Азькыл "Лул-сюлэм" тазьы нимасал вуоно сборникме. Лул но сюлэм угось огазеяло адямилэсь лул-вирзэ, кыдато улонзэ, шокан ёзвизэ, возьмато, кыре поттыны быгато шумпотон но керӟег сямъёссэ. Лул но сюлэм пыр кылдэ яратон, ӟечез но уродэз шӧдон, чеберез валан, дуно эшъяськон, улонлэсь эсэпсэ тодон. Ма ачиз со улэп дунне ик улэп лул-сюлэм. Тон солэн огнад кузёез - со тынад валтӥсь кузёед. Сотэк тон буш тырттэм кидыс кадь толъя ӝутӥськод, льӧлялэс адскисьтэм бубылилэн капчи бурд вылаз номыре шӧдытэк лобалод-лобалод но, пыд улэ сӥзьыл ӵужектыса усем куар музэн весяклы бырод, куасьмод. "Лул- сюлэмы" пыр возьматыны тырши сюлэм пыртӥ поттэм чуръёсме. Висён кыль кадь со - чер пушке каръяське, нош таиз - эрико кырӟан гур луыса - кыре куриське. Вордӥськыкумы мугормы лулъяське, Улыкумы сюлэммы жугиське. Одӥг ӧретӥ кошке лул-сюлэм Лы-пуш орсмыса сураське горд сюен. Чидась со лул-сюлэм. Шумпотон-бӧрдонэз но ворме, куректон-кайгуэз но зӥбе, пӧсь- кезьыт пыр андан кадь ортчыны котьмалы быгатэ. Чиданы, котьмае адӟыны кылдэм адями лул. Дунне вылын номыр но весяклы ӧвӧл. Корт гинэ но сыномыса сисьме, куке соку пумаз вуыса лул-сюлэм но жадьыса сузме. Кылбуран кружокамы Милям туннэ кружокмы, Кылан-буран кружокмы. Ми мынӥм матысь сике - Кыз йылын коньы сиське. Кыз улын будэ сяська, Куное коньы васька. Нюлэсмы милям узыр - Сьӧд сутэр, эмезь, узы. . . Милем ваньзэ адӟоно, Адӟоно но гожтоно. Ветлӥськом, чакласькиськом, Учкиськом, кылзӥськиськом, Ми ум поттӥське куара - Ручкамы ваньзэ вера, Кызьы чузъяське сик гур - Со сярысь маде кылбур. Гожъяськом бере сикын, Со "кылбур" уз лу татын. "Сикбур" - сое нималом, Дэмен шӧмзэ веръялом. Коть "сикбур" шу, коть "кылбур", Котьт пӧрмоз ке но "кылдур", Чакласькыны дышимы, Инкуазен эшъяськимы. Валамы, дунне шулдыр, Чеберез ноку уз быр. Ӟеч омырен шокамы Кылбуран кружокамы. Та чуръёс пӧрмизы кылем арын (1998), литературно-драматической кружокмы ужаны кутскем бере. Нырысь-валясь отчы Петунькаысь ӝыны школа гожтӥськиз. Кӧня ке ужам берамы, тросэзлэн катез ӧз лу ни, нош кылизы литератураен тужгес но тунсыкъяськисьёсыз гинэ. Кылбуръёс гожъям сяна, пиналъёс асьсэос ик пӧрмытъяло веросъёс, сценкаос, соосты асьсэос ик сцена вылын шудыны дышетско. 1998-1999 дышетскон аръёсы, кылсярысь, соос сцена вылэ поталлязы кызь кык пол. Школаын но культура юртын гинэ ӧвӧл, ёросысь мукет школаосын но клубъёсын быгатэмзэс возьматӥзы, ветлӥзы удмурт радиое гожтӥськыны. Та ласяньь бадӟым юрттэт сётэ Петунька школаысь администрация: машина но шедьтоз, кружоклэн кулэяськонъёсынызы дырзэ но уг жаля. Нош туэ та ласянь эшшо но умойгес луиз: школа, аслэсьтыз будэтэм картошказэ вузаса, му вӧй поттӥсьёслэсь кык вуж автобусъёссэс басьтӥз но пыд йылазы пуктӥз. Эскеримы ини - ветлыны луоно. Сурон школа милесьтым туж кыдёкын, Пермь область палан. Но, ӧтизы но, отчы но вуттӥз, ява, автобусмы. Мукет школаос но жингыртыло, учкемзы потэ. Ми сярысь кылӥзы, луоз, радио пыр, яке пиналъёслэсь ужъёссэс адӟизы "Инвис" ёрос газетысь. Гажано "Инвожо!". Тыныд но ӵектӥськомы куд-ог нырысь ужъёсмес. Валамон, соос кружокен кивалтӥсьёс кие таӵе уг лыкто, кыӵеен тон соосты адӟиськод али. Котькуд ужъёссэс занятиосын волятоно луэ, котькудӥзлы валэктоно, малы таиз пӧрмымтэ но, кызьы умойгес луысал. Учконо ке, одӥг писатель но ӧз пӧрмы, дыр, солэсь ужъёссэ эскерись, тупатъясь-волятӥсь луытэк. Нош ми понна адӟем карымон луо писательлэн Никвлад Самсоновлэн кыдытэм "Пурга кизилиосыз". Та кибашлыослэсь ужъёссэс ми кружокамы эскерылӥськомы. "Пурга кизилиос" сямен, ми малпаськомы, чеберен эшъяськон улонын уз люкеты. Владимир Котков, кружокен кивалтӥсь, писатель. Петунька школа, Шаркан ёрос. Дуринчиос Сӥзьыл вал со. Одӥг чебер нуналэ мон картофка копаны потӥ. Ӧжыт ужаме бере лопатаям сюй няняськиз. Кенер борды одӥг пол, кык пол шукки - усиз кадь. Нош ик копаны кутски. Кусме шутэтскытыны шуыса йырме ӝутӥ но - Инмаре, интыям ик кынми: йыр вадьсам сьӧд пилем кадь дуринчиос лобало. Огвадес сылэме бере, анае коркась потӥз. Мон бӧрдыса со доры бызисько. Анае валаз бӧрдэмелэсь мугзэ, со но пегӟыны кутскиз. Мон со сьӧры, дуринчиос мон сьӧры. Вуимы колонка доры. Анае, чупырес маке, пегӟон сямен кияз ведра кутыны вуэм. Ву лэзьыса, дуринчиос вылэ пазьгиз. Монэ корка пыртӥз. Нош ачиз гор-р серекъя. Кӧня ке улыса, синучкон сётӥз. Отысь мон шоры кык сюро нылащ учке. "Я, нылы, бызьытозяд бурмоз ай", - серекъя анае. Кыӵе бызён, ӵуказе нырысетӥ куарусён ук! Вордскем гуртэ Ой, мусо Петунька! Гурезяд, сикъёсад Мон шудӥ, бызьылӥ. Чебересь сяськадэ Зынъяса мон ветлӥ. Мон тонэ утялто, Ӟеч кылъёс мон шедьто. Чебересь малпанъёс Мон тыныд чильпало. Ой, мусо Петунька! Мон усьто но пото Улонэ капкатӥ, Тон сярысь верало, Ветлыкум котькытӥ. Люба Широбокова 5 класс. Гужем Бакчаез утялтӥсько, Эмезяны ветлӥсько. Тыметын пыласькисько, Мугорме кыдатӥсько. Эшласьки котьма ужен - Тэк уг пукиськы гужем. Настя Каштанова, 3 класс. ТулысЯратӥсько вал мон толэз, Нош табере - вож тулысэз. Макем шулдыр таиз вакыт, Макем чебер, макем югыт! Артысь садын уӵы чирдэ, Ульча кузя ву жильыртэ, Шунды ӧте ни шудыны, Ана - урок дышетыны. . . Тулыс бӧрсьы гужем вуоз - Соку шутэтскыны луоз. Дима Байсаров, 4 класс. Вукуар Вкуар ӵуж. Чебер со туж. Мон сое уг ишкаськы, Мон сое уг ӵыжаськы. Кин-о чеберез ишка? Кин-о чеберез ӵыжа? Алексей Пудов, 3 класс. Сяськаос Возь вылысь сяськаос, Чебересь ик соос! Туж пӧртэм буёло, Ог-огзэс уйыло! Возь вылтӥ мынӥсько, Шудэмзэс учкисько. Учкыса кӧт уг тыр - Тӥледын туж шулдыр! Ольга Фролова, 5 класс. Ккучапие но агае Кучапие чиляк сьӧд, Учкыса уг тыры кӧт. Возиськомы думыса, Медаз пегӟы шуыса. Думетын бен жаль ик но - Пуныослы чидано. Пунылэн одӥг ужез - Возьмано дорез-юртэз. Веранъям лыктӥз тодам Агае но вань мынам. Со ноку гуртын уг пук, Шедьтыныс е туж шуг. Пегӟе - ужато монэ. Думоно шат агайме? Медаз пега кыдёке! Ольга Федюкова, 5 класс. Мак сяська Гужем ке вуэ, Укно улам пиштэ Ӵуж горд мак сяськае. Учкисько но паймисько: Кыдёке ик со пиштэ! Марина Пудова, 3 класс. Пичич Вовик Пичи Вовик туж взаь султӥз, Ымзэ-нырзэ со пылатӥз, Йырзэ сыназ, чайзэ юиз Но йыг-йыг школае мынӥз. Соку тодаз лыктӥз солэгн: Туннэ арня нунал вылэм. Саша Безрукова, 5 класс. Атас но курег Вазь ӵукна атас кеськиз: - Ко-ко-ко, ко-ко-рико!Сенигысь курег васькиз: Лыктӥсько ни, лыктӥсько! Вовалэн выль дэремез Вовалы выль дэрем Басьтӥллям. Ой серем ук, серем Со милям! Ульча кузя Вова Питыраз. Бирдыосыз, ява, - Тыбыраз. Роман Евсеев, 5 класс Сизь Сизь мон, сизь, Мон сикын улӥсь. Писпуосты черлэсь эмъясько, Кокак-кок! Кокаськисько. Мӧляе мынам горд-горд, Нош ныры мынам юн корт! Мон ужасько йырыным - Эмъяськисько нырыным. Алина Сосновских, 5 класс. Тол Тол вуиз. Кезьыт педлон. Лымыен мынон-ветлон. Туж секыт луиз ини, Лопата кутӥз Мани. - Азбарез ке утялтӥ, Капчиен ветло отӥ. Катя Безрукова, 3 класс. Сяська Мон мерттӥ чебер сяська. Малы ке нимай "Васька". Мон сое утялтӥсько, Яратӥсько, гажасько. Коӵышез кадь вешасько, - Ныр бордам йӧтске ке со. Палэнысен мӧзмисько, "Васькае" сыӵе мусо! Володя Широбоков, 5 класс. Мел Мелэным гожъяськисько, Тӧдьы пусъёс кельтӥсько. Суреда мелэ усто, Мон понна тырше ик со! Но тани Шӧдтэк шорысь Вуиз коттэм ӟустари. Ӵуштыр-паштыр со ветлӥз, Вань гожъяськемме ньылӥз. АлёшаКотков, 2 класс. Азьло ик ке адӟысал. . . Туж мусо, туж етӥз, Туж кескич мыняськод. Паймисько, мар меда, Лулпушкад возиськод? Припев: Азьло ик ке адӟысал, Азьло ик синмаськысал. Азьло ик мон сюлэмдэ, Ас палам берыктысал. Со туж пӧсь ымдурдэ, Жальмаса чупасал. Кисьмам узылэсь кадь, Мон шӧмзэ веръясал. Припев: Валалод-а монэ, Кузьмалод-а астэ? Палэнтӥськид ке но, Выжыкылме утё. Припев: Шыпыт уй тӧлъёс пыр, Шыпырто мон нимдэ. Син азям огдырлы, Пуктыло тусбуйдэ. . . Ой, кыӵе тон. . . Ой, кыӵе тунсыко, тон умой, Учкыкуд пальпотӥсь синмыныд. Ой, кыӵе тунсыко, тон умой Мон бордам йӧтыкуд киныныд. Нош ачим йӧтскыкум киосме, Мугорме пырпотэ тылсиед. Мылкыдме бурдъятӥсь шунытэд,(со сиед) Югдытэ палдургес улонме. Сюлмыныд ке шӧдӥд, тон, иське, Ваиськод вормонтэм бадӟым шуд. Сыръяське улонэ, чильпаське, Мон дорам огдырлы вуыкуд. Вешаськись, веттаськись улон ӧр, Ой, кыӵе пальккаське мур коже. Шапыксэ ке но веръят уй тӧл, Кыдаты мынэсьтым кужымме. Отӥ - татӥ Отчы - татчы, Кинлы кытчы, Милемлы татчы, Кинлы мар Милемлы куар "Инвожолы" туэ - 10 ар! Кучыран Юри. Мон понна "Инвожо" - лул дунне, Со сыӵе ик паськыт но пумтэм, Со сыӵе ик кужмо, валантэм. . . Я тӧлъёс котыраз шулало, Тудвуос ӧрысьтыз потало, Кезьытэн кышкато лек толъёс, Мылкыдэз кортнало лек кылъёс. . . Нош уг сётскы, уг сётскы сюлэм, Выльдӥське инвожо толэзен, Сайкатэ, мальдытэ, кудӟытэ, Лул пушез чылкытэн тырмытэ! Нош туннэ - Мон тыныд усьтӟсько сюлэмме, Гажано "Инвожо" журналэ, Дас арзэ тон пиштӥд, паймытъяд, Дас арзэ эшъёстэ котыръяд. Мед тырмоз кужымед, журналэ, Дуннее вӧлмыны дауре! Светлана Любимова. Шумпотӥсько таӵе чебер но удмурт калыклы кулэ луись журналмы вань шуыса. Озьы ик шумпотӥсько, егитъёсмы ӵемысь гинэ редакциямы вуыло: куд-огез ужъёссэ возьматыны, мукетъёсыз гожтӥськыны, яке - кыӵе ке но юанэн, визь-нод, дэмлан куронэн. Озьы ик шумпотӥсько, "Инвожоын" егитъёслэн творческой кружоксы ужа шуыса. Сое редактормы, Пётр Михайлович кылдытӥз. Ма бен, азьланяз уката но мед пушъёз "Инвожомы", гожтӥськисьёсмы эшшо но трос мед луозы. Шуд но тазалык, задор, капчи мылкыд тӥледлы, гажано лыдӟисьёсмы! Пыралэ ми доры, милям тӥ понна ӧсъёсмы но, сюлэмъёсмы но усьтэмын! Ада Диева. Лул-сюлэм Любовь Тихонова Удмурт нылкышно Сайкытлэсь но сайкыт синъёсыд, Муспотон пальышась ымдурыд. Чеберед но, визьмыд но уно, Вирэсрлы тон, удмурт нылкышно. Мылкыдыд но тынад туж шуныт, Сюлэмад ӟырдытэз но тырмыт. Лыз инмысь пӧсь шунды кадь дуно, Сабырлы тон, удмурт нылкышно. Чильпасько, керттӥсько киосыд Учкиськод - серекто ужъёсыд. Кырӟанэд котькытын но куно, Ушъямон тон, удмурт нылкышно. Чагырлэсь но чагыр инбаммы, Мед вордскоз на шудо нуналмы. Со понна, ой, кӧня тыршоно, Тодӥськод тон, удмурт нылкышно. Киямы ке туннэ нунымы, Озьыен, сяськая улонмы. Ма быдӟа тон кузё, паймоно, Шӧдӥськод-а, удмурт нылкышно. * * * Льӧль инбам пушкын Льӧльыра сюлмы. Капчи тол кузя Мугоры лэйка. Векчи вай вылын, Ӟечыра кужмы Бубыли сьӧры Йыромем лулы. * * * Выро-гопо Улон сюрес Гозы кадь позырес. Шимес сильтӧл Пужит пельтэ- Оло, монэн со нюръяське? * * * Куддыръя быдэсак инсьӧры ышисько, Зор бере кадь капчи шокаса. Пеймытлэсь курдатэк ӝомалын юмшасько Валантэм дуннеен урд-лулме герӟаса. * * * Кулӥ ке тон лыкты дорам шайвылэ. Номыр но эн нуллы, эн вай мон вылэ. Эн кисьты вылам курыт синвудэ, Шӧдӥ ке тырмоз- чильпырась вужердэ. * * * Шудо-а, шудтэм-а - вордски но улӥ- Вӧзам эш понна пиме будэтӥ. Шапыкен- одӥген шуд пыры бичалляй Сое жалятэк калыклы кузьмалляй. * * * Вутурын сямен бинисько бордад Лысвуо бамдэ бӧрдыса мисько. Шунды си выллем сюлэмад мертчо, Мар вал уродэз - ваньзэ вунэто. * * * Кинэ возьмай, утчай та улонын Ой пумиськы зэмос яратонэн. Йыромыса лемлет-льӧль дуннеын Огнам йырам уяй лыз зарезьын. * * * Зарни чорыг вӧзтӥм ик ортчылӥз. Огпол ке но йӧтоз кадь потылӥз. Синпӧртмасе кескич кырмыштылӥз Монэ ялан шудон со карылӥз. * * * ХХ-тӥ даурысь мукетаз дауре выжисько. Вамышме чакласа, лыдъяса мынӥсько. Шонер-а ортчи улон сюресме - Шедьтӥ-а меда татын мон асме. * * * Уг лу кӧламе уйёсме Ӵукнаозь бинисько мӧзмонме. Нуназе югытэн сэрасько бугорме- Тон доры пырасько лушкемен. * * * Шузимем кадь йыры шупулэсь но берга. Сюлмылы матынгес дор палъёс но Пурга. Щаугетӥсь нюлэсъёс уй-нунал шыпырто, Мӧзмонэз,дыр, соос котырысь палэнто. * * * Марлы-о меда мон таӵе Ас шудме валатэк лёгасько. Сьӧлыке куриське кыӵесэ. Эзелен ӵош артэ ветлӥсько. Кулысал ке капчи лулӟысал Куректон-кайгулэсь мозмысал. * * * Малы мон асме Воргоронлы ултӥяны Сётыны кулэ. Сыӵе ик мынам но Дуно улонэ. Лек кыл мыжыклэсь секытгес Сюлмам со пыдло мертчиське. Мыжык нош эшшо но вӧсьгес, Кырын со - ваньмыз адӟиське. Малы ми, малы кышноос, Эрик сётӥськом пиослы. Картэн кышноен тушмонъёс. Уг лу оскыны кульчолы- Бӧрдон, жугиськон, керетон, Сыӵе-а луоз нылпи будэтон? * * * Бӧрдыны но шуо кулэ быгатыны Тыраз тымиськем кайгуэз кырыны. Сэректэм сюлэмез синкыли буйгатоз Уродзэ ӟеченыз сураса ӵошкатоз. Уйёсы лушкемак пуш-лулы викышъя. Чалмытын кышкасько бӧрдыны мон шара. Лул вадьсам вужеры тыл сямен куалекъя Бӧрдон синвуэн пуш кырӟа но вера. * * * Секыт ныпъет тыбырам Вормыса но вормытэк сое Весь нуыны турттӥсько одӥгнам. Ӝужыт куашкась ярдуретӥ Чакласькыса лёгаськиськылӥ Саклэсь но сак ортчи меӵ гурезьтӥ. Шимес йӧ-зор кӧня жугиз- Сюло ӧз чида вӧсезлы Кортнам шудме тулкым пазьгиз Кинлы? Малы? Малы? * * * Тӧдьы ӝоккышет лушкемен вальыса Мон роза пуктӥ вунэтэм чаркаям. Ӝуась сюсьтылме гадь бордам ӝиптыса Выльысь тусбуйдэ син азям пуктӥсько. Шудо мон али- Бам вылтӥм зор шапык, оло нош ваське синкыли. Синъёсыд мылпттэк мынекто- Садысь ӵуж куаръёс асьмелы шыпырто. * * * Ортчиз-а, ӧз-а даурез- Но. . . пилиськиз, быриз тэркы. Сӧриськемлэн вань чеберез Куддыр кыле сюлэм пушкы. * * * Уг адско, Уг будо лудын Гурыё лулпуос. Гурт пумысь Шур дурын Чал сыло востэмъёс. Вашкала сямъёсты-а меда Пыӵато асьмелы?.. Сопал дуннеысь калыкен Возё одӥг кыл кадь соос. Улэп алыкъёс кӧлыку, Лулмес, дыр, утё лулпуос. * * * Нимы мынам Яратон. Нош кыӵе меда луэ со яратон? Тубыны луонтэм меӵ яр-а тон, Бурмыны валасьтэм яра-а тон? * * * Пинь улам гизьыртэ вож палэзь, Вуымтэ-кисьмамтэ на - гырезь. Пӧрмысал, дыр, солэсь чебер весь Уг пот мылкыдзэ сӧреме эшелэсь. * * * Вожъяськонлэн, пе, пумыз луэ. Огез учке сайкыт синмын Быгатэмез адӟе ӟечен. Аламаез - тыбыр сьӧрын Кас сюлэмо уй синъёсын Лек вожъяськись вожомыса Коӵыш кадь пуриське. * * * Зор бере вуюись лэзиськиз шур вылэ Нош мон дасясько вырйылэ. Со чебер кисьтӥськись буёллэсь Сузё мон аслым чыртывесь. Шӧдсконтэм буртчино сӥньыссэ кыскаса Кышет мон тыныд пужъято. Тусбуйдэ, гыдыке, малпаса Вуюись вужерез пӧрмыто. Мед луоз со тыныд но мыным Шуд ваись. * * * Уйбыт ӧз дугдылы, ӧз Ас эрказ Урмем тӧлпери вузэмысь. Шимес бералляз но куасаз Кожа, погырто пыд йылысь. Лек сямзэ возьматӥз- Шокыштӥз Мертаз вормонтэм кужымзэ. Тузонзэ вылӥе пурӟытӥз, Лобась луоез но пельтӥз кыдёке. Зуродысь турынэз но инмозь ик ӝутказ Котырак со пазяз но турказ. Ачиз ик буйгаз ӵукна пал Сайкыт югытлэсь, дыр, кышказ. * * * Дыдыклэн лыз-буртчин бурд вылаз пуксьыса Ин сьӧры кыдёке, зарезе вуылӥ. Со бӧрсьы мон ачим но мусо гурласа Жадёнэз шӧдытэк уез уйбыт ветлӥ. Валантэм шаере вуттылӥ дыдыке, Туж матысь выжыме мон шӧдӥ малы ке. Сяськаос нёжмытак асьсэос ик чирдо Бурдоос монэн ӵош шуныт зор кадь бӧрдо. Дыдыклэн юг-чылкыт бурд вылаз пуксьыса Ин сьӧрысь мон берен ӵукна пал берытски. Толэзьлэсь вужерзэ утчаса йыроми Ӟардӥсь шундыен нош ик мон пумиськи. * * * Эш ке тон- Эн чепылля. Сюлэмме эн пыргыты Кей сямен ватӥськыса Лушкемен эн йырйиськы. Вера синмам малпандэ- Кушты, кушты лек шидэ. Ымдурыд пальыша ке но Синъёсыд кезьытэсь. Мар тынад сюлэмад Отчы пыратэк Вераны тодод шат * * * Городын ӝужытэсь коркаос Огвыллем ӵышкемын коркаос. Омырен сураське завод ӵын Окыт но, ӝокыт но татын. Асфальтэн шобыртэм сюресъёс Зӥбетлы чидатэк лулӟыло. Курдаса лобало бурдоос, Вай вылын ӝож гурзэс кырӟало. Калыкез валантэм та карын Кытчы ке весь дыртэ но дыртэ. Жадьыса уйжомиз ни йыры Ку, анай, тон доры мон берто? Тон али ,дыр, берозь ппукиськод Гуредлэсь быремзэ возьмаса. Нылыдлы шуныт пӧзь керттӥськод. Сюлэмад мӧзмемме малпаса. Шаян тол укнояд йыгалоз Тонэныд лушкемен шудыса. Кудмы ке но бертом шуыса Тон кема ульчае учкылод. * * * Ӝытбыт пӧлэстӥсько ни бугорме. Тани, малпасько, мыто, мыто ни пыдвылме. Шат ишанэз-а сэрттэ вань кужымме Берен мон бинисько кузь бугорме. * * * Гурме эстыны вырисько, Уг кенжы, ыльпу, дыр, тыри. Весяк ик тазьы турскисько- Гыбдась пуосме пеллясько. Вӧлске лызалэс секыт ӵын Синмез вандыса ик куштэ. Гыбда но гыбда сэрег пум Йыркур уката зол пуштэ. Быриз ни тылшыр, бумага Коркан кезьыт тол нош поръя. Ӟигар бырыса лул-вир ик коска Кынме мугоры, зубекъя. Акшан кемалась ни ортчиз, Дунне пеймытэ ватӥськиз. Гомаз ук, гомаз ыльпуэ- Ӵукозь коть шунскоз коркае. * * * Кезьыт толлэн Ненег тулыс азьын Малы уг лу сётскемез? Дугдылытэк пужнэ тӧдьы лымы, Ачиз шуна, уг пот ченгешемез. Ватӥськыса туж шер пота шунды, Капчи нунал вуоз, вырӟоз тудву Изись музъем но сайкалоз соку. Шумпотонлэн пумаз ноку уд ву. Эн вожалэ юнме, вормоз гужем. Куке берло вуоз зарни сӥзьыл. Озьы, озьы уго ни кылдэмез Сюресмылэн медаз луы пумыз. * * * Ой, кулэ ке ӧй лу калыклы Пуныез кадь, вылды, куштозы. Сиыны сётозы качам лы Оло нош боды пум мычозы. Азбараз но уз лэзь ни кузё, Мӧзмыса мон вузо но вузо. Урамын ветлыса-ветлыса Юн вӧсьмо эшъёсме утчаса. Ватӥзы ке монэ эшъёсы, Капчияк понназы шокчозы. . . Мынм кизилие Киысьтым сюсьтылэ быре ни ӝуаса, Горд тылыз гинэ улэ на гомаса. Берпум сюрессэ со озьы ворекъя Сутӥсь синкыли пыр, мискинь, Серекъя, Ворекъя. . .. Кысэмез потытэк дырекъя. * * * Борддоре ошемын син азям Дэралэсь вашкала куэм дӥсь. Песяе синпельлы, пе, дасям Вож айшет, шорт дэрем, пичи визь. Ӝыт акшан вакытэ, огдырлы Пырасько вашкала дауре. Песяе ӧтьылэ ӝамдэлы куное Мӧзмытгес, дыр, отын песяйлы. * * * Уй-ӝомал лэзиськиз городэ Каръяськиз сьӧд ӧзмон сюлэмам. Тулкымъёс вуттӥзы кадь гуртэ Шӧдӥськод вужерме, анае. Уй толэзь югытэн пырисько Чупасько шып вӧтась ымдурдэ. Вож нуны мон - вӧзад выдыса Мӧзмыса, Бӧрдыса, жадьыса Ӵукнаозь ум пушкы выисько. Уназе ке зӥбе мӧзмон кыль Шунды си мон соку луисько. Малпанам, мӧзмонам выйыса Анайлэсь тыбырзэ шунтӥсько. * * * Мон кылбур ке гожъясько Монэ пӧртэмгес кожало. Мон сыӵе ик Ваньмыз кадь ик Чылкак, воксё огшоры. * * * Кулэме потэ сьӧд -пеймыт нюлэскын. Чик нокин но медам лу отын. Дугды ай, шурали, Тон эн басьты лулме Мон ачим, мон ачим ик шедьто сьӧд кыльме. Кӧшкемыт но, кышкыт но ӧвӧл ни мыным Ас понназ шаугетэ сьӧд нюлэс. Сюлэмы капчия, выжые, дыр, кыске Пиштӥсь югытэ - кысэмын. * * * Соин, дыр, мон шудо Шудтэм монэ шуо. Шудтэм кожлэн ӧраз Улон ӵем пылатъяз. Люгы сяська мында Мынам ныл чебере Йылсо венё меда Малы со вӧсь каре. Шудтэм монэ шуо Соин ик мон шудо. Шудэ ялан пожа Шонер ӧрысь кожа. * * * Инметӥ лобыкум Бурдысьтым тылые ишкалскиз. Воселы чидатэк бӧрдыкум Сюлмысьтым маиз ке но чигиз. Шумпотӥз вӧзысьтм юлтоше Лябӟемме адӟыса но ӧз учкы мышсэ. Со улэ но, вылэ но лэзькиз- Эркынак туж паськыт шоналскиз. * * * Мон чорыг Паськыт но мур ву кожетӥ Йыромыса уясь чорыг. Чилясь буртчин кыске дораз - Ву турынэ биниськисько. Чорыг уллё нуэ сьӧраз Ярлэн дураз шуккиськисько. Мон огшоры векчи чорыг Вулэн кузяз мон уясько. Шунды силэн югытэзъя Выль нуналме пумитасько. * * * Пужым вай вылын веттаське лулы. Бергась тӧл сямен пӧроме йыры. Нуналлы быдэ весь кикы силе Бинем бугоре пичигес кыле. Уйлы ӝуатэм сюсьтылэ лябӟе Мылыз потытэк шорам серектэ. Мыным шӧдсконтэм лушкем ворекъя Берпум часъёссэ кырӟа мискине. * * * Горд ӵыжыт палэзьлэсь Сузьыло чыртывесь. Мон быръё мылкыдъям - Вож кызьпу гурылэсь. * * * Яратӥсько шуныт зорез. Ӝомо-югдо сӥзьыл куазез. Ӵуж куар усе, усе берга Кинэз меда сюлмам йыга. Я бер шедьтэм яратонэ Чырс гумылэсь кульчо пунэ. Синмез кыскись вуюисез Тодад ваёд на гужемез. Яратӥсько шуныт зорез. * * * Чыртывесе киськиз- Ӧй шедьты ваньзэ бичаны. Мырдэм чыртыям со тырмиз Шуггес табере итыны. Бырттӥсько ке вӧзаз мукетсэ Ыштэ вуюись кадь туссэ. Уг поты сое ватэме шыкысэ - Тынэсьтыд кузьымдэ, гажанэ. * * * Лыз сяська, Лыз синъёс Кудӟытӥсь ымдуръёс. Лыз инбам, Лыз возьвыл - Лушкемак чупамъёс. Лыз кышет, Лыз айшет Со тынад кузьымед. Лыз ошмес. Лыз инвис Мон шоры учкемед. Лыз дэрем, Лыз малпан Тон кылид йырвизям. Лыз сяська, Лыз синъёс Яратӥсь... сюлэмам. * * * Горд ке но, Чебер ке но палэзь Сиыны кышкасько чырсэзлэсь. Быдэс сузь мон сон бичало, Чыртыям та весьме сузьыло. * * * Вуюись сьӧры меда Ышемын лулы? Йыромиз, оло, шудтэм, Ӵуж сяська пӧлы? Шур дурын шашы будэ Бадьпуос сыло Тюрагай лоба лудэ - Мӧзмыса оло? Шу сяська пӧлы меда Выемын шудэ? Пал тури сямен ялан Со утча парзэ. Сюрелась ӟеген сура Мертчан йырсиме. Ӟольгыри кариськыса Бурдъёссэ шона. * * * Тодымтэ дуннее выисько Льӧль-буртчин кӧкыын лэйкасько. Одӥгнам кылисько улонэ Валантэм, дыр, аслам адӟонэ. Кылбурен чуръёсме пужнӥсько Вуозы-а меда калыке? Зор шапык интые пазьгисько Туж матэ Оло нош кыдёке. * * * Огнад кылид ке улонын - Тон пал дурес, куртчем мылес, Ӝыны улмо кадь пилемын Лызэн-вожен ӵош сурамын. Тонэ ӧвӧл ни синйылтӥсь Корккетӥськод куасьмем садад. Чурыт муын уз улӟы тысь Шуныт, небыт луэ шат ад. * * * Сюлэм бӧрдэ, бӧрдэ сюлэм Ӵындэ кысэм-котмем ӝуэн. Чигем-палдэм писпу вайлэн Сяськаосыз куасьмо вылэм. Сюлэм бӧрдэ, бӧрдэ сюлэм Монэ шуо ини лултэм. Тулыс шунась сулеп лымы - Суро-пожо та кусыпмы. Сюлэм бӧрдэ, бӧрдэ сюлэм Писпу уг луы выжытэм. Эгесэзтэк куашка вышкы. Сюлэм венен эн бышкы, эн! Сюлэм бӧрдэ, бӧрдэ сюлэм Малы монэ шуо лултэм. * * * Синучкон уз алда, уз Ваньзэ шонер возьматоз. Нокытчы уз пыры тус Мар ке вань - отчы потоз. Коть сое тон тышкаськы, Пӧсьтытозяз ӵушылы - Ӧчкарыса яркытгес Возьматэ со ымнырмес. Сьӧлыктэ уз тупаты, Вождэ мар ваёд солы. * * * Куто но тэтчо тыл пушкы Сутскыса быремын ни пушкы. Мар сётоз на гыбдась сэрег пум Вуэмын, адӟиське ни со пум. * * * Пыд йылысь погыртымон Тол пери шула. Кезьытэз пыр потымон Шунытме тала. Векчи зор пушнер сямен Бамме кужектэ. Дыр-даурзэ шӧдытэк Сяськая кенэм. Толэзен ӵуж шундыез Уй куазен сурай. Ворекъясь кизилиен Пилемын уяй. * * * Зор тон зор, тулыс зоре, Гылты толлэсь бервылзэ. Ожо потэ кыр гуждоре Бадьпу кузьма ӵуж пучызэ. Вож буёлзэ пазьге тулыс Бычыяло кечсин, колыс. Пӧсьсэ уг жаля шундые Бамам кӧня ни пужые. Жальыр-жальыр бызе тудву Шу вай вылын шырчик кырӟа. Векчи ньӧрзэ шона кызьпу Эш карыса монэ иса. * * * Зор-а меда туж секыт Лэзиськем пилем. Шоканы уг лу - ӝокыт Мылкыдме шори пилем. * * * Ул но ул вал та чебер но югыт дуннеын. Одӥг пол сётӥськись чечыё вакытын. Оломармы уг тырмы - ялан тэргаськон. Ог-огмес чиданы луонтэм чепыльтон. Ма ваньмы асьмеос агай-вын-сузэръёс Вашкала выжымы туж муре пыӵамын. Асьмелы ӟеч улон, шуд сӥзё пересьёс Нош малы сюлмамы лек шиос мертчемын. * * * Ульчаын кезьыт Вожомем толо-жоб пелляське. Нош мыным туж шуныт Каньылля корт гуре эстӥське. Тумошо кезьыт тол лекъяське Йыркурзэ вормытэк Езъёсты чепылля. Векчи писпуэз музъемозь някыръя Уг вормы монэ, нош йыга укноям. * * * Шудо муртъёс уг гожъяло кылбур, Шудо муртлы озьы но шуд но бур. Йыромыса уг ӝутскыло инме, Пилем сьӧры уг ышыло юнме. Шудо муртъёс бус-ӵын пӧлтӥ Бинё меда шуд-бугорзэс? Алдаськыса шур ву вылтӥ Уг лёгало соос сюрес. Шудо муртлы я из, я бур Чик нокыӵе уг пот кылбур. Шудо муртлы семья, ваньбур Кылбурчилы ялан кылбур. * * * Черсӥсько черсӥсько Мӧзмон нюжаме. Бинисько, бинисько Чидан бугорме. Керттӥсько, керттӥсько Яратон чильтэрме Со вотэс кадь басьтӥз ни быдэс улонме. * * * Янгышен, оло, шай Лыз инме льӧль буёл кисьтӥськем. Пичи дыр дэремме мон отчы наштаськем. Ой, ой оскы Уйвӧт, дыр, ваньмыз та кожай. Киосы сузьытэк асме мон вешай Мусо пальыша шорам пичи ныл Зэмзэ-а ачим со, оло выжыкыл. * * * Векчи зор бам вылтӥм синкыли кадь ваське. Юромо шат меда ымнырме со миське. Лек пушнер пульсамон мугорме чепылля Езаллям лулсэрме ӵушкаса исалля. * * * Кызьпу пӧлтӥ юмшасько. Тонэ Есенин адӟисько. Чылкыт, югыт сюлэмыныд Тон сётӥськод мыным мылкыд. * * * Быдэс улосэ чузъяське удмурт гур Котькуд семьялы шумпотон тон, "Ингур". "Ингур", "Ингур", Лобись бурдо музэн Лыз инметӥ кадь уяськод. "Ингур", "Ингур" Сӥлы-бурлы вань калыкен Ваче кусып тон возиськод. Муспотон куараен веттаське льӧль "Ингур", Тон понна вордӥське выль но выль чебер чур. "Ингур","Ингур, Возь выл сяська сямен Кыӵе йӧно тон адскиськод. "Ингур", "Ингур", Ӵуж тылсиё марӟанъёсын Кыдёкысен ик пиштӥськод. Капчи но задор мылкыдыд юлтошмы, Тонэ кылзыса узырме улонмы. * * * Бӧрдыса буйгасько Капчия лулсэры Йырсазьы умойгес сазьтӥське. Сюлэмы дугдонтэм викышъя Викышъя Вылез адӟонэ солы кырмышъя * * * Сьӧдэктэм лымы - Гужа сюлэмы Кема ик ӧвӧл тэшканы ёзвилы. Тол вузэ но пельтэ Чидантэм со кынтэ Секыт ик ӧвӧл чигыны ньӧр-вайлы. * * * Ӧръяське тудву Гадь пушкам сурсву. Яратон туген биниське лулмы. * * * Кытысь мар ке кылдэм та висён кыль Вань кужым-ӟигарме тыл пушкын ӵушкатэ. Уг, уг юа мӧйы-а, яке егит ныл - Арлыдэз чаклатэк пыд йылысь погыртэ. Лушкем яратон Мед ӝужалоз яркыт шунды, Турын вылысь лысву толӟоз. Оло нош вань пичи шудмы, Бадӟым шудмы, оло, улӟоз. Мед жильыртоз азвесь гурен Пужым ягысь юзмыт ошмес. Вераломы синмысь синме Сюлмысьтымы малпанъёсмес. Чыртывесьлы чилясь марӟан Бичаломы шулдыр садысь- Мед вордӥськоз чебер кырӟан Лушкем яратонмы сярысь. Мед пиштозы кизилиос Пеймыт уез югдытыса. Валчеясько кык сюлэмъёс, Тажан тылын гомӟытскыса. * * * Пазьгиськем кизилиос Вылӥын ке но, Сузьтӥськисько. Одӥген-кыкен Айшетам бичасько. Ворпо чебер вуюись Кыдёкын ке но, Сузьтӥськисько. Турлы пумо лентаен Йырсиме пунылӥсько. Лыз зарезьлэн тулкымез Лыдъянтэм ке но, Шӧдӥсько, Нош бичаме уг лу сое Соин мон бӧрдӥсько. Тодэмды потэ ке... Бурдоос кадь лобӟо ньыльназы инметӥ Кытӥ ке но оген; кытӥ ке ваче ки. Учке, учке вылэ, вылэтӥ Кин лобӟе? Ашальчи со - Оки. Кутянова, Романова, Чернова Герасимова Алла Кузнецова. Сӥзьыл пал туриос кадь ӝожмыт гурлало Толалтэ горд гадё шушылы пормыло. Вазь тулыс пыласько уӵылэн гуреныз Гужемзэ выемын яратон зарезьын. Кутянова, Романова, Чернова Герасимова Алла Кузнецова. Вуюись кадь пӧртэм буёлэн воректо, Ваче ки кутӥсько но - жинграк серекто. Выль кылбур тугоко, черты весь но сузьё Нош Оки апайлы ӟеч сюрес кадь сӥзё. Кутянова, Романова, Чернова Герасимова Алла Кузнецова. Возь вылысь Ашальчи сяськаез бичаса Нош ӝутско, вылӥе пилемозь уяса. Яратон тылгизьы музъеме пазяло, Гожтытмтэ кылбурзэс ньыльназы кырӟало. Кутянова, Романова, Чернова Герасимова Алла Кузнецова. Ӟырт кезьыт толалтэ кырӟалляз ке шырчик Мар солы паймонэз на, эшъёс. Нош кырӟа асьмелы, нош кырӟа Ашальчи Дорамы вамышто ньыль нылъёс. * * * Ум йылтӥм шара вераськисько, Адӟисько: инмын кадь лобасько. Ӧжытак бӧрдэ кадь йырсие Мӧйыгес луэм ини пие. Мон ӧвӧл, ма тон ук со песяй Куарадэ малы аслам нош ик кожай. Озьыен, пие мынам со атае Зэм, мынам со Каля выжые. Чакласькод, иське, тон , песяе, Эскерем ялан-а кариськод? Оло лек умме усеменым Йырвизьме тон сокем сынаськод. Ум йылтӥм шара вераськисько Маркоез но, Каляез но адӟисько. Югдытӥсь сизы тон азьпалан- Тон понна, пие, тае мон верасько. * * * Выль гожъям чуръёсы чигиськизы. Кужыме омыре пазьгиськиз. Кылбурме но ӧй ву йылсаса Мылкыдме лек шайтан, дыр, нуиз. Вукарнан олокытысь вуиз Бурдъёсаз итылӥз на урдме. Сюлмы нош куре на кырӟан Татчыозь ӟоз нош лушказ ӝож лулме. . * * * Гожтэтэ тыныд куспетӥ луиз Та гожтэт интые Та куасьмем сяськаме Келяло тыныд, но эн вайы вождэ. * * * Тон понна быдэсак возьвылэ Италмас сяськаез кизьысал. Хризонтема, шуо, чебергес Оло нош со пӧя синъёсмес. Нюлэскысь намерез бичаса Ой, тыныд мон сое кузьмасал. Весь берттод чыртыяд, гажанэ, Асьмеды герӟалод огинэ. Льӧмпу сяськаян вакытэ Юсьёс пуксизы тыметэ. Бурдъёссэс паськытак вӧлъяса Азьлане лобизы шуыса. * * * Тусбуед азям Вордӥськем гуртэ, Вуж атай юртэ, Садо ульчае, Дуно эшъёсы. Гурт шортӥм бызе Жильртӥсь шуре. Котькыӵе дыре Тон, чебер, доре. Вож буртчин выллем Тусбуед азям. Кезьыт тол вуэ Пӧсь гужем кыле. Пичи дуннее Мусо мемие, Корка вӧзысьтым Мӧзмись льӧмпуэ. Кытын ке, вылды, Вань мукет шуръёс. Кытын ке, вылды, Лулӟыло пиос. Ой, шулдыр гуртэ Мылкыдме ӝутэ. Кыдёкын ке но, Ас дораз ӧте. * * * Вамыш бӧрсьы вамыш лэсьтэ пичи пие, Будэ, Усе, бӧрдэ - ачиз султэ Уг куриськы со мон кие. Иськем бӧрсьы иськем лэсьтэ. * * * Дырекъясь сюсьтыл кадь сюлэмы кышка. Яр дурысь луо шат пыд улам куашка. Кузьмаськод мыным тон ӵужалэс-горд роза Бышкаськись веньзэ нош киы чидалоз-а? * * * Ӵуж куаръёс пыд улам ӵаштырто, Сӥзьыллэсь вуэмзэ шӧдыто. Чик уг кышка сюлмы кезьытлэсь Мон мӧзми ни, мӧзми сӥзьыллэсь. * * * Игорь Юхансон Тон кыдёкын - эшшо кужмо яратӥсько тонэ Огъя бусыосмы вамен. Азьлане мыноды тэлетӥ, ягетӥ, 1: Нош мон ас поннам вамышто палэнтӥ. 1: 1: Азьпалан нош ӧвӧл ни огъя бусымы - 1: Я ойдо со понна бен туннэ юомы. 1: Кожысьтыз ярдуре ик медам пачыла, 1: Укыр шукырес со шаян визыла. 1: 1: Шур пыдсын ненегесь киосы зыбекто, 1: Кынмыса чиньыос понназы йӧӟекто. 1: Пыриськод - пыдпыдэс но уг чида отын. 1: Сисьмем лӥялъёс костасько сьӧд тэльын. 1: 1: Кӧлатэк, юытэк, чик шапык веръятэк - 1: Ӝуйыен шобырскем тэлетӥ мынӥсько. 1: Шур кузя вож буртчин биниськем - 1: Бусылэн но тынад тусбуйды кыӵе кем. 1: 1: * * * 1: 1: Г.Ходыревлы 1: 1: Шундыё но сайкыт вал нунал, 1: Тулыслэн шӧдӥськиз шунытэз. 1: Кытын ке вордӥськиз, дыр, пинал - 1: Кылӥське туж мусо бӧрдэмез. 1: 1: Турын-куар но ӝоген вожектоз, 1: Ӟег шепъёс согозы лудъёсыз. 1: Горд шунды ӝужалоз, ӝужалоз 1: Нош уз вуэ дорад сиосыз. 1: 1: Вож кызьпу но куке но куасьмоз, 1: Улозы вунонтэм чуръёсыд. 1: Ошмес син но кынмоз, пытсаськоз, 1: Уз, уз бездэ сабыр синъёсыд. 1: 1: Ӵошкалоз музъемед гу вылад, 1: Чеберак вож ожо шобыртоз. 1: Кырӟаны дӥсьтытэк, йыр вадьсад 1: Лулыдлэн бурдоез пукылоз. 1: 1: 1: Шумпотон синвуос 1: 1: Я, кызьы-о уд вала шуддэ 1: Шунтӥськод семьядэ� нылпидэ. 1: Изьытэк ортчытэм уйёстэ 1: Одӥгназ тыр толэзь, дыр, тодэ. 1: 1: Э, нэнӥ, нэнӥе 1: Со небыт киостэ 1: Син азям возисько тусбуйдэ 1: Котькыӵе мед луом арлыдын 1: Мон котьку но котьку тон вӧзын. 1: 1: Сюлэмдэ шунды си шобыртэ 1: Сяськаясь шур вуын пылатэ. 1: Синъёсыд нош югыт лыз инбам 1: Вожектӥсь тулысэд шунытсэ-а кузьмам. 1: 1: Буртчинлэсь чильпамын чиданэд. 1: Адсконтэм кыстӥське мӧзмонэд. 1: Бурдъясько но кошко нылпиос, 1: Бамъёсад шумпотон синвуос. 1: 1: * * * 1: 1: Аслам кылы - 1: Аслам лек тушмонэ. 1: Ӟеч карисько кадь эшелы - 1: Золгес кылы жуге монэ. 1: 1: * * * 1: Сьӧлыке ву пыдсы кадь зӥбе 1: Со уг сёты маза улыны. 1: Эзеле нош куанэ но чабе 1: Дась али ик лулме басьтыны. 1: 1: Со лыдъя но чота улонме 1: Лек тылын куасалля вамышме. 1: Эгырен сурса сузмытӥз 1: Крезь синме ныж пукыӵ, ло, чигтӥз. 1: 1: * * * 1: 1: Нокыӵе но уг поты улон куддыръя, 1: Буш тырттэм питыра, питыра. 1: Омыре лыз колӟо люкаське 1: Гадь пушкам шайтан пи каръяське. 1: Лек ишан-а поръя котырам 1: Кинэз ке ӵабъяське лул вылам. 1: Зубектэ еж-егит мугоры, 1: Пинь улам гизьыртэ вож боры. 1: 1: * * * 1: 1: Шудлэн шурез ке луысал 1: Ваньмыз отын пыласькысал. 1: Зумылыса шуд пырыез 1: Ӧй бырылысал бичасез. 1: 1: Выжыкылысь зарни чипей 1: Азвесь-марӟан люкылысал. 1: Син азьысьтым ваньзэ пыӵ-кей 1: Аслыз лушкем капыръясал. 1: 1: Шудлэн шурез ке луысал 1: Ваньмыз отын пыласькысал... 1: 1: * * * 1: 1: Лысву пӧлын ӵошен пыласькиськом 1: Ӝож мылкыдмес берпум, дыр, миськиськом. 1: Чылкыт лысву, чылкыт синву 1: 1: 1: * * * 1: 1: 1: Тон 1: ваньзэ 1: кылбуръёстэ 1: Тубатэн 1: гожъяд. 1: Аслэсьтыд 1: гинэ 1: уждэ 1: умоен 1: лыдъяд. 1: Мукетыз 1: тонэн 1: артэ 1: Кылбурчи ӧвӧл. 1: 1: * * * 1: Суто 1: Горд палэзьёс бамме суто 1: Тылӝу пушкын кадь ӵыжато. 1: Ӟукыр вазе сӥзьыл лымы 1: Чиге, пырге лул-сюлэмы. 1: 1: Кельше мыным куке 1: Городэ пеймыт уй лэзиське. 1: Ворекъясь тылъёсын ваче ки 1: Юмшасько. 1: Городэн ас поннам лул-вирме 1: Буй-га-тӥ-сь-ко! 1: 1: * * * 1: 1: Чиньыосыд тынад кузесь но векчиесь. 1: Пианиноен шудыны гинэ кылдэмын, мусоесь. 1: Я, шуд бен, тонэ нокин но уз дугдыты 1: Уз, Паганини. 1: 1: * * * 1: 1: Марина Цветаевалы. 1: 1: Кӧня ке иськемын гинэ 1: Кыдёкын ик ӧвӧл тон - Елабугаын. 1: Потэ вылэм, потэ эскереме тонэ 1: Уг ваньмиськы, ялан уж пӧлы выемын. 1: * * * 1: 1: Возь вылэ италмас ӝужаку 1: Яратон пуроме сюлэмын. 1: Кыдёкын кусыпмы, гажанэ, 1: Пумиськом-а туэ гужеме? 1: 1: Мӧзмыса тынэсьтыд ӝытъёсы 1: Одӥгнам поръясько шур кузя. 1: Туж секыт ортчыло уйёсы 1: Тыр толэзь мӧзмон си на пазьге. 1: 1: Италмас сяськаен ӵош артэ 1: Ай будэ на чебер лызгырлы. 1: Луиськод малы ке но матэ 1: Сюлэмме исаськод тон марлы? 1: 1: Возь вылын италмас толӟемын. 1: Но ӧвӧл яратон вунэмын. 1: Тон сыӵе ик сюлмын, гажанэ, 1: Мӧзмонлы дышетӥд тон монэ. 1: 1: * * * 1: 1: Ас вакытад - 1: Чылкак мон сямен ик ветлӥськод 1: Одӥген-одӥген вамыштэ лыдъяськод. 1: Синъёсыд музъеме улӥе лэземын 1: Мугорыд йӧтонтэм сокеме ӝутэмын 1: Я, дугды кытчы-о сокем мынӥськод 1: Мон но тон кадь ик, вужеры, тон кадь луэмын. 1: 1: * * * 1: 1: Вал вылэ пуксьыса музъемысь инбамозь вуисько. 1: Шурдонэ, мылкыды эрказме. 1: Тӧдьы бус пужнэмъя инвисэ выисько 1: Пыдтышкы нош уг шӧды, уг шӧд лулгурме. 1: 1: Тӧл пазьге пасьтана судалэс йырсиме 1: Мугоры кылемын кыдёкысь иськеме. 1: Соргетэ но азьлань вамыштэ ужпие 1: Бурдъёссэ ӝамдэлы со сётӥз мон кие. 1: 1: * * * 1: 1: Нэнӥе доры куное бертӥсько 1: Пушкы тырыса улосме вешасько. 1: Тани ук, тани вордӥськем коркае, 1: Шӧдэ-а меда бертэмме анае. 1: 1: Вылысьтым лымыме курткыса 1: Мон пыро, ӟыгырто нэнӥме. 1: Небытэсь киоссэ кутыса 1: Небӟыто чурытам сюлэмме. 1: 1: * * * 1: 1: Куд ке дыръя нокинэн но уг поты вераськем 1: Малпанъёсам выйылӥсько лушкем. 1: Музъем вылын тыпы кадь мугоры 1: Инвис сьӧры лоба капчи лулы. 1: 1: Лемлет лента выллем кыӵес-урд шоканэ. 1: Тулыс лымы сямен мылкыд каллен шуна. 1: Кытчы меда, кытчы дыртэ тудву 1: Пучы вӧзын кудӟем ини шупу. 1: 1: * * * 1: 1: Ой кезьыт ульчаын, туж кезьыт 1: Сюлэмын уката но юзмыт. 1: Сӥзьыл зор йыгаське улонам 1: Салкымлэн вужерез тусбуям. 1: 1: Писпу куар ӵужектэ ни, усе бергаса. 1: Кошкемез потытэк гудыри гудыртэ. 1: Ымнырам пӧсь вуэ - кезьыт зор кыдыра 1: Пыроно я ӧвӧл - сылӥсько тунаса. 1: 1: * * * 1: 1: Огнам кадь та дуннее мон кылемын. 1: Огнам шонаськисько шурдыт меӵ ярдурын. 1: Пыд улам кӧс луо шыр киське но вия 1: Чиданэ йыр визьме сӥстылэ но тӥя. 1: 1: Пушкысьтым кыр лулы ишанлы сётскыса 1: Кемалась йыромиз ни лемлет омыре. 1: Берлане вамыштэ вирсэртэм мугоры 1: Сутӥськем турын-куар пыд улам куажыртэ. 1: 1: Кин ке лулӟылэ 1: Шара викышъя, 1: Усемез потытэк куар сямен куалекъя 1: Курадӟе. 1: Сор! гинэ сьӧд музъем ӝуткаське 1: Котькытын йыр кобы 1: Пыд улын костаське векчи лы. 1: Шимес ик мыным огнамлы. 1: 1: * * * 1: 1: Кин меда кӧлэ уин. Уг нокин но уг 1: Кроватяз пичи пинал ас кожаз бӧрдэ. 1: Кулонэз вадьсын пересь векаса пуке 1: Егит мурт гажанэныз ӵукнаозь калге. 1: Мар бен юнме кӧлонэз 1: Ай вуоз со дыр - 1: Весяклы умме усём. 1: 1: * * * 1: 1: Палэнтӥд тон, палэнтӥд эштэ 1: Шуям сяськаез сэрен сэрпалтӥд музэ. 1: Пӧсь ӝуо эгыр вылын пеньӟытӥд лулме 1: Мар на табере 1: Вузӥсь тол кие вузад ке мугорме. 1: 1: * * * 1: 1: Малы меда ӵемысь кулэм потэ 1: Оло зэмзэ вуэ со дыр матэ. 1: Улон ёзви куасьме, коса, быре 1: Тэтчом ни шат ачим ӝуась гуре. 1: 1: * * * 1: 1: Вӧсь мыным - 1: Куке монэ лушкем чепылляло. 1: Синмам шара уг дӥсьто вераны. 1: Сыӵе муртъёс малы-о курдало 1: Кылынызы дасесь ке быдтыны 1: Шугез ӧвӧл - 1: Шиё кыл мертче улытозьлы. 1: 1: * * * 1: 1: Зарезь тулкым вылтӥ пыжен 1: Уям тонэн ӵошен. 1: Ӵукна ӝытэз ӧм тодылэ 1: Ӧм ни вуэ музъем вылэ. 1: 1: * * * 1: 1: Калыклы мар мынам бӧрдэме 1: Уг ик адӟо курыт синвуме. 1: Шапыкен но кыкен со усе музъеме 1: Эшшо но тросгес лулъя сьӧлыкме. 1: Калыклы нокыӵе но ӧвӧл кайгуэ 1: Кинлы, кинлы муртлы мон кулэ. 1: Сюлэмам пичияк шумпотон ке вуэ 1: Шедисько лекъяськон, вожпотон ки улэ. 1: Кинлы ке кыӵе ке шат мозмыт лулӟеме 1: Кос-а, мускыт-а мынам музъеме. 1: 1: * * * 1: 1: Жадемын мон, суй-пыдъёсы юскиськемын. 1: Вамышъяны уг тырмы ӟигары. 1: Эгесъёсы пасё-пасё шальтырамын 1: Пыдессинъёс уг вормо мугорме. 1: Таӵе дыръя секыт изэз кадь нуллӥськод 1: Яке кускын узвесь думылэмын. 1: Юнме гинэ, юнме, дыр, векаськод 1: Кин ке лушкем вера ни пель сьӧрын. 1: Чик нокыӵе уг поты ни гужем 1: Со дырызлэсь укыр чаляк гужам. 1: Ӵуклы быдэ укно сьӧрам 1: Пурысь буёл ветлэ дорам. 1: 1: * * * 1: 1: Окыт гужемлэн омыраз ӝокасько 1: Пыжись шунды улын каньсырасько. 1: Ньылпу сир сямен ӵыжасько, ӵыжасько 1: Салкым саюлэз шедьтытэк шуясько. 1: 1: * * * 1: 1: Лысву пӧлын ӵошен пыласькиськом 1: Ӝож мылкыдмес берпум, дыр, миськиськом. 1: Сурськемын лысву пушкы синву... 1: Малы тон, малы мыным ӧд лу? 1: 1: * * * 1: 1: Пушкад ӵушъял каръяськемын 1: Соин тон туж керӟег. 1: Лекъяськыса улэменыд - 1: Укыр сямыд эм-лек. 1: 1: * * * 1: 1: Тӧдьы ке шуисько - 1: Син азям сьӧд буёл пуктӥсько. 1: Аслым мон ачим куддыръя 1: Мукет адями кадь малы ке потӥсько. 1: Капчи, капчи пилем пушкы 1: Сюлэм путмон ышылӥсько. 1: Ӵуж ӟег пӧлысь етӥн сяська - 1: Асме мон адӟисько. 1: 1: * * * 1: 1: Шапыкен 1: Одӥген но кыкен 1: Мӧзмонэ зарезь ты пӧрмытскиз. 1: Адсконо вал зарни ву нылэн 1: Мур коже-а меда ватӥськиз. 1: 1: * * * 1: 1: Тулкымъёс бичато сюлэмме 1: Мылкыдме нуйтыло иськеме. 1: Измыса 1: Ву улын жуммыса 1: Югытэ потыны быгаттэк 1: Мӧзмонэ, витиськод-а монэ? 1: 1: * * * 1: 1: Малы мыным кулэ вал пумиськыны тонэн. 1: Валатэк шудыны яра шат яратонэн. 1: Лэчыт кылыд тынад сэстэ вылэм ваньзэ 1: Леко кырсен пожад улонэдлэсь ӟечсэ. 1: 1: * * * 1: 1: Уг тодӥськы, кулэм берам 1: Кинлэн пушказ пыроз лулы. 1: Я каръяськоз ӵана каре 1: Оло пӧрмо вож будослы. 1: 1: * * * 1: 1: Одӥг уйдэ лушкало, 1: Ӵук-ӵукнаозь юмшало. 1: Сюлэмам со шуныттэ 1: Малпаны ке но кельто. 1: 1: Кизили кадь синмысьтыд 1: Юг-югыттэ талало. 1: Льӧль ненег ымдуръёстэ 1: Уйбыт-уйбыт чупало. 1: 1: Ӟыгыръямтэ мугордэ 1: Вешало но вешало. 1: Верамтэ чебер кылдэ 1: Мон одно ик верато. 1: 1: Одӥг уйдэ лушкало, 1: Уйлы гинэ талало. 1: Мӧзмись, висись сюлэмме 1: Тонэн гинэ буйгато. 1: 1: * * * 1: 1: Мынӥсь валэз золгес жуго 1: Ялан азьлань, азьлань шукко. 1: Кинлы сезьы, кинлы сюло 1: Улон шӧммы огкадь ӧвӧл уго. 1: 1: * * * 1: 1: Толон ӝыт 1: Мон шедьтӥ 1: Нырысьсэ 1: Пурысьтам йырсиме. 1: Озьыен мӧйымон 1: Мон доры но мерске. 1: Ватсасько арлыдъёс 1: Дыртыто акылес нуналъёс. 1: Кисыри бамъёсме пужъятэ 1: Кылчинэ ӝожалэс нургетэ. 1: Утисе бур кизэ 1: Пересьмон даурлы 1: Лычсузьмон лӧптыса ик мыче. 1: Шӧдыса но уг ву 1: Огнунал тӧдьы бус шобыртоз 1: Улонме, судалэс йырсиме. 1: 1: 1: * * * 1: 1: Нюлэс пушкын кисьмаз узы 1: Вож кыштсэ керттӥз бусы. 1: Сюан шудэ туннэ тулыс 1: Пачылмемын мылыз-кыдыз. 1: 1: * * * 1: 1: Курыт кушман кадь мылкыды 1: Туннэ мон ӧй адӟы тӥледды. 1: Вутэк куасьмись беризь та сюлэмы 1: Вуоз-а дыраз асьмелэн шуныт зормы. 1: 1: * * * 1: 1: Висён погыртэ 1: Кулон уг юа куспетӥ улонэз уретэ. 1: Егит-а, пересь-а 1: Арлыд нокыӵе но ӧвӧл кадь солы. 1: 1: * * * 1: 1: Пал пыд йылаз султэм ӟазег 1: Иське ӝоген кезьыт луоз. 1: Измем сюлэм выре керӟег 1: Тани путоз со - пилиськоз. 1: 1: * * * 1: 1: Зор-а, жоб-а ваёз та пилем 1: Лыз инбам сьӧдалэс кыдэктэм. 1: Лек сильтол някыръя писпуэз 1: Эх, чигтоз ни векчи ньӧр-ваез. 1: 1: * * * 1: 1: Мон йӧны 1: Соин, лэся, монэ йӧнтэм каро. 1: Бышкаськись - 1: Лекед, пе, пушнерлэсь золгес. 1: 1: * * * 1: 1: Лул-сюлэм Любовь Тихонова Удмурт нылкышно Сайкытлэсь но сайкыт синъёсыд, Муспотон пальышась ымдурыд. Чеберед но, визьмыд но уно, Вирэсрлы тон, удмурт нылкышно. Мылкыдыд но тынад туж шуныт, Сюлэмад ӟырдытэз но тырмыт. Лыз инмысь пӧсь шунды кадь дуно, Сабырлы тон, удмурт нылкышно. Чильпасько, керттӥсько киосыд Учкиськод - серекто ужъёсыд. Кырӟанэд котькытын но куно, Ушъямон тон, удмурт нылкышно. Чагырлэсь но чагыр инбаммы, Мед вордскоз на шудо нуналмы. Со понна, ой, кӧня тыршоно, Тодӥськод тон, удмурт нылкышно. Киямы ке туннэ нунымы, Озьыен, сяськая улонмы. Ма быдӟа тон кузё, паймоно, Шӧдӥськод-а, удмурт нылкышно. * * * Льӧль инбам пушкын Льӧльыра сюлмы. Капчи тол кузя Мугоры лэйка. Векчи вай вылын, Ӟечыра кужмы Бубыли сьӧры Йыромем лулы. * * * Выро-гопо Улон сюрес Гозы кадь позырес. Шимес сильтӧл Пужит пельтэ- Оло, монэн со нюръяське? * * * Куддыръя быдэсак инсьӧры ышисько, Зор бере кадь капчи шокаса. Пеймытлэсь курдатэк ӝомалын юмшасько Валантэм дуннеен урд-лулме герӟаса. * * * Кулӥ ке тон лыкты дорам шайвылэ. Номыр но эн нуллы, эн вай мон вылэ. Эн кисьты вылам курыт синвудэ, Шӧдӥ ке тырмоз- чильпырась вужердэ. * * * Шудо-а, шудтэм-а - вордски но улӥ- Вӧзам эш понна пиме будэтӥ. Шапыкен- одӥген шуд пыры бичалляй Сое жалятэк калыклы кузьмалляй. * * * Вутурын сямен бинисько бордад Лысвуо бамдэ бӧрдыса мисько. Шунды си выллем сюлэмад мертчо, Мар вал уродэз - ваньзэ вунэто. * * * Кинэ возьмай, утчай та улонын Ой пумиськы зэмос яратонэн. Йыромыса лемлет-льӧль дуннеын Огнам йырам уяй лыз зарезьын. * * * Зарни чорыг вӧзтӥм ик ортчылӥз. Огпол ке но йӧтоз кадь потылӥз. Синпӧртмасе кескич кырмыштылӥз Монэ ялан шудон со карылӥз. * * * ХХ-тӥ даурысь мукетаз дауре выжисько. Вамышме чакласа, лыдъяса мынӥсько. Шонер-а ортчи улон сюресме - Шедьтӥ-а меда татын мон асме. * * * Уг лу кӧламе уйёсме Ӵукнаозь бинисько мӧзмонме. Нуназе югытэн сэрасько бугорме- Тон доры пырасько лушкемен. * * * Шузимем кадь йыры шупулэсь но берга. Сюлмылы матынгес дор палъёс но Пурга. Щаугетӥсь нюлэсъёс уй-нунал шыпырто, Мӧзмонэз, дыр, соос котырысь палэнто. * * * Марлы-о меда мон таӵе Ас шудме валатэк лёгасько. Сьӧлыке куриське кыӵесэ. Эзелен ӵош артэ ветлӥсько. Кулысал ке капчи лулӟысал - Куректон-кайгулэсь мозмысал. * * * Малы мон асме Воргоронлы ултӥяны Сётыны кулэ. Сыӵе ик мынам но Дуно улонэ. Лек кыл мыжыклэсь секытгес Сюлмам со пыдло мертчиське. Мыжык нош эшшо но вӧсьгес, Кырын со - ваньмыз адӟиське. Малы ми, малы кышноос, Эрик сётӥськом пиослы. Картэн кышноен тушмонъёс. Уг лу оскыны кульчолы- Бӧрдон, Жугиськон, Керетон. Сыӵе-а луоз нылпи будэтон? * * * Бӧрдыны но шуо кулэ быгатыны Тыраз тымиськем кайгуэз кырыны. Сэректэм сюлэмез синкыли буйгатоз Уродзэ ӟеченыз сураса ӵошкатоз. Уйёсы лушкемак пуш-лулы викышъя. Чалмытын кышкасько бӧрдыны мон шара. Лул вадьсам вужеры тыл сямен куалекъя Бӧрдон синвуэн пуш кырӟа но вера. * * * Секыт ныпъет тыбырам Вормыса но вормытэк сое Весь нуыны турттӥсько одӥгнам. Ӝужыт куашкась ярдуретӥ Чакласькыса лёгаськиськылӥ Гылӟонтэм сак мынылӥ меӵ гурезьтӥ. Шимес йӧ-зор кӧня жугиз - Сюло ӧз чида вӧсезлы. Кортнам шудме тулкым пазьгиз Кинлы? Малы? Малы? * * * Тӧдьы ӝоккышет лушкемен вальыса Мон роза пуктӥ вунэтэм чаркаям. Ӝуась сюсьтылме гадь бордам ӝиптыса Выльысь тусбуйдэ син азям пуктӥсько. Шудо мон али- Бам вылтӥм зор шапык, оло нош ваське синкыли. Синъёсыд мылпоттэк мынекто - Садысь ӵуж куаръёс асьмелы шыпырто. * * * Ортчиз-а, ӧз-а даурез - Но. . . пилиськиз, быриз тэркы. Сӧриськемлэн вань чеберез Куддыр кыле сюлэм пушкы. * * * Уг адско, Уг будо лудын Гурыё лулпуос. Гурт пумысь Шур дурын Чал сыло востэмъёс. Вашкала сямъёсты-а меда Пыӵато асьмелы?.. Сопал дуннеысь калыкен Возё одӥг кыл кадь соос. Улэп калыкъёс кӧлыку, Лулмес, дыр, утё лулпуос. * * * Нимы мынам Яратон. Нош кыӵе меда луэ со яратон? Тубыны луонтэм меӵ яр-а тон, Бурмыны валасьтэм яра-а тон? * * * Пинь улам гизьыртэ вож палэзь, Вуымтэ-кисьмамтэ на - гырезь. Пӧрмысал, дыр, солэсь чебер весь Уг пот мылкыдзэ сӧреме эшелэсь. * * * Вожъяськонлэн, пе, кык пумыз луэ. Огез учке сайкыт синмын Быгатэмез адӟе ӟечен. Аламаез - тыбыр сьӧрын Кас сюлэмо уй синъёсын Лек вожъяськись вожомыса Коӵыш кадь пуриське. * * * Зор бере вуюись лэзиськиз шур вылэ Нош мон дасясько вырйылэ. Со чебер кисьтӥськись буёллэсь Сузё мон аслым чыртывесь. Шӧдсконтэм буртчино сӥньыссэ кыскаса Кышет мон тыныд пужъято. Тусбуйдэ, гыдыке, малпаса Вуюись вужерез пӧрмыто. Мед луоз со тыныд но мыным Шуд ваись. * * * Уйбыт ӧз дугдылы, ӧз Ас эрказ Урмем тӧлпери вузэмысь. Шимес бералляз но куасаз Кожа, погырто пыд йылысь. Лек сямзэ возьматӥз - Шокыштӥз Мертаз вормонтэм кужымзэ. Тузонзэ вылӥе пурӟытӥз, Лобась луоез но пельтӥз кыдёке. Зуродысь турынэз но инмозь ик ӝутказ Котырак со пазяз но турказ. Ачиз ик буйгаз ӵукна пал Сайкыт югытлэсь, дыр, кышказ. * * * Дыдыклэн лыз-буртчин бурд вылаз пуксьыса Ин сьӧры кыдёке, зарезе вуылӥ. Со бӧрсьы мон ачим но мусо гурласа Жадёнэз шӧдытэк уез уйбыт ветлӥ. Валантэм шаере вуттылӥз дыдыке, Туж матысь выжыме мон шӧдӥ малы ке. Сяськаос нёжмытак асьсэос ик чирдо Бурдоос монэн ӵош шуныт зор кадь бӧрдо. Дыдыклэн юг-чылкыт бурд вылаз пуксьыса Ин сьӧрысь мон берен ӵукна пал берытски. Толэзьлэсь вужерзэ утчаса йыроми Ӟардӥсь шундыен нош ик мон пумиськи. * * * Эш ке тон- Эн чепылля. Сюлэмме эн пыргыты Кей сямен ватӥськыса Лушкемен эн йырйиськы. Вера синмам малпандэ - Кушты, кушты лек шидэ. Ымдурыд пальыша ке но Синъёсыд кезьытэсь. Мар тынад сюлэмад Отчы пыратэк Вераны тодод шат. * * * Городын ӝужытэсь коркаос Огвыллем ӵышкемын писпуос. Омырен сураське завод ӵын Окыт но, ӝокыт но татын. Асфальтэн шобыртэм сюресъёс Зӥбетлы чидатэк лулӟыло. Курдаса лобало бурдоос, Вай вылын ӝож гурзэс кырӟало. Калыкез валантэм та карын Кытчы ке весь дыртэ но дыртэ. Жадьыса уйжомиз ни йыры Ку, анай, тон доры мон берто? Тон али ,дыр, берозь пукиськод Гуредлэсь быремзэ возьмаса. Нылыдлы шуныт пӧзь керттӥськод. Сюлэмад мӧзмемме малпаса. Шаян тол укнояд йыгалоз Тонэныд лушкемен шудыса. Кудмы ке но бертом шуыса Тон кема ульчае учкылод. * * * Ӝытбыт пӧлэстӥсько ни бугорме. Тани, малпасько, мыто, мыто ни пыдвылме. Шат ишанэз-а сэрттэ вань кужымме Берен мон бинисько кузь бугорме. * * * Гурме эстыны вырисько, Уг кенжы, ыльпу, дыр, тыри. Весяк ик тазьы турскисько- Гыбдась пуосме пеллясько. Вӧлске лызалэс секыт ӵын Синмез вандыса ик куштэ. Гыбда но гыбда сэрег пум Йыркур уката зол пуштэ. Быриз ни тылшыр, бумага Коркан кезьыт тол нош поръя. Ӟигар бырыса лул-вир ик коска Кынме мугоры, зубекъя. Акшан кемалась ни ортчиз, Дунне пеймытэ ватӥськиз. Гомаз ук, гомаз ыльпуэ - Ӵукнаозь, дыр, шунскоз коркае. * * * Кезьыт толлэн Ненег тулыс азьын Малы уг лу сётскемез? Дугдылытэк пужнэ тӧдьы лымы, Ачиз шуна, уг пот ченгешемез. Ватӥськыса туж шер пота шунды, Капчи нунал вуоз, вырӟоз тудву Изись музъем но сайкалоз соку. Шумпотонлэн пумаз ноку уд ву. Эн вожалэ юнме, вормоз гужем. Куке берло вуоз зарни сӥзьыл. Озьы, озьы уго ни кылдэмез Сюресмылэн медаз луы пумыз. * * * Ой, кулэ ке ӧй лу калыклы Пуныез кадь, вылды, куштозы. Сиыны сётозы качам лы Оло нош боды пум мычозы. Азбараз но уз лэзь ни кузё, Мӧзмыса мон вузо но вузо. Урамын ветлыса-ветлыса Юн вӧсьмо эшъёсме утчаса. Ватӥзы ке монэ эшъёсы, Капчияк понназы шокчозы. . . Мынам кизилие Киысьтым сюсьтылэ быре ни ӝуаса, Горд тылыз гинэ улэ на гомаса. Берпум сюрессэ со озьы ворекъя Сутӥсь синкыли пыр, мискинь, Серекъя, Ворекъя. . .. Кысэмез потытэк дырекъя. * * * Борддоре ошемын син азям Дэралэсь вашкала куэм дӥсь. Песяе синпельлы, пе, дасям Вож айшет, шорт дэрем, пичи визь. Ӝыт акшан вакытэ, огдырлы Пырасько вашкала дауре. Песяе ӧтьылэ ӝамдэлы куное Мӧзмытгес, дыр, отын песяйлы. * * * Уй-ӝомал лэзиськиз городэ Каръяськиз сьӧд мӧзмон сюлэмам. Тулкымъёс вуттӥзы кадь гуртэ Шӧдӥськод вужерме, анае. Уй толэзь югытэн пырисько Мон дорад Чупасько шып вӧтась ымдурдэ. Вож нуны мон - вӧзад выдыса Мӧзмыса, Бӧрдыса, Жадьыса Ӵукнаозь ум пушкы выисько. Нуназе ке зӥбе мӧзмон кыль Шунды си мон соку луисько. Малпанам, мӧзмонам выйыса Анайлэсь тыбырзэ шунтӥсько. * * * Мон кылбур ке гожъясько Монэ пӧртэмгес кожало. Мон сыӵе ик Ваньмыз кадь ик Чылкак, воксё огшоры. * * * Кулэме потэ сьӧд -пеймыт нюлэскын. Чик нокин но медам лу отын. Дугды ай, шурали, Тон эн басьты лулме Мон ачим, мон ачим ик шедьто сьӧд кыльме. Кӧшкемыт но, кышкыт но ӧвӧл ни мыным Ас понназ шаугетэ сьӧд нюлэс. Сюлэмы капчия, выжые, дыр, кыске Пиштӥсь югытэ - кысэмын. * * * Соин, дыр, мон шудо Шудтэм монэ шуо. Шудтэм кожлэн ӧраз Улон ӵем пылатъяз. Люгы сяська мында Мынам ныл чебере Йылсо венё меда Малы со вӧсь каре. Шудтэм монэ шуо Соин ик мон шудо. Шудэ ялан пожа Шонер ӧрысь кожа. * * * Инметӥ лобыкум Бурдысьтым тылые ишкалскиз. Вӧселы чидатэк бӧрдыкум Сюлмысьтым маиз ке но чигиз. Шумпотӥз вӧзысьтм юлтоше Лябӟемме адӟыса но ӧз учкы мышсэ. Со улэ но, вылэ но лэзькиз- Эркынак туж паськыт шоналскиз. * * * Мон чорыг Паськыт но мур ву кожетӥ Йыромыса уясь чорыг. Чилясь буртчин кыске дораз - Ву турынэ биниськисько. Чорыг уллё нуэ сьӧраз Ярлэн дураз шуккиськисько. Мон огшоры векчи чорыг Вулэн кузяз мон уясько. Шунды силэн югытэзъя Выль нуналме пумитасько. * * * Пужым вай вылын веттаське лулы. Бергась тӧл сямен пӧроме йыры. Нуналлы быдэ весь кикы силе Бинем бугоре пичигес кыле. Уйлы ӝуатэм сюсьтылэ лябӟе Мылыз потытэк шорам серектэ. Мыным шӧдсконтэм лушкем ворекъя Берпум часъёссэ кырӟа мискине. * * * Горд ӵыжыт палэзьлэсь Сузьыло чыртывесь. Мон быръё мылкыдъям - Вож кызьпу гурылэсь. * * * Яратӥсько шуныт зорез. Ӝомо-югдо сӥзьыл куазез. Ӵуж куар усе, усе берга Кинэз меда сюлмам йыга. Я бер шедьтэм яратонэ Чырс гумылэсь кульчо пунэ. Синмез кыскись вуюисез Тодад ваёд на гужемез. Яратӥсько шуныт зорез. * * * Чыртывесе киськиз- Ӧй шедьты ваньзэ бичаны. Мырдэм чыртыям со тырмиз Шуггес табере итыны. Бырттӥсько ке вӧзаз мукетсэ Ыштэ вуюись кадь туссэ. Уг поты сое ватэме шыкысэ - Тынэсьтыд кузьымдэ, гажанэ. * * * Лыз сяська, Лыз синъёс Кудӟытӥсь ымдуръёс. Лыз инбам, Лыз возьвыл - Лушкемак чупамъёс. Лыз кышет, Лыз айшет Со тынад кузьымед. Лыз ошмес. Лыз инвис Мон шоры учкемед. Лыз дэрем, Лыз малпан Тон кылид йырвизям. Лыз сяська, Лыз синъёс Яратӥсь... сюлэмам. * * * Горд ке но, Чебер ке но палэзь Сиыны кышкасько чырсэзлэсь. Быдэс сузь мон сон бичало, Чыртыям та весьме сузьыло. * * * Вуюись сьӧры меда Ышемын лулы? Йыромиз, оло, шудтэм, Ӵуж сяська пӧлы? Шур дурын шашы будэ Бадьпуос сыло Тюрагай лоба лудэ - Мӧзмыса оло? Шу сяська пӧлы меда Выемын шудэ? Пал тури сямен ялан Со утча парзэ. Сюрелась ӟеген сура Мертчан йырсиме. Ӟольгыри кариськыса Бурдъёссэ шона. * * * Тодымтэ дуннее выисько Льӧль-буртчин кӧкыын лэйкасько. Одӥгнам кылисько улонэ Валантэм, дыр, аслам адӟонэ. Кылбурен чуръёсме пужнӥсько Вуозы-а меда калыке? Зор шапык интые пазьгисько Туж матэ Оло нош кыдёке. * * * Огнад кылид ке улонын - Тон пал дурес, куртчем мылес, Ӝыны улмо кадь пилемын Лызэн-вожен ӵош сурамын. Тонэ ӧвӧл ни синйылтӥсь Корккетӥськод куасьмем садад. Чурыт муын уз улӟы тысь Шуныт, небыт луэ шат ад. * * * Сюлэм бӧрдэ, бӧрдэ сюлэм Ӵындэ кысэм-котмем ӝуэн. Чигем-палдэм писпу вайлэн Сяськаосыз куасьмо вылэм. Сюлэм бӧрдэ, бӧрдэ сюлэм Монэ шуо ини лултэм. Тулыс шунась сулеп лымы - Суро-пожо та кусыпмы. Сюлэм бӧрдэ, бӧрдэ сюлэм Писпу уг луы выжытэм. Эгесэзтэк куашка вышкы. Сюлэм венен эн бышкы, эн! Сюлэм бӧрдэ, бӧрдэ сюлэм Малы монэ шуо лултэм. * * * Синучкон уз алда, уз Ваньзэ шонер возьматоз. Нокытчы уз пыры тус Мар ке вань - отчы потоз. Коть сое тон тышкаськы, Пӧсьтытозяз ӵушылы - Ӧчкарыса яркытгес Возьматэ со ымнырмес. Сьӧлыктэ уз тупаты, Вождэ мар ваёд солы. * * * Куто но тэтчо тыл пушкы Сутскыса быремын ни пушкы. Мар сётоз на гыбдась сэрег пум Вуэмын, адӟиське ни со пум. * * * Пыд йылысь погыртымон Тол пери шула. Кезьытэз пыр потымон Шунытме тала. Векчи зор пушнер сямен Бамме кужектэ. Дыр-даурзэ шӧдытэк Сяськая кенэм. Толэзен ӵуж шундыез Уй куазен сурай. Ворекъясь кизилиен Пилемын уяй. * * * Зор тон зор, тулыс зоре, Гылты толлэсь бервылзэ. Ожо потэ кыр гуждоре Бадьпу кузьма ӵуж пучызэ. Вож буёлзэ пазьге тулыс Бычыяло кечсин, колыс. Пӧсьсэ уг жаля шундые Бамам кӧня ни пужые. Жальыр-жальыр бызе тудву Шу вай вылын шырчик кырӟа. Векчи ньӧрзэ шона кызьпу Эш карыса монэ иса. * * * Зор-а меда туж секыт Лэзиськем пилем. Шоканы уг лу - ӝокыт Мылкыдме шори пилем. * * * Ул но ул вал та чебер но югыт дуннеын. Одӥг пол сётӥськись чечыё вакытын. Оломармы уг тырмы - ялан тэргаськон. Ог-огмес чиданы луонтэм чепыльтон. Ма ваньмы асьмеос агай-вын-сузэръёс Вашкала выжымы туж муре пыӵамын. Асьмелы ӟеч улон, шуд сӥзё пересьёс Нош малы сюлмамы лек шиос мертчемын. * * * Ульчаын кезьыт Вожомем толо-жоб пелляське. Нош мыным туж шуныт Каньылля корт гуре эстӥське. Тумошо кезьыт тол лекъяське Йыркурзэ вормытэк Езъёсты чепылля. Векчи писпуэз музъемозь някыръя Уг вормы монэ, нош йыга укноям. * * * Шудо муртъёс уг гожъяло кылбур, Шудо муртлы озьы но шуд но бур. Йыромыса уг ӝутскыло инме, Пилем сьӧры уг ышыло юнме. Шудо муртъёс бус-ӵын пӧлтӥ Бинё меда шуд-бугорзэс? Алдаськыса шур ву вылтӥ Уг лёгало соос сюрес. Шудо муртлы я из, я бур Чик нокыӵе уг пот кылбур. Шудо муртлы семья, ваньбур Кылбурчилы ялан кылбур. * * * Черсӥсько черсӥсько Мӧзмон нюжаме. Бинисько, бинисько Чидан бугорме. Керттӥсько, керттӥсько Яратон чильтэрме Со вотэс кадь басьтӥз ни быдэс улонме. * * * Янгышен, оло, шай Лыз инме льӧль буёл кисьтӥськем. Пичи дыр дэремме мон отчы наштаськем. Ой, ой оскы Уйвӧт, дыр, ваньмыз та кожай. Киосы сузьытэк асме мон вешай Мусо пальыша шорам пичи ныл Зэмзэ-а ачим со, оло выжыкыл. * * * Векчи зор бам вылтӥм синкыли кадь ваське. Юромо шат меда ымнырме со миське. Лек пушнер пульсамон мугорме чепылля Езаллям лулсэрме ӵушкаса исалля. * * * Кызьпу пӧлтӥ юмшасько. Тонэ Есенин адӟисько. Чылкыт, югыт сюлэмыныд Тон сётӥськод мыным мылкыд. * * * Быдэс улосэ чузъяське удмурт гур Котькуд семьялы шумпотон тон, "Ингур". "Ингур", "Ингур", Лобись бурдо музэн Лыз инметӥ кадь уяськод. "Ингур", "Ингур" Сӥлы-бурлы вань калыкен Ваче кусып тон возиськод. Муспотон куараен веттаське льӧль "Ингур", Тон понна вордӥське выль но выль чебер чур. "Ингур","Ингур, Возь выл сяська сямен Кыӵе йӧно тон адскиськод. "Ингур", "Ингур", Ӵуж тылсиё марӟанъёсын Кыдёкысен ик пиштӥськод. Капчи но задор мылкыдыд юлтошмы, Тонэ кылзыса узырме улонмы. * * * Бӧрдыса буйгасько Капчия лулсэры Йырсазьы умойгес сазьтӥське. Сюлэмы дугдонтэм викышъя Викышъя Вылез адӟонэ солы кырмышъя * * * Сьӧдэктэм лымы - Гужа сюлэмы Кема ик ӧвӧл тэшканы ёзвилы. Тол вузэ но пельтэ Чидантэм со кынтэ Секыт ик ӧвӧл чигыны ньӧр-вайлы. * * * Ӧръяське тудву Гадь пушкам сурсву. Яратон туген биниське лулмы. * * * Кытысь мар ке кылдэм та висён кыль Вань кужым-ӟигарме тыл пушкын ӵушкатэ. Уг, уг юа мӧйы-а, яке егит ныл - Арлыдэз чаклатэк пыд йылысь погыртэ. * * * Суто Горд палэзьёс бамме суто Тылӝу пушкын кадь ӵыжато. Ӟукыр вазе сӥзьыл лымы Чиге, пырге лул-сюлэмы. Кельше мыным куке Городэ пеймыт уй лэзиське. Ворекъясь тылъёсын ваче ки Юмшасько. Городэн ас поннам лул-вирме Буй-га-тӥ-сь-ко! * * * Чиньыосыд тынад кузесь но векчиесь. Пианиноен шудыны гинэ кылдэмын, мусоесь. Я, шуд бен, тонэ нокин но уз дугдыты Уз, Паганини. * * * Марина Цветаевалы. Кӧня ке иськемын гинэ Кыдёкын ик ӧвӧл тон - Елабугаын. Потэ вылэм, потэ эскереме тонэ Уг ваньмиськы, ялан уж пӧлы выемын. * * * Возь вылэ италмас ӝужаку Яратон пуроме сюлэмын. Кыдёкын кусыпмы, гажанэ, Пумиськом-а туэ гужеме? Мӧзмыса тынэсьтыд ӝытъёсы Одӥгнам поръясько шур кузя. Туж секыт ортчыло уйёсы Тыр толэзь мӧзмон си на пазьге. Италмас сяськаен ӵош артэ Ай будэ на чебер лызгырлы. Луиськод малы ке но матэ Сюлэмме исаськод тон марлы? Возь вылын италмас толӟемын. Но ӧвӧл яратон вунэмын. Тон сыӵе ик сюлмын, гажанэ, Мӧзмонлы дышетӥд тон монэ. * * * Ас вакытад - Чылкак мон сямен ик ветлӥськод Одӥген-одӥген вамыштэ лыдъяськод. Синъёсыд музъеме улӥе лэземын Мугорыд йӧтонтэм сокеме ӝутэмын Я, дугды кытчы-о сокем мынӥськод Мон но тон кадь ик, вужеры, тон кадь луэмын. * * * Вал вылэ пуксьыса музъемысь инбамозь вуисько. Шурдонэ, мылкыды эрказме. Тӧдьы бус пужнэмъя инвисэ выисько Пыдтышкы нош уг шӧды, уг шӧд лулгурме. Тӧл пазьге пасьтана судалэс йырсиме Мугоры кылемын кыдёкысь иськеме. Соргетэ но азьлань вамыштэ ужпие Бурдъёссэ ӝамдэлы со сётӥз мон кие. * * * Нэнӥе доры куное бертӥсько Пушкы тырыса улосме вешасько. Тани ук, тани вордӥськем коркае, Шӧдэ-а меда бертэмме анае. Вылысьтым лымыме курткыса Мон пыро, ӟыгырто нэнӥме. Небытэсь киоссэ кутыса Небӟыто чурытам сюлэмме. * * * Куд ке дыръя нокинэн но уг поты вераськем Малпанъёсам выйылӥсько лушкем. Музъем вылын тыпы кадь мугоры Инвис сьӧры лоба капчи лулы. Лемлет лента выллем кыӵес-урд шоканэ. Тулыс лымы сямен мылкыд каллен шуна. Кытчы меда, кытчы дыртэ тудву Пучы вӧзын кудӟем ини шупу. * * * Ой кезьыт ульчаын, туж кезьыт Сюлэмын уката но юзмыт. Сӥзьыл зор йыгаське улонам Салкымлэн вужерез тусбуям. Писпу куар ӵужектэ ни, усе бергаса. Кошкемез потытэк гудыри гудыртэ. Ымнырам пӧсь вуэ - кезьыт зор кыдыра Пыроно я ӧвӧл - сылӥсько тунаса. * * * Огнам кадь та дуннее мон кылемын. Огнам шонаськисько шурдыт меӵ ярдурын. Пыд улам кӧс луо шыр киське но вия Чиданэ йыр визьме сӥстылэ но тӥя. Пушкысьтым кыр лулы ишанлы сётскыса Кемалась йыромиз ни лемлет омыре. Берлане вамыштэ вирсэртэм мугоры Сутӥськем турын-куар пыд улам куажыртэ. Кин ке лулӟылэ Шара викышъя, Усемез потытэк куар сямен куалекъя Курадӟе. Сор! гинэ сьӧд музъем ӝуткаське Котькытын йыр кобы Пыд улын костаське векчи лы. Шимес ик мыным огнамлы. * * * Кин меда кӧлэ уин. Уг нокин но уг Кроватяз пичи пинал ас кожаз бӧрдэ. Кулонэз вадьсын пересь векаса пуке Егит мурт гажанэныз ӵукнаозь калге. Мар бен юнме кӧлонэз Ай вуоз со дыр - Весяклы умме усём. * * * Палэнтӥд тон, палэнтӥд эштэ Шуям сяськаез сэрен сэрпалтӥд музэ. Пӧсь ӝуо эгыр вылын пеньӟытӥд лулме Мар на табере Вузӥсь тол кие вузад ке мугорме. Эн люкеты 1. Эн люкеты мыным, сӥзьыл, Яратонэ сярысь малпаськыны. Эн йыга укноям Зарнивуам куаръёсыныд. Ортчоз, ортчоз тынад но дауред: Вуоз тани Уйшор кезьыт - Кисыриос пуктоз, Мертчан ожо вылад Тӧдьы дэра пуксёз. . . 2. Малы синвуосыд, сӥзьыл, Чурен-чурен васько укноетӥ? Шат нош ик ӝожомид?.. Эн йыркура мыным, куазе, Вуоз, одно вуоз на тулысэд, Серектозы вож куаръёсыд. . . Али нош курисько: Эн люкеты мыным, Эн йыга укноям. 3. Эн люкеты мыным, сӥзьыл, Яратонэ сярысь малпаськыны. Эн йыга укноям Зарнивуам куаръёсыныд. Вуоз, одно вуоз на тулысэд, Небыт, шуныт тылсиосын, Шунды нуныялоз Сайкыт инбам улын Улӟоз быдэс улос. Владимир Чернов Кыз выжые силёпу уг поты Ӟуч писатель Илья Эренбург "Адямиос, аръёс, улон" книгаяз гожтӥз: "Адӟисьёс чалмыт ке уло, мадёсъёс кылдо". Михаил Тимофеевич Калашниковен но озьыгес луиз. Со тямыстон арессэ ке но ортчиз ни, улэм-вылэмез, ужамез сярысь азьвыл туж ӧжыт тодӥськом вал. Ог дас ар талэсь азьло гинэ Михаил Тимофеевич Ижкарын улэ но ужа шуыса вераны быгатӥм. Дорамы соку ик кунысьтымы но кунгож сьӧрысь журналистъёс дыртӥзы, улэм-вылэмез, автоматэз сярысь юалляськыны кутскизы. Озьы Михаил Тимофеевич Калашниковлэн нимыз быдэс дуннеын тодмо луиз. Таӵе дан кизилилэн тылсиез туж ӧжыт адямиос вылэ усе. Нош сыӵе дано муртлэн улон сюресэз Алтай шаерысь карта вылэ гинэ но пусйымтэ Курья черкогуртын кутскиз. Егит дырыз мукет крестьян пиналъёслэн кадь ик капчи ӧй вал. Атаез, Тимофей Александрович, черк приход школалэсь кык классэ гинэ пырпотӥз. Анаезлы дышетскыны ӧз кылды ке но, секыт 20-30-тӥ аръёсы улэп кылем куать пиоссэ но кык нылъёссэ дышетыны кулэ шуыса со сюлмыныз валаз. Пичиысен ик Миша кусоен турназ, валэн музъемез гыриз но усыяз, мукет гурт ужъёсты быдэсъяз. Школаысь дышетӥсьсы Зинаида Ивановна но, нылпиослы тодонлык сётэмен ӵош, ужез гажан мылкыд пыӵатӥз. Со соку шӧдӥз ини: пичи Калашников музъем ужез гинэ бергатыны вордскемын ӧвӧл. Пияш пӧртэм удысъёсын кужымзэ эскерыны тырше. Уть ай, куинетӥ классысен ик кылбуръёс но гожъяны кутскиз. Нош Мишалэн гожтэм пьесаосызъя школаын спектакльёс но пуктылӥзы. Гожъяськонлэсь Миша бӧрысь но ӧз куштӥськы. Армиын служить карыкуз солэсь кӧня ке кылбуръёссэ военной округысь "Горд Армия" газетэ но поттазы, война кутскон азьын армиысь егит авторъёслэн Киевын ортчем кенешазы ӧтчазы. Отын соослэсь гожъямзэс Украинаысь тодмо писательёс эскеризы. Дыр ортчемъя Калашников пумен-пумен техника борды кыстӥськиз. Механик-водитель луыса, пушкалэсь ыбылэмзэ лыдъясь прибор кылдытӥз. Солэсь та приборзэ нимаз кылдытэм ӧри умоен пусйиз. Лапегезлы луыса стройын берпуметӥ сылӥсь гордармеецлы Калашниковлы приборзэ эскеремзы бере Киевысь военной округен кивалтӥсь армилэн генералэз Г. К. Жуков час кузьмаз. Быдӟым Отечественной война кутскем бере Калашников соку ик ож тылӝуэ сюриз. Одӥгаз ӟырдыт ожын сӧсырмыса, танкист Михаил Калашников госпитале сюриз. Йӧнатскись ожчиос ӝожтӥськылӥзы: немецъёс автоматъёсын тачырто, нош асьмелэн винтовкаосмы гинэ но тырмыт ӧвӧл. Таӵе вераськонъёсты кылзыса, Михаил Тимофеевичлэн йыраз автомат кылдытон сярысь малпан кылдӥз но маза ӧз сёты ни. Нош кызьы сое лэсьтоно? Сыӵе ужлы нимысьтыз дышетскем кулэ, дыр, ук. Ярам, чертёж суреданы быгатэ, кагаз кутыса, вуоно пыӵалзэ, солэсь ёзъёссэ пӧртэм амалъёсын суреданы ӧдъяз. Со вие Калашниковез йӧнатскыны дораз лэзизы. Но Михаил дор палъёсаз соку ик ӧз берты. Поездысь васькыса, Казахстанысь азьвыл ужам чугун станцияз вамыштӥз. Автоматсэ татын лэсьтыны малпаз. Чугун сюрес станциысь деполэн начальникез солэсь верамзэ кылзӥз но чертёжъёссэ эскерыса шуиз: - Нош калык кытысь шедьтом? Ужасьёс сотэк но уг тырмо, тросэз цехын ик кӧлало. Тӥ асьтэос соосын вераське. Депоысь куд-огез ужасьёс солдатлэсь куронзэ быдэстыны пумит ӧз луэ. Кӧня ке улыса, пистолет-пулемёт лэсьтон борды кутскизы. Нимаз ёзъёссэ дасякузы, куд-ог тырмымтэос шараяськылӥзы, соосты ужан сяменызы палэнтылӥзы. Пӧрмытӥзы, ява. Калашниковез автоматэныз Алма-Атае ыстӥзы. Та карын шунды пуксён палась куд-ог предприятиос но наукая ужюртъёс интыямын вал. Пӧлазы авиациен вырись институт но. Татын Калашниковлы пистолет-пулемётсэ умоятыны юрттӥзы, тодосчиосын тодматӥзы. Собере округысь военсовет Калашниковез артиллерияя академилэн кивалтӥсез А. А. Благонравов генерал-майор доры ыстӥз. Анатолий Аркадьевич пистолет-пулемётлэсь чертёжзэ пыр-поч эскериз, отысь кӧня ке шекъёссэ шедьтӥз. Калашниковлэн ужез солы кельшиз кадь. Маке гожъяса, секретарезлы сётӥз но ӝоггес печатланы косӥз. Кагазэз печатлатозязы Благонравов старшой сержантлэсь улэм- вылэмез сярысь юалляськиз, техникая пӧртэм литератураез лыдӟыны дэмлаз. Печатласа кык кагаз вуттӥзы. Одӥгзэ конвертэ понӥзы, мукетсэ Калашниковлы сётӥзы. Академилэн кивалтӥсез партилэн Казахстанысь секретарезлы Кайшигуловлы тазьы гожтэм: "Старшой сержантлэн Калашниковлэн пистолет-пулемётаз кӧня ке шекъёсыз вань ке но, сюлмысь тыршыса ужамез шӧдӥське". Озьы ик со Калашниковез тодон-валанъёссэ будэтон вылысь воентехникъёслэн курсазы ыстыны ӵектэм. Отын Калашниковез округысь ожгарчиослэн кивалтӥсьсы П. С. Курбаткин генерал-лейтенант синйылтэ, академиысь ыстэм гожтэтэз лыдэ басьтыса, сое Мускоысь артиллерияя валтӥсь кивалтонние келя. Татын но сое шуныт пумитазы. Автоматсэ эскерыны полигонэ мынӥзы. (Али та пистолет-пулемётэз Санкт- Петербургысь артиллерияя, инженерной войскоосъя но связья музейысь адӟыны луэ). Полигонын пистолет-пулемётсэ эскерыку, Михаил Тимофеевич пыӵал поттон удысын тыршисен П. М. Горюновен тодматскиз. Куинь классэз гинэ гуртын будтыса, Пётр Максимович Коломнаысь машинаос лэсьтон заводын дас ньыль аресысен слесарь луыса ужам. Нош дас куать арес тырмем бераз Горд Армиын ожгарчи луэм, 30-тӥ аръёслэн кутсконазы, Коврове мыныса, пыӵал поттон заводысь выль конструкциосъя но стандартизацияя бюролэн мастерскояз нош ик слесаре интыяськем. Соку отын пыӵал тӥрлык кылдытӥсьёс В. А. Дегтярёв но Г. С. Шпагин ужазы. Соослэсь адӟем карыса- а, граждан ожез тодаз вайыса-а, Горюнов выль пулемёт лэсьтон борды кутскем. Угось секыт "Максим" пулемётэз узвесь зор улын трос гинэ кыскано луиз вал, вань тырмымтэоссэ но ас вылаз чидаз. Горюновлы станковой пулемёт лэсьтыны Дегтярёв но юрттӥз. Жаляса верано луэ, та кибашлы адямилы выль пыӵал тӥрлыксэ тросэн поттэмзэс адӟыны ӧз кылды ни. Горюновен тодматскем бераз Калашников валаз, выль пыӵалзэ поттон понна трос шӧгзэ но, кузьытсэ но веръяно луоз на шуыса. Соин ик тодон-валанзэ будэтӥз. Автоматлэсь туссэ, ёзъёссэ кагаз вылэ пуктон бордын тыршыкуз конструкторъёслэн бюроысьтызы чертёжъёс лэсьтӥсь Катяен кусыпсы тупаз. Соос кыкназы уйшор берозь ужаллязы. Автоматлы проект лэсьтонъя конкурсын вормемез сярысь но солы нырысь ик Катя вераз. Озьы егитъёс пумен матысь луизы но бӧрысь кузпалъяськизы. Калашников ноку уз вунэты тушмонэз вормон сярысь иворез кылэмзэ. Малпа вал, музъем вылын ож сильтӧл ноку уз ӝутскылы ни шуыса. Но гудырикошконэ американ самолётъёс Япониысь Хиросима но Нагасаки каръёс вылэ возьмамтэ шорысь атом бомбаос куштӥзы. Озьы трос сюрс адямиос юнме быризы. Соку асьме калык валаз: тупаса улон - пияла кадь, тэшкыльтыса но сӧриськоз, сое утён понна сак кариськоно. Соин ик конструкторъёсты выль пыӵал тӥрлык кылдытон ужъёссэс ӝоггес азинтыны косӥзы. Полигонысь мастерскойын автомат лэсьтон техникалы инты ӧз тырмы ни но, та ужен вырисьёсты Владимир областьысь Ковров каре выжтӥзы. Та сярысь Калашниковлы ивортӥз артиллерияя валтӥсь кивалтонниысь инженер-полковник В. С. Дейкин. Ковровын соку тодмо конструктор В. А. Дегтярёв тырше вал. Калашников сюрес вылэ потыкуз сюлэмшугъяськиз: генерал-полковникен артэ ужано, соин ӵошатсконо луоз ук. Собере кызьы пумиталозы выль муртэ, пыдзэс уз пуктэ-а? Сюлмаськемез юнме луиз, Калашниковез умой пумитазы. Автоматлэсь технической документацизэ дасяны егит конструкторлы Саша Зайцевлы оскизы. Михаил Тимофеевич соин огъя кыл ӝог шедьтӥзно, автоматлэн ёзъёсыз вакчи дыр куспын дасесь вал ини. Соосты бичазы. Пыӵал тӥрлыкез эскерыны заводын нимысьтыз тӥр лэсьтэмын. Улыса- вылыса выль пыӵал тӥрлыкъёсты эскерон нунал вуиз. Со бере нимысьтыз ӧри куд-ог ужъёсты ӵошатсконысь куштӥз. Выльысь эскерыны куинез гинэ пыӵал тӥрлык кельтэмын вал. Соос пӧлы АК автомат но сюриз. Берло куинь пӧлысь одӥгзэ гинэ кельтозы. Соин ик вормисе потон понна уката зол тыршоно луоз: ӧрилэн ӵектэмезъя, автоматлэсь секталазэ кулэстоно, кӧня ке ёзъёссэ умоятоно. Михаил Тимофеевичлэн блокнотаз выль но выль лыдпусъёс, суредъёс кылдылӥзы. Соку Ковровын кык заводъёс вал. Одӥгаз экскаватор поттӥзы, мукетаз - пыӵал тӥрлык но мотоциклъёс. Берлоезлы заводлы бӧрысь Дегтярёвлэсь нимзэ сётӥзы. Татын автоматсэ пумаз-йылаз вуттытозяз, Калашников трос удысчиосын (специалистъёсын) пумиськылӥз. Люкетыны, пыдзэс пуктыны вырисьёс но сюрылӥзы, соин ик ужез капчиен ӧз сётскы. Озьы ке но, нырысетӥ выль автоматъёсты дыраз лэсьтӥзы. Военпред С. Я. Сухицкий котькуд пыӵалэз сак эскериз. Кык толэзь ортчыса, Михаил Тимофеевичез Муское валтӥсь артиллерияя кивалтонние ӧтизы. Выль пыӵал тӥрлыкез учкыны лыктоз, пе, артиллерилэн маршалэз Н. Н. Воронов. Калашников ӧз тоды соин ӵош одӥг поездын мынонзэ. Вагонэ пырем бераз ик пумиськиз В. А. Дегтярёвен. Сое но Муское ӧтиллям. - Тани нош ик пумиським, - пальпотӥз Дегтярёв, Калашниковлэсь бур кизэ кутыса. - Тӥ милемыз, мӧйыосыз, азьпалтыны ӧдъяды. Ма, егитъёслы али эркын сюрес усьтэмын угось. Выльзэ вераны быгатӥськоды бере, милемыз ортчыны но быгатоды. Ми ум вожъяське, асьме калыклы гинэ пайда мед луоз. Калашниковлэн автоматэныз ӵош ожгарчиос эскеризы Дегтяревлэсь киын нуллон РПД пулемётсэ но Симоновлэсь СКС карабинзэ. Калашников сержантлы автомат бордын ужанзэ азинтыны коньдон висъяны юрттылӥз маршал Воронов. Поездын мыныкузы ай со Михаил Тимофеевичлы азьланяз пайдаё ужаны мылкыд кариз вал но шуиз: "Тырмымтэостэ шараясьёслы йырдэ кур эн кар, нырдэ вылэ эн "ӝуты". Нош ыбылӥськон дорын Калашниковлэсь блокнотаз гожъямзэ адӟыса вераз: "Ваньзэ гожъя, сержант. Егит йыр куд-ог макеосты вунэтыны шедьтоз". Ыбылӥськизы пӧртэм кемын сылӥсь мишеньёсы. Одӥг солдат Калашниковлы ӝожтӥськиз: ыбылӥськыку автоматлэн куараез, пе, укыр зол чузъяське, пель ик вӧсь луэ. Михаил Тимофеевич солдатлэсь куронзэ санэ басьтӥз но пыӵалэзлэсь та тырмымтэзэ палэнтэ. Войскоосын автоматсэ эскеремзы бере Михаил Калашниковез командировкае Ижкаре ыстӥзы. Ож аръёс ортчем бере Михаил Тимофеевич татчы ветлӥз ни вал. Тодӥз, та карын корт ӵыжатон но машина лэсьтон заводъёс артэ ужало шуыса. Машина поттӥсьёс ож аръёсы уно пӧртэм пыӵал тӥрлык лэсьтӥзы. Нош али АК-47 автоматъёсты тросэн лэсьтонзы ӧръяськоз меда? Каре вуэм бераз старшой сержант вуж тымет ярдурысь топольёс дортӥ ветлӥз. Пыӵал поттон заводлэсь башнязэ, А. Ф. Дерябинлэсь синпелетсэ учкиз но малпаз: "Калык аслэсьтыз сӥё-дано адямиоссэ уг вунэты, сайкыт тусбуйзэс дауръёсын тодаз возе. Нош мон кыӵе пытьы кельто меда та улонын, малпам ужъёсме быдэстыны кужыме тырмоз-а?" Тыметысь юзмыт тӧл пельтыны ӧдъяз, ярдуре пезьгыт тулкымъёс шуккиськылӥзы. Башняысь час жингыртыса ньыль пол шуккиз. Заводлэн ӧсэз пыр ужчиос но удысчиос доразы бертыны потӥзы. Кин тодэ, оло, соос пӧлысь куд-огеныз Михаил Тимофеевичлы ӵуказе ик ӵош ужаны кылдоз, АК-47 автоматъёсты бичан сярысь вераськоно луоз? Нырысь ик кӧня ке автоматъёсты мотозаводын бичазы. Собере машзаводын поттыны ӧдъязы. Пыӵалъёсты тросэн бичаны кутскемлэсь азьло шараяськем шекъёсты палэнтоно вал на. Но куд-ог удысчиослэн соин вырыны мылзы ӧз поты: ёзъёсты выльдыны мултэс дыр, пе, быроз. Конструкторъёс автоматлэсь затворзэ умоятоно шуизы, нош старшой военпред С. Я. Сухицкий та ӵектонлы пумит кариськиз. Соку конструкторъёс огдырлы лушкемскизы, угось военпред ӝоген шутэтскыны кошконо вал. Со ялкарыны кошкиз гинэ - чертёжъёссэс соку ик технологъёслы сётӥзы. Собере выль ёзъёсты бичан линие келязы. Степан Яковлевич ужаз берытскыку, затвор выльдэмын вал ини. Военпред кӧня ке ӟуриз ик. нош пыӵаллэн ӟечлыкез умояз шуыса валаз но лапказ. 1949 арын шумпотымон ивор вуиз. Конструкторъёсын Дегтярёвен, Симоновен ӵош Калашниковлы но нырысетӥ степенё Сталин премия сётӥзы. Озьы кун кивалтӥсьёс "Ижмаш" предприятиын пыӵал поттӥсьёсты нырысьсэ вылӥ дунъязы. Михаил Тимофеевичлы данак ӟечкылан телеграммаос вуизы. Соос пӧлын вал М. В. Марголинлэн но. Калашников соин Ижкарын ужаны кутскемез бере тодматскиз. Михаил Владимировичлэсь спортивной пистолетсэ, асьме странаын гинэ ӧвӧл, кунгож сьӧрын но умой дунъяллязы. Солы "РСФСР-лэн дано изобретателез" ним сётӥзы. 20-тӥ аръёслэн шоразы ай, бандитъёсты кутыкуз, Марголин синтэм кылиз. Нош пистолет сыӵе ӟеч кылдытӥз. Кыӵе юн мылкыдо адями со. Тӥни кинлэсь адӟем кароно. "Ижмашын" конструкторъёслэсь нимысьтыз ёззэс кылдытон но отчы усто ужчиосты люкан понна, Калашниковлы но зол нюръяськоно луиз. Ӵемысь ачиз но эгол кутыса, корт вуштылӥз. Михаил Тимофеевичлы уката секыт йӧтысал но, 1950 арын СССР-лэн Вылӥ Кенешаз депутатэ быръемзы юрттӥз. Собере сое трос аръёс ӵоже партилэн Удмурт обкомаз бырйылӥзы. Заводысь кивалтӥсьёслы тае лыдэ басьтытэк ӧйлась. Калашниковлэн ужез каллен-каллен азинскиз. Армиын служить каремея тодӥсько на: 50-тӥ аръёслэн кутсконазы, Свердловск кар урамъёстӥ ортчылыкумы, АК-47 автоматъёсты нимысьтыз вурем шобретэн ватыса нуллӥмы. Ыбылӥськеммы бере вань гильзаосты бичаллямы. Сыӵе лушкем выримы. Ма веранэз, кытын, кин лэсьтэм со автоматэз - нокудмы ум тодӥське вал. Нош Калашников конструкторъёсыныз ӵош автоматэз выльдон, солэсь секталазэ кулэстон но чебергес карон бордын ялан тыршизы. Пыӵалъёслэсь ӟечлыксэс ӝутон понна заводысь технологъёсын но корт ӵыжатӥсьёсын юн кусып возизы. "Ижмаш" огазеяськонлэн музеяз возьматэмын пӧртэм-пӧртэм автоматъёс но пулемётъёс. Та пыӵал тӥрлыкез кылдытӥсьёс, соосты йылаз-пумаз вуттытозязы, кӧня уйёссэс ӧз изьылэ, дыр. Котькуд выль пыӵал лэсьтыкузы сое уката умойгес карыны тыршизы, дырзэс но, кужымзэс но ӧз жалялэ, дан сярысь но, кузь коньдон сярысь но ӧз малпаськылэ. Михаил Тимофеевичлэсь ӵем дыръя юало, ортчем улон сюрессэ чакласа уг ӧпкельы-а шуыса. Малы бен со ӧпкелёз, вань улонзэ калыклы но армилы сётӥз ук. "Записки конструктора-оружейника" но "От чужого порога до Спасских ворот" книгаосаз Социалистической Ужысь кык пол Герой, Ленин но Кун премиослэн лауреатсы, техника тодосъёсъя доктор Калашников ортчем сюресэз сярысь пыр-поч маде. Отын со тодаз вае Алтай шаерысь вордскем Курья черкогуртаз бертылэмзэ. Соку тямыстон аресъем нылкышно солэсь кизэ кутыса вераз: - Войнае гуртысьтымы ваньмыз сямен пиосмуртъёс кошкизы. Картэ но, данакез пиосмуртъёс сямен, ож лудысь ӧз берытскы. Нош пиосы, берло дыре ож тылпу гомӟылымтэлы луыса, улэпесь. Кинлы бен со понна тау кароно? Мон сямен, тыныд но, Миша. Мӧйы кышномуртлэн кылъёсыз сюлмысьтыз потэмын вал. Угось со ӟеч валам: Михаил Тимофеевичлэн пыӵалэз ож пуромытон понна ӧвӧл, тупаса улонэз утён понна, кылдытэмын. Дыр вуиз - Калашниковлэсь ужзэ кунгож сьӧрын но тодӥзы. Солэсь автоматсэ туж вылӥ дунъяса, пыӵалъёсты возёнъя Америкаысь национальной музейлэн кивалтӥсез, историк Эдвард Клинтон Изелл гожтэт ыстӥз. Ӝоген конструкторлэн ӧтемезъя Мускоын Изеллэн пумиськон ортчиз. Кӧня ке дыр ортчыса, одӥгаз газетын Калашниковлэсь но Изеллэсь вераськемзэс печатлазы. Нош Изелл США-ын "История АК- 47" книга поттӥз. Тӥни озьы асьмелэн дано конструктормы сярысь книга нырысь ик кунгож сьӧр калык доры вуиз. Нош асьмелэн писательёсмы ӧз тодылэ шат, артэ ик таӵе тодмо конструктор улэ шуыса? Тодӥзы но со сярысь гожтыны ӧз басьтӥське, угось ивор вӧлмытонэз чакласьёслэсь кӧберазы. Мускоын пумиськон бере ар ортчыса, Изелл Калашниковез национальной музейлэн нимыныз США-е ӧтиз. Отын Михаил Тимофеевич М-16 винтовка кылдытӥсь конструкторен Юджин Стоунерен пумиськиз. Соос зарезь пехоталэн базаяз ветлӥзы. Конструкторъёсты пумитаз генерал Коффилд. - Вьетнамын ожмаськыкум мон подразделениен кивалтӥ, - тодаз ваиз со. - Соку мынам киям тужгес но кутэме потэ вал Калашниковлэсь автоматсэ. Но солдатъёслэсь кепыр ваи, соослэн но тӥлесьтыд автоматтэс кутэмзы потысал. Та учыр яркыт возьматэ, макем ӟеч пыӵал тӥрлык кылдытыны быгатэм конструктормы. Али Калашниковлэсь автоматсэ 55 кунъёс басьто. Тужгес но трос со 1987 арын вузамын вал. Али данаклы ӧжытгес вузаськом. Юнме. Табере асьме интые мукет кунъёс пыӵал тӥрлык вузаса табыш потто. Михаил Тимофеевич аслаз бюроеныз ӵош сюлэсь трос пӧртэм автоматъёс но пулемётъёс кылдытӥз. Солэн пичигес гинэ кабинетаз та сярысь чай юыса вераськыкумы, ми доры, ӧсэ йыгаськытэк, егит воргорон пыриз. - Мынам пие, Виктор, - тодматӥз Калашников. Бен, солэн пиез но, Ижысь механикая институтэз быдтыса, 1966 арысен атаез вӧзын ужа. Механикая институтэз быдтэм куать егит инженеръёсын ӵош пыӵалъёс поттонъя группа кылдытӥз. Отчы пыриз дано конструкторлэн Е. Ф. Драгуновлэн Алексей пиез но. Ваньзы соос одӥг эшлыко семья кадь уло, кулэ дыръя ог-огзылы юртто. Виктор атаезлы Мускоын потэм журналэз возьматыны пырем. Отын соослэн выль пистолет- пулемётсы сярысь гожтэмын. - Куд-ог журналистъёс выль пыӵалмес возьматыны мултэс дырто, - пиез кабинетысь потэм бере шуиз Михаил Тимофеевич. - Тани та пистолетъёсты но ми тирын тыро-пыдо ыбылыса ӧм эскере на. Кин тодэ, оло, соосты чылкак мукет каромы на, нош журналэ поттӥллям ини. Конструкторен часлэсь кема вераськыкумы, Калашников ӝожтӥськиз, пыӵал тӥрлык поттон предприятиосын конверсиез рос-прос малпаськытэк ортчыто шуыса. Соин йырин дуно оборудованиез тус-тас каро, коньдон ӧжыт басьтэменызы йырин зэмос усточиос ужысьтызы кошконо луо. Кулэ луиз ке, сыӵе ужасьёсты кытысь шедьтод на, выльёссэ дышетыны аръёсын дыр кулэ ук. - Нош кунгож сьӧрысь пыӵалъёс маин пӧртэмесьӥ - юай мон. - Америкаысь М-16 винтовкаен зорыку ыбылӥськыны шуг. Нош Израильысь "Узи" автомат матэ гинэ ыбылӥськыны чакламын. Асьмелэн автоматмы кыдёке но зол кужымен ыбылэ. Соин ик со быдэс дуннее вӧлмиз. Вераськонмес куспетӥ карыса, кабинетэ пыриз Калашниковлэн шофёрез, тып-тып мугоро удмурт воргорон А. С. Перевощиков. Дас арлэсь кема нуллэ ини со конструкторез. Ог-огзэс валало, иське. Калашников шофёрезлэсь семьязэ но ӟеч тодэ, со сярысь шуныт пальпотыса вера: - Анатолийлэн кык етӥз пиосыз будо - Руслан но Андрей. Нош кышноез Вера милемын артэ "Ижсталь" огазеяськонлэн ОТК-яз ужа. Калашников огшоры адямиосты гажа, соосты улӥ уг кары. Юнме шат ужчиос соин огдышем сяменызы улон-вылонзы сярысь ӵемысь кенешыло. Кытӥяз асьсэлэсь куронзэс кивалтӥсьёслы но вераны куро. Калашниковлэн нимыз, кылыз азьвыл сямен ик куд-ог ужпумъёсты йылаз-пумаз вуттыны юрттэ. Конструкторлы, Россиысь сяна, кунгож сьӧрысь но трос гожтэтъёс вуо. Михаил Тимофеевич соосты лыдӟыса огзэ но уг куя, канаяз синпельлы возе. Кин тодэм, оло нош, азьланяз со гожтэтъёс ортчем сюрессэс тодэ вайыны юрттозы. Тани берпум книгаосаз но куд-ог ватсанъёс пыртоно луиз, улон азинске уга. Кышноез кулэм бере Михаил Тимофеевич ньыль комнатаен патераз огназ улэ. Солэн отысь номыре воштэмез уг поты. Корка пушкын азьвыл премиосыныз басьтэм тӥрлык сылэ, борддоръёсын туспуктэмъёс. Шудтэм учыре сюрыса бырем яратоно Наташа нылызлэн лыдӟем книгаосыз нимаз тыремын. Заводын уен-нуналэн тыршеменыз пиналъёсызлэсь кызьы будэмзэс но шӧдытэк кылиз шуыны луоз. Соос сярысь вань сюлмаськон кузпалыз Екатерина Викторовна вылэ усиз. Пичи дыръязы сётытэк кельтэм шунытсэ Михаил Тимофеевич нылпиосызлы али берыктыны турттэ. Связья кивалтонниысь программистэз, Елена нылзэ, Америкае нуллӥз, нош Виктор пиеныз ӵош Китае ветлӥз. Макем шумпотӥз Викторлэн пиез, Михаил, механикая институтэз быдтэм сярысь диплом басьтэм бере. Аслыз уго институтэз йылпумъяны ӧз кылды. Соин йырин солы 1971 арын техника наукаосъя доктор ним сётон пумысен Ижевскысь ӵош ужась удысчиосыз ӧз сюлмаське, сыӵе куронэн Тулаысь ачиз кадь ик конструкторъёс вазиськизы. Арлыдыз шоры учкытэк, Михаил Тимофеевич ӵукна куать часын ик султэ но зарядка лэсьтэ. Ваньмон дыръяз чорыганы, кар сьӧр котыраз копаськыны но нюлэскытӥ пыӵалэн калгыны яратэ. Пӧйшурез ыбыны ӵем ик уг удалты ке но, ӵок ини, со понна кӧня инкуазь чеберлыкъёсты адӟоно. Аръёс ортчо, ӵыпонтэм шур ву музэн визылало. Михаил Тимофеевичлэн арлыд вань гинэ ини. Малы ке но тодаз лыктылэ Ижкаре вуэмез бере тымет дурын сылэмез. Азьвыл сямен ик куашетэ Дерябинэн кылдытэм завод, тыметэтӥ погыльско тулкымъёс. Бен, зэмос кунмуртъёссэ калык уг вунэты. . . Нош сое, Михаил Калашниковез, ӟеч кылын тодазы вайылозы меда?.. Калашниковлэсь 75 арес тырмонзэ пусйыны Россиысь но быдэс дуннеысь сӥё-дано адямиос ветлӥзы. Соку Россилэн Президентэз Борис Ельцин Михаил Тимофеевичлэн гадяз нырысетӥ номеро "За заслуги перед Отечеством" кыкетӥ степенё орден бырттӥз но генерал-майорлэсь погонъёссэ сётӥз. "Круг" фирма но информация удысын ужасьёс 1994 арлэн адямиез ним басьтон понна конкурс ялӥзы. Лыдӟисьёс Михаил Тимофеевичлы арлэн адямиез ним сётӥзы. Собере сое пусйизы Андрей Первозванный Святой апостоллэн орденэныз. Михаил Тимофеевич ож тӥрлык поттон бордын гинэ уг ужа. Конструкторлэн тыршеменыз кылдӥз "Сайга" пӧйшуран карабин. Сое мукет кунъёсысь специалистъёс но вылӥ дунъязы. Берло аръёсы Калашниковлэн нимыз Россиын нош ик тодмо луиз выль уженыз сэрен. Москваысь кивалтӥсьёс 1998 арын Ижысь конструкторъёслы тылпу кысонъя аппарат поттыны шуыса вазиськизы. Ар куспын соослэн куронзы быдэстэмын вал. Сое кылдытонэ Михаил Тимофеевич ачиз меӵак ӧз пыриськы. АК-103 автоматэзлэн инъетэз вылын тылпу кысӥсьёслы аппарат кылдытӥз солэн Виктор пиез. Озьыен, Калашниковлэн мытэм ужез азьланьске, иське, та югыт дуннее со юнме ӧз вордӥськы, юнме ӧз улы, ӟеч ужъёсыз калыке кылёзы, нимзэ умоен вераны мугез вань. Тани 80 арессэ пусйыку но сое ӟечкыланы Россиысь правительстволэн кивалтӥсез Владимир Путин, обороная министр Игорь Сергеев но Москвалэн мэрез Юрий Лужков ветлӥзы. Ижкарлэн шораз ӝутӥськем музейлы Калашниковлэсь нимзэ сётӥзы. Адямиос отысь Михаил Тимофеевичлэн визьмыныз, кужмыныз но жадёнэз валатэк тыршеменыз кылдытэм ужъёссэ кема аръёс ӵоже адӟыны быгатозы. Улон питран азьлань питыра, нош Калашниковлэн арлыдлы сётӥськем уг поты. Кужым вань, визь сайкыт на, иське, выль ужъёс борды но кутскыны кӧберано ӧвӧл. Ижысь пыӵал тӥрлык поттӥсь кибашлыослэн дан кизилизы кызь одӥгетӥ дауре но медаз безды. Нош аслаз выжыысьтыз ӝутскем пушъетъёс сярысь ке верано, соос но ӟеч тэлеӟизы, ваньмыз нылпиосыз улонын асьсэлэсь интызэс шедьтӥзы, атайзылэсь данзэ уз уськытэ. Соослэн но пиналъёссы тӧлсяська уз луэ. Тани Колумбиысь тодмо ужбергатӥсьёслы бызем Женя внучкаезлэн кык аресъем пиез но али ик шумпоттэ ни. Паймод но бырод, ява, сое, пе, отын туж тодмо супермоделен лыдъяло. Я, ойдо мед. Озьы ик луыны кулэ: кыз выжыысь силёпу медаз ӝужа, кыз ик мед будоз. Со ӝытэ Надя апай дугдылытэк бӧрдӥз но бӧрдӥз. Мон сое кызьы буйгатыны ик ӧй вала, малы ке шуоно, тодматским со нуалэ гинэ. Журналистлэн ужез пыд йылаз, отын но, татын но кӧлоно луэ. Надя апай монэ, тодмотэм муртэ, чик пумитъяськытэк дораз пыртӥз, ма удмурт адямилэсь, пе, мар курдалод на меда. Огшоры кӧлыны пырем муртэ, кынмемме шӧдыса, гын сапег пыдам кутчаны сётӥз, пӧсь чаен утялтӥз (самоварен пӧсятыса), небыт валес сётӥз. Мар кулэ на сюресчилы. . . Егит на вал со соку. Туж егит. Чебер, веськрес. Гуртысь пиос огез, кыкез Надяез синйылтӥзы. Но кылдэмез солэн мукет вылэм. Кин малпаз шур сьӧрысь со Катя эшезлэн нылпиосызлэн сюранайзы луоз шуыса. Пашалэн малпаськыса улыны дырыз ӧй вал: нылпиосыз векчиесь, соослы анай кулэ.Нош Катяез, висёнзэ шӧдыса, кузпалызлы Нади эшсэ ӵектыса кельтэм. Нокинлы но, пе, солы сяна уг оскиськы. Эшедлэн кылызлы пумитъяськыны дӥсьтод-а? Секыт ке но луоз - Надя куинь нылпиё кузпал доры вамыштӥз. Солы бен сокем карт но кулэ ӧй вал , дыр, но, нылпиослэн жальзылы чиданэ быриз, шуэ кышномурт. Куинь арзэ Пашаен ӟеч улӥзы, пиналъёс каллен-каллен пыд йылазы тэтэ карыны кутскизы. Собере шуак олокыӵе кыль Пашаез весяклы пыд йылысьтыз погыртӥз. Кызь вить ар, пе, Надя апай сое утялтӥ. Мар веранэз, секыт ини висись муртэн улыны. Пудо утён борды гинэ кӧня кужым кулэ. Ваньзэ чидаз кышномурт пельпум. Ӧз куашкаты юртъерзэ но, йыг-йыг, котьку чылкыт возиз. Паша но кыкетӥ кузпалызлы шуд гинэ сӥзьылӥз. Улонзы Катиеныз ӧз пӧрмы бере - таиныз мед удалтоз ини шуылӥз.Ведь нонӥсь нылыз Надя кие кылиз. Кема висемез бере Паша кулӥз. Оло та секыт ужъюгдур, оло кынмам висён кыльлы луыса Надя апаез весяклы улон пельтэм кельтӥз. Вань, пе, слуховой аппаратэ, но сюлэмы шуг луэ, шуэ со. Кызьы вань, пе, озьы уло ини. Ӝикыт ик та Надя апай. Корка пушказ ваньмыз лач-лач интыямын. Гид-куаэз но утялтэмын. Азбараз чыпы-курегез улонзэ шулдыртэ, гидаз - маке мында ыжъёсыз.Улэ со каллен ас сяменыз. Кытӥ-отӥ ваньмон дыр шедьтэ ке городэ пиез доры нунал ӵожелы гинэ вутскыны тырше. Одӥг-ог бускельёсыз доры шутэтскыны пота. Ярато сое эшъёсыз. Укыр угось лякыт сямо та кышномурт.Музъем вылтӥ но ас эсэпсэ шӧдыса гинэ лёгаське кожалод. Ӵуказе ӵукна, пе, бадӟымез пие кышноеныз корка миськыны бертоз. Юрттӥсьлы бен кин уз шумпоты. Пиеныз кензэ веракуз Надя апайлэн синъёсаз оскон тылсиос пазьгиськизы кадь. Ялан со соосты возьма, вите. Мар на табере улонлэн шумпотонэз - нылпиослэн нылпиоссы. Тани бадӟымез пизы армие яраз ини, нылзы - бадӟым классъёсын дышетске. Вераськон вискамы нош ик Надя апай мае ке но тодаз вайыса кунэрске но жаль-жаль синвуосын бӧрдыны кутске. Мон соку солэсь юалляськытэк ӧй чида. Мар ке но та кышномуртлэн сюлэм ӵабъясез вань кадь потӥз. Озьы ик вылэм, куинь ар талэсь азьло Виталийзы шӧдтэк шорысь больницаын кыллён сяменыз кулэм. Сыӵе ӝужыт, йӧн- йӧн муртэ нокин но ӧз малпалля сокем вазь улонлэсь люкиськоз шуыса. Нош тӥни висён уг юа вылэм, котькинэ пыд йылысьтыз погыртыны быгатэ. Нырысь-валысь Виталий райцентрын милиционер луыса ужам, собере агаен сузэрез доры городэ улыны кошкем. Шутэтскон нуналъёсы одно ик анайзэ эскерыны вуылӥз. Ма бен пу дасян- коран сярысь куректонэз ӧвӧл, улон туж умой луиз - газдэ ӝуатӥд, пӧсь ке луиз - пичиятыны кема ӧвӧл. Анаезлэн улонэз капчияз. Секыт вал сюранайлы мусо пиеныз люкиськыны. Таӵе ик син азяз пуксе ӧжытак шумпричгес сямо Виталий пиез. Городысь бертэ но соку ик уж борды кутске, тэк пукемез солэн ӧз потылы. Секытлэсь но секыт адӟон-ыштонзэ Надя апай туэ толшоре пумитаз. Люся нылыз тани берпуметӥ нуналъёссэ та корка шорын коросын кыллиз. "Сыӵе ик чебер, ӵыжыт ымныро сюе пыриз,- весь викышъяса веранзэ азинтэ Надя апай.- Адямиос городын улон интылы ёрмо, Люсялэн аслаз квартираез но вал ини, мебелез но, дӥськутэз но аслыз тырмыт вал". Люсялэсь улонзэ куспетӥ уриз нош ик адӟемпотостэм висён кыль. Одӥг- ог кылльылэ , пе, вал больницаосын, но кулымон ноку ӧз чигтӥськылы. Ачиз со завод медсанчастьлэн поликлиникаяз врач луыса ужаз. Малы ке бызьыны ӧз бызьы, огназ улӥз. Ӵем гинэ анаез доры бертылӥз, котькыӵе ужзэс тупаса, одӥг кылысь ужаллязы. Тани али со одно Быдӟым нунал азьын анаезлы корка миськыны юрттыны бртысал ини. Бакча ужын но, юрт котырын но, узы -боры бичанын но анай нылыныз ялан ӵош вал. Юнме уг шуо ук, ныл со анайлэн юрттӥсез но матысь эшез луэ. Отпуске потыса но Люся анаез вӧзын улылӥз. Пятница ӝытэ бертыса вордӥськонэ ӵукна гинэ кошкылоз, пе, вал. Таӵе ик, шуэ, капкаез усьтэмзэ валасько, корказетӥ тубемзэ шӧдӥсько, тусбуйзэ уйвӧтын адӟисько. Нош кыӵе ужась вал со! Пукытозямы самовармы сӥям. Нош кыӵе со шиетӥз вал. Часэ шоры учки но, абдрай, ӝомо-югдо ӝыт пырем маке - уйшор но ортчем ини. Кылмы тупаз угось Надя апаен. Улэмез сярысь солэн кинлы ке верамез потэ , луоз. Тӥни малы со дугдылытэк бӧрдэ вылэм. Адямилэн сюлэм пушказ уд пыры, мар отын - ваньзэ тодыны но уд быгаты. Аслаз егит дырыз но жаль потэ, дыр, мурт нылпиосты будэтэмез но тодаз лыктэ, дыр. Кулэмъёсыз понна но бамзэ сутэ, улэпез понна но. . . Озьы ке но, Инмарлы тау каре ӟеч сямо нылпиосызлы. Но одӥгзэ нокызьы валаны уг быгаты, малы соослэн, сыӵе лякыт нылпиосызлэн утись-вордӥсьсы ӧвӧл меда шуыса. Жугиськон-юонэз тодӥсьтэм нылпиослэн анайзы шоры урод кылын ноку ваземзы ик ӧвӧл. Гурт калык но соосты гажа. Ӵукна сайкай но, ачим ик-а меда та шуыса нырысь ик киосме кутылӥ, собере бамы борды йӧтӥськи. Шӧдӥсько - шуныт, кынмем берам пӧсяса изиськем. Небыт мамык валесэ выдэм берам соку ик жадем мугорылэсь мозмыса выллем мур-мур умме усиськем. Уйшорозь Надя апаен кенешим, нош уйшорысен ӵукнаозь - Люсяен (уйвӧтын).Улонам нырысьсэ таӵеез валӝ. Мон Люсялэсь, кулэм муртлэсь, диктофонэн ик интервью басьтӥ. Жаля со анайзэ, со сямен ик жаль-жаль синвуосын бӧрдэ. Кошкыса ӧй вутты, ӵукна вазь ик Борис но кузпалыныз вуиз. Зэмзэ ик туж лякыт со. Кышноез ӟуч. Ачиз востэм гинэ, сюранаез сямен ( сое со озьы уг шуы) чакласькыса вераське. Чылкыт, тамак уг кыскы, винаен эшласькемез ик ӧвӧл. Туж данъяське вылэм Надя апай пиеныз. Но. . . Борисэз понна но сюлэмыз чигиське, йӧн-йӧн кадь , веськрес мугоро. Чигиськемезлэн мугез вамышъякуз шӧдӥське вылэм- сое пери шуккем. Куинетӥ арзэ, пе , кыкетӥ группаын ветлэ ини. Ваньмыз умой мед луоз вылэм,- сюлэмыз дырекъя Надя апайлэн. Бадӟым пиез понна, солэсь тазалыксэ утён понна, мӧйы кышномурт ӝытъёсы кема-кема вӧсяськыса улӥсько, шуэ. Кулэм кузпалызлэсь но Катёк эшезлэсь пиезлы шуд но тазалык куре. Та улонын Надя апайлэн вань осконэз но шунытэз Борис борды кылмын на. Кошкыкум Люсялэсь тусбуйзэ адӟоно вал шуыса фотокарточказэ кури. Ма тани ук уйвӧтын кадь ик улэп со, чебер. Ньыльдон аресаз мынӥсь кышномурт пальышса учке шорам. Тӧдьы халатэн, киосаз улэпесь тюльпанъёс. Кин ке но кузьмаз, дыр. Больницаын бере- висисьёс , луоз. Нош со сяськаосын ӵош йӧнатӥсьлы шуд но юн тазалык сӥземын вал , дыр, ук. Мурдала. . . Мур-мур. . . Мур-мур. . . Пыдес вылад мургетӥсь коӵыш кадь со. Нёжалъёсын шильыртӥсь куаръёс, ненег будосъёс вылын ӟечырась тӧлъёс, дауръёсын вӧлӥськись изъёс ? ваньзы соос мурдалаен шокало. Эсьмаса, огшоры унябей гинэ но тӧдьы бурдъёссэ-инӟыоссэ вӧлъя ке мургетыны кутске. Мурдала ? со мынам одӥгез яратоно кылы. Анай кылы. Арлыдъёс ватсаськемъя мон пумен валаны шӧтасько аслэсьтым узырлыкме. Удмурт узырлыкме! Данъяськисько мон удмурт луэменым. Котькуд удмурт кыл табанез вӧясь тылы кадь мынам сюлэм бордам йӧтскылэ: "Шӧдӥськод-а, кыӵе тон шудо. . ." - шуэ кадь со. Анай, Атай ? "ай!" ? чабкиське мынам сюлэмы-кӧты. Нош " синчебер"! Нош "синкаш", "синлыс"! Берыктэ ай ваньзэ тае ӟуч кылэ. "Красота глаз, хвои глаз, бриллианты глаз". Табере ӵошатэ, кин мусогес но чебергес вера! Мон уг оскиськы удмурт калыклэн историез ӧвӧл шуисьёслы. Вань историмы асьмелэн туннэ ке но ? анай кылмы пушкын. "Адями" нуэ Адам доры, "удмурт, одморт, одо-мари" ? Один инмар доры. "Ас" местоимение ? вашкала гипербореецъёс доры (Один инмарлэн ожчиосыз Асградын уло). Уг, философствовать карыны уг малпаськы. Мынам узырлыке сярысь , мурдалае сярысь, шудбурен тулкымъяськыса пальккаськись мылкыды сярысь гинэ вераме потэ. Шузи, дыр, мон яке укыр визьмо. Ма, ваньмы ми инвожоос сыӵеесь. Тани вордскеммы дырысен 10 ар тырмемлы но ми сыӵе шумпотӥськомы. "Инвожо" ? ми понна со вормонтэм, пыдсаз вуонтэм мурдала! Вакчияк вераса ? милям дуннемы, милям лыдӟисьёсмы, милям адӟонмы. Ма кызьы уд шумпоты аслад шудбуредлы, гумырезлы одӥг пол гинэ усьтӥськись сяськаедлы! Гажано эшъёсмы, вань сюлмысьтым ӟечкыласько тӥледды та пичи "писэй пилэн" вордскем нуналэныз. Шуд но тазалык тӥледлы! Но тужгес но созэ дэмламе потэ ? али гинэ басьтэм "Инвожодэс" пыдес вылады ке понӥды, со тӥлесьтыд вешамдэс возьмаса мургетыны мед кутскоз. . . Никвлад Самсонов, Писательёслэн Союззылэн тӧроезлэн воштӥсез, "Инвожо" журналлэн нырысетӥ редакторез. Кыӵе мылкыдын , малпанъёсын пумитаськоды Элькунмылэсь юбилейзэ? Нырысетӥ юан пумысен мылкыды ӧвӧл вераськыны. "Инвожолы" дас ар. Мар верасалды та пумысен? "Инвожо" журналлэн вордскемез ваньмыз понна бадӟым шумпотон вал. Писательёслэн Союззы ке ӧц луысалыз, "Инвожо" но ӧй луысалыз. Тау Семён Александрович Самсоновлы. Тани табере со дырысен дас ар ортчиз. Журнал рос-прос пыд йылаз сылэ. Озьы ке но, та вордэм нылпи азьланяз улоз шуыса, оскисьтэмъёс но вал, но со улэ. Тодэ лыктэ на, журналлэсь нырысетӥ номерзэ Йошкар-Олаын возьматӥмы вал. Соослэн таӵе журналзы ӧвӧл бере, соос туж вожъяськыса учкизы журналмес. Нырысьсэ данъяськи удмурт культура понна. Журналлэн секыт вакытъёсыз новал, оло сое пытсалозы-а шуыса но кышкаса улӥды. Но тӥ ваньзэ сое чидады, озьыен, азьланяз ваньмыз умой луоз. Кӧня ке кыл гонорар ласянь верам потэ. Художественной кыллэн категориез мукет - сое чаклано, нош тӥ котькуд жанрен гожтэм арберилы огкадь тыриськоды. Мукет журналъёсын озьы ӧвӧл. Таӵе ӵектонэ вань на: котькуд ужасьты ас азяз бадӟым куронъёс мед пуктоз, мед утчаськоз. Редколлегилэсь но эн палэнске, ӵемгес мед люкаськомы. Журналлэн огъя направлениез мед луоз - отчы-татчы тэтчанъёс медаз луэ вал. Сайкыт, югыт суредъёс Галина Васильевна Рязановалэсь суредъёссэ, творчествозэ нокинэн уд сура. Солэн аслаз гинэ чылкак выль, нокинлэсь адӟем карымтэ ӧрез. Улэп будослэсь лулзэ, ауразэ валанэн, озьы ик адямилэсь ауразэ - сямъёссэ, мылкыдзэ, лулпуш дуннезэ шӧдонэн тырмемын солэн пейзажъёсыз, натюрмортъёсыз, портретъёсыз. Суредъёс пушкысь кыстӥськись югыт, чылкыт кужым асьмелы выль, та дыре тодымтэ мертэтъёсты, космосэн герӟаськеммес, солэсь вылӥ тодон-валанзэ возьматэ кадь. Солэсь ужъёссэ учкисьлэн сюлэмаз чылкытатӥсь, югдытӥсь кужым пыре. Яркыт буёлъёсыз пыр со улонлэсь шумпотымонзэ возьматыны тырше, учкисьёссэ инкуазьлы матэктыны юрттэ. Галина Васильевна пӧртэм амалъёсын суреда: акварель, гуашь, темпера.. Ӵемгес со возьматэ сяськаосты,чебер но паймымон някырскем вайёсты, куасьмем турынэз. Будослэн улонысьтыз огвакытсэ гинэ шуак синйылтыны быгатэмез суред пушкын вылӥ поэзиозь ӝутӥське. Суредъёсызлэн жанрез сярысь но вераны шугъяськоно. Сяськаоссэ огшоры натюрморт уд шуы, соос икебаналы матынгес. Котькуд буёлэз, фонэз малпаса интыяз пуктэмын. Таиз ӵемысь котырес гожъёс луо. Суредась, оло, юри аслыз секыт уж быръе, кылсярысь, тӧдьы лилиосты юг-юг тӧдьы фон азе пуктэ. Галина Васильевналэн тросэз ужъёсыз нокыӵе нимтэк. "Суредъёсыз пыр дуннеез адӟонме адямиос ас сяменызы мед валэктозы"- шуэ со. Галина Рязанова вордскемын Ижкарын, нош выжыез Ува ёросысь Кочур гуртын. Та дырозь солэн ужъёсыз возьматъяськизы ини 95 адӟытонъёсын. Троссэ экспонатъёссэ адӟыны луоз таӵе адресъя: Ижкар, Свердлов нимо ульча, 18 юрт. Ох, чебер ик тон, Полина! Пичи дырысеныз ик нылашлэн чеберез калыкъёсты паймытылӥз. Та шудтэмлы син усёз ини шуыса, анаез нылзэ сьӧраз но басьтылыны кышкалляз. Кытысь сыӵе со вордӥськиз, ваньмыз паймылӥзы, сузэр-вынъёсыз кисьтэм-бвасьтэм одӥг тусъемесь - огшоры, нош Полина. . . Вераны но гожтыны луонтэм чебер тусо, веськрес мугоро со. Пичи дыръяз ик гуртысь кышноос ас понназы сипыртылӥзы: вирсэрлы нылаш, кенэ ке луысал. . . Нош быдэ вуэм пиос мукет малпанэн лулӟылӥзы: чебер, мыным ке кылдысал. . . Лек синъёс шудзэ гинэ медаз ворме вылэм шуыса сюлмаськылӥз анай сюлэм. Кытӥяз шӧдсконтэм гинэ нылзэ святой вуэн но пазьгылӥз. Аръёс ортчо, ӝог кошко соос. Школазэ йылпумъяса, кырӟаны быгатэмысьтыз, нылашез дышетӥсьёсыз Пермьысь культурая институтэ мыныны дэмлало. Шуг-секытъёстэк пырыны быгатӥз, ай куд-ог преподавательёсты баянэн шудыса кырӟаменыз но паймытӥз. Шулдыресь ортчо дышетскон аръёс, вунонтэм кылё эшъёс, соосын ӵош лёгам пытьыос. Витетӥ курсысен одӥг классын дышетскем эшез ик, каникулэ бертылон висказ, ӝыт шудонысь Полинаез дорозяз келяз. Дӥсьтытэк гинэ Андрей нылашлэсь кизэ куриз. Полина солы пумит ӧз луы, угось ачиз но, малызэ тодытэк, Андрей шоры котьку кепыраса учкылӥз. Вал, дыр, вал, шараяськыны валасьтэм пыдло ватӥськем яратон. Оло со гыбдаса улӥсь ӝу шуак со ӝытэ гомӟиз. Полиналэсь сюлэмзэ мӧзмон куасьтэ. Т-олэзь гинэ чидано на, госэкзамензэ сётоз, собере доре, весяклы доре. Ачиз со клубын ужась луоз, нош Андрей дышетӥсь. Полиналэн син азяз сюанзы пуксе. Тӧдьы дӥсен дӥсяськем нылашез яратонэз лобак ки йылаз инмозь ик ӝутэ но кыдёке-кыдёке, жадёнэз валатэк, бызьыса нуо. Йырси но, дэрем но толъя тугасько. Шампанской вина пачылак кисьтаське. Сяськаос зор сямен йыр вылэ усьыло. Сяськаос, сяськаос, пыд улын но соос, котыр улосын. Шудоесь егитъёс, быдэс дунне тыр серекъяло, ог-огзэс чупало, дыдыкъёс сямен мусоясько. Одӥг пол гинэ Андрей Полина доры Перме вуылӥз. Ульчаын ӟырт кезьыт, нош солэн киосаз ӵыж-гордэсь тюльпанъёс. "Таӵе вазь уг вузало ук тюльпанъёсты, кытысь меда шедьтӥз,"- мусо синъёсыныз учкиз пияш шоры. Егитъёс уйбыт пукизы, азьпал улонзы сярысь вераськизы. Чебересь малпанъёс сюлэмез, йырез, лул-сэрез поромытыса ик кошкылӥзы. Берпум нуналъёссэ со бадӟым городын, ӝоген тани бертоз. Андрей вазенгес экзаменъёссэ сётъяз ни бере, ӵыжы-выжыосыныз сюанлы дасяське ни, луоз. Таӵе иворлы нылашлэн анаез но шум гинэ потӥз. Ма бен, умой пияш, визьмо, ог-огзэс ярато ке, мед огазеяськозы. Полина бадӟымесь сумкаосыныз автобусэз кема гинэ возьма ини. Поездэ дыраз уг вуы шуыса,, пазяськыны кутскиз. Анаез сюрес вылэ тырмыт гинэ коньдон келяз, соин ик, таксилы но тырмоз шуыса, машинаосты дугдытыны сюрес вылэ потӥз. Кема сылоно ӧз луы, чаль гинэ машина дугдӥз но, кытчы малызэ но юатэк, азьлань ширтӥз. "Вокзалэ мыным,"- зол кесяськыса шудӥсь радиоез согыны турттыса кадь вераз нылаш. Воргорон сьӧд очкизэ куштӥз но, олина интыяз пумем кадь луиз. Ма дирижёрлы дышетӥсез ук со. Сюлэмыз буйгаз, иське, ваньмыз умой, дыраз вуо. Ӧз, со нуналлы поездэ басьтэм билет кулэ ӧз луы. Андреен пумиськон но ӧз пӧрмы. Быдэс гуртэн Полиналэсь дораз бертэмзэ возьмазы, витизы толэзь, ар, кык, Чиптэм-чаптэм ышиз адями. Кӧня утчаськонъёс вал, коньдон кисьтыса тунаськон- пелляськыса ветлонъёс. Ош пайдаез ӧйлась. Андрейлэн, оло, кылыз ик пушказ кыстӥськиз, бакомем кадь луиз. Полина бере одӥг нылмуртэ но ӧз ни адӟы кадь. Дырыз ортчись курыт гумылэн выллем быдэсак пумиз. Кулэ ӧз луэ ни зарни зундэсъёс, соос озьы ик пичи коробкаязы вунӥзы. Полиналэн борддоре ошем фатаен тӧдьы дэремез но вотэсэн кыстӥськизы. Озьы ик адсконтэм пурысь тузонэн шобырскизы тӧдьы туфлиос. Анатолий Рудольфович пумиськемезлы быдэ ялан нылашез "Ох, чебер ик тон, Полина" шуылӥз. Лекциоссэ лыдӟылыкуз но нылмуртлэн тусбуяз мертчылэм синъёссэ мырдэм басьтылӥз. Ой кыӵе со синмаськылӥз нылашлы. Со гинэ меда? Тӥни туннэ ӵапак тупаны но кулэ. Сыӵе дыръя шайтанэз-а кытысь ке потэ, кылдэмез-а озьы тупа. Анатолий Рудольфовичлэн калтоназ ачиз зарни чорыг пыриз. Ма, пе, кызьы озьы кошкод, ойдо, шуэ, кафее пыралом, институтэз йылпумъямдэ пичи ке но миськом , ато сотэк иназ уз мыны. Нош билет понна эн куректы, ӵуказе басьтом. Тау карон интые пумитъяськод, пе, шат дышетӥседлы. Буйгатскиз. Курыт коньякез чарка бӧрсьы чарка веръяса, юисьтэм нылаш каньсыраз. Кыӵе со пумит вал татчы пырыны.Эх, улон. "Бертоно, бертоно, бертоно,"- йыраз поезд колесаос тэтчамъя кырӟало. Ульчаын ӟардэ ни, вокзал азьын чидатэк сопалась-тапала ветлэ, дыр, Андреез. Нош Полиналы али сыӵе умой. Жадем нылаш ӝок сьӧры ик супрак умме усиз. Сайказ но. . . Ку со, кызьы, кытчы, малы? Нокызьы уг валатскы. Быдэс дунне берга кадь. Йырыз нош ,оло, узвесь, секыт но бадӟым, ӝутыны уг луы сое, оломаиз отысь киське. Пушкын бугыръяське, оскем потэ. Шуак вӧзысьтыз Андрейзэ шӧдӥз. Дорысьтыз шуныт лыктэ. . . Шумпотӥз. Синъ.сысьтыз тэтчыса ик тылгизьыос потыны туртто, мырдэм но кызьы синкабакъёссэ ӝутӥз но вӧзысьтыз. . . гольык шыр пиосмурт мугорез адӟиз. Со Андрей ӧй вал. Соку, оло, чилектӥз, оло, гудыртӥз, ошмес вуэн пыласькем кадь мугорыз юзыр-кезьыр луиз. Полина одеял улын ачиз но гольык кылле вал. Ваньзэ валатскемез бере, викышъяса, миндэрез мыжгаса бӧрдыны кутскиз. Секыт из сюлэмез жалятэк пачатыны кутскиз, пушкез кин ке ӟустариез сямен кесяны кутскиз. Гурт сярысь чебересть малпанъёс быризы. Сюан, Андрей, пинал. . . Ваньзы кытчы ке кыдёке кошкизы. Егит дыр сяська сямен син азьын тӧлӟиз. Анатолий Рудольфович кузпалэныз городын улэ, нош Полинаез дачаяз возе. Отысь Полинаез аръёсын ини нокытчы но потаны уг лэзьы. Азбарын кык кузя кунян быдӟа пуныос, соосты сюдыны ачиз кузё ветлэ. Нош Полина лумбытэн тэк пуке. Нрысыь-валысь умой вал улонэз. Анатолий Рудольфович нуналлы быдэ со доры бертылӥз. Ӵошен шуныт, мозмонэз но вунэтоно. Уката ик йырез шузимытӥсь макеез ке юоно, эшшо но умойгес луэ. Озьы Анатолий Рудольфович Полиналэсь улонзэ сэраз. Кузпалыз Людмила машина улэ шедьыса, кема больницаын кыллёно луэм. Уз ни бурмы шуыса, врачъёс сое реанимацие куштыса возиллям вылэм ини. Нош соиз ӧч карыса сямен катьяськем. Картэзлэсь берланьяськемзэ шӧдэм ведь таид, одӥг пол дачаяз мынэм но. . . "Яратӥсьёсты" интыысьтызы кутэм. Соку кышномурт вожпотонзэ ӧз быгаты ни возьыны, кыкытӥяз лыктыкуз, нылашлэн бамаз кислота пазьгиз. Соизлэн соку ик синъёсыз сьӧд бӧзэн вӧтсаськизы, бам быгытъёсыз пульсазы. Полина кӧшкемыт тусо луэмен, Анатолий Рудольфовичлы кулэ ӧз лу ни кӧшкемыт тусо Полина. Нош вал ведь сыӵе нуналъёс. Нырысь институтын, собере быдэс городын Полина "Мисс-красавица" конкурсын нырысетӥ интые потылӥз. Солы ваньмыз вожъясмькылӥзы. Мугорын но чебер, тусын но, куараез жингрес, ачиз баянэн шудэ, эктэ, кырӟа. Ваньмызлы сыӵе быгатонлык сётэмын ӧвӧл. Нош Полиналы чеберелык дурыныз зорем. Кузьымъёс, сяськаос, чебересь кылъёс, пумиськонъёс свидание ӧтёнъёс, нылашлэсь кизэ куронъёс.Куд-огез ульчаысен тодмаса но нылашлы маке со кузьым сётъямзы вань. Нылашлэсь тусбуйзэ газетъёсысь, чагыр экранысь адӟыса, пиосъёслэн синъёссы мальдылӥзы. Нош Полиналэн одӥг вал яратонэз. Ляб ке но, каллен-каллен синъёсыз адӟыны кутскизы. Вуылӥз ик дораз Анатолий Рудольфович но азьло сямен ӧз возьылы ассэ. Нуналмысь кезьытгес луылӥз. Полиналэсь мозмонзэ зӥбон понна, йырез шузымытӥсь макезэ вайыса кельтоз но, ачиз берен кошкоз. Нош Полина со пурысьалэс порошоклэсь рае вулӥз, сыӵе дыръя йырын куректон но, малпаськон но ӧвӧл ни. Ачид ик музъем вылысь сылмиськод кадь. Ышиськрод, кытчы ке но кыдёке-кыдёке кошкиськод. Кызьы собыдӟа пуныос пыр, ӵогет улыса потыны кулэж, али ке но кышномурт паймемысь дугдыны уг быгаты. Уй но нунал кытчы мынэмзэ тодытэк вамышъяз. Ялкарыса пуке, нош азьлань вамыштэ. Ярам, сюман дыръясыз туж ик ӧй вал, я губиясьёс шедё- пичияк утялто, узы-борыясьёс мазэссозэс сёто. Бадӟым сюрес вылтӥ вамышъянъяз, шуак машина дугдӥз, офёрез кытчызэ юаз но, валэктонэз кылытэк ик, ойдо, пе, пуксе, нуо, шуиз. Полина таӵе югдурлы шумпотыса жадем мугорыныз пукон вылэ лэзиськиз но соку ик умме усиз. Кема кӧлӥз. Нош егит пияш нуэ но нуэ сое, кытчы кулэ кышномуртлы шуыса юаны выльысь тодаз но ӧвӧл. Нюлэс пыр потыса, ӧжыт уллань васькыса, ӝуатскем тылъёс адӟиськизы. "Вуим!"- капчи мылкыдо тэтчиз пияш абинаысьтыз. "Вуим бере вуим"- ас понназ нукыртӥз нылкышно. Солы дунне вал- вуим-а, ӧм-а. Кӧня ке ыркыт тол шорын сылыса, сайкиськемез бере, кытчы вуэмзэ юаз но. . . пыдессинъёсыз шальтразы. Глазов. Удмуртия. Доре. Ӵуказеяз сое ӟеч адямиос Драгунов нимо урамысь ляб адӟисьёслэн но синтэмъёслэн (ВОС) юртазы интыязы.Со дырысен Полина отчы ачиз кадь ик адямиосын весяклы выжызэ лэзиз. Уже интыяськиз. Радиоприёмникъёслы проводъёсты бича. Нош дораз, вордӥськем сэрегаз, али ке но нокыӵе ивор ӧз сёты. Андрейлэсь куректонэн измем сюлэмзэ ӧз пот ни выльысь ӵушамез. Нош Андрей? Солэн аслаз улонэз, аслаз палдурес ке но яратонэз вань, вылды. Оло нош мусо Полина выллем пичи дыдыез будэ. Но мултэс чебер медам луы вылэм со. Эктӥсь пересь Ижкарлэн шоркараз ик "Детский мир" магазин дорын автобусъёслэн но троллейбусъёслэн дугдылонниазы крезьгуро кассетаосын вузкарон ларёк уй но нунал "кырӟа". Туннэ нош со дорын кыӵе ке но восьтэт пурысь костюмен но тӧдьы дэремен пересь, сумказэ но дипломатсэ пыд улаз поныса, шуккем кадь эктэ: киосыныз сэзъя, пыдъёссэ олокызьы но пуктылэ, йырзэ соллань-таллань берыктылэ. Вылласянь адскымтэ сӥньысъёсын думылэмын кожалод. Куазь пӧсь, окыт. Пересь пиджаксэ кылиз но кияз кутыса шонаське ини. Учкисьёсыз учко, но куаретӥсез ӧвӧл. Аспонназы малпало, дыр: "Чокнутой, психъёслэн больницаыстызы пегӟиз, луоз. . . визьтэмозяз юэм но возьыттэм луэм. . . кытчы учке милиция?" Мон но дышем амалэным мӧйы муртлэсь дауртэмзэ сэстӥсько: "Сур но аракы юэмъёс ваньзы таӵеесь уг луо. Вина, катализатор кадь, адямилэсь лулпушсэ кыре поттыны юрттэ, озьыен та адямилэн кыӵе ке но висёнэз вань. Таӵе- таӵе ассэ калык азьын возьматэмез потэ бере, яке гуртаз сое зӥбыса возё, яке нокинэз но ӧвӧл, яке пичи дыръяз артист луон мылкыдыз ӧз быдэсмы. . ." Котьма ке но, пересь учкисьёсызлэсь ушъямзэс яке каргамзэс вите кадь. Шуо ук, кыл верась мурт адямилэсь сьӧлыкъёссэ быдтэ яке ас вылаз басьтэ. Нош со эктӥсь шоры нокин но куаретӥсь уг шедьы. Автобусъёс но троллейбусъёс бӧрсьысь бӧрсе лыкто но кошко, калык транспортэ пуксе, дугдылонни буша. Эктӥсь огназ кыльыса, эктэмысь ик дугдылэ, собере калык люкаськемъя, нош ик "шузияське". Югдаз усем мурт сое уд шуы. Ма меда кулэ солы калыклэсь? Котькудӥз визьмо мурт калык азьын ассэ умой но ӟеч ласянь гинэ возьматыны тырше. Сотэк кызьы? Но куд-ог дыръя со чебер возьматӥськон зол кыскем дыж сямын тарс! пилиське. Но лул пушын ма люкаськиз, ваньмыз кыре потэ. Сыӵе ини адямилэн улоно катэз. Поэтъёс сое "творчество" шуо, врачъёс - висёнъёс пӧлы пырто, нош психологъёс "количество перетекает в качество" нимало. Нош визьмо адямиос дырын- дырын пичиен лулазы тымиськем мылкыдъёссэс шараяны пӧртэм амалъёс шедьто, мукет сямен вераса, сильзор азьын ӵыпетсэс лэзьыло. Нош мукетъёсыз визьмо муртъёс сильзорез вормом шуыса ӵыпетсэс юн но кужмо жутыны тыршо. Кинлэн кызьы пӧрме ини. Кин - ворме, кин - уг. Нош пересь ассэ вормисьёс пӧлы пыртэ, дыр. Эктэ но эктэ. Возьыт сое уг сюлэмшугъяськыты. Мон ке озьы д3сьтысал калык азьын быгатонлыкъёсме возьматыны, соку мон асэным данъяськыны кутскысал. Но мон уг д3сьт3ськы асме данъяны, соин но пересез мыным валаны шуг. Кызьы, куке тонэ уг косо, уг куро, ачид сярысь вералод? Со - ушъяськон, урод сям. Пичи дырысеным ик мыным валэктыл3зы: ушъяськон, й4сп4ртэмъяськон, калык п4лысь висъяськон - со урод, туж ик чебер 4в4л. Бен, калык радэ потыны быгатоно на. Но кызьы аслэсьтыд малпанъёстэ, лулпушрадъяськемдэ валатэк, тодод муртлэсьсэ но соосын од3г кыл шедьтод? Кызьы гожт3з вал Даниил Яшин од3газ кылбураз: "Аслэсьтыд кылдэ яратытэк, мукетсэ уд дышы гажаны", озьы ик "астэ данъяны дышытэк, мукетсэ уд вала данъяны". КЫЛБУР Омыр - мынам кылд3синэ, Со кадь ик мон лякыт но сэзь. Дыдык мон, лулкрезе - инэзь, Улон - пумтэм, йылтэм лоб2ылонэ. Сюлмысь потэм кыр2ан сюлэме ик пыре. Анатолий Эркишев ворд3ськиз Пичи-Пурга ёросысь Иваново-Самарское гуртын.Атаез, Виктор Анатольевич, Удмурт Элькунысь культура удысысь дано ужась, пизэ пичи дырысеныз ик крезьгуро паймымон дуннеен тодмат3з но пизэ зэмос крезэгурчи карон мылкыдын ул3з. Озьы Толя куать аресысен сцена вылвн шудэ. Анаез, Галина Васильевна, "Югдон" колхозын бухгалтер луыса ужа. Туж визьмо, мур малпаськись, троссэ тод3сь но валась кышномурт. Анаезлэн верам кылъёсыз пиезлэн сюлэм пыдэсозяз ик вуыл3зы. Со сяна Толялэн вань на дасод3г аресъем Алевтина сузэрез, куд3з "?7ечбур" газетэ кылбуръёссэ ыстылэ. Капустиноысь начальной школаез йылпумъяса, Толя Ижысь искусствоосъя школа- интернатын дышетскыны кутске. Но эрикез ярат3сь но пичиысен бад2ым мурт сямен малпаськыны дышем пияш отысь дышет3сьёсыныз од3г кыл уг шедьты. Интернатысь кошке, дышетсконэз кык толэзь ке но кылемын вал. 6 ожез но йыркурез ортче, аслыз та5е валэктон шедьтыса: "Дунне вылын номыр но юнме шорысь уг луы. Улон - со пумтэм дышетскон..." Озьы со Воткинскысь крезьгуро колледже дышетскыны пыре но отысь зэмос эшъёссэ-преподавательёссэ шедьтэ. Дышетсконэз сярысь Толя тазьы вера: - Воткинскысен ан6ьмыз кутскиз. Чеберлык сярысь малпаськись адямиосын пумиськыса, кыр2аны но малпанъёсме но мылкыдъёсме шара вераны сюрес усьт3ськиз. Дышет3сьёс ас вылазы возьмот3зы чеберлыкез но кызьы сое лэсьтыны кулэ шуыса. Али но соосын 5ош весь ужасал на. Сюлмысьтыз тау каре но данъяське Анатолий преподавательёсыныз: Леонид Валентинович Загаинэн, Виктор Кузмич Коробкинэн, Дмитрий Владимирович Астафьевен, Андрей Геннадьевич Бабушкинэн, Сергей Викторович Рогожниковен но мукетъёсыныз. Зэмос музыкант-крезьгурчи луон понна, Толя лыдъя, адямилэн призваниез луыны кулэ. Крезь но гур вирын но сюлэмын пы5амын мед луозы, со - адямилэн улон стилез. Ассэ со зэмос крезьгурчи шуыны кышка на, малы ке шуоно, гурез шудон но кылдытон тодон-валанъёсты пумозяз 4з дышеты на шуыса лыдъя. Весь утчаське, аслыз тупамонзэ быръе. - Вань мур малпано кыр2анъёсты ярат3сько,- шуэ со,- Кы5е ке кыр2ан кельше ке, тодыны тыршисько, кызьы но кы5е мылкыдъёсын гожт3з сое авторез. К4ня ке дыр 5оже висисько, собере кылдытэм мугъёссэ валаса, кыр2анэз сюлэмам кельтыса, мукетсэ утчаны кутскисько. Крезьгурчи вань сюлэмзэ поныса гожтэ ке, быгатыса вылтуссэ тупатэ ке, кыр2ан сюлэме пыре. Улон - со пумтэм дышетскон. Мыным туж трос тодыны кулэ на. Но самой главноез улонын - со адямиослы 2ечлык ваён. - Ма со 2ечлык? - Со - яратон. Яратонлэсь ваньмыз п4рме ук, творчество но. 7ечлык - со куке аслэсьтыд лулпуштэ, кыр2анъёстэ кинлы ке кузьмаськод: анай-атаедлы-а, эшъёсыдлы- а, котырысь адямиослы-а? - Нырысет3з яратон, шуо, даурлы кыле, соглаш-а? - Соглаш. Соку кылдэм но 1ужам мылкыдъёс но малпанъёс котьку но пушкад улозы, нокытчы уз кошке. Нырысет3 яратон ке 4й луысал, оло, та дырозь монэ нокин но 4й тодысал на, ас бордам 4й ужасал, кыр2ан 4й гожъясал. Озьы ик, яратонэ палдурес 4й ке луысал, номыр но 4й п4рмысал,дыр. - Толя, оскиськод-а нырысь ад2ыса кеҥ ем яратонлы? - Оскисько. Улонын од3г пол яратон луэ, кылемез - синмаськонъёс. - Кызьы тон валад, со нылаш тынад яратонэд шуыса? - Мукетъёсыз п4лысь висъяськиз... - Маин? - Созэ мон али но уг валаськы, тамында ар ортчыса но. Оло, со яратон но 4й вал?.. Толялэн малпамезъя, адямилэн тужгес но умой сямыз со - астэ ачид гажан.Сы5е мурт гинэ аслэсьтыз малпанъёссэ бытэстыны но азьпалаз ад2иськись чеберзэ улонэ пы5атыны быгатоз, эшшо но выл3е тубыны кужым шедьтоз. Ачиз сярысь со шуэ: " Мон - ог дыре эгоист но коллективист". Ма, бен, озьы ик со луыны но кулэ, малы ке шуоно, котырысь калыкедлэсь малпанъёссэ но мылкыдъёссэ тодон но валан понна, азьло ик астэ валаны но гажаны кулэ. Пияш оске, малпанъёс быдэсмо шуыса, ванмыз шонер малпамын ке. Нош ачиз со ваньзэ лэсьтэ, малпанъёссэ бытэстон понна. Тунаськисьёслы уг оскы, соосты ад2емез но 4в4л на, гороскопъёслы - так, 1ыныезлы гинэ. Тыныд. . .Мыным. . . Пичи верос Туннэ ини гудырикошкон. Но. . . Мылкыд котмем бубылилэн выллем. Номыр но кулэ ӧвӧл! Быдэс дунне умме усемын кадь потэ, номыр но уг выры, нумыръёс гинэ чидатэк ветло. . . Ойдо мед ветлозы. Нош мыным кулэ ӧвӧл али соослэн огыр-бугыр улонзы, тём-тём пеймыт мугорзы но, пушсы но чик но уг кельшо. . . Ма, мед ветлозы ойдо. Кулэ ӧвӧл! Ваньмызлы мар ке но кулэ, мар ке но каремзы потэ, мае ке но утчало, весь бызьыло, сьӧд кылъёсын кырӟало, йӧнтэм синъёсын вамышъяло. . . Асьсэ сярысь сюлмасько, малпасько, сюлворо. . . Мукетызлэн улэмезлы вожъясько, ӟичы синъёсынызы учкыса соосын верасько. . . Ачид сярысь малпанъёс! Нош кыӵе шока, маин улэ лул? Кулэ шат сое тодыны, син азе йӧтӥсез, чиль-чилясез чебергес! Кулэ ӧвӧл! Кыӵе йӧнтэм та чебер дунне! Дунне, кудӥз шӧдтэк шорысь дугдӥз но уг ни быгаты азьлань мыныны, дугдӥз. . . дыр но ог интыяз сылэ. Дунне! Малпалод пыраклы. . . Ӧвӧл ни кадь табере улэпъёсыз, кулэмъёс гинэ на весь маке но ветло, огыр-бугырлы шумпото. . . Кыӵе мӧзмыт дунне! Дунне, кытын кырсёмо, куасьмо улэп лулъёс! Тӧлӟо-пегӟо чылкыт малпанъёс, ыше-быре яркыт, шуныт тылси. . . Ой, кыӵе мӧзмыт дунне! Туж зол вузысал! Оло, сайкасалзы улэпесь лулъёс! Нош кулэмъёс. . . Ойдо мед ветлозы! А-а-у! Кытын тӥ, улэпъёс? Вазиськелэ! Шыпыт. . . Пеймыт. . . Тём-тём пеймыт. . . Шимес. Нокин но ӧвӧл. . . Шыпыт. . . Одӥг но ӧвӧл куара! Но та шыпыт пыраклы ӧвӧл! Ӧвӧл пыраклы!.. Яратон! Яратон - пыраклы! Яратон! Со лэсьтэ лэсьтымонтэмзэ но, усьтэ усьтӥськымонтэмзэ но, вае ваёнтэмзэ но! Яратон! А-а-у! Кытын тон, кытын яратон? Вазиськы! Усьты аслэсьтыд ӧсъёстэ! Тынад шуныт коркаяд ми пырысалмы! . . . Уг, уг но зоры. . . Лушкем шока музъем. Утелэ! Юрттэлэ! Куасьмоз-быроз улэпез!.. Кытын тӥ, кытчы ышиды инкуазьлэн зэмлыко чылкыт сяськаосыз?! Ой! Кыӵе бен потэ кылзэм али гинэ пушйись сяськалэсь шокамзэ! Потэ! . . . Тани нош ик тон пукиськод, шып, номыр вератэк. . . Тыныд номыр кулэ ӧвӧл шат?! Телевизор учкемед, сур юэмед, майонез сиемед уг поты?! Сыӵе ческыт! Урам кузя сотовой телефонэн вераськыса ветлэмед уг поты шат? Чебер небыт дуно диванын но тэтчамед уг поты-а? "Кулэ ӧвӧл!" - шуиськод. Нош кинлы бен со кулэ? Мыным но кулэ ӧвӧл! Нош мукетъёсызлы кулэ ук! Туж-туж кулэ, туж-туж! Бен тыныд малы кулэ ӧвӧл?! Пужымъёс. . . Пужымъёс шуиськод! Зэм, соос сюлэмез лӥято, мугорез но, лулэз но чылкытато. . . Учкы, учкы со ӝужыт пужымъёс шоры! Аа-у?! Оло нош нокин но ӧвӧл? . . . Уг, уг зоры, уг лыкты ини кемалась витем чылкыт зор! Шыпыт. . . Тём-тём пеймыт. Шимес. . . Нокин но ӧвӧл. . . . . . Кытын тон, яратон?! Кытын тон, югыт тыл?! Улэм, улэм потэ! Но. . . Кыӵе мӧзмыт дунне! Кыӵе йӧнтэм дунне!.. . . . Тон али но пукиськод. "Пужымъёс!" - шуиськод. Пужымъёс - со туж умой. Пужымъёс - со кужым. Инкуазьлэн кужымез. Учкы, учкы!.. Нош мон, озьы ке но, кулэмъёс доры ик мыно! Тон учкы, учкы! Чебересь пужымъёс! Нумыръёс соос вылэ уз быгатэ тубыны, катьсы быроз, жуммозы, сиыны-поръяны но ымзы пичигес, пинъёссы шересьгес! Тон учкы, учкы! Тузӥесь ук пужымъёс! Сӥзьыл но соос вож-вож, кын- кезьыт но уг вормы, уло соос. . . Эх, ӝужытэсь ик, чебересь пужымъёс! Нош мон, озьы ке но, кулэмъёс доры ик мыно. Тон учкы, учкы! Чебересь пужымъёс! Пушмульы Лора Удмурт егитъёсты огазеясь праздник Тазьы шуыны луысал 5-тӥ коньывуон толэзе радъям ужрадэз. "Инвожолы" дас ар тырмон пачылак шумпотон ваиз элькунысьтымы пӧртэм сэрегъёсын улӥсь калыклы но Ӝытазе Удмурт ёз калык театре уно калык люкаськиз. Но жаляса верано луэ, инты тырмымтэен, тросэз та чебер празднике ӧз быгатэ шедьыны. Кӧтсы ӝожен кошконо луизы бускель элькунъёсысь вуэм эшъёсмы но. ...Ӟечкыланъёс, кузьымъёс, кӧня чебересь кылъёс верамын. Зэмзэ но, уйшоре гинэ уг пишты вылэм "Инвожо", со югдэ нуназе куазен но! Югдэ но пиштэ кыдёке. Со вуэ пӧртэм республикаосы, пӧртэм выжыысь калыкъёс пӧлы. Вуэ но ас быгатонлыкъёсыныз паймытэ, паймытэ но вожъяськытэ.Таӵе чебер, нимысьтыз егитъёслы сӥзем журнал уг поты со котькытын. Данъяськыса верано луэ, потэ со удмурт егитъёсмы понна. Озьыен шудолэсь но шудоесь соос. Вылӥ кивалтӥсьёслэн журналэз поттӥсьёсты ӟечкыламез бере, кутскиз йылаз-пумаз вуонтэм шулдыръяськон. Висказ ӧз вунэтылэ егит гожъясьёслы синпель кузьымъёс сётъяны. Учкисьёслэсь сюлэмъёссэс позыръяз лотереяен шудон. Та ӝытэ самой шудоез магнитофон утӥз. Тросэзлы шуд усиз вуоно ар понна журналэз дунтэк басьтон но. Бӧрысь егитъёслы сӥзем дискотека ортчиз. Ваньзы соос шудоесь, капчи мылкыдоесь. Кызьы, пе, сотэк, юромо соос понна ук та ваньмыз ортчытӥське. 10 ар. 2000 ар. 10 ар ортчыса кыӵе меда луоз со "Инвожо"? Будозы пиналъёс, соос луозы егитъёс. Осконо одӥгезлы, "Инвожо" али сямен ик, пиштӥсь кизили музэн, югдоз но югдоз, лыдӟись калыкезлы шуныт сиоссэ пазьгоз. Викторина 1. Кыӵе арысен потэ егитъёслэн "Инвожо" журналзы. Кин вал солэн нырысет3 редакторез, озьы ик, оло, тод3ськоды на со вакытэ редакциын ужам муртъёслэсь нимъёссэс. 2. Журналысь кыӵе рубрикаосты т3 тод3ськоды но ма сярысь со материалъёсысь тодыны луэ? 3. 2000 арын январь-февраль понна потэм номерын печатласькиз "Парсь Петя" нимо "вылэм уж". Кин солэн авторез но ку со нырысьсэ печатласькиз? 4. Кыӵе арысен, кыӵе номерысен журнал "Инвожо", выль литературной ӧр сярысь вераськон ӝут3з, кызьы со ӧр нимаське, кин вал солэн "киросатаез"? 5. Мар суредамын нырысет3 номерлэн выл3 бамаз? 6. Кыӵе удмурт классиклэн тодмо произведениез "Инвожо" журналын нырысет3зэ ӟуч кылын печатласькиз? Владимир Возняков Озьы улӟе выжыкыл Элькунысьтымы чебер киуж арбериосты утённилы (изобразительной искусствоосъя музейлы) кылдэмез дырысен туэ кызь ар тырме. Со ӵоже ик татын ужа ини Т.Н.Москина но. Татьяна Никитична - небыт дӥсья реставратор. -Пичи дыръям малпаме-тодэме ик ӧй вал, музейын ужаны кылдоз шуыса,- маде со.- Суредаськыны туж яратылӥ бере, та удысъя дышетӥсь луыны малпалляй. Университетлэсь художественно-графической факультетсэ йылпумъяме бере, школае мыныны ӧдъясько вал. Но шоркарамы со аре ӵапак выль музей усьтӥзы, отчы удмурт кылэз тодӥсь ӧнерчи кулэ вылэм. Монэ ӵектӥзы. Тӥни озьы татчы вуи. Музейысь ӧнерчиослы ужзэс шал-шал буш интыысен кутсконо луиз, шуыны луоз. Нырысь-валысь 150 пала киуж арбериоссы бен вал ик - шаертодэт юртысь (краеведческой музейысь) эшъёссы улосысьтымы кибашлы суредасьёслэсь ужъёссэс но кӧня ке мукет синпелетъёссэс мылетӥзы. Кылемзэ асьсэлы люкано-бичано луиз. Татьяна нырысь аръёссэ киуж удыс тодосъя ужась ( научной сотрудник декоративно- прикладного искусства) луыса тыршиз. -10 ар ӵоже ветлӥмы ми экспедициосы,- вуылӥмы элькунмылэн сьӧраз улӥсь удмуртъёсмы доры но: Башкортостанэ, Татарстанэ, Киров палъёсы но мукет интыосы. Тыршеммы юнме ӧз луы, шумпотыса вераме потэ. Коллекциямы туж тунсыко экспонатъёс шедьтыны быгатӥмы: пӧлаз - киров палъёсмылэн но, палэнысь лымшор удмуртъёслэн но, бесерманъёсмылэн но киужъёссы вань. Озьы ик бичамы бускель бигеръёслэсь, ӟучъёслэсь чеберъям дӥсьёссэс но мукет киуж арбериоссэс. Бичан-люкан ужмес шаерамы кемалась ӧм кутскелэ бере, трос вашкала чеберез пӧлысь уноез пытьытэм ышемын-быремын, тус-тас луэмын. Эстониын но Финляндиын тани вань выжы-кумы луиь калыкмылэн, озьы ик асьмелэн но вашкала дӥсьёссы-маоссы люкамын. Пӧлазы ик удмурт бадӟым сюлык кышетъёс, Ижкарамы соос ичи. Шумпотоно, отын коть утиськиллям шуыса. Озьы ке но, ӟеч-ӟеч утчаськод-тыршиськод ке, тунсыкоез шеде ик на вылэм. -Тани асьмелэн удмуртъёслэн йыразы пуосмы луо вылэм, йырултэт шуод-а,- азинтэ веранзэ тодосчи.- Паськыт ӟус вылын кӧлась вашкалаосмы сое миндэрез выллем йыр улазы поно вылэм, нош ӵукна султэмзы бере валессэс бинялто, но йыразь пуос туж чебер чильпаса-пужыятыса лэсьтэмын, синмаськымон адско. Берло вакытэ соосты шедьтыны туж шуг ини, коркаосамы корт койкаос сыло. Но Ува палъёсысь йыразьпуосты пумитаны милемлы кылдӥз ик на. Туж чебер коллекция пӧрмиз. Кызь ар ӵоже музейын ужатозяз, вашкала удмурт киужъёс, дӥськут, пужыос сярысь тодосчи ма гинэ но тунсыкозэ, паймымонзэ ӧз тоды ни: - Мынам дипломе но куиськон ужен герӟаськемын вал. Соин ик туж ӟеч тодӥсько та удысэз, озьы ик пужыятсконэз. Но мон ноку ӧй тодылы, удмуртъёслэн нимаз асьсэлэн пужызы но вылэм шуыса. "Кирос пужы" Егор Загребин, Писательёслэн Союззылэн тӧроез, "Инвожо" журналлэн азьвыл редакторез. Кыӵе мылкыдын, малпанъёсын пумитаськоды Элькунмылэсь юбилейзэ? Азьвыл октябрь праздникъёсты чидатэк витёно вал. Тон калыкен ӵош вамышъяськод, кияд - флаг, мылкыд - умой: эктэм-кырӟам потэ. Кыӵе мылкыд луоз таяз аре - туннэ вераны шуг, праздник дорозь кыдёкын на уго. Элькунмылы 80 ар тырме. Мед быгатомы вал выль книгаос поттыны. Элькунмылэсь 100 арзэ но пусйыны мед быгатомы, ачим но отчыозь улыны мед быгатом на. Мед луоз литература, журналъёс медаз пытсаське. Элькунмылэн юбилеез - со калыклэн бадӟым праздникез. Мед улоз Элькунмы, а то куд-огезлэн сое быдтэмез но потэ. "Инвожрлы" -10 ар. Мар верасалды та пумысен? Мед пиштоз "Инвожо" журнал! Дас ар улӥм бере, азьланяз но мед уломы. Журнал ӝӧк вылын возьымон медло - вылызъя но, пуштросэзъя но. Тросгес выль авторъёслэн нимъёсынызы мед пумиськомы. Литература - со чеберез возьматон. Адямилы чеберлык мед пыӵатомы, соку "Инвожо" но улоз. Журналлэн пуштросэз котькуд удысын тыршись адямилэн сюлэмаз мед кельшоз. Вуюись сюрес тыныд, "Инвожо"! Удмурт кун университетысь журналистика факультетлы ӝоген куать ар тырмоз ини. Талэсь азьвыл элькунамы нимысьтыз журналистъёсты дасясь факультетмы ӧвӧлэн, егитъёс дышетскыны палэнэ кошкылоно луылӥзы. Табере со шугадӟонэз асьмеос но вормимы: гожъяськыны мылкыд карисьёс пырыны быгато УдГУ-лэн журфаказ. Та факультетлэн кылдэмез, туннэ шуг- секытъёсыз но азьвыл улэм-вылэмез сярысь вераны курыса, ми, журналын ужась Любовь Тихонова но та факультетын дышетскись Лариса Орехова вазиськимы отысь преподавательлы, тодосчилы, писательлы, критиклы но журналистлы Александр Григорьевич Шкляевлы. - Александр Григорьевич, удмурт журнлистика вань вылысь. Нош со сюрес мытэмын вал ини Асьме Удмурт кун университетын кызьы кылдӥз журналистика специальностез усьтон но кин солы инъет сётӥз меда? - Нырысь ик со усьтӥськиз удмурт журналистика вань вылысь. Нош со сюрес мытэын вал ини 70- тӥ аръёслэн кутсконазы ик. Та ужез ӧръяны ӧдъяз профессор Иван Васильевич Тараканов. Журналистикаез дышетоно шуыса, со мыным аспирантураме но быдтыны йӧн уг ни сёты вал.Та факультетэз кылдытон луонлыкмы кемалсь вал ини, нош малы со ӧз усьтӥськы 60- тӥ аръёслэн кутсконазы? Тужгес но 70- тӥ аръёсы шӧдӥськиз солэн кулэлыкез, малы ке шуоно, 56- тӥ ар бере калык пӧлын могӟетъёсын-могӟетъёсын ке но мынэ вал ини демократизация. Со сюрес национальной ужпумъёслы пумен паськытгес сётӥськыны кутскиз. Сое шӧдӥзы соку кивалтӥсьёс но. Партилэн о усьтымтэ ке но вал, дасо аръёсын татын дасязы ини журналистъёсты (писательёсты), малы бкомезлэн кичӧлтэмезъя но удмурт факультетлэн вазиськемезъя та специальность татчы выжыяськыны кутскиз. Но "Кизили", "Инвожо", "Вордскем кыл" журналъёсын ужась редакторъёсты но отысь тыршисьёсты гинэ но нимысьтыз сыӵе специализация ке шуоно, удмурт писательёсмы, оло, ӝыныезлэсь но ятырез удмурт пединститут пыр потэмын. Тани туала басьтэлэ ай, соос но Удмурт универвитет пыр потэмын. Тросэз ГТРК-ын тыршо. Ёросысь газетъёсты ке верано, туж тодмо редактормы Иосиф Иванов вань. Озьыен, удмурт факультет котьку но журналистика факультетлэсь но литературая институтлэсь ункиоссэ быдэсъяз. Соин ик асьме Удмурт университетын киыз но пыдыз вал ини таӵе специальностез усьтыны. Озьыен, 70- 80-тӥ аръёсы специализация мынӥз гинэ. Соин ик журналистикалы но, специализациез ортчемъёслы но ум быгатӥське вал журналистика специальностья диплом сётыны. Но 90- тӥ аръёсы университетъёс асьсэлэсь удыссэс пумен паськытатыны кутскизы. Уката но рыночной экономика кылдэмен, котькуд университет аслыз пумен тросгес но тросгес Москваысь музон специальностьёсты кыскыны кутскиз. Малы ке шуоно, университетлы бюджетысь коньдон висъяське. Вераны кулэ, али дыре пӧртэм курсъёсын вань ини коньдонэн дышетскисьёсмы но. Со ыдпус ичи ӧвӧл, ар куспын 80 сюрс котыр люкаське. Университетлы шӧдскымон пайда вае. Но со факультетмылы чик но уг шедьы. Соин ик пыд йыламы мед султом шуыса, милемлы нимысьтыз коньдон тырыса группаос усьтыны кулэ. Но со понна милемлы асьмелы ужано, интеллектуальной, учебно-методической, вылӥ научной потенциалэз (дышетӥсьёсты) быръён вылысь но. Сыӵе коллективмы али кылдэ ни, шуыны луоз, Журналистэз шуиськомы штучной товар, но соосты дышетӥсьёсты эшшо но шуггес дасяны. Бен элькунмы вань гинэ таланто журналистъёс, вылӥ образованиен соос, тросэз быдтэмын Шор карысь, столицаысь туж ӟеч университетъёсты, но асьтэос тордӥськоды, макем улӥ табыё (уровенё) пуктэмын туала вузъёслэн системазы.Нырысь ик преподавательёслы укыр ичи коньдон тыро, ужан условиос туж лябесь, соин ик татчы профессиональной журналистъёс, кудъёсыз дышемын ини ас интыязы тыршыны но кытын соос трос коньдон басьто. Ми доры соослэн ужаны лыктэмзы уг поты ни. Озьы ке но, куд-ог журнлистъёс ас мылкыд каремзыя милемын ужаны дась. Тани Алексей Петрович Шкляев ("Удмурт дунне" газтысь редактор) ужалляз дорамы, озьы ик Кузьма Иванович Куликов (УдНИИ- лэн директорез" но телестудиысь Альфред Артамонов вуылӥзы. Кузьма иванович историк ке но, журналист но шуыны луоно сое, малы ке шуоно, куамынлэсь трос телепередачаос дасяз ини. Бадӟым опытэз шӧдӥське со бордысь но, ужамын окволандист но агитатор луыса. Котьма ке но, университетэ соослэн нимысьтыз ужаны выжемзы уг поты. Соин ик ми туж шугъяськиькомы милемлы нокинлэн ик юрттэмез уг поты шуыса. Тани алигес ректоратын пумиськон ортчиз. ГТРК-лэн выль директорез Ушаков но печатья но иворъёсты вӧлмытонъя министр Сергей Васильев ми доры ветлӥзы. Ми соослы юрттэт курыса вазиськимы. Студентъёсты потэ вылэм ГТРК-ысь телестудиосын дышетэммы.Но отысь директор шуиз: "Кыӵе коньдон тӥ тырыны быгтоды?"Тӥни озьы. Нош отысь азьвыл кивалтӥсь О.К.Шибанов али ке но юрттэ милемлы, дорамы со менеджер курсъёсты нуэ. - Та вылӥ верамъёсмы сяна кыӵе шуг-секытъёсын пумиськылоно луылэ? - Оглом вераса, милям шуг-секытъёс материально- техническоесь луо. Теле- но радио аппаратура туж дуно сылэ. Вераны кулэ, ми шаплыкен радъяны быгатӥмы газет поттон удысэз. Коньдон ласянь югдур шуг ке но, университетлэн табере аслаз газетэз вань. Ми, абитуриентъёсты дышетыса, озьы пичиен коньдон люкаськомы. Соин газетмес поттыны тыршиськомы. - Тӥ чакламъя, та факультетын дышетскыса басьто-а студентъёс ӟеч тодон- валанъёс? - Мыным потэ соос уггес басьто сыӵе тодон-валан. Соин ик та югдурысь студентъёсын ӵош кулэ вылэм потыны, малы ке шуоно, студентъёсмы бурло сьсэос но дышетӥсьёс луозы, куд-огез аспирантурае мынозы, оло, кафедрае но кылёзы. Валамон, ми доры ужаны лыктыны вань мылкыд карисьёс, но, нырысь ик соослы улон инты кулэ. Нош университетлэн сыӵе луонлыкез ӧвӧл. Соин ик, ми али пыкиськыны кулэ асьме пыр потэм дышетскисьёсмы вылэ ик. Шумпотоно соизлы, огез студентмы али дыре дышетске ни Петербург университетысь аспирантураын.Малпасько, азьланяз но дорамы кылисьёс луозы. - Кызьы тӥ малпаськоды, студентъёсты азьланьын быгатозы-а уж шедьтыны? - Кылем арын дышетсконзэс быдтэмзы бере ик ӝыныез выпускникъёсмы радъяськыны быгатӥзы. Кылемъёсыз- кудӥз кызьы. Кин городэ интыяське, солы уж капчигес шедьтыны, нош кин семья ласянь яке мукет югдуръя пичи гуртэ кыле, журналистлы отын уж шедьтыны туж шуг луэ. Соиз умой, журнлист- со универсальной адями.Пӧртэм удысъёсын со быгатэ ужаны, нырысь ик, кылыз мынэ, котыр ласянь ужпумъёсты сэрттыны-пертчыны быгатэ, тодон-валанъёс басьтыны тырше. Быгатӥсь, чупрес журналист ужтэк кыльыны уз быгаты. Со аслэсьтыз ужзэ мукет ужен но воштыны быгатэ, но берло выльысь гожъяськон удысаз берыктӥське. Милям факультетысьтымы удмурт но ӟуч кылын гожъяськыны быгатӥсь журналмистъёс потыны кулэ.Сыӵе милям малпанмы но куронмы. Гожъяськыны быгатӥсь журналист, мон малпамъя, ӟуч газетъёсын но ужаны мед пӧрмытозы.Асьмелэн ведь ӟуч газетъёсын ужась журналистъёсмы ик ӧвӧл. Николай Танаев вал. Сое но правительствое пресс- секретаре басьтӥзы. Малпасько, та выпускъёс бере, удмурт студентъёс ӟучъёсыныз ӵош дышетскыс, соосын ӵошатскыса, ӟуч кылэз ӟеч но умоё валаса, быгатозыы одӥг радын вамыштыны. - Кыӵе куронъёсты факультетады пырыны мылкыд карисьёслы? - Нырысь ик,егитъёслэсь учкиськомы, кызьы соос журнал-газетъёсын кусып тупатылӥзы, вожъяськыны быгатэмзэс чакласькомы. Соин ик татчы соос лыкто ини быгатонлыксэс возьматыса. Валамон, одно ик тодон-валанзэс эскериськомы. Конкурсмы милям бадӟым ӧвӧл на. Нырысь-валысь одӥг дасмос гинэ луылӥз, кылем арын кык адями вал ини. Ма милям татын туж бадӟым конкурс но луыны уз быгты. Удмурт газетлэн лыдыз, ӟуч гащзетъёсын ӵошатыса, ичигес ук. Асьмелэн калыкмы но ӧжытгес, соин ик но, дыр, ми доры ӟучъёс тросгес лыкто. Собере шуо, тӥляд кокурсты ӧвӧл. Ялан удмурт группаез пачкатон-сюбегатон вылысь сыӵе валан сёто. Но ми возиськиськом на. Ужтэк кылем журналистъёс но уг адӟисько на кадь. Соин ик, удмурт группаез шонерен лыдъяны кулэ. Пумен куронъёсмес удмурт студентъёслы но бадӟыматӥськомы.Ог вадес студентъёслы сеыт сётӥське шуыса, кунсьӧр кылэз экзаменысь куштӥмы вал. Но со кулэ. Малы ке шуоно, татчы пыремзы бере, удмуртъёслы ӟучъёсын ӵош секыт йӧтэ дышетскыны, соос уг сёто куунсьӧр кылэз. Удмуртъёс но мед кыстӥськозы асьсэ кылзы борды, озьы ик ӟучсэ но, кунсьӧрысьсэ но мед гажалозы. Удмурт студентъёслы ми куриськомы ас азязы бадӟымесь куронъёс пуктыны. Калыкмылэн угось югдурез но сыӵе секыт.Асьмелы пыд йыламы султон понна, мукет калыкъёсын ӵошатыса, тросгес ужано луэ. Кылъёсты ӟучсэ но, удмуртсэ но умой тодоно. Озьы ик соослэсь калык культуразэс но ӟеч валаны но тодыны кулэ. Ӟуч кылэз тодытэк асьмелы шуг улыны, уката ик городын.Кылмы пумысен пӧртэм деклорациос вань ке но, нокыӵе прокуратураосын, судъёсын но пӧртэм вылӥ кивалтӥсьёс дорынанай кылын вераськемез уд кылы. - Кыӵеесь асьтэлэн малпанъёсты, азьланяз чаклам ужъёсты? - Факультетлэн азьпал улонэз сярысь верано ке, рыночной экономикалэн ӧраз пырыны, ӝабыр-ӝабыр али кутсконо ини. Сотэк милемлы нокин номыр но уз сёты. Ми ас кужыммы вылэ пыкиськыса ужаны кулэ. Вань ини заочной но уксё тырыса амалэн ужан инъетмы. Ми соку асьмеос ик коньдон поттомы но, мар милемлы кулэ, асьмеос ми басьтыны быгатомы. Нош профессурамы кылдӥз ке, апирантура но усьтыны секыт уз луы ни. Кылем арын дорамы ӧтьылӥмы Санкт-Петербургысь туж визьмо но тодмо специалистэз. Со вылӥ дунъяз ужмес, шуиз, тӥляд студентъёсты милям кадесь ик. Но луонлыкъёсты ичи шуыса пусйиз. Ми угось специалистъ ёсмес одӥг стандартъя но программая дасяськомы. Быдэ с журналистикалы татчыозь одӥг кафедра вал. Соин ик преподавательёс-дышетӥсьёс туж трос занятиоты огдыре пӧртэм курсъёсын нуоно луыло. Нош бадӟым университетъёсын котькуд дышетӥсь одӥг предмет гинэ нуэ. - Удмурт кылъя но литературая кафедраысь ворксёлы выжиды журналистикае.Тӥ ик кылдытӥды но сое. Соин валче тодэм потэ вылэм асьтэлэн ужъёсты сярысь но. - Специальностез пыд йылаз султытон понна берло аръёсы трос кужымме пононо луиз, малы ке шуоно, выль уж куре выль кужымез. Мынам, гожъяськись адямилэн, организационной ужпумен туж ик выреме уг поты вал. Ас дырме сётыны быгатысал научной, творческой ужелы.Но мон журналистикалэсь нокытчы но палэнскыны уг быгатӥськы. Луэ озьы но,лэсьтӥськод, лэсьтӥськод ужез, кытысь ке выль дями вуэ, собере дышетыны кутске. Одно ик сыӵос шедё. Литератураын но, журналистикаын но мынам трос планъёсы. Удмурт литературалэсь туж ик кошкем уг поты вал, малпалляй, кин журналистика ужез азьланьтоз. Дас ар ужай удмурт литература кафедраын ябордын. Мон ачим но журналист луыса ужай бере, туж потэ вылэм пӧртэм журнал- газетъёсын печатлам ужъёсме огинэ люканы но нимысьтыз книга дасяны. Отчы пӧртэм жанръёсты пыртыны луысал. Со кафедраын ужаны кулэ сыӵе адямиос, кудъёсыз шӧмъязы гожъяськон удысэз, солэн тылыз книгалэн пумаз мынам возьматэме потэ, кызьы ужай материалъёсы бордын. Пыртысал сыӵе ужъёсме но, кудъёсыз ямыным туннэ уг ни ярало, кытысь мон али адӟисько янгышъёсме. Мынам опытэ мед адӟиськоз студентъёслы, малы ке шуоно, дышетӥсь валэктыны но дышетыны кулэ. Мон малпасько, журналистика но ӵыныз пыр потӥзы. Азьланяз факультетамы юнматыны тыршомы сыӵе адямиосты, кудъёсыз быдтӥзы та факультетэз ик. Верай ини, выль специальносте выль адямиосты туж шуг кыскыны. - Верам потэ вылэм соизэ но, культураез, искусствоез быгатӥськом ини возьматыны. Шуггес сётӥське политика сярысь гожъян? Тӥ чакламъя, малы со озьы луэ? - Удмурт журналистикамы трослы юнмалоз соку, куке кылдозы трос журналистъёс. Журналистикамы лябен ик асьмелэн туж шуген радъяько политикаен герӟаськем югдуръёс. Но собере со вань ужпумъёсты пуктыны уг быгаты. Нырысь ик, со туж ссюбег. Кылсярысь, .рос газетъёсты ик басьтоно ке. Али трос кылдо ӟуч газетъёс, нош удмуртъёсыз ӧвӧл. Туж ӟеч журналистъёсмы вань- Алексей Ермролаев, Василимй Ванюшев, но ноку но соосты кивалтон удысэ ӝутӥськыны ӧз лэзе. Ас вакытаз луэ вал соослэн идеологияын секретарь луэмзы, министре но пуксемзы. Теле- норадиовещаниы ужамзы. Нош бырйылӥзы кылзӥськись, отчы-татчы куасалтӥськыны быгатӥсь чиновникъёсты. Ноку но удмуртъёс ӧз быгатэ кивалтон удысэз ас киязы басьтыны. - Журналистикалэн азьпал сюресэз юнмамез бордын адӟиське. Со пыр луысал политика удысэ кадръёс но будэтыны. Ведь журналистика- со политика. Со дышетэ адямиосты политика оры шонер учкыны.Тани факультет сярысь вераськом ке, милям туж ӟеч опытмы вань. Но сое кызьы ке но калыклы возьматыны, валэктыны тыршоно вал. Музон факультетъёсын озьы ик лэсьтылысалзы ке, кызьы журналистика удысын ми лэсьтӥимы. Соку кадръёсты будэтон ужпумъёсмы туж зол азьлань сётскысалзы. - Та специальностез усьтыкумы милемлы тросэз шуо вал, малы удмуртъёслы нимысьтыз группа кылдытоно, мед ӟучъёсын ӵош дышетскозы. Но ми удмурт студентъёслы нокыӵе но льготаос ум сётӥське. Кылдытӥмы ӟуч но удмурт группа гинэ. Политикъёс кышкало, удмуртъёс кыксэ но кылэз ӟеч тодыса, уж интыосты басьтозы шуыса. Кадръёсты дасян- со лэчыт политической ужпум. Прпавительство таӵе югдурез дыггес эскере, оло, сое сэрттон-пертчонэ пыриськемзы но уг поты. Вож-вож вожектэ гуждор Ин сьӧрысь лыктэ льӧль зор. Вожо уй тугаськыса, Дас арзэ ни пӧртмаське. Ин - зарниен тугаське, - Во! тыныд, - шуэ вожо, Оло вож, оло вожо Кылдытӥ, пе, "Инвожо!" Вож-вож вожектэ гуждор Ин сьӧрысь лыктэ льӧль зор. Вожо уй тугаськыса, Дас арзэ ни пӧртмаське. Ин - зарниен тугаське, - Во! тыныд, - шуэ вожо, Оло вож, оло вожо Кылдытӥ, пе, "Инвожо!" Вож-вож вожектэ гуждор Ин сьӧрысь лыктэ льӧль зор. Вожо уй тугаськыса, Дас арзэ ни пӧртмаське. Ин - зарниен тугаське, - Во! тыныд, - шуэ вожо, Оло вож, оло вожо Кылдытӥ, пе, "Инвожо!" Вож-вож вожектэ гуждор Ин сьӧрысь лыктэ льӧль зор. Вожо уй тугаськыса, Дас арзэ ни пӧртмаське. Ин - зарниен тугаське, - Во! тыныд, - шуэ вожо, Оло вож, оло вожо Кылдытӥ, пе, "Инвожо!" 10 ар. Трос шуыны луэ та лыдпусэз. Со дас ар куспын кӧня воштӥськонъёс ортчо, улон интыяз уг сылы, будӥсь адями будэ, мӧйымемез пересьме. . . Нош кытӥяз, со быдӟа лыдпус ке но, одӥг вамыш кадь гинэ со йӧтэ. Узырлэсь но узыр вамыш. Али гинэ вал кадь со. Одӥг пол Писательёслэн огазеяськонзылэн тӧроез Семён Александрович Самсонов шумпотыса ивортӥз: удмурт егитъёслы, пе, журнал усьтӥськоз. Верам кылыз быдэсмиз: шуген-а, секытэн-а - журнал вордӥськиз. "Инвожолы" тросэз паймылӥзы. Кыӵе сяська со? Мар со? Уйшоре гинэ пиштӥсь маке ваёз-а адямилы пайда? Сыӵе сюлэмшугъёс, аръёс ортчемъя, сылмизы. "Инвожо" йыг- йыг пыд йылаз султӥз. Табере со уй но нунал пиштэ. Нош сое пиштытон понна кӧня дуроно но тыршоно луиз. Ас кужымзэс, тодэм-валамзэс жалятэк сётӥзы журналлэн азьвыл кивалтӥсьёсыз В.Я.Самсонов но Е.Е.Загребин, озьы ик али ужасьёсмы П.Захаров, С. Любимова, Р.Лаптева, Г.Романова. . . Шумпотымон соиз, милемлы одӥг удысэз нуыны кылдӥз Ф.Пукроковен, В.Котковен, У.Бадретдиновен, С.Перевощиковен,С.Матвеевен, кӧня ке дыр ӵоже дорамы М.Федотов но ужаз. 10 ар. Вамышен-вамышен иськемъёс пӧрмо. Соосын ӵош выль тодмоос, выль эшъёс кылдо. Любовь Тихонова. Фай Миклош Инмысь кылчин Верос Славичек, карысь тужгес но узыр адями, метроысь потӥз. Ӝыны минут ортчыса кылӥз: "Гажано пассажиръёсмес куриськом билетъёссэс азьло ик дасяны, малы ке шуоно, потон азьын эскерисьёс ужало". Славичек капканэ сюрем мурт кадь вал. Адямиос, оло, юалозы: малы Славичек, карысь тужгес но узыр адями, метроын ветлыны кулэ? Озьы мынэ ни ке, малы уг басьты билет? Билетэз ке ӧвӧл, ма люкетэ солы вить сю форинт штраф тырыны? Валэктонэз туж огшоры. Славичек карысь тужгес но узыр адямиос пӧлысь уката кӧттырмостэмез, чурыт сямоез вал. Мискинь туж урод сиськылӥз, дас ар талэсь азьло басьтэм дэремез нуллыса пӧсьтэмын ни. Туж бадӟым ваньбурлэн кузёез, гажам- бездэм адями вал. Али нош со пытсэтын, Дэак нимо карлуд (площадь) дорысь музъем ултӥ ветлонниын. Соин таӵе учыр нырысьсэ ӧз луы ни бере, Славичек тодэ: эскерисьёс самой троссэ одӥг час ужалозы но кошкозы. Пиосмурт котырак учкиз. Котьку сямен ик калык туж трос. Оло, туннэ кӧнялы ке ёркытгес, малы ке шуоно, ваньзы бинетъёсын ветло. Ымусьтон - уксёез туж зол тус-тас карон дыр. Котьку сямен адӟиськиз пиньтэм пересь кураськись. Славичек тодэ вал: со сокем ик визьтэм ӧвӧл, макем шузиен тырше ассэ возьматыны; кылӥз ни шунды ӝужан палась фронт сярысь, кытын кынтӥз чиньыоссэ, лад-лад визьнодо вераськемзэ. Озьыен, куке Инмысь кылчинэз данъяса пересь пӧяськись-шузи вуиз, Славичек гажатэк но туж кезьыт вераз: "Эн матэкты дорам". Пересь валаз но лушкемак ышиз. Одӥг час ортчыса, Славичек зэмзэ ик мозмемын вал. Со метролэсь кыдёкын ӧз улы. Корка ӧсэз ворсамез бере, огъя уксёез ӧжытгес быдтон вылысь, подъездысь тылэз ӧз ӝуаты но лифтэз ӧз ӧтьы, соин ик аслаз улоно куатетӥ этажаз пыдын тубиз. Витетӥ этажысен ик вылӥысь тылэз адӟиз. Славичек одӥг пол но квартираяз ӝуась лампаез ӧз кельтылы на, соин шӧдӥз, шудтэм учыр луиз шуыса. Яке со доры ӧссэ тӥяса йыртэмасьёс пыризы, яке эшшо но маке кӧшкемытгес луиз. Славичеклэн ӧсысьтыз тунгонэз исамтэ вал, нош тубат вылын сылӥз пересь кураськись, со котырысь яркыт тыл пиштыса улӥз. Вазиськем кылӥськиз, но со пересьлэн куараезлы ӧз укша. Пиосмурт куара гудыръям кадь чузъяськиз: - Ӧпкельы, Славичек, угось Ин Эксэйлык матын. - Кин тон? - таӵе дыръя но лап-лап кариськыны вырыса юаз Славичек. - Уд тодмаськы? Мон тынад кылчинэд луисько. Кузё-Инмарлэн валаны луонтэм гажан- жалянэзлы луыса татын сылӥсько. - Но малы сыӵе вылтусыд? - Вылтусы уг кельшы-а? Мыным номыр кадь но ӧвӧл. Солэсь вылтуссэ басьтӥ, кинэн берлозэ вераськид. - Валай. Но ма верад вал? - Ӧпкельы, Славичек, - жингыртӥз кылчинлэн куараез, - малы ке шуоно, Ин Эксэйлык матын. - Кызьы матын? - Мон уг тодӥськы, - дӥсьтытэкгес кутскиз кылчин. - Адямиослы валамон мед луоз шуыса кыӵе мертэтэн лыдъяны мон уг тодӥськы. Одӥг нунал яке сю ар, мон понна огкадь ортчо. Но котьмар ке но, дыр матэктэ. - Тон монэ ӧпкельыны косӥськод? - Мон озьы ӧй вера. Со сӥзён-косон. - Но кызьы ӧпкелём? Улытозям мон ӝикыт сямо, Инмарлэсь кышкась адями вал. Урод кылъёсын ӧй тышкаськылы, нокыӵе янгыше ӧвӧл, аслым кышно ӧй куры, шоро-куспо улӥ. . . - Шоро-куспо? - ӟазырес куараен вазиз кылчин. - Тон ортчыт чурыт, Славичек. Кӧттырмостэм, котькуд копейкаед понна куалекъяськод, вашкалаос верамъя: чурыт куртчем. Одӥг сьӧлыкед вань, соин Ин Эксэйлыке пырыны уг луы, сыӵе со секыт луэ. - Соку мон мар карыны кулэ? - Писаниез тодӥськод. Отын гожтэмъя ваньбурдэ куанеръёслы сётъя. Кыӵе ке кайгуэд вань-а? Славичек лэсьтӥз сое, мае ӧз лэсьтылы ни трос аръёс ӵоже. Бӧрдыны кутскиз. Берпуметӥзэ соин сыӵе учыр луиз, сиён-юон вузан лавкаын ӧжытгес уксё берыктӥзы шуыса тодэмез бере. Соку одӥг синкылиез гинэ усиз вал дас копейка понна. Нош али со зар-зар бӧрдэ, синкылиез ведра дурен кисьтӥсь зор кадь бызе. - Сое мынэсьтым курыны уг луы, - викышъяз со. - Кызьы мон сётом ваньзэ, маи вань, дуно, яратоно, чебер уксёме. . . - Таӵе учырын верблюдлы вень пасьын капчигес кожаськод-а, Славичек. . . - Мынам верблюд луэме потэ. Котьма ке но, эксэйлыке узыр адямиен пыро. - Жаляса верасько, уд пыры. Туж курисько, люк ваньбурдэ куанеръёслы. - Ӧд вала шат? Уг быгатӥськы озьы лэсьтыны, малы ке шуоно, соку со мон уг луы ни. Отчы уксёме уг быгатӥськы сётыны. Мон - Славичек, карлэн тужгес но чурыт адямиез. Ваньбурме пазяса быдтӥ ке, соку мон нокин но уг луиськы ни. Со адлэсь но урод. Нош ик синвузэ жалятэк кисьтыны кутскиз Славичек. Лякыт сюлэмо кылчин - кылчинъёс сярысь озьы вераны луэ ке - туж юн жаляз сое. - Мон татын янгыш ӧвӧл, Славичек. Со сӥзён-косон вал. Ӧпкельы, кузьма ваньбурдэ. . . - Уг луы-а мукет сямен? - кылчинлэсь веранзэ куспетӥ кариз Славичек, угось солэн азьланьзэ кылзыны кужымез ӧй тырмысал ни. - Уг тодӥськы. Мон кылчин гинэ. Кыӵе ке мукет малпанэд вань ке, озьы лэсьтыса оскалты. Кузё-Инмар яратэ амало, быгатӥсь адямиосты. Кылчин ышиз, нош Славичек пеймыт подъездэ бӧрдыса ик кылиз. Малпан. Капчи сое вераны. Ваньбурзэ, пе, люконо, кызьы со озьы лэсьтыны быгатоз? Кызьы куроз Кузё- Инмарез, косонзэ мед воштоз шуыса? Славичек бызьыса потӥз ураме. Педлон тылъёс, витринаос, бинетъёсты нуись, тол дӥськутэн адямиос. Сюлмыз косэмен, метро пала бызиз. Уг тоды на мар лэсьтоз. Оло, кураськисьлы сётоз сю манетсэ яке витьтонзэ. Оло, манетсэ гинэ. . . Эскалатор сое улӥе васькытӥз, но пересь отын ӧй вал ни. - Тау Инмарлы, - малпаз Славичек. - Тау Инмарлы. Улӥын али ке но трос калык вал на, соос ог-огзэс донгало. Соку Славичеклэн йыраз одӥг малпан чилектӥз. Оло, тазьы умой луоз? Оло, отын, вылӥын, шонерен лыдъялозы? Кин тодэ? Пыкиськиз юбо борды, кылиз саркмем изьызэ но шӧтэм, ӟазырес, кечлэн выллем куараен кырӟаны кутскиз: Инмысь кылчин васькиз тӥ доры, пудо возьмасьёс, пудо возьмасьёс. . . Со куспын Славичеклэн изьыяз копейка вӧзы копейка усьылӥз. . . Венгер кылысь берыктӥз Александра Герасимова. Вашкала сямъёс, йылолъёс, чакланъёс Араны потон Араны одно пото вал выль нуналэ (Ильин нуналэ) ӵукна ньыль часын. Ӟеч будэм ю нянь понна Инмарлы тау карыса вӧсясько, табере октыны-калтыны сёт ини шуыса курисько. Нырысь культо араны быръё вал гуртысь ӟеч, капчи мылкыдо адямиез. Солэн киыз но, пе, капчи, гуртлы шуд но ваёз. Корка пуктон Бугролэсь нырысь чурзэ ӝутэм бере, котькуд сэрегысьтыз чильдыса пичи шелепсэ басьтоно но шунды пуксён пала куштыса шуоно: "Осто Инмаре, адями йырез эн басьты, Инмаре. Таза животэз эн басьты, бадӟым Инмаре. Векчи животэз басьты, Инмаре". Нюлэскы мыныса сылӥсь писпуэз кораку но - пужым-а, кыз-а, ньылпу-а со медло - та кылъёсын ик Инмарлэсь курисько вылэм. Пересьёс верамъя, писпулэн но, пе, лулыз вань, нош луло писпу лул куре. Мон сямен со туж шонер чаклан, асьмелы тае вунэтыны кулэ ӧй вал. Выль корка пырон Вуж коркан улэмед алама ке вал, корка кузёдэ сьӧрад чортыкуд шуоно: "Осто Инмаре, коркакузёе, вань уродэз татчы мед кылёз. Ойдо, коркакузёе, выль корка потом, выль шудбурен улоно мед луомы, нылын-пиен, анай-атаен. Ӟеч Инмармы выль шудбур мед сётоз". Вуж коркаез туж чылкыт октоно-калтоно. Вань жуг-жагзэ ӵужыса сьӧрад поттоно. Писэед но, пуныед но медаз кыльы шуыса чаклано, гид кузёез но ӧтёно. Выль корка пырыку, анаед яке апаед, ӧвӧл ни ке соос, ачид ӝӧк вылэ тыр нянь сукыри понӥськод. Корка пырон ӧс йырйылэ вӧйын нянь пононо но коркакузёез сьӧрад чортоно: "Осто Инмаре, выль корка пыриськом. Вуж коркам шудо вордӥд, озьы ик выль коркам но медло. Коркакузёе, эн кыльы сьӧрысьтым, ныло-пиё, воргороно, анаё-атаё, ванё-буро шулдыр мед луоз татын улонэ. Ӟеч Инмаре, урод муртъёслэсь уть". Кузь сюрес вылэ потыку Кузь сюрес вылэ потыку ву юыны уг яра - сюресэд уз удалты. Одӥг ымтыр ке но нянь куртчоно. Инмарез, анай-атайдэ, пересьёсыз вунэтоно ӧвӧл. Пересьёсыз буре вайыса, вылаз шорем нянен нимаз чарка пуктыса кельтоно. Коркась потыку, ӵужонэз кутылыны уг яра, а то пытьыдэ ӵужыса кельтод. Коркась потэм берад кинэн пумиськемдэ чаклано: пиосмуртэн ке - умой, нылкышноен ке - умой ик уз луы. Но капчи мылкыдо нылкышноен ке - сюресэд удалтоз. Кыдёкысь сюрес вылысь пыдын вуэм бере, соку ик пуксьыны, кезьыт ву юыны уг яра. Туж ке но жадид, каньылля ӝамдэзэ азбар котырын поръяно, Инмарен валче сюрес вылысь ӟеч, таза бертӥ шуыса вӧсяськоно: "Инмар анай, Инмар атай, ваньмыз понна тау тӥледлы". Пересьёсыз но вунэтоно ӧвӧл, соослы но тау кароно. Ӵукна султон Вазь ӵукна султоно но мисьтаськоно. Собере вылысь Инмарлы вазиськоно: - Осто Инмаре! Ӟеч уйдэ сётӥд, Тау тыныд, Инмаре. Табере ӟеч нуналдэ сёт. Ӟеч тазалык, азинлык сёт, Инмаре. Вордэм нылпиосыз но утялты, Инмаре. Ӟеч нуналдэ сёт, Инмаре. Сьӧлыктэм нылпиос понна, Сирота кылем нылпиос понна, Инмаре. Аслэсьтыд сётэм ю няньдэ ас кужыменыд утялты. Сёт, Инмаре, ӟеч нуналдэ, ӟеч ардэ, ӟеч тазалыктэ. Туннэ понна тау тыныд, Инмаре. Ӟеч уйлы но ӟеч нуналлы тау, Инмаре. Чакланъёс Тулыс нуналъёсы корка кезьыт улэ, гурез туж трос эстоно луэ. Пересьёс сыӵе дыръя шуо вал: "Тулыс кезьытэн шуныт утялске". * * * Быдӟымнал уй пуны, пе, медаз уты, а то ар секыт луоз. * * * Нянь гурын дыръя выжез ӵужыны уг яра, а то нянед уз удалты, кеносэд буш улоз. * * * Тулыс сюрес вырйыл луэ ке, нянь удалтэ. * * * Нюлэскысь писпуос вылын лымы трос ке, нянь удалтэ. * * * Ӵукна султыса кыре потэмед бере, ӟазег кеськемез кылӥд ке, ӟечлы ӧвӧл, нош ӵӧж ке кеськиз яке вал гырдалтӥз - ӟечлы. * * * Укное ӟольгыри йыгаськиз ке, ӵыжы-выжыос пӧлысь кин ке но кулоз. Озьы ик урод ивор вае укно пияла вылэ сӥтяськись тылобурдо. * * * Мурт писэй улыны лыктӥз ке, улляны уг яра, шуд вае со. Елизавета Камашева, Завьял ёросысь Дэри гурт. Басылмизы Асьме шаерын вылэм та учыр. Оскоды коть, коть уд, тодэмды кияды. Японие туж трос пу келям понна, асьмелы туж бадӟым тау карыса, одӥг эштослы японецъёс туж ӟеч пул пилён машина келяллям. Ай ӟеч гинэ ӧвӧл, туж кужмозэ но умойзэ. Писпулэсь вайёссэ но ачиз кора, сулзэ но вӧлэ, пулъёссэ но лач-лач керттылэ, ачиз ик автомашинае ӝоктэ, жуг-жагзэ но ачиз ик ог интые люка но мукет. Ппаймиллям талы воргоронъёс. Нош одӥг пол машиналэсь ужамзэ ӝот-ӝот эскерыны малпаллям. Пул пилён машиналы самой конгро. Трос уло-ваё но чурыт корез мылазяз понӥллям. Воргоронъёс витё ини, пе, машиналэсь реж-куаж тӥяськемзэ но гуньдэмзэ. Нош со