Е.В. Байкова "Коркады но пырыны лэзёды-а?" ("Пӧртмаськон" удмурт сям-йылол сярысь кӧня ке кыл) Трос аръёс ӵоже ини калыклэсь лулчеберлыксэ пушйытонын театр валтӥсь инты басьтэ. Солэн выжыез туж вашкалае вуттэ, инмарлы осконэн герӟаськем сям- йылолъёсы. Туноос, вӧсясьёс калыкез ас бордазы кыскылӥзы пӧртмо кылъёсты оскымон вераны быгатэменызы. Ма собере шулдыръяськонъёсын, нергеосын огшоры сылӥсь уг луы вал, учкись ачиз ик возьматӥсь но, артист но луылӥз. Али ке но Удмуртиысь куд-ог ёросъёсын таӵе сям возиське на ай, ку ке корка, азбар, урам луэ сцена, нош шудӥсьёсыз - асьсэос калыкъёс. Театрлэн инъетэз шӧдӥське пӧртмаськонъёсын но. Соос ортчытӥсько Вожо вакытэ. Ку бен со луэ? Ӵапак соку, ку уй но нунал огкузьдаесь луо. Шунды та дыре ӧжытлы гинэ адӟиськылэ. Шунды кулэ кадь, соин валче кулэ кадь инкуазь но, собере выльысь вордӥське. Вожодыре дунне пересьме кадь, сопал дунне сураське тапал дуннеен. Та вакытэ кузёясько сьӧд кужымъёс. Соос урод лэсьтыны быгато кызьы ке адямилы, озьы ик инкуазьлы но. Вожодыре адямиос азьпал улонзэс тодыны тыршо, тунасько, соку, пе, адӟондэ воштыны, умой пала тупатыны бадӟым луонлык кылдэ. Озьы-а, тазьы-а но, "пӧртмаськись" сопал дуннеысь муртэн лыдъяськылӥз. Со быгатэ соысьтыз таяз дуннее выжыны (пӧртмаськыны). Юнме шорысь ӧвӧл, дыр, адямиос пӧлы пыӵаса кылем сям: соос актёрлэсь али ке но курдало (тужгес но урод сямо геройёсты возьматӥсьёсызлэсь). Малпало: артист мукет мурт, шуом, ведӥн яке кин ке мукет луыны быгатэ. Ымнырад маска понӥд , берыктэм шуба дӥсяд , куарадэ, ветлон манердэ воштӥд ке, гуртын улӥсьёсыдлы, бускеледлы тон мурт ини, тодмотэм адями. Дӥсь вурыны, костюм дасяны одӥг нунал гинэ ӧз бырылы. Маскаосты (ымныр шобретъёсты) ки улэ шедем арбериослэсь, кагазлэсь, кулэсь, басмалэсь лэсьтылӥзы, вурылӥзы. Уже кутылӥзы ӵушконъёсты, мучолоез, мешокез но трос мукетсэ. Пӧртмаськисьёс вылысь ӵемысь адӟыны луэ вал берыктэм шубаез, тулупез, изьыез, пиос нылкышно пӧрмытскылӥзы, кышноос - пиосмурт. Пӧртмаськисьёслэн дӥсьсы - со "берыктэм дунне": ымныр шобретэз (маскаез), пужалтэм дӥсез адями огшоры дыръя уг нуллы. Нош тани Вожодыр вуэ ке, кинэ гинэ адӟыны уг луы: пӧйшуръёсты-пудоосты (вал, ош, кечтака, гондыр. . .); сопал дуннеын улӥсьёсты (пересь, песянай, кулэм мурт); сьӧд кужымъёсты (чёрт, шайтан); кыӵе ке ӧнеро муртэ, мукет выжыысь калыкез (солдат, чиган кышно, куанер, кураськись). Удмуртъёс пӧлын ӵемгес пӧрмытскылӥзы но луылӥзы "эмеспи" но "выль кен". "Выль кен" дӥсяськылӥзы пиос, "кӧто" кариськылӥзы. Нош кышноос - "эмеспи" пӧрмылӥзы. Ӟустарилэсь, пышлэсь, куролэсь воргорон "вуз" лэсьтылӥзы. Таин валче шоккетыны но серекъяны муг сюрылӥз. Мукетыз ӵем пумиськылӥсь персонаж - "нылпиен анай". Нуны интые "уже" кутылӥзы пу писэз, миндэрез, ӟустариез, куддыръя кутэтэн бинялтылӥзы парсьпиез, кучапиез, коӵышпиез. . . Нош нуллӥзы нуныез песьтэрын, ныпьетын яке кӧкыын. Удмурт пӧртмаськон нергеосын луыло вал сопал дуннеысь вуэм кулэмъёслэн лулъёссы (вожоослэн) но. Соос ӵыжы-выжыоссэс чаклан сямен куное озьы лыкто. Пӧртмытско пӧртэм сямен. Я йыр вылазы корзина поно, ымнырзэс ӵушконэн пытсало, яке суэн буяло. Нош тани вуэ пӧртмаськон нунал. Огазе люкаськем пӧртмаськись калык (аспӧртэмлыко театр) гуртысь коркаостӥ вылӥысен улӥе - шур кошкемъя пыраса ветлэ. Ӵогам капка ӧвӧл. Мугез валамон: та юондыр-маскаръяськон быдэс гурт понна уго. Та нуналэ котькуд адямилы, гуртолы шуд но бур, пачыл улон, пе, сизёно. Та йылол юрттэ сьӧд кужымъёслы, висёнъёслы пумит нюръяськыны. Пӧртмаськисьёс уго, урам кузя мыныкузы, вожоосты кышкатыса, туж зол кесяськизы, шулазы, бодыосынызы корка сэрегъёсы йыгазы, нош юртэ пырыса, гур ворсэтъёсын йыгазы, шудӥзы. Та "артистъёсты" син азе пуктыны уг луы эктӥсьтэк, ворттӥсьтэк, маин ке но шудӥсьтэк. "Арганчизы" ӧвӧл ке, асьсэос кырӟало яке тылобурдо, пудо-живот куара потто. . . Кыӵе ке корка вуыкузы, пӧртмаськисьёс пӧлысь огез юа, пырыны яра-а шуыса. Лэзё ке, собере ини корка ваньмыз пыро но кырӟало, юрт кузёез но кузё кышноез данъяло. Пусйыны кулэ: огшоры вераськон та учыре уг мыны. Одно ик кырӟаса вераськоно, ӵемысь воштэм куараен, медаз тодмалэ шуыса. Трос таӵе кырӟанъёс пӧлысь огез таӵе: "Коркады но пырыны лэзёды-а? Ӧсэз ӧвӧл, мар карод? Ӝӧк вылады гожъяськыны лэзёды-а? Миндэрез ӧвӧл, мар карод? Нылдэс кӧлыны сётоды-а? Ноныез ӧвӧл, мар карод? Пидэс кӧлыны сётоды-а? Ӵогез ӧвӧл, мар карод?" Вераны кулэ, дыр, созэ но: пӧртмаськонын кутсконысен пумозяз ик кырӟан уг дугдылы. Корка кузёосын "кенешемзы" бере пӧртмаськисьёс круге султо но турлы шудонъёсын шудо. Пӧртмаськисьёс пӧлы ик пыриськыны быгато мукетъёсыз но. Озьы учкись но шудӥсь сураськылӥз, дырын-дырын соос ог-огенызы "рольёсынызы" но вошъяськылӥзы. Учкисьёс трос луо ке, "артистъёс" кык-куинь интыын шудо. Кылсярысь, "чиган" ныллэсь кизэ кутэ но соя туна, тазьы вера: "Ӝоген бызёд, картэд чебер, визьмо луоз!" Мукетъёссэ (ӵемысь нылъёсты) "скал" яке "ош" лекалляз. "Скал" кариськылӥзы кык пиос одеялэн шобырскыса. Нош азьпаласез, киоссэ урдыса, сюрен сямен лекалляз. Лекалляны тыршылӥзы нылъёсты. Малы? Татын мур пуштросэз вань. Со герӟаськемын вашкала йылолэн, емыш, ю-нянь удалтонлы осконэн. Мукет дыръя "учкисьёс" азе потэ "вож нуныен кышномурт". Нырысь со нылпизэ кӧлыны турттыса кырӟа, сэзъя. Нуныез кӧкыысьтыз усе но анай сое вӧлдэтозь лэзья. Собере корка кузёослы возьматэ но ӝожтӥське: "Уть ай, кыӵе со начар. Сое нонтыны кулэ: тазагес, кужмогес мед луоз". Кузё кышно кышномуртлы кумышка - "йӧл" вае. Пӧртмаськисьёс пӧлысь потэ мукетыз кышномурт но нуныез вес вылын мертаны ӵектэ. Ваё безмен, мертало но шуо "О-о-о, чик будымтэ ук!" Сое сюдыны кулэ: Ӝужытгес, бадӟымгес мед луоз". Соку корка кузёос выльысь кумышка ваё. Таяз учыре сёто куртчон но пыжиськем. Мукетъёсыз "куноос" утялтӥсьлы юрттыны мерско. Киынызы возьмато, мар карыны кулэ. Пыжиськем тыриське нимысьтыз пуйые яке корзинае, нош вина кисьтӥське нимысьтыз ӟенелике. Собере сое кинлэн ке чыртыяз ошо. Ӝоген пӧртмаськисьёс кунокуалы тау каро но удалтонлыко ар сӥзё. Кузёос пумит кыл вераны уг дӥсьто, "ӧтьымтэ" куноосъя карисько. Пӧртмаськисьёслэсь вожзэс, пе, поттӥд ке, соос каргаськозы но ю-нянь но, етӥн но, бакча сиён но уз ни удалты. Куддыръя тодманы турттыкузы, корка кузёос но пӧртмаськисьёс куспын йӧспӧртэм нюръяськон пуромылэ. Озьы тӥни, пӧртмаськон ӟечлы осконэз но юнматэ, куддыръя кышкатэ но. Уго пӧртмаськисьёс оломар но дауртылӥзы, суэн но маллязы, ӵош эктонэ но кыскылӥзы, жугем но карылӥзы, мыскыллязы но. . . Огъя вераса, лэсьтылӥзы ваньзэ, "учкисьёс" мед серекъялозы, кышкалозы, мед мытозы но шуыса. Ӵемысь пӧртмаськисьёс асьсэос но азьло ик уг тодо, мар лэсьтозы. Зэм, азьвыл пӧртмаськисьёс ӧс азьлэсь кыдёке ӧз кошкылэ, мумыкор сьӧры ӧз поталэ. Малы? Вашкалаослэн малпамзыя, мумыкор - тапал но сопал дуннеос вискысь гож. Озьыен пӧртмаськон ортчытӥське, музъем-сюдӥсьмылы сӥзьыса, со тол умлэсь ӝоггес мед сайкаськиз шуыса. Та шулдыръяськон выль улонлэн пушъёнэзлы, ӟечезлы осконэн герӟаськемын. Солы ик тӥни калык аслэсьтыз вань узырлыксэ (вань быгатонзэ, кырӟанзэ, эктонзэ) кузьманы дась. 1 Шор ёзо школаын Н.А.Ермокина, Пичи Пурга ёросысь Кечево шор ёзо школаысь. Р.ВАЛИШИНЛЭН "ЛЬӦМПУ ВАЙ" ВЕРОСЭЗЛЫ АНАЛИЗ ЛЭСЬТОН (Яке пуштроссэ сэрттон-пертчон) Эпиграф: 1) Писпуос адями кадь уло, Адями кадь куло писпуос. Н.Байтеряков. Цель. Верослы мифологической анализ лэсьтыны дышетон, тодматон вашкалаосмылэн писпуосын герӟаськем йылолъёсынызы - урокез ортчытыса, ас азям сыӵе ужпум пуктӥсько. Сое мытӥсько Мудор Кыз сярысь кутскон кылъёсын вашкалаосмылэн вераменызы. ("Даур куара" 60 стр.). Та мадёс вера адямилэсь, писпулэсь Музъемен юн герӟаськемзэс. Писпуос но, адямиос кадь ик, музъемен но, инсьӧрен но, югыт дуннеен но герӟаськемын. Мудор Кызмы, оло, Музъеммылы черс но луэ: солэн выжыосыз пыро сьӧд сюе-музъеме, соос герӟаськемын. Мугорыз будэ югыт дуннеын, адямиосын ӵош улэ, будэ, сяськая, вайёсыныз-киосыныз сузьтӥське инсьӧры, соин но герӟаське. Асьмеос но, адямиос, инсьӧрен улыкумы но, кулэм берамы но герӟаськемын. (Суредэз возьматоно). Берло дыре потэмын трос пӧртэм книгаос, кудъёсыз туж ӟеч возьмато адямилэсь но инкуазьлэсь (писпуослэсь!) юн кусыпзэс. Умой луысал, пиналъёс, тӥ лыдӟысалды ке В.Мегрелэсь "Анастасия" книгазэ. (Луоз со кнгигаен внеклассной лыдӟиськон урокын но тодматскыны. Книгазэ возьматоно). Та книгаын возьматэмын кедр писпулэн олокыӵе но кужымъёсыз. Нош асьмелэн, удмуртъёслэн, кыӵе меда писпуос сярысь чакласьконъёсмы-веранъёсмы? (Пиналъёс тодэмзэс верало). Л.С.Христолюбовалэн "Калык сямъёсты чакласа" книгаысьтыз писпуэн герӟаськем йылолъёсты бырйыса лыдӟон (стр. 182). Али Р.Валишинлэсь "Льӧмпу вай" вероссэ лыдӟом. (Верос бадӟым ӧвӧл, луоз урокын но лыдӟыны). Лыдӟыкум, пиналъёс, тетрадяды геройёс сярысь вакчияк мар тодэмдэс гожтэ. (Тетрадязы тазьыгес гожтозы): Николай Нылзы вордскем бере, льӧмпу мерттэ. Туж яратэ кышнозэ, войнае кошке, уг берытскы ни. Оля 10 классэз йылпумъя зарни медален, данъяськымон ныл. Марья Доярка, трос данъян грамотаосыз. Яратэ картсэ но нылзэ. Веросэз лыдӟон. 1-2 дышетскись тетрадьысьтыз гожъямзэ лыдӟе. Сюжетлэн интыез но буёлэн герӟаськемез бордын ужан. (Басьтэмын В.Шибановлэн кылбуръёслы анализ лэсьтон амалъёсыз). Доска вылэ лэсьтоно: 1) сандык - 2) горд сукноен шобыртэм ӝӧк 3) шур дурын - Веросэз интыя чаклано ке, кытчы, кыӵе интые нырысь Марьёк апаен асьмеос пыриськом? Шедьтэ со интызэ. - Нырысь пыриськом сандыке. "Сандыксэ усьтыса, дӥсь быръе. Тани лыз дэремез". - Сандыке мае асьмеос тыриськом? - Вуж яке ӟеч дӥськутмес. - Мае шедьтэ отысь Марьёк? - "Тани лыз дэремез. Солэн сӧзулъёсыз льӧль лентаосын чеберъямын". - Дэремез лыз, со пеймыт буёл. Чаклано ке, шудо-а вал Марьёк, та дэремез нуллыкуз? Кызьы валэктысалды? - Пичияк шудо вал, шуыны луоз, малы ке шуоно, пеймыт лыз дэрем льӧль лентаосын чеберъямын вал, но со шудэз уретӥз война. Война - со пеймыт, сьӧд буёл, но Николайлэн яратонэз со пеймыт войнаез льӧльыратыса возе. Сандык пушкын но пеймыт, ӝокыт, дэрем но пеймыт. Соин ик Марьёклэн тодэ ваёнъёсыз но пеймытэсь, уродэсь. Шедьтэ льӧль лента кадь чебересь тодэ ваёнъёссэ (стр. 88, 4 абзац). - Шедьтэ ай солэсь пеймыт тодэ ваёнъёссэ (текстысь лыдӟо) стр. 87. - Табере кытчы Марьёкен ӵош вуиськом? - Президиумын пуке, киосыз горд сукноен шобыртэмын ӝӧк вылын. - Кыӵе буёл татын пумиське? Мае та чуръёс возьмато? Бен солэн сюрмем киосыз ӵем дыръя майтал шукы пушкын дӥсь мисько яке вурисько, яке, туж дыртыса, скал кыско. Ӝӧклэн горд сукно вылаз тазьы тэк кылльыны дышемын ӧвӧл. . . - Автор синме йӧтымон пуктэ, данъя ужась киосты. Горд сукно. Горд - со шудо улонэз возьматӥсь буёл, горд шундымы кадь шунтӥсь. Малы соос горд сукноен ӝӧк вылын? Война вылтӥ Марьёк апайлэн кадь киос Вормонэз ваизы, ӝӧк вылэ пыжем нянь вуттӥзы. Горд буёл - со улон, шудо улон. Соин со та ӝӧк сьӧры уг пуксьы пеймыт вуж лыз дэремен. Со татын пуке выль штапель дэремен, сое азьмынӥсь дояркалы шуыса кузьмазы вал. Шудо вал со соку, "шудо" дэременыз ик со пуке выпускной вечерын. Вуж дэрем - со война дыръя улонэз возьматӥсь символ. Выль дэрем - война бере улонлэн символэз. - Собере кытчы вуиськом? - Шур дуре. Шунды ӝужа. - Шунды ӝужаку кыӵе буёл луэ? Горд буёл сярысь вераським ни, зэмзэ но, Олялэн улон сюрес вылэ потыкуз льӧльыраса, вань дуннеез гордалэс ӵуж буёлэн маялтыса ӝужа Шунды. Автор вера кадь: Марьёклы кадь та егитъёслэн улоназы ноку но медаз мертчиськы сьӧд буёл - война. Шур возьматэ улонлэсь азьлань мынэмзэ: уродзэ, кырсьсэ сьӧраз нуэ, умойзэ, чылкытсэ нош ик вае. - Веросэз интыя, буёлъя эскерим. - Нош кин меда валтӥсь героез? Марьёк? Николай? Оля? - Марлы нимыз "Льӧмпу вай"? - Кинлы сӥзьыса мерттэмын вал льӧмпу? Шедьтэ текстысь та интыез? - Льӧмпу мерттэмын вал Николаен Оля нылызлы сӥзьыса. Льӧмпу Оля льӧмпу Николай. Льӧмпу ныл войнаен луэ Льӧмпу-Николайлы. Сое шӧдэ ачиз Николай но, войнае кошкыкуз. Со шуэ: "Маша, мусое, Олялэн вордскем нуналаз та льӧмпу улэ ӵошен ветлылэ, тодады вайылэ куд-ог дыръя атайдэс" (стр. 89). Озьыен, льӧмпу вай - со Оля. Николай войнаысь бертысал ке, льӧмпу Оля ик луысал. Льӧмпу пӧрмиз Николайлэн образэз-символэзлы, нош льӧмпу вай - Олялэн образэзлы-символэзлы. "Льӧмпу вай" веросэз улонэн герӟан. - Мынам улонам но таӵе югдур вал. Атае фронтысь туж сӧсырмыса бертӥз, кема ӧз улы. 50 арессэ пусйыкуз, вись кузьда гинэ тыпы мерттӥзы вал. Милемлы, 9 нылпиослы, шуиз: "Таиз тӥляд 10-тӥез вынды-сузэрды, утялтэ, будэтэ сое". Аръёс ортчизы, атай улонысь кошкиз. Пичи тыпы вӧлскиз, батыр, кужмо будӥз. Гуртэ бертыкум, азбаре пырем берам ик вамыштӥсько тыпы-атай доры. Вайёсыз вырыны кутско, пельпумме, йырме маялто атайлэн кадь чурыт но шуныт, небыт куаръёсыз, ӵаштырто. . . Со ӵаштыртэмысь кылӥсько атаелэсь "нылы, бертӥд-а?" шуыса ваземзэ. . . Татын но тыпы вын-сузэрысь атай-тыпылы пӧрме. Йылпумъян. Лыдӟоно доска вылысь Ф.Васильевлэн кылъёсызъя гожтэм эпиграфез. Гуртэ уж: - Малы удмуртъёс ӵемысь юртъер котыразы мерттыло вылэм льӧмпу? (Юалляськоно арлыдоослэсь). 1 ТУНКЫЛЪЁС Удмуртъёслэн оскемзыя, арлы одӥг пол инӧс усьтӥськоз вылэм. Сое адӟись адями шуд курыса вуэ ке, одно ик шудо, пе, луэ. Одӥг адями, "муш шуд" курисько шуыса, "туш шуд" курем. Со тырысь, пе, пиосмуртъёслы туш потыны кутскем. Та веранын - пальпотон, татын ик - зэмлык. Со туж яркыт возьматэ калыклэсь КЫЛЭН кусыпсэ. Кыл шоры со учке лул-вир сётӥсь кужым шоры кадь. Юнме-а вераллям: "Тӧл гурезьёсты куашкатэ, визьмо верам кыл калыкъёсты вырӟытэ", "Боды мугорез жуге, кыл лыос пыр потэ". Тае валаса ик, куд-ог "кылъёссэ" калык нимысьтыз висъя. Ас визьмыныз, улон но ужан ӧнереныз огазеяса, дауръёсы кельтэ. Визькыл. Осконъёсты юнматӥсь кыл. Чаклан кыл. Индылон кыл. Мадиськон кыл. Со - дауръёслэн чузъяськем куаразы-кылбурзы. Одӥгез - тужгес но аспӧртэмлыкоез - ТУНКЫЛ. Кыллэн кужымезлы оскон кылдытэ пӧртэм муген кутӥськись тункылъёсты: одӥгзэ верало юриськыса/каргаськыса, мукетсэ - оскыса, куинетӥзэ - сӥзьыса, ньылетӥзэ - висёнлэсь мозмытскыны тыршыса, витетӥзэ - Инмарлы сюлворыса. Кутӥськон мугзы ик юрттэ огазеяськыны-радъяны та пӧртэм пумо веранъёсты. Соос пӧлын - ЮРИСЬКОН/КАРГАСЬКОН КЫЛ. Али тышкаськонлы пӧрмемын: "Калера басьтон!", "Кыль басьтон!", "Му пыр виян люкет!", "Пери шуккон!", "Убир басьтон люкет!". "Соку гинэ ӟеч улонэз мед адӟод, куке сюрес вылэ турын потӥз!" Удмуртъёс пӧлын али но улэ на таӵе оскон: "Анайлэн каргаськемез усе, шуо". Вашкалаослэн маламзыя, каргам пичи пиналэз, пе, шайтан аслаз пиналыныз воштэ но аслыз вал интыын ужатыса возе. Берло дыре таӵе веранъёслэн пуштроссы вунэтэмын ини, каргам пиналлэн шудэз гинэ уз луы шуыса верало. Соин ик пиналэз урод кылъёсын тышкаськыны уг лэзё. Та оскон ик инъет луэмын пӧрманкылъёслы (сказкаослы) но. Тодады вае ай сыӵеоссэ, кытын мадемын, кызьы вумурт нылъёс асьсэды таяз дуннеын улӥсь пиослы ӵекто: ӧд ке басьты, кулод, шуо. Солэн, куке но каргам адямиослэн, сопал дуннеысь берытскемзы луэ, но одно ик сюан нергеез ортчытыса гинэ. Эшшо одӥг юрттӥсь кужым - кирос. Уин вуысь адями луыса потэм вылэ кирос понӥськод ке, берен вуэ пырыны уг ни, пе, быгаты. СӦРОН КЫЛ. Карган кылын ӵошатыса, таоссэ вераны быгато вылэм сьӧд кужымен герӟаськем адямиос гинэ - ведӥньёс, пересьёс. Кылын соос юнматозы вылэм сьӧд кужымзэс лэзем арбериез: азвесь коньдонэз, сиён-юонэз, адямилэсь гижызэ, йырсиез: "Дуриськон сандал ку адями луоз, сокы адями мед луод! Шӧкычез ку адями карод, сокы мед луод! Ошмес виям кадь ик мур мед виялоз тон бордысь! Коӵышен пуны куке уром луоз, сокы адями мед луод! Кенӟалиен кый куке уром луоз, сокы адями мед луод!" УТИСЬКОН КЫЛ. Ӵем дыръя утись кужымъёслэсь нимзэс шара верам: "Остэ!", "Остэ, Инмаре-Кылчинэ!", "Калтак!" Мукет пӧртэмъёсыз - утьыны курись верам-вазенъёс:"Жангалач!/Замлагач" (нырысь емышъёсыз веръяку); "Монэ эй куты, тае кут!" (шур вамен потыку; нюк, шайвыл дортӥ ортчыку; тодмотэм ошмесысь ву юыку). Нимысьтыз висъяны луэ на утьыны курись пумит верам вазенъёсты:"Ымад-синмад - коӵыш быж!" "Синмад - юрсир!", "Кыл йылад пӧськы мед потоз!", "Сьӧд син гижы вылэ мед усёз!", "Умой иворен ке - шунды ӝужан пала лобӟи, аламаен ке - нырыд мед чагаськоз!"(йыр йылтӥ лобась кырныжлы),"Шур уллань!"(нюлэскын кылӥськись шимес куара пумитэ), "Тӥре-пуртэ бордам: виё, сиё, вандо!"(шоре лыктӥсь тӧлперилы), "Кионэз-гондырез улляськом, кылез-дэез улляськом, шырез-комакез улляськом шур уллань!" (кулэм потон уй гурт кузя куашетыса но тачыртыса ветлыкузы). Утиськон кыллэн ик одӥгез аспӧртэмлыко люкетэз луэ сӥзиськон кыл. Кыӵе ке урод учырен (адями висьыны усьыку, пуда-живот ышем яке кулэм бере) адями инмарлы, кулэм муртъёслы соку ик виро сётыны уг ке быгаты, со сӥзиське: соку-соку верам кылме быдэсто шуэ. Татчы ик пыртыны быгатӥськомы оскытон кылъёсты но: "Пурт йылысь нянь сиё!" "Татчыям ик мед куло!", "Шунды-нянь понна!", "Инмар понна!", "Кирос понӥсько!" Одӥгзэ чебер оскытон кылэз гожтэм кылем даурын Бернат Мункачи. "Шунды понна, Толэзь понна, Нянь понна, Тыл понна, Лёгоно музъеме понна, Азь улонэ понна - Та ужез ӧй кар!" Та кылъёсын мукетьёссэ оскытыса веракуз, адями тодэ вал: верам кыл - лэсьтэм уж выллем. Кылдэ тӧлъя-бурья лэзид - инкуазь азьын кыл кутоно луод. ПЕЛЛЯН КЫЛЪЁСТЫ верало вал, висёнлэсь мозмытскыны тыршыса. "Нимоосыз" пӧлысь тодмо луо "Вир кылын пеллян", "Кезеген пеллян" но мукет. Тужгес но нимо-дано вал "Син усемен пеллян" но "Кыж кылын пеллян". Марлэсь но кызьы висьыны усемзэс валэктыны ӧз быгатылэ бере, трос дыръя адямилэсь черламзэ валэктылӥзы син усемен, сӧремен/веднамен, инмарлы яке кулэм муртъёслы дырыз дыръя курбон сётымтэен. Висёнлэсь мугзэ рос-прос тодон вылысь, туно "Кинлэн мыжез кутэм" шуыса тунатскылӥз но соя ик эмзэ-юмзэ утчаз. Висёнъёс огазеямын вал "чер-чур", "кыль-дэй", "сиись-юись", "кутӥсь" огъя нимъёсын. Кык берлоосыз ведӥньлэн кыктэтӥ но куиньметӥ нимъёсыз луыса улӥзы. Оскизы, пеллясь висён муглэсь "нимзэ" шедьтэ ке, черлам адями йӧна шуыса. Кылсярысь: "- Нимыд кызьы? - Перидэ уллясько. Тон та муртэ, куке сусыпуэз пумит ке ньылӥд выжыеныз, шаплы шур вуэз куке юыса быдтӥд, куке инме зарни падӟаен тубад ке, соку си-ю (та адямиез)! Куке шаплы шурлэн уллапал пумаз вуид ке, отысь тӧдьы гӧгӧрсинлэсь йӧлзэ ке ваид; качыез, мои сеэн, пумит ке ньылӥд, соку си-ю та адямиез! - Кызьы нимыд? - Эмез-юмез та медло! Сиисез-юисез люкисько тон бордысь! - Кызьы нимыд? - Сиисез-юисез сяласько: тьфу, тьфу, тьфу!" Гожтӥз Б.Мункачи Кибья волостьын Карашур гуртысь. Пелляськись вазиськыны быгатэ аслыз висёнлы но, ведӥньлы но, солэн лулызлы но. Ас понназ сипыртэ ке но, со кылъёсты, осконъёсъя, кылыны кулэ со, кинлы соос верамын. Кыллэн кужымез - малпазы вашкалаос - со бордын но: верам маке, со вылӥ- улӥ сьӧрпал кужымъёслы "адскись" луэ, синмын адӟоно мае ке кылдытэ. Пеймыт кужым, кылын кылдытэм борддорез адӟыса, кышкатскыны но кошкыны, палэнскыны кулэ: "Ас вордэм гажан нылдэ-пидэ быдтӥд ке, соку ведна та адямиез! Сизьымдон сизьым шайтанэз пыд удам лёгыса кельтӥсько: сизьымдон сизьым кизили мынам йыр йылам - сое быдтӥд ке, соку быдты та адямиез! Дас кык гудырилэсь ӵашъемзэ куке берыктыса лэзид, соку быдты та адямиез!" Пелляськон кыллэн кужымез будэ шуыса малпазы, сое дыр-вакытэз но интыез чакласа верано ке. Сони ик быдэсъязы-веразы сое сыӵе интыосын но сыӵе вакытэ, ку но кытын сьӧрпал кужымъёслэн шуккетсы юнгес луыны быгатылӥз: шунды ӝужан яке шунды пуксён дыръя, уйшор уин, сюрес вожын, лудын, нюлэс дурын, ву дурын, шур сопалан, мунчоын. Малпамзыя, висён/чер - вань улэп макеос кадь ик - ваньзэ кылэ но адӟе. Адямиез вормыны луонлык солы сётэмын вал соку гинэ, ку со ветлыны луонтэм сюрес вылтӥ ортчыны быгатоз, лэсьтыны луонтэм ужез ужалоз, сӥлы кароно кужымъёсты сантэманы кужым шедьтоз. . . .Тыр шундыез, тыр толэзез огпала берыктэмед луиз ке, инмысь кизилилэсь лыдзэ-чотсэ тодӥд ке, кырымад кырмемед ке луиз, тон соку сиса ветлы та висисез!... . . .Музъем пушкы вань музъем гогы. Со музъем-гогыез куке ишкалтэмед луиз, соку басьты та висисьлэсь лулзэ-вирзэ! Сотэк уг сётӥськы!.. . . .Туй бирӟет пыртӥ, туй кульчо пыртӥ, азвесь кульчо пыртӥ сялӟисько. Сьӧд гондырез вал карыса, сьӧд кыез урыс карыса, зарни капка пыртӥ, азвесь капка пыртӥ куке потэмед луиз, соку си та висисез!.. . . . 77 заризь пыдсысь луоэз басьтыса, гозы пуныса, иньме тубемед луиз ке, соку синь мед усёз та муртлы! ЙЫРБЕРЫКТОНЪЁС. Гажано муртлэсь мылкыдзэ ас палад карон понна, малпамзыя юрттэт курыны луэ вал верам кыллэсь но. Мукет веранъёсын сямен ик, татын но огазеяськизы курон-сюлворон-косон мылкыдъёслэн кужымзы: "Бусые кизем ӟег узьым кызьы чебер адӟиське, озьы чебер мед адӟиськом. Мон талэсь йырзэ берыктӥсько. Куазь сактытозь медаз чида, шунды пуксьытозь медаз чида; пал синтӥз ур мед виялоз, пал синтӥз вир мед виялоз: монэ адӟемез потыса, ӵужектыса мед улоз. Возь вылын чалма чача кызьы чебер адӟиське, озьы чебер мед адӟиськом. Мон понна ӵужектыса-куасьмыса, уез изьытэк куасьмыса мед улоз. Мон талэсь йырзэ берыктӥсько. Турын пӧлын кызьы узы-боры чебер адӟиське, озьы чебер мед адӟиськом. Мон бордысь медам безы. Мон талэсь йырзэ берыктӥсько. Нюлэскын кызьы кисьмам эмезь чебер адӟиське, озьы чебер мед адӟиськом. Мон талэсь йырзэ берыктӥсько..." "Толэзь кызьы анаез дорысь берытскыса потэ, берен кызьы пыре, со кадь ик та мурт борды мед берытскоз! Шунды кызьы анаез дорысь берытскыса потэ, берен кызьы пыре, со кадь ик та мурт борды мед берытскоз! Кизилиос кызьы анаез дорысь берытскыса пото, берен кызьы пыро, со кадь ик та мурт борды мед берытскоз! Нюлэскысь кызъёслэн лысъёсыз кызьы огез бӧрдэ огез йӧтыса улэ, со кадь ик та мурт но бӧрдэ йӧтыса мед улоз!.." ДЭЛЕТ СИЗЁН КЫЛ. Нимысьтыз висъяны луэ котькыӵе ужын азинлык сӥзьыса веранъёсты: "Кужмо кариськы! /Кужмо лу!", "Таза лу !", "Етӥз кариськы!'', "Сюресэд вӧй мед луоз!', "Кузь сюресэд вакчи мед луоз!", "Котыр сюрес - вӧе сюрес". "Пумит пыкись но сьӧре уиськись" адямилэсь-а, чер-чурлэсь-а, ишан-притчалэсь-а утиськон вылысь, веранзэс куд-ог дыръя мыддориньто вал, шонер уг верало: лэсьтоно ужлэн /шудлэн "пельыз медаз кылы". Со выллем осконъёсты шедьтӥськомы мукет калыкъёслэсь но. Нюлэсканы мынӥсьлы ӟучъёс "Ни пуха ни пера!" шуо вал, эстонъёс - "Киви коӵӵи!"(Пуйыад - из!). Та веранъёслы пуштроссыя укшало бушверанъёс, кылбескыяськонъёс: - Мар-о карод? - Маке но. - Кытчы мынӥськод? - Кытчы ке но отчы. - Малы? - Малы но солы. Яке: - Кытцы? - Кытцы-пыдсы, гур пыдсы, чырсам йӧлвыл сиыны. - Нимыд кызьы? - Нимы-нимыш, пыды-падыш. Таӵе веранъёслэн кутӥськон мугзы одӥг: дэлетэз кышкатонтэм вылысь шонерак веранлэсь палэнсконо. Дауръёс ортчемъя, муглэн пуштросэз вунэ, йӧназ верам кыл шудонлы пӧрмыса, нылпиос но кыллы бырем адямиос пӧлын гинэ улыны интыяське. Вань на мукет дэлет сӥзёнъёс, соос выросэн огазьын гинэ кутӥсько. Тани, шуом, вӧй арнялэн нырысетӥ нуналаз нылъёс ӵукна ик корка азьысен кенос доры кубо вылын нискыльско но, кизэс выллань ӝутыса, "Пыше та кузьда мед будоз!" шуыса куро- сизё. Ю-вӧсь вӧсянын но пересьёс, пиналъёс ӟеглуд пӧлы пазьгем курег пузэз утчаку, ''Со ӝужда мед будоз!" шуыса черетско. Дэра гужатыны вӧлдэмзы бере, нылъёс со вылтӥ курег пуз питырто но тазьы верало вылэм: курег пуз кадь ик тӧдьы медло!" Дэлет сӥзён кылъёсты тросгес верало нерге утьыкузы: ар дыръёсын герӟаськемъёсаз но, сюан-бӧрысьын но. Огшоры улонын но, нергеын кутӥськыкуз но, кыл верамын луэ, выросэз юнматон вылысь. Но вашкала дыръя оскылӥзы вырослэн ас кожаз кужымезлы но. Басьтом пудоез лудэ лэзёнэз. Капкаетӥ поттыкуз, кузёкышно пудолэн бӧрсяз курег пуз питыртэ. Номыре уг вера ке но, выросэзлэсь пуштроссэ тодэ: озьы со сӥзе, пудоез мед тэлеӟоз, курегпуз кадь ик питырес-быгылес, быдэс луоз. Мукетыз синйылтымон учыр - пӧртмаськисьёслэн вожо вылтӥ ветлэмзы. Котькуд коркан тодо вал: пырем пӧртмаськисьёсты-вожоосты утялтыны кулэ. Соослы сётылӥзы нянь, куасам. Пыжиськемзы ӧвӧл ке, пызь гинэ но сётыны яра вал. Соосыз нош бертыса, пызез но нянез ыжъёссылы сюдӥзы. Сётӥсез но, басьтӥсез но тодо вал: пӧртмаськон- вожояськон сямез утиськод ке, ыжъёс йыло-пушъё. Озьыен, кыллэн кужымезлы оскон итӥське вал нырысь вырослэн кужымез борды гинэ. Но пумен со, ас кужымзэ шӧдыса кадь нимазъяськыны кутске. Оскон кылдэ: ас кожаз верам кыл но куд-ог учыръёсын ужрадэз уретыны яке азинтыны быгатэ. Соин ик шудон-серекъян, шоккетон мылкыдъёс арлэн нимысьтыз вакытъёсызлы гинэ тупатэмын вал. Выжыкылэз, мадиськонэз лымы усем бере гинэ вераны лэземын вал: "Кырын ветлӥсь пудо гидэ пыремлэсь азьло мадиськид ке, пудоед кир-пазь луоз';"Йӧ вылэ султон бере мадиськыны уг яра: пудо вера каре/ гон вырӟе". Адямилэсь калык пӧлын улонзэ радъянын но дэлет сӥзён кылъёс бадӟым инты басьтӥзы. Дуннелы выль улонвожъёс сярысь ялон вакытъёсы соос тужгес но яркытэсь но мур пуштросоесь вал. Сям-нерге понна чебер, выль дӥсь дӥсям сямен ик, та учыръёслы тупась чебересь, сюлэмез небӟытӥсь но огдыре ик юнматӥсь, сюлэмвозет кылъёс утчазы. Нуны сюан дыръя, "выль шедьтэм" пиналлы шудо-буро улон сӥзизы:"Ӟеч адямиослэн син шоразы адскымон медло!", "Кузь арлыдо, паськыт шудо медло!", "Та азвесь коньдон кадь, югыт-сайкыт мед луоз та пиналэд', "Калык вылэ потмон медло!'', "Калык синмысь медаз усьы!" Озьы ик сюан-бӧрысь нергелэсь пӧртэм ёзъёссэ но (ныл куран, тупан/югӟан, сюан нерге, бӧрысь нерге, вада пуктон/сялтым, пирдан ваён) узырмыто дэлет сӥзёнъёс: вӧй вӧсяку, пурысьтам бекче вайыку, нылэз вордскем коркасьтыз поттыку но картэзлэн корказ пыртыку, ву вайытыкузы, вӧйын нянь куртчытыкузы но мукет. Но тужгес но яркыт сӥзёнъёс верамын луо кырӟанъёсын: Осто гинэ Иньмаре но бадӟым гинэ Иньмаре! Уродъёссы - пыд уламы, ӟечъёссы но - йыр ылэ! Осто гинэ Иньмаре но бадӟым гинэ Иньмаре! Та нуон но, ой, кенмылэн шудэз гинэ мед луоз! Лёгано но, ой, пыд улыз вож кармазин мед луоз! Улоно но, ой, коркаез чеклык кадь ик мед луоз! Кулэм муртэ ватон но сое буре ваён вакытъёс но дэлет сӥзёнъёсын герӟаськемын. Вашкала осконъёс тупатэмъя, адямилэн кулонэз - мукет дуннее кошкон, мукет улонэ выжон. Келяло вал, "Сояз дуннеяд ӟеч ул ини!" шуыса. Огдыре ик кулэмъёслэсь куро вал: "Эн чертэ, эн мыжтэ, ӟеч кылемзэ ӟеч возе! ВАЗИСЬКОНЪЁС. Соос - инкуазь кужымъёсты вакчияк ӧтёнъёс. Вазиськонъёс ваньмыз сямен нылпи фольклоре выжемын. Валляна дыръя соос нимысьтыз нергеосы, шуом, зор курон яке зор дугдытон сяме пыро вал: Шунды-мемей, пот, пот. Ачим вӧек нянь сёто. Шунды-мемей, пот-пот. Сяська дэрем кузьмало. Кибылиед-нумыред кынмыса кулӥське ини. (Учконо Л.Н. Долгановалэсь "Удмурт фольклор: Нылпи кырӟанъёс, мадёсъёс, лыдъяськонъёс, исаськонъёс" книгазэ. - Ижевск: Удмуртия, 1981). Удмуртъёслэн тужгес но тунсыко, чеберлыко тункылзы - КУРИСЬКОН, яке ВӦСЬКЫЛ. Шудбур, дэлет-азинлык, тазалык курыса инкуазь кужымъёслы, инмаръёслы вазиськон. Куриськон пуштросэзъя но, вылтусызъя но люка, ӝикыт-лач каре, огазея пӧртэм сизён веранъёслэсь кужымзэс. Кузь яке вакчи кабез куриськисьлэн быгатонлыкеныз герӟаськемын. Одӥг-кык йылпумъям малпанэн вакчи куриськоньёсты удмуртъёс пӧлын тодӥсьтэмез ик ӧй вал. Кузьёссэ, ог ӝыны яке быдэс час веранооссэ, нимысьтыз адямиос - вӧсясьёс - гинэ тодӥзы. Ар дыръёсын герӟаськем сям-нергеослэсь вӧсь ортчытъяно адямиоссэ ог 3-5 арлы бырйылӥзы кенешын. Дэмен вӧсьёслэсь куриськисьёссэ туно ӵектылӥз. Вӧсясь, Инмар но адями вискын сылӥсь ыстон-косон мурт выллем вал. Адямиослэсь сюлворон-курон-косон мылкыдзэс со вуттыны тыршиз вылӥ-улӥ сьӧрпал кужымъёслы. Куриськонъёсысь висъяны луоно куинь люкетсэ. Кутсконаз вань инмаръёсты нимзыя вазё-ӧтё: Инмаре, Куазе, Кылдысинэ, Ӟумья сяськае. Та берлоез - воршуд ним. Со шуд вордӥсь Инмар чотын улэ бере, сое но вератэк уг кельто. "Остэ" кыл но Инмар шуэм ик луэ. Вашкала пуштросэз асьме понна ышемын ке но ини, одӥг кылэз трос пол вераса, солэсь кужымзэ будэтон каб та дырозь кылемын. "Остэ Инмаре" веранэз "Инмаре-Инмаре" шуыса берыктыны луоно. Инмарез пусйись-висъясь эпитетъёс но озьы ик бӧрсьысь бӧрсе сузьйисько: Вылысь, Югыт-Тӧдьы, Утись-Вордӥсь но м. с. в. Нимаса-данаса вазиськемзы бере, кыкетӥ люкетаз сюлэмшугзэс кисьто, курон- сюлворон мугзэс верало: "Кизем-пальккем ю-няне сарана кадь мед потоз, одӥг выжые куатьтон мед пушъёз, мульы тысь кадь мед тысялоз! Шуныт-небыт зордэ сёт, Инмаре! Секыт зорлэсь ачид ик уть! Узыен борыез кадь кисьматы, Остэ! Ӟечкын бичаны-люканы, нылын-пиен-семьяен ужаны тазалыктэ сёт, азинлыктэ сёт, Инмаре, Остэ!" Пумаз, янгышамлэсь кышкаса кадь, верам кылзэс ӵошкатыны-шонертыны куро: "Оло, азьло вераноез сюриз, оло, берло вераноез сюриз, милесьтым тодымтэмес ачид, Инмаре, шонерты". Пӧртэм мугъёсын кутӥськись тункылъёслэсь вылтуссэс эскерыса адӟыны луэ: ваньмыз соос огвыллемесь. Быдӟалазыя ке - вакчиесь но кузесь. Малпанэз быдэстыса веранъёслэн радьяськемзыя ке - бӧрсьысь бӧрсе пуктыса, огез борды огзэ итыса, весь выллем сузьйыса лэсьтэмын. одӥг малпан ик пӧртэм сямен верамын: я вакчиятэмын, я нуйтэмын. Одӥг езэз ышыса но веранлэн пуштросэз уг кулэсмы, уг начармы. Эшшо одӥгез пусъёно тодмет - нимысьтыз тункылъёслэн огазеяськыны но выль пуштросъем веран кылдытыны быгатэмзы: Асьтэдыс утись Инмарды йырйылад мед ветлоз, Лул-вир утись Кылчинды пельпумъёсад мед улоз, Инмар анаймы шумпотон мед ваёз, Аламалэн сюресэз палэнын мед ветлоз, Верам кылы кабыл мед луоз! Та веран гожтэмын Татариысь Агрыз ёросысь Варклет-Бодья гуртын. Сое тау карыса вераз вал Анна Салиховна Михайлова. Али со ӧвӧл ни. Но солэн верам кылъёсыз, кырӟамез, сям-нергеосты тодэм-валамез мынам сюлэмам. Солы та чуръёсме сӥзьыса, тау кареме потэ ваньмызлы, кинлэсь пӧртэм дыре гожтэмын вал та лыдӟетэ пыртэм визьбур. Йӧ келян куриськон. Остэ, Инмаре, Кылдысинэ, Куазе, Дурга воршудэ, Чупчи-мумые, Пызеп мумые! Одӥг кылысь-ымысь кариськыса, ӟеч бускелен лыктӥм ярдурад нянен сурен, кумышкаен. Чупчи, Пызеп, ю-шур-мумыос! Капчи ардэс, шуддэс-бурдэс - котьма сётэ калыктылы! Куасьмылӥсьтэм мумыос! Ву бӧрсяд келялэ котьмар чердэс! Ӟеч животмес ӟеч выжытъя шур-гоп вамен, вумуртэ! Ӟеч ке выжытъяд-утид - тыныд но шедёз-мылёз. Визыл бызись ю-шур-мумыос, нюрдэс сётэ турынлы-юлы! Турнам турынмы ӟеч животмылы сиыны мед яралоз! Юмы-няньмы сиыны-юыны калыкен мед яралоз! Сябась, Чупчи-Пызеп-мумыос! Гожтэмын Глаз уездын. Печатламын Первухинлэн ужаз. Гуждор куриськон. Остэ, Инмаре-Кылдысинэ! Ӟеч тулыстэ-гужемдэ-сӥзьылдэ ысты милем! Сӥзьым котрескаен одӥг кылысь-ымысь султӥськом-пуксиськом. Ӟеч бускелен - Петыр шудэ- воре, Гондыр шудэ-воре, Керень шудэ-воре, Тепан шудэ-воре. Тёмо шудэ-воре - султӥськом-пуксиськом. Пурга шудэ-воре, Бигра шудэ-воре, Вортча шудэ-воре, Какся шудэ-воре султӥськом-пуксиськом. Ю кылдӥсь-вордӥсь! Тулыс уртче-валче потон дыръя, лудэ гырыны-усыяны потон дыръя, юзэ кизён-пальткон дыръя капчизэ кужымзэ сёт! Гербере лэсьтыны-туртскыны потон дыръя, турнаны-маштаны потом дыръя, зурод сюрон дыръя - капчизэ кужымзэ сёт! Сӥзьыл артэ пырез вуон дыръя, гидаз-азбараз пыртон дыръя, обиняз пыртон-куасьтон дыръя - сёт милем шуддэ-бурдэ! Кабан урдсы кабан мед ӝутоз-вытоз, лек тыллэсь-пулэсь, лек кизилилэсь мед утёз- вордоз! Ӵукна султон дыръя, семьяен обине мынон дыръя, кутэсэн культое шуккон дыръя - чузги-пазьги азвесь тысь мед пальккиськоз! Лопатаен пальткон дыръя, тӧллы пумит пальткыса меӵак мед усёз! Тысьсэ обиньысь дӧдьыен валтон-кыскон дыръя, сюсегаз ю кисьтон-тырон дыръя, калыклы шулдыртымон юсь кадь кугась мед луоз! Юзэ пуньыен басьтэм - пуньы вистэм! Кобыен басьтэм - кабы вистэм! Сюлысэн басьтэм - сюлыс вистэм! Муӵкоен басьтэм - муӵко вистэм! Ю кылдӥсь-вордӥсьлы Кылдысинлы, пудо сётӥсь-возьмасьлы Инмарлы, муш ыстӥсь- косӥсьлы Куазьлы - сябась! Гожтэмын Глаз уездын. Печатламын 1893 арын Ю.Вихманлэн ужаз. Геры поттон дыръя куриськон. Осто, Инмаре, Быдӟ-Иньмаре, Кыуӟ-Иньмаре! Кизем-пальткем ю мед далтоз! Курег пуз кадь ик тыр медло! Курег пуз кадь ик ӵуж-ӵуж медло! Шыдэн-нянен, сурен-аракен гырыны потонэз буре ваиськом. Гыроно герымес каньыл карыса, гыроно валмес кӧй карысалыд ке, Иньмаре! Быдӟым Иньмарлы-Кыуӟинлы, Ю-Кыуӟинлы, Му-Кыуӟинлы, Музъем-мумылы пияз понӥськом, мед далтытоз! Ӟеч ардэ сёт, шуныт уйдэ сёт, шуныт зордэ сёт, лысвудэ сёт, сяськадэ сёт! Гудыри-мумые, Шунды-мумые! Ӟеч шыдэн-нянен буре ваиськом! Ӟеч-шуныт нуналдэ, чебер гужемдэ, шуныт зордэ сёт! Гожтэмын Малмыж уездын. Печатламын 1893 арын Ю.Вихманлэн ужаз. Арня нунал вӧсяськон /тулыс юон дырья/ Остэ, Инмаре-Кылчинэ! Арня нуналмес арня карыса, аслыд буре вайыса куриськисько. Тыр шыдэн-нянен потыса йыбырттӥсько: тыр шыдэд-нянед кадь тырлык-бурлык сёт! Бусые ужлы потон дыръя, пельпум капчилыктэ сёт, син азь сайкытлыктэ сёт, Инмаре- Кылчинэ! Кизем-пальккем юосыз зарни выжыен выжыятыса далтыты, куамын куроен пушйытыса далтыты, азвесь тысен тысятыса далтыты, коньы бызьымон, сёр бызьымон супрак- някрак карыса далтыты, Инмаре-Кылчинэ! Ана вылэ султыса, сюрло поныса вандон дыръя, тазалык сёт, Инмаре-Кылчинэ! Культо карон дыръя, культо вӧзы культо пуктыса мыныны шудбур сёт, Инмаре-Кылчинэ! Культоысь чумолё карон дыръя, чумолё вӧзы чумолё пуктыса мыныны шудбур сёт, Инмаре-Кылчинэ! Бусыысь итыме ворттон дыръя, пар валъёс кыткыса ветлыны шудбур сёт, Инмаре- Кылчинэ! Итым тыр юэн улыны шудбур сёт! Вуж кабанэн улыны йылаз бадь потыса улыны, дас кык кабанэн улыны шудбур сёт, Инмаре-Кылчинэ! Итымысь кутсаса кенсы понон дыръя, кенос тыр юэн улыны шудбур сёт, Инмаре- Кылчинэ! Кенсысь сюлысэн-пужен басьтон дыръя, гыркез-гопез шӧдӥськонтэм берекет- дэлет сёт, Инмаре-Кылчинэ! Остэ, Инмаре-Кылчинэ! Гид тыр пудоен улыны, кыскон ыскалэн, ӵышкон ыжен-кечен улыны шудбур сёт, Инмаре-Кылчинэ! Кыскон ыскалэз йӧло-вӧё кар, ӵышкон ыжез-кечез гоно-туро ачид кар, Инмаре-Кылчинэ! Гидысь бусые поттон дыръя, бусы тырос ачид кар! Юон вуоссэс, ческыт турынъёссэс ческыт кар! Погыльтӥськон музъемзэс мамык кадь небыт ачид кар, Инмаре-Кылчинэ! Сандык пыдэс малэн улыны, кисые понон дыръя - кисы тыр малэн ветлыны шудбур сёт, Инмаре-Кылчинэ! Ванё-буро ачид кар, Инмаре-Кылчинэ! Лянэс тырос вӧйын улыны, мушен-вуэн улыны шудбур сёт; муо вышкыосын, вӧё вышкыосын улыны шудбур сёт, Инмаре-Кылчинэ. Остэ, Инмаре-Кылчинэ! Тазалыкез сётыса, вӧсяськыса улыны шудбур сёт! Сӥзьыл вись вуосыд кадь дярыт-таза ачид кар! Тулыс кошкись вуосыд кадь бӧмкеръяськыса улыны шудбур сёт, Инмаре-Кылчинэ! Тулыс лыктэм тыло-бурдоед кадь сапраса, дибыль-дябыль карса, шуд бур сёт, Инмаре-Кылчинэ! "Сиё" шуись дышмонлэсь сакла, азэм-тузэм чередлэсь сакла, Инмаре-кылчинэ! Вуын ветлӥсь чорыгъёс кадь таза кар, Инмаре-Кылчинэ! Будзын эксэйёслы выт тырон дыръя, ачид дярдэм сёт, Инмаре-кылчинэ! Инмар-кылчин, сётэм пудоме кабул карыса басьты! Лулзэ-вирзэ шуныт кияд-пыдад басьты! Зарни гонъем, азвесь пиньем карыса басьты, Инмаре-кылчинэ! Олло, азьлозэ берло верасько, олло берлозэ азьло верасько, ачид тодод, Инмаре- Кылчинэ! Кабул кары, Инмаре-Кылчинэ! Гожтэмын Уфа губерниын Камышлино волостьын. Печатламын 1952 арын Б.Мункачилэн ужаз. Ю-ВӦСЬ КУРИСЬКОН Остэ, Инмаре-Кылдысинэ, кизем-пальккем юэз ожо сяен ожматысалыд ке, бадьпу сяен пушмытсал ке, кызьпу сямен тэлеӟетысал ке; Коньы бызьымон, сёр бызьымон нюпырчкыса сётсал ке, октон-калтон дыръя культо вӧзы культо ке пуктысал, чумолё вӧзы чумолё ке пуктысал; пыртэме ваён дыръя дас кык йыло кабан ке люкаськысал, обиньысь ваён дыръя коскиен вайса быронтэм тыр дэлеттэ-берекеттэ тон ке сётысал; Сусекъёс улласянь пуньырӟымон, вылласянь тудӟымон, будӟым эксэйлы выт-кӧрс тырымон ваньбурдэ Тон сётсал ке, сюмысо урысэзлэсь утьса вордысалыд ке, жильыё кортэзлэсь утьсал ке; бызён-потон дыръя бӧрись уиськисьлэсь, пумит пыкисьлэсь утьсал ке; пыдын ӵемтэмлэсь, кылын янгышамлэсь утьсал ке. Тулыс вапумен, пудодэ-животтэ бусые поттон дыръя, выжылэсь нюк-гоп дэрилэсь, сьӧдлэсь-каблэсь, лул ке - пӧськылэсь, черлэсь-чурлэсь, лыктэм кыльлэсь-дэйлэсь утьсал ке, гид тыр, луд тыр карысал ке. Гужем нуналын шуныт-лэськыт нуналъёстэ ке сётсал, небыт зоръёстэ сётсал ке, сильтӧл-лек зоръёсыдлэсь утьсал ке. Оло, азьло вераноез сюриз, оло, берло вераноез сюриз: милесьтым мулятэмтэмес ачид ӵошаты. Гожтэмын Сарапул уездын. Печатламын 1906 арын И. Васильевлэн ужаз. Остэ, Инмаре, Воршудэ, будӟым Мудоре, кылчин-Инмаре, выль шыдэныд-няненыд тонэ буре ваиськом! Тырез-бусэз аслыд мед луоз, сыркез-югез будӟым эксэйлы вытсэ сётны мед кылёз! Будӟым эксэй ӟеч мед луоз, вузме вузаса сётэм вытме чаль мед берыктоз! Кизем юме-няньме узыдэ-борыдэ сямен кисьматы-муляты! Куамын ке выжыё кар, дас кык ке ёзо кар, сюрс ке тысё кар, азвесь ке шепо кар, зарни ке тысё кар! Шуныт зордэ ачид сёт, лумыт тӧлдэ ачид сёт, ӟеч ардэ ачид сёт! Уй ке - дауэдлэсь уть, сӥль ке - дауэдлэсь ачид уть, намер ке - пильмыдлэсь ачид уть! Итыме пыртон дыръя дас кык эр валэ кабан сюрмон кар; валасянь понса уллласянь пуньыр потмон кар, валласянь пачыл потмон кар! Кутэсэн шуккон дыръя тӥсьын-муэн мытмон кар! Кенос-кож пукез сюлыс басьтыса, сюлыс выжтымтэ вылэ кар, пуж басьтыса, пуж выжтымтэ вылэ кар! Кутэсэн шуккон дыръя тӥсьын-муэн мытмон кар! Кенос-кож пушказ сюлыс басьтыса, сюлыс выжтымтэ вылэ кар, пуж басьтыса, пуж выжтымтэ вылэ кар! Пӧйшур доры мыныкы пунэме, узатон дыръяз, пыдын ӵабтон, нырын сузён вылэ вутты! тэле мыныкы, узыр ямъё силёе чаркме-налькме туго быжо вылэ вутты! ыро пыженыд гылтыса ваем сямен сёт, Инмаре! Ӟечтэ сёт! шунды ӝужантӥысь ниаса-данаса шунды пуксёнтӥозь кылӥсьлы кылмон, адӟисьлы адӟымон кар! Вылызэ лобыса лыктэм кыллэсь, улызэ бусые пырем кыллэсь, муръё тушмонлэсь ачид уть; янгыш кыллэсь, янгыш пыдлэсь, гижыё гижъяськемлэсь, вайыжо вайжаськемлэсь ачид уть, Инмаре! Куамын ке пасьта азбар кутмон кар, си пуж ӝужда кыедо улмон кар. Азбарад сётэм нылыдлы-пиедлы зоро пӧськыед сямен ӟибыль-ӟабыль карса улны-вылны ӟеч шуддэ-бурдэ сёт! тупала сизьым сётэм ныло-пиё кар, та палме укмыс басьтэм кено-менё кар! Вазь адкем кузэн-палэн ачид уть, вазь вордкем нылын-пиен ачид уть! Остэ, Инмаре, валдэ урдэс ке - чуньыен сёт, пыдыз юрго вылэ вутты, нырыз сюмъё вылэ вутты! Искалдэ урдэс ке - куняно вылэ вутты, кыскыны йӧло-вӧё вылэ вутты! Ыждэ урдэс ке - пильыё вылэ вутты, ӵышкыкы гоно-туро вылэ вутты! Жаг дорме чипыен-куреген сёт! Ву вылме ӵӧжен-ӟазеген сёт! Талэсь бадӟым уг тодкы вӧсяны, ачид кельы-вайы, Инмаре! Гожтэмын Малмыж уездысь Шактапи (Большая Цибирь) гуртын. Печатламын 1887 арын Б. Мункачилэн ужаз. Бусы вӧсь карон. Остэ, Инмаре-Кылчинэ, бусы вӧсяд султӥськом иськавынъёсын-бускельёсын. Остэ, Мукылчин Инмаре, тыныд сӥзем-чегтэм горд ошпидэ сётком, Мукылчин-Инмаре - остэ! Остэ, Мукылчин Инмаре, та тыныд сётэм ошпиедлэсь сӥльзэ, кие кутэм колдыеныд, курег пуз табаненыд, вӧеныд вылэ мычко, остэ, Мукылчин Инмаре, остэ! Ӟеч-мусо, мыло-кыдо калыкеныд тыныд вӧсяськиськом, остэ! та армись возьмам бусы вӧсяд вӧсь кушад люкаськем калыкед понна - Мукылчин Инмаре, остэ! Кизем-пазьгем юдэ-няньдэ камыж куроем, борддор кадь удалтыты, Мукылчин Инмаре, остэ! Шуныт-небыт зоръёсыныд узыдэ-борыдэ сеэн кисьматыса-мулятыса зарни тысё, азвесь тысё кар, Инмаре, остэ! Урод тӧллэсь, секыт зорлэсь ачид утялты, Мукылчин Инмаре, остэ! Лудэ-выре поттам-лэзем животтэ урод синлэсь, тушмон кӧтлэсь, сьӧсьлась-каблэсь ачид уть-ворды, Мукылчин Инмаре, остэ! Та вӧсяськем кылме ачид ик тустыты-пӧртыты. Мон пинал мурт: оло веранозэ, оло верантэмзэ шедьтӥ вераны. *** Остэ, кие кутэм няньме тыласько ини: кабыл кар та куриськем вӧсяськемез, Мукылчин Инмаре, остэ! *** Остэ, вылэ мычемдэ васькытко ини, та вылэ мычемез кабыл кар, Му-кылчин Инмаре, остэ! Та ӝутэм шыдэдлэсь-сӥледлэсь тырзэ-гуссэ тыласько мни. Тырыз-гусыз тӧныд медло, Мукылчин Инмаре, остэ! *** Вуж дасеныз вӧсяськиськом ини, Инмаре, остэ! вильзэ тустыты-пӧртыты! Тазьы ик ӟеч калыкеным шудса-серекъяса, капчи мылын-кыдын улоно-вылоно кар! Тани йыбырттӥськом ини, Мукылчин Инмаре, остэ! Оло вераноез, оло верантэмез сюриз, та куриськем вӧсяськемез ачид ик кабыл басьты, Мукылчин Инмаре, остэ! *** Вӧсяським ини, веръялэ, пересьёс, люкаськем калыкъёс! Гожтэмын Кыйлуд волостьын. Печатламын 1952 арын Б.Мункачилэн ужаз. Остэ Инмаре, козма Инмаре, бадӟым Инмаре, кизем юме-няньме бур не поттысалыд ке; нинпуэз сямен, бадьпуэз сямен пушъйытсалыд ке, узыез сямен кисьматсалыд ке, ӝомӟытсалыд ке! Шуныт уйдэ сётысалыд ке, шуныт зордэ сётысалыд ке, ӟеч выремадэ сётысалыд ке! Иншыре пыртон дыръя, дас кык йырьем кабанъёстэ сётысалыд ке; иншыр вӧзы иншыр пуктымон шудо-буро карысалыд ке! Гидэ пыртон дыръя, гид тырос карысалыд ке, ӟеч кыскон искалдэ сётысалыд ке, ӟеч ӵышкон ыждэ сётысалыд ке! Калыке потон дыръя, ӟеч кыткон валъёстэ сётысалыд ке, лудэ потон дыръя, луд сэрег тыр карысалыд ке! Лысо пыртӥз, куаро пӧлтӥз лобытсалыд ке; мурес вылтӥз пачыл бызьытсалыд не! Сьӧрло кошкись пӧйдэ-шурдэ пумит берыктыса вайысалыд ке! Кун-эксэйлы выт тырмон-урдэс кутон ванё-буро карысалыд ке? кун-эксэйлы выт тырыкум, бадӟым Инмаре, ӧд ке ӟудэттырсалыд ке! Лысо пулэн лыс пыртӥз, куаро пулэн куар пыртӥз ӟечтэ-бурдаэ вайысалыд ке! Сӧзые кутскымон ныло-пиё карысалыд ке, тылдор котырад шудыса-серекъяса, ӟибыль-ӟабыль карыса капчиен улыны эрик сётысалыд ке ! Гуртэ пырись через-чурез тузэнэз сямен, лысвуэз сямен нюлэс сьӧры, чабы сьӧры лэзьысалыд ке; пудоме-животме ӟеч ке вордысалыд ке; дэрилэсь-гоплэсь ачид утьысалыд ке, бадӟым Инмаре! Оломар но сьӧлыке вань, простить нар, Инмаре! Мон янгыш, Инмар, азьло верамзэ берло верай, дыр; мон уг тодӥськы вӧсяськыны, Инмар, ачид тупаты! Гожтэмын Елабуга уездысь Елкибай гуртын. Печатламын 1887 арын Б.Мункачилэн ужаз. Кусо азе виро куриськон. Ӧстэ, Инмаре, Кылдысинэ, Куазе, Ӝикъя воршудэ! Тани кусо азе виро сётском - пурысь така! Вашкалаос, вождэс эй вае. Кусмы но медам жадьылы, кимы-пыдмы но медам ӵогиськы. Погыртэм турынмы вож мед куасьмоз; дэлетсэ понэлэ, животмы но мед куаёз. Сӥзьыл курбон куриськон. Остэ, Инмаре, Кылдысинэ, Куазе, Чола воршудэ! Учкы, Инмаре, вылысен пиналъёсыд вылэ ӟеч синмыныд. Ӟеч кидыс пазьгон дыръя, сӥзем такапидэ сётӥськом ни! Тӧдьы дӥсен-кутэн, ӟеч бускелен, семьяен-ватагаен, одӥг кылысь-ымысь, кылтэк- куаратэк, ӵош сиыса-юыса сётӥськом! Кияд-пыдад басьты, Козма-Инмаре. Вужзэ сииськом, выльзэ тынэсьтыд куриськом. Кизем ӟегмы ожо выжы кадь мед выжыялоз, ӟеч мед толъёз, дас кык выжыен мед выжыялоз, куатьтон куроем мед пушъёз; камыш куроен мед будоз, дас кык ёзъем мед будоз; азвесь шепъем, зарни тысьем, син тырмымон, ки бырттымон ик мед ӝутскоз. Куинь пол вандыса кырым тырмымон мед луоз. Культо урдсы культо, ючис урдсы ючис, кабан урдсы кабан мед пуксёз. Ӵукна-ӝытазе мылысь-кыдысь, кылтэк-куаратэк ужаны-люканы юртты, Инмаре. Гужем лек тӧллэсь-зорлэсь возьма! Обиняд нуыны ӟеч валъёстэ сёт! Куасьтыку тыллэсь-пулэсь, кыжлэсь-черлэсь, тушмонлэсь, Инмаре-Кылчинэ-Куазе, Чола воршудэ, возьма! Ошмес воршуд, мувыр воршуд, тон но ӵашша-нюня, Илья пророк, Кузьма-Демьян, ӵош сиыны-юыны лыктэ, козмалэ. Сябась!!! Ӟеч животмес но сьӧсьлэсь-кыжлэсь, черлэсь-тушмонлэсь, вуэ-нюке усемлэсь, писпу пограмлэсь возьмалэ, Инмаре-Кылдысинэ-Куазе, Чола воршудэ. Ӵукна живот сюдыкузы, пиналъёс юрго валэн, зӧк сюро ошпиен, зарни сюро, азвесь гонъем такаен мед пумиськозы. Сёт, Инмаре! Ми, пиналъёс, ичи тодӥськом, тон ачид, Инмаре, тод но, шонерты но. Нюлэсмуртлы курбон куриськон Остэ, Инмаре-Кылдысинэ-Куазе, Дурга воршудэ! Тани ӟеч бускелен, ӟечс семьяен султӥм-пуксим, одӥг кылысь-ымысь куриськыса лыктӥм. Пудозэ-животсэ сьӧсьлэсь каблэсь возьма; висёнлэсь, шурлэсь-гоплэсь, Нюлэс-нюня, возьма, кенер кожат ӟеч нуллы. Тани азвесь пиньем, зарни гонъем ошпи сётском! Бер кылемез гонэз-мамыкез мында мед йылоз-пушъёз. Гидам мынӥм ке, учкымон-маялскымон, гонэн-тусэн, калыклы ушъямон-верамон, вожъяськымон кадь сёт! Ворлэсь-тушмонлэсь палэнты, Инмаре-Кылдысинэ-Куазе, Дурга воршудэ! Чорыган куриськон Чупчи матушкае, вождэ эн вай! Чорыган лыктӥ! Вумуртэ! Тани нянь ныр куштӥсько: зӧксэ-зӧксэ сёт! Кыдёкысьсэ матэ вай, берег дуре вай! Огпол-кык пол ке кыским-кисьтӥм, пестэрам понымон сёт, вумуртэ, Чупчи- матушкае! Сетьмес-мордамес, намотмес-калтонмес эн иса, вумуртэ! Нюлэсакы куриськон. Сӥзьыл вуиз. Нюлэсаны потӥськом! Нюлэс-нюняе! Вождэ эн вай! Пумиськыты сьӧд ӟичыен, тӧдьы кечен, турен-сялаен! Ю-шур кузятӥ мынон-ветлон сямен мед пумиськомы мыйен-вадэн! Кыдёкысьсэ матэ вай, нюлэснюняе, песьтэре поныны мед кылдоз! Сётӥд ке, тыныд но шедёз. Гожтэмын Глаз уездын. Печатлымын арын Первухинлэн ужаз. Ӵукна куриськон. Остэ! Ӟеч Инмаре-Кылчинэ, остэ! Ӵукна султэм пӧннам, тӧныд остэ карко. Ӟеч нуналдэ сёт, та нуналыд пӧнна еч капчилыкъёстэ, сиён-юондэ сёт! Урод синлэсь, тушмон кӧтлэсь ачид уть, та куриськемме кабыл кар: Инмаре-Кылчинэ, остэ! Сиён-юонлэсь азьло верам куриськон Остэ, Инмаре-Кылчинэ! Та ӝӧк вылэ пуктэм сиён-юондэ дэлетлы-берекетлы кар! Инмаре, та ӝӧк вылэ пуктэм сиён-юондэ, онэ буре вайтэк, ум сииське-юиське. Инмаре, вужыныз сииськом-юиськом; вильыныз но тазьы ик но сины-юны кос! Инмаре, остэ! Сиён-юон бере верам куриськон. Берекет, Инмаре! Тынад сётэм сионэныд-юонэныд кӧтмы тыриз; та сиемюэм интые тырос сёт, Инмаре, остэ! Изьны мынонлэсь азьло верам куриськон. Остэ, бадӟын Кылчин-Инмаре, ӟеч уйдэ сёт изьны! Эн кушты монэ: уин ветлӥсь сиись-юисьлэсь, кыльлэсь-кальлэсь ачид утялты, уть-ворды. Ӵукна султытозям эн сёт олокинъёслы, Кылчин-Инмаре, остэ! Гожтэмын Кыйлуд волостьын Кыйлуд гуртын. Печатламын 1952 арын Б.Мункачилэн ужаз. ПЕЛЛЯСЬКОН КЫЛЪЁС ВЕДНАМЕЗ ПЕЛЛЯН КЫЛ Инмын Илля пыролоклэн ворттылон уробоез вань. Куке Илля пыролокллэсь та уробоысьтыз пазьгем луозэ кылыныд нюлыштыса басьтыны шедьтод, сокы та адямиез (татын пеллям адямилэсь нимзэ вераны кулэ) ведна! Илля-пыролок ворттыкы, тулка пыртӥз пот; сотэк веднамед уз лу! Волгалэн-моралэн пыдсысьтыз кылыныд луозэ нюлыштыса потты, озьы картэк веднамед уз лу! Кыйлэн сюлмытӥз куке потэмед луоз, сокы та адямиез ведна; озьытэк веднамед уз лу! Кид чорыгез Куке шедьтэмед луиз, солэн бурд улаз ветлӥд ке, сокы та адямиез ведна; сотэк веднамед уз лу! Инмарен но пилемен вискын зарни бурдо душес улэ, куке та зарни бурдо душесэз веднад ке, сокы та адямиез ведна! Берган кӧ пыртӥ изыкыз пыраны-потаны ке шедьтӥд, сокы та адямиез ведна; сотэк веднамед уз лу! Дас кык собор-черкез куке отказтӥд ке веднаса, сокы та адямиез но ведна. Дас кык собор-черклэн йылаз дас кык мульыез вань. Куке со мульыез сиса кӧттэ тырид ке, сокы та адямиез сиса-юса ведна! Дунне выльн сюрс иськем нюр вань. Песокез газы пунса, со гозыеныд та сюрс иськем нюрез котырты, куасьты, быдты; сотэк та адямиез веднамед уз лу! Волгалэн-моралэн вожаз вож кыз вань. Со кызлэн выжыяз тодьы ошмес вань; куке со тӧдьы ошмесэз быдтӥд, сокы та адямиез ведна! Ин пилем вылын пар ӵуж уж вань. Со ужез Куке веднаны шедьтӥд, сокы та адямиез ведна! Мунчо азе куштэм сэрегпумдэ адями карид ке, сокы та адямиез ведна! Ӟырдам изэз адями карид ке, ӟырдам изэз ачид сиид ке, сокы та адямиез но сиса-юса ведна! Сизьымдон но сизьым кыл вань. Куке со кылэз отказтӥд ке, сокы веднаськы! Сизьымдон но сизьым пӧртам адями вань. Куке со адямиез веднаса быдтӥд ке, сокы та адямиез ведна! Ин кизилилэсь сюроссэ эктыса-чапкыса сины-юны ке быдтӥд, соки си-ю та адямиез! Ӟырдам из, ӟырдам корт пыртӥ потны быгатӥд ке, тушмон-аман, сокы сины-юны быгаты та адямиез! Уллань кошкись ӧро вуэз куке валлань берыктыны быгатӥд ке, сокы ведна та адямиез! Ву ошлэн сюр куспаз куке пуксьыса ветлыны шедьтэмед луоз, сокы си-ю та адямиез! Сьӧд гондырлэн гижы йылаз куке висён ӝужатэмед ке луиз, соки та адямиез ведна! Сьӧд кечлэн сюр йылаз куке висён ӝужатэмед ке луиз, сокы та адямиез сиса-юса ведна! Кӧс камыжез сиса кӧттыр каремед ке луиз; кӧс кыйбодыез сиса кӧттыр каремед ке луиз, кӧс пушнерез сиса кӧттыр каремед ке луиз, тушмон-аман, сокы та адямиез сиса-юса ведна, сотэк веднамед уз лу! Гожтэмын Кузон губерниысь Вуж Ӟумья гуртын. Печатламын 1887 арын Б. Мункачилэн ужаз. МУРТ ЛЭСЬТЭМЕЗ ПЕЛЛЯН КЫЛ Сизьымдон но сизьым дас сизьым пӧртэм кӧс пислэсь-пулэсь йыл тульымзэ герӟаны быгатӥд ке, собере, тушмон, си-ю та адямиез! Азӥз гурезез падӟеэн тубаны быгатӥд ке, зарезь гурезь пыртӥз потаны быгатӥд ке, собере, тушмон, си-ю та адямиез! Ин вожез, ин кизилиез лыдӟыса быдтӥд ке, ин зарни букоен кыткыса ветлэмед луиз ке, собере, тушмон, си-ю та адямиез! Кылчин-тукез ньылэмед луиз ке, мораысь куке шукызэ кырмыса басьтэмед луиз ке, собере, тушмон, си-ю та адямиез! Азӥз кунлэн зарни тусьты-пуньыеныз сиемед-юэмед луиз ке, эбеклэсь гонзэ куке кырмыса басьтэмед луиз ке, собере, тушмон, си-ю та адямиез! Муръё пыртӥ пельтыса лулыд корка вуиз ке: пысытэм вень куке писъяны быгатӥд ке, собере, тушмон, си-ю та адямиез! Ӟырдам изэз куке кылыныд пась карны быгатӥд ке, кын кортэз сыскыны-ньылыны быгатӥд ке, собере, тушмон, си-ю та адямиез! Сизьымдон но сизьым дас сизьым пӧртэм ошмесэз огазе карны быгатӥд ке, собере, тушмон, си-ю та адямиез! Пыд пыдсысьтыд дэризэ чепыльтыны быгатӥд ке: кӧс эгырез, кӧс улэз-ваез куке сиемед-юэмед луиз ке, собере, тушмон, си-ю та адямиез: Ньыльдон пужымлэсь куке лыссэ лыдӟыса быдтӥд ке, ньыльдон майыглэсь куке кенер кусулзэ вандыса басьтыны быгатӥд ке, собере, тушмон, си-ю та адямиез! Дас кык замокез куке пыртӥз потыса усьтыны быгатӥд ке, дас кык усьтон пыртӥ пельтыса лулыд шорад вуиз ке, собере, тушмон, си-ю та адямиез! Сизьымдон но сизьым дас сизьым лякма пыртӥ пыраны-потаны быгатӥд ке; азвесь кульчо пыртӥ пыраны-потаны бытатӥд ке, собере, тушмон, си-ю та адямиез! Тугез уллань выйтыны быгатӥд ке, изэз куке лӧптытны быгатӥд ке, собере, тушмон, си-ю та адямиез! Кунул ӟыбыме куке вандыса басьтыны быгатӥд ке, собере, тушмон си-ю та адямиез! Гурезез гурезь урдсы карны быгатӥд ке, гурезьлэсь гизьызэ лыдӟыса быдтӥд ке, собере, тушмон, си-ю та адямиез! Гожтэмын Малмыж уездысь Шактапи (Большая Цибирь) гуртын. Печатламын 1887 арын Б. Мункачилэн ужаз. *** Остэ Инмар-Кылчин, шунды бертэм, нунал бертэм, толэзь бертэм; солэсь бертэмзэ куке адӟид, сокы сиыны быгатод мынэсьтым сюлэмме. Шунды сьӧры куштэм азьдагыез, дас кык йыро азьдагыез куке вал карыса, дас кык йыраз сермет поныса, вылаз пуксьыса, сьӧд Камез котыртыны быгатӥд ке, сокы сиёд тон мынэсьтым сюлэмме. Сьӧд Камез Куке вамен пильыса, куасьтыса потӥд ке, сокы сийыны быгатод мынэсьтым сюлэмме. Сьӧд Камлэн пыдэсысьтыз азбесь кукъем, алтын йырын тэтчасез куке утчаса поттӥд ке, сокы сиёд тон мынэсьтым сюлэмме! Изэз кияд басьтыса, кырмыса куке вӧйзэ поттӥд ке, сокы дыръя си мынэсьтым сюлэмме! Тяфыр, дяуз, тэлягун! Тьфуй, тьфуй, тэлягун! Пислэсь-пулэсь сюлэмзэ куке куасьтыны быгатӥд, сокы си мынэсьтым сюлэмме! Рось-грось, тэлягун, бакбакут, куштэм кут, юруктэм, погань, татын эй ветлы мон дорам байланыса-касланса! Кытӥ ке пырид, отӥ потыса кошкы, пыремтӥетӥд (потса кошкы)! (Та пелляськон кыл вашкала пересьлэн, туж усто муртлэн кылыз вал; со пелляськись пересь шайтанэз кораса ветлэм). Гожтэмын Татышлы уездын. Печатламын 1952 арын Б. Мункачилэн ужаз. Жоб потос, пуш потос, кыйлэн синмаз куке потэмед луиз ке, сокы та адямилэн (татын пеллям адямилэсь нимзэ вера) синмаз пот! Сизьымдон но сизьым черс йылаз куке потэмед луиз, сокы та адямилэн синмаз пот; сокытэк та адямилэн синмаз потны уд быгаты! Сьӧд ӵушъяллэн гон йылаз куке ӝужаз сьӧд потос, пуш потос, сокы та адямилэн синмаз пот. Сьӧд чайылэн, сьӧд вудорлэн синмаз куке ӝужатэмед луиз, сокы та адямилэн синмаз ӝужа. Сьӧд кынылэн куке синмаз ӝужамед луиз ке, сокы та адямилэн синмаз мед ӝужалоз, сокытэк инты ӧвӧл татын тӧныд. Сьӧд кырныжлэн бурд йылаз, чечеглэн бурд йылаз ӝужамед ке луоз тынад, жоб потос, пуш потос, сокы та адямилэн синмаз ӝужамед луоз! Сизьымдон но сизьым чорыглэн синмаз куке ӝужад, жоб потос, пуш потос, сокы ӝужа та адямилэн синмаз! Сьӧд тэтчась бакалэн синмаз куке ӝужад, сокы та адямилэн синмаз ӝужа! Сьӧд кый вань, со кыйлэн куке синмаз ӝужад; лобась кый вань, лобась кыйлэн синмаз куке ӝужад, жоб потос, пуш потос, сокы та адямилэн синмаз ӝужа! Сокытэк инты ӧвӧл татын тӧныд! Гожтэмын Малмыж уездысь Шатапи (большая Цибирь) гуртын. Печатламын 1887 арын Б.Мункачилэн ужаз. Син усемез пеллян Сизьымдон сизьым заризь пыдсысь басьтыса, гозы пунса иньме тубемез луиз ке, сокы синь мед усёз та муртлы! Кыл усемез пеллян Куке та дуннеез пеймыт карыса возмед луиз, соку мед усёз кылыд та мурт вылэ! Куке музъем гогыез вырӟытэмед луиз, соку мед усёз кылыд та мурт вылэ! Гожтэмын Елабуга уездын. Печатламын 1893 арын Ю.Вихманлэн ужаз. Кый инэз пеллян Кыйсин корт вылэ куке потоз, сокы мед потоз та муртлы! Кыйсин андан вылэ куке потоз, сокы мед потоз та муртлы! Кыйсин зарни вылэ куке потоз, сокы мед потоз та муртлы! Кыйсин азвесь вылэ куке потоз, сокы мед потоз та муртлы! Кыйсин минчо из вылэ куке потоз, сокы мед потоз та муртлы! Кыйсин ву вылэ куке потоз, сокы мед потоз та муртлы! Кыйсин ошмес синме куке потоз, сокы мед потоз та муртлы! Гожтэмын Малмыж-Уржум уездын. Печатламын 1893 арын Ю.Вихманлэн ужаз. 1 ОСКОНЪЁСТЫ ЮНМАТӤСЬ ИНДЫЛОН-КОСОНЪЁС Дауръёсын волятэмын вал адямилэн инкуазен кусыпъёсыз. Адями, инкуазь со кадь ик улэп шуыса оскиз бере, ассэ озьы ик возьыны тыршиз: ужез но, шутэтскемез но, шудэм-серекъямез но инкуазьлы пумитъяськем кадь медаз луы. Нимысьтыз сям-нергеос сяна, калыкын улӥзы пӧртэм пумо индылонъёс - маке карыны лэзёно яке лэзёнтэм, косоно веранъёс. Со веранъёс герӟаськемын вал осконъёсын, соин ик соослэсь пуштроссэс шонер валаны луэ, осконъёслэсь радзэс чакласа гинэ. Осконъёслэн шорсюлэмзы - вылӥ кужымлы, адӟонлы оскон. Мар но уг верало удмуртъёс со сярысь: "Адӟонлэсь уд пегӟы", "Адӟон шунды сьӧртӥ котыртӥськыса но тонэ шедьтоз", "Адӟонэз сыӵе вылэм". Адӟонлэн "юрттӥсьёсыз" - кутӥсь, сиись-юись, ишан. Таослэн вашкала пуштроссы сярысь вера "адскисьтэм" луэмзы. Пумен соос но адями тусо луо: чер-чур, кыль-дэй адями луыса ветлэ коркась корка, гуртысь гуртэ; урод карыны, висён ыстыны быгатэ на ведӥнь, адямилэсь со висъяське куд-ог выросъёсыныз гинэ, солы пумитъяськыны быгатон понна, мае но сое тодыны кулэ. Адӟонлы оскыса улӥз ке но, адями вань кужмыныз тыршылӥз палэнтыны уродзэ, ӟечез мед азинскоз но вӧлмоз шуыса. Оскиз, вылӥ-улӥ сьӧрпал кужымъёсты но ас палаз берыктыны яке палэнтыны быгатонлыкезлы. Нош аслыз юрттӥсе басьтылӥз нимысьтыз выросъёссэ но, кылан-буранзэ но, сиён-юонэз но, пӧртэм арбериосты но. Вылӥ-улӥ сьӧрпал кужымъёсты ас палад берыктыны тыршемез магия шуо. Магия пӧртэм пумо луэ. Сыӵе ик пӧртэм пумо индылон-косонъёс но. Сӧрыны быгатэмез валэктӥсь но солэсь палэнскыны дышетӥсь индылон-косонъёс Кылдэмын сӧрыны, син уськытыны, веднаны быгатон сярысь осконысь. Удмуртъёслэн валамзыя, вылӥллям сыӵе нимысьтыз дышетскем муртъёс, кудъёсыз асьсэлэсь урод, лек кужымзэс лэзё вылэм адями вылэ. Ведӥньёс, яке ересьёс, дунне вылысь вань сӥлы макеосты каргаса (шундыез, толэзез, нянез, анай-атаез, быдэс югыт дуннеез), лулзэс сьӧд кужымъёслы вузало но соослэн ыстон-косонъёссы луыса ветло. Лексы ылатэ ке, номыр каремзы уг луы ни, мар ке вылэ гинэ но лэзисько: адямиос вылэ-а, писпуос вылэ-а. Тӧлъя-буръя лэзьыкузы адями учыра ке, одно ик маке но луэ, шуо. Сыӵе адямиос вӧзын улыса, соослы пумитъяськыны быгатыны кулэ. - Нянь котыку шундылы пумит суралтӥз ке, со пыжем няньдэ ведӥнь мурт уз сиы ни. - Ведӥньлы, пе, мытын кулэ: ӧд ке мыты, одно ик ведналоз. Мукет калыкъёс сямен ик, удмуртъёс но оскизы сиён пыр сӧрыны луэ шуыса: гижы, йырси, сяла-дыльды пыр, дӥськут, ветлэм пыдбервыл пыр. Соин валче маке карыны лэзёнтэм веранъёс трос кылдэмын: уг лэзё вал муртъёс дорын сиськыны, усем яке вандэм йырсиез, вандылэм гижыез куяны. Ӵем дыръя лэзёнтэмлэсь пуштроссэ шонерак уг верало, валэкто кыӵе ке мукет муген. Сыӵе дыръя осконлэн инъетэз палэнэ кыле, солэсь зэмлыксэ мукет азьысь утчано луэ. - Гижыез вандылэм берад куяд ке, кулэм берад октытозы, шуо. - Йыр сынакуд, усем йырсидэ эн кушты: йырыд висись луоз. - Мурт дорын сиськыны уг яра: анаед кулоз. - Нянь кусокез кельтыны уг яра: виноватэ, пе, кылёд. - Нянь кусокез кельтыны уг яра: кужымдэ, пе, кельтӥськод. - Адямилэн пытьыетӥз ветлӥськод ке, со адямилэн йырыз висьыны кутске. Осконъёслэн валэктэмзыя, "сӧрыны" быгато вылэм "кышкыт" арбериос пыр но. Куддыръя пурт, качы, вень, нокин "косытэк" но, сӧрыны быгатонлы оскизы. - Пуртэн но качыен шудыны уг яра: соослэн кылчинзы вань, шуо, донгозы но вӧсь карозы, пе. - Пурт вамен уг яра сиськыны: маке но алама луоз. Калыклэн оскемезъя, нимысьтыз веднаськыса улӥсь муртъёс сяна, урод карыны быгато вылэм "урод синмо", "секыт вирсэро", "секыт пыдо" адямиос. Тужгес но лек карылӥзы сьӧд синъёсты, но, пелляськонэз чаклано ке, син уськытыны быгато вылэм котькыӵеосыз но. Удмуртъёслэн малпамзыя, туж яратыса учкыку но, пе, син усе вылэм: "Туж вешад ке, син усе", "Лек учкид ке, син усе". Утиськыны но эмъяськыны валэктӥсь индылон-осконъёс Вашкала дырысен висьыны усем мурт эмъюм утчаз ас улон котырысьтыз. Пӧртэм турын- куаръёслэсь, емышъёслэсь, паросъёс но пукытэм вуос, пӧйшурлэн но пудо-животлэн ӵыжтэм кӧйзы яке сэпсы адямиез пыд йылаз султыто вал. Ваньзэ сямен висёнъёсты вормыны юрттӥзы пӧсь гур но эстэм мунчо. Нимысьтыз валась адямиос-пелляськисьёс, туно-пеллёос - быдэсъяллязы туала эмчилэсь ужзэ: вир лэзьылӥзы, ёзвиосты интыяз пуктылӥзы, нылпи вайыны юрттӥзы, эмъюм лэсьтыса удылӥзы. Ӧз палэнске пеллян- сипыртонлэсь но. Соин но сыӵе муртэз пелляськись, туно-пеллё шуиллям. "Вылэтӥ лобись урод кыллэсь, улэтӥ нюжтӥськись кыль-дэйлэсь" та адямиос тодо вылэм пӧртэм веранъёсты: кыжкыл, виркыл, син усем кыл. Висён адями луыса ветлэ бере, оско вылэм: верам кылэз но со кылэ, вала. Соин ик солы вазисько; висись адямиез вормыны, сиыны-юыны уз быгаты шуыса, юн оскон кылзэс верало. Притчалэсь, сьӧрпал кужымлэсь палэнскон вылысь, пӧртэм утетъёс утчазы. Калык осконэз утись но сузясь-гылтӥсь арбериос пӧлы пыртэмын вал тыл /учог/ гур но соин герӟаськем тӥрлык-турлык (гурпул, нянь куй), сылал, корт арбериос (пурт, качы, кусо, геры). Вань та арбериос, адямиос оскемъя, утьыны быгато вал бере, уг яра вал соосты сантэм карыны. - Ӝуась гуре уд пелля: кызӥсь луод. - Тыл вылэ сяласькид ке, кыл йылад пӧськы потоз. Сиён-юонлэн, уката ик няньлэн, бадӟым утись кужмыз вань шуыса оско вал. Сям- нергеосын паськыт кутӥськемезъя но адӟиське калыклэн нянез сӥлы каремез, данъямез. - Нянь котэм дыръя гижыез вандылыны уг яра: нянь пушкы, пе, пыроз. - Нянь гурын пыжыку, гур вылын пукыны уг яра: няньлэн вылыз, пе, сутске. - Палась черъёс луон дыръя, ӵукна сиськытэк нокытчы но потаны уг яра. - Пыддэ выртыса ке сиськид, пыдыд кор кадь пыктоз но ветлэмед уз ни луы. - Пыддэ сэзъяса эн пукы - бадӟым вуэ усёз. - Пыдэз выртыса сиськыны уг лэзё: сиёнэд, пе, иназ уз мыны. Корт арбериослэн утись кужымзы вань шуыса оскон озьы ик герӟаськемын вашкала валан-чакланэн. Валляна дауръёсы кортэз ӵыжатыны но дурыны быгатон адямилэн улоназ номырин ӵошатонтэм бадӟым вамыш лэсьтыны юрттӥз. Соин ик кортлэсь лэсьтэм котькыӵе арбериез, уката ик лэчытсэ, адями кутыны тыршиз, шуге-леке вуыкуз но. - Кин ке начар висёнэн висе ке, герыен котырто: через палэнэ, пе, медаз вӧлдӥськы, шуо. Утиськон магиын яркыт адӟисько инкуазьлэн но адямилэн висъянтэм кусыпсы. Котыр дуннеысь одӥг ке но ёззэ адями тӥя-палэнтэ, вӧсь каре ке, инкуазь одно ик пунэмзэ берыктэ. Таӵе ик малпан пыӵамын ваньмаз сямен утиськон индылон- косонъёсын: - Корка пушкын висись мурт вань дыръя, писпу погыръяны но пудо-животэз вандыны уг лэзё: висись муртлы, пе, секыт луэ. - Висись вань дыръя, гурысь пенез октыны уг лэзё: висисьлы секыт луоз. Утиськыны валэктӥсь индылон-косонъёс пӧлын нимысьтыз висъясько сыӵеосыз, кытын вераськон мынэ адямилэн но дыр-вакытлэн, адямилэн но дорпалэн-сьӧрпалэн кусыпъёссы сярысь. Нырысь ик эскером дорпалэн но сьӧрпалэн кусыпъёсты. Дорпал - со, нырысь ик, атай юрт, корка но со пушкысь арбериос. Корка утиз но уте адямиез сильтӧллэсь, гӧр- кезьытлэсь. Озьы ик уте пеймыт, вылӥ-улӥ сьӧрпал кужымъёслэсь но. Валаны луэ, берло верам кужымез коркалэн потэ нырысь ик тыл/гур бордысь. Выжыкылын но, чаклано ке, герой, пеймыт кужымлэн киулаз сюронтэм вылысь, гур вылын пуке. Гур бордысь палэнске ке, вожоос - соос ик чёртъёс - сое пӧлазы пырто но сьӧразы ноку берытсконтэм вылысь нуо. Коркась тужгес но сӥлы интыос - тӧр сэрег но ӝӧк: - Ӝӧкез ке мыжгад, шудэд кошкоз. - Ӝӧкез мыжгась мурт жугиськись луэ. - Ӝӧк вылэ курег пуз ӧвӧл сӧроно: ӝӧк - со инмарлэн ки пыдсыз. Ӝӧк вылэ пуктылӥськон сям гинэ но герӟаськемын тапал но сопал дуннеосын. Вӧсь нергеос дыръя сиён-юонэз пукто ӝӧк шортӥ, нош кисьтон дыръя - ӝӧк пумтӥ. Поминка нуналъёсы ӝӧк пуме поно, кулэм муртлы шуыса, тусьты-пуньы, отчы куясько. Соин ик али но пересьёс ӝӧк пумтӥ номыре но сётъяны уг лэзё. Верало, ӝӧклэн ӧс пал пумысеныз ӝӧк вылэ номыр но тырыны уг яра шуыса. Озьыен, корка пушкын кык ваче пумит сылӥсь люкетэз: тӧр сэрег но ӧстор пал. Нош ваче вуон интызы - мумыкор. Корка пырем мурт мумыкор сьӧры соку ик ноку но уз выжы вылэм, нырысь ӧс дорын пукоз. Ӟечъяськем но гур борды йӧтскем бераз гинэ со мумыкор сопала мынэ. Корка пуктыку, мумыкорез ӝутонлы нимысьтыз саклык висъяло вылэм. Нянез-вӧез но кумышкаез вӧсятэк, мумыкорез уз, пе, интыялэ вал. Мумыкор улэ тыриллям ыж гон, азвесь коньдон: узыр но шуныт-небыт, пе, мед улом. Нош урод каремзы потыса, мумыкоре тул шукко вылэм. Сыӵе коркан, верамзыя, улыны уг, пе, луы вал, быдэс семья таралэ-пазьгиське. Коркалэн инъетэз луэм сяна, мумыкор, озьыен, сопал но тапал дуннеос вискысь нимысьтыз гож, кӧзоно выллем вал. Соин но, вылды, мумыкор вадьсын кӧланы ӧз лэзьылэ: шудтэм, пе, луод. Коркалэн мукет со выллем "кунгожъёсыз" - ӧс, ӧс кусып, укноос, муръё. Трос гинэ осконъёс герӟаськемын ӧс кусыпен. Со вылэ лёгиськыны, пуксьыны ӧз лэзьылэ: оскизы, та интыын, гур улын сямен ик, улэ коркалэн лулыз-кузёез: - Ӧс пыдулэ пуксьыны уг косо: анаед-атаед кулоз. - Ӧс куспын пукид ке, кускыд висись, пе, луоз. Нырысетӥез адямилы тушмонъяськись инты - ӧс сьӧрын. Ӧсэтӥ потыкуз ик ини адями кельтэ ассэ утись кужымъёсты дораз, сьӧраз нуыны уг быгаты, соин ик потон азяз тырше "пытсаськыны": дӥсь вылысьтыз пӧртэм "пужы утетъёсын", чеберъян тӥрлыкъёсын; нянь борды йӧтске яке сое пичильтык веръя (ву юыса потыны уг яра), уката ик кузь сюрес вылэ потыкуз. Кирос понон но тӧр сэрегысь мудорлы йыбырттон берлогес, христианство пыӵамъя, вӧлмемын. Азбарез но ульчаез висъясь капка - со сыӵе ик ӧс, сыӵе ик кунгож. Но таяз учыре со висъя "кунъёсты" - дорпалэз но кыр дуннелэсь, ят дуннелэсь кутсконзэ. Капкаез юрт быдэсмемлэсь азьло ноку но уз пуктэ вылэм; юрт бырем бере но капкаез ноку но уз куашкатэ-сэрттэ, капка юбоос асьсэос погыраны кулэ. Капка гожез сӥлы карыса, та интыын йыбыртскылӥзы, асьсэлы юрттэт курылӥзы: - Тушмонъёс медаз ведналэ шуыса, капка сьӧры кеньыр пазьго вал. Та выллем ик утиськон сям-нергеос ортчытъязы бусы капка сьӧрын но, уката ик кузь но тодмотэм сюрес вылэ потыкузы: сюанэ мыныку, солдатэ кошкыку. Бусы капка сьӧры куяськон сям удмуртъёс пӧлын куд-ог интыосын али ке но возиське на. Бакча, кенер сьӧр, капка бусы - луд, нюлэс - ятвыл, мукет дунне. Со тодмотэм, кышкыт, солэсь утиськыны кулэ: - Луд ӟезьы сьӧры вӧсяськыса пот. Вӧсяськытэк потӥд ке, инмар сьӧрад уз, пе, мыны. Ачиз сюрес но (со олокытчы но вуттэ ук!) - кышкыт инты. Со вылтӥ, адями сямен ик, ветлэ чер-чур висён: - Сюрес вылын кылльыны уг лэзё: висён кутоз. Озьыен, адямиез утись-вордӥсь дор (гур/корка) - ваче пумит пуктэмын ятвылэн, кырпалэн: нюлэсэн, шурен, мунчоен. Котькудӥзлэн та удыслэн но вань утись кузёез - нюлэсмурт, вумурт, мунчокузё. Адями соослэн кузёяськон интыязы вутске ке (сотэк уг луы!), соос вожвылъяськыны кутско, адямилы "сётскемзы" уг поты. Соин ик адями тырше шедьтыны соосын огъя кыл: кузьымъёсын лӥятэ, кылын либатэ, яке кылын ик пумитъяське: - Мунчое вӧсяськытэк ке пырид, умойтэм луоз. - Адями тэльысь висьыса бертӥз ке, со уз ни бурмы, кулоз. Осконъёсъя учконо ке, тужгес но лекъяськись сямо вылэм вукузё. Со огазеяз уго сопал дуннелэсь но ятвыллэсь шимес кужымзэс. Шурез сопал дуннее сюрес яке ачиз сопал дунне шуыса лыдъязы бере, кужмыз но солэн кык пумо вал: утись-чылкытатӥсь но кутӥсь. - Ву пырыку, куинь пол, пе, сюй кырмыса куштоно, собере "монэ эн кут, сое кут", пе, шуоно. - Юымтэ ошмесэз юид ке, куар кушты, уске кутоз. Куардэ тазьы шуыса кушты: "Монэ эн куты, та куарез кут". "Кутыны" быгато куяськон интыос, кур куян нюкъёс, куала. Ваньзэ "кутӥсьёсты" шӧдыны-адӟыны уг луы. Куд-ог дыръя гинэ, шудтэм луон учыр азьын, сое азьпалтыса ивортэм выллем, ишан адскылэ, яке кыӵе ке куараен-лангаен ачиз сярысь тодытэ. Висёнэз ӵемысь валэктылӥзы, кулэмъёс мыжтӥллям шуыса. Янгышсэс ӝог шедьтылӥзы: куяськын-а, пе, вунэтӥм, сӥзем-ӵектэм кылмес-а возьыны ӧм быгатэ. Арлы быдэ - тулыс но сӥзьыл - кисьтон луэ вал. Арня нуналъёсы, сям-нергеос ортчытыкузы но, кулэмъёс сярысь ӧз вунэтылэ. Котькудӥз быдэ вуэм адями йыр-пыд сётон яке виро карыны кулэ вал, анай-атаезлэн, 77 полэс ӵыжы-выжыосызлэн азязы уськытыса. Кулэмъёслы куяськизы озьы ик радын висён дыръя (эпидемия). - Адями чаляк уродме ке, нянен-сылалэн уртсэ курыны педло пото, кулэмъёс кыжтӥллям шуыса. - Кулэмъёсын вӧтаськод ке висьыкуд, кулэмъёслы сиён поттӥськод бакчае. Куяськыкузы одно ик курисько вал: "Эн курадӟытэ, капчи каре улонме-вылонме, висёнлэсь уте, тушмонлэсь уте, пудо-животэз ки улады возе. Тани тӥлед куяськиськом, куспады сие-люке". "Ӟеч" но "урод", "лек" дунъет сётэмын вал бур паллы но паллян паллы, шунды ӝужан но шунды пуксён паллы, шур вылланьлы но улланьлы, азьпаллы но берпаллы. - Нюлэскы йыромид ке, дӥсез мыддорин дӥсяны но кутэз мыдлань кутчаны, пе, кулэ: соку, пе, йыромем интыысьтыд потод. - Йыр йылтӥ кырныж лоба: шунды ӝужанэ лобӟе ке - умой ивор вера, нош пуксёнэ - алама. Соку тазьы шуоно: "Умой иворен ке, шунды ӝужанэ лобӟы, аламаен ке - нырыд мед чагаськоз!" - "Кионэз-гондырез улляськом, кылез-дэез улляськом, шырез-комакез улляськом шур уллянь!" шуыса, ураметӥ буш вал вылын ветло вал кулэм потон уй. Удмуртъёслэн юон дыръя коркась корка ветлон сямзы но та валанъёсын ик герӟаськемын: арлэн куспаз ортчись нергеос но сюан дыръя шур выллань ветло, кисьтон дыръя - шур уллань. "Уллань ву" омырто, кулэм муртэз миськон понна. Куяськыку сиён-юонэз сьӧрлань куяло-кисьтало. Мукет дыръя озьы каремез уг ярато: кулэм муртлы кадь, пе, понӥськод. Дырен герӟаськем вакытъёс но озьы ик ваче пумит пуктэмын вал: шунды ӝужан но шунды пуксён дыр, ӵук но ӝыт/уй. - Ӝыт куазен кионэз вераны кулэ ӧвӧл: сюрес вылын кионэн пумиськод. - Шунды пуксем бере дыбыртыса ужад ке, коркаед пӧртмаськыны кутскоз. Оскизы, арня куспысь куд-ог нуналъёс но "секыт" луыны быгато шуыса. Утиськизы вордӥськон, вир нуналэ, арня нуналэ. Но тужгес чакласькизы вир нуналэ. Та нуналэ ӧз лэзьылэ мисьтаськыны, выль ужез кутскыны, мугез сётъяны. Осконъёсъя, та нунал кышкыт вал толэзяз одӥг пол гинэ, нош ку но кыӵе дыръя - созэ нокин ӧз тоды, соин ик тыршылӥзы утьыны котькудзэ. Арня куспын ӧз яратылэ озьы ик со вакытэз, ку ортчылӥз дӧдьы куштон нунал (Бладго нунал): та нуналэ угось "Тылобурдо кар уг лэсьты, ныл йырсизэ уг пуны"). Дӧдьы куштонлэн кыстаськемезъя, "урод" нунал быдэс арлы усе вал я вордӥськон, я пуксён, я кыӵе ке мукет нуналъёс вылэ. Таӵе нуналъёсы но выль уж мытэмлэсь, мисьтаськемлэсь, муг сётъянлэсь*, Сноска. *Муг сётъяны - пунэмен сётыны. вуриськонлэсь алӥзы. Арня нунал шутэтскон нунал луиз, христианство пыӵамен. - Арня нуналэ выж миськид ке, со выж миськем вудэ кулэм берад удозы. Утиськон магия юн герӟаськемын кыллэн, верамлэн кужымезлы осконэн.* Сноска Та сярысь учкы лыдӟетлэсь "Тункыл" люкетсэ. Утиськон но эмъяськон сямъёсысь шедьтӥськомы трос вакчияк веранъёсты, кудъёсызлэн пуштроссэс ас понназы гинэ валаны туж шуг. - Гужем мадиськыны уг яра: курегъёсыд синтэм кылёзы. - Вожо бере мадиськыны уг яра: пудо вера каре /гон вырӟе. - Мае ке та арын выльзэ шӧмъяськод яке адӟиськод ке, "жангалач"/"замлакат" шуоно. - Ӝытазе кионэз вераны уг яра: лыктоз но пудоез вандоз. - Гондырез "гондыр" шуыны уг яра: "пересь дядяй", "пересь атай" шуоно. Ӵем дыръя али но, "пельыз кылоз" шуыса, кыӵе ке инкуазь явление сярысь шара вераны уг лэзё. Соин ик удмуртъёс, вашкала дыръя но, али но рос-прос уг верало пудозылэсь, муш умортолэсь лыдзэ (ыжзы ог 5-6 луэ, муш умортозы - дасо мында; "ужасько" интые "ужамъяськисько" шуо; соглаш луэмзэс шонерак уг верало "яралоз-а мар-а", "озьы-а мар-а" веран формаос куто. Семья кусыпъёсты кылдытонэн но утёнэн герӟаськем индылон-косонъёс Туж тросэз та веранъёс кыре-буре пото, сям-нергеосты чакласа, сэрттыса-пертчыса. Соос герӟаськемын пинал вордӥськонэн, сюан-бӧрысь нергеен. - Выль кенэз нуыкузы, вуж бусыетӥ уг нуо, тыро бусыетӥ нуоно, улэмез бызем интыяз но тыро мед луоз шуыса. - Вармесысьтыд пирдан пуныез но коӵышез ноку но эн вайы: пуныен коӵыш кадь керетыса улод. - Выль кендэ басьтэм берад, коркадэ куинь нунал ӵоже ӧс пала эн ӵужы. Ӧс пала ке ӵужид, басьтэм кенэд улонтэм луоз. Сюан-бӧрысьёслэн асьсэды нергеын воземзы, пӧртэм пумо дауртэмзы (вӧйын нянь вӧсян, азвесь коньдон сётъян но куян, егитъёслэн вылтӥзы ю тысь кисьтан, пыӵалэн ыбылӥськон, ву ваён но пылатъяськон, "пурысьтам бекче" поттон) герӟаськемын вал одӥг валанэн но мылкыдын: кылдӥсь семья ӟеч но шудо-буро мед улоз. Огъя учконо ке, быдэсакыз нерге люкиське-ёзнаське осконъёслы. Вуоно пинал сярысь, солэн тазалыкез сярысь малпаськон кутске ни вал солэн вордӥськемезлэсь азьло. Кышномуртлы но, картэзлы но тодмо вал таӵе веранъёс: - Кык ӵужо курег пузэз кышноослы сиыны уг яра: кыкто пиялозы. - Секытэн муртэ нокинэ вандыны, шуккыны уг лэзё. - Секытэн кышномуртлы пияно коӵышез ӵыжаны уг яра: ӵыжад ке, пе, нуныед начар луоз, висись вордскоз. - Секытэн муртэ муртлэсь урод пиналзэ шӧтэм синмын учкыны уг лэзё: аслад сыӵе луоз, шуо. - Кышноед секытэн дыръя пудоез вӧсь карид ке, пиналэд пусо вордскоз. - Кышноед секытэн дыръя кечез ыбид ке, кышноед пинал вайны уз быгаты. Инкуазь сӥ-радэз сӧрон, тӥян, астэ инкуазьлэсь вылэ пуктон малпанъёсты индылон- косонъёс палэнтӥзы. Ваньмыз ог-огеныз герӟаськемын, одӥг гердэз пертчиське ке - быдэс сузьет пазьгиське, куашка-быре. Кинэ ке быдтӥськод, мае ке сӧриськод- тӥяськод ке - кыл кутыны дась лу: ачид-а, матысь адямиосыд-а висьыны усёзы, яке воксё кулозы. - Лосьлэсь палзэ виид ке, ачид пал кылёд. - Турилэсь палзэ ыбид ке, кылем палыз корка йылад сэрегпум вайыса куштоз, шуо. - Туриез ыбыны уг лэзё: мумызэ ке ыбид - кышноед кулоз, шуо, айызэ ке ыбид - ачид кулод, шуо. Вордскем пинал таза но шудо мед луоз шуыса тыршизы. Вож нуныез огназэ ӧз келлялэ. Кельтоно макелэн йыр улаз качы, пурт понылӥзы. Син медаз усьы шуыса, пырем адямиосты, уката ик муртъёслы, ӧз возьматъялэ; мумиз но, педлось пырыса, пиналзэ кияз басьтыны ӧз дӥсьтылы, гур борды йӧтскытэк. Ужазинлыкен герӟаськем индылон-косонъёс Адямилэн пӧртэм удысын ужамезлэн дэлет-азинлыкез мед уолз шуыса кылдэмын. Тужгес вашкалаосыз пӧйшуранэн но чорыганэн, берлогес кылдэмъёсыз - музъем ужен но пудо вордонэн герӟаськемын. Мукет индылон-косонъёс сямен ик, татын но магилэн огъя тодметъёсыз шӧдӥсько. Адями оске: дэлет-азинлык ас кожаз, ас понназ улӥсь маке. Со быгатэ лыктыны, лобӟыны-кошкыны, одӥгез дорысь мукетыз доры кӧчыны. Сое луэ ас палад берыктыны, инкуазез но солэсь "кузёоссэ" сюдыса-вордыса, урод синлэсь, секыт килэсь-пыдлэсь ватыса-палэнтыса, кылын ӧтьыса яке аляса, тылын, кортэн, вуэн, сылалэн-нянен утьыса но чылкытатыса. - Кизьыны потыны мунчое пырытэк уг лэзё: ю, пе, уз удалты. Мунчое пыро вылэм пӧйшурасьёс но, чорыгасьёс но, уката ик - мушкасьёс. Мушканы мынӥсьёс одно ик тӧдьы чылкыт дӥсь дӥсялозы, нош пӧйшурасьёс кут кутчалозы вылэм. Сьӧрпал кужымъёслы оскем сяна, татын адӟиське на инкуазь законъёсты валан но: пӧйшуръёс туж ӝог шӧдо но кыло адямилэсь вуэмзэ но палэнско. Чылкыттӥськонэн герӟаськемын выльдӥськон сярысь валан, соин ик пӧртэм пумо сямъёсын адями пылаське вуэн, воштэ дӥсьсэ яке чылкак выльзэ дӥся: ӵынатэ ассэ, корказэ яке пудо-животсэ; ӝуатэ выль тыл. - Великтэм уй чылкыт дӥсяськыса кӧлӥд ке, ар ӵоже чылкыт улод, шуо. - Кунян яке ыжпи вордӥське ке, солэн нырулаз маке суто: мед, пе, кизьноз. Соку со таза но чырткем будоз. Тыллэн/гурлэн утись сямыз сярысь поттылӥмы вал ини, адямилэн тазалыкез сярысь вераськыкумы но. Таӵе ик сямыз пыӵамын дэлет-азинлык сярысь осконъёсын но: - Скал басьтыса ваем гозыез муры борды керттыло: скал чаляк мед дышоз но медаз кошкы. - Бусые лэзем пудо мед берытскоз шуыса, Великой Четверике/Великтэме мурыетӥ черекъяло. Тылэз ултӥяны, сантэманы уг яра вал: - Эгырез лёгад ке, нянед сьӧд луоз. Няньлэсь но сылаллэсь утись-вордӥсь кужымзэ азинлык-дэлет сӥзён но утиськон сямъёсын, мукет учыръёсын сямен ик, лыдэ басьтылӥзы: - Ас скалэдлэсь йӧлзэ муртлы сётыкуд пӧлаз сылал понытэк сётӥд ке, киыз секыт луэ, шуо. Пӧртэм удысын шуд-дэлетэз ыштонтэм вылысь, ӧз лэзьылэ мугез сётканы: - Кунян яке ыжпи вордӥськиз ке, гогыез усьытозь, муртлы номыр но уг сёто. Сётӥд ке, кулоз, шуо. - Гуре нянь тырыку коркан мурт луэ ке, нянез тырыса быдтытозь потыны уг лэзё. - Пудо уллян бодыез коркась мурт поттэ ке, ыжъёс, пе, быро. Удмуртъёслэн оскемзыя, бадӟым изъян карыны быгато кулэмъёс. Пудо ыше яке висьыны кутске ке, кулэмъёслы виро кемалась ӧм сётэ ни шуыса, соку ик кинэ ке вандо яке сӥзисько. Шудтэм учыръёс медаз луэ шуыса, кулэмъёсты одно ик буре ваё тулыс но сӥзьыл кисьтон дыръя, толалтэ йыр-пыд сётыку. - Первой кунян ваем искаллэсь йӧлзэ, пересьёсты куяськытэк пӧзьтӥд ке, кулэм пересьёс искалдэ чутыртозы. Вашкала адямилэн валамезъя, ужазинлык юн герӟаськемын инкуазь кузёослэн мылкыдынызы. Коркамуртэз/сюсеткаез, гид утисез, лудмуртэз /нюлэсмуртэз/ палэсмуртэз, межа утисез сӥлы карид ке, ӧд ке вунэты, соос но юрттозы, шуд- дэлетэз уз палэнтэ. Дэлет-азинскон сярысь ваалнъёсысь озьы ик шедьтӥськомы кыллэн кужымезлы осконэз но. Юнме вераллямтэ ук: "Кыл лытэм, мар но уз вера", "Кыл янгышен но мозме". Соин ик шоккетӥсь, шудон-серекъян мылкыдъёсты басылатъязы, арлэсь но огъя дырлэсь пӧртэм вакытъёссэ чакласа улӥзы: - Кырын ветлӥсь пудо гидэ пырамлэсь азьло мадиськид ке, пудоед кир-пазь луоз. - Гужем выжыкыл вераны уг яра: курегъёслэн синзы пал кыле. Тужгес но чакласькыса улыны кулэ вылэм нюлэскасьёс. Удмурт фольклорын трос сыӵе мадёнъёс, кытын пӧйшурасен луэм учыръёс герӟамын адямилэн "кылкутэттэм" луэменыз. Гондырез "пересь атай" шуозы вылэм. "Гондыр" шуэмез, пе, со уг яраты: "гондыр" шуэмысь мардэ ке но изъянтоз, пудозэс я асьсэзыс мар ке но кароз вылэм. Гондырез курдатӥд ке, огзэ виид ке, мукетъёсыз гондыръёс тодо, пе. Кин мар кариз, со муртэ гондыр ик шедьтоз вылэм. Кутэм беразы гондырез тазьы лӥятозы вылэм, мукетъёсыз номыр но медаз каре шуыса: "Пересь атай, вождэ эн потты! Пиналъёс янгышен арам кариллям, ыбыны шедьтӥллям! Пиналъёс тонэ утчаса уг ветло вал, пуныосын йырин валатэк янгыше кылиллям!" Дэлет-азинлык куронын быдӟым инты басьто люкетлэн но быдэслэн кусыпъёссы. Тани, шуом, пудо-животсэс вузаны дасяськыкузы, дэлетсы вузам пудоен медаз кошкы шуыса, солэсь кӧня ке гонзэ гидэ путэт вискы яке мукет интые поныса кельтозы вылэм. Пудозы уг ке удалты, артысь улӥсьсылэн гидысьтыз ӧжытак басьтэм кыедзэс асьсэлэназ понозы вылэм: озьы дауртэм "шудэз" ӧтем-ваем выллем луэ. Тӥни кызьы но уз турске вылэм, пудо мед йылоз-пушъёз шуыса. Вожо вылтӥ пӧртмаськыса ветлыкузы люкам нянез, пӧрам сиёнэз яке пызез ыжъёслы сюдо вылэм: озьы, пе, ыжпиос трос вордско. Акашка яке Гершыд дыръя курег пуз питыръяса шудо, курег пузэз ик сезьыен ӵош пазяло-кизё гырыны потон дыръя, курег пузэз одно ик поно пичи гудӟеме, Гершыд дыръя Му-Кылдысинлы вӧсяськыкузы. Пудоез лудэ лэзьыкузы, бӧрсяз курег пуз питырто: таӵе быгылес но вольыт, пе, мед луоз. Ваньмыз та сямъёс кылдэмын, курег пузлэн вордон-азинтон сярысь осконъёсын бадӟым инты басьтэменыз. Оскизы: вордон-азинтон быгатонлыкез музъемлы сётэмез луэ адямилэн но. Музъем уго артэ пуктэмын вал пинал вайыны быгатӥсь нылкышноен. Соин ик адямилэн музъем борды выдыса яке пуксьыса йӧтскыны тыршемез кылемын пӧртэм сямъёсын: - Аранэз быдтыку аналэн пумаз вуиськод ке, пичи люкет аратэк кельтыса, со вылын "вуоно арын таӵе погылляськеммы кадь ик нюпыръяськыса мед потоз" шуыса погылляськоно. - Аранэз быдтыку берпуметӥ культозэ араса, культозы вылэ пуксё но тазьы верало: "Араса бырем кужыме мед берен люкаськоз". - Тулыс нырысьсэ гудыръяку, музъем вылтӥ погылляськыны кулэ, араку кус медаз висьы шуыса. Уйпал удмуртъёслэн "йӧ келян" сям-нергезы дыръя пересь кышномуртъёс вырйылысен погыляса васько вылэм. Кикы силемез кылыса, йыр йылтӥ погыльскыны кулэ: йырыд уз вись. Та берло индылонъёслэсь пуштроссэ валаны луэ, тодӥськод ке, кикы силён вакыт пыш но етӥн кизё вылэм шуыса. Адямилэн музъем брды йӧтскемез сяна, оско на вылэм гольык мугорлэн кужымезлы. Соин но, вылды, етӥнэз но пышез пиосмуртъёс дэремзэс кыльыса кизё вылэм. Озьы ик ишкыны потыкузы но даурто. Огречсэс нош удалтытыны тыршыса, огреч убо вылтӥ уйшор уин шыр гольык пичи пиез бызьылытозы вылэм. Пӧртэм индылон-косонъёслэсь пуштроссэс но вылтуссэс чакласа адӟоно: пӧрмемзыя соос огвыллемесь. Вылӥ верам йӧтскон (контактной) магиез уже кутэм сяна, ӵем дыръя басьтэмын луэ адӟем карон (имитативной) магия. Та берлоез индылон- косонъёсты таӵе кабъя кылдыто: кыӵе таиз - сыӵе ик соиз но, кыӵе одӥгез - сыӵе ик мукетыз но. - Пудо-животтэ ӵужонэн эн жугы: ӵужонэн жугид ке, пудо-животэд ноку но кӧтсэ уз тыры. - Ю кеносэз исьнерен уд ӵужы: начармод. Адӟем карон магия ӵем дыръя пӧлэстӥськемын луэ кутскон (инициальной) магиен. Трос дыръя - сыӵе индылон-косонъёсын, кудъёсаз вераськон мынэ кыӵе ке сӥлы карон арнунал сярысь (уйвожо но инвожо вакыт, вӧйнунал, Великой четверик, Быдӟым нунал): - Вӧй нунал, ӵукна-ӵук султыса, курегъёслы кенэм сюдо, трос мед пузалозы шуыса. - Вӧй нунал шунды ӝужамлэсь азьло кубоен азбар шортӥ нискылало, етӥн ӟеч мед удалтоз шуыса. - Ӵук мунчо уй корка котыртӥ клуктыса ветлоно, курег ке уг пуксьы. - Гондыр султон нунал кема ке кӧлӥд, ар ӵоже кема кӧлод. Адямилэн но инкуазьлэн люконтэм кусыпъёссы яркыт адӟисько та индылонъёсын но: - Сиськыку шер ке пукид - ӟегед шер луоз. - Чечег карез тӥяд ке, валлэн пыдыз чут луоз. - Кенӟалиез виыны уг яра: валэд, пе, кулоз. - Кырныжез виид ке, синтэм луоз, шуо. Дэлет-азинлыкез утён яке уллян выросъёс герӟамын вал инты но дыр сярысь осконъёсын. - Шунды пуксем бере арбери тышканы уг яра: пудолы секыт луэ. - Кӧжы кизьыкуд нуназе бере ноку но эн кизьы: нуназе бере кизид ке, кизем кӧжыед пӧзисьтэм луоз. - Ужез лымшор бере кутскид ке, секытлы лыктэ. - Пудо-животтэ вандыкуд йырдэ шунды пала кар: уске бер кылем животэд уд удалты. - Мурт доры пырыса ӧс янак борды пыкъяськыса улӥд ке, шудэд кошкоз. - Ӝытазе жагез пе, гуразе ӵыжыны кулэ: ӧс пала ке ӵужид, шудбуред кошкоз но начар улод. Ваньмыз та верам индылонъёсын адӟиське адямилэн но инкуазьлэн люконтэм кусыпъёссы, дауръёсын люкам визь-нод. Туж троссэ туала адями токма оскон (суеверие) шуыса палэнтӥз, нош выльзэ пыӵатыса ӧз вуы. Оло. Соин но, дыр, инкуазьмы али адямилы пунэмзэ берытэ: йырвизьзэ чылкытатон вылысь, мугорзэ висьытэ. Пожам ву, саптам музъем понна кыл кутытэ. 1 Сергей Игонин КУШЕТО КЫЛЪЁС Куке кылъёс пумисько, Асьсэ куспын кушласько, Кылдыто выль валанэз, Пӧрмыто мукет кылэз. Азьпалъяське уж дорын, Мышкыз гердэн керттэмын. Вуремын кало шобрет - Наштаськемлэсь азькышет. Бездэм лымы пумен быроз, Ӝоген тулыс толэз вормоз. Писпуосын ӧвӧл на куар, Йырзэ мычем ӵуж бакакуар. Ваньзэ чакла омырын - Азьзэ-берзэ огдырын. Кукъёсыз сипуж кырман. Мудрон лоба вукарнан. Гольык йыр потӥз, Зор бере етӥз. Понымтэ картуз Зӧк гудырипуз. Дӥся арлэн дырызъя, Мугоръя но арлыдъя! Чакла куазез потыкуд. Нош одӥг кылын - дӥськут! Езъяськыса сюе Картошкаез сие. Портыса потэ пыр Изъянтӥсь езнумыр. Ёркын котэм няньлы шумес, Пӧраны дасяло пушкес. Ныркыса куасало куарнянь, Пӧсь гурын пыжо ёртэмнянь. Жоб зынын ож луд валлем - Люкъёсын кылем-мылем. Уг ни ӝужа вож гуждор - Жуг-жаген согем жагдор. Ӝӧк сылэ корка сэргын, Тыбырыз шобыртэмын. Валемын вылаз кышет - Чильпам чебер ӝӧккышет. Зороно ке, лобӟы! Алдаса эн пегӟы! Кинэ мон али каби? Учкелэ ай, - зоркибы. Ӟичы ӟудэм нёжалын - Котыр ӝужыт вож турын. Куроосын шонась быж - Ӟускиосын ӟичы быж. Инмарлэн сяськаез Югдытэ уйшорез. Бамалын вож ожо, Льӧль ӝужа инвожо. Йӧспӧртэм суредъёсын, Валантэм юанъёсын. Йӧндырытӥсь визь сынан - Кагаз бамын йыртӥян. Йылтэм-пумтэм, котьма кар! Йӧнтэм будэ быдэс ар. Нокин но сое уг си, - Кизьытэк потэ йырси. Куаретэ чекыч - тук! тук! "Эн куасалскы, йылсо кук!" Коказы йыраз ке, ӵок, Пыдлогес ватске кортӵог. Лымы усьытозь вожектоз, Куаръёсыныз ик сьӧдэктоз. Гурыосын шонась писпу, Ӵыжинъёсын сылэ лулпу. Музъем улын ки-пыдо, Сукыр ке но, мылкыдо - Руз-руз ужа гудӥсь ныр, Ватос утча мудӥсьшыр. Нёръяса така бӧрдэ. Бе! Но Ме! Быжыз борды Лобыкуз омыр кока. Солэн нимыз нюртака. Олокӧня пильысъёс - Отын кисьтэм бирдыос. Окмымон потэм губи - Октымон ожогуби. Ӧсэ пырон азь - Со тубато корказь. Висъетэн ӧс сьӧр - Та ошето ӧстӧр. Пужнӥське тӧл ӧвӧлысь - Шонаське пӧсямезлэсь. Куалекъясь писпу - Дырекъясь пипу. Радиоверанъёсын Лобе пӧртэм кылъёсын. Инбамысь океанын Вӧлме радиотулкым. Синъёсты мальдытылэ - Тылсиен чальдытылэ. Астэ ачид синйылтон - Вольыт чилясь синучкон. Тыбырзэ эн тышка - Из дэрем уз тэшка. Мылкыдыз уг куашка - Вамышъя ташбака. Учкыны урдсӥнскемын Сьӧд синмо угыосын. Чингылиё лапег пи - Тэльысь куак угыёпу. Фото вылысь портретэ Паляк пот кепыратэк. Чилякӝ кырмыштоз шорад - Туспуктӥсь фотоаппарат. Хан тушмонэн котыртэмын - Ожмаськонын шымыртэмын. Ваче пумит кечат-вамат Малпаськытӥсь шудо шахмат. Шоккетӥсьтэм корт валэ Синтэм-пельтэм ворттылэ. Ӵошкытэз уг чакла чик - Тӧлын ширтэ мотоцикл. Чиед ке но, кион выллем. Солы мыле бушлы кылем. Бушкыръёстӥ утча сиён, Тявкетылэ чильберкион. Ӵакме тымет буртчинэн, Ӝока алясь будосэн - Вуын куаро векчи кук Ярдуре уясь ӵӧжкук. Шур шорын юдэс Шоремын мултэс. . . Кылемын сьӧд муӵ Кылдэмын шормуӵ. Солдат сурон сапегъёсын Ортчиз уно иськемъёсыз. Изьызэ вошъяз пилотка, Нош шинельзэ - плащ-палатка. Куаръёсыз лымы улын Укшало гондыр пельлы, Емышез ягмульылы, Толбыт вож изъягмульы. Ыль-котын будэ Куасъёслы боды. Со гоно сьӧд ныд - Бышкалтэм ыжпыд. Ӧтем куно ке вуэ Дэмен тэтчало вуэ. Лушкесо векчи куарнянь Пӧзьтэмын ческыт пельнянь. Эркынак ошиськыса Шонаське юбо бордысь. Чаклаське, сӧсыр кароз - Оскиськем электроез. Югмыт сяська кудыян Будылэ нюрлудъёсын. Сьӧд синкаӵо сайкыт син Чесыкт зыно югытсин. Ярдурын укно пасьёс Пыраны уно ӧсъёс. Бӧлякъёсын каръяське - Пи поттэ ярдурпӧськы. Шор ёзо школаын Г.В. Мамонтова, Завьялово ёросысь Изгурт школаысь дышетӥсь. Вячеслав Ар-Сергилэсь произведениоссэ школаын дышетонъя куд-ог урокъёс Школьной программаын литература урокъёслы бадӟым инты висъяське. Малы? Тужгес но туала вакытэ литература кулэ нылпилэсь лулчеберзэ, узыр пуш дуннезэ, сюлэм чылкытсэ кылдытыны, будэтыны но утьыны. Удмурт кылэ берыктытэк пыртэме потэ ученойлэсь Н. Лейдерманлэсь верам кылъёссэ: "Урок литературы - это то время, когда совершается некая эстетическая и духовная литургия, чтоб ребенок испытал то душевное потрясение, которое заставило бы его иначе, чем до урока, эстетически относиться к себе и миру". Дышетӥсь аслаз быгатыса пуктэм юанъёсыныз но вераменыз литературной геройёс пыр умойзэ но уродзэ, лексэ но лякытсэ висъяны мед дышетоз. Котырысьтыз улонлы шонер дунъет сётыны мед визьнодалоз. Со сяна, асьмеос будэтыны кулэ визьмо лыдӟисез, кудӥз аръёс ортчыса но мед быгатоз зэмос литературной произведениез вылӥ ӟечлыкен дунъяны, котькуд писательлэсь солы гинэ тупась гожъяськон манерзэ валаны. Мукетыз ужпум - сое котькуд урокын быдэстыны тырше кылъя но литературая дышетӥсь - нылпиослэсь вераськон кылзэс волятон, радызъя но визьмо асьсэ малпанъёссэс вераны дышетон. Сое быдэстон понна, дышетӥсь нош ик быгатыны кулэ урокъёсаз сыӵе юанъёс пуктыны, урокез озьы радъяны - нылпилэсь вераськыны мылкыдзэ со мед ӝутоз, солэн сюлэмаз но йыраз кылдэм юанъёслы валэктон утчаны мед юрттоз. Та ласянь тунсыко урокъёс ортчытыны луэ сыӵе произведениосъя, кудъёсаз писательёс ӝуто лулчеберлыкъя ужпумъёсты. Сыӵеос пӧлы пыртысал Г.Красильниковлэсь, Р.Валишинлэсь, туала гожъясь К.Ломагинлэсь, Г.Перевощиковлэсь, О.Четкаревлэсь, В.Сергеевлэсь но трос мукетъёсызлэсь произведениоссэс. Удмурт литературая программаын соос пӧлысь куд-огезлы урокъёс ӧжыт ке но (яке чик ӧвӧл) висъямын, мынам малпамея, дышетӥсь одно ик ачиз дыр мед шедьтысал. Ёросысьтымы потэм писательёслы сӥзьыса, кабинетамы стенд лэсьтэмын. В.Сергеевлэн творчествоеныз тодматонэз кутсконо 5 классысен ик ини, Г.Красильниковлэсь "Ас гуртын" вероссэ эскерем бере. Уже кутӥсько "Гирыш" вероссэ. Со печатламын "Душеспи" книгаяз. Урокын таӵе ужпум пуктӥсько: писателен но солэн книгаосыныз вакчияк тодматон, анай-атайёслэн ужзылы синмаськон но данъяськон мылкыд пыӵатон, соослэсь кутскем ужзэс азьланьтыны дась луыны дышетон. Вераськонмес кутскиськом таӵе юан бордысен: кыӵе адямиез данъяськымон шуыны быгатӥськом, вань-а соос асьме котырамы? Собере ачим верасько В.Сергеев сярысь, возьматӥсько ымныр туссэ но книгаоссэ. Урок азьланьтӥське таӵе юанъёс котырын: - Кытын ужало анай-атайёсты? - Вань-а ветлэмды соослэн ужан интыязы? - Синмаськиськоды-а ужзылы? Тӥ ужасалды-а отын? - Нош электриклэсь ужамзэ адӟемды вань-а? Мар отын паймымонэз? Татын верасько, В.Сергеевлэн атаез электрик вал шуыса. Оло, писатель пичиысен синмаськем солы но гожтэм со сярысь верос. Отӥяз дышетӥсь ачиз лыдӟе веросэз, азьло и словарной уж ортчытыса (подстанция, изоляция, монтажник но мукет). Гуртын нылпиос верослы план лэсьто но мукет пастаен планысьтызы возьмато со пунктсэ, кудӥз соослы веросын тужгес но тунсыко потӥз. Озьы соос дышетско текстлэсь лэчыт интыоссэ шедьтыны, верослэсь композицизэ валаны. Кыкетӥ урокмы та веросъя кутске гуртэ сётэм ужзэс эскерон бордысен: гожтэм планзыя верало пуштроссэ но асьсэлы кельшем интыоссэ. Тросэз нылпиос быгато ни шедьтыны сыӵе интызэ, кудаз ватскемын верослэн основной малпанэз: Гирышлэн атаезлэсь мытэм ужзэ быдэстэмез. Вераськонмы азьланьтӥське. Таӵе юанъёсын вазиськисько пиналъёслы: - Соглаш-а тӥ верослэн нимыныз? Малы? - Кызьы валаськоды веросысь та кылъёсты: "Киосыз куалекъяло, мугорыз пӧсямын"? - Капчи-а вал пияшлы та ужез быдэстыны? Котькудӥз озьы быгатоз-а? - Синмаськиды-а Гирышлы? Маиныз со тӥледлы кельшиз? Ужаськом кылыз бордын но. Учкиськом, малы писатель кутэм таӵе выллем предложениос: "Езъёс кый сямен тӧлъя выро". "Пӧсь я кезьыт тулкымъёс пияшлэн мугортӥз ортчыло". Уроклы йылпумъян лэсьтӥськом: улонын пӧртэм шуг-секытъёс но учыръёс луыны быгато, соин ик асьмеос соослы дась луыны кулэ, анай-атайёсмылы юрттыны мед быгатом. 6-тӥ классын В.Сергеевлэн веросъёсыныз тодматсконмес азьлантӥськом, "Ӟизми ошмес" веросэз лыдӟыса. Та урокъёсыз ортчытӥсько, С.Широбоковлэсь "Мед будозы вож садъёс" произведенизэ эскерем бере. Веросэн тодматскыса, ас вордскем интыостэ умойгес тодыны мылкыдзэс ӝутон, выжыосмылэсь ӟеч ужъёссэс азинтон мылкыд пыӵатон - сыӵе ужпумъёс пуктӥсько. Нылпиосын вераськыны таӵе юанъёс дасясько: - Герӟаськемын-а урокмылэн кутсконэз верослэн пуштросэныз? Кызьы? - Малы меда верос 3 люкетлы люкемын? Та юанлы валэктон утчан понна, люкиськиськом групаослы но дасяськиськом вераськыны: И люкет. - Автор вера песянаезлэн но Микилэн кусыпъёссы сярысь. Пияш яратэ песянайзэ, со шӧдӥське таӵе предложениосысь но: "Песянай уго кузь улонэз улэмын, мае гинэ уг тоды: граждан ожез но, колхоз кылдытонэз но, мукетсэ Быдӟым ожез но. Мики котьку сак кылзылӥз песянаезлэсь верамъёссэ, куд-огъёссэ эшъёсызлы но вералляз". Котьмае тодӥсь-валась песянаез вӧзын Мики чиданы дась пудо возьман акылес ужез но. ИИ люкет. - Тани туннэ но песянаез туж тунсыко мадёс вераз. Сыӵе паймымон нимъёс но интыос асьме котырын но трос ук, нош сое тодыны малы ке но ум дыртӥське, песянайёс улонысь кошко но сьӧразы трос тодэмзэс нуо. ИИИ люкет. - Ӟизми умой адями вал, быгатӥз чылкыт яратыны, аслэсьтыз нимзэ калыкез пӧлы весяклы ӟеч уженыз кельтӥз. Нош асьмеос сыӵе ужъёсты ӵем дыръя ум но тодӥське, азьланьтыны ум тыршиське. ("Тулыс вуос ӵоксазы, луоз. Утялтӥсез ӧвӧл бере," - лулӟиз песянаез). - Кыӵе предложениын основной малпанэз верамын? Кызьы сое валаськоды? ("Тодом! Ваньзэ тодом! Ум вунэтэ!" - кылӥськиз на пияшлэн сэзь куараез"). Урокмес йылпумъяськом доска вылэ гожтэм калык пословицаосын: "Ас палзэ вунэтэм адями - йыромем мурт". "Толлозэ тодытэк, туннэзэ уд тоды". Нылпиослы гуртын быдэстоно уж сётӥсько: тодоно но гожтыса ваёно гурт котырысьтымы интыос сярысь. Куатетӥ классын ик нылпиослы тунсыко потэ "Кин тынад атаед?" верос, кудзэ дышетыны тупа Г.Даниловлэсь "Пиез дорын куноын" веросэз бере, яке 23 февраль азьын. Но котькуд ар та веросэз учкыны уг луы, малы ке шуоно, луо сыӵе классъёс, кытын дышетско атайтэк будӥсь нылпиос. Соослэсь сюлэмзэс вӧсь каронтэм вылысь малпаськытэк ӧвӧл: сётыны луоз-а , уз-а та веросэз. Сизьыметӥ классын В.Сергеевлэн творчествоезъя вераськонамы вис карытэк уг луы, малы ке шуоно, программае пыртэм произведениос бадӟымесь, бадӟым теоретической материал. Собере Дэри ёросысь писательёслэн произведениоссы пӧлысь татчы пыртэмын ини И.Т.Дядюковлэн "Пашка Педор" повестез, соин и та вылэ гинэ дугдӥськом. Тямысэтӥ классын, Г.Д. Красильниковлэсь "Пыртос" вероссэ учкеммы бере, пыр-поч эскериськом В.Сергеевлэсь "Палэзьпу - оскон" вероссэ. Верасько, егит писатель мӧйы эшезлэсь лёгем сюрессэ азьланьтэ шуыса. Таиз но писатель лыдӟисез азе юан пуктэ: кызьы улоно адямилы, кыӵе луоно, трос валантэм но секыт учыръёсы йыромонтэм понна, кызьы адямиосын куспыъёсты радъяло. Озьы ик саклы висъясько ини егит авторлэн пӧртэм детальёс пыр адямилэсь мылкыдзэ возьматыны быгатэмезлы. Книгаос тырмымтэен, веросэз урокын лыдӟисько. Гуртазы нылпиослы веросъя юанъёс дасяно. Урокын самой тунсыко юанлы конкурс ялӥськом. Дунъет сёто асьсэос нылпиос. Нош аслам юанъёсы таӵеесь луо: - Мар бордын Исьтёп кышнолэн куректонэз? Кыӵе чуръёсысь сое адӟиськоды? - Кыӵеен пуксиз син азяды та кышномурт? (Та юанлы вераку, пусйытэк кельтоно ӧвӧл Исьтёп кышнолэсь чидась луэмзэ, ас дуннеяз улэмзэ, вань малпанъёссэ пушказ воземзэ. Мынам малпамея, автор усто возьматыны быгатэм удмурт кышномуртлэсь сямзэ). "Мар быдӟа возьыт! Кызьы улоно? - кыласа-бураса гурен бӧрдэ Исьтёп кышно." Быгатысалды ке, кызьы буйгатысалды кышномуртэ, мар солы верасалды? - Малы пыртэмын веросэ Исьтёп кышнолэн но черодысь кышномуртлэн пичи гинэ диалогзы? (Макем вӧсь кариськом адямилэсь висись яразэ "жалямъяськеменымы- пыриськеменымы"). - Кызьы валаськоды веросысь та чуръёсты: "Оло, ву ӟузиды. Олокыӵе со вуды - чылкыт-а, пож-а. Возьматыны возьыт?" - Кызьы герӟасалды верослэсь пумзэ но нимзэ? (Параллель ортчытоно пиез но палэзьпу куспын). - Малы пыртэмын веросэ кезьыт ӧс кал, пилиськем банка но пияла пырыос, аляк шунды сиос, шузи бубыли, карысьтыз потыны кышкась пуны? Кызьы соос юртто главной геройлэсь мылкыдзэ усьтыны? Укмысэтӥ классын литературая урокъёсты мургес но тунсыко ортчытъяны луэ, малы ке шуоно, нылпиос но бадӟымгес ини, программае пыртэм произведениос но та арын ваньмыз сямен муро нравственной ужпумъёсты ӝуто. Тани Р.Валишинлэсь "Тӧл гурезь" повестьсэ учкон азьын одно эскериськом "Узвесь пыры" но "Чебересь наличникъёс" веросъёссэ, собере выжиськом В.Сергеевлэн "Кристя" веросэз вылэ. Ватсаса учкиськом на "Сьӧлыкен кошкись" вероссэ. Озьы та произведениосъя вань урокъёсмы герӟасько одӥг ёзэтэ. Сое "Ӟечез вӧзын ветлэ на уродэз" шуыса нимасько. Нырысетӥ урокме озьы радъяны тыршисько: нылпиослэн проиведениосты лыдӟыны но соосъя вераськыны мылкыдзы мед ӝутскоз. Доска вылэ гожтэмын эпиграф, кудӥз борды берытскылом, тодамы вайылом котькуд урокамы: Гужем шорын но усьылэ тӧдьы лымы, Нош тол шорын куазь жаль зоре на куддыръя, Ӟечез уродэныз уго сураськемын, Огез нош мукетсэ ялан на гожеръя. Ф.Васильев. Вступительной кылъёсме герӟасько Ф.Васильевлэн кылбур чуръёсыныз: . . .Туннэ ке троссэ быдэстӥм асьмеос, Ӵуказе нош эшшо уногес, Иське улонмы уката бурдъяськоз, Ватсаськоз югытэз но ӟечез. Ӟечез ватсаськоз, озьыез со озьы. Нош ӧвӧл-а вӧзаз уродэз? Нунал ортчыса, нош уз луы-а возьыт, Кайгулы нош ӧз кыль-а сюрес? Я, ойдо, эше, ӟус вылэ пуксьыса, Дыртытэк гинэ ӟеч вераськом. Улон-вылонмес сэрттыса-пертчыса, Ӟеч вӧзысь уродзэ висъялом. Ф.Васильев. Та кылбур чуръёсты эскереммы-валаммы бере, таӵе юанъёсъя кенешиськом: ма со сьӧлык? Кызьы малпаськоды, вань-а тӥляд сьӧлыкъёсты? Быгатоз-а адями дунне вылын соостэк улыны? Мар кароно, кызьы улоно, соос ӧжытгес мед луозы шуыса? Та юанъёсъя вераськыкумы, уже кутӥсько "Закон божийысь" 10 заповедьёсты (вераськом куд-огзэ гинэ): - чти отца и матерь твою; - не убий; - не прелюбы сотвори; - не укради; - не послушествуй на друга своего свидетельства ложна. Котькудзэ соосты нимаз эскереммы бере, пиналъёс азе ужпум пуктӥсько: кӧня ке урокъёс ӵоже Р.Валишинлэн но В.Сергеевлэн геройёсынызы тодматскыса дышетском соос вылын улыны но вӧзысьтымы адямиез валаны, азьпал сюрес выламы ӧжытгес янгышъёс но сьӧлыкъёс мед лэсьтомы; эскером, кызьы писательёс адями мылкыдэз пӧртэм амалъёсын усьтыны быгато; учком произведениоссылэсь огъя литература удысын интызэс. В.Сергеевлэн "Сьӧлыкен кошкись" веросэзъя та юанъёс бордын ужаськом: - Малы верос тазьы быре: ". . .Кыӵе секыт вал со уробо?" Кызьы сое валады? (Еремей пизэ вииз - вань улытозязлы туж бадӟым сьӧлык лэсьтӥз. Ачиз сярысь сюлмаськыса улӥз: кышнозэ пыд улаз возиз, зэмлыкез вина пушкы выйтыны выриз. Калык сярысь урод малпалляз: нюлэскысь пузэ лушкалозы, пе. Анаезлы кышет гинэ но ӧз кузьма.) - Кыӵе висёнэн курадӟе веросысь главной герой? (Кынмаса висьыны кутскемез сьӧрын, милям малпаммыя, Еремейлэн, кышкыт висёнэз ватскемын: со - астэ гинэ яратыса улон. Та висёнэзлэн вуиз самой "пӧсь" вакытэз). - Калык верамъя, кулӥсь мурт коркан огназ луыны кулэ ӧвӧл. Нош малы меда Еремейзэ автор огназэ кельтэ? (Еремейлэн та улонысь кошконэз секыт каремын, со вань сьӧлыкъёссэ сьӧраз нуэ кадь, кудъёсыз понна, оло, кыл кутоно луоз. Адямилы кулон азяз луонлык сёто сьӧлыкъёсыз сярысь вераны (исповедь), нош героймылы нокинлы. Автор солы дыр сётэ кадь аслыз вань ортчем улонзэ али малпаны но дунъяны). - Нош малы меда верослэн пумаз ке но автор вуттэ со доры анайзэ? (Нокин но ӧз юртты Еремейлы, нокинлы со кулэ ӧвӧл, аслыз ачиз сяна. Но анай понна, котькыӵе, вылды, нылпиез мед луоз, сое со котькыӵе вакытэ но яратэ. Ми озьы нылпиосыным малпам). - Мар юрттэ авторлы Еремейлэсь пуш дуннезэ усьтыны? (Та юанэз эскерыку, В.Сергеевлэсь веросъёссэ ӵошатыса потӥськом Р.Валишинлэн произведениосыныз: пӧртэм детальёс, пуш мылкыдэз усьтон, инкуазь суредъёсты быгатыса кутэмзы, несобственно-прямой речь но мукет). Дасэтӥ классын региональной компонентъя ужаны дыр висъяны туж секыт. Дас одӥгетӥ классын В.Сергеевлэсь творчествозэ пӧртэм ласяньгес эскерыны тыршиськом, 3 урок висъяськом. Луысал ньылетӥзэ но ортчытыны - урок-семинар, но писательлэн творчествоезъя критической литература ӧжыт луэмен, сое нуыны шуге- леке вуисько, нылпиослэн сообщениоссы кӧсэсь но лябесь луозы кадь потэ. Нырысетӥ урокмес быдэсак сӥзиськом кылбуръёсызлы. Доска вылын гожтэмын тема: В.Ар-Серги "Кӧлонтэм уйёсы. . ." (писательлэн кылбур дуннеез). Уроклэн оборудованиез. В.Сергеевлэн, М.Федотовлэн, Г.Бекмановлэн портретъёссы, "Тонэ кожай вал юг дыдык" кырӟан, Сергеевлэн произведениосыныз возьматон. Кылбуръёсыз вылын валаны тыршоно, мар малпаса улэ авторлэн лирической героез, кыӵе сюлэмшугъяськонъёсыз вань солэн, кыӵеен адӟе котырысьтыз улонэз, дуннеез. (Луонлык вань ке, урокез умой ортчытыны сюсьтылъёсын югдытэм классын). Урок кутске "Тонэ кожай вал юг дыдык" кырӟанэн. (Кырӟа Г.Бекманов, кылъёсыз М.Федотовлэн). В.Сергеев прозаик гинэ ӧвӧл, драматург но, режиссёр но, кылбурчи но. Самой та кырӟанэн кутскиз вал В.Сергеевлэн гожтэм пьесаезъя таӵе ик нимо спектакль. Жаляса верано луэ, театрлэн сцена вылаз со уг мыны ни. Вакчияк верасько "Тень Алангасара" кино сярысь, собере выжиськом кылбуръёс вылэ. Нылпиос уроке дасяськыса лыкто ини, куд-огезлы ачим но юрттӥсько кылбур бырйыны. Уже кутӥськом "Тулкымъёс вылын - пыжед" книгаысь но "Инвожо" журналысь кылбуръёссэ. Кыкетӥ но куинетӥ урокъёсмес сӥзиськом "Тулкымъёс вылын - пыжед" повестьлы, ортчытӥськом читательской конференция. Урокын азямы таӵе ужпумъёс пуктӥськом: повестьын верам учыръёс вылын ог-огдэ гажан, вӧзад улӥсь адямилэсь сюлэмшугъяськонъёссэ но шумпотонъёссэ валаны тыршон мылкыд, та улонын аслыд ачид оскон пыӵатыны тыршоно. Доска вылэ гожтӥсько повестьысь чуръёсты: "Адями оскыны кулэ. Тон марлы ке оскиськод-а?" Урокез кутскыса верасько, та чуръёс вылэ берытском но солы валэктон сётоно луом шуыса. Вераськыны но урокъёсты ортчытыны дасям юанъёс: 1. Кыӵе ужпумъёсты ӝутэм автор повестяз? Тупало-а соос туннэ нуналлы? - нимаз адями но калык, общество; - улонын ас интыдэ, оскондэ утчаны тыршон; - зэмос яратон но яратонэн шудон; - семья кусыпъёс; - зэмлык но пӧяськон. 2. "Полысъёссэ ыштэм пыж мон, нош ярдуръёсы бус пӧлын. Мынӥсько отчы, кытчы визыл валтоз," - тазьы шуэ ачиз сярысь Гриша Тёмин. Солэн улонэзлы, кылъёсызлы дунъет сётоно. Кытын но мар, кин бордын мугез, солэн улонэз ӧз пӧрмы шуыса? 3. Сурин, Лена, Комдив, Эльза, Валя но мукет пӧртэм улонэн улӥсь геройёс. Малы автор главной геройзэ соосын пумиськытэ? (Татын одно ик учкыса потӥськом улон, оскон, адями, коллектив сярысь геройёс куспын кылдэм диалогъёсты). 4. Вал-а Гришаен Лена куспын яратон? Кыӵе малпанэ вуттэ тӥледыз соослэн нырысьсэ ӵош ортчытэм уйзы, оло, "яратонэн шудэмзы"? (Вераськонэз герӟано Гришалэн та кылъёсыныз: "Мон визьмыным валасько ик вал - уг яраты, нош малы меда та шудо сюлэмылэсь кылзӥськи?") 5. "Сюлэмаз солэн (Гришалэн) капчи но бӧрдымон буш вал". Малы озьы шуэ автор? 6. Шонер-а лэсьтӥз Саша Сурин, Леналэн яратонэзлы пумит луыса но Инмарлы осконэн улонзэ герӟаса? Малы? 7. Кыӵе малпанэ вуттэ тӥледыз повестьлэн пумыз? "Тӧл жуге сое ымныраз, нош со дыртэ но дыртэ. Сюресэд мед удалтоз вал, эше. Нош куазед зоре но зоре. . ." Малы сомында многоточиос? (Уже кутон доска вылысь гожтэмез). Дырмы кыле ке, учкыса потӥськом книгае пыртэм суредъёсты, дунъет сётӥськом, кызьы соос юртто В.Сергеевлэсь книгаяз гожтэм малпанъёссэ валэктыны. Гуртэ сётэм уж. В.Сергеевлэн произведениосызъя сочинение гожтоно. Кужмооссэгес нылпиосты лыдӟыны косӥсько на "Ӝыт куараос" книгаысьтыз "Люкиськон" вероссэ. Тӥни озьы писательлэсь гожъям чуръёссэ пӧртэм классъёсын эскерыса, мынам малпамея, нылпиослэн улонэз валанзы но дунъяны быгатэмазы пичи ке но вамыш лэсьтоно кадь потэ. Азьланяз О.Г. Четкаревлэсь произведениоссэ тазьы ик эскерыны мылкыды вань. Та дырлы солэсь "Йӧ вылэ тэтчон" вероссэ гинэ 11-тӥ классын учкиськом, кудаз автор туж бадӟымесь ужпумъёс пуктэ. Уже кутэм литература 1. Лайдерман Н.Л. О единой системе литературного образования. // Литература в школе. - 1998. - � 4, 2. Проблемы преподавания литературы в средней школе. /по ред. Т.Ф. Курдюмовой. - М.: Просвещение, 1985. 3. Завьялово ёросысь писательёслэн но поэтъёслэн творчествозы. - Ижевск: Удмуртия, 1997. 4. Вяч. Ар-Серги. Душеспи. - Ижевск: Удмуртия, 1992. 5. Вяч. Сергеев. Ӝыт куараос. - Устинов, 1986. 6. Вяч. Сергеев. Лыдъя, лыдъя, кикые. - Ижевск: Удмуртия, 1988. 7. Вяч. Ар-Серги. Тулкымъёс вылын - пыжед. - Ижевск: Удмуртия, 1993. 8. В.Ванюшев. Кикы лыдъя арлыдъёсты. // Молот. - 1988. - � 11. 9. "Инвожо" журнал. 1 Начальной школаын И.А. Наговицына, Балезино ёросысь Люк школаысь дышетӥсь. Флор Васильевлэн философской кылбуръёсыз но Выль Сӥзён. Та уже мыным аслым туж дуно потэ. Малызэ валэкто. Та темая урокме вань сюлэмме, мылкыдме сётыса, оло, дасяй. Туж ярамон пӧрмиз со. Будӥсь пиналъёсмылы ӟеч сямъёс пыӵатонын, мон оскисько, уроке туж умой кужым сётӥз. Сое мон валай ужрадме ортчытыку, пиналъёслэн отчы пыриськемзыя, мылкыдзыя, ӝуась синъёссыя. Соин но та темая уроклэсь сценарийзэ редакцияды ыстоно кариськи. Тодӥсько: лыдӟисьёсты трос. Урокам сётэм малпанъёсы, мылкыдъёсы уно пиналъёслэн сюлэмъёсазы ӟеч пытьы мед кельтоз. Дунне вылын ӟечез понна Вордско адямиос. Урокам эпиграф интые Флор Васильевлэсь та кылбур чуръёссэ кутӥ. Сое доска вылэ гожтыса дасяй. Ӝӧк вылын - кылбурчилэн ужъёсыныз адӟытон, яркыт ӝуась сюсьтыл. Ф. Васильевлэн философской лирикаез туж бадӟым ужпумъёсты ӝутэ. Макем мур пуштросъемесь соос. - Ма понна вордско адямиос та югыт дунне вылэ? - Кызьы мынэ лэчыт нюръяськон ӟечез но уродэз куспын? - Ма ворме улонамы? Но трос мукет. Та юанъёсъя троссэ малпанъёсмес Выль Сизёнысь чуръёсын герӟасько. ("Выль Сизён". Стокгольм-Хельсинки. 1977). . . . Сюсьтылэз ӝуатыса, тусьты улэ уг пукто, соку со ваньмызлы коркан югыт каре. Тӥляд но югытты адямиос азьын мед пиштоз, тӥлесьтыд ӟеч ужъёстэс мед адӟозы . . ." Выль сизёнысь та чуръёс макем тупало Флор Васильевлы. Солэн ӟеч мылкыдын гожъям ужъёсыз, творчествоез та сюсьтыл кадь пиштэ, озьы ик азьланьын но яркыт ворекъялозы асьме азьын. Шонер сюресэз возьмато, кызьы улыны, кыӵе луыны визьнодало. Тани тодматском огеныз кылбуреныз - "Я, ойдо, эше, ӟус вылэ пуксьыса. . ." (Сое лыдӟе дышетскись.) Я. Ойдо, эше, ӟус вылэ пуксьыса, Дыртытэк вераськом ӝытазе. Ӝомал но тӥни, азбаре пырыса, Асьмеды ӧтьыса кадь вазе. Таиз но нунал, дыр, ӧз ортчы токма, Вераськон мытыны мугъёс вань. Котьмар но тон малпа но вера котьма - Улонмы берытске ушъянлань. Туннэ ке троссэ быдэстӥм асьмеос, Ӵуказе нош - эшшо уногес. Иське, улонмы уката бурдъяськоз, Ватсаськоз югытэз но ӟечез. Ӟечез ватсаськоз. Озьыез со озьы. Нош ӧвӧл-а вӧзаз уродэз? Нунал ортчыса нош уз луы-а возьыт? Кайгулы но ӧз кыль-а сюрес? Ваньзэ дыртытэк малпано вал ӵошен, Малпано но лыдэ басьтоно. Выль ӵук вордӥськоз ай кыӵе кырӟанэн - Ӝытазе ик умой адӟоно. Та кылбуръя суред-схема лэсьтыны ӵектӥсько. - Кыӵе луыны кулэ туннэ но ӵуказе нунал? Та юанлэсь пуштроссэ усьтом шундыез но солэсь сиоссэ суредан пыр. (Котькуд пинал сое суред аслаз мылкыдызъя). Здесь будет рисунок. Кызьы валады: малы дышетэ та кылбур? (Нылпиос верало). - Адями малпаськыны кулэ котькуд нуналэз сярысь: ма ӟечсэ со лэсьтӥз туннэ нунал понна, малпаськыны кулэ ӵуказе нуналыз сярысь. Адямилэн улоназ кыӵе нуналэз но уг луы: югытэз но, ма веранэз - пеймытэз но. Улон со - (та суред вылын сямен, доска вылын суредамын) кесэго-кесэго. (Дышетскись лыдӟе "Югыт усьтэ, пеймыт ватэ" кылбурез). Югыт усьтэ, пеймыт ватэ, Выльысь ворме югыт. Ӟеч мылкыдэз мӧзмон воштэ. Нош ик лӧптэ мылкыд. Лымы усе. Лымы шуна. Ӧрзэс усьто шуръёс. Дунне вылын ӟечез понна Вордско адямиос. Улон ачиз тодэ ваньзэ, Ӟечсэ но уродзэ. Малы солэсь куректонзэ Ватсаськомы тросэн? Мед котькин кыл кутоз туэ Аслаз ужез понна. Кылбуръя кенешиськом таӵе юанъёсъя: - Кызьы вошъяське адямилэн улонэз? Ма понна вордско адямиос дунне вылэ? - Улонады тӥ кыӵе ӟеч ужъёс лэьтыса вуиды ини? (Дышетскисьёс верало). - Писпуос сюрес кузя мерттӥмы, анайёслы-атайёслы, колхозлы, школалы юрттӥськомы. - Милям ваньмыз азьпалан на, милемыз витё ӟеч ужъёс. (Дышетскись лыдӟе "Муртлы эн гуды гу, ачид усёд" кылбурез). Муртлы гу эн гуды гу, ачид усёд, Вожъяськондэ эн нуныя гадяд. Аслыд эн утча тон токма висён, Кас уж шудбур уз вайы улонад. Лушкам шудэн но кыдёке уд мын, Кушман мерттӥд ке тон, кушман потоз! Дунне вылын ваньмыз герӟаськемын, Аслад ужед аслыд ик берытскоз. Кызьы валаськоды: - Ма со сыӵе лушкам шуд? (Нылпиос верало). - Лушкам шуд - лушкам ныл, лушкам яратон, лушкам улон, кошкись пичи дыры. "Муртлы эн гуды гу, ачид усёд. . ." Та визьмо верамъя доска вылын суред-схема дасямын. "Урод ужъёс но со понна кыл кутон" шуыса нималом сое. Рисунок. Пиналъёс кызьы валэктозы та суредэз? (Пиналъёс верало). Суред вылын - адямилэн пичиысен мытэм улон сюресаз лэсьтылэм урод ужъёс возьматэмын. Улон питран азьлань быземъя адями, оло, куддыр ачиз но сое шӧдытэк-валатэк лэсьтылэ созэ яке тазэ урод ужъёсты. Озьы урод, кырсь ужъёсын биниськем бугор ялан будэ но будэ. Аръёс ортчыса кыӵе бадӟым бӧмлы пӧрме со! Вала-а адями, улытозяз асэныз ик люкам сьӧлыко бадӟым бӧм сое тани-тани сутоз но улаз лёгалоз, паньгатоз шуыса? Ӵем дыръя со сярысь малпанэз но ӧвӧл. Нош котькыӵе урод уж понна кыл кутоно луэ. ("Выль сизёнысь" чуръёс). "Уродлы пумит уродэн яке керетонлы пумит керетыса пунэмзэ эн берыктэ. Ӟеч лэсьтыны тыршисьёс ке тӥ луиды, кин тӥледлы урод лэсьтоз!.." Пинал дыръя кадь кутскы вал но бӧрд, Вань секытэз соку ик ортчысал. Йырси вылэ нош усемын ни гӧр, Синву но быремын, дыр, куасьмыса. Лыктэ ке уродэз но, табере Азьло сямен уг вуы улонамы. Пырак дырлы кадь со корка пыре, Калъяськыса ветлэ ни сьӧрамы. Уг лу нош дышыны уродэзлы, Сое исьнеръёсын но ӵужиськом. Иназ уг мын, уг мыны нош солы, Выльысь лыктэ, улэ акыльтымон. Кудӟем муртэз сямен, сое куддыр Сильсьӧртӥз ик донгиськом педло. Адӟем муртлы выллем солы но, дыр, Уг поты нокыӵе. Солэн улон. Майбыр. Нош асьмелы -сьӧд куректон. Соин ик куасьмемын ни синвуос. Озьы но улонлы шумпотӥськом. Солэсь но ческытэз ӧвӧл, луоз. 1 Вордскем кыл 5 2. Сосуды в целом и другие предметы, предназначенные содержать что-либо содержать возьыны сосуд сосуд // саут выдвижной ящик стола, шкафа, комода кыскан ларец чеберъям пичи шыкыс шкатулка, сундучок пичи шыкыс сундук шыкыс, сандык лубяной короб коскы берестяная коробка кесмек, кесметь, чумон, туй коробка мешок мешок, пуйы хозяйственная сумка из телячьей шкуры сепыс кошелёк (сумка для денег) коньдон пуйы, коньдон сепыс, уксё пуйы, уксё калта посуда тусьты-пуньы, посуда // саут бутылка ӟенелик, бутылка // шыша горлышко (бутылки) чырты, ныр утолщение бутылки бутылка кӧт, ӟенелик кӧт // шыша кӧт низ, дно бутылки бутылка пыдэс, ӟенелик пыдэс пробка пытсэт, ӵоктэт бочонок пичи бекче бочка бекче, лагун, лагушка большая бочка бадӟым бекче // тӧлы кран бочонка бекче ныр, кран кувшин кувшин // кередэй, кунган корзинка (из ивовых прутьев) куды // кужня лукошко, плетёное из лыка куды, мушко, зубнё бурак, туесок (из бересты) сарва, сарба, лянэс, дуз // вутон крышка туеска ворсэт, пытсэт, ӵоксэт, ӵоктэт, кымет кадка из цельного дерева (липы) вышкы кадушка, кадка (для меда) дуз чан чан, ӵан б) Различные ремесла и профессии 1. Мукомолье мукомол (тот, кто мелет зерно на муку) вуко изӥсь, пызь изӥсь мельница вуко дербень (изба при мельнице) вуко корка ветряная мельница тӧл вуко ручная мельница кикӧ // дяргич водопроводящий желоб дырды сливной запор (шлюз для спуска вешних вод) жолоб ву виян арык водяное колесо ву вуколэн питыранэз лопасть мельничного колеса чарк жернов кӧ, вуко кӧ зубильный молоток для насечки жерновов кӧ коран насекать жернова кӧ сизьдыны, кӧ кораны, выльдыны веко (кожух вокруг жернова) кӧ сёрос бункер (для засыпки зерна) бӧрнё молоть изыны мучная пыль, осевшая на внутренние стены мельницы пыр плата за размол зерна (деньгами) гарнич отруби, высевки (остатки после просеивания муки) пужнӥськем кыд, сэсло, кырпа крупорушка кеньыр изон, кеньыр поттон мука пызь крупчатка (пшеничная мука лучшего помола) тӧдьы пызь 2. Выпечка хлеба пекарь нянь пыжись хлебопечение нянь пыжон поставить тесто нянь котыны закваска шӧм, маял квашня нянь шумес кислое тесто ыльнянь раскатывать тесто погыльтыны, бугортыны подниматься (о тесте) ӝутскыны // тукырӟыны расползтись (о тесте) уртчыны // ворӟыны месить тесто ныркыны, лайыны мять ныркыны, ныгылляны подметать (под печь) ӵужыны помело (для печи) гур ӵужон ставить (хлеб в печь) тырыны, пуктыны испечь пыжыны достать (хлеб из печки) поттыны, басьтыны румяниться, подрумяниться (о хлебе) ӵыжектыны пышный, удавшийся хлеб буй-буй ӝутскем нянь, ӝуй-ӝуй ӝутскем нянь хлеб с отделившейся от мякоти коркой бертэм нянь, калта нянь каравай сукыри нянь, колды нянь резать (хлеб) шорманы, шорылыны отрезать шорыны мякоть хлеба нянь пуш, нянь пушкес крошка нянь пыры хлебная корка нянь кӧм ломоть юдэс отрезок шорем 3. Работа мясника мясник (торговец) сӥль вузась, сӥлен вузкарись мясник (скотобоец) пудо вандӥсь мясная лавка сӥль лавка, сӥлен вузкаронни зарезать, забить, заколоть (скот) вандыны (взять кровь вир басьтыны сдирать кожу нийыны, ку кыскыны свежевать партчаны, качаны привязь из мочала (для свежевания туши в висячем положении) озэп, ошон кал потрошить пушсэ поттыны кровяная колбаса виртырем разрезать вандылыны смалец (растопленное внутреннее сало) ӵыжатэм кӧй, ӵыжтэм кӧй 4. Пивоварение пивовар сур пӧзьтӥсь варить пиво сур пӧзьтыны хмель туг солод ӵужъем сусло варсь бродить чырсаны домашнее пиво (приготовленное в корчагах из сусла путем брожения после добавления воды) сур жидкое крестьянское пиво (приготовленное в корчагах из сусла последних сливов) коллёву 5. Рыбная ловля рыбак чорыгась рыбная ловля чорыган ловить рыбу удочкой визнаны, чорыг кутылыны удильщик-рыболов визнась удить визнаны удочка визнан удилище визнан ньӧр, визнан ныд, визнан шача рыболовный крючок визнан курик // кармак жало крючка визнан шакас, визнан вуры // кармак кыл наживка, приманка пӧет, чорыг сюдон мормышка мормышка опарыш опарыш наживить сюдон поныны, пӧет поныны блесна блесна, чилясь шнур блесны блесна кал, чилясь кал мотовило для блесны мотовило ловить рыбу на блесну блеснаен чорыганы, блеснаен чорыг кутылыны загородка в протоке (устраивается из хвороста или дранки для вылова рыбы) ӵыпет жерлица (рыболовная снасть для ловли хищных рыб) кумы клевать зыгатыны, исаны, кысканы поплавок пукы, лӧптэт // тюкы, мӧшка, пукыли леска визнан си, визнан сӥньыс перемёт (снасть с крючками, ставят поперек реки) перемёт сеть казь, сеть закидывание сети сетян, казян крупная ячейка (сети) астар мелкие ячейки (сети) узак поплавок (сети) наплятка петля, клетка (сети) син место, куда ставят сети казь пуктон инты устроить заводь (для ловли рыбы) пукулъяськыны мережа (сеть, натянутая на обруч) мерожа невод калтон, бадӟым сеть бредень калтон поплавок бредня калтон пукы сачок чилеп, сачок верша, морда мурдо ботало (шест, которым ударяют по воде пугая рыбу) бот, ботан сеть для ботания рыбы, ботальная сеть ботан казь заниматься ловлей рыбы ботальной сетью ботан казен чорыганы берестяной поплавок ботальной сети туй пукы, туй лӧптэт глиняное грузило ботальной сети выйтэт, выйтон подбора, основа, хребтина ботальной сети (бечевка, на которую насаживается сеть) сёрос насадить ботальную сеть на подбору бырттыны сборки ботальной сети (образуемые при насадке ее на подбору) шымыри посадка ботальной сети бырттон рыболовная лодка чорыган пыж лодка из двух долбленых стволов дерева паскан // кырбас кострище на носу лодки (для ночной ловли острогой) чырак, мотор острога (орудие в виде вил) шибоды, бышкон пешня (род лома для пробивания льда) пырич, пешня 6. Охота охота пӧйшуран, тэлян, нюлэскан // сунэран охотник пӧйшурась, нюлэскась // сунэрась охотиться пӧйшураны // сунэраны лесованье (лесной промысел) нюлэскан, тэлян, сикан промысел с добычей зверей, пушнины пӧйшуран полешня (охота в поле) бусыын пӧйшуран, лудын пӧйшуран Наименование охотников: лесовщик нюлэскась, тэлясь, сикась // сунэрчи полевщик бусыын пӧйшурась, лудын пӧйшурась медвежатник гондырась лосятник койыкась соболятник нӥзясь гусятник ӟазегась утятник луд ӵӧжась охотник на куницу сёрась охотник на волка кионась охотник на белку коньыясь охотник на зайца кечась промышлять облавой котыртыса пӧйшур кутыны промышлять тенетами казен кутылыны промышлять капканами капканэн кутылыны промышлять силками выаны охотник, отпугивающий зверей из логовищ кышкатӥсь охотник, устанавливающий тенета казясь, казьчи, казь пуктӥсь залежник (охотник, залегающий в ожидании дичи) возьмась капканщик капканчи тенетчик казьчи охотник, ловящий ловушкой нальыкась, нальыкчи охотник, ловящий с силками выась охотиться на волков кионаны, кион кутылыны охотиться на медведей гондыраны, гондыр кутылыны охотиться на зайцев лудкечаны, лудкеч кутылыны охотиться на горностаев ӵӧжмераны, ӵӧжмер кутылыны охотиться на лисиц ӟичыяны, ӟичы кутылыны охотиться на лосей койыканы, койык кутылыны, лось кутылыны охотиться на соболей нӥзяны, нӥзь кутылыны охотиться на бобров ваданы, мый кутылыны, мыяны охотиться на норок чайыаны, чайы кутылыны охотиться на глухарей дукъяаны, дукъя кутылыны охотиться на рябчиков сялааны, сяла кутылыны охотиться на куропаток кырсялааны, кырсяла кутылыны охотиться на уток ӵӧжаны, ӵӧж кутылыны охотиться на гусей лудӟазеганы, лудӟазег кутылыны ловить мышей шыраны ловушка нальык, нальк, пижны силок, петля из лески (для птиц) ӟырны ловушка для дичи корси капкан капкан стульчик (ловушка для горностая) ӵӧжмер кутон сеть (ловушка для зайцев) казь башмак (ловушка у нор) гу дурысь корси ковш, кожух (на тетеревов) тур мурдо колода (на куниц и соболей) сёр нальык, нӥзь нальык западня из бревен на медведей гондыр нальык рогатка (для охоты на медведя, ставится перед берлогой) меӝыс захлопнуться (о ловушках) пезьдыны охотничья собака пӧйшуран пуны, тэлян пуны, пӧйшурась пуны, тэлясь пуны свора собак пуны уллё псарня пуны гид рог (охотничий) сюр гумы лук пукыӵ стрела лука пукыӵ ньӧл наконечник стрелы пукыӵ вень ружьё пыӵал // санапал приклад ружья пыӵал дӥнь дуло ружья пыӵал гумы курок ружья курок, атас шомпол пыӵал ньӧр огнестрельные припасы пыӵал сиён порох дары, порох, пыӵал сиён пороховица порох тырон, дары возён пуля пуля дробь дробь патрон патрон патронташ патронташ то, чем набивают патрон пыӵал сиён спустить курок пезьдытыны выстрелить нечаянно (о ружье) пезьдыны выстрелить ыбыны давать осечку осечка сётыны, ыбытэк кыльыны дичь, зверь пӧйшур, кыйкай пушной зверь дуно пӧйшур хищник сьӧсь // акар искусать пурыны, куртчылыны растерзать кесяны // ораны след животного пытьы тропа, пролагаемая животными пӧйшур пытьы, пӧйшур сюрес, пӧйшур ветлонни место охоты пӧйшуран инты, пӧйшуранни место охоты на зайцев лудкечан инты, лудкечанни ловить, поймать кутыны, шедьтыны убежать пегӟыны браконьер браконьер дичь кыр тылобурдо, луд тылобурдо, кыйкай соколиная охота орӟиен пӧйшуран сокольничий орӟиен пӧйшурась охота на птиц тылобурдо пӧйшуран птицелов тылобурдо кутылӥсь манок чипсон смола сир, юрсир клей лем, клей ветка, намазаная клеем (для ловли птиц) лемам вай шалаш (из ветвей) тылыс берестяной шалаш туйка костёр тылскем костер из трех бревен для долгого горения нодъя 7. Ткачество посконь конопляная пыш пызэр теребить (лен) ишкыны сноп льна етӥн аньы, етӥн культо сноп конопли пыш аньы, пыш культо сноп льнотресты аньы сноп льна из четырех горстей быгыли расстилать лен етӥн вӧлдыны мочить (коноплю) пыш чӧлтыны, пыш тыатыны водоем со срубом, озеро для мочки конопли пыш ты мялка, сномялка сэстӥськон пурт, сэстон пурт, сэстӥськон ножка мялки сэстон пу кук щеки льномялки сэстӥськон бам язык, било (ходящее на шарнире между щеками льномялки) пурт трепало шуккон пурт трепать косканы, сэстыны кострика, треста (отходы) пыши отрепье (отходы трепанья) улшуккем чесалка согы железная чесалка корт согы чесалка из щетины зу согы горсть чесаного льняного волокна кырым расчесанное волокно мертчан, йылкыс кудель (пучок льна, конопли для пряжи) куж расчёсаное волокно (конопли, льна) мертчан толочь туйыны ступа гыр пест туён чесать лӧдыны щетка тугон верховина чагул пачесы (продукт второго прядения) улшуккем повесло (пучок измятой конопли, равной десяти горстям) коскам мыкать (разбирать, расправлять с помощью гребня и гребенки волокна и поскони после толчения на ступе и трепания) согъяны гребень (большой деревянный гребень) согы намыка (сверток конопли) коскам куделя (сверток шерсти) бинем ыжгон кудель (пучок льна, конопли для пряжи; льняные очески) сузь прясть черсыны веретено черс прясло черспыри прялка с разборным верхним коленом кубо лопасть (разборное верхнее колено) сюмори пальчик прялки, на что надевается лопасть кубо ноны, кубо чӧльы донце (доска - сидение пряхи, в которое вставлена сама прялка с куделью) кубо пул рогатка (толстая палка, на которую привязываются куделя шерсти при прядении) сюмори мутосвязь (веревка или пояс, при помощи которой кудель привязывается к стержню, если у прялки нет гребня) сюмори кал, кубо кал пряха черсӥсь самопрялка, прялка (колесная прялка) черсон машина круг (колесо) питыран струны гозы подножка пыдул лёган // пыдултан кудель, кужель, мочка (волокна, насаживаемые на прялку) коскам пряжа (отпрядённые нити) шорт шерстяная пряжа ыжгон шорт х/б пряжа кизьы верчь (толстая грубая конопляная пряжа, которую крутят руками из отходов мыканья, пряденья) кужгозы рученька (веретено с нормальным количеством намотанных при прядении нитей) киул пряжа, первоначально намотанная на верхней части веретена шӧрчик, кийыл мытэм мотушка (пряжа, смотанная с початков кругами) ӝоктэм клубок бугор мотовило ӝоктонпуд, шортпуд, шорткут прибор для размотки пряжи черс возён, черс понон моталка (крестообразное приспособление для разматывания мотушки в клубок) берыг воробы, кресты (ворот, на который пряжу перематывают с мотовила) берыг подставка воробов берыг пуктон, берыг кук палочки, вставляемые на концах воробов поркышно вьюшка турбича крутая пряжа чарк шорт простая пряжа небыт шорт, ляб шорт калышка (часть клубка из параллельных витков) тулмет пайма (кол-во пряжи, которое можно захватить двумя пальцами) лыд пасмо (единица счета меры пряжи, равная 0,1) лыдӟет численка (0,1 пасма) лыдӟет сновать (натягивать в определенном порядке продольные нити будущей ткани) пумыны заниматься снованием пумиськыны основа (продольные нити ткани) пумем стена (название меры холста) борд юрок (сновальная лопатка с двумя дырочками) пасё пу сновальня (снаряд, где снуют основу) пумиськон сновальная рама пумиськон рама счетчик (колышек на нижней стороне сновальни) вож кордик, карта (деревянный ножик для тканья поясков) пурт, чаг тканье на бердечке (дощечке, разделенной на трости параллельными щелями) кисян закладная техника тканья пиктыса куон ниченки (нитяные петли между палками для подъема нитей основы) вырт палки ниченок выртзу, вырт пу цепок (одна ниченка) одӥг вырт доска для вязки ниченок вырт керттон пул, выртпул бердо кись зубья (палочки в берде) кись пинь рама берда кись ан продевание ниток основы в берда кись пине бичан, кисе бичан крючок для продевания ниток в бердо кись бичан сделать огрех при продевании ниток кись пинь кельтыны десятня (вид берда по ширине) дасо кись девятня укмысо кись восьмуха тямысо кись семуха сизьымо кись шестуха куатё кись ценовые доски, ценовки (прокладки поперек основы) вож подножки, собачки (блоки, на которых двигаются нитченки) выртйыл питран веревки, идущие от ниченок через блоки вырт гозы педали пыд лёгет, пыдултан веревки, соединяющие педали с нитченками пыдултан кал побочный кол ткацкого стана урдэс майыг пришва, пришвица (передний вал, который упирается на выемки двух побочных кольев) есо щель пришвы, куда продевается холст есо пась дырка в левой части пришвы позыртон боды пась напряжки, распряжки-рашпоры (палочка, прутик, натягивающий полотно на пришве) позыртон боды столбик, стойка, куда надевается жгут основы бер майыг коса, плетенка (основа в виде длинного ряда петель) ӟугыри челнок сусо челнок (для тканья кулей) усьто шпулька серы скальница, скало (снаряд, употребляемый для навивки пряжи на цевку) серыяськон кросно, стан дэра куон, дэра куон стан навивать пряжу на цевку серыяны подставка, куда вбиваются две стойки пул пуксён ось скальницы колтреч черс маховик скальницы колтреч кӧмеч стойки скальницы колтреч юбо лучок скальницы, на концы которого привязывается веревка кутон уток (поперечная нить ткани, переплетающая основу) вамен шорт упор (остаток ниток, не вошедших в нитченки) кесет пружина, пруток (ось цевки в челноке) серы чаг, сусо чаг зев (отверстие, образуемое в нитях основы движением ниченок) кесиськем палка, надеваемая в начальный конец основы есо боды веревка, натягиващая начальный конец основы к пришве есо кал удорка (концы заднего конца основы, оставшиеся после тканья) дус, дэра дус прасеть (участок полотна от пришвы до берда) азь, азьвыл Виды браков: близна, блюзна (брак в ткани, когда обрывается нитченка) выртӵож близна, блюзна (обрывается нить основы) тэтчыса кошкем сучья (изъян ткани в виде неровностей) кырыж Названия частей ткацкого станка русского типа: блок ткацкого стана выртйыл пожильни, сволоки (продольные брусья рамы ткацкого станка) урдэс пулъёс чурки (поперечные планки рамы) бер пулъёс сволок (основной вал) вал навой (вал станка) навой Виды холстов в зависимости от техники тканья: холст дэра пониточная шерстяная ткань урдэг холст, вытканный путем продевания ниток по одной и по паре между зубьями берда ого-кыкто дэра холст, вытканный подряд по 2 нитки дурыс дэра холст, вытканный 2 парами нитченок выртӵож дэра холст, вытканный в четыре нитченки ньыль вырто дэра // ньыль выртно дэра холст, вытканный в шесть нитченок куать вырто дэра // куать выртно дэра ткань с чередующимися полосами белого и синего цвета (полосы равны 4-5 ниткам) зыбын дэра, штан дэра ткань, имеющая полосы различного цвета (полосы могут быть различной ширины) буй ткань с белым фоном чот полосатая ткань с довольно широкими клетками сарафинка, сюрсо дэра ткань, подобная сарафинке, но имеющая широкие полосы (до 10 ниток) бадӟым сарафинка клетчатая ткань шакмако дэра, кечато дэра клетчатая ткань с мелкими клетками шерӟ, кечато дэра ткань в рябушку арӟа дэра 8. Изготовление плетеной обуви лыко нин драть лыко (с липы) ниндыны, нин кесяны размягченное и расслоенное лыко, обрезки лыка ниндор лапотное лыко шильы циновать (готовить паласины лыка для плетения лаптей) шильыяны кора на лыке, паласина кумель отделить паласину от лапотного лыка сэстыны плести лапти (общее понятие) кут кутаны плести 1 слой лаптей борӟаны подковыривать лапти после заплетения основы сиктаны колодка (форма) куткаб, кут калып // золы кочедык сиктан оборки лаптей из лыка кутгозы оборки лаптей из шерстяной пряжи ыжгон кутгозы оборки лаптей из льняной или конопляной пряжи пыш кутгозы оборки лаптей из черной и белой шерстяной пряжи чибор кутгозы петля для вдевания оборок лаптей шакас, кутпель тапочки , плетёные из бересты отопки, туйкут, пыдкут, туйката, башмак тапочки (башмаки) из лыка башмак кут, нин ката вить (оборки) пуныны 9. Плетение корзины плести корзину куды кутаны, куды керттыны, куды пуныны вица тӥяськисьтэм ньӧр однолетняя поросль ивняка, идущая на плетение корзины и морды мурдо ньӧр 10. Вязание сучить, крутить (пряжу, нить) пӧлэстыны сучило пӧлэстӥськон пурт, пӧлэстон черс спица для вязания керттӥськон вень вязать чулки чулка керттыны 11. Валяние валяльщик валенок сапег лэсьтӥсь, сапег гындӥсь, гынсапег лёгись шляпник шляпа гындӥсь, шляпа лёгись смычок, лучок (деревянная часть шерстобитного смычка) вуж струна (шерстобитного смычка) вуж, вужгозы решетка (из 25 узеньких планок длиной в 95 см) чаг боек (для битья шерсти) кокан // кугон теребить, готовить шерсть для шерстобитки лӧдыны взбить шерсть на шерстобитке тугыны валять гындыны, лёгыны валяльная палка гындӥськон боды пруток для разбрасывания шерсти ыжгон вӧлдон ньӧр железный трехгранный прут с рукояткой корт прямой деревянный валек с рукояткой валёк железный четырехгранный стержень кырлы 12. Шитьё, швейное ремесло мастерская дӥсь вуронни, мастерской закройщик дӥсь вандӥсь портниха вуриськись шить вурыны шить вручную киын вурыны подрубить (подшить, загнув край) бугортыны наперсток чиндыс булавка чокмор вень, тэчет вень, йыро вень, тэчкон вень иголка вень игольник вень возён, вень возённи, вень тэчон ушко иголки вень пысы, вень пась мешочная игла порвень, тылповень нитка, вдетая в иголку писъям синьыс вдевать нитку в иголку писъяны швейная машина вуриськон машина прометать (шить крупными стежками) тэчыны, тэчылыны, тэчытъяса вурыны подрубать, подшивать (края материи) бугортыны примерять мертаны 13. Прачечное дело прачечная дӥськут миськон инты, дӥсь миськонни стирка мисьтаськон, дӥськут миськон стирать мисьтаськыны, дӥськут миськыны мойщица мисьтаськись, миськись красильщик буясь, красить карись красильня буяськон инты, красить карон инты гладить утюганы 14. Работа старьевщика старьевщик вуж дӥськутэн вузкарись, куштӥськем дӥськутэн вузкарись, ӟустыриен вузкарись // ӟустаричи тряпьё ӟустари, ӟустыри 15. Работа веревочника веревочник гозы пунӥсь третья прядь веревки тулмет вить третью прядь веревки тулманы, тулмет пуныны 16. Работа парикмахера парикмахер йыр ӵышкись, йырси ӵышкись парикмахерская йырси ӵышкон инты, йыр ӵышконни стричься, постригаться йырси ӵышкыны, йыр ӵышкыны бриться, побриться мычиськыны, туш мычыны 17. Кожевенное производство кожевник, дубильщик ку посӥсь скорняк, меховщик шуба вурись сыромятная кожа сюмыс ручной кожевенный снаряд ку посон боды дубильная кора (для дубления кожи и окраски) сул дубильный экстракт посӥськон экстракт дубить кожу ку посыны кожа ку выделанная кожа (для обуви) сурон яловая кожа скал ку сурон конская кожа вал ку сурон опоек (шкура молочного теленка, а также выделанная из нее кожа) кунян ку сурон, вож кунян ку сурон шевро (сорт мягкой хромовой козьей кожи) кеч ку сурон шагрень (козлиная кожа с запрессованным лицом) шагрень шеврет (овечья кожа) ыжку сурон свиная кожа парсь ку сурон кроличья кожа кролик ку сурон замша замша кожа дублёная хромовыми солями хромовой сурон сафьян (тонкая и мягкая козья или овечья кожа, специально выделанная и окрашенная в яркий цвет) сафьян юфть (сорт прочной толстой кожи) юфть лаковая кожа лаковой сурон сапожник сапег вурись шило пежъян сапожный нож сапег лэсьтон пурт дратва сапег вурон сӥньыс большая шорная игла бадӟым вень, сиес вурон вень // тылповень волос, шерсть (для набивки) гон мех посэм ку, лэсьтэм ку, ужам ку перчаточник перчатки вурись переплетчик переплёт лэсьтӥсь, переплетать карись связывать думыны, керттыны, думылыны, герӟаны сверкать, сиять чиляны, пиштыны, ворекъяны лесоруб нюлэс корась 18. Работы по дереву топор тӥр двуручная пила бадӟым бычкы, пила моторная пила мотор пила, бензопила электропила электропила зарубка (отметка на дереве) подэм пус рубить лес нюлэс кораны рубить дерево кораны тесать наискось чалыштыны пилить вандыны засечка в срезе бревна ӵупем свалить погыртыны упасть пограны пень лӥял // мырк пенек пичи лӥял очистить (дерево от сучьев) суыны убирать ветки улвай сайкыны вязанка хвороста улвай керттэт бревно кор очистить от коры сулыны, сулзэ лусйыны, сулзэ ньылдыны кряж, обрубок дерева (около 2-2,5 м) кряж, пуклё кряжить дерево крежевать карыны комель дӥнь срезать, отпилить комель дӥньзэ вандыны щепка шелеп чурбан пуклёк, пуклё вывозка леса нюлэс поттон, нюлэс ворттон плот пур строить плот пуръяны, пур лэсьтыны гнать плот пур келяны плотогонщик пур келясь лесопильный завод пул пилён завод // пул шыран завод штабель бревен люкам коръёс продольный пильщик пул пились // пул шырись продольная пила пул пилён пила планка, рейка кыртым доска (тонкая) векчи пул доска (толстая) пул тёс зӧк пул // чос опилки пила пызь, бычкы пызь, пу пызь плотник тӥр уж ужась, плотник стружка шелеп, стругам шелеп, стружка коловорот (ручное сверло) портон сверло портон // напаръя ножовка бычкы, ножовка каретник дӧдьы-уробо лэсьтӥсь столяр пу уж ужась, пу ужен вырись верстак верстак рубанок вӧлон тӥрлык, пичи струг // такыл стругать вӧлыны, струганы, стругаськыны // такыланы скобель (кривой нож) вӧлонпурт скобель (нож для изготовления деревянных ковшов и половников) кожпурт скоблить вӧлыны, вуштыны струг струг // такыл рубанок (столярный строгальный инструмент) рубанок, струг фуганок (длинный столярный рубанок) бадӟым струг, кузь струг шерхебель (узкий рубанок с полукруглым резцом для грубого строгания) шерхебель дорожник (род рубанка для выбирания желобков) дырдыян, дорожник выбирать желобки на досках дорожкой дырдыяны, дорожниканы желобок-дорожка дырды, дорожка железный прут для прожигания отверстия в дереве пӧськорт бурав портон // напаръя буравчик пичи портон // напаръя резец, долото ожон рашпиль, терпуг рашпиль отвёртка отвёртка бондарь бекче лэсьтӥсь, вышкы лэсьтӥсь клепка бекче пул утор (нарезка для вставки дна в бочке) ӝыбы пазник закрой лэсьтон уторник (инструмент) ӝыбы вуштон уторить ӝыбыяны втулка, затычка тул, ӵоксэт, тует деревянная затычка (в бочке) пу ӵоксэт, пу туй обруч эгес набивать обручи эгесаны просмолить лодку пыж сираны токарь токарь вращение, оборот берган точить на станке вӧлыны ложечник, ложкарь пуньы лэсьтӥсь корзинщик куды кутась 11 Боды кутэм ни Петок Одно, шуэ, уськыто - Ачиз палдоз туп. Кӧня меда выризы, Пиос воксё пӧсязы - Но ӧз усьы туп. Петоклы Вани дэмла: Бодылэсь ӧвӧл пайда. Ачид гинэ туб. Йырыныз шона Петок: Уз лу, дыр, мынэсьтым толк. Ӝужытлэсь курда. - Нош мон уг кышкаськы чик, - Йӧн-йӧнак вазе Очи. - Ваелэ падӟа. Син куспын со кечырскиз, Йӧтӥськиз - гын туп усиз. Пилиськиз шорияк. Бы-ыз! Но чы-ыз! котырак Шуккиське, вӧлме куара. Дуринчи кар! -Мар? - Кыӵе кар? - Дуринчи кар!.. Пыдтышъёссы чиляса, Ог-огзэс азьпалтыса, Пегӟо туж чаляк. Кин ма ужаз? Кин уг ярат меда сӥзьылэз? Бус пыртӥ льӧльырась шундыез? Садъёсын гочатэ ӵыж улмо - Емышъёс кисьмамын - трос пумо. Мылкыдзы котькинлэн ик умой - Гужембыт тыршимы, пе, сюлмо. Тыбыраз бӧм быдӟа ныпъетэн Вамышъя туж шуген но мырдэм. Со милям ваннапал пи Гриша: - Та салам - сакыро вож груша. Со бӧрсьы ик вуиз ни Артур: - Тупэлэсь туж бадӟым та арбуз. Сюл но кал, ӝуштыса ик Слава - Ведра тыр туйылэм со слива. Шоканэз пыдсаськем мискиньлэн: Та аслам, пе, мынам будэтэм, Лобыса кадь вуиз Калиста: - Нокинлы ик уз мыль кубиста. Кортнэтсэ ик ыштэм горд Иван - Серметам но кыткем кык пар вал. Возъёсаз гурезен ӵуж кушман - Кинлэн-о сомында меда вань? Ӧжытак ӝегаз на кадь Педор: Берпумзэ кисьма, пе, помидор. Тӧлпери кадь вуиз ик Эльза, Со уг, уг вера, пырак кырӟа: - Нюлэс тыр, ой гома ӵыж палэзь, Шуэдлэн кисьмамез ни толэзь. Кемалась вуэмын льӧль легезь - Ойдолэ дыртоме - чаляк, сэзь! Буш мешок кутыса, Тур но пар шонаса, Шок но пуль бызьыса, Уть, вуэ Анфиса. Кытын-мар, пе, сёто - Мешок тыр мон ӝуто. Эн малпалэ сокем Мон. . . азь-тэм! ЗОР Супырак куасьмиз турын Жильыртӥсь Вало дурын. Пичи Педорен ӵошен Бӧмъяськом ми мажесэн. Уть, тыршиськомы кыӵе - Кужыммы милям уртче! Но ваньмыз луиз дыг-мог - Зор усе ни одӥг-ог. Йыр вадьсамы гудыртӥз, Чилектӥз но югектӥз - Инбам копак пилиськиз, Пилемед ик ӟезиськиз. Уд, уд ужа та дыре - Ведра дурен жаль зоре. Сучак пыӵа мугоре - Ӝоже усиз Педоре: - Зойем бейе Бейтом дойе. АЗЬТЭМ ПИСЭЙ Аръянзэ шукке песяй, Нургетэ вӧзаз писэй. Ас быдӟаз пуньы кутэм - Нӧкы вӧй вите азьтэм. КЕЧ Кенер пушкын шыпытак, Кубиста йыръем тарак. Кочонзэ но супырак, Кыӵаксэ быдэтэм, лешак. ГЫН КАТА Гын ката кутчам ӟазег, Гидкуазе потэм керӟег: - Га-га-гак! Кулэ сапег! Гушъяно. Ката лапег. АТАС Чибори быжо атас Кенере тубем огназ, Чоръялтэм ньылон тыраз, Куараез лобӟем эрказ: - Мон чибор, Туж мотор, Куарае задор - Чоръясько чор-чор! Шундыез сайкатӥсько - Лымшорез ивортӥсько. Уйшор уин но ай-ко Кылоды: ко-ко-ри-ко! ПИЛЕМ Бабылес ыж гон выллем Тугаськем инме пилем. Кунэрес, ӝожмыт тусо - Чик уг адӟиськы мусо. Бӧрдонэз тани пӧсьтэм, Ымдуръёссэ пепертэм: - Уть, кыӵе тарка лек тӧл - Кӧлыны маза ӧвӧл! ВЫЛЬ КАТА Кин ай ветлэ лобаса, Бӧрсяз тузон ӝутыса, Йыг-дым! гинэ тэтчаса, "Кутэ монэ!" шуыса? Со милям ук - Лариса! Туннэ укыр лӧптыса, Ветлэ, поръя бергаса, Ымтыраз жингыраса. Учке ай, учке ай Катаез ӵыжак выль ай. Со ачиз монэ нуллэ, Тӥледлы но шат кулэ?.. АТАС Крезьгурез Валентин Карповлэн Кылъёсыз Рашит Хайдарлэн Чибори быжо атас Кенере тубем. Чоръялтэм ньылон тыраз Куараез могӟем: Кӧ-кӧ-кӧ! Кӧ-кӧ-кӧ! Кӧ-кӧ-кӧ-кӧ-кӧ! Сереме усем бераз Палэнэ лобӟем. Люгы куар пӧлы соку Дыртыса пегӟем: Тык-тык-тык! Тык-тык-тык! Тык-тык-тык-тык-тык! Огшапсэ отын кыллем Чалмытак пукем. Ньылонзэ сузьям-марам Лысвуэн гылтэм: Гы-гы-гы! Гы-гы-гы! Гы-гы-гы-гы-гы! Собере выльысь йӧн-йӧн Азбаре потэм. Буръёсыныз шоналтэм Куараез лобӟем: Ко-ко-ри-ко-ко!.. ЫЖ Жальмам капка азе ыж, Жур сылэ, учке кырыж. Жиль выль капка буямын вож - Жоломыса котькытчы кож. Хайдар Рашит Осипович ЗОР ПИЛЕМ Нылпиослы кылбуръёс Суредаз Василий МУСТАЕВ "Вордскем кыллэн" книжкаез. 2001. 1 Кондратьева Н. В. К вопросу употребления оформленного и неоформленного винительного падежа. В современном удмуртском языке винительный падеж может оформляться разными морфологическими способами: а) с помощью суффиксов -эз/-ез, -э/-е в единственном числе и -ты, -ыз во множественном (со-е пумитаны 'встретить сое', пукон-эз бекыртыны 'опрокинуть стул', курегъёс-ты/курегъёс-ыз сюдыны 'накормить куриц'); б) без каких-либо морфологических маркеров (й?л кыскыны 'доить корову', ву вайыны 'принести воды'); в) с помощью сочетания лично-притяжательного суффикса с аффиксом винительного падежа -э/-е в случае единственного обладателя (книга-м-е / книга-д-э / книга-з-э ыштыны 'потерять мою книгу / твою книгу / его (ее) книгу'); либо путем сращения лично-притяжательного суффикса, показателя винительного падежа -э-/-е- и аффикса множественного числа -с в случае множественного обладателя (книга-м-е-с / книга-д-э-с / книга-з-э-с ыштыны 'потерять нашу книгу / вашу книгу / их книгу'). Особенности дистрибуции данных маркеров в грамматике удмуртского языка до сих пор остаются малоизученными, ограничиваясь лишь определением дефинитности/индефинитности прямого объекта: "Существительные в винительном падеже, обозначающие определенные прямые объекты, употребляются в форме -эз (-ез) в единственном числе. Существительные в винительном падеже, выражающие прямые объекты без указания на их определенность, имеют нулевую форму" [ Грамматика современного удмуртского языка: Фонетика и морфология. Ижевск, 1962. С. 93.]. Однако анализ языкового материала показывает, что выявление лишь одного критерия для распределения показателей винительного падежа в удмуртском языке явно не достаточно, поскольку в ряде случаев данное утверждение научной грамматики удмуртского языка становится необоснованной (в частности, глагол яратыны 'любить' независимо от дефинитности/индефинитности прямого объекта, как правило, требует морфологического оформления). Поэтому основной целью данной работы становится выявление наличия либо отсутствия морфологических показателей винительного падежа в зависимости от морфологических, семантических и синтаксических характеристиками объекта действия и глагола. 1.1. На семантическом уровне особенности дистрибуции маркированного/немаркированного аккузатива могут зависеть как от свойств прямого объекта, так и от свойств глагола. В частности, оформленный аккузатив употребляется: а) если объект относится к категории одушевленности и выражает должность и профессии людей, персоны, термины родства и свойства и др.: Врачез ыст?зы Атабайысь районной больницае. 'Врача отправили в районную боьницу Атабаево' (К, 61). Егит анай капчияк лулпиз но пизэ сюлэм бордаз пыгырт?з. 'Молодая мать вздохнула с облегчением и прижала к груди своего сына' (Сад. , 31). б) в случае, если прямой объект выражает название городов, стран и других единичных объектов (заводов, фирм, учреждений, названий книг, кинофильмов и др. ): "Лыз ягез" мон йылпумъяй 1966 арын. 'Работу над "Синим лесом" (название книги) я закончил в 1966 году' (Ч, 3). Однако, если слова данной семантической группы выступают в роли определения, маркировка прямого объекта, как правило, отсутствует: Удмурт апаймы, кышкатэк ожмаськем понназ, Боевой Горд Знамя, Горд Кизили орденъёс но"За отвагу" медаль басьтэм. 'Наша удмуртская сестрица получила за отвагу Орден Боевого Красного Знамени, Орден Красной Звезды и медаль "За отвагу" (Сад. , 103); в) при наличии в семантике глагола конечного результата действия (ваньбурез согыны 'зарыть клад', яраез йоданы 'намазать йодом рану', пыдэз коттыны 'намочить ноги', чиньыез пачкатыны 'отдавить палец', куакаез виыны 'убить ворону' и др.): Котыр дуннеез ;окатыса кадь, лыкт?сь сьйд пилемъёс быдэс инбамез шобыртыны йдъязы. 'Словно пытаясь задушить весь мир, приближающиеся темные тучи начали обволакивать все небо' (Сад. , 83). г) при отражении семантикой глагола внутреннего состояния человека, либо его оценки на окружающую действительность (шаерез гажаны 'любить родину', ужез яратыны 'любить труд', пересьёсыз жаляны 'жалеть престарелых', тушмонэз адпонтэм карыны 'ненавидеть врага' и др. ): Таъе аксымзэ ик шйдыса, иллягуртъёс туж ик с?лы уг каро воргоронэз. 'Чувствуя его такую скупость, жители деревни Иллягурт не очень его и жалуют' (Сам., 115); д) при выражении когнитивных, перцептивных и физиологических процессов (валаны улонэз 'понять жизнь', гажанэз малпаны 'думать/вспоминать о любимом', йырсизэ маялтыны 'погладить по его/ее волосам' и др. ): Гур азьын вуъыр карыса пйзись ;уклэн ческыт зыныз, валес вылысь султыны косыса кадь, нырез бичатэ. 'Запах варящейся в печи каши, словно зазывая встать с кровати, щекочет нос (букв. )' (М, 25). Доминирование дистрибуции немаркированной формы винительного падежа характерно в тех случаях, когда речь идет о профессии (роде занятия) или актуализируется процесс протекания действия: Гондырен кион л?ял порыло, кор нулло, воргорон силё люка, пичы зумыто сиён пора. 'Волк с медведем выкорчевывают пни и таскают бревна, мужик собирает хворост, лиса готовит вкусную еду' (В, 10). Следует отметить, что в данном случае объект выражается преимущественно единственным числом даже при обозначении множественности объекта (пудо вордыны 'разводить скот', бакча сиён будэтыны 'выращивать овощи (букв. выращивать овощ)', курег возьыны 'держать куриц (букв. держать курицу)'. Лизок шундыберган но мерттэмез вал. 'Лиза и подсолнух посадила было' (Н, 7). 1.2. На морфологическом уровне наличие показателей падежа прямого объекта характерно: а) при наличии дейктических маркеров, в частности, усилительно- выделительного суффикса -эз/-ез либо указательных и определительных местоимений со 'тот', та 'этот', сыъе 'такой' и др. Шонерзэ вераса, Гриша гуртысьтыз вуэм бераз комнатаезлэн йсысьтыз гожтэт шедьт?з. Кйня возьмаз вал со та гожтэтэз! 'По правде говоря, Гриша по прибытии из деревни на двери своей комнаты нашел письмо. Как долго он уже ждал этого письма!' (Ар-С, 19); б) при оформлении глагола в форме понудительного залога, когда увеличение валентности глагольной единицы происходит посредством указания, с одной стороны, принуждаемого субъекта действия: Мон верай ини т?ледлы, Педорез кенерат? шуыса. 'Я же вам уже сказал, что забор поставить заставил Педора' (Д, 21); с другой стороны, - подчеркивание объекта действия: Пйсь с?льын куртчыны таказэ вандытом. 'Заставим зарезать своего барана, для того чтобы закусить горячим мясом' (Д, 15). Как правило, агенс в данном случае принимает маркированную форму, тогда как оформленность пациенса зависит от ряда факторов; в) при наличии в структуре слова словообразовательных глагольных суффиксов -ты-, -лты-, -шты-, -пы-/-чы-. Как правило, семантика данных глаголов отражает результативность, завершенность действия или процесса, что и определяет, по- видимому, выбор прямого объекта в пользу маркированного аккузатива. Так из 126 примеров, содержащих морфологический показатель -ты- , 64 глагола приняли прямой объект с показателями винительного падежа простого склонения (50,8 %): Фаина корказь пагпат? тубиз но йсэз усьт?з. 'Фаина поднялась по лестнице и открыла дверь' (К, 121); 56 глаголов - с показателями винительного падежа притяжательного склонения (44,4 %): Георгий Ильич нырзэ кисырт?з. 'Георгий Ильич сморщил нос' (К, 51); 6 глаголов - без аккузативных показателей (4,8 %): Алигес чик юнме шорысь Георгий Ильичлы выговор гожт?з. 'Недавно он совершенно без причины написал (букв.) выговор Георгию Ильичу' (К, 51). Из 12 примеров на -лты- , выражающих недлительное, однократное, законченное действие, 8 глаголов приняли маркер винительного падежа притяжательного склонения (66,7 %): Соиз гулькак юиз но мыйыксэ кимышкыныз ъушалт?з. 'Тот залпом выпил и тыльной стороной руки вытер усы' (Красильников, 121); 4 глагола - с аккузативными показателями простого склонения (33,3 %):Тйдьы тушо зйк кешырез ишкалт?з 'Выдернул толстую морковь с белой бородкой (букв. )' (К, 365). 1.3. На синтаксическом уровне при выборе маркированных/немаркированных форм винительного падежа имеют место также темо-рематические отношения и актуальное членение предложения. Как правило, в позиции ремы падеж прямого объекта имеет более частое морфологическое оформление, что обусловлено актуализацией и детерминизацией имени: Мукет нуналаз ;ытазе, кияз ручка но бумага кутыса, Гришалы гожтэт гожтоно кариськиз (. . .) Кышномурт ручкаез жйк вылэ пон?з, кык киыныз йыр бордаз кутскиз. 'Вечером следующего дня, взяв в руки ручку и бумагу, решила написать письмо Грише (. . .) Женщина положила ручку на стол и обеими руками схватилась за голову' (М, 53). Наличие определительных слов и словосочетаний, характеризующих дефинирующие свойства прямого объекта, также способствуют выбору морфологически оформленного винительного падежа. Жйк пуме пуксьыса, библиотекаысь басьтэм книгаез лыдписько. 'Разместившись ближе к краю стола, читаю книгу, взятую из библиотеки' (К, 280). 2.0. Особого внимания требуют конструкции, содержащие в одном предложении два или более прямых объекта. В частности, количество актантов глагола понудительной формы может увеличиваться за счет указания агенса действия или процесса. В этом случае агенс всегда принимает оформленный винительный падеж, тогда как маркировка пациенса следует из ряда факторов, которые были рассмотрены выше: Со Яко Иванэз кебитаз корт мажес лэсьтытэ. 'Он заставляет Яко Ивана сделать в его кузнице железные грабли' (Д, 30). Увеличению количества прямых объектов в предложении способствует также выражение дуративных (временных) отношений. Дуративным значением обладают те слова и словосочетания, в семантике которых содержится выражение временных промежутков, циклов: секунд 'секунда', минут 'минута', час 'час', нунал 'день', уй 'ночь', ъукна 'утро', ; ыт 'вечер', арня 'неделя', ар 'год', дыр 'время', а также названия дней недели, месяцев, праздников и др. В системе современного удмуртского языка дуративные объекты могут выражаться как маркированной, так и немаркированной формами винительного падежа, имея некоторые смыслоразграничительные оттенки всего предложения/высказывания. Как правило, маркированная форма аккузатива употребляется чаще всего для выражения сегментированного действия, один из периодов которого актуализируется в момент речи: Вить арнязэ зорыса ул?з. 'Пять недель шли дожди'. В данном примере речь идет о пяти неделях, которые актуализируются говорящим. Однако они являются лишь частью от какого-то определенного (более длительного) промежутка времени, известного и говорящему, и адресату. (Ср. Лагерьын ортчытэм сизьым арня п?лысь вить арнязэ зорыса ул?з. 'Из проведенных в лагере семи недель пять недель шли дожди'). Немаркированная форма винительного падежа акцентирует внимание на протяженности действия, начало и конец которого соответствует заданным дуративным объектом временным координатам. В частности, в примере Вить арня зоре ни. 'Уже пять недель идут дожди' говорящим подчеркивается время (продолжительность) протекания проесса; но не уточняется наличие/отсутствие периодов действия. Иными словами, если немаркированная форма винительного падежа употребляется для выражения фазовых действий и актуализирует определенные сегменты, периоды дуративных отношений, то немаркированные формы падежа прямого объекта чаще всего имеют дело с циклами, когда внимание акцентируется на отношение действия ко всему временному циклу. В ряде случаев увеличение дистрибуции падежа прямого объекта достигается и при выражении пространственных отношений в контексте с глаголами действия, содержащими в семантическом ряду значение прохождения определенного (целостного) пространственного промежутка (ортчыны 'пройти', потыны 'пройти', выжыны 'перейти', тубыны 'подняться' и др.): Нюркан нюк бамалэз васькыса, Николай Алексеевич Туймы шур кузя кыст?ськись паськыт возь вылэ пот?з. 'Пройдя через лог Нюркан, Николай Алексеевич вышел на широкое поле' (Сад, 8). Как правило, в подобных конструкциях прямые объекты характеризуются наличием морфологической оформленности. Таким образом, отталкиваясь от выявления определенности/неопределенности прямого объекта, при выборе морфологических маркеров винительного падежа необходимо учитывать также и некоторые семантические, морфологические и синтаксические характеристики объекта действия и глагола. . Список использованной литературы: 1. Ар-С - Ар-Серги В. А. Тулкымъёс вылын пыжед. Ижевск: Удмутия, 1993. 224 б 2. В - Улбллям-вылбллям выжыкылъёс. Ижевск: Удмуртия, 1983. 160 б. 3. Д - Дядюков И. В. Пашка Педор. Ижевск: Удмуртия. 1971. 56 б. 4. К - Красильников Г. Д. Тонэн кылисько. Ижевск: Удмуртия, 1991. 400 б. 5. М - Мадьяров Г. М. Аналтэм сяська. Ижевск: Удмуртия, 1994. 184 б 6. Н - Нянькина Л. С. Ваёбыж кар. Ижевск: Удмуртия, 1996. 176 б. 7. Сад. - Садовников В. Е. Кошкизы но - ?з берытске. Ижевск: Удмуртия, 1995. 144 б. 6. Сам. - Самсонов Н. В. Агбай. Ижевск: Удмуртия, 1996. 416 б. 8. Ч - Чернов П. К. Лыз яг. Ижевск: Удмуртия, 1991. 272 б. . Р.Ф. Березин, Дышетӥсьёслэсь тодон-валанъёссэс быдэтонъя институтысь удмурт кылъя но литературая кафедралэн валтӥсез, доцент. Урокез дунъян амалъёс Туала школа азьын сылӥсь ваньмыз сямен ужпумъёсты урокын быдэстыны луэ. Дышетскон ужез радъян удысын со валтӥсь инты басьтэ. Соин ик уроклы быгатыса но валаса дунъет сётыны кулэ. Та уж капчи ӧвӧл. Школаослэн тӧроосынызы, методистъёсын вераськыса шӧдоно, соос шуге-леке вуо ветлэм уроксэс валаса дунъяны, пиналъёслэсь зэмос басьтэм тодон-валанъёссэ эскерыкузы, дышетӥсьлэсь пайдаё, малпаськытӥсь амалъёсын ужаны быгатэмезлы дун пуктыны. Маин герӟаськемын кылдэм ужъюгдур? Урокын пукисьёс отчы мынэмзылэсь азьло уг малпасько, малы, кыӵе ужпумъёсты эскерыны, кыӵе муген отчы мыно. Уроке пыремзылэсь азьло рос-прос дасяськоно, эскероно программалэсь куронъёссэ, учебникъёсын сётэм материаллэсь быдӟалазэ, дышетӥсьлэсь календарно-тематической планзэ, урокын пиналъёслэсь но дышетӥсьлэсь ужанзэ эскерыны нимысьтыз план дасяно. Куд-огез та ласянь буйгатско пӧртэм методической литератураын кинэн ке но ӵектэм памяткаосын гинэ. Тросэз урокын пукыкузы синмасько дышетӥсьлэн гинэ урокын чырмыт, чебер кылын вераськемезлы, ужамезы гинэ, уг чаклало пиналъёслэсь валаса но малпаськыса тыршемзэс, выль басьтэм тодон-валанъёссэс ас кожазы, пӧртэм ужъёс быдэсъяса юнматэмзэс. Ӵем дыръя урокын пукисьёс одно ик шедьтыны тыршо "развивающей" амалэн ужъёсты радъяны выронъёсты, йӧндыронъёсты. Озьы дышетӥсьлэсь ужзэ дунъякузы, палдурес эскеронэ вуо. Капчияк гинэ та выллем вывод лэсьто: "Урок умой ортчиз, дышетӥсь ужаз кутӥз "выль" амалъёсты. Озьы вераськон палдурес медаз луы шуыса, ортчем урокъя пусъёно: 1. Быдэстыны быгатӥз-а дышетӥсь ас азяз пуктэм ужпумъёсты. Быгатэ-а со уроклэсь цельзэ висъяны? Уроклэн темаезлы тупа-а, пуштросэзъя паськыт ӧвӧл-а? 2. Валаса-а быръемын урок ортчытон амал вылтусыз (семинар, лекция, интегральной, диспут но мукет) но типез (выль материалэз эскерон, отчемзэ тодэ ваён, юнматон, эскерон. . .) ласянь. 3. Собере уроклэн котькуд ёзэзлы дунъет сётоно. Валамон, котькудаз одно ик вань ёзъёсыз уз луэ: а) урокын ужаны дасянэз (организационной момент) дунъяку чаклано: - кызьы, кыӵе амалъёсын дышетӥсь пиналъёсын ӵош ужаны мылкыд тупатӥз (классэ пыремез, кыӵе сямен пумиськиз, ӟечбуръяськиз); - эскериз-а, кин урокын ӧвӧл; - быгатӥз-а пиналъёслэь урокын ужаны мылкыдзэс ӝутыны, пуромытыны. Одӥг кылын вераса, дунъет сётоно классын урокын ужаны дасезлы. б) Гуртысь ужзэс эскерыку чаклано ваньмызлэсь гуртазы пумиськем шуг-секытъёссэс быгатыны шӧдэмзэ. Тодмо, куддыръя пиналъёс гуртысь ужзэс огзылэсь огзы учкыса быдэсъяло. Соин ик дунъет сётоно дышетӥсьлэн пиналъёслэн гуртазы ваньмызлэн валаса ужамзэс эскерон амалъёс шедьтыны быгатэмезлы. Уроклэн та люкетэз пиналъёс понна но, дышетӥсь понна но туж кулэ луэ. Нимаз-нимаз пиналъёслэсь гуртэ ужзэс эскерыку, дышетӥсь но пиналъёс куспын ог- огзэс валантэм учыръёс но пумиськыло, ӵошатон но кутске, нош куддыръя быдэс урок но тэшкаса кошке. Уроклэн та люкетэзъя ачиз дышетӥсь мед тодоз ужысьтыз шекъёссэ но, пайдаё ужаны быгатэмзэ но. в) Классэз выль материалэз эскерыны дасян, уроклэсь цельзэ веран. Дунъет сётоно дышетӥсьлэн шонер цель пуктыны быгатэмезлы. (Та сярысь журналлэн ньылетӥ номераз вераськон мынӥз). г) Выль материалэз (темаез) эскерон уроклэн шорсюлмыз луэ, соин ик чаклано: - тупа-а выль тема программалы но кун стандартлы; - кулэтэм мултэс паськытатыса яке валэктонтэм ичиёмытыса ӧвӧл-а сётэмын программалэн куронъёсыз; - кыӵе интыоссэ, кыӵе амалъёсын дышетӥсь быгатӥз выль темалэсь пуштроссэ валэктыны; - быгатӥз-а выль темалэсь пуштроссэ пиналъёслы валамон валэктыны; - быгатӥз-а выль темалэсь пиналъёслэн азьпал улоназы пайда луэмзэ, умоесь сямъёс пыӵатон удысын кулэлыксэ валэктыны; - кыӵе амалъёсын (туала методикалэсь дэмланъёсыныз) быгатӥз пиналъёсты малпаськытыса ужатыны. в) Выль темаез юнматон. Уроклэсь та люкетсэ дунъяку чаклано: - пиналъёслэсь выль материаллэсь пуштроссэ умой валамзэс, пӧртэм-пӧртэм ужъёсты быдэстыкузы, выль тодонъёссэс лыдэ басьтыны быгатэмзэс; - дышетӥсьлэн класслы сётъям юанъёссылэсь пуштроссэс, малпаськытӥсесь-а соос, ӧвӧл-а; - тырше-а дышетӥсь выль материалъя тодонъёсты огазеяны, радъяны. е) Гуртэ уж сётон. Уроклэсь та люкетсэ дунъяку, бадӟым юрттэт сётоз Н.М. Яковлевлэн "Школаын урокез ортчытъян амалъёс" книгаяз сётэм ӵектонъёсыз. Со дэмла: - гуртэ уж сётонлы тырмыт дыр висъяно; - классысь ваньмыз пиналъёс туж сак мед кылзӥськозы; - пуштросэзъя со одно ик пиналъёслы умой-умой валамон мед луоз; - пиналъёс, гуртысь ужлэсь пуштроссэ сяна, тодыны кулэ, кызьы сое быдэстоно. ж) Уроклы огъя дунъет. Татын йылпумъяса вераськыку пусъёно, маиз урокын пӧрмиз, маиз ӧз, быдэсмизы-а урок азе пуктэм ужпумъёс (целез). Вераны тыршоно: - быгатӥз-а дышетӥсь урокысь, солэн пуштросысьтыз тужгес но кулэ интыоссэ пусйыны; - шӧдскиз-а пиналъёслэн уроклэсь темазэ валаны тыршемзы; - валамон-а вал дышетӥсьлэн пиналъёслы валэктэмез; - кыӵе пайдаё амалъёсты дышетӥсь ужаз кутӥз; - быгатыса-а одӥг уж бордысь мукетаз выжонэз радъя; - тупало-а класс азьын путэм юанъёс (сётэм ужъёс) уроклэн темаезлы; - кызьы дышетӥсь пиналъёсын пуктэм юанъёслы верамзэс пумита; - урокын дышетӥсь но дышетскисьёс куспазы ог-огзэс валаса-а ужазы; - урок нуыкуз дышетӥсь адӟе-а быдэс класслэсь но нимаз-нимаз дышетскисьлэсь ужамзэс. - кызьы дышетӥсь учке урокын мылзы потытэк ужасьёс шоры; з) Дышетӥсьлэн азьлань ужзэ радъяны ӵектонъёс. Пӧртэм методистъёс урокез дунъяны мукет амалъёс но ӵекто. Со валамон, котькинлэн аслаз синмыз, тодон-валанъёсыз, быгатонлыкъёсыз, ас сяменыз малпаськонэз. Тодмо, пӧртэм типъем но вылтусо урокъёсты дунъяку, соослэсь аспӧртэмлыкъёссэс лыдэ басьтоно луоз. Ортчем урокъя вераськыны кутскыкуз, нырысь дышетӥсьлы аслыз кыл ӵектоно, со ачиз урокезлы дунъет мед сётоз, мукет сямен вераса, самоанализ мед лэсьтоз. Веранзэ тазьыгес радъяны быгатоз: 1. Класслы огъя характеристика сётон. 2. Уроклэн интыез (темаын, классын). Кызьы со герӟаськемын мукетъёсыныз? Кызьы со юрттоз азьпала урокъёсты ортчытыны, темаосты эскерыны? 3. Кыӵе ужпумъёс (цельёс) быдэстыны чакламын вал урокын? 4. Малы уроклы таӵе (структура, типез, вылтусыз ласянь) амалъёс быръемын вал? 5. Уроклэсь пуштроссэ дунъян: - гуртысь ужзэс эскерыку; - выль материалэз эскерон вакытэ; - соя басьтэм тодон-валанъёсты юнматыку. 6. Юрттӥзы-а урокын быдэс классын, группаын но нимаз-нимаз дышетскисьёсын ужез радъян амалъёс? Пӧрмиз-а ляб но ваньмызлэсь умой дышетскисьёсын ужез радъян? 7. Вал-а уроклэн планэзлэсь палэнэ кожон учыръёс, вал ке, малы? 8. Луиз-а пиналъёсын одӥг кыл шедьтыны, ог-огзэс валаны. 9. Гуртэ сётэм ужез быдӟалаез, валамонэз, секталаез ласянь дунъян. 10. Уроклы огъя дунъет. Быдэстыны луиз-а урок азе пуктэм ужъёсты (солэсь цельёссэ). 11. Маин валэктыны луоз уроклэсь пӧрмемзэ но пӧрмымтэоссэ? Ортчем урокъя азьланьлы малпанъёс. Озьы, уроклы дунъет сётон умой, тыро-пыдо радъямын ке, дышетӥсьлэн мастерствоез пумен адӟем карымон луыны кутске, со пыд йылаз йыг-йыг сылыны ӧдъя. 1 ПЕДАГОГИКА НО МЕТОДИКА Адреса педагогического опыта: Аннотированный бюллетень.- Вып. ИВ / Сост. Х. Г. Галлямова. - Ижевск: Изд-во ИУУ, 2000.- 48 с. Шаерысьтымы дышетӥсьёслэн ужамысьтызы тунсыко амалъёс сярысь ивортэ таиз бичет. Сое дасязы Дышетӥсьёслэсь тодон-валанзэс будэтонъя институтын ужась ӧнерчиос. Мукет дышетӥсьёслэн амалъёсынызы тодматскыса, соосты ужаз кутыны быгатоз котькудӥз дышетӥсь. Волшебные встречи с природой: Из опыта работы воспитателей ДОУ г. Ижевска. - Ижевск: Изд-во ИУУ, 2000. - 88 с. Книгае пыремын нылпи садъёсын ужасьёслэн инкуазез утёнлы сӥзем урокъёссылэн планъёссы. Куд-ог амалъёсты ужазы кутыны быгатозы школаысь дышетӥсьёс но анай- атайёс. Издательская деятельность: анализ, основные принципы и требования.- Ижевск: Изд-во ИУУ, 2000. - 48 с. Сборнике люкамын Дышетӥсьёслэсь тодон-валанзэс будэтонъя институтын книга поттон ужлэн радлыкез. Соя дышетӥсьёслэсь дасям пособиоссэс нимаз книгаен поттыны. Информационный бюллетень. - Вып. 6. - Ижевск: Изд-во ИУУ, 2000. - 10 с. Дышетӥсьёслэсь тодон-валанзэс будэтонъя институтын потэм книгаос сярысь ивортэмын татын. Тросэз выль ужъёс сярысь гуртысь дышетӥсьёс ӵемысь тодытэк но кылё. Та ласянь соослэн ужазы бадӟым юрттэт луоз со. Кунгуров С. Н. Школа искусства игры на крезе.- Ижевск: Удмуртский институт истории, языка и литературы УрО РАН, 2000. - 94 с. Крезь - вашкала удмурт крезьгур инструмент. Сое эскеронлы но улӟытонлы сӥземын С. Н. Кунгуровлэн ужез. Пӧртэм музейёсысь, гуртъёсысь вашкала крезьёсты эскерыса, книгалэн авторез лэсьтыны дышетскиз вашкала крезез, ачиз ик шудыны ӧдъяз вашкала удмурт гуръёсты. Али С.Н. Кунгуров кивалтэ "Зарни крезь" ансамбльлэн уженыз. Та книга юрттэт луоз крезен шудӥсьёслы но, али гинэ киязы кутэмъёслы но. Люкин В. В. Педагогическая психология. Ч.1. Психология научения и обучения: Учебное пособие. - Глазов: ГГПИ, 2000. - 128с. Таиз уж дышетӥсьёслэсь ужан амалзэс радъяны юрттоз. Учитель года Удмуртии: Педагогические находки: Сборник методических материалов. - Вып. 1 / Сост. Галямова Х. Г. - Ижевск: Изд-во ИУУ, 2000. - 124 с. Сборник огазея "Учитель года" конкурсэ пыриськем ӟуч кылъя но литературая дышетӥсьёслэсь ӟечъёссэ ужъёссэс. Ӧнерчиослэсь урокез радъян амалъёссэс, куд-ог темаосты валэктонын тунсыко чакланъёссэс капчиен асэстыны быгатозы мукет предметъёсъя дышетӥсьёс но. Проблемы воспитания и подготовка будущего учителя к воспитательной работе в школе: Тез. докл. региональной науч.-практ. конф. - Глазов: ГГПИ. Сборнике пыризы Глазкарын 2000-тӥ арын ортчем конференцилы дасям статьяос. Шершевская А. И. Программа "Технология": Проектирование и технология художественной обработки материалов: береста. 5 - 11 классы. - Ижевск: Изд-во ИУУ, 2000. - 24 с. Шершевская А. И. Программа "Технология": Проектирование и технология художественной обработки материалов: шитьё из лоскутков. 5 - 11 классы. - Ижевск: Изд-во ИУУ, 2000. - 28 с. Пособиосын печатламын урокъёслы висъям часъёслы план, программа, проектъёс. Книгалэн пумаз сётэмын темалы тупась книгаослы библиография. 1 Выль ката Кин ай ветлэ лобаса Бӧрсяз тузон ӝутыса? Йыг-дым! гинэ тэтчаса, "Кутэ монэ!" - шуыса. Со милям ук - Лариса. Туннэ укыр лӧптыса, Ветлэ, поръя бергаса, Ымтыраз жингыраса. Учке ай, учке ай, Катаез ӵыжак выль ай. Мед адӟозы кожаса Ветлэ, вылды, лэпшаса. Мон янгыш ӧвӧл ук чик, Катае угось ӟик-ӟик! Со ачиз монэ нуллэ, Тӥледлы но шат кулэ?.. Герман Кириллов Кыл сэстонъёс Азамат шахмат кутэ ке, Аза солы мат пуктэ. Виталий, вить али, вить визнан ваё, шур дурын туливить кырӟасез кылзом. Пырысал куке но Каксяла, учкысал кытын меда кык сяла шуонзы. Ма тысь матысь садын будэ? Вуыло ай Асанэ, поноз-а санэ мынэсьтым куасэн ӵошатскеме. Кватчи, кытын-о тынад куать си шудонэд? Сюровай, выль выжы сюро пудо вай гуртад. Куазь сактон вазиське бен котьку: "Тон сак лу - бере эн кыль ноку". Максим, тани мак, си, ми мак сиим. Мики, тон шудӥськод на-а, ми ки миськимы ни сиськыны. Иж шур вылын гужем ӵукнаосы пар ӝутӥське. Таӵе ик пар Париж палан на-о адӟиське? Кам дӥсяз камзол, Кам зол ке но бызе, Калык сое кортназ, кыткиз ас кулезъя. Кытын но уг буды пужым - Бордаз нош кудмында кужым. Пуж-пуж сиськын кутынад ым, Кытысь бордад чебер пужы. Ӝыныё шормуӵ туж куректэ , бӧрдэ, Малы-о шуод: "Мон пичи, тодэ. Ямал ке тон, утча амал, Котырад но люка я мал. Мал ке люкад, сиёд, будод, Пичи радысь одно потод. Сылал Каме каре малы ветло, Татысь сылал уно нулло. Янаул, Ягул я кема ул, яна потытэк эн ул, вань на Барнаул, кытын ке аул. Г. Ушаков "СИНМОНИМЪЁС" НО "ОМОНИМЪЁС" Йыров Иыромей уно аръёс ӵоже инк одйг предприятиен кивалтэ. Соин ик котьку но котькытын ассэ йӧн-йӧн возе, бозгес куараен вераське, пӧртэм валэктонъёс сётъя. Нош туннэ чукна Йыров ужан кабинетаз пыриз но паймеменыз соку ик йыр бордаз кырмиське. - Абдралод ук! - бурсйиз со.- Вылысьтыз вылаз куать совещание ӧтиллям. Кык- куинь ке луысал, эшшо ик, нош туннэ ведь - куать!.. Ваньмаз вуыны но пукыны капчи уз луы. ...Быдэс нуналэз тылпу кысыны дыртыку сямен ортчиз: огез совещание бырыса уг вуы на, Йыров мукетаз бызе пни. Туж жадиз ке но, ӝыт пал мылкыдыз тупатскиз. - Туннэ панна таиз берпум совещание,- щумпотыса малпа со.- Собере дорам берто, телевизор азе пуксё, футболэн шудэмез учко. - Зэмзэ но, Йыровлы мултэс сюлэмшугъяськыны мугез ӧвӧл. Предприятиез умой ужа, план быдэстэмын. Ма кулэ на со сяна? Туж дыртӥз ке но, дыраз ӧз вуы: Йыров залэ пырыку, совещание мынэ вал пни. Пилеш йыро очкиен адами доклад лыдӟе. Ваньмыз туж сак кылзо. Соин, лэся, беремем муртлэсь пыремзэ шӧдӥсь ик ӧз луы. Йыров мышпал радэ шыпытак пуксиз но сак кылзыны кутскиз. Докладчик вераське синонимъёс но омонимъёс сярысь. Нош Йыров совещание йыромыса пыремзэ уг шӧдылы, пуке но кылзэ. "Кыӵе ке выль амалъёс сярысь озьы верасько, дыр,- ас понназ малпа Йыромей. - Монэ та пумысен пыкылыны уз дӥсьтэ: выль амалъёсты пыӵатытэк-а ма предприятиямы ужазинлык арысь аре ӝутске?.." Нош Тани докладчик маке но йыровъёс сярысь вераськыны кутскиз кадь. - "Нушыйыр", "кобыйыр", "напрайыр" но мукет та выллем кылъёс "йыр" кылысь кылдэмын,- шуэ со. - Ваньмыз соос одӥг семьяысь. "Ма тамаша та?"- паймиз Йыров, вожпотэменыз пельёсыз як льӧль-льӧлесь луизы. Ма сярысь докладчик азьланяз вераськиз, Йыров ӧз кылы ни. Со ачиз вераськыны дасяськиз. Докладчик трибуна дорысь кошкыса но ӧз вуы, Йыров интыысьтыз чот! султӥз. - Эшъёс, мынам кык-куинь кыл гинэ веранме потэ, -йӧн-йӧн вазиз со, сцена пала бызьыкуз.-Мукет сямен вераса, докладчикез тупатэме потэ. Туж трос янгышъёс лэсьтӥз со. Зэм, нимзэ-тулзэ мон солэсь уг тодӥськы. Нош огзэ умой тодйсько: со "ымонимъёсты" ю "синмонимъёсты" тӥледды ӟече уз вуттэ. Туннэ тӥ донэ мыскыл кариськоды, ӵуказе мукетыз борды кугсоды, ӵуказе улыса эшшо кинэ ке серекъялоды. - Ми нокинэ мыскыл ум кариське, - паймыса кии ке вазись луиз. - Докладчиклэн вераськемез мыным ӧз ке но кельшы, мон шып пуки, огпол но кыл висказ ӧй пыры, - урегӥз Йыров.- Табере мон верасько, ӧжытак чидалэ. Уг годӥськы, докладчик кемалась-а городамы улэ. Уг, дыр, огпол но адӟеме ӧвӧл. Нош мон татын вордски, татын ик пересьмисько ини. Вань калыкез чипыен-куреген тодӥсько. Паймисько, кытысь меда докладчик басьтӥз сыӵе сведе- ниос? "Йыр" но "Напрайыр", пе, одӥг семьяысь. Зэм, монэ тросэз "йыр" шуо городын. Куд-огез, оло, ялан кивалтӥсьын ужаменым озьы пычкыло шуыса малпалозы. Ӧвӧл, со озьы ӧвӧл. Со мынам йырылы дунъет. Пыдъёсылы но, киосылы но ӧвӧл, йы-ры-лы! Визьмылы, значит. Малы мон ваньзэ тае верасько? Докладчик шуиз вал, ми, пе, Напрайырен одӥг семьяысь. Бен, та дырозь со мынам предприятиям ужаз. Юыса улэменыз алигес мон сое улляй. Курытсэинматын но ӧвӧл. Юнме тӥ озьы пыкылӥськоды. Напрайырлэн фамилиез но чылкак мукет - Чорыгов. Озьы ик, зэмзэ верано ке, мон вала, кинъёс со сыӵе "Ыжйыр" но "Мушкойыр". Мынам сыӵе ӵыжы-выжыосы ӧвӧл. Нош тӥ шуисько - одӥг семьяысь! Веранме йылпумъяса, ӵектон сётэме на: та со "ымо" но "синмо" нимъёсыныды чакласькысагес, чик янгыштэм адямиосты юнме шорысь понна, тӥлесьтыд йырдэс уз маяллялэ. Тӥни озьы!.. Та кылъёс бере Йыров Йыромей ӧсэз шарк! пытсаз но кошкиз. Озьы ик из вала кинъёслэн совещаниязы, шедьылэмзэ но мар сярысь отын вераськемзэс.. Нош Тани докладчик маке но йыровъёс сярысь вераськыны кутскиз кадь. - "Нушыйыр", "кобыйыр", "напрайыр" но мукет та выллем кылъёс "йыр" кылысь кылдэмын,- шуэ со. - Ваньмыз соос одӥг семьяысь. "Ма тамаша та?"- паймиз Йыров, вожпотэменыз пельёсыз як льӧль-льӧлесь луизы. Ма сярысь докладчик азьланяз вераськиз, Йыров ӧз кылы ни. Со ачиз вераськыны дасяськиз. Докладчик трибуна дорысь кошкыса но ӧз вуы, Йыров интыысьтыз чот! султӥз. - Эшъёс, мынам кык-куинь кыл гинэ веранме потэ, -йӧн-йӧн вазиз со, сцена пала бызьыкуз.-Мукет сямен вераса, докладчикез тупатэме потэ. Туж трос янгышъёс лэсьтӥз со. Зэм, нимзэ-тулзэ мон солэсь уг тодӥськы. Нош огзэ умой тодйсько: со "ымонимъёсты" ю "синмонимъёсты" тӥледды ӟече уз вуттэ. Туннэ тӥ донэ мыскыл кариськоды, ӵуказе мукетыз борды кугсоды, ӵуказе улыса эшшо кинэ ке серекъялоды. - Ми нокинэ мыскыл ум кариське, - паймыса кии ке вазись луиз. - Докладчиклэн вераськемез мыным ӧз ке но кельшы, мон шып пуки, огпол но кыл висказ ӧй пыры, - урегӥз Йыров.- Табере мон верасько, ӧжытак чидалэ. Уг годӥськы, докладчик кемалась-а городамы улэ. Уг, дыр, огпол но адӟеме ӧвӧл. Нош мон татын вордски, татын ик пересьмисько ини. Вань калыкез чипыен-куреген тодӥсько. Паймисько, кытысь меда докладчик басьтӥз сыӵе сведе- ниос? "Йыр" но "Напрайыр", пе, одӥг семьяысь. Зэм, монэ тросэз "йыр" шуо городын. Куд-огез, оло, ялан кивалтӥсьын ужаменым озьы пычкыло шуыса малпалозы. Ӧвӧл, со озьы ӧвӧл. Со мынам йырылы дунъет. Пыдъёсылы но, киосылы но ӧвӧл, йы-ры-лы! Визьмылы, значит. Малы мон ваньзэ тае верасько? Докладчик шуиз вал, ми, пе, Напрайырен одӥг семьяысь. Бен, та дырозь со мынам предприятиям ужаз. Юыса улэменыз алигес мон сое улляй. Курытсэинматын но ӧвӧл. Юнме тӥ озьы пыкылӥськоды. Напрайырлэн фамилиез но чылкак мукет - Чорыгов. Озьы ик, зэмзэ верано ке, мон вала, кинъёс со сыӵе "Ыжйыр" но "Мушкойыр". Мынам сыӵе ӵыжы-выжыосы ӧвӧл. Нош тӥ шуисько - одӥг семьяысь! Веранме йылпумъяса, ӵектон сётэме на: та со "ымо" но "синмо" нимъёсыныды чакласькысагес, чик янгыштэм адямиосты юнме шорысь понна, тӥлесьтыд йырдэс уз маяллялэ. Тӥни озьы!.. Та кылъёс бере Йыров Йыромей ӧсэз шарк! пытсаз но кошкиз. Озьы ик из вала кинъёслэн совещаниязы, шедьылэмзэ но мар сярысь отын вераськемзэс.. Герман Кириллов Кыл сэстонъёс Азамат шахмат кутэ ке, Аза солы мат пуктэ. Виталий, вить али, вить визнан ваё, шур дурын туливить кырӟасез кылзом. Пырысал куке но Каксяла, учкысал кытын меда кык сяла шуонзы. Ма тысь матысь садын будэ? Вуыло ай Асанэ, поноз-а санэ мынэсьтым куасэн ӵошатскеме. Кватчи, кытын-о тынад куать си шудонэд? Сюровай, выль выжы сюро пудо вай гуртад. Куазь сактон вазиське бен котьку: "Тон сак лу - бере эн кыль ноку". Максим, тани мак, си, ми мак сиим. Мики, тон шудӥськод на-а, ми ки миськимы ни сиськыны. Иж шур вылын гужем ӵукнаосы пар ӝутӥське. Таӵе ик пар Париж палан на-о адӟиське? Кам дӥсяз камзол, Кам зол ке но бызе, Калык сое кортназ, кыткиз ас кулезъя. Кытын но уг буды пужым - Бордаз нош кудмында кужым. Пуж-пуж сиськын кутынад ым, Кытысь бордад чебер пужы. Ӝыныё шормуӵ туж куректэ , бӧрдэ, Малы-о шуод: "Мон пичи, тодэ. Ямал ке тон, утча амал, Котырад но люка я мал. Мал ке люкад, сиёд, будод, Пичи радысь одно потод. Сылал Каме каре малы ветло, Татысь сылал уно нулло. Янаул, Ягул я кема ул, яна потытэк эн ул, вань на Барнаул, кытын ке аул. Голубев Писатель но вакыт 1941 ар, 22 инвожо. . . Сайкыт ӵук инбам сураськиз-пожаськиз но дыректӥз. Быдӟым шаермы вадьсын вузӥзы эзель ваись сьӧд киросо самолётъёс, гуретӥзы сыӵе тусо ик танкъёс, топкетӥзы сурон сапегъёс. . . Ваньмыз курыт ӵын пушкы ышиз-выиз кадь. Яркыт шундымес возьясь тугаськем пилемъёс кунмы вадьсын 1.4.3.8. - уй-нунал кыстӥськизы. Но ӝоген тани со шимес но бугрес нуналъёслэн кутсконзылы 60 ар тырмоз ни. Соин валче лыдӟисьёсмылы дэмласьком Быдӟым война пыр ортчем писательлэсь, отставкаысь полковниклэсь Владимир Голубевлэсь малпанъёссэ. Быдӟым ож аръёс - удмурт литератураын Война тылӝу пыр ортчем удмурт писательёслэн М. Петровлэн но М. Ляминлэн ваньмыз сямен ик веросъёссы но очеркъёссы гожтэмын вал землянкаын яке блиндажын, снарядъёслэн пуштылэмъёссы, пуляослэн шуламъёссы улын ик. Соин ик соослэн дунзы али ке но номырин ӵошатонтэм вылӥын луыны кулэ. Оскисько, соос азьпал улонамы но бадӟым ожмаськонъёс вадьсысь омырын лобись снарядъёслэн чалепъёссы сямен пырозы на. Писательёс фронтын дыръязы ик валэктыны тыршизы асьме калыкмылэсь подвигзылэсь пуштроссэ но мылкыдзэ. Котькудӥз очерк яке верос луэ со вакытысь огезлэсь яке уноезлэсь солдатъёслэсь адӟонзэс веран. Мар бордын бен сыӵе произведениослэн кужымзы? Нырысь ик отын шӧдӥське писательлэн аслаз мылкыдыз, адямилыкез но дӥсьтонлыкез. Одно ик пусъёно на писательлэн ужысьтыз эшшо огзэ аспӧртэмлыксэ - зэмлыкез возьматыны тыршемзэс. Асьмелы нимысьтыз дуно луэ писательлэн ас кылыныз верам зэмлык. Асьме калык понна Быдӟым Отечественной война огшоры история гинэ ӧвӧл. Тылӝуо аръёсысь калыкмылэсь геройлыксэ, патриотизмзылэсь номырин ӵошатонтэм ӝутскемзэ чеберлыко произведениос пыр будӥсь кивоштӥсьёсмылы валэктон бадӟым инты басьтыны кулэ атай музъеммес утисьёсты дасянын но. *** Война бере нырысьсэ гуртам бертылыкум, мон удмурт книгаосыз утчаны кутски. Озьы киям сюриз М. Петровлэн веросъёсын но очеркъёсын "Улон понна" сборникез. Сое лыдӟыса ортчи академиын дышетскон вакытам. Книгалэн пумаз таӵе вазиськон вал: "Та книгаысь веросъёс но очеркъёс сярысь отзывъёстэс ыстэ милемлы". Тае санэ басьтыса, мон ыстӥ авторлы гожтэт. Со ик луиз писателен тодматскеме но. Тани со книгаез нош ик ӝажыысьтым басьтыса киям кутӥ. Книга кутске "Уй ӵоже" веросэн. Таиз но верос, мукетъёсыз сямен ик, фронтын гожтэмъёсыз пӧлысь. Писательлэсь сюрессэ тодӥськомы бере, отын возьматэмын 49 стрелковой бригадалэн Москва дорысь немецъёсыз чигнатыса, ньыльдон кык арын толалтэ ожмаськемысьтызы огез учыр, кудаз пыриське ачиз автор но. Веросын нимысьтыз геройёс ӧвӧл, отын пыр-поч суредамын азьлань мыныса ожмаськон дыръя кылдэм югдур. Командир мынэ ӝомыт луон вакытэ гинэ мозмытэм гуртэ. Пумита тодмо разведчиксэ но кылзэ солэсь верамзэ. Штабе вуэ гинэ но - кутске немецъёслэн кужмо артналётсы. Ожын озьы ӵем луылэ вал, немецъёс кельтэм гуртсы вылэ одно ик вань артиллериенызы ыбылӥзы. Дыр но сыӵе вал, оло кӧня нунал ӵоже кырын ожмаськыса жадем, кынмем боецъёс шуныт инты шедьтылыса, кызьы сюрем выдылӥзы но умме усьылӥзы. Командирзы солы косэ огаз подразделение мыныны. Штабе вуэм иворъя, коркан трос боецъёс люкаськиллям, озьы уг яра, али ик югдурез тупатоно. Офицер ачиз но шеде артиллерилэн ыбылэм улаз. Озьы ке но, командирезлэсь косэмзэ быдэстэ. Басьтэмын азьлань мыныны приказ. Подразделениос мозмыто разведчиклэсь гуртсэ. Озьы, боецъёслэсь ӝутскем мылкыдзэс вераса, верос йылпумъяське. Но малы ке офицер уин огназ ветлэ, пумита разведчикез, вераське ульчаын люкаськем кышномуртъёсын но соослэн куремзыя гуртсэс сутӥсь немецъёс пӧлысь огзэ кутыны ӧдъя. Ярам, сое азьпалтӥсь луиз. Пусйыны кулэ на сое но, Вормонлы ньыльдон ар тырмонлы сӥзьыса поттэм "Тыл пыртӥ" сборникын пыртэмын авторлэн таиз гинэ веросэз. Мон сямен, со шонер, авторлэн та веросэз пуштросэзъя но зэмлыкезъя, мукетъёсыныз ӵошатыса, висъяськегес. Туала лыдӟисьлэн син азяз усёз на вакытлэн аспӧртэмлыкез. Мон верасько ыштонъёс сярысь, лыдпусъёс сярысь. Немецъёслэн гурт вылэ кужмо артналётсы бере штабын таӵе вераськон мынэ:" Кыкез виемын, ранить луэмъёс куинь мурт". Та лыдпусъёс туж ичиомытэмын, сыӵе вал соку куронъёс. Писательлэсь аслэсьтыз мылкыдзэ но чакласькомы. Автор разведчиклэсь вордскем гуртэз сярысь верамзэ кылзыса тодаз вае яратоно нылыныз люкиськемзэ: "Мур яратӥсь синъёсын учкыса, бадӟым мурт кадь вераз: - Пленэ эн сётскы, атай . . . - шуиз со, нош ик бӧрдонэз пуштыса. Туж оскымон кылъёс! "Вить кышкасьтэмъёс" - разведчикъёс сярысь верос. Соос немецъёслэн штабысьтызы документъёс понна тушмон мышкы ветло. Веросын пыр-поч валэктэмын разведчикъёслэн азязы сылӥсь ужпумзэс быдэстыны дасяськонзы бордысен кутскыса асьме пала берытскытозязы луэм югдур. Соос берытско туж кулэ документъёсын, ужзэс быдэстэмзы понна ӵектэмын наградаослы. Нош учконо ке, разведчикъёс - вылтуссыя но мылкыдзыя но пӧртэмесь боецъёс. Командирзылы, Гришин сержантлы, азязы пуктэм ужпумзэс быдэстыны мылкыдзэс но ӝутоно, оскытоно но. Гришинлы тужгес ик бигер пиез син азяз возёно луэ. Соос ӵош ожмаськыса трос иськемъёс ортчизы ини. Тупаллязы секыт учыръёсы но, со ик куспазы эшласьконзэс но юнматӥз. Нош разведкаын эшъяськон, огед-огедлы юрттон котьку но нырысь интыын луыны кулэ. Тае шонер валэктэ автор. Озьы ик писатель югдурез тодыса но быгатыса возьматэ разведчикъёслэсь немецъёслэн передовойзы вамен уин выжемзэс. Соослы отын сапёръёс юртто. Мыным аслым но разведчикъёсмес мина пуктылэм интыостӥ поттылыны кылдылӥз. Но ож пыртӥ ортчем муртлэн син азяз усе оскымон валэктымтэ интыосыз. Шуом, та учырез: немецъёслэн разводящойзы ефрейтор разведчикъёсмылэсь штабазы вуылэм бервылзэс адӟыса ыбиськиз. Мукетыз учыр - разведчикъёс берытско азьло потэм интыетӥзы ик. Озьы лэсьтыны уг ӵекто вылэм котьмае адӟем разведчикъёс. Со дыре ик малы ке соосыз уг пумитало сапёръёс. Кызьы-о соос выжо мина пуктылэм интыостӥ? Озьы ке но, писательлэн та веросэз удалтэмъёсыз пӧлысь. Фронтын луэм учыръёс сярысь куинь веросъёс пӧлысь мон нимысьтыз ик висъясал "Зангари сяськаос" веросэз. Отын усьтэмын егит офицерлэн мылкыдыз, малпанъёсыз, возьматэмын секыт югдуре шедемез но со пыр потэмез. Награда басьтыса луд вамен ас взводаз берытскыкуз, солэн син азяз усё зангари сяськаос. Огзэ гожтэтаз поныса, пиезлы ыстыны малпа. Но со вакытэ ик ӝиме немецъёслэн засадаязы. Солы тушмонъёс киысь мозмыны юрттэ старшиназылэсь басьтэм "саламез" - гранатаез. Но пусйыны кулэ, егит офицерлы кужым сёто улэм потэмез но, ӵыжы-выжыосыз сярысь малпамез но. Но таяз веросын но вань, кызьы шуо, одӥг чыры-пыры интыез. Бомба пуштэм гуын, кытчы немецъёс вутто лейтенантэз, ӵапак тупам из. Со ке ӧй луысал, лейтенантлы гранатазэ пуштытыса луло кыльыны ӧй кылдысал ук. . . "Писарь" верос немецъёслэсь шпионзэс шараян сярысь. Йылпумъянэзъя валано, та учыр зэмзэ но вал, дыр, фронтын. Мынам тодэ ваёнъёсам но кылиз огез таӵе учыр. Милям полкамы но Военной трибуналлэсь приговорзэ строй азьын ортчытӥзы. Немецъёслэн атаказы дыръя кышкаса окопысьтыз пегӟемез понна огзэ командирез ыбизы. "Тудву вырӟон дыръя" - связистъёс сярысь. Секыт вакытэ но соос быдэсто асьсэлэсь ужзэс, командирзылы связь сёто. Угось связьлэн кулэлыкез ожын дунъяны луонтэм. Соинтэк-а ез кыскись солдатъёс но, асьсэ ужзэс быдэстыкузы, ог-огзылы тудву вамен потыны юртто. Таиз но верос зэмос солдатъёс сярысь. Озьы ке но, военной муртлы татын но син азяз усе чыры-пыры шекез. Кызьы-о меда озьы луэ, артиллерийской подразделениысь огшоры солдат-связист тодэ армилэн командующиезлэсь плацдарм басьтон сярысь решенизэ. Сое тодэ вал, дыр, ачиз автор - офицер. "Гожтэт" - Ф. Кедровлэн анаезлы пиезлэн быремез сярысь ӝоже усем мылкыдэз веран. Удмурт кышномуртлэсь кыксэ ик пиоссэ каргам война басьтӥз. Авторлы но матысь эшез Ф. Кедров дуно вал. Быдэс удмурт литературалы но солэн быремез бадӟым ыштон вал, шуыны кулэ. Но татын, мынам малпамея, гожтэтэз ӧжытак вакчиятыны кулэ вал, дыр. Неман шур дурын чорыгамзэс сётоно ӧй вал ни. Котькудӥз фронтовик тодэ: шур сьӧрын фашистъёс бере, чорыган сярысь малпанэз ик ӧвӧл. Командирлэн чакласькон интыяз мыныкуз, со мурӝолэ ватскем немецъёсыз быдтыны юрттэ. Малы ке ӵапак озьы луэ, солдатъёслэн гранатаоссы ӧвӧл, нош солэн - офицерлэн - кисыяз гранатаез вылэм. "Кый кар" сярысь нимысьтыз вераськон. Сое военно-исторической очерк шуыны кулэ. Отын автор Восточной Пруссиын ожмаськон но Кенигсбергез штурмовать карон сярысь тупен-тупен вера. Сое лыдӟыны ӵектысал мон военной историен тунсыкъяськисьёслы. Верано луисько сое но, мон сое нырысьсэ лыдӟи военной историен экзамен сётон азьынгес. Тупаны но кулэ ук: экзамен билетам "Восточно-Прусской операция" сярысь юан но вал. Мыным ӵошатоно луиз ини Петровлэсь очерксэ Кенигсбергез басьтон ож сярысь мукет публикациосын. Очеркын верамын та ожын данэ потэм зэмос геройлыко батыръёсмылэн - солдатъёслэн но офицеръёслэн нимъёссы. Но соос пӧлын, жаляса верано луисько, огез но ӧвӧл асьме паласьёсыз. Нош мон та ожъёсын подвигъёссы понна наградаосын данъям солдатъёсмылэсь дасоосызлэсь нимъёссэс верай ини. Нырысь нунал - артиллеристъёс дасяськемын залп сётыны. Соос шоры вазиське командирзы: "Асьме азьын тушмонлэн музъемез. Трос секытъёсыз ортчимы ини асьмеос. Тазэ но, та берпум сюресэз но данэн ортчомы.." Артилерристъёс, одӥг куараен кадь, кужмо веразы: "Кыл сётӥськом!" Кыйкарлэн нырысетӥез карез Фридрихоф та нуналэ ик басьтэмын вал. Майор Михаил Петров ожмаськиз 208 стрелковой дивизиысь артиллерийской полкын. Дивизиысьтымы частъёслэсь ожмаськемзэс гожтэ автор очерказ. Частьёслы, Балтийской зарезь дуре потыса, немецъёслэсь Кенигсберг палась войскооссэс ожмаськыса ортчыны но выжыны кулэ вал Мазур тыосыз. Нош Фриш-Гаф залив дурын асьме воинъёсмылэн син азязы таӵе суред кылдӥз: "Ӝужыт меӵ ярдурын вылысьтыз- вылаз землянкаос, ву дуре повозкаос, автомашинаос бекмыльскемын. . ." Та бере артиллеристъёс пырисько Кенигсберг азьысь "Король Фридрих Вильгельм" нимо фортэз штурмовать каронэ. Автор пыр-поч гожтэ пехотинецъёслэн, пулемётчикъёслэн, саперъёслэн кышкатэк ожмаськемзы, геройлыко подвигъёссы сярысь. Артиллеристъёслы но татын уж тырмиз, соос юрттӥзы азьпала мынӥсь воинъёсмылы, фортэн, амбразураосазы снарядъёссэс шонер ыбылыса гуньдытылыса. Мынам вань вуылэме Кенигсберге (али со Калининград). Фортъёсыз но адӟылӥ, котыртӥзы но ветлылӥ. Немецъёс соосыз басьтыны луонтэм сооружениосыз кадь дасязы вал, нош асьме солдатъёсмы басьтӥзы. Тау шуомы писательлы, та ожъёсы пыриськем муртлы, зэмос суредэз син азе пуктымон верамез понна. Михаил Петров, шинельзэ куштэмез бере, мылысь-кыдысь пыриськиз удмурт литературамес ӝутон удысэ - егит гожъясьёсты будэтон удысэ. Басьтӥськиз исторической тема борды. Но вал солэн мыным ыстэм гожтэтаз таӵе кылъёсыз но: "Ортчем война сярысь зэмос бадӟым произведение гожтыны тырмыт дыр ортчыны кулэ". Озьы ке, вуымтэ на вылэм солэн дырыз. Вал, дыр, писательлэн малпанъёсыз, но туж ӧжыт кылдӥз солы улыны. *** Война тылӝу пыр ортчем калык писатель Михаил Лямин, вераны кулэ, бадӟым наследство кельтӥз. Солэн огез гинэ, "Ож сюрес" книгаез понна но асьме калык бадӟым тау шуыны кулэ. Книгаез бордын ужаны кутскыкуз ик со сярысь азькылаз таӵе кылъёс гожтӥз: "Уноез лыдӟисьёс та дневникысь лыдӟозы асьсэ бубыоссылэн, агай- вынъёслэн, тодмооссылэн батыр ожмаськемзы сярысь верамъёсты, нош кудӥз оло уз но шедьты. Дивизиысь ваньмыз сярысь тодыны шуг вал, дыр но ӧз шедьылы. Кин сярысь гожтӥ, соос пыр мед адӟиськоз вань землякъёсмылэн фашистъёсты таркамзы". Та ласянь ачим сярысь ке верано, мыным туж тунсыко вал дышетӥсе Н.С. Смирнов сярысь чуръёс. Солы, политруклы, кылдӥз та дивизиын ожмаськыны. Озьы луиз война кутскон нуналэ, 22 июне, Пурга черкогуртамы митингын мыным кыл сётӥзы дышетӥсе бере. Али ке но син азям пуктыны быгатӥсько солэсь ӝот-ӝот верамъёссэ. Мон но шуи: "Ми, егитъёс, ваньмы ик мыномы атай музъеммес утьыны". Фронтэ мынон нуналаз Н.С. Смирнов Огырчиын кельтэм гожтэтэныз выльысь вазиськиз черкогуртысьтымы но, ёросысьтымы но калыклы. "Вуиз возьмам нунал. Ми фронтэ мынӥськом. Отын, фронтын, Родинамылэн улонэз. . . Туннэ 4 ноябре Удмурт Республикамылэн вордскем нуналэз. Быдӟым Ильичмы ӵогиз вал выль улонэ сюрес. Табере эрикмес таланы лыкто фашистъёс. Шаермес утёнын, кулэ ке луиз, вирмес но, улонмес но ум жалялэ. Оскы милемлы, Пурга калыке. Оскы милемлы, вордӥськем Удмуртия! Озьы шуо милям вань воинъёсмы. . ." Политрук Смирнов, ас калыкезлы верам кылзэ быдэстыса, фашистъёсын лек ожын быриз. Нош Бигра гуртысь сюратаезлэн, тросэзлэн мукетъёсызлэн асьме палась солдатъёслэн сямен ик, нимыз верамын ӧвӧл ке но, мыным та сборник буре ваён книга луэ. Тодӥсько полкысь одӥгысьтыз ротаысь боец берпуметӥзэ патронзэ ыбытозяз ожмаськиз тушмонэн. Анаелэн верамъёсызъя тодӥсько, Огырчиын люкаськылыса, гуртъёсысьтызы сиён-юонъёсынызы картъёссы доры Шольяе ветлылэмъёссы пумысь. Дивизиысьтызы ожъёсын данэ потэм асьме палась солдатъёсмы но командиръёсмы сярысь очеркъёссэ Михаил Лямин ыстылӥз газетэ. Нош берлогес соосыз огазе карыса поттӥз нимаз книгаен. "Ож сюрес" книгае пыризы старшой сержант артиллерист М.Вотяковлэн сапёр Лысов, майор артиллерист Г.Поздеев, старшина А.Лекомцев, связист А.Максимов но мукетъёсыз сярысь очеркъёс. Ляминлэн та книгаезлы нырысь ик вылӥ дунъет сётӥзы дивизилэн командованиез но землякъёсыз - боецъёс но командиръёс. Авторез наградалы ӵектон бумагаын но верамын вал ужез сярысь ӟеч кылъёс. Нош ордензэ басьтыкуз, Лямин вераз сюлмысьтыз потӥсь кылъёс. "Мыным шуд усиз Удмуртиям кылдэм диивизиын ньыль ар ӵоже ожмаськыны. Мынам гражданской специальносте - журналист. Ваньзэ та адӟемъёсме - шумпотонэз но, куректонэз но - гожтытэк ӧй чида. Фронтовой улонмы ортчыт секыт ке но вал, ож висъёсы гожъяны тырши. Аслам землякъёсылэн, асьме дивизиысь кышкасьтэм воинъёслэн подвигъёссы сярысь гожтӥ мон та книгаям. . ." Сыӵе кылъёсын писатель книгазэ дивизизылэн командирезлы кузьмаз. Трос ӧз гожты калык писательмы Быдӟым война сярысь. Дивизиез сярысь книгазэ йылаз-пумаз вуттэмез бере, удмурт калыкмылэн историез борды кутскиз. Материалэз ванен-а, оло нош М.Петровлэсь адӟем карыса, оло нош кенешыса со озьы лэсьтӥз. Мынам вераськеме вал соин Москваысен пумиськыкумы 98 стрелковой дивизилэн ньыльдон одӥг арын туж секыт югдуре сюрыса котыртэм ожмаськемез сярысь. Но солэн аслаз со вакытэ сюлмаськонэз - книгазэ Москваын но поттэмез потэ вал. Нош 98 стрелковой дивизия сярысь гожтыны кинлы ке но одно ик кулэ шуыса кенешимы. "Оло ачим ик басьтӥсько ай но, валаськод, ньыльдон одӥгетӥ ар со самой секытэз армы вал. . ." Бен, М.Петров но пусйиз вал, войнаез ортчем дыр пыр учкыны кулэ луоз шуыса. Оло сыӵегес ик малпанэз вал М.Ляминлэн но. Озьы тӥни нырысетӥезлэн оже пыриськем шаерамы кылдытэм дивизилэн, кызьы шуомы, летописез (историез) али но ӧвӧл на. Вань мынам но со сярысь малпанэ, но шӧдӥсько ини, малпанэн ик кылёз, дыр. . . М.Ляминлэн "Вунонтэм аръёс" книгаез 1956 арын потӥз. Со аре ик книга мынам киям но вуиз. Тани али мон сое выльысь лыдӟыса ортчыны малпай. Син азям усё нырысетӥзэ лыдӟыкум карандашен лэсьтылэм пусъемъёсы. Куд-огеныз соосын али но соглаш луисько. Книга кутске удмурт писательмы П.Блинов сярысь "Ӟырдыт сюлэм" очеркен. Автор гожтэ егит дырысеныз эшезлы, бӧрысь Ижевскын огазьын ужам, матысь но дуно муртэзлы сӥзьыса. Гожтэ ротаысь политруклэн ожмаськемезлэн берпуметӥ нуналъёсыз сярысь. Кылылэме вань писательлэсь та ужзэ верос шуылэмзэ но. Оло зэмзэ но озьы шуоно, дыр. Авторлы ӧз кылды пумиськылыны Блиновен ӵош ожмаськем боецъёсын но командиръёсын, соин ик очерке пырем эпизодъёс малпаса гожтэмын, вылды. Учконо ке, разведкае ветлэмез но, немецез пленэ басьтонэз кышкатэк быдэстэмын ке но, капчиенгес возьматэмын кадь. Малы ке ӵапак озьы луэ: одӥгез боецез шофёр но, немец кылэз но тодэ вылэм. Нош немец малы ке куролы огназ мынэ вылэм. Соизлы осконо, автор умой возьматэм политруклэсь ожын интызэ, сое рота но батальонын но тодо вылэм "ӟырдыт сюлэмо" адямиез кадь. Мон аслам ужамея тодӥсько: капчи ӧвӧл шедьтыны оже ӵош пыриськылэм муртъёсты. Утчаса-утчаса шедьтӥськод но, соослэсь верамъёссэс кылзыса, зэмзэ тодыса гожтӥськод. Кӧня пол мон ветлылӥ 215 стрелковой дивизиысь ветеранъёслэн пумиськоназы, Кедровлэсь берпуметӥ оже пыриськемез сярысь тодон понна. Шедьтӥ солэсь комбатсэ но, полклэсь командирзэ но. Ваньзэ рос-прос тодэме бере гинэ гожтӥ стрелковой роталэн командирезлэн старшой лейтенант Кедровлэн Новики гурт понна ожмаськемез сярысь. Таин ӵош пусъеме потэ на М.Петровлэн "Кырӟан улоз" поэмаяз та ожез ик возьматэмез сярысь но. Писатель гожтэ, рота гуртэз возись немецъёсыз танкъёсын атаковать кариз шуыса. Но мон тодӥсько, озьы ӧй вал. Та ожын танкъёсмы ӧй вал, лымы но мур вал, нюр интыостӥ но ротаослы атакае мыноно луылӥз. Огкылын верано ке, танкъёсмы сяна, ӧй вал кужмо артиллеримы но. Дивизилэн но полклэн командиръёссылы туж но туж тодыны кулэ азязы сылӥсь тушмон сярысь. Ыстӥзы разведка - ӧз пӧрмы. Разведчикъёс ӧз берытске. Полклэн командирез комиссареныз кенеше: разведкае ыстоно Калуга дорын ожын потэм муртэ - нырысетӥ ротаысь политрукез Блиновез. Политрук бӧрсяз басьтэ ротаысьтыз куиньзэ гинэ оскымон боецъёссэ. Тани соос гурт вӧзысь обиньын чакласько ини. Доразы машинаен немец-солдат вуэ. Сое куролы огназэ ыстӥллям вылэм. Тӥни со солдатэз пленэ басьтыса, керттылыса аслаз машинаяз ик асьме штабамы вае Блинов. "Нимтэм вырйыл". Та кык кылъёс ик верало ини верослэн пуштросэз сярысь но. Тушмон киысь басьтэм вырйылэз утён вылысь кышкатэк ожмасько стрелковой взводысь боецъёс. Малпано ке, верослэн героез взводлэн командирез Гордиенко луыны кулэ кадь. Нош автор нырысь интые пуктэ огшоры солдатэз Сапаровез. Взводэн кусып бырем бере, батальонлэн командирез, вырйылэз возьыны косыса, отчы ыстӥз связнойзэ Сапаровез. Солдат взводэ вуэ но соку ик оже пыриське. Танкъёсыз ыбылон пыӵалэн солдат бырем бере, Сапаров сое воштэ но немецъёслэсь танксэс ӝуатэ. Нош медсанбатын дыръяз генерал солы награда сётыку вера старшиназы Ургаринов сярысь. "Эх, пи дак пи! Дотово етӥз? Со сярысь книга мед гожтысалзы вылэм!" Нош эмъяськемез бере, вырйыл понна ожмаськонзы пумысь ушъяськыса веран интые, со тодаз вае партизанъёс дорысь фронт вамен нылпиосыз поттӥсь самолёт сярысь. "Понимаеш, соос фашистской лагерьын вылӥллям, асьме партизанъёс соосыз мозмытӥллям. Лы но ку коже гинэ кылиллям. Фашистъёс соослэсь вирзэс сӧсырмемъёссылы басьяллям. . ." Вань верослэн, кызьы шуом, одӥг шекез. Кылдэм югдурез ке эскероно, та вырйыллэн стратегия ласянь значениез ӧй вал, тактической гинэ. Соин ик фронтлэн командующиез маршал Жуков, кызьы гожтэмын веросын "Возиське, возиське!" шуыса ӧз вазиськы, дыр, Гордиенко лейтенантлэн взводэзлы. Полклэн командирезлы сюлмаськоно вал, дыр, взводлы юрттон понна, нош со сярысь веросын кыл поттылэмын ӧвӧл. "Вунонтэм аръёс" очерк дивизиысь тодмо артиллерист Глазов ёросысь Ваёбыж гуртысь Григорий Андреевич Поздеев сярысь. Майор артиллерийской дивизионлэн командирез вал. Война кутскон азьын гинэ, Москваысь аспирантураез быдтыса но диссертацизэ утьыса, егит тодосчи Томскысь университетын кафедраен кивалтыны кутскиз вал. Азьланяз Ижевскысь кудаз ке институтын, оло, уж шедёз шуыса малпаське вал. Нош ӧз кылды - бырыны шедиз. Лямин умой тодэ вал земляксэ, соин пумиськылэмъёсыз сярысь но, ожмаськемез сярысь но печатламын вал шаерамы потӥсь газетын но. Таиз но ыштон, тросэз мукетъёсыз сямен ик, авторлэн сюлмаз вӧсь карыса пыӵаз но войналэн гижлоез луыса пыраклы кылиз. Поздеевлэн ожмаськемез сярысь писатель яркыт возьматэ Белоруссиез мозмытон вакытэ. Соку ук со усьтӥськиз вал усто артиллерист-командир луыса. Дивизионэныз тушмонлэн бадӟым кужыменыз оже пыриськыса вормисен потэ. Старшина Лекомцев автор доры лыктыса кӧтӝожзэ бӧрдыса вера: "Леклэсь но лекесь ожъёс но, кылылымтэ-адӟылымтэ сильтӧлъёс но Григорий Андреевичез погыртыны ӧз быгатэ вал. Нош табере сое пырак азелы ыштӥм. "Шудо ожмаськиськом, земляк, ӝоген бертом, " - шуылоз вал пумиськонлы быдэ. Зэм но, шудо вал. Куинь пол сӧсырмыны шедьылӥз, нош бурмем бераз нош ик дивизияз бертылӥз. Удмуртиын кылдэм дивизизэ со яратылӥз. Сое но ваньмыз гажало вал". Поздеевез ватыку, Ленинградысь профессор Пинхенсон (со землякенымы ӵош артполкын служить кариз) тазьы вераз: "Шумпотыны но куректыны, ожмаськыны но тушмонэз улляны но тон быгатӥськод вал, гажано Григорий Андреевич. Дивизимылэн куинь ар тырмон нуналаз тон шуид: "Котьткыӵе секыт учыре но пушкаосмылэсь ум люкиське. Кулэ ке луиз - Родина понна улонме уг жаля". Калыкедлэн шудо улонэз понна тон, географической наукаосъя кандидат, кафедраысьтыд васькыса, немецкой фашистъёслы пумит кужмо ожмаськид. Правительство тонэ Горд Знамя, Отечественной война но Горд Кизили ореднъёсын наградить кариз. Вормон шунды асьме шоры пиштэ ни. Нош тон татчы кылиськод. Тынэсьтыд геройлыко ужъёстэ калык ноку но уз вунэты. . ." "Хирург" верос золтэм си кадь гожтэмын. Вакчи но, со дыре ик ваньмыз ас интыяз: уд но будэты, уд но кулэсты. Хирурглэсь, эмъясьёслэн профессизы сярысь удмурт кылын таӵезэ лыдӟылэме ӧй вал на. Полевой госпитале секыт сӧсырмем муртэ вутто. Соку ик тодмо но луэ: туж чакласькыса но быгатыса лэсьтэм операция гинэ улонзэ утьыны быгатоз. "Куинь сутка ӵоже вис карытэк ужаменыз, хирурглэн вань ёзвиосыз катьтэммемын, синъёсыз бус пыр учко кадь. Операция лэсьтыны нокызьы но йӧныз ӧй вал кадь. Нош хирург ӧз кышка, соку ик оперировать карыны малпаз". Хирурглэн Ксения Захаровналэн утем сӧсырмемез вылэм солэн егит дырысеныз тодмоез Мики, нош табере со Бадяров Николай Васильевич, артиллерист, майор. Макем шумпотон вал хирурглы. Соос кыкназы пукыса тодазы ваизы шулдыр егит дырзэс. Луылӥзы, луылӥзы война вылтӥ сыӵе шудо пумиськонъёс. Тазэ веросэз мон война сярысь умойёсыз веросъёс пӧлы пыртысал. "Вормон нунал" сярысь ке верано, со верослы но, очерклы но уг тупа кадь. Огшоры зарисовка, газетлы гожтэм материал. Дыр пыр ортчыса солэн кулэлыкез но ышемын ини кадь. Писательлэн со нунал сярысь куд-ог малпанъёсыз но ас синмыныз адӟем суредъёс но материалэн чик герӟаськымтэ кӧня ке нимъёс сётэмын. Нош "Бертон" веросэз умоен лыдъясал. Отын пыр-поч возьматэмын война вакытлы вордскем интыосызлэсь но музъем бордын ужъёслэсь люкем солдатлэн гуртаз бертэмез но уж борды мылысь-кыдысь кутскемез. Старшина Поршугов уж вылын быдэстыны тырше сое келякузы командирезлы верамзэ: бертӥсьёслэн нимынызы со оскытӥз, ожын сямен ик, мирной ужын но кужыммес жалятэк ужалом шуыса. Веросын туж умой возьматэмын солдатлэн гуртаз бертыкуз но калыкен пумиськыкуз мылкыдыз. "Вордскем гурт дуно, сое яратон вирамы пыӵамын". Та кылъёс быдэсак валэкто верослэсь шокамзэ. Нош "Москва понна" веросын, мон сямен, мултэс люкетэныз луэ Данилов лейтенантлэн возьмамтэ шорысь Крыме курортэ мынэмез но отысен Москваын улӥсь инжеренен пумиськемез. Отысен кутске столицамес утён понна медаль басьтэмез но тодэ ваёнъёсыз но. Куд-ог учыръёс юнме пыртэмын шуыса шӧдӥське. (Кылемез вань на). Игнатий Гавриловлэн ожмаськон сюресэз ортчиз 21 гвардейской стрелковой дивизиысь "Победа за нами" газетлэн редакцияз литературной ужась луыса. Солэн быгатыса но вань мылкыдзэ поныса ужамез, гвардеецъёслэн окопъёсазы вуылыса, дыраз но кулэ материалъёс вуттылэмез данъямын вал "За боевые заслуги" медален но Горд Кизили орденэн. Патриот луэмзэ но оже мынон мылкыдзэ со вераз война вылтӥ гожъям дневниказ: "Кышкыт дыръёс али туж. Куддыръя сюлэм ик вӧсь луэ. Асьмеос немецъёс ки улэ сюримы ке, соку ваньмыз быроз ук. Сокем ик яратӥсько мон тонэ, удмурт калык, удмурт кыл, удмурт шаер! Тон понна ик, мусо нылпиосы, мон мыно тушмонэз быдтыны". Дивизиын потӥсь газетын ужась лек ожъёс дыръя но ӧз вунэтылы удмурт писатель луэмзэ. Со сярысь но дневниказ гожтэ: "Мар понна улӥсько мон дунне вылын? Зэм ик, вань шумпотонэ, чылкыт но бугрес улонэ мынам удмурт литературын но искусствоын! Мон соин шудо. Мон соин улӥсько!" Писательлэсь дневниксэ лыдӟыса тодӥськомы, со ожъёс вискын но, ас ужзэ быдэстонэз вискын но шедьтылӥз произведениос гожъяны, кигожтэмъёссэ со ыстылӥз Ижевске. Со веросъёс но драматической 1