Пуштросэз
Министерство ивортэ. 3
Покчиослы
В.Н. Анисимова. Инкуазь пыр - бадӟым дуннее. 5
Начальной школаын
Л.Е. Капина. Интеграция уроков в начальной школе. 27
Шор ёзо школаын
А.Н. Журавлева. Анай кылзэс ляб тодӥсь нылпиосты удмурт кыллы дышетон программа. 
38
В.Н. Орлова. Анай кылзэс ляб тодӥсь пиналъёслы удмурт кылъя ИИ паларлы 
календарно-тематической план (5-тӥ класс). 51
Марина Боброва. Мед жингыртоз чебер, узыр удмурт кылмы. 60
Р.И. Яшина. Зарни крезен сайкатыса. 68
Учёной эскере
З.А. Богомолова. Тыл пыр потэм батыр. 72
Кедра Митрей но Ю.Жадовская. 74
Г.А.Ушаков. Кызьы ужано лекция но статья бордын? 76
В.К. Кельмаков. Т.И. Тепляшина - кышномурт-тодосчи но нылкышно-ожгарчи. 80
С.Т. Арекеева, С.Мясникова. Гердлэн поэзияз вулэн образэз. 89
Тодосэ - нырысь вамышъёс
Елена Биянова. Туала лирической геройёслэн дуннеоссы. 97
В.Л. Шибанов. Текстъёс бордысен - теорие. 103
"Вордскем кыллэн" книжкаез
Александр Белоногов. Курмача. Пиналъёслы кылбуръёс. 
Вылбамъёсын 
М.Егоров. Фотосуредъёс (1,3,4 бамъёс).
Дебесысь 1-тӥ номеро нылпи садын. Фоторепортаж.

Т. И. Тепляшина - кышномурт-тодосчи но - ожгарчи
Туэ толшор толэзьлэн шор вадьсаз, кема аръёс чоже вис каремез бере, Удмурт кун 
университетэ вуылцз Т. И. Тепляшина - тодмо удмурт кылчи, кылосбур (филология) 
тодосъёсъя кандидат. Кылем даурысь 50-80-тц аръёсы, СССР-ысь Тодосъёсъя 
академилэн Кылтодонъя институтысь финн-угор кылъёсъя секторын уно аръёс чоже 
ужанназ со туж трос кужымзэ понцз удмурт кыл сярысь наукаез азинтонлы. Т. И. 
Тепляшина - удмурт кылтодонлэн историез но туннэ нуналэз: удмурт кылосбур 
факультетын уже кутцсько солэн трос лыдъем публикациосыз; кема аръёс чоже 
пенсиын ке но ини, ачиз мылысь-кыдысь тунсыкъяське туала удмурт кылтодонэн, 
дырын-дырын потыло на статьяосыз но; тани али но со вуиз перм кылъёслы сцзем ИЪ 
калыккуспо симпозиуме.
Туэ 7-тц южтолэзе солы тырмиз 78 арес. Сюлмо удмурт кышномуртэ но тодосчиез, 
анаез но ожгарчиез юечкыласа, солы юн тазалык но кузь даур сӥземен валче, кулэен 
лыдъясько солы кузьманы асп?ртэмлыко статья. Со кылдцз вал радиоверан луыса но 
чузъяськиз 1980-тц арын оштолэзе, куке Т. И. Тепляшина к?ня ке дырлы вуылцз вал 
Удмурт шаере но мылкыд кариз удмурт студентъёсын пумиськыны. Ас вакытаз дасязы 
но калыке в?лмытцзы та радиоверосэз Удмурт кун университетысь доцент В. К. 
Кельмаков, Удмурт радиолэн корреспондентэз В. В. Котков (Корреспондент) но 
дикторез Р. С. Куликова (Диктор). Печатьын потэ нырысьсэ (со но табере история 
ини!). Журналэ интыян азьын статьялы выль ним сётэмын, стилез но терминологиез 
ласянь ?жытак тупатъямын, тодосчилэн научной творчествоезлы сцзем люкетэз к?нялы 
ке паськытатэмын, научной аппаратура ватсамын (Т. И. Тепляшиналэн но мукет 
тодосчиослэн ужъёссылы тырмыт библиографической описание сётэмын но кунгож 
сь?рысь тодосчиос сярысь тодэтъёс вытсамын).
Огдыре ик та статья п?ртэм интыосын лулысь-сюлмысь тыршись удмурт кышномуртъёслы 
Нылкышно нуналэн юечкылан мед луоз!
Корреспондент: Али но, азьвыл сямен ик, п?ртэм удысъёсын тыршо гажано 
нылкышноосмы. Соос - дышетцсьёс, инженеръёс, лэсьтцськисьёс, вузкарисьёс, скал 
кыскисьёс... Тазьы вераны кутскид ке, дунне вылысь вань профессиосыз нимано 
луоз, дыр. Туннэ ми тодматомы на тцледыз СССР-ысь Тодосъёсъя академилэн 
Кылтодонъя институтысьтыз финн-угор кылъёсъя секторын ужась филологи тодосъёсъя 
кандидатэн Тамара Ивановна Тепляшинаен. Алигес Тамара Ивановна вуылцз вордскем 
шаераз - Удмуртие. Соин ик наука удысын ужасьёс но, студентъёс но шумпотцзы та 
иворлы. Университетын ортчиз туж шуныт пумисъкон. Студентъёс эшшо но юечгес 
тодцзы шаерысьтымы нылкышно-тодосчи сярысь. Тани ма вера филологи тодосъёсъя 
кандидат Удмурт кун университетысь доцент Валентин Кельмакович Кельмаков Тамара 
Ивановна Тепляшиналэн научной творчествоез сярысь.
В. К. Кельмаков: Туала удмурт кылтодонын сцё-дано инты басьтэ Тамара Ивановна 
Тепляшиналэн научной творчествоез. Со печатласа поттцз ини 100-лэсь трос научной 
исследование, соос п?лын нимаз книгаос, статьяос, рецензиос, докладъёслы 
тезисъёс... Та ужъёсаз удмурт тодосчи п?ртэм ласянь сэрттэ-пертче вордскем 
кылмес, удмурт кылтодонлэн данак удысъёсаз ивортэ аслэсьтыз чакламъёссэ но 
малпанъёссэ. Нош тужгес ик мыдысь-кыдысь ужа со куинь удысъёсын: 1) удмурт 
диалектъёсыз выльдан (исследовать карон) бордын; 2) удмурт ономастикая ужъёс 
гожъян удысын но 3) вашкала гожтэм синпельметъёсыз калык азе поттонын. 
Таос п?лын но вань на солэн самой яратоно темаез - со удмурт диалектология. 
Угось аслэсьтыз научной сюрессэ но Тамара Ивановна кутскиз диалектолог луыса: 
пыр-поч эскериз Ита шур котырын улцсь удмуртъёслэсь вераськемзэс но 1955-тц арын 
утиз "Удмурт кыллэн тыловай (итадур) диалектэз" нимо кандидат диссертацизэ1. Со 
вал удмурт кыллэн интыысь вераськетъёсыз сярысь нырысетцез бадюым уж - 
диссертация; со бордысен ик кутске удмурт диалектологилэн историысьтыз куинетц - 
зэмос научной - вакыт. Б?рысьгес ини, 50-70-тц аръёсы, Тамара Ивановналэн лёгем 
сюрес вылтцз мыныса, диссертациос гожтцзы данак удмурт кылчиос: И. В. Тараканов 
("Удмурт кыллэн бавлы диалектэзлэн фонетика удысысь асп?ртэмлыкъёсыз 
(экспериментальной амалэн эскерыса)"2 - 1958), В. К. Кельмаков ("Удмурт кыллэн 
кукмор диалектэз"3 - 1969), С. К. Бушмакин ("Удмурт кыллэн шор-чукпал 
вераськетъёсызлэн фонетика но морфология удысысь асп?ртэмлыкъёссы"4 - 1971) Р. 
Ш. Насибуллин ("Удмурт кыллэн камсь?р вераськетъёсыз"5 - 1973) но мукетъёсыз, 
кинъёс удмурт кылтодонэз узырмытцзы п?ртэм диалектъёслы сцзем диссертациосынызы.
Ачиз но Тамара Ивановна мытэм ужзэ ?з аналты. Огназ яке кузпалэныз В. И. Лыткин 
профессорен валче со ортчиз удмурт кыл улослэн туж трос п?ртэм интыостцз: вуылцз 
асьме элькунысь данак ёросъёсы, Татариысь, Башкириысь, Мари Элысь, Киров но 
Пермь областьёсысь удмурт гуртъёсы. Аслаз люкам материалъёсыз вылэ пыкиськыса но 
азьвыл ужам тодосчиослэсь исследованиоссэс лыдэ басьтыса, со гожтцз но печатласа 
поттцз ини к?ня ке дасо статьяос но удмурт диалектология удысысь нырысьсэ бадюым 
монография - "Бесермянъёслэн кылзы" нимо книга6. Та книгаяз со пыр-поч эскере 
бесермянъёслэсь азьвыл но туала вакытэ улэм интызэс, соос сярысь азьвыл 
гожъямъёсыз, соослэн кылдэмзы пумысен п?ртэм эсэпланъёсыз; нош книгаезлэсь самой 
бадюым люкетсэ висъя, валамон ини, бесермян кыллэсь фонетика но морфология 
удысын п?ртэмлыкъёссэ сэрттон-пертчонлы. Та книгаезлэн огъя визьпумъянэныз - 
бесермянъёс, пе, кыче ке тюрк выжыысь калык вылцллям но б?рысь удмурт кылэ 
выжиллям - пумозяз соглаш луыны шуг, озьы ке но, "Бесермянъёслэн кылзы" 
монография удмурт кылтодонын туж дуно луэ диалектологилэн куронъёсызъя радъям 
пумтэм узыр материалэныз. 
Со сяна, Тамара Ивановналэн вань на эшшо одцг бадюым ужез - со нимаське "Удмурт 
диалектъёс сярысь тодэтъёс люкан понна юалляськон вакчияк программа"7. Та 
программа бадюым юрттэт сётэ удмурт диалектологъёслы - тодосчиослы, 
аспирантъёслы но студентъёслы; Удмурт кун университетысь студентъёс, чапак та 
программа вылэ пыкиськыса люкало удмурт диалектъёслы сцзем диплом ужъёссылы 
материал; та программа уже кутцське студентъёслэн диалектологияя гужемлы быдэ 
ортчытцськись гуртвыл практикаоссы дыръя но. 
Экспедициосы ветлыса, диалектъёс сярысь материал люкан дыръяз, Тамара Ивановна 
Тепляшина озьы ик бадюым саклык висъяз удмуртъёс п?лын кутцськись пиосмурт но 
нылкышно нимъёсыз, гурт котырын пумиськись инты нимъёсыз гожъянлы. Та 
материалъёс вылын кылдцзы солэн удмурт антропонимикая но топонимикая трос дасо 
статьяосыз. Удмурт кылтодонлэн та удысаз но Тамара Ивановна сюрес лёгисьёс п?лын 
вал: удмурт кылчиос п?лысь нырысьсэ мур но тырмыт эскерыны кутскиз аснимъёсыз. 
Та удысын тужгес но адюем карымон луэ солэн берло потэм "Перм кылъёсын адями 
нимъёслэн модельёссы" книгаез8.
Бадюымесь азинсконъёс басьтцз Т. И. Тепляшина вуж удмурт гожтэм синпельметъёсыз 
выльдан удысын но. Со трос ужаз Москваысь, Ленинградысь, Кировысь архивъёсын; 
удмурт кылын гожтыса кельтэм пичиесь но бадюымесь кыллюкамъёслэсь, куэтъёслэсь 
(текстъёслэсь) но мукет со выллем материалъёслэсь оглюкетсэс со Москваын 1965-тц 
арын поттцз "ЪВИИИ даурысь удмурт гожъяськетлэн синпельметъёсыз" нимо книгаен9. 
Книга туж ас дыраз потцз: одцг ласянь, со тодосчиос кие вуттцз шедьтыны шуг 
луись вуж удмурт гожтэм синпельметъёсыз; нош мукет ласянь, луонлык сётцз 
удмуртъёслэн Октябрь революцилэсь азьло гожъяськетсы ?й вал шуыса янгыш 
веранъёслы но гожъянъёслӹ0 пум поныны. 
Т. И. Тепляшина бадюым уж лэсьтцз удмурт кыллэсь нормативной но исторической 
фонетиказэ эскерон удысын но. В. И. Лыткинэн чош со гожтцз удмурт научной 
грамматикалэсь "Фонетика" люкетсэ11. Москваысь Тодосъёсъя академилэн Кылтодонъя 
институтаз ужаса, Тамара Ивановна огназ яке В. И. Лыткинэн валче институтлэн 
планэзъя кылдытэм бадюымесь огъясь исследованиосы гожъяз удмурт но перм кылъёс 
сярысь очеркъёс; сычеесь луо, кылсярысь, "Удмурт кыл"12 но "Перм кылъёс"13 
ужъёсыз. Удмурт кыллэсь исторической фонетиказэ дышетцсь студентъёслы но 
аспирантъёслы, озьы ик научной ужасьёслы тодмо солэн "Вашкала финн-угор 
кылвыжылэн структураезлэн перм кылъёсын типология ласянь пумен воштцськемез"14. 
Отын тодосчи узыр этимологической материал вылын яркыт возьматэ туала удмурт 
кыллэн фонетической структураезлэн финн-угор вакытысен кутскыса туннэ нуналозь 
азинскон сюрес вылысьтыз п?ртэм воштцськон процессъёсыз. Соос п?лын: 1) кылдцнь 
пумысь куара усён; 2) кыл пуме кылем одцген согласнойёслэн усемзы яке 
возиськемзы; 3) деназализация но трос мукет со выллем мудрон кылъёсын нимам 
воштцськонъёс. Ваньмыз со выллем маръёс ке огшоры радио кылзцсьёслы (но 
лыдюисьёслы) чик валантэм но кулэтэм кадь потозы, нош зэмос удмурт филолог луыны 
малпасьёс понна соос тодмоесь но туж кулэесь. Собере, соосыз валатэк но тодытэк, 
удмурт кыллэсь азинскон сюрессэ но син азе пуктыны уг луы. 
Со выллем секыт научной ужпумъёс студентъёс понна валамонэсьгес луо, дыр, куке 
соос асьсэос пумисько но вераськыны быгато наука удысын ужась адямиосын, 
кычеосыз п?лы пыре Тамара Ивановна Тепляшина но. Алигес со Ижевскын вал но 
удмурт студентъёсын пумиськыны быгатцз. 
Тамара Ивановнаез умой тодо, асьме элькунысь сяна, шаерысьтымы но озьы ик кунгож 
сь?рысь финно-угроведъёс. Нырысь ик, валамон ини, солэн трос лыдъем тодос 
ужъёсызъя; мукет ласянь, сое чем гинэ пумитаны луэ п?ртэм конференциосысь, 
симпозиумъёсысь но конгрессъёсысь. Финно-угроведениея турлы интыосын ортчытэм 
ньыль калыккуспо конгрессъёс п?лысь со кыказ вуылцз удмурт тодосчиослэн 
представительзы луыса. Али удмурт учёной финно-угроведъёслэн В калыккуспо 
конгрессазы мыныны дасяське. Со ортчоз туэ август толэзе Финляндиысь Турку 
карын. Конгресслэн программаяз пыртэмын Тамара Ивановна Тепляшиналэн но удмурт 
диалектъёсысь выль кылдэм падежъёслы сцзем докладэж5. Докладын (статьяын) 
вераськон мынэ уйпал вераськетъёсын в?лмем -н' элементо кылпумен та выллем 
падежъёс сярысь: соос-н'ын 'соос дцньын, дорын', соос-н'э 'соос дцне, соос 
доры', соос-н'ыс' 'соос дцньысь, соос дорысь', соос-н'оз' 'соос дцнёзь, соос 
дорозь' но со выллем. Кызьы валэктэ Тамара Ивановна, выль падеж кылпумъёсысь н' 
элемент п?рмемын д?нь- нимберлэн кылвыжыез бордысь: соос-н'ын < соос дин'ын, 
соос-н'э < соос дин'э но о. а.
Наукае сюрес... Капчиен ?з сётскы со удмурт нылкышнолы. П?сьсэ но кезьытсэ но 
адюоно луиз, но вормиз юырдыт сюлэм, дышетскыны пуромем мылкыд. Тамара 
Ивановналэн школаын дышетскыкуз ик вал ини аслаз быръем сюресэз.
Т. И. Тепляшина: Школаын дышетскыкум ик, кылъя предметъёсты мон яратцсько вал. 
Со предметъёсын мон юеч дышетскылц. Мон малпасько вал дышетцсь луыны. Сыче 
малпанэн дышетски мон 5-6-тц классысен ик. Средней школаез быдтыса, пыри 
пединститутлэн кылъя но литературая факультетаз.
Корреспондент: Но тани юеч улон вакытэз туга шимес война. Асьме Родинамылэн 
оскымон нылпиосыз кошко фронтэ. Пединститутысь нылъёс но чош дышетскем пиоссэс 
келяло тушмонэз жугыны. Секытэсь вал со люкиськон нуналъёс. Кин тодэ, оло ноку 
но уз кылды ни чош дышетскем эшъёсын пумиськыны. Война уз учкы, кин тон, ма 
тыныд кулэ. Сое нылъёс юеч валаллязы. Та шимес вакытэ Тамара Ивановна быдтцз вал 
ай пединститутлэсь нырысетц курссэ гинэ.
Тамара нимо егит нылашез Дэбес районысь одцгаз школае нылпиосты дышетыны 
келязы. Но юырдыт сюлэмо адями таче вакытэ шыпыт интыын пукыны чидалоз шат?
Т. И. Тепляшина: Фронтэ мон кошки 1942-тц арын. Асьме страна понна соку туж 
секыт югдур кылдэмын вал. Фронтлэн мышказ юрттылцз котькин но. Но егит калыклы 
со тырмыт ?й вал, эшшо но тросгес потэ вал юрттэмез. Соку тросэз нылъёс мыныло 
вал военкоматэ, курисько фронтэ. Нуналлы быдэ отчы пырись-потасьёс вал, фронтэ 
куриськыса. Асьме республикаысь нылъёсты мобилизовать карыса кылдытэмын вал 
нимысьтыз артдивизион. Магнитогорскын куинь-а, ньыль-а толэзь дышетыса, фронтэ 
келязы.
Диктор: Бен, туж секыт вал странамылы та вакыт. Фашистъёс вуэмын ни Москва доры, 
фронт кыстцськемын Сталинград пала, шедемын блокадае Ленинград. Таче секыт югдур 
кылдыса но, советской калыклэн осконэз ?з бырылы. Странаысьтымы вань калыкъёс 
султцзы тушмон пумитэ. Тани удмурт нылашъёс но вуизы ож луд вылэ. Со - 
артдивизионысь 17-18 аресъем нылъёс, техникаез юеч тодцсь-валась боецъёс. Соос 
п?лын ик вал приборист Тамара Тепляшина но. Шедизы нылъёс Мурманск пала, уйпал 
фронтэ. Кольской полуостровысь Кола станция дорын нырысьсэ пумиськизы 
фашистъёсын, нырысьсэ кылцзы бомбаослэсь шимес шуласа васькемзэс, соослэсь 
музъем пилиськымон пуштылэмзэс, татысен ик соос нырысьсэ валазы, ма со секыт 
ыштон.
Т. И. Тепляшина: Только ми отчы вуим но школае интыяським вал. Со школа вадьсын 
вылэм казарма военнойёслэн. Фашистъёс бомбить каризы но, осколокъёс ми доры 
вуыса, отын нырысь уе ик тросэз нылъёсмы ранить каремын вал. Нырысь со уе ми 
адюим кышкытлыксэ войналэсь.
Корреспондент: Тамара Ивановналэн та ож сюресэзлэн кутсконэз гинэ. Нош кыче но 
шуг-секытъёсын пумиськылоно ?з луы нылашъёслы! 1944-тц арын полк, кудаз 76 
миллиметръем пушкаосын приборист луыса служить кариз Тамара Тепляшина, 
расформировать каремын вал. Нош Тамараез келязы нимысьтыз кылдытэм Тихоокеанской 
флотлэн 29-тц артдивизияз. Татын, Владивосток в?зын, удмурт ныл японской 
милитаристъёслэсь утиз асьмелэсь чылкыт инбаммес. Япон солдатъёсын кышкатэк 
ожмаськемез понна Тамара Ивановналы сётцзы "За победу над Японией" медаль. 
Б?рысь ини солэн луозы "За боевые заслуги", "За оборону Советского Заполярья", 
"За победу над Германией", "За Победу" медальёсыз но трос мукет.
Вормон нунал. Йылпумъяськиз самой кышкыт война. Берытско фронтысь солдатъёс. 
Соослы табере эутоно куашкатэм юртъёсты, гыроно но утялтоно снарядъёсын бугыръям 
аныкай музъемзэс, азьланьтоно наукаез.
Армиысь демобилизовать карем беразы, Т. И. Тепляшина Ижевскысь областной 
партшколае келямын вал. Сое быдтыса, Удмурт научно-исследовательской институтлэн 
куремезъя пыриз Ленинградысь Жданов нимо университетэ. Отысь Восточной 
факультетлэн финн-угор отделенияз. 1949-тц арын сое йылпумъяз но выльысен 
Ижевске берытскиз.
Нырысь-валысь ужаз УдНИИ-ын младший научной сотрудник луыса. Мукет авторъёсын 
чош бадюым юуч-удмурт кыллюкам16 лэсьтон бордын ужаны кутскиз. 1952-тц арын 
Тамара Ивановна пыре Москваысь аспирантурае. Аспирант дыръяз ик учёной ужзэ 
куинь удысъёсъя радъя. Со - вашкала памятникъёсты эскерон, ономастика но 
диалектология. Нош кудцз аслыз юнгес кельше шуыса юанлы Тамара Ивановна тазьы 
шуэ.
Т. И. Тепляшина: Финно-угорской отделениын дышетскыкум ик мыным тодмо вал, 
удмурт диалектъёс туж ляб эскеремын шуыса. Соин ик кыче материалъёс вань удмурт 
диалектологияя, мон тодыны тырши, университетын дышетскыкум ик. Мон реферат но 
аспирантурае пырыкум гожтц диалектъёсъя. Кандидатской дисертация но мон лэсьтц 
со ужпумен ик.
Диктор: Со дырысен трос аръёс ортчемын ини. Тамара Ивановналэсь йырсизэ аръёс 
азвесь пужмерен пазьгизы ни. Со вера одцгзэ гинэ: капчи ?й вал улон сюресэз. 
Бен, дан озьы гинэ ?з лыкты. Али Тамара Ивановнаез тодо ини кунгож сь?рысь но 
тодосчиос.
Т. И. Тепляшина: Зарубежной учёнойёс кемалась тодо асьме кылъёсты. ЪИЪ даурлэн 
пумаз татчы лыктылцзы Венгриысь учёнойёс. Соос люкаллязы материалъёс. Изучать 
каризы удмурт кыллэсь пуштроссэ. Вал бадюым учёной финно-угровед Фокош-Фукш7. 
Мынам соин вань пумиськылэме но. Со юеч тодэ вал удмурт кылэз. Отын солэн 
дышетэм муртъёсыз вань, кылсярысь, Карой Редеӥ8. Со бадюым специалист луиз али. 
Перм кылъёсъя трос ужъёс гожъя, юеч вераське коми кылын. Соосын ужаськомы чош. 
Финляндиын но асьме кылъёсты изучать каро. Татчы, Удмурт шаере, ас вакытазы 
вуылцзы Ӵ. Г. Аминофф19, Ю. Вихманң0, диалектъёсъя материалъёс 
люкаллязы. Микко Корхонен али Вихманнлэн люкам материалъёсызъя поттэ удмурт 
словарь21. Ветлыло финнъёс Москвае, чем вуыло институтами. Огъя ужпумъёсты ми 
огъя ик быдэсъяны тыршиськомы.
Диктор: Али Ижевске вуылыкуз, Тамара Ивановна Тепляшина туж ушъяса вераз будцсь 
кадръёс сярысь. Юеч кылын пусйиз университетысь удмурт кылъя но литературая 
кафедраез. Кафедраын ужасьёс туж квалифицированноесь, шуэ со. Тамара Ивановна 
адюытэк уг улы удмурт кылтодонлэсь лябыт интыоссэ но. Со ватытэк вера, удмурт 
литературной кыллэсь историзэ эскерон уж дыг мынэ шуыса.
Тцни озъы котькуд уже чектонъёссэ, котькуд ужпум ласянь малпанъёссэ вераны 
быгатэ удмурт тодосчи Тамара Ивановна Тепляшина. Вань сюлэмзэ, тодэм-валамзэ 
сётэ со удмурт наукаез азинтонлы.

Поттыны дасяз В. К. Кельмаков, кылосбур тодосъёсъя доктор, Удмурт кун 
университетысь профессор, огъя но финн-угор кылтодонъя кафедралэн кивалтцсез
1 Т. И. Тепляшина. Тыловайский диалект удмуртского языка: Дис. ... канд. филол. 
наук. М., 1955.
2 И. В. Тараканов. Фонетические особенности бавлинского диалекта удмуртского 
языка (в свете экспериментальных данных): Дис. ... канд. филол. наук. Тарту, 
1958. 310 с.
3 В. К. Кельмаков. Кукморский диалект удмуртского языка: Дис. ... канд. филол. 
наук. М., 1969. ХХХ + 475 + [Приложение] 175 с.
4 С. К. Бушмакин. Фонетические и морфологические особенности средневосточных 
говоров удмуртского языка: Дис. ... канд. филол. наук. Ижевск; М., 1971. 397 + 
[Приложение] 350 с.
5 П. Ш. Насибуллин. Закамские говоры удмуртского языка: Дис. ... канд. филол. 
наук. М., 1973. 202 + [Приложение] 325 с.
6 Т. И. Тепляшина. Язык бесермян // АН СССР. Ин-т языкознания. М.: Наука, 1970. 
288 с.
7 Т. И. Тепляшина. Краткая программа-вопросник по собиранию сведений об 
удмуртских диалектах / АН СССР. Ин-т языкознания. М.: Наука, 1966. 96 с.
8 Т. И. Ӵепляшина. Антропонимические модели пермских языков / АН СССР. Ин-т 
языкознания; Отв. ред. А. В. Суперанская. М.: Наука, 1978. 138 с.
9 Т. И. Тепляшина. Памятники удмуртской письменности ХВИИИ века / АН СССР. Ин-т 
языкознания. М.: Наука, 1965. Вып. 1. 324 с.
10 Удмуртъёслэн Быд?ым Октябрь революцилэсь азьло гожъяськетсы ой вал шуыса 
янгыш ивортонъёс, портэм юбилейной докладъёсын, книгаосын но статьяосын сяна, 
пумиськыло вал зэмос научной ужъёсын но. Тани, кылсярысь, кызьы гожтэмын вузлы 
дасям од?газ дышетскон книгаын: "У финского и эстонского языков писмьменность на 
основе латинского алфавита; у марийского и мордовских - издавна на основе 
русского алфавита; у коми-зырянского, удмуртского и коми-пермяцкого - на русской 
основе (с 30-х годов ХХ в.)" (А. А. Реформатский. Введение в языковедение. М.: 
Просвещение, 1967. С. 422). 
11 Грамматика современного удмуртского языка: Фонетика и морфология / Удм. НИИ 
ист., экон., языка и лит.; Отв. ред. П. Н. Перевощиков. Ижевск: Удм. 
кн. изд-во, 1962. С. 7-55.
12 Т. И. Тепляшина. Удмуртский язык // Языки народов СССР / АН СССР. Науч. совет 
по комплексной проблеме "Закономерности развития национальных языков в связи с 
развитием социалистических наций". Ин-т языкознания. М.: Наука, 1966. Т. : 
Финно-угорские и самодийские языки. С. 261-280.
13 Тепляшина Т. И., Лыткин В. И. Пермские языки // Основы финно-угорского 
языкознания: Марийский, пермские и угорские языки / АН СССР. Ин-т языкозн. М.: 
Наука, 1976. С. 97-228.
14 Тепляшина Т. И. Типологическая эволюция структуры пра-финно-угорского корня в 
пермских языках // Историко-типологические исследования по финно-угорским языкам 
/ АН СССР. Ин-т языкознания. М.: Наука, 1978. С. 266-325.
15 Борысьгес со доклад нимысьтыз статья карыса поттэмын вал конгресслэн 
материалъёсызлы с?зем книгаын: Т. И. Тепляшина. О новых удмуртских падежах // 
Цонгӧӥссус Ӝуинӵус Инӵӥӧнаӵионалис Фӥнно-Угӧисӵаӧум. Ӵуӧку 20.-27.ВИИИ.1980. 
Ӵуӧку, 1981. Паӧс ВИ: Диссӥӧӵаӵионӥс сӥцӵионум: Пхонологица ӥӵ моӧпхологица, 
сынӵацӵица ӥӵ сӥманӵица. Ц. 285-292.
16 Та кыллюкам 1956-т? арын поттэмын вал: Русско-удмуртский словарь: Около 40 
000 слов; С приложением краткого очерка грамматики удмуртского языка / Удм. НИИ 
ист., языка и лит. М.: ГИИНС, 1956. 1360 с.
17 Давид Рафаэль Фокош-Фукс (Фокос-Фуцхс Давид Ӧапхаӥл, 1884-1977) - тодмо 
венгер финно-угровед, удмурт но коми кылъя бад?ым специалист, Бернат Мункачилэн 
дышетскисез но эшез. Нырысет?ез бад?ым ужез с?земын вал удмурт кылысь ужпумлы - 
"Интыез возьмат?сь обстоятельствоос удмурт кылын" (А локаӵивусз-ф?лӥ хаӵ?ӧоз?к а 
воӵй?к ныӥлвбӥн" - 1906). Б. Мункачи кулэм бере, солэсь люкам материалъёссэ 
пумозяз радъяса, нимысьтыз книгаен потт?з: "Удмуртъёслэн калык сямъёссы но калык 
кылбуретсы" (Волксбӧ?уцхӥ унд Волксдицхӵунг дӥӧ Ӟоӵйакӥн. Аус дӥм Нацхлассӥ вон 
Бӥӧнх?ӧд Мунк?цси. Хӥӧаусгегӥбӥн вон Д. Ӧ. Фуцхс. Хӥлсинки, 1952. ЪЪЪВИИ + 715 
С.). Борысьгес - дышет?сезлэн ?ектэмезъя, луоз - коми кылэз эскерон борды выжиз. 
18 Карой Редеи (Ӧ?дӥи К?ӧолы, 1932) - венгер кылчи, профессор, академик, асьме 
вакытэ финно-угроведение удысын дуннеысь од?гез самой кужмо специалист. Данак 
ужъёсыз с?земын удмурт кыллы но, соос полын, кылсярысь, та?еез: "Коми кылысь 
нимберъёс удмурт кылысь но лыдэ басьтыса" (К. Ӧ?дӥи. Диӥ Посӵпосиӵионӥн им 
Сыӧй?нисцхӥн унӵӥӧ Бӥӧ?цксицхӵигунг дӥс Ӟоӵйакисцхӥн. Будапӥсӵ, 1962. 223 С.). 
?дмурт но коми кылъёслэн исторической фонетикаысьтызы но исторической 
морфологиысьтызы туж трос ужпумъёс эскеремын венгер тодосчилэн уно лыдъем 
статьяосаз.
19 Торстен Густафф Аминофф (Ӵоӧсӵӥн Гусӵафф Аминофф, 1838-1881) - финн кылчи. 
Кунгож сьорысь финно-угроведъёс полысь нырысет?ез, кин удмурт кылэз эскерон 
вылысь юромо вуиз асьме шаере (1878). Люкам материалэз но удмурт диалектъёслы 
с?зем гожетэз (очеркез) Ю. Вихманнлэн тыршеменыз поттэмын вал ини, Аминофф кулэм 
бере: "Удмуртъёслэн вераськон сямъёссы" (Ӵ. Г. Аминофф. Ӟоӵйакилаисиа 
киӥлин?ыӵӵӥиӵ? // ЙСФОу. 1886. 1. С. 32-55) но "Удмурт кыллэн фонетикаезъя но 
морфологиезъя гожет" (Ӵ. Г. Аминофф. Воӵйакин ??ннӥ- йа муоӵо-опин луоннос // 
ЙСФОу. 1896. 2ЪИВ. С. 1-48). 
20 Юрьё Йосеэппи Вихманн (Ыӧй? Йосӥӥппи Ӟицхманн, 1868-1932) - туж тодмо финн 
финн-угровед, удмурт но коми кылъёсъя бад?ым специалист. 1891-1892-т? но 1894-т? 
аръёсы удмуртъёс полын ужаса, узыр фольклорно-диалектологической материал люказ 
но борысьгес кык томен "Удмуртъёслэн вераськон сямъёссы" нимын печатласа потт?з 
(Ы. Ӟицхманн. Ӟоӵйакисцхӥ Спӧацхпӧобӥн. Хӥлсингфоӧс, 1893. И: Лиӥдӥӧ, Гӥбӥӵӥ унд 
Заубӥӧспӧ?цхӥ. ЪЪ + 200 С.; Ӟоӵйакисцхӥ Спӧацхпӧобӥн. Хӥлсингфоӧс, 1901. ИИ: 
Спӧицхӟ?ӧӵӥӧ, Ӧ?ӵсӥл, М?ӧцхӥн, Сагӥн унд Ӥӧз?хлунгӥн. ИВ + 200 С.). Солэн нимыз 
удмурт кылтодонын тодмо на мукет бад?ымесь но пичиесь ужъёсыныз но: "Кыллюкамен 
удмурт лыд?осэныз" (Ы. Ӟицхманн. Ӟоӵйакисцхӥ Цхӧӥсӵомаӵхиӥ миӵ Глоссаӧ. 
Хӥлсингфоӧс, 1901. В +134 С.), "Перм кылъёсын чуваш асэстэмъёс" (Ы. Ӟицхманн. 
Диӥ ӵсцхуӟассисцхӥн Лӥхнӟ?ӧӵӥӧ ин дӥн пӥӧмисцхӥн Спӧацхӥн. Хӥлсингфоӧс, 1903. 
ЪЪВИИИ + 171 С.) но "Удмурт кылын нырысет? слогысь вокализмлэн историез коми 
кылысь вокализмен ?ошатыса" (Ы. Ӟицхманн. Зуӧ Гӥсцхицхӵӥ дӥс 
Вокалисмус дӥӧ ӥӧсӵӥн Силбӥ им Ӟоӵйакисцхӥн миӵ Ӧ?цксицхӵ ауф дас Сыӧй?нисцхӥ. 
Хӥлсинки, 1915. ЪИВ + 96 С.) нимо книгаосыныз но данак статьяосыныз.
21 Вели-Микко Корхонен (Вӥли-Микко Коӧхонӥн, 1936-1991) - финн кылчи, финно-
угровед, Хенсинки университетысь профессор. Трос ужаз саами кылэз но огъя финно-
угроведениысь ужпумъёсыз выльдан бордын. Удмуртъёс понна бад?ым уж лэсьт?з, Ю. 
Вихманнлэсь кигожтэтын кылем удмурт кыллюкамзэ поттыса (со сярысь ик ивортэ Т. 
И. Тепляшина но): Ӟоӵйакисцхӥӧ Ӟоӧӵсцхаӵз. Ауфгӥзӥицхнӥӵ вон Ыӧй? Ӟицхманн. 
Бӥаӧбӥиӵӥӵ вон Ӵ. Ӥ. Уоӵила унд Микко Коӧхонӥн. Хӥӧаусгӥгӥбӥн вон Микко 
Коӧхонӥн. Хӥлсинки, 1987 (ЛСФУ). ЪЪИИИ + 421 С.
12

1

Г.А. Ушаков, педагогика наукаосъя доктор, профессор
Кызьы ужано лекция но статья бордын?
Ваньмызлы тодмо, дышетӥсь урокъёс нуыкуз гинэ уг тыршы, со трос пӧртэм ужъёсты 
школалэсь палэнын но быдэсъя. Со данак гинэ лекциос лыдӟе, тужгес но анай-
атайёслы. Тросэз дышетӥсьёс быръёнъёсы но пырисько: валэктон уж нуо, депутатэ 
кандидатъёслы дурбасьто. Умой со. Мукетыз мыдланьгес: вань веранзы кылзӥсьёслэн 
сюлмазы уг биниськы, вань калыкез оскытыны но палазы кыскыны уггес быгато. Сыӵе 
дыръя лекторлэн кӧтыз ӝож луэ: сомында, пе, дасяськи, вань быгатонлыкме кутыса 
вераськи, нош ужпумез пумозяз ӧй быдэсты. Малы со озьы луэ? Угось лекция 
лыдӟонлэн но, люкаськемъёсын вераськонлэн но аслаз методикаез вань. Сое нокызьы 
но лыдэ басьтытэк уг луы. Та методика туж кемалась, античной вакытэ, кылдэмын но 
вакытэн-вакытэн вошъяське. Паймымон соиз: со воштӥськонъёс туж юн герӟаськемын 
кун кивалтӥсьёслэн вераськон манеренызы. 
Кызьы тодмо, В.И. Ленин туж бугрес вакытэ улӥз, солы нуналлы, часлы быдэ аслаз 
тушмонъёсыныз ожмаськоно луылӥз. Валамон ини, солы зӥбыт но лякыт вераськыны шуг 
вал. Соин, дыр, солэн калык азьын вераськоназ ӵем гинэ пумиськыло вал лек но жоб 
кылъёс. Со куддыръя меӵак вазиськылэ вал пумит сылӥсь адямиослы. 
Югдур чылкак воштӥськиз И.В. Сталин кивалтыны кутскем бере. Со сямызъя кескич 
вал бере, сыӵе манерен ик нимаз адямиосын но, калыкен но вераськылӥз. Солэн 
котькуд кылыз трос пол чакламын, мертамын, учконо ке, ваньмыз ас интыяз. Малыез 
валамон: со кужмысь тыршиз возьматыны - асьмелэн ваньмыз умой, сюресмы шонер, 
азьпалан нокыӵе могӟетъёс уз луэ. 
Н.С. Хрущев малпамтэ шорысь но чик кышкатэк И.В. Сталинлэн ужъёсызлы но солэн 
нимызлы чутрак пумит султӥз. Шӧдске, таӵезэ нокин но уг возьма вал. Соин ик Н.С. 
Хрущев, валамон ини, ассэ юн возьыны, ӟырдыт но оскымон вераськыны кулэ вал. Со 
озьы ик лэсьтӥз. 
Табере ини бумагая вераськисьёс шоры кырыж учкыны кутскизы: таид, пе, бумагатэк 
вераны уг быгаты. Кылтӥрлык но шуак воштӥськиз: веранъёсазы, Н.С. Хрущев сямен 
ик, лэчыт мадиськонъёсты, жобъёссэ но чик кӧбератэк кутыны кутскизы. 
Л.И. Брежнев кивалтон вакытэ одно ик веранэз бумагае гожтоно вал. Угось озьы 
вераське вал кивалтӥсьмы. Сое ӵем гинэ пыӵкыло вал "г" куараез аспӧртэмлыко 
верамезлы.
М.С. Горбачев вакытэ улонамы выльдӥськон кутскиз, ваньмыз йырчукиназ кадь. 
Политика но улон чутрак воштӥськемен, риторика но мукетгес луиз: вераськон 
чылкытаз, жоб кылъёс кошкизы.
Ораторъёс, кивалтӥсьёсмы сямен ик, кылзӥсьёсты ас верамзылы уката но оскытыны 
тыршизы. Соин огшоры адямиос осконтэм маослы ке но оско вал.
Воштӥськонъёс луизы кенешъёсын вераськонъёсын но. котькудӥз ассэ ачиз гажась 
мурт одно ик кивалтӥсьёссэ мыдлань ужамзы понна пыкылыны тырше вал. 
Зэм, тазэ али но пыӵкыло на "начать", "процесс пошел" шуылэмъёсыныз.
Та вакытэ паймымон югдур кылдӥз кыл но вераськон манер пумысен. Кивалтӥсьмы 
синмаськымон чебер вераське, нош газет-журналъёс но радио-телевидение кылзы 
ласянь юрӟымесь луизы. Мае но уд кыл табере, коть пельёстэ ӵокса. Радиоысь, 
телевидениеысь адӟем карымон вераськись дикторъёсты палэнтӥзы, табере 
журналистъёс асьсэос ик дыг-мог верасько.
Та пумысен ушъяме потэ асьмелэсь журналистъёсмес но писательёсмес. Соос та 
чылкыт сюрес вылэ ӧз султэ, удмурт кыллэсь чылкытлыксэ утьыны тыршо. 
Асьсэдыз валантэм возьыны кутскизы куд-огез кылъя тодосчиосмы: соос асьсэ 
тодэмзыя тупатъяны кутскизы вань удмурт калыклэсь дунъяны луонтэм узырлыксэ - 
солэсь чебер но узыр кылзэ. Соос ӵектэмъя вераськид ке, удмурт кылмы чылкак 
бигермоз. Тодыса-а, тодытэк-а, ваньмызлы валамон "закон" кыл интые "кат" кылэз 
ӵектӥзы. Вашкала ӟуч кылын палачез кат шуо вал. Удмурт кабъя кылдытэм выль 
кылъёс но пумозяз чакламтэ. Президентэз, пе, азьмурт шуоно. Тае кылыса, кӧты ӝож 
луиз удмурт калык понна. Президент азьмурт ке, иське ваньмы асьмеос бермуртъёс. 
Таӵе нокинлы кулэтэм макеосын вырытозь, шонер гожъяськон правилоосты наука 
инъетъя умой-умой выльдоно вылэм. Ӟучъёс шонер гожъяськон правилооссэс капчигес 
карыны тыршо, асьмеос пумен шугомытӥськомы. Пус пуктонзы но соолэн асьмелэн 
сярысь огшорыгес. 
Кивалтӥсьёсмылэн кылзы сярысь веранэз азьланьтоно ке, туала президентэз - В.В. 
Путинэз но - палэнэ кельтыны уг луы. Солэн верамезлэн туж юн логикаез, ваньмыз 
котыр ласянь чакламын. В.В. Путинлэн вераськон манераз вань паймымонэз но. Солэн 
куараез - психологияя но, кылъя но тодосчиослы - йыртӥян. Россиысь наукая 
академилэн психологияя лабораторияз тросэзлэсь политикъёслэсь куараоссэс 
эскеризы, соосты суредаськисьёсын ӵошатыса. Тодмо луиз, художникъёслэн куараоссы 
лякытэсь, соос умоезлы гинэ оскемзэс возьмато. Политикъёслэн куараоссы соослэсь 
сюлмаськись но лекгес луэмзэс шараяло. Куд-огез оло вералоз, психологъёс, пе, 
адямиоссэ тодмаса, юромо озьы шуизы. Со озьы ӧвӧл, шонерзэ ке, психологъёс 
соосты тодманы ӧй быгатысалзы. Угось куараоссы берласянь гожтэмын, мар верамзэс 
но валаны уг луы.
Ваньзэс паймытӥз В.В. Путинлэн куараез: со суредаськисьёслы укша. Зэмзэ но, 
паймымон учыр, тужгес но лыдэ басьтоно ке, солэсь "Будем их мочить в сортире" 
шуэмзэ. Солэсь та верамзэ уката но паськыт вӧлмытӥзы журналистъёс. Куддыръя ачиз 
калык но кивалтӥсьёслэсь аспӧртэмлыко верамъёссэс уже кутэ. Озьы луиз В.С. 
Черномырдинлэн "Хотели как лучше, получилось как всегда" шуэменыз. 
Ваньмыз та яркыт возьматэ, макем бадӟым инты басьтэ асьме улонамы кун 
кивалтӥсьёслэн котькуд вамышсы, котькуд кылзы. 
Куара сярысь кылпум поттӥм бере, чаклалом на та ласянь лекторез но. Со тодыны 
кулэ, куаралэн вань тонэз (инъетэз) но полутонэз, яке со тонлэн векчи пырыосыз. 
Вераськыку соос ваньмыз огазеясько, адямилэсь аспӧртэмлыко куаразэ кылдыто. 
Куаралэн макем тросгес векчи тон пырыосыз, сокем со чебергес. Тӥни малы огзэ 
лекторез ялан кылзэм потэ, мукетызлэсь чидатэк возьмаськод чалмемзэ. 
Зэм, таӵе куараез Инмар сётэ шуо. Со чылкак ик озьы ӧвӧл, угось артистъёслы тани 
куаразэс пуктыны нимысьтыз дышето. Котьку сямен ик та уж пӧрме. Жаляса верано, 
вузъёс та пумысен студентъёсын, вуоно преподавательёсын, номыр но уг лэсьто. 
Дышетӥсьёс асьсэ коже ужано луо. Сотэк кызьы? Куаралэн туж бадӟым кужымез. 
Алдаськись чиганъёс сое туж быгатыса уже куто. Адямиез алдан, солэсь коньдонзэ 
кыскон понна, соос огвыллем куараен верасько. Сыӵе куара гипноз выллем: адями 
пумитъяськемысь дугдэ, ма лэсьтэмзэ уг вала, умме усе кадь. Лектор таӵе куараен 
вераське ке, амалтэк изем потыны кутске. Тӥни кыӵе бадӟым кужмыз куаралэн, сое 
быгатыса уже кутоно ке. 
Котькуд докладлэн, лекцилэн но статьялэн одӥг валтӥсь темаез вань. Со сыӵе 
ужпум, кудӥзлы сӥземын быдэс текст. Сое асьмеос текстлэн йыръянысьтыз яке 
кутсконысьтыз ик адӟиськомы. Солэн формаез пӧртэм луыны быгатоз. 
Юнматӥсь (Мон юн оскисько, улонмы тупатскоз шуыса).
Юась (Кинэ зэмос эш шуыны луоз?)
Янгышен верась (Куд-огез верало: адями, пе, вордскем шаерезлэсь палэнын гинэ 
шудзэ шедьтэ).
Валтӥсь тема сяна, текстын одно ик шедё на вакчиесь темаос. Со аргументъёс. 
Юнматӥсь темаем текстын ваньмыз аргуметъёс, яке векчи темаос, валтӥсь темаез 
валэктыны, юнматыны кулэ. Юась бадӟым темаен текст озьыгес ик азинске: со юанлы 
котыр ласянь валэктон сётоно. Янгышен верась бадӟым темаё текстын ваньмыз векчи 
темаос тупен-тупен мед валэктозы, таӵе малпан шонер ӧвӧл шуыса. 
Вераку векчи темаос куараен висъясько, гожъяку - горд чурен, яке абзацен.
Эшшо огзэ ӧвӧл вунэтоно на: текстлэн кутсконэз но пумыз пуштроссыя но ог-огзылы 
тупаны кулэ. 
Котыр ласянь чакланы кулэ, кин азьын вераськоды, кинлы гожтӥськоды. Кылзӥсьёс 
но, лыдӟисьёс но куинь пумо луыло. Одигъёсыз лекторлы пумит султо, солэн одӥг 
кылызлы но уг оско. Зэм, аудиториез ас палад берыктыны капчи ӧвӧл, озьы ке но, 
куд-ог амалъёс вань. Лектор ассэ одно ик озьы возьыны кулэ - адямиос соосты 
гажамез, соослы оскемез мед адӟозы, шӧдозы. Со понна, шер-шер ке но, заллы 
вазиськылыны кулэ. Аргументъёс пумысен но пумозяз малпаськоно. Самой оскымонзэ, 
та учырлы тупасьсэ гинэ верано. Зал со - одӥг адямилы укша. Лекторез кылзыкуз, 
со син азьын воштӥськыны быгатэ, уката но уродэз пала. 
Кыкетӥ пумоез аудитория - со сыӵе адямиос, кудъёсыз лекторлэсь верамзэ пелязы но 
уг поно. Ӧтизы но, лыктӥм, пе. Таӵе югдур уката но ӵем пумиськылэ вал партия 
кивалтон вакытэ. Угось лекторъёс лыкто но, ужез куспетӥ карыса, калыкез люкало 
вал. Зэмзэ верано ке, таӵе аудиториез но визьмо лектор ас палаз берыктыны 
быгатоз. Со понна калыклы верано солы матын луись ужпумъёс сярысь. 
Жаляса верано, вузъёсысь куд-ог дышетӥсьёс но студентъёслэсь кызьы кылзэмзэс чик 
уг чаклало. Огеныз сыӵе дышетӥсен милемлы но пумиськоно луиз. Солэн лекциосаз ми 
весь палэнысь ужъёсын выриськомы вал: я мукет занятиослы дасяськиськомы, я книга 
лыдӟиськомы. Тае со ас синмыныз адӟе но тодэ но вал. Озьы но нокыӵе ӧз 
кариськылы. Вераськыны ке кутскиськом, соку гинэ алэ вал:
- Мон шӧдӥсько, лекциме тӥ уд кылзӥське. Тӥ коть сое лыдӟыны эн люкетэ: эн гинэ 
вераське, отӥзэ котьмар каре. 
Валамон ини, сыӵе лекторез серем гинэ карозы. 
Дышетӥсь сярысь ӵем гинэ тазьы но шуо: со, пе, артист кадь луыны улэ. Зэмзэ 
вераса, таиныз соглаш кариськыны шуггес. Малы ке но соос артистэ мынӥллямтэ, 
дышетӥсь луилям. Куд-огез бен быгато ик соос куараенызы артист кадь шудыны. 
Ваньмыз уг, уз но быгатэ, дыр. Тани шуом, драмтеатрысь артистъёс бадӟым зал 
азьын микрофонтэк верасько. Вань учкисьёс солэсь верамзэ кыло. Я, шуом огшоры 
вераськон. Нош луылэ угось сыӵе югдур но, артист лушкем, шыпыртыса вераське. 
Соку но сое быдэс зал кылэ. Дышетӥсьлы таӵе манерен вераськон кулэ ӧвӧл. Ма со 
уз но быгаты. 
Жаляса верано луэ, тросэз дышетӥсьёс шыпыртыса ӧвӧл, кесяськыса верасько. Соос 
юн оско: озьы, пе, пиналъёс умойгес пуко, ӟечгес валало. Учконо ке, со чик но 
озьы ӧвӧл. Тодам лыктэ Селталась ӟуч кылъя но литературая дышетӥсь Л.М. Княжина. 
Лапег но чиндрес гинэ кышномурт, пиналъёс шоры ноку но куаразэ уз будэты. Озьы 
ке но, 40 муртъем классын чал-чал. Та возьматэ, дышетӥсь огсыр, ваньмызлы 
кылымон куараен вераськыны кулэ шуыса. 
Та ласянь статьяос сярысь верано ке, соос лыдӟымонэсь мед луозы. Берло дыре 
печатлась машинкаос гинэ ӧвӧл, компьютеръёс но паськыт вӧлмизы. Зэм, гуртысь 
дышетӥсьлэн та пумысен улэмез начар на. Соин журналлэн редакцияз ужасьёс киын 
гожтэм статьяосты куто, угось дышетӥсьёс чылкыт но чебер гожъяськыны быгато. 
Кудъёссэ шуггес тупатъяны чур висъёс сюбеген. Со висъёс паськытэсьгес мед луозы. 
Озьы ик ӧвӧл жаляно бумагаез паллян палась буш интылы. 
Вакчияк верано ке, лекцилэн но статьялэн ваньмыз учкымон мед луоз пуштросэз но, 
дӥськутэз но. Соку со авторлы юнме дыр быдтон уз луы, аслыз но, кылзӥсьёслы но, 
лыдӟисьёслы но бадӟым пайда сётоз. 
1

Р.И. Яшина, филология наукаосъя кандидат, Удмурт Элькунысь наукая сӥё-дано ужась
Зарни крезен сайкатыса 
(Д.Майоровлэн кылбуръёсыз бордын ужан)
Удмурт литературамылэн юнман вакытаз шӧдскымон инты басьтӥз Даниил Афиногенович 
Майоровлэн творчествоез. Солэн кылбуръёсыз бордын ужало 7-тӥ классын, Г.Е. 
Верещагинлэн куд-ог кылбуръёсыныз но "Зарни чорыг" поэмаеныз тодматскем бере.
Майоровлэн гожъямъёсыз вылынгес ик кылбур жанрен но рифмаен тодматон мынэ, соин 
ик тросгес саклык висъяно луоз кылбуръёслэн метриказылы. Таослэн теоризы валамон 
но шонер возьматэмын учебникын, нылпиос асьсэос лыдӟыса но вераны быгатозы сое.
Уроклы материал: Д.А. Майоровлы сӥзем альбом-пособие (дасяз Д.А. Яшин), крезен 
пиосмуртэ яке нылкышноез возьматӥсь суред яке фото (нимаз дасяны шуг ке, уже 
кутыны луоз 9 класслы учебникысь нырысетӥ фотоез, крезьёслэн нимаз туссы пуктыса 
лэсьтэмын ке, сыӵезэ но кутыны луоз; кыӵе ке емышо садэз возьматӥсь фото, шуом, 
Мане француз художниклэсь "Садын" суредэзлэсь фоторепродукцизэ яке мукетсэ, 
кыӵезэ дышетӥсь шедьтоз).
Туж умой луоз Д.А. Майоровлэн но солэн творчествоезлы сизем книгаосын адӟытон 
(выставка) дасяны.
Уроклэсь мугзэ (цельзэ) верам бере (Д.А. Майоровлэн улэм-вылэменыз 
(биографиеныз) но куинь кылбуреныз тодматскон, соослэсь чеберлыксэс но 
метриказэс эскерон), дышетӥсь нылпиосты асьсэдыз лыдӟытэ биографизэ (учебниклэн 
33 но 34 бамъёсысьтыз). Пиналъёс лыдӟемъя дышетӥсь пумен возьматэ "Улэмез но 
творчествоез" альбомысь куд-ог фотографиоссэ, лыдӟе сое тодӥсь муртъёслэсь кыксэ 
тодэ ваёнъёссэс (нош ик аслаз мылкыд каремъяз).
Собере дышетӥсь кӧня ке юанъёс сётэ:
1. Кыӵе луэ удмуртъёслэн яратоно музыкальной инструментсы? Кинлэн сое адӟемез 
вань? (Учко суред вылысь крезен шудӥсь муртэз, крезьлэсь кыӵезэ.)
2. Кыӵе пумо крезьёссы вылӥллям удмуртъёслэн? ("Бадӟым крезь", солэн сиосыз 
тросгес, "Пичи крезь" - со пичигес вылэм, сиосыз но ӧжытгес.)
3. Кыӵе пуштросэн (значениен) "крезь" кыл кутӥське? Кыӵе кылъёсын со вань на? 
(Шудон инструмент, калыкмылэн музыкальной искусствоез, вашкала культураез; 
крезьгур - "мелодия", крезьгурчи - "композитор" - сложной кылъёс пӧрмытэмын.)
4. Малэсь лэсьто вылэм крезез? (Кызлэсь, ӵемгес ӵашъем кызлэсь - озьы, пе, ачиз 
инмар возьматэ, кудӥз чебергес куара сётоз.)
5. Трос-а али крезен шудисьёс? (Ӧжыт, угось кылмес но, искусствомес но Россия 
империя быдтыны турттӥз. Али крезьмы выльысь улӟе. Та ужын тыршо Кунгуров 
(Ижевскысь усточиослэн школаязы дышетӥсь), Перевозчиков (Воткинскысь нылпи калык 
инструментъёсын шудӥсь ансамбль кылдытӥсь) но куд-ог мукетъёсыз. 
Собере кутске кылбурез лыдӟон (учебникысь 35 бам) но солэсь чеберлыксэ эскерон. 
Кылбуръя нылпиослы юанъёс:
1. Ма понна автор (со ик лирической герой) крезь кутэ? Кыӵе муген (целен)?
2. Малы асьме музъеммес автор "вунэм, ышем шаер" шуэ?
3. Малы куректӥсьёслы, бӧрдӥсьёслы кылбурчи йӧлвыл нуыны ӧте? Ма сярысь вера та 
образ?
4. Кызьы валаськоды "Бӧрдэмъёссэс вунэтытэк, сюлэмъёссэс шунтыло" чуръёслэсь 
пуштроссэс?
Кыӵе ужпумъёсты вазен быдэсъя вылэм крезьчи? (Ивор веран - журналист, калыкез 
огазеян - организатор, крезьгур шудон но адями сюлэмез небӟытон - музыкант но 
психолог.)
Кылбур ӧте выль улонэз дурон борды мыло-кыдо кутскыны, угось кылбур гожтэмын но 
"Гудыри" газетын печатламын вал 1920 арын 25 сентябре, граждан ож ӟырдыт мыныку, 
Колчаклэсь Тӧдьы армизэ Сибирь пала уллям бере.
Дышетӥсь та кылбурез учкытэк вераны вылысь дышетыны косэ но выже Д.А. Майоровлэн 
"Емышо сад" (1920 ар) кылбурез борды, огдыре сяськаясь улмопуосын, чияпуосын 
суредэз возьматыса.
Кылбурез лад-лад но умой лыдӟем бере, дышетӥсь пуштросэзъя но образъёсызъя 
юанъёс сётэ:
1. Малы кылбурчи юлтошъёссэ ӧте емышо садэ?
2. Мае возьматэ со емышо сад пыр?
3. Малы поэт шуэм "Ческыт емышез веръяй мон, уг ни сииськы кӧшсэ"?
4. Мар возьматэмын "вуж куштӥськем садъёс" пыр? Малы шуэмын "Емышез будэтоно 
дышетскемен, тыршемен"?
5. Малы та кылбурез кылбур-метафора шуыны луоно? (Емышо сад мукет пуштросэн 
(переносной значениен) кутӥське, возьматэ "выль улонэз", соин ик сое метафора 
шуо.)
6. Малы та кылбурлэсь пуштроссэ учебникын вераны косэмын "Калыклэн ӵош ужамез 
будэтэ узырлыкез" визькылэн (пословицаен) герӟаса? Асьтэос но та выллем 
визькылъёсты тодаады вае на. (Нылпиос вералозы, дыр, та выллемъёссэ: 1) Кужым 
ужын кыда; 2) Дэмен уж - шулдыр уж; 3) Ужатэк нянё уд луы; 4) Кин уг ужа, со уг 
сиы; 5) Ужась муртэ котькин гажа но мукет.
Отӥяз дышетӥсь лыдӟытэ но ас кылынызы вератэ "Кылбур сярысь. Рифма сярысь" 
материалэз (38-41 бамъёсысь) но эскерытэ "Зарни крезь" но "Емышо сад" 
кылбуръёслэсь размерзэс, утчатэ рифмаоссэс:
Чебер садъёс туж емышо, 
Туж емышо но туж мусо. -ышо - ыршо
Татын калыкъёс тыршо, 
Соин емышо луэ со. - мусо - со
Кылбур гожтэмын ньыль стопаем ямбен, рифмаез кеӵевыл, кечат-вамат 
(перекрёстной).
Условной пусэз АБАБ.
Озьы ик ямбен гожтэмын "Зарни крезь" кылбур но, нош солэн ньылетӥ стопаез 
уретэмын луэ (неполной). Чуръёс пушкын ударениен слогъёсыз интыен-интыен 
лябомытэмын:
Кытын бӧрдон, куректон -
Отын тӥледлы ӟеч кыл.
Дырты нуыны отчы тон
Югыт нуналын йӧлвыл.
Таӵе куӵогес чуръёсын размерез лябомытэм стопаосын ямб шуо. 
Доразы уж сяна, дышетӥсь понназы эскерыны сётэ на Д.А. Майоровлэсь "Мемиелы" 
вазиськон-кылбурзэ, мед тодозы выль кылъёссэ но "Кылбур сярысь" теоризэ.
Уроклэн пумаз дышетӥсь кӧня ке суред возьматэ но юа, кыӵе кылбурлы соос тупало 
("Яблони в цвету", "Анай", "Акшан дыр", "Анайлэн малпанъёсыз" П.В. Ёлкинлэн; 
таосты шедьтыны луоз А.И. Поляклэн "Пётр Ёлкин" но "Художники Удмуртии" 
книгаосысьтыз. 
Вуонояз урокын дышетӥсь тросгес дыр висъя "Мемиелы" кылбурлы но кылбурлэн 
теориезлы, собере ини юа "Зарни крезь" кылбурез учкытэк вераны но котькудӥзлы 
ватсаса юанъёс сётэ Майоровлэн биографиезъя, кылбурлэн теориезъя но словарья. 
Наизусть верамзэс конкурс выллем ортчытыны луоно, пичигес призъёс дасяса. 
"Мемиелы" кылбурез эскерыку, таӵе юанъёс пуктыны луоз:
1. Кин со Сеня? Мар луиз соин? (Майоровлэн братэз, со быриз граждан ожын, 
гордъёс палан ожмаськыкуз.)
2. Кызьы автор вала Сенялэсь быремзэ? Кызьы сое дунъя? Шедьты со чуръёссэ (Сеня 
аскыз лулзэ сётӥз, эрикез поттон понна, солэн табере нимыз уз ни вуны со понна.)
3. Кызьы сюлмаськыны кулэ меми сярысь отысь вормыса бертэмъёс но будэм егитъёс? 
4. Кызьы буйгатэ мемизэ Даниил Майоров?
5. Кин пумысен мемилы тазьы ик вазиськысалды: "Юнматӥськы, мемие, ӟеч ужаз со 
шуыса"? (Аслаз Майоровлэн быремез пумысен, сое 1923 арын юыны но жугиськыны 
яратӥсь агай пиез тӥрен вииз, узыр кулакъёс узатэмен.)
Кылбур, размер, ритм но рифма сярысь материалэз нылпиос верам бере, одно ӵектоно 
та ласянь "Мемиелы" кылбурзэ эскерыны. Нырысь ик пиналъёс люко чуръёсты 
стопаослы, собере размерзэ верало; нылпиос шугъясько ке, дышетӥсь ачиз вера:
Малы/-о тон,/ меми/е,
Брат ку/лэмысь/ кайгыр/код?
Кытчы/ быриз/ Сеня/е?
Чик дуг/дытэк/ шуи/ськод.
Та луэ ньыль стопаем ямб, но берло чурез уретэмын, соин куинетӥ стопаысь 
ударение выже берпуметӥ уретэм ударной слоге. 
Берпуметӥ слогзэ неполной, вакчиятэм слог шуэммы луоз. 
Рифмаосыз сярысь ке верано, соос озьы ик сурамын, огкадь уг радъясько: тямыс 
строфаос пӧлысь куатяз рифмаосыз кеӵевыл (кечат-вамат), яке перекрёстной луо 
(абаб). Кыказ нош артысь рифмаос, яке смежной, луо (аабб). Шедьтэ но вералэ 
отысь рифмаосын строфаоссэ (3 но 4-тӥ стофаосты нылпиос шедьто). Кыӵеосыз 
рифмаос та кылбурын ӧвӧл? (Ӧвӧл кульчо рифма. Но сыӵезэ шедьтом К.Гердлэн 
кылбуръёсысьтыз.)
Кыкетӥ уроклэн пумаз нылпиос вераны кулэ учебниклэн 41 бамысьтыз юанъёслы но 
ужъёслы. 
Та кык урокъёс пӧлысь одӥгез ортче литература теорилы висъям урокъёс чотын. 
Пумаз дышетӥсь дэмла быдэсак Д.Майоровлэн кылбур сборникеныз тодматскыны, вань 
ке со школаын яке библиотекаын, мултэс уз луы куд-ог кылбуръёссэ ӟуч кылын но 
лыдӟыны "Стихи удмуртских поэтов" антологияя (1957).
1