Александр Владимиров Шляпаен мурт 1. Пичи дыръяз Лелилы мумиз ялан шуылоз вал: астэ укылтэм возид ке, шляпаен дядяй лыктоз но тонэ сьӧраз нуоз. Мумиз ӧз выжыяты, кытчы, малы нуоз сое. Нош валан сётылӥз: отын туж урод луоз. Шляпаен дядяй... Соин пумиськонэз возьман нылашлы улыны маза ик ӧз сётылы. Ульчаетӥ ортчись котькуд воргорон Лелилы шляпаен дядяй кадь потылӥз. Таӵе дыръя нылаш чир кесяськыса, бызьыса дораз бертылӥз, анаез борды шымырскылӥз но бӧрдыса киоссэ чупалляз, номыр уродзэ лэсьтымтэез вылысь ассэ простить карыны курылӥз. Сюлэмаз йӧтэм мумиз нылызлэсь йырзэ маялляса буйгатыны, нокыӵе шляпаен дядяй ӧвӧл шуыса оскытыны выриз. "Со вань!" - шуылӥз Лели мумиз пумитэ. - Куке но со одно лыктоз но монэ сьӧраз нуоз". Аръёс ортчемъя, ини школаын дышетскыкуз, собере - университетын, эсьма, быземез бере но, Лели воксё паймытылӥз: пичи дыр кышкатонъёс шоры серем пыр учкем интые, пумен соослы мургес оскыны кутскиз. Шляпаен мурт соин артэ вамышъя кадь потӥз солы. Таӵе шӧдонъёсызлэсь Лелилэн киосыз куалекъяны ӧдъяло, йырвизьыз сураське, уно сю корт эгесъёс ӝипто кожалод солэсь мугорзэ. Собере огдырлы буйгатске но сайкиськем визьмыныз ассэ ачиз пыкылэ: кызьы озьы йӧн-йӧн адями чик ӧвӧлтэмлы оскоз? Вылаз ик, солэн картэз но вань: кужмо, кышкасьтэм, лякыт мылкыдо. Со котьку палаз пыриськоз, дурбасьтоз. Лелилэн мылкыдыз капчия. Ымдуръёсаз пальпотон йӧтске. Собере быдэс мугораз чарак шулдыр мылкыд пачыла. Кырӟамез, эктэмез потыны кутске. Нунал ик югытоме, яркыт шундыё луэ кадь. Инкуазь синмез палёмытӥсь турлы буёлъёсын пазяське. Собере нош ик быдэс дуннеез нап пеймыт соге. Озьы со доры нош ик шляпаен Мурт лыктэ. Шляпаез быдэс ымнырзэ возъя. Лели ас мугор вылаз шӧдэ солэсь сӥсъяса кӧшкемыт учкемзэ. - Кин тон? - сипыртыса юа нылмурт. Соиз пал кыл но уг поттылы. Ваземысьтыз Лелилэн вылкуэз ик йӧӟектэ. Макем адӟемез потэ солэсь ымнырзэ! Кӧня пол йырысьтыз шляпазэ ишкалтыны медылӥз, но киыз котьку кыӵе ке борддор борды мырӟиськылӥз. Сыӵе дыръя пель сьӧраз жиетыса серекъям кылӥськиз: - Уз пӧрмы, эн но могтӥськы! Оло ваньзэ тае картэзлы верано? Валалоз меда бен сое со? Шузимемен лыдъяз ке нош? Егит кышномурт ымаз ву ӟузем кадь шып кариськиз. Нош шляпаен Мурт пумен чурыт, лек возе ассэ. Кыӵе ке адскисьтэм, чигтӥськымон кужмо золтӥськем нюжа герӟаз Лелиез соин. Со мае ке туж кышкытсэ лэсьтыны дась. Лелилы одно дугдытоно сое. Нош кин меда со? Вуж Осколын Лелилэн Марта нимо оскымон эшез вань. Арлыдын со егит ке но, туж усто психиатр. Соин вераськоно вал, оскытоно сое шляпаен Мурт вань шуыса! Трос уродзэ лэсьтыны быгатоз со... Лели телефон доры вамыштӥз но, со азе олокытысь шляпаен Мурт потӥз. - Эн йӧтскы! Эн жингырты! - алэ со. Лели ӧз кышка солэсь. Тани со сэзь-сэзь бергатэ ни телефонлэсь дисксэ. - Мар бен, тон ачид вожвыл султӥд эшедлэн улон сюрес вылаз, - кылэ со лек Муртэзлэсь. Телефон пи-ик... пи-ик каре. Бератаз - Марталэн куараез: - Алло! Куараез ачиз кадь ик сэзь, жингрес, капчи мылкыдъем. - Мон та, - каллен гинэ вазиз Лели. - Лели! Ӟечбур! Тон кытчы ышид? - Ӧй ышы мон... Тонэныд вераськонэ вань. Приёмад лыктыны луоз-а? - Кыӵе ке югдур кылдӥз-а? - Бен. - Нош ку лыктыны малпаськод? - Луэ ке, туннэ ик. - Туннэ калыке трос. Нош ӝытазе Хлебниковъёс доры юмшаны ӧтизы. Ойдо ӵуказе пумиськом. - Яралоз. Нош ик Лели азе шляпаен Мурт потӥз. Со йыркуро серектӥз но пинь пыртӥз мар ке верам кариз. Лели ӧз кылы марзэ. Нош со Марта пумысь вал... 2. Марталэн ӝужыт беро туфлиез асфальт вылтӥ йыг-йыг туккетэ. Урамын шер гинэ сылӥсь фонарьёслэн эгызо юртъёс вылэ ӝомо югытсы пиштэ... Куд-ог квартираосын тылзы ӝуа. Усьтэм укноосысь ӵашетэм, серекъям куараос, каршы кылъёс кылӥсько. Ӧжытак чигтӥськыса ненег кырӟам чузъяське. Со Вуж Осколын тужгес но тодмо "Ноку вунонтэм лыз зарезь..." шлягер. Фонарьёс быризы, пеймыт борддор ӝутскиз Марта азе. Соку ик тодаз лыктӥз солы мумизлэн верамез: "Уин шурдыт та городын..." Нылаш уй куазе ураме шер поталляз. Нош туннэ со юмшанын ӝегатскиз. Озьы ке но, пиос пӧлысь нокин ӧз вазиськы сое келяны. Марта шуак йӧнзэ ыштэм кадь луиз: бӧрсяз мынӥсь тодмотэм муртэз шӧдӥз. Нылаш берзэ уӵертӥз. Коркаос вискытӥ кинлэн ке вужерез адӟиськиз. Яке озьы потӥз гинэ- а солы?.. Йӧн-йӧн мае ке адӟод шат таӵе пеймытын?.. Ассэ буйгатыны турттӥз Марта. Малы одно ик солэн сьӧраз кин ке уиськыны кулэ?.. "Уин шурдыт та городын". Но нуналлы быдэ йыртэманъёс уг луыло ук Вуж Осколын но... "Эн сётскы кышканлы!" - аслыз ачиз шуиз Марта но ӝоггес вамышъяны ӧдъяз. Коркаос, коркаос... Марысь мар ке, со бызьыса подъездэ пыроз но нырысь сюрем квартирае жингыртоз. Ваньмыз умой луоз! Озьы ке но, сюлэмшугъяськонэз пумен будэ. Со мышказ тодмотэм муртлэсь вамышъямзэ шӧдӥз. Сьӧраз кин ке калтӥське! Астэ ачид кияд кутыса возёно! Кин ке огшоры гинэ нялтас мынӥсь вань, луоз. Марта нош ик берзэ учкиз. Пеймытлы ӧжытак басьтӥськем синпумъёсыныз со одӥгаз корка борды ӝиптӥськем адямиез адӟиз. Сюлмыз шуг луыны кутскиз. Малы ватске со? Мае ке адӟод-а таӵе пеймытысь? Котьма ке но - со отын. Отын! Чылкыт ӧвӧл солэн малпанэз. Сотэк малы ватсконэз! Озьы ке но, Марта нош ик азьлань вамышъя, туфлиосыныз туккетыса. Табере ини со тазьы ик шӧдэ ас бӧрсяз лушкем вамышъёсты. Ваньмыз валамон: кин ке уиське со сьӧры! Марталэн сюлмыз пыдтышказ вуиз. Со бызьыны кутскиз. Пумен пыд куара матын но матын кылӥське. Марта бӧрдыса кесяськыны ӧдъяз. Но мар толыкез - куараез дунне пыдсы выиз. Каргам люкет! Бызёнъяз котермаез чигиськиз. Марта туфлиоссэ кылиз но гольык пыд бызиз. Пыд пыдэссэ мырӟытӥз. Озьы ке но, вӧсь луонзэ вормыса - азьлань. Уиськись муртлэн ӝот-ӝот шокамез кылӥське ини. Кин ке пумитаз лыктӥсь мурт мед луысал коть! Марта сьӧры уиськись каршы кылъёссэ поттӥз. Из борды канжаськыса усиз. Со вискын нылаш чарс гинэ артысь коркаос кусыпе кожиз. Азяз шал-шал тырттэм проспект. Машинаос гинэ но ӧвӧл. Бызьыны ке - кыдёке уд кошкы, со одно ик сутоз. Марта соку ӝог гинэ корка борддор сьӧры ватскиз. Со адӟиз: уиськись мурт проспект вылэ потӥз но, котырзэ эскерыса, пеймытэ ышиз. Нылашлэн пыдъёсыз юскиськизы. Пиньёсыз ваче йыгасько. Моӵез быриз. Коть татчыяз ик борддор борды пыраклы интыяськысал. Со уз поты ватскемысьтыз. Ӵукнаозь но вырӟылытэк татын сылыны дась. Со уг вала ни кӧня дыр ортчемез но. Йырвизьмыз ялан огпӧртэм ивор сётэ: "Со кошкиз! Кошкиз! Тон но кысык вез та кӧшкемыт интыысь!.. Нылаш ватскемысь потӥз, кӧня ке вамыш лэсьтӥз. Куарусён толэзь уй сяна, солэсь син азьзэ ӝом-ӝом пеймытэн возъя на кыӵе ке ӧвӧлтэм сьӧд векчи виштыослэн гыамзы. Вистэм-вожтэм омырын пужнӥськись макеос оглом борддоре колӟасько но Марта азьысь быдэс улосэз ӵоксало. Со эшшо кӧня ке вамыш лэсьтӥз. Кин ке юн кырмиз сое. Марта кеськиз но, ассэ уись муртэ адӟыса, соку ик могӟиз. Солэн сюлмыз буйгаз. - Тон? - сипыртӥз нылаш. - Лул потымон кышкатод ук озьы. - Мон, - шуиз уиськись мурт. - Учкисько, тон огнад. Суто но ӵошен мыном, малпасько. Ачид тодӥськод ук, уин кышкыт та городын. Уись мурт та кылъёссэ вераз но, малы ке серекъяны кутскиз. Марталы нош ик кышкыт луиз. - Ойдолэ ӝоггес мыном, - нырулаз вераз нылаш. - Мынам анае сюлмаське. Уись мурт йырыныз шонтӥз. Соос проспектӥ вамыштӥзы. Малы ке Марта ассэ умойтэм шӧдӥз. - Учкы! - кытчы ке киыныз возьматыса кеськиз Марта сьӧры мынӥсь мурт. Марта возьматэм пала учкиз но, номыре ӧз адӟы. Котырак тём-тём пеймыт. "Мар меда сыӵе отын?" - сьӧраз калтӥськисьлэсь юаны медэ вал но, ӧз вуы... Витьымтэ шорысь маин ке йырбераз таш! шуккись луиз. Пазьгиськыса чилектӥзы пӧртэм турлы тылгизьыос. Марта пыдэстэм гуэ лобе. Татын сьӧд буёл Оскол уйёслэсь сю поллэсь но сьӧд. Вӧсь луонэз мугораз вӧлскиз, лулпушсэ, йырвимзэ пуштытыны медэ. Нош лулыз потэм Мартаез йырбыдтӥсь ялан молотэныз йыраз тышка на. Собере, сузмытэм йырыз но тодмантэм шуш ымнырыз шоры тырмытскем мылкыдын учкыса, со чалмытак гинэ пеймытэ ышиз. 3. Лелилэсь мугорзэ копак кезьыт нюлам басьтӥз. "Кыӵе кӧшкемыт уйвӧт!" - сайкаса малпаз со. - Эшсэ виё... Мартаез шляпаен Мурт мекалтӥз, но Лели нош ик ӧз быгаты солэсь ымнырзэ адӟыны! Лели укное учкиз. Куарусён дыр. Макем шӧтэм уй. Ӝоггес мед бырысал ини со! Лул шуг, вань ёзвиос дыр! куалекъяло. Юромо малпам кадь картэз дораз ӧвӧл, Ладилэн туннэ фирмаяз уин дежурствоез. Лели мукет урдсаз берытскиз, синъёссэ кыниз, умме усьыны турттэ. Нош уммез уг лыкты, быдэс час котыр кыллиз, дыр, буйгатскытозяз но валантэм сюлэмшугъяськонэз ортчытозяз. Витьымтэ шорысь телефон жингыртэм кылӥськиз. Лелилэн пульсэз ӵем жугиськыны кутскиз. Кин таӵе бер уин жингыртэ? Трубказэ басьтэмез уг пот, басьтӥз ке, маке но кӧшкемытэз вылэ ӝимоз кожа. Нош телефон ӟырдамон тачыртэ. Лели йырзэ миндэр улаз чуртназ. "Уг кылӥськы! Уг кылӥськы! - токма гинэ бӧтьыртэ со ас понназ. Нош телефон сётӥськыны уг малпа. Ӧз чида нылаш. Аппарат доры омырскиз но куалекъясь киыныз трубказэ ӝутӥз: - Алло! - Лели! - шугъяськем нылкышно куараез кылӥз. - Марталэн анаез та. - Кылзӥсько, Поля апай! Тодмай мон. - Вождэ эн вай уин жингыртэмелы. Тон дорын ӧвӧл-а Марта? Со Хлебниковъёс доры юмшанэ мынӥз но, татчыозь ӧз вуы на. Сюлмыз шуген Лелилэн шоканэз пытсаськиз. - Кӧлыны отчы ӧз кыль меда бон? - лябӟем куараен юаз со. - Кыльымтэ уго. Со кемалась кошкиз ни отысь, - ӧжыт гинэ уг бӧрды анаез. - Потон азяз жингыртӥз, ӝоген вуо шуиз но татчыозь ӧвӧл на... кӧня дыр ортчиз ини. Аслым инты уг шедьтӥськы. - Бертоз со, одно ик бертоз! Гадь висёнэз чиданы луонтэм ӝокатэмен, Лели кроватяз уськытскиз но йырзэ миндэраз месӥз. Сантэм карись серекъян... Со, комак музэн, котькуд вистӥ чуртнаськыса пыре но быдэс комнатаез тырмытэ. Шляпаен Мурт! Шляпаен Мурт! Со ӧвӧл. Озьы ке но, со котькытын вань! Котьмалэсь но юн Лелилэн картэзлы жингыртэмез, солэсь куаразэ кылэмез потӥз... Лади малы ке ужан интыяз ӧй вал. Но кӧня ке дыр ортчыса, ачиз жингыртӥз. Солэн уго телефонэз жингыртӥсь муртлэсь номерзэ тодыса кельтэ. - Мар луиз, гыдые? - Вождэ эн вай, мусое, люкетэме понна. Мон сыӵе кышкыт вӧт адӟи. - Со гинэ-а? - Марталэн анаез жингыртӥз. Марта юмшанысь кемалась кошкем ини... Нош дораз бертымтэ. - Бертоз али. Я, мын изь ни, номыр сярысь эн малпа. Дыр уйшорлэсь но бер ини. - Дугды али. Тон котьку монэн артэ луыны кулэ... Валаськод-а, кӧня ке дыр талэсь азьло мон жингыртӥсько но, тон интыяд ӧвӧл. - Мон ӧжытаклы чылкыт омырен шоканы потай. Ӵукна Вуж Осколэз кӧшкемыт ивор зуркатӥз: Олимпийской микрорайонысь проспектын сьӧсьяськыса, кызь вить аресъем Марта К. виемын. Солэн йырыз нажгатэмын, ымнырыз шӧтэм каремын. Маньяклэн кибервылыз шӧдске. Арнялы быдэ потӥсь "Иворъёсысь" тодмо журналистка Марина Кондрашова телевидение пыр вераськыкуз, Вуж Осколысь полицейскойёсты пӧрмостэмен пыкылыса, маньяклы пумит вань калыкен ӝутсконо шуиз, ыбоно, пе, сое пуныез сямен. Журналистка вераськонзэ Мартаез виись муртлы таӵе вазиськонэн йылпумъяз: - Кытын тон, муньылон люкет, возьматскы! Мон, Марина Кондрашова, ачим коралто тынэсьтыд покач киостэ!.. 4. Лади Лелиез ӟыгыртыны мерскиз. Соиз нёркак луиз, киысьтыз сумбырскыса мозмытскиз. Лади ӧз паймы талы. Шӧдӥз: берло дыре кузпалзэ кин ке воштӥз кадь. Эшезлэн быремез пумысен сокем шугъяськеменыз озьы, луоз. - Лели! - со ненег гинэ солэсь йырзэ кутӥз. Лели шып улӥз. Лади ымдуръёсыныз солэн кымесаз, бамъёсаз йӧтскиз. Нош ик чутрак воштӥськиз солэн мылкыдыз. Табереяз со ӝуалскыса ӝиптӥськиз Ладилэн гадь бордаз. - Лели! Со зар-зар бӧрдыны кутскиз: - Мартаез виён уе... Нокызьы уг буйгаськы... Одно ик сое! Мар понна? - Буйгатскы, дунокае. Таӵеез котькинэн луыны быгатоз. - Нош луиз Мартаен! - Номыр уд кары! Уй куазен та городын кышкыт. - Мар тон шуид?! Ладилэн лякытэсь синъёсыз Лели азьын шуак ӵушкась лек тылын чилектӥзы кадь. Нош солэн берпум кылъёсыз... Со кылъёсты йырбыдтӥсь сьӧсь ужзэ быдэстон азяз Марталы вераз. Но тани ваньмыз ас интыяз берытскиз. Лади азьло сямен ик лякыт синъёсыныз шуныт но мусо учкиз Лелиез шоры. - Мынам дежурствое мынон дыры вуиз, - шуиз со. - Тон туннэ но уин дежурить карыны мынӥськод шат? - Бен. Акыльтӥз ини. Мыным - инженер-изобретательлы, азьланяз быдӟым азинскон сӥземын, нош ачим коммерческой ёзын дежурить карисько. Куашказ, быриз быдэс наука удыс! Отын мынам малпанъёсы уже кутэмын луысалзы... Лели сюлмыз шуген кылзӥз Ладилэсь лекомыса аляськись куаразэ. - Тодӥсьтэм-валасьтэм бере кылем муртъёс тынэсьтыд карттэ та улонысь ӵушыны дась. Зарезь коже пуктэм корабль музэн, сисьмыса сылӥсько мон татын шукыръяськись сильтӧллы пужет мынэм интые. Кыӵе огъя улон луоз та, кытын талантъёс куанермыса курадӟо, лушкаськыса узырмемъёс кузёясько?.. Котькытын коньдон но ужатэк шедьтэм ваньбур гинэ!.. Макем юрӟым!.. Лади шкаф доры мынӥз но шуак ӧссэ усьтӥз. Ужан дораз мыныны дасяськыны кутскиз. Шкафлэн вылӥ ӝажыысьтыз Лели шляпаез адӟиз. Шляпа... Маке туж тодмоез син азяз йӧтӥз... - Кытысь тынад та шляпаед? - лулыз шуген сипыртыса юаз Лели. - Мон сое кӧня ке нунал талэсь азьвыл басьтӥ. Та шугъяськонъёсын йырин мынэсьтым гардеробме чакланы дырыд ӧй вал, дыр... Лелилэн вӧтэз тодаз лыктӥз: Мартаез виись ӵапак таӵе шляпаен вал... ... Одӥг уйзэ гинэ уг калгы ни Вуж Осколлэн урамъёстӥз "Иворъёсысь" журналистка Марина Кондрашова. Солэн дӥсь кисыяз - газовой пистолет. Озьы утча со йырбыдтӥсь маньякез. Со оске: одно шедьтоз сое. Чиньыосыз ас эрказ пистолетэз борды йӧтско. Со сяна, журналистка умой гинэ дышемын каратэ амалэн жугиськыны... Марина Олимпийской микрорайонэ, адямиез вием интые мынӥз. Сэзь визьмын чакласа, йырбыдтӥсь отчы пыдзэ но лёгыны кулэ ӧй вал ке но, со ӵапак отчы лыктоз шуыса малпаз Марина. Лыктоз, аслэсьтыз быдэстэм ужзэ выльысь тодаз вайыса, мылкыдзэ лычсузьытыны. А нош полицилэн тодаз но уз лыкты сое отын лушкем возьманы. Одӥгаз корка дорын ог вить кузя быдэ вуись пияшъёс укылтэмъясько. Соос куаразэс шӧдытэк горо, даллашо, ыме тэронтэм кылъёссэс поттыло. Маринаез адӟыса, синъёссэс со шоры мертчытӥзы. - Учке али, кыӵе чебер ныл?! Журналистка зэмен но учкымон чебер угось. - Чеберай, шулдыръяськемед уг поты-а милемын? Огкутскемен ваньмынымы ик? Рае сюрем кадь куанод. - Дугдэ ай, пиос! Мынам сое кытысь ке адӟылэме вань. Со телевидение пыр вераськиз ук. - Озьы ке - эшшо умой! Телеэкранысь кизилилэсь кайф басьтэме ӧй вал на. - Я, кызьы ни, мусокае? - Чальтче татысь, лэсянтэмъёс! - йыркурен вазиз Марина. - Мар шуид? Пияшъёс пӧлысь одӥгез сэзь кариськыса со доры вамыштӥз. Чик керпотытэк нылашлэн йырсияз кырмиськиз. - Лэзьы! - лек вазиз журналистка. - А то мар-о?.. Витьымтэ шорысь нылаш керпотӥсьтэм пияшлэн ымныраз пыдыныз сализ. Лыосызлэн лорскетэмзы ик кылӥськизы. Пияш асфальт вылэ усиз. Эшъёсыз жӧломыса учко журналистка шоры. Со дыртытэк пумитазы вамыштӥз. - Дышетоно на-а тӥледыз? Одӥгез пияш кизэ азьлань мычем вал но, соку ик пыдыз солэн едӥняз вуиз. Коскаса шокчиз но либрак пуксиз. - Медам но адӟылы ни тӥледыз татысь! - пинь пыртӥз сӥсъяса вераз Марина. - Эн кельтэлэ мара эшъёстэс. Быдэ вуись пияшъёс кышкаменызы огзы шоры огзы учкизы но, эшъёссэс сьӧразы басьтыса, сэрытак кошкизы. Мариналэн серемез потӥз. Полиция но тазьы ик ужасал ке! Городын ӧй ни луысалзы быдэ вуись пияшъёслэн бандаоссы. Фонарьёс быризы. Шим-шим пеймыт луиз. Тани татын... бен, та ёросын уиськыны кутскиз, луоз, йырбыдтӥсь со сьӧры. Татысь шедьтӥзы ук солэсь куштэм туфлиоссэ. Котыр кӧня коркаос! Нош нокин ӧз юртты солы... Марина синъёсыныз эгызо коркаос вылтӥ гылӟиз. Тросаз укноосын тылзы ӝуа. Улӥ этажъёсын усьтэм форточкаосысь ӵашетэм, серекъям куараос кылӥсько. Журналисткалы малпамтэ шорысь мӧзмыт но шурдыт потыны кутскиз. Ачиз понна ӧвӧл, татысь адямиос понна. Мартаез виён уе ваньмыз сямен ик вал, дыр. Котькудӥз аслаз квартираяз ватскыса, эзельзэ тау каре Марталэн адӟонэзлэсь утемез понна. Нош ӵуказе та выллем югдур ас вылаз вуиз ке, со но бускельёссэ кышкась но кылымтэ-адӟымтэ улэ аналскись луэмзы понна каргалоз. Витёнтэм шорысь Мариналы котыраз кин ке вань кадь потӥз. Со берзэ учкиз. Нокин но ӧвӧл! Уно аръёс ӵоже каратэен выре бере, аслыз ачиз оске на со. - Эй! - кеськиз со тём пеймытэ. Пумитаз нокин ӧз вазьы ке но, со туж шимес но лек кеськемез кылӥз кадь. Марина нош ик берзэ учкиз. Нокин ӧвӧл... Лулсэръёсыз лябӟонлы сётско ке шат? " Татын... Ӧвӧл, сояз, луоз... Марта отчы, кык коркаос куспы омырскиз, дыр. Выльысь ортчом солэсь сюрессэ", - малпаз Марина. Журналистка мугорзэ золтӥз. Киыз нош ик кисыяз нуйтӥськиз, пистолет бордаз ӝабырскиз. Со Марталэсь бызись вужерзэ адӟиз кадь. Нош бӧрсяз - йырбыдтӥсез. Пыд куараез таӵе ик кылӥське. Марина борддор борды ӝиптӥськиз. Кыӵе ке адями со доры лыктэ. Нылаш сое шораз тэтчыса мырӟиз но, киыз омырез гинэ вандӥз. Адями выллем маке пилиськиз, векчи пырыослы люкиськыса пазьгиськиз. Котькудӥз со пырыос вожомыса пужнӥзы син азяз. Кытын ке кыдёкын ик ӧвӧл пуныос кӧшкемыт вузыны кутскизы. Марина проспект вылэ, Марталэн вирӟектэм мугорыз кыллем интые потӥз... Кулэм мурт таӵе ик адӟиське кадь журналисткалэн син азяз. Со юрттэт курыса, яке кышкытлыклэсь алыса, Мариналы кизэ сётэ. Пыд куара... Таяз учыре Марина зэмзэ но пыд куараез кылэ. Проспекттӥ кыӵе ке тодмотэм мурт со доры лыктэ. Тани со матэктӥз ини, Марина солэсь лякытэсь синъёссэ, либыт пальпотэмзэ адӟе. Со ас понназ малпаз на ай: "Котькин медло, нош таиз уз луы"... - Оген кышкыт ӧвӧл-а тӥледлы? - Ӧвӧл. - Нош мон кышкасько пеймытлэсь. Уин кышкыт та городын. Вождэс эн вае но, тӥ тодмо журналистка Марина Кондрашова ӧвӧл-тэ? - Мон со. - Автографтэс ӧй сётысалды-а? Тани татчы... - тодмотэм мурт кыӵе ке открытказэ мычиз. Марина паймысагес кисыысьтыз авторучказэ поттӥз. - Мар гожтом? - Огшоры гинэ: кема дырлы синпель карыса. - Тодӥськоды-а - лекос пеймыт татын. Тӥни отын фонарь ӝуа. Марина чылкак вунэтӥз эскериськон сярысь. Зэмзэ ке верано, каратэын со сям одӥгез валтӥсь луэ. Тодмотэм адями журналисткалэн йыраз шуккиз. "Пистолетэз поттоно!" - малпаса вуиз Марина. Но - шуккет бӧрсьы шуккет... 5. Лели сайказ. Со валаз, табере уз луы ни умме усемез. Со вӧт адӟиз уго: нош ик Олимпийской микрорайонын али гинэ йыруж лэсьтӥллям. Таяз учыре журналистка Марина Кондрашоваез вииллям... Лелилэн йырыз пилиськымон висе, сюлмыз юмекъя: "Э, Инмаре, зэм ик меда со?! Нош ик отын со, шляпаен Мурт вал!".. Лели шкаф доры омырскиз, ӧссэ усьтӥз. Ладилэн шляпаез интыяз ӧй вал... Мар бен сыӵеез? Валамон ини, шляпазэ йыраз поныса кошкиз... Берло дыре, Ладиез изьыку яке кытчы ке потыкуз, кӧня пол Лели со шляпаез кияз бергатӥз, табере сюрс пӧлысь но тодмасал ини. Ма, сотэк но солэн оскыса верамез луысал: йырбыдтӥсь та шляпаен вал. Кӧшкемыт малпанъёсыз маза уг сёто нылашлы. Мартаез виён уе Лади дораз ӧй вал, со ужан дораз дежурить кариз. Нош виён эсэпе со ужан дораз но ӧй вал! Огшаплы чылкыт омырен шоканы потаз... Жингыртоно ке шат али солы? Марлы? Сотэк но валамон: ужан интыяз ӧвӧл со. Кӧня ке дыр ортчыса вуоз, жингыртоз но шуоз: огшаплы чылкыт омырен шоканы потай... Эн жингырты! Эн жингырты! Эн жингырты! Шорад осконтэм учконзэс ас вылад эн басьты!.. Мар сыӵе шузи малпанъёсыд, Лели? Кондрашова улэп. Укно сьӧрын шимес уй. Со копак улосэз валантэм кышканэн возъям. Кытӥ ке татӥ ик аслэсьтыз йыружъёссэ лэсьтыса урамъёстӥ калге шляпаен Мурт. Кыӵе валантэм нюжа герӟа сое Лелиен?.. Одӥгез валамон: со гинэ вылӥысен дугдытыны быгатоз йырбыдтӥсь убирлэсь виро ужъёссэ. Солэн таки иземез ӧз луы ни. Ӵукна со кылӥз Ладилэсь бертэмзэ, ванное пырыса мазэ ке миськемзэ. Берло тодмо луиз: со куртказэ но дэремзэ миськем. Ӵукна радио пыр ивортӥзы Олимпийской микорорайонын тодмо журналисткаез Марина Кондрашоваез виемзы сярысь. Полицилэн малпамезъя, йыруж лэсьтӥз луоз Марта К.-ез виись мурт ик. Макем лякытэсь Ладилэн синъёсыз... Со куртказэ но дэремзэ миськиз... Наштаськем вирзэ гылтӥз. Лели гинэ дугдытыны быгатоз йырбыдтӥсь убирлэсь виро ужъёссэ!.. Егит нылкышно кӧбераса пыриз полицилэн кивалтэт ёзаз. Соку ик синйылтӥз татысь полицейской дӥсен, сюлмаськись тусын, сурым поттыса олань-талань бызьылӥсьёсты. Вахтаын сылӥз егит сержант. Лели со доры мынӥз. - Мыным кинэн ке кивалтӥсьёс пӧлысь вераськоно вал. - Кивалтӥсьёс пӧлысь гинэ, иське? - мыньпотӥз сержант. - Мынам кык нылъёсты виемзы пумысен ивортонэ вань. Сержант сэрытак пуш телефон трубказэ ӝутӥз. ... Кӧня ке минут ортчыса, Лели нимысьтыз кулэ ужъёсъя следовательлэн тӧдьы йырсиё, мычиськем бамо, кӧсыт мугоро воргоронлэн кабинетаз пуке вал ини. Лели куаляк луиз, кытысь ке сое адӟемез вал кадь потӥз... - Кылзӥсько, - кӧсыт вазиз следователь. - Кылпумысь, мынам фамилие Сергеев. Олег Александрович Сергеев. Лели нокызьы валэктыны ӧз быгаты, малы секундлы быдэ со пумен юн сюлэмшугъяське, чик юнме шорысь малэсь ке шурдэ. Со кышка та следовательлэсь. - Кыӵе иворды вань тӥляд? Эн кышкалэ. Адями вием сярысь ужъёсты мон нуисько. - Адями виылӥсез мон тодӥсько кадь потӥсько... - Малпандылы юн оскиськоды-а? Лели йырыныз шонтӥз. Ортчыт юн малпаськеменыз со уйжомем кадь луиз. Эшшо ӧжыт улыса, йырсазьзэ ыштӥз. Сергеев солы стаканэн ву сётӥз. - Кресло вылэ гаӵолске! - кышкатскиз следователь. - Мур шокалэ! " Мыным номыре ӧвӧл ни, - шуиз Лели. - Нырысь ик мон мадё тӥледлы кызьы виизы Мартаез но журналисткаез, - веранзэ мытӥз нылаш. Со ваньзэ мадиз, кызьы вал. Следователь сое сак кылзӥз. - Кытысь-о сокем пыр-поч тодмо тӥледлы? - Валаськоды-а, вӧтам мон адӟисько кызьы, кытын но маин виыло нылъёсты... Нош берло ваньмыз со зэма... Сергеев шулӟектӥз, чиньыосыныз ӝӧк вылэ керӟег коканы кутскиз. - Кыӵе ке уйбыртон... - Мон тӥледыз пӧясько кожаськоды, оло? Лелилэн бӧрдэмез потӥз. - Кошком-а ни мон? Тужгес но юн кышказ Лели следовательлэн сое лэземезлэсь. Солэн уг луы озьы гинэ бертэмез. Со одно ик дугдытыны кулэ шляпаен Муртэз! - Тӥ ӧд вералэ кин луэ адями виись? Тазьы юакуз Сергеев паймоно кадь учкиз Лели шоры. Лели соку кылзэ ньылэм кадь луиз. Тодмотэм мурт азьын озьы шараяськыны луэ шат? Кытын осконэз, со зэмен но уг уйбырты шуыса? Кинлы мар уг возьматӥськы уйвӧтаз... "Кошконо татысь ӝоггес", - малпаз Лели. - Озьыен, кин вал со? Солэн син азяз пуксиз шляпаен Мурт. Пыдлось потӥсь серемес куараен со шуиз: "Тон уд дӥсьты вераны..." - Солэсь туссэ уг тодӥськы на мон. Но, малпасько, мон со ымнырез адӟыны быгато. Туннэ уин мыным одно ик нылъёсты вием интыын луыны кулэ... но мон кышкасько отчы огнам мыныны. - Юнме гинэ со! Йырбыдтӥсь уз дӥсьты отчы мыныны. Со уз лыкты отчы. - Нош мон шуисько: со лыктоз! Следователь нош ик чиньыосыныз ӝӧк вылэ керӟег коканы кутскиз: - Тӥ кин ке сярысь малпаса вераськоды-а? Лели шуге вуиз: шляпаен Мурт сое кышкатыны ӧдъяз. Озьы ке но, со шуиз: - Мон аслам картэлы - Ладилы уг оскиськы. - Малы-о? ... Со уз вера на ай Ладилэн шляпаез сярысь но, нылъёсыз виыкузы солэн дораз вылымтэез сярысь но, кызьы тодмо луиз - ужан интыяз но. Бератаз, Кондрашоваез виемзы бере, ӵукнапал бертыса, картэзлэсь ваннойын куртказэ но дэремзэ кема миськемез сярысь но. Картэзлэн дӥсез вылысь вир виштыосыз адӟемзэ но... Кӧня ке секундлы Лели йырсазьзэ ыштӥз. Сазьтӥськемез бере азьысьтыз Сергеевез адӟиз. Малы ке пумтэм шумпотэ кадь со. - Тӥледлы умойгес-а? Тӥ ӧд валэктэ, малы картты вылэ оскытэк учкиськоды? - Ужпум со бордын... мон ачим но пумозяз уг валаськы на... Возьмамтэ шорысь следователь нокыӵе кыл веранэ ӧз вуы. - Тӥляд мадемды, конечно, небытак вераса, валантэмгес. Вае бен ум кӧбералэ, эскером таизэ но малпандэс. Только тӥ милям куронмыя ужано луоды. Лели йырыныз шонтӥз. - Туннэ ик карттылы мадёды уйвӧтъёсты сярысь. Вералоды озьы, кызьы татын мадиды. Адями виисьлэн тусыз тодмо ӧвӧл тӥледлы. Но сое тӥ тодыны медӥськоды. Соин ик тӥледлы уин одно вием нылъёслэсь сюрессэс ортчоно луоз. Тӥледыз маке уг кепыраты-а? - Нош со зэмзэ но янгыш ке?.. Со монэ соку ик виёз ук! - Ас вылаз сю процентъем оскытӥсь малпан кыскытыса-а?.. Нош кытын оскон, йыруж лэсьтэм интыын адями виисьлэн тусбуез тӥ азе йӧн-йӧн потоз шуыса? - Мар каром бон мон азьланяз? - Уез витьыса, Олимпийской микрорайонэ мыноды. Номырлэсь эн кышкалэ. Тӥля оскымон саюлсконды луоз. Та минутысен ми чакласа возём тӥледыз... ... Лелилэсь зэмлыкез возьматӥсь кӧшкемыт уйвӧтъёссэ но адями виисьлэсь тусбуйзэ тодаз уськытон сярысь малпанъёссэ кылзэмез бере, Лади нокыӵе ик ӧз кариськы. Зэм, мон тонэ нокытчы но уг лэзьы шуиз ик бен. - Кельты со шузи малпанъёстэ, Лели. - Но мон быдэстыны кулэ ук... - Уд валаськы шат со уйбыртон гинэ шуыса. Ладилэн синъёсаз сюлмаськон ӝуалскиз. Со Лелиез понна кышка. - Монэ кутэмед уз луы. Мон одно мыно отчы, - ӝот-ӝот вераз Лели. - Ярам, иське, гыдые. Но мон тонэ келяса сьӧрад мыно. - Уд валаськы шат тон: мон отчы огнам мыныны кулэ. Соку гинэ тодмало мон адями виисез. Тынэсьтыд малпандэ асьмеос берло эскером. Нош али отчы уд мыны шуыса, кылдэ сёт... Юромо малпам кадь, туннэ уин дежурствое! Лели номыр ӧз вера. Нош картэз ӟырдыт мылкыдын юн-юн бордаз ӝиптӥз сое. Яратэ со Лелизэ. Ӵыдонтэм мусо но ненег Ладиез! Со уз быгаты адямиез виыны. Озьы ке но, кузпалыз уже кошкем бере, Лели со кӧшкемыт интые мыноно кариськиз. Но отын нокыӵе милиция ӧй вал. Солэн пыдъёсыз мырдэм вамышъяло. Лели вань ёзвиосызлэсь коскамзэс шӧдӥз. Йырыз уйжомемын, сюлэмыз юмекъяса висе. Пӧрмостэм жаль потэ аслыз ачиз: "Кӧчоно! Кӧчоно татысь!" Но кошкыны бер ини!.. Шляпаен Мурт котькытысь шедьтоз сое. Из коркаосын улӥсь адямиослэн пыд азязы йыбырттыны дась Лели, мед гинэ утьысалзы сое, ӧссэс мед усьтысалзы, мед ватысалзы! Но - азьлань мыныны кулэ! Уйвӧтын сямен Лели азьлань вамыштӥз. Тани коркаослэн кусыпсы, отысен нылашъёс бызьыса проспект вылэ потылӥзы. "Ӝоггес ортчоно та кӧшкемыт интыез!" - чилектӥз йыраз. Тани со проспект вылын. Со туж ӟеч тодэ на татын нылъёсты кызьы виылэмзэс... Сое - кышкан но ӧскем потонэз ӝокатӥзы. Нош котыраз нокин но ӧвӧл... Но ӝоген Лели адӟиз: озёлонгес кыӵе ке вужер. Пеймыт ке но, соку ик синйылтӥз солэн йырысьтыз шляпазэ! Со- йырбыдтӥсь! Лели сюлмыз чигтӥськыса кӧня ке пол котыр эскериськиз. Сое вунэтӥллям. Ас понназэ кельтӥллям. Нокинлэн со бордын ужез вылымтэ ни, шӧдске. Мын но нюръяськы ас тодэмедъя та убирен, котькызьы чида! Лели бызьыны кутскиз. Вужер - со сьӧры! Нылмурт сюрес вылэ потӥз. Сюрес вылтӥ машина ширтэ вал. Лели солы киыныз шоназ, пыдес вылаз лэзиськыса сюлвориз. Машина солэсь чутырак палэнскиз но дугдылытэк азьлань ширтӥз. - Лели! - сьӧраз бызись вужерлэн кеськемез кылӥськиз. Нылаш сюрес вамен потӥз... Вадьсысьтыз выль пуктӥськись коркаез адӟыса, Лели чик ӝегатскытэк отчы омырскиз. Пыд куараез кылӥськонтэм вылысь, капчиен лёгиськылӥз со пагӟа тубатъёс вылэ. Малпамтэ шорысь солэн ёзвиосыз юн осконэн но йыгмыт мылкыдын пачылазы. - Мед эскероз али мон борды мерскыны! - аслыз ачиз шуиз со. ... Лели эшшо одӥг этаж ӝутскиз на. Уно пӧртэм сэрегъёс, буш интыос, ӝоген соос улон комнатаослы пӧрмозы. Выж пул ӟукыртӥз... Пыд куараос Лели доры матэкто. Нылмурт кышканы кутскиз: "Лади, Лади... Кык ар огазьын. Неужто..." Лели маке борды мырӟиськыса пыдзэ вӧсь кариз. Жуг-жаг люкысь корт юдэсэз адӟыса, сое басьтӥз. Чик секыт ӧвӧл, киын возьыны но лякыт... Солэн вамышъёсыз матэ но матэ карисько. Лели сэргы ӝиптӥськиз. Вужер-воргорон эскериськыса но кышкатэк, оскыса но вормись мылкыдын со доры лыктэ. - Лели, - каллен вазиз со. Ладилэн куараез ӧй вал со. Нош солы таиз но тодмо кадь потӥз. Шляпаен Мурт йырысьтыз шляпазэ каллен ӝутыса басьтӥз. Следователь Сергеев!.. Лели валаз янгышамзэ. Тӥни кин вылэм адями виылӥсь! Соин ик сое кутыны уг быгато. Юнме-а Лелилы кытысь ке адӟем мурт кадь потӥз со. Воргорон, Лелиез адӟытэк, лушкемен со дортӥ ортчиз. Нылмурт со сьӧры шыпытак вамыштӥз но, киысьтыз кортсэ ӝутӥз... Сергеев мышказ берытскиз ке но, номыр карыны ӧз вуы ни: йыраз шуккет вуиз, турнаса погыртэм кадь усиз. Лели синвуосын бӧрдэ. Кудӟем мурт кадь шонаськыса, со пагӟа тубатъёс пала мынӥз. Быгатэмезъя дыртыса улӥе васькиз. Алигес гинэ йырбыдтон интылы пӧрмытскем проспект, табере Лелилы мозмытскон ваись инты луиз. Со бызьыса ураме потӥз но... витьымтэ шорысь шляпаен Муртлэн кужмо ӟыгыртэмез улэ шедиз. Со вал Лади... - Тон мар кариськод татын? - ньылоназ шокан омырез пыкиськыса юаз Лели. - Огнадэ кельтом шат мон тонэ? Мон бӧрсяд мынӥсько. Лушкемак... Табере тодӥд кин адями виись? Солэн синъёсыз лякытэсь ӧй вал ни. " Мар лэсьтӥд тон! - малпаз Лели. - Табере монэ но виёз-а?" Та вакытэ нылмурт котькуд палась соос доры бызьыса лыктӥсьёсты адӟиз. "Полиция!" - шумпотӥз Лели. - Кӧшкемыт югдурлы пумыз вуиз..." Йырбыдтӥсь паймыса ӧз улы: кисыысьтыз пуртсэ сэрытак поттӥз но курбон каронэзлэн кӧтаз бышкалтӥз... Собере - пегӟыны. Но та вие кӧня ке мурт со вылэ омырскизы ини. 7. Сергеев психиатрической больницаысь валтӥсь врачлэн Олег Владимирович Медведенколэн кабинетаз пыриз. Соиз следователь шоры мылкыдыныз ӧжытак пыриськем тус учкиз: - Я, кыӵе мар ини тӥ? Сергеев киыныз йырысьтыз бинет бордаз йӧтскиз. - Зол ик мекалтӥз со монэ. Али ке но пелям жонгетэ. - Ортчоз. Берпуметӥез гинэ медло таӵезэ адӟемед. - Тау, доктор. Соиз гинэ жаль: йырбыдтӥсь маньякез кыл кутыны уз кылды. Медведенко киоссэ шеръяз. - Соиз жаль. Зэмен но, секыт учыр. Юртты вал но, кызьы шуо, Платон мыным эш, нош зэмлык... - Марлэсь-о кылдэ сыӵе шузимон? - Нырысь ик ужпум со бордын. Лели, Инмар сётэмъя, лякыт сюлэмо ӟеч адями, нокинэ ӝоже уз уськыты. Пуртсэ но кышкаменыз гинэ сьӧраз басьтэм. Нош пичи дыръяз сое кыӵе ке шляпаен Муртэн кышкатӥллям. Лыктоз, пе, но сое сьӧраз нуоз. Со дырысен шляпаен Мурт солы кышканлэн "пусэз" луэм. Нош ачиз Лели кышкаса улэм гинэ ӧвӧл, быдэсак герӟаськем соин. Со ветлэ нылаш доры, вераське соин (валамон ини, ас малпанъёсаз гинэ). Пумен со йырвимаз пыӵа но вань визьмыныз валтӥсь луыса, быдэс улонзэ басьтэ. Лели валаны тырше шляпаен Муртэ, ӵемысь ассэ со интые пуктэ, солэн мылкыд каронъёсыныз улыны кутске. Адӟонтэмез на-а со шляпаен Муртэ? Бен. Соин ик со тӥ доры но ветлӥз, йырбыдтӥсез шедьтыны юрттэтсэ ӵектӥз. Но та Лелилэн оглюкетэз гинэ. Солэн мукет люкетыз - шляпаен Мурт, кудӥз ас ужъёссэ соин лыдъяськытэк быдэсъя. Лели уг тоды, уз но тоды йыружъёсты ачиз лэсьтылэ шуыса. Та вакытэ шляпаен Мурт солэн пушказ улэ угось. Соин люконтэм одӥг мурт луыса, со тодэ солэсь йыружъёс лэсьтылэмзэ, кызьы но маин виылэмзэ. - Одӥг адямиын кык мурт, - малпаськонэ усем куеныз ныр улаз нукыртӥз Сергеев. - Татын Джекилэн Хайда куспын луэм учыр тодэ лыктэ. - Чылкак озьы ӧй шуысал. Доктор Джекил ачиз сётӥськиз Хайдалэн шукырес мылкыдызлы. Лелилэн со асэрказ пӧрмиз, визьмыныз умойтэм луэменыз. Нош отӥзэ тӥ ваньзэ асьтэос тодӥськоды... - Бен. Лели нылъёс доры лыктыку, соос ӧз кышкалэ солэсь. Кылсярысь, адями виисез паськес ангесо, бадӟымесь мыжыко пияшен адӟыны малпась Кондрашова кышкалоз шат со кадь чиед мугоро нылашлэсь? Нош "чиед мугоро нылаш" лякыт сямо Лели ӧй вал ни та вие. Со вал кужмо лекъяськонлэн символэз - шляпаен Мурт... Кылпумысь, кыӵе- мар ини Лелилэн картэныз? - Эн сюлмаське. Та шуккетлэсь со тупатскоз. Нош мукетызлэсь... - Зэм ик-а Лели Марта К. доры эмъяськыны мыныны малпа вылэм? - Зэм. Со понна ик вииз нылашез шляпаен Мурт. Лели йӧнасал ке, со но ӧй луысал ни. Нош Кондрашоваез мар муген виемез сярысь веранэз ик ӧвӧл. - Туж мӧзмыт ук та ваньмыз, доктор. Кык мурт виемын, одӥгез сӧсыртэмын, вылаз ик - полицейской. Нош кыл кутыны - некинлы. - Оглом вераса, таӵе учыре анай-атайёссы кыл кутыны кулэ, пиналзэс укылтэмъяськонтэм вылысь кышкатэмзы, йырсазьзэ сурамзы понна. Озьы соос асьме улонамы зэмос бадӟым сьӧлык вӧлмыто. Бен, соиз умойтэм, уголовной кодексын талы пумит статья ӧвӧл, дыр, - мӧзмыт йылпумъяз Олег Васильевич. Ӟуч кылысь берыктӥз Борис Саушкин. 1 Куарусён но коньывуон толэзьёсы Играысь краеведческой музейын Даша Лобанцевалэн картинаосызъя адӟытон ужаз. Егит суредасьлэсь ужъёссэ адӟыса, котькудӥз солэсь туссэ-буйзэ син азяз ачиз сямен пуктӥз, дыр. Бен, картинаосыз пӧлын Дашалэн туспуктэмез но вал, нылашлэн ужъёсыз солэсь лулпушсэ паськытгес, мургес усьто шуимы ке, ум янгышалэ, дыр. Даша Лобанцевалэн ужъёсыз паймыто туж аспӧртэмлыко луэменызы. Пеймыт, куддыръя кышкыт силуэтъёс, малпаськытӥсь сюжетъёс, фантастической образъёс - ваньмыз со туж бордаз кыске. Егит суредасьлэн дуннеез ас сямен адӟемез куддыръя кышкатэ но, ява. Со туж эрико. Обществолэн со сярысь мар малпанэз Лобанцева понна чик но нырысетӥ интыын ӧвӧл. Котьма ке но, картинаосаз со усьтэ аслэсьтыз ӟеч сюлэмзэ, ненег сямо луэмзэ. Монэ, огшоры учкисез сямен, Дарья Лобанцевалэн картинаосысьтыз геройёс малпаськытӥсь каризы, собере мон чылкак соос пушкы выи но котькудӥз герой сюлэмелы матын луиз. Тани али но со геройёс мынам син азям пуксё, пушме югыт мылкыдъёсын бугырто, со геройёсын выльысен пумиськем потэ. Уг ваты, асэныз суредасен пумиськонлэсь мон кӧня ке кышкай. Со туж эрико, дуннеез ас сяменыз адӟонъёсаз "веньёсыз" вань уго. картинаосысьтыз геройёс малпаськытӥсь каризы, собере мон чылкак соос пушкы выи но котькудӥз герой сюлэмелы матын луиз. Тани али но геройёс мынам син азям пуксё, пушме югыт мылкыдъёсын бугырто, со геройёсын выльысен пумиськем потэ. Уг ваты, асэныз суредасен пумиськонлэсь мон кӧня ке кышкай. Со туж эрико, дуннеез ас сяменыз адӟонъёсаз "веньёсыз" вань уго. Тани ми Ижкарысь Играе Дарья Лобанцевалэн Дарья Лобанцевалэн адӟытонэзлэн ворсаськоназ машинаен ширтӥськомы. Ижысен Играозь сюрес сокем кузь ке но ӧвӧл, милям со приключениосын кыстӥськиз, кызьы мон малпасько - умойлы: уго со дыр куспын егит суредасен тодматскыны луонлык тросгес луиз. Даша Лобанцева лякыт но зӥбыт адями вылэм, монэ со бордаз уката но кыскыны быгатӥз. Сюрес бере егит суредась чик ӝегатскытэк залэ потӥз, отын сое возьмало вал ини адӟытоназ лыктэмъёс. Даша соослы возьдаськысагес пальпотӥз. Бадӟым искусствое вамыш лэсьтэмын. Игра ёрослэн историяз кылдӥз выль ним. Дарья Лобанцевалэн картинаосыныз адӟытон ортчиз ини. Табере мон выльысь асэныз суредасен но солэн ужъёсыныз пумиськонэз витисько. Р.Н. Владыкина - ??? "Выль нимъёс" адӟытон Асьмеос дышемын ини реализм амало искусстволы. Татын ваньмыз валамон: маиз ке но кельше, маиз ке но уг кельшы. Нош Дарья Лобанцевалэн ужъёсыныз тодматскыса, мукет дуннее вуиськод, валаны тыршиськод, мар вераны турттэ художник сояз яке таяз картинаяз, картиназэ гожтыкуз, кыӵе шӧдрнъёс пыр солы ортчоно луиз, ма сярысь малпаз. Лобанцевалэн картинаосаз - мистика но фантасмогория. Учкись понна солэн ужъёсыз туж аспӧртэмлыкоесь но валантэмесь, соин ик калыкъёс малпасько, ӵошато, эчешо: "Малы таиз арбери мукет сямен возьматэмын ӧвӧл меда? Малы одно ик тазьы? Нош мон маке та выллем пӧрмытыны быгатысал меда?" Зэм но, кытысь меда та нылашлэн дунне шоры учконэз сокем аспӧртэмлыко? Дарья Лобанцевалэн картинаосызлы кылбурчи Александр Закурдаев ньыль чуръёс гожтэм. Солэн кылбуръёсыз картиналэсь пыдло ватӥськем пуштроссэ валаны юртто. Али Дарья Лобанцева УдГУ-ысь художественно-графической отделенилэн нырысетӥ курсаз дышетске. Туж оскем потэ, Инмарен сётэм быгатонлыксэ со азьланяз уката муромытоз но асьмеды выль ужъёсыныз трос пол шумпоттытоз но, паймытоз но шуыса. С. Г. Дмитриева, Игра музейлэн директорез. "Перецъёс" картина но туж тунсыко: вож перецез горд перецъёс ӝиптӥллям. Куд-огез шуэ, татын, пе, сексуальной тема ватӥськемын. Оло, со озьы ик вань, но мон малпасько, перецез фаллослэн символэныз лыдъяны уггес луы шуыса. Оло, вож перец - со ежлыклэн символэз? Но та картинаяз Дарья воксё мукет темаез усьтэ кадь потэ мыным: кызьы бадӟымъёс будӥсь пиналлэсь малпаськон ӧрзэ сурало, солэсь аспӧртэмлыксэ быдто. Ачиз Дарья, та картинае бордын ужакум, отчы нокыӵе мур малпанэз пыдло ватыны ӧй тыршы, шуэ. Но суредасьлэсь кизэ ачиз Быдӟым Инмар нуэ! Ктбашлы мурт котьку ик уг тоды угось, кытчы нуэ сое таиз яке таиз сюрес. Озьы-а, тазьы-а но - картинаез учкем бере, вань ма сярысь вераськыны, эчешыны. Со туж умой ук! Кӧня адямиос - со мында ик малпанъёс. Дарья Лобанцевалэн котькуд картинаосаз бадӟым ужпумъёс гинэ возьматэмын шуыса малпан шонер ӧвӧл. Суредасьлэн вань "капчи" картинаосыз но. Соос шоры учкыса, вань сюлэмшугъяськонъёс вуно. Сыӵе картинаос пӧлы пыро асьсэлэн сексуальностенызы йырез поромытӥсь "Пятнистое целомудрие", синэз шумпоттӥсь но сюлэмез шуныт мылкыдын тырмытӥсь "Рыбуля", "Печальный лемур". Ваньмыз сыӵе умой кутскиз, Но яратон тани ыше ни. Кыӵе солэсь ӧжыт кылиз: Мӧзмон но вӧсь синмын адске ни. Яратонлэн мӧзмылэс синъёсыз нокинэ но палэнэ уг кельто. Та картина югыт мӧзмонэн тырмемын, соин ик со шоры кема-кема учкыса сылэм потэ. Мыным Дарья Лобанцевалэн творчествоез туж кельше, искусство дуннелы со бадӟым осконъёс сётэ. Егит художницалэн вань малпанъёсыз мед быдэсмозы. А. Закурдаев, кылбурчи. Дарья Лобанцева вордскиз 1984 арын Игра посёлокын. 1998 арын татысь ик художественной школаез йылпумъя. 2001-тӥ арысен пӧртэм адӟытонъёсы пыриське. "Тодэ: пумолоен возьматыны луэ туж паймымон льӧль малпанэз, но со понна талантэд Леонардолэн яке Вермерлэн быдӟа медло", - гожъяз Сальвадор Дали. Мон чик шугъяськытэк вераны быгатӥсько, Дарья Лобанцевалэн сыӵе талантэз вань шуыса. Дашаен мон тодматски кылем арын одӥгаз сӥзьыл нуналэ крезьгурчиослэн, кылбурчиослэн, бардъёслэн пичигес гинэ компаниязы. Со люкаськеме лыктэм тунсыко адямиослэн творчествозыя котькудӥз сярысь нимысьтыз статья гожтыны луысал. Отысен мон нырысьсэ кылӥ, кызьы Дашалэн произведениосыз пумысен туж шунытэсь кылъёс верамын вал. Мон валай, та нылашлэн картинаосыз туж тунсыкоесь шуыса. Зэм но, Дашалэн ужъёсыныз тодматскем бере, мон чылкак бакми кадь. Картинаос шоры учкыса, пӧртэм мылкыдъёс каръяськизы мынам сюлэмам: шумпотон но кышкан, валэктыны луонтэм мӧзмон, яратон. Тужгес но дэймытӥз монэ "Яратэ-а та кар?" (Любит ли этот город?") картина. Со быдэстэмын пеймыт буёлъёсын. Татын каръёслэн лулпушез зӥбись огъясь образзы шӧдӥське. Сое валаны луэ карлэн архитектураысьтыз, бадӟым кузь трубаостӥ инбаме кульчояськыса ӝутскись сьӧд ӵынъёсысьтыз... Быгатоз-а таӵе кар яратыны? Оло нош ӵапак таин сэрен ик адямиослэн асьсэды-асьсэос быдтонлэн лыдзы но вылӥын? Котырак учке ай адямиослэн ымныръёссы шоры. Но асьтэлэсь асьтэос юалэ: "Яратэ-а та кар?" "Яратэ" ке - "Кинэ?" яке "Мае?" Малпанъёсыз бен вал солэн, - "Чебер" кыллы та кар матын вал. Кар туж зӥбиз ӟеч калыкез, - Соин луиз уллё выллем. Суредасьлэн картинаосаз яратон тема трос гинэ инты басьтэ, но со яратон кышномурт но пиосмурт куспын гинэ ӧвӧл. ("Весенняя", "Пятнистое целомудрие"). Улонэз яратон адӟиське "Рука � 1", "Рука � 2", "Тайна" картинаосын, нош кыӵе образъёс пыр егит суредась со яратонэз возьматэ - соиз ини аслаз ужез. Таин валче тодэ лыктэ таӵе учыр. Дашалэн одӥгаз адӟытоназ кык кышномуртъёс кема тунаса улӥзы, мар, пе, суредамын "Собака в пустыне" картинаын. Соос нокызьы но огъя малпанэ ӧз вуэ, со понна кыкназы ик соглаш луизы, картинаын туж трос сюлэмшугъяськон мылкыдыз шуыса. Мон но итӥськисько та малпан борды. Гудыриез возьмась инбам, пӧсь луо но ӝуась инвис - ваньмыз со вера вуоно кышкытлык сярысь. Дашаез, адямиез но художникез сямен, пӧртэм сюлэмшугъяськонъёс курадӟыто. Сое валаны луэ "Достали", "Пустота", "Пешеходы" картинаосысь. Тани "Пешеходы" картинаысь адямиос ышо ядо бус пӧлы. Та картина инкуазь быремез возьматэ. Озьыен, асьмелы чакласькисьгес луоно, котыр дуннеез утёно. Мон сямен, "Пешеходы" картина - тужгес быгатэм уж. Бадӟымъёс но пичиос. Нылпиос но анай-атайёс. Соослэн ог-огзэс валамтэзы адӟиське. "Достали" картинаын. Буёлъёс пыр суредась со темаез сыӵе умой усьтыны быгатэм - татын ини кылъёс но мултэс луозы. Калык киужъёсъя юрт ЪЪ-тӥ даурлэн пумаз, кызьы ке Россиын, озьы ик Удмуртиын, йӧскалык культураен тунсыкъяськон туж вылӥын вал. Калык сямъёс но йылолъёс йӧскалык культураез утё, нылпиосмылы калыклэсь узырлыксэ возьмато. Со усьтэмын вал 1993-тӥ арын 19-тӥ оштолэзе. Солэн директорез Кардапольцев Ойдолэ малпаськоме Ӝутэлэ, ӝутэлэ, ӝутэлэ, Удмуртъёс, мыкыртэм йыръёстэс. (Басьтэмын удмуртъёслэн гимнысьтызы) . Берло дыре учёнойёсмы трос выль кылъёсын асьмеды тодматӥзы ни. Соос туж кулэ, выль кылъёстэк азьпала мынэммы уз луы. Асьме дыр бадӟымесь выльдӥськонъёсты адӟе ни, соин валче выль кылъёсты но куре. Со кылъёслы мон пумит ӧй вал, уг но луы, вераме потэ одӥгез сярысь гинэ, азьмурт кыл, оло сое шуоно азьморт, калык шуэ ук морт, со кылемын асьме вераськонамы но. Огъя вераса, малпаськоно та сярысь, огазьын кенешоно. Малы асьмеос ог-огмес туж матынзэ но мурт кылын нимаськом. Ӟуч кылъя со чужой луэ. Озьыен, мурт - со тодмотэм, кин ке, палэнысь вуэмын, мукет коркась но нылкышно - муртлэнэз. Озьы ик вань кышномурт, пиосмурт кылъёс. Таосты валано, мурт кышно но мурт пи шуыса. Яратӥсь, матын карись адями мынам та кышное, кин ке уггес яраты, уг гажа ке, мынам кышномуртэ шуэ; кышноос - мынамез та картэ шуозы. Поръёс асьмеды "удо мари" шуо. Асьмеос та выжыысь адямиос шуыса валано. Зэмзэ но, асьмеос удъёс ук. Нырысь мон ӧй тодылы удмурт кылэз, ми палан, Татарстанын, удморт шуо. Песяе но анае вераллязы, удморт выжыысь асьмеос шуыса. Дышетсконниын удмурт кылэз вераны дышетӥзы. Анай паласен ӵыжы-выжыосмес ӵужморт, ӵужкенак шуиськомы вал. Бадӟымгес луыса тодӥ, вань вылэм куке но "Удморт" газет но. Таяз но "у" ӧвӧл - "о" букваен гожтэмын. Тани басьтом мордва кылэз. Соя валано ук мокша но эрзя калыкъёс вань шуыса. Нош маин соос мордва, мокша, эрзя кылъёс асьсэ понна валатон сёто, мордва кыл пӧлазы уг кутӥськы ук. Оло та кыллы но "морт" инъет сётӥз мордваез вераны. Ӟуч кылын верано ке... куать, куака выллем кылъёсты, одно чуртнаське =ва= ёзэт. Кылсярысь: коать = квать, куака=квака. Куать си=Кватчи. =Ва= ёзэт пуксьыса, =т= глухой согласной куараез берыктӥз, луоз, звонкойлы=д=лы. Артэ сылӥсь звонкой куара глухойзэ ворме. Оло тазьы ик луэ кылдэмезъя мордва кыл но. Адями сярысь ке верано, нырысь ымныре учко, соя дунъет сёто, но шуо, соя ик тус, пе, пуксе, морда кыл ымныр тусэз возьматӥсь но уг луы меда. Комиос асьсэды но, асьмеды но морт шуо, та кылзэс али но воштӥллямтэ на. Асьмелэн одӥг куаразэ воштыса, азьланьлы но ӟечлы малпамтэзы, шӧдске, асьсэды асьсэос чужой, шуо. Валантэмгес та кыл. Мурт кылэз кутыны кутскем дырысен одӥг вапум но ӧз тырмы на. Озьыен, сокем пыӵамын ӧвӧл на улонэ. Али ӵемысь радиоысь но телевидениысь кылӥськомы выль - азьмурт- кылэз. Азьпитран ке вань, бер питран но берга. Азьмурт вань бере, сьӧр мурт, бер мурт но куриське кадь. Кызьы со мурт асьмелэн луоз, вӧзаз азь кылэн ке но вераны выриськом. Азьын ветлэ, но со мурт уга, аслад ӧвӧл. Мурт адями аслад кадь ужалоз-а? Мурт ке мурт ини. Фёдор Пукроков но УД вӧзы уг будэты мурт кылэз ( статьяез потӥз "Удмурт дунне" газетэ). Комиос морт шуо бере, асьмелэн малы уг луы соос сямен ик вераммы. Вераськонамы мад луоз пӧлаз перм кыл но. Удмурт кылмы оло нош самой азьло кылдэмъёсыз пӧлысь одӥгез луэ. Туж трос ик вашкала кылъёсмы асьмелэн, валаськомы, соосты ӵыжы-выжыосынымы ӵошатыса, кылсярысь: пуны кыл вӧзы уд куты пи кылэз, пуныпи - сое кучапи шуиськомы. Мадьяръёслэн Уралысь кошкемзы дырысен сюрслэсь трос аръёс ортчемын ни. Соос пуныез куча шуо. Пунылэсь пизэ коча шуыса нималлям асьме пересьёсмы, со кылэз асэстӥллям мадьяръёс. Куча интые пуны кыл кутӥллям. Асьмелэн курегпимы но ӧвӧл, сое пи кылтэк чипы шуиськомы, пи кылтэк. Пы- возьматэ пи валатонэз. Та сямен ӥк воштӥськем тыпы кылысь - пы - но оло куке- соку тып-тып сылӥсь пу шуизы. Собере со пӧрмиз, дыр, тыпылы. Нош - чи - ёзэт мае возьматэ? Тае сэрттыса-пертчыса юртто мари но мадьяр кылъёс. Курег шуэм мадьяр сямен чыбе, поръя - чыве. Чипы возьматэ куреглэн пиез шуэмез. Со вашкалаослэсь кылемын ,луоз. Та выллем ӵошатонъёсын, оло, шедьтысалмы чуньылэсь, кунянлэсь анайёссэс. Валпи, скалпи шуэм интые, малы чуньы, кунян шуиськомы? Поръёс чуньыез чома шуо. Валатонзы матын, та кылъёс кыказ ик "ч" букваен кутско. Асьмелэн ужпи, уж, пор сямен - ожо; Скал, порлэн - ушкал. Пуны, порлэн - пий. Оло мынам малпанэным ваньмыз соглаш уз луэ, но мынам таӵе дэмланэ ван: азьмурт кылысь мурт ёзэтсэ басьтыса, адями кыл будэтыны ӧй-а луысал. Озьы ке уг яра, соку уд кылэз, оло, нимаз гинэ верано. Герман Кириллов. 2 Ольга Лукина Эше-Мӧзмонэ Ольга Лукина вордскемын Можга ёросысь Малая Кибья гуртын, нош кык арескысен будэмын Алнаш ёросысь Кузьымгуртын. Удмурт университетлэсь филологияя факультетсэ йылпумъямез бере, али со ужа Якшур-Бодья ёросысь Старозятцинской школаын удмурт кылъя но литературая дышетӥсь луыса. Ӵектӥськом Ольга Лукиналэн кылбур чуръёсыныз тодматскыны. Мӧзмонэ тон, Эше-Мӧзмонэ, Оло ӵош пукомы шат туннэ? Оло нош ке соку ӧжытак Улыны луысал лякытак. Я бен кисьты, тодмо Мӧзмонэ, Аслэсьтыд туж пыдлось мылкыддэ. Малы-о сюлэмыд туж бӧрдэ, Со возьма йыромем гажандэ? Дэреммес сьӧд-сьӧдзэ чаль, воштом, Яркытсэ, пур-пурзэ дӥсялом. Ваче ки кутскыса, ульчае Потомы ай шулдыр юмшанэ. Табере кельшиськод тон мыным, Чик кулэ но ӧвӧл ни дусым! Ӝутскомы вылӥе-вылӥе, Кылӥськод-а монэ, Мӧзмонэ? * * * Мылкыд урод. Йыры - чугун. Корка шимес. Кезьыт валес. Мӧзмыт улон, Артэ - кулон. Ӵош вамышто, Ӧссэс усьто: Пеймыт вотэс, Гозы кыӵес. Лулме курись. Кирос. Корос. Сьӧдэсь бурдъёс. Душес. Шӧйёс. Пӧзись пурты. Вузӥсь пуны. Вазер пиньёс. Кутӥсь киос. Огыр-бугыр, Юзыр-кезьыр. Кӧтвеськантэм, Зол серектэм. Шайтан. Пери. Быри, быри. . . Ярам коть ай Ӵапак сайкай. - Ой, Инмаре, Утьы монэ! * * * Ма меда тон кариськод Та мӧзмыт ӝытэ? Зол-а меда яратскод Со гольтрес эштэ? Адӟиськод-а толэзьлэсь Мӧзмылэс туссэ? Бен, огназ гажанэзлэсь Сак возьма умзэ. Кырмышъя-а кизили Лыз синъёсыныз? Мынэсьтым ӟырдыт салам Ыстылэ ӵемысь. Ма меда тон малпаськод Та вие, эше? Туж шыпыт. . . Шыпыт. . . Шыпыт. . . Та пеймыт уе. . . Ӟазег пытьы сюрестӥ Толэзё уе Адӟем потонме лэзи Мусое дӥне. * * * Малы ке туннэ Кырӟаме потэ. Ӵуж уӵы сямен Бадьпу вай вылын. Малы ке туннэ Улэме потэ. Вань кырсьлы пумит, Уродлы пумит. * * * 1 Осто козма, кӧттэ корма Николай Бехматов Пайдаё визькенеш Кык оло куинь час пукиз ини Ивано Иванович Перхотин ярдурын кияз визнанэн. Олокӧня пол ини визнанъёссэ, блеснаоссэ, чорыг сюдонъёссэ вошъялляз. . . Котьмар кар - уг зыгаты чорыг! Вожез потӥз Иванлэн чорыгъёслы - чиданэз пилиськыса кутскиз соосты тышкаськыны: - Малы-о уд зыгатӥське, бабасыр сьӧролъёс!? Тэргаськиськоды кӧё-вӧё нумыръёсыным? Мар кулэ тӥледлы?.. Колбаса-а, мар-а? Оло, така сӥль? "Бон!" - кыӵе ке бабасыр пи сипыртӥз солэн паллян пеляз. Эн вунэты вылазы кӧня ке водкадэ кисьтыны!" - сипыртӥз мукетыз шаян бабасыр пи бур пеляз. - Нош быж улдэс скипидарен маялтыны уг яра-а?.. Яке гонъёстэс паяльникен ӵушканы?.. Небось соку весяклы вунэтоды ӟеч адямиосты кырыж сюрес вылэ донгылыны! - табере бабасыръёслы вожез потыса вуӵыртӥз Перхотин. Йырыз кур луиз ке но, аббасыръёслэн визькенеш сётэмысьтызы шедьтӥз ӟеч визылзэ. Соку ик шур вылэ ланьырскем бадьпу вай бордысь бастиӥз секыт рюкзаксэ но отысь поттӥз бутылка водка но бадӟым колбаса юдэс. - Окмоз тӥледлы, тордӥгаослы, кӧттырмостэм арвакъёслы! - пичи пуртэныз векчи гинэ колбаса юдэс вандӥз, нош бутылкаысьтыз аракызэ стаканлэн пыдэсаз кисьтӥз. - Таиз тӥледлы! - стаканзэ но колбаса юдэссэ ӧжытак палэнэгес кариз. - Нош таиз мыным! - бутылкаысь бульыртӥсьсэ синкуспын ӝыныозяз ымпушказ кымаз но колбасазэ ымтыросаз ик куртчыса, сиыны кутскиз. Табере ни чорыгъёсты кутыны эшшо но кӧё-вӧё приманкаен-водкаен коттэм колбаса юдэсэн. Нош ик уг зыгаты!.. "Лешак кузь нырыныз мынам чорыганам ёрсаськиз луоз!.. Быжтӥз кутысал ке, кузь нырдэ кык бадӟымесь изъёс вискы пачкатысал, шайтан выжы!" - сыӵе малпан чальтчыса ортчиз солэн йырвиымтӥз. - Кӧй луэменыды воксё кӧтурдэстӥды шоканы шӧталлямды ни, шӧдске!.. Водкаеным колбасаме но тэргаськоды ни, вӧё ньылонъёс!. - Мар бон тӥледлы кулэ, чапашушыйыръёс?.. Кунгож сьӧрысь дуно колбасаос но аракыос-а, мар-а?.. Оло, парсьёс кадь кадь куаем но чурыт сямо буржуйёсмылы сямен ик, дуно виллаос но "мерседесъёс?" - эшшо но золгес пӧсекъяса Иван Иванович тышкаськыны шӧтаз. Нош чорыгъёс сое серем карыса кадь, ныр улаз ик жомбылляськизы ву вылын. - Дугдоды-а тӥ мон азьын клоунъёс кадь мынчыръяськыны, яке уд! Мед ньылоз вылэм ваньдэсты татысь покач вубоко! - лек куараен бурсӥз на со, собере чорыгъёс шоры пыд улаз лошъяськись кокро бодыез зӥрак лэзиз. Зӧк боды шлёп! Усиз шуре. Шуэрскем чорыгъёс отчы-татчы пазьгиськизы. Минут но ӧз ортчы, выльысь дораз матэктӥзы но, номыр луымтэ кадь, сэзь, чупрес вырыны, ог- огенызы шудыны шӧтазы. Нош ик гольтрес мынчыръяськыса чорыгасез серекъяны ӧдъязы. - Ах, тӥ, албасты сьӧролъёс!.. Ну и, чёрт тӥледын! - сялӟиз Иван чорыгъёс вылэ. Ачиз бадьпу вай вылэ ошем рюкзаксэ кияз кутӥз, собере шурысь визнанъёссэ поттылӥз. Мон эсьма тылско но. . . аслым ачим шукырес юондыр лэсьто! Верамын - лэсьтэмын. Ӝоген ӝыныозяз бушатӥз кыктэтӥ бутылказэ. Кӧтыз пульдымон сиськеменыз но сыринӟымон аракы юэменыз сэрен, выдоно луиз шулдыр тылын гомась тылскем дуре, буртчин турын вылэ вӧлдэм фуфайкаез вылэ. Сэрытгес умме усён вылысь, кӧня ке дыр кыллиз, одӥг кӧтурдэс вылысь мукет кӧтурдэс вылаз бекмылляськыса. Шур дуре гань-ганьзоньтӥськем мугорзэ кужмо ум кортнаны кутске ни вал. Со вие шур палась гудыртыса кадь пельёсаз шуккиськиз боз-боз воргорон куара: - Тон мар-о мынэсьтым чорыгъёсме кышкатӥськод но мыскылляськод, Иван? Иван пыд йылаз чорк! Султӥз. Соку ик лек тылын чилекъясь сьӧд синъёссэ шур пала мертчытӥз но отысь мӧля дорозяз ик вуын сылӥсь тӧдьы дэра дэремен дӥсяськем кузь но пурысьтам йырсиё песятаез адӟиз. - Нош тон кыӵе кикимора сьӧры отчы пырид, песятай? Уд но выиськы, отын туж мур ке но. . . Да эшшо пыкылӥськод на монэ! Лучше пот ай отысь - сюлмысь вераськом! - Нош тон малы уд кышкаськы мынэсьтым, иван? Ваньмыз, адӟо ке монэ, соку ик шимес черекъяса эзэр-безэр пегӟо, нош тон? Астэ нокинлэсь курдасьтэм батырен-а, мар-а лыдъяськод ни?.. - Иван Дурачокен, Илья Муромецен, оло нош, Емеляен, кудӥз мынам юрттэмея, та шурысь адями кылын вераськыын быгатӥсь, пӧртманы но быгатӥсь, лобаны но быгатӥсь, визьмо, чебер зарни ката кутэм вал. Эх-ма!.. егит вал ай мон соку - чорыгъёсме но гольык киосыным кутылэме луэ на вал. Вунылмуртъёсме но кӧто карылӥ. . . Нош малы мон одно ик пегӟыны кулэ саркмем, ляб, шузи-мазигес луэм пересьлэсь? Да эшшо алдаськисьлэсь! Котькуд пичи эке, дыды тодэ, Емеля пӧртманы быгатӥсь чипей кутӥз шуыса, нош тон мыным кыӵе ке чик ӧвӧлтэм зарни катаез ныр улам донгиськод, зынмем кеч така! - Мон шузи но ляб адями ӧвӧл! - ӝоже усьыса, вазиз песятай. - Мон самой визьмо, кужмо но. . . табере ни. . . ноку нокулӥсьтэм луисько! Мон - та чылкыт но чебер шурлэн утисез но лулэз! Пересьёсты сантэмамед но астэ укылтэм воземед понна, тани куто но - выйто ай тонэ! - лек но дӥсьтӥсь тусо кариськыса шур утись сэзь вамыштӥз Перхотин пала. Перхотин бутылкаысьтыз кылем водказэ сэрытак ымаз кымалтӥз (ваньбур, пӧй, токма медам изъянмы) но бушатэм бутылказэ йыр вадьсаз ӝутӥз. Юри ас тушмонзэ ожмаськонэ ӧтьыса но исаса кадь, пересь муртэ узатыны шӧтаз: - Лык, лык дорам, кыедэн тырмытэм мешок! Мон туж шумпотыса тани та бутылкаме тынад шузи йырад пилё! Шур кузё куалектыса, одӥг-кык вамыш лэсьтӥз на но. . . вуэм интыяз тып! Дугдӥз. - Мар дугдӥд, сисьмем лӥял? Небось, кышкад, пересь ву комак! Штань пушкад лэзид? Улэмед потэ? Озьы-а? - Мо ву комак ӧвӧл! Мон шурлэн утись-вордӥсез луисько, егит адями. Тӥледлы, туала вакытэ улӥсь муртлы, чик но возьыт ӧвӧл ни, лэся, мыскыл карыны пересь но висись муртэ, - ӝоже усьыса, бӧрдыса кадь лэзиз вукузё. - Но соку малы монэ выйтонэн кышкатӥськод, песятай? Мон тынэсьтыд чорыгъёстэ бомбаосын но динамитъёсын пуштытъяй-а? Сетьёсын кутылӥ яке тынэсьтыд чалмыт улондэ сӧри-а? - Мон. . . марым. . . ӧжытак тонэныд шоккетэме потӥз! Шур котырысь адямиез пумитасько ке, мон котьку соин шоккетыны кутскисько. - Мар сыӵе шузи-мази шоккетэм луоз со, песятай? Я, тырмоз, мон йыркурме пушкам кема возьыны дышемын ӧвӧл, озьы ик. . . вунылмуртъёсыныд но калгыны дышемын ӧвӧл! Мон тонэ туж валасько: пересьмыса но саркмыса тросэз визьзэс но тазалыксэс ышто. Ойдо, лучше юом! Мынам эшшо одӥг бутылка водкае кылиз на. - Жаляса верано луэ, бур адями, мон кемаласен номыр но уг юиськы ни. Кулэме но мугортэм кылеме - лул луэме дырысен - мынам уг луы ни сиськеме но юэме. Нош азьвыл, иван, кӧня мон аракы юылэм вал!.. - Э-эх! Уг луы ни нокызьы но берыктыны шудо, ӵыдонтэм егит дырме! - Со понна тон табере ноку но кулӥсьтэм, шурлэн эксэез луид! Эн кайгыры, песятай! Мон адӟисько: тон оломар ик урод песятай ӧвӧл, куке но сомында аракы ӟистӥськод вылэм бере. . . - сюлэмыз небӟыса вераз Иван Перхотин. Собере буресь луэм синъёсыныз песятай шоры мусо учкыса, ватсаз на: - Тӥ, бур песятай, али асьмелэн пумиськеммы но, азьланяз но юн эшласькеммы понна, ӧй быгатысалды-а мыным кузьманы. . . кык бадӟымесь чорыгъёсты?.. - Туж шумпотыса. . . али ик. . . кузьмасал тыныд, Иван. Но. . . уг быгатскы!.. Аслам чик но чорыг кутэме уг луы ни! - сюлэмыз ик чигиськыса пушкысьтыз мырдэм поттӥз пересь. - Кызьы уд быгатскы? Тон сё-таки пӧртмась ук! Песятайлэн пурысь синъёсаз шуак вордскиз оскон кизили, пушкысьтыз сьӧд мӧзмыт мылкыдзэ вормись пальпотон. - Тани мар кар, Иван. . . кутэмед потэ ке бадӟымзэ, яке зарнизэ чорыгез, чебер вунылмуртме, кудӥз тыныд оскымон кышно луысалыз но, визьмо но таза экеос но дыдыос вордысалыз, кушты ас вылысьтыд ул штанидэ но со вылэ бырттылы бадӟымъёссэ гинэ курикъёстэ. Курикъёсад дэмӟытылы: колбаса, ӵындытыса куасьтэм чорыг, сыр, кампет, нянь, сыскон резинка но мукет сӥль но чорыг юдэсъёстэ, кылем-мылем сиён бервылъёстэ. Нош ул штаниедлэн шораз, самой бадӟым курикад быртты самой бадӟым така сӥль юдэс. Сое одно ик водкаен коттоно луод. Та самой бадӟым курикед борды юн-юн кузь гозы кертты. Собере кушты со ул штанидэ шуре, таӵе кылъёсты вераса: "Кутскы бадӟымез гинэ чорыг!" Тае вераса гинэ вуттӥз, кескич мыняса, вукузё соку ик чорыгасьлэн син азьысьтыз олокытчы шупчиз. "Мар таӵе та? Вӧт-а, уйбыртон-а, яке огшоры синпӧет гинэ-а?.." - кутъёс кадь пирсаськыны ӧдъязы чорыгасьлэн йыраз малпанъёсыз. Песятайлэн визь-кенешысьтыз пайдаё но визьмо малпанзэ шӧдыса, соку ик дасяны кутскиз кӧё-вӧё чорыгъёсты сюдон. Табере солэн кужмыз тырмиз аслэсьтыз сук но алышмем сямзэ вормыны. Вукузёлэн ӵектэмезъя дасям йӧспӧртэм сиёнэн узыр приманказэ, Перхотин куштӥз шурлэн шорвадесаз ик, паллян киыныз чӧльы зӧкта гозыезлэсь пумзэ кырмыса. Кема ик дыр ӧз ортчы, самой бадӟым курике, кудаз дэмӟытэмын вал жарить карем така сӥль юдэс, шедиз туж бадӟым чорыг. Со вал кык метръем кор быдӟагес, таза, мыйыко, кӧё. . . сом. Павел Семёнов "Сюрес ӧвӧл ни толлое. . ." Уг вордскы мон нуны лулын выльысь - Сюрес ӧвӧл ни толлое. Тулыс гинэ льӧмпу сяська пӧлысь Ветло отчы мон куное. Гольык пыдын шунды ӟардонэтӥ Ӵукна пото мон возь вылэ. Нуны сямен, арме ке вунэтӥ, Пӧлаз усё, дыр, узылэн. Турын пыртӥ учко чагыр инме, Адӟо асме буртчинысьтыз. Адӟо выльысь выль кен кадь анайме, Атай вазёз егитысьтыз. Пуксёз азям вордскем гуртысь корка, Мушен кырӟась улмо садмы. Бӧрысь гинэ тӧдьы пилем - шторка Лыктоз ваньзэ ик ворсаны. Ышоз соку ик адӟонэ выльысь, - Сюрес уз лу ни толлое. Мукет тулыс льӧмпу сяська пӧлысь Мыно отчы мон куное. * * * Вань сыӵе дыръёс, куке Бус сямен сачыр куазен. Аналске мылкыд, пуксе, Коть ӵукна, коть ӝытазе. Коть шулдыр шудэ калык, Данъяса ванез-бурез, Нош мылкыд кӧс нуналын Усыкмем кадь кайгыре. Куддыръя, шӧдтэк шорысь Шумпотонэн серектэ. Куректон-кайгу сярысь, Огшаплы со вунэтэ. Серектоз, бӧрдоз-а со, Чик уг луы тодыны: Ӝыт - керӟег, ӵукна - мусо Яке воксё бушамын. Каргаса, куддыр урме, Улляса лэзе дорысь. Ныл сямен возьдаськемен Чигиське, ӧте бӧрысь. * * * Туж уно тодыны, пе, кулэ но ӧвӧл, Юмшалод ни ойдо егитад. Нош ортчоз ук тынад егитэд одӥг пол, Тып гуньдоз кырӟанэд сюлэмад. Дугдозы собере валамысь но тонэ, Мылкыддэ но уз люк ни нокин. Йырозяд шобырскод но пудо мӧзмонэн Вузыса бӧрдылод тём уин. * * * Уен сьӧдмам инбам катанчиысь Оген, кыкен усё кизилиос. Ӧй малпалля ноку но мон нырысь, Кытчы меда нош улонэ чимоз. Ышоз-а со юг кизили выллем. Берпум тылын чильдэктыса уе? Ӧй малпалля, ай дэреме вылын Алам куке пукиз вал нуные. Дэрем бездӥз ни. Нуныелэн аслаз Ӝӧксьӧр тырос пуко нылпиосыз. Мон пукисько ни ышыггес палаз, Нош син азям - пеймыт уйлэн ӧсыз. * * * Возьыт уг лыкты возь вылысь, Вордске со асьмемын. Улэ со вордӥськем дырысь Пересьмытозь сюлмын. Ӧвӧл солэн лулыз-бамыз, Уд кутылы киын. Сотэк улын луысалыз, - Шуоз, дыр, оло кин. Луоз, дыр. Мар-о веранэз - Уло ук пудоос. Оло, соитн но кельшогес Пудоослы соос. Уг оскы мон сыӵеослы, Шуиз ке кудӥз ке: Ӧвӧл, пӧй, воксё возьытлык Сюлмаз, синмаз яке. Возьыт уг лыкты возь вылысь, Вордске со асьмемын. Улэ со вордӥськем дырысь Пересьмытозь сюлмын. Кудӥз-огез бен ӝокатэ Возьдаськытӥсь сямзэ, Куке пичи но ужатэк, Лэсьтэ ке улонзэ. Куке номыр но пайдатэк Уг поты лэсьтэмез - Ассэ со ваньбураз ватэ, Ӧвӧл ке возьытэз. * * * Тодӥсько Тодӥсько: ваньмыз понна Мон янгыш ачим - Улыны, лэся, огнам Кожаськем капчи. Яке кинлы ке урод Лэсьтӥсько кожай. Куке вожанэн суро Гажанме пожай. Куке вожанэ пумтэм Кусыпмес тӥяз. Но уг лу ни берыктэм Ваньзэ интыяз. Тодӥсько: ваньмыз понна Мон янгыш ачим - Улыны, лэся, огнам Кожаськем капчи. Но тани мон одӥгнам - Путэмын сюлэм! Вал ке маи ке мынам, - Тӧлӟыса бырем. Осконэ но куддыръя Кельтылэ монэ. Лул-вирме нош бугыръя Мур куректонэ. Тодӥсько, ваньмыз понна Мон янгыш ачим - Улыны, лэся, огнам Кожаськем капчи. Сюлэмме сюпсе мӧзмон, Куриське дорад. Уйшорын пыдын но мон Бызьысал дорад. Лыктысал, ӟыгыртысал, Чупасал ӟырдыт. Оло, выльысь кенжысал Вунэтэм мылкыд. Но уг лу. Ваньмыз понна Мон янгыш ачим. Мед уло ини огнам, Визь ке вал вакчи. * * * Мар карод? Мар ужад тон, мар карид? Мар лэсьтӥд монэн? Марлы сюлэмам пырид Бер яратонэн? Марлы, пырыса сюлмам Гажатэк ачид, Тон сое аслыд "салам" Гадьысьтым басьтӥд? Нош мынам басьтэм уг лу Сюлэмме берен - Яратон сое пырлы Тон борды вурем. Табере коть черекъя, Серекъя, коть бӧрд: Сюлэмдэ ыштэм дыръя Мар-о бон карод? Паймоно: озьы ке но, Улӥсько мырдэм, Пӧсь ке туж яратоно - Йыроме сюлэм. * * * Н. В. Лекомцева Л. Н. Марданова ЧУРЪЁС ВИСКЫСЬ ЛЫДӞЫСА Подтекст гожтосын (текстын) меӵак верамын уг луы. Сое шӧдоно нимаз кылъёсъя, куд-ог детальёс пыр. Произведениын пумиськыны быгато трос подтекст линиос, кудъёсыз ог-огенызы юн герӟаськемын луо. Соос пыр лыдӟись шӧдыны быгатэ гожтӥсьлэсь геройёсызлы, соослэн кусыпъёссы шоры кызьы учкемзэ, мылкыдзэ. Подтекст лыдӟисез дася действилэн кызьы азинсконэзлы, сюжетлэн шуак воштӥськонэзлы. Ӵапак подтекстлы луыса ик развязка (чеберлыко произведенилэн пумыз), куддыръя витьымтэ шорысь (уката ик новеллаын) йӧтэ ке но, зэмос учырез возьматэ кадь - кылтӥрлыклэсь чеберлыко амалъёссэ уже кутыса оскымон суред пуктыны быгатэ. Подтекст ужпум литературоведениын пумозяз эскерымтэ. Та юан котырын трос ченгешонъёс мыно (3, 5, 9). Н. Усачёвалэн ужез вылэ пыкиськыса (5), ас ужамы ми эскероно кариським Г. Красильниковлэсь "Рваные сны" вероссэ (гожтэмын ӟуч кылын). Нош анализ мургес мед луоз шуыса, та веросэз австрийской писательлэн Ф. Кафкалэн "Верхом на ведре" новеллаеныз ӵошатом. Г. Красильниковлэн "Рваные сны" веросаз герой ас пушказ вые кадь, улонысьтыз куд-ог учыръёсты тодаз вае но аспӧртэмлыко йылпумъянъёс лэсьтэ. Зэм, соос пумозяз вуттымтэесь на. Озьы ке но, та йылпумъянъёс берпуметӥез ӧвӧл на, герой шӧдэ кыӵе ке луонлык ванез, со борды соку ик кутӥськыны тырше. Г. Красильниковлэн "Рваные сны" веросэз быдэсак подтекст линиослэн герӟаськемзы вылын возиське. Кылын возьматэмын ини ке но, подтекст шӧдӥське на куд-ог мотивъёслэн дистанцированной повторзы пыр но. Н. Усачёвалэн подтекстэз эскерон схемаез вылэ пыкиськыса, композиционной амалъёс пӧлы шугъяськытэк пырытыны луоз заглавилэн, экспозицилэн но верослэн пумзылэсь герӟаськемзэс (5). Произведениын сыӵе луыны быгатэ дыр категория но. Г. Красильниковлэн веросэзлэн нимыз лыдӟисез зэмос (реальной) дыр (уй) пыр вуттэ зэмос луисьтэм дыре (уйвӧтэ). Произведениысь куд-ог люкетъёс ог-огенызы герӟаськем уйвӧтъёс кадь пуксё. Соос нимаз микросюжет кылдыто, кудӥзлы условно "дыр" ним сётыны луоз. Нимаз фрагментъёс лыдӟисез верослэн пумаз вутто, кытын "Нет, только сейчас, скорее!" репликаын шӧдӥське кадь геройлэн сайкамез, со ик луэ таӵе улонысь потыны героен шедьтэм амалъёслэн символзы. Верос пумысь императивной (побудительной) фраза возьматэ геройлэсь депрессиысь потыса, кыӵе ке действиос борды кутскемзэ. Дырез возьматон категория татын кылдытэ композиционной герӟет, кудӥз смысловой единствоослэн повторенызы пӧрме. "Дыр" нимо подтекст верослэн нырысетӥ кылъёсыныз ик усьтӥське: "там", "позади". Собере "дыр" подтекстэз кылдытӥсь синонимической ряд мынэ: "сорок пять", "год", "пять", десять", "три-четыре года", "срок". Числительнойёс пыр возьматэм "дыр" подтекстлэн пуштросэз веросын кылдытэ улонлэсь ортчемзэ возьматӥсь аспӧртэмлыко ритм. Текстын озьы ик пумиське югдурез возьматӥсь экспрессия амал: "И вдруг кто-то бьёт в станционный колокол: "Бам-м! Бам-м! Бам-м-м". Кондуктор входит в купе и ошарашивает: "Готовьтесь, скоро вам выходить", "конец", "долго". Текстысь нейтральной кылсочетаниос ("начал восхождение на Олимп слишком рано, "до этого случая", "попутный ветер", "вспоминать после того, как смолкли трубы", "собрались отпевать") возьмато герой дорысь дырлэсь пегӟемзэ. Веросысь дыр категорилы суред лэсьтӥд ке, со уллань мынӥсь линия луоз, малы ке шуоно, пырак шӧдӥське улонлы сётэм дырлэн пумызлэн матэктэмез. Нош верослэн пумаз дыр категория мукет оттенокен возьматэмын. Экспрессивно-антонимичной кылъёс ("не так уж много времени", "шанс", "только сейчас, скорее") возьмато геройлэсь дырез кутэмзэ. Быдэс веросын герой дырез уг ке но вормы, берпуметӥ абзацын шӧдӥське солы зэмлыклэн усьтӥськемез: лобись дыр сьӧры уг вуы адямилэн мугорыз гинэ, нош йырвизьмыз дырен огъя мыныны быгатэ, сое кельтыса но. Нош кызьы та категория возьматэмын Ф. Кафкалэн "Верхом на ведре" новеллаяз? Верос гожтэмын кезьыт но сютэм 1918 арын. Автор возьматэ Прагаысь улонэз, куке кынмем адями ведра вылын лобе эгырен вузкарись доры. Солэн ӧвӧл коньдонэз, соин ик вузчи кышно сое "уг но адӟы, уг но кылы". Нырысь учкыса, "дыр" нимо подтекст Кафкалэн новеллаяз уг шӧдӥськы. Ӧвӧл числительнойёс но, дырез возьматӥсь наречиос но. "Дыр" нимо подтекст татын кылдэ глаголъёслэн личной кылпумъёссылэсь. "Уголь кончился" - та кылсочетаниен возматӥське шуныт, чебер улонлэн пумыз но мукетызлэн кутсконэз. "Рваные сны" веросын сямен ик, геройлэн йыраз бергало матэктӥсь кулон сярысь малпанъёс: "не замерзать же мне окончательно". "Рваные сны" веросын сямен ик, герой маке борды кутске, тэк пукыны уг малпа. Кафкалэн новеллаысьтыз "дыр" нимо подтекст маиныз ке но тупа Г. Красильниковлэн веросысьтыз таӵе ик линиен. "Верхом на ведре" новеллаын сётэмын ӝыт вуэм сярысь верась часлэн куараез. Та куара ваське матысь гырлыжугонниысь, нош Г. Красильниковлэн веросаз со луэ станциысь гырлылэн куараез. Озьыен, та произведениысь "дыр" подтекст линиос ог-огзылы матынэсь луо. Дыр категорилэсь нагрузказэ нуись "там", "позади" наречиос огдыре ик вӧлмытлыко (пространственной) пуштросъем луо. Озьыен, та кылъёс бордысен ик кутске "сюрес" подтекст линия. Ваньмыз, мар ортчемын адямиен та улонын - аспӧртэмлыко сюрес. Со люкемын вакытъёслы, соин ик сюреслэн мотивез "дыр" символъёсты ик уже кутыса пӧрме. "Сюрес" подтекстэз эскерыку, учкытэк кельтыны уг луы текстлэсь та люкетсэ: "И вдруг кто-то бьёт в станционный колокол: "Бам-м! Бам-м! Бам-м-м". Кондуктор входит в купе и ошарашивает: готовьтесь, скоро вам выходить. Зачем? Почему? Ведь ему было так хорошо в этом уютном, тёплом купе. /Наконец-то! Хватит. Наездился в своё время и тамбурах, на подножках, и даже на крышах товарняков/. Ему показалось, что он проехал всего лишь какую-то половину пути, а может, и того меньше. Так всё это неожиданно и страшно: "Вам скоро выходить". Кругом, за окнами вагона - темень, дождь и адский ветер, там уже нет жизни, а вся она, жизнь, осталась здесь". Та фрагментэн тодматскыкуз удмурт лыдӟись усьтон амал интые кутыны быгатоз А. Перевозчиковлэсь "Улон поезд" кылбурзэ, кытын локомотивлэн котькуд дугдылонниез кыӵе ке дырез возьматэ: пичи дыр, егит дыр, мӧйымон но пересьмон. Поездын мынӥсьёслэн улон сюреслэн пумаз вуэмзы уг поты (4). Г. Красильниковлэн веросаз станциысь гырлылэн куараез вера кадь сюреслэн пумыз матэктэм сярысь, нош кондукторлэн образэз пыр возьматэмын Кулон. Вагон, купе, мынӥсь поезд - улонлэн символъёсыз луо. Нош ваньмыз, мар укно сьӧрын - ад. Поезд, кондуктор, инкуазь - метафораос. Калык символикаез малпаса, соос текстысь капчиен сюро. Авторлэсь метафораез уже кутэмзэ адӟыны луэ "Верхом на ведре" новеллаысь но. Эгырен вузкарись доры герой ведра вылын кошке. Ведраез солэн лоба, малы ке шуоно, со буш, со "тылы кадь капчи ведра" ӵошатонысь потэмын. Та метафора зэмаса выллем кошке: асьмеос вунэтӥськом, ведра буш шуыса. Лобась ведра быдэс новеллаез тырмытӥсь образ луэ, со нимаз герой кадь, Кафкалэн дуннеезлэн оглюкетэз луэ. Ведра - аспӧртэм вал кадь, кудӥз дырын-дырын кыкетӥ этажозь ӝутскылэ но пырон ӧс дорозь уг лэзиськылы. Озьы син азе пуксе начар басьяськисьлэн омыретӥ лэсьтэм сюресэз. "Сюрес" микросюжетэз эскерыку пусъёно вузчиослэсь улоннизэс. Соос кыӵе ке подвалын уло. Начар басьяськись музъем вылэ лэзиськемез бере но соослэсь вылӥынгес луэ. Вӧлмытлыкез пусйись гож (пространственной граница) возьматэ та пӧртэм адямиослэсь пӧртэм дуннеосын улэмзэс. "Сюрес" нимо подтекст пушкысь пусйыны луоз "тӧл" подтекстэз. Со герӟаськемын "дыр" микросюжетэн. "Рваные сны" веросын со возьматэмын "тӧл" кыллэн повтореныз. Кык полаз ик со тӧлъёс пӧртэмесь луо: "адский ветер" - пырак герӟаськемын сопал дуннеен, но мукетыз - сюреслань пельтӥсез. Берпуметӥез ваче пумит пуктэмын нырысетӥезлы, пуштросэзъя со "райысь тӧл" шуэм кадь луэ. Та тӧл героез кулэ интые нуэ. Тӧлъёс геройлэн улонысьтыз пӧртэм вакытъёсты возьмато: ализэ, кудӥз туж ик ушъямон ӧвӧл, но райын улонэн ӵошатымон азьлозэ. Нырысь учкыса, Ф. Кафкалэн новеллаяз тӧллэн мотивез уг пумиськы. Со омырын "кынмемын", "кезьыт" но "шуныт" кылъёсын шӧдӥське. Со ласянь новелла кезьытэн кортнамын кадь. Аслаз кезьыт висъетысьтыз герой сыӵе ик кезьытэ потэ но, аслаз шокчемез ик сое бусэн бинялтэ. Ваче пумит пуктэмын эгырен вузкарись: пӧсен сэрен подваллэн ӧсэз усьтэмын. Та эпизод бере текстын бӧрсьысь бӧрсе мыно "кезьыт" но "шуныт" кылъёслы синонимъёс, соос басьяськисьлэсь но вузчилэсь улонзэс уката но золгес ваче пумит пукто. Коньдонтэм герой кезьыт нуналэ но дораз буш киын бертэ. Вузчилэн быдэс семьяезлэсь сюлэмтэм луэмзэ возьматыса, автор тунсыко композиционно- стилистической амал кутэ: вузкарисьлэн кышноез айшетэн шоналскыку, герой йӧ кадь вандӥсь тӧлэз шӧдэ. Югдурез чеберма на "вечные льды" сочетание, кудаз пыраклы ыше герой. Малпан кылдэ, текстлэн берпуметӥ предложениез мукет дуннее выжемез возьматэ шуыса. Озьы татын Г. Красильниковлэн веросэныз нош ик кыӵе ке параллель лэсьтыны луоно. Озьыен, "тӧл" микросюжетэз писательёс пӧртэм амалэн возьмато. Г. Красильниковлэн со пельтӥсь тӧл, нош Ф. Кафкалэн со омырын кынмемын. Удмурт писательлэн творчествояз "тӧл" подтекст матын луэ "сюрес" микросюжетлы (динамичной образ), нош австрийской писательлэн ужаз та валатон паськытатэмын вӧлмытлык (пространство) категориозь. Тазьы ик чакласа потыны луоз мукет микросюжетъёсты но (инбам, коньдон, тыл, оген улон). Подтекст линиосты эскерыса вераны луоз, кык пӧртэм писательёслэн творчествоязы подтекст явление пӧртэм сямен возьматэмын шуыса, куд-ог тупанъёсыз вань ке но. Ф. Кафкалэн но, Г. Красильниковлэн но героез дырен зӥбемын, адями сое вормыны уг быгаты. Удмурт писательлэн творчествояз адямилэн улон сюресэз чугун сюресэн, солэн символъёсыныз ӵошатэмын: дугдылонниосын, гырлыосын, кондукторъёсын. Туж матын луэ "сюрес" микросюжетлы "тӧл" подтекст линия. Ф. Кафкалэн творчествояз улон сюрес - дырын-дырын улӥе лэзиськылӥсь омыр сюрес. Кык писательёслэн ик веросъёсазы подтекст линиос смысловой единствоослэн повторенызы кылдо, синонимической рядъёсты, заглавилэсь вариантъёссэ, символъёсты уже кутыса. Н. Усачёвалэн ужез вылэ чӧлскыса, вераны луоз, новеллаосын композиционной амалъёс сяна, стилистическойёсыз но пумиськыло шуыса. Соос пӧлы пыро образ- метафораос, ӵошатон-образъёс. Г. Красильниковлэн сыӵе луэ улонэз чугун сюресэн ӵошатэмез, ассэ Лир королен адӟемез. Ф. Кафкалэн - ведра - метафора-образэз. Писательёс ужазы быгатыса куто экспрессивной синтаксислэсь единицаоссэ. Соос пӧлы пыро прозаез ритмизировать карон (текстъёслэн кутсконъёссы), инверсия, авторлэн лыдӟисен диалогез (ас понназ вераськыкуз, со малпанъёссэ лыдӟисьлы кисьтэ кадь). Стилистической амалъёс пӧлы озьы ик пыро улонэ пыӵамтэ малпанъёс. Соос пумисько кыказ ик эскероно веросъёсын Г. Красильниковлэн веросаз со туж чаляк вуэм финал, куке адями улонлэсь маке мукетсэ возьма на вал. Ф. Кафкалэн творчествояз ноку шунасьтэм йӧосы кошкон - со сыӵе ик бырон. "Рваные сны" верос геройлэн асэныз ачиз вераськонэз кадь гожтэмын. Быдэс верос - малпаськонъёс, ӟуч сямен вераса, - "поток сознания". Берпуметӥез предложение - "Нет, только сейчас, скорее!" геройлэн шара верамезлы кельше. Быдэс текст - уйвӧт ке, таиз веран - сайкан. "Теория сновидений" ужаз В. Касаткин гожтэ: "Адямилэн тросгес ужамез, улоназ шуг-секытъёсын пумиськемез сое ӵемгес вӧтатэ. Сыӵе дыръёсы висисьёс уй куспын ог дасо уйвӧт адӟемзэс вераны быгато" (6). Та дыре ик гожтэмын вал "Рваные сны" верос но. Соин ик, вылӥын верамез лыдэ басьтыса, веросэз уйвӧтъёслэн, малпанъёслэн тугокозы шуыны луоз, мукет сямен вераса, "поток сознания". Произведение куать валтӥсь микросюжетъёслэсь пӧрмемын. Ритмизациез уже кутэмен, та сюжетъёс ог-огзэс вераны луонтэм ӝоглыкен вошто. Сыӵе ӝоглык кылдыто бӧрсьысь бӧрсе мынӥсь юанъёс (Зачем? Почему?"), междометиос (Бам-м! Бам-м! Бам-м-м"), геройлэн восклицаниосыз ("Неправда это, врёшь ты, не будет по-твоему, не поддамся, вот увидите!", "Нет, только сейчас, скорее!"). Пусйыны кулэ, герой малпанъёссэ вакчияк вера, предложениос 2-3 кылъёслэсь пӧрмемын. Ирреальной, зэмос луисьтэм художественной дуннеез возьматэмез пыр шӧдӥське уйвӧт мотивез Кафкалэн но. Солэн произведениосаз герой чакласькись гинэ луэ, со та дуннелэсь палэнскемын, писательлэн веросъёсыз уйвӧтъёслы укшась нимаз люкетъёслы кельшо. Ф. Кафкалэн дневникъёсаз пумиськыло аслаз но мукет адямиослэн адӟем уйвӧтъёссы сярысь гожъямъёс. Уйвӧтаз со кытӥ ке ветлэ, мае ке лэсьтэ, ожмаське, ассэ со Нью-Йорк гаваньын яке ачиз Вильгельм кайзер дорын куноын адӟе Ф. Кафкалэн произведениосысьтыз вӧт омыр авторлэсь улонлэсь палэнскемзэ уг возьматы. "Уйвӧтъёс улонэз шонерен адӟыны юртто", - шуылӥз писатель. Верамез пытьы кельтӥз художественной произведениосаз но. Тае пусйыса, В. Днепров Ф.Кафкалэсь творчествозэ "уйвӧтъёслэн поэзизы" шуыса нима (1). "Созидающий мозг" книгаяз П. Симонов гожтэ: "Изобретательёс, учёнойёс, писательёс - творческой профессиен ужасьёс - трос пол пусйылӥзы, улонзылэн но ужзылэн тужгес но валтӥсь этапъёсыз интуитивной шӧмо луо шуыса. Соос, пе, йырвизьлы но, чиданлыклы но уг сётӥсько (8). Симоновлэн малпамезъя, йырвимлэн творческой ужамез возьматэ сверхсознанилэн механизмъёсызлэсь уже кутӥськемзэс. Автор лыдъя, адямилэн уйвӧтъёсыз подсознаниысь, пуш шӧдонлыкысь пото шуыса; со - геройлэн "пуш куараез", солэн "поток сознанияез". Озьыен, Г. Красильниковлэн "Рваные сны" но Ф. Кафкалэн "Верхом на ведре" веросъёссы - аспӧртэмлыко уйвӧтъёс, яке творческой фантазилэн емышез, малпанъёслэн шудэмзы. Соослэн выжыоссы - геройлэн пуш шӧдоназ, интуицияз. Вылӥынгес асьмеос пусйим, "Рваные сны" веросын герой зэмос луисьтэм (ирреальной) дырысь (уйвӧтысь) зэмосаз (реальнояз) выже шуыса. Та веросысь дыр категориез эскерыку тунсыко луысал А. Лайтманлэсь "Сны Эйнштейна" новеллаоссэ чакланы (7). Котькуд уйвӧт датаен пусъемын, котькуд уйвӧт - малпаськон, кыӵе ке но дырез возьматэ (циклической, механической, линеарной но мукет). Котькуд вӧтлы лэсьтыны луоно график, суред. Та новеллаослы беркылаз А. Генис пӧртэм дыр системаослэсь огдыре ӵош мынэмзэс индустриальной но постиндустриальной вакытъёс вискын улӥсь цивилизацилы тупась тодметэз кадь пусъе. Г. Красильниковлэсь но Ф. Кафкалэсь дыр категоризэс Лайтманлэн дыр системаеныз ӵошатон тунсыко уж луысал удмурт но кунгож сьӧр литератураос понна. "Рваные сны" веросэз эскерыкумы одӥг пол гинэ ӧм пусъе геройлэсь куаразэ текстэ пыртэмзэ. Со веросэ лиризм пыртэ, лыдӟисьлы геройлэсь пуш дуннезэ юнгес шӧдыны юрттэ. Геройлэн пуш дуннеез усьтӥське малпанъёсаз, тодэ ваёнъёсаз. Геройлэн малпанъёсыз текстэ капчиен пыро пӧртэм пумо несобственно-прямой речез но косвенной речез уже быгатыса кутэмен. "Дыр", "сюрес", "тӧл" но мукет подтекст мотивъёс но кужмоято на лиризм мылкыдэз. Г. Красильниковлэн но, Ф. Кафкалэн но творчествоязы подтекст линиос шӧдӥсько сюжетной но композиционной уровеньёсын. Г. Красильниковлэн веросаз котькуд микросюжет одӥг абзац кылдытэ. Удмурт писательлэн творчествояз подтекстлэн кык формаез пумиськылэ: кыл уровень но прозаез ритмизировать карон. Быдэс верос пӧрмемын одӥг субъектэн герӟам микросюжетъёслэсь. Ф. Кафкалэн "Верхом на ведре" новеллаяз подтекст линиос быдэс веросын пазямын. Ӵем дыръя соосты уд но шӧды, малы ке шуоно, соос быгатыса ватэмын огшоры кыл формаосын. Кафкалэн прозаез, Красильниковлэн сямен ик, ритмизировать каремын. Сыӵе шӧм пыртэ веросэ авторлэн лыдӟисен диалогез. Та диалог но шара сётэмын ӧвӧл. Писательёслэн творчествоязы куд-ог детальёс метафоралы, лейтмотивлы пӧрмемын. Г. Красильниковлэн веросаз пусйымон луэ "метафора пушкын метафора" явление (улон сюресэз чугун сюресэн воштон но кулон интые кондукторез пыртон). Ф. Кафкалэн нош метафораез быдэс верослы ним сётэ. Огъя учкыса, писательёслэн котькуд детальзы кыӵе ке нагрузка нуэ. Одӥг кыл но произведениосын юнме шорысь уг луы. Подтекст амалэз удмурт но австри писательёс ужъёсазы туж валаса кутыны быгато. 6 Удмуртъёс! Шедьтэлэ зэмос Инмар доры сюрес... Ижевскын мон улӥсько Ление ёросын. Бур палан но, паллянын но - частной коркаос. Котькуд палаз - пӧртэм пумо шайтан сектантъёс люкаськыло кӧшкемыт вӧсь шуонъёсазы. Олокызьы но калыкез доразы ӧтьыны быгато: кино дунтэк возьмато, кунгож сьӧрысь ваем кузьымъёс люкыло, гитараен-пианиноен шудыса шулдыр кырӟанъёс кырӟало. Алигес кылӥ: удмурт кылэз но, пе, дышето ини тросгес удмуртъёсты доразы кӧяса-вӧяса кыскон понна. Нош удмурт радио соосты ушъяз, кылмес дышетэмзы понна. Но Инмарлы кирос поныса вӧсясько ук, олокин убир-шайтанъёс сямен уг экто сое данъяса. Куинь-ньыль ар талэсь азьвыл Удмуртиын кыксю (!) пала пӧртэм сектаос- конфессиос кылдэмын вал. Ваньмаз сямен дышетскон-шутэтскон юртъёсын но соос ортчытъяло вӧсьёссэс. Уксё понна аренда сёто коть шайтанлы. Одӥг пол автобус остановкаын трос удмурт кышнооос верасько, соос сектаысь потӥллям гуртазы бертыны. Али, пе, 27 номеро автобусэн чугун сюрес вокзалэ мыном, отысен поездэн Вавож пала. Мон чылкак пайми: та кеме лыкты ай олокин кышкыт адямиос доры, кудъёсыз тынэсьтыд лулдэ эрекчало но шайтанлы вӧсяськыто. Нош Вавожын кыӵе чебер православной черк усьтэмын! Озьыен, шайтанлэн но кужмыз туж зол, Инмарлэн гинэ ӧвӧл. Со сярысь Библиысь но тодмо. Берло дасо аръёсы сьӧд кужымъёс аляло. Удмуртиын гинэ ӧвӧл, Россиын но, быдэс дуннеын но. Соин таӵе улӥськом ук пумтэм сьӧлыкъёсмы понна, Инмарез вунэтэмен. Ижевскын али ньыль чебер черкъёс, вань часовня, православной братсво. Эшшо Инмармылэн юрттэменыз, черкъёс пуктэмын луозы на. Троицкий соборын Удмурт урамын монэ песянае пыртэм 1950 арын. Соин со черк мыным дуно. Александро-Невской соборе киное ветлэме вань, отын "Колосс" кинотеатр вал. Успенской собор коркаелэсь кыдёкын ик ӧвӧл, но отчы пыдъёс малы ке уг мыно. Отец Евгениез одӥг пол служба дыръя адӟеме вань - Иисус кылэз куинетӥяз гинэ быгатӥз вераны, сокем кудӟемын вал, ветлӥзик шонаськыса. Возьыт. Черк возьмасьсы отын котьку уксё курыса сылэ, уд ке сётӥськы "Инмар возьматоз ай тыныд", -- шуэ. Тӥни озьы асьмеос калыкез черке "ӧтиськом". Туннэ мынам мадеме потэ выль усьтӥськем кык черкъёс сярысь. Оло, кин ке лыдӟыса, черкъёс сярысь. Оло, кин ке лыдӟыса, черк пала сюрес но шедьтоз. КАЗАНСКОЙ БОЖЬЕЙ МАТЕРИ Таяз черкын куинь мудоръёс мироточить каро - вылазы миро (святой вӧй) потэмын.Черк сылэ туж курадӟем гурезь йылын. Граждан ож аръесы татын белогвардеецъесты но, баӵкоосты, но пӧртэм мукет "тушмонъесты" казнить каро, ыбыло вылэм. Пионер дыръям, милемыз татчы братской могила доры нуллизы. Вечный огонь соку отын вал. Михайловский собор вылын кирос интые горд флаг вылэм, пырон ӧс азяз - Сталинлэн портретэз. Со курадӟем музъемез сантэмамысь дугдэм понна ик шумпотыса, мудоръес озьы синкылиоссэс поттӥзы, дыр, шуэ протоиерей Виктор Костенков. Миро потто "Целительница", "Иверская" но Макарий Великий мудоръес. Соос доры Перма но Киров улосъесысь но паломникъес ветлӥллям ни. Нош кыӵе паймыон сюрес вуттэм та мудоръесты черке! Ваиллям отец Викторлы кык пинал кузпалъес мудор. Шедьтӥллям сое Якшур- Бодья сюрес дорысь нюлэскын. Мудор писпу бордын нуктэмын вылэм. Святойлэн ымнырыз ышем - сое быӵкаллям пуртэн, мишень лэсьтыса дышетскиллям. Мудорез реставрировать каремзы бере, Макарий Великийлэн тусыз потэм. Та Святойлэн нырысетӥ молитваез таӵе: "Боже, прости мя, грешнаго..." "Целительница" мудорез ваиллям Москваысь тодмотэм нылкышноос ас уксеенызы Софриноысь куинь мудор басьтыса. Соос пӧлын Николай -Чудотворец но. Котькуд службамес Инмар Анайлы молитваен быдтиськом, шуэ отец Виктор. Нош акафистъесты, пе, туж ярато оскисьес Ангел-Хранительлы, Казанской Божьей Матери, Михаил Архангеллы, Николай Чудотворецлы, целитель Пантелеимонлы. Нош "Целительницалы" шуыса, одиг службамес но ӧм отрчытэ, пе, вал. Одиг арня нуналэ отец Виктор верам: вторнике "Целительницалы" служба отрчытом. Понедельнике черк возьмасьес пумиталлям сое таӵе иворен: мудор вылэ туж трос святой миро потэм. Вторнике оскисьес шукыяськемзэ ик адӟиллям. Профессор Юрий Семенович Перевощиков туж православиез уг яраты. Паймымон мудор сярысь вераме бере, со серектӥз: "Маин меда маяллязы попъесыд..." Сюлэмы ик вӧсь луыса, шуисько: "Юрий Семенович, тӥ визьмо адями ук, пыралэ со черке, учкелэ ас синмыныды".Вераським ӵошен пыраны. Юрттӥсе ӧте на отец Викторез. Оло, быгатом ӵошен профессорлэсь йырзэ кӧня ке берыктыны. Шумпотымон таиз: егитъес но ӵем дыръя черк пала берытско ни. Та выль черк вадьсын медицинской колледж сылэ, университет но кыдекын ӧвӧл. Студентъес ӵем, пе, пырало. Отец Викторлэн аслаз нылыз медицинской академиез йылпумъям. Медколледжысь нылъесты но Закон Божийлы дышетоно вылэм, сестра милосердия луыны дасяно, шуэ баӵко. Но колледжлэн директорез пумит. Школьникъес сярысь. Широкий переулокын Кресто-Воздвиженской часовня усьтэмзы бере, оскись песянайес шуиллям: "Эн пуктылэ мудоръестэс педло. Артэ школа. Дышетскисьес изэн но, лымыен но лэзялозы, сӧрозы, тӥялозы".Кык толэзь ӵоже котькуд нунал отец Виктор эскерыны отчы ветлэм - уг йыртэма-а нокин. Одӥг адями но киоссэ ӝутымтэ святыняос вылэ. Нош артэ сылӥсь памятникез таркаллям - киоссэ, нырзэ вандӥллям. Угось, идол но Инмар артэ луыны кулэ ӧвӧл. Котькуд выль усьтэм черке прихожанъес но, пе, ӵем выльесыз лыкто. Таиз черк Александро-Невский соборлэсь одӥг трамвай остановкаын гинэ. Нош оскисьес, студентъес сяна, "Аксион" заводысь ужасьес но, мукетъесызно. Тросэз соос пӧлысь черке сюрес выль черк усьтэмен гинэ шедьтӥзы. Вазь ӵукна ужзы азьын, ӝыт ужзы бере но сюсьтыл пуктэмзы, вӧсяськемзы мед луоз шуыса, черк усьтэмын ӵукна сизьым часысен бер ӝытозь. "Нош бандитъес ке пыризы?" - юай мон священниклэсь. "Пырало. Султо песянайесын артэ, вӧсясько но кошко". Таяз черкын пырто но, венчать-отпевать но каро одӥген-одӥген. Трос калык уг люкало. Озьы, пе, адямиос Инмарлы матынгес. Азьвыл, шуэ отец Виктор, загсъесын тазьы верало вал: "Именем Российской Федерации объявляю вас мужем и женой". Но озьы луыны кулэ ӧвӧл. Но озьы луыны кулэ ӧвӧл. Инмар гинэ кык яратӥсь муртъесты благословить карыны кулэ. Ӟуч кылын верамъя: "Браки совершаются на небесах". Таяз улонын черк - со инбам ик вань адямиослы. ПРАВОСЛАВНОЙ БРАТСТВО. МАР СО СЫЧЕ? Вить ар ӵоже Александро-Невский соборын ужазы православной курсъес. Дышетизы отын асьме тодмомы Виктор Костенков но эшшо одигез Виктор Сергеев. (Таиз паймымон бачко сярысь лыдзелэ пумаз). Ньыль ар талэсь азьвыл курсъес луизы епархиальной.Мае отын дышето? Лыдзо лекциос христиан оскон сярысь, кызьы ассэ возьыны оскись адямилы черкын но улонын, дышето Катехизисэз, Литургикаез, Священной писаниез, соавян кылэз. Братствоын вань нылкышноос но, пиосъс ваньмыз сямен пиналэсь но дышетскемесь. Уставъя братствое пыро мирянъес но духовенство. Братствоос кылдыло ог- огедлы юрттон, дышетон, осконэз волмытон понна, черкъеслы юрттыны, черк тушмрнъслэсь утиськыны. Русьын нырысети братствоос кылдиллям оскон кылдэм бере ик, 1159 арын. ХУ дауре, католикъеслэн Русь вылэ урдскеменызы, братствоос эшшо но трос луиллям. Кылдиллям соос Литваын, Латвиын но Россилэн юго-западаз. Асьме аръесы трос братствоос кылдизы тысячелетие крещения Руси бере. Зуч Православной Черк, Архиерейской Собор туж оско братствоослэсь бадзым юрттэт луоз шуыса. Асьме братство кылдэмын автозавод медсанчастьлэн юртаз. Озьы курем ачиз валтись врач.Черкъес со палан ӧвӧл. Братствое пырисьес юртто приютъеслы но инвалидъеслы. Ваньмыз татын ужало но юртто дунтэк. Котькуд субботае но арняе дунтэк ик кырза нылпи хор, выжъесты мисько, утялско .Огшоры оскисьес но маин быгато, юртто вань сюлмысь. Отец Виктор Сергеев, братстволэн тороез, вера: чем, пе, Инмарлы оскыны кутско пинал пиосмуртъес войнае сюремзы, луло кылемзы бере. Соос валало: туж секыт учыре улэп кыльыны юрттэм Инмар гинэ.Воргоронъес соку ик черке пыро, киростэк уг ветло ни, улон интыоссэс освящать каро, нылпиоссэс пырто, венчание мыно. ЭМЪЯСЬКОН НО Инмарлэсь кылдэмын ук. Священникъесты косиллым: Идите, исцеляйте тела и души, маслом мажьте (соборование со)". Больницаысь но трос висисьес лыкто восяськыны. Операция азьын, озьы ик берло но. Кулэмъес доры но палатаосы ӧте. Одиг пиосмурт ӧтем бачкоез но шуэм: "Мон тодисько куло шуыса. Кулэме ке но пыртэм бере потэ".Б БРАТСТВОЫСЬ УДМУРТ МАРИЯ СЯРЫСЬ Мария вузкаре татын духовной книгаосын, киросъесын. Огшоры гинэ со татчы вуымтэ. Ужам математикая дышетись луыса.Военной картэныз кема улӥллям Грузиын. Отпускъессы дырья котьку черкъесы, монастырьесы пырало вылэм. Школьникъессэ дышетэм : уд ке кылзиськы анай-атайдэ, дышетисьестэ - со сьӧлык. Пиез Мариялэн кутскем висьыны энцефалитэн. Соку анай кылэм куара: "Сетэлэ пидылы чылкыт ву но нянь".Озьы ик лэсьтӥллям, пизы бурмем.Со дырысен пизы но, нылзы но Инмарлы оско.Эмеспиез Мариялэн баӵко. Куд-ог книгаослэсь нимъессэс гожтэме потэ. Соосты мыным Мария учкыны сетӥз. "Что такое пост и как правильно поститься?", "О пользе поста", "Что посоветуете, батюшка?" книгаысь куд-ог юанъессэ но цитировать каро. "Может ли злой дух покаяться? Можно ли некрещеному молиться, креститься, каяться в грехах? Можно ли некрещеным детям носить крестик? (Бесполезно). Я подвержен жестокой порче, колдуны живут в сорока метрах от моего дома. Колдуны настоящие, одержимые злыми, нечистыми духами. Освободиться от их влияния не удается. Истязают они меня одиннадцатый год тяжелой болезнью?" Тодэмды потиз-а юанъеслы валэктонъес? Лыктэлэ яке братстволэн лавкаяз, яке матысь черке. ВЕЛИКОМУЧЕНИК ПАНТЕЛЕИМОН СЯРЫСЬ Та святойлэн мудорез вань Александро-Невский соборын но, православной братстволэн юртаз но ошемын адскымон интыяз. Одиг пол мынам тодэме потӥз: кызьы меда сычепинал, чебер пиосмурт великомученик луиз. Солэн мудорезлы мон вӧсяськисько висьыкум. Тани кыче кышкыт мадес мон тодӥ. Целитель Пантелеимон улэм куинети дауре Никомидиын (Пичи Азия). Православной черкын та святойлы восясько воинъеслы дурбасьтэменыз но висиьесты эмъяменыз. Эмъяськись Пантелеймон одиг пол адӟем кулэм пиналэз, сое кый лекам. Сокем пинал жаль потэм Пантелеимонлы, со шуэм:Быгатӥ ке улзытыны, пыро черке". Кема вӧсяськыса, Пантелеимон пиналэз бурмытэм. Со дырысен Пантелеимон бурмытъм трос христианъесты, тросгес ик сычеоссэ, кинэ тюрьмаосы, темницаосы христианство понна куяллям. Пателеимонлы вожъяськыны кутскиллям, эрекчаськыса донос гожтӥллям. Ошиллям сое писпу вылэ, сюсьтылъесын сутӥллям, колесовать кариллям, сӥльзэ кортэн ышкиллям, быректись узвесе куяллям, нюлэскы изьверъеслы сэрпалтӥллям. Калык тае ваньзэ адӟем но шуэм: "Велик Бог христианский!"Пантелеимонлэсь йырзэ вандыны кутскиллям, нош со молитваос лыдӟыса, пе, улэ, быгатӥллямтэ. Соку инмысь куара кылӥськем: "Пантелеимон". Со языческой нимез воштон. Палачъес пыдес вылазы султӥллям, кышкаллям ваньзы. Святой Пантелеимон шуэм: "Лэсьтэлэ уждэс, вандэлэ йырме".Вандэмзы бере, вир интые йӧл потэм, маслина писпу вылын емышез потэм. Тылскеме куштэм вылтырыз жуамтэ, христианъес сое ватӥллям. Али Святой Пантелеимонлэн мощъесыз вӧлскемын быдэс христиан дуннеын. Йырыз солэн Святой Афон гурезьын. Ижевскын Александро- Невский соборын но вань мощез. Һ1 дауре быдӟым ӟуч князь Изяслав шлем вылаз Пантелеимонлэсь туссэ лэсьтэм, солэн юрттэменыз кылем улэп. ОТЕЦ ВИКТОР СЯРЫСЬ Виктор Сергеев вордскемын Камбыаркаын. Анаез дышетись вылэм бере, пиез котьку юрттэм "Поднятая целина", "Молодая гвардия", "Как закалялась сталь" сочинениосысь янгышъесты шедьтылыны. Атаез вылэм бухгалтер. Виктор быдтэмын таӵе дышетсконниосты: техникумез, механикая институтэз, Москваыст ВГИКез кинооператор луэм. Ужам заводын мастер луыса, но станокъес полын солы мозмыт потэм - со туж визьмо, усто вераське, юанъес но кулэ уг луо, ваньзэ ачиз валэктэ. Собере ужас асьме телевидениын, Перма но Кузон студиосын кино снимать карем. Черке кошкем "Тень Алангасара" кино бордын ужакуз. Нырысь со дышетскем Завьял черкын Сергий Кондаков баӵко дорын. Таиз но священник сокем визьмо (ачиз со Мускоысь), чебер сюлэмо адями, пинал ке но ай. Отысен Владыко Николай кутэм Викторез Кафедральной соборе.Отын служить карыса, отец Виктор Москваысь духовной семинариез но быдтӥз ни. Озьы ке но, котькуд ӝыт лыдӟе духовной книгаос, службаослы дасяське. Пиез но семинарие дасяське вал, кенэз музыкальной школаез быдтэмын, дышетске богословской институтын.Кузпалыз "Ижмашын" ужа, бюролэн начальникез луыса, Инмарлы оске. Отец Виктор Священной писаниысь таӵе интызэ мыным вераз: "Жатвы много, делателей мало". Священникъес али котькытын уг тырмо. Но туннэ гожтэм баӵкоос, мыным потэ, - ваньмыз "делатели". Ас ужзэс, Инмарлэсь сетэм ныпьетсэ, соос туж усто, вань лулысь-сюлмысь лэсьто. СТАНИСЛАВ БЛАГИНИН, СЕРАФИМА ПУШИНА-БЛАГИНИНА. ЙЫРОМЕМ ЫЖ СЯРЫСЬ МАДЕН Стаьяме быдтэме потэ Михаил Атамановен удмурт кылэ берыктэм Нылпи Библиысь одиг мадесэн. Угось, со туж визьмо маке, отькуд адямилы тупа. "Адями выжыез туж мур 1 Шаерысьтымы гурт спортсменъёслэн бадӟымесь ӵошатсконъёссы араз кык пол ортчыло. Туэ понна 1-тӥосыз соос шаермылэн уйпалаз радъямын вал. 8-тӥоссэ элькун гурт тол шудонъёсты Юкаменск пумитаз. Татчы гуртысь спортсменъёс нырысьсэ ӧз вуылэ ни вал. Кык ар талэсь азьвыл таӵе ик шудонъёс гужем ортчылӥзы ини. Соин ик юкаменскъёслэн гурт ӵошатсконъёсты ортчытыны быгатонлыкъёссы вал ни бере, ваньмыз спортсменъёс но куноос но бадӟым праздниклэсь кутскемзэ чидатэк витизы. Шудонъёсты сӥё-дано усьтонысен спортсменъёсты ӟечкылазы но бадӟымесь вормонъёс Элькун Кивалтэтлэн тӧроез Юрий Питкевич, Кун Кенешлэн тӧроез Игорь Семёнов, Кивалтэтлэн тӧроезлэн воштӥсез Наталья Харина но мукет кивалтӥсьёс сӥзизы. Юрий Питкевич, кылсярысь, пусйиз: "Берло дыре Россиын спорт удыслы зьвыл аръёсы сярысь бадӟымгес саклык висъяны кутскизы. Одӥг интыын уг сылы асьме шаермы но. Таӵе гурт шудонъёсты ортчытъяса, ёросъёсын выль стадионъёс, комплексъёс кылдо. Та дыре шаерамы дасо пала выль стадионъёс пуктэмын ни. Но та лэсьтэм ужен гинэ дугдоно ӧвӧл. Спортэз но физкультураез азинтонэз азьланьтоно, угось экономикаын кылдэм секыт югдур спорт вылын но шӧдӥськиз. Берло аръёсы ёросысь спортэн эшъяськисьёс тол но гужем шудонъёсы мылысь-кыдысь пыриськыны кутскизы. Таяз шудонъёсы но 700 пала спортсменъёс пыриськизы. Тужгес но бадӟым командазы вал ӵошатсконъёсты пумитасьёслэн - юкаменскъёслэн. Соос вань ӵошатскон амалъёсын кужымзэс мертазы. Озьы ик бадӟымесь делегациоссы вал Игра, Завьял, Можга, Якшур-Бодья но куд-ог мукет ёросъёслэн. Та шудонъёс аспӧртэмлыко ортчизы : нырысь ик, гуртысь спортсменъёслэн спортъя праздниксы ӵапак тупаз Америкаысь Солт-Лейк-Сити карын ортчись 19-тӥ Олимпик шудонъёсын. Дуннеысь тужгес ик кужмо спортсменъёслэсь ӵошатскемзэс телевизор пыр вань мылкыд карисьёс учкыны быгатӥзы. Со сяна, 8-тӥ элькун тол шудонъёсын программаязы нырысьсэ шахматэн шудонъя турнир пуктэмын вал. Солэн кулэлыкез сярысь вераны курыса мон вазиськылӥ Юкаменскысь шахматэн шудыны дышетӥсь тренерлы Аркадий Попцовлы: - Аркадий Петрович, кыӵе инты басьтэ шахматъя турнир та элькун тол шудонъёсын? - Гуртысь шахматистъёс понна таӵе ӵошатскон туж кулэ. Асьме районысь шахматистъёс туж шер элькун турниръёсы потало. Соин ик вань ёросъёсысь кужмо спортсменъёсын пумиськыса, шахматэн шудон Юкаменскын азинскыны кутскоз шуыса оскисько. - Тӥляд командады кызьы кылдытэмын вал? Нырысьсэ элькун шудонъёсы пыриськыны мылкыд карисьёс трос, дыр, вал? - Милям районын шахматэн шудонъя турнир дышетскисьёс но быдэ вуэмъёс пӧлын ортчиз. Отын вормисьёссы ёрослэн огазеям командаяз пыризы. Озьыен, ёросмылэсь данзэ утьыны Василий Шудеговлы, Светлана Заворовскихлы но мукетъёсызлы шуд усиз. - Тӥ дорын таӵе бадӟым ӵошатскон нырысьсэ ортче. Нырысь малпанъёсты туннэ пумиськонъёс сярысь. . . - Командаос туж золэсь, кужымзы ваньмызлэн огкадьгес. Малпасько, вормоз кужмоез. Азьланяз малпаськомы шахматэн шудонъя клуб усьтыны. Татчы вань мылкыд карисьёс ветлыны быгатозы. - Озьыен, вань малпанъёсты мед быдэсмозы. - Тау. Куинь нунал шудыса, шахматистъёс пӧлын вормисьёс Можгаос луизы. Кыкетӥ но куинетӥ интыосын - Игра но Алнаш ёросъёс. Шудон амалъёс пӧлын шахматъя турнир гинэ ӧй вал. Ёрос культура дворецлэн спортзалаз гурт тол шудонъёсты баскетболистъёс усьтӥзы. Воткинск, Игра, Можга, Сарапул, Ува, Якшур-Бодья, Яр но Юкаменск ёросъёсысь командаос кык группалы люкемын вал. Отысь быдэн кык пумо командаос нырысетӥ инты понна нюръяськизы. Озьыен, баскетбол шудонъя чемпионъёс Уваысь спортсменъёс луизы. Кыкетӥ интые Можга ёросысь команда потӥз. Куинь кужмоосыз пӧлын - Игра ёросысь. Тужгес но тунсыкоез вал азьпалан. Куасэн бызьылонъёс тол шудонъёсын валтӥсьёсыз луо бере, та ӵошатсконъёсты учкыны тужгес ик трос калык люкаське. Туэ нылкышноос но воргоронъёс кык группаосъя нюръяськизы. Нырысетӥяз тужгес ик кужмо спортсменъёс пыризы. Куазь сульпаськиз ке но, куас сюреслэн ӟечлыкезлы ӝожтӥськисьёс ӧз сюре. Зэмзэ но, гурт шудонъёсты радъясьёслэн арнялэсь кема ужамзы пайдатэк ӧз ортчы. Паськыт лёгем сюрес вылтӥ машинаен но ортчыны луысал. Куасэн бызьылӥсьёслэсь ӵошатсконъёссэс нырысь ик семья спортсменъёс усьтӥзы. Нырысь ик пиналъёс бызизы, собере анайёс но атайёс. Берло аръёсы огкадез уг сюры Завьялысь Трофимовъёслэн семьязылы. Туэ но соос ваньзэсты азьпалтыса вормисьёс луизы. Кыкетӥ интые Кезысь Главатскихъёс пыризы. Балезиноысь Куликовъёслэн семьяоссы куинь кужмоосыз пӧлы потӥзы. Азьвыл шудонъёсын Трофимовъёсын ӵош нырысетӥ инты понна ӟырдыт нюръяськизы Играысь Лекомцевъёслэн семьязы. Но соослэн пиналзы будӥз но та ӵошатсконэ пыриськыны ӧз луы ни. Озьы ке но, Герман Лекомцевез туэ но куас вылын адӟоно луиз. Со ветеранъёс пӧлын 5 иськеме ӵошатсконын кыкетӥ интые потӥз но азвесь медаль утӥз. Шудо спортсменэн мон пумиськи финише вуэмез бере: - Герман, кызьы ортчиз туннэ бызьылонды? - Куас умой ке но нуэ, трасса туж секыт туннэ. Мон малпасько, милям группаямы туннэ ӟырдыт нюръяськон Якшур-Бодьяысь Поторочин Сергей, Шарканысь Корепанов Владимир но Уваысь Михаил Трофимов куспын пуромоз. Соос но, мон сямен ик, туэ нырысьсэ ветеранъёс пӧлын бызьыло. - Герман, тросэз спортсменъёс секыт сюрес сярысь верало, таӵе куазен со йӧӟектэмын. Нош сюреслэн аслаз интыез малпаса-а лэсьтэмын? - Тросэз спортсменъёс ас куспазы верасько, гурезё интыосыз ӧвӧл шуыса, ялан ки вылын ужано. Но лыжнялэн ӟечлыкезлы мынам умойтэм малпанъёсы ӧвӧл, сюрес зол лёгемын, паськыт. - Кызьы тодмо, тӥ туэ семьяослэн ӵошатсконазы уд пыриськиське. Шӧдӥське-а со мылкыдды вылын, маке воштӥськиз-а? - Татчы лыктыкум ик мон тодӥсько ни вал, кин кызьы бызьылэ. Та шудонъёс сяна, мукет ӵошатсконъёс луо на ук. Удмуртилэн чемпионатаз пыриськиськомы, АСПЭК-лэн кузьымъёсыз понна нюръяськиськомы. Соин ик ог-огмес туж умой тодӥськомы. Тани, кинэ мон алигес верай, соос ик вылӥ интыосты басьтозы. Огнам бызьылыку сюлмаськонъёс но ӧжытгес. Семьяеным ветлыку кузпалэ но нылы понна куректӥсько вал. Пичиез нылы али Россилэн чемпионатаз Челябинске кошкемын. Та нуналъёсы со но бызьылэ. Нылы понна туж сюлмаськисько. - Тӥляд быдэс семьяды спортэн эшъяське. Кинлэн-о отын тужгес ик бадӟым интыез? Тӥляд-а, кузпалдылэн-а? - Мон тазьы верасал: кузпалы азьвыл спортэн уг тунсыкъяськы вал. 34 арысен ни мон сое спортэ кыски. Мон солы бадӟым тау шуисько. Котькуд ӵошатсконэ потыку, со мон понна "висе", пумита - ватсаса эшшо кужым сётэ на ӵошатскон дыръя.Семьяен бызьылыкумы уно очко нылмы люка вал. Со пиосты но азьпалтэ вал. - Тӥ котькуд ар та шудонъёсы пыриськиськоды. Ӵошатсконъёслэсь кыӵе ке ас шӧмзэ мукетъёсыныз ӵошатыса шӧдӥськоды-а? - Республикаямы та самой бадӟымесь шудонъёс луо. Калык татчы огдыре ӵошатскыны но, шутэтскыны но лыктэ. Малы ке шуоно, шаерысьтымы кужмо спортсменъёс туж ӵем потало пӧртэм ӵошатсконъёсы. Соин ик соосты огазеясь таӵе праздниклэн аслаз "изюминкаез" вань шуод-а, мар-а. Воргоронъёслэн но нылкышноослэн ӵошатсконъёсазы кужмоесь луизы Якшур-Бодьяысь Дмитрий Ходырев но Шарканысь Екатерина Воронцова. Куасэн бызьылӥсьёс пӧлын ас группаосазы озьы ик вормисьёс луизы Якшур-Бодьяысь Фаина Бушмакина, Игралась Сергей Стрелков но Валентина Чуракова. Куасэн бызьылӥсьёсын ӵош полиатлонъя ӵошатсконъёс ортчизы. Та ӵошатсконъёсы 74 воргоронъёс но 66 нылкышноос пыриськизы. Спортсменъёс быгатэмзэс ыбылӥськонын, гимнастикаын но куасэн бызьылонъёсын возьматӥзы. Завьял ёросын Италмас посёлокысь Надежда Бочкарёва та ӵошатсконъёслы котькуд ар рос- прос дасяське но вылӥ интыосты басьтэ. - Надежда Игоревна, полиатлон амал тол шудонъёсын одӥгез секытэз луэ. Кызьы-о басьтӥськиды та ӵошатскон борды? - Мон спортын кемалась ни. Азьвыл полиатлонын ёросмылэсь данзэ Нина Аркадьевна Парамонова уте вал. Кылем арын мон сое воштӥ. Вуоно арын, оло, Нина Аркадьевна но потоз ни. Со угось мукет категорие потэ, 50 арес туэ тырмоз ни. - Тӥляд школадэс шудо шуыны луоз. Артын Нина Парамонова но, Галина Кулакова но. Капчи-а соосын ужаны? - Туж капчи. Соос мылкыдэз ӝуто. Со туж умой, куке дорад сыӵе дано адямиос лыкто, висё тон понна. Соос дыръя возьыт ляб ӵошатскыны. Ужзы адӟиське. Ёросысь командаямы трос спортсменъёс асьме посёлокысь. - Туэ элькун ӵошатсконъёс тупазы Дуннеысь кужмо спортсменъёслэн Олимпик тол шудонъёсынызы. Судейство ласянь туж ик шумпотоно ӧвӧл. Тӥляд спортсменъёс пӧлын та пумысен кыӵе вераськонъёс ӝутско? Кызьы валэктэ та югдурез Галина Алексеевна? - Галина Алексеевна туж куректэ нылкышноослэсь командазэс эстафетаысь куштӥзы шуыса. Россиысь нылъёс ӧз бызе бере, тросэз эшъёсмы ӧз но учке ни со ӵошатсконэз - ӝоже усизы. - Берло аръёсы спорт политикае выже шуыса малпанэн тӥ соглаш-а? - Спорт азьло ик политикаен герӟаськемын вал. Но берло шудонъёс возьматӥзы: политика сюресэ пыриськем мултэс луиз. Туж кырсь ортчиз Олимпиада. - Табере Америкаысь шаерамы выжом. Асьме дорын чылкак мукет югдур, мылкыд но капчи. Озьы мед луоз вылэм ялан. - Шонер, мылкыд умой. Праздник ук. Куд-ог эшъёсынымы адӟылӥськиськом таӵе ӵошатсконъёсын гинэ. Ӝыны ар нош ик задор мылкыдын улӥськод. Собере гужем шудонъёсы лыктӥськод. Табере тямысэтӥ элькун тол шудонъёслы йылпумъянъёс лэсьтомы. Спортлэн котькуд амалаз азинлыко нюръяськыса, 8-тӥ элькун гурт тол шудонъёсын вормисьёс Игра ёросысь спортсменъёс луизы. Кыкетӥ интые потӥзы Можгаос. Быдэн огкадь очко люказы но куинетӥ интыез Шаркан но Завьял ёросъёслэн командаоссы люкизы. Кыкетӥ группаысь вормизы кузёос - Юкаменскысь спортсменъёс. Кыкетӥ но куинетӥ интыосын - Алнаш но Яр ёросъёс. Шаерысьтымы спортэн эшъяськисьёс табере нош ик гужем Каракулиноын ӵош люкаськозы. Кам дурын 11-тӥосыз гужем элькун гурт шудонъёс ортчозы. Возьмаломы тӥлесьтыд выль вормонъёстэс, рекордъёстэс! Владимир Романов, Удмурт радиоын ужась. 1 Удмуртъёс! Шедьтэлэ зэмос Инмар доры сюрес... Ижевскын мон улӥсько Ление ёросын. Бур палан но, паллянын но - частной коркаос. Котькуд палаз - пӧртэм пумо шайтан сектантъёс люкаськыло кӧшкемыт вӧсь шуонъёсазы. Олокызьы но калыкез доразы ӧтьыны быгато: кино дунтэк возьмато, кунгож сьӧрысь ваем кузьымъёс люкыло, гитараен-пианиноен шудыса шулдыр кырӟанъёс кырӟало. Алигес кылӥ: удмурт кылэз но, пе, дышето ини тросгес удмуртъёсты доразы кӧяса-вӧяса кыскон понна. Нош удмурт радио соосты ушъяз, кылмес дышетэмзы понна. Но Инмарлы кирос поныса вӧсясько ук, олокин убир-шайтанъёс сямен уг экто сое данъяса. Куинь-ньыль ар талэсь азьвыл Удмуртиын кыксю (!) пала пӧртэм сектаос- конфессиос кылдэмын вал. Ваньмаз сямен дышетскон-шутэтскон юртъёсын но соос ортчытъяло вӧсьёссэс. Уксё понна аренда сёто коть шайтанлы. Одӥг пол автобус остановкаын трос удмурт кышнооос верасько, соос сектаысь потӥллям гуртазы бертыны. Али, пе, 27 номеро автобусэн чугун сюрес вокзалэ мыном, отысен поездэн Вавож пала. Мон чылкак пайми: та кеме лыкты ай олокин кышкыт адямиос доры, кудъёсыз тынэсьтыд лулдэ эрекчало но шайтанлы вӧсяськыто. Нош Вавожын кыӵе чебер православной черк усьтэмын! Озьыен, шайтанлэн но кужмыз туж зол, Инмарлэн гинэ ӧвӧл. Со сярысь Библиысь но тодмо. Берло дасо аръёсы сьӧд кужымъёс аляло. Удмуртиын гинэ ӧвӧл, Россиын но, быдэс дуннеын но. Соин таӵе улӥськом ук пумтэм сьӧлыкъёсмы понна, Инмарез вунэтэмен. Ижевскын али ньыль чебер черкъёс, вань часовня, православной братсво. Эшшо Инмармылэн юрттэменыз, черкъёс пуктэмын луозы на. Троицкий соборын Удмурт урамын монэ песянае пыртэм 1950 арын. Соин со черк мыным дуно. Александро-Невской соборе киное ветлэме вань, отын "Колосс" кинотеатр вал. Успенской собор коркаелэсь кыдёкын ик ӧвӧл, но отчы пыдъёс малы ке уг мыно. Отец Евгениез одӥг пол служба дыръя адӟеме вань - Иисус кылэз куинетӥяз гинэ быгатӥз вераны, сокем кудӟемын вал, ветлӥзик шонаськыса. Возьыт. Черк возьмасьсы отын котьку уксё курыса сылэ, уд ке сётӥськы "Инмар возьматоз ай тыныд", -- шуэ. Тӥни озьы асьмеос калыкез черке "ӧтиськом". Туннэ мынам мадеме потэ выль усьтӥськем кык черкъёс сярысь. Оло, кин ке лыдӟыса, черкъёс сярысь. Оло, кин ке лыдӟыса, черк пала сюрес но шедьтоз. КАЗАНСКОЙ БОЖЬЕЙ МАТЕРИ Таяз черкын куинь мудоръёс Уно Хольмберг Перма калыкъёслэн осконъёссы Куалаын вӧсяськон Сопал дуннее кошкемъёс куд-огез ӝоген вуно, нош куд-огез удмуртъёслэн дэмен улоназы шӧдскымон инты басьто вал но улэп адямиослэн тодонзы кемагес возисько. Таӵеосыз пӧлы тужгес но пыро выжылэн но бӧляклэн вашкалаоссы. Соосты пиосмурт ласянь выжыысь выжые семьялэн-бӧляклэн утись-вордӥсьёсыз шуыса лыдъяло, солы йыбырттыса уло. Дорлэсь-семьялэсь шудзэ возьмасьёс луэмзы понна, соослы сӥзьыса, азбаре нимысьтыз пичигес юрт шуо. Та кыл кылдэмезъя финн-угор кыл луэ но коӵа финн кыллы тупа. Куала - со кенос выллем, корлэсь лэсьтэм выжтэм, вӧлдэттэм, укнотэм, ньыль сэрего липето юрт. Выж интые - таш-таш лёгам музъем. Солэн шораз - изъёсын котыртэм учог. Отчы изъёс вылэ пуктэмын яке липет улысь сюрые корт жильыен ошемын бадӟым корт пурты. Учогысь ӝутскись ӵын кыре потэ липетэ пуллэсь лэсьтэм ӝопыетӥ. Лапег ӧс ӵемгес корка палась борддорын ӵогемын луэ. Удмуртъёслэн гидкуазы ньыль сэрего азбар котыртӥ пуктылэмын луэ, нош куала коркалы пумит радын азьпалаз сылэ, коркаен огвадьсын. Туала вакытэ удмуртъёс куалаын пӧртэм арбериоссэс гинэ возё на, нош вашкала аръёсы, куке лэсьтӥськон сямзы али кадь азинскемын ӧй на вал но, ӵем дыръя соослы кӧттыр утчаса интыысь интые кӧчоно луылӥз, удмурт семьялэн пуктӥськемез чылкак одӥг куала гинэ луылӥз. Со кыдёкысь вакытъёсты удмуртъёс выжыкылъёссы пыр гинэ тодазы возё на. Но пытьыосыз кылемын на: куд-ог палъёсын куалаын, пӧртэм арбериос возем сяна, пӧрало но сисько на. Тужгес но арлэн шуныт вакытаз. Соку куала пуш кӧня ке улон коркалы кельше: борддор кузя зӧкесь пужым ӟусъёс, ӧс палась кудаз ке сэрегын ӝӧк сылэ. Со сьӧры семья гужем сиськон дыръя люкаське. Борддор кузя тусьты-пуньыез но мукет арбериосты возён понна, куддыр канаос но луо. Удмурт куалалэн вашкалазэ утён интыез - со куала сэрегысь, аръёс ортчемен сьӧдэктэм ӝажы. Отын али но беризьлэсь лэсьтэм пичигес гинэ куды адӟиське на. Кузон губерниысь Мамадыш утемысь удмурт гидкуа. Паллян палаз куала, бур палаз - корка, пыдлон - гидъёс но лапасъёс. Та огшоры гинэ пичигес куды, кудӥзлэн быдӟалаез но вылтусыз пӧртэм ёроссъёсын пӧртэмгес луыны быгатэ, удмуртъёслэн тужгес но сӥлы кароно арберизы луэ. Угось соин выжызылэн осконзы, вашкалаоссылэн лулӟылэмзы но малпанъёссы гинэ герӟаськемын ӧвӧл - со куды вӧзын улэп адямиос оско, сопал дуннее кошкем ӵыжы- выжыосынызы матэ кариськыны быгато шуыса. Ю-нянь будэтон борды басьтӥськемзы бере, удмуртъёс туала вылтусъем коркаос пуктылыны кутскизы ке но, вӧсяськон чотын куала азьло сямен ик возиськиз. Кулэмъёслы йыбырттыса, куалаын вӧсясько, виро сёто бӧлякъёс коже гинэ. Мукет бӧлякысь адями мурт выжылэн куалаяз ноку но вӧсяськыны уг ветлы. Удмуртъёслэсь та сямзэс юн утемзэс возьматэ Богаевскийлэн таӵе гожтэмез: семьяын вань ке, пе, мукет выжыысь вордос пизы, куалаын виро сётыку, мукет гуртэ ке но, солы ас выжыезлэн куалаяз вӧсяськыны мыноно. СУРЕД Куалаын сиськыку. Вятка губерниысь Уржум утем. Та учыр возьматэ куалалэсь удмуртъёслэн улоназы бадӟым инты басьтэмзэ. Со герӟа, огазея одӥг семьяысь но одӥг выжыысь улэпъёссэ но сопал дуннее кошкемъёсты, туалазэ - вашкалаеныз. Котькуд удмурт, мурт улосэ кошкемез бере но, ас воршуд выжызэ тодыны одно ик кулэен лыдъя. Со туж ик шуг ӧвӧл, котькуд удмурт выжылэн аслаз аспӧртэм нимыз вань угось. Со воршуд выжы нимъёслэн пуштроссы ӵемысь вунэмын ини. Кылсярысь, можга, какся, кутья, туръя но мукет со выллем. Соос али но паськыт вӧлмемын, уката ик Вятка губерниысь удмуртъёс пӧлын. Тросэз сыӵе нимъёс асьме нуналъёсы кылдыны уз быгатэ ни. Воршуд нимъёсъя одӥг выжыысь удмуртъёс мурт улосысен но ог-огзэс тодманы быгато. Воршудэз тодонлэн кулэлыкез тани ма бордын: одӥг выжыысь муртэн кузпалъяськонэз удмуртъёс йыруж чотын лыдъяло. Матысь ӵыжы-выжыосын гинэ ӧвӧл, кыдёкысь ӵыжы-выжыосын кузпалъяськыны уг яра. Кылсярысь, можга выжыысь пиосмурт, вашкала валанъя, та выжыысь ик нылэз кышно басьтыны уг быгаты - котькыӵе кыдёкысь соиз мед луоз. Удмурт воршуд выжы нимъёслэн кылдэмзы пӧртэм малпанъёс вань. Смирнов тодосчи соосты нылкышно нимъёсын лыдъя но кыдёкысь выжы кылдытӥсь мумыослэн (анайёслэн) нимъёссы луо шуэ. Соос, пе, матриархат шуон вакытысь вуэмын, куке выжыез анай ласянь лыдъяллязы. Котьмар ке но, шонер луоз, дыр, соосты пӧртэм ӵыжы-выжы группаослэн нимъёсынызы гинэ лыдъяны, кудъёсыз берло одӥг гуртысь нимаз улыны интыяськизы. Гуртлэн но отын улӥсь выжылэн нимзы ӵем дыръя одӥг кадь луэ. Куддыр выль кылдытэм гуртлы но вуж гуртлэсь ик нимзэ сёто. Выль кылдытэм гуртын пӧртэм выжыысь потэмъёс ке уло, сыӵе гурт нырысь лыктэм выжылэсь нимзэ нуллэ. Удмуртъёслэсь зэм ик одӥг семьяен кадь улыны тыршемзэс возьмато Харузин тодосчилэн Сарапул утем сярысь гожъямъёсыз. Со маде, одӥг Норья нимо гуртын, пе, кӧня ке дыр талэсь азьло гинэ 16 семьялэн одӥг атайзы (кузёзы) вал. Мукет сямен вераса, хозяйство ласянь соос сыӵе матысь герӟаськемын вал, пӧртэм коркаосын улыса но, ваньзы одӥг азьын ӵош сисько вылэм. Со сяна, тодосчи мукет гурт сярысь но поттылэ на. Отын, пе, нимаз улӥсь 20 воргоронъёс ваньзы одӥг адямилэсь кылзӥськыса уло. Матриархат вакытысь кылем тодмотэм Смирнов лыдъя сыӵе югдурез, куке бызем нылкышноезлы картэзлэн гуртаз ас нимыныз уг вазисько, сое выжы нимыныз нимало. Котьмар ке но, та югдур уг возьматы на, удмуртъёс куке но выжызэс кышномурт ласянь лыдъяллязы шуыса. Пусъем аспӧртэм сям шоры учкытэк, выжы ним кызьы ке пилы, озьы ик ныллы котьку но атай ласянь выже. Шонергес луэ, дыр, таӵе валэктон: удмуртъёс, мукет выжыысь кышно басьтыкузы (азьло дыръёсы нылэз лушкало но вал), сое, асьсэ выжызылэсь висъян понна, ныллэн выжы гурт нимыныз нимало вал. Бух тодосчи маде, али дыре но, пе, Сарапул утемысь куд-ог интыосын вань на сыӵе сям, куке кышномуртэз бызем бераз вордскем гуртэзлэн нимыныз нимало. Со понна мугез но вань ук: кышномуртэз кышно луыса вылысь но картэзлэн ӵыжыез- выжыез пӧлы уг пырты, угось шуген-лекен пумиськыкуз, со кышномурт бызем бераз но дырын-дырын аслаз выжы куалаяз вӧсяськыны ветлоно луэ. Воршуд выжылэн нимыз сяна, ӵыжы-выжыосты огазея на семьялэн подэм пусэз. Соин удмуртъёс, тросэз мукет кӧчылӥсь калыкъёс музэн ик, ас ваньбурзэс пусъё. Ӵем дыръя со кыӵе ке но арберилы кельше, шуом, колёсалы, кирослы, ӟазег пыдлы, тӥрлы но мукет. Атайлэн пусэз вордскем юртэ улыны кылись бадӟымезлы пиезлы выже. Нош мукет пиос, вордскем юртысьтызы яна потыкузы, асьсэлы выль пус малпаны кулэ. Ӵемысь сое атай юртлэн пусэз бордысь маке но пичияк ватсаса яке воштыса кылдыто. Выль пус кылдытэм бере но удмуртъёс уг вунэто атай юртсылэсь пуссэ, кудӥз озьы ик вордскем юртъерзылэн азбараз сылӥсь вӧсяськон куалалэн пусэз но луэ. Озьыен, бадӟым пиезлы атайлэсь кылись выжылэн пусэз куддыр туж вашкала луыны быгатэ. Со подэм пусъя, воршуд нимъя сямен ик, ӵыжы-выжыос мурт улосысен ог-огзэс тодманы быгато. Атайзы кулэм бере, юртъер но куала сяна, бадӟым пилы озьы ик подэм пусъя куала утисьлэн ужез кыле. Удмуртъёс тазьы нимало куалаын вӧсяськон дыръя виро сётонэз быдэстӥсь муртэ. Семьяын пи пиналъёс ӧвӧл ке, куала утисьлэн ужез кулэм муртлэн вынызлы яке мукет матысь ӵыжы-выжы луись пиосмуртлы кыле. Семьялэн куалаяз удмуртъёс вӧсясько на мукет куалаын но. Солэн утисез луэ гуртысь вашкала песятайзылэн меӵак ӵыжы-выжыез. Воршуд куалаен ӵошатыса, семьялэсь куалазэ покчи куала шуыса нимало. Удмурт гуртын покчи куалаос трос луо. Котьмар ке но, соос сомында ик уг луо, кӧня гуртын семья, котькудӥз угось юртъерлэн азбараз сылӥсь куалаяз уг вӧсяськы. Малы ке шуоно, котькудӥз ик яна потэм семья соку ик аслыз вӧсяськон арбериосты уг чередьы - атаезлэн куалаяз вӧсяськыны ветлэ на. Соизлэн но куалаез ӧвӧл ке, песятаезлэназ мынэ, кудӥзлэн утисез ӵемысь песятаезлэн бадӟымез пиез луэ. Таӵе югдур возьматэ, азьло вакытэ удмурт семья туалаезлэсь трослы бадӟымгес луылӥз. Со семья пушкы трос пичи семьяос пырылӥзы, кудъёсыз люкырак одӥг азе интыяськем коркаосын улӥзы, одӥг семья йырлэсь-кузёлэсь кылзӥськыса. Таин артэ ик выжылэн куалаез гуртын чылкак одӥг луэ, уката ик гурт калык ваньзы одӥг выжыысь ке луо. Ӵемысь вашкала удмурт гуртъёсын озьы ик луылӥз. Островский тодосчилэн верамезъя, Кузон губерниын ваньмыз сямен удмурт гуртъёсын одӥг выжыысь потэмъёс луо. Гуртэ пӧртэм выжыосысь адямиос вуо ке, кылсярысь, выль гуртъёс кылдыку, со гуртын сомында ик воршуд куалаос луо, мамында воршуд выжыос. Озьыен, выльысь кылдэм гуртын куддыр 3, 4, 5 но воршуд куала луыны быгатэ. Котькуд выжы куалаез отын вӧсяськись выжылэн нимыныз нимало: Можга куала, Уча куала но мукет. Озьы ик куалаын вӧсяськисьёсты но выжызыя нимало: можга пиос, уча пиос но мукет. Выжы куалаослэн лыдзыя капчиен тодыны луэ, кӧня выжыос уло одӥг гуртын. Трос пӧртэм выжыосын кылдытэм гуртъёс тужгес но вӧлмемын шунды ӝужан пал удмуртъёс пӧлын, кудъёсыз мурт музъемъёсы выль улӥсьёс луыса вуэмын. Одӥг гуртын выжы куалаос трос ке луо, соку соос ӵемысь куала утисьлэн азбараз сыло, огшоры семьялэн куалаезлэсь номырин но уг висъясько. СУРЕД Кузон губерниысь Мамадыш утемын Оштормо-Юмья гуртысь выжы куала. Соос пушкын но, огшоры куалаосын сямен ик, кулэезъя кыӵе ке но котырез, арбериосты возё. Нош одӥг гуртын чылкак одӥг выжыысь потэмъёс гинэ уло ке, соку одӥг гинэ воршуд куала луэ но, сямъя куалаос пӧлын со чылкак мукет инты басьтэ. Соку куала утисьлэн азбараз со шер сылэ ини, нош куала утисьлэн, со сяна, ас куалаез но луыны быгатэ на. Воршуд куалаын соку юртъер котырысь арбериосты куддыр гинэ возё на. Воршуд куалаез, покчи куалаен ӵошатыса, будӟым куала шуыса нимало, нош гуртлэн огъя вӧсяськонниез чотын сое гурт куа шуо. Со ӵемысь куала утисьлэн бакчаяз сылэ. Куддыр со гуртысь яке гурт сьӧрысь пичигес гинэ нимысьтыз кенерам садын интыяськемын луэ. Первухин тодосчилэн верамезъя, Глазов утемын соос шур дурын яке ӝужыт гурезь йылын сыло, куддыръя соос, пе, писпуос улэ липеттэк гинэ лэсьтыса пуктэмын. Георгилэн но куд-ог мукет тодосчилэн вашкала ужъёсазы верамын, куалаос гуртлы матысь нюлэскы интыяськемын шуыса. Гуртлэн огъя вӧсяськонниез вань ке, выжы куала чылкак оскон-вӧсяськон понна гинэ улэ. Куддыръя сое сокем сӥлы каро, эсьмаса, кышномуртъёсты но отчы пыраны уг лэзё. Озьыен, удмуртъёслэн куалазы пумен гуртысь черк выллем луыны кутскиз. Соос азинскизы, луоз, тужгес но лымшор палан, бигер гуртъёсысь мусульман мечетьёслэсь адӟем карыса. 4 Выжыосмы Мария Никитина Инкуазь - со ваньмы Ми, пичи нылъёс но пиос, чидатэк возьмаллямы Гершыд юонэз. Кыӵе шулдыр луоз вал! Дэмен вӧсе (Итэш гурт дорысь туж шулдыр нюлэс куше) люкаьскылӥз дас кык гуртысь калык: пичиез но, бадӟымез но. Калык чебер дӥськутъёсын, буртчин кышетэн, нош бадӟым вӧсясьёс тӧдьы дэра дӥсен лыкто вал. Та нуналэ сузямтэ тӧдьы така яке ошпи вандылӥзы. Бадӟым пуртыосын шыд но ӝук пӧзьтылӥзы. Сое вӧсяс, Инмарлы вазиськылӥзы, дэмен тазьы кырӟаллязы: Армись огпол Лыктэ ук та Гершыд юонэд. Ӟеч но капчи аръёссэ Мед сётоз, Шуныт небыт зор Мед сётоз Инмармы. Зарни герыен гыримы, Азвесь усыен усыямы Та небӟытэм музъеммес. Вить чиньыен кырмыса Пазьгылэм но юосмы Зарни шепен, азвесь тӥсен Ой, мед тӥсяськоз. Анайлэн но атайлэн Ӟечказ тазьы куанӥськом. Сьӧлыктэм но нылпиос понна Ми буре ваиськом. Вӧсяськылӥзы нуназе, удалтэм ю-нянь но тазалык курыса. Дэмен вӧсе ветлылӥзы ӟазег тылы уьсыны кутскыку. Туж шулдыр ортчылӥз та гужем юон, куддыр кык нунал но кыстӥськылӥз. Шур дурын шыд но ӝук пӧзьтылӥзы. Дэмен вӧсьын пушказ эктыны ӧз лэзьылэ. Одӥг Выль Монья пи арганэн шудыса эктыны кутскем но, интыяз ик пери шуккем. Вӧсе лыктэмъёс ог-огзэс куно карылӥзы, но погратозь нокин юисез ӧй вал. Ми, пичи пиналъёс, сак кылзылӥмы мемей-апайёсмылэсь, атайёсмылэсь визь-кенешъёссэс, паймылӥмы, кызьы соос инмаръёсынызы улэп адямиосын сямен верасько. Инкуазез сӥлы карылӥзы, кулэм ӵыжы-выжыоссэс буре вайылӥзы. Тӥни озьы Удмурт Вӧсь пыр ог-огдэ гажан, яратон, котьмалэсь эсэпсэ валан вапумысь вапуме выжылӥз. Перилы курбон сётон Курбон сётылӥзы котькытын: азбарын, бакчаын, ульчаын (кытын пери ветлэ). Азбар шоры ик ӵӧж тэрымон гу гудылӥзы, отын тӧдьы ӵӧжез вандылӥзы. Вандыкузы вирзэ азбар шоры гудӟем гуазы лэзьылӥзы, лызэ но со гуэ согылӥзы. Сӥльзэ асьсэ семьяен гинэ сиылӥзы (яна потэм пизылы яра вылэм, нош бызем нылзылы - уг). Перилы тазьы вазиськылӥзы: - Тани тыныд тӧдьы ӵӧж вандылӥм, вождэ эн потты, милемыз эн иса. Кыр перилы шуыса, ӵӧжез бакчае потон ыбес выжые вандылӥзы, нош омгаос - горд чуньыез. Шонерзэ вераса, али пересьёслэн вожзы потэ. Тӥнипериез, пе, буре уд ваиське ни но, сомынды адями, пери шоры йӧтыса, сопал дуннее кошке. Нош ми, пе, семьяен гинэ ӧвӧл, бӧлякен, ульчаен буре вайылӥмы, ульчае сьӧд атас вандылӥмы. Зэмзэ но, вашкалаосмылы туж кышкаллязы пери шоры йӧтонлэсь, малы ке шуоно, со адямиез шӧтэм карылӥз яке воксё виылӥз, нош висёнлэсь мугзэ нокызьы но валэктыны ӧз быгатылэ. Адями перилы курбон сётэ ке, гань-гань кариське, ӟечезлы осконэз юнма. Нош мылкыд умой ке, соконэз вань ке, висён но уг погырты ни. Чидатэк возьмаллямы дас укмысэтӥМиколинэз. Ю-нянь октэмын-калтэмын, бакча ужъёс йылпумъямын. Табере ваньмыз понна тау кароно кулэмъёслы, инмаръёслы. Та нуналлы, котькуд бадӟым нуналъёс азьын сямен ик, мунчо Ӟечкыласьком! Удмурт писательёс пӧлысь тужгес мӧйыез (арлыдызъя но мылкыдызъя ӧвӧл - писательёслэн Союзазы кутэмзыя), учёной, критик-литературовед Фома Кузьмич Ермаков та нуналъёсы пусъе 75 арес тырмонзэ. Котьку егит мылкыдо автормы ӟырдыт пыриське удмурт литературоведениысь пӧртэм ужпумъёсты рос-прос эскеронэ, трос тодон-валанзэ, быгатонлыксэ сётэ ас калыкезлэсь асваланзэ будэтонлы. Удмурт литературоведение удысысь нырысетӥез профессор, Удмурт Элькунысь кун премилэн, калыккуспо финн-угор фондлэн, Кузебай Герд нимо премилэн лауреатсы, УАССР-ысь культура удысысь сӥё-дано ужась, Удмурт Элькунысь наука удысысь сӥё-дано ужась, Россия Федерациысь вылӥ профессиональной дышетон удысысь сӥё-дано ужась, уно данъян грамотаосын, медальёсын, орденъёсын пусъем мурт та дыр куспын печатлаз дуннеысь 22 кылъёсын 400-лэсь ятыр научной ужъёссэ. СССР-ысь Наукая Академилэн 6 томен поттэм "История советской многонациональной литературы" изданиысьтыз удмурт литературалы сӥзем люкетъёссэ но гожтӥз Ф. К. Ермаков. Со сяна, удмурт литература сярысь 80 мында статьяоссэ печатлаз 11 энциклопедиосын. "Поэзия и проза М. Петрова" - удмурт литературоведениын нырысетӥзэ монографиез озьы ик гожтӥз Фома Кузьмич. Со ик поттыны дасяз М. Петровлэсь сочинениоссэ - удмурт кылын 6 томен но ӟуч кылын 4 томен. Удмурт литературоведениысь азьветлӥсь поттӥз уно писательёс сярысь книгаос: Г. С. Медведев, Т. А. Архипов, С. А. Самсонов, Кузебай Герд но мукетъёсыз сярысь. Визьмо, йыгмыт, юн мылкыдо, кышкасьтэм, зэмос учёной луэмзэ Ф. К. Ермаков возьматӥз удмурт калыклэн дано пиезлэсь, Кузебай Гердлэсь, нимзэ но ужъёссэ ас калыкезлы берыктон бордын ужаменыз. Трос шуг-секытъёс пыр вормисен потыса, Ф. К. Ермаков печатлаз Кузебай Гердлэн творчествоезлы сӥзем данак статьяоссэ, дасяз писательлэсь но учёнойлэсь ужъёссэ 6 томен поттыны. Берло аръёсы писатель но профессор Ф. К. Ермаков трос кужымзэ но быгатонзэ сётӥз школаын дышетскись пиналъёс понна дышетскон программаос но книгаос дасянлы. Гажано но данъяськоно автормес ӟечкыласьком вордскем нуналэныз. Сӥзиськом кӧльы кадь юн тазалык, тулыс нунал кадь шулдыр но задор мылкыд. Котькуд праздниклы кузьма сяська - Андрей Александрович, тӥ одӥг семьяысь куинь вынъёс - Семён, Владимир но Андрей Самсоновъёс гожъяськон удысэн герӟаськемын. Мемейды уг паймы вал-а кытысь сыӵе визьмо пиосы кылдэмын шуыса. - Паймыны но уг вала кадь вал. Инмар сое ваньзэ сётэ ук . Дядяен ӵош шум гинэ потылӥзы. Этеез (Семён Александровичез) ведь быдэс гуртэн Инмар шоры кадь учкылӥзы. Со калык писатель вал ини. Нош мон гожъяськон удысын кызьы ке палэнэгес кыли. Мыным витьтон арес тырмыку, кулон азяз мемее шуиз, мытэм уждэ лэсьты, Ондӥ, собере бере кылёд. - Шонер-а со, Володядылэсь, коросын кулыса кылльыкуз, кысыысьтыз гожъяськон ручказэ басьтыса кельтӥллямды. - Коркась поттэм беразы зэмзэ но мон солэсь пиджак кисыысьтыз ручказэ басьтӥ но, Володь, тынэсьтыд лэсьтымтэ уждэ ачим быдэсто шуи. Мон соку сое шудыса гинэ верасько кожай вал. Сётэм кылы зэмзэ но быдэсмыны кутскиз. Вордско но вордско кылбуръёс. Но, жаляса верано луисько, со ручкаез кин ке но басьтӥз. Юбилеелы книга поттыкум, ӝынызэ Володялэсь но отчы кырӟанъёссэ пыртӥ. - Гожъяськон удысэ бергес кутски шуиськоды, иське, семьяяды Тӥ пичиез луиськоды- а? - Ӧвӧл. Мон ньылетӥ нылпи. Володяен Коля (бӧрсьысь бӧрсе соос кулӥзы) мон сьӧрысьёсыз луо. Эте но мон вискын кык Пари но Анна апайёсы вал на. Апайёсы вискын Ондӥ вынмы сизьым арескысен кулэм. Вот табере мон со понна но кема улыны кулэ ини. Гожъяськон сярысь ке, вединъёс, пе, ньыльдон аресказы быгатонлыксэс кыре потто, вот мынам но озьыгес ик луиз.Тӥни со дырысен кутскыса дас куать книга поттӥ ини. - Нош мар люкетӥз ньыльдон аресозь? - Татын ини пичи дырез вераны кулэ луоз. Война вакыт вордски, толалтэ, мемее агаеныз нюлэскы пу дасяны мынӥллям. Мырдэм бертыса вуэм, кезьыт корка монэ ваем. Мугорам соку ик маке быдӟа волгыриос потӥллям. Со вакытэ фельдшеръёс гуртын ӧй вал али, дядяйлэн агаезлэн кышноез Семи мемеймы утялтэм. Висьыны висись ӧй луы, вот улонэз адӟиськиз, олокыӵе курадӟон пыр но потӥськиз. Пичиысен ик уж борды кырмизы. Ялан мемеен ӵош ужаськомы вал. Собере Тылоысь 4 классэз йылпумъяса 7 классозь Эдэйгуртэ ветлӥ. Сьӧрам вазь ӵукна ик келяло вал почтаез но сводкаез. Школаысь бертыкум, доре но пыратэк, нош ик коркась корка почтаез люкылӥсько. Соку мон адӟи ини кин кыӵе улэ, кин кызьы курадӟе. Утялтӥсез но шеде вал, кин пыжем картофка, кин крахмал нянь сётылӥз. Ӝытазе гуртэ бертыса, нош ик ӵуказелы эстыны шуыса корка куасьтыны пу пыртлӥсько вал. - Ялан огнады ужады. Семи агайды кошкемын ни вал-а, мар-а? - Со Можгаын дышетске ни вал. Пари апаймы нюлэс кораны келямын, Аннамы пичигес кариське вал, дыр. Озьы секыт уж мон вылэгес усиз ини.7 класс бере мон но кошки ремесленной училищее. Набор тырмемен монэ отчы ӧз кутэ. ФЗО-ос соку быро вал ини. Кык арзэ плотнике дышетски. Общежитиын улӥсько, стройкаын ужасько, ӝытъёсы вечерний школае ветлӥсько. Кык пол - куинь пол шымыртылӥзы, кышкаменым дышетсконме куштӥ. Мугорын пичи вал мон. Метр но 49 сантимер сяна ӧй вал. Ӟуч сямен но рос-прос вераськеме уг луы. Кошки вечерний школаысь. Эшъёсы нош ик ойдо монтажной техникуме пыром шуыса лопкытъяло. Отчы но уж бере ветлонэз вал, ӧз кельшы, отысь но кошки. Табере Ленин нимо урамысь коркаосты учкисько но, мынам но со лэсьтэм уже шуыса сюлэмы шумпотэ. Одӥг пол 5-тӥ этаже шифер тубтыкум мырдэм усьытэк кыли. Вот со ик луиз лэсьтӥськон удысысь кошкеме. Со вискын оломар сямен ялон шедьтӥ: Орловской областьын, пе, киномеханике дышетскыны курсъёс усьтӥсько. Отын укмыс толэзь улытозям быдэс 20 сантиметрлы будӥськем. Угось котькыӵе емыш шеде вал: яблок, груша, черешня. . . Кунокуаын лякыт пересь кышномурт дорын улӥ, нылпиез солэн ӧй вал, эн кошкы, пие, шуэ, ваньзэ тыныд кельто. Нош гурт пал дуногес вылэм. . . . . .Ӝынызэ Можга ёросэз кино возьматыса передвижкаен ортчи, дыр. Монэ чыпыен- куреген тодмало вал ни. Армие уг басьто, квартира уг сёто, семья ӧвӧл. Ялан тазьы ветлод-а шуыса Можга педучилищее пыри. Сьӧрам Никвладэз но Володя вынме ӝуткай. Куинь Самсоновъёс одӥг группае шедим. Римма Ивановна удмурт кылын кык пуктӥз, стипендия уг басьтӥськы. Сыӵе дыръя кин юрттоз, улон секыт, студентъёс асьсэос курадӟо. Училищеысь кошконо кариськи. Нош вынылы шуи, дышетскы, Володь, мон быгатэмея юртто. Собере монэ шӧдтэк шорысь армие басьто, Перме лётной школае шеди, комсомольской секретаре бырйизы. Вот со ик монэ дышетӥз, улон сюрес вылэ пуктӥз. Куинь толэзь ортчыса, адӟиськыны доре келязы. Собере кылёд, пе, ми доры ик сержантэ, егитъёсты дышетыны. Нош мынам боевой частез адӟеме потэ шуисько. Озьы мон шеди (нош ик со вискын доре бертылӥ) Щучин городэ. Нырысь-валысь туж шурдыт вал со самолётъёслэсь, пыд йылысь погыртымон пельто. Ӵемысь солдатъёсты чеклаське шуо вал. Умой служить карем поннам нош ик монэ доре келязы. Гуртын шуо, ма, со, пе, коммунист луэм, соин ик сыӵе ӵем бертылэ. Трос ӟеч кылъёс вераса анай-атайлы гожтэтъёс келяллязы. Одӥг пол дивизилэн начальникез дораз ӧтиз но шуэ: детдомын, пе, кылдытоно лагерь. Ачид ик дышетод нылпиосты. Со пиналъёсын быдэс Белоруссиез ортчим, нокин но ӧз пегӟы. Ачим лушкем вечерний школае ветлӥ. Дембель бере отын ик комсомолын ужай. - Белоруссие кылиды шат? Кузпалды нош кытысь? - Эдэйгуртысь Галя нимо нылын ваче гожъяськиськом вал. Кунокуа кышномуртэ шуэ: кечлы, пе, кеч, ыжлы ыж кулэ. Соку малпаськыны кутски. Зэмзэ но, полячка уз вала удмуртэз, удмурт уз вала ӟучез. Куамын пала нылъёсы вал, мон соосты арлы быдэ кулэстӥ. Син азям куиньзэ, улыны ярамонооссэ кельтӥ. Удмурт нылаш ик, самой та Галие, лякыт сямо потӥз. Вылаз ик гожтэт гожтэм на: уд ке, пе, бертӥськы, мон бызё. Шок-пуль гинэ отпуске бертӥ, тупам кадь, кышноме, малпасько, доре кельто, собере расчёт басьтыса мон но берто. Не тут-то было! Чемоданэныз валче сьӧрам дасяськем. Тылоын дышетӥсь маке, расчёт басьтэм. Куректыса уез иземе уг лу ни. Мар карод? Кошким ӵошен. Улӥськом ини каллен. Беромыса ке но, витьтон сотка картофка мерттӥм, адямиослэн со вакытэ сясьская ини вал. Сыӵе со милям удалтӥз! Табере Галяе шуэ, мон татын куаисько, мон мӧзмисько, мынам бертэме потэ. Со угось одӥг ныл вал. Дядяйлы гожтэт келяй, лэзь, шуисько, справка, монтэк улыны уг быгатӥськы ни шуыса. Монэ татысь озьы гинэ уг лэзё. Собере кошким, картофкамы но кулэ ӧз лу ни, ваньзэ вузаса кельтӥм. - Нош кылбур дуннее ку вуиды? - Вал со пичи дырысен ик. Педучилищеын литкружоке ветлылӥ. Дышетӥсьмы Данилов вал. Грамматикаез но знакъёсты интыяз пуктылыны дышымтэеным, кылбуръёсме печатланы кепырасько вал. Семён Александрович собыдӟа интые вуиз бере, сое возьытэ уськыто шуыса малпалляй. Бубякинлы тау, со мылкыдме бурдъяз, печатлано таосты шуылӥз. Огвакытэ пыдме чигтыса кема дорын пуконо луи, вот соку ӧръяськиз гожъяськон шуре. Веранме нош азинто ай. Белоруссиысь Тылое бертӥм ини. Карашурысь декретэ кошкем дышетӥсь интые монэ келязы. Собере озьы ик Галя интые кыли. Весь-а сыӵеосты вошъяса улод шуыса, Харькове юристэ дышетскыны кошки. Куинь адями интые витьсэ келяллям. Экзаменъёсме сётыкум но ӧй тоды, очное пырисько вылэм шуыса. Семья вань ук, кызьы сое вордод, берен гуртэ бертӥ но милицие ужаны пыри. Соку ик офицер звание сётӥзы. Гуртлы быдэ вуиськод, сиён-юон ӝӧк выл тыр, котькытын черыкен вина. Олокыӵе учыръёсын но пумиськылоно отын. Шӧдӥсько, сюлэмыя уже ӧвӧл. Галя но шуэ, потто мон тонэ отысь. Адӟи, милициын но зэмлыкез уд шедьты вылэм. Эдэйгуртэ ик комсомол уже берытски. Ачим фотоосын бордгазетъёс поттылыны кутски. Мылкыд умой. Егитъёсын кыл тупа, уже умой мынэ. Но колхоз квартира уг сёты. Со ик луиз городэ кошкеме. Заочно дышетскыны пыри сельхозинститутэ, куинь ар дышетски но малпай, мар мон сое быдтыса улом? Мон сотэк но кивалтӥсьлэсь ужзэ быдэсъясько. Инженер но, технолог но луыны быгатӥсько. - Табере уд жаляське-а? - Уг. Тэтчай, утчай, олокытӥ но ветлӥ. Аслэсьтым ӧрме шедьтӥ кадь потӥсько. Квартира басьтэм берам дӥсьтӥсьгес луи, кылбуръёсме печатланы кутски. Малпай, талантэд ӧвӧл ке, коть дас институтэз быдты, кивалтӥсь уд луы. Ваньзэ сямен книгаосме ас коньдонэным поттӥ. Мон малпасько, котькыӵе писатель тон мед луод, улонын пиосмурт ик мед кылёд. Кудӥз гадяз мыжгаса "мон гожъяськись" шуыса ветлэ, мыным со туж уг кельшы. Калык тонэ писатель мед шуоз. - Лирика-а, нылпи кылбуръёс-а капчиен сётӥсько? - Нылпи кылбуръёс но мадиськонъёс, дыр. Кылбур ведь сюлэм пыртӥ ке поттэмын ӧвӧл, со кылбур уз лу ни. Со ласянь Алла Кузнецовалы синмаськисько. Кылбур гожъян ваньмызлы уг сётӥськы. Пичиосын пумиськылыса эшшо но мылкыд ӝутӥське. Трос ӧтчало нылпи садъёсы но школаосы. Мынам сюлмы вӧсь луэ, куасэн но салазкиен ворттылӥсь нылпиосты али дыре туж шер адӟод. Ваньмыз экранэ мертчемын. Мон тыршисько нылъёсылэсь нылпиоссэс чеберез но ужез валаса будэтыны, инкуазьлэсь чеберзэ адӟыны. Нош нылпи кылбур ласянь ке, нылпиос ведь политикае уг пыро, нылпи кылбур ноку но уг воштӥськы. Соин ик со чуръёс уз вужме. Будӥсьёсыз будыса кошко, покчиосыз нош со кылбуръёс бордын ик будо. Тани басьтом Агния Бартоез. Сое нокызьы но ум быгатэ ни вунэтыны. Школаын дыштскыкум ай соку гинэ басня гожъяны кутскись Анатолий Уваровен тодматӥзы. Ассэ ке но ӧм адӟе, со весяклы йыре кылиз. Мӧйы муртэ нылпиосын ӵошатыса верано ке, соослэсь ведь быдэс витьтон арлы ми бере кылемын. Сыӵе соос визьмоесь будо. Ми дыръя радио но, телевизор но ӧй вал, номыре адӟытэк-кылытэк будӥмы. Ӟуч кылэз ум тодӥське вал. Асьме калыкез со ик бере кельтэ , дыр. - Тӥляд Галина Николаевнаен ӵош туж трос кырӟанъёсты кылдэмын. Кызьы солэн кутсконэз вал? - Одӥг пол Семён Александрович кузпалыныз ӵош дорамы куное лыктӥзы. Пукон сяменымы кӧтӝожзэ вераны кутскиз, вань гуртъёслэн, пе, асьсэлэн кырӟанъёссы вань, нош асьмелэн сомында гожъяськисьёсмы, гуртмы сярысь одӥг кылбур но, кырӟан но гожтэмын ӧвӧл. Гожты ай, шуэ, сыӵе кылбур, нокинлы но со тупамон медаз луы. Мон со нунал ик кылбур пӧрай. Галя мандалинкаен шудэ бере, лушкемак гинэ ас понназ крезьгур гожтэм (кион уллёе сюрид ке, вуз соос сямен ик со шуэ). Табере со кырӟанэз гурт калык яратэ, аслаз карыса кырӟа. Ваньзэ чотаса, ӵош гожтэм кырӟанъёсмы кызь пала луоз ини .Нимысьтыз "Пӧсьтурын" сборникмес поттӥмы. - Кылбуръёстыя крезьгуръёс пӧрмо, дыр, ог-огдэс яратэмен но. Тани Галина Николаевналэн синъёсаз ик гожтэмын со шудо анай но шудо кышномурт шуыса. - Озьы. Со милям сюдӥсьмы, вордӥсьмы, миськисьмы но яратӥсьмы. Семьялэн шудэз кышномурт бордысь потэ ук. Асьтэос шӧдӥды, крезьгур но самой со вылысь ик вордӥське. - Табере, Галина Николаевна, Тӥледлы кыл сётоме. - Ми туж тупаса улӥськомы. Нылпиосын но ог-огмылэсь номыре ум ватӥське. Кин ке шуге-леке шеде ке, ваньзэ ӵошен лэсьтӥськомы. Кузпалын мыным удалтӥз. Но улонын ведь зор-кот но луэ, лымы но усе, котькыӵе дырыз вань солэн. Соин ик сое ӵош вормыны кулэ. Егит дыр малпанэ быдэсмиз. Кузпалы етӥз но визьмо, калык пыд улэ медаз лэзькы шуылӥ вал. Инмар сыӵезэ ик кузьмаз. Котьма ласянь со дунъет сётыны быгатӥсь адями. Соин но, дыр, Андрее милемды бурдъяны быгатэ. Со мынам праздниклы быдэ сяськаос кузьма. Нош кутсконэз тазьы вал: одӥг пол Москваысь кӧс, возь вылысь куасьтэм сяськаосты ваем. Соку сыӵе мода вал. Мар сокемысь- сокемысь сыӵе сяськаосты ваёд ини шуыса чабкиськисько. Ярам ай, ачид вуид коть шуисько. Табере улэмъям шӧдыны кутски, кузьымлэсь дунзэ уг валаськы вылэм дунъяны. - Андрей Александрович, азьпалан кыӵе малпанъёсты? - Иринаен (со К.Герд нимо гимназиын дышетэ) Светлана (ГУП-ын бухгалтер луыса ужа) нылъёсы но верос гожъяло. Кыкназы но туэ УдГУ-лэсь экономической факультетсэ йылпумъяло. Соосын ӵош, гожъямъёсмес огазеяса, книга поттэм потэ вылэм. Адямиослэн сямен умой-умой кылбуръёсын книгаме поттысал на. - Тӥ ӟеч атай но ӟеч кузпал. Яратӥськоды нылпиостэс. Со яратон тылгизьыды ноку медаз кысы. - Уз но кысы, мон сое кылбуръёсы вылын эшшо но зол шарае поттӥсько. Агаелэсь но вынылэсь гожъяськон сюрессэс лёгисько. Мыным Инмар сыӵе адӟон сётэм бере, озьыен, мон сое вормыны но нуыны кулэ. Вераськизы Любовь Тихонова но Светлана Любимова. 1 Сыӵе со вылэм яратон Кылъёсыз но крезьгурез П. Корепановлэн Трос пол адӟылӥ мон тонэ, Уг лу ни умме усеме. Сюлмам пукиськод, мусое, Ой, валатскы вал, Олие. Малы урамтӥ ортчыкуд, Шудон пӧлысен кырӟакуд, Гадям весь тырме шулдыр гур, Адӟе кадь сое быдэс гурт. Толон нош турнан пӧлысен, Шаплы шонакуд кусоен, Шорам учкылӥд лушкемен, Берло пальпотӥд шундыен. Кузьмад тон мыным выль оскон, Адске азьланьын шумпотон. Тонэ сюлэмам возисько, Сыӵе со вылэм яратон. Уӵы кадь ке быгатысал Кылъёсыз В. Алексеевлэн Крезьгурез П. Корепановлэн Вазь бадь пучыос усьтӥськыку, Вазь ӵуж сяськаос лулъяськыку, Кырӟанъёсме кылӥд-а но, Уӵы чирдэ, шуид-а? Бер шунды сик сьӧры пуксьыку, Бер ӝытозь вож садэтӥ юмшаку, Сюлмылэсь жугиськемзэ кылӥд-а но, Мар верамзэ валад-а? Та уӵы кадь ке быгатысал, Вань даурме тон сярысь кырӟасал, Со гуръёсам тусбуйдэ пуктысал но, Лякыт сямдэ весь верасал. Вазь бадь пучыос усьтӥськыку, Вазь ӵуж сяськаос лулъяськыку, Кырӟанъёсме кылӥд-а но, Уӵы чирдэ, шуид-а? Кышномурт лулпуш - туспуктэмъёсын Капчи-а меда валаны художникез огшоры адямилы? Кинлы кызьы, дыр. Куд-оегз искусстволы сӥзем сэрегмес котьку ик уг но синйылты, луоз. Таиз ини, конкшно, - юнме. . . Но мар та? Малы таиз учыре художниклэсь ужъёссэ пал синмын гинэ адӟыса, сюлэмды вырӟиз? Бен, сӥ синйылтӥды Александр Розановлэсь эротической туспуктэмъёссэ. Капч ик ӧвӧл кышномурт лулпушез изобразительной амалъёсын возьматыны: мастерлэн кияз ӟеч фотоаппарат ке но, та удысын трос аръёс ужамын ни ке но. Мастерлэн моделен ужан кусыпъёссы - со ог-огдэ валан, ог-огдэ шӧдон. Котькудӥз модель творчествоен вырись адями понна муза интыын луэ. Тани мастерлэсь лулпушсэ вырӟытэ солэн чыртызэ выретон, пельпумзэ берыктон сямыз. . . Сыӵе учырез ас дыраз синйылтон но "кутон" фотоаппаратэн адями понна туж бадӟым шумпотон луэ. Шумпотэ ачиз модель но, солэн эшъёсыз но. Александр Розановлэн ужъёсыз туж паймымонэсь : тани татын ик горд басма, бадӟым горд улмо, отын ик - шӧдтэк шорысь - зарезьлэн экзотической арбериез - бадӟым-бадӟым куалем. . . Солэн ужъёсаз поэтика аспӧртэмлыко инты басьтэ - ойдолэ шумпотоме художниклэн эстетикаез шӧдыны быгатэмез понна. Огшоры адямиез сямен ик, художникез но котыртэ чеберез валан, чеберез шӧдон. Ваньзэ сое со "Инмар косэмъя" ас ужъёсаз возьматэ. Александр Розанов азьпала адӟе дырлэсь быземзэ. Александр Глушко, фотохудожник Лидия Черновалы удалтӥз дышетӥсьёсын. Зура черкогуртысь семилетней школаын дышетскыкуз, англи кыллы дышетӥз ас вакытаз тодмо гожъясьлэн Илларион Шкляевлэн пиез Александр Илларионович (50 арессэ пусйыкуз солы Ленин орден сётӥзы). Нош история предметэз нуиз Маргарита Суворова кырӟасьмылэн анаез Марина Васильевна Харина. Золэсь дышетӥсьёссы вал математиткая но, литературая но. Соинтэк-а, сайкыт йырсазё нылкышнолы капчиен сётӥськиз лыдъян-чотан но, книгаосын ужан но. Берлогес со дышетскиз бухгалтеръёсты дасясь курсъёсын, нош книгаос борды эшшо золгес басьтӥськемезъя ветлоно луиз на библиотекарьёслэн курсъёсазы. Лидия Дмитриевна трос кужымзэ сётӥз калык пӧлы книгаез, газетэз-журналэз вӧлмытонлы, дас вить ар пала кивалтӥз Можга ёросысь Пазял гуртысь библиотекаен. Гуртысь библиотекарь, калыкез югдытӥсь, кылбурчи. Нылпиослы куать кылбур книга гожтӥз. Берлоез, бадӟымъёслы лирика - "Улон - йыромон" книгаез - потӥз 2000-тӥ арын. Туэ толшоре Лидия Чернова доры шумпотон вуиз на: кутӥзы Удмуртиысь писательёслэн огазеяськоназы. Лида Стрелкова (нылдыр фамилиез) юнме шорысь ӧз яраты Крыловлэсь басняоссэ. Ваньмыз со улоназ яраз, юрттӥз сатираен но юморен пыӵам, серемес но лэчыт шиё кылбуръёс кылдытъяны. Соосты дэмласьком та номерез лыдӟисьёсмылы но. Лидия Чернова Майбыр (пышкылонъёс) Кырӟан бере нёръян Кыӵе тон вал, кылид сыӵе ик, Юрӟым тордос, ӵыкмем парсьпи. Кин косыса берытскид нош ик? - Тонэн номыртэм сэректӥ! Тустэ-буйдэ адӟем уг поты, Ини потӥд калык чотысь! Капчи зымид ӟенелике тон, Потод на-а шуак отысь? Кушем нимыд но тынад вань ни - Кыӵе астэ возем мактал. Мискинь, кинлы-о пӧрмытскид ни? - Нырысь - маймыл, берат - шакал! Кыӵе тон вал, кылид сыӵе ик: Юрӟым тордос, ӵыкмем парсьпи. Осто! Оло тон визьмаськод ик? Кыӵе йӧно вал казакпи! * * * Такмакъёс жильдын кутски вал - НЛО-ен тодматски. Марсэ тубаны малпай но - Ӟеч малпанэ сураськиз. НЛО-лэн синмыз ньыль шат? - Кырмиськиз бордам - уг лэзь. Дэймымон ук, Ой, шушань ук! Курдасько мугорызлэсь. Таба пасьта синъёсыз но Кувалда секта суйыз. Ӟыгыртоз тани-тани со - Будозы сьӧлыкъёсыз. . . Осто, осто, Не так просто Пегӟыны НЛО-лэсь. . . Ой, ярам коть. . . Гулливер, дыр, Вордысал таӵе муртлэсь! * * * Кудлань мыном, ӝуткаськом на? Коркан пукон акыльтӥз ни, Йырам кылдӥз малпанэ: Отӥ-татӥ пуасал ке Палдысал пересьмонэ. Чиль-дол чилясь "Волгаеныд" Ворттылыны шӧтай вал. Вераськод-а "выль ӟучен"-ыд? - Нырулдэ, пе, ӵуш кужен! Муское тани ӝутски вал, Сюрес дун - быдэс пенси! Осто, козма, Мар дунъёс та?! - Отӥяз коть пенез си! Севере, пӧй, дасясько ай, Малпанме ути далай. Нарта нергее но вань ай, - Пуныостэк нош кызьы? Кляча вал басьтын шӧтай но - Нош ик уси мыскылэ! Э, тяфыре, тяфыре: Пась вылэм ук кисые! Ош-порозэз кыткысал но - Юртъерам - одӥг курег! Корказь выжые пукси но Бергатӥсько йырвизьме. . . Кудлань мыном, ӝуткаськом на? - Оло. . . сопал дуннее?! * * * Капчи рифма Капчи рифма шедьтӥ - Чур бӧрсьы чур гожтӥ. Только кылпумъёсам Огкадь: сал, сал, сал. . . Зэм, поэт луысал, "Сал" ӧй ке луысал. * * * Кагаз сьӧдмай Пуки, уйбыт ӵабъяськыса, Уно гинэ кагаз сьӧдмай. Ӝуштӥ, выри. . . Сяласькыса Вань пӧрамме кесяй, погмай. Кин ке шуиз: пенӟаськыса Эн, пе, улы токма - Тӥрен ужа. Эх-ма! * * * Азьвыл но берло Аръёсын улӥз Данъян пул вылын. "Коммунизм" быриз - Пивбаре пыриз. . . Зын бекче бордысь, Кожалод, паке. "Данъяно" муртсы Юрдымон маке. * * * Туннэ нульлэн Бадӟым данэз: Кужмо уте со Миллионэз! * * * Ворттылэ "Мерседесэн" Нонтос пи. Палэнскы ӝог, пересе! Нонтослы тон кибыли. * * * "Культурной" персонаос Фойеын бадӟым ялон: "Изъян со - тамак кыскон!" Сьӧр артистъёс нош толон Ӵындӥзы тӥр ошымон. "Культурной" персонаос По-культурному ӵындо! * * * "Майбыр" Улонмы укыр "Майбыр". Уд но кизьы, Уд но гыр. Тракторед гогы йылаз - Тэкит-вӧй уг лык йӧназ. * * * Придирачко Анай кылме забытьтӥ ни, Ӟуч сямен ни мадичко. Половиназэ - по-русски, Половиназэ - ӟудко. Малы нош придирачко? - Выль ӟучлы пӧрмытскисько. Серекто - гуртам бертӥ но: "Ой, однако, однако, Ӟуч луэмед ук, Санко!.." * * * 1 Милям Вуж Монья марӟанмы . . .Чебер киуж быгатонлыксэ ыштэм калык выжызэ корам писпулы укша. . . С.Виноградов. 1993-тӥ ар. Юрт пушкын шыпыт. Пичигес гинэ комнаталэн шораз бадӟым паськыт ӝӧк пуктэмын. Со вылын кык сюсьтылъёс ӝуало. Отӥынгес пиштыса-пиштыса, пӧртэм пумо чилясь шудонъёсын тырмем кыз сылэ. Озьыен, выль ар матэктэ. Котырак шыпыт. Эсьмаса, татын пукись серекъяны-голяны яратӥсь пиналъёс но пал-куаразэс но уг поттыло. Ваньзы мае ке витё. Ог-огзы шоры учкылыса пальпото, синъёссы эшшо но юнгес чиляны ӧдъяло. Тани, кӧня ке дыр ортчыса, татчы - Вуж Монья ӧнеръя юртэ, одно ик Тол Бабай но Лымы ныл лыктыны кулэ. Соин дас-дас вить пала люкаськем нылъёс-пиос ваньзэ ӧсэ йыгаськем куараез витё. . . Зэмзэ но, бӧрысь одно ик та пиналъёс доры возьмам кунооссы вуо. Тол Бабай - Нина Семёновна, нош Лымы ныл - Николай Михайлович Тарасовъёс - таӵе яркытэсь малпанъёссы кылемын ваньмызлэн, кинъёс дышетӥсьёссылэн кружоказы ветлӥзы. Али- али гинэ Николай Тарасовлэн мытэм ужез пиналъёслы туж сюлэмзыя луэм, шӧдске. - Со Выль ар ӝыт дырысен кӧня аръёс ортчизы ини, нош милям али но син азямы сыӵеесь ик чебересь суредъёс пуксё на. Ноку ум вунэтэ соосты, - асьсэлэсь мылкыдъёссэс верало Николай Михайловичлэн нырысь дышетскисьёсыз Лена Никитина (УдГУ-ысь журналистикая факультетын дышетскись студентка) но Таня Пантелеева (Ленаен ӵош дышетске. Кин тодэ, оло та дышетӥсезлэн визь-кенешъёсызлы луыса, Таня "Учительская газета"-ын ортчем ӵошатсконын нырысетӥ инты басьтӥз, Лондонэ вуылӥз. Зэм, аспӧртэмлыко пӧрмо вылэм та нылашлэн суредъёсыз!) - Ми соку мылысь-кыдысь серекъямы, шулдыръяськимы, кырӟамы-верамы. Таӵе тунсыко Выль арез пумитаммы ӧй вал на. Дышетӥсьёсмы, Тарасов кузпалъёс, милемыз паймытӥзы: сыӵе тумошо но чебер дӥсяськиллям! Кружокъёсмы мыныку, соос сыӵе рос- просэсь, нош милемын ӵош нылпиос сямен шудӥзы-выризы. Соин но, дыр, ог-огмылы матэгес луимы, шуг-секытъёсмы-а, вормонъёсмы-а - котьку ӵошен вераськылӥм- кенешылӥм. Туж бадӟым тау кариськомы соослы! Вуж Монья ӧнеръёсъя юрт кылдӥз 1993 арын. "Вордӥсез" - Тарасов Николай Михайлович. Ӝужыт но веськыт мугоро, куренялэс-бабля йырсиё воргорон. Паймымон адями со. Паймымон аслаз ужъёсыныз, улон шоры учконэныз, уен-нуналэн буйгасьтэм сюлэм висёнъёсыныз. Со ик лякыт кузпал, ужез радъяны быгатӥсь кивалтӥсь, визьмо эш но юрттӥсь, монья калыклэн данъяськонэз, шумпотонэз. Инмар солы пумтэм быгатонлык, сайкыт малпанъёс но мур-мур визь сётэм. Оло, инкуазь-а дырыз дыръя валаз, сётӥз?! Бен, вал ук сыӵе дыръёс, куке вашкалаез вунэтэмын, уно аръёсын согемын, угось, бырем культураен лыдъяллязы ни. Нош ортчемезтэк ӵуказеез вань шат?! Ӧвӧл. Ма, тӥни ук, кӧня зарни пырыез вашкала шыкысын. Кыӵе визьмо со, калык педагогика. Кыӵе паймымон вашкала ужъёсын вырон! Нош кӧняез пересьёс сьӧры сопал дуннее кошкемын, дыр. - Сюлэм висе, туала пиналъёс шоры учкыса, - уж дораз вераськиськом. Николай Михайловичен. - Соос уг валало, кытчы ваньмон дырзэс быдтыны. Нош но нош тодам лыктэ песянаелэн верам кылъёсыз: "Ми ноку пиналъёсмес ӧм эркиялэ. Анай вӧзын нылъёс куизы, пужъятскизы, черсӥзы, нош пиос атайёсынызы ӵошен кут кутазы, тӥрлыкъёс лэсьтылӥзы, ку посӥзы. . . Тӥни озьы ужлы дышылӥзы, уж ик умой сямъёс но пыӵатыны юрттӥз". Ваньмыз сярысь малпаськод но, кӧт ик шурдэ. Кыӵе луозы туала пиналъёс, кудъёсыз экран дурысь уг кошкыло, капчиез вылын улыны дышемын. Туала анай-атайёс, мон малпамъя, та пумысен туж ичи сюлмасько. Ваньмыз дышем сямъя кошке, нош мар луоз азьланяз?! Удмурт калыкмылэн культураез, солэн азьлань улонэз сярысь малпанъёс огдырлы ке но Николай Михайловичлэн йырысьтыз кошкыло меда? Уг дыр. Учкисько со шоры но паймисько: кытысь сыӵе быгатонлык, сабырлык. Макем ортчемзэ тодӥськод, сокем визьмогес луиськод, дыр. Оло, со шапыкен-шапыкен пыӵаз анаезлэсь, Тарасова Елена Фёдоровналэсь (ӝоген 90 арес тырмоз ни), кудӥз вӧзын пичиысен будӥз. Николай Михайловичлэн котькуд пиналлэн сямен пичи дыръяз льӧль малпанъёсыз вал: лётчик, инженер, механик луон. Ма, кызьы-о, пе, сотэк: атаез инженер ук! - Кыштыр-кыштыр бадӟым будэмея, льӧль малпанъёсы пумен сылмизы, 10-тӥ классын одӥг гинэ на вал: Удмурт кун университетысь художественно-графической факультетэ пырон, суредась луон, - шуэ Тарасов. Тыршиз. Быгатӥз. Пыриз. Тунэ со - ӟеч но адӟем карымон художник ини. Али кадь ик син азям пуксё гуртлы сӥзем суредъёсыз, сокем соос шунытэсь, бордазы кыскисесь вал уго. Улонзэ но тӥни герӟаз гуртэн, отысь калыкен. Солэн сюлмаськеменыз ик Моньяын усьтӥськиз кибашлыослэн юртсы. Кин, пе, малпалоз вал ай, азьвыл крезьгуръя школа (куштӥськон калэ вуэм маке) - такем йӧно, чебер юртлы пӧрмоз шуыса. Зэм, валамон ини, татчы вуизы зарни киос. - Та борды басьтӥськыкум, туж трос ужез, бызьылонэз вал. Ноку йылаз-пумаз уз вуы кадь потылӥз, - тодаз вае Николай Михайлович, - быдэссэ ремонт лэсьтоно. Ярам, дорысьтым ма но со вайыса, школаысь но ёросысьтымы культура удысын ужась отдел юрттэмен, ужмы каллен вырӟиз кадь. Бӧрысь пушсэ лэсьтӥм, газ кыским. Тау карисько со адямиослы, кудъёсыз милемлы юрттӥзы, валазы. - Кинъёсын нырысь ик ужаны кутскиды? - Вераськылӥ гурт калыкен, отысь кибашлыосын. Тани милям вань паймымон куиськисьмы - Фомина Юлия Трофимовна. Шедьтӥ пуэн, кызьпу туен вырыны мылкыд карисьёсты. Ужан котыр дасяса (тӥрлыкъёс, шуом, пӧртэм пумо вандылӥськонъёс ачим малпаса лэсьтылӥ), материал люкаса кутскимы уж борды. Нырысь - сарваос, пулэсь арбериос дасямы. Худграфын суредаськонъягес выри бере, визь-кенеш басьтӥмы гуртысьтымы пересьёслэсь. Туж бадӟым юрттэт сётылӥзы В. Е. Емельянов, М. Г. Иванова, та ужен ик вырись эшъёсы но мукетъёсыз. Со сяна, трос лыдӟиськоно луиз. Угось, котькуд лэсьтоно арбери тодэмез кулэ каре. Огшоры чебер пуньыос, мунёос учкисез бордазы уз кыске. Одно ик аспӧртэмлыкоез мед луоз. Шуом, кобыос, тусьтыос ӵӧж мугорлы кельшылӥзы. Яке койык, вал йырлы. Тӥни озьы, визь вӧзы сюлэм шуныттэ понӥськод ке, котькуд уж улӟе, бордаз кыске. - Ужады туннэ нуналэ кыӵе шугъяськонъёсты кылдо? - Котькинлэн сямен ик - коньдон. Милям ужмы вылын уксё уд потты. Со сыӵе удыс, кудаз сомында кужымдэ, быгатонлыктэ, визьдэ понӥськод, дырдэ сётӥськод, нош пунэмен ичи басьтӥськод. Но солэн кулэлыкез туннэ туж бадӟым. Та ужез кемалась улӟытыны кулэ вал, дыр, ини. Вашкалаысь умойзэ кельтыса, удмурт калыклэсь выльысь чебересь сямъёссэ берыктоно. Со пыр ик будӥсь пиналъёслы ӟечсэ пыӵатоно. - Секыт-а огдыре ик кивалтӥсь но киужен вырись луыны? - Секыт, туж секыт. Бадӟым мылкыды вань мукет удысъёсъя но ужаны. Но, кивалтон ужпумъёс люкето. Эшшо, мон малпамъя, кытӥ-отӥ люкетэ на бюрократизм шуон: соизлы та кулэ, мукетызлы - со. Туннэ нуналэ та ӧнеръёсъя юртмы тодмо кунгож сьӧрын но. Эктӥсь куро мунёослы паймисьтэмез ик ӧвӧл. Нош кызьы шуо вашкалаос, кинлэн киосыз зэмзэ но зарниесь - соос резь! гинэ тапырто, нош мылкыдтэк ужасьлэн мунёез соку ик усе. Вуж Монья кибашлыосмылэн "пӧрамъёссы" кошкемын ини Канадае, США-е, Швецие, Норвегие, Финляндие, Венгрие, Турцие, Китае, Японие но трос-трос мукет интыосы. Кылсярысь, Юлия Фоминалэн куэм ковёрез Венгри президентлэн дораз ошемын. Со сяна, Вуж Монья ӧнеръёсъя юртмы вань элькунысь 22 сыӵе юртъёс пӧлын нырысетӥ инты басьтэ. Ми сямен ик рос-прос ужало пичиесь филиалъёсмы: Пичи Пургалан, Улын Юриын, Кечёвоын. - Алигес Екатеринбурге фестивале ветлӥмы, - шуэ Огнёва Оксана, - Милям выставкамы котырын дышетскись мында нокытын сокем уно калыкез ӧй вал. Удмурт элькунмылэсь данзэ 3 кузя утимы. Дипломъёсын, кузьымъёсын бертӥмы. Нош соку кыӵе люкаськемъёс ваньмыз юаллясько!!! Вераны куро, кызьы лэсьтэмын я соиз, я таиз арбери. Котькудзылы лэсьтэм ужмы тунсыко потэ, лэся. Зэм, кыӵе гинэ ёрос но элькун ӝытъёс, пумиськонъёс уг ортчо, котькудаз Вуж Монья кибашлыос пыриськыны тыршо. Николай Михайловичлэсь "личной досье"-зэ (бумагаосын люкамъёссэ) эскереме-лыдӟеме бере, тодӥсько вал ке но та адями туж йӧспӧртэм шуыса, воксё пайми. Ог 20 пала грамотаос, тау карон гожтэтъёс, дипломъёс! Со сяна, кӧня газетъёс, журналъёс! Ваньмаз гожъямын та усточиосмы сярысь: ушъяло, ӟеч кылъёссэс верало, паймемзэс гожто. Эсьмаса, Германиысь гинэ но гожтэтъёс, Мордовиысь газетъёс вуиллям! Макем котькуд учкисьлэсь сюлэмъёссэс вырӟытыны быгатӥллям лэсьтэм арбериоссы! Николай Михайловичлэн йӧно но визьмо луэмезлы школаысь дышетӥсьёсыз сокем ик уг паймо ини. Угось котьку со ассэ умоен гинэ возьматылӥз: эктӥз-кырӟаз, вераз. Ӵукна 8 часын дышетскыны кошкем пияш, 10 часын ӝыт гинэ вуэ ай дораз. Ма, кызьы- о мытэм ужез йылпумъятэк кельтод? Ӵуказелы одно ик газет поттоно, пӧртэм буёлъёсын суредано-чебермано сое. Кызьы шуэ Николай Михайловичлэн одӥгез дышетӥсез: "Коля - улон шоры рос-прос учкись адями: парта сьӧрын пукыкуз но, али но. Ваньзэ сюлэм пыртӥз поттыса ужа". - Азьланяз быдэстоно ужъёсты, - азьланьтӥськомы вераськонмес. - Туж потэ выль юртэ выжеммы. Мед луысал со вӧл-вӧл, паськыт но югыт. Вань пиналъёс, кудъёсыз ми доры ветлыны тыршо, гань-гань ужаны мед быгатозы. Нимысьтыз, оло, бӧрысь классъёс но усьтысалмы. Со сяна, пуэн вандылӥськон, куиськон, вуриськон, пужъятскон, куроен лэсьтӥськон удысъёс вӧзы будэтэммы потэ на горд сюен выронэз но лыэн вандылӥськонэз. Уг тодӥськы, пӧрмоз-а, уз-а та малпам ужъёсмы. . . Сомында шуг-секытъёс пыр потыса но улэ, пушъе Вуж Монья ӧнеръёсъя юрт. Туж оскем потэ вылэм, зэмзэ но, малпанъёсты одно ик быдэсмозы шуыса. Та пумысен юрттозы, оло, асьтэлэн ик дышетскисьёсты, кудъёсыз туннэ нуналэ ужало ини вӧзады: Зоя Прохорова, Света Филимонова, Света Демьянова но мукетъёсыз. Ивортытэк кельтоно ӧвӧл та учырез но: Николай Михайловичлы алигес сётэмын удысъя дано ужась ним. * * * . . .Школаын дышетскыкум ай, мон но ветлӥ кибашлыослэн юртазы. Нырысь керттӥськисьёс доры, собере пуэн вандылӥськисьёс пӧлы. Нош бырйи куроен ужез. Али но нырысь лэсьтэм мунёе сылэ вылӥ ӝажыям. Малы ке тросэз пиналъёс кыстӥсько татчы. Ма, кинлы, пе, уз яра шулдыр кырӟаса-вераса чебересь панноос лэсьяны.., оглом чеберлыклэн дуннеяз улыны. Оло, Нина Семёновнамылэн (кружокен кивлтӥсь) капчи мылкыдыз, котькуд пиналэн нимысьтыз ужамез сокем бордаз кыскылӥз?! Одӥгезъя гинэ кӧты пӧсь кылиз: бероми Николай Михайловичлэн суредаськонъя кружоказ ветлыны. Озьы ке но, улонлэсь паймытӥсь но синэз кыскись чеберлыксэ валаны мон дыши та Вуж Монья ӧнеръёсъя юртын. Огшоры малпанъёсы пыӵазы яркытэсь буёлъёс, ӵемысь инкуазез, адямиосты, соослэсь кусыпъёссэс эскерыны кутскиськод. Улон шоры учкон но чылкак воштӥське кадь асьмелы. Секыт ке но сётӥське туннэ нуналэ, вунэтоно ӧвӧл умоез но ӟечез сярысь. Со сяна, эмчиос но психологъёс дэмлало: урод мылкыдды луыку, одно ик выставкае-адӟытонэ ветлэ. Уд но шӧдэ, кызьы йырысьтыды вань секытэз тӧлъя-буръя кошкоз. Нош Николай Михайловичлы мынам сӥземе потэ ваньзэ ӟечсэ гинэ. Юн-юн тазалык но бадӟымесь азинсконъёс! Ми данъяськиськом Тӥледын! Ольга Никитина, Удмурт кун университетысь журналистикая факультетын дышетскись, ИИИ курс. (Вуж Монья гуртын вордскем нылаш). Никвлад Самсонов Ӵуказе нуналлы ӟеч мылкыдо осконэн улэ адями. Сыӵе солэн сямыз. Котькуд ласянь учкы та шоры - одно ик озьы луэ. Тани вашкалаос бордысен ик кутском. Шуом, воргоронлэн ыжпиез я кунянэз вордскиз. Корка пыртэмзы бере ик пыд йылаз солань-талань шонаськыса сылӥсь мискинь котыртӥ ӵындӥсь ӟустариен котырско, собере со ӟустариез ик куанерлэн ныр улаз донго - мед, пе, кизьноз. Тазьы, пе, выль вордскем пудо одно ик сӥзьылзэ кие шеде: сое кион но уг кеся, ышыны-бырыны но уг кемды. Яке пумитады тыр ведраосын кенак шедиз ке, одно ик удалтоз. Озьы верало. Мон уг оскиськы, сюрес ваментӥды сьӧд коӵыш ке потӥз, тӥляд ӵуказе нуналды пурысь пилемъёсын ӵоктаськемын луоз шуыса. Но котьма ке но. . . Азьвыл вашкалаос кузь сюрес вылэ потыкузы тӧршорысь ӟус вылэ пуксёзы вылэм, ӝӧк пумысь шорылымтэ нянь сукыри борды киынызы йӧтскылозы, пе, вал: берен бертыны мед быгатом, та нянез но куртчыны, пе, мед кылдоз. Нош семьяязы кунян ке вордске, ӵӧжызэ сиемзы бере, скаллэсь нырысь кыскем йӧлзэ нылъёсмуртлы, пе, удо вал: азьланяз но местрак, пе, мед ваёз скалмы. . . Яке. . . Ваньзэ вераса быдтод шат самой со осконъёсыз. Табере куддыр асьмеос, асьмеды ик вылэгес ӝутыса, мынь потӥськом азьвыл озьы дауртэмзы пумысен. Нош асьмеос пӧртэмесь шат? Неужто сокем визьмоесь, номырлы оскисьтэмесь луиськеммы ини? Мар ватонэз, вань на ай асьмелэн но сыӵе сьӧлыкъёсмы. . . Куать ар талэсь азьло вал со. Кемалась адӟылымтэ тодмоме пумитай. Чырткемъяським. Со но та сярысь вераськиськом. Соку ик горд тушсэ синйылтӥ. Горд ӧвӧл, сьӧдмыт куренялэс. Нош мыйыкез - ӵыж-ӵыж. Мӧйы тусо луэм ог куамын аресъем пиосмуртэд. Шораз учкыса, нокызьы но юатэк уг чидаськы: - Марым, та будосъёстэ далай гинэ возиськод-а ни? - Куинетӥ толэзьзэ. . . - Акылес уг-а поты? Монэ кузпалы ог нунал мычиськытэк кылисько ке, кытысь- марысь, матаз но уг лэзьы. . . - Э-э, мынам но озьы вал, - пинь висьыкуз кадь кисырес кариське. - Табере ачиз мычытэк возьыны косэ. . . - Паймод. . . - Паймод угось. Тани кызьы луиз со. Нырысез пиналмы вордскем бере, кузпалы инмозь ик тэтчаны дась вал. Ныл, пе, котьку но мумизлэн ки улаз, аслэсьтыз сузэр-вынъёссэ но утялтыны быгатоз. Мар карод - шонер вера кадь, соглаш кариськисько. Кык ар ортчыса, нош ик секытэн луиз пӧрасе. Таиз одно ик пи луоз шуыса шумпотӥсько. Вазьгес озьы сюлэмме бугыръяськем - ныл вордскиз. "Э-э, - малпасько, - куинетӥез одно ик пи луоз!" Собере асме буйгатыса, калыклэсь верамзэ тодам ваисько: одӥг пинал - пинал ӧвӧл на ай. Кык кузя - ӝыны луэ. Нош куинь пинал - зэмос нылпи, пе, ини. Соин ик кузпалэлы шуисько: - Давай куинетӥзэ. Валля арын вордскиз куинетӥез. . . Тодмое шыпак кариськиз. Ачим вазьытэк нокызьы уг чидаськы: - Пи? - Куинетӥез но ныл вордскиз, ява, юлтош. . . Тодмоелэсь кунэрес мылкыдзэ буйгатыны вырисько: - Марым. . . Усто со, юлтош. Куинь нылъёс! Озьыен, куинь эмеспиед луоз! Бамзэ пинь долкаку кадь кузял карыса, киыныз шонтэ: - Нош ик секытэн. . . - Кин? Кузпалыд-а? - Сотэк кин-о луоз. Скал-а мар-а. . . Тани ук соин сэрен тушме уг мычиськы. Кытысь ке кылэм, кышномурт секытэн дыръя пиосмурт тушсэ уг мычылы ке, одно ик пи вордске, пе. . . Тодмое ӵогыр-ӵогыр будосъёссэ киыныз кутылэ. . . Тӥни со пумиськеммы дырысен куать ар пала ортчиз ни. Городысен нош ик ваче луим. Парикмахерскойысен. Паськыт синучкон азьысь креслоын пуке. Мон но йырсиме ӵышкон вылысь артэ интыяськи. Чырткемъяським. Тодмоелэн ымнырыз тропической будосъёс пӧлы кадь ышемын: синъёсыз гинэ чиляло, вераськыкуз пиньёсыз ӟырак пото, собере нырыз но пель йылъёсыз гинэ адӟисько на. Тани егит кышномурт парикмахер пиосмуртлэсь пельпумъёссэ, чырты сьӧрзэ тӧдьы бӧзэн шобыртӥз. Пель дорозяз ик мыкырскыса юа: кызьы, пе, ӵышконо-вакчиятоно, мар кароно. Ӵапак кыӵе ке иностранной турист котыртӥ кадь ӟеч мылкыдын берга. Тодмоелэн тушезлы луыса, вылды. Телевизорын кудмында возьматъяло таӵеосыз. - Ваньзэ! - бӧз улысь киосыныз ӵогыса кадь вазиз тодмое. - Ӧй вала. . . - паймиз парикмахер-кышномурт. - Мае ваньзэ? - Ваньзэ ӵышкыса-мычыса куштоно! - Ой, марлы тӥ озьы! - кушетскиз кышномурт. - Сокем чебер, пуштрес тӥляд бакенбардъёсты, ангес котырды. . . - Кулэ ӧвӧл! - ӝотрак вазиз пиосмурт. - М-м-м. . . Мар шуыны ик паймисько. . . - киоссэ вӧлъя парикмахер. - Мар-о отын паймонэз! Нош ик ныл вордскиз! Ясно! - Собере ватсаз на: - Куатетӥез. . . Озьыен, калык верамъя, тодмоелэн табере кык нылпиез ини. Оломалы нош ик йырам берга солэн аслаз верамез: "Одӥг пинал - нылпи ӧвӧл, кыкетӥез - ӝыны гинэ, куинь пинал - зэмос нылпи". Парикмахерскойысь потыса, тодмоме лулысь-сюлмысь ӟечкыласько. Озьы но, пӧй, быгатыны кулэ сомында ныл вордыны. Тушсэ куштэм бераз пиналмем воргоронэд. - Марым, шуисько. - Пиналмемед, юлтош. . . Табере одно ик пи вордскоз. - Зэм-а, - шуэ. - Оскалтоно шат?..