Абашев Р.А. начальник управления образования дм. Глазовского района Основы направления к деятельности Управления образования Глазовского района в сфере насушенного образования Основное внимание Управления образования Глазовского района образовательных учреждений района сосредоточено в настоящий период на реализации таких приоритетных направлений, как: - создание условий для реализации конституционных прав граждан на получение бесплатного дошкольного, общего образования в соответствии с потребностями личности, общества, государства; - обеспечение высокого качества образования всех уровней образования; - разработка и совершенствование нормативно-правовой базы и управленческой деятельности на уровне района и учреждений; - принятие мер по стабилизации экономического положения образовательных учреждений и своевременной выплате заработной платы. Основные показатели состояния системы образования в Глазовском районе на 2001 начало 2002 учебного года сводятся к следующему. Образовательная система состоит из 45 учреждений. В структуре отраслей действуют: 21 учреждение дошкольного образования; 22 общеобразоательные школы (2 - начальные, 5 - основных, 15 - средних); 2 учреждения доплнительного образования. Введен пристрой в Слудской и Золотаревской школах. В учреждениях дошкольного общего общего образования воспитывается и обучается 3602 человека, работает 545 педагогических работников, 541 иного персонала, в учреждениях дополнительного образования занимается 1553 ученика. Иными словами, структура образования - это отрасль, в которой обучается и воспитывается 3602 человека, работает более 1000 педагогов, бюджет отрасли составляет 52 % районного бюджета на 2001 год. Окончило 9 класс 305 учеников, 11 класс - 172 ученика. 4 ученика по итогам года закончили учебный год с серебряной медалью. Из 9 класса поступили в 10 класс - 150 (49,2 %) - 10,4 % меньше, чем в прошлом году; Охвачены различными формаи обучениями - 12 (42,4 %) Сдали экзамены на "4" и "5" - 32 % Из 11 класса поступили в ВУЗы - 32 (18,6 %) - это на 0,7 % больше, чем в прошлом году; В другие учебные заведения - 83 (48,3 %) - это на 15 % меньше, чем в прошлом году; Не определились - 46 (26,7 %) - это на 16,2 % больше, чем в прошлом году; Сдали на "4" и "5" - 34 % Имеют лицензии - 100 % образовательных учреждений, аттестовано - 81 %, аккредитовано - 78 %. В истекшем учебном году в решении задач национального образования Управление образования основное внимание сосредоточило на реализации Плана практических мероприятий, Концепции развития национального образования в Удмуртской Республике и районе. Под национальной системой образования мы понимаем сеть образовательных учреждений от детского сада до школы, строящуюся на принципе включения детей, учащихся в родные этнокультурные традиции с целью становления новых поколений ее носителей и творческих продолжателей. Оно не ограничивается наличием школ, где изучается родной язык и литература, география и история родного языка. Национальная культура должна стать системообразующим началом в учебно- воспитательной деятельности. Из 22 школ, 18 школ работало по национальной программе. Из 1682 удмуртов, обучающихся в 1-11 классах, язык изучает 83,6 %. Несмотря на то, что в последние 3 года сохранено количество школ, где изучается предмет "Удмуртский язык и литература", с каждым годом уменьшается количество изучающих удмуртский язык (1998 - 95 %, 1999-2000 - 89,6 %, 2000-2001 - 83,6 %). Все образовательные учреждения укомплектованы кадрами. В начальном звене работает 41 учитель, 5-11 классах - 17 учителей. Из них с высшим образованием 75, с высшей категорией 27 учителей. Опорной школой по национальному образованию определена Парзинская средняя школа, среди дошкольных учреждений - Адамский детский сад. В течение учебного года школы получили новые учебники "География Удмуртии", атласы и рабочие тетради "По географии Удмуртии", Энциклопедии Удмуртии. Автор букваря Р. Данилова провела для учителей начальных классов методический семинар. Все учителя удмуртского языка и литературы принимают активное участие в работе районного методического объединения. Хорошая связь установлена с Глазовским педагогическим институтом. Третий год РМО работает над темой "Развитие методов и форм по привитию любви к родному языку, краю, литературе и культуре." Среди форм работы практикуются семинары с посещением и анализом уроков и внеклассных мероприятий на базе школ района и города, научно-практические конферениции, творческие встречи с поэтами и писателями Удмуртии, представителями средств массовой информации. На научной практической конференции "Этнопедагогика, этнопсихология, обновление содержания и методов обучения и воспитания" заслушаны 8 лучших докладов, организована выставка творческих работ учителей и учащихся, проведен конкурс чтецов в двух номинациях "Авторские стихи", "Стихи удмуртских поэтов". В конкурсе стихов участвовало 22 ученика. В школах проведена подписка на удмуртские газеты и журналы. Хорошо эта работа поствавлена в Куреговской, Парзинской школах. Итоги участия учащихся в районной и республиканской олимпиадах, итоговая аттестация учащихся свидетельствуют о качественном уровне преподавания предмета. Ежегодно в районе увеличивается количество выпускников, сдающих экзамены по родному языку и литературе. 67 выпускников 9 классов (191 изучали), 40 выпускников 11 классов (100) сдавали экзамены в это учебном году. Большое количество учащихся, выбравших этот предмет, в Октябрьской, Куреговской, Кочишевской школах (Чиркова В.М., Чебышева М.Г., Бибинцева Т.В.). Высокий процент качества знаний на экзаменах показали выпускники Октябрьской, Люмской, Парзинской, Кочишевской, Куреговской школах. В целях привития интереса к изучению культуры родного края, знакомства и изучения развития культуры народов, живущих в Удмуртии, в районе проводится внеклассная и внешкольная работа. Это направление осуществляется через кружки краеведения, поисковую работу, деятельность школьных музеев, детской общественной организации "Родники". Уроки краеведения ведутся в 8 школах, в них занимаются 220 учащихся, история культуры народов изучается 8 школах; в районе функционирует 16 туристическо- краеведческих кружков. Хорошо эта работа поставлена в Понинской, Кожильской, Кочишевской, Дондыкарской школах, Понинской школе-интернате (руководители Кашина Н.В., Тугбаева Е.И., Бабинцева Т.В., Главатских Г.В.). в Адамской, Куреовской, Люмской. Золотарёвской школах успешно работают литературно-творческие кружки. Работы учащихся часто печатаются в газете "Иднакар". С целью привлечения большого количества учащихся к целенаправленной и исследовательской работе, воспитания любви к родному краю, уважения истории, культуры, традиции народа, развития твроческих способностей детей в районе проведен конкурс на тему "Я связан с этой землей тысячами невидимых нитей". В районном конкурсе приняли участие 15 учащихся, 2 педагога. Победили в данном конкурсе учащиеся Ключевской, Качкашурской, Люмской школ, Понинской школы - интернат. Лучшие работы переданы в музей "Народного образования народа". Большая поисковая работа проведена в связи с подготовкой празднования 80-летия государственности Удмуртской Республики. Учащиеся района принимают активное участие в республиканских праздниках, конкурсах, викторинах. С целью дальнейшего развития системы национального образования в 2001-2002 учебном году Управление образования планирует: - продолжить реализацию Плана практических мероприятий концепции развития национального образования в Глазовско районе; - совершенствовать работу по увеличению количества учащихся, изучающих родной язык и литературу; - организовать работу среди родительской общественности с целью формирования национального самосознания и культуры межличностных отношений; - совершенствовать методическую работу по формированию этнопедагогической и этнопсихологической культуры учителей района. 1 Солдырь гурезь ним сярысь Дальлэн кыллюкамысьтыз учкыса, тодмо: "Солдырь" - со сылал гу шуэм луэ. Та палъёс сылалэн выриллям шуыса вера Сепыч шур дурысь Слалкож гурт ним но. Азьвыл аръёсы сылал Соликамскысь валэн ворттӥлям. Иднакарысь улӥсьёс сылалэн оломае но вошъяло, пе, вал: арбериосты но, дӥськутъёсты но, сиён-юонэз но. Сылал со вакытэ коньдон выллем вылэм. Эксэй сылал понна выт тырытэм. Озьыен Иднакар со вакытэ туж узыр вылэм. Ушкуйёс татчы Чупчи шур кузя вуылӥллям. Утиськон понна Иднакарын улӥсьёслы возьмаськон инты пуктоно луэм. Со Чупчилэн паллян пал ярдураз, самой ӝужыт вырйылаз вылэм. Татысен шур туж кыдёкозь адӟиське. Та инты Иднакарлэн "синъёсыз" луозы вылэм. Синдэ кадь уть Иднакарез (Вазиськон) Лушкаськисьёс, бугыръяськисьёс, "ватос" утчасьёс сярысь ми одӥг пол гинэ ӧм ни ивортылэ. Вазиськылӥм МВД-ын но, ФСБ-ын ужасьёслы но. Жаляса верано луэ, одӥгез но сыӵе йыртэмась татчыозь кырмемын но, кыл но кутытэмын ӧй вал на. Лушкем йыринтӥсьёс туж бадӟым изъян ваё асьме калыкмылэн историезлы но культураезлы. 2000 2000 арын гинэ, тодмотэм адямиос бугыръяськемен, туж бадӟым изъян лэсьтэмын. Валамон, нокин но йыртэмасьёс пӧлысь зарни ватос ӧз шедьты, нош "зарни ыштон" кузьманы кузьмаз"... Российской Федерациысь Академилэн Урал люкетэзлэн Удмурт институтэз гинэ Иднакар интыын утчаськонъёс нуыны быгато. Соин ик Глазкарысь, Глаз ёросысь улӥсьёслы, ваньмызлы, кин ветлэ Глазкар - Адам сюрес вылтӥ - вазиськиськом: йыртэмасьёсты адӟиды-синйылтӥды ке, соку ик ивортэ Глазкарысь Администрацие, милицие, "Иднакар" музее, РФ-ысь Наукаосъя Академилэн Урал люкетэзлэн Удмурт институтаз. Ваньмы ӵош гинэ асьмеос быгатомы утьыны вашкалаослэсь дунъяны луонтэм узырлыксэс. Одӥг гинэ аспӧртэм Иднакармес синмез сямен утьыны кулэ! К.И. Куликов, РФ-ысь Наукаосъя Академилэн люкетэзлэн Удмурт институтэзлэн директорез, истори Наукаосъя доктор, РФ-ысь но УР-ысь Наукая сӥё-дано ужась, профессор. М.Г. Иванова, истори наукаосъя доктор, РФ-ысь но УД-ысь Наукая сӥё-дано ужась, профессор. 1 Анна Лесникова, Понино школа, 6-тӥ класс. Вордскем кылы мусо мыным Мон уг вунэты анай кылме, Начар ке но шуо куд-ог муртъёс. Уг курла мон сое, уг ултӥя юнме, Со котьку но мынам сюлмам улоз. А. Конюхова. "Бадӟым шуръёс кошко ошмесысен, нош вераськон кутске анай кылэн", - гожтӥз Ф. Васильев "Родной кыл" кылбураз. Зэмлэсь но зэм верамын. Тани мон но пичи дырысеным, шенгыль-пенгыль ке но, вераськисько удмурт кылын. Кызьы бен сотэк, анае но атае удмуртъёс бере. Соос пыӵато мыным ас калыкме но кылме гажан мылкыд. Милям семьяямы 4 пиналъёс, кыкез пичиесь на - соослы быдэн 4 арес гинэ. Соос но верасько удмурт кылын. Мылыд потытэк но синмаськод бӧтьыртэмзылы! Но туж жаляса верано луэ, трос семьяосын удмурт кылэз сӥлы уг каро. Ӵем гинэ кылылэме вань куд-огезлэсь анай-атайёслэсь таӵе вераськонъёссэс: "Малы кулэ на али удмурт кыл? Ӟуч кылэз тодэм но тырмоз. Нош школаын удмурт кылэз дышетон - дырез юнме быдтон". Мынам йыры кур луэ, тае кылыкум. Удмурт ӧвӧл шат соослэн асьсэлэн анайзы но атайзы, песянайзы но песятайзы? Ма асьсэос но таӵ-таӵ удмуртъёс. Иське, озьы вераськись адямиос уг валало, асьсэды гажамысь дугдо шуыса. Озьы бере, соос уг тодо ас калыксылэсь улон-вылонзэс, уг валало удмурт кыллэсь чеберлыксэ но узырлыксэ. А ведь асьмелы вань маин данъяськыны. Удмурт кылын гожъямын аспӧртэмлыко веросъёс но романъёс, кылдытэмын жингрес но чебер пуштросо кырӟанъёс. Ымысь ыме, пельысь пеле вераса кылдытэм выжыкылъёс, легендаос, визькылъёс но лэчыт веранъёс паймыто калыкмылэн визьмыныз. Мыным жаль пото анай кылзэс тодӥсьтэм адямиос, малы ке шуоно, соос уг тодо туж чебер, жингрес кылэз. Соин валче мон вожъяськисько лымшор удмуртъёслы. Соос валало дунъяны но гажаны асьме доры вашкалаослэсь сямъёссэс, йылолъёссэс, дэмланъёссэс вуттэм кылэз. Ваньзы соос возьдаськытэк верасько анай кылынызы. Нош ми куддыръя курдаськомы "ми удмурт" шуыны но, угось, пумитад "вотяк" шуисез но сюроз. Та кыл, али шергес ке но, потылэ на ми пӧлын. Сое кылыса кӧт ӝож луэ. Визьмо адями бен озьы уз вера. Верало ми кадесь ик пиналъёс, асьсэды "ӟучен" лыдъясьёс. Но яра-а ог-огдэ озьы ултӥяны? Котькуд калык, котькуд кыл ас сяменыз чебер. Мынам малпамея, Удмурт шаерысь вань улӥсьёс кулэ дышетыны но тодыны удмурт кылэз, оло, соку ӟучъёс но удмуртъёс куспын уз потылэ ни ченгешонъёс, мукет калыкъёс но кутскозы валаны но гажаны мынэсьтым вордскем кылме. Али бен удмурт кыл пумен ӝужаны но чеберскыны, калык пӧлы паськытгес волмыны кутске ини. Телевизор но радио пыр тросгес удмурт передачаос луыло, уногес пото удмурт газет-журналъёс, каръёсысь школаосын усьтӥсько удмурт классъёс. Озьы ке но, со ичигес на. Адямиослы удмурт кылэз гажан мылкыд пыӵатоно пичи дырысен ик! Но та уж ми палан синмаськымон ӧвол на радъямын. Но мон туж оскисько, куке но мынам родной кылы, удмурт кылы, бурдъёссэ паськыт вӧлъяса, вылӥе ӝутскоз шуыса. Мон оскисько, ӝоген асьмеос чик возьдаськытэк, данъяськыса быгатом вераны: "Ми Удмурт Элькунын улӥсь удмуртъёс. Милемыз быдэс дунне тодэ. Ми яратӥськом, гажаськом мусо вордскем кылмес но соин ӵош калыкмес но шаермес." Ужан опытысь Шор ёзо школаысь Л.Н. Лукина, Золотарёво. Шор ёзо школаысь удмурт кыллы но литературалы дышетӥсь. Ужан опытысь. Нылпиослэсь быгатонлыкъёссэс будэтон куд-ог амалъёсы сярысь Дышетӥсь сюлмаське: нылпи урокъёсын ӝутэм ужпумъёсты валаса, нуналысь нуналэ быгатонлыкъёссэ будэтыса мед тыршоз. Мон дышетскисьёслы сыӵе сюрес дэмланы тыршисько, кудэтӥз со аслэсьтыз адямилыксэ будэтыны мед быгатоз. Кышкатэк, трос сюлэмшугъяськытэк. Урокъёсы шумпотыса ветлӥз ке, солэн йырсазез ӟечгес ужалоз, быгатонлыкъёсызлы но оскоз. Угось мур тодон-валан мылкыдтэк уд люка. Котькудӥзлэн пиналлэн быгатонлыкъёсыз вань. Нош кызьы будӥсь адямилэсь мылкыдзэ ӝутоно, со быгатонзэ тодон-валан люкан ужаз валаса мед кутоз шуыса? Нырысь ик, нылпи аслаз быгатонлыкъёсызлы оскыны кулэ. Сое кылын гинэ оскытыны уз пӧрмы. Пиналлы вань сюлэмдэ, дырдэ, аслэсьтыд быгатонлыкъёстэ сётоно луэ. Кыкетӥез, дышетӥсь пиналлэсь быгатонлыкъёссэ мед шӧдоз но адӟоз, солы усьтӥськыны мед юрттоз. Мон кылъя но литературая тодон-валан сётӥсько бере, та веранме но соосын герӟасько. 5-тӥ классысен кутскыса программаез чаклано ке, отын нылпиосын ужаны трос тунсыко луонлыкъёс сётэмын. Грамматика, кыл тодонъёс пыр, литература но фольклор произведениосын тодматскыса, нылпиослы юрттоно улонысь ӟечсэ адӟыны. Литература шоры учконо искусство шоры кадь. Соку удмурт кыллы но литературалы дышетонлэн кулэлыкез туж вылӥын луоз. Со юрттыны кулэ улон шоры сэзь учкыны, будӥсь адямилы ассэ валаны, быгатонлыкъёссэ будэтыны. Солэн та урокъёслэн кулэзы сярысь юанэз но медаз кылды. Литература урокъёсын дышетскисьлэсь быгатонлыкъёссэ будэтыны ӟеч юрттэ текст бордын ужан. Лыдӟиськон - со текстлэсь пуштроссэ гинэ тодон ӧвӧл. Нылпи син азяз пуктэ писательлэсь кылдытэм дуннезэ, ӵошатэ аслаз улонэныз, валанъёсыныз, ассэ адӟе геройёс интыын. Произведение лыдӟисьлэсь малпанъёссэ чутрак воштыны быгатэ яке соин одӥг кылын кариське. Бен, дышетскисьлэн произведение пумысен аслыз гинэ тупась малпанэз луыны быгатоз (со урод ӧвӧл), но дышетӥсь солы дунъет сётыны мед юрттоз. Дышетскись, произведениен тодматскыса, писательлы кылдэм юанъёссэ "сётъя". Произведенилы анализ лэсьтонлэн та нырысетӥ люкетэз. 1. Кыӵе кылын гожтэмын та произведение? 2. Малпанъёссэ малы усьтэмез потӥз лыдӟисьёс азьын? 3. Кызьы произведение герӟаськемын писательлэн улон сюресэныз? 4. Автор кыӵе амалъёсын малпанъёссэ усьтэ? 5. Ку гожтэмын та произведение? Писатель произведенияз аслэсьтыз улонзэ чурысь-чуре уг суреда ке но, солэсь улон но ужан сюрессэ кутӥськомы, текстлы анализ лэсьтыкумы. Писательлэн произведенияз возьматэм вакыт но солэн гожъяськон дырыз одӥг уг луы. Сое валатон понна, кылсярысь, М. Петровлэсь творчествозэ эскерыкумы, классын лэсьтӥськомы таблица. Писательлэн улон сюресэз 1905 ар Вандэмо гуртын вордскиз. Татария. 1908 ар Атаез кулӥз. 3 арес. 1917 ар Анайтэк кылиз. 12 арес. 1921 ар Можгае лыктэ. 16 арес. 5-тӥ классын таблица лэсьтонын пиналъёсын нырысь ӵошен ужаськомы. 7-тӥ классысен кутскыса, дышетскисьёс асьсэос быгато таӵе ужъёсты быдэсъяны. Таблицаез учкыса, дышетскисьёслы шуг уз луы валаны, малы М. Петров "Гришалэн шудэз" верос гожтэм. Писательлэн улон сюресэз таблицая син азе яркытгес пуксе. Валамон луэ, малы, шуом, писатель та ужпумез ӝутэ, кыӵе исторической вакытъёс пыр со ортчиз. Произведениез тазьы дунъяса лыдӟиськыны дышетон пиналлэсь быгатонлыкъёссэ будэтонын ӟеч инъет луэ. Та ужпумез быдэстыны юрттэ произведенилы анализ лэсьтон. Кутске проиведение бордын ужанлэн кыкетӥ люкетэз. Сое ортчытӥськомы юанъёсъя. Татын дышетӥсьлэн нылпиослэсь быгатонлыкъёссэс юнматон бордын ужамез туж зол шӧдӥськоз. Лыдӟисьлы юрттоно геройёслэсь сямъёссэс валаны, писательлэсь валтӥсь малпанзэ адӟыны. Валэктоно, "Гришалэн шудэз" веросаз М. Петровлы мар юрттӥз син азе пуксьымон суред пуктыны, нылпиослэсь вазен секыт улонзэс возьматыны. Нылпиос классын верало асьсэлэсь малпанъёссэс. Аспӧртэмлыко валэктонъёсынызы, малпаськыны быгатэменызы соос ог-огзылы юртто темаез ӟечгес валаны. 1. Ку Гриша ассэ шудоен лыдъяны быгатоз? 2. Ма Гришалы юрттӥз аслэсьтыз бадӟым малпанзэ быдэстыны? 3. Кыӵе адямиосын пумиськылэ Гриша аслаз вакчи улоназ? 4. Кыӵе литературной амалъёс юртто писательлы геройёссэ яркытгес, оскымон возьматыны? (Ӵошатон, описание, ваче вераськон, тусбуез возьматон, повествование, тодэ ваёнъёс, азьпалэз сярысь малпаськонъёс, инкуазь суредъёс, пӧртэм пумо предложениос, кутэм кылъёс). Юанъёслы трос пӧртэм валэктонъёс курисько. Со муген ужаны умойгес луоз, группаослы люкиськыса. Гуртэ ужъёс сётон но пайдаё луэ. Текстэн ужаку, карандашен пусйыны кулэ валэктонъёслы кулэ луись предложениосты, детальёсты. (Е.Н. Ильинлэн методикаезъя ужан амал) Дышетӥсь котькудӥзлы юанъёс но гуртэ уж сётэ нылпиослэсь быгатонлыкъёссэс, кылтӥрлыксэс чакласа. Текст бордын ужанлэн куинетӥ люкетэз - творческой уж быдэстон, пӧртэм пумо сочинениос гожтон. Та произведенияз, мон сямен, умой луоз нылпиосты отзыв гожтыны дышетон. Со понна, кылсярысь, таӵе план сётӥсько: 1. Ма сярысь "Гришалэн шудэз" верос? 2. Ма выльзэ тодӥды та произведениез лыдӟыса? 3. Гришалэн кыӵе сямъёсызлы синмаськыны луэ? 4. Кыӵе интыез тӥледлы яраз? Малы? 5. Ма сярысь малпаськытэ верос? Таяз люкетын дышетскись выльысь берытске текст борды, вераське геройёсын, писателен. Сюлмаське валтӥсь герой сярысь, солы юрттэ, жаля, дурбасьтэ, писательлэн ӟеч гожтэм произведениезлы шумпотэ. Та творческой уж возьматоз нылпилэсь малпаськыны быгатэмзэ, произведениез дунъяны дышемзэ, текст кылдытыны валамзэ. Поэтической текст бордын ужанлэн куронъёсыз сыӵеесь ик. Анализ лэсьтыку, солэсь пӧртэмлыксэ нылпиос асьсэос шӧдо. М. Петровлэн "Вандэмо" кылбурзэ эскерыкумы, кутӥськомы биографияя дасям таблицамес. Чебер, вольыт лыдӟыны партитура дасяськомы, карандашен логической ударениоссэ, паузаоссэ висъяськомы. Вольыт лыдӟон возьматэ дышетскисьлэсь зэмос творческой мылкыдын ужамзэ. Анализ лэсьтӥське юанъёсъя. 1. Малы "Вандэмо" гуртэзлы сӥзьыса, М. Петровл эн кылбур гожтэмез потӥз? 2. Кыӵе детальёс Вандэмо гуртэз син азе пукто? (Вожой шур, кикы, калык гуръёс, вож садо...) 3. Кыӵе секытъёсты адӟиз кылбурчи, Вандэмо гуртаз улыкуз? 4. Кыӵе чеберлыко амалъёс кутэм М. Петров, гуртсэ яратэмзэ возьматон понна? 5. Малы кылбурчи гуртсэ уг вунэты? 6. Кызьы данъяз со аслэсьтыз гуртсэ? Аспӧртэмлыко ортче текстлы анализ лэсьтон детальёс бордын ужан. Нылпи шӧдыны кулэ, кылбурчи тазэ кылэз яке мукет валанэз соос жингрес гинэ мед луоз шуыса гинэ уг куты. Одӥг кыл но куддыръя быдэс темаез, идеяез усьтыны юрттэ. Текстлы анализ лэсьтыса, выль тодонъёсын выльысь вольыт лыдӟон борды берытскиськомы. Ог- огзэс нылпиос дунъяло, тупась интонация, пауза, куара утчало. Зэмос творческой уж мынэ. Та кылбурез дышетэм бере, нылпиослы дэмланы луэ вордӥськем гуртсылы сӥзьыса, пӧртэм жанрен творческой ужъёс гожтыны. Дышетскись гуртсэ кызьы яратэмзэ оскымон мед возьматоз. Нырысь учкыса, та тема капчи кадь. Дышем ӧръя гожтыны кутскид ке, та творческой уж выль быгатонлыкъёс басьтыны уз юртты. Шедьтоно сыӵе кылъёс, ӵошатонъёс, кудъёссэ азьло ужъёсаз дышетскись ӧз кутылы. Кылтӥрлык бордын ужано нимысьтыз, сотэк выль быгатонлыкъёс уз кылдэ. 1. Типезъя кыӵе текст кылдытыны луэ? 2. Одно чеберзэ гинэ-а вераны кулэ, гурт сярысь вераськыку? 3. Кыӵе пичи темаосты герӟаны луоно бадӟым темаен? 4. Маин висъяське тӥляд гуртты мукет гуртъёслэсь? 5. Вордӥськем интыдэс яратэмдэс кызьы возьматыны быгатоды? Текст кылдытон, сое эскерон, тупатъян - соосты кылъя урокъёсын но азиньтыны луэ. Творческой ужъёсты класс азьын лыдӟыса умой луоз. Озьы соос выль быгатонлыкъёслы дышо, дӥсьтӥсесь луо. Малпаськыны дышетэм нылпилы урокъёсын ужаны капчигес. Валаса басьтэм быгатонлыкъёс выль тодонъёс басьтыны юрттозы. Литература но удмурт кыл дышетскисьлы малпаськыны быгатӥсь, визьмо, зэмос адями луыны инъет мед луоз - урокъёсам сыӵе мылкыдын ужаны сюлмаськисько. Редакцилэсь. Л.Н. Лукина ыстэм милемлы куд-ог дышетскисьёсызлэсь удмурт литературая творческой ужъёссэс. Соосъя но туж ӟеч валаны луэ: дышетӥсь урокъёсыз азе пуктэм ужпумзэ, зэм но, вань сюлэм шунытсэ но мылкыдзэ сётыса быдэсъя. Вордскем кылы дуно мыным. 2 Т.А. Щепина, Люм школаысь дышетӥсь. Ӟучомем пиналъёсын ужрад Глазов ёросын улӥсь удмуртъёс вераськоназы туж трос диалект кылъёсты куто. Вылаз ик тросэз нылпиос ас кылзэс ляб тодо, ӟучомемын соос. Валамон, уноезлэн пиналъёслэн анай кылзы но ӟуч лыдъяське. Семьяязы но, школаын но соос верасько ӟуч кылын. Ӟучомем нылпи малпаське но ӟуч сямен. Соин ик со уно дыр быдтэ малпаськыны но, кыӵе ке юанлы вераны но, лыдӟем чеберлыко текстэз мадьыны но. Ӟучомем пиналъёсты дышетонын таӵе амалъёсыз уже кутӥсько: 1. Нырысетӥ классысен букварез дышетыкузы, пиналъёс печатной тетраден ужало. Соку соос ӟуч но удмурт кылъёсты люкылыса гожъяло: - дышетоно буквая; - нимысьтыз быръем темая; - кыӵе ке правилоя. Кылсярысь, ку и но ӥ, ъ но ь гожтоно; - кин? ма? ма каре? кыӵе? юанъёсъя; - одӥг но трос лыдын та ужъёсты пиналъёс анай-атайёсынызы доразы быдэсто. Малы со кулэ? Нылпиос мед дышозы куараез кылыны но мед быгатозы соосты кагаз вылэ шонер гожтыны, выль кылъёс кылдытыны, малпаны но соосты йыразы кельтыны. 2. Шудон. Сётӥське кыл, кылсярысь, гондыр. Нылпиос та кылысь букваосъя ик малпало мукет кыл. 3. Уроке выжыкылысь геройёсты ӧтиськом. Шуом, Нюлэсмуртэ. Со пересь ини, олокӧня пол верано луэ (шуом, и яке ӥ букваосын кылъёсты). - Малыок ("Кизили" журналлэн выжыкылысь огез героез) номырлы но уг оскы. Юан сётъяса чиданэз быдтэ. Со котьмаин тунсыкъяськись "песянай". - Кылбугор - выль но выль кылъёс сётъя, эскере, быгатэ-а пинал ӟуч кылысь удмурт кылэ, удмурт кылысь ӟуч кылэ берыктыны. Татын ик уже кутӥськом удмурт кылысь ӟуче берыктэм кылъёсын карточкаосты. Озьы тӥни уроке ӧтьыны луэ олокыӵе но геройёсты, персонажъёсты. 4. Тунсыко ортче командаосын нюръяськон: нылпиос лыдӟем текстъя, книгая ог- огзылы юанъёс сётъяло. 5. Текстлы огъя йыръян малпан. 6. Кыӵе ке но предложение пӧрмытон понна, кылъёсты радъяло. Пусйисько: ӟуч кылын глагол ӵем дыръя сылэ кыкетӥ интыын, удмурт кылын - берпуметӥяз. Берыктыкумы та куронэз одно ик лыдэ басьтӥськом. 7. Предложениысь кылъёсты кулэезъя радъян. 8. Кык предложениен ужан. Малы тазьы? Малы мукет сямен ӧвӧл? Шуныт луиз. Липет вылысь ву шапыкъёс усё. 9. Текстэз удмурт кылысь ӟуч кылэ берыктоно. 10. Эскероно, кызьы нылпиос текстэз валазы, нырысь лыдӟемзы бере. - Маиз яра? - Мазэ ӧз валалэ? - Мар сярысь вераськон мынэ текстын? 11. Тодоно арбериез, солэсь тодметъёссэ удмурт сямен верамъя. 12. Шудон: "Тод, мар, кин со?" Доска вылэ кыӵе ке кыл гожтэмын. Кыӵе со кыл - дышетскись уг адӟы, доскалы мышкин сылэ. Со, кылэз тодон понна, доска дорысь сылӥсь эшъёсызлы пӧртэм юанъёс сётъя. Кылсярысь, доска дорын сылӥсь ик яке ныл эшъёсызлэсь юа: "Луло-а со?" Эшъёсыз: "Шуныт". Дышетскись. "Пудо-живот?" Эшъёсыз: "Шуныт!" Дышетскись. "Вал". Эшъёсыз. "Пӧсь!" (Кыӵе ке тодметъя янгыш лэсьтыкуз, доска дырын сылӥсьлы эшъёсыз вазё: "Кезьыт!" Нош али мон тодматӥсько, кызьы мон 2-тӥ классысь ӟучомем нылпиосты удмурт сямен лыдӟиськыны дышетӥсько. Темаез : "Сьӧд куакаос вуизы" Та веросъя урокез пӧртэм сямен ортчытыны луоз. Мон пиналъёс азе таӵе ужпум пуктӥсько: сьӧд куакаос сярысь тодонзэс муромытоно. Солы умой юрттоз, малпасько, та тылобурдоосын, тулысэн герӟаськем суредъёс. Таин ӵош ик луэ кыл шыкыссэс узырмытыны, вольыт вераськыны. Ог-огедлы юанъёс сётъяны дышетскыны. Урокын ужаны юрттозы удмурт-ӟуч кыллюкам, тулыс сярысь мадиськонъёс, калык веранъёс, кылбугор но малыок геройёслэн суредъёссы. Уроклэн мынэмез. Пиналъёслы сётӥсько карточкаос. Отын тулыс сярысь ӟуч но удмурт кылын гожтэм текстъёс. Огез дышетскись лыдӟе, мукетыз со верамез ӟуч кылэ берыктэмзэ карточаысь шедьтэ. Тулыс сярысь мадён азьланьтӥське. Ӟуч кылэ берыктоно калык верамъёсты. Карточкаос кык муртлы сётэмын. Миша лыдӟе. "Йӧ ӟузыриос кузесь ке, тулыс кема кыстӥськоз." Ксюша. Кызьпуын сурсву трос ке - гужем зоро луоз. Нош кин сярысь меда таиз кылбур? Сьӧд Макар Кесяське: "Кар!" Со лыктэ, тудву потэ. (Сьӧд куака). Сьӧд куакаосын суредэз возьматӥсько. Собере юаськом: - со сярысь мар тодӥськоды? - кыӵе пайда сёто та тылобурдоос? (Пиналъёс вераны быгато ӟуч яке удмурт кылын). "Сьӧд куакаос вуизы" веросэз лыдӟисько. Пиналъёс сак кылзо. Собере та веросъя кенешон ортчытӥськом. Котькудӥзлэсь юасько, мае тодӥзы шуыса. Верало удмурт но ӟуч кылын. Выль кылъёс бордын ужан. Кылъёс кыкетӥ гожтэмын. Нырысез - умуртэз ляб тодӥсьёслы, кыкетӥез кылэз - ӟеч тодӥсьёслы. нырысь сьӧд куака кар ӵашетэ кӧло дыртэ котырак калго кӧс ньӧр лумбыт сьӧд куакапиос усьтӥськыны (Табере та кылъёсты ӟуч сямен гожтэ. Куд-ог тодымтэ кылъёсты словарьысь но учкыны луоз). Пиналъёс ог-огзэс эскеро но юртто тодӥсьтэмъёсызлы. "Кин тросгес?" шудон. "Сьӧд куакаос вуизы" веросъя юанъёс малпано. Кудӥз ряд тросгес юан гожтӥз, со вормисе потэ. Малыок но юан ваем тӥледлы, пиналъёс. Текстысь шедьтоно юанлы валэктон сётӥсь предложениез но лыдӟоно сое: - кыӵеесь сьӧд куакаос? - мар каро соос ӵукнаысен ӝытозь? - ваньмыз-а лэсьто выль каръёс? - малы дырто сьӧд куакаос? Йылпумъян. Мае тодӥды туннэ урокын? Ма карыны дышиды? Ӟеч тыршем пиналъёслы отметка пуктыны луоз. 1 Н.М. Люкина, Глазов пединститутысь удмурт филология кафедраысь дышетӥсь. Кызьы вераськом? Пиналъёслэсь кылзэс волятон - дышетсконын одӥгез кулэ луӥсь ужпум. Нуналысь нуналэ тыршоно соослэсь вераськон кылзэс узырмытыны, волятыны, малпанзэс радызъя но шонер вераны мед быгатозы шуыса. Пусъеме потэ: та выллем темалы сӥзем материалъёс вал ини М.Р. Сельченковалэн (1992 � 1), М.Р. Фёдоровалэн (1990 � 1) ужъёсазы. Огъя учконо ке, школаосын, мынам малпамея, устной литературной вераськонлы саклык тырмыт уг висъяськы на. Сое шдыны луэ Глазкарысь пединститутын дышетскись удмурт студентъёслэн вераськемысьтызы но. Литературной кылын соос чебер, вольыт вераськыны уг быгато, уго соос пӧлысь тросэз ӟучомемын. Та ласянь уйпал ёросъёсын ужась дышетӥсьёслы секыт усе. Пединститутэ дышетскыны пырем студентлэн вераськон кыллэсь нормаоссэ чакламез уг шӧдӥськы. Занятиосын асьсэ пал манерен верасько. Соин ик сюлмаськиськомы, нырысетӥ курсысен ик литературной кылын вераськыны мед тыршозы шуыса. Удмурт кыллэн литературной нормаосыныз нимысьтыз пособиос ӧвӧл ке но, пиналъёсты дышетыны кулэ куараосты шонер вераны. Соин ик кыл волятонын нимысьтыз инты басьтэ. Орфоэпия куараосты шонер но чылкыт вераны дышето пичи классъёсын ик, пӧртэм артикуляционной гимнастикаос ортчытъяса. Котькуд удмурт фонемаез веран понна, тодыны кулэ буквалэсь значенизэ. Соин ик, орфоэпической ужъёсты ортчытъяны кулэ бадым классъёсын но. Орфоэпия эскере куараослэсь вераськонын воштӥськемзэс, валэктэ кызьы соосты вераны кулэ литературной кылын, фонетической законъёс вылэ пыкиськыса, нимысьтыз правилоос кылдытэ. Удмурт кылын чылкыт но вольыт веран - вордскем кылынызы вераськисьёслы чурыт курон луыны кулэ. Арысь аре тодон-валанзэс будэтыса, пиналъёс литературной кылын вераськыны, анай кылмылэсь чеберлыксэ но аспӧртэмлыксэ валаны кутско. Уйпал ёросысь удмурт пиналъёс тросэз ӟучомемын бере, соос рос-прос асьсэ кылын вераськыны уг быгато. Ӟуч шӧмын вераськонлэн бервылэз ик герӟаськемын луоз, кылсярысь, порядковой числительнойёсты веран но: витетӥ интые верало витет'ӥ (точкаен ӥ азьын согласноез небыт веран). Орфоэпия но орфография куспазы юн герӟаськемын. Мукет сямен вераса, удмурт кылын куараосты шонер веран куронъёс гожъяськон правилооос бордысь пото. Но мынам чакламея, порядковой числительнойёсты шонер гожъяло, правилооосты тодо, нош чылкыт, вольыт вераны уг быгато. Та выллем янгышъёсты палэнтон вылысь пиналъёслэсь вераськемзэс чакланы кулэ. Со понна кылъёсты укрокысь уроке тодэ ваёно, соосты шонер но шара верано. Озьы ик вераськон (речевой) аппаратэз но волятыны кулэ, ӟуч вераськон шӧм (акцент) медаз шӧдӥськы шуыса. Анай кылыныд пӧртэм ужъёс лэсьтоно, кылсярысь, шуг кылъёсты, кыл тэчетъёсты, веранъёсты но предложениосты шара веран, кылъёсын ударениоссэ шонер пуктон но мукет амалъёс. Мон сямен, ӟуч кылын ик герӟаськемын, дыр, ӧ куараез э гласноен суран. Диалектологиын тае диалектной аспӧртэмлык шуыса эскериськом. Куара шуккиськон (акустика) ласянь учконо ке, ӧ матын луэ ӟуч кылысь кыллэн кутсконаз сылӥсь э-лы (эхо, этот) но ӧ фонемаез вераку, ымез паськыт устӥськом, ӧжытак ымдуръем луэмез шӧдӥське, кыл берлань кыскемын. Пумисько таӵе умойтэм веранъёс эй, (ӧй), лэсйас'кэ (лӧсйас'кэ), кэн'а, (кӧн'а). Орфографиын но таӵе ик янгыш пумиське. Кылэз волятон бордын ужаку, лыдэ басьтыны кулэ ударениез но. Татын тужгес но шӧдӥсько диалектной веранъёс, уг чакласькы литературной кылын куараосты чылкыт но шонер веран. Удмурт кылын ударение усе берпуметӥ слоге (фиксированной), но вань куд-ог учыръёс, кытын ударение берпум слог вылэ уг усьы. Тросэз соос диалектной аспӧртэмлык луыса кутӥсько ке но, асьмеос пиналъёсты литературной нормаосъя вераны дышетыны кулэ: кылсярысь, вераломы интые вераломы, витети интые витети. Дышетскисьёс куспазы пӧртэм сямен верасько ке но, урокъёсын занятиосын шонер мед вераськозы шуыса тыршоно. Литературной кылын вераськыны дышетӥськом бере, ударениез шонер пуктыны мед тодозы. Кызьы пусйимы вал ини, удмурт кылын куараосты шонер веран нормаос пото орфографической куронъёс бордысь. Шонер гожъяськыны быгатӥськод ке, соосты озьы ик гожтод но. Кылэз орфоэпилэн нормаосызъя веран понна, дышетскисьёслы шонер орфограмма бырйыны кулэ. Та учыре кыл волятонын нимысьтыз шуг-секытъёс уг кылдо. Но вань на куараосты веран сыӵ нормаос, кудъёсыз гожъяськон правилоен уг тупало. Со, кылсярысь, герӟаськемын регрессивной ассимиляцилэн (азьпалан сылӥсь согласной куара бӧрсяз сылӥсезъя тупатске: н согласноез ӟ,ч аффрикатаос азьын небыт вераськомы, нош гожтыкумы небыт луэмзэ ум возьматӥське. Ӟ,ч небытэсь бере, соос асьсэя тупато азьпалаз сылӥсь н согласноез но. Кенӟали (кен'ӟали), мунчо (мун'чо) но мукет. Озьы ик небыт вераськомы ӟ, ч азьын сылӥсь д,т согласнойёсты но: быдӟым (быд'ӟым) яке быдӟым , кутчаны (кут'чаны) яке (куччаны). Занятиосын кыл волятон ужъёс ортчытыку, та учыръёсты лыдэ басьтыны кулэ, малы ке шуоно, дышетскисьёс пӧлын вылӥ верам согласнойёсты чурыт верасьёс пумиськыло. Со озьы ик орфоэпической янгыш луэ. Соин ик ваньзэ сое пиналъёслы валэктоно. Соку гинэ соос шонер но вольыт вераськыны быгатозы, валалозы удмурт кылмылэсь чеберзэ, жингрес но лэчыт луэмзэ. 1 Р.И. Резенова, Люм школаысь удмурт кылъя но литературая дышетӥсь "Школаын кылбуръёсты эскеронъя куд-ог дэмланъёс" Азькыл Мон, Раиса Ивановна Резенова, тыршисько Люм шор ёзо школаын удмурт кылъя но литературая дышетӥсь луыса. Ужан опытэ сокем бадӟым ӧвӧл на - 8 ар. Туж яратӥсько аслэсьтым предметме. Быгатэмея ялан тыршисько ужам выль амалъёс пыӵатыны. Та авторефератам мынам вераськеме потэ удмурт кылбурет сярысь. Со юнме шорысь ӧвӧл. Мар ватонэз, тросэз пиналъёс уг ярато поэзиез. "Нош ик кылбур",- шуэмез кылоно. Нош малы меда со озьы луэ? Кызьы тупатоно та югдурез? Асьмелэн пиналъёсмы урод тодо анай кылзэс. Начар соослэн кыл шыкыссы. Ма собере Глаз ёросысь поэтъёс но ичи пото. Соин ик мынам ӝутэме потэ таӵе туж кулэ ужпумъёсты: 1) кызьы удмурт кылэз яратон но гажан мылкыд пыӵатоно, кызьы "адӟытоно" анай кыллэсь узырлыксэ но чеберлыксэ; 2) паськытатоно пиналъёслэсь литература удысын тодон-валанзэс; 3) сайкатоно пиналъёслэсь саклыксэс, фантазизэс но литературно-творческой быгатонлыксэс, асьсэлэсь малпамзэс кылсуред вылын, чебер (художественной) кылын вераны но гожъяны дышетоно; 4) кылбур гожъяны кутскисьёслы сётоно луонлык ас кужымзэс эскерыны, юрттоно нырысетӥ вамыш лэсьтыны; Шоркыл. Малы бен пиналъёс уг ярато кылбуръёсты? Тросэз со асьме бордысь потэ. Кызьы дышетӥсь валэктоз, сэрттоз-пертчоз созэ яке тазэ кылбурез. Сэрттоз-пертчоз шуэм, оло, мултэс но луоз. Дышетӥсьлы усьтыны быгатоно кылбурлэсь чеберлыксэ. Лыдӟыны юрттоно кылбуръёсты. Мынам та ужез тазьы но ӵошатэме потэ: нылпилы выжыны юрттоно шурлэн огпал ярдурысеныз мукет палаз. Мар бен со поэзия? Тани ма шуэ быдӟым ӟуч критик В.Г. Белинский: "Поэзия уг яраты огъя кылъёсын верам гольык идеяосты; малпанъёсы, мылкыдъёсы со улэп образ пыӵатэ. Со образъёс пыр авторлэн малпанэз сэрго-сэрго чылкыт пияла пыр кадь яркыт чильпыра. Поэт котькытысь тусбуйёсты, буёлъёсты, котьмалэсь формазэ но ас ымнырзэ адӟе."1 Мон шуысал на, со - аспӧртэмлыко дунне. Дунне, кудаз герӟасько чебересь визьбуръёс, малпаськонъёс. Нош котькинлэн-а мед-а кылбурчи потэ луэмез? "Веранэз ӧвӧл, кылбурчи луон понна кылбурчи мылкыд мед луоз. Со мылкыд (кудӥз сое "дарование" шуо) ке луиз, адями азьлань но вамыштыны быгатоз. Мылкыд ке ӧз луы, котькӧня тон туртты кылбурчи луыны, пайдаез уз луы. Со сяна, кылбурчилы син, пель кулэ. Ас котырысьтыз улон-вылонэз валаны со мед быгатоз. Ас тодэмзэ узырмытыны ке ӧз сюлмаськы - улонлэсь бере кылёз: улон питран кадь, бергаса азьлань погыльскоз; нош кылбурчи, ассэ вылтӥяса, дышетскытэк улыса, - улонлэсь туж бере кылёз. Улон-вылонэз мар валаны юрттэ, улон-вылонлэсь кыӵезэ мар возьматэ - тӥни сое гинэ кылбурчи басьтыны мед быгатоз. Кылбур гожъясь - со туж бадӟым усточи (мастер). Соин ик солы туж уно тодыны кулэ. Уно дышетскыны кулэ. Кылбурчи луон понна, ас кылдэ но ӟеч тодыны кулэ. Кыл - со кылбурчилэн гырон-усыян музъемез. Кыллэсь законъёссэ ке ӧд тод, кылбуред но паньсам дэри кадь луоз, солэн тысьёсыз лыдӟисьёслэн сюлэм пыдсазы уз усе.2 Туж шонер верамын. Мон тани ачим но гожъяськонэн вырисько. Кылбуръёс но пӧлаз-пӧлаз "пӧраллясько". Туж сюлэмшугъяськытэ пиналъёслэн кылбур дунне шоры палдурес учкемзы. Быгатэмея тыршисько таӵе югдурез тупатыны. Кылбуръёсты валаны туж юртто поэтлэн, УдГУ-ысь тодосчилэн В. Шибановлэн валэктонъёсыз. Пӧртэм терминъёсын тодматскыны ӵектэ со. Кылсярысь, оппозиция (образъёслэн ваче пумит луэмзы); архетип (вашкала вакытысь вуэм образ); лейтобраз (ӵем пумиськылӥсь образъёс) но мукет. Котькуд кылбурлы со кыӵе ке но тунсыко юанъёс малпаны, ӵектыны быгатэ. Кылбуръёсты мон эскерисько та выллем схемая: 1. Кылбурлэн темаезъя, идеяезъя. 2. Вань-а лирической героез? Кин со? 3. Кыӵе чеберлыко (художественной) амалъёсты уже кутэ автор? 4. Кыӵе мылкыд кылдэ кылбурез лыдӟыса? Но та юанъёс примерноесь гинэ. Котькуд кылбурез эскерыны соос уг тупало. Литературая урокъёсын кылбуръёсты ӵемысь учкытэк дышетыны косӥсько. Со ужез капчиятыны одӥг амал юрттэ. Доска вылэ азьло ик гожтӥсько кылбурлэсь оглюкетсэ. Ӵемысь кутсконзэ. Пиналъёсын ӵош лыдӟиськом сое. Собере шедьтӥськом отысь существительнойёссэ. Ачим пумен соосты ӵушылӥсько. Нош ик лыдӟиськом. Тодэ ваиськом ӵушем интыоссэ. Озьы бӧрсьысь бӧрсе утчаськом глаголъёсты, прилагательнойёсты, местоимениосты, числительнойёсты но мукетсэ. Одӥг кылын вераса, доска вылэ номыр но уг ни кыльы. Учкиськом буш кылем доскамы вылэ но выльысь кылбурмес тодэ вайыса лыдӟиськом. Та амаллэн туж бадӟым пайдалыкез. Со быдэстэ трос ужпумъёсты: 1) пиналъёс тодэ ваё вераськон люкетъёсты; 2) лэчытоме саклыксы но юнма йырсазьзы, зрительной памятьсы. Удмурт кылъя урокъёсын но та амалэз уг палэнтӥськы. Озьы "шутэтскиськом". Тема тупамъя, чуръёсты бырйисько, арлэсь выкытсэ чакласа. Кылсярысь, 6-тӥ классын ортчиськом обращениосты. Татчы туж тупа "Изь, изь, нуные" нимо кылбур. Кыӵе чебер, мусо кылъёсын со гожтэмын! Изь, изь, нуные, зарни бугоре. Изь, изь мусое, улмопуысь сяськае. Чагыр, чагыр дыдыке, малы пыддэ жобаськод? Дугды, пие, бӧрдэмысь, калык кылоз урамысь. Кӧл, нуные-пичие, миськем сяртчые, Изь, изь, пиёке, муспотонэ. "Шутэтскиськом" куддыръя ньыль чуръем кылбуръёс гожтыса но. Со понна утчаськом рифма. Мар ай бен со сыӵе рифма? Со - чуръёс пумысь огкадь куараос. Рифма гожтэмез лэчытомытэ, чебер кылӥськытэ, лыдӟыны капчиятэ. Кылсярысь, сётӥсько тари кылэз. Кыӵе но кылъёс уг шедьто, ява, шумприч нылъёс но пиос: пери, тури, ӟугыри, ури-бери, кури, пыри но мукет. Ог-огзэс ортчыны турттэменызы, лэся, куддыръя кылбурзэс син куспын пӧрмыто. Кылем арын 5-тӥ классын ужам нимысьтыз пичи группаосын. Нырысетӥ группа таӵе чуръёс кылдытӥз: Кизи тари, жагзэ ури, Будӥз тари ури-бери. Кокчаз тури, нуиз пери, Быриз тари, кылиз дэри. Кыкетӥез группа: Ульчаын сӥзьыл дэри, Чилекъя ни гудыри. Шунытэз утча тури. Ой, быри, быри, быри. Рифмаос но чуръёсын тупало кадь, нош пуштроссэ учконо ке, со ӧжыт мыдланьгес пӧрмемын. Соин ик та выллем учыръёсты валэктыны тыршоно. Пиналъёслы верасько, кылбур гожтыку, рифма сьӧры уиськоно ӧвӧл шуыса. Уг рифмаен чуръёсты малпаз куинетӥ группа. Мон уг дышетскы ни, уг. Та уж мыным сётӥське туж шуг. Ойдолэ кароме круг, Ум утчалэ ни пӧртэм муг. Куд-ог дыръя кылбур гожтон понна сётӥсько кык чуръёссэ гинэ. Шуом: Классын пуко п иналъёс, Ваньзы соос удмуртъёс. Вадим Трефилов нош азьланьтэ тазьы: Чебересь татын нылъёс, Визьмолэсь визьмо пиос. Настя Блинова музон сямен: Вуоно кивоштӥсьёс, Улонэз ӟеч карисьёс. Та выллем чуръёсты гожтӥзы мукетъёсыз но пиналъёс. Вылӥ верамъёсыз дышетско али 7-тӥ классын. Мукет учыре сётӥсько кыӵе ке образ гинэ яке кылбурысь кӧня ке кылъёссэ. Кылсярысь, таӵезэ: Липетмы бӧрдэ, лэся (тулыслэн вуэмез сярысь). Лена Мышкина таӵе кылбур пӧрмытӥз. (Али со дышетске 10-тӥ классын): Ӵукна пал сайкай гинэ, Урамын тёп! тёп! вазе. Кыӵе шумпотӥ, ява, Бызьыса педло потӥ. Учкисько но адӟисько: Липетмы бӧрдэ, лэся. Март толэзь озьы вуэ, Тулысмы тэтэ каре. Та кылбур бордын ужанэз трос на. Но мон пиналъёслэсь чуръёссэс тупатъяны уггес турттӥськы. Мед кылёз асьсэлэн шӧмзы. "Кылбуран - со кырӟан, мылкыдъёсты кырӟанэ кисьтыны быгатон. Кырӟаны луэ ас поннад, аслыд гинэ, кырӟаны вӧзысьтыд эшедлы яке матысь адямиедлы; яке кӧня ке муртъёслы гинэ (кылбурчи ачиз висъя ни, кинлы со сӥзе чуръёссэ).3 Бен, куд-ог кылбуръёслэн кырӟан чуръёссы но вань. Нош ӧвӧл ке пластинкаед, кассетае гожтэмед? Аслыд кырӟась кариськытэ уг луы. Куд-ог кылбуръёс сыӵе образно гожтэмын, уд чида кияд карандаш кутытэк но суред лэсьтытэк. Озьы ужалляськомы, кылсярысь, А. Лужанинлэн "Бусъёсын шобырскизы", М. Покчи-Петровлэн "Кык сяськаос", "Тубат", М.Петровлэн "Байгурезь йылысен", Ф. Васильевлэн "Мертты тон льӧмпу" кылбуръёссыя. Улӥын сётэм кылбуръёслы суред лэсьтэмын кылем дышетскон аре. Дыр трос висъямын ӧй вал - 10 минут гинэ. "Кык сяськаос" кылбурез тазьы адӟе 9-тӥ классын дышетскись Рома Булдаков. - суред "Тубатэз" лэсьтӥз та классысь ик Юра Хаймин. - суред Малпано ке, та суредъёсын номыр сыӵеез ӧвӧл кадь. Но самой дуноез - кылбуръёс пиналъёслэн синмынызы адӟемын. Озьыен, суреданъя но кырӟанъя урокъёсты герӟаны луоно поэзиен но. Уг ни вераськы ӟуч кылъя но литературая занятиосты. Кылбур куддыръя герӟаськемын луэ история предметэн но. Поэзилы сӥзем урокъёс тунсыкоесь мед луозы шуыса, школаямы ӧтисько творческой адямиосты. Берлоез сыӵе пумиськонмы вал южтолэзе. Дорамы вуылӥз Глаз карысь улӥсь Леонид Васильевич Лихачёв. Со туж паймымон адями: суреда но, туспуктэмъёс но лэсьтэ, крезьгуръёс но кылдытъя. Нош поэзия но крезьгур артэ вамышъяло ук! Ӧтем куномылы пичияк экзамен но ортчытӥмы. Юанъёсмы та выллемесь вал: Кыӵе удмурт писательёсты тужгес но вылӥ дунъяськоды? Крезьгур кылдытыкуды, кыӵе малпанъёс бергало йырады? Мар верасалды егит кылбурчиослэн но крезьгурчиослэн творчествозы сярысь? Леонид Васильевич ваньмызлы валэктонъёс мылысь-кыдысь сётъяз. Солы юрттӥз на мандолина. Поэтъёслэн кылбуръёссыя кылдытэм крезьгуръёс нылпиослэн сюлмазы ик пыӵазы. Со вал Любовь Тихонованалэн, аспал эшезлэн, Яр ёросын будэм Алексей Ельцовлэн, Р. Резеновалэн но мукетъёсызлэн чуръёссыя кырӟанъёс! Леонид Васильевич вылӥ дунъет сётӥз Ашальчи Окилэн но Флор Васильевлэн кылбуретсылы. Та пумиськон ортчиз но малпасько: яраз-а меда со пиналъёслы? Сюлэм буйгатскиз, куке адӟи, "Иднакар" ёрос газетысь та ужрад сярысь печатлам ужез. Гожтэм сое 10-тӥ классысь дышетскись Оля Щепина. "Дуно куно" шуыса нимам со заметказэ. Ёросамы "Ваньмылы уд усьты сюлэмдэ" нимо сборник потӥз. Татчы люкамын Глаз ёросысь самодеятельной поэтъёслэн кылбуръёссы. Та книгаен тодматскон (презентация) ортчытӥмы школаын. Вуылӥзы ёрос библиотекаын ужасьёс, куд-ог кылбурчиос но: Валентин Агафонов, Галина Баженова, Валерий Корепанов. Пиналъёслэн пӧртэм юанъёс сётъямзы, басьтэм книгазылы автограф куремзыя малпан кылдэ, та ужрад соослы маке но выльзэ сётӥз шуыса. Ӟеч кусыпъёс возиськом Слудкаысь самодеятельной крезьгурчиен Н. Ельцоваен но. Ӧтиськом ке, ноку пумит уг луы, котьку лыктэ. Школаямы ужа литературно-творческой кружок. Татчы нокин но кужмысь уг ветлы. Лыкто асьсэлэн мылкыд каремзыя. Кружоклэн аслаз ужан планэз, мугез. Пиналъёс татын тодматско пӧртэм гожъяськон амалъёсын, литературной валанъёсын. Бадӟым инты висъяськомы поэзилы но. Пиналъёслэсь мылкыдзэс ӝутон понна, нырысетӥ занятиосын ик тодматӥсько аслам гожъямъёсыным. Быдэс занятиез сӥзиськомы нимысьтыз поэтъёслы. Кылсярысь, кылем арын эскерыса потӥмы И. Пельтемовлэсь, Ф. Васильевлэсь, В. Возняковлэсь, Э. Батуевлэсь кылбуръёссэс. Мургес эскериськомы кылбур размеръёсты, рифмаосты. Нырысь лэсьтэм вамышъёсмес элькун но ёрос газетъёс пыр лыдӟисьёслы возьматыны тыршиськом. Бен, ваньмыз ик кружоке ветлӥсьёс кылбурчи уз луэ, нош кылбуръёслэсь пуштросэс мургес валаны, асьме аныкай кылмылэсь жингрес, чебер, узыр луэмзэ шӧдыны кутскозы. Улӥын сётӥськом пиналъёслэсь кӧня ке ужъёссэс. Гуртэ. Яратско мон та гуртме, Чик уг поты кошкеме. Весь татын мон улысал, Губияны ветлысал. Татын вордскиз атае, Тумошо песятае. Анае нош Вожкырын Балезино районын. Чоньпиньын песянае Вордӥськиз гужем бере. Яр районын улыса, Со вуиз Заризь пала. Чебер мынам коркае, Кызьпуос дорын сылэ. Школа интыын улӥськом, Весь маке но шедьтӥськом. Катя Щепина, 5 кл. Тулыс вуиз! Тулыс вуиз! Тулыс вуиз! Куазь но шунытгес луиз. Тулыс бызё шуръёс, Сайкало ини возьёс. Тылобурдоос лыкто, Кырӟанъёссэс кырӟало. Сяськаос сяськаясько, Писпуос но куаръясько. Лымы урамын шуна, Пичиос бен шумпото! Гондыр гуысьтыз потӥз, Ми доры тулыс вуиз! Марина Уракова, 7 кл. Таос пӧлысь тужгес но висъясал Катя Щепинаез. Солэн гожъямъёсыз туж аспӧртэмлыкоесь. Кыӵе пайми но шумпотӥ, куке одӥгаз вордскем нуналам со кузьмаз мыным аслаз кылбуръёсыныз сборниксэ. Альбом листокъёслэсь со пичи книга лэсьтэм, чуръёсызъя суредъёс но малпам на. Йылпумъян. Удмурт поэзия сярысь вераськонме йылпумъяса, тани мае пусъеме потэ. Кылбуръёсты азьло но гожъязы, азьланяз но трос кылдытозы. Бызись ошмес сямен ик, кылбур гожъян удыс уз быры. Вордскозы устолэсь но усто произведениос. Школаын кылбуръёсты эскеронын но выль пайдаё амалъёс но ӵектонъёс луозы. Та гожтэмам мон вакчияк гинэ мади куд-ог ужан амалъёсы сярысь. Нош вань-а меда таӵе тыршемлэн пайдаез? Мон шуысал, вань. Пиналъёслы тросэзлы таӵе ужъёс ярало. Басьтом кылбуръёсты гожъянэз ик. Кык Катя Щепкинаос трос пол печатласькизы ни газетъёсын. Ас понназы быдэс альбом кылдытӥллям. Нош "Ӟечбур" газетысь одӥгез корреспондент тазьы дунъяз Катя Щепиналэсь гожъямъёссэ: "Юн интересно гожъя ук со тӥляд!" (Газетэ печатлам куинь кылбурез сярысь озьы со вераз, нылашез ассэ адӟытэк). Та гожъяськисьлэн анаез шуэ: "Ныллэсь азьпал улонзэ журналистикаен герӟано вал." Кылбуръёсты школаын пӧртэм сямен эскерыны луоно. Котькытын но бадӟым мылкыд кулэ. "Вань кылбуръёс одӥг кабен пӧрамын луысалзы ке, соос трос кулэ ӧй луысалзы. Поэзилэн узырлыкез солэн пӧртэм луэмез бордын, солэн ялан выльдӥськемез бордын."4 Мыным аслым но ӟеч тодоно удмурт поэтъёслэсь творчествозэс, соослэсь гожъяськон манерзэс. Соин ик кылдытъясько методической разработкаос но. Малпалоды, оло, мынам ужам ваньмыз умой шуыса. Со чик но озьы ӧвӧл. Азьпалам туж трос ужпумъёс. Ялан шедё могӟетъёс. Нырысетӥез ик, со адямиослэн удмурт кыл шоры чиньы пыр учкемзы. Кыӵе секыт ужаны, куке куд-огез дышетӥсьёсмы (асьсэос удмуртъёс!) шуо: удмурт кыл мултэс предмет, люкетэ гинэ, пе, со. Соослэн гинэ предметсы кулэ иське! Шоканы но, ужаны но озьы секыт. Но мон уг аналты кутскем ужме. Ялан возьматыны тыршо удмурт кыллэсь, удмурт кылбуретлэсь вылӥ интыын сылэмзэс. "Тросгес лыдӟе поэзиез. Соку одно ик шедьтоды улыны, шуг-секытысь потыны юрттӥсь кылбуръёсты."5 Уже кутэм литература. 1. Л. Айтуганова. "Н. Байтеряковлэн кылсуред кылдытонын пӧртэмлыкез сярысь." ("Вордскем кыл" журнал, 1995, � 5, 50 стр.). 2. К. Герд. Кызьы кылбур-верос гожъяно. ("Вордскем кыл", 1997, � 2, 73-74 стр.). 3. А.А. Ермолаев. Тынад эшед - поэзия. (И, 1989, 7, 49 стр.). Рефератлэн авторез, ӧжыт ке но, тунсыко опытэз сярысь гожтэм. Ужамезлэн сямъёсыз но адско ини. Мылкыд карисько кутскем ужзэ авторлы азьланьтыны. Р. Берёзин. 1 А.А. Ермолаев "Тынад эшед - поэзия." (И, 1989), 7с. 2 К. Герд "Кызьы кылбур-верос гожъяно." ("Вордскем кыл" журнал, 1997 � 2, 73-74 стр.) 3 Л. Айтуганова "Н. Байтеряковлэн кылсуред кылдытон пӧртэмляыкез сярысь" ("Вордскем кыл" журнал, 1995, � 5, 50 стр.) 4 А.А. Ермолаев "Тынад эшед - поэзия." (И, 1989, 49 стр.) 5 А.А. Ермолаев "Тынад эшед - поэзия." (И, 1989, 49 стр.) 2 Солдатэ келян Егит пи армие басьтон сярысь иворен гуртаз вуэм бере ни, солдатэ келян удмурт сямъёсты адӟыны луэ. Азьвыл котькуд семьялэн сямен вал аслаз валъёсыз. Соин ик сьӧр гуртысь ӵыжы- выжыоссылы солдатэ басьтэм сярысь иворез вуттыны секыт ӧй вал. Валэз кыткылӥзы но сиес-тӥрлыксэ чебермаллязы, букояз ошылӥзы гырлы. Гырлылэсь жингыртэмзэ кылыса, гуртын улӥсьёс бускельёссылы но мукетъёссылы ивортылӥзы, кинлэсь пизэ солдатэ басьто. Вуоно солдат нош, ивор нуыса, муминыз-бубиныз ӵош нырысь ик мынылӥз мумизлэн водскем гуртаз (со сьӧр гуртысь ке вал) ӵужмумиз но ӵужаиз дӥне. Отын куноямзы бере, гуртэ бертон азязы, вуоно солдатлы ас киынызы куэм кузькышет кузьмаллязы. Сое чыртыяз ошыкузы, ӟеч кылъёс вераллязы, вакчи служить карон ар сӥзьылӥзы. Собере, солдатэ басьтон сярысь иворез тодыса, бускель гуртъёсысь мукет ӵыжы- выжыоссы, кум-кумаоссы ӝытъёсы ӧтьылыны ӧдъяллязы. Куддыръя одӥг ӝытэ кык но, куинь но корка ветлоно луылӥз. Котькуд коркан вуоно солдатэз сюлмысь куноятылӥзы, нош кошкон азяз кузькышет кузьмаллязы, куд-огез быгатэмезъя сюрес вылэ шуыса коньдон но сётылӥз. Корка кузёлэн куремезъя, егит пи мумыкор борды чача (чук) шуккыса кельтылӥз, сое та коркан медаз вунэтэ, ӵемгес тодазы мед вайылозы шуыса. Армие кошкон азяз берло уйзэ вуоно солдат егит пиосын но нылъёсын ортчытылӥз. Соос ульча кузя кырӟаса но коркась корка пыраса ветлылӥзы. Котькудаз ик коркан шулдыръяськылӥзы, кошкон азязы вуоно солдат нош ик чача шуккылӥз. Солы ӵушкон яке кузькышет сётылӥзы. Та уе ӵемгес чузъясько вал "Последний нынешний денёчек", "Аж, куда ж ты, паренёк", "За лесом солнце воссияло" но мукет кырӟан гуръёс. Армие келян нуналэ вуоно солдатлэн корказ ӵукна ик трос келясьёс люкасько, кырӟаса, эктыса уло. Коркась потон дыр вуон азьын келясьёсты ӝӧк сьӧры пуктыса сюдо, сурен но винаен сектало. Собере ӝӧк вылэ тьӧдьы ӝӧккышет валё, со вылэ нянь сукыри, сылал но вӧй пукто. Солдатэз сое шӧмъято но мумиз-аиз азьын йыбырттыны косо. Собере солдатлэн анаез, ӟеч ветлон сюрес сӥзьса, пиезлэн чыртыяз кузькышет оше. Солдат кие молот, коньдон, чебер басма кесэг сётыса, сое чача шуккыто. Таӵе дыръя туж ичиез бӧрдытэк чидало. Пумен вуэ сюрес вылэ потон дыр. Корка ӧс куспетӥ солдатэз кунултыса мышкин потто, бертыны мед кылдоз шуыса, капка сьӧры потэм бераз, солдат корказ берытскылэ на "вунэтэм" изьыез понна. Келясьёс гуртлэн кар пал пумозяз ик кырӟаса мыно. Сюрес вожез ортчем бере, азьпала пото солдатэз нуон понна чебермам валъёсын. Келясьёслэсь киосээс кутылыса, солдат люкиське соосын но берпал уробое пуксе. Ямщикъёс интыысенызы ик валъёссэс туж ӝог вырӟыто. Солдат ӵушконэныз шонаса кошке. Келясьёс, солдат син азьысь ышытозь, киосынызы шонаса сыло. Мумиз-аиз, матысь ӵыжы-выжыосыз но куд-ог эшъёсыз военкоматозь ик келяло. Улон азинскемъя, удмуртъёслэн солдатэ келян сямъёссы но воштӥсько. Чебермам сиес-тӥрлыкен, гырлыен валъёс интые солдатэз али нуо машинаен. Солдатэ келян гуръёс, чача шуккон но пумен вуныны кутско. Кочиш гуртын но али пиосты армие келян но, соосты бертыкузы пумитан но воштӥськемын ни. 1 Ужан опытысь. Шор ёзо школаын. Трефилова К.Н. Парзи шор ёзо школаысь дышетӥсь. Зачётъёсъя ужан - пайдаё амал. Школамы дасо арлэсь кема ужа ни зачёт системая. Зачётъёс ортчытъясько 10-тӥ - 11-тӥ классъёсын. Кутэмын нимысьтыз положение. Зачёт система - со бадӟым классъёсын дышетскисьёслы ар яке ӝыны ар понна кыӵе ке темая аттестациос ортчытъян. Система ас азяз таӵе ужпум пуктэ: нылпиослэсь тросгес тодон-валан басьтон мылкыдзэс ӝутыны, соосты шор ёзо но вылӥ дышетскон заведениосы дышетскыны пырон вылысь дасяны. Зачёт системалэн пуштросэз: - котькуд предметъя пуктӥське сомында зачёт уж, кӧня кулэ быдэстыны дышетскись, висемез яке мукет муген урокъёсы ветлэмез шоры учкытэк; - ӝыны арлы умой оценка пуктӥське, дышетскись вань зачёт ужъёссэ быдэстӥз ке; - палар понна умой оценка пуктыны луэ, дышетскисьлэн та дыр куспын кык умой оценкаосыз вань ке; - кыӵе ке предметлы арняяз кык час гинэ сётӥське ке, со предметъя араз куинь- ньыльлэсь трос зачёт луыны кулэ ӧвӧл ; - кыӵе ке темая зачётлэн куронъёсыныз дышетӥсь тодматэ, выль тема борды кутскыкуз ик; - класслэн журналаз созэ яке тазэ оценкаез пуктон ужпумез быдэстэ предметъя дышетӥсь; - зачёт ужын, одно ик быдэстоноосыз сяна, луыны кулэ ватсаса быдэстоно ужъёс но, таосыз понна пуктӥське "4" яке "5". Усто дышетскисьёс одно быдэстон ужъёслэсь уг мозмытӥсько; - темая йылпумъясь оценка пуктыны чакламын палар ортчемлэсь азьвыл ик. Таӵе пӧртэм урокъёс отчытъяны дэмласько: - урок-лекция (выль материалэз лекция амалэн валэктон); - урок-семинар (дышетоно материалэз муромытыса эскерон); - лабораторно-практической занятиосын урокъёс (практикумъёс); - темая урокъёс-зачётъёс. Та куронъёсты лыдэ басьтыны кулэ 10-тӥ - 11-тӥ классъёсын ужась котькудӥз дышетӥсь. Зачёт системая аслам ужан амалъёсы сярысь ма но со вераны быгатӥсько ни. Арлэн кутсконаз ик дышетскисьёслы ивортӥсько, ку но кыӵе писательлэн творчествоезъя ортчытомы зачётъёс. Пиналъёс сое пусъё зачёт книжкаосазы. Шуом, туэ дышетскон арлы чакламын таӵе зачётъёс. 10-тӥ класс. 1. Кедра Митрейлэн творчествоез (ноябрь). 2. Г. Медведевлэн творчествоез (январь). 3. М. Петровлэн творчествоез (март). 4. И. Гавриловлэн творчествоез (май). И. Кедра Митрейлэн творчествоезъя ужъёс. 1. Ортчем сюресэзъя юан. Кылсярысь: кытын дышетскиз Кедра Митрей? 2. "Секыт зӥбетъя" (яке "Зурка Вужгуртъя") юан. Кылсярысь, Вортча Пужейлэн образэз пумысен. 3. Геройёслы ӵошатыса дунъет сётон: Дангыр но Кион Эркемей (гожъяно). 4. "Кедра Митрей" йыртӥян. Татын луоз йыртӥян! Кедра Митрейлэн дышетӥсез. Учёной званиез. Романысь героиняез. Тужгес тодмо веросэз. "Секыт зӥбетысь " валтӥсь герой. Бетколэн анаез. Черклэн кузёез. Легендаысьтыз батыр. Кытын ортче романлэн действиез. Казаньын удмурт кыллы дышетӥсь. "Секыт зӥбет" романысь отрицательной герой. ИИ. Григорий Медведевлэн творчествоезъя ужъёс. 1. Писательлэн ортчем улон сюресэзлы план. 2. "Лӧзя бесмен" романысь одӥгез образ. 3. "Романысь геройёс" йыртӥян (пиналъёс асьсэос дасяло). ИИИ. Михаил Петровлэн творчествоезъя ужъёс. 1. "Италмас" поэмалэн аспӧртэмлыкез. 2. "Вуж Мултан" романъя юанъёс. Кылсярысь: ку но кытын ортчо судъёс? Кыӵе приговор кутэмын? 3. Геройёслы ӵошатыса дунъет сётон: Короленко но Раевский. ИВ. Игнатий Гавриловлэн творчествоез. "Котырес ӝӧк сьӧрын". Юанъёс: 1. Кыӵе улон сюресэз ортчиз И. Гаврилов? 2. Кыӵе жанръёс бордын со ужаз? 3. Кыӵе ужпумъёс ӝутэмын "Вордӥськем палъёсын" трилогиын? 4. Сергей Климов но Василий Камашев - егит писательёс. Малы соослэн улон сюрессы пӧртэм сямен ортче? 5. Катя но Вара. Маин ярало но уг ярало тӥледлы та нылкышно геройёс? 6. Малы произведение "Вордӥськем палъёсын" шуыса нимаське? 7. Санӥлэн образэз ("Санӥ" поэмая). 8. "Камит Усманов" трагедиысь люкетэзъя инсценировка. 11-тӥ класс. Таяз классын но чакламын ньыль зачёт урокъёс. Степан Широбоков. Поэтлэн творчествоезъя ортчытӥськом письменной зачёт - сочинение, таӵе пусъем темаосъя. 1. Степан Широбоков - калык поэт. 2. Шаер тема поэтлэн творчествояз. 3. "Кык вынъёс" поэма - Быдӟым ож вакытэз возьматӥсь произведение. 4. Тыршиськод ке, малпанъёс быдэсмо ("Кемалась малпанъёс" поэмая). 5. "Яратон, яратон! Мар меда сыӵе тон?" ("Ой, чебер нылъёс" комедияя). Геннадий Красильников. Таяз зачётын котькудӥз дышетскись ответ сётыны кулэ та юанъёс пӧлысь одӥгезлы. 1. Малы озьы нимаське дилогилэн котькуд люкетэз ("Вуж юрт", "Тӧлсяська")? 2. Малы Макар, азьвыл ужез яратӥсь адями, тырше ас юртэз понна гинэ? 3. Тупа-а Зоя кыӵе ке но сямъёсыныз туала вакытысь адямилы? 4. Анай-атаеныз ӵошатыса, малы Олексанэз шуыны луоз выль адями? 5. Малы озьы нимаське "Арлэн кутсконэз" роман? 6. Кызьы валаны луэ, Соснов Фаина сярысь малпаське шуыса? 7. Малы Сосновез чылкак положительной герой гинэ шуыны уг луы? 8. Тупа-а Световидов туала улонысь адямилы? Собере котькудӥз дышетскись вера ас малпанзэ, кыӵе герой но малы солы яраз. Эшшо одӥг уж: гожтоно геройёслы характеристика (быръё асьсэос). Ваньзэ огъяса, котькуд дышетскисьлы пуктӥсько одӥг оценка. Семён Самсонов. Зачёт-дискуссия. Юанъёсты азьло ик сётӥсько. Эскериськом солэсь "Тугаськем бугор" повестьсэ но "Дыдыкъёс бус пӧлы уг йыромо" романзэ. Юанъёс: - Олег Казаков - положтельной герой. Олег Казаков - отрицательной герой. Валэктэ, кызьы малпаськоды. - Флор Мартынов - бригадир, быгатэ калыкен вераськыны, егитъёсын огъя кыл шедьтэ. Яраз со Олеглы но. Иське, со умой адями, положительной герой? - Аркаш - юн сямо адями? - Луоно Белов кадь. Ужед но, бумагаосыд но чылкытэсь луозы. - Майор Варламов - адямиослы оскись. Оскон куддыръя люкетэ. Зэм-а со? - Зоя Ермакова быремез понна ачиз янгыш. Яке мукет мурт-а? - "Тугаськем бугоръя" пуктэмын "Берыктыны ке луысал" спектакль. Шонер-а, повестьлэн нимыз озьы ке луысал? - Таӵе темаен произведение удмурт лыдӟисьлы кулэ ӧвӧл. Тӥ кызьы малпаськоды? - Прораб Поликарп Захарович - кунлэсь ваньбурзэ капыръяса улӥсь? Туала улонэ выжтыса, со положительной герой. Тӥ соглаш-а? - "Дыдыкъёс бус пӧлы уг йыромо" роман понна С. Самсоновлы сётэмын Удмурт республикалэн кун премиез. Малы ӵапак та произведениез понна? Оло, мукет произведениосыз лябесьгес? - Улонын Тоня Платонова кадь адямиос ӧвӧл. Туала литература. Таиз зачёт аспӧртэмлыко тани маин. Дышетскисьёслы ӵектӥсько произведениосты, кылбур сборникъёсты, кудъёсыз печатласькизы берло аръёсы. Соосъя кулэ гожтыны реферат но эшъёссы азьын вераськыны лыдӟемзы сярысь. Тӥни озьы, урокъёсты пӧртэм пумо ортчытъяса но зачётлэсь кулэлыксэ дышетскисьёслы валэктыса адӟыны луэ та амаллэсь ӟечлыко луэмзэ. Кылсярысь, институтъёсы пырыса, студентъёс но верало зачёт системалэсь школаын пайда сётэмзэ. 1 Гуртмылэн данъяськонэз План 1. Тымет - гуртмылэн данъяськонэз. 2. Тылобурдоослэн яратоно интызы. 3. Татын пӧртэм узырлыкез вань. 4. Тыметэз утёно. Дуно Пӧжы гурт дортӥмы позыръяськыса ик Быдӟым но Омуть шуръёс ортчо. Бадӟымзэ гуртоос ӵыпизы но, паськыт мур тымет пӧрмиз. Табер со гуртмылэн данъяськонэз луиз. Тымет котыр улосэз эшшо чебер кариз. Гужем, пӧсь нуналъёсы, тымет дорысь нылпиос уг кошкыло. Ярдураз луо пӧлын шудо, шуныт вуын пыласько. Татын ик кык ошмесъёс бызё. Юзмыт вузэс юыны луэ. Тыметмес туж трос тылобурдоос тулыс синйылто. Татчы одӥг пол тӧдьы юсь но пуксьылӥз. Тусбуез солэн мӧзмыт, ӝож вал. Со огназ йыромыса малы ке ми пала вуэм. Ми понна со паймымон учыр вал. Ванньмыз, дыр, гуртоос ветлӥзы та тылобудо куноез учкыны. Симнмаськымон та бурдо, йырзэ вылэ ӝутыса, каллен-каллен уяса кошке. Синъёсыз сьӧдэсь, нырыз льӧль. Бӧрысь со кытчы ке ышиз. Туэ тыметмы шумпоттӥз. Милемлы оскыса, яратэммес шӧдыса, пурысь тури быдэс гужемзэ тымет дурамы ортчытӥз. Мон адӟисько туриосме, пудо-живот пумитакум. Васькисько тыметлэн ярдуръёсаз но отысь выльысь пумитасько тодмоосме. Ӵемгес адӟоно одӥгзэ гинэ тылобурдоез. Нош соосыз туриос кышкало адямиослэсь. Тодмо турие ветлэ вутурын пӧлтӥ, кузь пыдъёссэ ӝутъяса вамышъя. Сьӧд синъёсыныз котыр чакласьккыса сылэ. Йырыныз вуэ пыра но отысь ӝог гинэ чорыг кутэ. Тыметмы ӧй ке луысал, мон та паймымон туриосты ӧй но пумитасал. Тыметмес чорыгасьёс но ярато. Кинэз но ӧвӧл татын: клиез, карасез, карпез. Толалтэ но чорыгъёсты поттыло. Тыметмы тулыс туж паськыт луэ. Дорысьтыз возьёс, нюлэс ву улэ шедё. Мӧйыос, йӧ кошкон дыръя, ӵыпетэз чаклало, кыриськемлэсь возьмало. Тымет - яратон интые. Соин ми данъяськиськом. Сотэк гуртмылэн чеберез чиноз, бездоз. Та яратоно интые дорын ик нюлэс будэ. Отын пӧртэм пӧйшуръёс уло. Тэльысь губи, легезьмульы, узы, сутэр, эмезь бичало. Гуртлы матын та инты, соин татчы адямиос ӵем ветло. Одӥгез монэ куректытэ: гурт калык татысь пу кора. Силёез нокин но уг утялты, отыназ ик сисьме. Солэсь висён пӧрме. Писпулэн мугораз губиос пото. Таӵе писпуос номыр пуктыны уг ярало. Шур дурысь писпуосты кораны уг яра - тымет куасьмоз. Котькин сое вала, тодэ. Малы ке но улонын мукет сямен берытске. Зинаида Чупина, 6 класс. Л.Н. Лукина. Сочиненилэн темаез усьтэмын. Дышетскись быгатэм чебер, оскымон, описание амалэн возьматыны творческой ужаз. Чакласькись сямыз юрттэ сочиненизэ аспӧртэмлыко карыны. Сочинение гожтэмын стилез, литературной кыллэсь нормазэ эскерыса, чакласа. Р. М. Шудегова Курегово шор ёзо школаысь дышетӥсь "Юан - веран, тодон - валан" Берло кык аръёссэ пиналъёсты удмурт кыллы дышетонэз радъяно кариськи дифференцированной (нимысьтыз быгатонлыкъёссэ лыдэ басьтыса) амал пыр. Классэз люкисько кык группалы: нырысетӥяз удмурт кылэз ляб тодӥсь пиналъёс пыро, нош кыкетӥяз - ӟеч но вольыт вераськыны быгатӥсьёсыз. Нырысетӥ группае пырись пиналъёсын вераськон кыллы дышетон урокъёс нуисько, нош кыкетӥяз - удмурт кылэз мургес дышетӥсько. Со сяна соос нимысьтыз кружоклэн ужаз пырисько. пиналъёслы тунсыко мед потоз шуыса, кружоклэн ужаз пӧртэм амалъёсты уже кутыны тыршисько. Нош со "Юан-веран, тодон-валан" нимо ужрадмес ӵектӥсько журналады. Шудонэ пырисько кык командаос. Ужрадмы сӥземын бере удмурт шаерын улӥсь пӧйшуръёслы, соин ик соосты пӧйшур нимъёсын нималом. Командаос дасяло асьсэлы тодмет пусъёс, быръё капитанъёс. Шудонэз кутске дышетӥсь. Дышетӥсь. Туннэ асьмеос пӧйшур дуннее вуылом. Эскером, трос-а тӥ тодӥськоды пӧйшуръёсты, кызьы соосты тодмаськоды. Одӥг кылын вераса, визьёсмес сыналом. Командаос асьсэ сярысь вольыт веранъёс дасяло: Нырысетӥез команда: Чы-чы-чы, Луд кузя ширтэ ӟичы. Кыкетӥез команда: Ньы-ньы-ньы, Вай вылын пуке коньы. "Ӟичы" но "Коньы" командаос куспазы ӵошатскон ортчыто. Нырысетӥ уж. Букваос пӧлы пӧйшуръёс ватскиллям. Шедьтэ соосты. Укреач (кеч) аксиопн (кион) Кыкетӥ уж. Сётэм юанъёслы кыкез ик командаос шонер валэктон сётыны кулэ. И команда 1. Кыӵе пӧйшурлэн тужгес но золэсь бер пыдъёсыз? 2. Кызьы тӥ тодӥськоды, кеч, пиямез бере, пиоссэ аналтэ. Нош кызьы соос анайзытэк будо, мае сиё? ИИ команда 1. Кыӵе пӧйшурез, калык верамъя, пыдъёсыз сюдо? 2. Малы кионэз "нюлэс-санитар" шуо? Куинетӥ уж. Тодэ, кыӵе пӧйшур со? 1. Тэльын улӥсь пӧйшур. Нуназе со турын пӧлын кӧлэ, уин кибыосты, нумыръёсты, кутылэ. Тушмонъёсызлэсь утиське мугораз будӥсь ӵогыр-ӵогыр веньёсыныз. (Ӵушъял). 2. Та пӧйшур тусызъя пурысь, гуртысь парсьлы кельше,туж ӝог бызьылэ. Яратэ нюр интыосыз. Нош картофка бусые дышиз ке, вань картофкадэ быдтозы. (Кыр парсь.1. Та сьӧсь пӧйшуръёс уйбыт калго бусыостӥ, тэльёстӥ, кутыло луд кечъёсты, ӟичыосты, лосьёсты, озьы ик кесяло гурт пудоосты но. (Кион). 2. Куэз куренялэс, пужыё. Туж каллен, шыпыт кыстӥське тэлетӥ. Куакъёс пӧлысь сое озьы гинэ уд адӟы. Нош ачиз со ваньзэ синйылтэ. Адӟе ке луд кечез - шып гинэ матаз вуыса тэтче но кутэ. (Балян). Ньылетӥ уж. Бумага вылысь суредъёсты учкыса тодмано, кыӵе пӧртэм пӧйшуръёслэн пытьыоссы суредамын татын? Суред Витетӥ уж. Кроссвордъёсты лэсьтоно: Нырысетӥ командалы: (татын кроссворд) 1. Мӧйы пужым улын, Толзэ кӧлэ гуын. (Гондыр). 2. Пуштрес шуба нуллӥсько, Писпу гыркын кӧласько. (Коньы). 3. Кин-о кезьыт тол куазен нюлэскын сютэм калге, пинъёсыныз гизьыртэ? (Кион). 4. Гурезе синтэм-пельтэм лобатэ, Гурезь уллань погыли кадь погыля. (Луд кеч). 5. Улэ милям сикамы, Ортчыт кильтро апаймы, Ӵужпыръем небыт гонэз, Аслэсьтыз бадӟым быжыз. (Ӟичы). 6. Нырысь - пасё петак, быжыз - кыӵесо культо. Кыкетӥ командалы: (татын крос-рд) 1. Тушо ке но, пересь ӧвӧл, Сюро ке но, скал ӧвӧл. 2. Кузь толэз изе гуын,тулыс нош потэ калгыны. 3. Кыӵе тылобурдо уин кӧтсэ тыре, пеймытэз яратэ. 4. Улэ милям сикамы, Ортчыт кильтро апаймы, Ӵужпыръем небыт гонэз, Аслэсьтыз бадӟым быжыз. 5. Пуштресо быжо горд апай кызысь ӵыжин утча. Куатетӥ уж. Та конкурслы пиналъёс дасясько гуртазы. Командаос одӥг-огзылы мадиськонъёс сётъяло. Ужрадлы йылпумъян лэсьтэ дышетӥсь. Одно ик пусйыны кулэ, кыӵе команда азьпала потӥз. Маиз тунсыко вал ортчытэм шудонын? 1 Адамысь удмурт пушъетъёс Адамысь "Росинка" нылпи сад, ёросын гинэ ӧвӧл, шаерамы но тодмо луиз ни. Отысь педколлектив Алевтина Валентиновна Осинкина кивалтэм улсын нылпиосты чеберлыко дуннее валтэ. Татчы пырем бере ик адӟиськод удмурт шӧмо пужыосты, суредъёсты. Удмуртлыкез пыӵатон бордын ужамзы сярысь воспитательёс мадьыло ёросысь эшъёссы азьын. Нош 2000-тӥ арын коллектив ас дораз пумитаз уй пал районъёсысь нылпи садъёсын кивалтӥсьёсыз, воспитательёсыз. Покчиосты визьнодась учреждениос кыӵе уж нуыны кулэ, удмурт калыклэсь аслыз гинэ тупась сямъёссэ утён вылысь. Таӵе темалы сӥземын вал семинар. Мае татын кылӥзы но адӟизы - лыктэмъёслы со туж кельшиз. Зэм но, Адам нылпи салын тыршисьёс уже кутыны быгато узыр наглядной пособиосты, пӧртэм дидактической материалэз. Ваньмыз со юрттэ удмурт кыллы, калыклэн ӟеч сямъёсызлы дышетыны. Озьы ик татын данъяськыны быгато удмуртлыклы сӥзем комнатаенызы: отчы люкамын вашкала арбериос, корка котырысь тӥрлык, удмурт дӥськут, киужъёс. Вань инкуазь сэрегзы но, со ялан выльдӥське, выль экспонатъёс, та палан гинэ пумиськылӥсь будосъёс ватсасько. Улвайёс-выжыос пиналъёслэн ки улазы пӧрмо чеберлыко арбериослы. Оскыны луэ: удмуртлыкмы уй палан но утиськоз, Адамысь кадь пушъетъёс ӝужазы ке мукетъёсыз нылпи учреждениосын но. * Нылпи садэн кивалтӥсь А.В. Осинкина. * Ӟырт кезьыт шоры учкытэк, Глазов ёросысь воспитательёс люкаськизы Адамысь нылпи садэ семинаразы-кенешоназы. * Адам культура юртысь фолькор кенакъёс нылпиослы возьмато "Пинал пыртонэз". Т.А. Щепина, Глаз ёросысь Люм шор ёзо школаысь дышетӥсь. Верасько нылпиос (7-9 арес пиналъёслы) Та шудонъя (со ортчытӥське "Устами младенца" телепередача выллем) нылпиослэсь удмурт кылэз тодэмзэс эскерыны луэ, куспазы кенешыса, соос ӟечгес, вольытгес вераськыны дышо, кыл шыкыссы узырме, ог-огзылы гажан мылкыд пыӵа. Нуись. Асьмеос туннэ шудом. Шудозы кык кузъёс. Шуом, одӥг кузын Лиля апай но Валера агай. Кыкетӥ кузын - Люба апай но Андрей агай. Шудон ньыль люкетлэсь луоз. Одӥг куз ӧз ке тоды кылэз, вералоз мукетыз. И. Кутскиськом. 45 секундскын тӥ кулэ тодыны кылэз. Нырысетӥ верам бере ик ке тодӥды - 15 очко люкалоды, кыкетӥ верам бере ке - 10 очко, куинетӥ верам бере ке - 5 очко. Шудыны кутске нырысетӥ куз: Лиля апай но Валера агай. Экранын (со азьло ик лэсьтэмын, суредамын телевизор тус) адско пичиос Миши, Максим, Ксюша. Соос верало куазь сярысь: 1) со луэ котьку но: уин но, нуназе но, тол но, гужем но; 2) со луэ умой но, урод но; 3) со сярысь радио пыр но кылӥськом; 1) со сярысь тужгес но тодоно гужем гуртын улӥсьёслы; 2) со луэ котькуд нунал; 3) со умой ке, ми шумпотӥськом, урод ке, мылкыдмы куашка; 1) со луэ шуныт но кезьыт; 2) со шуныт ке, дӥсяськиськом капчи, кезьыт ке - шуныт дӥсь дӥсяськом; 3) туннэ со шулдыр, шундыё. Шудэ кыкетӥ куз: Люба апай но Андрей агай. Экранын - пичиос Тани, Оли, Алёна (соос верало экзамен сярысь): 1) со луэ пиналъёслэн но, бадӟымъёслэн но; 2) адямиос туж сюлэмшугъясько, со луэ ке; 3) сое уг быгато быдэстыны, куд-огез висьыны но усе; 1) со бере куд-ог адямиослы уждунзэс но йыломыто; 2) сое умой быдэстӥд ке, мукет классэ выжытозы; 3) соя школа бере институтэ басьто. ИИ. Нуись. Кыкетӥ шудон "Ватсанъёс" (загадалки) нимаське. 30 секундскын тӥ тросгес кыл тодыны кулэ. Кин шудоз кыкетӥ кузысь? (Одӥгез шудэ). Кутскиськом. 1) Волга кытчы усе? (Каспий зарезе); 2) больницаын соос трос (висисьёс); 3) дышетскисьлэн тетрадяз луо (отметкаос); 4) пиналъёс йӧ вылын шудо (хоккеен); 5) художник гожтэ (суред); 6) сое пыжо гурын (нянь); 7) вань музъемез шобырен кадь шунтэ (лымы); 8) кыӵе кыллэсь пӧрмемын асьме городмылэн нимыз? (син - Глаз -ов); 9) сотэк адями 5 минутлэсь трос улыны уг быгаты (омыр); 10) шуркынмон толэзь бере мынэ... (толсур); 11) кинлэсь школаын кышкало? (директорлэсь); 12) тулыс асьме доры нырысь ик вуо (сьӧд куакаос); 13) кин кык пол вордске? (тылобурдо); 14) кыӵе отметкаез ярато вань дышетскисьёс? (витез); 15) кызьы верало удмурт кылын гусыня кылэз? (мумы ӟазег); Нуись. Кин шудоз кыкетӥ кузысь? Кутскиськом. 1) дышетӥсь гожъя доска вылэ маин? (мелэн); 2) кыӵе шур гуртмес кык шорилы люке? (Люм); 3) кортӵог маин шукко? (молотэн); 4) нырысь адямиос, кудъёссэ кылдытӥз Инмар? (Адам, Ева); 5) Уралын будӥсь виноград (помидор); 6) сотэк адями арнялэсь трос улыны уг быгаты (ву); 7) врач кунулэ тыре (градусник); 8) Люм школамылы кӧня ар тырмиз? (130); 9) мае капчи ӝутыны но секыт зӥртыны? (мамыкез, тылыез); 10) директорлэн бадӟым (портфелез); 11) гужем будосъёс туж витё (зорез); 12) ма зарезь кадь воринъяське (ӟег, ю-нянь); 13) толалтэ шунды пиштэ ке но, уг... (шунты); 14) кыӵе тылобурдо пузъёсыз вылын уг пукы (кикы); 15) кызьы верало удмурт кылын "бычок" кылэз (ошпи). Кыл сётӥськом лыдъяськисьёслы. ИИИ. Куинетӥ шудон "Валэктонъёс "(объяснялки) шуиське. Кык пол верам бере тодоно кылэз. Одӥг пол верам бере тодӥды ке - 50 очко, кык пол верам бере -- 25 очко. Кутске шудыны нырысетӥ куз. Экранын пичиос Тани, Кати, Антон (верасько крыжовник сярысь): 1) со будэ садын; 2) со куак; 3) ас понназ уг буды, мерттэ адями; 1) солэн вань емышъёсыз; 2) вайёсаз вань веньёсыз, соин ик шуг октыны; 3) емышъёсыз луо вожесь но, гордэсь но. Шудэ кыкетӥ куз. Экранын пичиос Марина, Павлик, Юля (верасько дышетскон сярысь): 1) со сыӵе ик уж; 2) со луэ пичиослэн но, быдӟымъёслэн но; 3) кинлэн ке со пӧрме усто, кинлэн ке - ляб; 1) пиналъёслэн уг ке пӧрмы, гуртын соосты куарето; 2) умой ке пӧрме, ваньзы шумпото, грамота но сёто; 3) туж зол тыршоно, умой мед пӧрмоз шуыса. ИВ.Нуись. Ньылетӥ шудон "Уиськонъёс "(Обгонялки) нимаське. Умой верам понна - 20 очко. Шудо ваньзы. Кин ӝоггес тодӥз, жингыртоз гырлыен. Умойтэм ке вераз - мукетыз куз тупатоз. Экранын пичиос Коли, Вики, Лариса (верасько балян сярысь): 1) со пӧйшур. Улэ асьме нюлэсъёсын; 2) со сьӧсь пӧйшур. Адямиос вылэ но омырске; 3) писпуос вылтӥ но ветлыны быгатэ; 1) со гурт пӧйшуръёслы "ӵыжы-выжы" луэ; 2) гонэз шуныт, куӵо. Пель йылаз кисточкаосыз но вань; 3) адямиос сое шер адӟо. Экранын пичи Миши, Максим, Ксюша (верасько музъем сярысь): 1) со туж бадӟым; 2) верало, со, пе чагыр; 3) асьмеос адӟиськом туж пичи люкетсэ гинэ; 1) отын вань городъёс, шуръёс, нюлэсъёс, лудъёс; 2) асьмеос но отын улӥськом; 3) космонавтъёс гинэ сое быдэссэ адӟо. Экранын пичи Тани, Оли, Алёна (верасько шобыр сярысь): 1) со кезьыт ке но, пайда сётэ; 2) пӧрме кезьыт интыын; 3) куддыръя со вылэ учкыны но уг луы; 1) со туж кулэ будосъёслы; 2) музъемлы со шобыр выллем; 3) со тӧдьы мамык кадь толалтэ, нош шуныт дыръя бызе. Кыл сётӥськом лыдъяськисьлы. Лыдъяськись. Туннэ шудонамы вормизы Люба апай но Андрей агай. Соос люказы... очко. Ӟечкыласьком вормисьёсты, шуд но тазалык сӥзиськом, азьланяз но сак, визьмо луыны мыдкыд кариськом. Вормисьёслы грамота но пиналъёсын лэсьтэм синпель сётӥськом. Тау шудэмдылы. 1 Азькыл Нылпи дуннелы Дышетскисьёслэсь тодон-валанзэс муромытонын, дунне адӟонэз паськытатонын одӥгез но ӟеч но кужмо амал - сочинениос гожъян. Солы саклык висъяло бадӟым опытэн дышетӥсьёс но. Угось, ӵапак та кулэезъя ужъёсъя валаны луэ, ваньзы ик-а дышетскисьёс сочинениоссылэсь темаоссэс мур валаса, тырмыт сюлэм пыртӥзы поттыса усьтыны быгато. Та номерамы печатласькись ужъёсын но, интыяз но радызъя кутэмын улонысь адӟемъёс, озьы ик архивысь материалъёс. Удмурт чеберлыко лтератураысь образъёс, эпитетъёс но кылбур чуръёс но уката но узырмыто дышетскисьёслэсь ужъёссэс. Сӥзисько Бадӟымшур гуртлы, кудӥз али ӧвӧл ни. Али но син азям пуктылӥсько куддыр Мусо, яратоно вордскем гуртме. Инмыз солэн азьло кадь ик чагыр, Ялан со бугыртэ сюлмысь малпанъёсме. Нюлэс пӧлын огназ сылэ со мӧзмыса (Бен со дортӥ бызе ик шур жильыртыса). Но гурт уг вала но тырше валатскыны, Кинлэн пыриз сое тазь кельтыны. Удмурт калык улӥз татын кема, Нокин ӧз вера гурт сярысь: "Со алама". Тон уродзэ уд шедьты вал татысь, Лякыт сямъем калык ужаз мылысь-кыдысь. Ортчо аръёс, улон кошке ас ӧретӥз, Гуртысь дунне пумен сюбег потэ, Тани оген-оген гуртлэн ӟезьыетӥз Егит калык городъёсы кошке. Пичи дыръям кошки отысь мон, кемалась, Вордскем гуртам нош берытскыны мон котьку дась, Тыныд, гуртэ, мон оскисько: уд кары мурт, Ведь мон нылыд тынад, мон тон кадь ик удмурт. Таня Артемьева, 8 "б" класс. "Нылпи дунне" Алена Аккузина, Золотарево школа, Глаз ёрос. Яратоно ошмесэ Корка сьӧртӥмы ошмес бызе. Со мыным туж дуно. Быдэс гуртмылы ву сётэ, кык ульчаез секта. Вуэз колонкаос кузя фермаосы но мынэ. Татын ми дӥсьмес но миськиськомы, гылъяськомы. Гужем со воксё воштонтэм. Пӧсь куазь луэ ке, ошмес доры мынӥсько но сюме юзматӥсько, ымнырме гылтӥсько, мылкыдме усьтӥсько. Ошмес дурын омырез сайкыт, мылкыд ик ӝутӥське. Та ошмес кемалась бызе ни, туж мӧйы ини, соин ик котьмае тодэ но вала. Со мыным эш кадь потэ. Ошмес дортӥ мон школае мынӥсько но бертӥсько. Котьку соин ӟечбуръяськисько, жильыртэмзэ кылзӥсько. Мон со доры мынӥсько но, ми соин вераськиськомы: - Ошмесэ, гыдыке! Кыӵе сюрес кузя лыктӥд тон мон доры? Кызьы сыӵе чылкыт ву сётыны быгатӥськод? - Мон туж, туж мурысь музъем пушкысь потӥсько. Вуме трос пол луо пыр сӥсъясько. Соин ик мынам вуэ чылкыт. - Нош кыӵе ческыт тынад вуэд! Пӧсь гужем со уката но дуно милемлы. Юзмыт вуэныд монэ шырыт сектаськод. - Яра ке, ю, шумпотӥсько гинэ. Со понна ик вань мон та дунне вылын - ву сётыны. Дунъяны гинэ дышетскы мынэсьтым небыт сюлэмме. Ошмесэн вераськыса, мылкыды ӝутскиз. Бурдъяськыса кошки эше дорысь. НЯНЬ Нянь - со асьмелэн кужыммы, тазалыкмы, улонмы. Котькуд нуналмы нянь бордысен кутске. Ӵукна сайкаса, ми мисьтӥськиськом но сиськыны пуксиськом. Оскиськомы, няньмы ӝӧк вылын котьку луоз. Мыным потэ, нянез ӵошатыны кулэ анай, музъем но шунды кылъёсын. Та кылъёс пуштроссыя матын луо. Соос ог-огенызы туж зол герӟаськемын. Шунды но музъем будэто нянез, нош анай нянен сюдыса будэтэ монэ. Нянь - узырлык, сое ӵошато зарниен но. Нош зарниез нянен нокызьы уд вошты. Малпаське, тӥледлы нуназе сиськыкуды нянь интые зарни сётӥзы ке? Кӧттты тыроз-а? "Калык зарни шуэ нянез, Но котькудӥз тодэ: Зарни - со мальдытэ гинэ, Нош нянь кужым сётэ", - гожтэ поэт Н.Байтеряков. Кин али нянез дунъя? Пичи шорем няньмы кыле ке, басьтӥськом но куштӥськом. Кинлы со кулэ? Нош котькуд адями куштӥз ке пичи гинэ нянь палэссэ, кӧня со люкаськоз?! Малпаське, Ленинградысь блокада дыръя кӧня адямиосты утьыны луысал сютэм улонлэсь? Соку, нянь пыжыкузы, пулпызь но мукетсэ но ватсаллязы бордаз. Сиемзы потыса комакъёсты, шыръёсты, тылобурдоосты но сиылӥзы. Ӧй вал ни чиданъёссы. Нош мон данъясько нянез. Кыӵе пайда со сётэ! Няньтэк ми ваньмы кулысалмы ни. Вашкала дырысен нянь сярысь туж трос кылбуръёс, веросъёс, визькылъёс но быдэс книгаос кылемын: "Кулэ дыръяз нянь пырыен но кӧт тыроз", "Нянь ке вань, кыз улын но умой", "Няньлэсь кӧт уг пега", "Жадён погыртэ, нянь султытэ". Тӥни кызьы адямиос нянез данъяло! Вашкала дырысен пӧртэм сямъёс калык пӧлы кылемын. Гажано адямиез котьку нянен но сылалэн пумитало. Нош ми палан таӵе сям вань: егит пиез армие келякузы, анай сое аслаз киыныз пыжем няненыз но вӧйын сюдыса келя. Нянь шоремез сиыкуд малпаны кулэ, кызьы со ӝӧк вылэ вуиз. Небыт, ческыт сукыри вуэ нянь будэтӥсь тыршемен гинэ. Туж кузь солэн сюресэз. Азьло ик быдэс музъемез гыро, собере культивировать каро, удобрение пазяло, кизё, арало но складъёсы вортто. Секыт ужез нянь будэтӥсьлэн. Эшшо вераме потэ, кызьы мӧйы муртъёс нянь шоры учко. Соос туж сое утялто, дунъяло. Мон ачим шӧдылӥ: ӝӧк вылэ нянь пырыос кылё ке, пересьёс сое каллен гинэ киязы люкало, одӥг нянь пырыез но уг кельто. Тӥни кызьы песянайёс но песятайёс нянез данъяло но туж ӟеч тодо солэсь зэмос дунзэ. Милям Глазов городлэн пищекомбинатаз пӧртэм пыжосъёсты лэсьто: пряник, печення, торт, рулет... Милям гуртамы но та пыжосъёсты вайыло. Ческытэсь соос! Малы ке но нянен кадь соосын кӧт уг тыры. Соин ик асьмеос валаны кулэ няньлэсь дунзэ но кулэлыксэ. ТОЛ СЮРЕСЪЁС Арня нуналэ, дас одӥг часэ, ми ульча пуме классысьтымы эшъёсынымы люкаськимы. Мон анайме но бӧрсям ӧти. Вырӟимы Кырлудэ. Анаелэн татын пинал дырыз ортчиз. Нунал туж шулдыр кемдӥз. Инбамын одӥг пилем но ӧвӧл. Омыр чылкыт. Нырысь ик гурезьысь васькимы. Собере меӵак бусыетӥ мынӥмы. Бур палан но паллян палан вож нюлэс. Кыӵе со чебер! Толалтэ но улон уг быры. Таӵе дыръя со тодмантэм. Писпуос шымырскыса сыло. Вож кызъёс тӧдьы дэремъёсын. Лымы нюлэскын лёгамтэ, азвесь кадь кисьтаське. Пӧйшуръёслэн пытьыоссы гинэ татын кельтэмын. Нош кыӵе луоз нюлэс тылобурдоостэк? Соос быдэс улосэз толалтэ но шулдырто. Тылобурдоослэн кырӟамзы мылкыдэз ӝутэ, сюлэмез буйгатэ. Ӟольгыриос, шушыос, кайсыос, туръёс, куажыос - ваньзы соос толбыт ми палан уло. Уг кышкало кезьыт тӧллэсь но лымылэсь. Соос уллёен-уллёен писпуысь писпуэ лобало. Нюлэскысь ми кылӥмы, кызьы кокаське сизь. Со татын бадӟым эмъясь. Толйись тылобурдоослэн но пӧйшуръёслэн сиёнзы туж ичи луэ. Кайсы, гальдаръёсты куадаса, кидысъёсыныз кӧтсэ тыре. Кызъёс котырысь ми та тылобурдоослэсь куадам гальдаръёссэ шедьтӥмы. Бусыез ортчыса, Кырлудэ вуимы. Анае мынам, Римма Ардальоновна, аслаз гуртэз сярысь рос-прос мынам эшъёсылы вераз. Кырлудлэн ортчем сюресэз сярысь мадиз. Кырлудын туж кузесь куинь ульчаоссы вылэм. Гурт туж чебер но шулдыр интыын пуксемын, вӧзаз ик шурез но вить ошмесъёсыз вылэм. Вашкала калык туж валаса улон инты быръем. Кырлудын али но пӧртэм писпуос будо: льӧмпуос, улмопуос, лыстэм пужымъёс, кызьпуос но бадӟым топольёс. Азьло Кырлудэз Кестым шуо вылэм. Кема сылӥмы гуртлэн чеберезлы синмаськыса. Али но со улоно кадь. Кошкеммы азьпал гуртэз котыртӥмы. Одӥг ульчаысь кион пытьыез тодмамы. Собере та пытьыос бӧрсьы мынӥмы, малпамы кионлэсь карзэ шедьтыны. Кема ветлӥмы пытьыос бӧрсьы, нош карзэ озьы ик ӧм адӟе. Классэн кивалтӥсьмы Людмила Николаевна милем вераз, кион, пе, нуналскын сю километрез но ортчыны быгатэ. Собере ми нискыламы на. Лымы комъёс кадь луимы. Трос туспуктэмъёс лэсьтӥмы, собере гуртэ вырӟимы. Лёгем куас сюрес кузя бертыны капчи вал. Ӧм но шӧдылэ гуртэ вуэммес. Тол нюлэсэн, инкуазен тодматскон капчи мылкыд сётӥз, трос малпанъёс кылдӥзы бырем гурт сярысь. Та походэ ветлэм бере, эшъёсынымы выль сюресъёсты эскерыны малпаськом на. 1 Аккузина Алёна 7 класс Золотарёво шор ёзо школа, Глазов ёрос. Кивалтӥсез - Лукина Л.Н. Вордскем кылы дуно мыным. Удмурт калык улытозяз-вылытозяз мар малпаськиз, мар лэсьтӥз, мар кылдытӥз - со ваньмыз ик удмурт кыл пушкы понэмын. К.Герд. План: 1. Татын ваньмыз удмурт сямен вераське. 2. Урокъёс юртто удмурт кылэз мургес валаны. 3. Тополе гуртме синйылтыса возе. 4. Удмурт кылмы уз быры. Мон понна удмурт кыл тужгес но дуно. Ӵыжы-выжыосмы милям ваньзы удмуртъёс. Дорамы но ми куспамы удмурт сямен вераськиськомы. Школаын эшъёсынымы дышетӥськомы меми кылмес. Удмурт кылъя но литературая урокъёсты мынам яратоно дышетӥсе Людмила Николаевна нуэ. Со туж ӟеч тодэ удмурт кылэз. Та урокъёсын мон ялан выльзэ тодӥсько. Литература урокъёс юртто шаерлэсь ортчем аръёссэ тодыны, вашкалаослэсь улонзэс валаны. Выжыкылъёс но веросъёс чебер дуннее вутто. Нош поэтъёслэн кылбуръёссы кырӟан кадесь! "Шундытэк нунал ӧвӧл", "Лул сётэмын яратыны, кыл сётэмын вераськыны, визь сётэмын дышетскыны", "Вордскем шаер котькинлы мусо", "Тазалык зарнилэсь но дуно". Тӥни кыӵе мур вала калык уродэз но ӟечез! Кӧня мадиськонъёс, легендаос, ӝог веранъёс! Лыдъяса но уд быдты! Малпасько но туж паймисько калыкмылэн визезлы. Пӧжы гуртмы удмурт бере, мыным потэ вань пӧйшуръёс но, тылобурдоос но, будосъёс но удмурт сямен верасько. Яратоно тополе но удмурт кылэз яратэ. Со будэ корка дорамгес. Солы ог сю арес ни, дыр. Соин тополь котьмае тодэ но вала. Матаз будэ эшшо одӥг тополь. Соос куспазы, тӧл выретэмъя, удмурт сямен вераськыса уло, маке огзылы огзы шыпырто. Уг кышкало соос кезьыт толлэсь, шумпотыса ӟечбуръясько ӵук шундыен. Синмасько шулдыр интыосмылы. Мон яратӥсько топольлэн ваёсаз пукыны. Тубисько но отчы чакласькисько. Оло, мыным озьы потэ, оло, зэм но, та тополь мыным вера: "Эн куректы, ӵуказе ваньмыз умой луоз, шунды выльысь ӝужалоз". Кызьы тополь вера, озьы ик луэ. Та писпу нуналысь нуналэ монэ син азяз возе. Тодэ, кызьы мон будӥсько, кызьы визьмаськисько. Тополе монэ гинэ синйылтыса уг возьы. Со вань гурт калыкез тодма. Татӥ ветлэ ужаны мынам нырысетӥ дышетӥсе Ангелина Николаевна. Мамаелэн но уж дораз сюресэз тополь дортӥ ортче. Со гуртын валтӥсь зоотехник. Тополе гуртысь ужаны мынӥсьёсты келя но пумита. Соос фермаын пудо-живот вордо, нянь будэто, милемыз, пиналъёсты быдэ вутто. Соослы но тополе вайёсыныз выретыса, вазиське удмурт кылын. Уз, удмурт кылмы уз быры, юнмалоз. Мон солы оскисько. Пӧжы гуртамы, али кадь ик, азьланьын но удмурт сямен вераськозы. Школаын но дышетозы кылмес. Одӥгзэ гинэ уг валаськы, малы куд-огезлы адямиослы возьыт удмурт кылзылэсь? Ас кылдэ, калыктэ ӧд ке гажа, тонэ астэ но уз гажалэ. Алёна Аккузина, 7-тӥ класс. Л.Н.Лукина: Сочиненилэсь темазэ дышетскись усьтэ ӝутскем мылкыдын. Удмурт кыллэсь кулэзэ валанэз аресэзлы тупа. Ужаз аспӧртэмлыко кутэмын топольлэн образэз. Дышетскись ужаз кутэ пӧртэм пумо предложениосты. Текстын вань люкетъёс герӟасько, уг ышто валтӥсь темаез. АНАЛИЗ этносоциальной и этнополитической ситуации в Глазовском районе в 2000 году Реализация Концепции государственной национальной политики в Глазовском районе в 2000 году осуществлялась в соответствии с разработанным планом. Направлял эту работу, в том числе и в вопросах взаимодействия с национально-культурными и иными общественно-политическими объединениями, координационный совет по делам национальностей при Администрации района. В 2000 году в сфере народного образования одним из главных направлений оставалось внедрение в учебный процесс национально-регионального компонента государственного образовательного стандарта. Составлен план развития национального образования в районе, который предусмотрел не только сохранение сети национальных образовательных учреждений, но и формирование этнически ориентированной личности, приобщенной к национальным ценностям, с развитым национальным самосознанием. В 18 школах из 22-х занятия велись по национальной программе. Учащиеся 9-11 классов приняли участие в районной олимпиаде по удмуртскому языку. Ученица 6 класса Кочишевской школы Абашева Ильсина заняла 1 место в республиканском конкурсе сочинений на татарском языке. В Ключевской, Люмской и Гулековской школах проведены встречи с удмуртской поэтессой Г.Романовой. 70-летию удмуртского поэта Д.Яшина была приурочена литературная гостиная, куда приглашались учителя удмуртского языка и литературы школ района, а также учащиеся, сотрудничающие с газетой "Иднакар" и другими удмуртскими изданиями. В рамках реализации Концепции национального образования в летний период была впервые организована работа районного лагеря труда и отдыха для детей удмуртов при Дондыкарской школе. В дошкольных учреждениях особое внимание отводится приобщению ребенка к культуре своего народа как первой ступени к познанию и постижению общечеловеческих ценностей. Опорным дошкольным учреждением в национальном воспитании детей является Адамский детский сад, на базе которого в мае прошедшего года проведен республиканский семинар по теме "Работа дошкольных образовательных учреждений по созданию условий для сохранения и развития этнической самобытности удмуртского народа". Все участники получили "Сборник конспектов занятий, развлечений, сценариев, утренников педагогических работников национальных дошкольных учреждений Глазовского района)). Развитие национальных культур является приоритетным направлением в деятельности учреждений культуры. В районе работают Центр удмуртской культуры в деревне Золотарево, Центр удмуртской литературы в деревне Удм. Ключи, Дом народного творчества и досуга в деревне Трубашур. В библиотеках, клубах, школах и детсадах собираются экспонаты старины и создаются краеведческие и этнографические комнаты. Для координации их деятельности, оказания квалифицированной помощи по организации, хранению и экспонированию исторических материалов постановлением главы районной Администрации � 35 от 01.02.2000 года при отделе культуры был создан районный историко-краеведческий музейный комплекс. Первым опытом координации работы музея, краеведческих и этнографических комнат стало проведение смотра-конкурса "Нить веков", где приняли участие 8 музейных объектов разных ведомств. Центр удмуртской литературы занял 3 место в республиканском смотре-конкурсе "Лучшая сельская библиотека по организации краеведческой работы". Большой комплекс мероприятий был проведен в ходе подготовки и празднования 80- летнего Государственности Удмуртии. Традиционными становятся районный конкурс "Чеберина", "Праздник удмуртской книги", фольклорный праздник "Фольклор - душа народа". В центральной районной библиотеке работают клубы краеведов, литературный клуб "Муза", который объединяет самодеятельных поэтов района и приобщает к литературному творчеству юные дарования. * Продолжали работу творческие лаборатории по развитию прикладного творчества. Впервые изделия народных умельцев Глазовского района были представлены на республиканской выставке в Центре ремесел, а методист Качкашурского ЦСДК Е. Баженова стала участницей республиканской выставки по вышивке. Получают свое развитие и культуры других народов, проживающих в районе. Ведется целенаправленная работа по подготовке к открытию Центра русской культуры при Октябрьском филиале центральной библиотечной системы, где создан этнографический уголок "Иван да Марья", сосредоточены материалы по культуре русского народа, работает детский фольклорный коллектив "Капельки солнца)), ставший в прошедшем году дипломантом республиканского смотра-конкурса театральных коллективов. При районном Доме культуры функционирует клуб бесермянской культуры. Отдел по делам семьи, молодежи и спорта Администрации района осуществлял взаимодействие с филиалом удмуртской молодежной организации "Шунды". В ноябре проведен молодежный вечер "Вай эше бур киле", в декабре новогодний вечер для молодежи "На балу у Золушки". В .рамках программы "Шаер" совместно с детской общественной организацией "Родники" прошел семинар "Интернационально- патриотическое воспитание в системе работы детских объединений", игра "Мой край, мои родные и близкие". В газете "Иднакар" открылась молодежная страничка. Делегация молодежи района приняла участие во Всероссийском форуме Ассамблеи народов России в г.Ижевске. Предложения по улучшению взаимодействия в реализации государственной национальной политики: 1. Более полное комплектование школьных библиотек учебниками национально- регионального компонента, программами и методическими материалами. 2. Организация курсовой переподготовки учителей русского языка и литературы за счет средств республиканского бюджета. 3. Обеспечение обязательным-бесплатным экземпляром краеведческой литературы удмуртских издательств каждой центральной библиотечной системы Республики. 4. Открытие на базе лицея искусств г.Глазова отделения прикладного творчества для подготовки специалистов по декоративно-прикладному творчеству для северного куста Республики. * Глава Администрации Глазовского района * Г.П.Чеченин Мон вордски но будӥ Глаз ёросмылэн одӥгаз туж шулдыр но чебер сэрегаз - Эбга гуртын. Школаез йылпумъяса, Ижысь культурая училищеын дышетски. Ужаны берытски вордскем палъёсам ик. Кӧня ке ар тырши клубын, нош тани берло 12 аръёссэ ни - нылпи садын. Туж яратӥсько пиналъёсты, аслэсьтым гурт калыкме. Ваньмон дыръям крезьгуръёс гожъясько. Соос пӧлын уно пиналъёслы сӥземъёсыз но. Кивоштӥсьёсмылы удмурт сямъёсыз, анай кылэз гажан мылкыд пыӵатыны тыршисько эктонъёс, кырӟанъёс пыр. Жаляса верано луэ: пиналъёс син шорын ӟучомыса кошко. Та кылдэм югдурез тупатонын милям, нылпи садын ужасьёслэн, уно луонлыкъёсмы. Со пӧлысь огез, мынам малпамея, пиналъёслэн сюлэмъёсазы удмуртлыкмес гажан тылгизьы пазьгон кырӟанъёс пыр. Н. Ельцова. Редакцилэсь. Туннэ журналмылэн 3-тӥ вылбамаз ми ӵектӥськом Эбгалась усточилэсь кык кырӟанъёссэ. Кучапи Кыл. В. Агафоновлэн Гурез Н. Ельцовалэн Мынам Коля агае, Доре кучапи ваем. Укыр мусо адӟиське, Шорам учке, нискетэ. Кучапи мон, кучапи, Мугоры но туж пичи. Озьы, дыр, со вера, Гав-гав! шуэ шара. Иви монэ тон ярат, Мон луо тыныд ук вын. Бадӟым будо, оскисько, Асьме дорме возьмало. Гав-гав - мынам эше, Доред мыным туж кельше. Мон луо тыныд юрттӥсь, Ваньбурдэс возьмась, утись. Яратӥ Кыл. Н. Шкляевалэн Гурез Н. Ельцовалэн Паймисько мон эшелы, Синмаськем одӥг пилы. Ванилэн, Ванилэн маиз кельшем? Ымнырзэ, ымнырзэ пужы басьтэм. - 2 пол. Сямыз укыр возьдаськись Ныл синъёслэсь керпотӥсь. Янгышен, янгышен шорад учкод - Улмо кадь, улмо кадь ӵыжектытод. - 2 пол. Паймисько вал, паймисько, Шуисько вал, шуисько. Табере, табере тани шӧдӥ: Мон но, мон но сое яратӥ - 2 пол. 1 Золотарёва Алёна, 9 кл. Золотарёво шор ёзо школа, Глазов ёрос. Кивалтӥсез - Лукина Л.Н. Котькуд сяська будыны ӝужа Мон курисько туннэ ваньзэс, Тӥ шедьтэлэ со сяськаез. Ан. Леонтьев. План. 1. Узыр асмелэн инкуазьмы. 2. Кушыли сярысь вераны ӧй вунэтысал. 3. Удмурт нимыз шедьтэмын. 4. Кушыли - аспӧртэмлыко сяська. 5. Кушыли сярысь легенда. 6. Яратоно интыям но будэ. 7. Будосъёс сярысь сюлмаськоно. Узыро асьмелэн инкуазьмы шуръёсын, ошмесъёсын, нюлэсъёсын. Ӵыдонтэм шулдыр возьёсмы. Вазь тулысысен бер сӥзьылозь Омыт гурезь бамъёсыць, Кулига кушъёсысь, Омуть шур дуръёсысь пумиталод пӧртэм пумо сяськаосты. Кудъёсыз соос яркыт буёлоесь, вань туж шер пумиськылӥсьёсыз но. Мынэсьтым юасалзы ке, маин пӧртэм тӥляд Глазов палъёсты мукет интыослэсь, пӧртэм тодметъёс пӧлы пыртыны ӧй вунэтысал кушыли яратоно сяськаме но. Та аспӧртэмлыко сяська пыртэмын шаерысьтымы 500 пала бырон калэ вуэм будосъёс пӧлы. Ӟуч сямен биологъёс сое "пион уклоняющийся" шуо, калык нима "марьин корень". Ми сое "пион" гинэ вераськомы. Кылем дышетскон арын "Гуждор" фольклор кружокенымы та сяськалэсь удмурт нимзэ шедьтыны быгатӥмы. Удмурт музъем вылын та будос пумиське бере, солэн удмурт нимыз но луыны кулэ. Утчамы словарьёсысь, отын но удмурт нимыз сётымтэ. Юалляськимы пересьёслэсь. Ӵапак соос пӧлысь тросэз веразы солэсь кушыли нимзэ. Юрттӥзы милемлы Третьякова Анна Ильинична, Юшкова Елизавета Павловна, Токмина Нина Григорьевна. Кушыли - аспӧртэмлыко сяська. Со адями синъёслэсь ватӥськыса кадь будэ. Тусын но, буёлэн но мунёлы кельше. Сяська бурдъёсыз горд-гордэсь, бадӟымесь, кыдёкысен ик адӟисько. Куаръёсыз паськытэсь, пинё-пинё. Бер тулыс, майлэн пумаз, со милемлы аслэсьтыз чеберзэ возьматэ. Калыкын италмас сяська чебер шуо, нош кушыли йӧно тусыныз нокинлы уз сётскы. Та сяська ас чебереныз адямиосты кема уг шумпотты. Кык-куинь нуналскысен бурдъёсыз тӧлӟо, собере кизилилы тупась пуртэсъёсаз кӧжы кадь сьӧд кидысъёсыз вуо. Одӥг сяськалэсь ог куамын мында кидысэз пазьгиське. Кидысэзлэсь пичи нылъёс гадь вылазы нуллон весь лэсьто. Туж чебер пӧрме: сьӧд-сьӧд, кисьтаськись. Кушыли вань будо даураз чебер: сяськаяськыкуз но, кидысэз вуыку но. Кушыли эмъюм турын но луэ. Пӧртэм висёнъёслэсь сое парыса юо: ӟигар бырыку, йыр поромыса висьыку, сюлэм ӵогъяку. Таӵе валанъёсты усьтӥзы милемлы гуртысьтымы турын-будосъёсты тодӥсь пересьёс. Гуртамы та сяська сярысь веран-легенда но вань. Кушыли сяська шур дуръёсысь быдэс возьёсты шобыртылэ вылэм. Усьтӥськем сяськаосты учкыны чебер нылъёс но ветлӥллям, солэсь чеберзэ басьтон понна. Урод адямилэн йырыз кур луэм но сяськаослэсь выжыоссэс копаса ик быдтэм. Одӥг выжы сяськаез шедьтыса, ӟечез адями, вожъяськись синъёслэсь ватыса, нюлэс куше мерттэм. Со дырысен та будосэз кушысь гинэ пумитаны луэ. Ним но солы кушыли сётӥзы. Кушын будӥсь сяська, пе. Та аспӧртэмлыко сяськае будэ яратоно Кулига интыям но. Татын нюкъёсыз турыно, сяськаё, бадьпуо. Нюк шораз ик пичи гинэ ошмес жильыртыса бызе. Ошмес Омыть шуре вуэ. Яратоно интыям губиез но, узыез но вань. Кӧт тырмонад октыны луэ. Кулигае васькаку, котьку отысь адямиосты пумиталод. Кин ке шутэтскыны ветлэ, кин ке нюлэс сиён бичаны. Сяськаосыз но татын пӧртэмесь. Омыть шурлэсь ӧжытлы кыдёкегес кариськыса, кушыли сяська гурезь пала тубем но кыӵе ке пӧйшур кадь, чорк-чорк сылэ. Дортӥз ик жильыртыса бызе пичи гинэ ошмес. Кушыли мукет сяськаослэсь ӝуждалаеныз но висъяське, метр ёрос будэмын, кык выжы гинэ. Шур кузя васькыса, кушысь но пумиталод ньылетӥ усьтӥськем сяськаосты. Котькуд выжыяз ньыль-вить азьчиньы зӧкта модосэз. Ишкалтыны ки уг пыры. Таӵе суредэз пыраклы кельтэм потэ. Тодмо Кулига интыысьтым котькуд тулыс мед адӟозы но мед пумиталозы та чебер сяськаез ми бӧрсьы будӥсь нылпиос но. Ӵапак таӵе будосъёс сярысь сюлмаське Удмурт Элькунысь инкуазез утёнъя кун комитет. Ми но палэнэ ум кылиське. Инкуазьлэн зэмос юрттӥсьёсыз школаямы но вань. Валась-тодӥсь, визьмо адямиос пыд улысьтызы музъемзэс уз сапталэ. Вордӥськем музъемлэсь чеберзэ котькин утьыны кулэ. Инкуазез утьыны пӧртэм амалъёс, быгатонлыкъёс утчано. Солы школаысен ик дышетсконо. Алёна Золотарёва, 9-тӥ класс. Л.Н.Лукина: Дышетскись шаерезлэсь чеберзэ данъяны быгатэм кушыли сяська пыр. Чакласькись, чеберез адӟыны быгатӥсь сямыз юрттэм оскымон суред син азе пуктыны. Таӵе уж гожтыны луоз трос лыдӟиськыса, аслэсьтыд шаердэ ӟеч тодыса. Сочинениын быгатыса кутэмын ӵошатон оборотъёс, сложной предложениос. Творческой уж йылпумъяське инкуазь утён ужпумез ӝутыса.