Вордӥськон
Пуксён
Вир нунал
Покчи арня
Удмурт арня
Кӧс нунал
Арня нунал

ТОЛШОР
Вордӥськон 7 14 21 28 
Пуксён 1 8 15 22 29 
Вир нунал 2 9 16 23 30 
Покчи арня 3 10 17 24 31 
Удмурт арня 4 11 18 25 
Кӧс нунал 5 12 19 26
Арня нунал 6 13 20 27

ТУЛЫСПАЛ 
Вордӥськон 4 11 18 25
Пуксён 5 12 19 26
Вир нунал 6 13 20 27
Покчи арня 7 14 21 28
Удмурт арня 1 8 15 22
Кӧс нунал 2 9 16 23
Арня нунал 3 10 17 24

ЮЖТОЛЭЗЬ
Вордӥськон 4 11 18 25
Пуксён 5 12 19 26
Вир нунал 6 13 20 27
Покчи арня 7 14 21 28
Удмурт арня 1 8 15 22 29
Кӧс нунал 2 9 16 23 30
Арня нунал 3 10 17 24 31

ОШТОЛЭЗЬ
Вордӥськон 1 8 15 22 29
Пуксён 2 9 16 23 30
Вир нунал 3 10 17 24
Покчи арня 4 11 18 25
Удмурт арня 5 12 19 26
Кӧс нунал 6 13 20 27
Арня нунал 7 14 21 28

КУАРТОЛЭЗЬ
Вордӥськон 6 13 20 27
Пуксён 7 14 21 28
Вир нунал 1 8 15 22 29
Покчи арня 2 9 16 23 30
Удмурт арня 3 10 17 24 31
Кӧс нунал 4 11 18 25
Арня нунал 5 12 19 26

ИНВОЖО
Вордӥськон 3 10 17 24
Пуксён 4 11 18 25
Вир нунал 5 12 19 26
Покчи арня 6 13 20 27
Удмурт арня 7 14 21 28
Кӧс нунал 1 8 15 22 29 
Арня нунал 2 9 16 23 30

ПӦСЬТОЛЭЗЬ
Вордӥськон 1 8 15 22 29
Пуксён 2 9 16 23 30 
Вир нунал 3 10 17 24 31
Покчи арня 4 11 18 25
Удмурт арня 5 12 19 26
Кӧс нунал 6 13 20 27
Арня нунал 7 14 21 28

ГУДЫРИКОШКОН
Вордӥськон 5 12 19 26
Пуксён 6 13 20 27
Вир нунал 7 14 21 28
Покчи арня 1 8 15 22 29
Удмурт арня 2 9 16 23 30
Кӧс нунал 3 10 17 24 31
Арня нунал 4 11 18 25

КУАРУСЁН
Вордӥськон 2 9 16 23 30
Пуксён 3 10 17 24
Вир нунал 4 11 18 25
Покчи арня 5 12 19 26
Удмурт арня 6 13 20 27 
Кӧс нунал 7 14 21 28
Арня нунал 1 8 15 22 29

КОНЬЫВУОН
Вордӥськон 7 14 21 28
Пуксён 1 8 15 22 29
Вир нунал 2 9 16 23 30
Покчи арня 3 1017 24 31
Удмурт арня 4 11 18 25
Кӧс нунал 5 12 19 26
Арня нунал 6 13 20 27

ШУРКЫНМОН
Вордӥськон 4 11 18 25
Пуксён 5 12 19 26
Вир нунал 6 13 20 27
Покчи арня 7 14 21 28
Удмурт арня 1 8 15 22 29
Кӧс нунал 2 9 16 23 30
Арня нунал 3 10 17 24

ТОЛСУР
Вордӥськон 2 9 16 23 30
Пуксён 3 10 17 24 31
Вир нунал 4 11 18 25 
Покчи арня 5 12 19 26
Удмурт арня 6 13 20 27 
Кӧс нунал 7 14 21 28
Арня нунал 1 8 15 22 29
Турнаны потон
Бадӟым группаысь нылпиосын ортчытыны чаклам ужрад
Борддоре ошемын гужемез возьматӥсь суред. Зал шорын ик кызьпу. Котыраз сяськаос 
пазьгемын. Каллен гинэ шудэ удмурт гур, кылӥське тылобурдоослэн чирдэмзы, 
ӟозъёслэн чикыртэмзы. (Ваньмыз со магнитофон лента вылын чузъяське.)
Та ужрадэз возь вылысь но ортчытыны луоз. Пиналъёс кусоосын (кусооссы - пулэсь).

1-тӥ пинал (кырӟаса турна).
Васькисько, васькисько
Лозо возь кузя,
Вож буртчин кадь турынэз
Ой, но турнаса.
(Дугдэ, котыр учке.)
Кыӵе шулдыр татын!
(Турнаса азьлань кошке. Со бӧрсьы ик кырӟаса кусоосын пото мукет нылъёс-пиос.)
2-тӥ пинал.
Я вуимы, лэся, возь вылэ. Ойдолэ турналоме.
3-тӥ пинал.
Кыӵе шулдыр возь,
Сяськаоссэ коть кияд возь!
4-тӥ пинал.
Ой, кыӵе чебер вож турын
Асьмеды витем татын!
5-тӥ пинал.
Ойдолэ ни турналом,
Кылмес шерыны вуом.
6-тӥ пинал.
Турналом ке - турналом,
Кусоез нырысь шукком.
(Ваньзы шукко кусозэс. Собере огзы бӧрсьы огзы турнаса кошко.)
Праздникез нуись.
Вани, Кедра ошмесэ ветлы ай,
Сю куасьмонэз юзматы ай.
(Пияш кошке ошмес доры. Со залэ пыдлогес интыямын.)
Праздникез нуись. Вани ветлытозь, ойдолэ дэмен Кедра ошмесмес сӥлы-бурлы карыса 
данъяломе-кырӟаломе.
(Кырӟало "Кедра ошмес" кырӟанэз.)
||||||||||
Праздникез нуись. Ванимы маке туж кема ветлэ ни ошмес доры. Пӧзись-жильыртӥсь 
ошмеслэн кылам-бурамезлэсь уг ӵыды, луоз. Асьмелы но мӧзмыт медаз луы шуыса, 
выль гурмес мытоме.
(Пиналъёс шулдыр кырӟан кырӟало.)
Праздникез нуись. Кыӵе шулдыресь та удмурт кырӟанъёс!
7-тӥ пинал. Нош кыӵе шулдыр та гужем!...
Вазь ӵукна вож буртчин возь вылын
Азвесен лысвуос чиляло.
Возь шорын ик веськрес кызьпуын
Уӵыос туж шулдыр кырӟало.
(Кӧня ке нылпиос гужем сярысь кылбуръёс лыдӟо на. Со вакытэ Вани вуэн пыре.)
Вани. Кедра ошмесэ ветлӥ, ческыт, юзмыт ву ваи. Лыктэ, юэ кезьыт вуэз. (Ванилы 
ваем вузэ лэзьыны юрттэ праздникез нуись.)
Праздникез нуись. Табере Ваниез шорамы пыртыса, котыр ветлыса, кырӟаса шудомы. 
(Шудо, кырӟало - "Возь вылэ ми ветлӥмы".)
|||||||||
(Возь вылэ пиналъёс доры шулдыр гурзэ шудыса вуэ арганчи. Пиналъёс сое 
котыртэмазы куто, бергало.)
Ойдо лыктэ, пичиос,
Султэ круге, пиналъёс.
Чебер нылъёс но пиос,
Кырӟаломы асьмеос.
Пыдъёсын тыпыртомы,
Одӥг кылысь чабомы,
Одӥг кылысь чабомы,
Нош ик, нош тыпыртомы.
Кыӵе чебересь нылъёс,
Тазаесь милям пиос, 
Жингырес куараоссы,
Туж капчиесь пыдъёссы.
Бен кинэ витиськомы,
Вае круге потомы:
Быгатэммес адӟоды,
Кыӵе чебер гужеммы.
Арганчи. Усто шулдыръяськыны быгатӥськоды - шудэмъя шудэм потэ.
8-тӥ пинал. Кырӟаны но, ужаны но етӥзэсь. Вае турынмес зуродэ тыромы.
(Саникъёсын, мажесъёсын турынэз утялто. Арганчи шудэмъя, пиналъёс ужало.)
Праздникез нуись. Усто туннэ ужамы, табере гуртэ бертомы.
(Арганчи шудэ но, пиналъёс кырӟаса кошко.)

1

Пичиесь йыртӥянъёс
Тодӥськоды-а писпуосты, куакъёсты?
Паллянысен буре: 
1. Лабрес, чеберъяса вандэм кадь паськытэсь куаръёсын писпу.
2. Сьӧд емышо куаро писпу.
4. Небыт лысо писпу.
5. Сиыны ярантэм векчиесь горд емышо куаро писпу.
7. Юн, батыр мугоро куаро писпу.
8. Пельугыо куак.
9. Веськрес, тӧдьы мугоро куаро писпу.
10. Пуштрес, лапег, кузял емышо куак.
Вылӥысен улӥе:
1. Мушъёслэн яратоно писпузы.
2. Шур дуръёсын будӥсь куаро писпу.
3. Лабрес, ӝужыт, йӧно лысо писпу.
Бышкась, лапег лысо писпу.
6. Чырс, горд емышо куаро писпу.
8. Нылпиослэн яратоно лысо писпузы.

.........................................................

Кызьы нимасько нюлэскын будӥсь лысо писпуос?

...................................................

Тодады вае тылобурдоосты

||||||||||||||||||||||||

Кыӵе пӧйшуръёс уло нюлэскын?

/////////////////////////

Тодӥськоды-а Лоза шур дурын будӥсь сяськаосты?
3) зангари
1) кечсин
4) италмас
5) купанча
7) куакагырлы
2) инвожо
6) дыдыксин

Йыртӥянъёслы ответъёс.
Тодӥськоды-а писпуосты? Паллянысен буре: 1. Бадяр. 2. Льӧмпу. 4. Ньылпу. 5. 
Серыпу. 7. Тыпы. 8. Гузэмпу. 9. Кызьпу. 10. Шупу.
Вылӥысен улӥе: 1. Беризь. 2 Лулпу. 3. Пужым. 5. Сусыпу. 6. Палэзьпу. 8. Кыз.
Кызьы нимасько нюлэскын будӥсь лысо писпуос? Пужым. Кыз, Ньылпу. Сусыпу. К---
Тодады вае тылобурдоосты. Ку . Ваёбыж. Кикы. Уӵы. Ӝакы. Коӵо.
Кыӵе пӧйшуръёс уло нюлэскын? Гондыр. Луд кеч. Кион. Коньы. Ӟичы.
Тодӥськоды-а Лоза шур дурын будӥсь сяськаосты? Кечсин. Инвожо. Зангари. Италмас. 
Купанча. Дыдыксин. Куакагырлы.
1

Кылын шудонъёс (кылшудонъёс) сӥземын куинь-вить аресъем пиналъёслы. Шудон 
дыръязы пиналъёс уг но шӧдо кадь кылъёс ас эрказы "тэтчало-экто", пичиослэн 
йырвизьмазы капчиен пыро. Озьы нуналмысь шудыса, соослэн кылзы воля, азинске. 
Ӝог веранъёс уката но лэчыт каро пиналъёслэсь кылэз шӧдонзэс. Нош визьсынанъёс, 
кылзэс волятэм сяна, дышето визьзэс бергатыны, малпаськытыны.
Лыдъяськонъёс, физкультминуткаос озьы ик бадӟым юрттэт сёто нылпиосты удмурт 
кыллы дышетонын. Шуом, математикая занятие мыныку, пиналъёс жадё ке ужаса, 
кылъёсын упражнениос ортчытыны луэ. Пичиос шумпотыса кылъёс верало, со вискын ик 
шутэтско. Лыдъяськонъёсты нуналмысь вераса, вераськыны быгатонзы воля, лыдпусъёс 
йыразы кылё.
Кылшудонъёс, лыдъяськонъёс (таос пӧлын ик чиньыен шудыса лыдъяськонъёс) 
пиналъёсын ӵукна гимнастика лэсьтыку но юртто. 
Та кылбуро веранъёсты визьмо, малпаськыса ужась воспитатель уже кутыны быгатоз 
пӧртэм учыръёсы, тупамезъя - пичиесь шудонъёсын яке ӵукшудонъёсын. Со озьы ик 
валэктоз, кызьы, ма лэсьтыны кулэ пиналъёс, пӧйшуръёсты, тылобурдоосты яке 
мукетсэ возьматыкузы.
1

Тумошо
Вань сыӵе Моко - тушо,
Укыр, ява, тумошо.
Маке карыны кутске -
Ваньмыз оглань берытске.

Мынӥз вал со ву дуре -
Ведразэ куштӥз шуре.
Кутскиз Моко гур эстын -
Быдэс корка ӵынамын.

Э, инмаре, э-ке-ке,
Мылкыдтырмостэм маке.
Копано ке картошка -
Ваньзэ саникен бышка.

Выль штани вылаз дӥсяз -
Кортӵоген сое пасяз.
Тубе вылэм липетэ -
Падӟаен валче пештэ.

Тамак кыскыны пуксем -
Дуринчи каре кемдэм.
Мазэ-созэ валатэк,
Пегӟем, берзэ учкытэк.

Чабкиськод ук, визьтэммод -
Сётэ вал кин ке визьнод.
Мар каром пӧрмостэмен,
Оло, пеллялом дэмен.



Кылбуръёс
Тӥ пӧлын мон, пичиос -
Мусоесь нылъёс, пиос.
Туж потэ ук тодэме,
Шудэмдэс но адӟеме.

Кылэме укыр потэ
Шӧнгыляк вераськемдэс,
Учкеме ялан потэ
Уӵыс пыдын ветлэмдэс.

Китыр потэ серектэм,
Тӥледын ӵош бызьылэм.
Весь луэм потэ пинал,
Шедьтоно вылэм амал.

Тӥледын мон, пичиос -
Мусоесь пиос, нылъёс.
Мылкыды - пинал, капчи,
Сюлэмам - югыт тылси.

Капи но кучапи
Пичи гинэ кучапи
Урамысь шедьтэм Капи.
Синъёсыз сыӵе мусо,
Жаляны сое косо.

Ма гинэ уг сёт Капи,
Ваньзэ сие кучапи.
Мискиньзэ со маялля,
Туж ик, туж сое жаля.

Тӥ но шедьтэ, пиналъёс,
Сыӵеесь муспотонъёс.
Асьмелы соос эшъёс -
Куань гинэ куаньгетӥсьёс.

Коӵышен пуны
Милям гуртамы коӵышмы,
Вань на ай эшшо пунымы.
Кыӵе тупаса ӵош уло,
Ӵошен валесын но кӧло.
Ав-ав-ав, мяу, мяу,
Ӵошен валесын но кӧло.

Кӧтыз ке сюма пунылэн,
"Ав-ав" шуыса куаньгетэ.
Сием ке потэ коӵышлэн,
Котырын ниръяське, шӧдытэ.
Ав-ав-ав, мяу, мяу,
Котырын ниръяське, муягетэ.

Марья кенакмы ӝог шӧдэ,
Дуно эшъёссэ ни сюдэ.
Одӥг тусьтыысь нюлышто,
Весяк калыкез паймыто.
Ой, ой, ой, ой, ой, ой,
Весяк калыкез паймыто.

Пунымылэн нимыз Амар,
Коӵышмылэн, ява, Макар.
Ялан ӵош ветло, бызьыло,
Корка котырез возьмало.
Ав, ав, ав, мяу, мяу,
Корка котырез возьмало.

Апельсин
Колимы шумпотыса
Песянайзэ пумитаз:
Апельсин ваем ӟепаз.
Коли шалтыр бызьылэ,
Сиыны ни, пе, кулэ.

Нош тани - малы меда
Викышъяны со ӧдъя?
- Малы, пие, бӧрдӥськод,
Чик но-а возьыт уг пот?

- Апельсин быгыль-быгыль,
Нокызьы дӥсьсэ уг кыль.
Чик уг пот кылиськемез,
Воксё ӧвӧл бирдыез.

Песятай пуртэз кутӥз -
Кӧм борды бирды лэсьтӥз.
Ӝог кылиз апельсинэз -
Пичи гинэ шӧмъянэз.

Ческыт йӧл
Скал кыскиз Насьта апай.
Ведрае тон учкы ай -
Вылтӥз йӧлыз ни потэ,
Манимы нош пальпотэ.

Яратэ Мани йӧлэз,
Нош солэн вань коӵышез:
Нуныя нургетӥсьсэ,
Сюдэ солы йӧлвылзэ.

Мусо пичи пиналъёс,
Преник-кампет курисьёс,
Юэ лёлёез ваньды -
Тазаесь тӥ будоды.

Изён гур
Пичи, пичи комоке,
Дуно зарни бугоре,
Дыр вуиз ни кӧлыны,
Выдомы шутэтскыны.
Тоӵ-тоӵесь пубыосыд,
Ӵыдонтэм выросъёсыд,
Кикыосыд пичиесь,
Чупано кадь мусоесь.
М-м-м пичильток,
М-м-м ноголёк.
Ойдо, кынь чимыостэ,
Вай мыным шудонъёстэ.

Тэтэ каре
Натӥмы каре тэтэ,
Анаез доры лыктэ.
Вай ӝоггес кикыостэ,
Возь золгес пубыостэ.
Топи-топи кариськод,
Ог-кык вамыш лэсьтӥськод.
Мусое тон, дыдые,
Ӝоген будод, гыдыке.

Кӧня юанъёс
Кыӵеесь та пиналъёс,
Мусоесь нылъёс, пиос,

Котьма потэ тодэмзы,
Ӝоггес бадӟым луэмзы.

Малы меда инбамлэн
Пумыз-йылыз адӟонтэм?

Малы ӝужа вож турын?
Нюлэскын нош - пиньтурын?

Мае сие луд курег,
Малы чечег туж ненег?

Малы кошко туриос,
Нош тулыс берен лыкто?

Усьыло зор шапыкъёс,
Пужымъёс кызьы будо?

Кӧня, кӧня юанъёс -
Пумтэм-йылтэм малпанъёс...

Сокем трос ке юанъёс,
Визьмо будо пичиос.

Арлэн нылпиосыз
Арлэн ньыль нылпиосыз,
Ньыль чырткемесь пиосыз,
Пӧртэм-пӧртэм ужъёссы,
Ӧвӧл огкадь сямъёссы.

Тол быдэс музъем вылэ
Небыт валес вальылэ.
Куинь толэзь музъем кӧлэ,
Собере тулыс вуэ.

Тулыс вуэ мыняса,
Тылсиоссэ пазяса.
Сайка быдэс инкуазьмы,
Лулӟыло писпуосмы.

Собере гужем вуэ,
Котырак сяська луэ...
	
Сӥзьыл пыре дыртыса,
Гужемез кадь лёгаса -
Ваньбурен, трос ю-нянен,
Ӵуж-горд буртчин дэремен.

Тӥни сыӵе ньыль вынъёс,
Тупаса уло соос.
Пӧртэм-пӧртэм ужъёссы,
Ӧвӧл огкадь сямъёссы.

Тол вуиз, лэся
Нош ик тол, лэся, вуиз,
Косякмы пужыятскиз.
Ураммы юг-юг пиштэ,
Зэм, толмы вуиз, иське.

Ульчаын юзмыт, кезьыт -
Сыӵе уго тол вакыт.
Бамъёсты лек куртчылэ,
Туж зол тӧлын пельтылэ.

Пиналъёслы шумпотон:
Гурезе тубон-васькон.
Пеймытысен пеймытозь
Нискылало кынмытозь.

Толлэн сямыз
Зол гинэ бен пелляське,
Шузимыса тӧлаське.
Ураме гинэ потод -
Ымнырдэ быдэс ватод.

Сапырес луиз ай куазь,
Ӧй вал тазьы кемалась:
Зоре, йӧэн йыгаса,
Ортче, тӧлэн шуласа.

Сюресъёс волегӟемын,
Липетъёс йӧӟектэмын,
Муръётӥ йыг-дыбыртэ -
Сямъёссэ тол возьматэ.

Толсур
Учке ай: музъем вылын
Тӧдьы шобрет валемын.
Котькытӥ тол батырмы
Вамышъя, пазя лымы.

Кезьыт тӧлэн шокчылэ,
Лымыен со ӟукыртэ,
Йӧосын тарккетылэ,
Кӧлыны ваньзэ выдтэ.

Со шӧдэ ини, вылды:
Ичигес пиштэ шунды.
Юзмытак луиз омыр,
Нюлэсъёс изё котыр.

Тани юз-юз кезьытскиз,
Пичи пежа шымырскиз...
Ӵыдытэк ортчиз вуж ар,
Ӧс куспын ини Выль ар.

Тол кузё
Тол кузё туннэ сикын,
Юзмыт омыр нюлэскын,
Кезьыт шокчиз улосын,
Писпуос гӧртылэмын.

Тол куазь али пӧртмаське,
Уг но кӧлы - чаклаське,
Кузёяське котькытын,
Мон кузё, пе, котырын.

Сур-сур кӧлэ нюлэсмы,
Чиль-дол кисьтаське лымы.
Мамык валес бусыын,
Тӧдьы-тӧдьы котькытын.

Тулыс вуиз
Нош вуизы сьӧд куакаос,
Сайкатскизы кынмем шуръёс.
Тулыс вуиз - йӧ пилиськиз,
Тани гуждор но адӟиськиз.

Сайкыт луиз чагыр инмы,
Вушйылӥзы нюлэсъёсмы.
Трактор потӥз матысь лудэ,
Отӥ-татӥ гыре-кизе.

Тулыс вуиз! Тулыс вуиз
Асьме Удмурт шаерамы.
Со нош оскон кужым сётӥз
Асьме ӝужась улонамы.

Кечсин
Малы озьы шуиллям,
Кечсин тонэ нималлям?
Кеч синлы, дыр, кельшиськод,
Лӥял бордын будӥськод.

Сяськаед - лымы тусъем,
Нош шорыз - кеч син выллем.
Кеч уг кышка кезьытлэсь,
Сяськамы но - юзмытлэсь.

Нюлэс эмъясь
Нукырто, ӟукырто писпуос...
Ӟиз бӧрдо егитэсь кызьпуос,
Зӧк тыпы тӧл шорын шонаське,
Юн пужым ӝожтӥське, чабиське,
Кызпилэн весь кӧтыз чутырске,
Нош беризь ӧжытак чидатске.
Мар висён та вуиз нюлэскы -
Сирпулэн йырысьтыз уг кошкы.
Пипуэд шымырске, чагиське:
- Мугортӥм ӵогъяса ик кошке.
- Ой, кускы, - палэзьпу кесяське, -

Ой, уг чида, кускы чигиське...
Луиллям нюлэскын кузёос
Пичиесь туж нымы-кибыос.
Нокинлы но уг сёто маза,
Чеберзэ нюлэслэсь таласа.
Лобыса ӝог вуиз пичи сизь,
Олокызьы тырмем солэн визь:
Ваньдэсты, пе, али эмъяло,
Ныры туж кузь, тани, вень йыло.
Писпуысь писпуэ дыртыса,
Тыршись муш кадь ветлӥз лобаса.
Вань сикез юнматӥз эмъюмен -
Нюлэсмы серектӥз куараен.

Шунды берзэ учке
Шунды, берзэ учкыса,
Туннэ пуксиз мыняса.
Сайкытскиз быдэс инбам,
Оло, шундылы абдрам?


Ӵуказе луоз шулдыр.
Инбаммы горд-горд котыр.
Лэсьтӥськозы вань ужъёс,
Шумпотозы калыкъёс.

Бакчаын
Ира кенак бакчаын.
Ма меда каре отын?
Ӝоггес мыном но учком,
Дэмен солы ми юрттом.

Убооос кӧня татын!?
Маиз ӧвӧл бакчаын...
Жуг-жагез кӧня будэм,
Асьмеды, лэся, витем?

Али кутском уж борды.
Эше, эн, ява, бӧрды:
Сугон убоез уром,
Ӧжытак синвуаськом.

Ӵуж кушман но горд кушман,
Бордаз будэм арыкман...
Ишкалтоно мултэссэ -
Кельтоно ярамонзэ.

Кӧжыез но укропез
Чаляк гинэ уризы.
Бугырес луиз музъем,
Кужым ке но ичигем.

Ваньмыз убо уремын,
Вуэн жаль-жаль киськамын...
Ира кенак шумпотӥз,
Пиналъёсты утялтӥз.

- Тау, тау, пиналъёс,
Устоесь кивоштӥсьёс.
Пичиесь на киосты,
Нош макем ӟеч тыршемды.

Ойдо, мыном губилы
Ойдо, мыном губилы,
Яралоз со котьмалы:
Кутэмнянь но кутомы,
Туж векчи кораломы,
Сугонэз ватсаломы,
Кӧня ке сылалтомы.
Нош одно ик тодоно,
Кудӥз губи сиёно.
Чале али, тодматском,
Ваньмызлы ик возьматом.
Коньыгуби гордалэс,
Шыргубиос пӧртэмесь,
Лушкемак кыз улъёсын
Нингубиос ватскемын,
Куаръёс улысь поттӥськод -
Песьтэре ни понӥськод.
Нош таосыз кыӵеесь:
Чылкак ведь ӟичы тусэсь.
Гондыр кадь лусьтро таиз,
Нюк бамалэ ни кылиз.
Лӥялгуби, ой, кӧня,
Луоз быдэс корзина.
Музъемгуби - сюресэн,
Мыче коть лопатаен.
Ожогуби туж ческыт,
Тоӵ-тоӵ со луэ, тӧдьмыт.
Кӧня, кӧня губиос!
Сикъёсамы соос трос,
Ойдо, мыном губилы - 
Яралоз со котьмалы.

Буровойын
Шарккетэ, тачыртэ буровой,
Ужасьёс ни уг кӧло кыктой.
Соос вышка пукто вырйылэ,
Нефть поттон бамалэ - нюк йылэ.

Ваньзылэн ик каска йыразы,
Огкадесь бен малы-о ваньзы?
Пӧртэмесь соослэн ужъёссы,
Туж секыт ке но, зол сямъёссы.

Кыӵеез бен ӧвӧл машина -
Адӟымон со ваньмыз ми понна.
Слесарьёс, шофёръёс, сварщикъёс -
Пӧртэмесь ик татын ужасьёс.

Трубаез ке ваче кароно,
Сварщиклэн ни ужез адсконо,
Кислород, электрод кутоно.
Слесарьлэн но ужез туж уно.

Дизельын зол ужа дизелист,
Тракторын ке - кужмо тракторист.
Пӧрасьтэк но уг лу ни татын,
Эмъясед но тани вагонын.

Бригадир вань, бурильщик, помбур,
Кинъёстэк чик уг мыны ужгур.
Учконо ке - синъёс кышкало:
Ма, кызьы, пе, татын ужало.

Та ужез чакласа, пичиос
Адӟизы, ма лэсьто атайёс.
Пиослы туж яраз буровой,
Со сярысь мадизы ӵап куиньмой.

Будӥмы ке, пе, ми но татчы
Лыктомы, ум кошке нокытчы.
Атайёс кадь ик, нефть ми поттом.
Асьмелэсь кужыммес возьматом.

Шаере
Шаере, шаере...
Кызьпуо, сурсвуо,
Италмас сяськаё,
Ю шепо, ошмесо -
Шаере туж мусо.

Шаере, шаере...
Узыё, борыё,
Эмезё, губиё,
Намеро, нюлэсо -
Шаере туж мусо.

Удмурт кылын
Яратӥсько удмурт кылын
Вераськыны котькытын.
Ӧвӧл кепыран, кышкан,
Выросэ ӧвӧл коштан:
Удмурт вылэм выжымы,
Вералляз песятаймы,
Соин, дыр, солэн пиез
Яратӥз удмурт кылэз.
Покчиез но азьланьтӥз,
Анай кылзэ дышетӥз.
Шалтыр лыдӟе книгазэ,
Дышетэ ни сузэрзэ.

Пӧсь салам
Куке мон вал ай пичи,
Уже но вал туж капчи:
Эшъёсын шудылӥмы,
Гольык пыд бызьылӥмы.
Озьы тӥни ортчизы
Нуналъёс но трос аръёс.
Кыдёке ни кылизы
Шудо пинал дауръёс.
Табере со син азьын,
Ваньмыз улэ сюлэмын.
Ӧвӧл туннэ мон гуртын,
Тыршисько ни палэнын.
Тэк уг луы пукеме,
Вератэк но кельтэме:
Ыстӥсько мон пӧсь салам
Мусо вордскем палъёсам.

4