӧвӧй медицинскӧй сестралы;
Людмила Николаевна Шалаевалы — «Коми республиканскӧй психиатрическӧй больнича» канму учреждениеса медицинскӧй сестралы;
Марина Владимировна Швецовалы — «Вуджан висьӧмъясысь бурдӧдан республиканскӧй больнича» канму учреждениеын палатаса медицинскӧй сестралы;
Надежда Александровна Шиловалы — «Неминучаӧ веськалӧмалы медицина отсӧг сетан Коми Республикаса мутас шӧрин» канму учреждениеын вызовъяс примитысь фельдшерлы.
Коми Республикаса Юралысьлӧн тшӧктӧмӧн
чина кывкутана могъяс сьӧлӧмсянь збыльмӧдӧмысь «Коми Республикалы зэв бура служитӧмысь» отличие пас сетӧма:
Татьяна Евгеньевна Татарченколы — «Коми республиканскӧй онкология диспансер» канму учреждениеын экономика серти юралысь врачӧс вежысьлы;
уджсикасын ыджыд кужанлунысь да Коми Республикалы бур вылӧ зіля уджалӧмысь «Уджсикасын медбур» Коми Республикаса почёт пӧв вылӧ портрет ӧшӧдӧм йылысь свидетельство сетӧма:
Людмила Николаевна Рынкслы — «Княжпогост районса шӧр больнича» канму учреждениеса медыджыд медицинскӧй сестралы;
йӧзлысь дзоньвидзалун видзан юкӧнын заслугаясысь да уна вося бур уджысь Коми Республикаса Юралыссянь дона козин сетӧма:
Анна Дмитриевна Алексеевалы — «Вуджан висьӧмъясысь бурдӧдан республиканскӧй больнича» канму учреждениеса шеф-поварлы;
Раиса Александровна Андреевалы — «Луздор районса шӧр больнича» канму учреждениеса фельдшер-лаборантлы;
Ангелина Васильевна Морозлы — «Вуджан висьӧмъясысь бурдӧдан республиканскӧй больнича» канму учреждениеса врач-бактериологлы;
Василий Михайлович Раевскийлы — «Сыктыв районса шӧр больнича» канму учреждениеса участкӧвӧй врач-фтизиатрлы;
йӧзлысь дзоньвидзалун видзан юкӧнын заслугаясысь да уна вося бур уджысь Коми Республикаса Юралыссянь Аттьӧалӧм сетӧма:
Людмила Витальевна Михайловалы — «Вуджан висьӧмъясысь бурдӧдан республиканскӧй больнича» канму учреждениеса медицинскӧй сестралы;
Валентина Васильевна Перминовалы — «Луздор районса шӧр больнича» канму учреждениеын процедурнӧйса медицинскӧй сестралы;
Сергей Сергеевич Фатеевлы — «Коми республиканскӧй клиническӧй больнича» канму учреждениеса врач-травматолог-ортопедлы;
Елена Леонидовна Якименколы — «Пинь бурдӧдан республиканскӧй поликлиника» канму учреждениеса пинь бурдӧдысь врачлы.
{Kodko @ Коми Республика да ЛУКОЙЛ кутасны водзӧ сӧвмӧдны ӧтувъя удж @ выльтор @ https://rkomi.ru/news/3032 @ 2023-06-14 @ }
Коми Республика да ЛУКОЙЛ кутасны водзӧ сӧвмӧдны ӧтувъя удж.
Коми Республика да «ЛУКОЙЛ» ПАК костын 2023 во вылӧ уджъёртасьӧм йылысь содтӧд артмӧдчӧм серти кутасны водзӧ сӧвмӧдны регионнымӧс социальнӧя да экономика боксянь.
Шуам, таво «ЛУКОЙЛ» компания вичмӧдас сьӧм Усинскын лызьӧн котралан база стрӧитӧм, Нӧвикбӧж грездын туйяс дзоньталӧм, челядьлы да быдӧнлы лӧсялана спорт площадкаяс сувтӧдӧм, ухтаса Ярега посёлокын котельнӧй да печораса Озёрнӧй посёлокын челядьӧс видзанін стрӧитӧм, Чилимдін районса физкультура, спорт да туризм шӧринын спорт зал капитальнӧя дзоньталӧм вылӧ.
Водзӧ кутасны могмӧдны «Усинск» муниципалитетса сиктъясын олысьясӧс юан ваӧн: стрӧитасны Колва сиктын магистральнӧй водовод да Сем Ӧндрей сиктын ва дасьтан система.
Водзынджык ва дасьтан системасӧ лӧсьӧдісны Усвавом сиктын да Нӧвикбӧж грездын, Шеллябӧж сиктын.
Паськыдджыка — Коми Республикаса Юралысь Владимир Уйбалӧн видео пыр шыӧдчӧмын.
{Kodko @ Ольга Микушеваӧс индӧма Коми Республикаса стрӧитчан, оланін да техническӧй дӧзьӧр (контроль) службаӧн юрнуӧдысь чинӧ @ выльтор @ https://rkomi.ru/news/3033 @ 2023-06-14 @ }
Ольга Микушеваӧс индӧма Коми Республикаса стрӧитчан, оланін да техническӧй дӧзьӧр (контроль) службаӧн юрнуӧдысь чинӧ.
Та йылысь тшӧктӧмсӧ кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во лӧддза-номъя тӧлысь 14 лунся 175-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Ольга Михайловна Микушеваӧс Коми Республикаса стрӧитчан, оланін да техническӧй дӧзьӧр (контроль) службаӧн юрнуӧдысь чинӧ.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Владимир Уйба чолӧмаліс «Вося медбур врач» да «Шӧр тшупӧда медицина тӧдӧмлуна медбур специалист» конкурсын вермысьясӧс @ выльтор @ https://rkomi.ru/news/3034 @ 2023-06-14 @ }
Владимир Уйба чолӧмаліс «Вося медбур врач» да «Шӧр тшупӧда медицина тӧдӧмлуна медбур специалист» конкурсын вермысьясӧс.
Медицина уджалысьлӧн лунлы сиӧм гаж дырйи Коми Республикаса Юралысь сетіс уджсикасын кужанлун серти республиканскӧй конкурсын вермысьяслы наградаяс. Медицина уджалысьясӧс чолӧмалісны лӧддза-номъя тӧлысь 14 лунӧ Коми республиканскӧй филармонияын.
Сідзжӧ регионса Юралысь сетіс йӧзлысь дзоньвидзалун видзан юкӧнын заслугаясысь да уна вося бур уджысь канму наградаяс.
«Медицина — тайӧ служитӧм, ыджыд мог.
Сӧмын смел, бур да восьса сьӧлӧма морт, коді кужӧ тӧждысьны мукӧд вӧсна, вермас лоны медицина уджалысьӧн.
Ме пыр шуа, мый Коми Республикаын уджалӧны енбиа врачьяс, шӧр тшупӧда медицина тӧдӧмлуна специалистъяс.
Ті збыльысь профессионалъяс.
Уджын ті пыр корсянныд мыйкӧ выльтор да босьтанныд выль тӧдӧмлунъяс.
Ті пыр сэнӧсь, кӧні колӧ тіян тӧдӧмлун, шань сьӧлӧм да кужысь кияс, кӧні колӧ отсӧг», — шыӧдчис медицина уджалысьяс дорӧ Владимир Уйба.
Коми Республикаса Юралысь тӧдчӧдіс медицина уджалысьяслысь заслугаяссӧ, кодъяс петкӧдлісны повтӧмлунсӧ да Аймулы служитны кӧсйӧмсӧ да мӧдӧдчисны торъя военнӧй операция мунанінӧ, медым сетны боечьяслы медицина отсӧг, кодъяс ветлісны выль регионъясӧ, медым отсавны уджъёртъяслы ладмӧдны медицина отсӧг сетан системасӧ.
Сідзжӧ Владимир Уйба аттьӧаліс медицина уджалысьясӧс, кодъяс бурдӧдӧны да реабилитируйтӧны торъя военнӧй операцияын участвуйтысьясӧс, кодъяс бӧр локтісны чужанінӧ.
Кыдзи пасйис регионса Юралысь, Коми Республикаса Веськӧдлан котырлӧн медшӧр могъяс пиысь ӧти — бурмӧдны да ӧнъяӧдны йӧзлысь дзоньвидзалун видзан системасӧ.
Национальнӧй проектъяс, канму да республиканскӧй уджтасъяс серти лӧсьӧдӧны медикъяслы уджалӧм да пациентъясӧс примитӧм вылӧ бур условиеяс.
Стрӧитӧны да выльмӧдӧны больничаяс, поликлиникаяс, амбулаторияяс да фельдшер пунктъяс.
Йӧзлысь дзоньвидзалун видзан учреждениеясӧ водзӧ ньӧбалӧны автотранспорт да ӧнія медицина оборудование. Колӧ шуны, мый тайӧ уджсӧ нуӧдӧны оз сӧмын гырысь республиканскӧй шӧринъяс, но и районса больничаяс да амбулаторияяс серти.
Ньӧбӧны передвижнӧй медицина комплексъяс.
Таво районъясса больничаясӧ вайисны нин 7 передвижнӧй ФАП.
Сідзжӧ республикаын уджалӧ материальнӧя ышӧдан система, медицина уджалысьяслы сетӧны ӧтчыдысь мынтӧмъяс, лӧсьӧдӧны уджсикасын сӧвман условиеяс, кыпӧдӧны медицина уджалысьлысь статуссӧ.
Планъяс серти, 2023 воын йӧзлысь дзоньвидзалун видзан юкӧнӧ локтас 180 гӧгӧр выль врач — тайӧ медицина вузъяс помалысьяс да специалистъяс, кодъяс кӧсйӧны локны Коми Республикаӧ мукӧд регионысь.
* * *
Уна во сьӧлӧмсянь уджалӧмысь Россия Федерацияса йӧзлысь дзоньвидзалун видзан министерстволысь Почёт грамота сетӧма:
Сергей Эдуардович Заборовскийлы — Коми республиканскӧй психиатрическӧй больничаса врачлы;
Йӧзлысь дзоньвидзалун видзан юкӧнын заслугаясысь да уна во сьӧлӧмсянь уджалӧмысь «Коми Республикаса йӧзлысь дзоньвидзалун видзан юкӧнын почёта уджалысь» ним сетӧма:
Татьяна Анатольевна Громовалы — Ухтаса физиотерапевтическӧй поликлиникаын шӧр медицинскӧй сестралы;
Уджын вермӧмъясысь да уна во сьӧлӧмсянь уджалӧмысь Коми Республикаса Юралыссянь аттьӧалӧм сетӧма:
Николай Владимирович Смеховлы — Луздор районса шӧр больничаын регыдъя медицина отсӧг сетысь врачлы.
«Вося медбур врач» уджсикасын кужанлун серти республиканскӧй конкурсын вермысьяс
Медбур терапевт — Светлана Николаевна Федяева — Консультация да диагностика шӧринса врач-эндокринолог, стаж — 25 во.
Медбур участкӧвӧй терапевт — Елена Леонидовна Носкова — Ухта карса поликлиникаын участкӧвӧй врач-терапевт, стаж — 16 во.
Сиктса медбур врач — Любовь Валериевна Метелева — Луздор районса шӧр больничаын лучевӧй диагностика юкӧнӧн заведуйтысь — врач-рентгенолог, стаж — 11 во.
Регыдъя медицина отсӧг сетысь медбур врач — Владимир Владимирович Строк — Ухта карын Неминучаӧ веськалӧмалы медицина отсӧг сетан Коми Республикаса мутас шӧринын регыдъя медицина отсӧг сетысь врач, стаж — 23 во.
Медбур врач — эксперт — Анна Павловна Усачёва — Коми республиканскӧй вир шӧринын клиническӧй лабораторнӧй диагностикаса врач, стаж — 39 во.
Медбур врач — неонатолог — Елена Александровна Тихонова — Челядьлы республиканскӧй клиническӧй больничаын врач-неонатолог, стаж — 25 во.
Медбур врач — акушер-гинеколог — Дмитрий Геннадьевич Прокошев — Коми республиканскӧй клиническӧй больничаын врач-акушер — гинеколог, стаж — 20 воысь унджык.
Медбур врач — педиатр — Елена Владимировна Чекмарева — «Лӧзым» санаторийын педиатрия юкӧнӧн заведуйтысь — врач-педиатр, стаж — 24 во.
Медбур врач — оториноларинголог — Татьяна Петровна Турубанова — Консультация да диагностика шӧринын врач-сурдолог — оториноларинголог, стаж — 30 воысь унджык.
Медбур врач — офтальмолог — Елена Владимировна Бойченко — Микрохирургия отсӧгӧн син висьӧмъясысь бурдӧдан республиканскӧй шӧринын стационарнӧй юкӧнӧн заведуйтысь — врач-офтальмолог, стаж — 37 во.
Медбур врач — стоматолог — Наталья Сергеевна Окулова — Республиканскӧй стоматологическӧй поликлиникаын врач-стоматолог-ортопед.
Медбур врач-инфекционист — Надежда Николаевна Пономарёва — Туберкулёзысь бурдӧдан республиканскӧй диспансерын челядьлы стационарнӧй юкӧнӧн заведуйтысь — врач-фтизиатр, стаж — 38 во.
Медбур врач — психиатр — Лариса Анатольевна Шаповалова — Консультация да диагностика шӧринын врач-психиатр, стаж — 44 во.
Медбур врач-невролог — Любовь Анатольевна Исакова — Сыктывкарлӧн Эжва районын карса больничалӧн 1 №-а медицина реабилитация юкӧнӧн заведуйтысь — физическӧй да реабилитационнӧй медицина врач, стаж — 15 во.
Висьӧмъяс тӧдмалан туялӧмъяс серти медбур врач — Наталья Дмитриевна Рабинович — Коми республиканскӧй клиническӧй больничаын функциональнӧй диагностикаса врач, стаж — 27 во.
Медбур врач — кардиолог — Наталья Вячеславовна Игнатова — Клиническӧй кардиология диспансерлӧн консультация да диагностика поликлиникаӧн заведуйтысь — врач-кардиолог, стаж — 17 во.
Медбур врач — хирург — Петр Васильевич Хоменко — Коми республиканскӧй онкология диспансерын врач-онколог.
Медбур врач анестезиолог-реаниматолог — Николай Валентинович Чепурнов — Коми республиканскӧй клиническӧй больничаын врач-анестезиолог-реаниматолог.
Медицина организацияӧн медбур юрнуӧдысь — Максим Иванович Чуркин — Усинск районса шӧр больничаын юралысь врач, стаж — 19 во.
Уджын веськыдлунысь — Леонид Андреевич Пиникер — Сыктывкарлӧн 1 №-а карса больничаын врач-хирург, стаж — 50 во.
«Шӧр тшупӧда медицина тӧдӧмлуна медбур специалист» уджсикасын кужанлун серти республиканскӧй конкурсын вермысьяс
Медбур фельдшер — Алёна Альбертовна Дайкер — Койгорт районса шӧр больничалӧн Койдін посёлокын фельдшер-акушер пунктӧн заведуйтысь — фельдшер.
Медбур акушер — Светлана Анатольевна Остроконь — Коми республиканскӧй перинатальнӧй шӧринса акушерка.
Медбур медицинскӧй сестра — Елена Александровна Лахман — Челядьлы республиканскӧй клиническӧй больничаын палатаса медицинскӧй сестра.
Медбур участкӧвӧй медицинскӧй сестра — Елена Владимировна Анисимова — Сыктывкарлӧн 3 №-а карса поликлиникаын участкӧвӧй медицинскӧй сестра.
Медбур шӧр медицинскӧй сестра — Елена Анатольевна Алексеева — Консультация да диагностика шӧринын шӧр медицинскӧй сестра.
Медбур лаборант — Алёна Николаевна Майбурова — Ёрд да медицина боксянь экспертиза нуӧдысь бюроын медицинскӧй лабораторнӧй техник.
Уджын веськыдлунысь — Надежда Андреевна Стрекалова — Луздор районса шӧр больничаын медицинскӧй сестра.
{Kodko @ Владимир Уйба юрнуӧдӧ Коми Республикаса делегацияӧн ПМЭФ–2023 вылын @ выльтор @ https://rkomi.ru/news/3035 @ 2023-06-15 @ }
Владимир Уйба юрнуӧдӧ Коми Республикаса делегацияӧн ПМЭФ–2023 вылын.
Тайӧ лунъясӧ «Экспофорум» конгрессно-выставочнӧй шӧринын мунӧ Петербургын войтыркостса экономическӧй 26-ӧд форум.
Мирын тайӧ медся тӧдчана делӧвӧй чукӧртчӧмъясысь ӧти.
Таво форум дырйи медшӧр темаыс: «Водзӧ асшӧра сӧвмӧм — оланпас вылӧ мыджсьӧмӧн лӧсьӧдӧм мирлӧн подув.
Ӧтув уджалам челядьнымлӧн шуда аскиа лун вӧсна».
Комиысь делегацияӧ пырӧны — Коми Республикаса Веськӧдлан котырын Медводдза вице-премьер Эльмира Ахмеева, Коми Республикаса Веськӧдлан котырӧн Юрнуӧдысьӧс вежысь Антон Виноградов, Коми Республикаса Веськӧдлан котырӧн Юрнуӧдысьӧс вежысь — экономика сӧвмӧдан да промышленносьт министр Евгений Пономаренко, бизнесӧс петкӧдлысьяс.
Форумыс артмӧ вит юкӧнысь. Найӧс сиӧма ставлы, мый вӧчсьӧ мирын, мый вӧсна артмӧ дзик выль многополярнӧй экономическӧй модель. Тайӧ сетӧ позянлун нуӧдны сёрни быдӧнкӧд, коді зільӧ сӧвмыны водзӧ.
Быд сессия сетас вочакыв юалӧм вылӧ, кутшӧм ин босьтас Россия выль олӧмын.
Миян страна петкӧдліс нин, мый сійӧ вермӧ тышкасьны аслас интересъяс да видзчысянлун вӧсна.
Ӧні колӧ выльмӧдны экономика.
Тайӧ абу кокни, но быть колана удж.
«Глобальнӧй вежсьӧмъяс дырйи мирса экономика» трек серти сессияясыс петкӧдласны, кутшӧм вежсьӧмъяс эмӧсь экономика юкӧнъясын: энергетикаын, финансъясын, логистикаын, транспортын, культураын, технологияясын.
«Россияса экономика: адаптациясянь быдмӧмӧ» блок сиӧма экономика сӧвмӧдан медшӧр юкӧнъяслы.
«Технологическӧй асшӧрлун артмӧдігӧн» блок серти нуӧдасны сессияяс да делӧвӧй аддзысьлӧмъяс, кӧні видлаласны экономикалӧн быд юкӧнын цифрӧвӧй технологияяс сӧвмӧдан стратегическӧй юалӧмъяс — канмуӧн веськӧдлӧмсянь да мыччӧдъяс видзӧмсянь промышленнӧй производствояс да аграрнӧй комплекс цифровизуйтӧмӧдз.
«Войтырӧс видзӧм да бур оласног — медтӧдчанатор» трекса сессияяс дырйи видлаласны, кыдзи искусство тӧдчӧ морт вылӧ, сёрнитасны экономика сӧвмӧдӧм могысь демографияӧ, велӧдӧмӧ, культураӧ да спортӧ инвестицияяс йылысь.
Россия Федерацияса Президентлӧн тшӧктӧм серти таво торйӧн нин уджаласны удж рынок вылын вежсьӧмъяскӧд йитчӧм юалӧмъяс серти.
Уджтасын эм торъя трек — «Удж рынок: выль мытшӧдъяс вылӧ вочакыв».
Сідзжӧ ПМЭФ вылын нуӧдасны «Делӧвӧй двадцатка» (В20) регионса консультативнӧй форум, Том йӧзлысь экономическӧй форум, Ичӧт да шӧр предпринимательстволысь форум, «Лекарствояс боксянь лёк суӧмысь видзӧм» форум, Креативнӧй Бизнеслысь форум, «ПМЭФ.Юниор» уджтас.
Коми Республикаса Юралысь Владимир Уйба пырӧдчас форумлӧн пленарнӧй заседаниеӧ, кӧні сёрнитас Россия Федерацияса Президент Владимир Путин.
Сідзжӧ регионса юрнуӧдысь пырӧдчас «Ӧнія олӧмын вӧр промышленнӧй комплекс сӧвмӧдігӧн пу керкаяс стрӧитӧмын тӧдчана могъяс» сессияӧ, петкӧдлас республикаын арктикаса муниципалитетъяслысь инвестиция позянлунъяссӧ, аддзысьлас удж серти уджъёртъяскӧд да кырымалас Коми Республикаӧс социальнӧя да экономика боксянь сӧвмӧдӧм вылӧ веськӧдӧм артмӧдчӧмъяс.
{Kodko @ Коми Республикаса да Кабардино-Балкарияса Веськӧдлан котыръяс кырымалісны уджъёртасьӧм йылысь артмӧдчӧм @ выльтор @ https://rkomi.ru/news/3036 @ 2023-06-15 @ }
Коми Республикаса да Кабардино-Балкарияса Веськӧдлан котыръяс кырымалісны уджъёртасьӧм йылысь артмӧдчӧм.
Лӧддза-номъя тӧлысь 15 лунӧ Петербургын войтыркостса экономическӧй XXVI форум дырйи Коми Республикаса Юралысь Владимир Уйба да Кабардино-Балкарскӧй Республикаса Юралысь Казбек Коков кырымалісны документсӧ.
Артмӧдчӧмыс кутас уджавны 5 во чӧж.
Сійӧ шымыртӧ уна нырвизь: экономика, вузасьӧм, наука, велӧдӧм, культура, искусство, национальнӧй политика, спорт, туризм, юӧр, йӧзлысь дзоньвидзалун видзӧм, олысьясӧс социальнӧя дорйӧм да мукӧдтор.
«Миянлы тӧдчана, медым миян регионъяс костын йитӧдъясыс сӧвмисны.
Коми Республика да Кабардино-Балкарскӧй Республика топыда уджалӧны нин культура юкӧнын.
Эска, мый ми лоам бур уджъёртъясӧн социальнӧя да экономика боксянь сӧвмӧдан и мукӧд юкӧнын: вузасьӧмын, туризмын, инновацияын, наукаын, велӧдӧмын.
Сідз, ми вӧзйим ваявны Кабардино-Балкарскӧй Республикаӧ ас оланін, социальнӧй учреждениеяс, гӧстиничаяс да кемпингъяс стрӧитӧм вылӧ пуысь керка лэптан комплектъяс, а сідзжӧ мебель.
Миян регионъяслӧн ыджыд позянлун, медым ӧтув уджавны республикаясса олысьяслы бур вылӧ», — пасйис Владимир Уйба.
«Ми кӧсъям ёртасьны Коми Республикакӧд уна нырвизьын — тайӧ регионса промышленносьтын вылыс технологияяс, стрӧитчӧм, пу вӧчӧдӧм.
Миянлы тайӧ лӧсялӧ: Кабардино-Балкарияын сӧвмӧ туризм, та вӧсна колӧны модульнӧй отельяс, кемпингъяс.
Эска, ӧтувъя удж артмас и Кабардино-Балкарияса бальнеологическӧй курортъясын йӧзлысь дзоньвидзалун бурмӧдан юкӧнын», — пасйис Кабардино-Балкарскӧй Республикаса Юралысь Казбек Коков.
{Kodko @ Коми Республикаса Веськӧдлан котыр да «Т Плюс» ПАК сёрнитчисны шоныдӧн могмӧдан система сӧвмӧдӧм йылысь @ выльтор @ https://rkomi.ru/news/3037 @ 2023-06-15 @ }
Коми Республикаса Веськӧдлан котыр да «Т Плюс» ПАК сёрнитчисны шоныдӧн могмӧдан система сӧвмӧдӧм йылысь.
Петербургын войтыркостса экономическӧй 26-ӧд форум дырйи Коми Республикаса Юралысь Владимир Уйба удж серти аддзысьліс «Т Плюс» ПАК-са медыджыд директор Александр Вилесовкӧд.
Аддзысьлӧм дырйи сёрнитісны Сыктывкарын шоныд сетан везъяс вежӧм йылысь да кырымалісны ӧтув уджалӧм йылысь артмӧдчӧм.
Бӧръя куим вонас «Т Плюс» куим пӧвйысь унджык содтіс инвестицияяссӧ, медым выльмӧдны республикаса юркарын энергообъектъяс да шоныд сетан везъяс. Инвестицияяслӧн йӧрышыс 2023 воын лоис 623 миллион шайт.
Сідзжӧ карын выльысь нюжӧдісны 1,8 пӧв унджык шоныд сетан вез, гожӧм чӧжӧн кӧсйӧны вежны 12 км унджык.
Сёрнитчысьяс тӧдчӧдісны, мый талунъя лун кежлӧ колӧ оз сӧмын ӧдйӧ уджавны, но и кыскыны содтӧд сьӧм, медым карсӧ бура могмӧдны шоныдӧн.
Инвестиция базасӧ позьӧ паськӧдны Сыктывкарӧс дон серти зонаӧ пыртӧмӧн.
«Регионса власьтъяскӧд ӧтув ми кутам ӧдйӧ разьны мытшӧдъяссӧ да водзӧ пуктавны выль могъяс.
Миян ӧтувъя мог — лӧсьӧдны олысьяслы бур услугаяс», — тӧдчӧдіс «Т Плюс» ПАК-са медыджыд директор Александр Вилесов.
«Коми Республикалысь инвестиция вынйӧрсӧ оз позь сӧвмӧдны зумыд да выль инфраструктуратӧг, сы лыдын энергетическӧй.
Тӧда, мый «Т Плюс» ПАК-кӧд ӧтув водзӧ уджалӧмыс сетас позянлун лӧсьӧдны условиеяс, медым сӧвмӧдны да бурмӧдны Коми Республикаса энергетика системалысь уджсӧ», — шуис Коми Республикаса Юралысь Владимир Уйба.
2023 воын «Т Плюс» ПАК веськӧдас 2,5 млрд гӧгӧр шайт Комиын шоныд сетан везъяс да станцияяс выльмӧдӧм вылӧ. Компаниялӧн медтӧдчана проектъяс лыдын — Интаын выль биару котельнӧй стрӧитӧм.
{Kodko @ Коми Республикаса Веськӧдлан котыр да «Россети Северо-Запад» кырымалісны уджъёртасьӧм йылысь артмӧдчӧм @ выльтор @ https://rkomi.ru/news/3038 @ 2023-06-15 @ }
Коми Республикаса Веськӧдлан котыр да «Россети Северо-Запад» кырымалісны уджъёртасьӧм йылысь артмӧдчӧм.
Документсӧ кырымалісны Коми Республикаса Юралысь Владимир Уйба да «Россети Северо-Запад» компанияса медыджыд директор Артем Пидник.
Церемонияыс вӧлі 2023 вося лӧддза-номъя тӧлысь 15 лунӧ Петербургын войтыркостса экономическӧй форум дырйи.
Артмӧдчӧмын урчитӧма электричество сетӧм да энергия боксянь окталун кыпӧдӧм серти ӧтувъя удж.
Талун Коми Республикаса муниципалитетъяс кывкутӧны олан пунктъясын да дінму тӧдчанлуна туйяс вылын 50 сюрс югзьӧдантор вӧсна.
Оборудованиеысь коймӧд пайсӧ колӧ выльмӧдны.
«Россети Северо-Запад» энергосервиснӧй контракт серти дась инвестируйтны сьӧм регионын ывла да туйяс югзьӧдӧм вылӧ.
Регион сизим во чӧж компенсируйтӧ сетевӧй компаниялысь рӧскодсӧ. Та могысь вӧдитчӧны энергия видзтан оборудование отсӧгӧн энергияӧн вӧдитчӧм вылӧ видзтӧм сьӧмӧн.
Шуам, важ пӧлӧс ывлавывса югзьӧданторсӧ светодиоднӧй вылӧ вежӧмыс чинтӧ электроэнергия вылӧ рӧскодсӧ матӧ 2 пӧв.
Проектсӧ збыльмӧдігӧн оз кыскыны Коми Республикасасянь содтӧд сьӧм.
Сідзжӧ сетевӧй компания дась стрӧитны югзьӧдан везъяс, тырвыйӧ могмӧдны выль да ӧнія инфраструктура.
«Ми дасьӧсь лоны Коми Республикаын ывлавыв югзьӧдӧм серти комплекснӧй операторӧн.
Регионын лоас ӧнъяӧдӧм да выль инфраструктура, а сідзжӧ чинас электроэнергия вылӧ рӧскодыс.
Та дырйи инвестицияяс бӧр бергӧдӧм кындзи ми вермам босьтны содтӧд сьӧм, медым сӧвмӧдны Коми Республикаса электросетевӧй комплекссӧ», — пасйис Артем Пидник.
«Ми кӧсъям лӧсьӧдны регионын ывлавыв югзьӧдӧм серти компетенция шӧрин.
«Россети Северо-Запад» компаниялӧн позянлунъяс отсӧгӧн ми вермам вуджны югзьӧдан качество серти ӧтувъя стандартъясӧ.
Тайӧ лоас Коми Республикаса олысьяслы бур гӧгӧртас лӧсьӧдӧмын нӧшта ӧти воськолӧн», — тӧдчӧдіс Владимир Уйба.
{Kodko @ РЭО сетас 2 миллиардысь унджык шайт Комиын ЧКШ комплекснӧй объект стрӧитӧм вылӧ @ выльтор @ https://rkomi.ru/news/3039 @ 2023-06-15 @ }
РЭО сетас 2 миллиардысь унджык шайт Комиын ЧКШ комплекснӧй объект стрӧитӧм вылӧ.
Россияса экологическӧй оператор дась сетны 2 миллиардысь унджык шайт Коми Республикаын чорыд коммунальнӧй шыбласъясӧн (ЧКШ) вӧдитчан комплекснӧй объект стрӧитӧм вылӧ.
Петербургын войтыркостса экономическӧй XXVI форум дырйи (ПМЭФ) РЭО медыджыд директор Денис Буцаев да Коми Республикаса Юралысь Владимир Уйба пыдісянь видлалісны проектлысь юкӧнъяссӧ.
Аддзысьлігӧн кырымалӧма уджъёртасьӧм йылысь артмӧдчӧм. Сы серти ЧКШ объектъяс лӧсьӧдӧм серти инвестиция проектъяссӧ кутасны збыльмӧдны регионын концессия артмӧдчӧмъяс подув вылын.
«Комиын лунвыв да войвыв районъяслы кӧсйӧны стрӧитны ЧКШ обработайтан да иналан кык комплекс.
Губернаторкӧд аддзысьлігӧн пыдісяньджык видлалім проектъяслысь юкӧнъяссӧ да кырымалім кыкнанладорса артмӧдчӧм. Сы серти водзӧ кутам збыльмӧдны инвестиция проектъяссӧ, сы лыдын концессия подув вылын», — юӧртіс Денис Буцаев.
«Талун ми кырымалім республикалы тӧдчана артмӧдчӧм. Сійӧс веськӧдӧма «Экология» нацпроектлысь «Шыбласъясӧн вӧдитчан комплекснӧй система» дінму проект збыльмӧдӧм вылӧ.
Миянлы ковмас пӧртны олӧмӧ мероприятиеяс, медым лӧсьӧдны ӧнія кадлы лӧсялысь объектъяс, кодъяс кутасны обработайтны, инавны да меститны Коми Республикаын чукӧрмысь чорыд коммунальнӧй шыбласъяссӧ», — шуис Владимир Уйба.
РЭО дась сетны сьӧмсӧ ӧти татшӧм объект вылӧ инвестиция йӧрышысь 95 прӧчентӧдз. Сьӧмсӧ могмӧдасны концессионерлы льготнӧй заём пыр, компаниялысь облигацияяс меститӧмысь босьтӧм сьӧм тшӧт весьтӧ.
Сьӧм мындаыс вермас лоны 2 миллиардысь унджык шайт.
Отсӧг сетан йӧрышсӧ лоӧ индӧма инвесторӧн проектно-сметнӧй документация дасьтӧм да канму экспертизаяс прӧйдитӧм бӧрын.
Коми Республикаын чорыд коммунальнӧй шыбласъясӧн вӧдитчӧм серти комплекснӧй объектъяс стрӧитӧм вылӧ площадкаяссӧ индасны и олысьяскӧд аддзысьлӧм бӧрын. Найӧс котыртӧ Коми Республикаса ӧтйӧза палата.
Тайӧ уджлӧн бӧртасъяс йылысь юӧртасны регыдъя кадӧ.
Татшӧм объектъяссӧ уджӧ пыртӧм бӧрын регион нӧшта на ёнджыка воӧдчас «Экология» нацпроектлӧн петкӧдласъясӧдз. Сы серти колӧ, медым 2030 во кежлӧ 100% шыблассӧ вӧлі нуӧма обработайтӧм вылӧ, а шыбласъяс гуалӧмсӧ чинтӧма кык пӧв.
«Россияса экологическӧй оператор» публичнӧй-инӧда компаниясӧ лӧсьӧдӧма 2019 вося тӧвшӧр тӧлысь 14 лунӧ Президентлӧн Индӧд серти.
РЭО медшӧр мог — лӧсьӧдны Россияын чорыд коммунальнӧй шыбласъясӧн вӧдитчан комплекснӧй система.
{Kodko @ Коми Республика збыльмӧдӧ пу керкаяс стрӧитан проектъяс @ выльтор @ https://rkomi.ru/news/3040 @ 2023-06-15 @ }
Коми Республика збыльмӧдӧ пу керкаяс стрӧитан проектъяс.
Санкт-Петербургын ПМЭФ–2023 дырйи Коми Республика Юралысь Владимир Уйба аддзысьліс федеральнӧй министерствоясӧн да ведомствоясӧн юрнуӧдысьяскӧд вӧр промышленносьт комплекс сӧвмӧдан выль позянлунъяс дырйи пу керкаяс стрӧитан стратегическӧй могъяс видлалӧм могысь.
«Ӧнія пу керка, ӧнія пу архитектура — тайӧ аскиа лун, кытчӧ колӧ сӧвмыны да быдмыны.
Тайӧ лӧсьыд да прамӧй оланін.
Меным зэв нимкодь, мый Президентлӧн тшӧктӧмъяс понда йӧзыс да бизнесыс кутісны ёнджыка эскыны тайӧ нырвизьыслы.
Пондісны сёрнитны сы йылысь, мый керка лэптан комплектъяс, кутшӧмъясӧс вӧчисны выль технологияяс серти ӧнія предприятиеяс вылын да чукӧртісны сертифицируйтӧм стрӧительяс, — тайӧ сійӧ, мый позьӧ пуктыны банкса залогӧ, сы отсӧгӧн позьӧ дыр кад кежлӧ инвестиционнӧя планируйтны семьятӧ.
Тайӧ сэтшӧмтор, мый позьӧ кольны челядьлы, экономика боксянь — тайӧ олӧм вылад тӧлка видзӧдлас.
Тані колӧ тӧдчӧдны, мый тайӧ экономика оборотын выль петкӧдчӧм», — пасйис Россия Федерацияса промышленносьт да вузасян министрӧс вежысь Олег Бочаров.
2023 вося урасьӧм тӧлысьын вӧр промышленносьт комплекс сӧвмӧдӧм серти сӧвещание дырйи Россияса Президент Владимир Путин тшӧктіс унджык стрӧитны пу керкаяс, медым овмӧдны сэтчӧ йӧзӧс аварийнӧй оланінъясысь, унджык вӧчны заводъясын керка лэптан комплектъяс, а сідзжӧ стрӧитны пуысь социальнӧй инфраструктура объектъяс.
Росстат юӧртіс мый, 2021 воын страна пасьтала вӧлі 10,8 млн кв.м. пу керка, 2022 воын — 14,2 млн. кв.м, да налӧн лыдыс содӧ и 2023 воын.
2024 воын, кыдзи шуӧны экспертъяс, пу керка лыдыс нӧшта на содас.
«Президентлӧн тшӧктӧм серти Рытыв-Войвыв федеральнӧй кытшын ми лэптам керкаяс, кодъясӧс вӧчӧны да чукӧртӧны пӧдраднӧй организацияяс.
Та сайын аскиа луныс.
Сы вӧсна мый проектъясыс гӧгӧрвоанаӧсь, залогӧ пуктанторйыс гӧгӧрвоана.
Веськӧдлан котырлӧн, регионъяслӧн да муниципалитетъяслӧн мог — могмӧдны проектъяссӧ колана инфраструктураӧн да му участокъясӧн.
Воддза во ме вӧлі Комиын, меным петкӧдлісны объект дорӧ туйяс да везъяс стрӧитӧмсӧ, кӧні лэптӧны ас олан керкаяс.
Сэні дасьтӧны олӧм вылӧ збыльвылас лӧсьыд да бур мутасъяс, кӧні эм став колана инфраструктураыс.
Тайӧ зэв коланатор.
Мортыс кор олӧ, сылы колӧ босьтны социальнӧй, медицина услугаяс, колӧны вузасянінъяс.
Колӧ лоны ставлы, мый дорӧ велаліс карса олысьыд», — пасйис Россия Федерацияса стрӧитчан, оланін да коммунальнӧй овмӧс министрӧс вежысь Никита Стасишин.
Кыдзи шуис Никита Стасишин, пандемия бӧрын йӧзыс зільӧны ньӧбны ас керка, медым вӧлі позянлун быдтыны челядьсӧ вӧр-ваын. Россия Федерацияса Веськӧдлан котыр дасьтӧ нормативнӧй документъяс, кутшӧмъяс отсӧгӧн промышленнӧй предприятиеяс вермасны лӧсьӧдны типӧвӧй проектъяс, банкъяс — артавны инвестиция серти налысь асдонсӧ, а регионъяс да муниципалитетъяс — босьтны федеральнӧй сьӧмкудйысь канмусянь отсӧг татшӧм проектъяс збыльмӧдӧм вылӧ.
Сідзжӧ сійӧ ошкис Коми Республикаса Веськӧдлан котырлысь уджсӧ аварийнӧй оланінысь йӧзӧс мӧдлаӧ овмӧдӧм могысь пу керкаяс стрӧитӧм серти.
«Коми Республикаын олысьяс лыдысь джынйыс олӧ сиктын, кӧні пӧшти став керкаыс — пуысь вӧчӧм, — пасйис Владимир Уйба. — Унджык семьяыс виччысьӧны аварийнӧй да киссян оланінысь мӧдлаӧ вуджӧмсӧ.
Да миян талун кежлӧ эм ставыс, медым разьны тайӧ мытшӧдсӧ.
Ӧти-кӧ, эмӧсь предприятиеяс, кодъяс дасьӧсь вӧчны пу керка лэптан комплектъяс.
Мӧд кӧ, эм му, кӧні позьӧ стрӧитны уна патераа олан керкаяс.
Да медшӧрыс — эм сырьё, кодӧс оз ков некытысь вайны.
А тайӧ ёна чинтӧ асдонсӧ.
Вӧр пилитан прӧдуктъяс — пеллетъяс да брикетъяс — мунасны ломтысьӧм вылӧ.
Разьтӧм мытшӧдъяс лыдын на — колӧны керка лэптан комплектъяс лӧсьӧдӧм вылӧ аймуса оборудование да колӧ могмӧдны предприятиеяссӧ уна заказӧн.
Оборудование серти юалӧмыс сулалӧ на.
А заказъяссӧ вочасӧн артмӧдам.
Тайӧ во помӧдзыс Воркутаын ми стрӧитам керка лэптан комплектъясысь медводдза керка, нӧшта некымын керка лэптам Сыктывкар улын.
abu
А пу керкаяс — тайӧ абу сӧмын судзсяна, но и экологичнӧйджык оланін».
Коми Республикаын вӧчӧны МХМ пу стен панельяс.
Подулас вӧдитчӧны камернӧя косьтан пӧвъясӧн, кутшӧмъясӧс оз ков обработайтны антисептикӧн да пропиткаӧн.
Пӧвъяссӧ тэчӧны крест-накрест да ӧтлаӧдӧны ас костын алюминиевӧй штифтъясӧн, мый лӧсялӧ медвылыс экологическӧй стандартъяслы.
Тайӧ технологияыс бура асьсӧ петкӧдліс керка лэптан рынок вылын.
МХМ-панельясӧн позьӧ вӧдитчыны административнӧй зданиеяс, стационарнӧй вузасян объектъяс, ас олан керкаяс стрӧитӧм дырйи.
Шуам, Коми Республикаын аварийнӧй оланінысь йӧзӧс мӧдлаӧ овмӧдан уджтас серти кӧсйӧны стрӧитны керкаяс воркутаса Елецкӧй посёлокын олысьяслы, а сідзжӧ стрӧитны Ылыдздін сиктын Печора-Ылыдзса заповедниклысь визит-шӧрин.
Таысь кындзи, регионын вӧчӧны клеитӧм пу конструкцияяс — клеитӧм брус да клеитӧм балкаяс, кутшӧмъясӧн вӧдитчӧны стрӧитчан материал пыдди, медым лэптыны этша судтаа уна мога пу объектъяс, да кутшӧмъяс лӧсялӧны экология боксянь корӧмъяслы.
«Лузалес» ИКК кындзи Коми Республикаын дасьӧсь котыртны да паськӧдны керка лэптан комплектъяслысь производствосӧ «Промтех-инвест» ИКК, «КомиИнвестПром» ИКК да «ПечораСеверЛес» ИКК.
Кыдзи пасйис Коми Республикаса Юралысь Владимир Уйба, медым сӧвмӧдны пу керка лэптӧмсӧ, Коми Республикаса Веськӧдлан котыр федеральнӧй олӧмӧ пӧртысь власьт органъяскӧд ӧтвылысь уджалӧ ёртасян странаясын вӧчӧм лӧсялана оборудование бӧрйӧм, мутасса индустрия парк сӧвмӧдӧм, Торъя инфраструктура проектын лоны вермана участвуйтысьяслӧн реестрӧ предприятиеяс пыртӧм, предприятиеяс-производительясӧс медводдзаяс лыдын вӧр фондӧн могмӧдӧм серти.
Регионын быд боксянь отсалӧны инвесторъяслы, мынтӧны субсидияяс инфраструктура объектъяс лӧсьӧдӧм вылӧ, сетӧны вот преференцияяс да кокньӧдӧм заёмъяс.
Президентлӧн тшӧктӧм серти Россияса Веськӧдлан котыр дасьтӧ пу керка лэптӧм серти отсалан мераяс.
Найӧ кутасны йитчыны пошта связь юкӧнъяс ӧнъяӧдӧмкӧд, пыртӧм олан керкаяссӧ биоломтас вылын уджалысь аймуса котельнӧй оборудованиеӧн могмӧдӧмкӧд, ас олан керкаяс стрӧитӧмкӧд.
Некымын мера пыртӧма нин.
Шуам, ас олан керкаяс стрӧитӧм вылӧ паськалӧны льготнӧй ипотечнӧй уджтасъяс, а сідзжӧ заводса керка комплектъяс ньӧбӧм вылӧ льготнӧй кредитъяс.
Дасьтӧны отсалан мераяс и вӧр промышленносьт юкӧнлы.
Россияса Президент Владимир Путинлӧн тшӧктӧм серти нуӧдӧны пу керка стрӧитан ӧтувъя стандартъяс да нормаяс лӧсьӧдӧм серти удж.
Россияса Веськӧдлан котыр дасьтӧ социальнӧй инфраструктура объектъяс лэптігӧн пу керка стрӧитӧмӧн вӧдитчӧм серти, выль пӧв вӧдитчан типӧвӧй проектъяс пыртӧм, ас олан керкаяс стрӧитӧм вылӧ индӧм му участокъяс инфраструктура объектъясӧн могмӧдӧм серти вӧзйӧмъяс.
Лӧсьӧдісны нин некымын СНиП, медым збыльмӧдны уна судтаа пу керкаяс серти проектъяс.
{Kodko @ Владимир Уйба: «Регионъясӧ инвестируйтӧм — тайӧ Россиялӧн талунъя да аскиа лунӧ инвестируйтӧм» @ выльтор @ https://rkomi.ru/news/3041 @ 2023-06-15 @ }
Владимир Уйба: «Регионъясӧ инвестируйтӧм — тайӧ Россиялӧн талунъя да аскиа лунӧ инвестируйтӧм».
Регионса Юралысь петкӧдліс Коми Республикалысь инвестиция позянлунъяссӧ «Арктика — территория диалога» форум вылын. Сійӧ муніс Санкт-Петербургын ПМЭФ–2023 дырйи.
Кыдзи вӧлі пасйӧма форум вылын, Коми Республикалӧн экономика подулын ломтаса-энергетическӧй да вӧр промышленносьт комплекс.
Та дырйи сідзжӧ пыртӧны экономикаын выль помшуӧмъяс да технологияяс, сӧвмӧдӧны мукӧд производство.
Выль инвестиция проектъяслы отсалан система дасьтӧм серти Россияса Президентлысь тшӧктӧм олӧмӧ пӧртӧм могысь Коми Республикаын пыртӧма выльмӧдӧм Регинвестстандартлысь витнан быть колана юкӧнсӧ: вынсьӧдӧма Регионлысь инвестиция боксянь декларация, артмӧдӧма инвестиция комитет, пыртӧма Инвестиция правилӧ чукӧр, лӧсьӧдӧма Регионлысь инвестиция карта, «Менам бизнес» шӧринлы сетӧма Инвестиция боксянь сӧвмӧдан агентстволысь могъяс.
Коми Республикаын эмӧсь арктика мутасъясын — Воркутаын, Интаын, Усинскын да Чилимдін районын — бизнес нуӧдӧм вылӧ преференцияяс.
Медшӧр нырвизьясысь ӧти — чинтыны проектнӧй документация дасьтан да сӧгласуйтан кадколастъяссӧ, вӧчны восьсаӧн став административнӧй процессӧ, медым ышӧдны инвестируйтӧмӧ.
Республикаса Веськӧдлан котыр пырӧдчис уджӧ Россияса Президентлӧн тшӧктӧм серти — могмӧдны Арктика зонаын олысь гражданаӧс социальнӧй инфраструктура объектъясӧн — «Ӧтувъя арктическӧй субсидия» серти.
2022 воӧ федеральнӧй сьӧмкудйысь 772 млн шайт веськӧдӧма медшӧр могъяс вылӧ: аэродромнӧй да пӧжарнӧй техника, автобусъяс, коммунальнӧй да лым весалан техника ньӧбӧм, автомашина туйяс дзоньталӧм да усинскса Колва сиктын ФАП стрӧитӧм вылӧ.
«Ӧтувъя субсидия» серти ньӧбӧма 100 сайӧ единица техника, а сідзжӧ на дорӧ содтӧд оборудование.
2023 воӧ 259 млн шайт вылӧ ньӧбӧма олысьяслы, тшӧтш и ылі да сьӧкыда воӧдчан олан пунктъясын, судзсяна да бур медицина отсӧг сетӧм вылӧ мобильнӧй оборудование.
Коми Республикаса Юралысь висьталіс страналы да регионлы тӧдчана инвестиция проектъяс йылысь.
Тайӧ «Сосногорск — Индига» кӧрт туй магистраль стрӧитӧм, титан да кварц перъян Пижемскӧй месторождение туялӧм да национальнӧй горнопромышленнӧй кластер лӧсьӧдӧм. Тайӧ ставыс пырӧ Арктика зонаын ӧтувъя Мегапроектӧ.
«Миян уна минеральнӧй месторождение. На отсӧгӧн позьӧ вӧчны стрӧитчан материалъяс.
А «Сосногорск-Индига» магистраль ставнас вежас Войвывса саридз туй дорӧ груз нуан логистикасӧ.
Таысь кындзи, миян кык сюрс сайӧ консервируйтӧм мусир скважина, найӧ вермасны ковмыны неыджыд мусир компанияяслы.
Арктика мутасъясӧ инвестируйтны кӧсйысьыс уна, ӧд тані налы сетӧны уна преференция», — пасйис Владимир Уйба.
Регионкостса медыджыд инфраструктура проектъясысь ӧти — Сыктывкар — Ухта — Печора — Усинск — Наръян-Мар автомашина туй да Усинск районын Печора ю вомӧн пос стрӧитӧм.
2022 воӧ босьтчӧма тайӧс збыльмӧдны — заводитӧма дасьтыны проектнӧй документация, поссӧ кӧсйӧны стрӧитны 2025 — 2027 воясӧ федеральнӧй сьӧм отсӧгӧн.
Проектыс сетас позянлун йитны туйяссӧ во гӧгӧр чӧж да сӧвмӧдны Арктика зона абу сӧмын Коми Республикаын, отсалас лӧсьӧдны выль экономика йитӧдъяс да водзӧ сӧвмӧдны Войвывса саридз туй, а озыр ресурснӧй база да транспорт туйяслӧн вомӧнасянінын транзитнӧй сулалӧмыс лоасны подулӧн, медым проектыс вӧлі коланаӧн дыр кад чӧж.
Сідзжӧ «ЛУКОЙЛ-Коми» компания водзӧ туялӧ Усинскса месторождениеын пермокарбоновӧй куйлӧдъяс.
Проектӧ инвестируйтӧма 260 млрд гӧгӧр шайт, 2023 вося тӧвшӧр тӧлысь 1 лун кежлӧ видзӧма 114 млрд гӧгӧр шайт.
Интаын помалӧны стрӧитны кальцийлысь карбид да ферросплавъяс вӧчан завод.
Проектсӧ веськӧдӧма суйӧрсайса тӧвар вежан производство лӧсьӧдӧм вылӧ. Сійӧ лоас Казахстанысь да Китайысь кальцийлысь карбид вузалысьяслы конкурентӧн да сетас позянлун вӧдитчыны татчӧс ресурсъясӧн — коризӧн да из шомӧн, а сідзжӧ могмӧдас прӧдукцияӧн найӧс, кодъяс медъёна вӧдитчӧны кальцийлӧн карбидӧн, — «Соликамскса десульфатор завод», «Северсталь» компания да мукӧдӧс.
Россияса Президентлӧн тшӧктӧм серти регионын сӧвмӧдӧны пу керка стрӧитӧм — бизнескӧд ӧтвылысь дасьтӧны этша судтаа пу керкаяслысь проектъяс, сы лыдын гражданаӧс аварийнӧй оланінъясысь мӧдлаӧ овмӧдӧм могысь.
Талун кежлӧ керка лэптан дась комплектъяс вӧчӧм вылӧ колана техникаыс да позянлуныс эм «Лузалес» да «ПК Евробрус» компанияяслӧн.
Тайӧ предприятиеяслӧн производство вынйӧръясыс сетӧны позянлун дасьтыны вонас 100 квадратнӧй метр площадя 430 гӧгӧр керка лэптан комплект.
«2022 восянь ми вӧр переработайтысьяскӧд сёрнитім сы йылысь, мый позьӧ вӧчны керка лэптан ас комплектъяс, да абу сӧмын ас керкаяс кыпӧдӧм вылӧ, но и социальнӧй юкӧнлы.
Таво нин ми кыпӧдам ас комплектысь медводдза керка Воркутаын.
А тайӧ Арктика, Войкытшсай.
abu
Федеральнӧй да регионса отсӧгӧн ми сетам позянлун миян производительяслы збыльмӧдны производство циклсӧ ас му вылын да та дырйи сӧвмыны», — гӧгӧрвоӧдіс Владимир Уйба.
2023 восянь «КомиИнвестПром» компания сідзжӧ кӧсйӧ лӧсьӧдны клеитӧм брус да керка лэптан комплектъяс вӧчан производство.
2024 воӧ татшӧм производствосӧ восьтас «Промтех-инвест» предприятие. Сійӧ кыпӧдас клеитӧм брускысь керка лэптан комплектъяс вӧчӧмсӧ нӧшта 150 единица вылӧ.
Тайӧ сетас позянлун могмӧдны йӧзӧс, кодъяс кӧсйӧны бурмӧдны олан условиеяссӧ, бур да экологичнӧй оланінӧн.
Сідзжӧ проектыс лоас коланаӧн мукӧд регионлы да импортируйтысь страналы.
Арктикаса Воркутаын кӧсйӧны стрӧитны 16 патераа олан керка, медым овмӧдны сэтчӧ Елецкӧй посёлокса аварийнӧй керкаясысь 35 мортӧс. Стрӧитчыны кӧсйӧны пу каркас да клеитӧм конструкцияяс подув вылын комплект отсӧгӧн.
Воркута сӧвмӧдӧм вылӧ выль ышӧданторйӧн лоис сійӧ, мый «Воркутауголь» компания шуис водзӧ уджавны.
Сылы отсӧг сетӧм да комплекснӧя уджалӧм могысь регионса Веськӧдлан котыр лӧсьӧдӧ Воркута сӧвмӧдӧм серти 20 во кежлӧ план.
Ӧнія кадӧ «Воркутауголь» вӧдитчӧ 3 куйлӧдӧн: Воркутаса, Воргашорса да Юньягаса.
2024 восянь «Воркутауголь» кӧсйӧ уджавны Усинскса месторождениелӧн 1 №-а шахта поле вылын, Воргашорса месторождение вылын, а сідзжӧ паськӧдны содтӧд участок «Юньягаса» куйлӧдӧдз. Тайӧ сетас позянлун водзӧ перйыны восьса ногӧн бур из шом.
Коми Республикаса Юралысь Владимир Уйба петкӧдліс республикалысь туризмын позянлунъяссӧ.
«Москвасянь Сыктывкарӧдз лэбны колӧ сӧмын час да джын.
Сэсся ті веськаланныд аслыспӧлӧс инӧ, кӧні паськалӧны вӧрзьӧдлытӧм вӧръяс, вӧр сора тундра, тундра да Войкытшсай.
Маньпупунёр кындзи, мый лоӧ Россияса сизимӧд шензьӧданторйӧн, ми вермам вӧзйыны агротуризм, тшӧтш и Арктикаын.
Шуам, республикаса медыджыд арктическӧй муниципалитетын — Чилимдін районын быдтӧны аслыспӧлӧс печораса ыжъясӧс.
Таысь кындзи, республикаын позьӧ сӧвмӧдны промышленнӧй туризм.
Шуам, позьӧ ветлыны производство вылӧ, кӧні пластик бутылкаысь вӧчӧны кытӧм полотно россияса автопромлы да сынӧдса флотлы.
Туризм боксянь миян регионын эм, мый видзӧдны», — сигӧртіс Коми Республикаса Юралысь Владимир Уйба.
Коми Республикасянь «Арктика — территория диалога» форум вылӧ локтысьяс пӧвстын пудъялісны нималана Маньпупунёр плато вылӧ — Россияса сизим шензьӧдантор пиысь ӧти вылӧ, вертолётӧн ӧти лунся тур. Вермысьӧн лоис Елена Климчук.
Финн-угор этнопаркӧ ветлӧмӧн «Йиркаплӧн легендаяс» кык лунся тур вичмис Дмитрий Литковскийлы.
{Kodko @ Владимир Уйба юӧртіс ПМЭФ–2023 дырйи Коми Республикаса делегациялӧн удж йылысь @ выльтор @ https://rkomi.ru/news/3042 @ 2023-06-15 @ }
Владимир Уйба юӧртіс ПМЭФ–2023 дырйи Коми Республикаса делегациялӧн удж йылысь.
Петербургын войтыркостса экономическӧй форум — мирын медся ыджыд да тӧдчана лоӧмторъяс пиысь ӧти.
Таво сійӧ мунӧ лӧддза-номъя тӧлысь 14–17 лунъясӧ.
Талун, лӧддза-номъя тӧлысь 15 лунӧ, Коми Республикаса Юралысь пырӧдчис «Ӧнія олӧмын вӧр промышленнӧй комплекс сӧвмӧдігӧн пу керкаяс стрӧитӧмын тӧдчана могъяс» сессияӧ, тӧдмӧдіс республикаын арктикаса муниципалитетъяслӧн инвестиция позянлунъясӧн, аддзысьліс уджъёртъяскӧд да кырымаліс Коми Республикаӧс социальнӧя да экономика боксянь сӧвмӧдӧм вылӧ веськӧдӧм ӧткымын артмӧдчӧм.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Сбер отсалас Коми Республикалы цифрӧвӧй да ESG-трансформацияӧн @ выльтор @ https://rkomi.ru/news/3043 @ 2023-06-16 @ }
Сбер отсалас Коми Республикалы цифрӧвӧй да ESG-трансформацияӧн.
Сбер отсалас Коми Республикалы искусственнӧй интеллект (ИИ) технологияяс отсӧгӧн збыльмӧдны регионын цифрӧвӧй да ESG-трансформация.
Та йылысь сёрнитчисны Коми Республикаса Юралысь Владимир Уйба да Сбербанкса Президент, Правлениеӧн Веськӧдлысь Герман Греф. Найӧ кырымалісны лӧсялана артмӧдчӧм.
Кырымалан церемонияыс вӧлі лӧддза-номъя тӧлысь 16 лунӧ Петербургын войтыркостса экономическӧй 26-ӧд форум дырйи.
Коми Республикаса Веськӧдлан котыр да Сбер пыртасны да сӧвмӧдасны ИИ технологияяс, тшӧтш и машиннӧй велӧдӧм, цифрӧвӧй да ESG-трансформация технологияяс, кыпӧдасны наука туялан да инновация удж, медым лӧсьӧдны выль технологияяс да сервисъяс, а сідзжӧ лӧсьӧдасны условиеяс, медым регион вуджис зумыда сӧвман модельӧ.
Сёрнитчысьяс кӧсйӧны нуӧдны туялӧмъяс да пыртны машиннӧй велӧдӧмлысь модельяс да ИИ-лысь мукӧд технология йӧзлысь дзоньвидзалун видзан, транспорт, стрӧитчан, гӧгӧртас видзан да мукӧд юкӧнӧ.
Урчитӧма, мый зумыда сӧвмӧдан подходъяссӧ да ESG пыртасны вӧр-ваӧн вӧдитчан, гӧгӧртас видзан, экологияын неминучаысь видзчысян, экология проектъяс лӧсьӧдан да налы отсалан юкӧнъясын.
Бурмӧдасны ESG да зумыда сӧвмӧдан юкӧнын уджалысьясӧс дасьтан да налысь квалификация кыпӧдан система, сӧвмӧдасны волонтёрство, инклюзивнӧй проектъяс да водзмӧстчӧмъяс.
Сідзжӧ республикаса юрнуӧдысьяс да Сбер кутасны сӧвмӧдны да пыртны цифрӧвӧй технологияяс медицина учреждениеяслӧн уджӧ, могмӧдны «цифраӧн» социальнӧй да коммунальнӧй инфраструктура объектъяс, кыпӧдны гражданалысь финансӧвӧй да цифрӧвӧй тӧдӧмлунъяс, сӧвмӧдны локальнӧй да кывкутана предпринимательство, пыртны кывкутӧмӧн сьӧмӧн могмӧдан инструментъяс.
Артмӧдчӧмын нӧшта ӧти юкӧн — кывкутӧмӧн сьӧмӧн могмӧдан принципъяс тӧд вылӧ босьтӧмӧн социальнӧя да экономика боксянь сӧвмӧдан выль шӧринъяс паськӧдӧм да лӧсьӧдӧм вылӧ веськӧдӧм инвестиция проектъяс збыльмӧдӧм.
«2022 воӧ сӧмын 19 регион бура лӧсяліс ESG-муртӧсъяслы.
Кыдзи петкӧдліс миян анализным, РФ-са уна регион сӧмын да заводитӧны ESG-трансформациясӧ, но зэв тӧдчана, мый медводдза воськовъяссӧ вӧчӧма нин.
Ми отсалам Коми Республикаса юрнуӧдысьяслы сӧвмӧдны регионын ESG-практикаяс, пыртны йӧзкост овмӧсын да социальнӧй юкӧнын цифрӧвӧй сервисъяс да искусственнӧй интеллект технологияяс.
Та вылӧ Сберлӧн эмӧсь и вылыс квалификацияа кадръяс, и ӧнія технологияяс, и колана опыт.
Тайӧн ставнас ми юксям регионъяскӧд, медым отсавны зумыда сӧвмӧдны странанымӧс», — пасйис Сбербанкса Президент, Правлениеӧн Веськӧдлысь Герман Греф.
«Сбер торъялӧ социальнӧй кывкутӧмӧн, гӧгӧртас видзӧмӧн да бур корпоративнӧй культураӧн.
Сберлӧн опытыс да инновацияясыс отсаласны Коми Республикалы пыртны цифрӧвӧй технологияяс предпринимательствоӧ да социальнӧй юкӧнӧ, мый отсалас бурмӧдны гражданалысь олӧмсӧ, кыпӧдны услугаяс сетан ӧдсӧ, а медвыль технологияяс лоасны нӧшта на судзсянаджыкӧн миян республикаса олысьяслы», — пасйис Коми Республикаса Юралысь Владимир Уйба.
{Kodko @ Коми Республика кӧсйӧ паськӧдны Индиякӧд вузасян да экономика йитӧдъяссӧ @ выльтор @ https://rkomi.ru/news/3044 @ 2023-06-16 @ }
Коми Республика кӧсйӧ паськӧдны Индиякӧд вузасян да экономика йитӧдъяссӧ.
Лӧддза-номъя тӧлысь 16 лунӧ Санкт-Петербургын ПМЭФ–2023 дырйи Коми Республикаса Юралысь Владимир Уйба аддзысьліс «Индияса Бизнес Альянс» абу коммерческӧй партнёрствоӧн юрнуӧдыськӧд.
Аддзысьлігӧн сёрнитісны Россия да Индия костын энергетика, фармацевтика да вузасян йитӧдъяс юкӧнын регионса да индияса бизнесъяслӧн ӧтувъя уджын позянлунъяс, Индияӧ бизнес-миссия котыртӧм, а сідзжӧ Коми Республикаӧ индияса бизнесменъяслӧн волӧм йылысь.
«Индия да Россия костын сӧвмӧны стратегия йитӧдъяс.
Дерт, Коми Республикалы колӧ, медым Индияысь бизнес паськаліс миян дорын, сӧвмис промышленнӧй кооперация, лӧсьӧдісны ӧтувъя проектъяс, артмисны выль логистика везъяс.
Чайта, мый миян эм уна позянлун, медым ӧтув уджавны пу обработайтан, химическӧй, кокни да сёян-юан промышленносьт, вылыс технологияа оборудование, медицина услугаяс да фармацевтика юкӧнъясын.
Эска, мый Индияын босьтасны тӧд вылӧ позянлунъяссӧ, кутшӧмъяс воссясны на водзын Коми Республикаын», — пасйис Владимир Уйба.
Быд во Коми Республика нуӧ Индияӧ бумага да картон (став экспортысь тайӧ 20,4 %), пу да пуысь вӧчасъяс (5 %).
2022 воӧ тӧдчана ин босьтіс минеральнӧй ломтас, мусир да сійӧс вийӧдӧмысь артмӧмторъяс экспортируйтӧм (74 %).
Комиӧ Индияысь вайӧны абу органическӧй химия прӧдуктъяс, мавтанторъяс да полиграфическӧй краска.
2023 вося урасьӧм тӧлысь помын — рака тӧлысь заводитчигӧн «Предпринимательство сӧвмӧдан шӧрин» Коми Республикаса АНО-лӧн Экспортлы отсалан шӧрин котыртіс ичӧт да шӧр предпринимательство субъектъяслы индияса Дели карӧ войтыркостса бизнес-миссия.
Индияӧ ветлісны Коми Республикалӧн вӧр промышленносьт комплексса 3 компания.
Бизнес-миссия дырйи сёрнитчӧма ньӧбысь компанияяскӧд тьӧс-плака нуӧм йылысь.
Такӧд йитӧдын Коми Республикаса Юралысь Владимир Уйба вӧзйис котыртны 2023 воӧ Индияысь Коми Республикаӧ бизнес-миссия, нуӧдны мукӧд ӧтувъя мероприятие.
Сідзжӧ сійӧ висьталіс, канмусянь кутшӧм отсӧг инвесторъяслы сетӧ регион.
Тайӧ канму либӧ муниципальнӧй эмбурӧ пырысь му участокъяс сетӧм, инфраструктура объектъяс лӧсьӧдӧм вылӧ рӧскод компенсируйтӧм вылӧ субсидияяс сетӧм, Лэдзӧм сьӧм видзӧм да ышӧдӧм йылысь артмӧдчӧм кырымалӧм, кокньӧдӧм заёмъяс сетӧм, вот кокньӧдъяс сетӧм, «ӧти ӧшинь» принцип серти проектъяслы отсӧг сетӧм.
«Ме кора тіянӧс Коми Республикаӧ да вӧзъя видзӧдлыны миян регионын вылыс технологияа выль производствояс лӧсьӧдны позянлунъяс.
Республикаса Веськӧдлан котыр дась отсавны збыльмӧдны тіянлысь планъясныдтӧ», — Владимир Уйба шыӧдчис индияса уджъёртъяс дорӧ.
Индияса партнёръяс висьталісны, мый найӧ кӧсйӧны инвестируйтны Коми Республикаын минерально-сырьевӧй комплекс перъянінъясӧ, туризмӧ, видз-му овмӧсӧ да промышленнӧй производствоӧ.
{Kodko @ Владимир Уйба удж серти аддзысьліс «Raymed Group» директоръяслӧн сӧветӧн веськӧдлысь Рэй Раджив Кумаркӧд @ выльтор @ https://rkomi.ru/news/3045 @ 2023-06-16 @ }
Владимир Уйба удж серти аддзысьліс «Raymed Group» директоръяслӧн сӧветӧн веськӧдлысь Рэй Раджив Кумаркӧд.
Аддзысьлісны лӧддза-номъя тӧлысь 16 лунӧ Петербургын войтыркостса экономическӧй форум дырйи.
Видлалісны Коми Республикаын инвесторлӧн сьӧм вылӧ онкология, неврология, сьӧлӧм да вир сӧн висьӧмъяс водзвыв диагностируйтан шӧрин стрӧитӧм, сэтчӧ позитронно-эмиссионнӧй томограф вайӧм, реабилитируйтан шӧрин стрӧитӧм серти юалӧмъяс.
{Kodko @ Владимир Уйба юӧртіс ПМЭФ–2023 вылын Коми Республикаса делегациялӧн мӧд лунся уджлӧн кывкӧртӧдъяс йылысь @ выльтор @ https://rkomi.ru/news/3046 @ 2023-06-16 @ }
Владимир Уйба юӧртіс ПМЭФ–2023 вылын Коми Республикаса делегациялӧн мӧд лунся уджлӧн кывкӧртӧдъяс йылысь.
Кырымалӧма Сберкӧд да Омск обласьтса Веськӧдлан котыркӧд уджъёртасьӧм йылысь артмӧдчӧмъяс, удж серти аддзысьлӧма «Индияса Бизнес Альянс» абу коммерческӧй партнёрствоса, «Raymed Group» компанияса юрнуӧдысьяскӧд.
Сідзжӧ Коми Республикаса Юралысь сетіс интервью «Комсомольская правда» радиолы да пырӧдчис форумлӧн пленарнӧй заседаниеӧ, кӧні сёрнитіс Россия Федерацияса Президент Владимир Путин.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Веськӧдлан котыр да Омск обласьтса Веськӧдлан котыр кырымалісны уджъёртасьӧм йылысь артмӧдчӧм @ выльтор @ https://rkomi.ru/news/3047 @ 2023-06-16 @ }
Коми Республикаса Веськӧдлан котыр да Омск обласьтса Веськӧдлан котыр кырымалісны уджъёртасьӧм йылысь артмӧдчӧм.
Кырымалан церемонияыс вӧлі талун, лӧддза-номъя тӧлысь 16 лунӧ, Петербургын войтыркостса экономическӧй XXVI форум дырйи.
Документсӧ кырымалісны Коми Республикаса Юралысь Владимир Уйба да Омск обласьтса Губернаторлысь могъяс недыр кадколастӧ збыльмӧдысь, Веськӧдлан котырӧн Юрнуӧдысь Виталий Хоценко.
Артмӧдчӧмсӧ веськӧдӧма вузасян да экономика, наука да техническӧй, социальнӧй, культура да мукӧд юкӧнын йитӧдъяс сӧвмӧдӧм вылӧ.
Сёрнитчысьяс шуисны лӧсьӧдны бур условиеяс, медым водзӧ бура уджалісны Омск обласьтса да Коми Республикаса предприятиеяс, а сідзжӧ инвестируйтісны экономика юкӧнӧ.
Сідзжӧ артмӧдчӧмӧн урчитӧма делӧвӧй йитӧдъяс паськӧдӧм, ичӧт да шӧр предпринимательство сӧвмӧдан да налы отсалан канму уджтасъяс дасьтӧм да збыльмӧдӧм серти опытӧн юксьӧм, наука вылӧ мыджсьысь производствояс да технологияяс лӧсьӧдӧмын да сӧвмӧдӧмын уджъёртасьӧм, импорт вежан канму политика збыльмӧдӧм серти ӧтув уджалӧм, агропромышленнӧй комплекс, оланін да коммунальнӧй овмӧс, йӧзлысь дзоньвидзалун видзан, велӧдан да наука, культура, спорт юкӧнъясын ӧтувъя удж паськӧдӧм-сӧвмӧдӧм, том йӧз политикаын да мукӧд юкӧнын ӧтув уджалӧм.
«Артмӧдчӧмыс отсалас сӧвмӧдны уна нырвизьын дыр кежлӧ ӧтувъя зумыд удж.
Ме серти, ыджыд лача сетӧ наука да технологияяс юкӧнын уджъёртасьӧм.
Омскын, Сыктывкарын моз жӧ, уджалӧ Россияса наукаяс академиялӧн наука шӧрин, туялысьяс уджалӧны талунъя лун кежлӧ тӧдчана нырвизьяс серти.
Эска, мый артмӧдчӧмсӧ кырымалӧмыс отсалас сӧвмӧдны ӧтувъя уджнымӧс, ваяс уна буртор миян регионъясын олысьяслы», — тӧдчӧдіс Владимир Уйба.
{Kodko @ Коми Республикаса Юралысь чолӧмалӧ Медицина уджалысьлӧн лунӧн @ выльтор @ https://rkomi.ru/news/3048 @ 2023-06-18 @ }
Коми Республикаса Юралысь чолӧмалӧ Медицина уджалысьлӧн лунӧн.
«Йӧзлысь дзоньвидзалун видзан юкӧнса пыдди пуктана уджалысьяс да ветеранъяс!
Сьӧлӧмсянь чолӧмала уджсикас гажӧн — Медицина уджалысьлӧн лунӧн!
Сӧмын ыджыд сьӧлӧма морт, коді дугдывтӧг зільӧ велӧдчыны выльторйӧ, бӧрйӧ аслыс медицинаын туй.
Сӧмын сылы, коді гӧгӧрвоӧ ассьыс кывкутӧмсӧ, сӧмын шань сьӧлӧма мортлы йӧзыс дӧверитасны меддонаторсӧ — олӧмсӧ да дзоньвидзалунсӧ.
Республикаын уджалӧны бур врачьяс да фельдшеръяс, медсестраяс да санитаръяс, фармацевтъяс да лаборантъяс — збыль профессионалъяс, кодъяс вермасьӧны медся сьӧкыд висьӧмъяскӧд.
Коми Республикаса Веськӧдлан котырлӧн уджын йӧзлысь дзоньвидзалун видзан юкӧнын медшӧр нырвизьяс лыдын — ышӧдны локны кадръясӧс да лӧсьӧдны медицина уджалысьяслы бур условиеяс уджалӧм вылӧ.
Та могысь регионын вӧчӧны унатор: уджалӧ медицина уджалысьясӧс материальнӧя ышӧдан да налы ӧтчыдысь мынтӧм сетан система, выльмӧдӧны больничаяс, поликлиникаяс да амбулаторияяс, ньӧбӧны выль медицина оборудование йӧзлысь дзоньвидзалун видзан учреждениеясӧ — сиктса ФАПъяссянь республикаса гырысь медицина шӧринъясӧдз.
Дона ёртъяс!
Аттьӧала тіянӧс сьӧлӧмсянь уджалӧмысь да сӧвмыны зільӧмысь.
Ті лунысь-лунӧ петкӧдланныд кужӧм-сямнытӧ да тӧдӧмлунъяснытӧ.
Сиа вермӧмъяс тіян колана уджын, крепыд дзоньвидзалун, тыр-бур олӧм да шуд!»
Коми Республикаса Юралысь Владимир Уйба.
{Kodko @ Владимир Уйба висьталіс Коми Республикаса адреснӧй инвестиция уджтас збыльмӧдӧм серти гырысь объектъяс стрӧитӧм йылысь @ выльтор @ https://rkomi.ru/news/3049 @ 2023-06-19 @ }
Владимир Уйба висьталіс Коми Республикаса адреснӧй инвестиция уджтас збыльмӧдӧм серти гырысь объектъяс стрӧитӧм йылысь.
2023 во вылӧ уджтас серти сьӧмкудйысь вичмӧдасны 8 млрд сайӧ шайт.
Тайӧ сьӧм вылӧ стрӧитасны йӧзлысь дзоньвидзалун видзан, велӧдан, спорт, культура, социальнӧя доръян, гражданаӧс лёк суӧмысь видзан да туй юкӧнъясын канму да муниципальнӧй эмбур объектъяс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь Владимир Уйба видзӧдліс, кыдзи Сыктывкарса Эжва районын стрӧитӧны 825 места вылӧ школа @ выльтор @ https://rkomi.ru/news/3050 @ 2023-06-20 @ }
Коми Республикаса Юралысь Владимир Уйба видзӧдліс, кыдзи Сыктывкарса Эжва районын стрӧитӧны 825 места вылӧ школа.
Школасӧ стрӧитӧны Емваль микрорайонын «Велӧдӧм» национальнӧй проект серти.
Объект вылын уджалӧны сёысь унджык морт да 9 единица техника.
Стрӧитчан дасьлуныс 24 %.
Водзӧ лӧсьӧдӧны колоннаяса, ригельяса да плитаяса сборно-монолитнӧй железобетоннӧй каркас, армируйтӧны ригельяслысь йитӧдъяс, бетонируйтӧны монолитнӧй ригельяс да монолитнӧй юкӧнъяс, тэчӧны пӧдвалын кабель, лӧсьӧдӧны дренажнӧй канализация, тэчӧны 1 судтаысь стен панельяс, лифт шахталысь панельяс, 1 судтаын кирпичысь перегородкаяс, нюжӧдӧны трансформаторнӧй подстанциясянь вводно-распределительнӧй устройствоӧдз кабель линияяс, вӧчӧны мукӧд удж.
Сыктывкарын капитальнӧя стрӧитчӧмӧн веськӧдланінӧ сетӧма бурмӧдӧм-мичмӧдӧм йылысь отметкаяс, медым стрӧитны матыстчан автомашина туй.
{Kodko @ Владимир Уйба да Вячеслав Фетисов сёрнитісны Коми Республикаын вӧр-ва видзан удж йылысь @ выльтор @ https://rkomi.ru/news/3057 @ 2023-06-22 @ }
Владимир Уйба да Вячеслав Фетисов сёрнитісны Коми Республикаын вӧр-ва видзан удж йылысь.
Талун, лӧддза-номъя тӧлысь 22 лунӧ, Сыктывкарын Коми Республикаса Юралысь Владимир Уйба удж серти аддзысьліс Каналан Думаса Экология, вӧр-ва озырлун да гӧгӧртас видзан комитетӧн веськӧдлысьӧс Медводдза вежысь Вячеслав Фетисовкӧд.
Аддзысьлігӧн сёрнитісны ва объектъяс видзӧм йылысь.
2025 воын Россияса вӧр-ва министерство заводитӧ збыльмӧдны странаса ва объектъяс экология боксянь бурмӧдӧм серти ӧтувъя федеральнӧй проект.
2024 воӧдз лӧсьӧдасны мероприятиеяслысь стӧч лыддьӧг рӧскодсӧ да бӧртассӧ донъялӧмӧн.
«Коми Республикаын колӧ разьны мытшӧдъяс Эжва-Сыктывса ва узеллӧн ю сёртасъяс бӧрся видзӧдӧм серти.
Ю сёртасъяс торксьӧм вӧсна вежсьӧ Сыктывкар бердын Эжва да Сыктыв юяслӧн гидрология серти режимыс.
Сыктывкар гӧгӧрын сімӧ Сыктыв юлӧн ойдланіныс.
Сёртасъяслӧн вежсьӧм вӧсна лёкмӧ экология да йӧзлӧн олӧмыс.
Колӧ аддзыны петантуйяс, кыдзи чинтыны сёртасъяс торксьӧм вӧсна вӧр-валы лёк вӧчӧмсӧ.
Та понда колӧ нуӧдны наука-туялан удж, кодӧс колӧ вӧчны тайӧ юкӧнын уджалысь Росгидрометлӧн ведомствоувса организациялы», — тӧдчӧдіс Владимир Уйба.
Россияса ва объектъяс экология боксянь бурмӧдан проектӧ наука-туялан удж пыртӧм серти Коми Республикалысь водзмӧстчӧмсӧ ошкисны таво Двина-Печораса Бассейнлӧн ваӧн веськӧдланінса Бассейнӧвӧй сӧвет дырйи.
Ва ресурсъяс серти федеральнӧй агентствоӧн юрнуӧдысьлы республикасянь ыстӧма Россияса ва объектъяс экология боксянь бурмӧдан выль федеральнӧй проектӧ миянлысь ва объектъяс пыртӧм серти отсӧг сетӧм йылысь ходатайство (тшӧтш и Сыктыв ю, Эжва ю, Печора ю да мукӧд ю).
Коми Республикаса Юрлаысь шыӧдчис Вячеслав Фетисов дорӧ корӧмӧн, медым сійӧ отсаліс решитны тайӧ юалӧмсӧ.
Каналан Думаса Экология, вӧр-ва озырлун да гӧгӧртас видзан комитетӧн веськӧдлысьӧс Медводдза вежысь кӧсйысис отсавны.
{Kodko @ Владимир Уйба да Вячеслав Фетисов казьтыштісны Коми Республикаса олысьясӧс, кодъяс усисны Айму вӧсна Ыджыд тышын @ выльтор @ https://rkomi.ru/news/3058 @ 2023-06-22 @ }
Владимир Уйба да Вячеслав Фетисов казьтыштісны Коми Республикаса олысьясӧс, кодъяс усисны Айму вӧсна Ыджыд тышын.
Сыктывкарын вӧлі «Куслытӧм слава» мемориал да воин-интернационалистъяслы памятник дорӧ дзоридзьяс пуктан церемония.
Сэтчӧ пырӧдчисны Коми Республикаса Юралысь Владимир Уйба да Каналан Думаса Экология, вӧр-ва озырлун да гӧгӧртас видзӧм серти комитетӧн веськӧдлысьӧс Медводдза вежысь Вячеслав Фетисов.
«Айму вӧсна Ыджыд тыш нэм кежлӧ колис миян страналӧн да быд семьялӧн историяӧ.
1941 воӧ фашизмлы паныд тыш вылӧ кыпӧдчисны ставӧн — том и пӧрысь.
Ассьыныс олӧмнысӧ жалиттӧг тышкасисны вӧрӧгкӧд фронтъяс вылын, лун и вой уджалісны тылын.
Концлагеръясын пукалысьяс, блокаднӧй Ленинградын тшыглы кулысьяс — быдӧн вӧчис ставсӧ, медым дорйыны Чужанін.
Быдӧн пуктіс пай Ыджыд Вермӧмӧ», — шыӧдчис церемонияӧ пырӧдчысьяс дорӧ Владимир Уйба.
Коми Республикаса Юралысь тӧдчӧдіс, мый талун, кор фашизм бара лэптіс юрсӧ, Россиялӧн абу мӧд туй, сӧмын мунны сылы паныд ӧружиеӧн: «Талун ми бара ӧтувтчим — сэні, тыш нуӧданінын, да тані, тылын.
Ми нӧшта на петкӧдлам мирыслы, мый ми вынаӧсь да ӧтувъяӧсь.
Кыдзи и миян пӧльяс Айму вӧсна Ыджыд тышын, ми сулалам миян страналӧн вӧля, асшӧрлун да аскиа лун вӧсна.
Миян войтыр кужӧ радейтны да дорйыны Чужан мунымӧс, видзны да водзӧ вуджӧдны паметьсӧ.
Ми огӧ вунӧдӧй Айму вӧсна тышъясын усьӧмаясӧс — найӧс, кодъяс усисны Айму вӧсна Ыджыд тышын, локальнӧй войнаясын да конфликтъясын, торъя военнӧй операция дырйи.
Муӧдз копыр да куслытӧм паметь геройяслы».
«Дона ёртъяс, миян пыдди пуктана ветеранъяс!
Меным тайӧ ыджыд чесьт — сулавны тані йӧз пӧвстын, кодъяс сетісны миянлы позянлун овны.
Ми быдмим Айму вӧсна Ыджыд тышса геройяс вылӧ видзӧдӧмӧн.
Миянлы быть колӧ вӧчны ставсӧ, медым историясӧ эз вежлавны, медым миян челядь гӧрдитчисны асланыс пӧльясӧн да вӧчисны ставсӧ югыд аскиа лун вӧсна.
Талун татчӧ локтісны найӧ, кодъяслӧн верӧсъяс, вокъяс, пиян тышкасьӧны миян страна вӧсна.
Тӧда, найӧ лоасны геройясӧн миян зонъяслы да нывъяслы.
Нӧшта ӧтчыдысь копыр ставлы, коді сетіс миянлы олӧм, да сиа ставнымлы Вермӧм», — шуис Вячеслав Фетисов.
Айму вӧсна Ыджыд тыш нуис 26 миллион 452 сюрс олӧм.
Коми Республикаысь фронтъяс вылӧ муніс 170 сюрс сайӧ морт.
Айму вӧсна тышъясын усисны 53 сюрс гӧгӧр салдат да офицер, 23 сюрс сайӧ морт вошисны юӧртӧг, 50 сюрс гӧгӧр морт йылысь нинӧм оз тӧдны.
Сӧветскӧй Союзса Герой ним сетӧма республикаса 38 олысьлы.
«Сыктывкарын пыдди пуктана олысьяс да юркарса гӧсьтъяс.
Ме бура помнита сійӧ кадсӧ, кор миян землякъяс мунісны дорйыны Аймунымӧс.
Гитлер виччысьтӧг уськӧдчис Сӧветскӧй Союз вылӧ, но ми вермим.
Сиа ставнымлы мирнӧй енэж да вермӧмъяс!
Аттьӧала Коми Республикаса Юралысь Владимир Викторовичӧс сыысь, мый таво ме веськалі Москваын Вермӧмлы сиӧм парад вылӧ.
Шыӧдча том йӧз дорӧ — видзӧй да радейтӧй Чужан мунымӧс, дорйӧй сійӧс», — сёрнитіс Айму вӧсна Ыджыд тышын участвуйтысь Николай Рочев.
Сідзжӧ Коми Республика пырӧдчис ставроссияса Чӧв олан минутӧ.
Акцияыс вӧлі лӧддза-номъя тӧлысь 22 лунӧ 12 час 15 минутӧ.
Буретш тайӧ кадӧ 1941 воӧ сӧветскӧй гражданалы юӧртісны сы йылысь, мый уськӧдчис Германия.
{Kodko @ Владимир Уйба чолӧмаліс олысьясӧс локтан Том йӧз лунӧн, корис «Твои облака» республикаса выпускнӧй вылӧ да висьталіс Коми Республикаса видз-му овмӧс юкӧн техника боксянь выльмӧдӧм йылысь @ выльтор @ https://rkomi.ru/news/3059 @ 2023-06-23 @ }
Владимир Уйба чолӧмаліс олысьясӧс локтан Том йӧз лунӧн, корис «Твои облака» республикаса выпускнӧй вылӧ да висьталіс Коми Республикаса видз-му овмӧс юкӧн техника боксянь выльмӧдӧм йылысь.
Коми Республикаса аграрнӧй юкӧнын водзӧ выльмӧдӧны техника да технологияяс.
Помасис техника да технология боксянь выльмӧдӧм вылӧ рӧскод юкӧн вештӧм могысь субсидияяс сетӧм вылӧ заявкаяс бӧръян конкурс.
Канму компенсируйтӧ техника донысь 40 прӧчентсӧ.
А 2023 вося тӧвшӧр тӧлысь 1 лунӧдз ньӧбӧм техникаысь либӧ верктуя нырвизь серти — скӧт видзӧм да кӧрым заптӧм — вештӧны рӧскодысь 70 прӧчент.
Таво бӧрйисны 29 организация да крестьяна-фермер овмӧс.
Ставнас налы сетісны 48 миллион сайӧ шайт вылӧ субсидияяс.
Тайӧ сьӧмсӧ веськӧдӧма 79 единица техникалысь донсӧ компенсируйтӧм вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба нуӧдіс Коми Республикаын саридзысь юясӧ кульмыны кайысь чери кыйӧмсӧ ладмӧдысь комиссиялысь заседание @ выльтор @ https://rkomi.ru/news/3061 @ 2023-06-23 @ }
Владимир Уйба нуӧдіс Коми Республикаын саридзысь юясӧ кульмыны кайысь чери кыйӧмсӧ ладмӧдысь комиссиялысь заседание.
Россияса чери овмӧс юкӧнын базӧвӧй наука учреждениелӧн — «ВНИРО» ФКСНУ мыччӧдъяс подув вылын Комиссия примитіс 2023 во вылӧ Коми Республикалы сьӧмга промышленнӧя кыян йӧрышъяссӧ урчитӧм йылысь помшуӧм: 2 тонна 750 килограмм, сы лыдын промышленнӧя чери кыйӧм вылӧ — 2 тонна 592 килограмм, любительскӧя чери кыйӧм котыртӧм вылӧ — 158 килограмм.
Талун кежлӧ Коми Республикаын сёрнитчӧмъяс подув вылын меститчӧ промышленнӧя сьӧмга кыйӧм вылӧ 17 участок да любительскӧя кыйӧм вылӧ 3 участок.
Сьӧмга кыян инӧдыс эм вит юридическӧй кывкутысьлӧн да нёль асшӧр уджалысьлӧн, любительскӧй чери кыйӧм котыртӧм вылӧ — ӧти юридическӧй кывкутысьлӧн да ӧти асшӧр уджалысьлӧн.
«Промышленнӧя чери кыян участокъясыс меститчӧны Печора ю сёртасын.
На пиысь 12 меститчӧ Чилимдін районын, 5 — Изьва районын.
Сідзжӧ Чилимдін районын меститчӧ любительскӧя чери кыйӧм вылӧ 2 участок, 1 любительскӧй участок меститчӧ Печора кар бердын», — пасйис Коми Республикаса Юралысь Владимир Уйба.
Комиссиялӧн помшуӧм серти Росрыболовстволӧн Рытыв-Войвыв мутасса веськӧдланінын пользовательясӧн лӧсялана разрешениеяс оформитӧм бӧрын став индӧм участокын позяс кыйны сьӧмга.
Сідзжӧ сэні кутасны канмусянь мониторитны саридзысь юясӧ кульмыны кайысь чери бӧрся.
Чери кыян кадколастсӧ индӧма 2023 вося сора тӧлысь 15 лунсянь кӧч тӧлысь 30 лунӧдз.
Став кыйсян кад чӧж быд выльлунӧ черисӧ кыйны оз позь.
2023 вося кыйсян сезонӧ пользовательяслы быд куим лун да тӧлысьлӧн бӧръя лунӧ ковмас сетны дӧзьӧр органӧ сьӧмга кыйӧм йылысь отчётносьт.
{Kodko @ Коми Республикаса Юралысь чолӧмалӧ Том йӧзлӧн лунӧн @ выльтор @ https://rkomi.ru/news/3060 @ 2023-06-24 @ }
Коми Республикаса Юралысь чолӧмалӧ Том йӧзлӧн лунӧн.
«Коми Республикаса пыдди пуктана олысьяс!
Дона ёртъяс!
Чолӧмала тіянӧс Том йӧзлӧн лунӧн!
2023 во — миян республикаын Том йӧзлы сиӧм во, кодлӧн девизыс — «Том войтыр, ов югыда!».
Буретш тадзи — югыда, интереснӧя колӧ овны миян том войтырлы, ассьыныс медбур кужанлунъясныссӧ, енбиныссӧ велӧдчӧмын, спортын, уджын, творчествоын да ӧтйӧза олӧмын петкӧдлӧмӧн.
Республикаса Веськӧдлан котырлӧн мог — отсавны аддзыны ныв-зонлы олӧмын колана туй, босьтны бур тӧдӧмлунъяс, колана уджсикас, аддзыны бур удждона да интереснӧй удж.
Регионын уджалӧны быдсикас уджтасъяс, кодъяс отсалӧны корсьны том йӧзлы удж, кодъясӧс веськӧдӧма том семьяясӧс оланінӧн могмӧдӧм вылӧ.
Ми лӧсьӧдам выль инфраструктура, том войтырлы асьтӧ олӧмын аддзӧм, вынйӧртӧ восьтӧм, юрнуӧдӧмын позянлунъяс вылӧ условиеяс.
Аттьӧала енбиа да водзмӧстчысь став ныв-зонмӧс республикалӧн олӧмӧ зіля пырӧдчӧмысь.
Ті унатор верманныд-кужанныд.
Энӧ полӧй лӧсьӧдны ыджыд планъяс.
Вын пуктӧмӧн ті век судзӧданныд бур вермӧмъяс.
Ыджыд вермӧмъяс тіянлы.
Сӧмын водзӧ!»
Коми Республикаса Юралысь Владимир Уйба.
{Kodko @ Тайӧ шойччан лунъясӧ Коми Республикаын дугӧдісны уна йӧза мероприятиеяссӧ @ выльтор @ https://rkomi.ru/news/3063 @ 2023-06-24 @ }
Тайӧ шойччан лунъясӧ Коми Республикаын дугӧдісны уна йӧза мероприятиеяссӧ.
Дугӧдӧма Сыктывкарын «Твои облака» республикаса выпускнӧй (лӧддза-номъя тӧлысь 24 лунӧ), Ухтаын «Точка притяжения» республикаса уна жанра арт-фестиваль (лӧддза-номъя тӧлысь 25 лунӧ), Сосногорскын «СОСНЫ» быдвося рок-фестиваль (лӧддза-номъя тӧлысь 24–25 лунъясӧ) да уна йӧза, культурнӧй да гажӧдчан мукӧд мероприятиесӧ.
Коми Республикаса олысьясӧс корӧны гӧгӧрвоӧмӧн видзӧдны недыр кадся дзескӧдӧмъяс вылӧ.
{Kodko @ Владимир Уйба висьталіс Коми Республикаысь ӧтвывтӧм студенческӧй стройотряд Перым муӧ мӧдӧдӧм йылысь @ выльтор @ https://rkomi.ru/news/3064 @ 2023-06-26 @ }
Владимир Уйба висьталіс Коми Республикаысь ӧтвывтӧм студенческӧй стройотряд Перым муӧ мӧдӧдӧм йылысь.
Отрядын — 65 морт.
Ныв-зонъяс кутасны уджавны Краснокамскса кӧрт сора бетон конструкцияяс вӧчан заводын, кысянь вайӧны изделиеяс Сыктывкарса Эжва районлӧн Емваль местаын школа стрӧитӧм вылӧ.
Заводын оз тырмыны уджалысьяс — мукӧдыс мунісны СВО вылӧ, мукӧдыс уджалӧны Перым мулӧн обороннӧй предприятиеясын.
Студентъяс отсаласны заводлы содтыны лэдзан продукциялысь йӧрышсӧ да могмӧдны Коми Республикаӧ найӧс дугдывтӧг вайӧмсӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаысь студентъяс ветласны Перым муӧ стрӧитчан вахта вылӧ @ выльтор @ https://rkomi.ru/news/3065 @ 2023-06-26 @ }
Коми Республикаысь студентъяс ветласны Перым муӧ стрӧитчан вахта вылӧ.
Талун, лӧддза-номъя тӧлысь 26 лунӧ, Краснокамск карӧ мӧдӧдчис Коми Республикаса уджсикасӧ велӧдан организацияясын да вузъясын велӧдчысь 65 студентысь отряд, медым сэні Краснокамскса кӧрт сора бетон конструкцияяс вӧчан заводын прӧйдитны уджалан стрӧитчан вахта.
Ныв-зон дорӧ бурсиӧмӧн шыӧдчис 1978–1979 воясын Уджвывса Гӧрд Знамя ордена Свердловскса канму медицина институтын «Гиппократ» студентъяслӧн стрӧитчан отрядса командир, Коми Республикаса Юралысь Владимир Уйба.
«Тіян водзын мог — абу прӧста сьӧм нажӧвитӧм могысь ветлӧм.
Ми корим тіянӧс уджалан фронт вылӧ.
Ті тӧданныд, мый Эжваын «Велӧдӧм» национальнӧй проект серти стрӧитӧны школа [Емваль местечкоын 825 места вылӧ — пасйӧд].
А мый сэтшӧмыс национальнӧй проект — тайӧ миян странаса Президент да Медвылыс главнокомандующӧй Владимир Владимирович Путинлӧн тшӧктӧм.
А ӧнія кад вылӧ видзӧдӧмӧн тайӧ абу сӧмын тшӧктӧм, а боевӧй мог.
Школа — миянлы зэв колана объект, кодӧс виччысьӧны челядь, велӧдчысьяс, бать-мам.
Школасӧ стрӧитӧны кӧрт сора бетон конструкцияяс отсӧгӧн, кутшӧмъясӧс чукӧртӧны стӧча проект серти.
Жаль, мый Краснокамскын заводыс, кодкӧд миян контракт, оз вермы ачыс вӧчны сы мында уджсӧ — сылӧн уджалысьяс лыдысь пӧшти джынйыс участвуйтӧны торъя военнӧй операцияын.
Мукӧдыс на пиысь фронт вылын, мукӧдыс обороннӧй предприятиеяс вылын.
Да талун заводын ёна оз тырмыны уджалан кияс, кодъяс вӧчӧны кӧрт сора бетон конструкцияяссӧ.
Та понда унатор тіян сайын, удитам-ӧ ми сдайтны школасӧ колана кадӧ», — шыӧдчис студентъяс дорӧ.
Колян вежоннас Владимир Уйба аддзысьліс Краснокамскса кӧрт сора бетон конструкцияяс вӧчан заводӧн юрнуӧдысьяскӧд — вӧлі удж серти сӧвещание, кӧні вӧлі шуӧма ыстыны заводлы отсалӧм могысь Коми Республикаысь студентъяслысь стройотряд.
Гоз-мӧд лунӧн вӧлі котыртӧма студентъяслысь уджалан десант.
Сэтчӧ пырӧдчисны Сыктывкарса политехническӧй техникумын, Сосногорскса технологическӧй техникумын, Сыктывкарса вӧр промышленносьт техникумын, Сыктывкарса автомеханическӧй техникумын, Коми республиканскӧй агропромышленнӧй техникумын, Печораса промышленно-экономическӧй техникумын, Усинскса политехническӧй техникумын, Сыктывкарса вузасян да экономика колледжын, Питирим Сорокин нима Сыктывкарса канму университетын, Сыктывкарса вӧр институтын, Ухтаса канму техническӧй университетын велӧдчысьяс.
Коми Республикаысь стройотрядсӧ ыдждӧдӧм могысь мӧд рейсӧн кӧсйӧны ыстыны Канму службаӧ да веськӧдлыны велӧдан Коми Республикаса академияысь студентъясӧс.
Коми Республикаысь стройотрядса студентъяс босьтасны бур удждон.
Тырвыйӧ решитӧма котыртӧм серти став юалӧмсӧ, тшӧтш и оланін да вердӧм серти.
Уджалан вахтаыс нюжалас 2 тӧлысьӧдз.
Тайӧ каднас Коми Республикаысь студентъяс босьтасны бур уджалан опыт, кужанлунъяс да сямлун, кутшӧмъяс ковмасны налы водзӧ олӧмын да уджсикасын.
{Kodko @ Коми Республикаса Юралысь бердын Экологическӧй сӧветлӧн медводдза заседание дырйи сёрнитісны регионын сӧстӧмлун реформа да экология боксянь тӧдӧмлун сетӧм йылысь @ выльтор @ https://rkomi.ru/news/3066 @ 2023-06-27 @ }
Коми Республикаса Юралысь бердын Экологическӧй сӧветлӧн медводдза заседание дырйи сёрнитісны регионын сӧстӧмлун реформа да экология боксянь тӧдӧмлун сетӧм йылысь.
Заседаниеыс вӧлі Сыктывкарын лӧддза-номъя тӧлысь 26 лунӧ. Сэтчӧ пырӧдчисны федеральнӧй экспертъяс.
Экологическӧй сӧветсӧ котыртӧма Владимир Уйбалӧн вӧзйӧм серти сы могысь, медым отсавны збыльмӧдны канму экологическӧй политика да «Экология» национальнӧй проектлысь могъяс.
Сӧветӧн юрнуӧдӧ Россияса экология котырӧн веськӧдлысь Рашид Исмаилов.
Сідзжӧ сӧветӧ пырӧны республикаса бизнес- да наука котыръясӧс, ӧтйӧза организацияясӧс петкӧдлысьяс.
Регионса Юралысь Владимир Уйба водзкывйын тӧдчӧдіс, мый ЭкоРеспублика сӧвмӧдӧм — лоӧ Коми Республикаса Веськӧдлан котырлӧн уджын тӧдчана юкӧнӧн: «Вит воысь дырджык республика пӧртӧ олӧмӧ «Экология» национальнӧй проектӧн пуктӧм могъяс.
Лӧсьӧдӧны торйӧн ёна видзан вӧр-ва мутасъяс.
«Веж щитлӧн» площадьыс ӧні вевтыртӧ республикалӧн площадьысь 13 % нин.
Збыльмӧдсьӧ «Сӧстӧм Арктика» проект.
Бырӧдӧны свалкаяс.
Торйӧн уджалӧны экология боксянь тӧдӧмлун паськӧдӧм, экология культура кыпӧдӧм серти».
«Республикаса экологическӧй политикалы колӧ отсавны наука боксянь да экспертнӧя, медводз сӧстӧмлун реформа объектъяс лӧсьӧдігӧн.
Власьт органъяслы да бизнеслы колӧ уджавны войтыркӧд да абу коммерческӧй организацияяскӧд.
Миян Экосӧветын позьӧ восьсӧн видлавны став юалӧмсӧ, мый лоас.
Кӧсъя тӧдчӧдны, мый вӧр-ва видзан политикаын колӧ эскыны ӧта-мӧдлы», — тӧдчӧдіс Рашид Исмаилов.
Заседание вылын сёрнитісны регионын чорыд коммунальнӧй шыбласъяс, кутшӧмъяс артмисны Коми Республикаын, обработайтан, бырӧдан да иналан объектъяс лӧсьӧдӧм йылысь, а сідзжӧ йӧзӧс экология боксянь велӧдӧм йылысь.
Коми Республикаса вӧр-ва озырлун да гӧгӧртас видзан министр Екатерина Киселевич аслас докладын висьталіс, мый вынсьӧдӧма шыбласъяс торйӧн чукӧртӧмсӧ пыртӧм серти уджсӧ, казьтыштіс тшӧтш и лӧсьӧдӧм чат-бот йылысь, мый отсӧгӧн позьӧ тӧдмавны шыбласъяс торйӧн чукӧртӧм йылысь тшӧкыда паныдасьысь юалӧмъяс вылӧ вочакывъяс, интерактивнӧй карта йылысь, кытчӧ пасйӧма, кӧні меститчӧны шыбласъяс торйӧн чукӧртӧм вылӧ контейнеръяс.
«Министерство видзӧдӧ сы бӧрся, кыдзи дінму оператор пыртӧ муниципалитетъясӧ шыбласъяс торйӧн чукӧртӧмсӧ, лӧсьӧдӧ экопункт да пыртӧ уджӧ ылі войвыв олан пунктъясын вторсырьё чукӧртан экомобиль», — пасйис Екатерина Киселевич.
«Войвывса дінму оператор» ичӧт кывкутана котырса директор Дмитрий Кондратенков висьталіс пластик торйӧн чукӧртӧмсӧ пыртӧм серти пилотнӧй проект збыльмӧдан планъяс йылысь: «Таво Сыктывкарын заводитасны бурмӧдны-мичмӧдны пу сяма контейнернӧй площадкаяс. Найӧс лӧсьӧдӧма тшӧтш и шыбласъяс торйӧн чукӧртӧм вылӧ.
Дінму оператор муниципалитеткӧд ӧтвылысь ньӧбас шыбласъяс торйӧн чукӧртӧм вылӧ контейнеръяс. Тайӧ лоас Сыктывкарын да Эжваын шыбласъяс торйӧн чукӧртӧм вылӧ ӧнія инфраструктура дорӧ содтӧдӧн.
Ставнас сувтӧдасны пластик чукӧртӧм вылӧ 200 сайӧ контейнер, на бӧрся кутас видзӧдны дінму оператор».
Войвывса дінму оператор видзӧдӧ Ухтаын, Сосногорскын, Интаын, Сыктывдін, Сыктыв, Кӧрткерӧс, Княжпогост да Емдін районъясын вторсырьё чукӧртӧм вылӧ контейнеръяс бӧрся.
Коми Республикаса вӧр-ва озырлун да гӧгӧртас видзан министерство, муниципалитетъяс да Дінму оператор ӧтув дасьтісны Коми Республикаын шыбласъяс торйӧн чукӧртӧмсӧ комплекснӧя пыртӧм да паськӧдӧм серти план.
2023 вося гожӧм помӧдз кӧсйӧны восьтыны Сыктывкарын Экопункт (инпасыс Громов улича, 75), а сідзжӧ ньӧбны да пыртны уджӧ «Экомобильяс».
Войвыв юкӧнӧ автомашинасӧ ньӧбӧма нин.
Ӧні автомашинасӧ брендируйтӧны да могмӧдӧны оборудованиеӧн тайӧ проектлы бӧрйӧм дизайн да техническӧй аслыспӧлӧслунъяс серти.
Экологическӧй сӧвет лоас пыр уджалысь восьса площадкаӧн, кӧні власьт, бизнес да веськӧдлан котырӧ абу пырысь юкӧн вермасны сёрнитны ӧта-мӧдкӧд.
Уджын медшӧрыс — медым Коми Республикаын ставыс вӧлі лючки экология боксянь.
«Эска, мый Экологическӧй сӧветыс сетас миянлы позянлун решитны гӧгӧртас видзӧм серти медся ёсь юалӧмъяс да пыр аддзыны компромисс овмӧс нуӧдӧм да экология видзӧм костын.
Миянлы колӧ мунны тайӧ туйӧд.
Эска, мый миян ӧтувъя уджным ваяс уна буртор», — шуис Владимир Уйба.
{Kodko @ Владимир Уйба висьталіс олан пунктъясын пӧжарысь видзчысян мераяс да ва вылын йӧзлысь олӧмсӧ видзӧм йылысь @ выльтор @ https://rkomi.ru/news/3068 @ 2023-06-27 @ }
Владимир Уйба висьталіс олан пунктъясын пӧжарысь видзчысян мераяс да ва вылын йӧзлысь олӧмсӧ видзӧм йылысь.
Коми Республикаса Веськӧдлан котырлӧн да муниципалитетъяслӧн уджын тӧдчана ин босьтӧ би кусӧдан водоёмъяс норма серти лӧсьӧдӧм.
Тавосянь заводитӧмӧн содтісны уна сьӧм, медым разьны тайӧ мытшӧдсӧ.
Сідз, 2023 воын би кусӧдан водоёмъяс лӧсьӧдӧм да дзоньталӧм вылӧ республиканскӧй сьӧмкудйын урчитӧма 10 млн шайт, а 2024 да 2025 воясын — 50 млн шайтӧн быд во.
Коми Республикаса олысьяслысь видзчысянлунсӧ могмӧдӧм могысь оборудуйтӧма йӧзлы ва дорын шойччан 76 места.
Таво муниципалитетъяслы вичмӧдісны 4 спасательнӧй пост ньӧбӧм вылӧ субсидия.
Кыксӧ на пӧвстысь сувтӧдасны Емдін районын, нӧшта ӧтиӧн — Мылдін да Сыктывдін районъясын.
Сідзжӧ СПАС-КОМИ-ысь мездысьяс да водолазъяс кӧсйӧны туявны да весавны пляжъяслысь ю пыдӧсъяссӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс СВО-ын участвуйтысьяслы да налӧн семьяяслы дон босьттӧг юридическӧй отсӧг сетӧм йылысь @ выльтор @ https://rkomi.ru/news/3069 @ 2023-06-28 @ }
Владимир Уйба висьталіс СВО-ын участвуйтысьяслы да налӧн семьяяслы дон босьттӧг юридическӧй отсӧг сетӧм йылысь.
2023 вося лӧддза-номъя тӧлысь 13 лунӧ вынсялісны федеральнӧй оланпастэчасӧ вежсьӧмъяс, мый серти военнослужащӧйяс, кодъяс участвуйтісны (либӧ участвуйтӧны) торъя военнӧй операцияын либӧ Россия Федерациялысь граница дорысь орчча муяс дорйӧмын, мобилизуйтӧм граждана, доброволечьяс, а сідзжӧ индӧм категория гражданалӧн семьяясӧ пырысьяс вермасны сьӧм мынтытӧг босьтны юридическӧй отсӧг.
Коми Республикаын СВО-ын участвуйтысьяс да налӧн семьяяс вермӧны вӧдитчыны татшӧм инӧдӧн 2022 вося ӧшым тӧлысь 16 лунсянь нин. Сэки пыртісны да вынсялісны республикаса оланпастэчасӧ вежсьӧмъяс.
Дон мынтытӧг юридическӧй отсӧг босьтӧмла СВО-ын участвуйтысьяс да налӧн семьяясӧ пырысьяс вермӧны шыӧдчыны Канму юридическӧй бюроӧ, Коми Республикаса олӧмӧ пӧртысь власьт органъясӧ налӧн компетенцияяс серти, а сідзжӧ адвокатъяс дорӧ, кодъяс пырӧдчӧны дон босьттӧг юридическӧй отсӧг сетан канму системаӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Россияса Каналан Думаӧн Веськӧдлысьӧс вежысь Анна Кузнецовалӧн Сыктывкарӧ удж серти волӧм да волонтёръяслӧн проектъяслы отсалӧм йылысь @ выльтор @ https://rkomi.ru/news/3070 @ 2023-06-29 @ }
Владимир Уйба висьталіс Россияса Каналан Думаӧн Веськӧдлысьӧс вежысь Анна Кузнецовалӧн Сыктывкарӧ удж серти волӧм да волонтёръяслӧн проектъяслы отсалӧм йылысь.
Владимир Уйба да Анна Кузнецова сёрнитісны Коми Республикаӧс социальнӧя да экономика боксянь сӧвмӧдӧм йылысь, аддзысьлісны военнослужащӧйяскӧд, кодъяс реабилитируйтчӧны «Максаковка» шӧринын, а сідзжӧ сетісны канму наградаяс регионын олысьяслы СВО дырйи петкӧдлӧм повтӧмлунысь да йӧз вӧсна тӧждысьӧмысь.
Таво Коми Республика 24 регион лыдын босьтіс грант «Регион добрых дел» доброволечьяслы да волонтёръяслы отсалан медбур региональнӧй практикаяслӧн ставроссияса конкурсын.
2024 воын республикаса волонтёръяслӧн проектъяслы отсалан грант мындаыс лоӧ 10 млн 464 сюрс шайт.
Тайӧ сьӧмсӧ веськӧдасны добровольчество инфраструктура сӧвмӧдӧм да волонтёръяслӧн проектъяслы отсалӧм вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба да Анна Кузнецова сёрнитісны Коми Республикаын социальнӧй проектъяс збыльмӧдӧм йылысь @ выльтор @ https://rkomi.ru/news/3071 @ 2023-06-29 @ }
Владимир Уйба да Анна Кузнецова сёрнитісны Коми Республикаын социальнӧй проектъяс збыльмӧдӧм йылысь.
Коми Республикаса Юралысь Владимир Уйба да Россия Федерацияса Федеральнӧй Собраниелӧн Каналан Думаӧн Веськӧдлысьӧс вежысь Анна Кузнецова удж серти аддзысьлісны Сыктывкарын лӧддза-номъя тӧлысь 29 лунӧ.
«Пыдди пуктана Анна Юрьевна, меным зэв нимкодь чолӧмавны Тіянӧс миян муын, — шуис Коми Республикаса Юралысь. — Миян артмӧ бур традиция.
Неважӧн Ті волінныд миян республикаӧ, ми сэки сёрнитім республикалы тӧдчана уна юалӧм йылысь.
Талун тшӧтш эм, мый йылысь сёрнитны — тайӧ нацпроектъяс збыльмӧдӧм, школаяс капитальнӧя дзоньталӧм, СВО-ысь локтӧм миян военнослужащӧйяслы социальнӧя отсалӧм да найӧс реабилитируйтӧм, «Айму дорйысьяс» фондса филиаллӧн удж.
Миян эм, мый петкӧдлыны, но та дырйи эмӧсь юалӧмъяс, кутшӧмъяс йылысь окота кывзыштны Тіянлысь видзӧдластӧ».
«Меным зэв нимкодь бара локны Коми муӧ миян медводдза аддзысьлӧм бӧрын.
Збыльысь, ми видлалім уна юалӧм да сэсся эгӧ воштӧй йитӧдъяснымӧс.
Чайта, мый зэв бура уджаліс Семейнӧй сӧвет, мый дырйи таво косму тӧлысьын ми сёрнитім семья, мамлун да челядьдыр дорйӧм йылысь.
Торйӧн кӧсъя аттьӧавны «Единая Россиялысь» народнӧй уджтас зіля збыльмӧдӧмысь.
Сёрниыс мунӧ и йӧзӧс биаруӧн могмӧдӧм йылысь, мый серти содтісны мынтӧмъяссӧ, сійӧс босьтысьяслысь категорияяссӧ.
Нӧшта ӧти проект, мыйлы ёна отсалӧ «Единая Россия», — тайӧ пузчужӧмаяслы козинъяс.
Зэв тӧдчана, кор кагаӧс вайӧм бӧрын мамлы сетӧны отсӧг.
Коми Республика аддзӧ позянлунъяс, медым могмӧдны оланінӧн бать-мамтӧм челядьӧс.
Тайӧ тшӧтш зэв тӧдчана.
Да, дерт жӧ, миян боечьяслы отсалӧм серти юалӧмъяс, ме кӧсъя аттьӧавны Тіянӧс тайӧ уджысь», — пасйис Анна Кузнецова.
Коми Республикаын эмӧсь торъя военнӧй операцияын участвуйтысьяслы да налӧн семьяӧ пырысьяслы отсалан мераяс.
Сетсьӧны ӧтчыдысь сьӧм мынтӧмъяс гражданалы, кодъяс кырымалісны СВО-ын участвуйтӧм могысь контракт, котыртӧма СВО-ысь воӧм став участвуйтысьлы адреснӧя отсалӧм, тшӧтш и налы, кодъяс мунісны Россияса мукӧд регионысь.
Медводдзаяс лыдын котыртӧма СВО вылын доймалӧм военнослужащӧйяслы медицина отсӧг.
Котыртӧма «Максаковка» социальнӧя реабилитируйтан республиканскӧй шӧринӧ СВО-ын участвуйтысьяслысь воӧмсӧ.
Видлалӧма СВО-ын участвуйтысьяслы да налӧн семьяӧ пырысьяслы 2023 вося сора тӧлыссянь республикаса санаторно-курортнӧй организацияясӧ путёвкаяс сетӧм серти юалӧм.
СВО-ын став участвуйтысьлы адреснӧя отсалӧны.
Быд семьялӧн эм куратор.
Семьяяслы сетӧны содтӧд социальнӧй отсӧг.
Школьникъясӧс дон босьттӧг вердӧны пӧсь сёянӧн.
Семьяяслы компенсируйтӧны школаӧдз велӧдан организацияясын кага видзӧмысь да дӧзьӧритӧмысь бать-мамлысь мынтӧмсӧ.
Челядь мынтысьтӧг ветлӧны кружокъяс да секцияяс вылӧ.
Компенсируйтӧны 23 арӧсӧдз челядьлы велӧдчӧмсӧ, кодъяс шӧр уджсикасӧ велӧдан уджтасъяс серти очнӧя мынтысьӧмӧн велӧдчӧны Коми Республикаса организацияясын.
Сідзжӧ СВО-ын участвуйтысьяслӧн челядьлы дон босьттӧг сетӧны путёвкаяс да республиканскӧй сьӧмкуд сьӧм тшӧт весьтӧ тырвыйӧ мынтӧны дзоньвидзалун бурмӧдан да шойччӧдан организацияясӧ туйсӧ.
Таысь кындзи, 100 сюрс шайт мындаын урчитӧма ӧтчыдысь материальнӧй отсӧг оланінӧ биару нюжӧдӧм вылӧ.
Транспорт вот оз мынтыны став военнослужащӧйыс 150 вӧв вынӧдз двигатель вынйӧра ӧти транспорт средство серти.
2023 вося лӧддза-номъя тӧлысь 1 лунсянь республикаын уджалӧ «Айму дорйысьяс» торъя военнӧй операцияын участвуйтысьяслы отсӧг сетан фондса филиал, кӧні котыртӧма спецоперацияын став участвуйтысьлы да налӧн семьяяслы отсалӧм серти системнӧй удж.
Коми Республикаса Юралысь ачыс видзӧдӧ велӧдан учреждениеяс стрӧитӧм да капитальнӧя дзоньталӧм бӧрся.
Тайӧ уджсӧ нуӧдӧны «Выль школа» партийнӧй проект серти.
2022 воын збыльмӧдӧны «Велӧдан школьнӧй системаяс выльмӧдӧм» федеральнӧй уджтас, кутшӧмӧс веськӧдӧма велӧдан организацияяс капитальнӧя дзоньталӧм да найӧс быдтан-велӧдан средствоясӧн могмӧдӧм вылӧ.
Коми Республика зіля пырӧдчӧ уджтасӧ.
2022 воын нуӧдӧма уджъяс 4 велӧдан организация капитальнӧя дзоньталӧм да найӧс велӧдан средствоясӧн могмӧдӧм серти (Кебанъёльса шӧр школа, Шӧръягса шӧр школа, Сӧветскӧй Союзса Герой А.Е. Чупров нима Кипиевса школа, Одыбса шӧр школа).
Кӧсйӧны капитальнӧя дзоньтавны 9 велӧдан организация, на лыдын 3 объект — кык вося контракт серти (2022–2023 вояс), 6 школа — план серти ӧти вося режимын.
9 велӧдан организациясӧ, кутшӧмъясӧс капитальнӧя дзоньтавны помаласны 2023 воын, кӧсйӧны восьтыны 2023 вося кӧч тӧлысь 1 лунӧ.
2024 — 2025 воясын Россияса велӧдан министерство ошкис Коми Республикалысь заявкасӧ Уджтасӧ кык вося цикла 14 объект пыртӧм серти федеральнӧй сьӧмкудйысь 939 млн 167,6 сюрс шайт вичмӧдӧмӧн.
«Велӧдӧм» нацпроект, «Велӧдӧм сӧвмӧдӧм» Коми Республикаса канму уджтас серти 2023 воын стрӧитасны кык школа (Сыктывкарлӧн Эжва районса Емваль микрорайонын 825 места вылӧ; Изьва районса Изьва сиктын 600 места вылӧ).
{Kodko @ Владимир Уйба да Анна Кузнецова аддзысьлісны военнослужащӧйяскӧд — торъя военнӧй операцияын участвуйтысьяскӧд @ выльтор @ https://rkomi.ru/news/3072 @ 2023-06-29 @ }
Владимир Уйба да Анна Кузнецова аддзысьлісны военнослужащӧйяскӧд — торъя военнӧй операцияын участвуйтысьяскӧд.
Коми Республикаса Юралысь Владимир Уйба да Россия Федерацияса Федеральнӧй Собраниелӧн Каналан Думаӧн Веськӧдлысьӧс вежысь Анна Кузнецова ветлісны «Максаковка» социальнӧя реабилитируйтан республиканскӧй шӧринӧ, тӧдмалісны, кыдзи реабилитируйтӧны СВО-ын участвуйтысьясӧс да боевӧй тышъясса ветеранъясӧс.
Экскурсия бӧрын аддзысьлісны военнослужащӧйяскӧд, кодъяс реабилитируйтчӧны «Максаковка» шӧринын.
Восьса сёрни дырйи Владимир Уйба да Анна Кузнецова вочавидзисны социальнӧя отсалан мераяс сетӧм, сьӧм мынтӧмъяс, экипировкаӧн да медводдза медицина отсӧг сетан средствоясӧн могмӧдӧм йылысь СВО-ын участвуйтысьяслӧн юалӧмъяс вылӧ.
Мукӧд юалӧмсӧ Россияса Каналан Думаӧн Веськӧдлысьӧс вежысь босьтіс ас вылас да сійӧ жӧ луннас видлаліс найӧс Коми Республикаса военнӧй комиссар Дмитрий Фединкӧд.
«Максаковка» дзоньвидзалун бурдӧдан шӧринысь вӧчисны социальнӧя реабилитируйтан шӧринсӧ 2023 вося рака тӧлысьын.
Учреждение котыртӧ сораса реабилитируйтан да дзоньвидзалун бурмӧдан заездъяс Айму вӧсна Ыджыд тышса ветеранъяслы, война кадся челядьлы, ЧАЭС вылын авария бырӧдысьяслы, боевӧй тышъясса ветеранъяслы да СВО-ын участвуйтысьяслы.
Шӧринын сетӧны психологическӧй отсӧг, позьӧ бурдӧдны пинь, ёнмӧдны вынйӧр, прӧст кадӧ котыртӧма быд сикас культура мероприятие.
Ӧні учреждениеын реабилитируйтчӧ 11 военнослужащӧй.
Ветлігӧн сідзжӧ сёрнитісны СВО-ын пырӧдчысьясӧс социальнӧя реабилитируйтӧм йылысь. Сійӧ колӧ, медым фронт вылысь локтӧм йӧз ӧдйӧджык да кокньыдджыка вермисны велавны мирнӧй олӧмӧ.
Воисны ӧти кывйӧ, мый тайӧ могсӧ олӧмӧ пӧртӧм могысь колӧ комплекснӧй федеральнӧй уджтас.
Сідзжӧ Владимир Уйба да Анна Кузнецова ветлісны «Айму дорйысьяс» торъя военнӧй операцияын участвуйтысьяслы отсӧг сетан фондлӧн регионса филиалӧ, мый уджалӧ 2023 вося лӧддза-номъя тӧлысь 1 лунсянь.
Фондлӧн медшӧр мог — социальнӧя отсавны СВО-са быд ветеранлы да отсавны босьтны отсӧг сетан став колана мерасӧ, кытчӧ пырӧны медицина да социальнӧй реабилитация, лекарствоясӧн могмӧдӧм, психологическӧй отсӧг, реабилитируйтан техническӧй средствояс да санаторно-курортнӧя бурдӧдчӧм.
Сідзжӧ фондыс отсалӧ выльысь велӧдчыны ветеранъяслы да корсьны налы удж, разьны бытӧвӧй юалӧмъяс, корлывлӧ СВО-ын участвуйтысьясӧс ӧтйӧза проектъясӧ, кутшӧмъясӧс веськӧдӧма гражданаӧс чужан му пыдди пуктыны велӧдӧм, россияса духовно-нравственнӧй донаторъяс видзӧм вылӧ, медым йӧз паметьын эз вушйы Аймулӧн историяыс.
{Kodko @ Владимир Уйба да Анна Кузнецова сетісны канму наградаяс Коми Республикаысь торъя военнӧй операцияын участвуйтысьяслы @ выльтор @ https://rkomi.ru/news/3073 @ 2023-06-29 @ }
Владимир Уйба да Анна Кузнецова сетісны канму наградаяс Коми Республикаысь торъя военнӧй операцияын участвуйтысьяслы.
Кыпыд церемонияыс вӧлі лӧддза-номъя тӧлысь 29 лунӧ.
Коми Республикаса Юралысь да Россия Федерацияса Федеральнӧй Собраниелӧн Каналан Думаӧн Веськӧдлысьӧс вежысь аттьӧалісны боечьясӧс могъяс бура олӧмӧ пӧртӧмысь да повтӧмлунысь.
«Тайӧ наградаяс отсӧгӧн ми аттьӧалам тіянӧс повтӧмлунысь, Россия Федерациялӧн да ичӧт чужанін Коми Республикалӧн аскиа лунӧ пырӧдчӧмысь, — шыӧдчис церемонияӧ пырӧдчысьяс дорӧ Владимир Уйба. — Талун Россиялы колӧны тіян кодь пиян.
Колӧ дорйыны миянлысь челядьнымӧс, батьяснымӧс, мамъяснымӧс, миянлысь асшӧрлун, традиционнӧй видзӧдласъяс миян вӧрӧгъясысь — неонацистъясысь да на дор сулалысь НАТО странаясысь.
Сёрнитчыны эз артмы.
Тайӧ кадӧ Украиналӧн неонацистскӧй юрнуӧдысьяс вынсялісны.
Та вӧсна талун дорйыны Россиялысь интересъяссӧ позьӧ сӧмын ӧружиеӧн».
«Пыдди пуктана миян геройяс, чолӧмала тіянӧс Каналан Думаӧн Веськӧдлысь Вячеслав Викторович Володин нимсянь, «Единая Россия» ютырлӧн Генеральнӧй Сӧветса секретар Андрей Анатольевич Турчак нимсянь, став мамсянь.
Аттьӧала да муӧдз копыртча ставсянь, коді эськӧ кӧсйис сулавны тані да висьтавны тіянлы аттьӧалана кывъяс.
Талун фронтыс инмӧ быдӧнлы — чиновникъяслы, асшӧр уджалысьяслы, велӧдысьяслы, врачьяслы.
Быд здук ми видзӧдам, мый вӧчсьӧ сэні.
Ми воштам ёртъяснымӧс да тӧдсаяснымӧс, кодъяс усьӧны сэні.
Но подвиг пыр ми доръям Чужан мунымӧс.
Аттьӧ примерысь, кутшӧмӧс ті петкӧдланныд миян челядьлы, ӧд талун найӧ, тіян вылӧ видзӧдӧмӧн, тшӧтш вӧчӧны миян страна серти колана бӧрйӧм», — аттьӧаліс военнослужащӧйясӧс Анна Кузнецова.
Церемонияӧ пырӧдчысьяс чӧв олыштӧмӧн казьтыштісны Айму дорйысьясӧс, кодъяс пӧгибнитісны торъя военнӧй операция дырйи.
Россия Федерацияса Президентлӧн Индӧдъясӧн гражданскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь:
Повтӧмлун орден сетӧма запасса младшӧй сержант Анатолий Васильевич Коюшевлы (Кӧрткерӧс районса Маджа сиктысь, олӧ Сыктывкарын, служитіс отделениеса командирӧн);
«Аймулы бур вӧчӧмысь» орденлысь ІІ тшупӧда медаль сетӧма запасса радӧвӧй Эмиль Владимирович Вайеровскийлы (чужис да олӧ Сыктывкарын, служитіс стрелок-санитар чинын);
«Смеллунысь» медаль сетӧма запасса радӧвӧй Юрий Валерьевич Плотниковлы (чужис Печора районса Кожва посёлокын, олӧ Усинскын, служитіс пулемётчикӧн).
«Быдӧнлы тіян пиысь тайӧ наградаяссӧ сетӧма збыльвывса повтӧмлунысь, асьнытӧ жалиттӧмысь.
Торйӧн аттьӧала тіянлысь семьяяснытӧ.
Ӧд мыджӧдтӧг, тіян вӧсна кевмысьтӧг нинӧм эськӧ эз артмы.
Тайӧ ыджыд вын.
Зэв ыджыд аттьӧ тіянлы, рӧдвуж да матыссаяс, мый эскинныд, радейтінныд да виччысинныд ассьыныд зонъястӧ», — аттьӧаліс Владимир Уйба.
Сідзжӧ Владимир Уйба сетіс Коми Республикаса Юралыссянь аттьӧалана письмӧ «Сыктывкарса» сур пуан завод» акционер котырса медыджыд директор Ирина Петровна Майлы Луганскӧй Народнӧй Республика да Коми Республика костын ёртасьӧмсӧ сӧвмӧдӧмӧ, торъя военнӧй операцияын участвуйтысьяслы гуманитарнӧй отсӧг чукӧртӧмӧ да ыстӧмӧ тӧдчана пай пуктӧмысь.
{Kodko @ Коми Республикаса Юралысь бердын стратегическӧя веськӧдлӧм серти координационнӧй сӧветлӧн заседание вылын сёрнитісны гражданаӧс судзсяна да бур оланінӧн могмӧдӧм йылысь @ выльтор @ https://rkomi.ru/news/3074 @ 2023-06-30 @ }
Коми Республикаса Юралысь бердын стратегическӧя веськӧдлӧм серти координационнӧй сӧветлӧн заседание вылын сёрнитісны гражданаӧс судзсяна да бур оланінӧн могмӧдӧм йылысь.
Заседаниесӧ нуӧдіс регионса Юралысь Владимир Уйба лӧддза-номъя тӧлысь 29 лунӧ.
«Юалӧмыс комплекснӧй, йитчӧма уна нырвизькӧд, — пасйис Коми Республикаса Юралысь Владимир Уйба. — Медводз, тайӧ киссьӧм да аварийнӧй оланінысь федеральнӧй сьӧм отсӧгӧн мӧдлаӧ овмӧдӧм.
Тайӧ отсӧг гражданалы, кодъяс асьныс бурмӧдӧны олан условиеяссӧ кредитнӧй сьӧм вылӧ.
Тані ме эськӧ кӧсйи тӧдчӧдны пыртӧм выльторъяс — том семьяяслы да юӧр технологияяс юкӧнса уджалысьяслы кокньӧдӧм ипотека.
Том йӧзкӧд йитчӧм нырвизьясыс зэв тӧдчанаӧсь миянлы.
Тайӧ оз сӧмын бурмӧд ӧлӧмъяснымӧс, но и кыпӧдас демография петкӧдласъяс.
Тайӧ уджтасъясыс отсалӧны том семьяяслы ньӧбны ас оланін, а сідзкӧ, кольччыны регионын да йитны ассьыныс олӧмныссӧ республикалӧн аскиа лункӧд.
Та вӧсна, кыдзи и водзын, кора торйӧн уджавны тайӧ нырвизьяс серти».
2020 восянь 2022 воӧдз Коми Республикаын пыртӧма уджӧ 584 сюрс кв. м гӧгӧр олан жыр, та лыдын 238 сюрс кв. м — уна патераа керкаясын.
Таво кӧсйӧны пыртны 237 сюрс кв. м олан жыр, та лыдын 106 сюрс кв. м — уна патераа керкаясын.
Оланінъяс, тшӧтш и ас керкаяс, стрӧитӧмсӧ сӧвмӧдӧм могысь, республикаса канму уджтас серти 2020 восянь 2022 воӧдз нёль муниципальнӧй юкӧнлы (Сыктыв, Емдін, Кулӧмдін районъяс да Мылдін) вичмӧдӧма республиканскӧй субсидияяс, медым дасьтыны 11,63 млн шайт вылӧ оланін стрӧитӧм вылӧ мутас планируйтӧм серти документация.
Татшӧм ногӧн артмӧдӧма ас олан керкаяс стрӧитӧм вылӧ 624 участок, ӧтувъя площадьыс налӧн — 191,6 га.
2021 воӧ Коми Республика пырӧдчис «Оланін» федеральнӧй проектса «Стимул» уджтас збыльмӧдӧмӧ. Сы серти сыктывкарса Вылыс Максаковка посёлокын Шордор–2 микрорайон могмӧдӧма оланін стрӧитӧм вылӧ инженернӧй да туй инфраструктураӧн.
2023 вося сора тӧлысьӧ планируйтӧны примитны Сыктывкарын Оплеснин — Октябр шӧртуй — Катаев — Кирпич уличаясын сулалысь олан керкаяс дорысь мутассӧ комплекснӧя сӧвмӧдӧм йылысь помшуӧм бала, ӧтувъя площадьыс — 5,4 га.
Проектсӧ кӧсйӧны збыльмӧдны 10 во чӧжӧн.
Ковмас мӧдлаӧ овмӧдны гражданаӧс 21 аварийнӧй керкаысь, дасьтыны проектнӧй документация, кыпӧдны ӧнія олан керкаяс да выльмӧдны инженернӧй инфраструктура.
Выль олан керкаяслӧн площадьыс лоас 54,3 сюрс кв. м, дошкольнӧй учреждениелӧн — 2 сюрс кв. м, коммерческӧй жыръяслӧн — 3,9 сюрс кв. м.
Сідзжӧ кӧсйӧны комплекснӧя стрӧитчыны Сыктывдін районса Выльгорт сиктын да Сыктывкарын Лесозавод местечкоын.
Коми Республикаын водзӧ мӧдлаӧ овмӧдӧны гражданаӧс аварийнӧй оланінъясысь.
Татшӧм уджтасъяс збыльмӧдігӧн мӧдлаӧ овмӧдӧма 6,6 сюрс патераысь 13 сюрсысь унджык мортӧс.
2024 вося лӧддза-номъя тӧлысьӧ кӧсйӧны мӧдлаӧ овмӧдны гражданаӧс став оланінысь, кутшӧмъясӧс шуӧма аварийнӧйӧн 2017 вося тӧвшӧр тӧлысь 1 лунӧдз.
Та бӧрын, оланпастэчас серти, регион вермас босьтны федеральнӧй сьӧм, медым гражданаӧс мӧдлаӧ овмӧдны уна патераа олан керкаясысь, кутшӧмъясӧс шуӧма аварийнӧйӧн 2017 вося тӧвшӧр тӧлысь 1 лун бӧрын.
Коми Республикаса Юралысь тӧд вылӧ уськӧдіс, мый колӧ оз сӧмын стрӧитны выль оланінъяс, но и видзӧдны водзынджык пыртӧм оланінъяс бӧрся, бурмӧдны найӧс.
Медводз тайӧ уна патераа керкаяс капитальнӧя дзоньталӧм серти уджтасъяс збыльмӧдӧм, а сідзжӧ керка йӧръяс да йӧзаинъяс бурмӧдӧм-мичмӧдӧм.
«Тайӧс ставсӧ колӧ видлавны ӧтув да йитны помшуӧмъяскӧд, кутшӧмъясӧс примитӧма мутасъяс комплекснӧя сӧвмӧдан юалӧмъяс видлалігӧн, тшӧтш и стрӧитан оланінсӧ йӧзлы колана инфраструктураӧн могмӧдӧм», — тӧдчӧдіс Владимир Уйба.
Коми Республикаын уна патераа керкаясын ӧтувъя эмбур капитальнӧя дзоньталан дінму уджтассӧ збыльмӧдӧны 2015 восянь.
Таво кӧсйӧны дзоньтавны 184 уна патераа керкаын 302 конструктивнӧй элемент да дасьтыны 121 уна патераа керкаын проектно-сметнӧй документация, медым сэсся капитальнӧя дзоньтавны найӧс.
«Карын бур гӧгӧртас лӧсьӧдӧм» федеральнӧй проект отсӧгӧн Коми Республикаса 46 муниципальнӧй юкӧнын таво кӧсйӧны бурмӧдны-мичмӧдны 72 йӧзаин да 50 керка йӧр.
«Войтырлӧн сьӧмкуд» дінму проект серти 65 муниципальнӧй юкӧнын кӧсйӧны збыльмӧдны бурмӧдан-мичмӧдан юкӧнын нӧшта 86 мероприятие.
{Kodko @ Владимир Уйба висьталіс Сыктывкарса Эжва районлы 60 во тыригкежлӧ козин йылысь @ выльтор @ https://rkomi.ru/news/3075 @ 2023-06-30 @ }
Владимир Уйба висьталіс Сыктывкарса Эжва районлы 60 во тыригкежлӧ козин йылысь.
Коми Республикаса Юралысь ошкис «Единая Россия» ютырӧ пырысьяслысь водзмӧстчӧмсӧ. Найӧ вӧзйисны бурмӧдны-мичмӧдны Кабала вӧчысьяслӧн эжваса культура двореч дорын 22 №-а школа бердысь сквер.
Та вылӧ вичмӧдасны 25 млн шайт.
Скверсӧ важӧн нин коліс лӧсьӧдны.
Таво сійӧс мичмӧдасны, сувтӧдасны сэтчӧ спорт площадка да лӧсьӧдасны ворсӧм вылӧ резина веркӧс, челядьлы качайяса шойччанін, пода туйяс, скверсӧ югзьӧдасны, дасьтасны ӧнія ичӧт архитектура формаяс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республика петкӧдлас медшӧр вермӧмъяссӧ «Россия» войтыркостса выставка-форум дырйи @ выльтор @ https://rkomi.ru/news/3076 @ 2023-06-30 @ }
Коми Республика петкӧдлас медшӧр вермӧмъяссӧ «Россия» войтыркостса выставка-форум дырйи.
Выставка-форумыс воссяс 2023 вося вӧльгым тӧлысь 4 лунӧ.
Сэтчӧ пырӧдчасны Россия Федерацияса субъектъяс, федеральнӧй олӧмӧ пӧртысь власьт органъяс, ӧтйӧза организацияяс, канму корпорацияяс, суйӧрсайысь йӧз.
Талун, лӧддза-номъя тӧлысь 30 лунӧ, Коми Республикаса Юралысь Владимир Уйба пырӧдчис «Россия» войтыркостса выставка-форум кежлӧ дасьтысьӧм серти сӧвещаниеӧ. Сійӧс нуӧдісны Россияса Президентлӧн Администрацияӧн Юрнуӧдысьӧс Медводдза вежысь Сергей Кириенко, Россияса Президентлы отсасьысь Максим Орешкин да федеральнӧй Веськӧдлан котырса вице-премьер Дмитрий Чернышенко.
Коми Республика зіля дасьтысьӧ пырӧдчыны «Россия» войтыркостса выставка-форумӧ.
Регионлы сетӧма 75В павильонын 110 кв. метр площадя площадка.
Индӧма экспозициялысь сюрӧссӧ.
Коми Республика — тайӧ, медводз, промышленнӧй регион, та дырйи сійӧ нималӧ войтырлӧн аслыспӧлӧслунӧн да вӧр-ва озырлунӧн.
Медшӧр вермӧмъясӧн, кутшӧмъясӧс петкӧдласны выставка вылын, лоӧны инфраструктура объектъяс, культураын, промышленносьтын да цифровизацияын вермӧмъяс.
Регионлысь стендсӧ мичмӧдігӧн подув пыдди босьтӧма Эко Республика Коми — му, кӧні йитчӧны аслыспӧлӧс вӧр-ва озырлун да коми войтырлӧн культура.
Экспозицияын медтӧдчана лоӧмторъясӧн лоӧны:
- Регион лун — ӧшым тӧлысь 19 лунӧ. Сэк выставкаса площадкаяс вылын да мукӧдлаын нуӧдасны делӧвӧй, культурнӧй, презентуйтан да мукӧд мероприятие;
- Кандинскийлы сиӧм лун лоӧ ыджыд арт-лоӧмторйӧн, сэки петкӧдласны мода, котыртасны «Вунӧм ремеслӧ» выставка, лекцияяс, эжвайывса серъяс серти мастер-классъяс да кино;
- Лызь спорт лун — «Коми — лызьлӧн чужанін» бренд презентуйтӧм: петкӧдласны мирын медся важ лызь, нуӧдасны республикаса нималана спортсменъяскӧд пресс-конференция да автограф сессия.
{Kodko @ Коми Республикаса Юралысь чолӧмалӧ Коми Республикаын Боевӧй тышъясса ветеранъяслӧн лунӧн @ выльтор @ https://rkomi.ru/news/3077 @ 2023-07-01 @ }
Коми Республикаса Юралысь чолӧмалӧ Коми Республикаын Боевӧй тышъясса ветеранъяслӧн лунӧн.
«Коми Республикаса пыдди пуктана олысьяс!
Сора тӧлысь 1 лунӧ миян республикаын пасйысьӧ Боевӧй тышъясса ветеранъяслӧн лун.
Тайӧ лунӧ ми казьтывлам ставныссӧ, коді 1945 во бӧрын участвуйтіс локальнӧй тышъясын да вооружённӧй конфликтъясын, коді дорйис да дорйӧ Чужан мулысь интересъяссӧ.
Ми аттьӧалам ставныссӧ, коді повтӧг тышкасис, казьтывлам пӧгибнитӧмаясӧс да ыдждӧдлам боевӧй тышъясса ветеранъясӧс.
Дона ёртъяс!
Аттьӧ тіянлы Чужан му радейтӧмысь, канмулы да республикалы отсалӧмысь.
Кор заводитчис торъя военнӧй операция, ті энӧ кольччӧй бокӧ.
Тіян тӧдӧмлунъяс да опыт зэв коланаӧсь налы, коді мунӧ дорйыны Россия.
Ті тӧданныд, кыдзи колӧ тышкасьны вӧрӧгкӧд.
Унаӧн тіян пиысь босьтісны кианыс ӧружие, медым дорйыны Чужан му.
Аттьӧала тіянӧс пӧгибнитӧм ёртъяслысь паметь видзӧм, налӧн семьялы отсалӧм, быдмысь войтырӧс Чужан му радейтны велӧдӧм серти ӧтувъя удж нуӧдӧмысь.
Сиа тіянлы бур дзоньвидзалун, семьякостса крепыд шуд, тыр-бур олӧм!»
Коми Республикаса Юралысь Владимир Уйба.
{Kodko @ Владимир Уйба казьтыштіс Комиын олысьясӧс, кодъяс усисны тышъясын да вооружённӧй конфликтъясын @ выльтор @ https://rkomi.ru/news/3078 @ 2023-07-01 @ }
Владимир Уйба казьтыштіс Комиын олысьясӧс, кодъяс усисны тышъясын да вооружённӧй конфликтъясын.
Талун, сора тӧлысь 1 лунӧ, Коми Республикаын пасйӧны Боевӧй тышъясса ветеранъяслысь лун.
Тайӧ лунӧ регионса Юралысь пуктіс дзоридзьяс «Куслытӧм слава» да «Шогсьысь воин» мемориалъяс дорӧ.
«Ми гӧрдитчам миян боечьяслӧн, кодъяс пӧртісны да пӧртӧны олӧмӧ ассьыныс воинскӧй да гражданскӧй мог, повтӧмлунӧн да смеллунӧн, — пасйис Коми Республикаса Юралысь, боевӧй тышъясса ветеран Владимир Уйба. — Боевӧй тышъясса ветеранъяс — тайӧ миян канмулӧн мыджӧдъяс пиысь ӧти.
Тадз вӧлі и тадз лоӧ.
Эз прӧста найӧ, кодъяс дорйылісны нин Чужан му, эз кольччыны бокӧ канмулы сьӧкыд кадӧ.
Боевӧй тышъясса ветеранъяслӧн опытыс ӧні торйӧн колана да тӧдчана.
И тыш нуӧданінын, и тылын.
Аттьӧ Чужан му радейтӧмысь, канмулы отсӧгысь.
Тіян подвигныд да Аймулы бур вылӧ уджныд — Чужан му збыльысь радейтӧмлӧн пример».
Гаж лунсӧ урчитӧма Коми Республикаса Юралысьлӧн Индӧдӧн 2021 воын Коми Республикаса олысьяслысь, кодъяс 1945 во бӧрын участвуйтісны СССР-ын, Россия Федерацияын да мукӧд канмуын боевӧй тышъясын, локальнӧй войнаясын да вооружённӧй конфликтъясын, заслугаяссӧ пыдди пуктӧм могысь.
{Kodko @ Владимир Уйба чолӧмаліс вӧр юкӧнъясын уджалысьясӧс Коми Республикаса вӧр профсоюзлы 100 во тырӧмӧн @ выльтор @ https://rkomi.ru/news/3079 @ 2023-07-01 @ }
Владимир Уйба чолӧмаліс вӧр юкӧнъясын уджалысьясӧс Коми Республикаса вӧр профсоюзлы 100 во тырӧмӧн.
Нэмӧвӧйся юбилей нуӧдӧм кузя Сыктывкарлӧн Эжва районын сора тӧлысь 1 лунӧ вӧлі праздничнӧй субӧтник, кытчӧ пырӧдчисны 500 гӧгӧр морт — республикаса вӧр юкӧнын, предприятиеясын да организацияясын уджалысьяс.
Унаӧн локтісны семьяяснаныс.
Субӧтник восьтігӧн участвуйтысьясӧс чолӧмаліс Коми Республикаса Юралысь Владимир Уйба.
«Вӧр юкӧнъясын уджалысьяслӧн республиканскӧй профсоюз — республикаын медыджыдъяс пиысь ӧти.
Сійӧ ӧтувтӧ 11 сюрсысь унджык мортӧс.
Регионын тайӧ медся зіль да пыдди пуктана профсоюзнӧй организацияяс пиысь ӧти, коді стӧча да бура уджалӧ республикаса удж сетысьяскӧд да власьт органъяскӧд.
Профсоюз пуктӧ тӧдчана пай уджалысьяслысь инӧдъяс дорйӧмӧ да налысь уджалан условиеяс бурмӧдӧмӧ, дзоньнас юкӧн сӧвмӧдӧмӧ.
Аттьӧала тіянӧс зіль ӧтувъя уджысь.
Торйӧн аттьӧала профсоюзнӧй ӧтмунӧмса ветеранъясӧс пуктӧм традицияясысь да том йӧзлы примерысь.
Сиа тіянлы вермӧмъяс, бур дзоньвидзалун да став бурсӧ, мый верманныд сины аслыныд.
А ми кутам отсавны республикаын миян медся главнӧй юкӧнлы», — пасйис Коми Республикаса Юралысь.
Владимир Уйба сетіс вӧр юкӧнъясын медбур уджалысьяслы Коми Республикаса Юралыссянь Аттьӧалӧмъяс да аттьӧалана письмӧяс.
Юбилейнӧй субӧтникӧ пырӧдчысьясӧс чолӧмаліс Коми Республикаса Вӧр профсоюзӧн веськӧдлысь Александр Смирнов: «Ми тіянкӧд, вӧр профсоюзӧ пырысьяс, пыр кужим шедӧдны пуктӧм могъяс.
Буретш та вӧсна ми талун чукӧртчим тані, медым ӧтлаын повтӧг вӧчны нӧшта ӧти удж — бурмӧдны миянлысь Эжваса парк.
Лыддям, мый буретш татшӧм юбилей коляс миян паметьын да Вӧр профсоюзлӧн историяын!
И тайӧ жӧ лоӧ миян тіянкӧд козинӧн вӧр профсоюзсянь Эжва районлӧн 60 во тыригкежлӧ».
Сідзжӧ субӧтникӧ пырӧдчисны Москваысь да Москва обласьтысь, Санкт-Петербургысь да Ленинград обласьтысь, Иркутскысь, Усть-Илимскысь, Братскысь, Архангельскысь, Северодвинскысь, Коряжмаысь, Кировысь да Киров обласьтысь гӧсьтъяс.
* * *
Коми Республикаса Юралысьлӧн тшӧктӧмӧн
уна вося бур уджысь, ӧтйӧза уджын водзмӧстчӧмысь да вӧр юкӧнъясын уджалысьяслӧн профсоюзса Коми республиканскӧй организация котыртӧмсянь 100 во тырӧм пасйӧмкӧд йитӧдын Коми Республикаса Юралыссянь Аттьӧалӧм сетӧма:
Светлана Геннадьевна Ефимовалы — Киров нима Санкт-Петербургса канму лесотехническӧй университетлӧн Сыктывкарса вӧр институтын (филиалын) сьӧм овмӧс юкӧнса начальниклы;
Александр Васильевич Майоровскийлы — «Зӧвсьӧртса ЛПК» ичӧт кывкутана котырлӧн ремонтно-механическӧй участокса начальниклы;
Ирина Павловна Подюковалы — «Сыктывкарса вӧр промышленнӧй комплекс» первичнӧй профсоюзнӧй организацияса «Сыктывкар Тиссью Груп» восьса акционер котырлӧн профсоюзнӧй комитетӧн веськӧдлысьлы;
Игорь Павлович Старцевлы — «Сыктывкарса вӧр промышленнӧй комплекс» первичнӧй профсоюзнӧй организацияса Веськӧдланінлӧн профсоюзнӧй комитетӧн веськӧдлысьлы.
Коми Республикаса вӧр юкӧнын социальнӧй уджъёртасьӧм сӧвмӧдӧмӧ тӧдчана пай пуктӧмысь да вӧр юкӧнъясын уджалысьяслӧн профсоюзса Коми республиканскӧй организациялӧн 100 вося юбилейкӧд йитӧдын Коми Республикаса Юралыссянь Аттьӧалана письмӧ сетӧма:
Владимир Николаевич Смирновлы — Княжпогостса ДВП заводлӧн первичнӧй профсоюзнӧй организацияӧн веськӧдлысьлы;
Алексей Алексеевич Чисталевлы — «Помӧсдінса лесничество» канму учреждениеын вӧр видзӧм серти канму инспекторлы;
Анна Леонидовна Чуприслы — «Луздорса лесничество» канму учреждениеын вӧр мастерлы.
{Kodko @ Владимир Уйба сетіс Питирим Сорокин нима Сыктывкарса канму университетлӧн Медицина институтысь выпускникъяслы дипломъяс @ выльтор @ https://rkomi.ru/news/3080 @ 2023-07-01 @ }
Владимир Уйба сетіс Питирим Сорокин нима Сыктывкарса канму университетлӧн Медицина институтысь выпускникъяслы дипломъяс.
Кыпыд церемонияыс вӧлі талун, сора тӧлысь 1 лунӧ.
Таво велӧдчан заведениесӧ помалісны 57 студент «Лечебнӧй делӧ» специальносьт серти, 8-ыс на пиысь помалісны велӧдчӧмсӧ отличиеӧн.
Коми Республикаса Юралысь, медицина наукаса доктор, профессор, Россия Федерацияса нимӧдана врач, Россия Федерацияса наукаын нимӧдана уджалысь Владимир Уйба шыӧдчис мединститутса выпускникъяс дорӧ бурсиан кывъясӧн:
«Дона выпускникъяс!
Вот и лэбзис квайт во.
Тайӧ луныс, эскӧй, тіян паметьын коляс пыр кежлӧ.
Аски нин ті гӧгӧрвоанныд, кутшӧм бур вӧлі велӧдчыны.
Сы вӧсна мый орччӧн пыр вӧлі туйдысь-велӧдысь, педагог, пыр ки улын вӧлі учебник, и ёрт, коді вӧлі став лекция вылын да пыр вермис отсыштны.
Аскисянь нин ті кутанныд служитны йӧзлы, сы вӧсна мый врач уджсикас — тайӧ служитӧм, быд минута да олӧм чӧж служитӧм.
Тайӧ и ыджыд кывкутӧм, и пыдди пуктӧм.
Кор тэнад удж бӧрын, сетӧм отсӧгысь пациент бурдӧ, и тэ кӧ гӧгӧрвоан кыдз сійӧс бурдӧдны, — тайӧ пыр пытшкӧсса вермӧм.
Но медым тайӧ вӧлі, колӧ пыр уджавны.
И институтын тайӧ квайт воыс — «врач да пациент» олӧмӧ сӧмын медводдза воськов.
Тайӧ квайт воыс, дерт, сетісны тӧдӧмлунъяслысь зумыд подув, но сэтшӧм ӧдйӧ сӧвмӧ медицина, мый пыр колӧ тайӧ тӧдӧмлунъяссӧ босьтны выльысь и выльысь, быд лун.
Дерт, ме эськӧ кӧсйи, медым ті ставӧн кольччинныд республикаӧ да уджалінныд миян бурдӧдан учреждениеясын.
Но медся коланаыс, медым ті кольччинныд уджсикасын.
Вермӧмъяс тіянлы тайӧ сьӧкыд, но зэв колана олан туйын.
Став бурсӧ!»
Сідзжӧ Владимир Уйба чолӧмаліс выпускникъяслысь бать-мамсӧ да аттьӧаліс институтса велӧдысьясӧс сыысь, мый найӧ быдтісны том специалистъясӧс да пуктісны пай йӧзлысь дзоньвидзалун видзан юкӧнлы профессиональнӧй кадръяс дасьтӧмӧ.
{Kodko @ Владимир Уйба сетіс 2023 вося медбур выпускникъяслы гӧрд дипломъяс @ выльтор @ https://rkomi.ru/news/3081 @ 2023-07-01 @ }
Владимир Уйба сетіс 2023 вося медбур выпускникъяслы гӧрд дипломъяс.
Коми Республикаса Юралысь участвуйтіс «Твои облака» республиканскӧй выпускнӧйын, мый вӧлі сора тӧлысь 1 лунӧ Сыктывкарлӧн Степан изэрд вылын.
«Дона ёртъяс, пыдди пуктана выпускникъяс!
Став сьӧлӧмсянь чолӧмала тіянӧс велӧдчӧм помалӧмӧн да уджсикас босьтӧмӧн!
Талун ті пыранныд верстьӧ олӧмӧ.
Таво миянлысь вузъяс, техникумъяс да колледжъяс помалӧны квайт да джын сюрс выпускник.
Тайӧ висьталӧ, мый республикаса предприятиеясӧ да организацияясӧ локтасны том специалистъяс, кодъяс кӧсйӧны уджавны да мыйкӧ вежны бурланьӧ.
Миянлы колӧны квалификацияа вежӧра том уджалысьяс», — шыӧдчис республикаса вузъяс да ссузъяс помалысьяс дорӧ Владимир Уйба.
Регионса Юралысь сиис том специалистъяслы аддзыны асьныссӧ уджсикасын да олӧмын, сӧвмӧдны ассьыныс енбисӧ да пӧртны олӧмӧ пуктӧм могъяс: «Сиа тіянлы ыджыд да ичӧт вермӧмъяс.
Ӧд буретш наысь тэчсьӧ тіян вермӧмныд, тіян матыссаяслӧн тыр-бур олӧм да миян республикалӧн да канмулӧн сӧвмӧм.
Энӧ вунӧдӧй — канмулӧн аскиа луныс тіян сайын.
Олӧй повтӧг.
Энӧ полӧй сувтӧдны ас водзӧ ыджыд могъяс.
Эскӧй аслыныд.
Тіян ставыс артмас.
Праздникӧн!»
«Твои облака» выпускнӧйлӧн праздничнӧй уджтасыс заводитчис выпускникъяслӧн традиционнӧй шествиесянь, кӧні участвуйтісны Коми Республикаса уджсикасӧ велӧдан шӧр тшупӧда да вылыс тшупӧда велӧдан организацияяс помалысьяс.
Диплом сетан кыпыд церемония бӧрын вӧлі «Том войтыр, ов югыда!» том йӧзлы праздничнӧй уджтас, кӧні гаж ӧзтысьнас лоис сьылысь Юлианна Караулова.
«Твои облака» республиканскӧй выпускнӧй нуӧдісны «Том йӧзлы регион» Россия Федерацияса субъектъясын том йӧз политика быд боксянь сӧвмӧдан уджтас збыльмӧдӧм серти Том йӧзлӧн удж серти федеральнӧй агентство отсӧгӧн.
* * *
Гӧрд дипломъяс сетісны:
Дмитрий Олегович Барабкинлы — «Компьютер везъяс» специальносьт серти Сыктывкарса политехническӧй техникум помалысьлы;
Полина Евгеньевна Белоножкалы — «Школаӧдз велӧдан торъя тӧдӧмлунъяс» специальносьт серти Иван Алексеевич Куратов нима Сыктывкарса гуманитарно-педагогическӧй колледж помалысьлы;
Наталья Николаевна Босаклы — «Пусьысьлӧн да кондитерлӧн удж» специальносьт серти Сыктывкарса вузасян да экономика колледж помалысьлы;
Валерия Александровна Вокуевалы — Питирим Сорокин нима Сыктывкарса канму университетын Экономика да веськӧдлӧм институт помалысьлы;
Артем Олегович Жиряковлы — «Автомашинаяс дзоньталӧм да могмӧдӧм серти мастер» нырвизь серти Сыктывкарса вӧр промышленнӧй техникум помалысьлы;
Анна Владимировна Кузнецовалы — «Сестринскӧй делӧ» специальносьт серти Иван Павлович Морозов нима Сыктывкарса медицина колледж помалысьлы;
Эльвира Алексеевна Майоровалы — «Йӧзкост художествоа творчество» специальносьт серти Вениамин Тимофеевич Чисталёв нима Коми республиканскӧй культура колледж помалысьлы;
Семён Евгеньевич Машкинлы — Сыктывкарса кооперативнӧй техникум помалысьлы;
Анна Дмитриевна Поповалы — Коми Республикаса искусство колледж помалысьлы;
Дарья Сергеевна Раздроговалы — «Вӧр удж» нырвизь серти Сыктывкарса вӧр институт помалысьлы;
Ксения Павловна Созоновалы — «Улыс тшупӧда велӧдӧм» нырвизь серти Питирим Сорокин нима Сыктывкарса канму университетын Педагогика да психология институт помалысьлы;
Максим Юрьевич Сухановлы — Питирим Сорокин нима Сыктывкарса канму университетын История да инӧд институт помалысьлы;
Светлана Евгеньевна Тимушевалы — «Автомашинаяс дзоньталӧм да могмӧдӧм серти мастер» специальносьт серти Сыктывкарса автомеханическӧй техникум помалысьлы;
Артём Геннадьевич Шарыгинлы — «Телефон связь да проводъяс пыр юӧртан линейно-кабельнӧй сооружениеяс дзоньталӧм серти электромонтёр» специальносьт серти Сыктывкарса сервис да связь колледж помалысьлы;
Татьяна Юрьевна Якшиналы — «Ветеринария» специальносьт серти Николай Васильевич Оплеснин нима Коми республиканскӧй агропромышленнӧй техникум помалысьлы;
Екатерина Игоревна Яраповалы — «Канму да муниципальнӧй веськӧдлӧм» нырвизь серти канму службаӧ да веськӧдлыны велӧдан Коми Республикаса академия помалысьлы.
{Kodko @ Усинскын Колва ю вылын бырӧдӧны мусир киссьӧмлысь колясъяссӧ @ выльтор @ https://rkomi.ru/news/3082 @ 2023-07-03 @ }
Усинскын Колва ю вылын бырӧдӧны мусир киссьӧмлысь колясъяссӧ.
Кыдзи висьталіс Веськӧдлан котырын быдвежонся оперативнӧй заседание дырйи Коми Республикаса вӧр-ва озырлун да гӧгӧртас видзан министр Екатерина Киселевич, трубопроводлӧн йиджтӧмлун торксьӧм йылысь юӧрыс воис сора тӧлысь 2 лунӧ 16 час 15 минутын.
17 час 30 минутын нуӧдісны «Усинск» МК-ын Неминучаясысь ӧлӧдӧм да найӧс бырӧдӧм да пӧжарысь видзчысьӧмсӧ могмӧдӧм серти комиссиялысь заседание.
Лоӧмторсӧ видлалігӧн вӧлі примитӧма «Содтӧд дасьлун» режим пыртӧм йылысь помшуӧм.
18 часын «Усинск» муниципальнӧй кытшса КЧС да ОПБ комиссиябердса оперативнӧй группа видлаліс Колва юлысь акваториясӧ да йиджтӧмлун торксян местасӧ.
Кыдзи юӧртісны водзджык, няйтӧсьтӧм мусинлӧн ыдждаыс 0,9 га.
Ыдждасӧ стӧчмӧдӧм могысь корӧма «Усинскса лесничество» канму учреждениеын уджалысьясӧс.
Колясъяссӧ бырӧдӧны «Экоспас» да «Экосфера» аварияысь мездан формированиеяс, пуктісны 400 м бона йӧр.
«Нобель-Ойл» ичӧт кывкутана котыр Колва юӧ мусир веськалан местаӧ, а сідзжӧ Колва ю вомӧн 3 да 2 посъяс дорӧ пуктісны бона йӧр.
Коми Республикаса Юралысь Владимир Уйба тшӧктіс Коми Республикаса вӧр-ва озырлун да гӧгӧртас видзан министерстволы содтыны вынъяс да средствояс аварияысь мездан содтӧд формированиеяс корӧмӧн.
Сідзжӧ котыртӧма ӧтувъя удж Ненеч асвеськӧдлан кытшса Вӧр ва озырлун, экология да агропромышленнӧй комплекс департаменткӧд.
«Нобель-Ойл» ИКК-са 219 см диаметра промысловӧй мусир провод вылын ӧткажитӧмыс лоис 2023 вося сора тӧлысь 1 лунӧ Лунвыв-Ошса мусир куйлӧдын.
Мусир проводлысь йиджтӧмлун торксьӧмсӧ казялісны 1 №-а кустӧвӧй площадкасянь 1 №-а запорнӧй арматура узел дорӧдз участок вылын Колва юсянь километр джын ылнаын.
Мусира ваыс веськаліс Колва юӧ Колва ю вомӧн 4-ӧд поссянь 1 км увланьджык.
Юыс няйтчӧма Колва ю вомӧн 4-ӧдсянь 3-ӧд поскӧдз.
Коми Республикаса вӧр-ва озырлун да гӧгӧртас видзан министерство юӧртіс Коми Республикаын да Ненеч асвеськӧдлан кытшын Росприроднадзорлы трубопроводлӧн йиджтӧмлун торксьӧм йылысь абу ас кадӧ юӧртӧм серти лӧсялана мераяс примитӧм могысь.
Няйтӧсьтӧм мутассӧ весалӧны сутки чӧж.
Олан пунктъяслы, экономика объектъяслы да ваӧн могмӧдан системаяслы некутшӧм грӧз абу.
{Kodko @ Владимир Уйба висьталіс Усинск районын мусира ва киссьӧм бӧрын артмӧм колясъяс бырӧдӧм йылысь @ выльтор @ https://rkomi.ru/news/3083 @ 2023-07-03 @ }
Владимир Уйба висьталіс Усинск районын мусира ва киссьӧм бӧрын артмӧм колясъяс бырӧдӧм йылысь.
Сора тӧлысь 2 лунӧ воис юӧр сы йылысь, мый Лунвыв-Ошса мусир куйлӧдын ӧткажитіс «Нобель-Ойл» компаниялӧн промысловӧй трубопровод.
Та вӧсна мусира ваыс киссис да веськаліс Колва юӧ.
Олан пунктъяслы, экономика объектъяслы да ваӧн могмӧдан стрӧйбаяслы грӧз абу.
Олысьясӧс ваӧн могмӧдӧны ва босьтан юкмӧсъясысь.
Нуӧдӧны лёктор бӧрын артмӧм колясъяссӧ бырӧдӧм серти мероприятиеяс.
Лоӧмторйыс контроль улын.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба чолӧмаліс Виктория Орловаӧс сьӧкыд атлетика серти Россияса Чемпионатын вермӧмӧн @ выльтор @ https://rkomi.ru/news/3084 @ 2023-07-04 @ }
Владимир Уйба чолӧмаліс Виктория Орловаӧс сьӧкыд атлетика серти Россияса Чемпионатын вермӧмӧн.
Ордйысьӧмыс вӧлі лӧддза-номъя тӧлысь 12–17 лунъясӧ Новый Уренгой карын.
Талун, сора тӧлысь 4 лунӧ, Коми Республикаса Юралысь аддзысьліс спортсменкакӧд да сылӧн тренер Евгений Костинкӧд, медым чолӧмавны ыджыд тшупӧда вермӧмӧн.
«Чолӧмала вермӧмӧн!
Быд вермӧм лоӧ тӧдчанаӧн страналы, торйӧн нин талун, кор миянӧс оз лэдзны войтыркостса ордйысьӧмъясӧ.
А ми петкӧдлам, мый миян эмӧсь бӧртасъяс, и тайӧ бӧртасъясӧн ми босьтам вермӧмъяс огӧ сӧмын Россияса Чемпионатын, и став мирыс тайӧс аддзӧ.
Спорт — тайӧ сэтшӧм жӧ тыш.
Аттьӧ вермӧмъясысь», — шыӧдчис спортсменка дорӧ Владимир Уйба.
22 арӧса Россияса спорт мастер Виктория Орлова лоӧ Олимпиада резервӧ дасьтан 2 №-а спорт школаа да Олимпиада резервӧ дасьтан москваса 2 №-а шӧр тшупӧда торъя училищеса спортсменкаӧн.
Сылӧн вермӧмъяс лыдын: Грознӧйын 2020 воӧ Россияса Чемпионатын ыргӧн медаль, Ханты-Мансийскын 2021 воӧ Россияса Чемпионатын эзысь, Хабаровскын 2022 воӧ Россияса Чемпионатын зарни медаль да Новый Уренгойын 2023 воӧ Россияса Чемпионатын зарни медаль.
Ӧні чемпионка велӧдчӧ Москваса вынйӧр сӧвмӧдан канму академияын.
Коми Республикаса Юралысь сетіс Виктория Орловалы Россияса Чемпионатын вермӧмысь Коми Республикаса Веськӧдлан котырсянь сьӧма премия вылӧ сертификат, аттьӧаліс пуктӧм могъяс шедӧдӧмысь, а тренерсӧ — уджсӧ бура тӧдӧмысь да бур спортсменъясӧс быдтӧмысь.
Сідзжӧ сійӧ пасйис, мый спорт школаясса быдтасъяслӧн вермӧмъясыс ышӧдӧны том йӧзӧс пырӧдчыны спортӧ да кутчысьны дзоньвидза оласногӧ.
«Том йӧз оз мунны спортӧ, налы кӧ некод бӧрся вӧтчыны.
abu
Ныв-зон видзӧдӧны вына йӧз вылӧ, — пасйис Владимир Уйба. — Миян эм асланым чемпионка сьӧкыд атлетикаын, мед тайӧ ышӧдас найӧс, кодъяс сӧмын на пырӧдчӧны спортӧ.
Республикаын спорт сӧвмӧдӧмын тайӧ зэв тӧдчана.
Аддза, мый уджыс мунӧ водзӧ, пуктӧма могъяс да эм гӧгӧрвоӧм, кытчӧ ті мунанныд водзӧ.
Некор энӧ эновтчӧй таысь, а Коми Республикаса Веськӧдлан котыр водзӧ кутас быд боксянь отсавны миян чемпионъяслы».
{Kodko @ «Россети Северо-Запад» 2023 воӧ пуктас 1,8 миллиард шайт Коми Республикаса электросетевӧй инфраструктураӧ @ выльтор @ https://rkomi.ru/news/3085 @ 2023-07-04 @ }
«Россети Северо-Запад» 2023 воӧ пуктас 1,8 миллиард шайт Коми Республикаса электросетевӧй инфраструктураӧ.
Сора тӧлысь 4 лунӧ Коми Республикаса Юралысь Владимир Уйба да «Россети Северо-Западса» медыджыд директор Артем Пидник аддзысьлісны удж серти да сёрнитісны регионса электросетевӧй комплекс сӧвмӧдӧм йылысь.
Артем Пидник висьталіс, мый 2023 воӧ сетевӧй компания веськӧдас Коми Республикаын инвестиция да дзоньтасян уджтасъяс вылӧ 1,8 млрд шайт.
«Россети Северо-Запад» дзоньталасны 190 гӧгӧр километр электропередача линия, 35–220 кВ вылӧ 51 подстанция, 6–20 кВ вылӧ 83 трансформаторнӧй подстанция, весаласны 1,5 сюрс км гектар ЛЭП прӧсека.
Сідзжӧ сетевӧй компания могмӧдас вынйӧрсӧ Коми Республикаса 52 медицина учреждениелы, сы лыдын 34 фельдшер-акушер пункт.
«Россети Северо-Запад» йитасны электросетьяс дорӧ Сыктывкарын Челядьлы республиканскӧй клиническӧй больничалысь выль корпус, кӧні воссяс регионын паллиативнӧй отсӧг сетан медводдза стационарнӧй юкӧн.
Сідзжӧ компания могмӧдас вынйӧрсӧ Чилимдін да Визин сиктъясын районнӧй больничаяслӧн выль корпусъяслы.
«Регионса юрнуӧдысьяс видзӧдӧны национальнӧй проектъяс збыльмӧдӧм бӧрся, торйӧн нин йӧзлысь дзоньвидзалун видзан юкӧнын.
Ми могмӧдім нин 4 фельдшер-акушер пункт да Воркутаын вуджан висьӧмъясысь бурдӧдан больнича.
Кӧсъя эскӧдны, мый мукӧд медицина учреждение серти уджъяссӧ тшӧтш сигӧртам ас кадӧ», — пасйис Артем Пидник.
«Электросетевӧй инфраструктура стрӧитӧмыс отсалӧ регионлы сӧвмыны экономика боксянь да социальнӧя.
Регионын выль медицина учреждениеяс пыртӧмыс — тайӧ тӧдчана мог, кутшӧмӧс отсалӧ збыльмӧдны «Россети Северо-Запад» компания», — пасйис Владимир Уйба.
{Kodko @ Владимир Уйба висьталіс Социальнӧй нырвизя абу коммерческӧй организацияяслы Коми Республикаса Юралысьлӧн грантъяс вылӧ быдвося конкурслӧн кывкӧртӧдъяс йылысь @ выльтор @ https://rkomi.ru/news/3086 @ 2023-07-04 @ }
Владимир Уйба висьталіс Социальнӧй нырвизя абу коммерческӧй организацияяслы Коми Республикаса Юралысьлӧн грантъяс вылӧ быдвося конкурслӧн кывкӧртӧдъяс йылысь.
Таво конкурс вылӧ воис регионса 20 муниципальнӧй юкӧнысь 177 заявка.
Вермысьясӧн лоисны 92 социальнӧй нырвизя абу коммерческӧй организация.
Социальнӧй нырвизя абу коммерческӧй организацияяслысь проектъяссӧ збыльмӧдасны уна сикас нырвизьын.
Медтшӧкыда паныдасьысь нырвизьяс — гражданалысь дзоньвидзалун видзӧм, дзоньвидза оласног, вынйӧр сӧвмӧдӧм да спорт паськӧдӧм.
Ставнас грантъяс вылӧ вичмӧдӧма 51 млн шайт.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаӧ воасны Вежа Георгий Победоносецлӧн мощьяс @ выльтор @ https://rkomi.ru/news/3087 @ 2023-07-05 @ }
Коми Республикаӧ воасны Вежа Георгий Победоносецлӧн мощьяс.
Та йылысь аслас видео пыр шыӧдчӧмын висьталіс Коми Республикаса Юралысь Владимир Уйба.
Мощьясӧн ковчегыс Вежа Трӧича да Сергий нима лавраысь Сыктывкарӧ воас сора тӧлысь 31 лунӧ да лоас Вежа Степан нима кафедральнӧй соборын моз тӧлысь 1 лунӧдз.
Планируйтӧны, мый ковчег волас Россиялӧн 100 карӧ — сійӧс новлӧдлӧмыс заводитчис ода-кора тӧлысь 6 лунӧ да нюжалас 2023 вося кӧч тӧлысьӧдз.
Мероприятиесӧ котыртісны Ставмирса Роч Народнӧй Собор отсӧгӧн.
{Kodko @ Комиын олысьяс повтӧг тышкасьӧны торъя военнӧй операция вылын @ выльтор @ https://rkomi.ru/news/3089 @ 2023-07-07 @ }
Комиын олысьяс повтӧг тышкасьӧны торъя военнӧй операция вылын.
Республикаса Юралысь Владимир Уйба ветлывлӧ тыш нуӧданінӧ, аддзысьлӧ Комиысь военнослужащӧйяскӧд, колльӧдӧ да сетӧ налы рӧдвужсянь посылкаяс да землякъяссянь гуманитарнӧй отсӧг.
{Kodko @ Коми Республикаса Юралысь чолӧмалӧ Гозъялы да муслунлы сиӧм лунӧн @ выльтор @ https://rkomi.ru/news/3088 @ 2023-07-08 @ }
Коми Республикаса Юралысь чолӧмалӧ Гозъялы да муслунлы сиӧм лунӧн.
«Коми Республикаса пыдди пуктана олысьяс!
Чолӧмала тіянӧс Гозъялы да муслунлы сиӧм лунӧн!
Канмуыс сӧвмӧ бура, йӧзыс сэні олӧны оланпасъясӧ кутчысьӧмӧн да вежавидзӧмӧн сэк, кор сылӧн подулын семьяяс, кӧні радейтӧны ӧта-мӧднысӧ, быдтӧны шуда челядьӧс да пыдди пуктӧны олӧма йӧзӧс.
Татшӧм семьяясын быдмӧны патриотъяс, кодъяс став сьӧлӧмнаныс радейтӧны матыссаясныссӧ да Аймусӧ.
Россия вына эскӧмӧн, нэмысь нэмӧ водзӧ нуӧдан пӧль-пӧчлӧн оласногӧн да вежавидзӧмӧн.
Миян пыр пыдди пуктылісны гӧтрасьӧм, уджачлун да Чужан му радейтӧм, семьяясын гӧгӧрволісны ӧта-мӧднысӧ да бурӧ пуктылісны олӧма йӧзӧс.
Ӧнія геополитическӧй серпас дырйи колӧ видзны сійӧс, мый колисны миянлы пӧль-пӧчьяс — семья, вежавидзӧм да радейтчӧм.
Колӧ быдтыны челядьӧс бур да кывкутысь йӧзӧн, велӧдны найӧс пыдди пуктыны матыссаясныссӧ.
Республикаса быд семьялы став сьӧлӧмсянь сиа ыджыд шуд.
Мед тшӧкыдджыка юргис челядьлӧн серам да ставыс вӧлі лючки-бур!»
Коми Республикаса Юралысь Владимир Уйба.
{Kodko @ Владимир Уйба аддзысьліс Комиысь олысьяскӧд, кодъяс СВО нуӧданінын пӧртӧны олӧмӧ воинскӧй да гражданскӧй мог @ выльтор @ https://rkomi.ru/news/3090 @ 2023-07-08 @ }
Владимир Уйба аддзысьліс Комиысь олысьяскӧд, кодъяс СВО нуӧданінын пӧртӧны олӧмӧ воинскӧй да гражданскӧй мог.
«Зонъяслӧн ловруыс кыпыд, боевӧй.
Ставныс тышкасьӧны, некод оз шу, мый сьӧкыд.
Ставныс кӧсйӧны вермыны», — висьталіс Коми Республикаса Юралысь видео пыр аслас шыӧдчӧмын.
{Kodko @ Удж серти командировкаӧ ветлігӧн аддзысьліс Коми Республикаса йӧзлысь дзоньвидзалун видзан министр Игорь Владимирович Дягилевкӧд @ выльтор @ https://rkomi.ru/news/3091 @ 2023-07-08 @ }
Удж серти командировкаӧ ветлігӧн аддзысьліс Коми Республикаса йӧзлысь дзоньвидзалун видзан министр Игорь Владимирович Дягилевкӧд.
Талун сійӧ служитӧ СВО нуӧданінын, сетӧ медицина отсӧг.
Республикаса став олысьлы ыстӧ ыджыд чолӧм да аттьӧалӧ отсӧгысь.
{Kodko @ Владимир Уйба висьталіс Коми Республикаса культураын водзмӧстчӧмъяс збыльмӧдӧмын грантъясӧн отсалӧм йылысь @ выльтор @ https://rkomi.ru/news/3092 @ 2023-07-10 @ }
Владимир Уйба висьталіс Коми Республикаса культураын водзмӧстчӧмъяс збыльмӧдӧмын грантъясӧн отсалӧм йылысь.
Таво Коми Республикаса Юралысь бердын культура да искусство серти сӧвет бӧрйис пӧртны олӧмӧ джынсьыс унджык вӧзйӧм проект — 38 мероприятие.
Тайӧ фестивальяс, концертъяс, спектакльяс, выставкаяс, арт-лабораторияяс да уна мукӧд.
Найӧс збыльмӧдӧм вылӧ вичмӧдӧма 12 миллион 600 сюрс шайт.
Паськыдджыка проектъяс йылысь — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Коми Республикаса логистика шӧринлӧн удж йылысь @ выльтор @ https://rkomi.ru/news/3094 @ 2023-07-11 @ }
Владимир Уйба висьталіс Коми Республикаса логистика шӧринлӧн удж йылысь.
Бизнеслы отсӧг сетысь татшӧм шӧринсӧ восьтӧма 2022 вося рака тӧлысь 14 лунӧ, медым ӧдйӧ разьны логистикаын артмӧм мытшӧдъяссӧ.
Абу ёртасьысь странаяслӧн санкцияяс вӧсна странаса да республикаса гырысь предприятиеяслы лоис сьӧкыд инавны дась прӧдукциясӧ ортсыса рынок вылын, вайны сырьё да материалъяс, ӧтув уджавны транспорт компанияяскӧд.
Коми Республикаса логистика шӧрин ӧдйӧ разьӧ тайӧ мытшӧдъяссӧ Россия Федерацияса Минпромторгкӧд да Минтранскӧд ӧтвылысь.
Регионса предприятиеяс шыӧдчылісны матӧ 70 нин, колана отсӧгсӧ налы сетӧма.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба аттьӧаліс Коми Республикаысь военнослужащӧйясӧс торъя военнӧй операция дырйи петкӧдлӧм героизмысь да повтӧмлунысь @ выльтор @ https://rkomi.ru/news/3095 @ 2023-07-12 @ }
Владимир Уйба аттьӧаліс Коми Республикаысь военнослужащӧйясӧс торъя военнӧй операция дырйи петкӧдлӧм героизмысь да повтӧмлунысь.
Коми Республикаса Юралысь сора тӧлысь 11 лунӧ сетіс СВО вылысь воӧм землякъяслы аттьӧалӧмъяс.
«Меным зэв нимкодь аддзысьлыны тіянкӧд да шуны, мый и ме, и Веськӧдлан котыр, и миян республикаса, ыджыд канмуса став олысьыс зэв ёна пыдди пуктӧны тіян кодь воинъяссӧ. — шыӧдчис церемонияын участвуйтысьяс дорӧ Владимир Уйба. — Ми нӧшта на ӧтчыдысь талун гӧгӧрвоам, мый дорйыны канмулысь асшӧрлунсӧ да вӧлясӧ позьӧ сӧмын киӧ ӧружье босьтӧмӧн, мӧд ногӧн оз овлы.
Кӧкъямыс во ми зілим эскӧдны НАТО-сӧ, медым найӧ дугдісны ыззьӧдны Украинасӧ.
Но, кыдз аддзам, бурӧ тайӧ эз вайӧд.
Тайӧ воясӧн пӧгибнитіс миян уна сюрс вок.
Та вӧсна, кор миян Президент Владимир Владимирович Путин 2022 вося урасьӧм тӧлысь 24 лунӧ примитіс торъя военнӧй операция заводитӧм йылысь помшуӧм, тайӧ вӧлі ӧти петан туйӧн.
Ӧд эгӧй кӧ ми тайӧс вӧчӧй сэки, талун тышыс муніс эськӧ нин Россияын.
Ӧні тайӧ ставлы гӧгӧрвоана нин».
Коми Республикаса Юралысьлысь Аттьӧалӧмъяссӧ сетӧма радӧвӧй Иван Леонидович Сметанинлы, ефрейтор Федор Владимирович Артеевлы, радӧвӧй Кирилл Федорович Артеевлы, радӧвӧй Алексей Альбертович Черновлы.
Фёдор Владимирович да Кирилл Фёдорович Артеевъяс — батя-пиа.
А налӧн семьяын Чужан му нӧшта ӧти дорйысь, Василий Федорович, ӧні выльысь муніс торъя военнӧй операция вылӧ, служитӧ мотострелкӧвӧй полкын.
«Тшӧкыда миян землякъяс пӧртӧны олӧмӧ воинскӧй да гражданскӧй могсӧ став семьяӧн, династияӧн, кыдзи Фёдор Владимирович да сылӧн кыкнан пиыс.
Сідзкӧ, Россияӧс да миянлысь войтырӧс он чег и он повзьӧд, ӧд ми воюйтам огӧй на моз сьӧм вӧсна, а бур делӧ вӧсна.
Ми кӧсъям, медым странаным вӧлі зумыдӧн, медым семьяясным олісны нинӧмысь повтӧг, медым челядьным быдмисны вежавидзысь йӧзӧн, олісны православнӧй да мусульманскӧй традицияясӧ кутчысьӧмӧн, медым подувнас пыр вӧлі семья, кӧні батьыс — тайӧ бать, а мамыс — тайӧ мам», — пасйис Коми Республикаса Юралысь.
Владимир Уйба аттьӧаліс военнослужащӧйяслысь рӧдвужсӧ боечьяслы отсасьӧмысь, на вӧсна кевмысьӧмысь да Вермӧмӧ эскӧмысь.
«Колӧ быд лоӧмторйын, торйӧн нин война вылын, лоны мортӧн, лоны мужичӧйӧн, кутшӧмӧн ті и лоанныд — збыль мужичӧйясӧн, воинъясӧн, геройясӧн.
Ӧд олӧмын быдторйыс овлӧ, но сійӧ ӧти, и овны сійӧс колӧ морт ногӧн.
Колӧ страналӧн да аслад олӧмын татшӧм сьӧкыд здукъясӧ сьӧлӧмӧн сетчыны семьялы, пуктӧм могъяслы, страналы, присягалы.
И буретш таын миян Вермӧмлӧн подулыс.
Абу ӧружьеын, абу сылӧн лыдын.
Вермӧ оз кӧрт, вермӧ лов.
Сійӧ миян эм — миян республикаысь нёль боечлы кувсьӧм бӧраныс сетісны Россияса Герой ним, та вӧсна ми Вермам.
А тіянлы дзоньвидзалун, вермӧмъяс, шуд.
Коми Республикаса Веськӧдлан котыр пыр дась отсавны тіянлы», — кывкӧрталіс Коми Республикаса Юралысь.
{Kodko @ Владимир Уйба аддзысьліс СВО-ын участвуйтысьяслӧн семьяяскӧд @ выльтор @ https://rkomi.ru/news/3096 @ 2023-07-12 @ }
Владимир Уйба аддзысьліс СВО-ын участвуйтысьяслӧн семьяяскӧд.
Коми Республикаса Юралысь вочавидзис торъя военнӧй операция дырйи могъяс збыльмӧдысь военнослужащӧйяслӧн гӧтыръяслӧн да бать-мамлӧн юалӧмъяс вылӧ.
«Став юалӧм вылӧ, мый вӧсна кывкутӧ Коми Республикаса Юралысь да Веськӧдлан котыр, пыр сетӧны вочакыв, вӧчӧны став колана уджсӧ.
Юалӧмъяссӧ, кутшӧмъяс вӧсна ми огӧй кывкутӧй, сетам Россияса войтырӧс доръян министерствоӧ да видзӧдам, кыдзи мунӧ уджыс на серти, — пасйис СВО-ын участвуйтысьяслы да налӧн семьяясӧ пырысьяслы отсӧг сетӧмсӧ котыртӧм йылысь Владимир Уйба. — Таысь кындзи, мукӧд могсӧ олӧмӧ пӧртӧм могысь ми шыӧдчам Россияса Веськӧдлан котырӧ да вӧзъям пыртны вежсьӧмъяс нормативнӧй актъясӧ.
Шуам, ӧні боевӧй тышъясса ветеранлысь статус позьӧ босьтны республиканскӧй военкомат пыр, кӧть водзсӧ татшӧм помшуӧмъяссӧ примитлісны федеральнӧй тшупӧдын.
Сідзжӧ пырталам вежсьӧмъяс республиканскӧй оланпастэчасӧ, пыр паськӧдам отсӧг сетан мераяс.
Став шыӧдчӧм серти аддзам петан туй».
Коми Республикаса Юралысь дорӧ налӧн рӧдвужыс да матыссаясыс ёнджыкасӧ шыӧдчӧны мобилизуйтан кадколасткӧд, отпуск сетӧмкӧд, обмундирование выльмӧдӧмкӧд, гуманитарнӧй отсӧг нуӧмкӧд йитчӧм юалӧмъясӧн.
Вӧліны и торъя йӧзлӧн юалӧмъяс, кыдзи сьӧмӧн довольствие мынтӧм, документъяс выльысь вӧчӧм, медицина отсӧг сетӧм.
Владимир Уйба казьтыштіс рӧдвужныслы, мый демобилизацияыс лоас сӧмын тырвыйӧ вермӧм бӧрын, а отпуск йылысь помшуӧмсӧ примитӧ воинскӧй часьтса командир.
«Ме регыд на локті передӧвӧй вылысь.
Ачым сёрниті зонъяскӧд.
Мукӧдныс на пиысь отпускъяссьыс локтӧны ӧти-кык лунӧн водзджык, медым ёртъясныс тшӧтш жӧ вермисны ветлыны отпускӧ», — висьталіс Владимир Уйба.
Медым вайисны выль обмундирование, военнослужащӧйяслы колӧ гижны шыӧдчӧм, а медым вайисны техническӧй средствояс, шыӧдчӧмсӧ колӧ гижны командованиелы.
Тайӧ документъяс подув вылын регионса власьт ньӧбас колана кӧлуй, техника да ваяс тыш нуӧданінӧ.
Сідзжӧ СВО-ын участвуйтысьяслӧн мамъяс да асьныс военнослужащӧйяс, кодъяс локтісны тыш нуӧданінысь, аттьӧалісны Коми Республикаса Юралысьӧс да олысьясӧс спецоперация мунігчӧж быд боксянь отсалӧмысь.
«Миян водзын быд лун сувтӧны мытшӧдъяс.
И найӧс лӧсьӧдӧны оз ёртъяс.
Оз ков сетчыны провокациялы.
Зонъяс пиысь быдӧнлы торйӧн отсалӧм вылӧ ми видзам уна сьӧм, и, некутшӧм сьӧкыдлунъяс вылӧ видзӧдтӧг, ми водзӧ кутам отсасьны», — эскӧдіс Владимир Уйба.
Коми Республикаса Веськӧдлан котыр водзӧ отсалӧ торъя военнӧй операцияын участвуйтысьяслы да налӧн семьяяслы.
Отсалан мераясыс пыр содӧны.
Сора тӧлысь 11 лунсянь СВО-ын участвуйтысьяслы да налӧн семьяяслы кутасны компенсируйтны шойччанінӧдз да бӧр туйсӧ, а сідзжӧ Комиын, Киров обласьтын да Крымын уджалысь республиканскӧй санаторийясын санаторно-курортнӧя бурдӧдчӧмсӧ.
Отсӧгысла колӧ шыӧдчыны оланін серти Йӧзӧс социальнӧя доръян шӧринъясӧ.
Сора тӧлысь 1 лунсянь налӧн семьяяслы урчитӧма чорыд ломтас ньӧбӧм вылӧ ӧтчыдысь мынтӧм.
Видлалӧны военнослужащӧйяслы, кодъяс кырымалісны контрактсӧ 2023 вося сора тӧлысь 1 лунсянь, му вылӧ сертификат сетӧм йылысь юалӧм.
Водзӧ сетӧны и водзынджык пыртӧм отсӧг сетан мераяс.
Гражданалы, кодъяс кырымалісны Коми Республикаса бӧръян пунктын контракт, ӧтчыдысь мынтӧны 150 сюрс шайт; мӧд мынтӧмсӧ 150 сюрс шайт мындаын сетӧны и контрактникъяслы, и доброволечьяслы СВО вылӧ мунӧм бӧрын.
Боевӧй тышъяс нуӧданінысь локтӧм бӧрын став боечлы сетасны 100 сюрс шайтӧн.
Доймалӧм военнослужащӧйяслы мынтӧны 250 да 500 сюрс шайтӧн, видзӧдӧны ёна-ӧ доймалӧма боечыс.
СВО-ын пӧгибнитӧм военнослужащӧйяслӧн семьяяслы мынтӧны 2 миллион шайтӧн.
Быд боксянь отсалӧны и СВО-ын участвуйтысьяслӧн челядьлы.
Компенсируйтӧны детсадъясын челядьӧс видзӧмысь да дӧзьӧритӧмысь бать-мамӧн мынтӧмсӧ.
Школаясын 5–11 классъясын велӧдчысьясӧс вердӧны пӧсь сёян-юанӧн дон босьтӧг.
Налӧн челядьныс ветлӧдлӧны секцияяс да кружокъяс вылӧ дон босьттӧг, сідзжӧ найӧ, кодъяс водзынджык мынтысьлісны содтӧд тӧдӧмлун сетан услугаясысь.
23 арӧсӧдз студент-очникъяс, кодъяс водзынджык велӧдчылісны республикаса велӧдчан учреждениеясын мынтысьӧмӧн, кутасны велӧдчыны сьӧмкудйысь сьӧм вылӧ.
Таысь кындзи, челядьныслы дон босьттӧг сетӧны дзоньвидзалун бурмӧдан да шойччан организацияясӧ путёвкаяс, мынтӧны сэтчӧ да бӧр туйсӧ.
Сідзжӧ налӧн семьяяслы оланінӧ биару нюжӧдӧм вылӧ ӧтчыдысь сетӧны 100 сюрс шайт.
СВО-ын участвуйтысьясӧс мездӧма 150 вӧв вынӧдз вынйӧра ӧти машина вылӧ транспорт вот мынтӧмысь.
СВО вылысь бӧр воӧм участвуйтысьяслы отсалӧны быдӧнлы торйӧн.
Доймӧм военнослужащӧйяс босьтӧны медицина отсӧгсӧ медводз, сы лыдын Войнаса ветеранъяслы да боевӧй тышъясын участвуйтысьяслы республиканскӧй госпитальын.
Спецоперация вылысь локтӧм боечьяс 18 лун чӧж вермӧны шойччыны «Максаковка» социально-реабилитационнӧй республиканскӧй шӧринын.
Дзоньвидзалун бурмӧдӧм кындзи сетӧны психологическӧй отсӧг.
Ёна тӧждысьӧны локтӧм военнослужащӧйяслысь уджалан кужанлунъяс бурмӧдӧм, налӧн велӧдчӧм да уджӧн могмӧдӧм вӧсна.
Республикаса удж министерство бердын водзӧ уджалӧ СВО-ын участвуйтысьяслы да налӧн семьяяслы отсӧг сетан координационнӧй шӧрин да сы бердын лӧсьӧдӧм «Своих не бросаем!» веськыд линия (+7912–141–42–00).
Веськыд линиялӧн уджалігӧн воис нин 3,7 сюрсысь унджык шыӧдчӧм, кодъяс серти сетӧма отсӧг.
{Kodko @ Владимир Уйба аддзысьліс «Русь Печорская» дінмукостса ӧтйӧза ӧтмунӧмын водзмӧстчысьяскӧд @ выльтор @ https://rkomi.ru/news/3097 @ 2023-07-12 @ }
Владимир Уйба аддзысьліс «Русь Печорская» дінмукостса ӧтйӧза ӧтмунӧмын водзмӧстчысьяскӧд.
Аддзысьлӧм дырйи сёрнитісны Коми Республиканымӧс социальнӧй да экономика боксянь сӧвмӧдӧм йылысь.
Сора тӧлысь 12 лунӧ республикаса Юралысь аддзысьліс дінмукостса ӧтйӧза ӧтмунӧмын водзмӧстчысьяскӧд. Сэки регионса Юралысь ветліс удж серти Чилимдін районӧ.
«Колян во Чилимдін сиктлы тырис 480 во.
Зэв нимкодь, мый ми огӧй сӧмын пасйӧй тӧдчана кадпасъяс, а уджалам, медым бурмӧдны муниципалитетын олӧмсӧ, — пасйис общественникъяскӧд аддзысьлігӧн Владимир Уйба. — Ми вичмӧдам зэв уна сьӧм, медым выльмӧдны йӧзлы тӧдчана объектъяс.
Бурмӧдам сиктын олӧмсӧ.
Гӧгӧрвоана, мый ми олам сьӧкыд кадӧ.
Миян страна ӧні тышкасьӧ неонацистъяскӧд, та вӧсна ми унатор вӧчам, медым вермыны.
Но миян мог, война вылӧ видзӧдтӧг, лӧсьӧдны регионын переработайтӧм серти ыджыд чуктӧса производствояс.
Сӧвмӧдны республиканымӧс — тайӧ менам да Коми Республикаса Веськӧдлан котырлӧн медшӧр мог».
Коми Республикаса Юралысь да «Русь Печорская» ӧтйӧза ӧтмунӧмын водзмӧстысьяс аддзысьлісны колян во да пасйылісны, мый колӧ вӧчны. Став сувтӧдӧм могсӧ пӧртӧма олӧмӧ.
Владимир Уйбалӧн тшӧктӧм серти «Войтырлӧн сьӧмкуд» проектӧ содтӧма выль нырвизьяс.
Тайӧ сетас позянлун муниципальнӧй организацияяслы, кодъяс нуӧдӧны уна йӧза спорт мероприятиеяс, ньӧбны грант сьӧм вылӧ спорт инвентар.
Шуӧма водзӧ дзоньтавны Сӧветскӧй Союзса Герой М.А. Бабиковлысь керка — «А.В. Журавский нима Чилимдінса историко-мемориальнӧй музей» муниципальнӧй сьӧмкуд учреждениелысь филиал.
2021 воын республикаса сьӧмкудйысь сьӧм вылӧ дзоньталӧма керкасӧ, та вылӧ ковмис 2 миллион шайт.
2022 воын республикаса сьӧмкудйысь содтӧд вичмӧдӧма 2,6 миллион шайт — овмӧс стрӧйбаяс дзоньталӧм вылӧ.
Дзоньталан уджъяссӧ панӧма 2023 вося ода-кора тӧлысьӧ.
Сідзжӧ Чилимдін районлы сетӧма тӧвся автомашина туйяс видзӧм вылӧ сьӧм.
2022 воын муниципалитетлы Коми Республикаса сьӧмкудйысь содтӧд вичмӧдӧма 9,3 миллион шайт.
Мыйтакӧ сьӧм веськӧдӧма зимникъяс вылын уджъяс нуӧдӧм вылӧ. Сэті ветлӧны школьнӧй автобусъяс.
Таысь кындзи, 2022 во помын вичмӧдӧма 42 миллион шайт, медым бурмӧдны «Сосья — Окунев Нос» ӧтув вӧдитчан автомашина туйлысь 5 км кузя участок.
Уджсӧ помаласны 2023 вося моз тӧлысь кежлӧ.
Карпушев грездса олысьясӧс могмӧдӧма юан ваӧн.
Та могысь матысса Мӧскашор сиктын кодйӧма скважина, сійӧ лоис резервнӧй ва сетан ӧшмӧсӧн.
Владимир Уйбалӧн кывъяс серти, общественникӧд аддзысьлӧмъяс дырйи сетӧм вӧзйӧмъясыс ышӧдӧны сӧвмӧдны районсӧ.
Таво «Русь Печорская» ӧтмунӧмын водзмӧстчысьяс сёрнитісны сы йылысь, мый колӧ водзӧ уджӧдны «Туй дзоньталан да стрӧитан участок» МКУ да кыпӧдны Замежнӧй сиктын Пижмаса социокультурнӧй шӧрин.
Медым Туй дзоньталан да стрӧитан участокыс уджаліс водзӧ, колӧ ньӧбны жыръяссӧ муниципальнӧй эмбурӧ, та вылӧ колӧ содтӧ сьӧм.
Тайӧ жыръясын муниципалитет кӧсйӧ видзны да могмӧдны бӧръя воясӧ ньӧбӧм спецтехника.
Таысь кындзи, муниципалитетӧн юрнуӧдысьяс кӧсйӧны лӧсьӧдны жыръясын производство база.
Коми Республикаса Юралысь тшӧктіс лӧсялана ведомствояслы нуӧдны та серти уджсӧ да урчитны колана мында сьӧмсӧ 2024 во вылӧ сьӧмкуд планируйтігӧн.
Общественникъяс корӧны кыпӧдны Замежнӧй сиктын социокультурнӧй шӧринсӧ сы вӧсна, мый ӧнія зданиеыс важмӧма да оз лӧсяв культура да прӧст кад коллялан удж котыртан корӧмъяслы, сэтчӧ оз тӧр став зрительыс.
Клубыс — сиктын медыджыд культура учреждение, котыртӧ уна йӧза мероприятиеяс сиктысь да матысса грездъясысь йӧзлы.
Клубын сьылӧ-йӧктӧ 23 творческӧй котыр, кодъяс ӧнія условиеясын оз вермыны бура репетируйтчыны.
Владимир Уйба тшӧктіс нуӧдны та серти уджсӧ да урчитны 2024 вося сьӧмкудйын сьӧм, медым дасьтыны социокультурнӧй шӧрин кыпӧдӧм вылӧ проектно-сметнӧй документация.
Коми Республикаса Юралысь тӧдчӧдіс, мый бӧръя воясӧ Чилимдін районса сиктъяс ёна мичмӧны: стрӧитӧны да выльмӧдӧны йӧзлы тӧдчана объектъяс, бурмӧдӧны учреждениеяслысь материально-техническӧй база, «Войтырлӧн сьӧмкуд» серти збыльмӧдӧны войтырлысь водзмӧстчӧмъяс да проектъяс.
Тайӧс вӧчӧны йӧзлысь видзӧдлассӧ тӧд вылӧ босьтӧмӧн.
Владимир Уйба тӧдчӧдіс гражданаӧс ӧтувтан уджын «Русь Печорская» ӧтмунӧмлысь пасйӧ.
Чилимдін районын олысьяс отсалӧны земляк-военнослужащӧйяслы, кодъяс тышкасьӧны торъя военнӧй операция дырйи, налӧн семьяяслы, а сідзжӧ вӧчӧны ыджыд удж, медым нэммӧдны пӧгибнитӧм геройяслысь паметьсӧ.
{Kodko @ Владимир Уйба видзӧдліс, кыдзи стрӧитӧны да дзоньталӧны Чилимдін районын йӧзлы тӧдчана объектъяс @ выльтор @ https://rkomi.ru/news/3098 @ 2023-07-12 @ }
Владимир Уйба видзӧдліс, кыдзи стрӧитӧны да дзоньталӧны Чилимдін районын йӧзлы тӧдчана объектъяс.
Муниципалитетӧ удж серти ветлігӧн Коми Республикаса Юралысь воліс йӧзлысь дзоньвидзалун видзан, велӧдан, культура да спорт учреждениеясӧ.
Чилимдін сиктын помалӧны кыпӧдны бурдӧдчан корпус — муниципалитетын тайӧ медся дыр виччысяна объект.
Сійӧс стрӧитӧм йылысь юалӧмыс вӧлі зэв ёсь, сы вӧсна мый шӧр районнӧй больничалӧн хирургия да терапия юкӧнъясыс меститчӧны 1925 да 1928 воясын стрӧитлӧм важмӧм зданиеясын.
Сы бӧрын, кор Владимир Уйбаӧс бӧрйисны Коми Республикаса Юралысьӧн, проектсӧ пыртісны регионса адреснӧй инвестиция уджтасӧ.
Выль бурдӧдчан корпусын лоӧны регыдъя медицина отсӧг сетан, терапия да хирургия юкӧнъяс, интенсивнӧй терапия палата, физиотерапевтическӧй кабинетъяс, клиническӧй лаборатория.
Талун кежлӧ стрӧитчан уджъяссӧ вӧчӧма нин, помалӧны лӧсьӧдны корпуслысь бансӧ, водзӧ вӧчӧны пытшкӧсса отделочнӧй уджъяс.
Шоныд сетан системаыс уджалӧ нин, ӧні вермӧны могмӧдны ваӧн да уджӧдны канализациясӧ 90 % вылӧ.
Помалӧны нин вентиляция да кондиционируйтӧм серти уджъяссӧ, пуктыны электрооборудование, пӧжарнӧй да охраннӧй сигнализация, лӧсьӧдны би, лифтъяс.
Дась нин кислород вӧчысь медицина концентратор вылӧ подув.
Сувтӧдӧма дизельнӧй электростанция, нюжӧдӧма ортсыса электросетьяс.
Водзӧ капитальнӧя дзоньталӧны Физкультура, спорт да туризм шӧринын спорт зал. Та могысь «Лукойл» компаниякӧд социальнӧя ёртасьӧм серти босьтӧма 78 миллион шайт.
450 кв. метра ыджда зданиесӧ кыпӧдӧма 1997 воын да колӧ вӧлі капитальнӧя дзоньтавны.
Талун кежлӧ вӧчӧма разян да геологическӧй уджъяс, геодезическӧй мероприятиеяс.
«Войтырлӧн сьӧмкуд» проект серти дзоньталӧны «Темп» лызь база.
Тайӧ могъяс вылӧ республиканскӧй сьӧмкудйысь вичмӧдісны 1,5 миллион шайт, муниципалитет сетіс 567 сюрс шайт.
Объект вылын вежӧма вевтсӧ, сувтӧдӧма пӧжарысь видзан 2 ӧдзӧс да ПВХ 5 ӧшинь, веськӧдӧма, эжӧма да мавтӧма стенъяс, джодж да пӧтӧлӧк.
Коми Республикаса Юралысь тшӧктіс Регионса физическӧй культура да спорт министерстволы нуӧдны уджъяс, медым могмӧдны лызь базасӧ спорт инвентарӧн.
Таысь кындзи, Чилимдінын «Лукойл» компания отсӧгӧн збыльмӧдӧны Чилимдінса культура шӧринлы, Йӧзкостса творчество да уна сикас войтырлӧн культура шӧринлы, Культура, прӧст кад коллялан да кино петкӧдлан районса шӧринлы да «Русь Печорская» дінмукостса ӧтйӧза ӧтмунӧмлы жыръяс дзоньталӧм серти проект.
100 кв.м ыджда жырйыс сулалӧ районса администрациялӧн баланс вылын, сэні сідзжӧ лоӧ Чилимдін фольклорлӧн театр.
Коми Республикаса Юралысь тшӧктіс профильнӧй ведомствояслы нуӧдны удж, кутшӧм ногӧн республика вермас отсавны тайӧ жырса сцена вылӧ паськӧм да видзӧдысьяслы креслӧяс ньӧбӧмын.
Сідзжӧ Чилимдін сиктын збыльмӧдӧны 3 №-а детсадлысь йӧрсӧ бурмӧдӧм серти проект.
Та вылӧ республиканскӧй сьӧмкудйысь вичмӧдӧма 1,3 миллион шайт.
Сьӧм вылас ньӧбасны бордюр из, цемент, лыа да пуктасны тротуарнӧй плитка.
Детсадйӧ ветлӧ 240 челядь, уджалӧ школаӧдзса 12 группа.
Кышӧмаӧсь Вежа Микӧла нима вичко.
Зданиелӧн ыдждаыс — 400 кв.м унджык.
Уджъяссӧ нуӧдӧма бурвӧчан сьӧм вылӧ.
{Kodko @ Владимир Уйба висьталіс Чилимдін районӧ удж серти ветлӧм йылысь @ выльтор @ https://rkomi.ru/news/3099 @ 2023-07-12 @ }
Владимир Уйба висьталіс Чилимдін районӧ удж серти ветлӧм йылысь.
Коми Республикаса Юралысь сёрнитіс «Русь Печорская» дінмукостса ӧтйӧза ӧтмунӧмын водзмӧстчысьяскӧд Коми Республиканымӧс социальнӧй да экономика боксянь сӧвмӧдӧм йылысь, видзӧдліс, кыдзи стрӧитӧны да дзоньталӧны Чилимдін районын йӧзлы тӧдчана объектъяс да ветліс «Чилимдінса горка» дінмукостса ӧбрад петкӧдлан гаж вылӧ.
Паськыдджыка — видео пыр шыӧдчӧмын.
{Kodko @ Владимир Уйба ветліс «Чилимдінса горка» дінмукостса ӧбрад петкӧдлан гаж вылӧ @ выльтор @ https://rkomi.ru/news/3100 @ 2023-07-12 @ }
Владимир Уйба ветліс «Чилимдінса горка» дінмукостса ӧбрад петкӧдлан гаж вылӧ.
Гажыс зэв югыд да мича. Сы серти войтырыс тӧдмалӧны Коми Республиканымӧс.
Важъя кадӧ йӧзыс чукӧртчывлісны грезд сайын керӧс йылын да паныдалісны шондісӧ сьылӧмӧн-йӧктӧмӧн.
Важысянь «Горкасӧ» пасйылісны уджалан во шӧрын.
«Горка» дырйи зэв тӧдчана чилимдінса костюм.
Аньяслы сійӧс вурлісны репсысь, парчаысь, штофысь, шӧвкысь. Налӧн костюмыс артмӧ соскысь, сарапанысь, партукысь, вӧньысь да чышъянысь.
Мужичӧйяслӧн костюмыс прӧстджык.
Найӧ пасьтавлісны дӧрӧм-косоворотка, гач, сера чӧрӧс да кучикысь кӧті.
Традиция серти «Горка» вылын хороводасисны, сьылісны-йӧктісны, нуӧдісны быть колана сизим ритуальнӧй фигура.
Йӧзыс эскисны нимкывлӧн вынӧ да вежавидзӧмӧн пыдди пуктісны ӧбрадсӧ.
Талун «Чилимдінса горка» дырйи унаӧн гажӧдчӧны. Найӧ петкӧдлӧны важся оласногсӧ, вӧччӧны пӧль-пӧчьяслӧн костюмъясӧ, хороводасьӧны, сьылӧны классическӧй роч сьыланкывъяс, а сідзжӧ котыртӧны уна йӧза мероприятиеяс.
Гаж дырйи Владимир Уйба аддзысис Сыктывкарысь, Ухтаысь, Интаысь, Усинскысь, Микуньысь, Сосногорскысь, Луздор да Сыктывдін районъясысь том йӧзкӧд, кодъяс воисны Чилимдінса горка вылӧ «Коми кузя том йӧзлӧн путешествуйтӧм» проект серти.
Том путешествуйтысьяс волісны А.В. Журавский нима музейӧ да сылӧн гу вылӧ, казьтыштісны Чилимдін районысь торъя военнӧй операция дырйи пӧгибнитӧм военнослужащӧйясӧс, участвуйтісны праздничнӧй мероприятиеясын.
{Kodko @ Коми Республикаса Юралысь висьталіс Изьва районӧ удж серти ветлӧм йылысь @ выльтор @ https://rkomi.ru/news/3101 @ 2023-07-13 @ }
Коми Республикаса Юралысь висьталіс Изьва районӧ удж серти ветлӧм йылысь.
Владимир Уйба видзӧдліс, кыдзи стрӧитӧны Изьвавом грездын школа-сад да Изьва сиктын школа.
Школа-садйӧ челядьыс мунасны нин таво, а школаыс воссяс 2024 воын.
Сідзжӧ Коми Республикаса Юралысь чолӧмаліс школа помалысьясӧс экзаменъяс бура сдайтӧмӧн.
2022–2023 велӧдчан воӧ регионын 407 медалист: 273 выпускник босьтіс зарни медаль, а 134 — эзысь.
19 школьник сдайтіс ӧтувъя канму экзаменсӧ 100 балл вылӧ.
Паськыдджыка — видео пыр талунъя шыӧдчӧмын.
{Kodko @ Владимир Уйба видзӧдліс, кыдзи стрӧитӧны Изьва районын школаяс @ выльтор @ https://rkomi.ru/news/3102 @ 2023-07-13 @ }
Владимир Уйба видзӧдліс, кыдзи стрӧитӧны Изьва районын школаяс.
Изьвавом грездын помалӧны кыпӧдны 130 места вылӧ школа-сад.
Изьва сиктын лэптӧны 600 места вылӧ школа.
Кыкнан объектсӧ пыртӧма Коми Республикаса адреснӧй инвестиция уджтасӧ.
Изьвавом грездын школа-садсӧ заводитісны лэптыны 2022 воын, ӧні объектыс пӧшти дась. Сійӧс пыртасны уджсӧ велӧдчан во заводитчытӧдз.
Кӧч тӧлысь 1 лунсянь тані кутасны велӧдчыны 90 школьник да детсадйӧ мунас 40 кага.
Объект вылын помалӧма кызвын стрӧительно-монтажнӧй уджсӧ.
Кырымалӧма ваӧн могмӧдан, ва нуӧдан, шоныдӧн могмӧдан, биӧн могмӧдан везъяс дорӧ технологическӧя йитӧм вылӧ сёрнитчӧмъяс.
Стрӧитчӧм вылӧ сьӧмсӧ сетӧма республиканскӧй сьӧмкудйысь.
Изьва сиктын 600 места вылӧ школасӧ стрӧитӧны «Велӧдчӧм» национальнӧй проект серти федеральнӧй да республиканскӧй сьӧмкуд сьӧм тшӧт вылӧ.
Сійӧс кӧсйӧны пыртны уджӧ 2024 воын.
Ӧні школаыс дась 20% вылӧ.
Сувтӧдӧны цокольнӧй этажлысь фундамент блокъяссӧ, армируйтӧны да тэчӧны монолитнӧй плита.
Кырымалӧма биӧн могмӧдан везъяс дорӧ технологическӧя йитӧм вылӧ сёрнитчӧмъяс.
Кыкнан школасӧ кыпӧдӧны ӧнія стандартъяс серти.
Сэні лоӧны бур условиеяс, медым велӧдны, сетны содтӧд тӧдӧмлун, нуӧдны кружокъяс, секцияяс да спорт мероприятиеяс.
{Kodko @ Ухтаын лоасны выль ФОК да ва весалан станция @ выльтор @ https://rkomi.ru/news/3103 @ 2023-07-13 @ }
Ухтаын лоасны выль ФОК да ва весалан станция.
Удж серти ветлігӧн Коми Республикаса Юралысь Владимир Уйба воліс стрӧитчан площадкаяс вылӧ, кӧні кыпӧдӧны Единоборствояс серти вынйӧр сӧвмӧдан да дзоньвидзалун бурмӧдан комплекс да Ва весалан станция, кӧні кутас уджавны ваӧн могмӧдан комплексӧн веськӧдлан система.
Ухтаын Единоборствояс серти вынйӧр сӧвмӧдан да дзоньвидзалун бурмӧдан комплекс стрӧитан уджыс мунӧ графикысь водз, объектыс кутас уджавны нин пуско-наладочнӧй режимын во помӧдз.
Сувтӧдӧма стальысь конструкцияяс, тэчӧма кирпичысь стенъяс, вӧчӧма перегородкаяс да цоколь, посъяс, джодж-пӧтӧлӧк, зданиесӧ потшӧма, бетонируйтӧма джоджъяс да кильчӧ, тэчӧма сэндвич панельяс.
Сідзжӧ лӧсьӧдӧма ортсыса везъяс да пытшкӧсса везъяслысь юкӧн.
Ӧні объект вылын тэчӧны ӧшиньяс да стеклопакетъяс, сувтӧдӧны кӧртысь содтӧд конструкцияяс да перегородкаяс, нюжӧдӧны электропроводка, пуктӧны войтва лэчча жӧлӧб, кышӧны да мавтӧны 1 судталысь перегородкаяссӧ.
Ухтаын Ва весалан станциясӧ, кӧні кутас уджавны «Пожня-Ёль» ваӧн могмӧдан комплексӧн веськӧдлан система, стрӧитӧны федеральнӧй да республиканскӧй сьӧмкудъясысь сьӧм вылӧ «Карын бур гӧгӧртас лӧсьӧдӧм» национальнӧй проектлӧн «Сӧстӧм ва» регионса проект серти.
Объектсӧ пыртасны уджӧ 2024 воын.
Сылӧн вынйӧрыс лоӧ суткинас 26 сюрс куб.метра.
«Пожня-Ёль» ва босьтаніныс меститчӧма карсянь 25 километра ылнаын да колӧ скважинаясысь ва босьтӧм могысь, Сьӧдъю, Озёрнӧй, Ветлосян, Дальний посёлокъясӧ да Ухта карӧ васӧ сетӧм могысь.
Анализъясыс петкӧдлісны, мый тайӧ ваын вывті уна железо да кальций.
Выль сооружение отсӧгӧн ваыс кутас весавсьыны ковтӧм сорасъясысь да лоас тӧдчымӧн бурджык.
{Kodko @ Владимир Уйба висьталіс ЛНР-ысь школьникъяслы, мыйӧн аслыспӧлӧс Коми Республика, да кутшӧм уджсикасъясын уджалысьяс колӧны талун регионын @ выльтор @ https://rkomi.ru/news/3104 @ 2023-07-14 @ }
Владимир Уйба висьталіс ЛНР-ысь школьникъяслы, мыйӧн аслыспӧлӧс Коми Республика, да кутшӧм уджсикасъясын уджалысьяс колӧны талун регионын.
Питирим Сорокин нима Сыктывкарса канму университетын тайӧ лунъясӧ нуӧдӧны Луганскӧй Народнӧй Республикаса Ровеньки карысь 7 —11 классъясын велӧдчысьяслы «Университетса сменаяс».
Уджтасын — мастер-классъяс да экскурсияяс.
Но медшӧр могъясӧн вӧліны челядьӧс велӧдӧм на налы уджсикас бӧрйыны отсалӧм.
Талун Ровенькиысь школьникъяс сёрнитісны Коми Республикаса Юралыськӧд.
Аддзысьлісны «Ёрта сёрни» форматын.
Паськыдджыка та йылысь — Владимир Уйбалӧн видео пыр шыӧдчӧмын.
{Kodko @ Владимир Уйба аддзысьліс Ровеньки карысь челядькӧд @ выльтор @ https://rkomi.ru/news/3105 @ 2023-07-14 @ }
Владимир Уйба аддзысьліс Ровеньки карысь челядькӧд.
Коми Республикаса Юралысь сёрнитіс Луганскӧй Народнӧй Республикаысь том гӧсьтъяскӧд Питирим Сорокин нима Сыктывкарса канму университетын «Ёрта сёрни» форматын.
Сідзжӧ мероприятиеӧ пырӧдчисны Коми Республикаса велӧдан да наука министрлысь могъяс олӧмӧ пӧртысь Наталья Якимова да вузысь ректор Ольга Сотникова.
«Ровенькикӧд ми бура ёртасям: колян во Коми Республика Ровеньки каркӧд кырымалісны ёртасьӧм йылысь артмӧдчӧм.
И ми пӧртам олӧмӧ уна мог — дасьтам карсӧ тӧв кежлӧ, бурмӧдам социальнӧй инфраструктура, примитам ЛНР-ысь челядьӧс.
Ровеньки карса олысьясӧс ми сідз жӧ пыдди пуктам, кыдзи и Коми Республикаын олысьясӧс.
Нимкодь аддзыны тіянӧс войвыв му вылын!» — пасйис Коми Республикаса Юралысь Владимир Уйба.
Коми Республикаса Юралыськӧд аддзысьліс Ровеньки карса школаясысь 7–11 классъясын 65 велӧдчысь — «Университетса сменаяс» федеральнӧй проектӧ пырӧдчысьяс.
Челядьлӧн юалӧмъяс вылӧ вочавидзигӧн, Владимир Уйба висьталіс, мыйӧн нималӧ Коми Республика, аслас удж йылысь, сы йылысь, кутшӧм уджсикасъясын уджалысьяс колӧны талун регионын.
ЛНР-ысь гӧсьтъяс сідзжӧ юалісны Коми Республикаса Юралысьлысь олӧмын интереснӧй лоӧмторъяс йылысь, сы йылысь, кыдзи сійӧ коллялӧ шойччан кадсӧ.
Сёрнитісны и философскӧй темаяс вылӧ: лёклы да агрессиялы паныд сувтны позянлун, ловлӧн вын йылысь, ассьыд туй корсьӧм да йӧзкотырлы пӧльза вайӧм йылысь.
Коми Республикаӧ Луганскӧй Народнӧй Республикаысь челядьыс локтӧны мӧдысь нин.
Таво челядьлы висьталісны эз сӧмын Коми Республикалӧн нималанаторъяс, но и специальносьтъяс йылысь, кутшӧмъясӧс позьӧ босьтны регионын, а сідзжӧ Сыктывкарын студенталан олӧм йылысь.
Школьникъяс участвуйтісны мастер-классъясын да ветлісны экскурсияяс вылӧ.
Профориентационнӧй сменасӧ котыртіс Сыктывкарса канму университет Россияса да Коми Республикаса профильнӧй министерствояс да ведомствояс отсӧгӧн.
Сійӧ заводитчис сора тӧлысь 6 лунӧ да нюжалас сора тӧлысь 17 лунӧдз.
{Kodko @ Владимир Уйба нуӧдіс Туй вылын видзчысянлунсӧ могмӧдӧм серти республиканскӧй комиссиялысь заседание @ выльтор @ https://rkomi.ru/news/3106 @ 2023-07-14 @ }
Владимир Уйба нуӧдіс Туй вылын видзчысянлунсӧ могмӧдӧм серти республиканскӧй комиссиялысь заседание.
Профильнӧй ведомствояс юӧртісны подӧн ветлысьяслы безопаснӧй условиеяс лӧсьӧдан удж, ДТП-ысь видзчысьӧм, туйяслӧн состояние йылысь, кыті ветлӧны школьнӧй автобусъяс, да найӧс нормативъяс серти лӧсьӧдӧм, туйяс вылын челядьлысь безопасносьтсӧ могмӧдӧм йылысь.
«Автомашина туйяс киын кутысьясӧн подӧн ветлысьяслы безопаснӧй условиеяс лӧсьӧдӧм, а сідзжӧ туй вуджанінъяс бурмӧдӧм бӧрся видзӧдӧ Россия Федерацияса Президент Владимир Владимирович Путин.
Канмуса Юралысь тшӧктіс ГОСТ-яс серти медводз лӧсьӧдны велӧданінъяскӧд орчча туй вуджанінъяс», — тӧдчӧдіс Коми Республикаса Юралысь Владимир Уйба.
Регионса туйяс вылын 2023 воын кӧсйӧны лӧсьӧдны ГОСТ-ъяслӧн корӧмъяс серти 54 туй вуджанін.
Туй вуджанінъясын сувтӧдасны тырмытӧм элементъяс да стрӧитасны сувтланінъяс.
Стрӧитчан да монтажнӧй уджъяслӧн ӧтувъя доныс 21 миллион шайт.
Туй вуджанінъяс бурмӧдӧм да найӧс видзӧм вылӧ муниципалитетъяслы 2023 во вылӧ веськӧдӧма 26,6 миллион шайт.
ГОСТ-яс серти 9 муниципалитетын лӧсьӧдасны 329 туй вуджанін.
Сыктывкарын медся уна ГОСТ-яслы лӧсявтӧм туй вуджаніныс.
Коми Республикаын ГИБДД-лӧн юӧр серти, 2023 вося 6 тӧлысь чӧжӧн пасйӧма подӧн ветлысьяскӧд 93 ДТП, кӧні пӧгибнитіс 7 морт да 91 доймалісны.
Унджыклаын эрдӧдісны, мый эмӧсь тырмытӧмторъяс туй вуджанінъяс лӧсьӧдӧмын да найӧс видзӧмын.
«Медым эз лоны неминучаяс ДТП лоанінъясын, муниципалитетъясӧн юрнуӧдысьяслы, кӧні талялісны подӧн ветлысьясӧс, колӧ нуӧдны инженернӧй сооружениеяс стрӧитӧм серти удж.
Сыктывкарса юрнуӧдысьяслы тавося арӧдз колӧ нуӧдны удж сы серти, кыдзи бурмӧдны нормаяслы лӧсявтӧм став туй вуджанінсӧ», — пуктіс мог Коми Республикаса Юралысь.
Сідзжӧ сӧвещание дырйи сёрнитісны котыртӧм группаа челядьӧс велӧдчанінӧдз да бӧр новлӧдлӧм йылысь.
Коми Республикаын школьнӧй автобусъяс ветлӧдлӧны 250 маршрут кузя.
2023 воын дінму тӧдчанлуна туйяс вылын кӧсйӧны дзоньтавны 501,8 миллион шайт вылӧ 32,5 км кузьта автомашинаӧн ветлан туйяслысь 7 участок.
Меставывса тӧдчанлуна туйяс кузя школьнӧй маршрутъяс нормаӧ вайӧдӧм вылӧ муниципалитетъяс босьтісны республиканскӧй сьӧмкудйысь 293,5 миллион шайт ыджда субсидияяс.
Дзоньталасны 24,2 км кузьта автомашина туй.
«Сьӧм тырмытӧмлун вылӧ видзӧдтӧг ми водзӧ дзоньталам школьнӧй маршрутъяс.
Тӧдчӧда районса юралысьяслы, мый став сьӧмсӧ колӧ видзны да лӧсьӧдны школьнӧй маршрутъяссӧ норма серти», — пасйис Владимир Уйба.
Коми Республикаын пыр выльмӧдӧны школьнӧй автобусъяслысь автопарксӧ.
2022 воын регионӧ вайисны 22 выль школьнӧй автобус, 2023 воын — 9.
Найӧс ньӧбӧм вылӧ кык воӧн вӧлі видзӧма 100 миллион шайт.
Школьнӧй автопарксӧ выльмӧдӧны да водзӧ кутасны выльмӧдны федеральнӧй торъя мога уджтас серти.
2023 воын виччысьӧны на 42 выль автобус.
ГИБДД-лӧн юӧр серти, колян велӧдчан во чӧж школьнӧй автобусъясса шоперъяс ньӧтчыдысь эз веськавны туй вылын неминучаӧ, кӧні эськӧ доймалісны челядь.
Владимир Уйба тшӧктіс муниципалитетъяслы видзӧдны, медым выль велӧдчан во кежлӧ ас кадӧ вӧлі техническӧя дасьтӧма автобусъяссӧ да уджалан кад чӧжыс пыр найӧс видлалӧма.
Сідзжӧ вӧзйӧма дасьтыны челядьӧс новлӧдлан медся безопаснӧй маршрутъяс.
{Kodko @ Коми Республикаса Юралысь чолӧмалӧ регионса пытшкӧс делӧяс органъяс артмӧдан лунӧн @ выльтор @ https://rkomi.ru/news/3107 @ 2023-07-16 @ }
Коми Республикаса Юралысь чолӧмалӧ регионса пытшкӧс делӧяс органъяс артмӧдан лунӧн.
«Пытшкӧс делӧяс органъясса пыдди пуктана уджалысьяс да ветеранъяс!
Чолӧмала тіянӧс Коми Республикаса пытшкӧс делӧяс органъяс артмӧдан лунӧн!
Кыдзи и 102 во сайын, кор лӧсьӧдісны Коми обласьтса милициялысь медшӧр веськӧдланін, сідз и талун пытшкӧс делӧяс органъяс водзын сулалӧны кывкутана да тӧдчана могъяс. Найӧ кыдзи и сэки видзӧны инӧда пӧрадок да дорйӧны йӧзӧс.
Ті тайӧ могъяссӧ пӧртанныд олӧмӧ уджныдтӧ бура тӧдӧмӧн, асьнытӧ жалиттӧг да повтӧг.
Странаын сьӧкыдлунъяс дырйи тіян службалӧн кывкутӧмыс лоӧ ыджыдджык.
Талун, кор Россия водзын пуктӧма ыджыд могъяс, ті отсаланныд видзны миян регионын зумыдлун да чӧв-лӧнь олӧм.
Коми Республикаса пытшкӧс делӧяс органъяс кутчысьӧны ветеранъяслӧн лӧсьӧдӧм традицияясӧ да подувъясӧ, оз кольччыны ӧнія кадысь, вермӧны мунны паныд кӧть кутшӧм мыж вӧчӧмлы.
Сьӧлӧмсянь аттьӧала бура служитӧмысь, зумыдлунысь да уджлы сьӧлӧмӧн сетчӧмысь.
Сиа уджсикасын вермӧмъяс, семьяын тыр-бур олӧм да крепыд дзоньвидзалун!»
Коми Республикаса Юралысь Владимир Уйба.
{Kodko @ Комиын позьӧ гӧлӧсуйтны ичӧт сикт-грездъяс вӧсна, кытчӧ 2024 воын нюжӧдасны Ӧтуввез да мобильнӧй связь @ выльтор @ https://rkomi.ru/news/3108 @ 2023-07-17 @ }
Комиын позьӧ гӧлӧсуйтны ичӧт сикт-грездъяс вӧсна, кытчӧ 2024 воын нюжӧдасны Ӧтуввез да мобильнӧй связь.
Гӧлӧсуйтӧмсӧ нуӧдӧны «Россия Федерацияса цифрӧвӧй экономика» национальнӧй проектлӧн «Цифрӧвӧй торъялӧмсӧ бырӧдӧм 2.0» федеральнӧй уджтас серти.
Сэтчӧ пырӧдчӧны грездъяс, сиктъяс да посёлокъяс, кӧні олӧ 100 — 500 морт.
Сикт-грездъясын, кутшӧмъясӧс бӧръясны унджык йӧз, локтан воӧ лӧсьӧдасны связь сетан подув станцияяс.
Гӧлӧсуйтны позьӧ сора тӧлысь 17 лунсянь моз тӧлысь 18 лунӧдз Госуслуги портал пыр (https://www.gosuslugі.ru/іnet) либӧ кӧч тӧлысь 10 лунӧдз ыстыны Россияса пошта пыр Россия Федерацияса цифра отсӧгӧн сӧвмӧдан, йитӧд да юӧр сетан министерствоӧ заявление. Сійӧс колӧ ыстыны татшӧм инпас вылӧ: 123112, Москва к., Пресненскӧй набережнӧй, 10 к., 2 стр.
Заявлениесӧ позьӧ мӧдӧдны ӧти мортсянь либӧ котырсянь.
Кывкӧртӧдъяссӧ юӧртасны 2023 вося ӧшым тӧлысь 18 лунӧ.
Та йылысь видео пыр шыӧдчигӧн висьталіс Коми Республикаса Юралысь Владимир Уйба.
{Kodko @ Владимир Уйба видзӧдліс, кыдзи Сыктывкарса Эжва районын кыпӧдӧны 825 места вылӧ школа @ выльтор @ https://rkomi.ru/news/3109 @ 2023-07-17 @ }
Владимир Уйба видзӧдліс, кыдзи Сыктывкарса Эжва районын кыпӧдӧны 825 места вылӧ школа.
Школасӧ кыпӧдӧны Емвальын «Велӧдӧм» национальнӧй проект серти. Тайӧ проектсӧ збыльмӧдӧм бӧрся Коми Республикаса Юралысь видзӧдӧ ачыс.
Объект вылын уджалӧны сёысь унджык морт да 10 единица техника.
Стрӧитчан дасьлуныс 29 %.
Лӧсьӧдӧны перекрытиеяслӧн колоннаяса да балкаяса сборно-монолитнӧй железобетоннӧй каркас, монолитнӧй железобетоннӧй ригельяс, бетонируйтӧны монолитнӧй участокъяс да 1–2 судтаын тэчӧны лифт шахталысь стен панельяс, цокольнӧй этажын пуктӧны утеплитель, вӧчӧны пытшкӧсса электромонтажнӧй уджъяс, бӧр тыртӧны пӧдвалса стенъясын пазухаяссӧ, 1–2 судталӧн пӧдвалын тэчӧны кирпичысь перегородкаяс, нюжӧдӧны кабель линияяс, тэчӧны воздухозаборнӧй шахтаяслысь монолитнӧй плитаяс, лӧсьӧдӧны ортсыса канализация, шоныд сетан ортсыса везъяс, лӧсьӧдӧны посъяс, лотокъяс.
Кырымалісны ваӧн, биӧн, шоныдӧн могмӧдан, ва бокӧ нуӧдан везъяс дорӧ технологическӧя йитчӧм, электросетевӧй овмӧслысь везъяс петкӧдӧм вылӧ сёрнитчӧмъяс.
{Kodko @ Владимир Уйба висьталіс СВО-ын участвуйтысьяслы да налӧн семьяяслы регионсянь выль отсӧг сетан мераяс йылысь @ выльтор @ https://rkomi.ru/news/3111 @ 2023-07-18 @ }
Владимир Уйба висьталіс СВО-ын участвуйтысьяслы да налӧн семьяяслы регионсянь выль отсӧг сетан мераяс йылысь.
Сора тӧлысь 22 лунӧ вынсялас Коми Республикаса Веськӧдлан котырлӧн шуӧм. Сы серти СВО-ын участвуйтысьяслы вермасны вештыны санаторно-курортнӧя бурдӧдчӧм вылӧ путёвка донсӧ.
Сылӧн ыдждаыс 55 сюрс шайтӧдз.
СВО-ын участвуйтысьяскӧд ӧттшӧтш вермасны бурдӧдчыны и налӧн семьяясныс.
Таысь кындзи, налы вермасны вештыны санаторно-курортнӧя бурдӧдчан местаӧдз да бӧр туйысь рӧскодсӧ.
Сьӧмсӧ сетасны туй вылӧ збыльвывса рӧскод мындаын, но 20 сюрс шайтысь оз унджык.
Сідзжӧ сора тӧлысьсянь СВО-ын участвуйтысьяслы да налӧн семьяяслы кутасны сетны чорыд ломтас ньӧбӧм вылӧ ӧтчыдысь мынтӧм.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Комиысь студентъяслӧн Краснокамскса кӧрт сора бетон конструкцияяс вӧчан заводын уджалан вахта йылысь @ выльтор @ https://rkomi.ru/news/3112 @ 2023-07-19 @ }
Владимир Уйба висьталіс Комиысь студентъяслӧн Краснокамскса кӧрт сора бетон конструкцияяс вӧчан заводын уджалан вахта йылысь.
Республикаса вузъясысь да ссузъясысь студентъяслӧн ӧтувъя стройотряд ӧні уджалӧ Перым муын.
Зонъяс мунісны сэтчӧ лӧддза-номъя тӧлысь 26 лунӧ, медым отсавны заводыслы контракт серти ас кадӧ вӧчны да вайны кӧрт сора бетон конструкцияяссӧ, мыйысь кыпӧдӧны Сыктывкарлӧн Эжва районса Емвальын 825 места вылӧ школа.
Уджалан вахтаыс нюжалас 2 тӧлысь вылӧ.
Тайӧ кадӧн студентъяс босьтасны производствоын ыджыд опыт да тӧдӧмлун, а сідзжӧ нажӧвитасны сьӧм.
Талун Коми Республикаса Юралысь Владимир Уйба аддзысьліс зонъяскӧд.
Сійӧ видзӧдліс, кыдзи землякъяс уджалӧны, олӧны, кыдзи найӧс вердӧны.
Удж серти ветлӧмлӧн кывкӧртӧдъяс йылысь — видео пыр шыӧдчӧмын.
{Kodko @ Владимир Уйба: «Коми Республикаысь студотряд збыльмӧдіс пуктӧм могсӧ» @ выльтор @ https://rkomi.ru/news/3113 @ 2023-07-19 @ }
Владимир Уйба: «Коми Республикаысь студотряд збыльмӧдіс пуктӧм могсӧ».
Регионса уджсикасӧ велӧдан организацияясысь да вузъясысь 65 студент отсалісны Краснокамскса кӧрт сора бетон конструкцияяс вӧчан заводлы вӧчны кӧрт сора бетон конструкцияяссӧ, медым Эжва районса Емвальын кыпӧдны 825 велӧдчысь вылӧ школа.
Объектсӧ стрӧитӧны «Велӧдӧм» нацпроект серти.
Коми Республикаса Юралысь видзӧдліс, кыдзи уджалӧны да олӧны студотрядсаяс.
«Заводлы ёна оз тырмыны уджалысьяс.
А ми гӧгӧрвоим, мый огӧ кӧ кутӧй ас кадӧ вайны кӧрт сора бетон конструкцияяс, школасӧ колана кад кежлӧ огӧ стрӧитӧй.
Шуим ыстыны заводӧ содтӧд уджалысьясӧс.
Ми шыӧдчим велӧданінъясса юрнуӧдысьяс да студентъяс дорӧ, найӧ дзик пыр шыасисны.
Ӧні Комиысь студентъяслӧн отряд уджалӧ заводын да пӧртіс олӧмӧ пуктӧм могсӧ.
Объектӧ кӧрт сора бетон конструкцияяссӧ ӧні вайӧны график серти», — пасйис Коми Республикаса Юралысь Владимир Уйба.
Казьтыштам, мый Краснокамскса заводыс, кодкӧд кырымалӧма кӧрт сора бетон конструкцияяс вайӧм вылӧ контрактсӧ, оз вермы ачыс вӧчны сы мында уджсӧ пыдди пуктана помка вӧсна — сылӧн уджалысьяс лыдысь матӧ джынйыс уджалӧны торъя военнӧй операция дырйи.
Мукӧдыс на пиысь пӧртӧны олӧмӧ воинскӧй да гражданскӧй могсӧ фронт вылын, мукӧдыс уджалӧны обороннӧй предприятиеясын.
2023 вося лӧддза-номъя тӧлысьын Владимир Уйба нуӧдіс Краснокамскса кӧрт сора бетон конструкцияяс вӧчан заводӧн юрнуӧдысьяскӧд удж серти сӧвещание.
Шуисны ыстыны Коми Республикаысь студентъяслысь отряд заводлы отсасьӧм могысь.
Сэтчӧ пырисны Сыктывкарса политехническӧй техникумысь, Сосногорскса технологическӧй техникумысь, Сыктывкарса вӧр промышленносьт техникумысь, Сыктывкарса автомеханическӧй техникумысь, Коми республиканскӧй агропромышленнӧй техникумысь, Печораса промышленно-экономическӧй техникумысь, Усинскса политехническӧй техникумысь, Сыктывкарса вузасян да экономика колледжысь, Питирим Сорокин нима Сыктывкарса канму университетысь, Сыктывкарса вӧр институтысь, Ухтаса канму техническӧй университетысь велӧдчысьяс.
«Уджыс абу кокни.
Тайӧ абу сӧмын сьӧкыд удж, но и дас кык час чӧжся смена.
Зонъяс кык сутки уджалӧны, кык сутки шойччӧны.
Та дырйи налы котыртӧма шойччӧм да сёйӧм, бур олан условиеяс.
Сменасӧ артыштӧма моз тӧлысь помӧдз.
Мукӧд зонмыс петкӧдлісны нин асьнысӧ вылыс тӧдӧмлуна специалистъясӧн.
Найӧ колӧны заводлы, та понда юрнуӧдысьяс корисны нюжӧдны сменасӧ кӧч тӧлысь помӧдз.
Зонъяс кӧ окотитасны уджавны водзӧ, ми вӧчам тайӧ производственнӧй практика дырйи.
Ставныслы мынтасны бур удждон.
А гортаныс воӧм бӧрын медбур студентъяслы сетасны Коми Республикаса канму наградаяс», — кӧсйысис Владимир Уйба.
Ӧні кӧрт сора бетон конструкцияяссӧ вайӧны ас кадӧ нин. Та понда заводса юрнуӧдысьяскӧд да студентъяскӧд сёрнитчим, мый студотрядысь мукӧдыс бӧр локтасны Коми Республикаӧ, найӧс сэсся ыстасны мичмӧдны-бурмӧдны Емвальын школагӧгӧрса йӧрсӧ — сэні тшӧтш колӧны содтӧд уджалысьяс.
Заводын уджалігӧн Комиысь студентъяс босьтасны производствоын ыджыд опыт да тӧдӧмлун, а сідзжӧ нажӧвитасны сьӧм.
{Kodko @ Владимир Уйба висьталіс мелиорация юкӧнын видз-му овмӧслы отсӧг сетӧм да аграрнӧй юкӧнӧ квалифицируйтӧм кадръясӧс корӧм йылысь @ выльтор @ https://rkomi.ru/news/3114 @ 2023-07-20 @ }
Владимир Уйба висьталіс мелиорация юкӧнын видз-му овмӧслы отсӧг сетӧм да аграрнӧй юкӧнӧ квалифицируйтӧм кадръясӧс корӧм йылысь.
Тайӧ лунъясӧ аграрийяслы юклісны видз-му овмӧс угоддьӧясын мелиоративнӧй системаяс дзоньталӧм да культуртехническӧй мероприятиеяс нуӧдӧм вылӧ субсидияяс.
Канму вештас нуӧдан уджъяслӧн донысь 90 %-ӧдз.
Таво конкурс серти бӧрйӧма Луздор да Кӧрткерӧс районъясысь, Сыктывкарысь видз-му овмӧсса 4 организация, Сыктывдін да Кулӧмдін районъясысь 2 фермер овмӧс.
Ставнас налы сетӧма 18 миллион 200 сюрс шайт мында субсидия.
Сыктывкарысь, Воркутаысь, Усинскысь, Изьва, Кӧрткерӧс, Сыктыв, Сыктывдін, Емдін да Чилимдін районъясысь 54 аграрийлы таво сетасны сідз шусяна «подъёмнӧйяс».
Специалистъяслы мынтасны 500 сюрс шайтӧн, рабочӧйяслы — 300 шайтӧн.
Тайӧ сьӧмыс юксьӧ куим пельӧ, найӧс сетӧны вонас ӧтчыдысь куим во чӧж.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба примитіс йӧзӧс ас сёрниӧн @ выльтор @ https://rkomi.ru/news/3115 @ 2023-07-21 @ }
Владимир Уйба примитіс йӧзӧс ас сёрниӧн.
Регионса олысьяс шыӧдчисны Коми Республикаса Юралысь дорӧ оланін условиеяс бурмӧдӧм да социальнӧя отсалан мераяс сетӧм серти.
Сыктывкарысь ань, СВО-ын участвуйтысьлӧн гӧтыр, корис отсӧг верӧссяньыс эсканпас босьтӧмын, медым оформитны оланпастэчасӧн урчитӧм кокньӧдъяс.
Военнослужащӧйлы отпусксӧ оз на сетны, а сытӧг разьны мытшӧдсӧ семьяыс оз вермы.
Коми Республикаса Юралысьлӧн тшӧктӧм серти регыдъя кадӧ семьялы сетасны отсӧг.
Сыктывкарысь ань документсӧ вермас босьтны воинскӧй часьтса командир пыр, кӧні служитӧ сылӧн верӧсыс, республиканскӧй военкомат отсӧгӧн.
СВО-ын пӧгибнитӧм участвуйтысьлӧн мамыс шыӧдчис республиканскӧй отсӧг сетӧм серти.
Владимир Уйба эскӧдіс, мый оланпас серти став индӧм мынтӧмсӧ семья босьтас 2023 вося сора тӧлысь помын — моз тӧлысь заводитчигӧн, кор лӧсьӧдасны став колана документсӧ.
Сыктывкарын олысь, коді пырӧ гражданалӧн льготнӧй категорияӧ, корис лӧсьӧдны ассьыс оланінсӧ нормативъяс серти.
Патерасӧ сылы сетіс карса администрация.
Таысь кындзи, сыктывкарса олысь юаліс оланпастэчасӧн индӧм социальнӧя отсалан мераяс босьтӧм йылысь.
Гражданинлысь став юалӧмсӧ сетісны видлавны карса администрацияӧ да Удж, уджӧн могмӧдан да олысьясӧс социальнӧя доръян министерствоӧ.
Оланін условиеяс бурмӧдӧм серти шыӧдчис Сыктывкарысь ань да Княжпогост районса олысь.
Кыкнан шыӧдчӧмсӧ босьтісны видлавны лӧсялана муниципалитетъясӧн юрнуӧдысьяс.
Ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма сувтӧдӧм юалӧмъяс серти тшӧктӧмъяс да вӧзйӧмъяс.
Коми Республикаса Юралысь ачыс кутас видзӧдны став тшӧктӧмсӧ олӧмӧ пӧртӧм бӧрся.
{Kodko @ Коми Республикаса Юралысь чолӧмалӧ Вузасян юкӧнын уджалысьяслӧн лунӧн @ выльтор @ https://rkomi.ru/news/3116 @ 2023-07-22 @ }
Коми Республикаса Юралысь чолӧмалӧ Вузасян юкӧнын уджалысьяслӧн лунӧн.
«Вузасян юкӧнын пыдди пуктана ветеранъяс, уджалысьяс!
Чолӧмала тіянӧс уджсикас гажӧн!
Вузасьӧм — тайӧ республикаын, странаын экономика да социальнӧй боксянь зэв тӧдчана юкӧн.
Ті могмӧданныд йӧзсӧ вузӧсӧн да услугаясӧн, отсаланныд разьны быдлунъя олӧмын мытшӧдъяс.
Уджын тіян кужанлунныдкӧд, кывкутӧмныдкӧд, водзмӧстчӧмныдкӧд топыда йитчӧма йӧзлӧн оланногыс, налӧн ловруыс.
Миян ыджыд республикаын тіян уджныд зэв тӧдчана.
Ті ваянныд ылі сикт-грездъясӧ медколана сёян-юансӧ да вузӧссӧ, лӧсьӧданныд йӧзлы бур олан условиеяс.
Миян республикаын вузасян юкӧныс пыр сӧвмӧ, бурмӧны вузасян методъясыс да ногъясыс, вузӧсыс ёнджыка бергӧдчӧ, содӧ сылӧн сикасыс.
Аттьӧала тіянӧс бура да кывкутӧмӧн уджалӧмысь.
Сьӧлӧмсянь сиа уджын вермӧмъяс, крепыд дзоньвидзалун, шуд, семьяын тыр-бур олӧм да быд бурсӧ!»
Коми Республикаса Юралысь Владимир Уйба.
{Kodko @ Владимир Уйба юӧртіс Сьӧд саридз дорын дзоньвидзалунын дзескӧдӧм позянлуна челядьлысь дзоньвидзалун бурмӧдан сменаяс йылысь @ выльтор @ https://rkomi.ru/news/3117 @ 2023-07-24 @ }
Владимир Уйба юӧртіс Сьӧд саридз дорын дзоньвидзалунын дзескӧдӧм позянлуна челядьлысь дзоньвидзалун бурмӧдан сменаяс йылысь.
Коми Республикаса Юралысьлӧн тшӧктӧм серти мӧд во нин «Черноморская зорька» челядьлысь дзоньвидзалун бурмӧдан лагерын котыртӧны вермытӧм челядьлы сменаяс. Найӧ шойччӧны бать-мамныскӧд ӧтлаын.
Путёвкасӧ сетӧны дон босьттӧг, колӧ сӧмын мынтыны кагаӧс нуӧдан донысь 10 прӧчентсӧ.
«Черноморская зорькаын» лагерын эм торъя корпус, кытчӧ позьӧ пырны мытшӧдтӧг, лӧсьӧдӧма бур олан условиеяс.
2022 воын вӧлі 5 татшӧм смена, таво кӧсйӧны котыртны 6. Челядь шойччӧны 21 лун.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба чолӧмаліс Коми Республикаын Россия Федерацияса следственнӧй комитетын уджалысьясӧс уджсикас праздникӧн @ выльтор @ https://rkomi.ru/news/3118 @ 2023-07-25 @ }
Владимир Уйба чолӧмаліс Коми Республикаын Россия Федерацияса следственнӧй комитетын уджалысьясӧс уджсикас праздникӧн.
Коми Республикаса Юралысь сора тӧлысь 25 лунӧ пырӧдчис Россияса следствие нуӧдысь органъясын уджалысьлӧн лунлы сиӧм кыпыд мероприятиеӧ.
«Талун ті, Россия Федерацияса следственнӧй комитетын уджалысьяс, кыдзи и тіӧдз уджалысьяс, туяланныд мортлы да канмулы паныд ӧпаснӧй, ыджыд мыж вӧчӧмъяс, мый йылысь йӧзкотырын уна сёрнитӧны.
Оланпас дорйигӧн ті кывкутӧмӧн служитанныд, быд лун петкӧдланныд уджнытӧ бура тӧдӧмсӧ.
Мыж вӧчӧм да криминал серти ті нуӧданныд стӧч да ӧтсӧгласа удж, мый подуласьӧ оланпас да веськыдлун вылӧ», — тӧдчӧдіс Владимир Уйба.
Коми Республикаса Юралысь аттьӧаліс регионын Следственнӧй комитетса уджалысьясӧс служебнӧй могъяс кывкутӧмӧн олӧмӧ пӧртӧмысь, оланпаслы бура служитӧмысь.
Сійӧ сідзжӧ аттьӧаліс Чужан му радейтны да пыдди пуктыны велӧдан, вынйӧр сӧвмӧдны да дзоньвидза оласног нуӧдны йӧзӧс ышӧдан, олӧма йӧзлы отсӧг сетан уджысь.
2023 вося медводдза во джынйын Россияса следственнӧй комитетлӧн Коми Республикаын следственнӧй веськӧдланінса уджалысьяс туялісны 548 мыж вӧчӧм, 215-ыс на пиысь — сьӧкыд да зэв сьӧкыд.
* * *
Следствие нуӧдысь медводдза специализируйтӧм орган — следственнӧй канцелярия — вӧлі котыртӧма 1713 вося сора тӧлысь 25 лунӧ Пётр Первыйлӧн именнӧй индӧдӧн, 310 во сайын.
Ӧнія Россияын Россия Федерацияса следствие нуӧдысь органъясын уджалысьлысь лунсӧ пасйӧны 2014 восянь Россия Федерацияса Веськӧдлан котырлӧн 2013 вося моз тӧлысь 27 лунӧ примитӧм шуӧм серти.
{Kodko @ Алексей Просужихӧс мездӧма Коми Республикаса Веськӧдлан котырӧн Юрнуӧдысьӧс вежысь чинысь @ выльтор @ https://rkomi.ru/news/3119 @ 2023-07-25 @ }
Алексей Просужихӧс мездӧма Коми Республикаса Веськӧдлан котырӧн Юрнуӧдысьӧс вежысь чинысь.
Та йылысь тшӧктӧмсӧ кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во сора тӧлысь 25 лунся 243- р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын 2023 вося сора тӧлысь 25 лунӧ мездыны Алексей Анатольевич Просужихӧс Коми Республикаса Веськӧдлан котырӧн Юрнуӧдысьӧс вежысь чинысь.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Владимир Уйба висьталіс Сыктывкарын Индустриальнӧй улича капитальнӧя дзоньталӧм йылысь @ выльтор @ https://rkomi.ru/news/3120 @ 2023-07-25 @ }
Владимир Уйба висьталіс Сыктывкарын Индустриальнӧй улича капитальнӧя дзоньталӧм йылысь.
Сора тӧлысь 25 лунӧ кыпыда восьтісны выльмӧдӧм участок. Тайӧ сетас позянлун чинтыны Октябр шӧртуй кузя ветлысь машина лыдсӧ.
Туйыс мунӧ карса уна промышленнӧй предприятиелань.
Уна вӧ чӧж сійӧ вӧлі дзоньтавтӧм, сэті вӧлі сьӧкыд ветлыны.
Стрӧитан-дзоньталан уджъяссӧ нуӧдісны 2022 вося косму тӧлыссянь.
Дзоньталӧма 1,5 км кузя туй.
Во помӧдз туйсӧ ставнас югзьӧдасны.
Та вылӧ веськӧдӧма 88 миллион 900 сюрс шайт, на пиысь 81 миллион 600 сюрс шайтсӧ вичмӧдӧма республикаса сьӧмкудйысь, сідзжӧ сьӧмсӧ веськӧдӧма «Безопаснӧй да бур туйяс» национальнӧй проект серти федеральнӧй сьӧмкудйысь.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Национальнӧй проектъяс: Сыктывкарын капитальнӧя дзоньталісны Индустриальнӧй улича @ выльтор @ https://rkomi.ru/news/3121 @ 2023-07-25 @ }
Национальнӧй проектъяс: Сыктывкарын капитальнӧя дзоньталісны Индустриальнӧй улича.
Тайӧ сетіс позянлун ёна чинтыны Октябр шӧртуй кузя ветлысь машина лыдсӧ, ӧд Индустриальнӧй уличаыс дублируйтӧ сійӧс.
Коми Республикаса Юралысь Владимир Уйба тшӧктіс капитальнӧя дзоньтавны туйсӧ «Безопаснӧй да бур туйяс» национальнӧй проект серти.
Талун, сора тӧлысь 25 лунӧ, кыпыда восьтісны выльмӧдӧм участоксӧ.
«Воысь воӧ «Безопаснӧй да бур туйяс» национальнӧй проект отсӧгӧн ми вӧчам ыджыд уджъяс.
Тӧрыт кӧ республикаын олысь муніс тайӧ туй кузяыс да видіс власьтсӧ, талун сійӧ жӧ мортыс шуас: «Вот тайӧ да!
Супер!»
Тайӧ зэв колана 1,5 километр кузя туй.
Чинтім Октябр шӧртуй кузя ветлысь машина лыдсӧ.
Таысь кындзи, ӧні позьӧ лӧсьыда воӧдчыны татчӧс промышленнӧй предприятиеясӧдз.
Кутам и водзӧ дзоньтавны туйяс», — пасйис Владимир Уйба.
Туйсӧ дзоньталӧм вылӧ контрактсӧ кырымалӧма «Коми туй овмӧс компания» акционер котыркӧд.
Уджъяс нуӧдӧм вылӧ видзӧма 88,9 миллион шайт, на пиысь 81,6 миллионыс — республикаса сьӧмкудйысь, сідзжӧ сьӧмсӧ вичмӧдӧма «Безопаснӧй да бур туйяс» национальнӧй проект серти федеральнӧй сьӧмкудйысь.
Стрӧитан-дзоньталан уджъяссӧ нуӧдісны 2022 вося косму тӧлыссянь. Капитальнӧя дзоньталӧма 1,5 км кузя автомашина туй.
Карса уна промышленнӧй предприятиеӧ позьӧ веськавны сӧмын Индустриальнӧй улича кузя: ликёро-водочнӧй, йӧв да нянь заводӧ, кӧрт сора бетон изделиеяс вӧчан заводӧ.
Во помӧдз автомашина туй вылын сувтӧдасны ӧнія светодиоднӧй лампаяса югзьӧдан сюръяяс.
{Kodko @ Коми Республикаса олысьяслы сетісны повтӧмлунысь, смеллунысь да йӧз вӧсна тӧждысьӧмысь наградаяс (кувсьӧм бӧрын) @ выльтор @ https://rkomi.ru/news/3123 @ 2023-07-27 @ }
Коми Республикаса олысьяслы сетісны повтӧмлунысь, смеллунысь да йӧз вӧсна тӧждысьӧмысь наградаяс (кувсьӧм бӧрын).
Сора тӧлысь 26 лунӧ Коми Республикаса Юралысь Владимир Уйба сетіс торъя военнӧй операция дырйи Чужан му вӧсна пӧгибнитӧм военнослужащӧйяслӧн семьяяслы Повтӧмлун орденъяс.
«Миян геройяс пӧртісны олӧмӧ воинскӧй да гражданскӧй могсӧ, пуктісны юрнысӧ миянӧс, странанымӧс, Чужан мунымлысь асшӧрлунсӧ неонацистъясысь дорйигӧн, — пасйис Коми Республикаса Юралысь Владимир Уйба. — Зэв сьӧкыд воштыны дона да матысса мортӧс.
Но ме кӧсъяс шуны, мый зонъяс пӧгибнитісны меддонатор вӧсна — Чужан му да аслас рӧдвуж вӧсна.
Быд мортлӧн, а медводз мужичӧйлӧн, олӧмын медшӧр могыс — дорйыны ассьыс семьясӧ, Чужан мусӧ, матыстны Вермӧм.
Найӧ вермисны нин.
Талун сьӧкыд гӧгӧрвоны, мый ми воюйтам сійӧ мирыскӧд, кодӧс дедъясным да прадедъясным мездісны 1941–1945 воясын.
Войтыр, кодъясӧс нартитісны фашистъяс, мукӧдыс на пиысь тышкасисны накӧд, талун сувтӧны нацистъяслӧн внукъяс да правнукъяс дор.
Но тадзи артмис.
Планъясыс налӧн вӧліны тшӧтш жӧ гитлеровскӧйӧсь — уськӧдчыны Россия вылӧ да юклыны сійӧс НАТО-лӧн сценарий серти.
Дерт, война дырйи йӧзыс пӧгибнитӧны.
Миян могным — видзны да нэммӧдны зонъяс йылысь паметьсӧ, висьтавны налӧн подвиг йылысь быдмысь войтырлы.
Повтӧмлунысь да героизмысь зонъяслы сетісны Россия Федерацияса наградаяс.
Менам пыдди пуктана мог — сетны тайӧ наградаяссӧ тіянлы».
Россия Федерацияса Президентлӧн Индӧдӧн воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Повтӧмлун орденъяс кувсьӧм бӧрын сетӧма:
Медводдза статьяса старшина Артур Рифкатович Ахметшин.
Чужис Чечняын, военнӧй служба вылӧ кортӧдз оліс Усинскын.
Служитіс мотострелкӧвӧй батальонын.
Пӧгибнитіс спецоперацияса могъяссӧ олӧмӧ пӧртігӧн 2023 вося рака тӧлысьын.
Орденсӧ сетӧма военнослужащӧйлӧн чойыслы.
Ефрейтор Алексей Юрьевич Пономарёв.
Чужис Сыктывкарын.
Спецоперация дырйи пӧртіс олӧмӧ боевӧй могъяс мотострелкӧвӧй батальонса старшӧй стрелок чинын.
Пӧгибнитіс 2023 вося рака тӧлысьын.
Орденсӧ сетӧма военнослужащӧйлӧн дӧвалы да мамыслы.
Радӧвӧй Илья Александрович Сазанов.
Чужис Сыктывкарын.
Служитіс штурмӧвӧй отрядса отделениеын командирӧн.
Пӧгибнитіс 2023 вося косму тӧлысьын.
Орденсӧ сетӧма военнослужащӧйлӧн бать-мамыслы.
Радӧвӧй Владимир Владимирович Тарабукин.
Чужис Кулӧмдін районса Керчомъя сиктын.
Служитіс штурмӧвӧй отрядын.
Пӧгибнитіс 2023 вося косму тӧлысьын.
Орденсӧ сетӧма военнослужащӧйлӧн дӧвалы да нылыслы.
Россия Федерацияса Президентлӧн Индӧдӧн пӧгибнитны верман боевӧй условиеясын могъяс олӧмӧ пӧртігӧн повтӧмлунысь да йӧз вӧсна тӧждысьӧмысь Повтӧмлун орден кувсьӧм бӧрын сетӧма:
Радӧвӧй Юрий Михайлович Сартаков.
Чужис Мылдін районса Мылва посёлокын.
Служитіс самоходно-артиллерийскӧй взводса водитель-гранатомётчик чинын.
Кувсис доймалӧмысь Москваын Бурденко нима госпитальын.
Орденсӧ сетӧма военнослужащӧйлӧн мамыслы.
«Менам, Коми Республикаса Веськӧдлан котырлӧн, муниципалитетъясӧн юрнуӧдысьяслӧн мог — сетны быд боксянь отсӧг.
Ми пыр кутам отсасьны, мыйӧн вермам.
Энӧ дзебӧй мытшӧдъясныдтӧ, висьталӧй миянлы сьӧкыдлунъяс йылысь.
Мыйӧн вермам отсалам, Став мирӧн отсалам тіянлы.
Аттьӧ тіянлы!» — шуис церемония помын Владимир Уйба.
{Kodko @ Владимир Уйба аттьӧаліс Коми Республикаысь спецоперацияын участвуйтысьясӧс повтӧмлунысь, смеллунысь да йӧз вӧсна тӧждысьӧмысь @ выльтор @ https://rkomi.ru/news/3124 @ 2023-07-27 @ }
Владимир Уйба аттьӧаліс Коми Республикаысь спецоперацияын участвуйтысьясӧс повтӧмлунысь, смеллунысь да йӧз вӧсна тӧждысьӧмысь.
Сора тӧлысь 26 лунӧ Коми Республикаса Юралысь сетіс канму наградаяс СВО вылысь воӧм военнослужащӧйяслы.
«Талун миян страна нуӧдӧ ыджыд война нацизмкӧд, НАТО странаяскӧд, кодъяс ӧтувтчисны, медым бырӧдны канмунымӧс.
Россия некод водзын некор эз сулавлы пидзӧс вылын.
И ӧні миян войтырлӧн медбур пи-нывъясыс киын ӧружьеӧн дорйӧны семьяяснымӧс, челядьнымӧс да Россиялысь суверенитетсӧ.
Мӧд ногӧн дорйыны Аймунымӧс позянлуныс абу.
Миян страна, армия да ті, Аймунымӧс пыдди пуктана дорйысьяс, пӧртанныд олӧмӧ ыджыд мог — доръянныд миянлысь нэмӧвӧйся муяснымӧс», — пасйис Владимир Уйба.
Церемонияын участвуйтысьяс казьтыштісны Айму вӧсна пӧгибнитӧмаясӧс чӧв олӧмӧн.
Коми Республикаса Юралысь аттьӧаліс военнослужащӧйясӧс Вермӧмӧ пай пуктӧмысь, подвигысь, повтӧмлунысь, смеллунысь да Чужан му радейтӧмысь, а СВО-ын участвуйтысьяслысь рӧдвужсӧ отсалӧмысь да кевмысьӧмысь: «Меным зэв нимкодь, мый ми сетам наградаяс Чужан му дорйысьяслы.
Ставныс, кодъяс мунӧны войналӧн би пыр, мӧд ногӧн донъялӧны олӧмсӧ, вежӧны олӧм, ёртасьӧм, радейтчӧм, Чужан му вылӧ видзӧдлассӧ.
Ставныс, кодъяс талун тышкасьӧны — геройяс.
Миян могным — быд боксянь отсавны налы, налӧн семьяяслы, мый ми вӧчам да кутам вӧчны.
Ме аттьӧала тіянӧс, военнослужащӧйяслӧн рӧдвужӧс, сыысь, мый ті быд здук мӧвпаланныд асланыд дорйысьяс йылысь, кевмысянныд на вӧсна.
Тайӧ зэв ыджыд отсӧг, кор салдатлӧн эм бур тыл».
Россия Федерацияса Президентлӧн Индӧдӧн гражданскӧй мог повтӧг, смела олӧмӧ пӧртӧмысь да йӧз вӧсна тӧждысьӧмысь:
«Айму водзын заслугаясысь» ІІ степеня орденлысь медаль сетӧма запасын младшӧй сержант Владислав Андреевич Павловлы;
«Повтӧмлунысь» медальяс сетӧма запасын сержант Михаил Владимирович Леушинлы, запасын сержант Василий Владимирович Зезеговлы, запасын ефрейтор Владимир Иванович Стрикановлы, запасын радӧвӧй Виталий Евгеньевич Яковлевлы.
«Нӧшта ӧтчыдысь чолӧмала тіянӧс канму наградаясӧн.
Страна да Республика пыдди пуктӧ тіянӧс.
Тӧда, мый тіян поступокъяс, Чужан мунымӧс радейтӧм отсӧгӧн Россия вермас.
Ми вермам!
Сиа тіянлы крепыд дзоньвидзалун, кыпыд ловру да аскиа лунӧ эскӧм!» — шуис Владимир Уйба.
{Kodko @ Коми Республикаын «Движение первых» ӧтмунӧм во джынйӧн ӧтувтіс 1 сюрсысь унджык мортӧс @ выльтор @ https://rkomi.ru/news/3125 @ 2023-07-27 @ }
Коми Республикаын «Движение первых» ӧтмунӧм во джынйӧн ӧтувтіс 1 сюрсысь унджык мортӧс.
Сора тӧлысь 26 лунӧ Коми Республикаса Юралысь бердын челядьлӧн да том йӧзлӧн россияса ӧтмунӧмкӧд, сылӧн регионса отделениекӧд, меставывса да первичнӧй отделениеяскӧд ӧтув уджалӧм серти координационнӧй сӧветлӧн заседание дырйи вӧчисны общественникъяслӧн удж йылысь медводдза кывкӧртӧдъяс.
Сідзжӧ видлалісны, кыдзи сӧвмӧдны «Движение первых» ӧтмунӧмсӧ республикалӧн муниципалитетъясын да велӧданінъясын.
«Движение первых» челядьлысь да том йӧзлысь ставроссияса ӧтйӧза-канму ӧтмунӧмсӧ котыртісны неважӧн на.
Сійӧс лӧсьӧдӧм йӧлысь оланпассӧ Россияса Президент Владимир Владимирович Путин кырымаліс колян во.
Медшӧр мӧвпыс сыын, медым миян странаысь кыдз позьӧ унджык том граждана пырӧдчисны йӧзлы тӧдчана мероприятиеяс збыльмӧдӧмӧ да ассьыныс водзмӧстчӧмъяс сӧвмӧдӧ.
Тані быдӧн вермасны аддзыны аслыс бур да интереснӧй удж, восьтыны пытшкӧсса позянлунъяссӧ.
Миян медшӧр могыс — отсавны водзмӧстчысь ныв-зонлы, школьникъяслы, велӧдчысьяслы да студентъяслы пуктӧны пай странаӧс да республикаӧс сӧвмӧдӧмӧ.
Колӧ отсавны налы збыльмӧдны да восьтыны ассьыныс енбисӧ», — тӧдчӧдіс Владимир Уйба.
Коми Республика зіля сӧвмӧдӧ «Движение первых» ӧтмунӧмсӧ.
Регионса отделениесӧ лӧсьӧдӧма да сійӧ уджалӧ «Челядьлӧн да том йӧзлӧн россияса ӧтмунӧм йылысь» 2022 во сора тӧлысь 14 лунся 261-ФЗ №-а Федеральнӧй оланпас серти.
Ӧні сэтчӧ пырӧдчис 1181 сюрс морт, на лыдын 800 тыр арлыдтӧм граждана да 381 пырӧдчысь-наставник.
2022 вося ӧшым тӧлысьын артмӧдісны Коми Республикаса Юралысь бердын челядьлӧн да том йӧзлӧн россияса ӧтмунӧмкӧд, сылӧн регионса отделениекӧд, меставывса да первичнӧй отделениеяскӧд ӧтув уджалӧм серти координационнӧй сӧвет.
Коми Республикаса быд муниципалитетын велӧдан, культура да спорт организацияясын, а сідзжӧ том йӧз политика серти удж нуӧдан организацияясын восьтісны «Движение первых» ӧтмунӧмлысь первичнӧй отделениеяс.
Таысь кындзи, 2023 вося сора тӧлысьын Сыктывкарын восьтісны «Дивжение первых» меставывса отделение, татшӧм жӧ уджсӧ нуӧдӧны регионса мукӧд муниципалитетын.
Коми Республикаын «Движение первых» ӧтмунӧм котыртӧ 12 нырвизь серти мероприятиеяс: велӧдӧм да тӧдӧмлун, наука да технологияяс, удж, уджсикас да ас удж, культура да искусство, волонтёрство и добровольчество, Чужан му радейтны велӧдӧм да история видзӧм, спорт, дзоньвидза оласног, медиа да коммуникацияяс, дипломатия да войтыркостса йитӧд, экология да вӧр-ва видзӧм, туризм да путешествиеяс.
Во джынйӧн «Движение первых» ӧтмунӧм котыртіс челядьлы да том йӧзлы уна мероприятие.
На лыдын «Дни первых» мероприятие, кӧні участвуйтісны Луганскӧй Народнӧй Республикаса Ровеньки карысь гырысьджык классъясын 65 велӧдчысь.
Сідзжӧ котыртӧма «Дети Севера. Высота 2.0.» профильнӧй смена, «Комиын «Движение первых» ӧтмунӧмлӧн первичнӧй да меставывса отделениеяслысь уджаланногсӧ котыртӧм» республиканскӧй семинар-сӧвещание.
Сідзжӧ регионса ӧтмунӧмысь водзмӧстчысьяс пырӧдчисны «Движение первых» ӧтмунӧмлӧн интеллектуальнӧй, спортивнӧй да культурнӧй нырвизьяса федеральнӧй мероприятиеясӧ.
{Kodko @ Сыктывкарса олысьяс да гӧсьтъяс вермасны копыртчывны вежа великомученик Георгий Победоносецлӧн мощьяслы @ выльтор @ https://rkomi.ru/news/3127 @ 2023-07-27 @ }
Сыктывкарса олысьяс да гӧсьтъяс вермасны копыртчывны вежа великомученик Георгий Победоносецлӧн мощьяслы.
Великомученик Георгий Победоносецлӧн мощьяслысь ковчегсӧ вайӧны Вежа Троича да Сергий нима лаврасянь.
Москваын да став Роч муын Вежа Патриарх Кирилл бласлӧвитіс нулыны вежаторсӧ Россияса 100 карӧ, Россия Федерацияса став субъектӧ.
Мероприятиесӧ сиӧма Вермӧм йылысь ставроссияса молитвалы.
Сора тӧлысь 30 лунӧ мощьясыс воасны П.А. Истомин нима Сыктывкарса аэропортӧ.
Сора тӧлысь 30 лунӧ, вежалунӧ, 18 час 40 минутын Вежа Стефанлӧн кафедральнӧй соборын лоӧ молебен. Сы бӧрын енлы эскысьяс вермасны копыртчывны вежаторлы.
Соборыс лоӧ восьса сутки чӧж, кытчӧдз вежалӧн мощьясыс лоӧны сэні.
Моз тӧлысь 1 лунӧ, воторникӧ, 9 чассянь 11 часӧдз лоӧ божественнӧй литургия да молебен.
16 часын соборсянь Коми Республикаса национальнӧй галереяӧдз мунас крестнӧй ход.
Позьӧ локны ставлы.
{Kodko @ Ухта карысь Анатолий Хлобыстовлы сетісны Коми Республикаса Геройлысь медвылыс почёт ним (кувсьӧм бӧрын) @ выльтор @ https://rkomi.ru/news/3128 @ 2023-07-28 @ }
Ухта карысь Анатолий Хлобыстовлы сетісны Коми Республикаса Геройлысь медвылыс почёт ним (кувсьӧм бӧрын).
Лӧсялана Индӧдсӧ кырымаліс Коми Республикаса Юралысь Владимир Уйба.
Гвардияса младшӧй сержант, десантник, саридзвыв пехотаса разведчик Анатолий Максимович Хлобыстов героическӧя пӧгибнитіс торъя военнӧй операция дырйи.
Анатолий Максимович чужис да быдмис Ухтаын.
Сійӧ збыльысь радейтіс Чужан мусӧ — юрнуӧдіс Коми Республикаын военно-тактическӧй ворсӧмъяслӧн федерацияӧн, пырӧдчис Ухта карса Юнармейскӧй ӧтмунӧмӧ, вӧлі Ухта карын Том йӧзлӧн сӧветса депутатӧн, Коми Республикаын том йӧзлӧн парламентса депутатӧн, зілис поисковикъяслӧн ӧтмунӧмын да вӧлі карса уна патриотическӧй мероприятие котыртысьяс лыдын.
Анатолий Хлобыстов служитіс ВДВ-са войскаын да помаліс службасӧ пулемётчикъяслӧн отделениеса командирӧн.
Срочнӧй служба бӧрын уджаліс горнорабочӧйӧн.
2022 вося йирым тӧлысьын частичнӧй мобилизация дырйи вӧзйысис дорйыны Аймусӧ неонацистъясысь.
Торъя военнӧй операция дырйи боевӧй могъяссӧ Анатолий Максимович збыльмӧдіс разведывательнӧй ротаын.
Сылӧн боевӧй уджыс заводитчис 2023 вося ода-кора тӧлысьын Артёмовскӧй нырвизьын.
Сыкӧд ӧтлаын служитысьяс шуӧны, мый Анатолий Хлобыстов вӧлі повтӧм воинӧн, кывкутысь командирӧн, коді уджаліс тӧлкӧн да бура мӧвпалӧмӧн, пыр тӧждысис йӧз, аслас коллектив вӧсна.
Сійӧ бура пӧртіс олӧмӧ командованиеӧн пуктӧм став боевӧй могсӧ.
Героическӧя пӧгибнитіс 2023 вося лӧддза-номъя тӧлысь 30 лунӧ вӧрӧгъяслӧн артиллерияӧн лыйлӧм дырйи.
«Анатолий Максимович Хлобыстов вӧлі ныв-зонлы туйдысьӧн да примерӧн, водзмӧстчысь, бур, да, дерт жӧ, смел мортӧн.
Кор страна вылӧ уськӧдчисны вӧрӧгъяс, Анатолий Максимович эз кольччы бокын, а муніс пӧртны олӧмӧ воинскӧй могсӧ, дорйыны Аймусӧ.
Миян могным — нэммӧдны Анатолий Максимович да Айму став дорйысь йылысь, кодъяс пуктісны юрнысӧ Чужан му вӧсна, югыд паметьсӧ.
Ми кутам пыдди пуктыны землякъяснымӧс, висьтавны налӧн подвигъяс йылысь быдмысь войтырлы да огӧ вунӧдӧй налысь нимъяссӧ», — тӧдчӧдіс Коми Республикаса Юралысь Владимир Уйба.
Коми Республикаса Юралысьлӧн 2023 во сора тӧлысь 27 лунся Индӧдӧн воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Анатолий Максимович Хлобыстовлы сетӧма Коми Республикаса Геройлысь медвылыс почёт ним (кувсьӧм бӧрын).
{Kodko @ Владимир Уйба висьталіс Коми Республикаын социальнӧй отсӧг сетан выль мераяс йылысь @ выльтор @ https://rkomi.ru/news/3129 @ 2023-07-28 @ }
Владимир Уйба висьталіс Коми Республикаын социальнӧй отсӧг сетан выль мераяс йылысь.
Сора тӧлысь 27 лунӧ вӧлі Коми Республикаса Каналан Сӧветлӧн сессияса заседание, кӧні примитісны социальнӧй отсӧг сетан выль мераяс йылысь оланпасъяс.
На пиысь ӧтиыс йитчӧма семьялы да челядьдырлы отсӧг сетӧмкӧд.
Пыртӧма выль субсидия — целиакияӧн да фенилкетонурияӧн висьысь челядя семьяяслы быдвося мынтӧмъяс.
Мынтыны кутасны 24 сюрс шайт, тӧлысьнас 2 сюрс шайтӧн арталӧмӧн.
Ӧти оланпас сиӧма му йитӧдъяслы, мый серти сетасны отсӧг сиктса специалистъяслы да СВО-ын участвуйтысьяслӧн семьяяслы.
Оланпасӧн паськӧдӧма специальносьтъяслысь лыддьӧгсӧ, кутшӧмъяс серти уджалысьяслӧн эм инӧд босьтны керка лэптӧм либӧ подсобнӧй овмӧс нуӧдӧм вылӧ му участок.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба нуӧдіс Коми Республикаса Юралысь бердын стратегическӧя веськӧдлӧм серти координационнӧй сӧветлысь заседание @ выльтор @ https://rkomi.ru/news/3130 @ 2023-07-28 @ }
Владимир Уйба нуӧдіс Коми Республикаса Юралысь бердын стратегическӧя веськӧдлӧм серти координационнӧй сӧветлысь заседание.
Заседание дырйи сёрнитісны Коми Республикаын олысьяслы медицина отсӧг бура да колана ногӧн сетӧм йылысь.
«Медицина отсӧг бура сетӧм да сійӧс босьтны позянлун — петкӧдласъяс пиысь ӧти, мый петкӧдлӧ йӧзлысь олан тшупӧдсӧ да бур оланногсӧ.
Тайӧ юалӧмсӧ ми пыр кутам контроль улын.
Россия Федерацияса Президент Владимир Владимирович Путин унаысь нин тӧдчӧдліс, мый йӧзлысь дзоньвидзалун видзан бур да ӧнія кадлы лӧсялысь система босьтӧ тӧдчана пай Россияса войтырӧс видзӧмын.
Канмуӧн Юралысь пуктӧ мог — кыпӧдны медицина отсӧглысь бурлунсӧ да сійӧс босьтны позянлунсӧ.
Президент пыр видзӧдӧ тайӧ юалӧмъяс бӧрся», — пасйис Владимир Уйба.
Россияса Президентӧн индӧм могъяс збыльмӧдӧм вылӧ веськӧдӧма «Йӧзлысь дзоньвидзалун видзӧм» национальнӧй проект, Коми Республикаын йӧзлысь дзоньвидзалун видзан юкӧнын медводдза звено ӧнъяӧдан уджтас да мукӧд.
Коми Республикаын йӧзлысь дзоньвидзалун видзан юкӧнын медводдза звено ӧнъяӧдан уджтас серти стрӧитӧны да капитальнӧя дзоньталӧны йӧзлысь дзоньвидзалун видзан объектъяс, ньӧбӧны ӧнія медицина оборудование да автотранспорт.
Кык воӧн йӧзлысь дзоньвидзалун видзан учреждениеяслысь материально-техническӧй базасӧ бурмӧдӧм вылӧ видзӧма 2,3 миллиард шайт.
Ньӧбӧма 191 единица автотранспорт, 450 единица оборудование, дзоньталӧма йӧзлысь дзоньвидзалун видзан 23 объект.
Тайӧ уджтасыс отсалӧ бурмӧдны Коми Республикаын медицина отсӧгсӧ, сійӧс вермӧ босьтны унджык йӧз.
Шуам, 2022 восянь Изьва да Сосногорск районъясса олысьяс вермӧны вӧчны ас больничаясын томография. Таӧдз налы ковмывліс шыӧдчыны Ухтаса да Сыктывкарса медицина организацияясӧ.
2023 воын уджтассӧ збыльмӧдӧны водзӧ: ньӧбӧма 58 единица автотранспорт, мунӧ 1095 единица оборудование ньӧбӧм серти удж.
Дзоньталӧны Интаса ШРБ-лысь поликлиника, водзӧ стрӧитӧны печораса Кӧджарӧм посёлокын участкӧвӧй больнича бердын поликлиника, Сыктыв районса Визин сиктын бурдӧдчан корпус.
Помалӧны кыпӧдны Чилимдін сиктын бурдӧдчан корпус да Емдін сиктын врачебнӧй амбулатория.
Таво заводитісны стрӧитны Кулӧмдін сиктын поликлиника да Изьва районса Щельяюр посёлокын участкӧвӧй больнича.
Зіля стрӧитӧны ӧдйӧ кыпӧдан объектъяс.
2022 воын заводитісны уджавны кык выль ФАП — Сыктывдін районса Лӧзым сиктын да Сітбар грездын.
2023 воын стрӧитасны 22 модульнӧй ФАП да 2 врачебнӧй амбулатория, ньӧбасны 13 ФАП республикалӧн арктика зонаын водзынджык сӧвмысь мутасъясӧ.
Коми Республикаса адреснӧй инвестиция уджтас збыльмӧдӧм серти водзӧ кыпӧдӧны Вуджан висьӧмысь бурдӧдан республиканскӧй больнича.
2025 воын кӧсйӧны стрӧитны Сыктывкарса Лесозаводын поликлиника.
«Челядьлысь дзоньвидзалун видзан уджтас, сы лыдын челядьлы медицина отсӧг сетан ӧнія инфраструктура лӧсьӧдӧм» дінму уджтас серти Челядьлы республиканскӧй клиническӧй больничалӧн шӧр корпуслысь содтӧд стрӧйбасӧ да приёмнӧй отделениесӧ реконструируйтасны торъя педиатрия юкӧдувъяс восьтӧм могысь.
«Миян республикаын медицина отсӧг сетан позянлун йылысь сёрнитігӧн колӧ пасйыны специалистъяслӧн мобильнӧй бригадаяслысь ветлӧмӧн уджсӧ котыртӧм йылысь.
Тайӧ зэв колана.
Миян республиканым ыджыд, тані уна сикт-грезд.
Татшӧм ветлӧмъясыс отсалӧны бурмӧдны медицина отсӧг сетӧмсӧ, ас кадӧ нуӧдны диагностика, аддзыны выль пыкӧсъяс, пациентъяслысь зэв лёк аскылӧмсӧ», — пасйис Владимир Уйба.
Ылі да сьӧкыда воӧдчан сикт-грездъясын медицина отсӧг сетӧм могысь 2019 воын ньӧбӧма 23 передвижнӧй мобильнӧй комплекс.
2023 воын автопаркӧ содіс нӧшта 7 передвижнӧй ФАП.
Тавося медводдза во джынйын мобильнӧй бригадаяс ветлісны ылі да сьӧкыда воӧдчан сикт-грездъясӧ 500-ысь гӧгӧр, видлалісны 32 сюрсысь унджык мортӧс.
Сідзжӧ регионын зіля уджалӧны медико-социальнӧй группаяс, кодъяс дӧзьӧритӧны хроническӧй висьысьяс да риск факторъяса пациентъяс бӧрся, сёрнитӧны накӧд, видзӧдӧны лекарствояс юӧм да врачлысь индӧмъяс збыльмӧдӧм бӧрся.
2023 волӧн медводдза джынйын котыртӧма 212 татшӧм группа, отсӧгсӧ сетӧма 2,6 сюрс мортлы.
Медицина отсӧглысь бурлунсӧ да сійӧс босьтны позянлунсӧ могмӧдӧмын тӧдчана пайыс специалистъяслӧн.
Коми Республикаын збыльмӧдӧны «Коми Республикаса йӧзлысь дзоньвидзалун видзан системаын медицина организацияяс квалифицируйтӧм кадръясӧн могмӧдӧм» дінму проект.
Врачьясӧс дасьтӧны целевӧя да контракт серти, контракт серти жӧ дасьтӧны шӧр тшупӧда медицина тӧдӧмлуна специалистъясӧс да специалистъясӧс сійӧс специальносьтъяс серти, кутшӧмъяс медся ёна оз тырмыны.
Студентъяслы мынтӧны нима стипендияяс, кодъяс кӧсйӧны мунны уджавны йӧзлысь дзоньвидзалун видзан канму учреждениеясӧ.
«Медицина юкӧн кадръясӧн могмӧдӧм кындзи миянлы колӧ лӧсьӧдны бур условиеяс, медым специалистъяс бӧрйисны миянлысь регионнымӧс, кӧні позянлуныс ёна унджык мукӧд серти.
Колӧ стрӧитны йӧзлысь дзоньвидзалун видзан юкӧнын уджалысьяслы оланін.
Тайӧс позьӧ вӧчны керка лэптан комплектъяс отсӧгӧн. Найӧс буретш вӧчӧны республикаын.
Та вылӧ колӧ урчитны сьӧм.
Сідз, специалистӧс сиктса амбулаторияӧ либӧ ФАП-ӧ коригӧн, ми вермам конкурируйтны мукӧд субъекткӧд, сы вӧсна мый вермам сетны выль олан жыр», — шуис Коми Республикаса Юралысь.
2022 воын медицина уджалысьяслы Сыктывкарын ньӧбӧма 9 патера, стрӧитӧма олан жыръясӧн 11 ФАП. Медицина уджалысьяслы нӧшта 9 керка кыпӧдӧм вылӧ Коми Республикаса Веськӧдлан котырлӧн резервнӧй фондысь вичмӧдӧма 54 миллион шайт.
Таысь кындзи, регионса медицина уджалысьяс вермасны пырӧдчыны ипотека заёмъяс серти льготнӧй уджтасъясӧ.
{Kodko @ Владимир Уйба корис муниципалитетъясӧн юрнуӧдысьясӧсжар поводдя вӧсна вынсьӧдны видзчысян мераяссӧ @ выльтор @ https://rkomi.ru/news/3131 @ 2023-07-28 @ }
Владимир Уйба корис муниципалитетъясӧн юрнуӧдысьясӧс жар поводдя вӧсна вынсьӧдны видзчысян мераяссӧ.
Сора тӧлысь 28 лунӧ та йылысь сёрнитісны Коми Республикаса Юралысь бердын стратегическӧя веськӧдлӧм серти координационнӧй сӧвет дырйи.
«Синоптикъяс шуӧны, мый сора тӧлысь 29 лунсянь Комиын пуксяс зэв жар поводдя.
Татшӧм поводдяӧ йӧзыс мунӧны вӧрӧ, юяс, тыяс вылӧ.
Такӧд йитӧдын кора примитны пӧжарысь видзчысян да ю-ты вылын неминучаысь видзан содтӧд мераяс», — шыӧдчис муниципалитетъясӧн юрнуӧдысьяс дорӧ Владимир Уйба.
Коми Республикаса Юралысь тӧдчӧдіс, мый колӧ содтыны ведомствокостса оперативнӧй группаяслысь лыдсӧ, кодъяс кутасны патрулируйтны уна йӧза шойччанінъяс, а сідзжӧ вӧркӧд орччӧн сулалысь сикт-грездъяс, дачнӧй да сад вӧдитан кооперативъяс, дзоньвидзалун бурмӧдан гожся лагеръяс, кытчӧ вермас вуджны вӧр-ва пӧжарыс.
Тайӧ уджсӧ колӧ нуӧдны Россияса МЧС Коми Республикаын мутас органъяскӧд да Коми Республикаын ПДМ ӧтвылысь.
Таысь кындзи, Коми Республикаса вӧр-ва озырлун да гӧгӧртас видзан министерстволӧн ведомствоувса учреждениеяскӧд ӧтвылысь уджалігӧн колӧ ас кадӧ пыртны гражданалӧн вӧръясӧ ветлӧм вылӧ дзескӧдӧмъяс.
Сідзжӧ муниципалитетъясӧн юрнуӧдысьяслы колӧ котыртны йӧзлы пӧжарысь видзчысьӧм да ю-ты вылын безопасносьт правилӧяс йылысь содтӧд юӧртӧм серти уджсӧ, тайӧ правилӧяс торкалысьясӧс эрдӧдӧм серти патрулируйтӧм, юӧртны йӧзлы ю-тыяс вылын лоӧмторъяс йылысь.
Муниципальнӧй власьтъяслы колӧ видзӧдлыны, дасьӧсь-ӧ пӧжар кусӧдысь асвӧляа командаяс (дружинаяс) видзны пӧжаръясысь сикт-грездъяссӧ.
А сідзжӧ водзӧ эрдӧдны ю-тыяс дорын сэтшӧм инъяс, кутшӧмъясӧс абу дасьтӧма йӧзлӧн купайтчӧм да шойччӧм вылӧ, примитны татшӧм местаяс лӧсьӧдан либӧ найӧс тупкан мераяс.
Казьтыштам, мый 2023 во ода-кора тӧлысь 24 лунсянь Коми Республика пасьтала пыртӧма вӧръясын пӧжарысь видзчысян торъя режим (Коми Республикаса Веськӧдлан котырлӧн 2023 во 05. 23 лунся 242 №-а шуӧм), 2023 вося ода-кора тӧлысь 25 лунсянь Коми Республикаса сикт-грездъясын пыртӧма пӧжарысь видзчысян торъя режим (Коми Республикаса Веськӧдлан котырлӧн 2023 во 05. 25 лунся 249 №-а шуӧм).
{Kodko @ Коми Республикаса Юралысь чолӧмалӧ Саридзвыв Военнӧй Флотлы сиӧм лунӧн @ выльтор @ https://rkomi.ru/news/3132 @ 2023-07-30 @ }
Коми Республикаса Юралысь чолӧмалӧ Саридзвыв Военнӧй Флотлы сиӧм лунӧн.
«Пыдди пуктана военнослужащӧйяс, ВМФ-са ветеранъяс!
Чолӧмала тіянӧс Россияса Саридзвыв Военнӧй Флотлы сиӧм лунӧн!
Талун ми чолӧмалам найӧс, кодъяс видзисны да видзӧны страналысь саридзса суйӧръяссӧ, могмӧдӧны флотлысь воюйтны дасьлунсӧ, уджалӧны суднояс стрӧитан предприятиеясын.
Тӧдны морякъяслысь героическӧй традицияяссӧ, паськӧдны флотлысь воинскӧй славасӧ да вӧчны сійӧс нӧшта на вынаджыкӧн — абу кокни, но зэв пыдди пуктана мог.
Талун Россияса Саридзвыв Военнӧй Флотын служитысьяс повтӧг пӧртӧны олӧмӧ Айму видзӧм серти могъяс, участвуйтӧны торъя военнӧй операцияын.
Коми Республикаса уна олысь зільӧ флотса боевӧй подразделениеясын.
Быдӧн повтӧг да смела пӧртӧны олӧмӧ воинскӧй могсӧ.
Регионса куим олысьлы — гвардияса капитан Владимир Носовлы, ефрейтор Александр Власенковлы да гвардияса старшӧй матрос Олег Шипицинлы — сетӧма Россия Федерацияса Герой ним (кувсьӧм бӧрын).
Сьӧлӧмсянь аттьӧала ставнысӧ, кодлӧн олӧмыс йитчӧма Россияса Саридзвыв Военнӧй Флоткӧд, Чужан му пыдди пуктӧмысь да радейтӧмысь, страналӧн да республикалӧн аскиа лун вӧсна тӧждысьӧмысь, быдмысь ныв-зонмӧс туйдӧм-велӧдӧм серти ӧтйӧза уджӧ зіля пырӧдчӧмысь.
Сиа тіянлы шуд, збодерлун, крепыд дзоньвидзалун, семьяясын тыр-бур олӧм.
Праздникӧн!»
Коми Республикаса Юралысь Владимир Уйба.
{Kodko @ Сыктывкарӧ воис вежа Великомученик Георгий Победоносецлӧн мощьяса ковчег @ выльтор @ https://rkomi.ru/news/3133 @ 2023-07-30 @ }
Сыктывкарӧ воис вежа Великомученик Георгий Победоносецлӧн мощьяса ковчег.
Вежаторйыс олас Коми Республикалӧн юркарын моз тӧлысь 1 лунӧдз.
Ставмирса Роч Народнӧй Соборлӧн отсӧгӧн православнӧй войтыр Вежа Степанлӧн кафедральнӧй соборын вермасны копыртчывны Роч войскаӧс видзысьлы.
Воторникӧ, моз тӧлысь 1 лунӧ, 9 чассянь 11 часӧдз лоас божественнӧй литургия да молебен.
А 16 часын соборсянь Коми Республикаса национальнӧй галереяӧдз мунас крестнӧй ход, кытчӧ быдӧн вермасны пырӧдчыны.
Татшӧм ногӧн Коми Республика пырӧдчис Вермӧм йылысь ставроссияса молебенӧ.
Та йылысь видео пыр аслас шыӧдчӧмын висьталіс Коми Республикаса Юралысь Владимир Уйба.
{Kodko @ Коми Республика тшӧтш пырӧдчис Вермӧм йылысь ставроссияса молебенӧ @ выльтор @ https://rkomi.ru/news/3134 @ 2023-07-30 @ }
Коми Республика тшӧтш пырӧдчис Вермӧм йылысь ставроссияса молебенӧ.
Сыктывкарса олысьяс да гӧсьтъяс сора тӧлысь 30 лунсянь моз тӧлысь 1 лунӧдз вермасны копыртчывны Роч войскаӧс видзысь — вежа Великомученик Георгий Победоносецлӧн мощьяслы.
Аэропортсянь Вежа Степанлӧн кафедральнӧй соборӧдз вежаторйӧн ковчегсӧ отсаліс вайны Владимир Уйба.
«Талун Коми Республикаын православнӧй войтырлӧн тӧдчана лун — миянӧ воис вежа Великомученик Георгий Победоносец, — шыӧдчис прихожана дорӧ Коми Республикаса Юралысь Владимир Уйба. — Збыльысь, талун страна пасьтала тӧдчана лоӧмтор, воис ыджыд вежа, коді пыр вермыліс тышын да лов пытшкын.
Тайӧ зэв ыджыд шуд миянлы, йӧзлы, кодъяс кевмысьӧны миян воинъяс вӧсна.
Ме тӧда, мый тайӧ вичкоын быдӧн кевмысьӧны боечьясным вӧсна.
Талун ми окыштім мощьяссӧ, тадзи вӧчисны унаӧн нин.
Ме тіянӧс ставнытӧ таӧн чолӧмала.
Ми аттьӧалам ставнысӧ, кодъяс котыртісны миян странаса каръясӧ, республикаӧ мощьяс вайӧмсӧ — Роч Православнӧй Вичкоса паломничество да вежаторъяс вайӧмсӧ сӧвмӧдӧм серти комиссияӧс, Ставмирса Роч Народнӧй Соборӧс да «Царьград» медводдза роч телеканалӧс.
Тайӧ миянлы, миян воинъяслы зэв ыджыд отсӧг. Вермӧм йылысь пас.
Енлы слава, слава миян вежа Георгий Победоносецлы.
Мед пыр лоас миянкӧд Енлы эскӧмыс да мед лоас Победа!»
Воӧм бӧрын нуӧдісны соборса молебен, сы бӧрын енлы эскысьяс вермисны копыртчывны вежаторлы.
Соборыс лоӧ восьса сутки чӧж, кытчӧдз вежалӧн мощьясыс лоӧны сэні.
Моз тӧлысь 1 лунӧ, воторникӧ, 9 чассянь 11 часӧдз лоӧ божественнӧй литургия да молебен.
16 часын соборсянь Коми Республикаса национальнӧй галереяӧдз мунас крестнӧй ход.
Позьӧ локны ставлы.
Великомученик Георгий Победоносецлӧн мощьяслысь ковчегсӧ вайӧны Вежа Троича да Сергий нима лаврасянь.
Москваын да став Роч муын Вежа Патриарх Кирилл бласлӧвитіс нулыны вежаторсӧ Россияса 100 карӧ, Россия Федерацияса став субъектӧ.
Мероприятиесӧ сиӧма Вермӧм йылысь ставроссияса молитвалы.
{Kodko @ Владимир Уйба висьталіс Коми Республикаын ИТ-юкӧнса специалистъяслы льготнӧй ипотека йылысь @ выльтор @ https://rkomi.ru/news/3135 @ 2023-07-31 @ }
Владимир Уйба висьталіс Коми Республикаын ИТ-юкӧнса специалистъяслы льготнӧй ипотека йылысь.
Регионын уджалӧ торъя категория гражданалысь олан условиеяс бурмӧдан уджтас.
Сійӧс збыльмӧдӧ Коми ипотечнӧй компания.
2023 воын компаниясӧ докапитализируйтӧма да кокньӧдӧма ИТ-специалистъяслы льготнӧй заём сетан условиеяссӧ.
Коми Республикаын уджалӧ ИТ-юкӧнса 300 сайӧ организация, кӧні зільӧ 5 сюрысь унджык специалист.
Таво льготнӧй ипотекасӧ кӧсйис босьтны 38 специалист, на лыдысь нёльыс сетіс нин заявкасӧ.
Паськыдджыка — Коми Республикаса Юралысьлӧн видео пыр шыӧдчӧмын.
Уськӧдам тӧд вылӧ, ИТ-юкӧнса специалистъяслы отсӧгсӧ сетӧны Россияса Президент Владимир Путинлӧн тшӧктӧм серти.
{Kodko @ «Йӧзлысь дзоньвидзалун видзӧм» национальнӧй проект: сыктывкарса Выльтыдор посёлокын воссис выль ФАП @ выльтор @ https://rkomi.ru/news/3137 @ 2023-08-01 @ }
«Йӧзлысь дзоньвидзалун видзӧм» национальнӧй проект: сыктывкарса Выльтыдор посёлокын воссис выль ФАП.
Фельдшер-акушер пунктсӧ кыпӧдӧма ӧдйӧ лэптана модульнӧй конструкцияясысь «Коми Республикаса йӧзлысь дзоньвидзалун видзан юкӧнлысь первичнӧй звено ӧнъяӧдӧм» уджтас серти.
Тӧдчана лоӧмторйӧн посёлоксаясӧс чолӧмаліс Коми Республикаса Юралысь Владимир Уйба.
«Талунъя лоӧмторйыс зэв тӧдчана посёлоклы.
Но татшӧм ФАП восьтӧны оз сӧмын Выльтыдорын, но и мукӧд сикт-грездын.
Таво ми сьӧрсьӧн-бӧрсьӧн восьтам 40 сайӧ ФАП.
Помалам стрӧитны Чилимдінын больнича, сійӧс важӧн нин виччысьӧны.
Таво сдайтам коймӧд школа нин.
Локтан воясӧ водзӧ кутам нуӧдны тайӧ уджсӧ.
А ФАП, больнича, детсад либӧ школа кыпӧдӧм — тайӧ, ӧти-кӧ, сӧвмӧм, а мӧд-кӧ, аскиа лунӧ пай.
Стрӧитчигӧн ми петкӧдлам, мый Коми Республика кутас сӧвмыны.
Ӧд стрӧитчӧм — тайӧ выль уджалан местаяс да, медшӧрыс, аскиа лунӧ эскӧм.
Ставныдлы сиа кыпыд ловру, ӧд ӧнія сьӧкыд кадӧ ми пуктам подув миян республикалӧн да страналӧн аскиа лунӧ, кыпӧдам мирнӧй объектъяс», — пасйис Владимир Уйба.
Объектлӧн доныс — 9,3 миллион шайт.
ФАП-ын эмӧсь пациентъясӧс примитан, прививкаяс да процедураяс вӧчан жыръяс.
Жыръяссӧ могмӧдӧма ӧнія оборудованиеӧн да компьютернӧй техникаӧн, пуктӧма выль мебель.
Зданиесӧ йитӧма став инженернӧй коммуникация дорӧ.
ФАП-ын пыр подув вылын уджалӧ фельдшер, коді ӧти сменаӧ вермӧ примитны 20 пациентӧдз.
Ставнас медицина учреждение бердын лыддьыссьӧ посёлокса 600 олысь.
Коми Республикаын водзӧ кыпӧдӧны йӧзлысь дзоньвидзалун видзан юкӧнын ӧдйӧ лэптан объектъяс.
2022 воын заводитіс уджавны кык выль ФАП — Сыктывдін районса Лӧзым сиктын да Сітбар грездын.
Таво дзоньвидзалун видзан юкӧнлысь первичнӧй звено ӧнъяӧдан дінму уджтас серти кӧсйӧны пыртны уджӧ 37 модульнӧй объект (35 ФАП да 2 врачебнӧй амбулатория).
На пиысь 13 ФАП-сӧ вӧлі кӧсйӧны кыпӧдны 2024 воын, но социальнӧй инфраструктура водзджык сӧвмӧдӧм серти найӧс стрӧитасны таво нин.
Таысь кындзи, йӧзлысь дзоньвидзалун видзан юкӧнын нӧшта 5 модульнӧй объект таво кыпӧдасны Коми Республикаса Веськӧдлан котырлӧн резервнӧй фондысь сьӧм тшӧт весьтӧ.
{Kodko @ Владимир Уйба кутас юрнуӧдны Коми Республикаын «Тӧдӧмлун» россияса котырлӧн наблюдательнӧй сӧветӧн @ выльтор @ https://rkomi.ru/news/3138 @ 2023-08-01 @ }
Владимир Уйба кутас юрнуӧдны Коми Республикаын «Тӧдӧмлун» россияса котырлӧн наблюдательнӧй сӧветӧн.
Сыктывкарын моз тӧлысь 1 лунӧ «Тӧдӧмлун» россияса котырын регионса юкӧнлӧн ӧтувъя чукӧртчылӧм дырйи ошкисны Коми Республикаса Юралысьлысь кандидатурасӧ.
Наблюдательнӧй сӧвет лоӧ сӧвещательнӧй органӧн. Сійӧс котыртӧма сы могысь, медым канму власьт, меставывса асвеськӧдлан органъяс, ӧтйӧза ӧтувъяс, наука, велӧдан да мукӧд организация ӧтув уджалісны да отсалісны «Тӧдӧмлун» россияса котырлӧн Коми регионса юкӧнлы сӧвмӧдны тӧдӧмлун паськӧдан уджсӧ.
Мероприятиеын участвуйтісны Коми Республикаса Юралысь Владимир Уйба, «Тӧдӧмлун» россияса котырысь медыджыд директорӧс вежысь Георгий Будный, Питирим Сорокин нима Сыктывкарса канму университетысь ректор Ольга Сотникова, регионса юкӧнӧ пырысьяс.
«Ми ӧні нуӧдам ыджыд удж велӧдан юкӧнын.
Коми Республикаын нуӧдам «Тӧдӧмлун» россияса котырлысь мероприятиеяс, том йӧз зіля пырӧдчӧны проектъясӧ.
Талун ми сӧвмӧдам регионса юкӧнъяслысь да филиалъяслысь уджсӧ, дасьтам Комиын олысьяслы аслыспӧлӧс лоӧмторъяс.
Тӧда, мый талун ми водзӧ сӧвмӧдам республикаын тӧдӧмлун паськӧдан уджсӧ», — пасйис Георгий Будный.
Ӧтувъя чукӧртчылӧм дырйи бӧрйисны дінму юкӧнлысь Наблюдательнӧй сӧвет.
Веськӧдлысьӧн лоис Владимир Уйба.
«Талун регионын зэв тӧдчана лоӧмтор, регионса юкӧн кутас уджавны выль ног.
Ӧтув ми вермам паныд сувтны юӧра тышлы, сӧвмӧдны регионын тӧдӧмлун паськӧдан уджсӧ», — тӧдчӧдіс республикаса Юралысь.
Сӧвещательнӧй органӧн веськӧдлысьӧс вежысьӧн бӧрйисны республикаса Веськӧдлан котырӧн Юрнуӧдысьӧс вежысь Лариса Карачеваӧс.
Сідзжӧ моз тӧлысь 1 лунӧ лоины вежсьӧмъяс регионса юкӧнлӧн юрнуӧдысьяс лыдын.
Коми Республикаын веськӧдлысьӧн бӧрйисны Питирим Сорокин нима Сыктывкарса канму университетысь ректорӧс.
«Миян могным — сетны збыльвывса да ӧнія тӧдӧмлун налы, кодъяслы найӧ колӧны, юӧртны Россияса гражданалы наука, культура да искусство, история, йӧзлысь дзоньвидзалун видзан, экология да олӧмлӧн мукӧд юкӧнын вермӧмъяс йылысь.
Эска, мый ӧтув ми вермам нуӧдны тӧдӧмлун паськӧдан мероприятиеяс, кутшӧмъяс воӧны сьӧлӧм вылӧ регионса быд олысьлы», — пасйис Ольга Сотникова.
Ӧні «Тӧдӧмлун» россияса котырлӧн Наблюдательнӧй сӧветъяс уджалӧны 18 регионын — Псковскӧй, Сахалинскӧй, Калининградскӧй, Ленинградскӧй, Свердловскӧй, Калужскӧй, Ульяновскӧй, Кировскӧй, Самарскӧй, Воронежскӧй, Курскӧй, Новосибирскӧй, Вологодскӧй да Нижегородскӧй обласьтъясын, ХМАК-Юграын, Алтайскӧй да Камчатскӧй крайын, Севастопольын.
Ӧні на лыдӧ содіс и Коми Республика.
Во помӧдз сӧвещательнӧй органъяс заводитасны уджавны Россияса 60-ысь унджык регионын.
* * *
«Тӧдӧмлун» россияса котырлӧн историяыс пансьӧ сӧветскӧй ӧтйӧза организациясянь. Сійӧс вӧлі котыртӧма 1947 воын сӧветскӧй интеллигенциялӧн водзмӧстчӧм серти кыдз «Политика да наука тӧдӧмлун паськӧдӧм серти ставсоюзса котыр» (1963 восянь — «Тӧдӧмлун» ставсоюзса котыр, 1991 восянь — «Россиялӧн тӧдӧмлун» котыр).
Котырӧ пырысьяс тӧдмӧдісны наукаӧн, лыддисны сӧветскӧй овмӧсын да промышленносьтын вермӧмъяс йылысь лекцияяс.
2016 воын «Россиялӧн тӧдӧмлун» выль ног котыртісны «Тӧдӧмлун» россияса котыр» тӧдӧмлун паськӧдан ставроссияса ӧтйӧза-канму организацияӧ.
2021 вося косму тӧлысь 21 лунӧ Россия Федерацияса Президентлӧн Россия Федерацияса Федеральнӧй Собраниелы Послание дырйи Владимир Путин юӧртіс ӧнія цифрӧвӧй платформа вылын «Тӧдӧмлун» россияса котыр выльмӧдны коланлун йылысь.
«Тӧдӧмлун» россияса котырлӧн удж йылысь унджык юӧрсӧ позьӧ лыддьыны сайт да проектлӧн «ВКонтакте», Telegram социальнӧй везъясын.
{Kodko @ Комиын олысьяс крестнӧй ход дырйи нуисны вежа Великомученик Георгий Победоносецлӧн мощьяса ковчегсӧ @ выльтор @ https://rkomi.ru/news/3139 @ 2023-08-01 @ }
Комиын олысьяс крестнӧй ход дырйи нуисны вежа Великомученик Георгий Победоносецлӧн мощьяса ковчегсӧ.
Талун, моз тӧлысь 1 лунӧ, Сыктывкарса да Коми-Зырянаса архиепископ Питирим нуӧдіс божественнӧй литургия да молебен.
Сёрӧнджык вежалӧн мощьяса ковчегсӧ крестнӧй ход дырйи вайисны Коми Республикаса национальнӧй галереяӧдз, а сэсся нуисны Сыктывкарса аэропортӧ.
«Вежа Великомученик Георгий Победоносец видзӧ быдӧнӧс, коді шыӧдчӧ сы дорӧ восьса сьӧлӧмӧн, — шыӧдчис крестнӧй ходӧ пырӧдчысьяс дорӧ Владимир Уйба. — И тайӧ кык лун чӧжыс вӧлі уна радлун, муслун, молитва.
Гашкӧ, ми некор та йылысь ог тӧдмалӧй, но миян буркывным да вежа Георгий Победоносец видзисны миянлысь уна зонмӧс кулӧмысь.
Ми кевмысям Вермӧм вӧсна.
Миян ӧтувтчӧм да эскӧм отсӧгӧн вӧрӧглӧн лоӧ этшаджык выныс водзсасьӧ миян армиякӧд.
Ми Вермам!
И ми кӧ кутам овны ӧтувджык, этшаджык зыксьыны-вензьыны, сымын ӧдйӧджык ми вермам.»
Коми Республикаса Юралысь аттьӧаліс владыка Питиримӧс, вичко служба став нуӧдысьсӧ, кодъяс тайӧ лунъясӧ кевмысисны да отсасисны прихожаналы.
Вежа великомученик Георгий Победоносецлӧн мощьясыс вӧліны Сыктывкарын Вежа Степанлӧн кафедральнӧй соборын сора тӧлысь 30 лунсянь моз тӧлысь 1 лунӧдз.
Кор мощьяс вӧліны Коми Республикаса юркарын, вичкоын нуӧдісны Вермӧм вӧсна соборнӧй молебен.
Татшӧм жӧ молебенъяс служитӧны Россияса 100 карын, кытчӧ вайӧны Роч войскаӧс видзысьлысь мощьяссӧ.
Москваын да став Роч муын Вежа Патриарх Кирилл бласлӧвитіс нулыны вежаторсӧ Россия Федерацияса став субъектӧ.
Мероприятиесӧ сиӧма Вермӧм йылысь ставроссияса молитвалы.
{Kodko @ Коми Республикаса Юралысь чолӧмалӧ Воздушно-десантнӧй войскалы сиӧм лунӧн @ выльтор @ https://rkomi.ru/news/3140 @ 2023-08-02 @ }
Коми Республикаса Юралысь чолӧмалӧ Воздушно-десантнӧй войскалы сиӧм лунӧн.
«Пыдди пуктана воин-десантникъяс, ВДВ-са ветеранъяс!
Чолӧмала тіянӧс Воздушно-десантнӧй войскалы сиӧм лунӧн!
Тайӧ луныс йитӧ став арлыда десантниксӧ, кодъяслы Чужан му пыдди пуктӧмыс да радейтӧмыс, боевӧй ёртасьӧмыс — меддонатор.
Воздушно-десантнӧй войскалӧн историяыс пыр петкӧдліс да петкӧдлӧ, мый сэні служитӧны медся бур, повтӧм, смел воинъяс, кодъяс вермӧны пӧртны олӧмӧ медся сьӧкыд да кывкутана могъяссӧ.
Ӧні, торъя военнӧй операция нуӧдігӧн, тайӧ нӧшта на тӧдчана.
Десантникъяс мунӧны тышӧ медводдзаяс лыдын, тышкасьӧны медся сьӧкыд инъясын.
Кӧсъя сины налы бура пӧртны олӧмӧ боевӧй могъяссӧ, Вермыны да дзоньвидзаӧн ӧдйӧджык локны бӧр гортӧ.
«Некод миянысь кындзи» — татшӧм принципӧн олӧны «бордъя пехотаса» военнослужащӧйяс да ветеранъяс. Найӧ зіля пырӧдчӧны миян страналӧн да республикалӧн олӧмӧ, пуктӧны ыджыд пай том йӧзӧс военно-патриотическӧя быдтӧм-велӧдӧмӧ, лоӧны налы примерӧн.
Сиа тіянлы крепыд дзоньвидзалун, тыр-бур олӧм да шуд! Мед рӧдвужныд да матыссаясныд пыр лоӧны тіянкӧд орччӧн.
Праздникӧн!»
Коми Республикаса Юралысь Владимир Уйба.
{Kodko @ Владимир Уйба туйдіс «Стажёр» проект помалысьясӧс @ выльтор @ https://rkomi.ru/news/3141 @ 2023-08-02 @ }
Владимир Уйба туйдіс «Стажёр» проект помалысьясӧс.
Проектӧ пырӧдчысьяскӧд Коми Республикаса Юралысьлӧн быдвося аддзысьлӧмыс вӧлі моз тӧлысь 1 лунӧ.
Россияса Президент Владимир Владимирович Путин индіс регионъяслы мог — лӧсьӧдны канму власьт органъясӧ да россияса предприятиеясӧ том йӧзӧс удж вылӧ босьтӧм вылӧ условиеяс.
«Проектлӧн медшӧр могыс — медым унджык енбиа том йӧз локтіс канму да муниципальнӧй власьт органъясӧ — збыльмӧдсьӧ, — пасйис Коми Республикаса Юралысь Владимир Уйба. — Стажируйтчӧм — выпускникъяслы аслыспӧлӧс позянлун видзӧдлыны асьныссӧ уджын, донъявны вынъясныссӧ, тӧдӧмлунъясныссӧ.
2023 восӧ республикаын шуӧма Том йӧзлы сиӧм воӧн, а нӧшта Педагоглы да наставниклы сиӧм воӧн.
Наставник — специалистлӧн сӧвмӧмын тӧдчанатор. Чайта, тані чукӧртчысьяс пиысь быдӧн, кодлы мойвиис наставниккӧд, казьтылӧ сійӧс олӧм чӧж.
Кадыс мунӧ зэв ӧдйӧ, регыд ті лоанныд республикаын да странаын веськӧдлысьясӧн.
Ковмас примитны кывкутана помшуӧмъяс.
Торйӧн нин сэтшӧмъясӧс, кутшӧмъясӧс веськӧдӧма водзӧ сӧвмӧм вылӧ.
Та вӧсна зэв тӧдчана, кутшӧм подув лоӧ лӧсьӧдӧма медводдзасянь.
Буретш татшӧм проектъясыс, кыдзи «Стажёр», лӧсьӧдны тайӧ подувсӧ.
Та дырйи колӧ гӧгӧрвоны, мый канму да муниципальнӧй службалӧн медшӧрыс — служитны йӧзлы.
Ме кӧсъя, медым ті вӧчинныд сійӧс, мый тіянлы кажитчӧ, сэки ті збыльысь воссянныд да унатор верманныд».
Коми Республикаса Юралысь сетіс дипломъяс «Стажёр» 2022–2023» проект помалысьяслы: Екатерина Виноградовалы, Артур Гимаевлы, Кристина Смоляклы, Валентина Тюкаловалы, Ольга Чеботарёвалы.
Сідзжӧ регионса Юралысь сетіс козинъяс да брошюра-путеводительяс проектӧ выль пырӧдчысьяслы — 2023–2024 воясын Коми Республикаса канму органъясын стажируйтчӧм вылӧ конкурсӧн бӧрйӧмын вермысьяслы: Вадим Коковкинлы, Анастасия Новосёловалы, Александр Овсянниковлы, Елизавета Светлаковалы, Николай Сизовлы.
Наставниклӧн удж йылысь висьталіс регионса олӧмӧ пӧртысь власьт органъясын стажируйтчӧм вылӧ йӧзӧс бӧрйӧм серти комиссияӧ пырысь, Коми Республикаса сьӧм овмӧс министерствоын сьӧмкуд процесслӧн методология юкӧнса начальник Наталья Синицкая:
«Став наставник нимсянь аттьӧала татшӧм бур проектысь. Сійӧ отсалӧ ӧтувтны удж сетысьясӧс да зіль, водзмӧстчысь том йӧзӧс, кодъяс отсалӧны збыльмӧдны сьӧкыд могъяссӧ зэв ӧдйӧ да бура.
Ме тӧдмаси «Стажёр» проектӧн сизим во сайын, кор менам юкӧнын лоис вакансия.
Миянлы ыстісны стажёрӧс, кодлӧн вӧліны буретш миян юкӧнлы лӧсялысь качествояс.
И ӧні сійӧ стажёрыс — абу прӧстӧ миян юкӧнса специалист, а менам веськыд киӧй, менам отсасьысьӧй.
Сійӧ менам вежысь.
Та бӧрын менам вӧлі нӧшта на вит стажёр, кодъяс сідзжӧ бура петкӧдлісны асьныссӧ, да ӧтиыс на пиысь уджалӧ миян юкӧнын».
«Стажёр» проектсӧ збыльмӧдӧны регионын дасӧд во нин. Сійӧс веськӧдӧма том специалистъяс пӧвстын гражданскӧй службалысь тӧдчанлунсӧ паськӧдӧм вылӧ.
Проектӧ пырӧдчысьяс стажируйтчӧны республикаса олӧмӧ пӧртысь власьт органъясын, налы мынтӧны удждон. Ныв-зон босьтӧны выль опыт, донъялӧны вынъясныссӧ да кужанлунъясныссӧ уна сикас нырвизьын.
Пырджык найӧс, кодъяс бура петкӧдлісны асьныссӧ стажируйтчигӧн, корӧны уджавны канму да муниципальнӧй веськӧдлан системаын.
Вермӧмъясӧн юксисны «Стажёр» проект медводдза помалысьяс, 2014–2015 воясся выпускникъяс, кодъяс ӧні уджалӧны веськӧдлысь чинъясын.
«Уджалан туйӧс ме заводиті Коми Республикаса удж, уджӧн могмӧдан да социальнӧя доръян министерствоын, кытчӧ локті стажёрӧн, да кӧні водзӧ куті уджавны пыр подув вылын.
Министерствоын ме уджалі кӧкъямыс во.
Босьті зэв бур опыт, кужанлун, лои наставникӧн мукӧд стажёрлы.
Тайӧ опытыс сетіс позянлун сӧвмыны водзӧ.
Талун ме уджала муниципальнӧй службаын веськӧдлысь чинын.
«Стажёр» проект — бур подув, сійӧ сӧвмӧ водзӧ», — пасйис «Сыктывкар» кар кытшлӧн муниципальнӧй юкӧнса администрацияын Сьӧм овмӧс департаментлӧн сьӧмкуд юкӧнса начальникӧс вежысь Оксана Сидоренко.
«Ме вӧлі пилотнӧй проектын участвуйтысьӧн.
Ыджыд аттьӧ наставниклы бур опытысь да олӧмӧ пӧртысь власьт органъясын уджавны позянлун сетӧмысь.
2016 воын менӧ корисны Сьӧм овмӧс министерствоӧ.
Кык да джын воӧн ме уджалі став чинын, кутшӧм эм юкӧнын.
Нӧшта босьті вылыс тшупӧда коймӧд тӧдӧмлун — экономическӧй.
Энӧ полӧй сьӧкыдлунъясысь, тіянлы кутасны отсавны и тіян наставникъяс, и уджъёртъяс.
Мунӧй водзӧ, тіян ставыс артмас», — шыӧдчис выль стажёръяс дорӧ Коми Республикаса сьӧм овмӧс министерствоын сьӧмкуд процесслӧн методология юкӧнса начальникӧс вежысь Юрий Казанов.
Конкурсӧн бӧрйӧм бӧрын вит вермысьлы котыртӧны стажируйтчан уджтас. Сійӧ мунӧ ӧти во да сэтчӧ пырӧ нёль тшупӧд (быдӧнлӧн кузьтаыс — куим тӧлысь).
Во чӧж стажёръяс пырӧдчӧны республикаса ӧти либӧ некымын министерстволӧн да ведомстволӧн уджӧ, тӧдмалӧны, кыдзи сійӧ уджалӧ, кыдзи тэчӧма, кутшӧм аслыспӧлӧслунъяс эмӧсь тайӧ органлӧн уджын, босьтӧны опыт, сӧвмӧны.
Проектын участвуйтӧм йылысь, мый бӧрын стажируйтчысьӧс босьтісны Коми Республикаса стрӧитчан, оланін да коммунальнӧй овмӧс министерстволӧн энергетика секторса консультант-эксперт чинӧ, юӧртіс 2023 вося проект помалысь Ольга Чеботарева:
«Меным «Стажёр» проектыс лоис бур позянлунӧн, медым пырӧдчыны канму службаӧ.
Стажируйтчигӧн ме босьті уна министерствоысь опыт.
Видзӧдлі, верма-ӧ венны сьӧкыдлунъяссӧ.
Ставыс тайӧ сы могысь, медым ӧні нимкодьпырысь шуны: ме — канму гражданскӧй служащӧй.
2023 вося выпускникъяс нимсянь кӧсъя аттьӧавны туйдысь-велӧдысьясӧс тӧдӧмлунъясысь да опытысь, миянлысь кураторъясӧс — миянлы отсалӧмысь, татшӧм конкурсӧ пырӧдчыны позянлун сетӧмысь.
Выль участвуйтысьяслы ме сиа лоны восьсаӧн выль опытлы».
2023 воын чукӧртӧма стажёръяслысь дасӧд поток.
Проектыс петкӧдліс ассьыс коланлунсӧ — 78% помалысьыс заводитіс уджавны Коми Республикалӧн канму да муниципальнӧй веськӧдлан системаын.
{Kodko @ Владимир Уйба казьтыштіс тышъясын усьӧм воин-десантникъясӧс @ выльтор @ https://rkomi.ru/news/3142 @ 2023-08-02 @ }
Владимир Уйба казьтыштіс тышъясын усьӧм воин-десантникъясӧс.
Моз тӧлысь 2 лунӧ, Воздушно-десантнӧй войскалы сиӧм лунӧ, Сыктывкарын вӧлі кыпыд митинг. «Шогсьысь воин» памятник да «Куслытӧм слава» мемориал дорӧ пуктісны дзоридзьяс.
Мероприятиеын участвуйтісны Коми Республикаса Юралысь, боевӧй тышъясса ветеран Владимир Уйба.
Россияын Воздушно-десантнӧй войска котыртӧмсянь 93 во тырӧмлы сиӧм митинг восьтігӧн регионса Юралысь пасйис, мый десантникъяс медводдзаяс лыдын пыр дасьӧсь дорйыны.
«Бордъя пехота эз ӧтчыдысь петкӧдлы, мый сэні служитӧны медбуръяс — повтӧм, збой, ён ловруа йӧз, кодъяслы Чужан му пыдди пуктӧмыс да радейтӧмыс, боевӧй ёртасьӧмыс — меддонатор, — пасйис Коми Республикаса Юралысь Владимир Уйба. — Талун ми казьтылам Чужан мулысь медбур пиянӧс, копыртам юрнымӧс югыд казьтылӧмӧн на водзын, кодъяс сетісны олӧмныссӧ Чужан му вӧсна, миян гражданалӧн лӧнь олӧм вӧсна.
Ми ыдждӧдлам ставнысӧ, кодъяс ӧні киын ӧружиеӧн дорйӧны Чужан мулысь войтырсикас тӧждъяссӧ.
Збой, повтӧм, смел да кужысь десантникъяс ёна колӧны торъя военнӧй операция дырйи.
Бордъя пехоталӧн воинъяс мунӧны тышӧ медводдзаяс лыдын, тышкасьӧны медся сьӧкыд инъясын.
Став десантникыслы кӧсъя сины боевӧй могъяс олӧмӧ пӧртӧмын вермӧмъяс, ӧдйӧджык локны гортӧ ловйӧн да дзоньвидзаӧн».
Коми Республикаса Юралысь аттьӧаліс десантникъясӧс ветеранъяслысь ӧтмунӧм сӧвмӧдӧмӧ пай пуктӧмысь, быдмысь войтырӧс Чужан му радейтны да дорйыны велӧдӧмысь, Россиялы да Коми Республикалы бур вылӧ уджысь.
Митингӧ пырӧдчысьяс казьтыштісны пӧгибнитӧм десантникъясӧс чӧв олыштӧмӧн.
{Kodko @ Владимир Уйба чолӧмаліс десантникъясӧс ВДВ лунӧн да висьталіс Коми Республикаын туйяс дзоньталӧм йылысь @ выльтор @ https://rkomi.ru/news/3143 @ 2023-08-02 @ }
Владимир Уйба чолӧмаліс десантникъясӧс ВДВ лунӧн да висьталіс Коми Республикаын туйяс дзоньталӧм йылысь.
Комиын ӧтув вӧдитчан туйяслӧн ӧтувъя кузьтаыс — 7,6 сюрс километра, кытчӧ пырӧны дінму, межмуниципальнӧй, меставывса тӧдчанлуна автомашина туйяс.
2023 воын «Транспорт система сӧвмӧдӧм» Коми Республикаса канму уджтас серти туйяс вылӧ лоӧ веськӧдӧма 8 млрд 655 млн шайт, сы лыдын федеральнӧй сьӧмкудйысь — 833 млн шайт.
Сьӧмсӧ юклӧма туйяс стрӧитӧм да выльмӧдӧм вылӧ, дінму тӧдчанлуна автомашина туйяс да на вылын искусственнӧй сооружениеяс кутӧм вылӧ, туйяс да искусственнӧй сооружениеяс капитальнӧя дзоньталӧм да дзоньталӧм вылӧ, меставывса асвеськӧдлан органъяслы туйяс вылын уджъяс нуӧдӧм могысь субсидияяс вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс сы йылысь, кутшӧм удж нуӧдӧ Коми Республикаса Веськӧдлан котыр регионӧ инвестицияяс кыскӧм могысь @ выльтор @ https://rkomi.ru/news/3145 @ 2023-08-03 @ }
Владимир Уйба висьталіс сы йылысь, кутшӧм удж нуӧдӧ Коми Республикаса Веськӧдлан котыр регионӧ инвестицияяс кыскӧм могысь.
Коми Республика пырис регионъяслӧн лыддьӧгӧ, кутшӧмъяс пыртӧны асланыс мутасъясӧ Регионса инвестиция стандарт.
Сэтчӧ пырӧ 5 тор: инвестиционнӧй декларация, инвестиция комитет, инвестиция правилӧяслӧн свод, инвестиция карта, сӧвмӧдан агентство.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Комиысь студентъяс зіля отсалӧны стрӧитны Емвальын школа @ выльтор @ https://rkomi.ru/news/3146 @ 2023-08-04 @ }
Комиысь студентъяс зіля отсалӧны стрӧитны Емвальын школа.
Сыктывкарлӧн Эжва районын 825 места вылӧ велӧдан объектсӧ стрӧитӧны «Велӧдӧм» национальнӧй проект серти. Коми Республикаса Юралысь видзӧдӧ сійӧс збыльмӧдӧм бӧрся ачыс.
Талун, моз тӧлысь 4 лунӧ, Владимир Уйба бара на воліс объект вылӧ.
Объектлӧн стрӧитчан дасьлуныс — 36 %.
Уджалӧ 120 унджык морт да 12 единица техника.
Ӧні тэчӧны стен панельяс, мӧд да коймӧд этажъясын — кирпич да джодж-йиркын плитаяс, лӧсьӧдӧны монолитнӧй юкӧнъяс, теплотрасса, пӧжарысь видзан ва провод да пытшкӧсса инженернӧй системаяс. Стадионлӧн медся джуджыд местаын лӧсьӧдӧны му веркӧссӧ.
Коми Республикаса студентъяс вӧчӧны быд сикас уджсӧ, кӧні оз ков торъя квалификация.
Коми Республикаса Юралысь Владимир Уйба пуктіс мог — сюсьджыка бурмӧдны-лӧсьӧдны школа дорсӧ.
{Kodko @ Комиын кутасны дасьтыны пилоттӧм авиация системаяс уджӧдӧм серти специалистъясӧс @ выльтор @ https://rkomi.ru/news/3147 @ 2023-08-04 @ }
Комиын кутасны дасьтыны пилоттӧм авиация системаяс уджӧдӧм серти специалистъясӧс.
Кӧч тӧлысь 1 лунсянь Сыктывкарса автомеханическӧй техникумын кутас велӧдчыны «Пилоттӧм авиация системаяс уджӧдӧм» специальносьт серти медводдза бюджетнӧй группа. Тӧдӧмлунъяссӧ кутас босьтны 25 морт.
Та йылысь Коми Республикаса Юралысь Владимир Уйба юӧртіс видео пыр шыӧдчӧмын.
Ӧнія олӧмын тайӧ юкӧнса специалистъясыс зэв ёна колӧны.
Школаса 160 унджык выпускник сетіс нин заявлениесӧ приёмнӧй комиссияӧ.
Быд окотитысь вермас сетны документъяссӧ моз тӧлысь 15 лунӧдз.
Таысь кындзи, Коми Республика мукӧд регионкӧд ӧтув дасьтӧ пилоттӧм авиация системаяс сӧвмӧдӧм серти выль национальнӧй проект лӧсьӧдӧм серти вӧзйӧмъяс. Сійӧ кутас могмӧдны йӧзлы тӧдчана юкӧнъясын регионлысь коланлунсӧ: вӧр, мусир да биару, видз-му овмӧс, транспорт да мукӧдлаын.
{Kodko @ Владимир Уйба сетіс наградаяс 2023 вося ЕГЭ-ын сё балл босьтысьяслы да Школьникъяслӧн ставроссияса олимпиадаын призёръяслы @ выльтор @ https://rkomi.ru/news/3149 @ 2023-08-04 @ }
Владимир Уйба сетіс наградаяс 2023 вося ЕГЭ-ын сё балл босьтысьяслы да Школьникъяслӧн ставроссияса олимпиадаын призёръяслы.
Традиционнӧй кыпыд церемонияыс вӧлі моз тӧлысь 4 лунӧ.
Медбур выпускникъяс босьтісны велӧдчӧмын ыджыд вермӧмъясысь премияяс.
Коми Республикаса Юралысь аттьӧаліс ныв-зонмӧс велӧдчӧмын зільлунысь да сиис налы выль вермӧмъяс.
«Зэв нимкодь Том йӧзлы сиӧм воӧ нуӧдны татшӧм мероприятиесӧ да ыдждӧдлыны медбуръяссӧ — медся зільясӧс да старайтчысьясӧс, — шыӧдчис ныв-зон дорӧ Владимир Уйба. — Зэв бур, мый ті онӧ сулалӧй места вылын да пуктанныд ас водзӧ выль могъяс и пӧртанныд найӧс олӧмӧ.
Тайӧ лоис тіян зільлун да педагог-наставникъяслӧн ыджыд пай отсӧгӧн.
Быд енбиа велӧдчысьлӧн эм бур наставник, коді сетӧ аслас велӧдчысьлы оз сӧмын тӧдӧмлунъяс, но и ловсӧ.
Ми Коми Республикаын ёна отсалам енбиа том йӧзлы, лӧсьӧдам велӧдчӧм да сӧвмӧм вылӧ условиеяс, дугдывтӧг уджалам сы вылын, медым челядьлы вӧлі лӧсьыд велӧдчынысӧ, а велӧдысьяслы — велӧднысӧ.
Дона челядь, тіянӧн гӧрдитчӧны тіян бать-мам, тіян школаяс и, дерт жӧ, республика».
Таво Коми Республикаса дас ӧтиӧд классын 18 велӧдчысь босьтісны ЕГЭ-ын медвылыс балл.
На пиысь кыкӧн — мульти-стобалльникъяс.
Тайӧ Юлиана Игушева, коді сдайтіс биология да химия 100 балл вылӧ, да Полина Богинская, коді зэв бура сдайтіс ЕГЭ-сӧ роч кывйысь да литератураысь.
Школьникъяслӧн ставроссияса олимпиадалӧн бӧръя этапын призёръясӧн лоины 7 велӧдчысь 9 предмет серти.
На пиысь 9-ӧд классын велӧдчысь Георгий Антонов лоис олимпиадаса призёрӧн ӧтпырйӧ куим предметысь — история, экономика да обществознание.
Колян во Георгий вӧлі призёрӧн бӧръя этапын историяысь.
Коми Республикаса Юралысь пасйис, мый педагогъяслӧн ыджыд пай да налысь уджсӧ пыдди пуктӧм йылысь висьталӧ сійӧ, мый Президент Владимир Путин шуис 2023 восӧ Россияын Педагоглы да наставниклы сиӧм воӧн.
Сідзжӧ Владимир Уйба аттьӧаліс бать-мамӧс ассьыныс челядьныссӧ кывкутӧмӧн быдтӧмысь, радейтӧмысь, мывкыдлунысь, терпенньӧысь, наӧ эскӧмысь.
«Миянлы зэв тӧдчана тӧдны, мый велӧдчӧмын да олимпиадаясын миянлысь вермӧмъяссӧ донъялӧ республика, ӧд ми дасьтысим уна вояс чӧж.
Пыдди пуктана бать-мам, педагогъяс, наставникъяс, тіян отсӧгӧн ми, выпускникъяс да олимпиадникъяс, шедӧдім ассьыным медводдза ыджыд вермӧмъяс.
Аттьӧала тіянӧс сыысь, мый ті вӧлінныд миянкӧд.
Ёртъяс, кӧсъя сины миянлы ставнымлы, медым миян уджным вӧлі пыр колана, вайис пӧльза да выль вермӧмъяс», — шыӧдчис вочакывйӧн мульти-стобалльница Юлиана Игушева.
«Гашкӧ, тіян туйныд эз вӧв медся кокньыдӧн, и вӧліны найӧ, кодъяс эз эскыны тіян вермӧмӧ.
Тӧдӧй, коркӧ тайӧ йӧзыс кутасны висьтавлыны ставныслы, мый вӧліны тіянкӧд тӧдсаӧсь, а тіян опытныд мед лоас примерӧн налы, коді сӧмын на заводитӧ ассьыс туйсӧ.
Ті мунінныд асланыд вермӧм дорӧ энӧ ӧтнаныд — тіянкӧд орччӧн вӧліны тіян наставникъяс.
Ме кӧсъя аттьӧавны найӧс.
Налӧн кужӧмлун сайын мукӧддырйи кодлӧнкӧ аскиа луныс.
Кутшӧм эськӧ тӧдлытӧмторъяс эз паныдасьлыны тіян олӧмын, пыр эм сійӧ, коді аддзас помшуӧм, ставсӧ вежас, сетас бур сӧвет либӧ мыччас кисӧ.
Тайӧ киыс тіянӧс радейтысь бать-мамлӧн.
Пуктӧй ас водзаныд зэв ыджыд могъяс.
Зумыда восьлалӧй асланыд кӧсйӧм бӧрся.
И тӧд вылын кутӧй, тіянӧс пыр виччысьӧны сэні, кӧні ті быдминныд.
Тіянлы пыр радӧсь гортын, чужан республикаын», — шуис туйдана кывъяс Вера Вячеславовна, куим предметысь олимпиадаын вермысь Георгий Антоновлӧн мамыс.
Казьтыштам, Коми Республикаса Юралысь Владимир Уйбалӧн тшӧктӧм серти регионын пыртӧма енбиа том йӧзлы отсалан мера — велӧдан организацияяс помалысьясӧс сьӧмӧн ошкӧм, кодъяс ӧтувъя канму экзаменын босьтісны 100 балл.
Сідзжӧ сьӧма премия сетӧны Школьникъяслӧн ставроссияса олимпиадалӧн бӧръя этапын призёръяслы: вермысьлы — ӧти предметысь 50 сюрс шайт, призёръяслы — ӧти предметысь 30 сюрс шайт.
* * *
Коми Республикаса Юралыссянь сертификат да аттьӧалана письмӧ сетӧма Сыктывкарса 16-ӧд №-а шӧр школа помалысьлы, коді босьтіс биологияысь да химияысь ӧтувъя канму экзаменын 200 балл
Юлиана Михайловна Игушевалы да бать-мамыслы Екатерина Васильевналы, Михаил Юрьевичлы.
Коми Республикаса Юралыссянь сертификатъяс да аттьӧалана письмӧяс сетӧма выпускникъяслы, кодъяс ӧтувъя канму экзаменын босьтісны 100 балл
информатикаысь:
Сыктывкарса Йӧзкост дипломатия лицей помалысь Павел Александрович Янскийлы да бать-мамыслы Светлана Кимовналы, Александр Викторовичлы;
Физико-математическӧй лицей-интернат помалысь Алёна Александровна Денисовалы да мамыслы Елена Анатольевналы;
литератураысь:
Сыктывкарса 12 №-а шӧр школа помалысь Таисия Романовна Захаровалы да бать-мамыслы Светлана Александровналы, Роман Васильевичлы;
математикаысь:
Ухтаса техническӧй лицей помалысь Дмитрий Андреевич Чупровлы да батьыслы Андрей Сергеевичлы;
обществознаниеысь:
Сыктывкарса 28 №-а шӧр школа помалысь Даниил Дмитриевич Тропниковлы да мамыслы Ирина Владимировналы;
Койгорт сиктса шӧр школа помалысь Ксения Александровна Зурнаджиевалы да бать-мамыслы Светлана Павловналы, Александр Геннадьевичлы;
физикаысь:
Физико-математическӧй лицей-интернат помалысь Сергей Дмитриевич Гордеевлы да мамыслы Наталия Сергеевналы;
химияысь:
Физико-математическӧй лицей-интернат помалысь Фёдор Дмитриевич Лукошенколы да батьыслы Дмитрий Евгеньевичлы.
Коми Республикаса Юралыссянь сертификатъяс да аттьӧалана письмӧяс сетӧма ӧтувъя канму экзаменын 100 балл босьтысь выпускникъяслӧн бать-мамлы:
роч кывйысь:
Татьяна Геннадьевна Можеговалы, Сыктывкарса 25 №-а шӧр школа помалысь Иван Максимович Левчуклӧн мамлы;
химияысь:
Ольга Евгеньевна Артеевалы, Ухтаса техническӧй лицей помалысь Елизавета Алексеевна Артеевалӧн мамлы.
Коми Республикаса Юралыссянь сертификатъяс да аттьӧалана письмӧяс сетӧма школьникъяслӧн ставроссияса олимпиадалӧн бӧръя этапын призёръяслы да налӧн бать-мамлы
историяысь, экономикаысь, обществознаниеысь олимпиадаын призёрлы:
Физико-математическӧй лицей-интернатын 9 класса велӧдчысь Георгий Михайлович Антоновлы да бать-мамыслы Вера Вячеславовналы, Михаил Вячеславовичлы;
географияысь олимпиадаын призёрлы:
Ухта карса 1 №-а лицейын 10 класса велӧдчысь Даниил Дмитриевич Плотниковлы да бабыслы Валентина Андреевналы;
литератураысь олимпиадаын призёрлы:
Сыктывкарса Пушкин нима Гимназияын 10 класса велӧдчысь Вероника Витальевна Кочанлы да мамыслы Анна Алексеевналы;
технологияысь олимпиадаын призёрлы:
Сыктывкарса 25 №-а шӧр школаын 9 класса велӧдчысь Алина Дмитриевна Титовалы да бать-мамыслы Татьяна Васильевналы, Дмитрий Евгеньевичлы.
Коми Республикаса Юралыссянь сертификат да аттьӧалана письмӧ сетӧма:
Елена Владимировна Стыровалы, роч кывйысь школьникъяслӧн ставроссияса олимпиадалӧн бӧръя этапын призёр, Сыктывкарса 12 №-а шӧр школаын 9 класса велӧдчысь Сергей Максимович Стыровлӧн мамлы.
{Kodko @ Коми Республикаса Юралысь чолӧмалӧ Кӧрт туйвывса уджалысьлӧн лунӧн @ выльтор @ https://rkomi.ru/news/3148 @ 2023-08-06 @ }
Коми Республикаса Юралысь чолӧмалӧ Кӧрт туйвывса уджалысьлӧн лунӧн.
«Кӧрт туй транспортын пыдди пуктана уджалысьяс, ветеранъяс!
Чолӧмала тіянӧс уджсикас гажӧн!
Коми Республикаын кӧрт туй — медшӧр транспорт магистральяс пиысь ӧти. Эмӧсь и сэтшӧм сикт-грездъяс, кытчӧ пассажиръясӧс да грузъяс нуӧны сӧмын кӧрт туй вывті.
Талун кӧрт туй юкӧн сӧвмӧ-бурмӧ водзӧ.
Таво Коми Республикаса Веськӧдлан котыр да Россияса кӧрт туйяс кырымалісны артмӧдчӧм. Сійӧ отсалас паськӧдны уджъёртасьӧмсӧ да збыльмӧдны унджык мог.
Инвестиция удж серти «Россияса кӧрт туйяс» ИКК кӧсйӧ вичмӧдны уна сьӧм республикаын кӧрт туй инфраструктура сӧвмӧдӧм вылӧ.
Сідзжӧ водзӧ кутасны уджавны пассажиръясӧс нуӧм-вайӧм котыртӧмсӧ бурмӧдӧм вылын, дасьтыны карбердса маршрутъяс, паськыда тӧдмӧдны Коми Республикаса туризмлӧн позянлунъясӧн.
Аттьӧала кӧрт туй вылын став уджалысьсӧ кужӧмӧн да кывкутӧмӧн уджалӧмысь, сьӧлӧмсянь зільӧмысь.
Сиа уджын выль вермӧмъяс, збыльмӧдны пуктӧм могъяс, крепыд дзоньвидзалун, шуд да тыр-бур олӧм!»
Коми Республикаса Юралысь Владимир Уйба.
{Kodko @ Владимир Уйба шуис «Коми Республикаса медбур призывник — 2023» конкурсӧ пырӧдчысьяслы бур кывъяс @ выльтор @ https://rkomi.ru/news/3150 @ 2023-08-07 @ }
Владимир Уйба шуис «Коми Республикаса медбур призывник — 2023» конкурсӧ пырӧдчысьяслы бур кывъяс.
Том йӧзлысь традиционнӧй конкурс кыпыда восьтісны моз тӧлысь 7 лунӧ Сыктывкарын «Куслытӧм слава» мемориал дорын.
Таво конкурсӧ пырӧдчӧны 40 зон (18 арӧссянь 24 арӧсӧдз), кодъясӧс босьтасны Россия Федерацияса Вооружённӧй Вынъясӧ, муниципальнӧй отборочнӧй этапъясын вермысьяс.
«Тайӧ конкурсыс воысь во чукӧртӧ став республикаысь медбур зонъясӧс.
Найӧс, кодъяс бура дасьтысьӧны военнӧй служба кежлӧ, кодъяс гӧгӧрвоӧны военнӧй моглысь кывкутӧмсӧ да тӧдчанлунсӧ.
Коді участвуйтліс тайӧ конкурсас, зэв бура прӧйдитісны срочнӧй службасӧ Россияса Вооружённӧй Вынъясын, сьӧлӧмсянь збыльмӧдісны сувтӧдӧм могъяс, босьтісны асланыс часьтъясса командиръяслысь бур характеристикаяс», — пасйис Коми Республикаса Юралысь, боевӧй тышъясса ветеран Владимир Уйба.
2017 вося «Медбур призывник» конкурсын призёрӧн вӧлі младшӧй сержант, десантник, саридзса пехотаын разведчик, торъя военнӧй операцияын участвуйтысь Анатолий Хлобыстов.
Неофашистъяскӧд тышкасигӧн военнослужащӧй петкӧдліс асьсӧ вежӧра командирӧн, бур ёртӧн, повтӧм да смел воинӧн.
Сійӧ героическӧя пӧгибнитіс, Чужан му дорйигӧн.
Воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь республикаын сылы медводдзаӧн сетӧма «Коми Республикаса герой» медвылыс почёт ним кувсьӧм бӧрын.
Призывникъяслы бур кывъяс шуис торъя военнӧй операцияын участвуйтысь, доброволеч Максим Перепелицын: «Тайӧ конкурсъясыс велӧдӧны тіянӧс ратнӧй уджӧ, мый ковмас тіянлы олӧмын, торйӧн нин ӧні, тайӧ сьӧкыд кадӧ, кор нуӧдӧны торъя военнӧй операция.
Ставныд ті вермысьяс, сы вӧсна мый бӧрйинныд тайӧ уджсикассӧ да тайӧ ордйысьӧмъяссӧ.
Сиа, медым ті честнӧя вермасинныд да вермис ёнджыкыс.
Дорйыны Чужан му — тайӧ быд мужичӧйлы чесьт».
Кыпыда восьтӧм бӧрын аскиа военнослужащӧйяс мунісны «Чайка» челядьлысь дзоньвидзалун бурмӧдан лагерӧ, кӧні вежон чӧж найӧ кутасны прӧйдитны стрӧевӧй, медицина, тактическӧй дасьтысьӧм, тестируйтчыны Айму история да лыйсьӧм серти, сдайтавны нормативъяс физическӧя дасьлун серти.
Таысь кындзи, зонъяс видзӧдасны да видлаласны патриотическӧй фильм, налы котыртасны торъя военнӧй операциядырся боевӧй тышъясса ветеранъяскӧд аддзысьлӧм.
Мероприятиеяслӧн кывкӧртӧдъяс серти бӧръясны 2023 вося медбур призывникъясӧс.
Асьныссӧ медбура петкӧдлысь зонъяслы сетасны дипломъяс да козинъяс.
Кыдзи пасйис Владимир Уйба, конкурсӧ пырӧдчӧмӧн зонъяс петкӧдлӧны, мый радейтӧны ассьыныс страна Россия Федерация да ассьыныс ичӧт Чужан му Коми Республика, пыдди пуктӧны Аймулысь да Россия Федерацияса Вооружённӧй вынъяслысь традицияяссӧ да историясӧ, гӧрдитчӧны пӧльяслӧн подвигъясӧн.
{Kodko @ Владимир Уйба висьталіс «Коми Республикаса медбур призывник — 2023» конкурс йылысь @ выльтор @ https://rkomi.ru/news/3151 @ 2023-08-07 @ }
Владимир Уйба висьталіс «Коми Республикаса медбур призывник — 2023» конкурс йылысь.
Конкурсыс мунас Сыктывдін районын «Чайка» челядьлысь дзоньвидзалун бурмӧдан лагерын моз тӧлысь 7 лунсянь 13 лунӧдз.
Сэтчӧ пырӧдчӧны 40 зон (18 арӧссянь 24 арӧсӧдз), кодъясӧс босьтасны Россия Федерацияса Вооружённӧй Вынъясӧ, муниципальнӧй отборочнӧй этапъясын вермысьяс.
Вежон чӧж зонъяс кутасны овны армияын кодь условиеясын, — прӧйдитны стрӧевӧй, медицина, тактическӧй дасьтысьӧм, тестируйтчыны Айму история да лыйсьӧм серти, сдайтавны нормативъяс физическӧя дасьлун серти.
Сідзжӧ конкурсын участвуйтысьяслы котыртасны торъя военнӧй операциядырся боевӧй тышъясса ветеранъяскӧд аддзысьлӧм.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Сыктыв районса Первомайскӧй посёлокын медработниклы стрӧитӧм выль керка йылысь @ выльтор @ https://rkomi.ru/news/3152 @ 2023-08-08 @ }
Владимир Уйба висьталіс Сыктыв районса Первомайскӧй посёлокын медработниклы стрӧитӧм выль керка йылысь.
Объектсӧ стрӧитӧма 2 тӧлысьӧн татчӧс предприятие вылын вӧчӧм керка лэптан комплектысь.
Площадьыс — 77 кв м.
Керкаас эм став колана бытӧвӧй техникаыс да мебельыс, сэні позьӧ нин овны, эм бурмӧдӧм-мичмӧдӧм му участок.
Сійӧс пыртӧма нин уджӧ да матысса кадӧ сетасны канму эмбурӧ.
Коми Республикаын ёна стрӧитӧны керка лэптан комплектъясысь оланінъяс.
Регионъяс водзын пу керка стрӧитӧмсӧ сӧвмӧдӧм серти могсӧ пуктіс Россияса Президент Владимир Владимирович Путин.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Сыктыв районса Первомайскӧй посёлокын стрӧитісны медработниклы керка @ выльтор @ https://rkomi.ru/news/3153 @ 2023-08-08 @ }
Сыктыв районса Первомайскӧй посёлокын стрӧитісны медработниклы керка.
Олан объектсӧ пыртӧма нин уджӧ, матысса кадӧ сійӧс сетасны канму эмбурӧ.
Таысь кындзи, посёлокын заводитісны стрӧитны модульнӧй амбулатория.
Талун, моз тӧлысь 8 лунӧ, Коми Республикаса Юралысь Владимир Уйба донъяліс стрӧитӧм керкасӧ.
Регионъяс водзын пу керка стрӧитӧмсӧ сӧвмӧдӧм серти могсӧ пуктіс Россияса Президент Владимир Владимирович Путин.
Коми Республикаса Юралысьлӧн тшӧктӧм серти, профильнӧй министерствояс лӧсьӧдісны врачьяслы, кодъяс кутасны уджавны выльӧн вӧчӧм ФАП-ясын да амбулаторияясын, комфорта бур 9 керка стрӧитӧм серти туй карта.
Татшӧм керкаясыс 2023 во помӧдз кыптасны Ухтаын, Сыктыв, Луздор, Удора да Изьва районъясын.
Став тайӧ керкасӧ позьӧ лэптыны зэв ӧдйӧ. Найӧс вӧчасны клеитӧм брускысь татчӧс вӧр перерабатывайтан предприятиеын.
Первомайскӧй посёлокын керкаыс — тайӧ медводдза оланін, кутшӧмӧс стрӧитӧма туй карта серти, сійӧс стрӧитісны кык тӧлысьӧн.
«Шензьӧдана, зэв мича, бур керка.
Ми водзӧ кутам стрӧитны найӧс медикъяслы республикаса мукӧд олан пунктын.
Зэв тӧдчана, мый тайӧ проектсӧ збыльмӧдӧ татчӧс предприятие, вӧдитчӧны ас стрӧитчан материалӧн да уджсӧ вӧчӧны миян рабочӧйяс.
А сідзкӧ сьӧмыс кольӧ республикаын.
Но медся тӧдчанаыс, мый специалистъяс, кодъяслы ми тайӧс вӧчам, дӧвӧльнӧйӧсь», — пасйис Владимир Уйба.
Керка лэптан комплектысь вӧчӧм 77 кв м площадя олан жырсӧ стрӧитӧма участкӧвӧй врач-терапевт Алёна Назырулы.
Керкаас эм став колана бытӧвӧй техникаыс да мебельыс, сэні позьӧ нин овны, эм бурмӧдӧм-мичмӧдӧм му участок.
Ӧні оформляйтӧны документъяс.
«Кӧсъя аттьӧавны Тіянӧс бур условиеясысь, — шыӧдчис Алёна Назыру Коми Республикаса Юралысь дорӧ. — Аттьӧ, мый донъяланныд миянлысь уджсӧ, мый лӧсьӧданныд да збыльмӧданныд сиктса специалистъяслы отсӧг сетан татшӧм проектъяс.
Содіс кӧсйӧмыс овны да уджавны сиктын.
Ме кута зіля уджавны миян йӧзлӧн дзоньвидзалун вӧсна».
Ӧні врач примиталӧ пациентъясӧс Первомайскӧй посёлокса важ амбулаторияын.
Но регыд сійӧ кутас сетны медико-санитарнӧй отсӧгсӧ выль амбулаторияын, кутшӧмӧс заводитісны нин стрӧитны.
Модульнӧй конструкцияясысь объектсӧ посёлокын кӧсйӧны стрӧитны 2023 во помӧдз, сійӧс донъялӧны 17,6 млн шайт вылӧ.
Владимир Уйбалӧн тшӧктӧм серти, олан керка да врачебнӧй лаборатория стрӧитӧм вылӧ сьӧмсӧ 2023 воын вичмӧдӧма Коми Республикаса Веськӧдлан котырлӧн резервнӧй фондысь.
Сідзжӧ Коми Республикаса Юралысь видзӧдліс, кыдзи стрӧитӧны Визин сиктын 45 койка вылӧ Сыктывса шӧр районнӧй больничалысь лечебнӧй корпус.
Проект серти тайӧ лоӧ кык судтаа здание, кӧні лоӧ терапевтическӧй отделение, регыдъя отсӧг сетан отделение да приёмнӧй отделение инфекционнӧй висьысьяслы боксъясӧн.
2023 вося косму тӧлысь 18 лунӧ босьтӧма объект стрӧитӧм вылӧ тшӧктӧм.
Ӧні ваялӧны материалъяс, кодйӧны сваяяс, ливневӧй канализацияяс тэчӧм вылӧ вуджӧдӧны линияяслысь опораяссӧ, лӧсьӧдӧны котлован да нуӧны мусӧ отвалӧ бӧр тыртӧм могысь.
{Kodko @ Коми Республикаса Юралысь чолӧмалӧ Вужвойтыръяслы сиӧм войтыркостса лунӧн @ выльтор @ https://rkomi.ru/news/3154 @ 2023-08-09 @ }
Коми Республикаса Юралысь чолӧмалӧ Вужвойтыръяслы сиӧм войтыркостса лунӧн.
Коми Республикаса пыдди пуктана олысьяс!
Чолӧмала тіянӧс Вужвойтыръяслы сиӧм войтыркостса лунӧн!
Тайӧ гажыс петкӧдлӧ вужвойтырлысь культура да кыв видзны коланлунсӧ, миян войвыв муниципалитетъясын олысь да уджалысь этша лыда вужвойтырлысь олӧмсӧ.
Коми Республикаын олӧ сё кызьысь унджык войтыр.
Миян регион торъялӧ тані олысь войтырлӧн аслыспӧлӧс традицияясӧн, обрядъясӧн, обычайясӧн.
Регионса Веськӧдлан котыр ёна тӧждысьӧ войвывса этша лыда вужвойтырлысь да кӧр видзысь мукӧд этническӧй котырлысь традицияяс видзӧм да сӧвмӧдӧм вӧсна.
Бӧръя кадас канму ёнджыка отсасьӧ кӧр видзысьяслы, могмӧдӧны медицинаӧн да велӧдӧмӧн.
Дона ёртъяс!
Сиа тіянлы тыр-бур олӧм, миян республикалысь этнокультурнӧй да кыв унапӧлӧслунсӧ видзӧмын ловби.
Видзӧй Коми мулысь вӧр-ва мичлунсӧ да культурасӧ, республикаса вужвойтырлысь историческӧй да духовнӧй озырлунсӧ, юксьӧй челядьныдкӧд пӧль-пӧчлӧн тӧдӧмлунъясӧн, мывкыдлунӧн да нравственнӧй озырлунъясӧн.
Коми Республикаса Юралысь Владимир Уйба.
{Kodko @ Владимир Уйба Сыктыв районын Ыджыд Визин ю весалӧм да джудждӧдӧм йылысь @ выльтор @ https://rkomi.ru/news/3155 @ 2023-08-09 @ }
Владимир Уйба Сыктыв районын Ыджыд Визин ю весалӧм да джудждӧдӧм йылысь.
Сыктыв районын весаласны да джудждӧдасны Ыджыд Визин ю.
Уджъясыс мунасны Визин сиктын, кӧні уна во чӧж тувсовъя ытва дырйи ойдлісны аспом подсобнӧй овмӧсъяс да олан керкаяс.
Весаласны юсӧ пӧшти 2 километра.
Конкурснӧй отбор серти индӧм пӧдрадчиккӧд кырымалӧма нин канму контракт.
Ӧні оформляйтӧны разрешительнӧй документация.
Моз тӧлысь 15 лунсянь кӧч тӧлысь 15 лунӧдз Росрыболовство урчитӧма ю вылын кӧть кутшӧм удж нуӧдӧм вылӧ кутӧд.
Та вӧсна ю весалӧм да джудждӧдӧм серти уджъяссӧ заводитасны кутӧд помассьӧм бӧрын да эштӧдасны 2025 воӧдз.
Та йылысь — видео пыр талунъя шыӧдчӧмын.
{Kodko @ Коми Республикаса Юралысь чолӧмалӧ Физкультурник лунӧн @ выльтор @ https://rkomi.ru/news/3156 @ 2023-08-11 @ }
Коми Республикаса Юралысь чолӧмалӧ Физкультурник лунӧн.
«Коми Республикаса пыдди пуктана олысьяс, спортсменъяс да тренеръяс, отрасльса уджалысьяс да спорт ветеранъяс!
Сьӧлӧмсянь чолӧмала Физкультурник лунӧн!
Таво Россияса спорт юкӧн пасйӧ федеральнӧй да мутас олӧмӧ пӧртысь власьт органъяс котыртӧмсянь 100 во тырӧм.
Став тайӧ вояснас тӧдчана могӧн лоӧ миян странаса олысьясӧс физическӧй культураӧн да спортӧн занимайтчӧмӧ кыскӧм, та вылӧ колана условиеяс лӧсьӧдӧм.
Коми Республикаын бӧръя вояснас стрӧитӧма некымын вынйӧр сӧвмӧдан да дзоньвидзалун бурмӧдан комплекс, водзӧ кыпӧдӧны Ухтаын, Мылдінын да Абъячойын гырысь спорт объектъяс.
Кар-районъясын вӧчисны ГТО вылӧ 14 площадка.
Зіля выльмӧдӧны учреждениеяслысь материально-техническӧй базасӧ.
Спорт инфраструктура ӧнъяӧдӧм серти уджыс, сы лыдын и «Спорт — олан норма» федеральнӧй проект серти, кутас мунны водзӧ.
Коми Республика пыр тшӧкыдджыка примитӧ уна сикас спорт серти медся ыджыд тшупӧда ставроссияса ордйысьӧмъяс.
Миян спортсменъяс бура петкӧдчӧны чемпионатъяс да первенствояс вылын, вайӧны регионлы медальяс.
Тренеръяслӧн ыджыд профессионализм отсӧгӧн ми лӧсьӧдам аскиа вермӧмъяслы резерв, огӧ вунӧдӧй миян ветеранъяслӧн вермӧмъяс йылысь.
Аттьӧала профессиональнӧй спортсменъясӧс да физическӧй культура радейтысьясӧс дзоньвидза оласног паськӧдӧмысь, миян спортивнӧй традицияяслы веськыдлунысь да выль вермӧмъяс босьтны зільӧмысь.
Сиа крепыд дзоньвидзалун, тыр-бур олӧм, выль вермӧмъяс!»
Коми Республикаса Юралысь Владимир Уйба.
{Kodko @ Владимир Уйба вайис Коми Республикаысь военнослужащӧйяслы, кодъяс торъя военнӧй операция вылын дорйӧны Чужан му, техника да оборудование @ выльтор @ https://rkomi.ru/news/3158 @ 2023-08-11 @ }
Владимир Уйба вайис Коми Республикаысь военнослужащӧйяслы, кодъяс торъя военнӧй операция вылын дорйӧны Чужан му, техника да оборудование.
Тайӧ 2 «УАЗ» автомашина, дронъяс, БПЛА венан средствояс, маскировочнӧй везъяс да уна мукӧдтор, мый отсалӧ миян боечьяслы чесьтӧн пӧртны олӧмӧ боевӧй могъяс, видзны ассьыныс олӧмсӧ да дзоньвидзалунсӧ.
Отсалан грузсӧ чукӧртісны республикаса предприятиеяс да олысьяс.
Та йылысь Коми Республикаса Юралысь висьталіс видео пыр аслас шыӧдчӧмын.
{Kodko @ Коми Республикаса Юралысь чолӧмалӧ Стрӧитчысьлӧн лунӧн @ выльтор @ https://rkomi.ru/news/3157 @ 2023-08-13 @ }
Коми Республикаса Юралысь чолӧмалӧ Стрӧитчысьлӧн лунӧн.
«Стрӧитчан отрасльса пыдди пуктана уджалысьяс да ветеранъяс!
Чолӧмала тіянӧс уджсикас гажӧн — Стрӧитчысьлӧн лунӧн!
Тайӧ лунӧ ми ыдждӧдлам ставныссӧ, коді аслас уджӧн пуктӧ пай выль объектъяс кыпӧдӧмӧ, коді вежӧ миянлысь каръяс да районъяс, вӧчӧ найӧс бурджыкӧн да лӧсьыдджыкӧн.
Школаяс да поликлиникаяс, детсадъяс да спорт объектъяс, туйяс да посъяс, лӧнь скверъяс да челядьлы площадкаяс, олан керкаяс да дзонь микрорайонъяс — ставыс тайӧ лои стрӧитчан отрасльса специалистъяслӧн профессионализм, уджлы сьӧлӧм сетӧм, енби да кывкутӧмӧн уджалӧм отсӧгӧн.
Йӧзкотырын стрӧительлӧн уджсикасыс пыр вӧлі медся пыдди пуктанаяс пиысь ӧтиӧн.
Торйӧн кӧсъя аттьӧавны отрасльса ветеранъясӧс, кодъяс пуктісны миян регион сӧвмӧдӧмӧ да артмӧдӧмӧ донъявны позьтӧм пай.
Сиа ставлы, коді уджалӧ республикаса стрӧитчан комплексын, лӧсьӧдны объектъяс, кутшӧмъясӧн позьӧ гӧрдитчыны, збыльмӧдны интереснӧй проектъяс, медым уджыс бурмӧдіс сьӧлӧм, а уджын вермӧмъяс — гажӧдісны синъяс да вайисны шуд выль олысьяслы.
Крепыд дзоньвидзалун, тыр-бур да судзсяна олӧм тіянлы да тіян семьяяслы!»
Коми Республикаса Юралысь Владимир Уйба.
{Kodko @ Владимир Уйба висьталіс оланін стрӧитӧм да ньӧбӧм вылӧ сиктса специалистъяслы социальнӧй мынтӧмъяс йылысь @ выльтор @ https://rkomi.ru/news/3159 @ 2023-08-14 @ }
Владимир Уйба висьталіс оланін стрӧитӧм да ньӧбӧм вылӧ сиктса специалистъяслы социальнӧй мынтӧмъяс йылысь.
Коми Республикаса Веськӧдлан котыр быд во отсалӧ сиктса специалистъяслы бурмӧдны олан условиеяс.
Татшӧм отсӧгыс сетӧ позянлун кутны квалификацияа кадръяссӧ сиктын, а сідзжӧ кыскыны выльясӧс.
Тайӧ уджсӧ нуӧдӧны «Сиктса мутасъяс комплекснӧя сӧвмӧдӧм» уджтасув серти федеральнӧй сьӧмкудйысь сьӧм кыскӧмӧн.
Сы серти социальнӧй мынтӧмъяссӧ босьтісны нин республикаса 26 семья.
Уджтасув сьӧмӧн могмӧдан ӧтувъя ыдждаыс — 53 миллион 600 сюрс шайт.
Канму отсӧгсӧ позьӧ босьтны кыдзи керка стрӧитӧм вылӧ, кор нинӧм на абу, сідз жӧ и заводитӧм стрӧитчӧмсӧ помалӧм вылӧ.
Та дырйи керкаыслы колӧ лоны дасьӧн 50 % вылӧ.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба вочавидзас Коми Республикаса олысьяслӧн юалӧмъяс вылӧ моз тӧлысь 17 лунӧ веськыд йитӧдын @ выльтор @ https://rkomi.ru/news/3160 @ 2023-08-15 @ }
Владимир Уйба вочавидзас Коми Республикаса олысьяслӧн юалӧмъяс вылӧ моз тӧлысь 17 лунӧ веськыд йитӧдын.
Веськыд йитӧдыс заводитчас 12:00.
Веськыд йитӧдсӧ кутасны транслируйтны «Юрган» телеканаллӧн эфирын, социальнӧй везъясын, «Комиинформ» да «БНК» юӧртан агентствояслӧн площадкаясын.
Республикаса олысьяс вермасны сетны ассьыныс юалӧмъясныссӧ Владимир Уйбалы «ВКонтакте» социальнӧй везйын Коми Республикалӧн, «Юрган» телеканаллӧн да Регионӧн веськӧдлан шӧринлӧн официальнӧй котыръясын веськыд трансляция дорӧ комментарийясын.
Сідзжӧ Коми Республикаса Юралысьлы сетасны юалӧмъяс, кутшӧмъяс тшӧкыдджыка воӧны власьт органъясӧ социальнӧй везъяс пыр да гражданалӧн шыӧдчӧмъясын.
Найӧс чукӧртіс да анализируйтіс Коми Республикаса регионӧн веськӧдлан шӧрин.
«ВКонтакте» социальнӧй везйын Владимир Уйбакӧд веськыд йитӧдсӧ позьӧ видзӧдны:
«Коми Республика» котырын — https://vk.com/pressrkomі
Коми Республикаса регионӧн веськӧдлан шӧринлӧн котырын — https://vk.com/tsur11
«Юрган» телеканаллӧн котырын — https://vk.com/yurgankomі.
{Kodko @ Владимир Уйба висьталіс Питирим Сорокин нима Сыктывкарса канму университетлысь корпус выльмӧдӧм йылысь @ выльтор @ https://rkomi.ru/news/3161 @ 2023-08-15 @ }
Владимир Уйба висьталіс Питирим Сорокин нима Сыктывкарса канму университетлысь корпус выльмӧдӧм йылысь.
Тайӧ местаас водзын вӧлі пединститут, кодлысь зданиесӧ вӧлі пыртӧма уджӧ 1935 воӧ нин.
2016 воӧдз сійӧ киссис сы выйӧдз, мый сійӧс шуисны аварийнӧйӧн.
Фундаментыс да кутан конструкцияясыс киссьӧмаӧсь 80% вылӧ.
2021 во помӧдз важ зданиесӧ дзоньнас разисны, а 2022 вося тулыснас заводитісны стрӧитны выльӧс.
Ортсысӧ вӧчигӧн тӧд вылӧ босьтісны сыктывкарсаяслысь кӧсйӧмъяссӧ да видзӧдласъяссӧ.
И чужис важ зданиелӧн стилистикаа да та дырйи ӧнія могъяса проект.
Выльмӧдӧм бӧрын корпуслӧн площадьыс содас кык пӧв.
Важ зданиеас кӧ вӧлі 4 судта, то выляс лоӧ 7.
Планируйтӧны, мый выль корпусын медводдза студентъяс пуксясны партаяс сайӧ 2024 вося кӧч тӧлысьын нин.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба пырӧдчис из шом перъян регионъяслӧн экономикаын из шомкӧд йитчытӧм юкӧнъясӧ инвестицияяс кыскан юалӧмъяс серти Россияса Президенткӧд сӧвещаниеӧ @ выльтор @ https://rkomi.ru/news/3162 @ 2023-08-16 @ }
Владимир Уйба пырӧдчис из шом перъян регионъяслӧн экономикаын из шомкӧд йитчытӧм юкӧнъясӧ инвестицияяс кыскан юалӧмъяс серти Россияса Президенткӧд сӧвещаниеӧ.
Коми Республикаса Юралысь юӧртіс Владимир Путинлы 2021–2026 вояс вылӧ регионса экономика диверсифицируйтан мероприятиеяслысь план збыльмӧдӧм йылысь.
Сэтчӧ пыртӧма 50 инвестиция проект. Сьӧмкудйысь ӧтдор инвестицияяслӧн ӧтув йӧрышыс — 150 млрд гӧгӧр шайт. Проектъяс серти лоӧ лӧсьӧдӧма 6 сюрс уджалан места.
2023 вося моз тӧлысь 1 лун серти инвестируйтӧма 19 млрд гӧгӧр шайт, лӧсьӧдӧма 531 уджалан места.
Збыльмӧдӧма 18 инвестиция проект.
Во помӧдз кӧсйӧны помавны нӧшта 5 инвестиция проект сьӧмкудйысь ӧтдор инвестицияяслӧн 4,5 млрд шайт мындаа ӧтувъя йӧрышӧн да 241 уджалан места лӧсьӧдӧмӧн.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба юӧртіс Россияса Президентлы 2021–2026 вояс вылӧ Коми Республикаса экономика диверсифицируйтан мероприятиеяслысь план збыльмӧдӧм йылысь @ выльтор @ https://rkomi.ru/news/3163 @ 2023-08-17 @ }
Владимир Уйба юӧртіс Россияса Президентлы 2021–2026 вояс вылӧ Коми Республикаса экономика диверсифицируйтан мероприятиеяслысь план збыльмӧдӧм йылысь.
Моз тӧлысь 16 лунӧ странаса Президент Владимир Путин нуӧдіс из шом перъян регионъяслӧн экономикаын из шомкӧд йитчытӧм юкӧнъясӧ инвестицияяс кыскан юалӧм серти сӧвещание.
Докладӧн сёрнитіс Коми Республикаса Юралысь.
Кыдз пасйис Владимир Уйба, Россияса Президентлӧн тшӧктӧм серти, Коми Республикаын вӧлі вынсьӧдӧма 2021–2026 вояс вылӧ Коми Республикаса экономика диверсифицируйтан мероприятиеяслысь план.
Сэтчӧ пыртӧма 50 инвестиция проект. Сьӧмкудйысь ӧтдор инвестицияяслӧн ӧтувъя мындаыс — 149,6 млрд шайт. Проектъяс серти лоӧ лӧсьӧдӧма 6 000 гӧгӧр уджалан места.
2023 вося моз тӧлысь 1 лун вылӧ инвестируйтӧма 19,3 млрд гӧгӧр шайт, лӧсьӧдӧма 531 уджалан места, збыльмӧдӧма 18 инвестиция проект.
Во помӧдз кӧсйӧны помавны нӧшта 5 инвестиция проект сьӧмкудйысь ӧтдор инвестицияяслӧн 4,5 млрд шайт мындаа ӧтувъя йӧрышӧн да 241 уджалан места лӧсьӧдӧмӧн.
Проектъясыс йитчӧмаӧсь химическӧй веществояс вӧчӧмкӧд, рудатӧм стрӧитчан материалъяс вӧчан промышленносьткӧд да пу обработайтан юкӧнкӧд.
Коми Республикаса Юралысь тӧдчӧдіс, мый торъя проектъяс збыльмӧдігӧн вӧдитчисны канмусянь отсӧг сетан вына мераясӧн, сы лыдын Арктика зона серти кокньӧдъясӧн.
Коми Республикаын арктикаса резидентъяслӧн статусын пасйӧма 28 проект сьӧмкудйысь ӧтдор инвестицияяслӧн 2 млрд шайт мындаа ӧтувъя йӧрышӧн, босьтан выйын — нӧшта 93 проект инвестицияяслӧн 7 млрд шайт мындаа ӧтувъя йӧрышӧн да экономикаын из шомкӧд йитчытӧм юкӧнъясӧ 1800 выль уджалан места лӧсьӧдӧмӧн.
Республикаса Веськӧдлан котыр пуктӧ став вынсӧ экономикалӧн из шомкӧд йитчытӧм юкӧнъясын выль производствояс лӧсьӧдӧм могысь.
Тайӧ уджлӧн бӧртасъяс пӧвстысь ӧтиыс — Интаын кальцийлысь карбид да ферросплавъяс вӧчан завод, мый лоӧ арктикаса монокарын кар артмӧдысь выль предприятиеӧн.
Таысь кындзи, регионӧ унджык инвестиция кыскӧм могысь Коми Республикаса Веськӧдлан котыр дасьтіс вӧзйӧмъяс, кутшӧмъясӧс Владимир Уйба висьталіс странаса Президенткӧд сӧвещание вылын.
Тайӧ кӧрт туй тарифъяс чинтӧм, арктика зонаын монокаръяслы электроэнергия серти тарифъяс дорӧ чинтӧм коэффициент урчитӧм, либӧ выль производствояслы техническӧя йитӧмысь компенсация сетӧм.
{Kodko @ Владимир Уйба вочавидзис Коми Республикаса олысьяслӧн юалӧмъяс вылӧ веськыд йитӧдын @ выльтор @ https://rkomi.ru/news/3164 @ 2023-08-17 @ }
Владимир Уйба вочавидзис Коми Республикаса олысьяслӧн юалӧмъяс вылӧ веськыд йитӧдын.
Эфирыс вӧлі моз тӧлысь 17 лунӧ «Юрган» телеканалын, сідзжӧ веськыд йитӧдсӧ позьӧ вӧлі видзӧдны социальнӧй везъясын да регионса юӧртан агентствояслӧн площадкаясын.
Кык час чӧж Коми Республикаса Юралысь вочавидзис юалӧмъяс вылӧ, кутшӧмъясӧс олысьяс сетісны веськыд трансляция дорӧ комментарийясын да кутшӧмъяс воисны власьт органъясӧ гражданалӧн шыӧдчӧмъясын.
Найӧс чукӧртіс да анализируйтіс Коми Республикаса регионӧн веськӧдлан шӧрин.
Олысьяслӧн юалӧмъяс вылӧ вочавидзигӧн Владимир Уйба висьталіс гражданалы, сы лыдын СВО-ын участвуйтысьяслы да налӧн семьяяслы, социальнӧй отсӧг сетан мераяс, том семьяяслы да IT-специалистъяслы ипотека уджтасъяс, выль инвестиция проектъяс, регионса экономикалы профессиональнӧй кадръясӧс дасьтӧм, сы лыдын йӧзлысь дзоньвидзалун видзан юкӧнлы да агропромышленнӧй комплекслы, социальнӧй объектъяс стрӧитӧм, аварийнӧй оланінысь гражданаӧс мӧдлаӧ овмӧдӧм, биаруӧн могмӧдӧм, туйяс стрӧитӧм да дзоньталӧм, енбиа том йӧзлы ассьыныс туй аддзӧм вылӧ позянлунъяс да уна мукӧдтор йылысь.
Трансляция гижӧдсӧ позяс видзӧдны «Республика Коми» официальнӧй котырысь.
{Kodko @ Владимир Уйба видзӧдліс, кыдзи Эжва районса Емвальын стрӧитӧны школа @ выльтор @ https://rkomi.ru/news/3165 @ 2023-08-18 @ }
Владимир Уйба видзӧдліс, кыдзи Эжва районса Емвальын стрӧитӧны школа.
825 места вылӧ велӧданінсӧ кыпӧдӧны «Велӧдӧм» национальнӧй проект серти. Сійӧс олӧмӧ пӧртӧм бӧрся видзӧдӧ Коми Республикаса Юралысь.
Моз тӧлысь 18 лун кежлӧ объектыс дась 40% вылӧ.
Сэні уджалӧ 120 морт да 15 единица техника.
Медводдза судтаын помалӧны сувтӧдны кӧрт сора бетон конструкцияяс, тэчны кирпич да джодж-йирк плитаяс.
Мӧд судтаын помалӧны сувтӧдны кӧрт сора бетон конструкцияяс, джодж-йирк плитаяссӧ тэчӧма 95% вылӧ, кирпичсӧ — 50% вылӧ.
Коймӧд судтаын кӧрт сора бетон конструкцияяссӧ сувтӧдӧмаӧсь 30% вылӧ, джодж-йирк плитаяссӧ тэчӧма 40% вылӧ.
Ӧні тэчӧны стен панельяс, мӧд да коймӧд судтаясын — кирпич да джодж-йирк плитаяс, лӧсьӧдӧны монолитнӧй юкӧнъяс, теплотрасса, пӧжарысь видзан ва провод, нюжӧдӧны пытшкӧсса инженернӧй системаяс, топӧдӧны стадион, котралан туй да ворсанінъяс вылӧ подувсӧ.
Водзӧ бурмӧдӧны-лӧсьӧдӧны школа дорсӧ.
{Kodko @ Владимир Уйба аттьӧаліс республикаын олысьясӧс веськыд йитӧдын участвуйтӧмысь да висьталіс Сосногорсклӧн Ставроссияса конкурсын вермӧм йылысь @ выльтор @ https://rkomi.ru/news/3166 @ 2023-08-18 @ }
Владимир Уйба аттьӧаліс республикаын олысьясӧс веськыд йитӧдын участвуйтӧмысь да висьталіс Сосногорсклӧн Ставроссияса конкурсын вермӧм йылысь.
Карын бур оласног лӧсьӧдан медбур проектъяслӧн конкурсын вермӧмысь Сосногорск босьтас федеральнӧй сьӧмкудйысь 92 миллионысь унджык шайт.
Проектлӧн донысь 1 % вичмӧдасны республикаса сьӧмкудйысь.
Сьӧмсӧ веськӧдасны Горький улича кузя 17 №-а керка да Гоголь улича кузя 4 №-а керка костын мутас бурмӧдӧм-мичмӧдӧм вылӧ.
Уджъяссӧ заводитасны мӧд во.
Конкурссӧ нуӧдісны «Оланін да карса гӧгӧртас» национальнӧй проектлӧн «Карын бур оласног лӧсьӧдӧм» федеральнӧй проект серти.
Сэтчӧ пырӧдчисны каръяс, кӧні олӧ 200 сюрс мортӧдз.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь Владимир Уйба сетіс регионса олысьяслы канму наградаяс @ выльтор @ https://rkomi.ru/news/3167 @ 2023-08-18 @ }
Коми Республикаса Юралысь Владимир Уйба сетіс регионса олысьяслы канму наградаяс.
Кыпыд мероприятиеыс вӧлі Коми Республика артмӧдӧмсянь 102 во тыран лун водзвылын.
«Кык пӧв нимкодь и сетны, и босьтны наградаяс Республика лун водзвылын.
Республикалӧн вермӧмъяс да шедӧдӧмторъяс — ставыс тайӧ артмис олысьяслӧн удж отсӧгӧн.
Сы вӧсна мый буретш йӧз лоӧны Коми Республикалӧн медыджыд озырлунӧн.
Республикаса олысьяс енбиаӧсь, зільӧсь, водзмӧстчысьӧсь, сьӧлӧмсянь радейтӧны удж да ассьыныс ыджыд да ичӧт Чужан му.
Наградаяс — тайӧ кужанлунсӧ, зільлунсӧ, кутшӧмъясӧс ті петкӧдланныд бӧрйӧм уджын, пыдди пуктӧм.
Быдӧн тіян пиысь аслас местаын пуктӧ пай Россия да республика сӧвмӧдӧмӧ», — пасйис Владимир Уйба.
Церемонияыс заводитчис торъя военнӧй операция вылын асьнысӧ бура петкӧдлысь военнослужащӧйяслы канму наградаяс сетӧмсянь.
Тышын усьӧм геройясӧс казьтыштісны чӧв олыштӧмӧн.
«Айму пыдди пуктана дорйысьяс!
Ми гӧрдитчам тіян повтӧмлунӧн да збойлунӧн.
Кор миян Чужан мулы ковмис отсӧг да дорйӧм, ті энӧ кольччӧй бокӧ.
Ме став сьӧлӧмсянь аттьӧала тіянӧс Чужан мулы служитӧмысь.
Тайӧ наградаяссӧ ті босьтінныд асланыд повтӧмлунӧн да смеллунӧн», — шыӧдчис военнослужащӧйяс дорӧ Владимир Уйба.
Сідзжӧ наградаяс босьтісны врачьяс, медицинаын уджалысьяс, велӧдысьяс, кагульничаяс, инженеръяс, кусӧдчысьяс, мездысьяс, рабочӧйяс, учёнӧйяс, артистъяс, культураын да искусствоын уджалысьяс.
Том йӧзлы велӧдчӧмын, йӧзкотырын, культураын, творчествоын да спортын ыджыд вермӧмъясысь сетӧма «Республикалӧн лача» награда.
«Том мортлӧн сӧвмӧмын унатор зависитӧ сыысь, коді лоӧ орччӧн.
И кор олан туй вылын паныдасьӧ педагог, туйдысь-велӧдысь, морт, коді дась юксьыны тӧдӧмлунъясӧн, кужӧмлунъясӧн да сьӧлӧмсяньыс эскӧ тэӧ да отсалӧ. Тайӧ ышӧдӧ, отсалӧ бӧрйыны колана туй да лоны ас страналӧн збыль гражданинӧн.
2023 восӧ Россияын шуисны Педагоглы да наставниклы сиӧм воӧн, Коми Республикаын — Том йӧзлы сиӧм воӧн.
Кыкнан тематическӧй воыс содтӧны ӧта-мӧднысӧ», — шуис Коми Республикаса Юралысь.
«Велӧдысь уджсикасыс зэв колана, и зэв бур, мый талун велӧдчӧм, школа, велӧдысь вӧсна тӧждысьӧ Президент.
Ог соссьы, ме гӧрдитча, мый меным сетісны Россия Федерацияса Президентсянь Грамота.
Тайӧ менам вылыс тшупӧда награда, и сійӧ босьтас менам керкаын тӧдчана места.
Кӧсъя чолӧмавны уджъёртъясӧс локтан гажӧн — Тӧдӧмлунъяс лунӧн — да ставлы сины водзӧ вылӧ сӧвмӧм, быдмӧм, вермӧмъяс, дзоньвидзалун да тыр-бур олӧм», — сёрнитіс Удора районысь велӧдан юкӧнса ветеран Нина Торлопова.
Церемония помын Владимир Уйба аттьӧаліс наградитӧмаясӧс йӧз вӧсна тӧждысьӧмысь да бур уджысь да чолӧмаліс локтан гажӧн — Коми Республика лунӧн.
* * *
Россия Федерацияса Президентлӧн Индӧдӧн
гражданскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Повтӧмлун орден сетӧма
запасса старшина Сергей Васильевич Александровлы;
«Аймулы бур вӧчӧмысь» орденлысь ІІ тшупӧда медаль сетӧма:
запасса радӧвӧй Олег Станиславович Курочкинлы;
запасса радӧвӧй Николай Владимирович Савинлы;
«Смеллунысь» медаль сетӧма:
запасса сержант Сергей Витальевич Голубевлы;
запасса радӧвӧй Герман Николаевич Чернышовлы;
пӧгибнитны верман боевӧй условиеясын могъяс олӧмӧ пӧртігӧн смеллунысь да йӧз вӧсна тӧждысьӧмысь «Смеллунысь» медаль сетӧма
запасса прапорщик Денис Игоревич Тропниковлы.
Россия Федерацияса Президентлӧн Индӧдӧн
йӧзлысь дзоньвидзалун видзан юкӧн, медицина наука сӧвмӧдӧмӧ пай пуктӧмысь, квалифицируйтӧм специалистъясӧс дасьтӧмысь да уна вося бур уджысь «Аймулы бур вӧчӧмысь» орденлысь ІІ тшупӧда медаль сетӧма
Людмила Леонидовна Андреевалы — «Коми республиканскӧй онкология диспансер» канму учреждениеса врачлы;
уджын вермӧмъясысь да уна вося бур уджысь «Аймулы бур вӧчӧмысь» орденлысь ІІ тшупӧда медаль сетӧма
Игорь Викторович Гужовлы — «Газпром газобезопасность» ичӧт кывкутана котырлӧн Ямалса военизируйтӧм отрядын районнӧй инженерлы, Вуктыл кар;
аймуса культура да искусство сӧвмӧдӧмӧ ыджыд пай пуктӧмысь, уна вося бур творческӧй уджысь «Аймулы бур вӧчӧмысь» ІІ тшупӧда орденлысь медаль сетӧма
Алексей Вячеславович Поповлы — прозаик-драматурглы, «Коми Республикаса гижысь котыр» «Россияса гижысь котыр» ставроссияса ӧтйӧза организациялӧн регионса юкӧнӧ пырысьлы;
серпасасян искусство юкӧнын ыджыд заслугаясысь «Россия Федерацияса нимйӧза серпасасьысь» почёт ним сетӧма
Анатолий Иосифович Неверовлы — серпасасьысь-скульпторлы, «Россияса серпасасьысьяслӧн котыр» ставроссияса ӧтйӧза творческӧй организациялӧн Коми регионса юкӧнӧ пырысьлы;
йӧзлысь дзоньвидзалун видзан юкӧнын заслугаясысь да уна вося бур уджысь «Россия Федерацияса нимӧдана врач» почёт ним сетӧма:
Виталий Семенович Андреевлы — «Консультативно-диагностическӧй шӧрин» канму учреждениеса врачлы;
Андрей Сергеевич Масляевлы — «Войнаса ветеранъяслӧн да боевӧй тышъясын участвуйтысьяслӧн республиканскӧй госпиталь» канму учреждениеса врачлы;
Михаил Павлович Усовлы — «Коми республиканскӧй онкология диспансер» канму учреждениеса врачлы;
«Россия Федерацияса йӧзлысь дзоньвидзалун видзан юкӧнын нимӧдана уджалысь» почёт ним сетӧма
Светлана Александровна Куликовалы — «Клиническӧй кардиология диспансер» канму учреждениеса шӧр медицина сестралы;
физическӧй культура да спорт сӧвмӧдӧмын заслугаясысь, уна вося бур уджысь «Россия Федерацияса физическӧй культураын нимӧдана уджалысь» почёт ним сетӧма
Евгений Викторович Бобинлы — «Старт» спорт школа» муниципальнӧй учреждениеса директорлы.
Россия Федерацияса Президентлӧн тшӧктӧмӧн
велӧдан да гражданскӧй мог олӧмӧ пӧртігӧн моральнӧй, нравственнӧй да духовнӧй качествояс петкӧдлысь том йӧзӧс чужан му радейтны да пыдди пуктыны велӧдан юкӧнын заслугаясысь Россия Федерацияса Президентсянь Почёт грамота сетӧма
Нина Александровна Торлоповалы — велӧдан юкӧнса ветеранлы, Удора район;
наука сӧвмӧдӧмӧ пай пуктӧмысь да уна вося бур уджысь Россия Федерацияса Президентсянь Почёт грамота сетӧма
Нина Геннадьевна Варламовалы — Россияса наукаяс академиялӧн Урал юкӧнса Коми наука шӧринлӧн Физиология институтса юкӧнын шӧр тшупӧда наука туялысьлы;
велӧдан юкӧнын заслугаясысь да уна вося бур уджысь Россия Федерацияса Президентсянь Почёт грамота сетӧма
Жанна Викторовна Торлоповалы — «Бать-мамтӧм да бать-мам дӧзьӧртӧг кольӧм челядьлы 3 №-а челядь керка» канму учреждениеса кагульничалы;
уджын вермӧмъясысь да уна вося бур уджысь Россия Федерацияса Президентсянь аттьӧалӧм сетӧма
Сергей Иванович Сажинлы — «Зеленечса чипан видзан фабрика» акционер котырлӧн шӧр инженер-электриклы, Сыктывдін район;
айму культура да искусство сӧвмӧдӧмын заслугаясысь, уна во зіля уджалӧмысь Россия Федерацияса Президентсянь аттьӧалӧм сетӧма
Елена Вячеславовна Ситниклы — «Народъяслӧн дружба ордена В. Савин нима академическӧй канму драма театр» канму учреждениеса реквизиторскӧй мастерскӧйӧн заведуйтысьлы;
йӧзлысь дзоньвидзалун видзан юкӧнын заслугаясысь да уна вося бур уджысь Россия Федерацияса Президентсянь аттьӧалӧм сетӧма
Лариса Ивановна Федотовалы — «Ухтаса челядьлы больнича» канму учреждениеса поликлиникаын медицина сестралы;
велӧдан юкӧнын заслугаясысь да уна вося бур уджысь Россия Федерацияса Президентсянь аттьӧалӧм сетӧма
Елена Викторовна Широковалы — «Бать-мамтӧм да бать-мам дӧзьӧртӧг кольӧм челядьлы 3 №-а челядь керка» канму учреждениеса кагульничалы;
асвӧляа пӧжарнӧй охрана лӧсьӧдӧм, сӧвмӧдӧм да ёнмӧдӧм серти зіль уджысь Россия Федерацияса Президентсянь Аттьӧалана письмӧ сетӧма
«Пӧжарысь видзан ставроссияса асвӧляа котыр» ставроссияса ӧтйӧза организациялӧн Коми республиканскӧй юкӧнлӧн котырлы.
Коми Республикаса Юралысьлӧн Индӧдӧн
Коми Республика водзын торъя заслугаясысь, театральнӧй искусство сӧвмӧдӧмӧ да видзӧмӧ ыджыд пай пуктӧмысь «Коми Республикаса нимйӧза артист» почёт ним сетӧма
Анатолий Анатольевич Журавлевлы — «Опера да балет театр» Коми Республикаса канму учреждениеса артист-вокалистлы (солистлы);
Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Анна Ильинична Адамовалы — Руч сиктын ветеранъяслӧн первичнӧй организацияӧн веськӧдлысьӧс вежысьлы, Кулӧмдін районын Войнаса, уджвывса, Вооружённӧй Вынъясса да инӧд видзан органъясса ветеранъяслӧн (пенсионеръяслӧн) ставроссияса ӧтйӧза организациялӧн Коми республиканскӧй ӧтйӧза организациялӧн меставывса ӧтйӧза организацияӧ пырысьлы;
Ирина Александровна Андриевскаялы — «Вӧльдін» сикт овмӧдчӧминса юралысьлы, Кулӧмдін район;
Ринат Уралович Бикмухаметовлы — «Опера да балет театр» Коми Республикаса канму асшӧрлуна учреждениеын балетса артистлы, Сыктывкар;
Прокопий Валентинович Габовлы — «Коми войтыр» регионкостса ӧтйӧза ӧтмунӧмлӧн старейшиналы;
Денис Александрович Рассыхаевлы — «Народъяслӧн дружба ордена В. Савин нима академическӧй канму драма театр» канму учреждениеса драма артистлы, сценаса нуӧдысь мастерлы;
Татьяна Владимировна Ротарьлы — «В.Т. Чисталев нима Коми республиканскӧй культура колледж» канму учреждениеса преподавательлы;
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Анатолий Анатольевич Анчуговлы — «Авиационнӧй персоналӧс дасьтан Коми региональнӧй шӧрин» федеральнӧй канму учреждениеса преподавательлы;
Аркадий Григорьевич Казаковлы — племеннӧй удж серти «Коми» республиканскӧй видз-му овмӧс предприятиеын пемӧсъяс бӧрся дӧзьӧритӧм серти рабочӧйлы;
Алёна Владимировна Масюклы — «Опера да балет театр» Коми Республикаса канму учреждениеын балетса артистлы;
Александр Васильевич Мельниклы — «Аварияысь мездан профессиональнӧй служба» канму учреждениелӧн Сыктывкарса аварияысь мездан отрядын мездысьлы;
Надежда Герольдовна Носовалы — Загривочнӧй сиктса Культура керкаӧн — «Культура, прӧст кад коллялан да кино петкӧдлан районса шӧрин» муниципальнӧй учреждениелӧн филиалӧн заведуйтысьлы, Чилимдін район;
Сергей Викторович Пашинлы — «Авиационнӧй персоналӧс дасьтан Коми региональнӧй шӧрин» федеральнӧй канму учреждениеса медыджыд инженерлы — инженер-электрониклы;
Анжела Львовна Сердитовалы — «Кӧрткерӧс районса челядьлы искусство школа» муниципальнӧй учреждениеса преподавательлы.
Коми Республикаса Юралысьлӧн тшӧктӧмӧн
йӧзлысь дзоньвидзалун видзан юкӧнын заслугаясысь да уна вося бур уджысь «Коми Республикаса почёта врач» ним сетӧма
Елена Владимировна Бойченколы — «Микрохирургия отсӧгӧн син висьӧмъясысь бурдӧдан республиканскӧй шӧрин» канму учреждениеса отделениеӧн заведуйтысьлы, врач-офтальмологлы, Ухта кар;
наука уджын заслугаясысь да уна вося бур уджысь «Коми Республикаса наукаын почёта уджалысь» ним сетӧма:
Владимир Павлович Нужныйлы — Россияса наукаяс академиялӧн Урал юкӧнса Коми наука шӧринлӧн Физиология институтын Экологическӧй да медицинскӧй физиология юкӧнса шӧр тшупӧда наука туялысьлы;
Валерий Самуилович Матюковлы — Россияса наукаяс академиялӧн Урал юкӧнса Коми наука шӧринын А.В. Журавский нима агробиотехнология институтса вылыс тшупӧда наука туялысьлы;
культура юкӧнын заслугаясысь да уна вося бур уджысь «Коми Республикаса культураын почёта уджалысь» ним сетӧма:
Елена Анатольевна Семуковалы — Вуктымса библиотекаын — «Луздорса овмӧдчӧминъяслысь библиотекаяс ӧтувтан система» муниципальнӧй учреждениелӧн филиалын библиотекарлы;
Ирина Валентиновна Соболевалы — «Социально-культурнӧй удж нуӧдысь шӧрин» муниципальнӧй учреждениеса директорӧс вежысьлы, Удора район;
Светлана Анатольевна Стецюклы — «Усинскса культура двореч» муниципальнӧй учреждениеын любительскӧй вокальнӧй коллективса хормейстерлы;
Анна Александровна Шпарвассерлы — «Челядьӧс серпасасян кипод уджӧ велӧдан школа» Выльгорт сиктын В.Л. Торопов нима муниципальнӧй организациялӧн «Гончарик» изостудияын челядьлӧн образцӧвӧй коллективӧн заведуйтысьлы, Сыктывдін район;
транспорт юкӧнын заслугаясысь да уна вося бур уджысь «Коми Республикаса транспортын почёта уджалысь» ним сетӧма
Анатолий Иванович Чуркинлы — «Авиационнӧй персоналӧс дасьтан Коми региональнӧй шӧрин» федеральнӧй канму учреждениеса преподавательлы;
велӧдан юкӧнын заслугаясысь да уна вося бур уджысь «Коми Республикаса велӧдан юкӧнын почёта уджалысь» ним сетӧма:
Людмила Дмитриевна Калининалы — «Челядьӧс сӧвмӧдан 2 №-а видзанін» муниципальнӧй учреждениеса кагульничалы, Ухта кар;
Наталья Григорьевна Фещенколы — «Ухтаса канму техническӧй университет» вылыс тшупӧда велӧдан федеральнӧй канму учреждениеса индустриальнӧй институтын преподавательлы;
пӧжарысь видзчысьӧмсӧ могмӧдӧмын заслугаясысь да уна вося бур уджысь «Коми Республикаса пӧжарнӧй охранаын почёта уджалысь» ним сетӧма:
Владимир Владимирович Воронцовлы — «Пӧжарысь видзчысян службаӧн да гражданаӧс видзӧмӧн веськӧдланін» канму учреждениеса 171 №-а пӧжарнӧй часьтлӧн биаруысь да тшынысь видзан службаса мастерлы, Удора район;
уджын вермӧмъясысь да уна во зіля уджалӧмысь «Коми Республикалы бур вӧчӧмысь» отличие пас сетӧма
Ирина Александровна Александровалы — «Олӧм вын» Кунибса республиканскӧй интернат» канму учреждениеса директорлы, Сыктыв район;
чина кывкутана могъяс бура олӧмӧ пӧртӧмысь «Коми Республикалы зэв бура служитӧмысь» отличие пас сетӧма
Ирина Алексеевна Колдановалы — «Коми Республикаса мутаскӧд йитчӧм юӧр фонд» канму учреждениелӧн картография юкӧнӧн заведуйтысьлы;
уна во сьӧлӧмсянь да бура уджалӧмысь «Уджын повтӧмлун» отличие пас сетӧма:
Татьяна Станиславовна Гавриленколы — «Коми республиканскӧй типография» ичӧт кывкутана котырлӧн проектъясӧн юрнуӧдысьлы;
Юрий Васильевич Лавровлы — «Газпром трансгаз Ухта» ичӧт кывкутана котырса филиалын — Сосногорскса линейнӧй производственнӧй веськӧдланінын автомашина кранса машинистлы, Ухта кар;
Михаил Юрьевич Потолицынлы — «Газпром газораспределение Сыктывкар» акционер котырса филиалын водитель-слесарлы;
Олег Владимирович Тужиковлы — «Газпром трансгаз Ухта» ичӧт кывкутана котырлӧн филиалын — Микуньса линейнӧй производственнӧй веськӧдланінын вочасӧн дзоньталан участокса столярлы, Емдін район;
велӧдчӧмын, йӧзкотырын, культураын, творчествоын да спортын вермӧмъясысь «Коми Республикалӧн лача» пас сетӧма:
Георгий Михайлович Антоновлы — «Физико-математическӧй лицей-интернат» Коми Республикаса канму учреждение помалысьлы;
Арина Сергеевна Гуляевалы — «Бать-мамтӧм да бать-мам дӧзьӧртӧг кольӧм челядьлы 1 №-а челядь керка» Сыктывкарын Коми Республикаса канму учреждениеса быдтаслы;
Петр Андреевич Непорожнийлы — «Сыктывкарса автомеханическӧй техникум» канму учреждениеса студентлы;
челядьӧс да том йӧзӧс Чужан му радейтны да пыдди пуктыны велӧдӧмӧ, Россия Федерацияса Герой Владимир Николаевич Носов йылысь паметь видзӧмӧ пай пуктӧмысь Коми Республикаса Юралыссянь Аттьӧалана письмӧ сетӧма «Коми республиканскӧй телевизионнӧй канал» акционер котырын уджалысьяслы:
Ксения Александровна Лосевалы — Юӧртан уджтасъяслӧн дирекцияса редакторлы;
Артем Владимирович Соколовлы — Уджтасъяс ладмӧдан да лэдзан дирекцияса телеоператорлы;
Игорь Валерьевич Тищенколы — Юӧртан уджтасъяслӧн дирекцияса режиссёрлы;
Георгий Михайлович Томовлы — Уджтасъяс ладмӧдан да лэдзан дирекцияса звукорежиссёрлы.
{Kodko @ Владимир Уйба юӧртіс Василий Сенюковлы мемориальнӧй пӧв восьтӧм да Москваын Коми землячествокӧд аддзысьлӧм йылысь @ выльтор @ https://rkomi.ru/news/3168 @ 2023-08-19 @ }
Владимир Уйба юӧртіс Василий Сенюковлы мемориальнӧй пӧв восьтӧм да Москваын Коми землячествокӧд аддзысьлӧм йылысь.
Моз тӧлысь 19 лунӧ, Коми Республика артмӧдӧмсянь 102 во тырӧмлы сиӧм гаж водзын, Москваын Тверскӧй улича кузя 17 номера керка вылын кыпыда восьтісны тӧдчана учёнӧй, геолог-практик, СССР-ын мусир да биару промышленносьтлы подув пуктысьяс пиысь ӧти Василий Михайлович Сенюковлы казьтылан пӧв.
Василий Михайлович Сенюков — Коми Республикаын чужлӧм морт.
Сійӧ восьтіс Асыввыв Сибирын мусир куйлӧд, медводдзаяс лыдын аддзис и Саратовса Поволжьеын биару куйлӧд.
Сійӧ пуктіс Россияын мусир да биару перъян юкӧн сӧвмӧдӧмӧ ыджыд пай.
Сідзжӧ талун Владимир Уйба аддзысьліс «Коми Землячество» дінму ӧтйӧза организацияӧ пырысьяскӧд.
Найӧ сёрнитісны республиканымӧс сӧвмӧдӧм йылысь.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Москваын нэммӧдісны Коми АССР-са наукаын да техникаын нимӧдана уджалысь Василий Михайлович Сенюковлысь паметьсӧ @ выльтор @ https://rkomi.ru/news/3169 @ 2023-08-19 @ }
Москваын нэммӧдісны Коми АССР-са наукаын да техникаын нимӧдана уджалысь Василий Михайлович Сенюковлысь паметьсӧ.
Моз тӧлысь 19 лунӧ, Коми Республика артмӧдӧмсянь 102 во тырӧмлы сиӧм гаж водзын, кыпыда восьтісны тӧдчана учёнӧйлы, геолог-практиклы, СССР-ын мусир да биару промышленносьтлы подув пуктысьяс пиысь ӧтилы, геолого-минералогическӧй наукаса докторлы, профессорлы, Коми АССР-са да Якутскӧй АССР-са наукаын да техникаын нимӧдана уджалысьлы мемориальнӧй пӧв.
Сійӧс ӧшӧдӧма Тверскӧй улича кузя 17 номера керка вылын, кӧні оліс Василий Михайлович.
«Тайӧ енбиа учёнӧй, коді нуӧдіс Коми АССР-ын Тимано-Печорскӧй провинцияын мупытшкӧсса озырлун корсян-туялан удж. Сійӧ зіля пырӧдчис мусир да биару корсян стратегия да тактика лӧсьӧдӧмӧ, юрнуӧдіс уна туялӧмӧн.
Василий Михайлович вӧлі зэв зіль мортӧн, коді ышӧдіс и мукӧдӧс, оліс аслас уджӧн да пуктіс Россияын да Коми Республикаын мусир да биару перъян юкӧн сӧвмӧдӧмӧ тӧдчана пай», — кыпыд церемония дырйи пасйис Коми Республикаса Юралысь Владимир Уйба.
Мемориальнӧй пӧвсӧ ӧшӧдӧма «Москваын Коми землячество» дінму ӧтйӧза организациялӧн водзмӧстчӧмӧн да Коми Республикаса Юралысь, а сідзжӧ социальнӧй уджъёртъяс — «Лукойл» да «Газпром трансгаз Ухта» бурвӧчан фонд отсӧгӧн.
Пӧвсӧ лӧсьӧдісны скульпторъяс Владимир Суровцев да Данила Суровцев, а сідзжӧ архитектор Владимир Сягин.
«Мемориальнӧй пӧв ӧшӧдны отсалӧмысь медводз аттьӧала Москваса мэр Сергей Семёнович Собянинӧс, коді отсаліс миян водзмӧстчӧмын, Москваын Коми землячествоӧс, скульпторъясӧс, миян уджъёртъяс — «Лукойл» да «Газпром трансгаз Ухта» компанияясӧс.
Дерт жӧ, рӧдвужсӧ — ыджыд аттьӧ ыджыд морт йылысь паметьсӧ видзӧмысь.
Зэв тӧдчана, медым миян нималана йӧз йылысь, налӧн удж йылысь паметьыс оліс нэмъяс чӧж да вуджис кӧленаысь кӧленаӧ», — аттьӧаліс Владимир Уйба.
Казьтылан пӧвсӧ кыпыда восьтігӧн вӧліны Коми Республикаӧс, Саха Республикаӧс да Москва карӧс петкӧдлысьяс.
* * *
Василий Михайлович Сенюков чужис 1906 вося ӧшым тӧлысь 25 лунӧ Вӧлӧгда губернияса Туръяыб грездын (ӧнія Княжпогост район, Коми Республика) вӧр пӧрӧдысьлӧн семьяын.
1925 — 1928 воясӧ велӧдчис экстернӧн да помаліс Слӧбӧда сиктын мӧд тшупӧда школа (Удора район). Сэсся босьтіс тӧдӧмлун педагогическӧй техникумын да Усть-Сысольскын сӧветскӧй партийнӧй школаын, Губкин нима Москваса мусир институтын.
Василий Михайлович вӧлі страналӧн мусир да биару перъян юкӧн лӧсьӧдӧмын подув пуктысьяс лыдын.
Геология экспедицияяс дырйи аслас енбиалун, нырччӧм да ён ловру отсӧгӧн:
1937 воын — Якутияын Толос ю вылын 372 метр пыднаын восьтіс Кучугей-Билляхскӧй тэчасын мирын медводдза кембрийскӧй мусир.
Таысь сылы сетісны Медводдза тшупӧда Сталинскӧй премия.
1941 воын — восьтіс саратовса биару. Сійӧс заводитісны перйыны Курдюмо-Елшанскӧй биару куйлӧдын.
Таысь сылы сетісны Медводдза тшупӧда Сталинскӧй премия.
1948 воын — восьтіс Татарияын мусир куйлӧд.
Василий Михайлович пуктіс геология наука лӧсьӧдӧмӧ да сӧвмӧдӧмӧ ыджыд пай, котыртіс Москваса мусир институтын мупытшкӧсса озырлун корсян геофизическӧй да геохимическӧй методъяс серти кафедра (1940 — 1942 вояс), гижис 160-ысь унджык наука удж, сы лыдын 6 монография да изобретение, лоис СССР-ын геолого-минералогическӧй наукаса медводдза докторӧн. Учёнӧй степеньсӧ сылы сетісны 1938 воын.
1938 — 1945 воясӧ Василий Михайлович пырис Медвылыс аттестационнӧй комиссияӧ.
Сійӧ уна во чӧж уджаліс Природнӧй биару наука боксянь туялан ставсоюзса институтын.
{Kodko @ Владимир Уйба чолӧмаліс Москваын олысь землякъясӧс Коми Республика лунӧн @ выльтор @ https://rkomi.ru/news/3170 @ 2023-08-19 @ }
Владимир Уйба чолӧмаліс Москваын олысь землякъясӧс Коми Республика лунӧн.
Талун, моз тӧлысь 19 лунӧ, Россия Федерацияса Президент бердын Коми Республикаӧс пыр петкӧдланінын вӧлі Коми Республика артмӧдӧмсянь 102 во тырӧмлы сиӧм кыпыд приём.
Мероприятие вылын гӧсьтъясӧн вӧлісны «Коми Землячество» дінму ӧтйӧза организацияӧ пырысьяс.
«Нимкодь чолӧмавны тіянӧс матыстчысь гажӧн — Коми Республикалӧн чужан лунӧн!
Тайӧ зэв тӧдчана гаж быдӧнлы, коді олӧ, коді чужис республикаын либӧ кодлӧн олӧмыс йитчӧма тайӧ мича муыскӧд.
Чужан луныс тӧдчана и налы, кодлӧн сьӧлӧмын нэм кежлӧ колис Коми му дорӧ муслуныс, да весиг бокын олігӧн йитӧдыс чужаніныскӧд некор оз кус.
Ті унатор нин вӧчинныд да и ӧні унатор на вӧчанныд миян регионлы, сылӧн аскиа лун вылӧ», — пасйис Владимир Уйба.
Коми Республикаса Юралысь аттьӧаліс землякъясӧс Чужан мулысь культура, история да традицияяс видзӧмысь.
Сідзжӧ Владимир Уйба сетіс Коми Республика водзын торъя заслугаясысь Коми Республикалӧн мусир да биару промышленносьтса ветеран Анатолий Степанович Гуменюклы Иван Павлович Морозов нима орден.
Аддзысьлігӧн землячествоӧ пырысьяс да Коми Республикаса Юралысь сёрнитісны регион сӧвмӧдӧм йылысь.
Владимир Уйба юӧртіс республикаын збыльмӧдан да матысса кадӧ нин олӧмӧ пӧртана инвестиция проектъяс йылысь, Воркута да Инта водзӧ сӧвмӧдан нырвизьяс, регионса Веськӧдлан котырлӧн арктика мутасъяс сӧвмӧдӧм серти удж, медицина учреждениеяслы кадръяс дасьтӧм да найӧс сэтчӧ корӧм, чужан республикаын том йӧзлӧн кольччӧм да налӧн олӧмлы, уджлы, сӧвмӧмлы условиеяс лӧсьӧдӧм йылысь.
{Kodko @ Владимир Уйба чолӧмаліс олысьясӧс Коми Республика лунӧн @ выльтор @ https://rkomi.ru/news/3172 @ 2023-08-21 @ }
Владимир Уйба чолӧмаліс олысьясӧс Коми Республика лунӧн.
Моз тӧлысь 21 лунӧ Коми республиканскӧй филармонияын кыпыд собрание дырйи регионса Юралысь сетіс канму наградаяс.
«Тайӧ зэв тӧдчана гаж. Сійӧ ӧтувтӧ ставныссӧ, кодлы дона миян мича муным, коді став сьӧлӧмсянь радейтӧ Коми Республиканымӧс.
Ме пыр шуа, мый республикалӧн медшӧр озырлуныс — тайӧ олысьяс.
Йӧз, кодъяс чужисны тані либӧ кодъяслӧн судьбаыс йитчӧма республикакӧд, туялісны-овмӧдчисны тайӧ кӧдзыд войвыв муас, пуктісны промышленносьтлы подув, сьӧлӧмсянь уджалісны сійӧс сӧвмӧдӧм вылын.
Налӧн опытыс, тӧдӧмлуныс, кужанлуныс — республикалӧн ӧнія вермӧмъяслы подув», — шуис Владимир Уйба.
Коми Республикаса Юралысь пасйис, мый регионын стрӧитӧны йӧзлы тӧдчана объектъяс, лӧсьӧдӧны олӧм вылӧ бур гӧгӧртас, могмӧдӧны биаруӧн выль районъяс.
Ыджыд удж нуӧдӧны том йӧзлы сӧвман условиеяс, гражданскӧй аскылӧм лӧсьӧдӧм, наӧн чужан му пыдди пуктӧм серти.
«Коми Республика — тайӧ ыджыд семья, шоныд керка, кӧні вужвойтыркӧд ӧтув бура да сӧгласӧн олӧ 120 унджык войтырсикас.
Тані пыдди пуктӧны пӧль-пӧчьясӧс, традицияяс, тӧждысьӧны ветеранъяс, верстьӧ войтыр вӧсна, пыдди пуктӧны йӧзӧс, кодъяс уна буртор вӧчисны миян регионлы», — пасйис Коми Республикаса Юралысь.
Владимир Уйба пасйис Коми Республикаса военнослужащӧйяслысь повтӧмлунсӧ да смеллунсӧ, кодъяс торъя военнӧй операция вылын киын ӧружьеӧн тышкасьӧны Аймулӧн вӧля да асшӧрлун вӧсна.
Чужан му став дорйысьсӧ, кодъяс пӧгибнитісны тышъясын, казьтыштісны чӧв олыштӧмӧн.
Бур традиция серти Коми Республика лун водзвылын Почёт небӧгӧ вӧлі пыртӧма выль нимъяс.
Таво «Коми Республикаса почёта гражданин» медвылыс ним сетӧма россияса политик да йӧзкотырын уджалысь Игорь Шпекторлы (кувсьӧм бӧрын), а сідзжӧ республикаын стрӧитчан юкӧнса ветеран Герман Николаевлы.
Коми Республикалӧн Уджвывса Герой медвылыс почёт ним сетӧма «Зеленечса чипан видзан фабрика» акционер котырса медыджыд директор Николай Черныйлы.
Коми Республика водзын торъя заслугаясысь Иван Павлович Морозов нима орден сетӧма Коми Республикаса канму да политикаын уджалысь Юрий Спиридоновлы (кувсьӧм бӧрын); серпасасьысь-скульптор, Россия Федерацияса нимйӧза серпасасьысь Анатолий Неверовлы да Иван Павлович Морозов нима дзоньвидзалунын дзескӧдӧм позянлуна челядьӧс да ныв-зонпосниӧс реабилитируйтан республиканскӧй шӧринын уджалысь котырлы.
Регионса Юралысь аттьӧаліс олысьясӧс сьӧлӧмсянь уджалӧмысь да Коми му сӧвмӧдӧмӧ пай пуктӧмысь.
Сиис республикалы сӧвмыны-мичаммыны водзӧ, а олысьяслы — дзоньвидзалун, шуд, тыр-бур олӧм да уджын выль вермӧмъяс.
{Kodko @ Коми Республикаса Юралысь Владимир Уйба чолӧмалӧ Республика лунӧн @ выльтор @ https://rkomi.ru/news/3171 @ 2023-08-22 @ }
Коми Республикаса Юралысь Владимир Уйба чолӧмалӧ Республика лунӧн.
«Коми Республикаса пыдди пуктана олысьяс!
Коми Республикаса дона войтыр!
Чолӧмала тіянӧс Коми Республикалӧн чужан лунӧн!
Таво миян муса республикалы тырис 102 во.
Тайӧ сэтшӧм арлыд, кор чукӧрмӧма нин ыджыд опыт, артмӧмаӧсь бур традицияяс, мый вылӧ мыджсьӧмӧн ми смела мунам водзӧ.
2023 восӧ Россияын сиӧма педагоглы да наставниклы, Коми Республикаын — том йӧзлы.
Олӧма войтырлӧн авъялун да тӧдӧмлун, том йӧзлӧн вын да водзмӧстчӧм отсалӧны збыльмӧдны медся сьӧкыд могъяссӧ, разьны кадлы лӧсялана мытшӧдъяссӧ.
Ми стрӧитам челядьӧс видзанінъяс, школаяс, ФАПъяс, амбулаторияяс, спорт объектъяс, бурмӧдам кар-районъяс, лӧсьӧдам олӧм вылӧ бур гӧгӧртас, могмӧдам биаруӧн республикаса выль районъяс.
Огӧ вунӧдӧй отсавны олӧма войтырлы, том йӧзлы.
Ми зіля уджалам оланінӧн, уджӧн могмӧдӧм серти юалӧмъяс вылын, выльмӧдам том йӧзлы инфраструктурасӧ, нуӧдам яръюгыд мероприятиеяс, кутшӧмъясӧс веськӧдӧма чужан му радейтӧм да пыдди пуктӧм вылӧ.
Таво вӧлі индӧма Коми Республикаса Герой медвылыс почёт ним.
Торъя военнӧй операция дырйи воинскӧй могъяс олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Коми Республикаса Герой ним кувсьӧм бӧрын сетӧма младшӧй сержант, десантник, саридзвыв пехотаса разведчик Анатолий Максимович Хлобыстовлы.
Ми став сьӧлӧмсянь аттьӧалам миянлысь воинъяснымӧс, кодъяс талун дорйӧны Россиялысь национальнӧй интересъяссӧ, тышкасьӧны ыджыд да ичӧт Чужан му, гражданалӧн лӧнь да бур олӧм вӧсна.
Ыджыд аттьӧ быд олысьлы, коді отсалӧ миян боечьяслы.
Отсавны СВО-ын участвуйтысьяслы да налӧн семьяӧ пырысьяслы — регионса Веськӧдлан котырлӧн уджын медшӧр могъяс пиысь ӧти.
Республикаса дона олысьяс!
Аттьӧ тіянлы республикалӧн аскиа лун вӧсна тӧждысьӧмысь, сійӧс сӧвмӧдӧмӧ зіля пырӧдчӧмысь.
Тіян енбиалун, киподтуй, сьӧлӧмсянь уджалӧм — Коми мулӧн ӧнія да аскиа вермӧмъяслы подув.
Сиа тіянлы крепыд дзоньвидзалун, тыр-бур олӧм да шуд. Коми Республикалы да Вына Россиялы бур вылӧ уджын выль вермӧмъяс!
Ыджыд гажӧн, дона ёртъяс!»
Коми Республикаса Юралысь Владимир Уйба.
{Kodko @ Ухтаын Коми Республика лунӧ вӧлі «Реквием по Героям» казьтылан рыт @ выльтор @ https://rkomi.ru/news/3173 @ 2023-08-22 @ }
Ухтаын Коми Республика лунӧ вӧлі «Реквием по Героям» казьтылан рыт.
Торъя военнӧй операция дырйи пӧгибнитӧм военнослужащӧйяслы сиӧм мероприятие вылын регионса Юралысь Владимир Уйба сетіс гвардияса младшӧй сержант Анатолий Хлобыстовлӧн бать-мамлы Коми Республикаса Геройлысь звезда.
«Меным талун мойвиис сетны тайӧ наградасӧ Максим Анатольевичлы да Екатерина Александровналы, кодъяс быдтісны татшӧм пиӧс, кодӧн гӧрдитчӧ республика да страна.
Муӧдз копыр миян геройяслӧн бать-мамлы сыысь, мый быдтісны бур пиянӧс.
Юка шогсӧ накӧд, кодъяс торъя военнӧй операция дырйи воштісны ассьыныс рӧднӧйяссӧ да матыссаяссӧ.
Ми гӧрдитчам миян геройяслӧн, воинъяслӧн, патриотъяслӧн подвигӧн.
Ми видзам да нэммӧдам торъя операция дырйи пӧгибнитӧмаяс йылысь паметьсӧ.
Кутам казьтывлыны налысь подвигсӧ да повтӧмлунсӧ.
Налӧн пример вылын быдтам челядьӧс.
Куслытӧм слава да куслытӧм паметь Чужан му вӧсна пӧгибнитӧм геройяслы!» — шыӧдчис мероприятиеӧ пырӧдчысьяс дорӧ Коми Республикаса Юралысь Владимир Уйба.
Гвардияса младшӧй сержант, десантник, саридзвыв пехотаса разведчик Анатолий Максимович Хлобыстов лоис медводдзаӧн, кодлы сетісны Коми Республикаса Герой медвылыс почёт ним (кувсьӧм бӧрын).
Сійӧ чужис да быдмис Ухтаын, велӧдчис 19 №-а школаын.
2017 воӧ лоис «Коми Республикаса медбур призывник» том йӧзлӧн республиканскӧй конкурсын призёрӧн, муніс армияӧ.
Служитіс Воздушно-десантнӧй войскаясын.
Чужан карӧ воӧм бӧрын уджаліс том йӧзӧс Чужан му радейтны да пыдди пуктыны велӧдӧм серти проектъяс вылын.
Вӧлі Коми Республикаын Том йӧзлӧн Парламентын, Ухта карса Том йӧзлӧн сӧветын депутатӧн, карын «Юнармия» тэчсигӧн да сӧвмигӧн вӧлі медводдза активистъяс пиысь ӧтиӧн, Военно-тактическӧй ворсӧмъяслӧн федерацияса президентӧн, зілис поисковикъяслӧн ӧтмунӧмын.
2022 вося йирым тӧлысьын, кор заводитчис частичнӧй мобилизация, асвӧляысь муніс дорйыны Чужан му неонацистъясысь.
Боевӧй могъяссӧ збыльмӧдіс разведывательнӧй ротаын.
Сылӧн боевӧй уджыс заводитчис 2023 вося ода-кора тӧлысьын Артёмовскӧй нырвизьын, бӧрыннас — торъя разведывательнӧй батальонын.
Анатолий Хлобыстовлӧн медводдза заданиеыс — могмӧдны сапёрнӧй группалысь безопасносьтсӧ, коді войнас должен вӧлі туй вылӧ пуктыны мина.
Колана нога, стӧч да бура думыштӧм удж отсӧгӧн, Анатолий Хлобыстовлӧн юрнуӧдӧм улын котырлы удайтчис збыльмӧдны пуктӧм могсӧ да локны тыр составӧн, воштӧмъястӧг да доймалӧмъястӧг.
Водзӧ вылӧ мог — петны боевӧй тышъяс нуӧданінӧ медводдза линия вылӧ, кодйысьны да дзебсьыны окопӧ да дорйыны Чужан му.
6 лун дугдывтӧг вӧлі артиллерия би, танкысь да миномётъясысь би.
Став тайӧ кадсӧ Анатолий Хлобыстов ачыс могмӧдіс ассьыс военнослужащӧйяссӧ сёянӧн, видзӧдіс аскылӧм бӧрся да кутіс боевӧй ловрусӧ.
Сійӧ весиг лыйсьӧмъяс улын видлаліс быд боечӧс, отсаліс бур кывйӧн, кӧть и аслыс тшӧтш вӧлі сьӧкыд.
Сійӧ эскӧдіс зонъясӧс, мый найӧ вермасны.
Олӧмсӧ жалиттӧг, весиг артиллериялӧн лыйсигӧн, Анатолий Хлобыстов быд боечлы ачыс вайліс сёян.
2023 вося лӧддза-номъя тӧлысь помын воис выль приказ.
Рытывбыд да вой джынсӧ радиоэфирын кыліс сӧмын Анатолий Хлобыстов (позывнӧй ХАМ — сылӧн овлӧн, нимлӧн да вичлӧн медводдза шыпасъяс серти) да командование, коді дугдывтӧг пуктыліс могъяс да сетіс выль координатъяс.
Анатолий Хлобыстовлы колӧ вӧлі тӧдмавны серпассӧ.
Став пуктылӧм могсӧ боеч збыльмӧдіс.
А сэсся заводитісны лыйсьыны миномётысь.
Осколокыс орӧдіс сылысь олӧмсӧ.
Но, кыдз пасйис сылӧн боевӧй ёртыс, тайӧ здукас Анатолий вӧлі нюмъялӧ.
Реквием-рыт вылын сідзжӧ казьтыштісны Коми Республикаын став чужлӧмаяссӧ, кодъяслы кувсьӧм бӧрын сетӧма Россияса Геройлысь ним.
Олег Александрович Шипицин чужис Ухтаын.
Сылӧн челядьдырся да велӧдчан воясыс колисны Алтай муын, кӧні 1993 воын сійӧс босьтісны военнӧй служба вылӧ Рубцовск карса пытшкӧсса войскаяслӧн полкӧ.
Призыв серти служитӧм бӧрын Олег кольччис воинскӧй часьтӧ контракт серти.
Торъя военнӧй операция заводитчигӧн саридзвыв пехотаса 810 торъя гвардейскӧй бригадалӧн гвардияса старшӧй матрос Олег Шипицинлӧн вӧлі нин ыджыд боевӧй опыт.
Участвуйтіс Войвыв Кавказын контртеррористическӧй операцияын, збыльмӧдіс боевӧй могъяс Таджикистанын инӧда пӧрадок бурмӧдӧм серти, вӧлі Нагорнӧй Карабахын Армяно-Азербайджанскӧй конфликтын.
Торъя военнӧй операциялӧн медводдза лунъяссяньыс саридзвыв пехоталӧн 810-ӧд бригада, кӧні служитіс Олег Шипицин, вӧлі фронтлӧн медся ӧпаснӧй участокъяс вылын.
2022 вося рака тӧлысь 18 лунӧ Мариуполь кар мездігӧн Олег Шипицинӧс кытшаліс вӧрӧг.
Позянлуныс мездысьны эз вӧв. Та вӧсна сійӧ решитіс тышкасьны бӧръя здукӧдз, а кор бырисны патронъяс, лэдзис вӧрӧгӧс матӧджык да сійӧс кытшалысь украинаса боевикъяскӧд ӧтлаын веськӧдчис граната улӧ.
Александр Александрович Власенков чужис Сыктыв районса Визин сиктын.
Оліс да велӧдчис Удора районын.
Ичӧтдырсянь дасьтысис дорйыны Чужан му, зіля занимайтчис спортӧн, боевӧй единоборствоясӧн.
17 арӧсын лоис киӧн венласьӧм-тышкасьӧм серти мирса Первенствоын вермысьӧн, вӧлі Войтыркостса спорт мастерӧн.
Торъя военнӧй операцияын Александр Власенков участвуйтіс медводдза лунъяссяньыс.
Служитіс Войвыв Флотса мотострелкӧвӧй бригадалӧн разведгруппаын командирӧн.
2022 вося кӧч тӧлысь 2 лунӧ Уда дорын ефрейтор Александр Власенков командуйтіс штурмӧн.
Чорыд тыш бӧрын националистъяс юӧртісны пленӧ сдайтчыны кӧсйӧм йылысь.
Штурмӧвӧй группаса командир Александр Власенков шуис дугӧдны лыйсьӧмсӧ да матыстчыны вӧрӧг дорӧ, медым босьтны пленӧ сдайтчысь националистъясӧс.
Украинаса боевикъяс заводитісны дугдывтӧг лыйсьыны.
Александр Власенков падъявтӧг уськӧдчис водзӧ, аснас тупкис ёртъяссӧ вӧрӧглӧн пуляясысь, но ачыс пӧгибнитіс.
Иван Владимирович Поздеев чужис Чилимдін районса Чилимдін сиктын.
Кадровӧй офицер, отличиеӧн помаліс Армияса генерал В.Ф. Маргелов нима Рязаньса вылыс тшупӧда воздушно-десантнӧй команднӧй училище да М.В. Фрунзе нима военнӧй академия.
Иван Поздеев курсантсянь лоис полкса командирӧн.
Участвуйтіс 2014 вося крымса лоӧмторъясын, збыльмӧдіс боевӧй могъяс Сирийскӧй Арабскӧй Республикаын, 2022 вося тӧвшӧр тӧлысьӧ вӧлі беспӧрадокъясӧн кытшалӧм Казахстанын.
Иван Поздеевлӧн эмӧсь боевӧй канму наградаяс, кутшӧмъяс пиын Повтӧмлун орден да «Аймулы бур вӧчӧмысь» орден.
2022 вося урасьӧм тӧлысь 24 лунӧ став мирыс аддзыліс, кыдзи Гостомельскӧй аэродром вылӧ, мый Киевсянь комын километр ылнаын, пуксисны Россия Федерацияса Вооружённӧй Вынъяслӧн Воздушно-десантнӧй войскаяслӧн юкӧдувъяс.
Десантлӧн сынӧдса юкӧнкӧд ӧтлаын Гостомельӧ пырис бронетехника.
Десантлӧн мувывса группаӧн юрнуӧдіс гвардияса подполковник Иван Поздеев.
Торъя военнӧй операциялӧн медводдза часъяссяньыс Иван Поздеев вӧлі тышлӧн медся лёкинас.
2022 вося сора тӧлысь 27 лунӧ 217-ӧд гвардейскӧй парашютно-десантнӧй полк, кутшӧмӧн сійӧ веськӧдліс, воюйтіс Херсонскӧй обласьтын.
Тышлӧн медтӧдчана здукӧ полкса командир пыртіс содтӧд йӧзӧс да ачыс заводитіс юрнуӧдны сійӧн.
Командирлӧн кужанлуныс сетіс позянлун петны вӧрӧг дорӧ да лыйлыны найӧс.
Но ачыс Иван Поздеев пӧгибнитіс киас автоматӧн снайперлӧн пуляысь.
Владимир Николаевич Носов Коми Республикаын медводдзаӧн лоис Россияса Геройӧн.
Чужліс Чилимдін районса Мӧскашор сиктын.
Помаліс ас сиктын кадетъяслысь школа.
Вӧлі командирӧн «Беркут» челядьлы да том йӧзлы военно-патриотическӧй клубын.
Школаын велӧдчигӧн нин кӧсйис лоны Айму дорйысьӧн.
Помаліс Армияса генерал В.Ф. Маргелов нима Рязаньса вылыс тшупӧда воздушно-десантнӧй команднӧй училище.
Велӧдчигӧн некымынысь воліс отпускӧ, пыравліс школаӧ, аддзысьліс зонъяскӧд, отсавліс велӧдысьяслы занятиеяс котыртӧмын.
Училище помалӧм бӧрын индісны флот вылӧ, саридзвыв пехотаса бригадалӧн десантно-штурмӧвӧй ротаӧ.
Участвуйтіс 2014 вося крымса лоӧмторъясын, Сирийскӧй войнаын.
2022 вося урасьӧм тӧлысь 24 лунӧ, кор Россия заводитіс торъя военнӧй операция, Владимир Носов куйліс госпитальын.
Кор тӧдмаліс, мый боевӧй тышъяс нуӧданінӧ мунӧ сылӧн ротаыс, гвардияса капитан Владимир Носов тшӧктіс врачьясӧс лэдзны сійӧс госпитальысь да муніс фронт вылӧ.
Тышлӧн медводдза лунъяссяньыс Владимир Носовлысь ротасӧ ысталісны фронтлӧн медся ӧпаснӧй юкӧнъяс вылӧ.
Тӧлысь чӧж морпехъяс водзсасисны вӧрӧгъяскӧд, кӧть и вӧліны этшаджыкӧн.
Националистъяс воштылісны техника, ӧружие, йӧзӧс да пышйылісны.
И радӧвӧйяс, и офицеръяс сдайтчалісны пленӧ.
Владимир Носовлӧн кужӧмӧн юрнуӧдӧм отсӧгӧн сылӧн ротаын бергӧдтӧм воштӧмъясыс эз вӧвны.
Бӧръя тышыс Владимир Носовлӧн вӧлі 2022 вося рака тӧлысь 26 лунӧ Запорожскӧй му вылын.
Любимовка сикт вылӧ вӧрӧглысь став уськӧдчӧмъяссӧ бура венӧм бӧрын сылы воис юӧртӧм мӧд ротаса саридзвыв пехотинечьяссянь, кодъяс веськалісны кытшӧ, кодъяс кутісны орчча Новозлатополь сикт.
Юрнуӧдысьяслысь тшӧктӧмсӧ виччысьтӧг, Владимир Носов решитіс отсавны боевӧй ёртъяслы.
Сійӧ босьтіс ас юрнуӧдӧм улӧ БТР-яса десантлӧн вит экипажысь ударнӧй отряд да уськӧдчис отсавны пӧгибнитны вермысь роталы.
Йӧзӧс да би средствояс юклӧм бӧрын отряд заводитіс тышкасьны вӧрӧглӧн лёк вынъяскӧд.
Сюся лыйсьӧмӧн десантникъяс торкисны нацистъяслысь уськӧдчӧмсӧ.
Вӧрӧг пышйис, мӧд рота вӧлі мездӧма кытшысь да дзикӧдз жуглӧмысь.
Но ачыс командир пӧгибнитіс.
Тайӧ лунӧ залын вӧліны Россия Федерацияса Герой Владимир Николаевич Носовлӧн бать-мамыс — Надежда Владимировна да Николай Иванович Носовъяс;
Россия Федерацияса Герой Иван Владимирович Поздеевлӧн бать-мамыс — Галина Николаевна да Владимир Иванович Поздеевъяс, Россия Федерацияса Герой Александр Александрович Власенковлӧн бабыс — Зоя Ивановна Бадьина, Коми Республикаса Герой Анатолий Максимович Хлобыстовлӧн бать-мамыс — Екатерина Александровна да Максим Анатольевич Хлобыстовъяс.
Сцена вывсянь налы шуисны аттьӧалана кывъяс сыысь, мый быдтісны да велӧдісны збыль патриотъясӧс, смел, повтӧм зонъясӧс, кодъяс кывкутӧмӧн збыльмӧдісны боевӧй могъяс.
{Kodko @ Ухтаын казьтыштісны Коми Республикаысь торъя военнӧй операция дырйи пӧгибнитӧм военнослужащӧйясӧс @ выльтор @ https://rkomi.ru/news/3174 @ 2023-08-22 @ }
Ухтаын казьтыштісны Коми Республикаысь торъя военнӧй операция дырйи пӧгибнитӧм военнослужащӧйясӧс.
Моз тӧлысь 22 лунӧ, Коми Республика лунӧ да Россияса канму дӧрапас лунӧ, тані вӧлі «Реквием по Героям» казьтылан рыт.
Мероприятие вылын регионса Юралысь Владимир Уйба сетіс гвардияса младшӧй сержант Анатолий Хлобыстовлӧн бать-мамлы Коми Республикаса Геройлысь звезда.
Реквием-рыт вылын сідзжӧ висьталісны Коми Республикаын чужлӧмаяслӧн подвигъяс йылысь, кодъяслы кувсьӧм бӧрын сетӧма Россияса Геройлысь ним, — гвардияса капитан Владимир Носов, гвардияса старшӧй матрос Олег Шипицин, гвардияса подполковник Иван Поздеев, ефрейтор Александр Власенков.
Паськыдджыка — Коми Республикаса Юралысь Владимир Уйбалӧн видео пыр шыӧдчӧмын.
{Kodko @ Владимир Уйба висьталіс Кулӧмдін районын скӧт видзан выль фермаяс восьтӧм йылысь @ выльтор @ https://rkomi.ru/news/3175 @ 2023-08-23 @ }
Владимир Уйба висьталіс Кулӧмдін районын скӧт видзан выль фермаяс восьтӧм йылысь.
Фермеръяс Улляна посёлокысь Елена Тарабукина да Носим сиктысь Георгий Китаев босьтісны скӧт видзан семейнӧй фермаяс сӧвмӧдӧм вылӧ грантъяс.
Канмусянь сетӧм отсӧгӧн найӧ стрӧитісны ӧнія телятникъяс, кутшӧмъясӧс арталӧма 30 юр гырысь скӧт вылӧ.
Кыпыд восьтӧмыс вӧлі талун, моз тӧлысь 23 лунӧ.
Бӧръя 3 вонас Коми Республикаын семейнӧй фермаяслы отсӧг вылӧ вӧлі веськӧдӧма 117 миллион шайт, сы лыдын 83 миллион шайт кыскӧма федеральнӧй сьӧмкудйысь.
Грантъяссӧ босьтісны 11 крестьяна (фермер) овмӧс.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба чолӧмаліс Педагогъяслӧн моз тӧлысся республиканскӧй сӧвещаниеӧ пырӧдчысьясӧс @ выльтор @ https://rkomi.ru/news/3176 @ 2023-08-24 @ }
Владимир Уйба чолӧмаліс Педагогъяслӧн моз тӧлысся республиканскӧй сӧвещаниеӧ пырӧдчысьясӧс.
Традиционнӧй быд вося мероприятиеыс вӧлі Ю.А. Спиридонов нима Коми Республикаса Юралысь бердын искусство гимназияын выль велӧдчан во водзвылын.
Регионса Юралысь аттьӧаліс республикаса педагогъясӧс уджысь да профессионализмысь, а сідзжӧ сетіс канму наградаяс.
«2023 восӧ Россияса Президент шуис Педагоглы да наставниклы сиӧм воӧн.
Сылӧн могыс — восьтыны выль позянлунъяс йӧзкотырын велӧдысьлысь торъя статус вынсьӧдӧм да енбиа том йӧзӧс уджсикасӧ кыскӧм могысь, — пасйис Владимир Уйба. — Йӧзыслы сьӧлӧм вылас воӧ быдтӧм-велӧдӧмлӧн выль идеологияыс, кӧні подувнас лоӧ Чужан му ёна радейтӧм да пыдди пуктыны велӧдӧм, духовно-нравственнӧй донаторъяс видзӧм, торъя военнӧй операция вылын миянӧс неонацистъясысь дорйысь боечьяслы отсалӧм.
Та вӧсна миян ӧтувъя могным — артмӧдны тайӧ идеологиясӧ миян республикаса челядь да том йӧз пӧвстын».
Кӧч тӧлысь 1 лунӧ Коми Республикаса детсадъясӧ медводдзаысь мунас 8 сюрсысь унджык кага, республикаса школаяс примитасны пӧшти 11 сюрс первоклассникӧс, техникумъяс да колледжъяс — 6 сюрсысь унджык, а вузъяс — 5 сюрсысь унджык первокурсникӧс.
«Кыдзи и пыр, миян медшӧр могыс — сетны бур тӧдӧмлунъяс да лӧсьӧдны миянлысь челядьӧс быдтӧм вылӧ лӧсьыд условиеяс.
Та могысь ми стрӧитам выль объектъяс, выльмӧдам детсадъяс, школаяс, техникумъяс да колледжъяс», — тӧдчӧдіс Владимир Уйба.
Колян велӧдчан воын помалісны стрӧитны кык детсад: Усинск районса Сем Ӧндрей сиктын 80 места вылӧ да Сыктывкарлӧн Кочпон-Чит микрорайонын 270 места вылӧ.
Воссис Сыктывкарын «Платон» олан комплекслӧн 1 судтаын 60 места вылӧ 104 №-а детсадлӧн корпус.
Восьтӧма Кулӧмдін районса Помӧсдін сиктын 400 места вылӧ да Луздор районса Абъячой сиктын 600 места вылӧ школаяс.
Водзӧ стрӧитӧны школаяс Изьва сиктын да Сыктывкарын, детсадъяс — Бакур грездын да Озёрнӧй посёлокын.
Капитальнӧя дзоньталӧм бӧрын воссисны Кулӧмдін, Изьва да Кӧрткерӧс районъясын 4 школалӧн зданиеяс.
Таво кӧч тӧлысь 1 лунӧ воссяс Изьвавом грездын школа-садлӧн выль здание, а сідзжӧ Сыктывкарын, Ухтаын, Воркутаын, Сыктывдін да Чилимдін районъясын капитальнӧя дзоньталӧм 5 школа.
Йирым тӧлысь 1 лун кежлӧ дзоньнас выльмӧдасны 4 сиктса школа — Ылыдздін да Пӧддельнӧй сиктъясын, Пӧдтыбок да Каляты посёлокъясын.
Планируйтӧны заводитны стрӧитны нӧшта 3 школа да капитальнӧя дзоньтавны 14 школа.
Коми Республикаын школаяссӧ абу сӧмын капитальнӧя дзоньталӧма, но и могмӧдӧма ӧнія оборудованиеӧн да выль учебникъясӧн.
Педагогъяс кыпӧдісны квалификацияныссӧ.
Владимир Уйбалӧн кывъяс серти, татшӧм бӧртасъясӧдз республика воӧдчис юкӧнсӧ сьӧмӧн могмӧдӧм отсӧгӧн, сы лыдын федеральнӧй сьӧмкудйысь сьӧмӧн.
2023 воын Коми Республикаса Веськӧдлан котыр вичмӧдіс дзоньталӧм, материально-техническӧй база ёнмӧдӧм да велӧдан организацияяс быд боксянь безопасносьтӧн могмӧдӧм вылӧ 520 миллионысь унджык шайт.
Выль учебникъяс ньӧбӧм вылӧ веськӧдӧма 16,4 миллион шайт.
Школаяс капитальнӧя дзоньталан уджтас збыльмӧдӧм вылӧ — 469,4 миллион шайт, сы лыдын федеральнӧй сьӧмкудйысь — 285,7 миллион шайт.
«Велӧдӧм» национальнӧй проектлысь мероприятиеяс збыльмӧдӧм серти регионса 274 школа могмӧдісны Россия Федерацияса да Коми Республикаса канму символъясӧн.
Кӧч тӧлысь 1 лунсянь 186 школаын заводитасны уджавны быдтӧм-велӧдӧм серти директорлӧн сӧветникъяс.
Таысь кындзи, водзӧ воссялӧны «Точка роста» ӧнія шӧринъяс.
2023 воын регионын лоӧ 19 татшӧм шӧрин.
Ухтаын воссяс республикаын коймӧд нин Кванториум школьнӧй технопарк.
Выльмӧдӧма инфраструктурасӧ 3 школаын, медым торъя велӧдан корӧмъяса челядь вермисны босьтны тӧдӧмлун.
Дзоньталӧма 3 спорт зал, лӧсьӧдӧма 4 выль спорт площадка.
40 велӧдан организация босьтісны ӧнія компьютернӧй оборудование, содтӧд велӧдан системаын лӧсьӧдӧма 307 выль места.
«Таво миянлы мойвиис пырны выль федеральнӧй проектӧ — «Профессионалитет», мый серти котыртӧма Сыктывкарса вӧр промышленносьт техникум бердын вӧр промышленносьт комплексын велӧдан-производственнӧй шӧрин да заводитас уджавны водзынджык сӧвмысь уджсикасӧ дасьтан выль шӧрин, мыйлӧн уджыс сетас позянлун ӧдйӧджык босьтны уджсикасын тӧдӧмлунъяс, дасьтысьны да бурмӧдны тӧдӧмлун, а сідзжӧ кыпӧдны квалификация став категория гражданалы», — шуис Владимир Уйба.
Уна во чӧж ёна тӧждысьӧны гожся шойччӧм вӧсна.
Таво вӧлі веськӧдӧма тӧдчымӧн унджык сьӧм «Черноморская зорька» челядьлысь дзоньвидзалун бурмӧдан лагерлысь материально-техническӧй базасӧ ёнмӧдӧм могысь.
Тайӧ могъяс вылӧ содтӧд вичмӧдӧма 100 миллион шайт.
Челядьӧс шойччӧдан да налысь дзоньвидзалун бурмӧдан мероприятиеяс вылӧ содтӧд вичмӧдӧма 160,1 миллион шайт, сы лыдын 20,1 миллион шайт — Коми Республикаса Веськӧдлан котырлӧн резервнӧй фондысь.
Тайӧ мераясыс сетісны позянлун эз сӧмын паськӧдны челядьлысь категорияяс, но и лэптыны республиканскӧй базаяс вылын шойччӧмлысь ногтуйсӧ.
* * *
Коми Республикаса Юралысьлӧн Индӧдӧн
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Светлана Александровна Голосовалы — Визин сиктса шӧр школаын коми кыв да литература велӧдысьлы, Сыктыв район;
Коми Республикаса Юралысьлӧн тшӧктӧмӧн
велӧдан юкӧнын заслугаясысь да уна вося бур уджысь «Коми Республикаса велӧдан юкӧнын почёта уджалысь» ним сетӧма:
Ольга Васильевна Кандаловалы — И.А. Куратов нима Сыктывкарса гуманитарно-педагогическӧй колледжса преподавательлы;
Алёна Егоровна Квашнёвалы — Канму службаӧ да веськӧдлыны велӧдан Коми Республикаса академияын велӧдан, наука удж да цифрӧвӧй трансформация серти проректорлы, Сыктывкар;
Нина Ивановна Сорвачевалы — А.А. Маегов нима ӧткымын предмет пыдісянь велӧдан 35 №-а шӧр школаын математика велӧдысьлы, Сыктывкар;
«Коми Республикаса почёта велӧдысь» ним сетӧма:
Галина Яковлевна Бажениналы — 15 №-а шӧр школаын математика велӧдысьлы, Ухта кар.
{Kodko @ Владимир Уйба нуӧдіс Коми Республикаын терроризмлы паныд удж нуӧдан комиссиялысь да оперативнӧй штаблысь ӧтувъя заседание @ выльтор @ https://rkomi.ru/news/3177 @ 2023-08-24 @ }
Владимир Уйба нуӧдіс Коми Республикаын терроризмлы паныд удж нуӧдан комиссиялысь да оперативнӧй штаблысь ӧтувъя заседание.
Заседание дырйи видлалісны регионса олысьяслысь безопасносьтсӧ могмӧдӧмкӧд йитчӧм юалӧмъяс.
Ӧтувъя гӧлӧсуйтан лун кежлӧ дасьтысигӧн да сійӧс нуӧдігӧн безопасносьтсӧ могмӧдӧм йылысь докладъясӧн сёрнитісны Коми Республикаса бӧрйысян комиссияӧн веськӧдлысь Дмитрий Митюшев, Коми Республикаын пытшкӧс делӧяс министр Андрей Сицский, Росгвардиялӧн Коми Республикаын веськӧдланінса начальникӧс медводдза вежысь Владимир Груднак, Россияса МЧС-лӧн Коми Республикаын медшӧр веськӧдланінса начальникӧс вежысь Сергей Марчишак.
Коми Республикаса велӧдан да наука министрлысь могъяс олӧмӧ пӧртысь Наталья Якимова юӧртіс сы йылысь, кутшӧм мераяс примитӧма 2023–2024 велӧдчан во водзын Коми Республикаын велӧдан объектъяссӧ терроризмысь видзӧм серти, а сідзжӧ кыдзи корӧны велӧдӧм сӧвмӧдан дінму институтъяс, медым бурмӧдны педагогикаын уджалысьяслысь да психологъяслысь тӧдӧмлунсӧ велӧдан юкӧнын да том йӧз пӧвстын терроризмысь ӧлӧдан юалӧмъяс серти.
«Религиознӧй организацияяслысь объектъяс (мутасъяс) терроризмысь видзӧм дорӧ корӧмъяс да религиознӧй организацияясса объектъяслӧн (мутасъяслӧн) безопасносьт паспорт форма вынсьӧдӧм йылысь» Россия Федерацияса Веськӧдлан котырлӧн шуӧмлысь корӧмъяс збыльмӧдӧм серти удж йылысь докладӧн сёрнитіс Коми Республикаса национальнӧй политика министерствоын национально-культурнӧй да религиознӧй ӧтувъяскӧд уджалан юкӧнса начальник Олег Елфимов.
Коми Республикаса Юралысьлӧн Администрацияӧн Юрнуӧдысь Дмитрий Самоваров юӧртіс, кутшӧм удж нуӧдӧны, медым бурмӧдны федеральнӧй олӧмӧ пӧртысь власьт органъяслӧн мутас органъясын, Коми Республикаса олӧмӧ пӧртысь власьт органъясын да меставывса асвеськӧдлан органъясын уджалысьяслысь уджсикас тшупӧдсӧ, кодъяс кывкутӧны терроризмлы паныд удж нуӧдан юкӧнын мероприятиеяс збыльмӧдӧмысь.
Заседание помын кывзӧма «Вуктыл» муниципальнӧй кытшын терроризмлы паныд удж нуӧдан комиссияӧн веськӧдлысьлысь терроризмысь ӧлӧдӧмсӧ да сылӧн идеологиялы паныд удж нуӧдӧмсӧ котыртӧм йылысь доклад.
{Kodko @ Владимир Уйба висьталіс СВО-ын пӧгибнитӧм Россияса Герой Иван Поздеевлы памятник восьтӧм йылысь @ выльтор @ https://rkomi.ru/news/3178 @ 2023-08-25 @ }
Владимир Уйба висьталіс СВО-ын пӧгибнитӧм Россияса Герой Иван Поздеевлы памятник восьтӧм йылысь.
Памятниксӧ сувтӧдӧма Иван Владимировичлӧн ичӧт чужанінын — Чилимдін сиктын районса администрация здание дорын.
Россияса офицер, Кутузов ордена Ивановскӧй ударнӧй парашютно-десантнӧй гвардейскӧй 217-ӧд полкса командир Иван Поздеев участвуйтіс торъя военнӧй операцияын заводитчӧмсяньыс.
Кувсьӧм бӧрын сылы сетӧма Россия Федерацияса Геройлысь ним.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Чилимдінын сувтӧдісны Россияса Герой Иван Поздеевлы памятник @ выльтор @ https://rkomi.ru/news/3179 @ 2023-08-25 @ }
Чилимдінын сувтӧдісны Россияса Герой Иван Поздеевлы памятник.
Восьтан церемонияыс вӧлі моз тӧлысь 25 лунӧ районса администрация зданиедорса изэрд вылын.
«Россия Федерацияса Геройлы, гвардияса подполковник Иван Владимирович Поздеевлы памятник восьтӧм — тайӧ зэв тӧдчана лоӧмтор абу сӧмын Чилимдінлы, но и став Коми Республикалы да Россиялы.
Тіян пиысь уналы Иван Владимирович вӧлі велӧдчысьӧн, ёртӧн, землякӧн.
Прӧстӧй сиктса зон, коді челядьдырсяньыс кӧсйис дорйыны Чужан му.
Иван Владимирович йылысь паметьсӧ, кыдз и торъя военнӧй операция дырйи пӧгибнитӧм став зон йылысь, ми кутам видзны пыр — тайӧ миян мог», — пасйис Коми Республикаса Юралысь Владимир Уйба.
Регионса Юралысь аттьӧаліс геройлысь бать-мамсӧ — Владимир Ивановичӧс да Галина Николаевнаӧс татшӧм пиӧс быдтӧмысь.
Иван Владимирович Поздеев чужис 1985 вося тӧвшӧр тӧлысь 7 лунӧ Чилимдін сиктын.
Велӧдчис Чилимдінса шӧр школаын 11 классӧдз.
Помаліс сійӧс 2002 воын нёль да вит вылӧ.
Босьтіс роч кывйын, литератураын да историяын вермӧмъясысь Ошкана грамота.
Эз ӧтчыдысь сетлыны бур велӧдчӧмысь да школаса да класса олӧмӧ зіля пырӧдчӧмысь аттьӧалӧмъяс.
Россияса Герой школасянь нин кӧсйис лоны военнӧйӧн.
Тайӧ кӧсйӧмыс ыдждіс бать вылӧ видзӧдӧмӧн, коді служитіс Афганистанын да Германияын.
Школа помалӧм бӧрын пырис велӧдчыны Армияса генерал В.Ф. Маргелов нима Рязанскӧй вылыс тшупӧда воздушно-десантнӧй команднӧй училищеӧ.
Помаліс сійӧс гӧрд дипломӧн.
Сэсся поступитіс Москваын М.В. Фрунзе нима Россия Федерацияса Военнӧй общевойскӧвӧй академияӧ, кодӧс тшӧтш помаліс гӧрд дипломӧн.
Иван Владимирович курсантсянь лоис полкса командирӧн.
2007 воын босьтіс лейтенантлысь ним, 2009 воын — старшӧй лейтенантлысь, 2012 воын — капитанлысь, 2016 воын — майорлысь, а 2020 воын лоис подполковникӧн.
Участвуйтіс 2014 вося крымса лоӧмторъясын, збыльмӧдіс боевӧй могъяс Сирияын, 2022 вося тӧвшӧр тӧлысьӧ вӧлі беспӧрадокъясӧн кытшалӧм Казахстанын.
Служитігӧн наградитлісны уна медальӧн, отличие пасъясӧн, Повтӧмлун орденӧн.
Медся ыджыд наградасӧ — «Зарни Кодзув» медаль, «Россия Федерацияса Герой» ним Иван Владимирович босьтіс кувсьӧм бӧрын.
Россияса офицер, Кутузов ордена Ивановскӧй ударнӧй парашютно-десантнӧй гвардейскӧй 217-ӧд полкса командир Иван Владимирович Поздеев збыльмӧдіс боевӧй могъяссӧ торъя военнӧй операциялӧн медводдза часъяссяньыс.
2022 вося сора тӧлысь 27 лунӧ сылӧн полкыс дорйис Херсонскӧй обласьтса Белогорка олан пункт гӧгӧрсӧ.
Националистъяс сутки чӧж кӧсйисны орӧдны дорйӧгсӧ.
Заводитісны лыйсьыны фосфорнӧй боеприпасъясӧн.
Найӧ кӧсйисны сотны орчча вӧрсӧ, медым вӧтлыны десантникъясӧс.
Вӧрӧг атакуйтіс кыкладорсянь танкъяс да боевӧй машинаяс, лӧнь миномётъяс да снайперскӧй би отсӧгӧн.
Полкса командир кужӧмӧн котыртіс мутас видзӧмсӧ, ас кадӧ юкліс могъяссӧ да би сетӧмсӧ, пыртіс тышӧ содтӧд йӧзӧс да ачыс кутіс юрнуӧдны сійӧн.
Сійӧ петіс вӧрӧг дорӧ да боевӧй машинаяслӧн да танкъяслӧн биӧн пасьвартіс найӧс.
Тышкасигӧн вӧрӧглӧн лоины тӧдчана воштӧмъяс да сійӧ кежис Терновка олан пункт дорӧ.
Командирлӧн повтӧмлун да сылӧн профессиональнӧя веськӧдлӧм отсӧгӧн вӧлі бырӧдӧма 5 танкӧдз, 4 бронетранспортёр, 60 националистӧдз, а сідзжӧ 4 ВСУ миномёт.
Мутассӧ дорйисны, но ачыс командир пӧгибнитіс снайперлӧн лыйӧмысь.
Аслас олӧмӧн офицер пӧртіс олӧмӧ воинскӧй долгсӧ да видзис салдатъяслысь олӧмъяс.
Дзебӧма Псковын.
Иван Владимировичлӧн олан туйыс лоӧ примерӧн оз сӧмын Чилимдінса, но и став Коми Республикаса уна зонкалы да нывкалы.
Мӧскашор сиктын Коми Республикаса Юралысь Владимир Уйба пуктіс торъя военнӧй операция дырйи пӧгибнитӧм Россияса Герой Владимир Носовлӧн гу вылӧ дзоридзьяс.
{Kodko @ Коми Республикаса Юралысь Владимир Уйба видзӧдліс, кыдзи Чилимдінын стрӧитӧны бурдӧдчан корпус @ выльтор @ https://rkomi.ru/news/3180 @ 2023-08-25 @ }
Коми Республикаса Юралысь Владимир Уйба видзӧдліс, кыдзи Чилимдінын стрӧитӧны бурдӧдчан корпус.
Социальнӧй тӧдчанлуна объектсӧ кыпӧдӧны сиктын «Йӧзлысь дзоньвидзалун видзӧм» национальнӧй проектлӧн «Йӧзлысь дзоньвидзалун видзан юкӧнлысь первичнӧй звено ӧнъяӧдӧм» дінму уджтас серти.
Тайӧ лоӧ регыдъя медицина отсӧг сетан, терапия, хирургия да реанимация юкӧнъяса, физиотерапия кабинетъяса, клиническӧй лабораторияа ӧнія медучреждение.
Ӧні стрӧитчанінын уджалӧ 120 морт.
Стрӧитчан уджъяссӧ вӧчӧма нин.
Шоныдсӧ сетӧма.
Помалӧма воздуховодъяс тэчӧмсӧ, нюжӧдӧма проводка электрооборудование пуктан местаясӧ.
Талун кежлӧ стрӧитчан уджъяссӧ вӧчӧма нин.
Помалӧны лӧсьӧдны корпуслысь бансӧ.
Шоныд сетан системаыс уджалӧ нин.
Ӧні вермӧны могмӧдны ваӧн да уджӧдны канализациясӧ, лӧсьӧдӧмаӧсь лифтъяс.
Помалӧны нин вентиляция лӧсьӧдӧм да кондиционируйтӧм серти уджъяссӧ, пуктӧны пӧжарнӧй да охраннӧй сигнализация.
Дась нин кислород вӧчысь медицина концентратор вылӧ подув.
Сувтӧдӧма дизельнӧй электростанция.
Ӧні судтаяс вылын вӧчӧны пытшкӧсса уджъяс — тэчӧны плитка, шпаклюйтӧны, краситӧны.
Уджъяссӧ вӧчӧма джынвыйӧ.
Регыд эштӧдасны вентиляция, электромонтажнӧй да этша тока оборудование сувтӧдӧм серти уджъяс.
Сідзжӧ вӧчӧны сувтса планировка — искусственнӧя вежӧны, выльмӧдӧны да бурмӧдӧны инлысь рельефсӧ.
Чилимдін сиктын выль бурдӧдчан корпус — татчӧс олысьяслы дыр виччысяна объект.
Сійӧс стрӧитӧм йылысь юалӧмыс ёся сулаліс уна во чӧж.
Нэмӧвӧйся хирургия да терапия юкӧнъяс важмисны.
Коми Республикаса Юралысь Владимир Уйбалӧн тшӧктӧм серти выль бурдӧдчан корпус стрӧитан проектсӧ вӧлі пыртӧма регионса Адреснӧй инвестиция уджтасӧ.
{Kodko @ Владимир Уйба чолӧмаліс Воркутаын олысьясӧс локтан Шахтёр лунӧн @ выльтор @ https://rkomi.ru/news/3182 @ 2023-08-26 @ }
Владимир Уйба чолӧмаліс Воркутаын олысьясӧс локтан Шахтёр лунӧн.
Моз тӧлысь 26 лунӧ, гаж водзвылын, Коми Республикаса Юралысь участвуйтіс горнякъяслӧн, ветеранъяслӧн да предприятиеясӧн юрнуӧдысьяслӧн кыпыд шествиеын.
Сідзжӧ шӧр изэрд вылын вӧлі праздничнӧй митинг.
Кыпыд церемонияӧ пырӧдчисны Коми Республикаса Каналан Сӧветӧн Веськӧдлысь Сергей Усачёв, Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева, AEON корпорацияса директоръяслӧн сӧветӧн веськӧдлысь Роман Троценко, карӧн да «ВоркутаУголь» кар артмӧдысь предприятиеӧн юрнуӧдысьяс.
«Воркуталӧн история, Коми Республикалӧн история, сылӧн кольӧм, талунъя да аскиа лунъясыс топыда йитчӧмаӧсь из шом юкӧнкӧд, — пасйис Владимир Уйба — Шахтёрскӧй Воркута вермас гӧрдитчыны быд воӧн.
Республикаса да странаса из шом юкӧнлӧн историяӧ ті гижинныд уна лист бок.
Воркута олӧ оз сӧмын кольӧм удж подвигъясӧн.
Ылі Войвывса кар зумыда видзӧдӧ аскиа лунӧ.
«Воркутауголь» кар артмӧдысь предприятие да республикаса Веськӧдлан котыр отсӧгӧн карыс сӧвмӧ, кӧсйӧ лоны бурджыкӧн да лӧсьыдджыкӧн».
Колян во федеральнӧй Ӧтувъя субсидия отсӧгӧн Воркуталы ньӧбисны ПАЗ пассажирскӧй автобусъяс, пӧжарнӧй, коммунальнӧй да лым весалан техника, а сідзжӧ аэродром могмӧдан да лэбалӧмсӧ му вылын могмӧдан средствояс.
Ставыс — 120 единица 290 миллион гӧгӧр шайт вылӧ.
«Воркутаса дона олысьяс, ми кӧсъям, медым тіян вӧліны уджалӧм да олӧм вылӧ бур условиеяс.
Шахтёръяс — тайӧ торъя категорияа йӧз, кодъяс асьныссӧ жалиттӧг уджалӧмӧн, повтӧмлунӧн, бӧрйӧм уджсӧ став сьӧлӧмсянь радейтӧмӧн артмӧдісны республикалысь ӧнія чужӧмсӧ, пуктісны сылӧн промышленнӧй да социальнӧй сӧвмӧмӧ ён подув», — шыӧдчис карса олысьяс дорӧ Владимир Уйба.
Коми Республикаса Юралысь аттьӧаліс ветеранъясӧс, кодъяслӧн уджыс лоис республикаын да Воркутаын из шом юкӧн сӧвмӧдӧмлӧн подулӧн.
Сійӧ аттьӧаліс став шахтёрсӧ бур уджысь, а рӧднӧйяссӧ да матыссаяссӧ — отсӧгысь да гӧгӧрвоӧмысь, сиис крепыд дзоньвидзалун, шуд, тыр-бур олӧм, авариятӧм удж да уджсикасын выль вермӧмъяс.
Митингын участвуйтысьяс чӧв олыштӧмӧн казьтыштісны горнякъясӧс, кодъяс эз локны забойысь.
Казьтыштам, 1930 вося моз тӧлысьӧ геолог Георгий Александрович Чернов восьтіс Вӧркута ю дорысь из шом куйлӧд.
Тасянь заводитчис республикаса войвыв мутасъяс вӧдитӧмыс да Войкытшсайын выль олан пункт артмӧдӧмыс.
Карлысь статуссӧ Воркута босьтіс 1943 воын, кор воркутаса из шом лоис блокаднӧй Ленинградлы да обороннӧй промышленносьтлы збыль мездысьӧн.
А вит во мысти — 1948 воын — страна медводдзаысь официальнӧя пасйис Шахтёр лун.
{Kodko @ Воркутаын казьтыштісны Айму вӧсна Ыджыд тыш дырйи тылын уджалысьясӧс @ выльтор @ https://rkomi.ru/news/3183 @ 2023-08-26 @ }
Воркутаын казьтыштісны Айму вӧсна Ыджыд тыш дырйи тылын уджалысьясӧс.
Талун, моз тӧлысь 26 лунӧ, Шахтёр лун водзвылын Коми Республикаса Юралысь Владимир Уйба пуктіс «Уджӧн нималысь кар» казьтылан стела дорӧ дзоридзьяс.
Кыпыд церемонияӧ пырӧдчисны Коми Республикаса Каналан Сӧветӧн Веськӧдлысь Сергей Усачёв, Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева, AEON корпорацияса директоръяслӧн сӧветӧн веськӧдлысь Роман Троценко, карӧн да «ВоркутаУголь» кар артмӧдысь предприятиеӧн юрнуӧдысьяс.
Россия Федерацияса Президент Владимир Путинлӧн 2021 во кӧч тӧлысь 10 лунся Индӧдӧн Воркута карлы сетісны «Уджӧн нималысь кар» почёт ним 1941–1945 воясся Айму вӧсна Ыджыд тышын Вермӧмӧ карса олысьясӧн ыджыд пай пуктӧмысь, промышленнӧй предприятиеясын военнӧй да гражданскӧй продукция дугдывтӧг вӧчӧмысь, уджын героизмысь да йӧз вӧсна тӧждысьӧмысь.
Воркутаса олысьяслӧн уджын подвиг да героизм йылысь висьталӧны архивнӧй документъяс.
Буретш татчӧс из шом промышленносьтын уджалысьяс могмӧдісны страналысь рытыв-войвыв районъяссӧ Донбасс оккупируйтӧм бӧрын.
1941 воын «Воркута» станция вылӧ воис медводдза кӧрт туй состав, да рытнас нин «ыджыд муясӧ» мӧдӧдісны из шомӧн медводдза вагонъяс.
Воркутаса шахтёръяслӧн удж понда война кадӧ Воркутаса шахтаясын из шом перйӧмыс содіс пӧшти 10 пӧв: 309 сюрс тоннасянь 1941 воын 2 миллион 907 сюрс тоннаӧдз 1945 воын.
Йӧз вӧсна тӧждысьӧмысь да героизмысь «Воркутстрой» комбинатса 377 уджалысьлы 1943 да 1945 воясын сетісны орденъяс да медальяс СССР-са Медвылыс Сӧветлӧн Президиумса Индӧд серти.
Война кадӧ карса нёль предприятиелы сетлісны Канмуса Оборона комитетлысь переходящӧй Гӧрд Знамяяс: «Воркутстрой» комбинат, Воркутаса ТЭЦ, 4 №-а шахта да 40 №-а шахта.
{Kodko @ Владимир Уйба пуктіс дзоридзьяс «Северная» шахтаса шахтёръяслӧн да горноспасательяслӧн паметьлы сиӧм мемориал дорӧ @ выльтор @ https://rkomi.ru/news/3184 @ 2023-08-26 @ }
Владимир Уйба пуктіс дзоридзьяс «Северная» шахтаса шахтёръяслӧн да горноспасательяслӧн паметьлы сиӧм мемориал дорӧ.
Воркутаӧ удж серти ветлігӧн моз тӧлысь 26 лунӧ, Шахтёр лун водзвылын, Коми Республикаса Юралысь казьтыштіс пӧгибнитӧм горнякъясӧс.
Мероприятиеӧ пырӧдчисны Коми Республикаса Каналан Сӧветӧн Веськӧдлысь Сергей Усачёв, Коми Республикаса Веськӧдлан котырӧн Юрнуӧдысьӧс Медводдза вежысь Эльмира Ахмеева, AEON корпорацияса директоръяслӧн сӧветӧн веськӧдлысь Роман Троценко, карӧн да «ВоркутаУголь» кар артмӧдысь предприятиеӧн юрнуӧдысьяс.
Казьтыштам,«Северная» шахтасӧ ыджыд шог суис 2016 вося урасьӧм тӧлысь 25 лунӧ.
Авария здукӧ шахтаын 748 метр джудждаын вӧлі 111 морт.
81 мортӧс на пиысь кыпӧдісны веркӧсӧ.
36 горняк да спасатель пӧгибнитіс.
Мемориалсӧ восьтісны 2016 вося моз тӧлысьӧ.
Сійӧс сувтӧдӧма Севернӧй посёлок дорын воркутаса том архитектор Олег Гречухинлӧн проект серти.
Пӧгибнитӧмаяслӧн портретъяса гранитнӧй мемориал шӧрын сувтӧдӧма мемориальнӧй пӧв, кытчӧ пуктӧма каска, кайло да шахтёрскӧй лампа.
{Kodko @ Владимир Уйба да Роман Троценко сёрнитісны Воркута водзӧ сӧвмӧдӧм йылысь @ выльтор @ https://rkomi.ru/news/3185 @ 2023-08-26 @ }
Владимир Уйба да Роман Троценко сёрнитісны Воркута водзӧ сӧвмӧдӧм йылысь.
Коми Республикаса Юралысьлӧн да «AEON» холдингса юрнуӧдысьяслӧн — «Воркутауголь» АК кар артмӧдысь предприятие кутысьлӧн удж серти аддзысьлӧмыс вӧлі войкытшсайса карын моз тӧлысь 26 лунӧ, Шахтёр лун водзвылын.
Аддзысьлӧм дырйи сёрнитісны из шом перйӧмсӧ сӧвмӧдӧм йылысь, сы лыдын Усинскса куйлӧдъяс туявны заводитӧм (тайӧ сетас позянлун нюжӧдны уджӧдан кадколастсӧ Печораса из шом бассейнлысь), Воргашорса куйлӧдын «Южный–2» участок лицензируйтӧм да паськӧдӧм йылысь (сетас позянлун 2035 воӧдз перйыны мупытшса ногӧн Ж (1Ж) маркаа из шом).
«Воркутауголь» акционер котыр лоӧ оз сӧмын кар артмӧдысь предприятиеӧн, но и водзмӧстчысь социальнӧй уджъёртӧн.
Компания ньӧбӧ спорт школаяслы да школаӧдз велӧдан учреждениеяслы выль коммунальнӧй техника, колана оборудование да инвентар, отсалӧ сӧвмӧдны карлысь культурасӧ да духовнӧй олӧмсӧ.
2023 вося Шахтёр лун водзвылын предприятие сетіс Воркуталы карсӧ мичмӧдӧм-бурмӧдӧм вылӧ торъя техника да сувтӧдіс кык автобуснӧй шоныд павильон.
Муниципальнӧй автопаркӧ ньӧбисны нёль брендируйтӧм автомашина: автогидроподъемник, самосвал, бортӧвӧй автомашина да винтӧвӧй дизельнӧй компрессор.
Техникалӧн ӧтувъя доныс лоис 24 млн гӧгӧр шайт.
Регыд Воркута карсӧ кутасны бурмӧдны-мичмӧдны выль техника отсӧгӧн.
2023 воын социальнӧй уджъёртасьӧмын выль нырвизьясӧн лоисны: йӧзаинъясын веж турун кӧдзӧм, автобуснӧй павильонъяс, челядьлы площадкаяс да ӧнія ворсан комплексъяс ньӧбӧм, аварийнӧй керкаяс разьӧм.
«Воркута» кар кытшлы отсалӧм могысь компания кӧсйӧ таво видзны 267,5 млн шайт.
{Kodko @ Владимир Уйба сетіс воркутаса шахтёръяслы канму наградаяс @ выльтор @ https://rkomi.ru/news/3186 @ 2023-08-26 @ }
Владимир Уйба сетіс воркутаса шахтёръяслы канму наградаяс.
Моз тӧлысь 26 лунӧ Воркутаӧ удж серти ветлігӧн Коми Республикаса Юралысь пырӧдчис Шахтёр лунлы сиӧм кыпыд мероприятиеӧ.
«Горняклӧн удж — тайӧ быд пӧрйӧ зэв пыдди пуктана удж, — пасйис Владимир Уйба. — Сы вылӧ видзӧдтӧг, мый век пыртӧны из шом перъян выль технологияяс, шахтёръяслӧн уджыс кольӧ медся сьӧкыд да ӧпаснӧй уджъяс пиысь ӧтиӧн.
Тайӧ уджсӧ бӧрйӧны сӧмын смел да повтӧм йӧз.
Сійӧ вӧчӧ мортсӧ вынаджыкӧн, повтӧмджыкӧн.
Буретш татшӧм йӧз пуктісны подув Коми Республикаса из шом перйӧмӧ, татшӧм йӧз быд лун лэччӧны му улӧ, медым перйыны из шом, мый ёна колӧ регионлӧн да страналӧн экономикалы, да быд лун вӧчӧны ыджыд подвиг».
Коми Республикаса Юралысь аттьӧаліс ветеранъясӧс да горнякъясӧс сыысь, мый найӧ йитісны олӧмныссӧ из шом перъян уджкӧд да кутчысьӧны шахтёръяслӧн бур традицияясӧ.
Сідзжӧ Владимир Уйба аттьӧаліс «AEON» корпорацияса директоръяслӧн сӧветӧн веськӧдлысь Роман Троценкоӧс «Воркутауголь» кар артмӧдысь предприятие да шахтёръяслысь кар сӧвмӧдӧмӧ пай пуктӧмысь.
Кыдзи шуис регионса Юралысь, Шахтёр лунсӧ пасйӧны сідзжӧ Донецкӧй да Луганскӧй Народнӧй Республикаясын, кӧні ӧні нуӧдӧны тыш неонацистъяскӧд.
Воркутаса олысьяс лыдын, кодъяс ӧні участвуйтӧны СВО-ын, — «Воркута» кар кытшса юралысь Ярослав Шапошников да сыкӧд ӧткодя мӧвпалысь ёртъяс: Воркутаын «СПАС» Казачье Братство регионкостса ӧтйӧза организацияса атаман Игорь Некрасов, асшӧр уджалысь Андрей Поликарпов, «Полигон» МӦП-са директорӧс вежысь, Воркута карса сӧветын депутат Павел Вишняков.
Кыпыд чукӧртчылӧм дырйи Владимир Уйба сетіс Повтӧмлун орден Воркутаын олысь, торъя военнӧй операцияса герой, ефрейтор Иван Хрипколы.
Сідзжӧ Коми Республикаса Юралысь сетіс канму наградаяс из шом отрасльын уджалысьяслы.
* * *
Коми Республикаса Юралысьлӧн Индӧдӧн
Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Юрий Георгиевич Идамкинлы — «Комсомольскӧй шахта» тэчас юкӧдулын дасьтысян уджъяс нуӧдан участоклӧн муувса электрослесарлы;
Алексей Васильевич Квитколы — «Воргашорса шахта» тэчас юкӧдувлӧн из шом перъян участокса весалан забойын горнорабочӧйлы;
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Люзия Марксовна Имаевалы — «Печораса из шом бурмӧдан шӧр фабрика» тэчас юкӧдувса флотация участокын из шом бурмӧдан аппаратчиклы;
Марина Ивановна Мелешкиналы — «Комсомольскӧй шахта» тэчас юкӧдувлӧн шахтапытшса транспорт участокса горнорабочӧйлы;
Андрей Петрович Мокшинлы — «Воркутаса шахта» тэчас юкӧдувлӧн аэрологическӧй безопасносьт серти участокын буровзрывнӧй уджъяс нуӧдан участокса начальникӧс вежысьлы.
Коми Республикаса Юралысьлӧн тшӧктӧмӧн
из шом перъян промышленносьт сӧвмӧдӧмӧ пай пуктӧмысь да уна вося бур уджысь «Коми Респуб¬ликаса почёта шахтёр» ним сетӧма:
Юрий Андреевич Вильтейслы — «Заполярнӧй шахта» тэчас юкӧдувлӧн дасьтысян уджъяс нуӧдан участокын муувса электрослесарлы;
Олег Николаевич Жанкевичлы — «Воркутаса дзоньтасян предприятие» тэчас юкӧдувлӧн му пытшкын да му вылын писькӧдчан участокын муувса бурӧвӧй мастерлы;
уна во сьӧлӧмсянь да бура уджалӧмысь «Уджын повтӧмлун» Коми Республикаса отличие пас сетӧма
Роман Николаевич Капустинлы — «Юньягаса» из шом разрез» тэчас юкӧдувлӧн горнӧй участокын автомашинаса водительлы.
{Kodko @ Коми Республикаса Юралысь чолӧмалӧ Шахтёр лунӧн @ выльтор @ https://rkomi.ru/news/3181 @ 2023-08-27 @ }
Коми Республикаса Юралысь чолӧмалӧ Шахтёр лунӧн.
«Коми Республикаса пыдди пуктана олысьяс!
Дона шахтёръяс!
Отрасльса ветеранъяс!
Чолӧмала тіянӧс уджсикас гажӧн — Шахтёр лунӧн!
Тайӧ лунӧ ми ыдждӧдлам йӧзӧс, кодъяс бӧрйисны аслыныс героическӧй удж.
Ми торйӧн аттьӧалам ветеранъясӧс, кодъяс пуктісны подув из шом перъян традицияяслы.
Горнякъяслӧн нималана уджыс лоӧ сюрӧсӧн Коми муын промышленносьт сӧвмӧдӧмын.
Печораса из шом бассейнын куйлӧдъяс восьтӧм бӧрын заводитісны туявны войвыв муяс, лэптыны Воркута да Инта каръяс.
Республикаса шахтёръяс пуктісны да пуктӧны ыджыд пай регионса да странаса из шом перъян промышленносьт сӧвмӧдӧмӧ.
Ӧні тайӧ отрасльыс выль ног сӧвмӧ.
Воркутаса коксуйтысь из шомыс бур качествоа да лоӧ Россияын металлургическӧй промышленносьтлы сырьевӧй подулӧн.
Республикаын шахтаӧн перйӧны оз сӧмын из шом, но и сьӧкыд мусир Ярегаса куйлӧдын.
Республикаса став горнякӧс сьӧлӧмсянь аттьӧала бур уджысь, повтӧмлунысь, йӧз вӧсна тӧждысьӧмысь.
Сиа тіянлы да тіян семьяяслы крепыд дзоньвидзалун, тыр-бур олӧм, аскиа лунӧ эскӧм!»
Коми Республикаса Юралысь Владимир Уйба.
{Kodko @ Воркутаӧ удж серти ветлӧм (видео) @ выльтор @ https://rkomi.ru/news/3187 @ 2023-08-27 @ }
Воркутаӧ удж серти ветлӧм (видео).
Коми Республикаса Юралысь Владимир Уйба моз тӧлысь 26 лунӧ удж серти ветліс Воркутаӧ да пырӧдчис Шахтёр лунлы сиӧм мероприятиеясӧ.
Регионӧн юрнуӧдысь сёрнитіс AEON корпорацияса директоръяслӧн сӧветӧн веськӧдлысь Роман Троценкокӧд Воркута водзӧ сӧвмӧдан планъяс йылысь, казьтыштіс Айму вӧсна Ыджыд тыш дырйи тылын уджалысьясӧс да пӧгибнитӧм горнякъясӧс, сетіс шахтёръяслы канму наградаяс.
{Kodko @ Абъячой сиктын пасйисны Сиктса школалы сиӧм лун @ выльтор @ https://rkomi.ru/news/3188 @ 2023-08-28 @ }
Абъячой сиктын пасйисны Сиктса школалы сиӧм лун.
Кыпыд мероприятиеыс, мый ӧтувтӧ став республикаысь сиктса велӧдысьясӧс, вӧлі моз тӧлысь 28 лунӧ 600 места вылӧ выль школаын.
Педагогъясӧс чолӧмаліс Коми Республикаса Юралысь Владимир Уйба.
«Колӧ, медым ӧнія сиктса школаын вӧлі став условиеыс кагалы бура велӧдчӧм, интеллектуальнӧй уджын да спортын сӧвмӧм вылӧ, Россияса гражданаӧс да патриотъясӧс быдтӧм вылӧ, — пасйис Владимир Уйба. — И тані медшӧр пайыс тіян, дона велӧдысьяс.
Сиктад педагогтӧ пыдди пуктӧны и сиктсаяс, и бать-мам да челядь.
Тіян дорӧ шыӧдчӧны уна юалӧм серти сӧветла, отсӧгла.
Сиктса велӧдысьлӧн торъя мог — велӧдны радейтны Чужан му.
Ті пыр сӧвмӧданныд да бурмӧданныд ассьыныд тӧдӧмлунныдтӧ.
И тайӧ зэв тӧдчанатор».
Коми Республикаса Юралысь аттьӧаліс юкӧнса ветеранъясӧс, кодъяс лоӧны том велӧдысьяслы бур примерӧн, да пасйис, мый регионын ёна тӧждысьӧны велӧдысьлысь авторитетсӧ кыпӧдӧм вӧсна, юкӧнӧ том йӧзӧс кыскӧм вӧсна.
Политикаыс, кутшӧмӧс нуӧдӧны регионса юрнуӧдысьяс велӧдан юкӧнын, тырвыйӧ лӧсялӧ Россияса Президент Владимир Путинӧн шуӧм Педагоглы да наставниклы сиӧм волӧн могъяслы.
Колян велӧдчан воӧ республикаса общеобразовательнӧй организацияясын уджалысьяслы уджысь мынтысян системаӧ пыртісны вежсьӧмъяс — стимулируйтан мынтӧмъяс, урокъяс бӧрын нуӧдан занятиеясысь чин серти оклад дорӧ содтӧмъяс.
Педагогъяслы отсӧгсӧ сетӧны сідзжӧ «Земскӧй велӧдысь» уджтас серти.
Проект збыльмӧдӧмсянь 3 во чӧжӧн 44 велӧдысь локтіс уджавны буретш сиктса школаясӧ да Коми Республикаса ичӧт каръясӧ.
Быд велӧдысьлы, проектӧ пырӧдчысьлы, сетӧма 1 миллион шайт мындаын ӧтчыдысь компенсация мынтӧм.
«Пыдди пуктана педагогъяс!
Ті уджаланныд сьӧкыд кадӧ, кор миянӧс дзескӧдӧны Рытыввыв странаяс, кор Россия нуӧдӧ торъя военнӧй операция да миян медбур воинъяс тышкасьӧны нацизмкӧд, дорйӧны миян Чужан мулысь интересъяссӧ.
Талун ыджыд пай босьтӧ миянлысь челядьӧс Айму радейтны велӧдӧм.
Зэв колана, медым челядь да том йӧз сьӧлӧмсянь радейтісны Чужан му да видзисны миянлысь духовно-нравственнӧй донаторъяссӧ», — шыӧдчис педагогъяс дорӧ Владимир Уйба.
Коми Республикаса Юралысь тӧдчӧдіс, мый регионса Веськӧдлан котырлы зэв колана, медым республикаса быд школьник вермис босьтны бур тӧдӧмлунъяс, медым став челядьыслӧн вӧліны ӧткодь позянлунъяс, кӧть сійӧ велӧдчӧ сиктын, кӧть карса школаын.
Та могысь стрӧитӧны выль объектъяс, бурмӧдӧны сиктса детсадъяс да школаяс.
Шуам, 2023 воын Сиктса школалы сиӧм лун пасйисны Абъячой сиктса выль школаын, коді воссис тавося косму тӧлысьӧ.
Колян во Усинск районса Сем Ӧндрей сиктын помалісны стрӧитны детсад, Кулӧмдін районса Помӧсдін сиктын воссис выль школа.
Водзӧ стрӧитӧны Изьва сиктын школа, Бакур грездын да Озёрнӧй посёлокын детсадъяс.
Капитальнӧя дзоньталӧм бӧрын воссис Кулӧмдін, Изьва да Кӧрткерӧс районъясын нёль школа.
Таво воссяс Изьвавом грездын выль дыр виччысяна школа-детсад, Сыктывдін да Чилимдін районъясын школаяслӧн капитальнӧя дзоньталӧм кык здание, а сідзжӧ Мылдін да Кӧрткерӧс районъясын дзоньнас выльмӧдӧм школаяслӧн нёль здание.
Кӧсйӧны капитальнӧя дзоньтавны Изьва районса Сизяыб, Сыктывдін районса Паджга да Кӧрткерӧс районса Нёбдін сиктъясын куим школа.
Ставнас 2023 воын Коми Республикаса сьӧмкудйысь сиктса велӧдан учреждениеяс стрӧитӧм вылӧ веськӧдӧма 900 миллионысь унджык шайт, нӧшта 560 миллион шайт — сиктса школаяслысь да детсадъяслысь материально-техническӧй базасӧ ёнмӧдӧм вылӧ.
Таысь кындзи, канмусянь отсалан сьӧм вылӧ велӧдан учреждениеяссӧ пыр могмӧдӧны ӧнія оборудованиеӧн, капитальнӧя дзоньталӧны спорт залъяс, лӧсьӧдӧны ывлавывса спорт площадкаяс.
Коми Республикаын Сиктса школалы сиӧм лунсӧ пасйӧны быд во, моз тӧлысь 28 лунӧ.
Праздниксӧ индӧма Коми Республикаса Юралысьлӧн 2018 во моз тӧлысь 16 лунся Индӧдӧн сиктса школаяслысь статуссӧ кыпӧдӧм, бур опытсӧ паськӧдӧм могысь.
Медводдзаысь мероприятиеыс вӧлі 2017 воын Кӧрткерӧс районын Шойнатыса шӧр школаын.
2023 воын педагогъяс участвуйтісны тематическӧй площадкаяс уджын, роботехника, школьникъяслы уджсикас туйдӧм серти мастер-классъясын, экскурсияясын, бать-мамӧс консультируйтӧмын.
Сідзжӧ гӧгрӧс пызан сайын видлалісны сиктса велӧдчӧмын тӧдчана юалӧмъяс, вӧчисны «Коми Республикаса медбур сиктса школа» республиканскӧй конкурс серти кывкӧртӧдъяс.
Республика водзын заслугаясысь да Коми Республикалы бур вылӧ уна во зіля уджалӧмысь Владимир Уйба сетіс педагогъяслы канму наградаяс.
* * *
Коми Республикаса Юралысьлӧн Индӧдӧн
Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Елена Анатольевна Плосковалы, Летка сиктса шӧр школаын музыка велӧдысьлы;
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Вера Павловна Сердитовалы, Абъячой сиктса шӧр школаын коми кыв да литература велӧдысьлы;
Ирина Вениаминовна Уляшевалы, Визин сиктса шӧр школаын роч кыв да литература велӧдысьлы;
Раила Валитовна Етимбаевалы, Шеллябӧж сиктса шӧр школаын математика да физика велӧдысьлы.
{Kodko @ Владимир Уйба видзӧдліс, кыдзи Абъячой сиктын стрӧитӧны спорт комплекс @ выльтор @ https://rkomi.ru/news/3189 @ 2023-08-29 @ }
Владимир Уйба видзӧдліс, кыдзи Абъячой сиктын стрӧитӧны спорт комплекс.
Спорт объектсӧ кӧсйӧны сдайтны 2023 вося вӧльгым тӧлысьӧдз.
Сійӧс лэптӧны 600 места вылӧ выль школакӧд орччӧн, кодӧс восьтісны косму тӧлысьын.
Спорт комплекслӧн каркасыс дась нин, тупкӧма сэндвич-панельясӧн.
Вентиляциясӧ пуктӧма 90% вылӧ.
Лӧсьӧдӧны жыръяслысь пытшкӧссӧ, нюжӧдӧны шоныдсӧ.
Колисны пытшкӧсса уджъяс, вӧчны витражъяс да сувтӧдны ӧдзӧсъяс.
Кӧдзыдъяс пуксьытӧдз пӧдрадчик кӧсйӧ пуктыны шоныд контур, помавны мичмӧдан-бурмӧдан уджъяссӧ.
Ӧні объект вылын уджалӧ 40 морт, регыд уджалысь лыдсӧ содтасны 60-ӧдз.
Уджалӧ 3 единица техника.
Стрӧитчан уджыс мунӧ график вевтыртӧмӧн.
«Коми Республикалӧн Луздор районса Абъячой сиктын спорт комплекс стрӧитӧм» проектсӧ збыльмӧдӧны Коми Республикаса адреснӧй инвестиция уджтас серти республиканскӧй да федеральнӧй сьӧмкудъясысь сьӧм кыскӧмӧн.
Объектлӧн ӧтувъя доныс — 289,3 млн шайт.
{Kodko @ Абъячойын лӧсьӧдӧны 600 места вылӧ выль школа дорӧ пыранінсӧ @ выльтор @ https://rkomi.ru/news/3190 @ 2023-08-29 @ }
Абъячойын лӧсьӧдӧны 600 места вылӧ выль школа дорӧ пыранінсӧ.
Меставывса тӧдчанлуна ӧтув вӧдитчан автомашина туйсӧ дзоньталасны кык этапӧн 2024 во кежлӧ.
Туй стрӧитан медводдза этапсӧ эштӧдӧма — вольсалӧма асфальтобетоннӧй веркӧслысь улыс слӧйсӧ.
Туй стрӧитан мӧд этапӧ пырӧ асфальтобетоннӧй веркӧслысь вылыс слӧй вольсалӧм да тротуаръяс лӧсьӧдӧм. Тайӧ уджъясыс эштасны 2024 вося кӧч тӧлысь 15 лунӧдз.
Уджъяссӧ донъялӧны 65,6 миллион шайт мында вылӧ да могмӧдӧны республиканскӧй да меставывса сьӧмкудъясысь сьӧмӧн.
{Kodko @ Владимир Уйба висьталіс историяысь выль учебникъяс йылысь @ выльтор @ https://rkomi.ru/news/3191 @ 2023-08-29 @ }
Владимир Уйба висьталіс историяысь выль учебникъяс йылысь.
Моз тӧлысь 26 лунсянь Коми Республикаса школаясӧ заводитісны вайны 11 классын велӧдчысьяслы историяысь ӧнія учебникъяс.
Сэні эм выль юкӧд — Украинаын торъя военнӧй операция йылысь, кӧні восьтӧма СВО заводитчӧмлысь помкаяссӧ да висьталӧма Россия Федерацияӧ нёль выль субъект пыртӧм йылысь.
Сідзжӧ паськӧдӧма мирса ыджыд лоӧмторъясын Россиялӧн рольлы сиӧм блокъяссӧ.
Выльмӧдӧма Мӧд мирӧвӧй войналысь историясӧ, пасйӧма 1941–1945 воясся Айму вӧсна Ыджыд тышын фашистскӧй Германияӧс вермӧмын Сӧветскӧй Союзлысь рольсӧ.
Кӧч тӧлысь помӧдз виччысьӧны 10 классъяслы историяысь выль учебникъяс.
А 2024 воӧдз Россияса йӧзӧс велӧдан министерство кӧсйӧ дасьтыны найӧс и 5–9 классъясса челядьлы.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба висьталіс Коми Республикаын кыйсян-вӧралан сезон заводитчӧм йылысь @ выльтор @ https://rkomi.ru/news/3192 @ 2023-08-30 @ }
Владимир Уйба висьталіс Коми Республикаын кыйсян-вӧралан сезон заводитчӧм йылысь.
Кыйсьӧмыс заводитчӧ кыдзи квотируйтӧм (йӧра, низь, ош, вӧркань, вурд), сідзи и квотируйттӧм сикасъяс вылӧ (пӧтка, ур, сьӧдбӧж, тулан, мой, кӧч, руч, ондатра да мукӧд).
Квотируйтӧм сикасъяс кыйӧм вылӧ разрешение босьтӧм могысь заявлениесӧ колӧ удитны сетны кыйсян-вӧралан кадколаст заводитчытӧдз 14 лунӧн водзджык.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Владимир Уйба наградитіс «#МыВместе» войтыркостса премиялӧн регионса тшупӧдын вермысьясӧс да призёръясӧс @ выльтор @ https://rkomi.ru/news/3193 @ 2023-08-30 @ }
Владимир Уйба наградитіс «#МыВместе» войтыркостса премиялӧн регионса тшупӧдын вермысьясӧс да призёръясӧс.
Кыпыд церемониясӧ нуӧдісны моз тӧлысь 30 лунӧ Коми Республикаса Юралысьлӧн Администрацияын.
«Добровольчество ёна пырӧдчис миян олӧмӧ, да тіян уджныд бура петкӧдлӧ тайӧс, — шыӧдчис «МыВместе» проектын участвуйтысьяс дорӧ Коми Республикаса Юралысь Владимир Уйба. — Быд проектӧ ті пуктанныд кужанлунъяс, тӧдӧмлунъяс, отсавны да мирсӧ бурджыкӧн вӧчны кӧсйӧм.
Ті асланыд уджӧн петкӧдланныд, мый отсасьны вермӧ быдӧн, кӧть кӧні да кӧть кутшӧм кадӧ».
Владимир Уйбалӧн кывъяс серти, Коми Республикаын доброволечьяслӧн ӧтмунӧмыс вынсялӧ, сылӧн тӧдчанлуныс республикаса олӧмын содӧ.
Республикаса волонтёръяс збыльмӧдӧны проектъяссӧ уна сфераын: экология, Чужан му радейтны велӧдӧм, медицина, велӧдӧм, вошӧм йӧзӧс корсьӧм.
Участвуйтӧны гырысь федеральнӧй проектъясын: «Бессмертнӧй полк», «Бур карса гӧгӧртаслӧн волонтёръяс», «Поезд Победы», «Том йӧзлӧн Арктикаса Дельфийскӧй ворсӧмъяс», отсалӧны нуӧдны регионса да муниципальнӧй мероприятиеяс.
«Чолӧмала «МыВместе» войтыркостса премияын участвуйтысьясӧс да сиа миян ставнымлы вермӧмъяс.
Аттьӧ быдӧнлы уджысь.
Дерт жӧ, Коми Республикаса Веськӧдлан котырлӧн отсӧгтӧг сьӧкыд уджавны миян организацияяслы.
Грантъяс, субсидияяс отсӧгӧн ми вӧчам сійӧс, мый миянлы кажитчӧ.
Торйӧн аттьӧала Владимир Уйбаӧс пыр отсалӧмысь», — тӧдчӧдіс «Родник» организацияын сӧвмӧдӧм серти менеджер Илья Костин.
Коми Республикаса Юралысь наградитіс премиялӧн регионса тшупӧдын вермысьясӧс: «Войтырлӧн дзоньвидзалун» номинацияын — Светлана Терентьеваӧс, «Медиапроект» номинацияын — Григорий Лукьянченкоӧс, «Бизнес» номинацияын — Анастасия Овчароваӧс, «Кывкутана бизнес» номинацияын — «Гидропоника» ИКК-са директор Елена Шевченкоӧс.
Сідзжӧ регионса Юралысь сетіс наградаяс вермысьяслы, кодъяс воӧдчисны полуфиналӧдз.
«Войтырлӧн дзоньвидзалун» номинацияын — тайӧ Василий Андреев «Папина формула здоровья» проектӧн.
«Служитӧмӧн велӧдчӧм» номинацияын — Валерия Спринская «Тропа сказок» социальнӧй аниматорскӧй проектӧн.
«Медводдза вӧчӧмтор» номинацияын — Милена Курченко «Экологическое воспитание дошкольников» проектӧн.
«Ыджыд позянлунъяса страна» номинацияын — Елена Кулько «Волшебники двора» проектӧн.
«Олӧм вылӧ мутас» номинацияын — «Войвыв Урал» АНО «Развитие экологического туризма на маршруте «Перевал Дятлова — плато Маньпупунёр» проектысь.
Владимир Уйба аттьӧаліс «#МыВместе» проектын участвуйтысьясӧс бур уджысь да Коми Республикаын волонтёръяслысь котыр сӧвмӧдӧмысь, а сідзжӧ вочавидзис регионын добровольчество сӧвмӧдӧм йылысь юалӧмъяс вылӧ да наградитіс премиялӧн регионса тшупӧдын вермысьясӧс да призёръясӧс.
Волонтёръяс жӧ висьталісны асланыс збыльмӧдӧм водзмӧстчӧмъяс йылысь.
«#МыВместе» премиясӧ нуӧдӧны нёльӧд во нин.
Коми Республикаысь проектын участвуйтысьяслӧн лыдыс содӧ.
2022 воын республикасянь вӧлі сетӧма 58 заявка, кутшӧмъяс вуджисны регионса тшупӧдӧ, таво — 76, на пиысь 25 проектсӧ шуисны регионса тшупӧдын вермысьясӧн.
«МыВместе» войтыркостса премиялӧн полуфиналӧдз став воӧдчысьлы ме сиа вермӧмъяс, да медым участвуйтӧмыс вайис бур бӧртасъяс.
Мед тіян уджныд кыдз позьӧ унджык йӧзӧс ышӧдас буртор вӧчӧм вылӧ!
А бурторсӧ вӧчны колӧ», — тӧдчӧдіс Владимир Уйба.
* * *
«#МыВместе» войтыркостса премиясӧ лӧсьӧдӧма 2020 воын Россия Федерацияса Президентлӧн тшӧктӧм серти.
Сылӧн мог — отсавны йӧзлы тӧдчана водзмӧстчӧмъяс вӧзйысьяслы, кутшӧмъясӧс веськӧдӧма йӧзлы отсалӧм да налысь олӧмсӧ бурмӧдӧм вылӧ.
{Kodko @ Коми Республикаын спорт — тайӧ олан норма @ выльтор @ https://rkomi.ru/news/3194 @ 2023-08-31 @ }
Коми Республикаын спорт — тайӧ олан норма.
Коми Республикаса Юралысь Владимир Уйба нуӧдіс Стратегическӧя веськӧдлӧм серти координационнӧй сӧветлысь заседание, кӧні видлалісны челядьлы да том йӧзлы спорт сӧвмӧдан юалӧмъяс.
«Челядьлӧн да томуловлӧн спортӧ зіля пырӧдчӧмыс отсалӧ чинтыны челядь висьӧм, томуловӧн мыж вӧчӧм лыдсӧ, — пасйис Владимир Уйба. — Кор челядь да томулов занимайтчӧны спортӧн, найӧс озджык кыскы ывлавывса лёкыс.
Талун, кор том йӧз сӧвмӧдӧмын медколанаӧн лоӧ буретш быдтӧм-велӧдӧм, физическӧй культура да спорт зэв тӧдчанаӧсь.
Зэв колана том йӧзлы сетны позянлун абу сӧмын занимайтчыны физкультураӧн, но и сӧвмӧдны ассьыныс вынйӧрсӧ кыдз медвылыс вермӧмъяса спортын, сідз и уна йӧза спортын».
Коми Республикаса вынйӧр сӧвмӧдан да спорт министерстволӧн юӧр серти, регионса спорт школаясын занимайтчӧ 21 сюрсысь унджык морт.
Налӧн лыдыс быд во содӧ.
Кадысь-кадӧ занимайтчӧны спортӧн республикаса 75%-ысь унджык челядь да томулов.
Физкультураӧн да спортӧн уна йӧза занятиеӧ кыскӧма регионса 60 сюрсысь унджык олысьӧс, налӧн лыдыс тшӧтш быд во содӧ.
Владимир Уйбалӧн тшӧктӧм серти, Коми Республикаын вӧчӧны спортивнӧй кластер, кытчӧ лоӧ пыртӧма футбольнӧй арена, вӧчӧм йиа каток да мотоспорт да картинг вылӧ трасса.
Став объектыс меститчас Сыктывкарын Воркута улича кузя.
Медводз стрӧитасны вевта каток, проектируйтан-корсьысян уджъяссӧ нуӧдасны 2024 воын.
Регионса Юралысьлӧн тшӧктӧм серти Сыктывкарса Краснозатонскӧй посёлокын выльмӧдасны олимпиада резервӧ дасьтан школа.
Проектно-сметнӧй документациясӧ дасьтӧма нин.
Объектсӧ кӧсйӧны пыртны Коми Республикаса адреснӧй инвестиция уджтасӧ.
Владимир Уйба пуктіс мог Коми Республикаса спорт министерстволы спорт инфраструктура бурмӧдӧм серти уджын зільджыка вӧдитчыны канму-аспом уджъёртасян инструментъясӧн.
Челядьӧс спортӧ кыскӧм могысь регионын нуӧдӧны школьнӧй, муниципальнӧй да республиканскӧй тшупӧдъясын уна мероприятие.
Быд во нуӧдӧны ставроссияса уна йӧза ордйысьӧмъяс, сы лыдын «Лёд нашей надежды» конькиӧн ислалан спорт кузя, «Россияса лыжня» лызьӧн ордйысьӧм, Тӧвся спорт сикасъяслы сиӧм ставроссияса лун, «Россияса Азимут» котралӧмъяс серти ставроссияса уна йӧза ордйысьӧмъяс да мукӧд.
2022 воын вӧлі 29 татшӧм мероприятие, сэтчӧ пырӧдчисны 65 сюрс гӧгӧр морт.
2021 восянь лӧсьӧдӧны да сӧвмӧдӧны спорт клубъяс.
17,5 сюрсысь унджык велӧдчысь нин ветлӧдлӧ 274 клубӧ.
Россия Федерацияса Президент Владимир Путинлӧн тшӧктӧм серти, лӧсьӧдӧма «Школьнӧй спортлӧн ставроссияса федерация» ставроссияса ӧтйӧза вынйӧр сӧвмӧдан да спорт организациялысь Коми Республикаын регионса юкӧн — Школьнӧй лига.
Уджалӧны студенческӧй спорт клубъяс, кӧні занимайтчӧ 2,7 сюрс морт, а сідзжӧ оланін серти спорт клубъяс, кытчӧ ветлӧны 23 сюрс гӧгӧр челядь да томулов.
Велӧдан организацияясын збыльмӧдӧны «Самбо в школу», «Мини-футбол в школу», «Вольная борьба», «Шахматы в школу», «Регби в школу» проектъяс, а 2023 вося кӧч тӧлысь 1 лунсянь республикаса школаясын заводитасны збыльмӧдны «Футбол в школу» проект.
Коми Республикаын зіля збыльмӧдӧны ГТО комплекс.
2022 воын ГТО нормативъяс сдайтӧмын участвуйтісны 16 сюрсысь унджык морт 7 арӧссянь 24 арӧсӧдз, на пиысь ГТО значоксӧ босьтісны 11 сюрсысь унджык морт.
Быд во Коми Республикаса сборнӧй пырӧдчӧ велӧдчысьяс костын ГТО ставроссияса фестивальӧ.
2022 воын миян сборнӧй босьтіс Россияса 71 субъект пӧвстын 14 места.
Коми Республикаын котыртӧма организацияяслысь юкӧнса вез, кӧні збыльмӧдӧны олимпийскӧй, паралимпийскӧй да неолимпийскӧй спорт сикасъяс серти спортивнӧя дасьтысян уджтасъяс. Татчӧ пырӧны 26 спорт школа да олимпиада резервӧ дасьтан 9 спорт школа.
Ставнас Коми Республикаын уджалӧ кык да джын сюрс спорт объект.
2020 восянь Коми Республикаса Веськӧдлан котыр зіля уджалӧ физкультура да спорт учреждениеяслысь материально-техническӧй базасӧ выльмӧдӧм серти.
«Демография» национальнӧй проектлӧн «Спорт — олан норма» федеральнӧй проектлысь мероприятиеяс збыльмӧдігӧн вӧлі вичмӧдӧма спортивнӧя дасьтысян организацияяслы спортивнӧй оборудование да инвентар ньӧбӧм вылӧ субсидияяс.
Бӧръя куим вонас тайӧ лыдпасыс лои 62 миллион шайт.
Регионса спорт организацияясын безопаснӧй условиеяс лӧсьӧдӧм вылӧ республиканскӧй сьӧмкудйысь вӧлі вичмӧдӧма 2020 воын 25 миллион шайт, 2021 воын — 19 миллион шайт.
Таысь кындзи, 2022 воын Коми Республикаса Веськӧдлан котырлӧн резервнӧй фондысь муниципалитетъяслы муниципальнӧй вынйӧр сӧвмӧдан да спорт учреждениеясын безопаснӧй условиеяс лӧсьӧдӧм вылӧ веськӧдӧма 20 миллион шайт.
Нӧшта 30 миллионысь унджык шайт республиканскӧй сьӧмкудйысь вичмӧдӧма спорт объектъяслысь материально-техническӧй базасӧ ёнмӧдӧм вылӧ.
{Kodko @ Владимир Уйба висьталіс уна челядя семьяяслы выль отсӧг сетан мера йылысь @ выльтор @ https://rkomi.ru/news/3195 @ 2023-08-31 @ }
Владимир Уйба висьталіс уна челядя семьяяслы выль отсӧг сетан мера йылысь.
Тайӧ инмӧ семьяяслы, кӧні куим да унджык челядь, кодъяслы эз на тыр 23 арӧс.
Татшӧм семьяяс вермасны босьтны регионса шӧр тшупӧда специальнӧй да шӧр тшупӧда уджсикасӧ велӧдан организацияясын очнӧя велӧдчысь челядьӧс вештысьӧмӧн велӧдӧмысь компенсация.
Компенсируйтӧны велӧдчӧмлӧн донысь 50 прӧчент, но быд велӧдчан воысь 25 сюрсысь оз унджык. Заводитасны локтан 2023–2024 велӧдчан восянь.
Компенсацияла позьӧ шыӧдчӧны 2023 вося кӧч тӧлысь 1 лунсянь, но 2024 вося сора тӧлысь 31 лунысь оз сёрӧнджык.
Паськыдджыка — Коми Республикаса Юралысьлӧн видео пыр шыӧдчӧмын.
{Kodko @ Коми Республикаса олысьяслы сетісны повтӧмлунысь, смеллунысь да йӧз вӧсна тӧждысьӧмысь наградаяс (кувсьӧм бӧрын) @ выльтор @ https://rkomi.ru/news/3196 @ 2023-08-31 @ }
Коми Республикаса олысьяслы сетісны повтӧмлунысь, смеллунысь да йӧз вӧсна тӧждысьӧмысь наградаяс (кувсьӧм бӧрын).
Моз тӧлысь 31 лунӧ Коми Республикаса Юралысь Владимир Уйба сетіс торъя военнӧй операция дырйи Чужан му вӧсна пӧгибнитӧм военнослужащӧйяслӧн семьяяслы Повтӧмлун орденъяс.
«Быд награда — тайӧ подвиглӧн да повтӧмлунлӧн история.
Миян зонъяс — збыль геройяс, медся вежаыс да донаыс, мый мортыс вермӧ сетны Вермӧм вӧсна — сетны олӧмсӧ.
Зонъяс повтӧг тышкасисны Чужан му вӧсна, миян вӧсна, миян челядь вӧсна.
Кыдзи пӧльяс, кодъяс Айму вӧсна Ыджыд тышын дорйисны Чужаніннымӧс фашизмысь, миян зонъяс тышкасьӧны неонацистъяскӧд.
Война вылын некыдз воштӧмъястӧг.
Но миянлысь зонъясӧс, кодъяс сетісны олӧмныссӧ Чужан му вӧсна, зарни шыпасъясӧн гижӧма Россиялӧн историяӧ да Коми Республикалӧн историяӧ.
Миян зонъяслӧн нимъясӧн шуӧны школаяс, уличаяс, налӧн подвиг йылысь паметьсӧ кутасны вуджӧдны кӧленаысь кӧленаӧ», — пасйис Владимир Уйба.
Россия Федерацияса Президентлӧн Индӧдӧн воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Повтӧмлун орденӧн да Вежа Георгийлӧн орденлӧн отличие пасӧн — Георгийлӧн IV тшупӧда крестӧн наградитӧма кувсьӧм бӧрын младшӧй сержант Александр Михайлович Курошӧс.
Сійӧ чужис Сыктыв районса Палаззя сиктын, оліс Визин сиктын.
2006–2009 воясӧ служитіс контракт серти Чечняын, боевӧй тышъясса ветеран.
Водзӧ служитіс быдсикас воинскӧй часьтын операторлӧн наводчик, старшӧй механик-водитель, аэродромно-техническӧя могмӧданінса бульдозерист чинъясын.
Пӧгибнитіс 2023 вося рака тӧлысьӧ СВО дырйи.
Россия Федерацияса Президентлӧн Индӧдӧн воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Повтӧмлун орденӧн наградитӧма кувсьӧм бӧрын:
Старшӧй сержант Илья Андреевич Отевӧс.
Чужис Сыктывкарын, оліс Кӧрткерӧс сиктын.
2013 восянь 2021 воӧдз служитіс контракт серти отделениеса командир — взводса командирӧс вежысь чинын.
Пӧгибнитіс 2023 вося урасьӧм тӧлысьӧ.
Ефрейтор Юрий Юрьевич Васильевӧс.
Чужис да оліс Сыктывкарын.
2018–2019 воясӧ служитіс контракт серти радиостанцияса начальникӧн.
2023 воӧ выльысь муніс контракт серти служба вылӧ саридзса пехотаын стрелокӧн.
Усис 2023 вося лӧддза-номъя тӧлысьӧ.
Ефрейтор Евгений Олегович Свирскийӧс.
Чужис да оліс Интаын.
2019 воӧ служитіс призыв серти, сэсся — контракт серти автомобильнӧй взводын водитель чинын.
Усис 2023 вося рака тӧлысьӧ СВО дырйи.
Радӧвӧй Тимур Айратович Хайретдиновӧс.
Чужис Вуктылын, оліс Ухтаын.
Служитіс саридзса пехотаын взводса стрелок чинын.
Пӧгибнитіс 2023 вося рака тӧлысьӧ.
«Нӧшта ӧтчыдысь аттьӧ миян зонъясысь.
Аттьӧ повтӧмлунысь.
Отсалам быд мытшӧд серти, мый лоас.
Тӧдӧй, ми тіянкӧд», — шуис церемония сигӧртігӧн Владимир Уйба.
{Kodko @ Коми Республикаса Юралысь чолӧмалӧ Тӧдӧмлунъяс лунӧн @ выльтор @ https://rkomi.ru/news/3197 @ 2023-09-01 @}
Коми Республикаса Юралысь чолӧмалӧ Тӧдӧмлунъяс лунӧн
“Республикаса пыдди пуктана олысьяс!
Дона велӧдысьяс да бать-мам, детсадса челядь, школьникъяс да студентъяс!
Чолӧмала Тӧдӧмлунъяс лунӧн да выль велӧдчан во заводитчӧмӧн!
Республикаын став велӧдчан учреждениеыс дась кӧч тӧлысь 1 лун кежлӧ.
Таво миян регионса детсадъясӧ медводдзаысь мунасны 8 сюрсысь унджык дзолюк, школаяс примитасны пӧшти 11 сюрс первоклассникӧс, техникумъяс да колледжъяс – 6 сюрсысь унджык первокурсникӧс, а вузъяс – 5 сюрсысь унджык мортӧс.
Ставныс, кодъяс медводдзаысь пырӧны детсадйӧ, школаӧ, уджсикасӧ велӧданінӧ, ёна майшасьӧны.
Челядькӧд ӧтвылысь сьӧлӧмныс ыпъялӧ бать-мамлӧн да велӧдысьяслӧн, кодъяс сідзжӧ кывкутӧмӧн дасьтысьӧны велӧдчан во кежлӧ.
Медым челядьлы вӧлі лӧсьыд велӧдчыны, а велӧдысьяслы уджавны, ми стрӧитам выль садъяс да школаяс, сӧвмӧдам содтӧд тӧдӧмлун сетӧмсӧ, ёнмӧдам учреждениеяслысь материально-техническӧй базасӧ, могмӧдам ӧнія оборудованиеӧн да учебникъясӧн, лӧсьӧдам быд кагаӧс велӧдӧм, быдтӧм да сӧвмӧдӧм вылӧ бур условиеяс.
Детсадса челядьлы, школьникъяслы да студентъяслы сиа яръюгыд да интереснӧй велӧдчан во, кӧні лоасны уна выльтор, ёртъяскӧд аддзысьлӧмъяс.
Велӧдысьяслы – уджын выль вермӧмъяс, енбиа велӧдчысьясӧс, кодъяс пыдди пуктӧны тіянӧс!”
Коми Республикаса Юралысь Владимир Уйба
{Kodko @ Владимир Уйба чолӧмаліс Коми Республикаын олысьясӧс Тӧдӧмлунъяс лунӧн да висьталіс Изьвавом грездын выль школа восьтӧм йылысь @ выльтор @ https://rkomi.ru/news/3198 @ 2023-09-01 @}
Владимир Уйба чолӧмаліс Коми Республикаын олысьясӧс Тӧдӧмлунъяс лунӧн да висьталіс Изьвавом грездын выль школа восьтӧм йылысь.
Тайӧ лоӧмторсӧ сиктса олысьяс виччысисны 20 во – 2003 воын чардби лыйӧмысь сотчис важ школаыс, да челядьлы ковмис велӧдчыны вӧвлӧм культура керкаын да вузасянінын.
Коми Республикаса Юралысь Владимир Уйбалӧн тшӧктӧм серти объектсӧ вӧлі пыртӧма республикаса адреснӧй инвестиция уджтасӧ, а регионса сьӧмкудйысь вичмӧдӧма сьӧм.
Таво Тӧдӧмлунъяс лунсӧ Изьвавомса олысьяс пасйисны выль школаын нин.
Кирпичысь кык судтаа выль зданиесӧ арталӧма 90 велӧдчысь да 40 быдтас вылӧ.
Тані оборудуйтӧма ыджыд вежӧсъяс, сёянін, спорт зал, ворсан жыръяс.
Школа гӧгӧрын эмӧсь спорт площадкаяс.
Паськыдджыка – Коми Республикаса Юралысьлӧн видео пыр шыӧдчӧмын.
{Kodko @ Изьвавом грездын — выль школа! @ выльтор @ https://rkomi.ru/news/3199 @ 2023-09-01 @}
Изьвавом грездын — выль школа!
Коми Республикаса Юралысь Владимир Уйба чолӧмаліс велӧдчысьясӧс, бать-мамъясӧс да педагогъясӧс Тӧдӧмлунъяс лунӧн да выль школа-сад восьтӧмӧн.
Талун, кӧч тӧлысь 1 лунӧ, сійӧ уджалӧ Изьва районын.
“Талун Изьва районын да Коми Республикаын ыджыд гаж.
Ми восьтам выль школа-сад Изьвавомса да маті сикт-грездъясса челядьлы, - пасйис Владимир Уйба. - 20 во чӧж миян ныв-зонъяс велӧдчисны, а педагогъяс велӧдісны лёк условиеясын.
Тадзи, дерт, оз позь.
3 во сайын меным воис Изьвавомса челядьсянь корӧм сы йылысь, мый найӧ кӧсйӧны велӧдчыны морт ногӧн, ӧнія школаын.
Талун республикаын медся выль школа-сад восьтӧ ӧдзӧсъяссӧ.
И ми виччысям тіянсянь, ёртъяс, дерт жӧ, медым ті бура велӧдчинныд, ӧд тіян став олӧмныд водзын, а тӧдӧмлунъяс – тайӧ подув.
Дона педагогъяс, талун тіян дзик мӧд условиеяс, медым уджавны да восьтыны педагогикаын енбиныдтӧ.
Сиа тіянлы вермӧмъяс, енбиа велӧдчысьясӧс, сьӧлӧмсянь сетӧй налы тӧдӧмлунъяс, велӧдӧй радейтны Чужан му, ичӧт чужанін, медым челядь бӧр локтісны чужан сиктӧ.
Та вылӧ ми лӧсьӧдам условиеяс – кыпӧдам школаяс, челядьлы садъяс, сетам уджалан местаяс.
Ставныдтӧ чолӧмала!
abu
Мед тайӧ школаыс быдтас выль енбиа йӧзӧс, кодъяс кутасны нимӧдны и Изьвавом грезд, и Изьва район, и Коми Республика, и Россия”.
Кыпыда восьтігӧн Коми Республикаса Юралысь сетіс школаса директор Ирина Зенковалы велӧдчанінлысь материально-техническӧй база сӧвмӧдӧм вылӧ сьӧма сертификат.
Кирпичысь кык судтаа выль зданиесӧ арталӧма 90 школьник да 40 дошкольник вылӧ.
Важ школаыс сотчыліс 2003 воӧ гымньӧв лыйӧм вӧсна.
20 во чӧж татчӧс челядь велӧдчисны вӧвлӧм культура керкалӧн да вузасянінлӧн жыръясын.
2020 воӧ Коми Республикаса Юралысь чинӧ бӧрйӧм Владимир Уйба тшӧктіс пыртны объектсӧ республикаса адреснӧй инвестиция уджтасӧ да вичмӧдны регионса сьӧмкудйысь сьӧм стрӧитӧм вылӧ.
Проектсӧ збыльмӧдны заводитісны 2021 вося рака тӧлысьӧ.
А 2023 вося кӧч тӧлысь 1 лунӧ нин школаӧ локтісны челядь.
Тані лӧсьӧдӧма сёянін, спорт зал, ворсан жыръяс, кабинетъяс.
Матынӧсь гимнастика вылӧ, волейболысь, бадминтонысь, футболысь ворсан площадкаяс да котралан дорожка.
Зданиелӧн ӧтувъя площадьыс 4,1 сюрс квадратнӧй метр.
“Тайӧ луныс кольӧ миян паметьӧ век кежлӧ! - юксис школаса директор Ирина Зенкова. 
- Выль школа, ӧнія здание, кадлы лӧсялана условиеяс – тайӧ зэв бур.
Кӧсъя шуны ыджыд аттьӧ Тіянлы, Владимир Викторович.
Ми нӧшта ӧтчыдысь аддзим, мый ті кутчысянныд асланыд кывъясӧ.
Кӧсъя аттьӧавны стрӧитчысьясӧс, найӧс, кодъяс миянлы отсалісны.
Тайӧ школа вылӧ уджаліс став районным.
Кытчӧ кӧть эгӧ шыӧдчылӧй – быдлаын отсалісны.
Муӧдз копыр ставныдлы да ыджыд аттьӧ миянсянь да миян челядьсянь!”
2024 воӧ выль школа воссяс Изьва сиктын, Бакур грездын стрӧитасны детсад. 
{Kodko @ Владимир Уйба видзӧдліс, кыдзи Изьва районын стрӧитӧны социальнӧй объектъяс @ выльтор @ https://rkomi.ru/news/3200 @ 2023-09-01 @}
Владимир Уйба видзӧдліс, кыдзи Изьва районын стрӧитӧны социальнӧй объектъяс
Кӧч тӧлысь 1 лунӧ удж серти ветлігӧн Коми Республикаса Юралысь воліс Кельчиюр сиктын фельдшер-акушер пункт, Бакур грездын детсад да Изьва сиктын школа стрӧитанінъясӧ.
Бакур грездын сӧмын на заводитісны стрӧитны детсадсӧ.
Объект вылын пуктісны подувсӧ, вайӧны материал, заводитісны медводдза судтаын плитаяс пуктӧм серти монтажнӧй уджъяс.
Кырымалӧма ваӧн могмӧдан, ва нуӧдан, шоныдӧн могмӧдан, биӧн могмӧдан везъяс дорӧ технологическӧя йитӧм, электросетьяс петкӧдӧм вылӧ сёрнитчӧмъяс.
Объектсӧ пыртӧма Коми Республикаса адреснӧй инвестиция уджтасӧ.
Изьва сиктын 600 места вылӧ школаыс дась 26% вылӧ.
Объект вылын лӧсьӧдӧма подув да шоныд везъяс улӧ котлован, монтируйтӧма ленточнӧй подув, вӧчӧма монолитнӧй плита, подув судтаын лӧсьӧдӧма сувтса гидроизоляция, монтируйтӧма кӧрт бетонысь лотокъяс да шоныдӧн могмӧдан трубаяс.
Тэчӧны кирпич, а сідзжӧ дасьтысьӧны ортсӧ лэдзан ва улӧ дозъяс монтируйтӧм кежлӧ.
Кельчиюр сиктын стрӧитӧны модульнӧй ФАП.
Помалӧны сваяяс улӧ му да конструктивнӧй элементъяс монтируйтӧм серти уджъяс, монтируйтӧны сэндвич-панельяс.
Медицина учреждение стрӧитӧм вылӧ сьӧмсӧ – 7,8 млн шайт – вичмӧдӧма Коми Республикаса Веськӧдлан котырлӧн резервнӧй фондысь.
Медицина удж нуӧдӧм вылӧ лицензиясӧ кӧсйӧны босьтны 2023 вося йирым тӧлысь помӧдз. 
{Kodko @ Коми Республикаса Юралысь чолӧмаліс Мусир да биару промышленносьтын уджалысьяслӧн лунӧн @ выльтор @ https://rkomi.ru/news/3201 @ 2023-09-03 @}
Коми Республикаса Юралысь чолӧмаліс Мусир да биару промышленносьтын уджалысьяслӧн лунӧн
«Мусир да биару комплексын пыдди пуктана уджалысьяс да ветеранъяс!
Чолӧмала тіянӧс уджсикас гажӧн – Мусир да биару промышленносьтын уджалысьяслӧн лунӧн!
Коми Республика – мупытшкӧсса да вӧр-ва озырлунъяса му.
Мусир да биару куйлӧдъяс восьтӧм бӧрын Коми муыс, сылӧн экономикаыс да социальнӧй юкӧныс заводитіс сӧвмыны выль ног.
Кужӧм-сямлун, тӧдӧмлунъяс, кывкутӧм да асьныссӧ жалиттӧмлун ставныслӧн, коді уджаліс да уджалӧ талун мусир да биару комплексын, отсалӧ миян регионлы водзӧ сӧвмыны.
Талун республикалӧн мусир да биару юкӧн – тайӧ ассьыс уджсӧ бура тӧдысь 20 сюрсысь унджык морт, кодъяс перйӧны мусир да биару, новлӧны да перерабатывайтӧны найӧс.
Тайӧ куйлӧдъяслысь позянлунъяссӧ пыр ыдждӧдӧм да паськӧдӧм, выль технологияяс пыртӧм.
Тайӧ предприятиеяслӧн да республикаса Веськӧдлан котырлӧн миян войвыв муын олысьяслы бур вылӧ, сылӧн талунъя да аскиа лун вӧсна ӧтвылысь бура уджалӧм.
Аттьӧала регионса мусир да биару перйысьясӧс, ветеранъясӧс, кодлӧн уджӧн артмис юкӧнлӧн славаыс, уджсикас бура тӧдӧмысь да сьӧлӧмсянь, асьныссӧ жалиттӧг, кужӧмӧн уджсӧ вӧчӧмысь.
Сиа крепыд дзоньвидзалун, шуд, Коми Республикалы да Россиялы бур вылӧ уджын выль вермӧмъяс!»
Коми Республикаса Юралысь Владимир Уйба
{Kodko @ «Велӧдчӧм» нацпроект: Сыктывкарын стрӧитӧны 825 места вылӧ школа @ выльтор @ https://rkomi.ru/news/3203 @ 2023-09-04 @}
«Велӧдчӧм» нацпроект: Сыктывкарын стрӧитӧны 825 места вылӧ школа.
Национальнӧй проектъяс збыльмӧдӧм бӧрся торйӧн видзӧдӧ Коми Республикаса Юралысь Владимир Уйба.
Талун, кӧч тӧлысь 4 лунӧ, регионса юрнуӧдысь видзӧдліс, кыдзи стрӧитӧны Емваль микрорайонын школа.
Ӧні тэчӧны стен панельяс, мӧд да коймӧд судтаясын – кирпич да джодж-йирк плитаяс, лӧсьӧдӧны монолитнӧй юкӧнъяс, теплотрасса, нюжӧдӧны пытшкӧсса инженернӧй системаяс, топӧдӧны стадион, котралан туй да ворсанінъяс вылӧ подувсӧ, лӧсьӧдӧны медводдза судтаса джоджлысь подув, тэчӧны стадион югзьӧдысь опораяс, гӧбӧчын да медводдза судтаын вентиляционнӧй кӧрӧбъяс, ӧшиньяс.
Объектыс техническӧя дась 45% вылӧ. 
{Kodko @ 2023 во заводитчӧмсянь отсӧг да канмусянь отсӧг босьтісны Коми Республикаысь 2 сюрсысь унджык асшӧр уджалысь @ выльтор @ https://rkomi.ru/news/3204 @ 2023-09-04 @}
2023 во заводитчӧмсянь отсӧг да канмусянь отсӧг босьтісны Коми Республикаысь 2 сюрсысь унджык асшӧр уджалысь.
400-ысь унджык асшӧр уджалысь босьтісны микрозаёмӧн да гарантийнӧй поручительствоясӧн, лизинг сёрнитчӧмъяс кырымалӧмӧн сьӧма отсӧг, «Войтырлӧн сьӧмкуд» проект серти да Видз-му овмӧс министерство отсӧгӧн.
Мукӧд асшӧр уджалысьыс вӧдитчисны бизнес-планъяс лӧсьӧдӧм, электроннӧй вузасян площадкаяс вылын меститчӧм, выставкаясын, ярмангаясын да мукӧд мероприятиеын участвуйтӧмсӧ котыртӧм серти «Менам бизнес» шӧринлӧн услугаясӧн.
Та йылысь видео пыр аслас шыӧдчӧмын висьталіс Коми Республикаса Юралысь Владимир Уйба. 
{Kodko @ «Айму дорйысьяс» канму фондлӧн Коми Республикаса филиалӧ куим тӧлысьӧн воис 3700 сайӧ шыӧдчӧм @ выльтор @ https://rkomi.ru/news/3205 @ 2023-09-05 @}
«Айму дорйысьяс» канму фондлӧн Коми Республикаса филиалӧ куим тӧлысьӧн воис 3700 сайӧ шыӧдчӧм.
На пиысь 2 700-сӧ решитӧма нин, мукӧд серти уджалӧны.
Та йылысь видео пыр шыӧдчӧмын висьталіс Коми Республикаса Юралысь Владимир Уйба.
Медтшӧкыда Фондлӧн филиалӧ шыӧдчӧны боевӧй тышъясса ветеранлысь эскӧданпас, СВО-ын участвуйтӧмысь мынтӧмъяс босьтӧмла, юридическӧй да медицина отсӧгла, социальнӧй отсӧг сетан мераяс индӧмла.
«Айму дорйысьяс» СВО-ын участвуйтысьяслы отсӧг сетан канму фондлысь филиалсӧ лӧсьӧдӧма Россияса Президент Владимир Путинлӧн Индӧд серти. Коми Республикаын сійӧ уджалӧ 2023 вося лӧддза-номъя тӧлысь 1 лунсянь.
{Kodko @ Коми Республика босьтас федеральнӧй сьӧмкудйысь 110,9 млн шайт арктикаса муниципалитетъяс сӧвмӧдӧм вылӧ @ выльтор @ https://rkomi.ru/news/3206 @ 2023-09-06 @}
Коми Республика босьтас федеральнӧй сьӧмкудйысь 110,9 млн шайт арктикаса муниципалитетъяс сӧвмӧдӧм вылӧ
Та йылысь сёрнитчисны 2023 вося моз тӧлысь 11 лунӧ Арктика сӧвмӧдан юалӧмъяс серти канму комиссияса президиумлӧн заседание дырйи.
Тайӧ лунъясӧ кырымалісны Арктикаса регионъяслы федеральнӧй ӧтувъя субсидия сьӧм юклӧм йылысь сёрнигижӧд.
Содтӧд сьӧм вичмӧдасны Воркуталы, Инталы, Усинсклы да Чилимдін районлы.
Паськыдджыка – Коми Республикаса Юралысь Владимир Уйбалӧн видео пыр шыӧдчӧмын. 
{Kodko @ Владимир Уйба висьталіс “РОСТКИ” Россия да Китай костын медводдза форум йылысь @ выльтор @ https://rkomi.ru/news/3207 @ 2023-09-07 @}
Владимир Уйба висьталіс “РОСТКИ” Россия да Китай костын медводдза форум йылысь
“Россия да Китай – ӧта-мӧдлы колана уджъёртасьӧм” войтыркостса форум тайӧ лунъясӧ мунӧ Казаньын “Казань Экспо” войтыркостса выставка шӧринын.
Тайӧ выль быдвося площадка, кӧні кутасны сӧвмӧдны россияса регионъяс да китайса провинцияяс костын экономика боксянь уджъёртасьӧм.
Мероприятиеыс лоас подулӧн выль инвестиция проектъяс збыльмӧдӧмлы да китайса уджъёртъяскӧд ӧтувъя производствояс лӧсьӧдӧмлы.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаса Юралысь Владимир Уйба чолӧмаліс «Россия да Китай – ӧта-мӧдлы колана уджъёртасьӧм» войтыркостса форумӧ пырӧдчысьясӧс @ выльтор @ https://rkomi.ru/news/3208 @ 2023-09-07 @}
Коми Республикаса Юралысь Владимир Уйба чолӧмаліс «Россия да Китай – ӧта-мӧдлы колана уджъёртасьӧм» войтыркостса форумӧ пырӧдчысьясӧс
«РОСТКИ» Россия да Китай костын медводдза форум мунӧ тайӧ лунъясӧ Казаньын «Казань Экспо» войтыркостса выставка шӧринын.
Россиялӧн да Китайлӧн уджъёртасьӧмыс быд во ёнмӧ.
Вося кывкӧртӧдъяс серти кык страна костын тӧвар вузалан-ньӧбан йӧрышыс – 190 миллиард доллар.
Россия кутіс нуны унджык мусир Китайӧ.
А Китайысь кутісны ёнджык вайны Россияӧ автомашинаяс, спецтехника да комплектующӧйяс.
Коми Республикалы Китайкӧд ёртасьӧмыс сідзжӧ зэв колана, - пасйис регионса Юралысь Владимир Уйба, чолӧмалігӧн.
«Коми Республика да Китай костын вузасян да экономика йитӧдъяссӧ збыльмӧдӧны медсясӧ суйӧр сайӧ тӧвар нуӧмӧн.
Ми нуам Китайӧ вӧр, пуысь вӧчасъяс да пу шом, а сідзжӧ бумага да картон.
Бӧръя воясӧ, торйӧн нин 2022 воын, тӧдчымӧн содіс вӧр продукция суйӧр сайӧ нуӧмыс.
Талун Китайскӧй Народнӧй Республика лоӧ Коми Республикалӧн вузасьӧмын медыджыд уджъёртӧн, и оз сӧмын вӧр промышленносьт юкӧнын.
Ми уджалам мукӧд нырвизьын – тайӧ из шом вайӧм, минеральнӧй озырлунъяслысь куйлӧд перйӧм.
Ми дасьӧсь паськӧдны миянлысь уджъёртасьӧмнымӧс», - пасйис Коми Республикаса Юралысь Владимир Уйба.
Россия да Китай костын форум уджтасӧ пырисны 50-ысь унджык делӧвӧй сессия, сы лыдын КНР да РФ партияяслӧн ёрта сёрни, IT, машина стрӧитӧм, нефтехимия, транспорт, туризм, культура, йӧзлысь дзоньвидзалун видзӧм, спорт, велӧдчӧм да инвестицияяс, том йӧзкӧд уджалӧм нырвизьяс серти делӧвӧй сессияяс.
Котыртысьяс виччысьӧны нин, мый медводдза форумас пырӧдчас 3000-ысь оз этшаджык морт.
Форум серти вӧлі Russia-China Expo войтыркостса выставка, кӧні петкӧдлісны инвестиция да инфраструктура проектъяс, экономикаын ӧта-мӧдлы колана технологическӧй альянсъяс, B2B проектъяс, ыджыд бизнеслысь да МСП субъектъяслысь прӧдуктъяс.
Сідзжӧ Коми Республикаса Юралысь Владимир Уйба участвуйтіс Россия да Китай костын ёртасян том йӧзлысь фестиваль кыпыда восьтан церемонияын.
Фотоыс Коми Республикаса Юралысьлӧн пресс-службалӧн, ТАСС Россияса юӧртан агентстволӧн, Татарстан Республикаса Раислӧн пресс-службалӧн
{Kodko @ Коми Республикаса Юралысь Владимир Уйба чолӧмаліс «Россия да Китай – ӧта-мӧдлы колана уджъёртасьӧм» войтыркостса форумӧ пырӧдчысьясӧс @ выльтор @ https://rkomi.ru/news/3208 @ 2023-09-07 @}
Коми Республикаса Юралысь Владимир Уйба чолӧмаліс «Россия да Китай – ӧта-мӧдлы колана уджъёртасьӧм» войтыркостса форумӧ пырӧдчысьясӧс
«РОСТКИ» Россия да Китай костын медводдза форум мунӧ тайӧ лунъясӧ Казаньын «Казань Экспо» войтыркостса выставка шӧринын.
Россиялӧн да Китайлӧн уджъёртасьӧмыс быд во ёнмӧ.
Вося кывкӧртӧдъяс серти кык страна костын тӧвар вузалан-ньӧбан йӧрышыс – 190 миллиард доллар.
Россия кутіс нуны унджык мусир Китайӧ.
А Китайысь кутісны ёнджык вайны Россияӧ автомашинаяс, спецтехника да комплектующӧйяс.
Коми Республикалы Китайкӧд ёртасьӧмыс сідзжӧ зэв колана, - пасйис регионса Юралысь Владимир Уйба, чолӧмалігӧн.
«Коми Республика да Китай костын вузасян да экономика йитӧдъяссӧ збыльмӧдӧны медсясӧ суйӧр сайӧ тӧвар нуӧмӧн.
Ми нуам Китайӧ вӧр, пуысь вӧчасъяс да пу шом, а сідзжӧ бумага да картон.
Бӧръя воясӧ, торйӧн нин 2022 воын, тӧдчымӧн содіс вӧр продукция суйӧр сайӧ нуӧмыс.
Талун Китайскӧй Народнӧй Республика лоӧ Коми Республикалӧн вузасьӧмын медыджыд уджъёртӧн, и оз сӧмын вӧр промышленносьт юкӧнын.
Ми уджалам мукӧд нырвизьын – тайӧ из шом вайӧм, минеральнӧй озырлунъяслысь куйлӧд перйӧм.
Ми дасьӧсь паськӧдны миянлысь уджъёртасьӧмнымӧс», - пасйис Коми Республикаса Юралысь Владимир Уйба.
Россия да Китай костын форум уджтасӧ пырисны 50-ысь унджык делӧвӧй сессия, сы лыдын КНР да РФ партияяслӧн ёрта сёрни, IT, машина стрӧитӧм, нефтехимия, транспорт, туризм, культура, йӧзлысь дзоньвидзалун видзӧм, спорт, велӧдчӧм да инвестицияяс, том йӧзкӧд уджалӧм нырвизьяс серти делӧвӧй сессияяс.
Котыртысьяс виччысьӧны нин, мый медводдза форумас пырӧдчас 3000-ысь оз этшаджык морт.
Форум серти вӧлі Russia-China Expo войтыркостса выставка, кӧні петкӧдлісны инвестиция да инфраструктура проектъяс, экономикаын ӧта-мӧдлы колана технологическӧй альянсъяс, B2B проектъяс, ыджыд бизнеслысь да МСП субъектъяслысь прӧдуктъяс.
Сідзжӧ Коми Республикаса Юралысь Владимир Уйба участвуйтіс Россия да Китай костын ёртасян том йӧзлысь фестиваль кыпыда восьтан церемонияын.
Фотоыс Коми Республикаса Юралысьлӧн пресс-службалӧн, ТАСС Россияса юӧртан агентстволӧн, Татарстан Республикаса Раислӧн пресс-службалӧн
{Kodko @ Владимир Уйба висьталіс том асшӧр уджалысьяслы да социальнӧй предприятиеяслы грантъяс йылысь @ выльтор @ https://rkomi.ru/news/3209 @ 2023-09-08 @}
Владимир Уйба висьталіс том асшӧр уджалысьяслы да социальнӧй предприятиеяслы грантъяс йылысь.
Коми Республикаын юӧртӧма том асшӧр уджалысьяслы да социальнӧй предприятиеяслы бизнес-проектъяс збыльмӧдӧм вылӧ субсидияясӧн грантъяс сетӧм вылӧ конкурс.
Грант мындаыс лоӧ 100 сюрссянь 500 сюрс шайтӧдз.
Асшӧр уджалысьяслы, кодъяс пасйысьӧмаӧсь да уджалӧны Коми Республикаын Россия Федерацияса Арктика зонаын, субсидия мындасӧ содтӧма 1 миллион шайтӧдз.
Заявкаяссӧ примитӧ регионса Экономика сӧвмӧдан, промышленносьт да транспорт министерство йирым тӧлысь 4 лунӧдз.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба висьталіс Коми Республикаын ломтысянінъяс биоломтас вылӧ вуджӧдӧм йылысь @ выльтор @ https://rkomi.ru/news/3210 @ 2023-09-11 @}
Владимир Уйба висьталіс Коми Республикаын ломтысянінъяс биоломтас вылӧ вуджӧдӧм йылысь
2020 воӧ Коми Республикаса Юралысь тшӧктіс регионса Веськӧдлан котырлы вуджӧдны из шом да мазут вылын уджалысь ломтысянінъяссӧ экологичнӧйджык ломтас вылӧ – биару, пеллетъяс, брикетъяс, пес да чаг вылӧ.
Уджсӧ нуӧдӧны сьӧрсьӧн-бӧрсьӧн.
2021-2022 воясся ломтысян период заводитчӧм кежлӧ Шоныд сетан Коми компания уджӧдіс биоломтас вылын 45 ломтысянін, 2022-2023 воясся ломтысян период кежлӧ налӧн лыдыс содіс 58-ӧдз, а ӧнія ломтысян периодӧ биоломтас вылӧ вуджӧдасны нӧшта 46 ломтысянін.
Ломтысянінъяс выльмӧдӧм кындзи республикаын отсалӧны вӧчны биоломтас.
2021 восянь Коми Республикаса Веськӧдлан котыр сетӧ пеллет да ломтысян брикет вӧчанінъяс лӧсьӧдӧм, выльмӧдӧм да паськӧдӧм вылӧ рӧскод вештӧм серти субсидияяс.
Тайӧ могъяс вылӧ республикаса сьӧмкудйын вичмӧдӧма 50 миллион шайт.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба юрнуӧдӧ ВЭФ-2023 вылын Коми Республикаса делегацияӧн @ выльтор @ https://rkomi.ru/news/3211 @ 2023-09-11 @}
Владимир Уйба юрнуӧдӧ ВЭФ-2023 вылын Коми Республикаса делегацияӧн
Тайӧ лунъясӧ Владивостокын Ылі Асыввывса федеральнӧй университетлӧн кампусын мунӧ Асыввывса VIII экономическӧй форум.
Тайӧ медыджыд войтыркостса площадка, кытчӧ пырӧдчӧны уна странаысь бизнесӧн юрнуӧдысьяс да политическӧй нырщикъяс.
Форумлӧн тавося медшӧр темаыс: “Уджъёртасьӧмлань, лада олӧмлань да дзордзалӧмлань туйын”. 
Делӧвӧй сессияяссӧ юкӧма темаяс серти 6 блок вылӧ:
“Вежсьӧм мирын войтыркостса уджъёртасьӧм” блокын сёрнитасны валюта да сьӧм боксянь войтыркостса выль система лӧсьӧдӧм, научнӧй дипломатия сӧвмӧдӧм да уджъёртасьӧмын выль формаяс корсьӧм йылысь.
“Вежсьӧмъяслӧн логистика” тема серти блоклӧн сессияяс дырйи видлаласны, кыдзи цифрӧвӧй технологияяс подув вылын позьӧ котыртны вузӧс нуӧм-вайӧмсӧ, сёрнитасны мудоркостса уджъёртасьӧм да Войвывса саридз туй сӧвмӧдӧм йылысь.
“Ылі Асыввыв 10 воӧн.
Мый артмис да мый колӧ вӧчны?” блокса мероприятиеяс дырйи медшӧр сёрнитанторъясӧн лоасны Ылі Асыввывса федеральнӧй кытш сӧвмӧдӧмын кывкӧртӧдъяс да позянлунъяс, торйӧн нин преференциальнӧй режимъясӧн вӧдитчан юалӧмъяс.
Искусственнӧй интеллектӧн, биотехнологияясӧн, АТР рынок вылын креативнӧй индустрияяслӧн позянлунъясӧн вӧдитчӧм да лекарствояс боксянь лёк суӧмысь видзчысьӧм йылысь сёрнитасны “Технологияяс боксянь сӧвмӧм кыдзи асшӧрлунлӧн гарантия” блокын.
“Аскиа Ылі Асыввыв” тема серти блок сиӧма оланін стрӧитан, каръяслысь мастер-планъяс збыльмӧдан юалӧмъяслы, кӧртымалан оланін рыноклы.
“Быдтӧм-велӧдӧм кыдзи асшӧрлунлӧн подув” блокӧ пырӧдчысьяс сёрнитасны велӧдӧмын выльмӧдӧмъяс да Ылі Асыввылын велӧдчанінъяслӧн аскиа лун йылысь, “Приоритет-2030. Ылі Асыввыв” академическӧй лидерство серти уджтас збыльмӧдӧм йылысь, а сідзжӧ войтырӧс видзӧм кыдзи Россия социальнӧя да культура боксянь сӧвмӧдан подув йылысь.
Форумлӧн делӧвӧй уджтасын торъя ин босьтӧны бизнес-диалогъяс: россияса асшӧр уджалысьяс аддзысьласны Индияысь, Китайысь, Монголияысь да АСЕАН странаясысь уджъёртъяскӧд.
Таысь кындзи, нуӧдасны Том йӧзлӧн ВЭФ мероприятиеяс.
Сессияясӧ пырӧдчысьяс сёрнитасны ИТ-бизнес сӧвмӧдӧмын позянлунъяс да мукӧд канмуса том йӧзкӧд уджъёртасьӧм, волонтёръяслӧн водзмӧстчӧмъяс да том йӧзӧс чужанін радейтны велӧдӧм йылысь, а сідзжӧ индасны, кыдзи АСЕАН, ШОС да БРИКС странаясысь том йӧз вермасны ӧтувтчыны 2024 вося рака тӧлысьӧ Россияын ставмирса том йӧзлысь фестиваль нуӧдігӧн.
Коми Республикаса Юралысь Владимир Уйба пырӧдчас форумлӧн пленарнӧй заседаниеӧ, кӧні сёрнитас Россия Федерацияса Президент Владимир Путин.
Сідзжӧ регионса юрнуӧдысь аддзысьлас удж серти инвесторъяскӧд да делӧвӧй уджъёртъяскӧд, кырымалас Коми Республика социальнӧя да экономика боксянь сӧвмӧдӧм вылӧ веськӧдӧм артмӧдчӧмъяс.
Коми Республикаса делегацияын сідзжӧ – Коми Республикаса Веськӧдлан котырлӧн Медводдза вице-премьер Эльмира Ахмеева, Коми Республикаса Веськӧдлан котырӧн Юрнуӧдысьӧс вежысь Антон Виноградов, Коми Республикаса Веськӧдлан котырӧн Юрнуӧдысьӧс вежысь – экономика сӧвмӧдан да промышленносьт министр Евгений Пономаренко.
***
Асыввывса экономическӧй форумсӧ (ВЭФ) урчитӧма Россия Федерацияса Президент В.В. Путинлӧн 2015 во ода-кора тӧлысь 19 лунся Индӧдӧн Ылі Асыввывлысь экономика сӧвмӧдӧм да Азиатско-Тихоокеанскӧй регионын войтыркостса йитӧдъяс паськӧдӧм могысь.
2022 воӧ форум вылӧ воліс 68 странаысь да мутасысь, тшӧтш и Россияысь, 7 000 сайӧ участник да СМИ-ӧс петкӧдлысь. На лыдын 700 компанияысь 1700 гӧгӧр бизнесмен.
Вӧлі кырымалӧма 3 трлн 272 млрд шайт вылӧ 296 артмӧдчӧм.
1 №-а фотоыс Росконгресс Фондлӧн фотобанкысь, автор Дмитрий Андреев
{Kodko @ Комиын кӧсйӧны стрӧитны природнӧй биару кизьӧртӧм серти заводъяс @ выльтор @ https://rkomi.ru/news/3212 @ 2023-09-12 @}
Комиын кӧсйӧны стрӧитны природнӧй биару кизьӧртӧм серти заводъяс
Республикаын инвестиция проектсӧ збыльмӧдӧ «Газпром СПГ технологии» ИКК.
Талун, кӧч тӧлысь 12 лунӧ, Владивосток карын Асыввывса экономическӧй форум дырйи Коми Республикаса Юралысь Владимир Уйба да компанияса директоръяслӧн сӧветӧн веськӧдлысь Алексей Кахидзе кырымалісны тайӧ комплексъяссӧ стрӧитӧм могысь уджъёртасьӧм йылысь артмӧдчӧм.
Выль производствояс лӧсьӧдасны Сыктывкарын да Ухта дорын.
Быд заводлӧн вынйӧрыс лоӧ часнас 3 тонна кизьӧртӧм природнӧй биару.
«Республикаын татшӧм комплексъяс стрӧитӧм вылӧ эмӧсь колана условиеяс.
Тайӧ магистральнӧй биару проводъяс, кӧрт туй станциясянь матын компрессорнӧй станцияяс, потенциальнӧй потребительяс – промышленнӧй, автотранспортнӧй предприятиеяс, а сідзжӧ республикаса ылі олан пунктъясын бытӧвӧй биаруӧн вӧдитчысьяс.
Тайӧ ӧта-мӧдлы колана проект.
«Газпром» компания вермас содтыны вӧчӧм ломтас иналан зумыд рыноксӧ, а республика – бурмӧдас энергияӧн могмӧдӧмсӧ», - гӧгӧрвоӧдіс Коми Республикаса Юралысь Владимир Уйба. 
{Kodko @ Коми Республикаса Веськӧдлан котыр да FESCO сёрнитчисны транспорт да логистика юкӧнын уджъёртасьӧм йылысь @ выльтор @ https://rkomi.ru/news/3213 @ 2023-09-12 @}
Коми Республикаса Веськӧдлан котыр да FESCO сёрнитчисны транспорт да логистика юкӧнын уджъёртасьӧм йылысь
Та йылысь артмӧдчӧмсӧ кырымалісны талун, кӧч тӧлысь 12 лунӧ, Владивостокын Асыввывса экономическӧй форум дырйи Коми Республикаса Юралысь Владимир Уйба да FESCO транспорт группаса директоръяслӧн сӧветӧн веськӧдлысь Андрей Северилов. 
“Коми Республикалы транспорт да логистика юкӧнын мытшӧдъяс разьӧмыс восьтас уна позянлун.
FESCO-кӧд артмӧдчӧм отсӧгӧн ми збыльмӧдам ӧтувъя проектъяс, сійӧ сетас содтӧд позянлун нуны Коми Республикаысь продукциясӧ россияса да суйӧрсайса ньӧбасьысьяслы.
Миян ӧтувъя уджным – тайӧ содтӧд воськов регионса экономика сӧвмӧдӧмын, а сідзжӧ тайӧ отсалас лӧсьӧдны выль уджалан местаяс”, - тӧдчӧдіс Коми Республикаса Юралысь Владимир Уйба.
“Сёрнитчӧмсӧ кырымалӧм бӧрын FESCO да Коми Республика костын заводитчас бур да ӧта-мӧдлы колана уджъёртасьӧм.
Миян ыджыд опыт контейнеръясӧн новлӧдлӧмсӧ котыртӧмын.Та понда ми чайтам, мый регионса Веськӧдлан котыр отсӧгӧн FESCO вермас содтыны маршрут лыдсӧ да вӧзйыны регионын грузъяс ыстысьяслы логистикаын тӧдчанаджык кывкӧртӧдъяс, да лоны налы бур уджъёртӧн.
Таысь кындзи, миян Группа видлалас позянлунъяс, медым лӧсьӧдны регионын социальнӧй да культурнӧй проектъяс”, - шуис FESCO директоръяслӧн сӧветӧн веськӧдлысь Андрей Северилов.
Сёрнитчысьяс воисны ӧти кывйӧ ӧтувтчыны контейнеръясӧн да проектнӧй новлӧдлӧмъяс сӧвмӧдӧм могысь.
Та могысь FESCO регионса Веськӧдлан котыркӧд ӧтвылысь видлаласны медбур логистика схемаяс да помшуӧмъяс, медым новлӧдлыны Коми Республикаса предприятиеяслысь продукциясӧ суйӧр сайӧ, суйӧр сайысь да Россия пытшкын Группалӧн активъяс да вынйӧр – саридзса да кӧрт туй сервисъяслӧн сӧвмысь везъяс, контейнернӧй флот, а сідзжӧ портса да терминалса инфраструктура отсӧгӧн.
Фотоыс fesco.ru
{Kodko @ Владимир Уйба висьталіс ВЭФ-2023 вылын Коми Республикаса делегациялӧн участвуйтӧм йылысь @ выльтор @ https://rkomi.ru/news/3214 @ 2023-09-12 @}
Владимир Уйба висьталіс ВЭФ-2023 вылын Коми Республикаса делегациялӧн участвуйтӧм йылысь
Владивостокын мунӧ Асыввывса экономическӧй форум.
Тайӧ медыджыд войтыркостса площадка, кытчӧ пырӧдчӧны уна странаысь бизнесӧн юрнуӧдысьяс да политическӧй нырщикъяс.
Форум дырйи кырымалісны FESCO транспорт группакӧд, «Газпром СПГ технологии» компаниякӧд, Москваса клиент банккӧд, Перым крайса вӧр-ва озырлун, вӧр овмӧс да экология министерствокӧд ёртасьӧм йылысь артмӧдчӧмъяс, удж серти аддзысьлісны инвесторъяскӧд да делӧвӧй уджъёртъяскӧд.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаын сувтӧдісны Россияса Герой Александр Власенковлы памятник @ выльтор @ https://rkomi.ru/news/3215 @ 2023-09-14 @}
Коми Республикаын сувтӧдісны Россияса Герой Александр Власенковлы памятник.
Кӧч тӧлысь 14 лунӧ Удора районса Благоев посёлокын восьтісны торъя военнӧй операцияын пӧгибнитӧм участвуйтысьлы памятник.
Сійӧс сувтӧдісны школа дорын, кӧні велӧдчис Россияса Герой. 
“Миянлы колӧ видзны миян геройяс йылысь паметьсӧ да вуджӧдны тайӧ паметьсӧ миян челядьлы.
Памятникъяс вермӧны сулавны нэмъяс чӧж, а мортлӧн паметьыс помтӧм.
Талун миян боечьяс гижӧны миян страналысь история, корсюрӧ ассьыныс олӧмсӧ сетӧмӧн.
Тайӧ вӧчсьӧ, медым ми, миян челядь вермим аски овны асшӧрлуна странаын, вермим асьным бӧрйыны ассьыным видзӧдласъяс.
Миян кадся геройяс – тайӧ миян дорйысьяс, тшӧтш и миян землякным, прӧстӧй зон Александр Власенков, коді лоис Россияса Геройӧн.
Дона школьникъяс, кадетъяс.
Тіян школаын велӧдчис збыльвывса морт.
Тіянлы колӧ пыдди пуктыны сылысь паметьсӧ, сылысь подвигсӧ”, - тӧдчӧдіс Коми Республикаса Юралысь Владимир Уйба.
Регионса юралысь аттьӧаліс военнослужащӧйлысь пӧчсӧ Зоя Ивановна Бадьинаӧс татшӧм внукӧс быдтӧмысь.
Александр Александрович Власенков чужис 1998 вося рака тӧлысь 12 лунӧ Сыктыв районса Визин сиктын, военнӧй служба вылӧ босьттӧдз сійӧ оліс Удора районса Чим посёлокын.
2015 воӧ помаліс Благоевса шӧр школа.
Медводдза классянь ветліс вӧльнӧй борьба вылӧ, а быдмыштіс да – киӧн венласьӧм-тышкасьӧм вылӧ.
Спортын шедӧдіс ыджыд вермӧмъяс.
2015 воӧ лоис 46 килограммӧдз сьӧкта категорияын киӧн венласьӧм-тышкасьӧм серти мирса юношескӧй первенствоын вермысьӧн, сэсся – Россияса юношескӧй первенствоын вермысьӧн (50 килограммӧдз).
Эз ӧтчыдысь пырӧдчывлы быд тшупӧда ордйысьӧмъясӧ, кӧні босьтіс призӧвӧй местаяс.
Киӧн венласьӧм-тышкасьӧм серти Россияса спорт мастер, войтыркостса тшупӧда спорт мастер.
2018 воӧ сійӧс босьтісны Россияса армияӧ срочнӧй служба вылӧ. Служитіс Рытыввывса военнӧй кытшын (Москва обласьт) сынӧдын лёкторйысь видзан войскаын.
2019 воӧ запасӧ петӧм бӧрын мыйкӧдыра уджаліс Иркутск карын спортивнӧй тренерӧн, сэсся бор локтіс чужан Чим посёлокӧ.
Корсюрӧ нуӧдліс тренировкаяс, борьба серти мастер-классъяс Благоев посёлокса спорт комплексын.
2022 вося тулысын ас кӧсйӧм серти кырымаліс Россия Федерацияса оборона министерствокӧд контракт, медым участвуйтны торъя военнӧй операцияын.
2022 вося лӧддза-номъя тӧлысь 28 лунсянь нин збыльмӧдіс боевӧй могъяс Войвывса флотлӧн Берегвывса войскаясын 14-ӧд армейскӧй корпуслӧн 200-ӧд торъя мотострелкӧвӧй бригадалӧн разведка юкӧдувъясын.
Передӧвӧй вылын петкӧдліс асьсӧ повтӧм мортӧн.
Сора тӧлысь 23 лунӧ ефрейтор Власенков юрнуӧдіс Дементьевка олан пункт дорын разведка группаӧн.
Прӧтивниклӧн оборона пытшкӧ пыригӧн восьтіс Д-30 122-миллиметрӧвӧй кык гаубицалысь огневӧй позициясӧ, боеприпасъяс видзанін, 3 единица торъя да грузӧвӧй техника, 30 мортӧдз ловъя вын.
Эрдӧдӧм объектъяслысь координатаяссӧ командованиелы сетӧм бӧрын вежыштіс лыян туйвизьсӧ, мый вӧсна ставсӧ артмис жугӧдны.
Моз тӧлысь 8 лунӧ Уда олан пункт дорӧ матыстчигӧн штурмӧвӧй юкӧдулын аддзис прӧтивниклысь бура маскируйтӧм Т-72 танк, сэсся ПТРУР лыйӧмӧн бырӧдіс сійӧс.
Ефрейтор Власенков отсаліс штурмӧвӧй юкӧдувлы кутчысьны босьтӧм рубежын, мый сетіс позянлун вештыны прӧтивникӧс, мездыны олан пункт да бырӧдны украинаса 20 боевикӧс да 1 боевӧй бронируйтӧм автомашина.
Кӧч тӧлысь 2 лунӧ Уда олан пунктын ефрейтор Власенков босьтчис юрнуӧдны штурмӧвӧй группаясысь ӧтиӧн. Налы вӧлі колӧ бырӧдны прӧтивниклысь блиндажъяс да траншеяяс, кутшӧмъясӧс аддзӧма сынӧдсянь.
Ефрейтор Власенков тышӧн пырис прӧтивниклӧн траншеяясӧ да кутіс весавны позицияяс, вӧзйис прӧтивниклы сетчыны пленӧ.
Нӧшта ӧти блиндаж дорӧ матыстчигӧн сылы ёна водзсасисны.
Тышкасигӧн прӧтивник кад кежлӧ дугӧдіс лыйсьӧмсӧ да кӧсйысис сетчыны пленӧ.
Отсӧг виччысьӧм бӧрын ефрейтор Власенков кутіс петны вӧрӧглӧн блиндаж дорӧ, но матыстчигӧн прӧтивник кутіс лыйлыны россияса военнослужащӧйясӧс.
Ефрейтор Власенков муніс водзӧ да тупкис сы бӧрын мунысь ёртъяссӧ, дорйис налысь олӧмъяссӧ, сетіс позянлун налы выльысь котыртчыны.
Александр Власенков отсӧгӧн тышыс лоис вермӧма да босьтӧма пленнӧйясӧс, тшӧтш и ротаса командирӧс, коді сэсся сетіс колана мыччӧдъяс.
Доймалӧм вӧсна ефрейтор Власенков пӧгибнитіс.
Россия Федерацияса Президентлӧн 2022 во йирым тӧлысь 11 лунся Индӧдӧн воинскӧй мог олӧмӧ пӧртігӧн героизмысь, повтӧмлунысь да смеллунысь ефрейтор Александр Александрович Власенковлы сетӧма Россия Федерацияса Геройлысь ним (кувсьӧм бӧрын). 
“Зарни Кодзув” медальсӧ сетӧма Геройлӧн семьялы 2022 вося вӧльгым тӧлысь 9 лунӧ. 
{Kodko @ Владимир Уйба висьталіс СВО вылын пӧгибнитӧм Россияса Герой Александр Власенковлы памятник восьтӧм йылысь @ выльтор @ https://rkomi.ru/news/3216 @ 2023-09-14 @}
Владимир Уйба висьталіс СВО вылын пӧгибнитӧм Россияса Герой Александр Власенковлы памятник восьтӧм йылысь
Памятниксӧ сувтӧдісны Удора районса Благоев посёлокын школа бердын, кӧні велӧдчис Александр Александрович.
Ефрейтор, Войвыв флотлӧн Берегвывса войскаяслӧн 14-ӧд армияса корпусын 200-ӧд торъя мотострелкӧвӧй бригадаса разведчик–снайпер Александр Власенков муніс ас кӧсйӧм серти торъя военнӧй операция вылӧ.
Пӧгибнитіс 2022 вося кӧч тӧлысь 2 лунӧ.
Воинскӧй мог збыльмӧдігӧн петкӧдлӧм героизмысь, повтӧмлунысь да смеллунысь сылы сетӧма Россия Федерацияса Геройлысь ним кувсьӧм бӧрын.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаса олысьяслы сетісны канму наградаяс @ выльтор @ https://rkomi.ru/news/3217 @ 2023-09-15 @}
Лӧсялана Индӧд кырымаліс Коми Республикаса Юралысь Владимир Уйба. 
“Коми Республикаса канму наградаяс сетӧм йылысь” Коми Республикаса Юралысьлӧн 2023 во кӧч тӧлысь 13 лунся 100 №-а Индӧд.
1. Коми Республика водзын заслугаясысь “Коми Республикаса нимӧдана уджалысь” Коми Республикаса почёт ним сетны:
Михаил Витальевич Домашкинлы – “Сыктывкарса фанера вӧчан завод” ичӧт кывкутана котырлӧн древесно-стружечнӧй плитаяс вӧчан цехын сменаса мастерлы;
Людмила Владимировна Оплесниналы – “Сыктывкарса фанера вӧчан завод» ичӧт кывкутана котырлӧн фанера вӧчан цехын клеитан участокса тэчысьлы.
2. Коми Республикалы бур вылӧ уна во зіля уджалӧмысь Коми Республикаса Почёт грамота сетны:
Андрей Петрович Брагинлы – “Сыктывкарса фанера вӧчан завод” ичӧт кывкутана котырса фанера вӧчан цехын механическӧй службалӧн пу обработайтан оборудованиеса шӧр наладчиклы;
Ирина Анатольевна Быковалы – “Лузалес” ичӧт кывкутана котырын юӧртан технологияяс юкӧнса начальниклы, Сыктывкар;
Алсу Рифгатовна Галкиналы – “Айкатыласа лесничество” Коми Республикаса канму учреждениелӧн Зӧвсьӧртса участковӧй лесничествоын участковӧй лесничӧйлы, Емдін район;
Александр Анатольевич Даниловлы – “Мылдінса лесничество” Коми Республикаса канму учреждениелӧн медыджыд лесничӧйлы (вӧр видзӧм серти медыджыд канму инспекторлы);
Рада Валентиновна Дымовалы – “Сыктывдінса лесничество” Коми Республикаса канму учреждениелӧн Паджгаса участковӧй лесничествоын вӧр видзӧм серти канму инспекторлы;
Светлана Алексеевна Кудиновалы – “СевЛесПил” ичӧт кывкутана котырлӧн маркетинг, вузалӧм да логистика серти медыджыд директорӧс вежысьлы, Сыктывкар;
Антон Борисович Пантелеевлы – “Вӧр сотчӧмысь видзан Коми региональнӧй шӧрин” Коми Республикаса канму асшӧрлуна учреждениелӧн Косланса авиаотделениеын десантно-пӧжарнӧй командаса инструкторлы, Удора район;
Александр Геннадьевич Хозяиновлы – “Вӧр сотчӧмысь видзан Коми региональнӧй шӧрин” Коми Республикаса канму асшӧрлуна учреждениелӧн Печораса авиаотделениеын начальниклы;
Людмила Евгеньевна Ширяевалы – “Сыктывкарса фанера вӧчан завод» ичӧт кывкутана котырлӧн планируйтан да экономика боксянь анализируйтан юкӧнса начальниклы. 
{Kodko @ Коми Республикаса Юралысь чолӧмалӧ Вӧрын уджалысьяслӧн лунӧн @ выльтор @ https://rkomi.ru/news/3218 @ 2023-09-17 @}
Коми Республикаса Юралысь чолӧмалӧ Вӧрын уджалысьяслӧн лунӧн
«Коми Республикаса вӧр комплексын пыдди пуктана уджалысьяс да ветеранъяс!
Кӧч тӧлысь коймӧд лунӧ ми пасъям республикалы тӧдчана гаж – Вӧрын уджалысьяслысь лун.
Тайӧ лунӧ ми нимӧдам найӧс, кодъяс уджалісны да уджалӧны вӧр лэдзан да пу обработайтан предприятиеясын, лесничествоясын.
А сідзжӧ учёнӧйясӧс, кодлӧн уджыс йитчӧма миянлысь вӧр ва озырлун туялӧмкӧд, бурмӧдӧмкӧд да видзӧмкӧд.
Коми Республика, кодлӧн мутасын 87-ысь унджык прӧчентыс – сьӧд вӧр, лоӧ странаса тӧдчана вӧр промышленнӧй регионӧн.
Медводдза сӧвман воськовъяссӧ юкӧн заводитіс вӧчны 18 нэмын на: Коми муысь архангельскӧй верфъясӧ карабъяс стрӧитӧм вылӧ нулісны пу.
19 нэмлӧн мӧд джынсянь вӧр лэдзӧм лои регионын нуӧдысь юкӧнӧн.
Талун вӧр промышленнӧй комплекс босьтӧ тӧдчана ин республикаса экономикаын.
Юкӧнсӧ бурмӧдӧны, выльмӧдӧны, вӧдитчӧны выль технологияясӧн да восьтӧны выль производствояс.
Ми нуӧдам биоэнергетика да пу пыдіа переработайтӧм вылӧ нырвизь.
Талун ёна тӧждысям Коми Республикаса вӧр озырлун видзӧм да рӧдмӧдӧм вӧсна.
Быд во планысь унджык бурмӧдам вӧр, выльмӧдам би кусӧдан техника.
Вӧр комплексын уджалысьяс эз кольччыны бокӧ, кор миян Чужан мулы ковмис дорйӧг да отсӧг.
Талун юкӧнса уна сотрудник участвуйтӧны торъя военнӧй операцияын, дорйӧны Россиялысь асшӧрлунсӧ.
Мед найӧ ставныс локтасны гортаныс ловйӧн, дзоньвидзаӧн да Вермӧмӧн, а налӧн семьяяс виччысясны ассьыныс рӧднӧйяссӧ.
Чолӧмала уджсикас гажӧн ставныссӧ, кодлӧн уджыс йитчӧма вӧркӧд.
Аттьӧала уджсикас бура тӧдӧмысь да уджын бур вермӧмъясысь.
Сиа дзордзавны, вермӧмъяс, шуд да тыр-бур олӧм!»
Коми Республикаса Юралысь Владимир Уйба
{Kodko @ Владимир Уйба висьталіс Коми Республикаын волонтёръяслысь проектъяс збыльмӧдӧм йылысь @ выльтор @ https://rkomi.ru/news/3219 @ 2023-09-18 @}
Владимир Уйба висьталіс Коми Республикаын волонтёръяслысь проектъяс збыльмӧдӧм йылысь.
Кӧч тӧлысь 19-22 лунъясӧ Мурманскын мунас «#МыВместе» войтыркостса премиялӧн полуфинал.
Сэні петкӧдласны Комиысь волонтёръяслысь 25 проект. Ставыс найӧ йитчӧмаӧсь йӧзлысь олӧм бурмӧдӧмкӧд.
Полуфиналӧ пырӧдысьяслӧн лоас позянлун велӧдчыны да бурмӧдны ассьыныс проектъяссӧ, кывзыны федеральнӧй экспертъясӧс.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба висьталіс Коми Республикаын самбо сӧвмӧдӧм йылысь @ выльтор @ https://rkomi.ru/news/3220 @ 2023-09-19 @}
Владимир Уйба висьталіс Коми Республикаын самбо сӧвмӧдӧм йылысь.
Тайӧ лунъясӧ Сыктывкарын муніс 12-14 арӧса зонъяс пӧвстын самбо серти республиканскӧй фестиваль.
Сэні участвуйтісны Коми Республикаса кар-районъясысь, Архангельск да Вологда обласьтъясысь 400-ысь унджык морт.
Коми Республикаын тайӧ спорт сикассӧ ёна сӧвмӧдӧны.
«Единая Россия» партиялӧн да Самбо серти федерациялӧн отсӧгӧн регионын нуӧдӧны ордйысьӧмъяс, мастер-классъяс, тренируйтчӧмъяс, учреждениеясӧс могмӧдӧны колана инвентарӧн, а спортсменъясӧс – экипировкаӧн.
2022 воын заводитчис «Zа самбо» федеральнӧй партийнӧй проект.
Талун тайӧ спорт сикасӧн зіля занимайтчӧны Воркутаын, Интаын, Печораын, Усинскын, Сосногорскын, Ухтаын, Емваын, Микуньын, Сыктывкарын да Эжва районын.
Нӧшта на и некымын нырвизьын, на пиысь медшӧръясыс: «Самбо сиктъясӧ», «Адаптивнӧй самбо» да «Самбо школаясӧ».
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республика дасьтысьӧ нуӧдны Том войтырлысь мӧд восьса Арктическӧй Дельфийскӧй ворсӧмъяс @ выльтор @ https://rkomi.ru/news/3221 @ 2023-09-19 @}
Коми Республика дасьтысьӧ нуӧдны Том войтырлысь мӧд восьса Арктическӧй Дельфийскӧй ворсӧмъяс
Ворсӧмъяссӧ кӧсйӧны нуӧдны вӧльгым тӧлысь 20 лунсянь 24 лунӧдз Сыктывкарса да Сыктывдін районса учреждениеясын.
Тадзи шуӧма Ворсӧмъяс кежлӧ дасьтысьӧм да найӧс нуӧдӧм серти оргкомитетлӧн заседание дырйи. Сійӧс нуӧдісны Коми Республикаса Юралысь Владимир Уйба да Войтыркостса Дельфийскӧй комитетлӧн директор, ЮНЕСКО-лӧн делӧяс серти Россия Федерацияса Комиссияӧ пырысь Владимир Понявин. 
“Медводдза ворсӧмъясыс мунісны Сыктывкарын.
Миянӧс зэв бура донъялісны, ми босьтім котыртӧм боксянь бур опыт.
Тайӧ опыт вылӧ мыджсьӧмӧн колӧ дасьтысьны Мӧд ворсӧмъяс кежлӧ да нуӧдны найӧс колана тшупӧдын”, - пасйис Коми Республикаса Юралысь Владимир Уйба.
“Таво ми вӧчим Ворсӧмъяссӧ восьсаӧн.
Ми кутам йитӧд ёртасьысь странаяскӧд, Россияса МИД-кӧд да ЮНЕСКО-лӧн делӧяс серти Россия Федерацияса Комиссиякӧд.
Ыджыд аттьӧ Тіянлы, Владимир Викторович, сыысь, мый кӧсйысинныд нуӧдны Коми Республикаын Том войтырлысь мӧд восьса Арктическӧй Дельфийскӧй ворсӧмъяссӧ.
Аттьӧ оргкомитетӧ пырысьяслы, министерствоясын да ведомствоясын уджалысьяслы ӧтувъя уджысь”, - шуис Войтыркостса Дельфийскӧй комитетлӧн директор Владимир Понявин.
Том войтырлысь мӧд восьса Арктическӧй Дельфийскӧй ворсӧмъяс кежлӧ дасьтысьӧм йылысь докладъясӧн сёрнитісны Коми Республикаса культура да архив удж министрлысь могъяс олӧмӧ пӧртысь Мария Балмастова, Коми Республикаса велӧдан да наука министрлысь могъяс олӧмӧ пӧртысь Наталья Якимова, Том йӧз политика комитетӧн веськӧдлысь Светлана Суворкина.
Ворсӧмъяссӧ нуӧдасны 10 номинация серти: “Фортепиано”; “Скрипка”; “Эстраднӧй сьылӧм”; “Йӧзкостса сьылӧм”; “Художествоа ремеслӧ”; “Серпасасян искусство”; “Фотография”; “Пусян-пӧжасян искусство”; “Йӧзкостса инструментъяс”; “Йӧзкостса йӧктӧм”.
Тӧдса нин, кутшӧм культура да велӧдан учреждениеясын нуӧдасны номинацияяссӧ.
Кыпыда восьтан да тупкан церемонияяссӧ кӧсйӧны нуӧдны “Лузалес-Арена” концертно-спортивнӧй шӧринын.
Пырӧдчысьясӧс, гӧсьтъясӧс да жюриӧ пырысьясӧс аккредитируйтасны Республиканскӧй стадионын.
Инӧд видзан органъяскӧд ӧтув уджалӧны Ворсӧмъяс нуӧдігӧн лёк суӧмысь да терроризмысь видзчысьӧм серти.
Лӧсьӧдӧма Том войтырлысь мӧд восьса Арктическӧй Дельфийскӧй ворсӧмъяслысь брендбук, дасьтӧма сувенир, печатя, награда прӧдукциялысь дизайн-макетъяс.
Россияса национальнӧй Дельфийскӧй сӧвет индіс уджтас дорӧ корӧмъяс, конкурснӧй да фестивальнӧй уджтасъяслӧн номинацияяс серти донъялан медшӧр муртӧсъяс.
Найӧс йӧзӧдӧма Дельфийскӧй ворсӧмъяслӧн официальнӧй сайтын “Том войтырлӧн мӧд восьса Арктическӧй Дельфийскӧй ворсӧмъяс” юкӧдын.
Котыртӧма Ворсӧмъясӧ пырӧдчысьясӧс дасьтӧм серти удж, планируйтӧма Коми Республикасянь пырӧдчысьясӧс дасьтӧм серти мероприятиеяс.
Йирым тӧлысь 9 лунсянь 20 лунӧдз бӧръясны, кодъяс пырасны Коми Республикаса делегацияӧ.
Йирым тӧлысь 30 лун кежлӧ лӧсьӧдасны официальнӧй делегацияӧ пырӧдчысьяслысь лыддьӧг. Том войтырлӧн мӧд восьса Арктическӧй Дельфийскӧй ворсӧмъяс вылын Коми Республикасянь петкӧдчас 200 гӧгӧр морт.
Сідзжӧ оргкомитетлӧн заседание дырйи видлалісны Ворсӧмъясӧ пырӧдчысьясӧс, гӧсьтъясӧс да жюри овмӧдӧм, вердӧм, транспортӧн могмӧдӧм, логистика, волонтёр корпуслӧн удж серти юалӧмъяс.
***
Том войтырлысь мӧд восьса Арктическӧй Дельфийскӧй ворсӧмъяс нуӧдӧмсӧ веськӧдӧма “Россия Федерацияын Педагоглы да наставниклы сиӧм во нуӧдӧм йылысь” Россияса Президент Владимир Путинлысь 2022 во лӧддза-номъя тӧлысь 27 лунся 401 №-а Индӧд, “Канму культура политикалӧн подувъясӧ вежсьӧмъяс пыртӧм йылысь, кутшӧмъясӧс вынсьӧдӧма Россия Федерацияса Президентлӧн 2014 во ӧшым тӧлысь 24 лунся 808 №-а Индӧдӧн” Россияса Президентлӧн 2023 во тӧвшӧр тӧлысь 25 лунся 35 №-а Индӧд збыльмӧдӧм могысь, а сідзжӧ тшӧктӧмъяс олӧмӧ пӧртӧм могысь, кутшӧмъясӧс сетіс Владимир Путин Россия Федерацияса Каналан Сӧветлӧн заседаниеса кывкӧртӧдъяс серти, мый вӧлі 2022 вося ӧшым тӧлысь 22 лунӧ ӧнія условиеясын том йӧз политика збыльмӧдан юалӧмъяс серти.
Ворсӧмъяслӧн конкурснӧй да фестивальнӧй уджтасӧ пырӧны художествоа, прикладнӧй да наука-туялан номинацияяс серти ордйысьӧмъяс, мый отсӧгӧн позьӧ аддзыны том енбиа йӧзӧс да аслыспӧлӧс специалистъясӧс.
Том войтырлӧн медводдза Арктическӧй Дельфийскӧй ворсӧмъясыс мунісны Сыктывкарын 2022 вося вӧльгым тӧлысь 24 лунсянь 28 лунӧдз.
Сэні участвуйтіс 600-ысь унджык том енбиа морт. 
{Kodko @ Владимир Уйба юӧртіс Коми Республикаса бурдӧдан учреждениеяс медицина уджалысьясӧн могмӧдӧм йылысь @ выльтор @ https://rkomi.ru/news/3222 @ 2023-09-20 @}
Владимир Уйба юӧртіс Коми Республикаса бурдӧдан учреждениеяс медицина уджалысьясӧн могмӧдӧм йылысь
Регионса Веськӧдлан котыр нуӧдӧ республикаса йӧзлысь дзоньвидзалун видзан юкӧнӧ врачьясӧс да шӧр медицина персоналӧс корӧм серти ыджыд комплекснӧй удж: специалистъяслы лӧсьӧдӧны уджалӧм да олӧм вылӧ бур условиеяс, сетӧны быдсикас отсалан мераяс, збыльмӧдӧны велӧдан да уджсикасын тӧдӧмлунъяс бурмӧдан уджтасъяс.
Питирим Сорокин нима Сыктывкарса канму университетын лӧсьӧдӧма медицина институт.
2023 воын бурдӧдан да педиатрическӧй факультетъясӧ босьтісны 94 студентӧс, 45 на пиысь пырисны велӧдчыны Коми Республикаса медицина организацияяскӧд целевӧй сёрнитчӧмъяс серти.
Ординатураӧ босьтісны аскиа 15 терапевтӧс, 8 анестезиологӧс, 6 кардиологӧс, 6 акушерӧс да 2 хирургӧс.
Таво республикаса опорнӧй вуз помалісны 48 студент-медик, на пиысь 28 специалистыс велӧдчисны целевӧй сёрнитчӧмъяс да контрактъяс серти Коми Республикалӧн сьӧм тшӧт весьтӧ да налӧн эмӧсь удж вылӧ пырӧм серти кӧсйысьӧмъяс.
Паськыдджыка – Коми Республикаса Юралысьлӧн видео пыр шыӧдчӧмын.
{Kodko @ Коми Республикаса Юралысь Владимир Уйба нуӧдіс Наркотикъяслы паныд удж нуӧдысь комиссиялысь заседание @ выльтор @ https://rkomi.ru/news/3223 @ 2023-09-21 @}
Коми Республикаса Юралысь Владимир Уйба нуӧдіс Наркотикъяслы паныд удж нуӧдысь комиссиялысь заседание
Видлалісны Россия Федерацияса пытшкӧс делӧяс министерстволӧн Сыктывкарса транспорт вылын линейнӧй веськӧдланінса оперативнӧя могмӧдан мутасын наркотикъясӧн вӧдитчӧмлы да найӧс оланпас торкӧмӧн вузалӧмлы паныд удж нуӧдӧмкӧд йитчӧм юалӧмъяс.
Вӧчӧмаӧсь 2022-2023 велӧдчан воын велӧдчысьясӧс социально-психологическӧя тестируйтӧм да ӧлӧдан медицина осмотръяс серти кывкӧртӧдъяс.
2022-2023 велӧдчан воын социально-психологическӧй тестируйтӧмсӧ нуӧдӧма Коми Республикаса став велӧдан организацияын.
Тестсӧ вӧчисны 49615 велӧдчысь (88 %).
Медосмотръясын, кытчӧ пырӧны химико-токсикологическӧй туялӧмъяс, участвуйтісны 1811 велӧдчысь, на пиысь наркотическӧй средствоясӧн да психотропнӧй веществоясӧн вӧдитчысьяс абу сюрӧмаӧсь.
{Kodko @ Коми Республикаса олысьяс, кодъяс нуӧдӧны аспом овмӧс да кодъясӧс пасйӧма ас вылӧ уджалысьӧн, вермӧны босьтны иналӧм видз-му овмӧс прӧдукция вылӧ субсидия @ выльтор @ https://rkomi.ru/news/3224 @ 2023-09-21 @}
Коми Республикаса олысьяс, кодъяс нуӧдӧны аспом овмӧс да кодъясӧс пасйӧма ас вылӧ уджалысьӧн, вермӧны босьтны иналӧм видз-му овмӧс прӧдукция вылӧ субсидия.
Та йылысь видео пыр шыӧдчӧмын висьталіс Коми Республикаса Юралысь Владимир Уйба.
Субсидиялӧн ставкаясыс йитчӧмаӧсь аспом овмӧслӧн инкӧд да лоӧны:
- йӧв вылӧ: 1 литра иналӧм йӧлысь 12 шайтсянь 18 шайтӧдз;
- яй вылӧ начкӧм скӧт да чипан: 1 кг иналӧм яйысь 44 шайтсянь 51 шайтӧдз;
- картупель да восьса муын быдтӧм град выв пуктас: 1 кг иналӧм прӧдукцияысь 10 шайт.
Картупель да восьса муын быдтӧм град выв пуктас вылӧ документъяссӧ примитӧны йирым тӧлысь 15 лунӧдз, йӧв да яй вылӧ – тавося йирым тӧлысь помӧдз.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба аддзысьліс Коми Республикаысь военнослужащӧйяскӧд @ выльтор @ https://rkomi.ru/news/3225 @ 2023-09-23 @}
Владимир Уйба аддзысьліс Коми Республикаысь военнослужащӧйяскӧд
Регионса юралысь сетіс Чужан му дорйысьяслы ыджыд позянлуна автомашинаяс да гуманитарнӧй отсӧг.
“Медшӧрыс – тайӧ ӧтувъялун, кор тыл да фронт ӧтлаынӧсь, кор ми пыр отсалам миян зонъяслы.
Вермӧмыс лоас миян сайын, зонъяс збойӧсь”, - пасйис видео пыр шыӧдчигӧн Коми Республикаса Юралысь. 
{Kodko @ Тайӧ лунъясӧ социальнӧй везъясын петіс юӧр сы йылысь, мый Ухтаса пӧгибнитӧм боеч Роман Поповлӧн мамыс корӧ отсавны вайӧдны Симба каньпиӧс, кодӧс пиыс босьтіс аслыс СВО вылын @ выльтор @ https://rkomi.ru/news/3226 @ 2023-09-23 @}
Тайӧ лунъясӧ социальнӧй везъясын петіс юӧр сы йылысь, мый Ухтаса пӧгибнитӧм боеч Роман Поповлӧн мамыс корӧ отсавны вайӧдны Симба каньпиӧс, кодӧс пиыс босьтіс аслыс СВО вылын
Олеся Васильевна отсалӧ чукӧртны гуманитарнӧй отсӧг.
Сылысь посылкаяссӧ бура тӧдӧны боечьяс да фронт бердын олысь челядь.
Сылы каньпиыс – тайӧ радейтана пи йылысь казьтылӧм.
Симбаӧс чужтіс Венера кань, коді тшӧтш вӧлі тыш нуӧданінын.
Боечьяс сійӧс вердлісны.
А кор сійӧ чужтіс, ӧти каньпиӧс босьтіс ас дорас миян земляк Роман.
Сылӧн пӧгибнитӧм бӧрын каньпиӧс босьтіс боечлӧн гӧтырыс Мария, коді олӧ Симферопольын.
Отсӧг йылысь корӧм вылӧ шыӧдчис Владимир Уйба – тайӧ вежалунӧ нин сійӧ вайӧдас нявзысь ёртӧс геройлӧн чужанінӧ да сетас сійӧс мамыслы Олеся Васильевналы.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Симба каньпи бура воис Ухтаӧдз @ выльтор @ https://rkomi.ru/news/3227 @ 2023-09-24 @}
Симба каньпи бура воис Ухтаӧдз
Талун рытнас Коми Республикаса Юралысь Владимир Уйба сетіс каньписӧ Олеся Васильевна Ганковалы, пӧгибнитӧм герой Роман Поповлӧн мамыслы.
Сылы каньпиыс – радейтана пи йылысь казьтылӧм.
Казьтыштам, ухтинеч Роман Попов босьтіс аслыс Симбаӧс СВО вылын.
Сылӧн пӧгибнитӧм бӧрын каньпиӧс босьтіс боечлӧн гӧтырыс Мария, коді олӧ Симферопольын.
Сы йылысь, мый Романлӧн мамлы колӧ отсӧг, Коми Республикаса Юралысь тӧдмаліс социальнӧй везъясысь.
Тайӧ лунъясӧ сійӧ бара воліс тыш нуӧданінӧ, кытчӧ вайис миян военнослужащӧйяслы гуманитарнӧй отсӧг.
Бӧр локтігас босьтіс аскӧдыс каньпиӧс, медым нуӧдны сійӧс пӧгибнитӧм боечлӧн чужанінӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба отсаліс Ухтаысь аньлы вайӧдны СВО-ын усьӧм пи йылысь ловъя паметьсӧ @ выльтор @ https://rkomi.ru/news/3228 @ 2023-09-24 @}
Владимир Уйба отсаліс Ухтаысь аньлы вайӧдны СВО-ын усьӧм пи йылысь ловъя паметьсӧ
Коми Республикаса Юралысь шыӧдчис Олеся Ганковалӧн корӧм вылӧ да ачыс вайӧдіс Ухтаӧ Симба каньпиӧс, код вӧсна сылӧн пиыс Роман Попов тӧждысис СВО нуӧданінын.
Олеся Васильевналы тайӧ пемӧсыс – медыджыд пи йылысь ловъя паметь. Во сайын сійӧ муніс доброволечӧн СВО вылӧ да усис 2023 вося моз тӧлысь 18 лунӧ.
Роман Поповӧс дзебисны Ухтаын моз тӧлысь 31 лунӧ.
Ань шуис, мый социальнӧй везъяс пыр видліс корсьны йӧзӧс, кодъяс эськӧ отсаласны сылы, но эз виччысь, мый йирым тӧлысьӧдз артмас аддзыны пиыслысь нявзысь ёртсӧ.
Но найӧ аддзысисны ёна водзджык.
“Ме гӧрдитча аслам пиӧн да аттьӧала быдӧнӧс сыысь, мый ставыс артмис татшӧм ӧдйӧ”, - шуис Олеся Ганкова.
Ачыс Олеся Васильевна отсалӧ чукӧртны гуманитарнӧй отсӧг.
Сылысь посылкаяссӧ бура тӧдӧны боечьяс да фронт бердын олысь челядь.
Владимир Уйбалӧн кывъяс серти, тайӧ руд каньыс – мам да пи костын йитӧдлӧн символ.
“Унаӧн отсалісны вайӧдны Симбаӧс Симферопольысь, кӧні сы вӧсна тӧждысис усьӧм боечлӧн гӧтыр Мария, Ростов обласьтӧ, кӧні ми петім СВО нуӧданінысь миян землякъяслы гуманитарнӧй отсӧг сетӧм бӧрын.
Каньписӧ артмис босьтны бор локтігӧн”, - пасйис регионса Юралысь.
Содтам, мый Симбалӧн мамыс – Венера кань – ветліс миян боечьяскӧд БТР вылын, да нёль тӧлысся каньпиыс збыльысь збой.
Сійӧ ньӧти эз пов йӧзысь, азыма сёйис кузь туй бӧрын да дзик пыр босьтчис тӧдмасьны аслас выль оланінӧн.
Фотоыс “Ухта” КК МЮ администрацияса пресс-службалӧн
{Kodko @ Комиын таво капитальнӧя дзоньталасны 300-ысь унджык уна патераа керка @ выльтор @ https://rkomi.ru/news/3229 @ 2023-09-25 @}
Комиын таво капитальнӧя дзоньталасны 300-ысь унджык уна патераа керка
Уджъяслӧн водзвыв арталӧм доныс – 1,5 млрд шайт.
Уна патераа 122 керкаын уджъяссӧ помалӧма нин.
Сідзжӧ лӧсьӧдӧма уна патераа 47 керка серти проектно-сметнӧй документация, медым найӧс капитальнӧя дзоньтавны.
2024 вося планӧ пыртӧма 250-ысь унджык уна патераа керка, найӧс капитальнӧя дзоньталан водзвыв арталӧм доныс лоас 2,6 млрд шайт.
Уджъяссӧ нуӧдӧны уна патераа керкаясын ӧтувъя эмбур капитальнӧя дзоньталан уджтас збыльмӧдӧм серти.
Паськыдджыка – Коми Республикаса Юралысь Владимир Уйбалӧн видео пыр шыӧдчӧмын. 
{Kodko @ Коми Республикаса Юралысь Владимир Уйба удж серти аддзысьліс ЛУКОЙЛ-Комиӧн юрнуӧдысь Олег Третьяковкӧд @ выльтор @ https://rkomi.ru/news/3230 @ 2023-09-26 @}
Коми Республикаса Юралысь Владимир Уйба удж серти аддзысьліс ЛУКОЙЛ-Комиӧн юрнуӧдысь Олег Третьяковкӧд
Сёрнитісны Коми Республикаын предприятиелӧн уджын позянлунъяс йылысь, социальнӧй инфраструктура сӧвмӧдан да регионын бурвӧчан проектъяс збыльмӧдан юкӧнын водзӧ ӧтув уджалӧм йылысь.
Коми Республикаса Веськӧдлан котыр да “ЛУКОЙЛ” ПАК костын ӧтув уджалӧм йылысь артмӧдчӧм серти таво збыльмӧдӧны ӧткымын гырысь проект.
Торйӧн нин, “Усинск” муниципальнӧй кытшын асфальталӧма Нӧвикбӧж грездысь туйяс, Колва сиктын помалӧны нюжӧдны ва провод.
Стрӧитӧны Усинскын лызь база, печораса Озёрнӧй посёлокын челядьӧс видзанін, ухтаса Ярега посёлокын православнӧй вичко, капитальнӧя дзоньталӧны Чилимдінын Физкультура, спорт да туризм шӧрин.
Фотоыс “Комиинформ” ЮА, автор В. Шешкунас
{Kodko @ “Цифрӧвӧй торъялӧмсӧ бырӧдӧм 2.0” проект отсӧгӧн ыджыд ӧда Ӧтуввез дорӧ йитісны Коми Республикаысь нӧшта 13 олан пункт @ выльтор @ https://rkomi.ru/news/3231 @ 2023-09-26 @}
“Цифрӧвӧй торъялӧмсӧ бырӧдӧм 2.0” проект отсӧгӧн ыджыд ӧда Ӧтуввез дорӧ йитісны Коми Республикаысь нӧшта 13 олан пункт
Тайӧ лунъясӧ сувтӧдісны да пыртісны уджӧ базӧвӧй мобильнӧй связь станцияяс.
Та йылысь видео пыр шыӧдчигӧн висьталіс Коми Республикаса Юралысь Владимир Уйба.
Странаса ичӧт сикт-грездъяссӧ йитӧны 4G ӧнія сотӧвӧй связь дорӧ федеральнӧй уджтас серти. Сійӧс збыльмӧдӧны Россияса Президент Владимир Путинлӧн тшӧктӧм серти.
Проектӧ пырӧдчӧны сикт-грездъяс, кӧні олӧ 100-500 морт.
Найӧс бӧрйӧны войтырлӧн гӧлӧсуйтӧмӧн, мый быд во нуӧдӧ Россияса цифра отсӧгӧн сӧвмӧдан министерство.
2023 вося гӧлӧсуйтӧмлӧн кывкӧртӧдъяс йылысь юӧртасны ӧшым тӧлысь 18 лунӧ. 
{Kodko @ Коми Республикаса Юралысь Владимир Уйба нуӧдіс Туй вылын видзчысянлунсӧ могмӧдӧм серти республиканскӧй комиссиялысь заседание @ выльтор @ https://rkomi.ru/news/3232 @ 2023-09-27 @}
Коми Республикаса Юралысь Владимир Уйба нуӧдіс Туй вылын видзчысянлунсӧ могмӧдӧм серти республиканскӧй комиссиялысь заседание
Видлалісны школьнӧй автобусъясӧн челядьӧс новлӧдлӧм кежлӧ улич-туйяслӧн дасьлун да тӧвнас туй вывті ветлысьяслы лёк суӧмысь видзан условиеяс лӧсьӧдӧм серти юалӧмъяс.
Коми Республикаын 3 125 км туй вывті ветлӧны школьнӧй автобусъяс.
2023 вося тувсовъя видлалӧмъяс серти на пиысь 10% эз лӧсявны урчитӧм нормаяслы.
Коми Республикаса Веськӧдлан котырлӧн резервнӧй фондысь меставывса сьӧмкудъяслы вичмӧдісны 371 миллион шайт.
Субсидияяс тшӧт весьтӧ дзоньталӧны меставывса тӧдчанлуна автомашина туйяслысь ёнджыка киссьӧм юкӧнъяссӧ, кыті ветлӧны школьнӧй автобусъяс.
Став муниципалитетын уджъяссӧ помаласны йирым тӧлысь помӧдз.
Сідзжӧ Коми Республикаса Веськӧдлан котырлӧн резервнӧй фондысь вӧлі вичмӧдӧма 44,3 миллион шайт Абъячой сиктын выль школа дорӧ матыстчан 1,1 км кузьта туй выльмӧдӧм вылӧ.
Уджъяссӧ юкӧма кык тшупӧд вылӧ.
2023 воын помалӧма автомашина туйлысь подувсӧ да вольсалӧма асфальтобетоннӧй смесьысь улыс слӧйсӧ.
Могмӧдӧма школа дорӧдз мытшӧдтӧм туй.
2024 воын вӧчасны вылыс слӧйсӧ да тротуаръяс.
Дінму тӧдчанлуна туйяс вылын республикаса 8 муниципальнӧй юкӧнын дзоньталӧны автомашина туйяслысь 10 юкӧн. Ӧтувъя кузьтаыс – 50 км.
Джын объектсӧ дзоньталӧма, ӧти объект вуджас 2024 во вылӧ, мукӧдсӧ дзоньталасны во помӧдз.
Став школьнӧй маршрутсӧ гожӧмнас дзоньталӧмаӧсь «картаясӧн», а сідзжӧ грейдируйтӧмаӧсь, шыльӧдӧмаӧсь профиль да тыртӧмаӧсь муйӧж туйяс да пода туйяс.
Пӧдраднӧй организацияяскӧд кырымалӧма меставывса, регионса да муниципальнӧй тӧдчанлуна туйяс да улич-туй вез видзӧм вылӧ контрактъяс.
Дзоньталӧны да дасьтӧны сезоннӧй техника, тӧвнас автомашина туйяс видзӧм вылӧ торъя автомашинаяс.
Тайӧ уджъяс помалан кадколастыс – 2023 вося йирым тӧлысь 31 лун.
Улич-туй тӧвнас видзӧм серти контрактъясӧ пырӧны мероприятиеяс, кутшӧмъясӧс веськӧдӧма абу сӧмын водительяслӧн, но и подӧн ветлысьяслӧн безопасносьт да комфорт вылӧ.
Шуам, тротуаръяс да пода туйяс лымйысь весалӧм, автобус сувтланінъясысь йизьӧм туй бырӧдӧм.
Республикаса олысьяслӧн эм позянлун участвуйтны автомашина туйяс видзӧм бӧрся видзӧдӧмын.
Граждана вермӧны юӧртны оланін серти администрацияӧ ассьыныс ӧлӧдӧмъяссӧ да кӧсйӧмъяссӧ.
Тайӧс позьӧ вӧчны ӧтувъя диспетчерскӧй службалӧн телефон кузя, йӧзкӧд йитӧд кутан платформа пыр, «ВКонтакте» социальнӧй везъяслӧн официальнӧй лист бокъяс пыр да мукӧд ногӧн. 
{Kodko @ Коми Республикаса Юралысь чолӧмалӧ Кагульничалӧн да школаӧдз велӧдан юкӧнса став уджалысьлӧн лунӧн @ выльтор @ https://rkomi.ru/news/3233 @ 2023-09-27 @}
Коми Республикаса Юралысь чолӧмалӧ Кагульничалӧн да школаӧдз велӧдан юкӧнса став уджалысьлӧн лунӧн.
«Коми Республикаса пыдди пуктана кагульничаяс, школаӧдз велӧдан системаын уджалысьяс, юкӧнса ветеранъяс!
Чолӧмала тіянӧс уджсикас гажӧн!
Кагульнича – тайӧ ыджыд олан туй вылын ичӧт мортлӧн медводдза педагог.
Челядьӧс видзанінъясын туйдысь-велӧдысьяс, кыдз и бать-мам, велӧдӧны челядьӧс босьтны тӧдӧмлунъяс, ас кежысь овны, ёртасьны, радейтны Чужан му.
Тайӧ зэв кывкутана мог, мый пуктӧ подув кагалӧн аскиа лунӧ.
Республикаса школаӧдз велӧдан учреждениеясын уджалӧны енбиа, кужысь уджалысьяс, кодъяс радейтӧны ассьыныс уджсӧ да челядьӧс.
Ті сӧвманныд асьныд да отсаланныд воссьыны асланыд быдтасъяслы.
Республикаса том олысьяслы да налӧн туйдысь-велӧдысьяслы ми лӧсьӧдам бур да ӧнія условиеяс, стрӧитам выль детсадъяс.
Миян регионын школаӧдз арлыда став челядьыс ветлӧдлӧны детсадйӧ.
Аттьӧала челядьӧс видзанінын став уджалысьӧс, юкӧнса ветеранъясӧс бур уджысь, миян челядьлы велӧдчӧм да быдмӧм вылӧ лӧньлун да бур условиеяс лӧсьӧдӧмысь, радейтӧмысь да терпенньӧысь.
Мед Россия Федерацияса Президент Владимир Владимирович Путинӧн шуӧм Педагоглы да наставниклы сиӧм воӧ збыльмасны уджсикасын тіян став позянлунныд.
Сиа тіянлы крепыд дзоньвидзалун, шуд да тыр-бур олӧм, уджын да олӧмын выль вермӧмъяс!»
Коми Республикаса Юралысь Владимир Уйба
{Kodko @ Владимир Уйба нуӧдіс Коми Республикаын инӧда пӧрадок могмӧдӧм серти координационнӧй сӧвещаниелысь заседание @ выльтор @ https://rkomi.ru/news/3234 @ 2023-09-27 @}
Владимир Уйба нуӧдіс Коми Республикаын инӧда пӧрадок могмӧдӧм серти координационнӧй сӧвещаниелысь заседание
Видлалісны оланін да коммунальнӧй овмӧс юкӧнын инӧд торкалӧмъясысь ӧлӧдан да найӧс дугӧдан юалӧмъяс, Коми Республикаса олысьяслысь сьӧм гусялӧмысь ӧлӧдӧм серти мераяс, кутшӧмъясӧс вӧчӧны мошенникъяс юӧртан да телекоммуникация технологияясӧн вӧдитчӧмӧн.
Торйӧн сувтлісны национальнӧй да федеральнӧй проектъяс збыльмӧдігӧн эрдӧдӧм торкалӧмъяс йылысь юӧр мониторитӧм, чукӧртӧм да анализируйтӧм вылӧ.
Заседаниелӧн кывкӧртӧдъяс серти профильнӧй министерствояслы да ведомствояслы тшӧктӧма ёнмӧдны республикаса олысьяслы мыж вӧчан сикасъяс да ногъяс йылысь юӧртӧмсӧ, а сідзжӧ примитны инӧдлы паныд вӧчӧмторъясысь гражданаӧс дорйӧм серти содтӧд мераяс. 
{Kodko @ Владимир Уйба висьталіс 2024 во да 2025-2026 воясся планӧвӧй период вылӧ республиканскӧй сьӧмкудлӧн шӧр параметръяс йылысь @ выльтор @ https://rkomi.ru/news/3235 @ 2023-09-27 @}
Владимир Уйба висьталіс 2024 во да 2025-2026 воясся планӧвӧй период вылӧ республиканскӧй сьӧмкудлӧн шӧр параметръяс йылысь.
Коми Республикаса Веськӧдлан котыр помалӧ медколана финансӧвӧй документ вылын удж, кутшӧмӧс пыртасны республикаса Каналан Сӧветӧн видлалӧм вылӧ вӧльгым тӧлысь 1 лунысь оз сёрджык.
Арталӧма, 2024 во вылӧ республиканскӧй сьӧмкудлӧн вот да вотысь ӧтдор воӧм чӧжӧсъясыс лоӧны 85 миллиард 100 миллион шайт мындаын.
Тайӧ вынсьӧдӧм планысь 4% вылӧ унджык.
Ыдждас социальнӧй инфраструктура сӧвмӧдӧмын сьӧмкуд инвестицияяслӧн йӧрышыс.
2024 воын сійӧ лоӧ 10 миллиард шайтысь унджык.
Орччаалӧм вылӧ, таво тайӧ йӧрышыс лоӧ пӧшти 8 миллиард шайт.
Республикаса Веськӧдлан котыр вӧчас ас вылас босьтӧм став социальнӧй кӧсйысьӧмсӧ.
Сьӧмсӧ веськӧдасны национальнӧй проектъяс збыльмӧдӧм, Россияса Президент Владимир Путинӧн регион водзӧ пуктӧм могъяс олӧмӧ пӧртӧм вылӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба нуӧдіс Коми Республикаса Юралысь бердын стратегическӧй веськӧдлӧм серти Координационнӧй сӧветлысь заседание @ выльтор @ https://rkomi.ru/news/3236 @ 2023-09-28 @}
Владимир Уйба нуӧдіс Коми Республикаса Юралысь бердын стратегическӧй веськӧдлӧм серти Координационнӧй сӧветлысь заседание
Видлалісны 2024 во да 2025-2026 воясся планӧвӧй кадколаст вылӧ республиканскӧй сьӧмкуд балалысь медшӧр параметръяссӧ. 
“Сьӧмкудсӧ артмӧдӧма сьӧкыд условиеясын.
Вӧчӧма ыджыд удж, торйӧдӧма республикаса экономикаын ӧнія серпассӧ тӧд вылӧ босьтӧмӧн медтӧдчанаторъяссӧ, - пасйис Коми Республикаса Юралысь Владимир Уйба. 
- Кыдзи и воддза воясӧ, сьӧмкудйыс социальнӧй нырвизя.
Ми урчитам национальнӧй проектъяс збыльмӧдӧм вылӧ, Россияса Президент Владимир Владимирович Путинӧн миян водзын пуктӧм могъяс олӧмӧ пӧртӧм вылӧ ыджыд сьӧм.
Ми водзӧ збыльмӧдам ас вылӧ босьтӧм став социальнӧй кӧсйысьӧмсӧ, социальнӧй сьӧм водзӧ мынтан да гражданалы адреснӧя отсалан юкӧнын”.
Владимир Уйба тӧдчӧдіс министерствоясӧн веськӧдлысьяслы, мый колӧ кыскыны республикаӧ федеральнӧй сьӧм, колӧ бурджыка уджавны федеральнӧй уджтасъясӧ Коми Республикалысь проектъяс пыртӧм серти.
Регионса юралысь торйӧн пасйис, мый оз позь лэдзны сэтшӧмтор, кор республикалы вичмӧдӧм нин сьӧмсӧ видзӧны оз тырвыйӧ.
Виччысьӧны, мый Коми Республикаса сьӧмкудлӧн вот да вотысь ӧтдор чӧжӧсыс 2024 воын лоас 84,1 млрд шайт, 2025 воын – 83,6 млрд шайт, 2026 воын – 80,1 млрд шайт.
Медшӧр ӧшмӧсъясӧн колясны организацияяслӧн чуктӧс вылӧ вот, торъя йӧзлӧн чӧжӧс вылӧ вот да организацияяслӧн эмбур вылӧ вот.
Сьӧмкудлысь рӧскод артмӧдігӧн Коми Республикаса Веськӧдлан котыр медводз шуис збыльмӧдны национальнӧй проектъяс, пӧртны олӧмӧ олысьяс водзын пуктӧм став могсӧ, а сідзжӧ зумыдмӧдны сьӧмкуд.
Сьӧмкуд рӧскодлысь 59,2% веськӧдасны социальнӧй объектъяс вылӧ йӧзлысь дзоньвидзалун видзан, велӧдан, культура, вынйӧр сӧвмӧдан да спорт, олысьясӧс социальнӧя доръян юкӧнын.
Сідз, адреснӧй инвестиция уджтас серти вичмӧдасны сьӧм Изьваын 600 места вылӧ школа да Печораын 650 места вылӧ школа стрӧитӧм, Емдін районса Мадмас сикт овмӧдчӧминын Ӧтувъя велӧдан комплекс стрӧитӧм вылӧ.
Таысь кындзи, веськӧдасны сьӧм Коми Республикаса опера да балет театр выльмӧдӧм могысь ПСД дасьтӧм вылӧ, Сыктывкарын искусственнӧй йиа вевта каток да Изьва сиктын лызь база стрӧитӧм вылӧ.
Сідзжӧ вичмӧдасны сьӧм 15 койка-места вылӧ Кулӧмдін сиктын тыр арлыдтӧмъясӧс социальнӧя реабилитируйтан отделение стрӧитӧм вылӧ.
Важ ногӧн кутасны сетны меставывса сьӧмкудъяслы торъя мога сьӧмкудкостса трансфертъяс.
Тайӧ могъяс вылӧ вичмӧдасны республиканскӧй сьӧмкудйысь 2024 во вылӧ планируйтӧм рӧскодысь 28,9%, либӧ пӧшти 32,4 млрд шайт.
Россия Федерацияса Президент Владимир Путинлӧн тшӧктӧм серти Коми Республикаса Веськӧдлан котыр водзӧ кутас водзмӧстчыны сьӧмкуд сӧвмӧдӧмын.
Водзӧ збыльмӧдасны мероприятиеяс, кутшӧмъяс босьтӧны тӧд вылӧ муниципалитетса олысьяслысь видзӧдлассӧ.
2024 воын тайӧ могъяс вылӧ республиканскӧй сьӧмкудйын урчитӧма 426 млн шайт.
Сьӧмсӧ веськӧдасны субсидияясӧн, дотацияясӧн да мукӧд сьӧмкудкостса трансфертӧн, медым збыльмӧдны “Войтырлӧн сьӧмкуд” проект, войтырлысь водзмӧстчӧмъяссӧ да мукӧд водзмӧстчана проект. 
{Kodko @ Коми Республикаса Юралысь чолӧмалӧ Олӧма йӧзлы сиӧм лунӧн @ выльтор @ https://rkomi.ru/news/3237 @ 2023-10-01 @}
Коми Республикаса Юралысь чолӧмалӧ Олӧма йӧзлы сиӧм лунӧн
«Коми Республикаса пыдди пуктана олысьяс!
Дона ветеранъяс, олӧма йӧз!
Йирым тӧлысь 1 лунӧ ми пасъям Олӧма йӧзлы сиӧм лун.
Олӧма йӧзлӧн олӧмыс абу кокни, но героическӧй да яръюгыд.
Войнадырся да войнабӧрся сьӧкыд вояс, киссьӧм страна кыпӧдӧм, тэрмӧдлана да колана стрӧитчӧм, вежсян кадъяс, сьӧкыд 90-ӧд вояс – ті ставсӧ нуинныд ас пыр, да кужинныд видзны ас пытшканыд олӧм дорӧ муслун да кыпыд ловру.
Коми Республикаын уджалӧны да пыр сӧвмӧны олӧма йӧзлы отсалан мераяс.
Ми воысь воӧ зілям бурмӧдны сійӧс, тайӧ уджын ми босьтам тӧд вылӧ миян ветеранъяслысь вӧзйӧмъяссӧ.
Збыльмӧдӧны кыпыда дыр овны отсалан проектъяс, кутшӧмъяс сетӧны позянлун олӧма йӧзлы петкӧдчыны уналаын, пырӧдчыны республикалӧн ӧтйӧза олӧмӧ, тӧдмавны выльтор.
Олӧма йӧзлы, кодъяс бӧрся колӧ торйӧн видзӧдны, пыртӧны дыр кад чӧж дӧзьӧритан системаяс.
Найӧ отсалӧны миян ветеранъяслы, гажӧдӧны найӧс.
Сьӧлӧмсянь аттьӧала олӧма йӧзӧс олӧм радейтӧмысь, мывкыдлунысь да зільлунысь, тӧдӧмлунъясӧн да вынъясӧн юксьыны зільӧмысь.
Миян ветеранъяс зіля пырӧдчисны торъя военнӧй операцияын участвуйтысьяслы отсӧг сетӧм серти уджӧ.
Таысь торйӧн аттьӧала тіянӧс!
Мед уна во на коляс тіянкӧд кыпыд ловруныд да олӧм радейтӧмныд.
Сиа шуд, крепыд дзоньвидзалун, тыр-бур олӧм, медым тіянӧс радейтісны матыссаясныд да став бурсӧ!»
Коми Республикаса Юралысь Владимир Уйба
{Kodko @ Владимир Уйба примитіс йӧзӧс ас сёрниӧн @ выльтор @ https://rkomi.ru/news/3238 @ 2023-10-01 @}
Владимир Уйба примитіс йӧзӧс ас сёрниӧн
Олысьяс шыӧдчисны Коми Республикаса Юралысь дорӧ туйяс дзоньталӧм, олан условиеяс бурмӧдӧм, СВО-ын служитӧм могысь контракт кырымалӧм да мукӧд юалӧм серти.
Луздор районса ань шыӧдчис Читаёв сиктын туй участок дзоньталӧм серти, кыті челядь ветлӧны школаӧ.
2021 восянь 2022 воӧдз тайӧ участокын дзоньталӧма 17,7 км, нӧшта кольӧма 1,5 км.
Коми Республикаса Юралысь эскӧдіс Луздорын олысьӧс, мый тайӧ участоксӧ быть лӧсьӧдасны регыдъя кадӧ: пӧдрадчик кисьталас йитвежъясас битум, бырӧдас гуранъяссӧ, лӧсьӧдас туй бокъяссӧ.
А 2024 воын сэні нин вӧчасны тырвыйӧ ремонт, туй веркӧссӧ вежасны бур асфальт вылӧ.
Йӧзӧс ас сёрниӧн примитӧм бӧрын министерствоясӧн да ведомствоясӧн, муниципальнӧй власьт органъясӧн юрнуӧдысьяслы сетӧма ӧткымын тшӧктӧм да вӧзйӧм юалӧмъяссӧ решитӧм могысь.
Найӧс збыльмӧдӧм бӧрся Коми Республикаса Юралысь видзӧдӧ ачыс. 
{Kodko @ Владимир Уйба висьталіс «Пожня – Керки – Том» автомашина туй юкӧн дзоньталӧм йылысь @ выльтор @ https://rkomi.ru/news/3239 @ 2023-10-01 @}
Владимир Уйба висьталіс «Пожня – Керки – Том» автомашина туй юкӧн дзоньталӧм йылысь.
Изьва районӧ удж серти ветлігӧн Коми Республикаса Юралысь видзӧдліс, кыдзи мунӧны туй вылын дзоньтасян уджъяс.
Ӧні кежлӧ уджъяссӧ эштӧдӧма.
Казьтыштам, автомашина туй йитӧ куим муниципалитет – Изьва, Сосногорск районъяс да Ухта.
Уна во автомашина туй юкӧн бӧрся – «Пожня – Керки» зимник бӧрся – некод эз видзӧд, сэті некод эз ветлӧдлы.
Гожӧмын да сезонъяс костын изьвасаяс да ухтасаяс ветлӧдлісны «Газпром» йӧзлы восьса акционер котырса юкӧдувъяслӧн трассаяс пӧлӧн.
2020 воын республикаса олысьяс шыӧдчисны отсӧгла Владимир Уйба дорӧ.
Регионса Юралысь тшӧктіс республикаса Веськӧдлан котырлы вичмӧдны сьӧм «Пожня-Керки» зимник лӧсьӧдӧм вылӧ.
Уджъяссӧ вӧчисны 2022 воын.
Юкӧн лӧсьӧдӧмыс сетіс позянлун ветлӧдлыны транспортӧн Изьва районса (Том, Койю посёлокъяс, Картаёль грезд) да «Ухта» кар кытшлӧн ылі сикт-грездъясӧ (Кедвавом посёлок, Поромӧсь грезд).
Талун пӧдрадчик бырӧдіс туйлысь жуглассьӧм юкӧнсӧ гарантийнӧй кӧсйысьӧмъяс серти. 
{Kodko @ Владимир Уйба висьталіс Изьва районса Койю посёлокын выль модульнӧй ФАП йылысь @ выльтор @ https://rkomi.ru/news/3240 @ 2023-10-01 @}
Владимир Уйба висьталіс Изьва районса Койю посёлокын выль модульнӧй ФАП йылысь
Медпунктсӧ стрӧитісны “Йӧзлысь дзоньвидзалун видзӧм” национальнӧй проект отсӧгӧн.
ФАП-ыс уджалӧ нин.
Коми Республикаса Юралысь тшӧктіс регионса Йӧзлысь дзоньвидзалун видзан министерстволы корны уджавны Койю посёлокӧ фельдшерӧс.
Ӧні специалистыс волывлӧ орчча Том посёлокысь.
“Ичӧт сикт-грездъясын татшӧм объектъяс стрӧитӧмыс висьталӧ сы йылысь, мый налӧн эм аскиа луныс.
Колӧ лӧсьӧдны производствояс, уджалан местаяс, медым йӧзыс кольччисны овны сиктъясӧ”, - пасйис регионса Юралысь. 
{Kodko @ Антон Слободянюкӧс индӧма Коми Республикаса цифра отсӧгӧн сӧвмӧдан, йитӧд да юӧр сетан министрӧн @ выльтор @ https://rkomi.ru/news/3241 @ 2023-10-02 @}
Антон Слободянюкӧс индӧма Коми Республикаса цифра отсӧгӧн сӧвмӧдан, йитӧд да юӧр сетан министрӧн.
Коми Республикаса Юралысь Владимир Уйба кырымаліс та йылысь тшӧктӧм.
Коми Республикаса Юралысьлӧн 2023 во йирым тӧлысь 2 лунся 317-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Антон Олегович Слободянюкӧс Коми Республикаса цифра отсӧгӧн сӧвмӧдан, йитӧд да юӧр сетан министр чинӧ.
2. Тайӧ тшӧктӧмыс вынсялӧ сійӧс кырымалан лунсянь.
***
Антон Олегович Слободянюк чужис 1977 вося йирым тӧлысь 12 лунӧ Сыктывкарын.
1999 воын помаліс «Бухгалтерскӧй учёт да аудит» специальносьт серти Сыктывкарса канму университет.
2005 воын уджсикас серти бурмӧдіс тӧдӧмлунсӧ «Менеджмент» веськӧдлан кадръяс дасьтан президентскӧй уджтас серти (специальносьт – финансӧвӧй менеджмент).
2006 восянь ӧнія кадӧдз уджаліс Сыктывкарын, Ухтаын да Москваын уна сикас коммерческӧй организацияын веськӧдлан чинъясын.
Сійӧ отсаліс збыльмӧдны ӧткымын проект, сы лыдын компанияясын вузалан-ньӧбан уджсӧ цифра вылӧ вуджӧдан, бизнес-процессъясӧн веськӧдлан цифрӧвӧй модельяс пыртан да лӧсьӧдан юкӧнын.
Гӧтыра, быдтӧ куим челядьӧс. 
{Kodko @ Коми Республикаын заводитіс уджавны пилоттӧм авиасистемаясса операторъясӧс дасьтан медводдза велӧдчан шӧрин @ выльтор @ https://rkomi.ru/news/3242 @ 2023-10-02 @}
Коми Республикаын заводитіс уджавны пилоттӧм авиасистемаясса операторъясӧс дасьтан медводдза велӧдчан шӧрин.
Талун, йирым тӧлысь 2 лунӧ, Коми Республикаса Юралысь Владимир Уйба да Велӧдан да наука юкӧнын федеральнӧй дӧзьӧр службаӧн юрнуӧдысь Анзор Музаев участвуйтісны шӧрин кыпыда восьтӧмын, мый лӧсьӧдісны Сыктывкарса автомеханическӧй техникумын. 
“Велӧдчан шӧрин восьтӧмыс – Коми Республикалы тӧдчана лоӧмтор.
Ӧнія кадӧ пилоттӧм лэбалан аппаратъясӧн вӧдитчӧны и йӧзкост овмӧсын, и военнӧй юкӧнын.
Ми тіянкӧд тӧждысям аскиа лун вӧсна, да кутам дасьтыны ныв-зоннымӧс мирнӧй олӧмын уджалігкежлӧ.
Колӧ, медым миян шӧринным ӧтувтіс став колана йӧзсӧ.
Талун Веськӧдлан котырлӧн мог – лӧсьӧдны подув сы вылӧ, медым тайӧ специалистъясыс вӧліны коланӧсь буретш Коми Республикаын.
Студентъяслы сиа уджавны чужан республикаын олӧмсӧ бурмӧдӧм вылӧ”, - тӧдчӧдіс Коми Республикаса Юралысь Владимир Уйба.
“Чолӧмала ставныдтӧ велӧдчан шӧрин восьтӧмкӧд.
Лӧсьӧдӧны ӧнія олӧмын зэв колана уджтасъяс.
Шуам, тайӧ шӧриныс.
Республикаыс миян ыджыд, да тані тайӧ туйвизьыс лоас зэв коланаӧн.
Уджъёртъяс, энӧ полӧй выльмӧдны миян страналы колана уджтасъяссӧ.
Кор том йӧзыс аддзасны, мый уджтасыс выль, колана, тайӧ специальносьт вылас лоас уна кӧсйысь”, - пасйис Рособрнадзорӧн юрнуӧдысь Анзор Музаев.
Шуам, “Пилоттӧм авиация системаяс уджӧдӧм” специальносьт вылӧ конкурсӧ пырӧдчисны 7 морт ӧти места вылӧ: приёмнӧй комиссияӧ сетісны 25 велӧдчан места вылӧ 177 шыӧдчӧм.
БПЛА операторъясӧс дасьтан уджтассӧ збыльмӧдӧны Коми Республикаын Россияса Президент Владимир Путинлӧн тшӧктӧм серти.
2023 вося лӧддза-номъя тӧлысь помын Россия Федерацияса Веськӧдлан котыр вынсьӧдіс 2030 воӧдз пилоттӧм авиация сӧвмӧдан стратегия.
Вӧлі дасьтӧма Пилоттӧм авиация системаяс сӧвмӧдан республиканскӧй уджтас.
Сыктывкарса автомеханическӧй техникум лоис медводдза велӧдан учреждениеӧн, кӧні воссис пилоттӧм авиасистемаясса операторъясӧс дасьтан шӧрин.
Сідзжӧ тані кутасны дасьтыны конструкторъясӧс, инженеръясӧс, БПЛА могмӧдысь уджалысьясӧс.
Тайӧ нырвизьсӧ восьтӧм вылӧ республиканскӧй сьӧмкудйысь вичмӧдісны 12,4 млн шайт.
Субсидия отсӧгӧн ньӧбисны велӧдан да производство, лабораторнӧй да уджтасса-методическӧй оборудование.
Дасьтан шӧрин помалысьяс вермасны уджавны Коми Республикаса экономикалӧн быдсикас юкӧнын.
Пилоттӧм авиасистемаяс отсаласны разьны мытшӧдъяс видз-му да вӧр овмӧсын, грузъяс новлӧдлӧмын, топливно-энергетическӧй комплексын, стрӧитчӧмын, мусир-биару перъян юкӧнын.
Фотоыс “Комиинформ” ЮА, авторыс Владимир Шешкунас
{Kodko @ Владимир Уйба сетіс канму наградаяс велӧдан юкӧнын уджалысьяслы @ выльтор @ https://rkomi.ru/news/3243 @ 2023-10-02 @}
Владимир Уйба сетіс канму наградаяс велӧдан юкӧнын уджалысьяслы
Кыпыд церемонияыс вӧлі талун, йирым тӧлысь 2 лунӧ, Велӧдысьлӧн лун водзвылын.
Мероприятиеӧ пырӧдчис Велӧдан да наука юкӧнын федеральнӧй дӧзьӧр службаӧн юрнуӧдысь Анзор Музаев.
Некымын лун сайын странаын пасйисны Кагульничалысь да школаӧдз велӧдан юкӧнса уджалысьяслысь лун, талун – Шӧр тшупӧда уджсикасӧ велӧдӧмлы сиӧм лун.
Кыдзи пасйис Коми Республикаса Юралысь, Россияын педагоглӧн уджыс зэв колана да пыдди пуктана.
Россияса Президент Владимир Путин шуис 2023 восӧ Педагоглы да наставниклы сиӧм воӧн.
“Велӧдӧм пыр вӧлі и лоас канму политикаын медтӧдчана нырвизьяс лыдын, - тӧдчӧдіс Коми Республикаса Юралысь. - Миян странаын велӧдысьлӧн уджыс зэв почёта.
Пыдди пуктана преподавательяс, наставникъяс, тіян водзын сулалӧ торъя мог – ті артмӧданныд миян страналысь аскиа лун.
Ті сетанныд миян челядьлы верстьӧ олӧмын колана тӧдӧмлунъяс, кутшӧмъяс отсаласны велӧдчыны налы уджсикасӧ.
Ті сӧвмӧданныд налысь мортсямсӧ, отсаланныд восьтыны енби да быдтанныд Россияса гражданаӧс.
Бать-мамкӧд ӧтув ті артмӧданныд видзӧдласъяс, велӧданныд пыдди пуктыны история, культура да традицияяс”.
“Миян да войтыркостса туялӧмъяс петкӧдлӧны, мый россияса школаясын велӧдӧны медбура.
Миян школьникъяс петкӧдлӧны мирын медся бур тӧдӧмлунъяс.
Таысь колӧ аттьӧавны тіянӧс.
Гаж водзвылын кӧсъя аттьӧавны тіянӧс и федеральнӧй тэчасъяс, и йӧз нимсянь тіян сьӧкыд, но зэв колана уджысь.
Сыысь, мый ті быд лун сетанныд асьныдтӧ миян страна да регион сӧвмӧдӧм вылӧ”, - шыӧдчис педагогъяс дорӧ Рособрнадзорӧн юрнуӧдысь Анзор Музаев.
Владимир Уйба аттьӧаліс велӧдӧмын уджалысьясӧс налӧн пыдди пуктана да колана уджысь, торйӧн аттьӧаліс ветеранъясӧс.
Регионса Юралысь сідзжӧ пасйис, мый федеральнӧй да республика тшупӧдын уна вӧчсьӧ тайӧ юкӧн сӧвмӧдӧм, педагогъяслы уджалӧм да челядьӧс быдтӧм-велӧдӧм вылӧ ӧнія да бур условиеяс лӧсьӧдӧм могысь.
Стрӧитӧны-выльмӧдӧны челядьӧс видзанінъяс, школаяс, техникумъяс, колледжъяс, содтӧд тӧдӧмлун сетан организацияяс, велӧдан учреждениеяс могмӧдӧны ӧнія оборудованиеӧн, выльмӧдӧны велӧдчана небӧгъяс.
Кольӧм велӧдчан воӧ воссисны школаяс Кулӧмдін районса Помӧсдін сиктын да Луздор районса Абъячой сиктын, а сідзжӧ Сыктывкарса Кӧджпом-Чит микрорайонын челядьӧс видзанін.
Капитальнӧя дзоньталӧм бӧрын нёль школа воссис Кулӧмдін, Изьва да Кӧрткерӧс районъясын.
Кӧч тӧлысь 1 лунӧ ӧдзӧсъяссӧ восьтіс Изьвавом грездын выль школа-сад, воссисны капитальнӧя дзоньталӧм вит школа Сыктывкарын, Ухтаын, Воркутаын, Сыктывдін да Чилимдін районъясын.
Помалӧны капитальнӧя дзоньтавны нёль школа Ылыдздін да Пӧддельнӧй сиктъясын, Пӧдтыбок да Каляты посёлокъясын.
Водзӧ стрӧитӧны Изьва сиктын да Сыктывкарын школаяс, Бакур грездын да Озёрнӧй посёлокын челядьӧс видзанінъяс.
Выльгорт сиктын заводитӧны стрӧитны велӧдан комплекс.
Таысь кындзи, регыдъя планъясын – заводитны стрӧитны нӧшта кык школа да капитальнӧя дзоньтавны 14 школа.
Владимир Уйбалӧн кывъяс серти, татшӧм бӧртасъясӧдз артмис воӧдчыны юкӧнсӧ сьӧмӧн зумыда могмӧдӧмӧн, тшӧтш и федеральнӧй сьӧмкуд сьӧм тшӧт весьтӧ, “Велӧдӧм” национальнӧй проект збыльмӧдӧмӧн.
“Кӧсъя аттьӧавны Тіянӧс, Владимир Викторович, сыысь, мый вӧчанныд ыджыд удж миян республикаса велӧдан система сӧвмӧдӧм могысь.
Воссьӧны выль велӧдан шӧринъяс, лӧсьӧдӧны миянлысь челядьӧс быдтӧм-велӧдӧм вылӧ бур условиеяс.
Воссьӧны выль школаяс, детсадъяс.
Аттьӧала сыысь, мый менам чужан сиктын – Абъячойын воссис школалӧн, кӧні ме велӧдчылі да кӧні нелямын коймӧд во нин уджала ичӧт классъяс велӧдысьӧн, выль здание!
А регыд миян воссяс выль спорт шӧрин”, - шуис Абъячой сиктса шӧр школаын ичӧт классъяс велӧдысь Надежда Тимушева.
Коми Республикаса Юралысь сиис велӧдан юкӧнын уджалысьяслы уджын вермӧмъяс, зіль велӧдчысьясӧс да быдтасъясӧс, дзоньвидзалун, терпенньӧ, шуд да тыр-бур олӧм.
Фотоыс “Комиинформ” ЮА, авторыс Владимир Шешкунас
***
Россия Федерацияса Президентлӧн тшӧктӧмӧн велӧдан юкӧнын заслугаясысь да уна вося бур уджысь Россия Федерацияса Президентсянь Почёт Грамота сетӧма Галина Николаевна Куликовалы – Усинск карын Ӧткымын предмет пыдісянь велӧдан 3 №-а шӧр школаын физика велӧдысьлы;
велӧдан юкӧнын заслугаясысь да уна вося бур уджысь Россия Федерацияса Президентсянь аттьӧалӧм сетӧма
Надежда Алексеевна Тимушевалы – Абъячой сиктса шӧр школаын ичӧт классъяс велӧдысьлы, Луздор район.
Коми Республикаса Юралысьлӧн Индӧдӧн Коми Республика водзын заслугаясысь “Коми Республикаса нимӧдана уджалысь” почёт ним сетӧма:
Светлана Викторовна Бобиналы – “Томуловлы туризм да экскурсияяс шӧрин” Микунь карын содтӧд тӧдӧмлун сетан муниципальнӧй учреждениеса директорлы, Емдін район;
Ольга Валериановна Букиналы – Сыктывкарын А.С. Пушкин нима гимназияын роч кыв да литература велӧдысьлы;
Зоя Васильевна Теребневалы – “Воркутаса Велӧдысьлӧн Керка” муниципальнӧй учреждениеын велӧдӧмлысь ногтуйсӧ мониторитан да донъялан юкӧнӧн заведуйтысьлы;
Евдокия Георгиевна Целищевалы – “Кагаӧс сӧвмӧдан шӧрин – челядьӧс 112 №-а видзанін” Сыктывкарын школаӧдз велӧдан муниципальнӧй учреждениеса директорлы;
Таисия Михайловна Штыренковалы – И.А. Куратов нима Сыктывкарса гуманитарно-педагогическӧй колледжын преподавательлы;
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Наталья Владимировна Акуловалы – “Лицей” Усинск карын муниципальнӧй общеобразовательнӧй учреждениеса директорлы;
Елена Ивановна Асташкиналы – 13 №-а шӧр школаса директорлы, Ухта кар;
Ольга Борисовна Белецкихлы – “Усинск” кар кытшса администрацияын Велӧдӧмӧн веськӧдланінӧн юрнуӧдысьӧс вежысьлы;
Надежда Витальевна Мяндиналы – М.А. Бабиков нима Чилимдінса шӧр школаын англия кыв велӧдысьлы;
Ирина Георгиевна Треневалы – Сыктывкарын Бать-мамтӧм да бать-мам дӧзьӧртӧг кольӧм челядьлы 3 №-а челядь керкаын велӧдан-быдтан удж серти директорӧс вежысьлы;
Элеонора Владимировна Хозяиновалы – “Челядьӧс 3 №-а видзанін” Изьва сиктын школаӧдз велӧдан муниципальнӧй учреждениеӧн заведуйтысьлы.
Коми Республикаса Юралысьлӧн тшӧктӧмӧн велӧдан юкӧнын заслугаясысь да уна вося бур уджысь “Коми Республикаса почёта велӧдысь” ним сетӧма:
Галина Валентиновна Андреевалы – Рытъя (сменнӧй) шӧр школаын математика велӧдысьлы, Ухта кар;
Галина Николаевна Крутиковалы – 2 №-а шӧр школаын химия велӧдысьлы, Ухта кар;
Марианна Борисовна Морозовалы – Емдін сиктса шӧр школаын роч кыв да литература велӧдысьлы;
Елена Владимировна Проничевалы – 2 №-а шӧр школаын ичӧт классъяс велӧдысьлы, Ухта кар;
Татьяна Ивановна Стяжковалы – Воркута карын Георгий Александрович Чернов нима 39 №-а шӧр школаын ичӧт классъяс велӧдысьлы;
Лидия Симоновна Чичилиналы – 23 №-а ичӧт школаын ичӧт классъяс велӧдысьлы, Ухта кар;
Елена Борисовна Чупровалы – Пижмаса шӧр школаын ичӧт классъяс велӧдысьлы, Чилимдін район;
велӧдан юкӧнын заслугаясысь да уна вося бур уджысь “Коми Республикаса велӧдан юкӧнын почёта уджалысь” ним сетӧма:
Юлия Неофидовна Алиевалы – “Быдсяма челядьӧс 60 №-а видзанін” школаӧдз велӧдан учреждениеын кагульничалы, Ухта кар;
Надежда Николаевна Губенколы – Коми Республикаса велӧдан юкӧнын ветеранлы;
Марина Борисовна Опариналы – “Челядьлы да велӧдчысь том йӧзлы творчество двореч” содтӧд тӧдӧмлун сетан муниципальнӧй учреждениеса педагог-организаторлы;
Любовь Александровна Порубиналы – Ухта карын Бать-мамтӧм да бать-мам дӧзьӧртӧг кольӧм челядьлы 2 №-а челядь керкаын социальнӧй педагоглы;
Наталья Степановна Такунлы – “Челядьӧс сӧвмӧдан 20 №-а видзанін” Усинск карын школаӧдз велӧдан учреждениеса кагульничалы;
вынйӧр сӧвмӧдан да спорт юкӧнын заслугаясысь да уна вося бур уджысь “Коми Республикаса вынйӧр сӧвмӧдӧмын почёта уджалысь” ним сетӧма Николай Александрович Огневлы – Зӧвсьӧрт ккп-са 3 №-а шӧр школаын физкультура велӧдысьлы, Емдін район;
чина кывкутана могъяс бура олӧмӧ пӧртӧмысь «Коми Республикалы зэв бура служитӧмысь» отличие пас сетӧма:
Алена Александровна Катаевалы – “Сыктывдін” муниципальнӧй районлӧн администрацияын велӧдӧмӧн веськӧдланінса начальникӧс вежысьлы;
Надежда Михайловна Мильковалы – “Сыктывкар” кар кытшса администрацияын Школаӧдз велӧдӧмӧн веськӧдланінлысь удж могмӧдан службаӧн юрнуӧдысьӧс вежысьлы;
уджсикасын ыджыд кужанлунысь да Коми Республикалы бур вылӧ зіля уджалӧмысь “Уджсикасын медбур” Коми Республикаса почёт пӧв вылӧ портрет ӧшӧдӧм йылысь свидетельство сетӧма:
Татьяна Ивановна Набоковалы – Хабарихаса шӧр школаын шылад велӧдысьлы, Чилимдін район;
велӧдан юкӧнын заслугаясысь да уна вося бур уджысь Коми Республикаса Юралыссянь аттьӧалӧм сетӧма:
Светлана Александровна Афанасьевалы – “Тӧдӧмлун сетан республиканскӧй шӧрин” канму общеобразовательнӧй учреждениеса шӧринӧн заведуйтысьлы;
Марина Валентиновна Прокушевалы – Пальса шӧр школаын директорлы, Сыктывдін район;
Андрей Эврикович Старцевлы – Ухтаса канму техническӧй университетын электроэнергетика, метрология да вӧр промышленносьт технологияяс кафедраса доцентлы;
Любовь Николаевна Строковалы – Канму службаӧ да веськӧдлыны велӧдан Коми Республикаса академияын уджсикасын содтӧд тӧдӧмлун сетан да веськӧдлан консалтинг институтса директорлы. 
{Kodko @ Владимир Уйба сёрнитіс Рособрнадзорӧн юрнуӧдысь Анзор Музаевкӧд ӧтувъя удж нуӧдӧм йылысь @ выльтор @ https://rkomi.ru/news/3244 @ 2023-10-03 @}
Владимир Уйба сёрнитіс Рособрнадзорӧн юрнуӧдысь Анзор Музаевкӧд ӧтувъя удж нуӧдӧм йылысь 
Коми Республикаса Юралысьлӧн да Велӧдан да наука юкӧнын федеральнӧй дӧзьӧр службаӧн юрнуӧдысьлӧн удж серти аддзысьлӧмыс вӧлі йирым тӧлысь 2 лунӧ Сыктывкарын. 
“Ми уджалам ӧти системаын, аддзам Рособрнадзорлысь отсӧгсӧ.
И регионса власьтлы, и миян педагогъяслы тайӧ зэв тӧдчана.
Коми Республикаын артмис бур педагогическӧй состав, эм аслас педагогика институт, педагогика училище, кӧні дасьтӧны вына специалистъясӧс.
Школаясын тырмӧны велӧдысьяс.
Эмӧсь весиг сэтшӧм школаяс, кытчӧ локтӧны уджавны налӧн жӧ выпускникъяс.
Коми Республика нималӧ педагогъяслӧн династияясӧн, кодъяслы 200, 300 да весиг 500 во нин,” - пасйис Коми Республикаса Юралысь Владимир Уйба.
“Тіян регионныд вель ыджыд, сылӧн сьӧкыд географияыс, но та вылӧ видзӧдтӧг сылӧн бурӧсь петкӧдласъясыс тӧдӧмлунъяс сетан став нырвизь серти.
Тайӧ опытӧн колӧ юксьыны мукӧд регионкӧд.
Сійӧс ми кутам пыртны да ыдждӧдны мукӧд регионын.
Коми Республикаысь специалистъяс петкӧдчыны и федеральнӧй тшупӧдын, эм уна эксперт.
Тайӧ висьталӧ сы йылысь, мый тані артмис система.
Ми кутам вӧзйыны велӧдан системаысь тіян уджъёртъяслы лоны экспертъясӧн мукӧд площадкаын, вӧзйыны регионныдтӧ пилотнӧй площадка пыдди артмысь мытшӧдъяс разьӧмын”, - тӧдчӧдіс велӧдан да наука юкӧнын федеральнӧй дӧзьӧр службаӧн юрнуӧдысь Анзор Музаев.
Владимир Уйба аттьӧаліс Анзор Музаевӧс Коми Республика вӧсна тӧждысьӧмысь, Велӧдан да наука юкӧнын федеральнӧй дӧзьӧр службаса уджалысьясӧс велӧдан юкӧнын конструктивнӧй юӧртан, котыртӧмӧн да методика боксянь отсӧг сетӧмысь.
Сідзжӧ Коми Республикаса Юралысь юксис Сиктса школалы сиӧм лун нуӧдӧм серти чӧжӧм сямӧн. Тайӧ воысь воӧ нуӧдан форум, кӧні чукӧртчӧны республика пасьталаысь сиктса велӧдысьяс.
Владимир Уйба вӧзйис локтан воӧ пырӧдчыны тайӧ мероприятиеӧ странаса мукӧд регионысь педагогъяслы.
Анзор Музаев вӧзйӧмсӧ ошкис. 
{Kodko @ Сыктывкарысь Виталий Лифенколы сетісны Коми Республикаса Геройлысь медвылыс почёт ним (кувсьӧм бӧрын) @ выльтор @ https://rkomi.ru/news/3246 @ 2023-10-03 @}
Сыктывкарысь Виталий Лифенколы сетісны Коми Республикаса Геройлысь медвылыс почёт ним (кувсьӧм бӧрын)
Лӧсялана Индӧдсӧ кырымаліс Коми Республикаса Юралысь Владимир Уйба.
Запасса майор Виталий Лифенко героическӧя пӧгибнитіс торъя военнӧй операция дырйи 2023 вося моз тӧлысьӧ.
Виталий Петрович чужис Ворошиловградскӧй обласьтса Сватовскӧй районлӧн Нижняя Дуванка посёлокын – ӧні тайӧ Луганскӧй Народнӧй Республикалӧн мутас.
Спецоперацияӧдз оліс Сыктывкарын.
Помаліс Санкт-Петербургын Россияса МВД лӧн пытшкӧсса войскалысь институт, а сідзжӧ Сыктывкарса канму университет.
Вӧлі кадрӧвӧй военнӧйӧн.
Служитліс пытшкӧсса войскаясын да Россия Федерацияса национальнӧй гвардиялӧн войскаясын.
Взводса командирсянь лоис батальонса командирӧс вежысьӧн.
Наградитӧма военнӧй службаын отличиеысь I, II да III степеня медальясӧн.
Ӧтлаын служитысьяс казьтывлӧны Виталий Петрович йылысь кыдз бур да ён вӧляа офицер йылысь.
Сійӧ пыр бура пӧртіс олӧмӧ уджмогъяссӧ, вӧлі стрӧгӧн, медводз, ас дорас.
Кужис петкӧдлыны асьсӧ сьӧкыдлунъяс дырйи.
Коми Республикаса Юралысьлӧн 2023 во йирым тӧлысь 3 лунся 107 №-а Индӧдӧн воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь майор Виталий Петрович Лифенколы сетӧма Коми Республикаса Геройлысь медвылыс почёт ним (кувсьӧм бӧрын). 
{Kodko @ Коми Республикаса Юралысь чолӧмалӧ Велӧдысьлӧн лунӧн @ выльтор @ https://rkomi.ru/news/3247 @ 2023-10-05 @}
Коми Республикаса Юралысь чолӧмалӧ Велӧдысьлӧн лунӧн
«Коми Республикаса пыдди пуктана велӧдысьяс, велӧдан юкӧнса уджалысьяс да ветеранъяс!
Сьӧлӧмсянь чолӧмала тіянӧс Велӧдысьлӧн лунӧн!
Миян республикалӧн педагогическӧй сообществоыс ӧтувтӧ 17 сюрсысь унджык мортӧс, кодъяс сьӧлӧмсянь радейтӧны ассьыныс уджсӧ да челядьӧс.
Аттьӧ тіян бур да йӧзлы колана уджысь.
Педагог – тайӧ абу сӧмын уджсикас, тайӧ мог.
Талун велӧдан юкӧнын уджалысьяслӧн пельпомъяс вылын торъя кывкутӧм.
Ті сетанныд он сӧмын тӧдӧмлунъяс, но и бать-мамкӧд ӧтув быдтанныд Россияса том гражданаӧс, артмӧданныд видзӧдласъяс, велӧданныд пыдди пуктыны миян канмулысь история, культура да традицияяс.
Россияса Президент Владимир Владимирович Путинлӧн Индӧдӧн 2023 восӧ шуӧма Педагоглы да наставниклы сиӧм воӧн.
Волӧн могыс – велӧдысь уджсикаслысь престижсӧ кыпӧдӧм, йӧзкотыр да канму сӧвмӧдӧмын велӧдысьлысь быд мортлӧн олӧмын тӧдчанлунсӧ пыдди пуктӧм.
Кыдз и водзын, миян медшӧр могыс – медым быд школьник вермис босьтны бур тӧдӧмлунъяс, лӧсьӧдны бур условиеяс велӧдысьяслы уджалӧм да миянлысь челядьӧс быдтӧм-велӧдӧм могысь.
Ми вичмӧдам уна сьӧм юкӧн сӧвмӧдӧм вылӧ, стрӧитам выль объектъяс да ӧнъяӧдам уджалысь детсадъяс, школаяс, техникумъяс да колледжъяс, содтӧд велӧдан организацияяс.
Вӧчам тайӧс республиканскӧй да федеральнӧй уджтасъяс серти, сы лыдын и «Велӧдӧм» нацпроект серти.
Дона велӧдысьяс!
Сиа тіянлы уджын вермӧмъяс, ловби, енбиа велӧдчысьясӧс.
Мед уджыс, кодлы ті сетанныд ассьыныд вынъяс, опыт да тӧдӧмлунъяс, вайис тіянлы радлун да уджсикасын выль вермӧмъяс!»
Коми Республикаса Юралысь Владимир Уйба
{Kodko @ Лариса Карачеваӧс мездӧма Коми Республикаса Веськӧдлан котырӧн Юрнуӧдысьӧс вежысь чинысь @ выльтор @ https://rkomi.ru/news/3248 @ 2023-10-05 @}
Лариса Карачеваӧс мездӧма Коми Республикаса Веськӧдлан котырӧн Юрнуӧдысьӧс вежысь чинысь
Лӧсялана тшӧктӧмсӧ кырымаліс Коми Республикаса Юралысь.
Коми Республикаса Юралысьлӧн 2023 во йирым тӧлысь 4 лунся 318-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын мездыны Лариса Юрьевна Карачёваӧс Коми Республикаса Веськӧдлан котырӧн Юрнуӧдысьӧс вежысь чинысь.
2. Тайӧ тшӧктӧмыс вынсялӧ сійӧс кырымалан лунсянь.
{Kodko @ Владимир Уйба чолӧмаліс велӧдысьясӧс уджсикас гажӧн да висьталіс Коми муын епархия артмӧдӧмсянь 640 во тырӧмлы сиӧм научно-практическӧй конференция йылысь @ выльтор @ https://rkomi.ru/news/3249 @ 2023-10-05 @}
Владимир Уйба чолӧмаліс велӧдысьясӧс уджсикас гажӧн да висьталіс Коми муын епархия артмӧдӧмсянь 640 во тырӧмлы сиӧм научно-практическӧй конференция йылысь
Йирым тӧлысь 5 лунӧ Вежа Степанлӧн кафедральнӧй соборлӧн звӧнничаын нуӧдӧм мероприятие дырйи сёрнитісны Коми Республикаын миссионер удж паськӧдӧм, олӧмӧ пӧртысь власьт органъяс да епархия костын ӧтувъя удж нуӧдӧм, гражданаӧс вежавидзӧмӧн овны велӧдӧм да налысь лов сӧвмӧдӧм, том йӧзӧс чужан му радейтны велӧдӧм йылысь.
Владимир Уйба аттьӧаліс приходъясын, йӧзӧс югдӧдан шӧринъясын, челядьлы да верстьӧяслы вӧскреснӧй школаясын уджалысь вичко служитысьясӧс республикаса быд олысьлы отсӧг сетны дасьлунысь.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба участвуйтіс Коми муын епархия артмӧдӧмсянь 640 во тырӧмлы сиӧм научно-практическӧй конференцияын @ выльтор @ https://rkomi.ru/news/3250 @ 2023-10-05 @}
Владимир Уйба участвуйтіс Коми муын епархия артмӧдӧмсянь 640 во тырӧмлы сиӧм научно-практическӧй конференцияын
Мероприятие дырйи видлалісны Коми Республикаын миссионер удж паськӧдӧм, олӧмӧ пӧртысь власьт органъяслӧн да епархиялӧн уджъёртасьӧм серти юалӧмъяс.
Конференция уджӧ пырӧдчисны министерствоясӧн да ведомствоясӧн юрнуӧдысьяс, учёнӧйяс, вичко служитысьяс, культура учреждениеясын уджалысьяс.
«Талун миян тіянкӧд мог – ӧтув видзны да ёнмӧдны лов могмӧдан историческӧй традицияяс, паськӧдны олысьясӧс духовно-нравственнӧя велӧдӧм-югдӧдӧм, быдмысь войтырӧс Чужан му радейтны велӧдӧм, матысса дорӧ муслун, сы вӧсна мый дзоньвидза лола мортысь, сылӧн нравственнӧй аскылӧмысь зависитӧ миян канмулӧн судьбаыс», - пасйис Коми Республикаса Юралысь Владимир Уйба.
Казьтыштам, 2022 вося вӧльгым тӧлысь 9 лунӧ Россия Федерацияса Президент Владимир Путин кырымаліс «Россияса традиционнӧй духовно-нравственнӧй донаторъяс видзӧм да ёнмӧдӧм серти канму политикалысь подувъяс вынсьӧдӧм йылысь» Индӧд, коді лоӧ Россиялысь национальнӧй безопасносьт могмӧдан юкӧнын стратегическӧя планируйтан документӧн.
«Коми муын православнӧй епархия, коми-зыряналӧн цивилизационнӧй бӧрйӧмтор: история да ӧнія олӧм» научно-практическӧй конференциялысь уджсӧ нуӧдӧма медколанатор серти, мый тӧдчӧдӧма Президентлӧн Индӧдын: «Россияса традиционнӧй духовно-нравственнӧй донаторъяс, культура да историческӧй паметь видзӧм».
Коми Республикаса Юралысьлӧн кывъяс серти, регионын уна православнӧй религиознӧй организация петкӧдлӧ республикаса олысьясӧн православиекӧд топыда йитчӧм традиционнӧй донаторъяс быд боксянь дорйӧм йылысь.
А сідзжӧ лоӧ Роч Православнӧй Вичколӧн канму власьт органъяскӧд конструктивнӧя ёртасьӧмлӧн бӧртасӧн.
Талунъя лун кежлӧ республикаын пасйӧма да уджалӧ 131 православнӧй приход, кык епархияын аньяслӧн 4 да мужичӧйяслӧн 3 манастыр.
Кыдзи пасйис Владимир Уйба, епархия сӧвмӧдӧмӧ тӧдчана пай пуктіс да водзӧ пуктӧ Сыктывкарса да Коми-Зырянаса Архиепископ Питирим.
Тӧдчымӧн содіс православнӧй приходъяслӧн, храмъяслӧн, пӧрысьяслы да вермытӧмъяслы керка-интернатъясын юрбитан жыръяслӧн лыдыс, воссисны духовнӧй велӧдан школаяс, вичкоса специалистъясӧс дасьтан училище-шӧрин, вичко да манастыр комплексъяс.
Ставреспубликаса православнӧй фестивальяс да научно-практическӧй конференцияяс шымыртӧны уна сюрс олысьӧс – медся ичӧт челядьсянь ветеранъясӧдз, став ӧтйӧза институт петкӧдлысьясӧс.
«Талун ми олам юӧра-цифрӧвӧй йӧзкотырын, кӧні ыджыд роль ворсӧ юӧрыслӧн ӧдыс да коланлуныс, да зэв тӧдчанаӧн лоӧ сылӧн стӧчлуныс да ловлуныс.
Регионын колана нога юӧртан поле лӧсьӧдӧмӧ тӧдчана пай пуктӧны Сыктывкарса да Воркутаса епархияяс.
Епархияын служитысьяс асланыс лист бокъяс вылын гижӧны оз сӧмын тӧдчана православнӧй лоӧмторъяс йылысь, но и паськӧдӧны йӧз пӧвстын тӧдӧмлунъяс, вочавидзӧны социальнӧй везъясӧн вӧдитчысьяслӧн юалӧмъяс вылӧ», - пасйис регионса Юралысь.
Владимир Уйба аттьӧаліс вичкоын став служитысьсӧ, кодъяс уджалӧны талун приходъясын, тӧдӧмлун сетан шӧринъясын, челядьлы да верстьӧяслы вӧскреснӧй школаясын, республикаса быд олысьлы отсӧг сетны дасьлунысь.
Регионса Юралысь чолӧмаліс конференцияӧ пырысьясӧс тӧдчана кадпасӧн – Коми муын медводдза православнӧй епархия артмӧдӧмсянь 640 во тырӧмӧн да эскӧдіс, мый республикаын видзасны да паськӧдасны творческӧй да наука интеллигенцияӧс корӧмӧн канмулысь да вичколысь ӧтувъя проектъяс вӧчӧмсӧ.
Москваын да став Роч муын Патриарх Кирилл нимсянь Сыктывкарса да Коми-Зырянаса Архиепископ Питирим сетіс Коми Республикаса Юралысь Владимир Уйбалы грамота да чолӧмаліс 65 арӧс тырӧмӧн.
Архиепископ аттьӧаліс Роч Православнӧй Вичкоӧс тӧждысьӧмысь да уна сикас нырвизьын сылӧн уджлы отсалӧмысь.
Фотоыс “Комиинформ” юӧртан агентстволӧн, авторыс Владимир Шешкунас
{Kodko @ Владимир Уйба чолӧмаліс аграрийясӧс локтан уджсикас гажӧн да висьтыштіс видз-му овмӧс юкӧнын вермӧмъяс йылысь @ выльтор @ https://rkomi.ru/news/3251 @ 2023-10-06 @}
Владимир Уйба чолӧмаліс аграрийясӧс локтан уджсикас гажӧн да висьтыштіс видз-му овмӧс юкӧнын вермӧмъяс йылысь
2023 воын Комиын аграрийяс дасьтісны кӧрымсӧ ӧти юр вылӧ 28 центнер — тайӧ колян во серти 40 % вылӧ унджык.
Порсь яйсӧ кутісны вӧчны 4% вылӧ унджык, лысьтӧм йӧлыс содіс 8 % вылӧ.
Видз-му овмӧс предприятиеясын заводитісны выль ног переработайтны продукция, содӧ прӧдукциялӧн сикас лыдыс, стрӧитӧны фермаяс.
Коми Республикаын агропромышленнӧй комплекс сӧвмӧдӧм да сылы отсӧг сетӧм вылӧ урчитӧма 2,5 млрд шайт.
Паськыдджыка — Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба нуӧдіс «Вермӧм» республиканскӧй оргкомитетлысь заседание @ выльтор @ https://rkomi.ru/news/3253 @ 2023-10-07 @}
Владимир Уйба нуӧдіс «Вермӧм» республиканскӧй оргкомитетлысь заседание
Видлалӧмаӧсь олӧма йӧзлы, войнаса ветеранъяслы да торъя военнӧй операцияын участвуйтысьяслы медицина отсӧг сетан ногтуй да босьтны судзсянлун серти, а сідзжӧ Айму вӧсна Ыджыд тышын участвуйтысьяс да боевӧй тышъясса ветеранъяс йылысь паметь видзӧм серти юалӧмъяс.
Водзынджык, кӧч тӧлысь 5 лунӧ, вӧлі Россия Федерацияса Президент Владимир Путинлӧн юрнуӧдӧм улын «Вермӧм» котыртан комитетлӧн заседание.
Аслас сёрниын канмуса Юралысь казьтыштіс, мый 2023 воӧ тырӧ 80 во Айму вӧсна Ыджыд тышын да Мӧд мирӧвӧй войнаын тӧдчана косьяслы.
Тайӧ Сталинградскӧй да Курскӧй тышъяс, Кавказ да Донбасс мездӧм.
«2025 воын ми кутам пасйыны Ыджыд Вермӧмсянь 80 во тырӧм.
Тайӧ ыджыд лоӧмтор дорас дасьтысьны колӧ водзвыв.
Миянлы колӧ ёнджыка тӧждысьны фронтовикъяс вӧсна.
Зэв жаль, мый быд воӧн Айму вӧсна Ыджыд тышса ветеранъясыс лоӧны пыр этшаджык.
Миянлы колӧ ёнджыка тӧждысьны на вӧсна.
Миян эмӧсь на «война кадся челядь» - йӧз, кодъяс сідзжӧ тӧдлісны война кӧрсӧ, да тайӧ категория гражданалы сідзжӧ колӧ миян отсӧг.
Став мероприятиесӧ котыртӧм дорӧ колӧ матыстчыны оз формальнӧя, а сьӧлӧмсянь, кывкутӧмӧн», - пасйис Владимир Уйба.
Коми Республикаса Юралысь тӧдчӧдіс – колӧ пыр уджавны том йӧзкӧд, велӧдны найӧс пыдди пуктыны пӧльяслысь подвигъяс, лӧсьӧдны зумыд гражданскӧй видзӧдлас, юксьыны историческӧй лоӧмторъяс йылысь стӧч тӧдӧмлунъясӧн.
«Талун водзсасьӧны оз сӧмын тыш нуӧданінын, но и тані, быд субъектын, - тӧдчӧдіс Владимир Уйба. 
- Зэв жаль, мый миянӧс эз вунӧдны нацистъяс.
И тані тшӧтш колӧ нуӧдны ыджыд удж.
Быд лун.
Ті кӧ аддзанныд, мый школаясын, техникумъясын, вузъясын томуловлӧн либӧ студентъяслӧн сёрниын эм мӧд видзӧдлас, энӧ мунӧй бокиті.
Быть пырӧдчӧй сёрниӧ, тӧдмалӧй, кутшӧм налӧн видзӧдласыс, кытысь сійӧ лоис.
И тайӧ томуловыскӧд колӧ водзӧ нуӧдны уджсӧ.
Тайӧ колана.
Ми вермам тыш нуӧданінын, но вермам ворссьыны тані.
А тайӧ миян аскиа лун.
Челядьыс кӧ быдмасны да кутасны тӧдны история йылысь мӧд ног, тайӧс вежны лоӧ сьӧкыдджык фронт вылын вермӧм дорысь».
Коми Республикаын торъя военнӧй операцияын участвуйтысьяслы да налӧн семьяясӧ пырысьяслы сетӧны отсӧг «Айму дорйысьяс» канму фондлӧн филиал пыр.
Фондса специалистъяс отсалӧны босьтны медицина боксянь реабилитация да веськавны врачьяс дорӧ приём вылӧ медводдзаяс лыдын.
СВО-ын участвуйтысьяслы медицина отсӧг сетӧм бӧрся видзӧдӧны медицина организацияясӧн юрнуӧдысьяс.
Коми Республикаса йӧзлысь дзоньвидзалун видзан министерстволӧн мыччӧдъяс серти, СВО-ын участвуйтысь быд шыӧдчысь босьтіс квалификацияа медицина отсӧг.
Оланпастэчасӧн урчитӧм ноглунӧ кутчысьӧм могысь республикаса медицина организацияяс топыда уджалӧны Россия Федерацияса оборона министерствоӧс да Войвыв флотӧс петкӧдлысьяскӧд.
Сэк, кор Коми Республикаысь военнослужащӧйяс локтӧны фронт вылысь сьӧкыда доймӧмӧн, да налы колӧ федеральнӧй клиникаясысь векни нырвизя вылыс квалификацияа специалистъяслӧн отсӧг, дона бурдӧдӧм да протезируйтӧм серти став рӧскодсӧ босьтӧ ас вылас республиканскӧй сьӧмкуд.
«Россияса Президент Владимир Владимирович Путинлӧн тшӧктӧм серти Коми Республика медводдзаяс лыдын лӧсьӧдіс «Айму дорйысьяс» фондлысь филиал.
Тані ёна отсаліс «Россияса Сбербанк» правлениеӧн Веськӧдлысь Герман Оскарович Греф, коді ӧти звӧнитӧмӧн решитіс фондлӧн могъяс вылӧ стрӧйба сетӧм серти юалӧмсӧ, - пасйис Владимир Уйба. 
- Талун тайӧ тырвыйӧ шӧрин, коді оз формальнӧя, а збыльысь решайтӧ СВО-ын участвуйтысьяслы да налӧн семьяясӧ пырысьяслы медицина, юридическӧй, социальнӧй отсӧг сетӧм серти уна юалӧм.
Филиалын уджалысьяс лыдын унаӧн спецоперацияын участвуйтысьяс, кодъяс асланыс опыт вылын гӧгӧрвоӧны боевӧй ёртъяслысь став майшасьӧмсӧ.
Миян мог – вӧчны ставсӧ, медым СВО-ын участвуйтысьяс локтісны да вермисны бура овны, коланлун дырйи, туйдыны выль специальносьт вылӧ».
Олӧма гражданалы, кодъяс лыдын Айму вӧсна Ыджыд тышса ветеранъяс да вермытӧмъяс, медицина отсӧг сетӧны Коми Республикаса 63 медицина организация, ӧтув практикаа 27 отделение.
Амбулаторнӧй везйын уджалӧ 374 терапевтическӧй участок, 192 терапевтическӧй кабинет, сиктса районъясын – принимайтӧны 300 гӧгӧр ФАП да 32 врачебнӧй амбулатория.
2019 восянь Войнаса ветеранъяслы да боевӧй тышъясын участвуйтысьяслы республиканскӧй госпитальын уджалӧ Республиканскӧй гериатрическӧй шӧрин, кӧні сетӧны олӧма да пӧрысь йӧзлы медицина отсӧг, уджалӧны «Когнитивнӧй торкалӧмъясысь ӧлӧдан школа» да «Кыпыда дыр овны отсалан школа».
Айму вӧсна Ыджыд тышын участвуйтысьясӧс да вермытӧмъясӧс, сы лыдын ылі сикт-грездъясын олысьясӧс, могмӧдӧны медикаментъясӧн да медицина тӧдчанлуна изделиеясӧн врачебнӧй амбулаторияясса да ФАП ясса медицина уджалысьяс пыр, а сідзжӧ социальнӧй службаяс да пациентъяслӧн рӧдвуж отсӧгӧн.
2023 воын Войнаса ветеранъяслы да боевӧй тышъясын участвуйтысьяслы республиканскӧй госпиталь сетіс медицина отсӧг боевӧй тышъясса 300 ветеранлы, пӧгибнитӧм ветеранъяслӧн семьяясӧ 10 ысь унджык пырысьлы да СВО-ын 80-ысь унджык участвуйтысьлы.
«Аттьӧ, Владимир Викторович, мый аддзанныд позянлун вичмӧдны ветеранъяслӧн республиканскӧй сӧветлы вонас 40 миллион шайтӧн пенсионеръясӧс бурдӧдӧм могысь.
Ӧти сюрсысь унджык мортлӧн эм позянлун дон босьттӧг бурдӧдчыны санаторий-курортын», - аттьӧаліс Войнаса, уджвывса, Вооружённӧй Вынъясса да инӧд видзан органъясса ветеранъяслӧн (пенсионеръяслӧн) Коми республиканскӧй ӧтйӧза организацияӧн веськӧдлысь Людмила Жукова.
Заседаниелӧн кывкӧртӧдъяс серти Коми Республикаса Юралысь Владимир Уйба тшӧктіс профильнӧй министерствояслы видлавны Войнаса ветеранъяслы да боевӧй тышъясын участвуйтысьяслы республиканскӧй госпитальын психологическӧй отсӧг ёнмӧдӧм йылысь юалӧм, сы вӧсна мый таын, Людмила Жуковалӧн кывъяс серти, лоис коланлун.
Таысь кындзи, Владимир Уйбалӧн тшӧктӧм серти, видлаласны госпитальӧ выль оборудование – УЗИ да КТ вайӧм йылысь юалӧм.
Регионса Сьӧм овмӧс министерстволы Коми Республикаса Юралысь тшӧктіс видлавны Айму вӧсна Ыджыд тышса ветеранъяслы да участвуйтысьяслы республиканскӧй сьӧмкудйысь содтӧд сьӧм вичмӧдӧм йылысь юалӧм, сы лыдын аспом клиникаясын обследуйтчигӧн рӧскод мынтӧм вылӧ.
Фотоыс «Комиинформ» ЮА, авторыс Владимир Шешкунас
{Kodko @ Владимир Уйба чолӧмаліс Россияса Президент Владимир Путинӧс чужан лунӧн @ выльтор @ https://rkomi.ru/news/3254 @ 2023-10-07 @}
Владимир Уйба чолӧмаліс Россияса Президент Владимир Путинӧс чужан лунӧн @ выльтор
Коми Республикаса Юралысь социальнӧй везъясын йӧзӧдіс видео пыр чолӧмалӧм, кӧні аттьӧаліс Президентӧс регионъяс вӧсна тӧждысьӧмысь да республикалы отсӧгысь.
“Пыдди пуктана Владимир Владимирович, став сьӧлӧмсянь сиа Тіянлы крепыд дзоньвидзалун, бырлытӧм вынъяс, медым шедӧдны Аймулы бур вылӧ пуктӧм став могсӧ!
А ми Тіянлы пыр отсыштам!”, - пасйис Коми Республикаса Юралысь. 
{Kodko @ Владимир Уйба восьтіс Сыктывкарын МФТ тхэквондо серти ордйысьӧмъяс @ выльтор @ https://rkomi.ru/news/3255 @ 2023-10-07 @}
Владимир Уйба восьтіс Сыктывкарын МФТ тхэквондо серти ордйысьӧмъяс
Талун, йирым тӧлысь 7 лунӧ, Коми Республикаса юркарын воссисны МФТ тхэквондо серти Россияса РВФК-лӧн чемпионат да первенство, МФТ тхэквондо серти войтыркостса ордйысьӧмъяс да МФТ тхэквондо серти республиканскӧй фестиваль.
Мероприятиеӧ пырӧдчис Россияын МФТ тхэквондо федерацияса президент Лазарос Цилфидис. 
“Уна сё спортсмен чукӧртчис Сыктывкарын, медым ордйысьны медвыналӧн ним вӧсна да петкӧдчыны кытшсянь Санкт-Петербургын финал тшупӧдын.
Тхэквондо серти татшӧм тшупӧда ордйысьӧмъясыс миянын мунӧны медводдзаысь на.
Кӧть тайӧ спорт сикассӧ миян регионын олысьяс радейтӧны.
Та вӧсна, кута лача, мый водзӧ ми кутам на нуӧдны тайӧ спорт сикас серти стартъяс.
Сиа ордйысьӧмъясӧ став пырӧдчысьлы бур ордйысьӧмъяс, вын, вермӧмъяс, а видзӧдысьяслы – кыпыд ловру да мед ордйысьӧмыс коляс бур сьӧлӧмкылӧмъяс!”, - пасйис Коми Республикаса Юралысь.
Ордйысьӧмъясыс мунӧны йирым тӧлысь 7-8 лунъясӧ 1 №-а спорт школаын.
Россияса РВФК-лӧн чемпионатыс – мужичӧйяс да аньяс пӧвстын.
Россияса РВФК-лӧн первенствоыс – 10-13 арӧса ныв-зон да 14-17 арӧса юниоръяс пӧвстын.
Республиканскӧй фестиваль – 5-7 арӧса дзолюкъяс пӧвстын.
Мероприятиеясӧ пырӧдчӧны Комиысь, Карелияысь, Великӧй Новгородысь, Калининградысь, Вӧлӧгда, Ленинград, Архангельск да Псков обласьтъясысь 450 гӧгӧр спортсмен.
Конкурсысь ӧтдор ордйысьӧмӧ пырӧдчисны Перым муысь, Воронеж обласьтысь да Санкт-Петербургысь тхэквондистъяс.
Ордйысьӧмъяс бӧрын медбур тхэквондистъяс петкӧдчасны Коми Республикасянь Россияса чемпионатын да первенствоын вӧльгым тӧлысь заводитчигӧн Санкт-Петербургын.
{Kodko @ Коми Республикаса Юралысь чолӧмалӧ Видз-му овмӧсын да переработайтан промышленносьтын уджалысьяслӧн лунӧн @ выльтор @ https://rkomi.ru/news/3252 @ 2023-10-08 @}
Коми Республикаса Юралысь чолӧмалӧ Видз-му овмӧсын да переработайтан промышленносьтын уджалысьяслӧн лунӧн
“Агропромышленнӧй комплексса пыдди пуктана уджалысьяс, ветеранъяс!
Сьӧлӧмсянь чолӧмала тіянӧс уджсикас гажӧн – Видз-му овмӧсын да переработайтан промышленносьтын уджалысьяслӧн лунӧн!
Видз-му вӧдитысьлӧн, скӧт видзысьлӧн, сёян-юан вӧчан предприятиеясын уджалысьлӧн уджыс — аслыспӧлӧс да кывкутана.
Тайӧ быдлунъя сьӧкыд удж.
Тайӧ республикаса да странаса экономикаын зэв тӧдчана нырвизь, кодӧс веськӧдӧма Россияӧс сёян-юанӧн бура могмӧдӧм вылӧ.
АПК юкӧнын войвылын уджавны абу кокни.
Но ті пуктанныд став вын, енби, кужӧм-сямлун, медым унджык кӧдзны видз-му овмӧс культура, содтыны республикаын нянь, йӧв да яй вӧчӧмсӧ, могмӧдны миян регионын олысьясӧс свеж, бур да уна пӧлӧс сёян-юанӧн.
Ті восьтанныд выль производство, выльмӧданныд важсӧ, содтанныд сикасъяс да пыртанныд выль технологияяс.
Ми зілям отсасьны тіянлы тайӧ уджас.
Аттьӧала республикаса агропромышленнӧй комплексын став уджалысьӧс сьӧкыд да колана уджсӧ радейтӧмысь, миян зумыш да тыр-бур войвыв муным дорӧ муслунысь, ыджыд терпенньӧысь.
Мед быд лун вӧлі шуда, йӧзыс радейтісны тіянлысь продукциясӧ.
Сиа крепыд дзоньвидзалун, вермӧмъяс, ыджыд шуд да став бурсӧ тіянлы да матыссаясныдлы!”
Коми Республикаса Юралысь Владимир Уйба
{Kodko @ Владимир Уйба видзӧдліс, кыдзи стрӧитӧны Сыктывкарын 825 места вылӧ школа @ выльтор @ https://rkomi.ru/news/3256 @ 2023-10-08 @}
Владимир Уйба видзӧдліс, кыдзи стрӧитӧны Сыктывкарын 825 места вылӧ школа
Эжва районса Емваль местечкоын велӧдан объектсӧ стрӧитӧны “Велӧдӧм” национальнӧй проект серти. Коми Республикаса Юралысь видзӧдӧ сійӧс збыльмӧдӧм бӧрся ачыс.
Ӧні тэчӧны стен панельяс, лӧсьӧдӧны монолитнӧй юкӧнъяс, тэчӧны коймӧд судтасӧ кирпичысь, нюжӧдӧны пытшкӧсса инженернӧй системаяс, лӧсьӧдӧны гӧбӧчын да медводдза судтаын вентиляционнӧй кӧрӧбъяс, ӧшиньяс.
Топӧдӧм посни изъясӧн вевттьӧны стадион да котралан туй, зданиесӧ гӧгӧртӧны ва кутӧдъясӧн, лӧсьӧдӧны бордюръяс, тротуаръяс да вевт.
ГТО нуӧдан куим площадкаысь дасьтӧма кыксӧ.
Объектлӧн ӧтувъя техническӧй дасьлуныс – 60% сайӧ.
Пӧдрадчик уджалӧ зіля.
Но заводыс вежис ЖБК ваян графиксӧ да здание бан вылӧ бӧръя конструкцияясыс воасны йирым тӧлысь помӧдз.
Та вӧсна школасӧ сдайтан кадколастыс нюжалас 2024 воӧдз.
Фотоыс “Комиинформ” ЮА, авторыс Владимир Шешкуна
{Kodko @ Владимир Уйба сёрнитіс спортсменъяскӧд Коми Республикаын сьӧкыд атлетика сӧвмӧдӧм йылысь @ выльтор @ https://rkomi.ru/news/3257 @ 2023-10-08 @}
Владимир Уйба сёрнитіс спортсменъяскӧд Коми Республикаын сьӧкыд атлетика сӧвмӧдӧм йылысь
Коми Республикаса Юралысь удж серти аддзысьліс сьӧкыд атлетика серти Россияса спорт мастер Виктория Орловакӧд, сылӧн тренер Евгений Костинкӧд да Сьӧкыд атлетика серти Коми Республикаса федерациялӧн президент, Коми Республикаса Каналан Сӧветӧн Веськӧдлысь Сергей Усачёвкӧд.
«Сьӧкыд быдтыны чемпионӧс.
Ми гӧгӧрвоам, мый оз быдӧн лоны чемпионӧн, но та вылӧ видзӧдтӧг колӧ сӧвмӧдны спортсӧ, медым сэтчӧ локтіс унджык челядь.
Ныв-зон кӧ пырӧдчӧ спортӧ, сідзкӧ ми туйдам найӧс бурлань», - пасйис Владимир Уйба.
«Миян республикаын сьӧкыд атлетика сӧвмӧ.
Евгений Александрович аддзӧ енбиа челядьӧс, зільӧ вӧчны наысь чемпионъясӧс.
Тайӧ сылӧн артмӧ.
Огӧ вунӧдӧй и уна йӧза спорт йылысь, миян Федерация кыскӧ пыр унджык ныв-зонмӧс сьӧкыд атлетикаӧ», - юӧртіс Сергей Усачёв.
Коми Республикаса Юралысь аттьӧаліс Виктория Орловаӧс да Евгений Костинӧс вермасьӧмъясын бура петкӧдчӧмысь да йӧз пӧвстын спорт паськӧдӧмысь.
Казьтыштам, Сьӧкыд атлетикаысь Россияса чемпионатын спортсменка босьтіс куим зарни медаль. Сійӧ муніс 2023 вося лӧддза-номъя тӧлысь 12 - 17 лунъясӧ Новый Уренгойын.
Виктория Орлова сьӧкта серти ас категорияын лоӧ Россияса сборнӧйын медводдзаяс лыдын.
Регыд на сійӧ шедӧдіс нӧшта некымын вылыс тшупӧда награда – сьӧкыд атлетикаысь Россияса первенствоын кык зарни медаль (сійӧ муніс Саранскын сора тӧлысь 24 - 30 лунъясӧ) да Беларусь Республикаын том йӧз пӧвстын сьӧкыд атлетикаысь войтыркостса восьса турнирын зарни медаль. Ордйысьӧмыс муніс Минскын кӧч тӧлысь 19 - 23 лунъясӧ.
Владимир Уйба да Евгений Костин сёрнитісны Россияса спорт мастер Анастасия Ломакинакӧд ӧтув уджалӧм йылысь. Ӧні спортсменка петкӧдчӧ Иркутскӧй обласьт вӧсна, но дась выступайтны Коми Республика вӧсна.
Ань зэв бура петкӧдчӧ Россияса ордйысьӧмъяс дырйи.
Таысь кындзи, Владимир Уйба ошкис сьӧкыд атлетика серти регионса федерациялысь вӧзйӧмсӧ – 2025 вося лӧддза-номъя тӧлысьын нуӧдны Коми Республикаын Сьӧкыд атлетикаысь Россияса чемпионат.
Сьӧкыд атлетика лоӧ олимпийскӧй спорт сикасӧн, сійӧс вынсьӧдӧма 2022-2026 воясын Коми Республикаын сӧвмӧдӧм вылӧ подув спорт сикасӧн.
Регионын сьӧкыд атлетикаын вынйӧрсӧ ёнмӧдӧ 1102 морт, сідзжӧ уджалӧ Сьӧкыд атлетика серти Коми Республикаса федерация.
2024 воын республикаын кӧсйӧны нуӧдны сьӧкыд атлетикаысь некымын ордйысьӧм: мужичӧйяс да аньяс пӧвстын сьӧкыд атлетикаысь Рытыв-Войвыв федеральнӧй кытшса чемпионат;
13-17 арӧса юниоръяс да юниоркаяс пӧвстын Рытыв-Войвыв федеральнӧй кытшса первенство;
23 арӧсӧдз юниоръяс да юниоркаяс пӧвстын Россияса первенство; 
мужичӧйяс да аньяс пӧвстын Россияса спорт мастер И.И. Кулижников нима ставроссияса турнир. 
{Kodko @ Владимир Уйба висьталіс Чилимдін районса Новый Бор посёлокын олӧма йӧзлы да вермытӧмъяслы социальнӧя реабилитируйтан шӧрин восьтӧм йылысь @ выльтор @ https://rkomi.ru/news/3258 @ 2023-10-09 @}
Владимир Уйба висьталіс Чилимдін районса Новый Бор посёлокын олӧма йӧзлы да вермытӧмъяслы социальнӧя реабилитируйтан шӧрин восьтӧм йылысь
Учреждениесӧ лӧсьӧдӧма Коми Республикаса Юралысьлӧн тшӧктӧм серти олӧма йӧзлы да 18 арӧссянь вермытӧмъяслы, кодъяс бӧрся колӧ дӧзьӧритны.
Тӧжд улӧ босьтӧмаяс вермасны интереснӧя, пӧльзаӧн да бура коллявны кадсӧ, не кывны асьныссӧ ӧткаӧн, пӧттӧдз сёрнитны ӧта-мӧдкӧд.
Сідзжӧ отделениеӧ лоӧ пыртӧма гражданаяс бӧрся, кодъяс мыйкӧ мында вермӧны либӧ ньӧти оз вермыны могмӧдны асьныссӧ, дыр кад чӧж дӧзьӧритан система.
Тані налы сетасны колана отсӧг.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Чилимдін районса Новый Бор посёлокын воссис олӧма йӧзлы да вермытӧмъяслы лун кежлӧ волан отделениелӧн филиал @ выльтор @ https://rkomi.ru/news/3259 @ 2023-10-10 @}
Чилимдін районса Новый Бор посёлокын воссис олӧма йӧзлы да вермытӧмъяслы лун кежлӧ волан отделениелӧн филиал
Филиалыс заводитіс уджавны йирым тӧлысь 9 лунсянь.
Сійӧс лӧсьӧдісны Коми Республикаса Юралысь Владимир Уйбалӧн тшӧктӧм серти.
Регионса Юралысь воис Новый Борӧ, медым чолӧмавны посёлокса олысьясӧс тӧдчана лоӧмторйӧн.
«Татшӧм отделениесӧ лӧсьӧдӧм йылысь юалӧмыс юргис кык во сайын миян тіянкӧд аддзысьлігӧн.
Талун ми ӧтлаын сійӧс восьтам, - шыӧдчис посёлокын олысьяс дорӧ Коми Республикаса Юралысь Владимир Уйба. 
- Водзті тайӧ жыръясыс вӧліны кушӧсь, а ӧні сэні кутасны тӧждысьны йӧз вӧсна.
И зэв колана, мый ми лӧсьӧдім уджалан местаяс.
Чолӧмала тіянӧс тайӧ лоӧмторйӧн, тайӧ неыджыд вермӧмӧн.
Миян зонъяс талун дорйӧны СВО вылын Чужан му, и миянлы ставнымлы колӧ Вермӧм.
Но перйыны сійӧс колӧ оз сӧмын фронт вылын, но и тылын тшӧтш».
Новый Бор посёлокын «Чилимдін районса олысьясӧс социальнӧя доръян комплекснӧй шӧрин» Коми Республикаса канму сьӧмкуд учреждениелӧн социальнӧя реабилитируйтан отделениеса филиалыс колӧ олӧма гражданалы да 18 арӧссянь вермытӧмъяслы, кодъясӧс колӧ дӧзьӧритны.
Шӧринса тӧжд улӧ босьтӧмаяс вермасны интереснӧя, пӧльзаӧн да бура коллявны кадсӧ, не кывны асьныссӧ ӧткаӧн, пӧттӧдз сёрнитны ӧта-мӧдкӧд.
Сідзжӧ отделениеӧ лоӧ пыртӧма гражданаясӧс, кодъяс мыйкӧ мында вермӧны либӧ ньӧти оз вермыны могмӧдны асьныссӧ, дыр кад чӧж дӧзьӧритан система.
Тані налы сетасны колана отсӧг.
Медым новлӧдлыны сьӧкыда ветлысь гражданаӧс, Шӧринлы ньӧбисны ыджыд позянлуна LADA Nіva Legend автомашина.
Филиал лӧсьӧдӧм могысь вичмӧдісны Новый Борса врачебнӧй амбулаторияысь – «Чилимдін районса шӧр больнича» Коми Республикаса канму сьӧмкуд учреждениеса филиаллысь куш местаяс.
Жырйын эм мебель, бытӧвӧй техника, реабилитационнӧй оборудование.
Талун кежлӧ колӧ дӧзьӧритны Чилимдін районса 5 олысьӧс да налы колӧ сетны социальнӧя реабилитируйтан отделениеын социальнӧй услугаяс.
Найӧ ставӧн лоины Новый Бор посёлокын отделениеса тӧжд улӧ босьтӧмаясӧн.
Сідзжӧ тайӧ филиалын кӧсйӧны сетны гражданалы услугаяс «Кыпыда дыр олӧм» регионса уджтас серти. 
{Kodko @ Владимир Уйба висьталіс, кыдзи стрӧитӧны Чилимдін сиктын бурдӧдчан корпус да Изьва сиктын 600 места вылӧ школа @ выльтор @ https://rkomi.ru/news/3260 @ 2023-10-10 @}
Владимир Уйба висьталіс, кыдзи стрӧитӧны Чилимдін сиктын бурдӧдчан корпус да Изьва сиктын 600 места вылӧ школа
Кыкнан объектсӧ лэптӧны Россияса Президент Владимир Владимирович Путинӧн вынсьӧдӧм национальнӧй проектъяс отсӧгӧн.
Чилимдінын бурдӧдчан корпуссӧ пыртасны уджӧ таво.
Помалӧны нин ортсыса да пытшкӧсса везъяс тэчӧм, кильчӧяс лӧсьӧдӧм серти уджъяс, пытшкӧсса уджъяс.
Водзӧ мичмӧдӧны-бурмӧдӧны йӧрсӧ.
Водзӧ зіля стрӧитӧны Изьва сиктын 600 места вылӧ школа.
Вӧчӧны ленточнӧй фундамент, армируйтӧны монолитнӧй плитаяс, тэчӧны подув судталысь сувтса гидроизоляция, нуӧдӧма стадион вылын мувывса, планируйтан уджъяс.
Паськыдджыка — Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба видзӧдліс, кыдзи Чилимдін сиктын стрӧитӧны бурдӧдчан корпус @ выльтор @ https://rkomi.ru/news/3261 @ 2023-10-10 @}
Владимир Уйба видзӧдліс, кыдзи Чилимдін сиктын стрӧитӧны бурдӧдчан корпус
Коми Республикаса Юралысь видзӧдліс йӧзлысь дзоньвидзалун видзан объектсӧ Чилимдін районӧ удж серти волігӧн.
Бурдӧдчан корпуссӧ кӧсйӧны пыртны уджӧ 2023 воын.
Помалӧны ортсыса да пытшкӧсса везъяс нюжӧдӧмсӧ, лӧсьӧдӧны кильчӧяс, мунӧны пытшкӧсса уджъяс.
Водзӧ бурмӧдӧны-лӧсьӧдӧны корпус гӧгӧрсӧ.
Объектсӧ кыпӧдӧны «Йӧзлысь дзоньвидзалун видзӧм» национальнӧй проектлӧн «Йӧзлысь дзоньвидзалун видзан юкӧнлысь первичнӧй звено ӧнъяӧдӧм» регионса уджтас серти.
Коми Республикаса Юралысь Владимир Уйбалӧн тшӧктӧм серти бурдӧдчан корпус стрӧитан проектсӧ пыртӧма регионса адреснӧй инвестиция уджтасӧ.
Чилимдінын лоӧ ӧнія кадлы лӧсялысь медучреждение, кӧні кутасны уджавны терапия, хирургия, реанимация отделениеяс, физиотерапия кабинетъяс, клиническӧй лабораторияяс, а сідзжӧ кутасны сетны регыдъя медицина отсӧг. 
{Kodko @ Владимир Уйба видзӧдліс, кыдзи Изьва сиктын стрӧитӧны 600 места вылӧ школа @ выльтор @ https://rkomi.ru/news/3262 @ 2023-10-10 @}
Владимир Уйба видзӧдліс, кыдзи Изьва сиктын стрӧитӧны 600 места вылӧ школа
Коми Республикаса Юралысь воліс стрӧитчан площадка вылӧ Изьва районӧ удж серти ветлігӧн.
Объект вылын вӧчӧма ленточнӧй фундамент, подув судтаын – сувтса гидроизоляция, ёнмӧдӧма монолитнӧй плитасӧ, лӧсьӧдӧма стадион дорын мусӧ, нуӧдӧма планируйтан уджъяс.
Заводитісны лӧсьӧдны шоныдӧн могмӧдан система, чукӧртан ёмкосьтъяслы котлован, вӧчсьӧ подув судтаяскостса джодж-йирк, 1 судтаын тэчӧны кирпичысь стенъяс.
Изьва сиктын 600 места вылӧ школасӧ кыпӧдӧны «Велӧдӧм» национальнӧй проект серти.
Коми Республикаса Юралысь Владимир Уйбалӧн тшӧктӧм серти объектсӧ пыртӧма республикаса адреснӧй инвестиция уджтасӧ.
Планъяс серти, школа восьтас ӧдзӧсъяссӧ 2024 воын.
Тані лоӧ лӧсьӧдӧма бур условиеяс и велӧдчӧм, и содтӧд тӧдӧмлун босьтӧм вылӧ, кутасны уджавны кружокъяс, секцияяс, кутасны нуӧдны спорт мероприятиеяс. 
{Kodko @ Владимир Уйба аддзысьліс Новый Борса школаын велӧдчысьяскӧд @ выльтор @ https://rkomi.ru/news/3263 @ 2023-10-10 @}
Владимир Уйба аддзысьліс Новый Борса школаын велӧдчысьяскӧд
Йирым тӧлысь 9 лунӧ Чилимдін районӧ удж серти ветлігӧн Коми Республикаса Юралысь аддзысьліс Новый Бор ылі посёлокса ныв-зонъяскӧд. 
“Бӧръя воясӧ – верма шуны стӧча – уна вӧчсьӧ челядьлы.
Уна сьӧм веськӧдӧма челядьӧс сӧвмӧдӧм вылӧ, медым налы вӧлі кӧні овны, быдмыны да велӧдчыны.
Тайӧ и гожӧмын шойччӧм, и велӧдчӧм.
Ме, кыдзи республикаса Юралысь, да республикаса Веськӧдлан котыр вӧчам унатор, медым ті быдминныд шудаӧн, бура асьныдтӧ кылінныд карын кӧть сиктын”, - шыӧдчис челядь дорӧ Владимир Уйба.
Коми Республикаса Юралысь висьталіс велӧдчысьяслы выль да стрӧитчысь школаяс, детсадъяс йылысь да тӧдчӧдіс, мый челядь вӧсна тӧждысьӧм – Россияса Президент Владимир Путинлӧн да Коми Республикаса Веськӧдлан котырлӧн уджын медшӧр нырвизьясысь ӧти.
Сідзжӧ странаса Веськӧдлан котырлӧн уджын медшӧр нырвизьяс пиысь ӧтиӧн лоӧ Россияса традиционнӧй духовно-нравственнӧй донаторъяс видзӧм. Тайӧс вынсьӧдӧма Россия Федерацияса Президентлӧн 2022 во вӧльгым тӧлысь 9 лунся 809 №-а Индӧдӧн.
Школьникъяскӧд сёрнитігӧн Владимир Уйба казьтыштіс, мый том йӧзлы колӧ тӧждысьны олӧма йӧз вӧсна, ӧд тадзи ми петкӧдлам, мый ми пыдди пуктам вужъяс, олӧма йӧзлысь мывкыдлунсӧ да тӧдӧмлунъяссӧ.
Татшӧм тӧждысьӧмлӧн примерӧн лоӧ Новый Бор посёлокын олӧма йӧзлы да вермытӧмъяслы лун кежлӧ волан отделениелысь филиал восьтӧм.
Сідзжӧ регионса Юралысь пасйис, мый колӧ видзны миян землякъяс йылысь паметь, кодъяс усисны Чужан му вӧсна торъя военнӧй операция дырйи, да висьталіс Коми Республикаын чужӧм йӧзлӧн подвигъяс йылысь, кодъяслы кувсьӧм бӧрын сетісны медвылыс почёт нимъяс.
Сёрниыс муніс Россия Федерацияса Геройяс – Чилимдін районысь Иван Поздеев да Владимир Носов, Сыктыв районысь Александр Власенков, Ухтаын чужлӧм Олег Шипицин йылысь, а сідзжӧ Коми Республикаса Геройяс – Ухтаысь Анатолий Хлобыстов да Сыктывкарысь Виталий Лифенко йылысь.
А челядь юасисны Владимир Уйбалысь сылӧн школаӧ ветлан вояс, прӧст кад коллялӧм, удж да республика сӧвмӧдӧм серти планъяс йылысь.
Коми Республикаса Юралысь висьталіс, кыдзи сійӧ сӧвмис уджсикасын, кыдзи школаын велӧдчигӧн сійӧ ветліс борьба, бокс, кокни атлетика вылӧ, котраліс лызьӧн, торйӧн нин радейтіс ветлыны служебнӧй пон видзан клубӧ.
Республиканымӧс сӧвмӧдан планъяс серти Владимир Уйба тӧдчӧдіс, мый социальнӧй инфраструктура сӧвмӧдӧм кындзи Коми Республикаса Веськӧдлан котырлӧн мог – корсьны регионын выль производствояс восьтӧм вылӧ инвесторъясӧс, медым могмӧдны том йӧзӧс уджалан местаясӧн да бур удждонӧн.
“Кӧсъя тіянлы сины, медым школа помалігкежлӧ ті стӧча гӧгӧрвоинныд, кодӧн кӧсъянныд лоны, медым ті радейтінныд ассьыныд уджсикасныдтӧ.
А сьӧлӧм вылӧ воана уджсикасӧ велӧдчӧм бӧрын ті кольччинныд чужан республикаӧ.
А ме, кыдзи регионса Юралысь, да Веськӧдлан котыр вӧчам ставсӧ, медым ті кӧсйинныд лӧсьӧдны республикаын семья.
И медым тіян челядьлы республика тшӧтш вӧлі медбур местаӧн”, - шуис сёрни помын Владимир Уйба.
“Движение первых” проект серти татшӧм аддзысьлӧмъяссӧ нуӧдӧны Россия пасьтала. Видзӧдан сӧветӧн юрнуӧдӧ Россияса Президент Владимир Путин.
Школьникъяс вермасны аддзысьлыны асланыс регионъясса нималана йӧзкӧд – политикъяскӧд, туялысьяскӧд, спортсменъяскӧд, телеведущӧйяскӧд, водзмӧстчысь йӧзкӧд да сідз водзӧ.
“Движение первых” проект сетӧ позянлун школьникъяслы да том йӧзлы пырӧдчыны ӧтйӧза олӧмӧ, вӧчны буртор, аддзыны асьныссӧ спортын, творчествоын.
Ӧтмунӧм уджалӧ экология, патриотизм, наука, волонтёр проектъясын, отсалӧ бӧрйыны уджсикас.
“Движение первых” ӧтмунӧмлысь первичнӧй организацияяс лӧсьӧдӧны школаясын, шӧр тшупӧда уджсикасӧ велӧдан, спорт, содтӧд тӧдӧмлун сетан организацияясын, вузъясын да весиг челядьӧс видзанінъясын.
Ӧтмунӧм отсалӧ челядьлы пырӧдчыны быдсикас конкурсъясӧ, мероприятиеясӧ, ветлыны “Артек”, “Смена”, “Орлёнок”, “Океан” ставроссияса шӧринъясӧ, путешествуйтны, тӧдмасьны бур йӧзкӧд, ёртасьны страна пасьталаысь тшӧтшъяяскӧд. 
{Kodko @ Владимир Уйба аттьӧаліс спецоперацияын участвуйтысьясӧс повтӧмлунысь, смеллунысь да йӧз вӧсна тӧждысьӧмысь @ выльтор @ https://rkomi.ru/news/3264 @ 2023-10-11 @}
Владимир Уйба аттьӧаліс спецоперацияын участвуйтысьясӧс повтӧмлунысь, смеллунысь да йӧз вӧсна тӧждысьӧмысь
Йирым тӧлысь 11 лунӧ Коми Республикаса Юралысь сетіс канму наградаяс военнослужащӧйяслы, кодъяс локтісны торъя военнӧй операция вылысь.
«Тайӧ наградаясыс – миян канмулӧн, миян йӧзлӧн, Коми Республикалӧн тіян повтӧмлунысь да йӧз вӧсна тӧждысьӧмысь, героизмысь да миян ӧтувъя Вермӧмӧ ыджыд пай пуктӧмысь пыдди пуктӧм да аттьӧалӧм, - шыӧдчис церемонияӧ пырӧдчысьяс дорӧ Владимир Уйба. 
- Талун Россия и ми ставӧн вермасям миян канмулӧн асшӧрлун вӧсна, Россиялӧн зумыдлун да сійӧс юкны позьтӧмлун вӧсна, миянлысь историческӧй донаторъяс видзӧм вӧсна.
Киясын ӧружиеӧн доръям миян канмулысь да миян йӧзлысь вӧлясӧ.
Зэв жаль, мый война вылын воштытӧг оз овлы.
Зэв жаль, мый кулӧны миян зонъяс.
Но найӧ пуктӧны юрныссӧ Чужан му вӧсна, миян вӧсна, сідзкӧ найӧ оз кувны, а кутасны пыр овны миян сьӧлӧмъясын.
Став зонсӧ, кодъяс пӧгибнитісны, ми пыдди пуктам да кутам пыдди пуктыны нэмъяс чӧж.».
Церемонияын участвуйтысьяс казьтыштісны Айму вӧсна пӧгибнитӧмаясӧс чӧв олыштӧмӧн.
Россия Федерацияса Президентлӧн Индӧдӧн воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Жуковлысь медаль сетӧма отставкаын радӧвӧйяс Сергей Владимирович Бесединлы да Николай Анатольевич Кокойченколы.
Сергей Владимирович Беседин чужис Украинскӧй ССР-са Донецкӧй обласьтлӧн Краматорск карын, ӧні олӧ Сыктывкарын.
2022 вося йирым тӧлысьын кырымаліс контракт да муніс СВО вылӧ артиллерийскӧй разведкаса отделениеын оператор-топогеодезист чинын.
Николай Анатольевич Кокойченко чужис Коми Республикаса Княжпогост районын, ӧні олӧ Сыктывкарын.
2022 вося йирым тӧлыссянь служитіс контракт серти мотострелкӧвӧй отделениеын стрелок чинын.
«Став сьӧлӧмсянь аттьӧала тіянӧс героизмысь, сыысь, мый энӧ кольччӧй бокӧ, а повтӧг пӧртінныд олӧмӧ могсӧ Чужан му, асланыд семьяяс, челядь водзын.
И, дерт, ме кӧсъя аттьӧавны тіянлысь семьяясныдтӧ, тіянлысь рӧдвужныдтӧ, матыссаясныдтӧ, сы вӧсна мый налӧн кевмысьтӧг, налӧн отсӧгтӧг сьӧкыд кольны ловйӧн да вермыны.
Ыджыд аттьӧ тіян семьяяслы», - шуис Коми Республикаса Юралысь Владимир Уйба.
Фотоыс «Комиинформ» ЮА, авторыс Владимир Шешкунас
{Kodko @ Йирым тӧлысь 12 лунсянь Екатерина Грибковаӧс индӧма Коми Республикаса Веськӧдлан котырӧн Юрнуӧдысьӧс вежысьӧн – Коми Республикаса удж, уджӧн могмӧдан да социальнӧя доръян министрӧн @ выльтор @ https://rkomi.ru/news/3265 @ 2023-10-11 @}
Йирым тӧлысь 12 лунсянь Екатерина Грибковаӧс индӧма Коми Республикаса Веськӧдлан котырӧн Юрнуӧдысьӧс вежысьӧн – Коми Республикаса удж, уджӧн могмӧдан да социальнӧя доръян министрӧн
Та йылысь тшӧктӧм кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во йирым тӧлысь 11 лунся 327-р №-а тшӧктӧм.
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Екатерина Георгиевна Грибковаӧс 2023 вося йирым тӧлысь 12 лунсянь Коми Республикаса Веськӧдлан котырӧн Юрнуӧдысьӧс вежысь – Коми Республикаса удж, уджӧн могмӧдан да социальнӧя доръян министр чинӧ.
2. Тайӧ тшӧктӧмыс вынсялӧ сійӧс кырымалан лунсянь. 
{Kodko @ Коми Республикаса олысьяслы сетісны канму наградаяс @ выльтор @ https://rkomi.ru/news/3266 @ 2023-10-11 @}
Коми Республикаса олысьяслы сетісны канму наградаяс
Лӧсялана Индӧд кырымаліс Коми Республикаса Юралысь Владимир Уйба. 
“Коми Республикаса канму наградаяс сетӧм йылысь” Коми Республикаса Юралысьлӧн 2023 во йирым тӧлысь 11 лунся 108 №-а Индӧд.
1. Коми Республика водзын торъя заслугаясысь Иван Павлович Морозов нима орден сетны Зоя Алексеевна Вахниналы – “Бать-мамтӧм да бать-мам дӧзьӧртӧг кольӧм челядьлы 3 №-а челядь керка” Сыктывкарын Коми Республикаса канму учреждениелӧн директорлы.
2. Коми Республика водзын заслугаясысь “Коми Республикаса нимӧдана уджалысь” Коми Республикаса почёт ним сетны Любовь Степановна Витенковалы – “Бать-мамтӧм да бать-мам дӧзьӧртӧг кольӧм челядьлы А.А. Католиков нима челядь керка” Коми Республикаса канму учреждениелӧн директорлы, Сыктывкар. 
{Kodko @ Владимир Уйба висьталіс Коми Республикаын гриппысь вакцинируйтӧм йылысь @ выльтор @ https://rkomi.ru/news/3267 @ 2023-10-11 @}
Владимир Уйба висьталіс Коми Республикаын гриппысь вакцинируйтӧм йылысь
Йирым тӧлысь 10 лун вылӧ гриппысь прививка вӧчӧма 172 131 морт, на лыдын 45 549 челядь да 126 582 верстьӧ йӧз.
Вакцинасӧ дасьтӧма эпидемия боксянь серпас тӧд вылӧ босьтӧмӧн, сэтчӧ пырӧны вируслӧн странаын да регионын медся тшӧкыда паныдасьысь штаммъяс.
Вакцинаыс бура отсалӧ, оз вӧч лёктор вир-яйлы, сійӧс вӧчӧны быдӧнлы дон босьттӧг.
Вакцинируйтӧны поликлиникаяслӧн, велӧдан учреждениеяслӧн прививка вӧчан кабинетъясын, прививка вӧчан передвижнӧй пунктъясын.
Сідзжӧ прививка вӧчан бригадаяс ветлӧны уджаланінъясӧ, велӧдчанінъясӧ да сьӧкыда ветлысь йӧз дорӧ гортас.
Вакцинируйтчыны позьӧ 2023 вося ӧшым тӧлысь 1 лунӧдз.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаса Веськӧдлан котыр, Баскетбол серти Россияса Федерация да “Лузалес” компания кырымалісны ӧтув уджалӧм йылысь артмӧдчӧм @ выльтор @ https://rkomi.ru/news/3270 @ 2023-10-14 @}
Коми Республикаса Веськӧдлан котыр, Баскетбол серти Россияса Федерация да “Лузалес” компания кырымалісны ӧтув уджалӧм йылысь артмӧдчӧм
Документсӧ кырымалісны Коми Республикаса Юралысь Владимир Уйба, “Баскетбол серти Россияса Федерация” ставроссияса ӧтйӧза организацияса президент Андрей Кириленко да “Лузалес” ичӧт кывкутана котырса директоръяслӧн сӧветӧн веськӧдлысь Руслан Семенюк. 
“Ми кырымалім зэв колана артмӧдчӧм, мый отсалас сӧвмӧдны республикаын баскетболлы инфраструктура.
Тайӧ спортыс ёна паськалӧма йӧз пӧвстын.
Эска, мый Баскетбол серти Россияса Федерация да миян социальнӧй уджъёртъяс отсӧгӧн ми нӧшта на сӧвмӧдам сійӧс”, - пасйис Владимир Уйба.
“РФБ пуктӧ уна вын, медым сӧвмӧдны спорт инфраструктура.
Ми заводитім стрӧитны Челябинскын, Архангельскын, Калининградын да Внуковоын баскетболӧн ворсан шӧринъяс.
И миянлы нимкодь юӧртны, мый ӧні миян эмӧсь тайӧ инфраструктура нырвизь серти бур уджъёртъяс Коми Республикаын – регионса администрация да “Лузалес” пу обработайтан предприятие. На отсӧгӧн ми вермам збыльмӧдны гырысь проектъяс: кыпӧдны баскетболӧн ворсан шӧрин да сӧвмӧдны республикаын спорт инфраструктура”, - гӧгӧрвоӧдіс Андрей Кириленко.
“Лузалес” уна во чӧж отсалӧ сӧвмӧдны Коми Республикаын профессиональнӧй да любительскӧй спорт.
Вичмӧдӧ сьӧм ордйысьӧмъяс нуӧдӧм вылӧ, выль спорт инвентар, спортсменъяслы форма ньӧбӧм вылӧ.
Та кындзи ми зілям нуӧдны став олысьяслы спорт мероприятиеяс.
Артмӧдчӧмсӧ кырымалӧмыс сетас позянлун и водзӧ сӧвмӧдны баскетбол.
Ми планируйтам кыпӧдны спорт комплекс, кӧні позяс нуӧдны баскетболысь быдсикас тшупӧда ордйысьӧмъяс”, - юӧртіс Руслан Семенюк.
Артмӧдчӧм серти сёрнитчысьяс кутасны ӧтув уджавны Коми Республикаын баскетбол сӧвмӧдӧмкӧд йитчӧм юалӧмъяс серти, тшӧтш и вынйӧр сӧвмӧдан да спорт юкӧнын инфраструктура сӧвмӧдӧм серти.
Сёрнитчысьяс кӧсйӧны отсасьны регионын баскетболысь быдсикас тшупӧда ордйысьӧмъяс котыртӧмын да нуӧдӧмын.
Коми Республикаын баскетболӧн ворсӧ 13 сюрс сайӧ морт, на пиысь 1600 сайӧ морт – спорт школаяслӧн да спорт шӧринъяслӧн быдтасъяс.
Регионын тшӧкыда нуӧдӧны ордйысьӧмъяс, тшӧтш и Россия тшупӧдын.
Республикаса спортсменъяс сідзжӧ ветлӧны выезднӧй ордйысьӧмъяс вылӧ.
Тайӧ спорт сикассӧ паськӧдӧмын ыджыд ин босьтӧ аньяслӧн “Ника-Лузалес” баскетбольнӧй клуб.
Командасӧ котыртӧма 1969 воӧ, сылӧн уна болельщик.
Регионын баскетбол сӧвмӧдӧмӧ тӧдчана пай пуктӧ “Лузалес” компания. 
{Kodko @ Коми Республикаса Юралысь чолӧмалӧ Батьлы сиӧм лунӧн @ выльтор @ https://rkomi.ru/news/3269 @ 2023-10-15 @}
Коми Республикаса Юралысь чолӧмалӧ Батьлы сиӧм лунӧн
«Коми Республикаса пыдди пуктана олысьяс!
Йирым тӧлысьлӧн коймӧд вежалунӧ миян странаын пасйӧны Батьлы сиӧм лун.
Гажсӧ индӧма 2021 воын Россияса Президент Владимир Владимирович Путинлӧн Индӧдӧн. Календарын тайӧ луныс босьтіс нин тӧдчана ин.
И абу весьшӧрӧ, ӧд бать босьтӧ ыджыд пай челядьӧс быдтӧм-велӧдӧмын.
Асланыс пример вылын батьяс велӧдӧны кагаӧс овны ас кежысь, кывкутны матыссаяс вӧсна, пыдди пуктыны да радейтны чужан му, лоны дасьӧн видзны сійӧс да ас войтырӧс.
Сэк, кор мунӧ торъя военнӧй операция, батьяс тӧждысьӧны Россиялӧн, челядьлӧн аскиа лун вӧсна. Найӧ сувтісны дорйыны странанымӧс, сылысь интересъяссӧ – тайӧ медбур пример, кыдз колӧ радейтны Айму.
Батьлы сиӧм лун республикаса гажсӧ пасйӧны йирым тӧлысьлӧн бӧръя вежалунӧ.
Миян артмис нин бур традиция нуӧдны быд сикас мероприятие, кутшӧмъясӧс сиӧма тайӧ кык кадпасыслы.
Найӧс веськӧдӧма сы вылӧ, медым батьясыс вӧліны кывкутысьӧсь, медым йӧзыс тӧдісны традиционнӧй семейнӧй озырлунъяссӧ, пыдди пуктісны семьясӧ, медым унджык йӧз тӧдіс челядьӧс быдтан-велӧдан медбур практикаяссӧ. Тайӧ ставыс зэв тӧдчана. Колӧ, медым войтыр кутчысис тайӧ уджалан нырвизьясас.
Сиа быд мужичӧйлы тӧдлыны батьлысь шудсӧ да лоны ас семьялы бур пыкӧдӧн, а челядьлы – бур туйдысь-велӧдысьӧн.
Сиа быдӧнлы крепыд дзоньвидзалун, шуд, ыджыд вермӧмъяс да став бурсӧ!»
Коми Республикаса Юралысь Владимир Уйба
{Kodko @ Коми Республикаса Юралысь чолӧмалӧ Туй овмӧсын уджалысьяслӧн лунӧн @ выльтор @ https://rkomi.ru/news/3268 @ 2023-10-15 @}
Коми Республикаса Юралысь чолӧмалӧ Туй овмӧсын уджалысьяслӧн лунӧн
«Коми Республикаса туй овмӧсын пыдди пуктана уджалысьяс да отрасльса ветеранъяс!
Чолӧмала тіянӧс уджсикас гажӧн – Туй овмӧсын уджалысьяслӧн лунӧн!
Тайӧ лунӧ ми аттьӧалам ставныссӧ, кодъяс стрӧитӧны автомагистральяс да посъяс, во чӧж видзӧны да уджӧдӧны туй инфраструктура.
Ми аттьӧалам найӧс, кодъяс уна во сиисны миян регионса туй овмӧс юкӧнлы, лӧсьӧдісны традицияяс да лоӧны примерӧн юкӧнса том уджалысьяслы.
Автомашина туйяс – тӧдчанатор, коді, кӧрт туйкӧд да авиатранспорткӧд ӧттшӧтш, йитӧ регион пытшкын олан пунктъяс, республикасӧ Россияса регионъяскӧд.
Миянлысь республика социальнӧя да экономика боксянь сӧвмӧдӧм могысь туй инфраструктура сӧвмӧдӧмыс зэв колана.
Коми Республикаса Веськӧдлан котыр ёна тӧждысьӧ туй юкӧн вӧсна, уна вӧчӧны шоперъяслы, пассажиръяслы да подӧн ветлысьяслы бур условиеяс лӧсьӧдӧм могысь.
Республикаын стрӧитӧны да дзоньталӧны туйяс да посъяс, выльмӧдӧны туй вуджанінъяс, ывлавывса би линияяс.
Республикаса адреснӧй инвестиция уджтас серти 2023 воын помалісны выльмӧдны куим пос, сы лыдын Мылдін районын Тыбъю ю вомӧн дыр виччысяна пос.
Сідзжӧ таво дзоньталасны 5 пос да 110 километр кузьта регионса да муниципалитеткостса тӧдчанлуна автомашина туйяс.
Республикаса туй юкӧнын уджалӧны кывкутана йӧз, кодъяс тӧдӧны да радейтӧны ассьыныс уджсӧ.
Сьӧлӧмсянь сиа тіянлы уджсикасын вермӧмъяс, пуктӧм могъяс шедӧдӧм, бур дзоньвидзалун.
И мед тіян олан туйясныд лоасны кузьӧсь да шудаӧсь!»
Коми Республикаса Юралысь Владимир Уйба
{Kodko @ Владимир Уйба висьталіс Коми Республикаын 49-ӧд – Воркутаын модельнӧй библиотека восьтӧм йылысь @ выльтор @ https://rkomi.ru/news/3271 @ 2023-10-16 @}
Владимир Уйба висьталіс Коми Республикаын 49-ӧд – Воркутаын модельнӧй библиотека восьтӧм йылысь
Воркуталы 80 во тыран воӧ став библиотекасӧ выльмӧдӧма модельнӧй стандарт серти «Культура» национальнӧй проект отсӧгӧн.
Тайӧ уджыслӧн помӧн лои Гагарин улича кузя 11 №-а филиал.
Сійӧс ӧнъяӧдӧм вылӧ республиканскӧй да муниципальнӧй сьӧмкудъясысь веськӧдӧма 5 миллион гӧгӧр шайт.
Жырйын эм компьютернӧй да интерактивнӧй оборудование, лӧсьыд ӧнія мебель.
Документнӧй фондӧ вайисны 200 выль книга экземпляр, выль газет-журналъяс.
Эм доступ Национальнӧй электроннӧй библиотека дорӧ.
2023 воын регионын воссис 5 модельнӧй библиотека, найӧс выльмӧдӧм вылӧ веськӧдӧма 31 миллионысь унджык шайт.
Во помӧдз воссяс нӧшта 2 библиотека.
Коми Республика медводдзаяс лыдын библиотечнӧй реформаын.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Комиын олысьяс зіля пырӧдчӧны сьӧмкуд сьӧм отсӧгӧн меставывса тӧдчанлуна юалӧмъяс разьӧмӧ @ выльтор @ https://rkomi.ru/news/3272 @ 2023-10-17 @}
Комиын олысьяс зіля пырӧдчӧны сьӧмкуд сьӧм отсӧгӧн меставывса тӧдчанлуна юалӧмъяс разьӧмӧ
Тайӧ нырвизьын миян регион – странаын медводдзаяс лыдын.
Россияса сьӧм овмӧс министерстволӧн мыччӧдъяс серти, 2022 воӧ “Войтырлӧн сьӧмкуд” уджтасӧн Коми Республика босьтіс федеральнӧй рейтингын нёльӧд места.
“Войтырлӧн сьӧмкуд” кындзи Коми Республикаын бура збыльмӧдӧны войтырлысь водзмӧстчӧмъяс да водзмӧстчан проектъяс.
Сідзжӧ сьӧмкуд сӧвмӧдӧмын водзмӧстчӧмӧ ыджыд пай пуктӧ мутасӧн ӧтйӧза асвеськӧдлан система, кытчӧ пырӧ 40 сюрс сайӧ морт.
Таво Комиын мутасӧн ӧтйӧза асвеськӧдлан системалы тырӧ дас во.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба видлаліс Рытыв-Войвылын “Ростелекомса” юрнуӧдысьяскӧд Коми Республика цифровизируйтӧм серти тӧдчана юалӧмъяс @ выльтор @ https://rkomi.ru/news/3273 @ 2023-10-18 @}
Владимир Уйба видлаліс Рытыв-Войвылын “Ростелекомса” юрнуӧдысьяскӧд Коми Республика цифровизируйтӧм серти тӧдчана юалӧмъяс
Коми Республикаса Юралысь удж серти аддзысьліс “Ростелеком” публичнӧй акционер котырлӧн вице-президент – “Рытыв-Войвыв” макрорегиональнӧй филиалса директор Александр Логиновкӧд.
Аддзысьлігӧн вӧчисны ӧтувъя уджын шӧракостса кывкӧртӧдъяс, видлалісны регион цифровизируйтӧмын тӧдчана юалӧмъяс, а сідзжӧ республикаын телеком-инфраструктура да юӧра технологияяс сӧвмӧдӧмын позянлунъяс. 
“Цифрӧвӧй сервисъяс отсалӧны кокньӧдны олӧмнымӧс да видзны этшаджык кад быдлунъя могъяс вылӧ, коллявны сійӧс семьякӧд, велӧдчыны-сӧвмыны.
Та боксянь “Ростелеком” компаниялӧн уджыс йӧзлы зэв колана.
Республикаса Веськӧдлан котырлы уджын медшӧр нырвизьяс лыдын – могмӧдны регионса олысьясӧс связьӧн, медым найӧ тырвыйӧ вӧдитчисны ӧнія цифрӧвӧй позянлунъясӧн”, - тӧдчӧдіс Владимир Уйба.
“Коми Республика – тайӧ ыджыд регион, тані уна позянлун, медым сӧвмыны.
Ми тані зэв зіля уджалам цифровизируйтӧм серти колана проектъяс вылын, - пасйис Александр Логинов. – “Ростелекомлӧн” эм лӧсялана опыт да позянлунъяс, сійӧ дась ӧтув уджавны уна нырвизь серти.
Бӧръя куим вонас “Ростелеком” збыльмӧдіс Коми Республикаса олысьяслы, бизнеслы да канму тэчасъяслы уна ыджыд проект.
Цифрӧвӧй торъялӧмсӧ бырӧдӧм серти федеральнӧй проектлӧн (УЦН 2.0) мӧд этап серти “Ростелеком” компания лӧсьӧдіс республикаса 34 ичӧт сикт-грездын LTE (4G) стандарта сотӧвӧй связьлысь базӧвӧй станцияяс.
Та могысь связистъяс нюжӧдісны 1 643 км кузьта волоконно-оптическӧй везъяс.
Выль инфраструктура отсӧгӧн 7,8 сюрс сайӧ сиктса олысь ӧні вермӧ вӧдитчыны бур мобильнӧй йитӧдӧн да тэрыб мобильнӧй ӧтуввезйӧн.
2023 воӧ Сыктывкарын, Ухтаын, Воркутаын, Усинскын, Микуньын, а сідзжӧ Кӧрткерӧс да Выльгорт сиктъясын компания збыльмӧдіс оптическӧй везъяс стрӧитӧм-паськӧдӧм серти 20 проект.
Ӧні матӧ 5 сюрс керка овмӧслӧн эм позянлун йитчыны PON технология* серти тэрыб гортса ӧтуввезйӧ, а сідзжӧ вӧдитчыны мукӧд цифрӧвӧй услугаӧн да сервисӧн.
2022 воӧ “Ростелеком” нюжӧдіс Усинсксянь Харъяга посёлокӧдз 196 км кузьта волоконно-оптическӧй связь вез, медым могмӧдны республикаса мусир перъян промышленносьт.
Компания сідзжӧ отсаліс регионса 449 велӧдан учреждениелы да бӧрйысян комиссияяслы йитчыны мыччӧдъяс ыстан ӧтувъя везйӧ.
Быд во “Ростелеком” котыртӧ ЕГЭ да ӧтувъя гӧлӧсуйтан лунъяс нуӧдӧм бӧрся видеонаблюдение, а сідзжӧ сетӧ телекоммуникация услугаяс бӧрйысян комиссияяслы.
Водзӧ цифровизируйтӧны йӧзлысь дзоньвидзалун видзан юкӧн.
Регионса Йӧзлысь дзоньвидзалун видзан министерствокӧд ӧтув республикаса медицина организацияяссӧ вуджӧдӧма “ЕЦП.МИС” ӧтувъя цифрӧвӧй платформа вылын выль юӧртан система вылӧ.
Збыльмӧдӧма “Лёк суӧмысь видзчысян кар” проект, кытчӧ пырӧ ывлавывса видеонаблюдение, ПДД торкалӧмъяс эрдӧдан комплексъяс котыртӧм, а сідзжӧ йӧзлы юӧр сетан точкаяс выльмӧдӧм.
* PON технологияыс (англ. Passіve optіcal network, пассивнӧй оптическӧй вез) тэрыб да зумыд, сы отсӧгӧн абонентӧс позьӧ могмӧдны бур цифрӧвӧй услугаясӧн да сервисъясӧн: ӧтуввез, телефон связь, ІP телевидение, а сідзжӧ “Умный дом” да “Видеонаблюдение” сервисъяс.
PON сетӧ позянлун кыпӧдны ӧдсӧ, кор тайӧ колӧ абонентлы. 
{Kodko @ 2023 воын республиканскӧй сьӧмкуд чӧжӧс содіс 3,5 миллиард шайт вылӧ @ выльтор @ https://rkomi.ru/news/3274 @ 2023-10-18 @}
2023 воын республиканскӧй сьӧмкуд чӧжӧс содіс 3,5 миллиард шайт вылӧ
Тайӧ содӧмыс лоис Коми Республикаса Веськӧдлан котырлӧн бур удж вӧсна организацияяслӧн чуктӧс вылӧ вот серти, торъя мортлӧн чӧжӧс вылӧ вот серти да организацияяслӧн эмбур вылӧ вот серти сьӧм содӧм тшӧт весьтӧ.
Республиканскӧй сьӧмкуд чӧжӧслӧн ӧтувъя йӧрышыс – 99 миллиард 800 миллион шайт, рӧскодлӧн ӧтувъя йӧрышыс – 112 миллиард шайт, сьӧмкудлӧн дефицитыс кольӧ вежсьытӧг – 12 миллиард 200 миллион шайт.
Содтӧд чӧжӧссӧ юкласны медколанаторъяс вылӧ, сы лыдын сьӧмкуд юкӧнын уджалысьяслысь удждон содтӧм вылӧ, льготаа лекарствоӧн могмӧдӧм вылӧ, пассажиръясӧс да туй кӧлуй сынӧдса транспортӧн новлӧдлӧм вылӧ, меставывса сьӧмкудъяслы субсидияяс вылӧ, социальнӧя отсалан мераяс да мукӧд коланлун вылӧ.
Аски нин, йирым тӧлысь 19 лунӧ, регионса сьӧмкудйын тайӧ вежсьӧмъяссӧ видлаласны Коми Республикаса Каналан Сӧветлӧн заседание вылын.
Паськыдджыка – Коми Республикаса Юралысь Владимир Уйбалӧн видео пыр шыӧдчӧмын. 
{Kodko @ Владимир Уйба нуӧдіс Неминучаясысь ӧлӧдӧм да найӧс бырӧдӧм да пӧжарысь видзчысьӧмсӧ могмӧдӧм серти комиссиялысь заседание @ выльтор @ https://rkomi.ru/news/3275 @ 2023-10-19 @}
Владимир Уйба нуӧдіс Неминучаясысь ӧлӧдӧм да найӧс бырӧдӧм да пӧжарысь видзчысьӧмсӧ могмӧдӧм серти комиссиялысь заседание
Видлалісны ытва да гожся пӧжаръяс лоны вермана кад серти кывкӧртӧдъяс, велӧдан, йӧзлысь дзоньвидзалун видзан да социальнӧй юкӧнса учреждениеясын пӧжарысь видзчысян юалӧмъяс.
Торйӧн сёрнитісны регионса энергетика, оланін да коммунальнӧй овмӧс объектъяс ар-тӧв кежлӧ уджавны дасьтӧм йылысь.
“Республикаын заводитчис ломтысян кадколаст.
Меставывса асвеськӧдлан органъяс эз ӧткодя дасьтысьны сы кежлӧ.
Ӧні ставныслӧн медшӧр мог – босьтны дасьлун йылысь паспортъяс, а сідзжӧ могмӧдын тӧлын оланін да коммунальнӧй овмӧс юкӧнлысь зумыд уджсӧ”, - пасйис Коми Республикаса Юралысь Владимир Уйба.
Коми Республикаса Веськӧдлан котыр видзӧдӧ оланін да коммунальнӧй овмӧсса предприятиеяс дасьтан юалӧмъяс бӧрся.
Видлалӧма да дасьтӧма ар-тӧвся ломтысян кад кежлӧ 98% ломтысянін (351 единица), 99,2% олан фондса объект, 100% шоныд сетан вез, 100% ва провод вез, 100% канализация вез.
Вежӧма планӧвӧй петкӧдласысь 110% шоныд сетан важмӧм вез (31,56 км) да 107% важмӧм ва провод вез (34,73 км).
Лӧсьӧдӧма коммунальнӧй инфраструктура объектъяс вылын (топливно-энергетическӧй комплексса предприятиеяс да коммунальнӧй мога ломтысянінъяс вылын) ломтаслысь колана запасъяс.
Сьӧкыда воӧдчан олан пунктъяслӧн да районъяслӧн, кӧні ва туйыс восьса дженьыд кад, коммунальнӧй котельнӧйясӧ вайӧма колана мындаын из шом да дизельнӧй ломтас посёлокъясса дизельнӧй электростанцияяслы. 
Россияса энергетика министерстволӧн тшӧктӧд серти, Коми Республикаса муниципалитетъяслы вӧльгым тӧлысь 1 лунӧдз колӧ босьтны 2023-2024 воясся ломтысян кадколаст кежлӧ дасьлун йылысь паспортъяс.
Велӧдан, йӧзлысь дзоньвидзалун видзан да социальнӧй юкӧнса учреждениеясын пӧжарысь видзчысьӧм йылысь докладъясӧн сёрнитісны Россияса МЧС-лӧн Коми Республикаын медшӧр веськӧдлансянь да регионса лӧсялана министерствояссянь.
Коми Республикаса Юралысь Владимир Уйба тшӧктіс регионса олӧмӧ пӧртысь власьт органъясӧн юрнуӧдысьяслы регыдъя кадӧ сетны юӧр сы йылысь, кымын важмӧм электропроводка колӧ вежны да пӧжар йылысь юӧртан система колӧ сувтӧдны ведомствоувса учреждениеясын, кытчӧ волӧны йӧз, да мыйта та вылӧ колӧ сьӧм.
Тайӧ юӧрсӧ тӧд вылӧ босьтӧмӧн примитасны республикаса Веськӧдлан котырлӧн резервнӧй фондысь индӧм могъяс вылӧ содтӧд сьӧм вичмӧдӧм йылысь помшуӧм.
Тувсовъя ытваыс республикаын колис лӧня, гырысь неминучаяс эз вӧвны.
Вӧрса пӧжаръяс серти ситуация бӧрся видзӧдісны, примитӧм мераясыс отсалісны бурмӧдны вӧръясын пӧжаръяскӧд йитчӧм серпассӧ. 
{Kodko @ Владимир Уйба сёрнитіс Валентина Матвиенкокӧд Коми Республикаӧс социальнӧя да экономика боксянь сӧвмӧдӧм йылысь @ выльтор @ https://rkomi.ru/news/3276 @ 2023-10-19 @}
Владимир Уйба сёрнитіс Валентина Матвиенкокӧд Коми Республикаӧс социальнӧя да экономика боксянь сӧвмӧдӧм йылысь
Талун Москваын Коми Республикаса Юралысь удж серти аддзысьліс Федерацияса Сӧветӧн Веськӧдлысь Валентина Матвиенкокӧд.
Сёрнитісны регионӧ содтӧд федеральнӧй сьӧм кыскӧм, Сыктывкарын перинатальнӧй шӧрин да вуджан висьӧмъясысь бурдӧдан больнича стрӧитӧм, сьӧкыда воӧдчан сикт-грездъясын олысьясӧс пескӧн могмӧдан юкӧнын Вӧр кодексӧ вежсьӧмъяс пыртӧм йылысь.
Паськыдджыка – Коми Республикаса Юралысьлӧн видео пыр шыӧдчӧмын.
Сідзжӧ Владимир Уйба юӧртіс асшӧр уджалысьяслы вот перъян кокньӧдӧм системаӧн вӧдитчигӧн чинтӧм вот ставкаяслысь да СВО-ын участвуйтысьяслы транспорт вылӧ вот кокньӧдъяслысь вынсӧ нюжӧдӧм йылысь.
Регионса Веськӧдлан котыр дасьтіс лӧсялана оланпас бала. Талун сійӧс видлалісны да примитісны Коми Республикалӧн Каналан Сӧветса депутатъяс. 
{Kodko @ Коми Республика сетас СВО-ын военнослужащӧйяслы выль квадроцикл @ выльтор @ https://rkomi.ru/news/3278 @ 2023-10-20 @}
Коми Республика сетас СВО-ын военнослужащӧйяслы выль квадроцикл
Манёвреннӧй техникаыс отсалас боечьяслы фронт вылын зэв ӧдйӧ петкӧдны доймалӧмаясӧс, новлӧдлыны груз, боеприпасъяс, нуӧдны разведка да збыльмӧдны мукӧд боевӧй мог.
Коми Республикаса Юралысь Владимир Уйбалӧн корӧм серти квадроциклсӧ ньӧбис регионлӧн социальнӧй уджъёрт «Воркутауголь» акционер котыр.
«Вермӧм вылӧ ми отсасям фронтлы, сетам сійӧс, мый корӧны зонъяс, – пасйис Владимир Уйба. 
– Матӧ быд вежон ыстам фронт вылӧ автомашинаяс.
Таысь ма аттьӧала став республикасӧ.
Сьӧмсӧ чукӧртӧны и асшӧр уджалысьяс, и прӧстӧй йӧз, министерствоясӧн, ведомствоясӧн юрнуӧдысьяс сетӧны удждонысь юкӧн, медым ньӧбны автомашинаяс.
А ӧні ковмис манёвреннӧй транспорт, мыйӧн позьӧ ветлӧдлыны кӧть кутшӧм туйті, – квадроцикл.
Миян корӧм вылӧ медводдзаӧн шыасис «Воркутауголь» компания.
Квадроциклсӧ ньӧбисны компанияӧн юрнуӧдысьяскӧд сёрнитӧм бӧрын некымын лун мысти нин.
Тайӧ квадроциклсӧ зонъяс зэв ёна виччысьӧны.
Сійӧ кӧ видзас ӧти-кык боечлысь олӧмсӧ, сідзкӧ могсӧ ассьыс вӧчас».
Военнослужащӧйяс шыӧдчисны Коми Республикаса Юралысь дорӧ тыш нуӧданінӧ сылӧн удж серти ветлігӧн да корисны ньӧбны СВО-лӧн могъяс вылӧ квадроцикл.
«Воркутауголь» компания сетіс CFMOTO CFORCE 500 BASІC маркаа квадроцикл ньӧбӧм вылӧ сьӧм.
Коми Республикаса Юралысь аттьӧаліс компанияӧн юрнуӧдысь Максим Пановӧс да «Аеон» корпорацияса директоръяслӧн сӧветӧн веськӧдлысь – «Воркутауголь» компания киын кутысь Роман Троценкоӧс сетӧм отсӧгысь.
«Колӧ, медым СВО-лысь могъяссӧ вӧлі збыльмӧдӧма, а боечьяс локтісны Чужанінӧ, семьяясныс дорӧ.
Дерт, ми эгӧ вермӧй кольны бокӧ, кор Коми Республикаса Юралысь корис ньӧбны служба нуӧдӧм вылӧ колана техника.
Ме аттьӧала Коми Республикаса Юралысьӧс – Владимир Викторович Уйбаӧс миян боечьяслы отсӧг сетӧмсӧ котыртӧмысь, виччысям воинъясӧс вермӧмӧн!» – тӧдчӧдіс «Воркутауголь» акционер котырса медыджыд директор Максим Панов.
«Воркутауголь», кыдзи и Россияса уна мукӧд предприятие, отсасьӧ фронтлы да СВО вылӧ мунӧм уджалысьяслы.
Ӧні передӧвӧй вылын воинскӧй могсӧ збыльмӧдӧ компанияысь 42 уджалысь.
Матысса кадӧ квадроциклсӧ да нӧшта некымын уазик нуасны автовозӧн передӧвӧйлань, сэсянь техниканас нин мунасны Коми Республикаысь военнослужащӧйяс дорӧ.
Владимир Уйба тӧдчӧдіс, мый Коми Республикаса Веськӧдлан котыр торъя военнӧй операция заводитчӧмсянь нин могмӧдӧ Чужан му дорйысьяссӧ обмундированиеӧн, квадрокоптеръясӧн, тепловизоръясӧн, войын видзӧдан приборъясӧн, спецтехникаӧн.
Тайӧ уджсӧ кутасны нуӧдны водзӧ.
Фотоыс «Комиинформ» ЮА, авторыс Владимир Шешкунас
{Kodko @ Коми Республикаысь СВО-ын боечьяслы сетасны выль квадроцикл @ выльтор @ https://rkomi.ru/news/3279 @ 2023-10-20 @}
Коми Республикаысь СВО-ын боечьяслы сетасны выль квадроцикл
Коми Республикаса Юралысь Владимир Уйбалӧн корӧм серти Айму дорйысьяслы манёвреннӧй техникасӧ ньӧбис регионлӧн социальнӧй уджъёрт – «Воркутауголь» акционер котыр.
Мотовездеход отсалас военнослужащӧйяслы ӧдйӧ петкӧдны тышкасянінысь доймалӧмаясӧс, новлӧдлыны грузъяс, боеприпасъяс, нуӧдны разведка да збыльмӧдны мукӧд боевӧй мог.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба нуӧдіс Естественнӧй монополияясса субъектъяслӧн уджалӧм серти Коми Республикаса Юралысь бердын ньӧбысьяслӧн отраслькостса сӧветлысь заседание @ выльтор @ https://rkomi.ru/news/3280 @ 2023-10-21 @}
Владимир Уйба нуӧдіс Естественнӧй монополияясса субъектъяслӧн уджалӧм серти Коми Республикаса Юралысь бердын ньӧбысьяслӧн отраслькостса сӧветлысь заседание
Заседание дырйи видлалісны «Коми энергосбытовая компания», «Коми коммунальные технологии» акционер котыръяслысь да «Россети Северо-Запад» публичнӧй акционер котырлӧн Коми Республикаын филиаллысь (электроэнергетика юкӧнын Коми Республикаса куим медгырысь предприятие) инвестиция уджтасъяссӧ.
«Коми Республикаса Веськӧдлан котыр кӧсйӧ бура збыльмӧдны инвестиция уджтасъяссӧ.
Электроэнергетика – республикалы тӧдчана юкӧн.
А содтӧд инвестицияясыс отсаласны сійӧс сӧвмӧдӧмын да сійӧс бура уджӧдӧмын.
Оз ков вунӧдны и энергия видзтӧм серти проектъяс йылысь», – пасйис Коми Республикаса Юралысь Владимир Уйба.
Коми Республикаын электроэнергетика юкӧнын 2023 воын кӧсйӧны пӧртны олӧмӧ 1 миллиард 800 миллион шайт вылӧ 200-ысь унджык мероприятие.
Коми Республикаын «Коми энергосбытовая компания», «Коми коммунальные технологии» акционер котыръясӧн, «Россети Северо-Запад» публичнӧй акционер котырлӧн филиалӧн юрнуӧдысьяс юӧртісны 2022 во, 2023 вося 9 тӧлысь чӧжӧн инвестиция уджтасъяс збыльмӧдӧм йылысь, а сідзжӧ висьталісны 2024 во кежлӧ планъяс йылысь.
«Коми энергосбытовая компания» акционер котырлӧн инвестиция уджтаслӧн могыс – вежны электричествоӧн вӧдитчысьяслысь учёт нуӧдан важ приборъяссӧ выльджыкъяс вылӧ.
Тайӧ могъяс вылӧ 2022 воын компания видзис 110 миллионысь унджык шайт.
2023 вося 9 тӧлысьын – 88,3 миллион шайт.
2023 воын ставнас компания кӧсйӧ вичмӧдны тайӧ могъяс вылӧ 92 миллион гӧгӧр шайт.
Кык во чӧжӧн электричествоӧн вӧдитчысьяслы пуктісны 28,6 сюрс учёт нуӧдан интеллектуальнӧй прибор.
2024 воын кӧсйӧны пуктыны нӧшта 6,4 сюрс татшӧм прибор, мый вылӧ вичмӧдасны 119,8 миллион шайт.
2022 воын Печора да Кӧрткерӧс районъясын ылі сикт-грездъяс электричествоӧн бура могмӧдӧм вылӧ «Россети Северо-Запад» компания нюжӧдіс бура изолируйтӧм провод, сійӧ оз жугав лёк поводдя дырйи.
Воркутаын сы могысь, медым бурмӧдны из шом шахтаяс электричествоӧн могмӧдӧмсӧ, 110 кВ линия вылын вежисны 6 опора.
2023 воын «Россети Северо-Запад» компания Емваын да Сыктывкарын выльмӧдіс подстанцияяс.
110 кВ вылӧ подстанцияяс выльмӧдӧм бӧрын бурджыка кутісны могмӧдны электричествоӧн Княжпогост районса 10 сюрс олысьӧс да республикаса юркарбердса сикт-посёлокын олысь 13 сюрсысь унджык мортӧс.
Медым бура могмӧдны электричествоӧн Вуктыл кар кытшса 10 сюрс олысьӧс, энергетикъяс 2023 воын дзоньталісны матӧ 5 км кузьта ЛЭП.
Мӧд во сетевӧй компания содтӧд дзоньталас сэні 20 км кузьта сынӧд линия.
Сідзжӧ 2024 воын «Россети Северо-Запад» компания выльмӧдас 20 кВ вылӧ сынӧд линия, медым бурджыка могмӧдны электричествоӧн Изьва районса ылі сикт-грездъясын 2 сюрс олысьӧс.
Инвестиция уджтас серти «ККТ» акционер котыр 2022-2023 воясын выльмӧдіс ӧтувъя системакӧд йитчытӧм электроэнергетика объектъяс.
Тайӧ Коми Республикаын Чилимдін, Изьва, Инта, Удора районъясса электричество сетан линияяс, налӧн ӧтувъя доныс сувтіс 74 миллион шайт.
Таысь кындзи, 43 миллион шайт вылӧ выльмӧдісны важ электровезъяс ва босьтан скважинаясын, школаясын, Сыктывкарса олан секторын.
Сетӧма электричество Воркутаын «Водоканал» ичӧт кывкутана котырлӧн вӧдитчысьяслы, мый вылӧ котыр видзис 5 миллион шайт.
2024 воын «ККТ» акционер котыр кӧсйӧ збыльмӧдны 14 инвестиция проект 97 миллион шайт вылӧ.
Тайӧ Сыктывкарын, Печораын да Усинскын важ электричество везъяс выльмӧдӧм, мый отсӧгӧн бурджыка кутасны могмӧдны электричествоӧн социальнӧй да авиация объектъяс.
Выльмӧдан уджъяс быд во нуӧдӧм бӧрын 2023 воын «ККТ» акционер котырлӧн везъяс вылын авария лыдыс чиніс 18% вылӧ.
«Ми водзӧ кутам вузӧсӧн да услугаясӧн вӧдитчысьяскӧд ӧтвылысь видзӧдны естественнӧй монополияяслӧн удж бӧрся, а сідзжӧ медводз кутам видзӧдны донъяс артмӧдӧм да гырысь инвестиция проектъяс збыльмӧдӧм бӧрся», – пасйис Владимир Уйба. 
{Kodko @ Коми Республика вермис регионса да муниципальнӧй музейяс техническӧя могмӧдӧм вылӧ Россияса культура министерстволӧн конкурсын @ выльтор @ https://rkomi.ru/news/3281 @ 2023-10-23 @}
Коми Республика вермис регионса да муниципальнӧй музейяс техническӧя могмӧдӧм вылӧ Россияса культура министерстволӧн конкурсын.
«Культура» национальнӧй проект отсӧгӧн регионса 5 учреждениелы сетасны 13 миллионысь унджык шайт вылӧ федеральнӧй отсӧг.
Вермысьяс лыдын – Коми Республикаса национальнӧй галереялӧн, Ухтаса, Печораса история да ас му туялан музейяслӧн, Сыктыв районса история да культура музейлӧн, Койгортса ас му туялан музейлӧн проектъяс.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Галина Габушеваӧс мездӧма Коми Республикаса Веськӧдлан котырӧн Юрнуӧдысьӧс вежысь чинысь @ выльтор @ https://rkomi.ru/news/3282 @ 2023-10-23 @}
Галина Габушеваӧс мездӧма Коми Республикаса Веськӧдлан котырӧн Юрнуӧдысьӧс вежысь чинысь.
Коми Республикаса Юралысь кырымаліс лӧсялана тшӧктӧмсӧ.
Коми Республикаса Юралысьлӧн 2023 во йирым тӧлысь 23 лунся 346-р №-а тшӧктӧм
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын мездыны Галина Ивановна Габушеваӧс Коми Республикаса Веськӧдлан котырӧн Юрнуӧдысьӧс вежысь чинысь.
2. Тайӧ тшӧктӧмыс вынсялӧ сійӧс кырымалан лунсянь. 
{Kodko @ Комиын муйӧж туйяс лӧсьӧдӧм вылӧ вичмӧдасны кык миллиардысь унджык шайт @ выльтор @ https://rkomi.ru/news/3283 @ 2023-10-24 @}
Комиын муйӧж туйяс лӧсьӧдӧм вылӧ вичмӧдасны кык миллиардысь унджык шайт
Быдвежонся оперативнӧй сӧвещание дырйи Коми Республикаса Юралысь Владимир Уйба сетіс татшӧм тшӧктӧмсӧ регионса Веськӧдлан котырлы.
Сы йылысь, мый колӧ лӧсьӧдны-бурмӧдны муйӧж туйяссӧ, висьталіс Веськӧдлан котырӧн Веськӧдлысьӧс вежысь – Коми Республикаса стрӧитчан, оланін да коммунальнӧй овмӧс министр Андрей Чибисов.
Сійӧ пасйис, мый республикаын 1600 километра кузьта муйӧж туйысь 700 километрыс – туйяс, кыті ёна ветлӧдлӧны машинаяс, кӧні тулыс-арын эмӧсь ойдланінъяс. Та вӧсна йӧзыс сэки машинаӧн ветлӧдлыны оз вермыны.
«Ставнас тайӧ 180 километр, найӧс лӧсьӧдӧм-бурмӧдӧм вылӧ колӧ 2,2 миллиард шайт.
Ойдланінъяссӧ кӧсйӧны киськавны лыаӧн да посньӧдлӧм изйӧн, налӧн кызтаыс лоӧ 30 сантиметр. Та бӧрын йӧзыс кокньыдджыка кутасны ветлӧдлыны рӧспута дырйи», – пасйис Анрей Чибисов.
Коми Республикаса Юралысь ошкис регионса Стрӧитчан министерствоӧн юрнуӧдысьлысь ходатайствосӧ.
«Сьӧм боксянь эмӧсь сьӧкыдлунъяс, но та вылӧ видзӧдтӧг ме тшӧкті вичмӧдны муйӧж туйяс дзоньталӧм вылӧ 2,2 миллиард шайт.
Сэтчӧс олысьяс ёна норасьӧны тайӧ туяс вылӧ.
Та понда кора содтыны туй фондсӧ», – Владимир Уйба шыӧдчис Веськӧдлан котырӧн Юрнуӧдысьӧс вежысь – Коми Республикаса сьӧм овмӧс министр Владимир Казаков дорӧ. 
{Kodko @ Усинскбердса Сем Ӧндрей сиктын воссис выль амбулатория @ выльтор @ https://rkomi.ru/news/3284 @ 2023-10-24 @}
Усинскбердса Сем Ӧндрей сиктын воссис выль амбулатория
Йӧзлысь дзоньвидзалун видзан объектсӧ кыпӧдӧма Коми Республикаса Веськӧдлан котыр да «ЛУКОЙЛ» компания костын ёртасьӧм йылысь артмӧдчӧм серти.
Амбулатория восьтӧмӧн сиктсаясӧс чолӧмалісны регионса Юралысь Владимир Уйба да ЛУКОЙЛ-Коми юрнуӧдысь Олег Третьяков.
«Амбулатория восьтӧм бӧрын сиктсаяс регыдъя кадӧн вермасны босьтны колана медицина отсӧг, ас кадӧ прӧйдитны диспансеризация, профосмотръяс да вакцинируйтчыны.
Тані лӧсьӧдӧма став условиеяссӧ сы могысь, медым вӧлі бур и медперсоналлы, и пациентъяслы, эм став коланаторйыс, – пасйис Владимир Уйба. 
– Ме аттьӧала «ЛУКОЙЛ» компанияӧн юрнуӧдысьясӧс кывкутӧмысь да Коми Республикаӧс социальнӧй да экономика боксянь сӧвмӧдӧмӧ ыджыд пай пуктӧмысь.
ЛУКОЙЛ – республикаса Веськӧдлан котырлӧн важ, тӧдчана да стратегическӧй партнёр.
Тӧда, ми и водзӧ кутам бура ёртасьны Коми Республикалы да миян олысьяслы бур вылӧ».
«Усинск» муниципальнӧй кытшса ылі сиктын амбулаториясӧ кыпӧдӧма модульнӧй конструкцияясысь.
Сідзжӧ артмӧдчӧм серти тані лэптӧма медицина уджалысьяслы кык патераа керка да регыдъя отсӧг сетысь автомашина видзан гараж.
Йӧзлысь дзоньвидзалун видзысь объектсӧ могмӧдӧма ӧнія медицина оборудованиеӧн.
Сійӧ вежас важ амбулаториясӧ, кӧні эз нин вӧв позянлуныс сетны сиктсаяслы бур медицина отсӧг.
Зданиеын эм физиокабинет, прививкаяс вӧчалан да стоматология кабинетъяс.
Сиктсаяс корисны лӧсьӧдны куйлысь висьысьяслы олӧм вылӧ условиеяс: Сем Ӧндрейсянь во гӧгӧр чӧж ветлыны позяна туйыс абу, та вӧсна пырысь-пыр ыстыны татшӧм пациентъяссӧ Усинскса шӧр районнӧй больничаӧ сьӧкыд.
Ӧні амбулаторияын вермасны дӧзьӧритны куйлысь висьысьяссӧ найӧс бурдӧдан учреждениеӧ ыстытӧдз.
Таысь кындзи, бур ваӧн амбулаториясӧ могмӧдӧм вылӧ «ЛУКОЙЛ» компаниялӧн тшӧт весьтӧ стрӧитӧма водовод да ва дасьтан станция.
Вӧчӧм уджъяс вылӧ ставнас видзӧма 140 миллионысь унджык шайт.
Амбулатория – абу ӧти объект, кутшӧмӧс кыпӧдісны Сем Ӧндрейын мусир перйысьяс отсӧгӧн.
Во сайын тані восьтісны 80 места вылӧ детсад.
«ЛУКОЙЛ» компания сідзжӧ сетіс сьӧм, медым Шеллябӧжын стрӧитны да могмӧдны оборудованиеӧн ӧнія врачебнӧй амбулатория.
Сэні сійӧ уджалӧ 2022 восянь.
Фотоыс ЛУКОЙЛ-Коми пресс-службалӧн, авторыс Александр Грызлов.
* 2022 воын Коми Республикаын кыпӧдӧма 21 фельдшер-акушер пункт, на пиысь 19 капитальнӧй исполнениеын да кыкыс ӧдйӧ кыпӧдана модульнӧй конструкцияясысь.
Став выль ФАП-ӧ волывлӧны пациентъяс.
2023 воын республикаса сиктъясын водзӧ лэптӧны медицина объектъяс.
Стрӧитӧма нин сиктса 22 ФАП, регыд лоас дась нӧшта 2 объект.
Таысь кындзи, Коми Республикаса резервнӧй фондысь сьӧм тшӧт весьтӧ кыпӧдӧны куим ФАП да кык врачебнӧй амбулатория.
**
Сем Ӧндрей сикт меститчӧма Печора ю вылын Изьва районсянь 15 км ылнаын.
Сэні пыр олӧ 1 сюрс гӧгӧр морт.
Сем Ӧндрейлӧн администрация улын сідзжӧ Денисов да Васькин грездъяс, кӧні ӧтлаынсӧ олӧ 600-ысь унджык морт.
Усинскӧдз да мукӧд олан пунктӧдз во гӧгӧр чӧж автомашинаӧн ветлан туйыс абу.
Ӧшым тӧлысь помсянь косму тӧлысь шӧрӧдз автомашинаӧн позьӧ ветлӧдлыны тӧвся туйӧд: Усинскӧдз – 250 км, на пиысь тӧвся туйӧд – 160 км.
Гожӧмнас Сем Ӧндрейсянь Усинскӧдз позьӧ воӧдчыны ва транспортӧн, колӧ мунны 170 км.
Рӧспута дырйи туйыс абу, йӧзсӧ новлӧдлӧны сӧмын Ми-8 вертолётӧн.
{Kodko @ Владимир Уйба висьталіс Сем Ӧндрейын выль врачебнӧй амбулатория йылысь @ выльтор @ https://rkomi.ru/news/3285 @ 2023-10-24 @}
Владимир Уйба висьталіс Сем Ӧндрейын выль врачебнӧй амбулатория йылысь
Талун Коми Республикаса Веськӧдлан котыр да «ЛУКОЙЛ» компания костын ёртасьӧм йылысь артмӧдчӧм серти Усинск районса сьӧкыда воӧдчан олан пунктын воссис медицина учреждениелӧн выль здание.
Амбулаториясӧ могмӧдӧма ӧнія медицина оборудованиеӧн.
Зданиеын эм физиокабинет, прививка вӧчалан да стоматология кабинетъяс, а сідзжӧ сутки чӧж олӧм вылӧ палатаяс.
Орччӧн кыпӧдӧма медицина уджалысьлы кык патераа керка да регыдъя отсӧг сетан юкӧнса автомашиналы гараж.
Амбулаториясӧ бур ваӧн могмӧдӧм вылӧ – водовод да ва дасьтан станция.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаса кӧкъямыс предприятие бурмӧдісны уджсӧ канмусянь отсӧгӧн @ выльтор @ https://rkomi.ru/news/3286 @ 2023-10-25 @}
Коми Республикаса кӧкъямыс предприятие бурмӧдісны уджсӧ канмусянь отсӧгӧн
Канмусянь отсӧгсӧ сетісны 233,5 миллион шайт вылӧ.
Сьӧмсӧ вичмӧдісны федеральнӧй да республиканскӧй сьӧмкудъясысь Регионса ӧтувъя субсидияӧн.
Отсӧгсӧ сетісны Кӧрткерӧс, Сыктыв, Емдін, Кулӧмдін районъясса, Усинскса да Сыктывкарса предприятиеяслы да асшӧр уджалысьяслы.
Паськыдджыка – Коми Республикаса Юралысь Владимир Уйбалӧн видео пыр шыӧдчӧмын. 
{Kodko @ Владимир Уйба чолӧмаліс Россияса Рытыв-Войвыв Парламентскӧй Ассоциацияса Конференциялӧн 64-ӧд заседаниеын участвуйтысьясӧс @ выльтор @ https://rkomi.ru/news/3287 @ 2023-10-26 @}
Владимир Уйба чолӧмаліс Россияса Рытыв-Войвыв Парламентскӧй Ассоциацияса Конференциялӧн 64-ӧд заседаниеын участвуйтысьясӧс
Конференцияыс вӧлі талун, йирым тӧлысь 26 лунӧ, Сыктывкарын Коми Республикаса Каналан Сӧветын.
Мероприятиесӧ нуӧдіс Рытыв-Войвыв Парламентскӧй Ассоциацияӧн Веськӧдлысь, Мурманск обласьтса Думаӧн Веськӧдлысь Сергей Дубовой.
Коми Республикаса Юралысь Владимир Уйба шыӧдчис участвуйтысьяс дорӧ видео пыр.
«Россияса Рытыв-Войвыв Парламентскӧй Ассоциация дырйи миянлы колӧ видлавны Рытыв-Войвыв федеральнӧй кытшӧ пырысь регионъяслысь аслыспӧлӧслунъяссӧ тӧд вылӧ босьтӧмӧн ӧтувъя юалӧмъяс.
Ӧтлаын кокньыдджык артмӧдны ӧтнога видзӧдлас да нуӧдны на серти уджсӧ федеральнӧй тшупӧдын.
Тӧда, Россияса Рытыв-Войвыв Парламентскӧй Ассоциациялӧн ыджыд позянлунъясыс.
И вӧдитчыны сыӧн миянлы колӧ регионъясын олысьяслы бур вылӧ», - шыӧдчис участвуйтысьяс дорӧ Коми Республикаса Юралысь.
Россиялӧн Рытыв-Войвывса Парламентарийяс видлалісны 30 гӧгӧр юалӧм.
На лыдын социальнӧй нырвизя, сьӧмкуд, пенсионнӧй, административнӧй оланпастэчас, туристскӧй удж, экология, культура, велӧдӧм серти юалӧмъяс.
Коми Республикаса Каналан Сӧветлысь водзмӧстчӧмъяссӧ заседание дырйи петкӧдліс регионса парламентӧн Веськӧдлысь Сергей Усачев.
Фотоыс Коми Республикаын Каналан Сӧветса пресс-службалӧн
{Kodko @ Комиын вӧльгым тӧлысь 1 лунӧ заводитчас 2023 вося арся призыв @ выльтор @ https://rkomi.ru/news/3288 @ 2023-10-27 @}
Комиын вӧльгым тӧлысь 1 лунӧ заводитчас 2023 вося арся призыв
Срочнӧй военнӧй служба вылӧ корӧм военнослужащӧйясӧс оз кутны ыстыны торъя военнӧй операция нуӧданінӧ.
2023 вося арся призыв кежлӧ муниципалитетъясса военнӧй комиссариатъяслӧн дасьлун йылысь Коми Республикаса Юралысь Владимир Уйбалы юӧртіс Коми Республикаса военнӧй комиссар Дмитрий Федин.
2023 вося арся призыв кежлӧ дасьлун йылысь юӧрттӧдз Дмитрий Федин вӧчис колян во серти кывкӧртӧдъяс.
Коми Республикалы призыв серти пуктӧм заданиесӧ збыльмӧдӧма ас кадӧ да тырвыйӧ: военнӧй служба вылӧ корӧма да ыстӧма 1800 сайӧ мортӧс.
Воинскӧй командаясыс мунісны кӧрт туй да сынӧд транспортӧн.
Став призывниклы сетісны колана эмбур, а туйӧ налы сетісны сёян-юан.
Призыв дырйи да гражданаӧс военнӧй служба вылӧ ыстігӧн неминучаяс эз вӧвны.
Служба помассьӧм бӧрын призыв серти став военнослужащӧйсӧ уволитасны да ыстасны гортаныс.
Россия Федерацияса Президентлӧн 2023 во кӧч тӧлысь 29 лунся 735 №-а Индӧд серти йирым тӧлысь 1 лунсянь заводитчис срочнӧй военнӧй служба вылӧ призыв.
Сійӧс нуӧдӧны быд во, тайӧ абу торъя военнӧй операциякӧд йитӧдын.
Став мероприятиесӧ нуӧдасны урчитӧм кадӧ оланпастэчаслӧн нормаясӧ кутчысьӧмӧн да планӧвӧй пӧрадокын.
Призыв кежлӧ дасьтысигӧн став граждана серти, кодъясӧс колӧ корны призывнӧй комиссияяс вылӧ, юӧрсӧ чукӧртӧма.
Став муниципалитетын лӧсьӧдӧма призывнӧй комиссияяс, кодъяс заводитасны уджавны вӧльгым тӧлысь 1 лунсянь.
Дасьтӧма нин чукӧртчан пунктсӧ, кытчӧ локтасны призыв серти корӧм граждана да кытісянь найӧс ыстасны войскаясӧ (вынъясӧ).
Чукӧртчан пунктсӧ тырвыйӧ могмӧдӧма медицина эмбурӧн, кӧлуйӧн да сёян-юанӧн, жыръяссӧ дасьтӧма призывникъясӧс примитӧм кежлӧ.
Чукӧртчан пунктын нуӧдӧны воинскӧй командаясӧ мунысь гражданалысь контрольнӧй медицинскӧй осмотр да профессионально-психологическӧй бӧрйӧм, медым войскаясӧ эз веськавны призывникъяс, кодъяслӧн лёк дзоньвидзалуныс да кодъяс оз лӧсявны асьсӧ кутӧм да удж нуӧдӧм серти.
Призывникъяслы сетасны урчитӧм став колана эмбурсӧ, луннас куимысь вердасны пӧсь сёянӧн, а Вооружённӧй Вынъясӧ мунысьяслы сетасны банковскӧй да торъя электроннӧй картаяс.
Чукӧртчан пунктъяссянь воинскӧй командаяссӧ военнӧй служба нуӧданінӧ кутасны ыстыны 2023 вося вӧльгым тӧлысь 9 лунсянь.
Призыв серти военнӧй службалӧн кадыс, кыдзи и водзсӧ лоӧ 12 тӧлысь.
Военнӧй служба прӧйдитӧм вылӧ став призывниксӧ ыстасны Россия Федерацияын Вооружённӧй Вынъяслӧн да мукӧд воинскӧй формированиеса соединениеяслӧн да воинскӧй часьтъяслӧн пыр кадся дислокация пунктъясӧ.
Россия Федерацияса выль регионъясын: Донецкӧй да Луганскӧй народнӧй республикаясын, Херсонскӧй да Запорожскӧй обласьтъясын Россия Федерациялӧн Вооружённӧй Вынъясса подразделениеяслӧн дислокация пунктъясӧ либӧ сэні торъя военнӧй операциялысь могъяс олӧмӧ пӧртӧм вылӧ призыв серти служитысь военнослужащӧйясӧс оз ыстыны.
Коми Республикаысь призывникъяссӧ ыстасны служитны Войвывса флотлӧн, Рытыв военнӧй кытшлӧн, Воздушно-космическӧй вынъяслӧн да национальнӧй гвардиялӧн воинскӧй часьтъясӧ.
На пиысь нёльӧд пасйӧ ыстасны велӧдчанінъясӧ да воинскӧй часьтъясӧ, кӧні вит тӧлысьӧдз найӧ велӧдчасны вӧдитчыны ӧнія военнӧй техникаӧн да босьтасны военно-учётнӧй специальносьт.
Велӧдчӧм бӧрын найӧс ыстасны Россия Федерацияын воинскӧй часьтъясӧ.
Вӧльгым тӧлысь 7 лунсянь Коми Республикаса военнӧй комиссариатлӧн чукӧртчан пунктын кутас уджавны «Гражданаӧс призыв серти военнӧй служба вылӧ корӧмкӧд йитчӧм юалӧмъяс серти веськыд линия».
Призывникъяс да налӧн быть-мамныс воторникъясӧ да четвергъясӧ 10 чассянь 12 часӧдз вермасны шыӧдчыны найӧс майшӧдлысь юалӧмъясӧн.
Веськыд линиялӧн телефон: (82139) 22 662. Вӧльгым тӧлысь 7 лунӧдз призыв серти юалӧмъясӧн позьӧ шыӧдчыны татшӧм телефон пыр: (8212) 32-11-92.
Сідзжӧ призыв серти юалӧмъясӧн позьӧ шыӧдчыны Россия Федерацияса Вооружённӧй Вынъяслӧн Генеральнӧй штабса «веськыд телефоннӧй линия» пыр: (495) 498-96-96, 498-96-97, 498-96-98.
2023 вося йирым тӧлысь 1 лунсянь призывникъяслы да организацияясса чина йӧзлы ёна содісны воинскӧй учёт юкӧнын инӧд торкалӧмъясысь штрапъясыс.
Призыв вылӧ лӧсялана арлыда зонъяслы ёна вӧзйӧма тӧдмавны воинскӧй учёт серти кывкутана могъясныссӧ да тырвыйӧ пӧртны найӧс олӧмӧ. 
{Kodko @ Владимир Уйба: «Кӧсъя, медым тіянлы Коми Республика лоис му вылас медбурӧн!» @ выльтор @ https://rkomi.ru/news/3289 @ 2023-10-27 @}
Владимир Уйба: «Кӧсъя, медым тіянлы Коми Республика лоис му вылас медбурӧн!»
Чилимдін районӧ удж серти ветлігӧн йирым тӧлысь 9 лунӧ Коми Республикаса Юралысь Владимир Уйба аддзысьліс Новый Бор посёлокса челядькӧд.
Регионса юрнуӧдысь висьталіс канму политика лӧсьӧдан подувъяс йылысь.
А челядь юасисны Владимир Уйбалысь сы йылысь, мый сійӧ радейтліс вӧчны школаын велӧдчигӧн, кӧні водзсӧ уджавліс, кутшӧмӧн аддзӧ Коми Республикалысь аскиа лунсӧ, а сідзжӧ тӧдмалісны, кутшӧм предметъяс колӧ велӧдны, медым лоны регионса Юралысьӧн.
Коми Республикаса Юралысьлӧн пресс-служба йӧзӧдӧ Владимир Уйбалӧн челядькӧд сёрниысь юкӧнъяс.
Челядь да олӧма йӧз йылысь тӧждысьӧм.
Миян уджын уна мог.
Медтӧдчанаыс – тайӧ ті, челядь.
Страна кӧ оз тӧждысь челядь вӧсна, то сылӧн абу аскиа луныс.
Мӧд боксянь кӧ: страна кӧ оз тӧждысь олӧма йӧз вӧсна, то тайӧ странаыслӧн абу важ олӧмыс.
Миян олӧма йӧз – миян вужъяс.
Буретш налӧн эм вежӧр да сям.
Роч муын пыр пыдди пуктылісны олӧма йӧзсӧ, эз сӧмын ассьыныс пӧль-пӧчнысӧ.
Миян Президент Владимир Владимирович Путин 2022 вося вӧльгым тӧлысь 9 лунӧ кырымаліс «Россияын важ оланног подув вылын вежавидзӧмӧн олӧмсӧ да лов сӧвмӧдӧмсӧ видзӧм да ёнмӧдӧм серти канму политикаын подувъяс вынсьӧдӧм йылысь» 809 №-а Индӧд.
Зэв колана Индӧд.
Россияын мортыслы меддона семья.
Кыдзи и пыр, семья, кӧні мам – тайӧ мам, пап – тайӧ папа, кӧні кагаыс олӧ шудаа, да страна тӧждысьӧ сы вӧсна.
Бӧръя воясӧ – верма тайӧ стӧча шуны – ёна тӧждысям челядь вӧсна.
Уна сьӧм видзӧны челядьлӧн оланін, велӧдчанін лӧсьӧдӧм вылӧ.
Тайӧ йитчӧма и гожся шойччӧмкӧд, и велӧдчӧмкӧд.
Ме, кыдзи республикаса Юралысь, да республикаса Веськӧдлан котыр вӧчам зэв унатор сы могысь, медым ті радпырысь быдминныд, медым тіян сы вылӧ видзӧдтӧг карын либӧ сиктын ті оланныд вӧлі став коланаыс.
2023 воын ми сдайтім капитальнӧя дзоньталӧм бӧрын 10-ысь унджык школа, кыпӧдім дзик выль кык школа – Абъячой да Изьвавом сиктъясын.
Регыд лоӧ дась нӧшта некымын школа.
И тайӧс вӧчам огӧ сы вӧсна, мый миян уна сьӧм да миянлы оз ков мукӧд объект, а сы вӧсна, мый тайӧ канму политикаын медколанатор.
Тайӧ торйӧн тӧдчана и Президентлы, и меным, кыдзи республикаса Юралысьлы.
Ме стӧча гӧгӧрвоа: кутшӧмкӧ сикт-грездын кӧ оз тырмыны школа да детсад, сідзкӧ найӧс сэтчӧ колӧ стрӧитны.
Мед весиг тайӧ экономическӧя абу кивыв.
Но сэні эмӧсь челядь, эмӧсь бать-мам, кодъяслы тайӧ учреждениеыс зэв ёна колӧ.
Шуам, ми кыпӧдам Печора районса Озёрнӧй посёлокын детсад.
Посёлокыс ичӧтик.
Кык во сайын ме сэтчӧ ветлі, менӧ кытшалісны мамъяс, норасисны, мый налӧн детсадныс киссян выйын.
Сэні сӧмын 20 челядь, но ми налы лэптам детсад.
Челядь да олӧма йӧз йылысь тӧждысьӧм – тайӧ канмулӧн чужӧмыс.
На вӧсна кӧ оз тӧждысьны, тайӧ чужӧмыс скӧр.
А миян канмулӧн сьӧлӧмыс да чужӧмыс шань.
Геройяс йылысь паметь видзӧм.
Ӧні миян странаын сьӧкыд кад.
Мунӧ торъя военнӧй операция.
Миян зонъяс, сы лыдын Новӧй Борысь, тышкасьӧны зэв зіля.
Зэв жаль, унаӧн кулӧны, но кулӧны геройясӧн.
Миян сӧмын Чилимдін районысь эм нин кык Россияса герой!
Кыкнаннысӧ наградитӧма кувсьӧм бӧраныс.
Капитан Владимир Николаевич Носов петкӧдіс кытшысь ассьыс ротасӧ, некод эз пӧгибнит, но сылы воис сигнал, мый сылӧн полкысь мӧд ротасӧ кытшалӧмаӧсь да лыйлӧны.
Сійӧ приказтӧг кыпӧдіс ассьыс ротасӧ да тылсянь контратакаӧн шыбитіс вӧрӧгсӧ, петкӧдіс мӧд ротасӧ, но, зэв жаль, ачыс пӧгибнитіс вӧрӧглӧн пуляысь.
Подполковник Иван Владимирович Поздеев командуйтіс полкӧн, но кор вӧлі колӧ петкӧдны ротасӧ кытшысь, босьтчис юрнуӧдны штурмӧвӧй группаӧн, пасьвартіс вӧрӧгсӧ тылсяньыс, но, кор сэтысь петкӧдіс зонъяссӧ, вражескӧй снайпер гӧгӧрвоис, мый сійӧ – командир, да лыйис сійӧс.
Миян эм нӧшта кык Россияса герой.
Том зон, ефрейтор Александр Александрович Власенков 17 арӧсын нин лоис киӧн венласьӧм-тышкасьӧм серти вермысьӧн, а пӧгибнитіс 24 арӧсын.
Армия бӧрын муніс фронт вылӧ доброволечӧн.
Вӧчис сэтшӧм жӧ подвиг, кыдз Александр Матросов Айму вӧсна Ыджыд тыш дырйи.
Сылӧн группаыс босьтіс вӧрӧглысь опорнӧй пункт, но дзотсянь горӧдісны, мый сдайтчӧны, ӧшӧдісны еджыд флаг.
Александр муніс водзын, и кор зонъяс матыстчисны, дзотсьыс вӧрӧгъясыс заводитісны лыйлыны.
Сійӧ тупкис дзотсӧ аснас, а сылӧн боечьяс удитісны сувтавны мӧд ног, шыблавны вӧрӧгсӧ гранатаясӧн да босьтісны точкасӧ.
Но Александр Александрович пӧгибнитіс.
Миян Россияса нёльӧд герой – старшӧй матрос Олег Александрович Шипицин.
Чужліс Ухтаын, сэсся бать-мамыскӧд мунісны Алтайӧ.
Сэсянь сійӧ мунліс армияӧ да СВО вылӧ.
Но сы вӧсна, мый сійӧ чужліс миян республикаын, ми босьтім ас вылӧ почёта мог – сувтӧдны Ухтаын Геройлы памятник.
Мариуполь кар мездігӧн Олег Александрович веськаліс украинаса войскаяслӧн кытшӧ.
Пленӧ сюртӧг петны асланым войска дорӧ позянлуныс сылӧн эз вӧв, и сэки старшӧй матрос лэдзис вӧрӧгсӧ матӧджык да взорвитіс асьсӧ гранатаӧн.
Таысь кындзи, миян эм Коми Республикаса кык герой – майор Виталий Петрович Лифенко да младшӧй сержант Анатолий Максимович Хлобыстов, кодъяс тшӧтш повтӧг тышкасисны да сетісны ассьыныс олӧмнысӧ Чужан му вӧсна.
Коми Республикаын квайт герой, кодъяслы наградасӧ сетӧма кувсьӧм бӧраныс.
Ме зіля быд тӧлысь ветлыны зонъяс дорӧ передӧвӧй вылӧ, аддзысьла накӧд, сета налы оборудование, квадрокоптеръяс, генераторъяс, тепловизоръяс, автомашинаяс, обмундирование да, дерт жӧ, челядьсянь письмӧяс – абу налӧн, а Коми Республикаысь челядьсянь.
И ті кӧ кӧсъянныд, гижӧй миян военнослужащӧйяслы тіян сикт-грездын олӧм йылысь, сэні воюйтысь землякъяс йылысь.
Ме окотапырысь сета тіянлысь письмӧясныдтӧ.
Кор передӧвӧй вылӧ вая боечьяслы колана снаряжение, найӧ видзӧдӧны оз тайӧ снаряжение вылӧ, а босьтӧны челядьлысь письмӧясныссӧ.
Пыр юасьӧны: «Письмӧяссӧ вайинныд?»
Школьникъяссянь юалӧмъяс да Владимир Уйбалӧн вочакывъяс
Арина, 6 класс: Уджалінныд-ӧ ті прӧстӧй удж вылын?
Да кӧ, то кутшӧмъяс вылын?
Владимир Уйба: Да.
Юралысьӧн дзик пыр оз лоны.
1976 воын ме помалі 10 класс, а 1982 воын – Уджвывса Гӧрд Знамя ордена свердловскса канму медицина институт да кык во чӧж уджалі врачӧн.
Сэсся менӧ корисны юралысь врачӧн тупкыса карӧ – тупкыса административнӧй мутас юкӧнӧ, кӧні вӧлі атомнӧй станция.
Ме уджалі сэні 15 во.
Сэсся менӧ корисны Москваӧ, Федеральнӧй медико-биологическӧй агентствоӧ.
Медводз вежысьлӧн чинӧ, а сэсся ме куті юрнуӧдны сыӧн.
Юрнуӧді матӧ 20 во, та бӧрын менӧ вуджӧдісны Россияса йӧзлысь дзоньвидзалун видзан министрӧс вежысь чинӧ.
Но сэні уджыштіс сӧмын 2 тӧлысь.
Сэсся менӧ корис Президент Владимир Владимирович Путин да шуис, мый колӧ мунны Коми Республикаӧ, да йӧзыс кӧ бӧръясны менӧ, уджавны Юралысьӧн.
Ефим, 8 класс: Ичӧтдырйи мый ті вӧчлінныд прӧст кадӧ?
Владимир Уйба: Ті тӧданныд, ичӧтдырйи прӧст кадыс эз вӧв.
Ӧнія школьникъяслӧн сідз жӧ.
Колӧ и урокъяс вӧчны, и секцияяс вылӧ ветлыны.
Ме видлі ачымӧс уна спортын – тайӧ и вермасьӧм, и бокс, и кокни атлетика, и лызьӧн котралӧм.
Таысь кындзи, ме 8 арӧссянь ёна пырӧдчи служебнӧй пон видзан клубӧ.
Гашкӧ, сы вӧсна, мый вӧлі пограничнӧй заставаяс да служебно-розыскнӧй понъяс йылысь уна фильм.
Ӧні кӧ рынок вылысь либӧ объявление серти позьӧ ньӧбны кӧть кутшӧм пӧрӧдаа понпиӧс, то, кор ме вӧлі ичӧт на, татшӧмторйыс эз вӧв.
Позьӧ вӧлі занимайтчыны сӧмын служебнӧй пон видзан клубын.
Медводз тэныд, кыдз аскиа пон видзысьлы, колӧ унатор велӧдны: кыдзи понписӧ велӧдны, вердны, бурдӧдны, дрессируйтны да сідз водзӧ.
Миянӧс велӧдісны кык во чӧж, ми сдайталім экзаменъяс, медым сэсся вермим ньӧбны служебнӧй пӧрӧдаа понйӧс.
И, кор меным вӧлі 10 арӧс, меным ньӧбисны тайӧ понписӧ, и ме лои пон видзысьӧн.
А 14 арӧссянь лои пон видзӧм серти инструкторӧн.
Сдайті торъя экзаменъяс.
Ме нин велӧді челядьӧс, и найӧ нин меным сдайтлісны экзаменъяс.
А 16 арӧсын ме нин судиті рингъяс, кыдз служебнӧй пон видзӧм серти суддя.
16 арӧса зонлы тайӧ вӧлі ыджыд тшупӧд.
Челядьдырйи зэв уна кад мунліс спорт да служебнӧй пон видзӧм вылӧ.
Луныс кольлывліс тадзи: 6 час асылын чеччывлі, босьтлывлі Джинӧс, гуляйтӧдлі школаӧдз, сэсся котӧртлі школаӧ, школасянь – гортӧ, бара гуляйтӧдлі, вердлі понйӧс да котӧртлі секция вылӧ.
Секция бӧрын босьтлі понйӧс да бара гуляйтӧдлі, тренируйтлі.
Шойччан лунъясӧ лун джынсӧ тайӧн занимайтчывлі.
Став кадыс вӧлі юклӧма.
Дарья, 6 класс: Кутшӧм предметъяс колӧ сдайтны, медым лоны Коми Республикаса Юралысьӧн, кутшӧм тӧдӧмлун босьтны?
И мый Тіянлы медся ёна колис паметяныд школаса олӧмысь?
Владимир Уйба: Школаса олӧмысь медся ёна колины паметьӧ кутшӧмкӧ вермӧмъяскӧд йитчӧм югыд здукъяс.
А тайӧ школаса олимпиадаяс либӧ школаса ордйысьӧмъяс – найӧ миян тшӧтш вӧліны.
Вӧліны «КВН», «Умникъяс да умницаяс» сяма ворсӧмъяс.
И кор тэ вермылін ачыд либӧ командаын, дерт, тайӧ кольліс паметьӧ.
И, дерт жӧ, выпускнӧй.
Быд школьниклы выпускнӧйыс кольӧ паметьӧ став олӧм кежлӧ.
Кор тэ велӧдчан школаын, пыр окота ӧдйӧджык петны асшӧр олӧмӧ – пырны институтӧ, колледжӧ, техникумӧ.
Но кор тэ быдман да пыран велӧдчыны, то гӧгӧрвоан, мый школа – сэтшӧм бур кад!
А кор помалан институт, сэсся кажитчӧ, мый институт – медся бур кад.
Кыдзи лоны Юралысьӧн.
Талун медым лоны регионса Юралысьӧн, колӧ босьтны профильнӧй тӧдӧмлун.
Менам босьті кык вылыс тшупӧда тӧдӧмлун.
Ме помалі медицина институт, уджалі Йӧзлысь дзоньвидзалун бурмӧдан юкӧнын, но, кор локті Москваӧ, босьтчи юрнуӧдны экономика юкӧнӧн.
А медым вӧчны уджсӧ бура, колӧ сы серти тӧдӧмлун. Ме пыри очнӧя-заочнӧя велӧдчыны Россия Федерацияса Президент бердын Россияса йӧзлӧн овмӧс да канму служба академияӧ.
Талун экономика да менеджмент серти тӧдӧмлунъясыс меным зэв ёна отсалӧны.
А миян республикаын эм Канму службаӧ да веськӧдлыны велӧдан Коми Республикаса академия.
Колӧ шуны, татшӧм профильнӧй вузыс оз быд субъектын уджав.
Сэні дасьтӧны веськӧдлысьясӧс, кодъяс вермасны уджавны либӧ муниципалитетса, либӧ республикаса юралысьӧн, либӧ найӧс вежысьясӧн.
Ті кӧ аддзанныд асьныдтӧ водзӧ вылӧ веськӧдлысьӧн, районса юралысьӧн либӧ республикаса Юралысьӧн, пырӧй велӧдчыны миян академияӧ канму да муниципальнӧй веськӧдлӧмӧ велӧдан факультетӧ.
Ирина, 9 класс: Ми тӧдам, мый ті велӧдчылінныд медик вылӧ, а ӧні зэв кужӧмӧн юрнуӧданныд миян регионӧн.
Юалӧм: ӧткодьӧсь-ӧ бурдӧдан да веськӧдлан уджъясыс?
Владимир Уйба: Ӧткодьлуныс, дерт, уна, но медшӧрыс сыын, мый и бурдӧдан, и веськӧдлан уджын тэ уджалан морткӧд.
Лунтырӧн зэв уна сёрнита прӧстӧй йӧзкӧд.
Менам мобильнӧй номер вылӧ унаӧн звӧнитӧны быдсикас юалӧмӧн.
Шуам, талун, кор ми локтім тіян дорӧ, Новый Борӧ, меным звӧнитіс ныв.
Сылӧн дядьыс веськалӧма пленӧ СВО-ын, и сійӧ корис отсӧг.
Мӧд ныв гижис, мый сылӧн батьыс сьӧкыда висьӧ, и колӧ ӧдйӧ прӧверитчыны, а найӧ ӧні тайӧс вӧчны оз вермыны.
Быд лун – 10-ысь абу этшаджык шыӧдчӧм, и быд лун отсася.
Таын ӧткодьлуныс бурдӧдан да веськӧдлан уджъясын.
Збыль вылас кӧ, босьтӧм тӧдӧмлуныс пыр колӧ.
Миян вузъясын медицина тӧдӧмлунъяссӧ сетӧны зэв бура.
Ме лои наукаса докторӧн, профессорӧн, и тайӧ нимыс пыр кежлӧ.
Буретш тӧлысь сайын, кор ми вӧлім Владивостокын, ковмисны тӧдӧмлунъясӧй.
Пукси самолётӧ, унмовси, друг кыла – стюардессаяс кутісны котравны, горзӧны: «Ӧдйӧджык врачӧс!»
Ме, дерт, чеччи.
Аньлӧн лои коллапс.
Тайӧ пӧшти кома, мортыслӧн сьӧлӧмыс оз уджав, сійӧ оз лолав, а кома – тайӧ мортыс кувсьӧ.
Тэ кӧ он отсав, мортыс кулас.
Татшӧм лоӧмтор.
Зэв бур, мый борт вылын вӧлі бур аптечка.
И медым отсавны мортыслы, ставыс вӧлі ки улын.
Кор ань воис ас садяс, юаліс: «Ті доктор?»
Ме шуи: «Коркӧ вӧлі сыӧн».
Сійӧ сэтшӧм шензьӧмӧн ме вылӧ видзӧдліс: «Кыдз гӧгӧрвоны, мый коркӧ вӧлі?»
Ме шуа, мый коркӧ вӧлі, а ӧні ог бурдӧд йӧзӧс.
Сійӧ юалӧ: «А коді ті ӧні?»
Ме вочавидза: «Ӧні ме губернатор».
Чайті, сійӧ бара коллапсӧ усяс: «Губернатор?
А кыдз нӧ ті менӧ бурдӧдінныд?»
Вероника, 9 класс: Миян районын Ті дзоньталінныд школа, амбулатория, восьтінныд пенсионеръяслы да инвалидъяслы шӧрин.
Кыдзи ті кӧсъянныд водзӧ сӧвмӧдны районнымӧс, лоасны-ӧ кутшӧмкӧ выль проектъяс?
Владимир Уйба: Ме ог вермы торйӧдны кутшӧмкӧ район ёнджыка либӧ омӧльджыка.
Меным колӧ, медым республика сӧвмис ставнас.
Миян 20 муниципалитет, а 2022 восянь, ті тӧданныд, содіс 21 муниципалитет – шахтёръяслӧн Ровеньки кар.
Кор ме ветлӧдла республика кузя, то, дерт жӧ, быд районӧн веськӧдлысь висьтавлӧ, мый колӧ вӧчны.
Висьтала некымын муниципалитет йылысь.
И заводита Воркутасянь.
Сэні эм зэв колана кар артмӧдан объект – водовод, сійӧс 40 км кузя нюжӧдӧма тундраті.
Трубаыслӧн диаметрыс – метра.
Сӧветскӧй кадӧ карас вермис эськӧ овны 250 сюрс морт, кыдзи Сыктывкарын.
Зэв жаль, сійӧ татшӧм ыдждаӧдзыс эз сӧвмы.
А ваӧн могмӧдан системасӧ вӧчӧма нин.
Ӧні сійӧ киссис нин, колӧ вежны.
Владимир Владимирович Путин тшӧктіс вичмӧдны водовод выльмӧдӧм вылӧ сьӧм.
Тайӧ колана мероприятиеясысь ӧти.
Мӧд мог – дзоньтавны воркутаса аэропортын пуксян-лэбзян полосасӧ.
Ас кадӧ Воркутаса аэродром вӧлі «Буран» сӧветскӧй унаысь вӧдитчыны позяна космическӧй караблӧн пуксьӧм вылӧ резервнӧй местаясысь ӧтиӧн.
Тайӧ аслыспӧлӧс аэропорт.
Воркута зэв ёна колӧ!
Тайӧ Арктикаын Россиялӧн форпост.
Быд муниципалитетӧ колӧны содтӧд инвестицияяс.
Колӧ, медым быд районӧ локтісны инвесторъяс, а налы колӧ лӧсьӧдны условиеяс, найӧс колӧ кыскыны.
Та вӧсна талунъя медшӧр могыс менам да Веськӧдлан котырлӧн – кыскыны республикаӧ сьӧм, лӧсьӧдны кар артмӧдан предприятиеяс.
Найӧ колӧны оз сӧмын сы могысь, медым сӧвмӧдны республикаса экономика, но и медым лӧсьӧдавны уджалан местаяс, сы лыдын, том йӧзлы.
Шуам, Печораӧ ми татшӧм инвесторсӧ аддзим.
2024 воын нин сійӧ кутас стрӧитны дата-центр – зэв вына серверъяса ыджыд здание, кӧні кутасны видзны юӧр.
Тайӧ лоӧ вылыс технологияа здание, кӧні кутас уджавны 100 гӧгӧр зэв тӧлка программист.
Дата-центр кыпӧдӧм вылӧ колӧ 15 миллиард шайт.
Ӧткодявны кӧ, Чилимдін районлӧн сьӧмкудйыс – 1,3 миллиард.
Тайӧ сьӧм вылӧ 15 район вермас овны во чӧж, и татшӧм сьӧмсӧ республикалы сетӧ аспом котыр.
Инвесторъясӧс кыскӧм могысь колӧ лӧсьӧдны уна условие.
Шуам, миян нёль муниципалитет пырӧ сухопутнӧй Арктика зонаӧ, сы лыдын и Чилимдін район.
Таысь кындзи нӧшта Воркута, Усинск, Инта.
Арктика зонаясын эмӧсь ыджыд преференцияяс выль производствояс вылӧ.
Шуам, инвестор 5 во чӧж оз кут мынтыны чӧжӧс вылӧ да эмбур вылӧ вот, а тайӧ ыджыд сьӧм, кутшӧмӧс сійӧ вермас видзны аслас бизнес вылӧ.
Шуам, Интаын ми таво восьтам карбид да ферросплав вӧчӧм серти аслыспӧлӧс завод.
Таӧдз ми босьтлім карбидсӧ да ферросплавсӧ Китайысь да Казахстанысь.
А ӧні миян предприятиеясын сырьёлӧн коймӧд пайыс асланым.
Интаын 20 воӧн медводдзаысь лоис кар артмӧдан предприятие!
Татшӧм жӧ производствояс колӧны мукӧд районын.
Та вылын уджалам.
Стрӧитны школа да больнича колӧ, ми и водзӧ кутам тайӧс вӧчны.
Тайӧ лӧсьӧдӧ гражданалы бурджык условиеяс, но оз сет инвестицияяс.
А инвестицияяс да выль производствояс отсӧгӧн республика пырысь-пыр кутас сӧвмыны экономика боксянь.
Тайӧ зэв колана удж.
Миян эм 10-ысь унджык видлалӧм инвестиция проект.
Миян мог – быд муниципалитетын лӧсьӧдны кар артмӧдан предприятие, медым ті, институтъяс либӧ колледжъяс помалігӧн, стӧча тӧдінныд, мый мунны некытчӧ оз ков, чужанінын эмӧсь условиеяс.
Медым ті колінныд тані, республикаын, а эн корсьӧй бурджык олӧмсӧ мукӧдлаысь.
Елизавета, 9 класс: Ми олам Войкытшсайын.
А Тіянлы воӧны сьӧлӧм выланыд войкытшсайса югыд войяс?
И кыдзи шусьӧ Тіян чужанінныд?
Владимир Уйба: Войкытшсайса гожся войяс меным зэв ёна воӧны сьӧлӧм вылӧ.
Но меным оз зэв ёна воны сьӧлӧм вылӧ войкытшсайса кӧдзыд тӧвъяс.
А чужанінӧй менам – Курганск обласьтса Шадринск кар.
Сэтчӧ менӧ мамӧй нуис Омскысь менам чужӧм бӧрын вежон мысти.
Сэні тӧвнас -30-ӧдз, а гожӧмнас +40-ӧдз.
Полина, 6 класс: Кутшӧм тіян медрадейтана предмет школаын, мыйла?
Владимир Уйба: Медрадейтана предмет – тайӧ муса велӧдысь.
Велӧдысь кӧ радейтӧ ассьыс предметсӧ, то ті быть жӧ кутанныд радейтны сійӧс.
Ме радейтлі биология.
Вӧлі кӧ 10 оценка, то менам эськӧ вӧлі тайӧ предметсьыс 10.
Кӧсъя тіянлы сины, медым 9 класс кежлӧ ті нин стӧча гӧгӧрвоинныд ассьыныд радейтана уджсикасныдтӧ, медым гӧгӧрвоинныд, кодӧн кӧсъянныд лоны, мый воӧ сьӧлӧм выланыд, и мыйӧн кӧсъянныд занимайтчыны.
А тайӧ специальносьтсӧ босьтӧм бӧрын, кольччинныд республикаӧ.
А ми кутам вӧчны ставсӧ, медым республика лоис тіянлы медбурӧн, и ті лӧсьӧдінныд тані ассьыныд семьяяс, тані чужтінныд челядьныдтӧ, и медым налы республикаыс тшӧтш лоис му вылын медбурӧн! 
{Kodko @ Владимир Уйба СВО нуӧданінын аддзысьліс Коми Республикаысь боечьяскӧд @ выльтор @ https://rkomi.ru/news/3291 @ 2023-10-28 @}
Владимир Уйба СВО нуӧданінын аддзысьліс Коми Республикаысь боечьяскӧд
Регионса Юралысь сетіс Чужан му дорйысьяслы квадроциклъяс да гуманитарнӧй отсӧг.
«Зонъяс дзоньвидзаӧсь, дасьӧсь служитны.
Видзӧны республикалысь бур нимсӧ, уджалӧны кывкутӧмӧн.
Война – тайӧ сьӧкыд удж.
Сиа быдӧнлы став бурсӧ, а миян зонъяслы – бура служитны, вермыны вӧрӧгӧс да локны бӧр гортӧ!» – шуис видео пыр шыӧдчӧмын Коми Республикаса Юралысь. 
{Kodko @ Коми Республикаса Юралысь чолӧмалӧ Автомашина да карса пассажирскӧй транспортын уджалысьяслӧн лунӧн @ выльтор @ https://rkomi.ru/news/3290 @ 2023-10-29 @}
Коми Республикаса Юралысь чолӧмалӧ Автомашина да карса пассажирскӧй транспортын уджалысьяслӧн лунӧн
«Коми Республикаса автомашина да карса пассажирскӧй транспортын пыдди пуктана уджалысьяс, дона ветеранъяс!
Чолӧмала тіянӧс уджсикас гажӧн!
Транспорт службаяслӧн уджкӧд топыда йитчӧма кар-сиктъясын олӧмыс: сӧстӧмӧсь-ӧ уличаяс да туйяс, эмӧс-ӧ сэні неминучаяс, бур-ӧ да кыпыд олысьяслӧн ловруыс.
Коми Республикаса Веськӧдлан котыр гӧгӧрвоӧ регионса экономикаын тайӧ отрасльысь тӧдчанлунсӧ, та вӧсна и бурмӧдӧ маршрутъяссӧ, йӧзӧс могмӧдан качествосӧ, ньӧбӧ выль техника, пыртӧ ӧнія разработкаяс.
Уджын могъяс пиысь ӧтиыс – выльмӧдны автобуснӧй парк.
Ӧд тайӧ зэв тӧдчана мутас серти миян ыджыд республикалы.
Бӧръя кык воӧ выль автомашинаяс заводитісны уджавны Удора да Чилимдін районъясын, Печораын да Сыктывкарын.
2023 воын Арктикаса субсидия вылӧ Арктика зонаӧ пырысь районъяслы ньӧбисны 20 автобус да ӧти автобус Мылдін районлы.
2024 во заводитчигӧн республикаӧ ваясны нӧшта 39 автобус.
Коми Республикаса автомашина да карса пассажирскӧй транспортын пыдди пуктана уджалысьяс!
Аттьӧала тіянӧс сьӧлӧмсянь да кывкутӧмӧн уджалӧмысь, уджныдтӧ радейтӧмысь.
Аттьӧ отрасльса ветеранъяслы – ті быдтінныд том йӧзӧс, кодъяс бура кутасны уджавны водзӧ!
Сиа уджын выль вермӧмъяс, семьяын тыр-бур олӧм, ыджыд шуд да крепыд дзоньвидзалун!»
Коми Республикаса Юралысь Владимир Уйба
{Kodko @ Регионса Юралысь Владимир Уйба сетіс СВО-ын Чужан му дорйысьяслы Коми Республикаса канму наградаяс @ выльтор @ https://rkomi.ru/news/3292 @ 2023-10-29 @} 
Регионса Юралысь Владимир Уйба сетіс СВО-ын Чужан му дорйысьяслы Коми Республикаса канму наградаяс
«Ассянь да Коми Республикаса Веськӧдлан котыр нимсянь, Коми Республикаын олысьяссянь аттьӧала тіянӧс неонацизм вермӧм могысь сьӧкыд воинскӧй удж вӧчӧмысь», - шыӧдчис землякъяс дорӧ Коми Республикаса Юралысь Владимир Уйба.
{Kodko @ Коми Республикаса Юралысь Владимир Уйба юӧртіс Усинск районын мусир недыр кад чӧж видзан резервуар сотчӧм йылысь @ выльтор @ https://rkomi.ru/news/3293 @ 2023-10-29 @}
Коми Республикаса Юралысь Владимир Уйба юӧртіс Усинск районын мусир недыр кад чӧж видзан резервуар сотчӧм йылысь
Резервуарыс сотчӧма Верхнеколвинск посёлокын.
Медводдза юӧр серти, кувсис организацияса уджалысь, коді вӧчис уджаланарт серти уджъяссӧ.
Кыкӧн доймалісны: ӧтиыс куйлӧ реанимацияын – ёна сотчалӧма, мӧдыслы сетӧма медицина отсӧг, больничаӧ водӧмысь сійӧ ӧткажитчис.
Места вылын уджалӧны оперативнӧй службаяс.
Пӧжарсӧ кусӧдӧма, восьса биыс абу.
Лоӧмторйыс контроль улын. 
{Kodko @ Владимир Уйба нуӧдіс Усинск районын выезднӧй оперативнӧй сӧвещание @ выльтор @ https://rkomi.ru/news/3295 @ 2023-10-30 @}
Владимир Уйба нуӧдіс Усинск районын выезднӧй оперативнӧй сӧвещание
Коми Республикаса Юралысь талун, йирым тӧлысь 30 лунӧ, ветліс Верхнеколвинск посёлокын уджӧдтӧм нин мусир видзан резервуар сотчӧминӧ да нуӧдіс сэні лунӧн водз лоӧм неминучалысь колясъяссӧ бырӧдан юалӧмъяс серти сӧвещание.
Казьтыштам, пӧжарыс лоис дзоньтасян уджъяс нуӧдігӧн, сотчис 360 квадратнӧй метр.
Пӧжарсӧ кусӧдісны РСЧС-ысь 81 морт да 25 единица техника.
Кусӧдчысьяс бура уджалісны да найӧ вермисны кутны пӧжарсӧ, медым сійӧ эз вудж матысса резервуаръяс вылӧ.
Йирым тӧлысь 29 лунӧ 20 часын участокын пӧжарсӧ вӧлі кутӧма паськалӧмысь, 21 час 21 минутын восьса бисӧ бырӧдӧма нин.
Тайӧ здук кежлӧ пӧжарсӧ тырвыйӧ кусӧдӧма, неминучалысь помкаяссӧ туялӧны.
Медводдза юӧр серти, доймалісны уджаланарт серти уджъяс вӧчысь организацияын кык уджалысь.
Ӧтарыс медицина отсӧг сетӧм бӧрын больничаӧ водӧмысь ӧткажитчис.
Мӧдыс ёна сотчалӧма, сійӧс ыстӧма санитарнӧй рейсӧн Сыктывкарӧ, сылӧн олӧмлы грӧзыс абу.
Нӧшта ӧти уджалысь лыддьыссьӧ юӧртӧг вошӧмаӧн. 
{Kodko @ Мусир видзан резервуар сотчигӧн доймалӧм уджалысьӧс санитарнӧй рейсӧн вайисны Усинскысь Сыктывкарӧ @ выльтор @ https://rkomi.ru/news/3294 @ 2023-10-30 @}
Мусир видзан резервуар сотчигӧн доймалӧм уджалысьӧс санитарнӧй рейсӧн вайисны Усинскысь Сыктывкарӧ
Сылӧн олӧмлы грӧзыс абу.
Та йылысь видео пыр шыӧдчӧмын юӧртіс Владимир Уйба.
Верхнеколвинск посёлокын, кӧні сотчис мусир видзан резервуарыс, Коми Республикаса Юралысь нуӧдіс оперативнӧй сӧвещание.
Ӧнія кад кежлӧ пӧжарсӧ тырвыйӧ кусӧдӧма, туялӧны неминучалысь помкаяссӧ.
Медводдза юӧр серти, кувсис уджаланарт серти уджъяс вӧчысь организацияса уджалысь.
Нӧшта ӧти доймалӧмалы сетӧма медицина отсӧг, больничаӧ водӧмысь сійӧ ӧткажитчӧма. 
{Kodko @ Владимир Уйба висьталіс «Учись. Действуй. Побеждай» республикаса том йӧзлӧн велӧдчан да практическӧй сбор йылысь @ выльтор @ https://rkomi.ru/news/3296 @ 2023-10-31 @}
Владимир Уйба висьталіс «Учись. Действуй. Побеждай» республикаса том йӧзлӧн велӧдчан да практическӧй сбор йылысь
Мероприятиеыс мунӧ йирым тӧлысь 28 лунсянь вӧльгым тӧлысь 1 лунӧдз «Гренада» челядьӧс велӧдан да налысь дзоньвидзалун бурмӧдан шӧринын (Сыктывдін район).
Слёт вылӧ локтісны республикаса 11 муниципалитетысь военно-патриотическӧй клубъясса, юнармеечьяслӧн отрядъясса да кадетъяслӧн классъясса 14-18 арӧса 138 быдтасъяс.
Республикаса том йӧзлысь сборсӧ котыртӧма Коми Республикаын том йӧзлы сиӧм вокӧд йитӧдын да «Велӧдӧм» национальнӧй проект, «Том йӧзлы регион» Коми Республикаса том йӧз политика быд боксянь сӧвмӧдан уджтас отсӧгӧн.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба чолӧмаліс «Учись. Действуй. Побеждай» республикаса том йӧзлӧн велӧдчан да практическӧй сборӧ пырӧдчысьясӧс @ выльтор @ https://rkomi.ru/news/3297 @ 2023-10-31 @}
Владимир Уйба чолӧмаліс «Учись. Действуй. Побеждай» республикаса том йӧзлӧн велӧдчан да практическӧй сборӧ пырӧдчысьясӧс
Мероприятиесӧ котыртӧма Коми Республикаын том йӧзлы сиӧм волы. Сійӧс нуӧдӧны «Гренада» челядьӧс велӧдан да налысь дзоньвидзалун бурмӧдан шӧринын йирым тӧлысь 28 лунсянь вӧльгым тӧлысь 1 лунӧдз.
«Талун том войтырӧс Чужан му радейтны велӧдӧмыс – канмулӧн зэв ыджыд мог.
Ті – миян аскиа лун, – шыӧдчис Коми Республикаса Юралысь слётӧ пырӧдчысьяс дорӧ. 
– Регыд ті кутанныд кыпӧдны сылысь тӧдчанлунсӧ, сӧвмӧдны экономикаын сылысь вынйӧрсӧ.
Да ковмас кӧ дорйыны странанымлысь асшӧрлунсӧ, кыдзи ӧні вӧчӧны тайӧс миян дорйысьяс торъя военнӧй операция вылын, ті мӧвпавтӧг босьтчанныд видзны Аймунымӧс.
Талун тіянлы патриотизмыс – босьтны бур тӧдӧмлунъяс, пырӧдчыны спортӧ, туявны странанымлысь историясӧ, пыдди пуктыны олӧма войтырӧс да гӧгӧрвоны сійӧс, мый вӧчисны Айму вӧсна Ыджыд тышса, локальнӧй войнаясса ветеранъясным, кутшӧм донӧн шедӧдӧма республикаын да Россияын миян шуда, лӧнь олӧмсӧ».
Владимир Уйба уськӧдіс тӧд вылӧ, мый 2023 восӧ Коми Республикаын сиӧма том войтырлы.
Та вӧсна том йӧз политикаын лӧсьӧдӧма выль нырвизьяс, котыртӧма выль мероприятиеяс, медым ӧтувтны быдмысь войтырӧс.
Коми Республикаса Юралысь сиис слётӧ пырӧдчысьяслы бура велӧдчыны, шедӧдны спортын вермӧмъяс да медшӧрсӧ – пыдди пуктыны Россия Федерацияса гражданалысь нимсӧ.
Слётӧ вылӧ чукӧртчис республикаса 11 муниципалитетысь военно-патриотическӧй клубъясса, юнармеечьяслӧн отрядъясса да кадетъяслӧн классъясса 14 – 18 арӧса 138 быдтас.
Мероприятиесӧ сьӧмӧн могмӧдӧны «Велӧдӧм» национальнӧй проект, «Том йӧзлы регион» Коми Республикаса том йӧз политика быд боксянь сӧвмӧдан уджтас отсӧгӧн.
5 лун чӧжӧн ныв-зон туялӧны тактическӧй медицина, лыйсян, тактическӧй, стрӧевӧя дасьтысьӧм, велӧдчӧны видзчысьны радиационнӧй, химическӧй да биологическӧй тӧдчӧмысь, разьны грымӧб вӧчан устройствояс, корректируйтны лыйсьӧмсӧ.
Таысь кындзи пырӧдчысьяслы котыртӧма велӧдчан площадкаяс, кӧні найӧс велӧдӧны эрдӧдны ставмирса историялысь абу збыль лоӧмторъяссӧ, нуӧдӧны инӧд торкалӧмъясысь да терроризмысь профилактика.
Площадкаяс пиысь ӧтиын инструкторалӧ Ухтаын «Военно-тактическӧй ворсӧмъяс серти федерация» Коми республиканскӧй региональнӧй вынйӧр сӧвмӧдан да спорт ӧтйӧза организацияӧн юрнуӧдысь Максим Хлобыстов – торъя военнӧй операция дырйи усьӧм Коми Республикаса медводдза герой Анатолий Хлобыстовлӧн батьыс.
Хлобыстов батьыс водзӧ велӧдӧ том войтырӧс радейтны Чужан му, юксьӧ аслас тӧдӧмлунӧн да чӧжӧм сямӧн.
Велӧдан семинарсӧ дасьтісны и военно-патриотическӧй клубъясӧн, кадетъяслӧн классъясӧн да ӧтувъясӧн юрнуӧдысьяслы, налы, кодъяс уджалӧны регионса том йӧз политикаын.
Фотоыс «Комиинформ» ЮА, авторыс Владимир Шешкунас
{Kodko @ 2024-2026 воясӧ Коми Республикаса сьӧмкудйысь вичмӧдасны 1,3 миллиард шайт сиктъяс быд боксянь сӧвмӧдӧм вылӧ @ выльтор @ https://rkomi.ru/news/3298 @ 2023-11-01 @}
2024-2026 воясӧ Коми Республикаса сьӧмкудйысь вичмӧдасны 1,3 миллиард шайт сиктъяс быд боксянь сӧвмӧдӧм вылӧ
Канму уджтасса мероприятиеяс збыльмӧдӧм йылысь сёрнитісны Стратегическӧя веськӧдлӧм серти Коми Республикаса Юралысь бердын координационнӧй сӧветлӧн заседание дырйи.
Заседаниесӧ нуӧдіс регионса Юралысь Владимир Уйба.
Заседание дырйи видлалісны сиктын велӧдӧм, йӧзлысь дзоньвидзалун видзӧм да культура сӧвмӧдӧм серти юалӧмъяс.
«Россияса Президент Владимир Владимирович Путин унаысь пасйывліс, мый колӧ сӧвмӧдны сиктъяссӧ да бурмӧдны сэні олӧмсӧ.
Тайӧ могъясыс канмуӧн юрнуӧдысь серти медтӧдчанаӧсь, найӧс збыльмӧдӧм бӧрся Президент видзӧдӧ ачыс, – пасйис Владимир Уйба. 
– Тайӧ уджын странаса регионъяс мыджсьӧны «Сиктса мутасъяс быд боксянь сӧвмӧдӧм» Россия Федерацияса канму уджтас вылӧ.
Республикаса Веськӧдлан котырлӧн уджын тайӧ нырвизьыс медтӧдчанаяс лыдын.
Медым йӧзыс олісны бура, оз унатор ков: оланін, бур удждона удж, бур да судзсяна медицина, ӧнія кадлы лӧсялысь велӧдан учреждениеяс, бур туйяс.
Медым сиктсаяс вермисны бура овны, уджавны да шойччыны, сьӧмкуд сьӧм кындзи колӧ кыскыны мукӧд ӧшмӧсысь сьӧм».
Коми Республикаса Юралысь пасйис, мый 2024 восянь вежасны сиктъяскӧд уджаланногсӧ.
Сиктын могъяссӧ разьӧм вылӧ лоас торъя канму уджтас – «Сиктса мутасъяс быд боксянь сӧвмӧдӧм».
Россия Федерацияса Президент Владимир Путинлысь тшӧктӧмсӧ олӧмӧ пӧртӧм могысь 2024 вося сора тӧлысьӧдз лоӧ вынсьӧдӧма подув олан пунктъяс да на дорын мутасъяс водзынджык сӧвмӧдан планъяс.
Коми Республикаын татшӧм олан пунктыс 16.
Тайӧ юрсиктъяс да каръяс: Кулӧмдін с., Усогорск п., Кӧрткерӧс с., Изьва с., Чилимдін с., Айкатыла с., Койгорт с., Абъячой с., Визин с., Печора к., Усинск к., Инта к., Емва к., Вуктыл к., Сосногорск к., Мылдін ккп.
Тані ӧдйӧ кутасны сӧвмӧдны социальнӧй инфраструктурасӧ, сы лыдын велӧдан, медицина, культура юкӧнъясын.
Сиктъяс сӧвмӧдӧмын медтӧдчанаыс – отсавны кыпӧдны оланін да сетны корӧм специалистъяслы ведомствоса оланін.
2024 восянь Коми Республикаын пыртӧны 2 выль сикас отсӧг.
Меставывса асвеськӧдлан органъяслы да видз-му овмӧсын уджалысьяслы кутасны компенсируйтны оланін стрӧитӧм либӧ ньӧбӧм вылӧ рӧскодсӧ, медым водзӧ вылӧ сійӧс сетны социальнӧя либӧ коммерческӧя медалан сёрнитчӧмъяс серти.
Шуам, Кулӧмдін районлысь заявкасӧ конкурс серти бӧрйӧма Россияса видз-му овмӧс министерствоын.
2024 воын муниципалитет кӧсйӧ ньӧбны социальнӧй юкӧнса специалистъяслы уна патераа керкаысь 65 кв. м олан жыр.
Локтан восянь видз-му овмӧсын уджалысьяслы кутасны компенсируйтны медалан сёрнитчӧм серти сетан олан жыръяс стрӧитӧм вылӧ 70% рӧскодсӧ.
2024-2025 воясын тайӧ могъяс вылӧ Коми Республикаса сьӧмкудйын урчитӧма 36,7 миллион шайт.
Коми Республика – РВФК-ын дзик ӧти регион, коді босьтіс федеральнӧй сьӧм 2024-2026 воясын оланін компактнӧя стрӧитӧм улӧ площадкаяс лӧсьӧдӧм серти проектъяс збыльмӧдӧм вылӧ.
Кулӧмдін да Сыктывдін районъясын стрӧитӧны инженернӧй инфраструктура, ывлавыв югзьӧдан объектъяс, уличаяс да туйяс, бурмӧдӧны мутасъяс.
2024 воын нин Сыктывдін районса Выльгорт сиктын лӧсьӧдасны 4,3 километра кузьта туй, югзьӧдан линия да 14 сюрс кв. м ас оланін стрӧитӧм вылӧ условиеяс, а сідзжӧ бурмӧдасны челядьӧс видзанінлань туйсӧ.
А 2025 воын Кулӧмдін районын лоӧны 5,8 километра кузьта ва провод, 8,6 километра кузьта туй, а сідзжӧ 16 сюрс кв. м ас да блокируйтӧм оланін стрӧитӧм вылӧ условиеяс.
Компактнӧя стрӧитӧм улӧ площадкаяссӧ кутасны лӧсьӧдны водзӧ.
2025-2026 воясӧ Сыктывдін, Луздор да Изьва районъясын кӧсйӧны збыльмӧдны 3 проект.
Фотоыс «Комиинформ» ЮА, авторыс Владимир Шешкунас
{Kodko @ Сыктывкарын казьтыштісны Коми Республикаса медводдза Юралысь Юрий Спиридоновӧс @ выльтор @ https://rkomi.ru/news/3299 @ 2023-11-01 @}
Сыктывкарын казьтыштісны Коми Республикаса медводдза Юралысь Юрий Спиридоновӧс
Талун, 2023 вося вӧльгым тӧлысь 1 лунӧ, нималана сӧветскӧй да российскӧй канму уджалысьлы тырис эськӧ 85 арӧс.
Коми Республикаса Юралысь Владимир Уйба пуктіс Юрий Алексеевич Спиридоновлӧн мемориальнӧй пӧв дорӧ дзоридзьяс.
«Эмӧсь йӧз, кодъяс пыр кежлӧ кольӧны миян сьӧлӧмъясын.
Юрий Алексеевич, дерт, татшӧм морт, – пасйис Владимир Уйба. 
– Яръюгыд, енбиа да зэв вына юрнуӧдысь.
Ми ставӧн гӧгӧрвоам, мый сэтшӧмыс овны 90-ӧд воясӧ.
Тайӧ кадӧ торксис унатор странаын, мӧвпъясын, режимын, ставыс вежсис.
Зэв сьӧкыд кад.
Татшӧм кадӧ юрнуӧдны ыджыд да уна сикас войтыра республикаӧн – тайӧ быттьӧ гладиаторъяслӧн тыш.
Кутны республикасӧ, да нӧшта та дырйи кыпӧдны-восьтавны гырысь учреждениеяс – збыльыс искусство.
Юрий Алексеевич тайӧ кадсӧ оліс зэв бура, тайӧ вӧлі быдса эпоха.
Республика да татчӧс йӧз босьтісны медшӧр ин Юрий Алексеевичлӧн олӧмын.
Юрий Алексеевич кольӧ миянкӧд – ми ӧні на мыджсям сы командалӧн удж вылӧ.
Сылысь уджсӧ ми кутам нуӧдны водзӧ», – пасйис Владимир Уйба.
Юрий Спиридоновлӧн уджъёртъясыс лэдзисны Коми Республикаса медводдза Юралысьлӧн паметьлы сиӧм «Ю.А. Спиридонов и его время» небӧг.
Кыдзи пасйис Владимир Уйба, Юрий Алексеевич кодь йӧз йылысь колӧ висьтавны миян ныв-пиянлы, а тайӧ небӧгыс – бур да енбиа мортлӧн олӧм йылысь паметь видзӧмын колана воськов.
Юрий Спиридонов уджаліс Коми Республикалы бур вылӧ 40 сайӧ во.
Горнӧй мастерсянь быдмис Коми Республикаса медводдза Юралысьӧдз, мыйӧн уджаліс 1994-2001 воясӧ.
2003 воӧ сійӧс бӧрйисны Россия Федерацияса Каналан Думаӧ депутатӧн, кӧні уджаліс Вӧр-ва озырлун да вӧр-ваӧн вӧдитчӧм серти комитетын.
Юрий Спиридоновлӧн веськӧдлӧм улын Коми Республикаса Медвылыс Сӧвет примитіс Коми Республикалысь выль демократическӧй оланподув, бӧрйӧма выль парламент – Коми Республикаса Каналан Сӧвет.
Буретш сы дырйи пуктӧма республикалӧн ӧнія канму тэчаслы подувсӧ.
Республикалӧн сы кадся став вермӧмыс йитчӧма сылӧн нимкӧд.
Юрий Спиридоновлӧн веськӧдлігӧн Сыктывкарын кыпӧдӧма кардиология диспансер (татшӧмыс Россияса Рытыв-Войвылын сэсся абу), восьтӧма Коми Республикаса искусство гимназия да Коми Республикаса физико-математическӧй лицей-интернат, пыртӧма уджӧ Сыктывкарын академическӧй институтлысь выль лабораторнӧй корпус – Россияса наукаяс академиялӧн ӧнія историяын медводдза выльӧн стрӧитӧм лабораторнӧй здание.
Коми Республика водзын торъя заслугаясысь Юрий Алексеевич Спиридоновлы кувсьӧм бӧрын сетӧма Иван Павлович Морозов нима орден.
Фотоыс Коми Республикалӧн Каналан Сӧветса пресс-службалӧн, авторыс: Денис Чайкин. 
{Kodko @ Владимир Уйба висьталіс лицеистъяслы Коми Республикаын позянлунъяс йылысь @ выльтор @ https://rkomi.ru/news/3300 @ 2023-11-01 @}
Владимир Уйба висьталіс лицеистъяслы Коми Республикаын позянлунъяс йылысь
Водзмӧстчысь том йӧзкӧд аддзысьлӧмыс вӧлі талун, вӧльгым тӧлысь 1 лунӧ, Коми Республикасянь пансьӧм «Прогулка со Знанием» ставроссияса акция дырйи. Сійӧс нуӧдасны Россия Федерацияса быд субъектын.
Коми Республикаса Юралыськӧд аддзысьлыны локтісны Сыктывкарса технологическӧй лицейысь, Енбиа челядьлы лицейысь, Физико-математическӧй лицей-интернатысь, Питирим Сорокин нима Сыктывкарса канму университет бердын Коми республиканскӧй лицейысь 10-11 классъясын велӧдчысьяс.
Гырысь классъясын велӧдчысьяслы нуӧдісны Коми Республикаса Юралысьлӧн Администрация кузя экскурсия.
Владимир Уйба висьталіс республикалӧн промышленнӧй позянлунъяс, выль производствояс сӧвмӧдӧм, ыджыд проектъяс збыльмӧдны инвесторъясӧс корӧм да бур удждона выль уджалан местаяс лӧсьӧдӧм йылысь.
«Ми кыпӧдам школаяс, детсадъяс, сӧвмӧдам наука да йӧзӧс велӧдӧм.
Но миян медшӧр могыс – медым ті школа помалӧм бӧрын, ссуз либӧ вуз бӧрйӧм бӧрын, аддзинныд асьныдтӧ республикаын, – шыӧдчис челядь дорӧ Владимир Уйба. 
– Ми вӧчам ставсӧ, медым тіян тӧдӧмлунныд да кужӧмлунныд ковмисны Чужан муын.
Сэки лоас промышленносьт, экономика да мукӧд юкӧнын миянлысь став проектсӧ збыльмӧдӧмысь бурыс.
И ми водзӧ кутам лӧсьӧдны став условиесӧ, медым тіянлы, кор лоанныд верстьӧ йӧзӧн, выльысь мусмис республиканым, медым аддзинныд асьныдтӧ тані.
А тайӧ интереснӧй уджалан места, бур удждон да оланін.
Ті – миян аскиа лун, и миян эм, мый тіянлы вӧзйыны, кор ті лоанныд верстьӧ войтырӧн».
Сідзжӧ Владимир Уйба висьталіс лицеистъяслы торъя военнӧй операциядырся Геройяс йылысь: Россияса Геройяс – Владимир Носов, Олег Шипицин, Иван Поздеев, Александр Власенков, а сідзжӧ Коми Республикаса Геройяс – Анатолий Хлобыстов да Виталий Лифенко йылысь.
Торъя военнӧй операция дырйи пӧгибнитӧм воинъяслысь паметьсӧ казьтыштісны здук чӧв олӧмӧн.
«Ми олам сьӧкыд кадӧ.
Тані, тылын, ми велӧдчам, уджалам, олам мирнӧя.
Но колӧ пыр кутны тӧд вылын, мый и ӧні, тайӧ здукас, мунӧ тыш, и миян зонъяс дорйӧны миянӧс.
Миян могным – нэм чӧж видзны Геройяс йылысь паметьсӧ, – пасйис Владимир Уйба. 
– Медся коланаыс, миян зонъяс гӧгӧрвоӧны, мый тайӧс колӧ вӧчны.
Колӧ дорйыны канмунымӧс.
А миян могным – вӧчны республиканымӧс ёнӧн.
Но республикалӧн, быд регионлӧн выныс – абу озырлунын.
Выныс – тайӧ ті, тіян рӧдвужныд, матыссаясныд, воинъяс, кодъяс ӧні СВО вылынӧсь.
И миянтӧг найӧ сэні оз вермыны.
Талун ставӧн отсасям миян зонъяслы, и ми вермам!
Но ставыс, мый вӧчсьӧ талун, – тайӧ сы могысь, медым ті, быдмысь войтыр, аддзинныд республикасӧ да канмусӧ ёнӧн да асшӧрӧн.
Талун колӧ ӧтувтчыны да вылысь вермыны».
«Прогулки со знанием» – тайӧ экскурсияяс, кытчӧ пырӧдчӧны водзмӧстчысь школьникъяс да студентъяс, а наставникалӧны налы регионъясса юралысьяс.
Найӧ тӧдмӧдӧны челядьӧс ыджыд каръясӧн да Россияса тӧдчана местаясӧн.
Акцияыс – тайӧ «Знание. Первые» тӧдӧмлун сетан федеральнӧй марафонлӧн юкӧн да сійӧс сиӧма Москваын ВДНХ-ын «Россия» войтыркостса выставка-форум дырйи нуӧдан Регионъяслӧн лунъяслы.
Фотоыс «Комиинформ» юӧртан агентстволӧн, авторыс Владимир Шешкунас
{Kodko @ Коми Республикасянь пансис «Прогулка со Знанием» ставроссияса акция @ выльтор @ https://rkomi.ru/news/3301 @ 2023-11-01 @}
Коми Республикасянь пансис «Прогулка со Знанием» ставроссияса акция
Акция серти Коми Республикаса Юралысь Владимир Уйба аддзысьліс Сыктывкарса лицейясын велӧдчысьяскӧд. Регионса Юралысь висьталіс республикалӧн промышленнӧй позянлунъяс, выль производствояс сӧвмӧдӧм, ыджыд проектъяс збыльмӧдны инвесторъясӧс корӧм да бур удждона выль уджалан местаяс лӧсьӧдӧм йылысь.
Акциясӧ сиӧма Регионъяслӧн лунъяслы. Найӧс нуӧдасны Москваын ВДНХ-ын «Россия» войтыркостса выставка-форум дырйи.
Выставкаыс воссяс вӧльгым тӧлысь 4 лунӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба аддзысьліс Коми Республикаса том самбистъяскӧд @ выльтор @ https://rkomi.ru/news/3303 @ 2023-11-02 @}
Владимир Уйба аддзысьліс Коми Республикаса том самбистъяскӧд
Регионса Юралысь ветліс Единоборствоӧ велӧдан Алексей Холопов нима школаӧ, кытчӧ ветлӧны 3 арӧссянь 67 арӧсӧдз арлыда 630 ныв-зон да верстьӧ йӧз, тшӧтш и дзоньвидзалунын дзескӧдӧм позянлуна йӧз.
«Уна бурсӧ висьталӧны тіян тренеръяс, быдтасъяс да тіян школа йылысь.
Медтӧдчанаыс, мый тані оз сӧмын самбоӧ да единоборствоӧ велӧдны, а отсалӧны пикӧ воӧм йӧзлы.
Тайӧ зэв тӧдчана», – шыӧдчис школаса быдтасъяс дорӧ Владимир Уйба.
2023 вося моз тӧлысь 31 лунӧ Коми Республикаса Юралысь аддзысьліс единоборствоӧ велӧдан школаса тренер да юрнуӧдысь Алексей Холоповкӧд да сылӧн быдтас Даниил Ленкӧд. Сёрнитісны дзоньвидзалунын дзескӧдӧм позянлуна челядьӧс да том йӧзӧс спортивнӧя сӧвмӧдӧм йылысь.
Спортсменъяс корисны Владимир Уйбаӧс тӧдмасьны единоборствоӧ велӧдан школалӧн уджӧн.
Куим во сайын Алексей Холопов восьтіс адаптивнӧй самбоӧ да боксӧ велӧдан юкӧн, кытчӧ ӧні ветлӧ 30 ныв-зон, кодъяс висьӧны ДЦП-ӧн, аутизмӧн, даун синдромӧн да мукӧд висьӧмӧн.
Таысь кындзи, тренер дорӧ ветлӧ уна челядя гӧль семьяясысь 67 кага.
2022 вося лӧддза-номъя тӧлысьӧ Алексей Холопов босьтіс Коми Республикаса Юралыссянь грант сы вылӧ, медым збыльмӧдны дзоньвидзалунын дзескӧдӧм позянлуна да челядьлӧн церебральнӧй паралича челядьлы «Адаптивнӧй физическӧй культура.
Самбо, дзюдо да бокс элементъясӧн ӧтувъя физическӧя дасьтан уджтас» проект.
Водзӧ вылӧ могыс – восьтыны Сыктывкарын Адаптивнӧй единоборствоясӧ велӧдан школа, кытчӧ позяс ветлыны дон босьттӧг, да сетны нӧшта унджык позянлун аслыспӧлӧс челядьлы пырӧдчыны спортӧ да социализируйтчыны.
Владимир Уйбалӧн кывъяс серти, миян республикаын самбо зэв ёна сӧвмӧ.
Коми Республикаса Юралысь отсӧгӧн регионын збыльмӧдӧны «Za самбо» федеральнӧй партийнӧй проект.
Тайӧ спорт сикассӧ регионын паськӧдӧны «Единая Россия» партия да Коми Республикаын самбо серти федерация.
Талун тайӧ спортӧ ёна пырӧдчӧны Воркутаын, Интаын, Печораын, Усинскын, Сосногорскын, Ухтаын, Емваын, Микуньын, Сыктывкарын да Эжва районын.
Да нӧшта и уна нырвизь серти, медшӧръясыс на лыдысь: «Сиктъясӧ самбо», «Адаптивнӧй самбо» да «Школаӧ самбо».
{Kodko @ Владимир Уйба юӧртіс Александра Гуцанлы Коми Республикалӧн тӧв кежлӧ дасьлун йылысь @ выльтор @ https://rkomi.ru/news/3304 @ 2023-11-02 @}
Владимир Уйба юӧртіс Александра Гуцанлы Коми Республикалӧн тӧв кежлӧ дасьлун йылысь
РВФК-ын Россияса Президентӧс полномочнӧй петкӧдлысь Александр Гуцан нуӧдіс Неминучаысь ӧлӧдӧм, найӧс бырӧдӧм да пӧжарысь видзчысьӧм серти комиссиялысь заседание.
Коми Республикаса Юралысь Владимир Уйба пырӧдчис заседаниеӧ видеосвязь пыр.
2023 – 2024 воясся ломтысян кадколастыс заводитчис став Коми Республика пасьта да мунӧ штатнӧй режимын.
Ар-тӧв кежлӧ дасьтысигӧн прӧверитӧма да дасьтӧма коммунальнӧй мога 100 % котельнӧй (357 ед.), вежӧма 115 % шоныд сетан важ везъяс (планӧвӧй петкӧдласысь 33,1 км) да 112 % ва сетан везъяс (планысь 36,28 км).
Коммунальнӧй инфраструктура объектъяс вылын лӧсьӧдӧма уджалӧм вылӧ да резервӧ колана мында ломтас: из шом серти – планысь 141%, чаг, пеллетъяс, брикетъяс серти – планысь 165%, мазут (мусир) серти – планысь 121%.
Йӧзӧс да транспорт лёк суӧмысь видзӧм могысь тӧлын республикаса юяс вомӧн кӧсйӧны восьтыны йи вывті 102 вуджанін, на пиысь – 98 автомашинаяслы да 4 подаяслы.
Сідзжӧ кӧсйӧны лӧсьӧдны 35 тӧвся туй, ӧтувъя кузьтаыс – 1400 км.
Муниципалитетъяс уджалӧны нин сы серти, медым кырымавны пӧдрадчикъяскӧд йи вывті вуджанінъяс вӧчӧм да найӧс видзӧм вылӧ сёрнитчӧмъяссӧ.
Лоасны кӧ ар-тӧлын республикалӧн оланін да коммунальнӧй, биару да энергетика овмӧсъясса объектъяс вылын неминучаяс, найӧс кутасны бырӧдны РСЧС-са 371 формирование, 4543 морт да 2150 единица техника.
Лёк поводдя дырйи кӧ автомашина туйяс вылын артмасны неминучаяс да мытшӧдъяс, йӧзыс вермасны шонтысьны да сёйны-юны 10 пунктын (7 стационарнӧй, 3 мобильнӧй). Пунктъяссӧ восьтӧны сы могысь, медым могмӧдны туй кузя ветлӧм дырйи видзчысянлунсӧ да сетны отсӧг неминучаӧ веськалӧм йӧзлы. 
{Kodko @ Комиын аграрийяс чукӧртісны урожай да вевтыртісны плансӧ уна петкӧдлас серти @ выльтор @ https://rkomi.ru/news/3305 @ 2023-11-02 @}
Комиын аграрийяс чукӧртісны урожай да вевтыртісны плансӧ уна петкӧдлас серти
Та йылысь видео пыр аслас шыӧдчӧмын висьталіс Коми Республикаса Юралысь Владимир Уйба.
Картупельсӧ чукӧртісны 6,8 сюрс тоннаысь унджык – тайӧ планысь 103%. 
Восьса му вылысь град выв пуктассӧ чукӧртісны 1 сюрс тоннаысь унджык, мый колян во дорысь 356 тонна вылӧ унджык.
Бура дасьтісны кӧрым: ытшкисны 40,5 сюрсысь унджык гектар, кӧрымсӧ дасьтісны 27 центнер ӧти юр вылӧ.
Аграрийяс босьтісны ыджыд урожай да заптісны уна кӧрым канмусянь отсӧгӧн. Таво видз-му вӧдитчысьяслы канмусянь сетісны унджык сикас отсӧг. 
{Kodko @ Коми Республикалӧн Веськӧдлан котырса да Сберса экспертъяс дасьтісны вӧзйӧмъяс регионсӧ ИИ-трансформируйтӧм вылӧ @ выльтор @ https://rkomi.ru/news/3306 @ 2023-11-03 @}
Коми Республикалӧн Веськӧдлан котырса да Сберса экспертъяс дасьтісны вӧзйӧмъяс регионсӧ ИИ-трансформируйтӧм вылӧ
Сыктывкарын муніс РВФК-ын регионсӧ ИИ-трансформируйтӧм серти Сберлӧн медводдза дизайн-сессия.
Мероприятиесӧ восьтісны Коми Республикаса Юралысь Владимир Уйба да Сбербанклӧн Рытыв-Войвыв банкӧн веськӧдлысь Виктор Вентимилла Алонсо.
«Ми олам сэтшӧм кадӧ, кор искусственнӧй интеллект сӧвмӧ зэв ӧдйӧ, пырӧ миян олӧмӧ да сыӧн бура вӧдитчӧны быдсикас юкӧнын.
Дерт, сійӧ некор оз вермы тырвыйӧ вежны мортӧс, уджсикасын специалистӧс, шуам, велӧдысьӧс либӧ врачӧс, но вермас бура отсавны – бурмӧдны да ӧддзӧдны уджсӧ, чинтыны юӧр видлалан да помшуӧм примитан кадсӧ.
Искусственнӧй интеллектӧн вӧдитчӧны нин либӧ кутасны нин регыд сыӧн вӧдитчыны йӧзлысь дзоньвидзалун видзан, велӧдан, карса гӧгӧртас сӧвмӧдан юкӧнъясын.
Талунъя сессиялӧн могыс – индыны унджык нырвизь, кӧні искусственнӧй интеллектӧн позяс вӧдитчыны миян регионын, видлавны лоны позяна проектъяссӧ да лӧсьӧдны найӧс збыльмӧдан стратегия», – тӧдчӧдіс Владимир Уйба.
«Миян водзмӧстчӧм серти Россияын уджалӧ регионъяссӧ ИИ-трансформируйтӧм серти уджтас.
Сылӧн могыс – ӧдйӧ пыртны искусственнӧй интеллектлысь технологияяссӧ экономикалӧн быдсикас юкӧнӧ.
Дизайн-сессияяс – тайӧ аслыспӧлӧс юр вем песӧм. Сэтчӧ пырӧдчысьясыс некымын час чӧж дась примеръяс вылын туялӧны искусственнӧй интеллектлысь позянлунъяссӧ да донъялӧны, позьӧ-ӧ наӧн вӧдитчыны налӧн регионын.
Тайӧ практика вылӧ мыджсяна удж, сы отсӧгӧн йӧзыс кутасны овны бурджыка да кокньыдджыка, а регионлӧн лоӧ инновация боксянь сӧвмыны позянлун, – шуис Сбербанклӧн Рытыв-Войвыв банкӧн веськӧдлысь Виктор Вентимилла Алонсо.
Республикалӧн министерствоясӧс петкӧдлысьяс уджалісны проектнӧй командаясын да збыльвывса кейсъяс пыр туялісны искусственнӧй интеллектлӧн технологияясӧн велӧдӧмын, транспортын, стрӧитчӧмын, йӧзлысь дзоньвидзалун видзӧмын, экологияын, видз-му овмӧсын вӧдитчыны позянлунъяссӧ.
Дизайн-сессия бӧрын участвуйтысьяс лӧсьӧдісны Коми Республикаӧс ИИ-трансформируйтӧм вылӧ верктуя проектъяслысь лыддьӧг.
Россия пасьтала вӧліны нин регионъяссӧ ИИ-трансформируйтӧм серти Сберӧн нуӧдӧм уна дизайн-сессия, кытчӧ пырӧдчис сюрсысь унджык канму служащӧй, кодъяс уджалӧны асланыс регионъясын тӧдчана чинъясын.
Налӧн удж бӧрын 650-ысь унджык мӧвп кутасны водзӧ збыльмӧдны.
Сбер лоӧ «Искусственнӧй интеллект» федеральнӧй проектлӧн компетенцияяс серти шӧринӧн да «Искусственнӧй интеллект» вылыс технологияа юкӧн сӧвмӧдӧм йылысь Россия Федерацияса Веськӧдлан котыркӧд артмӧдчӧмсӧ кырымалысьӧн.
Банк зіля пырӧдчӧ 2030 воӧдз ИИ сӧвмӧдан национальнӧй стратегия олӧмӧ пӧртӧмӧ, отсалӧ цифрӧвӧя трансформируйтны странаса регионъяссӧ.
Фотосӧ сетіс Сбербанк ПАК.
{Kodko @ Сыктывкарса Емвальын водзӧ кыпӧдӧны 825 велӧдчысь вылӧ школа @ выльтор @ https://rkomi.ru/news/3307 @ 2023-11-03 @}
Сыктывкарса Емвальын водзӧ кыпӧдӧны 825 велӧдчысь вылӧ школа
Эжва районын велӧдчанінсӧ стрӧитӧны «Велӧдӧм» национальнӧй проект серти. Коми Республикаса Юралысь ачыс видзӧдӧ сійӧс збыльмӧдӧм бӧрся.
Талун, вӧльгым тӧлысь 3 лунӧ, Владимир Уйба видзӧдліс, кыдзи мунӧ сійӧс стрӧитан уджыс.
Кӧрт сора бетон конструкцияяссӧ (колоннаяс, ригельяс, джодж-йирк плитаяс, стен панельяс) медводдза судтаын пуктӧма тырвыйӧ, мӧд судтаын – 95% вылӧ, коймӧд судтаын – 80% вылӧ.
Вӧчӧма канализация – 100%; ичӧт тока везъяс – 99%; ваӧн могмӧдан везъяс – 100%; ливневӧй канализация – 95%; керка подувлысь дренаж – 100%; электричество везъяс – 100%; теплотрасса – 100% вылӧ.
Медводдза да мӧд судтаясын тэчӧма кирпичысь стенъяс, коймӧд судтаын – 75% вылӧ.
Джодж-йирк плитаяс помӧдз пуктӧма куимнан судтаын, актӧвӧй да спорт залъясын – 90% вылӧ.
Ӧні тэчӧны стен панельяс, содъяс вылысь плитаяс, лӧсьӧдӧны монолитнӧй юкӧнъяс, тэчӧны коймӧд судтасӧ кирпичысь, нюжӧдӧны пытшкӧсса инженернӧй системаяс, лӧсьӧдӧны пӧдвалын ва мурталан узел, медводдза да мӧд судтаясын вентиляционнӧй кӧрӧбъяс, пӧдвалын вентиляционнӧй камераяс, пукталӧны ӧшиньяс, нюжӧдӧны напорнӧй канализация.
ГТО нуӧдан куим площадкаысь дасьтӧма кыксӧ, лӧсьӧдӧма медводдза судтаса джоджлысь подув, тротуаръяс, ӧні вӧчӧны вевт, вайӧны ичӧт архитектурнӧй формаяс.
Уджалан график серти, объектсӧ кӧсйисны сдайтны 2023 вося ӧшым тӧлысьӧ.
Но заводыс вежис ЖБК ваян графиксӧ да здание бан вылӧ бӧръя конструкцияясыс воисны сӧмын йирым тӧлысь помын.
Та вӧсна школасӧ сдайтан кадколастыс нюжалас 2024 воӧдз.
{Kodko @ Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание @ выльтор @ https://rkomi.ru/news/3310 @ 2023-11-03 @}
Владимир Уйба нуӧдіс Коми Республикаын терроризмлы паныд удж нуӧдысь комиссиялысь заседание
Заседание дырйи примитісны содтӧд мераяс. Найӧ колӧны сы могысь, медым нуӧдны паныд удж радикальнӧй структураясӧн терроризм да экстремизм идеология паськӧдӧмлы да ӧлӧдан удж сійӧ йӧзыскӧд, кодъяс вермасны веськавны сылӧн тӧдчӧм улӧ.
«Йирым тӧлысь 30 лунӧ Россия Федерацияса Президент Владимир Владимирович Путин нуӧдіс Безопасносьт сӧветӧ, Веськӧдлан котырӧ пырысьяскӧд да силӧвӧй ведомствоясӧн юрнуӧдысьяскӧд сӧвещание.
Тайӧ сӧвещание дырйи сійӧ тшӧктіс став регионса юралысьяслы, инӧд видзан органъясӧн да торъя службаясӧн юрнуӧдысьяслы босьтны тӧд вылӧ сійӧс, мый колӧ ас кадӧ да стӧча нуӧдны удж, медым дорйыны Россияса оланподув тэчассӧ, миян гражданалысь инӧдъяссӧ да вӧлясӧ, войтыркостса да религиякостса сӧгласлунсӧ.
Республикаын уна во чӧж нин ӧтсӧгласӧн олӧны 120-ысь унджык войтыр», - пасйис Коми Республикаса Юралысь Владимир Уйба заседаниесӧ восьтігӧн.
Докладъясӧн сёрнитісны Коми Республикаса национальнӧй политика министрлысь могъяс олӧмӧ пӧртысь Станислав Бушков, Коми Республикаын терроризмлы паныд удж нуӧдысь комиссиялӧн аппаратӧн Веськӧдлысь Александр Бурцев. 
{Kodko @ Владимир Уйба висьталіс «Универвидение» студенческӧй сьыланкывлӧн национальнӧй конкурс йылысь @ выльтор @ https://rkomi.ru/news/3311 @ 2023-11-03 @}
Владимир Уйба висьталіс «Универвидение» студенческӧй сьыланкывлӧн национальнӧй конкурс йылысь.
Шылада-гажӧдчан мероприятиесӧ нуӧдасны Сыктывкарын вӧльгым тӧлысь 5 лунсянь 12 лунӧдз Коми Республикаса Веськӧдлан котыр отсӧгӧн.
Сэтчӧ пырӧдчасны Россияса вузъясысь да ссузъясысь медвына сьылысьяс.
Тайӧ 75 морт, кодъяс локтісны страналӧн 40 регионысь – Карелиясянь Приморскӧй крайӧдз.
Коми Республикаӧс проект вылын петкӧдлас Питирим Сорокин нима СКУ-ысь студент Кирилл Болтунов.
Вермысьлӧн 2024 воын лоӧ позянлун пырӧдчыны «Российская студенческая весна» ставроссияса 32-ӧд фестивальӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Путин чолӧмаліс Коми Республикаса олысьясӧс Войтырлӧн ӧтувтчан лунӧн @ выльтор @ https://rkomi.ru/news/3308 @ 2023-11-04 @}
Владимир Путин чолӧмаліс Коми Республикаса олысьясӧс Войтырлӧн ӧтувтчан лунӧн
Россия Федерацияса Президент ыстіс Коми Республикаса Юралысь Владимир Уйбалы канму гаж кузя чолӧмалан открытка.
«Миян пӧль-пӧчьяс сьӧкыд уджӧн артмӧдісны Россиялысь историясӧ, сылысь вынсӧ, бур нимсӧ да канлунсӧ.
Чужанін сьӧлӧмсянь радейтӧм, сылӧн олӧмын водзмӧстчӧм и талун лоӧны вежавидзӧмӧн олан подулӧн, отсалӧны воӧдчыны Аймулы бур вылӧ пуктӧм могъясӧдз», – пасйӧма Владимир Путинлӧн чолӧмалӧмын.
{Kodko @ Коми Республикаса Юралысь чолӧмалӧ Войтырлӧн ӧтувтчан лунӧн @ выльтор @ https://rkomi.ru/news/3309 @ 2023-11-04 @}
Коми Республикаса Юралысь чолӧмалӧ Войтырлӧн ӧтувтчан лунӧн
«Коми Республикаса пыдди пуктана олысьяс!
Чолӧмала тіянӧс Войтырлӧн ӧтувтчан лунӧн!
Тайӧ гажыс петкӧдлӧ миян Аймулысь ӧтувъялунсӧ да вынсӧ.
1612 воын миян войтыр повтӧг сувтіс паныд польшаса интервентъяслы. Миянлы на моз жӧ колӧ радейтны да пыдди пуктыны Чужан мунымӧс.
Пӧль-пӧчьясным колисны миянлы бур история. Миян странаса уна сикас войтыр пыдди пуктӧны налысь ыджыд вермӧмъяссӧ.
Ми пыр дорйим да кутам дорйыны ассьыным асшӧрлуннымӧс, аслыспӧлӧслуннымӧс, миян традицияяс серти олӧмнымӧс, кутам аскежысь бӧрйыны ӧнія да аскиа лунсӧ.
Коми Республика - Ыджыд Россиялӧн тӧдчана юкӧн.
Миян регионын ӧта-мӧднысӧ гӧгӧрвоӧмӧн да ёртасьӧмӧн олӧ 120-ысь унджык войтыр.
Ми быдӧнӧс пыдди пуктам да вӧчам ставсӧ, медым видзны да сӧвмӧдны войтыръяслысь да конфессияяслысь культурасӧ да традицияяссӧ.
Талун миян странаса олысьяс бара на ӧтувтчисны.
И передӧвӧй вылын, и тылын ми тышкасям Россиялӧн ӧтувъялун да история вӧсна.
Ми бара петкӧдлам став мирыслы, мый ми вынаӧсь да вӧчам ставсӧ, медым вермыны.
Сиа быдӧнлы крепыд дзоньвидзалун, тыр-бур олӧм да Россия Федерациялы да Коми Республикалы бур вылӧ выль вермӧмъяс!»
Коми Республикаса Юралысь Владимир Уйба
{Kodko @ Владимир Уйба «Россия» войтыркостса выставка-форум дырйи восьтіс Коми Республикалысь стенд @ выльтор @ https://rkomi.ru/news/3312 @ 2023-11-04 @}
Владимир Уйба «Россия» войтыркостса выставка-форум дырйи восьтіс Коми Республикалысь стенд.
Талун, Войтырлӧн ӧтувтчан лунӧ, Москваын ВДНХ дырйи воссис страналысь медтӧдчана вермӧмъяссӧ петкӧдлан выставка. Сійӧс котыртісны Россияса Президент Владимир Путинлӧн тшӧктӧм серти.
Выставка вылӧ позьӧ волыны 2024 вося косму тӧлысь 12 лунӧдз.
Сэні петкӧдласны странаса регионъяслысь наукасӧ, промышленносьтсӧ, традицияяссӧ да культурасӧ.
«Тӧдчана, мый выставкасӧ восьтам талун Россияса канму гаж дырйи – Войтырлӧн ӧтувтчан лунӧ.
Выставкалӧн ыджыд экспозиция дырйи нӧшта ӧтчыдысь гӧгӧрвоам, мый ми ставӧн – ыджыд да ён страналӧн ӧтувъя войтыр.
Россияса регионъяслӧн уна пӧлӧс мозаикаын Коми Республика – югыд кодзув, му, коді шензьӧдӧ да кыпӧдӧ ловтӧ.
Вӧрзьӧдлытӧм вӧр-ва, озыр история, промышленносьт, аслыспӧлӧс йӧз – ставсӧ петкӧдлӧма миян экспозицияын!
Дона ёртъяс, видза корам Коми Республикалӧн выставка вылӧ! Видза корам!», – чолӧмаліс церемониявывса гӧсьтъясӧс Коми Республикаса Юралысь.
Коми Республикалӧн стенд шӧрын сувтӧдӧма коми войтырлысь сакральнӧй пу – пожӧм.
Сы гӧгӧр крежъяс, ыджыд ЛЕД-панельяс да тач-панельяс.
ЛЕД-панельяс да ЛЕД-фризъяс вылын петкӧдлӧма регионлысь вӧр-ва мичсӧ арын, тӧлын да тулысын.
Тач-панельяс отсӧгӧн волысьяс вермасны аддзыны уна сикас юкӧнын регионлысь медшӧр вермӧмъяссӧ. Шуам, Арктикаын инфраструктура проектъяс, а сідзжӧ найӧ вермасны видзӧдлыны, кыдзи стрӧитӧны Печора ю вомӧн пос, «Сосногорскса» теплича комплекс да кыдзи сійӧ уджалӧ, кыдзи дзоньталӧны республиканскӧй стадион, кыпӧдӧны йӧзлысь дзоньвидзалун видзана выль объектъяс, кыдзи уджалӧ кофе вӧчысь татчӧс завод, Зеленечса чипан видзан фабрика (Россияса медся войвыв чипан видзан фабрика).
Сідзжӧ стенд вылын эм зона, кытчӧ голографическӧя серпасалӧма йӧраӧс.
Нӧшта ӧти зона сиӧма коми керкалы – тайӧ важ ногӧн кыпӧдӧм ӧнія керка.
Сэні сідзжӧ эмӧсь тач-панельяс да виртуальнӧй реальносьт юкӧнысь роликъяс видзӧдан зона.
Тач-панельяс отсӧгӧн позьӧ участвуйтны Коми Республикаса вӧр-ва озырлунлы да войтырлӧн оласноглы сиӧм ворсӧмъясын да юржугланторъясын.
Нӧшта ӧти виар-зона сиӧма Коми Республикаса вӧр-ва мичлунлы да промышленнӧй объектъяслы.
Тані позьӧ аддзыны Хальмер-Ю да Сӧветскӧй посёлок-призракъяс, Тӧвпозіз гӧра, Тельпосью юлысь ковтыс, Тшугӧр юсянь вывлань из воротаяс, арктикаса вӧр-валысь мичсӧ, Приполярнӧй Урал, Маньпупунёр плато, Парась тыяс да мукӧд аслыспӧлӧс места.
Стенд дырйи уджалӧ ярманга, кӧні эм регионысь вайӧм сёян-юан, а сідзжӧ йӧзкостса мичаторъяс вӧчысьяслӧн вузӧс.
«Россия» выставка-форум воссян лунӧ Владимир Уйба участвуйтіс «Россиялӧн эзысь сикӧтш» дінмукостса историко-культурнӧй туристскӧй проектса регион-участвуйтысьяслӧн квестын, кодъяс лыдӧ пырӧ Коми Республика.
Квест дырйи участвуйтысьяс вермисны тӧдмавны РВФК-са регионъяс йылысь выльторъяс, а став заданиесӧ вӧчӧм бӧрын 11 стенд пиысь кӧть кытысь босьтны паметь вылӧ сувенир.
Выставка воссьӧм бӧрын Коми Республикаса Юралысь Владимир Уйба сетіс «Коми Республикаса нимйӧза серпасалысь» морӧсвывса пас да сы дорӧ эскӧдангижӧд Воркута карын Челядьлы художествоа школаса директорлы, Коми Республикалӧн Каналан Сӧветса депутат Сергей Гагаузовлы, а сідзжӧ Выборг карӧ кык лун кежлӧ ветлӧм вылӧ сертификат 2023 воын СНГ-са Том войтырлӧн Дельфийскӧй ворсӧмъяслӧн зарни призёрлы, Воркута карса енбиа серпасалысь Софья Хапиналы.
1 №-а фотоыс «Комиинформ» ЮА, №№ 2-16 №№ - Коми Республикаса экономика сӧвмӧдан, промышленносьт да транспорт министерстволӧн пресс-службалӧн, 17 № - «БНК» ЮА.
{Kodko @ Владимир Уйба чолӧмаліс олысьясӧс Войтырлӧн ӧтувтчан лунӧн да висьталіс ВДНХ вылын Коми Республикалӧн стенд йылысь @ выльтор @ https://rkomi.ru/news/3313 @ 2023-11-04 @}
Владимир Уйба чолӧмаліс олысьясӧс Войтырлӧн ӧтувтчан лунӧн да висьталіс ВДНХ вылын Коми Республикалӧн стенд йылысь.
Талун, вӧльгым тӧлысь 4 лунӧ, Москваын воссис «Россия» войтыркостса выставка-форум. Сійӧс котыртісны Россияса Президент Владимир Путинлӧн тшӧктӧм серти.
Выставка вылын петкӧдлӧма страналысь медтӧдчана вермӧмъяссӧ, регионъясса войтырлысь традицияяссӧ да культурасӧ.
Выставка вылӧ позьӧ волыны 2024 вося косму тӧлысь 12 лунӧдз.
«Коми Республика Россияса регионъяслӧн уна пӧлӧс мозаикаын – югыд кодзув, му, коді шензьӧдӧ да кыпӧдӧ ловтӧ.
Вӧрзьӧдлытӧм вӧр-ва, озыр история, промышленносьт, аслыспӧлӧс йӧз – ставсӧ петкӧдлӧма миян экспозицияын», – пасйис выставка восьтігӧн Владимир Уйба.
Паськыдджыка выставка йылысь – Коми Республикаса Юралысьлӧн видео пыр талунъя шыӧдчӧмын. 
{Kodko @ Сыктывкарын воссяс Том йӧзлы ӧнія ресурснӧй шӧрин @ выльтор @ https://rkomi.ru/news/3314 @ 2023-11-07 @}
Сыктывкарын воссяс Том йӧзлы ӧнія ресурснӧй шӧрин.
Шӧринлӧн уджалӧм вылӧ жырйыс эм нин. Шӧринын кутасны чукӧртчыны зіль да водзмӧстчысь том йӧз. Сы отсӧгӧн найӧ вермасны аддзыны асьнысӧ, пӧртны олӧмӧ могъяснысӧ, босьтны сӧвмӧм вылӧ отсӧг да ресурсъяс.
Та йылысь видео пыр аслас шыӧдчӧмын юӧртіс Коми Республикаса Юралысь Владимир Уйба.
Сыктывкарын Том йӧзлы ресурснӧй шӧринсӧ лӧсьӧдасны сэтшӧм жӧ ногӧн, кыдзи и странаса мукӧд татшӧм шӧринсӧ. Ӧні Том йӧзлы шӧринъяссӧ восьталӧны став страна пасьтала «Том йӧзлы регион» том йӧз политика быд боксянь сӧвмӧдан уджтас серти «Велӧдӧм» национальнӧй проект отсӧгӧн.
Коми Республика вермис федеральнӧй конкурсын да тайӧ уджтассӧ збыльмӧдӧм вылӧ 2023 воын босьтіс федеральнӧй сьӧмкудйысь 135 миллион шайт.
Джын сьӧмсӧ веськӧдӧма том йӧзлы мероприятиеяс нуӧдӧм вылӧ, мӧд джынсӧ – инфраструктура лӧсьӧдӧм вылӧ.
Субсидия сьӧм вылӧ выльмӧдісны Усинскын том йӧзлы шӧрин, Ухтаын том йӧзлы керкаын водзӧ нуӧдӧны дзоньтасян уджъяс. 
{Kodko @ Коми Республикаӧ локтас Кӧдзыд Пӧльлӧн поезд @ выльтор @ https://rkomi.ru/news/3315 @ 2023-11-08 @}
Коми Республикаӧ локтас Кӧдзыд Пӧльлӧн поезд.
Проектсӧ дасьтісны «Россияса кӧрт туйяс» компания.
Мойдвывса геройяс петасны туйӧ Великӧй Устюгысь да воӧдчасны Ылі Асыввылӧдз да локтасны бӧр. Поездыс кутас ветлӧдлыны 2023 вося вӧльгым тӧлысь 11 лунсянь 2024 вося тӧвшӧр тӧлысь 13 лунӧдз.
Кӧдзыд Пӧльлӧн поездыс сувтлас сёлаын.
Коми Республика регионъяс пиысь медводдза, кытчӧ локтас Кӧдзыд Пӧль аслас котырыскӧд.
Сійӧс виччысьӧны: вӧльгым тӧлысь 14 лунӧ – Воркутаын, вӧльгым тӧлысь 15 лунӧ – Усинскын да Печораын, вӧльгым тӧлысь 16 лунӧ – Сосногорскын да Ухтаын, вӧльгым тӧлысь 17 лунӧ – Микуньын да Сыктывкарын.
Карса вокзалъяс вылын, кытчӧ воас Кӧдзыд Пӧльлӧн поездыс, котыртасны ывла вылын представление, сэтчӧ вермасны волыны ставӧн да видзӧдны сійӧс дон босьттӧг.
Та йылысь видео пыр аслас шыӧдчӧмын висьталіс Коми Республикаса Юралысь Владимир Уйба. 
{Kodko @ Владимир Уйба юӧртіс аварийнӧй оланінысь гражданаӧс мӧдлаӧ овмӧдӧм серти регионса Веськӧдлан котырлӧн удж йылысь @ выльтор @ https://rkomi.ru/news/3316 @ 2023-11-09 @}
Владимир Уйба юӧртіс аварийнӧй оланінысь гражданаӧс мӧдлаӧ овмӧдӧм серти регионса. Веськӧдлан котырлӧн удж йылысь
Коми Республикаын збыльмӧдӧны «2019-2025 воясын аварийнӧй оланінысь гражданаӧс мӧдлаӧ овмӧдӧм» адреснӧй уджтас.
Уджтас улӧ веськалӧны граждана, кодъяслысь оланінсӧ шуӧма аварийнӧйӧн 2017 вося тӧвшӧр тӧлысь 1 лунӧдз.
Уджтасӧ пырӧдчӧ 15 муниципалитет, на пиысь 7-ыс индӧм могъяссӧ пӧртісны нин олӧмӧ.
2019 восянь 2023 вося йирым тӧлысь помӧдз мӧдлаӧ овмӧдӧма 4 283 мортӧс.
Тайӧ уджтассӧ збыльмӧдӧм бӧрын регионса Веськӧдлан котыр босьтчас овмӧдны мӧдлаӧ 2017 вося тӧвшӧр тӧлысь 1 лунсянь 2022 вося тӧвшӧр тӧлысь 1 лунӧдз аварийнӧйӧн шуӧм уна патераа керкаясысь гражданаӧс.
Аварийнӧй оланінысь гражданаӧс мӧдлаӧ овмӧдан уджсӧ ӧдйӧджык нуӧдӧм могысь Коми Республикаса Юралысь Владимира Уйбалӧн тшӧктӧм серти 2023 воын республикаса Веськӧдлан котырлӧн резервнӧй фондысь вичмӧдӧма 374 миллион 207 сюрс шайт.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаса Юралысь чолӧмалӧ Россия Федерацияса пытшкӧс делӧяс органъясын уджалысьяслы сиӧм лунӧн @ выльтор @ https://rkomi.ru/news/3317 @ 2023-11-10 @}
Коми Республикаса Юралысь чолӧмалӧ Россия Федерацияса пытшкӧс делӧяс органъясын уджалысьяслы сиӧм лунӧн.
«Пытшкӧс делӧяс органъясын пыдди пуктана уджалысьяс!
Дона ветеранъяс!
Чолӧмала тіянӧс уджсикас гажӧн!
Талун ми нимӧдам найӧс, кодъяс бӧрйисны сьӧкыд да кывкутана туй – служитны пытшкӧс делӧяс органъясын, найӧс, кодъяс видзӧны миян кар-сиктъясын олысьяслысь чӧв-лӧнь олӧмсӧ, кодъяс быд лун асьныссӧ жалиттӧг вермасьӧны мыж вӧчӧмкӧд.
Тіян сьӧкыд уджын колӧны тӧдӧмлунъяс, дисциплина, повтӧмлун да вын жалиттӧмлун.
Быд лун тіян водзын сувтӧны сьӧкыд могъяс, кутшӧмъясӧс ті бура пӧртанныд олӧмӧ.
Аттьӧ тіянлы сыысь, мый сьӧлӧмсянь збыльмӧданныд служебнӧй могныдтӧ да отсаланныд налы, кодъяслы сійӧ колӧ.
Аттьӧала пытшкӧс делӧяс органъясса ветеранъясӧс, кодъяс видзӧны службаса традицияяссӧ.
Торйӧн аттьӧала найӧс, кодъяс Россиялы сьӧкыд кадӧ мунісны торъя военнӧй операция нуӧданінӧ дорйыны неофашизмысь Аймунымӧс.
Пыдди пуктам налысь бур нимсӧ!
Сьӧлӧмсянь сиа службаын вермӧмъяс, неминучаястӧм удж, крепыд дзоньвидзалун.
Шуд да тыр-бур олӧм семьяясныдлы!»
Коми Республикаса Юралысь Владимир Уйба
{Kodko @ Владимир Уйба сетіс торъя военнӧй операция вылысь воӧм военнослужащӧйяслы «Повтӧмлунысь» медальяс @ выльтор @ https://rkomi.ru/news/3318 @ 2023-11-10 @} 
Владимир Уйба сетіс торъя военнӧй операция вылысь воӧм военнослужащӧйяслы «Повтӧмлунысь» медальяс.
Кыпыд церемонияыс вӧлі вӧльгым тӧлысь 9 лунӧ.
Коми Республикаса Юралысь аттьӧаліс землякъясӧс Чужан му да Россия Федерациялысь канму интересъяс дорйӧм серти боевӧй могъяс збыльмӧдігӧн петкӧдлӧм повтӧмлунысь да смеллунысь.
«Ті – збыльысь патриотъяс, повтӧм воинъяс, тіянлы колӧ сетны медыджыд канму наградаяс, – шыӧдчис СВО-ын участвуйтысьяс дорӧ Владимир Уйба. 
– Торъя военнӧй операция, кутшӧмӧс нуӧдӧ талун Россия, сетас позянлун дорйыны странанымлысь асшӧрлунсӧ, дорйыны да мездыны мирсӧ неонацистъясысь.
Рытыввыв канмуяс кӧсйӧны, медым став мирыс оліс налӧн тшӧктӧм серти. Ми некор ог сетчӧй налы, ог сетӧй бырӧдны миянлысь вежавидзӧмӧн олан подувсӧ.
Миян салдатъяс талун, кыдзи и пӧльясным да прапӧльясным Айму вӧсна Ыджыд тыш дырйи, тышкасьӧны повтӧг.
Зэв жаль, мый боевӧй могъяс олӧмӧ пӧртігӧн ми воштам ассьыным вокъяснымӧс, тышкасянінысь оз ставныс локны гортаныс».
Церемонияын участвуйтысьяс казьтылісны Чужан му вӧсна усьӧм воинъясӧс здук чӧв олӧмӧн.
«Миян дона воинъяс!
Тіян сьӧкыд боевӧй туй, Ті пуктінныд ыджыд пай миян ӧтувъя Вермӧмӧ.
Аттьӧ тіянлы повтӧмлунысь, миянлысь ыджыд чужанін Россияӧс да ичӧт чужанін Коми Республикаӧс радейтӧмысь.
Аттьӧ семьяясныдлы тіянӧ да миян Вермӧмӧ эскӧмысь.
Тіян да зонъяс отсӧгӧн, кодъяс ӧні передӧвӧй вылынӧсь, миян Айму кутас сӧвмыны асшӧра.
А мирсӧ вылысь мездам нацистъясысь.
Миян Ыджыд Россия вермас!» – шуис Коми Республикаса Юралысь Владимир Уйба.
Россияса Президент Владимир Путин 2023 вося рака тӧлысьӧ урчитіс «Повтӧмлунысь» медаль.
Фотоыс «Комиинформ» ЮА, авторыс Владимир Шешкунас.
*** 
Россия Федерацияса Президентлӧн Индӧдӧн Чужан му да Россия Федерациялысь канму интересъяс дорйигӧн боевӧй да мукӧд мог збыльмӧдігӧн петкӧдлӧм повтӧмлунысь да смеллунысь «Повтӧмлунысь» 2 степеня медаль сетӧма:
Игорь Николаевич Бубновлы – запасса старшӧй лейтенантлы.
Олӧ Сыктывкарын.
СВО вылын служитіс ротаса командирӧн.
Аркадий Леонидович Лыткинлы – запасын медводдза статьяса старшина.
Олӧ Сыктывкарын.
Служитіс снайперӧн.
Андрей Геннадьевич Горкуновлы – запасса сержантлы.
Чужис Уфа карын, олӧ Сыктывкарын.
Служитіс старшӧй стрелок чинын.
Мирдамет Гамза оглы Мамедовлы – запасса сержантлы.
Чужис Айзербайджан Республикаын, олӧ Сыктывкарын.
Служитіс гранатомётчиклы отсасьысьлӧн стрелок чинын.
Андрей Николаевич Поповлы – запасса сержантлы.
Чужис Луздор районса Верхолузье сиктын, олӧ Абъячой сиктын.
Служитіс пулемётчикӧн.
Айрат Фергатович Исхаковлы – запасса радӧвӧйлы.
Чужис Кӧрткерӧс районса Каляты посёлокын, олӧ Сыктывкарын.
Служитіс миномётнӧй батареялӧн связь отделениеын водитель-гранатомётчикӧн.
Александр Александрович Матвеевлы – запасса радӧвӧйлы.
Олӧ Койгорт районса Грива сиктын.
Служитіс гранатомётчиклы отсасьысьӧн.
Григорий Васильевич Мениковлы – запасса радӧвӧйлы.
Олӧ Кӧрткерӧс районса Шойнаты сиктын.
Служитіс старшӧй стрелокӧн.
Алексей Иванович Мишаринлы – запасса радӧвӧйлы.
Чужис Кулӧмдін сиктын, олӧ Сыктывкарын.
Служитіс миномётнӧй батареялӧн связь отделениеын старшӧй радиотелеграфист чинын.
Эдуард Геннадьевич Бендерлы – запасса сержантлы.
Чужис Архангельск обласьтын, олӧ Сыктывдін районса Выльгорт сиктын.
СВО вылын служитіс отделениеса командир чинын.
Луганскӧй Народнӧй Республикаса Юралысьлӧн Индӧдӧн «Службаӧн да повтӧмлунӧн» 2 степеня орден сетӧма запасса радӧвӧй Григорий Васильевич Мениковлы. 
{Kodko @ Владимир Уйба примитіс йӧзӧс ас сёрниӧн @ выльтор @ https://rkomi.ru/news/3319 @ 2023-11-10 @}
Владимир Уйба примитіс йӧзӧс ас сёрниӧн.
Регионса олысьяс шыӧдчисны Коми Республикаса Юралысь дорӧ олан условиеяс бурмӧдан, социальнӧй мынтӧмъяс сетан да мукӧд юалӧм серти.
Торъя военнӧй операцияын участвуйтысьлӧн мамыс аттьӧаліс Владимир Уйбаӧс документъяс выльысь вӧчӧмын отсӧгысь.
Натӧг военнослужащӧй эз вермы босьтны инӧд серти сылы воысь мынтӧмъяссӧ.
Ӧні, кор документъясыс ки вылын, СВО-ын участвуйтысь матысса кадӧ босьтас став сьӧмсӧ.
Уна челядя бать, коді быдтӧ-велӧдӧ вит челядьӧс, шыӧдчис оланін вылӧ субсидия сетӧм серти юалӧмӧн.
Коми Республикаса Юралысь босьтіс юалӧмсӧ контроль улӧ, субсидиясӧ мынтасны 2024 воӧ.
СВО-ын участвуйтысь, кодӧс кымынкӧ во сайын ылӧдліс «сьӧд риэлтор» да сійӧ колис патератӧг, шыӧдчис оланін боксянь отсӧгла.
Урасьӧм тӧлысьӧ сылы сетасны карса маневреннӧй фондысь оланін.
Таысь кындзи, Владимир Уйбалӧн тшӧктӧм серти, следственнӧй органъясӧ ыстасны мошенничествокӧд йитчӧм делӧ серти туялӧмъяс выльысь панӧм йылысь запросъяс.
Сідзжӧ СВО-ын участвуйтысьлы отсаласны пырны удж вылӧ.
Сыктывкарын олысь ань шыӧдчис корӧмӧн, медым уна патераа керкаӧ, кӧні сійӧ олӧ, лӧсьӧдісны вентиляция.
Аньлӧн кывъяс серти, вентиляциятӧгыс патераясас сьӧкыд лолавнысӧ.
Неважӧн капитальнӧя дзоньталігӧн тайӧ мытшӧдсӧ разьны эз артмы, сы вӧсна мый керка стрӧитан проектыс эз сюр.
Коми Республикаса Юралысь пасйис, мый тайӧ юалӧм вылас кутасны уджавны.
Профильнӧй ведомствояслы тшӧктӧма сетны лӧсялана вӧзйӧмъяс.
Йӧзӧс ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясӧн юрнуӧдысьяслы сетӧма тшӧктӧмъяс да вӧзйӧмъяс юалӧмъяссӧ решитӧм могысь. 
{Kodko @ Владимир Уйба сетіс Изьва да Чилимдін районъяслы выль автобусъяс @ выльтор @ https://rkomi.ru/news/3320 @ 2023-11-13 @}
Владимир Уйба сетіс Изьва да Чилимдін районъяслы выль автобусъяс.
Техникасӧ ньӧбисны Федеральнӧй казначействоӧн сетӧм сьӧмкуд кредитъяслӧн сьӧм вылӧ.
Россияса Транспорт министерствокӧд да Стрӧитчан министерствокӧд куимладорса артмӧдчӧм серти Коми Республикалы вичмӧдӧма 38 автобус ньӧбӧм вылӧ 300 миллион шайт.
На пиысь куимсӧ вайӧма нин регионӧ.
Коми Республика РВФК-лӧн субъектъяс пиысь медводдзаӧн босьтіс выль пассажирскӧй транспорт, кутшӧмӧс ньӧбисны тайӧ сьӧм вылӧ.
«Миян республика ыджыд, та вӧсна пассажиръясӧс новлӧдлан уджыс зэв колана.
Автобуснӧй паркыс киссьӧ.
Та вӧсна ми сьӧрсьӧн-бӧрсьӧн выльмӧдалам автобусъяссӧ.
2020 воын ми шуим медколанаӧн ньӧбны школьнӧй автобусъяс, ӧд челядьлӧн безопасносьтыс медводдза места вылын, и ми збыльмӧдім сійӧс – талун став школьнӧй автобусыс лӧсялӧ лэдзан во серти россияса нормативлы да автобусъяс дорӧ безопасносьт серти корӧмъяслы.
Сэсся ми пыртім пассажирскӧй автопарк выльмӧдан уджтасӧ миянлысь муниципалитетъяс.
Ми зілям ёнджыка вӧдитчыны позянлунъясӧн да инструментъясӧн, кутшӧмъясӧс вӧзйӧ Россияса Веськӧдлан котыр.
Сы лыдын арктикаса регионъяслы «Ӧтувъя субсидия», торъя казначейскӧй кредитъяс.
Та вӧсна шоперъяслы – бур туй, видзны автобусъяс», - пасйис Коми Республикаса Юралысь Владимир Уйба да сетіс муниципалитетӧн юрнуӧдысьяслы автобусъясысь ключьяс.
2 ПАЗ автобус ньӧбисны Изьва районса олысьясӧс новлӧдлӧм могысь.
Автобусъясыс кутасны ветлӧдлыны кык муниципальнӧй маршрут кузя: 513 (Изьва – Щельяюр) да 116 (Изьва – Заречье).
Маршрутъясыс мунӧны муйӧж туйяс кузя, та вӧсна буретш бӧрйисны ПАЗ маркаа автобусъяс.
Сэні 30 да 24 пукалан места, кутасны ветлӧдлыны дизель вылын.
«Аттьӧ Коми Республикаса Юралысьлы да Коми Республикаса Веськӧдлан котырлы.
Ӧтувъя удж отсӧгӧн ми огӧ нин ӧти во могмӧдӧй миянлысь муниципалитетнымӧс выль транспорт техникаӧн.
Колян во тайӧ вӧлі коммунальнӧй техника, таво – медводдза кык автобуссӧ босьтім нин, нӧшта виччысям кыкӧс», - аттьӧаліс Изьва районӧн юрнуӧдысь Игорь Норкин.
1 ГАЗ автобус ньӧбисны Чилимдін районса олысьясӧс новлӧдлӧм могысь.
Автобусыс кутас ветлӧдлыны татшӧм муниципальнӧй маршрутъяс кузя: 508 (Чилимдін – Окунев Нос), 503 (Чилимдін – Йӧрмидз), 502 (Чилимдін – Новый Бор).
Сэні 13 пукалан места, кутас ветлӧдлыны бензин вылын.
Маршрутъяссӧ дасьтӧма сӧмын тӧвся кадколаст кежлӧ, кор восьсаӧсь тӧвся автомашина туйыс да йи вуджанінъясыс.
«Аттьӧ миян районлы отсалӧмысь.
Колян во ми босьтім вит «пазик», талун босьтім выль машина.
Пассажирскӧй автопарксӧ вежим пӧшти дзоньнас.
Колян во босьтім коммунальнӧй техника.
Та вӧсна республикаса Веськӧдлан котырсянь отсӧгыс тыдалӧ.
Нӧшта ӧтчыдысь аттьӧ», - шуис Чилимдін районӧн юрнуӧдысь Николай Канев.
Муниципалитетъяслӧн выль автобусъяс ньӧбӧм вылӧ асланыс сьӧмыс абу, та вӧсна Коми Республикаса Веськӧдлан котырсянь отсӧгыс зэв колана.
Сідзжӧ торъя казначейскӧй кредитъяслӧн сьӧм вылӧ пассажирскӧй транспортсӧ ньӧбасны Сыктывкарлы, Ухталы, Усинсклы, Мылдін районлы да Печоралы.
Проектсӧ збыльмӧдӧ Коми Республикаса экономика сӧвмӧдан да промышленносьт министерство. 
{Kodko @ Владимир Уйба сетіс Изьва да Чилимдін районъяслы выль автобусъяс @ выльтор @ https://rkomi.ru/news/3320 @ 2023-11-13 @}
Владимир Уйба сетіс Изьва да Чилимдін районъяслы выль автобусъяс.
Техникасӧ ньӧбисны Федеральнӧй казначействоӧн сетӧм сьӧмкуд кредитъяслӧн сьӧм вылӧ.
Россияса Транспорт министерствокӧд да Стрӧитчан министерствокӧд куимладорса артмӧдчӧм серти Коми Республикалы вичмӧдӧма 38 автобус ньӧбӧм вылӧ 300 миллион шайт.
На пиысь куимсӧ вайӧма нин регионӧ.
Коми Республика РВФК-лӧн субъектъяс пиысь медводдзаӧн босьтіс выль пассажирскӧй транспорт, кутшӧмӧс ньӧбисны тайӧ сьӧм вылӧ.
«Миян республика ыджыд, та вӧсна пассажиръясӧс новлӧдлан уджыс зэв колана.
Автобуснӧй паркыс киссьӧ.
Та вӧсна ми сьӧрсьӧн-бӧрсьӧн выльмӧдалам автобусъяссӧ.
2020 воын ми шуим медколанаӧн ньӧбны школьнӧй автобусъяс, ӧд челядьлӧн безопасносьтыс медводдза места вылын, и ми збыльмӧдім сійӧс – талун став школьнӧй автобусыс лӧсялӧ лэдзан во серти россияса нормативлы да автобусъяс дорӧ безопасносьт серти корӧмъяслы.
Сэсся ми пыртім пассажирскӧй автопарк выльмӧдан уджтасӧ миянлысь муниципалитетъяс.
Ми зілям ёнджыка вӧдитчыны позянлунъясӧн да инструментъясӧн, кутшӧмъясӧс вӧзйӧ Россияса Веськӧдлан котыр.
Сы лыдын арктикаса регионъяслы «Ӧтувъя субсидия», торъя казначейскӧй кредитъяс.
Та вӧсна шоперъяслы – бур туй, видзны автобусъяс», - пасйис Коми Республикаса Юралысь Владимир Уйба да сетіс муниципалитетӧн юрнуӧдысьяслы автобусъясысь ключьяс.
2 ПАЗ автобус ньӧбисны Изьва районса олысьясӧс новлӧдлӧм могысь.
Автобусъясыс кутасны ветлӧдлыны кык муниципальнӧй маршрут кузя: 513 (Изьва – Щельяюр) да 116 (Изьва – Заречье).
Маршрутъясыс мунӧны муйӧж туйяс кузя, та вӧсна буретш бӧрйисны ПАЗ маркаа автобусъяс.
Сэні 30 да 24 пукалан места, кутасны ветлӧдлыны дизель вылын.
«Аттьӧ Коми Республикаса Юралысьлы да Коми Республикаса Веськӧдлан котырлы.
Ӧтувъя удж отсӧгӧн ми огӧ нин ӧти во могмӧдӧй миянлысь муниципалитетнымӧс выль транспорт техникаӧн.
Колян во тайӧ вӧлі коммунальнӧй техника, таво – медводдза кык автобуссӧ босьтім нин, нӧшта виччысям кыкӧс», - аттьӧаліс Изьва районӧн юрнуӧдысь Игорь Норкин.
1 ГАЗ автобус ньӧбисны Чилимдін районса олысьясӧс новлӧдлӧм могысь.
Автобусыс кутас ветлӧдлыны татшӧм муниципальнӧй маршрутъяс кузя: 508 (Чилимдін – Окунев Нос), 503 (Чилимдін – Йӧрмидз), 502 (Чилимдін – Новый Бор).
Сэні 13 пукалан места, кутас ветлӧдлыны бензин вылын.
Маршрутъяссӧ дасьтӧма сӧмын тӧвся кадколаст кежлӧ, кор восьсаӧсь тӧвся автомашина туйыс да йи вуджанінъясыс.
«Аттьӧ миян районлы отсалӧмысь.
Колян во ми босьтім вит «пазик», талун босьтім выль машина.
Пассажирскӧй автопарксӧ вежим пӧшти дзоньнас.
Колян во босьтім коммунальнӧй техника.
Та вӧсна республикаса Веськӧдлан котырсянь отсӧгыс тыдалӧ.
Нӧшта ӧтчыдысь аттьӧ», - шуис Чилимдін районӧн юрнуӧдысь Николай Канев.
Муниципалитетъяслӧн выль автобусъяс ньӧбӧм вылӧ асланыс сьӧмыс абу, та вӧсна Коми Республикаса Веськӧдлан котырсянь отсӧгыс зэв колана.
Сідзжӧ торъя казначейскӧй кредитъяслӧн сьӧм вылӧ пассажирскӧй транспортсӧ ньӧбасны Сыктывкарлы, Ухталы, Усинсклы, Мылдін районлы да Печоралы.
Проектсӧ збыльмӧдӧ Коми Республикаса экономика сӧвмӧдан да промышленносьт министерство.
{Kodko @ Владимир Уйба висьталіс Изьва да Чилимдін районъяслы выль автобусъяс сетӧм йылысь @ выльтор @ https://rkomi.ru/news/3321 @ 2023-11-13 @}
Владимир Уйба висьталіс Изьва да Чилимдін районъяслы выль автобусъяс сетӧм йылысь.
Коми Республикаӧ воис пассажирскӧй автотранспортлӧн медводдза партия, мый ньӧбис муниципалитетъяслы регионса Веськӧдлан котыр торъя казначейскӧй кредитъяс тшӧт весьтӧ.
2 ПАЗ автобус ньӧбисны Изьва районлы, найӧ кутасны ветлӧдлыны кык муниципальнӧй маршрут кузя: «Изьва – Щельяюр» да «Изьва – Заречье».
1 ГАЗ автобус ньӧбисны Чилимдін районлы, сійӧ кутас ветлӧдлыны татшӧм муниципальнӧй маршрутъяс кузя: «Чилимдін – Окунев Нос», «Чилимдін – Йӧрмидз», «Чилимдін – Новый Бор».
Ставнас ньӧбасны 38 автобус, тайӧ могъяс вылӧ вичмӧдӧма 300 миллион шайт.
Торъя казначейскӧй кредитъяс – тайӧ сьӧмкуд кредитъяслӧн выль сикас, кутшӧмӧс пыртӧма Россияса Президент Владимир Владимирович Путинлӧн тшӧктӧм серти россияса регионъяслы содтӧд сьӧма отсӧг сетӧм могысь.
Найӧс сетӧны колана инфраструктура проектъяс збыльмӧдӧм вылӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба юӧртіс сиктъясын йӧзлысь дзоньвидзалун видзан юкӧн сӧвмӧдӧм йылысь @ выльтор @ https://rkomi.ru/news/3322 @ 2023-11-14 @}
Владимир Уйба юӧртіс сиктъясын йӧзлысь дзоньвидзалун видзан юкӧн сӧвмӧдӧм йылысь.
Национальнӧй проектъяс отсӧгӧн, кутшӧмъясӧс збыльмӧдӧны странаса Президент Владимир Путинлӧн тшӧктӧм серти, Коми Республикаын воссьӧны йӧзлысь дзоньвидзалун видзан выль объектъяс, больничаясӧ да поликлиникаясӧ ньӧбӧны ӧнія кадлы лӧсялысь оборудование, выльмӧдӧны медицина учреждениеяслысь автомашинаяс.
Торйӧн ёна уджалӧны сы вылын, медым бур медицина отсӧгсӧ вермисны кокньыда босьтны сикт-грездъясын олысьяс.
2024-2025 воясын тайӧ мероприятиеяссӧ кутасны збыльмӧдны Коми Республикаса выль, торъя канму уджтас серти - «Сиктса мутасъяс быд боксянь сӧвмӧдӧм».
Сідз, кык воӧн йӧзлысь дзоньвидзалун видзан сиктса учреждениеяслы кӧсйӧны ньӧбны 4 сюрсысь унджык единица выль медоборудование, 22 единица автотранспорт, кыпӧдны 13 выль модульнӧй ФАП, капитальнӧя дзоньтавны Вуктылса шӧр районнӧй больнича бердын поликлиника, стрӧитны поликлиникаяс да бурдӧдчан корпусъяс Печораын, Сыктыв, Изьва да Кулӧмдін районъясын.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба: «Коми Республика ӧтувтас Россияын олысь енбиа том йӧзӧс да восьтас страналы яръюгыд талантъяс» @ выльтор @ https://rkomi.ru/news/3323 @ 2023-11-15 @}
Владимир Уйба: «Коми Республика ӧтувтас Россияын олысь енбиа том йӧзӧс да восьтас страналы яръюгыд талантъяс».
Та йылысь Коми Республикаса Юралысь пасйис ТАСС-лӧн пресс-конференция дырйи. Сійӧс вӧлі сиӧма Том войтырлӧн мӧд восьса Арктикаса Дельфийскӧй ворсӧмъяслы.
Пресс-конференцияын участвуйтісны Войтыркостса Дельфийскӧй комитетлӧн директор, ЮНЕСКО удж серти РФ-са комиссияӧ пырысь Владимир Понявин, Россияса МИД-ын торъя тшӧктӧмъяс серти посол, Арктика сӧветын Россия Федерациясянь медыджыд чина морт Николай Корчунов да «Фотография» номинацияын жюриӧ пырысь, Дельфийскӧй ворсӧмъясса лауреат, Коми Республикаса нимйӧза серпасасьысь Сергей Гагаузов.
2023 воын Арктикаса ворсӧмъясыс лоисны восьсаӧн. Тайӧ сетӧ позянлун пырӧдчыны сэтчӧ оз сӧмын Арктика зонаса регионъяслы, но и мукӧд мутасӧс петкӧдлысьяслы.
Творчествоын вермасьӧмъяссӧ нуӧдасны Сыктывкарын 2023 вося вӧльгым тӧлысь 20-24 лунъясӧ.
«Тайӧ аслыспӧлӧс лоӧмтор.
Войтыркостса Дельфийскӧй комитет бара сетіс миянлы позянлун нуӧдны татшӧм ыджыд да тӧдчана мероприятиесӧ.
Миянлы зэв нимкодь.
Ми мӧдысь нин ӧтувтам дельфиецъясӧс асланым му вылын.
Ми петкӧдлам, мый кужам босьтны ас вылӧ пуктӧм могъяссӧ да ӧтсӧгласӧн збыльмӧдам найӧс.
Ворсӧмъясыс лоисны нӧшта ӧти позянлунӧн тӧдмасьны миян регионкӧд да миян позянлунъясӧн, кутшӧмъяс воссьӧны тані зіль, творческӧй том йӧзлы.
Коми Республика пуктӧ ассьыс пайсӧ проектӧ – ӧтувтӧ Россияын олысь енбиа том йӧзӧс да восьтӧ страналы яръюгыд талантъяс», - пасйис Владимир Уйба.
Коми Республикаса Юралысьлӧн кывъяс серти, миян регион дась пыр лоны Том войтырлӧн Арктикаса Дельфийскӧй ворсӧмъяс нуӧданінӧн.
Ӧд республикалӧн эм нин бур опыт, кыдзи нуӧдны ыджыд творческӧй вермасьӧмъяссӧ. Тайӧ, сы лыдын, «Универвидение» национальнӧй шылада проект, коді 12-ысь нин муніс Сыктывкарын.
Сідзжӧ Владимир Уйба пасйис, мый таво Коми Республикасянь 220 участвуйтысь пӧвстысь унджыкыс – сиктса ныв-зон.
Ылі районъясын олысь том йӧзлы тайӧ войтыркостса ордйысьӧмъясын участвуйтӧмын аслыспӧлӧс опыт.
«Медводз, Дельфийскӧй ворсӧмъяс – тайӧ вермасьӧм.
Ми пуктім мог – кыпӧдны ворсӧмъясын участвуйтысьяслысь уджсикасын кужанлунъяссӧ.
Тайӧ миян артмис.
Коми Республикаӧ локтасны национальнӧй Дельфийскӧй ворсӧмъясын вермысьяс, медся буръясыс.
Арктикаса регионлы тайӧ зэв ыджыд мероприятие, мый овлӧ зэв шоча.
Ӧтувтӧма Коми Республикалысь став котыртан позянлунсӧ.
Коми Республикалӧн пример вылын ми петкӧдлам, мый регионӧн юрнуӧдысьяс тӧждысьӧны, медводз, асланыс да став Россияса енбиа йӧз вӧсна.
Ыджыд аттьӧ, Владимир Викторович, мый ті босьтчинныд нуӧдны дельфийскӧй ворсӧмъяссӧ кык во дорвыв», - шыӧдчис регионса Юралысь дорӧ Владимир Понявин.
Кыдзи пасйис Войтыркостса Дельфийскӧй комитетлӧн директор, искусство юкӧнын вермасьӧмъяссӧ медводдзаысь нуӧдісны 1999 воын.
Дельфийскӧй ворсӧмъяс котыртан планӧ унатор босьтӧма Олимпиада ворсӧмъясысь.
2000 восянь найӧ босьтісны войтыркостса формат, а 2002 воын ӧтувтісны СНГ странаяссӧ.
2014 воын Дельфийскӧй ворсӧмъяс петісны европаса тшупӧд вылӧ.
Тӧдчана, мый Том войтырлӧн мӧд восьса Арктикаса Дельфийскӧй ворсӧмъясыс мунӧны Арктика сӧветын Россия Федерациялӧн веськӧдлігӧн.
Участвуйтысьяс пӧвстын лоӧ юкӧма 28 комплект медаль.
Тайӧ 10 номинацияын зарни, эзысь да ыргӧн медальяс – фортепианосянь да скрипкасянь фотографияӧдз да кулинарияӧдз.
Командаяс локтасны Россия Федерацияса 30 гӧгӧр субъектысь да мукӧд странаысь.
Ставнас виччысьӧны 600 гӧгӧр участвуйтысьӧс, арлыдыс – 10-сянь 25-ӧдз.
«Сійӧ, мый Дельфийскӧй ворсӧмъяссӧ нуӧдӧны Арктикаын, петкӧдлӧ арктикаса регионлысь гуманитарнӧй гӧгӧртассӧ, кӧні видзӧны национальнӧй традицияяссӧ да войтырлысь аслыспӧлӧслунъяссӧ.
Тайӧ тӧдчана площадкаяс пиысь ӧти, коді отсалӧ аддзыны енбиа том йӧзӧс.
Проектыс отсалӧ творческӧй том йӧзлы аддзыны ассьыныс туйныссӧ искусствоын да наукаын, кывзыны пыдди пуктана экспертъяслысь донъялӧмсӧ да сӧвмӧдны творческӧй позянлунъясныссӧ.
Россияса Войвыв пыр торъяліс сыӧн, мый сэні олӧ уна творческӧй йӧз, кодъяс пуктӧны россияса да войтыркостса искусство, культура да наука сӧвмӧдӧмӧ тӧдчана пай.
Сыктывкар кутшӧмкӧ кад кежлӧ лоӧ Арктикаса шылада юркарӧн», - пасйис Николай Корчунов.
«Жюрилӧн уджыс зэв сьӧкыд, ӧд мероприятиеын участвуйтӧны енбиа войтыр, - тӧдчӧдіс Сергей Гагаузов, – Жюриын кутасны уджавны искусствоведениеса докторъяс, профессоръяс, академикъяс – культура да художество ӧткотыръясӧс медбур петкӧдлысьяс.
Колӧ, медым участвуйтысьяс пыдди пуктісны жюрилысь видзӧдласъяссӧ.
abu
Дельфийскӧй ворсӧмъяс нуӧдан вояс чӧжӧн чукӧртӧма ыджыд уджалан опыт, кӧні медшӧрыс – тайӧ участвуйтысьяслӧн тыр-бура петкӧдчӧм.
Ворсӧмъяслӧн тшупӧдыс зэв ыджыд.
Пырджык, Ворсӧмъясын вермысьяс ӧшӧдӧны ассьыныс медальясныссӧ медся тӧдчана местаӧ».
Сергей Гагаузов ачыс пырӧдчывліс Ставмирса медводдза Дельфийскӧй ворсӧмъясӧ.
Тайӧ вӧлі 2000 воын, сэки сійӧ босьтіс эзысь медаль.
Тайӧ лунъясӧ, 23 во кольӧм бӧрын, сылы сетісны Коми Республикаса нимйӧза серпасасьысь почёт ним да сійӧ пырис Том войтырлӧн мӧд восьса Арктикаса Дельфийскӧй ворсӧмъяслӧн жюриӧ.
Сергей Гагаузовлӧн кывъяс серти, эм уна пример, кор Ворсӧмъясса призёръяс водзӧ вылӧ вӧчӧны бур карьера культураын, искусствоын да весиг веськӧдлан чинъясын.
{Kodko @ Владимир Уйба висьталіс кокни промышленносьт юкӧнын уджалысь Коми Республикаса асшӧр уджалысьяслы отсӧг сетӧм йылысь @ выльтор @ https://rkomi.ru/news/3324 @ 2023-11-15 @}
Владимир Уйба висьталіс кокни промышленносьт юкӧнын уджалысь Коми Республикаса асшӧр уджалысьяслы отсӧг сетӧм йылысь.
Таво регионса Веськӧдлан котыр медводдзаысь шуис сетны субсидияяс кокни промышленносьт предприятиеяслы.
Конкурсса комиссиялӧн кывкӧртӧдъяс серти овмӧс нуӧдысь 18 субъектлы бӧр вештасны сырьё да материалъяс ньӧбӧм вылӧ видзӧм сьӧм юкӧнсӧ, а 12 предприятиелы – промышленнӧй оборудование ньӧбӧм вылӧ.
Коми Республикаын уджалӧны канмусянь отсӧг сетан мераяс (регион да федеральнӧй тшупӧда), тшӧтш и “Ичӧт да шӧр предпринимательство” национальнӧй проект серти. Сійӧс вӧзйис Россияса Президент Владимир Путин.
Унджыктор на йылысь позьӧ тӧдмавны “Менам бизнес” шӧринын.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Регыдъя медицина отсӧг сетан Сыктывкарса служба пасйис 100 во @ выльтор @ https://rkomi.ru/news/3325 @ 2023-11-15 @}
Регыдъя медицина отсӧг сетан Сыктывкарса служба пасйис 100 во.
Вӧльгым тӧлысь 15 лунӧ вӧлі гӧгрӧс паслы сиӧм кыпыд концерт.
Регыдъя медицина отсӧг сетан Сыктывкарса службаын уджалысьясӧс да ветеранъясӧс чолӧмаліс Коми Республикаса Юралысь Владимир Уйба.
«Дона уджъёртъяс, пыдди пуктана ветеранъяс.
Менам олӧмын вӧлі шуда кад, кор ме уджалі регыдъя отсӧг сетысь врачӧн.
Тані уджалӧны оз сӧмын ыджыд сьӧлӧма йӧз, а найӧ, кодъяслы колӧ тӧдны унатор, кутны вежӧрын быд сикас лоӧмторсӧ, кӧні колӧ дзик пыр аддзыны петан туй, - пасйис Владимир Уйба. - Талун миян олысьяс донъялӧны регыдъя отсӧг сетӧмсӧ зэв вылӧ.
Таын тіян, регыдъя медицина отсӧг сетысь став коллективлӧн, зэв ыджыд пай.
Ме сиа тіянлы дзоньвидзалун, быд бурсӧ, мед уджавны кӧсйӧмныд некор оз кус.
А тіян семьяяслы – терпенньӧ да гӧгӧрвоӧм, мый ті вӧчанныд зэв кывкутана да тӧдчана удж – видзанныд мортлысь олӧмсӧ.
Аттьӧ».
Сідзжӧ Коми Республикаса Юралысь сетіс Регыдъя медицина отсӧг сетан Сыктывкарса службаын уджалысьяслы канму наградаяс, а Неминучаӧ веськалӧмалы медицина отсӧг сетан Коми Республикаса мутас шӧринса юралысь врач Михаил Суринлы – симуляционнӧй оборудование ньӧбӧм вылӧ сертификат.
*** 
Россия Федерацияса йӧзлысь дзоньвидзалун видзан министерстволысь Почёт грамота сетӧма Елена Владимировна Лыюровалы – регыдъя медицина отсӧг сетан шӧр фельдшерлы;
Валентина Геннадьевна Степченковалы – регыдъя медицина отсӧг сетан фельдшерлы.
{Kodko @ Владимир Уйба нуӧдіс Традиционнӧй духовно-нравственнӧй донаторъяс видзӧм да ёнмӧдӧм серти сӧветлысь медводдза заседание @ выльтор @ https://rkomi.ru/news/3326 @ 2023-11-15 @}
Владимир Уйба нуӧдіс Традиционнӧй духовно-нравственнӧй донаторъяс видзӧм да ёнмӧдӧм серти сӧветлысь медводдза заседание.
Коми Республикаса Юралысь корис выль Сӧветӧ пырысьясӧс зіля лӧсьӧдны йӧзкотыр, коді кутас видзны зумыдлун да ёнмӧдны гражданалысь ловлун да ӧтувъялун.
Аслас уджын Сӧвет кутчысьӧ «Россияса традиционнӧй духовно-нравственнӧй донаторъяс видзӧм да ёнмӧдӧм серти канму политикалысь подувъяс вынсьӧдӧм йылысь» Россияса Президент Владимир Путинлӧн 809 №-а Индӧдӧ.
«Тайӧ зэв тӧдчана индӧд.
Тайӧ подувъясыс лоӧны Россия Федерацияын национальнӧй безопасносьт могмӧдӧм вылӧ стратегическӧя планируйтан документӧн, - пасйис Владимир Уйба. – Индӧдлӧн панас вылӧ мыджсьӧмӧн, Коми Республикаын Ставмирса Роч Народнӧй Соборлӧн регионса юкӧн петкӧдӧ Сӧветлӧн видлалӧм вылӧ региональнӧй да федеральнӧй тшупӧдъяса нормативнӧй инӧда базаӧ вежсьӧмъяс пыртӧм серти вӧзйӧмъяс.
Найӧ йитчӧмаӧсь россияса йӧзкотырлӧн уна юкӧнын асьтӧ кутӧмсӧ инӧд боксянь ладмӧдан подувъяс лӧсьӧдӧмкӧд.
Талун ми Сӧвет вылын видлалам да дасьтам идеологическӧя да юридическӧя оформитӧм вылӧ татшӧм нырвизьяс: мӧд канмуӧ овмӧдчӧм, йӧзлысь дзоньвидзалун видзӧм, велӧдӧм, культура, канму лӧсьӧдӧм да веськӧдлӧм».
Иммиграционнӧй политикаын Сӧветӧ пырысьяс вӧзйисны пыртны Россияын иммигрантъяслӧн олан торъя правилӧяс, да найӧ кӧ торкасны оланпастэчасӧн урчитӧм правилӧяссӧ да корӧмъяссӧ – вӧтлыны найӧс странаысь семьяясыскӧд.
Сӧветын участвуйтысьяслӧн чайтӧм серти, медбур мераӧн демография да войтырӧс видзан мытшӧдъясын лоӧ аньясӧс аборт вылӧ ыштӧдӧмысь административнӧй кывкутӧм пыртӧм, а сідзжӧ семья лӧсьӧдны да кага вайны ышӧдысь условиеясӧн могмӧдӧм.
Владимир Уйба пасйис, мый колӧ пыртны вежсьӧмъяс нормативнӧй инӧда базаӧ да киритны нӧбасьӧмсӧ дугӧдан процедурасӧ медицина услугаяс лыддьӧгысь, кутшӧмъясӧс сетӧны ОМС полис серти.
Абортсӧ вермасны вӧчны сӧмын медицина показаниеяс серти нӧбасьысь аньлысь олӧмсӧ либӧ дзоньвидзалунсӧ видзӧм могысь.
Сідзжӧ Коми Республикаса Юралысь пасйис, мый оз ков сӧмын ӧлӧдны аборт вӧчӧмысь, но и колӧ урчитны отсӧг сетан мераяс, кутшӧмъясӧс веськӧдӧма сы вылӧ, медым чужис унджык кага.
«Нуӧдӧма ыджыд аналитика удж.
Юасисны республикаысь сюрсысь унджык аньӧс, коді вӧлі дась мунны аборт вылӧ.
Помкаыс некымын, найӧ гӧгӧрвоанаӧсь, и эм гӧгӧрвоӧм, кыдзи найӧс бырӧдны.
Тайӧ кор абу удж, абу оланін ньӧбӧм вылӧ позянлун, кор партнёр оз кӧсйы кага, семья дивитӧм.
Сэки ань лоӧ вынтӧмӧн, и йӧзкотырлы да канмулы колӧ вӧчны ставсӧ, медым видзны сійӧс грекысь», - шуис Владимир Уйба.
Коми Республикаса Юралысь пасйис, мый регионын нӧбасьысь аньяслы сетӧны нин уна сикас отсӧг да вӧзйис пыртны содтӧд социальнӧй мынтӧмъяс да сетны омӧля олысь аньяслы оланін.
Заседаниеӧ пырӧдчысьяс сідзжӧ сёрнитісны велӧдан реформа йылысь.
Владимир Уйба вӧзйис челядьӧс быдтан да велӧдан юкӧнын оланпастэчасӧ вӧзйӧмъяс пыртігӧн мыджсьыны Россияса Канмулӧн историческӧй опыт вылӧ, босьтны подув пыдди водзынджык нин пыртӧм бур методъяс.
«Велӧдан юкӧн реформируйтан юалӧмъяс – тайӧ нациялӧн водзӧ олӧм», - тӧдчӧдіс Владимир Уйба.
Сідзжӧ пыртасны вежсьӧмъяс культура юалӧмъясӧ.
Тайӧ асьтӧ кутан правилӧяс да нормаяс урчитӧм, ӧтйӧза контроль да цензура лӧсьӧдӧм, а сідзжӧ культуралысь аскиа лун артмӧдӧмӧ национальнӧй безопасносьт вӧсна кывкутысь йӧзлӧн пырӧдчӧм.
2023 во помӧдз лӧсьӧдасны Сӧвет уджлӧн шӧр нырвизьяс серти уджалан группаяс, кодъясӧн кутасны юрнуӧдны культураын, велӧдӧмын, йӧзлысь дзоньвидзалун видзӧмын, наукаын тӧдчана уджалысьяс, йӧзкотырын водзмӧстчысь йӧз да Коми Республикаса олӧмӧ пӧртысь власьт органъясӧн юрнуӧдысьяс.
«Ӧні зэв тӧдчана кад.
Мунӧ СВО.
Мунӧ Россия вӧсна, вежӧр вӧсна, лов вӧсна тыш.
Тышкасьӧны оз мутас вӧсна!
Тышкасьӧны миян челядь вӧсна, Россиялӧн челядь вӧсна!
И ми кӧ тані гӧгӧрвоам да примитам став сьӧлӧмӧн, то вӧчам дзик ставсӧ миян челядьлӧн да миян республикалӧн аскиа лун вӧсна», - кывкӧрталіс Коми Республикаса Юралысь Владимир Уйба.
Фотоыс “Комиинформ” ЮА, автор Владимир Шешкунас. 
{Kodko @ Коми Республикаса культура да архив удж министерствоын кадрӧвӧй вежсьӧмъяс @ выльтор @ https://rkomi.ru/news/3327 @ 2023-11-16 @}
Коми Республикаса культура да архив удж министерствоын кадрӧвӧй вежсьӧмъяс.
2023 вося вӧльгым тӧлысь 16 лунсянь Мария Балмастоваӧс мездӧма Коми Республикаса культура да архив удж министрлысь могъяссӧ олӧмӧ пӧртӧмысь аслас шыӧдчӧм подув вылын.
Вӧльгым тӧлысь 17 лунсянь министр чинӧ индӧма Гульнара Идрисоваӧс.
2023 вося вӧльгым тӧлысь 16 лунӧ Коми Республикаса Юралысь Владимир Уйба кырымаліс лӧсялана тшӧктӧмъяс.
Таӧдз Гульнара Идрисова вӧлі «Вуктыл» кар кытшлӧн муниципальнӧй юкӧнса юралысьӧн – администрацияӧн юрнуӧдысьӧн.
«Ме водзын пуктӧма мог – збыльмӧдны Коми Республикаын «Культура» национальнӧй проект, юкӧн сӧвмӧдан уджтасъяс, ёнмӧдны культура учреждениеяслысь материально-техническӧй база, кыскыны юкӧнӧ федеральнӧй сьӧмкудйысь содтӧд сьӧм», – шуис Г. Идрисова.
Выль чинын могъяс пиысь ӧти: матысса кадӧ пырӧдчыны федеральнӧй тшупӧда мероприятие – Том войтырлысь мӧд восьса Арктикаса Дельфийскӧй ворсӧмъяс котыртӧмӧ. Найӧ мунасны республикаса юркарын вӧльгым тӧлысь 20-24 лунъясӧ.
Гульнара Идрисова 16 во уджаліс «Вуктыл» кар кытшса администрацияын, медводз национальнӧй проектъяс да социальнӧй юалӧмъяс серти юрнуӧдысьӧс вежысьӧн, сы лыдын сійӧ видзӧдіс культура юкӧнса юалӧмъяс бӧрся, а сэсся кутіс веськӧдлыны администрацияӧн.
Талун Вуктыл зіля пырӧдчӧ национальнӧй проектъяс збыльмӧдӧмӧ.
Карын капитальнӧя дзоньталісны художествоа школа, кыпӧдісны социально-культурнӧй шӧрин.
Выльмӧдӧны сьӧмкуд учреждениеяслысь, сы лыдын культура учреждениеяслысь, материально-техническӧй базасӧ.
Культура сӧвмӧмлысь тӧдчанлунсӧ гӧгӧрвоӧмӧн, муниципалитетын видзисны Вуктылса челядьлы шылада школалысь сиктъясын филиалъяссӧ.
Сідзжӧ, кар кытшын тӧдчана ин босьтӧны ыджыд мероприятиеяс, на лыдын «Коми войтырлӧн обрядъяс», «Уна сикас войтыра Вуктыл».
***
Гульнара Ренатовна Идрисова.
Велӧдчӧм: 1991 во - Коми канму педагогика институт, «Роч кыв да литература велӧдысь» специальносьт.
2013 во - «Россия Федерацияса Президент бердын Россияса йӧзлӧн овмӧс да канму служба академия» вылыс тшупӧда велӧдан федеральнӧй канму сьӧмкуд учреждение, «Канму да муниципальнӧй веськӧдлӧм» специальносьт серти менеджер.
2018 во - «Питирим Сорокин нима Сыктывкарса канму университет» вылыс тшупӧда велӧдан федеральнӧй канму сьӧмкуд учреждениеын квалификация кыпӧдӧм, «Сити-менеджмент (муниципальнӧй юкӧнъясӧн веськӧдлӧм)».
Удж: 1991 восянь 2007 воӧдз уджаліс Вуктыл карын «Г.В. Кравченко нима 2 №-а шӧр школа» муниципальнӧй велӧдан сьӧмкуд учреждениеын роч кыв да литература велӧдысьӧн, быдтан-велӧдан уджын директорӧс вежысьӧн.
2007 восянь 2018 воӧдз уджаліс «Вуктыл» кар кытшса администрацияын социальнӧй политика да национальнӧй проектъяс збыльмӧдӧм серти юрнуӧдысьӧс вежысьӧн.
2018 вося вӧльгым тӧлысь 14 лунӧ «Вуктыл» кар кытшса Сӧветлӧн помшуӧмӧн индӧма «Вуктыл» кар кытшлӧн муниципальнӧй юкӧнса юралысьӧн - «Вуктыл» кар кытшса администрацияӧн юрнуӧдысьӧн.
Наградаяс:
1996 во – Вуктыл карса администрациялӧн Почёт грамота.
1997 во – Коми Республикаса велӧдан да медвылыс школа министерстволӧн Почёт грамота.
2006 во – Коми Республикаса культура да национальнӧй политика министерстволӧн Почёт грамота.
2007 во – Татарстан Республикаса культура министерстволӧн Почёт грамота.
2012 во – Коми Республикаса национальнӧй политика министерстволӧн Почёт грамота.
2013 во – Коми Республикаса культура министерстволӧн Почёт грамота.
2013 во – Коми Республикаса йӧзӧс уджӧн могмӧдӧмӧн веськӧдланінлӧн Почёт грамота. 
{Kodko @ Владимир Уйба висьталіс Коми Республикаса Юралысь бердын вӧр сӧветлӧн медводдза заседание йылысь @ выльтор @ https://rkomi.ru/news/3328 @ 2023-11-16 @}
Владимир Уйба висьталіс Коми Республикаса Юралысь бердын вӧр сӧветлӧн медводдза заседание йылысь.
Мероприятиеыс вӧлі Сыктывдін районса Ыб сиктын, Финн-угор этнопаркын.
Сэтчӧ пырӧдчисны Вӧр овмӧсса федеральнӧй агентствоӧн юрнуӧдысь Иван Советников, республикаса власьт органъясӧс петкӧдлысьяс да вӧр промышленносьт предприятиеясӧн юрнуӧдысьяс.
Заседаниеӧ пырӧдчысьяс сёрнитісны Коми Республикаын вӧръясӧн вӧдитчӧм да вӧр бурмӧдӧм йылысь, вӧр промышленносьт комплекс да лесничествояс кадрӧвӧя да материальнӧя могмӧдӧм, вӧр комплексын верктуя инвестиция проектъяс збыльмӧдӧм, вӧр предприятиеяслы канмусянь отсалӧм, школьнӧй лесничествояс сӧвмӧдӧм йылысь.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба пырӧдчис Коми Республикаса XIV Гражданскӧй форумлӧн заседаниеӧ @ выльтор @ https://rkomi.ru/news/3329 @ 2023-11-17 @}
Владимир Уйба пырӧдчис Коми Республикаса XIV Гражданскӧй форумлӧн заседаниеӧ.
Мероприятиеыс вӧлі вӧльгым тӧлысь 16 лунӧ Войтырлӧн ёртасян керкаын.
Участвуйтысьяс сёрнитісны «Гражданскӧй котыр ӧтувтӧм кыдзи Коми Республикаӧс сӧвмӧдан подув» тема серти.
Форум лоӧ тӧдчана площадкаӧн, кӧні йӧзыс сёрнитӧны, юксьӧны видзӧдласъясӧн да дасьтӧны ӧтувъя шуӧмъяс войтырлы медся колана да ӧнія кадлы лӧсялана юалӧмъяс серти.
«Меным зэв нимкодь аддзыны тані тӧждысьысь, водзмӧстчысь йӧзӧс, кодлы абу веськодь Коми Республикалӧн, Россиялӧн аскиа луныс.
Дерт, талун медся тӧдчана юалӧм – тайӧ традиционнӧй духовно-нравственнӧй донаторъяс ёнмӧдӧм.
Айму радейтӧм да пыдди пуктӧм, история видзӧм, том йӧзлысь гражданскӧй зільлунсӧ кыпӧдӧм, семьялысь традиционнӧй донаторъяссӧ йӧз пӧвстын паськӧдӧм – колӧ, медым тайӧ ставыс вӧлі республикаса да странаса гражданскӧй котырлӧн уджын медтӧдчанӧн.
Миян Президент Владимир Владимирович Путин унаысь нин шуліс, мый Россиялӧн выныс – олысьясын.
Вына, кывкутысь гражданскӧй котыр – миян странаса асшӧрлунлы подув», - тӧдчӧдіс Владимир Уйба.
Коми Республикаса Юралысь аттьӧаліс ӧтйӧза ӧтувъясӧс, депутатъясӧс, предприятиеясӧс да организацияясӧс, республикаын олысьясӧс гуманитарнӧй отсӧг чукӧртӧмӧ зіля пырӧдчӧмысь, торъя военнӧй операцияын участвуйтысьяслы да налӧн семьяяслы быд сикас отсӧг сетӧмысь.
«Коми Республикалӧн эм ыджыд опыт, миянлы колӧ сыӧн юксьыны да котыртны ӧтувъя удж, сы лыдын ӧтйӧза организацияяслӧн тшупӧдын.
Ми тіянкӧд бура гӧгӧрвоам, мый власьт органъяслысь да гражданскӧй котыр институтъяслысь вынъяссӧ ӧтувтігӧн, ми вермам бурджыка разьны артмӧм мытшӧдъяссӧ», - пасйис Владимир Уйба.
Власьт да йӧзкотыр костын ӧтувъя уджлӧн бур пример пыдди Коми Республикаса Юралысь вайӧдіс Эжва районын Карса больнича ӧнъяӧдан да коланаторъясӧн сійӧс могмӧдан уджсӧ.
Регионӧн веськӧдлысь пасйис, мый медицинаӧн могмӧдӧмсӧ кутасны бурмӧдны водзӧ.
«Коми Республикаса ӧтйӧза палата пырӧ Россияын медбур дас ӧтйӧза палата лыдӧ.
Ставыс тайӧ артмис палатаӧ пырысьяс да став йӧзкотыр отсӧгӧн.
Ӧнія мог – пырны медбур вит лыдӧ, лоны медводдзаӧн.
Миян эм кӧсйӧм да позянлун вӧчны йӧзыслысь олӧмсӧ бурджыкӧн», - шуис Владимир Уйба.
Зумыд гражданскӧй видзӧдласысь, республикалы да сэтчӧс олысьяслы бур вылӧ опытӧн юксьыны, вын да тӧдӧмлун сетны дасьлунысь Коми Республикаса Юралысь сетіс Аттьӧалана письмӧяс Коми Республикаса ӧтйӧза палатаӧ пырысьяслы да сэтчӧс экспертъяслы.
Фотоыс «Комиинформ» ЮА, автор Владимир Шешкунас.
***
Коми Республикаын гражданскӧй котыр сӧвмӧдӧмӧ тӧдчана пай пуктӧмысь да регионса Ӧтйӧза палатаын зіля уджалӧмысь Коми Республикаса Юралыссянь Аттьӧалана письмӧ сетӧма Наталья Александровна Денисовалы;
Коми Республикаын гражданскӧй котыр сӧвмӧдӧмӧ тӧдчана пай пуктӧмысь да регионса Ӧтйӧза палатакӧд ӧтув зіля уджалӧмысь Коми Республикаса Юралыссянь Аттьӧалана письмӧяс сетӧма: Аэлита Борисовна Барышевалы; Евгений Александрович Напалковлы; Раиса Эдуардовна Федоровалы. 
{Kodko @ Рослесхоз вылӧ донъяліс вӧр комплекс сӧвмӧдӧмын Коми Республикалысь опытсӧ @ выльтор @ https://rkomi.ru/news/3330 @ 2023-11-17 @}
Рослесхоз вылӧ донъяліс вӧр комплекс сӧвмӧдӧмын Коми Республикалысь опытсӧ.
Владимир Уйба нуӧдіс Коми Республикаса Юралысь бердын вӧр сӧветлысь заседание, кытчӧ тшӧтш пырӧдчис Федеральнӧй вӧр овмӧс агентствоӧн юрнуӧдысь Иван Советников.
Мероприятиеыс вӧлі вӧльгым тӧлысь 16 лунӧ Сыктывдін районса Ыб сиктын Финн-угор этнопаркын.
«Вӧр промышленнӧй комплекс босьтӧ Коми Республикаса экономика сӧвмӧдӧмын ыджыд пай.
Тайӧ юкӧныс тӧдчӧ республикаса унджык йӧзлӧн тыр-бура олӧм вылӧ.
Миян «веж озырлун», а сідзжӧ республикалӧн тайӧ юкӧнын зэв ыджыд опытыс сетӧны позянлун водзӧ сӧвмыны выль нырвизьясын.
Та дырйи колӧ выльмӧдны став колана йӧзыслысь ӧтув уджаланногсӧ, медым экономика, экология да социальнӧй юкӧнын юалӧмъяссӧ позис збыльмӧдны кыдзи позьӧ ӧдйӧджык», – пасйис Владимир Уйба.
Сідзжӧ Коми Республикаса Юралысь аттьӧаліс Иван Советниковӧс республика вӧсна тӧждысьӧмысь да регионса вӧр юкӧнын тӧдчана юалӧмъяс видлалӧмӧ пырӧдчӧмысь.
«Коми Республика – вӧр комплекс серти медводдзаяс лыдын абу сӧмын Рытыв-Войвыв федеральнӧй кытшын, но и Россияын.
Регион мунӧ водзӧ, сӧвмӧ.
Ми аддзам бур удж вӧрын пӧжаръяс кусӧдӧм, вӧр бурмӧдӧм серти.
Пасъя, сьӧкыдлунъяс вылӧ видзӧдтӧг, Коми Республикаын вӧр заптан йӧрышъясыс оз чинны, збыльмӧдсьӧны тӧдчана инвестиция проектъяс.
Тайӧ, дерт, регионса Юралысьлӧн да став ыджыд командалӧн пай, коді уджалӧ республикаын.
Медшӧрсӧ ме сиа – видзны тайӧ ӧдъяссӧ», – пасйис Иван Советников.
Федеральнӧй вӧр овмӧс агентствоӧн юрнуӧдысь шуис, мый мӧд во Рослесхоз кӧсйӧ регионса вӧр овмӧслы сетны 77,3 миллион шайт вылӧ унджык сьӧм.
Кызвын сьӧмсӧ веськӧдасны уджалысьяслы удждон кыпӧдӧм вылӧ.
Вӧр сӧветсӧ лӧсьӧдӧма сы могысь, медым власьт органъяс, бизнесӧс да наука котыръясӧс петкӧдлысьяс сёрнитісны ӧта-мӧдныскӧд да примитісны юкӧн водзӧ сӧвмӧдӧм серти тӧдана помшуӧмъяс.
Тані видлалӧны вӧрӧн вӧдитчӧм, сійӧс видзӧм да рӧдмӧдӧм серти юалӧмъяс.
Мероприятие дырйи сёрнитісны республикалӧн вӧр промышленносьт предприятиеясӧн юрнуӧдысьяс.
Найӧ юӧртісны экономикаын ӧнія условиеясын асланыс удж, вермӧмъяс, мытшӧдъяс да планъяс йылысь, а сідзжӧ пыртісны вӧзйӧмъяс, кыдзи бурмӧдны вӧр юкӧнсӧ.
Вӧр сӧвет дырйи сідзжӧ сёрнитісны школаса лесничествояслысь ӧтмунӧмсӧ сӧвмӧдан позянлунъяс йылысь да видлалісны республикаса йӧзлы асланыс могъяс вылӧ пу вайӧмсӧ.
Коми Республикаса Юралысьлӧн кывъяс серти, регионса вӧр промышленносьт компанияяс бура венӧны экономикаын сьӧкыдлунъяссӧ, мый йитчӧма коронавирус паськалӧмкӧд, европаса рынокъяс тупкысьӧмкӧд да санкцияяс пыртӧмкӧд.
Республикаса вӧр юкӧнын уджалӧ 13 сюрс гӧгӧр морт.
Вӧр промышленносьт комплекс вермис видзны предприятиеясын уджаланінъяссӧ да сырьёсӧ, кутшӧмъясӧс урчитӧма кӧртымалан сёрнитчӧмъяс серти, да водзӧ содтӧ вынйӧръяссӧ.
Кык предприятие ӧнъяӧдӧ производствосӧ, вӧдитчӧ верктуя инвестиция проектъяслӧн позянлунъясӧн.
Проектъяс пиысь ӧтисӧ пыртӧма нин федеральнӧй лыддьӧгӧ, мӧдсӧ сӧгласуйтӧма Рослесхозын да ӧні сійӧс видлалӧны Россияса промышленносьт министерствоын.
Прогнозъяс серти, 2023 воын вӧчӧм вӧр йӧрышыс лоас Коми Республикаын вося шӧркодь петкӧдласъяс мында. Тайӧ 9,3 миллион кубометр.
2023 воын Россия Федерацияса Веськӧдлан котыр сетіс позянлун Рытыв-Войвыв федеральнӧй кытшса предприятиеяслы, кодъяс дасьтӧны, переработайтӧны вӧрсӧ да нуӧны вӧр промышленносьт комплексса прӧдукциясӧ суйӧр сайӧ, мынтысьны вӧр участокъяссӧ кӧртымалӧмысь вӧчӧм вӧрлӧн збыльвывса йӧрыш вылӧ мыджсьӧмӧн.
Коми Республикаын тайӧ отсӧгсӧ босьтіс 4 предприятие, тадзи найӧ видзтісны 73,9 миллион гӧгӧр шайт.
Владимир Уйба эскӧдіс, мый Коми Республикаса Веськӧдлан котыр водзӧ кутас отсавны вӧр промышленнӧй комплекслы да лӧсьӧдны вӧр юкӧн сӧвмӧдан условиеяс.
Фотоыс «Комиинформ» ЮА, автор Владимир Шешкунас. 
{Kodko @ 2023 воын Коми Республикаын сикт-грездъяс сӧвмӧдӧм вылӧ веськӧдӧма 800 миллион шайт @ выльтор @ https://rkomi.ru/news/3331 @ 2023-11-17 @}
2023 воын Коми Республикаын сикт-грездъяс сӧвмӧдӧм вылӧ веськӧдӧма 800 миллион шайт.
Тайӧ куим пӧв унджык колян во серти.
Та дырйи республикаса сьӧмкудйысь веськӧдӧма 595 миллион 700 сюрс шайт, федеральнӧй сьӧмкудйысь – 204 миллион 200 сюрс шайт.
Россияса Президент Владимир Путинлӧн тшӧктӧм серти Коми Республикаса власьт медводз уджалӧ подув олан пунктъяс – муниципалитетъясысь административнӧй шӧринъяс сӧвмӧдӧм вылын.
Торйӧн нин сикт-грездъясын оланінъяс стрӧитӧмсӧ сӧвмӧдӧм серти.
2023 воын пыртӧма нин 2 сюрс сайӧ квадратнӧй метр оланін.
Оланін кыпӧдӧм либӧ ньӧбӧм вылӧ социальнӧй мынтӧмъяссӧ вермас босьтны 24 морт, отсӧглӧн ӧтувъя мындаыс – 53 миллион сайӧ шайт.
Казьтыштам, 2024 восянь кутас уджавны «Сикт-грездъяс быд боксянь сӧвмӧдӧм» Коми Республикаса канму уджтас.
Паськыдджыка – Коми Республикаса Юралысь Владимир Уйбалӧн видео пыр шыӧдчӧмын. 
{Kodko @ 2023 воын Коми Республикаын сикт-грездъяс сӧвмӧдӧм вылӧ веськӧдӧма 800 миллион шайт @ выльтор @ https://rkomi.ru/news/3331 @ 2023-11-17 @}
2023 воын Коми Республикаын сикт-грездъяс сӧвмӧдӧм вылӧ веськӧдӧма 800 миллион шайт.
Тайӧ куим пӧв унджык колян во серти.
Та дырйи республикаса сьӧмкудйысь веськӧдӧма 595 миллион 700 сюрс шайт, федеральнӧй сьӧмкудйысь – 204 миллион 200 сюрс шайт.
Россияса Президент Владимир Путинлӧн тшӧктӧм серти Коми Республикаса власьт медводз уджалӧ подув олан пунктъяс – муниципалитетъясысь административнӧй шӧринъяс сӧвмӧдӧм вылын.
Торйӧн нин сикт-грездъясын оланінъяс стрӧитӧмсӧ сӧвмӧдӧм серти.
2023 воын пыртӧма нин 2 сюрс сайӧ квадратнӧй метр оланін.
Оланін кыпӧдӧм либӧ ньӧбӧм вылӧ социальнӧй мынтӧмъяссӧ вермас босьтны 24 морт, отсӧглӧн ӧтувъя мындаыс – 53 миллион сайӧ шайт.
Казьтыштам, 2024 восянь кутас уджавны «Сикт-грездъяс быд боксянь сӧвмӧдӧм» Коми Республикаса канму уджтас.
Паськыдджыка – Коми Республикаса Юралысь Владимир Уйбалӧн видео пыр шыӧдчӧмын. 
{Kodko @ Коми Республика тырвыйӧ дась Том йӧзлысь мӧд восьса Арктикаса Дельфийскӧй ворсӧмъяс нуӧдӧм кежлӧ @ выльтор @ https://rkomi.ru/news/3332 @ 2023-11-18 @}
Коми Республика тырвыйӧ дась Том йӧзлысь мӧд восьса Арктикаса Дельфийскӧй ворсӧмъяс нуӧдӧм кежлӧ.
Мероприятиеыс лоӧ Сыктывкарын 2023 вося вӧльгым тӧлысь 20-24 лунъясӧ.
Вӧльгым тӧлысь 17 лунӧ Коми Республикаса Юралысь Владимир Уйба да Войтыркостса Дельфийскӧй комитетлӧн директор, ЮНЕСКО уджъяс серти РФ комиссияӧ пырысь Владимир Понявин нуӧдісны Ворсӧмъяс дасьтӧм да нуӧдӧм серти котыртан комитетлысь заседание.
«Регыд воссяс культура да искусство юкӧнын медыджыд мероприятиеяс лыдысь ӧти - Том йӧзлӧн мӧд восьса Арктикаса Дельфийскӧй ворсӧмъяс.
Ворсӧмъясыс зэв тӧдчанаӧсь абу сӧмын Коми Республикалы, но и ставнас страналы.
Миянлы колӧ нуӧдны ворсӧмъяссӧ зэв бура, медым найӧс вылі донъялісны участвуйтысьяс, видзӧдысьяс, медым ставныслӧн вӧліны сӧмын бур сьӧлӧмкылӧмъяс», - пасйис Владимир Уйба.
Коми Республикаса Юралысь тӧдчӧдіс, мый ворсӧмъяс воссьӧмсянь да бӧръя участвуйтысьлӧн мунтӧдз мероприятие котыртысь став службаыслы колӧ лоны дасьӧн да уджавны сутки чӧж.
Сідзжӧ сійӧ аттьӧаліс ставнысӧ Ворсӧмъяс дасьтігӧн ӧтсӧгласа уджысь.
«Ми босьтім тӧд вылӧ воддза Ворсӧмъясыслысь бур опытсӧ, а кӧні вӧлі колӧ, бурмӧдім уджсӧ.
Став участвуйтысьыс дасьтысьӧмаӧсь зэв бура.
Ми висьтавлім Том йӧзлӧн мӧд восьса Арктикаса Дельфийскӧй ворсӧмъяс нуӧдан опыт йылысь быдсяма ыджыд мероприятиеяс дырйи, тшӧтш и войтыркостса.
Ми ӧтув уджалам инӧд видзан органъяскӧд, веськыда наӧн юрнуӧдысьяскӧд.
Лыддям, мый бура дасьтысим», - пасйис Войтыркостса Дельфийскӧй комитетлӧн директор, ЮНЕСКО уджъяс серти РФ комиссияӧ пырысь Владимир Понявин.
Том йӧзлӧн мӧд восьса Арктикаса Дельфийскӧй ворсӧмъясӧ пырӧдчасны 10 арӧссянь 25 арӧсӧдз 600 гӧгӧр зон-ныв, а жюриӧ пырасны культураын да наукаын 40 гӧгӧр тӧдчана уджалысь.
Мероприятие дырйи кутасны уджавны добровольческӧй ӧтмунӧмысь 200-ысь унджык медбур петкӧдлысь, кодъяс профильнӧя дасьтысисны нин штаб уджлӧн став нырвизь серти.
Ворсӧмъяс восьтігӧн петкӧдчасны Сыктывкарса, Ухтаса, Печораса канму, муниципальнӧй да частнӧй культура учреждениеясысь творческӧй котыръяс.
Тайӧ «Асъя кыа» Коми Республикаса сьылан да йӧктан канму ансамбль, Коми республиканскӧй культура колледжса студентъяс, Опера да балет канму академическӧй театрса солистъяс, Коми Республикаса челядьлӧн ӧтувтӧм хор.
Ворсӧмъяс тупкан церемониялысь да гала-концертлысь сценарийсӧ лӧсьӧдасны сы серти, кодъяс лоӧны вермысьяс лыдын.
Шӧр лоӧмторъяслысь видеоматериалъяссӧ петкӧдласны Дельфик.ТВ ӧтуввез-телевидение пыр, RUTUBE видеохостингын да «Одноклассникъяс» социальнӧй везйын, кодъяс лоӧны мероприятиелӧн партнёръясӧн.
Ворсӧмъяс восьтӧмсӧ да тупкӧмсӧ петкӧдласны «Культура» национальнӧй проект серти лӧсьӧдӧм виртуальнӧй концертнӧй залъясын, а сідзжӧ «Юрган» телеканал пыр, «Культура.РФ», «Матч ТВ», ІZ.RU, «Орфей» платформаяс вылын, Telegram мессенджерын.
Конкурсса испытаниеяс да занятиеяс кутасны мунны Сыктывкарса, Эжва районса да Сыктывдін районлӧн Выльгорт сиктса культура да велӧдан канму да муниципальнӧй 11 учреждениеын.
Таысь кындзи, инӧд видзан да контроль нуӧдысь органъяс отсӧгӧн нуӧдӧма санитарно-эпидемиологическӧй нормаясӧн да безопасносьт мераясӧн могмӧдӧм серти удж.
Коланлун дырйи йӧзлысь дзоньвидзалун видзан учреждениеяс дасьӧсь ӧдйӧ сетны мероприятиеӧ пырӧдчысьяслы да сылӧн гӧсьтъяслы медицина отсӧг. 
{Kodko @ Владимир Уйба чолӧмаліс Мача хоккейысь Юрий Спиридоновлӧн паметьлы сиӧм Коми Республикаса кубокын участвуйтысьясӧс @ выльтор @ https://rkomi.ru/news/3333 @ 2023-11-18 @}
Владимир Уйба чолӧмаліс Мача хоккейысь Юрий Спиридоновлӧн паметьлы сиӧм Коми Республикаса кубокын участвуйтысьясӧс.
Коми Республикаса медводдза Юралысьлӧн чужӧмсянь 85 во тырӧмлы сиӧм ордйысьӧмъясыс мунӧны вӧльгым тӧлысь 17-19 лунъясӧ Республиканскӧй стадионын да найӧс котыртӧма «Демография» национальнӧй проектлӧн «Спорт – быдлунъя олӧм» проект серти.
«Медвылыс лигаса командаяскӧд ӧтвылысь медальяс вӧсна кутасны ордйысьны и челядьлӧн клубъяс.
Эска, мый быд матч, хоккеистъяслӧн арлыд вылӧ видзӧдтӧг, лоӧ сьӧлӧм вӧрзьӧданаӧн, командаяс кутасны ёна ордйысьны.
Тайӧ турнирӧн ми восьтам Сыктывкарын тавося хоккейнӧй сезон.
Тӧда, сійӧ лоӧ Коми Республикаын роч хоккейлӧн историяын яръюгыд лоӧмторйӧн.
Сиа быд спортсменлы бура ворсны командаын, а видзӧдысьяслы – вунӧдлытӧм сьӧлӧмкылӧмъяс.
Ура!» – восьтіс ордйысьӧмъяссӧ Коми Республикаса Юралысь Владимир Уйба.
«Тӧдмасьӧм» мача хоккейысь Коми Республикаса кубокӧ, мый сиӧма Юрий Спиридоновлӧн чужӧмсянь 85 арӧс тырӧмлы, пырӧдчис челядьлӧн 8 команда. Найӧ локтісны Сыктывкарысь, Котласысь, Архангельскысь, Мончегорскысь, Первоуральскысь, Кировысь, Королёвысь. Сідзжӧ кутас вермасьны Сыктывкарысь, Кировысь да Москваысь 4 верстьӧ команда.
Коми Республикаса медводдза Юралысь Юрий Алексеевич Спиридонов чужис 1938 вося вӧльгым тӧлысь 1 лунӧ.
Сійӧ вӧлі «Строитель» команда вӧсна яр болельщикӧн.
Кыдзи роч хоккей пыдди пуктысь морт, сійӧ пуктіс уна вын, медым сӧвмӧдны Комиын тайӧ спорт сикассӧ.
Сы отсӧгӧн 1993 воын медводдзаысь командалӧн историяын «Строитель» клуб лои Россияса чемпионатын эзысь призёрӧн.
2001 воын Юрий Спиридонов паніс Коми Республикаса Юралысьлӧн призъяс вылӧ мача хоккейысь турнир.
Турнир заводитчытӧдз Коми Республикаса Юралысь Владимир Уйба воліс «Коми Республикаын мача хоккей сӧвман история да «Строитель-Сыктывкар» хоккей клуб лӧсьӧдан история» выставка вылӧ. Сійӧс регыд восьтасны Республиканскӧй стадионын.
Дась нин выставкалӧн некымын юкӧд – «Строитель» командалӧн история, нималана ворсысьяс, тренеръяс йылысь, «Советская Россия» газетлӧн приз вылӧ турнир, Мача хоккейысь Ю.А. Спиридонов нима Юралысьлӧн Кубок йылысь.
Тані жӧ сувтӧдӧма нин телевизор, кӧні позяс видзӧдны «Строитель» командалысь цифруйтӧм видеохроникасӧ, а сезон дырйи – командалысь мукӧдлаын ворсӧмъяссӧ.
Владимир Уйба, коді отсаліс котыртны выставкасӧ, пасйис, мый тайӧ лоӧ болельщикъяскӧд бур аддзысьланінӧн. 
{Kodko @ Коми Республикаса Юралысь чолӧмалӧ Медвылыс школаса преподавательлӧн лунӧн @ выльтор @ https://rkomi.ru/news/3334 @ 2023-11-19 @}
Коми Республикаса Юралысь чолӧмалӧ Медвылыс школаса преподавательлӧн лунӧн.
«Республикаса вылыс тшупӧда тӧдӧмлунъяс сетысь пыдди пуктана преподавательяс!
Дона ветеранъяс!
Сьӧлӧмсянь чолӧмала тіянӧс уджсикас гажӧн!
Медвылыс школаса преподавательлысь лунсӧ пыртӧма россияса календарӧ, медым тӧдчӧдны тайӧ уджыслысь коланлунсӧ.
Ыджыд пай пуктӧны наставникъяс да педагогъяс том йӧзӧн уджсикасын тӧдӧмлунъяс да кужӧмлунъяс босьтӧмӧ.
Буретш Медвылыс школаса преподаватель велӧдӧ видлавны-туявны, вӧчны кывкӧртӧдъяс, корсьны ассьыс туй.
Тіян уджын пыр колӧ водзӧ сӧвмыны, велӧдчыны, медым вочавидзны студентъяслӧн став «мыйла» юалӧм вылӧ.
Коми Республикаса вузъясын велӧдӧ вылыс квалификацияа матӧ 500 специалист: профессоръяс, наукаса докторъяс да кандидатъяс, доцентъяс.
Аттьӧ ставлы, кодъяс велӧдӧны да оз мудзны велӧдчыны, кодъяс корсьӧны мыйкӧ выльтор да нуӧдӧны ас бӧрсяньыс, кодъяс отсалӧны том йӧзлы да пуктӧны ыджыд пай Коми Республикалӧн аскиа лунӧ.
Торйӧн аттьӧала ветеранъясӧс республикалӧн вылыс тшупӧда тӧдӧмлунлысь традицияяс видзӧмысь.
Унаӧн тіян пиысь водзӧ уджалӧны да сетӧны ассьыныс опытнысӧ да тӧдӧмлунъясныссӧ оз сӧмын студентъяслы, но и уджъёртъясыслы.
Сьӧлӧмсянь сиа республикалӧн медвылыс школаса преподавательяслы уджын выль вермӧмъяс, дзоньвидзалун, шуд да тыр-бур олӧм!»
Коми Республикаса Юралысь Владимир Уйба.
{Kodko @ Коми Республикаса Юралысь чолӧмалӧ Транспортын уджалысьлӧн лунӧн @ выльтор @ https://rkomi.ru/news/3335 @ 2023-11-20 @}
Коми Республикаса Юралысь чолӧмалӧ Транспортын уджалысьлӧн лунӧн.
«Став сикас транспортын пыдди пуктана уджалысьяс да ветеранъяс!
Сьӧлӧмсянь чолӧмала тіянӧс уджсикас гажӧн – Транспортын уджалысьлӧн лунӧн!
Миян войвыв регионным зэв ыджыд, да мукӧддырйи, медым воӧдчыны республикаын либӧ сы сайын коланала инӧ, ковмывлӧ вежны некымын сикас транспорт.
Транспорт юкӧн босьтӧ тӧдчана ин Коми Республикаӧс социальнӧй да экономика боксянь сӧвмӧдӧмын.
Тані уджалӧны миян регионса уна йӧз.
Сыкӧд топыда йитчӧма республикалӧн инвестиция боксянь позянлунъясыс.
Коми Республикаса Веськӧдлан котыр транспорт компанияяскӧд ӧтув пыр ӧнъяӧдӧны инфраструктурасӧ, бурмӧдны йӧзӧс транспортӧн могмӧдӧмсӧ, лӧсьӧдӧны позянлунъяс сьӧкыда ветлысь йӧзлы.
Быд во ньӧбӧны выль автомашинаяс, кӧр туй да ювывса техника, войтырлысь могъяссӧ тӧд вылӧ босьтӧмӧн бурмӧдӧны да паськӧдӧны пыр ӧткодя новлӧдлан маршрутъяс, кольӧны нуан-ваян грузъяслысь йӧрышсӧ.
Аттьӧала став сикас транспортын уджалысьясӧс бура, сьӧлӧмсянь да кывкутӧмӧн уджалӧмысь.
Ыджыд аттьӧ ветеранъяслы юкӧн сӧвмӧдӧмӧ пай пуктӧмысь.
Быдӧнлы сиа крепыд дзоньвидзалун, шуд, тыр-бур олӧм да Коми Республикалы бур вылӧ уджын вермӧмъяс!»
Коми Республикаса Юралысь Владимир Уйба.
{Kodko @ Владимир Уйба висьталіс том йӧзлӧн водзмӧстчӧмъяс йылысь, мый вылӧ сетісны Росмолодёжлысь грантъяс @ выльтор @ https://rkomi.ru/news/3336 @ 2023-11-20 @}
Владимир Уйба висьталіс том йӧзлӧн водзмӧстчӧмъяс йылысь, мый вылӧ сетісны Росмолодёжлысь грантъяс.
Ставроссияса конкурслӧн мӧд сезон бӧрын кывкӧрталісны, мый Коми Республикаысь 7 проект вылӧ сетасны федеральнӧй отсӧг - 3 миллион 908 сюрс шайт. Конкурссӧ нуӧдӧны миян странаса Президент Владимир Путинлӧн тшӧктӧм серти.
Паськыдджыка быдӧн йылысь – Коми Республикаса Юралысьлӧн видео пыр шыӧдчӧмын. 
{Kodko @ Сыктывкарын восьтісны Юрий Алексеевич Спиридоновлы бюст @ выльтор @ https://rkomi.ru/news/3337 @ 2023-11-21 @}
Сыктывкарын восьтісны Юрий Алексеевич Спиридоновлы бюст.
Вӧльгым тӧлысь 20 лунӧ Канму службаӧ да веськӧдлыны велӧдан Коми Республикаса академияын регионса Юралысь Владимир Уйбакӧд ӧтув кыпыда восьтісны Юрий Спиридоновлы бюст.
Мероприятиеыс сиӧма регионса медводдза юралысь Юрий Спиридоновлӧн чужӧмсянь 85 арӧс тыригкежлӧ да Медвылыс школаса преподавательлӧн лун кежлӧ.
«Юрий Алексеевич пуктіс академиялы подувсӧ.
Тані дасьтӧны канму да муниципальнӧй служба вылӧ кадръяс.
Юрий Алексеевич кужис водзӧ вылӧ мӧвпавны.
1996 воын сійӧ пуктіс республикаса кадрӧвӧй политикалы подув.
Сьӧкыд кадӧ кывкутӧмӧн вӧчис ыджыд удж.
И вермӧмъяс пиысь ӧтиыс сыын, мый академия помалысьяс талун уджалӧны муниципальнӧй служба вылын, олӧмӧ пӧртан власьт органъясын, Коми Республикаса Юралысьлӧн Администрацияын.
Академия ловъя и кутас овны.
А ми вӧчам ставсӧ, медым унджык студент вермис велӧдчыны канму да республика отсӧгӧн, сьӧмкуд сьӧм тшӧт весьтӧ», – пасйис Коми Республикаса Юралысь Владимир Уйба.
«Ыджыд аттьӧ ставлы Юрий Алексеевичӧс казьтылӧмысь да пыдди пуктӧмысь, – шыӧдчис йӧз дорӧ регионса медводдза юралысьлӧн дӧваыс Галина Медуха. – Аттьӧала миянлысь Юралысьнымӧс сыысь, мый Юрий Алексеевичлӧн 85 арӧс тырӧмлы сиӧм казьтылан луныс колис бура.
Йӧзыс вӧлі уна, тайӧ зэв бур.
Аттьӧала сыысь, мый бура видзӧны Юрий Алексеевичӧн лӧсьӧдӧм Искусство гимназия.
Сэні вӧлі казьтылана рыт да выпускникъяслӧн шензьӧдана концерт.
Аттьӧ тіянлы казьтылӧмысь».
Юрий Спиридоновлы бюстсӧ вӧчӧмын сьӧмӧн отсаліс «Газпромбанк» акционер котыр.
Канму службаӧ да веськӧдлыны велӧдан Коми Республикаса академия восьтӧм йылысь индӧдӧн вӧлі лӧсьӧдӧма Коми Республикаын канму служба вылӧ вылыс квалификацияа специалистъясӧс дасьтан ӧтувъя система.
Академия сӧвмигӧн Юрий Алексеевич Спиридонов пыр отсасис велӧдчанінлы, лӧсьӧдіс сылӧн сӧвмӧм вылӧ условиеяс.
Бюст восьтӧмыс – Коми Республикаса тӧдчана канму уджалысьӧс казьтылӧм.
Фотоыс «Комиинформ» ЮА, авторыс Владимир Шешкунас. 
{Kodko @ Владимир Уйба юӧртіс Том йӧзлӧн мӧд восьса Арктикаса Дельфийскӧй ворсӧмъяс йылысь @ выльтор @ https://rkomi.ru/news/3338 @ 2023-11-21 @}
Владимир Уйба юӧртіс Том йӧзлӧн мӧд восьса Арктикаса Дельфийскӧй ворсӧмъяс йылысь.
Тӧдчана творческӧй ордйысьӧмъясыс мунӧны Коми Республикаса юркарын вӧльгым тӧлысь 20-24 лунъясӧ.
Сэтчӧ пырӧдчасны 10 арӧссянь 25 арӧсӧдз 600 сайӧ енбиа зон-ныв. Найӧ локтісны Россияса 30 гӧгӧр субъектысь да мукӧд странаысь.
Участвуйтысьяс пӧвстын юкасны 10 нимпасын 28 медаль комплект.
Ныв-зон кутасны ордйысьны шылада, йӧктан конкурсъясын, искусство, фотосерпас да весиг кулинария серти.
Том йӧзлӧн мӧд восьса Арктикаса Дельфийскӧй ворсӧмъяссӧ нуӧдӧны «Культура» национальнӧй проектлӧн «Енбиа йӧз» дінму проект серти. Сійӧс збыльмӧдӧны Россияса Президент Владимир Путинлӧн тшӧктӧм серти.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба: «Коми Республикаын «Движение первых» ӧтмунӧм – тайӧ ныв-зон, кодъяс нуӧдӧны ас бӧрсяныс» @ выльтор @ https://rkomi.ru/news/3339 @ 2023-11-21 @}
Владимир Уйба: «Коми Республикаын «Движение первых» ӧтмунӧм – тайӧ ныв-зон, кодъяс нуӧдӧны ас бӧрсяныс».
Коми Республикаса Юралысь вӧльгым тӧлысь 21 лунӧ нуӧдіс Челядьлӧн да том йӧзлӧн россияса ӧтмунӧмкӧд, сылӧн регионса отделениекӧд, меставывса да первичнӧй отделениеяскӧд ӧтув уджалӧм серти координационнӧй сӧвет.
Сӧветлӧн уджӧ пырӧдчис «Движение Первых» челядьлысь да том йӧзлысь ставроссияса ӧтйӧза-канму ӧтмунӧмӧн веськӧдлан Правлениеӧн Веськӧдлысь Марат Закиров.
«Коми Республикаын «Движение Первых» ӧтмунӧм ёна сӧвмӧ.
Пыр унджык челядь да том йӧз пырӧдчӧны ӧтмунӧмлӧн проектъясӧ да мероприятиеясӧ, налӧн лоӧны содтӧд позянлунъяс асланыс сӧвмӧм да ассьыныс туй аддзӧм вылӧ.
Ме тӧда, мый миян «Движение Первых» – тайӧ ныв-зон, кодъяс нуӧдӧны ас бӧрсяныс, уджыс мунӧ сьӧлӧмсяньныс.
Буретш тайӧс ме и кӧсйи, медым ставсӧ, мый ми тіянкӧд вӧчам, ми вӧчим гӧгӧрвоӧмӧн, мый миянлы колӧ быдлаын лоны медводдзаӧн.
Ми – кыдз республикаса Веськӧдлан котыр, а ті – кыдз миянӧс вежысьяс», – шыӧдчис ӧтмунӧмӧ пырӧдчысьяс дорӧ Владимир Уйба.
«Дерт, ӧтмунӧмӧ пырӧдчысьяслы арлыд вылӧ видзӧдтӧг колӧ лоны водзмӧстчысьӧн, – ошкис «Движение Первых» челядьлысь да том йӧзлысь ставроссияса ӧтйӧза-канму ӧтмунӧмӧн веськӧдлан Правлениеӧн Веськӧдлысь Марат Закиров. 
– Сӧмын ныв-зонлӧн да став участвуйтысьлӧн зільӧмӧн ӧтмунӧмсӧ позьӧ вӧчны медводдзаӧн.
Кӧсъя аттьӧавны регионса да муниципалитетса юрнуӧдысьясӧс бур йитӧд артмӧдӧмысь. Тайӧ лоӧ вермӧмлӧн подулӧн.
Торйӧн аттьӧала тіянӧс, Владимир Викторович, регионын материально-техническӧй базаӧн могмӧдӧмын став мытшӧдсӧ разьӧмысь».
Сідзжӧ Марат Закиров пасйис «Движение Первых» ӧтмунӧмлӧн грантӧвӧй конкурсын Коми Республикаысь челядьлысь да том йӧзлысь вермӧмъяссӧ.
Комиысь 7 проект лоис вермысьяс лыдын да найӧ босьтісны 6,7 миллион шайт.
2023 воын республикасянь «Движение Первых» ӧтмунӧмысь том йӧз зіля пырӧдчисны ставроссияса конкурсъясӧ да проектъясӧ, Комиысь ныв-зон лоисны медбуръяс лыдын да вермысьясӧн федеральнӧй мероприятиеясын.
400 унджык челядь да томулов участвуйтісны «Время первых» гожся сменаын.
1200 унджык челядь да налӧн бать-мам пырӧдчисны «Семейная команда» ставроссияса проектлӧн мероприятиеясӧ.
Таво вылӧ федеральнӧй мероприятиеяс вылӧ ветлісны регионса отделениеысь ставнас 100 унджык активист, найӧ вӧліны Камчаткаын, Крымын да шӧр Россияын.
Коми Республикаса Юралысь тӧдчӧдіс, мый республикаса олӧмӧ пӧртысь да муниципальнӧй власьт органъяс быд боксянь отсалӧны «Движение Первых» ӧтмунӧмлы да эскӧдіс, мый и водзӧ кутасны отсасьны.
«Движение Первых» регионса отделениелы дон босьттӧг сетісны Сыктывкарын Республиканскӧй велӧдан шӧринын жыр.
Сійӧс капитальнӧя дзоньталӧма, эм мебель да техника.
Ӧтмунӧмӧ пырӧдчысьяслӧн лоӧ позянлун уджавны и Том йӧзлы ресурснӧй шӧринын, мый лӧсьӧдӧны ӧні Коми Республикаса юркарын.
«Ми вӧчам ыджыд удж ныв-зонлӧн да Коми Республикалӧн аскиа лун вылӧ.
Талун республика сӧвмӧдӧм вылӧ корам инвесторъясӧс, гӧгӧрвоам, мый ми вӧчам бур панас аскиа лун вылӧ, матысса 10-20 во вылӧ.
Тайӧ нин лоӧ налӧн кадыс.
Кор ми бӧръям инвесторъясӧс, то видзӧдам, медым проектъясыс вӧліны бурӧсь, медым лӧсьӧдісны ӧнія производствояс.
Сӧвман туйсӧ индӧны том йӧз, тані ми виччысям насянь, кыдзи верстьӧ войтырсянь, видзӧдласнысӧ», – шуис Владимир Уйба.
Кыдзи пасйис «Движение Первых» регионса отделениелӧн Сӧветӧн веськӧдлысь Андрей Безносиков, Коми Республикаын уджалӧ ӧтмунӧмлӧн 300 первичнӧй да 11 меставывса отделение.
6000 унджык войвывса том йӧз пырӧдчисны «Движение Первых» ӧтмунӧмлӧн регионса мероприятиеясӧ.
Республикаса кар-районъясын эмӧсь специалистъяс, кодъяс пыр ӧтув уджалӧны челядькӧд да том йӧзкӧд, котыртӧны ӧтмунӧмлысь уджсӧ.
Муниципалитетъясын «Движение Первых» ӧтмунӧмлӧн первичнӧй отделениеясыс воссялӧны велӧдчанінъясын, том йӧзлы шӧринъясын, культура да спорт учреждениеясын, ас му радейтны велӧдан да доброволечьяслӧн шӧринъясын.
Республикаса сьӧмкудйысь вичмӧдӧны содтӧд сьӧм Коми Республикаын «Движение Первых» ӧтмунӧмӧс петкӧдлысьяслы Ставроссияса мероприятиеясын участвуйтӧм вылӧ.
Заседаниеын участвуйтысьяс сёрнитісны «Движение Первых» челядьлысь да том йӧзлысь ставроссияса ӧтйӧза-канму ӧтмунӧмлысь регионса отделениесӧ, муниципалитетъясын да велӧдчанінъясын отделениеяс водзӧ сӧвмӧдан туйяс йылысь, тӧдмасисны Ухтаын ӧтмунӧмлӧн да Емдін районса школаяс пиысь ӧтилӧн уджалан опытӧн.
Фотоыс «Комиинформ» юӧртан агентстволӧн, авторыс Владимир Шешкунас.
{Kodko @ Владимир Уйба удж серти аддзысьліс Россияса МИД торъя тшӧктӧмъяс серти посол Николай Корчуновкӧд @ выльтор @ https://rkomi.ru/news/3340 @ 2023-11-21 @}
Владимир Уйба удж серти аддзысьліс Россияса МИД торъя тшӧктӧмъяс серти посол Николай Корчуновкӧд.
Аддзысьлӧмыс лои Сыктывкарын Том йӧзлӧн мӧд восьса Арктическӧй Дельфийскӧй ворсӧмъяс пансьӧм водзын.
Коми Республикаса Юралысь Владимир Уйба да Россияса МИД торъя тшӧктӧмъяс серти посол, Россия Федерациясянь Арктическӧй сӧветса ыджыд чина морт Николай Корчунов сёрнитісны Арктика регионъяслы Дельфийскӧй ворсӧмъяслӧн тӧдчанлун йылысь.
Николай Корчунов пасйис, мый Ворсӧмъясыс лоасны Коми Республикаса енбиа том йӧзлы тӧдчана отсӧгӧн, а сідзжӧ сетасны позянлун водзӧ сӧвмӧдны регионын туризм.
Водзджык, ТАСС пресс-конференция дырйи, РФ МИД торъя тшӧктӧмъяс серти посол тӧдчӧдіс, мый Арктикаын Дельфийскӧй ворсӧмъяс нуӧдӧмыс висьталӧ сы йылысь, мый регионын, кӧні уна во чӧж бура видзӧны войтырлысь аслыспӧлӧслунсӧ да традицияяссӧ, зэв тӧдчана гуманитарнӧй нырвизьыс.
Сылӧн кывъяс серти, россияса Войвыв пыр торъяліс озыр енбиа йӧзӧн, а сідзжӧ отечественнӧй да войтыркостса искусство, культура да наука сӧвмӧдӧмӧ пай пуктӧмӧн.
Владимир Уйба аттьӧаліс Николай Корчуновӧс Коми Республикаӧ волӧмысь, отсалӧмысь да эскӧдіс, мый Ворсӧмъясысь ордйысьӧмъясын участвуйтысьяслӧн да видзӧдысьяслӧн колясны сӧмын медся югыд да бур сьӧлӧмкылӧмъяс. 
{Kodko @ Сыктывкарын восьтісны Том йӧзлысь мӧд восьса Арктикаса Дельфийскӧй ворсӧмъяс @ выльтор @ https://rkomi.ru/news/3341 @ 2023-11-21 @}
Сыктывкарын восьтісны Том йӧзлысь мӧд восьса Арктикаса Дельфийскӧй ворсӧмъяс.
Вӧльгым тӧлысь 21 лунӧ «Лузалес-Арена» концертно-спортивнӧй шӧринын кыпыда восьтісны ворсӧмъяссӧ.
Ворсӧмъяссӧ нуӧдӧны Россияса Президент Владимир Путинлӧн тшӧктӧм серти збыльмӧдан «Культура» национальнӧй проектлӧн «Енбиа йӧз» дінму проект серти.
Ворсӧмъясӧ пырӧдчысьясӧс чолӧмалісны Коми Республикаса Юралысь Владимир Уйба, Россияса Войтыркостса Дельфийскӧй сӧветлӧн попечительскӧй сӧветӧн ӧтув веськӧдлысь Анатолий Конташов, РФ суйӧрсайса делӧяс серти министерстволӧн торъя тшӧктӧмъяс серти посол Николай Корчунов да Войтыркостса Дельфийскӧй комитетысь директор, ЮНЕСКО делӧяс серти РФ комиссияӧ пырысь Владимир Понявин.
Творчестволы сиӧм гажӧ пырӧдчысьяслы, котыртысьяслы да гӧсьтъяслы чолӧмала кывъяс ыстіс Россия Федерацияса Веськӧдлан котырӧн Юрнуӧдысь Михаил Владимирович Мишустин.
Чолӧмалӧмсӧ лыддис Коми Республикаса Юралысь: «Пыдди пуктана ёртъяс, чолӧмала тіянӧс Том йӧзлӧн мӧд восьса Арктикаса Дельфийскӧй ворсӧмъяс вылын.
Тайӧ аслыспӧлӧс конкурсыс сетӧ позянлун енбиа ныв-зонлы петкӧдлыны ассьыныс кужанлунныссӧ уна сикас нимпасын, отсалӧ видзны войвывса войтырлысь культурасӧ, сӧвмӧдны национальнӧй искусство.
Ӧнія ворсӧмъяссӧ сиӧма Айму вӧсна Ыджыд тышын Вермӧмсянь 80 во тырӧмлы.
Комиын пыдди пуктӧны ассьыныс геройясныссӧ, кодъяс дорйисны Чужан му, кодъяс повтӧг тышкасисны фронтъяс вылын да уджалісны тылын.
Талун республикаын няньӧн-солӧн паныдалӧны творчество ордйысьӧмъясӧ пырӧдчысьясӧс.
Тайӧ лунъясыс ӧтувтасны енбиа ныв-зонмӧс.
Быдӧн вермас петкӧдлыны асьсӧ, шедӧдны выль вермӧмъяс, бӧрйыны аслыс водзӧ вылӧ уджсикас.
Тӧда, Том йӧзлӧн мӧд восьса Арктикаса Дельфийскӧй ворсӧмъясыс ставныдлы йиджасны сьӧлӧманыд.
Сиа пырӧдчысьяслы вермӧмъяс!»
«Зэв нимкодь, мый миян дона республикаса юркарӧ бара на чукӧртчисны став страна пасьталаысь енбиа том йӧз, – шыӧдчис пырӧдчысьяс дорӧ Владимир Уйба. – Миянлы тайӧ тӧдчана нӧшта на сы вӧсна, мый 2023 восӧ Коми Республикаын сиӧма том йӧзлы, а Россияын – педагоглы да наставниклы.
Ставӧн ми бура гӧгӧрвоам, мый тӧлка ныв-зонлы воӧдчыны ыджыд вермӧмъясӧдз отсалӧны енбиа педагогъяс, кодъяс сетӧны сьӧлӧмнысӧ тіянлы, ворсӧмъясӧ дона пырӧдчысьяс.
И ми сідзжӧ, кыдзи и ті, аттьӧалам найӧс.
Сиа дельфиецьяслы кыпыд ловру, выль ёртъяскӧд аддзысьӧмысь бур сьӧлӧмкылӧмъяс да вермӧмъяс.
Тӧда, миян регионса делегация бара нимкодьмӧдас миянӧс яръюгыд петкӧдчӧмъясӧн.
Ёртъяс, ми тіянкӧд, смела босьтчӧй уджӧ!».
Регионса Юралысь аттьӧаліс Россияса Войтыркостса Дельфийскӧй сӧветӧс отсӧг сетӧмысь да пасйис, мый Коми Республикалы нимкодь нуӧдны татшӧм ыджыд да тӧдчана мероприятиесӧ.
Тавосянь Ворсӧмъясыс лоисны восьсаӧн.
Сідзкӧ, наӧ вермасны пырӧдчыны оз сӧмын Арктика зонаса регионъясысь, но и Россия пасьталаысь йӧз.
Ставнас Коми Республикаса юркарӧ воисны 10 арӧссянь 25 арӧсӧдз 600 пырӧдчысь.
Найӧ локтісны Россияса 30 субъектысь да мукӧд странаысь.
«Дона пырӧдчысьяс!
Пыдди пуктана жюриӧ пырысьяс, Коми Республикаын дона олысьяс!
Талун зэв тӧдчана лун.
Арктикаса Дельфийскӧй ворсӧмъясыс лоисны традицияӧн, – шуис Владимир Понявин. – Колян во Ворсӧмъясыс зэв ёна кажитчисны йӧзыслы, колисны вежӧрӧ пырӧдчысьяслӧн бура петкӧдчӧмъясыс, жюрилӧн донъялӧмыс, волонтёръяслӧн уджыс, Коми Республикаын коллялӧм зэв кыпыд лунъясыс, а медшӧрыс – бура паныдалӧм.
Дельфийскӧй ворсӧмъяс бара нин Сыктывкарынӧсь.
Сиа пырӧдчысьяслы вермӧмъяс, бур ордйысьӧм, а миянлы – шуда лунъяс Коми муын да кыпыд гаж.
Шуа Том йӧзлысь мӧд восьса Арктикаса Дельфийскӧй ворсӧмъяссӧ восьсаӧн!».
Ворсӧмъясӧ пырӧдчысьяс ордйысясны 28 медаль комплект вӧсна. Ставнас 10 нимпас: «Фортепиано»; «Скрипка»; «Эстраднӧй сьылӧм»; «Йӧзкостса йӧктӧм»; «Йӧзкостса сьылӧм»; «Фотоснимок»; «Серпасасян искусство»; «Пусян-пӧжасян искусство»; «Йӧзкостса инструментъяс»; «Художествоа ремеслӧ».
Творчествоын ордйысьӧм кындзи гӧсьтъяс матісяньджык тӧдмасясны Коми Республикаӧн.
Найӧ ветласны выставкаяс вылӧ, музейӧ, театрӧ, экскурсияяс вылӧ.
Вӧльгым тӧлысь 22 лунӧ Ворсӧмъяс дырйи нуӧдасны Войтыркостса конференция.
Сэтчӧ пырӧдчысьясӧс тӧдмаласны Арктикаса регионъяслӧн озырлун да тӧдчанлун йылысь, Войвывса геройяс йылысь, кодъяс пуктісны пай Айму вӧсна Ыджыд тышын Вермӧмӧ.
Ныв-зонлы висьталасны, кыдзи тышкасисны Войвывса кӧр видзысьяслӧн транспортнӧй батальонъяс, да солдатъяслӧн подвигъяс йылысь.
Вӧльгым тӧлысь 23 лунӧ «Лузалес-Арена» сцена вылын тупкасны Том йӧзлысь мӧд восьса Арктикаса Дельфийскӧй ворсӧмъяссӧ, сэні жӧ лоас гала-концерт.
Фотоыс «Комиинформ» ЮА, авторыс Владимир Шешкунас. 
{Kodko @ Владимир Уйба висьталіс Коми Республикаын сиктса школаяс сӧвмӧдӧм йылысь @ выльтор @ https://rkomi.ru/news/3342 @ 2023-11-22 @}
Владимир Уйба висьталіс Коми Республикаын сиктса школаяс сӧвмӧдӧм йылысь.
Россияса Президент Владимир Путинӧн вӧзйӧм «Велӧдӧм» национальнӧй проект отсӧгӧн регионын кыпӧдӧны выль школаяс да детсадъяс, капитальнӧя дзоньталӧны да могмӧдӧны ӧніяяссӧ, лӧсьӧдӧны ӧнія велӧдан шӧринъяс.
Сідз, шуам, 2024 во помӧдз «Точка роста» шӧринъяс воссясны республикаса став муниципалитетын.
Сэні 37 сюрс сайӧ школьник вермас пыдіджыка велӧдны физика, химия, биология, технология, информатика, а сідзжӧ унджык тӧдмавны робототехника, механика да программируйтан подувъяс йылысь.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаса олысьяслы сетісны канму наградаяс @ выльтор @ https://rkomi.ru/news/3343 @ 2023-11-23 @}
Коми Республикаса олысьяслы сетісны канму наградаяс.
Коми Республикаса Юралысь Владимир Уйба кырымаліс лӧсялана Индӧдсӧ.
«Коми Республикаса канму наградаяс сетӧм йылысь» Коми Республикаса Юралысьлӧн 2023 во вӧльгым тӧлысь 20 лунся 124 №-а Индӧд.
1. Гражданскӧй мог повтӧг да смела збыльмӧдӧмысь «Могъяс дыр кад чӧж бура олӧмӧ пӧртӧмысь» Коми Республикаса медаль сетны: Андрей Иванович Бросевлы – запасса радӧвӧйлы; Руслан Григорьевич Холявкалы – запасса радӧвӧйлы.
2. Коми Республика водзын заслугаясысь «Коми Республикаса нимӧдана уджалысь» Коми Республикаса почёт ним сетны Елена Николаевна Прокопчиклы – «Челядьлы да том йӧзлы творчество двореч» Воркута карын содтӧд тӧдӧмлун сетан муниципальнӧй учреждениеса директорлы.
3. Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетны: Владислав Витальевич Токмянинлы – «Воркута» кар кытшлӧн муниципальнӧй юкӧнса администрацияын Культураӧн веськӧдланінса начальникӧс вежысьлы; Андрей Владимирович Хозяиновлы – «Изьвайывса-97» племеннӧй овмӧс ичӧт кывкутана котырса юралысь энергетиклы, Ухта кар. 
{Kodko @ Владимир Уйба удж серти аддзысьліс Россиялӧн Каналан Думаса депутат Сергей Морозовкӧд @ выльтор @ https://rkomi.ru/news/3344 @ 2023-11-23 @}
Владимир Уйба удж серти аддзысьліс Россиялӧн Каналан Думаса депутат Сергей Морозовкӧд.
Аддзысьлісны Сыктывкарын.
Каналан Думаын «ЕДИНАЯ РОССИЯ» ставроссияса кансяма ютырлӧн фракцияӧн юрнуӧдысьӧс вежысь, Дінму политика да меставывса асвеськӧдлӧм серти комитетӧн веськӧдлысьӧс медводдза вежысь Сергей Морозов – Том йӧзлӧн мӧд восьса Арктикаса Дельфийскӧй ворсӧмъяс вылын почёта гӧсьтъяс лыдысь ӧти.
Коми Республикаса Юралысь, «ЕДИНАЯ РОССИЯ» кансяма ютырлӧн дінму юкӧнса секретар Владимир Уйба аттьӧаліс ыджыд гӧсьтӧс Сыктывкарӧ волӧмысь.
Аддзысьлігӧн сёрнитісны «ЕДИНАЯ РОССИЯ» ютырлӧн нырвизь серти ӧтув уджалӧм, предпринимательяслы отсӧг сетӧм, культура да велӧдӧм сӧвмӧдӧм йылысь. 
{Kodko @ Коми Республикаын помассисны Том йӧзлӧн мӧд восьса Арктикаса Дельфийскӧй ворсӧмъяс @ выльтор @ https://rkomi.ru/news/3345 @ 2023-11-23 @}
Коми Республикаын помассисны Том йӧзлӧн мӧд восьса Арктикаса Дельфийскӧй ворсӧмъяс.
Сэні участвуйтісны Россияса уна регионысь да мукӧд странаысь 600 унджык том енбиа йӧз.
Сыктывкарын вӧльгым тӧлысь 23 лунӧ Ворсӧмъяссӧ кыпыда тупкисны, сійӧс сигӧртіс гала-концерт.
Творческӧй гажӧ пырӧдчысьясӧс да сійӧс котыртысьясӧс аттьӧаліс Коми Республикаса Юралысь Владимир Уйба.
«Миянлы зэв нимкодь примитны асланым му вылын страна пасьталаысь татшӧм енбиа ныв-зонмӧс.
Талун Коми му лоис инӧн, кӧні тіянӧс ошкисны, кӧні верминныд петкӧдлыны ассьыныд кужанлунныдтӧ, вермыны, – шуис Владимир Уйба. – Арктикаса Дельфийскӧй ворсӧмъяс миянлы – тайӧ абу сӧмын творчестволы сиӧм гаж.
Тайӧ кывкутана да ыджыд удж.
Тайӧ сетӧ позянлун водзӧ сӧвмыны тіянлы, енбиа ныв-зонлы, нӧшта ӧти позянлун петкӧдлыны асьныдтӧ, а миянлы – отсавны тіянлы енбиныдтӧ тырвыйӧ восьтӧмын.
Ме сьӧлӧмсянь аттьӧала котыртысьясӧс, волонтёръясӧс, жюриӧ пырысьясӧс.
Тӧда, мый вӧлі сьӧкыд, но ті ставныд молодечьяс, мый верминныд!
Ыджыд аттьӧ тіянлы, дона пырӧдчысьяс!
Тіян енбиысь, зільлунысь, сцена вылын бура петкӧдчӧмысь.
Ми нимкодясям тіянӧн да пыдди пуктам.
Сӧвмӧй водзӧ.
Водзын лоӧны выль вермӧмъяс, выль наградаяс да выль ыджыд удж!
И, дерт, чолӧмалам вермысьясӧс!
Тіян велӧдысьяслӧн сьӧлӧмсянь зільӧм, кужанлун отсӧгӧн тіянӧс зэв вылӧ донъялісны.
Водзӧ тадзи жӧ уджавны!
Ёртъяс, дерт, ми эськӧ кӧсйим, медым миян республикаын тайӧ некымын луныс колисны тіян вежӧрӧ югыдӧн, бурӧн да кыпыдӧн.
Ме чайта, мый сідзи и лои.
Ми зілим вӧчны ставсӧ, медым Коми Республика ӧзтіс тіян сьӧлӧмъясын муслун да колис вежӧраныд дыр кежлӧ.
Кӧдзыд Арктика збыльвылас кӧ, зэв ёна радейтӧ ыджыд енбиа, пӧсь сьӧлӧма йӧзӧс да пыр виччысьӧ, медым ті бӧр воинныд сы дорӧ.
Аттьӧ!».
Коми Республикаса Юралысь торйӧн аттьӧаліс Войтыркостса Дельфийскӧй комитетысь директор Владимир Николаевич Понявинӧс да Россияса Войтыркостса Дельфийскӧй сӧветысь ставнысӧ Том йӧзлысь мӧд восьса Арктикаса Дельфийскӧй ворсӧмъяс котыртӧмын да нуӧдӧмын ӧтувъя уджысь.
«Дона лауреатъяс да Ворсӧмъясӧ пырӧдчысьяс!
Пыдди пуктана жюриӧ пырысьяс, гӧсьтъяс, котыртысьяс, волонтёръяс да Коми Республикаын олысьяс!
Воддза Дельфийскӧй ворсӧмъяс дырйи медшӧрӧн лоис бӧрйӧм уджсикас бура тӧдӧм, ордйысьны кужӧм да Айму радейтӧм.
Нимкодь, мый буретш Коми Республикаын тайӧ медшӧрторъяс дорӧ содіс ӧта-мӧдӧс гӧгӧрвоӧм да ёртасьӧм.
Аддзысьлам 2024 воын Дельфийскӧй ворсӧмъяс дырйи. Мӧд во Россияса Дельфийскӧй ворсӧмъяссӧ нуӧдасны 25.
Шуа Том йӧзлысь мӧд восьса Арктикаса Дельфийскӧй ворсӧмъяссӧ тупкысаӧн», – пасйис Владимир Понявин.
Тайӧ лунъясӧ уна гӧсьт волісны Сыктывкарӧ – ворсӧмӧ пырӧдчысьяс, энтузиастъяс-волонтёръяс, жюриӧ пырысьяс, котыртысьяс.
Комиын пырӧдчысьяс ордйысисны культура да велӧдан медтӧдчана учреждениеясын дас нимпас серти. Найӧ сьылісны-йӧктісны да весиг кулинарияын петкӧдлісны кужанлуннысӧ.
Сетісны 28 награда комплект.
Том йӧзлӧн мӧд восьса Арктикаса Дельфийскӧй ворсӧмъяс дырйи водзӧ дасьтысисны уна войтыра Россияын зэв тӧдчана гаж – Айму вӧсна Ыджыд тышын Вермӧмсянь 80 во тырӧмсӧ пасйӧм кежлӧ.
Тайӧ темаыслы Войтыркостса традиционнӧй конференция дырйи сиисны «Войвывса кӧр видзысьяслӧн транспортнӧй батальонъяс» торъя проект.
Россия Федерацияса финн-угор культура шӧринын спецпроектлӧн мероприятиеяс дырйи гӧсьтъясӧс тӧдмӧдісны война кадӧ кӧр видзысьяслӧн транспортнӧй батальонъяслӧн историяӧн. Найӧ пуктісны тӧдчана пай Ыджыд Вермӧмӧ.
Коми Республикаӧ волӧмыс коляс Ворсӧмъясӧ пырӧдчысьяслы вежӧраныс оз сӧмын ордйысьӧмъясӧн.
Арктикаса Дельфийскӧй ворсӧмъяслӧн медшӧр могъяс пиысь ӧтиыс – Арктика зоналӧн творческӧй, культура, история озырлунӧн тӧдмӧдӧм.
Делегацияяс пырӧдчисны быдсикас мероприятиеӧ да тӧдмалісны, мый регионын аслыспӧлӧс искусствоыс зэв озыр.
Гӧсьтъяс видзӧдлісны Коми Республикаса национальнӧй музейын выставкаяс, тӧдмасисны Национальнӧй галереяын экспонатъясӧн, волісны Коми Республикаса уна культура учреждениеӧ.
Ворсӧмъясӧ пырӧдчысьяслы сьӧлӧм выланыс воисны регионлӧн традицияяс, национальнӧй кыв, а сідзжӧ коми сёян-юан.
Фотоыс «Комиинформ» ЮА, авторыс Владимир Шешкунас. 
{Kodko @ Владимир Уйба аддзысьліс СВО участвуйтысьяслӧн рӧдвужкӧд @ выльтор @ https://rkomi.ru/news/3346 @ 2023-11-24 @}
Владимир Уйба аддзысьліс СВО участвуйтысьяслӧн рӧдвужкӧд.
«Айму дорйысьяс» республиканскӧй филиалын аддзысьлӧм вылӧ локтісны Сыктывкарысь да матысса районъясысь олысьяс.
Мукӧд муниципалитетысь йӧзыс пырӧдчисны мероприятиеӧ видеосвязь пыр.
«Став юалӧмсӧ, кутшӧмъяс пырӧны Коми Республикаса Веськӧдлан котырлӧн либӧ менам, кыдзи республикаса Юралысьлӧн, уджӧ, ми зілям ӧдйӧ збыльмӧдны.
Регионын сетам став колана отсалан мерасӧ, налӧн сикасъясыс пыр содӧны.
Миян кӧ оз артмы тырвыйӧ разьны мытшӧдсӧ, шыӧдчам федеральнӧй тшупӧдӧ, корсям став позянлунсӧ.
Ни ӧти шыӧдчӧм оз коль вочакывтӧг», – шыӧдчис СВО участвуйтысьяслӧн рӧдвуж дорӧ Владимир Уйба.
Аддзысьлігӧн юасисны олан условиеяс бурмӧдӧм, боечьяслы мынтӧмъяс да отпуск сетӧм йылысь.
Военнослужащӧйяслӧн рӧдвужныс корисны отсавны кокньӧдъяс босьтӧм вылӧ документъяс оформитӧмын, мобилизуйтӧм мортлысь ИП нуӧдӧмын, кагалы содтӧд велӧдан занятиеяс котыртӧмын.
Сідзжӧ юалӧмъясыс вӧлі йитчӧмаӧсь сьӧкыда ранитчӧм военнослужащӧйясӧс Коми Республикаысь бокын бурдӧдӧмкӧд да реабилитируйтӧмкӧд, доймалӧм мортлӧн рӧдвужлы госпитальӧ сійӧс нуӧдан да бӧр туйысь мынтысьӧмкӧд, юӧртӧг вошӧм боечьясӧс корсьӧмкӧд.
Юалӧмъяс вылӧ вочавидзисны Коми Республикаса Юралысь Владимир Уйба, Коми Республикаса военнӧй комиссар Дмитрий Федин, социальнӧй юкӧн серти Коми Республикаса Веськӧдлан котырӧн Юрнуӧдысьӧс вежысь Екатерина Грибкова, Коми Республикаса военнӧй прокурор Дмитрий Мухачёв.
Военнослужащӧйяслӧн рӧдвужныс аттьӧалісны Владимир Уйбаӧс быд боксянь отсалӧмысь.
Коми Республикаса Юралысьлӧн отсӧгӧн вӧлі решитӧма специализируйтӧм клиникаясын боечьясӧс реабилитируйтӧм, передӧвӧй вылӧ обмундирование да торъя оборудование нуӧм серти юалӧмъяс да мукӧдтор.
Аддзысьӧмын участвуйтысьяслӧн корӧм серти Владимир Уйба примитіс помшуӧм пыртны Коми Республикаын социальнӧя отсалан содтӧд мера – сетны позянлун бурдӧдчыны санаторийясын да курортъясын СВО дырйи пӧгибнитӧм участвуйтысьяслӧн бать-мамлы.
Таысь кындзи, Коми Республикаса Юралысь эскӧдіс, мый торъя военнӧй операцияын участвуйтысьяслы да налӧн семьяяслы отсалан регионса став мераыс кутас уджавны СВО помасьтӧдз.
Торъя военнӧй операцияын участвуйтысь военнослужащӧйяслӧн мамъяс, гӧтыръяс да чойяс дорӧ шыӧдчис Елена Лифенко, пӧгибнитӧм офицер Виталий Лифенколӧн гӧтыр: «Верӧсӧй пыр юасис, кыдзи олӧны тылын, мый майшӧдлӧ гӧтыръяссӧ да мамъяссӧ.
Кор ми сёрнитлім телефон пыр, ме ставсӧ висьтавлі сылы, сійӧ сёрнитіс зонъясыскӧд, такӧдіс найӧс.
Сылӧн кувсьӧмыс ставнысӧ шемӧсмӧдіс.
Но та дырйи ме сыӧн гӧрдитча!
Да, зэв сьӧкыд.
Дой, забеда, полӧм – ме муні та пыр.
Быдӧнлӧн миян пиысь эм мог.
Ӧні менам могӧй – видзны сы йылысь паметьсӧ.
Сиа гӧтыръяслы да мамъяслы вын.
Шыӧдчӧй Фондӧ, тіянлы тані отсаласны.
Аттьӧала ставныдтӧ отсӧгысь, ме аслам шогӧн да дойӧн эг коль ӧтнам.
Менам быдмӧ ныв, велӧдчӧ кадетскӧй классын. Кӧть и батьыс сылӧн кувсис, нылукӧй кӧсйӧ бӧрйыны сы кодь жӧ удж.
Кевмысьӧй, кутчысьӧй.
Ранитчӧм боечьяслы сиа ӧдйӧджык бурдӧдчыны, медым быдӧн бӧр локтісны гортаныс».
Аддзысьлӧм бӧрын Коми Республикаса Юралысь сетіс лӧсялана министерствояслы да ведомствояслы ӧткымын тшӧктӧм, а сідзжӧ эскӧдіс, мый медся ёсь юалӧмъяссӧ решитӧм вылӧ ас нимсяньыс ыстас Россияса Президентлы, Россия Федерацияса Веськӧдлан котырӧ, Россия Федерацияса оборона министерствоӧ шыӧдчӧмъяс.  
{Kodko @ Владимир Уйба аттьӧаліс Ухтаса да Сосногорскса олысьясӧс СВО участвуйтысьяслы зіля отсалӧмысь @ выльтор @ https://rkomi.ru/news/3347 @ 2023-11-24 @}
Владимир Уйба аттьӧаліс Ухтаса да Сосногорскса олысьясӧс СВО участвуйтысьяслы зіля отсалӧмысь.
Ухтаӧ удж серти волігӧн Коми Республикаса Юралысь сетіс Аттьӧалана письмӧяс водзмӧстчысь йӧзлы.
Кыпыд мероприятиесӧ вӧлі сиӧма Ухталы кар статус сетан лунсянь 80 во тырӧмлы.
«Став сьӧлӧмсянь чолӧмала ухтасаясӧс гӧгрӧс пасӧн. Сиа карлы водзӧ сӧвмыны, мичаммыны, сиа, медым чужис унджык челядь, – пасйис Владимир Уйба. 
– Аттьӧала торъя военнӧй операцияын участвуйтысьясӧс, налысь семьяяссӧ да Ухтаын став бур сьӧлӧма йӧзсӧ, кодъяс сетӧны гуманитарнӧй отсӧг миян боечьяслы.
Миян зонъяслы, кодъяс воюйтӧны, зэв тӧдчана быд лун кывны на вӧсна миянлысь тӧждысьӧмнымӧс.
Сійӧ петкӧдчӧ уна ног.
Тайӧ и челядьсянь письмӧяс, и шоныд кӧлуй, и техническӧй средствояс.
Талун зэв тӧдчана налы отсӧгыс, тӧждысьӧмыс да радейтӧмыс.
Таысь налы сьӧлӧм выланыс ёна долыдджык, а тышкасьны вӧрӧгкӧд – кокньыдджык.
Ӧд ми тышкасям огӧ полӧм, сьӧм, наградаяс вӧсна, а Чужан му радейтӧм да веськыдлун вӧсна».
Торъя военнӧй операция дырйи пӧгибнитӧм Айму дорйысьясӧс казьтыштісны чӧв олыштӧмӧн.
Владимир Уйба пасйис, мый республикаса олысьяслы быть колӧ ӧтувтчыны да быд боксянь отсавны торъя военнӧй операцияын участвуйтысьяслы да налӧн рӧдвужлы.
Сідзжӧ сійӧ тӧдчӧдіс, мый гуманитарнӧй отсӧгсӧ чукӧртӧны быд лун.
Сӧмын Ухта тайӧ кадӧн, мыйта мунӧ военнӧй операцияыс, ыстіс 24 гӧгӧр гуманитарнӧй конвой – тайӧ карса олысьяслӧн да предприятиеяслӧн ыджыд пай.
***
СВО участвуйтысьяслы гуманитарнӧй отсӧг котыртӧмӧ зіля пырӧдчӧмысь Коми Республикаса Юралыссянь Аттьӧалана письмӧ сетӧма:
Александр Владимирович Балалы – «Газпром трансгаз Ухта» котырса водительлы, «Боевӧй котыр» ставроссияса ӧтйӧза организациялӧн Ухтаса юкӧнӧ пырысьлы;
Эльчин Фехрад оглы Гадировлы – пенсионерлы;
Павел Викторович Голублы – асшӧр уджалысьлы;
Елена Владимировна Двожаклы – «Сосногорск» муниципальнӧй районлӧн муниципальнӧй юкӧнса Юралысьлӧн отсасьысьлы;
Виктория Викторовна Демянчуклы – «УхтаГазСервис» котырса юрисконсультлы, ZOV 11 волонтёръяслӧн группаӧн юрнуӧдысьлы;
Павел Алексеевич Дмитриевлы – асшӧр уджалысьлы, «Боевӧй котыр» ставроссияса ӧтйӧза организациялӧн Ухтаса юкӧнӧн веськӧдлысьлы;
Владимир Владимирович Жигуновлы – Афганистанса ветеранъяслӧн котырын Сосногорскса юкӧнӧн юрнуӧдысьлы, асшӧр уджалысьлы;
Виталий Анатольевич Ковалевлы – «Газпром трансгаз Ухта» котырын удж видзӧм серти специалистлы, «Десантникъяслӧн котыр» десантнӧй войскаясса ветеранъяслӧн Коми дінму ӧтйӧза организацияӧ пырысьлы;
Николай Юрьевич Кулябовлы – Ухтаса канму техническӧй университетлӧн Мусир да биару наука боксянь туялан да проектнӧй удж нуӧдан институтын ӧтувъя юалӧмъяс серти медыджыд директорӧс вежысьлы;
Вадим Николаевич Кучумовлы – Сосногорскса водоканаллӧн медыджыд директорлы;
Ильдар Зульфарович Махмутовлы – «Сосногорск» муниципальнӧй районлӧн муниципальнӧй юкӧнса Юралысьлы;
Дмитрий Борисович Момотовлы – асшӧр уджалысьлы;
Алексей Сергеевич Морозовлы – асшӧр уджалысьлы;
Дмитрий Владимирович Свиридовлы – «Т-ДЭК» котырса медыджыд директорлы;
Владимир Михайлович Фоминлы – «Боевӧй котыр» ставроссияса ӧтйӧза организациялӧн Ухтаса юкӧнӧ пырысьлы;
Игорь Михайлович Чугуновлы – асшӧр уджалысьлы;
Александр Владимирович Шаховцевлы – «Афганскӧй войнаса да Чечняын вӧвлӧмторъясса ветеранъяслӧн котыр» Ухта карса ӧтйӧза организацияӧн веськӧдлысьлы.
Фотоыс «Ухта» муниципальнӧй кытшлӧн администрацияса пресс-службалӧн.
{Kodko @ Владимир Уйба вылӧ донъяліс «Айму дорйысьяс» фондлӧн регионса филиаллӧн Ухтаын социальнӧй координаторъяслысь уджсӧ @ выльтор @ https://rkomi.ru/news/3348 @ 2023-11-24 @}
Владимир Уйба вылӧ донъяліс «Айму дорйысьяс» фондлӧн регионса филиаллӧн Ухтаын социальнӧй координаторъяслысь уджсӧ.
Муниципалитетӧ удж серти волігӧн Коми Республикаса Юралысь сёрнитіс «Айму дорйысьяс» фондса филиалын уджалысьяскӧд военнӧй операцияын участвуйтысь военнослужащӧйяслы да налӧн семьяясӧ пырысьяслы отсалӧм йылысь.
«Тӧда, тіян небыд сьӧлӧмныд, водзмӧстчӧмныд, опытныд, олӧмсӧ гӧгӧрвоӧмныд да тӧдӧмлунъясныд отсаласны решитны юалӧмъяссӧ, кутшӧмъяс артмӧны миян зонъяслӧн, кодъяс бӧр локтісны торъя военнӧй операция нуӧданінысь, да налӧн семьяясыслӧн.
Ме тшӧкыда ветлывла СВО нуӧданінӧ, паныдасьла боечьяскӧд, медым тӧдмавны, кутшӧм налӧн сьӧлӧмкылӧмъясныс да мый налы колӧ, аддзысьла военнослужащӧйяслӧн семьяясныскӧд, аддза, кутшӧм дона налы татшӧм отсӧгыс», – пасйис Владимир Уйба.
«Айму дорйысьяс» фондса филиал республикаын заводитіс уджавны 2023 вося лӧддза-номъя тӧлысь 1 лунсянь.
Фондлӧн медшӧр могыс – ӧтувтны мытшӧдъяссӧ да юалӧмъяссӧ, кутшӧмъяс артмӧны торъя военнӧй операцияын участвуйтысьяслӧн да налӧн семьяясӧ пырысьяслӧн, отсавны налы быд боксянь.
Кыдзи пасйис Коми Республикаса Юралысь, СВО участвуйтысьяслы да налӧн семьяясӧ пырысьяслы отсалан системаыс, кутшӧм эм ӧні республикаын, пыр сӧвмӧ да бурмӧ. Медым уджыс муніс колана ногӧн, колӧ бур йитӧд, сы лыдын Фондса филиалъяс пыр.
Владимир Уйба кывзіс координаторъяслысь вӧзйӧмъяссӧ да сёрнитіс накӧд сы йылысь, кутшӧм отсӧг колӧ сетны военнослужащӧйяслы да налӧн семьяяслы.
«Айму дорйысьяс» фондса филиаллӧн Ухтаын социальнӧй координаторъяс лыдысь ӧти – Максим Хлобыстов, Коми Республикаса Герой Анатолий Хлобыстовлӧн, коді пӧгибнитіс СВО дырйи, батьыс.
Сійӧ отсасьӧ СВО вылысь бӧр локтӧм 9 мортлы.
Сідзжӧ сійӧ лоӧ Коми Республикаса Герой Анатолий Хлобыстов нима военно-тактическӧй ворсӧмъяс серти федерациялӧн КРДВССӦО Президентӧн, Коми Республикалӧн Ухта карын «Юнармия» СВПӦӦ меставывса юкӧнлӧн штабса начальникӧн. 2021 воын сылы сетӧма Коми Республикаса Веськӧдлан котырлӧн премияа лауреатлысь диплом.
Нӧшта ӧти координатор – Андрей Дозморов.
Сійӧ отсасьӧ 138 мортлы.
Сідзжӧ сійӧ лоӧ «Афганскӧй войнаса да Чечняын вӧвлӧмторъясса ветеранъяслӧн котыр» Ухта карса ӧтйӧза организациялӧн Правлениеӧ, «Афганистанса да торъя военнӧй операцияясса ветеранъяслӧн Россияса котыр» ставроссияса ӧтйӧза организациялӧн Коми дінму юкӧнлӧн Правлениеӧ, Ухта карса десантникъяслӧн котырӧ пырысьӧн.
Сетӧма «Смеллунысь» медаль, Жуков нима медаль, СССР-са Вооружённӧй Вынъяслы 80 во медаль.
«Тіян, кыдзи координаторъяслӧн, медшӧр могыс – вӧчны ставсӧ, медым ни ӧти военнослужащӧй эз коль бокӧ, медым быдӧн вермис разьны ассьыс мытшӧдъяссӧ тіян отсӧгӧн.
Колӧ, медым ставныс тӧдісны тіян йылысь – веськыд йитӧд пыр, тӧдсаяссянь, мукӧд ногӧн, асьныд йитчӧй семьяясныскӧд.
Тіянлы колӧ тӧдны ставнысӧ да быдӧнлы отсавны.
Корӧй уджӧ волонтёръясӧс», – шуис социальнӧй координаторъяслы Владимир Уйба.
Унджык юалӧмсӧ, мыйӧн шыӧдчисны военнослужащӧйяс да налӧн семьяясӧ пырысьяс «Айму дорйысьяс» фондса филиалӧ, збыльмӧдӧма.
Пырджык передӧвӧй вылысь гортаныс воӧм боечьяслы колӧ отсавны документъяс оформитӧмын либӧ выльысь лӧсьӧдӧмын, решитны сьӧм мынтӧм, кокньӧдъяс, боевӧй тышъясса ветеран статус оформитӧм серти юалӧмъяс, а сідзжӧ отсавны бытӧвӧй могъясын.
{Kodko @ Владимир Уйба чолӧмаліс Ухтаса олысьясӧс карлы 80 во тырӧмӧн @ выльтор @ https://rkomi.ru/news/3349 @ 2023-11-24 @}
Владимир Уйба чолӧмаліс Ухтаса олысьясӧс карлы 80 во тырӧмӧн.
Кыпыд мероприятие вӧлі талун, вӧльгым тӧлысь 24 лунӧ, карса Культура дворечын.
«Ухтаса пыдди пуктана олысьяс, гӧсьтъяс, праздникӧн, миян Ухта карлӧн чужан лунӧн, 80 во тырӧмӧн! – чолӧмаліс Владимир Уйба. 
– Ставыс, мый йитчӧма Ухтакӧд, йитчӧма тані Россияын медводдза мусир перъян куйлӧдъяс восьтӧмӧн.
Буретш тайӧ и урчитіс Ухта да ставнас республикаын промышленносьт водзӧ уна во вылӧ сӧвмӧдан туйсӧ.
Ухтаын зэв уна му пытшкӧсса озырлуныс, но нинӧм оз артмы-сӧвмы морттӧг.
А сідзкӧ, миян республикалӧн да Ухталӧн медшӧр озырлуныс – тайӧ ті, Ухтаса пыдди пуктана олысьяс, уджач, водзмӧстысь, нырччысь, енбиа, бур да няньӧн-солӧн примитысь йӧз.
Буретш ті пуктанныд экономика, культура, спорт боксянь кар сӧвмӧдан подувсӧ.
Карыс, збыльысь, Войвывлӧн озырлун». Коми Республикаса Юралысь тӧдчӧдіс, мый ухтасаяс некор эз кольлыны бокӧ странаын лоӧмторъясысь.
Тадзи вӧлі Айму вӧсна Ыджыд тыш дырйи, кор ухтасаяс доброволечьясӧн мунісны фронт вылӧ, дорйисны странанымӧс да мирсӧ фашизмысь, зіля уджалісны тылын, перйисны страналы колана мусир.
Тадзи и ӧні, кор Россия бара сувтіс неонацизмлы паныд.
Ухтаса уна олысь тышкасьӧ Россиялӧн асшӧрлун вӧсна.
Ухтаын чужлӧм йӧз пӧвстын эмӧсь геройяс, кодъяслы кувсьӧм бӧрын сетліны медвылыс наградаяс – тайӧ Россия Федерацияса Герой гвардияса шӧр матрос Олег Александрович Шипицин да Коми Республикаса Герой гвардияса младшӧй сержант Анатолий Максимович Хлобыстов.
20-ысь унджык мортлы сетіны орденъяс да медальяс, жаль, мый унджыкыс кувсьӧм бӧрын.
Владимир Уйба аттьӧаліс ухтасаясӧс военнослужащӧйяслы гуманитарнӧй отсӧг лӧсьӧдӧмысь да ыстӧмысь, торъя военнӧй операцияын участвуйтысьяслы быдӧнӧн отсӧг сетӧмысь.
Сідзжӧ регионса Юралысь пасйис, мый Коми Республикаса Веськӧдлан котыр кар артмӧдысь предприятиеяскӧд ӧтув водзӧ кутас вичмӧдны уна сьӧм кар сӧвмӧдӧм, олӧм вылӧ бур гӧгӧртас, том йӧзлы сӧвман условиеяс лӧсьӧдӧм вылӧ.
Бӧръя воясӧ карын стрӧитӧма да ӧнъяӧдӧма йӧзлы тӧдчана некымын объект – Биару перйысьяслӧн набережнӧй, Челядьлы парк, Генрих Карчевский нима творчество шӧрин планетарийӧн, «Нефтяник» да «Шахтёр» спорт комплексъяс, Ухталӧн карса да челядьлы больничаяс, мутаскостса кага чужтан керка да мукӧдтор.
Таво регионса да национальнӧй проектъяс збыльмӧдӧм серти восьтӧма «вежӧра» спорт площадка, 10 №-а школаын – «Кванториум» челядьлы технопарк, дзоньталӧма 2 №-а шылада школалысь стрӧйбасӧ, водзӧ дзоньталӧны челядьлы художествоа школа.
«Том йӧзлы регион» том йӧз политика быд боксянь сӧвмӧдан уджтас серти выльмӧдӧны Том йӧзлы керка.
Регыд восьтасны выль спорт объект – Эдуард Захаров нима единоборствоӧ велӧдан шӧрин, мый кыпӧдісны «Демография» нацпроект да «Физическӧй культура и спорт сӧвмӧдӧм» Коми Республикаса канму уджтас серти.
Владимир Уйба сиис карлы сӧвмыны, а олысьяслы – дзоньвидзалун, тыр-бур олӧм, шуд, а сідзжӧ Ухталы, Коми Республикалы да Вына Россиялы бур вылӧ уджын выль вермӧмъяс.
Сідзжӧ Коми Республикаса Юралысь сетіс Ухтаса олысьяслы канму наградаяс.
***
Коми Республикаса Юралысьлӧн Индӧдӧн Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
Татьяна Васильевна Потаповалы – Ухта карын Челядьӧс сӧвмӧдан 2 №-а видзанінӧн заведуйтысьлы;
Андрей Владимирович Хозяиновлы – «Изьвайывса-97» племеннӧй овмӧс ичӧт кывкутана котырса юралысь энергетиклы.
Коми Республикаса Юралысьлӧн тшӧктӧмӧн уджын вермӧмъясысь да уна во чӧж бура уджалӧмысь Коми Республикаса Юралыссянь диплом сетӧма «Ухта» кар кытшын «Ухтаспецавтодор» муниципальнӧй казеннӧй предприятиеын уджалысьяслы;
«Ухта» кар кытшын «Горзеленхоз» муниципальнӧй казеннӧй предприятиеын уджалысьяслы;
уджын вермӧмъясысь да уна во чӧж бура уджалӧмысь Коми Республикаса Юралыссянь аттьӧалӧм индӧма:
Светлана Викторовна Сериковалы – Канмусянь пасъян, кадастр да картография федеральнӧй службалӧн Коми Республикаын веськӧдланінлӧн Ухтаын муниципалитеткостса юкӧнлӧн начальникӧс вежысьлы;
Галина Федоровна Тлишевалы – «Ухта» кар кытшса администрацияын Велӧдӧмӧн веськӧдланінса ӧтувъя бухгалтериялӧн школаӧдз велӧдан учреждениеясын вердӧм да бать-мамкӧд рӧштшӧт вӧчӧм серти юкӧнса бухгалтерлы.
Фотоыс «Ухта» муниципальнӧй кытшлӧн администрацияса пресс-службалӧн.
{Kodko @ Талунъя видео пыр шыӧдчӧмын Владимир Уйба юӧртіс Воркутаӧ удж серти ветлӧм йылысь @ выльтор @ https://rkomi.ru/news/3350 @ 2023-11-25 @}
Талунъя видео пыр шыӧдчӧмын Владимир Уйба юӧртіс Воркутаӧ удж серти ветлӧм йылысь.
Вӧльгым тӧлысь 26 лунӧ ылі войвывса карлы тырӧ 80 во.
Юбилей водзын Коми Республикаса Юралысь удж серти аддзысьліс «Аеон» корпорацияса директоръяслӧн сӧветӧн Веськӧдлысь Роман Троценкокӧд. Найӧ сёрнитісны Воркута сӧвмӧдӧм да йӧзлы тӧдчана объектъяс карын кыпӧдӧм йылысь.
Сідзжӧ Владимир Уйба аддзысьліс «Айму дорйысьяс» фондлӧн регионса филиалын социальнӧй координатор Виктория Дегтярёвакӧд да сёрнитіс сыкӧд Воркутаысь торъя военнӧй операцияын участвуйтысьяслы да налӧн семьяясӧ пырысьяслы отсалӧм йылысь.
Таысь кындзи, Коми Республикаса Юралысь ветліс ас му туялан карса музейӧ, кӧні талун воссис «Нэмӧвӧйся кынйирлӧн шоныд» Печораса из шом бассейн йылысь выставка.
Рытнас регионӧн юрнуӧдысь пырӧдчис Воркуталы 80 во тырӧмлы сиӧм кыпыд мероприятиеӧ, кӧні сетіс канму наградаяс. 
{Kodko @ Владимир Уйба казьтыштіс Айму вӧсна Ыджыд тыш кадӧ уджын подвиг вӧчысь воркутасаясӧс @ выльтор @ https://rkomi.ru/news/3351 @ 2023-11-25 @}
Владимир Уйба казьтыштіс Айму вӧсна Ыджыд тыш кадӧ уджын подвиг вӧчысь воркутасаясӧс.
Талун, вӧльгым тӧлысь 25 лунӧ, Воркута артмӧдӧмсянь 80 во тырӧм пасйигӧн «Уджӧн нималысь кар» стела дорын вӧлі кыпыд митинг.
Мероприятиеӧ пырӧдчис Коми Республикаса Юралысь Владимир Уйба.
«Воркутаын пыдди пуктана олысьяс, чолӧмала юбилейӧн!
Тайӧ луныс тӧдчана абу сӧмын воркутасаяслы, но и ставнас Коми Республикалы.
Войкытшсайса кар паськыда нимӧдіс регионнымӧс.
Тані олӧны збыльысь уджач, зіль да вына йӧз.
Ӧд буретш та вӧсна Воркуталӧн лоис «Уджӧн нималысь кар» статус.
Тайӧ петкӧдлӧ, мый вылӧ донъялӧны Воркуталысь да воркутаса йӧзлысь Ыджыд Вермӧмӧ пуктӧм пайсӧ.
Воркуталы тырис 80 во.
Тайӧ воясӧ вӧлі уна сьӧкыдлун, но вермӧмыс вӧлі унджык.
abu
Дона воркутасаяс, буретш ті – войкытшсайса войвыв мулӧн меддонаторйыс.
Тіян уджачлунныд, чужан карныдтӧ радейтӧмныд зэв пыдди пуктана да лоӧ подулӧн Воркуталӧн талунъя да водзӧ вылӧ вермӧмъяслы», – шыӧдчис карсаяс дорӧ Коми Республикаса Юралысь.
Владимир Уйба аттьӧаліс ветеранъясӧс да быдӧнӧс, кодъяс сьӧкыд кадӧ эз мунны войвывса карысь.
Сідзжӧ сійӧ аттьӧаліс олысьясӧс, кодъяслӧн уджӧн олӧ да сӧвмӧ Воркута.
Регионса Юралысь пасйис, мый Коми Республикаса Веськӧдлан котыр кар артмӧдан предприятиекӧд ӧтвылысь унатор вӧчӧны, медым лӧсьӧдны Войкытшсайын бур олан условиеяс.
Вежсьӧ карыс, сӧвмӧ социальнӧй юкӧн.
Россия Федерацияса Президент Владимир Путинлӧн Индӧд серти Воркута карлы сетӧма «Уджӧн нималысь кар» почёт ним «1941–1945 воясся Айму вӧсна Ыджыд тышын Вермӧмӧ карсаясӧн ыджыд пай пуктӧмысь, промышленнӧй предприятиеясын военнӧй да гражданскӧй продукция дугдывтӧг вӧчӧмсӧ могмӧдӧмысь, уджын героизмысь да йӧз вӧсна тӧждысьӧмысь».
Воркутаса олысьяслӧн уджын подвиг да героизм йылысь гижӧма архивнӧй документъясын.
Донбасс оккупируйтӧм бӧрын республикаса из шом промышленносьтын уджалысьяс могмӧдісны из шомӧн страналысь рытыв-войвыв районъяссӧ.
1941 воын «Воркута» станция вылӧ воис медводдза кӧрт туй состав, да рытнас нин «ыджыд муӧ» мӧдӧдісны из шомӧн медводдза вагонъяс.
Война кадӧ воркутаса шахтёръяс из шомсӧ кутісны перйыны матӧ 10 пӧв унджык. 1941 воын перйисны 309 сюрс тонна из шом, а 1945 воын – 2 миллион 907 сюрс тонна.
Йӧз вӧсна тӧждысьӧмысь да героизмысь «Воркутстрой» комбинатса 377 уджалысьлы СССР-са Медвылыс Сӧветса Президиумлӧн Индӧд серти 1943 да 1945 воясын сетісны орденъяс да медальяс.
Война кадӧ карса нёль предприятиелы сетлісны Оборона серти канму комитетлысь переходящӧй Гӧрд Знамяяс: «Воркутстрой» комбинат, Воркутаса ТЭЦ, 4 №-а да 40 №-а шахтаяс.
2-5 №№-а фотояслӧн авторыс - Тимур Кузиев 
{Kodko @ Владимир Уйба пырӧдчис Воркутаын «Нэмӧвӧйся кынйирлӧн шоныд» выставка восьтӧмӧ @ выльтор @ https://rkomi.ru/news/3352 @ 2023-11-25 @}
Владимир Уйба пырӧдчис Воркутаын «Нэмӧвӧйся кынйирлӧн шоныд» выставка восьтӧмӧ.
Выставкасӧ кыпыда восьтісны талун, вӧльгым тӧлысь 25 лунӧ, Воркуталы 80 во тырӧм водзын.
Ас му туялан карса музейын воссьӧм экспозицияыс тӧдмӧдӧ, кыдзи сӧветскӧй кадӧ заводитісны перйыны да ӧні перйӧны из шомсӧ Печораса бассейнын, кыдзи сӧвмӧ войкытшсайса горнӧй промышленносьтыс.
Та дырйи музейыс кык во чӧж нин пырӧдчӧ «Культура» национальнӧй проектӧ да сы отсӧгӧн капитальнӧя дзоньталіс жыръяс, ньӧбис экспозицияяс петкӧдлӧм вылӧ ӧнія выль оборудование, а Коми Республикаса Юралысьлӧн грант вылӧ лӧсьӧдіс 3D-пирамида вылӧ цифрӧвӧй уджтас.
«Медводз, сьӧлӧмсянь чолӧмала тіянӧс 80 во тырӧмӧн, Воркуталӧн юбилейӧн! – шыӧдчис выставка вылӧ локтысьяс дорӧ Коми Республикаса Юралысь Владимир Уйба. 
– Воркута пыр вӧлі йитчӧма шахтёрлӧн уджкӧд.
Шахтёрлӧн сьӧкыд да ӧпаснӧй уджыс лоӧ карлӧн сӧвмӧмлы да вермӧмъяслы подулӧн.
Тайӧ выставкаыс колӧ сы могысь, медым гӧгӧрвоны, кутшӧм ыджыд пай пуктӧ Воркута регионса экономика сӧвмӧдӧмӧ.
Талун унатор вӧчсьӧ Воркута, из шом, шахтёрлӧн удж серти.
Та вӧсна татшӧм выставкаясыс колӧны талунъя Воркуталы да томуловлы, медым эз вош кад да слава йылысь паметьыс».
Выставкаыс висьталӧ экспедицияяс да туялысьяс йылысь, кодъяс юӧртісны Печораса из шом бассейн восьтӧм йылысь.
Экспонатъяс лыдын петкӧдлӧма воркутаса музейлӧн запасникъясысь геологическӧй коллекцияысь юкӧн.
Сідзжӧ выставка вылын позьӧ тӧдмавны, кыдзи пансис воркутаса куйлӧдысь из шом перйӧмыс.
Тані петкӧдлӧма колян нэмся 30-40 воясӧ уджалысь горнякъяслысь уджалан кӧлуйсӧ да экипировкасӧ.
Таысь кындзи, выставка вылын висьтавсьӧ Айму вӧсна Ыджыд тыш кадӧ Воркутаын из шом промышленносьт сӧвмӧдӧм йылысь.
Сэки воркутаса олысьяс вӧчисны уджын подвиг, а сідзжӧ вӧлі пыртӧма уджӧ медводдза механическӧй оборудование – пневматическӧй отбойнӧй мӧлӧтъяс, кутісны механизмъяс отсӧгӧн петкӧдны из шомсӧ шахтаысь.
Сідзжӧ локтысьяслы висьталісны выль инфраструктура стрӧитӧм да из шом промышленносьт юкӧнса предприятиеяс, механическӧй, кирпич да цемент вӧчан заводъяс да мукӧд производство восьтӧм йылысь.
Тані тшӧтш позьӧ тӧдмавны «Воркутауголь» комбинатлӧн производствоын передӧвикъяс, юрнуӧдысьяс да горноспасательнӧй служба йылысь.
Выставка вылын петкӧдлӧма, кыдзи ӧні перйӧны из шомсӧ, обработайтӧны да транспортируйтӧны, сӧвмӧдӧны горнӧй техника да технологияяс.
Голографическӧй 3D-пирамида отсӧгӧн позьӧ видзӧдлыны татшӧм гырысь техника, кыдзи «Донбасс», «Комбайн Чикетова» из шом перъян комбайнъяс, а сідзжӧ ӧнія механизируйтӧм весалан комплекс.
Музейын вермӧны петкӧдлыны программаӧн индӧм быдсикас объектлысь, тшӧтш и гырысь объектъяслысь, трёхмернӧй серпассӧ.
«ВоркутаУголь» компания ёна отсаліс ас му туялан музейлы выставка котыртӧмын.
Предприятие сетіс мукӧд экспонатсӧ, а сідзжӧ босьтіс ас вылас экспозицияясын шахтаса арочнӧй пыкӧдъяссӧ петкӧдлысь юкӧнъяс дасьтӧм серти уджсӧ.
«Миян могным – тӧдны сійӧс, мый вӧчӧма, вӧдитчыны тайӧ опытӧн да лӧсьӧдны карын бур гӧгӧртас, бур уджалан условиеяс.
Тайӧ экспозицияыс йитӧ сійӧс, мый вӧлі, да сійӧс, мый ми кӧсъям вӧчны.
Ыджыд аттьӧ республикаса юрнуӧдысьяслы.
Владимир Викторович дӧверитіс миянлы дасьтыны кар сӧвмӧдан, кар гӧгӧртас, транспорт бурмӧдан план.
Олысьяс асьныс вермасны аддзыны тайӧ вежсьӧмъяссӧ, пырӧдчыны помшуӧмъяс видлалӧмӧ.
Ми ӧтвылысь вӧчам сідзи, медым Воркута и водзӧ лоис Уджӧн нималысь карӧн», – пасйис «Аэон» корпорацияса директоръяслӧн сӧветӧн Веськӧдлысь Роман Троценко.
Фотояслӧн авторыс Тимур Кузиев. 
{Kodko @ Владимир Уйба удж серти аддзысьліс «Айму дорйысьяс» фондлӧн Воркутаын социальнӧй координатор Виктория Дегтярёвакӧд @ выльтор @ https://rkomi.ru/news/3353 @ 2023-11-25 @}
Владимир Уйба удж серти аддзысьліс «Айму дорйысьяс» фондлӧн Воркутаын социальнӧй координатор Виктория Дегтярёвакӧд.
Аддзысьлігӧн сёрнитісны торъя военнӧй операцияын участвуйтысь военнослужащӧйяслы да налӧн семьяясӧ пырысьяслы отсӧг сетӧм йылысь.
«Нӧшта ӧтчыдысь кӧсъя сувтыштлыны СВО вылысь локтӧм зонъяскӧд да налӧн семьяяскӧд уджалӧм вылӧ.
Быд лун ме видзӧдала «веськыд йитӧдсӧ» да быд лун ме кыла налысь ловрусӧ, тӧда военнослужащӧйяслӧн да налӧн семьяяслӧн олӧмын сьӧкыдлунъяс, шог-майшасьӧм йылысь.
Сідзжӧ йӧзыс веськыда шыӧдчӧны ме дорӧ.
Шыӧдчӧны сы могысь, медым могмӧдны зонъяснымӧс, корсьны юӧртӧг вошӧмаясӧс, бурдӧдны доймалӧмаясӧс, вайны пӧгибнитӧмаясӧс.
Тіян могныд талун - отсасьны.
Лӧсьӧдӧй реестр, кытчӧ гижӧй мытшӧдсӧ, и кутшӧм отсӧг сетӧма сы серти.
Сӧмын жалитӧмыд этша.
Миянлы колӧ вӧчны ставсӧ, медым йӧзыс гӧгӧрвоисны, мый ми накӧд да пыр отсалам налы разьны мытшӧдъясныссӧ», - тӧдчӧдіс Владимир Уйба.
Виктория Дегтярёва чужис Донецк обласьтса Волновахскӧй районын, ӧні олӧ Воркутаын.
Социальнӧй координатор отсасьӧ торъя военнӧй операцияын 97 участвуйтысьлы да налӧн семьяясӧ пырысьяслы.
Виктория Дегтярёвалӧн уджалігӧн воис 500-ысь унджык шыӧдчӧм.
Унджыкын на пиысь отсалӧма нин. 
{Kodko @ Владимир Уйба да Роман Троценко сёрнитісны социальнӧй инфраструктура да Воркута кар сӧвмӧдӧм йылысь @ выльтор @ https://rkomi.ru/news/3354 @ 2023-11-25 @}
Владимир Уйба да Роман Троценко сёрнитісны социальнӧй инфраструктура да Воркута кар сӧвмӧдӧм йылысь.
Вӧльгым тӧлысь 25 лунӧ, Воркуталы 80 во тырӧм водзын, Коми Республикаса Юралысь удж серти аддзысьліс AEON корпорацияса директоръяслӧн сӧветӧн Веськӧдлыськӧд.
Аддзысьлігӧн ёнджыкасӧ сёрнитісны ылі войвывса карлысь мастер-план дасьтӧм йылысь. Ӧні корпорациялӧн водзмӧстчӧмӧн сы вылын уджалӧ архитекторъяслӧн, кар стрӧитысьяслӧн, инженеръяслӧн, транспорт сӧвмӧдан специалистъяслӧн, экологъяслӧн, экономистъяслӧн да социологъяслӧн команда.
Мастер-плансӧ кӧсйӧны помавны 2024 воын.
Сылӧн подув пыдди босьтасны бурмӧдӧм-мичмӧдӧм да выль социальнӧй объектъяс кыпӧдӧм серти воркутасаяслысь кӧсйӧмъяссӧ.
Сідзжӧ тӧд вылын кутасны мутас климатлысь да Воркуталӧн архитектуралысь аслыспӧлӧслунъяссӧ.
«AEON корпорациялӧн да «ВоркутаУголь» компаниялӧн куим медшӧр мог, мыйӧ ми кутчысям: безопасносьт, Воркутаын олан условиеяссӧ бурмӧдӧм да производство сӧвмӧдӧм, – пасйис Роман Троценко. – 2023 воын воркутасаяс асьныс аддзылісны шоныд остановкаяс, пуяс да кустъяс пуктӧм, кар инфраструктура бурмӧдӧм, а мӧд во найӧ тӧдмасясны карлӧн дась мастер-планӧн.
Ми видзӧдам аскиа лунӧ да кӧсъям, медым Воркута оліс, уджаліс!»
«Ыджыд аттьӧ, Роман Викторович, Воркута сӧвмӧдӧм вылын подулалӧмӧн уджалӧмысь.
Юкӧн юкӧнӧн уджалӧмысь бурыс оз ло.
А сы отсӧгӧн, мый ті дасьтанныд мастер-план, сёрнитанныд йӧзыскӧд, уджыс артмас.
Ыджыд аттьӧ и сыысь, мый «ВоркутаУголь» компаниялы да тіянлы карыс абу места, кытысь перйӧны из шом да воӧ чуктӧс, а ті йитанныд Воркута сӧвмӧдӧмсӧ аскиа лункӧд.
Йӧзыслы тайӧ медся колана», – тӧдчӧдіс Владимир Уйба.
Казьтыштам, 2023 вося йирым тӧлысьӧ Воркута пырис Россия Федерацияса Арктика зоналӧн подув мутас лыддьӧгӧ да лоис Россияса Арктикалӧн социальнӧй да экономика боксянь сӧвмӧдан комплекснӧй проектлӧн юкӧнӧн.
Ставнас татшӧм лыддьӧгӧ пыртӧма странаса 26 олан пунтысь 16 агломерация.
2-5 №№ фотояслӧн авторыс - Тимур Кузиев. 
{Kodko @ Владимир Уйба чолӧмаліс Воркутаса олысьясӧс карлы 80 во тырӧмӧн @ выльтор @ https://rkomi.ru/news/3355 @ 2023-11-25 @}
Владимир Уйба чолӧмаліс Воркутаса олысьясӧс карлы 80 во тырӧмӧн.
Коми Республикаса Юралысь пырӧдчис Шахтёръяслӧн культура дворечын ылі войвывса карлӧн юбилейлы сиӧм кыпыд мероприятиеӧ.
«Сьӧлӧмсянь чолӧмала тіянӧс Воркуталы 80 во тырӧмӧн!
Тайӧ тӧдчана кадпас – нӧшта ӧти помка шуны аттьӧ тіянлы, дона воркутасаяс, пасйыны республика да страна водзын тіянлысь да налысь, кодъяс уджалісны тіӧдз, бур вӧчӧмныдтӧ.
Кар сьӧлӧмсянь радейтӧмӧн, ті вӧчинныд сійӧс татшӧм мичаӧн, няня-солаӧн.
Тіян пӧсь сьӧлӧмныд сывдӧ кӧдзыд войвывсӧ, ті перъянныд мупытшкӧсса озырлунсӧ йӧзлы бур вылӧ», – пасйис чолӧмалӧмын Владимир Уйба.
Сідзжӧ Коми Республикаса Юралысь аттьӧаліс воркутасаясӧс водзмӧстчӧмысь, СВО-ӧ пырӧдчысьяслы да налӧн семьяяслы отсӧгысь.
Уна воркутаса олысь тышкасьӧны торъя военнӧй операция дырйи передӧвӧй вылын, дорйӧны Аймунымӧс неонацистъясысь.
«Ылі войвыв карлӧн став олӧмыс – тайӧ удж да уджын подвиг, кутшӧмӧс вылӧ донъялӧны и ӧні.
Россияса Президент Владимир Владимирович Путинлӧн Индӧдӧн 2021 воын Воркуталы сетісны «Уджӧн нималысь кар» вылыс тшупӧда почёт ним.
Воркутаса олысьяс пуктісны да пуктӧны республикаӧс социальнӧй да экономика боксянь сӧвмӧдӧмӧ тӧдчана пай, а Воркутаын тшӧкыда нуӧдӧны миян регионын гырысь ӧтйӧза, культура да спорт мероприятиеяс.
Воркута пыр вӧлі республикалӧн, Россиялӧн торйӧдны позьтӧм юкӧнӧн, пыр сьӧлӧм пырыс лэдзліс миян канмуын да мирын лоӧмторъяссӧ», – пасйис Владимир Уйба.
Кыдз шуис Коми Республикаса Юралысь, регионса Веськӧдлан котыр быд боксянь отсасьӧ Ылі войвывса карлы – водзӧ бурмӧдӧны-лӧсьӧдӧны керка йӧръяс, йӧзлы шойччанінъяс, выльмӧдӧны социальнӧй тӧдчанлуна объектъяс да туйяс.
Торйӧн сійӧ аттьӧаліс «ВоркутаУголь» компания киын кутысьӧс петкӧдлысьӧс – «Аеон» корпорацияса директоръяслӧн сӧветӧн Веськӧдлысь Роман Троценкоӧс да сылысь командасӧ республикаса юрнуӧдысьяскӧд да воркутасаяскӧд ёртасьӧмӧн уджалӧмысь, а сідзжӧ карсӧ водзӧ сӧвмӧдны кӧсйӧмысь.
Регионса Юралысь сідзжӧ тӧдчӧдіс, мый Воркута лоис россияса Арктикаын тӧдчанаинӧн, 2023 вося йирым тӧлысьӧ карыс пырис Россия Федерацияса Арктика зоналӧн подув мутас лыддьӧгӧ да лоис россияса Арктикаӧс социальнӧй да экономика боксянь сӧвмӧдан проектлӧн юкӧнӧн.
Владимир Уйба сетіс водзмӧстчысьяслы канму наградаяс, а муниципалитетса администрациялы Воркутаса школаяслы 5 автобус вылӧ сертификат да аттьӧаліс став воркутасасӧ Войвыв, кар дорӧ муслунысь да сьӧлӧмсянь уджалӧмысь.
Сиис налы дзоньвидзалун, вермӧмъяс, семьяын тыр-бур олӧм, шуд, а Воркуталы – водзӧ сӧвмыны да бур аскиа лун. 
*** 
Россия Федерацияса Президентлӧн Индӧдӧн йӧзлысь дзоньвидзалун видзан юкӧнын заслугаясысь да уна во чӧж сьӧлӧмсянь уджалӧмысь «Россия Федерацияса нимӧдана врач» почёт ним сетӧма: Александр Анатольевич Русаковлы – Воркутаса регыдъя медицина отсӧг сетан больничаын юкӧнӧн заведуйтысьлы.
Россия Федерацияса велӧдан министерстволӧн тшӧктӧдӧн велӧдӧмын уна во чӧж сьӧлӧмсянь уджалӧмысь да ыджыд заслугаясысь «Россия Федерацияса велӧдан юкӧнын почёта уджалысь» почёта ним сетӧма:
Анна Анатольевна Агафоновалы – Воркута карын «Алёнка» челядьӧс 42 №-а видзанінса шӧр кагульничалы;
велӧдӧмын ыджыд заслугаясысь да бура уджалӧмысь Россия Федерацияса велӧдан министерстволысь Почёт грамота сетӧма:
Юлия Александровна Кузнецовалы – «Воркута» кар кытшса администрацияын том йӧз политика юкӧнса медшӧр специалистлы;
Светлана Витальевна Матюшевалы – Воркута карса 12 №-а шӧр школаын ичӧт классъяс велӧдысьлы.
Россия Федерацияса стрӧитчан, оланін да коммунальнӧй овмӧс министерстволӧн тшӧктӧмӧн оланін да коммунальнӧй овмӧс юкӧнын заслугаясысь Россия Федерацияса стрӧитчан, оланін да коммунальнӧй овмӧс министерстволысь почёт пас сетӧма:
Нина Васильевна Нестеровалы – Воркута карын «Центральная» ичӧт кывкутана котырса директорлы;
уджын ыджыд вермӧмъясысь да бура уджалӧмысь Россия Федерацияса стрӧитчан, оланін да коммунальнӧй овмӧс министерстволысь Аттьӧалӧм сетӧма:
Людмила Николаевна Белозеровалы – «Воркута» кар кытшлӧн администрацияын оланін арталӧм да юклӧм серти юкӧнса начальниклы.
Россия Федерацияса удж да социальнӧя доръян министерстволӧн тшӧктӧмӧн уна во чӧж сьӧлӧмсянь уджалӧмысь да социально-трудовӧй юкӧнын заслугаясысь Россия Федерацияса удж да социальнӧя доръян министерстволысь Почёт грамота сетӧма:
Наталья Викторовна Жабколы – Воркута карса олысьясӧс социальнӧя доръян ӧтувъя шӧринын семьялы да челядьлы социальнӧй отсӧг сетан мутас шӧринлӧн социально-психологическӧй юкӧнса психологлы; 
уна во чӧж вывті бура уджалӧмысь, служебнӧй кывкутана могъяс зэв бура вӧчӧмысь Россия Федерацияса удж да социальнӧя доръян министерстволысь аттьӧалӧм сетӧма:
Ольга Вячеславовна Соколенколы – Воркута карса олысьясӧс социальнӧя доръян ӧтувъя шӧринын олысьясӧс социальнӧя доръян мутас шӧринлӧн социальнӧй мынтӧмъяс юкӧнын социальнӧй удж серти специалистлы;
Елена Сергеевна Яницкаялы – Воркута карса олысьясӧс социальнӧя доръян ӧтувъя шӧринын материально-техническӧя могмӧдан да меститчан юкӧнса социальнӧй удж серти специалистлы.
Федеральнӧй архив агентстволӧн тшӧктӧдӧн уна во чӧж сьӧлӧмсянь уджалӧмысь, документъяс видзӧмӧ, чукӧртӧмӧ да наӧн вӧдитчӧмсӧ котыртӧмӧ зіля пырӧдчӧмысь «Почёта архивист» Федеральнӧй архив агентстволӧн ведомствоса морӧсвывса отличие пас сетӧма:
Ольга Борисовна Вайлуновалы – Воркутаын муниципальнӧй архивса директорлы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Елена Николаевна Прокопчиклы – Воркута карын челядьлы да том йӧзлы творчество дворечса директорлы;
Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
Светлана Валерьевна Свекровкиналы – «Воркута» кар кытшса велӧдӧмӧн веськӧдланінын финансово-экономическӧй юалӧмъяс серти начальникӧс вежысьлы.
Коми Республикаса Юралысьлӧн тшӧктӧмӧн велӧдан юкӧнын заслугаясысь да уна во чӧж сьӧлӧмсянь уджалӧмысь «Коми Республикаса почёта велӧдысь» ним сетӧма: 
Фания Шамиловна Бегхановалы – Воркута карса 6 №-а гимназияын ичӧт классъяс велӧдысьлы;
Эва Ростиславовна Курылевалы – Воркута карса 42 №-а шӧр школаын математика велӧдысьлы;
чина кывкутана могъяс сьӧлӧмсянь олӧмӧ пӧртӧмысь «Коми Республика сӧвмӧдӧмӧ ыджыд пай пуктӧмысь» отличие пас сетӧма:
Галина Николаевна Барминалы – Воркутаса кар эмбур шӧринысь медшӧр специалистлы;
Коми Республикаса олысьясӧс социальнӧя доръян системаын уна во чӧж зіля уджалӧмысь Коми Республикаса Юралысьлысь диплом сетӧма:
Воркута карса олысьясӧс социальнӧя доръян ӧтувъя шӧринын уджалысьяслы, диплом босьтны корӧма Антонина Васильевна Карасеваӧс – Ӧтувъя шӧринса директорлысь кывкутана могъяс олӧмӧ пӧртысьӧс.
Коми Республикаса Юралысьлӧн тшӧктӧмӧн йӧзлысь дзоньвидзалун видзан юкӧнын заслугаясысь да уна во чӧж сьӧлӧмсянь уджалӧмысь Коми Республикаса Юралыссянь дона козин сетӧма:
Сергей Андреевич Москаленколы – Воркутаса регыдъя медицина отсӧг сетан больничалӧн Воргашорса поликлиникаын юкӧнса врач-эндоскопистлы;
уджын вермӧмъясысь да уна во чӧж сьӧлӧмсянь уджалӧмысь Коми Республикаса Юралысьлысь Аттьӧалӧм сетӧма:
Лариса Владимировна Петровалы – Воркута карса «Юбилейный» спорт мероприятиеяс шӧринса директорӧс вежысьлы;
«Россия Федерацияын гозъялы да муслунлы сиӧм лун» нуӧдӧм серти котыртан комитетлӧн помшуӧмӧн семьялы, кӧні видзӧны ӧта-мӧдӧс радейтӧмӧн да пыдди пуктӧмӧн оланногсӧ, кодъяс ӧтлаын лӧсьӧдісны тыр-бур олӧм да быдтісны-велӧдісны йӧзкотырын водзмӧстысь бур челядьӧс, грамота, «Ӧта-мӧдӧс радейтӧмысь да ӧта-мӧдлы эскӧмысь» медаль сетӧма:
Вахит Славович Казаковлы да Земфира Мухаметовна Казаковалы.
Фотоыс Тимур Кузиевлӧн. 
{Kodko @ Владимир Уйба казьтыштіс Айму вӧсна Ыджыд тыш кадӧ уджын подвиг вӧчысь воркутасаясӧс @ выльтор @ https://rkomi.ru/news/3351 @ 2023-11-25 @}
Владимир Уйба казьтыштіс Айму вӧсна Ыджыд тыш кадӧ уджын подвиг вӧчысь воркутасаясӧс.
Талун, вӧльгым тӧлысь 25 лунӧ, Воркута артмӧдӧмсянь 80 во тырӧм пасйигӧн «Уджӧн нималысь кар» стела дорын вӧлі кыпыд митинг.
Мероприятиеӧ пырӧдчис Коми Республикаса Юралысь Владимир Уйба.
«Воркутаын пыдди пуктана олысьяс, чолӧмала юбилейӧн!
Тайӧ луныс тӧдчана абу сӧмын воркутасаяслы, но и ставнас Коми Республикалы.
Войкытшсайса кар паськыда нимӧдіс регионнымӧс.
Тані олӧны збыльысь уджач, зіль да вына йӧз.
Ӧд буретш та вӧсна Воркуталӧн лоис «Уджӧн нималысь кар» статус.
Тайӧ петкӧдлӧ, мый вылӧ донъялӧны Воркуталысь да воркутаса йӧзлысь Ыджыд Вермӧмӧ пуктӧм пайсӧ.
Воркуталы тырис 80 во.
abu
Тайӧ воясӧ вӧлі уна сьӧкыдлун, но вермӧмыс вӧлі унджык.
Дона воркутасаяс, буретш ті – войкытшсайса войвыв мулӧн меддонаторйыс.
Тіян уджачлунныд, чужан карныдтӧ радейтӧмныд зэв пыдди пуктана да лоӧ подулӧн Воркуталӧн талунъя да водзӧ вылӧ вермӧмъяслы», – шыӧдчис карсаяс дорӧ Коми Республикаса Юралысь.
Владимир Уйба аттьӧаліс ветеранъясӧс да быдӧнӧс, кодъяс сьӧкыд кадӧ эз мунны войвывса карысь.
Сідзжӧ сійӧ аттьӧаліс олысьясӧс, кодъяслӧн уджӧн олӧ да сӧвмӧ Воркута.
Регионса Юралысь пасйис, мый Коми Республикаса Веськӧдлан котыр кар артмӧдан предприятиекӧд ӧтвылысь унатор вӧчӧны, медым лӧсьӧдны Войкытшсайын бур олан условиеяс.
Вежсьӧ карыс, сӧвмӧ социальнӧй юкӧн.
Россия Федерацияса Президент Владимир Путинлӧн Индӧд серти Воркута карлы сетӧма «Уджӧн нималысь кар» почёт ним «1941–1945 воясся Айму вӧсна Ыджыд тышын Вермӧмӧ карсаясӧн ыджыд пай пуктӧмысь, промышленнӧй предприятиеясын военнӧй да гражданскӧй продукция дугдывтӧг вӧчӧмсӧ могмӧдӧмысь, уджын героизмысь да йӧз вӧсна тӧждысьӧмысь».
Воркутаса олысьяслӧн уджын подвиг да героизм йылысь гижӧма архивнӧй документъясын.
Донбасс оккупируйтӧм бӧрын республикаса из шом промышленносьтын уджалысьяс могмӧдісны из шомӧн страналысь рытыв-войвыв районъяссӧ.
1941 воын «Воркута» станция вылӧ воис медводдза кӧрт туй состав, да рытнас нин «ыджыд муӧ» мӧдӧдісны из шомӧн медводдза вагонъяс.
Война кадӧ воркутаса шахтёръяс из шомсӧ кутісны перйыны матӧ 10 пӧв унджык. 1941 воын перйисны 309 сюрс тонна из шом, а 1945 воын – 2 миллион 907 сюрс тонна.
Йӧз вӧсна тӧждысьӧмысь да героизмысь «Воркутстрой» комбинатса 377 уджалысьлы СССР-са Медвылыс Сӧветса Президиумлӧн Индӧд серти 1943 да 1945 воясын сетісны орденъяс да медальяс.
Война кадӧ карса нёль предприятиелы сетлісны Оборона серти канму комитетлысь переходящӧй Гӧрд Знамяяс: «Воркутстрой» комбинат, Воркутаса ТЭЦ, 4 №-а да 40 №-а шахтаяс.
2-5 №№-а фотояслӧн авторыс - Тимур Кузиев.
{Kodko @ Владимир Уйба пырӧдчис Воркутаын «Нэмӧвӧйся кынйирлӧн шоныд» выставка восьтӧмӧ @ выльтор @ https://rkomi.ru/news/3352 @ 2023-11-25 @}
Владимир Уйба пырӧдчис Воркутаын «Нэмӧвӧйся кынйирлӧн шоныд» выставка восьтӧмӧ.
Выставкасӧ кыпыда восьтісны талун, вӧльгым тӧлысь 25 лунӧ, Воркуталы 80 во тырӧм водзын.
Ас му туялан карса музейын воссьӧм экспозицияыс тӧдмӧдӧ, кыдзи сӧветскӧй кадӧ заводитісны перйыны да ӧні перйӧны из шомсӧ Печораса бассейнын, кыдзи сӧвмӧ войкытшсайса горнӧй промышленносьтыс.
Та дырйи музейыс кык во чӧж нин пырӧдчӧ «Культура» национальнӧй проектӧ да сы отсӧгӧн капитальнӧя дзоньталіс жыръяс, ньӧбис экспозицияяс петкӧдлӧм вылӧ ӧнія выль оборудование, а Коми Республикаса Юралысьлӧн грант вылӧ лӧсьӧдіс 3D-пирамида вылӧ цифрӧвӧй уджтас.
«Медводз, сьӧлӧмсянь чолӧмала тіянӧс 80 во тырӧмӧн, Воркуталӧн юбилейӧн! – шыӧдчис выставка вылӧ локтысьяс дорӧ Коми Республикаса Юралысь Владимир Уйба. 
– Воркута пыр вӧлі йитчӧма шахтёрлӧн уджкӧд.
Шахтёрлӧн сьӧкыд да ӧпаснӧй уджыс лоӧ карлӧн сӧвмӧмлы да вермӧмъяслы подулӧн.
Тайӧ выставкаыс колӧ сы могысь, медым гӧгӧрвоны, кутшӧм ыджыд пай пуктӧ Воркута регионса экономика сӧвмӧдӧмӧ.
Талун унатор вӧчсьӧ Воркута, из шом, шахтёрлӧн удж серти.
Та вӧсна татшӧм выставкаясыс колӧны талунъя Воркуталы да томуловлы, медым эз вош кад да слава йылысь паметьыс».
Выставкаыс висьталӧ экспедицияяс да туялысьяс йылысь, кодъяс юӧртісны Печораса из шом бассейн восьтӧм йылысь.
Экспонатъяс лыдын петкӧдлӧма воркутаса музейлӧн запасникъясысь геологическӧй коллекцияысь юкӧн.
Сідзжӧ выставка вылын позьӧ тӧдмавны, кыдзи пансис воркутаса куйлӧдысь из шом перйӧмыс.
Тані петкӧдлӧма колян нэмся 30-40 воясӧ уджалысь горнякъяслысь уджалан кӧлуйсӧ да экипировкасӧ.
Таысь кындзи, выставка вылын висьтавсьӧ Айму вӧсна Ыджыд тыш кадӧ Воркутаын из шом промышленносьт сӧвмӧдӧм йылысь.
Сэки воркутаса олысьяс вӧчисны уджын подвиг, а сідзжӧ вӧлі пыртӧма уджӧ медводдза механическӧй оборудование – пневматическӧй отбойнӧй мӧлӧтъяс, кутісны механизмъяс отсӧгӧн петкӧдны из шомсӧ шахтаысь.
Сідзжӧ локтысьяслы висьталісны выль инфраструктура стрӧитӧм да из шом промышленносьт юкӧнса предприятиеяс, механическӧй, кирпич да цемент вӧчан заводъяс да мукӧд производство восьтӧм йылысь.
Тані тшӧтш позьӧ тӧдмавны «Воркутауголь» комбинатлӧн производствоын передӧвикъяс, юрнуӧдысьяс да горноспасательнӧй служба йылысь.
Выставка вылын петкӧдлӧма, кыдзи ӧні перйӧны из шомсӧ, обработайтӧны да транспортируйтӧны, сӧвмӧдӧны горнӧй техника да технологияяс.
Голографическӧй 3D-пирамида отсӧгӧн позьӧ видзӧдлыны татшӧм гырысь техника, кыдзи «Донбасс», «Комбайн Чикетова» из шом перъян комбайнъяс, а сідзжӧ ӧнія механизируйтӧм весалан комплекс.
Музейын вермӧны петкӧдлыны программаӧн индӧм быдсикас объектлысь, тшӧтш и гырысь объектъяслысь, трёхмернӧй серпассӧ.
«ВоркутаУголь» компания ёна отсаліс ас му туялан музейлы выставка котыртӧмын.
Предприятие сетіс мукӧд экспонатсӧ, а сідзжӧ босьтіс ас вылас экспозицияясын шахтаса арочнӧй пыкӧдъяссӧ петкӧдлысь юкӧнъяс дасьтӧм серти уджсӧ.
«Миян могным – тӧдны сійӧс, мый вӧчӧма, вӧдитчыны тайӧ опытӧн да лӧсьӧдны карын бур гӧгӧртас, бур уджалан условиеяс.
Тайӧ экспозицияыс йитӧ сійӧс, мый вӧлі, да сійӧс, мый ми кӧсъям вӧчны.
Ыджыд аттьӧ республикаса юрнуӧдысьяслы.
Владимир Викторович дӧверитіс миянлы дасьтыны кар сӧвмӧдан, кар гӧгӧртас, транспорт бурмӧдан план.
Олысьяс асьныс вермасны аддзыны тайӧ вежсьӧмъяссӧ, пырӧдчыны помшуӧмъяс видлалӧмӧ.
Ми ӧтвылысь вӧчам сідзи, медым Воркута и водзӧ лоис Уджӧн нималысь карӧн», – пасйис «Аэон» корпорацияса директоръяслӧн сӧветӧн Веськӧдлысь Роман Троценко.
Фотояслӧн авторыс Тимур Кузиев 
{Kodko @ Владимир Уйба удж серти аддзысьліс «Айму дорйысьяс» фондлӧн Воркутаын социальнӧй координатор Виктория Дегтярёвакӧд @ выльтор @ https://rkomi.ru/news/3353 @ 2023-11-25 @}
Владимир Уйба удж серти аддзысьліс «Айму дорйысьяс» фондлӧн Воркутаын социальнӧй координатор Виктория Дегтярёвакӧд.
Аддзысьлігӧн сёрнитісны торъя военнӧй операцияын участвуйтысь военнослужащӧйяслы да налӧн семьяясӧ пырысьяслы отсӧг сетӧм йылысь.
«Нӧшта ӧтчыдысь кӧсъя сувтыштлыны СВО вылысь локтӧм зонъяскӧд да налӧн семьяяскӧд уджалӧм вылӧ.
Быд лун ме видзӧдала «веськыд йитӧдсӧ» да быд лун ме кыла налысь ловрусӧ, тӧда военнослужащӧйяслӧн да налӧн семьяяслӧн олӧмын сьӧкыдлунъяс, шог-майшасьӧм йылысь. 
Сідзжӧ йӧзыс веськыда шыӧдчӧны ме дорӧ.
Шыӧдчӧны сы могысь, медым могмӧдны зонъяснымӧс, корсьны юӧртӧг вошӧмаясӧс, бурдӧдны доймалӧмаясӧс, вайны пӧгибнитӧмаясӧс.
Тіян могныд талун - отсасьны.
Лӧсьӧдӧй реестр, кытчӧ гижӧй мытшӧдсӧ, и кутшӧм отсӧг сетӧма сы серти.
Сӧмын жалитӧмыд этша.
Миянлы колӧ вӧчны ставсӧ, медым йӧзыс гӧгӧрвоисны, мый ми накӧд да пыр отсалам налы разьны мытшӧдъясныссӧ», - тӧдчӧдіс Владимир Уйба.
Виктория Дегтярёва чужис Донецк обласьтса Волновахскӧй районын, ӧні олӧ Воркутаын.
Социальнӧй координатор отсасьӧ торъя военнӧй операцияын 97 участвуйтысьлы да налӧн семьяясӧ пырысьяслы.
Виктория Дегтярёвалӧн уджалігӧн воис 500-ысь унджык шыӧдчӧм.
Унджыкын на пиысь отсалӧма нин. 
{Kodko @ Владимир Уйба да Роман Троценко сёрнитісны социальнӧй инфраструктура да Воркута кар сӧвмӧдӧм йылысь @ выльтор @ https://rkomi.ru/news/3354 @ 2023-11-25 @}
Владимир Уйба да Роман Троценко сёрнитісны социальнӧй инфраструктура да Воркута кар сӧвмӧдӧм йылысь.
Вӧльгым тӧлысь 25 лунӧ, Воркуталы 80 во тырӧм водзын, Коми Республикаса Юралысь удж серти аддзысьліс AEON корпорацияса директоръяслӧн сӧветӧн Веськӧдлыськӧд.
Аддзысьлігӧн ёнджыкасӧ сёрнитісны ылі войвывса карлысь мастер-план дасьтӧм йылысь. Ӧні корпорациялӧн водзмӧстчӧмӧн сы вылын уджалӧ архитекторъяслӧн, кар стрӧитысьяслӧн, инженеръяслӧн, транспорт сӧвмӧдан специалистъяслӧн, экологъяслӧн, экономистъяслӧн да социологъяслӧн команда.
Мастер-плансӧ кӧсйӧны помавны 2024 воын.
Сылӧн подув пыдди босьтасны бурмӧдӧм-мичмӧдӧм да выль социальнӧй объектъяс кыпӧдӧм серти воркутасаяслысь кӧсйӧмъяссӧ.
Сідзжӧ тӧд вылын кутасны мутас климатлысь да Воркуталӧн архитектуралысь аслыспӧлӧслунъяссӧ.
«AEON корпорациялӧн да «ВоркутаУголь» компаниялӧн куим медшӧр мог, мыйӧ ми кутчысям: безопасносьт, Воркутаын олан условиеяссӧ бурмӧдӧм да производство сӧвмӧдӧм, – пасйис Роман Троценко. 
– 2023 воын воркутасаяс асьныс аддзылісны шоныд остановкаяс, пуяс да кустъяс пуктӧм, кар инфраструктура бурмӧдӧм, а мӧд во найӧ тӧдмасясны карлӧн дась мастер-планӧн.
Ми видзӧдам аскиа лунӧ да кӧсъям, медым Воркута оліс, уджаліс!»
«Ыджыд аттьӧ, Роман Викторович, Воркута сӧвмӧдӧм вылын подулалӧмӧн уджалӧмысь.
Юкӧн юкӧнӧн уджалӧмысь бурыс оз ло.
А сы отсӧгӧн, мый ті дасьтанныд мастер-план, сёрнитанныд йӧзыскӧд, уджыс артмас.
Ыджыд аттьӧ и сыысь, мый «ВоркутаУголь» компаниялы да тіянлы карыс абу места, кытысь перйӧны из шом да воӧ чуктӧс, а ті йитанныд Воркута сӧвмӧдӧмсӧ аскиа лункӧд.
Йӧзыслы тайӧ медся колана», – тӧдчӧдіс Владимир Уйба.
Казьтыштам, 2023 вося йирым тӧлысьӧ Воркута пырис Россия Федерацияса Арктика зоналӧн подув мутас лыддьӧгӧ да лоис Россияса Арктикалӧн социальнӧй да экономика боксянь сӧвмӧдан комплекснӧй проектлӧн юкӧнӧн.
Ставнас татшӧм лыддьӧгӧ пыртӧма странаса 26 олан пунтысь 16 агломерация.
2-5 №№ фотояслӧн авторыс - Тимур Кузиев.
{Kodko @ Владимир Уйба чолӧмаліс Воркутаса олысьясӧс карлы 80 во тырӧмӧн @ выльтор @ https://rkomi.ru/news/3355 @ 2023-11-25 @}
Владимир Уйба чолӧмаліс Воркутаса олысьясӧс карлы 80 во тырӧмӧн.
Коми Республикаса Юралысь пырӧдчис Шахтёръяслӧн культура дворечын ылі войвывса карлӧн юбилейлы сиӧм кыпыд мероприятиеӧ.
«Сьӧлӧмсянь чолӧмала тіянӧс Воркуталы 80 во тырӧмӧн!
Тайӧ тӧдчана кадпас – нӧшта ӧти помка шуны аттьӧ тіянлы, дона воркутасаяс, пасйыны республика да страна водзын тіянлысь да налысь, кодъяс уджалісны тіӧдз, бур вӧчӧмныдтӧ.
Кар сьӧлӧмсянь радейтӧмӧн, ті вӧчинныд сійӧс татшӧм мичаӧн, няня-солаӧн.
Тіян пӧсь сьӧлӧмныд сывдӧ кӧдзыд войвывсӧ, ті перъянныд мупытшкӧсса озырлунсӧ йӧзлы бур вылӧ», – пасйис чолӧмалӧмын Владимир Уйба.
Сідзжӧ Коми Республикаса Юралысь аттьӧаліс воркутасаясӧс водзмӧстчӧмысь, СВО-ӧ пырӧдчысьяслы да налӧн семьяяслы отсӧгысь.
Уна воркутаса олысь тышкасьӧны торъя военнӧй операция дырйи передӧвӧй вылын, дорйӧны Аймунымӧс неонацистъясысь.
«Ылі войвыв карлӧн став олӧмыс – тайӧ удж да уджын подвиг, кутшӧмӧс вылӧ донъялӧны и ӧні.
Россияса Президент Владимир Владимирович Путинлӧн Индӧдӧн 2021 воын Воркуталы сетісны «Уджӧн нималысь кар» вылыс тшупӧда почёт ним.
Воркутаса олысьяс пуктісны да пуктӧны республикаӧс социальнӧй да экономика боксянь сӧвмӧдӧмӧ тӧдчана пай, а Воркутаын тшӧкыда нуӧдӧны миян регионын гырысь ӧтйӧза, культура да спорт мероприятиеяс.
Воркута пыр вӧлі республикалӧн, Россиялӧн торйӧдны позьтӧм юкӧнӧн, пыр сьӧлӧм пырыс лэдзліс миян канмуын да мирын лоӧмторъяссӧ», – пасйис Владимир Уйба.
Кыдз шуис Коми Республикаса Юралысь, регионса Веськӧдлан котыр быд боксянь отсасьӧ Ылі войвывса карлы – водзӧ бурмӧдӧны-лӧсьӧдӧны керка йӧръяс, йӧзлы шойччанінъяс, выльмӧдӧны социальнӧй тӧдчанлуна объектъяс да туйяс.
Торйӧн сійӧ аттьӧаліс «ВоркутаУголь» компания киын кутысьӧс петкӧдлысьӧс – «Аеон» корпорацияса директоръяслӧн сӧветӧн Веськӧдлысь Роман Троценкоӧс да сылысь командасӧ республикаса юрнуӧдысьяскӧд да воркутасаяскӧд ёртасьӧмӧн уджалӧмысь, а сідзжӧ карсӧ водзӧ сӧвмӧдны кӧсйӧмысь.
Регионса Юралысь сідзжӧ тӧдчӧдіс, мый Воркута лоис россияса Арктикаын тӧдчанаинӧн, 2023 вося йирым тӧлысьӧ карыс пырис Россия Федерацияса Арктика зоналӧн подув мутас лыддьӧгӧ да лоис россияса Арктикаӧс социальнӧй да экономика боксянь сӧвмӧдан проектлӧн юкӧнӧн.
Владимир Уйба сетіс водзмӧстчысьяслы канму наградаяс, а муниципалитетса администрациялы Воркутаса школаяслы 5 автобус вылӧ сертификат да аттьӧаліс став воркутасасӧ Войвыв, кар дорӧ муслунысь да сьӧлӧмсянь уджалӧмысь.
Сиис налы дзоньвидзалун, вермӧмъяс, семьяын тыр-бур олӧм, шуд, а Воркуталы – водзӧ сӧвмыны да бур аскиа лун.
*** 
Россия Федерацияса Президентлӧн Индӧдӧн йӧзлысь дзоньвидзалун видзан юкӧнын заслугаясысь да уна во чӧж сьӧлӧмсянь уджалӧмысь «Россия Федерацияса нимӧдана врач» почёт ним сетӧма:
Александр Анатольевич Русаковлы – Воркутаса регыдъя медицина отсӧг сетан больничаын юкӧнӧн заведуйтысьлы.
Россия Федерацияса велӧдан министерстволӧн тшӧктӧдӧн велӧдӧмын уна во чӧж сьӧлӧмсянь уджалӧмысь да ыджыд заслугаясысь «Россия Федерацияса велӧдан юкӧнын почёта уджалысь» почёта ним сетӧма:
Анна Анатольевна Агафоновалы – Воркута карын «Алёнка» челядьӧс 42 №-а видзанінса шӧр кагульничалы;
велӧдӧмын ыджыд заслугаясысь да бура уджалӧмысь Россия Федерацияса велӧдан министерстволысь Почёт грамота сетӧма:
Юлия Александровна Кузнецовалы – «Воркута» кар кытшса администрацияын том йӧз политика юкӧнса медшӧр специалистлы;
Светлана Витальевна Матюшевалы – Воркута карса 12 №-а шӧр школаын ичӧт классъяс велӧдысьлы.
Россия Федерацияса стрӧитчан, оланін да коммунальнӧй овмӧс министерстволӧн тшӧктӧмӧн оланін да коммунальнӧй овмӧс юкӧнын заслугаясысь Россия Федерацияса стрӧитчан, оланін да коммунальнӧй овмӧс министерстволысь почёт пас сетӧма:
 Нина Васильевна Нестеровалы – Воркута карын «Центральная» ичӧт кывкутана котырса директорлы;
уджын ыджыд вермӧмъясысь да бура уджалӧмысь Россия Федерацияса стрӧитчан, оланін да коммунальнӧй овмӧс министерстволысь Аттьӧалӧм сетӧма:
Людмила Николаевна Белозеровалы – «Воркута» кар кытшлӧн администрацияын оланін арталӧм да юклӧм серти юкӧнса начальниклы.
Россия Федерацияса удж да социальнӧя доръян министерстволӧн тшӧктӧмӧн уна во чӧж сьӧлӧмсянь уджалӧмысь да социально-трудовӧй юкӧнын заслугаясысь Россия Федерацияса удж да социальнӧя доръян министерстволысь Почёт грамота сетӧма:
Наталья Викторовна Жабколы – Воркута карса олысьясӧс социальнӧя доръян ӧтувъя шӧринын семьялы да челядьлы социальнӧй отсӧг сетан мутас шӧринлӧн социально-психологическӧй юкӧнса психологлы;
уна во чӧж вывті бура уджалӧмысь, служебнӧй кывкутана могъяс зэв бура вӧчӧмысь Россия Федерацияса удж да социальнӧя доръян министерстволысь аттьӧалӧм сетӧма:
Ольга Вячеславовна Соколенколы – Воркута карса олысьясӧс социальнӧя доръян ӧтувъя шӧринын олысьясӧс социальнӧя доръян мутас шӧринлӧн социальнӧй мынтӧмъяс юкӧнын социальнӧй удж серти специалистлы;
Елена Сергеевна Яницкаялы – Воркута карса олысьясӧс социальнӧя доръян ӧтувъя шӧринын материально-техническӧя могмӧдан да меститчан юкӧнса социальнӧй удж серти специалистлы.
Федеральнӧй архив агентстволӧн тшӧктӧдӧн уна во чӧж сьӧлӧмсянь уджалӧмысь, документъяс видзӧмӧ, чукӧртӧмӧ да наӧн вӧдитчӧмсӧ котыртӧмӧ зіля пырӧдчӧмысь «Почёта архивист» Федеральнӧй архив агентстволӧн ведомствоса морӧсвывса отличие пас сетӧма:
Ольга Борисовна Вайлуновалы – Воркутаын муниципальнӧй архивса директорлы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Елена Николаевна Прокопчиклы – Воркута карын челядьлы да том йӧзлы творчество дворечса директорлы;
Коми Республикалы бур вылӧ уна во чӧж зіля уджалӧмысь Коми Республикаса Почёт грамота сетӧма:
Светлана Валерьевна Свекровкиналы – «Воркута» кар кытшса велӧдӧмӧн веськӧдланінын финансово-экономическӧй юалӧмъяс серти начальникӧс вежысьлы.
Коми Республикаса Юралысьлӧн тшӧктӧмӧн велӧдан юкӧнын заслугаясысь да уна во чӧж сьӧлӧмсянь уджалӧмысь «Коми Республикаса почёта велӧдысь» ним сетӧма:
Фания Шамиловна Бегхановалы – Воркута карса 6 №-а гимназияын ичӧт классъяс велӧдысьлы;
Эва Ростиславовна Курылевалы – Воркута карса 42 №-а шӧр школаын математика велӧдысьлы;
чина кывкутана могъяс сьӧлӧмсянь олӧмӧ пӧртӧмысь «Коми Республика сӧвмӧдӧмӧ ыджыд пай пуктӧмысь» отличие пас сетӧма:
Галина Николаевна Барминалы – Воркутаса кар эмбур шӧринысь медшӧр специалистлы;
Коми Республикаса олысьясӧс социальнӧя доръян системаын уна во чӧж зіля уджалӧмысь Коми Республикаса Юралысьлысь диплом сетӧма:
Воркута карса олысьясӧс социальнӧя доръян ӧтувъя шӧринын уджалысьяслы, диплом босьтны корӧма Антонина Васильевна Карасеваӧс – Ӧтувъя шӧринса директорлысь кывкутана могъяс олӧмӧ пӧртысьӧс.
Коми Республикаса Юралысьлӧн тшӧктӧмӧн йӧзлысь дзоньвидзалун видзан юкӧнын заслугаясысь да уна во чӧж сьӧлӧмсянь уджалӧмысь Коми Республикаса Юралыссянь дона козин сетӧма:
Сергей Андреевич Москаленколы – Воркутаса регыдъя медицина отсӧг сетан больничалӧн Воргашорса поликлиникаын юкӧнса врач-эндоскопистлы;
уджын вермӧмъясысь да уна во чӧж сьӧлӧмсянь уджалӧмысь Коми Республикаса Юралысьлысь Аттьӧалӧм сетӧма:
Лариса Владимировна Петровалы – Воркута карса «Юбилейный» спорт мероприятиеяс шӧринса директорӧс вежысьлы;
«Россия Федерацияын гозъялы да муслунлы сиӧм лун» нуӧдӧм серти котыртан комитетлӧн помшуӧмӧн семьялы, кӧні видзӧны ӧта-мӧдӧс радейтӧмӧн да пыдди пуктӧмӧн оланногсӧ, кодъяс ӧтлаын лӧсьӧдісны тыр-бур олӧм да быдтісны-велӧдісны йӧзкотырын водзмӧстысь бур челядьӧс, грамота, «Ӧта-мӧдӧс радейтӧмысь да ӧта-мӧдлы эскӧмысь» медаль сетӧма:
Вахит Славович Казаковлы да Земфира Мухаметовна Казаковалы.
Фотоыс Тимур Кузиевлӧн.
{Kodko @ Коми Республикаса Юралысь чолӧмалӧ Мам лунӧн @ выльтор @ https://rkomi.ru/news/3356 @ 2023-11-26 @}
Коми Республикаса Юралысь чолӧмалӧ Мам лунӧн.
«Миян дона аньяс, мамъяс да пӧчьяс!
Чолӧмала тіянӧс тайӧ медся шоныд лунӧн – Мам лунӧн!
Тайӧ лунсӧ ми пасъям кӧдзыд вӧльгым тӧлысьын, кор торйӧн нин казьтылан мамлысь шоныд кисӧ да бать-мам дорын шуда здукъяссӧ.
Лоны мамӧн – тайӧ ыджыд шуд, кывкутӧм да сьӧкыд удж.
Торйӧн нин пыдди пуктам уна челядя мамъясӧс да аньясӧс, кодъяс босьтчисны тӧждысьны бать-мамлӧн мелілунтӧг кольӧм челядь вӧсна.
Тіян радейтӧмныд, небыд сьӧлӧмныд да тӧждысьӧмныд сетӧ помтӧм-дортӧм шуд челядьлы.
Тіян велӧдӧмныд отсалӧ миянлы венны сьӧкыдлунъяс, не вошны олӧмын.
Талун мамъяс виччысьӧны пияннысӧ, кодъяс дорйӧны Чужан му, тышкасьӧны Россиялӧн асшӧрлун, нацизмтӧм олӧм вӧсна.
Буретш тіян радейтӧмныд да эскӧмныд видзӧны воинъяснымӧс, кодъяс тышкасьӧны торъя военнӧй операция вылын, да отсалӧны налы збыльмӧдны медся сьӧкыд боевӧй могъяссӧ.
Ме сиа быд аньлы, медым тіян дорйысьясныд бӧр воисны.
Медым ті тшӧкыдджыка нюмъялінныд, медым нимкодясинныд челядьнаныд.
Став мамлы – крепыд дзоньвидзалун, керкаын кыпыдлун, радейтӧм, ӧта-мӧдӧс гӧгӧрвоӧм, ань да мам шуд.
Чолӧмала гажӧн!»
Коми Республикаса Юралысь Владимир Уйба.
{Kodko @ Владимир Уйба сёрнитіс докладӧн Ставмирса Роч Народнӧй Соборлӧн съезд дырйи @ выльтор @ https://rkomi.ru/news/3357 @ 2023-11-28 @}
Владимир Уйба сёрнитіс докладӧн Ставмирса Роч Народнӧй Соборлӧн съезд дырйи.
Коми Республикаса Юралысь пырӧдчис съездлӧн демография серти секциялӧн уджӧ да юӧртіс, кутшӧм мераяс примитӧны, медым Коми Республикаын чужис унджык кага, медым сетны отсӧг семьяяслы, мамъяслы да челядьлы.
25-ӧд съездыс муніс Москваын.
Съездлӧн темаыс – «Роч мирлӧн талунъя да аскиа лун».
Мероприятиеын участвуйтісны Россия Федерацияса Президентлысь Администрацияӧс петкӧдлысьяс, федеральнӧй министръяс, регионъясса юралысьяс, Федерацияса Сӧветысь сенаторъяс, став тшупӧд петкӧдлысь депутатъяс, Роч Православнӧй Вичкоса архиерейяс, нималана учёнӧйяс, религиознӧй, политическӧй да йӧзкотырын уджалысьяс.
Соборлысь секцияяссӧ вӧлі сиӧма идеологиялы да экономикалы, велӧдӧмлы да демографиялы, том йӧз политикалы, военнӧй юалӧмъяслы, войтыркостса йитӧдъяслы, волонтёралан да бурвӧчан уджлы, миграционнӧй политикаын мытшӧдъяслы, гӧгӧртас да кар стрӧитӧмсӧ сӧвмӧдӧмлы.
Сідзжӧ Канму Кремлёвскӧй Дворечын вӧлі СРНС XXV съездлӧн пленарнӧй заседание.
Видео пыр участвуйтысьяс дорӧ шыӧдчис Россияса Президент Владимир Путин.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба юӧртіс Вуктылӧ удж серти ветлӧм йылысь @ выльтор @ https://rkomi.ru/news/3358 @ 2023-11-29 @}
Владимир Уйба юӧртіс Вуктылӧ удж серти ветлӧм йылысь.
Коми Республикаса Юралысь пырӧдчис выльмӧдӧм бассейн восьтӧмӧ да сетіс СВО-ын участвуйтысьяслы канму наградаяс, кодъяс бура збыльмӧдісны Айму дорйӧм серти воинскӧй да гражданскӧй могсӧ.
Паськыдджыка – талунъя видео пыр шыӧдчӧмын.
{Kodko @ Вуктылын воссис выльмӧдӧм бассейн @ выльтор @ https://rkomi.ru/news/3359 @ 2023-11-29 @}
Вуктылын воссис выльмӧдӧм бассейн.
Биару перйысьяс оталісны капитальнӧя дзоньтавны олысьяслысь медрадейтана инсӧ.
Талун, вӧльгым тӧлысь 29 лунӧ, кыпыда восьтісны бассейнсӧ.
Мероприятиеын участвуйтіс Коми Республикаса Юралысь Владимир Уйба.
«Талун выльмӧдӧм бассейнын тшӧтш кутас уявны Александр Николаевич Сухоруков – Пекинын Олимпиадаса эзысь призёр, мирса кыкысь чемпион.
Дона ёртъяс, та бӧрын вермӧмъястӧгныд некыдз оз позь», – шыӧдчис спортшколаса быдтасъяс дорӧ регионса Юралысь. – Ми уджалам нырвизь серти, кутшӧмӧс индіс миянлы Россияса Президент Владимир Владимирович Путин.
А сійӧ шуис, мый колӧ, медым спортӧ пырӧдчис унджык йӧз.
Тані, тайӧ бассейнын, тренируйтчӧны оз сӧмын миян Олимпийскӧй да мирӧвӧй аскиа чемпионъяс, но и сдайтӧны ГТО нормаяс, нуӧдӧны став арлыда войтырлы занятиеяс.
Эскам, мый бассейнсӧ выльмӧдӧм бӧрын волысьяслӧн лыдыс содас кык пӧв».
Владимир Уйба аттьӧаліс «Газпром» компанияӧс бассейн выльмӧдӧмын отсӧг сетӧмысь, а сідзжӧ стрӧитчысьясӧс, кодъяс уджалісны объект вылын.
Сідзжӧ том спортсменъяс дорӧ шыӧдчис Пекинын 2008 вося Олимпийскӧй Ворсӧмъясын эзысь призёр, мирса да Европаса унаысь чемпион Александр Сухоруков:
«Кӧсъя чолӧмавны тіянӧс мича, бур, шоныд, югыд да, эска, спортсменъяслы медыджыд вермӧмъяс вайысь бассейнӧн.
Кӧсъя матысса кык воӧ волыны татчӧ да нуӧдны мастер-класс.
Сиа спортсменъяслы воӧдчыны выль вермӧмъясӧдз.
Эска, мый тані быдмасны нималана, вына спортсменъяс – Европаса, мирса да Олимпийскӧй ворсӧмъясса чемпионъяс».
Объектсӧ капитальнӧя дзоньталігӧн тырвыйӧ выльмӧдісны бассейнлысь чашасӧ, вежисны пӧрччысянінъясын, душӧн мыссянінъясын, бассейн чашадорса шӧр жырйын плитка, лӧсьӧдісны выль пӧтӧлӧк, вежисны бияссӧ да уна мукӧдтор.
«Клуб да спорт комплекс» муниципальнӧй сьӧмкуд учреждениелысь бассейнсӧ кыпӧдісны 1978 воын.
Тані велӧдчӧны варччыны челядьлы 9 да верстьӧлы 4 группа.
Кӧртымалан услугаясӧн вӧдитчӧны Вуктылса кар артмӧдысь предприятиеяс.
Быд вежон торъя кадӧ бассейнӧ вермӧны волыны олӧма йӧз, вермытӧмъяс, а сідзжӧ нуӧдӧны «Восьса ӧдзӧс лун» акция, кор бассейнӧ позьӧ волыны дон мынтытӧг.
Шӧркодя тӧлысьнас сэтчӧ волӧ 1650 морт.
Сідзжӧ комплексын эм ворсан спорт сикасъяс вылӧ спорт зал, тренажёрнӧй зал, фитнес зал, тир, единоборство вылӧ зал, кинозал да хореография классъяс.
Фотоыс «Газпром трансгаз Ухта» ичӧт кывкутана котырын йӧзкӧд да йӧзӧс юӧртан средствояскӧд йитӧд кутан службалӧн 
{Kodko @ Владимир Уйба аттьӧаліс Вуктылысь СВО-ын участвуйтысьясӧс смеллунысь да повтӧмлунысь @ выльтор @ https://rkomi.ru/news/3360 @ 2023-11-29 @}
Владимир Уйба аттьӧаліс Вуктылысь СВО-ын участвуйтысьясӧс смеллунысь да повтӧмлунысь.
Муниципалитетӧ удж серти волігӧн Коми Республикаса Юралысь сетіс Вуктылса олысьяслы, кодъяс збыльмӧдісны торъя военнӧй операция дырйи Чужан му дорйӧм серти воинскӧй да гражданскӧй мог «Повтӧмлунысь» да «Могъяс дыр кад чӧж бура олӧмӧ пӧртӧмысь» медальяс.
«Талун Россия торъя военнӧй операцияын дорйӧ ассьыс асшӧрлунсӧ, тышкасьӧ челядьлӧн да внукъяслӧн талунъя да аскиа лун вӧсна, миян цивилизациялӧн аскиа лун вӧсна.
Ми быть вермам тайӧ тышын, ӧд Збыльыс миян сайын да миянкӧд Ен! – шыӧдчис Вуктылса олысьяс дорӧ Владимир Уйба. 
– Талун ми тышкасям огӧ Украинакӧд да украинечьяскӧд, а натовскӧй быдтасъяскӧд да нацистъяскӧд, кодъяслӧн могыс – бырӧдны ставсӧ, мый налы оз лӧсяв.
Талун ми тышкасям асланым му да йӧз вӧсна.
Жаль, мый тышыд оз овлы кувсьӧмаястӧг.
Уна зон эз бергӧдчы тыш нуӧданінысь.
Куслытӧм налы паметь».
Торъя военнӧй операция дырйи Айму вӧсна пӧгибнитӧмаясӧс казьтыштісны чӧв олыштӧмӧн.
Коми Республикаса Юралысь дорӧ шыӧдчис Геннадий Викторович Кравченко нима 2 №-а школаса директор, торъя военнӧй операцияын участвуйтысь офицерлӧн гӧтыр Ольга Воронина:
«Пыдди пуктана Владимир Викторович, кӧсъя шуны Тіянлы аттьӧ СВО-ын миян военнослужащӧйяс вӧсна тӧждысьӧмысь да налӧн семьяяслы отсалӧмысь.
Тайӧ тыдалӧ да тайӧ зэв тӧдчана.
Висьтала, мый миян – гӧтыръяслӧн, мамъяслӧн, челядьлӧн – сьӧлӧм вылын.
Ми полам асланым матыссаяс вӧсна да виччысям найӧс вермӧмӧн бӧр гортӧ.
Нӧшта кӧсъя шыӧдчыны торъя военнӧй операцияын участвуйтысьяс дорӧ, кодъяс пукалӧны тайӧ залын.
Ті – миян геройяс.
Ми – велӧдысьяс, гӧтыръяс, челядь, мамъяс, карса олысьяс – пыдди пуктам тіянӧс.
Налы, кодъяс бӧр мунасны фронт вылӧ, ми сиам – видзӧй асьныдтӧ, локтӧй дзоньвидзаӧсь.
Ми тіянӧс виччысям!».
Кыдзи пасйис Ольга Воронина, Вуктылса челядьӧс видзанінъясын да школаясын велӧдысьяс зільӧны быд боксянь отсавны СВО-ын участвуйтысьяслӧн челядьлы, тӧждысьӧны на вӧсна.
Сідзжӧ карса школаясын велӧдчысьяс пырӧдчисны «Гижа геройлы» акцияӧ да гижисны фронт вылӧ письмӧяс.
Письмӧяссӧ сетӧма Коми Республикаса Юралысьлы, сійӧ сетас найӧс военнослужащӧйяслы, кор бара на мунас на дорӧ.
Сідзжӧ Владимир Уйба кӧсйысис збыльмӧдны миномётнӧй батареяса командирлӧн гӧтыр Ольга Ворониналысь корӧмсӧ – сетны фронт вылӧ УАЗ автомашина, медым сыӧн новлӧдлыны личнӧй составсӧ, дугдывтӧг вайны боеприпасъяс да сёян-юан.
«Чолӧмала тіянӧс босьтӧм наградаясӧн. Кӧсъя шуны, мый и страна, и республика, и Вуктыл, и быд олысь пыдди пуктӧны тіянӧс.
Ми стӧча тӧдам, Вермӧмыс – миян сайын, миян зонъяс бура збыльмӧдасны ассьыныс воинскӧй могнысӧ.
Ми ставӧн отсалам налы, да УАЗ машина серти корӧмсӧ быть збыльмӧдам.
Ми пыр ыстам машинаяссӧ фронт вылӧ да кутам тайӧс вӧчны, кытчӧдз огӧ Вермӧй да пузь-пазьвӧчӧй неонацистъясӧс.
Вермӧмыс быть лоӧ миян сайын!» – шуис Владимир Уйба.
«Повтӧмлунысь» медальсӧ урчитӧма Россияса Медвылыс Веськӧдлысь, странаса Президент Владимир Путинӧн 2023 вося рака тӧлысьын.
Сійӧс сетӧны воинскӧй могъяс збыльмӧдігӧн, ассьыныс ёртъяссӧ, командиръяссӧ дорйигӧн да налысь олӧмсӧ видзигӧн смеллунысь да повтӧмлунысь.
Коми Республикаын «Могъяс дыр кад чӧж бура олӧмӧ пӧртӧмысь» медальсӧ урчитӧма «Повтӧмлунысь» медалькӧд матӧ ӧти кадӧ.
Сійӧс сетӧны Россия, Коми Республика, Айму дорйысьяслы, кодъяс бура збыльмӧдӧны пуктӧм могъяссӧ.
Фотоыс «Газпром трансгаз Ухта» ичӧт кывкутана котырын йӧзкӧд да йӧзӧс юӧртан средствояскӧд йитӧд кутан службалӧн
***
Россия Федерацияса Президентлӧн Индӧдӧн Чужан му да Россия Федерациялысь канму интересъяс дорйигӧн боевӧй да мукӧд мог збыльмӧдігӧн петкӧдлӧм повтӧмлунысь да смеллунысь «Повтӧмлунысь» 2 степеня медаль сетӧма: запасса радӧвӧй Андрей Иванович Бросевлы, запасса радӧвӧй Руслан Григорьевич Холявкалы.
Коми Республикаса Юралысьлӧн Индӧдӧн гражданскӧй мог повтӧг да смела збыльмӧдӧмысь «Могъяс дыр кад чӧж бура олӧмӧ пӧртӧмысь» Коми Республикаса медаль сетӧма: запасса радӧвӧй Андрей Иванович Бросевлы, запасса радӧвӧй Руслан Григорьевич Холявкалы. 
{Kodko @ Республикаысь военнослужащӧйлы выль гуманитарнӧй отсӧг. @ выльтор @ https://rkomi.ru/news/3361 @ 2023-11-29 @}
Республикаысь военнослужащӧйлы выль гуманитарнӧй отсӧг.
Сыктывдін районысь СВО-ын участвуйтысь отпуск бӧрын фронт вылӧ бӧр мунігӧн нуас землякъяслы «фермер» УАЗ автомашина, бензогенератор, тепловизор, бинокль, бензопила, кӧрт пачьяс, пывсянӧ пач, кӧні эм позянлун косьтыны кӧлуй, пывсян корӧсьяс, консервъяс, а сідзжӧ Вермӧм Знамялысь копиясӧ да Коми Республикаса канму дӧрапас.
Грузсӧ лӧсьӧдісны боечлӧн корӧм серти. Сэтчӧ пуктісны ставсӧ, мый медводз колӧ сылӧн юкӧдувлы, медым бура збыльмӧдны боевӧй могъяссӧ да овны военно-полевӧй условиеясын.
Гуманитаркасӧ отсалісны чукӧртны «Добрая Республика» бурвӧчан фонд, Коми Республикаса Веськӧдлан котыр, организацияяс да предприятиеяс.
«Ми пыр ӧтув чукӧртам миян Айму дорйысьяслы гуманитарнӧй грузъяссӧ.
Ньӧбам коланаторъяссӧ воинскӧй часьтъясса командиръяслӧн корӧмъяс серти.
Сетам техника.
Тайӧ либӧ выль, либӧ выльмӧдӧм-дзоньталӧм машинаяс, медым найӧ бура уджалісны да отсалісны зонъяслы збыльмӧдны воинскӧй могсӧ, ваявны боекомплектъяс, нуӧдны ранитчӧмаясӧс.
Сідзжӧ ӧні тӧв, та вӧсна ыстам миян зонъяслы кӧрт пачьяс, кӧні позьӧ косьтыны кӧлуй.
Найӧс уджалан кад бӧрын, дон босьттӧг вӧчӧны республикаса предприятиеясын уджалысьяс.
Та вӧсна нӧшта ӧтчыдысь ставныдлы ыджыд аттьӧ миян ӧтувъя Вермӧмӧ пай пуктӧмысь.
А боечьяслы ме сиа дзоньвидзаӧн локны бӧр гортӧ», – пасйис Коми Республикаса Юралысь.
Военнослужащӧй аттьӧаліс Коми Республикаса Юралысьӧс, регионса предприятиеясӧс да землякъясӧс отсӧг сетӧмысь.
Боеч служитӧ Херсонскӧй нырвизьын автоматическӧй станкӧвӧй гранатомётса наводчикӧн.
Сыкӧд ӧттшӧтш служитӧны Коми Республикаысь нӧшта нёль зон.
Торъя военнӧй операция вылӧ мужичӧй муніс доброволечӧн, 2023 вося косму тӧлысьын кырымаліс Россияса Оборона министерствокӧд контракт.
СВО дырйи петкӧдлӧм повтӧмлунысь да смеллунысь Владимир Уйба сетіс военнослужащӧйлы Коми Республикаса канму награда – «Могъяс дыр кад чӧж бура олӧмӧ пӧртӧмысь» медаль.
Фотоыс «Комиинформ» ЮА, авторыс Владимир Шешкунас.
{Kodko @ Комиын примитісны локтан куим во кежлӧ социальнӧй нырвизя сьӧмкуд @ выльтор @ https://rkomi.ru/news/3362 @ 2023-11-30 @}
Комиын примитісны локтан куим во кежлӧ социальнӧй нырвизя сьӧмкуд.
Регионса Веськӧдлан котыр збыльмӧдас став социальнӧй кӧсйысьӧмсӧ.
Водзӧ кутасны кыпӧдны школаяс, челядьӧс видзанінъяс, бурдӧдчанінъяс, ФАП-ъяс, мукӧд социальнӧй, культурнӧй да спортивнӧй объект.
Коми Республикалӧн Каналан Сӧветса депутатъяс видлалісны да ошкисны 2024 во да 2025-2026 воясся планӧвӧй период вылӧ республиканскӧй сьӧмкуд йылысь оланпас.
«Ми вичмӧдам уна сьӧм национальнӧй проектъяс збыльмӧдӧм, Россияса Президент Владимир Владимирович Путинӧн пуктӧм могъяс олӧмӧ пӧртӧм вылӧ.
Содтӧма йӧзлысь дзоньвидзалун видзан, велӧдан юкӧнъяс вылӧ, транспорт система, видз-му овмӧс, сиктса мутасъяс сӧвмӧдӧм да мукӧдтор вылӧ ассигнование.
Локтан куим во чӧжӧн ми помалам стрӧитны заводитӧм объектъяссӧ, тшӧтш и босьтӧм инфраструктурнӧй сьӧмкуд кредитъяс серти», – пасйис Коми Республикаса Юралысь Владимир Уйба.
Коми Республикаса Юралысь лыддьӧдліс проектъяс, кутшӧмъясӧс кӧсйӧны помавны 2024-2026 воясӧ.
Тайӧ Сыктывкарса Лесозаводын поликлиника, «Печора» муниципальнӧй районлӧн Кӧджарӧм посёлокын участкӧвӧй больничалӧн поликлиника, Изьва районса Щельяюр посёлокын участкӧвӧй больнича, Изьваын 600, Сыктывкарлӧн Эжва районса Емвальын 825, Печора карын 650 места вылӧ школаяс, Ухта карын «Пожня-Ёль» ваӧн могмӧдан комплексӧн веськӧдлан система лӧсьӧдӧмӧн ва весалан станция.
Сідзжӧ 2024-2026 вояс кежлӧ республиканскӧй сьӧмкудйын урчитӧма выль объектъяс кыпӧдӧм вылӧ сьӧм.
Шуам, Изьва да Одыб сиктъясын лызь базаяс, сыктывкарса Сьӧдкыркӧтш посёлокын ваӧн могмӧдан объект.
Кӧсйӧны дасьтыны проектно-сметнӧй документация Республиканскӧй перинатальнӧй шӧрин, Емдін районса Мадмас посёлокын 130 места вылӧ школа, Сыктывкарын искусственнӧй йиа вевта каток серти, дзоньтавны Койгорт районса Кажым посёлокын Кажымса ва видзанінлысь ва лэдзан система.
Таво сетӧм торъя казначейскӧй кредитъяс тшӧт весьтӧ стрӧитасны выль котельнӧйяс да выльмӧдасны важъяссӧ, а сідзжӧ ньӧбасны автобусъяс кӧкъямыс муниципалитетӧ: Сыктывкарӧ, Ухтаӧ, Усинскӧ, Печораӧ, Изьва, Чилимдін, Мылдін районъясӧ.
Меставывса сьӧмкудъясӧ сьӧмкудкостса трансфертъяс вылӧ 2024 воын индӧма 34 миллиард 400 миллион шайт.
Тайӧ локтан вося республиканскӧй сьӧмкудйын ӧтувъя рӧскодысь 29,4%.
2024 во вылӧ сьӧмкуд балаӧ пуктӧм чӧжӧслӧн ӧтувъя мындаыс – 100,6 миллиард шайт (5,3 миллиард шайт вылӧ унджык сы серти, мыйта вӧлі медводдзаысь вӧлі урчитӧма 2023 вося сьӧмкудйын), ӧтувъя рӧскодыс лоӧ 116,9 миллиард шайт.
Инфраструктура сӧвмӧдӧм вылӧ рӧскодсӧ содтӧм могысь Владимир Уйба тшӧктіс республикаса Веськӧдлан котырлы зільджыка уджавны федеральнӧй министерствояскӧд да ведомствояскӧд федеральнӧй сьӧмкудйысь содтӧд сьӧм кыскӧм серти, а сідзжӧ ёнджыка видзӧдны сьӧмӧн тырвыйӧ вӧдитчӧм бӧрся.
«Талун примитӧма медшӧр финансӧвӧй документ, мый серти миян республика кутас овны локтан куим во чӧж.
Таӧдз ми вӧчим ыджыд удж: лӧсьӧдім да видлалім канму уджтасъяс.
Ті зіля пырӧдчинныд тайӧ уджӧ.
Ме аттьӧала тіянӧс Коми Республикаын олӧм бурмӧдӧм вылӧ веськӧдӧм сьӧмкудсӧ ошкӧмысь.
Локтан во да планӧвӧй период чӧж, ковмас кӧ, ми кутам пыртны сьӧмкудйӧ стӧчмӧдӧмъяс. Та дырйи медводз кутам мыджсьыны республикаса олысьяслӧн интересъяс да сьӧм овмӧс боксянь вежласяна серпас вылӧ», – шыӧдчис депутатъяс дорӧ Владимир Уйба.
Фотоыс Коми Республикалӧн Каналан Сӧветса пресс-службалӧн. 
{Kodko @ Владимир Уйба юӧртіс 2024 во да 2025-2026 воясся планӧвӧй период вылӧ республиканскӧй сьӧмкуд йылысь @ выльтор @ https://rkomi.ru/news/3363 @ 2023-11-30 @}
Владимир Уйба юӧртіс 2024 во да 2025-2026 воясся планӧвӧй период вылӧ республиканскӧй сьӧмкуд йылысь.
Талун, вӧльгым тӧлысь 30 лунӧ, Коми Республикалӧн Каналан Сӧветса депутатъяс видлалісны да ошкисны сьӧм йылысь регионлысь медшӧр документсӧ.
Виччысьӧны, мый 2024 воын чӧжӧсын ӧтувъя йӧрышыс лоӧ 100 миллиард 600 миллион шайт.
Тайӧ 5,3 миллиард шайт вылӧ унджык сы серти, мыйта вӧлі медводдзаысь урчитӧма 2023 вося сьӧмкудйын.
Рӧскодлӧн ӧтувъя йӧрышыс лоӧ 116 миллиард 900 миллион шайт.
2024 воын водзӧ кутасны кыпӧдны школаяс, челядьӧс видзанінъяс, больничаяс, ФАП-ъяс, социальнӧй, культурнӧй да спортивнӧй объектъяс.
«Войтырлӧн сьӧмкуд» проект, йӧзлысь водзмӧстчӧмъяс да водзмӧстчан проектъяс збыльмӧдӧм вылӧ вичмӧдӧма 426 миллион шайт.
Меставывса сьӧмкудъясӧ сьӧмкудкостса трансфертъяс вылӧ урчитӧма 34 миллиард 400 миллион шайт.
Тайӧ локтан воын республиканскӧй сьӧмкудйын рӧскод ӧтувъя йӧрышысь 29,4%.
Сідзжӧ лӧсьӧдӧма 1 миллиард 800 миллион шайт мында вылӧ резерв. Сьӧмсӧ урчитӧма 2024 воын Россияса Президентлысь «майскӧй» Индӧдъяс збыльмӧдӧм серти сьӧмкуд юкӧнын торъя категория уджалысьяслы удждон содтӧм вылӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба тшӧктіс Коми Республикаса Веськӧдлан котырлы ладмӧдны удж сетысьяслысь, велӧдчанінъяслысь да уджӧн могмӧдан шӧринъяслысь ӧтувъя уджсӧ @ выльтор @ https://rkomi.ru/news/3364 @ 2023-12-01 @}
Владимир Уйба тшӧктіс Коми Республикаса Веськӧдлан котырлы ладмӧдны удж сетысьяслысь, велӧдчанінъяслысь да уджӧн могмӧдан шӧринъяслысь ӧтувъя уджсӧ.
Регионлысь экономика юкӧнъяс да социальнӧй сфера кадръясӧн могмӧдӧмсӧ видлалісны Коми Республикаса Юралысь бердын стратегическӧя веськӧдлӧм серти координационнӧй сӧветлӧн заседание дырйи.
Сэтчӧ пырӧдчисны Веськӧдлан котырӧ пырысьяс, министерствоясӧн да ведомствоясӧн юрнуӧдысьяс.
«Ми вермам кыпӧдны уна ФАП, школа, детсад, поликлиника, больнича, спорт да культура учреждение, но оз кӧ лоны сэні кадръяс, то став видзӧм сьӧмысь экономикаын выгӧдаыс оз ло, а йӧзыс оз кутны вермыны босьтны услугаяссӧ, вӧдитчыны мероприятиеясӧн, а сідзкӧ оз бурмы налӧн олӧмыс.
Тайӧ жӧ инмӧ быд производстволы.
Медся ӧнія технологияясысь да оборудованиеясысь пӧльзаыс оз ло, оз кӧ лоны специалистъяс.
Та дырйи колӧны кужысь, бура дасьтӧм специалистъяс, кодъяс велӧдчисны ӧнія платформаяс вылын зэв тӧлка велӧдысьяслӧн да наставникъяслӧн веськӧдлӧм улын», – шыӧдчис заседаниеӧ пырӧдчысьяс дорӧ Коми Республикаса Юралысь.
Владимир Уйба тӧдчӧдіс, мый кадръясӧн могмӧдӧм серти колӧ уджавны быд боксянь.
Та дырйи колӧ мыджсьыны Коми Республикаса экономика юкӧнъясын коланлунлӧн своднӧй прогноз вылӧ да тӧд вылын кутны 2035 воӧдз Коми Республикаӧс социальнӧй да экономика боксянь сӧвмӧдан стратегияын индӧм могъяссӧ.
Сы вӧсна мый удж рынок вылын колӧ уна квалифицируйтӧм специалист да уджалысь, а татшӧмъясыс зэв этшаӧнӧсь, Коми Республикаса Юралысь тшӧктіс унджык дасьтыны да выльысь велӧдны кадръяссӧ медколана специальносьтъяс серти.
«Миянлы оз ков дасьтыны ставнысӧ да уна, колӧ стӧча уджавны медколана нырвизьясын.
Коми Республикаса Веськӧдлан котырлы тшӧкта дасьтыны промышленносьт юкӧнъяс да социальнӧй сфера серти торъя заявка.
Колӧ тӧдны вояс серти, кымын ковмас врач, велӧдысь, спортын да культураын, видз-му овмӧсын, стрӧитчӧмын специалист да сідз водзӧ.
Сідзжӧ колана кадръяссӧ индігӧн удж сетысьяслы, велӧдчанінъяслы да уджӧн могмӧдан шӧринъяслы колӧ топыда ёртасьны», – пасйис регионса Юралысь.
Владимир Уйба тӧдчӧдіс, мый колӧ могмӧдны уджӧн СВО вылысь локтысьясӧс.
Ӧтияс уна помка вӧсна оз вермыны уджавны босьтӧм специальносьт серти, мӧдъяс кӧсйӧны сійӧс вежны.
Регионса Юралысь тшӧктіс профильнӧй министерствояслы да ведомствояслы торйӧн уджавны быд татшӧм военнослужащӧйкӧд да отсавны налы босьтны выль уджсикас да уджалан места.
Регионса Веськӧдлан котыр водзын Коми Республикаса Юралысь пуктіс нӧшта ӧти мог – став юкӧнын ёнджыка велӧдны целевӧя.
Таысь кындзи, водзӧ кутасны лӧсьӧдны «Профессионалитет» федеральнӧй проект серти велӧдан-производственнӧй кластеръяс.
Проектыс колӧ уджсикасӧ велӧдан система бурмӧдӧм вылӧ удж сетысьяслысь могъяссӧ тӧд вылӧ босьтӧмӧн.
Республикаын талун кежлӧ лӧсьӧдӧма ӧти кластер – Сыктывкарса вӧр промышленнӧй техникумын «Вӧр промышленнӧй комплекс».
Но регионлы сідзжӧ колӧны татшӧм кластеръясыс топливно-энергетическӧй комплексын, из шом перъян юкӧнын, видз-му овмӧсын, машина стрӧитӧмын, транспорт да стрӧитчан юкӧнъясын, а сідзжӧ юӧр сетан технологияясын.
Колана нырвизьӧн регионса Юралысь шуис профориентация удж, сійӧс колӧ нуӧдны ичӧт арлыдсянь.
Тайӧ сетас позянлун туйдӧдны том йӧзӧс бӧрйыны уджсикассӧ да водзӧ уджавны Коми Республикаын. Колӧ, медым том войтыр тӧдісны, мый найӧ колӧны чужанінын, мый найӧ вермасны аддзыны ассьыныс туйнысӧ тані.
«Ми босьтчим тайӧ уджӧ кык во сайын.
Талун профориентация уджсӧ нуӧдӧма ӧкмысӧд классын 4 сюрс велӧдчыськӧд.
А найӧ матӧ 10 сюрс!
Колӧ уджавны ӧдйӧджык.
Медколанаыс – абу сӧмын туйдӧдны челядьӧс уджсикасӧ, но и эскӧдны найӧс, мый бурджык овны да уджавны республикаын.
Колӧ, медым 9 классӧ мунігӧн нин быд кага гӧгӧрвоис, кодӧн сійӧ кӧсйӧ лоны.
Республикаын уна велӧдчанін, сьӧмыс тырмымӧн.
Таысь кындзи колӧ, медым кагаыс велӧдчанін помалӧм бӧрын дзик пыр вермис пырны удж вылӧ.
Стӧчджыка кӧ, ёртасьны удж сетысьяскӧд, индыны налы преференцияяс да туйдӧдны выпускникъяскӧд удж вылӧ.
Медводз тайӧ уджсӧ колӧ нуӧдны 9 классын велӧдчысьяскӧд, сэсся – 11 классын, да куим во чӧжӧн тайӧ уджсӧ помавны», – тшӧктіс регионса Юралысь. 
{Kodko @ Владимир Уйба юӧртіс Коми Республикаын ю пыдӧс джудждӧдан уджъяслӧн бӧртасъяс йылысь @ выльтор @ https://rkomi.ru/news/3365 @ 2023-12-01 @}
Владимир Уйба юӧртіс Коми Республикаын ю пыдӧс джудждӧдан уджъяслӧн бӧртасъяс йылысь.
2023 воын ставнас регионса ю пыдӧсъясысь лэптісны 640 сюрс кубическӧй метра му.
Коми Республикаса Юралысьлӧн тшӧктӧм серти уджъяссӧ нуӧдісны Печора, Эжва да Сыктыв юясын, кӧні ва туй кадколастӧ вӧліны сьӧкыдлунъяс суднояс ветлӧмкӧд.
Печора ю вылын Печора кар дорсянь Нарьян-Мар карӧдз лэптісны 586 сюрс кубометра му.
Ю пыдӧс джудждӧдӧм бӧрын Печора кузя суднояс да паромъяс вермӧны дугдывтӧг ветлӧдлӧны.
Эжва ю вомын Льӧмъю места дорын ю пыдӧс джудждӧдан уджъяс нуӧдігӧн ю пыдӧсысь лэптісны 32, Сыктыв ю вылын «Красный водник» ю куръяӧ пыранінсянь Эжва ю вомӧдз – 19 сюрс кубометра му.
Республикаын ю пыдӧссӧ джудждӧдӧны оз сӧмын навигация вӧсна, но и ытва дырйи ваяслӧн лёка тӧдчӧмсӧ бырӧдӧм могысь.
«Экология» национальнӧй проект отсӧгӧн 2025 восянь Печора карын кӧсйӧны заводитны весавны Печора ю сёртассӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаса Юралысь чолӧмалӧ Доброволеч (волонтёр) лунӧн @ выльтор @ https://rkomi.ru/news/3366 @ 2023-12-05 @}
Коми Республикаса Юралысь чолӧмалӧ Доброволеч (волонтёр) лунӧн.
Коми Республикаса пыдди пуктана волонтёръяс!
Дона ёртъяс!
Сьӧлӧмсянь чолӧмала тіянӧс Доброволеч (волонтёр) лунӧн!
Ӧні волонтёръяс уджалӧны социальнӧй, экология, медицина, гражданско-патриотическӧй нырвизьясын, ыджыд гажъяс да мероприятиеяс дырйи.
Республикаын ёна сӧвмӧ «эзысь» волонтёрство – лунысь-лун содӧ олӧма йӧзлӧн лыдыс, кодъяс кӧсйӧны отсасьны да вӧчны буртор.
Талун республикаын доброволечьяс отсасьӧны гӧсьтъяслы фестивальяс да форумъяс, спорт мероприятиеяс да слётъяс дырйи.
Шуам, вӧльгым тӧлысьын нуӧдім Том йӧзлысь мӧд восьса Арктикаса Дельфийскӧй ворсӧмъяс.
Сідзжӧ волонтёръяс зіля пырӧдчӧны регионса да ставроссияса акцияясӧ, ас кежысь збыльмӧдӧны республикалы тӧдчана проектъяс.
Аттьӧала ставныссӧ, кодъяслӧн девизыс «Вӧч буртор», кодъяс отсасьӧны да тӧждысьӧны мукӧд вӧсна, сьӧлӧмсяньыс вӧчӧны буртор.
Медым йӧзлы вӧчӧм бурыс, воис тіянлы сё пӧв унджык.
Ыджыд аттьӧ ставныдлы, кодъяс чукӧртанныд торъя военнӧй операция дырйи участвуйтысьяслы отсӧг, мӧдӧданныд налы тышкасянінӧ сёян-юан да техника, экипировка элементъяс да гӧстинечьяс.
Ті пуктанныд Ыджыд Россиялӧн Вермӧмӧ донъявны позьтӧм пай!
Сиа став волонтёрлы вермӧмъяс да крепыд дзоньвидзалун, пӧртны олӧмӧ став могныдтӧ!»
Коми Республикаса Юралысь Владимир Уйба.
{Kodko @ Коми Республикаысь делегация удж серти ветліс Беларусь Республикаӧ @ выльтор @ https://rkomi.ru/news/3367 @ 2023-12-06 @}
Коми Республикаысь делегация удж серти ветліс Беларусь Республикаӧ.
Делегацияӧн юрнуӧдіс Коми Республикаса Юралысь. Сэтчӧ тшӧтш пырисны Веськӧдлан котырӧ пырысьяс, муниципальнӧй власьтӧс да регионса бизнес-котыръясӧс петкӧдлысьяс.
Ветлӧмлӧн могыс – пырӧдчыны Беларусь Республика да Коми Республика (Россия Федерация) костын ёртасьӧм серти уджалан группалӧн квайтӧд заседаниеӧ, а сідзжӧ сӧвмӧдны вузасян да экономика, гуманитарнӧй да дінмукостса йитӧдъяс.
Уджалан группалӧн квайтӧд заседаниеыс вӧлі Гродно карын.
Участвуйтысьяс пасйисны, мый кыкнан регионыс кӧсйӧ сӧвмӧдны ёртасьӧмсӧ вузасян да экономика, наука да техника, социальнӧй да культура юкӧнъясын, а сідзкӧ ӧтувъя уджыс кутас мунны водзӧ.
«Ми аддзам, мый пандемия бӧрын мытшӧдъяс вылӧ видзӧдтӧг, миян бара на содіс тӧвар бергалӧмыс кыдзи импорт, сідз и экспорт серти, – пасйис Владимир Уйба. 
– Ми содтім сійӧс матӧ кык пӧв, тайӧ 29 миллион гӧгӧр доллар.
Талун ми индім выль ыджыд мог – кӧсъям, медым 2026 воӧдз тӧвар бергалан йӧрышыс лоис 50 миллион доллар.
Медшӧрыс, мый миян ёртасьӧмын воссисны выль туйвизьяс.
Шуам, Коми Республикаын ми зіля дасьтам керка лэптан комплектъяслысь выль модельяс да заводитім нин сьӧкыда воӧдчан сикт-грездъясын наысь кыпӧдны керкаяс врачьяслы да велӧдысьяслы. Модельяссӧ вӧчам ас крепыд материалъясысь, ёнджыкасӧ клеитӧм брускысь.
Ми вуджӧдам муниципальнӧй котельнӧйяссӧ экология боксянь бур ломтас вылӧ – пеллетъяс да брикетъяс вылӧ, тадзи ми содтам республикаын наын коланлунсӧ да сӧвмӧдам меставывса производствосӧ.
Талун ми видлалім суйӧрсайса тӧвар вежӧм серти тӧдчана юалӧм, стӧчджыка кӧ, миян предприятиеясӧн Белоруссияын вӧчан вӧр лэдзан техника вылӧ вуджӧмсӧ.
Сідзжӧ сёрнитім агропромышленнӧй комплекс сӧвмӧдӧм йылысь.
Сёрнитчим студентъясӧн, стрӧитчан отрядъясӧн вежласьӧм йылысь, водзӧ кутам уджавны культура боксянь, сӧвмӧдны патриотическӧй ӧтмунӧм.
Уджалан группалӧн заседаниеыс муніс бура, содіс уна ӧтувъя мероприятие».
«Миян эм мыйӧн юксьыны ӧта-мӧднымкӧд, миян эм опыт.
И Коми Республикалӧн эм мый петкӧдлыны.
Тайӧ и вӧрӧн вӧдитчӧм, вӧр бурмӧдӧм да переработайтӧм.
Тайӧ и позянлун вайны миянлысь машина стрӧитан прӧдукциясӧ.
Тайӧ и гуманитарнӧй юкӧнын удж.
Лыддьӧдлыны позьӧ зэв уна, но медшӧрыс, мый уджыс мунӧ бура, быд аддзысьлӧм бӧрын сылӧн тӧдчанлуныс сӧмын содӧ», – шуис Гродно обласьтса олӧмӧ пӧртысь комитетӧн Веськӧдлысь Владимир Караник.
Коми Республикаысь делегация воліс Гродно обласьтса ӧткымын предприятиеӧ, сы лыдын тӧдмасис «Гродноводоканаллӧн» уджӧн, видзӧдліс стрӧитан онкология диспансерлысь радиология корпуссӧ, ветліс Гродно обласьтса клиническӧй кардиология шӧринӧ.
Вӧр промышленносьт предприятиеясӧн юрнуӧдысьяс («Промтех-инвест» ИКК, «КомиИнвестПром» ИКК, «Леспромсервис» ИКК) видзӧдлісны «Гродненский» видз-му овмӧс кооперативын пу керкаяс, а сідзжӧ «Гродноинвест» торъя экономическӧй зона да мебель вӧчанін.
Сідзжӧ Коми Республикаысь делегация казьтыштіс 1941-1945 воясся Айму вӧсна Ыджыд тышын пӧгибнитӧм землякъясӧс да пуктіс дзоридзьяс Сӧветскӧй воинъяслы да партизанъяслы памятниклӧн Куслытӧм би дорӧ.
Коми да Беларусь Республикаяс топыда уджалӧны экономика, промышленносьт, видз-му овмӧс, культура, спорт, туризм, наука, велӧдан, том йӧз политика, вузъяс костын ӧтув уджалан юкӧнын.
Водзӧ нуӧдӧны ӧтувъя удж вузася-промышленнӧй палатаяс.
Коми Республикаӧс да Беларусь Республикаӧс петкӧдлысьяс зіля пырӧдчӧны ӧтувъя мероприятиеясӧ кыдзи очнӧя, сідз и онлайн-режимын.
Комиын олӧ Белоруссияысь локтӧм уна йӧз.
Могилёв да Сыктывкар, Гродно да Ухта – ӧта-мӧдкӧд ёртасян каръяс.
Коми Республикаын Белорусскӧй национально-культурнӧй автономиясӧ артмӧдӧма 1997 вося косму тӧлысь 4 лунӧ. Регионын сійӧ медваж да медтӧдчана этнокультурнӧй ӧтувъяс пиысь ӧти.
Владимир Уйба корис белоруссияса уджъёртъясӧс волыны «Россия» войтыркостса выставка-форум вылӧ, мый мунӧ тайӧ лунъясӧ Москваын.
Ӧшым тӧлысь 19 лунӧ выставка дырйи мунас Коми Республикалы сиӧм лун. Уджтасыс зэв озыр и культура, и велӧдӧм, и удж боксянь.
Фото: Гродно обласьтса губернаторлӧн пресс-служба
{Kodko @ Владимир Уйба юӧртіс Беларусь Республикаӧ удж серти ветлӧм да Москваын инвесторъяскӧд аддзысьлӧм йылысь @ выльтор @ https://rkomi.ru/news/3368 @ 2023-12-07 @}
Владимир Уйба юӧртіс Беларусь Республикаӧ удж серти ветлӧм да Москваын инвесторъяскӧд аддзысьлӧм йылысь.
Белоруссияса Гродно карын Коми Республикаысь делегация участвуйтіс Беларусь Республика да Коми Республика (Россия Федерация) костын ёртасьӧм серти уджалан группалӧн квайтӧд заседаниеын, воліс Гродно обласьтса ӧткымын предприятиеӧ, видзӧдліс стрӧитчан онкология диспансерлысь радиология корпуссӧ, ветліс Гродно обласьтса клиническӧй кардиология шӧринӧ.
Минскын Коми Республикаса Юралысь аддзысьліс Беларусь Республикаын Россия Федерацияса Чрезвычайнӧй да Полномочнӧй Посол Борис Грызловкӧд.
Москваын, Россия Федерацияса Президент бердын Коми Республикаӧс пыр петкӧдланінын, Владимир Уйба аддзысьліс гырысь коммерческӧй структураясӧн, кредитнӧй организацияясӧн, консалтингӧвӧй агентствоясӧн юрнуӧдысьяскӧд да найӧс петкӧдлысьясӧд.
Форумӧ пырӧдчысьясӧс тӧдмӧдісны Коми Республикалӧн выль инвестиция позянлунъясӧн.
Паськыдджыка – видео пыр талунъя шыӧдчӧмын. 
{Kodko @ Москваын тӧдмӧдісны Коми Республикалӧн выль инвестиция позянлунъясӧн @ выльтор @ https://rkomi.ru/news/3369 @ 2023-12-07 @}
Москваын тӧдмӧдісны Коми Республикалӧн выль инвестиция позянлунъясӧн.
Талун, ӧшым тӧлысь 7 лунӧ, Россия Федерацияса Президент бердын Коми Республикаӧс пыр петкӧдланінын вӧлі делӧвӧй форум, кытчӧ пырӧдчисны гырысь коммерческӧй структураясӧн, кредитнӧй организацияясӧн юрнуӧдысьяс да найӧс петкӧдлысьяс, россияса регионъясӧс пыр петкӧдланінъясын, консалтингӧвӧй агентствоясын уджалысьяс.
Мероприятиеӧ пырӧдчысьясӧс чолӧмаліс Коми Республикаса Юралысь Владимир Уйба.
«Бӧръя кык да джын воӧн ми вӧчим ыджыд удж, медым лӧсьӧдны Коми Республикаын бизнес нуӧдӧм вылӧ бур условиеяс, – пасйис Владимир Уйба. 
– Ми вӧчим гӧгӧрвоанаӧн власьт органъяслысь да бизнес-котырлысь ӧтувъя уджсӧ, пыртім преференцияяс.
И талун инвесторъяс локтӧны республикааным, сы вӧсна мый миянлы эм мый вӧзйыны.
Миянлы зэв тӧдчана, медым инвесторыс кӧсйис тані дыр уджавны, мед сійӧ лоис уджъёртӧн, а сылӧн инвестицияясыс мунісны ыджыд маржаа прӧдукция вӧчӧм вылӧ.
Шуам, Коми Республикаса вӧр переработайтан предприятиеяс ӧні зіля босьтчисны вӧчавны керка лэптан комплектъяс, ӧні тайӧ зэв колана нырвизь».
Регионын инвестицияяс пыртӧмӧн збыльмӧдӧны автотранспорт, ю да авиация инфраструктура сӧвмӧдан, инновационнӧй медицина кластеръяс лӧсьӧдан, туристическӧй кластер видзан да выльмӧдан проектъяс.
Сідзжӧ республика вӧзйӧ инвестицияяс вылӧ мупытшкӧсса озырлун перъян да переработайтан, вӧр обработайтан юкӧнын ыджыд проектъяс.
Ыджыд инвестиция проектъясӧ пырӧны: «Сосногорск – Индига» кӧрт туй магистраль, Сыктывкар – Ухта – Печора – Усинск – Нарьян-Мар автомашина туй да Печора ю вомӧн пос, Интаын кальцийлысь карбид да ферросплавъяс вӧчан завод стрӧитӧм, «ЛУКОЙЛ-Коми» компаниялӧн Усинскса месторождениеын пермокарбоновӧй куйлӧдъяс перйӧм.
Коми Республикаын уджалӧ Региональнӧй инвестиция стандарт – тайӧ инвесторъяслы отсалан система, мыйӧн урчитӧма бизнес нуӧдан гӧгӧрвоана условиеяс, сійӧ отсалӧ инвесторлы ӧдйӧ разьны мытшӧдъяссӧ да лӧсьӧдӧ инвестиция проектъяс збыльмӧдӧм вылӧ бур гӧгӧртас.
Сідзжӧ инвесторъяс босьтӧны канмусянь отсӧг: преференцияяс, налы бергӧдӧны выль инвестпроектъяс збыльмӧдӧм могысь инфраструктура объектъяс лӧсьӧдӧм вылӧ рӧскодсӧ, ыджыд проектъяс збыльмӧдігӧн торгъяс нуӧдтӧг найӧ босьтӧны кӧртымӧ му участокъяс.
Эм капиталовложение да торъя инвестиция контрактъяс видзӧм да ышӧдӧм йылысь артмӧдчӧм кырымалан опыт.
2021-2023 вояс чӧж Коми Республика збыльмӧдіс матӧ 15 миллиард шайт вылӧ 44 инвестиция проект, сы отсӧгӧн лои лӧсьӧдӧма 254 уджалан места.
2026 воӧдз Коми Республикаса экономикаын сьӧм юклан мероприятиеяслысь план збыльмӧдӧм серти кӧсйӧны босьтны 150 миллиард шайтӧдз сьӧмкудйысь ӧтдор инвестицияяс да лӧсьӧдны 6 000 уджалан места.
Фото: Россия Федерацияса Президент бердын Коми Республикаӧс пыр петкӧдланін
{Kodko @ Владимир Уйба висьталіс том семьяяслы оланін ньӧбны либӧ кыпӧдны отсалан мераяс йылысь @ выльтор @ https://rkomi.ru/news/3370 @ 2023-12-08 @}
Владимир Уйба висьталіс том семьяяслы оланін ньӧбны либӧ кыпӧдны отсалан мераяс йылысь.
2023 воын Коми Республикаса Веськӧдлан котыр босьтіс федеральнӧй сьӧмкудйысь 56 том семьялы олан жыръяс ньӧбӧм либӧ кыпӧдӧм вылӧ сьӧм.
Ӧні став 56 семьяыс босьтісны нин лӧсялана эскӧдангижӧдъяс, на пиысь 52 семья бурмӧдісны олан условиеяссӧ тайӧ сьӧм отсӧгӧн.
Коми Республикаын Семьялы сиӧм воӧ, Коми Республикаса Юралысь Владимир Уйбалӧн тшӧктӧм серти регионса сьӧмкудйысь вичмӧдӧма содтӧд сьӧм, медым бурмӧдны том семьяяслысь олан условиеяссӧ.
79 том семьялы корсьӧма 100 миллион шайт.
Таысь кындзи, 2023 воын шуӧма пыртны том семьяяслы, кодъяслы колӧ бурмӧдны олан условиеяссӧ да кодъяслӧн быдтӧлысся чӧжӧсыс 60 сюрс шайтысь абу унджык, отсӧг сетан содтӧд мера.
Республикаса сьӧмкудйысь вичмӧдӧма 60 миллион шайт.
Тайӧ отсалан мерасӧ сетӧны вонас 1% улӧ кокньӧдӧм ипотека заёмӧн, кредитлӧн мындаыс 3 миллионысь абу унджык.
Тайӧ мероприятиеяссӧ Коми Республикаын збыльмӧдӧны Россияса Президент Владимир Владимирович Путинлысь Индӧдъяс олӧмӧ пӧртӧм могысь.
Казьтыштам, Россияын 2024 восӧ сиӧма семьялы. 
{Kodko @ Сергей Булатов кутас збыльмӧдны Коми Республикаса йӧзлысь дзоньвидзалун видзан министрлысь могъяс @ выльтор @ https://rkomi.ru/news/3372 @ 2023-12-08 @}
Сергей Булатов кутас збыльмӧдны Коми Республикаса йӧзлысь дзоньвидзалун видзан министрлысь могъяс.
Та йылысь тшӧктӧмсӧ кырымаліс Коми Республикаса Юралысь Владимир Уйба.
Коми Республикаса Юралысьлӧн 2023 во ӧшым тӧлысь 8 лунся 400-р №-а тшӧктӧм
Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын 2023 вося ӧшым тӧлысь 8 лунсянь тшӧктыны пӧртны олӧмӧ Коми Республикаса йӧзлысь дзоньвидзалун видзан министрӧс медводдза вежысь Сергей Игоревич Булатовлы Коми Республикаса йӧзлысь дзоньвидзалун видзан министрлысь могъяс. 
{Kodko @ Аймулӧн Геройяслы сиӧм лункӧд йитӧдын Коми Республикаса Юралысьлӧн шыӧдчӧм @ выльтор @ https://rkomi.ru/news/3371 @ 2023-12-09 @}
Аймулӧн Геройяслы сиӧм лункӧд йитӧдын Коми Республикаса Юралысьлӧн шыӧдчӧм.
«Коми Республикаса пыдди пуктана олысьяс!
Ӧшым тӧлысь 9 лунӧ Россияын пасйӧны Аймулӧн Геройяслы сиӧм лун.
Ми пыдди пуктам налысь пайсӧ, кодъяс смела да повтӧг збыльмӧдісны воинскӧй да гражданскӧй могнысӧ Чужан мулысь интересъяссӧ, Аймулысь асшӧрлунсӧ дорйигӧн.
Коми Республика – му, кӧні чужисны-быдмисны Россияӧс пыдди пуктысь да радейтысь йӧз.
Татчӧс олысьяслӧн нимъясыс юргӧны миян канмулӧн историяын.
Айму вӧсна Ыджыд тыш дырйи повтӧг да смела служебнӧй да воинскӧй могсӧ бура збыльмӧдӧмысь уналы сетлісны Сӧветскӧй Союзса Геройлысь да Россия Федерацияса Геройлысь медвылыс нимъяс.
Торъя военнӧй операция бара на кыпӧдіс Аймулысь пиянсӧ, медым киын ӧружьеӧн дорйыны Чужан мунымӧс неофашизмысь, видзны Россиялысь национальнӧй интересъяссӧ, вежавидзӧмӧн оланногсӧ.
Бара воис Геройяслӧн – тӧждысьысь да повтӧм, сьӧлӧмсянь асьыс странасӧ радейтысь йӧзлӧн – кад.
Талун миян ыджыд да вына канму ӧтувтчис, медым петкӧдлыны мирыслы, мый некод да некор оз вермы жугӧдны сійӧс, мый миян пӧль-пӧчьяс лӧсьӧдісны нэмъяс чӧж.
Ми ӧтлаын!
Тыш мунанінын салдатъяс тӧдӧны, мый на вӧсна тӧждысьӧны тылын.
Ми вӧчам ставсӧ, медым Вына Россия вермис!».
Коми Республикаса Юралысь Владимир Уйба
{Kodko @ Сыктывкарын казьтыштісны Россияса да Коми Республикаса Геройясӧс @ выльтор @ https://rkomi.ru/news/3373 @ 2023-12-09 @}
Сыктывкарын казьтыштісны Россияса да Коми Республикаса Геройясӧс.
Ӧшым тӧлысь 8 лунӧ, Аймулӧн Геройяслы сиӧм лун водзын, Коми республиканскӧй филармонияын вӧлі «Реквием по Героям «Я не мог поступить иначе…» казьтылан рыт.
Мероприятиеӧ пырӧдчис регионса Юралысь Владимир Уйба.
«Коми Республикаын чужлӧм-быдмылӧм войтырлӧн нимъясыс юргӧны миян канмулӧн историяын.
Повтӧг да смела служебнӧй да воинскӧй мог олӧмӧ пӧртӧмысь уналы сетісны Сӧветскӧй Союзса Геройлысь да Россия Федерацияса Геройлысь нимъяс, лоисны Слава орденлӧн тыр кавалеръясӧн.
Айму вӧсна Ыджыд тыш дырйи Комиысь йӧзыс воюйтісны став фронт вылын, повтӧг тышкасисны вӧрӧгкӧд, пуктісны юрнысӧ Чужан му вӧсна.
Сёрӧнджык – дорйисны Афганистанын да мукӧд вооружённӧй локальнӧй войнаын да конфликтын Аймулысь интересъяссӧ.
И кор Россия паныдасис неонацистъяслӧн грӧзлункӧд, Аймулӧн бур пиян сувтісны дорйыны канмунымлысь интересъяссӧ да асшӧрлунсӧ», – пасйис Коми Республикаса Юралысь, боевӧй тышъясса ветеран Владимир Уйба.
Мероприятиеӧ пырӧдчысьяс казьтыштісны Айму вӧсна усьӧм геройясӧс чӧв олыштӧмӧн.
Владимир Уйба сетіс торъя военнӧй операция дырйи пӧгибнитӧм Виталий Петрович Лифенколӧн рӧдвужлы Коми Республикаса Геройлысь Звезда, – дӧва Елена Васильевналы, нылыс Диана Витальевналы да мамыс Галина Васильевналы.
Коми Республикаса Юралысьлӧн Индӧдӧн офицерлы кувсьӧм бӧрын сетӧма повтӧг да смела воинскӧй могсӧ олӧмӧ пӧртӧмысь да йӧз вӧсна тӧждысьӧмысь медвылыс почёт ним.
«Талун меным зэв нимкодь сетны наградасӧ Виталий Петровичлӧн рӧдвужыслы.
Ме став сьӧлӧмсянь кӧсъя аттьӧавны сылысь мамсӧ – Галина Васильевна Лифенкоӧс.
Аттьӧ тіянлы, Галина Васильевна, верӧсӧс, воинӧс, пиӧс быдтӧм-велӧдӧмысь.
Виталий Петровичӧс бурӧ пуктӧ республика да страна.
Пыдди пуктана Галина Васильевна, Елена Васильевна да Диана, эска, мый служитігӧн тіян отсӧгныд да радейтӧмныд зэв ёна отсалісны Виталий Петровичлы.
Сійӧ вӧлі опытнӧй офицерӧн, повтӧм воинӧн.
Ассьыс подвигсӧ сійӧ вӧчис матыссаяс вӧсна, миянӧс да Чужан мунымӧс дорйигӧн.
Муӧдз копыр миян геройяслӧн бать-мамыслы бур пиянӧс быдтӧмысь.
Юка шогсӧ ставныскӧд, кодъяс спецоперация дырйи воштісны ассьыныс рӧдвужныссӧ да матыссаясныссӧ», – шуис Коми Республикаса Юралысь.
Казьтыштісны став военнослужащӧйсӧ, кодъяс пӧгибнитісны СВО, локальнӧй войнаяс, Чечняын контртеррористическӧй операция дырйи, а сідзжӧ Коми Республикаысь став солдатӧс да офицерӧс, кодъяс пуктісны юрнысӧ Айму вӧсна Ыджыд тыш кадӧ.
Айму вӧсна Ыджыд тыш дырйи Коми Республикаын чужлӧм 38 воинлы сетлісны медтӧдчана награда – Сӧветскӧй Союзса Геройлысь ним.
Чечняын боевӧй тышъяс дырйи Россия Федерацияса Геройлысь ним сетісны Коми Республикаысь 5 мортлы (кувсьӧм бӧрын).
Торъя военнӧй операция нуӧдігӧн Россияса Геройлысь ним сетісны Коми Республикаысь петӧм 4 мортлы (кувсьӧм бӧрын): гвардияса капитан Владимир Николаевич Носовлы, гвардияса старшӧй матрос Олег Александрович Шипицинлы, гвардияса подполковник Иван Владимирович Поздеевлы, ефрейтор Александр Александрович Власенковлы.
Кык военнослужащӧйлы сетӧма Коми Республикаса Геройлысь ним (кувсьӧм бӧрын): гвардияса младшӧй сержант Анатолий Максимович Хлобыстовлы да майор Виталий Петрович Лифенколы.
Сідзжӧ мероприятие дырйи Коми Республикаса Юралысьлы сетісны Чужан му дорйысьяслы письмӧяс. Найӧс гижисны Сыктывкарса йӧзкост дипломатия лицейын велӧдчысьяс.
Асьныс военнослужащӧйяс пыр виччысьӧны челядьсянь письмӧяс, найӧ шонтӧны салдатъяслысь сьӧлӧмъясныссӧ, кыпӧдӧны ловрусӧ да Вермӧмӧ эскӧмсӧ.
Владимир Уйба сетас письмӧяссӧ землякъяслы, кор мунас передӧвӧй вылӧ.
Фотоыс «Комиинформ» ЮА, авторыс Владимир Шешкунас.
{Kodko @ Владимир Уйба казьтыштіс Айму вӧсна тышъясын усьӧм Геройясӧс @ выльтор @ https://rkomi.ru/news/3374 @ 2023-12-09 @}
Владимир Уйба казьтыштіс Айму вӧсна тышъясын усьӧм Геройясӧс.
Коми Республикаса Юралысь Сыктывкарын пуктіс «Куслытӧм слава» мемориал да воин-интернационалистъяслы памятник дорӧ дзоридзьяс.
Талун, ӧшым тӧлысь 9 лунӧ, Аймулӧн Геройяслы сиӧм лунӧ, вӧлі кыпыд церемония.
Россияын тайӧ кадпассӧ урчитӧма 2007 воын, медым нэммӧдны на йылысь паметьсӧ, кодъяслы сетӧма Сӧветскӧй Союзса, Россия Федерацияса Геройлысь нимъяс, Слава да Вежа Георгий орденъяс.
Коми Республика пыдди пуктӧ ассьыс Геройяссӧ, кодъяс дорйисны Чужан мунысӧ Айму вӧсна Ыджыд тыш кадӧ, кодъяс бура збыльмӧдісны воинскӧй да гражданскӧй могнысӧ Чечняын, Торъя военнӧй операция дырйи, Афганистанын да мукӧд локальнӧй военнӧй конфликтын.
Миян Геройяслӧн подвигыс некор оз вун.
Кыпыд церемонияын участвуйтісны Коми Республикаса Веськӧдлан котырӧ пырысьяс, Каналан Сӧветса депутатъяс, федеральнӧй ведомствояслӧн тэчас юкӧдувъясӧн юрнуӧдысьяс, боевӧй тышъясса ветеранъяс, Россия Федерацияса Геройяслӧн, кодъяс пӧгибнитісны СВО дырйи, рӧдвуж да матыссаяс.
Фотоыс «Комиинформ» ЮА, авторыс Владимир Шешкунас.
{Kodko @ Владимир Уйба нуӧдіс сыктывкарса школьникъяслы повтӧмлунлы сиӧм урок @ выльтор @ https://rkomi.ru/news/3375 @ 2023-12-09 @}
Владимир Уйба нуӧдіс сыктывкарса школьникъяслы повтӧмлунлы сиӧм урок.
Сыктывкарса школаясын велӧдчысьяскӧд да 3 №-а челядь керкаса быдтасъяскӧд повтӧмлунлы сиӧм уроксӧ нуӧдісны ӧшым 9 лунӧ, Аймулӧн Геройяслы сиӧм лунӧ, Коми Республикаса Юралысьлӧн Администрацияын.
«Россияса Герой – тайӧ морт, коді петкӧдлӧ медбур качествояс, – шыӧдчис ныв-зон дорӧ Коми Республикаса Юралысь. 
– Россиялӧн ӧнія историяын вӧлі некымын локальнӧй война, кӧні миян военнослужащӧйяс повтӧг збыльмӧдісны воинскӧй могъяс, вӧчисны подвигъяс да лоисны Геройясӧн.
Тайӧ Афганистан, Чечняса войнаяс, локальнӧй конфликтъяс.
Миян воинъяс пӧртісны олӧмӧ медыджыд мог – дорйисны Айму.
Налӧн нимъясыс кутасны юргыны страналӧн историяын».
Владимир Уйба висьталіс школьникъяслы Аймулӧн Геройяслы сиӧм лунлӧн история йылысь.
Сійӧс пасйӧны Вежа Великомученик Георгий Победоносецлы сиӧм лунӧ.
1769 вося ӧшым 9 лунӧ императрица Екатерина II пыртіс медвылыс воинскӧй награда – Вежа Георгий орден.
Сійӧс сетлісны тышъясын медповтӧм воинъяслы.
Ӧшым 9 луныс страналы зэв тӧдчана. Сійӧс сиӧма боевӧй славалы, ратнӧй традицияяслы да воинъяслӧн повтӧмлунлы. Талун чолӧмалӧны Россия Федерацияса да Сӧветскӧй Союзса Геройясӧс, Слава ордена да Вежа Георгий ордена кавалеръясӧс.
Регионса Юралысь висьталіс ныв-зонлы землякъяс йылысь, кодъяслы кувсьӧм бӧрын сетісны Россия Федерацияса Геройлысь да Коми Республика Геройлысь нимъяс.
Чӧв олыштӧмӧн казьтыштісны россияса воинъясӧс, кодъяс пуктісны юрнысӧ Чужан му вӧсна.
Владимир Уйбакӧд сёрнитігӧн челядь мӧвпалісны сы йылысь, коді сэтшӧм геройыс, мый сэтшӧмыс повтӧмлун, Чужан му радейтӧм, сійӧс пыдди пуктӧм да ловлӧн вын.
3 №-а челядь керкаса выпускник Алексей Артеев аттьӧаліс Коми Республикаса Юралысьӧс Рязаньса военнӧй училищеӧ велӧдчыны пырны отсалӧмысь, сійӧ ӧні курсант:
«Владимир Викторович, аттьӧ отсӧгысь, туйдӧмысь, бур кывъясысь, гӧгӧрвоӧмысь да отсалӧмысь.
2023 восӧ сиӧма Педагоглы да наставниклы.
Ті – менам наставник, ӧд Ті туйдӧдінныд менӧ да отсалінныд бӧрйыны уджсикас.
Ті – Коми Республикалӧн мыджӧд да лача.
Зонъяслы сиа лоны збыльысь Айму дорйысьясӧн».
Школьникъяс дорӧ шыӧдчигӧн Владимир Уйба гӧгӧрвоӧдіс ӧта-мӧдлы отсӧглысь да ӧтувтчӧмлысь коланлунсӧ.
Висьталіс, кутшӧм отсӧг Коми Республика сетӧ торъя военнӧй операцияӧ пырӧдчысьяслы да налӧн семьяяслы.
«Ми ёртъяскӧд зілям тшӧкыдджыка ветлыны передӧвӧй вылӧ, медым веськыда сетны зонъяслы гуманитарнӧй отсӧг, рӧдвужсянь посылкаяс да ставсӧ, мый найӧ корӧны, медым нуӧдны полевӧй быт да збыльмӧдны боевӧй могъяс.
Зонъяслы тӧдчана, мый ми асьным сетам налы грузсӧ.
Налы колӧ аддзыны тӧдса йӧзӧс.
Муӧдз копыр ставлы, кодъяс талун республикаын отсалӧны чукӧртны гуманитарнӧй отсӧг.
Ми чукӧртам тайӧ отсӧгсӧ став мирӧн», – висьталіс регионса Юралысь.
Ныв-зон сетісны Коми Республикаса Юралысьлы письмӧяс, медым сійӧ нуис найӧс военнослужащӧйяслы, кор мунас передӧвӧй вылӧ.
«Кӧсъя тіянӧс аттьӧавны талунъя Повтӧмлунлы сиӧм урокысь да висьтавны, мый казьтывны да пыдди пуктыны Геройясӧс колӧ оз сӧмын ӧшым 9 лунӧ да ода-кора 9 лунӧ, а тайӧс колӧ вӧчны быд лун. Эм кӧ кӧсйӧмныд, колӧ лоны Айму дорйысьӧн.
Медым дорйысьяслӧн лыдыс некор эз чин, медым пыр содісны збыльвывса патриотъяс, – шуис сёрни помалігӧн Владимир Уйба. 
– Но ті кӧ бӧръянныд гражданскӧй уджсикас, тайӧ тшӧтш жӧ зэв бур.
Ӧд армиялы пыр отсалӧ зумыд тыл, а тылын колӧны став уджсикасыс, быд уджсикас тӧдчана ас ногыс.
Медым велавны уджсикасӧ, колӧ бура велӧдчыны.
Велӧдчӧмыд, торйӧн нин талун – тайӧ тшӧтш Вермӧмӧ пай.
Сы вӧсна, мый страналы колӧны тӧлка, велӧдчӧм йӧз.
Сэк странаын збыльысь лоасны вына армия да тыл.
А Выль во водзын сиа ставныдлы выльвося ловру.
Быть мӧвпыштӧй, мый ті кӧсъянныд, медым збыльмис Выль воын.
Ставнымлы сиа, кыдз позьӧ ӧдйӧджык вермыны нацизм, медым миян зонъяс, Чужан му дорйысьяс бӧр воисны гортӧ».
{Kodko @ Сыктывкарын сигӧртісны «Миян Геройяс» кинофестивальсӧ @ выльтор @ https://rkomi.ru/news/3376 @ 2023-12-09 @}
Сыктывкарын сигӧртісны «Миян Геройяс» кинофестивальсӧ.
Казьтылан рытыс вӧлі ӧшым тӧлысь 9 лунӧ, Аймулӧн Геройяслы сиӧм лунӧ, Коми республиканскӧй филармонияын. Сэтчӧ локтісны торъя военнӧй операция дырйи пӧгибнитӧм Геройяслӧн бать-мамныс да Коми Республикаса Юралысь Владимир Уйба.
«Аймулӧн Геройяслы сиӧм луныс – тайӧ абу сӧмын календарын кадпас, тайӧ Чужан му дорйысьяснымӧс, кодъяс пуктісны юрнысӧ да кодъяс ӧні тышкасьӧны миян да миян челядьлӧн аскиа лун вӧсна, пыдди пуктӧм.
Талунъя геройясыс – найӧ, кодъяс миянкӧд залынӧсь, и найӧ, кодъясӧс виччысям вермӧмӧн, и найӧ, кодъяс кольӧны сьӧлӧмъясаным.
Муӧдз копыр геройяснымлӧн рӧдвужлы да матыссаяслы», – шыӧдчис видзӧдысьяс дорӧ регионса Юралысь.
Мероприятиеӧ пырӧдчысьяс казьтыштісны Айму вӧсна тышын усьӧм геройясӧс чӧв олыштӧмӧн.
Коми республиканскӧй телевизионнӧй канал да Том йӧз политика комитет котыртісны «Миян Геройяс» кинофестивальсӧ регионын Том йӧзлы сиӧм воӧ.
Кык да джын тӧлысьӧн киносӧ петкӧдлісны республикаса быд муниципалитетын.
«Миян Геройяс» киносӧ петкӧдлісны патриотическӧй рытъяс, Повтӧмлунлы сиӧм урокъяс дырйи.
Сэтчӧ пырӧдчисны фильмъяслӧн авторъяс, военнослужащӧйяс, СВО-са ветеранъяс.
Найӧ висьталісны ныв-зонлы, мыйла найӧ мунісны Торъя военнӧй операция вылӧ.
Быд боечлӧн историяыс аслыспӧлӧс, но ставнысӧ ӧтувтӧ Аймулы бура служитӧм.
Россия Федерацияса цифра отсӧгӧн сӧвмӧдан, йитӧд да юӧр сетан министерство отсӧгӧн «Юрган» телеканал дасьтіс Россия Федерацияса да Коми Республикаса Геройяс йылысь кинолента. Республикаын сійӧс видзӧдісны нин гырысь классын 5 сюрсысь унджык велӧдчысь.
Сыктывкарын ӧшым тӧлысь 9 лунӧ, Аймулӧн Геройяслы сиӧм лунӧ, проектыс помассис.
«Талун ми сигӧртам «Миян Геройяс» кинофестивальсӧ.
Ме аттьӧала «Юрган» телеканалнымӧс, коді унатор вӧчӧ, медым нэммӧдны миян зонъяс йылысь паметьсӧ.
Аттьӧ ставлы, кодъяс пуктісны ассьыс сьӧлӧмсӧ, режиссёрскӧй кужӧмлунсӧ тайӧ киноӧ.
Меным тайӧ зэв бур да тӧдчана проект», – пасйис Владимир Уйба.
Фотоыс «Комиинформ» ЮА, авторыс Владимир Шешкунас.
{Kodko @ Владимир Уйба висьталіс Коми Республикаса медицина учреждениеясӧ вылыс технологияа оборудование вайӧм да выль сикас сьӧкыд операцияяс нуӧдӧм йылысь @ выльтор @ https://rkomi.ru/news/3377 @ 2023-12-11 @}
Владимир Уйба висьталіс Коми Республикаса медицина учреждениеясӧ вылыс технологияа оборудование вайӧм да выль сикас сьӧкыд операцияяс нуӧдӧм йылысь.
«Йӧзлысь дзоньвидзалун видзӧм» национальнӧй проектлӧн «Йӧзлысь дзоньвидзалун видзан юкӧнлысь первичнӧй звено ӧнъяӧдӧм» уджтас серти 2023 воын Коми Республикаса больничаяслы ньӧбисны 109 миллионысь унджык шайт вылӧ 1667 единица оборудование.
Тайӧ сетіс позянлун бурмӧдны олысьяслы медицина отсӧг босьтны позянлунсӧ да ногтуйсӧ.
Выль медицина оборудование отсӧгӧн республикаын процедураяслӧн да операцияяслӧн лыдыс лоис 3 пӧв унджык!
Шуам, 2019 воын Коми республиканскӧй клиническӧй больничаын вӧчисны 100 гӧгӧр операция эндоскопическӧй оборудование отсӧгӧн, а тавося 10 тӧлысьӧн – 300 операцияысь унджык.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Коми Республикаса Юралысь чолӧмалӧ Оланподувлы сиӧм лунӧн @ выльтор @ https://rkomi.ru/news?page=5 @ 2023-12-12 @}
Коми Республикаса Юралысь чолӧмалӧ Оланподувлы сиӧм лунӧн.
«Коми Республикаса пыдди пуктана олысьяс!
Чолӧмала тіянӧс Россия Федерацияса Оланподувлы сиӧм лунӧн!
Страналысь тайӧ медтӧдчана документсӧ примитлісны 30 во сайын став войтырӧн гӧлӧсуйтӧмӧн.
Оланподулын урчитӧма медколана индӧдъяссӧ, на пиысь – мортлӧн да гражданинлӧн инӧдъясӧ да вӧляӧ кутчысьӧм да найӧс видзӧм, ас мулысь ӧтувъялунсӧ да зумыдлунсӧ могмӧдӧм серти канмулысь могсӧ.
Подув оланпас вылӧ мыджсьӧмӧн миян страна тышкасьӧ неофашизмкӧд, вермасьӧ асшӧрлун, гражданалӧн инӧдъяс да вӧля вӧсна.
Миян воинъяс повтӧг тышкасьӧны Аймулӧн талунъя да аскиа лун вӧсна, збыльмӧдӧны сьӧкыд боевӧй могъяс.
Налӧн выныс, повтӧмлуныс, Чужан му вӧсна сетны олӧмсӧ – Россиялӧн вермӧмлӧн подув!
Сиа ставныдлы дзоньвидзалун, Аймулы бур вылӧ выль вермӧмъяс!»
Коми Республикаса Юралысь Владимир Уйба.
{Kodko @ Владимир Уйба сетіс Коми Республикаса школаясын велӧдчысьяслы паспортъяс @ выльтор @ https://rkomi.ru/news/3379 @ 2023-12-12 @}
Владимир Уйба сетіс Коми Республикаса школаясын велӧдчысьяслы паспортъяс.
Кыпыд церемонияыс вӧлі Россия Федерацияса Оланподувлы сиӧм лун водзвылын, ӧшым тӧлысь 11 лунӧ.
Медтӧдчана документсӧ босьтісны Сыктывкарысь, Ухтаысь, Изьва, Княжпогост, Кӧрткерӧс, Сыктыв, Емдін, Кулӧмдін, Сосногорск да Сыктывдін районъясысь 24 велӧдчысь.
Челядь бура велӧдчӧны, зіля петкӧдчӧны творчествоын, спортын да мукӧд нырвизьын.
На пӧвстын – предметъяс да творчество серти олимпиадаясын да конкурсъясын, бурвӧчан акцияясын участвуйтысьяс, кадетскӧй ӧтмунӧмӧ пырысьяс, «Школаын войтырлӧн сьӧмкуд» проект гижысьяс, спорт да творчество ордйысьӧмъясын вермысьяс да призёръяс.
«Пыдди пуктана ныв-зон, талун ті босьтанныд медшӧр документ, лоанныд Россия Федерацияса тырвыйӧ гражданаӧн, - пасйис Коми Республикаса Юралысь. – Тайӧ кык пӧв тӧдчана и сы вӧсна, мый ми олам медся бур, мича да вына странаын – Россия Федерацияын.
Быдӧн тіян пиысь петкӧдліс нин ассьыс кужанлунсӧ.
Велӧдчӧмын, спортын, творчествоын.
Ті петкӧдлінныд нин, мый ті медбуръяс лыдын.
Дерт, миянлы зэв нимкодь тіян вӧсна, тіян бать-мам да велӧдысьяс вӧсна.
Натӧг, эськӧ, нинӧм эз артмы, ӧд тайӧ ӧтувъя удж.
Республикаса Веськӧдлан котыр тшӧтш лӧсьӧдӧ став условиесӧ, медым ті верминныд бура велӧдчыны, пырӧдчыны спортӧ, петкӧдлыны енбиалуннытӧ.
Ми вӧчам ставсӧ, медым ті быдминныд вына Россиялӧн бур гражданаӧн, верминныд збыльмӧдны став позянлуннытӧ».
Вочакывйӧн сёрнитіс Сыктывкарса 35 №-а школаын велӧдчысь Захар Трофимов:
«Пыдди пуктана Владимир Викторович, пыдди пуктана бать-мам!
Став ныв-зон нимсянь кӧсъя аттьӧавны тіянӧс татшӧм ыджыд позянлунысь, мый Россия Федерацияса Оланподувлы сиӧм лун водзвылын ми босьтам шӧр документ – Россия Федерацияса гражданинлысь паспорт.
Талун зэв кыпыд да тӧдчана лун, коді пыр кежлӧ коляс миян сьӧлӧмъясын.
Ми кӧсйысям, мый велӧдчӧмӧн, уджӧн, вӧчӧмторъясӧн кутам ёнмӧдны республикалысь да Россиялысь бур нимсӧ.
Ми тӧдам, мый миян аскиа луныс тырвыйӧ йитчӧма миян страналӧн шӧр оланпаскӧд – Оланподувкӧд. Сійӧс примитан лунсӧ ми кутам пасйыны аски.
Сиа Комиын олысьяслы дзоньвидзалун, ӧтсӧгласа олӧм, шуд да став бурсӧ».
Сідзжӧ челядь дорӧ шыӧдчис Светлана Сокерина, Сыктывкарса 12 №-а шӧр школаын велӧдчысь Злата Сокериналӧн мам:
«Дона челядь, став бать-мам нимсянь кӧсъя чолӧмавны тіянӧс тайӧ тӧдчана лоӧмторнас.
Тайӧ выль, зэв кывкутана олан тшупӧд.
Тіян паспортъясын кутасны петкӧдчыны олӧмын тӧдчана лоӧмторъясыс.
Тайӧ и армияын служитӧм, гӧтрасьӧм, челядь чужӧм.
Сиам тіянлы бура нуны Россия Федерацияса гражданинлысь нимсӧ, лоны зіль, нырччысь мортӧн, бӧрйыны сьӧлӧм серти удж да уджавны чужан республикалы бур вылӧ.
Пыдди пуктана Владимир Викторович, ыджыд аттьӧ Тіянлы татшӧм кыпыд церемонияын участвуйтны позянлун сетӧмысь.
Тайӧ миянлы, бать-мамлы, зэв дона, ӧд татшӧм тӧдчана лунӧ ми вермам лоны челядькӧд орччӧн».
Владимир Уйба чолӧмаліс челядьӧс олӧмын тӧдчана лоӧмторйӧн да пасйис, мый быть колӧ пыдди пуктыны да радейтны Россия, Чужан му:
«Кор ті помаланныд школанытӧ, быдӧн бӧръяс аслыс удж. Но тӧдӧй пыр, мый медбурыс – овны да уджавны ас чужанінын.
Ми тіянӧс виччысям республикаын, ӧд ті – миян аскиа лун.
Быдмӧй, велӧдчӧй, сӧвмӧй.
Став бурсӧ!»
Россияса том гражданалы петкӧдлісны Коми Республикаса Юралысьлӧн Администрациялысь зданиесӧ, висьталісны регионса канпасъяс, республикаса олӧмӧ пӧртысь власьт органъяслӧн удж йылысь. 
{Kodko @ Комиысь власьт органъяс кар артмӧдан предприятиекӧд ӧтув дасьтӧны Воркута сӧвмӧдан мастер-план @ выльтор @ https://rkomi.ru/news/3380 @ 2023-12-12 @}
Комиысь власьт органъяс кар артмӧдан предприятиекӧд ӧтув дасьтӧны Воркута сӧвмӧдан мастер-план.
Ӧшым тӧлысь 11 лунӧ Коми Республикаса Юралысь Владимир Уйба участвуйтіс Россияса Президент Владимир Путинкӧд сӧвещаниеын, кӧні сёрнитісны Арктика зонаын подув олан пунктъяс сӧвмӧдӧм йылысь.
Сӧвещание дырйи Президент тӧдчӧдіс, мый Арктика – тайӧ экономикаын зэв ыджыд позянлунъяса регион, кодкӧд странаӧн веськӧдлысьяс йитӧны Россиялысь энергетическӧй вынйӧр ёнмӧдӧмсӧ, логистика позянлунъяс паськӧдӧмсӧ, национальнӧй безопасносьт да оборона боксянь юалӧмъяссӧ.
Арктика мутасъяс водзӧ сӧвмӧдӧмыс лоӧ тӧдчана нырвизьӧн.
Федеральнӧй Веськӧдлан котыр вынсьӧдіс Россияса Арктикаын подув каръяслысь лыддьӧгсӧ, кытчӧ пырисны 16 олан пункт да ыджыд агломерация.
На пиысь быдӧнлы колӧ дасьтыны сӧвмӧдан мастер-планъяс.
«Тӧдчана, медым мастер-планлӧн подулын вӧлі кар сӧвмӧдан збыльвывса экономическӧй модель, код серти колӧ примитны помшуӧмъяс, планируйтны колана инфраструктура да оланін лӧсьӧдӧмсӧ», - пасйис Владимир Путин.
Арктикаын подув олан пунктъяс лыддьӧгӧ пырӧ и Воркута.
Коми Республикаса Веськӧдлан котыр кар артмӧдан предприятиекӧд ӧтув лӧсьӧдӧ Воркута сӧвмӧдан мастер-план: дасьтӧма Мутас сӧвмӧдан концепция, эрдӧдӧма мытшӧдъяссӧ да лӧсьӧдӧма кар сӧвмӧдан веськыд видзӧдлас.
Ӧні дасьтӧны проектнӧй вӧзйӧмъяссӧ, сэсся лӧсьӧдасны Воркуталысь дизайн-код.
Коми Республикаса Юралысь аттьӧаліс Президентӧс арктикаса мутасъяс сӧвмӧдӧмӧ ыджыд пай пуктӧмысь.
Владимир Уйба торйӧн пасйис 2022 воын Ӧтувъя арктическӧй субсидия пыртӧм йылысь. Сійӧ отсаліс арктикаса муниципалитетъяслы решитны медся тӧдчана юалӧмъяссӧ.
Арктикаса мутасъяс сӧвмӧдӧмын колана нырвизьяс лыдын странаса Президент пасйис важ оланінысь мӧдлаӧ овмӧдӧм.
Владимир Путин пуктіс мог – ӧдйӧджык сетны гражданалы бур оланін.
«Збыль, ми, эськӧ, збыльмӧдам аварийнӧй оланінысь гражданаӧс мӧдлаӧ овмӧдан уджтассӧ, но керкаясыс важмӧны ёна ӧдйӧджык.
Ми сӧмын 2 во чӧжӧн вичмӧдім ас сьӧмысь миллиард гӧгӧр шайт, медым уджтасӧ пырттӧм керкаясысь йӧзыс вермисны вуджны мӧд оланінӧ, медым эз ло лёктор да татшӧм керкаясыс эз киссьыны.
Та вӧсна, дерт, ӧддзӧдам тайӧ уджтассӧ ас сьӧм тшӧт весьтӧ, но федеральнӧй шӧринлӧн отсӧгтӧг миянлы некыдз», - шуис Коми Республикаса Юралысь.
Сідзжӧ Владимир Уйба шыӧдчис Президент дорӧ корӧмӧн, медым лӧсьӧдасны уджтас Ылі Войвылын олысьясӧс ӧдйӧджыка мӧдлаӧ овмӧдӧм могысь.
Талун мӧдлаӧ вуджӧм вылӧ ӧчередьын сулалӧ Воркута да Инта каръясысь 17 сюрсысь унджык семья, на лыдын пӧшти 8 сюрсыс – тайӧ вермытӧмъяс да пенсионеръяс.
Тадзи кӧ кутасны вичмӧдны сьӧмсӧ и водзӧ, сӧмын Коми Республикаын ӧчередьсӧ бырӧдӧм вылӧ ковмас 100-ысь унджык во.
Такӧд йитӧдын, Владимир Уйбалӧн видзӧдлас серти, колӧ выльысь видлавны Ылі Войвыв районъясысь да накӧд ӧткодялӧм местаясысь олысьясӧс мӧдлаӧ овмӧдӧм серти юалӧмсӧ. 
{Kodko @ Владимир Уйба видзӧдліс, кыдзи Сыктывкарса Эжва районын стрӧитӧны 825 места вылӧ школа @ выльтор @ https://rkomi.ru/news/3381 @ 2023-12-12 @}
Владимир Уйба видзӧдліс, кыдзи Сыктывкарса Эжва районын стрӧитӧны 825 места вылӧ школа.
Школасӧ стрӧитӧны Емваль микрорайонын «Велӧдӧм» национальнӧй проект серти, кутшӧмӧс вӧзйис Россияса Президент Владимир Путин.
Регионын нацпроектъяс збыльмӧдӧм бӧрся видзӧдӧ Коми Республикаса Юралысь.
Ӧнія кадӧдз медводдза судтасяньыс коймӧдӧдзыс тырвыйӧ вӧчӧма кӧрт сора бетон конструкцияяс лӧсьӧдӧм серти уджъяс (колоннаяс, ригельяс, джодж-йирк плитаяс).
Помалӧны тэчны стен панельяс.
Ортсыса везъяслӧн дасьлун: канализация – 100%; ичӧт тока везъяс – 99%; ваӧн могмӧдан везъяс – 100%; сувтса зэръяс вылӧ канализация – 100%; керка подувлӧн дренаж – 100%; электричество везъяс – 100%; теплотрасса – 100%.
Коймӧд судтаын помалӧны тэчны кирпичысь стенъяс.
Медводдза судтасянь коймӧдӧдзыс тырвыйӧ тэчӧма джодж-йирк плитаяс, актӧвӧй да спортивнӧй залъясын тайӧ уджсӧ эштӧдӧны нин.
Вӧчӧны вевт. 
{Kodko @ Владимир Уйба тшӧктіс кыпӧдны Коми Республикаын дінмуса семейнӧй капитал @ выльтор @ https://rkomi.ru/news/3382 @ 2023-12-12 @}
Владимир Уйба тшӧктіс кыпӧдны Коми Республикаын дінмуса семейнӧй капитал.
Талун капиталлӧн ыдждаыс – 150 сюрс шайт.
2024 восянь сійӧс кӧсйӧны кыпӧдны 300 сюрс шайтӧдз.
Та дырйи, медводдза кагаыс кӧ чужас, кор аньлы эз на тыр 24 арӧс, мынтасны 500 сюрс шайт.
Татшӧм оланпас бала видлаласны Коми Республикаса Каналан Сӧветлӧн ӧшым тӧлысся заседание дырйи.
“Россияса Президент Владимир Владимирович Путин шуис сины 2024 восӧ семьялы.
Коми Республикаын ми важӧн нин дасьтысям тайӧ во кежлӧ.
Тайӧ уджын медшӧр нырвизьяс пиысь ӧти – сетны семьяяслы социальнӧй отсӧг.
Ми водзӧ кутам содтавны татшӧм мераяссӧ.
2024 восянь кӧсъям сетны унджык отсӧг кага чужӧмкӧд йитӧдын”, - пасйис Коми Республикаса Юралысь Владимир Уйба.
Дінмуса семейнӧй капиталсӧ ӧтчыдысь мынтӧны медводдза кага вылӧ, а сідзжӧ коймӧд да унджык челядь вылӧ.
Содтӧм мынтӧмсӧ кутасны сетны 2024 вося тӧвшӧр тӧлысь 1 лун бӧрын чужӧм челядь вылӧ.
Кыдзи и водзын, капиталсӧ позяс видзны тӧдчана мытшӧдъяс разьӧм, тшӧтш и олан условиеяс бурмӧдӧм вылӧ.
Таысь кындзи, Владимир Уйбалӧн тшӧктӧм серти 2024 во заводитчӧмсянь 10 пӧв содас сёян-юан ньӧбӧм вылӧ быдтӧлысся пособиеыс, кутшӧмӧс сетӧны нӧбасьысь аньяслы да нёньӧдчысь мамъяслы, кодъясӧс пыртӧма гӧля олысьяс лыдӧ.
Коми Республикаса Веськӧдлан котыр примитіс нин лӧсялана шуӧм.
Мынтӧмыс содас 1 сюрссянь 10 сюрс шайтӧдз.
Индӧм отсӧгсӧ сетӧны “Демография” национальнӧй проектлӧн “Семьяяслы челядь чужигӧн сьӧмӧн отсӧг сетӧм” регионса проект серти.
Татшӧм ногӧн, Коми Республикаса юрнуӧдысьяс босьтчисны нин зіля дасьтысьны Семья во нуӧдӧм кежлӧ, кутшӧмӧс индіс Россияса Президент Владимир Путин.
“Семьяяслы, мамлунлы, уна челядь быдтігӧн, челядьдырлы отсалӧм – миян Президент Владимир Владимирович Путинлӧн да Коми Республикаса Веськӧдлан котырлӧн социальнӧй политикаын медшӧр нырвизь.
Ми пыртам выль социальнӧй мынтӧмъяс, сӧвмӧдам ӧнія механизмъяссӧ.
Талун республикасянь отсалан мераяссӧ босьтӧ 30 сюрс гӧгӧр семья”, - тӧдчӧдіс Владимир Уйба.
Торйӧн Коми Республикаын отсалӧны уна челядя семьяяслы: налы сетӧны автомашина ньӧбӧм, олан условиеяс бурмӧдӧм, челядьӧс школа кежлӧ дасьтӧм вылӧ ӧтчыдысь мынтӧмъяс, компенсируйтӧны уджсикасӧ велӧдан организацияясын велӧдчӧмысь, биаруӧн могмӧдӧмысь да мукӧд рӧскод.
“Ми пыр паськӧдам отсӧг сетан мераяссӧ, медым миян республикаын олысь том семьяяс эз нюжӧдны дыр кад кежлӧ сэтшӧм тӧдчана воськов, кыдзи кага чужтӧм.
А челядя семьяяс эскисны зумыд аскиа лунӧ.
Ми зіля босьтчим уджӧ Семья во водзын.
Миян мог – бурмӧдны демографиякӧд йитчӧм серпассӧ, кыпӧдны чужысь челядьлысь да уна челядя семьяяслысь лыдсӧ”, - юӧртіс регионса Юралысь. 
{Kodko @ Владимир Уйба висьталіс, кыдзи республикаын выльмӧдӧны сиктса культура да искусство учреждениеяс @ выльтор @ https://rkomi.ru/news/3383 @ 2023-12-13 @}
Владимир Уйба висьталіс, кыдзи республикаын выльмӧдӧны сиктса культура да искусство учреждениеяс.
Коми Республикаын ыджыд ӧдӧн сӧвмӧдӧны культура юкӧн, таын ёна отсалӧ и «Культура» национальнӧй проект. Сійӧс збыльмӧдӧны Россияса Президент Владимир Путинлӧн водзмӧстчӧмӧн.
Бӧръя воясӧ регионын кыпӧдӧма квайт социокультурнӧй шӧрин: Вуктылын, Сыктыв, Чилимдін, Сосногорск, Княжпогост да Кулӧмдін районъясын.
Нӧшта ӧтиӧс во помӧдзыс стрӧитасны Сыктывдін районса Паджга сиктын.
Капитальнӧя дзоньталӧмаӧсь Луздор районса Абъячойын, Изьва районса Вертеп грездын, Койгорт районса Кажым посёлокын, Кулӧмдін сиктын культура керкаяс.
Во помӧдз кӧсйӧны помавны дзоньтасян уджъяссӧ Сыктывдін районса культура керкаын, а сідзжӧ Зӧвсьӧрт посёлокса «Дружба» культура керкаын.
Водзӧ могмӧдӧны челядьлы искусство школаяс, выльмӧдӧны библиотекаяс да музейяс, ньӧбӧны автоклубъяс.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба гӧгӧрвоӧдіс Россия Федерацияса Президент Владимир Путинлӧн веськыд линиялысь да ыджыд пресс-конференциялысь кывкӧртӧдъяссӧ @ выльтор @ https://rkomi.ru/news/3384 @ 2023-12-14 @}
Владимир Уйба гӧгӧрвоӧдіс Россия Федерацияса Президент Владимир Путинлӧн веськыд линиялысь да ыджыд пресс-конференциялысь кывкӧртӧдъяссӧ.
Коми Республикаса Юралысь гарыштіс СВО-кӧд йитчӧм сёрни, Ылі Войвылысь йӧзӧс мӧдлаӧ овмӧдӧм йылысь, а сідзжӧ кыдзи збыльмӧдӧны дзоньвидзалун видзан юкӧнлысь первичнӧй звено выльмӧдан уджтассӧ, кутшӧм отсӧг сетӧны семьяяслы да кыдзи зільӧны содтыны чужысьяслысь лыдсӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Путин ошкис Ылі Войвыв районъясысь йӧзӧс мӧдлаӧ овмӧдӧм серти Коми Республикалысь водзмӧстчӧмсӧ @ выльтор @ https://rkomi.ru/news/3385 @ 2023-12-15 @}
Владимир Путин ошкис Ылі Войвыв районъясысь йӧзӧс мӧдлаӧ овмӧдӧм серти Коми Республикалысь водзмӧстчӧмсӧ.
Веськыд сёрни да ыджыд пресс-конференция дырйи журналист да Коми Республикаса ӧтйӧза палатаӧ пырысь Дарья Шучалина юаліс Россияса Президентлысь, позьӧ-ӧ вичмӧдны федерациясянь содтӧд сьӧм Ылі Войвыв районъясысь йӧзӧс мӧдлаӧ овмӧдан уджтас вылӧ либӧ сетны ичӧт прӧчента сьӧмкуд кредит, медым регион ачыс вермис решитны тайӧ юалӧмсӧ.
Журналистка сідзжӧ вӧзйис юкны ӧчередьсӧ да медводз сетны оланінсӧ вермытӧм да пенсия вылӧ петӧм войтырлы.
Владимир Путин шуис, мый Ылі Войвыв районъясысь да накӧд ӧткодялӧм местаясысь йӧзӧс мӧдлаӧ овмӧдан уджтассӧ колӧ збыльмӧдны водзӧ.
Канмуса Юралысь кӧсйысис видлавны вӧзйӧмъяссӧ, тшӧтш и уджтассӧ паськӧдӧм серти:
«Рӧскод содтӧм серти юалӧмсӧ колӧ видзӧдлыны.
Локтан во вылӧ сьӧмкудсӧ лӧсьӧдӧма нин.
Эска, лоӧ и содтӧд чӧжӧс.
Колӧ видзӧдлыны тайӧ юкӧн вылас.
Мый йитчӧма республика пытшкын мӧдлаӧ овмӧдӧмкӧд.
Да, тайӧ позяна.
Ми сёрнитлам республикаса юрнуӧдысьяскӧд, Веськӧдлан котыркӧд.
Кредитъяс – тайӧ абу кокньыдтор.
Но век жӧ позянлун.
Колӧ мӧвпыштлыны да видлыны тайӧс збыльмӧдны.
А вермытӧмъяс да пенсионеръяс серти - тайӧ правильнӧ.
Тайӧс быть видлалам Веськӧдлан котыркӧд ӧтув.
Аттьӧ Тіянлы вӧзйӧмсьыныд».
2003 восянь 2023 воӧдз Ылі Войвыв районъясысь да накӧд ӧткодялӧм местаясысь гражданаӧс мӧдлаӧ овмӧдан уджтас збыльмӧдӧм вылӧ Коми Республикалы вӧлі вичмӧдӧма 13,5 миллиард шайт.
Тайӧ сетіс позянлун мӧдлаӧ овмӧдны 5 сюрсысь унджык семьяӧс.
2024 во вылӧ тайӧ уджтас серти урчитӧма 572 миллион шайт, медуна сертификат босьтасны Вӧркутаын да Интаын олысьяс.
Коми Республикаса Веськӧдлан котыр сідзжӧ корсьӧ содтӧд позянлунъяс, медым чинтыны ӧчередьсӧ да мӧдлаӧ овмӧдны унджык гражданаӧс.
«АЕОН» холдингӧвӧй компаниякӧд («ВоркутаУголь» АК киын кутыськӧд) ӧтув видлавсьӧ пилотнӧй проект збыльмӧдӧм йылысь юалӧм, мый серти Ылі Войвыв районъясын олысь пенсионеръяссӧ позяс овмӧдны республикаса лунвыв районъясӧ.
Сыктыв да Сыктывдін районъясын кӧсйӧны стрӧитны коттеджъяса посёлок, кӧні лоӧ 200 пу керка.
Видео пыр шыӧдчӧмын Коми Республикаса Юралысь Владимир Уйба аттьӧаліс Россияса Президент Владимир Путинӧс регион вӧсна тӧждысьӧмысь, сыысь, мый отсаліс разьны Вӧркутаса аэропорт комплекссӧ федеральнӧй эмбурӧ вуджӧдӧм серти юалӧмсӧ: «Неважӧн на, ӧшым тӧлысь 12 лунӧ, вӧлі кырымалӧма Россияса Веськӧдлан котырлӧн лӧсялана тшӧктӧм.
Ме дась эскӧдны, мый республикаса Веськӧдлан котыр вӧчас ставсӧ, медым Вӧркутаса аэропорт сӧвмис водзӧ.
Веськыд линия да ыджыд пресс-конференция дырйи юргӧм Президентлӧн став тшӧктӧмыс лоӧ быть пӧртӧма олӧмӧ».
2035 воӧдз Россия Федерацияын Арктика зона сӧвмӧдан да войтырӧс видзан стратегияӧ пыртӧм вежсьӧмъяс серти объектыс вуджас федеральнӧй эмбурӧ 2024 вося IV кварталын.
{Kodko @ «Россия» выставка-форум дырйи Владимир Уйба висьталіс Коми Республикалӧн вермӧмъяс йылысь @ выльтор @ https://rkomi.ru/news/3394 @ 2023-12-19 @}
«Россия» выставка-форум дырйи Владимир Уйба висьталіс Коми Республикалӧн вермӧмъяс йылысь.
Талун, 2023 вося ӧшым тӧлысь 19 лунӧ, Москваса ВДНХ-ын мунӧ Коми Республикалы сиӧм лун.
Регионса Юралысь тӧдмӧдіс, кыдзи кутас сӧвмыны республика, корис Выставка вылӧ воысь гӧсьтъясӧс видзӧдлыны стенд, вӧзйис пырӧдчыны культура, велӧдан, делӧвӧй уджтасӧ да волыны Коми Республикаӧ. 
«Уна дас во мысти миян страна чукӧртіс ӧтилаӧ медся бурсӧ, мый эм регионъясын», - шуис Рытыв-Войвыв федеральнӧй кытшын Россияса Президентӧс полномочнӧй петкӧдлысь Александр Гуцан.
Рытыв-Войвывлысь тӧдчанлунсӧ пасйигӧн, сійӧ индіс: «Россияын ми дзик ӧти кытш, коді сулалӧ Евросоюзӧ пырысь странаяскӧд орччӧн.
Рытыв-Войвывсянь пансьӧ Россиялӧн Арктика зона.
Войвывса саридз туй – тайӧ миян аскиа лун да водзӧ вылӧ сӧвмӧм.
Рытыв-Войвыв ёнмӧдӧ миян страналысь оборонасӧ, могмӧдӧ оборудованиеӧн энергетика да суднояс стрӧитан юкӧн, тайӧ Балтика да войвыв портъяс.
Россияса Президентлӧн водзмӧстчӧмӧн да веськыда отсасьӧмӧн миян стрӧитӧны туйяс, посъяс, йи аренаяс, бассейнъяс, портъясын ӧнія кадся терминалъяс, промышленнӧй предприятиеяс.
Ме кора ставныдтӧ не сӧмын видзӧдлыны «Россия» выставкасӧ, а волыны семьяясныдкӧд Рытыв-Войвыв регионъясӧ».
«Ті ставныд тӧданныд сьыланкывйысь татшӧм кывъяс: «Зелёное море тайги». Збыль вылас кӧ кӧсъянныд аддзывны сійӧс, колӧ волыны Коми муӧ, - шыӧдчис выставкаса гӧсьтъяс дорӧ Владимир Уйба. 
– Ті онӧ тӧдӧй, кутшӧм сійӧ мирын медся важся лызьыс?
Колӧ волыны Комиӧ да аддзывны сійӧс, сылы 8 сюрс во!
Дерт, унатор йылысь на позьӧ сёрнитны.
Но, кыдз шуласны, он кӧ ачыд аддзыв да он кӧ ачыд видлы, сідзкӧ он и тӧд».
«Лёгкие Европы» – тадзи шуӧны миянлысь регионнымӧс.
Кыдзи тӧдчӧдіс Коми Республикаса Юралысь, Россияса медводдза мутасъясӧн, кутшӧмъясӧс шуисны мирса вӧр-ва памятникъясӧн, вӧліны «Югыд ва» национальнӧй парк да Печора-Ылыдзса заповедник. Найӧс ЮНЕСКО пыртіс Став мирын вӧр-ва да культура озырлун объектъяслӧн лыддьӧгӧ.
Сідзжӧ Комиын позьӧ аддзывлыны Россияын сизим дивӧ пиысь ӧтиӧс – Маньпупунёр платоын из бӧлбанъяс.
Республика нималӧ оз сӧмын мича инъясӧн, озыр вӧр-ваӧн да культураын озырлунӧн, сылӧн вына промышленносьт.
Регион кыскӧ оз сӧмын туристъясӧс, тшӧтш и инвесторъясӧс.
Комиын 23 сикас мупытшса озырлун, найӧс перйӧны гырысь проектъяс подув вылын.
Шуам, Воркутаын эмӧсь Европаын медся ыджыд из шом видзасъяс (матӧ 4 миллион тонна), эм «Юньягаса» куйлӧд – мирын сӧмын ӧти ин, кӧні из шомсӧ перйӧны восьсӧн.
Сылысь тӧдчанлунсӧ пасйӧма Россияса Арктика зона сӧвмӧдан стратегияын, кутшӧмӧс вынсьӧдӧма Россияса Президент Владимир Путинӧн.
Ухта лыддьысьӧ россияса мусирлӧн чужанінӧн, буретш тані 18 нэм шӧрын аддзисны «сьӧд зарнисӧ».
А талун регион – мусир перйӧмын медводдзаяс лыдын.
Республикаын меститчӧ Ярегаса куйлӧд, кытысь перйӧны зэв нюдз мусир, сідзжӧ сэні эм Россияын дзик ӧти мусир шахта.
Эзысьысь, кутшӧмӧс перйисны Чилимдін сиктын, кисьтісны Россияын медводдза эзысь сьӧмпас.
Районын сідзжӧ олӧны Печораса староверъяс, кодъяс ӧнӧдз на кутчысьӧны важ традицияясӧ, быд во нуӧдӧны горка.
Тані бура уджалӧ войвывса условиеясын лӧсьӧдӧм видз-му овмӧс наука учреждение – Россияса наукаяс академиялӧн Печораса естественно-историческӧй станция.
Восьтылӧма сійӧс Андрей Журавский.
Владимир Уйба пасйис, мый Коми Республикалӧн медшӧр озырлуныс – тайӧ вӧр. Оз прӧста Комисӧ шуны вӧр промышленносьтса гырысь регионӧн.
Предприятиеяс вӧчӧны бур стрӧитчан материалъяс, керка лэптан дась комплектъяс да весиг мебель.
Сідзжӧ, Владимир Уйбалӧн кывъяс серти, республикаын зіля сӧвмӧдӧны транспорт система.
Матысса кадӧ регион йитас Европа юкӧнлӧн Ылі Войвывса да асыв-войвыв Сибирса транспорт туйяссӧ странаса промышленнӧй шӧринъяскӧд.
Таын отсалас Сыктывкар – Нарьян-Мар туй, кутшӧмӧс вӧчӧны Россияса Президентӧн вынсьӧдӧм инфраструктура бурмӧдан план серти, а сідзжӧ Печора ю вомӧн выль пос, кутшӧмӧс босьтчасны стрӧитны 2026 воын.
Регионса Юралысь тӧдчӧдіс, мый Комиын отсалӧны збыльмӧдны биоломтас вӧчӧм серти инвестиция проектъяс.
Эм дінму уджтас, мый серти из шом вылын уджалысь котельнӧйяссӧ вуджӧдӧны пеллет да брикетъяс вылӧ.
Россияса Президент Владимир Владимирович Путинлӧн тшӧктӧм серти, тайӧ могъяс вылӧ вичмӧдӧма федеральнӧй сьӧмкудйысь сьӧм.
А 2029 во кежлӧ кӧсйӧны пыртны уджӧ мирын медся ыджыд Пижмаса куйлӧд, кытысь кутасны перйыны титан да кварц. Сійӧ меститчӧ Коми Республикалӧн рытыв-войвылын.
Сы бердын лӧсьӧдасны национальнӧй горнопромышленнӧй кластер.
Проектыс топыда йитчӧма Индига саридзса порт да «Сосногорск-Индига» кӧрт туй стрӧитӧмкӧд.
Выль транспорт магистральясыс могмӧдасны Россиялысь национальнӧй интересъяссӧ оз сӧмын импорт вежан юкӧнын, но и Арктика, Войвывса саридз туй да Войвывса широтнӧй туй сӧвмӧдӧмын.
Владимир Уйба пасйис, кутшӧм вермӧмъяс эмӧсь видз-му овмӧс юкӧнын.
Шуам, республикаын уджалӧ Сосногорскса витӧд поколениеа теплича комплекс.
Тані быдтӧны вонас 10 сюрс тонна град выв пуктас.
Республика нималӧ «Зеленечса» чипан видзан фабрикаӧн. Россия пасьтала сійӧ переработайтӧ медся уна чипан яйсӧ.
2022 воын предприятие восьтіс комбикорм вӧчан завод. Войвылын сійӧ медся ыджыд.
Коми Республикаса Юралысь юӧртіс гӧсьтъяслы, кутшӧм удж нуӧдӧны, медым бурмӧдны йӧзлысь олӧмсӧ.
Национальнӧй да дінму уджтасъяс серти кыпӧдісны челядьӧс 12 видзанін да 12 школа, капитальнӧя дзоньталісны 13 школа.
Бӧръя кык воӧн стрӧитӧма 50-ысь унджык ФАП да врачебнӧй амбулатория.
Водзӧ стрӧитӧны вуджан висьӧмъясысь бурдӧдан больнича, Челядьлы республиканскӧй больничалысь да Сыктывкарса канму университетлысь выль корпусъяс.
Россияса Президент Владимир Путин шуис сины 2024 восӧ семьялы.
Такӧд йитӧдын Владимир Уйба висьталіс, кыдзи республикаын тӧждысьӧны семьяяс вӧсна.
Республикаса детсадъясын став кагалы тырмӧ места. Медводдза, коймӧд либӧ унджык кага вылӧ сетӧны дінмуса семейнӧй капитал.
2024 вося тӧвшӧр тӧлыссянь сылысь ыдждасӧ кыпӧдасны 150 сюрссянь 300 сюрс шайтӧдз, а аньяслы, кодъяс чужтасны медводдза кагасӧ 24 арӧс тыртӧдз, капитал ыдждаыс лоӧ 500 сюрс шайт.
Таысь кындзи, 2023 восянь регионын пыртӧма том йӧзлы ипотека – льготнӧй заём вонас 1% улӧ.
Коми Республика лоис енбиа том йӧзлӧн шӧринӧн.
Сыктывкарса каналан университетын чужис «Универвидение» шылада проект.
Кык во чӧж республикаын нуӧдӧны Арктикаса Дельфийскӧй ворсӧмъяс, да кыдзи шуис Дельфийскӧй Национальнӧй комитет, ворсӧмъяссӧ пыр кутасны нуӧдны тані.
Сідзжӧ Владимир Уйба висьталіс Коми мунымӧс нимӧдысь лыжникъяс йылысь. На лыдын – нёльысь олимпийскӧй чемпионка, историяын медводдза спортсменка, коді Тӧвся Олимпиадаяс дырйи шедӧдіс 10 медаль, – Раиса Петровна Сметанина.
Буретш сійӧ лоис Коми Республикалӧн медводдза уджвывса Геройӧн.
«Медшӧр озырлун, дерт, йӧз.
Овны Войвылын абу кокньыд.
Колӧ радейтны сійӧс став сьӧлӧмӧн.
Тайӧ аслыспӧлӧс ӧбича, ӧта-мӧдлы отсасьӧм да бурлун, мыйтӧг Войвылын оз позь. Видза корам!
Ми виччысям тіянӧс!
Коми Республика пыр рад гӧсьтъяслы!» - шуис Владимир Уйба.
*** 
«Россия» войтыркостса выставка-форумсӧ нуӧдӧны Россия Федерацияса Президент Владимир Путинлӧн тшӧктӧм серти уна сикас юкӧнын миян страналысь медшӧр вермӧмъяссӧ петкӧдлӧм могысь – наукасянь да техникасянь культураӧдз да видз-му овмӧсӧдз.
75-ӧд павильонлы сетісны «Россияса регионъяс» ним.
Тайӧ выставочнӧй площадка вылас ассьыныслысь стендъяснысӧ петкӧдліс Россия Федерацияса став 89 субъектыс.
ВДНХ-ын 40 павильонысь унджык.
Татчӧ чукӧртӧмаӧсь да петкӧдлӧмаӧсь регионса йӧз, экономика, вӧр-ваын аслыспӧлӧс нималанаторъяс да архитектураын медбур шедӧдӧмторъяс, выль мӧвпъяс йылысь фактъяс – ставсӧ, мыйӧн гӧрдитчӧ быд обласьт, му, республика либӧ асвеськӧдлан кытш.
Став экспозицияыс мультимедийнӧй да интерактивнӧй.
Экспонатъяс дорӧ позьӧ инмӧдчывны, личкыны кнопкаяс, видзӧдны видео, ворсны да вӧчны фото.
Выставкаыс мунас 2024 вося косму тӧлысь 12 лунӧдз, Космонавтика лунӧдз.
Фотоыс Коми Республикаса культура да архив удж министерстволӧн, Коми Республикаса Юралысьлӧн пресс-службалӧн.
{Kodko @ “Воркутауголь” компания сетас сьӧм Воркутаса аэропорт выльмӧдӧм вылӧ @ выльтор @ https://rkomi.ru/news/3395 @ 2023-12-19 @}
“Воркутауголь” компания сетас сьӧм Воркутаса аэропорт выльмӧдӧм вылӧ.
Талун, 2023 вося ӧшым тӧлысь 19 лунӧ, Коми Республикалы сиӧм лунӧ, Москваын “Россия” войтыркостса выставка-форум дырйи кырымалӧма регионса Веськӧдлан котыр, “Воркутауголь” да “Комиавиатранс” акционер котыръяс костын ӧтув уджалӧм йылысь артмӧдчӧм. 
“Талун ми кырымалім зэв тӧдчана артмӧдчӧм.
Тайӧ вӧлі ВДНХ-ын “Россия” войтыркостса выставка-форум дырйи Коми Республикалы сиӧм лунӧ, - пасйис регионса Юралысь Владимир Уйба. 
- Тайӧ луныс тӧдчана абу сӧмын республикалы, но и Россиялы.
Тавося йирым тӧлысьӧ миян странаса Президент Владимир Владимирович Путинлӧн помшуӧмӧн Воркута карсӧ шуӧма Арктика зонаын опорнӧй пунктӧн.
Артмӧдчӧмсӧ веськӧдӧма Воркута сӧвмӧдӧм вылӧ, а тайӧ, медводз, аэропорт дзоньталӧм, Воркута да Россияса мукӧд кар костын сынӧд пыр йитӧд паськӧдӧм.
Воркута колӧ став страналы, а страна колӧ Воркуталы”.
“Войкытшсайын овны лӧсьыд да гажа.
Эм удж, кӧні бура мынтӧны, сӧвмӧдӧм социальнӧй инфраструктура – школаяс, бассейнъяс, челядьӧс видзанінъяс.
Эмӧсь позянлунъяс, - пасйис AEON корпорацияса директоръяслӧн сӧветӧн Веськӧдлысь Роман Троценко. 
- Ми кӧсъям, медым Воркутаын олысьяс кылісны Россиякӧд йитӧдсӧ.
Найӧс абу орӧдӧма став мирысь. Мӧд мог, кутшӧмӧс ми збыльмӧдам – туризм сӧвмӧдӧм.
Россияса Арктика зэв мича.
Кутам лыддьыны, мый ми збыльмӧдім планнымӧс сэк, кор Воркутаӧ кутас локны зэв уна турист.
Воркута – тайӧ зэв мича, лӧнь да экология боксянь сӧстӧм ин.
Мичлун серти сійӧс позьӧ ӧткодявны Гренландиякӧд, Исландиякӧд.
Но Воркута матын, тайӧ миян кар”.
Коми Республикаса Веськӧдлан котыркӧд сёрнитчӧмӧн серти “Воркутауголь” из шом перъян компания сетас Воркутаса аэропорт дзоньталӧм вылӧ 150 млн шайт.
Пӧдрадчикъясӧс корӧмӧн дзоньтасян уджсӧ ас вылас босьтіс “Комиавиатранс” акционер котыр.
“Кӧсъя аттьӧавны Тіянӧс, Владимир Викторович, “Комиавиатранслы” отсӧг сетӧмысь.
А сідзжӧ шуны аттьӧ Роман Викторович Троценколы да “Воркутауголь” компанияӧн веськӧдлысьяслы сьӧмӧн отсӧгысь. Сьӧмыс мунас Воркутаса аэропортлысь лэбзян-пуксян полосасӧ дзоньталӧм вылӧ.
Тайӧ колӧ, медым карӧдз и водзӧ позис воӧдчыны самолётӧн”, - пасйис “Комиавиатранс” акционер котырса медыджыд директор Юрий Скрипин.
Артмӧдчӧмӧн урчитӧм сьӧмсӧ веськӧдасны Воркутаса аэропортлысь лэбзян-пуксян полосасӧ вочасӧн дзоньталӧм вылӧ. Уджсӧ кӧсйӧны помавны 2024 воӧ.
Тайӧ отсалас сӧвмӧдны регионлысь промышленносьтын позянлунсӧ да конкурентоспособносьтсӧ, лӧсьӧдас бур условиеяс, медым карын сӧвмис бизнес, а сідзжӧ туристъяслы лоас кокньыдджык воӧдчыны Войкытшсайӧдз.
Пасъям, мый ӧні Воркутаысь самолётъяс мукӧд регионӧ лэбалӧны сӧмын гожӧмнас.
Та кадӧ муниципалитеткостса рейсъяссӧ во чӧж могмӧдӧ “Комиавиатранс” авиакомпания.
“2024 вося косму тӧлысьӧдз миянлы колӧ дасьтыны Воркута сӧвмӧдӧм серти мастер-план.
Россияса Президент тӧдчӧдӧ тайӧ документлысь коланлунсӧ, ӧд сійӧ индӧ войкытшсайса карлысь аскиа лунсӧ да йӧзлысь позянлунъяссӧ.
Содасны уджалан местаяс, лӧсьӧдасны выль площадкаяс.
Воркутаын лоас лӧсьыд не сӧмын уджавны.
Татчӧ кутасны волывлыны туристъяс, воссясны чӧсмасянінъяс.
Ми аддзам, мый карын эмӧсь позянлунъяс, а Воркута сӧвмӧдӧм – тайӧ Коми Республикасӧ ставнас сӧвмӧдӧм”, - шуис Владимир Уйба.
Казьтыштам, кырымалӧма Воркутаса аэропорт федеральнӧй эмбурӧ вуджӧдӧм йылысь Россияса Веськӧдлан котырлысь тшӧктӧм.
2035 воӧдз Россия Федерацияын Арктика зона сӧвмӧдан да войтырӧс видзан стратегияӧ пыртӧм вежсьӧмъяс серти объектыс вуджас федеральнӧй эмбурӧ 2024 вося IV кварталын.
Та дырйи, Коми Республикаса Веськӧдлан котыр примитӧ мераяс, медым водзӧ сӧвмӧдны Воркутаса аэропортсӧ. 
“Воркутауголь” кар артмӧдысь предприятиекӧд да “Комиавиатранс” дінмуса авиаперевозчиккӧд ӧтув уджалӧм йылысь артмӧдчӧм – Войкытшсай социальнӧя да экономика боксянь сӧвмӧдан мераясысь ӧти. 
{Kodko @ «Россия» выставка-форум дырйи Владимир Уйба висьталіс челядьлы Коми Республика йылысь @ выльтор @ https://rkomi.ru/news/3396 @ 2023-12-19 @}
«Россия» выставка-форум дырйи Владимир Уйба висьталіс челядьлы Коми Республика йылысь.
Талун, ӧшым тӧлысь 19 лунӧ, Москваса ВДНХ-ын Коми Республикалы сиӧм лунӧ регионса Юралысь пырӧдчис «Тӧдӧмлун» россияса котырсянь «Тӧдӧмлункӧд экскурсия» федеральнӧй проектӧ да тӧдмӧдіс челядьӧс Коми мулӧн вӧр-ваӧн, культураӧн да промышленнӧй озырлунъясӧн.
«Тані местаыс 325 гектар ыджда.
Татчӧ локтісны не сӧмын Россияысь, но и матысса странаясысь гӧсьтъяс – тайӧ уна сюрс морт.
Выставкасӧ радейтӧны ставныс.
abu
Ті быттьӧ суныштланныд Россияса субъектъяслӧн историяӧ да традицияясӧ, колян да талунъя лунъясӧ.
Татшӧм ыджыд проектыс ВДНХ историяын эз на вӧв!
Выставкаыс паськыд, петкӧдлӧ унатор.
Тіян эм позянлун видзӧдлыны ставнас странасӧ.
Ме да менам уджъёртъяс – Россия да Коми Республика радейтысьяс, та вӧсна кора тіянӧс ветлӧдлыштны миян войвыв республикалӧн экспозиция кузя!» - шыӧдчис челядь дорӧ Владимир Уйба.
Коми Республикаса Юралысь нуӧдіс челядьӧс керка кузя, кодӧс кыпӧдӧмаӧсь ӧнія керкаяс стрӧитан стильын да оформитӧмаӧсь традиционнӧй коми стильын.
Нарошнӧ сувтӧдӧм тач-панельяс отсӧгӧн ныв-зон вермисны ворсны Коми Республикалӧн культура, традицияяс да история серти ворсӧмъясысь да викторинаясысь.
Владимир Уйба петкӧдліс челядьлы мирын медся важ лызьлысь копиясӧ, кодлы 8 сюрсысь унджык во, а сідзжӧ петкӧдліс Йиркап кыйсьысь йылысь мультфильм.
Виар-ӧчки отсӧгӧн челядь вермисны виртуальнӧя путешествуйтны республика кузя – аддзывлыны Комиысь вӧр-ва да промышленнӧй мувыв серпас, лэбзьывны Маньпупунёр плато вылӧ, ветлӧдлыштны «Югыд ва» национальнӧй паркті, видзӧдлыны, кыдзи Воркутаын перйӧны из шом да уна мукӧдтор.
Сідзжӧ регионса Юралысь висьталіс челядьлы пожӧмлӧн сакральнӧй вежӧртас йылысь, республикалӧн вежа символ пиысь ӧти – йӧра йылысь да мирын гортса йӧра медводдза видзанін йылысь, мый воссис Мылдін районса Якша посёлокын.
Экскурсия помассигӧн тач- да лед-панельяс отсӧгӧн ныв-зон тӧдмасисны промышленносьт юкӧнын регионлӧн вермӧмъясӧн.
«Тӧдӧмлун» котырлӧн «Тӧдӧмлункӧд экскурсия» паськыда тӧдмӧдан уджтас – тайӧ «Россия» выставка-форум павильонъясті нималана йӧзсянь аслыспӧлӧс экскурсияяс.
Страналӧн историяӧн, сылӧн вермӧмъясӧн да озырлунъясӧн том йӧзӧс тӧдмӧдӧны Россияса Веськӧдлан котырӧн Юрнуӧдысьӧс вежысьяс, Каналан Думаса Депутатъяс, Федерацияса Сӧветлӧн Сенаторъяс, Федеральнӧй олӧмӧ пӧртысь власьт органъясӧн юрнуӧдысьяс, Госкорпорацияясса юралысьяс, ӧтйӧза организацияясӧн юрнуӧдысьяс, культура да искусство шӧр петкӧдлысьяс, тӧдчана спортсменъяс.
***
«Россия» войтыркостса выставка-форумсӧ нуӧдӧны Россия Федерацияса Президент Владимир Путинлӧн тшӧктӧм серти уна сикас юкӧнын миян страналысь медшӧр вермӧмъяссӧ петкӧдлӧм могысь – наукасянь да техникасянь культураӧдз да видз-му овмӧсӧдз.
75-ӧд павильонлы сетісны «Россияса регионъяс» ним.
Тайӧ выставочнӧй площадка вылас ассьыныслысь стендъяснысӧ петкӧдліс Россия Федерацияса став 89 субъектыс.
ВДНХ-ын 40 павильонысь унджык.
Татчӧ чукӧртӧмаӧсь да петкӧдлӧмаӧсь регионса йӧз, экономика, вӧр-ваын аслыспӧлӧс нималанаторъяс да архитектураын медбур шедӧдӧмторъяс, выль мӧвпъяс йылысь фактъяс – ставсӧ, мыйӧн гӧрдитчӧ быд обласьт, му, республика либӧ асвеськӧдлан кытш.
Став экспозицияыс мультимедийнӧй да интерактивнӧй.
Экспонатъяс дорӧ позьӧ инмӧдчывны, личкыны кнопкаяс, видзӧдны видео, ворсны да вӧчны фото.
Выставкаыс мунас 2024 вося косму тӧлысь 12 лунӧдз, Космонавтика лунӧдз.
Фотоыс «Тӧдӧмлун» россияса котырлӧн да Коми Республикаса культура да архив удж министерстволӧн
{Kodko @ «Россия» выставка дырйи Владимир Уйба чолӧмаліс Комиысь том гозъяӧс семьяын шуда олӧмӧн @ выльтор @ https://rkomi.ru/news/3398 @ 2023-12-20 @}
«Россия» выставка дырйи Владимир Уйба чолӧмаліс Комиысь том гозъяӧс семьяын шуда олӧмӧн.
2023 вося ӧшым тӧлысь 19 лунӧ, Москваса ВДНХ-ын Коми Республикалы сиӧм лунӧ кыпыда нуӧдісны кӧлысь. Сійӧ муніс коми войтырлӧн важ традицияяс вылӧ мыджсьӧмӧн.
«Пыдди пуктана Сергей да Ассоль!
Талун лоис дивӧ – чужис выль семья.
Но чужис эз прӧста, а став страналӧн син водзын.
Тайӧ зэв ыджыд кывкутӧм, сы вӧсна мый став страна аддзыліс тіянлысь ӧтувтчӧмнытӧ.
Ми, дерт, ставӧн сиам овны шуда да дыр, пыдди пуктыны да радейтны ӧта-мӧднытӧ.
Семьялы сиӧм во водзвылын ті сетанныд уна том йӧзлы гӧтрасьӧм вылӧ панас.
Ми республикаын радейтам том йӧзӧс, миянлы нимкодь, кор найӧ лӧсьӧдӧны семья.
А республикаса Веськӧдлан котыр кутас сетны сьӧмӧн отсӧг, медым ті гӧгӧрвоинныд, мый республикаын олігӧн тіян ставыс лоӧ бур.
Сӧвет да радейтчӧм!» - чолӧмаліс том гозъяӧс Коми Республикаса Юралысь Владимир Уйба.
Козин пыдди регионса Юралысь сетіс Мишаринъяслӧн семьялы Крымса «Северное Сияние» санаторийӧ путёвка, сиис том гозъялы бура шойччыны да кыдз позьӧ ӧдйӧджык чужтыны челядьӧс.
Сідзжӧ Владимир Уйба пасйис, мый Коми Республикаса Веськӧдлан котыр зільӧ быд ног отсавны том йӧзлы.
Семьялы сиӧм во водзвылын примитӧма нин ӧткымын отсалан мера, вичмӧдӧма уна сьӧм, сійӧ отсалас семья лӧсьӧдӧмын да челядьӧс чужтӧмын, а сідзжӧ сетас позянлун том семьяяслы босьтны оланін.
Ворсны коми кӧлысьсӧ «Россия» выставка-форум дырйи мӧвпыштісны Кулӧмдін сиктын чужлӧм Сергей Мишарин да Сыктывкарысь Ассоль Истомина.
Кӧлысь йылысь том йӧз мӧвпыштлісны тулысын нин.
Дыр бӧрйисны, кыдзи пасйыны тӧдчана лоӧмторсӧ, кӧсйисны тайӧс вӧчны аслыспӧлӧса.
Кор гожӧмнас радейтысь ныла-зонма шойччисны Москваын, гуляйтісны ВДНХ кузя, сувтлісны Гӧтрасьысьяслы двореч дорӧ да сералігмоз шуисны: «Тані, эськӧ, кӧлысь ворсны!».
Кӧсйӧмыс збыльмис.
Кыдзи пасйисны том гозъя, сійӧ лунсӧ, кор республикаса Культура министерствосянь воис ВДНХ вылын коми кӧлысь ворсӧм йылысь вӧзйӧм, найӧ кутасны казьтывны олӧм чӧжыс.
Кӧлысь гажын ставыс вӧлі тэчӧма сідзи, медым тыдаліс коми войтырлӧн олӧмыс да культураыс: ки кутӧм, пывсьӧм, ачыс гажыс. 
том Гозъя вӧчисны став ритуалсӧ традиция серти. Шуам, гӧтырпу печкис, верӧспу петкӧдліс вӧралан сям, гозъя чегисны нянь, тӧдмалісны нӧдкывъяс.
Кӧлысь гажсӧ мичмӧдісны коми сьыланкывъяс, йӧктӧм да йӧзкостса ворсӧмъяс.
*** 
«Россия» войтыркостса выставка-форумсӧ нуӧдӧны Россия Федерацияса Президент Владимир Путинлӧн тшӧктӧм серти уна сикас юкӧнын миян страналысь медшӧр вермӧмъяссӧ петкӧдлӧм могысь – наукасянь да техникасянь культураӧдз да видз-му овмӧсӧдз.
75-ӧд павильонлы сетісны «Россияса регионъяс» ним.
Тайӧ выставочнӧй площадка вылас ассьыныслысь стендъяснысӧ петкӧдліс Россия Федерацияса став 89 субъектыс.
ВДНХ-ын 40 павильонысь унджык.
Татчӧ чукӧртӧмаӧсь да петкӧдлӧмаӧсь регионса йӧз, экономика, вӧр-ваын аслыспӧлӧс нималанаторъяс да архитектураын медбур шедӧдӧмторъяс, выль мӧвпъяс йылысь фактъяс – ставсӧ, мыйӧн гӧрдитчӧ быд обласьт, му, республика либӧ асвеськӧдлан кытш.
Став экспозицияыс мультимедийнӧй да интерактивнӧй.
Экспонатъяс дорӧ позьӧ инмӧдчывны, личкыны кнопкаяс, видзӧдны видео, ворсны да вӧчны фото.
Выставкаыс мунас 2024 вося косму тӧлысь 12 лунӧдз, Космонавтика лунӧдз.
Фотоыс Коми Республикаса культура да архив удж министерстволӧн.
{Kodko @ Владимир Уйба восьтіс Коми Республикаын «Ёлка желаний» ставроссияса акция @ выльтор @ https://rkomi.ru/news/3399 @ 2023-12-20 @}
Владимир Уйба восьтіс Коми Республикаын «Ёлка желаний» ставроссияса акция.
Выльвося гажъяс водзын «Движение Первых» челядьлӧн да том йӧзлӧн россияса ӧтмунӧм нуӧдӧ странаын бурвӧчан акция. Сійӧ лоис нин бур традицияӧн.
Акциялӧн мог – козьнавны радлун пикӧ воӧм челядьлы.
Акциясӧ пӧртӧны олӧмӧ 2018 восянь став Россия пасьтала, сійӧ ӧтувтӧ уна сюрс йӧзӧс, кодъяс дасьӧсь вӧчны буртор.
Быд во челядьлысь выльвося кӧсйӧмъяссӧ збыльмӧдӧ и Россияса Президент Владимир Владимирович Путин.
Коми Республикаса Юралысь бӧрйис шар, кытчӧ гижӧма Сыктывкарысь квайт арӧса Елисейлысь мӧвпсӧ, сійӧ корӧ велосипед.
Выль во кежлӧ кагалы козинсӧ быть сетасны.
«Дона Елисей, тэнад кӧсйӧмыд быть збыльмас!
Эскы бурӧ.
Став бурсӧ тэныд, локтан Выль воӧн!
И ставнытӧ, республикаса пыдди пуктана олысьяс, матыстчысь гажӧн.
Мӧвпалӧй да збыльмӧдӧй ассьыныдлысь кӧсйӧмъясныдтӧ!» - пасйис аслас видео пыр шыӧдчӧмын Коми Республикаса Юралысь Владимир Уйба.
*** 
Акцияӧ вермӧны пырӧдчыны:
• дзоньвидзалунын дзескӧдӧм позянлуна челядь (3 арӧссянь 17 арӧсӧдз);
• вермытӧм челядь (3 арӧссянь 17 арӧсӧдз);
• сьӧкыда висьысь челядь (3 арӧссянь 17 арӧсӧдз);
• бать-мамтӧм да бать-мам дӧзьӧртӧг кольӧм челядь (3 арӧссянь 17 арӧсӧдз);
• гӧля олысь семьяясысь челядь (3 арӧссянь 17 арӧсӧдз);
• торъя военнӧй операцияын участвуйтысь да участвуйтӧм военнослужащӧйяслӧн да (либӧ) мобилизуйтӧмаяслӧн семьяясысь челядь (3 арӧссянь 17 арӧсӧдз);
• челядь (3 арӧссянь 17 арӧсӧдз), кодъяс олӧны да кодъясӧс пасйӧма Донецкӧй да Луганскӧй Народнӧй Республикаясын, Запорожскӧй да Херсонскӧй обласьтъясын. 
{Kodko @ Владимир Уйба нуӧдіс Коми Республикаын неминучаысь ӧлӧдӧм, найӧс бырӧдӧм да пӧжарысь видзчысьӧм серти комиссиялысь заседание @ выльтор @ https://rkomi.ru/news/3400 @ 2023-12-20 @}
Владимир Уйба нуӧдіс Коми Республикаын неминучаысь ӧлӧдӧм, найӧс бырӧдӧм да пӧжарысь видзчысьӧм серти комиссиялысь заседание.
Видлалӧма Выльвося каникулъяс да Рӧштвося гажъяс дырйи мероприятиеяс нуӧдігӧн пӧжарысь видзчысьӧм, уна патераа олан керкаясын керкапытшса да патерапытшса биару оборудованиеӧн колана ногӧн вӧдитчӧм, а сідзжӧ тӧлын ва объектъяс вылын йӧзлысь безопасносьтсӧ могмӧдӧм серти юалӧмъяс.
«Выль во водзын, а сэсся и гажӧдчан лунъясыс - тайӧ олӧмӧ пӧртысь власьт да меставывса асвеськӧдлан органъяслы зэв кывкутана кад.
Торйӧн ёна колӧ видзӧдны пӧжарысь видзчысьӧм бӧрся.
Россияса МЧС-лӧн Коми Республикаын медшӧр веськӧдланінын зільысьясӧс, кар кытшъясса да муниципальнӧй районъясса веськӧдлысьясӧс кора нуӧдны ӧлӧдана мероприятиеяс, юӧртны йӧзлы, кыдзи видзчысьны пӧжарысь, кыдзи кутны асьтӧ неминуча дырйи.
А сідзжӧ, кыдзи колана ног вӧдитчыны пачӧн, электричество да биару вылын уджалысь оборудованиеӧн»,- шуис Коми Республикаса Юралысь.
Сідзжӧ Владимир Уйба тшӧктіс кывкутысь ведомствояслы нуӧдны пиротехника видзан организацияяскӧд ӧлӧдана удж, босьтны торъя контроль улӧ объектъяссӧ, кытчӧ чукӧртчылӧ уна йӧз либӧ кӧні йӧзыс олӧны сутки чӧж.
Видзӧдны пӧжарысь видзчысьӧм вылӧ ваӧн могмӧдан ортсыса ӧшмӧсъяс да уна йӧза мероприятиеяс нуӧданін дорӧ матыстчан туйяс бӧрся.
Гажъяс дырйи олӧмӧ пӧртысь власьт да меставывса асвеськӧдлан органъясын, учреждениеясын да организацияясын кутасны дежуритны кывкутысь чина йӧз, лоӧ ёнмӧдӧма аварияысь мездан биару службалысь сутки чӧж дежуритӧмсӧ, пӧжарнӧй часьтса да медицина уджалысьяслысь дежурнӧй караулъяссӧ.
Сідзжӧ Владимир Уйба тӧдчӧдіс муниципальнӧй юкӧнъяслӧн администрацияясса юрнуӧдысьяслы да лӧсялана службаяслы, мый колӧ котыртны удж вуджанінъяс колана ногӧн лӧсьӧдӧм-дасьтӧм, ва объектъяс вылын безопасносьт серти правилӧясӧ кутчысьӧм йылысь олысьяслы юӧртӧм серти.
Тӧлын республикаын восьтасны йи вывті 102 вуджанін, на лыдын 98 – машинаяслы, 4 - подӧн ветлысьяслы. 
{Kodko @ Владимир Уйба: «Велӧдысьяс – йӧзкотырын меддонаторъяс индысь-туйдысьяс» @ выльтор @ https://rkomi.ru/news/3401 @ 2023-12-21 @}
Владимир Уйба: «Велӧдысьяс – йӧзкотырын меддонаторъяс индысь-туйдысьяс».
Ӧшым тӧлысь 20 лунӧ Коми республиканскӧй филармонияын кыпыда тупкисны Педагоглы да наставниклы сиӧм во. Сійӧс индывліс Россияса Президент Владимир Путин.
«Талун ми кыпыда вӧчам тӧдчана волы кывкӧртӧд, нимӧдам миян ыджыд республикаысь велӧдысьясӧс, - шыӧдчис педагогъяс дорӧ Коми Республикаса Юралысь Владимир Уйба. 
– Ми лӧсьӧдам том йӧзлы велӧдчӧмӧ, туялан уджӧ, спортӧ да творчествоӧ пырӧдчӧм могысь ӧнія кадлы лӧсялана гӧгӧртасъяс.
Но кӧть кутшӧм уджын, кӧть стрӧитӧмын, кӧть велӧдӧмын, а торйӧн нин быдтӧм-сӧвмӧдӧмын, медшӧр тӧдчанлуныс, дерт, велӧдысьлӧн, наставниклӧн.
Буретш велӧдысь чужтӧ челядь сьӧлӧмын Айму дорӧ муслунсӧ.
Ті, пыдди пуктана педагогъяс, лоанныд йӧзкотырын меддонаторъяс индысь-туйдысьясӧн.
Ӧнія сьӧкыд кадӧ колӧ ёнмӧдны страналысь ӧтувъялунсӧ, гражданскӧй аскылӧмсӧ».
Кыдзи тӧдчӧдіс регионса Юралысь, Россия Федерацияын водзӧ сӧвмӧдӧны ӧтувъя велӧдан гӧгӧртас, кӧні педагог юксьӧ оз сӧмын тӧдӧмлунъясӧн, тшӧтш и быдтӧ-велӧдӧ челядьӧс.
Велӧдчан во заводитчӧмсянь республикаса став школаысь 10-11 классъяс могмӧдӧма историяысь выль учебникъясӧн. Сэні эм торъя военнӧй операция йылысь юкӧн, кӧні висьтавсьӧ, мыйла сійӧс ковмис панны, сідзжӧ юӧртӧма Россияӧ выль нёль субъектлӧн пырӧм йылысь, тӧдчӧдӧма, кутшӧм пай пуктіс СССР Мӧд мирӧвӧй войнаӧ.
«Зэв тӧдчана сӧвмӧдны челядь да том йӧз пӧвстын выль идеологиясӧ, кӧні подувнас лоӧ Чужан му радейтӧм, духовно-нравственнӧй да семьяпытшса донаторъяс видзӧм.
Колӧ, медым уджӧ велӧдан, вынйӧр сӧвмӧдан да патриотъясӧс быдтан нырвизьясыс вӧліны школаса предметъяс моз тӧдчанаӧсь», - пасйис ВладимирУйба.
Быдтӧм-сӧвмӧдӧмын тӧдчана мог нуӧны «Солдатлы письмӧ» акция, миян дорйысьяслы гуманитарнӧй отсӧг чукӧртӧм, «Мужество урокъяс», ветеранъяскӧд паныдасьлӧмъяс.
Республикаса быд школаын да колледжын водзӧ нуӧдӧны «Разговоры о важном» занятиеяс, на йылысь медводдзаӧн юӧртліс Россияса Президент Владимир Путин 2022 вося кӧч тӧлысь 1 лунӧ.
Выльмӧдӧны школаса традицияяс: велӧдчанінъясын кыпыда лэптӧны канму дӧрапас, сьылӧны Россияса да Коми Республикаса канму кыпъяс.
Педагогъяс висьталӧны челядьлы Аймуса геройяс йылысь, кодъяс торъя воясӧ дорйисны Чужан му.
Челядьлӧн да том йӧзлӧн ӧтйӧза организацияяс лӧсьӧдӧм, кадетъяслысь ӧтмунӧмсӧ сӧвмӧдӧм – ставыс тайӧ ышӧдӧ челядьӧс да томуловӧс ёнджыка радейтны чужан му.
Республикаын тыр ӧдӧн сӧвмӧ «Юнармия» ӧтмунӧм, сэтчӧ пырӧ 9 сюрс гӧгӧр морт.
Быдтан-велӧдан уджын тӧдчана пай пуктӧны и директорлӧн сӧветникъяс, кодъяс кывкутӧны быдтӧм-велӧдӧм вӧсна да кутӧны йитӧд челядьлӧн ӧтйӧза организацияяскӧд.
Найӧ заводитісны уджавны школаясын да колледжъясын тавося кӧч тӧлысь 1 лунсянь.
«Республикаса Веськӧдлан котырлӧн, менам уджын медтӧдчанаяс лыдын пыр вӧлі - сетны быд школьниклы бур образование, лӧсьӧдны миян челядьӧс быдтӧм-велӧдӧм вылӧ бур условиеяс.
Ми стрӧитам выль да бурмӧдам ӧнія детсадъяс, школаяс, уджсикасӧ велӧдан да содтӧд тӧдӧмлун сетан организацияяс»,- пасйис Владимир Уйба.
2023 воын воссис Луздор районса Абъячой сиктын школа, Сыктывкарса Кӧджпом-Читын детсад, Изьва районса Изьвавом грездын школа-сад.
Капитальнӧя дзоньталӧм бӧрын воссис Койгорт районса Кажым посёлокын детсад. Школаӧдзса группаяс воссисны Сыктывкарса «Платон» выль олан комплексын.
Ставнас 2023 воын пыртӧма 1101 велӧдчан места, сы лыдын 690 – школьникъяслы да 411 – детсадйӧ ветлысь челядьлы.
2022 восянь Коми Республика зіля пырӧдчӧ «Велӧдан школьнӧй системаяс выльмӧдӧм» федеральнӧй уджтасӧ.
Таво сы серти капитальнӧя дзоньталан уджъяссӧ нуӧдӧма 9 школаын. Найӧ меститчӧны Сыктывдін, Чилимдін, Мылдін, Кӧрткерӧс районъясын, а сідзжӧ Воркутаын, Ухтаын да Сыктывкарын.
2024 – 2026 воясӧ Уджтас серти кӧсйӧны капитальнӧя дзоньтавны 32 велӧдчанін.
Сьӧм йӧрышыс – 3 миллиардысь унджык шайт, сы лыдын матӧ 2 миллиардыс – федеральнӧй сьӧмкудйысь сьӧм.
«Миянлы зэв тӧдчана, медым том йӧзыс кольччисны овны Коми Республикаӧ, медым школаясӧ, бурдӧдчанінъясӧ, предприятиеясӧ локтісны том кадръяс.
Та могысь миянлы колӧ водзӧ восьтавны профильнӧй классъяс.
Тайӧ сетас позянлун бӧр вайӧдны специалистъясӧс чужанінас», - уджын водзӧ вылӧ могъяссӧ индіс Владимир Уйба.
Тайӧ велӧдчан воын республикаын кык пӧв содіс педагогика классъяслӧн лыдыс, сэні велӧдчысьяслӧн лыдыс содіс 400-сянь 1000 школьникӧдз.
Лоис унджык медицинскӧй, инженернӧй да IT- класс.
Инӧд видзан нырвизя кадетскӧй классъясын да МЧС классъясын велӧдчысьяслӧн лыдыс лоис 200 морт вылӧ унджык.
Коми Республика пырӧдчӧ «Земский учитель» уджтасӧ.
3 воӧн сиктса школаясӧ да ичӧтик каръясӧ воис 44 велӧдысь.
Проектӧ быд пырӧдчысьлы сетісны ӧтпырйӧн 1 миллион шайт.
«Торъя аттьӧалана кывъяс кӧсъя шуны велӧдан юкӧнса ветеранъяслы.
Ті петкӧдланныд пример налы, кодъяс сӧмын на вӧчӧны медводдза воськовъяс тайӧ уджын, туйданныд да велӧданныд найӧс, - шыӧдчис педагогъяс дорӧ Владимир Уйба. 
- Дона педагогъяс, ті петкӧдланныд уна сикас коллектив, велӧдан юкӧн, муниципалитет, но тіянӧс ставнытӧ ӧтувтӧ кывкутӧмӧн да сьӧлӧмсянь уджалӧм, велӧдчысьясӧс да ас удж радейтӧм.
Аттьӧала тіянӧс татшӧм сьӧкыд, но пыдди пуктана уджысь!
Сьӧлӧмсянь чолӧмала локтан Выль воӧн да Рӧштвоӧн!
Сиа миян челядьлӧн да республикалӧн бура сӧвмӧм вылӧ выль вермӧмъяс.
Крепыд дзоньвидзалун, шуд да радлун!»
Сёрни помын Коми Республикаса Юралысь сетіс регионса велӧдысьяслы канму наградаяс.
*** 
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Татьяна Ивановна Астархановалы, Сыктывкарса челядьлы да велӧдчысь том йӧзлы творчество дворечлӧн директорлы;
Коми Республикалӧн бура сӧвмӧм вылӧ уна во зіля уджалӧмысь Коми Республикаса Почёт грамота сетӧма:
Елена Николаевна Наконечнаялы, Коми национальнӧй гимназияса директорлы, Сыктывкар;
Ольга Семёновна Панюковалы, Ӧткымын предмет пыдісянь велӧдан 36 №-а шӧр школаса директорӧс вежысьлы;
Светлана Владимировна Поповалы, «Луздор» муниципальнӧй районса администрацияын велӧдӧмӧн веськӧдланінса начальниклы.
Коми Республикаса Юралысьлӧн тшӧктӧмӧн велӧдан юкӧнын заслугаясысь да уна вося бур уджысь «Коми Республикаса велӧдан юкӧнын почёта уджалысь» ним сетӧма:
Наталья Александровна Виноградовалы, Улыс Одес кар кодь посёлокын челядьӧс сӧвмӧдан 2 №-а видзанінса кагульничалы;
Валентина Мечиславовна Каневалы, Сыктывкарын Челядьӧс сӧвмӧдан 53 №-а видзанінса шӧр кагульничалы;
Татьяна Александровна Коптенколы, Усинск карын Быдсяма челядьӧс 16 №-а видзанінса кагульничалы;
Людмила Николаевна Кузнецовалы, Микунь карын Челядьӧс сӧвмӧдан 3 №-а видзанінса заведуйтысьлы;
Светлана Анатольевна Переславцевалы, Сосногорск карын Челядьӧс 11 №-а видзанінса кагульничалы;
Андрей Александрович Сивковлы, Луздор районлӧн Ношуль сиктын шӧр школаса директорлы;
Светлана Михайловна Турьевалы, Сыктывкарса 40 №-а торъя (коррекционнӧй) школаса директорӧс вежысьлы;
велӧдан юкӧнын заслугаясысь да уна вося бур уджысь «Коми Республикаса почёта велӧдысь» ним сетӧма:
Ольга Георгиевна Вавиловалы, Усинск карса лицейын роч кыв да литература велӧдысьлы;
Надежда Артамоновна Сидоровалы, Микунь карса 2 №-а шӧр школаын роч кыв да литература велӧдысьлы.
Коми Республикаса Юралысьлӧн тшӧктӧмӧн уджын вермӧмъясысь да уна вося бур уджысь Коми Республикаса Юралыссянь Аттьӧалӧм сетӧма:
Татьяна Александровна Селиховалы, Психолого-педагогическӧй, медицина да социальнӧй отсӧг сетан шӧринын психолого-медико-педагогическӧй шӧр комиссия, дзоньвидзалунын дзескӧдӧм позянлуна челядьлы диагностика нуӧдан, найӧс консультируйтан да комплекснӧя нуӧдан юкӧнӧн юрнуӧдысьлы;
Наталья Михайловна Сысоевалы, Улыс Одес кар кодь посёлокын Челядьӧс 2 №-а видзанінын музыкальнӧй юрнуӧдысьлы. 
{Kodko @ Владимир Уйба сетіс Коми Республикаса олысьяслы канму наградаяс @ выльтор @ https://rkomi.ru/news/3402 @ 2023-12-21 @}
Владимир Уйба сетіс Коми Республикаса олысьяслы канму наградаяс.
Ӧшым тӧлысь 20 лунӧ кыпыда пасйисны найӧс, кодъяс бура петкӧдчисны уджын, шедӧдісны торъя вермӧмъяс.
«Ставыс, мыйӧн озыр миян республика да страна, - тайӧ миян йӧзлӧн уджын вермӧмъяс.
Налӧн енбиалун, вын да тӧдӧмлунъяс отсалӧны сӧвмыны водзӧ.
Быд удж колана да тӧдчана.
Аттьӧ нырччӧмысь, сьӧлӧмсянь уджалӧмысь, бӧрйӧм туйлы сьӧлӧм сетӧмысь.
Коми Республикаса олысьяс пуктісны страна сӧвмӧдӧмӧ ыджыд пай да талун и водзӧ сӧвмӧдӧны Россиянымӧс да чужан мунымӧс», - шыӧдчис наградаяс босьтысьяс дорӧ Коми Республикаса Юралысь.
Владимир Уйба шыӧдчис Айму дорйысьяс дінӧ, кодъяс Торъя военнӧй операция дырйи петкӧдлісны повтӧмлун да смеллун.
Налы сетісны Россия Федерацияса да Коми Республикаса канму наградаяс:
«Кор ковмис дорйыны Чужан мунымӧс, ті энӧ кольччӧй бокӧ.
Повтӧг да ас вӧсна тӧждысьтӧг тышкасинныд да водзӧ тышкасяныд вӧрӧгкӧд.
Ті - Геройяс.
Ме став сьӧлӧмсянь аттьӧала тіянӧс подвигысь», - шыӧдчис военнослужащӧйяс дорӧ регионса Юралысь.
Владимир Уйба тӧдчӧдіс, мый чужан му дорӧ муслуныд чужӧ, медводз, семьяын, челядьдырсянь да томдырсянь.
Бать-мам, рӧдвуж да матыссаяс пуктӧны ыджыд пай быдмысь войтырӧс сӧвмӧдӧмӧ.
Сы могысь, медым странаын вӧлі унджык зумыд да шуда семья, Россияса да Коми Республикаса Веськӧдлан котыръяс сетӧны быд сикас отсӧг.
«Россияса Президент Владимир Владимирович Путин 2024 восӧ шуис сины семьялы.
Сідзкӧ, отсавны налы кутасны ёнджыка.
Коми Республикаын, федеральнӧй отсалан мераяс кындзи, эмӧсь тшӧтш дінмуса мераяс, да найӧ пыр бурмӧны.
Локтан воын содас медводдза, а сідзжӧ коймӧд либӧ унджык кагаысь дінмуса семейнӧй капитал»,- тӧдчӧдіс Владимир Уйба.
Коми Республикаса Юралысьлӧн кывъяс серти, регионын бура уджалӧны уна челядя семьяяскӧд, налысь тӧдчанлунсӧ кыпӧдӧм могысь сетӧны канму наградаяс.
На лыдын - «Бать-мам слава» орденлӧн медаль. Тайӧ ыджыд федеральнӧй наградаыс вичмис республикаысь уна челядя куим семьялы.
«Награда босьтысь куимнан семьясянь кӧсъя шуны аттьӧ.
Тайӧ ыджыд чесьт.
Сійӧ лоис миянлы дзик виччысьтӧмторйӧн, ми некор эгӧ чайтӧй, мый миянӧс вермасны донъявны татшӧм вылӧ.
Ми прӧстӧй войтыр.
Зілям бура овны, лоны ас челядьлы примерӧн, велӧдам найӧс лоны бур йӧзӧн, странаса пыдди пуктана гражданаӧн.
Челядьӧс быдтӧм – ыджыд удж, но сійӧ вайӧ радлун, нимкодьлун», - шуис Кулӧмдін районысь квайт челядя мам Анастасия Уляшева.
Кыпыд аддзысьлӧм помын Владимир Уйба аттьӧаліс награда босьтысьясӧс йӧз вӧсна тӧждысьӧмысь да бура уджалӧмысь, чолӧмаліс локтан Выль воӧн да Рӧштвоӧн, сиис крепыд дзоньвидзалун, шуд, вермӧмъяс.
***
Россия Федерацияса Президентлӧн Индӧдӧн семья институт ёнмӧдӧмын да челядьӧс быдтӧмын заслугаясысь «Бать-мам слава» орденлӧн медаль сетӧма:
Нина Васильевна Матвеевалы да Николай Николаевич Матвеевлы, Емдін район (4 челядь);
Валентина Петровна Сушковалы да Иван Кузьмич Сушковлы, Инта кар (4 челядь);
Анастасия Александровна Уляшевалы да Виктор Валерьевич Уляшевлы, Кулӧмдін район (6 челядь);
страналысь дорйысьны верманлунсӧ кыпӧдӧмын заслугаясысь, уджын ыджыд вермӧмъясысь да уна вося бур уджысь «Аймулы бур вӧчӧмысь» орденлысь ІІ тшупӧда медаль сетӧма запасса подполковник Игорь Иванович Безручколы – Коми Республикаса Сыктывкарын, Сыктывдін да Кӧрткерӧс районъясын военнӧй комиссарлы;
уджын вермӧмъясысь да уна вося бур уджысь «Аймулы бур вӧчӧмысь» орденлысь ІІ тшупӧда медаль сетӧма:
Андрей Сергеевич Селивановлы – «Сыктывкарса Водоканал» восьса акционер котырлӧн медыджыд директорлы.
Россия Федерацияса Президентлӧн Индӧдӧн боевӧй тышъясын торйӧн бура петкӧдчӧмысь «Аймулы бур вӧчӧмысь» орденлысь II тшупӧда мечьяса медаль сетӧма:
Артур Рустемович Галеевлы;
Никита Вячеславович Третьяковлы;
воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь «Смеллунысь» медаль сетӧма:
Алексей Васильевич Алтыновлы;
Дмитрий Евгеньевич Паршуковлы;
младшӧй сержант Сергей Александрович Коданёвлы;
воинскӧй мог олӧмӧ пӧртігӧн петкӧдлӧм повтӧмлунысь, смеллунысь да йӧз вӧсна тӧждысьӧмысь Жуковлысь медаль сетӧма младшӧй сержант Сергей Александрович Коданёвлы;
Айму да Россия Федерациялысь канму интересъяс дорйигӧн боевӧй да мукӧд мог збыльмӧдігӧн петкӧдлӧм повтӧмлунысь да смеллунысь «Повтӧмлунысь» II тшупӧда медаль сетӧма:
запасса сержант Юрий Сергеевич Толстолыченколы;
запасса младшӧй сержант Александр Алексеевич Болсунлы;
запасса радӧвӧй Александр Викторович Ивановлы;
воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь Суворовлысь медаль сетӧма:
отставкаын радӧвӧй Гаджирамазан Исрафилович Аслановлы;
отставкаын гвардияса радӧвӧй Николай Анатольевич Кокойченколы;
отставкаын гвардияса радӧвӧй Илья Валерьевич Макаровлы.
Россия Федерацияса Президентлӧн Индӧдӧн аймуса культура да искусство сӧвмӧдӧмын заслугаясысь, уна во зіля уджалӧмысь «Россия Федерацияса нимӧдана артист» почёт ним сетӧма Александр Анатольевич Ветошкинлы – Коми Республикаса вужвойтырлӧн шылада-драмаа театрса артист-вокалистлы.
Россия Федерацияса Президентлӧн тшӧктӧмӧн торъя инфраструктура проектъяс збыльмӧдӧмын участвуйтӧмысь, уджын ыджыд вермӧмъясысь да уна вося бур уджысь Россия Федерацияса Президентлысь Почёт грамота сетӧма Сергей Константинович Морарьлы – «Сыктывкарса водоканал» восьса акционер котырын электрогазосварщиклы;
зэв сьӧкыд условиеясын медицина отсӧг сетігӧн ыджыд кужӧм-сямлун петкӧдлӧмысь да йӧз вӧсна тӧждысьӧмысь Россияса Президентсянь Аттьӧалӧм сетӧма Максим Вагифович Шукюровлы – Коми республиканскӧй клиническӧй больничалӧн анестезиология-реанимация юкӧнын врач-анестезиолог-реаниматологлы, Сыктывкар;
уджын вермӧмъясысь да уна вося бур уджысь Россияса Президентсянь Аттьӧалӧм сетӧма Павел Игоревич Ошеровлы – Коми Республикаса йӧзлысь дзоньвидзалун видзан юкӧн материально-техническӧя могмӧдан медшӧр веськӧдланінын стрӧитчӧм серти начальникӧс вежысьлы, Сыктывкар.
Коми Республикаса Юралысьлӧн Индӧдӧн гражданскӧй мог повтӧг да смела збыльмӧдӧмысь «Могъяс дыр кад чӧж бура олӧмӧ пӧртӧмысь» Коми Республикаса медаль сетӧма:
старшӧй прапорщик Никита Андреевич Марковченковлы;
запасса младшӧй сержант Денис Андреевич Дуркинлы.
Коми Республикаса Юралысьлӧн Индӧдӧн Коми Республика водзын заслугаясысь «Коми Республикаса нимӧдана уджалысь» почёт ним сетӧма:
Галина Ивановна Ватамановалы – Коми Республикаса Юралысьлӧн Администрациялысь уджсӧ могмӧдан шӧринын Коми Республикаса Юралысьлöн Сыктывдiн районын ӧтйӧза примитанінса службаӧн заведуйтысьлы;
Тамара Александровна Ичёткиналы – Велӧдӧм сӧвмӧдан Коми республиканскӧй институтын быдтан-велӧдан да мортӧс социализируйтан, челядьлӧн да том йӧзлӧн водзмӧстчӧмъяслы отсалан, содтӧд тӧдӧмлун сетан шӧринын шӧр методистлы, Сыктывкар;
Ирина Геннадьевна Кряклиналы – Коми Республикаса клиническӧй больничалӧн гинекология юкӧнса врач-акушер-гинекологлы, Сыктывкар;
Елена Владимировна Макаровалы – Коми Республикаса сьӧм овмӧс министерстволӧн канму да муниципальнӧй веськӧдлан сфераын сьӧмкуд политика юкӧнса начальниклы, Сыктывкар;
Станислав Леонидович Пономарёвлы – «Конькиӧн котралан спорт серти Коми Республикаса федерация» ӧтйӧза организацияын олӧмӧ пӧртысь директорлы, Сыктывкар;
Нина Ивановна Тюлькиналы – Подз сикт кодь посёлокса шӧр школаын география да биология велӧдысьлы, Койгорт район;
Сергей Анатольевич Чулухадзелы – «Сыктывкарса ЛПК» акционер котырын бумага вӧчан машиналӧн 15 №-а цехын бур полуфабрикат вӧчан участокын чагйысь пу ляти вӧчысь операторлы, Сыктывкар;
Владимир Иванович Юрковскийлы – «Сыктывкар» кар кытшса муниципальнӧй юкӧнлӧн администрацияын культураӧн веськӧдланінса начальниклы;
Коми Республикалы бур вылӧ уна во зіля уджалӧмысь Коми Республикаса Почёт грамота сетӧма:
Иван Михайлович Абуковлы – «Зӧвсьӧртса ЛПК» ичӧт кывкутана котырлӧн фанера производствоын шпон лущильщиклы, Емдін район;
Елена Юрьевна Аксеновскаялы – Войтыръяслӧн дружба ордена В. Савин нима академическöй канму драма театрын драма артистлы, сценаса нуӧдысь мастерлы, Сыктывкар;
Сергей Николаевич Булатовлы– «Пригороднӧй» ичӧт кывкутана котырын быдмӧгъяс видзысь агрономлы, Сыктывкар;
Анатолий Александрович Гончаренколы – Пӧжарысь видзчысян службаӧн да войтырӧс дорйӧмӧн веськӧдланінса начальникӧс вежысьлы, Сыктывкар;
Владимир Валериевич Елсаковлы – Россияса наукаяс академиялӧн Урал юкӧнса Коми наука шӧринлӧн Биология институтын научнӧй гербарийӧн Войвывса флора да быдмӧгъяс юкӧнын компьютернӧй технологияяс да моделируйтан группаын вылыс тшупӧда наука туялысьлы, Сыктывкар;
Людмила Ивановна Ефановалы – Россияса наукаяс академиялӧн Урал юкӧнса Коми наука шӧринын Академик Н.П. Юшкин нима геология институтлӧн минерально-сырьевӧй ресурсъяс лабораторияын шӧр геологлы, Сыктывкар;
Татьяна Петровна Майоровалы – Питирим Сорокин нима Сыктывкарса канму университетлӧн Естественнӧй наукаяс институтын экология да геология кафедраса доцентлы;
Сергей Степанович Майсериклы – «Сыктывкарса ЛПК» акционер котырлӧн бумага производствоын бумага вӧчан машиналӧн 15 №-а цехын бур полуфабрикат вӧчан участокын чагйысь пу ляти вӧчысь операторлы;
Марина Вениаминовна Помылевалы – «Зӧвсьӧртса ЛПК» ичӧт кывкутана котырлӧн фанера производствоын фанера сортируйтысьлы, Емдін район;
Нина Николаевна Путиковалы – Консультация да диагностика шӧринлӧн лучевӧй диагностика юкӧнын ультразвукӧвӧй диагностикаса врачлы, Сыктывкар;
Светлана Алексеевна Ревковалы – «Сыктывкарса ЛПК» акционер котырлӧн ваӧн могмӧдан да ортсӧ лэдзан ва весалан цехса ортсӧ лэдзан ва весалан участокын биару пӧлялан машинаясса машинистлы;
Олег Васильевич Рубанлы – Усинскса политехническӧй техникумлӧн директорлы;
Елена Ильинична Торлоповалы – «Сыктывкарса ЛПК» акционер котырлӧн теплоэлектроцентральса теплоэнергетическӧй оборудование техническӧя могмӧдӧмсӧ котыртан группаын кранса 5 разряда машинистлы;
Янина Валерьевна Удоратиналы – «Сыктывкарса» сур пуан завод» акционер котырлӧн вузасян юкӧнса начальниклы;
Эдуард Ильдусович Фатыховлы – «Бокс серти Сыктывкарса федерация» меставывса ӧтйӧза спорт организациялӧн президентлы.
Коми Республикаса Юралысьлӧн тшӧктӧмӧн йӧзлысь дзоньвидзалун видзан юкӧнын заслугаясысь да уна вося бур уджысь « Коми Республикаса почёта врач» ним сетӧма:
Татьяна Валентиновна Мальцевалы – Эжвалӧн карса поликлиникаын медводдза торъя медицина отсӧг сетан юкӧнса врач-дерматовенерологлы;
Владимир Анатольевич Филипповлы – Сыктывкарлӧн 3 №-а карса поликлиникаын юралысь врачлы;
«Коми Республикаса йӧзлысь дзоньвидзалун видзан юкӧнын почёта уджалысь» ним сетӧма:
Надежда Андреевна Стрекаловалы – Луздорса шӧр районнӧй больничалӧн ультразвукӧвӧй диагностика кабинетын медицинскӧй сестралы;
культура юкӧнын заслугаясысь да уна вося бур уджысь «Коми Республикаса культураын почёта уджалысь» ним сетӧма:
Татьяна Геннадиевна Антоновалы – Перепелица нима Сыктывкарса челядьлы шылада школаын велӧдысьлы;
Анна Николаевна Сурниналы – Кӧрткерӧсса культура да прӧст кад коллялан шӧринлӧн Пӧдтыбок посёлокын йӧзкостса творчество керкалӧн филиалын кипомысь мичаторъяс вӧчан творчество серти секторӧн заведуйтысьлы;
велӧдан юкӧнын заслугаясысь да уна вося бур уджысь «Коми Республикаса велӧдан юкӧнын почёта уджалысь» ним сетӧма: Елена Михайловна Мушкиналы – Выльгорт сиктын Быдсяма челядьӧс 8 №-а видзанінса кагульничалы, Сыктывдін район;
«Коми Республикаса почёта велӧдысь» ним сетӧма: Нина Филипповна Кожевиналы – Черепанов нима Новый Борса шӧр школаын роч кыв да литература велӧдысьлы, Чилимдін район;
мусир да биару промышленносьт юкӧнын заслугаясысь да уна вося бур уджысь «Коми Республикаса мусир да биару промышленносьтын почёта уджалысь» ним сетӧма: Георгий Геннадьевич Зудинлы – «ЛУКОЙЛ-Пермь» ичӧт кывкутана котырлӧн «ЛУКОЙЛ-Ухтанефтегаз» мутасса производственнӧй предприятиеын мусир да биару перъян 1 №-а цехлӧн насоснӧй станциялысь площадка могмӧдан звеноса технологическӧй насосъяслӧн машинистлы;
Галина Владимировна Парамзиналы – «ЛУКОЙЛ-Пермь» ичӧт кывкутана котырлӧн «ЛУКОЙЛ-Усинскнефтегаз» мутасса производственнӧй предприятиеын мусир да биару перъян 4 №-а ӧтувъя цехлӧн пластӧ уджалан агент качайтан насоснӧй станцияса машинистлы, Усинск;
пӧжарысь видзчысьӧмсӧ могмӧдӧмын заслугаясысь да уна вося бур уджысь «Коми Республикаса пӧжарнӧй охранаын почёта уджалысь» ним сетӧма Александр Юрьевич Богачуклы – Россияса МЧС-лӧн Коми Республикаын медшӧр веськӧдланінлӧн Пӧжарысь видзчысян канму службаын пӧжарысь мездан 1 отрядлӧн пӧжарысь мездан 12 часьтса кусӧдчысьлы;
экология, гӧгӧртас видзан юкӧнын заслугаясысь да уна вося бур уджысь «Коми Республикаса почёта эколог» ним сетӧма Светлана Николаевна Плюсниналы – Россияса наукаяс академиялӧн Урал юкӧнса Коми наука шӧринын Биология институтлӧн Войвылын вӧркӧд йитчӧм биология мытшӧдъяс юкӧнын наука туялысьлы, Сыктывкар.
Коми Республикаса Юралысьлӧн тшӧктӧмӧн чина кывкутана могъяс бура олӧмӧ пӧртӧмысь «Коми Республикалы зэв бура служитӧмысь» отличие пас сетӧма:
Лариса Францевна Лоншаковалы – Пӧжарысь видзчысян службаӧн да войтырӧс дорйӧмӧн веськӧдланінлӧн Коми Республикаса пӧжарысь видзчысян службалӧн 16 №-а отрядын инженерлы, Мылдін район;
Андрей Николаевич Тюрнинлы – Пӧжарысь видзчысян службаӧн да войтырӧс дорйӧмӧн веськӧдланінлӧн Коми Республикаса пӧжарысь видзчысян службалӧн 17 №-а отрядын 171 №-а пӧжарнӧй часьтлӧн 3 №-а торъя пост юкӧнса командирлы, Удора район;
уна во сьӧлӧмсянь да бура уджалӧмысь «Уджын повтӧмлун» отличие пас сетӧма Татьяна Николаевна Кулешовалы – «Коми республиканскӧй типография» ичӧт кывкутана котырын электроннӧй набор да вёрстка серти операторлы, Сыктывкар;
велӧдчӧмын, йӧзкотырын, культураын, творчествоын да спортын вермӧмъясысь «Коми Республикалӧн лача» пас сетӧма Владислава Алексеевна Линьковалы – Челядьлы да том йӧзлы республиканскӧй шӧринлӧн «Спортивнӧй туризмын подувъяс» ӧтулын велӧдчысьлы, Сыктывкар;
йӧзӧс юӧртан средствояс сӧвмӧдӧмын заслугаясысь да уна вося бур уджысь Коми Республикаса Юралыссянь Аттьӧалӧм сетӧма Анна Николаевна Зубаревалы – «Коми республиканскӧй телевизионнӧй канал» акционер котырлӧн Юӧртан уджтасъяс дирекцияса шеф-редакторлы, Сыктывкар;
уджын вермӧмъясысь да уна вося бур уджысь Коми Республикаса Юралыссянь Аттьӧалӧм сетӧма Иван Александрович Юрченколы – Росграницаса объектъяс стрӧитӧм да уджӧдӧм серти дирекцияын Мурманскса филиаллӧн Сыктывкарын сынӧдса лэдзан пунктлӧн торъя юкӧнса юралысь инженерлы – начальниклы;
Коми Республикалӧн социальнӧй да экономика боксянь сӧвмӧм да дзоридзалӧм вылӧ веськӧдӧм торъя заслугаясысь Коми Республикаса Юралыссянь награднӧй плакетка сетӧма Александр Павлович Боровинскихлы – Россия Федерацияса нимӧдана геологлы, вӧр-ва видзан юкӧнса ветеранлы.
Фотоыс «Комиинформ» ЮА, авторыс Владимир Шешкунас.
{Kodko @ Коми Республикаса олысьяслы сетісны канму наградаяс @ выльтор @ https://rkomi.ru/news/3404 @ 2023-12-21 @}
Коми Республикаса олысьяслы сетісны канму наградаяс.
Коми Республикаса Юралысь Владимир Уйба кырымаліс лӧсялана Индӧд.
«Коми Республикаса канму наградаяс сетӧм йылысь» Коми Республикаса Юралысьлӧн 2023 во ӧшым тӧлысь 20 лунся 147 №-а Индӧд.
1. Коми Республика водзын заслугаясысь сетны «Коми Республикаса нимӧдана уджалысь» Коми Республикаса почёт ним:
Алёна Анатольевна Василевскаялы – «Койгорт» муниципальнӧй районса администрацияӧн юрнуӧдысьӧс вежысьлы;
Светлана Ювинальевна Говорухиналы – «Удораса землячество» регионса ӧтйӧза ӧтмунӧмӧн веськӧдлысьлы;
Инна Валериановна Долидзелы – Россия Федерацияса пенсионнӧя да социальнӧя страхуйтан фондлӧн Коми Республикаын юкӧнлӧн казначействоӧн веськӧдланінын юралысь бухгалтерлы - начальниклы, Сыктывкар;
Антонина Валентиновна Зезеговалы – Коми Республикалӧн «Сыктывдін» муниципальнӧй районса администрациялӧн велӧдӧмӧн веськӧдланінын методическӧй шӧринса методистлы;
Антонина Васильевна Карасевалы – «Воркута карса олысьясӧс социальнӧя доръян ӧтувъя шӧрин» Коми Республикаса канму сьӧмкуд учреждениеын директорӧс вежысьлы - олысьясӧс социальнӧя могмӧдан мутас шӧринӧн заведуйтысьлы;
Марианна Михайловна Никифоровалы – Коми Республикаса юстиция министерстволӧн Сыктывкарса да Сыктывдін районса гражданалысь оланног пасъян мутаскостса юкӧнын начальниклы;
Павел Иванович Симпелевлы – «Коми йӧзӧдчан керка» Коми Республикаса асшӧрлуна учреждениелӧн «Коми му» газет редакцияса редакторлы, Сыктывкар;
Талина Васильевна Скопьюклы – «Коми республиканскӧй клиническӧй больнича» Коми Республикаса йӧзлысь дзоньвидзалун видзан канму сьӧмкуд учреждениеын гинекология юкӧнӧн заведуйтысьлы - врач-акушер- гинекологлы, Сыктывкар;
Юрий Вячеславович Харитоновлы – «Сыктывкарса ЛПК» акционер котырлӧн шӧр электрическӧй службаын электроремонтнӧй цехса начальниклы, Сыктывкар.
2. Коми Республикалы бур вылӧ уна во зіля уджалӧмысь сетны Коми Республикаса Почёт грамота:
Юрий Николаевич Алиповлы – «Лузалес» ичӧт кывкутана котырлӧн Пу обработайтӧм серти департаментын вӧр пилитан цехлӧн энергетическӧй оборудование, зданиеяс да сооружениеяс дзоньталан участокса мастерлы, Сыктывкар;
Сергей Кириллович Бабиковлы – Коми Республикалӧн «Чилимдін» муниципальнӧй районын «Неридз» сикт овмӧдчӧминса юралысьлы;
Ольга Леонидовна Бакулиналы – «Культура да искусство сӧвмӧдан керка» муниципальнӧй асшӧрлуна культура учреждениеса директорлы, Сыктывкар;
Сергей Борисович Бахаревлы – «Воркутаса арктическӧй горно-политехническӧй колледж» уджсикасӧ велӧдан канму учреждениеса директорӧс вежысьлы;
Елена Валерьевна Величколы – Канмусянь пасъян, кадастр да картография федеральнӧй службалӧн Коми Республикаын веськӧдланінӧн юрнуӧдысьлы, Сыктывкар;
Лариса Васильевна Волощуклы – «Сыктывкарса политехническӧй техникум» уджсикасӧ велӧдан канму учреждениеса директорлы;
Тамара Александровна Ждановалы – «Югор» потребительскӧй котырса правлениеӧн веськӧдлысьлы, Сыктыв район;
Андрей Владимирович Журавлёвлы – «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринлӧн Федеральнӧй канму сьӧмкуд учреждениеын Россияса наукаяс академиялӧн Урал юкӧнса Коми наука шӧринлӧн Академик Н.П. Юшкин нима геология институтын стратиграфия лабораторияса шӧр тшупӧда наука туялысьлы, Сыктывкар;
Татьяна Леонидовна Комаровалы – «Канму юридическӧй бюро» Коми Республикалӧн канму казённӧй учреждениеса директорлы, Сыктывкар;
Ирина Валентиновна Котовалы – «Сыктывкарса ЛПК» акционер котырын баланс да чаг ньӧбан юкӧнса нуӧдысь инженерлы, Сыктывкар;
Олег Борисович Лыткинлы – «Лузалес» ичӧт кывкутана котырлӧн транспорт цехын автомашинаяс дзоньталысь слесарлы, Сыктывкар;
Татьяна Ивановна Марченко-Вагаповалы – «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринлӧн Федеральнӧй канму сьӧмкуд учреждениеын Россияса наукаяс академиялӧн Урал юкӧнса Коми наука шӧринлӧн Академик Н.П. Юшкин нима геология институтын кайнозой кадся геология лабораторияын шӧр тшупӧда наука туялысьлы, Сыктывкар;
Светлана Ивановна Кудрявцевалы – «Сосногорск» муниципальнӧй районса администрацияын Сьӧм овмӧсӧн веськӧдланінса начальниклы;
Евгений Александрович Мокроусовлы – «Неминучаӧ веськалӧмалы медицина отсӧг сетан Коми Республикаса мутас шӧрин» Коми Республикаса канму сьӧмкуд учреждениелӧн выезднӧй психиатрическӧй бригадаын врач-психиатрлы, Сыктывкар;
Светлана Георгиевна Павловалы – Коми Республикаса юстиция министерстволӧн Усинск карса гражданалысь оланног пасъян мутас юкӧнса начальниклы;
Михаил Венидиктович Пономаревлы – «Сыктывкарса ЛПК» акционер котырлӧн электрооборудование техническӧя могмӧдан да дзоньталан цехын оперативнӧя техническӧя могмӧдан участокса начальниклы, Сыктывкар;
Иван Борисович Поповлы – Россияса МЧС-лӧн Коми Республикаын медшӧр веськӧдланінын ичӧт суднояс серти канму инспекция нуӧдысь шӧринлӧн Кулӧмдінса инспекторскӧй участокын ичӧт суднояс серти шӧр канму инспекторлы – юрнуӧдысьлы;
Нина Викторовна Приймаклы – Войнаса, уджвывса, Вооружённӧй Вынъясса да инӧд видзан органъясса ветеранъяслӧн (пенсионеръяслӧн) Коми республиканскӧй ӧтйӧза организацияын Сыктыв районлӧн меставывса ӧтйӧза организацияын Бӧртӧм посёлоклӧн первичнӧй ветеранскӧй организацияӧн веськӧдлысьлы;
Ангелина Николаевна Ткачуклы – «Зӧвсьӧртса ЛПК» ичӧт кывкутана котырын фанераысь вӧчан дась прӧдукция сортируйтысьлы, Емдін район;
Сергей Васильевич Тропниковлы – «Сыктывкарса ЛПК» акционер котырлӧн сӧвмӧдӧмӧн да выльмӧдӧмӧн веськӧдланінын капитальнӧя стрӧитан да выльмӧдан юкӧнын проектъясӧн юрнуӧдысьлы, Сыктывкар;
Елена Евгеньевна Усенковалы – «Сыктывкарса ЛПК» акционер котырын казначейскӧй юкӧнса начальниклы, Сыктывкар;
Светлана Валерьевна Фадеевалы – Россия Федерацияса пенсионнӧя да социальнӧя страхуйтан фондлӧн Коми Республикаын юкӧнлӧн кадръясӧн веськӧдланінын кадръяс юкӧнса начальниклы, Сыктывкар;
Игорь Христофорович Шумиловлы – «Россияса наукаяс академиялӧн Урал юкӧнса Коми наука шӧрин» туялан удж нуӧдысь федеральнӧй шӧринлӧн Федеральнӧй канму сьӧмкуд наука учреждениеын Россияса наукаяс академиялӧн Урал юкӧнса Коми наука шӧринлӧн Академик Н.П. Юшкин нима геология институтлӧн минерально-сырьевӧй ресурсъяс лабораторияын шӧр тшупӧда наука туялысьлы, Сыктывкар. 
{Kodko @ Коми Республика лоис том войтырлысь восьса Арктическӧй Дельфийскӧй ворсӧмъяс нуӧдан юркарӧн – Владимир Уйба @ выльтор @ https://rkomi.ru/news/3405 @ 2023-12-21 @}
Коми Республика лоис том войтырлысь восьса Арктическӧй Дельфийскӧй ворсӧмъяс нуӧдан юркарӧн – Владимир Уйба.
Коми Республикаса Юралысь висьталіс Россияса Национальнӧй Дельфийскӧй сӧветлӧн помшуӧм йылысь «Россия» войтыркостса выставка-форум дырйи, мый воссис Москваса ВДНХ-ын.
«Комиын кык ворсӧм нуӧдӧм бӧрын Россияса Национальнӧй Дельфийскӧй сӧвет примитіс помшуӧм сы йылысь, мый Арктическӧй Дельфийскӧй ворсӧмъяс нуӧдан юркарӧн пыр лоӧ Коми Республика», - шуис Владимир Уйба, кор ӧшым тӧлысь 19-ӧд лунӧ тӧдмӧдіс выставкаса гӧсьтъясӧс Коми Республикалӧн вермӧмъясӧн да позянлунъясӧн.
Том войтырлӧн медводдза Арктическӧй Дельфийскӧй ворсӧмъясыс мунісны Сыктывкарын 2022 вося вӧльгым тӧлысьын.
Наӧ пырӧдчис Россияысь да Китайысь 600-ысь унджык енбиа том морт.
Во мысти Ворсӧмъясӧ пырӧдчис Россияысь да суйӧр сайысь сідзжӧ 600-ысь унджык морт.
Ордйысян уджтасӧ пырисны йӧзкостса, ӧнія да художествоа творчествоын 10 дисциплина – шылада петкӧдчӧмсянь кулинарияын кужанлунӧдз.
Вӧлі юкӧма 28 комплект награда.
Ставнас кык воӧн тайӧ ыджыд творческӧй ордйысьӧмын Коми Республикаса делегация босьтіс 7 зарни, 20 эзысь, 22 ыргӧн медаль да 47 торъя диплом.
Фотоыс «Комиинформ» ЮА, автор Владимир Шешкунас.
{Kodko @ Коми Республикаса Юралысь чолӧмалӧ Энергетик лунӧн @ выльтор @ https://rkomi.ru/news/3403 @ 2023-12-22 @}
Коми Республикаса Юралысь чолӧмалӧ Энергетик лунӧн.
«Пыдди пуктана Коми Республикаса энергетика юкӧнын уджалысьяс да ветеранъяс!
Чолӧмала Энергетик лунӧн!
Тайӧ гажыс пасйыссьӧ сэк, кор луныс медся дженьыд, а войыс медся кузь, та понда и энергетикъяслӧн уджыс торйӧн тыдалана да тӧдчана.
Тіян уджкӧд йитчӧма миян керкаясын бур оланногыс, ывла вылын безопасносьтыс, предприятие-организацияяслӧн зумыда уджалӧмыс.
Республикаын уджалысь энергетика компанияяс пуктӧны дінму сӧвмӧдӧмӧ ыджыд пай: пырӧдчӧны гырысь инвестиция проектъясӧ, бурмӧдӧны шоныдӧн да биӧн могмӧдӧмсӧ.
Аттьӧала энергетикъясӧс кывкутӧмӧн да бура уджалӧмысь, уджсикас радейтӧмысь да бӧрйӧм туйлы сьӧлӧм сетӧмысь.
Аттьӧ ветеранъяслы биӧн могмӧдан система бура лӧсьӧдӧмысь да юкӧнса традицияяс видзӧмысь.
Сиа тіянлы да тіян семьяясныдлы шуд, дзоньвидзалун да тыр-бура олӧм, а предприятиеяслы – вынсявны-сӧвмыны.
Медым выль воын лоӧ Коми Республикалӧн бура сӧвмӧм вылӧ уна тӧдчана проект!»
Коми Республикаса Юралысь Владимир Уйба.
{Kodko @ Ирек Файзуллин удж серти воліс Коми Республикаӧ @ выльтор @ https://rkomi.ru/news/3406 @ 2023-12-25 @}
Ирек Файзуллин удж серти воліс Коми Республикаӧ.
Россия Федерацияса стрӧитчан, оланін да коммунальнӧй овмӧс министр Ирек Файзуллин паныдасьліс Коми Республикаса Юралысь Владимир Уйбакӧд, видзӧдліс, кыдзи Сыктывкарын стрӧитӧны Вуджан висьӧмысь бурдӧдан республиканскӧй больнича, аддзысьліс олысьяскӧд, кодъясӧс овмӧдісны аварийнӧй оланінысь Сыктывдін районлӧн Выльгорт сиктын выль патераясӧ.
Вуджан висьӧмысь бурдӧдан республиканскӧй больничасӧ стрӧитӧны Сыктывкарын «Йӧзлысь дзоньвидзалун видзӧм» национальнӧй проект отсӧгӧн.
Стрӧитчан уджъяс серти объектыс дась 25 % вылӧ, сы лыдын конструктив серти – 41 % вылӧ, ортсыса везъяс серти – 78 % вылӧ, мутас бурмӧдӧм серти – 12% вылӧ.
Ӧні лӧсьӧдӧны джодж-йирк, тэчӧны кӧрт бетонысь ыджыд плитаяс, лифт шахтаын да пос жырйын лӧсьӧдӧны кӧрт бетонысь ыджыд стенъяс, сувтӧдӧны кӧрт бетонысь ыджыд парапетнӧй стенъяс.
Выльгорт сиктса Школадор уличкостын кыпӧдӧма кӧкъямыс судтаа 104 патераа керка, сэтысь 65 жырсӧ ньӧбӧма «Оланін да карса гӧгӧртас» национальнӧй проект серти, медым овмӧдны сэтчӧ аварийнӧй керкаясысь йӧзӧс.
Сьӧмсӧ вичмӧдӧма Коми Республикаса Веськӧдлан котырлӧн резервнӧй фондысь.
Выль олысьяслы патераясыс воӧмаӧсь сьӧлӧм вылас.
Сідзжӧ Ирек Файзуллин да Владимир Уйба ветлісны Орбита микрорайонса «Платон» олан комплексын 60 места вылӧ детсадйӧ. Сійӧ воссис тавося тулысын.
Челядьӧс 104 №-а видзанінлӧн корпусын лоӧ 3 группа.
Сэні лӧсьӧдӧма дзолюкъясӧс быд боксянь сӧвмӧдан условиеяс: группаяссӧ могмӧдӧма колана оборудованиеӧн, эм шылада-спортивнӧй зал, медицина блок, ывлаын гуляйтан площадкаяс.
Орбита микрорайонын выль олан кварталъяссӧ стрӧитігӧн мутассӧ зільӧны сӧвмӧдны быд боксянь.
2022 воын тані воссисны йӧзлысь дзоньвидзалун видзан учреждениеяс – челядьлы да верстьӧлы амбулаторияяс.
Водзӧ вылӧ застройщик тшӧт весьтӧ микрорайонын кӧсйӧны кыпӧдны 825 велӧдчысь вылӧ школа.
Стрӧитчыны кутасны инфраструктурнӧй сьӧмкуд кредит серти.
Ирек Файзуллин да Владимир Уйба видзӧдлісны му участоксӧ, кутшӧмӧс торйӧдісны тайӧ могъяс вылӧ Тентюков улича кузя.
Россия Федерацияса стрӧитчан, оланін да коммунальнӧй овмӧс министр Ирек Файзуллин висьталіс Коми Республикаӧ волӧм серти кывкӧртӧдъяс йылысь сӧвещание дырйи, мый вӧлі сиӧма Россия Федерацияса Президентлысь тшӧктӧмъяс да национальнӧй проектъяс Коми Республикаын олӧмӧ пӧртӧмлы.
«Кольӧм во серти 11 тӧлысьӧн республикаын стрӧитӧма унджык оланін, тайӧ йитчӧма и уна патераа керкаяс, и ас оланінъяс кыпӧдӧмкӧд, - пасйис Ирек Файзуллин. 
– Планъясыс збыльмӧдсьӧны. Талун стрӧитӧны 9 уна патераа керка, налӧн ӧтувъя площадьыс – 70 сюрсысь унджык квадратнӧй метр.
Уджалӧны и социальнӧй объектъяс кыпӧдӧм серти – талун видзӧдлі некымынӧс да школа улӧ му участок.
Торйӧн кӧсъя пасйыны, мый социальнӧй инфраструктура лӧсьӧдігӧн да стрӧитігӧн быть колӧ кутчысьны оланпастэчасӧ.
Тӧдчана, медым оланін стрӧитігӧн тшӧтш сӧвмис став колана инфраструктураыс, медым йӧзыс олісны бур условиеясын».
Ирек Файзуллинлӧн кывъяс серти, регион петкӧдліс аварийнӧй оланінысь йӧзӧс мӧдлаӧ овмӧдӧм серти бур бӧртасъяс – уджыс мунӧ сюся.
Гражданаӧс мӧдлаӧ овмӧдан уджтасӧ пырӧдчӧ Коми Республикаысь 15 муниципальнӧй юкӧн, помавны сійӧс кӧсйӧны 2024 воын.
7 муниципалитет уджтассӧ збыльмӧдісны нин: Сыктывкар, Ухта, Княжпогост да Удора районъяс, Печора, Сосногорск да Усинск.
Ставнас колӧ мӧдлаӧ овмӧдны 724 аварийнӧй керкаысь (тайӧ 133,4 сюрс квадратнӧй метр) 7238 мортӧс.
Тайӧ граждана, кодъяслысь оланінсӧ шуӧма аварийнӧйӧн 2017 вося тӧвшӧр тӧлысь 1 лунӧдз.
2019 восянь дінмуын мӧдлаӧ овмӧдӧма 6330 мортӧс. Важмӧм оланінъяслӧн ӧтувъя ыдждаыс 122,6 сюрс квадратнӧй метр.
Таысь кындзи, капитальнӧя дзоньталӧма 271 уна патераа керка, кӧні олӧ 34 сюрс морт.
Владимир Уйба тӧдчӧдіс, мый сьӧмкудйыс кӧть и этша, Коми Республикаса Веськӧдлан котыр збыльмӧдӧ став босьтӧм кӧсйысьӧмсӧ.
Регион водзӧ пырӧдчӧ федеральнӧй уджтасъясӧ, зіля проектируйтӧ да стрӧитӧ муниципалитетъясын социальнӧй объектъяс.
Сӧмын 2024 вося тӧвшӧр тӧлысьын воссяс вынйӧр сӧвмӧдан да дзоньвидзалун видзан куим комплекс: Абъячой сиктын, Ухта карын да Мылдін посёлокын. Сідзжӧ Чилимдін сиктын восьтас ӧдзӧссӧ выль бурдӧдчан корпус, Сыктывдін районса Паджга сиктын – социально-культурнӧй уна мога шӧрин.
«Пыдди пуктана Ирек Энварович, ме аттьӧала Тіянӧс донъялӧмысь да вӧзйӧмъясысь.
Республикаса Веськӧдлан котыр найӧс быть босьтас тӧд вылӧ.
Коми Республика водзӧ кутас стрӧитны йӧзлы тӧдчана объектъяс, пӧртны олӧмӧ национальнӧй проектъяс да Россия Федерацияса Президент Владимир Владимирович Путинлысь тшӧктӧмъяс», - шуис Владимир Уйба.
Сӧвещаниеӧ пырӧдчысьяс торйӧн видлалісны Академическӧй опера да балет театр, Интаын да Воркутаын ваӧн могмӧдан системаяс выльмӧдӧм, Сыктывкарын Сыктыв ю дор бурмӧдӧм, а сідзжӧ Ылі Войвыв районъясын олысь торъя категория гражданаӧс мӧдлаӧ овмӧдӧм йылысь юалӧмъяс.
1 №-а фотоыс – Коми Республикаса Юралысьлӧн пресс-службалӧн.
Мукӧд фотоыс – «Комиинформ» ЮА, авторыс Владимир Шешкунас
{Kodko @ Мылдін районӧ воисны «Славир-9» сынӧда пӧдушка вылын кык судно @ выльтор @ https://rkomi.ru/news/3407 @ 2023-12-26 @}
Мылдін районӧ воисны «Славир-9» сынӧда пӧдушка вылын кык судно.
Суднояссӧ ньӧбисны Коми Республикаса Юралысь Владимир Уйбалӧн тшӧктӧм серти республикаса сьӧмкуд сьӧм тшӧт весьтӧ, а сідзжӧ промышленнӧй предприятиекӧд социальнӧя уджъёртасьӧм серти.
Медводдза судноыс отсалас лӧсьӧдны Мылдін районын сьӧкыда воӧдчан сикт-грездъяскӧд транспорт йитӧдсӧ.
Мӧд судносӧ ньӧбӧма Коми Республикаса Веськӧдлан котыр да «ПечораЭнергоРесурс» ичӧт кывкутана котыр костын ёртасьӧм йылысь артмӧдчӧм серти.
Сыӧн кӧсйӧны вӧдитчыны сезонъяс костын, сэк, кор оз ло сьӧкыда воӧдчан сикт-грездъяскӧд пырся йитӧдыс. Виччысьтӧмторъяс дырйи сійӧ отсалас вайӧдны торъя службаясын, медицинаын уджалысьясӧс, йӧзӧс да грузъяс. Нӧшта сыӧн кӧсйӧны вӧдитчыны пассажиръясӧс нуысь-вайысь суднолы техническӧй отсӧг сетӧм могысь.
Таысь кындзи, 2023 вося йирым тӧлысьӧ Мылдін районлы ньӧблісны аэропыж сьӧкыда воӧдчан олан пунктъясса олысьяслы медицина отсӧг сетӧм могысь.
Тайӧ могъяс вылӧ сьӧмсӧ вичмӧдлісны республикаса сьӧмкудйысь Коми Республикаса Юралысь Владимир Уйбалӧн тшӧктӧм серти.
Водзынджык ЛУКОЙЛ компаниякӧд социальнӧя уджъёртасьӧм серти ньӧблісны «Нерпа» аэровездеход. Сійӧ отсалӧ вайны Вуктыл районса сьӧкыда воӧдчан сиктъясӧ пассажиръясӧс да грузъяс. А «Газпром» компания отсӧгӧн Печораса ШРБ-лы босьтісны «Кайман» сынӧда пӧдушка вылын катер.
«Ме аттьӧала миянлысь социальнӧй уджъёртъяснымӧс отсасьӧмысь да Коми Республикаса войтырлысь олӧмсӧ бурмӧдӧмысь.
Техникаыс, кутшӧмӧс ми ӧтув ньӧбам муниципалитетъяслы, отсалӧ венны сьӧкыда воӧдчан да этша йӧза сикт-грездъясын олӧмкӧд йитчӧм тӧдчана юалӧмъяссӧ – могмӧдны медицина отсӧгӧн, вайны груз, сёян-юан, медколанаторъяс.
Та вӧсна уджъёртъяссянь татшӧм отсӧгыс торйӧн дона да колана»,- пасйис Коми Республикаса Юралысь Владимир Уйба.
{Kodko @ Коми Республикаса Юралысь чолӧмалӧ Мездысьлӧн лунӧн @ выльтор @ https://rkomi.ru/news/3408 @ 2023-12-27 @}
Коми Республикаса Юралысь чолӧмалӧ Мездысьлӧн лунӧн.
«Мездан службаясын пыдди пуктана уджалысьяс да ветеранъяс!
Чолӧмала тіянӧс уджсикас гажӧн – Россия Федерацияса мездысьлӧн лунӧн!
Тіянлы ковмывлӧ тышкасьны бикӧд да вакӧд, водзсасьны вӧр-ва да техногеннӧй виччысьтӧмторъяскӧд.
Ті асьныдтӧ жалиттӧг отсаланныд неминучаӧ веськалӧм йӧзлы.
Лоны мездысьӧн – торъя мог, кӧні колӧ лоны повтӧм, винёв да кывкутысь мортӧн, кужны зіля примитны решениеяс, медся сьӧкыд здукъясӧ вӧчны ставсӧ стӧча да ӧдйӧ.
Торъя аттьӧалана кывъяс ветеранъяслы.
Тіян опыт да тӧдӧмлун – тайӧ мездан службаса уджлы, традицияяслы подув.
Аттьӧала мездан службаясса став уджалысьсӧ, тіянлысь рӧдвужнытӧ да матыссаяснытӧ, кодъяс мунӧны тіянкӧд орччӧн тайӧ сьӧкыд туйӧдыс.
Мед тіян керкаясын пыр вӧлі муслун, ӧта-мӧдӧс гӧгӧрвоӧм да лада олӧм.
Сиа ставныдлы крепыд дзоньвидзалун, уджын вермӧмъяс, шуд да тыр-бура олӧм!».
Коми Республикаса Юралысь Владимир Уйба.
{Kodko @ Владимир Уйба «Ёлка желаний» ставроссияса акция серти збыльмӧдас нӧшта куим челядьлысь кӧсйӧмсӧ @ выльтор @ https://rkomi.ru/news/3409 @ 2023-12-27 @}
Владимир Уйба «Ёлка желаний» ставроссияса акция серти збыльмӧдас нӧшта куим челядьлысь кӧсйӧмсӧ.
Ӧшым тӧлысь 27 лунӧ Кремльса Ыджыд дворечын Коми Республикаса Юралысь босьтіс акцияса коз вылысь шаръяс.
Луганскӧй Народнӧй Республикаысь 11 арӧса Надежда корӧ сьылӧм вылӧ микрофон, Чилимдін районса Замежнӧй сиктысь сизим арӧса Дмитрий мӧвпалӧ синтезатор йылысь, а Мылдін посёлокысь 16 арӧса Ольга виччысьӧ мича небӧг чукӧр.
«Дона челядь, быть збыльмӧда тіянлысь мӧвпъяснытӧ.
Локтан Выль воӧн!», - гижис социальнӧй везйын аслас лист бок вылын Коми Республикаса Юралысь.
Казьтыштам, водзынджык Владимир Уйба бӧрйис коз вылысь шар, кӧні вӧлі Сыктывкарысь квайт арӧса Елисейлӧн кӧсйӧмыс. Сійӧ корис велосипед.
***
Выльвося гажъяс водзын «Движение Первых» челядьлӧн да том йӧзлӧн россияса ӧтмунӧм нуӧдӧ странаын бурвӧчан акция. Сійӧ лоис нин бур традицияӧн.
Акциялӧн мог – козьнавны радлун пикӧ воӧм челядьлы.
Акциясӧ пӧртӧны олӧмӧ 2018 восянь став Россия пасьтала, сійӧ ӧтувтӧ уна сюрс йӧзӧс, кодъяс дасьӧсь вӧчны буртор.
Быд во челядьлысь выльвося кӧсйӧмъяссӧ збыльмӧдӧ и Россияса Президент Владимир Владимирович Путин.
*** 
Акцияӧ вермӧны пырӧдчыны:
• дзоньвидзалунын дзескӧдӧм позянлуна челядь (3 арӧссянь 17 арӧсӧдз);
• вермытӧм челядь (3 арӧссянь 17 арӧсӧдз);
• сьӧкыда висьысь челядь (3 арӧссянь 17 арӧсӧдз);
• бать-мамтӧм да бать-мам дӧзьӧртӧг кольӧм челядь (3 арӧссянь 17 арӧсӧдз);
• гӧля олысь семьяясысь челядь (3 арӧссянь 17 арӧсӧдз);
• торъя военнӧй операцияын участвуйтысь да участвуйтӧм военнослужащӧйяслӧн да (либӧ) мобилизуйтӧмаяслӧн семьяясысь челядь (3 арӧссянь 17 арӧсӧдз);
• челядь (3 арӧссянь 17 арӧсӧдз), кодъяс олӧны да кодъясӧс пасйӧма Донецкӧй да Луганскӧй Народнӧй Республикаясын, Запорожскӧй да Херсонскӧй обласьтъясын. 
{Kodko @ Владимир Уйба юӧртіс Россия Федерацияса Каналан Сӧветлӧн заседаниеӧ пырӧдчӧм йылысь @ выльтор @ https://rkomi.ru/news/3410 @ 2023-12-27 @}
Владимир Уйба юӧртіс Россия Федерацияса Каналан Сӧветлӧн заседаниеӧ пырӧдчӧм йылысь.
Заседаниеыс вӧлі Кремльса Ыджыд дворечын Россияса Президент Владимир Путинлӧн юрнуӧдӧм улын. Сёрнитісны, кыдзи кыпӧдны велӧдысьлысь да наставниклысь тӧдчанлунсӧ.
Паськыдджыка – Коми Республикаса Юралысьлӧн видео пыр шыӧдчӧмын. 
{Kodko @ Владимир Уйба пасйис 2024 во вылӧ Коми Республикаын том йӧз политикалысь медтӧдчанаторъяссӧ @ выльтор @ https://rkomi.ru/news/3411 @ 2023-12-28 @}
Владимир Уйба пасйис 2024 во вылӧ Коми Республикаын том йӧз политикалысь медтӧдчанаторъяссӧ.
На лыдын – том йӧзӧс оланінӧн, бур уджӧн могмӧдӧм, сӧвмӧм социальнӧй инфраструктура, бур да мича гӧгӧртас, а сідзжӧ том йӧзлы ас туй бӧрйӧм могысь условиеяс лӧсьӧдӧм.
Коми Республикаса Юралысь таво вылӧ бӧръяысь нуӧдіс Стратегическӧя веськӧдлӧм серти координационнӧй сӧветлысь заседаниесӧ.
Заседание вылын висьталісны Том йӧзлы сиӧм волысь шӧр кывкӧртӧдъяссӧ да индісны том йӧзкӧд водзӧ вылӧ удж серти могъяссӧ.
«2023 воын том йӧзкӧд уджыс муніс Россияса Президент Владимир Владимирович Путинлысь тшӧктӧмъяссӧ тӧд вылӧ босьтӧмӧн, кутшӧмъясӧс вӧлі сетӧма колян вося ӧшым тӧлысьын Россия Федерацияса Каналан Сӧветлӧн заседание бӧрын.
Ми вӧчим медколанаторсӧ – вежим том йӧз политикаын уджалан нырвизьяссӧ да кыским тайӧ уджас том йӧзӧс.
Тӧдчана пай босьтісны патриотическӧй нырвизя мероприятиеяс. Отсалӧма том йӧзлӧн ӧтйӧза ӧтувъяслы, волонтёръяслы.
Тайӧ уджсӧ нуӧдісны регионын кыдзи Том йӧзлы сиӧм во, сідзи и Педагоглы да наставниклы сиӧм федеральнӧй во серти», - пасйис Владимир Уйба.
Тематическӧй волӧн кывкӧртӧдъяс йылысь шӧр докладӧн сёрнитіс Коми Республикаса том йӧз политика комитетӧн веськӧдлысь Светлана Суворкина.
2023 воын Коми Республика босьтіс «Том йӧзлы регион» том йӧз политикасӧ быд боксянь сӧвмӧдан уджтас збыльмӧдӧм вылӧ 135,4 миллион шайт мында федеральнӧй субсидия.
Тайӧ проект серти регион босьтіс добровольческӧй (волонтёрскӧй) уджлы отсалӧм вылӧ федеральнӧй сьӧм.
2023 воын Емдін районын да Ухтаын ресурснӧй добровольчество шӧринъяс материально-техническӧя могмӧдӧм вылӧ босьтӧма 2,6 миллион шайт.
Нуӧдӧма Волонтёрскӧй удж координируйтысьяслы да наставникъяслы республиканскӧй велӧдан онлайн-школа, «Бур вӧчан мутас» велӧдан смена.
Збыльмӧдӧма 3 миллион шайт вылӧ 9 проект.
Мӧд во «Регион добрых дел» уджтас збыльмӧдӧм вылӧ Коми Республикаын вичмӧдасны 9,9 миллион шайт, сы лыдын 500 сюрс шайт – регионса сьӧмкудйысь.
Кӧрткерӧс, Изьва да Сосногорск районъясса добровольчество сӧвмӧдан шӧринъясын кӧсйӧны бурмӧдны материально-техническӧя могмӧдӧмсӧ.
Збыльмӧдасны региональнӧй тшупӧда 2 велӧдан уджтас.
Отсаласны доброволечьяслӧн 9 проектлы.
Том йӧзӧс гражданскӧя да патриотическӧя быдтан-велӧдан системасӧ сӧвмӧдӧм да бурмӧдӧм – Коми Республикаса том йӧз политикаын медтӧдчанаторъяс пиысь ӧти.
2023 воын нуӧдӧма «Коми Республикаса медбур призывник» конкурс, «Учись. Действуйт. Побеждай» сбор да «Гонка на выживание» ордйысьӧмъяс, збыльмӧдӧма «Молодёжное путешествие по Коми» проект, татшӧмыс мукӧд регионын сэсся абу.
Нӧшта ӧти тӧдчана нырвизь – том йӧзлы ас туй бӧрйӧм могысь условиеяс лӧсьӧдӧм да ӧтйӧза уджын отсалӧм.
Таво нуӧдӧма 29 региональнӧй мероприятие, кытчӧ волісны 159 сюрс морт.
Быд форумлӧн, слётлӧн, конкурслӧн, тренинглӧн, семинарлӧн тӧдчана мог – сетны том йӧзлы тӧдӧмлунъяс да кужӧмлун, тӧдмасьны колана йӧзкӧд, ышӧдны местаяс вылын уджалӧм вылӧ, кыскыны ныв-зонмӧс социальнӧй уджӧ.
Торйӧн колӧ пасйыны том йӧзлысь проектнӧй уджсӧ.
2023 воын Росмолодёжлӧн грантъяс отсӧгӧн том йӧзлысь 31 проект збыльмӧдӧм вылӧ кыскӧма 19,5 миллион шайт.
Ӧтйӧза организацияяс сӧвмӧдӧмын, том йӧзлӧн сэтчӧ пырӧмын тӧдчана отсӧгӧн лоӧ НКО субсидия сетӧм.
Таысь кындзи, Росмолодёжлӧн грантӧвӧй конкурсъяслы содтӧд республикаын лоӧ том йӧзлӧн проектъяс серти ас конкурс.
2024 воӧ уджалысьяслысь пытшкӧсса позянлунъяссӧ да том йӧз политика инфраструктурасӧ сӧвмӧдӧм могысь условиеяс лӧсьӧдӧм вылӧ урчитӧма 11,1 миллион шайт.
«Том йӧзлы регион» уджтас серти том йӧз политика инфраструктурасӧ сӧвмӧдӧм могысь выльмӧдӧма Усинскса том йӧзлы шӧрин, помалӧны дзоньтавны Ухтаса том йӧзлы керка да Сыктывкарса том йӧзлы ресурснӧй шӧрин.
Коми Республикаын том йӧз политикаын тӧдчана нырвизьӧн лоисны том семьяяслы отсалан мераяс.
Медводз, тайӧ семьяяслы, кодъяслы колӧ бурмӧдны олан условиеяссӧ, оланін ньӧбӧм (стрӧитӧм) вылӧ социальнӧй мынтӧмъяс.
2024 воын федеральнӧй уджтас отсӧгӧн кӧсйӧны сетны социальнӧй мынтӧмъяссӧ 43 том семьялы.
Уджтасӧ пырӧдчас 14 муниципалитет.
2023 воын медводдзаысь пыртісны том семьяяслы отсалан регионса содтӧд мера – том семьяяслы, кӧні бать-мамныс чужисны да олӧны Коми Республикаын, кутісны сетны социальнӧй мынтӧмъяс.
Тайӧ могъяс вылӧ республиканскӧй сьӧмкудйысь вичмӧдӧма 100 миллион шайт, социальнӧй мынтӧмсӧ босьтіс 81 семья.
Коми Республикаса Юралысьлӧн тшӧктӧм серти тайӧ уджсӧ нуӧдасны и 2024 воын.
Владимир Уйба тшӧктіс Коми Республикаса Веськӧдлан котырлы муниципальнӧй юкӧнъясса юралысьяскӧд ӧтув водзӧ сӧвмӧдны том йӧзкӧд бур уджалан нырвизьяссӧ: «Медводз, тайӧ том йӧзӧс чужан му радейтны велӧдӧм, важся духовно-нравственнӧй донаторъяс видзӧм. 
Тайӧ Коми Республикаын том йӧзлы сӧвмӧм да ас туй бӧрйӧм могысь условиеяс лӧсьӧдӧм, миян ныв-зонлӧн водзмӧстчӧмъяслы, челядьлӧн да том йӧзлӧн ӧтйӧза ӧтувъяслы отсасьӧм, том йӧзлы инфраструктура лӧсьӧдӧм да сӧвмӧдӧм.
Тайӧ профориентация, том йӧзлы удж сетӧм да сэні налӧн зумыда кутчысьӧм, республикаса том семьяяслы отсалан мераяслысь системасӧ сӧвмӧдӧм.
Сідзжӧ профильнӧй ведомствояслы колӧ зільджыка кыскыны индӧм могъяс збыльмӧдӧм вылӧ федеральнӧй сьӧм».
Фотоыс «Комиинформ» юӧртан агентстволӧн, автор – Владимир Шешкунас.
{Kodko @ Владимир Уйба нуӧдіс Коми Республикаын терроризмлы паныд удж нуӧдан комиссиялысь да Коми Республикаын оперативнӧй штаблысь ӧтувъя заседание @ выльтор @ https://rkomi.ru/news/3412 @ 2023-12-29 @}
Владимир Уйба нуӧдіс Коми Республикаын терроризмлы паныд удж нуӧдан комиссиялысь да Коми Республикаын оперативнӧй штаблысь ӧтувъя заседание.
Заседание дырйи видлалісны выльвося да рӧштвося лунъясӧ, Россия Федерацияса Президентӧс бӧрйӧм кежлӧ дасьтысигӧн да бӧрйысьӧмъяссӧ нуӧдігӧн йӧзлысь безопасносьтсӧ могмӧдӧмкӧд, Коми Республикаын оланпас торкалӧмӧн ӧружьеӧн вӧдитчан юкӧнын мыж вӧчӧмъясысь ӧлӧдӧмкӧд да найӧс дугӧдӧмкӧд, терроризмысь ӧлӧдӧмкӧд да сылӧн идеологиялы паныд удж нуӧдӧмкӧд йитчӧм да мукӧд юалӧм.
Докладӧн сёрнитісны Коми Республикаын пытшкӧс делӧяс министрлысь могъяс недыр кад олӧмӧ пӧртысь Юрий Марченко, Росгвардиялӧн Коми Республикаын веськӧдланінса начальник Алексей Петренко, Россияса МЧС-лӧн Коми Республикаын медшӧр веськӧдланінса начальник Алексей Пархомович, Коми Республикаса бӧрйысян комиссияӧн веськӧдлысь Дмитрий Митюшев, Коми Республикаса том йӧз политика комитетӧн веськӧдлысь Светлана Суворкина, Россияса федеральнöй безопасносьт службалöн Коми Республикаын веськöдланiнса начальник Владимир Щуровский, Коми Республикаса национальнӧй политикалӧн министр Роман Носков, «Сыктыв» МР МЮ юралысь – администрацияӧн юрнуӧдысь, «Сыктыв» МР МЮ терроризмлы паныд удж нуӧдан комиссияӧн веськӧдлысь Александр Попов.
Коми Республикаын терроризмлы паныд удж нуӧдан комиссиялӧн аппаратӧн юрнуӧдысь Александр Бурцев сёрнитіс 2019-2023 вояс вылӧ Коми Республикаын терроризм идеологиялы паныд удж нуӧдан мероприятиеяслысь ӧтувъя плансӧ олӧмӧ пӧртан бӧртасъяс йылысь.
Таысь кындзи, заседание вылын вынсьӧдісны 2024 во вылӧ Коми Республикаын терроризмлы паныд удж нуӧдан комиссиялысь уджалан плансӧ.
{Kodko @ Медводдза кагаысь миллион: Комиын примитісны челядя семьяяслы отсалан выль мераяс @ выльтор @ https://rkomi.ru/news/3413 @ 2023-12-29 @}
Медводдза кагаысь миллион: Комиын примитісны челядя семьяяслы отсалан выль мераяс.
2024 восянь, кутшӧмӧс Россияса Президент Владимир Путин шуис Семьялы сиӧм воӧн, Коми Республикаын пыртӧны выль мераяс, медым содтыны чужысьяслысь лыдсӧ да бурмӧдны серпассӧ демография боксянь, а сідзжӧ паськӧдӧны вынаяссӧ.
Тайӧ могъяс вылӧ республикаса сьӧмкудйысь содтӧд вичмӧдӧма матӧ 1 миллиард шайт.
Та йылысь ӧшым тӧлысь 29 лунӧ журналистъяскӧд аддзысьлігӧн висьталіс регионса Юралысь Владимир Уйба.
2022-2023 воясӧ республикаса юрнуӧдысьяс нуӧдісны социологическӧй туялӧмъяс, медым бурджыка тӧдмавны, мыйла 2010 восянь чинӧ чужысьяслӧн лыдыс, да тайӧ тӧдмӧгъяс подув вылын лӧсьӧдны мераяс, медым чужис унджык кага.
“Ми аддзим, мый чужысьяслӧн лыдыс чинӧ сёрӧн кага чужтӧм вӧсна, - пасйис Коми Республикаса Юралысь Владимир Уйба. 
- Туялӧмъяс серти, ань, коді чужтіс медводдза кагасӧ 26 арӧс бӧрын, сэсся оз нин лӧсьӧд унджык челядьсӧ.
Тайӧ ставмирса статистика, абу сӧмын Россияын.
Дерт, тайӧ абу тырмымӧн.
Весиг быд семьяын кӧ кутас чужны ӧти кага, тайӧ оз бурмӧд демографиясӧ.
Та могысь колӧ чужтыны куим либӧ унджык кагаӧс.
Та вӧсна, медводз, ми ышӧдам водзджык чужтыны кагасӧ.
Статистика серти, ань кӧ чужтӧ кагасӧ 24 арӧсысь водзджык, 50 прӧчент либӧ унджык случайын сійӧ чужтӧ мӧдӧс, тшӧкыда, во либӧ кык мысти”.
abu
abu
Коми Республикаын федеральнӧй материнскӧй капитал кындзи эм нӧшта дінмуса семейнӧй капитал (ДСК).
Сійӧс мынтӧны медводдза да коймӧд кагаысь (сэк, кор коймӧд кагаысь сійӧс абу босьтӧма, сетӧны сы бӧрын чужӧм челядьысь).
Дінмуса семейнӧй капиталлӧн мындаыс – 150 сюрс шайт.
Медводдзаысь 2024 воӧ мам, коді чужтіс медводдза кагасӧ 24 арӧсын либӧ водзджык, босьтас дінмуса семейнӧй капиталсӧ 500 сюрс шайт мындаын.
А босьтны кӧ тӧд вылӧ федеральнӧй материнскӧй капиталсӧ, мый тшӧтш содӧ 2024 вося урасьӧм тӧлысь 1 лунсянь, Комиын 24 арӧса либӧ томджык мамъяслы медводдза кага чужтӧмысь сетасны 1 миллион 131 сюрс шайт.
Ыджыдджык арлыда мамъяслы ДСК тшӧтш содас – 300 сюрс шайтӧдз да федеральнӧй мынтӧмкӧд ставнас лоас 931 сюрс шайт.
Коми Республикаса Веськӧдлан котыр планируйтӧ мынтыны ДСК-сӧ мӧд кага чужтӧмысь.
Тайӧ юалӧмсӧ видлалӧны на, помшуӧмсӧ примитасны республикаса сьӧмкудлӧн позянлунъяс вылӧ мыджсьӧмӧн.
Дінмуса семейнӧй капитал сьӧмсӧ позьӧ видзны уна мог вылӧ, налӧн лыддьӧгыс пыр содӧ.
Сідз, шуам 2024 вося тӧвшӧр тӧлысь 1 лунсянь кык пӧв содас быдвося ӧтчыдысь мынтӧмыс – 25 сюрссянь 50 сюрс шайтӧдз. Тайӧ сьӧмсӧ позьӧ видзны оланін да коммунальнӧй услугаяс, вот мынтӧм, санаторийясын да курортъясын бурдӧдчӧм да мукӧдтор вылӧ.
2024 вося тӧвшӧр тӧлысь 1 лунсянь 10 пӧв содас нӧбасьысь аньяслы сёян-юан ньӧбӧм вылӧ быдтӧлысся пособиеыс – 10 сюрс шайтӧдз.
Мераыс вына учёт вылӧ сувтӧмсянь кага чужтытӧдз.
Сідзжӧ 10 пӧв содас гӧль семьяясысь нёньӧдчысь аньяслы быдтӧлысся пособиеыс – 2024 вося тӧвшӧр тӧлысь 1 лунсянь сійӧ лоас 10 сюрс шайт.
“Помкаяссӧ видлалігӧн ми аддзим, мый аньяслы консультацияысь врачьяслы да ФАПъясысь фельдшеръяслы, кызвыннас, ӧткодь, мый шуас нӧбасьысь аньыс – чужтыны кагасӧ либӧ не чужтыны.
Найӧ оз кӧсйыны отсавны сылы бӧрйыны колана туйсӧ.
Ме серти, тані зэв тӧдчана медицина уджалысьлӧн видзӧдласыс.
Та вӧсна ми шуим ышӧдны медицина уджалысьясӧс – быд нӧбасьысь аньысь, коді сувтіс учёт вылӧ да чужтіс кагасӧ, докторлы сетасны 30 сюрс шайт”, - шуис Владимир Уйба.
2024 вося кӧч тӧлысь 1 лунсянь 5-11 классъясын велӧдчысьяс пӧвстысь дон босьттӧг кутасны вердны оз сӧмын дзоньвидзалунын аслыспӧлӧслунъяса либӧ гӧль семьяясысь ныв-зонмӧс, но и уна челядя семьяясысь челядьӧс (1-4 классъясын став велӧдчысьыс сёйӧ мынтысьтӧг).
Коми Республикаса веськӧдлысьяс отсалӧны и олӧма гозъяяслы.
2023 вося сора тӧлысь 1 лунсянь ӧтчыдысь сетӧны 50 сюрс шайт гозъяяслы, кодъяс гӧтрасисны 70 да унджык во сайын.
2024 воӧ татшӧм мынтӧмсӧ вермасны босьтны гозъяяс, кодъяс гӧтрасисны 65 во сайын.
Таысь кындзи, 2024 воӧ водзӧ кутасны уджавны ӧнія социальнӧя отсалан мераясыс.
Фотоыс “Комиинформ” ЮА, авторыс Владимир Шешкунас.
{Kodko @ Владимир Уйба примитіс йӧзӧс ас сёрниӧн @ выльтор @ https://rkomi.ru/news/3414 @ 2023-12-30 @}
Владимир Уйба примитіс йӧзӧс ас сёрниӧн.
Регионын олысьяс шыӧдчисны Коми Республикаса Юралысь дорӧ олан условиеяс бурмӧдан, военнӧй служба прӧйдитан, медицина отсӧг сетан юалӧмъяс серти.
Приём вылӧ локтісны Сыктывкарысь синтӧм гозъя.
Найӧ медалӧны оланін, ӧд ас оланіныс налӧн абу.
А матысса рӧдвужлӧн патераын овны оз позь – 2019 воӧ налысь керкасӧ шуӧма аварийнӧйӧн.
Шыӧдчысьяс сулалӧны олан условиеяс бурмӧдӧм вылӧ ӧтувъя ӧчередьын 60-ӧд места вылын.
Та дырйи быдтӧны ичӧт кагаӧс.
Коми Республикаса Юралысь Владимир Уйба тшӧктіс дасьтыны вӧзйӧмъяс сы серти, кутшӧм вежсьӧмъяс позьӧ пыртны республикаса оланпастэчасӧ, медым могмӧдны оланінӧн лёка аддзысь йӧзӧс, кодъяслӧн абу ас оланіныс либӧ кодъяс олӧны аварийнӧй керкаын.
Сідзжӧ найӧ корисны отсавны глюкоза бӧрся пыр видзӧдан датчикъясӧн могмӧдӧмын.
Гӧтырыслӧн – сахарнӧй диабет.
Тайӧ могъяс вылӧ семья быд тӧлысь видзӧ 11 сюрс шайт.
Коми Республикаын челядьӧс могмӧдӧны инсулина помпаясӧн, кытысь кучик улӧ воӧ торъя резервуарысь инсулин, медым чинтыны сакарсӧ.
Но верстьӧ йӧзлы татшӧм отсӧгсӧ оз сетны.
Коми Республикаса Юралысь тшӧктіс регионса Йӧзлысь дзоньвидзалун видзан министерстволы видлавны, эм-ӧ позянлун могмӧдны татшӧм устройствоясӧн лёка аддзысь йӧзӧс, кодъяслӧн эм сахарнӧй диабет.
Йӧзӧс ас сёрниӧн примитӧм бӧрын министерствоясӧн да ведомствоясӧн юрнуӧдысьяслы, муниципальнӧй власьт органъясса юрнуӧдысьяслы сетӧма тшӧктӧмъяс да вӧзйӧмъяс пуктӧм юалӧмъяс решитӧм могысь.
{Kodko @ Владимир Уйба примитіс кадръяс серти помшуӧмъяс @ выльтор @ https://rkomi.ru/news/3415 @ 2023-12-30 @}
Владимир Уйба примитіс кадръяс серти помшуӧмъяс.
2024 вося тӧвшӧр тӧлысь 1 лунсянь Светлана Суворкинаӧс индӧма Коми Республикаса вынйӧр сӧвмӧдан да спорт министрлысь могъяс олӧмӧ пӧртысьӧн, а Никита Марковченковӧс индӧма Коми Республикаса том йӧз политика комитетӧн веськӧдлысь чинӧ.
Наталья Каринаӧс мездӧма Коми Республикаса вынйӧр сӧвмӧдан да спорт министр чинысь 2023 вося ӧшым тӧлысь 31 лунӧ.
Коми Республикаса Юралысь кырымаліс лӧсялана тшӧктӧмъяс.
Коми Республикаса Юралысьлӧн 2023 во ӧшым тӧлысь 28 лунся 432-р №-а тшӧктӧм.
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын мездыны Наталья Викторовна Каринаӧс Коми Республикаса вынйӧр сӧвмӧдан да спорт министр чинысь 2023 вося ӧшым тӧлысь 31 лунӧ.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2023 во ӧшым тӧлысь 28 лунся 433-р №-а тшӧктӧм.
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын мездыны Светлана Юрьевна Суворкинаӧс Коми Республикаса том йӧз политика комитетӧн веськӧдлысь чинысь 2023 вося ӧшым тӧлысь 31 лунӧ.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2023 во ӧшым тӧлысь 28 лунся 434-р №-а тшӧктӧм.
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Светлана Юрьевна Суворкинаӧс Коми Республикаса вынйӧр сӧвмӧдан да спорт министрлысь могъяс олӧмӧ пӧртысьӧн 2024 вося тӧвшӧр тӧлысь 1 лунсянь.
2. Тайӧ тшӧктӧмыс вынсялӧ сійӧс кырымалан лунсянь.
Коми Республикаса Юралысьлӧн 2023 во ӧшым тӧлысь 28 лунся 435-р №-а тшӧктӧм.
1. Коми Республикаса Оланподувлӧн 84 статья, «Коми Республикаса олӧмӧ пӧртысь власьт органъяс йылысь да Коми Республикаса олӧмӧ пӧртысь власьт системаын Коми Республикаса канму чинъясын уджалысь йӧз йылысь» Коми Республикаса Оланпаслӧн 7 статья подув вылын индыны Никита Андреевич Марковченковӧс Коми Республикаса том йӧз политика комитетӧн веськӧдлысь чинӧ 2024 вося тӧвшӧр тӧлысь 1 лунсянь.
2. Тайӧ тшӧктӧмыс вынсялӧ сійӧс кырымалан лунсянь. 
{Kodko @ Владимир Уйба видзӧдліс, кыдзи Сыктывкарса Эжва районын стрӧитӧны 825 места вылӧ школа @ выльтор @ https://rkomi.ru/news/3416 @ 2023-12-30 @}
Владимир Уйба видзӧдліс, кыдзи Сыктывкарса Эжва районын стрӧитӧны 825 места вылӧ школа.
Школасӧ стрӧитӧны Емваль микрорайонын «Велӧдӧм» национальнӧй проект серти, кутшӧмӧс вӧзйис Россияса Президент Владимир Путин.
Регионын нацпроектъяс збыльмӧдӧм бӧрся видзӧдӧ Коми Республикаса Юралысь.
Конструктив серти объектлӧн ӧтувъя техническӧй дасьлуныс – 98 %, ортсыса везъяс серти – 99 %, пытшкӧсса везъяс серти – 60 %, отделочнӧй уджъяс серти – 16 %, мутас бурмӧдӧм серти – 34%.
Ӧнія кадӧдз медводдза судтасяньыс коймӧдӧдзыс тырвыйӧ вӧчӧма кӧрт сора бетон конструкцияяс (колоннаяс, ригельяс, джодж-йирк плитаяс) лӧсьӧдӧм серти уджъяс.
Тэчӧны стен панельяс. Та серти графикысь кольччӧны 4 тӧлысь вылӧ, сы вӧсна мый панельясыс заводсьыс воисны сёрӧн, 2023 вося вӧльгым тӧлысь 15 лунӧ.
Ортсыса везъяслӧн дасьлун: канализация – 100%; ичӧт тока везъяс – 99%; ваӧн могмӧдан везъяс – 100%; сувтса зэръяс вылӧ канализация – 100%; керка подувлӧн дренаж – 100%; электричество везъяс – 100%; теплотрасса – 100%.
Коймӧд судтаын помалӧны тэчны кирпичысь стенъяс.
Медводдза судтасянь коймӧдӧдзыс тырвыйӧ тэчӧма джодж-йирк плитаяс, актӧвӧй да спорт залъясын тайӧ уджсӧ эштӧдӧны нин.
Вӧчӧны вевт, нюжӧдӧны пытшкӧсса инженернӧй системаяс, пӧдвалын лӧсьӧдӧны ва мурталан узел, мӧд да коймӧд судтаясын – вентиляционнӧй кӧрӧбъяс, стрӧйбалӧн шуйга юкӧнын пыртӧны уджӧ шонтан системасӧ. 
{Kodko @ Владимир Уйба сетіс «бать-мамтӧм челядь» категорияысь гражданалы выль патераясысь ключьяс @ выльтор @ https://rkomi.ru/news/3417 @ 2023-12-30 @}
Владимир Уйба сетіс «бать-мамтӧм челядь» категорияысь гражданалы выль патераясысь ключьяс.
Кыпыд лоӧмторйыс вӧлі Выль во водзын, ӧшым тӧлысь 30 лунӧ, Сыктывкарын.
Коми Республикаса Юралысь сетіс ключьяссӧ Петрозаводск уличаса «Урман» олан комплексын выль патераясысь.
«Дона войтыр.
Зэв нимкодь сетны ключьяссӧ Выль во водзын.
Позьӧ шуны, мый ті веськалінныд выльвося мойдӧ.
Коми Республикаса Веськӧдлан котыр корсьӧ содтӧд позянлунъяс, вичмӧдӧ ас да кыскӧ федеральнӧй сьӧм, медым кыдз позьӧ унджык бать-мамтӧм челядьлы позис сетны оланінсӧ, да найӧ пондісны овны тыр-бура.
Вонас ми могмӧдам оланінӧн 200 гӧгӧр мортӧс да быд во зілям воӧдчыны ыджыдджык лыдпасӧдз.
Сиа тіянлы шуда, тыр-бура овны выль патераясын, радлун, да, дерт жӧ, медым керкаясын кыліс челядь серам.
Локтан Выль Воӧн!» - чолӧмаліс Владимир Уйба.
Патераяс тырвыйӧ дасьӧсь, найӧс бура дзоньталӧма, эм сантехника да бисянь уджалысь плитаяс.
Олан комплекссӧ вӧчӧма ӧнія технологияяс серти: пыртӧма сідз шусяна «Умное здание» функционал, сійӧ колӧ, медым автоматизируйтны да цифровизируйтны керкаӧн веськӧдлӧмсӧ.
Керка гӧгӧр лоӧны спортивнӧй да челядьлы площадкаяс.
2023 воын бать-мамтӧм челядьӧс оланінӧн могмӧдӧм вылӧ республикаса сьӧмкудйысь урчитӧма 354,3 млн шайт, сы лыдын 45,1 млн шайт – федеральнӧй сьӧмкудйысь сьӧм.
Аукционъяс нуӧдӧм бӧрын Коми Республикаын меставывса асвеськӧдлан органъяс кырымалісны контрактъяс 198 оланін ньӧбӧм вылӧ.
Сыктывкарын таво патераясӧн могмӧдасны 69 бать-мамтӧм челядьӧс. 
{Kodko @ Владимир Уйба юкӧ шог Белгородын пӧгибнитӧмаяслӧн рӧдвужкӧд да матыссаяскӧд @ выльтор @ https://rkomi.ru/news/3420 @ 2023-12-30 @}
Владимир Уйба юкӧ шог Белгородын пӧгибнитӧмаяслӧн рӧдвужкӧд да матыссаяскӧд.
Коми Республикаса Юралыссянь шог юкӧм йылысь телеграммасӧ ыстӧма Белгород обласьтса Губернатор Вячеслав Гладковлы.
«Пыдди пуктана Вячеслав Владимирович!
Коми Республикаса олысьяс да ме юкам шог Белгородын неминучакӧд йитӧдын.
Украинаса неонацистъяс яндысьтӧма да неморт ногӧн лыйлісны карныдтӧ.
Бӧрйисны сэтшӧм инъяс, кытчӧ чукӧрмӧ уна йӧз.
Тайӧ чорыдлун серти вӧвлытӧм акция, мый понда кувсисны мирнӧй йӧз, на лыдын челядь.
Ми юкам шог пӧгибнитӧмаяслӧн рӧдвужкӧд», - тӧдчӧдӧма телеграммаын.
{Kodko @ Владимир Путин чолӧмалӧ Коми Республикаса олысьясӧс локтан Выль воӧн да Рӧштвоӧн ! @ выльтор @ https://rkomi.ru/news/3418 @ 2023-12-31 @}
Владимир Путин чолӧмалӧ Коми Республикаса олысьясӧс локтан Выль воӧн да Рӧштвоӧн !
Россия Федерацияса Президентсянь чолӧмалана открыткасӧ ыстӧма Коми Республикаса Юралысь Владимир Уйбалы.
«Тайӧ шензьӧдана гажъяссӧ ми пыр паныдалам медся бур сьӧлӧмкылӧмъясӧн, сиам ӧта-мӧдлы дзоньвидзалун, олӧмын вермӧмъяс.
Мед ставыс, мый мӧвпыштӧма, збыльмас, а тіянкӧд орччӧн лоӧны матыссаясныд да радейтана йӧзныд, бур ёртъясныд»,- гижӧма шыӧдчӧмын канмуса юралысь.
{Kodko @ Коми Республикаса Юралысь чолӧмалӧ Выль воӧн да Рӧштвоӧн @ выльтор @ https://rkomi.ru/news/3419 @ 2023-12-31 @}
Коми Республикаса Юралысь чолӧмалӧ Выль воӧн да Рӧштвоӧн.
«Коми Республикаса пыдди пуктана олысьяс!
Чолӧмала тіянӧс Выль воӧн да Рӧштвоӧн!
Тайӧ гажъясыс тырӧмаӧсь торъя руӧн, кор быдӧн миян пиысь повтӧг видзӧдӧ водзӧ, мӧвпалӧ, вӧчӧ мунысь во серти кывкӧртӧдъяс да эскӧ, мый став бурыс лоӧ и локтан воас.
2023 во Коми Республикаын вӧлі сиӧма том йӧзлы.
Ми панім том йӧзлы льготнӧй ипотека серти уджтас, выльмӧдім налы инфраструктурасӧ, нуӧдім яръюгыд мероприятиеяс.
Зэв бура колисны Том войтырлӧн мӧд восьса Арктическӧй Дельфийскӧй ворсӧмъяс да «Универвидение» национальнӧй шылада XII проект.
Сьӧкыд геополитическӧй да экономическӧй ситуация вылӧ видзӧдтӧг, ми сӧвмӧдам промышленносьт да видз-му овмӧс, стрӧитам челядьӧс видзанінъяс да школаяс, ФАП-яс да врачебнӧй амбулаторияяс.
Ми бурмӧдам торъя военнӧй операцияын участвуйтысьяслы да налӧн семьяясӧ пырысьяслы отсӧг сетан системасӧ.
Ми отсасям челядя семьяяслы.
Тӧда, мый Семьялы сиӧм воӧ, мый йылысь юӧртіс Россияса Президент Владимир Владимирович Путин, республикаын нуӧдан уджыс нӧшта на сӧвмас.
Став сьӧлӧмсянь ме кӧсъя сины, медым 2024 воыс лоас быдтор вылӧ озырӧн, медым ставыс, мыйӧ босьтчанныд – ваяс тӧдчана бӧртасъяс.
Медым быд лун матыстас Ыджыд Россиялы Вермӧмсӧ, рӧдвуж да матыссаяс дорӧ ловйӧн да дзоньвидзаӧн воасны налӧн дорйысьясыс.
Дона ёртъяс!
Мед выльвося гажъяслӧн да Рӧштволӧн шуда руыс отсалас венны миянлы став сьӧкыдлунсӧ.
Крепыд дзоньвидзалун, тыр-бур олӧм, муслун, шуд, ӧта-мӧдӧс пыдди пуктӧм, Россиялы да Коми Республикалы бур вылӧ уджын вермӧмъяс!».
Коми Республикаса Юралысь Владимир Уйба.
{Kodko @ Владимир Уйба збыльмӧдіс Сыктывкарысь 16 арӧса Андрейлысь кӧсйӧмсӧ @ выльтор @ https://rkomi.ru/news/3421 @ 2023-12-31 @}
Владимир Уйба збыльмӧдіс Сыктывкарысь 16 арӧса Андрейлысь кӧсйӧмсӧ.
«Ёлка желаний» ставроссияса бурвӧчан акция серти том морт кӧсйис паныдасьлыны Коми Республикаса Юралыськӧд.
Мӧвпыс збыльмис Выль во водзвылын, ӧшым тӧлысь 30 лунӧ.
Аддзысьлӧмыс муніс чай юигмоз.
Андрей Панфилов велӧдчӧ 10 классын Сыктывкарса 28 №-а шӧр школаын, а сідзжӧ Вермытӧм челядьӧс дистанционнӧя велӧдан шӧринын.
Сійӧ лыддьӧ уна художествоа да научно-популярнӧй литература.
Прӧст кадӧ снимайтӧ вӧр-ва.
Быдтӧ-велӧдӧ зонкаӧс пӧчыс - Наталья Ивановна Панфилова.
11 класс бӧрын Андрей мӧвпалӧ велӧдчыны программистӧ.
Владимир Уйба вӧзйис сылы пырны Коми Республикаса велӧдчанінъясӧ, медым босьтны бур образование, да козьналіс ноутбук – аскиа программистлысь уджалан инструментсӧ.
Владимир Уйба да Андрей Панфилов сёрнитчисны, мый Коми Республикаса Юралысь отсалас том мортлы пырны велӧдчыны бюджетнӧй места вылӧ П. Сорокин нима Сыктывкарса канму университетӧ либӧ Сыктывкарса вӧр институтӧ: «Бура велӧдчы школаад.
Локтан Выль воӧн тэнӧ, Андрей, став бурсӧ.
Кутам тэныд отсасьны».
*** 
Выльвося гажъяс водзын «Движение Первых» челядьлӧн да том йӧзлӧн россияса ӧтмунӧм нуӧдӧ странаын бурвӧчан акция. Сійӧ лоис нин бур традицияӧн.
Акциялӧн мог – козьнавны радлун пикӧ воӧм челядьлы.
Акциясӧ пӧртӧны олӧмӧ 2018 восянь став Россия пасьтала, сійӧ ӧтувтӧ уна сюрс йӧзӧс, кодъяс дасьӧсь вӧчны буртор.
Быд во челядьлысь выльвося кӧсйӧмъяссӧ збыльмӧдӧ и Россияса Президент Владимир Владимирович Путин.
Акцияӧ вермӧны пырӧдчыны:
• дзоньвидзалунын дзескӧдӧм позянлуна челядь (3 арӧссянь 17 арӧсӧдз);
• вермытӧм челядь (3 арӧссянь 17 арӧсӧдз);
• сьӧкыда висьысь челядь (3 арӧссянь 17 арӧсӧдз);
• бать-мамтӧм да бать-мам дӧзьӧртӧг кольӧм челядь (3 арӧссянь 17 арӧсӧдз);
• гӧля олысь семьяясысь челядь (3 арӧссянь 17 арӧсӧдз);
• торъя военнӧй операцияын участвуйтысь да участвуйтӧм военнослужащӧйяслӧн да (либӧ) мобилизуйтӧмаяслӧн семьяясысь челядь (3 арӧссянь 17 арӧсӧдз);
• челядь (3 арӧссянь 17 арӧсӧдз), кодъяс олӧны да кодъясӧс пасйӧма Донецкӧй да Луганскӧй Народнӧй Республикаясын, Запорожскӧй да Херсонскӧй обласьтъясын.