Л. П. Баранова, Аксакшур нылпи садысь воспитатель. Мон "Вордскем кыл" журналэ калык культураен, сям-йылолъёсыныз но историеныз тунсыкъяськеме сярысь гожъяй ни вал. Та удыс троссэ школаын но нылпи садын ужасьёсты бордаз кыске. Тани "Вордскем кыл" журналын (1997 ар, 5-тӥ номер) сётэмын вал Кияса ёросысь Карамас-Пельга школаысь С. В. Макаровалэн ыж но гон, удмурт гур сярысь мадёнъёсыз, нош 1996 арын ("Вордскем кыл" 3-тӥ номер) печатласькизы Игра ёросысь Зура нылпи садысь Шкляеваослэн Сик, нюлэскузё, вукузё, корка кузё" сярысь конспектъёссы. Мыным соос туж кельшизы. Тау. Сыӵе умой пыкъет сюрем бере, та темаосъя ик мон ас сяменым ортчытӥ ӵукверанъёсты (утренникъёс). Оло нош мынам но гожтэме кинлы ке яралоз, одӥг малпанэз ик трос пумо карыны луэ ук. Ваньмыз та ужрадъёс ортчытӥсько бадӟым группаысь пиналъёсын. "Удмурт гур - сюдӥсь, утись, шунтӥсь" (Дэмласько 8-тӥ Мартлы) Пиналъёс котырак пуксемын, огез пияш быдэс кырӟанэз кырӟа, кылемез - припевзэ гинэ. (Кылъёсыз аслам, гурзэ асьтэос малпалэ). 1. Мемие гурзэ эстэ, Ческыт перепеч но, шаньги но пыже. Мемие гурзэ эстэ, Пиналъёссэ ческыт пӧрамен сюдэ. Припев: Ой, ческыт, ой, ческыт, Мемие, пӧрамед туж ческыт. - 2 пол 2. Дядие пузэ вандэ, Дядие пузэ вандэ но пильылэ. Кӧс пуэн гурзэ эстэ, Пиналъёссэ шуныт коркан со вите. Припев: Ой, шуныт, ой, шуныт, Дядие, коркаед туж шуныт - 2 пол 3. Меми-дяди, тӥ вӧзын Будыны но улыны но туж лякыт. Меми-дяди, тӥ ке вань, Коркамы но туж шулдыр но туж шуныт. Припев: Ой, шулдыр, ой, шулдыр, Меми-дядиен корка шулдыр - 2 пол Нуись. Гажано эшъёс, туннэ пукон коркамы вераськомы гурмы - сюдӥсьмы, шунтӥсьмы сярысь. Выль коркан выж-вӧлдэт но, укно но вань ни, нош потыны уг луы. Малы? Бен уго, гурез ӧвӧл. Озьы, пиналъёс, гур коркалы шуныт сётэ, сиён пӧзьтэ, семьяез котыраз люка... Я бен, кин вералоз гур сярысь визьмо кылъёс? Пиналъёс. 1. Гур вылэ уж уг лыкты. 2. Гур вылын кылльыса эн ушъяськы. 3. Пересь коӵыш гур вылэз яратэ. Нуись. (Верамъязы кыкез пиос молотэн кызьы ужамзэс возьмато). Гур шуккыны ӧтьылӥзы туж кужмо воргоронъёсты. Горд сюй басьто вал тодмо интыысь гинэ. Зӧк пулъёслэсь каб (форма) лэсьто. Отчы сюй тыро но пу молотэн туж зол тышкало. Тук-так, тук-так! шуккиськылӥз гурт кузя. Одӥг нуналскын гурез вутто вал. Пото 2 нылъёс. 1-тӥ ныл. Ыш-ыш-ыш, кынмисько, Кайта шуба вурыто, Кайта шуба вурыто но Воротнико карыто. 2-тӥ ныл. Ыш-ыш-ыш кынмисько, Кайта гурвыл лэсьтыто. Кайта гурвыл лэсьтыто но Полатё мон карыто. Ӵош. Ыш-ыш-ыш, кынмиськом, Гур нюняез ӧтиськом, Гур нюняез ӧтиськом но Гур котырын шунтӥськом. Гур нюня, чаль! Потэ Гур (тӧдьы дӥсяськемын, азяз тылскем суредамын). Фу-фу-фу! Гур. Эстӥськисько, коркаме шуныт карко. Куата пуйы, пень пуйы, Муръё йылын куинь тылы. Пӧрмостэм, кӧттырмостэм, Пияла бекче, кузь малай, Нянь ке пыже, ыль каре, Шыд ке пӧзьтэ - шӧг каре, Вераськод ке, ӧчкаре. Пань-пань, котэм нянь, Ӵукна гинэ дасям нянь. Фу-фу, пӧсяй! Чырткемесь, пичиосы! Кынмиллямды, шӧдске, чале, чале котырам, ваньдэс шунто, ярато. Эшшо шаплыгес мед шуналоды шуыса шудэто на. Удмурт шудон "Кин шаплыгес?" (Пиналъёс ваче тыбыр султо, куксэс паськыт карыса. Кук ултӥзы гозы лэземын. 1-2- 3 шуо но, кин гозыез азьвыл кыске, со ик вормисе потэ). Гур. Я, табере шунады ни кадь. Мон ӧжытак визьдэс сынало. Вералэ ай, анайёсты гурады мар пыжо? (Пиналъёс верало). Мынам но тани шекераосы вань, юанъёсылы шонер верады ке, куноято. 1. Маин буяло гурез? 2. Малы гурысь пичи нылпиез шумен зырало? 3. Ку писэй гур пушкы пыре? 4. Кин асьме гуртын гур пуктыны быгатэ? Гур. Тау верамдылы. Гур шуккон - гур вылын куктэ лэзьяса пукон гинэ ӧвӧл. Ойдолэ, эшъёсы, гуртысь гур пуктӥсьёсмылы тау карыса, кимес чабоме. Нуись. Гур но анай люконтэмесь луо. Кызьы ке гур шунтэ коркаез, озьы ик анай но шунтэ сюлэмъёсты, сюдэ ческыт пӧрамен. Ойдолэ та шуныт гур нюнямы котырын, анай- атайёсмылы сӥзьыса, кырӟан кырӟаломе. Пиналъёс анай сярысь кылбуръёс верало но кырӟало. Пото 4 пиос, частушкаос кырӟало. Аксак палась ми пиос, Пичиесь воргоронъёс, Кырӟаны но вераны Пӧрмытом ,дыр, ай, эшъёс. Мон - Денис, чырткем пияш, Укыр зол бызьылӥсько. Нылъёс монэн ӵош бызё ке, 100 иськеме кельтӥсько. Мон - Костя, омгапал пи, Аслым ачим паймисько. Садикамы нылъёсмы Весь мон понна вожмасько. Мон - Славик, сямы умой, Ваньмыз монэ ярато. Шудон коркан шудӥськом ке, Весь монэ каро атай. Мон - Иван, визьмо, чебер, Эктыны быгатӥсько. Эктытэмды ке потэ, Кидэс чабны курисько. Весь кырӟаса-вераса, Ужмес кин-о ужалоз? Пукемды ке потэ, пуке, Милям гурмы эстӥське. (Собере пото 2 нылъёс но кырӟало "Мон но куно, куно" гуръя). Тон но пичи-пичи, Мон но пичи-пичи, Мар сярысь, мар сярысь вераськом. Тон но чебер-чебер, Мон но чебер-чебер, Маин бен, маин бен ушъяськом? Тон но ужась-ужась, Мон но ужась-ужась, Тӥледыз кызьы бен паймытом? Тон но кырӟась-верась, Мон но кырӟась-верась, Ойдо ӵошен шулдыр кырӟалом! Тон но чабод-чабод, Мон но чабо-чабо, Ойдо тапыр карса эктомы! Пиналъёс гур котыртӥ ваньзы "Тапыртонэз" экто. Потэ Кышномурт (пиналъёслы вазиське). Осто, весь-а пукиськоды на, гурды ӝуалоз. Мон кӧня пӧртэм пыжиськем но пыжи ни, ваньзэ сиыса но ум быдтэ. Артысь гуртын, Пуроын, ярмарка, пе, отчы ветломе, пыжиськемъёсмес вузаломе. Пичиос. Ми но мыномы-а? Кышномурт. Тӥ пичиесь али. Чыры-пыры пиналъёс, шаньга курса бӧрдӥсьёс. Шуныт гур вылэ тубыса изе ини, нош ми тӥледлы ческыт кампетъёс ваём. Гур вушйылэ. Нуись. Гурмылэн иземез потэ ни, лэся. Гур. Чале, чале, пиналъёсы, гур вылам, шуныт изёды. Нош тӥ, эшъёс, эн вунэтэ, (залэ вазиське) гуртэк тӥ уд толъе, но кезьытэн туж юн эстӥды ке, мон тылпу но поттыны быгато, пыжиськыкуды ымме ӵемгес усьяса эскерылэ, ческыт няньдэс сутыны но быгато. Табере ӟеч луэ. Вумурт, Нюлэсмурт но Корка кузё Пуктэм ужпумъёс. Нылпиосты Нюлэс кузёен, Вумуртэн, Корка кузёен тодматоно, писпуос, пӧйшуръёс, нымы-кибыос сярысь тодон валанзэс будэтоно. Азьвыл нуэм уж. В. Ившинлэн "Ворпо гуждор" книгаысьтыз кылбуръёссэ дышетоно. Куное ӧтёно Матӥ апаез, Нюлэсчиез (лесникез), географиен дышетӥсез. Пиналъёс но люкаськем калык пуко. Зал пӧрмытэмын пичи нюлэслы, шур но вань. 1-тӥ нуись. Чырткемесь, гажано эшъёс! Туннэ пумиськонмы сӥземын мифъёслы, легендаослы. Вань-а меда Ву кузё, Корка кузё, нюлэс кузё? Уралэн но Волгаен вискын, кытын пумтэм нюлэсъёс, ошмесъёс, кемалась-кемалась улӥллям пӧйшуръёс но музъем гырисьёс. Бадӟым нюлэсъёсын котькуд вамышлы быдэ возьмаз соосты кышкытлык. Толзэ кезьыт, лек сильтӧлъёс выжыен погыръязы пужымъёсты но кызъёсты. Тулыссэ тудву нуылӥз лэсьтэм юртъёссэс. Улэп кылён понна, кышкасьтэм но чидась луыны кулэ вал. Сыӵеесь ик вал удмуртъёс. 2-тӥ нуись. Уродзэ сяна, соос трос ӟечсэ но адӟылӥзы инкуазьлэсь, сиён но, дӥсь но, юон но сётылӥз соослы инкуазь. 1-тӥ нуись. Со кемалась аръёсы, куке калык огазеяськемын ӧй вал на, куке со уг тоды на вал нокыӵе гожъяськонэз, книгаез, адямилы инкуазьын тросэз валантэм вал. Кинлы осконо, кинлэсь юрттэт куроно? Озьы адямиос малпазы асьсэлы инмаръёс. Вал соослэн ӟеч инмарзы но, со - Кылдысин, музъем утись. Ымысь ыме вераллязы выжыосмы инмар (ин кузё), Вукузё но мукет пӧртмоос сярысь. Соос вуизы асьме доры но. Инмарез но, мукет лек кузёосты но та дырозь нокин адӟылымтэ на шуо. 2-тӥ нуись. Бен, нокин адӟылымтэ на, нош ми, оло, адӟом. Пиналъёс, ойдолэ кышканмес, кӧберанмес улляса потоме кузь сюрес вылэ, вань-а меда ву кузё, корка кузё, Нюлэс кузё. Тани кечол куӵек нюлэслэсь матын, отчы ик ветломе. Сӥзьыл тэльын туж шулдыр, пӧртэм губиос пото. Кыӵе губиосты тӥ тодӥськоды? Вераськон сямен нюлэскы но вуим. Я бен, вазиське солы, ӟеч мед пумиталоз. Ваньзы. Ӟечбур, Нюлэсмурт! Ныл. Сике, тэле, нюлэсэ, Тани ӵуж туй лянэсэ. Лянэс тыр вай эмезьдэ, Мушко тыр вай сутэрдэ, Куды тырам - губидэ! Нуись. Кытын бен меда Нюлэс кузё? Ойдолэ нырысь солэсь узырлыксэ учкоме. Тани губиос адскыло. Соосты но оло со малпаз. Ма меда со губи? Ныл. Губи - мудрон тэль нылпи. Льӧль изьызэ пал куказ изьыям. Чорккы сылэ. Йырыз но мугорыз но олокытын. Нуись. Бен. Губиос писпуос вӧзын було, соос ог-огзылы туж кулэ луо, ог-огзэс выжыосынызы кырмыса возё. Вань писпуослэн асьсэ губиоссы, соос озьы ик нимасько. Кин тодэ? Пиналъёс. Бадьпу губи, кызьпу губи. Ныл. Пипу губи! Шильыртӥсь пипу улын Горд изьы адске. Со лыктэм кадь празднике, Кожалод, пал пыд йылаз. Милемды шӧдытытэк Шулдырак эктэ. Нуись. Тани сӥзьыл ке но, нюлэскын чус ӧвӧл, пӧртэм куараос кылӥсько (кылӥське кучыран кесяськем). Пи. Ой, Нюлэскузёлэн, дыр, со куараез. Нуись. Эн кышкалэ, тылобурдоос со кесясько, шуныт пала лобыны дасясько. Ныл. Кучыран со. Кыз вае лушкем-лушкем Кучыран пуксем. Тэркыос кадь синъёсыз Мамык кадь бурдыз. Бергатэ нушы йырзэ, Сак уте карзэ. (Куара кылӥське гур-р, гур-р). Ныл. Таиз дыдык. Нюлэскын улэ дыдык. Дыдык со, кыр, дыдык. Вазь ӵукна вазе гу-ук. Мугорме, пе, юзыртэ - Кезьыт куазь татчы лыктэ. Нуись. Нош тӥ-и-ни куасьмем кыз борды сизь ӝабырскем, быжыныз пыкиськем. Тук- тук-тук-кока со кузь нырыныз. Пиналъёс. Сизь, сизь, дугды ни кокаськемысь, уд-а кырӟа милемлы? Сизь (воспитатель). Мон сись пуэз куадасько, Изъянтӥсь пычейёсты быдтӥсько, писпуосты эмъясько. Кырӟаны уг ваньмиськы. Нуись. Ваньмыз маке но ужало. Азьлань вамыштоме, пиналъёс. Тани нымы-кибыос но адскыло на. Кузьылиос толлы дасясько. (Учко муӵез). Тодӥськоды-а, соос туж ляб адӟо. Соослы пичи мыйыкъёссы юртто. Мыйыкъёсынызы ваньзэ кутыло, эскеро, гуртазы сюрес зынэз но валало. Пичи пи. Таиз нош оло али вордскем кут кулон губи. Нуись. Ӧвӧл, со зор кибы. Вож кибыосты (тляез) сие. Зор кибы - будосъёслэн яратоно эшсы. Со нюлэс доктор сямен, котькуд будослы юрттыны дыртэ. Пичи пи. Зор кибы, эке, Чиль-сьӧд йыроке, Лобӟы инбаме, Вай мыным зорме. Шунытсэ но вай, Сайкытсэ но вай, Кезьытсэ эн вай. Нуись. Нош тани пытьыос. Нимы-кибыослэн-а та пытьыоссы меда? Оло Нюлэс кузёлэн- а? Пиналъёс. Та пӧйшур пытьыослы укша. Ныл. Ӟичылэн со пытьыез. Куак ултӥ ӟичы кошке Зынъяське, нюлышъяське. Тон кытын, пе, луод кече, Сюлворе, я пот, ӟече. Маскаен пичи пи потэ. Мон татын! Пи. Луд кече, пурысе, малы пельёсыд кузесь? Луд кеч. Пельёсме кысказы но нуятӥзы. Пи. Кин кысказ, ӟечоке? Луд кеч. Гурт кеч кысказ. Пи. Малы кысказ, гыдыке? Луд кеч. Лушкем пырай бакчаяз. Пи. Малы пырад, пичие? Луд кеч. Жалем кубиста сиыны. Пи. Кызьы йырйид кубиста йырез, луд кече. Луд кеч. Кроч-кроч. Пи. Мукет дыръя лушкаськод на-а бен, пие? Пи. Бакчае ке ӧд пыра, ма сиыса улод? Луд кеч. Пипу сул сиё, пипу сул. (Тэтчаса кошке). Нуись. Бен, гужем луд кечъёс турын куар, куд-ог губиосты, нош толзэ векчи вайёсты, писпу сулэз, куасьмем турынэз но ярато. Нош изё соос синзэс усьтыса, туж сак. (Потэ нюлэсчи). Нюлэсчи. Чырткемесь, пиналъёс! Ма муген поръяськоды нюлэскытӥ? Пиналъёс. Чырткемесь, тӥ Нюлэс кузё-а? Нюлэсчи. Бен монэ озьы но шуо, нюлэс утись но, лесник но. Мон Михаил Петрович. Нуись. Нош ми тани нюлэслэн узырлыкезлы паймыса ветлӥськом. Ассэ Нюлэс кузёез пумитаммы потэ вал. Нюлэсчи. Нюлэс кузё выжыкылын гинэ вань шуо. Но кин тодэ бен. Тани туэ но калык нюлэскысь кӧня пайда шедьтӥз. Трос вал губи но, эмезь но, Оло зэм но ваньзэ нюлэс кузё сое сётэ. Урод лэсьтӥсьёсты бен уг яраты кадь. Нюлэсэз изъянто ке, мукет аре одно ик маке но уг удалты ни. Татысь Шихостанка шур дурын пересь Матвей улэ, со котьмае тодэ. Ветло ай со доры, оло маке но вералоз. Нуись. Ветлом. Шур дуре но мынон мугмы вань, Нюлэскузё сярысь сяна, Ву кузё сярысь но тодэммы потэ. Пиналъёс, ойдолэ одӥг кырӟанмес кузьмаломе Михаил Петровичлы, со но нюлэс кузё кадь ик ялан чакла, уте, эскере инкуазез. "Ӵукна ӵук ик" кырӟан чузъяське. Нуись. Тани Ошмес, шурмы но ныруламы ни. Пи. Ялан пӧзе ошмес син, Соин шурын ву уг син, Со ялан бызе, бызе, Кытчы меда весь дыртэ? (Потэ Матвей). Чырткемесь, пиналъёс! Кытчы сюресты нуэ? Нуись. Пырак тон доры, Матвей агай. Матвей. Умой, умой. Яратӥсько куноосты, тужгес но таӵе пичиоссэ. Ойдолэ бен, маин ке но куноято. Нуись. Коркады ӧм пырасалмы, Матвей агай. Вералэ вал, маке кылылӥды-а Ву кузё, Нюлэс кузё, Корка кузё сярысь, оло пумиськылӥды но? Матвей. Эк-ке-кек, ярам бен. Пуксе ай чебер возьвылэ котырак. Ма но со мадё но возьмато, пичияк пӧртмало но. Туж кемалась адямиос но, музъем но, пе, вылымтэ, вылэм ин, ву но шунды гинэ. Инмын улэп Инмар, вуын ву кузё. Ин матын вылэм, инмар инмысен ик кобыен ву омыръям. Номыр уг ужа, пе, вал. Ву кузё но кузь вож тушсэ гинэ куасьтыса кылле вылэм. Огпол Инмар Ву кузёлэсь ву пыдсысь сюйзэ курем, со сюез пазьгем но музъем пӧрмем, вольыт-вольыт, пе. Ву кузё но адӟем карыса сюй пазьгем но соку ик нюкъёс-гопъёс кылдӥллям. Ву кузё ялан ӧчкарыса, йырзэ кур карыса улэм Инмарлы. Адӟемды потэ-а, кыӵе со Ву кузё? Пиналъёс. Потэ. Матвей. Собере Инмар пуныез но алангасаръёсты кылдытэм шуо. Пунызэ возьмаськисе кельтэм, пе. Ву кузё пуныез лӥятэм, солы чебер шуба кузьмам, пуны, пе, соку гонтэм вылэм ай. Пуны лэзем Ву кузёез алангасаръёс доры. Ву кузё соос вылэ сялӟем но пӧртэм висёнъёс кузьмам. Собере ни Инмар адямиосты пичи каре но йыр, бадӟым визь сётэ, нош висёнъёс, пе, кылиллям. Огез со алангасар, шуо, Нюлэс кузё луэм. Адӟемды потэ -а сое? Садикын ужасьёс. Нюлэскузё но 2 Нылъёс выжыкылэз возьмато "Мифы и легенды, сказки удмуртского народа книгаысь шедьтыны луоз. Нуись. Нош корка кузё сярысь ма вералоды? Матвей. О, со сярысь Матӥ апайды кадь нокин умой уз мадь. Ветлэ со доры. Нуись. Ярам. Тау, Матвей агай. Ми тыныд ӟеч лэсьтэмед понна эктомы. (Пиналъёс быдэсто "Ширъян" эктонэз). Нуись. Я, пиналъёс, ойдолэ Матӥ апай доры. Матӥ апай. Чале, чале, пиналъёс.Тани самоварен чай но пӧсяз ни. Ойдолэ чай юыны пуксе. Туж дыраз вуиды. Нуись. Матӥ апай, ми тодӥськом тон усто эктӥськод но оломае но тодӥськод. Нош Корка кузё сярысь маке тодӥськод-а? Матӥ апай вера улонысь адӟем учырзэ но оскыны уг лэзьы. Секыт адӟон вань дыръя гинэ со адскылэ шуэ. Собере эктэ но кырӟа. Пиналъёс но со борды итӥсько. Пумиськон чай юыса йылпумъяське. 1 Пичи Пурга Кылъёсыз В. Алексеевлэн Крезьгурез В.Возняковлэн Ӵукна ӟардыку, жингыр крезьгурен Омырын лэйка кырӟан. Тюрагай лобӟе выль шулдыр гурен, Котырак улос улӟе. 2 пол Припев: Ой, Пичи Пурга, ой, Пичи Пурга, Тон пичи ке но, мусо. Вож садъёс пӧлын, бен, со тон уга, Котырад - ю-нянь бусы. Вордӥськем шаер, ой, Пичи Пурга, Тон шунды выллем батыр. Я лымы усе, я тудву берга - Пургаын котьку крезьгур. 2 пол Припев. Ужан опытысь С. Л. Платонова, Пичи Пурга ёросысь Вуж Монья гуртлэн "Тюрагай" нылпи садысьтыз воспитатель. Кылтӥрлыкез узырмытон но волятон амалъёс Анай кыл - улонын нырысь вамыш, Сотэк уд лэсьты нырысьсэ вамыш. Анай музэн, анай кылыд юрттоз, Улон сюрес кузя йыгмыт валтоз. Бадӟым шуръёс пото ошмесысен, Нош вераськон кутске Анай кылэн. Ф. Васильев. Котькуд адями вордскем дырысеныз ик чакланы кутске ас котырысьтыз улонэз. Нырысь ик со кылэ анаезлэсь веттан мусо гурзэ, бӧрысьгес - атаезлэсь нырысь визь- кенешъёссэ. Будэмезъя пиналлэн улон сярысь тодон-валанэз пумен муроме, паськытоме. Соин ӵош ялан узырме солэн вераськон кылыз. Покчиосмылэсь кылтӥрлыксэс узырмытон но волятон ужпумлы сӥзем материалэ юнме шорысь ӧз кылды. Та ужпумъя огеныз умоеныз вамышен лыдъясал ог-огедлэн ужан амалъёсыныз ӵемгес тодматскылон, ужаны мар устоез, пайдаёэз вань - сое кылтӥрлык узырмытонэ кутон. Ӵапак со муген, эшъёсме аслам ужан амалъёсыным тодматон вылысь, журнал баме ӵектӥсько та материалме. Ужады кутыны маиз ке яраз ке, со мыным ӟеч кузьым. Котькуд мукет занятиослы дасяськыку сямен ик, кылэз дышетыкум но, ас азям ужпум пуктӥсько: вылез нунал толонэзлэсь тунсыкогес мед луоз. Аспӧртэмлыко, мур пуштросъемесь занятиосты туала улонлы тупамон радъяса, ог-огенызы юн герӟаса нуисько. Нырысь ик, туж кулэен лыдъясько пиналъёсын шуныт кусып возёнэз. Воспитатель анай кадь туж лякыт, пинал понна сюлмаськись луыны кулэ. Соку гинэ пинал бордад кариськоз, вераськись луоз, сюлэмзэ усьтоз. Котькуд нунал маке но выльзэ утчаны, покчиосты маин ке но шумпоттыны, паймытыны тыршисько. Пиналъёслэсь кылтӥрлыксэс узырмытон но волятон понна озьы ик шараяно: мае соос тодо ини, кыӵе куараосты шонер яке янгыш верало, вераськоназы кыӵе типъем предложениосты ӵемгес кутыло. Та ужпумез сэрттон-пертчон понна, мон ужам кутӥсько магнитофон. Пиналъёслэсь вераськемзэс кылзыса, тетрадям пусйисько, кыӵе куараосты соос шонер яке янгыш верало, эскерисько предложениоссэс кыӵе моделен радъямзэс. Озьы тодӥ: пиналъёс вераськоназы трос куто вакчиятэм предложениосты, отысь ӵем пумиталод глаголъёсты. Соин валче, мынам малпамея, покчиослы сётэм текстын тросгес мед луозы глаголъёс. Озьы соос произведенилэсь пуштроссэ ӝог но лякытэн вераны быгатозы. Мултэс кылъёс, отвлеченной валанъёс текстлэсь пуштроссэ усьтыны люкето. Нош пуштросэз пиналъёслы матын но валамон луыны кулэ. Ужам инъет карыса кутӥсько "Удмурт кыл нылпи садын" программаез но методикая юрттэтэз. Пиналъёслэсь кылтӥрлыксэс узырмытыны юртто "Кизили" журнал, "Вуюись" хрестоматия, "Удмурт фольклор" книга, "Ӟечбур" газет. Озьы ик ужам кутӥсько В. Туганаевлэсь "Нош ик Коля сярысь", С. Соколовлэсь "Бурдо крезьчиос" книгаоссэс, "Вордскем кыл" журналэз. Покчи группаысен ик пиналъёсын тодматкиськом фольклорен. Соос тодыны вуо ни калык кырӟанъёсты, верало кылбуръёсты. Соосты огшоры дышетонэн гинэ уг дугдӥськы. Кылсярысь, та кылбуръя: Шунды мемей, пот али, Шорамы тон учкали. Витиськом тонэ дэмен Ваньмы сяська дэремен. Пилем агай, кош, кош, Мукет пала кож, кож. Шунды анай, пот, пот, Шунытъёстэ сёт, сёт. Пиналъёслы мон шуисьско: "Шунды мемей, пот али!" Ми ваньмы серекъяськом, шумпотӥськом. Угось шунды котьку вае шумпотон. Соку ик верасько, пилемъёсты но котьку ик улляны уг луы шуыса. Соос но кулэ. Нош малы кулэ? Зорытон понна. Малы кулэ зор? Пиналъёс ог-огзэс вошъяса валэкто. Озьы соос йыръёссэс малпаськыто. Валэктӥсько, инкуазьын ваньмыз ог-огеныз герӟаськемын шуыса. Шундыен ӵош улӟе инкуазь, сайкало сяськаос, кырӟанзэс мыто тылобурдоос. Котыр улос шулдырске. Асьмеос но солы шумпотӥськом. Валасько сое покчиослэн синъёссыя но: мыняло, куано. Сыӵе мылкыдын ик та вакчи кылбурез чур бӧрсьы чур дышетӥськом. Отын ик шудыны кутскиськом. Кудӥз ке пинал шунды анай луэ, кудӥз ке - пилем агай. Пиналъёслэсь быгатонлыксэс чакласа, пӧртэм вариантъёс кутыны луоно. Шунды пиштэ, пиналъёс возь вылэ мыно, сяська бичало, кылбур лыдӟо. Собере шуак пилемъёс пото но, покчиос зорлэсь пегӟо. Воспитатель песяй кариськыса выжыкыл лыдӟе. Пиналъёс умме усё. Тани нош ӵукна вуиз. Шунды яркыт тылсиосыныз быдэс улосмес югдытӥз. "Ойдолэ мугоръёсмес сэзь-сэзь кароме, зарядка лэсьтомы, мисьтӥськом, йырсиосмес сыналом, дэремъёсмес дӥсялом, кылбур лыдӟом", - вазе воспитатель. Тӥни озьы выльысь шудон кутске. Шудыса ми кылбурмес но тодӥмы, котыр улосэн но тодматским, кылмес но волятӥм. Одӥг кылбурез рос-прос дышетытэк, мукетыз вылэ ум выжиське. Нуны сярысь кылбур дышетыкумы, пиналъёс ваньзы анай-атайёс луо. Мон соосты дышетӥсько нуныенызы лякыт вырыны. Лякытэн соос нунызэс койка вылэ поно. Нунызэс веттаса кырӟало: Изь, изь, нуные, Зарни бугоре. Чагыр бурдо бубыли Йыр улад валес валёз. Зарни бурдо пичи муш Тонэ чечыен сюдоз. Изь, изь, нуные, Зарни бугоре! Веттаськыса кырӟасьёс нунызы вӧзын асьсэос но синъёссэс кынё. Собере нунызы сайка. Анай но, атай но шумпото. Чебересь кылъёс верало: "Султӥд-а, гыдыке, зарни бугоре?" Воспитатель. "Нош тон, Нади, кызьы вазиськод нуныедлы? Нош тон, Миши? "Нунызы шумпотэ, сое ярато шуыса. Пичиоссэс киязы кутыса, ваньзы экто. Озьы котькуд кылбурез дышетыкумы, маке но выльзэ, аспӧртэмлыкозэ пыртыны тыршисько. Тол Бабай сярысь ке кылбур дышетӥськом, тазьы шуисько: "Тол Бабай тӥледыз лымы пырыоссэ чакланы лэзе ини. Возьмаськоды-а толэз, тӧдьы лымыез? Маиз понна яратӥськоды тол куазез? Пиналъёс сак учко укное. Отысь чебересь пужыосты эскеро. Тӥни кыӵе кезьыт тол! Китэм-пыдтэм, нош укноез кыӵе чебер пужыятэм. Выжыкылын кадь. Озьы чеберез шӧдыны, валаны, адӟыны дышетӥсько. Учкиськом пужыё лымы пырыослэсь бергаса янак дуре усемзэс. Пиналъёслы кыӵе со тунсыко. Мылкыдъёссэс шара вератэк уз чидалэ. Соослэсь одно ик йырзэс маялтыны тыршисько, ушъясько. Покчиослэн мылкыдзы бурдъяськемын. Ог-огзэс азьпалтыны турттыса, ог-огзэс согыса музэн верало вань адӟемзэс. Сое-а уд нима кылэз узырмытонэн волятонэн? Покчи группаысен ик куараосты кызьы верамзэс эскеронъя занятиос ортчытъясько. Соосты куараосын пӧртэм шудонъёс пыр радъясько. Тани шоро-куспо группаын куараосын огез шудонэ. Сое мон ортчытъясько р куараез чылкыт вераны дышетон понна. Занятиез нуыны дасяськисько р букваен карточка, Ю. Байсаровалэсь "Куака но Макар" кылбурзэ, пуны мунё, картуз я изьы. Занятилэн мынэмез. Воспитатель. Туннэ асьме доры куное лыктэм кучапи. Кучапиез шудӥсь воспитатель. Чырткемесь, покчи эшъёсы! Тодэме потӥз, кыӵе тӥ будӥськоды, визь люкаськоды. Со муген тӥ доры кожи.(Ӝӧк сьӧрын р букваен карточкаез адӟиз но сое кияз кутыса ыргетыны кутскиз). Кучапи. Р-р-р! Воспитатель. Мар озьы шуэ кучапимы, Оли? (Р-р-р!) - Коли, шонер-а вераз Оли? (Шонер). - Ачид но огпол вера на али. Собере ваньмы дэмен сое вералом. - Мон тодӥсько: куномы туж яратэ кырӟаны. Со сьӧры асьмеос но итӥськом. Кырӟанмы шулдыр мед пӧрмоз. (Кучапи бӧрсьы кырӟало). Ро - ро - ро, Ваёно ини куро. Ра - ра - ра, Вера шуэ та-ра-ра. Ри - ри - ри, Мар луиз тонэн, Гири? Ре - ре- ре, Мар луоз ни табере? Кучапи. Кыӵе чебер кырӟаськоды ни вылэм. Тау юрттэмдылы. Мыным эшшо юрттӥды на ке, кылбураны но дышето. (Юрттом, юрттом!) - Озьыен, кылзэлэ но тодады возьыны тыршелэ. Со туж капчи. Кар-кар, кар-кар, Кызьпу вайын куака кар! - Кесяське чупрес Макар. Ваньмы ӵош вераломы та кылбурез. (Верало).. Воспитатель (возьматэ "Макар" шуыса гожтэм карточкаез). Пиналъёс, кыӵе ним меда пегӟем та карточкае? Нырысетӥ 2 букваоссэ асьмеос дышетӥм ни вал. Тодӥськоды на, дыр? Шонер, со - "Ма". Нош кызьы кесяське куака? Кар-кар-кар! Табере ма вӧзы ватсалом куакалэсь каргетэмзэ - кар! Ма пӧрмиз? Бен, Макар. Тӥни мар гожтэмын вылэм карточкаямы. Мукет сямен но шудомы на. (Воспитатель йыраз картуз яке изьы понэ). Мон луо Макар. Кулэ на куакаез шудӥсь (сое бырйыны луоз покчиос пӧлысь ик котькудзэ мылкыд карисьсэ). Куака. Кар - кар - кар! Макар. Мар шуид тон? Мар? Мар? Мар? Куака. Шуисько: азбарады Ческыт вылэм сиёнды. Макар. Кошкы татысь. Кыш! Кыш! Кыш! Тон вылэмед лушкаськись. Куака. Кошкисько ни. Кар! Кар! Кар! Эн ни тышкаськы, Макар. Кар - кар! Кар - кар! Воспитатель. Табере Макар луоз Вити, нош куака - Вали. Ойдолэ эшшо шудоме на. Таӵе занятиослы ик мон дасяй кылын вакчияк шудонъёс, вольыт но чылкыт веранъёс. Соосты кутыны луоз кызьы ке покчи группаосын, озьы ик шоро-куспоосаз но бадӟымъёсаз. А - а - а, Аня куре картофка. Ам - ам- ам, Светӥез толон алдам. Ан - ан - ан, Ӝӧк вылын кылле арган. Бе - бе - бе, Азбарын сылэ бекче. Бу - бу - бу, Бусыын кырӟа бурдо. Ба - ба - ба, Базарын, пе, вань банан. Бо - бо - бо, Бобымы милям ческыт. Ва - ва - ва, Ваннаын уя Валя. Ви - ви - ви, Витя сие витамин. Ве - ве - ве, Веримы керттэ веник. Ву - ву - ву, Шур дурын сылэ вуко. Гу - гу - гу, Гужем бичалом губи. Ге- ге - ге, Геня герыен гыре. Га - га - га, Пиоссэ ӧте гагак. Ду - ду - ду, Дунямы нуэ дунву. Да - да - да, Сад улын пуке Люда. Ды - ды - ды, Шудыны потэ Дыдык. Е - е - е, Еня емыш, пе, сие. Ем - ем - ем, Коӵышмы шырез сием. Ен - ен - ен, Нискыла салазкиен. Ё - ё - ё, Ёршез кутэм Ёгормы, Ен - ен -ен, Кулэ котькинлы сиён. Жо - жо - жо, Вож ожо бича Жора. Жу - жу - жу, Парсьпимы милям жуммем. Жа - жа - жа, Жаннамы сое жаля. За - за - за, Лиза вуза ваза. Зи - зи -зи, Зинамы бича узы. Ит - ит - ит, Зарезьын уя, пе, кит. Ир -ир - ир, Бакчаын будэ ирга. Ин - ин - ин, Тюрагай кырӟа инмын. Ки - ки - ки, Кидэ миськы ни, Мики. Ко - ко -ко, Колямы куре коко. Ко - ко - ко, Мурӝолын тэтча бака. Ку - ку - ку, Кудыын пуке курег. Ло - ло - ло, Турнаны потэм Кирло. Лу - лу - лу, Лудын будо кызьпуос. Ле - ле - ле, Кузь пелё пегӟем тэле. Ли - ли - ли, Чырс лимон сием Гали. Лё - лё - лё, Лёшамы куре лёлё. Ма - ма - ма, Маялын шудэ Маши. Ме - ме - ме, Чупало мон мемейме. Му - му - му, Нюлэскын вуэ мульы. Мо - мо - мо, Садамы вуэм улмо. Ми - ми - ми, Ми толон сиим мульы. Ми - ми - ми, Ми толон сиим мильым. Мы - мы - мы, Тол Бабай ваем лымы. Кылэз волятон понна, та вылӥ сётэм сётэм шудонъёс ортчытъяны луоно ӵукна но ӝыт ваньмон дыръёсы, ульчае потыса я экскурсиосын. Покчиослэсь кылтӥрлыксэс волятыны но узырмытыны туж юртто выжыкылъёс. Уката ик бадӟымъёс праздникъёсын чебер костюмъёсын кыӵе ке выжыкыл возьматыку, пиналъёслэн мылкыдъёссы пуромыса кошке, асьсэлэн но озьы ик шудэмзы потыны кутске. Милям одӥг ӵукшудонъёс но уг ортчо, дыр, выжыкылтэк. Нылпи садамы ужасьёслэсь рольёсты шудэмзэс учкыса, котькудӥз синмаськоз. Пиналъёсмы огшоры учкись луыса но асьсэлы трос пайда басьто. Тани одӥгез ортчытэм сыӵе ужрадмы. "Выжыкыл дуннее" экскурсия-шулдыръяськон шуыса нимаське. Сое ортчытыны умойгес луоз кырын, нюлэс кушын. Пиналъёсыз огазе люкаса, воспитатель ивортэ: "Туннэ асьмеос экскурсие мыномы". Тани Л. Н. Васильева воспитательмы пичи группаысьтыз пиналъёсыныз тэль доры вуизы гинэ, писпуос сьӧрысь кылӥськиз боз-боз куара. Пиналъёс сак кариськизы. Со - "Нюлэс кузё". Нош сое шудэ Л. Н. Никитина - нылпи садмылэн кивалтӥсез. "Нюлэс кузё" вазе: "Дугдэ али, пиналъёс. Мынам нюлэс царствоям пырон понна, усьтон кулэ. Со усьтон луоз мадиськонме тодэмды". Татын пиналъёс мадиськонъёсты тодэмзэс возьматыны кулэ. Тросэз усьтон шедьтӥзы. Табере нюлэс куше но пырыны луоз. Отын покчиос тодматско нюлэс будосъёсын, писпуосын, нымы-кибыосын. Туж сак кылзӥсько тылобурдоослэсь кырӟамзэс. Тани мукетыз герой потэ. Со - "Тулыс апай". Тулыс апай. Али татын мон но кузё. Ваньзэ эскерисько: писпуос вож буртчин дӥсь кызьы дӥсяло, тол ӵоже вайёссы чигылымтэ-а? Шулдыръяськонлэн кыкетӥ люкетаз пиналъёслэсь визьзэс "сынало" Баба-Яга но Алдар Иван. Соос мар гинэ уг туртто. Нюлэс куше выжыкылъёсысь кыӵе гинэ геройёс уг потало. Пиналъёс соосты тодманы но вераны кулэ, кыӵе выжыкылысь соос. Собере пиналъёс асьсэос но выжыкылъя сценка возьмато. Покчи эшъёсмы "Колӟо" выжыкылэз дасяллям, бадӟымъёсыз - "Кеч но Кечпи" выжыкылэз. Шулдыръяськонэз йылпумъязы бадӟым группаысь но нырысетӥ классысь дышетскись пиналъёслэн валчеям хорзы. Собере ваньмы кыӵе ческытэн сиимы чорыг лым!. Сое анай-атайёс дасязы. Кырын, возь вылын сыӵе ужрадъёсты ортчытъяны капчи ӧвӧл, нош кыӵе шумпотон вае со пиналъёслы. Пиналъёс туж ярато пудоос но пӧйшуръёс сярысь выжыкылъёсты, веросъёсты кылзыны. Асьмеос но ми выжыкылъёс малпаськом. Покчи группаысь нылпиос понна ачим но малпай кӧня ке выжыкылъёс, пичи веросъёс, дидактической шудонъёс. Кин валэктоз? Кионэн гондыр нюлэскы коргид лэсьтыны малпаллям. Малпаллям но лэсьтӥллям. Кион шуэм: "Татчы скалэз пыртом, вӧзаз - чуньызэ". Гондыр вазе: "Татчы ыжез пыртом, вӧзаз - кечпизэ". Соослэсь тазьы пудоосты люкылэмзэс кылзыса, писпу вай вылын пукись куака кылэм но нюлэс тыр, пе, кеськем: "Кар - кар - кар! Мар возьыт та! Кар кар - кар! Нодтэмъёс! Пиналъёс, юрттэ соослы ӝоггес. Кудзэ кытчы пыртоно?" Янгышсэ валаз Пичи Мишилэн Тузик кучапиез вань. Соос куспазы туж юн эшъяськыса улӥзы. Кытчы Миши - отчы ик кучапиез. Тани вуиз сӥзьыл. Писпуос шобырскизы зарни дӥсьёсын. Мишимы нырысьсэ школае мынӥз. Отын со шедьтӥз аслыз выль эшъёс. Тодматскиз букварен. Кучапилы гинэ мӧзмыт луиз. Нискетэ. Миши бертэ ке, пыд котыраз гинэ берга. Быжзэ выретэ. Одӥг пол Миши классысьтыз потӥз но мӧзмыт сылӥсь кучапизэ адӟиз. Солы матысь эшез туж жаль потӥз. Тузиксэ со классаз пыртӥз. Урокысен кучапи утыны кутскиз: "Ав - ав - ав!" Дышетӥсь паймиз ке но, лякытак юаз: "Кин сое ваиз?" Миши йырзэ ошиз. Эшъёсыз нош валэктӥзы: "Тузиклы Мишитэк мӧзмыт". "Тӥни кызьы, - вазиз дышетӥсь, - озьыен соос люконтэм эшъёс". Нош кучапи янгышсэ валаз. Мишилы дышетскыны кулэ. Визьмо мед луоз, солы люкетыны уг яра. Шутэтскон нуналэ ини соос ульчаын кыкназы шудозы, бызьылозы. Та выжыкылъёс но веросъёс пыр пиналъёслы ӟеч сямъёс, эшъёссэс гажан мылкыд пыӵатыны турттӥсько. Соос пыр ик лыктэ кылтӥрылкез узырмытон но, инкуазь тодметъёсты чакланы дышетон но. Кылтӥрлыкез узырмытонын но волятонын дидактической шудонъёслэн пайдазы туж бадӟым. Пиналъёс шудон сяменызы предложениосты кылдытъяны, глаголъёслэсь формаоссэс, дырзэс шонер вераны, кылзэс чебер, яркыт буёлъёсын узырмытыны но сое вераськоназы кутыны дышетско. Ӵектэме потэ "Арлэн кыӵе вакытэз?" нимын дидактической шудонме. Со понна дасяно инкуазь вакытъёсъя суредъёс: гужем, сӥзьыл, тол но тулыс. Воспитателен верам тодметъёсъя пиналъёслы шедьтоно кулэзэ суредэз. Со сяна, та суредъя ик асьсэос пичи верос мед малпалозы. 1. Лымшор палась бурдоос вуизы. Шуныт луэмлы шумпотыса шулдыр кырӟало. Писпуос бычыясько ни. Шуръёсын йӧ вырӟе. 2. Кыӵе шулдыр! Котыр лыз, горд, тӧдьы сяськаос. Шунды яркыт пиштэ. Пӧсь. Ойдолэ пыласькоме! 3. Суредась горд, ӵуж буёлъёс пазям писпуос вылэ. Кезьытлэсь кышкась тылобурдоос дырто лымшор шаеръёсы. Садын кисьмало емышъёс. 4. Кырын порпиос ыбыло. Кезьыт. Муръёосысь ӵын вылэ ӝутске. Пужыё лымы пырыос бергаса васько музъем вылэ. Котыр юг-юг. Шоро-куспо но бадӟым группаосысь пиналъёс понна вунонтэм ортчиз сӥзьыл праздникмы. Солы шуыса мон гожтӥ таӵе мадиськонъёс. Сю полэс дӥсямын, Ваньмыз соос вож-вожесь. Нош куяз ке дӥсьёссэ, Кылёз гольык кочонэз. (Кубиста). Со уг буды писпуын, Нош будэ со убоын. Яблок кадь питрес но горд, Сое шуо ... (Помидор). Тулыс мерттӥськом, Сӥзьыл октӥськом. Дэмен мурӝолэ тыриськом, Толбыт шыдын сииськом. (Картофка). Нош таиз мадиськонъёсы пӧйшуръёс но бурдоос сярысь. Толалтэ мон сур-сур кӧлӥсько, Уен-нуналэн пыдъёсме мон сюпсисько. Нош гужем яратско ческытэз. Кытын-о бен мушлэн чечыез? (Гондыр). Сюръёсы ке вань, скал ӧвӧл, Пыдъёсы ке но ньыль, ыж ӧвӧл. Нюлэскын улӥсько, турын-куар сиисько. Висьыкум кут кулон губиез сыскисько. (Койык). Пи уг потты со ачиз, Муртлы сётэ пузъёссэ. Писпу йылын кырӟаса, Со вера ялан дырез. (Кикы). Толалтэ мон - тӧдьы, Нош гужем - пурысь. Пельёсы кузесь, сакесь. Туж кышкасько котькинлэсь. (Луд кеч). Мон пуштрес но провор, Кыз вылысь кыз вылэ Капчиен тэтчасько, Яратско мульыез. (Коньы). Со ветлэ вузыса, Синвузэ кисьтыса. Весь кӧттыр утчаса Котыръя вань тэлез. (Кион). Со котьку чебер: веськрес муспотон. Тӧдьы дэремез Кыдёкысь адӟиське. Ненег куаръёсыз Шыпырто котыраз. Я бен, кин, кин тодоз Та веськрес писпуэз? (Кызьпу). Мускыт интыез яратэ, Гужем пумын горд кисьма. Дасялэ тӥ сарвадэс, Бичалэ горд ... (Эмезез). Огдыре кылбурчи но крезьчи, суредась но артист луыны капчи ӧвӧл. Но уж ачиз косэ сыӵе луыны. Пичиосыз яратэме, анай-атайёсын но ӵош ужась эшъёсыным шуныт кусыпъёсы чаклам ужрадъёсты капчиен быдэстыны юртто. Кидыс, небыт музъеме сюрыса, ӟеч емыш сётэ. Аслэсьтым ужме дунъяны быгатӥсько школае кошкем нылпиосыя. Школаен юн кусыпъёс возисько бере, отысь дышетӥсьёслэсь куронъёссэс тодыса, пиналъёсты дасянэз соосъя, сыӵе ӧретӥ нуисько. Мынам малпамея, ӵапак милемлы сӥзем Куӟебай Герд аслэсьтыз та чуръёссэ: Кизён куды кутыса, Ю-нянь кизьыкуд, Умой тысьёсын гинэ Кизьыны туртты. Синтэм калыклы Кылъёс веракуд, Зарни кылъёсыз Вераны туртты... 1 "Пурга кизилиос" 11 ар ӵоже ужа ини кибашлы нылпиосты будэтонъя "Пурга кизилиос" центр-УДО (учреждение дополнительного образования). Ньыль факультетын (литературая, музыкая, театръя, суредаськонъя) толэзяз кык пол занятиосты нуо республикаысьтымы тодмо артистъёс, писательёс, крезьгурчиос, суредасьёс. Пайдалыкез та учрежденилэн син азьын, шуыны луоз: уноез татчы ветлэм пиналъёс дышетсконзэс азинто вузъёсын, мылысь-кыдысь гожъяло республикаысьтымы но Россиысь газет-журналъёсы. Нина Никитиналэн чуръёсыз дышетӥсьёслэн газетазы адӟиське ("Учительская газета"), Таня Пантелеевамы нылпи плакатъёслы но сочинениослы сӥзем всероссийской конкурсын вормисе потӥз. Нош Оля Никитиналэн ужез пусъемын "Работница" журналлэн премиеныз... Со сяна, гожъясьёсмы печатласько кунамы потӥсь изданиосын. Туннэ ми "Вордскем кыл" журналэз лыдӟисьёсты тодматӥськом "Пурга кизилиос" литстудие ветлӥсьёслэн куд-ог ужъёсынызы. Малпаськом, соос тунсыкоесь потозы, кызьы ке дышетӥсьёслы, озьы ик пиналъёслы но. МАЛПАНЪЁС Трос малпанъёс инме тубыса Инмын шумпото, шудо, серекто. Нош дыр ортчыса, Ӟардэм кизили кадь, Музъем вылэ васько, Та малпанъёс кысо. Огез малпанэ вылэ туж тубиз, Зарни шундыен отын эшъяськиз, Улэ учкыкуз, монэ адӟылӥз. Та малпанме берен мон возьмай, Зэмос улонлы пӧрмемзэ мон вити. Нош дыр ортчыса, ачим но валай, Марлы-о кулэ ӟардэм кизили? Инмын мед улоз, Монэ мед дораз со витёз. Ӵошен ми шудом, серектом, пальпотом, Азьпал улонмес инмысь мед адӟом. * * * Улонлэн одӥг сюресэз. Шудбур - улонлэн со данэз. Мон озьы малпасько, малы ке шуоно, Улонын шудбурез котькинлы кутоно. Маша Мерзлякова, Кечево школа. А. С. Пушкинлы Кӧня лыдӟисьёстэ тон паймытӥд Аслад чебер гожъяменыд, поэт. Секыт лёгетъёстӥ вылэ тубид, Лыдӟисьёслы кузьмаса выль пушъет. Ӧвӧл тонэ нокин данъясьтэмез, Ӧвӧл гожъямъёстэ лыдӟисьтэмез. Тонэ тодо, поэт, кунгож сьӧрын. Ужам ужед улэ калык пӧлын! Таня Семенова. Ортчиз ни кык даур, сюлмыд кысэм дырысь. Нош тон али но милемын, улкод та дуннеын. Уг кыс кизилиед, улэ со гомаса, Ас югытсэ эшшо золгес сётэ шумпотыса. Улэп тынад Онегинэд, Борис Годуновед, Выжыкыл дуннеосы вутто кылбуръёсыд. Визьмо но ӟеч гожъямъёстэ уг вунэты калык Соос уг пото сюлэмысь, уло на ми пӧлын. Аръёс но ортчыса, тонэн данъяськозы, Котькӧня мед ортчоз даур, уз быр яратонзы. Надя Пименова, Гожня школа. Ялан гӧртэ Туннэ нунал. Вал-а? Ӧй вал. Толло нунал. Бен ку со вал. Туннэ, толон я ӵуказе? Сураськизы, пожаськизы. Туннэ со вал кадь валлянэз, Вуоноез - со толлоез. Тулыс вуэ, Шунды шунтэ. Нош сюлэмын Ялан гӧртэ. Вероника Кириллова, Гожня школа. "Яратон, - Шуид тон, - Со улон. Нош улон, - Валэктӥд, - Со шуд ӧр..." "Ма со ӧр?" Тон ӟудӥд. Шурдӥсько. Со ӧрлэсь, Ой, макем Кышкасько. Надя Яковлева, Вуж Монья школа. Беризь Сылэ беризь огназ Гурезь йылын чол-чол. Кузёяське вадьсаз Шимес кышкыт сильтӧл Тани со куасалтоз Сюсьтыл кадь мугорзэ, Пумен нош ишкалтоз Солэсь чебер дӥсьсэ. Ум сётэ беризьлы Огназ курадӟыны. Вӧзаз эшъёс солы Кутском ми мерттыны. Лена Гагарина, Вуж Монья школа. Лёгорлэн мадёсэз - Ӟечбуресь, эшъёс-кечъёс! Кыӵе улэм-вылэмъёс? Ма, мон озьы гинэ кылбурасько, монэ, кызьы шуод ай, чын но Пушкин эн кожалэ. Мон огшоры адями - Лёгор. Ӟизтыны шедьтӥсько ке. Куддыр сыӵе быгатонлыке потэ. Вуоно бадӟым поэт. Со сяна но трос гинэ ай умой палъёсы. Нырысетӥез, мон кышкасьтэм. Вералэ ай бен кинэ ке, кинлэсь мон кышканы кулэ. ...Тараканлэсь? Хе, кышномурт-а мар-а мон, кыӵе ке гурт пудолэсь кышканы. Пуны? Серем-а мар-а кариськоды? Пуны ачиз мынэсьтым кӧшкемаса пегӟоз. Хи, гуртамы одӥг писэй-пуны но монэ тодӥсьтэмез ӧвӧл ни, дыр. Огезлэсь быжзэ кузьгес карисько, мукетызлэн кӧтурдэскыз паньга. Ма кык пыдооссэ но уг жаляськы. Бордам мерскисьёсыз 3 метр кеме лобо но уг султо ни. Нош кыкетӥ сямме толон гинэ шӧдӥ: визьмо вылӥськем. Тазьы вал со: нокытысь чыртыгылтэт ӧй шедьты. Кӧня корка пырай, ваньмыз сямен "кузь йырсиё албастыос" гур суранэн туздыризы. Нош йыр пиле - макмыр. Ӝыт но вуиз ини - веськатыны номырин. Кисыын но буш. Со вакытэ йырылэн жонгетэмез пелям пырыны ӧдъяз ини. Асьтэос тодӥськоды, дыр, кыӵе курадӟоно сыӵе дыръя. Соин ик лавкае ветлоно кариськи ик: вузчи, пӧй, пунэмен ке но сётоз. Шуккон люкет, ворсаськем ини. У-у, ведӥн кышно, котьку ӝыны часлы вазь ворса. Йырам соку ик малпан лыктӥз: эшме, Петырез чортыса, лавка доры нуи. Ярам, убир кышноез дораз ӧй вал, озьытэк, виыса куштысалыз. Монэ ӧз, мон солэсь уг кышкаськы. Петырме ваньмытысалыз. Тупаны но кулэ ук, пыд йылаз мырдэм сылэ гажано эше. Кышноез ӧвӧлысь, праздник кариз, луоз, йырвизьмыз сураськемын, чылкак луло робот кадь, мар лэсьтыны косӥд, лэсьтоз. Ма, мон кема малпаськыса ӧй улы ни, кияз шальылэсь бадӟымгес пу сётӥ: ме, шуисько, татын решеткаез но, сигнал сётӥсез но ӧвӧл. Укнозэ пиль но, кӧня быгатод, сомында тӧдьы йырозэ потты. Нырысь пумитъяське вал, шайтан басьтон: монэ, пе, пытсэтэ тулъяны ӧдъяськод-а мар-а? Мыжыкме урдэм берам гинэ, шонаськыса укно пала вамыштӥз. "Ӝоггес, - шуисько, - дырты: тынад но потэ дыр, ук чыртыдэ гылтэмед". Сотона, соку ик, ява, бызьылӥсь луиз. Оломар куспын ог дасо пала ӟенеликен потӥз. "Молодец, - шуисько, - ойдо табере бертом. Нош мон тонэн ӧй вал". Гуртаз нуыса сектай на ай, воксё мед усёз ини шуыса. 2-сэ ӟенеликсэ но бодызэ азбараз сэрпалтыса кельтӥ: марысь-мар - мон ни причем. Гуртам бен юи ке юи ини, пыласьки. Туннэ но тани веськатыны тырмиз ай. Мар? Визьмо малпамын? Бен, ачим но тодӥсько. Кин лыктэ? Милиционер? Мон пызйи, эшъёс, ӟеч луэ. Йыр быгылес, кӧт погылес дыръя ӝоггес лобатоно татысь. Куке, оло, пумиськом ай. Жанна Рыбакова. 2 О.Н.Титова, "Чингыли" нылпи садысь воспитатель. Суредаськом удмурт пужыосты Удмурт пужыосты суреданы дышетӥськом покчи группаысен ик. Пичи муртлэн киыз суредаськыны дышемын ӧвӧл на. Озьы ке но, со но маке но пӧрмытэ ини. Буёлъёсын выремез юнме уг луы, пытьытэм уг кыльы: со улӟытэ, узырмытэ малпанзэ, дышетэ улонысь но инкуазьысь чеберзэ дунъяны но валаны. Нош таӵе сям будӥсь адямилы кулэ луоз али но, азьланяз но, суредась ӧз ке но луы. Буёлэн вырыны котькуд нылпи шумпотыса басьтӥське. Соосты та уже кыскыны нимысьтыз кужым но, дыр но быдтыны кулэез ӧвӧл. Нырысь пал тодматъямы суреданы кутӥськись арбериосын: кагазэн, кисточкаен, буёлэн, вуэн. Отӥяз, нылпиослэсь тунсыксэс кенжытон понна, суредан уж сётылыны кутским. Буёлзэ пинал ачиз быръе, нош ми котькуд "вамышмес"-гожмес валэктыны выриськом. Нош куке пиналлэн суредамез потыны ӧдъя, ум возиське ни: мед ӧръялоз мылкыдзэ кагаз вылэ, мед суредалоз кӧня мылыз потэ сомында. Та вакытэ туж интыяз нылпиен но солэн анай-атаеныз огкыл шедьтон. Соин ик соос тодыны кулэ, кыӵе куронъёс пуктӥсько пиналлэсь суредаськыны быгатонлыксэ сайкатон понна: 1. Эн тышкаськы! Нылпи вузэ но кисьтоз, ӝӧквылэз но саптаны шедьтоз. Озьы ке но, асьмелы чидатсконо!.. Нош нылпиос медаз наштаське шуыса, соослы ужан дӥськут вуроно яке магазинысь басьтоно. 2. Эн кортналэ. Сётэ луонлык (эрик) ас киыныз лэсьтыны, малпаны, пӧртманы (пофантазировать). 3. Эн нуйтэ занятиостэс, кема эн нуэ соосты: медаз акыльты, медаз кысы пиналлэн суредаськон мылкыдыз, йылолыз. 4. Суредаськыны эн косэ кужмысь. Мед ачиз мылкыд кароз, мед ачиз кыстӥськоз та уж борды. Нош тӥ кулэ дыръяз шуныт, либыт кылын бурдъялэ сое. 5. Эн дыртытэ. Суредаськонзэ шуак эн уретэ, мед со йылаз-пумаз вуттоз малпан асэпсэ, мед быдтоз суредзэ. Ӧвӧл ке амалыз, яке быриз чиданэз, пичи юрттыны но луоз. Ведь куштэм уж ас кужымедлы, быгатонэдлы осконэз толӟытэ. 6. Эн вунэтэ ушъяны. Пиналлэн уго туж потэ, солэн быдэстэм ужез кинлы ке но мед кельшоз кадь, солы ӟеч кыл мед вералозы кадь. Соин ик шумпотэ нылпиен ӵош, эн сӧре егит суредасьлэсь та возьман эсэплыксэ. Нылпиез ас азяз чебер адскыны юрттэ таӵе но малпан, шуом, дышетӥсь но дышетскись "интыенызы" воштӥсько. Дышетӥсь куре: юртты, буркарик (пожалуйста) мыным тае лэсьтыны. Тон быгатӥськод ни буёлэз уже кутыны. Мынам уггес пӧрмы на. Таӵе амал пичи муртэ адямилы юрттӥсь сямо каре. Удмурт пужыосъя ужакумы пыкиськиськомы С.Н.Виноградовлэн программаез вылэ. Со нимаське тазьы: "Эстетической воспитаниея но суреданъя нылпи садъёслы программа". Удмурт пужыез суреданы пичиосты дасяськомы тазьы: а) тодматӥськом нырысь-валысь гож люкетъёсын, ёзъёсын, кудъёсызлэсь кылдэ пужы... Со шонер гожъёс (линиос) кечат-вамат гожъёс чигем (ломаные) гожъёс валчеяськись гожъёс б) тодмо ёзъёслэсь, люкетъёслэсь кылдытӥськом удмурт пужы, шонер гожъёслэсь пужы - зуак , кечат-вамат гожъёслэсь пужы - кирос - кыз йыл, чигем гожъёслэсь: бычкы, така сюр, курег пыд, коӵыш пытьы. Валчеяськись гожлэсь питыри, квадратъёслэсь - калмез пужы Та амал, малпаськом, пичиослы лэсьтымон, пайдаё. Тазьы тыршыса (капчиысен секытэ, кызьы ӵектӥз вал ужаны Я.А.Коменский, матысен кыдёке, тодмоысь тодмотэме) синмаськымон вормонъёс басьтыны луэ. Та амалъя ик но С.Н.Виноградовлэсь ӵектонъёссэ лыдэ басьтыса кылдытӥм пӧртэм арлыдо нылпиослы удмурт пужыосты суреданъя программа. Нырысетӥ покчи группая: 1. зуак; 2. кирос; 3. питыри Кыкетӥ покчи группа: 1. бычкы; 2. коӵыш пытьы; 3. така сюр. Шор группа: 1. кыз йыл ; 2. курег пыд; 3. така сюр; дур пужы; ӟольгыри пытьы. Бадӟым группа 1. ӝакы; 2. ӵӧж ; 3. ӵӧж бурд. 4. кизили. 5. толэзь Удмурт пужыосты суреданы дышетон луоз пайдаё соку гинэ, ку тон быгатӥд нылпи сюлэмез та уже бурдъяны, ӝутыны, солы сётӥд ке эрик, сётӥд ке луонлык ас кожаз тыршыны. Со понна суредан арбери мед луоз тырмыт но нылпилэн ки улаз. Ӝутскем мылкыдын суредась ваньзэ ӝог синйылтэ, йырсазьыз но солэн юн, ужзэ но капчиен, ӟеч быдэстэ. Тунсыко нылпиослы вормымон амалэн лыдъяськом: 1) "печать" амалэз. Со понна вандылыса дасяны кулэ трафаретъёс геометри фигураосын: круген, квадратэн, ромбен, треугольникен Но удмурт пужыосын: Таӵе пужыосты пуктылон сак, йырсазё луыны, ас кылдэ, калыктэ яратыны дышетэ. Трафаретмес кагаз вылэ понӥськом, пал киынымы возиськом, нош мукетыныз буёлэ веттылэм поролон юдэсэн зӥбылӥськом. Таӵе амал пайдаёгес луэ, куке трафарет пӧртэм быдӟалаё но вань пиналъёслы окме, куке тырмыт турлы буёл, куке нылпи быгатэ вань малпанзэ (фантазизэ) кагаз вылэ "вӧлдыны". Тӥни соку пинал сюлмын ӝуатске удмурт пужыосты суредан мылкыд. Таин валче солэн кылыз но узырме, буёллэсь пӧртэмлыксэс висъяны быгатэ. 2. "Чиньыен суредан" Пайдаё луэ покчи группаосын пужыосты суреданы кутскемлэсь азьло. Гозыен суредан Дасяськом гозы яке сӥньыс. Соос мед луозы пӧртэм буё, пӧртэм кузьдалаё. Со сяна кулэ на бархат кагаз (турлы буёло, пӧртэм быдӟалаё (форматъем). Со вылэ гозыен (сӥньысэн) тыриськомы (лэсьтӥськомы) удмурт пужы, нош бадӟым группаосын - орнамент. Валамон, со быдэстымон, пиналлы вормымон мед луоз. Та амал пайдаё нимаз-нимаз нылпиосын но, покчиесь группаосын но ужаку. "Пазяса" суредан Картонлэсь вандылӥськом пӧртэм быдӟалаё геометри фигураосты но удмурт пужыосты. Со сяна кулэ луозы на пинь сузян щеткаос. Вандылэм формаосты, пужыосты кагаз вылэ тырыса пӧрмытӥськом орнамент. Нош пинь сузян щеткаен но пичи бодыосын (палочкаосын) буёлэз пазяськомы кагаз вылэ. Таӵе амалэн лэсьтэм пужызэс пиналъёс вуоно занятиысен буяло, йылаз-пумаз вутто. Точкаосъя суредан Кагаз вылэ удмурт пужы тусъя точкаос пуктылӥськом. Пинал соосты огазея, суред пӧрмытэ. Юаськомы пужы нимез но сое буяны яке карандашен гинэ сьӧдманы косӥськом. Клеткаосъя суредан Тазэ ужез ӵектӥськом бадӟым группаосы ветлӥсь нылпиослы. Пиналъёс суредало сётэм, возьматэм пужыя. Та амалъёсын ужан узырмытэ садике ветлӥсьёслэсь вераськон "шыкыссэс" выль кылъёсын, визькылъёсын, мадёнъёсын. Соос суредъя ас мылкыдзэс усьтыны дышо но тазьыгес шуо: "Мыным кельше, мон тазьы малпасько..." Собере кулэ дыръяз кутыло "вылаз, улаз, шораз, дураз" кылъёсты. Бадӟым группаосысь пиналъёслы вакчияк мадиськом удмурт пужы, солэн кулэлыкез но кылдэмез сярысь. Кылсярысь, куд-ог пужыослэн нимъёссы ик верало, кытчы соос интыясько: гадь котыртэм, сирес пужы, саес пужы, сӧзул пужы. Валамон ини, саес пужыез сӧзулэ уз юнматэ. Котькуд пужылэн аслаз интыез. Эсьма, пиосмурт дэремысь пужы но нылкышнолы уг мыны. Кылсярысь, питыри нылкышно дэрем сирес вылэ гинэ юнматӥське. Со, пе, уте синуськытэмлэсь. Та сярысь нылпиослы мадё занятиосамы куное ӧтем песянайёс. Соос милям куреммыя шыкысысьтызы вашкала удмурт дӥськутсэс дӥсяса лыкто, ваё удмурт пужыосын чалмаоссэс, ӵушконъёссэс. Ӵемысь пересьёсын пукон пӧл ортчытъяськом. Со луэ Быдӟым нуналэ яке Арлыдоослы сӥзем нуналэ. Та ужрадысен песянайёс пичиосты тодмато но шудыны дышето ас вакытысьтызы калык шудонъёсын. Нылпиос мылысь-кыдысь пырисько таӵе занятиосы. Пичиослы кельшо песянайёссылэн шудонъёссы, олокытӥ мар дышо соослы но кемалы йырсазязы возё. Шудӥськомы удмурт кылын гинэ. Тани со шудонъёс пӧлысь куд-огез: "Нылэн шыр" Татын шудонэз нуись луэ одно ик ныл. "Узы-боры бичаса" (ӟуч сямен : "У медведя во бору"). Гондыр интые шудонэз татын нуэ кион. "Узы-боры бичаськом, Сьӧд кионлэсь кышкаськом". "Синтэм така" Нылпиос кругетӥ ветло но шуо: "Синтэм така, синтэм така! "Синтэм така" - со одӥгез ныл яке пи, кудӥзлэн синмыз кышетэн яке басмаен керттэмын, со круг шорын сылэ. Пиналъёс "синтэм така" шуэм бере, со эшъёсыз пӧлысь кинэ ке кутэ но тодманы турттэ. Тодма ке, кутэм мурт "синтэм така" луэ, нош уг ке - азьвылэз ик "синтэм така" кыле. Таӵе учыръёслы дасяськиськом азьло ик: дышетӥськом удмурт кылбуръёсты, кырӟанъёсты, визькылъёсты, серемес веранъёсты, исаськонъёсты. Дасяськом суред кузьымъёс но. Таӵе праздникъёс нылпиослы мӧйыосты гажаны но удмурт сям- йылолъёсты пыӵатыны юртто. Зэм, пичиосын ужаку пумиськыло шуг-секытъёс но. Кызьы шуо: ваньмыз вӧй вылтӥ кадь уг мыны. Кылсярысь, куд-ог анай-атайёслэн уг поты нылпизэс удмурт кыллы дышетэмзы. Занятиосты нуыны уг тырмо удмурт пужыосты возьматӥсь яркыт суредъёсмы, ӧвӧл нылпи коллективъёсын, ансамбльёсын быдэстэм кырӟанъёс, шугомиськом удмурт суредасьёслэсь ужъёссэс но возьматыны: ӧвӧл кулэ быдӟалаем репродукциос. Но ӝожтӥськыса ум улӥське. Азьланяз малпаськомы нылпиосмес ковер куыны дышетыны. Та уже выльысь кыскомы песянайёсмес но гуртысьтымы пересь быгатӥсьёсмес. Нош ӟучомем удмурт пиналъёсын ужаны ӵектӥськомы покчи группаысен ик. Соку соослы кыл но, шудон но, суредан но капчиенгес сётӥське. 1 Писатель но вакыт Ф.К.Ермаков, профессор. Чуръёсаз - дор палзэ яратон Кылбурчи, журналист В.М.Ивашкин вордскиз 1939 арын 1 феврале Пичи Пурга ёросысь Яган Докъя посёлокын. Татысь ик сизьым аръем школаез йылпумъям бераз дышетскиз Пичи Пургаысь шор ёзо школаын. 1963 арын Удмурт пединститутэз йылпумъяз. Кӧня ке тыршиз дышетӥсь луыса но, комсомол ужын но. Собере улонзэ герӟаз журналистикаен - со вал "Комсомолец Удмуртии", "Дась лу!" газетъёслэн корреспондентсы, нош али Удмурт радио комитетлэн одӥгез умой ужасез луэ. Виктор Михайловичлы сётэмын "Удмурт Элькунысь дано журналист" ним. Мукет удмурт поэтъёс сямен ик, В.Ивашкин, школаын дышетскыкуз, кылбуран борды басьтӥське. Та удысын со уката но сюлмо тыршиз студент луэм бераз. Татын уго со вакытэ туж ӟеч ужаз литературно-творческой кружок. Институтын дышетскыкуз Викторлэн кылбуръёсыз печатласькизы "Удмуртиысь комсомолец", "Советской Удмуртия" газетъёсын, "Молот" журналын, "Егит сюлэм кырӟа" сборникын. 1976 арын В.Ивашкинлэн потэ "Шуныт сюлэм" нырысь сборникез. Со быдэсакыз сӥземын, шуыны луоз, дор палзэ данъянлы. "Вордскем шаер" кылбураз, кылсярысь, со вера: Вордскем шаер, мусо ныллэн выллем, Тынад но вань чебер муспотонэд. Тусыд сюлме вунонтэм кыле, Кенже со кысӥсьтэм яратонэн. Мукет чуръёсаз автор тыр тысё юосын лудлы вазиське: Мусо лудэ, тыро шепъёсыныд Кускозь ик тон мыным йыбырттӥськод. Дорам лыктэм зарни тулкыменыд Котыр лёгаськыса кадь ӧтиськод. Ӧй чида ни, пал кыл но вератэк, Ӝоггес мон вамыштӥ шумпотыса, Быгатысал ке бен, возьдаськытэк Нылэз кадь нуллысал та киосам... Кылбурчи данъя ас пал бусызэ. Со уго ужась адямиез сюдэ но дӥся, со асьме калыкез утиз секыт война аръёсы. Соин ӵош ик ӝӧк вылэ вуэм нянь поэтэз война вылтӥ сютэм курадӟон аръёсаз вуттэ: Ӝомӟем сукыри ӝӧк вылын Шунды кадь ӝужаз туж чебер. Мусо вордӥськиз та нунал Корка шулдыред но ӧз тэр. Ӝужаз колдыед но - ӧй вал кадь Сьӧд-сьӧд пилемо пичи дыр. Тулыс бусыысь но ӧй вал кадь Сисьмем картофка ведраын. Пот нянь но ӧй вал кадь ноку но Таиз сукыри интыын... Озьы ортчемез улон туалаеныз герӟаське, кылбурчиез мур малпаськытэ. Сыӵе ик мылкыдын пыӵамын "Пичи дыр сярысь тодэ ваёнэз" но. Отын вераськон мынэ куашкам вуж вуко сярысь, кудӥз ас дыраз калыкез пызен сюдӥз, соин герӟаськемын вал пӧртэм мадёнъёс, выжыкылъёс: Вордӥсько али дыръя Мукетэсь выжыкылъёс. Нош вуко сярысь мадён Сюлэме мур пыӵамын. Пичи дыр вуж вукоен Кемалась герӟаськемын. Вордскем пал лудъёсыз сяна, поэтлы озьы ик дуно нюлэс но, возь но: Я гужем-а кисьтылоз Ураме ӵажак пӧсьсэ, Я ӟар тол-а вальылоз Юг лымы валесъёссэ, Тодамы вайытӥськод. Бен, соин , дыр, нюлэскы Котьку, котьку мынӥсько... Вунонтэм луэ шулдыр возь но: Вешаськыса возьёс вылын Сыло чебер инвожоос. Инмозь - сяськаослэн зынзы, Инвис дорозь - сяська возьёс. Нош тюрагай - азвесь гырлы - Жингыр пазя шулдыр гурзэ. Ческыт молез бичасьёслы Шырыт кузьма кырӟанъёссэ. Сюлэмез буйгатэм сяна, чеберлэн мукет но пайдаез вань на али: мушъёс сяська вылысь чечы калыклы кузьмало, соин ик пересь мушкась вера, луоз: Одӥг пуньы шӧмзэ солэсь Тон веръя табере. Возьлэн сяськаян вакытэз герӟаськемын нырысь яратонэн но сое асьмеос шӧдӥськом "Поколь возь" кылбурысь: Малы туннэ нош сюлэмы чигиз ай Тюливитьлэн мӧзмыт кырӟамезлэсь? Тодмет кадь кылӥськиз: "Вити, Толон вити, толон вити, толон". Иське, берыктонтэм ыштӥ ини Поколь возьлэсь шулдыръёссэ но мон?.. Толон но тон витид. Утид яратонмес - Ӵашъён сяська уз чигы кусыпмес... Йырси пужмератозь, вылды, уз вуны Сяськаяськон дыре ваись сюрес. В.Ивашкинлэн, мукет поэтъёслэн сямен ик, вань анай но атай сярысь чуръёсыз. Тани кызьы со суредаз одӥг кылбураз нылпиоссэ пумтэм яратӥсь анайлэсь, атайтэк будэм нылпилэсь туссэ: Гуртын нэнэ нош - Укно дурысь укно дуре ... Уг берты-а туннэ но Пие доре? Сюлэм уг чида но, Пересь потэ капка азе, - Ӝоггес коть берты вал Таӵе шулдыр куазен. Я, чидатскы ӧжыт гинэ, Тани вуо. Инльӧль пужыосын кышет Тыныд ваё... Азям - вордскем палъёс. Капка но пась. Оло монэ Сокем вите анай? ...Малы , малы-о кузьымме Укыр кема утчай? Зэм но, тазьы но луылэ на асьме улонамы: анай укно дурысь укно дуре ветлыса, пиезлэсь бертэмзэ возьма, нош соиз вуэ ини анайзэ шайвылэ келям беразы гинэ. Та кылбур котькуд лыдӟисез малпаськытыны кулэ. Одӥг нылпи но медаз вунэтылы вылэм анаез доры шуныт кылын но кузьымен бертылыны. Таяз кылбурын кадь ик адями мылкыдэз умой усьтыны быгатэм В.Ивашкин "Атай кошкем , пе, вуж котомкаен..." ужаз. Нырысь вераськон мынэ атайзэ адӟытэк будэм пилэн сюлэмшугъяськонъёсыз сярысь: Берло гинэ валай война кылэз ... Пинал нылпи будӥз атайёстэк. Сюлме нош тусбуйтэк тятя кылиз, Юртъёс палэсмизы пиосмурттэк. Али но мон уг быгатскы туссэ Шорам тазьы огпол коть пуктыны... Озьы поэт вераз атайтэк будэм трос нылпиослэсь мылкыдзэс, куректэмзэс, малпаськемзэс но мукетъёслэсь вожъяськемзэс, секыт мылкыдын гожтэ со гуртъёслэн воргоронтэк кылемзы сярысь но: Нош коркаос мӧзмо пиосмуртлэсь, Солэн ужын сылмем киосызлэсь, Луло, жингрес тӥр гуръёслэсь, Пышез туйылыса йыгамъёслэсь. Соин ик, дыр: кошке ке пиосмурт, Мӧзмыт луо укно пиялаос. Уг чиля тӥр, уг вӧлы вӧлон пурт, Сьӧдэктыло ини мумыкоръёс. Юртлэн тусыз гинэ ӧвӧл, озьы быдэс гуртлэн но тусыз воштӥське - сьӧдэктэ, куанерме, куашкан калэ вуэ соиз яке таиз юрт. Но бертымтэ атайёслэсь ужзэс азьланьто пиоссы: Аръёс нош эмъяло висёнъёсыз. Тани будо гуртын пинал пиос, Ӝиптӥськемын выль коркаос вӧзы, Губрес песянай кадь, вуж юртъёс. Со коркаос мӧзмо пиосмуртлэсь, Солэн ужын сюрмем киосызлэсь... Секыт война аръёслэн бервылзы гуртъёсын али но шӧдӥсько на - выль юртэн артэ пиосмурттэк кылем юртлэн куашкано тусыз пуке на. Та кылбур книгаяз В.Ивашкин вордскем шаерезлэсь пӧртэм палзэ возьматӥз: солэсь лудъёссэ но, возьёссэ но, нюлэссэ но, лыдӟись азе поттӥз ас палысьтыз адямиослэсь малпаськонъёссэс, сюлэмшугъяськонъёссэс, куректонъёссэс но шумпотонзэс. Кызьпу арамаослы но мылкыдзэ кисьтытэк уг чида со: Бен тӥ возьмады, кызьпуос, - Арамаысь веськрес сузэръёсы?.. Я, вае, ӟыгырто мон тӥледыз, Та нуналэз возьмай вал чидатэк. Шумпотӥзы небыт куаръёс ваньмыз. Пелям ик шыпыртэ дугдылытэк. Пумтэм верам чебер малпанъёстэс мон, Чилясь весез кадь, огазе быртто. Нош кырӟамме огпол коть кылӥды ке, - Тӥляд кузьмам гурды со жингыртоз. Та чуръёс умой валэкто ини, кытысь кылдӥзы поэтлэн верано кылъёсыз, мадёнъёсыз - ваньмыз соос вордскизы ас палдэ, ас музъемдэ но калыктэ гажам но яратэм бордысь. 1 Усьтӥське катанчи Начальной школаын Кызьы атас ӟичыез пӧяз Шудӥсьёс. Ӟичы Атас Кион Гондыр (Сцена вылын асьме палъёсын будӥсь писпуос: кыз, кызьпу, палэзьпу. Огпалаз коркалэн макетэз сылэ). Лыдӟись. Кескич ӟичы нюлэскытӥ калгыны потэм. Пумитаз атас шедиз. Атас (туж кильтро дӥяськемын. Мылкыдыз умой, шулдыр кырӟа). Ко-ко-ко, кокорико! Базарысь мон бертӥсько. Басьтэм сиён-юонэн Курегъёсме утялто! Ӟичы (ымдуръёссэ ческыт нюлышъяса, ас понназ вераське). Сиё ке, сиё ини (собере шара туж гольтырес вазе пумитаз лыктӥсь атаслы). Кытчы ветлӥд, атас уроме? Атас (йӧн-йӧн).Базаре ветлӥ ай, тани сиён-юон басьтӥ. Ӟичы. Тыныд кемалась вераме потэ ни вал, атас уроме. Асьмеос кыдёкын ум улӥське, озьы ке но, ог-огмы доры куное ум ветлӥське. Букельёслы матэгес тодматсконо вал. Туннэ лыкты мон доры куное. Но нырысь ойдо тодматском. Мынам нимы Васса, нош тонэ кызьы нимало? Атас (йырзэ выллань ӝутыса). Мынам нимы Петька, тросэз монэ тодо. (Собере ас понназ). Таин юлтошъяськид ке, кема улод меда? Ӟичы. Сыл ай, сыл. Кошкыны эн дырты. Мон туннэ ик тонэ куное ӧтисько. Тьфу! Вунэтӥ. Нимдэ, шуисько, вунэтӥ. Кызьы шуид вал ай? Вунэтонтэм вылысь нимдэ гожты вал кымысам. (Ас понназ). Эх, сиысал мон тонэ али ик, но адӟисьёс луозы, урод малпалозы. Дорам куное ӧтьыса сиё ини. Лыдӟись. Атас со вискын ӟичылэн кымысаз бадӟым букваен гожтэ - "Гондыр". Атас. Ӧтемедлы тау, Васса кенак. Куное дорад вуо туннэ ик. Вить! (Ӟичы дорысь сэрытак кошконъяз, ас понназ). Уф, йыры мозмиз, лэся. Кема тон витёд мынэсьтым лыктэмме! Ӟичы. Я бен, ӟеч лу! Лыктэмдэ витё! (Ымдуръёссэ нюлышъяса, ас понназ). Лыктӥд ке ай ӝытазе ческыт сиён луод. Лыдӟись. Ӝытазе укно котырад берга ини, отчы-татчы учкылэ. Кунозэ чидатэк вите. Ӟичы (кырӟа). Атасэз мон витисько, Юртъерме шулдыртӥсько. Ӝытазе пуком ни ӵош. Мон солы луо юлтош. Хе - хе - хе - хе! Лыдӟись. Бергаса, бергаса уй но вуиз ни. Нош атас ялан ӧвӧл. Сое витьыса, ӟичы укно дураз ик умме усиз. Ӵукна сайказ. Кӧтыз сюмамын. Атаслэн пӧямез понна вожез потэ. Ӟичы. Ай пӧямед понна мон тыныд возьмато атас юлтош! Вуэмед бере ик, кыл вератэк сиё! Ведь кинэ пӧяны дӥсьтӥд? Ассэ ӟичыез! Лыдӟись. Ӟичы дораз пукыны ӧз чида ни. Ачиз атасэз утчаны потӥз. Пумитаз кион шедиз. Кион. Кытчы вамышъяськод ӵукна ик, ӟичы уром? Ӟичы. Ма утчасько... кинэ шуод ай? Нош ик нимдэ вунэтӥ шол. Учкы ай кымысам, солэн нимыз гожтэмын. Кион (лыдӟемез бере туж абдраз).Нош мар соин карод? Ӟичы (лек вера). Сиё мон сое, ӧрекчамез, пӧямез понна! Кион. Озьы, иське. (Ас понназ, кышкаса). Гондырез сиыны малпа бере, таид монэ но уз ньылы-а? (Ӟичы дорысь пегӟыса кошке). Лыдӟись. Нош ӟичы азьлань вамыштӥз. Пумитаз гондыр сюриз. Гондыр. Кытчы потӥд ай, ӟичы уром? Ӟичы (туж лек). Марымез... утчасько. Кыл шедьтӥсько-а? Ма нош ик нимзэ вунэтӥ. Учкы ай кымысам. Отын солэн нимыз пусъемын. Гондыр. Гон-дыр?! (Лыдӟиз но паймиз). Дугды ай, эн лекъяськы. Валэкты мыным, мар соин карод? Ӟичы (лек). Чиданэ ӧвӧл ни, гондыр уром! Сиё мон сое. Монэ, кескич ӟичыез, кыӵе пӧяз! Гондыр (табере гондыр ачиз но лекомиз). Озьы шуиськод, иське, сиыны малпаськод? Мар бен, адӟом, кин кинэ сиёз, куасалоз! (Лек куараен ӟичы борды ӝабырске). Лыдӟись. Ӟичы мазэ-созэ валатэк, лекомем гондыр дорысь шуш куараен кесяськыса пегӟе. Озьы тӥни амало атас кескич ӟичыез пӧяны быгатӥз. Катанчи. Удмурт калык выжыкылъя пьеса дасяз С. Широбокова, Вотка карысь 1-тӥ номеро школаысь дышетӥсь. 1 Шор ёзо школа Р.И.Яшина, филология наукаосъя кандидат, Удмурт Элькунысь наукая сӥё-дано ужась. Е.Самсоновлэн "Арама кузя" веросэзъя урок (7-8 классъёслы) Та вакытэ, нациос куспын керетонъёс, вожвылъяськонъёс потылон дыръя, уката кужмоятыны кулэ тупаса улонлы но эшъяськонлы сӥзем ужез. Угось ог-огдэ валаса но гажаса гинэ луоз умой улон дурыны, начармонысь потыны. Соин ик юн чаклано, кыӵе произведениосты кутыны луоз калыкмылэсь данзэ ӝутон но пӧртэм калыкъёслэсь кусыпъёссэс юнматон вылысь. Одӥгез сыӵе произведение луэ Е.В.Самсоновлэн "Арама кузя" веросэз. Со сӥземын быдӟым ӟуч композиторлы Петр Ильич Чайковскийлы. Макем быгатӥсь (гениальной) адями, сокем со юн гажаны быгатэ пӧртэм калыкъёсты (ичи лыдъемъёссэ но). Тӥни сыӵе малпанэ вуоно, веросэз лыдӟыса. Сыӵе адямиос пӧлы пыре П.И.Чайковский но. Кылыз ласянь верос сокем узыр ӧвӧл ке но, пуштросэз (фактураез) тунсыко - бадӟым вераськон ӝутыны юрттэ, ас калыктэ, солэсь культуразэ гажан мылкыдэз пуромытэ. Урокез ортчытэмлэсь азьло веросэз нылпиос доразы мед лыдӟозы. Сое шедьтыны луоз Е.Самсоновлэн "Арама кузя" (1959) сборникысьтыз. Одӥгезлы дышетскисьлы сётоно нимаз уж: дасяно писательлэсь вакчияк улэм-вылэмзэ (биографизэ). Уроклы материал но быръёно азьвыл ик. Ваёно проигрыватель яке магнитофон, П.И. Чайковскийлэн "Времена года" циклысьтыз шуркынмон толэзьлы сӥзем "Тройкаын" гуреныз но "Арама кузя" удмурт калык кырӟанэн диск яке плёнка, П.И. Чайковскийлэсь но Е.Самсоновлэсь туспуктэмъёссэс, Воткинскысь музей-юртлэсь фотографизэ. Умой луоз толалтэ куинь чебер вал кыткемъёсты (тройкаез) возьматыны.("Удмуртия" но "Ижевск" фотоальбомъёсысь). Урок кутске солэсь мугзэ веранэн (учке азьпаласьтыз), собере дышетӥсь нылпиосын кенеше, юанъёс сётъя, собере текстэн ужаны кутско. Дышетӥсь. Кинлы сӥземын "Арама кузя" верос? Кин сое гожтӥз? (Нылпиос верамъя, дышетӥсь портретъёсты возьматэ). Дышетскись. Петр Ильич Чайковский вордскиз 1840 арын асьме шаерысь Воткинск городын, заводэн кивалтӥсьлэн Илья Петровичлэн семьяяз (возьматоно музей-юртэз). Татын со тямыс арес луытозяз улӥз. Туж вазь, ньыль аресысен ик, фортепьяноен шудыны дышиз, угось воспитательницаез Фенни Дюрбах усто музыкант вал. Куддыръя вал утисьёссы (огез удмурт, мукетыз бигер вал) пичи Петяез, гуртъёсы потакузы, сьӧразы басьтылӥзы, соин пияш трос гинэ удмурт, ӟуч но бигер кырӟан гуръёсты кылылӥз. Дышетӥсь. Вералэ, кыӵе ар сярысь вераськон мынэ верослэн кутсконаз? Кин но кыӵеен син азе пуксе? Дышетскись. 1876 ар. Возьматэмын Москваысь тол ӝыт, ӝомо-югдо вакыт. Кыдёкысь мае ке тодаз вайыса, рояль дорын пуке П.И. Чайковский. Дышетӥсь. Веросысь шедьтэ но лыдӟе солэсь тусбуйзэ возьматӥсь чуръёсты. Ваньды огпол учке на портретэз. Дышетскись. Чагыресь, чебересь, ӟырдыт ӝуась синъёсыз солэн кыдёке, лызпыр адскись укное учко. Куддыръя паськыт но ӝужыт кымессэ кисыртэ но туж мур малпаськыса сылэ, туж кемалась кылэм шулдыр гурез тодаз вайыны тырше, куддыръя чиньы йылъёсыныз... рояльлэн клавишъёсыз вылэ зӥбылыса, пӧртэм гуръёс кылдытэ. Со гурен быдэс комната тырме. Дышетӥсь. Озьыен, возьматэмын композиторлэн ужан вакытэз. Кыӵе произведение кылдытэ со та вие? Кытын та сярысь верамын? Дышетскись. Со кылдытэ "Тройкаын" фортепьянной пьеса. Та сярысь верамын верослэн пумаз. Дышетӥсь. Кылзом та произведениез. Пыртэмын со "Времена года" пьесаосын циклаз, сӥземын шуркынмон толэзьлы. Татын "Пьеса" кыл кутэмын музыкалэсь жанрзэ возьматон вылысь. Веросэз лыдӟемъя, ма сярысь тодӥды? Кыӵе удмурт кырӟанлэсь гурзэ тодаз ваиз композитор? Дышетскись. Нырысь кылзо "Арама кузя" кырӟанэз, собере ини "Тройкаын" пьесаез. (Кылзэ проигрыватель яке магнитофон пыр). Нылпиос пьесаысь шедьто куинь пол чузъяськись гурзэ, кудӥз туж матын "Арама кузя" кырӟанлы. Калык кырӟанэз дышетӥсь ачиз но кырӟаны быгатоз, нош Чайковскийлэсь пьесазэ клубысь музыкантэз шудытоз (ӧвӧл ке пластинкаос но пленкаос). Нялтас вералом, та гуръёсты плёнка вылэ гожтытыны луоз Удмурт радиолэн фонотекаысьтыз (Ижевск, Коммунаров урам, 216). Чаклано луоз, "Тройкаын" пьеса мынэ 7 минут, "Арама кузя" кырӟан 4 минут, соин ик музыкаез кылзонлы висъяно 11 минут. Кылзэм бере кенешон выльысь азинске. Дышетӥсь. Ку но кытысен П.И. Чайковский кылэм но тодаз возем "Арама кузя" кырӟанлэсь гурзэ? Дышетскись. Пичи дыръяз Еремеич конюхенызы удмурт гуртэ потакузы. Дышетӥсь. Кинъёсын пумиськиз Петя гуртысен? Лыдӟом веросысь со интызэ. Дышетӥсь. Удмурт кылын вераськыны быгатӥсьтэм Петя кызьы шедьтэ огъя кыл Любаен? Кыӵе сямыз юрттэ солы? Дышетскись. Лякыт, умой сямыз, киосыныз ваньзэ возьматыны быгатэмез. Дышетӥсь. Мар сярысь мадиз Еремеич Петялы доразы бертыкузы? Дышетскись. Со мадиз ог-огзэс яратӥсь кык егитъёс - Натӥ но Егор сярысь. Нош бӧрысьгес Егор узыр муртлэсь нылзэ кышно каре. Натӥ куректэ но весь "Арама кузя" кырӟанэз ӝож мылкыдын кырӟа. Собере со монастыре кошке. (Монастырь кылэз валэктоно). Соос семья уг кылдыто ни, инмарлы вӧсясько, калыклы юрттыны сюлмасько. Дышетӥсь. Нош Егорлэн улонэз удалтӥз-а? Дышетскись. Ӧз. Шадра кышнозэ со ӧз яраты, варматаез дорын ляльчи чотын улӥз, берло бӧрдӥз, ой, кыӵе бӧрдӥз! Дышетӥсь. Кыӵе кыл сётэ Петя Еремеичлы, городэ вуыкузы? Быдэстэ-а кылзэ? Лыдӟе со диалогез. (Пиналъёс лыдӟо, огез шара, отӥез понназы). Дышетӥсь. Быдэ вуэм бераз ини тодмо композитор луыса, 36 аресъем композитор выльысь тодаз вае пинал дыръяз кылэм удмурт гурез но соя выль фортепьянной произведение кылдытэ. Кызьы тӥ малпаськоды, пиналъёс, удмурт калык кырӟанлы ӧй ке синмаськысал, кылдытысал-а со таӵе чебер пьеса? Озьыен, быдӟым композитор туж вылӥ дунъяз удмурт гурез, сое выль произведениезлы валтӥсь тема карыса. Вералэ, Чайковскийлэсь кыӵе произведениоссэ тодӥськоды на? (Кин кӧня вералоз, нош кӧнязэ ке дышетӥсь ачиз но будэтоз на). П.И. Чайковский кылдытӥз кӧня ке симфониос, операос, балетъёс но мукет произведениос. Тужгес тодмо луо фортепьяноен оркестрлы Нырысетӥ концертэз, 6-тӥ симфониез, "Евгений Онегин", "Русалка", "Мазепа", "Чародейка", "Черевички", "Пиковая дама", "Иоланта" операосыз, "Щелкунчик", "Спящая красавица", "Лебединое озеро" балетъёсыз, "Ромео и Джульетта" фантазиез, "Итальянское каприччио" но мукетъёсыз. Соос пӧлын ик "Времена года" фортепьянной циклэз но. Кулӥз композитор 1893 арын, секыт висемез бере. Дыр кылиз на ке, кылзыны луоз "Лебединое озеро" балетысь пичи юсьёслэсь эктонзэс яке "Неаполитанской эктонэз". Озьыен, кинлэн но кыӵе произведениеныз асьмеос тодматским? Табере кылзом на Евгений Васильевич Самсонов сярысь ивортонэз. (Азьло дасяськем дышетскись вера). Лыдӟыны дэмлано на солэсь "Толэзьысь тӧл" но "Тӧдьы кызьпулэн югытэз" веросъёсын но легендаосын сборникъёссэ. Бӧрысьгес ини (9-11 классъёсын) эскерыны луоз "Льӧльшур палъёс" трилогизэ. Нош П.И. Чайковский сярысь пыр-почгес тодыны мылкыд карисьёслы дэмлано Осип Черныхлэн "Повести о русских музыкантах" книгаысьтыз П.И. Чайковскийлы сӥзем люкетсэ (М.:Детгиз, 1963), нош музыкаен тунсыкъяськисьёслы дэмлано: А.А. Альшванг. Дни и годы Чайковского. Летопись жизни и творчества. М. 1940; Н.Д. Кашкин. Воспоминания о П.И. Чайковском. М., 1896, переиздание 1954. Е.С. Берлянд-Черная. А.С. Пушкин и П.И. Чайковский. М., 1950. П.И. Чайковский. Жизнь П.И. Чайковского. М., 1900, 1902. Х.В. Холодовский. П.И. Чайковский. М., 1942. Кудзэ книгаез шедьтоды, сое ик лыдӟоды. Котькуд книга валатон сётэ, быдӟым музыкант туж трос ужа вылэм шуыса. Шонер верамын: гений - со бадӟым таланто но трос ужась адями. Шор ёзо школа А.Бегишева, Бураново школа. Сайкатэ "изись" калыкез"... Азькыл Анатолий Аркадьевич Перевозчиков вордскиз но будӥз Пичи Пурга ёросысь Байситово гуртын. Гожъяськыны кутскиз пичиысен. Кызьы ачиз вера: "Школаын дышетскыкум, мынэсьтым гожъяськон мылкыдме бугыртӥз, сайкатӥз-а, шуод ... удмурт кыллы но литературалы дышетӥсьмы Раиса Ивановна Покоева". Нырысетӥ кылбурез печатлаське сизьыметӥ классын дышетскыкуз "Молот" журналын 1961 арын. Собере печатласькизы кылбур сборникъёсыз: " Мон малпасько вал..." (1980), "Зэмлык синъёс" (1989), "Гажанлэн выжыосыз" (1984), "Йырчукин" (1997). Кылбур гожъян сяменыз калленак выже проза борды но. Нырысетӥез веросъёсын книгаез потӥз 1995-тӥ арын "Чулпон" нимын. Берло дыре писатель ужа эпос бордын, соин ик, кызьы шуэ ачиз "... ӵем гинэ вашкалае "зымылӥсько", тросгес лыдӟисько валля ӵыжы-выжыосмылэн улэм-вылэмзылы, сям-йылолъёссылы сӥзем ужъёсты". Та амалэн гожтэм произведениоссэ лыдӟись синйылтӥз ни "Кенеш" журналысь: "Инмар но Керемет" (1999), "Донды батыръёс" (1997). Та ужъёсыз пӧлы ик, мон сямен, пыртыны луоз "Ар гурезь йылысен" кылбурзэ но (1995). Писатель сяна, Анатолий Аркадьевич туж усто журналист, сое ми валаськом, гожъям статьяоссэ лыдӟыса. Со поэт, со прозаик, со критик но. Статьяосыз: Ф.Пукроковъя "Шуг-секытъёслы ӧчкарыса задормисько..." но "Чупчиысен Валоозь" кылбур сборникезъя " Шундылэн сиосыз крезь кадь шудо..." А.Перевозчиковлэсь творчествозэ эскеризы: К.Ломагин ("Та бугырес улонын...", Кенеш. 1997, � 2, И.Ходырева ("Мед воректоз ӟардон"). В.Шибанов ("Мон малпасько вал..." , "Советской Удмуртия", 1981, 20 инвожо), А.Леонтьев ("Улонлэн выжыосыз", "Советской Удмуртия", 1995, 27 южтолэзь). Ар гурезь Кылбурлэн нимыз ик туж мур малпаськытэ... "Ар гурезь йылысен" мае гинэ адӟыны уг луы. "Ар гурезь" - улон гурезь. Лирической герой сылэ со гурезь йылын но адӟе улонлэсь кык ёззэ: ортчемзэ но али даурез. Со шуэ: Кыӵе шумпотыса кылзысал мон али Вашкала быдӟым крезь кырӟамез. Ваньзэ, маин узыр, сётысал мон али, Мед гинэ жингыртоз куараез. Кыӵе шумпотыса кылзысал мон али, Песятай, выжыкыл мадемдэ. Но сюе кошкемдэ шӧдытэк мон кыли, Ӧй, ӧй утьы шырыт сюлэмдэ. Озьыен, валаны луэ, героймылэн дауръёсты одӥг гердэ герӟамез потэ: вашкала быдӟым крезь кырӟамез, песятайзэ, солэсь выжыкылъёссэ. Нош куд-ог дыръя озьы лэсьтыны уг луы. Ум ни быгатӥське ортчемзэ берыктыны сыӵеен ик, кыӵе со вал, одно ик маиз ке но воштӥське, улон уг сылы, дыр ортче. Бен, оло со берыктоз быдӟым крезез, нош кин соин шудоз на? Кин кылзоз выжыкылъёсты? Соосыз песятаез уз мадьы ни, кулэм муртэ уд улӟыты. Басьтомы та чуръёсты ик: Вашкала крезьмылэн жингырес сиосыз Ышиллям одӥген но кыкен. Ар гурезь йылысен улон тӧл соосыз Пурысьтам йырсиез кадь ишкем. Улон тӧл. Уг кельшы-а та ӵошатон асьме калыкмылы? Кельше, туж кельше. Бен, кин, адями сяна, ваньзэ тӥя но ваньзэ лэсьтэ? Ачиз со куашкатэ вужзэ, чик но малпаськытэк, нош собере выльысь маке но лэсьтыны кутске. Песятай, песятай, трос аръёс ортчыса, Нош ваи мон тодам кылъёстэ: "Палдурес улонмы, азьвылзэ ыштыса, Уг, уг лу юн писпу выжытэк!" Лирической герой тодаз вае песятаезлэсь кылъёссэ, кудъёсыз верамын вал ини трос аръёс талэсь азьло. Нош соослэн пуштроссы ноку но уз вужме. Улонмы азьвылзэ ыштӥз ке, маиз солэн кылёз на, алиез гинэ учкыса, кыдёке уд вуы, писпу но выжытэк, мар писпу со. Писпу со уз луы ни, луоз кор. Кор - со лултэм маке, уг но буды, уг но пушйы - сисьме. Улон но азьвылзэ ыштӥз ке, пӧрмоз корлы, каллен- каллен быроз, куасьмоз. Вашкала улонысь чебересь кырӟанъёс Сюлэмъёс кадь кысо, ышыло. Вашкала улонысь чебересь кырӟанъёс ышыло асьме яратоно песянайёсынымы ӵош ик. Соос куло, кошко но нуо сьӧразы кырӟанъёссэс, веранъёссэс. Озьы ик со ваньмыз быроз. Асьмелэн тодамы ке ӧз лыкты юаны, гожтыса кельтыны. Та пумысен ик лирической герой но шуэ: Ар гурезь йылысен асьмеос, удмуртъёс, Йырсимес , дыр, куке ишкылом. Азьвылзэ пыраклы ыштӥм ке, оло зэм но, йырсимес но куке ишкылом. Оло войнаос но та пумысен ик пуромыло адями карам. Озьыен уг яра вунэтыны азьвылзэ - со асьмелэн азьпал улонмы но. " Улӥллям-вылӥллям..." Кинъёс меда? ЪВИИ даур котырын "ар" шуо вылэм бигер выжыос удмуртъёсты. Соин ик та "Ар гурезь" кыллэн оло мукет пуштросэз но вань - "Удмурт гурезь", нош кытын со гурезь? Шуг тодыны, малы ке шуоно, ми урод тодӥськом удмуртъёслэсь историзэс, ляб дышетӥськом этнографиез, со асьмелэн бадӟым ыштонмы. Оло этнографиез ке тодысалмы, вашкалаосмес ӧм ке вунэтысалмы, та кылбуре туж мур выйыны луысал. Соку та чуръёсъя но туж уно тунсыкозэ усьтысалмы. Йылпумъян. Вордскем шаер сярысь Уг дугды верамысь, Кызьы мон ошмесысь Уг дугды юэмысь... (Ф.Васильев). Туж шонер верамын та кылъёс, сое уката умой валаськом, А.А. Перевозчиковлэсь "Ар гурезь йылысен" кылбурзэ эскерыса. Со быдӟалаезъя бадӟым ик ӧвӧл, нош малпанэз туж мур. Та чуръёсын одӥг шугъяськон: вань-а удмурт калыклэн азьланьыз, малы со быдтыны турттэ аслэсьтыз вашкала историзэ? Кытчы вуом тазьы асьмеос? Кин ке йырзэ висьытэ меда та пумысен? Мон малпамъя, уг. Анатолий Аркадьевич та кылбуреныз сайкатэ "изись" калыкез, малы ке шуоно, али ке со ӧз "султы", отӥяз бер луоз ни. Уже кутэм литература 1. Ломагин К. Та бугырес улонын. //Кенеш. - 1997. - � 2. 21-24 б.б. 2. Перевозчиков А.А. Шундылэн сиосыз крезь кадь шудо...//Молот. - 1988. - � 1. 56-57 б.б. 3. Перевозчиков А.А. Шуг-секытъёслы ӧчкарыса задормисько... //Кенеш. - 1997. - � 11-12. 24-27 б.б. 4. Перевозчиков А.А. Веросъёс. //Кенеш. - 1995. � 6. 35 б. 5. Перевозчиков А.А. Инмар но Керемет. //Кенеш. - 1999. - � 9. 31-37 б.б. 6. Перевозчиков А.А. Кылбур сузьет.//Кенеш. - 1998. - � 6. 3-5 б.б. 7. Писатели Удмуртии: Библиографический справочник /Составитель А.Н. Уваров - Ижевск: Удмуртия. 1969. - 46 б. 8. Ходырева И. Мед воректоз ӟардон.//Удмурт дунне. "Малпаськыны дышетэ" (Бураново шор ёзо школаысь 11-тӥ классын дышетскись Алевтина Бегишевалэн "А.А.Перевозчиковлэн "Ар гурезь йылысен" кылбураз пӧлэстэм визьнод" рефератлы дунъет). Азьло ик верано луоз, реферат бордын рос-прос ужамын. Азькылаз вакчияк но быгатыса сётэмын А.Перевозчиковлэн быдэс творческой сюресэз. А.Перевозчиков - кылбурчи, прозаик, журналист, критик - ваньмыз та синадӟымон возьматэмын лыдӟисьлы. Озьы ик рефератлэсь азькылзэ лыдӟыса тодыны луэ, кыӵе писательёс, ку, кытын (кыӵе изданиосын), кызьы дунъяло А.Перевозчиковлэсь литература удысын тыршемзэ. Реферат гожтӥсьлэн но, поэтлэн но одӥг сюлэмвисёнзы - калыкмылэсь историзэ утён, удмуртлыкез ӝутон. Авторлэн малпамезъя, асьмеос ум малпаськиське вашкала улон сярысь, ум кельтӥське йырамы песянай но песятай веранъёсты. Соин ик, дыр, дышетскись гижысь-пиньысь басьтӥськиз та тема борды. Малы туала удмуртъёс, уката ик егитъёс, уг тыршо утьыны ас калыксылэсь историзэ, сямъёссэ. "Кулэ дыръяз гинэ тодэ ваиськом", - вера автор. Гырпумдэ куртчы на вылэм но, бер ини. Удгес сузиськы. Реферат темаезлэсь пуштроссэ автор муромытыны быгатэ, кылбурысь сяна, быгатыса но интыяз кутэ Ф.Васильевлэсь чуръёссэ. Вылӥ дунъет сётыны луоз эпиграф бырйыны быгатэмезлы. Эпиграфез (Ф.Васильевлэн ик кылъёсыз) юн герӟаськемын ӝутэм ужпумен. Туж умой ӵошатон шедьтэм автор. Писпу выжытэк - кор, улон но, азьвылзэ ыштӥд ке - кор. Но татын кӧня ке валэктон кыл кулэ, дыр. Кор пайда уг сёты шат адямилэн улоназ, дырыз дыръя ке со уже кутэмын? Рефератлэн туж бадӟым кулэлыкез: со пиналъёсты малпаськыны но кылбуръёсты сэрттыны-пертчыны дышетэ. Татысь тодон-валан гинэ ум басьтӥське. Та уж ас шаердэ, калыктэ гажан мылкыд пыӵатэ. Рецензент: Лия Николаевна Девятова - Бураново шор ёзо школаысь удмурт кылъя но литературая дышетӥсь. Оппонентэз: Надежда Михайлова - 10-тӥ классын дышетскись. 1 1 Е. Ф. Гагарина, Вуж Монья школаысь литературно-творческой кружокен кивалтӥсь. "Милям "Чингылимы" Чингыли! Чингыли! Чингыли! Жингыртыса лэзь али! "Чингыли" кружок кутске, Нош ик ужзэ азьланьтэ. Дыртэлэ тӥ, пиналъёс, "Пӧраломы" выль ужъёс. Котькуд среда нуналэ, Куать урок ортчем бере, Литкружоке лыктэлэ, Кенешомы огдыре. Таӵе ялон гожтыса, мон чидатэк витисько муспотон нылпиосме. Кружок ортчытон нунал - мон понна бадӟым шумпотон, сюлмысь вераськон. Пиналъёс но чидатэк витё та нуналэз. 1990 арын сӥзьыл 1-тӥ классэ ветлӥсь пиналъёсыным кылдытӥмы "Чингыли" нимо кружок. Классын 20 кузя котьмае тодыны тыршись нылъёс но пиос. Нырысетӥ занятиямы вераськимы азьланьын быдэстоно ужъёсмы сярысь. Соку ик киямы кутӥмы "Кизили" журналэз. Сое кутсконысеныз пумозяз "сӥсъямы", озьы ик суредъёссэ эскерим. Милемлы со туж яраз. Отысь суредъёсъя 3-4 предложениослэсь пичиесь веросъёс йӧндырыны кутским, собере асьмелэсь ужъёсмес ӵош эскерылӥм, дунъет сётылӥм. Озьы суредъёс пыр дышетскыны кутским улонысь чеберез валаны, сое утьыны, гажаны. Пиналъёслы тужгес но яразы кыл волятонлы сӥзем ужъёс. Кылсярысь: Ля - ля - ля - ля Эктыны потэм Валя, Арганэн шудэ Толя. Кыл волятонъёс бордын ужам бере, пиналъёслэн асьсэлэн но та выллем гожъяны мылкыдзы ӝутскиз. Эскерыса вуттоно ӧвӧл ни, сомында люкаськиз. "Кизили" журналэ но бырйыса ыстылӥм. Тани ки улам шедиз Надя Тепляковалэн гожъямъёсыз: Ке - ке - ке - ке, Маринамы лыдӟиське, Нош Олямы мисьтӥське. Ӧм - ӧм - ӧм - ӧм, Кружокын кенешиськом, Ог-огмылы юрттӥськом. Дэ - дэ - дэ -дэ, Коли дэриен шудэ, Уно выжыкыл тодэ. Мы - мы- мы - мы, Губилы, пе, мыномы, Бадӟым тэле пыромы... Кылэз волятон бордысь адӟиське котькуд строфалэн рифмаез. Кылбурез кылдытонын со, оло, тужгес но секытэз. Нош тани тазьы удыса, мынам пиналъёсы чик но ӧз шугоме ни рифма быръён ласянь. Со ик луиз гожъяськонзылэн инъетэз но. Котькуд кылбурлэсь эскерылӥм кыл узырлыксэ, пуштроссэ, одно ик юаны тыршылӥ: малы дышетэ таиз яке соиз кылбур? Пудо-животъёс, пӧйшуръёс, тылобурдоос сярысь вераськылӥм, соослэн сямъёсынызы, вылтусынызы, выросъёсынызы, кыӵе пайда сётэмзэ эскерылӥм. Собере пичиесь сценкаосын шудылӥмы пӧртэм рольёсты. Пиналъёс дышизы инкуазьлэсь чеберзэ валаны, ваньзэ улэпсэ жаляны но утьыны, гуртмес шулдыр но чылкыт возьыны. Женя Филимонова кучапиез сярысь таӵе чебер кылбур пӧрмытэм: Мынам вань кучапие, Туж чебер, пуштрес гинэ. Мон сон яратӥсько, Ческыт шыдэн сюдӥсько. Кучае бадӟым будоз, Юртъермес возьмась луоз. Эшезлэн кылбурезлы дунъет сётэ Н. Теплякова: "Шӧдӥське Женялэн кучапизэ яратэмез, утялтэ, сюдэ сое, сак возьмаськисе луоз". Умой дунъямын. Гуртын улӥсь пиналъёс юн эшъясько пудо-животэн, ӵемысь асьсэос утялто, сюдо соосыз. Выжыкылъёс но кылдытэмын соос сярысь. 6 аресъем О. Гагарина "Скал но кунян" нимо выжыкыл малпам. - Сиеме потэ ... - бӧрдэ кунян. - Ойдо бен, бакча сьӧрын ик турын туж чебер ини, - ӧте скал анай. - Турын кулэ ӧвӧл, мынам йӧл юэме потэ... Скал нош ик буйгатэ: - Я бен, возьма, мукет скалъёсын ӵош нюлэскы, возь вылэ ветло, соку трос йӧл ваё. Кунян кыллиз но, ворттылӥз но, кӧтыз туж сюмаз ни, нош скал анай ялан ӧвӧл. Вож турынэз куаж-куаж сииз. Ческыт ук !" Оля ачиз ик валэктон сётӥз: та выжыкыл визьма, ужатэк сиён но ческыт уг поты шуыса, возьматӥське скаллэн кунянэз понна сюлмаськемез. Т. Петрова гожтӥз "Эшъёсыд ке трос" нимо выжыкыл. Со Луд Кеч, Кион но Ӟольгыри сярысь. Оскымон эшед ке вань, озьыен, нокытчы уд быр, нокыӵе кышкытлык ӧвӧл ни - сыӵе ужпумез ӝутэ нылаш. Нош О. Леонтьева "Кык" но "Вить" оценкаос сярысь тунсыко выжыкыл пӧрмытэм. Улӥллям-вылӥллям "кык" но "вить". "Кык" шуэ: "Улонэ майбыр, азьтэмъёс трос ай. Уже но вань, тетрадьёсты ӵыж-ӵыж гордмасько". "Вить" пумитаз вазе: "Оскисько, ӝоген тыныд мӧзмыт луоз". Кема даллашизы ке но, кылзы ӧз тупа. "Кык" азьтэм пи доры дугдӥз, бинялскиз ук бордаз. Кышказ, лэся, огназ кылемезлэсь. Нош "вить" эшъяськиз книга лыдӟисьёсын. Пиналъёс диктант гожъяло. "Кык" котькуд янгышлы лӧптэ ук, тэтча, люкетэ. Ма озьы ик луиз - азьтэмлэн тетрадяз кизем мында горд пусъёс. Тетрадьысьтыз "кыкез" адӟыса, пияшлэн вожез потӥз. Нош ик "кык" вуэм! Выльысь бордаз лякиськиз, пыдъёссэ сьӧлтаз. Азьтэм ма карыны уг ваал ни, "кык" сое берлань кыске. " Ойдо ми сьӧры библиотекае, " - "кыкен" вуэм пияшлы либытак вазиз "вить". Отын "кыкъёс" пукыны уг чидало, озьы гинэ мозмытскод шат соослэсь. Та выжыкылэз мукет классъёсын но лыдӟылӥм. Макем возьыт вал "кыкчиослы". Пиналъёслэн ужъёссы печатласькыны кутскизы "Кизили" журналын но Ӟечбур" газетын. Кыӵе бадӟым шумпотон со! Ведь тынад нимтулыд газетын, кӧня пиналъёс лыдӟозы уждэ. Озьы тӥни, "Кизили" но Ӟечбур" самой матысь эшъёсмы луизы. Али но ми соосын юн кусып возиськом, дэмен басьтӥськомы но эскериськомы та изданиосты. Тани кызьы гожтэ Л. Гагарина: "Кизили! Кизили! Тон яркыт кизили. Визь-кенеш сётӥськод, Эшъяськон кузьмаськод". Занятиосмес ортчытъяськом арнялы быдэ. Соосты аспӧртэмлыкогес карыны тыршиськом. Одӥгез но пинал тэк уг пукы, ваньзы ужлэн ӧраз пыремын. Тужгес но висъясько Н. Васильевалэн, В. Тарасовалэн , Т. Опоевалэн, В. Алексеевалэн, Л. Михайловалэн ужъёссы. 7-тӥ арзэ ужасько ини пиналъёсыным. Азинсконъёссы шӧдскымонэсь. Пӧртэм жанрен гожъяськыны быгато ини. Кылбуръёсын ӝутэм ужпумъёс пумен воштӥськизы: улон шоры учкон, яратон... Басьтом Н. Васильевалэсь кылбурзэ: Курыт синкылиос усё кагаз вылам. Кытын-о тон, малы ӧвӧл туннэ вӧзам? Кытчы ышид шӧдтэк шорысь, кытчы кошкид? Пал кыл но вератэк, ёнме шат палэнскид? Юнме вал шат со мусоесь чебер кылъёс? Кагаз вылам нош пӧрмымтэ кылбур чуръёс... Яке мукетыз: Малпанад гинэ Тон мон азьын - ляльчи, Соин ик, вылды, ноку но Уг лу пумит кыл верамед, Уг лу юрттэт куремед. Нош мон ӧвӧл кузё! Кузё луи малпанъёсад. Уг лу дорысьтым кошкемед. Ляльчи кариз яратэмед. Паймоно та востэм нылашлэн лушкем яратонэзлы. Но малы ке яратонэз кысэ, ыше, пегӟе. Мар шуод: оскон гинэ медаз быры, яратонэз мед зэмалоз. Нош Т. Опоевалэн кылбуръёсыз сӥземын инкуазьлы. Басьтом "Вазь тулыс" кылбурзэ: Тулысмы ни шӧдӥське, Куазь ини шунытоме. Липетъёсысь ваське ву Кожалод, зэмос - синву. Шырчикъёс но вуизы. Шулдыр гурзэс мытӥзы. Возь вылын лымы шуна, Нюлэскын кечсин мыня. Тудвуэд жильыр бызе, Пиналъёслы со вазе: "Чале, чале шудыны, Тырше монэ сутыны!" Тулыслэн кузёяськемез шӧдӥське гуртамы. Инкуазьын ортчем воштӥськонъёсты синйылтэ автор, тулыс котькинэ шунытэныз гочатэ, котькинлы шумпотон кузьма. Рекламаос ваньмызлы ик акыльтымон луизы, дыр, ини. Тани со пумысен ма гожтэ Л. Михайлова "Марс" кылбураз: Коли "Марс" басьтӥз туннэ. - Туж ческыт вылэм, - шуэ. - Шутэтсконо кӧня ке, Ӟигары быориз маке. "Марс", шуо, кужым сётэ. Пӧяллям гинэ юнме. Школаын кружок ортчытэм сяна, толэзьлы 2 пол ветлӥськомы ёросысь "Пурга кизилиос" литобъединение. Та объединение огазея 4 факультетъёсты: литературной, суредасьёслэн, театральной но крезьгурез яратӥсьёс. Котькуд факультетлэн аслаз кивалтӥсез: Н. Самсонов, Е. Антонова, Н. Шабалин но мукетъёсыз. Шудпуйыос ми, пургаос, сыӵе кебитмы вань шуыса. Нимысьтыз юрт висъямын милемлы, нокин уг люкеты. Кивалтӥсьёсмы ужзэс пӧртэм пумо ӧръяло. Пумиськылӥськом Удмурт Элькунысьтымы ӧнерчиосын (Л. Христолюбоваен, М. Атамановен), писательёсын но поэтъёсын (Л. Тихоноваен, В. Ар-Сергиен, Г. Романоваен, С. Карповен, В. Возняковен). Вуылӥмы Ижкаре Г. Д. Красильниковлэн музеяз. Агаез сярысь тунсыко мадиз М. Ишматова. Кунояським Можга городысь "Вало ӧр" литобъединение ветлӥсь пиналъёс дорын, кудӥныз ас дораз кивалтӥз Н. С. Байтеряков. Тодматскимы ог- огмылэн ужан амалъёсынымы, устоосэ ужъёсмес соослы кузьмам. Ветлӥмы "Кизили" журналлэн 10 ар тырмон юбилеяз. Ортчытъяськомы пӧртэм школаосын выездной заседаниос. Озьы эшшо но мылкыдмы ӝутӥське, гожъямъя гожъям потэ. Выль эшъёс, пумиськонъёс, тунсыко ужъёс малпаськыто: нош малы соослэн озьы, маин ми пӧртэм? Эшшо но бугырскем мылкыдын тыршиськом, ялан выльзэ утчаськомы. Милемыз уно пол возьматӥзы ни телевидение пыр, отын ми гожъямъёсмес лыдӟылӥмы. Трос пумо конкурсъёс яло газетъёс, журналъёс. Ми одӥгаз но пыриськытэк ум чидаське, вормисе потӥсьёсмы но вань. Кылсярысь, "Кизили" журналэн ялэм "Тылпуэн нюръяськон" конкурсын 1-тӥ интые потӥз О. Никитина. Со шутэтскиз "Шунды" лагерьын, вуылӥз Санкт-Петербурге но кунгож сьӧры, Финляндие. Со-а ӧвӧл шумпотон!? "Ӟечбур" газет но школаысьтымы пиналъёслэн нимтулзытэк уг пота ни, оло. Туж шумпотоно: ведь со мынам но "киземелэн" емышез. Кружоке ветлӥсь пиналъёс берыктон бордын но ужало. Татын тужгес но висъяське Женя но Ирина Михайловаос. Соос ик гожтэм кылбуръёссыя, крезьгур малпаса, кырӟан кылдыто. Пиналъёс басьтэм вормонъёсынызы буйгатско, азьлань дырто, выльзэ утчало. Кӧня быгатонлык! Нош кыӵе чебересь сочинениос соос гожъяло. Ваньмыз пиналъёслэн сюлмаськемзы бордысь потэ. Одӥг уджрад но соостэк уг отчы. Кӧня шуныт милемлы верало. Нош шуныт кыл дас тол, пе, шунтэ. Озьыен, мынам муспотонъёсы висъясько эшъёссылэсь саклыкенызы, кыл узырлыкенызы, визьмынызы, котьмае жалясь, утись луэменызы. Озьы тӥни, ужамъя ужам потэ, тэк пукыны дыр ӧвӧл. Туннэ мынам данъяськыса шара вераме потэ: ми пӧлын вань ини "кыкетӥ" Р. Нефедова, В. Ар-Серги, Н. Шабалин, Н. Самсонов. 1 Ӧтиськом кенешыны Н. А. Ермокина, Кечево школаысь дышетӥсь. Удмурт кылтодонын куд-ог правилоосъя валантэм югдуръёс Шуг-а удмурт кыллэсь грамматиказэ гожтыны? Та юанлы профессор Г. А. Ушаков тазьы валэктэ: "Меӵак верасько: туж шуг. Соинтэк-а берло кызё аръёс ӵоже сое выльдыны ум быгатӥське? Соинтэк-а пиналъёслы дасям учебникъёс но ог-огзылы уг тупало? Соинтэк-а грамматикая одӥг ужпумез ик я озьы, я тазьы эскериськомы? Соин сэрен пиналъёс гинэ ӧвӧл, дышетӥсьёс но йыромо, кызьы валэктыны но ма карыны ӟудо". Ма ватонэз, ваньмыз сямен, азьлоосыз но, туалаосыз но, грамматикаосмы ӟуч кылъягес гожтэмын. Милемлы, удмурт кылъя дышетӥсьёслы, мертэт луэ учебник. Шугомонъёс, ченгешонъёс кылдыло олимпиадаослы дасяськыку, соослы йылпумъянъёс лэсьтыку. Огъя споръяськонъёс луыло тужгес но таӵе учыръёсы. Шуом, зарни но азвесь медаль понна гожтэм сочинениосын пумиськыло диалект кылъёс. Куд-огъёсыз сыӵеослы чутрак пумит. Но солы чик но курданэз ӧвӧл. Удмурт литературной кылмы кылдӥз диалектъёс вылын, али но соос литературной кылэз азинто.Озьы бере, сочинение гожъясь адямилэсь кылзэ соос аспӧртэмлыко каро, югдурез зэмос суредало, удмурт кылмес синонимъёсын узырмыто. Диалектология удысын ужась профессор В. К. Кельмаков диалектъёс сярысь гожтэ: "Возь вылын сяськаос трос пӧртэм. Котькудӥз ас сяменыз шулдыртэ, чебер каре инкуазез". Мон сямен, сочинениосазы нылпиослы диалектъёсты кутыны лэзёно. Валаса, интыяз гинэ кутэмын мед луоз. Макем капчиесь правилоос морфологиын но синтаксисын, сокем капчиен соос йыре кылё. Озьыен, пиналъёс но янгышъёстэк гожъясько. Удмурт кылтодонлэн одӥгез туж ляб эскерем люкетэз луэ синтаксис. Та сярысь верало учебникъёсын сётэм пунктуационной темаос но. Куд-ог темаосты выль сямен эскерон сэрттэмын-пертчемын "Вордскем кыл" журналын но. О. П. Корепанова, Глазов пединститутысь удмурт филологияя кафедраысь старшой преподаватель, эскере приложениосты обособить карон правилоез. Мон но, мукет дышетӥсьёс но валаськомы, приложенилэн определениез ик умойтэм шуыса. Приложение со нокызьы но, мон сямен, определение уг луы. Умойгес ӧй луысалыз-а правилоез тазьыгес гожтыны: "Приложение - со предметлы ватаса сётэм валэктон, ним". Вӧлскымтэ приложениос луыны кулэ предложенилэн сыӵе членэз, кыӵе юанлы соос валэкто. Тужгес но профессиез, ужез, предметлэсь пӧртэмлыксэ возьматӥсь приложениос: мастер-сталевар нырысетӥ проба басьтӥз. Татын со подлежащей луэ. Агроном-садовод, дышетӥсь-биолог, врач-окулист но мукет та выллем кылъёсты сложной карыны уг луы-а? Луэ. Но малы ке приложение темая гинэ тямыс правило. Сое пиналъёс шуген йыразы кельто. О. П. Корепановалэн гожтэмезъя, тире пуктон правилоос уг тупало предложенилэн пуштросэзлы. Ӟеч дышетскись пиналъёс гинэ но приложениын тире пуктон правилоез ӵемысь уг кутыло. Пиналъёс гинэ-а? Профессиональной писательёс но тире интые запятой пукто. Уг лякиськы та правило удмурт синтаксисэ, уг но тупа. Озьы ик ченгешон учыръёс луо пӧртэм оборотъёсты обособить карыку. Асьмелэн вань огвыллемесь куинь оборотъёсмы: деепричастной, отглагольной, ӵошатон. Та куинь оборотъёслэн вань куинь одӥг кадь правилозы. 1) Обособиться карисько соку, куке соос глагол-сказуемоез валэкто но солэсь мукет кылъёсын висъямын уло. 2) Обособиться уг карисько, ас валэктоно кылзы азьын сылыкузы. 3) Обособиться карисько, куке соос валэктоно глагол-сказуемойзы бере яке предложение пумын сыло. Та куинь правилоез дышетскись вала ке, обротъёсты пусйыкузы ог 70 процентэз янгышъёс быро. Нош чыры-пыры правилоос пиналлэсь йырзэ гинэ сурало кадь потэ мыным. Тани, кылсярысь, одӥгез гинэ соос пӧлысь: ӵошатон оборотъёс сказуемой интыын луыкузы, обособиться уг карисько. Пример. Возь выл пужыё ковер кадь. Та предложениез лыдӟыку но, эскерыку но куара нокытчы но уг дугдылы, дугдылэмез но кулэ уг кары. Таӵе исключениос пиналъёсты курадӟыто гинэ. Оборотъёсты придаточнойёслэсь висъяны туж секыт. Та пумысен умой статьяез потӥз А. Ф. Шутовлэн. Дышетӥсь ачиз пыр-поч эскерытэк, чаляк гинэ, та выллем предложениосты эскерыкуз ачиз но шугомоз. Диктант яке изложение гожъякузы, пиналъёс грамматической основазэ утчаса уг уло ни - дыр ӧвӧл. Олимпиадаосы дасян дыръя, зэмзэ но, таӵе югдуръёсты сэрттыны-пертчыны луоно ик. Нимысьтыз дуглылэме потэ сяна, сярысь интые кылъёсын сочетаниосты обособить карон борды. Ним но таослы сюрымтэ ни. Чаклано ке, та кылъёсын сочетаниос, котьмае соос мед возьматозы, запятоен висъясько нош ик вылӥынгес гожтэм 3 правилоосъя. Кылсярысь: Книга лыдӟем сяна, мон лекциос кылзыны ветлӥсько на. Та предложениын сяна, сярысь, интые кылъёстын сочетание глагол-сказуемойлэсь висъямын мукет кылъёсын. Та правилоез пиналъёс кылылӥзы но дышетӥзы ни вал деепричастной, отглагольной, ӵошатон оборотъёсты эскерыкузы, соин ик сое капчиен валало но. Татын ик кыкетӥ правилоез тазьы шуэмын: куке со возьматэ трос предметъёс, явлениос пӧлысь мае ке лыдэ басьтымтэез, соку сяна кылэз воштыны луэ лыдэ басьтытэк кыл сочетаниен: Нылпиос сяна, клубын ог кык сю мурт люкаськемын вал (Удмурт кыл 6-8 классъёслы, 1981 ар, с. 90). Та правилоез но тазьы валэктыны луысал: глагол-сказуемойлэсь висъямын мукет кылъёсын. Лыдэ басьтытэк кыл сочетаниен воштом: Нылпиосты лыдэ басьтытэк, клубын ог кык сю мурт люкаськемын вал. Пӧрмиз деепричастной оборотэн предложение, кудӥзлэн правилоез таӵе: деепричастной оборот глагол-сказуемоезлэсь висъямын ке мукет кылъёсын, соку обособиться кариське. Озьы но, тазьы но эскерыса, отчы ик вуим. Сярысь кылын сочетаниез ӵошатон оборотэ пыртоно, малы ке шуоно, правилоез сыӵе ик. Малы сое нимысьтыз олокытчы пыртыны кулэ? Правилоез но пырак озьы гожтэмын: сярысь кылын сочетание запятоен висъяське, ӵошатэмез возьматыкуз гинэ (Удмурт кыл 6-8 классъёслы, 1981 ар, с. 90). Мукет нокыӵе правилоосыз ӧвӧл ни. Синтаксис разделын таӵе валамтэос ик вутто начар тодон-валан басьтонэ но. Кылем дышетскон арын ортчытэм контрольной ужъёслэн анализазы но гожтэмын, синтаксис удысын лябесь тодонлыксы шуыса. Пӧртэм обособлениосын 8-тӥ классын лэсьтэмын 73,6 процент янгышъёс. Министерстволэн но Россиысь академилэн Урал ёзысьтыз историяя, кылъя но литературая Удмурт институтлэн дунъетъёсазы тазьы пусъемын: "Янгышъёс дышетӥсьёслэн ляб ужамзы бордысь гинэ уг пото. Нырысь ик, элькунысьтымы кылчиосын-тодосчиосын та ужпум ляб эскеремын на. Соин ик ӝогомытоно орфографияя но пунктуацияя выль правилоосты дасянэз но юнматонэз". Эшшо но секытгес югдур фонетика удысын. Туж валантэм а, о, э но я, е, ё букваослэн гласнойёс бере гожтӥськемзы. Уй кизилиё нош кизилиозь лобаны. Кузьылиё инты нош кузьылиозь сузьыны. Малы озьы луэмын? Кызьы та югдурез валэктоно? 5-тӥ классын 58 �-ын но валэктон сётэмын ӧвӧл. 6-тӥ классын "Прилагательной" темаын но верамтэ. Милям дышетон учебникъёсамы вань ай падежъёсмы. Нош школаысьтымы УдГУ-лэн удмурт факультетаз дышетскись студентъёсмы юан сёто: "Удмурт кылын ӧвӧл шат кылпумъёс?" Университетысь дышетӥсьёс, пе, озьы дышето. Ми нош ик шузиегес кылиськом. Малы мон тае пусйисько? Учебникъёсты ученойёсмы огъя кыл шедьтыса мед гожъялозы. Кылтодонын берло научной исследованиос но отын мед луозы. Сюлэмшугъяськон кылдыто сложной кылъёсты шонер гожъян правилоос. 8-тӥ классын контрольной диктантлы анализ лэсьтыку пусъемын: ӝыныезлэсь ятырез нылпиос янгышен гожтӥллям. Татын правилоос но уродэсь ӧвӧл кадь, пиналъёс но со правилоез капчиен валало. Нош янгышъёс трос. Тужгес но янгышало губи нимъёсты гожтыкузы. Кыӵе соосты нимаз гожтэм потэ: лӥялгуби, ожогуби, коньыгуби, куркагуби, тӧдьыгуби. Ӟуч сямен белый гриб нимаз гожтӥське ук. Прилагательноен существительноен пӧрмем кыл сочетание уг луо-а соос? Озьы ик мугор люкетъёсты нимась сложной кылъёс но (кипыдэс, йырбер, пыдпыдэс). Таосыз существительнойлэсь но послелоглэсь пӧрмем кыл сочетаниослы тупало но нимазы гожтӥськыны курисько. Туннэ асьмеос азьпала ужан школамес эскериськом, со сярысь вераськиськом. Удмурт кылъя дышетӥсьёс туж но туж витё ини синтаксисъя выль учебник. Азьланяз удмурт кылъя дышетӥсьёслэн но мед луозы вылэм пӧртэм пумо учебникъёссы, справочникъёссы, дидактикая но методикая пособиоссы. Мед быгатысалмы компьютерен но дышетыны. Ваньмыз мед луоз мукет предметъёс радын ик. 1 1 Т.Зеленина, учительница русского языка и литературы средней школы 1 с. Малая Пурга. "Флорвасильевский" поэтический феномен (в помощь учителю-словеснику) Негромкий поэтический голос Флора Васильева становится все слышнее в храме Российской Поэзии, где Флор Васильев был чрезвычайным и полномочным представителем литературы Удмуртии. Сейчас уже говорят о "флорвасильевском" феномене в удмуртской литературе и, быть может, не только в удмуртской. И об этом еще много скажут. Свидетельство тому, что действительно "Флорвасильевский" поэтический феномен существует, - многочисленные переводы стихов Флора Васильева с удмуртского на русский маститыми русскими поэтами. Возьмите в руки любой сборник переводов - и вы убедитесь в этом. О. Поскребышев, Вл. Солоухин, Я. Серпин, Ст. Шипачев, А. Жигулин - вот неполный список тех, кто занимался переводами. Думается, что мнение всех переводчиков прекрасно выразил Степан Шипачев: "После прочтения стихов Флора Васильева в оригинале возникает "соблазн перевести" и познакомить с этим поэтическим чудом всех, кто говорит на русском языке и интересуется поэзией". Высокую оценку поэтическому наследию нашего земляка дает воронежец Анатолий Жигулин в своей потрясающей книге "Черные камни". Венгерский ученый- литературовед Петер Домокош в фундаментальной работе "История удмуртской литературы" по праву называет Васильева выдающимся. Без сомнения, стихи Флора Васильева должны "прийти" на урок русской литературы. Как же добиться того, чтобы учащиеся увидели в поэте Личность, достойную восхищения, и прикоснулись к его творчеству как к феномену. Не считая предложенные материалы единственно возможными, мы полагаем, что они окажутся полезными для проведения урока-воспоминания о Флоре Васильеве, на котором приоткроется живая душа поэта. По-видимому, заинтересовать учащихся лирикой Ф. Васильева можно движением от Личности поэта к художественному своеобразию его творчества, потому что в жизни, в общении с людьми, как отмечает Олег Поскрёбышев, близко знавший Ф. Васильева, он был таким, каким предстает перед читателями со страниц своих книг. Необходимо поэтому непосредственно обратиться к жизни поэта, к его биографии, факты которой можно найти в предисловиях к поэтическим сборникам, в монографии П. Домокоша "История удмуртской литературы", в книге "Восхождение" в документальной повести, написанной сыном С. Ф. Васильевым, "Эхо в лесу". Мы же предлагаем лишь краткую биографическую справку. Флор Иванович Васильев родился 19 февраля 1934 года на севере Удмуртии - в деревне Бердыши Ярского района. Сын учителя, он рано увлекся чтением: в 6-7 лет знал наизусть стихи многих удмуртских и русских поэтов. О своем детстве, нелегком, военном, трудном, он часто потом вспоминал в своих стихах. "Детство, опаленное войной", - такую характеристику он даст ему. Окончив 7 классов, поступил в Глазовское педучилище, потом в Глазовский пединститут, где стал старостой литературного творческого кружка: с этого момента и стал по-настоящему писать стихи. Любовь к слову, желание писать привели его в журналистику: после окончания института он работал сначала в редакции глазовской газеты, потом в редакциях республиканских газет "Комсомолец Удмуртии" и "Советской Удмуртия". По его инициативе был начат выпуск поэтических сборников "Между Волгой и Уралом", где печатаются произведения писателей и поэтов Удмуртии, Татарии, Башкирии, Мари-Эл, Мордовии, Чувашии. 6 июля 1978 года в возрасте 44-х лет он попал в автокатастрофу, возвращаясь из села Красногорское в Ижевск после удачно проведенных Дней литературы. Не стало Флора Ивановича, но остались его стихи, а в них - он сам - широкой души человек. Вновь обратимся к воспоминаниям О. Поскребышева, который как никто лучше сумел рассказать о человечности и альтруизме своего друга: "Хочется сказать о тех чертах и манерах Флора Васильева, проявляющихся в обращении с людьми, которые можно назвать одним словом - интеллигентность. Глубокая, внутренняя, непоказушная интеллигентность Флора Васильева обнаруживалась в большом и малом. С какой легкой непринужденностью умел он, например, подхватить чей-то чемодан, подавать пальто, галантно пропустить вперед себя. Ни разу Флор Иванович не повысил голоса на подчиненных, не было случая, чтобы не откликнулся на просьбу о помощи, вообще на человеческий зов. Не мог он подвести человека никогда, ущемить его человеческое достоинство. Высокая интеллигентность, которая составляла сущность его характера, ощущаешь и в его стихах. Может быть, она и составляет основу феноменального успеха его поэтического наследия, в котором звучит неоднократное напоминание людям о бережном отношении друг к другу. В частности, эта тема затронута в стихотворениях "Слово" (русский перевод Вл. Солоухина), "Не черните, люди" (перевод Э. Балашова). СЛОВО Когда ты хочешь молвить слово, Мой друг, подумай, не спеши. Оно бывает то свинцово, То рождено теплом души. Оно то жаворонком весело, То медью траурной поет, Покуда слово сам не взвесил, Не выпускай его в полет. Им можно радости прибавить И радость ядом отравить. Им можно лед зимой расплавить И камень в крошку раздробить. Оно ограбит иль одарит. Пусть ненароком, пусть любя, Подумай, как бы не ударить Того, кто слушает тебя. Эше, вазид ке кинлы ке, Кылдэ тон вера малпаса. Шыпыт куара нл кылӥське, Пеле вуэ жингыртыса. Кылэз уд сермета ноку, Уд куты ни, лобӟиз ке со. Соин ик малпа веракуд, Кызьы тонэ сюлмыд косоз. Кылын изэз но пасялод, Потод высь но котмытэк. Музъем шарез но берыктод, Жадён калэз шӧдылытэк. Соин ик чакла верамдэ. Эн кары вӧсь кылзӥсь муртэ, Эн жаля тон ӟеч кылъёстэ, Капчиято ке улонэз. Это стихотворение - раздумье, раздумье о назначении слова в жизни человека, о его удивительной способности объединять людей, делать их смертельными врагами, исцелять человека и, наоборот, причинять ему страшную боль. При чтении строк этого стихотворения на память приходят другие, тематически связанные с ними: это строки из стихотворений В. Шефнера "Слова" и Я. Козловского "Слова умеют плакать". Есть слова - словно раны, слова - словно суд, - С ними в плен не сдаются и в плен не берут. Словом можно убить, словом можно спасти, Словом можно полки за собой повести. Словом можно продать, и предать, и купить, Слово можно в разящий свинец перелить. (В. Шефнер). Слова умеют плакать и смеяться, Приказывать, молить и заклинать, И, словно сердце, кровью обливаться, И равнодушно холодом дышать. Призывом стать, и отзывом, и зовом Способно слово, изменяя лад. И проклинают, и клянутся словом, Напутствуют, и славят, и чернят. (Я. Козловский). Тот же мотив - мотив бережного отношения друг к другу - звучит и в другом стихотворении Ф. Васильева "Не черните, люди". Не черните, Люди, Белый свет. Потемнеть пора придет и снегу. От напраслин Гибнет человек, И от сплетен горько человеку. Летом Сердце мерзнет у меня, Раненное черными словами. Даже солнцу не хватает дня Развести мою беду руками. Почему же, лето, почему Я осенней грустью Весь опутан? И в рассветном голубом дыму Я закатом полон почему-то. Не черните, Люди, Белый снег. Потемнеть пора придет и снегу. Как живешь, Спросите, Человек? Пожелайте счастья человеку. Эн дырты, эше, лымыез сьӧдманы, Тулыс ке лыктӥз, со ачиз сьӧдэктоз. Эн вӧлды ноку но урод кылъёсты. Озьы но данак на эзель-куректон. Туж юн витиськом ке но пӧсь гужемез. Гужем но уг шунты куддыр мугорез. Уг тырмы, лэся, кужымез кытӥяз, Шунды но соин ик гужем но сӥя. Соин, дыр. Соин , дыр, гужем нуналъёс Соку кельшыло ни мӧзмыт сӥзьыллы. Соин ӵемгес чузъясьо ёож гуръёс, Соин ик мӧзмыт ни куддыр сюлэмлы. Эн дырты, эн дырты лексэ вераны, Сюрес со ачиз но шедьтэ сюлэме. Тон дырты, тон дырты ӟеч кыл вераны. Шунды кадь солэн вуэмез! При чтении стихов Флора Васильева чувствуется и высокое мастерство поэта как художника слова. На это обращает внимание опять-таки О. Поскребышев, говоря об этом в образной форме в своих стихах: Слов не слышно - лишь купавы пахнут, Лишь вдоль поймы шелестит трава. Слов не слышно - только ветер бродит, Свежесть принося. (О. Поскребышев. "Здравствуй, друг, на все 4 ветра"). Слова в стихах Ф. Васильева, как это бывает у настоящих художников слова, превращаются в яркий художественный поэтический образ. Они создают подтекст стихотворений, поэтому при чтении мы их не видим - они исчезают, а вместо них в нашем воображении возникают какие-то волнующие картины, появляются чувства, тревожащие душу. Покажем на отрывках, что действительно во флорвасильевском слове скрыт огромный подтекст: слово, превращаясь в поэтический образ, заставляет нас что-то увидеть, что-то почувствовать, что-то услышать. Осень лес подожгла. Сладил рыжий огонь с тополями, И метнулся к рябине, и лижет крутой косогор. Возникает поэтический образ золотой осени за счет эпитета "рыжий", метафор: "подожгла", "огонь", "метнулся", "лижет". В двух строках, благодаря удачно использованным словам в переносном значении, вмещается целый рассказ об осенней красоте нашего края, красоте неброском, но неотразимо привлекательной. А вот следующие 4 строчки заставляют нас что-то почувствовать: Хватает Волге широты и сини, Но с Камою она еще сильней. И для меня бы не было России Без маленькой Удмуртии моей. В этих строчках - огромная любовь поэта к своей малой родине - Удмуртии. Чтобы показать свою огромную любовь к отчему краю, Ф. Васильев использовал сравнение- параллелизм: величие русской реки Волги, куда впадает Кама, берущая начало у нас в Удмуртии, в Кезском районе, недалеко от Кулиги, сравнивается с непомерно огромной любовью поэта к отчему краю. Этой же цели способствует и инверсия, связанная со словом "моей": оно стоит не на своем месте, поэтому на него падает логическое ударение и мы на нем акцентируем свое внимание. Читая это стихотворение, мы вместе с поэтом чувствуем в себе неподдельную гордость за то, что родились и живем на Удмуртской земле. Обращая внимание на эти строки, венгр П. Домокош пишет: "Мало кто сумел так точно, с такой любовью охарактеризовать свою родину, как он (Флор Васильев)". А вот другие стихотворные строки - они наполнены словами, в которых спрятаны звуки - эти звуки надо услышать, и тогда слова исчезнут - вместо них возникнет звуковой поэтический образ. Гром гремит И грохочет над крышей, Словно небо пошло ходуном. Может, дразнят его Ребятишки - Оттого и ворчит Старый дом? Через звукопись - шестикратное повторение звукосочетания [гр.] и четырехкратное повторение отдельного звука [р] - мы "слышим" раскаты грома, т.е. благодаря удачно подобранным словам в воображении слушающих и декламирующих эти строки возникает звуковой образ грома. Удмуртский язык сам по себе очень музыкален, поэтому стихи Флора Васильева даже в переводе так и "просятся" на музыку. Музыку к ним пишут как композиторы- профессионалы, так и композиторы-любители. В частности, стихотворение "Чипчирган звучал печально" стало песней благодаря А. В. Иванову, учителю средней школы 1 села Малая Пурга. Чипчирган звучал печально У реки родной моей. А вблизи, Зарю встречая, Веселился соловей. Заливался неустанно, Оглашал весельем ночь. Звук печальный Чипчиргана Он старался Превозмочь. Двух мелодий звук сливался, Доносился сквозь туман. Только в сердце Отзывался Лишь печальный Чипчирган. Чипчирган векчи гинэ чипсэ. Озьы меда бӧрдэ-а со шара? Сюлэме вандӥсь лэчыт гурзэ Туннэ уг согы нокыӵе куара. Бадь ваез, дыр, ӵогизы ӝотак. Со вай яраз, вылды, чипчирганлы. Чигем вай шат куректэ, калтак, Яке сокем секыт кырӟасезлы? Шур валлин вӧлске бӧрдӥсь куара, Пумен бинялтӥське тӧдьы бусэн. Ӝожомем нуны кадь ӟечыра, Викышъясь воштэ ини гурзэ. (Русский перевод А. Жигулина). 3 Шор ёзо школаын У. А. Имполитова, учительница Старомоньинской средней школы. Г. Верещагин как сказочник Зачин удмуртских сказок обычно немногословен. Но он задает определенный тон и рассказчику, и слушателю, как бы помогает им мысленно перенестись в ту эпоху, в которой происходили события. Г. Верещагин начинает свою поэму-сказку "Батыр дӥсь" с учетом особенностей поселения удмуртского народа. Весь уклад жизни, привычки, психология, верования указывают на неразрывную связь удмуртов с лесом... Удмуртские поселения всегда располагались в местности с таким расчетом, чтобы рядом была вода и лес. Поэма начинется строфами реального плана: Та югыт дуннеын Туж бадӟым сик дурын, Кытын котьма пӧртэм Чирдӥллям папаос, Улэм туж узыр мурт Ас корказ-интыяз. На этом белом свете У огромного леса, Где разные Пели птицы, Жил очень богатый человек В своем доме-месте. Далее мы узнаем об этом богатом человеке: Семьяез со муртлэн Туж бадӟым вылымтэ, Со ачиз пересьмем, Кышноез лябомем; Нылъёсыз вылымтэ, Пиосыз вылэм вить - Витьназы кышнотэм. Семья у этого человека Не была особенно большой: Он сам состарился, Жена ослабла; Дочерей у него не было, Сыновей было пятеро - Все пятеро не женаты. Какое богатство было у этого человека? Да, семья небольшая, но иметь в удмуртской семье пятерых сыновей - это уже богатство. Г. Е. Верещагин отмечал, что удмурты "счастье" полагают только в детях, особенно в сыновьях, поэтому у кого есть дети, тот считает вправе назвать себя счастливым, довольным судьбой, т. к. на мужскую душу полагался земельный надел, а дочь надо замуж выдавать, приданое готовить. Весь интерес в волшебной сказке сосредоточен на судьбе положительного героя или героини. Они воплощают в себе народный идеал красоты, нравственной силы, доброты, справедливости. Из всех детей один выделяется в сказках либо умом и красотой, либо отсутствием их. В данном случае: Одӥгез, бадӟымез, Ымнырын туж чебер, Тусэныз туж таза; Визьмоен но визьмо. Один из них, старший, Лицом очень пригож, Внешностью очень привлекателен; Умом тоже умен. Для усиления эмоциональности автор использует тавтологию (визьмоен но визьмо). Характеризуя удмуртов, исследователи неоднократно отмечали их миролюбие, доброжелательность, песенность, терпеливость, исключительное трудолюбие: Арлыдэ со вуэм - Салдатэ басьтӥллям. Салдатын со улэм, Кызь кулэ улыны: Юытэк, юмшатэк, Картаен шудытэк. Улонэз со быдтэм - Лэзиллям гуртаз; Вот он стал взрослым - В солдаты взяли. В солдатах он жил Как положено: Не пил, не гулял, В карты не играл. Завершил он службу - Отпустили домой. Итак, наш герой, солдат, - обобщенный тип народного героя. Сюжет сказки "Батыр дӥсь" во многом сходен с русскими народными сказками. Вот, к примеру, тот же зачин сказок: "В некотором царстве, в некотором государстве жил-был солдат. Отвоевал войну и пошел домой". ("Про глупого змея и умного солдата"). Солдат всегда и всюду одинаков в сказках - остроумен, смел. Кузьмаллямзы солы Туж чебер дуно вал. Вал вылаз со пуксем, Гонӟыртэм но кошкем. Подарили ему Очень красивого, дорогого коня. Сел он на своего коня и поскакал. На этом все бы завершилось, если бы на пути солдата не происходили чудеса: Я, лыктэ ни огназ Сикетӥ, ягетӥ. Уӵыос чирдо туж, Луд кечъёс бызьыло. Из корка со вуэм. Вот идет уж один По лесу, бору. Соловьи поют, Зайцы бегают. До каменного дома он дошел. Среди сказочных персонажей значительное место занимают помощники. героя. В данной сказке это богатыри. Наиболее ярко функции помощников проявляются в формах испытания героя: справно отслужил - получил коня, саблю или же чудесную рубашку, которая поможет выйти из трудных ситуаций. Итак, богатырь дарит солдату чудесную рубашку, которая придает ему громадную силу. Благодетель, провожая своего героя в путь, дает наказы. Дальнейшая судьба героя зависит от исполнения этих наказов. "... Идут путем-дорогою, а навстречу им седой старичок; позабыли они, что мать наказывала и прошли мимо, не поклонились, да уж после один спохватился. Нагнали старика, сняли шапочки, кланяются в пояс. - Спасибо, добрые молодцы!.. И за уважение старик дарит двум Иванам по богатырскому коню..." ("Два Ивана - солдатских сына"). Батыр дӥсь сётыса, Солдатлы верам на: - Тон кытын, пе, уд лу, Ма уж лэсьты - куиньлэсь Кышка туж дуннеын: Палаштэ курисьлы Ныдыныз, пе, эн сёт; Эн, пе, учкы берлань, Ыж сямен, кеч сямен... Отдав богатырскую одежду, Солдату сказал еще: - Ты, де, где не будешь, Будешь ли что-то делать - Бойся особенно на свете: Просящему саблю свою. Но первая же встреча с девушкой-красавицей сбивает с пути солдата: Палашсэ салдатлэсь Ныдыныз ныл басьтэм. Ныл соку ик бырем, Олокытчы луэм; Со пумысь ик отын Чыртыяз салдатлэн Маке кый биниськем, Куштэмез луымтэ. По законам художественного творчества в сказке в центре внимания оказывается человек. Происходит его самоопределение, развивается проблема нравственности, раскрываются этические, моральные качества героя. Г. Верещагин ставит героя-солдата в ситуацию выбора: Палашсэ салдатлэсь Ныдыныз куре ныл. Со сётэм йылсэныз. - Ныдыныз вай, - шуэ. Нылмурт туж бӧрдэ. Минутная слабость и жалость оборачиваются солдату трагедией. Змей - страшный враг человеческого рода. Он олицетворяет врагов человека. Подобную картину можно встретить и в русских народных сказках. Например: "Царевна-змея". "Ехал казак путем-дорогою и заехал в дремучий лес; в том лесу стоит стог сена. Казак закурил и не заметил, как заронил искру в сено. Оглянулся казак, смотрит - стог сена горит, а в огне стоит красная девица и говорит громким голосом: "Казак, добрый человек! Избавь меня от смерти. Сунь в огонь свою пику, я по ней выберусь. Казак сунул пику в огонь, а сам отвернулся от жару назад. Тотчас красная девица оборотилась змеёю, влезла на пику, скользнула казаку на шею, обвилась вокруг шеи три раза и взяла свой хвост в зубы..." Избавиться в тот же миг герои от змеи не могут. Солдату ("Батыр дӥсь") пришлось обратиться к богатырю-дарителю. Но тот помочь не смог. Богатырь отправляет солдату к своему старшему брату. - Туж сэрыт вай мыным Пыласькын ошмес ву, - Озь шуэм ӟеч батыр Со кыен салдатлы. Со пумен ик солдат Батырлы ву ваем. Выль вуэн пыласькем Туж сэрыт со батыр... Собере соысьтыз Висъетысь со поттэм Сю пудъем корт нушы. Шоналскем соин туж Кый пала ... Кый бырем. Богатырь еще раз предостерег солдата: Малпа, чакла ялан: Палаштэ ныдыныз Нокинлы но эн сёт, Мышкад но учкытэк Мын, кытчы мынӥськод. Кышноед ке луиз, Кузъяськид ке соин, Неноку но солы Кыл эн потты шонер. Женские существа, некогда выступавшие в качестве матриархальных покровительниц, в патриархальную эпоху начинают осознаваться как враги нового, и именно поэтому во многих сказках становятся антиподами героя. Ранее мы встретили змею в обличии девушки, просящей меч. И далее жена солдата будет стараться уничтожить своего мужа. Елена Прекрасная подобна жене солдата ("Чудесная рубашка"). В поэме "Батыр дӥсь" особое место занимает свойственная многим и русским, и удмуртским сказкам цифра 3: Три полка, три раза царь посылает своих людей привести солдата к себе. Здесь же автор использует такой поэтический прием, как градация - усиление действия или качества: Салдатэз басьтыны Дас салдат со ыстэм. Но в ответ получает: Эксэйлы ке кулэ, Со ачиз мед лыктоз Эксэй туж лекъяськем; Люкам кык полк салдат. Царь снова получает отказ: Мед лыктоз, пе, ачиз, Мон кулэ ке солы. Эксэй туж лекъяськем, Ыстэм куинь полк салдат Басьтыны салдатэз - Вайыны ас дораз... Солдат все же настаивает на своем: Мон уг мын со доры, - Салдат нош ик шуэм. Мед лыктоз, пе, ачиз, Мон кулэ ке солы. И лишь тогда, когда сам царь изволил приехать к солдату, последний согласился сходить в гости: Я, ветло, пе, иське, Эксэе, тон дорад, Улэмдэ-вылэмдэ Кызь улскод тон, адӟо. Эта картина показывает характер героя. Он настойчив до упрямства. Хотя царь был зол на солдата, и это чувство росло с каждым разом, когда тот отказывал ему, все же настойчивость взяла верх. И в последний момент встречи в словах солдата можно заметить одолжения: Я, ветло, пе, иське Эксэе, тон доры... В отличие от многих сказок, в поэме царь выдает свою дочь за солдата без испытаний. Крестьянский сын-солдат достигает самой вершины благополучия: Улонэз солэн ӟеч, Вармаиз туж узыр, Котьмаиз солэн вань, Ужез но тырос. Кышноез салдатсэ Яратэ, мусоя, Куспазы тупало. Эта картина рисует идиллию, мирно уживаются деревенский парень-солдат и царь со своей дочерью, так сбываются давно лелеянные простым народом мечты, грезы о благополучной жизни. Но эта мирная картина нарушается появлением короля: Со вылэм туж етӥз - Улосаз вегин мурт. Он был очень ловким - В родных краях колдуном. В "чудесной рубашке" между двух людей встает Змей Горыныч, которого Иван- купеческий сын пожалел, когда тот слезно начал молить-просить не убивать. Король ("Батыр дӥсь") и Змей Горыныч ("Чудесная рубашка") начинает войну против героев сказок, чтоб выйти победителями и добиться жен солдата и Ивана- купеческого сына. Здесь снова автор применил прием градации и повтор действий три раза. Король посылает своих против царя. Тут солдат встает в защиту царя: Со тушмон королез Мон огнам, пе, вормо, Мыным сёт, пе, бордам Дас солдат гинэ тон. Гнев короля возрастает, и он посылает второй раз своих людей. Солдат же снова собирается сражаться: Соосты, пе, вормо, Сю солдат гинэ вай. В третий раз посылает король войско на царя. Солдат снова показал свою силу: Мон быдто соосты, Вай кык сю гинэ, пе, Салдаттэ тон мыным. В этих трех случаях солдат сражается против королевского войска в чудесной рубашке. Но следует отметить, что в четвертый раз пришлось сражаться против короля и уже без помощи чудесной рубашки, но темные силы сделали свое: ... Елена Прекрасная напоила мужа крепким зельем и снова стала его спрашивать: "Скажи, милый, где твоя мудрость, где твоя сила?" Иван, купеческий сын, открыл ей тайну о чудесной рубашке. А когда Иван заснул, Елена Прекрасная сняла с него рубашку, а самого изрубила на мелкие куски и приказала выбросить в чистое поле, а сама стала жить со Змеем Горынычем". В поэме-сказке "Батыр дӥсь" король изрубил солдата на куски, все сложил в мешок, который привязал к хвосту коня. Конь с этим мешком возвращается к богатырю- дарителю чудесной рубашки. Итак, герои изрублены и выброшены. Казалось бы, все завершилось, но несправедливо, если положительный герой в финале сказки погибает. Сказка тем и отличается, что положительный герой побеждает всегда. Мир волшебной сказки - мир необычайный, удивительный. Волшебная сила воды поможет воскреснуть героям и продолжить свой путь: Луло ву собере Шӧй доры со ваем; Шӧй вылэ со вузэ Со пумысь ик пазьгем. Лултэм шӧй соку ик Лулъяськем но султэм. ("Батыр дӥсь"). Как же происходило в русских народных сказках? Бросился сокол вниз, убил с налету вороненка и сказал старшему ворону: "Принеси скорее мертвой и живой воды". Ворон полетел и принес мертвой и живой воды. Орел, сокол и воробей сложили тело Ивана-купеческого сына, спрыснули сперва мертвою водою, потом живою. ("Чудесная рубшака"). "Лежит Иван-царевич мертвый, над ним уж вороны летают. Откуда ни возьмись, прибежал серый волк и схватил ворона с вороненком. - Ты лети-ка, ворон, за живой и мертвой водой. Серый волк спрыснул мертвой водой раны Ивану-царевичу, раны зажили, спрыснул его живой водой - Иван-царевич ожил!" ("Иван-царевич и серый волк". В сказке отмечается несовпадение у героя представление о времени. - Кыӵе кема, - шуэм, - Кӧлӥськем мон татын. -Как долго, - сказал, - Спал я здесь. Но это "долго" герой представляет действие, которое совершилось мгновенно. Солдат снова отправляется в путь. В поэме полностью сохранены традиционные сказочные мотивы и художественные приемы. В сказках определенный интерес представляет мотив чудесного бегства с превращениями. Спасаясь от преследования, герой может превратиться в животных, в предметы и т. д. Вот идет солдат по лесу, споткнулся и превратился в коня неслыханной красоты. Причины для перевоплощения могут быть различны, но сам факт говорит о том, что люди верили в возможность такого явления. Мысль об умении человека превращаться в животное, птицу или предмет возникла на основе древних тотематических воззрений: создателем рода может быть тотем-животное, птица, растение и т .д. Прием неузнавания : король не может узнать в этом коне солдата, но жена узнает в нем своего бывшего мужа и тут же доносит королю. Появляется еще один помощник, который не даст пропасть герою. Он также часто встречается в русских народных сказках: - Режь рябую корову! Старик и так и сяк: - Что ты, старуха, в уме ли! Корова молодая, хорошая! - Режь да и только! Делать нечего, стал точить старик ножи. Хаврошечка про это спознала, в поле побежала, обняла рябую коровушку и говорит: - Коровушка-матушка! Тебя резать хотят. А коровушка ей отвечает: - А ты, красная девица, моего мяса не ешь, а косточки мои собери, в платочек завяжи, в саду их схорони и никогда меня не забывай..." ("Хаврошечка"). Что же происходит в сказке Верещагина? Мед ыбозы, - шуэм Вал жалясь стряпкалы, - Куинь шапык пӧсь вирме Басьты тон лушкемен, Пу доры ик садэ Сое мертты. Нокин Медаз адӟы уждэ. Так все сделано и было. Из капель крови на ночь в саду появляется дерево невиданной, неслыханной красоты: Со вирысь кылдэм пу Туж чебер, кылонтэм. Царская дочь снова узнает в этом дереве солдата, и снова было решено уничтожить дерево: Кораны мон татысь, Сутыса вань пеньзэ Тӧлӟыто мон талэсь. Но стряпка услышала слова эти и обратилась к дереву. По просьбе солдата-дерева выбросила она ветку на берег пруда, а там появляется селезень. Увидев утку, король помчался на пруд, снял тут же богатырскую одежду и бросился в воду. Солдат же снова облачился в богатырскую одежду и стал таким же сильным и расправился с королем. Женился на дочери царя, и зажили они вместе в мире и согласии. В завязке сюжета в удмуртской сказке "Батыр дӥсь" и в русской народной сказке "Чудесная одежда" обнаруживается не только их сходство, но и различие. Обратимся к русской народной сказке "Чудесная рубашка": "Селезень завел Змея Горыныча вглубь озера, вспорхнул на берег, оборотился добрым молодцем, надел рубашку и убил Змея. После этого пришел Иван-купеческий сын во дворец, Елена Прекрасную прогнал, а на ее служанке женился и стал с нею жить-поживать, добра наживать". Не стал жить Иван-купеческий сын с Еленой Прекрасной, хотя условие было выполнено им: "Кто победит Змея Горыныча, за того ей замуж идти". За предательство Елена Прекрасная была прогнана, и ее место занимает служанка. Здесь мы видим размашистость характера русского солдата. Он быстро находит замену своей бывшей жене. В сказке Г. Верещагина концовка чуть иная: Королез со вием Отын ик, яр дурын Эксэйлэсь со нылзэ Нош басьтэм кышнолы. Эксэйлэн из корказ Улыны кутскиллям, Ненокин но соин Ожмаськын дӥсьтымтэ. Короля он убил Там же, на берегу, Царскую дочь он Снова взял в жены. В царском каменном доме Жить начали, Никто с ним Воевать уже не посмел. Солдат в удмуртской сказке смог простить все злодеяния царской дочери и продолжил с ней совместную жизнь. Итак, мечта простого солдата - жить в царских хоромах - сбылась. Здесь нашло отражение народное представление о царской жизни как о верхе возможного счастья. Перед нами образ солдата, который предпочитает добро, справедливость, всего добиваться своими силами. Это отражено и в завязке поэмы. В отличие от русского солдата, который первую свою жену меняет на вторую, удмуртский герой уверен в своих силах и надеется, что жена, которая опустила ошибку, непременно осознает свой плохой поступок, их ждет счастливая совместная жизнь. К тому же у удмуртов многие легенды и предания говорят, что батыры погибают из- за жен, лошадей, мостов. Обычно батыры погибают из-за вторых жен и пегих коней. Идеалом семейной жизни удмурта было жить до смерти с первой женой. Интересен язык произведения. Поэма написана двустопным анапестом - самый распространенный размер в удмуртском фольклоре. Синтаксический строй поэмы близок к разговорному: группа сказуемого следует за группой подлежащего. Лексические и морфологические диалектизмы, заимствования делают язык поэмы близкой к естественной разговорной речи. Заслуживает внимания то обстоятельство, что преимущественно предпочтение автором отдано тем формам, которые впоследствии были признаны литературными. В поэме используются такие речевые компоненты, определяющие стиль традиционной народной сказки: зачин и концовка, формы глаголов неочевидного прошедшего времени, спаренные глаголы "шуод-вералод" ("скажешь-расскажешь"), "улэмдэ- вылэмдэ" ("житьё-бытьё") и т. д. Зарождающаяся удмуртская литература не могла мгновенно отказаться от диалектизмов, тем самым она отдалялась бы от народа-читателя. Не было еще и опыта в разграничении разнородных речевых стилей внутри одного произведения. Следует обратить внимание еще и на заимствования, которые Г. Верещагин использовал в поэме: "солдат", "палаш", "город", "полк", "балкон", "король"... Иноязычные слова придают произведению особую окраску, они представляют мир, который немного отличается от мира крестьянского сына. Поэма Г. Верещагина - произведение, которые отражает состояние и характер удмуртского литературного языка в самом начале его формирования. П. К. Поздеев отмечает, что язык сказки "Батыр дӥсь" не слишком уже отличается от современного литературного языка. "Батыр дӥсь" - это поэтическая сказка, так как здесь сохранены все традиционные сказочные мотивы и художественные приемы: мотивы чудесных превращений, оживления мертвых, трехкратного повтора событий. По типу повествования - стилизация под народный сказ. Сказ ведется от имени повествователя-сказочника, который похож на народного сказителя. "Батыр дӥсь" - поэма. Своеобразие поэмы основано на сочетании повествовательной характеристики действующих лиц, событий и их раскрытии через восприятие и оценку лирического героя или повествователя. Поэмам в национальных литературах свойственны тематическое разнообразие, тесная связь с жизнью народа. Г. Верещагин в своем произведении отразил не реальную жизнь со всеми ее трудностями и ограничениями, а мечты удмуртского народа о лучшем, светлом. Он обращается к устному творчеству, где жизнь и герои рисуются в романтических тонах с идеализацией положительных героев. Литература Верещагин Г. Е. Собрание сочинений: В 6 томах. Т. 1. Вотяки Сосновского края. Ижевск: УИИЯЛ УрО РАН, 1995. Стр. 21; Т. 2. Вотяки Сарапульского уезда вятской губернии: УИИЯЛ УрО РАН, 1996. - 204 с. Шушакова Г. Н. Образы помощников героя удмуртской волшебной сказки // Специфика жанров удмуртского фольклора: Сб. статей - Ижевск: УИИЯЛ. УрО АН СССР, 1990. Стр. 17-18. Ермаков Ф.К. Реализация в дореволюционной удмуртской литературе. Монография. - Ижевск: Ижевский Полиграфкомбинат. 1977. Стр. 23. Петров А. Н. Некоторые проблемы ментальности в трудах Г. Е. Верещагина. Мир духовного: религиозно-культурные параллели. - Ижевск: Издательство ИИУ, 1995. Стр. 63. Яшина Р. И. О некоторых особенностях языка поэмы-сказки Г. Е. Верещагина "Батыр дӥсь" // Внутренние и межнациональные связи удмуртской литературы и фольклора. - Ижевск, 1978. Стр. 100-108. 8 Выжыосмы "Улын Юри быдэс дуннелы тодмо", - Шуэ вал тодосчи Г.Архипов. Та гуртын будэмын вордскем шаерзэс туж юн яратӥсь но гажась муртъёс. Пинал дыръязы Улын Юри гуртын дышетскемын кылбурчиос, журналистъёс, пӧртэм удысъёсын сюлмо тыршись адямиос. Берло аръёсы, вордскем гуртсэ данъяса, трос чебересь, сюлме пыӵась кылъёс шедьтыса кылбуръёс гожъя Васса Александровна Васильева. "Тонэн, Улын Юри гуртэ, вань улонэ герӟаськемын", - шуэ со. Вань Васса Васильевалэн таӵе чуръёсыз но: "Анайме кадь тонэ яратско, Ас лулме кадь тонэ гажасько. Ужаса жадисьтэм калыктэ Котьмалэсь но вылӥ дунъясько". Кытчы мыныны но кызьы вамышъяны сюрес утчаськод но бырйиськод ке, тодоно, интыысь кызьы но кытчы асьмеос вуимы..." - озьы шуылоз вылэм ӟуч историк В.О. Ключевский. Тодыны кулэ улон интыедлэсь историзэ, ӵыжы-выжыостэ. Нош адями аслаз но калыкезлэн улонэз сярысь малпаськысал ке, со аслэсьтыз выжыоссэ шедьтыны быгатэ, кӧня ке но историк луэ. Та ужлы одно ик вылэм нимысьтыз бадӟым дышетскем гинэ кулэ ӧвӧл, кулэ нырысь ик мылкыд, ас калыктэ, вордскем шаердэ юн яратон. Сыӵе адямос котькытын ик-а вань меда? Мон шуысал: ӧвӧл. Жаляса верано луэ, кытын но отын будӥсь кивоштӥсьёсмы пӧлын ортчеменызы, шаермылэн, улон интымылэн историеныз, ӵыжы-выжыосынымы тунсыкъяськон мылкыд уггес тырмы на. Нош Пичи Пурга ёросысь Юри палъёсын трос гинэ сыӵе адямиосын пумиськылоно. Кинъёс бен соос? Огшоры ужась адямиос, Юриын ик вордскемъёс но будэмъёс, вань сюлмынызы гурт калыксэс но вордскем шаерзэс яратӥсь муртъёс. Та удысын азьпалан мыно, шуыны улоз, дышетӥсьёс. Татысь педколлективлы удалтӥз: Юриын ужазы но ужало зэмос тодосчиос-шаерчиос, мӧйыос но, сыӵе мылкыд вӧлме егитъёс пӧлы но. Жаляса верано луэ, одӥгез сыӵе мурт улонысь кошкемын ини. Со - Георгий Архипович Архипов (1929-1998), Шоринь Юри гуртын вордскем но будэм мурт, визьмо но ас шаерзэ туж гажась дышетӥсь, тодосчи но кылбурчи, озьы ик Удмурт научно- исследовательской институтын но ёросысь редакциосын гно педучилищеын трос аръёс ӵоже ужамез бере, берло аръёссэ вордскем палъёсаз, Улын Юри гуртын улӥз. Нош кӧня ӟеч ужъёс лэсьтӥз со аспалъёсыз, гурт калыкез понна. Та адями сярысь трос гинэ вераны луысал. Георгий Архипович Архипов палъёсаз ик кулӥз, 69 аресэз тырмытэк, 1998 арлэн кутсконаз. Улын Юри школае мыным пӧртэм аръёсы вуылыны кылдылӥз. Тани тодам вайылӥсько одӥгзэ туж бадӟым ужрадзэс. Со нуналэз юриос "Жингырты, Бугрыш" шуыса нимазы. 1995 арын тулыс вал со. Быдэс школа, асьсэ гуртысь сяна, пӧртэм улосъёсысь куноосты пумитаны пӧръямын вал. Котырак адӟытонъёс - ваньзэ учкы, дунъя. Огпалан - вашкала ужан тӥрлыкъёс, арбериос, песянайёслэн чеберъяса пӧрмытон киужъёссы. Учительскоязы но туж узыр экспонатъёс. Мукет палан - Т.А. Архиповлэн трос аръёс ӵоже люкам уно книгаосыз, соос пӧлын кыллюкамъёс, вашкала дыръя потэм изданиос. Огез люкетэз - "Юриен герӟаськем литература". Соку кылдытӥське вал гуртын, ёросын но вань кунамы "Буре ваён книга", оже ветлэмъёслэн нимъёссы но тусбуйёссы нимаз альбомъёсы люкамын. Собере кутскиз конференцизы, усьтӥз сое школалэн дирекорез Римма Аркадьевна Ларионова. - Адями котьку ас улонзэ, котырзэ чеберъяны тырше, - шуиз со. - Со понна валаны, эскерыны кулэ ортчем дыръёсты но. Кыӵе калык сямъёс туала будӥсь калыклы пайдаё луозы? Мае кельтоно, ву???? тодэ ваёно, пиналъёсты ӟеч сямъёслы дышетон понна? Таӵе нота выллем юанъёс педколлективез азьло но шугъяськыто, сюпсё вал. Римма Аркадьевна соку котькудӥзлэсь сямен дышетӥсьлэсь ӟеч ужъёссэ пусйиз. Михаил Николаевич Головин арганчиосын, кырӟасьёсын фольклор группа кылдытӥз. Кибашлы луыны дышето Любовь Ивановна Денисова, Елена Леонидовна Тихонова, Михаил Юрьевич Тихонов, Анатолий Трофимович Демьянов. Нош директорлэн воштӥсез Людмила Ильинична Федорова та малпанъёсыз тазьы азьланьтӥз на: - Кружокъёслы расписание озьы лэсьтэмын, пинал мурт, урокъёсы сяна, кружокъёсы но мед вутскоз. Вашкала дырез валаны юрттэ тодосчи Г.А. Архипов. Историяя урокъёсты гурт улонэн герӟаса дышетӥськом. Таӵе кичӧлтонлы кутскон сётӥз Георгий Архипов: шаерчиосын ӵош Ижысь Национальной библиотекае, "Удмурт шаер" клубе вуылэ. (Озьы уго вал дасо аръёс талэсь азьло, пӧртэм интыосысь тунсыкъяськисьёс библиотекае ветлылӥзы. - Л.Ф.). Кружокъёслэн ужзы но ӧръяськиз Г.А. Архиповлэн ӵектонъёсызъя. Нош тани конференциысен пиналъёс лыдӟизы асьсэлэсь докладъёссэс. Тодэ кылизы Лена Пчельниковалэн "Мынам ӵыжы-выжыосы", Лена Тарановалэн "Шоринь Юриысь кырӟаны-вераны яратӥсьёс" ужъёссы. "Творческой отчет пӧрмиз кадь," - сыӵе мылкыдын йылпумъязы конференцизэс юриос. Огъя малпанзы одӥг вал: гуртазы краеведческой музей усьтоно, арбериос, документъёс тырмыт ини, инты но шеде - школалэн вуж юртаз. Та ужрад сярысь реферат потӥз 1992 арын 30 апреле "Удмурт дунне" газетын. Нош музей усьтон сярысь малпан улонэ пыӵатэмын вал та берегес ик. Кичӧлтӥсьёссы - Георгий Архипович Архипов но Никита Ильич Ильин. Шонергес вераса, нырысь ик кык интыын вал кадь со экспонатъёс, асьсэ коже ужазы. Бӧрысьгес ини огъя материалъёс люкаськизы, шаерчиослэн люкам шедьтосъёссы вань юри калыклэн узырлыкез луиз. Нош 1996 арын юри калык пусйиз гуртсылэн кылдэмезлы 300 ар тырмонэз. Со ортчиз 8 июне - инвожо толэзе. Праздник сярысь вераку, азьло тодматоно луоз солы кутскон сётӥсен, бадӟым мылкыдо шаерчиен Никита Ильич Ильинэн. Никита Ильич та гуртын вордскемын но будэмын, егит дыръяз школаын дышетскемез бере, счетоводын ужамын, собере электрик но инженер луыса. Со аръёсы ик трос аръёс ӵоже Киров нимо колхозысь профсоюзной комитетэн кивалтӥз. Соку ик "кенжиз" гуртэзлэн историеныз тунсыкъяськонэз но. Кытысь меда потӥз солэн сыӵе бадӟым мылкыдыз? Ачиз Никита Ильич сое огшоры гинэ валэктэ: - Профсоюзной ужен герӟаськеме, ялан калыкен кусыпъёс воземе таӵе сюрес вылэ вуттӥзы кадь. Гурт калыклэсь улон сюресъёссэ ӟечгес тодэм потэ ук. Мае но ӧз чида, мае но ӧз адӟы со. Та сюресъёслэсь ӵошкыт вылымтэзэс мед адӟозы, асьсэлэсь выжыоссэс тодыны-валаны мед тыршозы вылэм мӧйыос но, пиналъёс но. Уката но туала вакытэ. Кудӥз-огез оскытыны турттэ угось, ортчем дыръёсамы ваньмыз кадь ик "сьӧд" вал шуыса. - Трос аръёс ӵоже ини Никита Ильич аслэсьтыз выжыоссэ утча. Озьы ик быгатэмъяз та удысын юрттэ гуртысь котькуд семьялы. Алэсьтыз дас полэс выжыоссэ шедьтэм нимын-тулын, котькудзылэсь шедьтэм, тодэ вордскем но кулэм аръёссэс. Бадӟым бумага лист вылэ гожъямын выжыысьтыз 305 мурт (озьы вал музей усьтыны дасяськыку). Назар выжыысь потэмъёс "Бадӟым писпу" кылдыто. Тужгес но мӧйыез та выжыын тодмо адями 1680 арын (озьыен 320 ар талэсь азьло) вордскемын. - Аслаз пельпумъёсыз вылэ бадӟым ныпъет басьтыса, задор мылкыдо историк-шарчи сыӵе тодон-валанъёс шедьтыны быгатӥз, кудъёссэ ӧй вормысал трос дышетскем мурт но. Никита Ильич кема но жадёнэз вунэтыса бугыръяськылӥз пӧртэм архивъёсын. Пичи Пургаысен кутскыса, Удмурт кун архивын, собере вазиськылӥз Елабугаысь, Казаньысь, Кировысь архивъёсы, ветлӥз Вятка губернилэн шоркараз. Рос-прос кенешылӥз шаерысьымы тодосчиосын. Солы визь-кенешъёсын трос юрттӥз история наукаосъя доктор М.В. Гришкина. Никита Ильичен шедьтэм документъёсъя, тодэ ваёнъёсъя, историысь учыръёсъя али гожъяны луоно Улын Юри гуртэн 300 арлэсь кема историзэ. - Кузонысь губернатор,1-тӥ Указзэ быдэсъяса, удмурт шаере выт тырисьёсты лыдъяны ыстэ. Та пала лыктэ Данила Варапаев ландрат. Со гожъям кӧня семья но юртъер гуртын, кӧня пиосъёс но нылкышносс, кӧня соослэн пудозы. 1710 арын Улын Юриын уло вылэм 9 семьяос, 45 мурт - 27 пиосъёс, 18 нылкышноос. Кутскиллям соку котькуд адямилэсь ку вордскемзэ, кылсярысь, мӧйыез. Тогметко, вордскем 1666 арын тросэз - 1700 арлэсь азьло. Со вакытысь мӧйы адями, Чербайко, кулэм 1715 арын. Озьыен, ЪВИИ даурлэн 90-тӥ аръёсаз Юри гурт тодмо вылэм ини. - 1743-1744 арын перепись дыръя Улын Юриын улӥллям 139 пиосмуртъёс, 130 нылкышноос, 1869 арын та гуртын улӥллям 423 адямиос - 208 пиосмуртъёс но 215 нылкышноос. Нош Н.И. Ильин 1996 арлэн кутсконаз таӵе лыдпусъёсты сётэ: Юриын улэ 775 адями - 370 пиос . Гуртлэсь 300 арессэ пусъён сярысь малпанлы кутскон сётӥзы кык Юри пиос-шаерчиос: Н.И.Ильин но Г.А. Архипов. - Таӵе малпан вордӥськиз 1993 арын, - шуиз Никита Ильич. - Малпаськыны муг сётӥз таӵе учыр но: малы Грах ёросысь Эгра гуртын улӥсьёс гуртсылэсь 300 арессэ пусйыны быгатӥзы, кыӵе документъёсъя со сярысь тодӥзы". Шат милям но уг луы гуртмылэсь "биографизэ" тодэммы. Гуртысь историклы Андрат перепись сярысь документъёсты лыдӟыны валэктэм М.В. Гришкина. Собере Никита Ильич пыр-почч ужаз Ижысь кун архивын но. Табере солсэь быдэстэм ужзэ адӟнын луэ Улын Юри школалэн вуж юртаз усьтэм музейысь. Вань татын Улын Юри гуртлэн географияя карта быдӟа планэз. Котькуд семьялэн юртьерез нимзэ, фамилизэ гожтыса возьматэмын. - Котькуд семьялэсь историзэ гожъясько, - шуэ Никита Ильич. - Альбомъёс лэсьтӥсько- Котькуд семьялэсь историзэ гожъясько,- шуэ Никита Ильич. - Альбомъёс лэсьтӥсько. Тани, шуом, Домаковъёслэн семьязы. Адӟиськоды план вылысь улон интызэс. Та семья сярысь гожъямын, кин кытын улӥз, кытчы кошкиз, ку юрьъеразы тылпу потӥз. Ӝуам интые выль юртъер пуктӥзы. Кин бызиз, мукет семьяе кошкиз. Али семьяослэсь 1900 арысен историзэс вераны быгатӥсько. Вордӥськем, кулэм нуналзэс учкисько. Озьы альбомъёс, музейлы материалъёс люкасько. Уже уг бырылы. Никита Ильич кемалась ини фотографиос лэсьтылыны яратэ. Ваньзэ пленкаоссэ лыдъяса ик, кӧня метр люкаськысал? Солэн тыршемезтэк нокыӵе бадӟым ужрад уг ортчы. Быдӟым Вормон нуналэз паськыт пусйылыны кутскем дырысен Никита Ильич пуктылӥз ожысь ветеранъёслэсь тусбуйёссэс. Нош кӧня утчаз но шедьтӥз со ожъёсын бырем яке ышем гуртоосыз, ӵыжы-выжыосыз сярысь иворъёсты. Улын Юриысь кошкем 107 солдатъёс Быдӟым Отечественной война дыръя ож лудъёсы пыраклы кылизы. Н.И.Ильинлэн альбомъёсаз котькудӥзлы инты сюриз. Кӧня бызьылоно, утчано луиз солы, быремъёслэсь тусбуйёссэс альбомъёсы пуктон понна. Котькудӥз сярысь вакчияк ке но тодэ ваёнъёс гожъяз. Зэмзэ верано ке, Никита Ильич Улын Юри сельсоветъя "Буре ваён книгалэн" нырысетӥез авторез луиз. Нош та сельсоветэ 40-50-тӥ аръёсы укмыс гутъёс пыро вал: Улын Юри, Шоринь Юри, Выль Монья, Найденыш, Н.Заболотской, Рябчик, Быстряк, Чемошур, Александровка. Азьло та ужын солэн рос-прос юрттӥсьёсыз но ӧй вал на, тужгес но геройёслэсь улэм-вылэмзэс гожъян ласянь. Берло уж ӧре пыризы школаысь дышетӥсьёслэн но дышетскисьёслэн коллективъёссы. Улын Юриысь музейын табере быремъёс пӧлысь но, вань шуг-секытъёсты чидам, курадӟем адямиос пӧлысь но нокин вунэтэмын ӧвӧл ни, шуыны луоз. Стендъёс, фотографиос, альбомъёс, секыт ож аръёсты тодэ вайытӥсь арбериос... Гуртлэн шораз ик - ожын быремъёслы сӥзем памятник. Куинь сю арессэс пусъён аре со котыре трос писпуос мерттэмын. Кылдӥз Вормонлы сӥзем парк. Сое кылдытонэ уно егитъёс но мӧйыос пыриськизы. Улын Юри гуртлэсь 300 ар юбилейзэ пусйыны дасяськон вакытэ солэн историез сярысь трос гинэ гожъязы газетъёс, нырысь ик ёросысь "Маяк" газет. Рубрикаез но озьы ик вал: "Улын Юрилы - 300". Тунсыко вал Г.Архиповлэн "Маяке" потэм ("Юри - быдэс дуннелы тодмо гурт") статьяез. Со потӥз 1995 арын 21 октябре. Тани кыӵе солэн вакчияк пуштросэз. Кызетӥ дауре Улын Юри гуртлэсь узыр историзэ синйылтӥзы трос ученойёс но писательёс. Тужгес ик кызетӥ но куамынэтӥ аръёсы. Та гуртъя удмурт калыклэсь улон-вылон сямъёссэ тодыны-валаны тыршизы, Удмуртиысь сяна, Москваысь тодосчиос но: этнографъёслэн, кылчиослэн-диалектологъёслэн экспедициосынызы кивалтӥзы Н.Я.Марр, М.О.Косвен, Д.В.Бубрих, 1936 арын калык кырӟанъёсты люкаса ветлӥз Д.С.Васильев-Буглайлэн фольклор экспедициез. Этнографъёс В.Н.Белицер, М.Т.Маркелов, Г.Ф.Сидоров 30-тӥ аръёсы юри калык сярысь гожъязы "Удмурты" книгаын, пӧртэм журналъёсын но тодосчиослэн бичетъёсазы. Юри палъёслэн вӧсьёссы, вӧсяськон но мукет улон сямъёссы сярысь тунсыко гожъяллям: М.О.Косвен - "Рассказ родового строя у удмуртов", А.И.Пинт - "К истории умуртского жилища" статьяосазы. Москваын 1931 арын удмуртъёслы сӥзем темаосъя нимысьтыз сборник (бичет) потэмын. Собере со книгае пыртэмын 11 снимокъёс Улын Юриын улӥсьёсты возьмато. Улын Юриысь басьтэм материалъёсъя научной книгаос потылӥзы берлогес но: 1951 арын - В.Н.Белицерлэн "Народная одежда удмуртов", 199 арын - В.Е.Владыкинлэн "Религиозно-мифологическая картина мира удмуртов" но куд-ог мукет книгаос. Улын Юриын улӥсьёслэсь, Пурга палъёслэсь вераськон сямъёссэс тодон бордын трос ужаз ачиз Георгий Архипов, 1958 арысен кутскыса, Эстониысь Тарту университетлэн финн-угор кылъёсъя кафедраысьтыз аспирантураын дышетскыкуз. Юри палъёсысь удмуртъёслэн диалектъёссы сярысь кӧня ке статьяос поттӥз. "Некоторые вопросы фонетики среднеюринского диалекта удмуртского языка" статьяез Тарту университетысь тодосчиослэн наукая бичетазы 1962 арын печатласькиз ни. Собере юри палъёслэсь кылзэс, фольклорзэс, культуразэс выль кужымен эскерыны кутскизы Удмурт кун университетысь ученойёс. Арлы быдэ сямен та пала вуылӥзы наукая экспедициос. Соосын кивалтӥзы Д.А.Яшин, В.Е.Владыкин, Т.Г.Владыкина, Л.Е.Кириллова, В.И.Кельмаков, Б.Ш.Загуяева но мукетъёсыз. Татчы вуылӥзы кылчиос но историкъёс М.Г. Атаманов, Р.Ш.Насибуллин, Г.А.Никитина, Л.С.Христолюбова, Р.Д. Голдина. Отӥяз "Юри - быдэс дуннелы тодмо гурт" статьялэн авторез вера та гуртэ трос писательёслэн, журналистъёслэн, артистъёслэн вуылэмзы сярысь. Тодаз вае Самсонов вынъёслэсь, Михайловъёслэсь, К.Е.Ломагинлэсь, С.А.Перевозчиковлэсь, Г.С.Сабитовлэсь но мукетъёслэсь калыкен пумиськылэмъёссэс. Татчы вуылӥзы кунгож сьӧрысь тодосчиос но (Венгриын, Эстониысь, Финляндиысь, ШШвециысь), озьы ик музейёсын, театръёсын ужасьёс. Кылсярысь, Юри палъёсын сюлмысь тыршиз Венгриысь филолог Шандор Чуч. Улын Юриын 1928-1931 аръёсы съемкаос лэсьтэмын вал Удмуртиын нырысезлы куаратэм кинофильмлы, сое быдэс удмурт шаерын возьматъязы. Собере дасо аръёс ӵоже "Соперницы" фильм вунэмын вал. Культура удысын ужасьёс сое выльысь тодазы ваизы но калыклы выльдыса возьматӥзы 80-тӥ аръёсы. Сое щедьтӥз Казаньысь кинохроникая студиысь режиссер Кондратий Ухов. Та кино сярысь малпанъёссэ "Советской Удмуртия" газетэ поттӥз со 1990 арын куарусён но коньывуон толэзьёсы (газетлэн куинь номераз). Удмуртъёслэн культураязы пусйымон учыр вал со. Профессор В.Е.Владыкин но Юриын улӥсьёс сярысь трос примеръёс пыртэ "Религиозно- мифологическая картина мира удмуртов" книгаяз. Тӥни малы Г.Архипов Улын Юри гуртэз быдэс дуннелы тодмо шуэ. Улын Юриослэн музеязы кыллё историлэсь азинскемзэ возьматӥсь уно материалъёс. Тӥни малы татысь дышетӥсьёс быгато трос урокъёссэс но визьноданъя ужрадъёссэс гуртсылэн улонэнызы толон, туннэ но ӵужес нуналъёсын герӟаны. Удмуртлыксэ, ӟеч сямъёссэ утись калык эшшо умойгес азинсконъёс басьтыса мед тыршоз но азьланяз Удмуртимылы тросгес визьмо но котьма дасянь чебер адямиосты мед будэтоз. 1 Н.С. Лопатина, "Ӟечбур" газетлэн редакторез. Ма но уг каро писпуэн! Вакчияк авторез сярысь. Надежда Лопатина - ньыль книгаослэн авторзы. Куинез соос пӧлысь - пӧртэм шудонъёсын, йыртӥянъёсын, кроссвордъёсын пособиос. Дышетӥсьёс но пиналъёс соосты урокъёсын куто, ваньмон дыръязы йыртӥянъёссэ сэртто-пертчо. Озьы пиналъёс тодон- валанзэс будэто, удмурт кыллэн узырлыкеныз мургес тодматско, саклыксэс эскеро. Таиз уж но малпаськыны дышетэ. Та выллемъёссэ автор огазеям "Нош ик мыноно вал нюлэскы..." нимано книгаяз. Нюлэс, тэль, сик - со сыӵе ик йыртӥян. Кӧня паймымонэз отын! Котькуд писпу котырын "шудыны, малпаськыны" луоно угось. Сылэ но сылэ вал ПИСПУ (дерево): будэ, пушъе, лек сильтӧлъёслы пумитъяське. Солэн вал ЙЫЛЫЗ (крона) КУАРЕЗ (лист), ЛЫСэз (хвоя), ВАез (ВАЙ - ветка), улваез (УЛВАЙ - сучок), МОДОСэз - мугорыз (ствол), ПУШЪЕТэз (побег, росток), Кутӥзы но ӵогизы выжытӥз. Бӧрдӥз, дыр, мискинь. Вайёссэ коразы, ДӤНЬзэ (комель), йылзэ вандӥзы. КОРез (бревно) мыноз ПУЛ (доска, тёс) пильыны, БУГРО (сруб) ӝутыны, дӥнез - ПУлы (дрова), йылыз - ПУӴлы (жердь), ЗЫРлы - зӧк бодылы (дубина), НЬӦРлы (прут, хлыст) яке векчи пулы, зӧк вайёсыз но пулы. БЫЧКЫен (пила) яке бензопилаен ПУКЛЁ(К)ослы-чуркаослы (чурбан, обрубок, болван) вандылозы, ТӤРен (топор), колунэн ПИСъёслы-кислэсъёслы (полено, кряж) пильылозы но АРТАНАе (поленица) люкалозы. Нош корез кузенак пильыса (чурбанэз - корлэсь оглюкетсэ кыклы шори люкыса, плаха шуиське), лэсьтӥськыны кутӥськись кыӵе гинэ пиломатериал уз дасялэ! Пулэн-дранчаен юртъер но липозы, выж-вӧлдэт (ВЫЖ ПУЛ - половица) но тырозы, шори пилемез ӧс но укно ЯНАКъёслы (косяк) мыноз. Брусъёслэсь кибашлыос-столяръёс олома но йондырозы: пӧртэм ящикъёс, тыриськон арбериос лэсьтозы, нимысьтыз дасям-вӧлэм ПУКЛЁКъёслэсь (баклуша) пуньыос, чашаос пӧрмытозы, вольыт БРУСэз (пластина) куасалтыса, дӧдьы, салазки СЮЛъёслы (полоз) кутозы. Паймод но бырод, ява! Нош пиломатериалъёс вылтуссыя но пӧртэмесь луо, нимасько но турлы сямен. Тани соос: пластина четвертина брус брусок пул, дранча шпал САЛЬ ДРАНЧА (горбыльный обапал) Нош пулэз станокын кузянак пилемзэс адӟемед вань, дыр. Озьы сое векчи сюбег ПОЛОСКАослы (планка) вандыло. Со (дранка) мынэ липиськыны (озьы ик нимаське но - липиськон шелеп) яке борддоръёсты шкатурка улэ дасяны. Нош киын яке электрорубанокен вольыт но пӧртэм пужыё чебер лэсьтэмез кутӥське коркаез вылласянь но пушласянь чеберъяны, со вагонка шуиське. Нош кытчы мынэ стругамлэн но пу вандэмлэн кылем-мылемез? ШЕЛЕПез (щепка) яра эстӥськыны, нош стружка но ПУЛ ПЫЗЬ (опилки), сюе шедьыса, музъемез лӧбырес каро. Тӥни озьы - ваньмыз уже кутӥське, номыр мултэсэз ӧвӧл. Нош кибашлыос сярысь ке верано, соос туж бырйиськисесь. Соослы огкадь ӧвӧл, кыӵе писпулэсь соос бугро ӵупозы, корка выж вӧлдозы, корзина керттозы, мебель лэсьтозы. Соин ик, мар лэсьтыны-дасяны кутӥське соиз яке таиз писпу, трос вераны луоно. Угось вань лысо но куаро писпуос, вань асьме шаерын но лымшор палъёсын будӥсьёсыз. Таиз ини - нимысьтыз вераськон. Нош али вакчияк уж. Ӵыжин Со венё-лысо писпуослэн емышсы (яке сяська люксы шуод-а). Отын интыяськемын спорофиллаос, нош соослэн пасьёсазы кылдо тысьёс яке мульыос. Суред вылын - пӧртэм ӵыжинъёс. Быгатоды-а соосты писпуосы шонер ошылыны? Угось котькудӥзлэн - аслаз ӵыжинэз. кыз пужым ньылпу лыстэм пужым кедра сусыпу ӵыжинъёс Ӵыжинэз мукет сямен но нимало: тёло (чоло), кускыли, додор, кымыли. Тӥ палан нош кызьы шуо? В. И. Панфилова, Пичи Пурга ёрос администрациын ужась. Удмуртлыкмы уз ышы Пичи Пурга ёросмы кылдэмын 1929 арын. Солэн шорсюлэмыз Пичи Пурга черко гурт. Со Ижкарлэсь 35 иськеме интыяськемын. Музъемез - 1223 кв. километр, улӥсез - 32,4 сюрс адями. Соос пӧлысь 80 процентэз удмуртъёс, 18 процентэз ӟучъёс, 2,5 процентэз бигеръёс. Калыкмы городлы матын бере, малпан кылдоз калыкмы ӟучоме шуыса. Но ми шумпотӥськом: Пурга ёросмы удмурт сям-йылолъёссэ уг ышты. Котькуд гуртын сямен вань визьмо, кибашлы, чеберлыкез вылась но яратӥсь, сое калыке пыӵатыны сюлмаськись адямиосмы. Соослэсь быгатонзэс, ӟеч сямъёссэс утьыны но азинтыны тыршиськомы ми но: ёросысь администрация, калыкез дышетон удысын ужасьёс но анай-атайёс. Со понна юнматэмын нимысьтыз ужан план. Ӟуч кылын со тазьы нимаське: конкретный и реальный план практических мероприятий по реализации концепции развития национального образования Удмуртской Республики на 2000-2005 годы в Малопургинском районе. Дышетонъя, ӟеч сямо пиналъёсты будэтонъя ёросын кутэмын нимысьтыз концепция. Школаын но нылпи организациосын ("Шунды", "Родники") вань ужрадъёс. Тодон- валанлы сӥзем нунал бордысен кутскыса, ортчытӥсько, удмурт калык сям-йылолъёс, нергеос вылэ пыкиськыса. Нырысетӥ вамыш лэсьтыкуз ик пинал вань лулыныз-сюлмыныз яратыны кулэ ас калыксэ, солэсь культуразэ. Нош нылпи сад солы гуртэз кадь мед потоз. Со понна уже кутӥсько пиналлэн семьяысьтыз туспуктэмъёс, альбомъёс, анай-атай киын лэсьтэм арбериос, экспонатъёс. Котькуд нылпи садын вань удмурт калыклэн улэм-вылэмезлы сӥзем сэрег (этноучкон). Кылсярысь, Ильинск черко гуртын усьтӥськиз нимысьтыз музей, кытын бадӟым саклык висъяське сям-йылолъёслы. Тужгес но куно пумитанын но бадӟымъёсты сӥлы каронлы. Ӟеч сямлы пӧрмиз одӥг садикысь мукетаз концертэн куное ветлон но ог-огедлы быгатэмдэ возьматон-йӧспӧртэм ӵошатскон. Нылпиосмы доры ӵемысь гинэ куное вуыло удмурт калык выжыкылысь геройёс но: Алдар Иван, Вумурт, Лӧпшо Педунь.. "Кизили" журналысь черсонъёс. Ёросамы вань данъяськымон нылпи фольклор ансамбльёсмы. Шумпотто учкисьёсты Курегысь, Бурановоысь, Вуж Моньялась, Норьялась, Ильинскысь покчи артистъёс. Удмурт сям- йылолъёсын, дӥськутэн, турлы пужыосын тодматэм сяна, воспитательёс пиналъёсты асьсэды но та уже кыско. Нош соослы мылысь-кыдысь юртто гуртысь кибашлы песянайёс. Кылсярысь, Бурановоысь нылпи садэ ветлӥсьёс, ӵемысь гинэ вуыло куное А. Д. Агичевалэн корка музеяз. Татын соослэн син азязы "вордӥсько" чебер пужыё ковёръёс, жӧккышетъёс но трос мукет тузӥ киужъёс. Ум вунэтӥське нылпиослэсь тазалыксэс юнматон сярысь но. Асьме куазез, музъемез лыдэ басьтыса, пиналъёс потало кузь сюрес вылэ (походэ), лэсьто гимнастика, ортчытъяло пӧртэм ӵошатсконъёс, спортлы сӥзем нуналъёс. Та ласянь трос юртто милемлы анай-атайёс, песянай-песятайёс. Соос нылпиосты дышето азьвыл шудон- кырӟанъёсын. Озьы вакчи дыр куспын, регион компонент амалэз пыӵатыса, школаос аспӧртэм "ымныроесь" луизы. Кылсярысь, Пурга черко гуртысь кыкетӥ школа пӧрмиз куд-ог предметъёсты пыр-поч но мур дышетонъя но профильной классъёсъя гимназилы. Пургалан ик вань на лицей-класс, 4 интыосын (Норьялан, Вуж Моньялан, Ильинскын, Бурановоын) агрошколаос. Отын дышетско 97 пиналъёс, 12-ез соос пӧлысь - контракт амалэн. Нош Гожня школамы дышетонын калык амалъёсты пыӵатыны вань педагогъёслы юрттэ. Татчы кык гуртысь пиналъёс дышетскыны ветло. Котькуд гурт одӥг бадӟым семья кадь: ӵош ужало, ӵош шутэтско, шулдыръясько. Котькуд семьяын вань тунсыко адямиоссы кырӟаны-эктыны, ужаны быгатӥсьёссы. Ваньзы соос сӥлы, адӟем карымонэсь луо. Мылысь-кыдысь пырисько школаен, садикен ортчытъяськись пӧртэм ужрадъёсы. Ма вань ӟеч ужъёсмес вераса быдтод шат? Одӥг кылын, семьяын но, школаын но одӥг сюлмаськонъёсын уло. Калык педагогикалэн нылпиосты дышетонын но будэтонын туж трос луонлыкез. Солы бадӟымгес саклык мед висъялозы вылэм республикаысьтымы мукет школаос но. 1