З.А. АГЕЕВА, Суроновоысь шор ёзо школа. "Сложной кылъёс" темая урок Уроклэн мугез: муромытоно губиос сярысь тодон-валанзэс; валэктоно кызьы гожтӥськемзэс; вордскем шаермес гажан мылкыд пыӵатоно. Одӥгез дышетскись губи дӥсяськыса, губиосын корзинаен классэ пыре но черетске: Эх, мылкыд кыӵе капчи! Ма, кызьы уд лу шӧртчи. Губиос тэльын уно, Ваньзэ ик киултоно. . . Султэ ваньды котырам, Утялто ваньдэс дорам. (Пиналъёс кырӟало). Губияны мыноме, Чагыр тэле пыроме. "Кытын таӵе губиос", - Шуо кудӥз пиналъёс. 2 пол. Кызъёс улысь утчалэ, Отын инты губилэн. Коньыгуби, нингуби Уно бичам пичи пи. Дышетӥсь. Та узыр кудыям мон трос пӧртэм губиос ваи. Нош табере мынам, пиналъёс, тодэме потэ: яратӥськоды-а тӥ губияны, кыӵе губиосты тӥ тодӥськоды, губиен пӧрам кыӵе сиёнъёсты сиыны яратӥськоды но ма пӧраськоды? (Губиен шыд, пирожки, перепеч, сылалтыса сииськом, куасьтӥськом, пыжиськом). Нош одӥг пол пичи Гири корзина тыр пӧртэм губи октӥз вал. Шӧдтэк шорысь пилем ӝутскиз но ведра дурен кисьтыны кутскиз. Дыртыса бертонъяз, корзинаяз вань губиосыз сураськизы. Кыӵеез но вылымтэ! Я бен асьтэос тодэ! Со понна люкетъёссэ Лякылэ шонер ваньзэ. (Пиналъёс ручка куто но губи пӧрмытъяса гожъяло тетрадязы, гожтӥськемзэ валэкто). Вӧ - бад - дьы - шыр - ё - ри, О - тӧ - нин - пу - дэ - ял, Лӥ - ньы - пи - ка - ко - губи. Нош табере мынам, пиналъёс, тодэме потэ: яратӥськоды-а тӥ губияны, кыӵе губиосты тӥ тодӥськоды, губиен пӧрам кыӵе сиёнъёсты сиыны яратӥськоды-а но ма пӧраськоды? - Тӥни озьы, пиналъёс, ваньмыз губи нимъёс луо сложной кылъёс (существительнойёс) но гожтӥсько ӵош, одӥг кут кулон губи гинэ нимаз гожтӥське. Тетрадяды гожтэ но эн вунэтэ. Адямлы сиыны та губи уг яра. Озьы бере, сое ваньзэ лёгано, ӵыжано-а? Бен, оло со но кинлы ке пайда вае? (Пичияк верасько). Кут кулон губи эмъяны юрттэ койыкъёсты, скалъёсты, адямиослэсь яраоссэс быдтыны юрттэ, сое спиртэн пукетӥд ке. - Нош табере мон тӥлесьтыд визьдэс эскеро: зэм ик-а меда губиосыз яратӥськоды. Верало мадиськонъёсыз, кин шонер тодоз, со ик басьтоз та узыр кудыысьтым губиез. Кинлэн трос губиез люкаськоз, со вормисез луоз. 1. Музъем пыр потӥ, Горд изьы шедьтӥ. (Пипугуби). 2. Мӧйыез но, пиналэз но Ӟеч тодэ, дыр, милемыз. Одӥг нырын будӥськом, Эшъяськыса улӥськом. (Лӥялгуби). 3. Кызьпуэз яратӥсько, Со котырын будӥсько. Мугорме нош чигиды ке, Быдэсак сьӧдэктӥсько. (Кызьпугуби). 4. Кӧт улы мынам небыт, Йыр вылы нош туж гылыт. (Вӧёгуби). 5. Вылы гордо, кӧжыё, Учкыны мон туж чебер, Сиыны ке - ярантэм. (Кут кулон губи). - Та тодэм мадиськонъёссэс гожъяло лэсьтэм суредлэн тырттэм клеткаосаз. Собере соосты ваньзэ берыкто ӟуч кылэ, кызьы шуо та губи нимъёсты ӟуч сямен. Шугъясько ке пиналъёс, уже кутоно удмурт-ӟуч биологической словарез. - Собере классысь одӥгез дышетскись тодматэ "Губиослэн эксэйзы" калык выжыкылэн. Гуртэ уж. Альбом листокысь яратоно губизылэсь вылтуссэ вандыса буяно. Пушказ со губилы чеберлыко валэктон гожтоно. Губиослэн эксэйзы (поляк калык выжыкыл) Одӥг интыын вылэм пырыны луонтэм ӵем, пеймыт вашкала нюлэс. Та нюлэскын трос пӧртэм губи будэм. Огпол Губиос мылкыд кариллям асьсэлы эксэй бырйыны. Соиз туж умой. Нош кинэ? Кенешиллям, кенешиллям, кин тросгес но ярамон луоно, пумен шедьтӥллям. Эксэй луоз ачиз Нюлэс утись. Мынӥллям со доры быдэс уллёен но сюлворыса ик асьсэлы эксэй луыны куриллям. Нош Нюлэс утись йырзэ гинэ бергатэ, пе. - Тау, тӥледлы сӥлы каремды понна, нош али нюлэскын мукет ужъёсы вань на. Собере тӥ понна мон туж бадӟым луо ук! - Соку асьмелы эксэй мед луоз Луд кеч! - кема малпаськытозь шуиллям Губиос. Собере вазиськиллям соос Луд кечлы. - Луд кеч, мылкыд уд кары-а милем эксэй луыны? - вазиськиллям солы Губиос. Кузь пель ӟеч мылкыдын тау карем но "малпасько ай" шуэм. Кӧня ке дыр ортчыса, Луд кеч Губиослы вазем: - Мон кема малпаськи но валай - эксэй уже мон уг тупаськы. Яратӥсько тэтчаны, бызьылыны, нош Губиослы эксэйлы вис карытэк огинтыяз сылоно, вылаз ик пал пыд йылаз. Кытчы каром мон соку кылемзэ куинь пыдъёсме? Нош ик пуксиллям Губиос кенешыны. Бератаз та ужпумъя огкылэ вуиллям: эксэй быръёно асьсэ пӧлысь . Я бен, соку кудзэс быръёно сыӵе трос губиос пушкысь? Вӧёгубиез-а? Коньыгубиез-а? Нингубиез-а? Сморчокез-а? Шампиньонэз-а? Яке гудырипузэз-а? Кенешиллям, кенешиллям но таӵе малпанэ вуиллям: эксэй луоз тужгес йӧноез, синмаськымонэз, кузёяськыны тупасез Губи. Нош кин бен ай Губиос пӧлын сыӵеез сюроз? - Мон! - кеськем Кут кулон губи. - Нокинлэн но ӧвӧл мынам кадь паймымон чебер яркыт-лемлет изьыез. Собере мынэсьтым котькин но кылзӥськоз, угось котькин тодэ: мон - Кулон губи - кышкыт! - Ӵапак сыӵеедлы понна ик уд луы эксэй! - ушъяськись губилы огкылысь вазиллям мукетъёсыз. Со куспын писпуослэн саюлазы ватӥськыса, куара-ланга поттытэк, чалмыт сылэм курень изьыё, огшоры гинэ, ассэ ачиз возьматыны яратӥсьтэм Тӧдьыгуби. Со котьку но, котькинлы но шумпотон гинэ вае. - Тани кин эксэйлы тужгес но ярасез! - кеськиллям Губиос. Собере возьдаськиллям, огшоры вылтусыныз йырин туж ӟеч губиез вунэтэмзы понна. Озьы Тӧдьыгуби луэм вань Губиослы эксэй. Котькин шумпотэ - Нюлэс утись, Луд кеч, Коньы, Эбек - ӵем будэм вашкала нюлэскысь вань улӥсьёс. Одӥг Кут кулон губи гинэ йыркуръяське. Вылаз ик лекъяське: шляпазэ но быгатысал ке, музъем вылэ куштысал. 1 1 Книга ӝажы А.Н. Журавлева "Суредъёсын кылсузьет" Ӝоген печатьысь потоз нимысьтыз покчи нылпиослы дасям книга. Со удмурт-ӟуч-англи кылын гожтэм "Суредъёсын кылсуредан". Книгае пыртэмын 34 темая ог 600 кыл. Котькуд темае шедемын нылпиослы тужгес тодмоесь но верськонын ӵем кутӥськись удмурт кылъёс. Кылсузьетлэсь инъетсэ удмурт кылъёс кылдыто. Со кылъёс предмет нимъёсты, солэсь тодметсэ, ма каремзэ, кӧня луэмзэ возьмато. Тани "Семья" темае пырись кылъёс (соос алфавитъя радъямын): агай, анай, апай, атай, вын, нуны, ныл, нылпиос, песянай, песятай, пи, сузэр - 12 кыл татчы шедиз. "Мугор люкетъёс" тема 31 кылэз огазея: ангес, бам, гижы, гырпум, йыр, йырси, йырси пунэт, йыртыш, ки, кӧт, кус, кымес, макес, мӧля, мугор, мыжык, ныр, пель, пельпум, пинь, пыд, пыдес, син, суй, тыбыр, чииньы, чырты, ым, ымдур, ымныр. Уноез темаос сюжето суредэн усьтӥсько. Шуом, "Семья", "Гурт", "Пӧйшуръёс", "Бакча сиёнъёс", "Арлэн вакытъёсыз" но мукет. Темае пырись кылъёс - предмет нимъёс - книга баме пӧртэм буёлъёсын суредамын но суред вӧзы удмурт, ӟуч но англи сямен гожтэмын. Котькуд кылын янгыштэк вераны дышетон вылысь ударениез пусъемын (бакча, сяртчы). Книгае пыртэм темаослэн радзы тазьы интыяськемын: "Семья", "Мугор люкетъёс", "Гурт", "Юртъер", "Пудо-живот", "Вал тӥрлык", "Гурт тылобурдоос", "Кыр тылобурдоос", "Нюлэс", "Писпуос", "Пӧйшуръёс", "Турын-куар но узы-боры", "Губиос", "Чорыгъёс", "Нымы-кибыос", "Ю-нянь", "Бакча сиёнъёс", "Сиён-юанъёс", "Тусьты-пуньы", "Дӥськут но пыдкутчан", "Ӧнеръёс", "Ужан тӥрлыкъёс", "Буёлъёс", "Толэзь но нунал нимъёс", "Нуналлэн вакытъёсыз", "Арлэн вакытъёсыз", "Тулыс", "Гужем", "Сӥзьыл", "Пусъёс", "Кӧня?", "Кыӵе?", "Ма каре?" "Кыӵе" но "Кӧня?" "Ма каре?" юанлы верась кылъёс предметэн ӵош суредамын: йылсо вень, ӝужыт корка, выль дэрем яке тодметэз возьматӥсь кылъёс куспазы ӵошатыса сётэмын. Шуом, выль книга - вуж книга но мукет. Книга дасямын покчи пиналъёслэсь, нылпи садысен ик кутскыса, дышетскисьёслэсь - школаын но семья пушкын удмурт, ӟуч но англи кылын кылтӥрлыксэс узырмытон но, та кылъёсты кутыса, нылпиосты вераськыны дышетон вылысь. Пособие пыртэмын ӧвӧл ӟуч но мукет кылъёсысь пырем интернациональной луись кылъёс, малы ке шуоно, соослэн гожтӥськемзыя но лыдӟиськемзыя пӧртэмез ӧвӧл, одӥг кадь кылӥське котькуд кылын, озьы ик гожтӥське но (вокзал, газет, салазки, ванна но мукет). Котькуд кылэз дышетскисьёс книгаысь капчиен шедьтыны мед быгатозы шуыса, пособилэн пумаз алфавитлэн радызъя столбикъёсы гожтэмын котькудӥз кыл удмурт, ӟуч но англи сямен, вӧзаз книгая бамлэн номерез пусъемын. Шуом, чонари, 62; воробей, 33; соок, 85 но мукет. Нош огъя учкыса, темае пырись кылъёс тазьы сётэмын. Шуом, "Пӧйшуръёс" темая: 46 бам луд кеч заяц хаӧӥ 47 бам шыр мышь моус но мукет. Книга баме суредам предмет нимъёс, озьы ик солэсь тодметсэ но кӧня луэмзэ возьматӥсь кылъёс ниман падежын сётэмын. Нош предметлэсь ма каремзэ возьматӥсь кылъёс (глаголъёс) - инфинитив формаен. Соосты тазьы валаны кулэ: ма карыны быгатэ соиз яке таиз предмет (утыны, сюдыны, мыныны но мукет). Англи кылын со тужгес валамон луэ. Книгалэн быдӟалаез 150 бам котыр. Суредъёссэ лэсьтӥз тодмо удмурт кылбурчи но суредась, Удмурт Элькунлэн Кун премиезлэн лауреатэз А.К. Леонтьев. Кызьыгес ужаны луоз та пособиен? Кызьы пусйимы ни, та книгая удмурт нылпиосты ӟуч но англи кылъёслы, ӟуч пиналъёсты - удмурт но англи кылъёслы, озьы ик - англи пиналъёсты удмурт но ӟуч кылъёслы дышетыны луоз. Та ужез нылпи садысь воспитатель но, школаысь дышетӥсь но, озьы ик анай-атай гуртаз но радъяны быгатоз. Бадӟым инты басьтоз суредъёсъя ужан. Шуом, дышетӥсь книга бамысь ӞИЧЫ суредэз возьматэ но пиналъёслэсь юа: КИН ТА? Ваньзы верало: ӞИЧЫ. Дышетӥсь соку ик кылысь котькуд куаразэ (слогзэ) янгыштэс вераны дышетэ (ӞИ-ЧЫ). Ӟуч нылпиослы та слогъёс кыкез ик туж секытэн сётско, малы ке шуоно, ӟуч кылын таӵе слогъёс ӧвӧл. Собере со выль кылэн ӝог веран дышето: кескич ӟичы ӝог пегӟе. Яке выль кылэн пӧртэм предложениос малпало (Ӟичы тэльын улэ. Горд ӟичы кескич. Ӟичылэн куэз дуно но мукет). Нырысь предложениос вакчиесь гинэ, вӧлскымтэ но луыны быгатозы. Бӧрысьгес вӧлскымтэ предложениосты паськытатыны дышетскозы. (Ӟичы тушмонзэ кыдёкысен шӧдэ). Озьы ик та выллем ужез но радъяны луоз. Книга бамысь предмет нимез воьматӥсь кыллэсь солэсь тодметсэ (кыӵе? юанлы верась) возьматӥсь кылэз утчано. Кылсузьетъя ужан акыльтымон медаз луы шуыса, урокын пӧртэм шудон амалъёсты но кутыны луоз: шуом, кин та бамысь чалякгес шедьтоз кулэ суредэз яке пуштросэзъя чалякгес шедьтоз кулэ темаез, яке - кулэ кылэз. Кылъёслэсь радъяськемзэс но эскерыны луоз. Озьы та книгая пӧртэм амалъёсты кутыса ужаны луоз. Со сяна, "Суредъёсын кылсузьет" пособиез гожъяськон урокын но тунсыко луоз кутыны. Шуом, темае пыртэм кылъёсты учкыса, тетраде янгыштэк гожъян; та кылъёсты ик слогъёслы люкылыса гожъян; чурысь чуре выжтоно кадь люкылыса гожъян; одӥг лыдэз трос лыд формаё карыса гожъян; кин? яке ма? юанлы верась кылъёсты гинэ бырйыса янгыштэк, чебер гожъян; кыӵе? юанлы верась кылэз ма? юанлы верась кылэн герӟаса гожъян; быдэс пособиысь лякыт сямез возьматӥсь кылъёсты утчаса лыдӟон но мукет. Озьы ик котькудӥз дышетӥсь аслаз учемезъя пӧртэм ужъёсты дасяны быгатоз: кыӵе ке орфографиен (висъян ь но ъ пусъёсын) кылъёсты утчан; э но ӥ букваосын кылъёсты шонер лыдӟон; ӝ, ӟ, ӵ букваосын кылъёсты шедьтон но мукет. Малпаськом, та пособиез ужазы кутыны быгатозы удмурт, ӟуч, англи кылъя кружок яке факультатив нуисьёс, библиотекаосын ужасьёс, озьы ик - анай-атайёс но та кылъёсын тунсыкъяськисьёс. Быгатыса ужазы кутӥзы ке, "Суредъёсын кылсузьет" бадӟым юрттэт луоз дышетӥсьёслы, удмурт-ӟуч-англи кылъёсты ӟечгес дышетыны выль кужым сётоз. Шор ёзо школаын С.Л. Кириллова, Варзи-Ятчи школаысь дышетӥсь. Удмур кылъя но литературая урокъёсын пӧртэм амалъёс кутон пумысен Воштӥськонъёс, секытэн ке но, каллен пыӵаны ӧдъязы дышетон удысэ. Озьы ик удмурт кылъя но литератруая визьноданын но. Школае мугес выжы лэзё удмурт кылэз пичиысен ик пайдаё дышетон амалъёс. Палэнэ уг кылё калык сямъёсты но йылолъёсты улонэ пыӵатон, выжыосмылэсь вашкала улонзэс ӟеч тодон но эскерон, гуртъёсын краеведческой ужез радъян но азинтон удысъёс. Та ужын ми, удмурт кылъя но литературая дышетӥсьёс, пиналъёс понна матысь эшъёс но, со вакытэ ик юрттӥсьёс но луыны тыршиськом. Ми ӵем вуылӥськом Алнаш черкогуртэ Ашальчи Окилэн, Геннадий Красильниковлэн музей-юртъёсазы, озьы ик краеведческой музее но. Туж трос но тунсыко, пайдаё пумиськонъёс ортчыло татысь ужасьёсын. Пиналъёс ас синмынызы адӟо арбериоссэс, дано адямиослэсь улэм интызэс, ужан тӥрлыксэс. Ваньмыз та ужпумъёс паськытато но муромыто пиналъёслэсь тодон-валанзэс. Туж бадӟым мылкыдмы Варзи-Ятчи гуртамы яке школаямы Н.Байтеряковлэсь музейзэ усьтон ласянь. Соку луысалзы ни асьме пиналъёсмы пӧлысь ик экскурсоводъёсмы но. Аспӧртэмлыко но тунсыко урокъёс ортчыло Г.Медведевлэн "Лӧзя бесмен", М.Коноваловлэн "Вурысо бам", П.Блиновлэн "Улэм потэ" романъёссыя но озьы ик Г.Красильниковлэн произведениосызъя. 10-11 классъёсын урокъёс ортчытъякум, уже кутӥсько лекциосты, семинаръёсты, пӧртэм групповой ужъёсты. Ӵем дыръя урокъёсам "корреспондентъёсты" ӧтисько. Кылсярысь, Ашальчи Окилэн творчествоезъя. Огез дышетскись - "корреспондент"урокез ортчытэмлэсь азьвыл пумиськылэ пӧртэм адямиосын, соослы писатель сярысь, солэн улэм-вылэмез, ужамез сярысь юанъёс сётъя. Та уроклы одӥгез дышетскись ивортон но дася. Со вакытэ "корреспондент" пумиськонлы йылпумъян лэсьтэ. Дышетскон ар кутскыку, пиналъёсын анкетирование ортчытӥсько. Соос азе таӵе юанъёс пуктӥсько: - Кыӵе формаен урокъёс ортчытысалды? - Кыӵе тунсыко внеклассной ужрадъёсы пыриськемды потэ? Отын мае эскерысалды? - Ярало-а, уг-а тӥледлы удмурт кылъя но литературая урокъёс, мае отын воштысалды, мар ӵектысалды? Анкетаосты эскерыса валаны луэ, 5-6 классъёсын дышетскись пиналъёслы уката но тунсыко луо урок-викторинаос, групповой амалэн ужан, ӵошатскон мылкыд пыӵатӥсь урокъёс. Озьы ик сюлмысь пырисько пӧртэм выжыкылъёсъя но веросъёсъя инсценировкаос дасян но сцена вылын соосыз возьматон уже. Ярало пиналъёслы урок- экскурсиос но. Мынам малпамея, 10-12 аресъем пиналъёслы юн пыӵатыны луэ удмурт кылдэ но литератураез яратон но гажан мылкыд, ас калыкедлэсь историзэ тодон сярысь сюлмаськон. Нылпиез визьмо, ӟеч сямо будэтон - со туж бадӟым, кулэ но шуг уж. Калыкмы узыр пӧртэм ӟеч сямъёсын, йылолъёсын. Соос улонысь медаз кошке. Соосыз выльысь улӟытон сярысь али сюлмаськыны кулэ. Калык сямъёсты улӟытон - национальной школаез выльдонлэн, улӟытонлэн кутсконэз но луэ. 7-8 классын дышетскисьёслы ярало индивидуальной ужъёс, озьы пӧртэм ребусъёс но уроклы тунсыко схемаос малпаны. Та классъёсын сётъяны кутскисько ни пӧртэм сообщениос, докладъёс. Ужам кутӥсько перфокартаосты. Пиналъёслы та уж тунсыко потэ, урокын дыр но шыръяське. Темаосме урокам "кушаса" уг сётӥськы, пинал ачиз мед валалоз, мар сярысь вераськыны кулэ луоз туннэ. Студент вакытам ай, практика ортчыкум, таӵе амалэз мыным валэктӥз Пичи Пурга ёросысь Гожня школаын дышетӥсь Р.П. Герасимова. Туннэ нуналозь но тросэз солэсь тунсыко амалъёссэ ужам кутыны тыршисько. Угось нылпиос асьсэос ке малпасько, асьсэос кыӵе ке йылпумъянэ вуо, сое валэктыны быгато - со дышетӥсьлэн ужаз самой ӟечез, шумпотымонэз луэ. Пиналъёс со дыре асьсэос "дышетӥсьёс" но луо. Литература урокъёсын произведениослы анализ лэсьтыны дышетскиськом, асьсэ малпанъёсынызы герӟаса, туннэ нуналэн герӟаса. Кылсярысь, кыӵе ке героез возьматон, соин туннэ нуналын пумиськон. Пиналъёс дӥсяло мунёосты-геройёсты но верало соос сярысь. Собере ваньмы ӵош эскериськом но ӵошатскиськом авторлэсь-писательлэсь но пиналъёсмылэсь геройёссэс. Пиналъёс яратыса лыдӟо произведениосты. Соин ик ужаны но соосын капчи. Мукет предметъёсын ӵошатыса, нылпиос удмурт кылъя но литературая урокъёсын етӥзэсьгес но, визьмоесьгес но шуыны луоз. Соин ик 7-8 классын дышетскисьёслэсь сыӵе мылкыдзэс, тунсыкъяськонзэс сайяны уг яра, бадӟым классъёсы вуытозязы. Но 10-11 классын дышетскисьёслэн программазы чутрак воштӥське: призведениос бадӟымесь, огвыллемесь темаос (тужгес но 10-тӥ классын). Лыдӟем книгаослы мур анализ лэсьтыны, тодон-валанзэс сочинениосын юнматыны быгатоно. Бадӟым классъёсын анкетирование ортчытэм бере, таӵе малпанэ вуи: огшоры урокъёс, кытын юан но веран гинэ луэ, пиналъёсты уг тунсыкъяськыто ни. Соин ик пӧртэм амалъёс утчано луэ, троссэ соос асьсэос но ӵекто. Соослэн куремзыя яке ӵектэмзыя ортчытӥськом урок-диспутъёс, КВН-ёс. Тестирование амалъёсты но уже кутӥськомы. Котькуд бадӟым тема йылпумъяськем бере, билетъёс дасясько, пиналъёс юанъёсъя зачет сёто. Озьы ик ужам кутӥсько урок-семинаръёсты, урок-лекциосты. Куддыръя сыӵе урокъёсы но луо, кытын ужаськом быдэсак текст, предложениос, кылъёсты эскерон бордын. Пиналъёс мед валалозы, текст (произведение) кылдытон - огшоры уж ӧвӧл, со трос аръёс ӵоже йырын, сюлмын нуллэм малпанъёс. Таӵе урокъёс пиналъёсты произведениослы пыр-поч но мур анализ лэсьтыны, геройёслэн образъёссы бордын рос-прос ужаны, улонлэсь ӧрзэ, дырлэсь ортчемзэ, воштӥськемзэ возьматыны дышето. Бадӟым классъёсын дышетскисьёсын тунсыко луэ пӧртэм научно-исследовательской ужъёсын групповой урокъёс ортчытъян. Тани, басьтом Г.Медведевлэсь ик "Лӧзя бесмен" роман-трилогизэ. Тема. "Лӧзя бесмен" роман-трилогияя огъясь урок (пресс-конференция). Уроклэн мугез: а) роман сярысь вань тодэм-валамзэс юнматон, огъян; б) произведениеысь геройёслы дунъет сётон; в) геройёслэсь пӧртэм кусыпъёссэс возьматон; г) пӧртэм критической статьяосты уже кутыны дышетон; д) нылпиослы асьсэлэсь малпанзэс шара вераны дӥсьтон мылкыд юнматон; е) произведение шоры туала синмын учкыны быгатон; ж) вордӥськем шаерзэс, солэсь ортчемзэ, ализэ но вуонозэ гажан мылкыд пыӵатон бордын ужан. Дышетӥсь валэктэ пиналъёслы уроклэсь темазэ но мугзэ. Тодматэ, кин пыриськоз туннэ пресс-конференцилэн ужаз. Дышетскисьёс отын асьсэос ик луо критикъёс- тодосчиос, журналистъёс, суредасьёс, оппонентъёс, экспертной группа, дунъет сётӥсьёс. Пресс-конференциез нуись журналист вакчияк вера "Лӧзя бесмен" роман сярысь малпанъёссэ. Собере кыл сётӥськом критикъёслы. Со вакчияк тодматэ Ф.К. Ермаковлэн но С.Арекеевалэн статьяосынызы. Со ужъёс вӧзы одно ик ватсало на асьсэлэсь малпанъёссэс (соос но угось критикъёс). Тани кыӵе малпанэ соос вуо: "Таӵе критической статьяос туж кулэ произведениос бордын ужаку, малы ке шуоно, соос юртто произведениез мургес валаны, аспӧртэмлыксэ шедьтыны". Лыдӟисьлэн луэ ини аслэсьтыз малпанъёссэ ӵошатэмез критикъёслэн малпанъёсыныз, валаны статьялэсь пӧртэмлыксэ но огкадьзэ. Луылэ на, дыр, таӵеез но: статьяосты лыдӟыса, тросэзлэн син азязы геройёс воштӥсько. . ." Собере кыл сётӥське оппонентъёслы. Соос но верало роман-трилогия сярысь асьсэлэсь малпанъёссэс. Журналистъёслы но критикъёслы юанъёсс сётъяло. Соос та произведениын ӝутэм ужпумъёсты туннэ нуналэн герӟало. Тани кызьы соос пусъё: "Туннэ нуналъёсы та романэз тодон асьмелы туж кулэ. Со асьмемыз дышетэ огазеяськыны, ог-огедлы юрттыса улыны. Али нош ик ӝутӥськемын таӵе ужпум: мар кароно колхозъёсын? Быдтоно-а вал соосты? Ӟапык Бутаровлэн но солэн эшъёсызлэн ужамзы юнме ӧз луы-а? Колхозъёс кулэ, соосты быдтоно ӧвӧл. Калык дышемын ини валче ужаны, ог-огедлы юрттӥськыса. Бен, умойзэ сӧрыны-тӥяны шуг ӧвӧл, но сое выльдыны яке выльысь кутскыны - таиз секыт ужпум. Соин ик, нырысь малпаськоно: ваньмыз фермеръёс луыны уз быгатэ, луонлыкмы но солы ӧвӧл на". Суредасьёслы кыл сётон азьын нош ик верасько оппонентъёс. Татын ӝутӥське ни споръяськон. Котькуд группа аслэсьтыз малпанзэ вера. Суредасьёс азьын таӵе ужпум сылэ: "Макем син азе пуктымон суреда автор произведениын ортчем учыръёсты?" Таиз группа дася кык-куинь суред но со сярысь асьсэ малпанъёссэс вера. Мыным тужгес но тунсыко потӥз сыӵе суред, кытын пумиське Ӟапык но Исьтапан. Кызьы верало пиналъёс: "Геройёслэн синъёссыя ик валаны луэ адямилэсь кыӵе луэмзэ. Лякыт, шуныт но отын ик вожпотӥсь синъёс - со Ӟапык Бутаров. Нош кескич синмын учкись воргорон - со Салдат Исьтапан. Туссыя гинэ ӧвӧл, выл дӥсьсыя но тодманы луоз соосты. . . Бутаров йӧн-йӧн сылэ Исьтапан азьын. Со возьматэ кадь кышкамтэзэ. Ӟапык егит на, веськрес, йыг-йыг мугоро. Нош со вӧзын - губыртӥськемгес, арлыдо песятай. Ог- огзы шоры учкемзыя валаны луэ - татын воксё пӧртэмесь адямиос. . . Таӵе суред котькинлэн но син азязы пуксиз, дыр. Юнме меда? Ӧвӧл, асьмеос татысь адӟиськом вуж улонлэсь выль улонэн пумиськемзэс. Вуж улонлэн героез - Салдат Исьтапан, вылезлэн - Ӟапык Бутаров. Одӥг та пумиськон гинэ но возьматэ ни, произведениын лэчыт ужпумъёс ӝутэмын шуыса". Суредасьёс вераськем бере, нош ик кыл сётӥське оппонентъёслы. Озьы ик мукет группаос но ас дунъетсэс верало. Уроклы йылпумъян: "Лӧзя бесмен" роман-трилогия 30-тӥ аръёсы гожтэмъёсыз пӧлысь одӥгез туж тунсыкоез но аспӧртэмлыкоез произведение луэ: - композициеныз (трилогия удмурт гуртын вылезлэн вуженыз нюръяськон темалы сӥземын бере, писатель сое возьматыны кельшись амал но шедьтыны тыршем. Артэ радъям главаос, ог-огзы пумитэ мынӥсь тулкымъёс сямен, ваче шуккисько. Вылез кылдэ но со вылэ вужез ожалске, шумпотонэз воштэ куректон, куректонэз - шумпотон. - геройёсызлэсь пуш малпанъёсэс мур возьматыны быгатэменыз; - семья кусыпъёсты аспӧртэмлыко возьматэменыз; - кылтӥрлыкеныз: пӧртэм ӵошатонъёс, глагол-неологизмъёс, символъёс но мукет. Табере вераське экспертной группа. Соос быдэс уроклы дунъет сёто, асьсэ малпанзэс верало. Экспертной группае озьы ик пыртыны луоз дышетӥсьёсты но. Мынам малпамея, та выллем урокъёс сётъяны луоно пӧртэм темаосъя, произведениосъя. Таӵе урокъёс туж кулэ луо. Татын пиналъёс дэмен ужало. Ӝутэм ужпумлы йылпумъянъёс лэсьто, асьсэлэсь малпанзэс вераны тыршо, научной статьяосты уже кутыны дышетско. Озьы ик аслам ужам мыло-кыдо кутӥсько урок- конференциосты. Тужгес ик умой пӧрмо кадь соос потэ П.Черновлэн но Г.Перевощиковлэн произведениоссыя. Кылсярысь, "Дор" повестезъя урок-конференция. ("Вордскем кыл", 1998, 4-тӥ номер). Усто но пайдаё луо на сыӵе урокъёс но, кудъёсаз кутӥськомы пӧртэм вынлыко калыклэсь писательёссэс но соослэсь произведениоссэс. Пиналъёслэн таин ӵош тодон-валанзы трослы паськыта но муроме. Соос та урокъёсын валало, котькудӥз гожъясь кинлэсь ке дышетскыса будэ, йыг-йыг пыд йылаз султэ. Собере ачиз но мукетъёслы адӟем карымон гожъяны кутске. Та выллем материалъёсты уже кутыса возьматыны луоно, кемалась дыре вордӥськем эшлыко кусыпъёсыз одно ик утьыны но азьланьтыны кулэ шуыса. Удмурт литератураез вынлыко литературосын герӟаса эскерон интернационалистъёсты будэтонын одӥгез ӟеч вамыш луэ. Нош ас калыкедлэн зэмос патриотэз луон мылкыд пиналлэн пичи дырысеныз ик вираз пыӵамын мед улоз. Мукет выжыосысь калыкъёс сямен ик, удмурт семьяос но нылпи будэтонэз нырысь интые пуктылӥзы. Соос асьсэлэсь шудзэс адӟо нылпиос бордысь. Тани тросэз визькылъёс но со сярысь верало: "Корка нылпиен шулдыр", "Нылпитэм кышно-картъёс - сиротаос". Та сяна, калык педагогика нимысьтыз саклык висъялляз нылпиосты азьтэмъяськонлэсь алонлы. Уж но визь калыклэн улоназ ноку нимаз ӧз луылэ, соос котьку ӵош "ветлылӥзы". Мӧйыослы юрттыкузы, гурт котырысь но бусыысь арлыдзыя вормымон ужъёсыз лэсьтыса, ас визьмынызы тодыны-валаны кутскылӥзы юртъер, пудо- живот утён амалъёсты, сямъёсты, собере тодэмзэс ужазы эскерылӥзы, каллен улоназы пыӵатылӥзы. Пиналъёслэсь визьзэс сакгес но лэчытгес карыны юрттэ котырысь инкуазез чакласа, эскерыса будэмзы. Инкуазез ӟеч тодэмез, гурт пудо-животлэсь но кыр пӧйшурлэсь сямъёссэс но выросъёссэс, будосъёслэсь пӧртэмлыксэс чакламез туж юрттэ музъем ужасьлы бусыын но, сикын но. Будӥсь пиналъёсты визьман амалъёс пӧлын бадӟым инты басьто мадиськонъёс. Соос визь сынамез кулэ каро, улон шоры но пӧртэм учыръёс шоры паськыт учкыны, котьмарлэсь но аспӧртэмлыко тусбуйзэ яке пуштроссэ висъяны дышето. Пӧртэм пумо преданиос пиналъёслы кемалась ортчем вапумъёс но югдуръёс, калык геройёс сярысь иворъёс вутто, вордскем шаердэ, вашкала батыръёсты гажан но соосын данъяськон мылкыд пыӵато. Валамон ини, со преданиосын но легендаосын выжыкыл шӧмыз но вань. Озьы ке но, ваньзэ сое огшоры калык кылос гинэ шуыны уг луы, со луло традиция, "ачиз калыкен верам история", вашкала дауръёслэн туннэ улӥсьёслы вазиськем куаразы. Со вазиськем куара юнме гинэ медаз луы, туннэ пиналъёс сое мед кылозы, мед тунсыкъяськозы асьсэлэн выжыосынызы, йылолъёсынызы-сямъёсынызы, фольклоренызы но мукет. Сыӵе муген ик пӧртэм ужрадъёс, тунсыко урокъёс ортчытъясько. Удмурт кылъя но литературая урокъёсты озьы пӧртэм амалэн ортчытыны луэ, нимысьтыз дышетон программа ке но ӧвӧл. Та ласянь кыӵе бадӟым юрттэт луэ "Вордскем кыл" журнал. Чидатэк витиськом выль программаен выль учебникъёсты но. Соку эшшо но тросгес луысалзы тунсыко урокъёс но паймымон но пайдаё ужрадъёс. Уже кутэм литература 1. Журнал "Народное образование". - 1997, � 1. 2. Журнал "Литература в школе". Просвещение. - 1985, � 6. 3. Журнал "Воспитание школьников", 1988. � 2. 4. Корел Блага, Михаил Шебек "Я - твой ученик, ты - мой учитель". - Москва: Просвещение, 1991. 5. Зуева А.С. "Усьтӥсько выль инвисъёс". - Ижевск: Удмуртия, 1992. 6. Ермаков Ф.К. "Путь удмуртской прозы". - Ижевск, 1975. 7. Никитина Г.Н. "Народная педагогика удмуртов". - Ижевск: Удмуртия, 1997. 8. Владыкин В.Е. , Христолюбова Л.С. "Этнография удмуртов". - Ижевск: Удмуртия, 1997. 9. Христолюбова Л.С. "Калык сямъёсты чакласа". - Ижевск: Удмурия, 1995. 10. "Удмурт калык пословицаос, поговоркаос". - Ижевск, 1961. 11. Владыкин В.Е., Гришкина М.В., Иванова М.Г., Христолюбова Л.С. "Даур куара". - Ижевск: Удмуртия, 1998. 12. Ермаков Ф.К. "Адями сюлэмез мур валаса". //Вордскем кыл. - 1994. - � 3. 13. Ермаков Ф.К. "Г.Медведевлэн "Лӧзя бесмен" романаз ватэм малпанъёс. //Вордскем кыл. - 1992. - � 6. 14. Ильин М.И. "Значение вотского языка и его красочность"//Вордскем кыл. - 1995. -� 5. 15. К.Герд "Вордскем удмурт кыл сярысь". //Вордскем кыл. - 1992. - � 2. 16. Ермаков Ф.К. "Удмурт литература шоры - туала синмын ". //Вордскем кыл. - 1992. - � 1. 17. Арекеева С.Т. "Вынлыко литератураосын герӟаса". //Вордскем кыл. - 1990. - � 1. 1 1 Начальной школаын Г.С. Максимова, Можга ёросысь Б.Кибья школа. Котькудӥзлэсь кужымзэ чакласа Пиналъёслэсь удмурт кылъя тодон-валанзэс будэтон но муромытон вылысь, ужам пӧртэм амалъёсты утчасько но кутӥсько. Берло дыре урокъёсме дифференциация шуон (дышетскисьёслэсь тодон-валан кужымзэс лыдэ басьтыса заданиос сётъян) амалэн нуыны кутски. Пайдалыкезъя яра со мыным. Таӵе урокъёсты нуыны мон инъет интые кутӥ Н.Б. Мельниковлэсь, Р.С. Минаевалэсь, Л.О. Денищевалэсь, Л.В. Кузнецовалэсь, И.А. Мурелэсь, И.А. Райляну но В.В. Фирсовлэсь "Зачеты в системе дифференцированного обучения математике" ӵош ужзэс. Пособие поттэмын Москваын 1993 арын. Отын авторъёс эскеро но ӵекто математикая урокъёсын зачетъёсты, контрольной ужъёсты ортчытыку, кызьы уже кутыны дифференция амалэз. Огшоры амалэн ужаку, быдэс класслы огкадь задание сётӥськом, соизлэсь яке таизлэсь дышетскисьлэсь предметъя огъя тодон-валанзэ лыдэ басьтытэк. Кыӵе ке янгыш лэсьтэ - оценказэ кулэстӥськом. Дифференциация амалъя урокъёсын пиналлэн тодон-валанэзлы дунъет сётӥське мукет сямен: урокын котькуд быдэстэм ужрадлы нимаз оценка пуктӥсько. Собере вань оценкаосты огинэ карыса, шоро-куспо лыдпус поттӥсько. Та луэ урокын кызьы ужамлы дунъет. Сое ик пусйисько журналам. Таӵе амалэн ужаку, пиналъёслэсь предметъя тодон-валанзэс чакласа, классэз 3-4 группаослы, уровеньлы люкисько. Озьы дышетскисьёс секытлыкъя 3 пӧртэм ужъёсты быдэсъяло: 1-тӥ группае пыртэм пиналъёслы сётӥсько секытлыкъя "3"-лы дунъямон ужъёсты. Дышетскисьлэн сыӵе тодонэз луыны кулэ, кудӥзтэк со визьлюканын азьлань мыныны уз быгаты. 2-тӥ уровень: таосызлы сётӥсько секытлыкъя "4"-лы дунъямон задание. Таиз ужъёс секытэсьгес ини. 3-тӥ уровень: соослэн быдэстоно ужъёссы куддыр программаын чакламлэсь вылӥын луыны быгато, герӟаськемын азьвыл ортчем материалэз тодэ ваёнэн, мур малпаськытӥсь. Классэз тазьы люкылон чик но уг вера: 1-тӥ уровене пыртэм пиналъёс урокысь уроке одно ик "3"-лы гинэ дышетскыны кулэ, нош 2-тӥ уровеньысьёсыз - одно ик "4"-лы гинэ. Со шонертэм малпан. Шуом, 1-тӥ уровеньысь дышетскись урок ӵоже куинь ужъёсты быдэстӥз. Нырысьсэ ужзэ - "3"-лы, кыкетӥез - "4"-лы, куинетӥез - "5"-лы. Соосты ватсаса но куиньлы люкыса поттӥсько пиналлэн ортчем урокъя тодон- валанэзлы шоро-куспо дунъет. Озьыен, со "4" луэ. Вераны кулэ: пиналлэсь тодон-валанзэ, кыӵе дышетскемзэ чакласа, мукет группаосы но выжтоно луэ: яке улӥяз, яке вылэгес. Со понна юромо эскеронъёс дырын-дырын ортчытъясько. Выль темаез валэктэме бере, пиналъёс нырысетӥ секытлыке, "3"-лы дунъямон урокъёсты быдэсто. Собере эскерон ортчытӥсько. Солы йылпумъянъя классэз 2 группалы люкисько. Таяз учыре заданиос чакламын ни "3"-лы но "4"-лы. Кыкетӥез эскеронын класс люкиське ини куинь группаослы. Отын быдэстэм ужъёслы йылпумъянъёсъя: "3"-лы-а, "4"-лы-а яке "5"-лы-а тупамонэсь соос? Таӵе урокъёслэн кыӵе пайдазы? - Ужало ваньзы, тэк пукисез уд адӟы, - Ог-огзылэсь тодон-валанзэс дунъяны дышетско. - Пӧртэм группаосысь пиналъёс сётэм ужзэс огдыре быдэстыны тыршо. Дифференциация амалэн урокъёсты нуон понна, трос ужано луэ дышетӥсьлы. Котькуд группалы тупамон нимаз карточкаос, нимаз юанъёс, ужъёс дасяно. Со трос дырез кулэ каре. Секыт-а, капчи-а, но макем шумпотоно, ужамед пайдатэм ӧвӧл шуыса. Группаосын ужаны мыным тужгес но яра, темаез блок амалэн эскерыку (валамон: вань темаосыз блок амалэн сётыны уг луы). Верай ни, эскеронъёс ортчытыса, пиналъёсты группаосы кызьы люкылон сярысь. Со пумысен пусъеме потэ: "3"-лы тупась ужъёсты быдэстыкум, журналэ отметка уг пуктӥськы. Умой дышетскисьёс понна журналэ но дневниказ пуктэм "3" отметка бадӟым шуккет луоз. Таиз урокъёслы куронъёсын сэрен, зэм но, соос янгыш ӧвӧл ук. "4"-лы яке "5"-лы тупамон ужъёсты быдэстыса, усточиос ӟечгес отметка басьтыны быгатысалзы. Пиналъёслы ужъёсын карточкаос быръёнын ӝеганъёс медаз луэ шуыса, карточкаослэсь сэрегъёсэс пӧртэм буёлъёсын пусъисько: "5"-лы чаклам ужъёсты - горд буёлэн, "4"-лы - вожен, "3"-лы - лызэн. Куд-ог ужъёсты дышетскисьёсты группаослы люкылытэк ортчытӥсько. Быдэс класс одӥг текстэз лэсьтэ. Кинлэн "3" отметка гинэ басьтэмез потэ, со быдэстэ огзэ гинэ ужез, "4"-лы - кыксэ , нош "5-лы - куиньзэ. Пиналъёс заданиоссэс огдыре быдэстыса вуыны кулэ. Малы ке шуоно, соослы ог-огзылэн лэсьтэм ужъёсынызы тодматскон, эскерон но дунъет сётон понна, тетрадьёсынызы вошъяськоно на. Таӵе амалэн ужаса, пиналъёс ӟеч тодон-валан басьто, нокинлэн бере кылемез, улӥ уровене усемез уг поты. Котькудӥз ужа, тэк, жальмаса пукись, шаянтыса улӥсь ӧвӧл. "Таяз урокын монэ, оло, уз юалэ ай", - асьсэды тазьы буйгатӥсез уд адӟы. Пиналъёслы асьсэлы но яра таӵе амалэн ортчытъяськись урокъёс. Юало: ку группаосын, пе, ужаломы ни. 1 Калыклэн жильыртӥсь ошмесэз С.В. Соколов, доцент. "Можай тыпы" -лэн кыллыкез сярысь А.Н. Клабуков удмурт лыдӟисьлы тодмо нылпиослы кылбуръёсыныз. Оло соин но асьме критика "Можай тыпы" сярысь умой-умой вераськон ӧз ӝутылы. Ведь нылпи кылбурчилэн книгаез бадӟымъёс сярысь, сӥземын но соослы ик. Вазенгес потэменыз лыдӟись оло вунэтӥз но ини пуштроссэ. Тани кӧня ке кыл гинэ. Никодим Сандаловлэн (валтӥсь геройлэн) ӵыжы-выжыез Можай городын улэм. Атаез пӧртэм мугъёсын вуэ Шунёгуртэ. Сьӧраз ваем тыпы мульыос. Соосты мерттӥз. Тыпыез бадӟым будӥз. Соин но, дыр, повестьлэн нимыз "Можай тыпы". Шунёгуртын ик будэмын Никодим но. Быдӟалаезъя пичигес гинэ повестьын ӝутэмын пӧртэм ужпумъёс: семья кусып, асьме улонамы наукалэн но техникалэн пыӵамзы, пӧртэм кылын вераськись калыкъёслэн кусыпъёссы. Но мон вераны малпасько та повестьлэн кыллыкез сярысь. Кызьы тодмо, кыл - котькуд чеберлыко произведенилэн шорсюлмыз. "Можай тыпы" кыллыкез ласянь тунсыко. Тани, шуом, домъяськиз кыл. Ӟуч корень бордысь удмурт кыл пӧрмытон амалъёсты уже кутыса, автор асьмелы сётэ ӵыжак выль глагол. Со огшоры корка пуктӥз шуэм гинэ уг луы, солэн пуштросэз паськытгес: гидкуа пуктӥз. Та повестьысь ик домъяськыны глагол пыриз ини 1983-тӥ арын потэм удмурт-ӟуч кылбугоре. Но малы ке но разг. (разговорной) тодметэн сётэмын, валатонэз но быдэсак усьтэмын ӧвӧл. Та выллем выль кылъёс повестьын трос гинэ: 1.Гужем окыт пӧсь дыръя со татчы юри поталля: вылӥысь, вож куаръёс пӧлысь, салкым алытэ, "лыз инмысь вия кадь потэ солы. . . 2. - Живо- два дӥсясько но - Шундошуре дӥрлатом. - Кин вордэм таӵе ӝушанэз? 4. . . . со узыр ӝушмекейёслы пыдулатыны, унь-мань карыны мусо нылме уг сёты. . . 5. Собере, пыдлось лулскыса, сюдэм куараен вазиз. . . . нош бадӟым палаз Опрочлэсь платьяоссэ купрес пельпумъёс вылэ ошыло. 7. Кужыменыз со тросэзлы ӧй сётскысал, дыр, но дунне вылын соку адямилэн сӥез- данэз ӵуж питресъёс бордын вал ук . . . Нимысьтыз валэктытэк но асьмеос контекстысь валаськом та кылъёслэсь пуштроссэс. Мукет та выллем кылъёс но син шоры йӧто: польтро - трос но шулдыр вераськись, супыльтӥсь; озёло: "арлыдзы озёло вуэмын ни" (арлыдзы бадӟым ни). Конечно, соос кутӥсько пӧртэм вераськетъёсын (диалектъёсын), но А.Н. Клабуков та повестез пыр вуттэ соосты вань удмурт лыдӟисьёс пӧлы. Ӵем дыръя автор тодмо кылъёслэсь пуштроссэс паськытатэ: 8. - Огсямен улӥм ке, улом ик на, дыр, асьме выжымы сюрмысатэк кулонэз уг тоды. Сюрмысатэк "пересьмытэк" гинэ шуэм уг луы: со "улонэз адӟем, кыдам, юнмам, пӧсь- кезьыт пыртӥ потэм" шӧм пыртэ. 9. Бер сӥзьыл ӵужектыса, соос тур-тур лобӟысалзы, поръяса-поръяса кезьыт му вылэ бабысалзы. Асьмеос дышемын бабыны глаголэз пичиослэн вераськонысьтызы кылыны. Нош татын со кутэмын мукет контекстын, собере пуштросэз но паськытгес каремын: "изьыны" сяна сётэмын на "усьыны" валатон. 10. Чай-сакырен, нянен-кеньырен бертон дыръя, пыдессин кыниськыны кутске. Тӥни озьы, татын (повестьын синъёс гинэ уг кынисько, пыдессинъёс но кынисько. 11. Татӥ сюрес ӵошкыт ӧвӧлэн, шофёр машиназэ ӧз улля ни. Татын - машиналэсь ӝоглыксэ будэты ни. Произведенилэсь (геройёс пыр) эмоциональной пуштроссэ муромытон понна автор пӧртэм амалъёс утча. Тани одӥгез: Сандаловлэсь йыркурзэ муромытон понна сэпез ик пӧсьтӥз фразеологизмез тазьы тупатэ: Сандаловлэн йырыз кур луиз но, сэпез ик кисьтӥськиз. Вашкала улон сярысь веракуз, А.Н. Клабуков пыртэ вашкала адями нимъёсты (антропонимъёсты), вужмем кылъёсты (архаизмъёсты). Со кылъёс вутто асьмемыз кемалась улонэ, собере соостэк авторлэн верамезлы но шугенгес оскысалыд, дыр. 12. Шундошурын улоз вылэм Есеней но Висар пиеныз, Сезяй кышноеныз. Есеней, Вжар, Сезяй - вашкала удмурт антропонимъёс. 13. - Ма, солэн атаезлы но вашкала сямен куккыса кен вайыны косӥсьёс но трос вал. . . 14. Куккыса ваем Бигралы чидантэм мӧзмыт луыку, со тыпы улэ султоз но, Пурга пала учкыса, жаль-жаль синву пыр кырӟалоз, пе, вал. Куккыса кыл "лушкаса" шуон вылэм. Автор сое валэктэ сноскаын. Нош куд-ог дыръя таӵе валэктонъёс произведенилэн текстэныз герӟасько, валантэм яке шуг кылэз автор валэктэ текст пушкын: 15. Сандалов семьяез гурто калыксы "пыгдо" семья шуылӥз. Вашкала удмуртъёслэн кылзы вылэм, лэся, со: "пыгдо" - бадӟым семья, али со кыл вунэтэмын ини. Куддыръя нош валэктонъёс сётэмын ӧвӧл: 16. - Юон вылэ уг вериськы меда? Азьтэмен юонэн одӥг сюрес вылтӥ кунулскыса, артэ ветло ук. Асьмеос контекстысь нокыӵе шугтэк валаськом: юыны уз кутскы меда, юон борды уз кариськы меда. 17. - Малы кулэ луоз на татысь аулак интыез жаляны? Вераськон мынэ буш, куштэм инты сярысь. Синонимъёсты артэяса валэктэ предложение пушкысь ик кыӵе ке но мукет кылэз: 18. Толон Никодим Иванычлэн семьяез шукрес нимо дӥськут кана басьтӥз ай - шифоньер. 19. - Пӧраме таӵе гинэ: изюмен юача-тӥ сямен бискыли шуо, лэся. 20. - . . . кебитамы модейтӥсько на, ужаны вырисько на. 21. - Микодим, грипп шуон пуэдзы ӧз кутскы меда? Автор произведенияз пыртэ калык педагогикая материалъёсты но ( жаляса верано луэ, удмурт калык педагогикая материалъёс люкамын - поттэмын ӧвӧл, чеберлыко произведениосысь но соосты одӥг-ог гинэ пумиталод); 22. Кин шоназ ке (пыдъёссэ - С.С.) пукыкуз, солэн кукъёсыз кор зӧкта будозы, соку мын - бызьылы на! Одӥг чеберлыко произведение но диалект кылъёстэк уг луы, дыр. Калык кыл - со жильыртӥсь ошмес. Со ноку огинтыяз уг пукы. Диалектизмъёслэн функциоссы пӧртэмесь, но кызьы тодмо, ӵем дыръя соосты куто геройлэсь кылзэс ог-огзылэсь висъян, ас сямъёссылы тупамон карон понна: 23. - Маскара сямыд озьы ик кылемын на, Никодим Иваныч. Со айбат! 24. - Я, соиз озьы ке озьы но, бабуше вералоз вал проч мукет сямо барин сярысь. 25. - . . . жингыр! гинэ со лек барин дине васькем. 26. - . . . син куспын макем мотор корка вуттӥз. Аниса нимо героинязэ автор "бигер кенак" шуэ. Зэм но, солэн вераськонэз бигер кылъёс ӵем гинэ пӧлэстӥськыло: ӟудыса, индэ, заман, куанӥсько, быльдыри, сэбет но мукет. Туала вераськетъёсъя нимысьтыз кылбугормы ӧвӧлэн, шуггес вераны, диалектизмъёслэсь вӧлскем интызэс. Соиз гинэ умой тодмо: айбат, ӟудыны, заман, индэ, куаныны, быльдыри, сэбет лымшор пал кылъёс, озёло, баляс, мотор - вӧлскемын шор вераськетъёсын, проч, дӥне, добра - уйпал диалектъёсын. Узыр но тунсыко материал сётэ повесть "кыл пӧртманъёсъя", соос авторлэсь но геройёслэсь кылзэс улӟыто, ворекъято: 27. - Эх, шунёос! Великала сямен, шуньда - нюнь! Калленом-манером улэмды потэ на-а, ма? 28. Со шунёысь Шаштон выжы Иванлэн Никодимез, зэмзэ но, шашы пӧлын дэремен вордскем, лэся. 29. Сотэк адямилэн нимыз "нимага", данэз "шуярга" чотын ветлылӥз. 30. Атайзэ узыр выжыос, мыскыл карыса, Ляби-Пави гинэ шуылӥзы. Пусйыны кулэ на, авторлэн эшшо одӥг чеберман амалэз сярысь. Со - синонимъёсты кузъян, параен-параен сётон. Тазьы мукет писательёс но гожъяллязы вал ини, гожъяло но. А.Н. Клабуков кутэ та амалэз кыӵе ке но асэстэм кылэз, диалектизмез валэктон понна: 31. . . . Никодим Иваныч гулбече-мурӝолэ васькытэк ӧз чида. 32. - Маин буйгалод-басылалод на? 33. Валасьтэмъёсты алдаса-пӧяса, капчи но чебер улон сӥзьыса, валя сётом шуыса, со эксэй выжыос вормиллям. 34. Кулонэз-эзелез ӧтьыса улоно медам луы вал. 35. Дун но умой вуттысалзы, клопатэз-выронэз но ӧжытгес луысал. 36. Митяослэн котырзы-добразы корка пыртэмын вылэм ни. Татын мон ӧй иса синтаксической стилистикалэсь ужпумъёссэ - со мукетгес вераськон. Озьы ке но, "Можай тыпы" повестьлэн кыллыкез узыр шуыны дӥсьтӥсько. 1 Шор ёзо школа И. А. Наговицына, Балезино ёросысь Люк школаысь дышетӥсь. "КИЗИСЬ" Темаез: Ми кизиськомы ӟечсэ, умойзэ, визьмозэ, кужмозэ. Мугез. Чаклалом, кызьы "кизись" сярысь тема К.Гердлэн творчествояз валтӥсь луэ. Уроклэн мынэмез. Лыдӟе дышетӥсь. Притча. Одӥг кизись му кизьыны потэм. Кизён дыръя кидысэзлэн куд ке быртыкез сюрес вылэ усем, сое папаос лыктыса бичаллям, я ветлӥсь-мынӥсь муртъёс лёгаса быдтӥллям; куд ке быртыкез сюрес вылэ усем, лёгаса быдтӥллям; куд ке быртыкез изо интые усем, удаса потэм но, выжы лэзьыны сюез луымтэ бере, заман куасьмем; куд ке быртыкез люгыё интые усем, сое люгы нюртэм, со будымтэ; кудӥз ке ӟеч интые усем, со туж уно емыш ваем. Валэктоно таӵе кылъёсты: Му, заман, быртыкез, притча. Кызьы валаськоды притчаысь берпуметӥ верам кылъёсты? Кыӵе малпанэз притчаын валтӥсь луэ? Шедьтэ текстысь. (Текстъёс парта вылын). Вашкала притча вылэ пыкиськыса, К.Герд "Кизись" кылбур гожтэ, сое поэзилэн кылыныз ӧръя: тупатъя, вошъя, выль тодметъёс пыртылэ. Лыдӟе дышетскись. К. Герд "Кизись" Одӥг пол кизись бусы потэм Сезьы кидыссэ тулыс кизьыны. . . Кизьыкуз урод тӧлпери ӝутскем, Куськем солэсь сезьызэ пазяны. . . Кудӥз кидысэз вылэ ик усем: Выжызэ лэзьыны быгаттэк куасьмем - Токма вылаз зоръёс зориллям, Токма ӵукна лысвуос коттӥллям. Кудӥз, сюрес дуръёсы усьыса, Пайдатэк бырем, тус-тас луыса: Ветлӥсь калык соосыз лёгам, Лобась дыдыкъёс сиса быдтӥллям. Кудӥз жаг турын палъёсы усьылэм, Мырдэм-мырдэм удась ӝуткылэм: Токма соосыз шунды шунтэм, Токма соосын шуныт тӧл шудэм, - Жуг-жаг турынъёс соосыз согиллям, Ӝужам кидысъёс куасьмыса быриллям. Кудӥз ӟеч музъем вылэ усьылэм: Вож-вож ана вылэ ӝутскылэм - Шунды шунтэмъя ӵашето, верасько, Уно ю-нянь сётыны сизисько. Та кидыс кадь ик верам кылбуръёс - Урод сюлме усьыса куасьмо; Ӟеч сюлме усьыса, соос Туж ӟеч ужъёслы будыса пӧрмо. Кыӵе ӟеч сямъсёсты тодамы уськытыны турттэ К. Герд? Ӟеч сямъёс жадёнэз валантэк ужан дунне вылэ выжыдэ кельтон Адямиез, калыкез яратон лякыт сям адямилыко луон Кин тросгес гожто? Доска вылын круг лэсьтэмын, нылпиос сое азьланьтыны кулэ. Евангелиез уже кутон амал матэктытэ Гердэз пӧртэм вакытысь кылбурчиослы. Кылсярысь, Гюгоен, А. Ахматоваен, Некрасовен. Ӵошатэ К.Гердлэсь "Кизись" кылбурзэ но Гюголэсь та чуръёссэ. Мар вань одӥг кадез? Мар соосты висъя? (Пиналъёс малпасько, верало мылкыдзэс). Туннэ нунал каллен ыше, Кошке со толлоез сьӧры. . . Ӝыт пал шунды мыным кельше, Учке со гырем му шоры. . . Чебер суред пуксе азям: Музъем гольык, куанер али, Нош пересь мурт кидыс пазя, Вамышъяса удыс валлин. Аран дырез пумитаса, Солэн кыл сётэмез луоз, Ужын выльзэ кылдытыса, Бушен уг ортчо нуналъёс. Кырым бӧрсьы кырым кисьтэ - Азьланезлы бадӟым оскон. Озьы ӟеч малпанъёс усьто. Соин ик валасько, дыр, мон: Тани кызьы вордске ю-нянь, Музъем ужась зэмос кузё, Со мугорзэ ӝутэ выллань, Тыршись киос инмозь сузё. К. Гердлэн таӵе чуръёсыз вань: Ми гыриськом, кизиськом! Араны егит муртъёс лыктозы. Шумпотыса бусыосы потозы. . . Ми гыриськом, кизиськом. Та кылбур чуръёс матын луо А. Ахматовалэн кылбурысьтыз чуръёслы. Мон кизисько кыл чуръёсты, Нош мукетъёс аралозы. Соос нош шуд сиземъёслы, О, Инмаре, мед кылозы. Н. Некрасовлэн таӵе чуръёсыз вань. Кизе ӟечсэ, визьмозэ, кужмозэ! Кизе! Сюлмысь берыктоз пунэмзэ Вань калык. Та чуръёс матэкто ог-огзылы. Соос ваньзы герӟаськемын одӥг малпанэн: дунне вылэ кельтоно вань ӟечсэ, умойзэ. Озьыен, кизись сярысь тема - К. Гердлэн поэзиезлэн шорсюлмыз. 1 Т.П. Осипова, Удмурт Элькунысь дышетон удысын кунлык ужпумъёсты тодон-эскеронъя институтысь наукая ужась. Начальной школаын Вераськон кылэз волятон урокъёслы юрттэт (памяткаос) Котькуд пинал школае вераськыны быгатыса лыктэ. Дышетӥсь азе пуксе одӥгез бадӟым ужпум: вераськон кылэз азинтон, сое вольыт но чебер карон. Вераськон кылэз азинтон понна, таӵе ужпумъёс пуктӥськомы: 1) Верамез валаса кылзыны дышетон; 2) Гожтэмез валаса лыдӟыны дышетон; 3) Ввольыт но чебер гожъяны дышетон; 4) Вольыт но чебер вераны дышетон. Та ужпумъёсты лыдэ басьтыса кылдытэмын памяткаос. Кылэз волятон урокъёсын та памяткаосты уже кутыса, пиналъёсты мукет муртлэсь гожтэм текстсэ шонер валаны но аслэсьтыззэ малпанъёссэ вераны дышетӥськомы. Удмурт кыллы дышетон программалэн шорсюлмыз - пуштросэзъя герӟаськем текст борыдн ужан, сое мур валан, чебер но вольыт лыдӟон, веран, орфография н пунктуация ласянь шонер гожъян. Нылпиосты удмурт кылын шонер, чебер но вольыт, радызъя вераськыны но гожъяськыны дышетон понна, котькуд классын дышетон программа кутске "Текст" тема бордысен. Классысь классэ та тема паськыта, муроме. 5-тӥ классын дышетскисьёс тодматско текстлэн темаеныз, основной малпанэныз, вераськон но гожъяськон кыллэн единицаосыныз (кылэн, кыл сочетаниен, предложение, смысловой люкетэн), простой планэн, вераськон кыллэн типъёсыныз (повествованиен, описаниен, рассуждениен). Кыл ласянь чебер, лэчыт текстъёс кылдытъяны дышетско. Мукет классъёсын тодон-валанъёссы азинско. Та памяткаосме дэмласал 5-9 классъёслы. Тодон-валанъёссы будэмъя, памяткаослы валэктонъёс но муромозы, паськыталозы. Кыӵе люкетъёслэсь кылдэ повествование? 1. Ортчись действилэсь интызэ но дырзэ веран. 2. Действиосты, соослэсь аспӧртэмлыксэс но радзэс эскерон. 3. Действилэсь пумзэ гожтон. 4. Йылпумъян лэсьтон. Кызьы повествование гожтоно? 1. Темазэ малпан. 2. Идеязэ малпан. 3. Темаезъя но идеяезъя нимзэ малпан. 4. Жанрзэ малпан. 5. Стильзэ малпан. 6. План гожтон. 7. Планъя текстэз мытон. 8. Событиослэсь ортчемзэс радызъя возьматон. 9. Действиослэсь йылпумъяськемзэс возьматон. 10. Кулэлыкезъя вакчияк описание, рассуждение пыртон. 11. Гожтэм ужез дунъян. Кызьы повествованиез эскероно? 1. Повествованилэсь тодметъёссэ веран. 2. Текстлэсь темазэ но основной малпанзэ шедьтон. Соослэсь усьтӥськемзэс чаклан. 3. Текстлэсь нимзэ, солэсь темаен но идеяен герӟаськемзэ эскерон. 4. Жанрзэ веран. 5. Стильлэсь жанрен герӟаськемзэ валэктон. 6. Текстлэсь люкетъёссэ эскерон: а) кутсконзэ возьматон; б) действиосты но соослэсь радзэс веран; в) текстлэсь пумзэ возьматон, солэсь кулэлыксэ веран. 7. Предложениослэсь но текстлэн люкетъёсызлэсь герӟаськемзэс валэктон. 8. Лексика но грамматика ласянь аспӧртэмлыксэ эскерон (глагол-сказуемой, однородной сказуемойёс, простой предложениос, союзъёс. . .) 9. Ужез дунъян. Кыӵе люкетъёслэсь кылдэ описание? 1. Объект сярысь веран. 2. Объектлэсь тодметъёссэ пусъён. 3. Йылпумъян лэсьтон. Кызьы описание гожтоно? 1. Предметлэсь вылтуссэ веран (темаез). 2. Описанилэсь мугзэ веран. 3. Идеязэ малпан. 4. Темаезъя но идеяезъя нимзэ малпан. 5. Жанрзэ малпан. 6. Стильзэ малпан. 7. План гожтон. 8. Планъя текстэз мытон. 9. Объектлэсь тодметъёссэ радызъя пусъён. 10. Текстлэсь пумзэ гожтон. 11. Гожтэм ужез дунъян. Кызьы описаниез эскероно? 1. Описанилэсь тодметъёссэ веран. 2. Текстлэсь темазэ но основной малпанзэ шедьтон. Соослэсь усьтӥськемзэс чаклан. 3. Текстлэсь нимзэ, солэсь темаен но идеяен герӟаськемзэ эскерон. 4. Жанрзэ веран. 5. Стильлэсь жанрен герӟаськемзэ валэктон. 6. Текстлэсь люкетъёссэ эскерон: а) кутсконзэ возьматон; б) тодметъёсты эскерон; в) текстлэсь пумзэ возьматон (берпуметӥ тодметэз верамын, вывод лэсьтэмын). 7. Предложениослэсь но текстлэн люкетъёсызлэсь герӟаськемзэс валэктон. 8. Описанилы тупась кылъёсты шедьтон (определениос, синонимъёс, согласовать карымтэ определениос, неполной предложениос, назывной предложениос . . .). 9. Ужез дунъян. Кыӵе люкетъёслэсь кылдэ руссуждение? 1. Кутсконзэ гожтон (вступление). 2. Тезиссэ гожтон. 3. Доказательствоос шедьтон. 4. Йылпумъян лэсьтон. Кызьы рассуждение гожтоно? 1. Темазэ малпан. 2. Идеязэ малпан. 3. Темаезъя но идеяезъя нимзэ малпан. 4. Жанрзэ малпан. 5. Стильзэ малпан. 6. План гожтон. 7. Тезиссэ шедьтон (тезисэз умой гожтон понна, нырысь малпано юан, та юанлы тезис валэктон мед сётоз). 8. Тезислы умоесь валэктонъёс шедьтон: а) доказательствоос; б) примеръёс, лыдпусъёс, фактъёс; в) тодмо адямиослэн, тодосчиослэн малпанъёссы, цитатаос. Соос пӧлысь кулэзэ висъян. 9. Тезисэз котыр ласянь эскерыса валэктыны тыршон: а) антитезис шедьтон; б) солы валэктонъёс утчан; в) антитезислэсь янгыш яке тезислэсь шонер луэмзэ валэктон. 10. Рассужденилы тупась кылъёс шедьтыны тыршон: а) терминъёс; б) вводной кылъёс; в) юан предложениос; г) сложной предложениос. . . 11. Йылпумъян гожтон. 12. Гожтэм ужез дунъян. Кызьы рассуждениез эскероно? 1. Рассужденилэсь тодметъёссэ веран. 2. Текстлэсь темазэ но основной малпанзэ шедьтон. Соослэсь усьтӥськемзэс чаклан. 3. Текстлэсь нимзэ, солэсь темаен но идеяен герӟаськемзэ эскерон. 4. Жанрзэ веран. 5. Стильлэсь жанрен герӟаськемзэ валэктон. 6. Текстлэсь люкетъёссэ эскерон: а) кутсконзэ возьматон; б) тезиссэ шедьтон, солэсь темаен но идеяен герӟаськемзэ валэктон, та предложениослэсь аспӧртэмлыксэ эскерон. в) доказательствоосты шедьтон, солэсь радъяськемзэс валэктон; г) йылпумъянэз эскерон. 7. Предложениослэсь но текстлэн люкетъёсызлэсь герӟаськемзэс валэктон. 8. Лексика но грамматика ласянь аспӧртэмылыксэ эскерон (терминъёс, юан (вопросительной) но кеськон (восклицательной) предложениос, сложной предложениос. . .). 9. Ужез дунъян. Кызьы изложениез эскероно? 1. Изложенилы огъя дунъет сётон. 2. Текстлэн пуштросэзлэсь усьтӥськемзэ возьматон. 3. Верослэсь идеязэ пусъён. 4. Тырмымтэоссэ, кулэтэм ватсанъёссэ возьматон. 6. Гожтэм текстлэсь стильзэ эскерон. 7. Орфографияя но пунктуацияя янгышъёсты пусъён. 8. Ужез дунъян. Кызьы пересказэз эскероно? 1. Пересказлы огъя дунъет сётон. 2. Верослэсь основной малпанзэ возьматон. 3. Текстлэн пуштросэзлэсь усьтӥськемзэ возьматон: а) текстлэсь огъя пуштроссэ ас кылынызы вераны быгатэмзэс возьматон; б) лыдӟемлэсь пуштроссэ, текстлы матэ карыса, кулэ интызэ бырйыса вераны быгатэмзэс возьматон; в) пуштроссэ мадьыку, действиослэсь бӧрсьысь ортчемзэс суратэк вераны быгатэмзэс возьматон. 4. Тырмымтэоссэ, кулэтэм ватсанъёссэ шедьтон. 5. Текстлэсь стильзэ эскерон. 6. Текстэз верасьлэсь класс азьын ассэ возьыны быгатэмзэ веран. 7. Пересказлы йылпумъян лэсьтон. 1 Перед весенними каникулами в школах республики прошли конкурсы рефератов среди старшеклассников. Учащиеся представили свои работы по удмуртской литературе и краеведению. Некоторые рефераты интересны тем, что в них отражено глубокое знание исследуемой темы. Творческие сочинения ребят отличаются своей новизной. Учащимися умело использованы самостоятельные наблюдения и выводы, научная литература. Сегодня мы предлагаем для читателей две работы: ученица школы � 27 г.Ижевска Н.Парамоновой и школы � 56 г.Ижевска Е.Измайловой (руководители М.П. Байметова и А.С. Измайлова-Зуева). Н. Парамонова, учащаяся 8 "Д" класса школы � 27 г. Ижевска. Традиции удмуртского народа в поэзии Каждый народ может развиваться, если существуют его язык, культура, его традиции, обычаи. В подтверждение этому хочется привести высказывание доктора исторических наук М.В. Гришкиной: "Каждый народ в наиболее ответственные периоды истории предается размышлениям о своем историческом прошлом. И это более чем естественно, ибо народ, утративший свои исторические корни, перестает быть народом, превращается в безликое народонаселение". Всем очевидно, что на данном этапе многие хорошие обычаи, традиции забыты, часть из них сохранилась лишь в развлекательной форме. Но наступает новое время. Чувствуется повышенный интерес к национальным языкам, фольклору, народным традициям. В школьные программы введен национально-региональный компонент, изучается народоведение, краеведение. В музеях и выставочных залах организуются выставки, радио и телепередачи о нашем крае, истории, культуре, людях. Выпускаются газеты и журналы на удмуртском языке для взрослых и детей. Все это направлено на возрождение и развитие культуры народа. Я чувствую себя частицей этого народа, а это значит, я должна знать свой родной язык, литературу, традиции и обычаи, стремиться впитывать в себя все то лучшее богатство, что создали наши предки, передавали из поколения в поколение. Это такие черты, о которых писали известные русские и зарубежные ученые, как трудолюбие, скромность, гостеприимство, умение петь и другие. С этой целью я взялась изучать эту актуальную для всех тему. Многим стала любимой детская передача "Чагыр, чагыр, дыдыке", которая начинается красивой колыбельной песней. Услышав нежную мелодию, хочется петь вместе с ее позывными. Мне казалось, что это народная песня. Оказывается, слова принадлежат Григорию Верещагину, которому нынче исполнилось бы 150 лет. И его стихотворение "Чагыр, чагыр, дыдыке" - первое печатное произведение в удмуртской литературе! На русском языке песня известна в переводе поэта Владимира Семакина. На венгерском языке напечатано в монографии Петера Домокоша. Венгерский ученый назвал ее первой ласточкой удмуртской литературы. "Источником этого произведения, как и всей удмуртской художественной литературы являются традиции родного народа, его духовной культуры. Г.Е. Верещагин обратился к песне - к такому жанру поэзии, который был, как отмечают многие исследователи еще прошлого века (Б.Мункачи, М.Бух, Н.Первухин, Б.Гаврилов и другие, весьма развит в удмуртском народном творчестве", - пишет В.Н. Ванюшев в книге "Творческое наследие Г.Е. Верещагина". Ссылаясь на венгерского ученого, он отмечает, что о прошлом и настоящем, об истории и судьбе общества и личности больше всего может сказать песня". Особенностью стихотворения является и то, что Г.Верещагин использовал форму колыбельной песни, в которой мать, обращаясь к ребенку, высказывает мысли о том, каким она видит его в будущем, когда дитя вырастет. Бадӟым будод - тӥр басьтод, Сике мынод кырӟаса. Ӝужыт кызэз уськытод, Жадёд, пудэ кораса. Мать и дитя, его будущее являются идеей стихотворения Верещагина. Образ мыслей матери, черты жизни и быта удмуртского народа ясно прослеживаются в нем. Сын вырастет, возьмет топор, пойдет в лес - непременно с песней, свалит дерево, будет рубить, устанет и, когда солнце зайдет за лесок, усталый вернется домой. А мать будет ждать и встречать его, напечет табаней. Мать - в постоянных заботах о сыне, а сын преисполнен чувств благодарности матери. Сюдо тонэ табанен, Йырдэ вӧйын вӧяса. Юод мушсур чечыен, Муми пӧзьтӥз шуыса. В.Ванюшев отмечает, что "обращение Верещагина к этнографическому материалу имело решающее значение в формировании молодой национальной литературы". И действительно, последующие писатели, поэты К.Герд, А.Оки и другие создавали свои произведения, основываясь на и традиции, обычаи, фольклор и историю народа. "В этом смысле мы можем сказать, что значительная часть ныне существующей удмуртской литературы является продолжением традиции стихотворения "Чагыр, чагыр, дыдыке". Традиции народа в поэзии Знакомясь с творчеством современных удмуртских поэтов, я обратила внимание, что у многих из них есть стихи, посвященные традициям своего народа. Много таких стихотворений у известного удмуртского поэта Флора Васильева. Об этом говорят и их названия "Пинал пыртон" "Гербер" ""Сялтым"" "Черемуха"" "Ставни в нашем селе раскрашены". Какое же значение имеют традиции и обычаи в творчестве поэта? А обычаи - это общепринятые порядки, традиционные правила поведения (Ожегов С.И. "Словарь русского языка"). Размышляя делаю вывод: для поэта традиции родного народа - это один из источников поэзии, как часть его собственной жизни. Это еще и один из способов сказать доброе слово о своем народе, признание любви к нему, краю. Не зря появились у Флора Васильева такие строки, в которых поэт искренне, от души выражает благодарность своему краю, народу, а значит и его традициям, обычаям. Песню провожая в поднебесье, И повторяя звонку строку, Я кланяюсь моей удмуртской песне И моему родному языку. Пути, которым отзари шагаю, Я кланяюсь за ветер и траву: Народу моему, родному краю - За то, что за земле его живу. А сколько гордости, любви чувствуется в известных строках: Хватает Волге широты и сини, Но с Камою она еще синей. И для меня бы не было России, Без маленькой Удмуртии моей. О.Поскребышев писал: "Многие, наверное, испытывали удивительное чувство, что родная сторона, деревня родная - это словно бы самое высокое место на земле: "И увидится с него дальше, и многое, что ты прежде видел, вдруг приближается на расстоянии и во времени. Знай, черпай из памяти, как воду из колодца". Слова народного поэта, подтверждают мою мысль о том, что жизнь народа для поэта является колодцем, источником для поэзии. Тем и интересен каждый народ, что чем- то отличается от другого. А это язык, культура, традиции и обычаи. Сохранение, возрождение их предполагает и развитие народа, его национальной самобытности. Поэты, как самые ярки его представители, хорошо знают красивые традиции и не могут не обращаться к этой теме. Флор Васильев в стихотворении "Пинал пыртон" передает всеобщую радость рождения малыша в одной семье. Пускай январь трещит и ломит, Нам нынче думать не о том - Пинал пыртон сегодня в доме, Пинал пыртон, пинал пыртон! Дом ярким светом озарился, Застольные звучат и смех. В одной семье малыш родился, А радость он принес для всех. Он счастье каждого умножит, Он - всем принадлежащий клад. В поэтическом произведении невозможно передать весь ход праздника в честь новорожденного, а его идея звучит очень четко: Расти красивым, точно мама, Будь смел, и как отец, силен! Чтоб много счастья, горя мало - Ему желают всем селом. Гербер - по-удмуртски гырон быдтон праздник. Жингыртэ туннэ шулдыр гербер, Быдэстэмын бусы ужъёс. Быдэс гурт ини туннэ чабе, Шулдыръясько пальпотонъёс. Поэт приветствует праздник окончания сева, один из самых важных, связанных с земледельческим трудом, указывает на важность посев зерна в срок. "В срок - ни рано, ни поздно. Мы закончим свой труд. Главной улицей колхозной Трактора домой идут". Можно обратить внимание, что этот обычай - празднование гербера - сохранился и до сих пор. Это доказывают и строчки стихотворения. Главными гостями этого праздника становятся земледельцы, пахари. Их поэт уважительно называет героями, хотя сами герои ими себя не показывают, не чувствуют. "И, конечно, засмущаются, Покраснеют от похвал". В стихах Ф.Васильева чувствуется чуткое, бережное отношение к национальной удмуртской культуре. Он с любовью описывает обряд купания и испытания молодой невесты. "И вот несут молодушек к реке, Они в одежде плещутся в воде. И повторяет эхо в далеке: "Платите выкуп! Выкуп где?" Поэт напоминает нам о существовании удмуртского обычая, который называется "Сялтым, кен пылатон", т. е. праздник купания невесток в реке в первый день сенокоса, после чего, они, выйдя на берег, должны спеть песню. "И гордость подымается в груди, И радуются люди от души, Таких красавиц где еще найти? - И в песне, и в работе хороши!" Обращение поэтов к обычаям, традициям неслучайно. Это один из приемов раскрытия внутреннего мира, красоты души человека. "Когда в дому появится ребенок, Черемуху у дома посади". Из рассказов бабушки я слышала, что был обычай садить дерево при рождении малыша. Люди считали, что у каждой живой души должно быть свое дерево, чтобы на его ветках мог сидеть бог, мог оберегать душу появившегося на свет человека. В настоящее время это традиция забыта. Почему бы эту красивую традицию не возродить? Родился человек - посади дерево, пусть они вместе растут. Человек обогащает свой край, а дерево - радует его. "Она, - Когда, мужая понемногу, Осядут дети в дальней стороне - Их будет звать к родимому порогу С любовью материнской наравне". Поэт показывает, что дерево, посаженное в честь рождения человека, будет тянуть его к родному дому, как материнская любовь. Не найти более лучшего сравнения. Одним из традиционных блюд удмуртов являются табани. Это удмуртское блюдо имело особое значение для народа. Табани имеют форму солнца, а люди в прошлом поклонялись солнцу. Его образ использовали в вышивке и ткачестве, резьбе по дереву. Их стряпали в воскресные дни, в дни рождения и на свадьбе, при испытании невесты. Изображение обычая стряпать табани я встретила у нескольких удмуртских поэтов: А. Белоногова, В.Кириллова, Т.Черновой, В.Ванюшева. Все поэты отмечают, что табани являются праздничным блюдом. А Белоногов пишет: "Мы в праздники вкругу своей родни Так дружно четвертуем табани!" Поэты, каждый по-своему, сравнивают их с солнцем. "Они круглы. Как солнце и желты. . ." (А.Белоногов). "Табань - со киосын лэсьтэм шунды. Вань шунытэз люкаське нянь борды". (Т.Чернова). Мы наблюдаем огромное желание автора продолжить обычай - гостеприимство с табанями. "Пусть в нашей жизни будет меньше дней Без гостя в доме и без табаней". Во многих стихах Владимира Романова говорится о красоте мира и человека. Отсюда и образы, и целый цикл стихов, воспевающих добрые традиции, обычаи праздники разных народов. Таким известным стихотворением является "Полотенце". Полотенце в обычаях удмуртов имело важное значение. В праздничные дни ими пользовались для украшения интерьера. Их развешивали над окнами, иконами. Ими же украшали дуги лошадей, собираясь на свадьбу. В доме жениха молодую наряжали в женское платье и на голову надевали чалму (полотенце). В последний путь человека тоже провожали на полотенцах. Отправляя в дальнюю дорогу, дарили полотенце. "Важно отметить, - пишет литературовед и критик З.А. Богомолова, - что для Романова главное сохранить, поэтически осмыслить, закрепить те высокие нравственные критерии, что складывались веками; побудить читателя - современника еще раз заглянуть в сокровищницу народной, морали и эстетики. Так, пришедший из седой старины обычай - брать с собой в дальнюю дорогу вышитое полотенце - получает у Романова гражданское, поэтическое осмысление". "Выходя задержусь на пороге В дальний путь полотенце возьму. И когда затоскую в дороге, Я губами приникну к нему. Нош пужыоосэ учки ке, Син азям гуртэ пуксёз: Анайме тодам ваи ке, Мӧзмонэ но кулэсмоз. Ӵушконлэн мукет пумыз кем, Вордӥськем гуртэ луоз. И дорога - как то полотенце, Лишь пройти от конца до конца. Поэт создает атмосферу приподнятости. Его герою есть что сказать людям, чем поделиться с ними. И прежде всего это - радостное сознание, "что он сын своего народа, своей земли". Первый бесермянский поэт Михаил Федотов также обращается к традициям народа, его обычаям. "Веме каро бесермянъёс, Паськыт корка пукто". Веме - помочи. Это безвозмездная помощь односельчан, родственников при выполнении трудной, тяжелой работ: при заготовке дров, возведения дома, битья печи и др. В них участвовали мужчины и женщины, молодежь и подростки. Для последних веме были хорошей школой. Здесь они приобретали многие трудовые навыки, усваивали правила поведения, народные обычаи. Взрослые, наблюдая за ними, оценивали их работу, подбадривали, поощряли. Хозяева угощали помочан праздничным ужином. На него работники по обычаю приходили всей семьей. За ужином беседовали о выполненной работе, вспоминали подробности рабочего дня. Михаил Федотов последовательно рассказывает, какие обычаи соблюдались при возведении дома. Передает всеобщее радостное настроение, царившее в таком труде. Уж ӧръяське: Вандо, вӧло Буй-буй ӝуез тыро. Син куспетӥ ӝутске вылэ Югыт-югыт бугро. Лирической герой радуется возрождению старинного обычая - веме, радуется песне, которая сложилась в процессе совместного труда. В настоящее время интерес к проблемам изучения, возрождения традиции и обычаев многократно усилился, чувствуется повышенное внимание к изучению национальных языков и литератур. В связи с этим, тему своей исследовательской работы я считаю важной, актуальной, так как через поэзию можно получить знания о бытовавших или дошедших до нас традициях в красивой поэтической форме. А это побуждает желание полнее узнать, как же в самой жизни соблюдались, выполнялись эти традиции, обычаи. Сами же стихи поэтов вызывают гордость, уважение к своему народу, к его лучшим качествам, любовь к краю. А это главное в сохранении, возрождении традиций и обычаев, без которых не может существовать народ. "А если у народа нет национальных особенностей, тогда для чего он?" (Д.С. Лихачев). Литература 1. Ожегов С.И. Словарь русского языка. - М.: Русский язык, 1983. 2. Отчий край. Книга для чтения по удмуртскому краеведению. Учебное пособие для 10-11 классов. - Ижевск.: Удмуртия, 1993. (Составитель Д.И. Черашняя). 3. Владыкин В.Е., Христолюбова Л.С. Этнография удмуртов. - Ижевск.: Удмуртия, 1997. 4. Христолюбова Л.С. Калык сямъёсты чакласа (Удмуртские народные обычаи). - Ижевск.: Удмуртия, 1995. 5. Памятники Отечества. Удмуртия. 6. Владыкин В. Е. Здравствуйте! Мы - удмурты. - Ижевск: Удмуртия, 1996. 7. Ванюшев В.М. Творческое наследие Г.Е. Верещагина в контексте национальных литератур Урало-Поволжья. - Ижевск: Удмуртия, 1995. 8. Богомолова З.А. Песня над Чепцой и Камой. - Москва, 1981. 9. Христолюбова Л.С. Семейные обряды удмуртов. - Ижевск: Удмуртия, 1984. Е.Измайлова, уч. 11 класса школы-гимназии � 56 г. Ижевска. Символика солнца в лирике Куӟебая Герда Одним из постоянных образов-символов в творчестве Куӟебая Герда является Солнце. В книге стихов "Кылбуръёс но поэмаос" (1963), подготовленной Ф. К. Ермаковым, этот образ встречается 46 раз. В сборнике "Гажан эше!. . .", изданной А.Г. Шкляевым в 1978 году, Солнце упоминается 51 раз. Примечательно название книги "В полете к Солнцу", изданной З. Богомоловой в 1987 году на русском языке. Все это не случайно. Это образ постоянен, устойчив, переходит из сборника в сборник и свидетельствует о единстве художественного мира поэта. Образ Солнца меняется, он претерпевает развитие от первого его сборника стихов "Крезьчи" (1922), ко второму - "Сяськаяськись музъем" (1926) и к третьему - "Лёгетъёс" (1932). Создавая свой образ солнца, Куӟебай Герд опирается на традиционную культуру удмуртского народа. Удмуртские этнографы В.Владыкин и Л.Христолюбова описывают древний обряд "вылэ мычон" (вверх возносимое), связанный с культом Солнца. Древние удмурты поднимали на верхушку дерева каравай с маслом или желтые яичные блины - символ Солнца и жертвенный ему дар (1). Народный художник С.Н. Виноградов в статье "Элементы традиционного мировоззрения удмуртов" пишет: "К космическим телам, особенно к Солнцу, удмурты относились с особым благовением. Солнце в мировоззрении удмуртов занимает важнейшее место как один из могущественных покровителей и основных божеств. Очень многие обряды связаны с Солнцем. Во всех молельных обрядах, в обрядах, связанных с живыми людьми и с этим белым светом ("югыт дунне"), действия, повороты согласованы с движением Солнца. В обрядах же, связанных с умершими и потусторонним миром, повороты совершаются против движения Солнца. Несоблюдение этого правила считается дурным, недоброжелательным тоном и пожеланием неприятностей окружающим людям и участникам обряда. Примечательно, что удмурт кланялся именем Солнца и Луны: называя Солнце и Луну, он не мог обмануть. Очевидно, и не было случаев обмана. Никто не смел и не считал возможным ложью запятнать священное слово ШУНДЫ (солнце) и ТОЛЭЗЬ (луна). Клялись, чтобы убедить собеседника в своей правоте, именем Солнца, Луны и Инмара (бога). Примерно были такие фразы: "Та шунды понна, ӧй басьты!" (Солнце свидетель, не взял!" (2). Культ Солнца зафиксирован и в фольклорных жанрах. Кто не помнит знакомую с детства закличку о Матери - солнце: Шунды - мумы, пот, пот, Пилем дядя, кошкы! Гольык пиосыд кынмо! В стихах Куӟебая Герда просматриваются природные мифологические циклы, связанные Солнцем. Солнце - это метафора рождения и роста: начало дня, рождение жизни. В пейзажной лирике поэта описывается время суток ("Ӵукна" - "Утро"; "Уй" - "Ночь"; "Гужем ӝыт" - "Летний вечер"), времена года ("Толалтэ" - "Зимой"; "Сӥзьыл" - "Осенью"; "Тулыс" - "Весна"). Эти стихи объединены мотивом ежедневного и ежегодного умирания и рождения царя небес, противостоящего Мраку и Холоду. Природа толкуется как созревание, цветение, плодоношение, увядание. Срок ее жизни ограничен, гибель неизбежна. В стихотворении "Зимой" говорится: Шим-шим котыр. . . котьмар но быриз: Тэль но, бусы, но кынмиз, кулӥз Пилем вискытӥ шунды серектӥз: "Эн оске! Пӧяса асьмемыз со кельтӥз!.." На этих двух последних строчках хотелось бы остановиться подробно. Смеющееся Солнце - метафора рождения и возрождения. Умирание природы зимой - это ее временная смерть. Рождение и возрождение есть радость; радость есть смех. Следовательно, и утро, и солнечный свет становятся метафорами смеха и рождения. В своей книге "Поэтика сюжета и жанра" О.Фрейденберг об этом пишет: "Смех, улыбка семантизируется сперва как новое слияние солнца, как солнечное рождение. "Улыбка неба" - это рождение космоса; улыбка богов - это их появление, "богоявление" (. . .) Обычный эпитет света - "веселый", улыбающийся; от улыбки неба ликует земля: когда рождается солнечный младенец, радость и улыбка охватывает вселенную" (3). Подобное состояние "улыбающегося солнца" описано в пейзажных стихотворениях К.Герда: "Нянь кисьман дыр", "Сӥзьыл", "Сяськаяськись музъем", "Коркан шунды" и др. От улыбки Солнца расцветают цветы и рождаются люди. Солнце - шар смеющийся. Смех и солнце - соединение смеха, круга, шара и света. Русский колобок, латышский каравай - это то же, что и Солнце: круглое, радостное и румяное. Жизнь и творчество Куӟебая Герда совпали с рубежом двадцатого века. Это было сложное время, когда происходили революции, менялись правители, власти, политические системы, нравственные устои. К.Герд был современником двух революций, Первой мировой войны, смены капиталистической формации социалистической. И эти социальные перемены не могли не сказаться на его мировоззрении, художественно-изобразительной системе. Для описания новых жизненных явлений поэт ищет новые выразительные средства или использует старые, переделывая их на новый лад. Такие изменения происходят и с традиционным образом Солнца. Так, революцию 1917 года поэт называет огнем, сжигающим старый темный мир; топором, рубящим врагов народа; колоколом, пробуждающим удмуртов от спячки; солнцем, строящим новую жизнь: Тон - шунды, Выль улонэз, Выль дуннеез Лэсьтӥсь, шунтӥсь шунды! Обе Революции К.Герд встретил восторженно. С ними он связывал мечты и надежды народа на лучшую жизнь. Революция - это Солнце, приносящее миру свет и добро. Так же, как и в природе на смену зиме происходит весна, ночи - утро, так и в обществе на смену темной, трудной жизни должна прийти радостная, счастливая жизнь. Но, в отличие от Солнца как небесного тела и связанного с ним природного цикла, К.Герд обозначает новые социальные явления термином "Зарни шунды" - "Золотое солнце". В стихотворении "Шуд лыктоз" ("Счастье придет") он пишет: Зарни шунды ӝужалоз, Пеймыт уез уллялоз, Удмурт калык сьӧд тэльысь Паськыт бусые потоз! Стихотворение "Удмуртскому юноше" заканчивается словами: "Шунды ӝужаны кутске, Удмуртъёс доры но выль улон лыктэ!" "Цветущая земля" - так называется один из сборников Куӟебая Герда. Здесь много стихов, которые иллюстрируют такую метафору: золотое солнце взошло - наступила новая жизнь. Счастлив народ, который строит новую жизнь, развивает родной язык и культуру. Путь к Солнцу есть путь к истине, свободе. Каждый человек "стал как Солнце", обновился, наполнился новой силой. А стихотворение из этого сборника "Зарни шунды ӝужалоз" ("Золотое солнце взойдет") стало национальным гимном. Почему именно "золотое"? В народном сознании золото связано с Солнцем, а серебро - Луной. По словам фольклориста В.Проппа, "золото идет не от металла, а от огня" (4). Эпитеты "золотой", "светлый", в сочетании со словами "Солнце", "Друг" усиливают звучание художественного образа, придают ему неповторимость и своеобразие. В этом случае Куӟебай Герд отходит от фольклорной традиции и создает авторский вариант литературного образа. Создавая свой образ Солнца, Куӟебай Герд учитывал не только народную, но и русскую литературную традицию. Он был хорошо знаком с творчеством В.Маяковского, А.Ахматовой, М.Цветаевой. Считал своим учителем и испытал влияние М.Горького, В.Брюсова и др. Образ Солнца постоянно встречается в русской литературе начала двадцатого века. Это К. Бальмонт: "Будем как солнце!", "Я в этот мир пришел"; А.Белый "Золото в лазури", М.Горький "Сердце Данко" и др. К.Герд не мог обойти и опыт зарубежной литературы. Это символика Ф.Ницше, где Солнце - Сердце - слепец, дарящий свет другим. Это образы "Солнца Любви", "Солнечной Розы", восходящие к Данте и др. Солнце у К.Герда - это особый образ, соединивший идею единства природы и общества, человека и космоса, образы языческих культов, мифологии, фольклора, мировой литературы, образ, в котором автор связывает разные культуры в едином символе. Литература 1. В.Владыкин, Л.Христолюбова. Этнография удмуртов. Ижевск, 1997, с. 117. 2. С.Виноградов. Элементы традиционного мировоззрения удмуртов // Вестник Удмуртского университета. 1992, � 6, с. 39. 3. О.Фрейденберг. Поэтика сюжета и жанра. Л., 1936. С. 100-101. 4. В.Пропп. Исторические корни волшебной сказки. Л. 1946. С. 160. 5. Как молния в ночи. . . К.Герд. Жизнь. Творчество. Эпоха. Ижевск, 1998. 750 с. 1 1 И. В. Тараканов, филология наукаосъя доктор, профессор. Нырысетӥосыз пӧлысь удмурт тодосчи Жуйков Семен Проокопьевичлы 110 арес тырмысал (1891-1967) Жуйков С.П. - удмурт кылтодон наукаез кылдытӥсьёс пӧлысь нырысетӥез тодмо тодосчи-доцент, удмурт но ӟуч кылъёсъя дышетскон книгаослэн, удмурт-ӟуч но нырысетӥ удмурт орфографияя кыллюкам, шонер гожъяськон правилоослэн авторзы, Удмурт пединститутысь удмурт кылъя но литературая кафедралэн нырысетӥез кивалтӥсез. Жуйков С.П. вордӥськиз 1891 арын тулыспал (февраль) толэзьлэн 2-тӥ нуналаз, азьло Вятка губерниысь Глазов уездысь Ягошур волостьысь Пусошур гуртын куанер удмурт крестьян семьяын. Тодмо тодосчи но дышетӥсь луэмезлэсь азьло со трос шуг- секытъёсыз адӟем: узыръёс дортӥ батракаса но ветлэм, Волга вылын бурлак но вылэм, извозын но Сибирь сюрес кузя уно пол ортчылэм, вуылэм Украинае но Польшае. Отын монастырьын медо но луыса ужам. Гожтэтлы кызьы но озьы дышетскемез бере 1912-1917 аръёсы ужам Кизнер ёросысь Асинер гуртысь земской школаын дышетӥсь луыса. Бугырес ожмаськон аръёсы вылэм армиын. 1919-1921 аръёсы дышетскем Вяткаысь Ленин нимо пединститутын. Отын дышетскыкуз, огдыре ужам Вяткаысь калыкез дышетонъя отделлэн инструкторез луыса. Пединститутэз йылпумъямез бере сое ужаны ыстӥллям Глазовысь педтехникуме (1921-1925 аръёс), нош 1925-1929-тӥ аръёсы сое выжтӥллям Ижевскысь педтехникуме. 1929-тӥ аръёсы дышетскем Ленинградысь СССР-лэн наукаосъя академиезлэн кылъя но мышлениея институтэзлэн аспирантураяз. Солэн научной кивалтӥсез вылэм со вакытэ туж тодмо но сиё-дано тодосчи-академик Н. Я. Марр. Аслаз дышетскисьёсыз пӧлысь С.П. Жуйковез со нимысьтыз висъяса вера вылэм, одӥгез визьмоез аспирант луэ шуыса. Соин но, оло, С. П. Жуйков Н.Я. Маррлэн кылъёсты дышетон антинаучной методологиезлэсь кулытозяз куштӥськыны ӧз быгаты - удмурт кылъя вань ужъёссэ кылдытъяз дышетӥсезлэн ӵектэм "Новое учение о языке" шуон методэзъя, кудӥз наукаысь палэнтэмын вал 1950-тӥ аръёсы. С.П. Жуйков трос кылъёсты тодэ вылэм: поляк, немец, англи, удмурт, коми, финн, татар, башкир, казах, узбек но ӟуч. Аспирантураез йылпумъямез бере сое ужаны ыстӥллям соку гинэ кылдытэм Удмурт пединститутэ, удмурт кылъя но литературая кафедралы кивалтӥсь карыса. Огдыре ик со ужам на 1931-тӥ арын кылдытэм Удмурт научно-исследовательской институтын но. Удмуртиын 6 ар ужатозяз, со 47 пумо научной ужъёс, школаослы, пединститутлы но техникумъёслы пӧртэм программаос но методикая пособиос, учебникъёс гожтэм, удмурт-ӟуч но орфоргафияя кыллюкамъёс, шонер гожъяськон правилоос дасям но соосты печатласа поттэм, студентъёслэн юрттэмзыя печатлам удмурт диалектологияя, этнографияя но Удмуртилэн экономикаезъя картаос, трос пол потам научной экспедициосы. Жаляса верано луэ огзэ гинэ: СССР-ысь кивалтӥсьёслэн калыкъёсты юнме янгыше уськытон политика нуэменызы, С.П. Жуйковлэн туж азинлыко мынӥсь ужез уриськем. И.В. Сталинэз йӧспӧртэм инмаръян вакытэ, йыр вадьсаз сьӧд пилемъёс вотсаськыны кутскемез шӧдыса, С.П. Жуйков Удмуртиысь лушкемак гинэ воксёлы кошконо луэм. Нырысь-валысь со ужам Средней Азиысь вылӥ дышетсконниосын: Алма- Атаысь Казах кун университетын, Семипалатинскысь кун пединститутын, бӧрысьгес Ульяновск но Воронеж областьысь Мелекес пединститутын. Элькунысьтымы кошкемез бере, удмурт кылъя научной ужъёсыз ӧз ни поталэ, тросгес дырзэ висъяз, вылды, ӟуч кылэз но солэсь пӧртэм вераськетъёссэ дышетонлы. Л.С. Христолюбовалэн гожъямезъя (1997:301), со пыр-поч эскерем Ульяновск областьысь Николо- Черемшанской ёросысь ӟучъёслэсь вераськетъёссэс но донской диалектъёсты. Улӥын вакчияк эскером С.П. Жуйковлэсь 30-тӥ аръёсы печатлам куд-ог ужъёссэ. Кызетӥ аръёслэн пумазы, куамынэтӥ аръёслэн кутсконазы но шорвадесазы Россия Федерациын калыкез югдытонъя бадӟым уж нуиськиз. Соку каръёсысь заводын ужась егитъёслы кылдытэмын вал ӝыт но нуназе ужась школаос (школы фабрично-заводского ученичества), рабфакъёс, гуртъёсысь егитъёслы усьтэмын вал пӧртэм типъем школаос (школы крестьянской молодежи - ШКМ), ликбезъёс, лыдӟон коркаос (горд сэрегъёс), дышетӥсьёсты но эмчиосты дасясь техникумъёс. Тӥни со пӧртэм типъем дышетскон но дышетсконниосын ужаны кылдытоно вал ужан программаос, лэсьтоно вал соослы валэктонъёс, удмуртъёс понна но, ӟучъёс понна учебникъёс но кык кылын печатлам кыллюкамъёста ужез радъяз ВКП(б)-лэн Вотобластьысь обкомез но ОБОНО. Элькунамы кылдытэмын вал нимысьтыз педагогической журнал "Просвещение в Вотобласти". Та журналлэн 1929-тӥ арын потэм номераз, кылсярысь, С.П. Жуйков печатлаз таӵе программаоссэ: "Шоретӥ школаосын удмурт дышетскисьёсыз удмурт кыллы дышетон программа" (18-34 б.), "Программа по вотской литературе для вотских педтехникумов и объяснительная записка к ней" (35-45 б.), "Проект программы по русскому языку для вотских школ" (63-69 б.). С.П. Жуйков удмурт кылъя но литературая программаос кылдытӥз озьы ик Удмурт пединститутысь студентъёс понна но. Жаляса верано луэ: соос машинаен гинэ печатламын вал. Бӧрысь со программаосты тупатъязы но выльдӥзы удмурт кылъя но литературая кафедраысь пӧртэм преподавательёс: А.С. Бабинцев, А.А. Поздеева, Б.И. Никитина, Д.А. Яшин, И.В. Тараканов, Р.И. Яшина, В.К. Кельмаков но мукетъёс. Дышетскон программаос сяна, С.П. Жуйков шор ёзо школаосын дышетскисьёслы учебникъёс но гожъяз на. 1933 арын печатламын вал солэн кык учебникъёсыз. Соос тазьы нимаськизы: "Учебник удмуртского языка для русских ФЗС и ШКМ 5 и 6 гг. обучения", "Учебник русского языка для удмуртской школы" (таиз А.А. Поздееваен ӵош гожтэмын). Удмурт кылъя учебник гожтэмын ӟуч кылын. Соин но, оло, грамматикая определениос ӵемысь А.Б. Шапиролэн ӟуч кылъя учебникезъя сётэмын. Учебникын нырысетӥ интые пуктэмын "Синтаксис" раздел, собере сётӥсько "Лексикология" люкетысь материалъёс (синонимъёс, антонимъёс, выль кылъёс, вакчиятэм но асэстэм кылъёс), кыл люкетъёс но пӧртэм вераськон люкетъёс, соослэн аспӧртэмлыко луэмзы ӵемысь эскерисько ӟуч кылысь формаосын ӵошатыса. Аслаз авторлэн пусъемезъя, учебникын выль сямен радъяса сётэмын падежъёслэн системазы. Луло предметэз нимась макенимъёс, С.П. Жуйковлэн гожтэмезъя, нырысетӥ склонение пыро но кылпумзэс вошъяло 6 падежъя гинэ. Со лыдэ уг басьты возьматон но луонъя (тупан) падежъёсты. Лултэм предметэз возьматӥсь макенимъёсты со кыкетӥ склонение шуыса нима. Интыез возьматӥсь падежъёс пӧлысь со ньыльзэ гинэ пусъе: интыян, потон, пырон, ветлон (али сямен ортчон). Потон падеж пӧлы ик пыртэ на кошкон падежез, нош пырон падеж пӧлы - вуон падежез. Озьы С.П. Жуйков удмурт кылысь пусъе 10 пумо падеж, потон но пырон кузъям падежъёслэсь кылпумъёссэс лыдъяса, ваньмыз 12 падеж луэ. Вераны кулэ, И.В. Яковлевлэн "Удмурт кылрадъян" книгаяз (поттэмын 1929-1931-тӥ аръёсы), пусъемын ни вал 14 падеж, пусйытэк кельтэмын лыктон падеж гинэ. Куд-ог темаос бӧрсьын сётэмын пӧртэм исторической валэктонъёс, соослэсь кызьы пӧрмемзэс сэрттыса-пертчыса. Кылсярысь, сыӵе валэктонъёсыз вань "предложение", "кыл", "приставка", "кылӥтэт (суффикс)", "лыдним", "нимвоштон", "карон" люкетъёс бӧрсьын. Ваньмыз со валэктонъёс сётэмын Н.Я. Маррлэн "Новое учение о языке" методологиезъя. 1950-тӥ арын та теория наукаысь палэнтэмын, наукалэн куронъёсызлы со уг тупа, мыдлань луэ шуыса. Озьы бере, С.П. Жуйковлэн но теория ласянь валэктонъёсыз шонересь уг луо. С.П. Жуйковлэн но А.А. Поздеевалэн "Удмурт шор ёзо школаослы ӟуч кылъя учебниксы" озьы ик гожтэмын А.Б. Шапиролэн 5-тӥ классъёслы "Ӟуч кылъя учебник" нимо книгаезъя, отчы пӧртэм ужъёс (упражнениос) пыртылыса. "Синтаксис" но "Морфология" разделъёсаз теоретической материалъёссэ гожтэм С.П. Жуйков. Соос, "Удмурт кылъя учебникын" сямен ик, Н.Я. Моррлэн кыл сярысь антинаучной теориезъя гожтэмын. С.П. Жуйковлэн куиньметӥезлэн учебникезлэн нимыз тазьы: "Основы грамматики удмуртского языка (Тезисы к первой республиканской языковой конференции". Ижевск, 1937. 47 с.) Пуштросэзъя таиз учебник трослы ик уг висъяськы 1933 арын поттэм книгаезлэсь ("Учебник удмуртского языка для русских ФЗС и ШКМ"... Пӧртэмлыкез со гинэ: отчы пыртэмын ӧвӧл лексикологияя материал. "Морфология" люкетысь ватсаса сётэмын деепричастие, падеж кылпумъёс, кинлэнэз возьматӥсь макенимъёс, каронкыл сярысь материалъёс. Нырысетӥ учебникын сямен ик, туж ичи сётэмын удмурт кылъя фактической материал. Вератэк кельтыны уг луы созэ но: глаголъёслэсь (каронкыллэсь) дырез, лицоез, лыдэз, наклонениез возьматӥсьёссэс С.П. Жуйков нимазы висъяса тазьы сётэ : 1 графа - тазэ куштоно пук + о пук + о + д пук + о + з пук + о + м(ы) пук + о + ды пук + о + зы пук + и + сь + к + о + д пук + о 2 графа - таиз кулэ ӧвӧл пук + и пук + и - д пук + и - з пук + и + м(ы) пук + и + ды пук - и + зы пук + и + сь + к + о + м(ы) пук + и + сь + к + о -ды пук + о мон кырӟа + сал но мукет. С.П. Жуйков нимысьтыз висъя озьы ик желательной наклонениез. Сётэ солэсь вошъяськон кабъёссэ. мон мед ветло тон мед ветлод со мед ветлоз ми мед ветлом тӥ мед ветлоды соос мед ветлозы Глаголъёслэсь (каронкыллэсь) неопределенной формаезлэсь кылӥтэтсэ -ыны, -аны, - яны луэ, пе (учке 42-46 бамъёсты). Глаголъёслэсь (каронкыллэсь) дырез, муртэз, лыдэз возьматӥсь кылӥтэтъёссэс, али дырез но инфинитивез сяна, С.П. Жуйков шонер возьматэм. Ми умоен лыдъяськом озьы ик мылкыдам сямез (желательной наклонениез) нимысьтыз висъямзэ но. Бӧрысьгес потэм удмурт кылъя учебникъёсын, инфинитив сянаез, мукет авторъёсын умойтэм сётэмын ни вал (Учке А.А. Поздеевалэсь но мукетъёсызлэсь авторъёслэсь удмурт кылъя учебникъёссэс). Вылаз ик грамматика нимкылъёс ваньмыз ӟуче берыктэмын ни вал. 1930-тӥ аръёслэн кутсконазы элькунамы нимысьтыз ужпум ӝутэмын вал удмурт кылын гожъяськонэз латин букваосын воштон пумысен. Та ужпумъя "Кенеш" журналын, "Удмурт Коммуна", "Удмуртская правда" газетъёсын, асьсэлэсь малпанъёссэс но ӵектонъёссэс вераса, нимысьтыз статьяос поттылӥзы удмурт тодосчиос, писательёс, дышетӥсьёс но кивалтон удысын жасьёс: Трофим Иванов, Князева, В.И. Алатырев, Д.В. Бубрих но мукетъёсыз. Поттэмын вал озьы ик нимысьтыз книга но "К вопросу о реформе удмуртского письма":, сборник. Ижевск: Удкнига, 1931. Отчы пыртэмын вал 3 авторъёслэн статьяоссы: М.И. Волковлэн, С.П. Жуйковлэн, К.М. Баушевлэн. Берпуметӥез сяна, нырысетӥосыз авторъёс удмурт алфавитэз латин букваосын воштыны дэмлало. С.П. Жуйковлэн статьяез тазьы нимаське "Латинизация или унификация" (18-23 б.). С.П. Жуйков трос гинэ ужам удмурт кылын словарьёс лэсьтон бордын но. 1930 арын со печатлам кык кылын "Удмурт-ӟуч кыллюкам". Ӟуч кылын со тазьы нимаське "Практический вотской-русский словарь". Со нимысьтыз лэсьтэмын вылэм удмурт кылэз дышетӥсь ӟучъёслы. Отчы пыртэмын ог 2640 кыл. Кыллюкамлэн вань азькылыз. Отын валэктон сётэмын, кызьы ужано словарен, вань радъяса сётэм удмурт букваосын алфавитэз. Кыллюкамлэн пумаз ватсамын на грамматической очерк. Отын возьматэмын макенимъёслэн кылпум вошъямзы, карон кылъёслэн дыръя, лицоя, лыдъя вошъяськемзы, сётэмын инфинитив, причастие, деепричастие, вид, наклонение веран (предложение) сярысь валэктонъёс, сётэмын на пӧртэм типъем предложениосы знакъёс пуктылон сярысь валэктонъёс. Словарьлэн пумаз алфавитъя сётэмын на канцелярской нимкылъёсты возьматӥсь кыл список. Со сяна, вань на валэктонъёсыз но адӟытонъёсыз, кызьы лэсьтоно но гожтоно пӧртэм пумо деловой бумагаос: оскытон, акт, протоколъёс, вазиськон, ялон, тупанкыл но мукет. Та словарь тупатъяса но выльдыса выльысь поттэмын вал "Удмуртско-русский словарь" нимын 1931 арын. Бадӟым уж лэсьтӥз С.П. Жуйков удмурт кылын шонер гожъяськонэз радъянын но. 1936 арын со нырысьсэ поттӥз "Удмурт орфографической словарь". Отчы пыртэмын вал 11 сюрс 600 кыл. Словарьлэн азьпалаз печатламын удмурт кылын шонер гожъяськон но знакъёс пуктылон правилоос. Соос юнматэмын вал УАССР-ысь ЦИК-лэн Президиумаз 20- тӥ апреле 1936 арын. Бӧрысь 1937-тӥ арын та правилоос выльысь тупатъяса поттӥськизы. Со правилоосъя удмурт калык гожъяськиз 1957 арозь, выль правилоос потытозь. Огломак вераса, С.П. Жуйков удмурт кылэз, солэсь вераськетъёссэ дышетон, сое радъян, пӧртэм типъем школаослы, дышетсконниослы учебникъёс, программаос дасян, шонер гожъяськонэз радъян удысъёсын туж пайдалыко но азинлыко ужам. Со уката но трос лэсьтысал на вылэм, мытэм ужъёссэ азинтыны сюресъёссэ пытсасьёс но люкетӥсьёс ӧй ке луысалзы. 3 Р.И. Яшина, филология наукаосъя кандидат, элькунысь наукая сӥё-дано ужась. Марӟан кадь ӝуало 1. Евгений Самсоновлэн улонэз но яратонэн пачылмем произведениосыз Удмурт пединститутэз йылпумъямез бере, Е.Самсонов кык ар ужаз Ижкарысь педучилищеын, собере 1979-тӥ арозь вордскем гуртаз дышетӥз, школалэн директорез вал. Типовой школа пуктэмез понна, гуртоосыз али но сое ӟечен тодазы ваё, тау каро. 1980-тӥ арын улыны выже Ижкаре, кык ар "Нефтяник Удмуртии" газетлэн редакцияз корреспондент луыса, собере писатель-профессионал кариське но уката усто произведениос кылдытэ. Кужмо но азинлыко ужан дыръяз, 14 июне 1989 арын, шудтэм учыре шедьыса, писатель дырызлэсь вазь улонысь кошкиз. Евгений Самсоновлэн гожъяны быгатонлыкез шараяськиз студент дыръяз ик. Творческой сюрессэ кылбуран бордысен кутскиз. Солэн кылбуръёсыз пыртэмын вал "Егитъёслэн куаразы" (1950) но "Ӟардон" (1951) сборникъёсы, ӟуч кылэ берыктэмъёсыз - "Под солнцем родины" (1950) но "Стихи удмуртских поэтов" (1957) сборникъёсы. Кылбуръёсаз шӧдӥськиз мур лирической мылкыд, улонлэн чеберезлы оскон, ӟырдыт яратон но вордскем шаерзэ данъян ("Солдат дораз бертӥз", "Шедьтэм гожтэт", "Бурд сярысь", "Ошмес дурын", "Уй инбам"). Ӧз вунэты кылбурчи ожмаськон нуналъёссэ но: Бен макем ук мусо тон, шаере! Тынад тусыд ялан тодам улӥз. Тонэ малпан атакае нуллӥз. Вордскем шаер! Тонэ яратонмы Ӟырдыт ожын кужым вал милемлы. Вӧлскем ӝомыт сьӧры уиськыса сямен, Ӝутскиз нюлэс вадьсы толэзь - азвесь сюрло. Кизилиос пазьгиськиллям лыз инбаме, Кенжытылэм тылъёс сямен ворекъяло. Ужгур ӝутӥсь паськыт ю бусыын Ӝыт тӧл тулкымъёссэ погылляса нуэ. Кисьмам юэн тугокояз - шепъёс пӧлын - Толэзь тылси ӝуа марӟан кадь лысвуэн. Марӟан кадь ӝуало Евгений Самсоновлэн ӝутскем мылкыдын, улонэз яратонэн пачылмем произведениосыз но. ("Арама кузя", 1959). Писательлэн прозаик-лирик луэмез нырысетӥ сборниказ ик шӧдӥськиз. Шуныт мылкыдын пыӵамын "Виктория", "Пересь бакенщик", "Арама кузя" веросъёсыз. Ваньмыз сямен зэмос учыръёс вылэ пыкиськыса гожтэмын. "Виктория" верослэн мадёсчиез - младшой лейтенант танкист Виктор - асэныз луэм учыръёс сярысь ӧжытак данъяськыса но туж жалян мылкыдын маде. Отпуске берытылыкуз, одӥг гуртын со пумиське тодмо дышетӥсьлэн Сергей Севастьяновичлэн Люба нимо нылыныз. 10-тӥ классын дышетскись нылаш визнанъёссэ эскерыны сьӧраз мынэ. Соос мыло-кыдо верасько вордскем музъем, улон но шуд сярысь. Ог-огзылы синмаськемзэс пал кыл но уг поттыло. Ӵуказеяз офицер аслаз частяз кошкиз, ӝоген ож тылэ пыроно луиз. Сӧсырмыны шедьылӥз ке но, Виктор войнаысь улэп бертӥз. Любалы гожтэтъёс ӧз лэзья, война бере отпуске нош ик тодмоосыз доры вуылэ, дышетӥсь доры но пыре. . . Та коркан сое пумита ог дас аресъем пичи нылаш гинэ. Со ик вера Любалэн фронтын быремез сярысь. Пичи нылаш возьматэ Любалэсь школа садэ мерттэм писпуоссэ, вера соослэсь нимъёссэс: куинь тыпыос - "Куинь богатырьёс", нош пазьырес льӧмпу - "Виктория", берпуметӥез мерттэм писпуэз. Малы озьы нимам, нокин уг тоды. Виктория "вормон" шуэмез но возьматэ, оло нош нырысь яратонэз сярысь малпаса нимаз - ваньмыз огазе биниськемын. Люба ачиз сярысь синпель кельтӥз мерттэм писпуосыныз но, вордӥськем шаерезлы улонзэ сётэменыз но. "Арама кузя" верос сӥземын П.И.Чайковский композиторлы. Автор тодэ вайытэ быдӟым композиторлэн улонысьтыз пичи дыръяз луэм одӥг учырез. Со вал Воткинскын улыкуз. Пичи Петя огпол куриськиз Еремеич конюхенызы удмурт гуртэ ветлыны. Отын со кылэ "Арама кузя" удмурт калык кырӟанэз. Трос аръёс ортчыса, гуртэ вуылэмзэ выльысь тодаз вайыса, композитор "Тройкаын" (Ноябрь) пьесазэ кылдытэ. (Времена года) "Арлэн вакытъёсыз" фортепьянной циклаз пыртэ. Со гурын ваньмыз верамын: "Арама кузя" кырӟанлэн мылкыдыз но, яратонэз но, шудбуро гудырилэн кужымез но, бадӟым эрикез но. (Та веросъя урок ортчытыны дэмланъёс статьялэн пумаз сётэмын). 1966 арын Е.Самсоновлэн "Зор бере" сборникез потэ. Ваньмыз сямен веросъёсыз адямилэсь чебер сюлэмзэ данъянлы сӥземын. "Кызьпу тэльлэн югытэз" - валтӥсь верос. Сое валаны луэ адями сюлэмлэн югытэз шуыса. Самолётэз возьмась куинь пассажиръёс мадё асэнызы луэм учыръёс, ӟеч адямиос сярысь. Егитъёсты умойтэм сюрес вылэ кожонлэсь утё. Та сборнике ик пыртэмын "Солдатлэн анаез" верос. Огшоры учыръёс сярысь писатель нош ик быгатэм ӝутскем мылкыдын вераны. Германиын служить карись солдат Гена Шурыгин увольнительнойын дыръяз быремлэсь уте шимес учыре шедем немец нылпиосты: футболэн шудыкузы, соос ву люкаськеме пыро, нош отчы электро ез усем вылэм. Гена, ачиз сярысь малпаськытэк, вуэ пыре но коскам пиналъёсты поттэ, пумен ачиз но косканы ӧдъя. Нылпиос утемын, ачиз Гена эмъяськонние сюремын. Пиез доры Удмурт шаерысь колхозын ужась анайзэ ӧтё. Тӥни со дырысен утем пиналъёслэн анай- атайёссы Проска кенакез ӵыжы-выжызэс сямен доразы ӧтьыло. Автор умой возьматэм Геналэсь либыт но ушъяськисьтэм луэмзэ. Кулэ дыръя со аслэсьтыз долгзэ кышкатэк быдэстэ. Шимес учыр возьматӥське нырысетӥ люкетаз. Верослэсь психологизмзэ кужмоято чебер тулыс инкуазь, солдатлэн ӝутскем мылкыдыз но ваче пуктэм кадь нылпиосын луэм учыр. Солэсь матэктэмзэ возьматон понна, прозаик быгатыса кутэм синтаксической градация амалэз: абзацысен абзацозь со вера солдатлэн ураметӥ мынэмез сярысь. Кылдэ таӵе синтаксической рад: вамышъя советской солдат Гена Шурыгин. Вамышъя Гена Шурыгин. Вамышъя солдат. Вамышъя. Вамышъя Гена Шурыгин. Информация сётэм бере, автор нырысь огъятэ но вакчиятэ ивортонзэ, бӧрысь нош нимаз адями Гена Шурыгин сярысь гинэ вера. Та амал ик верослэсь динамиказэ кужмоятыса потэ. Гажан мылкыдын суреда автор Геналэсь анайзэ но - тыршыса ужась, пиез понна сюлмаськись удмурт кышномуртэ. 1978 арын потэм "Толэзьысь тӧл" сборник юнматӥз кадь Е.Самсоновлэсь романтик- прозаик луэмзэ. Та книгае пыремын одӥг повесть но куать верос. Таосыз но ужъёс ваньмыз лирической мылкыдын пачылмемын. "Улэм-вылэм выжыкыл" повестьлэн геройёсыз Роман агай но Тоня кенак - пересь кузпалъёс. Соос кыксы ик чебер сюлэмо адямиос. Ӟеч мылкыдо, калык понна сюлмаськись бадӟым заводлэн директорез но. Пенсие потэм кузпалъёсты интыя нюлэскы пуктэм пионерлагере. Пересь кузпалъёс выльысь пиналмизы кадь: соос уго вань сюлэм шунытсэс сёто татын котькуд гужем шутэтскись нылпиослы. Асьсэлэн нылпизы ӧвӧлысь, Роман но Тоня будэтӥзы анай-атайтэк кылем Ванюшаез. Со инженер, ужа я уйшор палан, я кыдёкысь лымшор пал странаын. Нош табере пересьёс нылпи юртысь Шура пияш сярысь сюлмасько, секыт висьыны кутскемез бере, сое доразы йӧнато, Шуриклы но посылка лэзё. Табере соослэн кык нылпизы. Тӥни озьы, мултэс вераськытэк-кесяськытэк, кык арлыдо адямиос сюлэм шунытсэс нош ик мукетъёсызлы, кивоштӥсьёссылы сёто. Озьы писатель улонысь кырсьсэ палэнтыса кадь вераны турттэ: улонын чеберез вормыны кулэ. Музыкальной произведенилэн увертюраез кадь кылӥське верослэн Тэль Выжыкыл сярысь кутсконэз. Чеберлыкез валась, сое яратӥсь адями гинэ такем паймымон, лӧпкытӥсь кылъёс шедьтыны быгатоз: ". . .Вордӥськем со (Тэль Выжыкыл) Гудыри атайлэсь но Музъем нэнэлэсь. Толалтэ тӧри мамык дӥськутэн шобыртӥське, бутьмарез жиль-жиль кисьтэм азвесен чилекъя, такъя вылыз пӧртэм тугокоен но зарнивуаса чебермамын, ваньмыз чиль-дол марӟан киськам кадь ворекъя, шудэ. Тулыс ке вуэ, вож-вож буртчин дӥся, пӧртэм сяськаосын чеберске, коштанъяське. Гужем узы-борыен но кисьмам емышъёсын данъяське. Сӥзьыл ке вуэ, котыр пазям зарниеныз синэз кыдёкысен мальдытэ. Азяд шунды кесэг усем шуыса, матаз мынӥд ке, со Выжыкыллэн зарни дӥськутэз луоз. Тӥни кыӵе со Тэль Выжыкыл!" Та выллем веранъёслэн ас крезьгуръёссы вань. Тужгес но удалтэмын сборникысь "Толэзьысь тӧл" - нырысетӥ яратон сярысь баллада. Автор маде граждан ож вакытысь одӥг учырез. Дарка нимо ныллэн сӧсырмем боецен пумиськемзы, ог-огзэс яратэмзы сярысь. Со нырысетӥ яратонэз толэзьысь тӧл ваиз кадь. Егит солдат быре, выжыкылысь герой сямен. Верос-балладалэсь романтической, ӝутскем мылкыдо луэмзэ, йыръянэз сяна, пусъё на мукет амалъёс но, кылсярысь, Даркалэсь паймымон чебер мылкыдзэ возьмато солэн угыосызлэн жингыр! ваземзы. Та музыкаен герӟаськем образ тямыс пол пумиське, егит сюлэмысь праздник мылкыдэз шараяса кадь: жингыртэ толэзьысь васькись капчи тӧл, жинграк серектэ ныл, черк гырлы кыдёке кылӥськымон жингыртэ, жильк-жильк вазё беризьлэн сяськаосыз, соос ик жингрес сяськаосынызы кӧлон гур кырӟало, Даркалэсь жингрес куаразэ толэзьысь тӧл сьӧраз басьтыса нуэ но мукет. Геройзэ ватэм бере, Дарка "бадӟымъёс радэ пыроз". Кема но шуг сюресэз ортчоз Дарья, нош нырысь яратонэз солы котьку югдыса улоз, ноку уз вуны. "Номыр уг вуны. Тужгес но уг вуны нырысь яратон", - таӵе кылъёсын йылпумъяське баллада. Та аккорд выллем кылъёсын шараяське верослэн идейной пуштросэз. Писательлэн быгатонэз тужгес но адӟиськиз куинь люкето роман-трилогиез вылын: нырысетӥез - "Льӧльшур палъёс" (1986) - огазеяз куинь повестьёсты. Сюжетэзъя кыкетӥ роман луэ "Уй пал симфония" (1989), куинетӥез "Тулыс ӵукна" потӥз ини писатель улонысь кошкем бере, 1995 арын. Валамонгес карон понна, ваньзэ та произведениосты "Льӧльшур палъёс" трилогия шуом. Зэмзэ ке верано, тае ЭПОПЕЯ шуыны луысал, геройёсыз психологизы ласянь рос-просгес суредамын луысалзы ке. Трилогиын сэрттэмын-пертчемын асьме шаерамы даур ӵоже ортчем исторической учыръёс, шимес ожмаськонъёс, воштӥськонъёс, пӧртэм малпаськонъёс но дунъетъёс, кӧня ке семьяослэн, нимаз геройёслэн улон сюрессы, эзельёссы. Шонер лэсьтэм автор, ваньзэ тае Россия империлэн историеныз герӟаса. Паськытлыкезъя но геройёслэн улон эсэпсыя тае ӵошатыны луоз А.М.Горькийлэн "Дело Артамоновых" яке А.Н. Толстойлэн "Хождение по мукам" романъёсынызы. Писатель оскымон возьматэм калык революцилэсь мугъёссэ. Граждан ожлэсь шимес луэмзэ, адями кусыпъёслэсь пумен тушмон мылкыдо луэмзэс, совето властьлэсь юнмамзэ но тоталитарной режимлэсь кылдэмзэ. Трилогия пыр потэ кӧня ке семьяослэн историзы, куинь-ньыль поколениослэн пӧртэм вакытэ улэмзы, шуг-секытъёсын нюръяськемзы но соосты вормемзы. Книгаысь умой адӟыны луэ, мар пайдалыкозэ но мар умойтэмзэ ваизы революция но граждан ож, кыӵе азинсконъёс но кыӵе ыштонъёс вал совето власть вакытэ, кыӵе шуг-секытъёсын пумиськиз калык 80-тӥ аръёсы. Зэмзэ вераса, трилогилэн пӧртэм интыосыз огкадь кужмын гожтэмын ӧвӧл: геройёс, персонажъёс укыр тросэн, соос кытӥяз схематичной луэмын, кытӥяз сюжетной гожъёс йӧскадь пумаз-йылаз вуттымтэ, быдэстытэк кылиз куинетӥ книга - "Тулыс ӵукна". Озьы ке но, туж синмаськоно удмурт литератураын та быдӟа (дауръем) эпохальной трилогилэн кылдэмезлы: асьме шаерысь нырысетӥ гудыри бордысен кутскыса, автор историез асьме вакытозь вуттэ. Аспӧртэмлыко трилогиысь нырысетӥ книгалэн ("Льӧльшур палъёс") кутсконэз. Азьвыл произведениосаз сямен ик, писатель веранзэ мытэ Льӧльшур гуртлэн ньылетӥ интые пуксемез сярысь легенда бордысен. Ӟеч инты утчаса кема гинэ ветлӥллям туймывожъёс - Туймы шур дурысь удмуртъёс. Зэмзэ но, калыкмылэн историез сыӵегес ик вал: ӟеч музъемъёссы вылысь ӟуч ушкуйникъёслэн улляменызы, удмуртъёс весь шунды ӝужан но уйшор пала мыноно луиллям, пеймыт нюлэсъёсты сайкыса, асьсэлы выль но выль муос сузяса. Яркыт возьматэмын, кызьы ӟуч купец Вязьмин удмуртъёслэсь Керемет гурезьзэс басьтэ но отчы туж йӧно дача пуктэ. Собере татчы вуиз Егор Кедрин, сад утись но архитектор. Вязьмин вузчи пумен узырмиз но узырмиз. Сибирьысь нюлэсэз но сайкыны кутскиз, Льӧльшур гуртэ черк ӝутӥз, школа пуктӥз. Кыкетӥ араз та школае вуиз Казаньысь университетэз йылпумъям дышетӥсь Антон Веткин. Со кузпалъяське Маша Шишкинаен, нырысетӥ дышетӥсен (сирота нылэз будэтӥз тодмо ӟуч суредась И.И. Шишкин, фамилизэ со солы аслэсьтыз сётӥз. Трилогилэн нырысетӥ книгаез куинь повестьлэсь радъямын: "Нырысетӥ гудыри", "Шундыез уд жильыя" но "Выль юрт". Со повестьёсын роман шуэмын. Котькудӥзлэн аслаз сюжетэз вань ке но, соосты герӟало историысь учыръёслэн бӧрсьысь ортчемзы, огъя геройёс но соослэн кусыпъёссы. Та книгаысь конфликтъёс классовой шӧмъем, кыкетӥ но куинетӥ книгаосын соос пумен воштӥсько нравственно-психологической конфликтъёсын. Нырысетӥ книгаын кульминация возьматэ Вотка заводысь рабочийёслэсь бугыръяськемзэс но соосты ньӧрамез, революционной движенилэсь активистъёссэ быдтэмез. Соослэн эзельзы пӧртэм: революционер Рогозин, ссылкаысь пегӟыкуз, Сибирьысь Ангара шуре выйыса быре, Сазонов Педорез курадӟытыса ыбо. Стародомскиез арестовать каро. Но кылемын на солэн пиез, Юшков песятайлэн пиосыз но трос мукетъёсыз. Романын сьӧсь ымныроесь луо Вотка заводлэн кузёез кескич Траян, солэн замез Диомидов, Вяткаысь губернатор но мукетъёсыз. Воткинскысь восстание пыриськемъёс пӧлысь одӥгез гинэ - Костя Морозов - Петроградысь восстание пыриське - Зимний дворецез басьтэмъёс пӧлын луэ. Артысь сюжет нюжаос кылдыто городъёсын но гуртъёсын луэм учыръёс. Льӧльшурын но, Вазьнимын но улон огсыр кошке кадь: крестьянъёс быдэсъяло музъем ужез, ортчыто гырон быдтон но гербер праздникъёс, чорыгало, пудо вордо, ярато но сюанъёс ортчыто, нош улонзы огкадь ӧвӧл. Тани чебер Тутыгышез, кудӥз яратэ вал Макар Сандырез, пӧяса пырто Куака Герасьлэн шуш пиезлы Онофрилы, угось кураны лыктӥзы Сандырен Герась. Сандыр аслыз кура шуыса, Тутыгыш бызьыны соглаш луэ. Пеймыт кенсысен тодмаз Онофриез. Сандыр шуыса кеськемез бере, Онофори сое жуге. Тутыгыш яратонтэм картэн улоно луэ. Берлогес со уте тӧдьыос пӧлын ожмаськись Сандырез, солэсь вордске куинетӥ пиез. Онофри Тутыгышез жугыса виыны медэ вал, но атаез ӧз лэзьы, виноватсэ шӧдӥз угось: нылэз пӧяса ваизы. Нырысетӥ книгаын ик тырмыт саклык висъямын школа ужпумъёслы. Секыт адӟонзы школаысь нырысетӥ дышетӥсьёслэн. Ижкарысь Коньшин ураме корка басьтӥз вал Антон Миронович Веткин. Со ӧвӧл дыръя Стародомский эшеныз пыӵал тӥрлык пыртыны ӧдъяло вал. Мария Ивановна уг лэзьы вал, но сое кекатӥзы. Ачиз Антон Миронович Льӧльшур гурт дорын виемын вал: угось котырыныз продотрядлэн уробояз пуксиз вал. Шонер сюрес кузя пыдын кошкеменыз, улэп кыле соослэн Миша пизы гинэ. Но Веткинъёслэн выжы нюжазы воксё ӧз чигы. "Уй пал симфония" книгаын суредамын ни внучказылэн Лина Веткиналэн но солэн нылпиосызлэн улон эзельзы. Со герӟаськемын Сазонов Викторен. Темаезъя учконо ке, таиз книга сӥземын Удмурт шаерысь нефтяникъёслэн улэмзылы но ужзылы. Ретроспектива амалэн (Викторлэн тодэ ваёнъёсыз пыр) автор вера Василий Веткинлэн, школалэн директорезлэн, буран дыръя быремез сярысь. Ӵапак со вакытэ гуртысь школаез суто, янгыше уськыто Василий Федоровичез, сьӧд уж лэсьтыса пегӟиз шуыса кыл вӧлдо. Викторлэн анаез секыт висе. . . .Огсыр гуретэ самолёт. Отын лобись Виктор нош тодаз вае 30-тӥ аръёсы колхоз кылдытонэз, отын ужаны кутскемзэ, собере Быдӟым Отечественной война дыръя ӝуась самолётысь парашютэн тэтчемзэ, партизан отрядэ шедемзэ. Нош стюардесса Марина Веткина маде Чайковскийлэн музыкаез сярысь, солэсь гуръёссэ кылзытэ. Психология ласянь тужгес но кужмо Викторлэн Лина Веткинаен кусыпъёсыз сярысь тодэ ваёнъёсыз. Линалэн нырысетӥ нылыз Марина Викторлэсь вордскемын, нош лек адямиослэн чагиськеменызы, та яратӥсь сюлэмъёс амалтэк люкемын. Лина нокинлы уг вера, нылызлэн атаез Виктор шуыса. Та шугадӟонъёс пумысен гожтӥське куинетӥ книгаын но. "Льӧльшур палъёс" произведениын бадӟым инты басьтэ авторлэн повествованиез, кыкетӥяз ("Уй пал симфония" романын) нырысетӥ интые поттэмын геройлэн тодэ ваёнъёсыз. Трилогилэсь куинетӥ книгазэ поттыны дасяз УдГУ-ысь профессор И.В.Тараканов. "Тулыс ӵукна" повесть, йылаз-пумаз вуттымтэ ке но, трилогилэсь азинскемзэ умой возьматэ, со - ошмес ву кадь чылкыт но юзмыт. Писатель отын азьло книгаосаз сярысь но, оло, умойгес возьматыны быгатэм анай кылмылэсь узырлыксэ но паймымон чеберлыксэ. Кӧня вуныны кутскем кылъёсты со яркыт тылын кадь пиштытэ! "Тылобурдо" интые трос пол пыртэмын "кыйкай" яке "кай" небыт кыл. Турсюан сярысь гожтыкуз, турнылъёс но казакбурдоос, кентуръёс шуэ. Тусбуйёссэс тазьы суреда: "Чиль-сьӧд мугорзы пӧртэм-пӧртэм лызо-вожо воринъяське, лызпыр-сьӧд чыртызы чиль-дол кисьтаськыса вуюисьяське, пельйылъёссы горд намерлэн пызьыртэм вуэныз юри чебермам выллемесь, нош синдоръёссы пыр-пыр тӧдьы, лымы гырлылэн куаръёссы кадь адӟисько, бурдъёссы ӵужмыт ворино-вориноесь. Одӥгезлэсь мукетыз тузӥгес, учкыса-учкыса уд ӵыды!" Яке тани кызьы кеське курдам председатель Юшков Петялы: "Лёня племянникты кытчыкеяськиз!.." Та выллем примеръёс книгаын туж трос. Кыл уго чеберлыко литературалэн лулыз но зэмос-зэмос инъетэз. Со произведениез лыдӟисьлы матэ каре, сюлэмзэ шунтэ, узырмытэ но мылкыдзэ бурдъя. "Тулыс ӵукна" повесть пуштросэныз но, радъяськеменыз но, кылтӥрлыкеныз но таула вакытысь тужгес лэчыт ужпумез ӝутэ. Автор вань дуннелы вань кужыменыз вазиське кадь: "Сазьдӥське! Малпаське! Уж борды али ик кутске! Сотэк ваньмы быромы, семьямылэн но, калыкмылэн но азьлань улонэз уретскоз, быроз!" Ӵапак тазьыгес алӥзы но ало лыдӟисьёсты С.Залыгин, В.Распутин, О.Адамович но мукетъёсыз тодмо писательёс. Со - экологияя туала ужпумъёс, инкуазез утён сярысь сюлмаськон. Инкуазез кырсёмытон, вуэз, муэз но омырез саптан - ожтӥрлыкъёслэсь тросгес изъян вае, соку угось дуннеысь вань улэпез бырон калэ вуэ. Та ужпумез ӝутыса, писатель шарая адями кусыпъёсты но, кивалтон удысысь тырмымтэосты но. Выль персонажъёс тодэ вайыто 60-70-тӥ аръёсы тодмо кивалтӥсьёсты. Соос пӧлын: Петр Петрович Лысоев (прототипез Сысоев), Валерий Константинович Морозов (Марисов). Капчиен тодмалод Кузьма Иванович Тиркушкинэз но. Озьыен, та произведенизэ писатель гожтэм историко-документальной амалэнгес. Кылсярысь, тыпак лякыса кадь пуктэмын Валерий Константинович. Со кема аръёс ӵоже элькунысь троссэ солы пумит вазьыны дӥсьтӥсь кивалтӥсьёсты, тужгес но удмуртъёссэ, интыысьтызы ӵогыса кадь уськытылӥз. Озьы кариз Лысоевез но. Тунсыкоесь повестьын мукетъёсыз но сюжетъёс. Отын огъя луисез быгатыса пӧлэстэмын нимаз геройёслэн улонысьтызы учыръёсын, праздникъёс воштӥсько сюлэмез чепыллясь кайгуэн но куректонэн. Кылсярысь, кемалы кыле чеберкайлэн Надя Веткиналэн секыт висьыны усемез. Со йырсазьзэ ыштымон куректэ Тиркушкин Кузьма но солэн эшез Мичковский кык тури пӧлысь одӥгзэ ыбемысь. Чебер сяськаос кадь пишто Надялэн но анаезлэн Лина Михайловналэн, Петя Юшковлэн но солэн сузэрезлэн Лёня пиезлэн, Виктор Сазонов профессорлэн сюлэмъёссы. Соос вӧзын сьӧсь мылкыдо но кескич сямо адӟисько Кузьма Тиркушкин но Олег Мичковский. Соос котькытчы: инкуазе но, адями сюлэмъёсы но пож виштыос кельто. Чебер сюлмоос сьӧдзэ быдэсак вормыны уг быгато. Ма, улонын но озьыгес ик угось. Романтизм тодметъёс шӧдскымонэсь таяз книгаын но. Куд-ог веросъёсын вань аслаз авторлэн азькылыз, пролог интые кутэм макеос, соос произведениосыз романтической шӧмо каро, кырӟан мытэт кадь луо. Кылсярысь, повестьлэн азькылаз туриос сярысь ивортэмын: "Лобо тылобурдо уллёос чагыр инметӥ". Соослэн нимынызы писатель вазиське: "Дугдэлэ, адямиос, музъемез саптамысь но пожамысь! Утелэ вордӥськем шаермес! Асьмелэн со одӥг гинэ ук!" Уг кыло адямиос. Уг кыло кивалтӥсьёс. . . 1 Борис Саушкин Георгий Векшин - сценалы суредась Та дырозь мыным таӵезэ адӟыны ӧз кылдылы на вал. Театрлы суредасьёслэн адӟытонъёсазы но ӧй ветлылы, асьсэзысзно ужан куспазы ӧй адӟылы. Но тани мон Удмурт теартлэн валтӥсь художникезлэн ужан кабинетаз. Жамдэ гинэ пыраны малпасько вал - ӝыны нунал ӝегатски. Суредась картонлэсь мар ке вандылэ но юдэсъёссэ ваче лемаса*, азяз сылӥсь ящик пушкы интыя. Ящикез телевизор быдӟа, яке солэсь бадӟымгес-а? Только "экранэз" ӧвӧл. Выл шобрет интые но ваменак кык дасо векчиесь рейкаос шер-шер вӧлдэмын, соос борды сӥньысэн думылыса, ящиклэн пушказ мыд-мыд палъёсаз чильпетъёс, басма кесэгъёс ошылэмын. Нош мышкыз но пуш палтӥз кыӵе ке инбам суредэн куалак возъямын. Нош пыдесаз (ящиклэн улӥ бамаз) самой со вандылэм картонлэсь лякылыса лэсьтэм ӝӧк, пуконъёс, муръёеныз ик гур, вӧзаз сандык пуктылэмын. "Ма, та корка пуш ук, - малпасько ас поннам. - Тӥни "кузёосыз" но - вандылыса лякылэм "адямиос"- корка шоразы сыло". - Георгий Ефимович, сценадылэн моделез, макетэз, лэся, ук та? - ачим ик "валатскыса" могтӥськисько. - Та подмакетник шуыса нимаське, спектакльлэн оформлениезлы макет лэсьтыса бичан инты. - Бур киыныз ӝӧк вылысь ящикез омыретӥ котыртыса возьматӥз со. - Спектакльлы нырысь ик подмакетник лэсьтӥськод. Кызь пол пичиятыса. Со ик оформленилы макет шуыса нимаське. - Нош кык вылтӥ уж уг луы-а со? Макетэн вырод, собере нош ик сценалэн быдӟалаезъя декорациостэ-оформленидэ суредано-лэсьтоно. . . - Макеттэк ужан туж секытэн сётӥське. Но макет борды кутскемлэсь азьло эскизъёс лэсьтоно ай. Эскизъёс - кагаз вылэ буёлэн лэсьтэм суредъёс. Со суредъёсъя тодыны луэ ини, кыӵегес луоз сцена вылэ лэсьтэм корка пуш, азбар, яке инкуазь суред, кыӵеесь дӥсен луозы артистъёслэн шудоно геройёссы, соослэн ымныр тусбуйёссы. Мар пуктылэмын луоз сцена вылэ. Нош кыӵе адӟиськоз со сцена вылын, электротыл югдытэм шорын? Созэ ини макеттэк уд тоды. Тани али нуназе югытэн подмакетник вылэ пуктылэм арбериос, возъям чильпет, басма кесэгъёс бездыт, ӝыжомем тус адӟисько, трос пӧртэм буёлъёсын чебермаса суредамын ке но, нуназе югыт шорын соос уг "улӟо". Нош театрын спектакльёс котьку электротыл югдытэмъя мыно ук. Тани учке али. Георгий Ефимович ужан кабинетэзлэсь укнозэ возъяз но, кабинетын гуын кадь пеймыт луиз. Собере электротылзэ ӝуатӥз. - Шӧдӥськоды-а пӧртэмзэ? - Конешно. - Нош спектакльын кӧня прожекторъёс югдо сцена вылэ, синъёс ик мальдо. Тани одӥгзэ ӝуатыса эскером. Георгий Ефимович кабинетаз сылӥсь прожекторез ӝуатӥз но соку ик подмакетниклэн сцена вылаз спектакль "улӟиз". - Адӟиськоды-а, подмакетникысь омыр ик зарниям кадь адӟиське. Прожекторе ӵуж фильтр пуктэмын уго. Нош ӵужез интые лыззэ пуктӥмы ке, "сцена" вылын толэзё уй кадь ӝомыт луоз. Пурысь фильтр пуктӥмы ке, зорон азьын кадь сьӧд пилемо куазьлы тупалоз. . . Трос тунсыкозэ мадиз на ай мыным кибашлы суредась: кызьы сцена вылын шунды "ӝужа", кизилиос "пишто", тылпу "ӝутске", "лымыя" яке "зоре". Яке огшоры куэм дэралэсь вурем дукес пильыс дӥсь кадь адӟиське. Маиз но вылымтэ театрысь художниклэн синпӧртман амалъёсаз! Георгий Ефимович Векшин суредасен вордскем, шуыны луоз. Ма, учкелэ ай, нырысетӥ ступенё школаын дышетскыкуз ик усто суредъёс лэсьтылэ вылэм ини. Классысьтызы борддоръёсысь солэн суредъёсыныз адӟытонъёс ик быриллямтэ. Суреданы киыз мынӥсь пияшлэсь мылкыдзэ валась дышетӥсез Владимир Васильевич Саушкин (Ленин орденэн но Россия Федерациысь дано нимен пусъем мурт) солы ялан индылонъёс сётылэм, выль суредъёс лэсьтылыны мылкыдзэ лӧпкытылэм. Озьы Алнашысь егитъёслэсь школазэс (ШКМ) быдтытозяз. Сизьым классэз быдтыкуз, Гера йӧн-йӧн вал ини (со аръёсы дышетскыны укмыс аресысен кутскылӥзы), мугоро, визьнодо, юрт котырысь но гурт ужъёсты быдэсъяны дышем мурт. Семьяязы анай-атаез, кык агайёсыз ванен ужась кужымлы ӧз ёрме. Соин ик егит пилы дышетсконзэ азинтыны могӟет ӧй вал. Кин луонэз сярысь но кема малпано ӧз луы - Ижкарысь театрально-художественной техникумлэн живописно- художественной ёзаз пыриз. Но нырысь араз ик дышетсконзэ куспетӥ кароно луиз - дорысьтыз юрттэт сётэмзы ӧйлась. Ог арзэ Алнашысь райпланын, СДК-ын ужаса ортчытоно луиз. Суредась луыса. Собере выльысь дышетсконзэ азинтӥз. 1938 арысен техникумез пырпотыса, Георгий Ефимович Векшинлэн быдэс улонэз Удмурт театрен герӟаськиз. Шумпотыса пумитазы выль ужасьсэс театрысь артистъёс. Кемалась малпало вал ини асьсэлы удмурт суредась шедьтон сярысь, удмурт улонэз, калыкез, солэсь сямъёссэ, йылолъёссэ лулыныз-сюлмыныз валась мурт сярысь. Угось татчыозь удмурт кылэз тодӥсьтэм гинэ ӧвӧл, шаерамы азьвыл улымтэ суредасьёслы вазиськылӥзы. Ачиз но Векшин укыр шумпотӥз Удмурт театре ужаны лэземзылы. Нырысь араз ик оскизы Ф.Ильинскийлэн "Ивашкалэн эрикез" пьесаезлы оформление дасяны. Валамон ини, кутскись муртлы юрттыны дась вал театрлэн валтӥсь суредасез, режиссёръёс, артистъёс. Ма, собере ачиз но ньыль ар ӵоже юнме дышетскиз-а техникумын? Солэн дышетӥсьёсыз пӧлын - Михаил Васильевич Балагушин но Николай Александрович Косолапов - шаерамы профессиональной суредан искусстволы инъет сётӥсьёс пӧлысь вал. Косолапов, кылсярысь, ачиз но театрын спектакльёслы оформлениос дасялляз. Георгий Ефимовичлэн нырысь пыжем мильымез ик "сиымон" пӧрмиз. Мукет араз ини куинь спектакльёслы декорациос, костюмъёс, эскизъёс но макетъёс лэсьтӥз. Ачиз ик быдэстэм эскизъёсызъя дасям декорациосты буялляз, артистъёслы костюм бырйылӥз. Огкылын вераса, нырысь вамышъёсыз ик йӧн-йӧн пӧрмизы. Война кутскон азьын вал ини со. Мон, дышетскись пияш, Алнашысь СДК-ын М.Куличенколэн "Сады цветут" пьесаезъя спектакль учки. Али спектакльлэн пуштросэз сярысь тыро-пыдо тодам но ӧвӧл ни. Со понна Векшинлэн сое чебертэмез али ке но син азям. Чылкак пайми декорациосызлы. Сяськаяськись улмо сад таӵе ик "улэп" кадь! Сяська пурыосыз тӧдьыен-тӧдьыен мальдо, улмо шӧмыз ик лӧсъяське, кожалод! Кыкетӥ спектакльзэ - М.Петровлэсь "Вуж Мултанзэ" - адӟи ини война бырон азьын, Ижевскын. Мар валась вал мон соку? Нош Мултанысь куанер улӥсьёслэн корка пушсы асьме гуртысь но номырин пӧртэм ӧвӧл кадь адӟиськиз: ӝуткаса куэм ковёр, пужъятэм ӵушконъёс, ас киосынызы лэсьтэм ӝӧк-пуконъёс, нош "узырлыксы" - ӵужак чилясь самоварзы но вӧлдэтазы ошем пиялаен лампазы. . . Сцена вылысь вань суредам-лэсьтэм котыр арбериос зэмос удмуртлыкез возьмато. Со ик кулэ но вал, дыр, та спектакльлы. Нош гурт урам, бусые потон капка, гурт сьӧры нуись сюрес? Ваньзэ тае куке но адӟем гинэ ӧвӧл, пичи дырысеныд куттэмпыд бызьылэмед вань кадь. Но спектакль со сярысь ӧвӧл. Тани пото становойёс, эксэй чиновникъёс, соослэн гыжкалъёссы - прокурор но судья. Конвой Мултан крестьянъёсты поттэ, таоссэ подсудимойёслэн скамья вылазы пукто. Сцена вылэ потэм муртъёс одӥгъёсыз пустол но басма дӥсен, мукетъёсыз - дэра дукесэн, яке куэм дэрем коже. Кыл вератэк тодмо, кинъёс со - правосудиез утисьёс но адямиез виемен янгыше уськытэмъёс. Векшинлэн суредам эскизъёсызъя дӥсям персонажъёс, социальной югдурез возьматэм сяна, вапумез но син азе пукто. Тазьы лэсьтэм со котькуд дасям спектакляз. "Кезьыт ошмес", "Сюан", "Аннок" но мукет та выллемесь удмурт пьесаослы суредам декорациосаз Георгий Ефимовичлэн туж усто пӧрмо инкуазез возьматӥсьёсыз. Соинтэк-а катанчи усьтӥськем бере учкисьёслэн нырысь кичабонъёссы художниклэсь палёмытӥсь суредъёссэ данъяло. Вань уго, одно ик вань мазэ мусоянэз. Вӧл-вӧл гыась ю бусы ке син азьын, одно ик лыз инмысь луд тюрагайлэсь кырӟамзэ кылэм потэ, визыл кошкись шурын тани-тани чорыгъёс жомбыльтозы, нош пеймыт тэльысь кыӵе ке сьӧсь пӧйшурлэсь жамдэ потэмзэ возьмано. Мылкыд сокем пӧяське - астэ театрын ик уд кожаськы ни, юзмыт инкуазь омырен гадь тыр шокаськод, возьвыл сяськаослэсь яке ненег куаро писпуослэсь мӧльзэс шӧмъям кадь потӥськод. Ай такем чебер суредэз пӧртэм-пӧртэм фильтръёс пыр прожекторен югдытӥськод ке, сцена син азьын пӧртмаське. Та вылысь валаны луэ, макем мур тодэ вылэм суредась инкуазез, пӧртэм дыръёсы солэсь вошъяськемзэ. Георгий Ефимович сценографиын ас сюрессэ лёгиз, аслаз быръем амалэныз тыршиз. Сценографиын национальной пӧртэмлыкез вань ке шуиськом, Векшинлэн со шӧдӥське буёлъёсызлэн куспазы герӟаськемысьтызы, оформлениысь арбериоссэ улонысь басьтыса лэсьтэмысьтыз, инкуазь суредъёсаз тодмо интыоссэ возьматэмысьтыз. Суредась удмурт сценографиын ас "школазэ" кылдытӥз. Со - живописно-реалистичной, шуысал мон. Одӥг пол но уже ӧз куты авангард, конструктивизм но мукет со выллем йӧспӧртэм стилен ужан амалъёсты. Солэн суредъёсаз - улон зэмлык. Таин сэрен декорациосыз ноку но палдурес уг адӟисько, учкисьёслы номыр валантэмез ӧвӧл. Нош зэмос улонэз шонер возьматон вылысь, Георгий Ефимович дырзэ но, кужымзэ но ӧз жаля. Кылсярысь, И.Гавриловлэн "Камит Усманов" трагедиезъя спектакльлы декорациос дасян азьын театрлэн валтӥсь художникеныз И.М.Ходыревен ӵош ветлӥзы Камитлэн улэм интыосаз - Пичи Пурга ёросысь Баграш-Бигра гуртэ. Отысь вашкала юртъеръёсты, юрт котырысь, корка пушкысь арбериосты, пиосмурт но нылкышно дӥськутъёсты суредазы. Оформленизы усто пӧрмиз, спектакльзэс но ӟеч пумитазы. Сое учкыны ветлӥзы Баграш-Биграос, Камит Усманов выжыос, республикаысьтымы кивалтӥсьёс. Нош 1941 арын гужем Ленинградысь кинохроника та спектакльысь люкетъёсты Ижевскысь шутэтскон паркын пленка вылэ пуктӥзы. Камит Усмановлэсь рользэ шудӥз вал Григорий Иванович Титов. Георгий Ефимович театрын ужатозяз ог кык сю пала спектакльёслы декорациос дасяз. Лыдын гинэ но со трос ини. Нош сценалы суредасьлэн со инкуазез возьматӥсь но, макет лэсьтӥсь конструктор но ужез кагаз вылэ суред лэсьтонэн уг йылпумъяськы. Кызьы пусйимы, костюмъёсъя модельер но, декарациосъя архитектор но, скульптор но, спектаклез югдытӥсь художник но. Бадӟымесь театръёсын куд-ог та ёзъёсъя нимаз-нимаз суредасьёс ужало, нош Векшин ваньмыз понна огназ. Котькудаз вуттӥськоно, визь-тодондэ сётоно, малпандэ ӧръяно. Угось театрын, туала спектакльёс сяна, вань на вашкала улонэз возьматӥсьёсыз, удмуртъёсыз сяна - пӧртэм калыкъёслэнэз. Георгий Ефимович оформлениос дасяз бигер, чуваш, украин, азербайджан, грузин, сьӧрлось кунъёсысь - итальян, француз но мукет авторъёслэн пьесаоссыя дасям спектакльёслы. Кӧня книга-журналъёсыз, суредъёсыз но туспуктэмъёсыз лыдӟоно-бугыръяно луиз со котькуд вакытлэсь аспӧртэмлыксэ, калыкъёслэсь улэм-вылэмзэс зэмлыко возьматон понна?! Театр искусствоысь эшшо одӥг пӧртэмлыксэ нокызьы но лыдэ басьтытэк кельтыны уг быгаты сцена суредась. Со - спектакльёслэн жанрзы: драма, комедия, трагедия, крезьгуро спектакль - опера, балет. Вунэтоно ӧвӧл - трос калыкъем-а яке ичи лыдъем-а. Артистъёслы сцена вылын ёркыт но медаз луы, шал-шал сцена вылын но медаз ышелэ. Залысь котькуд интыысь учкись но спектаклез умой адӟыны мед быгатоз. Георгий Ефимович вань та куронъёсты умой валаса быдэсъяз. Солэн оформленияз артистъёс эркынак шудо. Суредась сценалэсь быдэсак адӟиськись "ымнырзэ" уже кутыса ужа, сцена вылэ пуктэ быдэс гуртэз, яке бусыосты, нюлэсъёсты, возьёсты но шуръёсты. Быдӟым Отечественной война кутскыса, сизьыл Удмурт театрез ворсазы. Пыӵал кутыны быгатӥсьёсыз артистъёс но мукет удысъёсын ужась воргоронъёс фронтэ келямын вал ини. Кылемзэ артистъёсты пыӵал тӥрлык поттон заводъёсы ужаны ыстӥзы. Георгий Ефимович тазалыкезъя ож бусые ӧз шедьы, Октябрь революцилэн клубаз (КОР) суредась луыса ужаны интыяськиз. Кӧня ке нунал гинэ ужаса вуттӥз но, Горд Армилы пилотъёсты дасясь 15-тӥ авиационной школаязы суредасе ужаны выжтӥзы, отысен - 34-тӥ запасной авиаполке. Кема ӧз кыстӥськы татын ужанъёсыз, школа но, авиаполк но расформировать каремын вал. 1942 арлэн кутсконаз 74-тӥ заводысь валтӥсь технологлэн отделаз суредась луиз. Ужез пумтэм-йылтэм: азьмынӥсьёслэсь тусбуйёссэс суредан, адӟытонъёслы дасяськон, заводлэн музеяз экспозициос дасянэн герӟаськем ужъёсты быдэсъян. Татын но ассэ кибашлыен возьматӥз. Заводъя приказэн сое нош но нош премиен пусъё - толэзь уждунэн, шуныт дӥськутэн, костюм вурыны кесэген. Лек война мыныку, таӵе кузьымъёслэн дунзы ӧй вал. 1942 арлэн пумаз югдур воштӥське, удмурт правительство театрез выльысь усьтэ. Табере со Алнашын ужалоз, Георгий Ефимовичлэн вордскем черко гуртаз. Та сярысь тодыса, Векшин ӝегатскытэк Алнаше шонтэ. Тол куазен капчи пальтоен, векчи сурон сапеген, картузэн, Можгаласен пырак пыдын. Татын сое шумпотыса пумитало но валтӥсь суредасе куто. Тӥни со дырысен куамын ар ӵоже - Удмурт театрлэн валтӥсь суредасез. Ужан удысэз эшшо но будэ, паськыта. Валтӥсь суредась производственной цехъёслэсь ужамзэс радъя, эскере, выль кутэм ужасьёссэ дышетэ. Огкылын, ваньзэ лэсьтэ "улӟем" театрлэн ужез азинскыса мед мыноз шуыса. Та аръёсы тросгес пуктылоно луиз войналы сӥзем патриотической пьесаосты: Симоновлэсь "Русские люди" пьесазэ, Водопьяновлэсь "Вынужденная посадка" нимозэ, Арбузовлэсь но Гладковлэсь "Бессмертный", Кноррелэсь "Встреча в темноте" нимооссэ. 1943 арын театр Можгала выже, нош 1944 арын сӥзьыл Ижевске берытске. Татысен кутске ини та театрлэн выльысь ӝужанэз. Георгий Ефимович араз куать-сизьым спектакльёслы оформление дася. Витьтонэтӥ-куатьтонэтӥ аръёс - театрлэн улоназ, творческой ужъёсаз "зарни вакыт" кадь луиз. Та азинсконъёс басьтэмын Векшинлэн но чырмыт тыршыса, вань быгатонлыксэ сётыса ужаменыз. Суредась, кибашлы ӧнерчи, УАССР-ысь суредасьёслэн огазеяськонзылэн ёзчиез. Ӵапак та аръёсы суредан творчествозэ уката паськыт ӧръя. 1960 аре со нырысетӥ удмурт опералы - "Натальлы" декорациос но костюмъёс дася, вуоно араз - нырысетӥ удмурт балетлы "Италмаслы" сцена вылын "улон" сётэ. Удмурт театр искусствоын та спектакльёс выль пушъет луо. Георгий Ефимовичлэсь дано ужъёссэ вылӥ дунъяло. 1958 арын солы сётэмын РСФСР-ысь искусствоосъя дано ужась ним, данъямын "Знак Почета" орденэн. Нош 1971 арын солэн нимыз пыртэмын элькунмылэн ужын басьтэм вормонъёсты но героизмез Данъян книгаяз. Нош мылкыдзэ тужгес но ӝутылӥз солэсь творчествозэ учкисьёслэн дунъямзы. Сыӵеос шаермылэн котькуд сэрегаз вань. Солэсь дасям спектакльёссэ театр гастрольёсы нуллӥз Советской Союзысь данак городъёсы - Казане, Уфае, Перме, Курске, Орёлэ, Брянске, Архангельске но мукетъёсаз. Солы улэп дыръязы йыбыръязы, творчествоеныз данъяськемзэс веразы удмурт писательёс - драматургъёс И.Гаврилов, М.Петров, В.Садовников, М.Тронин, С.Широбоков, Л.Перевощиков, Г.Красильников, С.Самсонов, Т.Архипов но мукетъёсыз, кудъёсызлэсь гожтэм пьесаоссэс театрын пуктыкузы, Георгий Ефимович суредаса сцена вылэ вуттӥз. Суредасьлэсь творческой "ымнырзэ" мургес валаны луэ ужъёссэ адӟытонъёсын возьматыса. Георгий Ефимовичлэн театрлы эскизъёсыз, мукетъёсыз пӧртэм адӟытонъёсын дас укмыс пол возьматылӥськизы. Соос пӧлын - Москваын, Ленинградын, Казаньын, тросэзгес Ижевскын. Солэсь ужъёссэ асьсэлэн фондазы басьтӥзы республикаысьтымы национальной краеведческой но изобразительной исскусствоосъя музейёс. Макетъёссэ но эскиз суредъёссэ дуно синпель карыса возё Удмурт драмая, Операя но балетъя театръёс. Бен, Г.Е Векшин яратоно ужезлэсь люкиськиз ни. Арлыд но тямыстонлэсь ортчемын уго. Но сюлэмыз висе. Асьмелэн одӥг гинэ яратоно Удмурт театрамы штатаз одӥг но удмурт суредась ӧвӧл. Чылкак ӧвӧл шуэмысь, кыксэ нималом ик. Соос - Александр Абрамов но Валентин Белых. Нош малы ке огзы но удмурт театрен "колӟаськымтэ", театр ӧтьыку гинэ одӥг-ог пыриськыло сценалы суреданы. Та вылысь но валаны луэ, макем яратэ вылэм Георгий Векшин сценалы суредасьлэсь ужзэ. Татын ӝуатскиз солэн яркыт кизилиез, татын шедьтӥз со ас шудзэ. Озьы ке нош, кин ке мед басьтӥськысал ук ачиз вань дыръяз рос-прос творчествозэ эскерыны, пӧсь сюлэмзэ, ӟырдыт мылкыдзэ сётыса нимзэ вунонтэме кельтыны. Ведь со асьмелэн нырысетӥез ас удысаз яркыт ӝуатскем кизилимы. 1 Е.В. Байкова "Коркады но пырыны лэзёды-а?" ("Пӧртмаськон" удмурт сям-йылол сярысь кӧня ке кыл) Трос аръёс ӵоже ини калыклэсь лулчеберлыксэ пушйытонын театр валтӥсь инты басьтэ. Солэн выжыез туж вашкалае вуттэ, инмарлы осконэн герӟаськем сям- йылолъёсы. Туноос, вӧсясьёс калыкез ас бордазы кыскылӥзы пӧртмо кылъёсты оскымон вераны быгатэменызы. Ма собере шулдыръяськонъёсын, нергеосын огшоры сылӥсь уг луы вал, учкись ачиз ик возьматӥсь но, артист но луылӥз. Али ке но Удмуртиысь куд-ог ёросъёсын таӵе сям возиське на ай, ку ке корка, азбар, урам луэ сцена, нош шудӥсьёсыз - асьсэос калыкъёс. Театрлэн инъетэз шӧдӥське пӧртмаськонъёсын но. Соос ортчытӥсько Вожо вакытэ. Ку бен со луэ? Ӵапак соку, ку уй но нунал огкузьдаесь луо. Шунды та дыре ӧжытлы гинэ адӟиськылэ. Шунды кулэ кадь, соин валче кулэ кадь инкуазь но, собере выльысь вордӥське. Вожодыре дунне пересьме кадь, соиз дунне сураське тапал дуннеен. Та вакытэ кузёясько сьӧд кужымъёс. Соос урод лэсьтыны быгато кызьы ке адямилы, озьы ик инкуазьлы но. Вожодыре адямиос азьпал улонзэс тодыны тыршо, тунасько, соку, пе, адӟондэ воштыны, умой пала тупатыны бадӟым луонлык кылдэ. Озьы-а, тазьы-а но, "пӧртмаськись" сопал дуннеысь муртэн лыдъяськылӥз. Со быгатэ соысьтыз таяз дуннее выжыны (пӧртмаськыны). Юнме шорысь ӧвӧл, дыр, адямиос пӧлы пыӵаса кылем сям: соос актёрлэсь али ке но курдало (тужгес но урод сямо геройёсты возьматӥсьёсызлэсь). Малпало: артист мукет мурт, шуом, ведӥн яке кин ке мукет луыны быгатэ. Ымнырад маска понӥд , берыктэм шуба дӥсяд, куарадэ, ветлон манердэ воштӥд ке, гуртын улӥсьёсыдлы, бускеледлы тон мурт ини, тодмотэм адями. Дӥсь вурыны, костюм дасяны одӥг нунал гинэ ӧз бырылы. Маскаосты (ымныр шобретъёсты) ки улэ шедем арбериослэсь, кагазлэсь, кулэсь, басмалэсь лэсьтылӥзы, вурылӥзы. Уже кутылӥзы ӵушконъёсты, мучолоез, мешокез но трос мукетсэ. Пӧртмаськисьёс вылысь ӵемысь адӟыны луэ вал берыктэм шубаез, тулупез, изьыез, пиос нылкышно пӧрмытскылӥзы, кышноос - пиосмурт. Пӧртмаськисьёслэн дӥсьсы - со "берыктэм дунне": ымныр шобретэз (маскаез), пужалтэм дӥсез адями огшоры дыръя уг нуллы. Нош тани Вожодыр вуэ ке, кинэ гинэ адӟыны уг луы: пӧйшуръёсты-пудоосты (вал, ош, кечтака, гондыр. . .); сопал дуннеын улӥсьёсты (пересь, песянай, кулэм мурт); сьӧд кужымъёсты (чёрт, шайтан); кыӵе ке ӧнеро муртэ, мукет выжыысь калыкез (солдат, чиган кышно, куанер, кураськись). Удмуртъёс пӧлын ӵемгес пӧрмытскылӥзы но луылӥзы "эмеспи" но "выль кен". "Выль кен" дӥсяськылӥзы пиос, "кӧто" кариськылӥзы. Нош кышноос - "эмеспи" пӧрмылӥзы. Ӟустарилэсь, пышлэсь, куролэсь воргорон "вуз" лэсьтылӥзы. Таин валче шоккетыны но серекъяны муг сюрылӥз. Мукетыз ӵем пумиськылӥсь персонаж - "нылпиен анай". Нуны интые "уже" кутылӥзы пу писэз, миндэрез, ӟустариез, куддыръя кутэтэн бинялтылӥзы парсьпиез, кучапиез, коӵышпиез. . . Нош нуллӥзы нуныез песьтэрын, ныпьетын яке кӧкыын. Удмурт пӧртмаськон нергеосын луыло вал сопал дуннеысь вуэм кулэмъёслэн (вожоослэн) лулъёссы но. Соос ӵыжы-выжыоссэс чаклан сямен куное озьы лыкто. Пӧртмытско пӧртэм сямен. Я йыр вылазы корзина поно, ымнырзэс ӵушконэн пытсало, яке суэн буяло. Нош тани вуэ пӧртмаськон нунал. Огазе люкаськем пӧртмаськись калык (аспӧртэмлыко театр) гуртысь коркаостӥ вылӥысен улӥе - шур кошкемъя пыраса ветлэ. Ӵогам капка ӧвӧл. Мугез валамон: та юондыр-маскаръяськон быдэс гурт понна уго. Та нуналэ котькуд адямилы, гуртолы шуд но бур, пачыл улон, пе, сизёно. Та йылол юрттэ сьӧд кужымъёслы, висёнъёслы пумит нюръяськыны. Пӧртмаськисьёс уго, урам кузя мыныкузы, вожоосты кышкатыса, туж зол кесяськизы, шулазы, бодыосынызы корка сэрегъёсы йыгазы, нош юртэ пырыса, гур ворсэтъёсын йыгазы, шудӥзы. Та "артистъёсты" син азе пуктыны уг луы эктӥсьтэк, ворттӥсьтэк, маин ке но шудӥсьтэк. "Арганчизы" ӧвӧл ке, асьсэос кырӟало яке тылобурдо, пудо-живот куара потто. . . Кыӵе ке корка вуыкузы, пӧртмаськисьёс пӧлысь огез юа, пырыны яра-а шуыса. Лэзё ке, собере ини корка ваньмыз пыро но кырӟало, юрт кузёез но кузё кышноез данъяло. Пусйыны кулэ: огшоры вераськон та учыре уг мыны. Одно ик кырӟаса вераськоно, ӵемысь воштэм куараен, медаз тодмалэ шуыса. Трос таӵе кырӟанъёс пӧлысь огез таӵе: "Коркады но пырыны лэзёды-а? Ӧсэз ӧвӧл, мар карод? Ӝӧк вылады гожъяськыны лэзёды-а? Миндэрез ӧвӧл, мар карод? Нылдэс кӧлыны сётоды-а? Ноныез ӧвӧл, мар карод? Пидэс кӧлыны сётоды-а? Ӵогез ӧвӧл, мар карод?" Вераны кулэ, дыр, созэ но: пӧртмаськонын кутсконысен пумозяз ик кырӟан уг дугдылы. Корка кузёосын "кенешемзы" бере пӧртмаськисьёс круге султо но турлы шудонъёсын шудо. Пӧртмаськисьёс пӧлы ик пыриськыны быгато мукетъёсыз но. Озьы учкись но шудӥсь сураськылӥз, дырын-дырын соос ог-огенызы "рольёсынызы" но вошъяськылӥзы. Учкисьёс трос луо ке, "артистъёс" кык-куинь интыын шудо. Кылсярысь, "чиган" ныллэсь кизэ кутэ но соя туна, тазьы вера: "Ӝоген бызёд, картэд чебер, визьмо луоз!" Мукетъёссэ (ӵемысь нылъёсты) "скал" яке "ош" лекалляз. "Скал" кариськылӥзы кык пиос одеялэн шобырскыса. Нош азьпаласез, киоссэ урдыса, сюрен сямен лекалляз. Лекалляны тыршылӥзы нылъёсты. Малы? Татын мур пуштросэз вань. Со герӟаськемын вашкала йылолэн, емыш, ю-нянь удалтонлы осконэн. Мукет дыръя "учкисьёс" азе потэ "вож нуныен кышномурт". Нырысь со нылпизэ кӧлыны турттыса кырӟа, сэзъя. Нуныез кӧкыысьтыз усе но анай сое вӧлдэтозь лэзья. Собере корка кузёослы возьматэ но ӝожтӥське: "Уть ай, кыӵе со начар. Сое нонтыны кулэ: тазагес, кужмогес мед луоз". Кузё кышно кышномуртлы кумышка - "йӧл" вае. Пӧртмаськисьёс пӧлысь потэ мукетыз кышномурт но нуныез вес вылын мертаны ӵектэ. Ваё безмен, мертало но шуо "О-о-о, чик будымтэ ук!" Сое сюдыны кулэ: Ӝужытгес, бадӟымгес мед луоз". Соку корка кузёос выльысь кумышка ваё. Таяз учыре сёто куртчон но пыжиськем. Мукетъёсыз "куноос" утялтӥсьлы юрттыны мерско. Киынызы возьмато, мар карыны кулэ. Пыжиськем тыриське нимысьтыз пуйые яке корзинае, нош вина кисьтӥське нимысьтыз ӟенелике. Собере сое кинлэн ке чыртыяз ошо. Ӝоген пӧртмаськисьёс кунокуалы тау каро но удалтонлыко ар сӥзё. Кузёос пумит кыл вераны уг дӥсьто, "ӧтьымтэ" куноосъя карисько. Пӧртмаськисьёслэсь вожзэс, пе, поттӥд ке, соос каргаськозы но ю-нянь но, етӥн но, бакча сиён но уз ни удалты. Куддыръя тодманы турттыкузы, корка кузёос но пӧртмаськисьёс куспын йӧспӧртэм нюръяськон пуромылэ. Озьы тӥни, пӧртмаськон ӟечлы осконэз но юнматэ, куддыръя кышкатэ но. Уго пӧртмаськисьёс оломар но дауртылӥзы, суэн но маллязы, ӵош эктонэ но кыскылӥзы, жугем но карылӥзы, мыскыллязы но. . . Огъя вераса, лэсьтылӥзы ваньзэ, "учкисьёс" мед серекъялозы, кышкалозы, мед мытозы но шуыса. Ӵемысь пӧртмаськисьёс асьсэос но азьло ик уг тодо, мар лэсьтозы. Зэм, азьвыл пӧртмаськисьёс ӧс азьлэсь кыдёке ӧз кошкылэ, мумыкор сьӧры ӧз поталэ. Малы? Вашкалаослэн малпамзыя, мумыкор - тапал но сопал дуннеос вискысь гож. Озьыен пӧртмаськон ортчытӥське, музъем-сюдӥсьмылы сӥзьыса, со тол умлэсь ӝоггес мед сайкиськоз шуыса. Та шулдыръяськон выль улонлэн пушъёнэзлы, ӟечезлы осконэн герӟаськемын. Солы ик тӥни калык аслэсьтыз вань узырлыксэ (вань быгатонзэ, кырӟанзэ, эктонзэ) кузьманы дась. 1 С.А. Степанова, Пичи Пурга ёросысь Бобья-Уча школаысь педагог, калыкез дышетонысь отличник, УР-ысь калыкез дышетон удысысь сӥё-дано ужась. ВЫЖЫОС - КУЖМО СИОС Ас вакытаз А.М. Горький писательёслы тазьы вазиськылӥз: "Люкалэ калык кылостэс, дышетске соосъя гожъяськыны". Та кылъёс мынам сюлэмам пыризы. Соин ик 80-тӥ аръёсы мон но нылпи фольклорез люкан борды басьтӥськи. Вожъяськыса учкылӥ, кызьы быгатыса экто но шулдыръясько гуртысь мӧйыос, синмаськи вашкала дӥсьёссылы. Соку ик йырам малпан каръяськиз: "Уз луы меда нылпиосты та чеберез валаны дышетыны?" Мынэсьтым мылкыдме шӧдыса кадь, "Удмуртия" издательство 1983 арын печатлаз нылпиослэн кылосэнызы бичет. Нимаськиз со "Икча-кукча". Школаысьтымы пиналъёсты тодматы вал, нош ку? Урокъёсын дыр уг тырмы. Урокъёс бере ке шат? Озьы тӥни фольклорлы сӥзем кружокмы усьтӥськиз. Кылдытӥм ансамбль. "Жингрес куараос" нимам сое. Та вакытэ милям кадь нылпи ансамбльёс школаосын ӧй вал на ай. Концертъёсын ветлыны кутским. . . Котькытын шуныт пумиталлязы. Пыриськылӥм смотръёсы. Вуылӥм, эсьма, Артеке но. Отысь бертӥмы дипломант луыса. Кружоке ветлыса, нылпиос туж трос тунсыкозэ, паймымонзэ асьсэлы усьтӥзы, тодматскизы удмурт калык кырӟанъёсын но эктонъёсын. Дышизы асьсэды сцена вылын эркын возьыны. Вормизы возьдаськонзэс, кышкасьтэмесь луизы. . . Табере милям кадь ансамбльёсын нокинэ но уд паймыты ни: угось али котькуд школалэн сямен аслаз ансамблез вань. Шумпотӥсько, мукетъёс но милесьтым кутскем ужмес азьланьтӥзы шуыса. Удмурт фольклорен 10 ар тунсыкъяськыса, таӵе малпан югектӥз: "Нош ӧй луысал меда, бичам материалмес огазеяса но радъяса, шаертодонъя (краеведениея) программа кылдытыны?" Зэм, та выллем программаос вань. Но соос милям сюлэммыя ӧвӧл. Озьы нырысь усьтӥм "Шаерчиос" организация. Отчы ӧтимы 2-тӥ классын дышетскисьёсты. Вань нимысьтыз кырӟанмы но девизмы. Вань лэсьтэм ужмес сӥсъяса но радъяса, мон ӵектӥсько таӵе программа: 1-тӥ класслы - нылпи фольклор. 2-3-тӥ классъёслы - "Дуноесь тӥ мыным, дор палъёс". 4-тӥ класслы - инкуазь но соин герӟаськем йылолъёс, нергеос. Классын дышетоно материалъёс чакламын 25 часлы. Со сяна пыриськоно таӵе огъя ужрадъёсы: 1. Шаерчие пыртон. 2. Фольклорлы сӥзем праздник. 3. Выжыысь выжые азинскись йылол. 4. Дышетсконэз йылпумъян. Таосызлы ужрадъёслы висъяське на эшшо 7 час. Программаен пыр-почгес тодматскыны луоз, "Вордскем кыл" журналэз лыдӟыса (1995 ар, 3-4 номеръёс). Сӥзиськом ми сое гуртысь тодмо адямиослы. Кылсярысь, таиз пумиськонмы вал Е.Л. Антоноваен. Ужрадмы сярысь нимысьтыз вераме потэ. Темаез: Гуртысь тодмо адямиос. Е.Л. Антоноваен пумиськон. Мугез: Пыӵатоно ас гурттэ, гуртоостэ гажан но соос кадь луыны тыршон мылкыд. Тодматсконо Е.Л. Антоновалэн улон но ужан сюресэныз. Уже кутӥсько пӧртэм стендъёс, грамотаос, дасясько кузьым, радъясько выставка. 1. Доска вылын гожтэмын: "25 ар - сцена вылын" 25 ар - баянэн но арганэн. 25 ар - будон сюрес". 2. Урокез кутсконо "Милям гуртмы" кырӟанэн но А.Уваровлэн "Вордӥськем палмы", "Дормы" кылбуръёсыныз. 3. Дышетӥсь маде Екатерина Леонидовна сярысь. Собере азинтэ: "Бен, пиналъёс, асьмелэн гуртмы, отын улӥсь анай-атайёсмы, бӧлякъёсмы - туж гажано но дано адямиос. Соослэн тыршеменызы асьмеос улӥськомы таӵе чебересь, шунытэсь, вӧл-вӧл коркаосын. Соос эстӥсько но табере газэн, пу дасяса курадӟонэз ӧвӧл. . . Ваньзэ сое лэсьтӥзы гуртысь тыршисьёсмы. Таӵе синмаськымон адмиосмы асьмелэн котькыӵе удысын вань. Туннэ асьме дорын одӥгез соос пӧлысь. Со - Екатерина Леонидовна Антонова, гажано Катя апаймы. (Солы сётӥське нянь сукыри). - Мар тӥ тодӥськоды, пиналъёс, Екатерина Леонидовна сярысь? - Кин со сыӵе? Маин тодмо быдэс Удмуртилы? 25 ар талэсь азьло возьдаськись, лапег мугоро нылмурт Ижысь культпросветучилищеез йылпумъяса вуиз Бобья-Уча гуртысь клубе. Собере озьы ик кылиз татчы, выжы лэзиз, семья кылдытӥз. . . Солэн вань мылкыдыз арган вылын. Урамысен пумиськыкуд адӟиськод: сокем егит ӧвӧл ни со. Нош сцена вылэ тубе ке, быдэсак воштӥське, ымнырыз пиналме, кисыриосыз ышо, мылкыдыз задорме. . . Одӥг урок куспын уд вуы со сярысь ваньзэ мадьыны. Со тодмо кырӟась ӧвӧл, ӧвӧл банкир но, депутат но, кыӵе ке бадӟым начальник но. . . Озьы ке но, сое тодо туж тросэз. . . 4. Кыл сётӥське кунолы. Пиналъёс юан сётъяло. Шуом, таӵегес: а) ку нырысьсэ кияды кутӥды аргандэс? б) кин выжые тӥ сыӵе ужась луиды? в) улонысьтыды кыӵе вакытъёсты вунонтэм кылизы? 5. Е.Л. Антонова быдэстэ "Удмурт нылкышно" кырӟанзэ. Гурез аслаз, кылъёсыз Люба Тихоновалэн. 6. Крезьгурчиен ӵош дышетӥськомы "Тусбуед азям" кырӟанзэ. 7. Туннэ нуналозь Е.Л. Антоновалэн 11 кырӟанэз ини. Ваньзэ сямен калык соосты яратэ. 8. Уроклы йылпумъян. Тӥни сыӵе со асьмелэн Катя апаймы, пиналъёс. Со ик арганчи но, со ик крезьгурчи но, артист но, делегат но, анай но. . . Кырӟаськомы на авторен ӵош "Удмурт нылкышно" кырӟанэз. 1 Степанов А. П. Преподаватель лицея � 41 г. Ижевска. СЮЙ МУНЁ (ГЛИНЯНАЯ ИГРУШКА) Методические рекомендации и календарно-тематический план керамической мастерской "МУ ГУР" "Источник способностей и дарования детей, - говорил В. А. Сухомлинский, - на кончиках его пальцев. . . чем больше мастерства в детской руке, тем умнее рбёнок". Занятия лепкой благотворно влияют на развитие ребёнка с самого раннего возраста. Уроки керамики активно воздействуют на интеллектуальное, физическое, нравственное развитие детей. Множество точек на руке рефлекторно связано с органами нервной, кровенос-ной системы, внутренними органами. По чувствительным путям, раздражения полученные через кожу, передаются в кору головного мозга, где синтезируются и возвращаются ответной реакцией, проявляющейся в виде усиления кровообра-щения, снабжения тканей кислородом, увеличения притока питательных ве-ществ и оттока продуктов распада из организма ребёнка. При работе с глиной активизируются некоторые гуморальные вещества, что улучшает передачу им-пульсов в кору головного мозга. Лепка способствует развитию кисти руки, что помогает быстрому овладению навыками письма и каллиграфии, рефлекторно при лепке у ребёнка развиваются артикуляция и речь. Лепка формирует образное мышление, ребёнок создаёт в своём воображении зримый образ итога своего труда, выбирая материал, орудие труда, вкладывая опыт и знания, ребёнок воссоздаёт воображаемый образ в реальности, меняя та-ким образом окружающий мир, создавая комфортную для себя и окружающих обстановку. Лепка, включая в себя развитие пространственного мышления, вла-дение цветом, тоном, фактурой, играет роль в выработке способности интуитив-но идти к гармоничному решению задачи в любой отрасли производства, в при-обретении социального опыта. Очень важно, чтобы, начавшись в детском саду, уроки лепки продолжились и в последующих классах, облегчая процесс адап-тации ребёнка к школе. Фигурки, вылепленные ребятами на уроках лепки, дол-жны активно использоваться на уроках математики, языка и литературы, крае-ведения, музыки и других уроках. Основой появления удмуртской глиняной игрушки явилось большое желание создать свою региональную игрушку. Археологические экспонаты, найденные в Сара- пульском районе на территории Усть-Нечкинского и Юшковского городищами стали первоисточником, от которых мы пытаемся протянуть нить народных тра-диций. Поскольку язык - это наиболее консервативный носитель культурного наследия, именно он помог очертить круг слов, которые, как нам представ-ляется, могли быть связаны с процессом создания глиняных кукол. Слова дают некоторые знания о представлении древних людей о системе мироздания, общественного бытия, а так же, возможно, о зарождении культурных традиций. Представляется, что слово кукла "МУНЁ" - это сложное слово, состоящее из двух слов: му - земля, нё - ? Есть несколько предположений, объясняющих значение второго слова: 1. нё - часть слова нёканы (месить, лепить) 2. нё - часть слова нёпо (диалектное слово, обозначающее грязь) 3. у-нё-нё - слово, используемое при ласке новорожденного, любовании чем-то маленьким, но значимым. 4 нёнь-нёнь - слово, обозначающее просьбу ребёнка о материнской груди. 5. В коми языке нёнь - это слово, обозначающее соски, грудь. Возможно, гли-няные фигурки и предназначались для младенцев, у которых прорезываются зубки. Становится понятным и то, что форма найденных при раскопках гли-няных фигурок имеет конусообразную форму, вместо головы у кукол - выс-тупы, похожие внешне на женский сосок, кроме того, у большинства нахо-док именно верхняя часть подвержена сломам, деформации и т.д. К сожалению, глиняные фигурки Ананьинской эпохи не нашли дальнейшего развития или, скорее всего, не сохранились. Кроме того, в удмуртском языке есть слова, связанные, как мы думаем, с процессом декорирования этих кукол. Они пока-зывают отношение древних удмуртов к земле - глине как к живой субстанции: Пужы (узор), где пу - это дерево, палочка, жы или ши - жало, шип; как часть слова встречается и в словах шибоды - копьё, гижы - нокоть; тылы (птичье перо), где ты - озеро (инты (место), где ин - небо), лы - это кость. Куклы украшались узором, выполненным палочкой, ноктем, птичьим пером пу-тём вдавливания или прокалывания влажной поверхности глиняного изделия. Конусообразность формы кукол и декорирование способом прокалывания - это основные образующие стиля глиняной игрушки мастеров Прикамья. В народном сознании присутствует стремление к более возвышенному состо-янию духа, к высокой точке отсчёта. Это состояние достигается в труде через благое деяние, что находит отражение в фольклоре. Не важно, чем занимается человек, но это дело должно быть любимым, приносящим удовлетворение, ра-дость и, в конечном итоге состояние счастья, самостоятельности и свободы. "Бадзым ки - ужась ки, тыршись адями", - говорят в народе, что означает "большие руки - трудолюбивые руки, старательный человек". "Ужаны поти - бурдъяськи" - гласит народная молва, то есть "работать начал - словно окры-лился". Большие, массивные руки, похожие на крылья руки антропоморфных и ко- нечности зооморфных образов отражают с образно - стилистическое решение, а также символизируют: трудолюбие, старательность, стремле-ние через труд возвыситься, взлететь над обыденностью. Самые важные накопленные ценности сохраняются в веках и эстетические идеалы не утратили своей значительности и в современном осмыслении. Напри-мер, слово шудон - игрушка, имеет корень шуд, что означает счастье. Несмотря на своё, как считают лингвисты, индоиранское происхождение, это слово при-жилось в народе и показывает, какое значение придавали древляне игре, игруш-ке в жизни детей и взрослых: игра - счастье, играющий ребёнок - счастливое дитя, значит, счастью можно научиться играя. В основе любого народного промысла лежит определённая формула ремесла. Промысел - значит промыслить, продумать. Здесь заложен определённый алго-ритм, раскрывающий путь создания пластической формы и её украшения, - это позволяет ребёнку в кратчайшие сроки овладеть определёнными навыками и умениями и получить конкретный результат - успех, который можно наглядно продемонстрировать друзьям, родителям. Успех, пусть маленький, но ежеднев-ный, что даёт в конечном счёте ребёнку уверенность в своих силах и приводит к творческим достижениям. В современной школе слишком много места уделяется теоретическим дисциплинам, тогда как в реальной жизни призывают к созданию материальных ценностей, что является основой благосостояния общества. Думается что современный образовательный процесс находится ещё на пороге использования всех тех возможностей и благодатных преимуществ, которые использовались нашими далёкими предками в деле развития воспитания подрастающего поколения. И один из древних и возможно самых первых традиционных методов является керамика или лепка из глины. Творческая мастерская "МУ-ГУР" (мелодия земли) - это своеобразная эт- норегиональная школа керамики. С целью развития и внедрения методики пре- подавания керамики в школе и в детских садах ежегодно в Институте усовер- шенствования учителей Удмуртской Республики проводятся семинары, мастер-классы, курсы для учителей изобразительного искусства и воспитателей детс-ких садов. В летнее время творчески одарённые дети знакомятся в лагере "Шун-дыкар" (Город Солнца) с традиционной глиняной игрушкой и за 10-12 дней ов-ладевают технологией изготовления игрушки, достигают интересных творчес-ких результатов: создают новые образы, сочиняют сказания и легенды. 1 Г.УШАКОВ, профессор. Лушказ-а Макар такаез? Республикаысьтымы тодмо литературовед но критик Александр Шкляев вить ар талэсь азьло "Ӵашъем нимъёс" книга поттӥз. Со быдэсак сӥземын 20-50-тӥ аръёсы репрессия улэ шедем писательёслы. Отчы пыртэмын куамынлэсь трос сыӵе писательёслэн кылбуръёссы, веросъёссы, пьесаоссы, статьяоссы. Мар веранэз, туж тунсыко но кулэ книга. Со асьмелы умой возьматэ, удмурт литературалэн узыр шыкысъёсыз быдэсак но вӧлак усьтымтэ на шуыса. Книгае пыртэм куд-ог писательёслэсь нимъёссэс тросэзлэн лыдӟисьёслэн кылэмзы ик ӧй вал, дыр. Таин валче тодам лыктэ Глазовысь педучилищеын дышетскеме. Весь паймисько вал асьме литературамылэн начар луэмезлы, уката но бадӟым жанръем произведениос пумысен. Угось, Петр Блиновлэсь "Улэм потэ" романзэ сяна, мукетъёссэ поттылӥсь ик ӧй вал. Озьы тӥни, удмурт литератураез мон 50-тӥ аръёсы одӥг роман вылын гинэ дышетӥ. Нош учконо ке, макем узыр вылэм литературамы. Тае ик выльысь пусъе на "Ӵашъем нимъёс" книга но. Тросэз отысь произведениос тунсыкоесь, мур малпаськытӥсесь. Вакчияк эскереме потэ соос пӧлысь одӥгзэ гинэ - Иван Михеевлэсь "Эн лушка" пьесазэ. Та произведение рос-прос эскремын Сергей Васильевлэн но Виктор Шибановлэн "Под тенью Зэрпала" (1 том) книгаязы, кудӥз потӥз 1997-тӥ арын. Соос та произведение шоры литературовед синмын учко, сое удмурт калыклэн йылолъёсыныз, улон но инмар шоры кызьы учкеменыз, мифологиен герӟало. Нош мынам, оггшоры лыдӟисьлэн но дышетӥсьлэн синмыныз учкыса, пуштроссэ чакламе потэ. Малызэ валэкто: солэн пуштросэз туж ик огшоры ӧвӧл. Солэн быдӟалаез куинь но ӝыны бам гинэ, нош лыдӟоно ке, олокыӵе но малпанъёс кылдо. Талы луыса ик, сое шор ёзо школалы удмурт литературая выль программае пыртыны чакламын вал. Солы тупатыса ик, учебникъёсты но выльдоно луэ. Милемлы Виктор Шибановен 6-тӥ класслы учебник-хрестоматиез оскизы. Программае пыртэмын бере, "Эн лушка" пьеса но татчы сюриз. Рукописьмес рецензентлы сётыны косӥзы. Собере куинь кузя кенешыны люкаськимы. Рецензент юанъёсты но ужъёсты нимысьтыз чаклам. Та пьесая таӵе юан пуктэмын вал: "Чаклалэ но вералэ, лушказ-а Макар Семонлэсь таказэ?" - Ма, мар, пе, та юан луоз? - паймиз рецензентмы. - Лушказ, пе, шуозы но тӥни. Ми Виктор Шибановен одӥг ымысь пумитаз вазимы: - Быдэс произведениысь котькуд кылзэ нимаз-нимаз эскерыса но уд вала, лушказ-а со, ӧз-а. Со зэмзэ но озьы. Пьесалэн вакчияк путросэз таӵе. Семонлэн такаез ышем. Нош Макар ӵапак со вакыт ыжпи вандэм. Семон, такалэсь кузэ шедьтыса, аслэсьтыз пудозэ тодмась кариське: пусэз, пе, тупа. Макарез жуго, приговор гожтыса, гуртысь улляны ӵекто. Собере асьсэос ик солэсь нылпиоссэ жаляло но гуртэ кельто. Нырысь-валысь учконо ке, ваньмыз туж огшоры кадь. Нош мургес сэрттоно-пертчоно ке, талэн мур философиез вань. История но, литература но, туала пересьёс но возьмато, удмурт калыклэн лушкаськон сямыз вылэм. Куд-ог учыръёс йылоллы пӧрмиллям. Шуом, лушкаса кышнояськон. Таӵе лушкаськемез нокин но уг курла вылэм. Собере со зэмос лушкаськон но вылымтэ, со шудонлы пӧрмем. Пиналъёсыз туж ик уг тышкасько вылэм бакчаысь кияр, улмо, лушкамзы понна, медам гинэ изъянтэ. Таӵе сям мон пинал дыръя но вал ай. Али но син азям одӥг учыр. Колхозысьтымы тӧролэн, Ефим агайлэн ӝыны бакча сяртчыез киземын вал. Милям сое утчаммы потӥз. Нуназе куазен бакчаяз пырим но ваньмы быдэн кӧня ке сяртчызэ ишкалтӥмы. Со нунал ми трос кузя бусые валъёсын кыед поттаськомы вал. Нуназеян вакыт, валъёсмес конюшняын шутэтскытӥськомы. Асьмеос лушкам сяртчымес йырйиськомы. Ӵапак дорамы Ефим агай вуиз. Сое но утялтӥмы. Пумит ӧз лу, сиыны кутскиз. Одӥгез, ми пӧлысь самой шумпричез, шуэ: - Си, си, Ефим агай, аслад кадь мед потоз. Соку гинэ соиз валатскиз. Кышкамы вал ини, сюроз шуыса. Ӧз, ӧз сюры. - Вот та йырвандӥсьёс! - шуиз но берытскыса кошкиз. Нош зэмос лушкаськонэз удмуртъёс ноку уг ушъяло вылэм. Тае ик возьматэ Иван Михеевлэн пьесаез но. Асьмеды социалистической реализмысь литература дышетӥз ини вань калыкез узыръёслы но начаръёслы гинэ люкыны. Нош улонын сокем ик огшоры вылымтэ. Макарез но узыръёс но, начаръёс но жуго. Автор гурт калыкез тазьы висъяны но уг тыршы. Озьыен, удмуртъёс зэмос лушкаськисьёсты адӟонтэм каро вылэм. Озьы ке но, лушкаськон сямлы пум поныны быгатӥллямтэ. Пьесаын таиз но яркыт возьматэмын: люкаськемъёс пӧлын Макарлы куд-огез дурбасьтэ. Собере Макар ачиз мытылэ. Старостаез со кышкатэ, урядниклы чагисько шуыса. Со чутрак пумит луэ кӧс пуппы вамен нянь сиыны. Озьыен, Макар оло лушказ но такаез, но бадӟым сьӧлыкен сое уг лыдъя со. Макар уката но кышказ, сое гуртысь уллялозы шуыса. Та умой возьматэ удмуртъёслэсь огазьын улон сямзэс. Пьесалэн пумаз но мур философиез вань: Макарез жуго, но гуртысь уг улляло. Озьы бере, удмуртъёс азьланяз но лушкаськисьёсты адӟонтэм карозы, нош та урод сям матысь дыре уз быры: Макар угось пӧлазы кылиз. Та пичи гинэ пьесая умой валано, просветитель Иван Михеев огдыре социолог но, философ но, педагог но, писатель но вылэм шуыса. Озьы ке но, таӵе мур пуштросъем произведение учебник-хрестоматие ӧз сюры. Мугез одӥг: чеберлыкез ласянь пьеса туж ик ушъямон ӧвӧл, уката ик Игнатий Гавриловлэн программае пыртэм "Кезьыт ошмесыныз" ӵошатоно ке. Произведениез курланы понна озьы уг вераськы - учебникъёс азьын нимысьтыз куронъёс сыло. Соин ик сюлэммы вӧсь луысагес, ми сое Виктор Шибановен палэнтӥм, та произведение туж тунсыко шуыса оскиськом ке но. 2 Герман Алексеевич Ходыревлэн архиваз трос гинэ гожъямъёсыз кыллё. Соос лыдӟись доры (улон таӵе шуг луэмен) туж секытэн вуо. Мукет удмурт газет-журналъёс сямен ик, "Вордскем кыл" но быгатэмъяз тодмо писательлэсь, журналистлэсь ужъёссэ калык доры вуттыны тырше. Туннэ ӵектоноез - со Трофим Борисовлэн сузэрез Анна Кузьмовна сярысь гожъямъёсыз. Анна Кузьмовна Герман Ходыревез ас вакытаз дышетэм. Туж шуныт мылкыдын гожтэ со сярысь Герман Алексеевич. Озьыен, Трофим Борисов кадь тодмо муртъёсмылэн сузэр-вынъёссы но зарниесь вылӥллям соос но, удмурт калык, солэн нылпиосыз сярысь нуналмысь сюлмаськиллям. Сыӵеосты вунэтыны уг яра. "МЫНАМ НО ВЫЖЫОСЫ КЫЛЁ УК" (Анна Кузьмовна Борисова - сярысь тодэ ваёнъёс) Классамы пыриз огшоры мугоро, вылаз гожмо дэремен дышетӥсь, дэрем вылаз керттэм кофта. Векчи бирдыосын бирдыямын. Йырсиез лач-лач сынамын. Куараез зӥбыт. Ми шоры учкиз но лачмыт шуиз : - Мынам нимы-тулы Анна Кузьмовна Борисова. Мон тӥледыз химилы дышето, - кин тодэ, со озьы ӧй но верасал, дыр, но классамы, мон сянаез, мукет выль лыктэм дышетскисьёс вал на. Тӥни озьы 1947 арын октябрь толэзьысен (соку толэзь нимъёсыз удмурт сямен верась ӧй вал) 1948 арын июнёзь со милемыз химилы дышетӥз. Классамы сокем ик лякыттэмъёсыз ымгай ӧй вал ке но, вал ик. Азь парта сьӧрын пукыны ӝими Охотничий нимо пор починкаысь пор пиен Толя Шамеевен. Умой но лякыт пияш вал со. Мылкыдын но шырыт. Арня нуналъёсы со Алнаш базаре кут вузаны ветлылӥз ке, бертыкуз одно ик мон доры кожылӥз. Ӵужанае но мамае сое пӧсь чаен куно карылӥзы, пыжиськемен утялтылӥзы. - Кинъёс бен дышето ай тӥледыз? - ӵужанай юалляськылоз вал мынэсьтым но, Толялэсь но. Ми нимаз-нимаз предметъёсын дышетӥсьмылэсь нимтулъёссэс вераськом ке, ӵужанай тодмоесь ӧвӧл кадь, шуэ. Анна Кузьмовна Борисоваез верамы но, ӵужанай соку ик юаз: со, пе, Кизекгурт ныл ӧвӧл-а? - Ум тодӥське, - нёртӥмы ми Толяен. Вуж Утчанын улэ ук со . . . Но мамае соку вераз: со, пе, Трофим Кузьмич Борисовлэн сузэрез. Нош милемлы мар? Котькинлэн мед луоз! Анна Кузьмовналэн малы ке мон сярысь рос-прос тодэмез потӥз. Куддыръя юаны ик дасяськемын кадь ини - пиналъёс классэ тур-пар пыро ке, кытын вераськод-кенешод на? Но вераськыны вис сюрылӥз ик. Коридорысен. Анай-атайме юакуз, мон солы верай: мынам анае Алнашысь Батуева Анастасия Васильевна, нош атае Ходырев Алексей Александрович. Алнаш ёрос исполкомын секретарь луыса ужамын. Собере со начальной школаослы дышетӥсьёсты дасянъя кызь нуналъем курсъёсын дышетске но, сое Ильинск начальной школае лэзё. Собере со Кучыран, Ӵӧжйыл, Быдӟымсурд, Писэйгурт школаосын дышетӥз. - "Алнаш колхозник", "Удмурт коммуна" газетъёсы со статьяос ӵем гожъя вал, - шуиз Анна Кузьмовна. - Сойзэ уг тодӥськы, Анна Кузьмовна. Мон пичи вал. Анай тодэ, дыр, - вази мон солэн пумитаз. - Вообще-то милям выжыосмы Алнашысь Батуевъёсыз ӟеч тодӥзы. Тӥляд Батуев Григорий Ивановичты Кизекгуртысь аслыз кышно ваиз. Тодӥськод-а? - Уг, Анна Кузьмовна. - Анаедлэсь юаса утча. . . Классысьтымы куд-ог пиналъёслэн чик но уг поты вал химиен урокын пукемзы. Анна Кузьмовна угось огдышем сяменыз, дыртытэк валэктылӥз выль темаез. Куддыръя опытъёс но лэсьтылӥм. Кинлы кызьы, нош милемлы Толя Шамеевен солэн урокъёсыз кельшылӥзы. Учебникысь выль материалэз веракуз, дышетӥсь сое улонысь кыӵе ке учырен герӟалляз. Соку милемлы уката но валамон йӧтылӥз солэн выль урокез . . . Миша Цыпленков, чидасьтэм, лякыттэм пияш, юан сётэ Анна Кузьмовналы: - Анна Кузьмовна, туннэ опыт лэсьтомы-а? Шуом, водородэз . . . ӝуатыса. Солэн гуртысьтыз ик ӵош дышетскись кык нылъёслэн серемзы пуштэ но, ой коткето ук! Мишалы шулдыр: ӵукна ик быгатӥз эшъёсызлэсь мылкыдзэс лӧпкытыны. Но тани серекъян-пызекъян куара чалмиз. Анна Кузьмовна чидаса витиз, ку чалмозы нылъёс. Тани классын шыпыт луиз. Азьвыл ортчем темаез со юаз Изместьевалэсь, Шамеевлэсь, мынэсьтым. Ми дышетӥсьлы лад-лад валэктӥмы. Милемлы куиньнамылы ик Анна Кузьмовна "отлично" отметка пуктӥз. Дышетӥсьмы нош ик класс шоры учкиз но выль урокез валэктыны ӝутӥськиз. - Туннэ, - шуиз со, - асьмеос вераськон нуомы ангидрид но мукет химической веществоос сярысь. . . Тазьы чаклано ке, котькин тон мед луод, огшоры химиез одно ик тодыны кулэ. Сотэк дуннелэсь кызьы бергамзэ валаны туж шуг потоз. Химической элементъёсын асьмеос нуналлы быдэ пумиськиськом. Соин ик соосты котыр ласянь тодыны кулэ, - шуэ Анна Кузьмовна. . . Уроклэсь кызьы ортчемзэ ик шӧдыны ӧйлась. Нош милям Толя Шамеевен юанъёсмы уно кылдылӥзы. Тани, шуом, йӧл чырса, шуныт йӧтэмен. Озьыен, отын но химической веществоос кылдо. Нош нянь пурысьта, кемагес шуныт азьын улыса. Мынам аслам 1947 арын апреле пурысьтам сукыриез быдэс толэзь ӵоже сиеме вань. Соку мон йылпумъяй Писэйгурт школаысь куатетӥ классэз. Май толэзёзь со сукыриез кызьы но озьы тырмытӥ ке, малпасько, музъем шуназ ке, бусыысь октытэк кылем но крахмал луэм картофкаез бичаны ветло. Пуж-пуж вуын мисько, гылто но эстэм корт гур борды лякылыса пыжо - нош ик пичи ке но кӧттыр. . . Нош 1946 арын март толэзе Захар Иванъёс дорысь улон интымес воштӥмы - Писэйгуртысь Выллапал урамысь огназ улӥсь пересь кышномурт доры выжимы. Толбыт пулы ёрмыса улӥмы. Атае чиптэм-чаптэм ышиз-быриз. Пенсия ум басьтӥське. Туннэ ке но кытын быремез сярысь иворыз ӧвӧл. Мама школаысь классъёсты утялтылэ. Отысь но мозмытӥзы, адямимы, пе, тырмыт. Колхоз складын кладовщикын ужаз Уллапал урамысь Волкова Анна. Со анайме ю шертыны ӧтиз. . . 1946 арын но 1947 арын март толэзёзь улонмы чидантэм секыт луиз. Гужем пу ласянь ке каньыл вал, нош сӥзьыл пал нош ик улон интымес воштӥмы. Печег агай доры мынӥмы. Одӥг коркан - кык семья. Тол азьын скалмес возьыны некытын. Кезьыт гидын улыса-возьыса, скалмы висьыны усиз, вандоно луимы. Декабрь толэзе вал со. . . Мар быдӟа изъян но кайгу усиз ми вылэ. Мама уг ужа, милемлы сузэреным дышетскыны кулэ. Нош школае мынэмлэсь азьло кӧттыр кулэ ук. Мама гуртъёсы потэ но, кинлэсь ке тодмо адямиослэсь пызь яке картофка вае. Кема-а озьы улод но чидалод!.. Март толэзёзь кызы ке векамы. Тӥрлыкъёсмес но котыръёсмес Лелёк апай доры кельтыса, Выль Алнашысь Матрон ӵужапай доры улыны кошкимы. Роза сузэре начальное мынӥз, мон - Алнаш школаысь куатетӥ классэ. . . Татын но бадӟым сюлмаськон но могӟет кылдӥз: Писэйгурт школаын нокыӵе но мукет кун кыл ӧй вал ке, Алнаш школаын кемалась немец кыллы дышетӥзы. Писэйгурт школаын малы ӧй вал мукет кун кыллы дышетон? Дышетӥсь ӧвӧлэн, тырмымтэен, шуылӥзы. . . Алнаш школаысь куатетӥ классысь мынам выль эшъёсы немец кылын шатыр верасько, уроксэс верало, нош мон долкам кадь пукисько. . . - Немец кылэз дышетӥд-а? - юаз дышетӥсь ӟуч кылын. - Витетӥын но, куатетӥын но ӧй . . . - Соку кызьы дышетскод? Дышетскон ар бырытозь, ньыль толэзь кылиз на. Сутод-а эшъёстэ? - Уг тодӥськы, - шуи мон солэн пумитаз. - Учебнике но ӧвӧл. . . - Утча, шедьты, дышетскемед потэ ке, - нош ик чутрак но зуркытак вераз немец кыллы дышетӥсь. . . . Мон мур кайгыронэ уси. Учебник ӧй шедьты. Шедьтысал ке но, мар пайдаез луысал, мон та мукет кун кылэз ноку но ӧй дышеты бере. . . Выль Алнаше бертӥ но мамаелы шуи: "Мама, мон берен Писэйгуртэ дышетскыны мыно. Татын немец кыллы дышето. Мон сое уг тодӥськы. . ." Сюлмаськонэ усизы мама но, ӵужапай но. Нош куазь шунтэ ни. Тани-тани тудву вырӟоз. Мукет амал ӧвӧл - Писэйгуртэ мыноно. Котомкае нянь сукыри, кӧня ке картош, пыжем сӥль тырыса, мама монэ келяса мынӥз. Огнаме лэзьыны ӧз дӥсьты. Кин тодэ, сюрес вылэ бырыны сюрод но тӥни. Собере утча на. . . Ву вырӟемын вал ини. Кызьы но озьы котмыса вуимы Писэйгуртэ. Ӵуказеяз ӵукна школае мынӥ. Дышетсконме азьланьтӥ. Классам берен вуэмелы пиналъёс шумпотӥзы. Мынам уго ӟеч мылкыдо эшъёсы но вал. Соос туж жалязы кошкемысьтым. Но шудэ вань на вылэм. Директор но, дышетӥсьёс но оломар ӧз юалляське, малы ке шуоно, мон татын умой дышетски. Быгатэмелы оскизы. Тулыс куатетӥ класс понна экзаменъёсме усто сётӥ но . . . та школаысь воксёлы кошки. Тӥни пурисьтам нянь сярысь кылпум поттэме кудбыдӟа вераськон аратӥз. Анна Кузьмовналэн уроказ со пурисьтам нянез сиеме нош ик тодам лыктӥз. Нянь сукыри шуныт азьын нырысь ик вылласянь пурисьта вылэм. Собере со пурисьтам няньлэн пушказ выжы лэзе. Нянь шумесын но чырс нянез суралто ук! Сотэк тыро-пыдо нянь сукыри уз поты. . . Соин ик шӧм пырем, чырсам сиёнэз сиыны уг лэзё вал - кӧт пушкыд висёз, шуылӥз мынам мамае. Мон Анна Кузьмовналы асэным луэм учырез верай. 1946 арын, сӥзьыл куазь вазь вуэмен но зорыса улэмен, аратэк-октытэк бусые кылизы трос чабей, сезьы, картошка. 1947 арын тулыс Писэйгуртысь медпунктлэн ӧс бордаз, озьы ик сельсоветын но, кыказ контораын печатласа поттэм плакатъёс лякылэмын вал. Отын бусые утялтытэк кылем сезьы, ӟег, чабей шепъёсыз бичаны но сиыны уг яра шуэмын вал. Солэсь, пе, септической ангина азэ но адями висьыса кулэ. Монэ мамае Писэйгуртэ Выль Алнашысь чакланы лыктӥз но, ми соин, мешок кутыса, Тэкит пукон сьӧрысь Горской бусые мынӥмы. Быдэс мешок тыр люкаськизы чабей шепъёс. Со мешокез ныпъетэ пуктыса мама ваиз. Бусы сюрестӥ ӧм бертэ. Нюлэс кузя гуртэ васькимы. Милям шудамы чургуби будэм-алям интыез шедьтӥмы. Быдэс айшет тыр доре ваимы выль тулыс губиез - чургубиез. Лелёк апай сомында губиен шыд пӧзьтӥз учог йылысь пуртыын. Кӧт тыремез ик валаны ӧйлась. . . Веранме азьланьтӥсько Анна Кузьмовналы. . . Со бичам шепъёсыз гидкуазе паськыт ын вылэ мама кисьтӥз. Шунды шорын куасьтӥз. Со шепъёс пӧлын уданы кутскемъёсыз но вал ини. Куасьмем шепъёсыз куадаса, тӧлыса, милям тысьмы ӝыны мешок мында люкаськиз. Лелёк апайёслэн асьсэлэн кикӧкызы вал. Со вӧлдэм ын вылын ик, ки кӧкыез бергатыса, кеньыр поттӥмы. Мон бергатӥсько, нош мама, бӧрнёысь кӧ шоры виясь юэз сямен, кисьтэ куасьтэм тысез. . . Кеньырез сэрго-сэрго корт вылын куасьтӥм но жуг-жаглэсь рос-прос тӧлӥмы на. Собере мама ӝук пӧзьтӥз. Лелёк апайлэн пиналъёсыз кытысь ке вӧй но шедьтӥзы. Ваньмы ик мыло-кыдо тыримы сюмам кӧтмес. Тау бадӟым инмарлы, нокыӵе но септической ангина висён-чер ми борды ӧз лякиськы, ӧз тэбиньы, ӧз азы. - Озьыен, - шуиз Анна Кузьмовна, - мамаед чылк-чылк миськиз, ӟеч-ӟеч куасьтӥз но, со тысьёсысь алама химической элементъёсыз толӟизы. . . Со аре ик ноябрь толэзе милемлы райсобесысь перевод - кема возьмам пенсимы вуиз. Сое ми вить ар возьмамы. Вить ар ӵоже кызьы быгатӥм, озьы улӥм. Атаелэсь кулэ луымтэ книгаоссэ Алнаш базаре нуыса вузай. Нош книгалэн дуныз дас, вить, кызь манет. Туж жаль вал атаелэсь книгаоссэ вузаны, нош мар карод? Со книгаосыз уд возьы ук. Милемлы кулэ луозы-а соос, соиз сярысь но азьло ик малпаны-тодыны шуг вал на . . . Али мон шонерак вераны уг быгатӥськы, кӧня манет пенсия вуиз милемлы? Но уг ке янгышаськы, кӧня ке манеттэк кык сюрс манет басьтӥмы кадь малпасько. Ӵапак та ӟеч шумпотон вуиз 1947 арын декабрь толэзе уксёлы реформа ортчон азьын. Почталэн начальникез, сэзь но шаплы нылмурт, мыным маке мында уксё сётӥз. Мон атаелэн пиджакеныз. . . кык пуш кисыосаз уксёме кысык тыри но венен тэчи - медаз уселэ. . . Но тани нырысетӥез урок ортчиз но, монэ коридоре потыны куризы. Потӥ но - отын монэ мамае возьма вылэм. Ӵужапай сое мыныны косэм но уксёме басьтыны курем. Кин тодэ, шаплы пиналъёс мынэсьтым трос уксёме шӧдозы-тодозы но талалозы. Мон кык пуш кисыысьтым кагаз уксёме поттай но мамалы мычи. Со туж кысык пичи кышетэ понӥз но керттылыса сумкаяз интыяз. Со вакыт, выль уроке ӧтьыса, гырлы жингыртӥз. Анна Кузьмовна мукет классэ химиен урокез нуыны мынэ вал. Монэ мамаеным вылэмме адӟиз но солы нимыныз Настя шуыса вазиз: - Тон-а со? - Мон, - шуиз мамае. - Учкали, Анна вылэм ук та! Кӧня ӧм адӟиське ни. Тон сыӵе ик тузӥ, йӧно, чылкак воштӥськымтэед, Анна! - Ой, эн но вера, Настя. Мынам ведь картэ туберкулёзэн висьыса кулӥз. Пиеным ӵошен гыж но кал улӥськом. Начальнойын гинэ дышетске ай. Пидэ тани дышетӥсько. Пиед визьмо будэ. Азьлань дышетскыны лэзь, улонмы секыт ке но, мон ведь оломае но улэм-адӟем-чидам адями, улӥсько. Кытчы кариськод? - Ӟеч мед улод, Анна Кузьмовна. Мон но тани вань даурам пиналъёсме пыд йылазы ӝутыны вырисько. Ӧйтӧд, ӟечсэс адӟыса вутто-а, уг-а?.. - Я, Настя, мон уроке мынӥсько. Татчы вуылыкуд, мон доры пыратэк эн кошкы. Чай юом, ортчем пинал дауръёсмес тодамы ваёмы. . . - Ой, туж тау ни, Анна Кузьмовна, сыӵе шырыт мылкыдыныд дорад пыраны ӧтемед понна. Мынам аслам но сюлэмы тонэ адӟыса шуназ кадь. Ачид но таза ул, ӟеч ул. Пиме одӥг-ог чакла. Кызьы мон тодӥсько, Анна Кузьмовна кузь но сьӧд пальто нуллӥз, йыраз зӧк ыж гон кышет. Сумкаез солэн кык кало вал. Толалтэ гын сапег кутчаса ветлӥз, нош сӥзьыл- тулыс ӝужыт беро катаен, гужем нош - пыдаз лапег беро туфли. . . Мынам туж ӟеч мылкыдын вераме потэ мукетъёсыз дышетӥсьёсмы сярысь но. Соос но чылкыт дӥсяськыса ветлӥзы: Раиса Игнатьевна Горелова но Михаил Петрович Харисов, Валентина Ивановна Сковородникова, Михаил Иванович Конышев но Римма Михайловна Смолина, Михаил Анисимович Анисимов, Анна Кузьмовна Борисова. Милемлы, дышетскись пиналъёслы, дышетӥсьмылэн сыӵе чылкыт но учкымон дӥсяськыса ветлэмзы, чынзэ но, адӟем карымон вал. . . Вуж Утчанын дышетскон арам мон эшъяськи Сюрло пиен Евсей Алашеевен. 1947 арын гужем "Алнаш колхозник" газетэз учкыкум-лыдӟыкум (ӵужапай та газетлы гожтӥськем вылэм) мынам син шорам йӧтӥз Е.Алашеев нимтул. Школае мынӥ но - мон сое отысь пумитай. - Вай, тон но гожъя, - шуиз со мыным. - Тани школаямы ик кӧня выль но ӟеч иворъёс вань. Классэд, эшъёсыд, кыӵе общественной уж нуэмед, учкомлэн заседаниосыз сярысь кут но гожты. "Алнаш колхозникын" Семен Тарасович Шихарев ужа. Туж умой адями! Асьмеос куке но ӵошен Алнаше ветлом, редакцие но пыралом, соин тодматском. Со фронтэ ветлэмын. Кылбуръёс но очеркъёс, статьяос гожъя. . . Озьы тӥни мынам но мылкыды ӝутӥськиз районной газетэ гожъяны. 1948 арын 1 январе потэм номераз газет печатлаз мынэсьтым "Милям ёлкамы луоз" куинь предложениен заметкаме. Мар быдӟа шумпотон вал со мыным! Анна Кузьмовна мынэсьтым районной газетэ печатлам пичиесь заметкаосме адӟытэк гинэ ӧвӧл, лыдӟытэк но кыльымтэ. Огпол со мыным огнамлы тазьы шуиз: "Тынад гожъяськыны быгатэмед шӧдӥське. Тросгес лыдӟиськыны тыршы". Уно аръёс ортчыса, мыным тодмо луиз Т.К.Борисовлэн нимтулыз. Мон соку валай: Анна Кузьмовна - солэн родной сузэрез. Но огез туж жаль: мон солэн ымысьтыз огпол но ӧй кылы родной агаез сярысь мар ке но верамзэ. Со вакыт солэсь нимзэ, вераны гинэ ӧвӧл, поттылыны но лэземын ӧй вал. . . Таӵе ик югдуре сюремын вал Можга педучилищеысь дышетӥсе Екатерина Алексеевна Коновалова. Удмурт литературая урокъёсын со вералляз: "Улэм потэ" - нырысетӥез удмурт роман". Но ведь Анна Кузьмовналэн кияз ялан улӥз Трофим Кузьмичлэн "Удмурт кыллюкам" основной словарез, нош озьы ик "Песни южных удмуртов" книгаез. Калмык шаерлы сӥзем брошюраез. Мукет книгаосыз но вал, дыр. Можга педучилищеез, Удмурт институтэз быдтыса, журналистской но литературной ужъёсы выжыса, мынам туж потэ вал Анна Кузьмовнаен пумиськеме-адӟиськеме. Нош пумиськыны таки ӧз кылды. Солэн Володя пиез, Москваысь физико-технической институтэз быдтыса, отчы ик ужаны кылиз. Берло ни Анна Кузьмовна Москва областьысь Жуковский городын улӥсь но ужась пиез доры пыраклы улыны кошкиз но отын ик пересьмыса кулӥз. Вуж Утчан школаын туж кемалась дышетскем аръёсме тодам ваисько ке, со вакытысь дышетӥсьме син азям пуктӥсько. Мынам йырвизьмам мар ӟечез но вунонтэмез кылиз, Анна Кузьмовна Борисоваез малпаса? Солэн сямаз вал туж вылӥ дунъяны луонтэм - ужась адямиез гажан но сӥлы карон. Ведь та ӟеч сямъёс пото ачиз адями бордысь. Али зӥбыт музъем вылэ пеймыт ӝомал лэзиськиз. Адями лек, лекъяськись, уродъяськись луиз. Лякыт сям но зӥбытлык пыд улэ лёгамын. . . Сыӵеосыз адӟонтэм но синазькыль карылӥз Анна Кузьмовна. Ми школаын дышетскон вакытэ но урод сямо пиналъёс вал. Сыӵеослы дышетӥсе зӥбытак вералляз: "Тон али эшъёсыдлы, улонлы, котыр дуннелы таӵе лек луид ке, тонэ азьпал улонэд одно ик визьмалоз, зуркатоз, астэ ик шуге-леке вуттоз". Уно аръёс ортчыса, мынам дышетӥселэн соку верамъёсыз зэмазы. Али тодам ваисько ке ас аръёсме, монэн ӵош дышетскем эшъёсы пӧлысь куд-огез, асьсэ акырӟанзэс вормытэк, кемалась ини сопал дуннее кошкемын, нош лякыт сямо зӥбыт луысалзы ке, али но калык радын ветлысалзы, ужасалзы ке, улон но чебер йӧтысал. Жаль, соос улонлэсь та тодметъёссэ валаны ӧз тырше, кулэ но ӧз каре. . . Анна Кузьмовна Борисова вань улонзэ дышетонлы сӥзиз. Солэн дышетэм пиосыз но нылъёсыз ӟеч мылкыдын тодазы ваё дышетӥсьсэс. Солэн улон сюресэз милям сюлмысьтымы ноку но уз вуны. Но та гожтэме вӧзы ватсаме потэ тани мае. Дас одӥг ар талэсь азьло "Алнаш колхозник" газетлэн 29 мартэ потэм номерысьтыз мон пумитай "Вордскем шаере сярысь малпаса" заметкаез но со борды итэм "Улон" кылбурез. Улӥяз гожтэмын А.Борисова. Мон со гожтэтэз быдэсак татчы пыртоно кариськи: "Кемалась ик ӧвӧл, редакциямы кылбурзэ ыстӥз Анна Кузьмовна (школаын дышетскон аръёсам дышетӥсьёс но, пиналъёс но сое Анна Кузьмовна гинэ шуо вал - Г.Х.) Борисова. Со вордӥськемын Удмурт Кизек гуртын. Али улэ Москва областьысь Жуковский городын. Анна Кузьмовналэн вань кӧня ке кылбуръёсыз. Печатлаське вылэм со "Гудыри" газетын но. Кылбуран манерез солэн Ашальчи Окилэн творчествоезлы матын. Малыез валамон но. Анна Кузьмовна Борисова угось Карлыганын но Казаньысь университетын Лина Григорьевна Векшинаен ӵош дышетскем. Люконтэм эшъёс вылӥллям соос. Собере, диплом басьтыса, Анна Кузьмовна дышетӥсь луэм но Можга селоын, Грах райцентрын, Асан зоотехникумын, Варзи-Ятчиын, Бемыжын, Вуж Утчанын пиналъёсыз биологилы но химилы дышетэм. Али со но пенсиын ини. Ашальчи Окилэн "Тон юад мынэсьтым" сборниказ куд-ог фотоснимокъёс печатламын (одӥгез ӵектӥське журналэз лыдӟисьлы но - А.П.):снимокысь паллян паласез Анна Кузьмовна Борисова. Сётӥськом А.К.Борисовалэсь кылбурзэ. Печатланы сое дасяз Иосиф Иванов. УЛОН Визыл Туймы дурын сылэ шашы, Ма малпаса меда сылэ сьӧд йыр? Сӥзьыл куазен кынме ке но чутрак, Везэг мугоръёсыз чигиськылэ. Нош ик йырсиосыз пазьгиськылэ. Эн куректы, шашы, выжыосыд кылё. Со ярдурын ик вож льӧмпу сылэ, Льӧмез сьӧд-сьӧд, сяськаосыз тӧлӟем. Нош со югыт-тӧдьы сяськаослэн Усемъёссы потэ-а вал меда? Мынам но йырсие ук юг-тӧдьы, Сюлмам мертче ӵук уӵылэн гурез. Нош та мынам дуно даурелэн, Ортчемъёсыз потэ-а вал меда? Котьма ке но, улон ӧй вал тырттэм, Ортчиз ке но ни дауре мынам, Уг куректы, уг бӧрды мон лушкем - Мынам но ук выжыосы кылё! Ӵапак кык ар талэсь азьло гожтэм ужелы кыӵе кулэ но ӟеч ватсан-итэт сюриз на. Мон сое "Дась лу!" газетын ужан аръёсам аслым кельтӥськем. Кулэ луоз ай шуыса малпай, дыр. Туж шонер лэсьтӥськем. Табере мынам тодэ ваемелы туж умой тодмет луиз та. Озьыен, Анна Кузьмовна, монэ дышетыкуз, творческой ужен выремелы юнме ӧз шумпоты. Со ачиз но, кызьы валамы, "Гудыри" газетын печатласькылэм. "Улон" кылбурезлэн пум чурез кужмо, зол верамын: "Мынам но ук выжыосы кылё!" Туж шонер верамед, гажано Анна Кузьмовна! Пинал дыръям монэ ӟеч кылын бурдъямды вань улытозям сюлэмам. Мон улонме сӥзи журналистикалы (нимысьтыз факультетэз ӧй ке но быдты, дышетскеме ке но ӧвӧл) но литературалы. Вань улонэ ортчиз, нылпи газетын но журналын ужаса. Бадӟым арлыдам вуыса, пиналъёслы пьесаос но гожъяны мылкыды ӝутӥськиз. Та выль сюрес вылын но мар ке но шӧдскымонзэ лэсьтэме потэ на. . . Тынад выжыосыд кылемын, Анна Кузьмовна! Соос ноку но уз быре. Соос пӧлысь одӥг пичиез выжыед - мон! 20.02.94 ар. Редакцилэсь: стилез но пунктуациез кельтэмын авторлэн сямен ик. 1 Сямъёс но йылолъёс Чуракова Р.А., искусствовед Медаз вунэ вашкала традициос Пыжем-пӧзьтэм нянез кабыл мед басьтоз, Кизем юэд-нянед мед удалтоз. Инмарлы тау кариськом, нянь мед удалтоз! Таӵе куриськонэн-молитваен, умой нянь мед будоз шуыса, Инмарлы вазиське вал вӧсясь. Э, донӥёсы, донӥёсы, донӥёсы! Шуныт шундыя тӥ потоды, Позыр-позыр позыръяськыса потоды. Э, донӥёсы, донӥёсы, донӥёсы! Ӝужыт кызэ тӥ пуксёды, ой, донӥёсы, донӥёсы. Пужо кудыен ми тӥледыз, ой, октомы, донӥёсы, донӥёсы. Таиз - мушкыл (заговор). Сое верало вал муш вордӥськыку, кыдёке медаз лобы, дасям интые мед пуксёз шуыса. Чипсэлэ, чипсэлэ, чырткем сялаос. Чебер сялаос! Кар шулдырез дасямын. Лобӟелэ, лыктэлэ, вал си выэ пуктэмын. Озьы пӧйшурась дасям кыӵесаз сялаез ӧте. Таӵе кылъёсыз кылыса, асьмеос валаськом, вашкала дыръя адями инкуазьлэсь ассэ уг люкы вал, вераське вал соин, со пӧлын улӥсь пӧйшуръёсын, тылобурдоосын, нымы-кибыосын но мукет улэп лулъёсын. Та кырӟанъёс возисько на асьме вакытэ но. Котькудӥз со кырӟан туала адямилы валатон сётэ, цивилизация адямилэсь басьтэ тросгес, соин сэрен со инкуазьын ас интызэ ыштэ. Вашкала дыръя адями гажа вал инкуазез, инмар но инкуазь вал со понна маке одӥг. Адями кышка вал солэсь. Соин ик со вазиське вал Инмарлы но инкуазьлы юрттэт курыса. Гырыны потон азьын но кизем бере, ю октон азьын но со бере вӧся вал пудо-животэз но тылобурдоез. Ӟеч кар, Инмаре, вӧсям вӧсьмес кабыл кар, Няньёсыз удалтыт, шуныт зор сёт, Пудоосыз ӟеч возьма, Асьме семьялы тазалык сёт! Осто, Инмаре! Адями оске вал: Инмар сётоз шуныт но зор, пудолы но аслыз тазалык. Та вашкала сямъёс дыр ортчыса пӧрмизы ӝӧк сьӧрын пуконэн но кырӟанъёсын шулдыръяськонъёсы. Тросэз вашкала сямъёс вунэтыса ышемен, туала калык пӧлын кылемын вуж кырӟанъёс, кудъёссэ кырӟало вал. Со кырӟанъёс туала адямилы луо туж тунсыкоесь. Ваёбыж кытын быдэстэм пиоссэ? Куала сюрыяд, ӵын пушкын быдэстэм. Дядяй кытын быдэстэм пи нуныёссэ? Азвесь сюрыын, зарни кӧкыын. Анай кытын быдэстэм ныл нуныёссэ? Кызьпу сюрыын, бун кур кӧкыын. Кырӟанын верамын куала сярысь. Со инкуазь инмаръёслы (язычество) оскон вакытэ удмуртъёслэн вал святой интызы. Отын соос вӧсясько, курбон сёто вал. Куала шорын ик вал тылскем инты (очаг). Со вылэм ик вӧлдэт улын ваёбыж аслыз кар лэсьтэм. Озьы ик адямилэн но нылпиосыз будо кӧкыын, кудӥз ошемын вал сюрые. Соку ик пи пиналэз будэто вал азвесь сюрыё зарни кӧкыын, нош нылэз - кызьпу сюрыё нинпу кӧкыын. Вазь тулыс ик калык пӧлын кутско вал обрядовой традиционной шулдыръяськонъёс, кудъёсыз ортчыло вал одӥг дыре. Нырысез сыӵе шулдыръяськон - Акашка, уй пал удмуртъёс сое нимало Гырыны потон. Та шулдыръяськон дыръя быдэс гуртэн ӵошен йыбыртто Инмарлы, сиё вӧсям ӝук, вал вылын ворттыло но пичильтык гинэ музъемез гырыса сое кизё. Шулдыръяськонлэн шор люкетэз луэ валэз гажан. Валамон ини, трактор ӧй вал бере, валэн вашкала адями вань ужъёссэ быдэстэ вал: гыре но, кизе но, утялтэ но. Шулдыръяськон азьын валъёсыз умой сюдылӥзы но тунсыко чебермаллязы. Егит пиос ворттыло вал борӟемен, ас шаплызэс возьматыса. Та нуналэ валэз куноято вал: сюдо нянен, курег пузэн, куддыръя корка пушкы но пыртало. Вал сярысь кырӟало ворттылыку но, куно карыкузы но. Нош таяз кырӟаны верамын, кызьы сермет "жальыртэ", буртчин лентаос шыпырто. Куд-ог кырӟанъёсын верамын луэ монистаослэн ӵашетэмзы. Ар ӵоже но (й) возьмамы туннэ ныналэз, Ар ӵоже но (й) возьмамы туннэ ныналэз. Армись но лыктэм, ой, акашка, Армись но лыктэм акашка. Арен но палэн, ой, ми возьмам, Арен но палэн ми возьмам. Туннэлэсь ке кылиз ук, нош арлы кылёз ук, Туннэлэсь ке кылиз ук, нош арлы кылёз ук. Ар ӵоже но(й) сюдӥ ук сьӧд-тӧри ужпиме, Ар ӵоже но(й) сюдӥ ук сьӧд-тӧри ужпиме. Жильтыртоз ук, жильтыртоз вал йырад туй сермет, Жильтыртоз ук, жильтыртоз вал нырад туй сермет. Тур-тур гынэ туралоз ныл йырад буртчинь кышет, Тур-тур гынэ туралоз ныл йырад буртчинь кышет. Таӵе мылкыдын Акашка ортче Кизнер ёросысь Аравазь-Пельга гуртын. Корка пушкын но гидын чылкыт, ваньмыз дась куноосты пумитаны, валъёс "шудо" серметъёсын. Вуиз нунал, кудзэ кема возьмаз калык. Гидкуазьдэс вольыт, ой, ӵужелэ, Гидкуазьдэс вольыт ӵужелэ. Мед шудоз кык парен улошоед, Мед шудоз кык парен улошоед. Коркадэс чылкыт, ой, карелэ, Коркадэс чылкыт карелэ. Мед шудоз сурен, ой, аракы, Мед шудоз сурен аракы. Тыпыр но тапыр, ой, мар куара, Тыпыр но тапыр мар куара? Ялан но милям сермет куара, Ялан но милям сермет куара. Аспӧртэмлыко гурез та вашкала кырӟанъёслэн: возьконо но кунэрес сямо. Соос пӧрмемын 3 куараосын, ритмзэ но туала адямилы валаны шуг луэ. Уката но аспӧртэмлыко луо уй пал удмуртъёслэн кырӟанъёссы (жаляса верано луэ, али соос быро ини), кудъёсыз кылдэмын одӥг-кык кыллэсь. Соос луыны быгато: послелог, частица но союз. Соин ик валаны шуг, мар сярысь вераське со кырӟанын, кыӵе улонысь учырлы сӥземын. Кырӟан гур юрттэ вал валаны сям-йылолъёсслэсь пуштроссэс. Тулыс ужъёс быдэстэм бере ортче Гырон быдтон шулдыръяськон. Адями оске вал: ю- нянь сётэ инкуазь. Инмаръёсызлы вӧсяло ош, чуньы яке ыж но ӟазег. Арня ӵоже ортче вал шулдыръяськон. Соку кырӟало вал "вӧсь нерге гур". Варклет-Бодья гуртысь егит нылъёс но пиос ӝытъёсы арганэн урам кузя кырӟаса ветло вал, верало вал таӵе кылъёс: "Пыд ке уг тупа, кырӟаны но уг луы". Шулдыръяськонъёс ортчо вал уйбыт, ӵукнаозь, уӵы чирдыны ӧдъятозь. Со сярысь вера "гершыд нунал гур". Гужем ужъёс кутскон азьын (турнан дыр но ю кутсан) ортче вал Гербер, яке куарсур - гужем юон. Вашкала дыръя та вакытэ ортчыло вал сюанъёс. Лымшор палан улӥсь удмуртъёс шулдыръяськонлэн 2-тӥ нуналаз возьмато вал сюанлэсь ортчемзэ. Егит нылъёс 12-15 кузя люкаськыса мыно вал ӟег луд вылэ. Соос пӧлысь огез дӥсяське вал кен дӥсен, эшъёсыз солы кузьмало кышет яке лента. Луд шорын одно ик мед будоз вылэм бадӟым писпу: кыз, тыпы яке беризь. Со бадӟым писпу кузё, пе, луэ лудлы. Соин ик кырӟанъёсын сое нимало "кыз кудое", "тыпы кудое". Сьӧразы ваем сиён-юонэн (табань, курег пуз, пирог, курег пузэн пыжем табань, сюкась, чечы сюкась, мусур) егит нылъёс йыбыртто вал куриськонэн: "Милям та юэммы ӟег выжые мед мыноз, Тыр шепо но тыр тысё няньёссэ мед сётоз". Та кылъёсты вераса, ваем юонзэс ӧжытэн гинэ кисьтало вал ӟег выжые. Асьсэос но сиё-юо, кырӟало "Гужем юон гур", "Ӟег сюан гур", "Бусы сюан гур". Собере шулдыръяськон ӧръя: кырӟало, экто, шудо мылкыд каремзыя. Сӥзьыл бусы ужъёс бырем бере ортче Пӧртмаськон яке Пукро шулдыръяськон. Удмуртъёс христианствое выжемзы бере, та шулдыръяськонэз огазеязы геры Покров (нырысетӥ лымы усён) шулдыръяськонэн. Та шулдыръяськон кылем на Ува, Сюмси, Селты, Кизнер ёросъёсын. Егитъёс олокыӵе но дӥсяськыса (берыктэм шубаос, куролэсь кутэм изьыос но шляпаос, суэн бамзэс зыраса) ортчыло вал урам кузя, озьы ик коркась корка пыраса. Кесясько, экто, серекъяло, табае кокало, олокыӵе но сценкаос возьмато. Кин кызьы быгатэ, возьдаськытэк ортче шулдыръяськон. Таӵе шулдыръяськон- эрказъяськон, калыклэн малпамезъя, юрттэ вал ю-нянь будэтыны. Ува но Селты ёросъёсын та йылолэз ортчытонын кырӟало вал трос кырӟанъёс. Пӧртмаськисьёс (ряженые), коркась корка пыраса, олокыӵе но кырӟанъёс кырӟало (армие мынон, сюан, серемес, эктон гуръёсыз). Озьы ик кырӟало вал ӟуч кырӟанъёсыз. Корка кузёез "кудое" шуо, но йырзэ медаз кур кары шуо. Соку ик кунояськын мылкыдды вань шуыса верало. Яке коркалэн кузёез уллялоз, яке утялтод-а шуыса малпалозы вылэм. Та коркалэн кӧзоноез тыпы-а, пужым-а меда? Милемлы кырӟаны-эктыны яралоз-а, уз-а меда? Та коркалэн куӟуӧз кудо кин-о меда, вералоз-а, уз-а меда? Ӝӧк сьӧраз но пуктыса, утялтоз-а, уз-а меда? Куняськыса бертон азязы озьы ик кырӟало вал. Кылсярысь, верало, кыӵе корка пырано на. Со дыре ик егитъёс ог-огеныыз "паръясько". Тол но тулыс дырлэн огез яратоно шулдыръяськонэз вал Вӧйдыр (Масленица). Солэн кульминациез ортче вал берпуметӥ арня нуналэ (прощеное воскресенье). Суто вуж куроез, нискылало, чебермам дӧдьыосын кыткем валъёсын урам кузя тазьы кырӟаса ворттыло: Чеберлыко литература Йӧл вузась Тевье = Тевье-молочник: Повесть.- Ижевск: ИжГТУ, 2000.- 136 с. Еврей писательлэн Шолом-Алейхемлэн та нырысетӥез удмурт кылэ берыктэм ужез. Сое берыктӥз Ар-Серги, книгалэсь вылзэ суредаз В. Белых, азькылзэ гожтӥз В. Шибанов. Мар бордын книгалэн кулэлы-кез? Туннэ нуналэ, тодмо ини, книга поттыны гинэ ӧвӧл, ӵукна сиськыны няньлы но коньдон шедьтыны секыт. Тыршоно луэ уксеёгес адямиосын ужаны но улон шоры капчигес, серемпыр учкыны. Кулэ луо пӧртэм амалъёсын шаплы ужаны быгатон, мукет адямиослы тунсыко но кулэ луонэз возьматон. Ӵапак сыӵе ик луэ Шолом-Алейхемлэн повестьысьтыз валтӥсь герой но. Книгалэн потэмезлы автор тау каре Удмурт Элькунысь еврейеслэн Культура обществозылы, Нациосын ужанъя министерстволы, "Удмурт Кенеш" ассоциацилы, М. А. Кастрен нимо огазеяськонлы, "Ижмаш" ОАО-лы. Касимов Г. Г. Нукрат: Поэма - мадёс.- Ижевск: Удмуртия, 2000.- 36 с. Поэма маде, кызьы вашкала дыръёсы булгаръес (туала бигеръес), монгол зибетлэсь пегӟыса, удмуртъёслэн улон интыязы- Чупчи шур котыре - вуо но удмуртъёсын ӟеч кусыпъёс тупато. Книгалэсь вылтуссэ суредаз В. Белых. Чернова Л. Д. Улон - йыромон: Кылбуръёс.- Ижевск: Удмуртия, 2000.- 104 с. Лидия Дмитриевналэн кема возьмам книгаез кутске "Мон Чужин выжыысь" кылбурен. Дунне вылэ вордӥськыса, адями мынэ улонтӥ, выжыосызлэсь сюрессэс азьланьтэ. Чужин- со "пичи-нэ" сяська ке но, со чебер, калыкъеслы шумпотымон. Калыкен ӵош улыса, ас выжы тустэ ыштытэк, сое ӟеч ужъёсын азьланьтыны - тӥни кытын адямилэн кулэлыкез. Кылбурез кадь, поэтлэн улонэз. Л. Д. Чернова - кылбурчи, библиотекарь, ваньмон дыръёсаз вуриськыны яратэ. Солэн вань куинь нылъёсыз: одёгез- кылбурчи, мукетыз- библиотекарь, куинетёез- вуриськись. Со сяна, Лидия Дмитриевналэн вань трос пичи лыдӟисьёсыз. Нылпи кылбурчилэн Л. Черновалэн та нырысетӥез "бадӟымъёслы" книгаез. Озьыен, йӧно но бадӟым Чужин выжылы матэгес кариськыны дыр вуиз милемлы но. Книгалэсь вылзэ суредаз егит художник Дина Байкова. Шихов В. Ф. Тени: Стихи.- Ижевск: Удмуртия, 2000.- 144 с. Егит кылбурчилэн та нырысетӥ книгаез луэ. Но, кызьы шонер пусъемын азькылын, книгае ӧвӧл люкамын трос но пӧртэмесь кылбуръёс, кызьы ӵемгес луэ таче учыръёсы. Та сборник огшокчемен гожтэмын кадь- сыӵе юн возе кылбуръёсты книга пыр потӥсь валтӥсь малпан. Со малпан верамын книга нимын. Вужер - со арбериос бордысь югытэн усем суред гинэ ӧвӧл, татын со чеберлыко дуннеысь луллэн но туслэн суредзы. Бен, малпано ке, ваньзэ, мае ми адӟиськом- со вужер. Адзыса кылдытэм валанмы но, озьыен,- со милям вуж????... Пӧртэм малпанъёсы вутто кылбуръёс. Тунсыко А. В. Баталов суредасьлэн книга бордын ужамез. Малпаськомы, книга кельшоз тӥледлы мур пуштросэныз, аслаз дуннееныз, кылыныз. Методика Басов Б. П. Россия на переходе в ЪЪИ век: Учебно-справочный материал.- Ижевск: Издательство ИУУ УР, 2000.- 44 с. Книгае люкамын Россилэсь но Удмурт элькунлэсь туннэ нуналзэ лыдпусъёсын возьматӥсь ивор. Кыче 10 тужгес но адскымон ужрадъес ортчизы та дауре дуннеын но элькунамы, кыӵе удыс тужгес но азинскиз та дауре, кызьы 1970-ти арысен воштӥськиз калыклэн лыдыз, одӥг адямилы висъям улон интылэн быдӟалаез, мар, калыклэн малпамезъя, луоз азьланяз- таӵе но мукет юанъёслы валэктон сётэ та книга. Та ивор кулэ луоз пӧртэм удысъёсын ужась тодосчиослы, дыше-тӥсьёслы. Методический вестник.- Ижевск: Издательство ИУУ, 2000.- 140 с. Та книга дэмламын гуртъёсысь но каръёсысь школаослы, методической центръёслы. Вестникысь ивор вера элькунамы кунгожсьӧр кылъёсты дышетон, тазалыкъя выль школаослэн азинскемзы, 12 ар школаын дышетскон рад сярысь, сётэмын дышетӥсьеслэсь гужем конференциоссэс, суреданъя, музыкая, история но мукет урокъёсты радъянлы дэмланъёс. Татысь ик шедьтыны луэ удмурт кыллы но литературалы дышетӥсьесын методикая уж нуон сярысь ивор но уже кутымон дэмланъёс. Профилактика злоупотребления психоактивными веществами в образовательной среде: Материалы республиканского межведомст-венного семинара (26-27.04.00).- Ижевск: Издательство ИУУ УР, 2000.- 92 с. Туннэ наркотикъёс сярысь тодӥсьтэмез ӧвӧл ни дыр. Тужгес но кышкыт, наркотик сюре ке школаын дышетскись пиналъёс кие. Кыӵе пиналъёс тужгес но капчиен сётско наркотиклы, кызьы ортче висён, мар бордысь наркотиклэсь ӟечсэ адӟо нылпиос,- та юанъёс книгаын учкемын-чакламын. Эскеронын тодмо луэм валэктонъёс вылэ пыкиськыса, сётэмын азьланяз ужанлы рад, бичамын та югдурен пумиськем школаосысь ивор. Кышкыт висёнэн пумиськонтэм вылысь, сое, нырысь ик, тодоно. Соин ик та книга юрттоз дышетӥсьёслы но, анай- атайёслы но, пиналъёслы но. История Иванова М. Г., Куликов К. И. Древнее искусство Удмуртии: Альбом/Сост. и авт. вступ. ст. М. Г. Иванова, К. И. Куликов; авт. Каталога М. Г. Иванова, А. Г. Иванов, М. В. Косарева.- Ижевск: Удмуртский институт истории, языка и литературы УрО РАН, 2000. - 216 с. Вашкала выжыосмылэсь чеберлыко дуннезэс, кортлэсь, лылэсь, горд сюйлэсь лэсьтэм арбериосты возьмато туспуктэмъёс. Ма но уг пӧр-мыто вылэм вашкала удмуртъёс котырзэс чебер карон понна! Кусып возе вылэм пӧртэм кунъёсын но кыдёкысь музъемъесын. Та альбом- котькыӵе адӟытонлы кулэ луись, котькыӵе ик урокын уже кутымон книга. Куликов К. И. Постижение Родины: К 55-летию Маргариты Гри-горьевны Ивановой.- Ижевск: Удмуртский институт истории, языка и литературы УрО РАН, 2000.- 68 с. Книга сӥземын истори тодосъя докторлы, профессорлы, Удмурт Элькунысь тодос удысын дано ужасьлы М. Г. Ивановалы. Возьматэ-мын тодосчилэн Иднакар интыез эскерон, сое утен бордын ужам сю-ресэз. М. Г. Ивановалэн пӧртэм изданиосын потэм но та дырлы пе-чатламтэ тодос ужъесызлы библиография сетэмын. Озьы ик книгаын быдэсак сётэмын Иднакар сярысь нормативной документъес. Сафонова Т. В. Изучение истории России на основе модульной технологии обучения/Глазовский государственный пединститут.- Глазов, 2000.- 168 с. Россилэн вашкала дырысен ЪЪ даурлэн кутсконозяз историез сярысь ивор сётэмын вакчияк но валамон схемаосын, планъёсын, та-блицаосын. Книгаез капчиен ужазы кутыны быгатозы дышетӥсьёс, дышетскисьёс, студентъёс. Сонина Р. М. Дорогой отцов-героев. Из опыта работы Народного музея РСФСР Героев Советского Союза и Российской Федерации- наших земляков- школы �73.- Ижевск: Издательский дом "Удмуртский университет", 2000.- 256 с. Ижкарысь 73 номеро школаын кема аръёс ӵоже ужа музей, дыше-тӥсьёс но дышетскисьёс бичало ожъёсысь геройес сярысь ивор. Та книгаын верамын музейлэн кылдон сюресэз но туннэ нуналлы ужез сярысь. Та выллем музейесын ужасьёслы, музей кылдытыны ӧдъя-сьёслы книга кулэ луись ивор сётоз, ужазы юрттэт луоз. Энциклопедиос но спрвочникъес Удмуртская Республика: Энциклопедия.- Ижевск: Удмуртия, 2000.- 800 с. Элькунысьтымы нырысетӥез та выллем издание котькинлы ик кулэ луоз. Татын сётэмын Удмурт Элькун сярысь бадӟым ивор. Книга узырмытэмын картаосын, туспуктэмъёсын но суредъёсын. Энцикло-педиез дасян бордын ужась ӧри кылдытэмын вал 1990-ти арын тодмо тодосчилэн В. В. Туганаевлэн кичӧлтэмезъя. Отчы пыризы пӧртэм удысъёсын ужась тодосчиос. Пусйымон луэ "Удмуртия" книга-поттонниын тыршисьёслэн ужзы но. Та книга потэмен пусъемын Удмурт Элькунлэн но "Удмуртия" издательстволэн 80 аръем сюрессы. Книга котьку ик вал калыклэсь узыр луэмзэ возьматӥсь мертэт, нош библиотека- узырлыкез утись но сое мукет калыклы усьтӥсь шыкыс, калыклэсь азинскемзэ возьматӥсь суред. Энциклопедия потэмен узырлыкмы будӥз, мукет кыдекысь калыкъеслы возьматымон луиз. 3 ШЫКЫС (18. 12. 2000) ЧЕБЕРЛЫКО ЛИТЕРАТУРА Кузнецова А.А. Улонысь но. . . уйвӧтысь но. . .: Кылбуръёс /Послесловиез Л. Кутяновалэн. - Ижевск: Удмуртия, 2000. - 288 с. Акросонет, акросонет тугоко, диакрочур, юмореска, фантазия, кырӟан, уйвӧт, анафора, выжыкыл, баллада, поэма, политфантазия, антитеза,- таӵе пӧртэм кылбуран амалъёсын А.А. Кузнецова сыӵе быгатыса ужа, озьы ик гожтыны туж капчи, номыр секытэз ӧвӧл, малпалод. Но пӧртэм трос амалъёсын ужась поэтъёс трос ик ӧвӧл удмурт литератураын но, ӟучаз но. Амалэз поэтъёс амал понна гинэ уг куто уго, одӥгзэ малпанэз ӟечгес возьматыны юрттэ акросонет, мукетсэ - диакрочур. Поэтлэн вылӥ быгатонлыкез луэ малпанлы тупась кылъёсты, рифмаосты, ритмъёсты, кылбуран амалъёсты шонер быръён бордын но. Петров М. П. Италмас: Поэма /Перевод с удмуртского В. К. Семакина.- Ижевск: Удмуртия, 2000. - 56 с. (На удм. и рус. яз.) Удмурт писательлэн 95 ар тырмонэзлы сӥзьыса потэм книга чебер, яркыт буёло пӧрмем. Сое лэсьтон бордын тыршизы "Удмуртия" книгапотонниын ужасьёс, суредъёсыныз книгаез узырмытӥз В.Белых. ШАЕРТОДОН Музей: история и современность: Сб. статей / Под ред. К.И. Куликова. - Ижевск: Удмуртский институт истории, языка и литературы УрО РАН, 2000. - 267 с. Таиз книга сӥземын Удмурт Элькунысь Йӧскалык музей усьтӥськем дырысен 80 ар тырмемлы. Бичетэ пыремын музейлэн кылдон, азинскон сюрессэ, туала дыре кызьы ужамзэ возьматӥсь статьяос. МЕТОДИКА Есаулов И. Г. Хореодраматургия. Искусство балетмейстера. - Ижевск: Издательский дом "Удмуртский университет", 2000. - 320 с. Балет удысысь нырысетӥзэ хореодраматургияя дышетскон книгаез гожтӥз тодосчи, профессор Есаулов И.Г. Тодосчи эскериз эктонъёслэсь сцена вылын пуктон радлыксэс. Кема аръёс ӵоже та удысын ужамез авторлы юрттэт луиз учебникез гожтонын. Книга тунсыко луоз сцена вылын ужасьёслы но, эктон удысэн тунсыкъяськисьёслы но, студентъёслы но. Как правильно писать сочинение. Учебно-методическое пособие для абитуриентов, учащихся средних школ. - Ижевск: Издательский дом "Удмуртский университет", 2000. - 160 с. Та книгаез дасязы Удмурт кун университетысь ӟуч кылъя кафедраын ужасьёс. Школаын но выли дышетсконниосын ужасьёслы но дышетскисьёслы книга туж кулэ луоз, капчиен сое ужазы кутозы экзаменъёслы дасяськисьёс но, ӟуч кылын шонер гожъяськыны тыршисьёс но. Развитие внимания: Учебное пособие для детей 6-8 лет / Центр психологии и педагогики.- [Ижевск, 2000]. Книгаын сётэм ужъёс юрттозы пиналъёслы сак но чакласькись луыны. Со понна кулэ луозы на анай-атайёслэн ӟеч мылкыдзы но нуналлы быдэ радъям тунсыко уж. Волшебные картинки: Запоминаем цифры и цвета.- [Ижевск, 2000]. Покчиослы шуыса дасям книга юрттоз чиньыоссылы юнманы, визьзэс но быгатонлыксэс будэтыны. Василий Ванюшев Куӵо Верос Турын-куар пӧлын ӵаштрак! вазиз но, Куӵо отчы тэтчиз. Со возьма вал гижы улысьтыз вырись пӧйшурез шӧдыны, нош отын буш, нокин ӧвӧл. Тӧл пӧям сое, куаръёсын ӵаштыртыса. Коӵышлэн туннэ шырамез ӧз пӧрмы. Отын но татын ӵаштыр вазе, тӧл пельтэ, зор шалтыртэ. Лэчыт синъёс но, сак пельёс но таӵе дыръя гижыослы юрттыны уг быгато. Нош кӧт сюма. Пуке Куӵо, пул улэ ватскыса. Дырын-дырын умме усьылэ. Син азьтӥз бызьыса кошко кадь шыръёс. Соку солэн котырес вож синъёсыз сэрытак усьтӥсько - нош котырын азьло кадь ик пеймыт но кезьыт. Зор но азьло кадь ик акылес кыдыра. Куӵо шуыса нимазы сое кузёосыз. Гонэз сыӵе уга - интыен-интыен чылк-чылк сьӧд, нош мукет интыосыз чылк-чылк тӧдьы. Син дорысеныз - ог чиньы пасьта сьӧд, нош отысеныз быдэсак нырыз но ымыз - тӧдьы. Ньыль пыдъёсаз ик тӧдьы пыдвыл кутчамын кадь. Ма, кӧт улыз но быдэсак сямен тӧдьы. Тӧдьы виштыосын шобырскемын кӧтурдэсъёсыз но. Мукет интыосыз Куӵолэн сьӧд-сьӧд. Кык сузэр-апайёсыз но Кучолэн сыӵеесьгес ик вал. Куиньназы ик анайзы выжые мынӥллям, лэся. Ма, оло, атайзы выжые но? Сое ини нокин уг тоды. Анайзы гинэ ке шат? Анаез бордын улэмзэ Куӵо туж ӧжыт тодэ на. Одӥг сузэрезлэн ышемез гинэ йырсазяз яркыт вишты кельтӥз. Анайзы соку туж шугъяськиз. Кык кылем пиосыз ноныны кутско ке, шуак султыса, корка пушкытӥ мяугетыса поръяны кутскылӥз. Собере гинэ ас интыяз выльысь выдоз но кылем пиоссэ сюдоз, утялтоз вал. Бератаз ассэ Куӵоез но кыӵе ке тодмотэм муртъёс пиязы донгыса нуизы. Кутскиз солэн выль улонэз. Анаезтэк. Выль кузёосыз ӟечесь адямиос вылӥллям. Тужгес но Коля нимо пичи пизы. Ческыт йӧлвыл зыно киосаз басьтыса, ӵем вешалоз вал Куӵоез. Сюдылӥз сое йӧлын, ӝукен. Озьы ке но, Кучо мӧзмылӥз анаезлэсь. Уйвӧтаз но сое адӟылӥз. Нонэ кожаса, ымдуръёсыныз чмок-чмок! Карылизы. Собере шуак сайка вал но котырысьтыз серекъясь ымныръёсты адӟылӥз. Со валатскылӥз, сое серекъяло шуыса. Озьы ке но, номыр кадь ик ӧз кариськылы. Синъёссэ кыньылӥз но, изем улсы кариськыса, котырысьтыз вераськем, горем куараосты кылзылӥз. Коӵышлэн лушкем улонэзлы дышетскылӥз. Нош одӥг пол Коля сое, сыӵе ик ческыт зыно киосаз кутыса, кыре поттӥз. Куӵо туж кышкатскиз вал но, Колялэн пияз ватӥськыса, ӧжытак буйгатскиз. Коля но солэн анай-атаез Куӵоен валче пыризы мукет корка. Отын туж трос калык вал. Олокыӵе но тодмотэм зынъёс кылӥськизы. Куӵолы нош ик кышкыт йӧтӥз. Колялэн гадь вылаз шымырскиз со. Нош та корка шуак улӟиз кадь: гуретыны кутскиз, зурканы быдэс, кыӵе ке туж кӧш зынын шоканы. Со гинэ ма? Корка вырӟиз но азьлань кошкыны шӧтаз. Куӵо чакла: мар меда каре солэн кузёез? Коля ке нош озьы ик пуке, шуэрскон мугез уг адӟы кадь. Соку гинэ Куӵолэн сюлмыз быльк-быльк! тэтчамысь дугдӥз, лэся. Куӵо валаз кадь: соос кытчы ке но мыно. Кема ик озьы пукизы. Куӵо умме но усьылӥз ини, сайкаса вушйылӥз но, жадем сюрлызэ каньылгес карон вылысь, ӧжытак назьылтӥськылӥз но... Колялэн гадь бордаз ӝиптэм шуныт киосыз вылын ас караз кадь кыллиз. Туж ик каньыл кылльымон кар ӧй вал ини таиз. Но ма карод? Коля тодэ, кызьы кулэ. Куӵо солы оске. Коля уродзэ уз лэсьты. Я тани, бызьылӥсь корка дугдӥз. Кӧш зыно шокамез но ӧз ни кылӥськы. Адямиос со коркась потӥзы. Куӵо но Колялэн йӧлвыл зыно ки вылаз кыре-буре вуиз. Сое та инты уката но паймытӥз. Котырак - туж эркын. Коркаос отын но татын гинэ адӟисько. Со, городысь патерын вордӥськем но будэм мурт, быдэс шаерез одӥг патер интые синйылтӥз. Вӧлдэтэз гинэ номыртэм вылӥын. Чагыр вылтӥ интыен-интыен тӧдьы мамык лякылэмын. Нош вӧлдэтысьтызы югдытон лампазы паймымон шуныт кисьтэ. Али ик выд но нырулы вал солэн шунытаз. Куӵоез пичи гинэ корка пыртӥзы но йӧл сётӥзы. Коӵышлэн автобус бере сиемез чик но уг поты вал. Озьы ке но, Коля сюдэ бере, сое гажамдэ возьматоно. Ӝабырес кылыныз кӧня ке пол тяп-тяп нюлыштылӥз ик тэркыысь йӧлэз...Озьы вал куке но. Ӝыны ареслэсь гинэ мӧйыгес коӵышлы со туж кемалась вал кадь потэ ни. Пуке Куӵо, пул улэ лаптӥськыса. Ческыт, улэп шудонъёссэ возьма со. Зор солы уг йӧты, но шыраны люкетэ. Шатыр! корка вадьсысьтыз пул борды. Шыръёслэсь шыр-шыр! гинэ вырӟылэмзэс, бызьылэмзэс кылод шат таӵе дыръя? Нош сием потэ. Кӧт пушкын кыӵе ке нумыр читыр-чутыр ветлэ кадь. Зор акылес кокаськемъя, Куӵо кытӥяз нырулыны но ӧдъя. Сыӵе дыръя ик солэн син азьтӥз, чилекъям выллем, ортчыло азьлон улонысьтыз нимаз-нимаз суредъёс. Огзы бӧрсьы мукетыз соос радтэм интыясько. Али ми соосыз лыдӟись эшъёсмылы валамонгес карон понна радъяськом ини. Тани, шуом, алигес ортчем учыръёс но йырсазяз уло - книгаысь нимаз-нимаз басьтэм чуръёс кадь, я соиз, я таиз шарак адскыло. Со нуналэ чик но ӧз зоры. Пумтэм ӝужыт вӧлдэтэ, шудон шар кадь, яркыт ӝутскиз туж бадӟым югдытӥсь лампа. Куӵо потӥз кӧлон интыысьтыз - кыӵе ке но коркалэн борддор бордаз урдэм шифер улысь. Солэн малпанъёсаз вал ческыт, улэп шудонъёсыз. Коля но солэн анай-атаез туннэ уз лыктэ шуыса, Куӵо тодэ ни улон дышетэмъя. Шер вуыло соос татчы. Одӥг уйзэ кӧло но выльысь кошко. Туж ӝужыт вӧлдэтысь кужмо лампа куать пол музъем улэ ватскылэ но куать пол, шумпотон вайыса, выльысь ӝутске чагыр вӧлдэтаз. Соку гинэ Коля нош ик вуэ, йырез поромытӥсь ческыт зыно киыныз Куӵоез маялля, йӧлын, сӥльын, ӝукен сюдэ. Собере нош ик кошко соос. Куӵо огназ кыле. Сиемез потыса кема уг улы. Шыръёс татын ӧжыт ӧвӧл. Музъеме пырон пасез шедьтэ но пыр-пыр зынъяське коӵыш. Бен, алигес гинэ татӥ ортчем солэн яратоно пӧйшурез. Вуоз на, дыр. Возьмано. Шып кариське Куӵо. Синъёсыз но пельёсыз сакесь. Кытын ке ӵаштырак! вазе - коӵыш ини, душес кадь, омырске отчы, гижыоссэ поттыса. Визнан курик выллем гижы улаз шыр сюремлы шумпотэ ке но, кутэм пӧйшурзэ куртчыны уг дырты, ӝиптыса возе. Нош соиз отын позыръяське, пиккетэ - гижы улысь мозмытскыны уг быгаты. Ӵапак озьы кӧттырон утчакуз, тодмотэм адямиос вуизы - тӧдьы сурон картузэн пиосмурт но лемлет кофтаен кышномурт. Ӟеч адямиос шуыса, Куӵо соку ик валаз. "Писи-писи!" - вазё солы. Я, ойдо ӵок ини, озьы шуо ке но. Солэн нимыз Куӵо шуыса уг тодо ук. Синъёссы небытэсь, пальпото, кыӵе ке мукетгес зыно ке но, шуныт киосынызы вешало. Собере, сӥль поттыса, сюдо. Сӥльзы но мукетгес - ӵын зынын паке. Но ческыт. Сётэмзэс Куӵо соку ик сииз. Эшшо сётӥзы на. Тазэ ӧз ни быдты. Ымдуръёссэ нюлыны кутскиз, азь пыдзэ кылыныз чылк-чылк сузяса-бичаса, бамъёссэ, пельсьӧръёссэ миськыны ӧдъяз. Озьы со огдырлы ке но кузё луэм адямиослы тау каремзэ вераз. Собере, доразы кадь ик, выдӥз, музъем вылын сопала но, тапала но погыльтӥськиз но ас ужъёсызъя кошкиз. Нош ужез солэн одӥг - шыран. Та улэп шудонъёс туж мусоесь. Кӧттыр гинэ ӧвӧл соос - шудон-шумпотон но. Вылаз ик, шырез кутыса ваиськод ке, адямиос кыӵе шумпото! Визьмо, ужась, дасьсэ гинэ возьмаса улӥсь ӧвӧл, пе. Лыктэм адямиос корказэс чеберъяны кутскизы. Куӵо соос котыртӥ берга, бордазы ньыръяське, эш луэмзэ возьматэ. Сиемез уг поты ке но, ас ужез борды кутӥське. Тани пужмерен куасьтэм кияр пудъёс вӧзысь музъем вылэ куштэм пуос улын маке ӵаштырак вазиз. Куӵо отын ини. Туж шыпыт кариськыса пуке со, ӵаштыртэм пала котырес вож синъёссэ мертчытыса. Дырын-дырын гинэ куакаослэн каргетэмзы пала синъёссэ воштылэ. Сотэк но уг луы. Со шуш куараослэн асьсэлэн но гижыоссы укыр купыресэсь, тани ӧвӧл тыбыре ӝабырскозы. Нош уж со - уж ини. Аслэсьтыз ужзэ нокин но вунэтыны кулэ ӧвӧл. Куӵо шыра. Куаръёс пӧлысь ӵаштырак вазем куараос шоры тэтче. Вань! Шыр ини коӵышлэн пыд улаз. Куӵо сое ымаз басьтэ но адямиос доры вае. Мед адӟозы, макем ӟеч коӵыш со! Тани адямиос но Куӵо сярысь сюлмаськиллям ук. Кутэм шыреныз шудыны умой мед луоз шуыса, улмопу котырысь муэз копаллям, одӥг турын-куарез но ӧвӧл ни. Отчы шырез лэзиськод ке, кытчы быземез туж ӟеч адӟиське. Улмопу модос борды ик вайыса, Куӵо понэ ымысьтыз пӧйшурзэ музъем вылэ. Соиз ини, валамон, ӝоггес турын-куар пала бызе. Пальпотыса учкись адямиос азьын Куӵо, чоркак! вылие тэтчыса, пӧйшурзэ кутэ но гижыеныз купыртыса возе. Нош лэзе. Нош ик кутэ. Озьы соос вуо копамтэ интыозь. Соку кыкназылы ик берытскытэк уг луы улмопу модос доры. Куддыръя шырлы кылдэ турын-куар дорозь вуыса ватӥськыны но. Соку Куӵо ачиз гинэ уг шугъяськы. Со шӧдэ дораз сылӥсь адямиослэсь но шугъяськемзэс. Но со сюлэмшуг юнме вылэм. Куӵо-а лэзёз кутэм шырзэ? Со нош ик басьтэ пӧйшурзэ ымаз, вае копам му вылэ. Ӝуммем пӧйшуреныз шудыны кутске. Азь пыдъёсаз кутыса, сое выллань сэрпалтэ но, бер пыдъёсыз вылэ султыса, адями кадь ик кабе. Циркын выллем, огдырлы кузё луэм муртъёссэ но, ассэ но шумпоттэ. Озьы вал кӧня ке нунал талэсь азьло. Со дырысен ӝужыт вӧлдэтысь югдытон кӧня пол меда музъем улэ васькылӥз ни, та дуннее пеймыт уй вайыса? Туннэзэ ке верано, со чик но ӧз ӝутскылы. Вӧлдэтэз сьӧд пилемъёс ӵоксаллям. Отысь ву кисьтӥськиз. Кин ке зэмзэ ик со вӧлдэтэз пилем-а, мар-а? Тӧл потӥз. Турын-куарез со иса, выретэ. Куӵо со выретэм шоры тэтче, отын шыръёс бызьыло кожаса, нош гижы улаз нокин уг сюры. Буш отын. Калгись тӧлэз шыр интые уд куты, уд сиы. Нош кӧт сюма. Зор кока Куӵолэн йыр вадьсысьтыз пул вылэ. Ку меда йылпумъялоз ини зор аслэсьтыз лэсьтоно ужзэ? Ку сётоз со Куӵолы ас ужзэ ужаны? Ку быроз ни та уй? Ку вуоз Коля? Вуоз на меда со ку ке но? Ӝужыт вӧлдэтысь югдытон кызь поллэсь но уногес ӝутскылӥз но лэзькылӥз но ини. Коля ӧвӧл но ӧвӧл. Оло ке со Куӵозэ вунэтӥз ни? Оло ке нош чылкак куштӥз? Ватӥськем пул улаз Куӵо кынмыны кутскиз. Дыр дырекъя солэн капчи, олокызьы но позыръяськыны, куасалляськыны быгатӥсь вылтырыз. Котькытын кузёяське ни бер сӥзьыл. Тани-тани тӧдьы кутъёс лобаны кутскозы. "Вордскем кыл" журналлэн книжкаез. 2 Р.Ф. Березин, Дышетӥсьёслэсь тодон-валанъёссэс будэтонъя институтысь удмурт кылэз но литератураез дышетонъя кафедраысь доцент. Нош ик урок сярысь Туала урок. . . Та сярысь учёнойёс, методистъёс, дышетӥсьёс, школаен кивалтӥсьёс пӧлын вераськонъёс уг кысыло. Урокез дунъяны нимысьтыз сюосын пӧртэм-пӧртэм памяткаос малпамын. Котьку сямен соослэн авторъёссылэн урок шоры одно ик (шонересь-а соос, ӧвӧл-а) ас синмынызы учкыны тыршемзы шӧдӥське. Соин но, дыр, дышетӥсьёс но куд-ог дыръя асьсэос но йыромо, кызьыгес уроксэс умойгес дасяно но ортчытоно. Тужгес но соос сюлэмшугъяськыны кутско, кин ке но уроказ лыктоз шуыса тодыкузы. Мыным но, трос аръёс ӵоже методистын ужатозям, таӵе учыръёсын ӵем гинэ пумиськылоно луылӥз. Соин ик ас малпанъёсыным журналлэн бамъёсаз вераськоно кариськи. Кыӵеесь урокъёс луыны кулэ, кыӵеесь соослы куронъёс пуктоно, кыӵе амалъёсын соосты пайдаё ортчытъяно, кызьы соослы дунъет сётоно? Одӥг кылын вераса, кыӵеесь урокъёсты, туала методикалэсь куронъёссэ лыдэ басьтыса, умоен лыдъяно, кудъёссэ - уродэн. Уроклэн теориезлэн инъетэз Та сярысь асьсэ малпанъёссэс пӧртэм книгаосын, журналъёсын тупен-тупен гожъязы тодмо ученойёс Ю.К. Бабенский, А.А. Бударный, М.Н. Скаткин, Ю.А. Конаржевский, И.Я. Лернер, М.И. Махмутов, В.А. Онищук, Г.Д. Кириллова, Л.Т. Охотина, озьы ик пӧртэм интыосын асьсэ мылкыдзэс веразы тодмо дышетӥсьёс В.Шаталов, Е.Ильин, Ю.Львова, С.Дьяченко, М.Щетинин, Ю.Макаров но мукетъёсыз. Соослэн урок сярысь малпанъёсазы шӧдӥське кык пумо учкемзы. Кудъёсыз (соос, валамон ини, трос) шуо, урок, пе, азьло сямен ик, дышетскон ужез радъянын валтӥсь инты басьтыны кулэ (куке но озьы ик шуиз вал ӟуч калыклэн дано педагогез К.Д. Ушинский). Вань сыӵеосыз но, урок, пе, вужмиз ини, кулэ кызьы ке но дышетскон ужез мукет сямен радъяны. Кызьы? Нокин но рос-прос вераны уг быгаты. Дышетскон азьын сылӥсь ужпумъёс шоры туала синмын учкыса валано: урок ӧз вужмы, ноку но уз вужмы, дыр. Вань ужпум пиналъёслэн тодон-валанъёс басьтыны, дышетӥсьлэн ужзэ пайдаё радъян но ужаз тунсыко амалъёс кутыны быгатэмез бордын. Урокын гинэ дышетӥсь ас азяз пуктэм ужпумъёссэ быдэстэ, урок пыр гинэ пиналъёс муресь тодон-валанъёс басьтыны быгато, программая чаклам материаллэсь пуштроссэ валало, асьсэлэн азьпала улоназы кулэ луись тодон-валанъёсты бырйыны дышетско. Кыӵе тодметъёсыз уроклэн? - Урок - дышетӥсен но пиналъёсын (куддыръя нимаз-нимаз дышетскисьёсын, группаен, куддыръя быдэс классэн) валче ужан амал. - Дышетӥсь урокын тодон-валан сётон ужез радъя, дышетскисьёс солэн валтэмез улсын пӧртэм амалъёсын дышетско. - Урокын нимысьтыз дыр висъяське (35-ысен 45, 90, 120 минутозь), со ортче азьвыл ик чаклам классын, куддыръя мукет интыын но. - Уроклэн аслаз ёзъёсыз (люкетъёсыз) луо, соос таӵеесьгес: Пиналъёсты урокын ужаны дасян, мылкыдзэс ӝутон (организационной момент). 1. Урокын быдэстоно ужпумъёсты веран. 2. Гуртысь ужзэс эскерон. Гуртазы ужамзы пуштросэзъя выль темаен герӟаськемын ке ӧвӧл, уроклэн та люкетызлы нимысьтыз дыр висъятэк но луоз. 4. Выль темаез валэктон. Уроклэсь темазэ но цельзэ веран - та сярысь ӵем дыръя дышетӥсьёс урок кутскыку ивортыны дырто, озьы сӧриське солэн огсыр мыноно пуштросэз. Уроклэн та люкетэз дышетӥсьлы но, дышетскись понна но самой секыт интыез луэ. Дышетӥсь сое пӧртэм сямен ортчытыны быгатоз (аслаз валэктэмез, дасяса сётэм планъя книгаен ужан, кинофильм учкон, экскурсия ортчытон но мукет). Со быгатыны кулэ темалэн пуштросысьтыз самой кулэзэ висъяны (юрттозы нимысьтыз дасям наглядной пособиос но), куаразэ кулэезъя, ӝоглык, кужым, интонация ласянь вошъяны, шӧдыны кулэ азяз пукись дышетскисьёслэсь кылзэмзэс, валамзэс, малпан ӝоглыксэс. Одӥг кылын вераса, дышетӥсь ассэ "пиналъёс интые" пуктыны мед быгатоз. 5. Урокын басьтэм тодон-валанъёсты пӧртэм ужъёс быдэсъяса юнматон. 6. Гуртэ уж сётон. Ӵем дыръя уроклэн та люкетэз суп-сап луыса кошке, рос-прос тырмыт дыр уг кыльы ни. Лыдэ басьтоно, пиналъёс гуртазы асьсэ коже ужано луозы, классын кадь, юрттэт курыса, нокинлы вазиськыны уз быгатэ. Соин ик дышетӥсьлы гуртазы ужзэс пыр-поч валэктыны кулэ. Гуртысь уж трос дырез быдтӥсь, шуг, бадӟым медаз луы. Тыршоно, со дыр быдтонъя, классын сярысь, ӝыныезлэсь бадӟым медам луы. 7. Урокез йылпумъян. Таӵеесь луыны быгато уроклэн ёзъёсыз (люкетъёсыз). Котькуд урокын соос ӵош уз но пумиськылэ. Быдэстоно ужпумъёсты лыдэ басьтыса, урокъёслэн таӵеесь типъёссы луо: - Выль материалэз эскерон. Таӵе урокъёслы дасяськыкуз, дышетӥсьлы одно ик сюлмаськоно, выль материалэз вань пиналъёс мед валалозы шуыса. Соин ик пыр-поч чаклано-эскероно материаллэсь пуштроссэ, быдӟалазэ, пиналъёслэсь азьло люкам тодон-валанъёссэ лыдэ басьтыны луонлыкъёсты. Малпаськоно, кызьы умойгес урокез радъяны, кыӵе пайдаё амалъёсты уже кутыны луоз, шӧдыны тыршоно, кыӵе шуг- секытъёс пумиськизы, кызьы, кыӵе амалъёсын соосты капчиен вормыны луоз. Тазьы котыр ласянь малпаськемез бере, дышетӥсьлы уроклэсь темаеныз герӟаськем цельзэ шедьтоно. - Ортчем материалъя тодон-валанъёссэс юнматон но шекъёссэс тупатъян. Таиз урокъёслэн шорсюлэмзы - ортчем материалэз юнматыны чаклам пӧртэм тренировочной ужъёс. Соосты дышетӥсь валаса бырйыны кулэ, мед кутскозы соос капчиысенгес, собере пумен секытомыны. Таӵегес ик ужпумъёс быдэстыны чакламын басьтэм тодон-валанъёсты огъям но радъян урокъёсын (соос луо темаез, разделэз ортчем бере, четверть, дышетскон ар йылпумъяськыку), кылсярысь: "Удмурт литератураын нылкышнолэн образэз", "Удмурт кылын запятой,. . . двоеточие, . . .кавычкаос пуктылон учыръёс" но мукет. Басьтэм тодон-валанъёссэс эскерон но шекъёссэс тупатъян (контрольной ужъёс быдэсъян). Та урокъёсын одно ик басьтэм тодон-валанъёссылэсь мурдалазэ эскерыны, шекъёссэс шараяны но соосты тупатъяны тыршоно. Вылтуссы (видъёссы) ласянь но урокъёс пӧртэмесь луо (урок-семинаръёс, урок- лекциос, интергальной урокъёс, урок-консультациос, киноурокъёс, "котырес ӝӧкъёс", урок-диспутъёс, урок-конференциос, урокъёс-зачетъёс но мукет). Дугдылом, кыӵеесьгес луыны кулэ соос пӧлысь куд-огез. Семинар формаен урок. Солэн таӵе люкетъёсыз луыны быгато: - дышетӥсьлэн азькылыз; - котькуд группаысь дышетскисьёслэн азьло сётэм ужпумъёсъя вераськемзы; - вераськись адямиослы юанъёс сётон но соослы веран. - верамъёслы котькуд группаысь дышетскисьёслэн дунъет сётэмзы. - дышетӥсьлэн огъя йылпумъянэз. Урок-семинарез ортчытыны дасяськыкуз, дышетӥсьлы одно ик: - быгатыса бырйыны кулэ темазэ: вераськыны ӝутоно ужпумъёсты; - котькуд вераськисьлы дасяськыны план, литература сётоно; - котькуд группалы уроклэн темаезъя сюбег темаос сётоно, верамлы дунъет сётӥсьёсты (оппонентъёсты) быръёно; - малпаськоно, кызьы, кыӵе амалъёсын вераськисьёслы юрттэт сётон сярысь. Семинар формаен урокъёслэн, умой ортчытэмын ке, бадӟым пайдазы. Пиналъёс дышетско асьсэ коже ужаны, басьтэм тодон-валанъёссэс юнматыны но радъяны, эшъёссы азьын керпотытэк шара вераськыны. Урок-лекциос тужгес но пайдаё луо учебникын вакчиятыса сётымтэ темаосъя. Ёзъёсыз таӵеесьгес луозы: - дышетӥсьлэн лекциез валаны чаклам вераськемез; - лекция, 30-40 минутлэсь трос медаз луы, солэсь кема пиналъёс кылзӥськыны дышемын ӧвӧл; - лекцилэсь пайдазэ будэтыны юрттоз доска вылэ гожтыса дасям план; - йылпумъянъёс дыръя лекцилэсь пуштроссэ валаны чаклам дэмланъёс. Та выллем урокъёсты умойгес ортчытыны луоз, предметлэсь бадӟым темаоссэ эскерыны кутскыку яке йылпумъяку, кылсярысь: "Удмурт литература но фольклор", "Удмурт литература 1930-41 аръёсы", "М.Коноваловлэн "Гаян" романаз но А.С. Пушкинлэн "Капитанская дочка" повестьысьтыз Пугачевлэн образэз", "Туала удмурт проза", . . .поэзия" но мукет. Кызьы адӟиськом, та выллем урокъёс юртто азьпала ортчоно материалэз мургес валаны яке ортчем материалэз йылпумъяны, огазяны, одӥг кадь тусъёссэ пусйыны. Интегральной урокъёс пумиськылозы, кык-куинь предметъёсъя тодон-валанъёсты огазеяны кулэ луыку. Таӵе урокез кык-куинь дышетӥсьёс, одӥг темая тодонъёссэс огазеяса, ӵош нуо. Соос одӥг сямогес, ог-огзэс валасесь, огкадь амалъёсын ужаны тыршисесь мед луозы. Интегральной урокез одӥг дышетӥсь но ортчытыны быгатоз, солэн пӧртэм предметъёссъя тодонъёсыз муресь ке. Пумтэм луонлыкъёс интегральной урокъёс ортчытъяны ӟуч но удмурт грамматикаосысь одӥг кадь темаосты ортчытыку, "Удмурт поэтъёслэн Г.Корепанов композиторен ӵош ужамзы", С.Самсоновлэсь, Т.Архиповлэсь, М.Петровлэсь, Г.Красильниковлэсь но мукетъёсызлэсь произведениоссэс историен герӟаса эскерыку. Интегральной урокъёс юртто ортчем материалъя басьтэм тодон-валанъёсты юнматыны, вунонтэм карыны, радъяны, муромытыны. Мукет амалэн ортчись урокъёс (диспутъёс, конференциос, котырес ӝӧкъёс но мукет) школаын кемалась пумиськыло ини. Уката ик та выллем урокъёслэн аспӧртэмлыксы юн герӟаськемын нимаз-нимаз темаосын, эскероно проблемаосын. Соин ик соосты ортчытыны огъя дэмланъёс сётыны умой ӧвӧл. Татын ваньмыз герӟаськемын дышетӥсьлэн творчествоеныз. Тусызъя, пуштросэзъя урок кыӵе гинэ медаз луы, дышетӥсь котьку сюлмаськыны кулэ визьмоесь, умой сямъем, шаермылы, калыкмылы бадӟым пайда сётыны быгатӥсь адямиос будэтон сярысь. Котькуд урокын тыршоно: - пиналъёслы муресь тодон-валанъёс сётыны; - дышетскон мылкыдзэс пуромытыны; - йырвизьзэс, мылкыдзэс кыдатыны, тодон-валанъёссэс паськытатыны. - басьтэм тодон-валанъёссэс асьсэ коже ужазы, улоназы кутыны, шаермылы, калыкмылы бадӟым пайда сётыны быгатӥсь адямиосты будэтон сярысь. Школа азе пуктэм ужпумъёсты асьмеос быдэсъяськом, кызьы верамы ини, нырысь ик урокын. Соин ик котькуд уроклы дышетӥсь рос-прос дасяськыны кулэ. Мар бордысен кутске та уж? Дидактикаын та ласянь вань куд-ог дэмланъёс, одно ик быдэстоно правилоос, алгоритмъёс. Тани кыӵе дэмланъёс сётэ та ласянь тодмо ученой М.И. Махмутов. Нырысь ик, валано уроклэсь цельзэ, та ужпум уроклы дасяськонлэн шорсюлмыз луэ. Кыкетӥез, чаклано, кыӵе типъем урок луоз, эскероно выль материаллэсь пуштроссэ, бадӟалазэ, пиналъёслэсь выль темаен герӟаськем азьло басьтэм тодон-валанъёссэс, малпано, кыӵе ужъёс умойгес юрттозы выль тодон-валанъёссэс юнматыны, соосты малпаськытыса ужатыны. Куинетӥез, быръёно уроклы тупась ортчытон амалэз (семинар, лекция, диспут, традиционной но мукет). Ньылетӥез, малпано, кыӵе пайдаё амалъёсын урокез умойгес ортчытыны луоз, пуштроссэ но быдэстоно ужпумъёсты чакласа, озьы ик лыдэ басьтоно дышетскисьёслэсь быгатонлыксэс но дышетӥсьлы аслэсьтыз луонлыкъёссэ, тодматоно методической литератураен, быръёно тупась наглядной пособиос. Озьы, котыр ласянь дасяськемез бере, дышетӥсь, материалэз трос люкаськемен, сюлэмшугъяськыны кутске, вуттоз-а со одӥг урок куспын ваньзэ со эскерыны. Витетӥез, чаклано уроклэсь котькуд ёзэзлэсь пуштроссэ, быдӟалазэ, кӧнягес дыр висъяно луоз котькудӥзлы люкетлы, быгатоно темаослэн пуштросысьтыз самой кулэзэ бырйыны. Куатетӥез, азьвыл ик чаклам вань ужъёсты одно ик урокын быдэстыны тыршоно. Одӥг кылын вераса, уроклы дасяськыкуз, дышетӥсь ас азяз таӵеесьгес юанъёс мед пуктылысал: - дасесь-а пиналъёс выль материалэз валаны? - мар ласянь выль тема азьло урокъёсын басьтэм тодон-валанъёссэс узырмытоз? - кыӵе шуг-секытъёс урокын пумиськыны быгатозы, кызьы соосты капчиенгес вормыны луоз? Кызьы верам вал ини, ӵем дыръя дышетӥсьёс уроксылы валаса, шонер цель пуктыны уг быгато. Янгышъёссы таӵеесьгес луо: - кудӥз дышетоно материаллэсь быдӟалазэ гинэ пусйыны тырше (существительноен тодматоно, простой предложениын тире пуктон учыръёсын тодматоно". . .) - дышетӥсь аслэсьтыз гинэ урокын ужзэ возьматэ (тодматоно,.. дышетоно,.. валэктоно. . .) - туж паськыт пуштросъем цель ("шонер гожъяськыны дышетоно,. . . чебер лыдӟиськыны дышетоно, . . . асьсэ коже ужаны дышетоно. . .) - пиналъёслэсь гинэ урокын ужзэс возьматэ (упражнениос быдэсъян,.. кыӵе ке но главаез лыдӟон). Вылӥ верам примеръёс вылын адӟиськом: дышетон удысын одно ик кыӵе ке но емышъёс, пайда басьтон сярысь сюлмаськон огез дуно ужпум луэ. Котькуд предметэз дышетэмлэн вань огъя целез, соос сётэмын кун программаосын, стандартъёсын, кылсярысь, удмурт грамматикаез дышетонлэн огъя целез: "Чебер, вольыт литературной кылын шонер вераськыны но гожъяськыны дышетон". Грамматика люкиське на нимаз-нимаз люкетъёслы ("Фонетика", "Кыл люкетъёс", "Вераськон люкетъёс", "Простой предложениос" но мукет). Котькуд люкетэз дышетонлэн аслаз целез. Грамматикалэн котькуд разделэз (люкетэз) люкиське нимаз-нимаз темаен урокъёслы, котькудӥзлэн соослэн аслаз цельзы. Басьтом "Суффикс" темаез, целез луоз, дыр, таӵегес: "Пӧртэм суффиксъёсты кутылыса, выль кылъёс пӧрмытыны дышетон. Валано, кыӵе выль пуштрос сётэ кыллы суффикс". Озьыен, уроклэн целез одно ик герӟаськемын луыны кулэ уроклэн темаеныз. Со сяна, котькуд урокын сюлмаськоно пиналъёслы умоесь сямъёс пыӵатон но соосты малпаськыса ужатон сярысь. Целез чакласа, уроклы материал бырйиськом. Уроклэсь пуштроссэ эскерыку, лыдэ басьтоно: - солэсь предметэз (мукет предметъёсты но) валаны кулэлыксэ, пиналъёслэн азьпала улоназы но пайдаё луэмзэ; - секталазэ, класслы валамонозэ. Котькуд дышетӥсьлэн аслаз ужан амалъёсыз, аслаз гинэ кельшисьёсыз, со ачиз гинэ бырйыны быгатэ тунсыкооссэ. Тросэз со амалъёс (репродуктивной, проблемно- поисковой упражнениос но мукет), ваньмыз 30 пала лыдъясько, дидактикаын пыр-поч валэктэмын. Соин ик дугдэм потэ В.К. Дьяченколэн дэмен ужан амалэз вылэ гинэ (коллективной способ обучения), сурано ӧвӧл быдэс классэз дышетон (фронтальной) амалэн. Ученойлэн верамезъя, "урокын ваньмыз дышетыны кулэ котькудзэ, котькудӥз - ваньзэ". Мукет ужпум кылдэ, классэз группаослы, параослы люкылыса ужаку. Та ужез быгатыса радъяны кулэ. Огъя быдэстоно ужез люкылоно нимаз-нимаз группаослы. Котькуд группа ас кожаз тырше сётэм ужез быдэстон бордын. Кулэ дыръяз, юрттэт курыса, ог-огзылы, дышетӥсьлы вазиськыны быгатэ. Собере ужам емышъёссы сярысь котькудӥз быдэс класс азьын вера. Урокез йылпумъяса, ужамзылы дунъет сёто. Табере дугдылом, кыӵе планъёсыз (документъёсыз) одно ик луыны кулэ котькуд дышетӥсьлэн, аслэсьтыз ужзэ валаса радъян понна? Нырысь ик, удмурт кылъя но литературая программаез. Вераны кулэ, та сярысь дышетӥсьёс ӵем дыръя вунэто, но со кулэ, малы ке шуоно, котькуд школаын али удмурт кылэз дышетон удысын пӧртэм югдур кылдэмын. Куд-огаз пиналъёс асьсэ анай кылзэс туж умой тодо, куд-ог учырын ас кылзэс вунэтыны кутскемын, куддыръя чик уг тодо. Азьланяз, оскыны быгатӥськом, ӟуч но удмурт кылъёс кун кыл луизы ке, югдур эшшо но воштӥськоз. Республикаямы улӥсь мукет калыкъёс пӧлын но удмурт кылэз тодэмзы потыны кутскоз. Котькуд дышетӥсь аслэсьтыз программазэ мед лэсьтоз, Удмурт Республикаысь Калыкез дышетонъя министерстволэн типовой программаез вылэ пыкиськыса. Отын одно ик лыдэ басьтоно школалэсь уставзэ, школаын удмурт кылэз дышетон удысын кылдэм югдурез. Школьной яке районной методобъединениын эскерем бере, программаез директор юнматыны кулэ. Кыкетӥез, календарно-тематической план дышетӥсьлэсь ужзэ радъянын озьы ик кулэ документ луэ. Отын таӵе люкетъёсыз: - котькуд темаез ортчытыны (эскерыны) календаръя чаклам дыр; - урокъёслэн номеръёссы но темаослэн нимъёссы, оборудованизы; - урокъёслэн типъёссы (выль темаез эскерон, ортчем материалэз юнматон, огъян но шекъёссэс тупатъян, басьтэм тодон-валанъёссэс эскерон но шараян шекъёссэс тупатъян); - уроклэн целез (тодон-валанъёс басьтон но умой сямъёс пыӵатон ласянь); - ортчем материалэз тодэ ваён (повторение); - кыӵе урокъёс ортчытоно выль темаез тодон-валанъёссэсс юнматон но паськытатон ласянь; - кыӵе методической литература уроклы дасяськыны но сое ортчытыны юрттоз. Поурочной план (котькуд урокез ортчытыны план) - дышетӥсьлэн куинетӥез ужзэ радъян документэз. Кулэ-а со одно ик? Та сярысь арысь аре дугдылытэк вераськон мынэ. Валамон ук котькинлы: поурочной планъя дышетӥсьлэн ужезлы нокызьы но дунъет сётыны уг луы, уг но яра. Ӵем туж умой гожтэм планъя туж ляб, кӧсыт урок пӧрме, мукет дыръя вакчи, дышетӥсьлы аслыз гинэ валамон планъя туж умой урок ортче. Кулэ-а, ӧвӧл-а поурочной план? Та дышетӥсьлэн аслаз ужез. Со понна сое нокин но пыкылыны уг быгаты. Котькудӥз дышетӥсь уроклы ас сяменыз, ачиз дышемъя дасяське. Кылемез вань на. 1 Т. Г. Владыкина Солдатэ келян но рекрут гуръёс Солдатэ келын йылол ваньмыз пӧлысь тужгес егитэз луэ. ХВИИИ-тӥ даурлэн пумаз, Петр И эксэйлэн косэмезъя, Ӟуч кунын улӥсь вань калыкъёсты солдатэ - рекрутэ - басьтыны кутскизы: "Государьлэн но кенерез но куашкам но шуо кадь, Сое но ӝутканы милемыз басьтӥзы"; "... солы но кулэ кенер майыг". Службалэн кема кыстӥськемез - со вакытэ 25 арлы басьто вылэм - семьяеныз, вордскем шаереныз люкиськон, мурт адямиос пӧлын улон егит мурт понна секытлэсь но секыт адӟон вал. Солдатэ кошкись муртэ ӵошато вал сопал дуннее кошкись адямиен. Дораз бертыны быгатэм солдатэз но соин ик сопал дуннеысь берытскем муртэз сямен пумиталлязы. Соин ик калык осконъёсын но солдат - номырлэсь но кышкасьтэм, пеймыт кужымъёсын герӟаськыны быгатӥсь адями. Со трос тодэ но вала, нокинлэсь но номырлэсь уг кышка. Пӧртманкылъёсын-выжыкылъёсын солдат кулэм ведӥнь ныллэн корос дораз уин возьмаськыса улыны чида, уг быры. "Бертӥсь солдат" - шайтанэз, вумуртэз, нюлэсмуртэз вормись герой. Йӧспӧртэм солэн туй бирдыез но. Соин гинэ, пе, ыбыны луэ палэсмуртэз яке убирез. Азьвылгес дыръя, "призыв" кутскыку, ог ёзо пиос, "лыз печато бумагаез"- повесткаез возьмаса, гуртэтӥзы но сьӧр гуртъёсысь ӵыжы-выжыоссы дортӥ юмшаса ветло вылэм. Соослэн озьы ветлэмзы дуннелы быдэ вуэмзы сярысь аспӧртэмлыко ивортон выллем вал. Берлогес озьы юмшатӥллям кошкись пиез гинэ. Котькуд коркан со чук шуккыса кельтэ вылэм. Кошкон нуналаз сыӵе ик чук со шуккылӥз вордскем юртаз. Та сямъёсын ик герӟаськемын соладт гуръёслэн кык пумо луэмзы. Юмшась пиос кырӟало вылэм "Кошкем пи гурен", пилэн кошкон нуналаз чузъяськиз "Рекрут/ солдат гур". Али та вашкала сям сярысь вераны тодо на туж пересьёсыз гинэ. Солдатэ кошкон, адямилэн улоназ мукет сям-нергеос сямен ик - аспӧртэмлыко улон вож. Со висъя азьло но вуоно улонэз. Азьлоез адӟиське шулдыр, шудо вакытэн, вуоноез - тодмотэм, кышкыт, шимес дырын. Та валанъёсъя ик кылдэмын солдат гуръёслэн ӵошатон образъёссы. Соос туж матын бызись ныллэн кылан-буран кырӟанъёсызлы. Соиз валамон: ныл но, пи но - кошко. Нош кошкон - со котьку тодмотэменыз пумиськон, кайгырон, ӧпкелён. Кошкон, кызьы шуимы вал ини, кулонэн артэ сылэ, соин ӵоша. Соин ик сюрес сярысь осконъёс но котьку маин ке уродэн герӟаськемын. Кошкись ныл, кошкись пи одӥг кадь учырез кылдыто, соин ог-огзылэсь кырӟанъёссэс но асэсто. Со кырӟанъёс нимысьтыз келян гур луо но мукет дыръя но чузъяськыны быгато. Выль йылол вуж сямлэсь аслыз тупасьсэ, кулэзэ басьтэ. Ваньмаз сямен рекрут гуръёсын - ӝожтӥськон, кайгырон, мӧзмон мылкыдъёс. Сыӵе мылкыдъёсын кошке пи но, сыӵе мылкыдъёсын кылё солэн анай-атайёсыз, ӵыжы- выжыосыз, эшъёсыз, яратоно нылыз яке кышноез. Ас интыяз пи кельтэ шуккем чуксэ. Чук - кошкем пилэн тусбуез выллем. Со тодаз вайытыны кулэ кошкем адями сярысь, солэн ӵужектэмез "вераны" кулэ солдатлэн мӧзмемез сярысь. Осконъёсъя, ӵужектон, бездон, кӧсэктон герӟаськемын висёнэн, кулонэн. Вашкала визьбурысь - мифологической сознаниысь та образ асэстэмын вал фольклорлэн образъёсыныз, сое ик синйылтӥз литература но: "Куинь ар виси - ӧй чужекты, Мон ӵужектӥ тон понна". Вашкалагес рекрут кырӟанъёсын пи куре лэзьыны со чукез дораз ву кузя. Валаны луэ - сопал дуннее, малы ке шуоно, удмуртъёслэн осконъёссы сьӧрпал дуннеез "интыяло" шур уллане. Туала кырӟанъёсын пи чуксэ йӧтылыны уг ни лэзьы: бертӥ ке, пе, "салдат пиньыным ишкалто". Озьы вераса, со ачиз но оске, мукетъёссэ но оскытэ, улэп бертоз шуыса. Солдат гуръёсын вань на эшшо тунсыко образ-символ - йыръям писпу. Та образ вашкала сямез "тодаз возем": кытчы ке палэнэ кошкыкузы, писпулэсь, ӵемгес пинал кызлэсь, йыл тульымзэ ӵого вылэм. Оскиллям, писпу будӥз ке - адями берытскоз, ӵужектыса куасьмиз ке - уродэ шедёз, кулоз: Пинал но писпулэсь йылзэ ӵоги ке, Адӟо на меда вордӥськем юртъёсме. Куд-огез сямъёсмы вуныса но кельто пытьызэс кырӟан-веранъёсы. Со пытьыосты лыдӟыны-пертчыны капчи ик ӧвӧл. Нош кӧня шумпотон луэ, йылзэ-пумзэ шедьтыны быгатӥськод ке. Соку вашкалаослэсь кылзэс визьмыныд гинэ ӧвӧл, сюлмыныд шӧдыны кутскиськод. Призыве мынон азьын кырӟан Нюлэскытӥ, ой, потыкум, Ӵуж куар усиз, ой, бам вылам. Туж шудыкум-серекъякум, Кайгу усиз сюлэмам. Кырӟалэ, кырӟась эшъёсы, Мынам уг лу, ой, кырӟаме. Сюлмам усиз секыт кайгу, Уг валаськы малызэ. Монэ мемие вордылэм, Тӧдьы бӧзэн бинялтэм. Тӧдьы бӧзэн бинялтэм но - Шуд курыны вунэтэм. Али гинэ вал ук, али Ӵуж ӟег пӧлын лыз сяська. Али гинэ вал ук, али Дас куать арес дыръёсы. Часъёс ветло борддор кузя, Уй-нунал, ой, чотаса. Ми ветлӥськом коркась корка, Потон часмес возьмаса. Гожтэмын Пичи Пурга ёросысь Баграш-Бигра гуртын. Россиысь Академилэн Урал ёзэзлэн Удмурт институтэзлэн рукописной фондысьтыз. Усьтоз меда, уз меда ук та ӵогам но капказэ? Желатьтӥз ке, усьтоз укно, ӧз ке желатьты, уз усьты. Желатьтӥз ведь, желатьтӥз ведь - ӵогам капказэ усьтӥз. Желатьтӥз ведь, желатьтӥз ведь - ӵогам капказэ усьтӥз. Ми пырем понна но вождэс эн вае. Пырем потӥз, мылкыд кариз, пыртэк кошкем ӧз поты. Сётоз меда, уз меда ук кусо тышкан молотсэ? Сётоз меда, уз меда ук нылдыр буртчин лентазэ? Сютоз меда, уз меда ук куно возьман пуконзэ? Желатьтӥз ке, сётылоз но, ӧз ке желатьты, уз сёты. Желатьтӥз ке, желатьтӥз ведь кусо тышкан молотсэ. Желатьтӥз ведь, желатьтӥз ведь нылдыр буртчин лентазэ. Желатьтӥз ведь, желатьтӥз ведь куно возьман пуконзэ. Желатьтӥз ведь, желатьтӥз ведь - мае курим, со сётӥз. Луд кеч вордэм пиоссэ сикысь сике куяны - Нэнэй-дядяй вордэм пизэ Горд Армие келяны. Бызьса туби кызьпу йылэ тӧдьы тӧлась туй понна. Бызьса васьки кызьпу йылысь, тэтчи арбуз бакчае. Арбуз бакчае тэтчи но - ӟар бамме ӵыж басьтӥз. Ӟар бамме ӵыж басьтӥз но - кезьыт ву кисьтэм кадь мон луи. Кезьыт ву басьтэм кадь мон луи но, Горд Армие мон ярай. Горд Армие мон ярай но - вес вылэ султытӥзы. Вес вылэ султытӥзы но - вессы ӧз тырмы метраны. Вессы ӧз тырмы мертаны но - метрен мертаны султытӥзы. Метрэн мертаны султытӥзы но - метрзы ӧз сузьы мертаны. Мемей-дядяй монэ вордӥз та мумыкорез дурыны. Мумыкорез дурыны но городысь городэ келяны. Мумыкорез дурытозь, секыт ужез ужасал. Секыт ужез ужасал но - сиён ческыт кошкысал. Сиён ческыт кошкысал но - небыт валесын изьысал. Ӵукна султод, мемие, но - "пие, султы!" - тон шуод. "Пие, султы!" - тон шуод но - пиед уз лу валесад. Учкемды ке потылӥз ук, та чук шорам учкелэ. Учкемды ке ӧз поты но - ишкалтэ, тулыс тудвуэ куштэлэ. Тулыс тудвуэ куштӥды ке, со мон доры ик вуоз. Со мон доры ик вуоз но - сюлмы либрак чигиськоз. Пырыны ке тодӥмы но, потыны но мед тодом. "Ӟеч лу! - шуса ум кошкиське, нош но вуом, дыр, али. Гожтэмын Завьялово ёросысь Юськи гуртын. Печатламын 1990 арын В.Кельмаковлэн ужаз. Гур-гур гинэ карылэ ук пасажир но, ой, поезэд, Басьтылэм но, ой, пиоссэ-а, ой но, возьмаса. Куать вал уго улмопуэ, витьлы кылиз ук али. Чик лыдӟонтэм уй-нуналэ лыдӟын кылиз ук али. Тӧдьы кышет, ой, сэзъяса ӧй ветлысал, эшъёсы, Мон ужасал, тӧдьы айшет ук, ой, керттыса. Уз басьтэ но шусько (й) вал но, уз басьтэ но шусько (й) вал. Кулэ луиз Ворошиловлы кенер маег. Гожтэмын Алнаш ёросысь Писейгуртын. Россиысь Академилэн Урал ёзэзлэн Удмурт институтэзлэн рукописной фондысьтыз. Салдатэ келян гур Поез станцие (й) уг пыры, симафорез, ой, усьтытэк. Ми тӥ доры (й) ум пыриське, ӟеч ивордэс кылытэк. Ӟеч мурт доры пырем бере, пуксён инты но, ой, дась вылэм. Вай кырӟаса лезём али, вай вераса, ой, лэзём. Ваелэ шулдыртоме та шулдыр но коркаез. Укно (й) ултӥ кошкись муртъёс "салдат пи вань" мед шуозы. "Салдат пи вань" мед шуоз (ы) но "кырӟан усто" мед шуозы. Ӝӧк вылады сиён-юонды шаерысь ваем, ой, емыш кадь. Ӝӧк вылады самоварды ӵукна ӝужась, ой, шунды кадь. Ӝӧк вадьсады лампа тылды, нуназе шорысь, ой, шунды кадь. Таулэ но таулэ ук сюдэмдылы но, ой, сектамдылы. Талэсь но бон, ой, бадӟындэ тӥ шедьтыса улэлэ. Пуксьыны ке ой, тодӥмы, султыны но, ой, мед тодом. Ӧм ведь пуксе (й), ӧм ведь пуксе ӟечлэсь ваньзэ, ой, быдтыны. Монэ мемие вордылэм мумыкорез, ой, дурыны. Мумыкорез дурыны но кузь сюресэз, ой, лёганы. Ваелэ но, ой, сётэлэ зарни гынэ, ой, молоддэс. Зарниез ке, ой, ӧвӧл ук, огшорыез но яралоз. Огшорыез ке (й) ӧвӧл ук, бадӟын пурт но, ой, яралоз. Ваелэ но, ой, сётэлэ кортэн кыскам, ой, пукондэс. Кортэн кыскамез жаль ке потэ, пукылё но яралоз. Ваелэ но, ой, сётэлэ бурччин гынэ, ой, чукъёстэс. Бурччинэз ке, ой, жаль (ы) потэ, дэрем сеп но, ой, яралоз. Та шуккылэм но, ой, чукъёсме (й) асме возьманы, ой, шуккисько. Ачим ке но, ой, бер (ы) тылӥ, пиньыным ишкалтыса, ой, басьтыло (й). Тузон ке но, ой, пуксьылӥз, ӟазег тылыен, ой, шуккелэ. Ӵужектыны, ой, кутскиз ке, пимы мӧзме, ой, шуэлэ. Гожтэмын Пичи Пурга ёросысь Алганчи-Игра гуртын. Печатламын 19 арын В.Кельмаковлэн ужаз. Садо (й) вылэм, садо (й) вылэм Та ӵужъем но (й) урамед - Васькылонтэм ӵук уӵыед Васькылыса чирдылоз. Ӵошкыт вылэм, паськыт вылэм Та ӵужъем но (й) урамед - Потылонтэм, ой, некрутэд Потылыса ширъялоз. Каньыл вылэм, капчи вылэм Та ӵужъем но (й) калыкед - Усьтылонтэм, ой, ӧсъёсыз Усьтылыса пыриськом. Гожтэмын Можга ёросыь Пазял гуртын. Печатламын 1990 арын В.Кельмаковлэн ужаз. "Уг кошкиськы", - шуисько вал, "уг но кошкы", - шуисько вал. Басьтӥз, лэся, ой, армилэн узатэм но пуныез. Баблес вал, баблес йырысьтым, ой, йырсие Улон азьме малпаса ӧз-а бон со сэрттӥськы. Али кошкон дыръёсы но луытозь, Али бертон дыръёсы бон луысал ке. Гожтэмын Алнаш ёросысь Казакгуртын. Печатламын 1992 арын В.Владыкинлэн ужаз. "Ту-тут" гынэ но карылоз ук посажир поезэд, Сӥзьыл кошкись пиоссэ но бон ук, ой, возьмаса. /2 Суй кузьда но мугоръёсы вись кузьда но кылизы. Чоттэм гынэ нуналъёсы но чото кылизы. Жаль тэльбуго, жаль тэльбуго вал пыд улын косканы. Жаль мугоры, жаль мугоры мурт дуннеын косканы. /2 Уг кошкы но (й) бон шуисько вал, уг кошкы но (й) шу (и) сько вал, Вуиз, лэся, ой, вырема атай юртӥсь, ой, потыны. /2 Пуксьы, туганэ, пуконэ, дурыз но кортнам али. Туж мӧзмыкуд, толэзез учкы, толэзь но бон огназ али. /2 Гожтэмын Алнаш ёросыь Выль Утчан гуртын. Печатламын 1992 арын В.Владыкинлэн ужаз. Чутыр-позыр карылоз ук та пинял но сюлэмыд, Азвесь гинэ портонэн, но бон ук, поръям кадь. Азвесь гинэ но бон портонъёсын, али ке но, поръям кадь. Векчи бадьпу ньӧръёсын, ой, но бон уго, шуккем кадь. Уйшор гинэ бон уйёсын ук атасэд но чортоз. Позыртылоз мӧзмылэм, но бон уго, сюлэмдэ. Турым кабан, ой, бервылын тӧлпери но шудоз. Кин шудоз на мынам шудэм, но бон уг, ой, интӥям. Гожтэмын Алнаш ёросысь Вуж Юмья гуртын. Печатламын 1992 арын В.Владыкинлэн ужаз. Ой, кильтыро изьые, йырысьтым усиськод. Сокем но мынам йырам улэмед уг пот шат? Ворпо-чибор ужпие, малы бердэ учкиськод? Сокем но монэ солдатэ нуэмед уг пот шат? Гожтэмын Алнаш селоын. Печатламын 1992 арын В.Владыкинлэн ужаз. САЛДАТПИ ГУР Жингыр-жангыр жангетоз ук телег (ы) рам, ой, езъёсыд. Жингыр-жангыр жангетоз ук телег (ы) рам езъёсыд. Из казарма, ой, азьёсад ву ке лусал, пыласькысал. Музъем ултӥ сюрес ке луысал, час мӧзмыкым бертысал. Ой, ческыт вал, небыт вал ук мемейлэн валискькм, ой, валесэз. Пӧзьтылэм но шыдъёсыз но туж (ы) ческыт (ы) вал мемейлэн. Ой, секыт ук, секыт и ук Горд Армилэн службаез. Пельпумам пыӵал, тыбырам котомка, пыдам сурон, ой, сапег. Гожтэмын Пичи Пурга ёросысь Гожня гуртын. Печатламын 19 арын В.Владыкинлэн ужаз. Сэрего (й) ук, сэрего ук Шайтангурт бусыед./2 Кудпал сэргаз кыльылоз но бон ук, ой, лёгем пытьыед? /2 Сэрего (й) ук, сэрего (й) ук атыкай юртъёсыд, Кудпал сэрегаз кыльыллоз меда (й) ук ужам ужед? /2 Анайды ке но асьтэлэн, атайды ке асьтэлэн, Кызьы каньыл, кызьы кулэ (й), озьы ик, ой, улэлэ. Суй кузьда но мугоръёсы вись кузьда но луиз но, Ӧз куасьмылы ук, э, бам вылысьтым но бон ук синкылие. /2 Ёзоесь ук, ёзоесь ук ёз калык но ёзъёсы, Туй гумыен кисьтылэм но бон ук, ой, кӧйтыл кадь. /2 Туй гумыен кисьтылэм ук, ой но, бон но, кӧйтыл кадь, Ог выжые пушйылэм но бон ук бадяр ньӧр кадь. /2 Аныкае вордылэм ук ёзтэм но йӧскадь ик, Атыкае быдэстэм ук но бон ук кыр ӟучы пи кадь. 32 "Ту-тут" гинэ шуылоз посажир поезэд, Сӥзьыл кошкись пиоссэ но бон ук, ой, возьмаса. /2 Гожтэмын Алнаш ёроссыь Шайтангуртын. Печатламын 1992 арын В.Владыкинлэн ужаз. Паськыт садо сюресэд бусы шортӥ лёгемын: Губрес-пересь кызьпуосыд кык пал дуртӥз мерттэмын. Мар малпаса мерттӥд, дыр, со кызьпуэз, пересь дядие? Мар малпаса ву киськад, дыр, кызьпу выжые, анӥе? "Нылъёсмы будӥз ке, кызьпу салкымын мед пукоз. Солдатэ но кошкиз ке, ӵашетэм куараез мед кылоз". Озьы шуса мерттӥд, дыр, тӧдьы кызьпу, дядие? Озьы шуса ву киськад, дыр, кызьпу выжые, анӥе? Паськыт садо сюресэд бусы шортӥ лёгемын, Со сюреслэн кык пал дуртӥз телеграп ез кыскемын. Со ез жынгыр шуыку, кӧтыд ӝож луоз, дядие. Кызьпуосыд ӵашетыкы, сюлмыд чигоз, анӥе! Вордэм пиед уз лу нӥ со сюрестӥ ветлыны. Озьы кылдэм пинал йырлы дуенне вылтӥ ветлыны! Гожтӥз К.Герд Вавож волостьысь Эмезьгуртын. Печатламын 1927 арын Убоен-убоен вож сугонэд, Вож шуса, ситэк эн кошкы; Вож сугон кадь вож мугоры - Кызьы ӵыдыса люкиськод? Геры кутон киёсы но, Пыӵал кутозы, дыр, табере; Геры чур кузя ветлон пыдъёсы, Кузь сюрес лёгалоз, дыр, табере. Камдур шашы кадь йырсие вал, Чик тӧл тугатэк погралоз; Яблокпу кадь мугоры вал, Чик коратэк шуялоз. Гуртэ шоры учкиско ке, Эмезь кисьматозь пукисько; Солдатэ мынонме малпасько ке, Синмы куасьмытозь бӧрдӥсько. Гожтӥз К.Герд Вавож волостьысь Покчивуко гуртын. Печатламын 1927 арын. Кошкем пи гур Жингыр-жангыр но карылоз телеграм юбоед, Лымшыр гинэ тӧлъёслы, ой, чидатэк. /2 пол Ой-ой-ой но шуылоз атыкай пиосыд, Атыкай но бон юртысьбтыз, ой, потыкыз. /2 пол Ӝужыт гынэ (й) гурезез тубем но берад, Васькод на бон меда сю куасьмон, ой, вакытад? /2 пол Атыкай но бон юртысьтыд потэм но берад, Бертод на-а меда туж мӧзмылон, ой, вакытад. /2 пол Лулпу гынэ но (й) арама, лулпу (й) арама, Лулпу ке но бон, жаль вылэм, ой, ӵогыны /2 пол Атыкай но бон юртъёсы, атыкай юртъёсы (й), Алама ке но бон, жаль вылэм куштыса кошкыны /2 пол Салдат (й) улэ (й) ук казарма пуушкын, Четлык пушкысь муш кадь ик. Ачиз эксэйлэн киулаз но - синмыз бертон сюресын /2 пол. Гожтэмын Агрыз ёросысь Варклет-Бодья гуртын. Россиысь Акадмилэн Урал ёзэзлэн Удмурт институтэзлэн рукописной фондысьтыз. "Ӟеч лу, дядие!" - мон шуи но, вань калыкъёс вырӟизы. "Ӟеч лу, мемие!" - мон шуи но, вань калык бӧрдыны кутскиз. "Ӟеч лу, быратэ!" - мон шуи но, валъёссэ со кыткылӥз. "Ӟеч лу, сузэре!" - мон шуи но, валъёсы пуктӥз, лэзиз. "Ӟеч лу, эшъёсы!" - мон шуи но, бур киоссэс сэзъязы. "Ӟеч лу, туганэ!" - мон шуи но, тӧдьы кышет со сэзъяз. Гожтэмын Ува ёросысь Пунем гуртын. Печатламын 1990 арын В.Кельмаковлэн ужаз. Та йырысьтым изьыме маин воштом, дядие? Армие мыныса, пурысь шлемен воштом шат? Та вылысьтым дэремме маин воштом, мемие? Армие мыныса, солдат кителен воштом шат? Та вылысьтым дукесме но маин воштом но, дядие? Армие мыныса, пурысь шинелен воштом шат? Та вылысьтым штанме но маин воштом, мемие? Армие мыныса, галифаен но воштом шат? Та пыдысьтым кутъёсме маин воштом но, дядие? Армие мыныса, сурон но сапеген воштом шат? Гожтэмын Вавож ёроссысь Бадӟым Гурезь-Пудга гуртын. Печатламын 1990 арын В.Кельмаковлэн ужаз. Малы-о, дядие, пидэ вордӥд: асме сюдоз кожад-а? Малы-о, дядие, пидэ вордӥд: асме сюдоз кожад-а? Азбарам ке потӥсько но, вордскем юртэлэсь уг ӵыдскы. Азбарам ке потӥсько но, вордскем юртэлэсь уг ӵыдӥськы. Коргидад ке потӥсько но, сюдэм ужпиедлэсь уд ӵыдскы. Коргидад ке потӥсько но, сюдэм ужпиедлэсь уг ӵыдӥськы. Бакчаям ке потӥсько но, льӧль мак сяськалэсь уг ӵыдскы. Бакчаям ке потӥсько но, льӧль сяськалэсь уг ӵыдӥськы. Шуръёсам ке васькисько но, ӟиль-ӟиль бызись вулэсь уг ӵыдскы. Шуръёсам ке васькисько но, ӟиль-ӟиль бызись вулэсь уг ӵыдӥськы. Возь вылам ке потӥсько но, вож-вож турынлэсь уг ӵыдскы. Возь вылам ке потӥсько но, вож-вож турынлэсь уг ӵыдӥськы. Бусыям ке потӥсько но, кизем ю-няньлэсь уг ӵыдскы. Бусыям ке потӥсько но, кизем ю-няньлэсь уг ӵыдӥськы. Огпалаз ке потӥсько но, люкам кабанлэсь уг ӵыдскы. Огпалаз ке потӥсько но, люкам кабанлэсь уг ӵыдӥськы. Гожтэмын Дэбес ёросысь Берёзовка гуртын. Печатламын 1986 арын В.Кельмаковлэн ужаз. 7 Владыкина Т.Г. КУЛЭМ МУРТЭ ВАТОН НО БУРЕ ВАЁН Кулэм муртэ ватон йылоллэн аспӧртэмлыкез нырысь ик герӟаськемын сопал дуннеын улон сярысь малпанъёсын. Адямиез берпум сюрес вылэ келяса, солэн ӵыжы-выжыосыз тыршизы ваньзэ тупатэм сямъя лэсьтыны. Оскизы: мар ке умойтэм лэсьтӥськиз ке, кулэм мурт, улэпъёссэ сюлэмшугъяськытыса, "бертылоз", "вӧтатоз", нош солэн лулыз, аслыз инты шедьтытэк но буйгатэк, музъем вылтӥ ветлоз. "Ар уёзяз" сое "выль" кулэмен лыдъязы, соин ик буре ваён дыръёсыз но ӵемгес ортчылӥзы: "куинь уйзэ" пусъе вал ватон нуналазы, собере нимысьтыз люкаськылӥзы "сизьым уяз", "ньыльдон уяз", "палараз" но "ар уяз". "Ар уйзэ" ортчытыса оскизы, кулэм муртлэн лулыз воксёлы кошке но вашкала, "77 полэс" ӵыжы-выжыос пӧлын улыны кутске шуыса. Со дырысыен солы, мукет "пересьёслы" сямен ик, арлы кык пол - тулыс но сӥзьыл кисьтон нуналъёсы - нимысьтыз йыбырттыса вазиськылӥзы, шайвылэ ветлӥзы. Кулэм пересьёсты трос мукет учыръёсы но буре вайылӥзы: вылӥ верам тупатэм нуналъёсы сяна, азязы уськытыса куяськизы котькуд пӧраськон нуналазы (ӵемгес кӧс нуналэ), ар дыръёсын герӟаськем сям-нергеос, бызён-басьтон йылолъёс дыръя. Та сям возьматэ удмуртъёслэсь вашкала ӵыжы-выжызэс сӥлы каремзэс, соосты Инмарен артэ пуктэмзэс. Егитъёсты но индылӥзы-дышетӥзы: "Котькуд йӧназ адями аслэсьтыз сизьым полэс ӵыжы-выжызэ тодаз возьыны кулэ". Кулэм пересьёс, пе, та дуннеысь улонэз чакласа возё, урод ужлэсь, секыт учыръёслэсь возьмало-утё. Соин ик адями, улоназ маке умойтэм луэ ке (пудо- животэз висьыны я кулыны шеде, ӵыжы-выжыезлы секыт адӟон лыктэ), одно ик сӥзиське вылэм, нош быгатыкуз виро сётыса куяське. Удмуртъёслэн ватон но буре ваён йылолъёссылэн кырӟанъёссылы фольклористъёс ноку но трос саклык ӧз висъялэ. ХИХ-тӥ даурын куд-ог кыласа-вераса бӧрдонъёсты Н.Г. Первухин гожтӥз уйпал удмуртъёслэсь гинэ. Али но татын, ватыкузы но шайвылэ ветлыкузы, нимысьтыз кылъёстэк ӝож кырӟанъёсты кырӟало. "Шайвыл крезь", "Курекъяськон голос" шуо соосты. Туала аръёсы вӧлмыны кутскизы асэстэм ӝож мылкыдо балладной кырӟанъёс. Лымшор палась удмуртъёслэн та йылол дыръя кырӟан сямзы вылымтэ. Таӵе учыре кырӟаны соос сьӧлыкен лыдъязы. Берло дыре гинэ, коросэз поттыкузы, кулэм муртлэсь яратоно кырӟанзэ кырӟало. Христиан оскон вӧлскемен, трос интыосын, уката ик туала аръёсы, молитва чирдо. Удмуртъёслэн одӥгез тунсыко буре ваён йылозы - йыр-пыд сётон /лы куян/ вал сюан. Та сямъя, нимысьтыз куяськон ортчыто, анаез но атаез буре вайыса. Соос кулэм бере, кӧня ке ар ортчыса (ӧжытсэ - 1 ар, но одно ик кузтэм аръёсы - 3, 5, 7, 9 но солэсь но трос) быгатэмзыя одно ик тыршо вал "келяны" сопал дуннее скал (анайлы), вал (атайлы). Сётоно пудозылэсь йыр-пыдзэ пӧзьтыса но сӥльзэ качаса, лыоссэ кудые тыро но кырӟаса нимысьтыз интые, одно ик кыз улэ нуо вылэм. Бадӟым лыоссэ но йыр кобызэ писпуэ ошо, векчи лыоссэ, кудые куям векчи уксёен но дэрем сепъёсын ӵош, выжыяз кисьто. Кудызэ коркась потто но интыозяз нуо вылэм кышномурт дӥсяськем пиосмурт но пиосмурт дӥсяськем кышномурт. "Воргорон" но "кышномурт" ӵем дыръя изьы но кышет гинэ йыразы поно вылэм. Куды котыртӥ коркан эктыкузы но, сое коркась поттыкузы но, интыязы нуыса сюсьтыл ӝуатыкузы но сюан гурен кырӟало вылэм. Кышномуртлы сӥзё сюан гурез, пиосмуртлы - бӧрысь гурез. Озьы мыддориньто вылэм зэмос сюанлэсь пуштроссэ. Соин ик куд-ог интыосын та сямез "мыддорин сюан" шуо. Зэм но - та сюан кулэм муртлэн ук! Нош музъем вылысь адямиослэн улонэнызы ӵошатыса, сопал дунне - мыддорин дунне, йырин-чукин дунне. Отын ваньзэ лэсьто озьы ик, но "паллян" паласен. Шӧез миськон понна, "уллань" ву ваё, кут гозызэ паллян керттыло, паллян ик вуро дӥськутсэ но, веньзэс ас палазы кыскатэк. Кисьтон карыкузы, куяськыкузы, виназэс но сиёнзэс "паллян" кисьто но кушто. Дырыз гинэ но та йылоллэн нимысьтыз тупатэмын вылэм: йыр-пыд сётылӥзы толалтэ, шунды берытскытозь. Трос инмаръёслы оскон но христиан оскон сураськемен, куд-ог интыосын сое ортчыто 25-тӥ декабрёзь, куд-огаз - 7-тӥ январьысен 19 январёзь яке воксё но одӥг нуналэ - Вуж выль аре, 14 январе. Та сямлэн нимысьтыз вакытэ ортчемез нош ик герӟаськемын вашкалаослэн осконъёсынызы: толалтэ - инкуазьлэн кӧлон вакытэз, соку кузёясько сопал дуннеысь кужымъёс. Пӧртмасько но ук бер сӥзьыл яке вожо вылтӥ, нош пӧртмаськисьёс - сопал дуннеысь вуэм лулъёс. Соин ик капчигес вуттыны та вакытэ "саламез" но. Шундылэн берытскемез, выльысь "улӟемез" сайкатэ инкуазез, соку котырак кузёясько ни мукет кужымъёс - вылӥ сьӧрпал дуннеысь Инвожо-мумы, Инмар-Кылдысин но Куазь. Йыр-пыд сётон - кулэм муртлэн берпум юондырез. Сое одно ик ортчытоно, анай- атайёс сопал дуннеын но скалэн-валэн мед улозы, медаз "вожъяське" шуыса, улэп адямиослы азинлык, пудо вордон капчилык мед сётозы шуыса. Ваньмыз та мылкыдъёс верамын луо йылолын чузъяськись кырӟанъёсын. Кулэм муртлэн нергеез Милям удмурт кулэ ке, иськавынъёссэ ӧччаса, "гидкуа" лэсьто. Пересь муртъёс со кулэм муртэ мисько но окто-калто, тӧдьы дӥсен-кутэн дӥсяса, кутчаса. Гидзэ-куазэ быдэстэм бере, кулэм муртлы улаз куж вӧлдо; собере, веник йылэз кораса, йыр улаз поно, отчы ик пичи ыжгон но поно. Кулэм муртэ гидаз-куалаз, "тани коркад пыртӥськом ини; та дуннеысь кошкид, со дуннеяд ӟеч ул ини!" шуса поно. Собере кышноос сеп поно йыр улаз: "тани дэрем дӥсяськом" шуса, "вождэ эн вай!" шуо. Со сепен огазе коньдон но поно: "со дуннеяд коньдонтэк эн ул!" шуса. Собере со кулэм муртлы "курвыл виро" шуса, курег вандо, чекало. Собере черке нуса, ватны мыно но, со кулэм дӥсьсэ-кутсэ, со "гидкуа" лэсьтэм шелепсэ но жугзэ-жагзэ сьӧразы нуо но, гурт сьӧры вуса, нюке-гопе куяло: сыӵе азез "дӥськут куян нюк" шуо. Гузэс гудӟыны кутскыкузы, шайвылысен, нырысь ик музъемез ӵогыкузы, сеп пыртӥ ӵого, кулэм муртэз вераса, "ымдэ-нырдэ палэнты!" шуса. Гузы пӧрмем бере, черке мынса, вӧсяса, ваё кулэм муртсэс. Ваем беразы гуэ гозыен лэзё, "ӟеч ул ини со дуннеяд!" шуса. Собере нырысь музъем яратон муртыз вылаз сюй понэ. "Ымдэ-нырдэ кут, ымныр вылад усем сюйдэ зарни-азвесь кар! Со дуннеяд ӟеч ул!" шуэ. Собере кутко ини согны. Озьы согем беразы, сьӧразы нуэм нянь нырынызы но пыжем курег пузэнызы гу вылаз ватӥсьёс куясько, тазьы шуса: "Тани, пересьёс, та муртэ (татын кулэм муртлэсь нимзэ шуо) бордады кутэ! Урод эн каре! Дорады лыктӥз, ми дорын улны мылыз ӧз пот ни; сантэм эн каре, ачтӥос утялтэ, дорады кутса воӟе!" Озьы куяськем беразы, гу вылаз пыдсаськыса йыбыртто но "Ӟеч ул ини со дуннеяд!" шуса кошко. Шайвылысь потыкызы, шай капкаетӥ огез кияз тӥр кутэ но "калыкез поттылэ!" шуса, котькудӥзлэсь нимыныз вераса, калыкез оген поттылэ. Одӥгез потэ ке, солэсь нимзэ вера "тон пот!" шуса, тӥрен гожтэ музъемез со бӧрсьы ваменак. Кулэм муртэ "тон кыль" шуэ. Котькудӥз бӧрсьы оӟы гожъя, вань ватӥсь потса бырытозь. Озьы ватэмысь вуса, мынчо эсто но, мынчое пырса, ватэм дӥсьсэс-кутсэс вошто. Собере сюсьтыл ӝуатыса со ватӥсь иськавынъёсыз люкасько но со "кур виро" сётэм курегенызы мызон сиён-юон но тырос пӧраса но вина поттыса куясько. Кулэм муртэ буре вайса "ӟеч ул ини со дуннеяд!" шуо но сиён-юонзэс сиё-юо. Куиньметӥ уин иськавынъёс "куинь уйзэ карком" шуса нош люкасько но кисьтон каро. Та кисьтон карон дыръяз котькудӥз полуштопен вина нуэ но, сиён но пӧраса нуо. Со сион- юонзэс ваньмыз ик ӝӧк вылэ пуктыло но "куинь уйзэс карса" кудӥз куяське (нянь пыры, сиён пыры), кудӥз вӧсяське. Вӧсяськись таӟы шуэ: "Буре вайса куинь уйдэ карком, ӵек! Тани иськавынъёсыд сиён-юон ваиллям: "си-ю шуса верало (татын кулэмзылэсь нимзэ шуо), - урод эн кар! Семьяез но, пудо-животэз но ачид утялты. Кизем-пазьгем юэз но ачид утялты! Нумыр-кибилилы эн сюд! Ӵеке! - шуо. - Кин ке вичке, вочнады сие-юэ! Пересьёс, мон нимын-тулын ваньдэс уг тодскы. Мар ке вань, сие-юэ!" Оӟы куяськем беразы со ваем винаоссэс ваньзэ сектало но ӝӧк сьӧры пуксьыса сиё- юо но собере кошкыло. Ӧжыт улса, со кулэм муртсылэсь "сизьым уйзэ", собере нош "ньыльдон" уйзэ, нош "паларзэ", берлоаз арыз ортчем бере "арзэ" каро, озьы ик люкиськыса нерге каро, кисьтон каремзылы быдэ кулэмъёслы виро вандо, курег виротэк уг кельто. Собере, кулэм муртсылэн "ньыльдон уез" ортчытозь, сиськыкызы буш пуньы дуръяса но (сое) сиён пӧлы веттыса, со кулэмез вераса сисько. Гожтӥз Б. Мункачи. Печатламын 1952 арын. * * * Коркасьтым но(й) потыкум, Семьяелэсь люкиськыкум, Бубыли ке ой, луысал, Укно дуре кыльысал. Азбартӥ, ой, потыкум, Гидкуаелэсь люкиськыкум, Зарни шар ке луысал, Питраса но(й) кыльысал. Югыт дуннелэсь люкиськыкум, Пеймыт гуэ пырыкум, Чылкыт омыр луысал ке, Выллань тубса кыльысал. Шайгу вылам сад мерттэ, Отын уӵы мед чирдоз. Мынэсьтым кырӟам куараме Гуртэ бертса верасал. Гожтэмын Шаркан ёросысь Суроново гуртын. Печатламын 1986 арын В.Кельмаковлэн ужаз. * * * Э, гыдыке, гыдыке, нылые! Черсыны, дэраме куыны, вуриськыны уд лыкты ни. Кин мынэсьтым етӥнме вӧлдоз? Кин мынэсьтым етӥнме сэстоз, октоз-калтоз? Улысал ке, оло, одӥг дэрем, штани, муресазь куысал мон поннам! Табырезэ кин мыным куоз-лэсьтоз? Аслым котьмар борды кутсконо ни. Улысал ке ӟеч калыке, оло потысал. Табырезэ кин тонэ музъемысь адӟоз? Нокин но уз адӟы! Сояз дуннеяд ӟеч ул ни, нылые! Ӟеч калыкез адӟыны тыныд, вылды, кылдымтэ. Кызьы карод? ма карод? Озь, вылды, инмарлы кулэ. Гожтэмын Глаз уездын. Печатламын 1893 арын Ю.Вихманлэн ужаз. * * * Э, нюняе, нюняе, кулӥд ук тон! Кулӥд но кошкид ни тон, номырдэ уд шӧдылы ини. Ми татчы кылём ини, кызьы шунды пыже, ми озьы ик пыжом. Э, нюняе, нюняе, усыдэ но герыдэ но мон вылам кельтӥд ук. Э, нюняе, нюняе, геры дуре султӥсько ке, тонэ тодад лыктэ мынам. Туж ик гырыны секыт вылэм, тон кулӥд но кошкид табере. Э, нюняе, нюняе, нылдэ-пидэ ӝук мында кельтӥд сюдыны мыным, кызьы соосты вордыны кылдэм мыным? Э, нюняе, нюняе, нылпиед куттэк но, дӥськуттэк но ёрме, Тон уд адӟиськы ни сое. Тон неноку но кулоно кадь ӧй вал. . . Малы меда тон кулӥд?.. Россиысь Академилэн Урал ёзэзлэн Удмурт институтэзлэн рукописной фондысьтыз. * * * Ой, нэнэе, нэнэе, тон малы меда кулӥд? Татчы милемды кельтӥськод ук курадӟыны. Кызьы меда улыны кылдэм милям нэнэтэк? Тон дыръяд ӟеч улӥм, олокызьы улом ини. Милемдыс сюдӥд но, вордӥд но, Сӥтьысь-кизьысь поттӥд но, Куака пиосты сямен куштӥд но кельтӥд. . . Кызьы меда таре уймес-нуналмес ортчытом тонтэк? Тон дыръя неномыре но ӧм сюлмаське, Тарезэ кӧтмы но сюмаса оло улом ин? Тон дыръяд кыӵе ке ческыт сиыса улӥм, Таре бубы бордын олокызьы улод на ини?.. Ӟеч ул ни сояз дуннеяд, дуно нэнэе. . . Россиысь Академилэн Урал ёзэзлэн Удмурт институтэзлэн рукописной фондысьтыз. * * * Э, нылы, нылы, тон тазьы, егит мурт, ма турттӥд?.. Тон калыке медӥськод вал ин, кузлы-паллы, Таре пеймыт гуэ, ву мульы кадь понӥсько ин табере. Э, Оринэ, Оринэ, кыӵе ке но чебер кариськод ин гуэ. Э, Оринэ, Оринэ, черсонэд но кыле ук. Черсон шортэд кыле ук, кин медам сое куоз? Озьы ик, вылды, тӧласа улоз, тӧл-тӧл. . . Кенсы ке потӥсько вал, син шорам шыкысэд адске вал. Сюры вылэ учкисько - тямыс выртэн валес шобретэд адске вал. Кенсы ке мынӥсько, бӧрдэменым потэме но уг лу. Кенсы ке потӥсько, корка ке мынӥсько, Валес вылысь адӟисько кадь вужердэ. Ӵукна ке султӥсько, ву дуре мынӥсе но ӧвӧл ни. Пыдме но воштӥсе ӧвӧл ни таре, Тон воштӥськод вал ялан пыдме. Э, Оринэ, Оринэ, уин кӧлыкум гинэ тодам уд лыктӥськы, Уй но нунал но кӧтам бергаськод. Россиысь Академилэн Урал ёзэзлэн Удмурт институтэзлэн рукописной фондысьтыз. ЙЫР-ПЫД СЁТОН ГУР Нылкышнолы Анна гинэй кенаклы искал сётӥськом, Зарни гинэй сюро но азвесь гижыё, Зарни гинэй но азвесь гижыё. Сётэм гинэй искалмы но йӧло-вӧё мед улоз, Сётэм гинэй искалмы но йӧло-вӧё мед луоз. Бер гинэ но кылемез но сыл мед луоз, Бер гинэй но кылемез но сыл мед луоз. Анна кенак, азяд мед усёз. Мед удалтозы на кылемез пудоосмы, Мед удалтозы кылемез пудоосмы, туж мед удалтоз! Поттэлэ но поттэлэ пурысьтам но бекчеостэс, Ӧд ке поттэ пурысьтам но бекчеостэс, Лёгомы но чигтомы, ой, сайгакъёстэс. Дас кык ӵошен лёгимы ке, сайгактэс чигомы, Дас кык ӵошен лёгимы ке, сайгактэс чигомы. Ваелэ но ваелэ но ог сюмык ныръёстэс. Сётэм гинэй искалмы но йӧло-вӧё мед луоз, Сётэм гинэй искалмы но йӧло-вӧё мед улоз. Ваелэ но, ваелэ но ог пуньы ӝукъёстэс, Ваелэ но, ваелэ но ог пуньы ӝукъёстэс. Тпуе-э, тпуе-э! Ой, та искал провор луоно, Йӧло-вӧё мед луоз ини. Ваелэ но, ваелэ но ог черык ӵак юондэс. Ӧд ке сётэ ог сэрег но басмаостэс, Сандык гинэй пыдесъёстэс но ӵемысь коралом. Сэрего но сэрего но Вожой урамед, Сэрегезлы быдэ но чибор юбоез, Юбоезлы но быдэ кӧйтыл ӝуалоз, Со кӧйтыллэн югытъяз но ми лыктӥмы, Со кӧйтыллэн югытъяз но ми лыктӥмы. Иназ мед мыноз таберезэ, искал сётӥськом. Бер гинэй но кылемез но сыл мед луоз, Бер гинэй но кылемез но сыл мед луоз. Гожтэмын Грах ёросысь Лолошур-Возжи гуртын. Печатламын 1981 арын М. Атамановлэн ужаз. * * * Куать нонӥё искалме сётӥсько, вордэм мемее. Сётылэм но пудоме кияд-пыдад кутылы. Сётылэм но пудоме кияд-пыдад кутылы. Кыльылэм но животмес гид тыр, луд тыр карылы. Кыльылэм но животмес гид тыр, луд тыр карылы. Вожъяськыса тон эн улы, йӧл сиса тон(ы) весь ул. Вожъяськыса тон эн улы, йӧл сиса тон(ы) весь ул. Гожтэмын Пичи Пурга ёросысь Улын Юри гуртын. Печатламын Т. Владыкиналэн ужаз. ЙЫР-ПЫД СЁТОН ГУР Пиосмуртлы Вожъёстэ но вайса эн кошкы тон, агае. Вожъёстэ но вайыса эн кошкы тон, агае. Сётылэм но животъёсмес кияд-пыдад кут. Сётылэм(ы) но животъёсмес ӟеч кияд-пыдад кут. Бер кылем но животэз гидтыр-лудтыр удалтыты. Кыльылэм но животэз гидтыр-лудтыр удалтыты. Кыльылэм но семьядэ тазалыкын возьылы. Кыльылэм но семьядэ тазалыкен возьылы. Иськавын но бӧлякез но секыт эн возьы. Гожтэмын Пичи Пурга ёросысь Кайшур гуртын. Печатламын Т. Владыкиналэн ужаз. * * * Последной но ювондырдэ ми кариськом, ой, тынэсьтыд. Ӵыдыса но мӧзмыса тон эн кошкы, Миколае. - 2 пол Ой, ӵыдонтэм-мӧзмонтэм ук вордӥськем но, ой, иньтӥед. Ой, эшшо(й) ик ӵыдонтэм иськавын но(й) бӧлякед. Сётоно но животъёстэ кияд-пыдад, ой, кут али. Бер кылем но, ой, животэз гид тыр, луд тыр удалтыты. Бер кылем но семьяед тазалыко мед улоз. Гожтэмын Пичи Пурга ёросысь Ильинск гуртын. Печатламын Т. Владыкиналэн ужаз. * * * Секталом но шуыса ӧд-а(й) ӧтелэ, Киям гынэ(й) ӧвӧлзэ мае юом? - 2 пол Возьма, дыр, ни, возьма, дыр, Карпа кудомы. "Вуоз-а ни кытконо валэ" шуса. - 2 пол Кема возьматӥм, кема возьматӥм, Карпа кудое. Бакель кар, бакель кар ни, Карпа кудое, Ми ӧм шедьтэ тынэсьтыд, ой, малпамдэ. Возьма, дыр, возьма ни, дыр, Карпа кудомы, Зимафор н о капказэ, ой, усьтыса. - 2 пол "Вуэ-а ни, вуэ-а ни мынам валъёсы, Валэн но ворттылэме но туж потэ ни". Гожтэмын Алнаш ёросысь Бокай починкаын. Печатламын 1992 арын В. Бокаевалэн но Т. Владыкиналэн ужазы. 1 1 Калыкез югдытӥсьёс Леонид Федоров, Удмурт Элькунысь дано журналист, Калыкез дышетонысь отличник. Гавриил Федотов Тунсыкъяськыса лыдӟи кык тодосчиослэсь книгаоссэс. Огез удмурт кылын, мукетыз - ӟуч. Филология наукаосъя кандидатлэн А.Н. Уваровлэн "Югыдытӥсьёс" книгаез удмурт литературамес кылдытӥсьёс сярысь, история наукаосъя кандидатлэн Г.Д. Фроловалэн "Просветители удмуртского народа" книгаяз пыртэмын калыкмес дышетон удысын тыршисьёс сярысь очеркъёс. Сояз но, таяз но книгаысь очеркъёс мадё одӥг адямиос сярысь, кинъёс тыршизы удмурт калыклэсь асваланзэ ӝутыны. Пӧртэмез со гинэ - одӥгез возьматыны тырше визьмо адямилэсь литература удысын азинлыко ужамзэ, мукетыз - калыкез дышетон удысын. Г.Федотов педагогикаын история но практика сярысь исследованиосаз вера на таӵе мылкыдзэ: кулэ на, пе, вылэм асьме республикаысь усто педагогъёс сярысь азьланьын эшшо гожъяны. Ӟеч учебникъёслэн авторъёссы, педагогикаын выльзэ утчасьёс луо, шуэ со, Г.Ф. Федотов, А.В. Конюхова, В.И. Колесникова. А.И. Вахрушева, Г.Н. Никольская, Социалистической Ужысь Герой И.К. Зеленин, СССР-ысь калык дышетӥсь Е.М. Корепанова но мукетъёсыз. Мон сямен, умой малпан. Зэм, со нимъёс газетъёсын но журналъёсын потылӥзы ик, но соосты вунэтыны уг яра. Опытсы туала дышетӥсьёслы но адӟем карымон мед луоз вылэм. Сое чакласа, мон но люканы выри, мар тодмо ни асьмелы Г.Ф. Федотов сярысь, Ижысь соин кылдытэм педучилище сярысь. Можга педучилище сярысь быдэс книга кылдытэмын ке, Ижысез малы ке ог куамын ар ӵоже вунэтэмын ни вал, шуыны луоз. Нош мон отын дышетски 190-1954-тӥ аръёсы. Г.Ф. Федотовез тодӥсьёс верало, тодмо педагоглэн, букварь кылдытӥсьёслэн нимыз вунэ ни шуыса. Озьы лыдъя, кылсярысь, кылбурчи но литературовед П.К. Поздеев. Монэ воксё абдратӥз таӵе югдур: Г.Федотов рос-прос радъяны быгатэм, Иж педтехникумын сяна, Дебес педтехникумлэсь ужзэ. Кивалтэм на Глазов но Сарапул педучилищеосын. Сомында осконъёсты Инмар дышетон удысын ӟеч быгатонлыкъёс сётӥз, дыр. Бен, улэп дыръяз вылӥллям сое ултӥяны вырисьёс но, егитъёсты национализм мылкыдо визьнодалля вал шуылӥсьёс. Ку меда визмо удмуртъёсты национализмен пыкылӥсьёс бырозы? Мӧйыос верало: Советской власть кылдэм аръёсы удмурт школалэсь но культуралэсь азинскемзэс педтехникумъёстэк син азе пуктыны уг луы. Нылпиосты, озьы ик гожтэт тодымтэ мӧйыосты но егитъёсты ньыль классозь дышетон кызетӥ аръёсы ӟеч азинскиз, нош дышетӥсьёсты дасязы педагогической техникумъёс. 1922-1923 аръёсы соос ньыль вылӥллям ни - Ижын, Можгаын, Глазын но Выль Мултан черко гуртын. Соос пӧлын соку валтӥсьёсыз вал Ижын но Можгалан. Вазенгес, 1919 арлэн пумаз, Елабугаын азьло учительской семинария интые усьтӥськиз Можга педтехникум. Сое кылдытӥсьёс - Трофим Кузьмич Борисов но Яков Ильич Ильин. Таос сярысь умой маде И.Гаврилов "Тодам ваисько" мемуаръёсаз. Нош Иж педтехникум кылдэмын 1921 арын, отчы нырысьёсыз дышетскисьёс лыктӥзы Сарапулысь удмурт педагогической курсъёсысь. Тазэ кылдытӥсьёс пӧлын - Гавриил Федотович Федотов (1886-1968) но Михаил Ильин Ильин (1876-1935) вал. Собере техникумез син азязы возиллям облисполкомлэн председателез Иосиф Алексеевич Наговицын но удмурт калыклэн югдытӥсез, дышетонын ужась, нылпи юртлэн кивалтӥсез Кузьма Павлович Чайников (Куӟебай Герд). Шаермылэсь шоркарзэ Глазысь Иже ӵапак та вакытэ воштӥзы угось. Нош Куӟебай Гердлэн кивалтоно удмурт нылпи юртаз педтехникумын дышетскисьёс аспӧртэмлыко практика но ортчыло вылэм. Нош кин со Г.Ф. Федотов? Ма ужаз Иж педтехникуме лыктытозяз? Туж визьмо удмурт пи, калыкез югдытӥсь вордскемын 1886 арын 18 мартэ Галич гуртын, Шарканлэсь кык иськемын гинэ, куанер удмурт крсетьян семьяын. Атаез 30 арескозяз узыръёс дортӥ ужаса ветлэм. Семьязы со аръёсы тыр улонэз адӟылымтэ. Ганялэн атаз кулыку, пияш арес сяна вылымтэ на. Будэтӥллям сое анаез но кык агайёсыз. Дас аресказ сётӥллям Шарканысь земской начальной школае, сое быдтыса, Шаркан черко гуртысь ик двухклассной училищеын дышетсконзэ азьланьтэм но сое 1900 арын быдэстэм. Азьланьын эшшо дышетскон но дышетӥсь луон сярысь малпанэз уката пуромем на. Нош дышетскыны нокыӵе луонлыкез вылымтэ ни кадь. Агайёсызлэсь юрттэт курыса, кема сюлворем пияш. Соосыз куронзэ санэ басьтӥллям. Сюрес вылэ коньдон сётӥллям. Дышетӥсезлэн ӵектэмезъя но валэктэмезъя, быдэ вуымтэ егит пи кошке Уфа губерниысь Бирск городэ, отысь учительской семинарие пыре но сое 1906 арын йылпумъя. Сарапул уездэ берытскыса, 1914 арозь школосын дышетэ. Собере эксэй армие басьто, шеде нырысетӥ мировой войналэн фронтаз. Осконъёсын улыкуз, Гавриил Федотов ожмаськонэз адӟонтэм карыны ӧдъя, уката ик ужын сӧсырмемез бере. 1915 арын куартолэзе сое, азьланьын военной службалы ярантэм луэ шуыса, дораз келяло. Сӥзьыл ик дышетон уж борды кутске. Озьы тырше 1919 арозь. 1917 арын февраль революция дырысен дышетӥсь Г.Ф. Федотов ассэ кытке общественно-политической ужъёсы но: пыриське Шарканысь вуж волостьлэсь кивалтӥсьсэ уллянэ, вылезлы ревком кылдытонэ, со Шаркан волостьысь ревкомлэн нырысетӥ тӧроез луэ. Но отын кема ужаса уг вутты: волревком большевикъёслы дурбасьтэ шуыса, сое общественной ужъёслэсь палэнто. Октябрь революция вормытозь, выльысь нылпиосты дышетэ. 1919 арын 18 январе Шаркан волотьысь РКП(б)-лэн ячейкаез кылдӥз, соин кивалтыны оскизы вал Г.Ф. Федотовлы. 60 пала коммунистъёс пӧлын сизьымез дышетӥсьёс вылӥллям. Граждан ож вакытэ сое пытсэт улэ пуктыны туртто вылэм. Но тӧдьыос пӧлын вылӥллям Федотовлэн дышетэмъёсыз, соос ик мозмытӥллям сое. Озьы гужемзэ Воткаын тодмоосыз дорын ватскыса улоно луиз. Воткаын но Ижын гордъёс вормем бере, Шарканэ Горд Армия вуиз. Федотов РКП(б)-лэн членэз луиз. Март толэзе, Колчаклэн войскоез вуыку, Шарканысь коммунистъёс ваньзы (60 мурт) Уни черко гуртэ чигназы. Отын Горд Армилэн 30-тӥ стрелковой дивизияз куриськизы. Федотов нырысь та дивизиын гожтэт тодӥсьтэм боецъёсты дышетӥз, 30-тӥ дивизилэн политотделаз школа ужъёсы кивалтӥсь луиз 1919 арын гудырикошкон толэзе ыстӥзы 3- тӥ армилэн политотделаз валэктон уж нуыны, собере со ужез ик азьланьтӥз та армиысь реввоенсоветын. 1920 ар кутскыку, тифен висьыны ӧдъяз, йӧнатскыса кема кыллёно луиз Омскысь военной госпитальын. Йӧнам бераз кӧня ке толэзь ӵоже запасной полкысь клубын ужаз на. Отысь сое ӧтизы удмуртъёслэн ужъёссыя комиссариатын ужаны. Нош Вотобласть (Удмурт автономия) кылдон вакытэ пӧртэм ужъёсты радъяны ысъязы: Ижысь уезд ревкомлэн членэз вал, политпросветлэн уженыз кивалтӥз. Тӥни сыӵе вылэм Г.Ф. Федотов, Ижын педтехникум усьтӥськемлэсь азьло. Татын со кылдытӥз но нырысетӥ кивалтӥсез но луиз, трос аръёс ӵоже азинлык тыршиз удмурт ныпиосты дышетонэз радъян удысын. Иж педтехникумлэн нырысетӥ кивалтӥсезлэсь ужан амалъёссэ но тусбуйзэ суреданы юрттӥзы кыкез кызетӥ аръёсы дышетскемъёс: Мария Баженова (Льӧм Маня) но Августа Конюхова (ныл дыръяз Будина). Отчы кыкназы пӧртэм аръёсы одӥг гуртысь вуиллям - Дебес ёросысь Удмурт Лем гуртысь. Кыкназы ик Г.Ф. Федотов сярысь туж шунытэсь кылъёс верало. Кыкназы гожъяськись адямиос: М.Г. Баженова егит дыръяз пьесаос, веросъёс гожъя вылэм, А.В. Конюхова - нылпиослы кылбуръёс но веросъёс. Кыкназы ик пӧртэм аръёсы Удмуртиысь Дышетӥсьёслэсь тодон-валанзэс будэтонъя институтын ужазы. Соин но, дыр, малпасько, тодэ ваёнъёссы яркытэсь, ортчем аръёсты син азе умой пукто. Мария Герасимовна Баженова - (1906-1988) педтехникумлэн нырысетӥ 23 выпускникъёсыз пӧлысь одӥгез. Директорез сярысь со мӧйымыса ини "Дышетӥсь" очерк гожтӥз. Поттӥз сое 1988 арын "Молот" журналлэн 3-тӥ номераз. Сётӥсько очеркысь куд-ог люкетъёссэ. "1921 ар туж кӧс вал. Ӵапак со аре Г.Ф. Федотовез Ижевскын педтехникум усьтыны косӥзы. Хозяйство ласянь юрттӥсез Бурбуров тодаз вайылӥз: "Ӵукнаысен ӝытозь Федотовен бызьылӥм. Дышетскон кабинетъёс дасяно. Общежититез выльдоно. Куинь этажаз ик гур пуктоно, мунчоез тупатоно,пу нулоно. Нош самой секытэз - сиён-юон пумысен бызьылон. Гавриил Федотов вылын ик вал педколлективез люкан, огазеян но. - Юрттӥсе, ӧд-тэ висьыны усь? - жуммем тусме адӟыса, Федотов огпол юаз. - Гавриил Федотович, - шуисько. - туртскеммы, бызьылэммы юнме ке луиз?! Няньтэм аре нылпиос кышкалозы городэ пырыны. Собеер лыктэмез но кӧттырет начарысь вайыжзэ берыктоз. Будӥсь пиналъёслы векчи шорем нянь, кизер шыд, чай матын но уз тырмы. - Бурбуров эш, - Гавриил Федотович вазе. - Ӟечезлы оскыса улоно, ужано. Одӥгез но дышетскисьмы сюмаса уз кул. Кошкисьсэ думыса ум возе. Дышетскисьёсмес но кӧттырон понна "ӵабъяськыны" дышетом". Зэм но, Федотовичлэн кылыз ужезлэсь ӧз куспатскылы. Ньыль-вить ар ӵоже дышетскисьёс Зарекае бадӟым участок вылэ картофка мерттылӥзы. Техника шуонмы корт лопаткаос гинэ вал. 1921-1924 аъёсы нырысетӥ сентябрь азьын нодэсъёсыз но, воксё ежъёсыз но удмурт нылпиос (соос пӧлын вал удмурт кылэз тодӥсь ӟучъёс но) пельпум вылазы котомкаосын, пыдазы кутэн, вылазы сукман дӥсен, куэм дэремен, пиос тӧдьы сюрсо лыз штаниен гуж гинэ люкаськылӥзы общежитие. Со али ке Свердлов ульчаын, пруд дурын сылэ. Отчы ик общежитилы шуыса улыно-вылыно пу корка сётэмын на вал. Гавриил Федотович кузпалэныз, племянникеныз общежитиын ик, подвалын комнатаын улӥз. Городэ вӧл-вӧл квартира сёто вал. Ӧз мыны. Бадӟым нылпи армиме, пе, одӥг Бурбуров вылэ-а кельтом? Ми, Федотовлэн дышетскисьёсыз, ӟеч ласянь гинэ сое тодамы ваиськомы. Мон куинь ар дышетскытозям (1922 арын экзамен сётэме бере кыкетӥ курсэ кутӥзы), огпол но керӟегъяськемзэ ӧй адӟылы". 1921 арын Иж педтехниумын дышетскиллям куать валтӥсь но куинь дасяськон группаосын 140 егитъёс. Удмурт кыл одно дышетоно предмет вылэ ӟуч нылъёс, пиос понна но, малы ке шуоно, татын дасязы удмурт школаосын ужасьёсты. Выль педтехникумын ужаны ӧтемын вал автомной областьысь устоосыз дышетӥсьёс. Математикая - Е.А. Шкляева, 30-тӥ аръёсысен Удмурт пединститутын ужаз; кылъя но литературая дышетӥз К.М. Баушев, бӧрысь Ленинградысь Герцен нимо пединститутын доцент вал, 30-тӥ аръёсы репресия улэ шедиз; физикая дышетӥсь А.Н. Пельц озьы ик 30-тӥ аръёсы Удмурт пединститутэ лыктӥз". Отӥяз тани ма гожтэ Мария Баженова: "Али но Федотов улэп кадь син азе пуксе: веськрес, ӝужыт мугоро, тусо-буё ымныро, лэчыт, визьмо синмо. Со нуллӥз лымы кадь тӧдьы дэрем, галстук, сьӧд я лыз костюм, синучкон кадь сузям хромовой сапег. Федотов педагогикая дышетӥз. Классэ пыре ке, борддоръёс ик паськытэсь, югытгес луо вал кадь. Лекциоссэ Ушинскийлэн, озьы ик мукет быдӟым педагогъёслэн учениоссы вылын дасялляз. Студентъёс малпанъёссэ мед валалозы шуыса, улонысь учыръёсты вералляз. Тунсыко лекциосыныз вуоно дышетӥсьёслэсь азьпалан ужаны мылкыдзэс бурдъялляз. Берпуметӥ уроказ сӥзьыса выллем ӵектэмез ноку уз вуны: "Техникумын тодам-валам басьтэменыды эн буйгатске. Пӧртэм наукаосысь, нырысь ик педагогикаысь выльзэ чаклатэк-тодытэк ӵакмоды. Ужады капчизэ эн утчалэ. Нылпиосты воспитать карон, дышетон капчи уж ӧвӧл - со аспӧртэмлыко, тунсыко искусство. Сюлэмдэс, визьдэс поныса ке ужады, со тӥледлы шумпотонэн берытскоз". Собере пальышаса ватсаз на: "Мыным кыкетӥзэ улыны кылдысал ке, одно ик дышетӥсьлэсь профессизэ бырйысал". Иж педучилищеын дышетскем аръёссэ сайкыт тодаз вайылэ отчы 1924 арын лыктэм, али 89 аресъем Августа Васильевна Конюхова, Удмурт АССР-ысь школалэн дано дышетӥсез, шаермылэсь культуразэ азинтон удысын трос тыршем мурт. "Соку, мон сямен, - шуэ Августа Васильевна, - Иж педтехникум пыд йылаз юн сылэ вал ини. Дасяськон группаын кык ар дышетскыса, нырысетӥ курсэ выжим. Покчи классъёсын ужанъя методикалы дышетӥз техникумын директорез Гавриил Федотович Федотов. Туж либыт сямо, визьмо воргорон вал со, йыг-йыг мугоро, паськыт ӵошкыт кымесо, чагыр синмо, ӧжытак пурысьтаны ӧдъясь йырсиосыз. Ӝикыт дӥсяськылӥз, сьӧд костюм нуллӥз. Вераськыкуз пальышак потылэ, куддыръя кит-кит серекъя. Шорад мыр-мыр но муспотон учкоз. Туж визьмо кивалтэ вал Гавриил Федотович дышетскисьёсын но, дышетӥсьёсын но. Студентъёс яратылӥзы сое. Соосын огъя кусып возиз ученической комитет пыр. Ми дыръя учкомлэн тӧроез вал Павел Никитин (бӧрысь Совминлэн тӧроез луыса ужаз). Учком радъя вал дышетскисьёслэсь техникумъя дежурить каронзэс, юрттылӥм столовойын ужаны, черодэн мунчо эстылӥм, ву пыртылӥм, эстыны пу дасяллям". Шӧдӥськоды, тодэ ваёнъёссы ог-огзылы туж матын. Кыкназы ик верало педтехникумысь егитъёслэн творческой уже кыстӥськемез сярысь. Со аръёсы отын кылбуръёс гожъяны кутскизы А.Клабуков, А.Бутолин, А.Лужанин. "Гырлы" рукописной журнал потто вылэм, калык кырӟанъёсты люкало. "Ӟучез но, удмуртэз но яратыса ветлӥзы удмурт клубе. Йыг-йыг хор кылдытэмез понна нырысь ик тау карыны кулэ Молоткова Елизавета Васильевналы. Со сюлэмзэ поныса ужаз дышетскисьёслэн куаразы бордын. Бен, Молотковатэк Григорий Титовлэн но, Кузьма Ложкинлэн но куараоссы пашмысалзы, дыр", - озьы тодаз вае М.Баженова. Собере пыр-поч вера драмкружоклэн ужамез, асьсэлэн егитъёслэн пьесаос кылдытон бордын ужамзы сярысь. "Насьталэн быземез" пьесазэс удмурт клубын пуктӥллям 1923 арын 8 Мартэ. "Ми, шудӥсьёс, шумпотыса ма кареммес но ӧм валалэ кадь. Котькинлэсь ортчыт, дыр, шумпотӥзы Гавриил Федотовичен Иосиф Алексеевич Наговицын. Сцена вылэ тубыса, Наговицын йыръёсмес маялляз, тыбырмес гыб-гыб вешаз". Гавриил Федотов но Иосиф Наговицын со аръёсы туж матысь эшъёс луиллям. Наговицын педтехникуме ӵем пыралля вылэм. Нырысетӥ выпусклэн фотоез вылын артэ пуксемын Г.Федотов но И.Наговицын. Нош Гавриил Федотович мӧйымем бераз ини гожъяськисьёслы вераллялоз вылэм, И.А. Наговицын сярысь роман гожтыны кулэ вал шуыса. Со сярысь Михаил Ляминэн кенешемез потэ вылэм но, соин пумиськыса вуттымтэ ни. Тазэ вера А.В. Конюхова: "Дышетӥсьёсмы туж умоесь вал: математикаен - Анна Ивановна Поздеева, коми- зырянка. Зол дышетӥз физикмы А.Н. Пельц. Со вакытэ ми доры вуизы кузпалъёс Семеновъёс. Надежда Яковлевна - усто математик. Василий Семенович техникумын агроном луиз, со дыре ик подсобной хозяйствоенымы кивалтӥз. Пичи ӧй вал хозяйствомы - валъёс, чыры-пыры пудоос. Гыроно-кизёно музъеммы вылын бакча сиёнъёс будэтӥм. Прудмы вал. Отчы черодэн курсэн-курсэн ужаны ветлылӥм. Туж яратӥм музыкалы дышетӥсьмес Елизавета Васильевна Молотковаез. Со Иже Москваысь вуэм, отысь оперной театрын ужам. Нош педтехникумын хор кылдытӥз. Мон отчы эшеным Катя Малыхен ӵош дасяськон группаын дышетскыкум ик ветлӥ ини. Ӟеч дасяськимы котькуд праздниклы, ӝытъёслы. Концертъёсы пыриськылӥз хормы. Кырӟасьёсмы, эктӥсьёсмы вал. Удмурт клублэн сцена вылаз потамы, концертъёсын гуртъёсы ветлӥмы. Котьку сямен, Молотковалэн кивалтэмез улсын. Праздникъёслы дасяськонэн кивалтылӥзы пионервожатойёс но, учком но, котьку тунсыкъяськылӥз ачиз директор Г.Ф. Федотов. Ми улӥм куинь этажъем из коркан, Береговой урамын, Пастухов урамлэн завод пал дураз. Куинетӥ этажын - ми, нылъёс, кыкетӥын - пиос, нош нырысетӥ этажын директормылэн патерез вал, со улӥз кузпалэныз Анна Федоровнаен но одӥг вордос пиеныз. Ваньмыз кулэез асьмелэн - столовоймы, кухнямы, сиён-юон возён складмы. Азбарын мунчомы, пу возён интымы. Вулы ошмесэ ветлылӥм. Ву доры потон сюрес дуре меӵ ярдур вадьсы асьме киосынымы аллеяос кылдытӥм. Гавриил Федотович котькуд дышетскисез эскерыса, чакласа возиз кадь потэ. Сыӵе сюлмо адями вал со! Ваньмыз егитъёс солэн киосыз пыр потӥзы. Кызьы сое уд гажа, тодад уд возьы! Со аръёсы ик мон кылылӥ, валатскылӥ, сыӵе лякыт, адямиез гажась муртлэн но тушмонъёсыз вал шуыса. Сое, мон сямен, янгыше уськытыны выро вал, удмуртъёсты национализм мылкыдын будэтэ шуыса. Иж педтехникумын кызетӥ аръёсы дышетскемъёс шаерамы тросэз тодмо адямиос луизы. Соос пӧлысь кыкез асьсэос со вакыт сярысь тодазы ваизы ини. Кивалтон ужъёсын тыршизы учкомлэн тӧроез Никитин Павел Николаевич - со вал республикаысьтымы Министръёслэн Кенешсылэн тӧроез; Растегаева Фекла Андреевна - тазалыкез утёнъя министр; Бутолин Андрей Сеергеевич - калыкез дышетонъя министр; Никитин Евстафий Петрович - писатель, удмурт газетлэн редакторез, КПСС-лэн обкомезлэн кыкетӥ секретарез; Зеленин Иван Константинович - шаерысьтымы дышетӥсьёс пӧлысь одӥг гинэ Социалистической Ужысь Герой, данэ потӥз, Шаркан ёросысь Сосновка черко гуртын вис карытэк сюлмо ужаса. Пединститутын кема дышетӥзы Петрова Феодосья Николаевна, Вахрушев Агафон Николаевич, дышетӥсьёслэсь тодон-валанзэс будэтонъя институтын. Баженова М.Г. но Конюхова А.В. сяна, Булдакова Александра Викторовна, Вахрушева Надежда Петровна. Тросэзлы техникумез 1924-1926-тӥ аръёсы йылпумъясьёслы сётэмын РСФСР-ысь яке УАССР-ысь школалэн дано дышетӥсез ним. Соос пӧлын Петров Николай Васильевич, война бере трос аръёс ӵоже Ижысь педучилищен географиен дышетӥз. "Шудтэм шуд" книгаяз А.В. Конюхова тазьы тодаз вае: "Дышетскыкумы Гавриил Федотович монэ ялан синйылтыса возиз кадь. Пумиськемезлы быдэ монэн но асьме гуртысь ӵош дышетскись Афанасия но Ксения эшъёсыным вераськон мытылӥз. Кытӥяз мактаськылӥз, гуртын улэммы сярысь юалляськылӥз. . . Озьы со котькинэн но мыло-кыдо вераськыны, мылкыдзэс ӝутыны, маин ке но юрттыны тыршылӥз, сюлмаськылӥз. Кӧня кыдёкысь но матысь удмурт гуртъёсысь пинал пиослы но нылъёслы улонэ сюрес усьтӥз. Будэтӥз-кыдатӥз калыклэн та лякыт сямо, ӟеч мылкыдо, ӧжытак пурысьтаны вуэм визьмо пиез Федотов Гавриил Федотович. Кыӵе гажаса, быгатыса тыршиз, егитъёсты зэмос дышетӥсь карон понна. Тодам лыктэ, кызьы огпол, трос аръёс ортчыса, книга поттонын ужакум ини, Гавриил Федотович - удмурт букварьлэн авторез (кемалась пенсиын ни, Сарапуын улэ вал) - кабинетам пыриз. Ӝӧк сьӧры вадьсам пуксиз, шорам пальпотыса учкиз-учкиз но юаз: - Гутя, тон-а та? Зэм ик тон-а та? - техникуме пырыкум кыӵе вылэмме тодаз ваиз луоз. - Мон, - шуисько, - Гавриил Федотович. Малы сокем паймиды? - Паймод уго. Я, туж шумпотӥсько. Туж шумпотӥсько! - ӝӧк сьӧрысь егит мурт кадь ӝогак потыса, дорам лыктӥз, киме кыкна киосыныз юн-юн кырмиз но кема сэзъяз. Синкылиосыз ик пызьыразы". Пичи Пурга ёросысь школаосын 1926 арысен вис карытэк дышетӥз Сяктерева Дарья Дементьевна, Завьял ёросысь школаосын - Шутова Матрена Пантелеевна. Таизлэн бӧрысь аслаз нылпиосыз но усто дышетӥсьёс луизы. Дано ним басьтытозь будыны юрттылӥз аслаз дышетэмъёсызлы Гавриил Федотович Федотов. Нош аслыз сол Удмурт АССР-ысь школалэн дано дышетӥсез ним сётӥзы ини 1946 арын. 1930 арын выль педтехникум усьтӥськиз Дебесын. Отчы директоре пуктӥзы дышетон удысын трос аръёс ӵоже тыршем, оскымон но тодӥсь-валась луэм муртэ - Г.Ф. Федотовез. Со сярысь тодэ ваёнъёссэ кельтӥз тодмо педагоглэн одӥгез дышетэм муртэз. Асьме шаерамы пиналъёслэсь пионер движенизэс радъясьёс пӧлысь Н. И. Балобанова (Собина): "Сое Удмуртиысь туж уно дышетӥсьёс тодыны, дунъяны но гажаны кулэ. Элькунысьтымы ваньмаз ик ёросъёсамы солэн дышетэмъёсыз школаосын ужазы. Гавриил Федотович педагогикая дышетӥз. Ачиз кулэен лыдъя вал школаосы ялан поталляны, аслаз будэтэм муртъёсызлэн урокъёсазы вуылыны. Ми, солэн дышетскисьёсыз, адӟылим, макем со ачиз ӟеч дышетскемын, ужзэ зол вала. Мукетъёссэ визьноданы но соослы юн куронъёс пуктыны быгатэ вал, солэсь трос ласянь адӟем карыны тыршылӥм. . . Дебес пдучилище солэн будэтэм нылпиез, семьяез вал, отын педагог ужъёсты озьы радъяны быгатӥз: таяз но дышетсконние Удмуртиысь уно нылъёс но пиос кыстӥськизы". Тани таиз но педучилище 2000-тӥ арын кутскемез дырысен 70 арессэ пусйиз ини. Та вакытэ Гавриил Федотович трос кужымзэ, дырзэ но быгатонлыксэ сётылӥз удмурт школаослы учебникъёс кылдытонлы. Солэн букварез - грамоталы дышетон книгаез - нырысьсэ потӥз 1935-тӥ арын, 1938 арын потэмез тазьы нимаське вал - "Букварь на русском языке для удмуртских школ". Собере 1939 арын поттӥз "Букварьлы методической указаниос". 1941 арын - "Методические указания к Букварю на русском языке для удмуртских школ". Удмурт кылын букварез печатласькиз 18 пол. Ӟуч кылынэз - 16 пол. Котькуд арын потэмзэ Дышетӥсь чебергес, пуштросэзъя мургес карыны тыршылӥз. Солэн покчиослы учебникъёсызъя трос поколениос - удмурт нылпиос - лыдӟиськыны но гожъяськыны дышетскизы. Берло изданиосыз поттэмын вал кык нимтулын, А.Н. Клабуков писателен ӵош. Гавриил Федотович аслэсьтыз ужан сямъёссэ но амалъёссэ котькинлы вуттыны тыршылӥз. Дебес педтехникумлэн директорез луыса, собере - Сарапулын. Мынэ вал отчы, кытчы ыстылӥзы сое. Кытын солэн тыршемез, опытэз туж кулэ вал. Тазэ гожтэ М. Г. Баженова: "Гавриил Федотович вань улытозяз начальной школаосысь дышетӥсьёсын кусып возиз. Гужемлы быдэ, каникулъёс дыръя, дышетӥсьёслэн курсъёсазы педагогикаен, букварен ужан сярысь лекциос, беседаос ортчытъяз. Берпуметӥ ужзэ со йылпумъяз Сарапулысь педучилищеын. Огпол Сарапулэ командировкае лыктӥ. Федотовез дышетӥсьёслэн курсазы ӧтьыса, дораз нялтас пыри. Со кузпалэныз, Анна Федоровнаен, садаз вылэм. Отчы пырыса, рае вуи, кожай: пӧртэм буёло сяськаос синэз ик палёмыто. Ӝӧк вылэ тэркы йырнос боры пуктӥзы. "Гавриил Федотович, - шуисько, - тӥ усто педагог, букварьлэн авторез сяна, усто садовод но вылӥллямды". Анна Федоровна, пе, трос юрттэ садын. Ог-огмес валаса, тупаса улӥськом. Геня племянникмес ас пимес кадь будэтӥмы. Со геологе дышетскиз". Та туспуктэм вылын удмурт калыклэн визьмо пиосыз. Кылем даурысь кызетӥ аръёсы Удмуртиысь калыкез дышетонэз радъяны тыршисьёс (паллянысен буре). Нырысетӥ радын - Можга педтехникумлэн кивалтӥсез Яков Ильич Ильин, облонолэн профессиослы дышетонъя люкетэзлэн кивалтӥсез Михаил Елизарович Воронцов, облисполкомлэн тӧроез Трофим Кузьмич Борисов, Облонолэн кивалтӥсез Александр Семенович Медведев, Иж педтехникумлэн кивалтӥсез Гавриил Федотович Федотович. Кыкетӥ радын - Глаз педтехникумлэн кивалтӥсез И.Ф. Ившин, Выль Мултан педтехникумлэн кивалтӥсез Дмитрий Иванович Князев, Асанысь но Парзиысь гурт ужъёслы дышетон школаослэн кивалтӥсьёссы Комиссаров но Семиглазов, Облоноысь бухгалтер Н.Попов (таосызлэсь нимъёссэс ӧм тодэ). Басьтэмын нылпиосты визьнодан но дышетон удысысь ветеранлэн А.И. Андреевалэн архивысьтыз. Уже кутэм литература 1. Баженова М.Г. "Дышетӥсь". //Молот. - 1988. - � 3 (38-40-тӥ бам). 2. Вичужанин А.Г. "Стало делом родным. Очерки к 75-летию Можгинского педучилища" - Изд "Удмуртия", 1993 . 3. Гаврилов И.Г. "Тодам ваисько". Изд. Удмуртия", 1973 . 4. Уваров А.Н. "Югдытӥсьёс". Изд. "Удмуртия", 1994 . 5. Федотов Г.Ф. "Букварь: Грамоталы дышетон книга" букварьлы методикая валэктонъёсыз вань на. 6. Фролова Г.Д. "Из истории удмуртской школы". Изд. "Удмуртия". 1971 . 7. Фролова Г.Д. "Провсетители удмуртского народа". Изд. "Удмуртия", 1996 . 8. Шиляева Л.Ф. "Нырысетӥ педтехникумъёс". //Молот, 1978. - � 4 (48-49-тӥ бам). 9. Конюхова А.В. "Шудтэм шуд. Тодэ ваёнъёс". Ижевск: Удмуртия, 1995. 1 Е.М. Галеева. А.Кузнецовалэн лирикаяз яратон магия Куд-ог критикъёс но литературоведъёс верало: туала нылкышно лирика, пе, магической луэ, А.Ахматовалэсь но М.Цветаевалэсь адӟем карыса. Мон сямен, со озьы ӧвӧл. Удмурт нылкышно лирикаысь магия язычествоен герӟаськемын. Та сям вашкала дырысен кутскыса туннэ нуналозь возиське. "Магия - со котькыӵе религилэн тужгес но кулэ ёзэз, - гожтэ С.А. Токарев "Сущность и происхождение магии" статьяяз. "Инвожо" журналлэн куинетӥ номераз (1994 ар) удмурт туно-пеллё Поликарп Степанович Князев вера, удмуртъёслэн магизы, мукет финн-угор калыкъёслэн сямен ик, славянъёслэсь золгес. Малы ке шуоно, та калыклэн вӧсез вашкалагес но инкуазьлы матын. Поликарп Степанович шуэ: пелляськон, пе, со инкуазь кужымез быгатыса уже кутон. Тросэз тодосчиос(учёнойёс)-удмурт этнографъёс пусъё, вашкала удмуртъёслэн улоназы магия туж бадӟым инты басьтэ вал шуыса. Котькыӵе магия, кызьы тодмо, кыл но вырос бордын возиське. Ми бадӟымгес саклык висъялом кыллы. Адями кемаласен ик шӧдӥз ини кыллэсь пӧртмо кужымзэ, магизэ. Тросэзлэн калыкъёслэн вераськоназы та кыллэн пуштросэз (лексемаез) пӧртэм: "вандыны", "пиштыны", "ӝуаны", "сӧрыны", "адӟон", "храм" но мукет. Дауръёсын адямиос утчазы сям-йылолъёссэс, нергеоссэс ортчытъяны чебер, яркыт, сюлэме, визе пыӵась кылъёс: куриськонъёс (молитвы), пелляськон-тунаськон кылъёс, гипноз но аутотренинг ортчытон амалъёс. Кельшымонъёссэ гожъязы но сое киысь кие сётъяллязы яке ог-огзылы вераллязы, выжыысь выжые вуттылӥзы. Кыллы усто муртэ кылпӧртмо (чародей) шуылӥзы. Язычествоысь вуэм магия улэ ни туала национальной поэзиын но. Со тужгес но юн шӧдӥське нылкышно поэзиын. Туж вашкала-вашкала мылкыд - яратон, визен "кенешытэк", сайкатэ дартэз, кудӥз шараяське кылан-буранын, тунаськон- пелляськон, куриськон кыл (заклинание) луыса. Пиосмуртэн лушкем кусыпъёсты нылкышноос герӟало магиен, пӧртмо кужымъёсын. Та сярысь верало яратон сярысь туала произведениос но калык кылосэз (фольклор) эскерисьёслэн ужъёссы. "Вотяк кышноос нылпи сюронэз пиосмуртэн кӧлонэн гинэ уг герӟало, герӟало палэнысь ӟеч но урод сямо кужымъёсын", - гожъяз К. Герд аслаз "Адями но солэн вордскемез" ужаз. Яратон магилэн туж вашкала луэмез син азьын. Но валэктыны сое туж шуг. Та удысын тодосчилы бадӟым юрттэт сётэ калык кылос (фольклор текст). Сое эскерыса, чакласа ик магиез тодосчи шедьтыны быгатэ туала нылкышно поэзиысь но. Этнографъёс яратон магиен герӟаськем пӧртэм амалъёсты верало. Со: юриськонъёс, тунаськонъёс, пиосты нылкышноосын улонтэм карон но трос мукетыз. Котькудӥз соос аспӧртэмесь. Шуом, семьяен герӟаськемаз уно гинэ сӥзён кылыз, яке пиез ас палаз кыскон понна, нылмурт вераны тырше кыӵе ке но йырберыктон кыл. Калык сюлворись кылъёс (заклички) нылкышно поэзие мур пыӵамын. Соос туж быгатыса уже кутӥсько асьме нылкышно кылбуръёсын. Т.Г. Владыкина (тодосчи) висъя магилэсь 8 ёзъёссэ (жанръёссэ): вазиськон кыл (обращения-призывы), сюлворыса ӧтён кыл (заклички), дэлет сӥзён кыл (благопожелания), каргаськон кыл (проклятья), пелляськон кыл (лечебные заговоры), куриськон (языческие молитвы), йырберыктон кыл (присушки), безытон кыл (отсушки). Сюлворись кыл тужгес но бадӟым тунсык кенжытэ, А.Кузнецовалэн яратонлы сӥзем чуръёсыныз тодматскыса. Солэн кылбуръёсаз уго туж-туж вашкала нылкышно сюлэм дарт усьтӥське. А. Кузнецовалэн лирикаяз нылкышно выжыкылысь герой кадь олокин но луыны быгатэ. Солэн "Кобла мон" мур малпаськытӥсь кылбурез та ласянь яркыт пример. Отын нылкышнолэн лул пуштросэз, ӟуго-гизьыё сямыз пӧйшур -тылобурдо но пӧртэм лулосъёс пыр усьтӥське. Валлэн образэз пыр героинялэн секыт уже кыткиськемез возьматэмын: "Вормид ке но, уд ке но, - "ну" шуэмын". Нош яратон сярысь вераськон мыныку кутӥське ыжлэн образэз: Ыж йыр мон - Монэ такаос котырто, Бӧксо, лекало, тэтчало но шудо. "Ыжйыр, такаос" кылъёс пыр автор шарая нылкышно но пиосмурт кусыпъёсты (ыж возьматэ кыл вератэк сётӥськемез, пумит луыны дӥсьтымтэез). Пӧйшур-тылобурдо (зооморф) вашкала суредан амал яркытгес, сюлэме пыӵамон возьматыны юрттэ нылкышнолэсь пӧсь яратонзэ, солэсь курадӟемзэ, пи доры кыстӥськемзэ. . . Огъя вераса, яратӥсь нылкышнолэсь вань висись, юмекъятӥсь, гомась мылкыдзэ. А.Кузнецовалэн яратонлы сӥзем чуръёсаз сюлворись кыллэн вань ёзэтъёсыз, сӥосыз пумиськыло. Солэн лирической героез быгатэ дунъяны яратонэз, со понна уг жаля вераны тау кылзэ но: Тау тыныд, гажанэ-ӟардонэ, Тон бордысь ӵыдонтэм уй понна. Кемалась ни лоба кырӟанэ. . . Тау тыныд - тон кылӥд, тон валад. Но луылэ. . . яратон вае куректон но. Куддыр со курадӟытэ, висьытэ но. Сыӵе дыръя калыкын уже кутыло безытон кылэз (отсушки). Соку Кузнецовалэн кылбурысьтыз яратон туж шимес, кӧшкемыт но луыны быгатэ: Пыд улысь пурӟем, Нюркудысь пегӟем, Йырме портыса лулбасьтӥсь шаян, Кошкы бордысьтым: эн курадӟыты, эн сукырмыты, эн бакомыты. Безылон кылэз кылбурчи уже кутэ кулэтэм яратонэз уллян но кышкатон понна. Вылӥ кужымез солэн "ватӥськемын" кадь кӧшкемыт ӵошатонъёсын, ваче пумит верамъёсын, трос пол чузъяськылӥсь кылъёсын. А.Кузнецовалэн гожъямъёсысьтыз таӵе ик кылӥське кадь калыклэн кырӟам-верамез, тунаськон-пелляськон кыл сипыртэмез, каргаськемез. Солэн гожъямез висъяське мукет нылкышно-кылбурчиослэсь яратонэз туж яркыт, ӟырдыт возьматэменыз. Уноезлы лыдӟисьёслы та автор тодмо куриськон, вӧсь кылъёсыныз но. Та жанръёсын А.Кузнецова гожъя улон-вылон, анай но трос мукетыз сярысь чуръёссэ. Нош гажанэзлы сӥзем кылбуръёсыз солэн туж чебересь, ӟырдытэсь но нокинэн ӵошатонтэмесь. Мон тонэ люко кузпалэныд. Пиедлэсь но талало тонэ. Вӧсясько шорад, Инмарелы, Ки вылам нулло, яратонэ! А.Кузнецовалэн таӵе пӧсь мылкыдо чуръёсыз матын луо М.Цветаевалэн кылбуръёсызлы. А.Блок та выллем гожъямъёсты "мӧзмонлы но дартлы сӥзем поэзия" шуылоз вылэм. Йырберыктон кыл мифлы матын. Отын кутӥськись параллелизм амал юнматэ, кужмоятэ курисьлэсь, верасьлэсь мылкыдзэ. Басьтом таӵезэ ик: Бусые кизем ӟег узьым кызьы чебер адӟиське, озьы и чебер мед адӟиськом. Мон талэсь йырзэ берыктӥсько. Вань на ай мукет йырберыктон кылъёс, но пуштроссы соослэн таӵегес ик. Куазь сактытозь медаз чида, Шунды пуксьытозь медаз чида, Пал синтӥд мед виялоз, монэ адӟемед потыса, ӵужектыса мед улоз. Таяз учыре чуръёс весь кадь сузьйисько. Кутӥське косон (повелительной) наклонение. Косон мылкыд йырберыктон кылын валтӥсь инты басьтэ. Со текстлы кыӵе ке бадӟым, вылэ кужым сётэ кадь. Ма чаклалэ ай асьтэос но А.Кузнецовалэсь таӵе кылбур чуръёссэ: Та уез кызьы югдытэ толэзь, Мед югдом тынад сюлэмад. Мар ванл мон дорозь, ваньмыз мед вуноз. Йырберыктон кылъёс паймыто асьсэлэн чеберлыкенызы но узыр кылсуредъёсынызы. Отын туж яркыт но син азе адскымон возьматэмын вашкала дунне, солэн дун чеберлыкез. Йырберыктон кыл пыр со нылкышноос пиослы гажамон, чебер луыны тыршо, "возь вылын усьтӥськем италмас", "турын пӧлысь узы-боры", "нюлэскысь кисьмам эмезь" кадь. Озьы аслыз синмаськытыны турттӥсь ныл ассэ мукетъёсызлэсь висъяны сюлмаське. Инкуазь солы чеберлэн мертэтэз луэ. Та курон паськыт вӧлмемын калык кылосын (фольклорын) но. Котькуд йырберыктон кыл вераське, мукетсэ (пиез, нылэз) ас палаз берыктон, синмаськытон понна. Адями уго ог-огезтэк улыны уг быгаты, шуом, озьы ик, кызьы инкуазь лулос но будос ог-огзытэк пушйыны, будыны уг быгато. А.Кузнецовалэн кылбуръёсысьтыз йырберыктон кыл кыдёкысь выжыосмылэн куриськон кылзылы (молитвазылы) кылдэмзыя но, пуштроссыя но туж матын: И. Кызьыкуар зор-коттэк куасьме, Мед куасьмоз монтэк жуммыса. ИИ. Шунды куазен адями вужер кадь ик Мед ветлоз сьӧрам вужеред. Та чуръёс быдэсак кельшо, тупало вашкала выжыосмылэн мадён-вераськонъёссылы. Куар - со улэп маке, тулыс вордӥське, сӥзьыл кулэ. Зор-кот - со инбамлэн ӟечез, шырытлыкез. Со улонлы кутскон, кужым сётэ. Собере толэзьлэн образэз уй но кулон дуннеын тылсиясь улон кужымлы пӧрме кадь. Ву-куарлы, толэзь уйлы - улон сётӥсь кужым. Тӥяське ке та нюжа, чиге улон, соку дунне йырчукин берытске, кутске хаос - дунне сураськон-пожаськон. Хаос (суро- пожо мылкыд) ӵем гинэ пумиськылэ туала нылкышно гожъясьёслэн кылбуръёсазы. Кызьы бен кылдытэмын со чуръёс? Ӵемысьгес вашкала пелляськон кыл выллем. Шуом, таӵегес: Кыдри кукчалэн венез вань, Со венез ку ньылод, Соку мед сиёд монэ. Озьыен, гожтонмес йылпумъяса вераны быгатӥськомы, А.Кузнецовалэн яратонлы сӥзем чуръёсыныз тодматскыса, асьмеос туж вашкала выжыосмы доры "куное" вуылӥськомы кадь. Тодӥськомы, кыӵе пӧртмо кылъёсын соос асьсэ пала берыкто вылэм воргорон сюлэмъёсты. Тӥни со валля быгатонлыкъёсты асьме дорозь табере вуттӥзы, шуыны луоз, удмурт нылкышно кылбурчиосмы. Та ласянь тужгес но юн висъяське А.Кузнецова. 1 Алексей Ельцов Кыл сэстонъёс Азбарысь аксым атас Арбузэз ачиз ашаз. Бакчаын бадӟым бака Будосысь бӧчы бича. Вал вылын вуиз Вова - Вало вылэ ветлӥз вал. Гоногуби, гордгуби - Гуртаз гыж гылӟе Габи. Дуня дыртэ дынялы, Дыдык долкам душеслы. Еж емышез ерпечка Ёзъяны етӥз ёртэ. Жагы, жагез ӵуж-ӵуж, Гужам кужез вуж-вуж. Ӝакымы ӝытлы ӝегам - Ӝуйые ӝик-ӝик ӝикам. Зарезьтыр зорем Зина - Зыбкаез зурк-зурк зурка. Ӟильыр, ӟильыр ӟольгыри - Ӟурись ӟезьы ӟукыри. Инкӧльы инмын изе, Ивимы избур изэ. Йыгылэн йырыз йылын Йырйись йыръе йыртурын. Кибыез какся кокча, Коӵо кукеймес кача. Лапег Лади ладь-ладь, Лапкам лымы лач-лач. Миша, мувыр меӵ-меӵ, Мушед мӧля ӵем-ӵем. Нэнэй нуй-нуй нянь нырке - Ныллэн нунышыд нерге. Ошлы ожо окмымтэ - Ожогубиез октэ. Ӧлек ӧрекча ӧрын, Ӧстӧр ӧвӧл ӧс сьӧрын. Петыр питыр питыра - Пал пыдзэ пуны пуре. Сарваын сизьым сакыр, Сарилэн синмыз сукыр. Толя - тӧлбер тэшкыли, Табань тыкись тыгыли. Урткыӵ уин утчаське, Уртбубыли уйылэ. Чима-чима-чимали - Чумын чоньдэм чонари. Шунянен шаян шугмем - Шупшадиозь шонерскем. Ыж ыбесэз ыбыштэм - Ыжпизэ ыме ыштэм. Эмма эмъя эшъёссэ, Эля эктэ эгесэн. Юся сюдэ юсьёсты, Юбер юри юргетэ. Яша ягын янгышам: Ядо ялгуби ярам. _______________ Инкӧльы - шаровая молния. Избур - известняк. Какся - цапля серая. Ӧлек - пескарь (чорыг). Ӧстӧр - порог. 2 Начальной школаын Н.Н. Емельянов, Можга ёросысь Удмурт Пычас школаысь дышетӥсь. Крезьгур шунтэ сюлэмез Быдӟым ӟуч кылбурчи Александр Пушкин зарни чорыг сярысь выжыкылаз уг вера, ма муген пересь кышномурт пилиськем тусен кыле. Нылпиос гинэ но валало, выжыкыл зэмос улонлэсь висъяське шуыса. Озьы ке но, котькуд веранын "тысез" луэ. Таяз учырысь одӥгъёсыз пиналъёс янгышен адӟо чорыгасез, мукетъёсыз - солэсь кас сюлэмо кышнозэ. Куинетӥосыз янгыш каро ассэ зарни чорыгез. Нылпиосын ӵош усьтыны выриськом выжыкыллэсь шорсюлэмзэ: кузё кышно ӧз яраты ас юртъерзэ, вордскем интызэ. Пушкин визьнода: вордскем юртэд, котырысь инкуазед зарни дворецъёслэсь но мусогес! Та веран бордысь выжеме потэ шаертодонъя урокъёс вылэ. Ужасько мон Можга ёросысь одӥгаз пичи школаын. Районмы котыр ласянь адӟем карымон: бусыын ю-нянь но ӝужа, ӝӧк вылэ сӥль, йӧл но люкаське. Сюлмаськытэ одӥгез: вӧзысьтым тросэз адямиос уг тодо ас калыксэс, шаерзэс, котырысь инкуазез. Калыкез дышетонъя министерство шаертодонъя выль предметлы бадӟым саклык висъя. Арысь аре шаермы сярысь выль книгаос "вордско", соос удмурт но ӟуч кылын пото. Татысь ужъёсты мон история но георгафия урокъёсын кутӥсько. Нош шаермылы нимысьтыз висъям предметэз ас сяменым нуисько. Вожзэс медаз поттэ ни книгаослэн авторъёссы, ветлымтэ сюресэз лёгаме понна. "Крезьгур удысысь усточиос" - тӥни та ӧретӥ радъясько урокъёсме. Удмуртия узыр кырӟась-верасьёсын. Шаерысьтымы "Италмас", "Айкай", "Зарни шеп", "Танок" но мукет колллективъёс быдэс Россиын но кунгож сьӧрын тодмо. Кырӟанъёсын фонотекае калленак узырме, паськыта. Дорам вань магнитофонэ, гитарае, баянэ, пианиное. Басьтӥсько газетъёс, журналъёс. Ваньмыз со ужын юрттэ. Кызьы радъясько та ужме? Крезьгур кылдытӥсьёсты, кырӟасьёсты, артистъёсты куинь люкетлы висъяй: воргоронъёс, нылкышноос, нылпиос - ваньмыз 100-лэсь уно. Кулэ дыръяз картотекаез кутӥсько но шугъяськытэк созэ яке тазэ усточиез шедьтӥсько. Кык ар ӵоже ваньмызъя сямен крезьгурчиосъя пыр-поч вераськон нуиськом. Котьку ки улам соослэн тусбуйёссы, газетъёсын, журналъёсын потэм туспуктэмъёс. Кабинетамы кырӟанъёсын кассетаос но вань. Татын ик возисько арганме. Урокъёсамы ӵаш вазе: кырӟаськом, эктӥськом, серемес веросъёс лыдӟыса гориськом. Вакчияк урокъёс сярысь. Арняяз огпол история кабинетын нылпиосты пумитасько чебер пӧрмытскыса - удмурт дӥсен. Борддоре юнматэмын тодмо адямиослэн туспуктэмъёссы, соослэн нимтулъёссы. Ӝӧк вылэ дасямын магнитофон, журналъёс, кылбур бичетъёс, инкуазь суредъёс. Нырысь ик синйылтыны курисько туспуктэмъёсты. Унояз учыръёсы пиналъёс отысь тодмало кырӟасьёсты, крезьгур гожъясьёсты. Шумпотӥсько: озьыен, соос учко телевизор, кылзо радиоез, лыдӟо газет- журналъёсты. Кӧня ке минут ӵоже верасько усточиослэн улонзы сярысь. Туспуктэмъёсысь синъёс шыпытак мертчемын класс шоры. Но тани магнитофон лэземъя соос улӟо кадь. Классэ вӧлме зыл-зыл удмурт кырӟан. Со ваньмылэсь сюлэммес вырӟытэ. Быгатэмзыя-тодэмзыя куд-огез пиналъёс кырӟало. Мукетъёсыз кылзо гинэ. Озьы урок ӵоже 8-10 крезьгур чузъяське. Таӵе ужрадъёс пыр возьматэме-вераме потэ шунды пуксён палась вӧлмем поп-культуралы пумит луэмме. Со палась "тулкымъёс" уго зӥбо-пачкато дауръёс ӵоже возиськем йылол-сямъёсмес, ас калыкмылэсь лулпуш тодметъёссэ. Ӵектэм кырӟанъёс чузъяськизы. Нылпиослэсь юасько, кудъёсыз кельшизы. Верало кыксэ-куиньзэ. Ӵектӥсько кырӟанъёслэсь кылъёссэ гожтыны, соослэсь авторъёссэ пусйыны. Одӥгзэ толэзь куспын рос-прос дышетӥськом. Мукетаз урокын кыӵе ке усточилэн улон сюресэзъя тест-викторина ортчытӥсько. Уже кутӥсько "Угадай мелодию" телешудонэз но. Урок йылпумъяськон азьын вань нылпиосты тодон-валанзыя, кызьы ужамзыя дунъясько. Тодамы ваиськом художественной коллективъёсты но. Зэм, таизлы 2-3 час гинэ дырмы чакламын. Со куспын бадӟымгес саклык висъясько яркыт кизилиослы - ансамбльёслэн кивалтӥсьёссылы, кудъёсыз уй-нунал тыршеменызы данъяло шаермес, удмурт калыкез. Вераме потэ калык кырӟанъёс сярысь. Юнме уг шуо ук "удмурт вукоысь бертыкуз но кырӟа". Крезьгур асьмелэн луламы-сюлмамы мур пыӵамын. Кӧкыысь нуныез веттаськом кырӟаса, берпум сюресэ адямиез келяськом нош ик чирдыса-гурласа. Йылол-сямъёсъя кылдэм, яратонлы сӥзем кырӟанъёс, серемес, ӵушкась такмакъёс чылкыт но йӧно улыны дышето. Уно кырӟанъёс пӧлысь бырйисько сыӵеоссэ, кудъёсыз асьме пӧлын тужгес но паськыт вӧлмемын. Урокъёсамы одӥг-ог эскериськом мукет калыкъёслэсь но кырӟанъёссэс. Озьы ас шаердэ гажан мылкыд бордысь выжисько мукет калыкъёслэсь культуразэс валанэ. Ми ум быгатӥське пиналъёсты операя но балетъя театръёсы нуллыны. Но туж потэ: нылпиос мед валалозы, ма со симфония, оперетта, балет. Быгатэмея, ас тодэм- валамея валэктыны тыршисько классикае пырись крезьгурез. Секытэз со бордын: ӧвӧл кассетаос, радио пыр но шер кылылод таӵезэ. Озьы ке но, оскисько: мынам урокъёсы юрттозы пиналъёслы визьмогес но чебергес луыны. 1